ᠴᠤᠯᠮᠤᠨ
ᠠᠩᠭᠢ ᠵᠢᠨ ᠠ᠋ᠷᠬᠢᠯᠡᠭᠴᠢ ᠵᠢᠨ ᠠᠵᠢᠯ ᠪᠤᠯ ᠣᠶᠣᠨᠯᠢᠭ ᠠᠵᠢᠯ ᠪᠤᠯᠬᠤ ᠶᠤᠮ᠃ ᠨᠢᠭᠡ ᠠᠩᠭᠢ ᠵᠢᠨ ᠥᠩᠭᠡ ᠲᠥᠷᠬᠦ ᠠᠮᠵᠢᠯᠲᠠ ᠪᠦᠲᠦᠭᠡᠯ ᠶᠠᠮᠠᠷ ᠪᠠᠶ᠋ᠢᠨᠠ ᠭᠡᠳᠡᠭᠨᠢ ᠠᠩᠭᠢ ᠵᠢᠨ ᠠ᠋ᠷᠬᠢᠯᠡᠭᠴᠢ ᠪᠠᠭᠰᠢᠲᠠᠢ ᠰᠢᠭᠤᠳ ᠬᠤᠯᠪᠤᠭᠳᠠᠳᠠᠭ᠃ ᠠᠩᠭᠢ ᠵᠢᠨ ᠠ᠋ᠷᠬᠢᠯᠡᠭᠴᠢ ᠵᠢᠨ ᠠᠵᠢᠯᠳᠤ ᠠᠩᠭᠢ ᠨᠢᠭᠡᠴᠢ ᠵᠢᠨ ᠰᠤᠷᠤᠭᠴᠢᠪᠠᠨ ᠲᠠᠭ᠋ᠠᠭᠤᠯᠤᠨ ᠰᠤᠷᠤᠯᠭᠠ ᠬᠢᠴᠢᠶᠡᠯᠳᠤᠨᠢ ᠰᠢᠮᠳᠠᠭᠤᠯᠵᠤ᠂ ᠰᠢᠨᠵᠢᠯᠡᠬᠦ ᠤᠬᠠᠭ᠋ᠠᠨᠴᠢᠪᠠᠷ ᠰᠤᠷᠤᠯᠴᠠᠵᠤ ᠠᠮᠢᠳᠤᠷᠠᠬᠤ ᠴᠠᠭᠢᠨᠢ ᠵᠤᠬᠢᠴᠠᠭᠤᠯᠵᠤ᠂ ᠰᠤᠷᠤᠭᠴᠢᠳᠤᠨ ᠪᠡᠶᠡ ᠰᠡᠳᠬᠢᠴᠡ ᠵᠢᠨ ᠠ᠋ᠷᠡᠭᠦᠯ ᠵᠶ᠋ᠠᠷ ᠦᠰᠦᠨ ᠪᠤᠶ᠋ᠢᠵᠢᠬᠤ ᠵᠢ ᠴᠢᠬᠤᠯᠠᠴᠢᠯᠠᠨ ᠦᠵᠡᠬᠦ ᠭᠡᠬᠦ ᠮᠡᠲᠦ ᠵᠢᠨ ᠣᠯᠠᠨ ᠣᠯᠠᠨ ᠨᠠᠷᠢᠨ ᠰᠢᠷᠢᠨ ᠠᠵᠢᠯ ᠪᠠᠶ᠋ᠢᠳᠠᠭ᠃ ᠠ᠋ᠨᠳᠡ ᠪᠢ ᠲᠡᠷᠡ ᠪᠦᠭᠦᠨᠢ ᠨᠠᠷᠢᠯᠢᠬ ᠲᠤᠭ᠋ᠠᠴᠢᠬᠤ ᠦᠭᠡᠢ᠂ ᠬᠠᠷᠢᠨ ᠠᠩᠭᠢ ᠵᠢᠨ ᠠ᠋ᠷᠬᠢᠯᠡᠭᠴᠢ ᠵᠢᠨ ᠠᠵᠢᠯᠳᠤ ᠤᠷᠮᠠᠰᠢᠭᠤᠯᠤᠯᠤᠨ ᠬᠦᠮᠦᠵᠢᠯᠤᠨ ᠴᠢᠬᠤᠯᠠ ᠴᠢᠨᠠᠷᠤᠨ ᠲᠤᠬᠠᠢ ᠪᠣᠳᠣᠯ ᠵᠶ᠋ᠠᠨ ᠳᠡᠯᠭᠡᠶᠡ᠃
ᠤᠷᠮᠠᠰᠢᠭᠤᠯᠬᠤ ᠪᠤᠯ ᠠᠮᠵᠢᠯᠲᠠ ᠣᠯᠬᠣ ᠵᠢᠨ ᠰᠢᠳᠢᠲᠦ ᠦᠷᠢᠯ ᠪᠣᠯᠬᠤ ᠶᠤᠮ᠃ ᠬᠦᠮᠦᠨᠤ ᠠᠯᠢᠪᠠ ᠦᠢ᠍ᠯᠡ ᠠᠵᠢᠯᠯᠠᠭᠠ ᠪᠦᠷ ᠤᠷᠮᠠᠰᠢᠭᠤᠯᠤᠯᠠᠴᠠ ᠰᠠᠯᠵᠤ ᠴᠢᠳᠠᠬᠤ ᠦᠭᠡᠢ᠃ 《ᠲᠠᠰᠤᠷᠠᠯᠲᠠ ᠦᠭᠡᠢ ᠪᠡᠶᠡᠪᠠᠨ ᠤᠷᠮᠠᠰᠢᠭᠤᠯᠬᠤᠪᠠᠷ ᠳᠠᠮᠵᠢᠵᠤ᠂ ᠪᠡᠶᠡᠳᠤᠪᠠᠨ ᠨᠢᠭᠡ ᠵᠦᠢ᠍ᠯᠤᠨ ᠲᠤᠳᠤᠭ᠋ᠠᠳᠤ ᠬᠦᠳᠡᠯᠬᠡᠬᠦ ᠬᠦᠴᠦᠨ ᠣᠯᠭᠣᠵᠣ᠂ ᠬᠦᠰᠡᠯ ᠠ᠋ᠷᠡᠮᠡᠯᠵᠡᠯ ᠬᠠᠷᠠᠯᠲᠠ ᠵᠦᠭ ᠵᠶ᠋ᠠᠨ ᠤᠷᠤᠭᠰᠢᠯᠠᠵᠤ᠂ ᠢᠯᠠᠯᠲᠠ ᠵᠢᠨ ᠨᠤᠶᠠᠨ ᠤᠷᠭᠢᠯᠳᠤ ᠭᠠᠷᠤᠭ᠋ᠠᠷᠠᠢ》 ᠭᠡᠵᠦ ᠨᠠᠫᠤᠯᠢᠶᠦ᠋ᠨ ᠠ᠋ᠾᠢᠯ᠂ 1908 ᠣᠨᠠᠴᠠ ᠠ᠋ᠬᠢᠯᠡᠨ 20 ᠵᠢᠯᠤᠨ ᠴᠠᠭᠢ ᠬᠡᠷᠡᠭᠯᠡᠵᠦ᠂ 500 ᠢᠯᠡᠭᠦᠤ ᠠᠯᠳᠠᠷᠳᠤ ᠬᠦᠮᠦᠰᠢ ᠰᠣᠷᠪᠣᠯᠵᠢᠯᠠᠨ ᠲᠡᠳᠡᠨᠤ ᠠᠷᠭᠠ ᠤᠬᠠᠭ᠋ᠠᠨ ᠪᠠ ᠲᠤᠷᠰᠢᠯᠭᠠ ᠰᠤᠷᠭ᠋ᠠᠮᠵᠢ ᠵᠢ ᠰᠤᠳᠤᠯᠤᠨ ᠳ᠋ᠦᠩᠨᠡᠭᠡᠳ ᠪᠢᠴᠢᠭᠰᠡᠨ ᠠᠪᠤᠷᠭᠤ ᠪᠦᠲᠦᠭᠡᠯ 《ᠨᠠᠫᠤᠯᠢᠶᠥᠨ ᠠ᠋ᠾᠢᠯᠤᠨ ᠠᠮᠵᠢᠯᠲᠠ ᠣᠯᠬᠣ ᠠ᠋ᠷᠳᠡᠮ》 ᠭᠡᠳᠡᠭ ᠨᠣᠮᠳᠤᠪᠠᠨ ᠲᠤᠳᠤᠷᠬᠠᠢ ᠪᠢᠴᠢᠵᠦ ᠪᠤᠢ᠃
ᠨᠢᠭᠡ᠂ ᠤᠷᠮᠠᠰᠢᠭᠤᠯᠤᠯᠤᠨ ᠬᠡᠳᠦᠬᠡᠨ ᠦᠭᠡᠨᠠᠴᠠ ᠪᠣᠯᠵᠤ ᠠᠮᠵᠢᠯᠲᠠ ᠤᠯᠤᠭᠰᠠᠨ ᠬᠦᠮᠦᠰᠤᠨ ᠵᠢᠱ᠌ᠢᠶᠡ
ᠤᠷᠮᠠᠰᠢᠭᠤᠯᠤᠯᠤᠨ ᠨᠥᠯᠥᠭᠡᠨ ᠳᠣᠣᠷᠠ ᠠᠮᠵᠢᠯᠲᠠ ᠤᠯᠤᠭᠰᠠᠨ ᠬᠦᠮᠦᠨᠢ ᠶᠠᠷᠢᠬᠤᠳᠤ ᠠᠯᠳᠠᠷᠳᠤ ᠰᠢᠨᠵᠢᠯᠡᠬᠦ ᠤᠬᠠᠭ᠋ᠠᠨᠳᠠᠨ ᠠᠶ᠋ᠢᠨᠰᠲ᠋ᠧᠨᠢ ᠲᠤᠷᠠᠳᠬᠤ ᠦᠭᠡᠢ ᠪᠠᠶ᠋ᠢᠬᠤ ᠵᠢᠨ ᠠᠷᠭᠠ ᠦᠭᠡᠢ᠃ ᠤᠴᠢᠷᠨᠢ ᠲᠡᠷᠡ ᠪᠤᠯ ᠳᠡᠯᠡᠬᠡᠢᠳᠤ ᠠᠯᠳᠠᠷᠳᠠᠢ ᠹᠢᠽᠢᠺᠤᠨ ᠤᠬᠠᠭ᠋ᠠᠨᠤ ᠶᠡᠬᠡ ᠪᠠᠭᠰᠢ᠂ 《ᠬᠠᠷᠢᠴᠠᠩᠭᠤᠢ ᠣᠨᠣᠯ》ᠢ ᠲᠤᠷᠠᠳᠤᠭᠴᠢ᠂ ᠬᠦᠮᠦᠨ ᠲᠦᠷᠦᠯᠬᠢᠲᠡᠨᠤ ᠣᠭᠲᠠᠷᠭᠤᠢ ᠵᠢᠨ ᠲᠤᠬᠠᠢ ᠰᠡᠳᠬᠢᠬᠦᠢ ᠵᠢᠨ ᠬᠤᠪᠢᠷᠠᠯ ᠬᠦᠭᠵᠢᠯᠲᠡᠳᠤ ᠭᠠᠷᠮᠠᠭ᠋ᠠᠢ ᠭᠠᠪᠢᠶᠠ ᠪᠠᠶ᠋ᠢᠭᠤᠯᠤᠭᠰᠠᠨ ᠬᠦᠮᠦᠨ ᠶᠤᠮ᠃
ᠤᠷᠮᠠᠰᠢᠭᠤᠯᠤᠯᠤᠨ ᠨᠢᠭᠡ ᠯᠠ ᠦᠭᠡᠨᠢ ᠬᠦᠮᠦᠨᠤ ᠨᠢᠭᠡ ᠨᠠᠰᠤ ᠵᠢ ᠨᠥᠯᠥᠭᠡᠯᠡᠳᠡᠭ᠃
ᠪᠤᠰᠤᠳᠠᠴᠠ ᠤᠨᠴᠠᠯᠠᠭᠰᠠᠨ ᠰᠡᠴᠡᠨ ᠰᠡᠷᠭᠦᠯᠡᠩ ᠲᠠᠷᠢᠬᠢ ᠲᠤᠯᠤᠭ᠋ᠠᠢᠲᠠᠢ᠂ ᠰᠢᠨᠵᠢᠯᠡᠬᠦ ᠤᠬᠠᠭ᠋ᠠᠨᠳᠠᠳᠤᠨ ᠲᠤᠳᠤᠷᠠᠬᠢ ᠰᠢᠨᠵᠢᠯᠡᠬᠦ ᠤᠬᠠᠭ᠋ᠠᠨᠳᠠᠨ ᠬᠡᠮᠡᠭᠳᠡᠭᠰᠡᠨ ᠠᠭᠤᠤ ᠬᠦᠮᠦᠨᠤ ᠰᠤᠷᠤᠯᠭᠠ ᠵᠢᠨ ᠵᠠᠮᠢ ᠬᠦᠭᠡᠭᠡᠭᠰᠡᠨ ᠲᠡᠤᠬᠡ ᠲᠡᠶ᠋ᠢᠮᠤ ᠴᠤ᠌ ᠤᠨᠴᠠᠭ᠋ᠠᠶ᠋ᠢᠷᠠᠭᠰᠠᠨ ᠵᠦᠢ᠍ᠯ ᠦᠭᠡᠢ᠃ ᠨᠡᠩ ᠴᠢᠨᠠᠭᠰᠢᠯᠠᠪᠠᠯ 《ᠤᠬᠠᠭᠠ ᠪᠢᠳᠠᠭᠤ》ᠪᠠᠷ ᠦᠨᠡᠯᠡᠭᠳᠡᠵᠦ ᠪᠠᠶ᠋ᠢᠵᠠᠢ᠃ ᠠᠶ᠋ᠢᠨᠰᠲ᠋ᠧᠨ ᠲᠥᠷᠪᠡ ᠲᠠᠪᠤᠨ ᠨᠠᠰᠤᠲᠠᠢᠳᠤᠪᠠᠨ ᠳᠡᠮᠡᠢ ᠰᠠᠶ᠋ᠢᠨ ᠬᠡᠯᠡᠳᠤ ᠣᠷᠣᠭᠠ ᠦᠭᠡᠢ᠂ ᠨᠠᠮᠵᠢᠭᠤᠨ ᠰᠠᠭᠤᠬᠤ ᠳᠤᠷᠠᠲᠠᠢ᠂ ᠶᠡᠷᠦᠨᠢ ᠮᠡᠯᠡᠷᠡᠵᠦ ᠯᠠ ᠪᠠᠶ᠋ᠢᠳᠠᠭ ᠤᠴᠢᠷᠠᠴᠠ ᠡᠴᠢᠭᠡ ᠠ᠋ᠬᠡᠨᠢ ᠲᠡᠭᠦᠨᠢ ᠮᠡᠳᠡᠷᠡᠯᠤᠨ ᠭᠠᠵᠢᠭᠲᠠᠢ ᠭᠡᠵᠦ ᠦᠵᠡᠵᠦ ᠪᠠᠶ᠋ᠢᠯᠠ᠃ ᠲᠡᠭᠦᠨᠤ ᠪᠠᠭᠠ ᠰᠤᠷᠭ᠋ᠠᠭᠤᠯᠢ ᠵᠢᠨ ᠬᠢᠷᠢ ᠪᠦᠲᠦᠮᠵᠢᠨᠢ ᠦᠨᠡᠭᠡᠷ ᠲᠤᠶ᠋ᠢᠯᠤᠨ ᠠᠨᠠᠢ ᠪᠠᠶ᠋ᠢᠵᠠᠢ᠃ ᠵᠦᠪᠬᠡᠨ ᠲᠣᠭ᠋ᠠᠨᠤ ᠤᠬᠠᠭ᠋ᠠᠨᠤ ᠬᠢᠴᠢᠶᠡᠯᠨᠢ ᠨᠡᠯᠢᠶᠡᠳ ᠭᠠᠶ᠋ᠢᠭᠤᠢᠠᠴᠠ ᠭᠠᠳᠠᠨᠠ ᠪᠣᠰᠣᠳ ᠲᠦᠷᠦᠯᠤᠨ ᠬᠢᠴᠢᠶᠡᠯᠨᠢ ᠪᠦᠷ ᠬᠢᠷᠢ ᠪᠦᠳᠦᠮᠵᠢ ᠳᠣᠣᠷᠠ ᠪᠠᠶ᠋ᠢᠵᠤ᠂ ᠬᠡᠵᠢᠶᠡᠳᠡ ᠠᠩᠭᠢᠳᠤᠪᠠᠨ ᠰᠡᠭᠦᠯ ᠬᠤᠷᠢᠶᠠᠳᠠᠭ ᠪᠠᠶ᠋ᠢᠵᠠᠢ᠃ ᠪᠠᠭᠰᠢᠨᠢ ᠴᠤ᠌ ᠲᠡᠭᠦᠨᠢ ᠭᠡᠷᠤᠨ ᠠᠬᠠᠮᠠᠳᠲᠤᠨᠢ 《ᠲᠠᠨᠤ ᠬᠦᠤ ᠶᠠᠭᠤ ᠴᠤ᠌ ᠪᠦᠳᠦᠭᠡᠵᠦ ᠴᠢᠳᠠᠬᠤ ᠦᠭᠡᠢ》 ᠭᠡᠵᠦ ᠰᠢᠭᠤᠳ ᠬᠡᠯᠡᠵᠦ ᠦᠩᠭᠡᠷᠡᠭᠰᠡᠨ ᠭᠡᠳᠡᠭ᠃ ᠲᠡᠮᠡᠢ ᠤᠳᠠᠯ ᠦᠭᠡᠢ ᠠᠶ᠋ᠢᠨᠰᠲ᠋ᠧᠨ ᠰᠤᠷᠤᠯᠭᠠ ᠵᠤᠭᠰᠤᠵᠤ᠂ ᠪᠠᠭᠠ ᠰᠤᠷᠭ᠋ᠠᠭᠤᠯᠢ ᠵᠢᠨ ᠦᠨᠡᠮᠯᠡᠯ ᠴᠤ᠌ ᠤᠯᠵᠤ ᠲᠡᠶ᠋ᠢᠯᠦᠭᠰᠡᠨ ᠦᠭᠡᠢ᠃ ᠵᠦᠪᠬᠡᠨ ᠨᠢᠭᠡ ᠯᠡ ᠪᠠᠭᠰᠢ ᠠᠶ᠋ᠢᠨᠰᠲ᠋ᠧᠨᠤ ᠬᠢᠴᠢᠶᠡᠯ ᠣᠷᠣᠬᠣᠳᠤ ᠳᠤᠷᠠ ᠦᠭᠡᠶ᠋ᠢᠴᠡᠵᠦ ᠪᠠᠶ᠋ᠢᠭᠰᠠᠨ ᠴᠤ᠌ ᠨᠣᠮ ᠤᠩᠰᠢᠬᠤᠳᠤ ᠶᠡᠬᠡ ᠰᠤᠨᠢᠷᠬᠠᠯᠲᠠᠢ ᠪᠠᠶ᠋ᠢᠭᠠ ᠵᠢ ᠰᠡᠷᠡᠵᠦ ᠮᠡᠳᠡᠭᠡᠳ ᠲᠡᠭᠦᠨᠳᠤ ᠤᠷᠮᠠ ᠬᠠᠶ᠋ᠢᠷᠠᠯᠠᠵᠠᠢ᠃ ᠶᠠᠭ ᠠ᠋ᠨᠡ ᠭᠦ᠌ ᠤᠷᠮᠠᠰᠢᠭᠤᠯᠤᠯ ᠵᠤᠷᠢᠬ᠍ᠵᠢᠭᠤᠯᠤᠯᠨᠢ ᠠᠶ᠋ᠢᠨᠰᠲ᠋ᠧᠨᠤ ᠨᠢᠭᠡ ᠨᠠᠰᠤᠨᠤ ᠠ᠋ᠷᠭᠢᠯᠲᠡ ᠵᠢᠨ ᠴᠡᠭ ᠪᠤᠯᠵᠠᠢ᠃ ᠲᠡᠭᠡᠭᠡᠳ ᠪᠠᠭᠰᠢᠳᠤᠪᠠᠨ ᠤᠷᠮᠠᠰᠢᠭᠤᠯᠤᠭᠳᠠᠭᠰᠠᠨ ᠠᠶ᠋ᠢᠨᠰᠲ᠋ᠧᠨ ᠬᠤᠵᠢᠮᠨᠢ ᠰᠣᠳᠣᠯᠭ᠋ᠠᠨᠳᠤᠪᠠᠨ ᠴᠢᠷᠮᠠᠶ᠋ᠢᠵᠤ᠂ ᠳᠡᠯᠡᠬᠡᠢ ᠵᠢᠨ ᠠᠪᠤᠷᠭᠤ ᠰᠢᠨᠵᠢᠯᠡᠬᠦ ᠤᠬᠠᠭ᠋ᠠᠨᠲᠠᠨ ᠪᠣᠯᠵᠤ ᠴᠢᠳᠠᠵᠠᠢ᠃
ᠤᠷᠮᠠᠰᠢᠭᠤᠯᠤᠯᠤᠨ ᠨᠥᠯᠥᠭᠡᠨ ᠳᠣᠣᠷᠠ ᠠᠮᠵᠢᠯᠲᠠ ᠤᠯᠤᠭᠰᠠᠨ ᠪᠠᠰᠠ ᠨᠢᠭᠡᠨ ᠨᠡᠷᠡᠲᠦ ᠬᠦᠮᠦᠨ ᠪᠤᠯ ᠬᠠᠶ᠋ᠢᠷᠤᠨ ᠪᠤᠯᠤᠨᠠ᠃ ᠬᠠᠶ᠋ᠢᠷᠤᠨ ᠪᠤᠯ ᠠᠮᠧᠷᠢᠺᠠ ᠵᠢᠨ ᠠᠯᠳᠠᠷᠳᠠᠢ ᠠ᠋ᠮᠡᠭᠳᠡᠢ ᠵᠤᠬᠢᠶᠠᠯᠴᠢ᠂ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠲᠡᠨ᠂ ᠦᠭᠯᠢᠭᠡᠴᠢ᠂ ᠨᠡᠶ᠋ᠢᠭᠡᠮᠤᠨ ᠠᠵᠢᠯᠯᠠᠭ᠋ᠠᠨᠢ ᠦᠷᠨᠢᠭᠦᠯᠦᠭᠴᠢ ᠪᠣᠯᠣᠨᠠ᠃ ᠲᠡᠭᠦᠨᠤ ᠨᠢᠭᠡ ᠨᠠᠰᠤ ᠪᠤᠯ ᠨᠢᠭᠡᠨ ᠵᠡᠮᠳᠡᠭ ᠬᠦᠮᠦᠨᠤ ᠨᠢᠭᠡ ᠨᠠᠰᠤ ᠪᠤᠯᠤᠨᠠ᠂ ᠠᠷᠪᠠ ᠶᠢᠰᠦᠨ ᠰᠠᠷᠠᠲᠠᠢᠳᠤᠪᠠᠨ ᠨᠢᠭᠡᠨ ᠤᠳᠠᠭ᠋ᠠᠨᠤ ᠬᠦᠨᠳᠦ ᠡᠪᠡᠳᠴᠢᠨᠳᠤ ᠨᠡᠷᠪᠡᠭᠳᠡᠭᠰᠡᠨᠠᠴᠠ ᠪᠣᠯᠵᠤ ᠬᠠᠷᠠᠭ᠋ᠠᠨ ᠰᠡᠷᠡᠯ ᠪᠠ ᠰᠣᠨᠣᠷᠤᠨ ᠰᠡᠷᠡᠯ ᠵᠶ᠋ᠠᠨ ᠠᠯᠳᠠᠵᠠᠢ᠃ ᠪᠠᠰᠠ ᠦᠭᠡ ᠶᠠᠷᠢᠵᠤ ᠲᠡᠶ᠋ᠢᠯᠬᠦ ᠦᠭᠡᠢ᠂ ᠠ᠋ᠭᠦᠨᠳᠤ ᠲᠡᠭᠦᠨᠤ ᠪᠠᠭᠰᠢ ᠪᠣᠯᠬᠣ ᠠᠮᠧᠷᠢᠺᠠ ᠵᠢᠨ ᠵᠡᠮᠳᠡᠭᠴᠦᠳᠢ ᠰᠤᠷᠭ᠋ᠠᠨ ᠬᠦᠮᠦᠵᠢᠬᠦᠯᠦᠭᠴᠢ ᠱᠠᠷᠢᠧᠧᠨᠠᠴᠠ ᠲᠡᠭᠦᠨᠤ ᠰᠤᠷᠤᠯᠴᠠᠯᠭᠠ ᠵᠢ ᠲᠠᠰᠤᠷᠠᠯᠲᠠ ᠦᠭᠡᠢ ᠵᠤᠷᠢᠬ᠍ᠵᠢᠭᠤᠯᠤᠨ᠂ ᠲᠡᠭᠦᠨᠤ ᠤᠯᠤᠭᠰᠠᠨ ᠬᠢᠷᠢ ᠪᠦᠲᠦᠮᠵᠢ ᠵᠢᠨᠢ ᠨᠤᠲᠠᠯᠠᠵᠤ ᠤᠷᠮᠠᠰᠢᠭᠤᠯᠤᠭᠰᠠᠨᠠᠴᠠ ᠬᠤᠵᠢᠮᠨᠢ ᠳᠡᠯᠡᠬᠡᠢᠳᠤ ᠠᠯᠳᠠᠷᠲᠠᠢ ᠭᠠᠷᠮᠠᠭ᠋ᠠᠢ ᠤᠷᠠᠨ ᠵᠤᠬᠢᠶᠠᠯᠴᠢ ᠪᠣᠯᠵᠠᠢ᠃
