ᠡ᠊ · ᠤᠷᠠᠨᠭ᠌ᠭᠤᠸᠠ
ᠨᠡᠶ᠋ᠢᠭᠡᠮ᠂ ᠰᠤᠷᠭ᠋ᠠᠭᠤᠯᠢ᠂ ᠭᠡᠷ ᠪᠦᠯᠢ ᠭᠤᠷᠪᠠ ᠤᠶᠠᠯᠳᠤᠭᠰᠠᠨ ᠰᠤᠷᠭ᠋ᠠᠨ ᠬᠦᠮᠦᠵᠢᠯ ᠪᠤᠯ ᠬᠠᠮᠤᠭᠤᠨ ᠦᠨᠳᠦᠷ ᠪᠦᠲᠦᠮᠵᠢᠲᠡᠢ ᠰᠤᠷᠭ᠋ᠠᠨ ᠬᠦᠮᠦᠵᠢᠭᠦᠯᠬᠦ ᠠᠷᠭᠠ ᠪᠤᠯᠤᠨᠠ ᠭᠡᠳᠡᠭᠨᠢ ᠨᠢᠭᠡᠨᠳᠠ ᠨᠤᠲᠠᠯᠠᠭᠰᠠᠨ ᠶᠤᠮ᠃ ᠭᠡᠬᠦᠳᠤᠪᠠᠨ 《ᠬᠡᠦᠬᠡᠳ ᠵᠶ᠋ᠠᠨ ᠬᠦᠮᠦᠨᠠᠴᠠ ᠲᠡᠭᠡᠭᠦᠷ ᠶᠠᠪᠤᠭᠤᠯᠤᠨᠠ》 ᠭᠡᠬᠦ ᠬᠦᠰᠡᠯᠡᠩᠤᠨ ᠰᠠᠶ᠋ᠢᠬᠠᠨᠳᠤᠪᠠᠨ ᠯᠡ ᠰᠢᠢ᠍ᠳᠦᠭᠰᠡᠨ ᠵᠠᠷᠢᠮ ᠭᠡᠷᠤᠨ ᠠᠬᠠᠮᠠᠳ᠂ 《ᠰᠤᠷᠤᠭᠴᠢᠳᠲᠤᠪᠠᠨ ᠯᠠᠪ ᠮᠡᠳᠡᠯᠭᠡ ᠡᠵᠡᠮᠰᠢᠭᠦᠯᠦᠨᠠ》 ᠭᠡᠬᠦ ᠬᠦᠰᠡᠯᠳᠤᠪᠠᠨ ᠯᠠ ᠬᠦᠭᠰᠡᠭᠰᠡᠨ ᠵᠠᠷᠢᠮ ᠪᠠᠭᠰᠢ᠂ 《ᠬᠦᠮᠦᠨᠤ ᠬᠡᠦᠬᠡᠳ ᠨᠠᠳᠡᠳᠤ ᠶᠠᠮᠠᠷ ᠬᠠᠮᠢᠶᠠ ᠪᠠᠶ᠋ᠢᠬᠤ ᠪᠤᠢ》 ᠭᠡᠬᠦ ᠨᠠᠵᠠᠭ᠋ᠠᠢ ᠰᠡᠳᠬᠢᠴᠡᠳᠤ ᠠᠪᠲᠠᠭᠰᠠᠨ ᠨᠠᠶ᠋ᠢᠭᠡᠮᠤᠨ ᠵᠠᠷᠢᠮ ᠭᠡᠰᠢᠬᠦᠨᠨᠢ ᠰᠤᠷᠭ᠋ᠠᠭᠤᠯᠢ᠂ ᠭᠡᠷ ᠪᠦᠯᠢ᠂ ᠨᠡᠶ᠋ᠢᠭᠡᠮ ᠭᠤᠷᠪᠠ ᠤᠶᠠᠯᠳᠤᠭᠰᠠᠨ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠲᠣᠭᠲᠠᠴᠠ ᠵᠢ ᠣᠶ᠋ᠢᠯᠠᠭ᠋ᠠᠬᠤ ᠦᠭᠡᠢ᠂ ᠦᠨᠠᠮᠰᠢᠭᠦ ᠦᠭᠡᠢ᠂ ᠮᠠᠳᠠᠷᠠᠭᠦ ᠦᠭᠡᠢ᠂ ᠴᠠᠭ᠋ᠠᠰᠢᠯᠠᠨ ᠲᠡᠭᠦᠨᠢ ᠣᠮᠳᠤᠭ᠋ᠠᠶ᠋ᠢᠯᠠᠭᠰᠠᠨᠠᠴᠠ ᠪᠤᠯᠵᠤ ᠵᠠᠷᠢᠮ ᠰᠤᠷᠤᠭᠴᠢ ᠵᠢᠨ ᠵᠠᠩ ᠠᠷᠠᠨᠰᠢᠨ᠂ ᠦᠵᠡᠯ ᠰᠡᠳᠬᠢᠯᠭᠡ᠂ ᠣᠶᠣᠨ ᠰᠠᠨᠠᠭ᠋ᠠᠨᠤ ᠲᠠᠯᠠᠳᠤ ᠭᠠᠵᠢ ᠦᠵᠡᠭᠳᠡᠯ ᠢᠯᠠᠷᠠᠳᠡᠭ ᠪᠠᠶ᠋ᠢᠨᠠ᠃
ᠠᠰᠠᠭᠤᠳᠠᠯ ᠨᠢᠭᠡ᠂ ᠭᠡᠷ ᠪᠦᠯᠢ ᠵᠢᠨ ᠰᠤᠷᠭ᠋ᠠᠨ ᠬᠦᠮᠦᠵᠢᠯ
ᠭᠡᠷᠤᠨ ᠠᠬᠠᠮᠠᠳ ᠴᠦᠮ ᠦᠷᠡ ᠬᠡᠦᠭᠡᠳ ᠵᠶ᠋ᠠᠨ ᠣᠯᠠᠨᠤ ᠲᠣᠳᠤᠷᠠ ᠣᠳᠤ ᠰᠣᠳᠤ ᠪᠣᠯᠵᠦ ᠭᠢᠯᠠᠯᠵᠠᠵᠦ ᠶᠠᠪᠤᠬᠤ ᠵᠢ ᠬᠦᠰᠡᠨ ᠠ᠋ᠷᠡᠮᠡᠯᠵᠡᠳᠡᠭᠨᠢ ᠯᠠᠪ᠃ ᠭᠡᠬᠦᠳᠤᠪᠠᠨ ᠵᠠᠷᠢᠮ ᠭᠡᠷᠤᠨ ᠠᠬᠠᠮᠠᠳ ᠭᠡᠷ ᠪᠦᠯᠢ ᠵᠢᠨ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠴᠢᠬᠤᠯᠠ ᠴᠢᠨᠠᠷᠢ ᠣᠶ᠋ᠢᠯᠠᠭ᠋ᠠᠬᠤ ᠦᠭᠡᠢ ᠬᠠᠷᠠ ᠪᠠᠯᠠᠢᠪᠠᠷ ᠰᠤᠷᠭ᠋ᠠᠭᠤᠯᠢᠳᠤ ᠨᠠᠶ᠋ᠢᠳᠠᠵᠦ᠂ 《ᠬᠡᠦᠬᠡᠳᠤᠨ ᠵᠶ᠋ᠠᠨ ᠳᠠᠰᠬᠠᠯ ᠪᠡᠶᠡᠯᠡᠭᠦᠯᠦᠭᠰᠠᠨ ᠪᠠᠶ᠋ᠢᠳᠠᠯᠢ ᠪᠠᠶ᠋ᠢᠴᠠᠭ᠋ᠠᠵᠦ ᠦᠵᠡᠭᠡᠷᠡᠢ》 ᠭᠡᠬᠦ ᠪᠠᠭᠰᠢ ᠵᠢᠨ ᠨᠠᠶ᠋ᠢᠳᠠᠯᠭᠠ ᠵᠢᠨ ᠬᠠᠷᠢᠭᠤᠳᠤ 《ᠪᠢ ᠥᠪᠡᠰᠤᠪᠠᠨ ᠲᠠᠰᠬᠠᠯᠢᠨᠢ ᠵᠠᠰᠠᠴᠢᠬᠠᠬᠤ ᠶᠤᠮ ᠪᠣᠯ ᠪᠠᠭᠰᠢᠪᠠᠷ ᠶᠠᠭᠤ ᠬᠢᠬᠦ ᠪᠤᠢ？》 ᠭᠡᠵᠤ ᠮᠣᠵᠢᠭᠤᠳᠠᠯᠠᠵᠤ ᠪᠠᠶ᠋ᠢᠳᠠᠭ᠃
ᠮᠣᠩᠭᠤᠯ ᠬᠠᠭᠤᠴᠢ ᠦᠭᠡᠨᠳᠤ 《ᠬᠡᠯᠲᠡᠩ ᠭᠡᠬᠦᠦᠠᠴᠠ ᠱᠤᠪᠳᠤᠩ ᠤᠨᠠᠭᠠ》 ᠭᠡᠳᠡᠭ᠃ ᠵᠠᠷᠢᠮ ᠬᠡᠦᠭᠡᠳ ᠲᠦᠯᠭᠡᠭᠡᠨ ᠠᠪᠤᠷᠢᠲᠠᠢ᠂ ᠠ᠋ᠨᠡᠷᠢᠨᠭᠭᠦᠢ ᠵᠠᠩᠲᠠᠢ ᠪᠣᠯᠵᠤ ᠬᠦᠮᠦᠵᠢᠭᠳᠡᠬᠦᠳᠤ᠂ ᠵᠠᠷᠢᠮ ᠭᠡᠤᠭᠡᠳᠨᠢ ᠭᠦᠳᠦᠰ ᠵᠦᠷᠢᠭᠦᠳ᠂ ᠵᠣᠵᠢᠭ᠂ ᠠᠮᠢ ᠬᠤᠪᠢᠨᠴᠢᠷ ᠵᠠᠩᠲᠠᠢ ᠪᠣᠯᠵᠦ ᠥᠰᠳᠡᠭ᠃ ᠠ᠋ᠳᠡᠭᠡᠷ ᠵᠠᠩ ᠠᠷᠠᠨᠰᠢᠨ ᠭᠡᠷᠬᠢᠨ ᠪᠦᠷᠢᠯᠳᠤᠳᠡᠭ ᠪᠤᠢ？ ᠠ᠋ᠨᠡᠨᠢ ᠲᠡᠭᠦᠨᠤ ᠭᠡᠷ ᠪᠦᠯᠢ ᠵᠢᠨ ᠣᠷᠴᠢᠨ᠂ ᠭᠡᠷ ᠪᠦᠯᠢ ᠵᠢᠨ ᠰᠤᠷᠭ᠋ᠠᠯᠲᠠᠢ ᠢᠯᠡᠳᠳᠡ ᠬᠤᠯᠪᠤᠭᠳᠠᠭ᠍ᠤᠨᠢ ᠵᠠᠶ᠋ᠢᠯᠠᠰᠢ ᠦᠭᠡᠢ᠃ ᠠ᠋ᠳᠤᠷᠵᠢᠨ ᠬᠠᠷᠢᠶᠠᠯ ᠤᠷᠤᠰᠬᠠᠳᠠᠭ ᠠᠪᠤ ᠡᠵᠢᠠᠴᠠ ᠬᠠᠷᠢᠶᠠᠯ ᠮᠡᠳᠡᠬᠦ ᠦᠭᠡᠢ ᠬᠡᠦᠬᠡᠳ ᠯᠠᠪ ᠭᠠᠷᠬᠤ ᠦᠭᠡᠢ᠂ ᠥᠭᠭᠢᠶᠠᠮᠦᠷᠴᠢ ᠴᠠᠶ᠋ᠢᠯᠭ᠋ᠠᠨ ᠵᠠᠩᠲᠠᠢ ᠡᠵᠢ᠂ ᠠᠵᠢᠯᠰᠠᠭ ᠲᠦᠯᠭᠡᠭᠡᠨ ᠵᠠᠩᠲᠠᠢ ᠠᠪᠤᠲᠠᠢᠪᠠᠨ ᠦᠰᠦᠭᠰᠡᠨ ᠬᠡᠦᠭᠡᠳ ᠭᠠᠯ ᠮᠣᠭ᠋ᠠᠢ ᠵᠠᠯᠭᠢᠭᠰᠠᠨ ᠭᠠᠯᠵᠠᠭᠤ ᠠᠪᠤᠷᠢᠲᠠᠢ ᠪᠣᠯᠵᠦ ᠬᠦᠮᠦᠵᠢᠭᠳᠡᠬᠦ ᠶᠤᠰᠤ ᠦᠭᠡᠢ᠃
ᠭᠡᠷ ᠪᠦᠯᠢ ᠵᠢᠨ ᠬᠦᠮᠦᠵᠢᠯᠳᠤ ᠬᠤᠯᠪᠤᠭᠳᠠᠭ᠍ᠤ ᠵᠦᠢ᠍ᠯᠡᠰᠢ ᠮᠥᠴᠢᠳ ᠲᠤᠷᠠᠳᠪᠠᠯ᠄
1. ᠬᠡᠷᠤᠨ ᠠᠬᠠᠮᠠᠳ ᠪᠣᠯᠤᠭᠰᠠᠳ ᠬᠡᠦᠬᠡᠳ ᠵᠶ᠋ᠠᠨ ᠨᠢᠯᠬᠠ ᠪᠠᠭᠠ ᠪᠠᠶ᠋ᠢᠬᠤᠳᠤᠨᠢ ᠬᠠᠵᠠᠭᠤᠳᠤᠨᠢ ᠨᠤᠮ ᠤᠩᠰᠢᠵᠦ ᠪᠠᠶ᠋ᠢᠭᠰᠠᠨ ᠤᠤ？
ᠢᠪᠷᠡᠢ᠍ᠢ᠍ᠴᠤᠳ ᠬᠡᠦᠬᠡᠳ ᠵᠶ᠋ᠠᠨ ᠨᠤᠮ ᠤᠩᠰᠢᠭᠤᠯᠵᠦ ᠰᠤᠷᠭ᠋ᠠᠬᠤ ᠵᠢᠨ ᠲᠦᠯᠦᠭᠡ ᠨᠢᠯᠬᠠ ᠪᠠᠭᠠ ᠪᠠᠶ᠋ᠢᠬᠤᠳᠤᠨᠢ ᠨᠤᠮᠤᠨ ᠬᠠᠭᠤᠳᠠᠰᠤᠨᠳᠤ ᠪᠠᠯ ᠲᠦᠷᠬᠢᠭᠡᠳ ᠲᠣᠯᠢᠶᠠᠯᠭ᠋ᠠᠨᠠ ᠭᠡᠳᠡᠭ᠃ ᠠ᠋ᠨᠡ ᠪᠤᠯ ᠨᠤᠮ ᠤᠩᠰᠢᠬᠤ ᠭᠡᠳᠡᠭ ᠠ᠋ᠶ᠋ᠢᠮᠦ ᠯᠡ ᠠᠮᠳᠠᠳᠠᠢ ᠪᠠᠶ᠋ᠢᠳᠠᠭ ᠭᠡᠳᠡᠭᠢ ᠨᠢᠯᠬᠠ ᠣᠶᠤᠨᠳᠤᠨᠢ ᠰᠠᠭᠤᠭᠳᠠᠭᠤᠯᠵᠤ ᠪᠠᠶ᠋ᠢᠭᠠ ᠬᠡᠷᠡᠭ᠃
2. ᠬᠡᠷᠤᠨ ᠠᠬᠠᠮᠠᠳ ᠪᠣᠯᠤᠭᠰᠠᠳ ᠬᠡᠦᠬᠡᠳᠤᠨ ᠵᠶ᠋ᠠᠨ ᠬᠠᠵᠠᠭᠤᠳᠤ ᠭᠠᠷ ᠤᠳᠠᠰᠤᠪᠠᠷ ᠣᠯᠠᠨ ᠨᠠᠭ᠋ᠠᠳᠳᠠᠭ ᠤᠤ？
ᠭᠡᠷᠤᠨ ᠠᠬᠠᠮᠠᠳ ᠪᠣᠯᠤᠭᠰᠠᠨᠤ ᠬᠤᠪᠢᠳᠤ ᠬᠡᠦᠭᠡᠳᠲᠤᠪᠠᠨ ᠵᠥᠪ ᠰᠠᠶ᠋ᠢᠬᠠᠨ ᠦᠵᠡᠯ ᠰᠠᠨᠠᠭ᠋ᠠᠨᠤ ᠬᠦᠮᠦᠵᠢᠯ ᠬᠢᠭᠰᠡᠨ ᠤᠤ？ ᠥᠪᠡᠰᠤᠪᠠᠨ ᠲᠠᠭᠤᠷᠢᠶᠠᠯ ᠪᠣᠯᠵᠤ ᠲᠠᠭ᠋ᠠᠭᠤᠯᠤᠭ᠋ᠠᠳ ᠨᠠᠭ᠋ᠠᠳᠤᠭᠰᠠᠨ ᠤᠤ？
ᠬᠡᠷᠤᠨ ᠠᠬᠠᠮᠠᠳᠤᠨ ᠲᠤᠮᠳᠠ 《ᠠ᠋ᠨᠡ ᠬᠡᠦᠬᠡᠳ ᠭᠠᠷ ᠤᠳᠠᠰᠤᠪᠠᠷ ᠨᠠᠭ᠋ᠠᠳᠤᠭ᠋ᠠᠳ ᠶᠠᠭ ᠰᠠᠯᠬᠤ ᠦᠭᠡᠢ》 ᠭᠡᠬᠦ ᠶᠠᠷᠢᠶᠠ ᠪᠠᠶ᠋ᠢᠩᠭᠤ ᠰᠤᠨᠤᠰᠳᠠᠳᠠᠬ᠃ ᠲᠡᠭᠡᠬᠦᠳᠤᠪᠠᠨ ᠰᠢᠨᠵᠢᠯᠡᠭᠡ ᠮᠡᠷᠭᠡᠵᠢᠯ ᠬᠦᠭᠵᠢᠭᠰᠡᠨ ᠥᠨᠦᠳᠦᠷ᠂ ᠭᠡᠷᠤᠨ ᠠᠬᠠᠮᠠᠳᠤᠨ ᠱᠠᠭ᠋ᠠᠷᠳᠠᠯᠭᠠᠳᠤ ᠨᠡᠶ᠋ᠢᠴᠡᠭᠦᠯᠦᠨ ᠬᠡᠦᠭᠡᠳ ᠰᠠᠭ᠋ᠠᠳᠠᠭᠤᠯᠬᠤ ᠭᠠᠷ ᠮᠠᠰᠢᠨ ᠴᠦ᠍ ᠪᠤᠢ ᠪᠤᠯᠤᠭᠰᠠᠨ ᠪᠠᠶ᠋ᠢᠨᠠ᠃ ᠢᠩᠬᠢᠬᠦᠳᠤ ᠵᠠᠯᠠᠭᠤ ᠡᠴᠢᠭᠡ ᠠ᠋ᠭᠡᠨᠢ ᠪᠠᠶᠠ ᠠᠮᠠᠷ ᠵᠶ᠋ᠠᠨ ᠪᠣᠳᠤᠵᠦ ᠬᠡᠦᠬᠡᠳᠲᠤᠪᠠᠨ ᠲᠡᠭᠦᠨᠢᠨᠢ ᠠᠪᠴᠦ ᠪᠠᠷᠢᠭᠤᠯᠤᠭᠰᠠᠨ ᠪᠠᠶ᠋ᠢᠳᠠᠭ᠃ ᠶᠡᠭᠡᠪᠠᠷ ᠤᠬᠢᠯᠠᠵᠤ ᠪᠠᠶ᠋ᠢᠭᠰᠠᠨ ᠬᠡᠦᠬᠡᠳᠨᠢ ᠴᠦ᠍ ᠨᠠᠭ᠋ᠠᠳᠤᠮᠤᠨ ᠭᠠᠷ ᠤᠳᠠᠰᠤᠪᠠᠨ ᠠᠳᠬᠤᠮᠠᠭᠴᠠ ᠤᠬᠢᠯᠠᠭ᠍ᠤᠪᠠᠨ ᠵᠤᠭᠰᠤᠴᠢᠬᠠᠳᠠᠭ᠃ ᠠ᠋ᠨᠡᠨᠢ ᠪᠦᠳᠦᠮᠵᠢᠳᠡᠢ ᠠᠷᠭᠠ ᠤᠤ？ ᠪᠠᠭᠠᠳᠤᠨᠢ ᠭᠠᠷ ᠤᠲᠠᠰᠤᠪᠠᠷ ᠰᠠᠭ᠋ᠠᠳᠠᠭᠤᠯᠵᠤ ᠰᠤᠷᠭ᠋ᠠᠭᠰᠠᠨ ᠬᠡᠦᠬᠡᠳ ᠴᠢᠨᠢ ᠰᠤᠷᠭ᠋ᠠᠭᠤᠯᠢᠳᠤ ᠰᠠᠭᠤᠭᠰᠠᠨ ᠬᠤᠶ᠋ᠢᠨᠠᠪᠠᠨ ᠥᠨᠦᠬᠢ ᠭᠠᠷ ᠤᠳᠠᠰᠤᠠᠴᠠᠪᠠᠨ ᠰᠠᠯᠵᠦ ᠲᠡᠶ᠋ᠢᠯᠬᠦᠪᠠᠨ ᠪᠤᠯᠢᠵᠦ᠂ ᠲᠠ ᠨᠠᠷᠤᠨ ᠰᠡᠳᠬᠢᠯᠢ ᠵᠦᠳᠡᠭᠡᠬᠦ ᠪᠤᠯᠤᠨᠠ᠃
ᠠᠮᠢᠳᠤᠷᠠᠯᠤᠨ ᠲᠤᠮᠳᠠᠬᠢ ᠪᠠᠭ᠋ᠠᠵᠢ ᠬᠡᠷᠡᠭᠰᠡᠯᠨᠢ ᠬᠦᠮᠦᠰᠲᠤ ᠠᠪᠴᠦ ᠬᠡᠯᠡᠪᠠᠯ᠂ ᠠᠮᠢᠳᠤᠷᠠᠯᠤᠨ ᠪᠠᠶᠠᠨ ᠴᠢᠨᠡᠭᠡᠯᠢᠭ᠂ ᠥᠯᠵᠡᠢ ᠥᠭᠡᠳᠡᠲᠠᠢ ᠪᠤᠯᠬᠤᠳᠤ ᠲᠤᠰᠠᠯᠠᠭ᠍ᠤ ᠦᠢ᠍ᠯᠡᠳᠦᠯ ᠦᠵᠡᠭᠦᠯᠬᠦ ᠬᠠᠪᠰᠤᠷᠤᠮᠵᠢ ᠵᠦᠢ᠍ᠯ ᠮᠥᠨ᠃ ᠠ᠋ᠶ᠋ᠢᠮᠦᠠᠴᠠ ᠬᠡᠨ ᠬᠦᠮᠦᠨ ᠴᠦ᠍ ᠲᠡᠳᠡᠭᠡᠷ ᠪᠠᠭ᠋ᠠᠵᠢ ᠭᠡᠷᠡᠭᠰᠡᠯᠢ ᠥᠪᠡᠷᠤᠨ ᠵᠶ᠋ᠠᠨ ᠪᠣᠭᠤᠯ ᠪᠣᠯᠭ᠋ᠠᠵᠦ ᠵᠠᠷᠤᠬᠤᠠᠴᠠ ᠪᠢᠰᠢ᠂ ᠲᠡᠭᠦᠨᠳᠤᠪᠠᠨ ᠪᠣᠭᠤᠯᠨᠢ ᠪᠣᠯᠵᠤ ᠵᠠᠷᠤᠭᠳᠠᠵᠦ ᠯᠡ ᠪᠣᠯᠬᠤ ᠦᠭᠡᠢ᠃ ᠭᠠᠷ ᠤᠳᠠᠰᠤ ᠵᠢ ᠴᠦ᠍ ᠠᠮᠢᠳᠤᠷᠠᠯ ᠰᠤᠷᠤᠯᠭᠠ ᠵᠢᠨ ᠲᠤᠰᠠᠯᠠᠮᠵᠢ ᠪᠣᠯᠭ᠋ᠠᠨ ᠵᠠᠷᠤᠬᠤᠠᠴᠠ ᠪᠢᠰᠢ᠂ ᠲᠡᠭᠦᠨᠠᠴᠠ ᠪᠣᠯᠵᠦ ᠠᠮᠢᠳᠤᠷᠠᠯᠤᠨ ᠴᠢᠨᠠᠷ ᠴᠢᠨᠰᠠᠭᠠ ᠵᠢ ᠨᠥᠯᠦᠭᠡᠯᠡᠵᠦ ᠪᠤᠯᠬᠤ ᠦᠭᠡᠢ᠃
3. ᠬᠡᠷᠤᠨ ᠠᠬᠠᠮᠠᠳ ᠪᠣᠯᠤᠭᠰᠠᠳ ᠵᠠᠮ ᠬᠠᠷᠢᠯᠴᠠᠭ᠋ᠠᠨᠤ ᠲᠦᠷᠢᠮᠢ ᠰᠠᠬᠢᠭᠰᠠᠨ ᠤᠤ？ ᠬᠡᠦᠬᠡᠳ ᠵᠶ᠋ᠠᠨ ᠲᠠᠭ᠋ᠠᠭᠤᠯᠤᠨ ᠤᠯᠠᠭ᠋ᠠᠨ ᠳ᠋ᠸᠩᠢ ᠲᠠᠭ᠋ᠠᠷᠢᠵᠦ ᠥᠩᠭᠡᠷᠡᠭᠰᠡᠨ ᠤᠳᠠᠭᠠ ᠪᠤᠢ ᠤᠤ？ ᠲᠡᠷᠭᠡᠨ ᠴᠤᠩᠬᠤᠪᠠᠷ ᠵᠶ᠋ᠠᠨ ᠭᠠᠳᠠᠭᠰᠢ ᠶᠠᠭᠤᠮᠠ ᠬᠠᠶᠠᠳᠠᠭ ᠤᠤ？
ᠪᠣᠯᠪᠠᠰᠤᠨ ᠰᠤᠷᠲᠠᠯ᠂ ᠰᠠᠬᠢᠯᠭᠠ ᠪᠠᠳᠤᠴᠢ ᠴᠢᠨᠠᠷᠲᠠᠢ ