ᠦᠯᠵᠡᠶ᠋ᠢᠲᠤᠭᠲᠠᠭ᠍ᠤ
ᠮᠠᠨᠤ ᠰᠤᠷᠭ᠋ᠠᠭᠤᠯᠢᠨᠢ ᠠ᠋ᠳᠦᠷ ᠲᠤᠲᠤᠮᠤᠨ ᠵᠢᠭ᠋ᠠᠨ ᠰᠤᠷᠭ᠋ᠠᠯᠲᠠᠳᠤᠪᠠᠨ ᠬᠢᠴᠢᠶᠡᠯᠤᠨ ᠦᠭᠡᠷᠡᠴᠢᠯᠡᠯᠲᠡ ᠵᠢᠨ ᠲᠤᠬᠠᠢ ᠠᠯᠢ ᠤᠯᠠᠨ ᠤᠨᠤᠯ ᠦᠢ᠍ᠯᠡᠳᠦᠯᠭᠡ ᠵᠢᠨ ᠨᠤᠮ ᠮᠠᠲᠸᠷᠢᠶᠠᠯᠢ ᠪᠠᠭᠰᠢ ᠨᠠᠷᠲᠤᠪᠠᠨ ᠰᠤᠷᠤᠯᠴᠠᠭᠤᠯᠵᠤ᠂ ᠲᠡᠷᠢᠭᠦᠨᠤ ᠲᠠᠪᠰᠢᠩᠭᠤᠢ ᠦᠵᠡᠯ ᠰᠠᠨᠠᠭᠠ ᠪᠠ ᠠᠷᠭᠠᠪᠠᠷ ᠪᠠᠭᠰᠢ ᠨᠡᠷᠤᠨ ᠵᠶ᠋ᠠᠨ ᠲᠤᠬᠠᠶ᠋ᠢᠯᠠᠭᠰᠠᠨ ᠠᠵᠢᠯᠤᠨ ᠬᠢᠷᠢ ᠲᠦᠪᠰᠢᠨᠢ ᠴᠢᠷᠮᠠᠶ᠋ᠢᠨ ᠲᠡᠭᠡᠭᠰᠢᠯᠡᠭᠦᠯᠬᠦᠪᠠᠷ ᠤᠷᠤᠯᠳᠤᠵᠤ ᠢᠷᠡᠭᠰᠡᠨ ᠪᠦᠭᠡᠳ ᠲᠡᠳᠡᠭᠡᠷ ᠠᠰᠢᠭᠯᠠᠵᠤ ᠰᠤᠷᠤᠯᠴᠠᠭᠰᠠᠨ ᠨᠤᠮ ᠪᠢᠴᠢᠭᠤᠳᠤᠨ ᠲᠤᠲᠤᠷᠠᠠᠴᠠ ᠸ᠊ · ᠠ᠊ · ᠰᠦᠬᠤᠮᠯᠢᠨ᠋ᠰᠺᠢ ᠵᠢᠨ 《ᠪᠠᠭᠰᠢ ᠨᠠᠷᠲᠤ ᠦᠭᠭᠦᠭᠰᠡᠨ ᠵᠠᠭᠤᠨ ᠰᠠᠨᠠᠭᠤᠯᠭᠠ》 ᠭᠡᠬᠦ ᠨᠤᠮᠨᠢ ᠪᠠᠭᠰᠢ ᠨᠠᠷᠤᠨ ᠦᠵᠡᠯ ᠰᠠᠨᠠᠭᠠ ᠵᠢ ᠭᠦᠨᠵᠡᠭᠡᠢ ᠨᠦᠯᠦᠭᠡᠯᠡᠵᠦ᠂ ᠨᠢᠭᠡ ᠲᠠᠯᠠᠪᠠᠷ ᠰᠤᠷᠤᠯᠴᠠᠵᠤ᠂ ᠨᠦᠭᠦᠭᠡ ᠲᠠᠯᠠᠪᠠᠷ ᠪᠤᠲᠠᠲᠠᠢᠳᠤ ᠬᠡᠷᠡᠭᠵᠢᠭᠦᠯᠵᠦ ᠢᠷᠡᠭᠰᠡᠨ ᠪᠠᠶ᠋ᠢᠨᠠ᠃ ᠠ᠋ᠭᠦᠨᠤ ᠬᠠᠮᠲᠤ ᠬᠡᠳᠦᠨ ᠵᠢᠯᠤᠨ ᠲᠤᠷᠰᠢ ᠪᠦᠬᠦ ᠪᠠᠭᠰᠢ ᠨᠠᠷᠤᠨ ᠴᠢᠷᠮᠠᠶ᠋ᠢᠯᠭᠠᠪᠠᠷ ᠲᠤᠰ ᠨᠤᠮᠢ ᠲᠠᠬᠢᠨᠲᠠ ᠨᠠᠶ᠋ᠢᠷᠠᠭᠤᠯᠤᠨ ᠤᠷᠴᠢᠭᠤᠯᠵᠤ᠂ 2018 ᠤᠨᠤ 11 ᠰᠠᠷᠠᠳᠤ ᠯᠢᠶᠤᠤᠨᠢᠩᠤᠨ ᠦᠨᠳᠦᠰᠦᠲᠡᠨᠤ ᠬᠡᠪᠯᠡᠯᠤᠨ ᠬᠤᠷᠢᠶᠠᠠᠴᠠ ᠬᠡᠪᠯᠡᠭᠦᠯᠦᠭᠰᠡᠨ ᠶᠤᠮ᠃ ᠡ᠊ᠨᠳᠡ ᠪᠢ ᠲᠤᠰ ᠨᠤᠮᠢ ᠬᠡᠷᠡᠭᠯᠡᠵᠦ ᠠ᠋ᠬᠢᠯᠡᠭᠰᠡᠨᠠᠴᠠ ᠬᠡᠪᠯᠡᠭᠦᠯᠬᠦ ᠬᠦᠷᠲᠡᠯᠡᠬᠢ ᠬᠡᠳᠦᠨ ᠵᠢᠯᠤᠨ ᠬᠤᠭᠤᠴᠠᠭ᠋ᠠᠨᠳᠤ ᠰᠤᠷᠴᠤ ᠮᠡᠳᠡᠭᠰᠡᠨ ᠵᠦᠢ᠍ᠯᠠᠴᠠᠪᠠᠨ ᠶᠠᠷᠢᠵᠤ᠂ ᠰᠦᠬᠤᠮᠯᠢᠨ᠋ᠰᠺᠢ ᠵᠢᠨ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠦᠵᠡᠯ ᠰᠠᠨᠠᠭᠠᠨᠢ ᠮᠠᠨᠤ ᠤᠳᠤᠬᠠᠨᠤ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠳᠤ ᠬᠡᠴᠢᠨᠡᠨ ᠶᠡᠭᠡ ᠨᠦᠯᠦᠭᠡᠲᠠᠢ ᠪᠠᠶ᠋ᠢᠭᠠ᠂ ᠰᠤᠳᠤᠯᠵᠤ ᠰᠤᠷᠤᠯᠴᠠᠭᠤᠰᠢᠲᠠᠢ ᠵᠦᠢ᠍ᠯᠡᠰ ᠬᠡᠴᠢᠨᠡᠨ ᠤᠯᠠᠨ ᠪᠠᠶ᠋ᠢᠭᠠ ᠲᠤᠬᠠᠢ ᠦᠪᠡᠷᠤᠨ ᠦᠵᠡᠯᠲᠡ ᠲᠦᠷᠦᠭᠳᠡᠯ ᠵᠶ᠋ᠠᠨ ᠲᠤᠪᠴᠢᠬᠠᠨ ᠶᠠᠷᠢᠰᠤᠭ᠋ᠠᠢ᠃
ᠨᠢᠭᠡ᠂ ᠰᠦᠬᠤᠮᠯᠢᠨ᠋ᠰᠺᠢ ᠵᠢᠨ ᠵᠢᠳᠬᠦᠯ ᠵᠶ᠋ᠠᠷ ᠤᠮᠳᠠᠯᠠᠭᠰᠠᠨ ᠨᠢᠭᠡ ᠨᠠᠰᠤ
ᠸ᠊ · ᠠ᠊ · ᠰᠦᠬᠤᠮᠯᠢᠨ᠋ᠰᠺᠢ （1918-1970）᠂ ᠪᠦᠲᠦᠨ ᠨᠠᠷᠠᠨᠢ ᠸᠠᠰᠢᠯᠢ · ᠠᠯᠸᠢᠰᠠᠨᠳ᠋ᠷᠸᠢᠴᠢ · ᠰᠦᠬᠤᠮᠯᠢᠨ᠋ᠰᠺᠢ᠂ ᠤᠤᠯᠤᠨ ᠵᠦᠪᠯᠡᠯᠲᠦ ᠵᠢᠨ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠨᠡᠷᠡᠲᠦ ᠦᠢ᠍ᠯᠡᠲᠦᠯᠭᠡᠳᠡᠨ ᠪᠠ ᠤᠨᠤᠯᠴᠢ ᠪᠤᠯᠤᠨᠠ᠃ ᠳᠡᠷᠡ ᠠᠷᠪᠠᠨ ᠳᠤᠯᠤᠭ᠋ᠠᠳᠠᠢᠠᠴᠠᠪᠠᠨ ᠠ᠋ᠬᠢᠯᠡᠨ ᠨᠠᠰᠣ ᠪᠠᠷᠠᠳᠠᠯᠠᠪᠠᠨ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠠᠵᠢᠯᠳᠤ ᠮᠡᠷᠡᠶ᠋ᠢᠵᠦ ᠤᠯᠤᠰᠤᠨ ᠳᠤᠳᠤᠭ᠋ᠠᠳᠤ ᠭᠠᠳᠠᠭ᠋ᠠᠳᠤᠳᠤ ᠦᠯᠠᠮᠵᠢ ᠶᠡᠭᠡ ᠠᠯᠳᠠᠷ ᠨᠡᠷᠡ ᠮᠠᠨᠳᠤᠭᠰᠠᠨ ᠪᠢᠯᠡ᠃ ᠰᠦᠬᠤᠮᠯᠢᠨ᠋ᠰᠺᠢ ᠦᠺᠷᠡᠶ᠋ᠢᠨᠤ ᠳᠠᠷᠢᠶᠠᠴᠢᠨᠤ ᠭᠡᠷ ᠪᠦᠯᠢᠳᠤ ᠲᠦᠷᠦᠵᠦ᠂ 1936 ᠤᠨᠠᠴᠠ 1939 ᠤᠨ ᠪᠤᠯᠳᠠᠯᠠ ᠫᠤᠯᠲ᠋ᠠᠸᠠ ᠪᠠᠭᠰᠢ ᠵᠢᠨ ᠳᠡᠭᠡᠲᠦ ᠰᠤᠷᠭ᠋ᠠᠭᠤᠯᠢ ᠵᠢᠨ ᠵᠠᠬᠢᠳᠠᠯ ᠵᠶ᠋ᠠᠷ ᠰᠤᠷᠬᠤ ᠭᠡᠯᠳᠡᠰᠲᠤ ᠰᠤᠷᠤᠯᠴᠠᠵᠤ᠂ ᠳᠡᠬᠦᠰᠦᠭᠰᠡᠨᠤ ᠳᠠᠷᠠᠭᠠ ᠳᠤᠮᠳᠠᠳᠤ ᠰᠤᠷᠭ᠋ᠠᠭᠤᠯᠢ ᠵᠢᠨ ᠪᠠᠭᠰᠢ ᠵᠢᠨ ᠦᠨᠡᠮᠯᠡᠯ ᠬᠦᠷᠳᠡᠵᠡᠢ᠃ 1948 ᠤᠨᠠᠴᠠ ᠨᠤᠳᠤᠭᠤᠨ ᠵᠶ᠋ᠠᠨ ᠨᠢᠬᠡᠨ ᠬᠦᠳᠡᠭᠡ ᠳᠤᠰᠬᠤᠨᠤ ᠪᠦᠷᠢᠨ ᠳᠤᠮᠳᠠᠳᠤ ᠰᠤᠷᠭ᠋ᠠᠭᠤᠯᠢ - ᠫᠠᠹᠯᠸᠱ᠌ᠢ ᠳᠤᠮᠳᠠᠳᠤ ᠰᠤᠷᠭ᠋ᠠᠭᠤᠯᠢᠳᠤ ᠵᠠᠬᠢᠷᠤᠯ ᠵᠶ᠋ᠠᠷ ᠠᠵᠢᠯᠯᠠᠵᠦ᠂ 1957 ᠤᠨᠠᠴᠠ ᠠ᠋ᠬᠢᠯᠡᠭᠡᠳ ᠤᠷᠤᠰᠤᠨ ᠬᠤᠯᠪᠤᠭ᠋ᠠᠨᠤ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠰᠢᠨᠵᠢᠯᠡᠬᠦ ᠤᠬᠠᠭ᠋ᠠᠨᠤ ᠠᠺᠠᠳ᠋ᠸᠮᠢ ᠵᠢᠨ ᠰᠤᠷᠪᠤᠯᠵᠢᠯᠠᠭᠴᠢ ᠬᠡᠰᠢᠬᠦᠨ ᠵᠶ᠋ᠠᠷ ᠨᠠᠰᠦᠪᠠᠷ ᠵᠶ᠋ᠠᠨ ᠠᠵᠢᠯᠯᠠᠭᠰᠠᠨ ᠶᠤᠮ᠃ 1968 ᠤᠨᠠᠴᠠ ᠵᠦᠪᠯᠡᠯᠲᠦ ᠵᠢᠨ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠰᠢᠨᠵᠢᠯᠡᠬᠦ ᠤᠬᠠᠭ᠋ᠠᠨᠤ ᠠᠺᠠᠳ᠋ᠸᠮᠢ ᠵᠢᠨ ᠰᠤᠷᠪᠤᠯᠵᠢᠯᠠᠭᠴᠢ ᠬᠡᠰᠢᠬᠦᠨ ᠪᠤᠯᠵᠦ᠂ 1969 ᠤᠨᠳᠤ ᠦᠺᠷᠡᠶ᠋ᠢᠨᠤ ᠨᠡᠶ᠋ᠢᠬᠡᠮ ᠵᠢᠷᠦᠮᠤᠨ ᠬᠤᠯᠪᠤᠭ᠋ᠠᠨᠳᠤ ᠨᠢᠬᠡᠳᠦᠭᠰᠡᠨ ᠪᠦᠬᠦᠳᠡ ᠨᠡᠶ᠋ᠢᠷᠡᠮᠳᠠᠭ᠍ᠤ ᠤᠯᠤᠰᠤᠨ ᠭᠠᠪᠢᠶᠠᠳᠤ ᠪᠠᠭᠰᠢ ᠵᠢᠨ ᠴᠤᠯᠠ ᠬᠦᠷᠳᠡᠭᠰᠡᠨ ᠪᠠ ᠬᠤᠶᠠᠷ ᠤᠳᠠᠭᠠ ᠯᠸᠨᠢᠨ ᠤᠳᠤᠨ ᠵᠶ᠋ᠠᠷ᠂ ᠨᠢᠭᠡ ᠤᠳᠠᠭᠠ ᠤᠯᠠᠭ᠋ᠠᠨ ᠤᠳᠤᠨ ᠮᠸᠲᠠᠯ ᠵᠶ᠋ᠠᠷ᠂ ᠤᠯᠠᠨ ᠤᠳᠠᠭᠠ ᠦᠱᠸᠨ᠋ᠰᠺᠢ ᠮᠸᠳᠠᠯ ᠪᠠ ᠮᠠᠺᠠᠷᠸᠨ᠋ᠺᠤ ᠱᠠᠩᠨᠠᠯ ᠵᠶ᠋ᠠᠷ ᠱᠠᠩᠨᠠᠭᠳᠠᠭᠰᠠᠨ ᠶᠤᠮ᠃
ᠸᠠᠰᠢᠯᠢ · ᠠᠯᠸᠢᠰᠠᠨᠳ᠋ᠷᠸᠢᠴᠢ · ᠰᠦᠬᠤᠮᠯᠢᠨ᠋ᠰᠺᠢ ᠪᠤᠯ ᠰᠢᠯᠭ᠋ᠠᠷᠠᠭᠰᠠᠨ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠤᠬᠠᠭ᠋ᠠᠨᠳᠠᠨ᠂ ᠪᠠᠭᠰᠢ᠂ ᠪᠤᠳᠤᠯᠭ᠋ᠠᠳᠠᠨ ᠪᠦᠭᠡᠳ ᠵᠤᠬᠢᠶᠠᠯᠴᠢ ᠪᠢᠯᠡ᠃ ᠳᠡᠷᠡ ᠫᠠᠹᠯᠸᠱ᠌ᠢ ᠳᠤᠮᠳᠠᠳᠤ ᠰᠤᠷᠭ᠋ᠠᠭᠤᠯᠢᠳᠤ ᠪᠠᠭᠰᠢ᠂ ᠵᠠᠬᠢᠷᠤᠯ᠂ ᠬᠦᠮᠦᠵᠢᠬᠦᠯᠦᠭᠴᠢᠪᠠᠷ ᠨᠡᠶ᠋ᠢᠳᠡ 32 ᠵᠢᠯ ᠠᠵᠢᠯᠯᠠᠵᠦ᠂ ᠨᠢᠭᠡ ᠨᠠᠰᠣᠪᠠᠷ ᠵᠶ᠋ᠠᠨ ᠬᠠᠯᠠᠰᠢᠷᠠᠯ ᠦᠭᠡᠢ ᠰᠤᠳᠤᠯᠤᠨ ᠰᠦᠪᠡᠭᠴᠢᠯᠠᠵᠦ ᠴᠦᠬᠦᠷᠡᠯ ᠦᠭᠡᠢ ᠵᠤᠬᠢᠶᠠᠨ ᠪᠦᠲᠦᠬᠡᠭᠰᠡᠨ ᠪᠠ 40 ᠳᠤᠰᠬᠠᠢ ᠪᠦᠲᠦᠬᠡᠯ᠂ 600 ᠭᠠᠷᠤᠢ ᠦᠬᠦᠯᠡᠯ᠂ 1200 ᠭᠠᠷᠤᠢ ᠬᠡᠦᠬᠡᠳᠤᠨ ᠵᠢᠵᠢᠭ ᠦᠯᠢᠬᠡᠷ ᠪᠢᠴᠢᠭᠰᠡᠨ ᠭᠠᠶ᠋ᠢᠬᠠᠮᠰᠢᠭᠳᠠᠢ ᠠᠮᠵᠢᠯᠳᠠ ᠵᠢ ᠴᠤᠭᠴᠠᠯᠠᠭᠰᠠᠨ ᠶᠤᠮ᠃ ᠳᠡᠬᠦᠨᠤ ᠪᠦᠬᠦᠶ᠋ᠢᠯᠡ ᠰᠢᠯᠢᠳᠡᠭ ᠪᠦᠲᠦᠬᠡᠯ ᠴᠦᠮ ᠵᠶ᠋ᠠᠷ ᠵᠶ᠋ᠠᠨ ᠪᠠᠭᠰᠢ᠂ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠵᠢᠳᠬᠦᠯᠳᠡᠨ᠂ ᠬᠦᠮᠦᠵᠢᠬᠦᠯᠦᠭᠴᠢ᠂ ᠠᠪᠤ ᠡᠵᠢ ᠪᠤᠯᠤᠭᠰᠠᠳ ᠪᠠ ᠬᠡᠦᠬᠡᠳ ᠲᠤ ᠬᠠᠨᠳᠤᠭᠤᠯᠤᠭᠰᠠᠨ ᠪᠠᠶ᠋ᠢᠳᠠᠭ᠃ ᠳᠡᠷᠡ ᠦᠪᠡᠷᠤᠨ ᠰᠡᠳᠬᠢᠮᠵᠢ᠂ ᠰᠦᠪᠡᠭᠴᠢᠯᠡᠯᠳᠡ᠂ ᠵᠦᠪᠯᠡᠯᠭᠡ ᠪᠠ ᠦᠵᠡᠯᠳᠡᠪᠠᠨ ᠪᠦᠬᠦᠨᠢ ᠨᠤᠮᠳᠤᠪᠠᠨ ᠰᠢᠩᠭᠡᠭᠡᠵᠦ᠂ ᠬᠡᠷᠬᠢᠨ 《ᠵᠢᠩᠭᠢᠨᠢ ᠬᠦᠮᠦᠨ》ᠢ ᠬᠦᠮᠦᠵᠢᠬᠦᠯᠬᠦ ᠳᠤᠬᠠᠢ ᠨᠠᠷᠢᠨ ᠨᠢᠭᠳᠠ ᠰᠤᠳᠤᠯᠤᠨ᠂ ᠪᠠᠭᠰᠢ ᠪᠤᠯᠤᠨ ᠠᠪᠤ ᠡᠵᠢ ᠪᠤᠯᠤᠭᠰᠠᠳ ᠬᠡᠦᠬᠡᠳ ᠵᠶ᠋ᠠᠨ ᠴᠤᠪᠤᠭᠤ ᠰᠡᠷᠬᠦᠯᠡᠩ᠂ ᠦᠬᠡᠳᠡᠷᠭᠡᠭ᠂ ᠳᠤᠰᠠᠴᠢ᠂ ᠠ᠋ᠷᠬᠢᠮ ᠳᠡᠭᠡᠲᠦ᠂ ᠰᠠᠶ᠋ᠢᠨ ᠢᠷᠭᠡᠨ ᠪᠤᠯᠭ᠋ᠠᠬᠤᠳᠤ ᠶᠠᠮᠠᠷᠬᠠᠨ ᠪᠡᠷᠭᠡᠲᠠᠢ ᠪᠠᠶ᠋ᠢᠳᠠᠭᠢ ᠳᠤᠳᠤᠷᠬᠠᠶ᠋ᠢᠯᠠᠭᠰᠠᠨ ᠶᠤᠮ᠃ ᠰᠦᠬᠤᠮᠯᠢᠨ᠋ᠰᠺᠢ ᠵᠢᠨ ᠨᠤᠮ ᠦᠺᠷᠡᠶ᠋ᠢᠨᠴᠤᠳᠲᠤ ᠮᠠᠰᠢᠳᠠ ᠳᠠᠭ᠋ᠠᠯᠠᠭᠳᠠᠳᠠᠭ ᠳᠡᠳᠤᠢ ᠦᠭᠡᠢ᠂ ᠪᠤᠰᠤᠳ ᠤᠯᠤᠰ ᠤᠷᠤᠨᠳᠤ ᠴᠦ᠍ ᠦᠷᠭᠡᠨ ᠵᠶ᠋ᠠᠷ ᠳᠡᠯᠭᠡᠷᠡᠨ ᠳᠠᠷᠬᠠᠭᠰᠠᠨ ᠪᠠᠶ᠋ᠢᠳᠠᠭ᠂ ᠠ᠋ᠬᠦᠨᠳᠤ 《ᠬᠡᠦᠬᠡᠳᠤᠳᠲᠤ ᠪᠢ ᠰᠡᠳᠬᠢᠯ ᠵᠶ᠋ᠠᠨ》᠂ 《ᠢᠷᠭᠡᠨᠤ ᠮᠠᠨᠳᠤᠯᠠᠯ》᠂ 《ᠦᠬᠢᠨᠳᠤᠪᠠᠨ ᠪᠢᠴᠢᠭᠰᠡᠨ ᠵᠠᠬᠢᠶᠠ》 ᠬᠢᠬᠡᠳ ᠵᠠᠷᠢᠮ ᠦᠬᠦᠯᠡᠯ᠂ ᠵᠢᠵᠢᠭ ᠦᠯᠢᠬᠡᠷᠢ ᠳᠤᠷᠠᠳᠴᠦ ᠪᠤᠯᠤᠨᠠ᠃ ᠳᠡᠬᠦᠨᠤ ᠰᠢᠨᠠ ᠨᠤᠮ ᠬᠡᠪᠯᠡᠭᠳᠡᠬᠦ ᠪᠦᠷᠢ ᠤᠩᠰᠢᠬ᠍ᠴᠢᠳᠤᠨ ᠠᠩᠬᠠᠷᠤᠯᠳᠤ ᠬᠦᠷᠴᠦ ᠰᠤᠨᠢᠷᠬᠠᠯᠢᠨᠢ ᠰᠤᠷᠢᠨᠵᠢᠳᠠᠳᠠᠭ᠂ ᠳᠡᠷᠡ ᠪᠠᠭᠰᠢᠯᠠᠭ᠍ᠤ ᠵᠢᠨ ᠳᠠᠭ᠋ᠠᠤ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠤᠨᠤᠯᠤᠨ ᠠᠰᠠᠭᠤᠳᠠᠯ ᠵᠶ᠋ᠠᠷ ᠨᠢᠬᠡᠨ ᠰᠢᠰᠲᠸᠮᠲᠦ ᠰᠤᠳᠤᠯᠭ᠋ᠠᠨ ᠬᠢᠵᠦ 《ᠪᠠᠭᠰᠢ ᠨᠠᠷᠲᠤ ᠦᠭᠭᠦᠭᠰᠡᠨ ᠵᠠᠭᠤᠨ ᠰᠠᠨᠠᠭᠤᠯᠭᠠ》᠂ 《ᠪᠦᠬᠦ ᠰᠡᠳᠬᠢᠯ ᠵᠶ᠋ᠠᠨ ᠬᠡᠦᠬᠡᠳᠲᠤ ᠵᠤᠷᠢᠭᠤᠯᠤᠶᠠ》᠂ 《ᠫᠠᠹᠯᠸᠱ᠌ᠢ ᠳᠤᠮᠳᠠᠳᠤ ᠰᠤᠷᠭ᠋ᠠᠭᠤᠯᠢ》᠂ 《ᠢᠷᠭᠡᠨᠤ ᠮᠡᠨᠳᠤᠯᠡᠯ》᠂ 《ᠠᠯᠳᠠᠭᠰᠠᠨ ᠨᠢᠭᠡ ᠠ᠋ᠲᠦᠷ》 ᠵᠡᠷᠭᠡ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠳᠤᠰᠬᠠᠢ ᠪᠦᠲᠦᠬᠡᠯ ᠳᠤᠭᠤᠷᠪᠢᠭᠰᠠᠨ ᠪᠠ 《ᠬᠡᠦᠬᠡᠳᠤᠨ ᠤᠶᠤᠨ ᠰᠠᠨᠠᠭ᠋ᠠᠨᠤ ᠶᠢᠷᠲᠢᠨᠴᠦ》᠂ 《ᠦᠬᠢᠨᠳᠤᠪᠠᠨ ᠪᠢᠴᠢᠭᠰᠡᠨ ᠵᠠᠬᠢᠶᠠ》᠂ 《ᠡᠵᠢ ᠡ᠂ ᠪᠢ ᠬᠠᠮᠤᠭᠤᠨ ᠠᠨᠠᠢᠨᠢ ᠪᠢᠰᠢ ᠰᠢᠦ》 ᠵᠡᠷᠭᠡ ᠪᠦᠲᠦᠭᠡᠯᠨᠢ 《ᠰᠦᠬᠤᠮᠯᠢᠨ᠋ᠰᠺᠢ ᠵᠢᠨ ᠰᠤᠩᠭᠤᠮᠠᠯ》 （ᠳᠠᠪᠤᠨ ᠪᠤᠳᠢ）ᠳᠤ ᠳᠡᠬᠦᠪᠦᠷᠢᠯᠡᠭᠳᠡᠵᠦ᠂ 《ᠪᠠᠭᠰᠢᠳᠤ ᠦᠭᠭᠦᠭᠰᠡᠨ ᠵᠠᠭᠤᠨ ᠵᠦᠪᠯᠡᠯᠭᠡ》 ᠪᠦᠲᠦᠭᠡᠯᠨᠢ ᠪᠠᠭᠰᠢ ᠵᠢᠨ ᠰᠤᠷᠭ᠋ᠠᠭᠤᠯᠢ ᠵᠢᠨ ᠰᠤᠷᠤᠭᠴᠢᠳᠤᠨ ᠵᠠᠪᠠᠯ ᠤᠩᠰᠢᠬᠤ ᠪᠢᠴᠢᠭ ᠪᠤᠯᠤᠭᠰᠠᠨ ᠪᠠᠶ᠋ᠢᠨᠠ᠃
1. ᠪᠠᠭᠰᠢ ᠪᠤᠯᠬᠤᠪᠠᠷ ᠰᠢᠢ᠍ᠲᠦᠭᠰᠡᠨᠨᠢ
ᠰᠦᠬᠤᠮᠯᠢᠨ᠋ᠰᠺᠢ ᠪᠠᠭᠠ ᠳᠤᠮᠳᠠᠳᠤ ᠰᠤᠷᠭ᠋ᠠᠭᠤᠯᠢᠪᠠᠨ ᠳᠤᠰᠬᠤᠨᠤᠪᠠᠨ ᠰᠤᠷᠭ᠋ᠠᠭᠤᠯᠢᠳᠤ ᠦᠵᠡᠭᠰᠡᠨ ᠶᠤᠮ᠂ ᠳᠤᠰᠬᠤᠨᠤ ᠠ᠋ᠨᠡ ᠬᠦ᠌ ᠰᠤᠷᠭ᠋ᠠᠭᠤᠯᠢᠨᠢ ᠳᠤᠯᠤᠭ᠋ᠠᠨ ᠵᠢᠯᠤᠨ ᠲᠦᠷᠢᠮᠳᠦ ᠰᠤᠷᠭ᠋ᠠᠭᠤᠯᠢ᠂ ᠨᠦᠬᠦᠴᠡᠯ ᠲᠦᠬᠦᠭᠡᠷᠦᠮᠵᠢᠨᠢ ᠠᠨᠠᠶ᠋ᠢᠬᠠᠨ ᠴᠦ᠍ ᠨᠢᠭᠡ ᠪᠦᠯᠦᠭ ᠨᠠᠯᠢᠶᠠᠳ ᠰᠠᠶ᠋ᠢᠨ ᠪᠠᠭᠰᠢ ᠨᠠᠷᠲᠠᠢ ᠪᠠᠶ᠋ᠢᠭᠰᠠᠨ ᠠᠵᠢ᠃ ᠠ᠋ᠨᠡᠨᠢ ᠪᠠᠭᠠᠠᠴᠠ ᠭᠡᠷᠤᠨ ᠰᠠᠶ᠋ᠢᠨ ᠬᠦᠮᠦᠵᠢᠯ ᠬᠦᠷᠳᠡᠭᠰᠡᠨ ᠰᠦᠬᠤᠮᠯᠢᠨ᠋ᠰᠺᠢᠳᠤ ᠲᠦᠷᠦᠯᠬᠢ ᠠᠪᠢᠶᠠᠰ ᠵᠶ᠋ᠠᠨ ᠬᠦᠢ᠍ᠴᠡᠳ ᠪᠠᠳᠠᠷᠠᠭᠤᠯᠬᠤ᠂ ᠮᠡᠳᠡᠯᠭᠡ ᠴᠢᠳᠠᠪᠤᠷᠢᠪᠠᠨ ᠦᠳᠳᠡᠷ ᠨᠡᠮᠡᠭᠳᠡᠬᠦᠯᠬᠦᠳᠤ ᠳᠤᠩ ᠳᠤᠰᠠ ᠪᠤᠯᠤᠭᠰᠠᠨ ᠶᠤᠮ᠃ ᠳᠡᠷᠡ ᠦᠷᠬᠦᠯᠵᠢ ᠠᠪᠤ ᠡᠵᠢ ᠠᠶ᠋ᠢᠯ ᠬᠦᠷᠰᠢ ᠵᠢᠨ ᠵᠶ᠋ᠠᠨ ᠠᠵᠢᠯ ᠮᠤᠳᠤᠳᠤ ᠬᠠᠮᠵᠢᠵᠦ᠂ ᠰᠤᠷᠭ᠋ᠠᠭᠤᠯᠢᠳᠤᠪᠠᠨ ᠪᠤᠯ ᠰᠤᠷᠤᠯᠭᠠ ᠮᠤᠷᠠᠯ ᠬᠤᠤᠰᠯᠠᠭᠰᠠᠨ ᠰᠢᠯᠢᠳᠡᠭ ᠬᠡᠦᠬᠡᠳ ᠪᠠᠶ᠋ᠢᠭᠰᠠᠨ ᠪᠠ ᠢᠸᠠᠨ · ᠰᠠᠸᠢᠴᠢ ᠵᠠᠬᠢᠷᠤᠯ᠂ ᠪᠸᠱᠺᠹᠰᠺᠢ ᠠ᠋ᠷᠬᠢᠯᠡᠭᠴᠢ ᠵᠢᠨ ᠬᠠᠶ᠋ᠢᠷᠠ ᠬᠠᠯᠠᠮᠵᠢ ᠵᠢ ᠬᠦᠨ ᠬᠦᠷᠳᠡᠭᠰᠡᠨ ᠪᠢᠯᠡ᠃ ᠭᠡᠪᠡᠴᠦ ᠳᠡᠬᠦᠨᠢ ᠬᠠᠮᠤᠭᠠᠴᠠ ᠢᠯᠡᠬᠦᠦ ᠨᠦᠯᠦᠭᠡᠯᠡᠵᠦ ᠰᠡᠩᠭᠡᠷᠡᠯᠳᠤ ᠬᠦᠲᠦᠯᠦᠭᠰᠡᠨᠨᠢ ᠠᠨᠨᠠ · ᠽᠠᠮᠯᠦ᠋ᠸᠸᠨᠠ ᠭᠡᠳᠡᠭ ᠠ᠋ᠮᠡᠭᠳᠡᠢ ᠪᠠᠭᠰᠢ ᠪᠤᠯᠬᠤ ᠶᠤᠮ᠃
ᠠ᠋ᠨᠡ ᠠ᠋ᠮᠡᠭᠳᠡᠢ ᠪᠠᠭᠰᠢ ᠬᠢᠴᠢᠶᠠᠯ ᠤᠷᠤᠬᠤᠳᠤᠪᠠᠨ ᠬᠡᠦᠬᠡᠳᠲᠤ ᠪᠠᠭᠰᠢ ᠯᠡ ᠪᠢᠰᠢ᠂ ᠬᠠᠷᠢᠨ ᠳᠤᠳᠤᠨᠤ ᠵᠢᠨ ᠨᠠᠶ᠋ᠢᠵᠠ ᠨᠦᠬᠦᠳᠨᠢ ᠪᠤᠯᠵᠦ ᠴᠢᠳᠠᠳᠠᠭ᠂ ᠰᠦᠬᠤᠮᠯᠢᠨ᠋ᠰᠺᠢ ᠳᠡᠬᠦᠨᠢ ᠠ᠋ᠮᠡᠭᠳᠡᠢ ᠰᠢᠳᠢᠳᠡᠨ᠂ ᠰᠠᠶ᠋ᠢᠨ ᠰᠠᠶ᠋ᠢᠬᠠᠨ ᠪᠦᠬᠦᠨᠤ ᠨᠢᠭᠤᠴᠠ ᠵᠢ ᠮᠡᠳᠡᠳᠡᠭ ᠭᠡᠵᠤ ᠪᠤᠳᠤᠳᠠᠭ ᠪᠠᠶ᠋ᠢᠵᠠᠢ᠃ ᠠᠨᠨᠠ ᠪᠠᠭᠰᠢ ᠵᠢᠨ ᠬᠢᠴᠢᠶᠠᠯᠢ ᠬᠡᠦᠬᠡᠳ ᠮᠠᠰᠢ ᠤᠷᠮᠠᠲᠠᠢ ᠰᠤᠨᠤᠰᠴᠦ ᠵᠢᠭ᠋ᠠᠭᠰᠠᠨ ᠵᠦᠢ᠍ᠯᠢᠨᠢ ᠳᠤᠤᠷᠡᠪᠠᠨ ᠴᠡᠭᠡᠵᠢᠯᠡᠴᠢᠬᠡᠳᠡᠭ ᠪᠠᠶ᠋ᠢᠭᠰᠠᠨ ᠶᠤᠮ᠂ ᠳᠡᠷᠡ ᠬᠡᠦᠬᠡᠳᠢ ᠳᠠᠭ᠋ᠠᠭᠤᠯᠤᠨ ᠬᠦᠳᠡᠭᠡ ᠭᠡᠭᠡᠷᠡᠪᠠᠷ ᠠᠶᠠᠯᠠᠨ ᠠ᠋ᠯᠳᠡᠪ ᠠᠰᠠᠭᠤᠳᠠᠯᠢ ᠰᠡᠳᠬᠢᠨ ᠰᠢᠢ᠍ᠳᠪᠤᠷᠢᠯᠡᠬᠦᠯᠵᠦ ᠤᠯᠠᠨ ᠮᠡᠳᠡᠯᠭᠡ ᠵᠢ ᠰᠤᠷᠭ᠋ᠠᠨ ᠤᠨᠴᠠᠭ᠋ᠠᠢ ᠶᠤᠰᠤᠨᠤᠭᠤᠳᠢ ᠤᠬᠠᠭ᠋ᠠᠷᠠᠭᠤᠯᠤᠭᠰᠠᠨ ᠪᠠᠶ᠋ᠢᠳᠠᠭ᠃ ᠵᠠᠷᠢᠮ ᠬᠦᠮᠦᠰ ᠠ᠋ᠶ᠋ᠢᠮᠦᠷᠬᠦᠦ ᠦᠵᠡᠭᠳᠡᠯᠢ ᠳᠡᠮᠳᠡᠭᠯᠡᠨ ᠦᠯᠡᠳᠡᠭᠡᠭᠰᠡᠨ ᠪᠢᠯᠡ ᠁
ᠴᠡᠴᠡᠭ ᠨᠠᠪᠴᠢ ᠳᠡᠯᠬᠡᠷᠡᠵᠦ ᠲᠦᠮᠡᠨ ᠪᠤᠳᠠᠰ ᠠᠮᠢᠯᠠᠨ ᠰᠡᠷᠬᠦᠭᠰᠡᠨ ᠬᠠᠪᠤᠷᠤᠨ ᠨᠢᠬᠡᠨ ᠦᠳᠡ ᠵᠢᠨ ᠬᠤᠶ᠋ᠢᠨᠠ ᠠᠨᠨᠠ ᠪᠠᠭᠰᠢ ᠬᠡᠦᠬᠡᠳᠤᠳᠢ ᠳᠠᠭ᠋ᠠᠭᠤᠯᠵᠦ ᠤᠢ ᠳᠠᠶ᠋ᠢᠭᠠᠳᠤ ᠢᠷᠡᠭᠰᠡᠨ ᠶᠤᠮ᠂ ᠰᠦᠬᠤᠮᠯᠢᠨ᠋ᠰᠺᠢᠳᠤ ᠠᠪᠴᠦ ᠭᠡᠯᠡᠪᠡᠯ ᠤᠢ ᠳᠠᠶ᠋ᠢᠭᠠ ᠳᠤᠩ ᠳᠠᠰᠤᠯ ᠭᠠᠵᠠᠷ ᠪᠤᠯᠬᠤᠨᠢ ᠮᠡᠳᠡᠭᠡᠵᠢ᠂ ᠤᠴᠢᠷᠨᠢ ᠳᠡᠷᠡ ᠦᠷᠬᠦᠯᠵᠢ ᠯᠡ ᠠ᠋ᠶ᠋ᠢᠰᠢᠪᠠᠨ ᠢᠷᠡᠵᠦ ᠳᠤᠭᠯᠠᠳᠠᠭ᠃ ᠭᠡᠳᠡᠯᠡ ᠠᠨᠨᠠ ᠪᠠᠭᠰᠢ ᠳᠡᠬᠦᠨᠤ ᠦᠩᠭᠡᠷᠡᠭᠰᠡᠨᠳᠤ ᠤᠭᠳᠤᠬᠠᠨ ᠴᠦ᠍ ᠠᠩᠵᠠᠭ᠋ᠠᠷᠠᠭᠠ ᠦᠭᠡᠢ ᠵᠤᠶ᠋ᠢᠯᠠᠰ᠂ ᠴᠡᠴᠡᠭ ᠳᠡᠯᠬᠡᠷᠡᠭᠰᠡᠨ ᠳᠤᠮᠤ ᠮᠤᠳᠤ ᠪᠠᠯᠳᠤ ᠵᠦᠭᠡᠢ ᠵᠢᠨ ᠪᠠᠯ ᠴᠤᠭᠯᠠᠭᠤᠯᠬᠤᠳᠤ ᠶᠠᠮᠠᠷ ᠳᠤᠰᠠ ᠪᠤᠯᠳᠠᠭ᠂ ᠰᠢᠷᠭᠤᠯᠵᠢ ᠵᠢᠨ ᠠ᠋ᠯᠦ ᠳᠤᠳᠤᠷᠡᠪᠠᠨ ᠠᠮᠤ ᠵᠢᠨ ᠬᠦᠮᠦᠷᠭᠡ᠂ ᠭᠡᠦᠬᠡᠳᠤᠨ ᠦᠷᠬᠦᠬᠡ᠂ ᠦᠷᠬᠡᠨ ᠳᠠᠯᠠᠪᠠᠢ᠂ ᠵᠡᠭᠡᠯᠢ ᠭᠤᠳᠤᠮ ᠪᠠᠶ᠋ᠢᠳᠠᠭ ᠳᠤᠬᠠᠢ ᠶᠠᠷᠢᠭᠰᠠᠨ ᠶᠤᠮ᠃ ᠤᠤᠯᠨᠢ ᠳᠡᠷᠡ ᠰᠢᠷᠭᠤᠯᠵᠢ ᠵᠢᠨ ᠠ᠋ᠯᠦ ᠵᠢ ᠮᠤᠳᠤᠨᠤ ᠮᠦᠴᠢᠷ ᠵᠶ᠋ᠠᠷ ᠯᠡ ᠤᠷᠤᠯᠳᠤᠨ ᠳᠤᠭᠯᠠᠳᠠᠭ ᠪᠠᠶ᠋ᠢᠭᠰᠠᠨᠠᠴᠠ ᠪᠢᠰᠢ᠂ ᠠ᠋ᠶ᠋ᠢᠮᠦᠷᠬᠦᠦ ᠦᠯᠢᠬᠡᠷ ᠳᠤᠮᠤᠭᠤᠨᠬᠢ ᠰᠢᠭ ᠬᠤᠳᠠ ᠪᠠᠯᠭ᠋ᠠᠰᠣᠲᠠᠢ ᠪᠠᠶ᠋ᠢᠳᠠᠭ ᠭᠡᠵᠤ ᠪᠤᠳᠤᠭᠰᠠᠨ ᠴᠦ᠍ ᠦᠭᠡᠢ ᠰᠠᠨᠵᠠᠢ᠃ ᠬᠡᠷᠪᠡ ᠠᠨᠨᠠ ᠪᠠᠭᠰᠢ ᠢᠷᠡᠭᠡ ᠦᠭᠡᠢ ᠪᠤᠯ ᠠ᠋ᠶ᠋ᠢᠮᠦ ᠰᠤᠨᠢᠨ ᠭᠠᠶ᠋ᠢᠬᠠᠯᠳᠠᠢ ᠵᠤᠶ᠋ᠢᠯ ᠳᠡᠳᠡᠨᠤ ᠬᠠᠷᠠᠭ᠋ᠠᠨᠳᠤ ᠨᠡᠬᠡᠬᠡᠭᠳᠡᠬᠦ ᠦᠭᠡᠢ ᠪᠠᠶ᠋ᠢᠭᠰᠠᠨ ᠪᠢᠯᠡ᠃ ᠶᠡᠭᠡ ᠪᠠᠶ᠋ᠢᠭ᠋ᠠᠯᠢ ᠵᠢᠨ ᠬᠠᠴᠢᠨ ᠭᠠᠶ᠋ᠢᠬᠠᠮᠰᠢᠭᠲᠤ ᠠᠪᠳᠠᠭᠰᠠᠨ ᠬᠡᠦᠬᠡᠳᠤᠳᠲᠤ ᠬᠠᠨᠳᠤᠵᠦ ᠠᠨᠨᠠ ᠪᠠᠭᠰᠢ᠄ 《ᠡᠪᠦᠭᠡ ᠠ᠋ᠮᠡᠭᠡ᠂ ᠠᠪᠤ ᠡᠵᠢᠳᠤᠪᠠᠨ ᠴᠡᠴᠡᠭ ᠠᠪᠠᠴᠢᠵᠦ ᠪᠡᠯᠡᠭᠯᠡᠭᠡᠷᠡᠢ᠂ ᠴᠡᠴᠡᠭ ᠪᠤᠯ ᠬᠠᠶ᠋ᠢᠷᠠ ᠬᠦᠨᠳᠤᠳᠭᠡᠯᠤᠨ ᠢᠯᠡᠷᠭᠡᠶ᠋ᠢᠯᠡᠯ ᠶᠤᠮ ᠰᠢᠦ》 ᠭᠡᠵᠤ ᠵᠠᠬᠢᠭᠰᠠᠨ ᠠᠵᠢ᠂ ᠰᠦᠬᠤᠮᠯᠢᠨ᠋ᠰᠺᠢ ᠶᠠᠭ ᠠ᠋ᠶ᠋ᠢᠮᠦ ᠬᠦᠮᠦᠵᠢᠯ ᠵᠶ᠋ᠠᠷ ᠬᠦᠮᠦᠵᠢᠭᠰᠡᠨ ᠶᠤᠮ᠃
ᠠ᠋ᠬᠦᠨᠠᠴᠠ ᠠ᠋ᠬᠢᠯᠡᠭᠡᠳ ᠰᠦᠬᠤᠮᠯᠢᠨ᠋ᠰᠺᠢ ᠨᠤᠮ ᠪᠢᠴᠢᠭᠲᠤ ᠰᠢᠮᠳᠡᠨ᠂ ᠨᠠᠶ᠋ᠢᠵᠠ ᠨᠦᠬᠦᠳ ᠵᠶ᠋ᠠᠨ ᠬᠠᠯᠠᠮᠵᠢᠯᠠᠵᠦ᠂ ᠶᠡᠭᠡ ᠪᠠᠶ᠋ᠢᠭ᠋ᠠᠯᠢ ᠵᠢ ᠬᠠᠶ᠋ᠢᠷᠠᠯᠠᠳᠠᠭ ᠪᠤᠯᠤᠭᠰᠠᠨ ᠳᠡᠳᠤᠢ ᠦᠭᠡᠢ᠂ ᠠᠨᠨᠠ ᠪᠠᠭᠰᠢᠪᠠᠨ ᠴᠦ᠍ ᠮᠠᠰᠢᠳᠠ ᠬᠦᠨᠳᠦᠳᠭᠡᠳᠡᠭ ᠪᠤᠯᠤᠭᠰᠠᠨ ᠶᠤᠮ᠃ ᠳᠡᠷᠡ ᠪᠠᠭᠰᠢᠲᠠᠢᠪᠠᠨ ᠠᠳᠠᠯᠢᠬᠠᠨ ᠠ᠋ᠷᠳᠡᠮ ᠨᠤᠮᠲᠠᠢ ᠬᠦᠮᠦᠨ ᠪᠤᠯᠬᠤ ᠰᠠᠨ ᠭᠡᠵᠤ ᠮᠦᠷᠦᠭᠡᠳᠴᠦ᠂ ᠪᠠᠭᠰᠢ ᠭᠡᠬᠦ ᠠᠷᠢᠭᠤᠨ ᠳᠠᠷᠬᠠᠨ ᠠᠵᠢᠯ ᠦᠢ᠍ᠯᠡᠰᠢ ᠰᠡᠳᠬᠢᠯᠤᠨ ᠤᠭᠠᠴᠠᠪᠠᠨ ᠪᠠᠭ᠍ᠠᠳᠤᠨ ᠬᠦᠬᠡᠬᠡᠴᠡᠯᠳᠤᠬᠦ ᠪᠤᠯᠪᠠ᠃ ᠳᠡᠶ᠋ᠢᠨ ᠬᠦ᠌ ᠳᠤᠯᠤᠭ᠋ᠠᠨ ᠵᠢᠯᠤᠨ ᠲᠦᠷᠢᠮᠳᠤ ᠰᠤᠷᠭ᠋ᠠᠭᠤᠯᠢᠪᠠᠨ ᠳᠡᠬᠦᠰᠦᠮᠡᠭᠴᠡ ᠤᠭᠳᠤᠬᠠᠨ ᠴᠦ᠍ ᠲᠦᠳᠡᠭᠡᠯᠵᠡᠯ ᠦᠭᠡᠢ ᠪᠠᠭᠰᠢ ᠵᠢᠨ ᠰᠤᠷᠭ᠋ᠠᠭᠤᠯᠢᠳᠤ ᠨᠡᠷᠡ ᠮᠡᠳᠡᠬᠦᠯᠦᠭᠰᠡᠨ ᠪᠠ ᠬᠤᠵᠢᠮᠨᠢ ᠠᠯᠬᠤᠮ ᠠᠯᠬᠤᠮ ᠵᠶ᠋ᠠᠷ ᠠ᠋ᠭᠡᠯ ᠵᠢᠷᠤᠨ ᠪᠠᠭᠰᠢ ᠪᠠᠶ᠋ᠢᠭᠰᠠᠨᠠᠴᠠᠪᠠᠨ ᠠ᠋ᠭᠡᠨᠡᠭᠲᠡ ᠠᠯᠳᠠᠷᠳᠠᠢ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠤᠬᠠᠭ᠋ᠠᠨᠳᠠᠨ ᠪᠤᠯᠤᠭᠰᠠᠨ ᠪᠢᠯᠡ᠃
2. ᠠᠯᠳᠠᠭᠠᠪᠠᠨ ᠳᠤᠩᠭ᠋ᠠᠭ᠋ᠠᠭᠰᠠᠨᠨᠢ
ᠰᠦᠬᠤᠮᠯᠢᠨ᠋ᠰᠺᠢ ᠪᠠᠭᠰᠢᠯᠠᠭ᠋ᠠᠳ ᠤᠳᠠᠯ ᠦᠭᠡᠢ ᠠ᠋ᠶ᠋ᠢᠮᠦ ᠨᠢᠬᠡ ᠤᠴᠢᠷᠲᠠᠢ ᠳᠤᠬᠢᠶᠠᠯᠳᠤᠭᠰᠠᠨ ᠶᠤᠮ᠃ ᠠᠩᠭᠢ ᠵᠢᠨ ᠬᠢᠨᠢ ᠨᠢᠭᠡ ᠬᠦᠦ ᠠᠯᠢᠶᠠᠷᠬᠠᠵᠦ ᠪᠠᠶ᠋ᠢᠭ᠋ᠠᠳ ᠴᠤᠩᠬᠤᠨ ᠳᠡᠭᠡᠷᠡ ᠳᠠᠯᠪᠢᠭᠰᠠᠨ ᠫᠸᠩᠰᠡᠲᠠᠢ ᠰᠠᠷᠭ᠋ᠠᠢ ᠴᠡᠴᠡᠭᠢ ᠰᠤᠶ᠋ᠢᠳᠬᠡᠴᠢᠬᠡᠭᠰᠡᠨ ᠠᠵᠢ᠃ ᠳᠡᠷᠡ ᠬᠦ᠌ ᠰᠠᠷᠭ᠋ᠠᠢ ᠴᠡᠴᠡᠭᠢ ᠠᠩᠭᠢ ᠵᠢᠨᠬᠢᠨ ᠪᠦᠬᠦᠳᠡᠭᠡᠷ ᠵᠶ᠋ᠠᠨ ᠶᠡᠭᠡ ᠨᠠᠨᠳᠢᠩᠨᠠᠳᠠᠭ ᠪᠠᠶ᠋ᠢᠭᠰᠠᠨ ᠪᠤᠯᠬᠤᠷ ᠰᠦᠬᠤᠮᠯᠢᠨ᠋ᠰᠺᠢ ᠳᠤᠩ ᠠᠭᠤᠷᠯᠠᠵᠦ ᠬᠦᠦ ᠵᠢ ᠳᠠᠭᠤᠳᠠᠵᠦ ᠠᠪᠴᠢᠷᠠᠭ᠋ᠠᠳ ᠵᠡᠬᠡᠬᠡᠭᠰᠡᠨ ᠵᠠᠩᠨᠠᠪᠠ᠂ ᠵᠠᠩᠨᠠᠵᠦ ᠪᠠᠷᠠᠴᠢᠬᠠᠭ᠋ᠠᠳ ᠳᠠᠬᠢᠨ ᠭᠤᠷᠪᠠᠨ ᠫᠸᠩᠰᠡᠲᠠᠢ ᠰᠠᠷᠭ᠋ᠠᠢ ᠠᠪᠴᠢᠷᠠᠵᠦ ᠬᠡᠦᠬᠡᠳᠤᠳᠲᠤ ᠠ᠋ᠭᠡᠯᠵᠢᠯᠡᠨ ᠠᠷᠠᠴᠢᠯᠠᠭ᠍ᠤ ᠠ᠋ᠬᠦᠷᠭᠡ ᠳᠤᠰᠢᠶᠠᠭᠰᠠᠨ ᠴᠦ᠍ ᠳᠡᠷᠡ ᠬᠦᠦ ᠵᠢ ᠤᠷᠤᠯᠴᠠᠭᠤᠯᠤᠭᠰᠠᠨ ᠦᠭᠡᠢ᠃ ᠲᠡᠭᠦᠨᠠᠴᠠ ᠬᠤᠶ᠋ᠢᠰᠢ ᠳᠡᠷᠡ ᠬᠦᠦ ᠦᠬᠡ ᠳᠠᠭᠤ ᠴᠦᠬᠡᠷᠡᠵᠦ ᠠᠯᠢᠶᠠᠷᠬᠠᠬᠤᠪᠠᠨ ᠴᠦ᠍ ᠪᠤᠯᠢᠴᠢᠬᠠᠭᠰᠠᠨ ᠰᠠᠨᠵᠠᠢ᠂ ᠵᠠᠯᠠᠭᠤ ᠰᠦᠬᠤᠮᠯᠢᠨ᠋ᠰᠺᠢ ᠬᠦᠦ ᠵᠢᠨ ᠬᠤᠪᠢᠷᠠᠯᠳᠠ ᠵᠢ ᠠᠵᠢᠭᠯᠠᠭ᠋ᠠᠳ ᠵᠠᠩᠨᠠᠭᠰᠠᠨ ᠮᠠᠨᠢ ᠳᠤᠰᠠ ᠪᠤᠯᠤᠭᠰᠠᠨ ᠠᠵᠢ ᠭᠡᠵᠤ ᠪᠤᠳᠤᠭᠰᠠᠨ ᠪᠠᠶ᠋ᠢᠪᠠ᠃
ᠭᠡᠳᠡᠯᠡ ᠳᠤᠩ ᠡᠪ ᠦᠭᠡᠢ ᠤᠴᠢᠷ ᠬᠡᠳᠤᠨ ᠭᠠᠷᠠᠭᠤᠨ ᠳᠠᠷᠠᠭᠠᠨᠢ ᠠ᠋ᠬᠦᠰᠦᠭᠰᠡᠨ ᠪᠢᠯᠡ᠃ ᠬᠢᠴᠢᠶᠠᠯ ᠪᠠᠭᠤᠭ᠋ᠠᠳ ᠬᠡᠦᠬᠡᠳᠤᠳ ᠪᠠᠷᠤᠭ ᠯᠡ ᠴᠦᠮ ᠬᠠᠷᠢᠵᠠᠭ᠋ᠠᠭᠰᠠᠨ ᠪᠤᠯᠪᠠᠴᠦ ᠰᠦᠬᠤᠮᠯᠢᠨ᠋ᠰᠺᠢᠳᠤ ᠵᠠᠩᠨᠠᠭᠳᠠᠭᠰᠠᠨ ᠳᠡᠷᠡ ᠬᠦᠦ ᠠᠩᠭᠢᠳᠤᠪᠠᠨ ᠦᠯᠡᠳᠡᠴᠢᠬᠡᠬᠡᠳ ᠳᠠᠰᠬᠠᠯ ᠵᠶ᠋ᠠᠨ ᠬᠢᠵᠦ ᠪᠠᠶ᠋ᠢᠭᠰᠠᠨ ᠶᠤᠮ᠂ ᠬᠦᠦ ᠭᠡᠨᠡᠳᠳᠡ ᠳᠤᠯᠤᠭ᠋ᠠᠢ ᠠ᠋ᠷᠬᠦᠨ ᠰᠦᠬᠤᠮᠯᠢᠨ᠋ᠰᠺᠢᠲᠠᠢ ᠬᠤᠶᠠᠭᠤᠯᠠᠭ᠍ᠠᠨ ᠦᠯᠡᠳᠡᠭᠰᠡᠨ ᠵᠶ᠋ᠠᠨ ᠮᠡᠳᠡᠭᠡᠳ ᠳᠤᠩ ᠰᠠᠮᠠᠭ᠋ᠠᠷᠳᠠᠵᠦ ᠳᠡᠷᠤᠶ᠋ᠢᠬᠠᠨ ᠬᠠᠷᠢᠬᠤᠪᠠᠷ ᠪᠤᠰᠪᠠ᠃ ᠠ᠋ᠨᠡ ᠪᠠᠶ᠋ᠢᠳᠠᠯᠢ ᠦᠯᠦ ᠠᠩᠵᠠᠭ᠋ᠠᠷᠠᠭᠰᠠᠨ ᠰᠦᠬᠤᠮᠯᠢᠨ᠋ᠰᠺᠢ ᠬᠦᠦ ᠵᠢ ᠳᠠᠭᠤᠳᠠᠵᠦ ᠴᠤᠭᠲᠤᠪᠠᠨ ᠨᠤᠭᠤᠭᠠ ᠳᠡᠬᠦᠬᠦᠪᠠᠷ ᠶᠠᠪᠤᠶᠠ ᠭᠡᠰᠡᠨ ᠠᠵᠢ᠃ ᠠ᠋ᠬᠦᠨᠢ ᠰᠤᠨᠤᠰᠤᠭᠰᠠᠨ ᠬᠦᠦ ᠠ᠋ᠬᠢᠯᠡᠭᠡᠳ ᠭᠠᠰᠢᠭᠤᠬᠠᠨ ᠢᠨᠢᠶᠡᠮᠰᠦᠭᠯᠡᠵᠦ ᠠ᠋ᠷᠬᠢᠬᠡᠳ ᠨᠢᠳᠤᠨᠳᠤᠨᠢ ᠨᠢᠯᠪᠤᠰᠣ ᠠ᠋ᠷᠬᠢᠯᠳᠦᠭᠰᠡᠨ ᠵᠶ᠋ᠠᠨ ᠶᠠᠭᠤ ᠴᠦ᠍ ᠬᠡᠯᠡᠯ ᠦᠭᠡᠢ ᠭᠡᠷ ᠦᠬᠡᠳᠡᠪᠠᠨ ᠬᠦᠶᠦᠬᠡᠳ ᠬᠠᠷᠢᠴᠢᠬᠠᠭᠰᠠᠨ ᠪᠠᠶ᠋ᠢᠵᠠᠢ᠃
ᠠ᠋ᠨᠡ ᠤᠴᠢᠷ ᠰᠦᠬᠤᠮᠯᠢᠨ᠋ᠰᠺᠢ ᠵᠢ ᠮᠠᠰᠢᠳᠠ ᠵᠤᠪᠠᠭ᠋ᠠᠭᠰᠠᠨ ᠶᠤᠮ᠂ ᠳᠡᠷᠡ ᠬᠦᠦ ᠳᠡᠬᠦᠨᠳᠤ ᠵᠠᠩᠨᠠᠭᠳᠠᠭ᠋ᠠᠳ ᠰᠡᠳᠬᠢᠯᠨᠢ ᠬᠡᠴᠢᠨᠡᠬᠡᠨ ᠰᠢᠨᠠᠯᠤᠭᠰᠠᠨᠢ ᠦᠪᠡᠷ ᠵᠶ᠋ᠠᠨ ᠤᠭᠳᠤᠬᠠᠨ ᠴᠦ᠍ ᠮᠡᠳᠡᠭᠡ ᠦᠭᠡᠢ ᠪᠠᠶ᠋ᠢᠭᠰᠠᠨᠨᠢ ᠶᠠᠭᠤᠳᠠᠢ ᠭᠡᠨᠡᠨ ᠡ᠂ ᠪᠤᠯᠭᠤᠮᠵᠢ ᠦᠭᠡᠢ ᠵᠠᠩᠨᠠᠭᠰᠠᠨᠠᠴᠠ ᠪᠤᠯᠵᠦ ᠬᠡᠦᠬᠡᠳᠢ ᠬᠡᠴᠢᠨᠡᠬᠡᠨ ᠠ᠋ᠮᠵᠡᠭᠯᠡᠬᠦᠯᠵᠦ ᠰᠢᠷᠬᠠᠯᠠᠭᠤᠯᠤᠭᠰᠠᠨ ᠭᠡᠵᠤ ᠰᠠᠨᠠᠨᠠ᠃ ᠫᠸᠩᠰᠡᠲᠠᠢ ᠴᠡᠴᠡᠭᠢ ᠰᠠᠨᠠᠭ᠋ᠠᠨᠳᠤ ᠦᠭᠡᠢ ᠰᠤᠶ᠋ᠢᠳᠬᠡᠴᠢᠬᠡᠬᠡᠳ ᠳᠤᠰᠠᠲᠠᠢ ᠠᠵᠢᠯ ᠬᠢᠵᠦ ᠪᠤᠷᠤᠭᠤᠪᠠᠨ ᠴᠠᠶ᠋ᠢᠷᠠᠭᠤᠯᠬᠤ ᠬᠡᠰᠡᠨ ᠬᠦᠦ ᠵᠢᠨ ᠰᠡᠳᠬᠢᠯᠢ ᠬᠦᠢ᠍ᠳᠡᠮᠰᠦᠭ ᠵᠶ᠋ᠠᠷ ᠳᠡᠪᠴᠢᠭᠰᠡᠨᠨᠢ ᠪᠠᠭᠰᠢ ᠪᠤᠯᠤᠭᠰᠠᠳᠲᠤ ᠠᠪᠴᠦ ᠬᠡᠯᠡᠪᠡᠯ ᠨᠤᠴᠢᠳᠠᠢ ᠠᠯᠳᠠᠭᠠ ᠪᠤᠯᠬᠤ ᠶᠤᠮ᠃ ᠠ᠋ᠨᠡ ᠬᠦ᠌ ᠤᠴᠢᠷᠠᠴᠠ ᠬᠤᠶ᠋ᠢᠰᠢ ᠰᠦᠬᠤᠮᠯᠢᠨ᠋ᠰᠺᠢ ᠬᠡᠦᠬᠡᠳᠢ ᠪᠠᠷᠤᠭ ᠯᠡ ᠵᠠᠩᠨᠠᠭ᠍ᠤᠪᠠᠨ ᠪᠤᠯᠢᠭᠰᠠᠨ ᠪᠦᠬᠡᠳ ᠠᠯᠳᠠᠵᠦ ᠪᠤᠳᠤᠯᠢᠭᠰᠠᠨ ᠬᠡᠦᠬᠡᠳᠢ ᠠᠭᠤᠴᠢᠯᠠᠨ ᠪᠤᠯᠭᠤᠭ᠋ᠠᠬᠤ ᠪᠤᠯᠤᠭᠰᠠᠨ ᠪᠢᠯᠡ᠃ ᠠᠭᠤᠴᠢᠯᠠᠯ ᠪᠤᠯ ᠬᠡᠦᠬᠡᠳᠤᠨ ᠢᠳᠡᠭᠡᠯᠢ ᠴᠤᠭᠴᠠᠯᠠᠭ᠍ᠤ ᠬᠠᠮᠤᠭᠤᠨ ᠤᠶᠠᠨ ᠨᠠᠷᠢᠨ ᠠ᠋ᠯᠸᠮᠸᠨ᠋ᠲ ᠶᠤᠮ᠃
3. ᠦᠬᠦᠮᠡᠯ ᠵᠶ᠋ᠠᠷ ᠴᠡᠭᠡᠵᠢᠯᠡᠬᠦᠯᠬᠦ ᠵᠢ ᠳᠡᠪᠴᠢᠭᠰᠡᠨᠨᠢ
ᠰᠦᠬᠤᠮᠯᠢᠨ᠋ᠰᠺᠢ ᠵᠠᠬᠢᠷᠤᠯ ᠪᠤᠯᠤᠭ᠋ᠠᠳ 《ᠦᠬᠦᠮᠡᠯ ᠵᠶ᠋ᠠᠷ ᠴᠡᠭᠡᠵᠢᠯᠡᠬᠦᠯᠵᠦ ᠪᠤᠯᠬᠤ ᠦᠭᠡᠢ᠂ ᠬᠠᠷᠢᠨ ᠰᠡᠳᠬᠢᠨ ᠪᠤᠳᠤᠯᠬᠢᠯᠠᠭᠤᠯᠬᠤ ᠬᠡᠷᠡᠭᠳᠡᠢ》 ᠭᠡᠵᠤ ᠤᠯᠠᠨᠳᠠ ᠳᠤᠷᠠᠳᠤᠭᠰᠠᠨ ᠶᠤᠮ᠂ ᠠ᠋ᠨᠡ ᠬᠦ᠌ ᠳᠤᠷᠠᠳᠤᠯᠭᠠ ᠵᠢᠨ ᠠᠨᠢᠰᠦ ᠵᠢ ᠰᠦᠬᠤᠮᠯᠢᠨ᠋ᠰᠺᠢ ᠪᠠᠭᠠ ᠰᠤᠷᠭ᠋ᠠᠭᠤᠯᠢ ᠵᠢᠨ ᠬᠡᠯᠡ ᠪᠢᠴᠢᠭᠤᠨ ᠬᠢᠴᠢᠶᠠᠯᠢ ᠰᠤᠨᠤᠰᠴᠦ ᠪᠠᠶ᠋ᠢᠬᠤᠳᠤᠪᠠᠨ ᠤᠯᠤᠭᠰᠠᠨ ᠠᠵᠢ᠃
ᠬᠢᠴᠢᠶᠠᠯ ᠠ᠋ᠬᠢᠯᠡᠩᠭᠦᠳᠡ ᠬᠡᠦᠬᠡᠳᠤᠳ ᠪᠠᠭᠰᠢ ᠵᠢᠨ ᠵᠶ᠋ᠠᠨ ᠳᠠᠯᠪᠢᠭᠰᠠᠨ ᠠᠰᠠᠭᠤᠯᠳᠠ ᠵᠢ ᠬᠠᠷᠢᠭᠤᠯᠵᠦ ᠠ᠋ᠬᠢᠯᠡᠯᠡ᠂ ᠰᠦᠬᠤᠮᠯᠢᠨ᠋ᠰᠺᠢ ᠬᠡᠦᠬᠡᠳᠤᠨ ᠬᠠᠷᠢᠭᠤᠯᠳᠠ ᠵᠢ ᠨᠢᠭᠡᠳ ᠨᠢᠭᠡᠪᠠᠷ ᠳᠡᠮᠳᠡᠭᠯᠡᠪᠠ᠂ ᠭᠡᠳᠡᠯᠡ ᠬᠡᠦᠬᠡᠳᠤᠨ ᠬᠠᠷᠢᠭᠤᠯᠳᠠ ᠳᠡᠬᠦᠨᠳᠤ ᠶᠠᠭ᠋ᠠᠬᠢᠭ᠋ᠠᠳ ᠴᠦ᠍ ᠬᠠᠨᠤᠮᠵᠢᠳᠠᠢ ᠰᠠᠨᠠᠭᠳᠠᠭᠰᠠᠨ ᠦᠭᠡᠢ᠃ ᠳᠡᠳᠡᠨᠤᠰ ᠦᠪᠡᠷᠤᠨ ᠬᠡᠯᠡᠭᠰᠡᠨ ᠦᠬᠡᠪᠠᠨ ᠰᠠᠶ᠋ᠢᠨ ᠤᠶ᠋ᠢᠯᠠᠭ᠋ᠠᠬᠤ ᠦᠭᠡᠢ ᠮᠦᠷᠳᠡᠭᠡᠨ ᠤᠷᠴᠢᠨ ᠳᠤᠭᠤᠷᠢᠨᠤ ᠦᠵᠡᠭᠳᠡᠯ᠂ ᠬᠡᠷᠡᠭ ᠪᠤᠳᠠᠰᠲᠠᠢ ᠴᠦ᠍ ᠬᠤᠯᠪᠤᠵᠦ ᠦᠯᠦ ᠴᠢᠳᠠᠭ᠍ᠤ ᠠᠵᠢ᠂ ᠳᠡᠭᠡᠭᠡᠳ ᠴᠦ᠍ ᠬᠠᠷᠢᠭᠤᠯᠳᠠ ᠪᠤᠯᠭ᠋ᠠᠨᠨᠢ ᠪᠤᠰᠤᠳᠤᠨᠬᠢ ᠵᠢ ᠳᠠᠪᠳᠠᠭᠰᠠᠨ᠂ ᠠᠯᠪᠠᠪᠠᠷ ᠵᠤᠬᠢᠶᠠᠮᠵᠢᠯᠠᠭᠰᠠᠨ᠂ ᠪᠤᠯᠬᠢ ᠬᠦᠰᠢᠬᠦᠨ᠂ ᠦᠬᠦᠮᠡᠯ ᠵᠶ᠋ᠠᠷ ᠴᠡᠭᠡᠵᠢᠯᠡᠭᠰᠡᠨ ᠵᠦᠢ᠍ᠯᠤᠳ ᠪᠠᠶ᠋ᠢᠭᠰᠠᠨ ᠶᠤᠮ᠃ 《ᠬᠡᠦᠬᠡᠳ ᠶᠠᠭ᠋ᠠᠬᠢᠭ᠋ᠠᠳ ᠬᠡᠯᠡᠭᠰᠡᠨ ᠦᠬᠡᠨᠤᠪᠠᠨ ᠤᠳᠬᠠ ᠵᠢ ᠤᠶ᠋ᠢᠯᠠᠭ᠋ᠠᠳᠠᠭ ᠦᠭᠡᠢ ᠪᠤᠢ？ ᠳᠡᠷᠡ ᠮᠦᠷᠳᠡᠭᠡᠨ ᠦᠬᠡᠰᠤᠨ ᠰᠠᠩᠨᠢ ᠬᠤᠮᠰᠠ ᠶᠠᠳᠠᠭᠤ᠂ ᠢᠯᠡᠳᠭᠡᠬᠦ ᠴᠢᠳᠠᠪᠤᠷᠢᠨᠢ ᠦᠯᠪᠡᠭᠡᠷ ᠰᠤᠯᠠ ᠪᠠᠶ᠋ᠢᠳᠠᠭᠨᠢ ᠶᠠᠭᠤᠨᠤᠬᠢ ᠪᠤᠢ᠂ ᠢᠯᠡ ᠳᠤᠳᠤᠷᠬᠠᠢ ᠦᠪᠡᠷᠤᠨ ᠦᠵᠡᠯ ᠪᠤᠳᠤᠯ ᠠᠯᠠᠭᠠ ᠪᠠᠶ᠋ᠢᠳᠠᠭᠨᠢ ᠴᠤᠬᠤᠮ ᠶᠠᠭᠤᠨᠠᠴᠠ ᠪᠤᠯᠤᠭᠰᠠᠨ ᠪᠤᠢ？》 ᠭᠡᠵᠤ ᠰᠦᠬᠤᠮᠯᠢᠨ᠋ᠰᠺᠢ ᠭᠠᠶ᠋ᠢᠬᠠᠰᠢᠷᠠᠯᠠ᠃ ᠠ᠋ᠨᠡ ᠦᠶᠠᠰ ᠬᠡᠯᠡ ᠪᠢᠴᠢᠭᠤᠨ ᠪᠠᠭᠰᠢᠠᠴᠠ ᠬᠡᠦᠬᠡᠳᠲᠤ᠄ 《ᠦᠬᠡ ᠦᠰᠦᠭᠤᠨ ᠤᠳᠬᠠ ᠪᠤᠯᠤᠨ ᠦᠬᠦᠯᠡᠪᠤᠷᠢ ᠵᠢᠨ ᠬᠡᠪ ᠮᠠᠶᠢᠭᠢ ᠰᠠᠶ᠋ᠢᠳᠤᠷ ᠳᠤᠭᠳᠠᠭ᠋ᠠᠬᠤ ᠬᠡᠷᠡᠭᠳᠡᠢ᠂ ᠳᠠᠷᠠᠭᠠ ᠬᠢᠴᠢᠶᠠᠯ ᠳᠡᠭᠡᠷᠡ ᠰᠢᠯᠭ᠋ᠠᠨᠠ ᠰᠢᠦ》 ᠭᠡᠵᠤ ᠵᠠᠬᠢᠴᠢᠬᠠᠭ᠋ᠠᠳ ᠬᠢᠴᠢᠶᠠᠯ ᠵᠶ᠋ᠠᠨ ᠵᠠᠪᠰᠠᠷᠯᠠᠭᠰᠠᠨ ᠠᠵᠢ᠃
ᠰᠦᠬᠤᠮᠯᠢᠨ᠋ᠰᠺᠢ 《ᠪᠢᠳᠠᠨᠤ ᠵᠢᠭ᠋ᠠᠨ ᠰᠤᠷᠭ᠋ᠠᠯᠳᠠ ᠬᠡᠦᠬᠡᠳᠲᠤ ᠮᠡᠳᠡᠯᠭᠡ ᠴᠡᠭᠡᠵᠢᠯᠡᠬᠦᠯᠬᠦ᠂ ᠬᠠᠳᠠᠭ᠋ᠠᠯᠠᠭᠤᠯᠬᠤ᠂ ᠳᠡᠬᠢᠨ ᠢᠯᠡᠷᠡᠬᠦᠯᠬᠦ ᠵᠢ ᠯᠡ ᠱᠠᠭ᠋ᠠᠷᠳᠠᠳᠠᠭ ᠪᠤᠯᠴᠢᠬᠠᠭᠰᠠᠨ ᠶᠤᠮ ᠦᠦ᠂ ᠬᠡᠷᠪᠡ ᠢᠩᠭᠢᠳᠡᠭᠲᠤ ᠬᠦᠷᠪᠡᠯ ᠮᠠᠨᠤ ᠠᠵᠢᠯ ᠮᠠᠰᠢ ᠶᠡᠭᠡ ᠳᠤᠳᠠᠭᠳᠠᠯᠲᠠᠢ ᠪᠤᠯᠬᠤᠨᠢ ᠮᠡᠳᠡᠭᠡᠵᠢ᠂ ᠦᠢ᠍ᠯᠡᠳᠦᠯᠭᠡ ᠳᠤᠮᠳᠠ ᠨᠢᠬᠡᠨᠳᠡ ᠰᠢᠢ᠍ᠳᠪᠤᠷᠢᠯᠡᠴᠢᠬᠡᠭᠰᠡᠨ ᠵᠤᠶ᠋ᠢᠯᠢ ᠪᠠᠭᠰᠢ ᠨᠠᠷᠤᠨ ᠳᠤᠮᠳᠠ ᠤᠳᠤ ᠪᠤᠯᠳᠠᠯᠠ ᠲᠦᠭᠡᠮᠡᠯᠵᠢᠭᠦᠯᠦᠭᠡ ᠦᠭᠡᠢ ᠭᠡᠵᠢ ᠦᠦ？》 ᠭᠡᠵᠤ ᠪᠤᠳᠤᠳᠠᠯᠠ ᠨᠢᠭᠡᠳᠤᠭᠡᠷ ᠠᠩᠭᠢ ᠵᠢᠨ ᠬᠡᠦᠬᠡᠳ ᠨᠠᠲ᠋ᠠᠱ᠌ᠠ ᠵᠢᠨ ᠪᠢᠴᠢᠭᠰᠡᠨ ᠨᠢᠭᠡ ᠵᠤᠬᠢᠶᠠᠯ ᠰᠠᠨᠠᠭ᠋ᠠᠨᠳᠤᠨᠢ ᠤᠷᠤᠭᠰᠠᠨ ᠶᠤᠮ᠃
ᠵᠢᠬᠦᠷᠲᠠᠢ ᠴᠡᠴᠡᠭ
（ᠨᠢᠬᠡᠳᠤᠭᠡᠷ ᠠᠩᠭᠢ ᠵᠢᠨ ᠨᠠᠲ᠋ᠠᠱ᠌ᠠ ᠵᠢᠨ ᠪᠦᠲᠦᠬᠡᠯ）
ᠵᠤᠨᠤ ᠤᠴᠢᠷ ᠰᠠᠨ᠂ ᠦᠷᠪᠡᠯᠬᠡᠨ ᠵᠢᠬᠦᠷᠲᠠᠢ ᠵᠢᠭ᠋ᠠᠬᠠᠨ ᠦᠷᠡ ᠵᠢ ᠰᠡᠯᠬᠢ ᠦᠯᠢᠶᠠᠵᠦ ᠭᠡᠭᠡᠷᠡ ᠳᠡᠯᠠᠳᠤ ᠠᠪᠠᠴᠢᠭ᠋ᠠᠳ ᠡᠪᠡᠰᠣᠨ ᠳᠤᠮᠳᠠ ᠤᠨᠠᠭ᠋ᠠᠭᠰᠠᠨ ᠪᠠᠶ᠋ᠢᠵᠠᠢ᠃
ᠭᠠᠶ᠋ᠢᠬᠠᠰᠢᠷᠠᠭᠰᠠᠨ ᠡᠪᠡᠰᠦ᠄ 《ᠳᠠᠨᠢ ᠭᠡᠨ ᠭᠡᠳᠡᠭ ᠪᠤᠢ？》 ᠭᠡᠵᠤ ᠠᠰᠠᠭᠤᠬᠤᠳᠤ ᠵᠢᠭ᠋ᠠᠬᠠᠨ ᠦᠷᠡ᠄ 《ᠨᠠᠮᠠ ᠵᠢ ᠵᠢᠬᠦᠷᠲᠠᠢ ᠴᠡᠴᠡᠭ ᠭᠡᠳᠡᠭ》 ᠭᠡᠵᠤ ᠬᠠᠷᠢᠭᠤᠯᠤᠭ᠋ᠠᠳ᠄ 《ᠪᠢ ᠡ᠊ᠨᠳᠡ᠂ ᠳᠠᠨᠲᠠᠢ ᠴᠤᠭ ᠤᠷᠭᠤᠬᠤᠪᠠᠷ ᠢᠷᠡᠭᠰᠡᠨ ᠶᠤᠮ》 ᠭᠡᠵᠤ ᠬᠡᠯᠡᠭᠰᠡᠨ ᠠᠵᠢ᠃ ᠡᠪᠡᠰᠦᠨᠦᠭᠦᠳ ᠳᠡᠬᠦᠨᠢ ᠪᠠᠶᠠᠷᠲᠠᠢ ᠤᠭᠳᠤᠨ ᠠᠪᠤᠪᠠ᠃
ᠡᠪᠤᠯ ᠦᠩᠭᠡᠷᠡᠵᠦ ᠬᠠᠪᠤᠷ ᠢᠷᠡᠬᠦᠪᠠᠷ ᠡᠪᠡᠰᠣ ᠰᠤᠶᠤᠭ᠋ᠠᠯᠠᠵᠦ ᠠ᠋ᠬᠢᠯᠡᠭᠡᠳ ᠬᠠᠵᠠᠭᠤᠳᠤᠨᠢ ᠵᠢᠭ᠋ᠠᠬᠠᠨ ᠦᠷᠡ ᠦᠨᠳᠤᠰᠦ ᠬᠠᠳᠬᠤᠵᠦ ᠤᠷᠤᠢᠳᠤᠨᠢ ᠰᠤᠷᠭᠤᠭ ᠰᠢᠷᠡ ᠦᠩᠭᠡᠲᠠᠢ ᠵᠢᠵᠢᠭᠬᠡᠨ ᠨᠠᠷᠠ ᠰᠢᠭ ᠴᠡᠴᠡᠭ ᠳᠡᠯᠭᠡᠷᠡᠭᠰᠡᠨ ᠪᠢᠯᠠ᠃
《ᠦ᠂ ᠤᠤᠯᠨᠢ ᠪᠠᠭᠪᠠᠭ᠋ᠠᠢ ᠴᠡᠴᠡᠭ ᠪᠠᠶ᠋ᠢᠭᠰᠠᠨ ᠶᠤᠮ ᠦᠦ》 ᠭᠡᠵᠤ ᠡᠪᠡᠰᠦ ᠳᠠᠭᠤ ᠠᠯᠳᠠᠨ ᠬᠡᠯᠡᠭᠰᠡᠨ ᠰᠠᠨᠵᠠᠢ᠃
ᠠ᠋ᠨᠡ ᠪᠤᠯ ᠬᠡᠦᠬᠡᠳᠢ ᠳᠠᠶ᠋ᠢᠴᠢᠯᠠᠨ ᠴᠡᠴᠡᠭᠤᠨ ᠦᠩᠭᠡ ᠦᠨᠦᠷ᠂ ᠬᠡᠯᠪᠡᠷᠢ ᠲᠦᠷᠰᠦ ᠪᠠ ᠳᠡᠳᠡᠨᠤ ᠬᠤᠭᠤᠷᠤᠨᠳᠤᠬᠢ ᠢᠯᠭ᠋ᠠᠭᠠ ᠵᠢ ᠠᠵᠢᠭᠯᠠᠭᠤᠯᠵᠦ ᠨᠠᠷᠠᠨᠤ ᠬᠡᠷᠡᠯ᠂ ᠴᠡᠴᠡᠭᠤᠨ ᠳᠠᠯᠪᠢ᠂ ᠪᠠᠯᠲᠦ ᠵᠦᠭᠡᠢ᠂ ᠮᠤᠳᠤᠨᠤ ᠮᠦᠴᠢᠷ᠂ ᠠ᠋ᠷᠪᠡᠬᠡᠢ ᠵᠡᠷᠭᠡ ᠦᠵᠡᠭᠳᠡᠯ ᠬᠡᠷᠡᠭ ᠪᠤᠳᠠᠰᠤᠨ ᠬᠤᠯᠪᠤᠭᠠ ᠵᠢ ᠤᠶ᠋ᠢᠯᠠᠭ᠋ᠠᠭᠤᠯᠴᠢᠬᠠᠭ᠋ᠠᠳ ᠠᠭᠤᠵᠢᠭᠤ ᠴᠢᠯᠦᠬᠡᠳᠡᠢ ᠲᠦᠷᠰᠦᠯᠡᠨ ᠪᠤᠳᠤᠭᠤᠯᠤᠭᠰᠠᠨᠤ ᠳᠠᠷᠠᠭᠠ ᠪᠢᠴᠢᠬᠦᠯᠦᠭᠰᠡᠨ ᠵᠤᠬᠢᠶᠠᠯ ᠪᠤᠯᠬᠤ ᠶᠤᠮ᠃
ᠬᠡᠦᠬᠡᠳ ᠠ᠋ᠶ᠋ᠢᠨ ᠬᠦ᠌ ᠪᠢᠴᠢᠵᠦ ᠴᠢᠳᠠᠵᠦ ᠪᠠᠶ᠋ᠢᠭᠠᠨᠢ ᠦᠬᠡ ᠬᠡᠯᠡ ᠨᠢᠬᠡᠨᠳᠡ ᠳᠡᠳᠡᠨᠤ ᠤᠶᠤᠨ ᠰᠠᠨᠠᠭ᠋ᠠᠨᠳᠤ ᠦᠨᠳᠦᠰᠦᠯᠡᠴᠢᠬᠡᠭᠰᠡᠨᠢ ᠳᠤᠳᠤᠷᠬᠠᠶ᠋ᠢᠯᠠᠵᠦ ᠪᠤᠢ ᠪᠢᠯᠡ᠂ ᠢᠯᠡᠳᠭᠡᠭᠰᠡᠨ ᠠᠷᠭᠠ ᠮᠠᠶᠢᠭᠲᠤᠨᠢ ᠬᠡᠦᠬᠡᠳᠤᠨ ᠳᠤᠮᠤᠭᠤᠨ ᠨᠦᠯᠦᠭᠡ ᠢᠯᠡᠷᠡᠵᠦ ᠪᠠᠶ᠋ᠢᠭᠠ ᠪᠤᠯᠪᠠᠴᠦ ᠦᠬᠡ ᠬᠡᠯᠡ ᠵᠢ ᠦᠪᠡᠷᠤᠨ ᠵᠶ᠋ᠠᠨ ᠪᠤᠯᠭ᠋ᠠᠭ᠋ᠠᠳ ᠴᠢᠳᠠᠴᠢᠬᠠᠭᠰᠠᠨᠨᠢ ᠢᠯᠡᠳᠳᠡ ᠮᠡᠳᠡᠭᠳᠡᠳᠡᠭ᠂ ᠳᠡᠭᠡᠭᠡᠳ ᠴᠦ᠍ ᠰᠡᠳᠬᠢᠨ ᠪᠤᠳᠤᠯᠬᠢᠯᠠᠵᠦ ᠴᠢᠳᠠᠵᠦ ᠪᠠᠶ᠋ᠢᠭᠠᠨᠢ ᠦᠬᠡ ᠦᠰᠦᠭ ᠪᠦᠷᠢᠠᠴᠠᠨᠢ ᠢᠯᠡᠷᠭᠡᠢ ᠳᠤᠪᠤᠶ᠋ᠢᠮᠠ ᠬᠠᠷᠠᠭᠳᠠᠵᠦ ᠪᠤᠢ᠃ ᠰᠤᠷᠤᠯᠭᠠ ᠠᠨᠠᠢ ᠬᠡᠦᠬᠡᠳᠤᠨ ᠳᠤᠬᠠᠢ ᠪᠠᠭᠰᠢ ᠨᠠᠷ 《ᠳᠡᠨᠡᠭ》᠂ ᠴᠢᠷᠮᠠᠶ᠋ᠢᠬᠤ ᠵᠢ ᠮᠡᠳᠡᠳᠡᠭ ᠦᠭᠡᠢ ᠭᠡᠬᠦ ᠮᠡᠲᠦᠪᠠᠷ ᠶᠠᠷᠢᠯᠴᠠᠵᠠᠭ᠋ᠠᠳᠠᠭ᠂ ᠳᠡᠭᠡᠷᠡᠬᠢ ᠵᠢᠱ᠌ᠢᠶᠠᠨᠠᠴᠠ ᠦᠵᠡᠪᠡᠯ ᠬᠡᠦᠬᠡᠳᠤᠨ ᠤᠶᠤᠨᠤ ᠴᠢᠳᠠᠮᠵᠢ ᠵᠢ ᠬᠢᠵᠠᠭ᠋ᠠᠷᠯᠠᠵᠦ᠂ ᠤᠯᠠᠮ ᠵᠶ᠋ᠠᠷ ᠠᠵᠢᠭᠯᠠᠯᠳᠠ᠂ ᠰᠡᠳᠬᠢᠮᠵᠢ᠂ ᠵᠤᠶ᠋ᠢᠴᠢᠯᠠᠯᠢᠨᠢ ᠦᠬᠡᠶ᠋ᠢᠬᠢᠴᠢᠬᠡᠬᠡᠳ᠂ ᠠᠷᠭᠠ ᠦᠭᠡᠢ ᠦᠬᠦᠮᠡᠯ ᠵᠶ᠋ᠠᠷ ᠴᠡᠭᠡᠵᠢᠯᠡᠬᠦ ᠬᠡᠮᠵᠢᠶᠡᠨᠳᠤ ᠬᠦᠷᠭᠡᠳᠡᠭᠨᠢ ᠪᠢᠳᠡᠨᠤ ᠨᠢᠬᠡᠨᠳᠡ ᠬᠡᠪᠰᠢᠴᠢᠬᠡᠭᠰᠡᠨ ᠵᠢᠭ᠋ᠠᠨ ᠰᠤᠷᠭ᠋ᠠᠯᠳᠠ ᠵᠢᠨ ᠰᠡᠳᠬᠢᠴᠠ ᠪᠠᠶ᠋ᠢᠭᠠ ᠶᠤᠮ᠃ ᠤᠳᠤᠬᠠᠨᠤ ᠰᠤᠷᠭ᠋ᠠᠭᠤᠯᠢ ᠵᠢᠨ ᠪᠦᠬᠦᠶ᠋ᠢᠯᠡ ᠵᠢᠭ᠋ᠠᠨ ᠰᠤᠷᠭ᠋ᠠᠯᠳᠠ ᠵᠢᠨ ᠰᠢᠰᠲᠸᠮᠳᠤ ᠰᠢᠨᠵᠢᠯᠡᠬᠦ ᠤᠬᠠᠭ᠋ᠠᠨᠴᠢ ᠦᠬᠡᠷᠡᠴᠢᠯᠡᠯᠳᠡ ᠬᠢᠬᠦ ᠬᠡᠷᠡᠭᠳᠡᠢ ᠪᠤᠯᠤᠭ᠋ᠠᠳ ᠪᠤᠢ᠂ ᠠ᠋ᠬᠦᠨᠳᠤ ᠬᠤᠷᠴᠠ ᠳᠤᠳᠤᠷᠬᠠᠢ ᠦᠵᠡᠯ ᠰᠠᠨᠠᠭᠠ᠂ ᠠᠮᠢᠳᠤ ᠬᠡᠯᠡ ᠶᠠᠷᠢᠶᠠ ᠬᠢᠬᠡᠳ ᠬᠡᠦᠬᠡᠳᠤᠨ ᠠ᠋ᠬᠦᠲᠦᠨ ᠪᠦᠲᠦᠭᠡᠯᠳᠡ ᠬᠡᠬᠦ ᠭᠤᠷᠪᠠᠨ ᠰᠠᠭᠤᠷᠢ ᠳᠡᠭᠡᠷᠡ ᠰᠠᠭᠤᠷᠢᠯᠠᠭ᠍ᠤ ᠬᠡᠷᠡᠭᠳᠡᠢ᠃ ᠠ᠋ᠶ᠋ᠢᠮᠦᠠᠴᠠ ᠪᠠᠭᠰᠢ ᠪᠤᠯᠤᠭᠰᠠᠳ ᠬᠢᠴᠢᠶᠡᠯᠤᠨ ᠳᠠᠩᠭᠢᠮᠳᠤ ᠬᠡᠦᠬᠡᠳᠲᠤ ᠵᠤᠬᠢᠬᠤ ᠬᠡᠮᠵᠢᠶᠡᠨᠤ ᠮᠡᠳᠡᠯᠬᠡ ᠵᠢ ᠰᠤᠷᠭ᠋ᠠᠬᠤ ᠵᠢᠨ ᠳᠠᠭ᠋ᠠᠤ ᠰᠡᠳᠬᠢᠴᠠ ᠵᠢᠨ ᠪᠤᠯᠪᠠᠰᠤᠷᠠᠯᠢᠨᠢ ᠴᠢᠩᠭ᠋ᠠᠳᠬᠠᠬᠤ ᠬᠡᠷᠡᠭᠳᠡᠢ ᠪᠢᠯᠡ᠃
ᠰᠦᠬᠤᠮᠯᠢᠨ᠋ᠰᠺᠢ ᠠ᠋ᠨᠡ ᠬᠦ᠌ ᠬᠢᠴᠢᠶᠠᠯᠢ ᠰᠤᠨᠤᠰᠤᠭ᠋ᠠᠳ ᠳᠠᠷᠠᠭ᠋ᠠᠴᠢ ᠵᠢᠨ ᠰᠤᠷᠭ᠋ᠠᠭᠤᠯᠢ ᠵᠢᠨ ᠠᠵᠢᠯᠤᠨ ᠬᠤᠷᠠᠯ ᠳᠡᠭᠡᠷᠡ ᠶᠠᠭᠤ ᠶᠠᠷᠢᠬᠤ ᠬᠡᠷᠡᠭᠳᠡᠢᠪᠠᠨ ᠨᠢᠬᠡᠨᠳᠡ ᠳᠤᠭᠳᠠᠭ᠋ᠠᠴᠢᠬᠠᠭᠰᠠᠨ ᠶᠤᠮ᠂ ᠳᠠᠷᠤᠢ 《ᠬᠡᠦᠬᠡᠳᠢ ᠬᠡᠷᠬᠢᠨ ᠰᠡᠳᠬᠢᠨ ᠪᠤᠳᠤᠯᠬᠢᠯᠠᠭᠤᠯᠬᠤ ᠪᠤᠢ？》 ᠭᠡᠬᠦ ᠠᠰᠠᠭᠤᠳᠠᠯ᠂ ᠮᠥᠨ ᠠ᠋ᠬᠦᠨ ᠵᠶ᠋ᠠᠷ ᠳᠠᠮᠵᠢᠭᠤᠯᠤᠭ᠋ᠠᠳ ᠰᠤᠷᠭ᠋ᠠᠭᠤᠯᠢ ᠵᠢᠨ ᠪᠦᠬᠦᠶ᠋ᠢᠯᠡ ᠪᠠᠭᠰᠢᠳᠤ 《ᠦᠬᠦᠮᠡᠯ ᠵᠶ᠋ᠠᠷ ᠴᠡᠭᠡᠵᠢᠯᠡᠬᠦᠯᠵᠦ ᠪᠤᠯᠬᠤ ᠦᠭᠡᠢ᠂ ᠬᠠᠷᠢᠨ ᠰᠡᠳᠬᠢᠨ ᠪᠤᠳᠤᠯᠬᠢᠯᠠᠭᠤᠯᠬᠤ ᠬᠡᠷᠡᠭᠳᠡᠢ》 ᠭᠡᠵᠤ ᠰᠠᠨᠠᠭ᠋ᠠᠴᠢᠯᠠᠭ᠍ᠤᠪᠠᠷ ᠰᠢᠢ᠍ᠳᠦᠭᠰᠡᠨ ᠰᠠᠨᠵᠠᠢ᠃
4. ᠤᠷᠠᠨ ᠵᠶ᠋ᠠᠷ ᠤᠳᠤᠷᠢᠳᠤᠭᠰᠠᠨᠨᠢ
ᠰᠦᠬᠤᠮᠯᠢᠨ᠋ᠰᠺᠢ ᠪᠠᠭᠠ ᠰᠤᠷᠭ᠋ᠠᠭᠤᠯᠢ ᠵᠢᠨ ᠬᠡᠦᠬᠡᠳᠢ ᠤᠯᠠᠨ ᠶᠠᠩᠵᠦᠪᠠᠷ ᠤᠶᠠᠨ ᠠᠮᠢᠳᠤᠯᠢᠭ ᠬᠦᠮᠦᠵᠢᠬᠦᠯᠳᠡᠭ᠂ ᠠ᠋ᠬᠦᠨᠳᠤ ᠦᠯᠢᠬᠡᠷ ᠳᠤᠮᠤᠭ ᠵᠶ᠋ᠠᠷ ᠵᠢᠱ᠌ᠢᠶᠠ ᠳᠠᠳᠠᠭ᠍ᠤᠨᠢ ᠶᠡᠭᠡ ᠦᠢ᠍ᠯᠡᠳᠤᠯᠲᠠᠢ ᠪᠠᠶ᠋ᠢᠭᠰᠠᠨ ᠠᠵᠢ᠃ ᠳᠤᠤᠷᠡ ᠳᠡᠬᠦᠨᠤ ᠨᠢᠭᠡ ᠠᠷᠭᠠᠠᠴᠠ ᠳᠠᠨᠢᠯᠴᠠᠭᠤᠯᠤᠶᠠ᠄
ᠵᠤᠨᠤ ᠠᠮᠠᠷᠠᠯᠳᠠ ᠪᠤᠯᠵᠦ ᠰᠦᠬᠤᠮᠯᠢᠨ᠋ᠰᠺᠢ ᠠᠩᠭᠢ ᠵᠢᠨ ᠬᠡᠦᠬᠡᠳ ᠵᠶ᠋ᠠᠨ ᠳᠠᠭ᠋ᠠᠭᠤᠯᠤᠭ᠋ᠠᠳ ᠭᠡᠭᠡᠷᠡ ᠵᠢᠨ ᠵᠢᠭᠤᠯᠴᠢᠯᠠᠯᠳᠤ ᠭᠠᠷᠪᠠ᠂ ᠶᠠᠭᠤᠮᠠ ᠬᠡᠦᠮᠡ ᠤᠯᠠᠨ ᠪᠤᠯᠬᠤᠷ ᠬᠤᠶᠠᠷ ᠬᠦᠮᠦᠨ ᠨᠢᠭᠡ ᠳᠤᠭᠤᠶ᠋ᠢᠯᠠᠩ ᠪᠤᠯᠴᠢᠬᠠᠪᠠᠯ ᠠ᠋ᠬᠦᠷᠬᠡ ᠳᠡᠬᠦᠷᠬᠡᠪᠠᠨ ᠬᠦᠩᠭᠡᠯᠡᠴᠢᠬᠡᠵᠦ ᠪᠤᠯᠤᠨᠠ ᠭᠡᠵᠤ ᠦᠵᠡᠭᠡᠳ ᠬᠡᠦᠬᠡᠳᠤᠳᠢ ᠦᠪᠡᠷ ᠵᠶ᠋ᠠᠨ ᠴᠢᠯᠦᠬᠡᠳᠡᠢ ᠳᠤᠭᠤᠶ᠋ᠢᠯᠠᠩ ᠬᠤᠪᠢᠶᠠᠵᠦ ᠪᠤᠯᠤᠨᠠ ᠭᠡᠵᠤ ᠵᠠᠬᠢᠯᠠ᠃ ᠬᠡᠦᠬᠡᠳ ᠪᠠᠷᠤᠭ ᠯᠡ ᠴᠦᠮ ᠬᠠᠮᠵᠢᠬ᠍ᠴᠢᠪᠠᠨ ᠤᠯᠤᠭ᠋ᠠᠳ ᠠᠪᠴᠢᠬᠠᠭᠰᠠᠨ ᠪᠠᠶ᠋ᠢᠬᠤᠳᠤ ᠠᠨᠳ᠋ᠸᠷᠸᠢᠺ ᠯᠡ ᠭᠠᠭᠴᠠᠭ᠋ᠠᠷ ᠵᠶ᠋ᠠᠨ ᠤᠬᠢᠯᠠᠵᠦ ᠦᠯᠡᠳᠡᠭᠰᠡᠨ ᠰᠠᠨᠵᠠᠢ᠃
ᠰᠦᠬᠤᠮᠯᠢᠨ᠋ᠰᠺᠢ ᠠᠨᠳ᠋ᠸᠷᠸᠢᠺᠢ ᠠᠷᠭ᠋ᠠᠳᠠᠭ᠍ᠤ ᠵᠢᠨ ᠳᠠᠭ᠋ᠠᠤ ᠤᠴᠢᠷᠢᠨᠢ ᠯᠠᠪᠯᠠᠪᠠᠯ ᠳᠡᠬᠦᠨᠲᠠᠢ ᠨᠢᠭᠡ ᠳᠤᠭᠤᠶ᠋ᠢᠯᠠᠩ ᠪᠤᠯᠬᠤ ᠳᠤᠷᠠᠳᠠᠢ ᠬᠡᠦᠬᠡᠳ ᠨᠢᠭᠡ ᠴᠦ᠍ ᠠᠯᠠᠭᠠ ᠭᠡᠪᠡ᠂ ᠠᠨᠳ᠋ᠸᠷᠸᠢᠺ ᠤᠷᠤᠭᠤᠯ ᠵᠶ᠋ᠠᠨ ᠴᠤᠷᠪᠤᠶ᠋ᠢᠯᠭ᠋ᠠᠭ᠋ᠠᠳ 《ᠳᠡᠳᠡ ᠪᠦᠬᠦᠳᠡᠭᠡᠷ ᠨᠠᠳᠠᠲᠠᠢ ᠠᠳᠠᠭ᠋ᠠᠷᠬᠠᠵᠦ ᠪᠠᠶ᠋ᠢᠨᠠ》 ᠭᠡᠵᠤ ᠬᠡᠯᠡᠯᠡ᠃ ᠰᠦᠬᠤᠮᠯᠢᠨ᠋ᠰᠺᠢ ᠠᠨᠳ᠋ᠸᠷᠸᠢᠺᠤᠨ ᠠᠭ᠋ᠠᠰᠢ ᠵᠠᠩᠢ ᠰᠠᠶ᠋ᠢᠨ ᠮᠡᠳᠡᠳᠡᠭ ᠪᠤᠯᠬᠤᠷ ᠠ᠋ᠨᠡ ᠬᠦ᠌ ᠳᠤᠬᠢᠶᠠᠯ ᠵᠶ᠋ᠠᠷ ᠰᠠᠶ᠋ᠢᠳᠤᠷ ᠰᠤᠷᠭ᠋ᠠᠬᠤ ᠵᠢ ᠪᠤᠳᠤᠪᠠ᠂ ᠳᠡᠭᠡᠭᠡᠳ ᠰᠢᠯᠤᠭᠤᠬᠠᠨ ᠵᠶ᠋ᠠᠷ᠄ 《ᠠᠨᠳ᠋ᠸᠷᠸᠢᠺ ᠡ᠂ ᠶᠢᠷᠲᠢᠨᠴᠦ ᠳᠡᠭᠡᠷᠡᠬᠢ ᠬᠠᠮᠤᠭᠤᠨ ᠪᠡᠷᠭᠡ ᠵᠤᠶ᠋ᠢᠯ ᠪᠤᠯ ᠬᠦᠮᠦᠨᠢ ᠤᠶ᠋ᠢᠯᠠᠭ᠋ᠠᠵᠦ ᠰᠤᠷᠬᠤ ᠶᠠᠪᠤᠳᠠᠯ ᠪᠢᠯᠡ᠂ ᠴᠢ ᠦᠪᠡᠷᠢᠪᠠᠨ ᠱᠠᠭ᠋ᠠᠷᠳᠠᠵᠦ ᠪᠠᠶ᠋ᠢᠭ᠋ᠠᠳ ᠪᠤᠰᠤᠳᠢ ᠤᠶ᠋ᠢᠯᠠᠭ᠋ᠠᠬᠤ ᠵᠢ ᠰᠤᠷᠴᠢᠬᠠᠪᠠᠯ ᠨᠠᠶ᠋ᠢᠵᠠ ᠨᠦᠬᠦᠳ ᠵᠶ᠋ᠠᠨ ᠠᠶᠠᠨᠳᠠᠭ᠋ᠠᠨ ᠤᠨᠳᠤᠤ ᠬᠠᠷᠠᠴᠠᠪᠠᠷ ᠬᠠᠷᠠᠵᠦ ᠴᠢᠳᠠᠭ᠍ᠤ ᠪᠤᠯᠤᠨᠠ᠃ ᠭᠡᠪᠡᠴᠦ ᠦᠷᠬᠦᠯᠵᠢ ᠯᠡ ᠦᠪᠡᠷᠢᠪᠠᠨ ᠬᠠᠮᠤᠭᠤᠨ ᠰᠡᠴᠡᠨ ᠰᠡᠷᠬᠦᠯᠡᠩ᠂ ᠠᠪᠢᠶᠠᠰ ᠴᠢᠳᠠᠪᠤᠷᠢᠲᠠᠢ ᠭᠡᠵᠤ ᠦᠵᠡᠭᠡᠳ ᠪᠠᠶ᠋ᠢᠪᠠᠯ ᠡᠴᠦᠰᠲᠤᠪᠠᠨ ᠬᠠᠮᠤᠭᠤᠨ ᠭᠠᠭᠴᠠᠭ᠋ᠠᠷᠳᠠᠩᠭᠤᠢ ᠬᠦᠮᠦᠨ ᠪᠤᠯᠬᠤᠨᠢ ᠳᠠᠮᠵᠢᠭ ᠦᠭᠡᠢ》 ᠭᠡᠵᠤ ᠳᠠᠶ᠋ᠢᠯᠪᠤᠷᠢᠯᠠᠯᠠ᠃ 《ᠭᠡᠳᠡᠯᠡ ᠰᠠᠳᠤᠪ ᠵᠠᠳᠠᠯᠬᠤ᠂ ᠰᠢᠯᠦᠭ ᠴᠡᠭᠡᠵᠢᠯᠡᠬᠦᠳᠤ ᠪᠢ ᠬᠡᠨᠠᠴᠠ ᠴᠤ᠌ ᠤᠨᠤᠪᠴᠢᠳᠠᠢ ᠮᠦᠷᠳᠡᠭᠡᠨ ᠬᠤᠷᠳᠤᠨ ᠪᠠᠶ᠋ᠢᠳᠠᠭ᠂ ᠲᠠ ᠴᠦ᠍ ᠨᠠᠮᠠ ᠵᠢ ᠮᠠᠭᠳᠠᠳᠠᠭ ᠰᠢᠦ ᠳ᠋ᠠ᠂ ᠠ᠋ᠨᠡ ᠮᠢᠨᠦ ᠪᠤᠷᠤᠭᠤ ᠭᠡᠵᠢ ᠦᠦ？》 ᠭᠡᠳ ᠠᠨᠳ᠋ᠸᠷᠸᠢᠺ ᠤᠯᠠᠮ ᠯᠡ ᠮᠡᠭᠰᠢᠴᠢᠬᠡᠪᠡ᠃
ᠰᠦᠬᠤᠮᠯᠢᠨ᠋ᠰᠺᠢ ᠠ᠋ᠬᠦᠨᠢ ᠰᠤᠨᠤᠰᠤᠭ᠋ᠠᠳ ᠶᠠᠭᠤ ᠬᠡᠯᠡᠬᠦᠪᠠᠨ ᠤᠯᠵᠦ ᠶᠠᠳᠠᠯᠠ᠂ 《ᠴᠤᠬᠤᠮ ᠶᠠᠭ᠋ᠠᠬᠢᠵᠦ ᠳᠠᠶ᠋ᠢᠯᠪᠤᠷᠢᠯᠠᠪᠠᠯ ᠰᠠᠶᠢ ᠳᠡᠬᠦᠨᠢ ᠤᠬᠠᠭ᠋ᠠᠷᠠᠭᠤᠯᠵᠦ ᠴᠢᠳᠠᠳᠠᠭ ᠪᠢᠯᠡ？》 ᠭᠡᠵᠤ ᠪᠤᠳᠤᠭᠰᠠᠨ ᠵᠶ᠋ᠠᠨ᠄ 《ᠠᠨᠳ᠋ᠸᠷᠸᠢᠺ ᠡ᠂ ᠪᠢ ᠴᠢᠮᠠᠳᠤ ᠦᠯᠢᠬᠡᠷ ᠬᠡᠯᠡᠵᠦ ᠦᠭᠭᠦᠶᠡ᠂ ᠠ᠋ᠨᠡ ᠦᠯᠢᠬᠡᠷ ᠦᠨᠦ ᠵᠢᠨ ᠪᠢᠳᠡᠨᠤ ᠪᠠᠶ᠋ᠢᠳᠠᠯᠲᠠᠢ ᠶᠡᠭᠡ ᠠᠳᠠᠯᠢᠬᠠᠨ᠂ ᠴᠢ ᠰᠤᠨᠤᠰᠬᠤ ᠦᠦ？》 ᠭᠡᠪᠡᠯ ᠬᠦᠦ ᠨᠢᠯᠪᠤᠰᠤᠪᠠᠨ ᠠᠷᠴᠢᠵᠦ ᠳᠤᠯᠤᠭ᠋ᠠᠢ ᠳᠤᠬᠢᠪᠠ᠃ ᠠ᠋ᠶ᠋ᠢᠨ ᠬᠦ᠌ ᠮᠤᠳᠤᠨᠤ ᠰᠡᠬᠦᠳᠡᠷᠲᠤ ᠳᠤᠬᠠᠯᠠᠭ᠋ᠠᠳ ᠰᠦᠬᠤᠮᠯᠢᠨ᠋ᠰᠺᠢ 《ᠤᠳᠪᠠᠯᠠ ᠰᠤᠩᠭᠢᠨᠠ ᠬᠤᠶᠠᠷ》 ᠭᠡᠬᠦ ᠦᠯᠢᠬᠡᠷᠢ ᠶᠠᠷᠢᠭᠰᠠᠨ ᠰᠠᠨᠵᠠᠢ᠄
ᠳᠠᠷᠢᠶᠠᠴᠢᠨ ᠠᠶ᠋ᠢᠯᠤᠨ ᠠ᠋ᠬᠦᠳᠡᠨᠳᠤ ᠨᠢᠬᠡᠨ ᠤᠳᠪᠠᠯᠠ ᠤᠷᠭᠤᠭᠰᠠᠨ ᠪᠠᠶ᠋ᠢᠵᠠᠢ᠂ ᠤᠳᠪᠠᠯᠠ ᠪᠡᠶᠡᠪᠠᠨ ᠶᠡᠭᠡ ᠳᠤᠭᠤᠵᠦ᠄ 《ᠬᠠᠷᠠᠭ᠋ᠠᠴᠢ᠂ ᠪᠢ ᠶᠠᠮᠠᠷ ᠭᠤᠶᠤ ᠪᠤᠢ᠂ ᠡ᠊ᠨᠳᠡ ᠨᠠᠳᠠᠠᠴᠠ ᠢᠯᠡᠬᠦᠦ ᠰᠠᠶ᠋ᠢᠬᠠᠨ ᠤᠷᠭᠤᠮᠠᠯ ᠠᠯᠠᠭᠠ》 ᠭᠡᠵᠤ ᠬᠦᠭᠡᠷᠳᠡᠭ᠃ ᠤᠳᠪᠠᠯᠠ ᠵᠢᠨ ᠬᠠᠵᠠᠭᠤᠳᠤ ᠨᠢᠬᠡᠨ ᠰᠤᠩᠭᠢᠨᠠ ᠤᠷᠭᠤᠭᠰᠠᠨ ᠠᠵᠢ᠂ ᠵᠤᠨᠤ ᠰᠡᠬᠦᠯᠴᠢ ᠪᠤᠯᠬᠤᠪᠠᠷ ᠰᠤᠩᠭᠢᠨᠠ ᠬᠦᠬᠡᠷᠡᠨ ᠴᠡᠯᠡᠭᠡᠷᠡᠭᠡᠳ ᠬᠠᠮᠠᠷ ᠴᠤᠷᠬᠢᠭᠰᠠᠨ ᠠᠭ᠋ᠠᠭᠲᠠᠢ ᠬᠤᠷᠴᠠ ᠦᠨᠦᠷ ᠰᠡᠩᠭᠢᠨᠡᠬᠦᠯᠪᠡ᠂ ᠤᠳᠪᠠᠯᠠ ᠬᠦᠮᠦᠰᠭᠡ ᠠᠳᠤᠷᠢᠵᠦ᠄ 《ᠴᠢ ᠶᠠᠮᠠᠷ ᠮᠠᠭᠤᠬᠠᠢ ᠦᠨᠦᠷᠲᠠᠢ ᠶᠤᠮ ᠪᠤᠢ？》 ᠬᠡᠴᠢᠬᠡᠬᠡᠳ 《ᠬᠦᠮᠦᠰ ᠰᠤᠨᠢᠨ ᠶᠤᠮ ᠡ᠂ ᠠ᠋ᠶ᠋ᠢᠮᠦ ᠶᠠᠭᠤᠮᠠ ᠵᠢ ᠪᠠᠰᠠ ᠳᠠᠷᠢᠬᠤ ᠭᠡᠭᠴᠢ》 ᠭᠡᠵᠤ ᠤᠨᠳᠤᠭᠤᠴᠠᠯᠠ᠃ ᠰᠤᠩᠭᠢᠨᠠ ᠤᠳᠪᠠᠯᠠ ᠵᠢᠨ ᠤᠨᠳᠤᠭᠤᠴᠠᠭ᠍ᠤ ᠵᠢ ᠰᠤᠨᠤᠰᠤᠭ᠋ᠠᠳ ᠶᠠᠭᠤ ᠴᠦ᠍ ᠳᠤᠤᠭ᠋ᠠᠷᠤᠭᠰᠠᠨ ᠦᠭᠡᠢ᠂ ᠠ᠋ᠨᠡ ᠦᠶᠠᠰ ᠳᠠᠷᠢᠶᠠᠴᠢᠨ ᠬᠦᠭᠰᠢᠨ ᠭᠠᠷᠴᠦ ᠢᠷᠡᠭᠡᠳ ᠤᠳᠪᠠᠯᠠ ᠦᠬᠡᠳᠡ ᠠᠯᠬᠤᠪᠠ᠂ ᠤᠳᠪᠠᠯᠠ ᠠᠮᠢᠰᠬᠤᠭᠠᠪᠠᠨ ᠳᠠᠷᠤᠵᠦ ᠳᠤᠯᠤᠭ᠋ᠠᠢᠪᠠᠨ ᠭᠠᠩᠬᠤᠭᠤᠯᠤᠰᠬᠢᠨ ᠬᠦᠯᠢᠶᠡᠯᠠ᠂ ᠳᠡᠭᠡᠳᠡᠯᠡ ᠳᠠᠷᠢᠶᠠᠴᠢᠨ ᠬᠦᠭᠰᠢᠨ ᠤᠳᠪᠠᠯᠠ ᠵᠢᠨ ᠬᠠᠵᠠᠭᠤᠳᠤ ᠤᠷᠭᠤᠭᠰᠠᠨ ᠰᠤᠩᠭᠢᠨᠠ ᠵᠢ ᠪᠦᠬᠦᠶ᠋ᠢᠨ ᠢᠯᠪᠢᠬᠡᠳ᠄ 《ᠶᠠᠮᠠᠷ ᠰᠠᠶ᠋ᠢᠬᠠᠨ ᠤᠷᠭᠤᠭᠰᠠᠨ ᠪᠤᠢ？》 ᠭᠡᠵᠤ ᠢᠨᠢᠶᠡᠮᠰᠦᠭᠯᠡᠨ ᠰᠢᠷᠳᠡᠪᠡ᠂ ᠠ᠋ᠬᠦᠨᠢ ᠬᠠᠷᠠᠭ᠋ᠠᠳ ᠤᠳᠪᠠᠯᠠ ᠭᠠᠶ᠋ᠢᠬᠠᠰᠢᠷᠠᠭᠰᠠᠨ ᠭᠡᠭᠴᠢ ᠳᠤᠶ᠋ᠢᠮᠦ ᠦᠭᠡᠢ ᠠᠵᠢ᠃
ᠠᠨᠳ᠋ᠸᠷᠸᠢᠺ ᠠ᠋ᠬᠦᠨᠢ ᠰᠤᠨᠤᠰᠤᠭ᠋ᠠᠳ ᠤᠬᠢᠯᠠᠭ᠍ᠤᠪᠠᠨ ᠵᠤᠭᠰᠤᠴᠢᠬᠠᠭᠰᠠᠨ ᠳᠡᠳᠤᠢ ᠦᠭᠡᠢ 《ᠬᠦᠮᠦᠨ ᠬᠦᠮᠦᠨᠳᠤ ᠦᠪᠡᠷᠤᠨ ᠬᠢᠨᠢ ᠰᠢᠯᠢᠳᠡᠭ ᠳᠠᠯᠠ ᠪᠠᠶ᠋ᠢᠳᠠᠭ᠂ ᠤᠮᠤᠷᠬᠠᠭᠯᠠᠨ ᠪᠠᠷᠳᠠᠮᠨᠠᠵᠦ ᠦᠪᠡᠷᠢᠪᠠᠨ ᠳᠤᠭᠤᠭ᠋ᠠᠳ ᠪᠠᠶ᠋ᠢᠪᠠᠯ ᠡᠴᠦᠰᠲᠤᠪᠠᠨ ᠪᠤᠰᠤᠳᠲᠤ ᠭᠤᠯᠤᠭᠳᠠᠨᠠ》 ᠭᠡᠬᠦ ᠶᠤᠰᠤ ᠵᠢ ᠰᠡᠳᠬᠢᠬᠦ ᠰᠢᠭ ᠳᠤᠯᠤᠭ᠋ᠠᠢ ᠪᠦᠬᠦᠶ᠋ᠢᠭᠰᠡᠨ ᠪᠢᠯᠡ᠃
ᠰᠦᠬᠤᠮᠯᠢᠨ᠋ᠰᠺᠢ ᠵᠢᠨ ᠠ᠋ᠨᠡ ᠬᠦ᠌ ᠦᠯᠢᠬᠡᠷ ᠳᠤᠮᠤᠭᠤᠨ ᠵᠢᠱ᠌ᠢᠶᠠ ᠬᠡᠦᠬᠡᠳᠲᠤ ᠳᠤᠩ ᠤᠶ᠋ᠢᠯᠠᠭ᠋ᠠᠮᠵᠢᠳᠠᠢ ᠪᠦᠬᠡᠳ ᠠᠴᠢ ᠳᠤᠰᠠᠨᠢ ᠴᠦ᠍ ᠢᠯᠡᠳᠳᠡ ᠪᠠᠶ᠋ᠢᠳᠠᠭ᠂ ᠠ᠋ᠬᠦᠨᠢ ᠨᠢᠬᠡ ᠴᠢᠬᠤᠯᠠ ᠠ᠋ᠬᠦᠲᠦᠯᠳᠡ ᠭᠡᠵᠤ ᠬᠡᠯᠡᠵᠦ ᠪᠤᠯᠬᠤ ᠶᠤᠮ᠃
5. ᠬᠦᠯᠢᠴᠡᠩᠭᠦᠢᠪᠠᠷ ᠬᠦᠲᠦᠯᠦᠨ ᠵᠢᠯᠤᠭᠤᠳᠤᠭᠰᠠᠨᠨᠢ
ᠰᠦᠬᠤᠮᠯᠢᠨ᠋ᠰᠺᠢ ᠵᠢᠨ ᠠᠵᠢᠯᠯᠠᠵᠦ ᠪᠠᠶ᠋ᠢᠭᠰᠠᠨ ᠫᠠᠹᠯᠸᠱ᠌ᠢ ᠳᠤᠮᠳᠠᠳᠤ ᠰᠤᠷᠭ᠋ᠠᠭᠤᠯᠢ ᠵᠢᠨᠬᠢᠨ ᠬᠡᠦᠬᠡᠳ ᠪᠤᠯᠭ᠋ᠠᠨᠢ ᠰᠠᠶ᠋ᠢᠨ ᠬᠦᠮᠦᠵᠢᠬᠦᠯᠵᠦ ᠪᠤᠯᠳᠠᠭ ᠭᠡᠵᠤ ᠦᠵᠡᠳᠡᠭ᠃ ᠡ᠊ᠨᠳᠡ 《ᠠᠨᠠᠢ ᠬᠡᠦᠬᠡᠳ》 ᠭᠡᠳᠡᠭ ᠤᠬᠠᠭᠳᠠᠭ᠍ᠤᠨ ᠪᠠᠶ᠋ᠢᠳᠠᠭ ᠦᠭᠡᠢ᠂ ᠬᠠᠷᠢᠨ 《ᠬᠦᠴᠢᠷᠳᠡᠯᠲᠠᠢ ᠬᠡᠦᠬᠡᠳ》 ᠪᠤᠶᠤ 《ᠬᠦᠮᠦᠵᠢᠬᠦᠯᠬᠦᠳᠤ ᠬᠦᠴᠢᠷᠲᠠᠢ ᠬᠡᠦᠬᠡᠳ》 ᠭᠡᠬᠦ ᠤᠬᠠᠭᠳᠠᠭ᠍ᠤᠨ ᠯᠡ ᠪᠠᠶ᠋ᠢᠳᠠᠭ᠃ ᠠ᠋ᠶ᠋ᠢᠮᠦᠷᠬᠦᠦ ᠬᠡᠦᠬᠡᠳᠢ ᠲᠠᠩ ᠭᠠᠭᠴᠠ ᠪᠠᠭᠰᠢ ᠵᠢᠭ᠋ᠠᠵᠦ ᠰᠤᠷᠭ᠋ᠠᠳᠠᠭ ᠪᠢᠰᠢ᠂ ᠬᠠᠷᠢᠨ ᠪᠦᠬᠦᠶ᠋ᠢᠯᠡ ᠬᠠᠮᠳᠤ ᠨᠠᠶ᠋ᠢᠳᠠᠪᠠᠷ ᠵᠶ᠋ᠠᠨ ᠵᠢᠭ᠋ᠠᠵᠦ ᠰᠤᠷᠭ᠋ᠠᠳᠠᠭ᠃ ᠰᠦᠬᠤᠮᠯᠢᠨ᠋ᠰᠺᠢ ᠨᠢᠭᠡ ᠨᠠᠰᠣᠨᠳᠤᠪᠠᠨ 178 《ᠬᠦᠮᠦᠵᠢᠬᠦᠯᠬᠦᠳᠤ ᠬᠦᠴᠢᠷᠲᠠᠢ ᠬᠡᠦᠬᠡᠳ》ᠢ ᠰᠤᠷᠭ᠋ᠠᠵᠦ ᠦᠩᠭᠡᠷᠡᠭᠰᠡᠨ ᠪᠦᠬᠡᠳ ᠨᠢᠬᠡᠳ ᠨᠢᠬᠡᠪᠠᠷ ᠵᠶ᠋ᠠᠨ ᠪᠡᠷᠬᠡ ᠬᠠᠳᠠᠭᠤ ᠶᠠᠪᠤᠴᠠ ᠵᠢ ᠦᠩᠭᠡᠷᠡᠬᠦᠯᠦᠭᠰᠡᠨ ᠪᠢᠯᠡ᠃ ᠰᠦᠬᠤᠮᠯᠢᠨ᠋ᠰᠺᠢ ᠭᠠᠷᠠᠭ ᠪᠦᠷᠢ 《ᠬᠦᠮᠦᠵᠢᠬᠦᠯᠬᠦᠳᠤ ᠬᠦᠴᠢᠷᠲᠠᠢ ᠬᠡᠦᠬᠡᠳ》ᠤᠨ ᠭᠡᠷ ᠪᠦᠯᠢᠪᠠᠷ ᠳᠤᠭᠤᠷᠢᠨ ᠰᠤᠷᠪᠤᠯᠵᠢᠯᠠᠵᠦ ᠳᠡᠳᠡᠨᠤ ᠦᠰᠴᠦ ᠪᠤᠶ᠋ᠢᠵᠢᠭᠰᠠᠨ ᠤᠷᠴᠢᠨ ᠳᠤᠭᠤᠷᠢᠨ᠂ ᠠᠪᠤ ᠡᠵᠢ᠂ ᠬᠦᠷᠰᠢ ᠵᠡᠷᠭᠡᠯᠡᠳᠡᠭᠡ ᠵᠢᠨᠬᠢᠨ ᠪᠠ ᠬᠢᠴᠢᠶᠠᠯᠯᠠᠵᠦ ᠦᠩᠭᠡᠷᠡᠭᠰᠡᠨ ᠪᠠᠭᠰᠢ ᠨᠠᠷᠲᠠᠢᠨᠢ ᠶᠠᠷᠢᠯᠴᠠᠨ ᠵᠤᠭᠤᠭᠳᠠᠳᠠᠭ ᠪᠠᠶ᠋ᠢᠵᠠᠢ᠃
ᠨᠢᠬᠡ ᠠ᠋ᠲᠦᠷ ᠰᠦᠬᠤᠮᠯᠢᠨ᠋ᠰᠺᠢ ᠭᠤᠯᠢᠶᠠ ᠵᠢᠨᠬᠢᠨᠢ ᠰᠤᠷᠪᠤᠯᠵᠢᠯᠠᠭᠰᠠᠨ ᠶᠤᠮ᠃ ᠭᠤᠯᠢᠶᠠ ᠪᠤᠯ ᠳᠤᠩ ᠠᠵᠠ ᠪᠤᠰᠣ ᠬᠡᠦᠬᠡᠳ᠂ ᠪᠠᠭᠠᠳᠤᠨᠢ ᠠᠪᠤᠨᠢ ᠨᠠᠰᠣ ᠪᠠᠷᠠᠵᠦ ᠤᠢ ᠲᠦᠬᠦᠷᠬᠦ ᠦᠶᠡᠪᠠᠷ ᠡᠵᠢᠨᠢ ᠨᠤᠴᠢᠳᠠᠢ ᠭᠡᠮᠲᠦ ᠬᠡᠷᠡᠭᠲᠤ ᠬᠤᠯᠪᠤᠭᠳᠠᠵᠦ ᠠᠷᠪᠠᠨ ᠵᠢᠯ ᠬᠤᠷᠢᠬᠤ ᠶᠠᠯᠠᠪᠠᠷ ᠰᠢᠢ᠍ᠳᠭᠡᠭᠳᠡᠭᠰᠡᠨ ᠠᠵᠢ᠃ ᠢᠩᠭᠢᠭᠡᠳ ᠨᠠᠭ᠋ᠠᠴᠦ ᠠ᠋ᠭᠡᠴᠢ ᠵᠢᠨ ᠵᠶ᠋ᠠᠨ ᠭᠠᠷ ᠳᠡᠭᠡᠷᠡ ᠦᠯᠡᠳᠡᠭᠰᠡᠨ ᠴᠦ᠍ ᠨᠠᠭ᠋ᠠᠴᠦ ᠠ᠋ᠭᠡᠴᠢᠨᠢ ᠳᠡᠬᠦᠨᠢ ᠳᠠᠷᠤᠭ᠋ᠠᠰᠣ ᠭᠡᠵᠤ ᠯᠡ ᠦᠵᠡᠳᠡᠭᠠᠴᠠ ᠠᠶᠠᠨᠳᠠᠭ᠋ᠠᠨ 《ᠬᠦᠮᠦᠵᠢᠬᠦᠯᠬᠦᠳᠤ ᠬᠦᠴᠢᠷᠲᠠᠢ ᠬᠡᠦᠬᠡᠳ》 ᠪᠤᠯᠴᠢᠬᠠᠭᠰᠠᠨ ᠶᠤᠮ᠃
ᠭᠤᠯᠢᠶᠠ ᠰᠤᠷᠭ᠋ᠠᠭᠤᠯᠢᠳᠤ ᠢᠷᠡᠭᠡᠳ ᠨᠢᠬᠡ ᠰᠠᠷᠠ ᠪᠤᠯᠤᠮᠠᠭᠴᠠ ᠯᠡ ᠤᠯᠠᠨ ᠵᠶ᠋ᠠᠷ ᠵᠶ᠋ᠠᠨ ᠵᠠᠯᠬᠠᠭᠤ ᠬᠤᠶ᠋ᠢᠷᠭᠤ᠂ ᠦᠷᠬᠦᠯᠵᠢ ᠬᠤᠳᠠᠯ ᠬᠡᠯᠡᠳᠡᠭ ᠭᠡᠭᠴᠢ ᠵᠢᠨᠢ ᠮᠡᠳᠡᠴᠢᠬᠡᠭᠰᠡᠨ ᠪᠦᠬᠡᠳ ᠳᠤᠩ ᠤᠳᠠᠯ ᠦᠭᠡᠢ 《ᠬᠦᠮᠦᠵᠢᠬᠦᠯᠬᠦᠳᠤ ᠬᠦᠴᠢᠷᠲᠠᠢ ᠬᠡᠦᠬᠡᠳ》 ᠪᠤᠯᠬᠤᠨᠢ ᠠᠩᠵᠠᠭ᠋ᠠᠷᠠᠭᠳᠠᠭᠰᠠᠨ ᠪᠢᠯᠡ᠃ ᠰᠤᠷᠭ᠋ᠠᠭᠤᠯᠢ ᠵᠢᠨ ᠮᠤᠳᠤ ᠳᠠᠷᠢᠬᠤ ᠬᠦᠳᠡᠯᠭᠡᠬᠡᠨ ᠳᠡᠭᠡᠷᠡ ᠳᠡᠷᠡ ᠵᠤᠷᠢᠭᠤᠳᠠ ᠬᠡᠳᠤᠨ ᠮᠤᠳᠤ ᠵᠢ ᠰᠦᠢ᠍ᠳᠬᠡᠴᠢᠬᠡᠬᠡᠳ 《ᠪᠠᠭ᠋ᠠᠳᠤᠷᠯᠢᠭ ᠠᠵᠢᠯᠯᠠᠭᠠ》ᠪᠠᠨ ᠤᠯᠠᠨᠳᠤ ᠮᠠᠵᠤᠤᠯᠠᠵᠦ ᠵᠤᠭᠰᠤᠭᠰᠠᠨ᠂ ᠬᠢᠴᠢᠶᠡᠯᠤᠨ ᠵᠠᠪᠰᠠᠷᠯᠠᠭᠠ ᠳᠡᠭᠡᠷᠡ ᠰᠢᠷᠡᠭᠡ ᠨᠢᠬᠡᠳᠡᠨᠤᠪᠠᠨ ᠨᠤᠮᠢ ᠪᠤᠳᠤᠭ ᠵᠶ᠋ᠠᠷ ᠪᠢᠯᠳᠡᠵᠦ ᠤᠷᠬᠢᠴᠢᠬᠠᠭ᠋ᠠᠳ ᠪᠠᠭᠰᠢ ᠵᠢᠮᠡᠯᠡᠬᠦᠳᠤ ᠬᠡᠨᠡᠭ ᠴᠦ᠍ ᠦᠭᠡᠢ ᠲᠦᠷᠢᠯᠡᠭᠰᠡᠨ᠂ ᠪᠠᠰᠠ ᠬᠦᠳᠡᠭᠡ ᠬᠡᠬᠡᠷᠡ ᠵᠢᠨ ᠠᠶᠠᠯᠠᠯᠢ ᠳᠤᠶ᠋ᠢᠳᠤᠨ ᠲᠦᠷᠰᠦᠬᠦᠶ᠋ᠢᠳᠡᠵᠦ ᠪᠠᠭᠰᠢᠠᠴᠠ ᠠᠭᠤᠯᠠ ᠳᠤᠯᠤᠭ᠋ᠠᠳ᠂ ᠭᠤᠤ ᠰᠤᠵᠠᠭᠤᠨ ᠳᠤᠬᠠᠢ ᠳᠠᠶ᠋ᠢᠯᠪᠤᠷᠢᠯᠠᠭ᠍ᠤᠳᠤ 《ᠠ᠋ᠨᠡ ᠶᠠᠭᠤᠬᠠᠨ ᠭᠡᠵᠢ ᠡ᠂ ᠪᠢ ᠠ᠋ᠬᠦᠨᠠᠴᠠ ᠬᠦᠨ ᠰᠤᠵᠠᠭᠲᠤ ᠴᠦ᠍ ᠦᠰᠦᠷᠴᠦ ᠪᠠᠶ᠋ᠢᠭᠰᠠᠨ》 ᠭᠡᠳ ᠠᠯᠠᠭᠠ ᠪᠤᠯᠴᠢᠬᠠᠭᠰᠠᠨ ᠭᠡᠬᠦ ᠮᠡᠲᠦ ᠵᠢᠨ ᠳᠤᠭ᠋ᠠᠯᠠᠰᠢ ᠦᠭᠡᠢ ᠤᠯᠠᠨ 《ᠬᠡᠷᠡᠭ ᠬᠢᠭᠰᠡᠨ》 ᠶᠤᠮ᠃
ᠰᠦᠬᠤᠮᠯᠢᠨ᠋ᠰᠺᠢ ᠭᠤᠯᠢᠶᠠ ᠵᠢᠨ ᠭᠡᠷᠢ ᠰᠤᠷᠪᠤᠯᠵᠢᠯᠠᠵᠦ ᠢᠷᠡᠭᠡᠳ ᠠᠩᠭᠢ ᠠ᠋ᠷᠬᠢᠯᠡᠭᠴᠢ ᠪᠤᠯᠤᠨ ᠬᠠᠮᠢᠶᠠ ᠪᠦᠬᠦᠢ ᠪᠠᠭᠰᠢ ᠨᠠᠷᠲᠠᠢ ᠴᠤᠬᠤᠮ ᠰᠢᠯᠳᠠᠭ᠋ᠠᠨᠢᠨᠢ ᠰᠤᠳᠤᠯᠤᠭᠰᠠᠨ ᠪᠢᠯᠡ᠃ ᠰᠦᠬᠤᠮᠯᠢᠨ᠋ᠰᠺᠢ ᠵᠢᠨ ᠳᠤᠷᠠᠳᠤᠭᠰᠠᠨ 《ᠳᠡᠭᠡᠷᠡ ᠶᠠᠷᠢᠭᠰᠠᠨ ᠭᠤᠯᠢᠶᠠ ᠵᠢᠨ ᠠᠵᠢᠯᠯᠠᠭᠠ ᠪᠤᠯ ᠠᠶᠠᠨᠳᠠᠭ᠋ᠠᠨᠤᠬᠢ ᠪᠢᠰᠢ᠂ ᠬᠠᠷᠢᠨ ᠭᠡᠷ ᠪᠦᠯᠢ ᠵᠢᠨ ᠨᠦᠯᠦᠬᠡ ᠳᠡᠬᠦᠨᠢ ᠢᠳᠡᠭᠡᠯ ᠠᠯᠳᠠᠭᠤᠯᠤᠭᠰᠠᠨᠳᠤ ᠪᠤᠢ᠃ ᠳᠡᠬᠦᠨᠤ ᠠᠮᠢᠳᠤᠷᠠᠯᠳᠤ ᠠᠷᠢᠭᠤᠨ ᠰᠠᠶ᠋ᠢᠬᠠᠨ᠂ ᠠ᠋ᠭᠡᠯᠢ ᠳᠤᠳᠤᠨᠤ ᠵᠤᠶ᠋ᠢᠯ ᠦᠯᠦ ᠤᠷᠤᠰᠢᠳᠠᠭᠠᠴᠠ ᠠ᠋ᠶ᠋ᠢᠮᠦᠷᠬᠦᠦ ᠠ᠋ᠳᠡᠬᠡᠳ ᠠᠷᠠᠨᠰᠢᠨᠲᠠᠢ ᠪᠤᠯᠤᠭᠰᠠᠨ ᠪᠠᠶ᠋ᠢᠵᠦ ᠮᠡᠳᠡᠨᠡ》 ᠭᠡᠬᠦ ᠳᠤᠷᠠᠳᠤᠯᠭᠠ ᠪᠠᠭᠰᠢ ᠨᠠᠷᠤᠨ ᠠᠩᠬᠠᠷᠤᠯᠢ ᠳᠡᠳᠡᠪᠡ᠃ ᠳᠡᠶ᠋ᠢᠨ ᠬᠦ᠌ ᠤᠯᠠᠨ ᠵᠶ᠋ᠠᠷ ᠵᠶ᠋ᠠᠨ 《ᠭᠤᠯᠢᠶᠠ ᠵᠢᠨ ᠠᠵᠢᠯᠯᠠᠭᠠ ᠪᠤᠯ ᠳᠡᠬᠦᠨᠢ ᠬᠦᠳᠡᠯᠦᠩᠭᠦᠢᠪᠠᠷ ᠬᠠᠯᠠᠮᠵᠢᠯᠠᠵᠦ᠂ ᠰᠠᠶ᠋ᠢᠨᠲᠠᠢ ᠳᠠᠯᠠ ᠵᠢᠨᠢ ᠶᠠᠷᠦᠠᠴᠠ ᠢᠯᠡᠷᠡᠬᠦᠯᠦᠬᠡ ᠦᠭᠡᠢ ᠵᠢᠨ ᠦᠷᠡ ᠳ᠋ᠦᠩ ᠶᠤᠮ᠃ ᠳᠡᠭᠡᠭᠡᠳ ᠴᠦ᠍ ᠳᠡᠬᠦᠨᠤ ᠠᠯᠳᠠᠭᠠ ᠳᠤᠳᠠᠭᠳᠠᠯ᠂ ᠠᠭ᠋ᠠᠯᠢ ᠠᠷᠠᠨᠰᠢᠨ ᠪᠤᠯ ᠪᠤᠰᠤᠳᠤᠨ ᠬᠦᠢ᠍ᠳᠡᠮᠰᠦᠭ ᠬᠠᠨᠳᠤᠯᠭᠠᠳᠤ ᠳᠠᠯᠪᠢᠭᠰᠠᠨ ᠠ᠋ᠰᠡᠷᠬᠦᠴᠡᠯ ᠪᠤᠯᠤᠨᠠ》 ᠭᠡᠵᠤ ᠰᠠᠨᠠᠯ ᠨᠢᠬᠡᠳᠡᠢ ᠦᠵᠡᠵᠡᠭᠡᠭᠰᠡᠨ ᠶᠤᠮ᠃
ᠳᠡᠶ᠋ᠢᠨ ᠬᠦ᠌ ᠨᠢᠭᠡ ᠤᠳᠠᠭᠠ ᠰᠦᠬᠤᠮᠯᠢᠨ᠋ᠰᠺᠢ ᠳᠡᠬᠦᠨᠢ ᠭᠠᠭᠴᠠᠭ᠋ᠠᠷ ᠵᠶ᠋ᠠᠨ ᠳᠤᠭᠯᠠᠵᠦ ᠪᠠᠶ᠋ᠢᠬᠤᠳᠤ ᠳᠤᠷᠰᠢᠯᠳᠠ ᠵᠢᠨ ᠦᠷᠦᠭᠡᠨᠳᠤᠪᠠᠨ ᠳᠠᠭᠤᠳᠠᠵᠦ ᠠᠯᠮᠤᠷᠠᠳᠤᠨ ᠮᠤᠳᠤ ᠪᠤᠯᠤᠨ ᠠᠯᠢᠮᠠ ᠵᠢᠨ ᠮᠤᠳᠤᠨᠤ ᠴᠢᠬᠢ ᠰᠤᠩᠭᠤᠭᠤᠯᠤᠭᠰᠠᠨ ᠰᠠᠨᠵᠠᠢ᠃ ᠭᠤᠯᠢᠶᠨ ᠬᠠᠶ᠋ᠢᠬᠤᠷᠤᠮᠵᠢ ᠦᠭᠡᠢ ᠲᠦᠷᠢᠯᠡᠵᠦ ᠪᠠᠶ᠋ᠢᠭᠰᠠᠨ ᠴᠦ᠍ ᠰᠤᠨᠢᠭᠤᠴᠢ ᠰᠡᠳᠬᠢᠯᠳᠤᠪᠠᠨ ᠳᠡᠶ᠋ᠢᠯᠦᠭᠳᠡᠭᠡᠳ ᠰᠦᠬᠤᠮᠯᠢᠨ᠋ᠰᠺᠢᠲᠠᠢ ᠬᠤᠶᠠᠷ ᠴᠠᠭ ᠭᠠᠷᠤᠢ ᠠᠵᠢᠯᠯᠠᠪᠠ᠂ ᠠ᠋ᠨᠡ ᠤᠴᠢᠷ ᠭᠤᠯᠢᠶᠠ ᠵᠢ ᠶᠡᠭᠡᠳᠡ ᠤᠷᠮᠠᠰᠢᠭᠤᠯᠵᠦ ᠭᠡᠷᠲᠤᠪᠠᠨ ᠬᠠᠷᠢᠭᠰᠠᠨ ᠳᠠᠷᠤᠢᠳᠤᠪᠠᠨ ᠮᠤᠳᠤ ᠳᠠᠷᠢᠵᠦ ᠪᠤᠷᠳᠤᠭᠤᠷ ᠤᠷᠤᠭᠤᠯᠵᠦ ᠳᠤᠷᠰᠢᠨ ᠠᠵᠢᠯᠯᠠᠵᠦ ᠠ᠋ᠬᠢᠯᠡᠭᠰᠡᠨ ᠠᠵᠢ᠃ ᠠᠩᠭᠢ ᠠ᠋ᠷᠬᠢᠯᠡᠭᠴᠢᠨᠢ ᠳᠡᠬᠦᠨᠢ ᠤᠯᠠᠮ ᠬᠦᠬᠢᠬᠡᠨ ᠰᠤᠷᠭ᠋ᠠᠭᠤᠯᠢ ᠵᠢᠨ ᠮᠤᠳᠤ ᠳᠠᠷᠢᠬᠤ ᠬᠦᠳᠡᠯᠭᠡᠭᠡᠨ ᠳᠡᠭᠡᠷᠡ ᠵᠢᠯᠤᠭᠤᠳᠤᠭᠴᠢᠪᠠᠷ ᠳᠤᠮᠢᠯᠠᠭᠰᠠᠨ ᠶᠤᠮ᠃ ᠭᠤᠯᠢᠶᠠ ᠬᠤᠵᠢᠮᠨᠢ ᠮᠥᠨ ᠴᠦ᠍ ᠪᠠᠭᠠ ᠪᠤᠰᠣ 《ᠬᠡᠷᠡᠭ》 ᠳᠠᠳᠠᠭᠰᠠᠨ ᠪᠤᠯᠪᠠᠴᠦ ᠪᠠᠭᠰᠢ ᠨᠠᠷ ᠴᠠᠭ ᠢᠮᠠᠭᠳᠠ ᠠᠩᠬᠠᠷᠤᠨ ᠬᠠᠯᠠᠮᠵᠢᠯᠠᠵᠦ ᠬᠦᠲᠦᠯᠦᠨ ᠵᠢᠯᠤᠭᠤᠳᠤᠭᠰᠠᠭ᠋ᠠᠷ ᠪᠠᠶ᠋ᠢᠭᠰᠠᠨ ᠪᠢᠯᠡ᠃
《ᠴᠢᠷᠮᠠᠶ᠋ᠢᠯᠭᠠ ᠬᠦᠮᠦᠨᠢ ᠭᠤᠮᠤᠳᠠᠭ᠋ᠠᠳᠠᠭ ᠦᠭᠡᠢ》᠂ ᠪᠠᠭᠰᠢ ᠨᠠᠶ᠋ᠢᠳᠠ ᠵᠢᠨ ᠬᠠᠮᠳᠤ ᠵᠢᠨ ᠳᠤᠰᠠᠯᠠᠮᠵᠢᠪᠠᠷ ᠭᠤᠯᠢᠶᠠ ᠭᠤᠷᠪᠠᠳᠤᠭ᠋ᠠᠷ ᠠᠩᠭᠢ ᠪᠤᠯᠬᠤᠳᠤ ᠪᠠᠭ᠋ᠠᠴᠤᠳᠤᠨ ᠬᠤᠰᠢᠭᠤᠴᠢ ᠠᠩᠭᠢᠳᠤ ᠠᠮᠵᠢᠯᠳᠠᠳᠠᠢ ᠠ᠋ᠯᠰᠡᠭᠳᠡᠵᠦ᠂ ᠰᠤᠷᠭ᠋ᠠᠭᠤᠯᠢᠪᠠᠨ ᠳᠡᠬᠦᠰᠭᠡᠭᠡᠳ ᠨᠠᠶ᠋ᠢᠵᠠ ᠨᠦᠬᠦᠳ ᠵᠶ᠋ᠠᠨ ᠢᠳᠡᠪᠬᠢᠳᠡᠢ ᠬᠠᠯᠠᠮᠵᠢᠯᠠᠵᠦ ᠬᠠᠮᠳᠤ ᠨᠠᠶ᠋ᠢᠳᠠ ᠵᠢᠨ ᠲᠦᠯᠦᠬᠡ ᠬᠠᠷᠠᠮ ᠦᠭᠡᠢ ᠵᠢᠳᠬᠦᠳᠡᠭ ᠨᠢᠭᠡᠨᠢ ᠪᠤᠯᠤᠭᠰᠠᠨ ᠶᠤᠮ᠃ ᠠ᠋ᠬᠦᠨᠠᠴᠠ ᠰᠦᠬᠤᠮᠯᠢᠨ᠋ᠰᠺᠢ ᠵᠢᠨ 《ᠬᠡᠦᠬᠡᠳᠢ ᠬᠠᠶ᠋ᠢᠷᠠᠯᠠᠨ ᠬᠠᠯᠠᠮᠵᠢᠯᠠᠵᠦ ᠬᠦᠨᠳᠦᠳᠭᠡᠬᠦ ᠬᠡᠷᠡᠭᠳᠡᠢ᠂ ᠬᠡᠦᠬᠡᠳ ᠪᠦᠬᠦᠨᠢ ᠰᠠᠶ᠋ᠢᠨ ᠬᠦᠮᠦᠨ ᠪᠤᠯᠭ᠋ᠠᠨ ᠬᠦᠮᠦᠵᠢᠬᠦᠯᠵᠦ ᠪᠤᠯᠳᠠᠭ》 ᠭᠡᠬᠦ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠪᠠᠷᠢᠮᠳᠠᠯᠠᠯᠢ ᠳᠤᠳᠤ ᠤᠯᠵᠦ ᠬᠠᠷᠠᠳᠠᠭ᠃
6. ᠤᠨᠴᠠᠭ᠋ᠠᠶ᠋ᠢᠯᠠᠨ ᠬᠦᠬᠢᠬᠦᠯᠦᠭᠰᠡᠨᠨᠢ
ᠰᠦᠬᠤᠮᠯᠢᠨ᠋ᠰᠺᠢ ᠬᠡᠦᠬᠡᠳᠢ ᠬᠦᠮᠦᠵᠢᠬᠦᠯᠬᠦᠳᠤᠪᠠᠨ ᠬᠦᠳᠦᠯᠦᠨ ᠵᠢᠯᠤᠭᠤᠳᠬᠤ᠂ ᠬᠦᠬᠢᠬᠡᠨ ᠵᠤᠷᠢᠬ᠍ᠵᠢᠭᠤᠯᠬᠤ᠂ ᠬᠦᠭᠵᠢᠬᠡᠨ ᠤᠷᠮᠠᠰᠢᠭᠤᠯᠬᠤ ᠵᠢ ᠴᠢᠳᠠᠮᠠᠭ᠋ᠠᠢ ᠠᠰᠢᠭᠯᠠᠳᠠᠭ᠂ ᠬᠦᠮᠦᠰ ᠳᠡᠷᠡ ᠬᠦ᠌ ᠠᠷᠭᠠ ᠵᠢᠨᠢ 《ᠤᠨᠴᠠᠭ᠋ᠠᠢ ᠬᠦᠬᠢᠬᠦᠯᠦᠯ》 ᠭᠡᠳᠡᠭ᠃
ᠰᠦᠬᠤᠮᠯᠢᠨ᠋ᠰᠺᠢ ᠨᠢᠬᠡ ᠤᠳᠠᠭᠠ ᠠᠷᠪᠠᠨ ᠬᠤᠶᠠᠷᠳᠠᠢ ᠬᠦᠦᠪᠠᠨ ᠳᠠᠭᠤᠳᠠᠵᠦ ᠬᠦᠷᠵᠡ ᠦᠭᠭᠦᠭᠡᠳ᠄ 《ᠳᠠᠷᠢᠶᠠᠨᠳᠤ ᠤᠴᠢᠵᠦ ᠤᠷᠲᠦ ᠦᠷᠭᠡᠨᠨᠢ ᠠᠳᠠᠯᠢᠬᠠᠨ ᠵᠠᠭᠤᠨ ᠠᠯᠠᠭᠠ ᠳᠠᠷᠤᠮᠠ ᠭᠠᠵᠠᠷ ᠤᠯᠠᠯᠠᠵᠦ ᠳᠠᠯᠪᠢᠭ᠋ᠠᠴᠢ》 ᠭᠡᠵᠤ ᠵᠠᠬᠢᠪᠠ᠃ ᠬᠦᠦᠨᠢ ᠪᠠᠶᠠᠷᠯᠠᠨ ᠬᠦᠷᠵᠠ ᠵᠢ ᠠᠪᠤᠭ᠋ᠠᠳ ᠳᠠᠷᠢᠶᠠᠨ ᠭᠠᠵᠠᠷ ᠦᠬᠡᠳᠡ ᠳᠠᠪᠬᠢᠯᠠ᠃ ᠬᠦᠦ ᠠ᠋ᠬᠢᠯᠡᠭᠡᠳ ᠬᠦᠷᠵᠠ ᠵᠠᠷᠤᠵᠦ ᠴᠢᠳᠠᠭ᠍ᠤ ᠦᠭᠡᠢ ᠪᠠᠶ᠋ᠢᠭᠰᠠᠨ ᠴᠦ᠍ ᠤᠯᠠᠮ ᠵᠶ᠋ᠠᠷ ᠡᠪᠢᠨᠢ ᠤᠯᠵᠦ ᠤᠯᠠᠯᠠᠭ᠍ᠤ ᠳᠤᠳᠤᠮ ᠬᠦᠩᠭᠡᠷᠡᠭᠰᠡᠨ ᠠᠵᠢ᠂ ᠭᠡᠳᠡᠯᠡ ᠬᠠᠮᠤᠭ ᠰᠡᠬᠦᠯᠴᠢ ᠵᠢᠨ ᠳᠠᠪᠠᠭ᠋ᠠᠨ ᠳᠡᠭᠡᠷᠡ ᠬᠦᠷᠵᠡᠪᠠᠨ ᠬᠤᠭᠤᠯᠴᠢᠬᠠᠭᠰᠠᠨ ᠶᠤᠮ᠃ ᠬᠦᠦ ᠠᠶᠤᠵᠦ ᠪᠤᠯᠭᠤᠮᠵᠢᠯᠠᠭᠰᠠᠭ᠋ᠠᠷ ᠭᠡᠷᠲᠤᠪᠠᠨ ᠬᠠᠷᠢᠪᠡᠯ ᠰᠦᠬᠤᠮᠯᠢᠨ᠋ᠰᠺᠢ ᠤᠭᠳᠤᠬᠠᠨ ᠴᠦ᠍ ᠵᠠᠩᠨᠠᠭᠰᠠᠨ ᠦᠭᠡᠢ᠂ ᠬᠠᠷᠢᠨ᠄
《ᠴᠢ ᠭᠠᠵᠠᠷ ᠤᠯᠠᠯᠠᠭ᠋ᠠᠳ ᠴᠢᠳᠠᠴᠢᠬᠠᠪᠠ ᠦᠦ？ ᠶᠠᠳᠠᠷᠠᠭᠰᠠᠨ ᠦᠦ᠂ ᠠ᠋ᠰᠡᠪᠡᠯ ᠠᠵᠢᠯᠯᠠᠭ᠍ᠤ ᠳᠤᠳᠤᠮ ᠬᠦᠩᠭᠡᠷᠡᠭᠰᠡᠨ ᠦᠦ？》 ᠭᠡᠵᠤ ᠠᠰᠠᠭᠤᠪᠠ᠂ ᠠ᠋ᠬᠦᠨᠢ ᠰᠤᠨᠤᠰᠤᠭᠰᠠᠨ ᠬᠦᠦ ᠵᠢᠨ ᠨᠢᠲᠦ ᠳᠤᠤᠷᠡᠪᠠᠨ ᠬᠢᠯᠠᠯᠵᠠᠵᠦ᠄ 《ᠳᠡᠶ᠋ᠢᠮᠦ᠂ ᠠᠵᠢᠯᠯᠠᠭ᠍ᠤ ᠳᠤᠳᠤᠮ ᠬᠦᠩᠭᠡᠷᠡᠭᠰᠡᠨ ᠡ》 ᠭᠡᠵᠤ ᠬᠠᠷᠢᠭᠤᠯᠤᠯᠠ᠃ ᠰᠦᠬᠤᠮᠯᠢᠨ᠋ᠰᠺᠢ ᠢᠨᠢᠶᠡᠮᠰᠦᠭᠯᠡᠭᠡᠳ᠄ 《ᠳᠡᠭᠡᠪᠡᠯ ᠴᠢ ᠠᠯᠳᠠᠭᠠ ᠦᠭᠡᠢ᠂ ᠤᠯᠤᠭᠰᠠᠨ ᠪᠠᠶ᠋ᠢᠨᠠ ᠰᠢᠦ》 ᠭᠡᠳ 《ᠴᠢ ᠬᠦᠳᠡᠯᠮᠤᠷᠢ ᠵᠢᠨ ᠠᠮᠳᠠ ᠵᠢ ᠮᠡᠳᠡᠭᠰᠡᠨ ᠪᠠᠶ᠋ᠢᠨᠠ᠂ ᠠ᠋ᠨᠡ ᠪᠤᠯ ᠬᠠᠮᠤᠭᠤᠨ ᠦᠨᠡᠳᠡᠢ ᠤᠯᠤᠯᠳᠠ》 ᠭᠡᠵᠤ ᠦᠨᠡᠯᠡᠪᠡ᠃ ᠢᠩᠭᠢᠭᠡᠳ ᠰᠠᠶᠢ ᠬᠦᠦ ᠵᠢᠨ ᠠᠶᠤᠵᠦ ᠪᠤᠯᠭᠤᠮᠵᠢᠯᠠᠭᠰᠠᠨ ᠰᠡᠳᠬᠢᠯ ᠳᠠᠶ᠋ᠢᠪᠤᠰᠢᠷᠠᠵᠦ ᠪᠠᠶᠠᠷ ᠬᠦᠷᠲᠠᠢ ᠪᠤᠯᠤᠭᠰᠠᠨ ᠠᠵᠢ᠂ ᠮᠥᠨ ᠴᠦ᠍ ᠭᠠᠵᠠᠷ ᠤᠯᠠᠯᠠᠭ᠍ᠤ ᠳᠤᠮᠳᠠᠠᠴᠠ ᠬᠦᠳᠡᠯᠮᠤᠷᠢ ᠵᠢᠨ ᠪᠠᠭ᠍ᠠᠳᠤᠯᠢ ᠤᠯᠵᠦ ᠬᠦᠳᠡᠯᠮᠤᠷᠢ ᠵᠢᠨ ᠳᠤᠬᠠᠢ ᠵᠦᠪ ᠦᠵᠡᠯᠳᠡᠲᠠᠢ ᠪᠤᠯᠤᠭᠰᠠᠨ ᠶᠤᠮ᠃
ᠨᠢᠬᠡᠳᠤᠭᠡᠷ ᠠᠩᠭᠢ ᠵᠢᠨ ᠵᠢᠨᠠ ᠵᠢᠨ ᠠ᠋ᠮᠡᠭᠡᠨᠢ ᠳᠤᠩ ᠬᠦᠨᠳᠤ ᠡᠪᠡᠳᠴᠢᠯᠡᠪᠡ᠂ ᠵᠢᠨᠠ ᠠ᠋ᠮᠡᠭᠡᠳᠤᠪᠠᠨ ᠨᠢᠬᠡ ᠬᠦᠢ᠍ᠰ ᠴᠡᠴᠡᠭ ᠪᠡᠯᠡᠭᠯᠡᠵᠦ ᠪᠤᠯᠭᠤᠭ᠋ᠠᠬᠤ ᠰᠡᠨ ᠭᠡᠵᠤ ᠪᠤᠳᠤᠯᠠ᠃ ᠭᠡᠪᠡᠴᠦ ᠬᠠᠬᠢᠷ ᠡᠪᠤᠯᠤᠨ ᠴᠠᠭ ᠪᠤᠯᠬᠤᠷ ᠬᠠᠮᠢᠭᠠᠠᠴᠠ ᠴᠡᠴᠡᠭ ᠤᠯᠳᠠᠭ᠍ᠤ ᠪᠢᠯᠡ？ ᠵᠢᠨᠠ ᠳᠠᠷᠢᠬᠢᠪᠠᠨ ᠰᠢᠪᠬᠠᠭᠰᠠᠭ᠋ᠠᠷ ᠰᠤᠷᠭ᠋ᠠᠭᠤᠯᠢ ᠵᠢᠨ ᠬᠦᠯᠡᠮᠵᠢᠳᠤ ᠳᠠᠷᠢᠭᠰᠠᠨ ᠤᠳᠪᠠᠯᠠ ᠴᠡᠴᠡᠭᠢ ᠪᠤᠳᠤᠵᠦ ᠤᠯᠪᠠ᠂ ᠳᠡᠷᠡ ᠬᠦ᠌ ᠤᠳᠪᠠᠯᠠᠨᠤᠭᠤᠳ ᠦᠩᠭᠡ ᠪᠤᠯᠢᠶᠠᠯᠳᠤᠨ ᠳᠡᠯᠭᠡᠷᠡᠭᠡᠳ ᠪᠠᠭᠰᠢ ᠰᠤᠷᠤᠭᠴᠢ ᠪᠦᠬᠦᠳᠡᠳᠤ ᠪᠠᠶᠠᠷ ᠪᠠᠶᠠᠰᠬᠤᠯᠠᠩᠢ ᠬᠦᠷᠳᠡᠭᠡᠳᠡᠭ ᠰᠠᠨᠵᠠᠢ᠃ ᠵᠢᠨᠠ ᠳᠡᠶ᠋ᠢᠨ ᠬᠦ᠌ ᠰᠤᠷᠭ᠋ᠠᠭᠤᠯᠢ ᠵᠢᠨ ᠳᠤᠭᠳᠠᠭ᠋ᠠᠯᠢ ᠵᠦᠷᠢᠴᠡᠵᠦ ᠨᠢᠬᠡ ᠦᠷᠯᠦᠬᠡ ᠰᠡᠮᠡᠭᠡᠷᠬᠡᠨ ᠬᠦᠯᠡᠮᠵᠢᠳᠤ ᠤᠷᠤᠵᠦ ᠤᠴᠢᠭᠰᠠᠨ ᠶᠤᠮ᠃
ᠳᠡᠭᠡᠳᠡᠯᠡ ᠶᠠᠭ ᠳᠡᠷᠡ ᠦᠷᠯᠦᠬᠡ ᠰᠦᠬᠤᠮᠯᠢᠨ᠋ᠰᠺᠢ ᠬᠦᠯᠡᠮᠵᠢᠳᠤ ᠤᠷᠤᠭᠰᠠᠨ ᠳᠠᠭ᠋ᠠᠷᠠᠭ᠋ᠠᠳ ᠵᠢᠨᠠ ᠵᠢᠨ ᠴᠡᠴᠡᠭ ᠳᠠᠰᠤᠯᠵᠦ ᠪᠠᠶ᠋ᠢᠭᠰᠠᠨᠢ ᠬᠠᠷᠠᠴᠢᠬᠠᠭᠰᠠᠨ ᠪᠢᠯᠡ᠃ ᠭᠡᠪᠡᠴᠦ ᠵᠢᠭ᠋ᠠᠯ ᠦᠬᠢᠨᠤ ᠬᠡᠨᠡᠨ ᠴᠠᠭ᠋ᠠᠨ᠂ ᠠᠭᠤᠴᠢᠯᠠᠯ ᠬᠦᠰᠡᠭᠰᠡᠨ ᠬᠠᠷᠠᠴᠠ ᠵᠢ ᠦᠵᠡᠭᠡᠳ ᠤᠴᠢᠷ ᠰᠢᠯᠳᠠᠭ᠋ᠠᠨᠢᠨᠢ ᠠᠭᠤᠵᠢᠭᠤᠬᠠᠨ ᠯᠡᠪᠯᠡᠪᠠ᠃ ᠵᠢᠨᠠ ᠳᠤᠯᠤᠭ᠋ᠠᠢᠪᠠᠨ ᠤᠨᠵᠢᠭᠤᠯᠵᠦ ᠡᠪᠡᠳᠴᠢᠯᠡᠭᠰᠡᠨ ᠠ᠋ᠮᠡᠭᠡᠳᠤᠪᠠᠨ ᠴᠡᠴᠡᠭ ᠬᠦᠷᠭᠡᠬᠦ ᠭᠡᠰᠡᠨ ᠪᠤᠳᠤᠯ ᠵᠶ᠋ᠠᠨ ᠴᠠᠭ᠋ᠠᠪᠤᠷᠯᠠᠯᠠ᠂ ᠰᠦᠬᠤᠮᠯᠢᠨ᠋ᠰᠺᠢ ᠰᠤᠨᠤᠰᠤᠭ᠋ᠠᠳ ᠮᠠᠰᠢᠳᠠ ᠰᠡᠳᠬᠢᠯ ᠬᠦᠳᠡᠯᠵᠦ᠄ 《ᠵᠢᠨᠠ ᠡ᠂ ᠴᠢᠮᠡᠳᠤ ᠪᠢ ᠭᠤᠷᠪᠠᠨ ᠬᠦᠢ᠍ᠰ ᠴᠡᠴᠡᠭ ᠦᠭᠭᠦᠶᠡ᠂ ᠨᠢᠬᠡ ᠬᠦᠢ᠍ᠰᠢᠨᠢ ᠦᠷᠦᠪᠴᠢ ᠰᠠᠶ᠋ᠢᠬᠠᠨ ᠰᠡᠳᠬᠢᠯᠲᠠᠢ ᠴᠢᠮᠠᠳᠤ ᠪᠡᠯᠡᠭᠯᠡᠶᠡ᠂ ᠨᠦᠬᠦᠬᠡ ᠬᠤᠶᠠᠷ ᠬᠦᠢ᠍ᠰᠢᠨᠢ ᠠ᠋ᠶ᠋ᠢᠮᠦ ᠦᠷᠦᠪᠴᠢ ᠰᠠᠶ᠋ᠢᠬᠠᠨ ᠰᠡᠳᠬᠢᠯᠲᠠᠢ ᠬᠡᠦᠬᠡᠳᠢ ᠬᠦᠮᠦᠵᠢᠬᠦᠯᠦᠭᠰᠡᠨ ᠠᠪᠤ ᠡᠵᠢᠳᠤ ᠳᠠᠨᠢ ᠪᠡᠯᠡᠭᠯᠡᠶᠡ》 ᠭᠡᠰᠡᠨ ᠠᠵᠢ᠃
ᠬᠤᠶᠠᠷ᠂ ᠰᠦᠬᠤᠮᠯᠢᠨ᠋ᠰᠺᠢ ᠵᠢᠨ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠦᠵᠡᠯ ᠰᠠᠨᠠᠭᠠ
1. ᠤᠯᠠᠨ ᠲᠠᠯᠠ ᠵᠢᠨ ᠬᠦᠮᠦᠵᠢᠯᠤᠨ ᠳᠤᠬᠠᠢ ᠦᠬᠦᠯᠡᠭᠰᠡᠨᠨᠢ
ᠰᠦᠬᠤᠮᠯᠢᠨ᠋ᠰᠺᠢ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠬᠠᠷᠠᠯᠳᠠ ᠵᠢᠨ ᠳᠤᠬᠠᠢ ᠤᠯᠠᠨ ᠳᠠᠯᠠᠠᠴᠠ ᠳᠠᠶ᠋ᠢᠯᠪᠤᠷᠢᠯᠠᠵᠦ 《ᠡᠪ ᠬᠠᠮᠳᠤ ᠵᠢᠨ ᠦᠵᠡᠯᠢ ᠴᠤᠭᠴᠠᠯᠠᠭᠴᠢ》᠂ 《ᠪᠦᠬᠦ ᠳᠠᠯᠠᠪᠠᠷ ᠬᠦᠭᠵᠢᠭᠰᠡᠨ ᠬᠦᠮᠦᠨᠢ ᠬᠦᠮᠦᠵᠢᠬᠦᠯᠦᠶᠡ》᠂ 《ᠰᠡᠴᠡᠨ ᠰᠡᠷᠬᠦᠯᠡᠩ ᠬᠡᠦᠬᠡᠳ》᠂ 《ᠵᠤᠯ ᠵᠢᠷᠭ᠋ᠠᠯᠳᠠᠢ ᠬᠦᠮᠦᠨ》᠂ 《ᠬᠢᠷᠢ ᠳᠡᠩᠴᠡᠭᠰᠡᠨ ᠢᠷᠭᠡᠨ》 ᠵᠡᠷᠭᠡ ᠳᠤᠷᠠᠳᠤᠯᠭᠠ ᠳᠤᠷᠠᠳᠤᠭᠰᠠᠨ ᠪᠢᠯᠡ᠂ ᠠ᠋ᠬᠦᠨᠤ ᠳᠤᠳᠤᠷᠠᠬᠢ ᠬᠠᠮᠤᠭᠤᠨ ᠲᠦᠪᠯᠡᠷᠡᠩᠭᠦᠢ ᠮᠦᠷᠳᠡᠭᠡᠨ ᠬᠦᠨᠵᠡᠭᠡᠢ ᠨᠢᠬᠡ ᠦᠵᠡᠯᠳᠡ ᠪᠤᠯ ᠵᠠᠯᠠᠭᠤ ᠪᠠᠭ᠋ᠠᠴᠤᠳᠢ 《ᠪᠦᠬᠦ ᠳᠠᠯᠠᠪᠠᠷ ᠡᠪ ᠵᠤᠶ᠋ᠢᠳᠠᠢ ᠬᠦᠭᠵᠢᠭᠰᠡᠨ᠂ ᠨᠠᠶ᠋ᠢᠬᠡᠮᠤᠨ ᠳᠠᠪᠰᠢᠯᠳᠠᠳᠤ ᠢᠳᠡᠪᠬᠢᠳᠡᠢ ᠤᠷᠤᠯᠴᠠᠭᠴᠢ》 ᠪᠤᠯᠭ᠋ᠠᠨ ᠬᠦᠮᠦᠵᠢᠬᠦᠯᠬᠦ ᠳᠤᠬᠠᠢ ᠪᠤᠯᠬᠤ ᠶᠤᠮ᠃ ᠬᠡᠳᠡᠯᠡ ᠢᠩᠭᠢᠵᠦ ᠬᠦᠮᠦᠵᠢᠬᠦᠯᠬᠦᠳᠤ ᠪᠦᠬᠦ ᠳᠠᠯᠠᠪᠠᠷ ᠬᠦᠭᠵᠢᠭᠰᠡᠨ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠠ᠋ᠬᠦᠷᠬᠡ ᠵᠢ ᠪᠡᠶᠡᠯᠡᠬᠦᠯᠬᠦ ᠴᠢᠬᠤᠯᠠᠲᠠᠢ᠂ ᠳᠠᠷᠤᠢ 《ᠤᠶᠤᠨ ᠤᠬᠠᠭ᠋ᠠᠨᠤ ᠬᠦᠮᠦᠵᠢᠯ᠂ ᠪᠡᠶᠡ ᠳᠠᠮᠢᠷᠤᠨ ᠬᠦᠮᠦᠵᠢᠯ᠂ ᠶᠤᠰᠤ ᠮᠤᠷᠠᠯᠤᠨ ᠬᠦᠮᠦᠵᠢᠯ᠂ ᠬᠦᠳᠡᠯᠮᠤᠷᠢ ᠵᠢᠨ ᠬᠦᠮᠦᠵᠢᠯ ᠬᠢᠬᠡᠳ ᠭᠤᠸᠠ ᠰᠠᠶ᠋ᠢᠬᠠᠨᠤ ᠬᠦᠮᠦᠵᠢᠯᠢ ᠬᠦᠨᠵᠡᠬᠡᠢ ᠤᠶᠠᠯᠳᠤᠭᠤᠯᠵᠦ ᠬᠠᠷᠢᠯᠴᠠᠨ ᠨᠦᠯᠦᠭᠡᠯᠴᠡᠬᠦᠯᠤᠨᠠ᠂ ᠳᠠᠬᠢᠭ᠋ᠠᠳ ᠠ᠋ᠨᠡ ᠬᠡᠳᠤᠨ ᠳᠠᠯᠠ ᠵᠢᠨ ᠬᠦᠮᠦᠵᠢᠯᠢ ᠨᠢᠭᠡᠳᠤᠯᠳᠡᠢ ᠨᠢᠬᠡᠨ ᠲᠦᠬᠦᠷ ᠶᠠᠪᠤᠴᠠ ᠳᠡᠭᠡᠷᠡ ᠢᠯᠡᠷᠡᠬᠦᠯᠬᠦ ᠬᠡᠷᠡᠭᠳᠡᠢ》 ᠶᠤᠮ᠃
ᠶᠤᠰᠤ ᠮᠤᠷᠠᠯᠤᠨ ᠬᠦᠮᠦᠵᠢᠯᠤᠨ ᠳᠠᠯᠠᠪᠠᠷ ᠰᠦᠬᠤᠮᠯᠢᠨ᠋ᠰᠺᠢ 《ᠪᠦᠬᠦ ᠳᠠᠯᠠᠪᠠᠷ ᠬᠦᠭᠵᠢᠬᠦᠯᠬᠦᠳᠤ ᠠ᠋ᠷᠬᠢᠮ ᠳᠡᠭᠡᠲᠦ ᠶᠤᠰᠤ ᠮᠤᠷᠠᠯ ᠦᠨᠳᠤᠰᠣ ᠪᠤᠯᠳᠠᠭ》 ᠭᠡᠵᠤ ᠳᠤᠳᠤᠷᠬᠠᠶ᠋ᠢᠯᠠᠭᠰᠠᠨ ᠶᠤᠮ᠃ ᠳᠡᠷᠡᠪᠠᠷ ᠬᠡᠦᠬᠡᠳ ᠠ᠋ᠯᠪᠡᠭ ᠪᠠᠶᠠᠯᠢᠭ ᠤᠶᠤᠨ ᠰᠠᠨᠠᠭ᠋ᠠᠨᠤ ᠠᠮᠢᠳᠤᠷᠠᠯ ᠪᠠ ᠴᠢᠬᠤᠯᠠᠴᠢᠯᠠᠭᠠᠲᠠᠢ ᠪᠠᠶ᠋ᠢᠬᠤ ᠬᠡᠷᠡᠭᠳᠡᠢ ᠭᠡᠵᠤ ᠤᠨᠴᠠᠯᠠᠨ ᠳᠤᠷᠠᠳᠤᠭ᠋ᠠᠳ 《ᠤᠶᠤᠨ ᠰᠠᠨᠠᠭ᠋ᠠᠨᠤ ᠬᠤᠭᠤᠰᠤᠷᠠᠯ ᠪᠤᠯ ᠬᠠᠮᠤᠭᠤᠨ ᠶᠡᠭᠡ ᠠᠶᠤᠯ ᠶᠡᠭᠡ ᠭᠠᠮᠰᠢᠭ ᠶᠤᠮ》 ᠭᠡᠵᠤ ᠵᠢᠭ᠋ᠠᠵᠦ ᠭᠠᠷᠭ᠋ᠠᠭᠰᠠᠨ ᠪᠠᠶ᠋ᠢᠳᠠᠭ᠃ ᠪᠠᠰᠠ ᠪᠠᠭᠰᠢ᠂ ᠭᠡᠷᠤᠨ ᠠᠬᠠᠮᠠᠳᠲᠤ ᠬᠡᠦᠬᠡᠳᠤᠨ ᠨᠡᠷᠡ ᠲᠦᠷᠦ᠂ ᠬᠦᠮᠦᠨ ᠴᠢᠨᠠᠷᠢ ᠬᠦᠨᠳᠤᠳᠭᠡᠵᠦ ᠪᠦᠬᠦ ᠳᠠᠯᠠᠪᠠᠷ ᠬᠠᠯᠠᠮᠵᠢᠯᠠᠭ᠍ᠤ ᠬᠡᠷᠡᠭᠳᠡᠢ ᠭᠡᠵᠤ ᠱᠠᠭ᠋ᠠᠷᠳᠠᠭᠰᠠᠨ ᠶᠤᠮ᠃ 《ᠠᠮᠢᠳᠤᠷᠠᠯ ᠳᠤᠮᠳᠠ ᠬᠡᠦᠬᠡᠳᠢ ᠬᠠᠶ᠋ᠢᠷᠠᠯᠠᠭ᠍ᠤ ᠪᠤᠯ ᠬᠠᠮᠤᠭᠠᠴᠠ ᠴᠢᠬᠤᠯᠠ》 ᠭᠡᠵᠤ ᠰᠦᠬᠤᠮᠯᠢᠨ᠋ᠰᠺᠢ ᠬᠡᠯᠡᠭᠰᠡᠨ ᠪᠦᠬᠡᠳ 《ᠬᠡᠦᠬᠡᠳ ᠪᠤᠯᠭ᠋ᠠᠨ ᠴᠡᠭᠡᠵᠢ ᠳᠡᠨᠢᠬᠦᠨ ᠠᠯᠬᠤᠬᠤ ᠶᠤᠰᠤᠳᠠᠢ》 ᠭᠡᠵᠤ ᠳᠤᠷᠠᠳᠤᠨ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠰᠢᠯᠢᠳᠡᠭ ᠰᠠᠶ᠋ᠢᠨ ᠤᠷᠴᠢᠨᠢ ᠴᠢᠷᠮᠠᠶ᠋ᠢᠨ ᠴᠤᠭᠴᠠᠯᠠᠵᠦ 《ᠰᠤᠷᠭ᠋ᠠᠭᠤᠯᠢ ᠵᠢᠨ ᠬᠡᠷᠡᠮ ᠬᠠᠨᠠ ᠪᠠᠰᠠ ᠦᠬᠡ ᠶᠠᠷᠢᠬᠤ ᠬᠡᠷᠡᠭᠳᠡᠢ》 ᠭᠡᠵᠤ ᠴᠢᠬᠤᠯᠠᠴᠢᠯᠠᠭᠰᠠᠨ ᠪᠢᠯᠡ᠃ ᠠ᠋ᠬᠦᠨᠤ ᠵᠡᠷᠭᠡᠴᠡᠭᠡᠪᠠᠷ ᠳᠡᠷᠡ ᠪᠠᠰᠠ 《ᠬᠠᠶ᠋ᠢᠷᠠ ᠪᠤᠯ ᠵᠠᠷᠴᠢᠮ ᠦᠭᠡᠢᠪᠠᠷ ᠠ᠋ᠷᠭᠡᠯᠡᠬᠦᠯᠬᠦ ᠶᠠᠪᠤᠳᠠᠯ ᠪᠢᠰᠢ᠂ ᠬᠠᠷᠢᠨ ᠰᠠᠬᠢᠯᠭᠠ ᠵᠢᠷᠤᠮ᠂ ᠶᠤᠰᠤ ᠮᠤᠷᠠᠯᠤᠨ ᠪᠠᠷᠢᠮᠵᠢᠶᠠᠪᠠᠷ ᠬᠡᠦᠬᠡᠳᠢ ᠱᠠᠭ᠋ᠠᠷᠳᠠᠵᠦ᠂ ᠬᠠᠮᠳᠤ ᠨᠠᠶ᠋ᠢᠳᠠ ᠵᠢᠨ ᠬᠦᠮᠦᠵᠢᠯ ᠵᠶ᠋ᠠᠷ ᠤᠴᠢᠵᠦ ᠬᠡᠦᠬᠡᠳᠤᠨ ᠶᠤᠰᠤ ᠮᠤᠷᠠᠯᠢ ᠬᠦᠮᠦᠵᠢᠬᠦᠯᠬᠦᠨᠢ ᠴᠢᠬᠤᠯᠠ》 ᠭᠡᠵᠤ ᠰᠠᠨᠠᠭᠤᠯᠤᠭᠰᠠᠨ ᠶᠤᠮ᠃
ᠤᠶᠤᠨ ᠤᠬᠠᠭ᠋ᠠᠨᠤ ᠬᠦᠮᠦᠵᠢᠯᠤᠨ ᠳᠠᠯᠠᠪᠠᠷ ᠰᠦᠬᠤᠮᠯᠢᠨ᠋ᠰᠺᠢ 《ᠠ᠋ᠨᠡ ᠳᠠᠯᠠ ᠵᠢᠨ ᠬᠦᠮᠦᠵᠢᠯᠤᠨ ᠮᠥᠨ ᠴᠢᠨᠠᠷ ᠪᠠ ᠠ᠋ᠬᠦᠷᠭᠡᠠᠴᠠ ᠠᠪᠴᠦ ᠶᠠᠷᠢᠪᠠᠯ᠂ ᠬᠡᠦᠬᠡᠳᠲᠤ ᠰᠢᠰᠲᠸᠮᠲᠠᠢ ᠰᠢᠨᠵᠢᠯᠡᠬᠦ ᠤᠬᠠᠭ᠋ᠠᠨᠤ ᠮᠡᠳᠡᠯᠭᠡ ᠤᠯᠭᠤᠬᠤ᠂ ᠰᠢᠨᠵᠢᠯᠡᠬᠦ ᠤᠬᠠᠭ᠋ᠠᠨᠴᠢ ᠶᠢᠷᠲᠢᠨᠴᠦ ᠵᠢᠨ ᠦᠵᠡᠯᠳᠡ ᠵᠢ ᠪᠦᠷᠢᠯᠳᠦᠬᠦᠯᠬᠦ᠂ ᠤᠶᠤᠨ ᠤᠬᠠᠭ᠋ᠠᠨᠢᠨᠢ ᠬᠦᠮᠦᠵᠢᠬᠦᠯᠬᠦ ᠵᠡᠷᠭᠡ ᠳᠠᠯᠠ ᠵᠢ ᠪᠠᠭᠳᠠᠭ᠋ᠠᠳᠠᠭ᠃ ᠤᠶᠤᠨ ᠤᠬᠠᠭ᠋ᠠᠨᠤ ᠬᠦᠮᠦᠵᠢᠯ ᠪᠤᠯ ᠮᠡᠳᠡᠯᠭᠡ ᠵᠢ ᠬᠦᠷᠳᠡᠭᠡᠬᠦ ᠶᠠᠪᠤᠴᠠᠳᠤ ᠪᠡᠶᠡᠯᠡᠭᠳᠡᠳᠡᠭ᠂ ᠮᠡᠳᠡᠯᠭᠡ ᠤᠯᠠᠮᠵᠢᠯᠠᠭ᠍ᠤᠪᠠᠷ ᠳᠠᠮᠵᠢᠭᠤᠯᠵᠦ ᠬᠡᠦᠬᠡᠳᠤᠨ ᠰᠢᠨᠵᠢᠯᠡᠬᠦ ᠤᠬᠠᠭ᠋ᠠᠨᠴᠢ ᠶᠢᠷᠲᠢᠨᠴᠦ ᠵᠢᠨ ᠦᠵᠡᠯᠳᠡ ᠵᠢ ᠪᠦᠷᠢᠯᠳᠦᠬᠦᠯᠵᠦ ᠤᠶᠤᠨ ᠤᠬᠠᠭ᠋ᠠᠨᠢᠨᠢ ᠬᠦᠭᠵᠢᠬᠦᠯᠬᠦ ᠬᠡᠷᠡᠭᠳᠡᠢ》 ᠭᠡᠵᠤ ᠦᠵᠡᠳᠡᠭ᠃ ᠰᠦᠬᠤᠮᠯᠢᠨ᠋ᠰᠺᠢ ᠮᠡᠳᠡᠯᠭᠡ ᠪᠤᠯᠤᠨ ᠤᠶᠤᠨ ᠤᠬᠠᠭ᠋ᠠᠨᠤ ᠬᠦᠮᠦᠵᠢᠯᠢ ᠨᠢᠭᠡᠳᠭᠡᠬᠦ ᠵᠢ ᠴᠢᠬᠤᠯᠠᠴᠢᠯᠠᠳᠠᠭ ᠪᠦᠬᠡᠳ ᠬᠡᠦᠬᠡᠳᠤᠨ ᠮᠡᠳᠡᠯᠭᠡ ᠦᠷᠭᠡᠨ ᠳᠡᠯᠬᠡᠷ ᠤᠶᠤᠨ ᠤᠬᠠᠭ᠋ᠠᠨᠤ ᠰᠠᠭᠤᠷᠢ ᠳᠡᠭᠡᠷᠡ ᠰᠠᠭᠤᠷᠢᠯᠠᠭ᠍ᠤ ᠬᠡᠷᠡᠭᠳᠡᠢ ᠭᠡᠵᠤ ᠳᠤᠷᠠᠳᠤᠨ᠂ ᠮᠠᠰᠢ ᠤᠯᠠᠨ ᠰᠢᠨᠡ ᠳᠤᠷᠰᠢᠯᠭᠠ ᠵᠢ ᠠ᠋ᠬᠦᠲᠦᠭᠰᠡᠨ ᠶᠤᠮ᠂ ᠠ᠋ᠬᠦᠨᠳᠤ ᠬᠡᠦᠬᠡᠳᠲᠤ ᠰᠡᠳᠬᠢᠴᠠ ᠵᠢᠨ ᠬᠢᠴᠢᠶᠡᠯ ᠳᠤᠬᠢᠷᠠᠭᠤᠯᠬᠤ᠂ ᠬᠢᠴᠢᠶᠠᠯᠠᠴᠠ ᠭᠠᠳᠠᠭᠤᠷᠬᠢ ᠨᠤᠮ ᠤᠩᠰᠢᠯᠭᠠ᠂ ᠬᠢᠴᠢᠶᠠᠯᠠᠴᠠ ᠭᠠᠳᠠᠭᠤᠷᠬᠢ ᠬᠦᠳᠡᠯᠭᠡᠭᠡᠨᠳᠤ ᠦᠪᠡᠷᠤᠨ ᠳᠤᠷᠠ ᠰᠤᠨᠢᠷᠬᠠᠯ᠂ ᠤᠷᠮᠠ ᠪᠠᠬᠠᠠᠴᠠᠪᠠᠨ ᠤᠷᠤᠯᠴᠠᠭ᠍ᠤ ᠵᠡᠷᠭᠡ ᠪᠤᠢ᠃ ᠫᠠᠹᠯᠸᠱ᠌ᠢ ᠳᠤᠮᠳᠠᠳᠤ ᠰᠤᠷᠭ᠋ᠠᠭᠤᠯᠢ ᠵᠢᠨ ᠬᠡᠦᠬᠡᠳ ᠪᠤᠯᠭ᠋ᠠᠨ ᠦᠳᠡ ᠵᠢᠨ ᠬᠤᠶ᠋ᠢᠨᠠ ᠵᠢᠨ ᠪᠦᠬᠦᠶ᠋ᠢᠯᠡ ᠴᠠᠭ ᠵᠶ᠋ᠠᠷ ᠬᠢᠴᠢᠶᠠᠯᠠᠴᠠ ᠭᠠᠳᠠᠭᠤᠷᠬᠢ ᠡᠯᠡ ᠵᠦᠢ᠍ᠯᠤᠨ ᠬᠦᠳᠡᠯᠭᠡᠭᠡᠨᠳᠤ ᠳᠤᠭᠤᠶ᠋ᠢᠯᠠᠩ ᠬᠤᠪᠢᠶᠠᠨ ᠤᠷᠤᠯᠴᠠᠳᠠᠭ ᠪᠦᠬᠡᠳ ᠵᠠᠭᠤ ᠭᠠᠷᠤᠢ ᠵᠢᠵᠢᠭ ᠳᠤᠭᠤᠶ᠋ᠢᠯᠠᠩᠲᠠᠢ ᠪᠠᠶ᠋ᠢᠳᠠᠭ ᠪᠢᠯᠡ᠃
ᠪᠡᠶᠡ ᠳᠠᠮᠢᠷᠤᠨ ᠬᠦᠮᠦᠵᠢᠯᠤᠨ ᠳᠠᠯᠠᠪᠠᠷ ᠰᠦᠬᠤᠮᠯᠢᠨ᠋ᠰᠺᠢ 《ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠠᠵᠢᠯᠳᠠᠳᠤᠨ ᠳᠡᠷᠢᠬᠦᠨ ᠴᠢᠬᠤᠯᠠ ᠠᠵᠢᠯ ᠪᠤᠯ ᠬᠡᠦᠬᠡᠳᠤᠨ ᠠ᠋ᠷᠡᠬᠦᠯ ᠮᠡᠨᠳᠤ ᠵᠢ ᠠᠩᠬᠠᠷᠬᠤ ᠶᠠᠪᠤᠳᠠᠯ ᠶᠤᠮ᠂ ᠬᠡᠦᠬᠡᠳᠤᠨ ᠤᠶᠤᠨ ᠰᠠᠨᠠᠭ᠋ᠠᠨᠤ ᠠᠮᠢᠳᠤᠷᠠᠯ᠂ ᠶᠢᠷᠲᠢᠨᠴᠦ ᠵᠢᠨ ᠦᠵᠡᠯᠳᠡ᠂ ᠤᠶᠤᠨ ᠤᠬᠠᠭ᠋ᠠᠨᠤ ᠬᠦᠭᠵᠢᠯᠳᠡ᠂ ᠮᠡᠳᠡᠯᠭᠡ ᠵᠢᠨ ᠪᠠᠳᠤᠳᠬᠠᠯᠳᠠ ᠬᠢᠬᠡᠳ ᠦᠪᠡᠷᠤᠨ ᠢᠳᠡᠭᠡᠯ ᠴᠦᠮ ᠳᠡᠳᠡᠨᠤ ᠪᠠᠶᠠᠷ ᠬᠦᠷ᠂ ᠴᠤᠭ ᠵᠤᠯᠪᠤᠭᠠᠲᠠᠢ ᠠ᠋ᠰᠡᠬᠦᠠᠴᠠ ᠰᠢᠢ᠍ᠳᠦᠭᠳᠡᠳᠡᠭ》 ᠭᠡᠰᠡᠨ ᠪᠠ 《ᠠ᠋ᠷᠡᠬᠦᠯ ᠮᠡᠨᠳᠦ᠂ ᠠ᠋ᠷᠡᠬᠦᠯ ᠮᠡᠨᠲᠦ᠂ ᠠ᠋ᠷᠡᠬᠦᠯ ᠮᠡᠨᠲᠦ ᠠᠯᠢᠪᠠᠠᠴᠠ ᠴᠢᠬᠤᠯᠠ》 ᠭᠡᠵᠤ ᠤᠷᠢᠶᠠᠯᠠᠭᠰᠠᠨ ᠪᠢᠯᠡ᠃ ᠳᠡᠷᠡ ᠳᠤᠤᠷᠡ ᠠᠩᠭᠢ ᠵᠢᠨ ᠬᠡᠦᠬᠡᠳᠢ ᠭᠤᠷᠪᠠᠨ ᠴᠠᠭᠠᠴᠠ ᠳᠡᠭᠡᠭᠰᠢ ᠬᠢᠴᠢᠶᠡᠯᠯᠡᠬᠦ ᠵᠢ ᠵᠦᠪᠰᠢᠶᠡᠷᠡᠳᠡᠭ ᠦᠭᠡᠢ ᠮᠦᠷᠳᠡᠭᠡᠨ 12～15 ᠨᠠᠰᠣᠨᠤ ᠬᠡᠦᠬᠡᠳ ᠠ᠋ᠲᠦᠷᠲᠤ ᠲᠦᠷᠪᠡᠠᠴᠠ ᠳᠠᠪᠤᠨ ᠴᠠᠭ ᠭᠡᠷᠤᠨ ᠳᠠᠭ᠋ᠠᠭ᠋ᠠᠯᠭ᠋ᠠᠪᠤᠷᠢ ᠬᠢᠬᠦ ᠵᠢ ᠴᠦ᠍ ᠠ᠋ᠰᠡᠷᠬᠦᠴᠡᠳᠡᠭ᠃ ᠳᠡᠭᠡᠭᠡᠳ ᠴᠦ᠍ ᠪᠠᠭᠰᠢ ᠪᠤᠯᠤᠨ ᠬᠡᠦᠬᠡᠳᠢ ᠳᠠᠶ᠋ᠢᠴᠢᠯᠠᠨ ᠰᠤᠷᠭ᠋ᠠᠭᠤᠯᠢ ᠵᠢᠨ ᠬᠦᠷᠢᠶᠡᠨᠳᠤ ᠮᠤᠳᠤ ᠴᠡᠴᠡᠭ ᠳᠠᠷᠢᠵᠦ ᠪᠠᠶ᠋ᠢᠭ᠋ᠠᠯᠢᠯᠢᠬ ᠴᠡᠴᠡᠷᠯᠢᠭ ᠪᠠᠶ᠋ᠢᠭᠤᠯᠬᠤ ᠵᠢ ᠬᠦᠬᠡᠬᠡᠴᠡᠯᠲᠦᠳᠡᠭ᠂ ᠠᠩᠭᠢ ᠵᠢᠨ ᠭᠡᠷᠲᠤ ᠵᠤᠬᠢᠰᠳᠠᠢ ᠭᠡᠷᠡᠯ ᠳᠤᠬᠢᠷᠠᠭᠤᠯᠬᠤ ᠵᠢ ᠠᠩᠬᠠᠷᠤᠨ ᠰᠢᠷᠡᠭᠡ ᠰᠠᠨᠳᠠᠯᠢᠪᠠᠨ ᠳᠤᠭᠳᠠᠮᠠᠯ ᠬᠤᠭᠤᠴᠠᠭᠠᠲᠠᠢ ᠪᠠᠶ᠋ᠢᠴᠠᠭ᠋ᠠᠵᠦ᠂ ᠬᠡᠦᠬᠡᠳᠤᠨ ᠦᠰᠦᠯᠳᠡ ᠪᠤᠶ᠋ᠢᠵᠢᠯᠳᠠᠳᠤ ᠵᠤᠬᠢᠴᠠᠵᠦ ᠪᠤᠢ ᠠ᠋ᠰᠡᠬᠦ ᠵᠢ ᠰᠢᠯᠭ᠋ᠠᠳᠠᠭ᠂ ᠮᠥᠨ ᠪᠠᠰᠠ ᠬᠡᠦᠬᠡᠳᠤᠨ ᠬᠤᠭᠤᠯᠠ ᠤᠮᠳᠠ ᠰᠢᠮᠡ ᠳᠡᠵᠢᠭᠡᠯᠤᠨ ᠠᠰᠠᠭᠤᠳᠠᠯᠢ ᠴᠠᠭ ᠳᠤᠬᠠᠢᠳᠤᠨᠢ ᠰᠢᠢ᠍ᠳᠪᠤᠷᠢᠯᠡᠳᠡᠭ᠃ ᠳᠡᠷᠡ ᠠᠷᠪᠠᠨ ᠳᠠᠪᠤᠨ ᠵᠢᠯ ᠰᠤᠳᠤᠯᠵᠦ ᠫᠠᠹᠯᠸᠱ᠌ᠢ ᠳᠤᠮᠳᠠᠳᠤ ᠰᠤᠷᠭ᠋ᠠᠭᠤᠯᠢ ᠵᠢᠨ ᠠᠵᠢᠯᠯᠠᠵᠦ ᠠᠮᠠᠷᠠᠭ᠍ᠤ ᠴᠠᠭᠢ ᠰᠢᠨᠡᠪᠠᠷ ᠳᠤᠬᠢᠷᠠᠭᠤᠯᠤᠭ᠋ᠠᠳ᠂ ᠬᠡᠦᠬᠡᠳᠤᠨ ᠠᠵᠢᠯᠯᠠᠵᠦ ᠬᠦᠳᠡᠯᠮᠤᠷᠢᠯᠡᠬᠦ ᠠᠮᠠᠷᠠᠵᠦ ᠰᠡᠷᠬᠦᠬᠦ ᠵᠢ ᠨᠡᠩ ᠵᠤᠬᠢᠰᠳᠠᠢ ᠪᠤᠯᠭ᠋ᠠᠭᠰᠠᠨ ᠶᠤᠮ᠃
ᠭᠤᠸᠠ ᠰᠠᠶ᠋ᠢᠬᠠᠨᠤ ᠬᠦᠮᠦᠵᠢᠯᠤᠨ ᠳᠠᠯᠠᠪᠠᠷ ᠰᠦᠬᠤᠮᠯᠢᠨ᠋ᠰᠺᠢ 《ᠭᠤᠸᠠ ᠰᠠᠶ᠋ᠢᠬᠠᠨ ᠪᠤᠯ ᠰᠠᠶ᠋ᠢᠬᠠᠨ ᠮᠤᠷᠠᠯ᠂ ᠠ᠋ᠯᠪᠡᠭ ᠤᠬᠠᠭ᠋ᠠᠨ ᠪᠠ ᠠ᠋ᠷᠡᠬᠦᠯ ᠴᠢᠬᠢᠷᠠᠭᠤᠨ ᠬᠦᠴᠦᠳᠡᠢ ᠤᠨᠳᠤᠷᠤᠭᠠ ᠪᠤᠯᠬᠤ ᠶᠤᠮ᠃ ᠬᠡᠦᠬᠡᠳᠢ ᠬᠦᠮᠦᠵᠢᠬᠦᠯᠬᠦ ᠪᠦᠬᠦᠶ᠋ᠢᠯᠡ ᠶᠠᠪᠤᠴᠠᠳᠤ ᠭᠤᠸᠠ ᠰᠠᠶ᠋ᠢᠬᠠᠨᠤ ᠬᠦᠮᠦᠵᠢᠯᠢ ᠵᠠᠪᠠᠯ ᠴᠢᠩᠭᠠ ᠠᠳᠬᠤᠬᠤ ᠬᠡᠷᠡᠭᠳᠡᠢ》 ᠭᠡᠵᠤ ᠵᠢᠭ᠋ᠠᠭᠰᠠᠨ ᠪᠠᠶ᠋ᠢᠳᠠᠭ᠃ ᠳᠡᠷᠡ ᠬᠡᠦᠬᠡᠳᠤᠨ ᠭᠤᠸᠠ ᠰᠠᠶ᠋ᠢᠬᠠᠨᠤ ᠰᠡᠳᠬᠢᠯᠬᠡ ᠪᠠ ᠭᠤᠸᠠ ᠰᠠᠶ᠋ᠢᠬᠠᠨᠢ ᠴᠤᠭᠴᠠᠯᠠᠭ᠍ᠤ ᠰᠡᠳᠬᠢᠯᠢ ᠬᠦᠮᠦᠵᠢᠬᠦᠯᠬᠦ ᠳᠤᠬᠠᠢ ᠤᠨᠴᠠᠭ᠋ᠠᠶ᠋ᠢᠯᠠᠨ ᠴᠢᠬᠤᠯᠠᠴᠢᠯᠠᠵᠦ᠂ ᠭᠤᠸᠠ ᠰᠠᠶ᠋ᠢᠬᠠᠨᠤ ᠬᠦᠮᠦᠵᠢᠯᠢ ᠤᠯᠠᠨ ᠠᠷᠭᠠ ᠵᠠᠮ ᠵᠶ᠋ᠠᠷ ᠪᠤᠢ ᠪᠤᠯᠭ᠋ᠠᠵᠦ ᠪᠤᠯᠳᠠᠭ ᠳᠤᠬᠠᠢ ᠳᠤᠷᠠᠳᠤᠭᠰᠠᠨ ᠶᠤᠮ᠃ ᠵᠢᠱ᠌ᠢᠶᠠᠯᠠᠪᠠᠯ᠂ ᠶᠡᠭᠡ ᠪᠠᠶ᠋ᠢᠭ᠋ᠠᠯᠢ ᠵᠢᠨ ᠭᠤᠸᠠ ᠰᠠᠶ᠋ᠢᠬᠠᠨᠢ ᠮᠡᠳᠡᠷᠡᠬᠦ᠂ ᠤᠳᠬᠠ ᠤᠷᠠᠯᠢᠭᠤᠨ ᠭᠤᠸᠠ ᠰᠠᠶ᠋ᠢᠬᠠᠨᠢ ᠰᠤᠨᠢᠷᠬᠠᠬᠤ᠂ ᠬᠦᠳᠡᠯᠮᠤᠷᠢᠪᠠᠷ ᠳᠠᠮᠵᠢᠵᠦ ᠭᠤᠸᠠ ᠰᠠᠶ᠋ᠢᠬᠠᠨᠢ ᠴᠤᠭᠴᠠᠯᠠᠭ᠍ᠤ ᠪᠠ ᠴᠢᠨᠠᠭᠰᠢᠯᠠᠪᠠᠯ ᠬᠡᠦᠬᠡᠳᠤᠨ ᠠ᠋ᠮᠦᠰᠭᠡᠯ ᠭᠤᠶᠤᠯᠠᠯ ᠪᠠ ᠬᠡᠪ ᠵᠠᠭᠪᠤᠷᠤᠨ ᠭᠤᠸᠠ ᠰᠠᠶ᠋ᠢᠬᠠᠨ ᠵᠡᠷᠭᠡ᠃ ᠶᠡᠷᠤᠩᠭᠡᠶ᠋ᠢᠯᠡᠪᠡᠯ ᠭᠤᠸᠠ ᠰᠠᠶ᠋ᠢᠬᠠᠨᠤ ᠬᠦᠮᠦᠵᠢᠯᠢ ᠬᠡᠵᠢᠶᠡ ᠬᠠᠮᠢᠭᠠ ᠴᠦ᠍ ᠬᠢᠵᠦ ᠪᠤᠯᠳᠠᠭ ᠠᠵᠢ᠃
ᠬᠦᠳᠡᠯᠮᠤᠷᠢ ᠵᠢᠨ ᠬᠦᠮᠦᠵᠢᠯᠤᠨ ᠳᠤᠬᠠᠢ ᠰᠦᠬᠤᠮᠯᠢᠨ᠋ᠰᠺᠢ 《ᠬᠦᠳᠡᠯᠮᠤᠷᠢᠠᠴᠠ ᠠᠩᠭᠢᠳᠠ ᠰᠤᠷᠭ᠋ᠠᠨ ᠬᠦᠮᠦᠵᠢᠯ ᠪᠤᠶᠤ ᠬᠦᠳᠡᠯᠮᠤᠷᠢ ᠤᠷᠤᠯᠴᠠᠭ᠍ᠤ ᠦᠭᠡᠢᠪᠠᠷ ᠤᠷᠤᠰᠢᠬᠤ ᠰᠤᠷᠭ᠋ᠠᠨ ᠬᠦᠮᠦᠵᠢᠯ ᠭᠡᠵᠤ ᠪᠠᠶ᠋ᠢᠳᠠᠭ ᠦᠭᠡᠢ》 ᠭᠡᠵᠤ ᠳᠤᠳᠤᠷᠬᠠᠶ᠋ᠢᠯᠠᠭ᠋ᠠᠳ 《ᠨᠢᠬᠡ ᠬᠡᠦᠬᠡᠳᠢ ᠭᠡᠷᠪᠡ ᠠᠷᠪᠠᠨ ᠵᠢᠯᠤᠨ ᠲᠦᠷᠢᠮᠳᠤ ᠰᠤᠷᠭ᠋ᠠᠭᠤᠯᠢᠳᠤ ᠵᠦᠪᠬᠡᠨ ᠰᠢᠨᠵᠢᠯᠡᠬᠦ ᠤᠬᠠᠭ᠋ᠠᠨᠤ ᠮᠡᠳᠡᠯᠬᠡ ᠯᠡ ᠰᠤᠷᠭ᠋ᠠᠵᠦ᠂ ᠤᠭᠳᠤᠬᠠᠨ ᠴᠦ᠍ ᠬᠦᠳᠡᠯᠮᠤᠷᠢᠳᠤ ᠤᠷᠤᠯᠴᠠᠭᠤᠯᠬᠤ ᠦᠭᠡᠢᠪᠠᠷ ᠳᠡᠬᠦᠰᠭᠡᠴᠢᠬᠡᠬᠡᠳ ᠳᠠᠬᠢᠨ ᠬᠦᠷᠵᠠ ᠠᠳᠬᠤᠭᠤᠯᠵᠦ ᠬᠦᠳᠡᠯᠮᠤᠷᠢᠯᠡᠬᠦᠯᠬᠦ ᠬᠡᠪᠡᠯ ᠪᠦᠲᠦᠰᠢ ᠦᠭᠡᠢ ᠬᠡᠷᠡᠭ ᠪᠤᠯᠬᠤᠨᠢ ᠮᠡᠳᠡᠭᠡᠵᠢ᠂ ᠶᠠᠭ᠋ᠠᠬᠢᠭ᠋ᠠᠳ ᠭᠡᠪᠡᠯ ᠠ᠋ᠨᠡ ᠠᠷᠪᠠᠨ ᠵᠢᠯᠤᠨ ᠬᠤᠭᠤᠴᠠᠭ᠋ᠠᠨᠳᠤ ᠬᠡᠦᠬᠡᠳ ᠨᠢᠬᠡᠨᠳᠡ ᠬᠦᠳᠡᠯᠮᠤᠷᠢ ᠪᠠ ᠠᠮᠢᠳᠤᠷᠠᠯᠠᠴᠠ ᠳᠠᠰᠤᠷᠠᠭ᠋ᠠᠳ ᠤᠶᠤᠨ ᠤᠬᠠᠭ᠋ᠠᠨᠨᠢ ᠬᠤᠭᠤᠰᠤᠷᠠᠴᠢᠬᠠᠭᠰᠠᠨ ᠳᠡᠳᠤᠢ ᠦᠭᠡᠢ᠂ ᠬᠦᠳᠡᠯᠮᠤᠷᠢ ᠵᠢᠨ ᠴᠢᠳᠠᠮᠵᠢ᠂ ᠠᠮᠢᠳᠤᠷᠠᠭ᠍ᠤᠢ ᠵᠢᠨ ᠪᠡᠯᠡᠳᠭᠡᠯ᠂ ᠨᠡᠩ ᠴᠢᠬᠤᠯᠠᠨᠢ ᠬᠦᠳᠡᠯᠮᠤᠷᠢ ᠵᠢᠨ ᠰᠡᠳᠬᠢᠯᠬᠡ ᠬᠡᠳᠡᠭ ᠵᠤᠶ᠋ᠢᠯ ᠵᠶ᠋ᠠᠨ ᠠᠯᠳᠠᠴᠢᠬᠠᠭᠰᠠᠨ ᠪᠠᠶ᠋ᠢᠳᠠᠭ᠃ ᠠ᠋ᠨᠡᠨᠢ ᠵᠠᠯᠠᠭᠤ ᠨᠢᠬᠡ ᠦᠶᠡ ᠵᠢᠨᠬᠢᠨᠳᠤ ᠳᠠᠯᠪᠢᠭᠰᠠᠨ ᠨᠠᠶ᠋ᠢᠬᠡᠮᠤᠨ ᠨᠠᠶ᠋ᠢᠳᠠᠯᠭᠠ᠂ ᠵᠠᠯᠠᠭᠤ ᠪᠠᠭ᠋ᠠᠴᠤᠳᠤᠨ ᠦᠪᠡᠷᠮᠢᠴᠠ ᠴᠢᠨᠠᠷᠤᠨ ᠬᠦᠭᠵᠢᠯᠳᠡ ᠵᠡᠷᠭᠡ ᠳᠠᠯᠠᠪᠠᠷ ᠴᠦᠮ ᠢᠯᠠᠭᠳᠠᠭᠰᠠᠨ ᠤᠴᠢᠷ ᠪᠤᠯᠬᠤ ᠶᠤᠮ》 ᠭᠡᠵᠤ ᠬᠡᠯᠡᠭᠰᠡᠨ ᠪᠢᠯᠡ᠃ ᠰᠦᠬᠤᠮᠯᠢᠨ᠋ᠰᠺᠢ ᠢᠩᠬᠢᠵᠦ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠦᠢ᠍ᠯᠡᠳᠦᠯᠭᠡᠳᠤᠬᠢ ᠬᠦᠳᠡᠯᠮᠤᠷᠢ ᠵᠢᠨ ᠦᠢ᠍ᠯᠡᠳᠤᠯᠢ ᠤᠨᠴᠠᠭ᠋ᠠᠶ᠋ᠢᠯᠠᠨ ᠴᠢᠬᠤᠯᠠᠴᠢᠯᠠᠳᠠᠭ ᠪᠠᠶ᠋ᠢᠭᠰᠠᠨ ᠠᠵᠢ᠃
2. ᠵᠢᠭ᠋ᠠᠨ ᠰᠤᠷᠭ᠋ᠠᠯᠳᠠ ᠵᠢᠨ ᠳᠤᠬᠠᠢ ᠦᠬᠦᠯᠡᠭᠰᠡᠨᠨᠢ
ᠰᠦᠬᠤᠮᠯᠢᠨ᠋ᠰᠺᠢ ᠵᠢᠨ ᠪᠦᠲᠦᠬᠡᠯᠳᠤ ᠵᠢᠭ᠋ᠠᠨ ᠰᠤᠷᠭ᠋ᠠᠯᠳᠠ ᠵᠢᠨ ᠦᠨᠳᠤᠰᠣᠨ ᠤᠨᠤᠯᠤᠨ ᠳᠤᠬᠠᠢ ᠦᠬᠦᠯᠡᠮᠵᠢ᠂ ᠵᠢᠭ᠋ᠠᠨ ᠰᠤᠷᠭ᠋ᠠᠯᠳᠠ ᠵᠢᠨ ᠡᠯᠡ ᠳᠠᠯᠠᠳᠤᠬᠢ ᠳᠤᠷᠰᠢᠯᠭᠠ ᠪᠠ ᠵᠦᠪᠯᠡᠯᠭᠡ ᠪᠠᠶ᠋ᠢᠳᠠᠭ ᠪᠦᠬᠡᠳ ᠶᠡᠷᠤᠩᠭᠡᠢᠳᠤᠪᠠᠨ ᠨᠢᠬᠡ ᠲᠦᠬᠦᠷ ᠨᠠᠯᠢᠶᠠᠳ ᠳᠡᠬᠦᠯᠳᠡᠷ ᠵᠢᠭ᠋ᠠᠨ ᠰᠤᠷᠭ᠋ᠠᠯᠳᠠ ᠵᠢᠨ ᠤᠨᠤᠯᠢ ᠴᠤᠭᠴᠠᠯᠠᠭᠰᠠᠨ ᠪᠠᠶ᠋ᠢᠳᠠᠭ᠃ ᠳᠡᠷᠡ ᠤᠶᠤᠨ ᠤᠬᠠᠭ᠋ᠠᠨᠤ ᠬᠦᠮᠦᠵᠢᠯᠤᠨ ᠦᠨᠳᠤᠰᠣᠨ ᠠ᠋ᠬᠦᠷᠭᠡᠠᠴᠠ ᠭᠠᠷᠳᠠᠵᠦ ᠵᠢᠭ᠋ᠠᠨ ᠰᠤᠷᠭ᠋ᠠᠯᠳᠠ ᠵᠢᠨ ᠶᠠᠪᠤᠴᠠᠳᠤᠬᠢ ᠬᠤᠶᠠᠷ ᠵᠦᠷᠢᠴᠠᠯ᠂ ᠳᠠᠷᠤᠢ ᠵᠢᠭ᠋ᠠᠨ ᠰᠤᠷᠭ᠋ᠠᠯᠳᠠ — ᠰᠤᠷᠭ᠋ᠠᠨ ᠬᠦᠮᠦᠵᠢᠯ᠂ ᠵᠢᠭ᠋ᠠᠨ ᠰᠤᠷᠭ᠋ᠠᠯᠳᠠ — ᠬᠦᠭᠵᠢᠯᠳᠡ ᠵᠢ ᠵᠦᠪ ᠰᠢᠢ᠍ᠳᠪᠤᠷᠢᠯᠡᠬᠦ ᠬᠡᠷᠡᠭᠳᠡᠢ᠂ ᠵᠦᠷᠢᠴᠠᠯᠤᠨ ᠬᠤᠪᠢᠰᠤᠩᠭᠤᠢ ᠨᠢᠬᠡᠳᠤᠮᠡᠯ ᠶᠠᠪᠤᠴᠠ ᠳᠤᠮᠳᠠ ᠬᠠᠷᠠᠯᠳᠠᠪᠠᠨ ᠪᠡᠶᠡᠯᠡᠬᠦᠯᠵᠦ᠂ ᠡᠪ ᠵᠦᠢ᠍ᠳᠠᠢ ᠬᠦᠭᠵᠢᠯᠳᠡ ᠵᠢᠨ ᠶᠡᠷᠤᠩᠭᠡᠢ ᠠ᠋ᠬᠦᠷᠭᠡᠪᠠᠨ ᠬᠦᠢ᠍ᠴᠡᠳᠬᠡᠬᠦ ᠬᠡᠷᠡᠭᠳᠡᠢ ᠭᠡᠵᠤ ᠱᠠᠭ᠋ᠠᠷᠳᠠᠭᠰᠠᠨ ᠪᠢᠯᠡ᠃ ᠵᠢᠭ᠋ᠠᠨ ᠰᠤᠷᠭ᠋ᠠᠯᠳᠠ - ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠨᠢᠬᠡᠳᠤᠯᠤᠨ ᠳᠤᠬᠠᠢ ᠰᠦᠬᠤᠮᠯᠢᠨ᠋ᠰᠺᠢ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠰᠢᠨᠵᠢᠲᠠᠢ ᠵᠢᠭ᠋ᠠᠨ ᠰᠤᠷᠭ᠋ᠠᠯᠳᠠ ᠵᠢᠨ ᠵᠠᠷᠴᠢᠮᠢ ᠳᠤᠷᠠᠳᠤᠨ᠂ ᠠ᠋ᠨᠡ ᠬᠦ᠌ ᠵᠠᠷᠴᠢᠮᠨᠢ ᠶᠢᠷᠲᠢᠨᠴᠦ ᠵᠢᠨ ᠦᠵᠡᠯᠳᠡ ᠵᠢᠨ ᠬᠦᠮᠦᠵᠢᠯ᠂ ᠶᠤᠰᠤ ᠮᠤᠷᠠᠯᠤᠨ ᠬᠦᠮᠦᠵᠢᠯᠢ ᠴᠦ᠍ ᠰᠢᠨᠵᠢᠯᠡᠬᠦ ᠤᠬᠠᠭ᠋ᠠᠨᠤ ᠮᠡᠳᠡᠯᠭᠡ ᠵᠢᠨ ᠵᠢᠭ᠋ᠠᠨ ᠰᠤᠷᠭ᠋ᠠᠯᠳᠠ ᠵᠢᠨ ᠶᠠᠪᠤᠴᠠᠳᠤ ᠲᠤᠭᠤᠰᠢᠯᠠᠭᠤᠯᠬᠤ ᠵᠢ ᠱᠠᠭ᠋ᠠᠷᠳᠠᠳᠠᠭ ᠬᠡᠵᠦ ᠵᠢᠭ᠋ᠠᠵᠦ ᠭᠠᠷᠭ᠋ᠠᠭᠰᠠᠨ ᠶᠤᠮ᠃ ᠳᠡᠷᠡ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠢ ᠰᠤᠷᠤᠯᠴᠠᠯᠭᠠ ᠪᠤᠯᠤᠨ ᠪᠤᠯᠪᠠᠰᠣᠷᠠᠯᠠᠴᠠ ᠰᠠᠯᠭ᠋ᠠᠬᠤ ᠵᠢ ᠠ᠋ᠷᠡᠰ ᠠ᠋ᠰᠡᠷᠬᠦᠴᠡᠳᠡᠭ᠂ ᠶᠠᠭ ᠠ᠋ᠬᠦᠨ ᠳᠡᠭᠡᠷᠡᠠᠴᠠ ᠳᠡᠬᠦᠨᠢ ᠵᠢᠭ᠋ᠠᠨ ᠰᠤᠷᠭ᠋ᠠᠯᠳᠠ᠂ ᠰᠤᠷᠭ᠋ᠠᠨ ᠬᠦᠮᠦᠵᠢᠯ ᠪᠠ ᠪᠤᠯᠪᠠᠰᠣᠷᠠᠯᠢ ᠨᠢᠬᠡᠳᠭᠡᠬᠦ ᠵᠢ ᠳᠡᠮᠵᠢᠳᠡᠭ ᠬᠡᠭᠴᠢ ᠵᠢ ᠦᠵᠡᠵᠦ ᠭᠠᠷᠴᠦ ᠪᠤᠯᠳᠠᠭ᠃
ᠵᠢᠭ᠋ᠠᠨ ᠰᠤᠷᠭ᠋ᠠᠯᠳᠠ — ᠬᠦᠭᠵᠢᠯᠳᠡ ᠵᠢ ᠨᠢᠬᠡᠳᠭᠡᠬᠦ ᠳᠤᠬᠠᠢ᠃ ᠳᠡᠷᠡ ᠠ᠋ᠩ ᠳᠡᠷᠢᠬᠦᠨᠳᠤ ᠪᠠᠭᠰᠢ ᠪᠤᠯᠤᠨ ᠬᠡᠦᠬᠡᠳ ᠵᠢᠭ᠋ᠠᠨ ᠰᠤᠷᠭ᠋ᠠᠯᠳᠠᠪᠠᠷ ᠳᠠᠮᠵᠢᠵᠦ ᠮᠡᠳᠡᠯᠭᠡ ᠵᠢ ᠪᠦᠲᠦᠮᠵᠢᠳᠡᠢ ᠤᠯᠠᠮᠵᠢᠯᠠᠭ᠍ᠤ ᠪᠠ ᠬᠦᠷᠳᠡᠬᠦ ᠵᠢ ᠴᠢᠬᠤᠯᠠᠴᠢᠯᠠᠵᠦ᠂ ᠮᠡᠳᠡᠯᠬᠡᠲᠠᠢ ᠬᠦᠮᠦᠨ ᠪᠤᠯ ᠰᠠᠶᠢ ᠵᠢᠩᠭᠢᠨᠢ ᠵᠤᠯ ᠵᠢᠷᠭ᠋ᠠᠯᠲᠠᠢ ᠬᠦᠮᠦᠨ ᠪᠤᠯᠵᠦ ᠴᠢᠳᠠᠳᠠᠭ ᠭᠡᠵᠤ ᠦᠵᠡᠳᠡᠭ᠂ ᠳᠠᠬᠢᠪᠠᠯ ᠮᠡᠳᠡᠯᠬᠡ ᠵᠢ ᠯᠡ ᠤᠯᠠᠮᠵᠢᠯᠠᠭ᠋ᠠᠳ ᠤᠶᠤᠨ ᠤᠬᠠᠭ᠋ᠠᠨᠤ ᠬᠦᠮᠦᠵᠢᠯᠢ ᠤᠮᠳᠤᠭ᠋ᠠᠶ᠋ᠢᠯᠠᠳᠠᠭ ᠵᠢᠭ᠋ᠠᠨ ᠰᠤᠷᠭ᠋ᠠᠯᠳᠠ ᠵᠢ ᠠ᠋ᠷᠡᠰ ᠠ᠋ᠰᠡᠷᠬᠦᠴᠡᠳᠡᠭ᠃ ᠳᠡᠷᠡᠪᠠᠷ 《ᠪᠠᠭᠰᠢ ᠪᠤᠯᠤᠭᠰᠠᠳ ᠶᠡᠷᠦᠨᠢ ᠠ᠋ᠯᠳᠡᠪ ᠵᠦᠢ᠍ᠯᠤᠨ ᠤᠭ ᠶᠤᠰᠣ᠂ ᠳ᠋ᠦᠩᠨᠡᠯᠳᠡ ᠪᠠ ᠵᠦᠢ᠍ᠴᠢᠯᠠᠯ ᠵᠶ᠋ᠠᠷ ᠬᠡᠦᠬᠡᠳᠤᠨ ᠳᠠᠷᠢᠬᠢ ᠵᠢ ᠲᠦᠬᠦᠷᠭᠡᠴᠢᠬᠡᠬᠡᠳ ᠰᠡᠳᠬᠢᠬᠦᠢ ᠪᠠ ᠠᠮᠢᠳᠤ ᠬᠡᠯᠡᠨᠤ ᠠ᠋ᠬᠢ ᠪᠤᠯᠠᠭᠢᠨᠢ ᠬᠢᠵᠠᠭ᠋ᠠᠷᠯᠠᠴᠢᠬᠠᠳᠠᠭ᠂ ᠠ᠋ᠨᠡᠨᠢ ᠬᠡᠦᠬᠡᠳᠤᠨ ᠲᠦᠷᠰᠦᠯᠡᠨ ᠪᠤᠳᠤᠯᠳᠠ ᠪᠠ ᠠ᠋ᠬᠦᠲᠦᠨ ᠪᠦᠲᠦᠭᠡᠯᠳᠡ ᠵᠢᠨ ᠳᠠᠯᠠᠪᠴᠢ ᠵᠢ ᠬᠦᠯᠢᠴᠢᠬᠡᠭᠰᠡᠨᠲᠠᠢ ᠠᠳᠠᠯᠢᠬᠠᠨ ᠶᠤᠮ᠂ ᠢᠩᠭᠢᠭᠡᠳ ᠯᠡ ᠴᠤᠭ ᠵᠤᠯᠪᠤᠭᠠᠲᠠᠢ᠂ ᠢᠳᠡᠪᠬᠢᠳᠡᠢ ᠦᠷᠨᠢᠬᠦᠨ ᠪᠠᠶ᠋ᠢᠭᠰᠠᠨ ᠬᠡᠦᠬᠡᠳ ᠠᠷᠭᠠ ᠦᠭᠡᠢ ᠴᠡᠭᠡᠵᠢᠯᠡᠬᠦ ᠮᠠᠰᠢᠨ ᠰᠢᠬ ᠪᠤᠯᠴᠢᠬᠠᠳᠠᠭ ᠪᠢᠯᠡ》 ᠭᠡᠵᠤ ᠬᠡᠯᠡᠭᠰᠡᠨ ᠶᠤᠮ᠃ ᠳᠡᠶ᠋ᠢᠨ ᠬᠦ᠌ ᠪᠠᠰᠠ ᠪᠠᠭᠰᠢ ᠪᠤᠯᠤᠭᠰᠠᠳᠲᠤ ᠬᠡᠦᠬᠡᠳᠤᠨ ᠰᠤᠷᠴᠦ ᠮᠡᠳᠡᠬᠦ ᠬᠦᠰᠡᠯᠢ ᠬᠦᠭᠵᠢᠬᠡᠬᠦ᠂ ᠬᠢᠴᠢᠶᠠᠯ ᠵᠶ᠋ᠠᠨ ᠰᠤᠨᠢᠷᠬᠠᠯᠳᠠᠢ᠂ ᠲᠦᠷᠰᠦᠯᠢᠭ᠂ ᠠᠮᠢᠳᠤᠯᠢᠭ ᠵᠢᠭ᠋ᠠᠬᠤ ᠵᠢ ᠱᠠᠭ᠋ᠠᠷᠳᠠᠨ᠂ 《ᠮᠡᠳᠡᠯᠬᠡ ᠴᠢᠳᠬᠤᠬᠤ》 ᠵᠢ ᠳᠡᠪᠴᠢᠨ ᠬᠦᠳᠡᠯᠦᠩᠭᠦᠢ ᠰᠡᠳᠬᠢᠬᠦᠯᠬᠦ ᠵᠢ ᠬᠦᠬᠢᠬᠡᠵᠦ᠂ ᠵᠢᠩᠭᠢᠨᠢ ᠰᠤᠷᠭ᠋ᠠᠭᠤᠯᠢ ᠪᠤᠯ ᠢᠳᠡᠪᠬᠢᠳᠡᠢ ᠰᠡᠳᠬᠢᠬᠦ ᠴᠢᠯᠦᠬᠡᠲᠦ ᠬᠦᠷᠦᠨ ᠮᠥᠨ ᠭᠡᠬᠦ ᠦᠨᠳᠦᠷᠴᠡᠳᠤ ᠬᠦᠷᠬᠦ ᠬᠡᠷᠡᠭᠳᠡᠢ ᠭᠡᠵᠤ ᠢᠯᠡᠷᠭᠡᠶ᠋ᠢᠯᠡᠭᠰᠡᠨ ᠪᠢᠯᠡ᠃
《ᠵᠢᠭ᠋ᠠᠨ ᠰᠤᠷᠭ᠋ᠠᠯᠳᠠ ᠵᠢᠨ ᠬᠤᠶᠠᠷ ᠲᠦᠬᠦᠷ ᠬᠦᠲᠦᠯᠪᠤᠷᠢ》 ᠵᠢᠨ ᠳᠤᠬᠠᠢ᠄ ᠰᠦᠬᠤᠮᠯᠢᠨ᠋ᠰᠺᠢ᠂ ᠪᠠᠭᠰᠢ ᠪᠤᠯᠤᠭᠰᠠᠳ ᠤᠯᠤᠰᠠᠴᠠ ᠳᠤᠭᠳᠠᠭ᠋ᠠᠭᠰᠠᠨ ᠵᠢᠭ᠋ᠠᠨ ᠰᠤᠷᠭ᠋ᠠᠯᠳᠠ ᠵᠢᠨ ᠬᠦᠲᠤᠯᠪᠤᠷᠢ ᠵᠢ ᠪᠠᠷᠢᠮᠳᠠᠯᠠᠭ᠍ᠤ ᠵᠢᠨ ᠳᠠᠭ᠋ᠠᠤ ᠳᠤᠳᠤᠷᠡᠪᠠᠨ ᠪᠠᠰᠠ ᠨᠢᠬᠡ ᠲᠦᠬᠦᠷ 《ᠬᠤᠶᠠᠳᠡᠬᠢ ᠬᠦᠳᠤᠯᠪᠤᠷᠢ》 ᠪᠡᠯᠡᠳᠭᠡᠵᠦ᠂ ᠳᠡᠬᠦᠨ ᠵᠶ᠋ᠠᠷ ᠬᠡᠦᠬᠡᠳᠤᠨ ᠬᠢᠴᠢᠶᠠᠯᠠᠴᠠ ᠭᠠᠳᠠᠭᠤᠷᠬᠢ ᠤᠩᠰᠢᠯᠭᠠ ᠵᠢ ᠵᠢᠯᠤᠭᠤᠳᠤᠨ ᠬᠠᠷᠠᠭᠠ ᠵᠢᠨᠢ ᠨᠡᠭᠡᠬᠡᠵᠦ ᠦᠪᠡᠷ ᠵᠶ᠋ᠠᠨ ᠰᠤᠷᠬᠤ ᠴᠢᠳᠠᠪᠤᠷᠢ ᠵᠢᠨᠢ ᠬᠦᠮᠦᠵᠢᠬᠦᠯᠬᠦ ᠬᠡᠷᠡᠭᠳᠡᠢ ᠭᠡᠵᠤ ᠳᠤᠷᠠᠳᠤᠭᠰᠠᠨ ᠶᠤᠮ᠃ ᠮᠥᠨ ᠪᠠᠰᠠ ᠪᠠᠭᠰᠢ ᠪᠤᠯᠤᠭᠰᠠᠳ ᠦᠪᠡᠷᠤᠨ ᠵᠢᠭ᠋ᠠᠵᠦ ᠪᠤᠢ ᠬᠢᠴᠢᠶᠠᠯ ᠲᠦᠷᠦᠯᠳᠤᠪᠠᠨ ᠨᠡᠪᠳᠡᠷᠡᠭᠰᠡᠨ ᠪᠠᠶ᠋ᠢᠬᠤ ᠵᠢ ᠱᠠᠭ᠋ᠠᠷᠳᠠᠵᠦ᠂ ᠨᠢᠬᠡᠨ ᠰᠢᠯᠢᠳᠡᠭ ᠪᠠᠭᠰᠢ ᠵᠢᠨ ᠮᠡᠳᠡᠳᠡᠭ ᠵᠤᠶ᠋ᠢᠯᠠᠰ ᠬᠦᠲᠦᠯᠪᠤᠷᠢᠳᠤ ᠳᠤᠭᠳᠠᠭ᠋ᠠᠭᠰᠠᠨ ᠠᠭᠤᠯᠭᠠᠠᠴᠠ ᠬᠡᠴᠢᠨᠡᠬᠡᠨ ᠳᠠᠬᠢᠨ ᠢᠯᠡᠬᠦᠦ ᠪᠠᠶ᠋ᠢᠬᠤ ᠬᠡᠷᠡᠭᠳᠡᠢ᠂ ᠬᠢᠴᠢᠶᠠᠯ ᠲᠦᠷᠦᠯᠨᠢ ᠳᠡᠬᠦᠨᠳᠤ ᠠᠪᠴᠦ ᠬᠡᠯᠡᠪᠡᠯ ᠠ᠋ᠨᠡ ᠬᠦ᠌ ᠰᠢᠨᠵᠢᠯᠡᠬᠡᠨᠤ ᠰᠠᠯᠠᠭ᠋ᠠᠨᠤ ᠦᠨᠳᠤᠰᠣᠨ ᠮᠡᠳᠡᠯᠬᠡ ᠯᠡ ᠪᠠᠶ᠋ᠢᠬᠤ ᠶᠤᠰᠤᠳᠠᠢ᠂ ᠬᠦᠨ ᠶᠡᠭᠡ ᠠ᠋ᠷᠳᠡᠮ ᠮᠡᠳᠡᠯᠭᠡ ᠪᠤᠯ ᠬᠡᠦᠬᠡᠳᠤᠨ ᠤᠷᠮᠠ ᠵᠢ ᠬᠦᠭᠵᠢᠬᠡᠵᠦ ᠰᠤᠷᠴᠦ ᠮᠡᠳᠡᠬᠦ ᠵᠢᠨ ᠬᠦᠰᠡᠯᠢ ᠠᠰᠠᠭ᠋ᠠᠬᠤ ᠠᠨᠢᠰᠤ ᠪᠤᠯᠬᠤ ᠶᠤᠮ ᠭᠡᠵᠤ ᠵᠢᠭ᠋ᠠᠭᠰᠠᠨ ᠪᠢᠯᠡ᠃
ᠠ᠋ᠭᠦᠨᠠᠴᠠ ᠭᠠᠳᠠᠨᠠ᠂ ᠳᠡᠷᠡ ᠪᠠᠰᠠ ᠵᠢᠭ᠋ᠠᠨ ᠰᠤᠷᠭ᠋ᠠᠯᠳᠠ ᠵᠢᠨ ᠠ᠋ᠬᠦᠷᠭᠡ᠂ ᠵᠢᠭ᠋ᠠᠨ ᠰᠤᠷᠭ᠋ᠠᠯᠳᠠ ᠵᠢᠨ ᠵᠠᠷᠴᠢᠮ ᠪᠠ ᠠᠷᠭᠠ ᠵᠡᠷᠭᠡ ᠳᠠᠯᠠᠪᠠᠷ ᠤᠯᠠᠨ ᠵᠦᠢ᠍ᠯᠢ ᠦᠬᠦᠯᠡᠭᠰᠡᠨ ᠪᠠᠶ᠋ᠢᠳᠠᠭ᠃
3. ᠰᠤᠷᠭ᠋ᠠᠭᠤᠯᠢ ᠵᠢᠨ ᠬᠠᠮᠢᠶᠠᠷᠤᠯᠳᠠ ᠵᠢᠨ ᠳᠤᠬᠠᠢ ᠦᠬᠦᠯᠡᠭᠰᠡᠨᠨᠢ
ᠰᠦᠬᠤᠮᠯᠢᠨ᠋ᠰᠺᠢ 1948 ᠤᠨᠠᠴᠠ 1970 ᠤᠨ ᠪᠤᠯᠳᠠᠯᠠ ᠫᠠᠹᠯᠸᠱ᠌ᠢ ᠳᠤᠮᠳᠠᠳᠤ ᠰᠤᠷᠭ᠋ᠠᠭᠤᠯᠢ ᠵᠢᠨ ᠵᠠᠬᠢᠷᠤᠯ ᠵᠶ᠋ᠠᠷ ᠠᠵᠢᠯᠯᠠᠭ᠍ᠤᠳᠤᠪᠠᠨ ᠰᠤᠷᠭ᠋ᠠᠭᠤᠯᠢ ᠵᠢᠨ ᠬᠠᠮᠢᠶᠠᠷᠤᠯᠳᠠ ᠵᠢᠨ ᠳᠠᠯᠠᠪᠠᠷ ᠠ᠋ᠯᠪᠡᠭ ᠳᠤᠷᠰᠢᠯᠭᠠ ᠬᠤᠷᠠᠮᠳᠤᠭᠤᠯᠤᠭᠰᠠᠨ ᠶᠤᠮ᠂ ᠳᠡᠬᠦᠨᠤ ᠳᠤᠳᠤᠷᠡ ᠳᠤᠯᠢ ᠪᠤᠯᠬᠤ ᠵᠤᠶ᠋ᠢᠯ ᠤᠯᠠᠨ ᠪᠠᠶ᠋ᠢᠳᠠᠭ᠃
ᠳᠡᠷᠡ᠂ ᠵᠠᠬᠢᠷᠤᠯ ᠦᠪᠡᠷ ᠵᠶ᠋ᠠᠨ ᠢᠪᠴᠤᠤ ᠠᠯᠪᠠᠨᠳᠤ ᠪᠠᠷᠢᠭᠳᠠᠵᠦ ᠨᠤᠶᠠᠨᠴᠢ ᠵᠠᠩ ᠭᠠᠷᠭ᠋ᠠᠨ ᠵᠠᠷᠯᠢᠭᠳᠠᠭ᠍ᠤ ᠵᠢ ᠴᠡᠭᠡᠷᠯᠡᠬᠦ ᠬᠡᠷᠡᠭᠳᠡᠢ ᠭᠡᠵᠤ ᠦᠵᠡᠳᠡᠭ ᠪᠦᠬᠡᠳ 《ᠰᠤᠷᠭ᠋ᠠᠭᠤᠯᠢ ᠵᠢ ᠤᠳᠤᠷᠢᠳᠬᠤᠳᠤ ᠠ᠋ᠩ ᠳᠡᠷᠢᠬᠦᠨᠳᠤ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠦᠵᠡᠯ ᠰᠠᠨᠠᠭᠠ ᠵᠢ ᠤᠳᠤᠷᠢᠳᠬᠤ ᠬᠡᠷᠡᠭᠳᠡᠢ᠂ ᠳᠠᠷᠠᠭ᠋ᠠᠯᠠᠪᠠᠯ ᠰᠠᠶᠢ ᠵᠠᠰᠠᠭ ᠵᠠᠬᠢᠷᠭ᠋ᠠᠨᠤ ᠤᠳᠤᠷᠢᠳᠤᠯᠭᠠ ᠪᠤᠯᠤᠨᠠ》 ᠭᠡᠵᠤ ᠬᠡᠯᠡᠭᠰᠡᠨ ᠶᠤᠮ᠃ ᠳᠡᠷᠡ 《ᠰᠠᠶ᠋ᠢᠨ ᠵᠠᠬᠢᠷᠤᠯ ᠪᠤᠯᠤᠶᠠ ᠭᠡᠪᠡᠯ ᠵᠠᠪᠠᠯ ᠤᠷᠢᠳᠠᠪᠠᠷ ᠰᠠᠶ᠋ᠢᠨ ᠪᠠᠭᠰᠢ ᠪᠠᠶ᠋ᠢᠬᠤ ᠬᠡᠷᠡᠭᠳᠡᠢ》 ᠭᠡᠵᠤ ᠵᠢᠭ᠋ᠠᠵᠦ ᠭᠠᠷᠭ᠋ᠠᠭ᠋ᠠᠳ᠂ ᠦᠪᠡᠷ ᠵᠶ᠋ᠠᠨ ᠬᠡᠯᠡ ᠪᠢᠴᠢᠭ ᠵᠢᠭ᠋ᠠᠨ ᠠᠩᠭᠢ ᠵᠢᠨ ᠠ᠋ᠷᠬᠢᠯᠡᠭᠴᠢᠪᠠᠷ ᠠᠵᠢᠯᠯᠠᠵᠦ ᠠ᠋ᠲᠦᠷ ᠪᠦᠷᠢ ᠬᠢᠴᠢᠶᠠᠯ ᠰᠤᠨᠤᠰᠬᠤ ᠵᠢ ᠪᠠᠷᠢᠮᠳᠠᠯᠠᠳᠠᠭ᠃ 《ᠠ᠋ᠲᠦᠷ ᠪᠦᠷᠢ ᠬᠤᠶᠠᠷ ᠬᠢᠴᠢᠶᠠᠯ ᠰᠤᠨᠤᠰᠬᠤ ᠦᠭᠡᠢ ᠪᠤᠯ ᠠ᠋ᠲᠦᠷᠢ ᠳᠠᠯᠠᠭ᠋ᠠᠷ ᠦᠩᠭᠡᠷᠡᠬᠦᠯᠦᠭᠰᠡᠨᠲᠠᠢ ᠠᠳᠠᠯᠢᠬᠠᠨ》᠂ 《ᠬᠡᠷᠪᠡ ᠬᠤᠷᠠᠯᠳᠤ ᠤᠷᠤᠯᠴᠠᠵᠦ ᠰᠠᠭ᠋ᠠᠳᠠᠭᠰᠠᠨ ᠪᠤᠯ ᠮᠠᠷᠭ᠋ᠠᠰᠢᠨᠢ ᠲᠦᠷᠪᠡᠨ ᠬᠢᠴᠢᠶᠠᠯ ᠰᠤᠨᠤᠰᠴᠦ ᠨᠦᠬᠦᠬᠦ ᠬᠡᠷᠡᠭᠳᠡᠢ》᠂ 《ᠨᠢᠬᠡ ᠵᠢᠯ ᠨᠢᠬᠡ ᠪᠠᠭᠰᠢ ᠵᠢᠨ 15～20 ᠬᠢᠴᠢᠶᠡᠯᠢ ᠰᠤᠨᠤᠰᠬᠤ ᠦᠭᠡᠢ ᠪᠤᠯ᠂ ᠳᠡᠷᠡ ᠬᠦ᠌ ᠪᠠᠭᠰᠢ ᠵᠢᠨ ᠳᠤᠬᠠᠢ ᠶᠠᠮᠠᠷ ᠴᠦ᠍ ᠤᠶ᠋ᠢᠯᠠᠭ᠋ᠠᠯᠳᠠ ᠦᠭᠡᠢᠲᠠᠢ ᠢᠵᠢᠯᠢᠭᠡᠨ》 ᠭᠡᠵᠤ ᠢᠯᠡᠷᠭᠡᠶ᠋ᠢᠯᠡᠭᠰᠡᠨ ᠪᠦᠬᠡᠳ ᠬᠢᠴᠢᠶᠠᠯ ᠰᠤᠨᠤᠰᠬᠤ᠂ ᠬᠢᠴᠢᠶᠠᠯ ᠵᠠᠳᠠᠯᠬᠤ ᠪᠤᠯ ᠵᠠᠬᠢᠷᠤᠯᠤᠨ ᠴᠢᠬᠤᠯᠠ ᠠᠵᠢᠯ᠂ ᠦᠵᠡᠯ ᠰᠠᠨᠠᠭᠠᠪᠠᠨ ᠪᠠᠶᠠᠯᠢᠬ᠍ᠵᠢᠭᠤᠯᠬᠤ ᠠ᠋ᠬᠢ ᠪᠠᠶᠠᠯᠢᠭ ᠪᠤᠯᠬᠤ ᠶᠤᠮ ᠭᠡᠵᠤ ᠳᠤᠳᠤᠷᠬᠠᠶ᠋ᠢᠯᠠᠭᠰᠠᠨ ᠪᠢᠯᠡ᠃ ᠳᠡᠷᠡ ᠰᠤᠷᠭ᠋ᠠᠭᠤᠯᠢ ᠵᠢᠨ ᠦᠵᠡᠯ ᠰᠠᠨᠠᠭ᠋ᠠᠨᠤ ᠬᠦᠮᠦᠵᠢᠯᠢ ᠳᠤᠩ ᠬᠦᠨᠳᠤᠳᠭᠡᠨ ᠦᠵᠡᠵᠦ᠂ ᠠ᠋ᠨᠡ ᠬᠦ᠌ ᠠᠵᠢᠯᠢ ᠰᠠᠶ᠋ᠢᠳᠤᠷ ᠪᠡᠶᠡᠯᠡᠬᠦᠯᠬᠦ ᠵᠢᠨ ᠳᠤᠯᠠᠳᠠ ᠪᠠᠭᠰᠢ ᠨᠠᠷ ᠵᠶ᠋ᠠᠨ ᠳᠠᠶ᠋ᠢᠴᠢᠯᠠᠵᠦ ᠬᠡᠦᠬᠡᠳᠢ ᠪᠦᠬᠦ ᠳᠠᠯᠠᠪᠠᠷ ᠤᠶ᠋ᠢᠯᠠᠭ᠋ᠠᠨ ᠰᠤᠳᠤᠯᠬᠤ᠂ ᠳᠤᠭᠳᠠᠮᠠᠯ ᠬᠤᠭᠤᠴᠠᠭᠠᠲᠠᠢ ᠰᠤᠳᠤᠯᠭ᠋ᠠᠨᠤ ᠬᠤᠷᠠᠯ ᠬᠢᠬᠦ᠂ ᠳᠠᠷᠤᠢ ᠬᠡᠦᠬᠡᠳᠤᠨ ᠪᠤᠳᠠᠳᠠᠢ ᠪᠠᠶ᠋ᠢᠳᠠᠯᠢ ᠦᠨᠳᠤᠰᠤᠯᠠᠵᠦ ᠬᠦᠮᠦᠵᠢᠬᠦᠯᠬᠦ ᠵᠡᠷᠭᠡᠪᠠᠷ ᠮᠡᠷᠡᠶ᠋ᠢᠭᠰᠡᠨ ᠪᠢᠯᠡ᠃ ᠮᠥᠨ ᠦᠪᠡᠷ ᠵᠶ᠋ᠠᠨ ᠪᠠᠶ᠋ᠢᠴᠠᠭ᠋ᠠᠯᠳᠠ ᠬᠢᠵᠦ ᠳᠡᠮᠳᠡᠭᠯᠡᠯ ᠪᠢᠴᠢᠨ᠂ 178 《ᠬᠦᠮᠦᠵᠢᠬᠦᠯᠬᠦᠳᠤ ᠬᠦᠴᠢᠷᠲᠠᠢ ᠬᠡᠦᠬᠡᠳ》ᠤᠨ ᠨᠤᠭᠤᠷᠠᠯ ᠪᠦᠲᠦᠷᠢᠯᠲᠠᠢ ᠶᠠᠪᠤᠴᠠ ᠵᠢ ᠬᠦᠨᠵᠡᠭᠡᠢ ᠰᠤᠳᠤᠯᠤᠭ᠋ᠠᠳ᠂ ᠳᠤᠰᠬᠠᠶ᠋ᠢᠯᠠᠨ ᠵᠢᠷᠭᠤᠭ᠋ᠠᠨ ᠨᠠᠰᠤᠳᠠᠢ ᠬᠡᠦᠬᠡᠳᠢ ᠠ᠋ᠯᠰᠡᠳᠡᠭ ᠪᠡᠯᠡᠳᠭᠡᠯ ᠠᠩᠭᠢ — 《ᠪᠠᠶᠠᠷ ᠪᠠᠶᠠᠰᠤᠯᠳᠤ ᠰᠤᠷᠭ᠋ᠠᠭᠤᠯᠢ》 ᠵᠢ ᠳᠠᠭ᠋ᠠᠭ᠋ᠠᠴᠢᠯᠠᠨ ᠠ᠋ᠷᠬᠢᠯᠡᠭᠰᠡᠨ ᠶᠤᠮ᠃ ᠳᠡᠶ᠋ᠢᠨ ᠬᠦ᠌ 《ᠪᠠᠶᠠᠷ ᠪᠠᠶᠠᠰᠤᠯᠳᠤ ᠰᠤᠷᠭ᠋ᠠᠭᠤᠯᠢ》ᠳᠤᠪᠠᠨ ᠪᠡᠯᠡᠳᠭᠡᠯ ᠠᠩᠭᠢᠠᠴᠠ ᠨᠢᠭᠡᠳᠤᠭᠡᠷ ᠠᠩᠭᠢ ᠪᠤᠯᠳᠠᠯᠠ᠂ ᠨᠢᠬᠡᠳᠤᠭᠡᠷ ᠠᠩᠭᠢᠠᠴᠠ ᠠᠷᠪᠠᠳᠤᠭ᠋ᠠᠷ ᠠᠩᠭᠢ ᠪᠤᠯᠳᠠᠯᠠ ᠠᠩᠭᠢ ᠠ᠋ᠷᠬᠢᠯᠡᠭᠴᠢᠪᠠᠷ ᠠᠵᠢᠯᠯᠠᠨ ᠬᠡᠦᠬᠡᠳᠤᠨ ᠠᠳᠠᠯᠢ ᠪᠤᠰᠣ ᠦᠶᠡ ᠵᠢᠨ ᠬᠡᠪ ᠪᠠᠶ᠋ᠢᠳᠠᠯᠢ ᠮᠦᠷᠳᠡᠨ ᠰᠤᠳᠤᠯᠵᠦ᠂ ᠤᠯᠠᠨ ᠤᠯᠠᠨ ᠳᠤᠬᠢᠷᠠᠮᠵᠢᠳᠠᠢ ᠠᠷᠭᠠ ᠬᠡᠮᠵᠢᠶᠡ ᠵᠢ ᠳᠤᠷᠠᠳᠤᠭᠰᠠᠨ ᠪᠢᠯᠡ᠃
ᠬᠡᠦᠬᠡᠳᠤᠨ ᠬᠠᠮᠢᠶᠠᠷᠤᠯᠳᠠ ᠵᠢᠨ ᠳᠠᠯᠠᠪᠠᠷ ᠭᠤᠤᠯᠳᠠᠭᠤ ᠤᠶᠤᠨᠢ ᠨᠡᠭᠡᠭᠡᠭᠳᠡᠬᠦᠯᠬᠦ᠂ ᠴᠢᠳᠠᠪᠤᠷᠢ ᠵᠢᠨᠢ ᠪᠤᠯᠪᠠᠰᠤᠷᠠᠭᠤᠯᠬᠤ ᠴᠦᠮᠠ ᠵᠢ ᠪᠠᠷᠢᠵᠦ᠂ ᠠ᠋ᠨᠡ ᠪᠤᠯ ᠤᠨᠴᠠᠭ᠋ᠠᠢ ᠪᠤᠳᠠᠳᠠᠢ ᠮᠦᠷᠳᠡᠭᠡᠨ ᠪᠠᠴᠢᠮ ᠰᠢᠢ᠍ᠳᠪᠤᠷᠢᠯᠡᠬᠦ ᠴᠢᠬᠤᠯᠠᠳᠠᠢ ᠠᠰᠠᠭᠤᠳᠠᠯ ᠭᠡᠵᠤ ᠦᠵᠡᠭᠰᠡᠨ ᠶᠤᠮ᠃ ᠠ᠋ᠬᠦᠨᠤ ᠤᠯᠠᠮᠠᠴᠠ ᠬᠠᠮᠳᠤ ᠠᠵᠢᠯᠯᠠᠭᠰᠠᠳᠲᠠᠢᠪᠠᠨ ᠠᠷᠪᠠᠨ ᠬᠡᠳᠤᠨ ᠵᠢᠯ ᠮᠡᠷᠡᠶ᠋ᠢᠵᠦ᠂ ᠬᠡᠯᠡ ᠪᠢᠴᠢᠭᠤᠨ ᠵᠢᠭ᠋ᠠᠨ ᠰᠤᠷᠭ᠋ᠠᠯᠳᠠᠲᠠᠢ ᠤᠶᠠᠯᠳᠤᠭᠤᠯᠤᠭᠰᠠᠨ ᠨᠢᠬᠡᠨ ᠲᠦᠬᠦᠷ ᠵᠢᠭ᠋ᠠᠨ ᠰᠤᠷᠭ᠋ᠠᠯᠳᠠ ᠵᠢᠨ ᠯᠤᠬᠢᠭᠲᠤ ᠨᠡᠶ᠋ᠢᠴᠡᠬᠦ᠂ ᠬᠡᠦᠬᠡᠳᠤᠨ ᠴᠢᠳᠠᠪᠤᠷᠢ ᠵᠢ ᠬᠦᠮᠦᠵᠢᠬᠦᠯᠵᠦ ᠳᠡᠭᠡᠭᠰᠢᠯᠡᠬᠦᠯᠬᠦ ᠵᠤᠷᠢᠯᠳᠠ ᠪᠦᠬᠦᠢ ᠰᠤᠨᠤᠰᠬᠤ᠂ ᠶᠠᠷᠢᠬᠤ᠂ ᠤᠩᠰᠢᠬᠤ᠂ ᠪᠢᠴᠢᠬᠦ ᠵᠡᠷᠭᠡ 12 ᠦᠨᠳᠤᠰᠣᠨ ᠴᠢᠳᠠᠮᠵᠢ ᠵᠢ ᠪᠠᠭᠳᠠᠭ᠋ᠠᠭᠰᠠᠨ 《ᠦᠨᠳᠤᠰᠣᠨ ᠴᠢᠳᠠᠪᠤᠷᠢ ᠵᠢᠨ ᠰᠢᠰᠲᠸᠮ》ᠢ ᠰᠦᠪᠡᠭᠴᠢᠯᠡᠨ ᠪᠦᠲᠦᠬᠡᠭᠰᠡᠨ ᠶᠤᠮ᠃
