ᠱᠤᠤᠭᠢᠶ᠎ᠠ ᠳᠠᠭᠤ ᠨᠢᠬᠡᠨᠳᠡ ᠬᠦᠮᠦᠨ᠎ᠤ ᠠᠮᠢᠳᠤᠷᠠᠯ ᠪᠠ ᠦᠢ᠍ᠯᠡᠳᠪᠦᠷᠢᠯᠡᠯ᠎ᠤᠨ ᠠᠵᠢᠯᠯᠠᠭ᠎ᠠ ᠵᠢᠨ ᠵᠦᠪᠰᠢᠶᠡᠷᠡᠬᠦ ᠬᠡᠪᠴᠢᠶᠡᠨ᠎ᠠᠴᠠ ᠳᠠᠪᠠᠬᠰᠠᠨ ᠤᠷᠴᠢᠨ ᠳᠤᠭᠤᠷᠢᠨ᠎ᠤ ᠪᠠᠢ᠌ᠳᠠᠯ᠎ᠢ ᠱᠤᠤᠬᠢᠶ᠎ᠠ ᠳᠠᠭᠤᠨ᠎ᠤ ᠪᠤᠬᠢᠷᠳᠤᠯ ᠭᠡᠨ᠎ᠡ᠃ ᠳᠡᠷᠡ᠎ᠨᠢ ᠶᠡᠷᠦ᠎ᠳᠤ᠎ᠪᠠᠨ ᠪᠠᠢ᠌ᠭ᠋ᠠᠯᠢ ᠵᠢᠨ ᠦᠵᠡᠭᠳᠡᠯ᠎ᠠᠴᠠ ᠡᠬᠦᠰᠦᠭᠰᠡᠨ ᠪᠢᠰᠢ᠂ ᠬᠠᠷᠢᠨ ᠬᠦᠮᠦᠰ᠎ᠤᠨ ᠠᠵᠢᠯᠯᠠᠭ᠎ᠠ᠎ᠠᠴᠠ ᠪᠤᠯᠤᠬᠰᠠᠨ ᠵᠦᠢ᠍ᠯ᠎ᠢ ᠬᠡᠯᠡᠳᠡᠭ᠃ ᠱᠤᠤᠬᠢᠶ᠎ᠠ ᠳᠠᠭᠤᠨ᠎ᠤ ᠪᠤᠬᠢᠷᠳᠤᠯ ᠪᠤᠯ ᠹᠢᠽᠢᠺ᠎ᠤᠨ ᠰᠢᠨᠵᠢ᠎ᠲᠠᠢ ᠪᠤᠬᠢᠷᠳᠤᠯ᠂ ᠳᠤᠰ ᠪᠡᠶ᠎ᠡ᠎ᠨᠢ ᠬᠦᠮᠦᠨ᠎ᠳᠤ ᠬᠦᠨᠦᠬᠡᠯ ᠪᠤᠯᠬᠤ ᠦᠬᠡᠢ᠂ ᠵᠦᠪᠬᠡᠨ ᠤᠷᠴᠢᠨ ᠳᠤᠭᠤᠷᠢᠨ᠎ᠳᠠᠬᠢ ᠳᠠᠷᠬᠠᠯᠳᠠ ᠵᠢᠨ ᠬᠡᠮᠵᠢᠶ᠎ᠡ ᠬᠡᠳᠦ ᠦᠨᠳᠦᠷ ᠪᠤᠶᠤ ᠬᠡᠳᠦ ᠳᠤᠤᠷ᠎ᠠ ᠪᠤᠯᠬᠤ ᠦᠶ᠎ᠡ᠎ᠳᠤ ᠰᠠᠶᠢ ᠪᠤᠬᠢᠷᠳᠤᠯ ᠡᠬᠦᠰᠬᠡᠬᠦ ᠪᠤᠶᠤ ᠤᠨᠴᠠᠭ᠋ᠠᠢ ᠪᠠᠢ᠌ᠳᠠᠯ᠎ᠢ ᠪᠤᠢ ᠪᠤᠯᠭ᠋ᠠᠳᠠᠭ᠃ ᠹᠢᠽᠢᠺ᠎ᠤᠨ ᠰᠢᠨᠵᠢ᠎ᠲᠠᠢ ᠪᠤᠬᠢᠷᠳᠤᠯ᠎ᠨᠢ ᠬᠢᠵᠠᠭ᠋ᠠᠷᠳᠠᠮᠠᠯ ᠴᠢᠨᠠᠷ᠎ᠲᠠᠢ᠂ ᠳᠤᠬᠠᠢ᠌ᠯᠠᠪᠠᠯ ᠨᠢᠬᠡ ᠱᠤᠤᠬᠢᠶ᠎ᠠ ᠳᠠᠭᠤᠨ᠎ᠤ ᠡᠬᠢ ᠵᠢᠨ ᠨᠦᠯᠦᠬᠡᠯᠡᠬᠦ ᠤᠷᠤᠨ ᠬᠡᠪᠴᠢᠶ᠎ᠡ ᠳᠡᠢ᠌ᠮᠦ ᠶᠡᠬᠡ ᠪᠢᠰᠢ； ᠡᠬᠦᠨ᠎ᠠᠴᠠ ᠭᠠᠳᠠᠨ᠎ᠠ ᠹᠢᠽᠢᠺ᠎ᠤᠨ ᠰᠢᠨᠵᠢ᠎ᠲᠠᠢ ᠪᠤᠬᠢᠷᠳᠤᠯ᠎ᠨᠢ ᠬᠤᠵᠢᠭᠤ ᠦᠢ᠍ᠯᠡᠳᠦᠯ ᠭᠠᠷᠭ᠋ᠠᠬᠤ ᠦᠬᠡᠢ᠂ ᠳᠤᠬᠠᠢ᠌ᠯᠠᠪᠠᠯ ᠳᠠᠭᠤ ᠳᠠᠰᠤᠷᠠᠮᠠᠬ᠍ᠴᠠ ᠱᠤᠤᠭᠢᠶ᠎ᠠ᠎ᠨᠢ ᠪᠦᠷᠢᠮᠦᠰᠦᠨ ᠠᠷᠢᠯᠤᠨ᠎ᠠ᠂ ᠤᠷᠴᠢᠨ ᠳᠤᠭᠤᠷᠢᠨ᠎ᠳᠤ ᠶᠠᠮᠠᠷ ᠴᠦ᠍ ᠦᠯᠡᠳᠡᠭᠳᠡᠯ ᠦᠯᠡᠳᠡᠬᠦ ᠦᠬᠡᠢ᠂ ᠪᠤᠬᠢᠷᠳᠤᠯ ᠦᠯᠡᠳᠡᠬᠦ ᠦᠬᠡᠢ᠃