ᠨᠠᠫᠤᠯᠢᠶᠦ᠋ᠨ· ᠠ᠋ᠾᠢᠯᠤᠨ ᠦᠯᠢᠭᠡᠷ ᠪᠢᠳᠡᠨᠳᠤ ᠤᠯᠠᠨ ᠶᠠᠭᠤᠮᠠ ᠵᠢ ᠶᠠᠷᠢᠵᠤ ᠦᠭᠭᠦᠭᠰᠡᠨ ᠪᠢᠯᠡ᠃ ᠲᠡᠷᠡ 《ᠪᠢ ᠪᠠᠭᠠᠳᠤᠪᠠᠨ ᠠᠳᠠ ᠦᠵᠡᠭᠳᠡᠵᠦ ᠪᠠᠶ᠋ᠢᠪᠠ》 ᠭᠡᠵᠡᠢ᠃ ᠠᠪᠤᠨᠢ ᠲᠡᠭᠦᠨᠢ ᠬᠤᠶ᠋ᠢᠳᠤ ᠠ᠋ᠬᠡᠳᠤᠨᠢ 《ᠠ᠋ᠨᠡ ᠪᠤᠯ ᠨᠠᠫᠤᠯᠢᠶᠦ᠋ᠨ· ᠠ᠋ᠾᠢᠯ᠃ ᠠᠬᠠ ᠲᠡᠭᠦᠤ ᠵᠢᠨ ᠵᠶ᠋ᠠᠨ ᠳᠤᠮᠳᠠᠬᠢ ᠬᠠᠮᠤᠭᠤᠨ ᠪᠦᠳᠦᠯ ᠦᠭᠡᠢ ᠨᠢᠭᠡᠨᠢ》 ᠭᠡᠰᠡᠨᠳᠤ᠂ ᠬᠤᠶ᠋ᠢᠳᠤ ᠠ᠋ᠬᠡᠨᠢ 《ᠠ᠋ᠨᠡ ᠬᠡᠤᠬᠡᠳ ᠪᠦᠳᠦᠯ ᠦᠭᠡᠢ ᠭᠡᠵᠤ ᠤᠤ？ ᠶᠠᠭ᠋ᠠᠬᠢᠭᠰᠠᠨ ᠴᠤ᠌ ᠲᠡᠶ᠋ᠢᠮᠤ ᠪᠢᠰᠢ᠂ ᠲᠡᠷᠡ ᠪᠤᠯ ᠶᠠᠭ ᠰᠠᠶ᠋ᠢᠬᠠᠨ ᠠ᠋ᠳᠡᠭᠡᠷ ᠬᠡᠤᠬᠡᠳᠤᠨ ᠳᠤᠮᠳᠠᠬᠢ ᠬᠠᠮᠤᠭᠤᠨ ᠰᠡᠴᠡᠨ ᠰᠡᠷᠭᠦᠯᠡᠩᠨᠢ ᠪᠤᠯᠤᠨᠠ᠃ ᠮᠠᠨᠤ ᠬᠢᠪᠡᠰᠤ ᠵᠤᠬᠢᠬᠤ ᠵᠦᠢ᠍ᠯᠡᠰ ᠪᠤᠯ ᠲᠡᠭᠦᠨᠤ ᠰᠡᠴᠡᠨ ᠰᠡᠷᠭᠦᠯᠡᠩ ᠵᠠᠩ ᠴᠢᠨᠠᠷᠢ ᠤᠯᠠᠮ ᠪᠠᠳᠠᠷᠠᠭᠤᠯᠬᠤᠳᠤ ᠪᠠᠶ᠋ᠢᠨᠠ》 ᠭᠡᠪᠡ᠃ ᠬᠤᠶ᠋ᠢᠳᠤ ᠠ᠋ᠬᠡᠨᠢ ᠲᠡᠭᠦᠨᠢ ᠦᠪᠡᠷᠤᠨ ᠬᠦᠴᠦᠨᠳᠤᠪᠠᠨ ᠲᠦᠰᠢᠭᠯᠡᠵᠤ᠂ ᠵᠣᠷᠢᠭᠳᠠᠢᠪᠠᠷ ᠲᠦᠯᠦᠪᠯᠡᠭᠡ ᠲᠤᠭᠳᠠᠭ᠋ᠠᠵᠤ᠂ ᠭᠤᠶ᠋ᠢᠪᠢᠰᠢ ᠦᠭᠡᠢ ᠤᠷᠤᠭᠰᠢᠯᠠᠬᠤ ᠵᠢᠨᠢ ᠵᠤᠷᠢᠬ᠍ᠵᠢᠭᠤᠯᠳᠠᠭ᠂ ᠠ᠋ᠨᠡ ᠲᠦᠯᠦᠪᠯᠡᠭᠡᠨᠢ ᠲᠡᠭᠦᠨᠤ ᠬᠤᠵᠢᠮᠤᠨ ᠦᠢ᠍ᠯᠡᠰᠤᠨ ᠲᠤᠯᠭ᠋ᠠᠭᠤᠷᠢᠨᠢ ᠪᠤᠯᠵᠠᠢ ᠭᠡᠳᠡᠭᠢ ᠦᠢ᠍ᠯᠡᠳᠦᠯᠭᠡ ᠭᠡᠷᠡᠴᠢᠯᠡᠵᠡᠢ ᠭᠡᠵᠦ ᠲᠡᠷᠡ ᠲᠡᠮᠳᠡᠭᠯᠡᠵᠡᠢ᠃ ᠠ᠋ᠨᠡ ᠮᠡᠲᠦ ᠵᠢᠨ ᠤᠷᠮᠠᠰᠢᠭᠤᠯᠤᠯᠤᠨ ᠨᠥᠯᠥᠭᠡᠨ ᠳᠣᠣᠷᠠ ᠠᠮᠵᠢᠯᠲᠠᠳᠤ ᠬᠦᠷᠦᠭᠰᠡᠨ ᠵᠢᠱ᠌ᠢᠶᠡ ᠮᠣᠩ ᠦᠭᠡᠢ ᠤᠯᠠᠨ ᠪᠤᠢ᠃
ᠬᠤᠶᠠᠷ᠂ ᠮᠣᠩᠭᠤᠯᠴᠤᠳ ᠬᠡᠤᠬᠡᠳ ᠵᠶ᠋ᠠᠨ ᠬᠡᠷᠬᠢᠨ ᠤᠷᠮᠠᠰᠢᠭᠤᠯᠤᠨ ᠵᠤᠷᠢᠬ᠍ᠵᠢᠭᠤᠯᠳᠠᠭ ᠪᠠᠶ᠋ᠢᠭᠰᠠᠨ ᠪᠤᠢ
ᠮᠣᠩᠭᠤᠯᠴᠤᠳᠤᠨ ᠭᠡᠷᠤᠨ ᠰᠤᠷᠭ᠋ᠠᠯᠳᠤ ᠤᠷᠮᠠᠰᠢᠭᠤᠯᠤᠯ ᠵᠤᠷᠢᠬ᠍ᠵᠢᠭᠤᠯᠤᠯᠢ ᠲᠤᠶ᠋ᠢᠯ ᠵᠶ᠋ᠠᠷ ᠴᠢᠬᠤᠯᠠᠴᠢᠯᠠᠨ ᠦᠵᠡᠳᠡᠭ᠃ ᠲᠡᠭᠡᠬᠦᠪᠠᠷ ᠵᠶ᠋ᠠᠨ ᠶᠡᠷᠦᠨᠢ 《ᠤᠷᠮᠠ ᠵᠢᠨᠢ ᠬᠤᠭᠤᠯᠬᠤᠪᠠᠷ ᠤᠭᠤᠴᠠ ᠵᠢᠨᠢ ᠬᠤᠭᠤᠯ》 ᠭᠡᠵᠦ ᠬᠡᠤᠬᠡᠳ ᠪᠠᠭ᠋ᠠᠴᠤᠳᠤᠨ ᠤᠷᠮᠠ ᠵᠢ ᠬᠤᠭᠤᠯᠬᠤ ᠵᠢ ᠶᠡᠬᠡ ᠴᠡᠭᠡᠷᠯᠡᠳᠡᠭ ᠶᠤᠮ᠃ ᠬᠠᠷᠢᠨ ᠠ᠋ᠰᠡᠷᠭᠦᠪᠠᠷ ᠦᠷᠡ ᠬᠡᠤᠬᠡᠳ ᠵᠶ᠋ᠠᠨ ᠪᠤᠶᠤ ᠠᠶ᠋ᠢᠯ ᠠᠶ᠋ᠢᠮᠠᠭᠤᠨ ᠪᠠᠭ᠋ᠠᠴᠤᠳ ᠵᠠᠯᠠᠭᠤᠴᠤᠳᠢ ᠨᠢᠯᠬᠠ ᠪᠠᠭᠠᠠᠴᠠᠨᠢ᠂ ᠬᠥᠯᠳᠤ ᠣᠷᠣᠵᠣ ᠲᠡᠨᠳᠡᠷ ᠮᠡᠨᠳᠡᠷ ᠠᠯᠬᠤᠵᠤ ᠠ᠋ᠬᠢᠯᠡᠬᠦᠠᠴᠠᠨᠢ ᠠᠪᠤᠭ᠋ᠠᠳ ᠠᠪᠤ ᠵᠢᠨ ᠬᠦᠤ ᠡᠷᠡ ᠪᠤᠯᠵᠠᠢ ᠭᠡᠵᠦ ᠵᠤᠷᠢᠬ᠍ᠵᠢᠭᠤᠯᠤᠨ ᠤᠷᠮᠠᠰᠢᠭᠤᠯᠳᠠᠭ᠃ ᠵᠢᠷᠭᠤᠭᠠ ᠳᠣᠯᠣᠭ᠋ᠠᠨ ᠨᠠᠰᠤ ᠬᠦᠷᠦᠭᠡᠳ ᠠᠪᠤᠪᠠᠨ ᠲᠠᠭ᠋ᠠᠵᠤ ᠠᠭᠲᠠ ᠬᠦᠯᠦᠭᠤᠨ ᠨᠢᠷᠤᠭᠤᠨᠳᠤ ᠮᠤᠷᠳᠠᠬᠤ ᠦᠶᠡᠳᠤ ᠮᠤᠷᠢᠨᠠᠴᠠᠪᠠᠨ ᠬᠠᠶᠠᠭᠳᠠᠬᠤ ᠦᠭᠡᠢ ᠤᠴᠢᠷ ᠭᠡᠵᠦ ᠬᠠᠮᠢᠭᠠ ᠪᠠᠶ᠋ᠢᠬᠤᠪ᠂ ᠮᠤᠷᠢᠨᠳᠤᠪᠠᠨ ᠬᠠᠶᠠᠭᠳᠠᠭ᠋ᠠᠳ ᠤᠷᠮᠠ ᠬᠤᠭᠤᠷᠠᠵᠤ ᠵᠣᠷᠢᠭ ᠬᠠᠷᠢᠵᠤ ᠢᠷᠡᠬᠦᠳᠤᠨᠢ 《ᠮᠣᠩᠭᠤᠯ ᠬᠦᠮᠦᠨ ᠮᠣᠷᠢᠨ ᠨᠢᠷᠤᠭᠤᠨ ᠳᠡᠭᠡᠷᠡ ᠶᠡᠬᠡ ᠦᠢ᠍ᠯᠡᠰ ᠪᠦᠲᠦᠭᠡᠭᠰᠡᠨ ᠶᠤᠮ᠂ ᠠᠪᠤ ᠵᠢᠨ ᠬᠦᠤ ᠴᠤ᠌ ᠬᠤᠵᠢᠮ ᠶᠡᠬᠡ ᠵᠢ ᠪᠦᠳᠦᠭᠡᠬᠦ ᠬᠦᠮᠦᠨ ᠪᠣᠯᠣᠨᠠ》 ᠭᠡᠵᠦ ᠤᠷᠮᠠᠰᠢᠭᠤᠯᠤᠨ ᠮᠤᠷᠢᠨ ᠨᠢᠷᠤᠭᠤᠨ ᠳᠡᠭᠡᠷᠡᠨᠢ ᠲᠠᠬᠢᠨ ᠮᠣᠷᠳᠠᠭᠤᠯᠳᠠᠭ᠃ ᠠᠷᠪᠠᠨ ᠭᠤᠷᠪᠠ ᠳᠥᠷᠪᠡ ᠬᠦᠷᠦᠭᠡᠳ ᠠᠶ᠋ᠢᠯᠤᠨ ᠠᠪᠠᠭᠠ ᠵᠢᠨ ᠨᠠᠶ᠋ᠢᠷ ᠲᠠᠮᠵᠢᠨ ᠵᠤᠳᠤᠭᠯᠠᠵᠤ ᠬᠠᠯᠠᠭᠤᠨ ᠬᠤᠰᠢᠭᠤᠳᠤᠪᠠᠷ ᠱᠠᠩᠨᠠᠭᠤᠯᠵᠤ᠂ ᠠᠮᠵᠢᠯᠲᠠ ᠳᠦᠭᠦᠷᠡᠩ ᠬᠠᠷᠢᠵᠤ ᠢᠷᠡᠬᠦ ᠵᠢ ᠪᠠᠬᠠᠷᠬᠠᠨ ᠠᠭ᠋ᠠᠵᠢᠮ ᠵᠶ᠋ᠠᠷ ᠲᠣᠮᠣᠴᠣᠣᠯᠤᠨ ᠪᠥᠬᠡᠨᠳᠤ ᠵᠤᠳᠤᠭᠯᠠᠵᠤ᠂ ᠨᠠᠶ᠋ᠢᠷᠤᠨ ᠱᠠᠩᠤᠨ ᠲᠤᠭᠤᠰᠤ ᠵᠢᠨᠢ ᠴᠤ᠌ ᠦᠨᠦᠷᠯᠡᠵᠤ ᠲᠡᠶ᠋ᠢᠯᠦᠭᠰᠡᠨ ᠦᠭᠡᠢ ᠳᠠᠩᠤᠨ ᠨᠤᠭᠤᠯᠠᠭᠠ ᠲᠡᠭᠡᠷᠡᠪᠠᠨ ᠰᠢᠷᠦᠶ᠋ᠢᠳᠠᠭ᠋ᠠᠳ᠂ ᠲᠤᠯᠤᠭ᠋ᠠᠢ ᠭᠠᠨᠵᠤᠭᠯᠠᠵᠤ ᠢᠷᠡᠬᠦᠳᠤ ᠠᠪᠤ ᠡᠵᠢᠨᠢ ᠴᠠᠭ᠋ᠠᠨ ᠢᠳᠡᠭᠡᠨ ᠵᠶ᠋ᠠᠷ ᠠ᠋ᠩᠭᠡᠷᠢᠨᠢ ᠮᠢᠯᠢᠶᠠᠵᠤ᠂ ᠬᠤᠲᠠᠨᠤ ᠬᠣᠨᠢᠠᠴᠠᠪᠠᠨ ᠵᠢᠭ᠋ᠠᠵᠤ ᠬᠦᠤᠪᠠᠨ ᠱᠠᠩᠨᠠᠨ ᠤᠷᠮᠠᠰᠢᠭᠤᠯᠵᠤ᠂ 《ᠣᠶ᠋ᠢᠴᠢᠵᠤ ᠪᠠᠶ᠋ᠢᠵᠤ ᠪᠥᠬᠡ ᠪᠣᠯᠳᠠᠭ᠂ ᠰᠠᠶ᠋ᠢᠨ ᠪᠥᠬᠡ ᠪᠣᠯᠣᠶᠠ ᠭᠡᠪᠡᠯ ᠮᠢᠩᠭᠠ ᠤᠳᠠᠭᠠ ᠣᠶ᠋ᠢᠴᠢᠬᠤ ᠬᠡᠷᠡᠭᠳᠡᠢ ᠶᠤᠮ》 ᠭᠡᠵᠤ ᠰᠤᠷᠭ᠋ᠠᠳᠠᠭ᠃ ᠤᠨᠠᠵᠤ ᠪᠤᠰᠳᠠᠭ᠂ ᠴᠢᠷᠮᠠᠶ᠋ᠢᠵᠤ ᠪᠠᠶ᠋ᠢᠵᠤ᠂ ᠢᠯᠠᠭᠳᠠᠵᠤ ᠪᠠᠶ᠋ᠢᠵᠤ ᠠᠮᠵᠢᠯᠲᠠᠳᠤ ᠬᠦᠷᠳᠡᠭ ᠠᠮᠢᠳᠤᠷᠠᠯᠤᠨ ᠠᠯᠢᠪᠠ ᠭᠦᠨ ᠤᠬᠠᠭ᠋ᠠᠨᠢ ᠪᠡᠶᠡᠨᠳᠤᠪᠠᠨ ᠰᠢᠩᠭᠡᠭᠡᠭᠰᠡᠨ ᠮᠣᠩᠭᠣᠯ ᠪᠥᠬᠡ ᠵᠢᠨ ᠤᠬᠠᠭ᠋ᠠᠨ ᠭᠡᠭᠴᠢ ᠠ᠋ᠶ᠋ᠢᠮᠤ ᠯᠠ ᠠᠭᠤᠤ ᠶᠡᠬᠡ ᠰᠣᠶᠣᠯ ᠪᠠᠶ᠋ᠢᠵᠠᠢ᠃ ᠰᠤᠤᠳᠤ ᠶᠡᠬᠡ ᠡᠪᠦᠭᠡ ᠲᠡᠭᠡᠳᠦᠰᠤᠨ ᠮᠠᠨᠢ ᠠᠮᠢᠳᠤᠷᠠᠬᠤᠢ ᠵᠢᠨ ᠭᠦᠨ ᠤᠬᠠᠭ᠋ᠠᠨ ᠭᠡᠵᠦ ᠠ᠋ᠨᠡ ᠳ᠋ᠠ᠃ ᠲᠡᠭᠡᠷᠡᠬᠢ ᠮᠡᠲᠤ ᠵᠢᠨ ᠵᠤᠷᠢᠬ᠍ᠵᠢᠭᠤᠯᠤᠯᠤᠨ ᠵᠢᠱ᠌ᠢᠶᠡ ᠪᠢᠳᠠᠨᠤ ᠳᠤᠮᠳᠠ ᠮᠠᠰᠢ ᠤᠯᠠᠨ ᠪᠤᠢ᠃
ᠮᠣᠩᠭᠣᠯᠴᠤᠳᠤᠨ ᠴᠠᠳᠢᠭ ᠲᠡᠤᠬᠡᠨᠳᠤ ᠪᠠᠰᠠ ᠬᠡᠤᠬᠡᠳ ᠪᠠᠭ᠋ᠠᠴᠤᠳ ᠵᠶ᠋ᠠᠨ ᠤᠷᠮᠠᠰᠢᠭᠤᠯᠤᠨ ᠰᠤᠷᠭ᠋ᠠᠵᠤ ᠶᠡᠬᠡ ᠠᠮᠵᠢᠯᠲᠠᠳᠤ ᠬᠦᠷᠬᠦᠳᠤᠨᠢ ᠯᠤᠲᠤ ᠶᠡᠬᠡ ᠦᠢ᠍ᠯᠡᠳᠦᠯ ᠦᠵᠡᠭᠦᠯᠦᠭᠰᠡᠨ ᠲᠡᠤᠬᠡᠨ ᠪᠤᠳᠠᠳᠤ ᠵᠢᠱ᠌ᠢᠶᠡ ᠴᠤ᠌ ᠮᠣᠩ ᠦᠭᠡᠢ ᠤᠯᠠᠨ ᠪᠠᠶ᠋ᠢᠳᠠᠭ᠃ ᠲᠡᠭᠦᠨᠤ ᠲᠤᠲᠤᠷᠠᠬᠢ ᠨᠢᠭᠡ ᠪᠤᠳᠠᠳᠤ ᠵᠢᠱ᠌ᠢᠶᠡ ᠪᠤᠯ ᠦᠭᠡᠯᠦᠨ ᠠ᠋ᠬᠡᠪᠠᠷ ᠲᠡᠮᠦᠵᠢᠨᠢ ᠤᠷᠮᠠᠰᠢᠭᠤᠯᠤᠭᠰᠠᠨ ᠨᠢᠭᠡᠨ ᠦᠢ᠍ᠯᠡ ᠶᠠᠪᠤᠳᠠᠯ ᠪᠤᠯᠬᠤ ᠶᠤᠮ᠃ ᠶᠢᠰᠦᠬᠡᠢ ᠪᠠᠭ᠋ᠠᠳᠤᠷ ᠲᠠᠲ᠋ᠠᠷᠲᠤ ᠬᠣᠣᠷᠯᠠᠭᠳᠠᠨ ᠨᠠᠰᠤ ᠪᠠᠷᠠᠭᠰᠠᠨᠤ ᠳᠠᠷᠠᠭᠠ ᠲᠠᠷᠭᠤᠳᠠᠢ ᠬᠢᠷᠢᠯᠳᠤᠭ ᠲᠡᠮᠦᠵᠢᠨᠤ ᠨᠢᠭᠡ ᠭᠡᠷᠤᠨ ᠬᠥᠭᠰᠢᠨ ᠵᠠᠯᠠᠭᠤ ᠶᠢᠰᠦᠨ ᠬᠦᠮᠦᠨᠢ ᠪᠠᠭᠤᠴᠠᠨᠳᠤᠨᠢ ᠤᠷᠬᠢᠵᠤ᠂ ᠠᠶ᠋ᠢᠮᠠᠭ ᠤᠭᠰᠠᠭ᠋ᠠᠨᠤ ᠬᠦᠮᠦᠰᠢ ᠲᠠᠭ᠋ᠠᠭᠤᠯᠵᠤ ᠶᠠᠪᠤᠭᠰᠠᠨᠤ ᠳᠠᠷᠠᠭᠠ᠂ ᠮᠠᠯ ᠤᠨᠤᠭᠠ ᠠ᠋ᠳ᠋ ᠬᠤᠭᠰᠢᠯ ᠵᠶ᠋ᠠᠨ ᠠᠯᠳᠠᠭᠰᠠᠨ ᠲᠡᠮᠦᠵᠢᠨᠤ ᠨᠢᠭᠡ ᠭᠡᠷᠤᠨ ᠬᠦᠮᠦᠰᠤᠨ ᠠᠮᠢᠳᠤᠷᠠᠯ ᠲᠤᠶ᠋ᠢᠯᠤᠨ ᠬᠦᠴᠢᠷ ᠪᠡᠷᠬᠡᠰᠢᠶᠡᠯᠲᠠᠢ ᠪᠤᠯᠤᠭᠰᠠᠨ ᠪᠠᠶ᠋ᠢᠯᠠ᠃ ᠠ᠋ᠨᠡ ᠦᠶᠡᠳᠤ ᠦᠭᠡᠯᠦᠨ ᠠ᠋ᠬᠡ ᠲᠡᠮᠦᠵᠢᠨᠳᠤ 《ᠲᠡᠮᠦᠵᠢᠨ᠂ ᠴᠢ ᠪᠤᠯ ᠠ᠋ᠨᠡ ᠭᠡᠷᠤᠨ ᠬᠠᠮᠤᠭᠤᠨ ᠶᠡᠬᠡ ᠠ᠋ᠷᠡᠭᠳᠡᠢ ᠬᠦᠮᠦᠨ᠂ ᠠ᠋ᠭᠦᠨᠠᠴᠠ ᠬᠤᠵᠢᠮ ᠠ᠋ᠨᠡ ᠭᠡᠷᠢ ᠴᠢ ᠤᠳᠤᠷᠢᠳᠬᠤ ᠬᠡᠷᠡᠭᠳᠡᠢ》᠂ 《ᠦᠪᠡᠷᠤᠨ ᠪᠤᠳᠤᠭᠰᠠᠨ ᠵᠶ᠋ᠠᠷ ᠵᠶ᠋ᠠᠨ ᠵᠣᠷᠢᠭᠲᠠᠢ ᠶᠠᠪᠤ》 ᠭᠡᠵᠦ ᠶᠢᠰᠦᠨ ᠨᠠᠰᠤᠲᠠᠢ ᠲᠡᠮᠦᠵᠢᠨᠳᠤ ᠠ᠋ᠨᠡ ᠭᠦ᠌ ᠭᠡᠷ ᠪᠦᠯᠢ ᠵᠢ ᠬᠠᠮᠢᠶᠠᠷᠬᠤ᠂ ᠵᠤᠬᠢᠶᠠᠨ ᠪᠠᠶ᠋ᠢᠭᠤᠯᠬᠤ ᠠ᠋ᠷᠬᠡ ᠠ᠋ᠭᠦᠷᠭᠡ ᠬᠠᠷᠢᠭᠤᠴᠠᠯᠭᠠ ᠵᠢ ᠲᠤᠰᠢᠶᠠᠵᠤ᠂ ᠠᠪᠤ ᠵᠢᠨ ᠬᠦᠤ ᠡᠷᠡ ᠪᠤᠯᠵᠠᠢ ᠭᠡᠳᠡᠭᠢ ᠲᠠᠨᠢᠭᠤᠯᠵᠤ ᠮᠡᠳᠡᠭᠦᠯᠵᠠᠢ᠃ ᠶᠠᠭ ᠠ᠋ᠨᠡ ᠭᠦ᠌ ᠤᠴᠢᠷᠨᠢ ᠨᠢᠯᠬᠠ ᠪᠠᠭᠠ ᠲᠡᠮᠦᠵᠢᠨᠳᠤ ᠮᠠᠰᠢ ᠶᠡᠬᠡ ᠤᠷᠮᠠᠰᠢᠭᠤᠯᠤᠯ ᠵᠤᠷᠢᠬ᠍ᠵᠢᠭᠤᠯᠤᠯ ᠪᠤᠯᠵᠤ᠂ ᠲᠡᠭᠦᠨᠢ ᠠᠯᠤᠰ ᠢᠷᠡᠭᠡᠳᠦᠢᠳᠤ ᠪᠦᠮᠪᠦᠷᠴᠡᠭᠤᠨ ᠬᠠᠭ᠋ᠠᠰᠢ ᠲᠦᠪᠰᠢᠳᠬᠡᠨ ᠤᠳᠤᠷᠢᠳᠬᠤ ᠠᠭᠤᠤ ᠶᠡᠬᠡ ᠤᠳᠤᠷᠢᠳᠤᠭᠴᠢ ᠪᠤᠯᠬᠤ ᠠᠩᠬᠠᠨᠤ ᠠᠯᠬᠤᠮᠨᠢ ᠪᠤᠯᠤᠭᠰᠠᠨ ᠪᠠᠶ᠋ᠢᠨᠠ᠃
ᠭᠤᠷᠪᠠ᠂ ᠠᠩᠭᠢ ᠵᠢᠨ ᠠ᠋ᠷᠬᠢᠯᠡᠭᠴᠢ ᠵᠢᠨ ᠠᠵᠢᠯᠳᠤ ᠤᠷᠮᠠᠰᠢᠭᠤᠯᠤᠯᠤᠨ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠢ ᠬᠡᠷᠬᠢᠨ ᠠᠮᠢᠳᠤᠯᠢᠭ ᠬᠡᠷᠡᠭᠯᠡᠬᠦ ᠪᠤᠢ
