| ᠲᠠᠷᠢᠶᠠ ᠦᠲᠦᠷᠮᠡᠳᠡᠬᠦ ᠳᠤ ᠶᠠᠭᠤᠨ ᠤ ᠤᠷᠢᠳ ᠬᠠᠳᠠᠭᠤᠯᠢᠭ᠂ ᠬᠠᠶᠢᠷ ᠴᠢᠯᠠᠭᠤ ᠦᠭᠡᠢ ᠭᠠᠵᠠᠷ ᠢ ᠰᠤᠩᠭᠤᠵᠤ᠂ | ᠲᠤᠭᠤᠶᠢᠯᠠᠨ ᠬᠠᠯᠴᠠᠭᠠᠶᠢᠯᠠᠵᠤ ᠲᠤᠯᠢᠨ ᠭᠦᠯᠢᠭᠡᠷ ᠲᠡᠭᠰᠢᠯᠡᠬᠦ ᠶᠢ ︽ᠦᠲᠦᠷᠮᠡ ᠶᠢᠨ ᠭᠠᠵᠠᠷ ᠵᠠᠰᠠᠬᠤ︾ ᠭᠡᠳᠡᠭ᠃ | ᠲᠡᠭᠡᠭᠡᠳ ᠲᠠᠷᠢᠶᠠ ᠪᠠᠨ ᠲᠡᠭᠡᠭᠡᠵᠦ ᠦᠲᠦᠷᠮᠡ ᠳᠤ ᠣᠷᠤᠭᠤᠯᠬᠤ ᠶᠢ ︽ᠲᠠᠷᠢᠶᠠ ᠲᠡᠭᠡᠭᠡᠬᠦ︾ ᠭᠡᠳᠡᠭ᠃ ᠰᠠᠶᠢᠨ | ᠲᠠᠷᠢᠶᠠ ᠶᠢ ᠰᠠᠶᠢᠨ ᠡᠷᠡ ᠪᠣᠯ ᠠᠷᠪᠠᠨ ᠵᠢᠷᠭᠤᠭᠠᠨ ᠪᠣᠭᠤᠵᠢ ᠲᠡᠭᠡᠭᠡᠵᠦ᠂ ᠣᠯᠠᠩᠬᠢ ᠬᠦᠮᠦᠨ ᠠᠷᠪᠠᠨ ᠬᠤᠶᠠᠷ | ᠪᠣᠭᠤᠵᠢ ᠲᠡᠭᠡᠭᠡᠳᠡᠭ᠃ | ᠲᠡᠭᠡᠭᠡᠵᠦ ᠠᠪᠴᠢᠷᠠᠭᠰᠠᠨ ᠲᠠᠷᠢᠶᠠ ᠪᠠᠨ ᠦᠲᠦᠷᠮᠡ ᠶᠢᠨ ᠭᠠᠵᠠᠷ ᠳᠡᠭᠡᠷᠡ ᠪᠠᠨ ᠪᠣᠭᠤᠵᠢ ᠪᠠᠷ | ᠰᠢᠬᠠᠯᠴᠠᠭᠤᠯᠤᠨ᠂ ᠲᠠᠷᠢᠶᠠᠨ ᠲᠣᠯᠤᠭᠠᠢ ᠪᠠᠨ ᠳᠡᠭᠡᠭᠰᠢ ᠬᠠᠨᠳᠤᠭᠤᠯᠤᠨ ᠣᠪᠤᠭᠠᠯᠠᠵᠤ ᠲᠠᠯᠪᠢᠬᠤ ᠶᠢ ︽ᠲᠠᠷᠢᠶᠠ | ᠣᠪᠤᠭᠠᠯᠠᠬᠤ︾ ᠭᠡᠳᠡᠭ᠃ ᠲᠠᠷᠢᠶᠠ ᠪᠠᠨ ᠪᠦᠬᠦᠨ ᠢ ᠲᠡᠭᠡᠭᠡᠵᠦ ᠪᠠᠷᠠᠭᠰᠠᠨ ᠤ ᠬᠤᠶᠢᠨᠠ ᠪᠣᠶᠤ ᠦᠲᠦᠷᠮᠡ ᠶᠢᠨ | ᠬᠡᠮᠵᠢᠶᠡ ᠪᠠᠷ ᠢᠶᠠᠨ ᠲᠠᠷᠢᠶᠠ ᠪᠠᠨ ᠣᠪᠤᠭᠠᠯᠠᠭᠰᠠᠨ ᠤ ᠬᠤᠶᠢᠨᠠ ᠪᠣᠭᠤᠵᠢ ᠪᠠᠨ ᠠᠯᠳᠠᠷᠠᠭᠠᠨ ᠳᠡᠯᠭᠡᠬᠦ ᠶᠢ ︽ᠲᠠᠷᠢᠶᠠ | ᠳᠡᠪᠢᠰᠬᠦ︾ ᠭᠡᠳᠡᠭ᠃ | ᠲᠠᠷᠢᠶᠠ ᠳᠡᠪᠢᠰᠬᠦ ᠳᠤ ᠪᠠᠨ ᠭᠠᠳᠠᠷ ᠬᠦᠪᠡᠭᠡ ᠪᠠᠷ ᠨᠢ ᠨᠢᠭᠡ ᠮᠦᠷ ᠲᠣᠯᠤᠭᠠᠢ ᠶᠢ ᠨᠢ ᠳᠣᠲᠤᠭᠰᠢ | ᠬᠠᠨᠳᠤᠭᠤᠯᠤᠨ ᠪᠣᠭᠤᠵᠢ ᠶᠢ ᠨᠢ ᠠᠯᠳᠠᠷᠠᠭᠠᠨ ᠲᠠᠯᠪᠢᠬᠤ ᠶᠢ ︽ᠭᠠᠳᠠᠷ ᠵᠠᠭᠠᠮᠡ ᠲᠠᠯᠪᠢᠬᠤ︾ ᠭᠡᠨᠡ᠃ ᠲᠡᠭᠡᠭᠰᠡᠨ ᠤ | ᠳᠠᠷᠠᠭᠠ ᠭᠠᠳᠠᠷ ᠠᠴᠠ ᠳᠣᠲᠤᠭᠰᠢ ᠲᠠᠷᠢᠶᠠᠨ ᠲᠣᠯᠤᠭᠠᠢ ᠪᠠᠨ ᠭᠠᠳᠠᠭᠰᠢ ᠬᠠᠨᠳᠤᠭᠤᠯᠵᠤ ᠳᠡᠪᠢᠰᠦᠭᠡᠳ᠂ ᠬᠠᠮᠤᠭ | ᠭᠤᠣᠯ ᠭᠡᠰᠡᠭ ᠲᠤ ᠨᠢ ᠠᠷᠪᠠᠭᠠᠳ ᠪᠣᠭᠤᠵᠢ ᠲᠠᠷᠢᠶᠠ ᠶᠢ ᠣᠪᠤᠭᠠᠯᠠᠵᠤ ︽ᠦᠲᠦᠷᠮᠡ ᠶᠢᠨ ᠭᠤᠣᠯ︾ ᠪᠣᠯᠭᠠᠳᠠᠭ᠃ | ᠠᠳᠡ ᠬᠦᠷᠲᠡᠯᠡ ᠬᠢᠬᠦ ᠠᠵᠢᠯ ᠢ ︽ᠲᠠᠷᠢᠶᠠ ᠳᠡᠪᠢᠰᠬᠦ︾ ᠪᠣᠶᠤ ︽ᠦᠲᠦᠷᠮᠡ ᠳᠡᠪᠢᠰᠬᠦ︾ ᠭᠡᠵᠦ ᠨᠡᠷᠡᠯᠡᠳᠡᠭ᠃ | ᠦᠲᠦᠷᠮᠡ ᠳᠡᠪᠢᠰᠴᠦ ᠪᠠᠷᠠᠪᠠᠯ ᠬᠤᠯᠪᠤᠭᠠ ᠳᠡᠯᠪᠡᠭᠡ ᠲᠠᠢ ᠦᠬᠡᠷ ᠣᠷᠤᠭᠤᠯᠵᠦ᠂ ᠦᠬᠡᠷ ᠢᠶᠠᠷ ᠬᠢᠰᠬᠢᠯᠡᠬᠦᠯᠬᠦ ᠶᠢ | ︽ᠦᠬᠡᠷ ᠶᠠᠪᠤᠭᠤᠯᠬᠤ︾ ᠭᠡᠳᠡᠭ᠃ | ᠦᠬᠡᠷ ᠶᠠᠪᠤᠭᠤᠯᠤᠭᠰᠠᠨ ᠤ ᠳᠠᠷᠠᠭᠠ᠂ ᠬᠤᠶᠠᠷ ᠦᠬᠡᠷ ᠬᠦᠯᠦᠭᠰᠡᠨ ᠪᠣᠯᠤ ᠪᠠᠷ ᠪᠣᠯᠤᠳᠠᠬᠤ ᠶᠢ ︽ᠪᠣᠯᠤ | ᠶᠠᠪᠤᠭᠤᠯᠬᠤ︾ ᠭᠡᠨᠡ᠃ ᠮᠣᠩᠭᠤᠯ ᠲᠠᠷᠢᠶᠠᠨ ᠤ ᠪᠣᠯᠤ ᠪᠣᠯ ᠨᠢᠭᠡ ᠲᠠᠯᠠ ᠨᠢ ᠪᠦᠳᠦᠭᠦᠨ᠂ ᠨᠢᠭᠡ ᠲᠠᠯᠠ ᠨᠢ ᠵᠢᠭᠠᠬᠠᠨ | ᠱᠣᠪᠲᠤᠩ ᠪᠠᠶᠢᠳᠠᠭ᠃ ᠮᠣᠩᠭᠤᠯ ᠲᠠᠷᠢᠶᠠᠨ ᠤ ᠪᠣᠯᠤ ᠶᠢᠨ ᠪᠦᠲᠦᠴᠡ ᠮᠠᠰᠢ ᠳᠦᠭᠦᠮ ᠪᠠᠶᠢᠵᠤ᠂ ᠪᠣᠯᠤ᠂ ᠬᠤᠶᠠᠷ ᠠᠷᠠᠯ᠂ | ᠬᠤᠶᠠᠷ ᠢᠯᠡᠦ᠂ ᠬᠤᠶᠠᠷ ᠡᠷᠡᠭᠡᠳᠡᠰᠦ᠂ ᠬᠤᠶᠠᠷ ᠬᠦᠢᠰᠦ᠂ ᠬᠤᠶᠠᠷ ᠬᠤᠯᠬᠢ ᠪᠠᠷ ᠪᠦᠷᠢᠯᠳᠦᠳᠡᠭ᠃ ᠪᠣᠯᠤᠳᠠᠬᠤ ᠳᠤ ᠪᠠᠨ | ᠪᠤᠯᠤ ᠶᠢᠨ ᠪᠦᠳᠦᠭᠦᠨ ᠪᠤᠨᠳᠤᠭᠤᠷ ᠲᠠᠯᠠ ᠶᠢ ᠨᠢ ᠭᠠᠳᠠᠭᠰᠢ ᠬᠠᠨᠳᠤᠭᠤᠯᠵᠤ᠂ ᠨᠠᠷᠠ ᠡᠰᠡᠷᠭᠦ ︵ᠪᠣᠷᠤᠭᠤ︶ ᠵᠤᠩ | ᠶᠠᠪᠤᠭᠤᠯᠤᠨᠠ᠃ ᠲᠠᠷᠢᠶᠠ ᠰᠦᠷᠡᠯᠰᠢᠭᠦᠯᠡᠷ ᠮᠦᠯᠢᠭᠳᠡᠭᠰᠡᠨ ᠰᠦᠷᠡᠯ ᠢ ᠨᠢ ᠠᠴᠠ ᠪᠠᠷ ᠭᠠᠳᠠᠭᠰᠢ ᠬᠠᠯᠮᠠᠨᠠ᠃ | ᠨᠡᠯᠢᠶᠡᠳ ᠪᠣᠯᠤᠳᠠᠭᠰᠠᠨ ᠤ ᠬᠤᠶᠢᠨᠠ ᠳᠠᠬᠢᠭᠠᠳ ᠦᠲᠦᠷᠮᠡ ᠳᠡᠪᠢᠰᠬᠦ ᠦᠭᠡᠢ ᠪᠣᠯ ᠰᠡᠭᠰᠦᠷᠴᠦ ᠣᠷᠤᠭᠤᠯᠤᠭᠠᠳ | ᠭᠤᠣᠯ ᠪᠣᠯᠭᠠᠭᠰᠠᠨ ᠲᠠᠷᠢᠶᠠ ᠪᠠᠨ ᠡᠷᠬᠢᠨ ᠲᠤᠭᠤᠷᠢᠨ ᠰᠦᠷᠴᠢᠳᠡᠭ᠃ ᠡᠭᠦᠨ ᠢ ︽ᠦᠲᠦᠷᠮᠡ ᠶᠢᠨ ᠵᠠᠭᠠᠮᠠ | ᠡᠷᠭᠢᠭᠦᠯᠦᠨᠡ︾ ᠭᠡᠳᠡᠭ᠃ ᠢᠩᠭᠢᠵᠦ ᠠᠴᠠ ᠪᠠᠷ ᠪᠤᠳᠠᠭᠠ ᠶᠢ ᠨᠢ ᠰᠡᠭᠰᠦᠷᠴᠦ ᠦᠯᠡᠳᠡᠭᠡᠨ ᠰᠦᠷᠡᠯ ᠢ ᠨᠢ | ᠭᠠᠳᠠᠭᠰᠢ ᠪᠠᠨ ᠬᠠᠯᠮᠠᠵᠦ᠂ ᠡᠪᠡᠰᠦ ᠶᠢ ᠨᠢ ᠬᠦᠭᠡᠭᠡᠵᠦ ᠪᠠᠷᠠᠭᠰᠠᠭᠠᠷ ᠪᠤᠳᠠᠭᠠ ᠪᠠᠨ ᠣᠪᠤᠭᠠᠯᠠᠨᠠ᠃ ᠵᠠᠯᠭᠠᠭᠠᠳ | ᠣᠪᠤᠭᠠᠯᠠᠭᠰᠠᠨ ᠪᠤᠳᠠᠭᠠ ᠪᠠᠨ ᠵᠢᠪᠠᠷ ᠤᠨ ᠠᠶᠠᠰ ᠢᠶᠠᠷ ᠮᠣᠳᠤᠨ ᠦᠯᠳᠡᠬᠦ ︵ᠬᠦᠷᠵᠡ︶ ᠪᠠᠷ ᠳᠡᠭᠡᠭᠰᠢ ᠰᠦᠷᠴᠢᠨ | ᠬᠠᠶᠠᠯᠠᠬᠤ ᠳᠤ ᠨᠦᠭᠦᠭᠡ ᠬᠦᠮᠦᠨ ᠮᠣᠶᠤᠳᠠᠭᠤᠷ ︵ᠦᠲᠦᠷᠮᠡ ᠳᠡᠭᠡᠷᠡ ᠬᠡᠷᠡᠭᠯᠡᠬᠦ ᠲᠤᠰᠬᠠᠶᠢᠯᠠᠨ ᠪᠡᠯᠡᠳᠭᠡᠭᠰᠡᠨ | ᠦᠵᠦᠭᠦᠷᠯᠢᠭ ᠳᠡᠷᠡᠰᠦᠨ ᠱᠦᠭᠦᠷ︶ ᠪᠠᠷ ᠡᠪᠡᠰᠦ ᠯᠤᠭ ᠢ ᠨᠢ ᠮᠣᠶᠤᠳᠠᠵᠤ ᠦᠭᠭᠦᠨᠡ᠃ ᠡᠭᠦᠨ ᠢ ︽ᠪᠤᠳᠠᠭᠠ ᠬᠠᠶᠠᠬᠤ︾ | ᠪᠤᠶᠤ ︽ᠦᠲᠦᠷᠮᠡ ᠴᠠᠭᠠᠯᠠᠬᠤ︾ ᠭᠡᠳᠡᠭ ᠪᠦᠭᠡᠳ ᠪᠤᠳᠠᠭᠠ ᠬᠠᠶᠠᠵᠦ ᠪᠠᠷᠠᠪᠠᠯ ᠦᠲᠦᠷᠮᠡ ᠶᠢᠨ ᠠᠵᠢᠯ ᠳᠠᠭᠤᠰᠴᠤ | ︽ᠦᠲᠦᠷᠮᠡ ᠮᠢᠯᠢᠶᠠᠬᠤ︾ ᠨᠠᠶᠢᠷ ᠬᠢᠨᠡ᠃ | ᠬᠠᠶᠠᠭᠰᠠᠨ ︵ᠠᠷᠢᠯᠭᠠᠭᠰᠠᠨ᠂ ᠴᠠᠭᠠᠯᠠᠭᠰᠠᠨ︶ ᠪᠤᠳᠠᠭᠠ ᠪᠠᠨ ᠪᠦᠮᠪᠦᠭᠡᠯᠢᠭ ᠰᠠᠶᠢᠬᠠᠨ ᠣᠪᠤᠭᠠᠯᠠᠵᠤ᠂ ᠬᠤᠶᠠᠷ | ᠬᠦᠮᠦᠨ ᠬᠤᠶᠠᠷ ᠲᠠᠯᠠ ᠳᠤ ᠨᠢ ᠰᠠᠭᠤᠭᠠᠳ ᠦᠵᠡᠬᠦ ᠳᠤ ᠬᠠᠷᠢᠯᠴᠠᠨ ᠮᠠᠩᠨᠠᠢ ᠶᠢᠨ ᠬᠠᠷᠠ ᠴᠠᠭᠠᠨ ᠵᠠᠭᠠᠳᠠᠰᠤ ᠪᠠᠨ | ᠣᠯᠵᠤ ᠦᠵᠡᠪᠡᠯ ᠬᠤᠶᠠᠷ ᠵᠠᠭᠤ ᠲᠠᠪᠢᠨ ᠳ᠋ᠸᠤ ᠶᠠᠨᠳᠠᠨᠠ ᠭᠡᠵᠤ ᠵᠢᠱᠢᠳᠡᠭ᠃ ᠡᠨᠡ ᠪᠣᠯ ᠦᠲᠦᠷᠮᠡ ᠳᠠᠬᠢ | ᠪᠤᠳᠠᠭᠠ ᠪᠠᠨ ᠶᠠᠨᠳᠠᠬᠤ ᠠᠴᠠ ᠡᠮᠦᠨᠡ ᠪᠠᠷᠤᠭᠯᠠᠴᠢᠬᠠᠳᠠᠭ ᠨᠡᠯᠢᠶᠡᠳ ᠪᠠᠲᠤᠯᠠᠭᠠ ᠲᠠᠢ ᠬᠡᠮᠵᠢᠯᠲᠡ ᠪᠣᠯᠤᠨᠠ᠃ | ᠪᠤᠳᠠᠭᠠ ᠴᠠᠭᠠᠯᠠᠵᠤ ᠪᠠᠶᠢᠬᠤ ᠳᠤ ᠪᠦᠰᠡᠭᠦᠢ ᠬᠦᠮᠦᠨ ᠣᠴᠢᠵᠦ ᠪᠣᠯᠳᠠᠭ ᠦᠭᠡᠢ ᠪᠦᠭᠡᠳ ᠪᠤᠳᠠᠭᠠ ᠶᠠᠨᠳᠠᠵᠤ | ᠪᠠᠶᠢᠬᠤ ᠶᠢ ᠠᠯᠤᠰ ᠠᠴᠠ ᠴᠦ ᠬᠠᠷᠠᠵᠤ ᠪᠣᠯᠳᠠᠭ ᠦᠭᠡᠢ᠂ ᠲᠤᠭᠠᠯᠠᠵᠤ ᠨᠡᠩ ᠪᠣᠯᠳᠠᠭ ᠦᠭᠡᠢ ᠴᠡᠭᠡᠷ ᠲᠠᠢ ᠪᠠᠶᠢᠳᠠᠭ᠃ | | | ︵ᠢᠷᠡᠯᠲᠡ᠄ ᠨᠠ᠊· ᠪᠣᠶᠠᠨᠬᠡᠰᠢᠭ ᠤᠨ ᠨᠠᠶᠢᠷᠠᠭᠤᠯᠤᠭᠰᠠᠨ ︽ᠮᠣᠩᠭᠤᠯ ᠲᠡᠦᠭᠡ ᠰᠤᠶᠤᠯ ᠤᠨ ᠰᠤᠩᠭᠤᠳᠠᠭ | ᠵᠤᠬᠢᠶᠠᠯ ᠤᠨ ᠬᠦᠮᠦᠷᠭᠡ᠂ ᠵᠠᠩ ᠦᠢᠯᠡ ᠶᠢᠨ ᠴᠤᠪᠤᠷᠠᠯ ︿ᠪᠠᠭᠠᠷᠢᠨ ᠵᠠᠩ ᠦᠢᠯᠡ﹀︾ ᠭᠡᠬᠦ ᠨᠣᠮ ᠠᠴᠠ ᠰᠤᠩᠭᠤᠨ | ᠰᠡᠶᠢᠷᠡᠭᠦᠯᠪᠡ᠃︶ |