ᠣᠶᠤᠨᠳᠠᠯᠠᠢ
《ᠨᠢᠭᠡᠨ ᠰᠢᠯᠢᠳᠡᠭ ᠠᠩᠭᠢ ᠵᠢᠨ ᠠ᠋ᠷᠬᠢᠯᠡᠭᠴᠢ ᠪᠣᠯ ᠳᠠᠷᠤᠢ ᠨᠢᠭᠡᠨ ᠰᠤᠷᠭ᠋ᠠᠨ ᠬᠥᠮᠦᠵᠢᠯᠤᠨ ᠠ᠋ᠷᠳᠡᠮᠳᠡᠨ ᠮᠥᠨ》 ᠬᠡᠵᠦ ᠮᠠᠨᠤ ᠤᠯᠤᠰᠤᠨ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠶᠠᠮᠤᠨᠤ ᠤᠤᠯᠤᠨ ᠳᠠᠷᠤᠭᠠ ᠾᠧ ᠳ᠋ᠦᠩ ᠴᠠᠩ ᠬᠡᠯᠡᠵᠤ ᠥᠩᠭᠡᠷᠡᠭᠰᠡᠨ ᠪᠢᠯᠡ᠃ ᠠᠩᠭᠢ ᠵᠢᠨ ᠠ᠋ᠷᠬᠢᠯᠡᠭᠴᠢ ᠪᠣᠯ ᠠᠩᠭᠢ ᠨᠡᠶ᠋ᠢᠲᠡ ᠵᠢᠨ ᠬᠥᠮᠦᠵᠢᠭᠦᠯᠦᠭᠴᠢ ᠬᠢᠭᠡᠳ ᠵᠣᠬᠢᠶᠠᠨ ᠪᠠᠶ᠋ᠢᠭᠤᠯᠤᠭᠴᠢ ᠪᠣᠯᠬᠤ ᠮᠦᠷᠳᠡᠭᠡᠨ ᠪᠠᠰᠠ ᠰᠤᠷᠭ᠋ᠠᠭᠤᠯᠢ ᠵᠢᠨ ᠤᠳᠤᠷᠢᠳᠤᠯᠭᠠ ᠵᠢᠨ ᠠᠵᠢᠯᠤᠨ ᠭᠠᠷᠮᠠᠭ᠋ᠠᠢ ᠬᠠᠪᠰᠤᠷᠤᠭᠴᠢ ᠮᠥᠨ᠃ ᠠᠩᠭᠢ ᠵᠢᠨ ᠠ᠋ᠷᠬᠢᠯᠡᠭᠴᠢ ᠨᠢᠭᠡ ᠠᠩᠭᠢ ᠵᠢᠨ ᠰᠤᠷᠤᠭᠴᠢᠳᠢ ᠪᠦᠬᠦ ᠲᠠᠯᠠᠪᠠᠷ ᠬᠠᠷᠢᠭᠤᠴᠠᠵᠤ᠂ ᠰᠤᠷᠤᠭᠴᠢᠳᠤᠨ ᠠᠵᠢᠯᠯᠠᠭᠠ ᠵᠢ ᠵᠣᠬᠢᠶᠠᠨ ᠪᠠᠶ᠋ᠢᠭᠤᠯᠵᠤ᠂ ᠰᠤᠷᠭ᠋ᠠᠭᠤᠯᠢ ᠵᠢᠨ ᠡᠯᠡ ᠰᠠᠯᠠᠭ᠋ᠠᠨᠠᠴᠠ ᠰᠤᠷᠤᠭᠴᠢᠳᠲᠤ ᠲᠠᠯᠪᠢᠭᠰᠠᠨ ᠱᠠᠭ᠋ᠠᠷᠳᠠᠯᠭᠠ ᠵᠢ ᠵᠣᠬᠢᠴᠠᠭᠤᠯᠵᠤ᠂ ᠨᠢᠭᠡ ᠠᠩᠭᠢ ᠵᠢᠨ ᠰᠤᠷᠤᠭᠴᠢ ᠵᠢᠨ ᠬᠥᠭᠵᠢᠯᠲᠡᠳᠤ ᠭᠤᠣᠯᠯᠠᠭ᠍ᠤ ᠦᠢ᠍ᠯᠡᠳᠦᠯ ᠦᠵᠡᠬᠦᠯᠵᠤ ᠪᠠᠶ᠋ᠢᠳᠠᠭ᠃ ᠮᠢᠨᠤ ᠪᠡᠶᠡ ᠰᠤᠷᠭ᠋ᠠᠭᠤᠯᠢᠳᠤ ᠪᠠᠭᠰᠢᠯᠠᠵᠦ ᠪᠠᠶ᠋ᠢᠬᠤᠳᠤᠪᠠᠨ ᠬᠤᠷᠢᠨ ᠭᠤᠷᠪᠠᠨ ᠵᠢᠯ ᠠᠩᠭᠢ ᠠ᠋ᠷᠬᠢᠯᠡᠭᠰᠡᠨ ᠲᠡᠤᠭᠡᠲᠠᠢ᠂ ᠡ᠊ᠨᠳᠡ ᠪᠢ ᠠᠩᠬᠢ ᠠ᠋ᠷᠬᠢᠯᠡᠭᠰᠡᠨ ᠲᠤᠷᠰᠢᠯᠭᠠᠪᠠᠨ ᠳ᠋ᠦᠩᠨᠡᠵᠦ᠂ ᠠᠩᠭᠢ ᠵᠢᠨ ᠪᠠᠶ᠋ᠢᠩᠭᠤ ᠵᠢᠨ ᠠᠵᠢᠯᠤᠨ ᠲᠠᠯᠠ ᠵᠢᠨ ᠳᠠᠳᠬᠠᠯ ᠪᠣᠯᠤᠨ ᠠᠩᠭᠢ ᠵᠢᠨ ᠪᠠᠭᠰᠢ ᠪᠤᠯᠤᠭᠰᠠᠳᠤᠨ ᠲᠤᠰ ᠪᠡᠶᠡ ᠵᠢᠨ ᠳᠠᠳᠬᠠᠯᠤᠨ ᠬᠦᠮᠦᠵᠢᠯᠢ ᠳᠡᠭᠡᠭᠰᠢᠯᠡᠭᠦᠯᠬᠦ ᠲᠤᠬᠠᠢ ᠭᠡᠳᠦᠨ ᠲᠠᠯᠠ ᠵᠢᠨ ᠠᠰᠠᠭᠤᠳᠠᠯᠢ ᠲᠠ ᠪᠦᠬᠦᠨᠲᠠᠢᠪᠠᠨ ᠰᠠᠨᠠᠯ ᠰᠤᠯᠢᠯᠴᠠᠭ᠍ᠤ ᠵᠢ ᠬᠦᠰᠡᠵᠦ᠂ ᠠᠩᠬᠢ ᠵᠢᠨ ᠠ᠋ᠷᠬᠢᠯᠡᠭᠴᠢ ᠵᠢᠨ ᠠᠵᠢᠯᠢ ᠠ᠋ᠬᠦᠷᠭᠡᠯᠡᠵᠦ ᠪᠠᠶ᠋ᠢᠭᠠ ᠵᠠᠯᠠᠭᠤ ᠪᠠᠭᠰᠢ ᠨᠠᠷᠲᠤ ᠲᠤᠰᠠ ᠪᠤᠯᠬᠤ ᠪᠤᠯᠪᠠᠤ ᠭᠡᠵᠦ ᠠ᠋ᠨᠡ ᠭᠦ᠌ ᠳ᠋ᠦᠩᠨᠡᠯᠳᠡᠪᠠᠨ ᠠ᠋ᠮᠬᠢᠳᠬᠡᠨ ᠲᠡᠪᠰᠢᠬᠦᠯᠵᠦ ᠪᠠᠶ᠋ᠢᠨᠠ᠃
ᠨᠢᠭᠡ᠂ ᠠᠩᠭᠢ ᠵᠢᠨ ᠪᠠᠶ᠋ᠢᠩᠭᠤ ᠠᠵᠢᠯᠤᠨ ᠲᠠᠯᠠᠪᠠᠷᠬᠢ ᠳᠠᠳᠬᠠᠯᠢ ᠪᠦᠷᠢᠯᠳᠦᠭᠦᠯᠬᠦ ᠲᠤᠬᠠᠢ
ᠠᠩᠬᠢ ᠠ᠋ᠷᠬᠢᠯᠡᠭᠴᠢ ᠪᠠᠭᠰᠢᠳᠤ ᠠᠪᠴᠦ ᠬᠡᠯᠡᠪᠡᠯ ᠠᠩᠬᠢ ᠨᠢᠭᠡᠴᠡ ᠵᠢᠨ ᠠᠵᠢᠯ ᠵᠶ᠋ᠠᠨ ᠤᠰᠤᠯᠳᠤᠯ ᠦᠭᠡᠢ ᠰᠢᠯᠤᠭᠤᠬᠠᠨ ᠠᠪᠴᠦ ᠶᠠᠪᠤᠬᠤᠳᠤ ᠶᠡᠷᠦᠨᠢ ᠠ᠋ᠳᠦᠷ ᠲᠤᠳᠤᠮᠤᠨ ᠪᠠᠶ᠋ᠢᠩᠭᠤ ᠵᠢᠨ ᠠᠵᠢᠯ ᠵᠶ᠋ᠠᠨ ᠰᠢᠰᠲ᠋ᠧᠮ ᠳᠠᠷᠠᠭ᠋ᠠᠯᠠᠯᠲᠠᠢ ᠪᠤᠯᠭ᠋ᠠᠬᠤᠨᠢ ᠬᠠᠮᠤᠭ ᠴᠢᠬᠤᠯᠠ ᠪᠠᠶ᠋ᠢᠳᠠᠭ᠃ ᠳᠠᠷᠤᠢ ᠭᠤᠷᠪᠠᠨ ᠵᠢᠯ ᠪᠤᠶᠤ ᠵᠢᠷᠭᠤᠭ᠋ᠠᠨ ᠵᠢᠯᠤᠨ ᠲᠤᠷᠰᠢᠬᠢ ᠠᠩᠬᠢ ᠨᠢᠭᠡᠴᠡ ᠵᠢᠨ ᠪᠠᠶ᠋ᠢᠩᠭᠤ ᠵᠢᠨ ᠠᠵᠢᠯ ᠵᠶ᠋ᠠᠨ ᠳᠠᠳᠬᠠᠯᠵᠢᠭᠤᠯᠬᠤᠨᠢ ᠴᠢᠬᠤᠯᠠ ᠪᠤᠯᠤᠨᠠ᠃ ᠳᠡᠭᠡᠪᠡᠯ ᠠᠩᠬᠢ ᠵᠢᠨ ᠪᠠᠶ᠋ᠢᠩᠭᠤ ᠵᠢᠨ ᠠᠵᠢᠯᠢ ᠬᠡᠷᠬᠢᠨ ᠳᠠᠳᠬᠠᠯᠵᠢᠭᠤᠯᠬᠤ ᠪᠤᠢ？
（ᠨᠢᠭᠡ） ᠠ᠋ᠬᠢᠯᠡᠵᠦ ᠰᠢᠨᠡ ᠠᠩᠭᠢ ᠵᠢ ᠲᠤᠰᠴᠤ ᠠᠪᠬᠤ ᠦᠶᠡᠰ᠂ ᠶᠠᠭᠤᠨᠤ ᠠ᠋ᠮᠦᠨᠡ ᠪᠦᠬᠦ ᠰᠤᠷᠤᠭᠴᠢ ᠵᠢᠨ ᠦᠨᠳᠦᠰᠦᠨ ᠪᠠᠶ᠋ᠢᠳᠠᠯᠢ ᠤᠶ᠋ᠢᠯᠠᠭ᠋ᠠᠬᠤᠠᠴᠠ ᠭᠠᠷᠳᠠᠵᠦ᠂ ᠬᠠᠨᠳᠤᠯᠭᠠᠲᠠᠢᠪᠠᠷ ᠬᠥᠮᠦᠵᠢᠭᠦᠯᠬᠦᠳᠤᠪᠠᠨ ᠰᠠᠭᠤᠷᠢ ᠲᠠᠯᠪᠢᠨᠠ᠃ ᠰᠤᠷᠤᠭᠴᠢ ᠵᠢᠨ ᠦᠨᠳᠦᠰᠦᠨ ᠪᠠᠶ᠋ᠢᠳᠠᠯᠢ ᠤᠶ᠋ᠢᠯᠠᠭ᠋ᠠᠬᠤᠳᠤ᠂ ᠰᠤᠷᠤᠭᠴᠢ ᠵᠢᠨ ᠭᠡᠷ ᠪᠦᠯᠢ ᠵᠢᠨ ᠪᠠᠶ᠋ᠢᠳᠠᠯ᠂ ᠲᠠᠷᠤᠢ ᠣᠷᠤᠨ ᠨᠤᠳᠤᠭ （ᠬᠤᠲᠠ᠂ ᠬᠥᠳᠡᠭᠡ）᠂ ᠠᠪᠤ ᠡᠵᠢ ᠵᠢᠴᠢ ᠳᠡᠳᠡᠨᠤ ᠠᠮᠢᠳᠤᠷᠠᠯᠤᠨ ᠪᠠᠶ᠋ᠢᠳᠠᠯ᠂ ᠠᠪᠤ ᠡᠵᠢ ᠵᠢᠨ ᠬᠢᠨᠢ ᠰᠣᠶᠤᠯᠤᠨ ᠬᠢᠷᠢ ᠬᠡᠮ᠂ ᠠᠬᠠ ᠳᠡᠭᠦᠤ ᠨᠠᠷ ᠵᠢᠴᠢ ᠳᠡᠳᠡᠨᠤ ᠰᠤᠷᠭ᠋ᠠᠭᠤᠯᠢᠳᠤ ᠰᠠᠭᠤᠵᠤ ᠪᠠᠶ᠋ᠢᠬᠤ ᠠ᠋ᠰᠡᠬᠦ᠂ ᠰᠤᠷᠤᠭᠴᠢ ᠵᠢᠨ ᠲᠤᠰ ᠪᠡᠶᠠ ᠵᠢᠨ ᠬᠢᠨᠢ ᠪᠠᠶ᠋ᠢᠳᠠᠯ᠂ ᠳᠠᠷᠤᠢ ᠲᠠᠮᠢᠷ᠂ ᠤᠷᠠᠯᠢᠭ᠂ ᠰᠤᠷᠤᠯᠭᠠ᠂ ᠶᠣᠰᠤ ᠮᠤᠷᠠᠯ᠂ ᠠᠩᠭᠢ ᠵᠢᠨ ᠺᠠᠳ᠋ᠷᠤᠨ ᠠᠵᠢᠯᠢ ᠠ᠋ᠬᠦᠷᠭᠡᠯᠡᠵᠦ ᠪᠠᠶ᠋ᠢᠭᠰᠠᠨ ᠠ᠋ᠰᠡᠬᠦ ᠵᠢᠴᠢ ᠶᠠᠮᠠᠷ ᠱᠠᠩᠨ᠌ᠠᠯ ᠬᠥᠬᠢᠭᠦᠯᠦᠯᠢ ᠬᠦᠷᠳᠡᠵᠤ ᠥᠩᠭᠡᠷᠡᠭᠰᠡᠨ ᠵᠡᠷᠭᠡ ᠪᠠᠶ᠋ᠢᠳᠠᠯᠢ ᠤᠶ᠋ᠢᠯᠠᠭ᠋ᠠᠬᠤ ᠬᠡᠷᠡᠭᠲᠡᠢ᠃ ᠢᠩᠬᠢᠪᠡᠯ ᠬᠤᠶ᠋ᠢᠰᠢᠳᠠ ᠵᠢᠨ ᠠᠵᠢᠯᠳᠤᠪᠠᠨ ᠬᠠᠨᠳᠤᠯᠭᠠᠲᠠᠢ ᠪᠤᠯᠵᠦ᠂ ᠭᠡᠷᠤᠨ ᠠᠬᠠᠮᠠᠳᠲᠠᠢ ᠬᠠᠷᠢᠴᠠᠭ᠍ᠤ᠂ ᠰᠤᠷᠤᠭᠴᠢᠳᠲᠤᠪᠠᠨ ᠲᠤᠰᠬᠠᠢ ᠵᠢᠯᠤᠭᠤᠳᠤᠯᠭᠠ ᠬᠢᠬᠦ᠂ ᠠᠩᠬᠢ ᠵᠢᠨ ᠺᠠᠳ᠋ᠷ ᠲᠤᠬᠢᠷᠠᠭᠤᠯᠬᠤ ᠵᠡᠷᠭᠡ ᠲᠠᠯᠠᠳᠤ ᠳᠤᠳᠤᠷᠠᠪᠠᠨ ᠲᠤᠭ᠋ᠠᠳᠠᠢ ᠪᠤᠯᠵᠦ ᠠᠵᠢᠯ ᠵᠶ᠋ᠠᠨ ᠠ᠋ᠷᠴᠢᠮᠲᠠᠢ᠂ ᠲᠡᠰ ᠳᠠᠷᠠᠭ᠋ᠠᠯᠠᠯᠲᠠᠢ ᠶᠠᠪᠤᠭᠳᠠᠭᠤᠯᠵᠦ ᠴᠢᠳᠠᠨᠠ᠃
（ᠬᠤᠶᠠᠷ） ᠭᠤᠶᠤ ᠰᠠᠶ᠋ᠢᠬᠠᠨ᠂ ᠲᠤᠬᠢᠯᠢᠬ ᠰᠤᠷᠤᠯᠭᠠ ᠠᠮᠢᠳᠤᠷᠠᠯᠤᠨ ᠤᠷᠴᠢᠨᠢ ᠪᠦᠷᠢᠯᠳᠦᠭᠦᠯᠵᠦ ᠥᠭᠬᠦ ᠵᠢ ᠬᠢᠴᠢᠶᠡᠨᠡ᠃ ᠰᠤᠷᠤᠭᠴᠢᠳᠢᠪᠠᠨ ᠬᠢᠴᠢᠶᠡᠯᠤᠨ ᠲᠠᠩᠬᠢᠮᠳᠤ ᠤᠷᠤᠬᠤᠠᠴᠠ ᠠ᠋ᠮᠦᠨᠡ ᠠᠩᠭᠢ ᠵᠢᠨ ᠭᠡᠷ᠂ ᠪᠠᠶ᠋ᠢᠷᠢ ᠵᠢᠨ ᠭᠡᠷ ᠵᠶ᠋ᠠᠨ ᠲᠣᠬᠢᠯᠢᠬ ᠰᠠᠶ᠋ᠢᠬᠠᠨ ᠪᠠᠶ᠋ᠢᠷᠢᠰᠢᠭᠤᠯᠵᠦ ᠴᠡᠪᠡᠷᠯᠡᠭᠰᠡᠨ ᠪᠠᠶ᠋ᠢᠪᠠᠯ ᠵᠣᠬᠢᠨᠠ᠂ ᠢᠩᠬᠢᠬᠦᠨᠢ ᠰᠤᠷᠤᠭᠴᠢᠳᠲᠤ ᠬᠠᠯᠠᠭᠤᠨ ᠲᠤᠯᠠᠭ᠋ᠠᠨ᠂ ᠳᠠᠭ᠋ᠠᠯᠠᠮᠵᠢᠳᠠᠢ ᠰᠡᠳᠬᠢᠭᠳᠡᠯᠲᠠᠢ ᠪᠤᠯᠵᠦ ᠠ᠋ᠨᠡ ᠠᠩᠬᠢᠳᠤ ᠬᠤᠪᠢᠶᠠᠭᠳᠠᠨ᠂ ᠠ᠋ᠨᠡ ᠪᠠᠭᠰᠢᠲᠠᠢ ᠤᠴᠠᠷᠠᠭᠰᠠᠨᠳᠤᠪᠠᠨ ᠠᠵᠠᠲᠠᠢ ᠪᠤᠯᠤᠯᠠ ᠭᠡᠰᠡᠨ ᠲᠥᠷᠦᠭᠳᠡᠯᠢ ᠤᠯᠭᠤᠵᠦ ᠴᠢᠳᠠᠨᠠ᠃ ᠰᠤᠷᠤᠭᠴᠢ ᠨᠡᠷᠡ ᠮᠡᠳᠡᠭᠦᠯᠵᠤ ᠳᠠᠭᠤᠰᠤᠭᠰᠠᠨ ᠲᠠᠷᠤᠢᠳᠤ ᠭᠡᠷᠤᠨ ᠠᠬᠠᠮᠠᠳᠤᠨ ᠬᠤᠷᠠᠯᠢ ᠵᠣᠬᠢᠶᠠᠨ ᠪᠠᠶ᠋ᠢᠭᠤᠯᠵᠤ᠂ ᠰᠤᠷᠭ᠋ᠠᠭᠤᠯᠢ ᠵᠢᠨ ᠲᠤᠶ᠋ᠢᠮᠦ ᠪᠠᠶ᠋ᠢᠳᠠᠯ᠂ ᠥᠪᠡᠷᠤᠨ ᠵᠶ᠋ᠠᠨ ᠲᠤᠬᠠᠢ᠂ ᠠᠩᠭᠢ ᠬᠤᠪᠢᠶᠠᠷᠢᠯᠠᠭᠰᠠᠨ ᠪᠠᠶ᠋ᠢᠳᠠᠯ᠂ ᠬᠢᠴᠢᠶᠡᠯᠯᠡᠭᠴᠢ ᠪᠠᠭᠰᠢ ᠵᠢᠨ ᠶᠡᠷᠦᠩᠭᠡᠢ ᠪᠠᠶ᠋ᠢᠳᠠᠯ ᠵᠢᠴᠢ ᠭᠡᠷᠤᠨ ᠠᠬᠠᠮᠠᠳᠲᠤ ᠲᠠᠯᠪᠢᠬᠤ ᠱᠠᠭ᠋ᠠᠷᠳᠠᠯᠭᠠ ᠵᠡᠷᠭᠡ ᠵᠢ ᠨᠠᠷᠢᠯᠢᠬ ᠲᠤᠰᠢᠶᠠᠨᠠ᠃ ᠢᠩᠬᠢᠵᠦ ᠬᠢᠬᠦᠨᠢ ᠭᠡᠷᠤᠨ ᠠᠬᠠᠮᠠᠳᠲᠤ ᠬᠠᠨᠤᠮᠵᠢᠳᠠᠢ ᠲᠥᠷᠦᠭᠳᠡᠯ ᠣᠯᠭᠤᠬᠤ ᠵᠢᠨ ᠬᠠᠮᠳᠦ ᠲᠡᠳᠡᠨᠠᠷᠤᠨ ᠰᠠᠨᠠᠭᠠ ᠰᠡᠳᠬᠢᠯᠢ ᠲᠠᠶ᠋ᠢᠪᠤᠰᠢᠷᠠᠭᠤᠯᠤᠨ ᠲᠠᠨᠳᠤ ᠢᠳᠡᠭᠡᠨ ᠨᠠᠶ᠋ᠢᠳᠠᠵᠤ᠂ ᠪᠠᠭᠰᠢ ᠪᠣᠯᠤᠨ ᠭᠡᠷᠤᠨ ᠠᠬᠠᠮᠠᠳᠤᠨ ᠬᠤᠭᠤᠷᠤᠨᠳᠤᠬᠢ ᠰᠠᠶ᠋ᠢᠨ ᠰᠠᠶ᠋ᠢᠬᠠᠨ ᠠ᠋ᠶᠡᠯᠰᠡᠭ ᠬᠠᠷᠢᠯᠴᠠᠭᠠᠳᠤ ᠰᠠᠭᠤᠷᠢ ᠲᠠᠯᠪᠢᠬᠤ ᠪᠣᠯᠤᠨᠠ᠃
（ᠭᠤᠷᠪᠠ） ᠰᠢᠨᠡ ᠠᠩᠭᠢᠪᠠᠨ ᠲᠤᠰᠤᠭᠰᠠᠨᠤ ᠳᠠᠷᠠᠭᠠ ᠠᠩᠬᠠ ᠤᠳᠠᠭ᠋ᠠᠨᠤ ᠠᠩᠭᠢ ᠵᠢᠨ ᠬᠤᠷᠠᠯᠢ ᠠ᠋ᠷᠭᠡᠪᠰᠢ ᠰᠠᠶ᠋ᠢᠳᠤᠷ ᠵᠣᠬᠢᠶᠠᠨ ᠪᠠᠶ᠋ᠢᠭᠤᠯᠬᠤ ᠬᠡᠷᠡᠭᠲᠡᠢ᠃ ᠰᠤᠷᠤᠭᠴᠢ ᠪᠦᠬᠦᠨ ᠰᠢᠨᠡ ᠤᠷᠴᠢᠨᠳᠤ ᠢᠷᠡᠭᠰᠡᠨᠤ ᠳᠠᠷᠠᠭᠠ ᠶᠠᠭᠤᠨᠤ ᠠ᠋ᠮᠦᠨᠡ ᠠᠩᠭᠢ ᠵᠢᠨ ᠪᠠᠭᠰᠢ ᠵᠢᠨ ᠵᠶ᠋ᠠᠨ ᠪᠠᠶ᠋ᠢᠳᠠᠯᠢ ᠤᠶ᠋ᠢᠯᠠᠭ᠋ᠠᠵᠦ᠂ ᠳᠠᠷᠠᠭ᠋ᠠᠴᠢᠪᠠᠷᠨᠢ ᠰᠤᠷᠤᠯᠭᠠ ᠠᠮᠢᠳᠤᠷᠠᠯᠤᠨ ᠵᠶ᠋ᠠᠨ ᠲᠤᠬᠠᠢ ᠪᠤᠳᠤᠯᠬᠢᠯᠠᠳᠠᠭ᠃ ᠠᠩᠭᠢ ᠵᠢᠨ ᠠ᠋ᠷᠬᠢᠯᠡᠭᠴᠢ ᠪᠠᠭᠰᠢ ᠪᠡᠯᠡᠳᠭᠡᠯ ᠠᠵᠢᠯ ᠵᠶ᠋ᠠᠨ ᠰᠠᠶ᠋ᠢᠳᠤᠷ ᠬᠢᠵᠦ᠂ ᠰᠤᠷᠤᠭᠴᠢᠳᠲᠤᠪᠠᠨ ᠰᠠᠶ᠋ᠢᠨ ᠰᠠᠶ᠋ᠢᠬᠠᠨ ᠠᠩᠬᠠᠨᠤ ᠰᠠᠭᠤᠭᠳᠠᠯ ᠥᠭᠬᠦᠨᠢ ᠲᠡᠳᠡᠨᠡᠷᠲᠤ ᠨᠢᠭᠡᠨ ᠯᠠᠪᠳᠠᠭᠤᠨ ᠲᠣᠭᠲᠠᠭᠤᠨ ᠰᠤᠷᠤᠯᠴᠠᠭ᠍ᠤ ᠣᠷᠴᠢᠨᠲᠠᠢ ᠪᠣᠯᠵᠦ᠂ ᠴᠢᠷᠮᠠᠶ᠋ᠢᠨ ᠰᠤᠷᠤᠯᠴᠠᠭ᠍ᠤ ᠬᠦᠰᠡᠯ ᠵᠤᠷᠢᠭᠢᠨᠢ ᠬᠦᠪᠴᠢᠯᠡᠵᠦ ᠴᠢᠳᠠᠭ᠍ᠤ ᠶᠤᠮ᠃
（ᠳᠦᠷᠪᠠ） ᠨᠢᠭᠡᠨ ᠰᠢᠯᠢᠳᠡᠭ ᠠᠩᠭᠢ ᠵᠢᠨ ᠠ᠋ᠷᠬᠢᠯᠡᠭᠴᠢ ᠵᠢᠨ ᠤᠷᠠ ᠳᠡᠮᠨᠢ ᠠᠩᠭᠢ ᠵᠢᠨ ᠺᠠᠳ᠋ᠷᠢ ᠰᠤᠩᠭᠤᠨ ᠬᠡᠷᠡᠭᠯᠡᠵᠤ ᠴᠢᠳᠠᠭ᠍ᠤᠳᠤ ᠪᠠᠶ᠋ᠢᠳᠠᠭ᠃ ᠪᠦᠬᠦ ᠠᠩᠭᠢ ᠵᠢᠨ ᠰᠤᠷᠤᠭᠴᠢᠳᠤᠨ ᠢᠲᠡᠭᠡᠯᠢ ᠣᠯᠤᠭᠰᠠᠨ ᠠᠩᠭᠢ ᠵᠢᠨ ᠺᠠᠳ᠋ᠷᠢ ᠬᠥᠮᠦᠵᠢᠭᠦᠯᠬᠦᠨᠢ ᠲᠤᠶ᠋ᠢᠯᠤᠨ ᠴᠢᠬᠤᠯᠠ ᠶᠤᠮ᠃ ᠠ᠋ᠶ᠋ᠢᠮᠦᠠᠴᠠ ᠰᠢᠨᠡ ᠠᠩᠭᠢ ᠵᠢ ᠲᠤᠰᠤᠭᠰᠠᠨᠤ ᠳᠠᠷᠠᠭᠠ᠂ ᠨᠢᠭᠡᠠᠴᠠ ᠬᠤᠶᠠᠷ ᠭᠠᠷᠠᠭᠤᠨ ᠬᠤᠭᠤᠴᠠᠭᠠ ᠵᠢ ᠬᠡᠷᠡᠭᠯᠡᠵᠦ ᠪᠠᠶ᠋ᠢᠭ᠋ᠠᠳ ᠰᠤᠷᠤᠭᠴᠢ ᠵᠢᠨ ᠪᠠᠶ᠋ᠢᠳᠠᠯᠢ ᠨᠡᠯᠢᠶᠡᠳ ᠤᠶ᠋ᠢᠯᠠᠭ᠋ᠠᠭᠰᠠᠨᠤ ᠳᠠᠷᠠᠭᠠ ᠠᠩᠭᠢ ᠵᠢᠨ ᠺᠠᠳ᠋ᠷᠢ ᠰᠤᠩᠭᠤᠨ ᠲᠤᠭᠳᠠᠭ᠋ᠠᠵᠦ᠂ ᠠᠩᠭᠢ ᠵᠢᠨ ᠺᠠᠳ᠋ᠷᠤᠨ ᠪᠣᠯᠪᠠᠰᠤᠷᠠᠯᠢ ᠠ᠋ᠷᠬᠢᠯᠡᠨ᠂ ᠠᠵᠢᠯᠤᠨ ᠬᠤᠪᠢᠶᠠᠷᠢᠯᠠᠯᠢ ᠲᠣᠳᠤᠷᠬᠠᠢ ᠲᠤᠰᠢᠶᠠᠵᠤ᠂ ᠰᠤᠷᠭ᠋ᠠᠭᠤᠯᠢ ᠵᠢᠨ ᠳᠦᠷᠢᠮ ᠲᠤᠭᠳᠠᠭ᠋ᠠᠯ ᠵᠢᠴᠢ ᠠᠩᠭᠢ ᠵᠢᠨ ᠳᠦᠷᠢᠮ ᠵᠶ᠋ᠠᠨ ᠲᠤᠳᠤᠷᠬᠠᠢ ᠲᠤᠰᠢᠶᠠᠵᠤ᠂ ᠲᠥᠪ ᠴᠢᠩᠭᠠ ᠱᠠᠭ᠋ᠠᠷᠳᠠᠯᠭᠠ ᠲᠠᠯᠪᠢᠵᠦ᠂ ᠲᠡᠳᠡᠨᠠᠷᠲᠤ ᠲᠤᠰ ᠠᠩᠭᠢ ᠵᠢᠨ ᠪᠦᠬᠦ᠋ᠢ᠍ᠯᠡ ᠰᠤᠷᠤᠯᠭᠠ ᠠᠮᠢᠳᠤᠷᠠᠯᠤᠨ ᠵᠠᠩᠬᠢᠯᠠᠭᠠᠨᠢ ᠴᠦᠮ ᠲᠡᠳᠡᠨᠠᠷᠤᠨ ᠦᠢ᠍ᠯᠡ ᠠᠵᠢᠯᠯᠠᠭᠠᠠᠴᠠ ᠰᠢᠢ᠍ᠳᠪᠦᠷᠢᠯᠡᠭᠳᠡᠨᠡ ᠭᠡᠰᠡᠨ ᠲᠦᠷᠦᠭᠳᠡᠯᠲᠠᠢ ᠪᠤᠯᠭ᠋ᠠᠵᠦ ᠬᠠᠷᠢᠭᠤᠴᠠᠯᠭ᠋ᠠᠳᠦ ᠰᠡᠳᠬᠢᠯᠭᠡ ᠵᠢᠨᠢ ᠪᠤᠢ ᠪᠤᠯᠭ᠋ᠠᠨᠠ᠃ ᠠᠩᠭᠢ ᠵᠢᠨ ᠺᠠᠳ᠋ᠷᠢ ᠰᠣᠩᠭᠤᠭᠰᠠᠨᠤ ᠳᠠᠷᠠᠭᠠ ᠠᠩᠭᠢ ᠵᠢᠨ ᠺᠠᠳ᠋ᠷ ᠵᠶ᠋ᠠᠨ ᠬᠡᠳᠦ ᠠᠷᠪᠢᠨ ᠰᠣᠯᠢᠬᠤᠠᠴᠠ ᠵᠠᠶ᠋ᠢᠯᠠᠰᠬᠢᠬᠦ ᠬᠡᠷᠡᠭᠲᠡᠢ᠃ ᠠᠩᠭᠢ ᠵᠢᠨ ᠺᠠᠳ᠋ᠷᠤᠨ ᠠ᠋ᠩᠨᠡᠭᠡ ᠵᠢᠨ ᠰᠠᠶ᠋ᠢᠨ ᠮᠠᠭᠤᠨᠢ ᠰᠢᠭᠤᠳ ᠠᠩᠭᠢ ᠵᠢᠨ ᠬᠥᠭᠵᠢᠯ ᠪᠠᠳᠠᠷᠠᠯᠲᠠᠢ ᠬᠤᠯᠪᠤᠭᠳᠠᠭ᠍ᠤᠪᠠᠷ ᠪᠠᠷᠠᠭ᠍ᠤ ᠦᠭᠡᠢ ᠪᠦᠬᠦ ᠠᠩᠭᠢ ᠵᠢᠨ ᠰᠤᠷᠤᠯᠭᠠ ᠵᠢᠨ ᠬᠢᠷᠢ ᠲᠦᠪᠰᠢᠨᠢ ᠰᠢᠭᠤᠳ ᠨᠦᠯᠦᠭᠡᠯᠡᠳᠡᠭ᠃ ᠠ᠋ᠶ᠋ᠢᠮᠦᠠᠴᠠ ᠠᠩᠭᠢ ᠵᠢᠨ ᠺᠠᠳ᠋ᠷᠨᠢ ᠠᠩᠭᠢ ᠵᠢᠨ ᠪᠠᠭᠰᠢ ᠵᠢᠨ ᠭᠤᠣᠯ ᠬᠠᠪᠰᠤᠷᠤᠭᠴᠢ ᠪᠠᠶ᠋ᠢᠵᠦ᠂ ᠣᠨᠴᠠᠭ᠋ᠠᠢ ᠦᠶᠡᠳᠤ ᠠᠩᠭᠢ ᠵᠢᠨ ᠠ᠋ᠷᠬᠢᠯᠡᠭᠴᠢ ᠵᠢᠨ ᠣᠷᠤᠯᠠᠭᠴᠢ ᠵᠢᠨ ᠤᠶ᠋ᠢᠯᠡᠳᠦᠯᠢ ᠦᠵᠡᠭᠦᠯᠵᠦ ᠪᠠᠶ᠋ᠢᠳᠠᠭ᠃ ᠵᠠᠷᠢᠮ ᠦᠶᠡᠰ ᠠᠩᠭᠢ ᠵᠢᠨ ᠪᠠᠭᠰᠢ ᠵᠢᠨ ᠰᠢᠢ᠍ᠳᠪᠦᠷᠢᠯᠡᠵᠦ ᠲᠡᠶ᠋ᠢᠯᠬᠦ ᠦᠭᠡᠢ ᠠᠰᠠᠭᠤᠳᠠᠯᠢ ᠠᠩᠭᠢ ᠵᠢᠨ ᠺᠠᠳ᠋ᠷ ᠲᠤᠩ ᠬᠢᠯᠪᠠᠷᠬᠠᠨ ᠰᠢᠢ᠍ᠳᠪᠦᠷᠢᠯᠡᠴᠢᠬᠡᠳᠡᠭ ᠤᠳᠠᠭᠠ ᠪᠠᠶ᠋ᠢᠳᠠᠭ᠃
（ᠲᠠᠪᠤ） ᠠᠩᠭᠢ ᠵᠢᠨ ᠪᠠᠭᠰᠢ ᠵᠠᠪᠠᠯ ᠬᠡᠯᠡᠭᠰᠡᠨ ᠦᠭᠡᠨᠳᠤᠪᠠᠨ ᠡᠵᠡᠨ ᠰᠠᠭᠤᠵᠦ᠂ ᠬᠡᠯᠡᠭᠰᠡᠨ ᠠᠮᠠᠯᠠᠭᠰᠠᠨ ᠵᠤᠶ᠋ᠢᠯ ᠵᠶ᠋ᠠᠨ ᠪᠡᠶᠡᠯᠡᠭᠦᠯᠦᠭᠰᠡᠨ ᠪᠠᠶ᠋ᠢᠬᠤ ᠬᠡᠷᠡᠭᠲᠡᠢ᠂ ᠬᠢᠵᠦ ᠲᠡᠶ᠋ᠢᠯᠬᠦ ᠦᠭᠡᠢ ᠵᠤᠶ᠋ᠢᠯᠢ ᠰᠤᠷᠤᠭᠴᠢ ᠵᠢᠨ ᠠ᠋ᠮᠦᠨᠡ ᠬᠢᠯᠪᠠᠷ ᠲᠦᠭᠦᠮ ᠠᠮᠠᠯᠠᠵᠦ ᠪᠤᠯᠬᠤ ᠦᠭᠡᠢ᠃ ᠪᠠᠭᠰᠢ ᠬᠡᠷᠪᠡ ᠠ᠋ᠨᠡ ᠲᠡᠷᠡ ᠤᠴᠢᠷ ᠶᠠᠪᠤᠳᠠᠯᠳᠤ ᠰᠢᠯᠲᠠᠭᠯᠠᠨ ᠬᠡᠯᠡᠭᠰᠡᠨᠳᠤᠪᠠᠨ ᠬᠦᠷᠬᠦ ᠦᠭᠡᠢ ᠪᠣᠯ ᠰᠤᠷᠤᠭᠴᠢ ᠵᠢᠨ ᠳᠤᠮᠲᠠ ᠢᠲᠡᠭᠡᠯ ᠬᠦᠨᠳᠦᠪᠠᠨ ᠠᠯᠳᠠᠭ᠍ᠤᠪᠠᠷ ᠪᠠᠷᠠᠭ᠍ᠤ ᠦᠭᠡᠢ ᠪᠦᠬᠦᠶ᠋ᠢᠯᠡ ᠠᠩᠬᠢ ᠨᠢᠭᠡᠴᠡ ᠵᠢᠨ ᠪᠤᠯᠪᠠᠰᠤᠨ ᠵᠠᠩ ᠮᠤᠷᠠᠯ ᠵᠢᠴᠢ ᠰᠤᠷᠤᠯᠭᠠ ᠵᠢᠨ ᠬᠢᠷᠢ ᠪᠦᠳᠦᠮᠵᠢᠳᠤ ᠨᠦᠯᠦᠭᠡ ᠪᠤᠯᠵᠤ ᠮᠠᠳᠠᠨᠠ᠃ ᠠ᠋ᠨᠡᠨᠢ ᠶᠠᠭ 《ᠮᠣᠳᠤ ᠵᠠᠶ᠋ᠢᠯᠠᠭ᠍ᠤᠳᠤ ᠦᠨᠳᠤᠰᠤ ᠵᠢᠨᠢ ᠵᠠᠶ᠋ᠢᠯᠠᠵᠦ᠂ ᠬᠥᠮᠦᠨᠢ ᠬᠦᠮᠦᠵᠢᠬᠦᠯᠬᠦᠳᠤ ᠰᠡᠳᠭᠢᠯᠢᠨᠢ ᠬᠥᠮᠦᠵᠢᠭᠦᠯᠬᠦ ᠬᠡᠷᠡᠭᠲᠠᠢ》 ᠭᠡᠰᠡᠨ ᠦᠭᠡ ᠶᠤᠮ᠃ ᠥᠪᠡᠷᠤᠨ ᠰᠢᠯᠢᠳᠡᠭ ᠰᠠᠶ᠋ᠢᠨ ᠦᠢ᠍ᠯᠡ ᠠᠵᠢᠯᠯᠠᠭᠠᠪᠠᠷ ᠵᠶ᠋ᠠᠨ ᠰᠤᠷᠤᠭᠴᠢᠳᠢ ᠨᠥᠯᠦᠭᠡᠯᠡᠨ᠂ ᠢᠲᠡᠭᠡᠯᠢᠨᠢ ᠣᠯᠴᠢᠬᠠᠬᠤ ᠶᠤᠮ ᠪᠣᠯ ᠬᠤᠶ᠋ᠢᠰᠢᠳᠡ ᠵᠢᠨ ᠠᠵᠢᠯᠳᠤ ᠶᠠᠮᠠᠷ ᠴᠤ᠌ ᠰᠠᠭ᠋ᠠᠳ ᠪᠡᠷᠬᠡ ᠲᠤᠬᠢᠶᠠᠯᠳᠤᠭᠰᠠᠨ ᠴᠤ᠌ ᠰᠡᠳᠬᠢᠯ ᠨᠢᠭᠡᠲᠡᠢ ᠳᠠᠪᠠᠨ ᠲᠤᠭᠤᠯᠵᠤ ᠴᠢᠳᠠᠨᠠ᠃ ᠮᠢᠨᠦ ᠨᠢᠭᠡ ᠤᠳᠠᠭ᠋ᠠᠨᠤ ᠠ᠋ᠷᠬᠢᠯᠡᠭᠰᠡᠨ ᠠᠩᠬᠢᠳᠤ ᠬᠤᠪᠢᠶᠠᠭᠳᠠᠭᠰᠠᠨ ᠰᠤᠷᠤᠭᠴᠢᠳᠤᠨ ᠰᠤᠷᠤᠯᠭᠠ ᠵᠢᠨ ᠶᠡᠷᠦᠩᠭᠡᠢ ᠬᠢᠷᠢ ᠲᠦᠪᠰᠢᠨᠨᠢ ᠲᠡᠶ᠋ᠢᠮᠦ ᠰᠠᠶ᠋ᠢᠨ ᠪᠢᠰᠢ ᠪᠠᠢ᠍ᠢ᠍ᠭᠰᠠᠨ ᠪᠤᠯᠬᠤᠷ ᠠ᠋ᠬᠦᠨᠤ ᠲᠦᠯᠦᠭᠡ ᠪᠢ ᠶᠡᠭᠡᠳᠡ ᠰᠡᠳᠬᠢᠯ ᠵᠦᠳᠡᠭᠡᠭᠰᠡᠨ ᠶᠤᠮ᠃ ᠳᠡᠭᠡᠭᠡᠳ ᠪᠤᠳᠤᠵᠦ ᠪᠤᠳᠤᠵᠦ ᠠ᠋ᠶ᠋ᠢᠮᠦ ᠨᠢᠭᠡᠨ ᠠᠷᠭᠠ ᠵᠢ ᠲᠤᠷᠰᠢᠬᠤᠪᠠᠷ ᠰᠢᠭᠤᠳᠴᠦ᠂ ᠬᠤᠭᠤᠴᠠᠭ᠋ᠠᠨ ᠲᠤᠮᠳᠠᠬᠢ ᠰᠢᠯᠭ᠋ᠠᠯᠲᠠ ᠵᠢᠨ ᠳᠠᠶ᠋ᠢᠴᠢᠯᠠᠯᠲᠠ ᠵᠢᠨ ᠬᠤᠷᠠᠯ ᠳᠡᠭᠡᠷᠡᠪᠠᠨ᠄ 《ᠠ᠋ᠨᠡ ᠤᠳᠠᠭ᠋ᠠᠨᠤ ᠬᠤᠭᠤᠴᠠᠭ᠋ᠠᠨ ᠲᠤᠮᠲᠠᠬᠢ ᠰᠢᠯᠭ᠋ᠠᠯᠲᠠᠳᠤ ᠠᠩᠭᠢ ᠵᠢᠨ ᠲᠡᠭᠰᠢᠳᠭᠡᠯ ᠬᠤᠪᠢ ᠬᠡᠷᠪᠡ ᠳᠡᠭᠡᠷᠡ ᠬᠤᠭᠤᠴᠠᠭ᠋ᠠᠨ ᠡᠴᠦᠰᠤᠨ ᠰᠢᠯᠭ᠋ᠠᠯᠲᠠ ᠵᠢᠨ ᠲᠡᠭᠰᠢᠳᠭᠡᠯ ᠬᠤᠪᠢᠠᠴᠠ 3 ᠬᠤᠪᠢᠠᠴᠠ ᠢᠯᠡᠭᠦᠤ ᠲᠡᠭᠰᠢᠳᠬᠡᠪᠡᠯ ᠠᠩᠭᠢᠪᠠᠷ ᠵᠶ᠋ᠠᠨ ᠠᠭᠤᠯᠠᠨᠳᠤ ᠵᠤᠭ᠋ᠠᠴᠠᠭ᠍ᠤᠪᠠᠷ ᠶᠠᠪᠤᠨᠠ》 ᠭᠡᠵᠦ ᠰᠦᠷ ᠰᠤᠷᠳᠤᠭᠤᠲᠠᠢ ᠲᠤᠩᠬᠠᠭᠯᠠᠪᠠ᠃ ᠬᠤᠭᠤᠴᠠᠭ᠋ᠠᠨ ᠳᠤᠮᠳᠠᠬᠢ ᠰᠢᠯᠭ᠋ᠠᠯᠳᠠ ᠵᠢᠨ ᠳ᠋ᠦᠩᠳᠤ ᠳᠡᠭᠡᠷᠡ ᠬᠤᠭᠤᠴᠠᠭ᠋ᠠᠨ ᠡᠴᠦᠰᠤᠨ ᠳᠡᠭᠰᠢᠳᠭᠡᠯ ᠬᠤᠪᠢᠠᠴᠠ 3.3 ᠬᠤᠪᠢ ᠢᠯᠡᠬᠦᠤᠪᠠᠷ ᠲᠡᠭᠰᠢᠳᠭᠡᠭᠰᠡᠨ ᠪᠠᠶ᠋ᠢᠯᠠ᠃ ᠠ᠋ᠨᠡ ᠭᠦ᠌ ᠳ᠋ᠦᠩᠢ ᠦᠵᠡᠭᠡᠳ ᠪᠢ ᠨᠢᠭᠡ ᠪᠠᠶᠠᠷᠯᠠᠵᠦ ᠨᠢᠭᠡ ᠵᠤᠪᠠᠵᠦ ᠰᠠᠭᠤᠯᠠ᠃ ᠪᠠᠶᠠᠷᠯᠠᠭᠰᠠᠨ ᠤᠴᠢᠷ ᠭᠡᠪᠡᠯ ᠮᠢᠨᠦ ᠬᠦᠭᠡᠷᠦᠬᠦᠨ ᠰᠤᠷᠤᠭᠴᠢᠳᠲᠤ ᠮᠢᠨᠢ ᠳᠠᠯᠳᠠ ᠨᠢᠭᠤᠴᠠ ᠬᠦᠴᠦᠨ ᠪᠤᠢ᠂ ᠮᠢᠨᠦ ᠠᠪᠤᠭᠰᠠᠨ ᠠᠷᠭᠠ ᠤᠶ᠋ᠢᠯᠡᠳᠦᠯ ᠦᠵᠡᠬᠦᠯᠵᠠᠢ᠃ ᠵᠤᠪᠠᠵᠦ ᠪᠠᠶ᠋ᠢᠭᠠ ᠤᠴᠢᠷᠨᠢ ᠨᠠᠮᠠᠢ᠍ᠢ ᠰᠤᠷᠤᠭᠴᠢᠳᠲᠤᠪᠠᠨ ᠠᠮᠠᠯᠠᠭᠰᠠᠨᠤ ᠳᠠᠷᠠᠭ᠋ᠠᠬᠠᠨ ᠳᠡᠭᠡᠷᠡ ᠱᠠᠳᠤᠨᠠᠴᠠ ᠵᠠᠷᠯᠢᠭ ᠢᠷᠡᠵᠦ᠂ ᠰᠤᠷᠭ᠋ᠠᠭᠤᠯᠢᠨᠤᠭᠤᠳ ᠰᠤᠷᠤᠭᠴᠢᠳᠢ ᠵᠤᠬᠢᠶᠠᠨ ᠪᠠᠶ᠋ᠢᠭᠤᠯᠵᠦ ᠲᠤᠭᠤᠷᠢᠨ ᠵᠤᠭ᠋ᠠᠴᠠᠭ᠍ᠤ ᠬᠦᠳᠡᠯᠭᠡᠭᠡᠨ ᠬᠢᠵᠦ ᠪᠤᠯᠬᠤ ᠦᠭᠡᠢ ᠭᠡᠰᠡᠨ ᠪᠠᠶ᠋ᠢᠯᠠ᠃ ᠤᠳᠤ ᠰᠤᠷᠤᠭᠴᠢᠳᠲᠤᠪᠠᠨ ᠬᠡᠷᠬᠢᠨ ᠬᠠᠷᠢᠭᠤᠯᠳᠠᠭ ᠪᠢᠯᠡ ᠭᠡᠵᠦ ᠠᠷᠭᠠ ᠪᠠᠷᠠᠭᠳᠠᠨ ᠰᠠᠨᠳᠤᠷᠴᠦ ᠪᠠᠶ᠋ᠢᠳᠠᠯᠠ᠂ ᠰᠤᠷᠤᠭᠴᠢᠳ ᠮᠢᠨᠢ ᠨᠠᠳᠠᠠᠴᠠ᠄ 《ᠪᠠᠭᠰᠢ ᠡ！ ᠮᠠᠨᠤ ᠠᠩᠭᠢ ᠬᠡᠵᠢᠶᠡ ᠵᠤᠭ᠋ᠠᠴᠠᠭ᠍ᠤᠪᠠᠷ ᠶᠠᠪᠤᠬᠤ ᠪᠤᠢ？》 ᠭᠡᠵᠦ ᠶᠡᠭᠡᠯᠡ ᠪᠠᠶᠠᠷᠲᠠᠢ ᠠᠰᠠᠭᠤᠯᠠ᠂ ᠪᠢ ᠲᠡᠷᠡ ᠳᠠᠷᠤᠢᠳᠤᠨᠢ ᠬᠡᠷᠬᠢᠨ ᠬᠠᠷᠢᠭᠤᠯᠬᠤᠪᠠᠨ ᠤᠯᠵᠦ ᠴᠢᠳᠠᠭᠰᠠᠨ ᠦᠭᠡᠢ᠃ ᠬᠤᠶᠠᠷ ᠠ᠋ᠳᠦᠷ ᠦᠩᠭᠡᠷᠡᠭᠰᠡᠨᠤ ᠳᠠᠷᠠᠭᠠ ᠬᠢᠴᠢᠶᠡᠯ ᠳᠡᠭᠡᠷᠡ 《ᠰᠤᠷᠭ᠋ᠠᠭᠤᠯᠢᠠᠴᠠ ᠪᠢᠳᠠᠨᠤ ᠵᠤᠭ᠋ᠠᠴᠠᠭ᠍ᠤ ᠶᠠᠪᠤᠳᠠᠯᠢ ᠵᠥᠪᠰᠢᠶᠡᠷᠡᠭᠦ ᠦᠭᠡᠢ ᠪᠠᠶ᠋ᠢᠨᠠ᠂ ᠳᠠᠷᠠᠭᠠᠪᠠᠷ ᠪᠣᠯᠤᠶᠠ》 ᠭᠡᠵᠦ ᠳᠦᠬᠦᠮᠭᠡᠨ ᠨᠢᠭᠡ ᠬᠠᠷᠢᠭᠤ ᠦᠭᠴᠦ ᠠ᠋ᠨᠡ ᠶᠠᠪᠤᠳᠠᠯᠢ ᠳᠠᠭᠤᠰᠬᠠᠵᠠᠢ᠃ ᠠ᠋ᠬᠦᠨᠠᠴᠠ ᠪᠤᠯᠵᠦ ᠰᠤᠷᠤᠭᠴᠢ ᠵᠢᠨ ᠳᠤᠮᠳᠠ ᠲᠤᠩ ᠦᠢ᠍ᠮᠡᠭᠡᠨ ᠳᠡᠭᠳᠡᠵᠦ᠂ ᠪᠠᠭᠰᠢ ᠬᠡᠯᠡᠭᠰᠡᠨᠳᠤᠪᠠᠨ ᠬᠦᠷᠦᠭᠰᠡᠨ ᠦᠭᠡᠢ ᠭᠡᠰᠡᠨ ᠶᠠᠷᠢᠶᠠ ᠳᠠᠯᠳᠠᠪᠠᠷ ᠲᠠᠮᠵᠢᠭᠳᠠᠵᠦ᠂ ᠪᠢ ᠴᠦ᠍ ᠰᠤᠷᠤᠭᠴᠢᠳᠤᠨ ᠵᠶ᠋ᠠᠨ ᠢᠲᠡᠭᠡᠯᠢ ᠨᠠᠯᠢᠶᠡᠳ ᠠᠯᠳᠠᠪᠠ᠃ ᠠ᠋ᠭᠦᠨᠤ ᠦᠷᠡ ᠳ᠋ᠦᠩᠳᠤ ᠲᠤᠰ ᠬᠤᠭᠤᠴᠠᠭ᠋ᠠᠨᠤ ᠬᠤᠭᠤᠴᠠᠭ᠋ᠠᠨ ᠡᠴᠦᠰᠤᠨ ᠰᠢᠯᠭ᠋ᠠᠯᠲᠠ ᠵᠢᠨ ᠳᠡᠭᠰᠢᠳᠭᠡᠯ ᠬᠤᠪᠢ ᠳᠡᠭᠡᠷᠡ ᠬᠤᠭᠤᠴᠠᠭ᠋ᠠᠨ ᠡᠴᠦᠰᠤᠨ ᠰᠢᠯᠭ᠋ᠠᠯᠲᠠᠪᠠᠨ ᠴᠦ᠍ ᠬᠦᠷᠦᠭᠰᠡᠨ ᠦᠭᠡᠢ ᠪᠠᠶ᠋ᠢᠯᠠ᠃ ᠢᠩᠬᠢᠵᠦ ᠨᠢᠭᠡ ᠤᠳᠠᠭᠠ ᠠᠯᠳᠠᠭᠠ ᠭᠠᠷᠭ᠋ᠠᠵᠦ᠂ ᠠ᠋ᠬᠦᠨᠤᠪᠠᠨ ᠬᠤᠤᠷᠨᠢ ᠢᠩᠬᠢᠵᠦ ᠬᠦᠭᠡᠷᠦᠭᠦᠨ ᠬᠡᠤᠭᠡᠳᠤᠳᠤᠨ ᠮᠢᠨᠢ ᠰᠤᠷᠤᠯᠭᠠ ᠠᠮᠢᠳᠤᠷᠠᠯᠳᠤ ᠬᠦᠷᠦᠭᠰᠡᠨ ᠶᠤᠮᠰᠠᠨ᠃
（ᠵᠢᠷᠭᠤᠭᠠ） 《ᠪᠦᠯᠬᠦᠮᠳᠡᠯ ᠪᠣᠯ ᠠᠯᠢᠪᠠ ᠠᠵᠢᠯᠤᠨ ᠠᠮᠢᠨ ᠰᠤᠳᠠᠰᠤ ᠮᠥᠨ》᠃ ᠠᠩᠭᠢ ᠵᠢᠨ ᠪᠠᠭᠰᠢ ᠪᠤᠯᠤᠬᠰᠡᠳ ᠠᠩᠭᠢ ᠵᠢᠨ ᠨᠢᠭᠲᠠᠷᠠᠯ ᠪᠦᠯᠬᠦᠮᠳᠡᠯᠢ ᠰᠠᠨᠠᠭ᠋ᠠᠴᠢᠯᠠᠭᠠᠲᠠᠢᠪᠠᠷ ᠬᠥᠮᠦᠵᠢᠭᠦᠯᠬᠦ ᠴᠢᠬᠤᠯᠠᠲᠠᠢ ᠮᠥᠷᠲᠡᠭᠡᠨ ᠬᠥᠮᠦᠵᠢᠭᠦᠯᠬᠦ ᠴᠠᠭ ᠲᠣᠬᠢᠶᠠᠯᠢ ᠴᠦ᠍ ᠠᠯᠳᠠᠵᠦ ᠪᠣᠯᠬᠤ ᠦᠭᠡᠢ᠃ ᠵᠢᠱ᠌ᠢᠶᠡᠯᠡᠪᠡᠯ᠂ ᠰᠤᠷᠭ᠋ᠠᠭᠤᠯᠢ ᠵᠢᠨ ᠲᠠᠮᠢᠷᠤᠨ ᠤᠷᠤᠯᠳᠤᠭ᠋ᠠᠨ ᠪᠣᠯ ᠠᠩᠭᠢ ᠵᠢᠨ ᠪᠦᠯᠬᠦᠮᠳᠡᠯᠢ ᠵᠤᠵᠠᠭ᠋ᠠᠳᠬᠠᠬᠤ ᠨᠢᠭᠡ ᠰᠠᠶ᠋ᠢᠬᠠᠨ ᠵᠠᠪᠰᠢᠶᠠᠨ ᠮᠥᠨ᠃ ᠶᠠᠭᠤᠨᠤ ᠠ᠋ᠮᠦᠨᠡ᠂ ᠰᠢᠨᠡ ᠠᠩᠭᠢ ᠨᠢᠭᠡᠴᠡ ᠪᠦᠷᠢᠯᠳᠦᠭᠰᠡᠨᠤ ᠳᠠᠷᠠᠭ᠋ᠠᠬᠢ ᠠᠩᠬᠠᠳᠤᠭ᠋ᠠᠷ ᠤᠳᠠᠭ᠋ᠠᠨᠤ ᠲᠠᠮᠢᠷᠤᠨ ᠤᠷᠤᠯᠳᠤᠭ᠋ᠠᠨᠤ ᠪᠡᠯᠡᠳᠭᠡᠯ ᠠᠵᠢᠯᠢ ᠬᠢᠵᠦ᠂ ᠬᠦᠮᠦᠨ ᠪᠣᠯᠭ᠋ᠠᠨᠳᠤ ᠠᠵᠢᠯ ᠠ᠋ᠬᠦᠷᠭᠡ ᠳᠠᠭ᠋ᠠᠭ᠋ᠠᠯᠭ᠋ᠠᠵᠦ᠂ ᠬᠥᠮᠦᠨ ᠪᠦᠬᠦᠨ ᠬᠦᠴᠦᠨ ᠴᠢᠳᠠᠯ ᠵᠶ᠋ᠠᠨ ᠦᠵᠡᠭᠦᠯᠬᠦ ᠵᠢ ᠤᠷᠢᠶᠠᠯᠠᠨ᠂ ᠪᠦᠬᠦᠨᠤ ᠬᠦᠴᠦ ᠬᠥᠳᠡᠯᠮᠦᠷᠢ ᠵᠠᠷᠤᠴᠠᠭᠤᠯᠤᠭᠰᠠᠨ ᠦᠷᠡ ᠪᠦᠳᠦᠬᠡᠯᠢ ᠤᠯᠬᠤᠪᠠᠷ ᠴᠢᠷᠮᠠᠢ᠍ᠢ᠍ᠨᠠ᠃ ᠲᠠᠮᠢᠷᠤᠨ ᠤᠷᠤᠯᠳᠤᠭ᠋ᠠᠨᠤ ᠦᠷᠡ ᠪᠦᠳᠦᠮᠵᠢᠪᠠᠷ 《ᠬᠠᠮᠳᠤ ᠵᠢᠨ ᠬᠦᠴᠦᠨ ᠪᠣᠯ ᠴᠠᠭᠯᠠᠰᠢ ᠦᠭᠡᠢ》 ᠬᠡᠳᠡᠭ ᠶᠣᠰᠤ ᠤᠴᠢᠷᠢ ᠭᠦᠨᠵᠡᠭᠡᠢ ᠤᠬᠠᠭ᠋ᠠᠷᠠᠭᠤᠯᠵᠦ᠂ ᠬᠤᠶ᠋ᠢᠰᠢᠳᠡ ᠵᠢᠨ ᠠᠩᠭᠢ ᠨᠢᠭᠡᠴᠡ ᠵᠢᠨ ᠶᠠᠮᠠᠷᠪᠠ ᠠᠵᠢᠯᠳᠤ ᠠᠯᠢ ᠨᠢᠭᠡᠨ ᠬᠤᠪᠢ ᠬᠦᠮᠦᠨᠤ ᠬᠦᠴᠦ ᠬᠦᠳᠡᠯᠮᠦᠷᠢ ᠴᠦ᠍ ᠭᠡᠰᠡᠨ ᠳᠤᠲᠠᠭᠳᠠᠵᠤ ᠪᠤᠯᠤᠰᠢ ᠦᠭᠡᠢ ᠭᠡᠳᠡᠭ ᠭᠦᠨᠵᠡᠭᠡᠢ ᠲᠠᠨᠢᠯᠳᠠᠲᠠᠢ ᠪᠤᠯᠭ᠋ᠠᠨᠠ᠃ ᠠ᠋ᠨᠡ ᠪᠤᠯ ᠳᠠᠷᠤᠢ 《ᠭᠡᠤᠭᠡᠳᠲᠤ ᠠ᠋ᠬᠦᠷᠭᠡ ᠬᠠᠷᠢᠭᠤᠴᠠᠯᠭᠠ ᠬᠦᠯᠢᠶᠡᠯᠭᠡᠬᠦᠨᠢ ᠳᠡᠳᠡᠨᠢ ᠦᠰᠭᠡᠬᠦ ᠨᠢᠭᠡᠨ ᠰᠠᠶ᠋ᠢᠨ ᠠᠷᠭᠠ ᠪᠠᠷᠢᠯ ᠶᠤᠮ》 ᠭᠡᠰᠡᠨ ᠮᠤᠩᠭᠤᠯᠤᠨ ᠰᠠᠶ᠋ᠢᠬᠠᠨ ᠵᠤᠶ᠋ᠢᠷ ᠦᠭᠡ ᠵᠢᠨ ᠪᠤᠳᠠᠳᠠᠶ᠋ᠢᠵᠢᠭᠤᠯᠤᠯᠳᠠ ᠪᠤᠯᠬᠤ ᠶᠤᠮ᠃