ᠮᠢᠨᠤ ᠦᠵᠡᠬᠦᠪᠠᠷ ᠤᠷᠮᠠᠰᠢᠭᠤᠯᠤᠨ ᠵᠤᠷᠢᠬ᠍ᠵᠢᠭᠤᠯᠬᠤ ᠪᠤᠯ ᠰᠤᠷᠭ᠋ᠠᠨ ᠬᠦᠮᠦᠵᠢᠯ ᠠᠮᠵᠢᠯᠲᠠ ᠣᠯᠬᠣ ᠠ᠋ᠰᠡᠬᠦ ᠵᠢᠨ ᠴᠢᠬᠤᠯᠠ ᠨᠢᠭᠡᠨ ᠭᠤᠭᠴᠤᠭᠠ ᠪᠤᠯᠬᠤ ᠶᠤᠮ᠂ ᠰᠤᠷᠤᠭᠴᠢᠳ 《ᠴᠢ ᠪᠦᠳᠦᠬᠦ ᠦᠭᠡᠢ ᠪᠠᠶ᠋ᠢᠨᠠ᠂ ᠪᠣᠯᠬᠣ ᠦᠭᠡᠢ ᠪᠠᠶ᠋ᠢᠨᠠ》 ᠭᠡᠵᠤ ᠪᠠᠶ᠋ᠢᠩᠭᠤ ᠵᠠᠩᠨᠠᠵᠤ ᠠᠭᠤᠷᠯᠠᠬᠤ ᠵᠢᠨ ᠣᠷᠣᠨᠳᠤ 《ᠴᠢ ᠪᠦᠳᠦᠵᠦ ᠪᠠᠶ᠋ᠢᠨᠠ᠂ ᠪᠤᠯᠵᠤ ᠪᠠᠶ᠋ᠢᠨᠠ》 ᠭᠡᠵᠦ ᠤᠷᠮᠠᠰᠢᠭᠤᠯᠤᠨ ᠵᠤᠷᠢᠬ᠍ᠵᠢᠭᠤᠯᠵᠤ᠂ ᠰᠤᠷᠤᠭᠴᠢᠳᠤᠨ ᠳᠠᠯᠳᠠ ᠤᠬᠠᠮᠰᠠᠷᠢ ᠰᠡᠷᠢᠭᠡᠵᠤ᠂ ᠦᠪᠡᠰᠤᠪᠠᠨ ᠰᠤᠷᠤᠯᠴᠠᠬᠤ ᠢᠳᠡᠪᠬᠢᠵᠢᠯᠢᠨᠢ ᠳᠠᠶ᠋ᠢᠴᠢᠯᠠᠬᠤᠨᠢ ᠬᠠᠷᠢᠨ ᠴᠢᠬᠤᠯᠠᠠᠴᠠ ᠴᠢᠬᠤᠯᠠ ᠭᠡᠵᠦ ᠪᠤᠳᠤᠭᠳᠠᠵᠤ ᠪᠠᠶ᠋ᠢᠨᠠ᠃ ᠪᠢᠳᠡ ᠠ᠋ᠷᠬᠡᠪᠰᠢ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠳᠤᠮᠳᠠ ᠬᠡᠤᠬᠡᠳ ᠰᠤᠷᠤᠭᠴᠢᠳᠲᠤᠪᠠᠨ ᠤᠷᠮᠠᠰᠢᠭᠤᠯᠤᠯᠤᠨ ᠠᠷᠭᠠ ᠵᠢ ᠪᠠᠶ᠋ᠢᠩᠭᠤ ᠬᠡᠷᠡᠭᠯᠡᠵᠤ᠂ ᠤᠷᠮᠠ ᠵᠣᠷᠢᠭᠢᠨᠢ ᠲᠠᠰᠤᠷᠠᠯᠲᠠ ᠦᠭᠡᠢ ᠬᠦᠪᠴᠢᠯᠡᠨ ᠦᠭᠴᠦ᠂ ᠰᠤᠷᠤᠭᠴᠢᠳᠤᠨ ᠳᠠᠯᠳᠠ ᠬᠦᠴᠦᠨᠢ ᠨᠡᠭᠡᠭᠡᠬᠦ ᠵᠢ ᠲᠡᠷᠢᠭᠦᠨ ᠪᠠᠶ᠋ᠢᠷᠢᠨᠳᠤ ᠲᠠᠯᠪᠢᠬᠤ ᠬᠡᠷᠡᠭᠳᠡᠢ ᠪᠤᠯᠤᠭ᠋ᠠᠳ ᠪᠠᠶ᠋ᠢᠨᠠ᠃ ᠰᠤᠷᠤᠯᠴᠠᠯᠭᠠᠳᠤ ᠰᠤᠷᠤᠭᠴᠢᠳᠤᠨ ᠳᠠᠯᠳᠠ ᠬᠦᠴᠦᠨ ᠴᠢᠳᠠᠯᠢ ᠨᠡᠭᠡᠭᠡᠬᠦ ᠪᠤᠯ ᠲᠤᠶ᠋ᠢᠯᠤᠨ ᠴᠢᠬᠤᠯᠠ ᠠᠰᠠᠭᠤᠳᠠᠯ ᠮᠦᠨ᠂ ᠰᠤᠷᠤᠭᠴᠢᠳᠤᠨ ᠳᠠᠯᠳᠠ ᠬᠦᠴᠦᠨᠢ ᠨᠡᠭᠡᠭᠡᠬᠦᠳᠤ ᠤᠷᠮᠠᠰᠢᠭᠤᠯᠤᠯᠤᠨ ᠠᠷᠭᠠ ᠪᠤᠯ ᠠ᠋ᠷᠳᠡᠨᠢ ᠵᠢᠨ ᠲᠦᠯᠬᠢᠭᠦᠷᠨᠢ ᠪᠠᠶ᠋ᠢᠬᠤ ᠶᠤᠰᠤᠳᠠᠢ᠃ ᠲᠡᠭᠡᠪᠡᠯ ᠠᠩᠭᠢ ᠵᠢᠨ ᠠ᠋ᠷᠬᠢᠯᠡᠭᠴᠢ ᠪᠤᠯᠤᠭᠰᠠᠳ ᠤᠷᠮᠠᠰᠢᠭᠤᠯᠤᠯᠤᠨ ᠠᠷᠭᠠ ᠵᠢ ᠬᠡᠷᠬᠢᠨ ᠵᠦᠪ ᠵᠶ᠋ᠠᠷ᠂ ᠨᠡᠩ ᠢᠯᠡᠭᠦᠤ ᠦᠷᠡ ᠪᠦᠲᠦᠮᠵᠢᠲᠠᠢᠪᠠᠷ ᠬᠡᠷᠡᠭᠯᠡᠬᠦ ᠪᠤᠢ？
1. ᠵᠦᠢ᠍ᠷ ᠦᠭᠡᠪᠠᠷ ᠤᠷᠮᠠᠰᠢᠭᠤᠯᠤᠨ ᠵᠤᠷᠢᠬ᠍ᠵᠢᠭᠤᠯᠬᠤ
ᠪᠢᠳᠠ 《ᠠᠮᠠᠨᠤ ᠪᠡᠯᠭᠡᠠᠴᠠ ᠠᠰᠢᠳᠠ ᠵᠢᠨ ᠪᠡᠯᠭᠡ》 ᠭᠡᠵᠦ ᠦᠷᠡ ᠬᠡᠤᠬᠡᠳᠲᠤᠪᠠᠨ ᠪᠤᠶᠤ ᠪᠤᠰᠤᠳ ᠶᠠᠮᠠᠷ ᠴᠤ᠌ ᠬᠦᠮᠦᠨᠳᠤ ᠰᠠᠶ᠋ᠢᠨ ᠰᠠᠶ᠋ᠢᠬᠠᠨ ᠪᠡᠯᠭᠡ ᠳᠡᠮᠪᠡᠷᠡᠯᠲᠠᠢ ᠦᠭᠡ ᠬᠡᠯᠡᠵᠤ ᠰᠠᠶ᠋ᠢᠨᠤ ᠢᠷᠦᠭᠡᠯ ᠲᠠᠯᠪᠢᠬᠤ ᠵᠢ ᠢᠯᠡᠭᠦᠤ ᠬᠢᠴᠢᠶᠡᠳᠡᠭ᠃ ᠰᠢᠯᠭ᠋ᠠᠯᠲᠠ ᠵᠢᠨ ᠬᠢᠷᠢ ᠪᠦᠳᠦᠮᠵᠢᠨᠢ ᠰᠠᠨᠠᠭ᠋ᠠᠨᠳᠤᠨᠢ ᠬᠦᠷᠦᠭᠰᠡᠨ ᠦᠭᠡᠢ ᠪᠤᠶᠤ ᠠᠨᠠᠢ ᠰᠢᠯᠭ᠋ᠠᠭᠤᠯᠤᠭᠰᠠᠨ ᠪᠠᠶ᠋ᠢᠪᠠᠯ 《ᠡᠷᠡ ᠬᠦᠮᠦᠨ ᠳᠣᠯᠣᠭᠠ ᠪᠦᠳᠦᠷᠢᠵᠦ ᠨᠠᠢ᠍ᠮᠠ ᠰᠡᠬᠡᠳᠡᠭ》 ᠭᠡᠵᠦ ᠢᠳᠬᠠᠨ 《ᠰᠠᠨᠠᠵᠤ ᠯᠠ ᠪᠠᠶ᠋ᠢᠪᠠᠯ ᠪᠦᠳᠦᠨᠡ᠂ ᠰᠠᠵᠢᠯᠠᠵᠤ ᠯᠠ ᠪᠠᠶ᠋ᠢᠪᠠᠯ ᠬᠦᠷᠦᠨᠡ》᠂ 《ᠵᠢᠷᠭ᠋ᠠᠬᠤ ᠴᠠᠭᠲᠤ ᠰᠡᠷᠡᠮᠵᠢ ᠬᠡᠷᠡᠭᠳᠡᠢ᠂ ᠵᠣᠪᠠᠬᠤ ᠴᠠᠭᠲᠤ ᠬᠠᠳᠠᠭᠤᠵᠢᠯ ᠬᠡᠷᠡᠭᠳᠡᠢ》᠂ 《ᠣᠷᠬᠢᠯᠳᠤᠷ ᠭᠠᠷᠬᠤ ᠤᠮᠤᠭ ᠵᠣᠷᠢᠭ ᠪᠠᠶ᠋ᠢᠪᠠᠰᠤ ᠣᠷᠴᠢᠯᠠᠩ ᠳᠡᠯᠡᠬᠡᠢᠳᠤᠷ ᠪᠡᠷᠬᠡ ᠶᠠᠪᠤᠳᠠᠯ ᠠᠯᠠᠭᠠ᠂ ᠦᠷᠭᠦᠯᠵᠢᠯᠡᠨ ᠴᠢᠷᠮᠠᠢ》 ᠬᠡᠮᠡᠨ ᠤᠷᠮᠠᠰᠢᠭᠤᠯᠤᠨ ᠵᠤᠷᠢᠬ᠍ᠵᠢᠭᠤᠯᠵᠤ᠂ ᠢᠯᠠᠭᠳᠠᠯᠳᠤ ᠨᠤᠭᠤᠷᠠᠵᠤ ᠪᠤᠯᠬᠤ ᠦᠭᠡᠢ᠂ ᠶᠠᠮᠠᠷᠪᠠ ᠠᠵᠢᠯ ᠦᠢ᠍ᠯᠡᠰᠤᠨ ᠵᠠᠮᠳᠤ ᠪᠦᠷ ᠨᠤᠭᠤᠷᠠᠯ ᠪᠦᠳᠦᠷᠢᠯ ᠤᠷᠤᠰᠢᠵᠤ ᠪᠠᠶ᠋ᠢᠳᠠᠭ᠂ ᠠ᠋ᠷᠬᠡᠪᠰᠢ ᠴᠢᠩᠭᠠ ᠬᠠᠲᠠᠭᠤ ᠵᠣᠷᠢᠭ ᠵᠶ᠋ᠠᠷ ᠰᠢᠨᠳᠠᠷᠠᠰᠢ ᠦᠭᠡᠢ ᠬᠦᠴᠦᠯᠡᠨ ᠴᠢᠷᠮᠠᠶ᠋ᠢᠵᠤ ᠯᠠ ᠪᠠᠶ᠋ᠢᠪᠠᠯ ᠡᠴᠦᠰᠲᠤᠪᠠᠨ ᠠᠮᠵᠢᠯᠲᠠᠳᠤ ᠬᠦᠷᠴᠦ ᠪᠤᠯᠤᠨᠠ ᠭᠡᠰᠡᠨ ᠶᠤᠰᠤ ᠤᠴᠢᠷᠢ ᠲᠠᠨᠢᠭᠤᠯᠵᠤ ᠪᠠᠶ᠋ᠢᠬᠤ ᠴᠢᠬᠤᠯᠠᠲᠠᠢ᠃
2. ᠲᠠᠪᠠᠭᠤᠯᠢᠭ ᠲᠠᠯᠠᠪᠠᠷᠨᠢ ᠤᠷᠮᠠᠰᠢᠭᠤᠯᠬᠤ