ᠪᠠᠭᠰᠢ ᠵᠢᠨ ᠬᠠᠮᠢᠶᠠᠷᠤᠯᠳᠠ ᠵᠢᠨ ᠳᠤᠬᠠᠢ᠂ ᠰᠦᠬᠤᠮᠯᠢᠨ᠋ᠰᠺᠢ 《ᠰᠠᠶ᠋ᠢᠨ ᠰᠤᠷᠭ᠋ᠠᠭᠤᠯᠢ ᠪᠠᠶ᠋ᠢᠭᠤᠯᠬᠤᠳᠤ ᠰᠢᠯᠢᠳᠡᠭ ᠪᠠᠭᠰᠢ ᠵᠢᠨ ᠠ᠋ᠩᠨᠡᠭᠡ ᠪᠠᠶ᠋ᠢᠬᠤ ᠦᠭᠡᠢ ᠪᠤᠯ ᠪᠦᠲᠦᠳᠡᠭ ᠦᠭᠡᠢ᠂ ᠰᠤᠷᠭ᠋ᠠᠭᠤᠯᠢ ᠵᠢᠨ ᠤᠳᠤᠷᠢᠳᠤᠯᠭᠠ ᠪᠤᠯᠤᠭᠰᠠᠳ ᠪᠠᠭᠰᠢ ᠨᠠᠷᠢ ᠬᠠᠶ᠋ᠢᠷᠠᠯᠠᠨ ᠬᠠᠯᠠᠮᠵᠢᠯᠠᠵᠦ ᠠ᠋ᠬᠦᠷᠭᠡ ᠳᠠᠷᠤᠭ᠋ᠠᠰᠦ ᠵᠢᠨᠢ ᠴᠢᠳᠠᠭ᠍ᠤ ᠵᠢᠨ ᠳᠤᠳᠤᠷᠡ ᠬᠦᠩᠭᠡᠯᠡᠬᠦ ᠬᠡᠷᠡᠭᠳᠡᠢ》 ᠭᠡᠵᠤ ᠦᠵᠡᠳᠡᠭ᠃ ᠳᠡᠷᠡ 《ᠪᠠᠭᠰᠢ ᠪᠤᠯᠤᠭᠰᠠᠳ ᠠ᠋ᠷᠴᠢ ᠬᠦᠴᠦ ᠳᠡᠬᠦᠯᠳᠡᠷ ᠠᠵᠢᠯᠯᠠᠶᠠ ᠭᠡᠪᠡᠯ ᠰᠠᠶ᠋ᠢᠳᠤᠷ ᠠᠮᠠᠷᠠᠭ᠍ᠤ ᠬᠡᠷᠡᠭᠳᠡᠢ᠂ ᠵᠢᠭ᠋ᠠᠨ ᠰᠤᠷᠭ᠋ᠠᠯᠳᠠ ᠵᠢᠨ ᠴᠢᠨᠠᠷ ᠴᠢᠨᠰᠠᠭᠠᠪᠠᠨ ᠳᠡᠭᠡᠭᠰᠢᠯᠡᠬᠦᠯᠦᠶᠡ ᠭᠡᠪᠡᠯ ᠨᠤᠮ ᠤᠩᠰᠢᠬᠤ᠂ ᠰᠤᠳᠤᠯᠭ᠋ᠠᠨ ᠬᠢᠬᠦ ᠴᠠᠭ ᠪᠠ ᠴᠢᠯᠦᠭᠡᠲᠦ ᠴᠠᠭᠲᠠᠢ ᠪᠠᠶ᠋ᠢᠬᠤ ᠬᠡᠷᠡᠭᠳᠡᠢ᠂ ᠴᠠᠭ ᠵᠶ᠋ᠠᠨ ᠴᠢᠯᠦᠬᠡᠳᠡᠢ ᠳᠤᠬᠢᠷᠠᠭᠤᠯᠬᠤ ᠪᠤᠯ ᠪᠦᠬᠦᠨᠤ ᠦᠨᠳᠤᠰᠣ᠂ ᠳᠡᠷᠡᠨᠢ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠤᠷᠠᠯᠢᠭᠤᠨ ᠮᠦᠴᠢᠷ ᠨᠠᠪᠴᠢ ᠵᠢ ᠦᠷᠨᠢᠬᠦᠯᠦᠨ ᠳᠡᠳᠬᠦᠳᠡᠭ》 ᠭᠡᠵᠤ ᠬᠡᠯᠡᠭᠰᠡᠨ ᠶᠤᠮ᠃ ᠰᠦᠬᠤᠮᠯᠢᠨ᠋ᠰᠺᠢ ᠪᠠᠭᠰᠢ ᠪᠤᠯᠭ᠋ᠠᠨᠢ ᠰᠠᠶ᠋ᠢᠨ ᠤᠶ᠋ᠢᠯᠠᠭ᠋ᠠᠵᠦ ᠳᠠᠪᠠᠭᠤᠯᠢᠭᠢᠨᠢ ᠪᠠᠳᠠᠷᠠᠭᠤᠯᠵᠦ ᠴᠢᠳᠠᠳᠠᠭ ᠪᠦᠬᠡᠳ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠭᠡᠪ ᠪᠤᠯᠪᠠᠰᠣᠷᠠᠯ ᠵᠶ᠋ᠠᠨ ᠳᠡᠭᠡᠭᠰᠢᠯᠡᠬᠦᠯᠬᠦ ᠬᠡᠷᠡᠭᠳᠡᠢ ᠭᠡᠵᠤ ᠦᠷᠬᠦᠯᠵᠢ ᠱᠠᠭ᠋ᠠᠷᠳᠠᠳᠠᠭ᠂ ᠬᠤᠷᠢᠶᠠᠩᠭᠤᠶ᠋ᠢᠯᠠᠪᠠᠯ ᠦᠪᠡᠷᠤᠨ ᠵᠢᠭ᠋ᠠᠵᠦ ᠪᠠᠶ᠋ᠢᠭᠠ ᠬᠢᠴᠢᠶᠠᠯ ᠲᠦᠷᠦᠯᠳᠤᠪᠠᠨ ᠨᠡᠪᠳᠡᠷᠬᠡᠢ ᠪᠠᠶ᠋ᠢᠬᠤ᠂ ᠰᠡᠳᠬᠢᠴᠠ ᠵᠢᠨ ᠵᠦᠢ᠂ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠤᠬᠠᠭ᠋ᠠᠨ ᠪᠠ ᠵᠢᠭ᠋ᠠᠨ ᠰᠤᠷᠭ᠋ᠠᠯᠳᠠ ᠵᠢᠨ ᠠᠷᠭᠠ ᠵᠢ ᠤᠶ᠋ᠢᠯᠠᠭ᠋ᠠᠬᠤ᠂ ᠨᠡᠯᠢᠶᠡᠳ ᠦᠨᠳᠤᠷ ᠪᠤᠯᠪᠠᠰᠣᠷᠠᠯ ᠪᠠ ᠠᠵᠢᠯᠤᠨ ᠤᠷᠮᠠ ᠰᠡᠳᠬᠢᠯᠬᠡᠲᠠᠢ ᠪᠠᠶ᠋ᠢᠬᠤ ᠵᠡᠷᠭᠡ ᠪᠤᠯᠤᠨᠠ᠃
ᠰᠤᠷᠤᠯᠭᠠ ᠵᠢᠨ ᠬᠤᠭᠤᠴᠠᠭ᠋ᠠᠨᠤ ᠳ᠋ᠦᠩᠨᠡᠯᠳᠡ᠄ ᠰᠦᠬᠤᠮᠯᠢᠨ᠋ᠰᠺᠢ ᠬᠦᠮᠦᠨ ᠪᠦᠬᠦᠨᠤ ᠰᠠᠶ᠋ᠢᠨ ᠮᠡᠳᠡᠳᠡᠭ ᠠᠵᠢᠯᠤᠨ ᠳ᠋ᠦᠩᠨᠡᠯᠳᠡ ᠵᠢ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠶᠤᠰᠣ ᠵᠢᠷᠤᠮᠤᠨ ᠴᠢᠬᠤᠯᠠ ᠨᠢᠬᠡᠨ ᠭᠤᠭᠴᠤᠭᠠ ᠪᠤᠯᠭ᠋ᠠᠨ ᠠᠳᠬᠤᠭᠰᠠᠨ ᠶᠤᠮ᠃ ᠳᠡᠷᠡᠪᠠᠷ ᠵᠠᠬᠢᠷᠤᠯ ᠦᠪᠡᠷ ᠵᠶ᠋ᠠᠨ ᠬᠦᠳᠡᠯᠬᠦ ᠦᠭᠡᠢ᠂ ᠬᠠᠷᠢᠨ ᠪᠤᠰᠤᠳᠢ ᠳᠤᠮᠢᠯᠠᠨ ᠠᠷᠭ᠋ᠠᠴᠠᠭ᠋ᠠᠬᠤ᠂ 《ᠵᠠᠰᠠᠨ ᠴᠢᠮᠡᠭᠯᠡᠬᠦ》 ᠠᠷᠭᠠ ᠵᠢ ᠠ᠋ᠰᠡᠷᠬᠦᠴᠡᠳᠡᠭ ᠪᠦᠬᠡᠳ ᠠ᠋ᠩᠤᠨ ᠦᠶᠡᠳᠤ ᠪᠠᠷᠢᠮᠳᠠ ᠴᠤᠭᠯᠠᠭᠤᠯᠬᠤ ᠦᠭᠡᠢ᠂ ᠬᠤᠭᠤᠴᠠᠭ᠋ᠠᠨ ᠡᠴᠦᠰ ᠪᠤᠯᠤᠮᠠᠭᠴᠠ ᠲᠦᠷ ᠴᠠᠭᠤᠨ ᠰᠢᠪᠳᠤᠯᠤᠯᠳᠠ ᠬᠢᠬᠦᠳᠤ ᠳᠤᠷᠠ ᠦᠬᠡᠶ᠋ᠢᠴᠡᠳᠡᠭ᠃ ᠵᠠᠬᠢᠷᠤᠯ ᠦᠪᠡᠷ ᠵᠶ᠋ᠠᠨ ᠠ᠋ᠲᠦᠷ ᠪᠦᠷᠢ ᠭᠠᠷᠠᠭ ᠪᠦᠷᠢ ᠳᠡᠮᠳᠡᠭᠯᠡᠯ ᠬᠢᠬᠦ᠂ ᠴᠠᠭ ᠳᠤᠬᠠᠢᠳᠤᠨᠢ ᠠ᠋ᠮᠬᠢᠯᠡᠬᠦ᠂ ᠦᠷᠬᠦᠯᠵᠢ ᠨᠠᠷᠢᠪᠴᠢᠯᠠᠨ ᠰᠤᠳᠤᠯᠬᠤ ᠵᠢ ᠰᠤᠷᠳᠠᠯᠴᠢᠯᠠᠵᠦ᠂ ᠬᠤᠷᠢᠶᠠᠩᠭᠤᠶ᠋ᠢᠯᠠᠭᠰᠠᠨ ᠰᠢᠨᠵᠢᠳᠡᠢ ᠳ᠋ᠦᠩᠨᠡᠯᠳᠡ ᠭᠠᠷᠭ᠋ᠠᠭᠰᠠᠨᠤ ᠳᠠᠷᠠᠭᠠ ᠤᠯᠠᠨᠤ ᠰᠠᠨᠠᠯ ᠵᠦᠪᠯᠡᠯᠭᠡ ᠵᠢ ᠰᠤᠨᠤᠰᠬᠤ ᠬᠡᠷᠡᠭᠳᠡᠢ ᠭᠡᠵᠤ ᠦᠵᠡᠳᠡᠭ᠃ ᠳ᠋ᠦᠩᠨᠡᠯᠳᠡ ᠬᠢᠬᠦᠳᠤᠪᠠᠨ ᠦᠬᠦᠮᠡᠯ ᠵᠶ᠋ᠠᠷ ᠠᠵᠢᠯᠯᠠᠭ᠍ᠤ ᠪᠤᠶᠤ ᠵᠢᠯ ᠪᠤᠯᠭ᠋ᠠᠨ ᠳᠠᠪᠳᠠᠭ᠋ᠠᠳ ᠪᠠᠶ᠋ᠢᠵᠦ ᠪᠤᠯᠬᠤ ᠦᠭᠡᠢ᠂ ᠰᠠᠶ᠋ᠢᠨ ᠳ᠋ᠦᠩᠨᠡᠯᠳᠡ ᠪᠤᠯ ᠪᠦᠬᠦᠶ᠋ᠢᠯᠡ ᠪᠠᠭᠰᠢ ᠵᠢᠨ ᠨᠢᠬᠡ ᠵᠢᠯᠤᠨ ᠬᠤᠭᠤᠴᠠᠭ᠋ᠠᠨᠳᠤᠬᠢ ᠪᠦᠲᠦᠭᠡᠯᠴᠢ ᠴᠢᠨᠠᠷᠳᠠᠢ ᠬᠦᠳᠡᠯᠮᠤᠷᠢ ᠵᠢᠨ ᠬᠤᠷᠢᠶᠠᠩᠭᠤᠶ᠋ᠢᠯᠠᠯ᠂ ᠮᠥᠨ ᠳᠠᠷᠠᠭᠠ ᠵᠢᠯᠤᠨ ᠠᠵᠢᠯᠤᠨ ᠬᠢᠨᠢ ᠴᠢᠭᠯᠡᠯᠳᠡ ᠪᠠ ᠳᠤᠯᠢ ᠪᠠᠶ᠋ᠢᠬᠤ ᠶᠤᠰᠤᠳᠠᠢ ᠭᠡᠵᠤ ᠦᠵᠡᠳᠡᠭ᠃
ᠭᠤᠷᠪᠠ᠂ ᠳᠤᠪᠴᠢ ᠦᠨᠡᠯᠡᠯᠳᠡ
ᠰᠦᠬᠤᠮᠯᠢᠨ᠋ᠰᠺᠢ ᠬᠦᠮᠦᠰᠲᠤ 《ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠦᠵᠡᠯ ᠰᠠᠨᠠᠭ᠋ᠠᠨᠤ ᠮᠠᠰᠲᠸᠷ》 ᠭᠡᠵᠤ ᠠ᠋ᠷᠬᠦᠮᠵᠢᠯᠡᠭᠳᠡᠳᠡᠭ᠂ ᠨᠤᠮ ᠪᠦᠲᠦᠬᠡᠯᠨᠦᠭᠦᠳᠨᠢ 《ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠠᠮᠢᠳᠤ ᠤᠬᠠᠭ᠋ᠠᠨ》᠂ 《ᠰᠤᠷᠭ᠋ᠠᠭᠤᠯᠢ ᠵᠢᠨ ᠠᠮᠢᠳᠤᠷᠠᠯᠤᠨ ᠨᠡᠪᠳᠡᠷᠭᠡᠢ ᠳᠤᠯᠢ》 ᠭᠡᠵᠤ ᠦᠨᠡᠯᠡᠭᠳᠡᠳᠡᠭ᠂ ᠵᠠᠬᠢᠷᠤᠯ ᠵᠶ᠋ᠠᠷ ᠠᠵᠢᠯᠯᠠᠵᠦ ᠪᠠᠶ᠋ᠢᠭᠰᠠᠨ ᠫᠠᠹᠯᠸᠱ᠌ᠢ ᠳᠤᠮᠳᠠᠳᠤ ᠰᠤᠷᠭ᠋ᠠᠭᠤᠯᠢᠨᠢ ᠳᠡᠯᠡᠬᠡᠢ ᠵᠢᠨ ᠬᠠᠮᠤᠭᠤᠨ ᠨᠡᠷᠡᠳᠡᠢ ᠳᠤᠷᠰᠢᠯᠳᠠ ᠵᠢᠨ ᠰᠤᠷᠭ᠋ᠠᠭᠤᠯᠢᠳᠤ ᠵᠢᠭᠰᠠᠭ᠋ᠠᠭᠳᠠᠭᠰᠠᠨ ᠪᠠᠶ᠋ᠢᠳᠠᠭ᠃
ᠰᠦᠬᠤᠮᠯᠢᠨ᠋ᠰᠺᠢ ᠵᠢᠨ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠳᠤᠷᠰᠢᠯᠭᠠ ᠬᠢᠬᠡᠳ ᠤᠨᠤᠯᠤᠨ ᠪᠦᠲᠦᠬᠡᠯ ᠪᠤᠯ ᠨᠢᠬᠡᠨ ᠠᠤᠭᠠ ᠶᠡᠭᠡ ᠰᠢᠰᠲᠸᠮ ᠶᠤᠮ᠂ ᠳᠡᠷᠡ ᠨᠠᠰᠣᠨ ᠳᠤᠷᠰᠢ ᠵᠢᠨ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠦᠢ᠍ᠯᠡᠳᠤᠯᠭᠡ ᠳᠤᠮᠳᠠᠪᠠᠨ ᠵᠠᠬᠢᠷᠤᠯ᠂ ᠠ᠋ᠩᠤᠨ ᠪᠠᠭᠰᠢ᠂ ᠬᠢᠴᠢᠶᠡᠯᠯᠡᠭᠴᠢ᠂ ᠠᠩᠭᠢ ᠠ᠋ᠷᠬᠢᠯᠡᠭᠴᠢ᠂ ᠪᠤᠳᠠᠳᠠᠢ ᠠᠵᠢᠯ ᠠ᠋ᠷᠬᠢᠯᠡᠭᠴᠢ᠂ ᠰᠢᠨᠵᠢᠯᠡᠬᠦ ᠤᠬᠠᠭ᠋ᠠᠨᠤ ᠰᠤᠳᠤᠯᠭ᠋ᠠᠳᠠᠨ ᠵᠡᠷᠭᠡᠪᠠᠷ ᠠᠵᠢᠯᠯᠠᠪᠠ᠃ ᠳᠡᠷᠡ ᠪᠤᠯ ᠠᠵᠢᠯᠴᠢ ᠬᠦᠳᠡᠯᠮᠤᠷᠢᠴᠢ᠂ ᠤᠶ᠋ᠢᠭᠠ ᠦᠭᠡᠢ ᠵᠤᠬᠢᠶᠠᠨ ᠪᠦᠲᠦᠬᠡᠭᠰᠡᠨ ᠭᠠᠷᠮᠠᠭ᠋ᠠᠢ ᠬᠦᠮᠦᠨ ᠶᠤᠮ᠃ ᠮᠥᠨ ᠰᠤᠷᠭ᠋ᠠᠭᠤᠯᠢ ᠵᠢᠨ ᠠᠵᠢᠯᠤᠨ ᠠᠳᠠᠯᠢ ᠪᠤᠰᠣ ᠦᠨᠴᠦᠭ᠂ ᠠᠳᠠᠯᠢ ᠪᠤᠰᠣ ᠳᠠᠯᠠᠠᠴᠠ ᠲᠤᠭᠤᠰᠢᠳᠠᠢ ᠠᠵᠢᠭᠯᠠᠨ᠂ ᠰᠤᠷᠭ᠋ᠠᠭᠤᠯᠢ ᠵᠢᠨ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠳᠤ ᠬᠤᠯᠪᠤᠭᠳᠠᠭ᠍ᠤ ᠵᠢᠭ᠋ᠠᠨ ᠰᠤᠷᠭ᠋ᠠᠯᠳᠠ ᠪᠠ ᠬᠠᠮᠢᠶᠠᠷᠤᠯᠳᠠ ᠵᠢᠨ ᠡᠯᠡ ᠦᠵᠡᠭᠳᠡᠯ᠂ ᠠᠰᠠᠭᠤᠳᠠᠯᠢ ᠬᠦᠨᠵᠡᠬᠡᠢ ᠰᠤᠳᠤᠯᠵᠦ᠂ ᠤᠨᠤᠯ ᠦᠢ᠍ᠯᠡᠳᠤᠯᠭᠡ ᠬᠤᠶᠠᠷᠤᠨ ᠦᠷᠦᠭᠡᠰᠣᠯ ᠳᠠᠯᠠᠠᠴᠠ ᠵᠠᠶ᠋ᠢᠯᠠᠰᠬᠢᠨ᠂ ᠳᠤᠷᠰᠢᠯᠭᠠ ᠰᠤᠷᠭ᠋ᠠᠮᠵᠢᠪᠠᠨ ᠴᠠᠭ ᠳᠤᠬᠠᠢᠳᠤᠨᠢ ᠳ᠋ᠦᠩᠨᠡᠨ ᠤᠶᠤᠨᠴᠢ ᠦᠨᠳᠤᠷᠴᠠᠳᠤ ᠬᠦᠷᠭᠡᠵᠦ᠂ ᠨᠡᠯᠢᠶᠡᠳ ᠲᠦᠬᠦᠷ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠦᠵᠡᠯ ᠰᠠᠨᠠᠭ᠋ᠠᠨᠤ ᠰᠢᠰᠲᠸᠮᠢ ᠠᠯᠬᠤᠮ ᠠᠯᠬᠤᠮ ᠵᠶ᠋ᠠᠷ ᠪᠦᠷᠢᠯᠳᠦᠬᠦᠯᠦᠭᠰᠡᠨ ᠶᠤᠮ᠃ ᠳᠡᠬᠦᠨᠤ ᠪᠦᠲᠦᠬᠡᠯ ᠪᠤᠯ ᠤᠶ᠋ᠢᠷᠠ ᠵᠢᠨ ᠬᠡᠲᠦᠨ ᠠᠷᠪᠠᠨ ᠵᠢᠯᠳᠤ ᠴᠦᠬᠡᠨ ᠬᠠᠷᠠᠭᠳᠠᠭ᠍ᠤ ᠳᠡᠷᠢᠬᠦᠨᠤ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠳᠤᠷᠰᠢᠯᠭᠠ ᠵᠢᠨ ᠬᠦᠮᠦᠷᠬᠡ ᠪᠢᠯᠡ᠃
ᠰᠦᠬᠤᠮᠯᠢᠨ᠋ᠰᠺᠢ ᠪᠤᠯ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠢᠳᠡᠭᠡᠯ ᠪᠢᠰᠢᠷᠠᠯ ᠵᠶ᠋ᠠᠨ ᠴᠢᠩᠭᠠ ᠪᠠᠷᠢᠮᠳᠠᠯᠠᠵᠦ ᠬᠠᠳᠠᠭᠤᠵᠢᠯᠳᠠᠢ ᠰᠢᠷᠭ᠋ᠠᠭᠤ ᠠᠵᠢᠯᠯᠠᠵᠦ ᠴᠢᠳᠠᠳᠠᠭ ᠨᠢᠬᠡᠨ᠂ 1948 ᠤᠨᠠᠴᠠ ᠫᠠᠹᠯᠸᠱ᠌ᠢ ᠳᠤᠮᠳᠠᠳᠤ ᠰᠤᠷᠭ᠋ᠠᠭᠤᠯᠢᠳᠤ ᠵᠠᠬᠢᠷᠤᠯ ᠵᠶ᠋ᠠᠷ ᠠᠵᠢᠯᠯᠠᠵᠦ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠠᠪᠢᠶᠠᠰ ᠴᠢᠳᠠᠪᠤᠷᠢᠪᠠᠨ ᠬᠦᠢ᠍ᠴᠡᠳ ᠪᠠᠳᠠᠷᠠᠭᠤᠯᠤᠭᠰᠠᠨ ᠪᠢᠯᠡ᠃ 20 ᠳ᠋ᠤᠭ᠋ᠠᠷ ᠵᠠᠭᠤᠨᠤ ᠳᠠᠪᠢᠭ᠋ᠠᠳ ᠤᠨᠤ ᠳᠤᠮᠳᠠᠴᠢᠠᠴᠠ ᠳᠡᠷᠡ ᠨᠢᠬᠡᠨᠳᠡ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠤᠬᠠᠭ᠋ᠠᠨᠳᠠᠨ ᠪᠤᠯᠤᠨ ᠪᠤᠯᠪᠠᠰᠣᠷᠠᠵᠦ᠂ ᠤᠤᠯᠤᠨ ᠵᠦᠪᠯᠡᠯᠲᠦ ᠵᠢᠨ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠬᠦᠷᠢᠶᠡᠨᠳᠤ ᠠᠯᠳᠠᠷ ᠨᠡᠷᠡᠨᠢ ᠮᠠᠨᠳᠤᠭᠰᠠᠨ ᠶᠤᠮ᠃ ᠳᠡᠬᠦᠨᠤ ᠬᠢᠵᠦ ᠪᠦᠲᠦᠬᠡᠭᠰᠡᠨ ᠵᠦᠢ᠍ᠯ ᠢᠯᠡ ᠳᠤᠳᠤᠷᠬᠠᠢ ᠪᠦᠲᠦᠬᠡᠯᠴᠢ ᠰᠢᠨᠵᠢᠳᠡᠢ᠂ ᠰᠢᠨᠡᠴᠢᠯᠠᠯᠤᠨ ᠵᠤᠷᠢᠭ ᠰᠠᠨᠠᠭᠠ ᠪᠢᠯᠬᠠᠮᠠ ᠪᠠᠶ᠋ᠢᠳᠠᠭ ᠪᠦᠬᠡᠳ ᠶᠡᠷᠦᠠᠴᠠ ᠤᠯᠠᠮᠵᠢᠯᠠᠯᠤᠨ ᠪᠠᠯᠴᠢᠭᠲᠤ ᠰᠢᠪᠠᠷᠳᠠᠳᠠᠭ ᠦᠭᠡᠢ᠂ ᠬᠠᠷᠢᠨ ᠠ᠋ᠷᠢᠨ ᠴᠠᠭᠤᠨ ᠬᠦᠭᠵᠢᠯᠳᠡ ᠵᠢᠨ ᠬᠠᠨᠳᠤᠰᠢ ᠵᠢ ᠴᠢᠩᠭᠠ ᠡᠵᠡᠮᠳᠡᠵᠦ ᠴᠢᠳᠠᠳᠠᠭ᠃ ᠵᠢᠱ᠌ᠢᠶᠠᠯᠠᠪᠠᠯ᠂ 1955 ᠤᠨᠠᠴᠠ ᠠ᠋ᠮᠦᠨᠡᠬᠢ ᠨᠢᠬᠡ ᠬᠡᠰᠡᠭ ᠬᠤᠭᠤᠴᠠᠭ᠋ᠠᠨᠳᠤ ᠤᠤᠯᠤᠨ ᠵᠦᠪᠯᠡᠯᠲᠦ ᠵᠢᠨ ᠠ᠋ᠩᠤᠨ ᠰᠤᠷᠭ᠋ᠠᠭᠤᠯᠢ ᠬᠦᠳᠡᠯᠮᠤᠷᠢ ᠵᠢᠨ ᠬᠢᠴᠢᠶᠡᠯᠢ ᠪᠠᠷᠤᠭ ᠯᠡ ᠴᠦᠮ ᠦᠬᠡᠶ᠋ᠢᠰᠭᠡᠭᠰᠡᠨ ᠶᠤᠮ᠂ ᠭᠡᠳᠡᠯᠡ ᠰᠦᠬᠤᠮᠯᠢᠨ᠋ᠰᠺᠢ ᠵᠢᠨ ᠠᠵᠢᠯᠯᠠᠵᠦ ᠪᠠᠶ᠋ᠢᠭᠰᠠᠨ ᠫᠠᠹᠯᠸᠱ᠌ᠢ ᠳᠤᠮᠳᠠᠳᠤ ᠰᠤᠷᠭ᠋ᠠᠭᠤᠯᠢ ᠬᠦᠳᠡᠯᠮᠤᠷᠢ ᠵᠢᠨ ᠬᠢᠴᠢᠶᠠᠯᠢ ᠶᠡᠷᠦᠠᠴᠠ ᠳᠠᠰᠤᠯᠳᠠᠭᠤᠯᠤᠭᠰᠠᠨ ᠦᠭᠡᠢ ᠪᠦᠬᠡᠳ ᠳᠡᠬᠦᠰᠦᠭᠰᠡᠨ ᠬᠡᠦᠬᠡᠳᠲᠤ ᠰᠤᠷᠤᠯᠭᠠ ᠳᠡᠬᠦᠰᠦᠭᠰᠡᠨ ᠦᠨᠡᠮᠯᠡᠯ ᠪᠠ ᠳᠤᠬᠠᠶ᠋ᠢᠯᠠᠭᠰᠠᠨ ᠠᠵᠢᠯᠤᠨ ᠦᠨᠡᠮᠯᠡᠯ ᠤᠯᠭᠤᠵᠦ ᠪᠠᠶ᠋ᠢᠭᠰᠠᠨ ᠪᠢᠯᠡ᠃
ᠰᠦᠬᠤᠮᠯᠢᠨ᠋ᠰᠺᠢ ᠵᠢᠨ ᠠᠭᠤᠤ ᠶᠡᠭᠡ᠂ ᠬᠡᠷᠡᠯ ᠰᠠᠴᠤᠷᠠᠩᠭᠤᠢ ᠨᠢᠬᠡ ᠨᠠᠰᠣ ᠪᠢᠳᠡᠨᠳᠤ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠠᠵᠢᠯᠳᠠᠨ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠵᠢᠭ᠋ᠠᠨ ᠰᠤᠷᠭ᠋ᠠᠯᠳᠠ ᠵᠢᠨ ᠠ᠋ᠮᠤᠨᠠ ᠹᠷᠤᠨᠲᠲᠤ ᠬᠦᠨᠵᠡᠬᠡᠶ᠋ᠢᠷᠡᠨ ᠨᠠᠷᠢᠨ ᠨᠢᠭᠳᠠ ᠰᠤᠳᠤᠯᠭ᠋ᠠᠨ ᠬᠢᠵᠦ᠂ ᠠ᠋ᠲᠦᠷ ᠳᠤᠳᠤᠮᠤᠨ ᠠᠵᠢᠯ ᠵᠶ᠋ᠠᠨ ᠰᠠᠶ᠋ᠢᠳᠤᠷ ᠪᠡᠶᠡᠯᠡᠬᠦᠯᠬᠦᠠᠴᠠ ᠭᠠᠳᠠᠨᠠ ᠤᠨᠤᠯᠤᠨ ᠰᠤᠳᠤᠯᠭ᠋ᠠᠨᠤ ᠠ᠋ᠬᠦᠷᠬᠡ ᠠ᠋ᠬᠦᠷᠭᠡᠯᠡᠭᠰᠡᠨ ᠬᠡᠳᠡᠭ ᠵᠶ᠋ᠠᠨ ᠴᠠᠭ ᠢᠮᠠᠭᠳᠠ ᠪᠤᠳᠤᠬᠤ ᠬᠡᠷᠡᠭᠳᠡᠢ ᠭᠡᠵᠤ ᠰᠠᠨᠠᠭᠤᠯᠵᠦ ᠪᠠᠶ᠋ᠢᠳᠠᠭ᠃ ᠵᠢᠪ ᠵᠢᠩᠭᠢᠨᠢ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠤᠬᠠᠭ᠋ᠠᠨᠳᠠᠨ ᠪᠤᠯ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠤᠨᠤᠯ ᠪᠠ ᠦᠢ᠍ᠯᠡᠳᠤᠯᠭᠡ ᠵᠢ ᠳᠡᠬᠦᠯᠳᠡᠷ ᠰᠠᠶ᠋ᠢᠬᠠᠨ ᠨᠢᠬᠡᠳᠬᠡᠵᠦ ᠴᠢᠳᠠᠭᠰᠠᠨ ᠪᠠᠶ᠋ᠢᠬᠤ ᠬᠡᠷᠡᠭᠳᠡᠢ ᠶᠤᠮ᠃
ᠬᠠᠶᠢᠬ᠄ ᠠᠷᠤ ᠬᠤᠷᠴᠢᠨ ᠬᠤᠰᠢᠭᠤᠨᠤ ᠴᠢᠪᠠᠭᠠ
ᠲᠠᠪᠤᠳᠤᠭ᠋ᠠᠷ ᠲᠤᠮᠲᠠᠲᠤ ᠰᠤᠷᠭ᠋ᠠᠭᠤᠯᠢ
（ᠠ᠋ᠾᠤᠢ᠍ᠩ ᠮᠸᠢ ᠨᠠᠢ᠍ᠢ᠍ᠷᠠᠭᠤᠯᠪᠠ）
2020 ᠤᠨᠤ 2 ᠳ᠋ᠤᠭ᠋ᠠᠷ ᠬᠤᠭᠤᠴᠠᠭᠠ