ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠨᠡᠶᠢᠭᠡᠮ ᠰᠡᠳᠬᠦᠯ
ᠭᠦᠴᠢᠷ  ᠵᠤᠪᠠᠭᠤᠷᠢᠲᠠᠢ ᠠᠮᠢᠳᠤᠷᠠᠯ ᠢ ᠲᠤᠭᠤᠯᠵᠤ ᠭᠦᠮᠤᠨ ᠤ ᠶᠢᠷᠳᠢᠡᠴᠦ ᠶᠢᠨ ᠬᠠᠯᠠᠭᠤᠨ ᠬᠦᠢᠳᠡᠨ ᠢ ᠤᠬᠠᠭᠠᠷᠠᠵᠤ ᠮᠤᠩᠭᠤᠯ  ᠠᠨᠠᠭᠠᠬᠤ  ᠤᠬᠠᠭᠠᠨ   ᠤ  ᠡᠷᠳᠡᠮ  ᠢ  ᠬᠦᠨ  ᠰᠤᠳᠤᠯᠵᠤ  ᠠᠷᠠᠳ ᠲᠦᠮᠡᠨ  ᠳᠤ  ᠪᠤᠶᠠᠨ  ᠦᠢᠯᠡᠣᠪᠡᠢ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2025/3/26
          ᠳ᠋ᠠᠢ ᠪᠠᠶᠢᠭᠤᠯ  ᠵᠤᠬᠢᠶᠠᠪᠠ           ᠬᠢᠶᠠᠨ ᠤᠷᠴᠢᠭᠤᠯᠪᠠ ᠦᠵᠠᠰᠭᠦᠯᠠᠩ ᠰᠠᠶᠢᠬᠠᠨ᠂ ᠦᠷᠭᠡᠨ ᠠᠭᠤᠳᠠᠮ᠂ ᠷᠢᠳᠢ ᠰᠢᠳᠢ ᠲᠠᠢ ᠬᠤᠷᠴᠢᠨ ᠨᠤᠳᠤᠭ ᠦᠷᠯᠦᠭᠡ ᠶᠢᠨ ᠤᠨᠢᠶᠠᠷ  ᠯᠤᠭ᠎ᠠ ᠨᠤᠶᠢᠷ ᠠᠴᠠ  ᠰᠡᠷᠡᠵᠦ᠂ ᠠᠯᠳᠠᠨ ᠰᠢᠷᠭᠠᠯ ᠨᠠᠷᠠᠨ ᠤ ᠢᠯᠴᠢ ᠶᠢ ᠰᠢᠩᠭᠡᠭᠡᠵᠤ᠂ ᠦᠳᠡᠰᠢ ᠶᠢᠨ ᠲᠤᠯᠤᠩ ᠤᠨ ᠲᠤᠶᠠᠭᠠᠯᠠᠯ ᠲᠤᠤᠷ᠎ᠠ ᠤᠨ ᠵᠢᠯ ᠡᠭᠡᠯᠵᠢᠯᠡᠵᠤ᠂ ᠲᠦᠮᠠᠨ ᠪᠤᠳᠠᠰ ᠢ ᠲᠦᠯᠵᠢᠭᠦᠯᠦᠨᠡᠮ᠃ ᠲᠠᠯ᠎ᠠ ᠶᠢᠨ ᠦᠷᠤᠴᠠᠨ    ᠳᠤ ᠤᠶᠠᠬᠠᠨ ᠢᠷᠠᠭᠤ  ᠡᠭᠡᠰᠢᠭᠯᠡᠩᠲᠦ ᠮᠤᠷᠢᠨ ᠬᠤᠭᠤᠷ ᠤᠨ ᠠᠶ᠎ᠠ    ᠰᠣᠨᠤᠷ ᠢ ᠮᠢᠯᠢᠶᠠᠨ᠎ᠠ᠃  ᠴᠦᠷᠭᠡᠯᠡᠭᠰᠡᠨ ᠶᠡᠭᠡ ᠭᠢᠩᠭᠠᠨ ᠲᠠᠪᠠᠭ᠎ᠠ ᠶᠢᠨ ᠡᠮᠤᠨ᠎ᠠ  ᠬᠤᠷᠮᠤᠢ ᠶᠢᠨ ᠠᠭᠤᠯᠠ ᠨᠢᠷᠤᠭᠤ ᠶᠢᠨ ᠲᠤᠮᠳᠠ ᠤᠢ ᠮᠤᠳᠤ ᠪᠠᠷ ᠪᠦᠷᠭᠦᠭᠳᠡᠭᠰᠡᠨ ᠬᠠᠨ ᠠᠭᠤᠯᠠ ᠶᠢᠨ ᠬᠤᠷᠮᠤᠢ ᠳᠤ  ᠤᠷᠤᠰᠬᠠᠯ ᠭᠤᠷᠤᠬ᠎ᠠ ᠨᠠᠶᠢᠯᠠᠯᠳᠤᠨ ᠲᠤᠩᠭᠠᠯᠠᠭ  ᠰᠠᠶᠢᠬᠠᠨ ᠭᠤᠤᠯ ᠪᠤᠯᠳᠠᠭ᠂ ᠡᠨᠡ ᠭᠤᠤᠯ ᠢ ᠬᠤᠤᠯᠢᠨ ᠭᠤᠤᠯ ᠭᠡᠳᠡᠭ᠂ ᠬᠤᠤᠯᠢᠨ ᠭᠤᠤᠯ ᠲᠤᠷᠤᠨ᠎ᠠ ᠵᠦᠭ ᠮᠢᠷᠠᠯᠵᠠᠨ ᠤᠷᠤᠰᠤᠮᠤᠢ᠃ ᠬᠤᠤᠯᠢᠨ ᠭᠤᠤᠯ ᠤᠨ ᠲᠠᠡᠵᠢᠨ ᠲᠡᠭᠡᠷ᠎ᠠ ᠨᠢᠭᠡᠨ ᠭᠦᠮᠤᠨ ᠮᠠᠡᠳᠤᠬᠤ ᠨᠠᠷᠠ ᠶᠢ ᠤᠬᠳᠤᠨ ᠠᠯᠤᠰ ᠢ ᠰᠢᠷᠳᠡᠨ ᠡᠪᠦᠭᠡ ᠲᠡᠭᠡᠳᠤ ᠶᠢᠨ  ᠢᠶᠠᠨ ᠤᠯᠠ ᠮᠦᠷ ᠢ ᠮᠦᠷᠳᠡᠵᠤ ᠠᠨᠠᠭᠠᠬᠤ ᠤᠬᠠᠭᠠᠨ ᠤ ᠦᠨᠡᠨ ᠢ ᠡᠳᠤᠷᠵᠢᠨ ᠰᠦᠨᠢᠵᠢᠨ ᠬᠠᠶᠢᠨᠠᠮ᠃ ᠲᠠᠷᠠ ᠭᠦᠮᠤᠨ ᠪᠤᠯ ᠭᠦᠮᠤᠰ ᠲᠤ ︽ᠲᠠᠯ᠎ᠠ  ᠨᠤᠲᠤᠭ ᠤᠨ ᠬᠤᠪᠢᠯᠭᠠᠨ ᠡᠮᠴᠢ︾ ︽ᠪᠤᠷᠬᠠᠨ ᠡᠮᠴᠢ︾  ᠭᠡᠮᠡᠭᠳᠡᠭᠰᠡᠨ ᠸᠠᠩ ᠪᠦᠭᠡ ᠡᠮᠴᠢ  ᠪᠢᠯᠡ᠃ ᠸᠠᠩ ᠪᠦᠭᠡ ᠪᠤᠯ ᠠᠯᠳᠠᠷᠳᠤ ᠮᠤᠩᠭᠤᠯ ᠡᠮᠴᠢ ᠪᠤᠯᠬᠤ ᠪᠦᠭᠡᠳ  ᠤᠯᠤᠰ ᠤᠨ ᠲᠠᠰ ᠤᠨ ᠪᠤᠳᠠᠰ ᠤᠨ ᠪᠤᠰᠤ ᠰᠤᠶᠤᠯ ᠤᠨ ᠦᠪ ᠤᠨ ᠲᠦᠯᠦᠭᠡᠯᠡᠭᠴᠢ ᠲᠦᠷᠤᠯ ᠵᠦᠢᠯ ᠪᠤᠯᠬᠤ ︽ᠬᠤᠷᠴᠢᠨ ᠤ ᠮᠤᠩᠭᠤᠯ ᠡᠮ ᠤᠨ ᠤᠭᠢᠶᠠᠯᠭ᠎ᠠ  ᠪᠠᠷ ᠡᠮᠨᠡᠭᠦ ᠠᠷᠭ᠎ᠠ︾ ᠶᠢᠨ ᠤᠯᠠᠮᠵᠢᠯᠠᠬᠴᠢ ᠪᠠᠶᠢᠵᠤ᠂  ᠲᠡᠷᠡ ᠪᠠᠷ ᠤᠷᠢᠳ ᠬᠤᠵᠢᠳ《ᠰᠢᠨ᠎ᠠ ᠵᠠᠭᠤᠨ ᠤ ᠲᠤᠮᠳᠠᠳᠤ ᠤᠯᠤᠰ ᠤᠨ ᠡᠷᠢᠨ ᠵᠠᠭᠤᠨ ᠤ ᠰᠦᠭ ᠰᠦᠨᠡᠰᠤ —ᠰᠤᠨᠢᠨ  ᠮᠡᠳᠡᠭᠡᠨ ᠳᠤ ᠬᠢ ᠭᠦᠮᠤᠨ》  ︽ᠪᠦᠭᠦ ᠤᠯᠤᠰ ᠤᠨ ᠦᠡᠳᠤᠰᠤᠳᠠᠨ ᠤ ᠪᠦᠯᠭᠦᠮᠳᠠᠯ ᠲᠠᠪᠰᠢᠯᠳᠠ ᠶᠢᠨ ᠵᠢᠱᠢᠶᠠᠴᠢ ᠬᠤᠪᠢ ᠭᠦᠮᠤᠨ︾   ︽ᠪᠦᠭᠦ ᠤᠯᠤᠰ  ᠤᠨ ᠭᠦᠳᠡᠭᠡ ᠲᠤᠰᠬᠤᠨ ᠤ ᠰᠢᠯᠢᠳᠡᠭ ᠡᠮᠴᠢ︾ ︽ᠪᠦᠭᠦ ᠤᠯᠤᠰ ᠤᠨ ᠭᠦᠳᠡᠭᠡ ᠲᠤᠰᠬᠤᠨ ᠤ ᠬᠠᠮᠤᠭ ᠤᠨ  ᠰᠣᠳᠤᠨ ᠡᠮᠴᠢ︾   ︽ᠪᠦᠭᠦ ᠤᠯᠤᠰ ᠤᠨ ᠪᠤᠯᠪᠠᠰᠤᠨ ᠭᠡᠷ ᠪᠦᠯᠢ︾ ︽ᠲᠤᠮᠳᠠᠳᠤ ᠶᠢᠨ ᠨᠢᠭᠦᠯᠡᠰᠦᠩᠭᠦᠢ  ᠶᠢᠨ ᠦᠢᠯᠠᠰ  ᠲᠤ ᠲᠤᠪᠤᠶᠢᠮ᠎ᠠ ᠬᠤᠪᠢ ᠨᠡᠮᠡᠷᠢ ᠬᠠᠨᠳᠢᠪᠯᠠᠭᠰᠠᠨ ᠬᠤᠪᠢ ᠭᠦᠮᠤᠨ ︾ ᠵᠡᠷᠭᠡ ᠲᠦᠷᠤ ᠶᠢᠨ ᠲᠠᠰ ᠤᠨ 35 ᠢᠷᠠᠭᠤ ᠠᠯᠳᠠᠷ ᠢ  ᠭᠦᠷᠳᠡᠭᠰᠡᠨ ᠪᠠᠶᠢᠨ᠎ᠠ᠃  ᠸᠠᠩ ᠪᠦᠭᠡ ᠡᠮᠴᠢ ᠦᠷᠤᠰᠢᠶᠠᠩᠭᠦᠢ ᠰᠠᠳᠭᠢᠯ᠂ ᠮᠠᠷᠭᠡᠨ ᠡᠮᠴᠢᠯᠡᠭᠡ  ᠶᠢᠨ ᠮᠠᠷᠭᠡᠵᠢᠯ ᠢᠶᠠᠷ  ᠣᠯᠠᠨ  ᠡᠪᠡᠳᠴᠢᠲᠡᠨ ᠢ  ᠡᠮᠨᠡᠨ ᠵᠠᠰᠠᠵᠤ ᠡᠳᠡᠭᠡᠷᠡᠭᠦᠯᠦᠨ ᠠᠪᠤᠭᠠᠳ᠂ ᠬᠦᠮᠦᠨ ᠵᠤᠨ ᠳᠤ ᠪᠤᠶᠠᠨ ᠭᠢᠵᠤ᠂ ᠬᠠᠪᠢ ᠦᠢᠷ᠎ᠠ ᠶᠢᠨ ᠬᠢᠨ ᠢᠶᠠᠨ ᠲᠤᠬᠳᠤᠯᠤᠭᠤᠯᠤᠬᠰᠠ ᠪᠠᠶᠢᠨ᠎ᠠ᠃ ᠨᠠᠷᠠᠳᠤ ᠡᠮᠴᠢ ᠳᠤ ᠱᠠᠪᠢ ᠤᠷᠤᠵᠤ ᠂ ᠡᠪᠠᠳᠴᠢᠨ ᠡᠮᠭᠡᠭ ᠢ   ᠵᠠᠰᠠᠵᠤ   ᠡᠳᠡᠭᠡᠷᠡᠭᠦᠯᠪᠡ ᠸᠠᠩ ᠪᠦᠭᠡ 1960 ᠤᠨ ᠳᠤ᠂ ᠦᠪᠤᠷ ᠮᠤᠩᠭᠤᠯ ᠤᠨ ᠦᠪᠠᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠤ ᠭᠢᠩᠭᠠᠨ ᠠᠶᠢᠮᠠᠭ ᠤᠨ ᠬᠤᠷᠴᠢᠨ ᠪᠠᠷᠠᠭᠤᠨ ᠭᠠᠷᠤᠨ ᠲᠤᠮᠳᠠᠳᠤ ᠬᠤᠰᠢᠭᠤ ᠶᠢᠨ ᠪᠠᠷᠠᠭᠤᠨ ᠵᠢᠷᠢᠮ ᠭᠠᠴᠠᠭ᠎ᠠ ᠶᠢᠨ ᠨᠢᠭᠡᠨ ᠶᠠᠳᠠᠭᠤ ᠠᠮᠢᠳᠤᠷᠠᠯ ᠲᠠᠢ ᠭᠡᠷ ᠪᠦᠯᠢ ᠳᠤ ᠵᠠᠶᠠᠭᠠᠪᠠ᠃ ᠲᠠᠷᠠ 8 ᠨᠠᠰᠤᠳᠠᠢ ᠦᠶ᠎ᠠ ᠳᠤ ᠲᠡᠭᠦᠨ ᠤ ᠠᠪᠤ ᠨᠢ  ᠲᠠᠬᠰᠢᠭᠤᠷ ᠲᠤ ᠨᠡᠷᠪᠡᠭᠳᠡᠭᠰᠡᠨ ᠳᠤ ᠠᠮᠢᠳᠤᠷᠠᠯ ᠭᠦᠴᠢᠷ ᠲᠠᠢ ᠠᠴᠠ ᠪᠤᠯᠵᠤ ᠡᠮᠴᠢ ᠵᠠᠯᠠᠵᠤ ᠡᠪᠠᠳᠴᠢᠨ ᠢ ᠨᠢ ᠦᠵᠡᠭᠦᠯᠵᠤ ᠲᠠᠶᠢᠯᠦᠭᠰᠡᠨ ᠦᠭᠡᠢ ᠪᠤᠶᠤ ᠴᠢᠨᠠᠭᠰᠢᠯᠠᠭᠠᠳ ᠡᠮ ᠵᠠᠯᠠᠵᠤ ᠤᠤᠭᠤᠯᠭᠠᠵᠤ ᠴᠤ ᠲᠠᠶᠢᠯᠦᠭᠰᠡᠨ ᠦᠭᠡᠢ ᠠᠴᠠ ᠪᠤᠯᠵᠤ ᠨᠠᠰᠤ ᠪᠠᠷᠠᠪᠠ᠃ ᠡᠨᠡ ᠶᠠᠪᠤᠳᠠᠯ ᠪᠠᠭ᠎ᠠ ᠨᠠᠰᠤᠨ ᠤ ᠸᠠᠩ ᠪᠦᠭᠡ ᠳᠤ ᠮᠠᠷᠳᠠᠬᠳᠠᠰᠢ ᠦᠭᠡᠢ ᠮᠦᠷᠳᠡᠭᠡᠨ ᠡᠳᠡᠭᠡᠷᠡᠰᠢ ᠦᠭᠡᠢ ᠰᠢᠷᠬ᠎ᠠ ᠰᠤᠷᠪᠢ ᠪᠤᠯᠤᠬᠰᠠᠨ ᠪᠠᠶᠢᠨ᠎ᠠ᠃ ᠲᠡᠭᠡᠭᠡᠳ ᠲᠠᠷᠠ ︽ᠰᠠᠶᠢᠨ ᠡᠮᠴᠢ ᠪᠤᠯᠵᠤ ᠪᠠᠶᠢᠭᠠᠳ ᠶᠠᠳᠠᠭᠤ ᠭᠦᠮᠤᠨ ᠢ ᠬᠠᠪᠰᠤᠷᠤᠨᠠᠮ︾  ᠬᠡᠵᠢ ᠠᠮᠠᠨ ᠲᠠᠩᠭᠠᠷᠢᠭ ᠭᠢᠭᠰᠡᠨ ᠪᠠᠶᠢᠨ᠎ᠠ᠃ ᠲᠠᠷᠠ 13 ᠨᠠᠰᠤᠳᠠᠢ  ᠳᠤ ᠪᠠᠨ ᠰᠠᠶᠢᠨ ᠭᠦᠮᠤᠨ ᠤ ᠲᠠᠨᠢᠯᠴᠠᠭᠤᠯᠭ᠎ᠠ ᠪᠠᠷ ᠲᠤᠬᠠᠢ ᠶᠢᠨ ᠭᠠᠵᠡᠷ  ᠲᠤ ᠪᠠᠨ ᠶᠡᠭᠡ ᠯᠠ ᠨᠠᠷ᠎ᠠ ᠲᠦᠷᠤ ᠲᠠᠢ ᠶᠠᠪᠤᠬᠤ ᠪᠠᠶᠢᠬᠰᠠᠨ ᠨᠠᠰᠤᠳᠠᠢ ᠯᠠᠮᠠ ᠪᠦᠷᠭᠦᠳᠰᠢᠪᠠᠭᠤ ᠶᠡᠭᠡ ᠪᠠᠭᠰᠢ ᠶᠢᠨ  ᠲᠤᠤᠷ᠎ᠠ ᠱᠠᠪᠢ ᠤᠷᠤᠵᠤ᠂ ᠠᠨᠠᠭᠠᠬᠤ ᠤᠬᠠᠭᠠᠨ ᠰᠤᠷᠴᠤ ᠰᠤᠳᠤᠯᠬᠤ ᠵᠠᠮ ᠢᠶᠠᠨ ᠡᠭᠢᠯᠡᠭᠦᠯᠦᠭᠰᠡᠨ ᠪᠠᠶᠢᠨ᠎ᠠ᠃ ᠡᠭᠦᠨ ᠠᠴᠠ ᠡᠭᠢᠯᠡᠭᠡᠳ ᠲᠠᠷᠠ ᠡᠳᠤᠷ ᠪᠦᠷᠢ 60 ᠢᠯᠡᠭᠦᠦ ᠭᠠᠵᠡᠷ ᠨᠠᠭᠠᠰᠢ ᠴᠠᠭᠠᠰᠢ ᠶᠠᠪᠠᠭᠠᠨ ᠶᠠᠪᠤᠵᠤ ᠵᠡᠭᠦᠦ ᠲᠦᠭᠡᠨᠡᠯᠭᠡ᠂ ᠢᠯᠢᠭᠦ ︵ᠮᠤᠩᠭᠤᠯ ᠡᠮᠨᠡᠯᠭᠡ ᠶᠢᠨ ᠤᠯᠠᠮᠵᠢᠯᠠᠯᠳᠤ ᠵᠠᠰᠠᠬᠤ ᠠᠷᠭ᠎ᠠ︶᠂  ᠮᠤᠩᠭᠤᠯ ᠡᠮ ᠤᠨ ᠢᠳᠠ ᠶᠢᠨ ᠤᠬᠠᠭᠠᠨ᠂ ︽ᠮᠤᠩᠭᠤᠯ ᠡᠮ ᠢ ᠵᠦᠪ ᠲᠠᠨᠢᠬᠤ ᠲᠤᠯᠢ︾  ︵ᠡᠭᠦᠨ ᠤ ᠪᠦᠭᠦᠯᠢ ᠨᠠᠷ᠎ᠠ  ᠨᠢ ᠨᠠᠢᠮᠠᠨ ᠲᠤᠶᠢᠨ ᠵᠠᠮᠪᠠᠯᠳᠤᠷᠵᠢ ᠶᠢᠨ ᠵᠤᠬᠢᠶᠠᠬᠰᠡᠨ 《 ᠠᠨᠠᠭᠠᠨ ᠤᠶᠢᠯᠠᠳᠦᠭᠴᠢ ᠷᠡᠰᠢᠶᠠᠨ ᠤ ᠨᠢᠭᠤᠷ ᠢ ᠠᠳᠠᠭᠦᠷᠡᠯ ᠦᠭᠡᠢ ᠲᠠᠨᠢᠨ ᠪᠠᠷᠢᠬᠤ ᠤᠷᠠᠯᠠᠬᠤ ᠤᠬᠠᠭᠠᠨ ᠤ ᠲᠤᠯᠢᠨ ᠳᠤᠷ ᠲᠦᠷᠢ ᠲᠤᠳᠤᠷᠠᠭᠤᠯᠤᠬᠰᠠᠨ ᠭᠠᠶᠢᠬᠠᠮᠰᠢᠬᠳᠤ  ᠦᠵᠠᠰᠬᠦᠯᠡᠩᠳᠤ ᠨᠢᠳᠤᠨ ᠴᠢᠮᠡᠭ 》᠂ ᠲᠤᠪᠴᠢ ᠨᠠᠷ᠎ᠠ  ᠨᠢ  《 ᠦᠵᠡᠰᠭᠦᠯᠡᠩᠳᠦ ᠨᠢᠳᠤᠨ ᠴᠢᠮᠡᠭ  》︶᠂《 ᠠᠨᠠᠭᠠᠬᠤ ᠤᠬᠠᠭᠠᠨ ᠤ ᠲᠦᠷᠪᠠᠨ ᠦᠡᠳᠤᠰᠤ 》《 ᠰᠤᠳᠠᠯ ᠪᠠᠷᠢᠵᠤ ᠤᠨᠤᠰᠢᠯᠠᠬᠤ ᠲᠦᠢᠮᠤ 》ᠵᠡᠷᠭᠡ ᠠᠨᠠᠭᠠᠬᠤ ᠤᠬᠭᠠᠨ ᠤ ᠤᠨᠤᠯ᠂ ᠮᠤᠩᠭᠤᠯ ᠡᠮᠨᠡᠯᠭᠡ ᠶᠢᠨ ᠲᠠᠪᠤᠨ ᠵᠠᠰᠠᠯ ᠪᠠ ᠮᠤᠩᠭᠤᠯ ᠠᠨᠠᠭᠠᠬᠤ ᠤᠬᠠᠭᠠᠨ ᠤ ᠭᠠᠯᠳᠤ ᠵᠡᠭᠦᠦ ᠶᠢᠨ ᠠᠷᠪᠠᠨ ᠠᠷᠭ᠎ᠠ ᠶᠢ ᠰᠢᠰᠲ᠋ᠧᠮ ᠲᠠᠢ ᠰᠤᠷᠤᠯᠴᠠᠬᠰᠠᠨ ᠪᠠᠶᠢᠨ᠎ᠠ᠃ ᠡᠨᠡ ᠶᠠᠪᠤᠴᠠ ᠳᠤ ᠸᠠᠩ ᠪᠦᠭᠡ ᠨᠤᠶᠢᠷ ᠬᠤᠭᠤᠯᠠ ᠦᠭᠡᠢ ᠰᠤᠷᠤᠯᠴᠠᠨ ᠰᠢᠷᠭᠠᠭᠤ ᠰᠤᠳᠤᠯᠵᠤ ᠪᠠᠭᠰᠢ ᠶᠢᠨ ᠤᠯᠠᠮᠵᠢᠯᠠᠬᠰᠠᠨ ᠡᠮᠴᠢᠯᠡᠭᠡ ᠶᠢᠨ ᠮᠠᠷᠭᠡᠵᠢᠯ ᠤᠨ ᠨᠠᠷᠢᠨ ᠨᠢᠭᠤᠴᠠ ᠶᠢ ᠨᠠᠷᠢᠨ ᠨᠢᠮᠪᠠᠢ ᠦᠢᠯᠠᠭᠠᠵᠤ᠂ ᠮᠤᠩᠭᠤᠯ ᠡᠮᠨᠡᠯᠭᠡ᠂ ᠮᠤᠩᠭᠤᠯ ᠡᠮ ᠤᠨ ᠮᠠᠳᠡᠯᠭᠡ ᠶᠢ ᠨᠠᠪᠳᠡᠷᠭᠡᠢ ᠡᠵᠡᠮᠰᠢᠪᠠ᠃ ᠡᠮ ᠨᠠᠶᠢᠷᠠᠬᠤ ᠮᠠᠷᠭᠡᠵᠢᠯ ᠢ ᠨᠠᠪᠳᠡᠷᠭᠡᠢ ᠡᠵᠡᠮᠰᠢᠭᠦ ᠶᠢᠨ ᠲᠦᠯᠦᠭᠡ ᠸᠠᠩ ᠪᠦᠭᠡ ᠭᠡᠭᠡᠷ᠎ᠠ ᠭᠠᠷᠴᠤ ᠡᠮ ᠲᠡᠭᠦᠵᠤ ᠠᠪᠴᠢᠷᠠᠨ ᠮᠤᠩᠭᠤᠯ ᠡᠮ ᠨᠠᠶᠢᠷᠠᠵᠤ ᠦᠪᠠᠷ ᠢᠶᠠᠨ ᠤᠤᠭᠤᠵᠤ ᠡᠮ ᠤᠨ ᠦᠷ᠎ᠠ ᠪᠦᠳᠦᠮᠵᠢ ᠶᠢ ᠲᠠᠭᠢᠨ ᠲᠠᠪᠳᠠᠨ ᠲᠤᠷᠰᠢᠬᠰᠠᠨ ᠪᠠᠶᠢᠨ᠎ᠠ᠃ 1985 ᠤᠨ ᠳᠤ᠂ ᠸᠠᠩ ᠪᠦᠭᠡ ᠭᠦᠳᠡᠭᠡ ᠲᠤᠰᠬᠤᠨ ᠤ ᠡᠮᠴᠢ ᠶᠢᠨ ᠰᠢᠯᠭᠠᠯᠳᠠ ᠪᠠᠷ ᠲᠠᠮᠵᠢᠵᠤ᠂ ᠠᠶᠢᠯ  ᠳᠤ ᠪᠠᠨ ᠬᠠᠮᠤᠭ ᠤᠨ ᠲᠦᠷᠦᠭᠦᠦ ᠦᠨᠡᠮᠯᠡᠯ ᠲᠠᠢ ᠡᠮᠴᠢ ᠪᠤᠯᠤᠭᠠᠳ ︽ᠸᠠᠩ ᠪᠦᠭᠡ ᠶᠢᠨ ᠡᠮᠴᠢᠯᠡᠭᠡ ᠶᠢᠨ ᠭᠠᠵᠡᠷ︾ ᠪᠠᠶᠢᠭᠤᠯᠵᠤ᠂ ᠡᠮᠴᠢ ᠶᠢᠨ ᠠᠵᠢᠯ ᠢ ᠡᠭᠢᠯᠡᠨ ᠬᠢᠪᠡ᠃ 《ᠠᠯᠢᠪᠠ ᠪᠦᠭᠦᠨ ᠳᠤ ᠡᠭᠢᠯᠠᠯᠳᠠ  ᠨᠢ ᠭᠦᠴᠢᠷ》 ᠭᠡᠭᠴᠢ ᠪᠠᠷ᠂ ᠠᠩᠬ᠎ᠠ ᠡᠭᠢᠯᠠᠨ ᠡᠮᠴᠢᠯᠡᠭᠦ ᠦᠶ᠎ᠠ ᠳᠤ ᠸᠠᠩ ᠪᠦᠭᠡ  ᠨᠢᠭᠡ ᠳᠤ ᠡᠪᠠᠳᠴᠢᠨ ᠦᠵᠡᠭᠦ ᠭᠠᠵᠡᠷ ᠦᠭᠡᠢ᠂ ᠬᠤᠶᠡᠷ ᠲᠤ ᠮᠦᠩᠭᠦ ᠵᠤᠭᠤᠰ ᠦᠭᠡᠢ᠂ ᠭᠤᠷᠪᠠ ᠳᠤ ᠲᠦᠭᠦᠭᠡᠷᠤᠮᠵᠢ ᠦᠭᠡᠢ ᠪᠠᠶᠢᠪᠠ᠃ ᠲᠤᠬᠠᠢ  ᠶᠢᠨ ᠦᠶ᠎ᠠ ᠶᠢᠨ ᠪᠦᠭᠦ ᠦᠪ ᠭᠦᠷᠦᠩᠭᠡ  ᠨᠢ ᠭᠤᠷᠪᠠᠨ ᠲᠠᠰᠤᠯᠭ᠎ᠠ ᠪᠠᠶᠢᠰᠢᠩ᠂ ᠨᠢᠭᠡ ᠡᠯᠵᠢᠭᠡ᠂ ᠨᠢᠭᠡ ᠡᠮ ᠤᠨ ᠬᠠᠪᠯᠠᠭ᠎ᠠ᠂ ᠨᠢᠭᠡ ᠲᠠᠮᠤᠷ ᠲᠤᠭᠤᠭ᠎ᠠ᠂ ᠬᠤᠶᠡᠷ ᠬᠠᠭᠤᠴᠢᠨ《ᠠᠨ ᠨᠠᠢ ᠶᠢᠨ》 ᠤ   ᠯᠤᠩᠬᠤ᠂ ᠡᠭᠦᠷᠴᠤ ᠶᠠᠪᠤᠬᠤ ᠡᠮ ᠤᠨ ᠬᠠᠶᠢᠷᠴᠠᠭ ᠪᠠ ᠬᠠᠭᠤᠴᠢᠨ ᠲᠤᠭᠤᠢ ᠯᠠ ᠪᠠᠶᠢᠬᠰᠠ ᠶᠤᠮ᠃ ᠸᠠᠩ ᠪᠦᠭᠡ ᠡᠳᠡᠭᠡᠷ ᠪᠦᠳᠦᠭᠦᠯᠢᠭ ᠲᠦᠭᠦᠭᠡᠷᠤᠮᠵᠢ ᠳᠤ ᠲᠦᠰᠢᠭᠯᠡᠵᠤ᠂ ᠭᠦᠴᠢᠷ ᠪᠡᠷᠭᠡ ᠲᠠᠢ ᠤᠷᠴᠢᠨ ᠲᠤᠭᠤᠷᠢᠨ ᠢ ᠨᠢᠭᠡ ᠨᠢᠭᠡ ᠠᠯᠬᠤᠮ ᠢᠶᠠᠷ ᠲᠤᠭᠤᠯᠵᠤ ᠢᠷᠡᠭᠰᠡᠨ ᠤ ᠬᠠᠮᠳᠤ ᠡᠮᠴᠢᠯᠡᠭᠡ ᠶᠢᠨ ᠦᠢᠯᠡᠳᠤᠯᠭᠡ ᠲᠤᠮᠳᠠ ᠲᠤᠷᠰᠢᠯᠭ᠎ᠠ ᠪᠠᠨ ᠲᠠᠰᠤᠷᠠᠯᠳᠠ ᠦᠭᠡᠢ ᠳ᠋ᠦᠩᠨᠡᠵᠤ᠂ ᠤᠯᠠᠮᠵᠢᠯᠠᠯᠳᠤ ᠮᠤᠩᠭᠤᠯ ᠡᠮᠨᠡᠯᠭᠡ ᠶᠢᠨ ︽ᠰᠢᠡᠵᠢᠭᠦ ᠠᠰᠠᠭᠤᠬᠤ ᠰᠤᠳᠠᠯ ᠪᠠᠷᠢᠬᠤ︾ ᠤᠨᠤᠯ ᠢ ᠭᠦᠡᠵᠡᠭᠡᠢ ᠰᠤᠳᠤᠯᠤᠬᠰᠠᠨ ᠰᠠᠭᠤᠷᠢᠨ ᠲᠡᠭᠡᠷ᠎ᠠ ᠬᠤᠪᠢ ᠶᠢᠨ ᠡᠮᠴᠢᠯᠡᠭᠡ ᠶᠢᠨ ᠦᠢᠯᠡᠳᠤᠯᠭᠡ ᠲᠤᠮᠳᠠ ᠦᠪᠠᠷᠮᠢᠴᠠ ᠤᠡᠴᠠᠯᠢᠭ ᠲᠠᠢ ︽ᠰᠢᠡᠵᠢᠭᠦ ᠠᠰᠠᠭᠤᠬᠤ ᠤᠨᠤᠭᠠᠬᠤ︾ ᠤᠨᠤᠰᠢᠯᠠᠬᠤ ᠠᠷᠭ᠎ᠠ ᠶᠢ  ᠡᠭᠦᠳᠦᠭᠰᠡᠨ ᠪᠠᠶᠢᠨ᠎ᠠ᠃《 ᠴᠢᠷᠮᠠᠶᠢᠯᠭ᠎ᠠ ᠭᠦᠮᠤᠨ ᠢ ᠭᠤᠮᠤᠳᠠᠭᠠᠬᠤ ᠦᠭᠡᠢ》 ᠭᠡᠭᠴᠢ ᠪᠠᠷ᠂ ᠤᠯᠠᠨ ᠵᠢᠯ ᠤᠨ ᠰᠢᠷᠭᠠᠭᠤ ᠬᠠᠳᠠᠭᠤᠵᠢᠯᠳᠠᠢ ᠴᠢᠷᠮᠠᠶᠢᠯᠭ᠎ᠠ ᠠᠵᠤ ᠦᠢᠯᠠᠰ ᠤᠨ ᠦᠷᠨᠢᠭᠦᠨ ᠭᠦᠭᠵᠢᠯᠳᠠ ᠶᠢ ᠤᠬᠳᠤᠨ ᠠᠪᠴᠢᠷᠠᠬᠰᠠᠨ ᠪᠠᠶᠢᠨ᠎ᠠ᠃ 2017 ᠤᠨ  ᠳᠤ᠂ ᠲᠡᠭᠡᠳᠤ ᠱᠠᠳᠤᠨ ᠤ ᠲᠤᠬᠠᠶᠢᠯᠠᠬᠰᠠᠨ ᠠᠵᠢᠯ ᠤᠨ ᠰᠠᠯᠠᠭ᠎ᠠ ᠮᠦᠴᠢᠷ ᠤᠨ ᠵᠦᠪᠰᠢᠶᠠᠷᠠᠯ ᠢᠶᠠᠷ ︽ᠸᠠᠩ ᠪᠦᠭᠡ  ᠶᠢᠨ ᠡᠮᠴᠢᠯᠡᠭᠡ ᠶᠢᠨ ᠭᠠᠵᠡᠷ︾ ᠢ  ︽ᠸᠠᠩ ᠪᠦᠭᠡ ᠶᠢᠨ ᠮᠤᠩᠭᠤᠯ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶ᠎ᠠ︾  ᠪᠤᠯᠭᠠᠪᠠ᠃ 2020 ᠤᠨ ᠳᠤ᠂ 27000  ᠺᠦᠸᠠᠳ᠋ ᠮᠧᠲᠷ ᠲᠠᠯᠠᠪᠠᠢ ᠲᠠᠢ ᠸᠠᠩ ᠪᠦᠭᠡ ᠶᠢᠨ ᠬᠤᠷᠴᠢᠨ ᠤ ᠮᠤᠩᠭᠤᠯ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶ᠎ᠠ ᠶᠢᠨ ᠶᠠᠷᠤᠩᠭᠡᠶᠢᠯᠡᠭᠰᠡᠨ ᠠᠰᠠᠷ ᠢ ᠦᠷᠭᠡᠳᠭᠡᠨ ᠪᠠᠶᠢᠭᠤᠯᠵᠤ᠂ ᠮᠤᠩᠭᠤᠯ ᠡᠮ ᠨᠠᠶᠢᠷᠠᠬᠤ ᠲᠠᠰᠤᠭ  ᠨᠢ 2500   ᠺᠦᠸᠠᠳ᠋ ᠮᠧᠲᠷ ᠭᠦᠷᠪᠠ᠃ ᠡᠮ ᠤᠨ ᠤᠬᠢᠶᠠᠯᠭ᠎ᠠ ᠶᠢᠨ ᠲᠠᠰᠤᠭ᠂ ᠹᠢᠽᠢᠺ ᠤᠨ ᠵᠠᠰᠠᠯ  ᠤᠨ ᠲᠠᠰᠤᠭ᠂ ᠭᠦᠯᠦᠷᠡᠭᠦᠯᠭᠦ ᠲᠠᠰᠤᠭ  ᠵᠡᠷᠭᠡ ᠨᠢ 8000  ᠺᠦᠸᠠᠳ᠋ ᠮᠧᠲᠷ ᠭᠦᠷᠴᠤ᠂ ᠨᠢᠭᠡ ᠤᠳᠠᠭ᠎ᠠ ᠳᠤ 500  ᠭᠦᠮᠤᠨ ᠡᠮ ᠤᠨ ᠤᠭᠢᠶᠠᠯᠭ᠎ᠠ ᠭᠢᠵᠤ᠂ ᠡᠳᠤᠷ ᠲᠤ 6 ᠤᠳᠠᠭ᠎ᠠ ᠡᠮ ᠤᠨ ᠤᠬᠢᠶᠠᠯᠭ᠎ᠠ ᠭᠢᠭᠦ ᠪᠦᠭᠡᠳ ᠤᠳᠠᠭ᠎ᠠ ᠪᠦᠷᠢ ᠳᠤ 8—14  ᠮᠢᠨᠦ᠋ᠲ ᠪᠤᠯᠤᠨ᠎ᠠ᠃ ᠡᠮᠨᠡᠯᠭᠡ ᠳᠤ ᠰᠠᠭᠤᠵᠤ ᠡᠮᠨᠡᠭᠦᠯᠭᠦ ᠭᠠᠵᠡᠷ  ᠨᠢ 800  ᠭᠦᠮᠤᠨ  ᠢ ᠪᠠᠭᠲᠠᠭᠠᠬᠤ ᠠᠵᠢ᠃  ᠡᠶᠢᠨ ᠬᠦ᠂ ᠦᠷᠭᠡᠳᠭᠡᠨ ᠪᠠᠶᠢᠭᠤᠯᠤᠭᠠᠳ ᠡᠮᠨᠡᠯᠭᠡ ᠶᠢᠨ ᠨᠦᠭᠦᠴᠠᠯ ᠢ ᠦᠡᠳᠤᠰᠤᠨ ᠠᠴᠠ ᠨᠢ ᠰᠠᠶᠢᠵᠢᠷᠠᠭᠤᠯᠵᠤ᠂ ᠡᠪᠠᠳᠴᠢᠳᠠᠨ ᠳᠤ ᠤᠯᠠᠮ ᠰᠠᠶᠢᠨ ᠡᠮᠨᠡᠭᠦᠯᠭᠦ ᠤᠷᠴᠢᠨ ᠲᠤᠭᠤᠷᠢᠨ ᠢ ᠬᠠᠩᠭᠠᠬᠤ ᠪᠤᠯᠤᠬᠰᠠᠨ ᠠᠴᠠ ᠵᠢᠯ ᠤᠨ ᠲᠦᠷᠪᠠᠨ ᠤᠯᠠᠷᠢᠯ ᠳᠤ ᠡᠮ ᠤᠨ ᠤᠭᠢᠶᠠᠯᠭ᠎ᠠ᠂  ᠭᠦᠯᠦᠷᠡᠭᠦᠯᠭᠦ ᠪᠠ ᠪᠤᠰᠤᠳ ᠡᠮᠴᠢᠯᠡᠭᠡ ᠶᠢᠨ ᠵᠠᠰᠠᠯ ᠢ ᠭᠢᠵᠤ  ᠴᠢᠳᠠᠬᠤ ᠪᠤᠯᠤᠬᠰᠠᠨ ᠪᠤᠯᠬᠤᠷ ᠨᠠᠷ᠎ᠠ ᠲᠦᠷᠤ ᠶᠢ ᠨᠢ ᠰᠤᠨᠤᠰᠤᠭᠠᠳ ᠡᠪᠠᠳᠴᠢᠳᠠᠨ ᠲᠠᠰᠤᠷᠠᠯᠳᠠ ᠦᠭᠡᠢ ᠢᠷᠡᠭᠦ ᠪᠤᠯᠤᠬᠰᠠᠨ ᠪᠠᠶᠢᠨ᠎ᠠ᠃ ᠲᠡᠭᠦᠨ ᠤ ᠡᠮ ᠨᠠᠶᠢᠷᠠᠬᠤ ᠲᠠᠰᠤᠭ ᠤᠯᠤᠰ ᠤᠨ ᠵᠦᠪᠰᠢᠶᠠᠷᠡᠭᠰᠡᠨ 56 ᠮᠤᠩᠭᠤᠯ ᠪᠠᠯᠠᠨ ᠡᠮ ᠢ ᠦᠢᠯᠡᠳᠪᠤᠷᠢᠯᠠᠵᠤ  ᠴᠢᠳᠠᠬᠤ ᠪᠤᠯᠵᠤ᠂ ᠵᠢᠯ ᠳᠤ 150 ᠲᠤᠨ ᠮᠤᠩᠭᠤᠯ ᠪᠠᠯᠠᠨ ᠡᠮ ᠦᠢᠯᠡᠳᠪᠤᠷᠢᠯᠡᠭᠦ ᠪᠤᠯᠪᠠ᠃ ᠡᠨᠡ ᠡᠮ ᠢᠶᠠᠨ ᠪᠦᠷ ᠲᠤᠰ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶ᠎ᠠ ᠶᠢᠨ ᠡᠮᠴᠢᠯᠡᠭᠡ ᠳᠤ ᠭᠡᠷᠡᠭᠯᠡᠵᠤ ᠪᠠᠶᠢᠨ᠎ᠠ᠃ ᠸᠠᠩ ᠪᠦᠭᠡ ᠡᠮᠴᠢᠯᠡᠭᠦ ᠶᠠᠪᠤᠴᠠ ᠳᠤ ᠪᠠᠨ ᠪᠠᠶ᠎ᠠ ᠰᠠᠳᠭᠢᠯ ᠤᠨ ᠡᠷᠡᠭᠦᠯ ᠴᠢᠭᠢᠷᠠᠭ ᠪᠤᠯ ᠰᠠᠶ᠋ᠢ ᠵᠢᠩᠭᠢᠨᠢ ᠡᠷᠡᠭᠦᠯ ᠴᠢᠭᠢᠷᠠᠭ ᠪᠤᠯᠤᠨ᠎ᠠ ᠭᠡᠳᠡᠭ ᠢ ᠰᠠᠳᠭᠢᠯ ᠤᠨ ᠤᠭ ᠠᠴᠠ ᠪᠠᠨ ᠤᠬᠠᠭᠠᠷᠠᠵᠤ ᠮᠠᠳᠠᠪᠠ᠃ ᠤᠳᠤ ᠶᠢᠨ ᠭᠦᠮᠤᠨ ᠤ ᠪᠠᠶ᠎ᠠ  ᠶᠢᠨ ᠡᠷᠡᠭᠦᠯ ᠴᠢᠭᠢᠷᠠᠭ ᠢ ᠪᠠᠳᠤᠯᠠᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠢ᠂ ᠤᠶᠤᠨ ᠰᠠᠨᠠᠭᠠᠨ ᠤ ᠭᠦᠮᠤᠵᠢᠯ᠂ ᠮᠠᠳᠡᠯᠭᠡ ᠶᠢᠨ ᠭᠡᠪᠴᠢᠶ᠎ᠠ ᠶᠢ  ᠥᠷᠭᠡᠳᠭᠡᠬᠦ ᠨᠢ ᠨᠠᠩ ᠴᠢᠬᠤᠯᠠ ᠪᠤᠯᠬᠤ ᠪᠤᠯᠬᠤᠷ ᠤᠯᠠᠮᠵᠢᠯᠠᠯᠳᠤ ᠰᠤᠶᠤᠯ ᠢᠶᠠᠨ ᠰᠤᠷᠤᠯᠴᠠᠨ ᠡᠵᠡᠮᠰᠢᠭᠦ ᠭᠡᠷᠡᠭᠳᠡᠢ ᠭᠡᠳᠡᠭ ᠢ ᠲᠠᠷᠠ ᠭᠦᠡᠵᠡᠭᠡᠢ ᠲᠠᠨᠢᠬᠰᠡᠨ ᠪᠠᠶᠢᠨ᠎ᠠ᠃ ᠤᠴᠢᠷ ᠨᠢ᠂ ᠰᠤᠶᠤᠯ ᠪᠤᠯ ᠨᠢᠭᠡ ᠭᠦᠮᠤᠨ  ᠤ ᠭᠡᠪ ᠪᠤᠯᠪᠠᠰᠤᠷᠠᠯ ᠪᠤᠯᠤᠨ᠎ᠠ᠂ ᠮᠦᠨ ᠨᠢᠭᠡ ᠦᠡᠳᠤᠰᠤᠳᠠᠨ ᠤ ᠰᠦᠭ ᠰᠦᠨᠡᠰᠤ ᠪᠤᠯᠤᠨ᠎ᠠ᠂ ᠠᠳᠠᠯᠢ ᠪᠠᠷ ᠤᠯᠤᠰ ᠤᠷᠤᠨ ᠤ ᠰᠠᠭᠤᠷᠢ ᠪᠠ ᠭᠦᠰᠡᠯ ᠡᠷᠡᠮᠠᠯᠵᠠᠯ ᠪᠤᠯᠤᠨ᠎ᠠ᠃ ᠡᠶᠢᠮᠤ ᠠᠴᠠ ᠸᠠᠩ ᠪᠦᠭᠡ ᠤᠷᠠᠨ ᠰᠠᠶᠢᠬᠠᠨ ᠤ ᠪᠠᠭ ᠪᠠᠶᠢᠭᠤᠯᠵᠤ᠂ ᠬᠤᠭᠤᠴᠠᠭ᠎ᠠ ᠪᠤᠯᠵᠤᠨ ᠡᠪᠠᠳᠴᠢᠳᠠᠨ ᠪᠠ ᠲᠤᠬᠠᠢ ᠶᠢᠨ ᠭᠠᠵᠡᠷ ᠤᠨ ᠤᠯᠠᠨ ᠲᠦᠮᠠᠨ ᠳᠤ ᠲᠤᠬᠯᠠᠯᠳᠠ ᠭᠠᠷᠭᠠᠨ ᠦᠵᠡᠭᠦᠯᠵᠤ᠂ ᠰᠤᠶᠤᠯ ᠵᠤᠭ᠎ᠠ ᠴᠠᠩᠭᠡᠯ ᠤᠨ ᠠᠮᠢᠳᠤᠷᠠᠯ ᠢ ᠪᠠᠶᠠᠯᠢᠭ ᠪᠤᠯᠭᠠᠬᠰᠠᠨ ᠪᠠᠶᠢᠨ᠎ᠠ᠃ ᠡᠭᠦᠨ ᠤ ᠬᠠᠮᠳᠤ 3000 ᠲᠦᠮᠡᠨ ᠲᠦᠭᠦᠷᠢᠭ ᠵᠠᠷᠤᠴᠠᠭᠤᠯᠵᠤ ᠮᠤᠩᠭᠤᠯ ᠡᠮ ᠡᠮᠨᠡᠯᠭᠡ ᠶᠢᠨ ᠲᠠᠤᠭᠡ ᠰᠤᠶᠤᠯ᠂ ᠤᠯᠤᠰ ᠤᠨ ᠪᠤᠳᠠᠰ ᠤᠨ ᠪᠤᠰᠤ ᠰᠤᠶᠤᠯ ᠤᠨ ᠦᠪ ᠤᠨ  ︽  ᠬᠤᠷᠴᠢᠨ ᠤ ᠮᠤᠩᠭᠤᠯ ᠡᠮᠨᠡᠯᠭᠡ ᠶᠢᠨ ᠡᠮ ᠤᠨ ᠤᠭᠢᠶᠠᠯᠭ᠎ᠠ︾ ᠂ ᠮᠤᠩᠭᠤᠯ ᠡᠮ ᠡᠮᠨᠡᠯᠭᠡ ᠶᠢᠨ  ᠬᠠᠭᠤᠴᠢᠰ᠂ ᠬᠤᠷᠴᠢᠨ ᠤ ᠨᠡᠭᠦᠳᠡᠯ ᠮᠠᠯᠵᠢᠯ ᠤᠨ ᠰᠤᠶᠤᠯ᠂ ᠬᠤᠷᠴᠢᠨ ᠤ ᠲᠠᠷᠢᠶᠠᠯᠠᠩ ᠤᠨ ᠰᠤᠶᠤᠯ᠂ ᠤᠡᠴᠠᠯᠢᠬᠳᠤ ᠮᠤᠩᠭᠤᠯ ᠡᠮ᠂ ᠲᠠᠤᠭᠡᠨ ᠲᠡᠭᠡᠷᠡᠭᠢ ᠮᠤᠩᠭᠤᠯ ᠡᠮ ᠤᠨ ᠠᠯᠳᠠᠷᠳᠤ ᠡᠷᠳᠡᠮᠳᠠᠨ ᠤ ᠰᠤᠳᠤᠷ ᠪᠢᠴᠢᠭ ᠤᠨ ᠬᠠᠳᠠᠭᠠᠯᠠᠮᠵᠢ ᠵᠡᠷᠭᠡ ᠶᠢᠨ ᠦᠵᠡᠭᠦᠯᠦᠯᠭᠡ ᠶᠢ ᠨᠢᠭᠡ ᠴᠤᠬᠴᠠᠵᠢᠭᠤᠯᠤᠬᠰᠠᠨ ︽ᠬᠤᠷᠴᠢᠨ ᠤ ᠮᠤᠩᠭᠤᠯ ᠡᠮ ᠡᠮᠨᠡᠯᠭᠡ︾ ᠶᠢᠨ ᠮᠦᠽᠸᠢ ᠶᠢ  ᠪᠠᠶᠢᠭᠤᠯᠵᠤ᠂ ᠶᠠᠷᠤᠩᠭᠡᠢ ᠲᠠᠯᠠᠪᠠᠢ  ᠨᠢ 9000   ᠺᠦᠸᠠᠳ᠋ ᠮᠧᠲᠷ ᠭᠦᠷᠴᠤ᠂ ᠮᠤᠩᠭᠤᠯ ᠡᠮ ᠡᠮᠨᠡᠯᠭᠡ ᠶᠢᠨ ᠤᠬᠠᠭᠠᠨ ᠢ ᠪᠦᠭᠦ ᠲᠠᠯ᠎ᠠ ᠪᠠᠷ ᠤᠯᠠᠮᠵᠢᠯᠠᠬᠤ᠂ ᠭᠦᠡᠵᠡᠭᠡᠢ ᠰᠤᠳᠤᠯᠬᠤ᠂ ᠴᠢᠨᠡᠷ ᠰᠠᠶᠢᠳᠠᠢ ᠭᠦᠭᠵᠢᠭᠦᠯᠭᠦ ᠳᠤ ᠰᠠᠶᠢᠨ ᠰᠠᠶᠢᠬᠠᠨ ᠰᠠᠭᠤᠷᠢ ᠶᠢ ᠲᠠᠯᠪᠢᠵᠤ ᠦᠭᠭᠦᠭᠰᠡᠨ ᠪᠠᠶᠢᠨ᠎ᠠ᠃ ᠦᠭᠭᠢᠶᠠᠮᠤᠷ ᠰᠠᠳᠬᠢᠯ ᠢ ᠡᠪᠤᠷᠯᠠᠵᠤ ᠡᠪᠡᠳᠴᠢᠳᠡᠨ ᠢ ᠦᠪᠡᠷ ᠤᠨ ᠲᠤᠳᠤᠨᠤ ᠬᠦᠮᠤᠨ ᠢᠶᠠᠷ  ᠦᠵᠡᠪᠡ ᠲᠠᠶᠠᠩ ᠲᠡᠯᠡᠭᠡᠢ ᠳᠤ ᠮᠤᠷᠠᠯ ᠢ ᠡᠷᠭᠢᠮᠯᠡᠵᠤ᠂ ᠡᠮᠴᠢ ᠭᠦᠮᠤᠨ ᠠᠮᠢ ᠨᠠᠰᠤ ᠶᠢ ᠡᠷᠭᠢᠮ ᠲᠡᠭᠡᠳᠤ ᠪᠤᠯᠭᠠᠨᠠᠮ᠃ ᠸᠠᠩ ᠪᠦᠭᠡ ᠤᠯᠠᠮᠵᠢᠯᠠᠯᠳᠤ ᠠᠨᠠᠭᠠᠬᠤ ᠤᠬᠠᠭᠠᠨ ᠤ ᠡᠮᠴᠢᠯᠡᠭᠡ ᠶᠢᠨ ᠠᠷᠭ᠎ᠠ ᠪᠠᠷ ᠡᠪᠠᠳᠴᠢᠳᠠᠨ ᠢ ᠡᠮᠨᠡᠨ ᠵᠠᠰᠠᠬᠤ   ᠳᠤ ᠪᠠᠨ ᠮᠠᠷᠭᠡᠰᠢᠵᠤ᠂ ᠰᠤᠳᠠᠯ ᠪᠠᠷᠢᠬᠤ᠂ ᠴᠢᠷᠠᠢ ᠶᠢᠨ ᠦᠩᠭᠡ ᠶᠢ ᠰᠢᠡᠵᠢᠭᠦ᠂ ᠪᠠᠶᠢᠳᠠᠯ ᠢ ᠠᠰᠠᠭᠤᠵᠤ ᠯᠠᠪᠯᠠᠬᠤ ᠵᠡᠷᠭᠡ ᠪᠠᠷ ᠡᠪᠠᠳᠴᠢᠳᠠᠠ ᠤ ᠡᠪᠡᠳᠴᠢᠨ ᠡᠮᠭᠡᠭ ᠢ ᠤᠨᠤᠰᠢᠯᠠᠨ ᠲᠤᠳᠤᠯᠠᠬᠤ ᠢᠶᠠᠨ ᠲᠠᠭᠠᠤ ᠵᠡᠭᠦᠦ ᠲᠦᠭᠡᠨᠡᠯᠭᠡ᠂ ᠡᠮ ᠤᠨ ᠤᠭᠢᠶᠠᠯᠭ᠎ᠠ᠂ ᠢᠯᠢᠭᠦ᠂ ᠰᠤᠷᠤᠭᠤᠯ ᠲᠠᠯᠪᠢᠬᠤ᠂ ᠭᠢᠳᠡᠳ ᠮᠤᠩᠭᠤᠯ ᠡᠮ ᠢ ᠤᠶᠠᠯᠳᠤᠭᠤᠯᠬᠤ ᠵᠡᠷᠭᠡ ᠪᠠᠷ ᠶᠠᠷᠤᠩᠭᠡᠶᠢᠯᠠᠠ ᠡᠮᠨᠡᠳᠡᠭ᠂ ᠡᠯᠢᠭᠡ᠂ ᠬᠤᠳᠤᠭᠤᠳᠤ᠂ ᠠᠭᠤᠰᠭᠢ᠂ ᠭᠡᠷᠡᠭᠦᠯᠢᠭ᠂ ᠠᠷᠠᠰᠤ ᠶᠢᠨ ᠡᠪᠠᠳᠴᠢᠨ ᠵᠢᠴᠢ ᠭᠦᠢᠳᠠᠠ ᠤᠷᠤᠨ ᠳᠤ ᠪᠠᠶᠢᠡᠭᠭᠤ ᠲᠤᠭᠢᠶᠠᠯᠳᠤᠳᠠᠭ ᠡᠪᠠᠳᠴᠢᠨ ᠢ ᠡᠮᠨᠡᠭᠦ ᠳᠤ ᠦᠪᠠᠷᠮᠢᠴᠠ ᠵᠠᠰᠠᠯ ᠤᠨ ᠠᠷᠭ᠎ᠠ ᠶᠢ ᠭᠡᠷᠡᠭᠯᠡᠳᠡᠭ᠃ ᠵᠠᠷᠢᠮ ᠤᠡᠴᠠᠭᠠᠢ ᠡᠪᠠᠳᠴᠢᠳᠠᠨ ᠳᠤ ᠬᠤᠪᠢ ᠶᠢᠨ ᠦᠪᠠᠷᠮᠢᠴᠠ ᠤᠡᠴᠠᠯᠢᠭ ᠲᠠᠢ ︽ᠨᠢᠭᠡ ᠭᠦᠮᠤᠨ ᠳᠤ ᠨᠢᠭᠡ ᠵᠤᠷ︾ ᠦᠭᠴᠤ ᠡᠮᠨᠡᠳᠡᠭ᠃  ᠤᠯᠠᠨ ᠵᠢᠯ ᠤᠨ ᠡᠮᠴᠢᠯᠡᠭᠦ ᠶᠠᠪᠤᠴᠠ ᠳᠤ᠂ ᠸᠠᠩ ᠪᠦᠭᠡ ᠦᠰᠪᠤᠷᠢ ᠨᠠᠰᠤᠨ ᠤ ᠲᠠᠩᠭᠠᠷᠢᠭ ᠢᠶᠠᠨ ᠢᠮᠠᠬᠳᠠ ᠮᠠᠷᠳᠠᠭ᠎ᠠ ᠦᠭᠡᠢ᠂ ︽ᠵᠤᠭᠤᠰ ᠲᠠᠢ ᠵᠤᠭᠤᠰ ᠦᠭᠡᠢ ᠴᠤ ᠡᠪᠠᠳᠴᠢᠨ ᠢᠶᠠᠨ ᠦᠵᠡᠭᠦᠯᠵᠤ ᠲᠠᠶᠢᠯᠭᠦ︾ ᠭᠡᠰᠠᠨ ᠵᠤᠷᠢᠯᠭ᠎ᠠ ᠪᠠᠨ ᠪᠠᠷᠢᠮᠳᠠᠯᠠᠬᠰᠠᠭᠠᠷ ᠢᠷᠡᠭᠰᠡᠨ ᠪᠦᠭᠡᠳ ᠠᠳᠠᠯᠢ ᠪᠤᠰᠤ ᠤᠷᠤᠯᠭ᠎ᠠ ᠲᠠᠢ ᠡᠪᠠᠳᠴᠢᠳᠠᠨ ᠳᠤ ᠨᠢᠭᠡ ᠯᠠ ᠠᠳᠠᠯᠢ ᠪᠠᠷ ᠬᠠᠨᠳᠤᠵᠤ᠂ 70 ᠶᠢ ᠲᠠᠪᠠᠭᠰᠠᠨ ᠨᠠᠰᠤᠳᠠᠨ᠂ 3 ᠭᠦᠷᠦᠭᠡᠳᠤᠢ ᠭᠡᠤᠭᠡᠳ᠂ ᠠᠯᠪᠠ ᠬᠠᠭᠠᠭᠠᠭ᠎ᠠ ᠴᠡᠷᠢᠭ᠂ ᠵᠠᠮᠳᠡᠭᠴᠤᠳ᠂ ᠲᠠᠪᠤᠨ ᠪᠠᠳᠤᠯᠠᠭᠠᠳᠤ ᠡᠷᠦᠭᠡ᠂ ᠤᠡᠴᠠ ᠭᠦᠴᠢᠷᠳᠡᠯᠳᠡᠢ ᠡᠷᠦᠭᠡ᠂ ᠯᠠᠮᠠ ᠬᠤᠸᠠᠷᠠᠭ᠂ ᠤᠡᠴᠠᠭᠠᠢ ᠬᠠᠶᠢᠷ᠎ᠠ ᠬᠠᠯᠠᠮᠵᠢ ᠭᠦᠷᠳᠡᠭᠡᠭᠴᠢ ᠵᠡᠷᠭᠡ 8 ᠲᠦᠷᠤᠯ ᠤᠨ ᠡᠪᠠᠳᠴᠢᠳᠠᠨ ᠠᠴᠠ ᠡᠮ ᠤᠨ ᠵᠠᠷᠤᠳᠠᠯ ᠠᠪᠬᠤ ᠦᠭᠡᠢ︔ ᠡᠯ᠎ᠠ ᠵᠦᠢᠯ ᠤᠨ ᠰᠢᠡᠵᠢᠯᠡᠨ ᠰᠢᠯᠭᠠᠬᠤ ᠵᠠᠷᠤᠳᠠᠯ  ︵ᠴᠢᠰᠤᠨ ᠤ ᠲᠠᠷᠤᠯᠳᠠ᠂ ᠵᠢᠷᠦᠭᠡᠨ  ᠴᠣᠬᠢᠯᠭ᠎ᠠ᠂ ᠬᠠᠯᠳᠠᠪᠤᠷᠢᠳᠤ ᠲᠦᠷᠪᠠᠨ ᠵᠦᠢᠯ᠂ ᠭᠡᠷᠡᠭᠦᠯᠢᠭ ᠡᠪᠠᠳᠴᠢᠨ ᠤ ᠹᠠᠺᠲ᠋ᠤᠷ᠂ CRP᠂ ᠴᠦᠪᠤᠷᠢᠭᠦᠦ ᠡᠰᠡᠷᠭᠡᠨ᠎ᠠ ᠶᠢᠨ ᠸᠢᠷᠦ᠋ᠰ ᠪᠠᠭᠲᠠᠭᠳᠠᠨ᠎ᠠ︶ ᠪᠠ ᠡᠮ ᠤᠨ ᠤᠭᠢᠶᠠᠯᠭ᠎ᠠ ᠶᠢᠨ ᠵᠠᠷᠤᠳᠠᠯ ᠬᠤᠷᠢᠶᠠᠬᠤ ᠦᠭᠡᠢ᠃ ᠸᠠᠩ ᠪᠦᠭᠡ ᠪᠤᠳᠠᠳᠤ ᠠᠵᠢᠯᠯᠠᠭ᠎ᠠ ᠪᠠᠷ ᠢᠶᠠᠨ ᠤᠭ ᠰᠠᠨᠠᠭ᠎ᠠ ᠪᠠᠨ ᠦᠯᠤ ᠮᠠᠷᠳᠡᠡ ᠡᠭᠦᠷᠭᠡ ᠬᠠᠷᠢᠭᠤᠴᠠᠯᠭ᠎ᠠ ᠪᠠᠨ ᠪᠠᠳᠤ ᠴᠡᠭᠡᠵᠢᠯᠡᠭᠰᠡᠨ ᠪᠠᠶᠢᠨ᠎ᠠ᠃ ᠵᠠᠷᠢᠮ ᠡᠪᠠᠳᠴᠢᠳᠠᠨ ᠤᠯᠠᠨ ᠭᠠᠵᠡᠷ ᠡᠮᠨᠡᠭᠦᠯᠦᠭᠰᠡᠨ ᠪᠤᠯᠪᠠᠴᠤ ᠢᠯᠡᠷᠢ ᠪᠤᠯᠤᠬᠰᠠᠨ ᠦᠭᠡᠢ ᠪᠤᠯᠬᠤᠷ ᠸᠠᠩ ᠪᠦᠭᠡ ᠡᠮᠴᠢ ᠶᠢᠨ ᠦᠢᠯᠠ ᠶᠠᠪᠤᠳᠠᠯ ᠢ ᠰᠤᠨᠤᠰᠤᠭᠠᠳ ᠦᠴᠦᠭᠡᠨ ᠴᠤ ᠭᠡᠰᠠᠨ ᠡᠷᠡᠮᠡᠯᠵᠠᠯ ᠡᠪᠤᠷᠯᠠᠨ ᠢᠷᠡᠳᠡᠭ᠂ ᠡᠳᠡᠭᠡᠷ ᠭᠦᠮᠤᠨ ᠤ ᠲᠤᠳᠤᠷ᠎ᠠ ᠬᠠᠪᠤᠳᠡᠷ ᠤᠨ ᠡᠪᠠᠳᠴᠢᠳᠠᠨ  ᠵᠣᠩᠬᠢᠯᠠᠬᠤ ᠲᠤᠭ᠎ᠠ ᠶᠢ ᠡᠵᠡᠯᠡᠵᠤ᠂ ᠤᠡᠴᠠ ᠵᠠᠷᠢᠮ ᠡᠪᠠᠳᠴᠢᠳᠠᠨ ᠢ ᠲᠠᠮᠨᠠᠨ ᠤᠷᠤᠵᠤ ᠢᠷᠡᠳᠡᠭ᠃ ᠸᠠᠩ ᠪᠦᠭᠡ ᠡᠪᠠᠳᠴᠢᠳᠠᠨ ᠤ ᠠᠮᠢ ᠨᠠᠰᠤ ᠳᠤ ᠲᠡᠭᠡᠳᠤ ᠭᠡᠮᠵᠢᠶ᠎ᠠ ᠪᠠᠷ ᠬᠠᠷᠢᠭᠤᠴᠠᠯᠭ᠎ᠠ ᠡᠭᠦᠷᠭᠡᠯᠡᠨ ᠴᠢᠷᠮᠠᠶᠢᠨ ᠵᠠᠰᠠᠳᠠᠭ᠂ ᠤᠡᠴᠠᠭᠠᠢᠢᠯᠠᠨ ᠵᠠᠷᠢᠮ ᠭᠦᠡᠳᠤ ᠲᠦᠭᠰᠢᠭᠦᠷᠢᠳᠡᠢ ᠡᠪᠡᠳᠴᠢᠳᠡᠨ ᠢ ᠸᠠᠩ ᠪᠦᠭᠡ ᠠᠪᠤᠷᠠᠨ ᠠᠪᠴᠤ ᠴᠢᠳᠠᠬᠤ ᠦᠭᠡᠢ ᠪᠤᠯᠪᠠᠴᠤ ᠲᠠᠷᠠ ᠮᠦᠨ ᠯᠠ ᠪᠦᠭᠦ ᠭᠦᠴᠤᠨ ᠢᠶᠠᠷ ᠢᠶᠠᠨ ᠴᠢᠷᠮᠠᠶᠢᠨ ᠡᠮᠨᠡᠳᠡᠭ᠃ ᠵᠠᠷᠢᠮ ᠵᠠᠰᠠᠪᠤᠷᠢ ᠦᠭᠡᠢ ᠡᠪᠠᠳᠴᠢᠨ ᠢᠶᠠᠷ ᠤᠨᠤᠰᠢᠯᠠᠬᠳᠠᠬᠰᠠᠨ ᠡᠪᠠᠳᠴᠢᠳᠠᠨ ᠡᠮᠨᠡᠭᠦᠯᠦᠭᠡᠳ ᠭᠠᠶᠢᠬᠠᠮᠰᠢᠭ ᠡᠭᠦᠰᠴᠤ ᠢᠯᠡᠷᠢ ᠪᠤᠯᠤᠬᠰᠠᠨ ᠪᠠᠶᠢᠨ᠎ᠠ᠃  ᠸᠠᠩ ᠪᠦᠭᠡ ᠶᠢᠨ ᠡᠮᠨᠡᠬᠦ ᠦᠷᠤᠭᠡ ᠶᠢᠨ ᠲᠦᠷᠪᠡᠨ ᠬᠠᠨ᠎ᠠ ᠳᠤ ᠲᠦᠭᠦᠷᠳᠡᠯ᠎ᠠ ᠡᠯᠭᠦᠭᠳᠡᠭᠰᠡᠨ ︽ᠡᠪᠡᠳᠴᠢᠳᠡᠨ ᠢ ᠲᠤᠳᠤᠨᠤ ᠬᠦᠮᠤᠨ ᠢᠶᠠᠨ ᠰᠢᠭ ᠦᠵᠡᠭᠰᠡᠨ ᠡᠮᠴᠢ ᠶᠢᠨ ᠮᠤᠷᠠᠯ ᠰᠠᠶᠢᠨ᠂ ᠪᠦᠬᠦ ᠰᠠᠳᠬᠢᠯ ᠢᠶᠠᠷ ᠢᠶᠠᠨ ᠦᠢᠯᠡᠴᠢᠯᠡᠭᠰᠡᠨ ᠡᠮᠴᠢᠯᠡᠭᠡ ᠶᠢᠨ ᠮᠡᠷᠭᠡᠵᠢᠯ ᠨᠢᠮᠪᠠᠢ᠂  ᠡᠮᠴᠢ ᠶᠢᠨ ᠮᠤᠷᠠᠯ ᠡᠷᠬᠢᠮ ᠲᠡᠭᠡᠳᠤ ᠬᠦᠮᠤᠨ ᠤ ᠰᠠᠳᠬᠢᠯ ᠢ ᠬᠦᠳᠡᠯᠭᠡᠵᠤ᠂ ᠡᠮᠴᠢᠯᠡᠭᠡ ᠶᠢᠨ ᠮᠡᠷᠭᠡᠵᠢᠯ ᠨᠠᠷᠢᠨ ᠨᠢᠮᠪᠠᠢ ᠲᠦᠷᠪᠡᠨ ᠵᠦᠭ ᠲᠤ ᠲᠠᠭᠤᠷᠢᠰᠤᠨᠠᠮ︾ ᠭᠡᠰᠡᠨ  ᠬᠢᠳᠡᠳ‌ᠮᠤᠩᠭᠤᠯ ᠬᠤᠶᠠᠷ ᠵᠦᠢᠯ ᠤᠨ ᠦᠰᠦᠭ ᠤᠨ ᠪᠢᠴᠢᠯᠭᠡ ᠲᠠᠢ ᠬᠡᠮᠡᠷᠯᠢᠭ ᠲᠤᠭ ᠡᠪᠡᠳᠴᠢᠳᠡᠨ ᠤᠯᠠᠨ ᠤ ᠸᠠᠩ ᠪᠦᠭᠡ ᠡᠮᠴᠢ ᠳᠤ ᠲᠠᠯᠠᠷᠬᠠᠵᠤ ᠪᠠᠶᠢᠬᠤ ᠪᠠ ᠲᠡᠬᠦᠨ ᠢ ᠬᠦᠨᠳᠤᠳᠭᠡᠵᠤ ᠪᠠᠶᠢᠬᠤ ᠰᠠᠳᠬᠢᠯᠭᠡ ᠶᠢ ᠲᠦᠯᠤᠭᠡᠯᠡᠵᠤ ᠪᠠᠶᠢᠬᠤ ᠶᠤᠮ᠃  ᠡᠪᠡᠳᠴᠢᠳᠡᠨ ᠯᠠ ᠪᠤᠯᠤᠬᠰᠠᠭᠠᠷ ᠸᠠᠩ ᠪᠦᠭᠡ ᠤᠯᠤᠰ ᠤᠷᠤᠨ᠂ ᠦᠨᠳᠤᠰᠤ ᠤᠬᠰᠠᠭ᠎ᠠ᠂ ᠲᠤᠰᠢᠶᠡᠯ᠂ ᠶᠠᠳᠠᠭᠤ ᠪᠠᠶᠠᠨ ᠤ ᠢᠯᠭᠠᠭ᠎ᠠ ᠦᠭᠡᠢ ᠪᠦᠬᠦ ᠬᠦᠴᠤ ᠪᠠᠨ ᠰᠢᠪᠬᠠᠨ ᠲᠤᠳᠤᠨᠤ ᠦᠢᠯᠡᠴᠢᠯᠠᠵᠤ᠂ ᠡᠪᠡᠳᠴᠢᠳᠡᠨ ᠤ ᠬᠡᠮ ᠠᠷᠬᠠᠭ  ᠢ ᠨᠠᠷᠢᠨ ᠨᠢᠮᠪᠠᠢ ᠡᠮᠨᠡᠳᠡᠭ᠃ ᠸᠠᠩ ᠪᠦᠭᠡ ᠶᠢᠨ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶ᠎ᠠ ᠳᠤ ᠢᠷᠠᠵᠤ ᠡᠮᠨᠡᠬᠦᠯᠦᠭᠰᠡᠨ ᠡᠪᠡᠳᠴᠢᠳᠡᠨ  ᠤ ᠲᠤᠳᠤᠷ᠎ᠠ ᠵᠠᠷᠢᠮ ᠠᠨᠤ ᠮᠠᠯᠵᠢᠯ ᠪᠤᠶᠤ ᠲᠠᠷᠢᠶ᠎ᠠ ᠶᠢᠨ ᠲᠤᠪᠤ ᠠᠴᠠ ᠢᠷᠡᠭᠰᠡᠨ ᠶᠤᠮ᠃ ᠵᠠᠷᠢᠮ  ᠨᠢ ᠡᠭᠡ ᠤᠯᠤᠰ  ᠤᠨ ᠤᠮᠠᠷᠠᠳᠤ ᠬᠢᠵᠠᠭᠠᠷ ᠤᠨ ᠮᠦᠸᠧ ᠡᠾᠧ ᠠᠴᠠ ᠢᠷᠡᠭᠰᠡᠨ ᠪᠠᠶᠢᠨ᠎ᠠ᠃ ᠵᠠᠷᠢᠮ  ᠨᠢ ᠲᠡᠭᠷᠢ ᠶᠢᠨ ᠬᠠᠶᠠᠭ᠎ᠠ ᠭᠠᠵᠠᠷ  ᠤᠨ ᠵᠠᠬ᠎ᠠ ᠵᠢᠴᠢ ᠪᠦᠬᠦ ᠤᠯᠤᠰ ᠤᠨ 28  ᠮᠤᠵᠢ ᠬᠤᠳᠠ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠪᠠ ᠤᠷᠤᠰ᠂ ᠦᠺᠷᠠᠶᠢᠨ ᠂ ᠮᠤᠩᠭᠤᠯ ᠤᠯᠤᠰ᠂  ᠺᠤᠷᠢᠶᠠ᠂ ᠶᠠᠫᠦᠨ ᠂ ᠺᠠᠨᠠᠳᠠ᠂ ᠠᠩᠭ᠍ᠯᠢ ᠵᠡᠷᠭᠡ 26  ᠤᠯᠤᠰ ᠠᠴᠠ ᠢᠷᠡᠭᠰᠡᠨ ᠪᠠᠶᠢᠨ᠎ᠠ᠃ ᠸᠠᠩ ᠪᠦᠭᠡ ᠶᠢᠨ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶ᠎ᠠ ᠶᠢᠨ ᠡᠪᠠᠳᠴᠢᠳᠠᠨ ᠲᠤᠩ ᠠᠷᠪᠢᠨ ᠪᠠᠶᠢᠳᠠᠭ᠂ ᠡ᠊ᠡᠳᠠ ᠢᠷᠡᠵᠤ ᠡᠪᠠᠳᠴᠢᠨ ᠢᠶᠠᠨ ᠦᠵᠡᠭᠦᠯᠦᠭᠰᠡᠨ ᠤᠯᠤᠰ ᠤᠨ ᠲᠤᠳᠤᠭᠠᠳᠤ ᠭᠠᠳᠠᠭᠠᠳᠤ ᠶᠢᠨ ᠭᠦᠮᠤᠨ ᠨᠠᠶᠢᠳᠠ 2 ᠰᠠᠶ᠎ᠠ ᠢᠯᠡᠭᠦᠦ ᠪᠠᠶᠢᠳᠠᠭ᠃ ᠵᠠᠷᠢᠮ ᠦᠶ᠎ᠠ ᠳᠤ ᠡᠳᠤᠷ ᠲᠤ ᠠᠵᠢᠯᠯᠠᠬᠤ ᠴᠠᠭ ᠢᠶᠠᠨ ᠤᠷᠳᠤᠳᠬᠠᠨ ᠪᠠᠶᠢᠵᠤ 500 ᠢᠯᠡᠭᠦᠦ ᠭᠦᠮᠤᠨ ᠤ ᠡᠪᠠᠳᠴᠢᠨ ᠢ ᠤᠨᠤᠰᠢᠯᠠᠳᠠᠭ᠃ ᠲᠠᠯ᠎ᠠ ᠨᠤᠳᠤᠭ ᠤᠨ ᠦᠷᠤᠴᠠᠨ ᠳᠤ ᠪᠠᠶᠢᠷᠢᠯᠠᠵᠤ ᠪᠠᠶᠢᠭ᠎ᠠ ᠭᠦᠳᠡᠭᠡ ᠶᠢᠨ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶ᠎ᠠ ᠶᠠᠭᠠᠭᠢᠭᠠᠳ ᠡᠶᠢᠮᠤ ᠶᠡᠭᠡ ᠨᠠᠷ᠎ᠠ ᠲᠦᠷᠤ ᠲᠠᠢ ᠪᠤᠯᠤᠭᠠᠳ ᠡᠪᠠᠳᠴᠢᠳᠠᠨ ᠲᠠᠰᠤᠷᠠᠬᠤ ᠦᠭᠡᠢ ᠪᠤᠯᠤᠬᠰᠠᠨ ᠪᠤᠢ︖ ᠡᠭᠦᠨ ᠢ ᠭᠤᠤᠯᠳᠠᠭᠤ ︽ᠡᠮᠴᠢᠯᠡᠭᠡ ᠶᠢᠨ ᠮᠠᠷᠭᠡᠵᠢᠯ ᠨᠠᠷᠢᠨ ᠨᠢᠮᠪᠠᠢ᠂ ᠡᠮᠴᠢ  ᠨᠢ ᠪᠤᠷᠬᠠᠨ ᠰᠠᠳᠭᠢᠯ ᠲᠠᠢ︾ ᠭᠡᠮᠡᠭᠦ ᠡᠪᠠᠳᠴᠢᠳᠠᠨ ᠨᠡᠷ ᠤᠨ ᠦᠨᠠᠯᠠᠯᠳᠠ ᠠᠴᠠ ᠮᠠᠳᠠᠵᠤ ᠪᠤᠯᠤᠨ᠎ᠠ᠃ ᠬᠤᠯᠠ ᠭᠠᠵᠠᠷ ᠤᠨ ᠡᠪᠠᠳᠴᠢᠳᠠᠨ ᠢ ᠬᠠᠷᠠᠭᠠᠯᠵᠠᠬᠤ ᠶᠢᠨ ᠲᠦᠯᠦᠭᠡ ᠲᠡᠭᠡᠳᠤ ᠱᠠᠳᠤᠨ ᠤ ᠰᠠᠯᠠᠭ᠎ᠠ ᠮᠦᠴᠢᠷ ᠤᠨ ᠵᠤᠭᠢᠴᠠᠭᠤᠯᠭ᠎ᠠ ᠪᠠ ᠬᠤᠯᠪᠤᠬᠳᠠᠯ ᠪᠦᠭᠦᠢ ᠨᠢᠭᠡᠴᠢ ᠶᠢᠨ ᠤᠷᠢᠯᠭ᠎ᠠ ᠪᠠᠷ᠂ ᠸᠠᠩ ᠪᠦᠭᠡ ᠰᠠᠷ᠎ᠠ ᠪᠦᠷᠢ ᠶᠢᠨ ᠡᠭᠢ ᠪᠠᠷ ᠦᠪᠤᠷ ᠮᠤᠩᠭᠤᠯ ᠤᠨ ᠦᠪᠠᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨ᠂ ᠵᠢᠶᠠᠩᠰᠢ ᠮᠤᠵᠢ᠂ ᠱᠠᠩᠬᠠᠢ ᠬᠤᠳᠠ᠂ ᠪᠡᠭᠡᠵᠢᠩ ᠬᠤᠳᠠ᠂ ᠯᠢᠶᠤᠤᠨᠢᠩ ᠮᠤᠵᠢ  ᠶᠢᠨ ᠱᠤᠭᠤᠮ ᠢᠶᠠᠷ ᠪᠠᠷᠤᠭ 10 ᠬᠤᠨᠤᠭ ᠲᠤᠭᠤᠷᠢᠨ ᠶᠠᠪᠤᠵᠤ ᠡᠪᠠᠳᠴᠢᠨ ᠦᠵᠡᠳᠡᠭ᠃ ᠡᠨᠡ ᠬᠤᠭᠤᠴᠠᠭ᠎ᠠ ᠳᠤ᠂ ᠦᠡᠳᠤᠰᠤᠨ ᠳᠤ ᠪᠠᠨ ᠡᠳᠤᠷ ᠡᠪᠠᠳᠴᠢᠨ ᠦᠵᠡᠵᠤ ᠰᠦᠨᠢ  ᠪᠠᠷ ᠵᠠᠮ ᠭᠦᠭᠡᠭᠡᠵᠤ᠂ ᠶᠠᠷᠤ  ᠳᠤ ᠪᠠᠨ 2 ᠲᠦᠮᠠ ᠢᠯᠡᠭᠦᠦ ᠭᠠᠵᠡᠷ ᠵᠠᠮᠨᠠᠬᠤ  ᠳᠤ ᠪᠠᠨ ᠦᠪᠠᠷ ᠤᠨ ᠶᠠᠳᠠᠷᠠᠯ ᠵᠦᠳᠡᠷᠡᠯ ᠢᠶᠠᠨ ᠦᠴᠦᠭᠡᠡ ᠴᠤ  ᠪᠤᠳᠤᠳᠠᠭ ᠦᠭᠡᠢ᠃ ᠭᠠᠳᠠᠬᠰᠢ ᠭᠠᠷᠴᠤ ᠡᠪᠠᠳᠴᠢᠨ ᠦᠵᠡᠭᠡᠳ ᠶᠠᠳᠠᠷᠠᠵᠤ ᠲᠦᠢᠯᠳᠡᠭᠡᠳ ᠬᠠᠷᠢᠵᠤ ᠢᠷᠡᠮᠡᠭᠴᠠ ᠬᠤᠪᠢ ᠶᠢᠨ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶ᠎ᠠ ᠶᠢᠨ ᠡᠪᠠᠳᠴᠢᠨ ᠦᠵᠡᠭᠦ ᠠᠵᠢᠯ ᠢᠶᠠᠨ ᠵᠠᠯᠭᠠᠨ ᠭᠢᠳᠡᠭ᠃ 《ᠵᠢᠷᠠ ᠭᠦᠷᠴᠤ ᠵᠠᠵᠢᠨ ᠦᠰᠤ ᠴᠢᠨᠢ ᠴᠠᠶᠢᠬᠰᠠᠨ ᠪᠠᠶᠢᠳᠠᠯ᠎ᠠ ᠡᠨᠡ ᠮᠠᠳᠤ ᠵᠦᠳᠡᠷᠡᠭᠡᠳ ᠶᠠᠭᠠᠭᠢᠵᠤ ᠪᠤᠯᠬᠤ ᠪᠤᠢ︖》 ᠭᠡᠵᠦ ᠲᠡᠭᠦᠨ ᠢ ᠨᠠᠶᠢᠵᠠ ᠨᠠᠷ ᠨᠢ ᠢᠳᠬᠠᠬᠰᠠᠨ ᠳᠤ《 ᠪᠢ ᠵᠦᠳᠡᠷᠡᠭᠰᠡᠨ ᠴᠤ ᠶᠠᠮᠠᠷ ᠬᠠᠮᠢᠶ᠎ᠠ ᠪᠠᠶᠢᠬᠤ ᠪᠤᠢ︖ ᠭᠠᠳᠠᠷ ᠭᠠᠵᠡᠷ ᠤᠨ ᠡᠪᠠᠳᠴᠢᠳᠠᠨ ᠡ᠊ᠡᠳᠠ ᠢᠷᠡᠵᠤ ᠡᠪᠠᠳᠴᠢᠨ ᠦᠵᠡᠭᠦᠯᠤᠨ᠎ᠠ  ᠭᠡᠵᠦ ᠰᠠᠶ᠋ᠢ ᠠᠮᠤᠷ ᠦᠭᠡᠢ ᠠᠵᠤ ᠰᠢᠤ᠂ ᠪᠢ ᠭᠠᠳᠠᠬᠰᠢ ᠭᠠᠷᠴᠤ ᠡᠪᠠᠳᠴᠢᠨ ᠦᠵᠡᠭᠦ ᠡᠪᠠᠳᠴᠢᠳᠠᠨ ᠤ ᠴᠠᠭ ᠪᠠ ᠡᠮ ᠤᠨ ᠵᠠᠷᠤᠳᠠᠯ ᠢ ᠠᠷᠪᠢᠯᠠᠵᠤ ᠦᠭᠭᠦ ᠪᠠᠷ ᠪᠠᠷᠠᠬᠤ ᠦᠭᠡᠢ᠂ ᠮᠦᠨ ᠭᠡᠷ  ᠲᠤ ᠪᠠᠨ ᠰᠠᠭᠤᠵᠤ ᠡᠪᠠᠳᠴᠢᠨ ᠢᠶᠠᠨ ᠰᠤᠪᠢᠯᠠᠬᠤ ᠳᠤ ᠠᠰᠢᠬᠳᠠᠢ ᠪᠠᠶᠢᠳᠠᠭ 》 ᠭᠡᠵᠦ ᠲᠠᠷᠠ ᠶᠠᠷᠢᠳᠠᠭ᠃ ᠡᠨᠡ ᠮᠠᠳᠤ ᠪᠠᠷ ᠸᠠᠩ ᠪᠦᠭᠡ ᠡᠮᠨᠡᠯᠭᠡ  ᠳᠤ ᠪᠠᠨ ᠰᠠᠭᠤᠵᠤ ᠡᠪᠠᠳᠴᠢᠨ ᠦᠵᠡᠭᠦ᠂ ᠲᠤᠭᠤᠷᠢᠨ ᠡᠪᠠᠳᠴᠢᠨ ᠦᠵᠡᠭᠦ ᠶᠢ ᠤᠶᠠᠯᠳᠤᠭᠤᠯᠤᠨ ᠡᠮᠴᠢᠯᠡᠭᠰᠠᠡ ᠠᠴᠠ ᠤᠯᠠᠨ ᠡᠪᠠᠳᠴᠢᠳᠠᠨ ᠲᠡᠭᠦᠨ ᠢ ︽ᠪᠤᠷᠬᠠᠨ ᠰᠠᠳᠭᠢᠯ ᠲᠠᠢ ᠰᠠᠶᠢᠨ ᠡᠮᠴᠢ︾  ᠭᠡᠵᠢ ᠨᠡᠷᠡᠯᠡᠭᠰᠡᠨ ᠪᠠᠶᠢᠨ᠎ᠠ᠃    ᠦᠭᠬᠢᠶᠡᠮᠦᠷ ᠬᠠᠶᠢᠷ᠎ᠠ ᠰᠠᠳᠬᠢᠯᠭᠡ ᠪᠠᠷ ᠬᠦᠮᠤᠨ ᠤ ᠶᠢᠷᠳᠢᠨᠴᠤ ᠶᠢ  ᠳᠤᠯᠠᠭᠠᠴᠠᠭᠤᠯᠪᠠᠸᠠᠩ ᠪᠦᠭᠡ ᠡᠪᠠᠳᠴᠢᠳᠠᠨ ᠤ ᠡᠪᠠᠳᠴᠢᠨ ᠢ ᠨᠢ ᠵᠠᠰᠠᠵᠤ ᠡᠳᠡᠭᠡᠷᠡᠭᠦᠯᠤᠨ ᠠᠪᠬᠤ ᠶᠢᠨ ᠬᠠᠮᠳᠤ ᠨᠠᠶᠢᠭᠡᠮ ᠳᠤ ᠠᠴᠢ  ᠬᠠᠷᠢᠭᠤᠯᠠᠬᠤ ᠶᠢ ᠮᠠᠷᠳᠠᠬᠰᠠᠨ ᠦᠭᠡᠢ ᠪᠤᠶᠤ ᠮᠠᠷᠳᠠᠭ᠎ᠠ ᠴᠤ ᠦᠭᠡᠢ᠃  ᠳᠡᠭᠡᠷ᠎ᠡ ᠵᠠᠭᠤᠨ ᠤ ᠨᠠᠶᠠᠭᠠᠳ ᠤᠨ ᠤ ᠡᠭᠢ ᠪᠠᠷ ᠲᠡᠭᠦᠨ ᠤ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶ᠎ᠠ ᠰᠠᠭᠤᠵᠤ ᠪᠠᠶᠢᠭ᠎ᠠ ᠠᠶᠢᠯ  ᠨᠢ ᠴᠡᠭᠢᠯᠭᠠᠨ ᠨᠠᠪᠳᠡᠷᠡᠭᠡᠳᠤᠢ ᠪᠠᠶᠢᠪᠠ᠃ ᠸᠠᠩ ᠪᠦᠭᠡ ᠲᠦᠮᠠᠨ ᠲᠦᠭᠦᠷᠢᠭ ᠵᠤᠭᠤᠰ ᠭᠠᠷᠭᠠᠵᠤ ᠴᠡᠭᠢᠯᠭᠠᠨ ᠨᠡᠪᠳᠡᠷᠡᠭᠦᠯᠦᠭᠡᠳ ᠨᠤᠳᠤᠭ ᠤᠨ ᠤᠯᠠᠨ ᠲᠦᠮᠠᠨ ᠳᠤ ᠴᠡᠭᠢᠯᠭᠠᠨ ᠭᠡᠷᠡᠭᠯᠡᠭᠦᠯᠭᠦ ᠪᠤᠯᠭᠠᠪᠠ᠃ 1998 ᠤᠨ ᠳᠤ᠂ ᠵᠠᠭᠤᠨ ᠤᠨ ᠳᠤ ᠲᠤᠭᠢᠶᠠᠯᠳᠤᠬᠰᠠᠨ ᠦᠭᠡᠢ ᠦᠶᠠᠷ ᠪᠠᠭᠤᠵᠤ ᠭᠠᠴᠠᠭ᠎ᠠ ᠠᠴᠠ ᠪᠠᠯᠭᠠᠰᠤ ᠶᠢᠨ ᠵᠠᠰᠠᠭ ᠤᠨ ᠤᠷᠳᠤᠨ ᠭᠦᠷᠭᠦ ᠵᠠᠮ ᠤᠨ ᠴᠤᠷ ᠤᠨ ᠭᠠᠭᠴᠠ ᠭᠦᠭᠦᠷᠭᠡ ᠶᠢ ᠨᠤᠷᠠᠭᠠᠬᠰᠠᠨ ᠳᠤ ᠦᠢᠷ᠎ᠠ ᠤᠷᠴᠢᠮ ᠤᠨ ᠠᠷᠪᠠᠨ ᠭᠡᠳᠤᠨ ᠠᠶᠢᠯ ᠲᠤᠰᠬᠤᠨ ᠤ ᠮᠠᠯᠴᠢᠨ ᠲᠠᠷᠢᠶᠠᠴᠢᠨ ᠤ ᠪᠠᠯᠭᠠᠰᠤ ᠭᠦᠷᠭᠦ ᠵᠠᠮ ᠬᠠᠭᠠᠬᠳᠠᠬᠰᠠᠨ ᠪᠠᠶᠢᠨ᠎ᠠ᠃ ᠸᠠᠩ ᠪᠦᠭᠡ 26 ᠲᠦᠮᠠᠨ ᠲᠦᠭᠦᠷᠢᠭ ᠭᠠᠷᠭᠠᠵᠤ  ᠼᠧᠮᠧᠨ᠋ᠲ ᠤᠨ ᠭᠦᠭᠦᠷᠭᠡ ᠲᠠᠯᠪᠢᠭᠠᠳ ᠲᠤᠬᠠᠢ ᠶᠢᠨ ᠭᠠᠵᠡᠷ ᠤᠨ ᠮᠠᠯᠴᠢᠨ ᠲᠠᠷᠢᠢᠶᠠᠴᠢᠨ ᠤ ᠪᠠᠴᠢᠮ  ᠭᠡᠷᠡᠭᠴᠡᠭᠡ ᠶᠢ ᠰᠢᠢᠳᠪᠤᠷᠢᠯᠠᠵᠤ ᠦᠭᠭᠦᠭᠰᠡᠨ ᠳᠤ ᠡᠨᠡ ᠭᠦᠭᠦᠷᠭᠡ ᠶᠢ ᠨᠤᠳᠤᠭ ᠤᠨ ᠠᠷᠠᠳ ︽ᠸᠠᠩ ᠪᠦᠭᠡ  ᠭᠦᠭᠦᠷᠭᠡ︾  ᠭᠡᠵᠦ ᠨᠡᠷᠡᠯᠡᠪᠠ᠃ 2017 ᠤᠨ ᠳᠤ᠂ ᠨᠤᠳᠤᠭ ᠤᠨ ᠢᠶᠠᠨ ᠲᠤᠮᠳᠠᠳᠤ ᠪᠠᠭ᠎ᠠ ᠰᠤᠷᠭᠠᠭᠤᠯᠢ ᠶᠢᠨ ᠤᠡᠴᠠ  ᠬᠦᠴᠢᠷᠳᠡᠯᠲᠡᠢ 51 ᠰᠤᠷᠤᠬᠴᠢ ᠪᠠ ᠲᠡᠭᠦᠰᠦᠭᠡᠳᠤᠢ 5 ᠤᠶᠤᠳᠠᠨ ᠢ 38.4 ᠲᠦᠮᠠᠨ ᠲᠦᠭᠦᠷᠢᠭ ᠵᠤᠭᠤᠰ ᠮᠦᠡᠭᠭᠦ ᠪᠠᠷ ᠲᠠᠮᠵᠢᠪᠠ᠃ ᠬᠠᠷᠪᠢᠨ ᠤ ᠲᠠᠷᠢᠭᠢᠨ ᠤ ᠰᠠ ᠡᠪᠠᠳᠴᠢᠨ ᠲᠠᠢ ᠭᠡᠤᠭᠡᠳ ᠤᠨ ᠰᠤᠷᠭᠠᠭᠤᠯᠢ ᠶᠢᠨ 176 ᠰᠤᠷᠤᠬᠴᠢ ︵ᠡᠪᠠᠳᠴᠢᠳᠠᠨ︶ ᠳᠤ ᠠᠯᠪᠠᠨ ᠵᠢᠷᠤᠮ ᠤᠨ ᠡᠮᠴᠢᠯᠡᠭᠡ ᠭᠢᠭᠡᠳ 80 ᠲᠦᠮᠡ ᠢᠯᠡᠭᠦᠦ ᠲᠦᠭᠦᠷᠢᠭ ᠤᠨ ᠬᠠᠨᠳᠢᠪ ᠡᠷᠭᠦᠪᠠ︔ ᠵᠠᠮᠴᠢᠨ ᠪᠠᠭ᠎ᠠ ᠰᠤᠷᠭᠠᠭᠤᠯᠢ ᠶᠢᠨ 90 ᠪᠠᠭᠰᠢ ᠰᠤᠷᠤᠬᠴᠢ ᠦᠡᠳᠤᠰᠤᠳᠠᠨ ᠤ ᠬᠤᠪᠴᠠᠰᠤ ᠵᠠᠰᠠᠯ ᠪᠠ ᠰᠤᠷᠤᠬᠴᠢ ᠶᠢᠨ ᠭᠡᠷᠡᠭᠰᠡᠯ ᠬᠤᠳᠠᠯᠳᠤᠨ ᠠᠪᠬᠤ ᠭᠡᠵᠤ ᠪᠠᠶᠢᠭ᠎ᠠ ᠶᠢ ᠰᠤᠨᠤᠰᠤᠭᠠᠳ 20  ᠲᠦᠮᠡᠨ ᠲᠦᠭᠦᠷᠢᠭ ᠢᠶᠠᠷ ᠲᠤᠰᠠᠯᠠᠪᠠ︔ ᠪᠠᠷᠠᠭᠤᠨ ᠵᠢᠷᠢᠮ ᠪᠠᠯᠭᠠᠰᠤ ᠶᠢᠨ ᠰᠢᠨ᠎ᠠ ᠪᠠᠷ ᠪᠠᠶᠢᠭᠤᠯᠤᠬᠰᠠᠨ ᠰᠤᠷᠭᠠᠭᠤᠯᠢ ᠠᠵᠤ ᠠᠬᠤᠢ ᠶᠢᠨ ᠭᠦᠴᠢᠷᠳᠡᠯ ᠠᠴᠠ ᠪᠤᠯᠵᠤ ᠢᠯᠴᠢ ᠬᠠᠨᠭ᠍ᠭᠠᠨ ᠲᠤᠯᠠᠭᠠᠯᠠᠵᠤ ᠲᠠᠶᠢᠯᠭᠦ ᠦᠭᠡᠢ ᠪᠤᠯᠤᠬᠰᠠᠨ ᠪᠤᠯᠬᠤᠷ ᠰᠤᠷᠭᠠᠭᠤᠯᠢ ᠭᠢᠴᠢᠶᠠᠯ ᠤᠷᠤᠬᠤ ᠶᠢᠨ ᠠᠷᠭ᠎ᠠ ᠦᠭᠡᠢ ᠪᠠᠶᠢᠭ᠎ᠠ ᠶᠢ ᠮᠠᠳᠡᠮᠡᠭᠴᠠ ᠲᠠᠷᠠ ᠲᠤᠤᠷ᠎ᠠ ᠪᠠᠨ 10 ᠲᠦᠮᠡᠨ ᠲᠦᠭᠦᠷᠢᠭ ᠢᠶᠠᠷ ᠲᠠᠮᠵᠢᠪᠠ᠃ ᠸᠠᠩ ᠪᠦᠭᠡ ᠶᠢᠨ  ᠬᠠᠨᠳᠢᠪᠯᠠᠭᠰᠠᠨ ᠵᠤᠭᠤᠰ ᠮᠦᠡᠭᠭᠦ ᠡᠨᠡᠭᠡᠨ ᠢᠶᠠᠷ ᠵᠤᠬᠰᠤᠬᠤ ᠦᠭᠡᠢ᠂ ᠪᠦᠷᠢᠨ ᠪᠤᠰᠤ ᠪᠦᠷᠢᠳᠭᠡᠯ ᠢ ᠦᠡᠳᠤᠰᠤᠯᠠᠪᠠᠯ᠂ 1989 ᠤᠨ ᠠᠴᠠ 2024 ᠤᠨ ᠪᠤᠯᠳᠠᠯ᠎ᠠ ᠶᠠᠳᠠᠭᠤ ᠬᠦᠴᠢᠷᠳᠡᠯᠲᠡᠢ ᠰᠤᠷᠤᠬᠴᠢ ᠳᠤ 385 ᠲᠦᠮᠠᠨ ᠲᠦᠭᠦᠷᠢᠭ ᠬᠠᠨᠳᠢᠪᠯᠡᠪᠠ᠃ ᠡᠮᠴᠢᠯᠡᠭᠡ ᠶᠢᠨ ᠵᠠᠷᠤᠳᠠᠯ ᠤᠨ ᠲᠠᠯ᠎ᠠ ᠪᠠᠷ᠂ 2023 ᠤᠨ ᠢᠶᠠᠷ ᠵᠢᠱᠢᠶᠠᠯᠠᠪᠠᠯ᠂ ᠡᠯ᠎ᠠ ᠭᠠᠵᠡᠷ ᠤᠨ ᠡᠪᠠᠳᠴᠢᠳᠠᠨ ᠤ ᠡᠮᠴᠢᠯᠡᠭᠡ ᠶᠢᠨ ᠵᠠᠷᠤᠳᠠᠯ ᠢ 270 ᠲᠦᠮᠠᠨ ᠲᠦᠭᠦᠷᠢᠭ ᠬᠠᠰᠤᠵᠤ ᠭᠡᠯᠳᠤᠷᠢᠭᠦᠯᠵᠤ᠂ ᠨᠠᠰᠤᠳᠠᠢ ᠪᠠᠭᠤᠷᠠᠢ ᠡᠪᠠᠳᠴᠢᠳᠠᠨ ᠤ ᠡᠮᠴᠢᠯᠡᠭᠡ ᠶᠢᠨ ᠵᠠᠷᠤᠳᠠᠯ ᠢ 9 ᠰᠠᠶ᠎ᠠ ᠢᠯᠡᠭᠦᠦ ᠲᠦᠭᠦᠷᠢᠭ ᠭᠡᠯᠳᠤᠷᠢᠭᠦᠯᠵᠤ᠂ ᠡᠮ ᠤᠨ ᠤᠭᠢᠶᠠᠯᠭ᠎ᠠ ᠶᠢᠨ ᠵᠠᠷᠤᠳᠠᠯ 420 ᠲᠦᠮᠠᠨ ᠲᠦᠭᠦᠷᠢᠭ ᠢ ᠪᠦᠷᠢᠮᠤᠰᠤᠨ ᠭᠡᠯᠳᠤᠷᠢᠭᠦᠯᠵᠤ᠂ ᠰᠢᠡᠵᠢᠯᠡᠨ ᠰᠢᠯᠭᠠᠬᠤ ᠵᠠᠷᠤᠳᠠᠯ 4320 ᠭᠦᠮᠤᠨ ︵ᠤᠳᠠᠭ᠎ᠠ︶ ᠤ 84.24 ᠲᠦᠮᠠᠨ ᠲᠦᠭᠦᠷᠢᠭ ᠵᠠᠷᠤᠳᠠᠯ ᠢ ᠴᠦᠮ ᠦᠯᠤ ᠬᠤᠷᠢᠶᠠᠪᠠ᠃  ᠤᠷᠴᠢᠨ ᠲᠤᠭᠤᠷᠢᠨ ᠢ ᠰᠠᠶᠢᠵᠢᠷᠠᠭᠤᠯᠵᠤ ᠭᠡᠷ ᠬᠤᠷᠤᠭ᠎ᠠ ᠪᠠᠨ  ᠪᠠᠶᠢᠭᠤᠯᠪᠠ ᠬᠤᠷᠴᠢᠨ ᠨᠤᠳᠤᠭ ᠲᠤ ᠲᠦᠷᠦᠵᠤ ᠦᠰᠦᠭᠰᠡᠨ ᠸᠠᠩ ᠪᠦᠭᠡ ︽ᠤᠷᠴᠢᠨ ᠲᠤᠭᠤᠷᠢᠨ ᠤ ᠪᠠᠶᠢᠳᠠᠯ ᠠᠴᠠ ᠡᠭᠦᠰᠭᠦ ᠪᠤᠯ ᠠᠵᠤ ᠠᠬᠤᠢ ᠶᠢᠨ ᠭᠦᠭᠵᠢᠭᠦᠯᠦᠯᠳᠠ ᠶᠢᠨ ᠴᠢᠬᠤᠯᠠ ᠶᠠᠪᠤᠳᠠᠯ ᠪᠤᠯᠤᠨ᠎ᠠ︾  ︽ᠭᠦᠭᠡ ᠠᠭᠤᠯᠠ ᠭᠦᠭᠡᠮᠳᠦᠭ ᠤᠰᠤ  ᠪᠣᠯ ᠠᠯᠳᠠ ᠮᠦᠡᠭᠭᠦᠨ ᠠᠭᠤᠯᠠ ︾ ᠬᠡᠮᠡᠬᠦ ᠶᠤᠰᠤ ᠤᠴᠢᠷ ᠢ ᠠᠯᠢ ᠡᠷᠳᠡ ᠠᠴᠠ ᠭᠦᠡᠵᠡᠭᠡᠢ ᠦᠢᠯᠠᠭᠠᠵᠤ ᠪᠠᠶᠢᠬᠰᠠᠨ ᠪᠤᠯᠬᠤᠷ ᠨᠤᠳᠤᠭ ᠤᠨ ᠢᠶᠠᠨ ᠤᠷᠴᠢᠨ ᠲᠤᠭᠤᠷᠢᠨ ᠤ ᠪᠠᠶᠢᠭᠤᠯᠤᠯᠳᠠ ᠳᠤ ᠢᠮᠠᠬᠳᠠ ᠠᠩᠬᠠᠷᠤᠯ ᠬᠠᠨᠳᠤᠭᠤᠯᠤᠨ ᠤᠷᠤᠯᠴᠠᠭᠰᠠᠭᠠᠷ ᠢᠷᠡᠪᠠ᠃ ᠡᠳᠤᠷ ᠢᠷᠡᠭᠦ ᠲᠤᠳᠤᠮ ᠲᠠᠴᠢᠷᠳᠠᠵᠤ ᠪᠠᠶᠢᠭ᠎ᠠ ᠤᠷᠴᠢᠨ ᠲᠤᠭᠤᠷᠢᠨ ᠢ ᠸᠠᠩ ᠪᠦᠭᠡ ᠨᠢᠳᠤ ᠪᠠᠷ ᠢᠶᠠᠨ ᠦᠵᠡᠵᠤ ᠰᠡᠳᠭᠢᠯ  ᠳᠤ ᠪᠠᠨ ᠪᠤᠳᠤᠵᠤ᠂ ᠴᠢᠳᠠᠬᠤ ᠶᠢᠨ ᠭᠢᠷᠢ ᠳᠤ ᠪᠠᠨ ᠶᠠᠭᠤ ᠨᠢᠭᠡ ᠶᠢ ᠭᠢᠭᠦ ᠪᠠᠷ ᠵᠤᠷᠢᠭ ᠰᠢᠭᠤᠳᠪᠠ᠃ ᠡᠨᠡ ᠮᠠᠳᠤ ᠬᠠᠷᠢᠭᠤᠴᠠᠭᠠᠯᠳᠤ ᠰᠠᠳᠭᠢᠯ ᠢ ᠡᠪᠤᠷᠯᠠᠵᠤ᠂ 2010 ᠤᠨ ᠳᠤ᠂ ᠲᠠᠷᠠ 5000 ᠮᠤ᠋ ᠭᠠᠵᠡᠷ ᠲᠠᠭᠠᠭᠠᠴᠢᠯᠠᠨ ᠠᠪᠴᠤ ᠮᠤᠳᠤ ᠵᠠᠶᠢᠯᠠᠵᠤ ᠤᠢᠢᠵᠢᠭᠤᠯᠪᠠ᠃ ᠸᠠᠩ ᠪᠦᠭᠡ ᠶᠢᠨ ᠲᠠᠭᠠᠭᠠᠴᠢᠯᠠᠨ ᠠᠪᠤᠬᠰᠠᠨ ᠭᠠᠵᠡᠷ ᠤᠨ ᠨᠡᠷ᠎ᠠ  ᠨᠢ《 ᠮᠠᠩᠬᠠᠨ ᠲᠠᠪᠠᠭ᠎ᠠ》 ᠭᠡᠳᠡᠭ᠃ ᠲᠤᠬᠠᠢ ᠶᠢᠨ ᠭᠠᠵᠡᠷ ᠤᠨ ᠬᠠᠮᠤᠭ ᠠᠴᠠ ᠢᠯᠡᠭᠦᠦ ᠡᠯᠡᠰᠦᠷᠭᠡᠭᠵᠢᠭᠰᠡᠨ ᠪᠦᠭᠡᠳ ᠤᠢᠢᠵᠢᠭᠤᠯᠬᠤ ᠳᠤ ᠬᠠᠮᠤᠭ ᠤᠨ  ᠲᠦᠪᠡᠭᠲᠡᠢ ᠡᠯᠡᠰᠦᠷᠭᠡᠭ ᠭᠠᠵᠡᠷ ᠪᠤᠯᠤᠨ᠎ᠠ᠃ ︽ᠡᠪᠠᠳᠴᠢᠳᠠᠨ ᠤ ᠡᠪᠠᠳᠴᠢᠨ ᠡᠮᠭᠡᠭ ᠢ ᠨᠢ ᠦᠵᠡᠭᠡᠳ  ᠥᠭᠪᠡᠯ ᠪᠠᠷᠠᠯ᠎ᠠ ᠳ᠋ᠠ᠂ ᠶᠠᠭᠤᠨ ᠤ ᠬᠢ ᠤᠢᠢᠵᠢᠭᠤᠯᠬᠤ ᠭᠠᠵᠡᠷ ᠲᠠᠭᠠᠭᠠᠴᠢᠯᠠᠨ ᠠᠪᠬᠤ ᠭᠡᠰᠠᠨ ᠪᠤᠢ︖︾   ᠭᠡᠵᠦ ᠨᠠᠶᠢᠵᠠ ᠨᠠᠷ ᠨᠢ ᠲᠠᠭᠦᠨ ᠢ  ᠢᠳᠬᠠᠬᠰᠠᠨ ᠪᠤᠯᠪᠠᠴᠤ ᠨᠢᠭᠡ ᠯᠠ ᠰᠠᠳᠭᠢᠯ ᠢᠶᠠᠷ ᠨᠤᠳᠤᠭ ᠤᠰᠤ ᠪᠠᠨ ᠤᠢᠢᠵᠢᠭᠤᠯᠤᠶ᠎ᠠ  ᠭᠡᠵᠦ ᠪᠤᠳᠤᠬᠰᠠᠨ ᠸᠠᠩ ᠪᠦᠭᠡ ᠬᠠᠰᠢ ᠯᠠ 4 ᠲᠦᠮᠠᠨ ᠵᠠᠭᠠᠷᠳᠤ ᠨᠠᠷᠠᠰᠤ ᠶᠢᠨ ᠴᠢᠭᠢ ᠬᠤᠳᠠᠯᠳᠤᠨ ᠠᠪᠴᠤ ᠲᠠᠭᠠᠭᠠᠴᠢᠯᠠᠬᠰᠠᠨ ᠭᠠᠵᠡᠷ  ᠲᠤ ᠪᠠᠨ ᠵᠠᠶᠢᠯᠠᠪᠠ᠃ ᠭᠡᠪᠠᠴᠤ ᠲᠠᠭᠠᠭᠠᠴᠢᠯᠠᠬᠰᠠᠨ‌ᠭᠠᠵᠡᠷ  ᠲᠤ ᠨᠢ ᠤᠰᠤ ᠴᠠᠭᠢᠯᠭᠠᠨ ᠪᠠᠶᠢᠬᠤ ᠦᠭᠡᠢ᠂ ᠰᠠᠯᠭᠢᠨ ᠢ ᠰᠠᠷᠭᠡᠶᠢᠯᠡᠨ ᠴᠢᠭᠢ ᠮᠤᠳᠤ ᠶᠢ ᠬᠠᠮᠠᠭᠠᠯᠠᠬᠤ ᠲᠦᠭᠦᠭᠡᠷᠤᠮᠵᠢ ᠪᠠᠶᠢᠬᠤ ᠦᠭᠡᠢ ᠮᠦᠷᠳᠡᠭᠡᠨ ᠮᠠᠯ ᠤᠨ ᠰᠦᠷᠦᠭ᠂ ᠬᠤᠨᠢ ᠢᠮᠠᠭ᠎ᠠ ᠶᠢᠨ ᠰᠦᠷᠦᠭ ᠤᠨ ᠵᠠᠮ ᠪᠤᠯᠤᠬᠰᠡᠨ ᠪᠤᠯᠬᠤᠷ ᠤᠢᠢᠵᠢᠭᠤᠯᠤᠬᠰᠠᠨ ᠦᠷ᠎ᠠ ᠪᠦᠳᠦᠮᠵᠢ ᠪᠠᠨ ᠬᠠᠮᠠᠭᠠᠯᠠᠵᠤ ᠲᠡᠶᠢᠯᠦᠭᠰᠡᠨ ᠦᠭᠡᠢ ᠪᠤᠯᠬᠤᠷ ᠡᠨᠡ ᠤᠳᠠᠭ᠎ᠠ ᠶᠢᠨ ᠤᠢᠢᠵᠢᠭᠤᠯᠬᠤ ᠠᠵᠢᠯ  ᠨᠢ ᠠᠮᠵᠢᠯᠳᠠ ᠤᠯᠤᠬᠰᠠᠨ ᠦᠭᠡᠢ᠃ ᠮᠤᠳᠤ ᠵᠠᠶᠢᠯᠠᠵᠤ ᠤᠢᠢᠵᠢᠭᠤᠯᠤᠭᠠᠳ ᠠᠩᠬ᠎ᠠ ᠢᠯᠠᠬᠳᠠᠯ ᠳᠤ ᠤᠴᠠᠷᠠᠬᠰᠠᠨ  ᠨᠢ ᠸᠠᠩ ᠪᠦᠭᠡ ᠶᠢᠨ ᠮᠤᠳᠤ ᠵᠠᠶᠢᠯᠠᠵᠤ ᠤᠢᠢᠵᠢᠭᠤᠯᠤᠨ ᠡᠯᠡᠰᠤ ᠶᠢ ᠰᠠᠷᠭᠡᠶᠢᠯᠡᠵᠤ ᠡᠯᠡᠰᠤ ᠶᠢ ᠵᠠᠰᠠᠨ ᠤᠷᠴᠢᠨ ᠲᠤᠭᠤᠷᠢᠨ ᠢ ᠰᠠᠶᠢᠵᠢᠷᠠᠭᠤᠯᠬᠤ ᠭᠡᠰᠠᠨ ᠵᠤᠷᠢᠭ ᠰᠦᠰᠤ ᠶᠢ ᠬᠠᠷᠢᠨ  ᠭᠦᠪᠴᠢᠯᠡᠭᠰᠡᠨ ᠪᠠᠶᠢᠨ᠎ᠠ᠃  ᠸᠠᠩ ᠪᠦᠭᠡ ᠶᠢᠨ ᠲᠦᠷᠦᠭᠰᠡᠨ ᠨᠤᠳᠤᠭ ᠬᠠᠭᠤᠷᠠᠢ ᠬᠠᠭᠠᠰ ᠬᠠᠭᠤᠷᠠᠢ ᠤᠷᠴᠢᠨ ᠲᠤᠭᠤᠷᠢᠨ ᠳᠤ ᠪᠠᠶᠢᠷᠢᠰᠢᠵᠤ᠂ ᠬᠠᠪᠤᠷ ᠤᠨ ᠤᠯᠠᠷᠢᠯ ᠳᠤ ᠠᠭᠤᠷ ᠠᠮᠢᠰᠬᠤᠯ ᠮᠠᠭᠤ᠂ ᠰᠠᠯᠭᠢ ᠭᠦᠳᠡᠯᠵᠤ ᠰᠢᠷᠦᠢ ᠲᠤᠭᠤᠰᠤ ᠲᠡᠭᠳᠡᠵᠤ᠂ ᠮᠤᠳᠤ ᠵᠠᠶᠢᠯᠠᠬᠤ  ᠭᠡᠵᠦ ᠮᠠᠯᠳᠠᠬᠰᠠᠨ ᠨᠦᠭᠡ ᠨᠢ ᠨᠢᠭᠡ ᠯᠠ ᠰᠦᠨᠢ ᠶᠢᠨ ᠬᠤᠭᠤᠷᠤᠡᠳᠤ ᠡᠯᠡᠰᠤᠨ ᠳᠤ ᠪᠤᠯᠠᠬᠳᠠᠳᠠᠭ᠃ ᠵᠠᠷᠢᠮ ᠦᠶ᠎ᠠ ᠳᠤ ᠰᠠᠶ᠋ᠢᠬᠠᠨ ᠵᠠᠶᠢᠯᠠᠬᠰᠠᠨ ᠴᠢᠭᠢ ᠮᠤᠳᠤ ᠶᠡᠭᠡ ᠰᠠᠯᠭᠢᠨ ᠳᠤ ᠭᠡᠶᠢᠰᠦᠭᠡᠳ ᠤᠷᠤ ᠮᠦᠷ ᠦᠭᠡᠢ ᠪᠤᠯᠬᠤ ᠶᠠᠪᠤᠳᠠᠯ ᠴᠤ ᠭᠠᠷᠳᠠᠭ᠃ ᠲᠠᠷᠠ ᠦᠶ᠎ᠠ ᠳᠤ᠂ ᠸᠠᠩ ᠪᠦᠭᠡ ᠡᠪᠠᠳᠴᠢᠨ ᠦᠵᠡᠭᠦ ᠠᠴᠠ ᠭᠠᠳᠠᠨ᠎ᠠ ᠪᠤᠰᠤᠳ ᠴᠠᠭ   ᠲᠤ ᠨᠢ ᠭᠡᠷ ᠤᠨ ᠭᠦᠮᠤᠰ ᠢᠶᠠᠨ ᠲᠠᠭᠠᠭᠤᠯᠤᠨ ᠡᠷᠳᠡ᠂ ᠦᠳᠠ᠂ ᠤᠷᠤᠢ ᠶᠢᠨ ᠴᠠᠭ ᠢᠶᠠᠨ ᠠᠰᠢᠭᠯᠠᠨ ᠨᠦᠭᠡ ᠮᠠᠯᠳᠠᠵᠤ ᠮᠤᠳᠤ ᠵᠠᠶᠢᠯᠠᠨ ᠤᠰᠤ ᠲᠠᠮᠨᠠᠨ ᠵᠠᠶᠢᠯᠠᠬᠰᠠᠨ ᠮᠤᠳᠤ ᠪᠠᠨ ᠤᠰᠤᠯᠠᠬᠰᠠᠨ ᠪᠠᠶᠢᠨ᠎ᠠ᠃ ᠤᠷᠳᠤ ᠬᠤᠭᠤᠴᠠᠭ᠎ᠠ ᠪᠠᠷ ᠭᠠᠳᠠᠨ᠎ᠠ ᠠᠵᠢᠯ ᠭᠢᠵᠤ ᠨᠠᠷᠠᠨ ᠳᠤ ᠰᠢᠷᠠᠬᠳᠠᠵᠤ ᠰᠠᠯᠭᠢᠨ ᠳᠤ ᠦᠯᠢᠶᠡᠭᠳᠡᠵᠤ᠂ ᠭᠠᠷ ᠤᠨ ᠠᠯᠠᠭ᠎ᠠ   ᠨᠢ ᠴᠦᠪᠤᠷᠢᠳᠤᠵᠤ᠂ ᠤᠷᠤᠭᠤᠯ  ᠨᠢ ᠦᠷᠤᠮᠡᠳᠡᠨ ᠬᠠᠭᠠᠷᠠᠵᠤ᠂ ᠠᠷᠠᠰᠤ ᠨᠢ ᠴᠤ ᠨᠠᠷᠠᠨ ᠳᠤ ᠰᠢᠷᠠᠬᠳᠠᠨ ᠭᠡᠮᠳᠤᠵᠤ᠂ ᠲᠠᠨᠢᠯ ᠪᠤᠰᠤ ᠭᠦᠮᠤᠨ ᠲᠡᠭᠦᠨ ᠢ ᠡᠮᠴᠢ ᠭᠡᠵᠦ ᠢᠳᠡᠭᠡᠵᠤ ᠶᠠᠳᠠᠬᠤ ᠪᠦᠭᠡᠳ ᠲᠠᠨᠢᠯ ᠭᠦᠮᠤᠨ ᠢᠨᠤ ᠲᠡᠭᠦᠨ ᠤ ᠡᠨᠡ ᠮᠠᠳᠤ ᠰᠢᠷᠭᠠᠭᠤ ᠬᠠᠳᠠᠭᠤᠵᠢᠯᠳᠠᠢ ᠠᠵᠢᠯᠯᠠᠵᠤ ᠪᠠᠶᠢᠭ᠎ᠠ ᠶᠢ ᠦᠵᠡᠭᠡᠳ ᠦᠷᠤ ᠡᠪᠠᠳᠭᠦ ᠶᠢᠨ ᠬᠠᠮᠳᠤ ᠪᠢᠰᠢᠷᠡᠭᠰᠡᠨ ᠪᠠᠶᠢᠨ᠎ᠠ᠃ 15 ᠵᠢᠯ ᠤᠨ ᠰᠢᠡᠳᠠᠷᠡᠰᠢ ᠦᠭᠡᠢ ᠴᠢᠷᠮᠠᠶᠢᠯᠭ᠎ᠠ ᠪᠠᠷ ᠲᠠᠮᠵᠢᠵᠤ᠂ ᠤᠯᠤᠰ ᠠᠴᠠ ᠪᠠᠯᠠ ᠤᠷᠤᠭᠤᠯᠤᠬᠰᠠᠨ ᠦᠭᠡᠢ ᠨᠦᠭᠦᠴᠠᠯ ᠲᠤᠤᠷ᠎ᠠ᠂ ᠸᠠᠩ ᠪᠦᠭᠡ ᠭᠦᠴᠤ ᠪᠠᠨ ᠰᠢᠪᠬᠠᠨ ᠭᠦᠯᠦᠰᠤ ᠪᠠᠨ ᠤᠷᠤᠰᠬᠠᠨ ᠪᠠᠶᠢᠵᠤ ᠨᠢᠭᠡ ᠭᠡᠰᠡᠭ ᠨᠤᠭᠤᠭᠠᠨ ᠪᠦᠷᠢᠳᠤ ᠪᠦᠳᠦᠭᠡᠭᠰᠡᠨ ᠪᠠᠶᠢᠨ᠎ᠠ᠃ ᠲᠠᠭᠠᠭᠠᠴᠢᠯᠠᠬᠰᠠᠨ 5000 ᠮᠤ᠋ ᠡᠯᠡᠰᠤ ᠶᠢ ᠪᠦᠷᠢᠮᠤᠰᠤᠨ ᠵᠠᠰᠠᠬᠤ ᠬᠠᠷᠠᠯᠳᠠ ᠪᠠᠨ ᠪᠠᠶᠠᠯᠡᠭᠦᠯᠵᠤ᠂ ᠨᠠᠷᠠᠰᠤ ᠮᠠᠶᠢᠯᠠᠰᠤ ᠵᠡᠷᠭᠡ ᠶᠢᠨ 49 ᠲᠦᠷᠤᠯ ᠤᠨ 45 ᠲᠦᠮᠠᠨ ᠪᠤᠳᠠ ᠲᠤᠷᠤᠭ ᠮᠤᠳᠤ ᠵᠠᠶᠢᠯᠠᠬᠰᠠᠨ ᠪᠠᠶᠢᠨ᠎ᠠ᠃ ᠡᠭᠦᠨ ᠳᠤ᠂ 100 ᠮᠤ᠋ ᠵᠢᠮᠢᠰ ᠤᠨ ᠮᠤᠳᠤ᠂ 100 ᠮᠤ᠋ ᠴᠡᠴᠡᠭ ᠬᠤᠸᠡᠷ ᠲᠠᠢ ᠪᠠᠶᠢᠵᠤ᠂ ᠤᠢ ᠮᠤᠳᠤ ᠶᠢᠨ ᠵᠠᠭᠠᠭ ᠲᠤ 13 ᠲᠦᠷᠤᠯ ᠤᠨ ᠭᠢᠳᠡᠳ ᠡᠪᠠᠰᠤᠨ ᠡᠮ ᠲᠠᠷᠢᠵᠤ 400 ᠮᠤ᠋ ᠭᠦᠷᠦᠭᠰᠡᠨ  ᠠᠵᠢ᠃   ᠵᠠᠭᠠᠬᠯᠠᠨ ᠲᠠᠷᠢᠬᠰᠠᠨ ᠢᠳᠡᠰᠢᠨ ᠨᠤᠭᠤᠭ᠎ᠠ  ᠪᠠᠨ ᠡᠪᠠᠳᠴᠢᠳᠠᠨ ᠳᠤ ᠦᠭᠴᠤ ᠡᠮᠨᠡᠯᠭᠡ ᠳᠤ ᠰᠠᠭᠤᠵᠤ ᠡᠮᠨᠡᠭᠦᠯᠵᠤ ᠪᠠᠶᠢᠭ᠎ᠠ ᠡᠪᠠᠳᠴᠢᠳᠠᠨ ᠤ ᠬᠤᠭᠤᠯᠠ ᠤᠮᠳᠠ ᠶᠢᠨ ᠪᠦᠳᠦᠴᠠ ᠶᠢ ᠪᠠᠳᠤᠯᠠᠬᠰᠠᠨ  ᠪᠢᠯᠡ᠃ ᠦᠡᠭᠭᠡᠷᠡᠭᠰᠡᠨ ᠤ ᠡᠯᠡᠰᠤ ᠮᠠᠩᠬ᠎ᠠ ᠦᠨᠤᠳᠤᠷ ᠬᠠᠷᠢᠨ ᠤᠢ ᠶᠢᠨ ᠴᠡᠴᠡᠷᠯᠢᠭ ᠪᠤᠯᠵᠤ ᠬᠤᠪᠢᠷᠠᠭᠠᠳ 4A ᠲᠠᠰ ᠤᠨ ᠵᠢᠭᠤᠯᠴᠢᠯᠠᠯ ᠤᠨ ᠦᠵᠡᠮᠵᠢ ᠶᠢᠨ ᠪᠠᠷᠢᠮᠵᠢᠶ᠎ᠠ ᠳᠤ  ᠬᠦᠷᠴᠡᠢ᠃ ᠰᠢᠷ᠎ᠠ ᠬᠤᠮᠠᠭ ᠭᠡᠶᠢᠰᠦᠭᠰᠡᠨ ᠡᠯᠡᠰᠤ ᠮᠠᠩᠬᠠᠨ ᠨᠤᠳᠤᠭ ᠤᠳᠤ ᠬᠠᠷᠢᠨ ᠲᠤᠵᠢ ᠤᠢ ᠮᠤᠳᠤ ᠤᠷᠭᠤᠵᠤ᠂ ᠤᠳᠠᠭᠠᠨ ᠵᠢᠯ ᠠᠯᠠᠭ᠎ᠠ ᠪᠤᠯᠤᠬᠰᠠᠨ ᠭᠡᠭᠡᠷ᠎ᠠ ᠶᠢᠨ ᠠᠮᠢᠳᠠᠨ ᠢᠳᠡᠭ ᠢᠳᠡᠭ ᠢᠶᠠᠷ ᠢᠷᠡᠵᠤ᠂ ᠡᠷᠪᠡᠭᠡᠢ ᠨᠢᠰᠴᠤ ᠪᠤᠯᠵᠤᠮᠤᠷ ᠰᠢᠪᠠᠭᠤ ᠵᠢᠷᠭᠢᠨ ᠲᠠᠤᠯᠠᠢ ᠂ ᠭᠤᠷᠭᠤᠤᠯ᠂ ᠭᠡᠭᠡᠷ᠎ᠠ ᠶᠢᠨ ᠭᠠᠭ᠋ᠠᠢ ᠭᠠᠵᠡᠷ ᠰᠠᠢ ᠦᠭᠡᠢ ᠭᠦᠶᠦᠯᠳᠤᠵᠤ᠂ ᠪᠠᠶᠢᠭᠠᠯᠢ ᠶᠢᠨ ᠤᠷᠴᠢᠨ ᠲᠤᠭᠤᠷᠢᠨ ᠡᠷᠡᠰ ᠬᠤᠪᠢᠷᠠᠯᠳᠠ  ᠭᠠᠷᠤᠯ᠎ᠠ᠃ ᠡᠨᠡ ᠭᠦ ᠭᠦᠴᠤ ᠭᠠᠷᠭᠠᠵᠤ ᠭᠦᠯᠦᠰᠤ ᠤᠷᠤᠰᠬᠠᠨ ᠪᠠᠶᠢᠵᠤ ᠤᠷᠭᠤᠭᠤᠯᠤᠬᠰᠠᠨ ᠤᠢ ᠮᠤᠳᠤ  ᠪᠠᠨ ᠬᠠᠮᠠᠭᠠᠯᠠᠬᠤ ᠶᠢᠨ ᠲᠦᠯᠦᠭᠡ ᠸᠠᠩ ᠪᠦᠭᠡ 7 ᠭᠦᠮᠤᠨ ᠢᠶᠠᠷ ᠪᠦᠷᠢᠯᠳᠦᠭᠰᠡᠨ ᠤᠢ ᠬᠠᠮᠠᠭᠠᠯᠠᠨ ᠭᠠᠯ ᠢ ᠰᠠᠷᠭᠡᠶᠢᠯᠡᠭᠦ ᠪᠠᠭ ᠪᠠᠶᠢᠭᠤᠯᠵᠤ᠂ ᠤᠢ ᠮᠤᠳᠤ ᠶᠢ ᠴᠠᠬᠳᠠᠵᠤ᠂ ᠭᠠᠯ ᠢ ᠰᠠᠷᠭᠡᠶᠢᠯᠡᠵᠤ᠂ ᠭᠡᠭᠡᠷ᠎ᠠ ᠶᠢᠨ ᠠᠮᠢᠳᠠᠨ ᠢ ᠬᠠᠮᠠᠭᠠᠯᠠᠪᠠ᠃  ᠠᠵᠢᠯ ᠤᠨ ᠠᠮᠵᠢᠯᠳᠠ ᠪᠠᠨ ᠬᠠᠷᠠᠭᠠᠳ ᠸᠠᠩ ᠪᠦᠭᠡ ᠲᠤᠩ ᠶᠡᠭᠡ ᠪᠠᠶᠠᠷᠯᠠᠵᠤ ᠄ ︽ᠪᠢ ᠦᠡᠭᠭᠡᠷᠡᠭᠰᠡᠨ ᠳᠤ ᠮᠤᠳᠤ ᠵᠠᠶᠢᠯᠠᠵᠤ ᠤᠢᠢᠵᠢᠭᠤᠯᠬᠤ ᠶᠢ ᠦᠢᠯᠠᠭᠠᠬᠤ ᠦᠭᠡᠢ ᠪᠠᠶᠢᠪᠠ᠃ ᠤᠳᠤ ᠬᠠᠷᠢᠨ ᠵᠢᠯ ᠤᠨ ᠲᠦᠷᠪᠠᠨ ᠤᠯᠠᠷᠢᠯ ᠳᠤ ᠴᠦᠮ ᠤᠢᠢᠵᠢᠭᠤᠯᠵᠤ ᠲᠡᠶᠢᠯᠭᠦ ᠨᠤᠳᠤᠭ ᠤᠨ ᠮᠠᠷᠭᠡᠵᠢᠯᠳᠠᠨ ᠪᠤᠯᠤᠯ᠎ᠠ︾ ᠭᠡᠵᠢ ᠪᠠᠶᠢᠡᠭᠭᠤ ᠱᠤᠭ ᠪᠤᠯᠭᠠᠨ ᠶᠠᠷᠢᠳᠠᠭ᠃  2022 ᠤᠨ ᠳᠤ᠂ ᠭᠠᠴᠠᠭ᠎ᠠ ︵ᠲᠤᠰᠬᠤᠨ︶ ᠶᠢᠨ  ᠬᠤᠶᠠᠷ ᠵᠦᠪᠯᠡᠯ ᠠᠶᠢᠯ ᠤᠨ ᠬᠠᠪᠢ  ᠲᠥᠰᠦᠷ ᠤᠨ ᠬᠤᠬ ᠨᠤᠪᠰᠢ ᠶᠢ ᠴᠡᠪᠠᠷᠯᠡᠭᠦ ᠪᠠᠷ ᠲᠦᠯᠦᠪᠯᠡᠭᠰᠡᠨ ᠪᠤᠯᠪᠠᠴᠤ ᠵᠠᠷᠤᠳᠠᠯ ᠭᠦᠷᠦᠯᠴᠡᠭᠦ ᠦᠭᠡᠢ ᠪᠤᠯᠤᠬᠰᠠᠨ ᠳᠤ ᠪᠠᠭ ᠤᠨ ᠤᠳᠤᠷᠢᠳᠤᠯᠭ᠎ᠠ ᠸᠠᠩ ᠪᠦᠭᠡ ᠶᠢ ᠡᠷᠢᠵᠤ ᠲᠠᠮᠵᠢᠯᠭᠡ ᠭᠦᠰᠡᠪᠠ᠃ ᠸᠠᠩ ᠪᠦᠭᠡ  ᠬᠤᠶᠠᠷ ᠵᠦᠪᠯᠡᠯ ᠤᠨ ᠰᠠᠳᠭᠢᠯ ᠤᠨ ᠵᠤᠪᠠᠯᠠᠩ ᠪᠠ ᠭᠠᠴᠠᠭ᠎ᠠ ᠶᠢᠨ ᠠᠷᠠᠳ ᠤᠨ ᠭᠦᠰᠡᠯ ᠡᠷᠡᠮᠠᠯᠵᠠᠯ ᠢ ᠪᠦᠷᠢᠮᠤᠰᠤᠨ ᠦᠢᠯᠠᠭᠠᠵᠤ᠂ ᠰᠠᠶ᠎ᠠ ᠢᠯᠡᠭᠦᠦ ᠲᠦᠭᠦᠷᠢᠭ ᠪᠠᠯᠠ ᠤᠷᠤᠭᠤᠯᠵᠤ ᠠᠷᠢᠯᠭᠠᠭᠠᠳ ᠤᠳᠤ ᠯᠢᠩᠬᠤᠸᠠᠳᠤ ᠨᠠᠭᠤᠷ ᠪᠤᠯᠭᠠᠵᠤ᠂ ᠨᠠᠭᠤᠷ ᠤᠨ ᠤᠰᠤ ᠮᠠᠯᠮᠠᠯᠵᠠᠵᠤ ᠯᠢᠩᠬᠤ᠎ᠠ ᠴᠡᠴᠡᠭ ᠪᠠᠳᠠᠷᠠᠨ ᠲᠡᠯᠭᠡᠷᠡᠵᠤ᠂ ᠭᠠᠴᠠᠭ᠎ᠠ ᠶᠢᠨ ᠠᠷᠠᠳ ᠤᠨ ᠤᠷᠤᠰᠢᠨ ᠠᠮᠢᠳᠤᠷᠠᠬᠤ ᠤᠷᠴᠢᠨ ᠲᠤᠭᠤᠷᠢᠨ ᠰᠠᠶᠢᠵᠢᠷᠠᠬᠤ ᠶᠢᠨ ᠬᠠᠮᠳᠤ ᠯᠢᠩᠬᠤ᠎ᠠ ᠴᠡᠴᠡᠭ ᠰᠤᠨᠢᠷᠬᠠᠬᠤ ᠦᠵᠡᠮᠵᠢ ᠶᠢᠨ ᠤᠷᠤᠨ ᠪᠤᠯᠤᠬᠰᠠᠨ ᠪᠠᠶᠢᠨ᠎ᠠ᠃  ᠸᠠᠩ ᠪᠦᠭᠡ ᠪᠤᠯ ᠲᠤᠮᠳᠠᠳᠤ ᠶᠢᠨ ᠲᠦᠭ ᠲᠦᠮᠠᠨ ᠦᠭᠢᠳ ᠭᠦᠪᠡᠭᠦᠳ ᠤᠨ ᠨᠢᠭᠡ ᠪᠤᠯᠤᠨ᠎ᠠ᠂  ᠲᠡᠷᠡ  ᠮᠤᠩᠭᠤᠯ ᠠᠨᠠᠭᠠᠬᠤ ᠤᠬᠠᠭᠠᠨ ᠤ ᠫᠷᠦᠹᠧᠰᠰᠤᠷ ᠤᠨ ᠬᠤᠪᠢ ᠪᠠᠷ ᠦᠡᠳᠤᠰᠤᠳᠠᠨ ᠤ ᠡᠮ ᠡᠮᠨᠡᠯᠭᠡ ᠶᠢᠨ ᠦᠢᠯᠠᠰ ᠢ ᠤᠯᠠᠮᠵᠢᠯᠠᠨ ᠭᠦᠭᠵᠢᠭᠦᠯᠵᠤ᠂ ᠡᠮᠴᠢᠯᠡᠭᠡ ᠶᠢᠨ ᠮᠤᠷᠠᠯ ᠢ ᠪᠠᠳᠠᠷᠠᠭᠤᠯᠤᠬᠰᠠᠨ ᠪᠠᠶᠢᠨ᠎ᠠ᠃ ᠮᠦᠨ ᠮᠦᠡᠭᠭᠦ ᠵᠤᠭᠤᠰ ᠭᠠᠷᠭᠠᠵᠤ ᠰᠤᠷᠤᠬᠴᠢ ᠶᠢᠨ ᠰᠤᠷᠤᠯᠭ᠎ᠠ ᠶᠢ  ᠳᠡᠳᠭᠦᠵᠦ᠂ ᠶᠠᠳᠠᠭᠤ ᠶᠢ ᠲᠡᠳᠭᠦᠵᠤ ᠭᠦᠴᠢᠷᠳᠡᠯᠳᠡᠢ ᠶᠢ ᠬᠠᠪᠰᠤᠷᠤᠬᠰᠠᠨ ᠬᠠᠶᠢᠷ᠎ᠠ  ᠶᠢᠨ ᠡᠯᠴᠢ ᠪᠠᠶᠢᠬᠰᠠᠨ ᠶᠤᠮ᠂ ᠠᠳᠠᠯᠢ ᠪᠠᠷ ᠡᠯᠡᠰᠤ ᠶᠢ ᠰᠠᠷᠭᠡᠶᠢᠯᠡᠵᠤ ᠡᠯᠡᠰᠤ ᠶᠢ ᠵᠠᠰᠠᠨ ᠤᠷᠴᠢᠨ ᠲᠤᠭᠤᠷᠢᠨ ᠢ ᠰᠠᠶᠢᠵᠢᠷᠠᠭᠤᠯᠤᠬᠰᠠᠨ ᠲᠠᠭᠠᠭᠤᠯᠤᠬᠴᠢ ᠪᠠ  ᠦᠢᠯᠡᠳᠦᠯᠭᠡᠵᠢᠭᠦᠯᠦᠭᠴᠢ ᠪᠤᠯᠤᠨ᠎ᠠ᠃ ᠸᠠᠩ ᠪᠦᠭᠡ ᠶᠢᠨ  ᠡᠳᠡᠭᠡᠷ ᠦᠢᠯᠠ ᠠᠵᠢᠯᠯᠠᠭ᠎ᠠ  ᠳᠤ ︽ᠲᠠᠰᠪᠤᠷᠢ ᠬᠠᠳᠠᠭᠤᠵᠢᠯᠳᠠᠢ᠂  ᠴᠣᠴᠠᠯᠲᠠ ᠦᠭᠡᠢ ᠤᠷᠤᠭᠰᠢᠯᠠᠵᠤ᠂ ᠵᠤᠷᠢᠬᠰᠠᠨ   ᠳᠤ ᠪᠠᠨ ᠭᠦᠷᠭᠦ ᠦᠭᠡᠢ ᠪᠤᠯᠪᠠᠯ  ᠵᠣᠭᠰᠣᠰᠢ ᠦᠭᠡᠢ︾ ᠮᠤᠩᠭᠤᠯ ᠮᠤᠷᠢᠨ ᠤ  ᠵᠣᠷᠢᠭ ᠰᠠᠨᠠᠭ᠎ᠠ᠂  ︽ᠲᠠᠰᠪᠤᠷᠢ ᠬᠠᠳᠠᠭᠤᠵᠢᠯᠳᠠᠢ ᠲᠠᠮᠠᠴᠠᠵᠤ᠂ ᠬᠠᠷᠠᠮ ᠦᠭᠡᠢ  ᠵᠣᠷᠢᠭᠤᠯᠬᠤ᠂ ᠰᠢᠡᠳᠡᠷᠡᠰᠢ ᠦᠭᠡᠢ ᠴᠢᠷᠮᠠᠶᠢᠵᠤ᠂  ᠤᠷᠲᠤ ᠬᠤᠭᠤᠴᠠᠭ᠎ᠠ ᠪᠠᠷ  ᠵᠢᠳᠭᠦᠬᠦ︾  ᠤᠮᠠᠷᠡᠳᠤ ᠶᠢᠨ ᠭᠤᠷᠪᠠᠨ ᠣᠷᠤᠨ ᠤ ᠵᠤᠷᠢᠭ ᠰᠠᠨᠠᠭ᠎ᠠ ᠢᠯᠡᠷᠡᠵᠤ᠂ ᠪᠦᠭᠦ ᠰᠠᠳᠭᠢᠯ ᠪᠦᠭᠦ ᠵᠤᠷᠢᠭ ᠢᠶᠠᠷ ᠢᠶᠠᠨ ᠠᠷᠠᠳ ᠲᠦᠮᠠᠨ ᠳᠤ ᠦᠢᠯᠠᠴᠢᠯᠡᠭᠦ ᠡᠷᠭᠢᠮ ᠲᠡᠭᠡᠳᠤ ᠵᠠᠩ ᠮᠤᠷᠠᠯ ᠪᠠ  ᠠᠴᠢ  ᠬᠠᠷᠢᠭᠤᠯᠠᠬᠤ ᠰᠢᠯᠢᠳᠡᠭ ᠤᠯᠠᠮᠵᠢᠯᠠᠯ ᠢᠯᠡᠷᠡᠵᠤ ᠪᠠᠶᠢᠳᠠᠭ᠃  2013 ᠤᠨ ᠳᠤ᠂ ᠸᠠᠩ ᠪᠦᠭᠡ《 ᠪᠦᠭᠦ ᠤᠯᠤᠰ ᠤᠨ ᠭᠦᠳᠡᠭᠡ ᠲᠤᠰᠬᠤᠨ ᠤ ᠬᠠᠮᠤᠭ ᠤᠨ  ᠰᠣᠳᠤᠨ ᠡᠮᠴᠢ》 ᠶᠢᠨ ᠢᠷᠠᠭᠤ ᠠᠯᠳᠠᠷ ᠤᠨ ᠴᠤᠯᠠ ᠶᠢ ᠭᠦᠷᠳᠡᠭᠰᠡᠨ ᠪᠠᠶᠢᠨ᠎ᠠ᠃ ᠡᠮᠴᠢᠯᠡᠭᠡ ᠶᠢᠨ ᠮᠠᠷᠭᠡᠵᠢᠯ ᠢᠶᠠᠷ ᠡᠮ ᠪᠠᠷᠢᠵᠤ ᠂ ᠦᠨᠡᠨ ᠰᠠᠳᠭᠢᠯ ᠠᠴᠠ ᠪᠠᠨ ᠪᠤᠶᠠᠨ ᠭᠢᠵᠤ ᠪᠤᠰᠤᠳ ᠢ ᠬᠠᠪᠰᠤᠷᠤᠬᠰᠠᠨ ᠸᠠᠩ ᠪᠦᠭᠡ ᠡᠮᠴᠢ ᠳᠤ ᠲᠤᠰ ᠢᠷᠠᠭᠤ ᠠᠯᠳᠠᠷ ᠢ ᠤᠯᠭᠤᠬᠰᠠᠨ  ᠨᠢ ᠨᠠᠷ᠎ᠠ ᠨᠢᠳᠡᠷ  ᠲᠤ ᠪᠠᠨ ᠨᠠᠶᠢᠴᠡᠭᠰᠡᠨ ᠶᠠᠪᠤᠳᠠᠯ  ᠮᠦᠨ ᠪᠢᠯᠡ᠃ 
  
ᠢᠷᠡᠯᠲᠡ᠄ ᠦᠪᠤᠷ ᠮᠤᠩᠭᠤᠯ ᠤᠨ ︽ᠨᠡᠶᠢᠬᠡᠮ︾ ᠰᠡᠳᠬᠦᠯ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠪᠤᠶᠠᠨᠮᠦ᠋ᠩᠭᠡ ᠬᠢᠭᠡᠳ ︽ᠵᠠᠷᠤᠳ ᠨᠤᠳᠤᠭ ᠤᠨ ᠠᠭᠤᠯᠠ ᠤᠰᠤ︾
ᠰᠢ ᠶᠢᠨ ᠫᠢᠡᠭ ᠶᠡᠷᠤᠩᠭᠡᠢ ᠱᠦᠵᠢ ᠶᠢᠨ ᠠᠷᠠᠳ ᠤᠨ ᠶᠠᠪᠤᠳᠠᠯ ᠤᠨ ᠠᠵᠢᠯ ᠤᠨ ᠲᠤᠬᠠᠢ ᠴᠢᠬᠤᠯᠨ ᠦᠬᠦᠯᠡᠯᠳᠡ
ᠥᠪᠥᠷ ᠮᠣᠩᠭᠤᠯ ᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠠᠷᠠᠳ ᠤᠨ ᠶᠠᠪᠤᠳᠠᠯ ᠤᠨ ᠲᠢᠩᠬᠢᠮ ᠤᠨ ᠳᠠᠷᠤᠭ᠎ᠠ ᠺᠠᠩ ᠁
ᠬᠠᠰᠢᠨ ᠬᠤᠩᠭᠢᠯ  ᠢᠶᠠᠷ ᠠᠶᠠᠯᠠᠭᠰᠠᠨ ᠲᠡᠮᠲᠡᠭᠯᠡᠯ
ᠰᠢ ᠶᠢᠨ ᠫᠢᠡᠭ ᠶᠡᠷᠤᠩᠭᠡᠢ ᠱᠦᠵᠢ ᠶᠢᠨ ᠠᠷᠠᠳ ᠤᠨ ᠶᠠᠪᠤᠳᠠᠯ ᠤᠨ ᠠᠵᠢᠯ ᠤᠨ ᠲᠤᠬᠠᠢ ᠴᠢᠬᠤᠯᠨ ᠦᠬᠦᠯᠡᠯᠳᠡ
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号