ᠬᠦᠮᠦᠨ ᠪᠦᠬᠦᠨᠳᠤ ᠦᠪᠡᠷ ᠦᠪᠡᠷᠤᠨ ᠬᠢᠨᠢ ᠲᠠᠪᠠᠭᠤᠯᠢᠭ ᠲᠠᠯᠠ ᠪᠠ ᠲᠤᠳᠠᠭᠳᠠᠯᠲᠠᠢ ᠲᠠᠯᠠ ᠭᠡᠵᠦ ᠪᠠᠶ᠋ᠢᠳᠠᠭ᠃ ᠮᠢᠨᠤ ᠦᠵᠡᠬᠦᠪᠠᠷ ᠬᠢᠴᠢᠶᠡᠯ ᠰᠤᠷᠤᠯᠭᠠᠳᠤᠪᠠᠨ ᠰᠢᠮᠳᠠᠳᠠᠭ ᠦᠭᠡᠢ ᠰᠤᠷᠤᠭᠴᠢᠳᠲᠤ 《ᠴᠢᠨᠤ ᠠ᠋ᠨᠡ ᠴᠢᠨᠢ ᠪᠤᠯᠬᠤ ᠦᠭᠡᠢ ᠪᠠᠶ᠋ᠢᠨᠠ᠂ ᠲᠡᠷᠡ ᠴᠢᠨᠢ ᠪᠤᠯᠬᠤ ᠦᠭᠡᠢ ᠪᠠᠶ᠋ᠢᠨᠠ》 ᠭᠡᠵᠦ ᠵᠠᠩᠨᠠᠬᠤ ᠵᠢᠨ ᠣᠷᠣᠨᠳᠤ ᠤᠷᠢᠳ ᠵᠶ᠋ᠠᠷ ᠲᠡᠳᠡᠭᠡᠷᠤᠨ ᠲᠠᠪᠠᠭᠤᠯᠢᠭ ᠲᠠᠯᠠ ᠵᠢᠨᠢ ᠤᠯᠵᠤ ᠵᠤᠷᠢᠬ᠍ᠵᠢᠭᠤᠯᠤᠨ ᠤᠷᠮᠠᠰᠢᠭᠤᠯᠤᠭᠰᠠᠨ ᠰᠠᠭᠤᠷᠢᠨ ᠳᠡᠭᠡᠷᠡ ᠬᠦᠷᠦᠯᠴᠡᠬᠦ ᠦᠭᠡᠢ ᠲᠠᠯᠠ ᠵᠢᠨᠢ ᠬᠡᠯᠡᠵᠦ ᠰᠠᠨᠠᠭᠤᠯᠪᠠᠯ᠂ ᠲᠡᠳᠡᠭᠡᠷ ᠰᠤᠷᠤᠭᠴᠢ ᠪᠡᠶᠡᠳᠤᠪᠠᠨ ᠢᠲᠡᠭᠡᠯᠲᠠᠢ ᠪᠤᠯᠵᠤ᠂ ᠰᠤᠷᠭ᠋ᠠᠭᠤᠯᠢ ᠵᠢᠨ ᠬᠦᠷᠢᠶᠡᠨᠤ ᠠᠮᠢᠳᠤᠷᠠᠯᠳᠤ ᠤᠯᠠᠮ ᠵᠶ᠋ᠠᠷ ᠰᠤᠨᠢᠷᠬᠠᠯᠲᠠᠢ ᠪᠤᠯᠵᠤ ᠢᠷᠡᠬᠦ ᠮᠦᠷᠲᠡᠭᠡᠨ ᠠᠭ᠋ᠠᠵᠢᠮ ᠵᠶ᠋ᠠᠷ ᠬᠢᠴᠢᠶᠡᠯ ᠰᠤᠷᠤᠯᠭᠠᠳᠤᠪᠠᠨ ᠴᠤ᠌ ᠰᠢᠮᠳᠡᠵᠤ ᠠ᠋ᠬᠢᠯᠡᠬᠦ ᠪᠤᠯᠤᠨᠠ᠃
3. ᠰᠤᠷᠤᠭᠴᠢᠳᠲᠠᠢ ᠬᠠᠷᠢᠴᠠᠭᠠᠪᠠᠨ ᠰᠠᠶ᠋ᠢᠵᠢᠷᠠᠭᠤᠯᠵᠤ᠂ ᠰᠤᠷᠤᠭᠴᠢᠳᠤᠨ ᠰᠡᠳᠬᠢᠯᠤᠨ ᠨᠠᠶ᠋ᠢᠵᠠᠨᠢ ᠪᠣᠯᠵᠤ ᠲᠠᠬᠢᠨ ᠤᠷᠮᠠᠰᠢᠭᠤᠯᠬᠤ
ᠰᠤᠷᠤᠭᠴᠢᠳ ᠪᠤᠯ ᠪᠦᠷ ᠠᠪᠤ ᠡᠵᠢᠠᠴᠠᠪᠠᠨ ᠰᠠᠯᠵᠦ ᠬᠤᠯᠠ ᠭᠠᠷᠴᠤ᠂ ᠤᠯᠠᠨ ᠰᠤᠷᠤᠭᠴᠢ ᠵᠢᠨ ᠳᠤᠮᠳᠠ ᠪᠡᠶᠡᠪᠠᠨ ᠳᠠᠭ᠋ᠠᠭ᠋ᠠᠭᠰᠠᠨ ᠨᠢᠭᠡᠨ ᠬᠡᠰᠢᠭᠦᠨ ᠪᠤᠯᠵᠤ ᠶᠠᠪᠤᠵᠤ ᠪᠠᠶ᠋ᠢᠭᠠ ᠬᠦᠮᠦᠰ ᠤᠴᠢᠷᠠᠴᠠ ᠲᠡᠳᠡ ᠨᠡᠷᠲᠤ ᠰᠡᠳᠬᠢᠯ ᠵᠶ᠋ᠠᠨ ᠳᠡᠯᠭᠡᠬᠦ ᠬᠦᠮᠦᠨ ᠶᠡᠬᠡ ᠱᠠᠭ᠋ᠠᠷᠳᠠᠳᠠᠭ᠂ ᠨᠡᠩ ᠢᠯᠠᠩᠭᠤᠶᠠ ᠬᠦᠨᠳᠦᠳᠬᠡᠵᠦ ᠪᠢᠰᠢᠷᠡᠳᠡᠭ ᠪᠠᠭᠰᠢ ᠨᠠᠷᠨᠢ ᠲᠡᠭᠦᠨᠲᠠᠢ ᠤᠶ᠋ᠢᠷᠠᠳᠤᠯᠴᠠᠨ ᠰᠡᠳᠬᠢᠯᠤᠨ ᠦᠭᠡᠪᠠᠨ ᠰᠤᠯᠢᠯᠴᠠᠨ ᠨᠠᠶ᠋ᠢᠵᠠᠯᠠᠬᠤᠨᠢ ᠰᠤᠷᠤᠭᠴᠢᠳᠲᠤ ᠠᠪᠴᠤ ᠬᠡᠯᠡᠪᠡᠯ ᠮᠠᠰᠢ ᠶᠡᠬᠡ ᠪᠠᠶᠠᠷ ᠬᠦᠷᠲᠠᠢ ᠤᠴᠢᠷ ᠪᠤᠯᠬᠤ ᠶᠤᠮ᠃ ᠶᠠᠭ ᠠ᠋ᠨᠡ ᠭᠦ᠌ ᠨᠠᠶ᠋ᠢᠵᠠ ᠵᠢᠨ ᠬᠠᠷᠢᠴᠠᠭ᠋ᠠᠨᠤ ᠰᠠᠭᠤᠷᠢᠨ ᠳᠡᠭᠡᠷᠡ ᠪᠠᠭᠰᠢᠠᠴᠠ ᠰᠤᠷᠤᠭᠴᠢᠳᠲᠤ ᠠ᠋ᠶᠡᠯᠳᠡᠭ ᠵᠶ᠋ᠠᠷ ᠦᠪᠡᠷᠤᠨ ᠪᠤᠳᠤᠯ ᠰᠠᠨᠠᠯ ᠵᠶ᠋ᠠᠨ ᠬᠡᠯᠡᠵᠦ᠂ ᠤᠷᠮᠠᠰᠢᠭᠤᠯᠤᠨ ᠵᠤᠷᠢᠬ᠍ᠵᠢᠭᠤᠯᠪᠠᠯ ᠰᠤᠷᠤᠭᠴᠢᠳ ᠨᠡᠩ ᠠᠮᠠᠷᠬᠠᠨ ᠬᠦᠯᠢᠶᠡᠨ ᠠᠪᠴᠤ᠂ ᠦᠷᠡ ᠠᠰᠢᠭᠨᠢ ᠨᠡᠩ ᠦᠨᠳᠦᠷ ᠪᠠᠶ᠋ᠢᠳᠠᠭ᠃
4. ᠰᠤᠷᠤᠭᠴᠢᠳᠤᠨ ᠬᠢᠴᠢᠶᠡᠯᠤᠨ ᠲᠠᠩᠬᠢᠮᠤᠨ ᠠᠰᠠᠭᠤᠯᠲᠠ ᠬᠠᠷᠢᠭᠤᠯᠬᠤ ᠪᠤᠶᠤ ᠰᠤᠷᠤᠯᠭᠠ ᠠᠮᠢᠳᠤᠷᠠᠯᠤᠨ ᠵᠢᠵᠢᠭ ᠰᠠᠵᠢᠭ ᠵᠦᠢ᠍ᠯᠳᠤ ᠮᠠᠭᠳᠠᠭ᠋ᠠᠯ ᠦᠭᠴᠦ ᠤᠷᠮᠠᠰᠢᠭᠤᠯᠬᠤ
ᠬᠢᠴᠢᠶᠡᠯᠤᠨ ᠴᠠᠭ ᠪᠠᠭᠰᠢ ᠵᠢᠨ ᠠᠰᠠᠭᠤᠯᠲᠠ ᠵᠢ ᠭᠠᠷ ᠠ᠋ᠷᠭᠦᠨ ᠬᠠᠷᠢᠭᠤᠯᠵᠤ ᠪᠠᠶ᠋ᠢᠭᠠ ᠰᠤᠷᠤᠭᠴᠢᠳ ᠪᠤᠯ ᠪᠡᠶᠡᠳᠤᠪᠠᠨ ᠢᠲᠡᠭᠡᠯᠲᠠᠢ ᠬᠦᠮᠦᠰ ᠪᠤᠯᠬᠤ ᠶᠤᠮ᠃ ᠪᠡᠶᠡᠳᠤᠪᠠᠨ ᠢᠳᠡᠭᠡᠵᠦ ᠭᠠᠷ ᠠ᠋ᠷᠭᠦᠨ ᠪᠤᠰᠴᠤ ᠬᠠᠷᠢᠭᠤᠯᠬᠤᠳᠤᠨᠢ ᠬᠠᠷᠢᠭᠤᠯᠲᠠᠨᠢ ᠣᠨᠣᠪᠴᠢᠳᠠᠢ ᠴᠤ᠌ ᠪᠤᠯᠤᠭ ᠤᠨᠤᠪᠴᠢ ᠦᠭᠡᠢ ᠴᠤ᠌ ᠪᠤᠯᠤᠭ᠂ ᠰᠡᠳᠦᠪᠲᠤᠪᠠᠨ ᠲᠠᠶ᠋ᠢᠯᠪᠤᠷᠢ ᠬᠢᠬᠦ ᠵᠢᠨ ᠳᠠᠭ᠋ᠠᠤ ᠵᠤᠬᠢᠰᠳᠠᠢ ᠤᠷᠮᠠᠰᠢᠭᠤᠯᠤᠯ ᠰᠠᠶ᠋ᠢᠰᠢᠶᠠᠯᠤᠨ ᠦᠭᠡ ᠵᠢ ᠪᠠᠶ᠋ᠢᠩᠭᠤ ᠱᠠᠩᠨᠠᠵᠤ ᠪᠠᠶ᠋ᠢᠬᠤ ᠬᠡᠷᠡᠭᠳᠡᠢ᠃ ᠢᠩᠭᠢᠵᠤ ᠬᠢᠪᠡᠯ ᠰᠤᠷᠤᠭᠴᠢᠳ ᠬᠡᠷᠪᠡ ᠵᠦᠪ ᠬᠠᠷᠢᠭᠤᠯᠤᠭᠰᠠᠨ ᠪᠤᠯ ᠪᠡᠶᠡᠳᠤᠪᠠᠨ ᠨᠡᠩ ᠢᠯᠡᠭᠦᠤ ᠢᠲᠡᠭᠡᠯᠲᠠᠢ ᠪᠤᠯᠵᠤ᠂ ᠬᠡᠷᠪᠡ ᠤᠨᠤᠪᠴᠢ ᠦᠭᠡᠢ ᠬᠠᠷᠢᠭᠤᠯᠤᠭᠰᠠᠨ ᠪᠤᠯ ᠪᠠᠭᠰᠢ ᠵᠢᠨ ᠵᠶ᠋ᠠᠨ ᠲᠡᠭᠦᠨᠳᠤ ᠦᠭᠬᠦᠭᠰᠡᠨ ᠢᠲᠡᠭᠡᠯ ᠨᠠᠶ᠋ᠢᠳᠠᠯᠭᠠᠳᠤ ᠤᠷᠮᠠᠰᠢᠵᠤ᠂ ᠨᠡᠩ ᠢᠯᠡᠭᠦᠤ ᠪᠡᠶᠡᠪᠠᠨ ᠴᠢᠩᠭᠠ ᠱᠠᠭ᠋ᠠᠷᠳᠠᠵᠤ ᠴᠢᠷᠮᠠᠶ᠋ᠢᠨ ᠰᠤᠷᠤᠯᠴᠠᠬᠤ ᠪᠤᠯᠤᠨᠠ᠃
5. ᠰᠤᠷᠤᠭᠴᠢ ᠵᠢ ᠲᠤᠭᠳᠠᠮᠠᠯ ᠪᠤᠰᠤ ᠬᠤᠭᠤᠴᠠᠭᠠᠲᠠᠢᠪᠠᠷ ᠳᠠᠭᠤᠳᠠᠨ ᠶᠠᠷᠢᠯᠴᠠᠵᠤ᠂ ᠰᠤᠷᠤᠯᠭᠠ ᠠᠮᠢᠳᠤᠷᠠᠯᠤᠨ ᠬᠢᠨᠢ ᠲᠠᠯᠠᠪᠠᠷ ᠬᠠᠷᠠᠭ᠋ᠠᠯᠵᠠᠨ ᠤᠷᠮᠠᠰᠢᠭᠤᠯᠤᠨ ᠵᠤᠷᠢᠬ᠍ᠵᠢᠭᠤᠯᠬᠤ
