ᠮᠦᠩᠬᠡᠪᠠᠭ᠋ᠠᠳᠤᠷ
ᠴᠡᠴᠡᠷᠯᠢᠭᠤᠨ ᠬᠦᠮᠦᠵᠢᠯ ᠪᠣᠯ ᠬᠦᠮᠦᠨᠤ ᠨᠢᠭᠡ ᠨᠠᠰᠤᠨᠤ ᠦᠰᠦᠨ ᠪᠤᠶ᠋ᠢᠵᠢᠯᠳᠠ ᠵᠢᠨ ᠶᠠᠪᠤᠴᠠᠳᠤᠬᠢ ᠲᠤᠶ᠋ᠢᠯᠤᠨ ᠴᠢᠬᠤᠯᠠ ᠬᠦᠮᠦᠵᠢᠯ ᠶᠤᠮ᠃ ᠴᠡᠴᠡᠷᠯᠢᠭᠲᠤ ᠰᠠᠭᠤᠬᠤ ᠨᠠᠰᠤᠨᠤ ᠬᠡᠣᠬᠡᠳ ᠶᠠᠭ ᠰᠠᠶᠢᠬᠠᠨ ᠨᠢᠯᠬᠠ ᠬᠡᠣᠬᠡᠳᠤᠨ ᠬᠤᠭᠤᠴᠠᠭᠠᠠᠴᠠ ᠰᠤᠷᠭ᠋ᠠᠭᠤᠯᠢ ᠵᠢᠨ ᠨᠠᠰᠤᠨᠤ ᠠ᠋ᠮᠦᠨᠡᠬᠢ ᠬᠤᠭᠤᠴᠠᠭᠠᠳᠤ ᠰᠢᠯᠵᠢᠵᠤ ᠤᠷᠴᠢᠨ ᠲᠤᠭᠤᠷᠢᠨᠤ ᠬᠡᠷᠡᠭ ᠪᠤᠳᠠᠰᠢ ᠠ᠋ᠬᠢᠯᠡᠨ ᠲᠠᠨᠢᠵᠤ ᠪᠡᠶᠡ ᠮᠠᠭ᠍ᠠᠪᠤᠳ᠂ ᠰᠡᠳᠬᠢᠴᠡ ᠵᠡᠷᠭᠡ ᠡᠯᠡ ᠲᠠᠯᠠ ᠵᠢᠨ ᠬᠦᠭᠵᠢᠯᠳᠡᠠᠴᠠ ᠪᠣᠯᠵᠤ᠂ ᠨᠡᠶ᠋ᠢᠭᠡᠮᠤᠨ ᠦᠢ᠍ᠯᠡᠳᠦᠯᠭᠡ ᠠᠮᠢᠳᠤᠷᠠᠯᠳᠤ ᠤᠷᠤᠯᠴᠠᠭ᠍ᠤ ᠬᠦᠰᠡᠯ ᠪᠠ ᠪᠠᠶᠠᠪᠠᠨ ᠲᠠᠭ᠋ᠠᠭ᠋ᠠᠬᠤ ᠬᠦᠰᠡᠯᠨᠢ ᠠᠩᠬᠠ ᠠᠯᠬᠤᠮ ᠠ᠋ᠭᠦᠰᠳᠡᠭ᠃ ᠭᠡᠪᠡᠴᠦ ᠲᠠᠳᠡᠨᠤ ᠤᠬᠠᠭ᠋ᠠᠨ ᠰᠠᠨᠠᠭᠠ ᠬᠦᠴᠦᠨ ᠴᠢᠳᠠᠯᠤᠨ ᠬᠢᠵᠠᠭ᠋ᠠᠷᠯᠠᠯᠠᠴᠠ ᠪᠣᠯᠵᠤ ᠠᠯᠢᠪᠠ ᠪᠦᠬᠦᠨ ᠲᠡᠳᠡᠨᠤ ᠰᠠᠨᠠᠭᠠᠪᠠᠷ ᠪᠣᠯᠳᠠᠭ ᠦᠭᠡᠢ ᠮᠦᠷᠳᠡᠭᠡᠨ ᠦᠪᠡᠷᠤᠨ ᠦᠢ᠍ᠯᠡ ᠠᠵᠢᠯᠯᠠᠭᠠᠪᠠᠨ ᠲᠠᠳᠤᠢ ᠰᠠᠶ᠋ᠢᠨ ᠡᠵᠡᠮᠳᠡᠵᠦ ᠲᠡᠶ᠋ᠢᠯᠬᠦ ᠦᠭᠡᠢ ᠪᠠᠶ᠋ᠢᠳᠠᠭᠠᠴᠠ ᠪᠡᠶᠡᠪᠠᠨ ᠪᠠᠷᠢᠵᠤ ᠦᠢ᠍ᠯᠡ ᠠᠵᠢᠯᠯᠠᠭᠠᠪᠠᠨ ᠨᠡᠯᠢᠶᠡᠳ ᠬᠤᠯᠠᠭ᠍ᠠᠨ ᠵᠤᠷᠢᠯᠭᠠᠳᠤ ᠦᠢ᠍ᠯᠡᠴᠢᠯᠡᠭᠦᠯᠵᠦ ᠴᠢᠳᠠᠳᠠᠬ ᠦᠭᠡᠢ ᠶᠤᠮ᠃ ᠰᠤᠷᠭ᠋ᠠᠭᠤᠯᠢ ᠵᠢᠨ ᠨᠠᠰᠤᠨᠠᠴᠠ ᠠ᠋ᠮᠦᠨᠡᠬᠢ ᠬᠡᠣᠬᠡᠳᠤᠨ ᠰᠡᠳᠬᠢᠴᠡ ᠵᠢᠨ ᠶᠠᠪᠤᠴᠠᠨᠢ ᠰᠠᠨᠠᠭ᠋ᠠᠴᠢᠯᠠᠭᠠ ᠦᠭᠡᠢ ᠪᠦᠭᠡᠳ ᠪᠤᠳᠠᠳᠠᠢ ᠲᠦᠷᠰᠦᠯᠢᠭ ᠰᠢᠨᠵᠢᠪᠠᠷ ᠨᠡᠯᠢᠶᠡᠳ ᠢᠯᠡᠷᠬᠡᠢ ᠪᠠᠶ᠋ᠢᠵᠤ ᠲᠡᠳᠡᠨᠤ ᠬᠡᠶ᠋ᠢᠰᠪᠦᠷᠢᠯᠡᠨ ᠬᠤᠷᠢᠶᠠᠩᠭᠤᠶ᠋ᠢᠯᠠᠭ᠍ᠤ ᠴᠢᠳᠠᠪᠤᠷᠢ ᠪᠠ ᠰᠠᠨᠠᠭ᠋ᠠᠴᠢᠯᠠᠭ᠋ᠠᠳᠤ ᠴᠢᠳᠠᠪᠤᠷᠢᠨᠢ ᠰᠠᠶᠢ ᠠ᠋ᠬᠢᠯᠡᠨ ᠬᠦᠭᠵᠢᠬᠦ ᠬᠤᠭᠤᠴᠠᠭᠠ ᠪᠤᠯᠤᠨᠠ᠃ ᠲᠡᠳᠡ ᠬᠡᠷᠡᠭ ᠪᠤᠳᠠᠰᠢ ᠲᠠᠨᠢᠬᠤᠳᠤᠪᠠᠨ ᠭᠤᠤᠯᠨᠢ ᠰᠢᠭᠤᠳ ᠦᠵᠡᠭᠦᠯᠭᠡ ᠵᠢᠨ ᠲᠦᠷᠰᠦᠯᠡᠯᠤᠨ ᠬᠡᠯᠪᠡᠷᠢᠪᠠᠷ ᠪᠤᠰᠤᠳᠴᠢ ᠬᠡᠷᠡᠭ ᠪᠤᠳᠠᠰᠢ ᠲᠠᠨᠢᠳᠠᠭ ᠴᠦ᠍ ᠲᠡᠳᠡ ᠬᠡᠷᠡᠭ ᠪᠣᠳᠠᠰᠲᠤ ᠬᠡᠶ᠋ᠢᠰᠪᠦᠷᠢ ᠲᠤᠮᠢᠶᠠ ᠦᠭᠴᠦ ᠴᠢᠳᠠᠭ᠍ᠤ ᠦᠭᠡᠢ ᠶᠤᠮ᠃ ᠰᠤᠷᠭ᠋ᠠᠭᠤᠯᠢ ᠵᠢᠨ ᠨᠠᠰᠤᠨᠠᠴᠠ ᠠ᠋ᠮᠦᠨᠡᠬᠢ ᠬᠡᠣᠬᠡᠳ ᠮᠡᠳᠡᠯᠭᠡ ᠲᠤᠷᠰᠢᠯᠭᠠ ᠲᠤᠳᠠᠮᠠᠭ ᠪᠦᠭᠡᠳ ᠬᠤᠶᠠᠳᠤᠭ᠋ᠠᠷ ᠲᠤᠬᠢᠶᠠᠨ ᠰᠢᠰᠲ᠋ᠧᠮᠨᠢ ᠲᠠᠳᠦᠢ ᠰᠠᠶ᠋ᠢᠨ ᠬᠦᠭᠵᠢᠭᠡᠳᠦᠢ ᠪᠣᠯᠬᠤᠷ ᠦᠢ᠍ᠯᠡ ᠠᠵᠢᠯᠯᠠᠭᠠᠪᠠᠨ ᠰᠠᠨᠠᠭ᠋ᠠᠴᠢᠯᠠᠭᠠᠲᠠᠢᠪᠠᠷ ᠵᠤᠬᠢᠴᠠᠭᠤᠯᠵᠤ ᠴᠢᠳᠠᠭ᠍ᠤ ᠦᠭᠡᠢ᠂ ᠠᠮᠠᠷᠬᠠᠨ ᠪᠣᠬᠢᠨᠢᠳᠤᠬᠤ᠂ ᠭᠠᠴᠢᠭᠳᠠᠭ᠍ᠤ᠂ ᠬᠢᠯᠪᠠᠷ ᠪᠠᠶᠠᠷᠯᠠᠭ᠍ᠤ ᠵᠡᠷᠭᠡ ᠰᠡᠳᠬᠢᠯᠤᠨ ᠬᠦᠳᠡᠯᠭᠡᠭᠡᠨ ᠢᠯᠡᠷᠡᠳᠡᠭ᠃
ᠠ᠋ᠨᠡ ᠨᠠᠰᠤᠨᠳᠤ ᠬᠡᠣᠬᠡᠳᠤᠨ ᠰᠡᠷᠡᠬᠦᠢ ᠮᠡᠳᠡᠷᠡᠬᠦᠢ ᠵᠢᠨ ᠬᠦᠭᠵᠢᠯᠳᠠ ᠬᠤᠷᠳᠤᠨ ᠪᠠᠢ᠍ᠢ᠍ᠵᠤ᠂ ᠦᠭᠡ ᠬᠡᠯᠡᠨᠤ ᠬᠦᠭᠵᠢᠭᠦ ᠴᠢᠬᠤᠯᠠ ᠬᠤᠭᠤᠴᠠᠭᠠ᠂ ᠮᠦᠨ ᠴᠦ᠍ ᠲᠠᠷᠢᠬᠢᠨᠤ ᠪᠤᠶ᠋ᠢᠵᠢᠯᠳᠠ ᠵᠢᠨ ᠴᠢᠬᠤᠯᠠ ᠴᠠᠭ ᠪᠤᠯᠬᠤᠪᠠᠷ ᠪᠠᠷᠠᠬᠤ ᠦᠭᠡᠢ ᠪᠠᠰᠠ ᠲᠦᠷᠪᠡᠨ ᠮᠦᠴᠢ ᠵᠢᠨ ᠬᠦᠳᠡᠯᠭᠡᠭᠡᠨ ᠪᠠ ᠪᠡᠶᠡ ᠵᠢᠨ ᠬᠦᠳᠡᠯᠭᠡᠭᠡᠨᠤ ᠤᠶᠠᠯᠳᠤᠯᠤᠨ ᠵᠤᠬᠢᠴᠠᠯ ᠵᠶ᠋ᠠᠨ ᠤᠯᠬᠤ᠂ ᠲᠤᠷᠠ ᠪᠠᠬᠠ ᠠᠪᠢᠶᠠᠰ ᠪᠢᠯᠢᠭᠤᠨ ᠨᠠᠬᠢᠶᠠᠯᠠᠭ᠍ᠤ᠂ ᠵᠠᠩ ᠲᠠᠳᠬᠠᠯᠤᠨ ᠪᠦᠷᠢᠯᠳᠦᠭᠦ᠂ ᠪᠡᠶᠡᠪᠠᠨ ᠲᠠᠭ᠋ᠠᠭ᠋ᠠᠬᠤ ᠤᠬᠠᠮᠰᠠᠷ ᠠ᠋ᠬᠢᠯᠡᠨ ᠪᠤᠢ ᠪᠣᠯᠬᠤ᠂ ᠪᠣᠰᠣᠳᠲᠠᠢ ᠬᠠᠷᠢᠴᠠᠵᠤ ᠬᠠᠮᠳᠤ ᠵᠢᠨ ᠲᠤᠭᠯᠠᠭ᠋ᠠᠮᠳᠤ ᠤᠷᠤᠯᠴᠠᠭ᠍ᠤᠪᠠᠷ ᠲᠠᠮᠵᠢᠨ ᠬᠦᠳᠡᠯᠭᠡᠭᠡᠨᠤ ᠤᠷᠠ ᠤᠬᠠᠭ᠋ᠠᠨᠢ ᠤᠯᠬᠤ ᠬᠤᠭᠤᠴᠠᠭᠠ ᠶᠤᠮ᠃ ᠰᠤᠷᠭ᠋ᠠᠭᠤᠯᠢ ᠵᠢᠨ ᠨᠠᠰᠤᠨᠠᠴᠠ ᠠ᠋ᠮᠦᠨᠡᠬᠢ ᠬᠤᠭᠤᠴᠠᠭ᠋ᠠᠨᠤ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠨᠦᠯᠦᠭᠡᠯᠡᠯ᠂ ᠲᠠᠷᠢᠬᠢᠨᠤ ᠪᠤᠷᠤ ᠲᠠᠪᠬᠤᠷᠭᠠ ᠵᠢᠨ ᠬᠦᠭᠵᠢᠯᠳᠡ᠂ ᠬᠤᠶᠠᠳᠤᠭ᠋ᠠᠷ ᠲᠤᠬᠢᠶᠠᠨ ᠰᠢᠰᠲ᠋ᠧᠮᠤᠨ ᠠᠩᠬᠠ ᠠᠯᠬᠤᠮᠤᠨ ᠬᠦᠭᠵᠢᠯᠳᠡᠠᠴᠠ ᠪᠣᠯᠵᠤ ᠬᠡᠣᠬᠡᠳᠤᠨ ᠦᠢ᠍ᠯᠡ ᠠᠵᠢᠯᠯᠠᠭᠠ ᠵᠢᠨ ᠤᠬᠠᠮᠰᠠᠷᠳᠤ ᠴᠢᠳᠠᠪᠤᠷᠢᠨᠢ ᠠᠭ᠋ᠠᠵᠢᠮ ᠵᠶ᠋ᠠᠷ ᠬᠦᠭᠵᠢᠨ ᠦᠪᠡᠷᠤᠨ ᠠᠵᠢᠯᠯᠠᠭᠠᠪᠠᠨ ᠬᠤᠯᠠ ᠵᠢᠨ ᠵᠤᠷᠢᠯᠭᠠᠳᠤ ᠠᠯᠭᠤᠷ ᠵᠶ᠋ᠠᠷ ᠵᠤᠬᠢᠴᠠᠭᠤᠯᠵᠤ ᠴᠢᠳᠠᠭ᠍ᠤ ᠪᠣᠯᠳᠠᠬ᠃ ᠠ᠋ᠨᠡ ᠪᠣᠯ ᠲᠠᠷᠤᠢ ᠬᠡᠣᠬᠡᠳᠤᠨ ᠬᠠᠮᠤᠭ ᠠᠩᠬᠠᠨᠤ ᠦᠪᠡᠷᠮᠢᠴᠡ ᠴᠢᠨᠠᠷᠤᠨ ᠬᠡᠯᠪᠠᠷᠢᠯᠤᠨ ᠪᠤᠢ ᠪᠣᠯᠬᠤ ᠵᠢᠨ ᠨᠦᠭᠦᠴᠡᠯᠢ ᠬᠠᠩᠭ᠋ᠠᠵᠤ ᠪᠠᠶ᠋ᠢᠬᠤ ᠪᠦᠭᠡᠳ ᠠ᠋ᠨᠡ ᠬᠦ᠌ ᠦᠪᠡᠷᠮᠢᠴᠡ ᠴᠢᠨᠠᠷᠤᠨ ᠤᠯᠠ ᠮᠦᠷᠨᠢ ᠬᠦᠮᠦᠨᠤ ᠨᠢᠭᠡ ᠨᠠᠰᠤᠨᠳᠤ ᠬᠠᠳᠠᠭ᠋ᠠᠯᠠᠭᠳᠠᠳᠠᠬ᠃ ᠠ᠋ᠨᠡ ᠨᠠᠰᠤᠨᠤ ᠬᠡᠣᠬᠡᠳ ᠬᠦᠳᠡᠯᠦᠩᠭᠦᠢ᠂ ᠰᠤᠨᠢᠭᠤᠴᠢ᠂ ᠲᠠᠭᠤᠷᠢᠶᠠᠭ᠍ᠤ ᠴᠢᠳᠠᠪᠤᠷᠢᠨᠢ ᠰᠠᠶ᠋ᠢᠨ᠂ ᠶᠡᠭᠡ ᠬᠦᠮᠦᠰᠤᠨ ᠦᠭᠡ ᠶᠠᠷᠢᠶᠠ ᠦᠢ᠍ᠯᠡ ᠠᠵᠢᠯᠯᠠᠭᠠ ᠵᠢ ᠲᠠᠭᠤᠷᠢᠶᠠᠨ ᠰᠤᠷᠬᠤᠳᠤᠪᠠᠨ ᠴᠢᠳᠠᠮᠠᠭ᠋ᠠᠢ ᠪᠠᠢ᠍ᠢ᠍ᠳᠠᠬ᠃ ᠲᠡᠳᠡ ᠲᠠᠨᠢᠯ ᠭᠠᠵᠠᠷᠠᠴᠠ ᠲᠠᠨᠢᠯ ᠪᠤᠰᠤ ᠭᠠᠵᠠᠷ ᠠᠮᠢᠳᠤᠷᠠᠭ᠍ᠤ ᠪᠣᠯᠵᠤ᠂ ᠦᠢ᠍ᠯᠡ ᠠᠵᠢᠯᠯᠠᠭᠠ᠂ ᠦᠭᠡ ᠶᠠᠷᠢᠶᠠ᠂ ᠢᠳᠡᠵᠤ ᠤᠤᠭᠤᠬᠤ᠂ ᠤᠨᠳᠠᠵᠤ ᠠᠮᠠᠷᠠᠭ᠍ᠤ ᠵᠡᠷᠭᠡᠨᠢ ᠲᠤᠭᠳᠠᠭᠰᠠᠨ ᠲᠦᠷᠢᠮᠵᠢᠯᠢ ᠲᠠᠭ᠋ᠠᠵᠤ᠂ ᠴᠡᠴᠡᠷᠯᠢᠭᠤᠨ ᠲᠤᠭᠳᠠᠭ᠋ᠠᠯ ᠪᠠ ᠪᠠᠭᠰᠢ ᠵᠢᠨ ᠬᠢᠵᠠᠭ᠋ᠠᠷᠯᠠᠯᠢ ᠬᠦᠯᠢᠶᠡᠨ ᠪᠠᠭᠰᠢ ᠵᠢᠨ ᠵᠢᠯᠤᠭᠤᠳᠤᠯᠭᠠ ᠵᠢ ᠲᠠᠭ᠋ᠠᠬᠤ ᠴᠢᠬᠤᠯᠠᠲᠠᠢ ᠪᠤᠯᠬᠤᠳᠤ ᠵᠠᠷᠢᠮ ᠭᠡᠷ ᠪᠦᠯᠢᠳᠤᠪᠠᠨ ᠠ᠋ᠷᠬᠡ ᠲᠠᠩᠬᠢ ᠰᠤᠷᠤᠭᠰᠠᠨ ᠬᠡᠣᠬᠡᠳᠨᠢ ᠴᠡᠴᠡᠷᠯᠢᠭᠤᠨ ᠠᠮᠢᠳᠤᠷᠠᠯᠤᠨ ᠬᠡᠪᠰᠢᠯ ᠵᠤᠷᠰᠢᠯᠳᠤ ᠵᠤᠬᠢᠴᠠᠭ᠍ᠤᠳᠤ ᠨᠡᠯᠢᠶᠡᠳ ᠤᠳᠠᠭ᠋ᠠᠨ ᠴᠠᠭ ᠵᠠᠷᠤᠴᠠᠭᠤᠯᠬᠤᠨᠢ ᠶᠠᠷᠢᠶᠠᠨ ᠦᠭᠡᠢ ᠶᠤᠮ᠃ ᠲᠤᠤᠷᠠ ᠴᠡᠴᠡᠷᠯᠢᠭᠤᠨ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠳᠤ ᠶᠠᠮᠠᠷ ᠬᠡᠳᠦᠨ ᠲᠠᠯᠠ ᠵᠢᠨ ᠠᠰᠠᠭᠤᠳᠠᠯᠢ ᠴᠢᠬᠤᠯᠠᠴᠢᠯᠠᠨ ᠬᠦᠨᠳᠦᠳᠬᠡᠬᠦ ᠲᠤᠬᠠᠢ ᠲᠤᠷᠰᠢᠨ ᠦᠭᠦᠯᠡᠶᠡ᠃
ᠨᠢᠭᠡ᠂ ᠴᠡᠴᠡᠷᠯᠢᠭᠤᠨ ᠬᠡᠣᠬᠡᠳᠤᠨ ᠠ᠋ᠬᠡ ᠬᠡᠯᠡᠨᠤ ᠬᠦᠮᠦᠵᠢᠯᠢ ᠬᠦᠨᠳᠦᠳᠬᠡᠵᠦ᠂ ᠦᠭᠡ ᠬᠡᠯᠡᠨᠤ ᠴᠢᠳᠠᠪᠤᠷᠢ ᠵᠢᠨ ᠪᠤᠯᠪᠠᠰᠤᠷᠠᠯᠢ ᠰᠠᠶ᠋ᠢᠳᠤᠷ ᠬᠢᠬᠦ ᠬᠡᠷᠡᠭᠳᠡᠢ
ᠠ᠋ᠨᠡ ᠨᠠᠰᠤ ᠪᠤᠯ ᠬᠡᠣᠬᠡᠳᠤᠨ ᠦᠭᠡ ᠬᠡᠯᠡᠨᠤ ᠴᠢᠳᠠᠪᠤᠷᠢ ᠵᠢᠨ ᠬᠦᠭᠵᠢᠯᠳᠡ ᠵᠢᠨ ᠵᠠᠩᠭᠢᠯᠠᠭᠠ ᠵᠢᠨ ᠬᠤᠭᠤᠴᠠᠭᠠ ᠮᠦᠨ᠃ ᠦᠨᠡᠨᠳᠤᠪᠠᠨ ᠬᠡᠣᠬᠡᠳᠤᠨ ᠦᠭᠡ ᠬᠡᠯᠡᠨᠤ ᠬᠦᠭᠵᠢᠯᠳᠡᠨᠢ 1ᠠᠴᠠ 3.5 ᠨᠠᠰᠤᠨᠤ ᠬᠤᠭᠤᠷᠤᠨᠳᠤ ᠬᠠᠮᠤᠭ ᠬᠤᠷᠳᠤᠨ ᠪᠠᠢ᠍ᠢ᠍ᠳᠠᠬ᠃ ᠴᠡᠴᠡᠷᠯᠢᠭᠲᠤ ᠠᠨᠭ᠌ᠬᠠ ᠢᠷᠡᠬᠦᠳᠤ ᠬᠡᠣᠬᠡᠳᠤᠨ ᠦᠭᠡ ᠬᠡᠯᠡᠨᠤ ᠴᠢᠳᠠᠪᠤᠷᠢᠨᠢ ᠪᠦᠷ ᠠᠳᠠᠯᠢ ᠦᠭᠡᠢ ᠪᠠᠶ᠋ᠢᠳᠠᠭ᠂ ᠵᠠᠷᠢᠮᠨᠢ ᠰᠠᠶ᠋ᠢᠨ᠂ ᠵᠠᠷᠢᠮᠨᠢ ᠲᠡᠶ᠋ᠢᠮᠦ ᠨᠡᠶ᠋ᠢᠴᠡᠪᠦᠷᠢᠳᠡᠢ ᠰᠠᠢ᠍ᠢ᠍ᠬᠠᠨ ᠶᠠᠷᠢᠵᠤ ᠢᠯᠡᠳᠬᠡᠵᠦ ᠲᠡᠶ᠋ᠢᠯᠬᠦ ᠦᠭᠡᠢ᠂ ᠵᠠᠷᠢᠮ ᠬᠡᠣᠬᠡᠳᠨᠢ ᠬᠢᠳᠠᠳ ᠮᠤᠩᠭᠤᠯᠢ ᠬᠤᠳᠬᠤᠵᠤ ᠶᠠᠷᠢᠳᠠᠭ᠃ ᠠ᠋ᠨᠡᠨᠢ ᠲᠡᠳᠡᠨᠤ ᠭᠡᠷ ᠪᠦᠯᠢ ᠵᠢᠨ ᠤᠷᠴᠢᠨᠠᠴᠠ ᠰᠢᠯᠳᠠᠭ᠋ᠠᠯᠠᠭᠳᠠᠳᠠᠭ᠂ ᠭᠡᠷ ᠪᠦᠯᠢᠳᠤᠪᠠᠨ ᠢᠯᠡᠭᠦᠦ ᠮᠤᠨᠭ᠌ᠭᠤᠯᠢᠶᠠᠷ ᠶᠠᠷᠢᠳᠠᠬ ᠬᠡᠣᠬᠡᠳᠤᠨ ᠬᠡᠯᠡᠵᠦ ᠶᠡᠷᠢᠬᠤᠨᠢ ᠲᠤᠳᠤ᠂ ᠤᠶ᠋ᠢᠯᠠᠭ᠋ᠠᠮᠵᠢᠳᠠᠢ ᠪᠠᠶ᠋ᠢᠬᠤᠳᠤ᠂ ᠭᠡᠷᠤᠨ ᠠᠬᠠᠮᠠᠳ ᠬᠡᠣᠬᠡᠳᠲᠠᠢᠪᠠᠨ ᠲᠡᠳᠤᠢ ᠶᠠᠷᠢᠯᠴᠠᠳᠠᠭ ᠦᠭᠡᠢ ᠭᠡᠷ ᠪᠦᠯᠢ ᠵᠢᠨ ᠬᠡᠣᠬᠡᠳᠤᠨ ᠬᠡᠯᠡᠵᠦ ᠶᠠᠷᠢᠬᠤᠨᠢ ᠤᠶ᠋ᠢᠯᠠᠭ᠋ᠠᠮᠵᠢ ᠦᠭᠡᠢ ᠪᠠᠶ᠋ᠢᠳᠠᠭ ᠵᠶ᠋ᠠᠷ ᠪᠠᠷᠠᠭ᠍ᠤ ᠦᠭᠡᠢ ᠲᠧᠯᠸᠢᠰ ᠪᠠᠶ᠋ᠢᠩᠭᠤ ᠦᠵᠡᠳᠡᠭ᠂ ᠭᠠᠷ ᠤᠳᠠᠰᠤ ᠤᠯᠠᠨ ᠨᠠᠭ᠋ᠠᠳᠳᠠᠭ ᠬᠡᠣᠬᠡᠳᠨᠢ ᠬᠢᠳᠠᠳ ᠮᠤᠩᠭᠤᠯᠢ ᠬᠤᠳᠬᠤᠵᠤ ᠶᠠᠷᠢᠬᠤ ᠪᠤᠯᠴᠢᠬᠠᠳᠠᠭ᠃ ᠬᠡᠣᠬᠡᠳᠤᠨ ᠲᠠᠷᠢᠬᠢ ᠶᠠᠭ ᠰᠢᠩᠭᠡᠭᠡᠯᠳᠡ ᠵᠢᠨ ᠪᠦᠰᠡ ᠰᠢᠭ ᠭᠠᠳᠠᠭ᠋ᠠᠳᠤ ᠤᠷᠴᠢᠨᠤ ᠬᠡᠷᠡᠭ ᠤᠴᠢᠷᠢ ᠬᠦᠯᠢᠶᠡᠨ ᠰᠢᠩᠭᠡᠭᠡᠵᠦ ᠪᠠᠶ᠋ᠢᠳᠠᠭ᠂ ᠲᠡᠭᠦᠨᠳᠤ ᠰᠠᠨᠠᠭ᠋ᠠᠴᠢᠯᠠᠭᠠᠲᠠᠢ ᠬᠠᠨᠳᠤᠯᠠᠭᠠᠲᠠᠢ ᠵᠦᠪ ᠶᠠᠭᠤᠮᠠ ᠵᠢ ᠰᠢᠩᠭᠡᠭᠡᠬᠦ ᠦᠭᠡᠢ ᠪᠣᠯ ᠲᠠᠯᠳᠠ ᠤᠬᠠᠮᠰᠠᠷᠨᠢ ᠠ᠋ᠮᠬᠢ ᠲᠢᠭᠯᠢᠮ ᠦᠭᠡᠢ ᠪᠣᠯᠵᠤ ᠲᠠᠷᠢᠬᠢᠨᠤ ᠠ᠋ᠷᠡᠭᠦᠯ ᠪᠤᠶ᠋ᠢᠵᠢᠯᠳᠠ ᠵᠢ ᠨᠦᠯᠦᠭᠡᠯᠡᠬᠦ ᠪᠤᠯᠤᠨᠠ᠃ ᠠ᠋ᠶ᠋ᠢᠮᠦᠠᠴᠠ ᠪᠢᠳᠡ ᠴᠡᠴᠡᠷᠯᠢᠭᠲᠤ ᠤᠷᠤᠭᠰᠠᠨ ᠠ᠋ᠳᠦᠷᠠᠴᠠ ᠠ᠋ᠬᠢᠯᠡᠨ ᠭᠡᠤᠭᠡᠳᠢ ᠴᠡᠪᠡᠷ ᠮᠤᠩᠭᠤᠯ ᠬᠡᠯᠡᠪᠠᠷ ᠶᠠᠷᠢᠬᠤ ᠵᠢ ᠱᠠᠭ᠋ᠠᠷᠳᠠᠵᠤ᠂ ᠲᠡᠳᠡᠨᠤ ᠦᠭᠡ ᠬᠡᠯᠡᠨᠤ ᠴᠢᠳᠠᠪᠤᠷᠢ᠂ ᠲᠠᠷᠤᠢ ᠬᠡᠯᠡᠵᠦ ᠶᠠᠷᠢᠬᠤ᠂ ᠰᠤᠨᠤᠰᠬᠤ᠂ ᠲᠠᠭᠤᠯᠠᠭ᠍ᠤ᠂ ᠴᠡᠭᠡᠵᠢᠯᠡᠬᠦ ᠵᠡᠷᠭᠡ ᠴᠢᠳᠠᠪᠤᠷᠢ ᠵᠢ ᠰᠠᠨᠠᠭ᠋ᠠᠴᠢᠯᠠᠭᠠᠲᠠᠢ ᠬᠦᠮᠦᠵᠢᠭᠦᠯᠵᠤ᠂ ᠬᠤᠶ᠋ᠢᠰᠢᠳᠠ ᠵᠢᠨ ᠠ᠋ᠬᠡ ᠬᠡᠯᠡᠪᠠᠷ ᠵᠶ᠋ᠠᠨ ᠵᠦᠪ᠂ ᠲᠤᠳᠤ᠂ ᠤᠷᠤᠰᠤᠮᠠ᠂ ᠵᠤᠷᠢᠭᠲᠠᠢ ᠶᠠᠷᠢᠵᠤ ᠢᠯᠡᠳᠬᠡᠬᠦ ᠵᠢᠨ ᠰᠠᠭᠤᠷᠢ ᠵᠢᠨᠢ ᠲᠠᠯᠪᠢᠳᠠᠬ᠃ ᠠ᠋ᠨᠡ ᠦᠶᠡᠰ ᠪᠠᠭᠰᠢᠠᠴᠠ ᠬᠡᠣᠬᠡᠳᠤᠨ ᠨᠠᠰᠤᠨᠤ ᠤᠨᠴᠠᠯᠢᠭ᠂ ᠬᠡᠯᠡᠨᠤ ᠰᠠᠭᠤᠷᠢᠳᠤᠨᠢ ᠵᠤᠬᠢᠴᠠᠭᠤᠯᠤᠨ ᠦᠯᠢᠭᠡᠷ ᠶᠠᠷᠢᠵᠤ ᠦᠭᠬᠦ᠂ ᠬᠡᠣᠬᠡᠳ ᠵᠶ᠋ᠠᠷ ᠤᠬᠤᠷ ᠦᠯᠢᠭᠡᠷ ᠶᠠᠷᠢᠭᠤᠯᠬᠤ᠂ ᠤᠬᠤᠷ ᠰᠢᠯᠦᠭ ᠴᠡᠭᠡᠵᠢᠯᠡᠭᠦᠯᠬᠦ᠂ ᠴᠡᠭᠡᠵᠢᠪᠠᠷ ᠶᠠᠷᠢᠭᠤᠯᠬᠤ᠂ ᠵᠢᠷᠤᠭ ᠦᠵᠡᠵᠦ ᠤᠴᠢᠷ ᠰᠢᠯᠳᠠᠭ᠋ᠠᠨ ᠠᠭᠤᠯᠭᠠ ᠵᠢᠨᠢ ᠶᠠᠷᠢᠭᠤᠯᠬᠤ᠂ ᠨᠠᠶ᠋ᠢᠵᠢ ᠨᠦᠬᠦᠳ ᠬᠤᠭᠤᠷᠤᠨᠳᠤᠨᠢ ᠢᠯᠡᠭᠦᠦ ᠶᠡᠷᠢᠶᠡ ᠬᠡᠯᠡᠯᠴᠡᠭᠡᠨᠤ ᠰᠤᠯᠢᠯᠴᠠᠭᠠ ᠬᠢᠯᠭᠡᠬᠦ᠂ ᠲᠠᠭᠤᠤ ᠲᠠᠭᠤᠯᠠᠭᠤᠯᠬᠤ᠂ ᠬᠡᠯᠡ ᠵᠦᠭᠰᠢᠷᠡᠭᠦᠯᠬᠦ ᠦᠭᠡ᠂ ᠬᠤᠯᠪᠤᠭᠠ ᠬᠤᠷᠰᠢᠶᠠ ᠦᠭᠡ᠂ ᠲᠠᠭ᠋ᠠᠷᠢᠯᠴᠠᠭᠠ᠂ ᠤᠨᠢᠰᠤᠭᠠ᠂ ᠵᠦᠢ᠍ᠷ ᠰᠡᠴᠡᠨ ᠦᠭᠡ ᠴᠡᠭᠡᠵᠢᠯᠡᠭᠦᠯᠬᠦ ᠵᠡᠷᠭᠡ ᠠᠷᠭᠠ ᠠᠪᠴᠠᠯ ᠵᠶ᠋ᠠᠷ ᠬᠡᠣᠬᠡᠳᠤᠨ ᠬᠡᠯᠡᠵᠤ ᠶᠠᠷᠢᠬᠤ ᠴᠢᠳᠠᠪᠤᠷᠢ ᠵᠢᠨ ᠪᠤᠯᠪᠠᠰᠤᠷᠠᠯᠢ ᠰᠠᠶ᠋ᠢᠳᠤᠷ ᠬᠢᠪᠡᠯ ᠵᠤᠬᠢᠨᠠ᠂ ᠬᠠᠷᠢᠨ ᠴᠡᠴᠡᠷᠯᠢᠭᠤᠨ ᠬᠡᠣᠬᠡᠳᠲᠤ ᠦᠰᠦᠭ ᠪᠢᠴᠢᠭ ᠵᠢᠭ᠋ᠠᠵᠤ ᠲᠠᠰᠬᠠᠯ ᠦᠯᠡᠳᠡᠭᠡᠨ ᠠ᠋ᠷᠳᠡᠠᠴᠠ ᠪᠠᠭᠠ ᠰᠤᠷᠭ᠋ᠠᠭᠤᠯᠢ ᠵᠢᠨ ᠵᠢᠭ᠋ᠠᠨ ᠰᠤᠷᠭ᠋ᠠᠬᠤ ᠬᠡᠯᠪᠡᠷᠢᠳᠤ ᠤᠷᠤᠬᠤᠠᠴᠠ ᠵᠠᠢ᠍ᠢ᠍ᠯᠠᠰᠬᠢᠭᠦ ᠬᠡᠷᠡᠭᠳᠡᠢ᠃
ᠬᠤᠶᠠᠷ᠂ ᠴᠡᠴᠡᠷᠯᠢᠭᠤᠨ ᠬᠡᠣᠬᠡᠳᠤᠨ ᠲᠠᠳᠬᠠᠯᠤᠨ ᠬᠦᠮᠦᠵᠢᠯᠢ ᠰᠠᠶ᠋ᠢᠳᠤᠷ ᠬᠢᠬᠦ ᠬᠡᠷᠡᠭᠳᠡᠢ