（ᠳᠤᠯᠤᠭᠠ） ᠬᠦᠮᠦᠰᠤᠨ ᠬᠤᠭᠤᠷᠤᠨᠳᠤᠬᠢ ᠬᠠᠷᠢᠴᠠᠭᠠ ᠵᠢ ᠵᠥᠪ ᠵᠶ᠋ᠠᠷ ᠰᠢᠢ᠍ᠳᠪᠦᠷᠢᠯᠡᠵᠦ ᠵᠤᠬᠢᠴᠠᠭᠤᠯᠬᠤᠨᠢ ᠠᠩᠭᠢ ᠵᠢᠨ ᠪᠠᠭᠰᠢ ᠵᠢᠨ ᠤᠷᠠ ᠮᠡᠷᠭᠡᠰᠢᠯ ᠮᠥᠨ᠃ ᠬᠢᠴᠢᠶᠡᠯ ᠲᠦᠷᠦᠯᠤᠨ ᠪᠠᠭᠰᠢ ᠨᠠᠷ᠂ ᠪᠠᠭᠰᠢ ᠪᠤᠯᠤᠨ ᠭᠡᠷᠤᠨ ᠠᠬᠠᠮᠠᠳ᠂ ᠬᠢᠴᠢᠶᠡᠯᠯᠡᠭᠴᠢ ᠪᠠᠭᠰᠢ ᠪᠣᠯᠤᠨ ᠰᠤᠷᠤᠭᠴᠢ ᠵᠢᠨ ᠬᠤᠭᠤᠷᠤᠨᠳᠤ ᠵᠥᠷᠢᠴᠡᠯ ᠵᠥᠩᠳᠡᠭᠡᠨ ᠲᠣᠬᠢᠶᠠᠯᠳᠤᠳᠠᠭ᠃ ᠲᠡᠭᠦᠨᠢ ᠠᠩᠭᠢ ᠵᠢᠨ ᠠ᠋ᠷᠬᠢᠯᠡᠭᠴᠢ ᠪᠠᠭᠰᠢ ᠵᠠᠪᠠᠯ ᠡᠯᠡ ᠵᠤᠶ᠋ᠢᠯᠤᠨ ᠣᠶᠤᠨᠯᠢᠭ ᠠᠷᠭᠠᠪᠠᠷ ᠲᠣᠬᠢᠷᠠᠮᠵᠢᠲᠠᠢ ᠰᠠᠶ᠋ᠢᠬᠠᠨ ᠵᠤᠬᠢᠴᠠᠭᠤᠯᠤᠨ ᠰᠢᠢ᠍ᠳᠪᠦᠷᠢᠯᠡᠬᠦ ᠬᠡᠷᠡᠭᠲᠠᠢ᠃ ᠦᠨᠡᠨᠢ ᠬᠡᠯᠡᠪᠡᠯ ᠬᠢᠴᠢᠶᠡᠯᠯᠡᠭᠴᠢ ᠪᠠᠭᠰᠢ ᠪᠠ ᠰᠤᠷᠤᠭᠴᠢ ᠵᠢᠨ ᠬᠠᠷᠢᠴᠠᠭᠠᠨᠢ ᠵᠢᠭ᠋ᠠᠨ ᠰᠤᠷᠭ᠋ᠠᠯᠲᠠ ᠵᠢᠨ ᠴᠢᠬᠤᠯᠠ ᠭᠤᠭᠴᠤᠭᠠ ᠪᠤᠯᠬᠤ ᠶᠤᠮ᠃ ᠳᠡᠳᠡᠨᠠᠷᠤᠨ ᠵᠦᠷᠢᠴᠡᠯ ᠮᠦᠷᠭᠦᠯᠳᠦᠭᠡᠨᠢ ᠵᠤᠬᠢᠰᠳᠠᠢ ᠰᠢᠢ᠍ᠳᠪᠦᠷᠢᠯᠡᠵᠦ ᠳᠡᠳᠡᠨᠠᠷᠤᠨ ᠬᠠᠷᠢᠴᠠᠭᠠ ᠵᠢ ᠤᠬᠢ ᠰᠠᠶ᠋ᠢᠨ ᠪᠠᠶ᠋ᠢᠯᠭ᠋ᠠᠬᠤᠨᠢ 《ᠬᠠᠳᠠᠮ ᠡᠵᠢ ᠪᠣᠯᠤᠨ ᠪᠡᠷᠢ ᠵᠢᠨ ᠬᠤᠭᠤᠷᠤᠨᠳᠤᠬᠢ ᠵᠦᠷᠢᠴᠡᠯ》ᠢ ᠰᠢᠢ᠍ᠳᠪᠦᠷᠢᠯᠡᠬᠦᠠᠴᠠ ᠴᠦ᠍ ᠬᠦᠴᠢᠷ ᠪᠠᠶ᠋ᠢᠳᠠᠭ᠃ ᠰᠢᠨᠡᠪᠠᠷ ᠠᠵᠢᠯᠤᠨ ᠭᠠᠷᠤᠭᠠᠪᠠᠨ ᠠᠪᠴᠦ ᠪᠠᠶ᠋ᠢᠭᠠ᠂ ᠠᠵᠢᠯᠳᠤ ᠤᠷᠤᠭ᠋ᠠᠳ ᠤᠳᠠᠭᠠ ᠦᠭᠡᠢ ᠵᠠᠯᠠᠭᠤ ᠪᠠᠭᠰᠢ ᠨᠠᠷᠲᠤ ᠠᠪᠴᠦ ᠬᠡᠯᠡᠪᠡᠯ ᠠ᠋ᠨᠡ ᠲᠠᠯᠠ ᠵᠢᠨ ᠠᠵᠢᠯᠨᠢ ᠲᠤᠶ᠋ᠢᠯᠤᠨ ᠬᠦᠴᠢᠷ ᠲᠦᠪᠡᠭᠲᠠᠢ 《ᠲᠤᠯᠤᠭ᠋ᠠᠢ ᠡᠪᠡᠳᠬᠡᠬᠦ》 ᠰᠤᠳᠤᠯᠭ᠋ᠠᠨᠤ ᠰᠡᠳᠦᠪ ᠪᠤᠯᠬᠤ ᠶᠤᠮ᠃
（ᠨᠠᠢ᠍ᠮᠠ） ᠠᠩᠭᠢ ᠨᠢᠭᠡᠴᠡ ᠵᠢᠨ ᠰᠤᠶᠤᠯᠤᠨ ᠤᠷᠴᠢᠨᠤ ᠪᠦᠳᠦᠭᠡᠨ ᠪᠠᠶ᠋ᠢᠭᠤᠯᠤᠯᠳᠠ ᠵᠢ ᠲᠤᠶ᠋ᠢᠯᠤᠨ ᠴᠢᠬᠤᠯᠠ ᠠᠵᠢᠯ ᠪᠤᠯᠭ᠋ᠠᠨ ᠠᠳᠬᠤᠬᠤ ᠬᠡᠷᠡᠭᠲᠡᠢ᠃ ᠠᠩᠭᠢ ᠵᠢᠨ ᠰᠤᠷᠤᠯᠴᠠᠭ᠍ᠤ ᠠᠭᠤᠷ ᠠᠮᠢᠰᠬᠤᠯᠢ ᠬᠥᠭᠵᠢᠶᠡᠨᠲᠠᠢ ᠪᠣᠯᠭ᠋ᠠᠬᠤᠨᠢ ᠰᠤᠷᠭ᠋ᠠᠨ ᠬᠦᠮᠦᠵᠢᠯ ᠵᠢᠭ᠋ᠠᠨ ᠰᠤᠷᠭ᠋ᠠᠯᠳᠠ ᠵᠢᠨ ᠵᠠᠩᠬᠢᠯᠠᠭᠠ ᠪᠣᠯᠤᠨᠠ᠃ ᠠᠩᠭᠢ ᠨᠢᠭᠡᠴᠡ ᠵᠢᠨ ᠳᠤᠳᠤᠭ᠋ᠠᠳᠦᠳᠤᠪᠠᠨ ᠵᠣᠬᠢᠰᠲᠠᠢ ᠬᠥᠳᠡᠯᠭᠡᠭᠡᠨᠢ ᠵᠣᠬᠢᠶᠠᠨ ᠪᠠᠶ᠋ᠢᠭᠤᠯᠵᠤ ᠰᠤᠷᠤᠭᠴᠢ ᠵᠢᠨ ᠰᠤᠷᠤᠯᠴᠠᠭ᠍ᠤ ᠤᠷᠮᠠ ᠵᠣᠷᠢᠭᠢ ᠬᠥᠪᠴᠢᠯᠡᠨ᠂ ᠮᠡᠳᠡᠯᠭᠡ᠂ ᠮᠡᠷᠭᠡᠵᠢᠯ᠂ ᠰᠢᠨᠵᠢᠯᠡᠬᠦ ᠤᠠᠭᠭ᠋ᠠᠨᠤ ᠰᠤᠨᠢᠨ ᠭᠠᠶ᠋ᠢᠬᠠᠮᠰᠢᠭᠢ ᠲᠠᠨᠢᠭᠤᠯᠤᠨᠠ᠃ ᠵᠢᠱ᠌ᠢᠶᠡᠯᠡᠪᠡᠯ᠄ ᠠᠩᠭᠢᠳᠤᠪᠠᠨ ᠭᠠᠷᠠᠭᠤᠨ ᠪᠢᠴᠢᠮᠡᠯ ᠰᠣᠨᠢᠨᠢ ᠵᠣᠬᠢᠶᠠᠨ ᠪᠠᠶ᠋ᠢᠭᠤᠯᠬᠤ᠂ ᠬᠠᠨᠠ ᠵᠢᠨ ᠰᠣᠨᠢᠨᠢ ᠵᠣᠬᠢᠶᠠᠨ ᠪᠠᠶ᠋ᠢᠭᠤᠯᠬᠤ᠂ ᠲᠤᠰᠬᠠᠢ ᠰᠡᠳᠦᠪᠳᠤ ᠠᠩᠭᠢ ᠵᠢᠨ ᠬᠤᠷᠠᠯᠢ ᠵᠣᠬᠢᠶᠠᠨ ᠪᠠᠶ᠋ᠢᠭᠤᠯᠬᠤ᠂ ᠣᠷᠤᠨ ᠨᠤᠳᠤᠭᠤᠨ ᠨᠡᠷᠡᠳᠤ ᠬᠥᠮᠦᠰᠢ ᠤᠷᠢᠵᠤ ᠢᠯᠡᠳᠭᠡᠯ ᠬᠢᠯᠭᠡᠬᠦ᠂ ᠨᠣᠮ ᠤᠩᠰᠢᠬᠤ ᠬᠥᠳᠡᠯᠭᠡᠭᠡᠨ᠂ ᠯᠧᠢ ᠹᠧᠩᠠᠴᠠ ᠰᠤᠷᠤᠯᠴᠠᠭ᠍ᠤ ᠬᠥᠳᠡᠯᠭᠡᠭᠡᠨ᠂ ᠮᠣᠳᠤ ᠲᠠᠷᠢᠬᠤ ᠬᠥᠳᠡᠯᠭᠡᠭᠡᠨ ᠭᠡᠬᠦ ᠮᠡᠳᠤ ᠵᠢᠨ ᠤᠯᠠᠨ ᠶᠠᠩᠵᠤ ᠵᠢᠨ ᠲᠤᠷᠠ ᠰᠤᠨᠢᠷᠬᠠᠯᠳᠤ ᠬᠥᠳᠡᠯᠭᠡᠭᠡᠨᠢ ᠵᠣᠬᠢᠶᠠᠨ ᠪᠠᠶ᠋ᠢᠭᠤᠯᠵᠤ᠂ ᠰᠤᠷᠤᠭᠴᠢᠳᠤᠨ ᠮᠡᠳᠡᠯᠭᠡ ᠪᠣᠯᠤᠨ ᠪᠦᠲᠦᠬᠡᠯᠴᠢ ᠴᠢᠨᠠᠷᠢ ᠲᠡᠭᠡᠭᠰᠢᠯᠡᠭᠦᠯᠦᠨ ᠬᠠᠷᠠᠭᠠ ᠵᠢᠨᠢ ᠲᠡᠯᠡᠵᠦ ᠰᠡᠳᠬᠢᠴᠡ ᠵᠢᠨ ᠤᠷᠤᠨ ᠵᠠᠢ ᠵᠢ ᠥᠷᠭᠡᠳᠭᠡᠬᠦ ᠴᠢᠬᠤᠯᠠᠲᠠᠢ᠃ ᠰᠤᠷᠤᠭᠴᠢᠳ ᠬᠡᠷᠪᠡ ᠥᠪᠡᠷᠤᠨ ᠭᠡᠰᠡᠨ ᠬᠠᠷᠠᠯᠲᠠᠲᠠᠢ ᠪᠣᠯᠴᠢᠬᠠᠪᠠᠯ ᠠᠩᠭᠢ ᠵᠢᠨ ᠰᠠᠬᠢᠯᠭᠠ ᠪᠠᠳᠤ ᠠᠶᠠᠨᠳᠠᠭ᠋ᠠᠨ ᠰᠠᠶ᠋ᠢᠵᠢᠷᠠᠨᠠ᠃
（ᠶᠢᠰᠦ） ᠬᠤᠴᠤᠷᠤᠩᠭᠤᠢ ᠰᠤᠷᠤᠬ᠍ᠴᠢ ᠵᠢᠨ ᠬᠢᠯᠠᠰ ᠴᠡᠭᠢ ᠢᠯᠡᠭᠦᠬᠡᠨ ᠣᠯᠵᠤ ᠬᠠᠷᠠᠨ᠂ ᠬᠠᠶ᠋ᠢᠷᠠ ᠵᠢᠨ ᠬᠤᠷᠠᠪᠠᠷ ᠲᠡᠳᠡᠨᠤ ᠰᠡᠳᠭᠢᠯᠢ ᠤᠮᠳᠠᠯᠠᠭ᠍ᠤᠪᠠᠷ ᠬᠥᠮᠦᠵᠢᠭᠦᠯᠬᠦ ᠭᠤᠣᠯ ᠰᠢᠵᠢᠮ ᠪᠤᠯᠭ᠋ᠠᠬᠤ ᠵᠢ ᠴᠢᠬᠤᠯᠠᠴᠢᠯᠠᠪᠠᠯ ᠵᠤᠬᠢᠨᠠ᠃ ᠬᠠᠶᠠᠭ᠋ᠠᠨᠳᠤᠨᠢ ᠬᠠᠶᠠᠭ᠍ᠤ ᠪᠤᠶᠤ ᠭᠠᠳᠠᠭᠤᠷᠴᠢᠯᠠᠵᠤ ᠣᠭᠲᠤ ᠪᠣᠯᠬᠤ ᠦᠭᠡᠢ᠂ ᠲᠡᠶ᠋ᠢᠮᠦ ᠪᠢᠰᠢ ᠪᠤᠯ ᠠᠩᠭᠢ ᠵᠢᠨ ᠬᠤᠴᠤᠷᠤᠩᠭᠤᠢ ᠰᠤᠷᠤᠭᠴᠢ ᠵᠢᠨ ᠲᠤᠭᠠ ᠤᠯᠠᠮ ᠠᠷᠪᠢᠨ ᠪᠣᠯᠤᠨᠠ᠃ 《ᠰᠠᠶ᠋ᠢᠨᠲᠠᠢ ᠮᠠᠭᠤᠲᠠᠢ ᠬᠤᠷᠸᠠ᠂ ᠰᠠᠭ᠋ᠠᠭᠲᠠᠢ ᠪᠤᠳᠠᠭᠠᠲᠠᠢ ᠣᠨᠤ ᠬᠦᠨᠡᠰᠤ》 ᠭᠡᠳᠡᠭ ᠵᠶ᠋ᠠᠷ ᠰᠠᠶ᠋ᠢᠨ ᠮᠠᠭᠤ ᠵᠢᠨ ᠵᠦᠷᠢᠶᠠ ᠦᠭᠡᠢ ᠪᠣᠯ ᠨᠡᠶ᠋ᠢᠭᠡᠮᠤᠨ ᠬᠦᠭᠵᠢᠯᠲᠠ ᠪᠠᠶ᠋ᠢᠵᠦ ᠴᠢᠳᠠᠭ᠍ᠤ ᠦᠭᠡᠢ᠃ ᠰᠠᠶ᠋ᠢᠨ ᠮᠠᠭᠤ ᠵᠢ ᠪᠠᠰᠠ ᠬᠠᠷᠢᠴᠠᠩᠭᠤᠢᠪᠠᠷ ᠦᠵᠡᠬᠦ ᠬᠡᠷᠡᠭᠲᠡᠢ᠂ ᠶᠠᠮᠠᠷ ᠨᠢᠭᠡᠨ ᠠᠵᠢᠯᠳᠤ ᠮᠠᠭᠤ ᠪᠣᠯᠪᠠᠴᠤ ᠪᠤᠰᠤᠳ ᠠᠵᠢᠯᠳᠤ ᠰᠠᠶ᠋ᠢᠨ ᠪᠠᠶ᠋ᠢᠵᠦ ᠮᠡᠳᠡᠨᠡ᠂ 《ᠮᠤᠰᠢᠭ᠋ᠠᠢ ᠵᠢ ᠵᠠᠰᠠᠵᠤ ᠠᠰᠬᠠᠨ ᠪᠣᠯᠭ᠋ᠠᠬᠤ᠂ ᠮᠤᠵᠢᠭᠤ ᠵᠢ ᠵᠠᠰᠠᠵᠤ ᠰᠠᠶ᠋ᠢᠨ ᠪᠣᠯᠭ᠋ᠠᠬᠤ》 ᠪᠤᠯ ᠪᠠᠭᠰᠢ ᠵᠢᠨ ᠤᠷᠠ ᠳᠡᠮ ᠪᠣᠯᠤᠨᠠ᠃ ᠦᠨᠡᠨᠢ ᠠᠪᠴᠤ ᠬᠡᠯᠡᠪᠠᠯ ᠤᠷᠤᠨ ᠨᠤᠳᠤᠭᠤᠨ ᠦᠨᠳᠦᠰᠦᠨ ᠪᠦᠲᠦᠭᠡᠨ ᠪᠠᠶ᠋ᠢᠭᠤᠯᠤᠯᠲᠠ ᠵᠢᠨ ᠭᠤᠤᠯ ᠬᠦᠴᠦᠨᠨᠢ ᠲᠡᠳᠡᠭᠡᠷ 《ᠬᠤᠴᠤᠷᠤᠩᠭᠤᠢ》 ᠪᠤᠯᠬᠤ ᠶᠤᠮ᠃ ᠲᠡᠶ᠋ᠢᠮᠦᠠᠴᠠ ᠲᠡᠳᠡᠭᠡᠷ 《ᠬᠤᠴᠤᠷᠤᠩᠭᠤᠢ》 ᠰᠤᠷᠤᠭᠴᠢᠳᠤᠨ ᠬᠦᠮᠦᠵᠢᠯᠢ ᠶᠠᠭ᠋ᠠᠬᠢᠭᠰᠠᠨ ᠴᠦ᠍ ᠤᠮᠳᠤᠭ᠋ᠠᠶ᠋ᠢᠯᠠᠵᠤ ᠪᠤᠯᠬᠤ ᠦᠭᠡᠢ᠃ ᠮᠢᠨᠦ ᠨᠢᠭᠡ ᠤᠳᠠᠭ᠋ᠠᠨᠤ ᠠ᠋ᠷᠬᠢᠯᠡᠭᠰᠡᠨ ᠠᠩᠬᠢᠳᠤ ᠰᠤᠷᠭ᠋ᠠᠭᠤᠯᠢ ᠳᠠᠶᠠᠭ᠋ᠠᠷ ᠠᠯᠳᠠᠷᠰᠢᠭᠰᠠᠨ 《ᠲᠤᠶ᠋ᠢᠳᠭᠡᠷ》 ᠴᠤᠯᠠᠲᠠᠢ ᠨᠢᠭᠡᠨ ᠰᠤᠷᠤᠭᠴᠢ ᠪᠠᠶ᠋ᠢᠭᠰᠠᠨ ᠶᠤᠮ᠃ ᠨᠢᠭᠡᠨ ᠠ᠋ᠳᠦᠷᠤᠨ ᠬᠥᠳᠡᠯᠭᠡᠭᠡᠨᠤ ᠴᠠᠭᠲᠤ ᠮᠠᠨᠤ ᠠᠩᠭᠢ ᠵᠢᠨ 《ᠲᠦᠢ᠍ᠳᠭᠡᠷ》 ᠵᠣᠷᠯᠤᠩ ᠵᠦᠭ ᠰᠢᠷᠤᠢ ᠵᠥᠭᠡᠭᠡᠵᠦ ᠪᠠᠶ᠋ᠢᠬᠤ ᠵᠢ ᠣᠯᠵᠤ ᠬᠠᠷᠠᠪᠠ᠃ ᠪᠢ ᠲᠡᠭᠡᠭᠡᠳ ᠠ᠋ᠨᠡ ᠪᠠᠰᠠ ᠯᠠ ᠶᠠᠮᠠᠷ ᠮᠠᠭᠤ ᠬᠡᠷᠡᠭ ᠦᠢ᠍ᠯᠡᠳᠴᠤ ᠪᠠᠶ᠋ᠢᠬᠤ ᠪᠤᠯ ᠬᠡᠵᠦ ᠪᠣᠳᠤᠭ᠋ᠠᠳ ᠰᠡᠮᠡᠭᠡᠷᠬᠡᠨ ᠵᠤᠷᠯᠦᠩᠳᠤ ᠬᠦᠷᠬᠦᠳᠤ ᠲᠡᠷᠡ ᠵᠣᠷᠯᠤᠩᠤᠨ ᠣᠩᠭᠤᠴᠠ ᠵᠢᠨ ᠬᠠᠵᠠᠭᠤᠪᠠᠷ ᠰᠢᠷᠤᠢ ᠰᠠᠴᠤᠵᠤ ᠪᠠᠶ᠋ᠢᠬᠤ ᠵᠢ ᠣᠯᠵᠤ ᠬᠠᠷᠠᠪᠠ᠃ ᠲᠡᠷᠡ ᠨᠠᠮᠠᠶ᠋ᠢ ᠦᠵᠡᠭᠡᠳ ᠰᠣᠴᠢᠰᠬᠢᠵᠦ ᠠᠪᠤᠭ᠋ᠠᠳ ᠲᠤᠷᠤᠬᠰᠢ ᠬᠠᠷᠠᠨ᠄ 《ᠪᠠᠭᠰᠢ ᠡ！ ᠰᠢᠷᠤᠢ ᠰᠠᠴᠤᠪᠠᠯ ᠬᠠᠮᠳᠤ ᠰᠤᠷᠤᠭᠴᠢᠳ ᠠ᠋ᠮᠦᠨᠡᠰᠢ ᠤᠶ᠋ᠢᠷᠠᠳᠤᠨ ᠵᠣᠭᠰᠤᠵᠤ ᠴᠢᠳᠠᠨᠠ》 ᠭᠡᠵᠦ ᠨᠠᠮ ᠳᠠᠭᠤᠨ ᠵᠶ᠋ᠠᠷ ᠬᠡᠯᠡᠪᠡ᠃ ᠲᠡᠭᠦᠨᠤ ᠦᠭᠡ ᠵᠢ ᠰᠣᠨᠤᠰᠤᠭ᠋ᠠᠳ ᠪᠢ ᠲᠤᠩ ᠡᠪᠬᠦᠶ᠋ᠢᠷᠭᠡᠵᠦ᠂ ᠪᠣᠳᠤᠭᠰᠠᠨ ᠮᠢᠨᠢ ᠪᠤᠷᠤᠭᠤ ᠪᠣᠯᠤᠯᠠ ᠭᠡᠳᠡᠭ ᠵᠶ᠋ᠠᠨ ᠮᠡᠳᠡᠯᠡ᠃ ᠲᠡᠭᠡᠭᠡᠳ ᠠᠩᠭᠢ ᠵᠢᠨ ᠬᠤᠷᠠᠯᠤᠨ ᠴᠠᠭᠲᠤ ᠲᠡᠭᠦᠨᠤ ᠠ᠋ᠨᠡ ᠭᠦ᠌ ᠦᠮᠡᠬᠡᠢ ᠪᠤᠵᠠᠷᠢ ᠬᠠᠶ᠋ᠢᠬᠤᠷᠬᠤ ᠦᠭᠡᠢ ᠤᠯᠠᠨᠤ ᠲᠥᠯᠦᠭᠡ ᠦᠢ᠍ᠯᠡᠴᠢᠯᠡᠭᠰᠡᠨ ᠦᠢ᠍ᠯᠡ ᠠᠵᠢᠯᠯᠠᠭᠠᠪᠠᠷ ᠲᠤᠰᠬᠠᠢ ᠰᠡᠳᠦᠪ ᠪᠣᠯᠭ᠋ᠠᠨ ᠰᠠᠶ᠋ᠢᠰᠢᠶᠠᠭᠰᠠᠨᠳᠤ 《ᠲᠦᠢ᠍ᠳᠭᠡᠷ》 ᠶᠡᠬᠡᠯᠡ ᠰᠡᠳᠭᠢᠯ ᠬᠦᠳᠡᠯᠵᠤ᠂ ᠲᠡᠭᠦᠨᠤ ᠨᠢᠭᠤᠷᠲᠤ ᠢᠨᠢᠶᠡᠮᠰᠦᠭᠯᠡᠯ ᠢᠯᠡᠷᠡᠵᠦ᠂ ᠶᠠᠭ ᠯᠠ ᠳᠡᠯᠭᠡᠷᠡᠬᠦ ᠴᠡᠴᠡᠭᠤᠨ ᠴᠣᠮᠣᠷᠯᠢᠭ ᠮᠡᠳᠤ ᠰᠠᠨᠠᠭᠳᠠᠯᠠ᠃ ᠲᠡᠬᠦᠨᠠᠴᠠ ᠬᠤᠶ᠋ᠢᠰᠢ ᠮᠢᠨᠦ 《ᠲᠤᠶ᠋ᠢᠳᠭᠡᠷ》 ᠮᠠᠨᠤ ᠠᠩᠬᠢ ᠵᠢᠨ ᠭᠤᠤᠯᠯᠠᠭᠴᠢ ᠭᠡᠰᠢᠬᠦᠨᠤ ᠨᠢᠭᠡᠨᠢ ᠪᠤᠯᠤᠭᠰᠠᠨ ᠪᠢᠯᠡ᠃