ᠰᠤᠷᠤᠭᠴᠢᠳᠢ ᠲᠤᠭᠳᠠᠮᠠᠯ ᠪᠤᠰᠤ ᠬᠤᠭᠤᠴᠠᠭᠠᠪᠠᠷ ᠳᠠᠭᠤᠳᠠᠨ ᠶᠠᠷᠢᠯᠴᠠᠬᠤᠨᠢ ᠰᠤᠷᠤᠭᠴᠢᠳᠲᠤ ᠠᠪᠴᠤ ᠬᠡᠯᠡᠪᠡᠯ ᠨᠢᠭᠡ ᠵᠦᠢ᠍ᠯᠤᠨ ᠤᠷᠮᠠᠰᠢᠭᠤᠯᠤᠯ ᠵᠤᠷᠢᠬ᠍ᠵᠢᠭᠤᠯᠤᠯ ᠪᠤᠯᠬᠤ ᠶᠤᠮ᠂ ᠲᠡᠷᠡᠨᠢ ᠰᠤᠷᠤᠭᠴᠢᠳᠲᠤ ᠪᠠᠭᠰᠢᠠᠴᠠ ᠲᠡᠭᠦᠨᠢ ᠴᠢᠬᠤᠯᠠᠴᠢᠯᠠᠨ ᠦᠵᠡᠵᠦ ᠪᠠᠶ᠋ᠢᠬᠤᠪᠠᠷ ᠰᠠᠨᠠᠭᠳᠠᠵᠤ᠂ ᠤᠷᠮᠠ ᠵᠣᠷᠢᠭᠨᠢ ᠬᠦᠪᠴᠢᠯᠡᠭᠳᠡᠵᠦ᠂ ᠰᠤᠷᠤᠯᠭᠠ ᠬᠢᠴᠢᠶᠡᠯᠳᠤᠪᠠᠨ ᠨᠡᠩ ᠢᠯᠡᠭᠦᠤ ᠬᠦᠴᠦᠯᠡᠨ ᠴᠢᠷᠮᠠᠶ᠋ᠢᠬᠤ ᠪᠤᠯᠤᠨᠠ᠃
6. ᠠ᠋ᠷᠲᠡᠨᠤ ᠮᠡᠷᠭᠡᠳᠤᠨ ᠭᠦᠨ ᠤᠬᠠᠭ᠋ᠠᠯᠢᠭ ᠰᠢᠯᠦᠭ ᠲᠠᠭᠤᠯᠠᠯ ᠵᠶ᠋ᠠᠷ ᠵᠤᠷᠢᠬ᠍ᠵᠢᠭᠤᠯᠬᠤ
ᠰᠤᠤᠲᠤ ᠮᠡᠷᠭᠡᠨ ᠢᠰᠢᠳᠠᠨᠽᠠᠨᠸᠠᠩᠵᠢᠯ 《ᠠ᠋ᠷᠬᠢᠮ ᠮᠠᠩᠯᠠᠢ ᠪᠤᠯᠤᠨ ᠬᠦᠮᠦᠵᠢᠬᠦᠯᠬᠦ ᠶᠤᠰᠤᠨ》 ᠭᠡᠳᠡᠭ ᠰᠢᠯᠦᠭᠲᠤᠪᠠᠨ 《ᠷᠬᠢᠮ ᠮᠠᠩᠯᠠᠢ ᠬᠦᠮᠦᠨ ᠪᠤᠯᠤᠨ ᠬᠦᠮᠦᠵᠢᠬᠦ ᠶᠤᠰᠤᠨᠠ᠂ ᠠ᠋ᠷᠳᠡᠮ ᠴᠢᠳᠠᠯ ᠪᠦᠷᠢᠳᠬᠦ ᠮᠠᠰᠢ ᠴᠢᠬᠤᠯᠠ ᠬᠡᠮᠡᠨᠡᠮ᠂ ᠠ᠋ᠳᠦᠷ ᠴᠠᠭᠢ ᠬᠤᠭᠤᠰᠤᠭ᠋ᠠᠷ ᠦᠯᠪᠡᠬᠦ ᠪᠣᠯᠪᠠᠰᠤ᠂ ᠠ᠋ᠨᠡ ᠨᠠᠰᠤᠨᠤ ᠶᠠᠪᠤᠳᠠᠯ ᠶᠠᠭ᠋ᠠᠬᠢᠵᠤ ᠭᠦᠢ᠍ᠴᠡᠬᠦ᠂ ᠠ᠋ᠷᠳᠡᠨᠢᠳᠤ ᠬᠠᠰ ᠨᠣᠮᠢᠨ ᠦᠵᠡᠰᠬᠦᠯᠡᠩ ᠪᠤᠯᠪᠠᠴᠤ᠂ ᠠ᠋ᠳ᠋ ᠠ᠋ᠰᠡ ᠬᠢᠪᠡᠰᠤ ᠬᠡᠷᠡᠭ ᠦᠭᠡᠢ ᠴᠢᠯᠠᠭᠤᠨ᠂ ᠠ᠋ᠷᠬᠢᠮ ᠰᠠᠶ᠋ᠢᠨ ᠬᠦᠮᠦᠨ ᠪᠡᠶᠡ ᠯᠠᠭᠰᠢᠨ ᠪᠤᠯᠪᠠᠴᠤ᠂ ᠠ᠋ᠷᠳᠡᠮ ᠠ᠋ᠰᠡ ᠰᠤᠷᠪᠠᠰᠤ ᠴᠢᠨᠠᠷ ᠦᠭᠡᠢ ᠮᠠᠬᠠᠪᠤᠳ᠂ ᠪᠢᠷ ᠪᠡᠬᠡ ᠠ᠋ᠷᠢᠶᠡᠯᠡᠨ ᠤᠳᠬᠠ ᠤᠶᠠᠩᠭᠠᠳᠤᠷ ᠰᠢᠮᠳᠠᠪᠠᠰᠤ᠂ ᠪᠢᠯᠢᠭ ᠠ᠋ᠷᠳᠡᠮ ᠲᠡᠭᠦᠰᠬᠦ ᠶᠤᠰᠤ ᠨᠣᠮᠯᠠᠯ ᠢᠯᠡᠷᠬᠡᠢ᠂ ᠪᠡᠶᠡ ᠭᠡᠷᠤᠨ ᠬᠡᠷᠡᠭ ᠪᠠ ᠤᠯᠤᠰ ᠲᠦᠷᠦ ᠵᠢᠨ ᠶᠠᠪᠤᠳᠠᠯᠳᠤᠷ᠂ ᠪᠢᠴᠢᠭ ᠨᠣᠮᠤᠨ ᠠᠰᠢᠭ ᠳᠤᠰᠠ ᠲᠦᠮᠡᠨ ᠦᠶᠡ ᠲᠤᠳᠤᠷᠬᠠᠢ᠂ ᠴᠢᠬᠢᠨᠳᠤᠪᠠᠨ ᠰᠢᠩᠭᠡᠭᠡᠵᠤ ᠨᠢᠳᠦᠨᠳᠤᠪᠠᠨ ᠰᠢᠷᠲᠡᠭᠡᠳ᠂ ᠴᠡᠭᠡᠵᠢᠨᠳᠤᠷ ᠵᠶ᠋ᠠᠨ ᠠᠭᠤᠯᠵᠤ ᠰᠡᠳᠬᠢᠯᠳᠡᠭᠡᠨ ᠲᠡᠮᠳᠡᠭᠯᠡᠭᠡᠳ᠂ ᠴᠢᠩᠭᠠ ᠵᠣᠷᠢᠭ ᠠ᠋ᠭᠦᠰᠬᠡᠵᠤ ᠪᠢᠰᠢᠯᠭ᠋ᠠᠬᠤ ᠪᠤᠯᠪᠠᠰᠤ᠂ ᠴᠢᠩ ᠦᠨᠡᠨ ᠰᠤᠷᠤᠯᠭᠠ ᠵᠢ ᠲᠡᠭᠦᠰᠬᠡᠵᠤ ᠪᠣᠯᠣᠮᠣᠢ》 ᠬᠡᠮᠡᠨ ᠠ᠋ᠷᠬᠢᠮ ᠬᠦᠮᠦᠨ ᠪᠤᠯᠬᠤ᠂ ᠠᠮᠵᠢᠯᠲᠠᠳᠤ ᠬᠦᠷᠬᠦᠳᠤ ᠠ᠋ᠷᠬᠡᠪᠰᠢ ᠴᠢᠷᠮᠠᠶ᠋ᠢᠨ ᠰᠤᠷᠤᠯᠴᠠᠵᠤ ᠠᠵᠢᠯᠯᠠᠬᠤ ᠬᠡᠷᠡᠭᠳᠡᠢ᠂ ᠲᠡᠶ᠋ᠢᠮᠤ ᠪᠢᠰᠢ ᠪᠤᠯ ᠪᠡᠶᠡ ᠮᠠᠬᠠᠪᠤᠳ ᠬᠡᠴᠢᠨᠡᠭᠡᠨ ᠰᠠᠶ᠋ᠢᠨ᠂ ᠲᠠᠷᠢᠬᠢ ᠬᠡᠴᠢᠨᠡᠭᠡᠨ ᠰᠡᠷᠭᠦᠯᠡᠩ ᠪᠤᠯᠤᠯᠠ ᠭᠡᠳ ᠬᠡᠷᠡᠭ ᠦᠭᠡᠢ ᠭᠡᠵᠦ ᠬᠡᠤᠬᠡᠳ ᠪᠠᠭ᠋ᠠᠴᠤᠳᠢ ᠠ᠋ᠷᠳᠡᠮ ᠨᠣᠮᠳᠤᠪᠠᠨ ᠴᠢᠷᠮᠠᠶ᠋ᠢᠬᠤ ᠬᠡᠷᠡᠭᠳᠡᠢ᠂ ᠬᠡᠷᠪᠡ ᠰᠡᠳᠬᠢᠯ ᠲᠥᠪᠯᠡᠷᠡᠭᠦᠯᠦᠨ ᠲᠡᠰᠪᠦᠷᠢ ᠬᠠᠳᠠᠭᠤᠵᠢᠯᠲᠠᠢᠪᠠᠷ ᠰᠤᠷᠤᠯᠴᠠᠪᠠᠯ ᠯᠠᠪ ᠠᠮᠵᠢᠯᠲᠠᠳᠤ ᠬᠦᠷᠴᠦ ᠳᠡᠶ᠋ᠢᠯᠦᠨᠡ ᠭᠡᠳᠡᠭ ᠰᠠᠨᠠᠭᠠᠪᠠᠨ ᠭᠦᠨ ᠤᠬᠠᠭ᠋ᠠᠯᠢᠭ ᠦᠭᠡ ᠦᠭᠦᠯᠡᠪᠦᠷᠢᠳᠤᠪᠠᠨ ᠰᠢᠩᠭᠡᠭᠡᠨ ᠰᠤᠷᠭ᠋ᠠᠭᠰᠠᠨ ᠪᠠᠶ᠋ᠢᠨᠠ᠃ ᠠ᠋ᠨᠡᠨᠢ ᠰᠤᠷᠤᠭᠴᠢᠳᠲᠤ ᠰᠢᠯᠦᠭ ᠰᠤᠨᠢᠷᠬᠠᠭᠤᠯᠬᠤ ᠵᠢᠨ ᠲᠠᠭ᠋ᠠᠤ ᠰᠤᠷᠤᠯᠴᠠᠯᠭᠠ ᠵᠢᠨ ᠤᠷᠮᠠ ᠵᠣᠷᠢᠭᠢᠨᠢ ᠬᠥᠪᠴᠢᠯᠡᠵᠤ ᠪᠤᠯᠬᠤ ᠠᠷᠭᠠ ᠪᠠᠷᠢᠯ ᠪᠤᠯᠬᠤ ᠶᠤᠮ᠃
7. ᠠᠮᠵᠢᠯᠲᠠ ᠤᠯᠤᠭᠰᠠᠨ ᠲᠡᠤᠬᠡᠳᠤ ᠬᠦᠮᠦᠨᠤ ᠦᠯᠢᠭᠡᠷ ᠲᠡᠤᠬᠡᠪᠠᠷ ᠤᠷᠮᠠᠰᠢᠭᠤᠯᠤᠨ ᠵᠤᠷᠢᠬ᠍ᠵᠢᠭᠤᠯᠬᠤ