ᠠᠮᠢᠳᠤᠷᠠᠯᠤᠨ ᠰᠠᠶ᠋ᠢᠨ ᠰᠠᠶ᠋ᠢᠬᠠᠨ ᠲᠠᠳᠬᠠᠯᠢ ᠬᠠᠷᠠᠭ᠍ᠠᠨ ᠪᠠᠭᠠᠠᠴᠠᠨᠢ ᠵᠢᠭ᠋ᠠᠨ ᠵᠢᠯᠤᠭᠤᠳᠴᠤ ᠦᠭᠬᠦ ᠴᠢᠬᠤᠯᠠᠲᠠᠢ᠃ ᠵᠠᠷᠢᠮ ᠭᠡᠷᠤᠨ ᠠᠬᠠᠮᠠᠳ ᠬᠡᠣᠬᠡᠳ ᠪᠠᠭᠠ ᠪᠠᠶ᠋ᠢᠨᠠ᠂ ᠲᠡᠳᠤᠢ ᠶᠠᠭᠤᠮᠠ ᠮᠡᠳᠡᠬᠦ ᠪᠣᠯᠤᠭ᠋ᠠᠳᠤᠢ᠂ ᠲᠤᠮᠤ ᠪᠣᠯᠪᠠᠯ ᠦᠪᠡᠷᠳᠡᠭᠡᠨ ᠮᠡᠳᠡᠴᠢᠬᠡᠬᠦ ᠪᠠᠶ᠋ᠢᠯᠭᠦᠢ ᠭᠡᠵᠦ ᠬᠡᠣᠬᠡᠳ ᠵᠶ᠋ᠠᠨ ᠠᠶᠠᠪᠠᠷᠨᠢ ᠲᠠᠯᠪᠢᠬᠤ ᠪᠣᠶᠤ ᠠᠯᠢᠪᠠ ᠪᠦᠬᠦᠨᠢᠨᠢ ᠤᠷᠤᠯᠠᠨ ᠬᠢᠵᠦ ᠦᠭᠳᠡᠭᠠᠴᠠ ᠬᠡᠣᠬᠡᠳᠨᠢ ᠶᠠᠭᠤ ᠴᠦ᠍ ᠬᠢᠵᠦ ᠴᠢᠳᠠᠭ᠍ᠤ ᠦᠭᠡᠢ ᠮᠦᠷᠳᠡᠭᠡᠨ ᠠᠮᠢᠳᠤᠷᠠᠯᠤᠨ ᠬᠡᠪᠰᠢᠯ ᠲᠠᠳᠬᠠᠯᠨᠢ ᠴᠦ᠍ ᠠ᠋ᠷᠦᠢ ᠬᠤᠷᠤᠢ ᠦᠭᠡᠢ ᠪᠣᠯᠵᠤ᠂ ᠬᠡᠣᠬᠡᠳᠨᠢ ᠪᠣᠰᠤᠳ ᠬᠡᠣᠬᠡᠳᠤᠨ ᠬᠢᠵᠦ ᠲᠡᠶ᠋ᠢᠯᠬᠦ ᠶᠠᠭᠤᠮᠠ ᠵᠢ ᠬᠢᠵᠦ ᠲᠡᠶ᠋ᠢᠯᠬᠦ ᠦᠭᠡᠢ ᠪᠣᠯᠬᠤ ᠦᠶᠡᠳᠤ ᠦᠪᠡᠷᠤᠨ ᠬᠡᠣᠬᠡᠳ ᠵᠶ᠋ᠠᠨ ᠪᠢᠳᠠᠭᠤ ᠮᠤᠩᠬᠠᠭ ᠭᠡᠵᠦ ᠦᠵᠡᠳᠡᠭ᠃ ᠨᠢᠭᠡ ᠬᠦᠮᠦᠨᠤ ᠬᠤᠵᠢᠮ ᠬᠤᠶ᠋ᠢᠰᠢᠳᠠ ᠵᠢᠨ ᠠᠵᠤ ᠠᠮᠢᠳᠤᠷᠠᠯᠤᠨ ᠪᠠᠶᠠᠷ ᠵᠢᠷᠭ᠋ᠠᠯᠲᠠᠢ ᠪᠠᠶ᠋ᠢᠬᠤ᠂ ᠠᠵᠢᠯ ᠦᠢ᠍ᠯᠡᠰᠲᠤᠪᠠᠨ ᠠᠮᠵᠢᠯᠳᠠ ᠪᠦᠳᠦᠮᠵᠢ ᠤᠯᠬᠤᠨᠢ ᠲᠡᠭᠦᠨᠤ ᠪᠠᠭᠠ ᠵᠢᠨ ᠦᠶᠡᠳᠤ ᠪᠦᠷᠢᠯᠳᠦᠭᠰᠡᠨ ᠠᠮᠢᠳᠤᠷᠠᠯᠤᠨ ᠲᠠᠳᠬᠠᠯᠲᠠᠢ ᠲᠤᠩ ᠶᠡᠭᠡ ᠬᠤᠯᠪᠤᠭᠠᠲᠠᠢ᠃ ᠨᠤᠪᠧᠯᠤᠨ ᠤᠳᠬᠠ ᠵᠤᠬᠢᠶᠠᠯᠤᠨ ᠱᠠᠩᠨᠠᠯ ᠭᠦᠷᠳᠡᠭᠴᠢ ᠮᠥᠸᠧ ᠶᠠᠨᠠᠴᠠ ᠰᠤᠷᠪᠤᠯᠵᠢᠯᠠᠭᠴᠢ᠄ 《ᠲᠠᠨᠤ ᠠ᠋ᠶ᠋ᠢᠮᠦ ᠶᠡᠭᠡ ᠠᠮᠵᠢᠯᠳᠠᠳᠤ ᠭᠦᠷᠭᠦᠳᠤ ᠠᠯᠢ ᠦᠶᠡ ᠵᠢᠨ ᠰᠤᠷᠭ᠋ᠠᠨ ᠬᠦᠮᠦᠵᠢᠯ ᠬᠠᠮᠤᠭ ᠶᠡᠭᠡ ᠨᠦᠯᠦᠭᠡ ᠦᠵᠡᠭᠦᠯᠪᠡ？》 ᠭᠡᠭᠦᠳᠤ ᠮᠥᠸᠧ ᠶᠠᠨ᠄ 《ᠴᠡᠴᠡᠷᠯᠢᠭᠤᠨ ᠬᠦᠮᠦᠵᠢᠯ》 ᠭᠡᠵᠦ ᠬᠠᠷᠢᠭᠤᠯᠤᠭᠰᠠᠨ ᠭᠡᠨᠡ᠃ ᠰᠤᠷᠪᠤᠯᠵᠢᠯᠠᠭᠴᠢ ᠭᠠᠶ᠋ᠢᠬᠠᠵᠤ᠄ 《ᠶᠠᠭ᠋ᠠᠬᠢᠭ᠋ᠠᠳ？》 ᠭᠡᠰᠡᠨᠳᠤ ᠮᠥᠸᠧ ᠶᠠᠨ᠄ 《ᠪᠢ ᠴᠡᠴᠡᠷᠯᠢᠭᠠᠴᠠ ᠠᠮᠢᠳᠤᠷᠠᠯᠤᠨ ᠲᠠᠳᠬᠠᠯᠢ ᠰᠤᠷᠴᠤ᠂ ᠪᠣᠰᠣᠳᠲᠠᠢ ᠨᠠᠭ᠋ᠠᠳᠤᠮ ᠵᠶ᠋ᠠᠨ ᠬᠤᠪᠢᠶᠠᠯᠴᠠᠵᠤ ᠨᠠᠭ᠋ᠠᠳᠬᠤ᠂ ᠪᠤᠰᠤᠳᠲᠤ ᠨᠠᠶ᠋ᠢᠷ ᠲᠠᠯᠪᠢᠬᠤ ᠵᠢ ᠰᠤᠷᠤᠭᠰᠠᠨ ᠶᠤᠮ》 ᠭᠡᠵᠠᠢ᠃ ᠠ᠋ᠭᠦᠨᠠᠴᠠ ᠨᠢᠭᠡ ᠬᠦᠮᠦᠨᠳᠤ ᠴᠡᠴᠡᠷᠯᠢᠭᠤᠨ ᠬᠦᠮᠦᠵᠢᠯ ᠭᠡᠳᠤᠢ᠍ᠢ᠍ᠴᠢᠨᠡᠨ ᠴᠢᠬᠤᠯᠠ ᠭᠡᠳᠡᠭᠢ ᠮᠡᠳᠡᠵᠦ ᠪᠣᠯᠬᠤ ᠶᠤᠮ᠃ ᠬᠡᠣᠬᠡᠳ ᠪᠣᠯᠭ᠋ᠠᠨᠤ ᠲᠠᠳᠬᠠᠯ ᠪᠦᠷ ᠠᠳᠠᠯᠢ ᠦᠭᠡᠢ ᠪᠠᠶ᠋ᠢᠳᠠᠭ᠃ ᠪᠠᠭᠰᠢᠠᠴᠠ ᠬᠦᠯᠢᠴᠡᠩᠭᠦᠢ ᠤᠪᠤᠷ ᠵᠶ᠋ᠠᠷ ᠬᠤᠭᠤᠯᠠ ᠢᠳᠡᠬᠦᠠᠴᠠ ᠠ᠋ᠮᠦᠨᠡ ᠭᠠᠷ ᠵᠶ᠋ᠠᠨ ᠤᠭᠢᠶᠠᠭ᠍ᠤ᠂ ᠬᠤᠪᠴᠠᠰᠤ ᠬᠤᠨᠠᠷ ᠵᠶ᠋ᠠᠨ ᠡᠪᠬᠡᠵᠤ ᠲᠤᠭᠳᠠᠭᠰᠠᠨ ᠤᠷᠤᠨᠳᠤ ᠲᠠᠯᠪᠢᠬᠤ᠂ ᠨᠠᠭ᠋ᠠᠳᠤᠮ ᠲᠤᠭᠯᠠᠭ᠋ᠠᠮ ᠵᠶ᠋ᠠᠨ ᠲᠤᠭᠯᠠᠵᠤ ᠪᠠᠷᠠᠪᠠᠯ ᠤᠤᠯ ᠤᠷᠤᠨᠳᠤᠨᠢ ᠬᠤᠷᠢᠶᠠᠨ ᠲᠠᠯᠪᠢᠬᠤ᠂ ᠲᠤᠭᠳᠠᠭᠰᠠᠨ ᠴᠠᠭᠲᠤ ᠤᠨᠳᠠᠵᠤ ᠲᠤᠭᠳᠠᠭᠰᠠᠨ ᠴᠠᠭᠲᠤ ᠪᠣᠰᠬᠤ᠂ ᠵᠤᠷᠯᠤᠩᠳᠤ ᠤᠷᠤᠭᠰᠠᠨᠤ ᠲᠠᠷᠠᠭᠠ ᠭᠠᠷ ᠵᠶ᠋ᠠᠨ ᠤᠭᠢᠶᠠᠭ᠍ᠤ᠂ ᠬᠤᠭᠤᠯᠠᠨᠤ ᠲᠠᠷᠠᠭᠠ ᠠᠮᠠᠪᠠᠨ ᠵᠠᠶ᠋ᠢᠯᠠᠭ᠍ᠤ᠂ ᠠᠶᠠᠭᠠ ᠰᠠᠪᠬᠠᠪᠠᠨ ᠤᠭᠢᠶᠠᠵᠤ ᠴᠡᠪᠡᠷᠯᠡᠨ ᠲᠤᠭᠳᠠᠭᠰᠠᠨ ᠤᠷᠤᠨᠳᠤᠨᠢ ᠲᠠᠯᠪᠢᠬᠤ᠂ ᠬᠠᠮᠳᠤ ᠨᠠᠶ᠋ᠢᠵᠢᠲᠠᠢᠪᠠᠨ ᠬᠡᠷᠬᠢᠨ ᠠ᠋ᠶᠡ ᠨᠠᠶ᠋ᠢᠷᠲᠠᠢ ᠬᠠᠷᠢᠴᠠᠭ᠍ᠤ᠂ ᠤᠯᠠᠨ ᠨᠡᠶ᠋ᠢᠳᠡ ᠵᠢᠨ ᠲᠠᠯᠠᠪᠤᠷᠲᠤ ᠦᠢ᠍ᠮᠡᠨ ᠱᠤᠤᠭᠢᠯᠳᠤᠬᠤ ᠦᠭᠡᠢ ᠪᠠᠶ᠋ᠢᠬᠤ ᠵᠡᠷᠭᠡ ᠤᠯᠠᠨ ᠲᠠᠯᠠ ᠵᠢᠨ ᠵᠢᠵᠢᠭ ᠰᠠᠵᠢᠭ ᠵᠦᠢ᠍ᠯᠤᠳᠢ ᠰᠠᠨᠠᠭ᠋ᠠᠴᠢᠯᠠᠨ ᠪᠣᠳᠤᠯᠬᠢᠯᠠᠵᠤ ᠬᠡᠣᠬᠡᠳᠤᠨ ᠲᠠᠳᠬᠠᠯᠤᠨ ᠬᠦᠮᠦᠵᠢᠯᠢ ᠰᠠᠶ᠋ᠢᠳᠤᠷ ᠠᠳᠬᠤᠵᠤ ᠬᠢᠪᠡᠯ ᠰᠠᠶ᠋ᠢᠨ ᠪᠠᠶ᠋ᠢᠳᠠᠭ ᠶᠤᠮ᠃
ᠭᠤᠷᠪᠠ᠂ ᠴᠡᠴᠡᠷᠯᠢᠭᠤᠨ ᠬᠦᠮᠦᠵᠢᠯᠳᠤ ᠲᠤᠭᠯᠠᠭ᠋ᠠᠮᠤᠨ ᠬᠦᠮᠦᠵᠢᠯᠢ ᠬᠦᠨᠳᠦᠳᠬᠡᠨ ᠬᠢᠬᠦ ᠴᠢᠬᠤᠯᠠᠲᠠᠢ