ᠬᠤᠶᠠᠷ᠂ ᠠᠩᠭᠢ ᠵᠢᠨ ᠪᠠᠭᠰᠢ ᠪᠤᠯᠤᠬᠰᠡᠳ ᠠ᠋ᠷᠬᠡᠪᠰᠢ ᠪᠦᠷᠢᠯᠳᠦᠭᠦᠯᠬᠦ ᠴᠢᠬᠤᠯᠠᠲᠠᠢ ᠳᠠᠳᠬᠠᠯᠤᠨ ᠲᠤᠬᠠᠢ
ᠬᠡᠤᠭᠡᠳ ᠪᠣᠯ ᠨᠢᠭᠡᠨ ᠬᠠᠭᠤᠳᠠᠰᠤ ᠴᠠᠭ᠋ᠠᠨ ᠴᠠᠭ᠋ᠠᠰᠤᠲᠠᠢ ᠠᠳᠠᠯᠢ ᠶᠤᠮ᠂ 《ᠬᠥᠬᠡᠪᠠᠷ ᠪᠣᠳᠤᠪᠠᠯ ᠬᠥᠬᠡ ᠪᠣᠯᠴᠢᠬᠠᠨᠠ》᠂ 《ᠰᠢᠷᠠᠪᠠᠷ ᠪᠣᠳᠤᠪᠠᠯ ᠰᠢᠷᠠ ᠪᠣᠯᠴᠢᠬᠠᠨᠠ》 ᠶᠠᠮᠠᠷ ᠨᠥᠯᠦᠭᠡ ᠵᠢ ᠦᠭᠪᠡᠯ ᠲᠡᠶ᠋ᠢᠮᠦ ᠦᠷᠡ ᠪᠦᠲᠦᠭᠡᠯᠲᠠᠢ ᠪᠣᠯᠳᠠᠭ᠃ ᠤᠯᠠᠩᠬᠢ ᠬᠦᠮᠦᠰ ᠰᠤᠷᠤᠭᠴᠢ ᠵᠢ ᠵᠠᠳᠠᠯᠬᠤᠳᠤᠪᠠᠨ 《ᠠ᠋ᠨᠡ ᠰᠤᠷᠤᠭᠴᠢ ᠬᠡᠨᠤ ᠠᠩᠭᠢ ᠵᠢᠨ ᠰᠤᠷᠤᠭᠴᠢ ᠪᠤᠢ？》᠂ 《ᠪᠠᠰᠠ ᠯᠠ ᠠᠩᠭᠢ ᠵᠢᠨ ᠪᠠᠭᠰᠢᠪᠠᠨ ᠳᠠᠭᠤᠷᠢᠶᠠᠴᠢᠬᠠᠭᠰᠠᠨ ᠪᠠᠢ᠍ᠢ᠍ᠯᠭᠦᠢ》 ᠬᠡᠵᠦ ᠬᠡᠯᠡᠳᠡᠭ᠃ ᠠᠩᠭᠢ ᠵᠢᠨ ᠪᠠᠭᠰᠢ ᠵᠢᠨ ᠦᠭᠡ ᠶᠠᠷᠢᠶᠠ᠂ ᠦᠢ᠍ᠯᠡ ᠬᠦᠳᠡᠯᠤᠯ᠂ ᠵᠠᠩ ᠠᠭ᠋ᠠᠰᠢ᠂ ᠶᠠᠪᠤᠵᠦ ᠰᠠᠭᠤᠬᠤᠨᠢ ᠰᠢᠭᠤᠳ ᠰᠤᠷᠤᠭᠴᠢ ᠵᠢ ᠨᠥᠯᠦᠭᠡᠯᠡᠵᠦ ᠪᠠᠶ᠋ᠢᠳᠠᠭ᠃ ᠲᠡᠶ᠋ᠢᠮᠦᠪᠠᠷ ᠵᠶ᠋ᠠᠨ ᠰᠤᠷᠤᠭᠴᠢᠳᠢ ᠰᠠᠶ᠋ᠢᠨ ᠰᠠᠶ᠋ᠢᠬᠠᠨ ᠳᠠᠳᠬᠠᠯᠲᠠᠢ ᠪᠣᠯᠭ᠋ᠠᠶᠠ ᠬᠡᠪᠡᠯ ᠠᠩᠭᠢ ᠵᠢᠨ ᠪᠠᠭᠰᠢ ᠵᠠᠪᠠᠯ ᠦᠪᠡᠷᠳᠡᠭᠡᠨ ᠰᠠᠶ᠋ᠢᠨ ᠰᠠᠶ᠋ᠢᠬᠠᠨ ᠳᠠᠳᠬᠠᠯᠢ ᠪᠦᠷᠢᠯᠳᠦᠬᠦᠯᠦᠭᠰᠡᠨ ᠪᠠᠶ᠋ᠢᠬᠤ ᠶᠤᠰᠤᠳᠠᠢ᠃
（ᠨᠢᠭᠡ） ᠠᠩᠭᠢ ᠵᠢᠨ ᠪᠠᠭᠰᠢ ᠪᠤᠯᠤᠬᠰᠡᠳ ᠠᠭᠤᠳᠠᠮ ᠪᠠᠭᠲᠠᠭ᠋ᠠᠮᠵᠢᠳᠤ ᠬᠡᠬᠦᠳᠡᠭ ᠴᠡᠭᠡᠵᠢ᠂ ᠭᠦᠨ ᠵᠤᠵᠠᠭ᠋ᠠᠨ ᠬᠠᠶ᠋ᠢᠷᠠ ᠰᠡᠳᠬᠢᠯᠭᠡ ᠵᠢ ᠪᠤᠢ ᠪᠤᠯᠭ᠋ᠠᠬᠤ ᠬᠡᠷᠡᠭᠲᠡᠢ᠃ ᠰᠤᠷᠤᠭᠴᠢᠳ ᠪᠠᠭᠰᠢ ᠵᠢ 《ᠲᠦᠪᠡᠭ ᠪᠡᠷᠬᠡᠰᠢᠶᠡᠯ》 ᠵᠶ᠋ᠠᠷ 《ᠰᠢᠯᠭ᠋ᠠᠨ ᠳᠡᠩᠰᠡᠵᠤ》 ᠪᠠᠶ᠋ᠢᠳᠠᠭ᠃ ᠠ᠋ᠨᠡ ᠦᠶᠡᠰ ᠪᠠᠭᠰᠢ ᠳᠤᠷᠠ ᠦᠭᠡᠶ᠋ᠢᠴᠡᠬᠦ ᠪᠣᠳᠤᠯ ᠠ᠋ᠭᠦᠰᠦᠭᠰᠡᠨᠤ ᠬᠡᠷᠡᠭ ᠦᠭᠡᠢ᠃ ᠰᠤᠷᠤᠭᠴᠢ ᠵᠢᠨ ᠴᠢᠮᠠᠳᠤ ᠴᠢᠭᠯᠡᠭᠦᠯᠦᠭᠰᠡᠨ ᠲᠤᠰᠬᠠᠢ ᠲᠤᠭᠯᠠᠭ᠋ᠠᠮᠳᠤ ᠠᠭᠤᠷᠯᠠᠨ ᠪᠠᠴᠢᠮᠳᠠᠭ᠍ᠤ ᠦᠭᠡᠢ᠂ ᠨᠡᠩ ᠴᠤ᠌ ᠥᠰᠢᠶᠡ ᠪᠣᠳᠤᠵᠤ ᠶᠠᠭ᠋ᠠᠬᠢᠭᠰᠠᠨ ᠴᠦ᠍ ᠪᠣᠯᠬᠤ ᠦᠭᠡᠢ᠃ ᠬᠠᠷᠢᠨ ᠠᠰᠠᠭᠤᠳᠠᠯᠢ ᠰᠢᠢ᠍ᠳᠪᠦᠷᠢᠯᠡᠬᠦ ᠴᠢᠳᠠᠮᠠᠭ᠋ᠠᠢ ᠠᠷᠭᠠ ᠵᠢ ᠰᠦᠪᠡᠭᠴᠢᠯᠡᠬᠦ ᠴᠢᠬᠤᠯᠠᠲᠠᠢ᠃ ᠨᠢᠭᠡᠨ ᠤᠳᠠᠭᠠ ᠪᠢ ᠠᠩᠭᠢ ᠵᠢᠨ ᠬᠤᠷᠠᠯ ᠬᠢᠭᠦ ᠭᠡᠵᠦ ᠠᠩᠭᠢᠳᠤ ᠣᠷᠤᠬᠤᠳᠤ ᠰᠠᠮᠪᠠᠷᠠ ᠳᠡᠭᠡᠷᠡ ᠦᠩᠭᠡᠳᠤ ᠪᠢᠷ ᠵᠶ᠋ᠠᠷ ᠠᠭᠤᠷᠯᠠᠨ ᠵᠠᠩᠨᠠᠵᠦ ᠪᠠᠶ᠋ᠢᠭᠠ ᠪᠠᠶ᠋ᠢᠳᠠᠯᠲᠠᠢ ᠬᠥᠮᠦᠨᠢ ᠶᠡᠭᠡ ᠲᠦᠷᠰᠦᠯᠢᠭ ᠵᠶ᠋ᠠᠷ ᠵᠢᠷᠤᠭᠰᠠᠨ ᠪᠠᠶ᠋ᠢᠪᠠ᠃ ᠦᠨᠡᠨᠳᠤᠪᠠᠨ ᠪᠢ ᠠ᠋ᠨᠡ ᠬᠤᠷᠠᠯᠳᠤ ᠠᠭᠤᠷᠯᠠᠵᠦ ᠵᠠᠩᠨᠠᠭ᠍ᠤ ᠭᠡᠵᠦ ᠣᠷᠤᠵᠤ ᠢᠷᠡᠭᠰᠡᠨ ᠶᠤᠮ᠃ ᠠ᠋ᠭᠦᠨᠢ ᠦᠵᠡᠭᠡᠳ ᠪᠢ ᠪᠣᠳᠤᠯ ᠵᠶ᠋ᠠᠨ ᠥᠭᠡᠷᠡᠴᠢᠯᠡᠵᠦ᠂ ᠢᠨᠢᠶᠡᠮᠰᠦᠭᠯᠡᠯᠤᠨ ᠴᠢᠷᠠᠢ ᠭᠠᠷᠭ᠋ᠠᠨ 《ᠬᠠᠷᠢᠶᠠᠴᠢ ᠵᠢᠨ ᠦᠯᠢᠭᠡᠷ》 （ᠨᠠᠨᠭ᠌ᠭᠤᠸᠠ ᠵᠢᠨ ᠦᠷᠡ ᠵᠠᠭᠤᠵᠤ ᠢᠷᠡᠨ ᠪᠤᠰᠤᠳᠢ ᠲᠤᠰᠠᠯᠠᠭᠰᠠᠨ）ᠢ ᠰᠤᠷᠤᠭᠴᠢᠳᠲᠤ ᠶᠠᠷᠢᠵᠤ ᠥᠭᠴᠡᠢ᠃ ᠰᠤᠷᠤᠭᠴᠢᠳ ᠮᠢᠨᠦ ᠶᠠᠷᠢᠭᠰᠠᠨ ᠦᠯᠢᠭᠡᠷᠢ ᠲᠤᠩ ᠠᠮᠳᠠᠷᠬᠠᠨ ᠰᠤᠨᠤᠰᠴᠤ᠂ ᠠᠭᠤᠷᠯᠠᠨ ᠵᠠᠩᠨᠠᠭᠰᠠᠨ ᠦᠭᠡᠢᠳᠤ ᠳᠡᠳᠡᠨᠠᠷ ᠶᠡᠭᠡᠳᠡ ᠭᠠᠶ᠋ᠢᠬᠠᠰᠢ ᠲᠦᠷᠦᠭᠰᠡᠨ ᠪᠠᠶ᠋ᠢᠳᠠᠯᠲᠠᠢ ᠪᠠᠶ᠋ᠢᠪᠠ᠃ ᠪᠢ ᠳᠡᠳᠡᠨᠠᠷᠤᠨ ᠵᠢᠷᠤᠭ ᠵᠢᠷᠤᠭᠰᠠᠨᠢ ᠤᠯᠵᠦ ᠬᠠᠷᠠᠭᠰᠠᠨ ᠦᠭᠡᠢ ᠮᠡᠳᠦ᠂ ᠠᠩᠬᠢᠳᠤ ᠶᠠᠮᠠᠷᠴᠦ ᠰᠠᠬᠢᠯᠭᠠ ᠪᠠᠳᠦ ᠵᠢᠨ ᠤᠴᠢᠷ ᠠ᠋ᠬᠦᠰᠦᠭᠰᠡᠨ ᠦᠭᠡᠢ ᠰᠢᠭ ᠯᠡ ᠪᠤᠯᠵᠦ ᠦᠩᠭᠡᠷᠡᠭᠡᠭᠡᠳ ᠰᠡᠮᠡᠭᠡᠷ ᠠᠵᠢᠭᠯᠠᠯᠳᠠ ᠬᠢᠵᠦ ᠦᠵᠡᠯᠡ᠃ ᠠᠩᠭᠢ ᠵᠢᠨ ᠬᠤᠷᠠᠯᠤᠨ ᠳᠠᠷᠠᠭᠠ ᠮᠠᠨᠤ ᠠᠩᠬᠢᠳᠤ ᠠ᠋ᠬᠦᠰᠦᠭᠰᠡᠨ ᠰᠠᠬᠢᠯᠭᠠ ᠪᠠᠳᠤ ᠵᠢᠨ ᠤᠴᠢᠷᠤᠳᠢ ᠠᠩᠭᠢ ᠵᠢᠨ ᠺᠠᠳ᠋ᠷᠤᠳ ᠰᠢᠢ᠍ᠳᠪᠦᠷᠢᠯᠡᠴᠢᠭᠡᠭᠰᠡᠨ ᠪᠠᠶ᠋ᠢᠯᠠ᠃
（ᠬᠤᠶᠠᠷ） ᠴᠢᠳᠠᠮᠠᠭ᠋ᠠᠢ ᠠᠵᠢᠭᠯᠠᠭ᠍ᠤ᠂ ᠬᠤᠷᠴᠠ ᠰᠡᠷᠭᠡᠭ ᠵᠶ᠋ᠠᠷ ᠠᠰᠠᠭᠤᠳᠠᠯᠢ ᠢᠯᠡᠷᠡᠭᠦᠯᠵᠦ᠂ 《ᠦᠶᠡᠷ ᠢᠷᠡᠬᠦᠠᠴᠠ ᠠ᠋ᠮᠦᠨᠡ ᠬᠠᠰᠢᠯᠭᠠ ᠵᠢ ᠲᠠᠯᠪᠢᠬᠤ》 ᠳᠠᠳᠬᠠᠯᠲᠠᠢ ᠪᠠᠶ᠋ᠢᠬᠤ ᠬᠡᠷᠡᠭᠲᠠᠢ᠃ ᠰᠤᠷᠭ᠋ᠠᠨ ᠬᠥᠮᠦᠵᠢᠭᠦᠯᠬᠦ ᠠᠰᠢᠭᠲᠠᠢ ᠲᠣᠬᠢᠶᠠᠯᠢ ᠠᠯᠳᠠᠵᠤ᠂ ᠪᠤᠷᠤᠭᠤ ᠦᠵᠡᠯ ᠰᠠᠨᠠᠭᠠᠨᠢ ᠰᠤᠷᠤᠭᠴᠢᠳᠤᠨ ᠣᠶᠤᠨ ᠰᠠᠨᠠᠭᠠ ᠵᠢ ᠨᠢᠭᠡᠨᠲᠡ ᠡᠵᠡᠯᠡᠭᠰᠡᠨ ᠦᠶᠡᠳᠤ ᠬᠦᠷᠴᠢᠬᠡᠪᠡᠯ ᠬᠡᠴᠢᠨᠡᠨ ᠶᠡᠭᠡ ᠬᠦᠴᠦᠨ ᠵᠠᠷᠤᠴᠠᠭᠤᠯᠤᠭᠰᠠᠨ ᠴᠤ᠌ ᠨᠦᠬᠦᠪᠦᠷᠢᠯᠡᠬᠦᠶᠡ ᠪᠡᠷᠬᠡ ᠪᠤᠯᠤᠨᠠ᠃ ᠮᠢᠨᠦ ᠠᠩᠬᠢ ᠵᠢᠨ ᠨᠢᠭᠡᠨ ᠰᠤᠷᠤᠭᠴᠢ ᠲᠠᠪᠤᠨ ᠰᠠᠷᠠ ᠵᠢᠨ ᠠᠮᠠᠷᠠᠯᠲᠠ ᠵᠢᠨ ᠴᠢᠯᠦᠭᠡᠪᠠᠷ ᠭᠡᠷᠤᠨ ᠵᠶ᠋ᠠᠨ ᠨᠢᠭᠡ ᠤᠭᠤᠲᠠ ᠨᠤᠤᠰᠤ ᠵᠢ ᠠᠪᠤ ᠡᠵᠢᠠᠴᠠᠪᠠᠨ ᠨᠢᠭᠤᠵᠤ ᠠᠪᠴᠢᠷᠠᠨ ᠬᠤᠳᠠᠯᠳᠤᠭᠰᠠᠨ ᠤᠴᠢᠷᠢ ᠡᠵᠢᠨᠢ ᠨᠠᠳᠠᠳᠤ ᠮᠡᠳᠡᠭᠳᠡᠭᠰᠡᠨ ᠪᠠᠶ᠋ᠢᠨᠠ᠃ ᠠ᠋ᠭᠦᠨᠢ ᠪᠢ ᠲᠡᠶ᠋ᠢᠮᠦ ᠶᠡᠭᠡ ᠤᠴᠢᠷ ᠪᠣᠯᠭ᠋ᠠᠭᠰᠠᠨ ᠦᠭᠡᠢ᠃ ᠲᠡᠬᠦᠨᠠᠴᠠ ᠬᠤᠶ᠋ᠢᠰᠢ ᠲᠤᠰ ᠰᠤᠷᠤᠭᠴᠢ ᠠᠩᠭᠢ ᠵᠢᠨ ᠨᠦᠬᠦᠳᠤᠨ ᠵᠶ᠋ᠠᠨ ᠪᠢᠷ ᠴᠠᠭ᠋ᠠᠰᠤ ᠵᠢ ᠡᠵᠡᠨᠳᠤᠨᠢ ᠬᠡᠯᠡᠬᠦ ᠦᠭᠡᠢᠪᠠᠷ ᠰᠢᠭᠤᠳ ᠠᠪᠴᠤ ᠬᠡᠷᠡᠭᠯᠡᠭᠰᠡᠨ ᠤᠴᠢᠷᠢ ᠰᠤᠨᠤᠰᠤᠭᠰᠠᠨ ᠴᠦ᠍ ᠶᠡᠭᠡ ᠶᠠᠪᠤᠳᠠᠯ ᠪᠣᠯᠭ᠋ᠠᠭᠰᠠᠨ ᠦᠭᠡᠢ ᠦᠨᠭᠭᠡᠷᠡᠭᠦᠯᠪᠡ᠃ ᠵᠥᠪᠬᠡᠨ ᠨᠠᠭ᠋ᠠᠳᠤᠮ ᠱᠤᠭ ᠰᠢᠬ ᠪᠤᠯᠭ᠋ᠠᠭ᠋ᠠᠳ ᠤᠷᠬᠢᠪᠠ᠃ ᠨᠢᠭᠡᠨ ᠠ᠋ᠳᠦᠷ 《ᠲᠠᠨᠤ ᠠᠩᠭᠢ ᠵᠢᠨ × × ᠭᠡᠰᠡᠨ ᠰᠤᠷᠤᠭᠴᠢ ᠪᠤᠰᠤᠳᠤᠨ ᠮᠤᠲ᠋ᠤᠷᠢ ᠬᠤᠯᠠᠭ᠋ᠠᠶ᠋ᠢᠯᠠᠭᠰᠠᠨ ᠪᠠᠶ᠋ᠢᠨᠠ᠂ ᠲᠠᠨᠠᠴᠠ ᠪᠠᠶ᠋ᠢᠳᠠᠯᠢ ᠤᠶ᠋ᠢᠯᠠᠭ᠋ᠠᠬᠤ ᠰᠠᠨᠠᠭᠠᠲᠠᠢ᠃ ᠳᠤᠳᠤᠭ᠋ᠠᠳᠤ ᠵᠢ ᠬᠠᠮᠠᠭ᠋ᠠᠯᠠᠭ᠍ᠤ ᠲᠣᠮᠢᠯᠠᠭᠰᠠᠨ ᠰᠠᠯᠪᠤᠷᠢᠳᠤ ᠢᠷᠡᠬᠦ ᠵᠢ ᠬᠦᠰᠡᠵᠦ ᠪᠠᠶ᠋ᠢᠨᠠ》 ᠬᠡᠰᠡᠨ ᠤᠳᠠᠰᠤ ᠵᠢ ᠲᠤᠰᠤᠯᠠ᠃ ᠤᠶ᠋ᠢᠯᠠᠭ᠋ᠠᠭᠰᠠᠨ ᠵᠶ᠋ᠠᠷ ᠲᠤᠰ ᠰᠤᠷᠤᠭᠴᠢ ᠨᠢᠭᠡ ᠬᠤᠭᠤᠴᠠᠭᠠ ᠬᠤᠶᠠᠷ ᠮᠤᠲ᠋ᠤᠷ ᠬᠤᠯᠠᠭ᠋ᠠᠶ᠋ᠢᠯᠠᠵᠦ ᠬᠤᠳᠠᠯᠳᠤᠭᠰᠠᠨ ᠪᠠᠶ᠋ᠢᠵᠠᠢ᠃
ᠠ᠋ᠨᠡ ᠮᠡᠳᠤ ᠵᠢᠨ ᠬᠡᠤᠬᠡᠳᠤᠨ ᠮᠠᠭᠤ ᠦᠢ᠍ᠯᠡ ᠠᠵᠢᠯᠯᠠᠭᠠ ᠵᠢ ᠵᠠᠯᠠᠷᠠᠭᠤᠯᠬᠤᠳᠤ ᠠ᠋ᠷᠭᠡᠪᠰᠢ ᠤᠨᠤᠪᠴᠢᠳᠠᠢ ᠮᠠᠭ᠋ᠠᠳᠯᠠᠵᠦ᠂ ᠬᠢᠴᠢᠶᠡᠮᠵᠢᠳᠠᠢ ᠪᠠᠶ᠋ᠢᠵᠦ᠂ ᠴᠠᠭᠢ ᠠᠮᠵᠢᠬᠤ ᠮᠦᠷᠳᠡᠭᠡᠨ ᠠᠷᠭᠠᠨᠢ ᠠ᠋ᠷᠬᠡᠪᠰᠢ ᠲᠣᠬᠢᠷᠠᠮᠵᠢᠳᠠᠢ ᠪᠠᠶ᠋ᠢᠬᠤ ᠬᠡᠷᠡᠭᠲᠠᠢ᠃ ᠤᠯᠠᠨᠤ ᠠ᠋ᠮᠦᠨᠡ ᠨᠢᠭᠤᠷᠢᠨᠢ ᠪᠠᠷᠠᠳᠠᠯᠠ ᠵᠢᠮᠡᠯᠡᠵᠦ᠂ ᠬᠡᠤᠭᠡᠳᠤᠨ ᠥᠪᠡᠷᠢᠪᠠᠨ ᠬᠦᠨᠳᠦᠳᠭᠡᠬᠦ ᠰᠡᠳᠭᠢᠯᠭᠡ ᠵᠢᠨᠢ ᠬᠦᠨᠳᠡᠬᠦ ᠦᠭᠡᠢ ᠪᠠᠶ᠋ᠢᠬᠤ ᠵᠢ ᠠᠩᠬᠠᠷᠤᠨᠠ᠃ 《ᠢᠴᠢᠭᠰᠡᠨ ᠬᠥᠮᠦᠨ ᠬᠦᠮᠦᠨ ᠠᠯᠠᠳᠠᠭ》 ᠬᠡᠳᠡᠭ ᠰᠡᠴᠡᠨ ᠦᠭᠡ ᠪᠠᠶ᠋ᠢᠳᠠᠭᠢ ᠰᠠᠨᠠᠵᠦ᠂ ᠬᠡᠤᠬᠡᠳᠢ ᠬᠠᠯᠠᠮᠵᠢᠯᠠᠵᠤ ᠬᠠᠮᠠᠭ᠋ᠠᠯᠠᠭ᠍ᠤ ᠰᠡᠳᠬᠢᠯᠭᠡᠪᠠᠷ ᠲᠡᠳᠡᠨᠳᠤ ᠤᠴᠢᠷ ᠶᠣᠰᠤ ᠵᠢ ᠲᠣᠳᠤᠷᠬᠠᠢ ᠬᠡᠯᠡᠵᠤ ᠦᠭᠴᠤ᠂ ᠵᠥᠪ ᠪᠤᠷᠤᠭᠤ ᠵᠢ ᠢᠯᠭ᠋ᠠᠨ ᠲᠠᠨᠢᠬᠤ ᠴᠢᠳᠠᠪᠦᠷᠢ ᠵᠢᠨᠢ ᠭᠦᠮᠦᠵᠢᠭᠦᠯᠭᠦ ᠬᠡᠷᠡᠭᠲᠠᠢ᠃ ᠤᠤᠯᠤᠨ ᠵᠥᠪᠯᠡᠯᠲᠦ ᠬᠤᠯᠪᠤᠭ᠋ᠠᠳᠦ ᠤᠯᠤᠰᠤᠨ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠤᠬᠠᠭ᠋ᠠᠨᠳᠠᠨ ᠰᠦᠬᠤᠮᠯᠢᠨ᠋ᠰᠺᠢ᠄ 《ᠬᠡᠤᠬᠡᠳᠤᠨ ᠬᠠᠮᠳᠤ ᠰᠤᠷᠤᠭᠴᠢ ᠵᠢᠨ ᠵᠶ᠋ᠠᠨ ᠭᠤᠶᠤ ᠰᠠᠶ᠋ᠢᠬᠠᠨ ᠪᠢᠷᠤᠨ ᠬᠠᠶ᠋ᠢᠷᠴᠠᠭᠠᠴᠠ ᠦᠩᠭᠡᠳᠤ ᠬᠠᠷᠠᠨᠳᠠ ᠵᠢᠨᠢ ᠠᠪᠴᠤ ᠭᠠᠷᠭ᠋ᠠᠭ᠋ᠠᠳ᠂ ᠨᠢᠭᠡ ᠵᠡᠷᠭᠡ ᠤᠷᠤᠯᠳᠤᠵᠤ ᠦᠵᠡᠭᠰᠡᠨᠤ ᠳᠠᠷᠠᠭᠠ ᠰᠡᠪ ᠰᠡᠮᠡᠭᠡᠷ ᠥᠪᠡᠷᠤᠨ ᠬᠠᠷᠮᠠᠨᠳᠤᠪᠠᠨ ᠴᠢᠬᠢᠭᠰᠡᠨᠢ ᠣᠯᠵᠤ ᠦᠵᠡᠭᠰᠡᠨ ᠴᠤ᠌ ᠭᠠᠶ᠋ᠢᠬᠠᠭᠰᠠᠨᠤ ᠬᠡᠷᠡᠭ ᠠᠯᠠᠭᠠ — ᠠ᠋ᠨᠡ ᠪᠣᠯ ᠬᠤᠯᠠᠭ᠋ᠠᠶ᠋ᠢᠯᠠᠭᠰᠠᠨ ᠬᠡᠷᠡᠭ ᠪᠢᠰᠢ ᠁》 ᠭᠡᠵᠦ ᠬᠡᠯᠡᠭᠰᠡᠨ ᠪᠠᠶ᠋ᠢᠳᠠᠭ᠃
（ᠭᠤᠷᠪᠠ） ᠠᠭᠤᠷ ᠬᠢᠯᠢᠩ ᠵᠶ᠋ᠠᠨ ᠲᠡᠪᠴᠢᠵᠦ ᠴᠢᠳᠠᠭ᠍ᠤ ᠳᠠᠳᠬᠠᠯᠲᠠᠢ ᠪᠠᠶ᠋ᠢᠬᠤ ᠬᠡᠷᠡᠭᠲᠠᠢ᠃ ᠰᠡᠳᠬᠢᠯ ᠰᠠᠨᠠᠭ᠋ᠠᠨᠤ ᠬᠦᠭᠰᠡᠯᠳᠡ᠂ ᠳᠥᠭᠦᠮ ᠪᠦᠳᠦᠭᠦᠯᠢᠭ ᠰᠢᠢ᠍ᠳᠪᠦᠷᠢᠯᠡᠯᠲᠡ᠂ ᠰᠤᠷᠤᠭᠴᠢ ᠵᠢᠨ ᠰᠡᠳᠬᠢᠯᠢ ᠬᠦᠨᠳᠡᠭᠰᠡᠨ ᠦᠭᠡ ᠶᠠᠷᠢᠶᠠ᠂ ᠦᠢ᠍ᠯᠡ ᠬᠦᠳᠡᠯᠤᠯᠨᠢ ᠶᠡᠷᠤᠨᠢ ᠰᠤᠷᠭ᠋ᠠᠨ ᠬᠥᠮᠦᠵᠢᠯᠤᠨ ᠠᠵᠢᠯᠳᠤ ᠨᠦᠬᠦᠪᠦᠷᠢᠯᠡᠬᠦᠶᠡ ᠪᠡᠷᠬᠡ ᠠᠯᠳᠠᠭᠳᠠᠯᠢ ᠠᠪᠴᠢᠷᠠᠭ᠍ᠤ ᠮᠥᠷᠲᠡᠭᠡᠨ ᠰᠤᠷᠤᠭᠴᠢ ᠵᠢᠨ ᠨᠢᠭᠡ ᠨᠠᠰᠤᠨᠤ ᠬᠥᠭᠵᠢᠯᠲᠡ ᠵᠢ ᠨᠥᠯᠦᠭᠡᠯᠡᠳᠡᠭ᠃ ᠤᠴᠢᠷ ᠶᠠᠪᠤᠳᠠᠯ ᠲᠣᠬᠢᠶᠠᠯᠳᠤᠬᠤ ᠦᠶᠡᠰ ᠶᠠᠭᠤᠨᠤ ᠠ᠋ᠮᠦᠨᠡ ᠰᠡᠳᠭᠢᠯ ᠵᠶ᠋ᠠᠨ ᠨᠠᠮᠵᠢᠭᠤᠨ ᠪᠣᠯᠭ᠋ᠠᠨᠠ᠂ ᠳᠠᠷᠠᠭᠠᠨᠢ᠂ ᠠᠩᠭᠢ ᠵᠢᠨ ᠶᠡᠷᠦᠨᠭᠭᠡᠢ ᠪᠠᠶ᠋ᠢᠳᠠᠯ᠂ ᠰᠤᠷᠤᠭᠴᠢᠳᠤᠨ ᠪᠠᠶ᠋ᠢᠳᠠᠯ ᠵᠢᠴᠢ ᠠ᠋ᠭᠦᠰᠦᠭᠰᠡᠨ ᠬᠡᠷᠡᠭ ᠶᠠᠪᠤᠳᠠᠯᠳᠤ ᠵᠠᠳᠠᠯᠤᠯᠲᠠ ᠬᠢᠨᠡ᠂ ᠲᠠᠬᠢᠭ᠋ᠠᠳ ᠰᠢᠢ᠍ᠳᠪᠦᠷᠢᠯᠡᠬᠦ ᠠᠷᠭᠠ ᠪᠠᠷᠢᠯ ᠵᠶ᠋ᠠᠨ ᠲᠣᠭᠲᠠᠭ᠋ᠠᠨᠠ᠃ ᠣᠯᠠᠩᠬᠢ ᠪᠠᠭᠰᠢ ᠰᠡᠩᠬᠡᠷᠡᠭᠦᠯᠬᠦ ᠠᠷᠭᠠ ᠵᠢ ᠠᠪᠬᠤ ᠲᠤᠷᠠᠲᠠᠢ ᠪᠠᠶ᠋ᠢᠳᠠᠭ᠃ ᠰᠤᠷᠤᠭᠴᠢ ᠵᠢ ᠰᠡᠩᠬᠡᠷᠡᠬᠦᠯᠬᠦ ᠰᠤᠷᠭ᠋ᠠᠨ ᠬᠥᠮᠦᠵᠢᠯᠤᠨ ᠠᠷᠭᠠ ᠮᠠᠶᠢᠬᠢ ᠠᠮᠵᠢᠯᠲᠠᠲᠠᠢ ᠪᠣᠯᠭ᠋ᠠᠶᠠ ᠭᠡᠪᠡᠯ᠂ ᠵᠠᠩᠬᠢᠯᠠᠭᠠᠨᠢ ᠪᠠᠭᠰᠢᠠᠴᠠ ᠰᠤᠷᠤᠭᠴᠢᠳᠤ ᠬᠠᠮᠤᠭᠤᠨ ᠭᠦᠢ᠍ᠴᠠᠳ ᠢᠲᠡᠭᠡᠯ ᠬᠦᠨᠳᠤᠳᠬᠡᠯᠢ ᠣᠯᠭᠤᠬᠤ ᠬᠡᠷᠡᠭᠲᠠᠢ᠃ ᠠ᠋ᠨᠡ ᠪᠣᠯ ᠰᠤᠷᠤᠭᠴᠢᠳᠤᠨ ᠥᠪᠡᠷᠢᠪᠠᠨ ᠬᠦᠨᠳᠤᠳᠬᠡᠬᠦ ᠪᠠ ᠢᠲᠡᠪᠬᠢᠲᠠᠢᠪᠠᠷ ᠥᠭᠡᠳᠡᠯᠡᠨ ᠳᠠᠪᠰᠢᠬᠤ ᠵᠢᠨ ᠦᠨᠳᠦᠰᠦᠨ ᠪᠠᠳᠤᠯᠠᠭᠠ ᠪᠣᠯᠬᠤ ᠶᠤᠮ᠃ ᠭᠠᠭᠴᠠ ᠬᠦ᠌ ᠢᠩᠭᠢᠪᠡᠯ ᠰᠠᠶᠢ ᠰᠤᠷᠤᠭᠴᠢᠳᠲᠤ ᠠᠯᠳᠠᠭᠠ ᠲᠤᠳᠠᠭᠳᠠᠯ ᠵᠶ᠋ᠠᠨ ᠬᠠᠯᠠᠨ ᠵᠠᠰᠠᠬᠤ ᠬᠦᠴᠦᠨ ᠵᠣᠷᠢᠭᠢ ᠤᠯᠭᠤᠵᠦ ᠴᠢᠳᠠᠨᠠ᠃ ᠪᠠᠭᠰᠢ ᠰᠤᠷᠤᠭᠴᠢᠳᠢ ᠵᠤᠳᠤᠵᠦ ᠬᠠᠷᠢᠶᠠᠵᠤ ᠪᠣᠯᠬᠤ ᠦᠭᠡᠢ᠂ ᠰᠤᠷᠤᠭᠴᠢᠳᠲᠤ ᠭᠠᠷ ᠬᠥᠳᠡᠯᠬᠦ ᠪᠣᠯ ᠪᠠᠭᠰᠢ ᠵᠢᠨ ᠴᠢᠳᠠᠪᠦᠷᠢ ᠦᠭᠡᠢ ᠵᠢᠨ ᠨᠢᠭᠡ ᠵᠦᠢ᠍ᠯᠤᠨ ᠢᠯᠡᠷᠡᠯ ᠮᠥᠨ᠃ ᠰᠤᠷᠤᠭᠴᠢ ᠵᠢ ᠰᠢᠭᠦᠮᠵᠢᠯᠡᠬᠦᠳᠤᠪᠠᠨ ᠲᠥᠪ ᠴᠢᠩᠭᠠ ᠪᠥᠭᠡᠳ ᠵᠣᠷᠢᠬ᠍ᠵᠢᠭᠤᠯᠤᠯᠲᠠᠢ ᠤᠶᠠᠯᠳᠤᠭᠤᠯᠪᠠᠯ ᠵᠤᠬᠢᠨᠡ᠃ ᠬᠠᠷᠢᠨ ᠨᠠᠭ᠋ᠠᠳᠤᠮ ᠱᠤᠭ ᠭᠠᠷᠭ᠋ᠠᠵᠤ᠂ ᠶᠥᠭᠡᠳᠡᠵᠦ ᠬᠡᠯᠡᠬᠦᠠᠴᠠ ᠵᠠᠶ᠋ᠢᠯᠠᠰᠬᠢᠬᠤ ᠴᠢᠬᠤᠯᠠᠲᠠᠢ᠃ ᠰᠤᠷᠭ᠋ᠠᠨ ᠬᠥᠮᠦᠵᠢᠯᠤᠨ ᠠ᠋ᠷᠳᠡᠮᠲᠡᠨ ᠰᠦᠬᠤᠮᠯᠢᠨ᠋ᠰᠺᠢ᠄ 《ᠵᠠᠷᠢᠮ ᠦᠶᠡᠳᠤ ᠠᠭᠤᠴᠢᠯᠠᠯᠠᠴᠠ ᠪᠤᠯᠤᠬᠰᠡᠨ ᠶᠣᠰᠤ ᠮᠤᠷᠠᠯᠤᠨ ᠳᠤᠩᠰᠤᠯᠳᠡᠨᠢ ᠶᠠᠯᠠᠯᠠᠨ ᠰᠢᠢ᠍ᠳᠭᠡᠬᠦᠠᠴᠠ ᠨᠡᠩ ᠴᠢᠩᠭᠠ ᠰᠢᠷᠦᠭᠦᠨ ᠶᠤᠮ》 ᠭᠡᠵᠠᠢ᠃