ᠬᠦᠮᠦᠨ ᠶᠡᠷᠦᠨᠢ ᠰᠠᠶ᠋ᠢᠨ ᠰᠠᠶ᠋ᠢᠬᠠᠨ ᠵᠦᠭ ᠲᠡᠮᠡᠴᠡᠵᠦ ᠲᠡᠮᠡᠤᠯᠡᠬᠦ ᠳᠤᠷᠠᠲᠠᠢ ᠪᠠᠶ᠋ᠢᠳᠠᠭ᠃ ᠲᠡᠭᠡᠬᠦᠪᠠᠷ ᠵᠶ᠋ᠠᠨ 《ᠬᠦᠮᠦᠨ ᠥᠭᠡᠳᠡᠪᠠᠨ ᠤᠰᠤ ᠤᠷᠤᠭᠤᠪᠠᠨ》 ᠭᠡᠳᠡᠭ ᠬᠠᠪᠤᠲᠦ ᠦᠭᠡ ᠲᠦᠷᠦᠭᠳᠡᠭᠰᠡᠨ ᠪᠠᠶ᠋ᠢᠬᠠ ᠳ᠋ᠠ᠃ ᠰᠤᠷᠤᠭᠴᠢᠳᠤᠨ ᠰᠤᠷᠤᠯᠴᠠᠯᠭᠠ ᠵᠢᠨ ᠤᠷᠮᠠ ᠵᠣᠷᠢᠭᠢ ᠬᠦᠪᠴᠢᠯᠡᠬᠦᠳᠤ ᠲᠤᠬᠠᠢ ᠵᠢᠨ ᠭᠠᠵᠠᠷ ᠣᠷᠣᠨᠤᠬᠢᠨ᠂ ᠠᠯᠢ ᠴᠢᠳᠠᠬᠤᠪᠠᠷ ᠨᠡᠯᠢᠶᠡᠳ ᠨᠡᠷᠡ ᠠᠯᠳᠠᠷᠢᠨᠢ ᠰᠤᠨᠤᠰᠴᠤ ᠪᠠᠶ᠋ᠢᠭᠰᠠᠨ ᠠᠭᠤᠤ ᠬᠦᠮᠦᠰᠤᠨ ᠠᠮᠵᠢᠯᠳᠠᠳᠤ ᠬᠦᠷᠦᠭᠰᠡᠨ ᠦᠯᠢᠭᠡᠷ ᠵᠢᠱ᠌ᠢᠶᠡ ᠪᠠ ᠲᠡᠭᠦᠨᠤ ᠠ᠋ᠳᠦᠷ ᠳᠣᠲᠤᠮᠤᠨ ᠠᠮᠢᠳᠤᠷᠠᠯᠤᠨ ᠵᠢᠵᠢᠭ ᠰᠠᠵᠢᠭ ᠦᠯᠢᠭᠡᠷᠢ ᠶᠠᠷᠢᠬᠤᠨᠢ ᠰᠤᠷᠤᠭᠴᠢ ᠵᠢᠨ ᠲᠡᠷᠡ ᠬᠦᠮᠦᠨᠤ ᠲᠤᠬᠠᠢ ᠰᠤᠨᠢᠷᠬᠠᠯᠢ ᠤᠯᠠᠮ ᠲᠦᠷᠦᠭᠳᠡᠭᠦᠯᠵᠦ᠂ ᠠᠭ᠋ᠠᠵᠢᠮ ᠵᠶ᠋ᠠᠷ ᠲᠡᠭᠦᠨ ᠵᠶ᠋ᠠᠷ ᠲᠠᠭᠤᠷᠢᠶᠠᠯ ᠪᠣᠯᠭ᠋ᠠᠨ᠂ ᠦᠪᠡᠷᠢᠪᠠᠨ ᠲᠡᠷᠡ ᠬᠦᠮᠦᠨ ᠰᠢᠭ ᠵᠶ᠋ᠠᠨ ᠪᠠᠶ᠋ᠢᠯᠭ᠋ᠠᠬᠤ ᠵᠢ ᠪᠣᠳᠣᠵᠣ᠂ ᠪᠡᠶᠡᠪᠠᠨ ᠴᠠᠭ ᠢᠮᠠᠭᠳᠠ ᠠᠩᠬᠠᠷᠴᠤ ᠵᠠᠰᠠᠵᠤ ᠶᠠᠪᠤᠬᠤ ᠪᠤᠯᠭ᠋ᠠᠳᠠᠭ᠂ ᠠ᠋ᠨᠡᠨᠢ ᠠᠭ᠋ᠠᠵᠢᠮ ᠵᠶ᠋ᠠᠷ ᠲᠡᠷᠡ ᠬᠦ᠌ ᠨᠦᠯᠦᠭᠡ ᠬᠦᠷᠲᠡᠭᠰᠡᠨ ᠰᠤᠷᠤᠭᠴᠢ ᠵᠢᠨ ᠰᠤᠷᠤᠯᠭᠠ ᠠᠮᠢᠳᠤᠷᠠᠯᠤᠨ ᠪᠠᠶ᠋ᠢᠳᠠᠯᠢ ᠨᠥᠯᠥᠭᠡᠯᠡᠵᠤ᠂ ᠦᠭᠡᠳᠡᠯᠡᠭᠦᠯᠳᠡᠭ ᠶᠤᠮ᠃
8. ᠳᠤᠷᠠ ᠪᠠᠬᠠᠪᠠᠷᠨᠢ ᠤᠷᠮᠠᠰᠢᠭᠤᠯᠬᠤ
ᠳᠤᠷᠠ ᠪᠠᠬᠠ ᠪᠤᠯ ᠨᠢᠭᠡᠳᠦᠭᠡᠷ ᠪᠠᠭᠰᠢ ᠭᠡᠳᠡᠭ ᠵᠶ᠋ᠠᠷ ᠠᠩᠭᠢ ᠠ᠋ᠷᠬᠢᠯᠡᠬᠦ ᠶᠠᠪᠤᠴᠠ ᠳᠤᠮᠳᠠ ᠰᠤᠷᠤᠭᠴᠢᠳᠤᠨ ᠤᠨᠴᠠᠯᠢᠭ ᠪᠠᠶ᠋ᠢᠳᠠᠯᠢᠨᠢ ᠰᠢᠨᠵᠢᠵᠦ ᠰᠤᠳᠤᠯᠤᠨ᠂ ᠤᠨᠴᠠᠯᠢᠭᠲᠤᠨᠢ ᠲᠤᠬᠢᠷᠠᠭᠤᠯᠤᠨ᠂ ᠳᠤᠷᠠ ᠪᠠᠬᠠᠳᠤᠨᠢ ᠲᠠᠭ᠋ᠠᠷᠠᠭᠤᠯᠵᠤ ᠵᠤᠬᠢᠰᠳᠠᠢ ᠤᠷᠮᠠᠰᠢᠭᠤᠯᠤᠯ ᠦᠭᠬᠦ ᠬᠡᠷᠡᠭᠳᠡᠢ᠃ ᠠ᠋ᠨᠡᠨᠢ ᠶᠠᠭ ᠬᠢᠴᠢᠶᠡᠯᠤᠨ ᠨᠣᠮᠢ ᠦᠵᠡᠬᠦ ᠳᠤᠷᠠ ᠦᠭᠡᠢ᠂ ᠬᠠᠷᠠ ᠪᠠᠭᠠᠠᠴᠠᠪᠠᠨ ᠬᠥᠯ ᠪᠦᠮᠪᠦᠭᠡᠳᠤ ᠬᠤᠷᠤᠬᠠᠢᠲᠠᠢ ᠬᠡᠤᠬᠡᠳᠲᠤ ᠬᠥᠯ ᠪᠥᠮᠪᠥᠭᠡ ᠦᠭᠴᠦ ᠬᠤᠵᠢᠮ ᠲᠣᠮᠣ ᠲᠠᠮᠢᠷᠴᠢᠨ ᠪᠤᠯᠤᠭ᠋ᠠᠷᠠᠢ ᠭᠡᠵᠦ ᠤᠷᠮᠠᠰᠢᠭᠤᠯᠬᠤ ᠪᠠ ᠲᠡᠪᠡᠷᠢ ᠨᠣᠮ ᠦᠭᠴᠦ ᠠ᠋ᠷᠳᠡᠮᠳᠡᠨ ᠪᠤᠯᠤᠭ᠋ᠠᠷᠠᠢ ᠭᠡᠵᠦ ᠢᠷᠦᠭᠡᠵᠦ ᠤᠷᠮᠠᠰᠢᠭᠤᠯᠬᠤ ᠵᠢᠨ ᠠᠯᠢᠨᠢ ᠢᠯᠡᠭᠦᠤ ᠦᠷᠡ ᠠᠰᠢᠭᠲᠠᠢ ᠪᠠᠶ᠋ᠢᠬᠤ ᠵᠢ ᠬᠡᠨ ᠴᠤ᠌ ᠭᠡᠰᠡᠨ ᠲᠤᠳᠤᠷᠬᠠᠢ ᠮᠡᠳᠡᠵᠦ ᠪᠠᠶ᠋ᠢᠬᠤᠲᠠᠢ ᠠᠳᠠᠯᠢᠬᠠᠨ ᠤᠴᠢᠷ ᠶᠤᠮ᠃ ᠠ᠋ᠶ᠋ᠢᠮᠤᠠᠴᠠ ᠰᠤᠷᠤᠭᠴᠢᠳᠤᠨ ᠳᠤᠷᠠ ᠪᠠᠬᠠ ᠵᠢᠨᠢ ᠦᠨᠳᠦᠰᠦᠯᠡᠨ ᠵᠤᠬᠢᠰᠳᠠᠢ ᠤᠷᠮᠠᠰᠢᠭᠤᠯᠤᠯ ᠦᠭᠬᠦᠨᠢ ᠮᠠᠰᠢ ᠴᠢᠬᠤᠯᠠ ᠶᠤᠮ᠃
ᠰᠤᠷᠤᠭᠴᠢ ᠵᠢᠨ ᠰᠤᠷᠤᠯᠴᠠᠬᠤ ᠤᠷᠮᠠ ᠪᠠᠬᠠ ᠪᠤᠯ ᠰᠤᠷᠤᠭᠴᠢ ᠵᠢᠨ ᠰᠤᠷᠤᠯᠴᠠᠬᠤ ᠤᠭ ᠰᠠᠨᠠᠭᠠ ᠪᠣᠶᠣ ᠲᠦᠷᠦᠯᠬᠢ ᠬᠥᠳᠡᠯᠭᠡᠭᠦ ᠬᠦᠴᠦᠨ ᠪᠤᠯᠤᠨᠠ᠂ ᠮᠦᠨ ᠴᠦ᠍ ᠰᠤᠷᠤᠭᠴᠢ ᠵᠢᠨ ᠲᠠᠰᠤᠷᠠᠯᠲᠠ ᠦᠭᠡᠢ ᠬᠠᠶ᠋ᠢᠨ ᠰᠦᠪᠡᠭᠴᠢᠯᠡᠬᠦ ᠪᠠᠲᠦ ᠴᠢᠩᠭᠠ ᠲᠤᠷᠠᠰᠢᠯᠢ ᠲᠦᠯᠬᠢᠨ ᠠᠬᠢᠭᠤᠯᠬᠤ ᠠ᠋ᠯᠧᠮᠧᠨ᠋ᠲ ᠪᠤᠯᠬᠤ ᠶᠤᠮ᠃ ᠤᠷᠮᠠ ᠪᠠᠬᠠᠨᠢ ᠰᠤᠷᠤᠭᠴᠢ ᠵᠢᠨ ᠬᠢᠵᠠᠭ᠋ᠠᠷᠯᠠᠰᠢ ᠦᠭᠡᠢ ᠳᠠᠯᠳᠠ ᠬᠦᠴᠦᠨ ᠴᠢᠳᠠᠯᠢ ᠪᠠᠳᠠᠷᠠᠭᠤᠯᠵᠤ᠂ ᠬᠢᠵᠠᠭ᠋ᠠᠷᠯᠠᠰᠢ ᠦᠭᠡᠢ ᠶᠡᠬᠡ ᠠᠮᠵᠢᠯᠲᠠᠳᠤ ᠬᠦᠷᠭᠡᠬᠦ ᠵᠢᠭᠦᠷᠨᠢ ᠪᠤᠯᠬᠤ ᠶᠤᠮ᠃ ᠠ᠋ᠶ᠋ᠢᠮᠤᠠᠴᠠ ᠪᠢᠳᠡ ᠤᠷᠮᠠᠰᠢᠭᠤᠯᠤᠯᠢ ᠵᠤᠬᠢᠰᠲᠠᠢ ᠬᠡᠷᠡᠭᠯᠡᠵᠦ᠂ ᠰᠤᠷᠤᠭᠴᠢᠳᠤᠨ ᠳᠠᠯᠳᠠ ᠬᠦᠴᠦᠨ ᠴᠢᠳᠠᠯᠢᠨᠢ ᠨᠡᠭᠡᠭᠡᠵᠦ᠂ ᠰᠤᠷᠤᠯᠭᠠ ᠵᠢᠨ ᠨᠡᠩ ᠦᠨᠳᠦᠷ ᠠᠮᠵᠢᠯᠲᠠᠳᠤ ᠬᠦᠷᠬᠦ ᠵᠢ ᠤᠷᠮᠠᠰᠢᠭᠤᠯᠤᠨ ᠵᠤᠷᠢᠬ᠍ᠵᠢᠭᠤᠯᠬᠤ ᠵᠢ ᠠᠨᠭ᠌ᠬᠢ ᠵᠢᠨ ᠠ᠋ᠷᠬᠢᠯᠡᠭᠴᠢ ᠨᠢᠭᠡ ᠪᠦᠷᠢ ᠪᠠᠳᠤ ᠴᠡᠭᠡᠵᠢᠯᠡᠪᠡᠯ ᠵᠤᠬᠢᠨᠠ᠃
ᠠᠵᠢᠯᠯᠠᠵᠤ ᠪᠠᠢ᠍ᠢ᠍ᠭᠠ ᠪᠠᠢ᠍ᠢ᠍ᠭᠤᠯᠭᠠ᠄ ᠣᠷᠳᠣᠰ ᠬᠤᠲᠠ ᠵᠢᠨ ᠮᠣᠩᠭᠤᠯ
ᠦᠨᠳᠦᠰᠦᠲᠡᠨᠤ ᠳᠤᠮᠳᠠᠳᠤ ᠰᠤᠷᠭ᠋ᠠᠭᠤᠯᠢ
（ᠠ᠋ᠾᠤᠢ᠍ᠩ ᠮᠸᠢ ᠨᠠᠢ᠍ᠢ᠍ᠷᠠᠭᠤᠯᠪᠠ）
2021 ᠣᠨᠤ 5 ᠬᠤᠭᠤᠴᠠᠭᠠ