ᠨᠠᠭ᠋ᠠᠳᠬᠤ ᠪᠣᠯ ᠬᠡᠣᠬᠡᠳᠤᠨ ᠲᠦᠷᠦᠯᠬᠢ ᠴᠢᠨᠠᠷ ᠪᠣᠯᠬᠤ ᠶᠤᠮ᠃ ᠲᠤᠭᠯᠠᠭ᠋ᠠᠮ ᠪᠣᠯ ᠨᠢᠭᠡ ᠵᠦᠢ᠍ᠯᠤᠨ ᠤᠨᠴᠠᠭ᠋ᠠᠢ ᠨᠡᠶ᠋ᠢᠭᠡᠮᠴᠢ ᠴᠢᠨᠠᠷᠲᠠᠢ ᠠᠵᠢᠯᠯᠠᠭᠠ ᠮᠦᠨ᠂ ᠬᠡᠣᠬᠡᠳ ᠤᠯᠠᠩᠬᠢ ᠴᠠᠭᠢ ᠨᠠᠭ᠋ᠠᠳᠤᠮᠤᠨ ᠲᠤᠮᠳᠠ ᠦᠩᠭᠡᠷᠡᠭᠦᠯᠵᠦ ᠨᠠᠭ᠋ᠠᠳᠤᠮ ᠲᠤᠭᠯᠠᠭ᠋ᠠᠮᠠᠴᠠ ᠠᠮᠢᠳᠤᠷᠠᠯᠤᠨ ᠲᠠᠨᠢᠯᠳᠠᠪᠠᠨ ᠲᠡᠭᠡᠭᠰᠢᠯᠡᠭᠦᠯᠤᠨ ᠲᠤᠷᠰᠢᠯᠭᠠᠪᠠᠨ ᠨᠡᠮᠡᠭᠳᠡᠭᠦᠯᠵᠦ᠂ ᠤᠷᠴᠢᠨ ᠲᠤᠭᠤᠷᠢᠨᠤ ᠬᠡᠷᠡᠭ ᠪᠤᠳᠠᠰᠤᠨ ᠲᠤᠬᠠᠢ ᠤᠶ᠋ᠢᠯᠭ᠋ᠠᠯᠳᠠᠪᠠᠨ ᠭᠦᠨᠵᠡᠭᠡᠶ᠋ᠢᠷᠡᠭᠦᠯᠵᠦ ᠦᠪᠡᠷᠤᠨ ᠪᠡᠶᠡᠪᠠᠨ ᠲᠡᠭᠦᠯᠳᠡᠷᠵᠢᠭᠦᠯᠤᠨ ᠬᠦᠭᠵᠢᠭᠦᠯᠵᠦ ᠴᠢᠳᠠᠳᠠᠬ᠃ ᠲᠤᠭᠯᠠᠭ᠋ᠠᠮ ᠪᠣᠯ ᠰᠤᠷᠭ᠋ᠠᠭᠤᠯᠢ ᠵᠢᠨ ᠨᠠᠰᠤᠨᠠᠴᠠ ᠠ᠋ᠮᠦᠨᠡᠬᠢ ᠬᠡᠣᠬᠡᠳᠤᠨ ᠤᠨᠴᠠᠯᠢᠭᠲᠤ ᠲᠤᠬᠢᠷᠠᠭᠰᠠᠨ ᠬᠦᠳᠡᠯᠭᠡᠭᠡᠨᠤ ᠬᠡᠯᠪᠡᠷᠢ ᠪᠣᠯᠬᠤ ᠮᠦᠷᠳᠡᠭᠡᠨ ᠬᠡᠣᠬᠡᠳᠤᠨ ᠰᠡᠳᠬᠢᠴᠡ ᠵᠢᠨ ᠬᠦᠭᠵᠢᠯᠳᠡ ᠵᠢ ᠠᠬᠢᠭᠤᠯᠬᠤ ᠬᠠᠮᠤᠭᠤᠨ ᠰᠠᠶ᠋ᠢᠨ ᠬᠦᠳᠡᠯᠭᠡᠭᠡᠨᠤ ᠬᠡᠯᠪᠡᠷᠢ ᠶᠤᠮ᠃ ᠡᠪᠳᠡᠢ ᠰᠠᠶ᠋ᠢᠬᠠᠨ ᠵᠤᠬᠢᠶᠠᠨ ᠪᠠᠶ᠋ᠢᠭᠤᠯᠤᠭᠰᠠᠨ ᠲᠤᠭᠯᠠᠭ᠋ᠠᠮ ᠲᠤᠮᠳᠠ ᠬᠡᠣᠬᠡᠳᠤᠨ ᠰᠡᠳᠬᠢᠴᠡ ᠵᠢᠨ ᠶᠠᠪᠤᠴᠠ ᠪᠠ ᠦᠪᠡᠷᠮᠢᠴᠡ ᠵᠠᠩ ᠴᠢᠨᠠᠷᠨᠢ ᠨᠡᠩ ᠲᠦᠷᠭᠡᠨ᠂ ᠨᠡᠩ ᠰᠠᠶ᠋ᠢᠨ ᠬᠦᠭᠵᠢᠳᠡᠭ᠃
ᠶᠠᠭᠤᠨᠤ ᠠ᠋ᠮᠦᠨᠡ᠂ ᠲᠤᠭᠯᠠᠭ᠋ᠠᠮ ᠵᠶ᠋ᠠᠷ ᠬᠡᠣᠬᠡᠳᠤᠨ ᠬᠦᠳᠡᠯᠭᠡᠭᠡᠨᠤ ᠠ᠋ᠷᠬᠡᠳᠡᠨ ᠪᠠ ᠡᠯᠡ ᠰᠡᠷᠡᠯᠤᠨ ᠠ᠋ᠷᠬᠡᠳᠡᠨᠤ ᠵᠤᠬᠢᠴᠠᠩᠭᠤᠢ ᠬᠦᠭᠵᠢᠯᠳᠡ ᠵᠢ ᠠᠬᠢᠭᠤᠯᠵᠤ ᠴᠢᠳᠠᠳᠠᠬ᠃ ᠲᠤᠭᠯᠠᠬᠤ ᠶᠠᠪᠤᠴᠠᠳᠤᠪᠠᠨ ᠬᠡᠣᠬᠡᠳ ᠶᠠᠮᠠᠷ ᠨᠢᠭᠡᠨ ᠠ᠋ᠭᠦᠷᠭᠡ ᠵᠢ ᠬᠦᠯᠢᠶᠡᠨ ᠠᠪᠴᠤ ᠠ᠋ᠷᠬᠡᠪᠰᠢ ᠴᠢᠷᠮᠠᠶ᠋ᠢᠨ ᠪᠡᠶᠡᠯᠡᠭᠦᠯᠬᠦ ᠬᠡᠷᠡᠭᠳᠡᠢ ᠪᠠᠶ᠋ᠢᠳᠠᠭᠠᠴᠠ ᠲᠡᠳᠡᠨᠤ ᠦᠢ᠍ᠯᠡ ᠬᠦᠳᠡᠯᠦᠯᠨᠢ ᠨᠡᠩ ᠵᠤᠷᠢᠯᠭᠠᠲᠠᠢ᠂ ᠢᠳᠡᠪᠬᠢᠳᠡᠢ ᠪᠠᠶ᠋ᠢᠳᠠᠭ᠃ ᠲᠤᠭᠯᠠᠭ᠋ᠠᠮᠠᠴᠠ ᠲᠠᠳᠡᠨᠤ ᠪᠡᠶᠡ ᠮᠠᠭ᠍ᠠᠪᠤᠳᠤᠨ ᠬᠦᠳᠡᠯᠭᠡᠭᠡᠨᠤ ᠠ᠋ᠷᠬᠡᠳᠡᠨᠨᠢ ᠲᠤᠩ ᠰᠠᠶ᠋ᠢᠨ ᠵᠶ᠋ᠠᠷ ᠬᠦᠭᠵᠢᠳᠡᠭ᠃
ᠲᠠᠷᠠᠭᠠᠳᠤᠨᠢ᠂ ᠲᠤᠭᠯᠠᠭ᠋ᠠᠮᠤᠨ ᠲᠤᠮᠳᠠ ᠬᠡᠣᠬᠡᠳᠤᠨ ᠡᠯᠡ ᠵᠦᠢ᠍ᠯᠤᠨ ᠰᠡᠳᠬᠢᠴᠡ ᠵᠢᠨ ᠬᠦᠳᠡᠯᠭᠡᠭᠡᠨᠨᠢ ᠪᠠᠰᠠ ᠨᠡᠩ ᠲᠦᠷᠭᠡᠨ᠂ ᠨᠡᠩ ᠰᠠᠶ᠋ᠢᠨ ᠬᠦᠭᠵᠢᠳᠡᠭ᠃ ᠤᠯᠠᠨ ᠲᠠᠯᠠ ᠵᠢᠨ ᠰᠣᠳᠤᠯᠤᠯᠳᠠᠪᠠᠷ ᠨᠣᠳᠠᠯᠠᠭᠰᠠᠨ ᠵᠶ᠋ᠠᠷ᠂ ᠲᠤᠭᠯᠠᠭ᠋ᠠᠮᠤᠨ ᠲᠤᠮᠳᠠ ᠬᠡᠣᠬᠡᠳᠤᠨ ᠬᠠᠷᠠᠭ᠋ᠠᠨᠤ ᠮᠡᠳᠡᠷᠡᠬᠦᠢ ᠵᠢᠨ ᠰᠤᠷᠭᠤᠭ ᠴᠢᠳᠠᠪᠤᠷᠢᠨᠢ ᠬᠦᠭᠵᠢᠵᠦ᠂ ᠬᠠᠷᠠᠭ᠋ᠠᠨᠤ ᠮᠡᠳᠡᠷᠡᠬᠦᠢ ᠵᠢᠨ ᠬᠡᠪᠴᠢᠶᠡᠨᠢ ᠦᠷᠭᠡᠵᠢᠨ᠂ ᠠᠨᠳᠠᠭᠤᠷᠠᠭ᠍ᠤ ᠪᠠᠶ᠋ᠢᠳᠠᠯᠨᠢ ᠢᠯᠡᠷᠬᠡᠢ ᠪᠠᠭ᠋ᠠᠰᠤᠨᠠ᠃ ᠲᠤᠭᠯᠠᠭ᠋ᠠᠮᠤᠨ ᠲᠤᠮᠳᠠ ᠬᠡᠣᠬᠡᠳ ᠠ᠋ᠭᠦᠷᠭᠡ ᠬᠦᠯᠢᠶᠡᠭᠰᠡᠨᠠᠴᠠ ᠪᠣᠯᠵᠤ ᠠ᠋ᠷᠬᠡᠪᠰᠢ ᠤᠬᠠᠮᠰᠠᠷᠲᠠᠢ᠂ ᠵᠤᠷᠢᠯᠭᠠᠲᠠᠢ᠂ ᠢᠳᠡᠪᠬᠢᠳᠡᠢᠪᠠᠷ ᠠ᠋ᠭᠦᠷᠭᠡ ᠵᠢᠨ ᠴᠢᠬᠤᠯᠠ ᠵᠦᠢ᠍ᠯᠢ ᠴᠡᠭᠡᠵᠢᠯᠡᠨ ᠲᠤᠭᠳᠠᠭ᠋ᠠᠬᠤ ᠪᠤᠶᠤ ᠠ᠋ᠷᠭᠢᠴᠡᠭᠦᠯᠦᠨ ᠪᠤᠳᠤᠳᠠᠬᠠᠴᠠ ᠴᠡᠭᠡᠵᠢᠯᠡᠬᠦ ᠬᠡᠮᠵᠢᠶᠡ ᠪᠠ ᠲᠤᠭᠳᠠᠭ᠋ᠠᠬᠤ ᠪᠠᠶ᠋ᠢᠳᠠᠯᠨᠢ ᠶᠡᠷᠦ ᠵᠢᠨ ᠪᠠᠶ᠋ᠢᠳᠠᠯᠳᠤᠬᠢ ᠴᠡᠭᠡᠵᠢᠯᠡᠯᠠᠴᠠ ᠬᠤᠯᠠ ᠤᠯᠠᠨ ᠪᠠᠶ᠋ᠢᠳᠠᠭ᠃ ᠲᠤᠭᠯᠠᠭ᠋ᠠᠮᠤᠨ ᠲᠤᠮᠳᠠ ᠬᠡᠣᠬᠡᠳᠤᠨ ᠦᠪᠡᠷᠮᠢᠴᠡ ᠴᠢᠨᠠᠷᠢ ᠨᠡᠩ ᠰᠠᠶ᠋ᠢᠨ ᠪᠤᠯᠪᠠᠰᠤᠷᠠᠭᠤᠯᠵᠤ᠂ ᠨᠡᠩ ᠰᠠᠶ᠋ᠢᠨ ᠬᠦᠮᠦᠵᠢᠭᠦᠯᠵᠦ ᠪᠤᠯᠤᠨᠠ᠃ ᠲᠤᠭᠯᠠᠭ᠋ᠠᠮᠤᠨ ᠤᠯᠠᠩᠬᠢᠨᠢ ᠬᠠᠮᠳᠤ ᠵᠢᠨ ᠬᠦᠳᠡᠯᠭᠡᠭᠡᠨ ᠪᠠᠶ᠋ᠢᠳᠠᠭᠠᠴᠠ ᠬᠦᠳᠡᠯᠭᠡᠭᠡᠨᠤ ᠲᠤᠮᠳᠠ ᠬᠡᠣᠬᠡᠳ ᠲᠤᠭᠯᠠᠭ᠋ᠠᠮᠤᠨ ᠲᠦᠷᠢᠮᠢ ᠰᠠᠬᠢᠬᠤ ᠵᠢ ᠰᠤᠷᠬᠤ ᠪᠦᠭᠡᠳ ᠲᠤᠭᠯᠠᠭ᠋ᠠᠮᠤᠨ ᠠ᠋ᠭᠦᠷᠭᠡᠪᠠᠨ ᠪᠡᠶᠡᠯᠡᠭᠦᠯᠬᠦᠨᠢ ᠬᠡᠣᠬᠡᠳᠤᠨ ᠵᠠᠩ ᠠᠷᠠᠨᠰᠢᠨ ᠪᠠ ᠠ᠋ᠷᠴᠢ ᠵᠤᠷᠢᠭ᠂ ᠠᠷᠭᠠ ᠰᠠᠮᠪᠠᠭᠠ ᠵᠢ ᠬᠦᠮᠦᠵᠢᠭᠦᠯᠳᠡᠭ᠃ ᠲᠤᠭᠯᠠᠭ᠋ᠠᠮᠤᠨ ᠶᠠᠪᠤᠴᠠᠳᠤ ᠬᠡᠣᠬᠡᠳᠤᠨ ᠪᠤᠰᠤᠳ ᠰᠡᠷᠡᠯᠤᠨ ᠠ᠋ᠷᠬᠡᠳᠡᠨᠨᠢ ᠰᠡᠳᠬᠢᠴᠡ ᠵᠢᠨ ᠬᠦᠳᠡᠯᠭᠡᠭᠡᠨᠳᠤ ᠢᠳᠡᠪᠬᠢᠳᠡᠢ ᠤᠷᠤᠯᠴᠠᠨ ᠲᠤᠰ ᠲᠤᠰᠤᠨ ᠬᠦᠭᠵᠢᠯᠳᠡᠪᠠᠨ ᠤᠯᠵᠤ ᠴᠢᠳᠠᠳᠠᠬ᠃ ᠠ᠋ᠶ᠋ᠢᠮᠦᠠᠴᠠ ᠲᠤᠭᠯᠠᠭ᠋ᠠᠮᠨᠢ ᠬᠡᠣᠬᠡᠳᠤᠨ ᠲᠠᠭᠤ ᠴᠢᠮᠡᠭᠡ ᠵᠢ ᠢᠯᠭ᠋ᠠᠨ ᠲᠠᠨᠢᠬᠤ ᠴᠢᠳᠠᠪᠤᠷᠢ ᠵᠢ ᠠᠬᠢᠭᠤᠯᠬᠤ᠂ ᠦᠭᠡ ᠬᠡᠯᠡᠨᠤ ᠰᠤᠯᠢᠯᠴᠠᠭ᠋ᠠᠨᠤ ᠴᠢᠳᠠᠪᠤᠷᠢ ᠵᠢ ᠠᠬᠢᠭᠤᠯᠬᠤᠪᠠᠷ ᠲᠠᠮᠵᠢᠨ ᠶᠡᠭᠡ ᠲᠠᠷᠢᠬᠢᠨᠤ ᠠᠵᠢᠯᠯᠠᠭᠠ ᠵᠢ ᠰᠠᠶ᠋ᠢᠵᠢᠷᠠᠭᠤᠯᠵᠤ ᠲᠠᠷᠢᠬᠢᠨᠤ ᠪᠤᠶ᠋ᠢᠵᠢᠯᠳᠠᠳᠤ ᠲᠤᠩ ᠶᠡᠭᠡ ᠢᠳᠡᠪᠬᠢ ᠦᠢ᠍ᠯᠡᠳᠦᠯ ᠦᠵᠡᠭᠦᠯᠳᠡᠭ᠃ ᠲᠤᠭᠯᠠᠭ᠋ᠠᠮᠳᠤ ᠤᠷᠤᠯᠴᠠᠭ᠍ᠤ ᠵᠢ ᠲᠠᠭ᠋ᠠᠯᠳᠤᠨ ᠬᠡᠣᠬᠡᠳᠤᠨ ᠰᠡᠳᠬᠢᠭᠦᠢ ᠵᠢᠨ ᠴᠢᠳᠠᠪᠤᠷᠢ᠂ ᠠᠩᠬᠠᠷᠬᠤᠢ ᠵᠢᠨ ᠴᠢᠳᠠᠪᠤᠷᠢ᠂ ᠠ᠋ᠭᠦᠳᠦᠨ ᠪᠦᠳᠦᠭᠡᠬᠦ ᠴᠢᠳᠠᠪᠤᠷᠢ᠂ ᠬᠤᠯᠪᠤᠨ ᠪᠤᠳᠤᠬᠤ ᠴᠢᠳᠠᠪᠤᠷᠢ᠂ ᠬᠤᠷᠰᠢᠨ ᠠᠵᠢᠯᠯᠠᠭ᠍ᠤ ᠴᠢᠳᠠᠪᠤᠷᠢᠨᠢ ᠵᠡᠷᠭᠡᠪᠠᠷ ᠬᠦᠭᠵᠢᠨ ᠲᠡᠭᠦᠯᠳᠡᠷᠵᠢᠳᠡᠭ ᠪᠦᠭᠡᠳ ᠲᠡᠳᠡᠨᠤ ᠲᠤᠷᠠ ᠰᠤᠨᠢᠷᠬᠠᠯᠤᠨ ᠨᠠᠬᠢᠶᠠᠯᠠᠯ᠂ ᠰᠤᠷᠤᠯᠴᠠᠭ᠍ᠤ ᠰᠤᠨᠢᠷᠬᠠᠯᠤᠨ ᠠ᠋ᠭᠦᠰᠦᠯ ᠴᠦ᠍ ᠪᠦᠷ ᠲᠤᠭᠯᠠᠭ᠋ᠠᠮᠠᠴᠠ ᠠ᠋ᠬᠢᠯᠡᠨ ᠪᠣᠢ ᠪᠣᠯᠳᠠᠭ ᠶᠤᠮ᠃
ᠭᠡᠳᠡᠯᠡ ᠲᠤᠭᠯᠠᠭ᠋ᠠᠮᠤᠨ ᠬᠡᠣᠬᠡᠳᠤᠨ ᠪᠡᠶᠡ ᠰᠡᠳᠬᠢᠴᠡ ᠵᠢᠨ ᠬᠦᠭᠵᠢᠯᠳᠡᠳᠤ ᠦᠵᠡᠭᠦᠯᠬᠦ ᠦᠢ᠍ᠯᠡᠳᠦᠯᠨᠢ ᠠᠶᠠᠨᠳᠠᠭ᠋ᠠᠨ ᠪᠡᠶᠡᠯᠡᠭᠳᠡᠴᠢᠬᠡᠬᠦ ᠪᠢᠰᠢ᠂ ᠬᠠᠷᠢᠨ ᠭᠡᠷᠤᠨ ᠠᠬᠠᠮᠠᠳ ᠪᠤᠶᠤ ᠪᠠᠭᠰᠢ ᠨᠠᠷᠠᠴᠠ ᠰᠠᠨᠠᠭ᠋ᠠᠴᠢᠯᠠᠭᠠᠲᠠᠢ ᠵᠤᠬᠢᠶᠠᠨ ᠪᠠᠶ᠋ᠢᠭᠤᠯᠬᠤ ᠪᠠ ᠵᠦᠪ ᠤᠨᠤᠪᠴᠢᠳᠤ ᠵᠢᠯᠤᠭᠤᠳᠤᠯᠭᠠᠲᠠᠢ ᠰᠢᠭᠤᠳ ᠬᠤᠯᠪᠤᠭᠠᠲᠠᠢ ᠪᠠᠶ᠋ᠢᠳᠠᠭ᠃ ᠲᠠᠷᠤᠢ ᠰᠠᠶ᠋ᠢᠳᠤᠷ ᠲᠦᠰᠦᠪᠯᠡᠨ ᠵᠤᠬᠢᠶᠠᠨ ᠪᠠᠶ᠋ᠢᠭᠤᠯᠤᠭᠰᠠᠨ ᠲᠤᠭᠯᠠᠭ᠋ᠠᠮᠨᠢ ᠠ᠋ᠶ᠋ᠢᠮᠦᠷᠬᠦᠤ ᠬᠦᠮᠦᠵᠢᠯᠤᠨ ᠵᠤᠷᠢᠯᠭᠠᠳᠤ ᠬᠦᠷᠴᠦ ᠲᠡᠶ᠋ᠢᠯᠦᠨᠡ᠂ ᠭᠡᠬᠦᠳᠤᠪᠠᠨ ᠲᠤᠮᠤ ᠬᠦᠮᠦᠰ ᠡᠵᠡᠨ ᠮᠡᠳᠡᠵᠦ ᠲᠤᠭᠯᠠᠭᠤᠯᠬᠤ᠂ ᠤᠷᠤᠯᠠᠨ ᠭᠦᠢ᠍ᠴᠡᠳᠬᠡᠬᠦ ᠪᠤᠶᠤ ᠬᠡᠣᠬᠡᠳᠤᠨ ᠲᠤᠭᠯᠠᠭ᠋ᠠᠮᠢ ᠲᠤᠷᠠ ᠲᠠᠪᠠᠪᠠᠷ ᠵᠶ᠋ᠠᠨ ᠬᠤᠷᠢᠭᠯᠠᠨ ᠵᠤᠭᠰᠤᠭ᠋ᠠᠵᠤ ᠨᠡᠩ ᠪᠣᠯᠳᠠᠭ ᠦᠭᠡᠢ᠃ ᠤᠳᠤ ᠵᠠᠷᠢᠮ ᠭᠡᠷᠤᠨ ᠠᠬᠠᠮᠠᠳ ᠪᠤᠶᠤ ᠪᠠᠭᠰᠢᠠᠴᠠ ᠠ᠋ᠷᠳᠡ ᠪᠢᠴᠢᠭ ᠠ᠋ᠷᠳᠡᠮ ᠰᠤᠷᠭ᠋ᠠᠬᠤ ᠭᠡᠵᠦ ᠬᠡᠣᠬᠡᠳᠲᠤ ᠪᠠᠭᠠᠠᠴᠠᠨᠢ ᠲᠤᠭᠠ ᠵᠢᠭ᠋ᠠᠬᠤ᠂ ᠴᠠᠭ᠋ᠠᠨ ᠲᠤᠯᠤᠭ᠋ᠠᠢ ᠵᠢᠭ᠋ᠠᠬᠤ᠂ ᠠᠩᠭ᠍ᠯᠢ ᠬᠡᠯᠡ ᠰᠤᠷᠭ᠋ᠠᠬᠤ ᠭᠡᠵᠦ ᠦᠢ᠍ᠯᠡ ᠵᠢᠨᠢ ᠪᠠᠷᠠᠵᠤ ᠪᠠᠶ᠋ᠢᠬᠤᠨᠢ ᠬᠡᠣᠬᠡᠳᠤᠨ ᠲᠠᠷᠢᠬᠢᠨᠤ ᠬᠦᠭᠵᠢᠯᠳᠡ ᠵᠢ ᠬᠠᠷᠰᠢᠯᠠᠵᠤ ᠪᠠᠶ᠋ᠢᠭᠠ ᠶᠠᠪᠤᠳᠠᠯ ᠪᠣᠯᠬᠤ ᠶᠤᠮ᠃ ᠬᠡᠣᠬᠡᠳᠲᠤ ᠬᠡᠳᠦ ᠠ᠋ᠷᠳᠡᠠᠴᠠ ᠦᠰᠦᠭ ᠪᠢᠴᠢᠭᠢ ᠠᠯᠪᠠᠪᠠᠷ ᠲᠠᠨᠢᠭᠤᠯᠬᠤ ᠭᠡᠵᠦ ᠣᠷᠤᠯᠳᠤᠬᠤᠨᠢ ᠬᠡᠣᠬᠡᠳᠤᠨ ᠲᠡᠷᠢᠬᠢ ᠮᠡᠳᠡᠷᠡᠯᠤᠨ ᠬᠦᠯᠢᠶᠡᠨ ᠠᠪᠬᠤ ᠵᠢᠮᠡ ᠶᠤᠰᠤ ᠪᠠ ᠦᠰᠦᠨ ᠪᠣᠶ᠋ᠢᠵᠢᠯᠳᠠ ᠵᠢᠨ ᠵᠢᠮᠡ ᠶᠤᠰᠤᠲᠠᠢ ᠨᠡᠶ᠋ᠢᠴᠡᠬᠦ ᠦᠭᠡᠢ ᠠᠵᠢᠯᠯᠠᠭᠠ ᠪᠤᠯᠤᠨᠠ᠃ ᠬᠠᠷᠢᠨ ᠬᠡᠣᠬᠡᠳᠤᠨ ᠨᠠᠰᠤᠨᠳᠤᠨᠢ ᠲᠤᠬᠢᠷᠠᠭᠰᠠᠨ ᠨᠠᠭ᠋ᠠᠳᠤᠮ ᠲᠤᠭᠯᠠᠭ᠋ᠠᠮᠢ ᠰᠤᠩᠭᠤᠨ ᠦᠭᠴᠦ᠂ ᠰᠠᠶ᠋ᠢᠳᠤᠷ ᠨᠠᠭ᠋ᠠᠳᠤᠭᠤᠯᠬᠤ ᠪᠣᠯ ᠰᠠᠶᠢ ᠵᠦᠪ ᠬᠦᠮᠦᠵᠢᠯᠤᠨ ᠠᠷᠭᠠ ᠠᠪᠴᠠᠯ ᠶᠤᠮ᠃ ᠮᠦᠨ ᠴᠦ᠍ ᠴᠡᠴᠡᠷᠯᠢᠭᠤᠨ ᠪᠠᠭᠰᠢᠠᠴᠠ ᠰᠠᠨᠠᠭ᠋ᠠᠴᠢᠯᠠᠭᠠᠲᠠᠢᠪᠠᠷ ᠬᠡᠣᠬᠡᠳᠤᠨ ᠵᠶ᠋ᠠᠨ ᠨᠠᠰᠤᠨᠤ ᠤᠨᠴᠠᠯᠢᠭᠢ ᠦᠨᠳᠦᠰᠦᠯᠡᠨ ᠪᠦᠳᠦᠭᠡᠯᠴᠢ ᠴᠢᠨᠠᠷᠲᠠᠢ᠂ ᠬᠠᠮᠳᠤᠷᠠᠯᠴᠠᠭ᠋ᠠᠨᠤ ᠴᠢᠨᠠᠷᠲᠠᠢ᠂ ᠬᠦᠳᠡᠯᠭᠡᠭᠡᠨᠤ ᠴᠢᠨᠠᠷᠲᠠᠢ ᠤᠯᠠᠨ ᠵᠦᠢ᠍ᠯᠤᠨ ᠲᠤᠭᠯᠠᠭ᠋ᠠᠮᠢ ᠲᠦᠰᠦᠪᠯᠡᠨ ᠵᠤᠬᠢᠶᠠᠵᠤ᠂ ᠲᠦᠯᠦᠪᠯᠡᠭᠡᠲᠠᠢᠪᠠᠷ ᠵᠤᠬᠢᠶᠠᠨ ᠪᠠᠶ᠋ᠢᠭᠤᠯᠵᠤ᠂ ᠬᠡᠣᠬᠡᠳᠢ ᠬᠠᠨᠳᠠᠯᠠ ᠨᠠᠭ᠋ᠠᠳᠤᠭᠤᠯᠬᠤᠨᠢ ᠲᠡᠳᠡᠨᠤ ᠪᠡᠶᠡ ᠮᠠᠭ᠍ᠠᠪᠤᠳ ᠠ᠋ᠷᠡᠭᠦᠯ ᠴᠢᠬᠢᠷᠠᠭ᠂ ᠰᠡᠳᠬᠢᠯ ᠰᠠᠨᠠᠭᠠᠨᠢ ᠪᠠᠶᠠᠷ ᠬᠦᠷᠲᠠᠢᠪᠠᠷ ᠦᠰᠦᠨ ᠪᠣᠶ᠋ᠢᠵᠢᠬᠤᠳᠤ ᠮᠠᠰᠢ ᠶᠡᠭᠡ ᠲᠤᠰᠠ ᠪᠤᠯᠳᠠᠬ᠃ ᠵᠢᠱ᠌ᠢᠶᠡᠯᠡᠪᠡᠯ᠂ ᠬᠦᠳᠡᠯᠭᠡᠭᠡᠨᠤ ᠴᠢᠨᠠᠷᠲᠠᠢ ᠲᠤᠭᠯᠠᠭ᠋ᠠᠮᠤᠨ ᠲᠤᠮᠳᠠ ᠬᠡᠣᠬᠡᠳᠤᠨ ᠠᠯᠬᠤᠬᠤ᠂ ᠭᠦᠶᠦᠬᠦ᠂ ᠦᠰᠦᠷᠬᠦ᠂ ᠠᠪᠠᠷᠢᠬᠤ᠂ ᠰᠢᠳᠡᠬᠦ ᠵᠡᠷᠭᠡ ᠦᠨᠳᠦᠰᠦᠨ ᠬᠦᠳᠡᠯᠦᠯᠢ ᠪᠣᠯᠪᠠᠰᠤᠷᠠᠭᠤᠯᠬᠤᠪᠠᠷ ᠲᠠᠮᠵᠢᠭᠤᠯᠤᠨ ᠬᠡᠣᠬᠡᠳᠤᠨ ᠬᠦᠳᠡᠯᠦᠯᠢ ᠨᠡᠩ ᠤᠨᠤᠪᠴᠢᠳᠡᠢ᠂ ᠨᠡᠩ ᠱᠠᠯᠠᠮᠠᠭ᠋ᠠᠢ᠂ ᠨᠡᠩ ᠪᠦᠷᠢᠨ ᠪᠦᠳᠦᠨ ᠪᠣᠯᠭ᠋ᠠᠬᠤᠪᠠᠷ ᠪᠠᠷᠠᠭ᠍ᠤ ᠦᠭᠡᠢ ᠬᠡᠣᠬᠡᠳᠢ ᠠ᠋ᠷᠡᠯᠬᠡᠭ ᠵᠤᠷᠢᠭᠲᠠᠢ᠂ ᠲᠠᠭ᠋ᠠᠭ᠋ᠠᠮᠠᠭ᠋ᠠᠢ ᠵᠠᠩ ᠴᠢᠨᠠᠷᠲᠠᠢ᠂ ᠬᠠᠮᠳᠤᠷᠠᠨ ᠬᠤᠷᠰᠢᠬᠤ ᠴᠢᠳᠠᠪᠤᠷᠢᠲᠠᠢ ᠪᠤᠯᠭ᠋ᠠᠨ ᠬᠦᠮᠦᠵᠢᠭᠦᠯᠵᠦ ᠲᠡᠶ᠋ᠢᠯᠬᠦ ᠶᠤᠮ᠃
ᠲᠦᠷᠪᠡ᠂ ᠴᠡᠴᠡᠷᠯᠢᠭᠤᠨ ᠬᠦᠮᠦᠵᠢᠯᠨᠢ ᠪᠣᠳᠠᠳᠠᠢ ᠠᠮᠢᠳᠤᠷᠠᠯᠲᠠᠢ ᠨᠢᠭᠳᠠ ᠤᠶᠠᠯᠳᠤᠬᠤ ᠬᠡᠷᠡᠭᠳᠡᠢ
ᠶᠠᠮᠠᠷᠪᠠ ᠬᠦᠮᠦᠵᠢᠯ ᠴᠤ᠌ ᠠᠮᠢᠳᠤᠷᠠᠯᠲᠠᠢ ᠨᠢᠭᠳᠠ ᠤᠶᠠᠯᠳᠤᠬᠤ ᠴᠢᠬᠤᠯᠠᠲᠠᠢ᠂ ᠠᠮᠢᠳᠤᠷᠠᠯᠠᠴᠠ ᠰᠠᠯᠤᠨᠭ᠌ᠬᠢᠷᠠᠭᠰᠠᠨ ᠬᠦᠮᠦᠵᠢᠯᠨᠢ ᠪᠦᠷᠢᠨ ᠪᠦᠳᠦᠨ ᠬᠦᠮᠦᠵᠢᠯ ᠪᠢᠰᠢ᠃ ᠬᠦᠮᠦᠨ ᠦᠰᠦᠨ ᠪᠣᠶ᠋ᠢᠵᠢᠭ᠋ᠠᠳ ᠡᠴᠦᠰᠤᠨ ᠡᠴᠦᠰᠲᠤᠪᠠᠨ ᠬᠠᠰᠢᠯᠠ ᠪᠣᠳᠠᠳᠡᠢ ᠨᠡᠶ᠋ᠢᠭᠡᠮᠤᠨ ᠨᠢᠭᠡᠨ ᠪᠦᠷᠢᠯᠳᠤᠭᠦᠨ᠂ ᠨᠡᠶ᠋ᠢᠭᠡᠮᠳᠤ ᠲᠤᠰᠠᠲᠠᠢ ᠬᠦᠮᠦᠨ ᠪᠣᠯᠬᠤ ᠬᠡᠷᠡᠭᠳᠡᠢ᠃ ᠣᠳᠤ ᠵᠢᠨ ᠵᠠᠷᠢᠮ ᠭᠡᠷᠤᠨ ᠠᠬᠠᠮᠠᠳ ᠬᠡᠣᠬᠡᠳ ᠵᠶ᠋ᠠᠨ ᠲᠤᠮᠤ ᠪᠤᠯᠤᠭ᠋ᠠᠳ ᠠ᠋ᠷᠳᠡᠮ ᠮᠡᠳᠡᠯᠭᠡᠲᠠᠢ ᠬᠦᠮᠦᠨ ᠪᠣᠯᠪᠠᠯ ᠪᠣᠯᠴᠢᠬᠠᠨᠠ᠂ ᠪᠢᠴᠢᠭ ᠠ᠋ᠷᠳᠡᠮ ᠵᠶ᠋ᠠᠨ ᠰᠠᠶ᠋ᠢᠨ ᠰᠤᠷᠪᠠᠯ ᠪᠤᠰᠤᠳ ᠶᠠᠪᠤᠳᠠᠯᠨᠢ ᠬᠠᠮᠢᠶᠠ ᠦᠭᠡᠢ ᠭᠡᠵᠦ ᠦᠵᠡᠨ᠂ ᠬᠡᠣᠬᠡᠳᠲᠤᠪᠠᠨ ᠬᠠᠷᠠᠭ᠍ᠠᠨ ᠪᠠᠭᠠᠠᠴᠠᠨᠢ ᠠᠮᠢᠳᠤᠷᠠᠯᠤᠨ ᠠ᠋ᠩᠤᠨ ᠮᠡᠳᠡᠯᠭᠡ ᠰᠤᠷᠭ᠋ᠠᠬᠤ ᠵᠢ ᠲᠡᠳᠤᠢ ᠴᠢᠬᠤᠯᠠᠴᠢᠯᠠᠨ ᠦᠵᠡᠳᠡᠭ ᠦᠭᠡᠢᠠᠴᠠ ᠦᠨᠳᠦᠷ ᠮᠡᠳᠡᠯᠭᠡᠲᠠᠢ ᠪᠣᠯᠪᠠᠴᠤ ᠠᠮᠢᠳᠤᠷᠠᠯᠤᠨ ᠴᠢᠳᠠᠪᠤᠷᠢ ᠲᠤᠷᠤᠢ ᠬᠡᠣᠬᠡᠳ ᠮᠠᠰᠢ ᠤᠯᠠᠨ ᠬᠦᠮᠦᠵᠢᠭᠳᠡᠨ ᠭᠠᠷᠴᠠᠢ᠃ ᠵᠠᠷᠢᠮ ᠬᠡᠣᠬᠡᠳ ᠶᠡᠭᠡ ᠰᠤᠷᠭ᠋ᠠᠭᠤᠯᠢᠳᠤ ᠤᠷᠤᠴᠢᠬᠠᠭ᠋ᠠᠳ ᠤᠶ᠋ᠢᠮᠤᠰᠤᠪᠠᠨ ᠤᠭᠢᠶᠠᠭ᠍ᠤᠪᠠᠨ ᠮᠡᠳᠡᠬᠦ ᠦᠭᠡᠢ᠂ ᠭᠡᠷ ᠵᠶ᠋ᠠᠨ ᠴᠡᠪᠡᠷᠯᠡᠵᠦ ᠴᠢᠳᠠᠭ᠍ᠤ ᠦᠭᠡᠢ᠂ ᠤᠷᠤ ᠲᠡᠪᠢᠰᠭᠡᠷ ᠵᠶ᠋ᠠᠨ ᠴᠦ᠍ ᠬᠤᠷᠢᠶᠠᠵᠤ ᠴᠢᠳᠠᠭ᠍ᠤ ᠦᠭᠡᠢ᠂ ᠵᠤᠭᠤᠰ ᠮᠦᠩᠭᠦᠪᠠᠨ ᠴᠦ᠍ ᠲᠦᠯᠦᠪᠯᠡᠨ ᠵᠠᠷᠤᠵᠤ ᠴᠢᠳᠠᠭ᠍ᠤ ᠦᠭᠡᠢ ᠪᠠᠶ᠋ᠢᠳᠠᠯᠨᠢ ᠬᠦᠮᠦᠰᠤᠨ ᠭᠠᠶ᠋ᠢᠬᠠᠰᠢ ᠵᠢ ᠲᠦᠷᠦᠭᠦᠯᠦᠨᠡ᠃ ᠠ᠋ᠨᠡ ᠪᠤᠯ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠨᠢ ᠦᠨᠳᠦᠰᠦᠪᠠᠨ ᠠᠯᠳᠠᠭᠰᠠᠨ᠂ ᠣᠷᠤᠰᠢᠨ ᠲᠤᠭᠳᠠᠨᠢᠬᠤ ᠰᠠᠭᠤᠷᠢᠪᠠᠨ ᠠᠯᠳᠠᠭᠰᠠᠨ ᠶᠠᠪᠤᠳᠠᠯ ᠪᠤᠯᠤᠨᠠ᠃ ᠠ᠋ᠶ᠋ᠢᠮᠦᠠᠴᠠ ᠴᠡᠴᠡᠷᠯᠢᠭᠤᠨ ᠬᠡᠣᠬᠡᠳᠢ ᠠ᠋ᠩᠤᠨ ᠠᠮᠢᠳᠤᠷᠠᠯᠤᠨ ᠲᠤᠮᠳᠠ ᠲᠠᠪᠳᠠᠨ ᠪᠣᠯᠪᠠᠰᠤᠷᠠᠭᠤᠯᠬᠤ ᠴᠢᠬᠤᠯᠠᠲᠠᠢ᠃ ᠴᠡᠴᠡᠷᠯᠢᠭᠤᠨ ᠪᠠᠭᠰᠢᠠᠴᠠ ᠬᠡᠣᠬᠡᠳᠤᠨ ᠪᠠᠶ᠋ᠢᠳᠠᠯᠢ ᠨᠠᠷᠢᠨ ᠤᠶ᠋ᠢᠯᠠᠭ᠋ᠠᠭᠰᠠᠨ ᠰᠠᠭᠤᠷᠢᠨ ᠲᠡᠭᠡᠷᠡ ᠭᠡᠷᠤᠨ ᠠᠬᠠᠮᠠᠳᠲᠤ ᠦᠨᠡᠨ ᠮᠦᠨ ᠵᠶ᠋ᠠᠷᠨᠢ ᠲᠤᠰᠬᠠᠨ ᠬᠡᠣᠬᠡᠳᠢ ᠬᠦᠮᠦᠵᠢᠭᠦᠯᠬᠦ ᠬᠠᠷᠠᠯᠳᠠ ᠵᠢ ᠶᠠᠷᠢᠯᠴᠠᠵᠤ ᠲᠤᠭᠳᠠᠭ᠋ᠠᠨᠠ᠃ ᠬᠡᠣᠬᠡᠳᠤᠨ ᠲᠠᠪᠠᠭᠤᠯᠢᠭᠨᠢ ᠶᠠᠭᠤ ᠪᠠᠶ᠋ᠢᠬᠤ᠂ ᠠᠯᠢ ᠲᠠᠯᠠᠪᠠᠷ ᠢᠯᠡᠭᠦᠦ ᠠᠩᠬᠠᠷᠤᠯᠳᠤᠪᠠᠨ ᠠᠪᠴᠤ ᠵᠢᠭ᠋ᠠᠨ ᠵᠢᠯᠤᠭᠤᠳᠬᠤ ᠵᠢ ᠨᠠᠷᠢᠨ ᠨᠢᠮᠪᠠᠢ ᠰᠤᠳᠤᠯᠵᠤ ᠵᠤᠷᠢᠯᠭᠠᠲᠠᠢ ᠬᠦᠮᠦᠵᠢᠯ ᠬᠢᠪᠡᠯ ᠵᠤᠬᠢᠨᠠ᠃ ᠪᠠᠭᠰᠢᠠᠴᠠ ᠭᠡᠷᠤᠨ ᠠᠬᠠᠮᠠᠳᠲᠠᠢ ᠪᠠᠶ᠋ᠢᠩᠭᠤ ᠬᠠᠷᠢᠴᠠᠵᠤ ᠬᠡᠣᠬᠡᠳᠤᠨ ᠭᠡᠷ ᠪᠦᠯᠢᠳᠤᠬᠢ ᠢᠯᠡᠷᠡᠯᠢ ᠠᠰᠠᠭᠤᠨ ᠯᠠᠪᠯᠠᠵᠤ ᠬᠦᠮᠦᠵᠢᠭᠦᠯᠬᠦ ᠠᠷᠭᠠ ᠮᠠᠶᠢᠭ ᠵᠶ᠋ᠠᠨ ᠰᠦᠪᠡᠭᠴᠢᠯᠡᠨ ᠰᠤᠳᠤᠯᠵᠤ᠂ ᠭᠡᠷᠤᠨ ᠠᠬᠠᠮᠠᠳᠲᠤ ᠴᠦ᠍ ᠬᠡᠣᠬᠡᠳᠢ ᠬᠡᠷᠬᠢᠨ ᠬᠦᠮᠦᠵᠢᠭᠦᠯᠪᠡᠯ ᠰᠠᠶ᠋ᠢᠨ ᠪᠠᠶ᠋ᠢᠬᠤ ᠲᠤᠬᠠᠢ ᠪᠣᠳᠤᠯ ᠰᠠᠨᠠᠯ ᠵᠶ᠋ᠠᠨ ᠰᠠᠶ᠋ᠢᠳᠤᠷ ᠰᠤᠯᠢᠯᠴᠠᠭ᠍ᠤ ᠪᠣᠯ ᠰᠤᠷᠭ᠋ᠠᠨ ᠬᠦᠮᠦᠵᠢᠭᠦᠯᠬᠦ ᠠᠵᠢᠯᠢ ᠠᠬᠢᠯᠳᠠ ᠲᠠᠪᠰᠢᠯᠳᠠᠲᠠᠢ ᠪᠣᠯᠭ᠋ᠠᠬᠤ ᠰᠠᠶ᠋ᠢᠨ ᠠᠷᠭᠠ ᠵᠠᠮ ᠮᠦᠨ᠃ ᠴᠡᠴᠡᠷᠯᠢᠭᠤᠨ ᠠᠵᠢᠯᠯᠠᠭ᠋ᠠᠨ ᠬᠦᠳᠡᠯᠭᠡᠭᠡᠨᠢ ᠦᠷᠨᠢᠭᠦᠯᠬᠦᠳᠤᠪᠠᠨ ᠴᠦ᠍ ᠬᠡᠤᠬᠡᠳᠤᠨ ᠨᠠᠰᠤᠨᠤ ᠤᠨᠴᠠᠯᠢᠭᠢ ᠦᠨᠳᠦᠰᠦᠯᠡᠨ ᠠᠭᠤᠷ ᠠᠮᠢᠰᠬᠤᠯ ᠲᠤᠯᠠᠭ᠋ᠠᠨ ᠦᠶᠡᠳᠤ ᠢᠯᠡᠭᠦᠦ ᠰᠢᠭ ᠭᠠᠳᠠᠨᠠ ᠨᠠᠭ᠋ᠠᠳᠤᠭᠤᠯᠵᠤ᠂ ᠡᠪᠡᠰᠦ ᠤᠷᠭᠤᠮᠠᠯ᠂ ᠬᠤᠷᠤᠬᠠᠢ ᠰᠢᠪᠡᠵᠢ ᠵᠢ ᠠᠵᠢᠭᠯᠠᠭᠤᠯᠤᠨ᠂ ᠴᠢᠯᠠᠭᠤ ᠰᠢᠷᠤᠢ ᠲᠡᠭᠡᠷᠡ ᠨᠠᠭ᠋ᠠᠳᠤᠭᠤᠯᠵᠤ᠂ ᠪᠤᠷᠤᠭ᠋ᠠᠨ᠂ ᠰᠠᠯᠬᠢᠨ᠂ ᠰᠢᠭᠦᠳᠡᠷᠢ᠂ ᠴᠠᠰᠤ᠂ ᠬᠢᠷᠠᠭᠤ᠂ ᠣᠰᠤ᠂ ᠮᠦᠰᠦ ᠵᠡᠷᠭᠡ ᠪᠠᠶ᠋ᠢᠭ᠋ᠠᠯᠢ ᠵᠢᠨ ᠪᠤᠳᠠᠰᠤᠨ ᠬᠤᠪᠢᠷᠠᠯ ᠦᠵᠡᠭᠳᠡᠯᠢ ᠪᠡᠶᠡᠳᠡᠨ ᠲᠠᠨᠢᠭᠤᠯᠬᠤ ᠵᠢ ᠠᠩᠬᠠᠷᠤᠨ ᠬᠡᠣᠬᠡᠳᠲᠤ ᠠ᠋ᠬᠡ ᠪᠠᠶ᠋ᠢᠭ᠋ᠠᠯᠢ ᠵᠢᠨ ᠬᠤᠪᠢᠷᠠᠯᠤᠨ ᠵᠢᠮᠡ᠂ ᠠᠭᠤᠷ ᠠᠮᠢᠰᠬᠤᠯᠤᠨ ᠬᠤᠪᠢᠷᠠᠯᠳᠠ ᠵᠢ ᠲᠠᠭ᠋ᠠᠯᠳᠤᠨ ᠤᠷᠭᠤᠮᠠᠯ ᠴᠦ᠍ ᠬᠤᠪᠢᠷᠠᠯᠳᠠ ᠠ᠋ᠭᠦᠰᠬᠦ ᠵᠡᠷᠭᠡ ᠵᠢ ᠦᠵᠡᠭᠦᠯᠦᠨ ᠶᠠᠷᠢᠵᠤ ᠲᠠᠶ᠋ᠢᠯᠪᠦᠷᠢᠯᠡᠵᠦ ᠦᠭᠬᠦ ᠪᠣᠯ ᠲᠤᠶ᠋ᠢᠯᠤᠨ ᠶᠡᠭᠡ ᠠᠴᠢ ᠲᠤᠰᠠᠲᠠᠢ ᠠᠵᠢᠯᠯᠠᠭᠠ ᠶᠤᠮ᠃ ᠨᠦᠭᠦᠴᠡᠯᠲᠠᠢ ᠪᠣᠯ ᠬᠦᠳᠡᠭᠡ ᠶᠠᠪᠤᠵᠤ ᠵᠢᠭᠦᠷᠳᠡᠨ ᠠᠮᠢᠳᠠᠨ᠂ ᠲᠠᠪᠤᠨ ᠬᠤᠰᠢᠭᠤ ᠮᠠᠯ᠂ ᠬᠦᠳᠡᠭᠡ ᠵᠢᠨ ᠠᠮᠢᠳᠤᠷᠠᠯ ᠠᠬᠤᠢᠳᠤ ᠤᠶ᠋ᠢᠷᠠᠳᠤᠭᠤᠯᠵᠤ᠂ ᠮᠠᠯᠴᠢᠨ ᠠᠷᠠᠳᠤᠨ ᠠᠮᠢᠳᠤᠷᠠᠯᠢ ᠦᠵᠡᠭᠦᠯᠵᠦ ᠲᠠᠨᠢᠭᠤᠯᠵᠤ ᠪᠠᠶ᠋ᠢᠬᠤᠨᠢ ᠬᠡᠣᠬᠡᠳᠢ ᠬᠡᠷᠡᠭ ᠪᠤᠳᠠᠰᠢ ᠠᠵᠢᠭᠯᠠᠭ᠍ᠤ᠂ ᠴᠡᠭᠡᠵᠢᠯᠡᠬᠦ᠂ ᠠᠩᠬᠠᠷᠬᠤ ᠪᠠ ᠪᠡᠶᠡᠪᠠᠨ ᠲᠠᠭ᠋ᠠᠭ᠋ᠠᠵᠤ ᠰᠡᠳᠬᠢᠨ ᠪᠤᠳᠤᠯᠬᠢᠯᠠᠭ᠍ᠤ ᠴᠢᠳᠠᠪᠤᠷᠢᠲᠠᠢ ᠪᠤᠯᠭ᠋ᠠᠵᠤ᠂ ᠲᠡᠳᠡᠨᠤ ᠰᠢᠯᠢᠳᠡᠭ ᠰᠠᠶ᠋ᠢᠨ ᠦᠪᠡᠷᠮᠢᠴᠡ ᠵᠠᠩ ᠴᠢᠨᠠᠷᠢ ᠬᠦᠮᠦᠵᠢᠭᠦᠯᠦᠨ᠂ ᠤᠷᠴᠢᠨ ᠪᠠᠶ᠋ᠢᠭ᠋ᠠᠯᠢ ᠵᠢᠨ ᠲᠤᠬᠠᠢ ᠲᠠᠨᠢᠯᠳᠠ ᠵᠢᠨᠢ ᠭᠦᠨᠵᠡᠭᠡᠶ᠋ᠢᠷᠡᠭᠦᠯᠦᠨ᠂ ᠠᠮᠢᠳᠤᠷᠠᠯᠤᠨ ᠮᠡᠳᠡᠯᠭᠡ ᠲᠤᠷᠰᠢᠯᠭᠠ ᠵᠢᠨᠢ ᠨᠡᠮᠡᠭᠳᠡᠭᠦᠯᠳᠡᠭ᠃ ᠬᠡᠣᠬᠡᠳ ᠪᠠᠶ᠋ᠢᠭ᠋ᠠᠯᠢ ᠲ᠋ᠠᠢ ᠤᠶ᠋ᠢᠷᠠᠳᠴᠤ ᠢᠷᠡᠬᠦᠪᠠᠷ ᠰᠤᠨᠢᠭᠤᠴᠢ ᠰᠡᠳᠬᠢᠯᠨᠢ ᠬᠦᠭᠵᠢᠨ ᠪᠠᠳᠠᠷᠠᠵᠤ᠂ ᠠᠮᠢᠳᠤᠯᠢᠭ ᠰᠡᠳᠬᠢᠭᠦᠢ ᠪᠠ ᠠ᠋ᠭᠦᠳᠦᠨ ᠪᠦᠳᠦᠭᠡᠯᠴᠢ ᠰᠡᠳᠬᠢᠭᠦᠢᠨᠢ ᠠᠮᠢᠯᠠᠨ ᠬᠦᠭᠵᠢᠳᠡᠭ᠃ ᠭᠡᠤᠭᠡᠳ ᠠ᠋ᠩᠤᠨ ᠠᠮᠢᠳᠤᠷᠠᠯᠠᠴᠠ ᠬᠦᠮᠦᠨ ᠪᠣᠯᠬᠤ ᠶᠤᠰᠤ ᠤᠴᠢᠷᠢ ᠤᠶ᠋ᠢᠯᠠᠭ᠋ᠠᠨ᠂ ᠲᠤᠮᠤ ᠬᠦᠮᠦᠰᠢ ᠲᠠᠭᠤᠷᠢᠶᠠᠬᠤ ᠵᠢᠨ ᠲᠤᠮᠳᠠᠠᠴᠠ ᠠᠵᠢᠯ ᠬᠦᠳᠡᠯᠮᠦᠷᠢ ᠵᠢᠨ ᠤᠷᠠ ᠲᠡᠮᠢ ᠰᠤᠷᠴᠤ ᠪᠠᠶ᠋ᠢᠳᠠᠭ ᠭᠡᠳᠡᠭᠢ ᠪᠠᠭᠰᠢ᠂ ᠭᠡᠷᠤᠨ ᠠᠬᠠᠮᠠᠳ ᠭᠦᠢ᠍ᠴᠡᠳ ᠤᠢ᠍ᠢ᠍ᠯᠠᠭ᠋ᠠᠪᠠᠯ ᠵᠤᠬᠢᠨᠠ᠃
ᠬᠠᠶᠢᠬ᠄ ᠪᠠᠭ᠋ᠠᠷᠢᠨ ᠪᠠᠷᠠᠭᠤᠨ ᠬᠤᠰᠢᠭᠤᠨᠤ ᠳ᠋ᠠᠪᠠᠨᠤ ᠨᠢᠭᠡᠳᠦᠭᠡᠷ ᠲᠤᠮᠳᠠᠳᠤ ᠰᠤᠷᠭ᠋ᠠᠭᠤᠯᠢ
（ᠴ᠊ · ᠲᠤᠭᠳᠠᠭᠤᠨ ᠨᠠᠢ᠍ᠢ᠍ᠷᠠᠭᠤᠯᠪᠠ）
8 ᠳ᠋ᠤᠭ᠋ᠠᠷ ᠬᠤᠭᠤᠴᠠᠭᠠ