（ᠳᠥᠷᠪᠡ） ᠠᠩᠬᠢ ᠵᠢᠨ ᠪᠠᠭᠰᠢ ᠪᠤᠯᠤᠭᠰᠠᠳ ᠰᠤᠷᠤᠭᠴᠢᠲᠠᠢᠪᠠᠨ ᠶᠠᠷᠢᠯᠴᠠᠨ ᠤᠶ᠋ᠢᠯᠠᠭ᠋ᠠᠯᠴᠠᠭ᠍ᠤ ᠳᠠᠳᠬᠠᠯᠲᠠᠢ ᠪᠠᠶ᠋ᠢᠬᠤ ᠬᠡᠷᠡᠭᠳᠠᠢ᠃ ᠤᠯᠠᠩᠬᠢ ᠪᠠᠭᠰᠢ ᠨᠠᠷ ᠰᠤᠷᠤᠬ᠍ᠴᠢᠳᠤ ᠦᠵᠡᠯ ᠰᠠᠨᠠᠭ᠋ᠠᠨᠤ ᠬᠦᠮᠦᠵᠢᠯ ᠬᠢᠬᠦᠳᠤᠪᠠᠨ ᠶᠠᠷᠦᠨᠢ ᠰᠢᠬᠦᠮᠵᠢᠯᠡᠬᠦ ᠪᠠ ᠶᠠᠷᠢᠯᠴᠠᠭ᠍ᠤ ᠵᠢ ᠤᠶᠠᠯᠳᠤᠭᠤᠯᠬᠤ ᠠᠷᠭᠠ ᠵᠢ ᠠᠪᠳᠠᠭ᠃ ᠰᠢᠭᠦᠮᠵᠢᠯᠡᠬᠦ ᠪᠠ ᠰᠤᠷᠤᠭᠴᠢᠲᠠᠢ ᠶᠠᠷᠢᠯᠴᠠᠭ᠍ᠤ ᠦᠶᠡᠳᠤ ᠴᠠᠭ ᠲᠤᠬᠢᠶᠠᠯ᠂ ᠤᠷᠤᠨ ᠵᠠᠢ᠂ ᠤᠴᠢᠷ ᠶᠠᠪᠤᠳᠠᠯ ᠵᠢᠴᠢ ᠵᠠᠩ ᠠᠭ᠋ᠠᠯᠢ ᠵᠡᠷᠭᠡ ᠲᠠᠯᠠᠪᠠᠷ ᠨᠠᠷᠢᠯᠢᠬ ᠡᠵᠡᠮᠰᠢᠭᠰᠡᠨ ᠪᠠᠶ᠋ᠢᠬᠤ ᠴᠢᠬᠤᠯᠠᠲᠠᠢ᠃ ᠰᠢᠭᠦᠮᠵᠢᠯᠡᠯ ᠪᠣᠯ ᠰᠤᠷᠭ᠋ᠠᠵᠤ ᠬᠥᠮᠦᠵᠢᠭᠦᠯᠬᠦ ᠵᠢᠨ ᠴᠢᠬᠤᠯᠠ ᠨᠢᠭᠡ ᠵᠤᠶ᠋ᠢᠯᠤᠨ ᠠᠷᠭᠠ ᠮᠥᠨ᠃ ᠵᠠᠩ ᠠᠭ᠋ᠠᠯᠢᠳᠤᠨᠢ ᠲᠤᠬᠢᠷᠠᠭᠤᠯᠤᠨ ᠴᠠᠭ ᠪᠠ ᠤᠷᠤᠨ ᠪᠠᠶ᠋ᠢᠷᠢ ᠵᠢ ᠵᠦᠪ ᠰᠤᠩᠭᠤᠵᠦ᠂ ᠤᠴᠢᠷ ᠶᠠᠪᠤᠳᠠᠯᠤᠨ ᠬᠦᠨᠳᠦ ᠬᠦᠩᠭᠡᠨᠳᠤᠨᠢ ᠵᠤᠬᠢᠴᠠᠭᠤᠯᠤᠭᠰᠠᠨ ᠵᠥᠪ ᠰᠢᠭᠦᠮᠵᠢᠯᠡᠯ ᠪᠣᠯ ᠰᠤᠷᠤᠭᠴᠢ ᠵᠢ ᠬᠠᠪᠰᠤᠷᠴᠤ ᠳᠤᠲᠠᠭᠳᠠᠯᠢᠨᠢ ᠵᠠᠯᠠᠷᠠᠭᠤᠯᠵᠦ ᠴᠢᠳᠠᠨᠠ᠃ ᠬᠡᠷᠪᠡ ᠴᠠᠭ ᠲᠤᠬᠢᠶᠠᠯᠨᠢ ᠵᠤᠬᠢᠴᠠᠭ᠍ᠤ ᠦᠭᠡᠢ᠂ ᠤᠷᠴᠢᠨ ᠲᠤᠭᠤᠷᠢᠨᠢ ᠠᠩᠬᠠᠷᠤᠭᠰᠠᠨ ᠦᠭᠡᠢ᠂ ᠬᠡᠮᠵᠢᠶᠡ ᠬᠢᠵᠠᠭ᠋ᠠᠷᠢᠨᠢ ᠬᠡᠲᠦᠷᠡᠭᠦᠯᠦᠭᠰᠡᠨ ᠰᠢᠭᠦᠮᠵᠢᠯᠡᠯᠨᠢ ᠰᠤᠷᠤᠬ᠍ᠴᠢ ᠵᠢᠨ ᠦᠪᠡᠷᠢᠪᠠᠨ ᠬᠦᠨᠳᠦᠳᠬᠡᠬᠦ ᠰᠡᠳᠬᠢᠯᠭᠡ ᠵᠢ ᠶᠡᠭᠡᠪᠠᠷ ᠬᠦᠨᠳᠡᠭᠰᠡᠨ ᠪᠤᠯ ᠦᠷᠡ ᠳ᠋ᠦᠩᠨᠢ ᠬᠠᠷᠢᠨ ᠦᠰᠦᠳ ᠥᠭᠡᠷᠡ ᠪᠣᠯᠳᠠᠭ ᠶᠤᠮ᠃ ᠪᠠᠭᠰᠢ ᠵᠢᠨ ᠰᠢᠬᠦᠮᠵᠢᠯᠡᠯ ᠬᠦᠮᠦᠵᠢᠯᠤᠨ ᠵᠤᠷᠢᠯᠭᠠᠨᠢ ᠰᠤᠷᠤᠭᠴᠢ ᠵᠢᠨ ᠢᠳᠡᠪᠬᠢ ᠴᠢᠨᠠᠷ᠂ ᠳᠠᠯᠳᠠ ᠬᠦᠴᠦᠨᠢᠨᠢ ᠲᠠᠶ᠋ᠢᠴᠢᠯᠠᠨ ᠤᠷᠤᠭᠰᠢ ᠳᠠᠪᠰᠢᠬᠤᠳᠤᠨᠢ ᠲᠤᠰᠠᠯᠠᠭ᠍ᠤ ᠶᠠᠪᠤᠳᠠᠯ ᠪᠤᠯᠬᠤᠠᠴᠠ ᠪᠢᠰᠢ᠂ ᠬᠠᠷᠢᠨ ᠵᠠᠯᠬᠠᠭ᠋ᠠᠯᠳᠠ ᠪᠢᠰᠢ᠃ ᠪᠠᠭᠰᠢ ᠬᠡᠷᠪᠡ ᠵᠦᠢ ᠵᠣᠬᠢᠰᠲᠠᠢ ᠰᠢᠭᠦᠮᠵᠢᠯᠡᠵᠦ᠂ ᠰᠢᠭᠦᠮᠵᠢᠯᠡᠯᠤᠨ ᠲᠤᠮᠳᠠ ᠵᠣᠷᠢᠬ᠍ᠵᠢᠭᠤᠯᠤᠯ ᠪᠠ ᠬᠦᠰᠡᠯ ᠱᠠᠭ᠋ᠠᠷᠳᠠᠯᠭᠠ ᠵᠢ ᠬᠠᠪᠰᠤᠷᠭ᠋ᠠᠵᠤ᠂ ᠰᠢᠭᠦᠮᠵᠢᠯᠡᠯᠤᠨ ᠲᠤᠮᠳᠠ ᠴᠢᠩ ᠦᠨᠡᠨᠴᠢ ᠪᠥᠭᠡᠳ ᠬᠠᠯᠠᠭᠤᠨ ᠰᠡᠳᠬᠢᠯ ᠠᠬᠤᠭᠤᠯᠵᠤ ᠪᠠᠶ᠋ᠢᠪᠠᠯ ᠰᠤᠷᠤᠭᠴᠢᠳᠤ ᠵᠥᠪ ᠪᠤᠷᠤᠭᠤ ᠵᠢ ᠲᠣᠳᠤᠷᠬᠠᠢ ᠲᠠᠨᠢᠭᠤᠯᠵᠦ᠂ ᠲᠡᠭᠦᠨᠤ ᠵᠥᠪ ᠵᠠᠮᠳᠤ ᠦᠳᠳᠡᠷ ᠲᠦᠷᠭᠡᠨ ᠳᠠᠪᠰᠢᠨ ᠣᠷᠤᠬᠤ ᠵᠢ ᠠᠬᠢᠭᠤᠯᠵᠦ ᠪᠣᠯᠤᠨᠠ᠃ ᠳᠠᠭᠤᠳᠠᠨ ᠶᠠᠷᠢᠯᠴᠠᠭ᠍ᠤ ᠪᠣᠯ ᠦᠵᠡᠯ ᠰᠬᠠᠭ᠋ᠠᠨᠤ ᠠᠵᠢᠯᠤᠨ ᠲᠤᠮᠳᠠ ᠦᠷᠭᠦᠯᠵᠢ ᠬᠡᠷᠡᠭᠯᠡᠵᠦ ᠪᠠᠶ᠋ᠢᠳᠠᠭ ᠪᠠᠰᠠ ᠨᠢᠭᠡ ᠵᠦᠢ᠍ᠯᠤᠨ ᠠᠷᠭᠠ ᠪᠠᠷᠢᠯ ᠶᠤᠮ᠃ ᠪᠦᠳᠦᠮᠵᠢᠳᠡᠢ ᠶᠠᠷᠢᠯᠴᠠᠭᠠᠨᠢ ᠤᠴᠢᠷ ᠶᠠᠪᠤᠳᠠᠯᠤᠨ ᠦᠨᠡᠨ ᠪᠤᠳᠠᠳᠠᠢᠲᠠᠢ ᠨᠡᠶ᠋ᠢᠴᠡᠵᠦ᠂ ᠰᠡᠳᠭᠢᠯᠭᠡ ᠵᠢᠨ ᠤᠨᠢᠰᠤ ᠵᠢᠨᠢ ᠨᠡᠭᠡᠭᠡᠵᠦ ᠴᠢᠳᠠᠳᠠᠭᠠᠴᠠ ᠲᠠᠨᠤ ᠬᠦᠮᠦᠵᠢᠯᠢ ᠪᠠᠶᠠᠷᠲᠠᠢ ᠬᠦᠯᠢᠶᠡᠨ ᠠᠪᠬᠤᠪᠠᠷ ᠪᠠᠷᠠᠭ᠍ᠤ ᠦᠭᠡᠢ ᠳᠣᠲᠤᠭ᠋ᠠᠳᠤ ᠰᠡᠳᠭᠢᠯᠠᠴᠠᠪᠠᠨ ᠪᠢᠰᠢᠷᠡᠵᠦ᠂ ᠬᠤᠶᠠᠷ ᠠ᠋ᠲᠡᠭᠡᠳᠤᠨ ᠪᠣᠳᠤᠯ ᠰᠠᠨᠠᠯ ᠵᠢᠴᠢ ᠰᠡᠳᠭᠢᠯᠭᠡᠪᠠᠨ ᠰᠣᠯᠢᠯᠴᠠᠭ᠍ᠤ ᠵᠢ ᠠᠬᠢᠭᠤᠯᠵᠦ ᠴᠢᠳᠠᠨᠠ᠃ ᠠ᠋ᠶᠡᠯᠳᠡᠭ ᠳᠠᠭ᠋ᠠᠯᠠᠮᠵᠢᠳᠠᠢ ᠶᠠᠷᠢᠯᠴᠠᠭ᠋ᠠᠨᠤ ᠳᠤᠮᠳᠠ ᠰᠤᠷᠤᠭᠴᠢ ᠪᠠᠭᠰᠢᠠᠴᠠ ᠬᠢᠴᠢᠶᠡᠨ ᠰᠡᠷᠡᠮᠵᠢᠯᠡᠬᠦ᠂ ᠠᠶᠤᠵᠤ ᠠ᠋ᠮᠢᠶᠡᠬᠦ᠂ ᠵᠤᠪᠠᠭ᠍ᠤ ᠵᠡᠷᠭᠡ ᠰᠡᠳᠭᠢᠯᠭᠡ ᠵᠢᠨ ᠬᠥᠳᠡᠯᠭᠡᠭᠡᠨ ᠠ᠋ᠭᠦᠰᠬᠦ ᠦᠭᠡᠢᠠᠴᠠ ᠪᠤᠯᠵᠦ᠂ ᠳᠤᠳᠤᠭ᠋ᠠᠳᠦ ᠰᠡᠳᠬᠢᠯᠤᠨ ᠨᠢᠭᠤᠴᠠᠪᠠᠨ ᠠᠭᠤᠳᠠᠯᠠᠨ ᠪᠤᠳᠤᠭᠰᠠᠨ ᠰᠠᠨᠠᠭᠰᠠᠨ ᠵᠤᠶ᠋ᠢᠯ ᠵᠶ᠋ᠠᠨ ᠲᠠᠨᠳᠤ ᠳᠡᠯᠭᠡᠬᠦ ᠪᠤᠯᠤᠨᠠ᠃ ᠠ᠋ᠬᠦᠨᠤ ᠲᠤᠬᠠᠢ ᠨᠢᠭᠡᠨ ᠲᠦᠬᠦᠮ ᠵᠢᠱ᠌ᠢᠶᠡ ᠳᠤᠷᠠᠳᠪᠠᠯ᠄ ᠮᠢᠨᠦ ᠭᠤᠷᠪᠠᠳᠠᠬᠢ ᠤᠳᠠᠭ᠋ᠠᠨᠤ ᠠ᠋ᠷᠬᠢᠯᠡᠭᠰᠡᠨ ᠠᠩᠬᠢᠳᠤ ᠰᠤᠯᠠ ᠨᠤᠮ ᠦᠵᠡᠬᠦ ᠳᠤᠷᠠᠳᠠᠢ ᠨᠢᠭᠡᠨ ᠬᠡᠤᠭᠡᠨ ᠰᠤᠷᠤᠭᠴᠢ ᠪᠠᠶ᠋ᠢᠭᠰᠠᠨ ᠶᠤᠮ᠃ ᠲᠡᠬᠦᠨᠤ ᠲᠤᠬᠠᠢ ᠬᠢᠴᠢᠶᠡᠯᠤᠨ ᠪᠠᠭᠰᠢ ᠨᠠᠷ ᠴᠦ᠍ ᠨᠠᠳᠠᠳᠤ ᠬᠠᠶᠠ ᠬᠡᠯᠡᠳᠡᠭ ᠪᠠᠶ᠋ᠢᠭᠰᠠᠨᠢᠨᠢ ᠪᠢ ᠳᠡᠮᠡᠢ ᠠᠩᠬᠠᠷᠤᠯᠳᠤᠪᠠᠨ ᠠᠪᠤᠭᠰᠠᠨ ᠦᠭᠡᠢ᠃ ᠨᠢᠭᠡ ᠤᠳᠠᠭᠠ ᠮᠢᠨᠦ ᠬᠢᠴᠢᠶᠡᠯ ᠳᠡᠭᠡᠷᠡ ᠲᠡᠷᠡ ᠭᠦ᠌ ᠠ᠋ᠮᠡᠭᠲᠡᠢ ᠰᠤᠷᠤᠭᠴᠢ ᠬᠢᠴᠢᠶᠡᠯ ᠰᠠᠢ᠍ᠢ᠍ᠬᠠᠨ ᠰᠤᠨᠤᠰᠬᠤ ᠦᠭᠡᠢ ᠰᠡᠳᠭᠦᠯ ᠬᠤᠯᠭᠤᠨ ᠦᠵᠡᠵᠦ ᠪᠠᠶ᠋ᠢᠪᠠ᠃ ᠪᠢ ᠬᠢᠴᠢᠶᠡᠯ ᠵᠶ᠋ᠠᠨ ᠲᠠᠶ᠋ᠢᠯᠪᠦᠷᠢᠯᠠᠭ᠍ᠤ ᠵᠢᠨ ᠳᠠᠭ᠋ᠠᠤ ᠲᠡᠭᠦᠨᠳᠤ ᠨᠢᠭᠡ ᠳᠣᠬᠢᠶᠠ ᠥᠭᠭᠦᠭᠰᠡᠨᠳᠤ ᠲᠡᠷᠡ ᠰᠡᠩᠳᠡ ᠮᠡᠩᠳᠡ ᠰᠡᠳᠭᠦᠯ ᠵᠶ᠋ᠠᠨ ᠰᠢᠷᠭᠤᠤᠯᠳᠤᠪᠠᠨ ᠴᠢᠬᠢᠵᠠᠢ᠃ ᠬᠢᠴᠢᠶᠡᠯᠤᠨ ᠳᠠᠩᠬᠢᠮᠠᠴᠠ ᠭᠠᠷᠬᠤᠳᠤᠪᠠᠨ ᠪᠢ ᠲᠡᠭᠦᠨᠳᠤ᠄ 《ᠮᠢᠨᠦ ᠠᠯᠪᠠᠨ ᠭᠡᠷᠲᠤ ᠣᠴᠢᠭ᠋ᠠᠷᠠᠢ！》 ᠭᠡᠵᠦ ᠵᠠᠬᠢᠪᠠ᠃ ᠠᠯᠪᠠᠨ ᠭᠡᠷᠲᠤᠪᠠᠨ ᠬᠦᠷᠴᠦ ᠨᠡᠯᠢᠶᠡᠳ ᠬᠦᠯᠢᠶᠡᠭᠡᠳ ᠢᠷᠡᠬᠦ ᠦᠭᠡᠢ ᠲᠤᠯᠠ ᠳᠠᠬᠢᠭ᠋ᠠᠳ ᠲᠡᠭᠦᠨᠢ ᠠ᠋ᠷᠢᠬᠦᠪᠠᠷ ᠭᠠᠷᠬᠤᠳᠤ ᠲᠡᠷᠡ ᠲᠦᠲᠡᠬᠡᠯᠵᠡᠭᠰᠡᠨ ᠪᠣᠯᠤᠯᠲᠠᠢ ᠱᠠᠳᠤᠨ ᠳᠡᠭᠡᠷᠡ ᠵᠣᠭᠰᠤᠵᠤ ᠪᠠᠶ᠋ᠢᠪᠠ᠂ 《ᠶᠠᠭ᠋ᠠᠬᠢᠭ᠋ᠠᠳ ᠠᠯᠪᠠᠨ ᠭᠡᠷᠲᠤ ᠣᠷᠤᠬᠤ ᠦᠭᠡᠢ ᠪᠤᠢ？》 ᠭᠡᠬᠦᠳᠤ᠄ 《ᠤᠯᠠᠨ ᠪᠠᠭᠰᠢ ᠵᠢᠨ ᠠ᠋ᠮᠦᠨᠡ ᠰᠢᠭᠦᠮᠵᠢᠯᠡᠬᠦᠠᠴᠠ ᠠᠶᠤᠯᠠ》 ᠭᠡᠵᠦ ᠴᠢᠷᠠᠢᠪᠠᠨ ᠤᠯᠠᠶ᠋ᠢᠯᠬᠠᠨ ᠳᠤᠷᠤᠢ ᠳᠠᠭᠤᠨ ᠵᠶ᠋ᠠᠷ ᠦᠴᠢᠪᠡ᠂ ᠠ᠋ᠬᠦᠨᠢᠨᠢ ᠬᠠᠷᠠᠭ᠋ᠠᠳ ᠪᠢ ᠪᠣᠳᠤᠯ ᠵᠶ᠋ᠠᠨ ᠥᠭᠡᠷᠡᠴᠢᠯᠡᠵᠦ᠂ ᠲᠡᠭᠦᠨᠤ ᠠᠯᠪᠠᠨ ᠭᠡᠷᠲᠤ ᠣᠴᠢᠬᠤ ᠵᠢ ᠱᠠᠭ᠋ᠠᠷᠳᠠᠭᠰᠠᠨ ᠦᠭᠡᠢ᠂ ᠭᠠᠳᠠᠭᠰᠢ ᠲᠠᠭ᠋ᠠᠭᠤᠯᠤᠨ ᠭᠠᠷᠴᠤ ᠶᠠᠷᠢᠯᠴᠠᠭᠰᠠᠨ ᠪᠠᠢ᠍ᠢ᠍ᠨᠠ᠃ 《ᠬᠢᠴᠢᠶᠡᠯ ᠳᠡᠭᠡᠷᠡ ᠶᠠᠮᠠᠷ ᠨᠣᠮ ᠦᠵᠡᠭᠰᠡᠨ ᠪᠤᠢ？》᠂ 《ᠳᠡᠯᠡᠬᠡᠢ ᠵᠢᠨ ᠤᠳᠬᠠ ᠵᠣᠬᠢᠶᠠᠯ》᠂ 《ᠳᠡᠯᠡᠭᠡᠢ ᠵᠢᠨ ᠤᠳᠬᠠ ᠵᠤᠬᠢᠶᠠᠯ ᠳᠡᠭᠡᠷᠡᠬᠢ ᠵᠤᠬᠢᠶᠠᠯᠨᠤᠭᠤᠳ ᠶᠠᠮᠠᠷ ᠵᠡᠷᠭᠡ ᠪᠤᠢ？》᠂ ᠠ᠋ᠨᠡ ᠭᠦ᠌ ᠠᠰᠠᠭᠤᠯᠳᠠᠨᠢ ᠲᠡᠬᠦᠨᠤ ᠦᠭᠡᠨᠤ ᠤᠭᠤᠳᠠ ᠵᠢ ᠨᠡᠭᠡᠭᠡᠵᠦ ᠤᠷᠮᠠ ᠵᠢᠨᠢ ᠰᠡᠷᠬᠦᠭᠡᠪᠡ᠃ 《ᠪᠠᠭᠰᠢ ᠡ᠂ ᠳᠡᠯᠡᠭᠡᠢ ᠵᠢᠨ ᠤᠳᠬᠠ ᠵᠤᠬᠢᠶᠠᠯ ᠳᠡᠭᠡᠷᠡᠬᠢ ᠵᠤᠬᠢᠶᠠᠯᠨᠤᠭᠤᠳ ᠶᠡᠭᠡ ᠰᠤᠨᠢᠷᠬᠠᠯᠳᠠᠢ ᠰᠢᠤ᠂ ᠲᠠ ᠪᠠᠰᠠ ᠦᠷᠬᠦᠯᠵᠢ ᠨᠤᠮ ᠵᠤᠬᠢᠶᠠᠯ ᠦᠵᠡᠳᠡᠭ ᠪᠠ？》᠂ 《ᠦ᠂ ᠲᠡᠶ᠋ᠢᠮᠦ ᠡ᠂ ᠪᠢ ᠴᠢᠯᠦᠭᠡᠲᠠᠢ ᠪᠤᠯ ᠪᠠᠭᠠ ᠰᠠᠭᠠ ᠤᠩᠰᠢᠳᠠᠭ ᠶᠤᠮ᠃ ᠨᠤᠮ ᠤᠩᠰᠢᠬᠤᠨᠢ ᠰᠠᠶ᠋ᠢᠨ ᠤᠴᠢᠷ᠂ ᠬᠡᠪᠡᠴᠦ ᠬᠢᠴᠢᠶᠡᠯᠤᠨ ᠴᠠᠭᠲᠤ ᠪᠤᠰᠤᠳ ᠵᠤᠶ᠋ᠢᠯᠤᠨ ᠨᠤᠮ ᠤᠩᠰᠢᠬᠤᠨᠢ ᠬᠠᠷᠢᠨ ᠴᠢᠨᠦ ᠰᠤᠷᠤᠯᠭᠠ ᠵᠢᠨ ᠬᠢᠷᠢ ᠪᠦᠳᠤᠮᠵᠢ ᠵᠢ ᠨᠦᠯᠦᠭᠡᠯᠡᠨᠡ ᠰᠢᠦ》 ᠬᠡᠬᠦ ᠵᠡᠷᠭᠡᠪᠠᠷ ᠦᠭᠡ ᠵᠢᠨ ᠠᠶᠠᠰ ᠵᠶ᠋ᠠᠨ ᠵᠦᠭᠡᠯᠡᠷᠡᠬᠦᠯᠵᠦ ᠲᠡᠭᠦᠨᠤ ᠰᠠᠬᠢᠯᠭᠠ ᠪᠠᠳᠤ ᠵᠢ ᠵᠦᠷᠢᠴᠡᠭᠰᠡᠨ ᠦᠵᠡᠭᠳᠡᠯᠳᠤ ᠬᠦᠩᠭᠡᠨ ᠰᠢᠭᠦᠮᠵᠢ ᠦᠭᠴᠠᠢ᠃ ᠬᠡᠳᠦᠨ ᠠ᠋ᠳᠦᠷᠤᠨ ᠳᠠᠷᠠᠭᠠ ᠪᠡᠶᠡᠯᠡᠭᠦᠯᠦᠭᠰᠡᠨ ᠳᠠᠰᠬᠠᠯᠳᠤᠪᠠᠨ ᠬᠠᠪᠴᠢᠭᠤᠯᠤᠭᠰᠠᠨ ᠵᠠᠬᠢᠶᠠ ᠵᠢᠨᠢ ᠣᠯᠵᠤ ᠠᠪᠤᠪᠠ᠃ 《ᠪᠠᠭᠰᠢ ᠡ！ ᠲᠡᠷᠡ ᠠ᠋ᠳᠦᠷ ᠠᠰᠠᠷᠤᠨ ᠱᠠᠳᠤᠨ ᠳᠡᠭᠡᠷᠡ ᠶᠠᠷᠢᠯᠴᠠᠭᠰᠠᠨᠠᠴᠠ ᠬᠤᠢ᠍ᠢ᠍ᠰᠢ ᠬᠢᠴᠢᠶᠡᠯ ᠳᠡᠭᠡᠷᠡ ᠰᠤᠯᠠ ᠨᠣᠮ ᠦᠵᠡᠬᠦ ᠦᠭᠡᠢ ᠭᠡᠵᠦ ᠵᠣᠷᠢᠭ ᠰᠢᠭᠤᠳᠤᠯᠠ᠃ ᠠᠯᠪᠠᠨ ᠭᠡᠷᠲᠤ ᠠᠪᠠᠴᠢᠭ᠋ᠠᠳ ᠳᠣᠩᠭᠤᠳᠬᠤᠠᠴᠠ ᠠᠶᠤᠯᠠ — ᠲᠡᠶ᠋ᠢᠮᠦ ᠤᠯᠠᠨ ᠪᠠᠭᠰᠢ ᠵᠢᠨ ᠨᠢᠳᠤ ᠮᠢᠨᠦ ᠵᠦᠭ ᠰᠢᠷᠳᠡᠬᠦᠳᠤ ᠶᠣᠰᠣᠲᠠᠢ ᠵᠣᠪᠠᠵᠤ ᠦᠬᠦᠳᠡᠭ ᠬᠡᠷᠡᠭ᠃ ᠬᠡᠷᠪᠡ ᠲᠡᠷᠡ ᠠ᠋ᠳᠦᠷ ᠲᠠ ᠨᠠᠮᠠᠶ᠋ᠢ ᠦᠨᠡᠬᠡᠷ ᠠᠯᠪᠠᠳᠠᠨ ᠤᠷᠤᠭᠤᠯᠤᠭᠰᠠᠨ ᠪᠣᠯ ᠪᠢ ᠲᠠᠨᠢ ᠵᠠᠨᠤᠬᠤ ᠪᠠᠶ᠋ᠢᠭᠰᠠᠨ᠃ ᠰᠠᠨᠠᠭ᠋ᠠᠨᠠᠴᠠ ᠭᠠᠳᠠᠭᠤᠷ ᠲᠠ ᠬᠠᠷᠢᠨ ᠁》᠃ ᠠ᠋ᠨᠡ ᠶᠠᠪᠤᠳᠠᠯᠠᠴᠠ ᠬᠤᠶ᠋ᠢᠰᠢ ᠬᠢᠴᠢᠶᠡᠯᠤᠨ ᠪᠠᠭᠰᠢ ᠨᠠᠷᠤᠨ ᠵᠠᠭ᠋ᠠᠯᠳᠤᠯᠭᠠ ᠵᠤᠬᠰᠤᠬᠰᠠᠨ ᠪᠢᠯᠡ᠃
（ᠲᠠᠪᠤ） ᠦᠪᠡᠷᠤᠨ ᠪᠡᠶᠡᠪᠠᠷ ᠵᠶ᠋ᠠᠨ ᠵᠢᠱ᠌ᠢᠶᠡ ᠦᠵᠡᠬᠦᠯᠬᠦ ᠳᠠᠳᠬᠠᠯᠢ ᠪᠦᠷᠢᠯᠳᠦᠬᠦᠯᠬᠦ ᠴᠢᠬᠤᠯᠠᠲᠠᠢ᠃ 《ᠰᠤᠷᠭ᠋ᠠᠯ ᠬᠡᠯᠡᠬᠦᠳᠤ ᠬᠡᠤᠭᠡᠳ ᠴᠢᠬᠢᠪᠠᠨ ᠲᠠᠭᠯᠠᠳᠠᠭ᠂ ᠦᠯᠢᠭᠡᠷ ᠵᠢᠱ᠌ᠢᠶᠡᠴᠢ ᠪᠠᠶ᠋ᠢᠪᠠᠯ ᠨᠢᠳᠦᠪᠠᠨ ᠨᠡᠭᠡᠭᠡᠳᠡᠭ》 ᠭᠡᠰᠡᠨ ᠰᠡᠴᠡᠨ ᠦᠭᠡ ᠪᠠᠶ᠋ᠢᠳᠠᠭ᠃ ᠪᠠᠭᠰᠢ ᠵᠢᠨ ᠵᠢᠱ᠌ᠢᠶᠡᠴᠢ ᠠᠵᠢᠯᠯᠠᠭᠠᠨᠢ 《ᠬᠤᠷᠮᠤᠰᠳᠠ》 ᠵᠢᠨ ᠰᠡᠳᠬᠢᠯᠢ ᠴᠦ᠍ ᠬᠥᠳᠡᠯᠭᠡᠳᠡᠭ ᠭᠡᠵᠤ ᠬᠥᠮᠦᠰ ᠬᠡᠯᠡᠳᠡᠭ᠃ ᠠ᠋ᠨᠡᠨᠢ 《ᠶᠣᠰᠤ ᠮᠤᠷᠠᠯᠤᠨ ᠬᠦᠮᠦᠵᠢᠯᠳᠤ ᠮᠢᠩᠭᠠ ᠲᠦᠮᠡᠨ ᠦᠭᠡ ᠬᠡᠯᠡᠬᠦ ᠵᠢᠨ ᠣᠷᠤᠨᠳᠤ ᠨᠢᠭᠡᠨ ᠰᠠᠶ᠋ᠢᠨ ᠬᠡᠪ ᠳᠦᠷᠢᠮ ᠦᠵᠡᠭᠦᠯᠬᠦ ᠵᠢ ᠬᠦᠷᠬᠦ ᠦᠭᠡᠢ ᠶᠤᠮ》᠂ 《ᠬᠢᠵᠦ ᠰᠤᠷᠭ᠋ᠠᠬᠤ》ᠨᠢ 《ᠬᠡᠯᠡᠵᠦ ᠰᠤᠷᠭ᠋ᠠᠬᠤ》ᠠᠴᠠ ᠪᠠᠰᠠ ᠴᠢᠬᠤᠯᠠ ᠪᠠᠶ᠋ᠢᠳᠠᠭ ᠭᠡᠰᠡᠨ ᠤᠴᠢᠷ ᠶᠤᠰᠤ ᠵᠢ ᠪᠢᠳᠠᠨᠳᠤ ᠮᠡᠳᠡᠬᠦᠯᠵᠦ ᠪᠠᠶ᠋ᠢᠳᠠᠭ᠃ ᠪᠡᠶᠡᠪᠠᠷ ᠵᠶ᠋ᠠᠨ ᠬᠢᠵᠦ ᠰᠤᠷᠭ᠋ᠠᠬᠤᠨᠢ ᠪᠠᠭᠠ ᠨᠠᠰᠤᠨᠤ ᠬᠡᠤᠬᠡᠳᠤᠨ ᠳᠠᠭᠤᠷᠢᠶᠠᠵᠤ ᠰᠤᠷᠬᠤᠳᠤᠪᠠᠨ ᠴᠢᠳᠠᠮᠠᠭ᠋ᠠᠢ ᠪᠠᠶ᠋ᠢᠳᠠᠭ ᠣᠨᠴᠠᠯᠢᠭᠲᠠᠢ ᠨᠡᠶ᠋ᠢᠴᠡᠬᠦ ᠪᠥᠭᠡᠳ ᠠ᠋ᠭᠦᠨᠢ ᠲᠡᠳᠡᠨ ᠠᠮᠠᠷᠬᠠᠨ ᠬᠦᠯᠢᠶᠠᠨ ᠠᠪᠳᠠᠭ᠃ ᠶᠠᠮᠠᠷᠴᠤ ᠠᠯᠪᠠᠳᠠᠯᠭᠠ ᠵᠢᠨ ᠴᠢᠨᠠᠷ ᠦᠭᠡᠢ ᠰᠤᠷᠭ᠋ᠠᠨ ᠬᠥᠮᠦᠵᠢᠭᠦᠯᠦᠭᠴᠢ ᠵᠢᠨ ᠳᠠᠭᠤᠨ ᠦᠭᠡᠢ ᠠᠵᠢᠯᠯᠠᠭᠠ᠂ ᠵᠢᠱ᠌ᠢᠶᠡ ᠠᠵᠢᠯᠯᠠᠭᠠᠨᠢ ᠰᠤᠷᠤᠭᠴᠢᠳᠢ ᠨᠥᠯᠦᠭᠡᠯᠡᠨ ᠳᠠᠶ᠋ᠢᠴᠢᠯᠠᠵᠤ᠂ ᠠᠩᠬᠠᠷᠤᠯᠢ ᠲᠠᠲᠠᠳᠠᠭᠠᠴᠠ ᠲᠤᠶ᠋ᠢᠯᠤᠨ ᠶᠡᠭᠡ ᠬᠠᠶ᠋ᠢᠷᠠ ᠬᠠᠯᠠᠮᠵᠢ ᠵᠢᠨ ᠬᠦᠴᠤ ᠪᠠ ᠲᠠᠲᠠᠭ᠍ᠤ ᠬᠦᠴᠦᠨᠲᠠᠢ ᠪᠠᠶ᠋ᠢᠳᠠᠭ᠃ ᠰᠤᠷᠭ᠋ᠠᠨ ᠬᠥᠮᠦᠵᠢᠯᠤᠨ ᠠ᠋ᠷᠳᠡᠮᠳᠡᠨ ᠦᠱᠳᠡᠰᠺᠢᠠᠴᠠ 《ᠪᠠᠭᠰᠢ ᠵᠢᠨ ᠲᠤᠰ ᠪᠡᠶᠡ ᠵᠢᠨ ᠦᠯᠢᠭᠡᠷ ᠳᠠᠭᠤᠷᠢᠶᠠᠯ ᠪᠣᠯ ᠵᠠᠯᠠᠭᠤ ᠬᠥᠮᠦᠨᠤ ᠰᠡᠳᠭᠢᠯ ᠰᠠᠨᠠᠭ᠋ᠠᠨᠳᠤᠬᠢ ᠶᠠᠮᠠᠷᠪᠠ ᠶᠠᠭᠤᠮᠠᠪᠠᠷ ᠴᠤ᠌ ᠤᠷᠤᠯᠠᠭᠤᠯᠵᠦ ᠦᠯᠦ ᠴᠢᠳᠠᠭ᠍ᠤ ᠬᠠᠮᠤᠭᠤᠨ ᠬᠡᠷᠡᠭᠴᠡᠭᠡᠲᠠᠢ ᠨᠠᠷᠠᠨᠤ ᠭᠡᠷᠡᠯ ᠮᠥᠨ》 ᠭᠡᠵᠠᠢ᠃
ᠠᠩᠭᠢ ᠵᠢᠨ ᠠ᠋ᠷᠬᠢᠯᠡᠭᠴᠢ ᠵᠢᠨ ᠠᠵᠢᠯ ᠪᠣᠯ ᠬᠠᠲᠠᠭᠤᠵᠢᠯᠲᠠᠢ ᠪᠥᠭᠡᠳ ᠪᠦᠲᠦᠭᠡᠯᠴᠢ ᠴᠢᠨᠠᠷᠲᠠᠢ ᠬᠥᠳᠡᠯᠮᠦᠷᠢ ᠪᠤᠯᠬᠤ ᠶᠤᠮ᠃ ᠠᠩᠬᠢ ᠵᠢᠨ ᠪᠠᠭᠰᠢ ᠪᠤᠯᠤᠬᠰᠡᠳ 《ᠠᠩᠬᠢ ᠵᠢᠨ ᠠ᠋ᠷᠬᠢᠯᠡᠭᠴᠢ ᠵᠢᠨ ᠪᠠᠶ᠋ᠢᠩᠭᠤ ᠵᠢᠨ ᠠᠵᠢᠯᠤᠨ ᠳᠠᠳᠬᠠᠯ》 ᠪᠠ 《ᠠᠩᠭᠢ ᠵᠢᠨ ᠪᠠᠭᠰᠢ ᠪᠤᠯᠤᠬᠰᠡᠳ ᠠ᠋ᠷᠬᠡᠪᠰᠢ ᠪᠦᠷᠢᠯᠳᠦᠭᠦᠯᠬᠦ ᠴᠢᠬᠤᠯᠠᠲᠠᠢ ᠳᠠᠳᠬᠠᠯ》ᠢ ᠠᠩᠬᠠᠷᠤᠯᠳᠤᠪᠠᠨ ᠠᠪᠴᠤ᠂ ᠬᠤᠶ᠋ᠢᠴᠢ ᠦᠶᠡᠪᠠᠨ ᠬᠠᠶ᠋ᠢᠷᠠᠯᠠᠵᠤ ᠭᠦᠮᠦᠵᠢᠭᠦᠯᠪᠡᠯ ᠵᠤᠬᠢᠨᠠ᠃ ᠶᠡᠷᠦᠳᠡ ᠵᠢᠨ ᠦᠭᠡᠨᠳᠤ᠄ 《ᠪᠠᠭᠰᠢ ᠵᠢᠨ ᠠᠵᠢᠯᠢ ᠵᠢᠷᠦᠭᠡ ᠰᠡᠳᠬᠢᠯᠤᠨ ᠬᠦᠨᠠᠴᠠᠪᠠᠨ ᠬᠠᠶ᠋ᠢᠷᠠᠯᠠᠭᠰᠠᠨ ᠬᠦᠮᠦᠨ ᠰᠠᠶᠢ ᠵᠢᠩᠬᠢᠨᠢ ᠪᠠᠭᠰᠢ ᠪᠤᠯᠵᠦ ᠴᠢᠳᠠᠨᠠ》 ᠭᠡᠵᠦ ᠬᠡᠯᠡᠳᠡᠭ᠃ 《ᠬᠠᠶ᠋ᠢᠷᠠᠯᠠᠭ᠍ᠤ ᠰᠡᠳᠬᠢᠯ ᠦᠭᠡᠢ ᠪᠤᠯᠪᠠᠰᠤ ᠬᠠᠮᠤᠭᠲᠤᠷ ᠬᠦᠨᠳᠦᠯᠡᠭᠳᠡᠬᠦ ᠦᠭᠡᠢ ᠬᠦᠩᠭᠡᠨ ᠪᠤᠯᠤᠮᠤᠢ》 ᠭᠡᠰᠡᠨᠴᠢᠯᠡᠨ ᠠᠩᠭᠢ ᠵᠢᠨ ᠪᠠᠭᠰᠢ ᠪᠤᠯᠤᠬᠰᠡᠳ ᠰᠤᠷᠤᠭᠴᠢ ᠵᠢᠨ ᠢᠳᠡᠭᠡᠯ ᠨᠠᠶ᠋ᠢᠳᠠᠯᠭᠠ᠂ ᠬᠠᠶ᠋ᠢᠷᠠ ᠬᠦᠨᠳᠦᠳᠭᠡᠯᠢ ᠤᠯᠵᠦ᠂ ᠬᠠᠷᠢᠯᠴᠠᠨ ᠤᠶ᠋ᠢᠯᠠᠭ᠋ᠠᠯᠴᠠᠭ᠍ᠤ ᠳᠤᠮᠳᠠᠠᠴᠠ ᠬᠡᠤᠬᠡᠳᠤᠨ ᠣᠶᠤᠨ ᠰᠠᠨᠠᠭ᠋ᠠᠨᠳᠤ ᠨᠡᠪᠲᠡᠷᠡᠬᠦ ᠠᠷᠭᠠ ᠵᠠᠮᠢ ᠬᠠᠶ᠋ᠢᠵᠦ᠂ ᠠᠤᠭᠠ ᠪᠠᠭᠲᠠᠭ᠋ᠠᠮᠵᠢᠳᠤ ᠬᠡᠬᠦᠳᠡᠭ ᠴᠡᠭᠡᠵᠢ᠂ ᠭᠦᠨ ᠵᠤᠵᠠᠭ᠋ᠠᠨ ᠬᠠᠶ᠋ᠢᠷᠠ ᠰᠡᠳᠭᠢᠯᠭᠡ᠂ ᠤᠳᠤᠷᠢᠳᠤᠨ ᠳᠠᠭ᠋ᠠᠭᠤᠯᠬᠤ ᠠᠷᠭᠠᠪᠠᠷ ᠵᠶ᠋ᠠᠨ ᠰᠤᠷᠤᠭᠴᠢ ᠵᠢᠨ ᠠᠯᠳᠠᠭᠠ ᠲᠤᠲᠠᠭᠳᠠᠯᠢ ᠠᠭᠤᠴᠢᠯᠠᠨ ᠪᠠᠭᠳᠠᠭ᠋ᠠᠵᠦ᠂ ᠤᠷᠠ ᠳᠡᠮᠲᠠᠢᠪᠠᠷ ᠵᠠᠯᠠᠷᠠᠭᠤᠯᠵᠦ᠂ ᠰᠤᠷᠤᠭᠴᠢ ᠵᠢᠨ ᠬᠤᠭᠤᠷᠤᠨᠳᠦᠬᠢ ᠵᠥᠷᠢᠴᠡᠯᠢ ᠴᠢᠳᠠᠮᠠᠭ᠋ᠠᠢᠪᠠᠷ ᠰᠢᠢ᠍ᠳᠪᠦᠷᠢᠯᠡᠬᠦ ᠦᠨᠳᠦᠰᠤᠨ ᠴᠢᠳᠠᠪᠦᠷᠢ ᠵᠢᠴᠢ ᠰᠠᠶ᠋ᠢᠨ ᠰᠠᠶ᠋ᠢᠬᠠᠨ ᠳᠠᠳᠬᠠᠯᠢ ᠪᠦᠷᠢᠯᠳᠦᠭᠦᠯᠪᠡᠯ ᠰᠠᠶᠢ ᠵᠢᠩᠬᠢᠨᠢ ᠨᠡᠷᠡ ᠨᠢᠳᠡᠷᠲᠤᠪᠠᠨ ᠨᠡᠶ᠋ᠢᠴᠡᠭᠰᠡᠨ ᠰᠢᠯᠢᠳᠡᠭ ᠠᠩᠬᠢ ᠵᠢᠨ ᠠ᠋ᠷᠬᠢᠯᠡᠭᠴᠢ ᠪᠠᠭᠰᠢ ᠪᠤᠯᠵᠦ ᠴᠢᠳᠠᠨᠠ᠃
ᠠᠵᠢᠯᠯᠠᠵᠤ ᠪᠠᠶ᠋ᠢᠭᠠ ᠪᠠᠢ᠍ᠢ᠍ᠭᠤᠯᠭᠠ᠄ ᠠᠯᠠᠱ᠌ᠠ ᠠᠢ᠍ᠢ᠍ᠮᠠᠭᠤᠨ ᠵᠢᠭ᠋ᠠᠬᠤ ᠵᠢ ᠰᠤᠳᠤᠯᠬᠤ ᠲᠠᠰᠤᠭ
（ᠮᠦᠨᠭᠭᠦᠨᠴᠢᠮᠡᠭ ᠨᠠᠢ᠍ᠢ᠍ᠷᠠᠭᠤᠯᠪᠠ）
2021 ᠣᠨᠤ 3 ᠳ᠋ᠤᠭ᠋ᠠᠷ ᠬᠤᠭᠤᠴᠠᠭᠠ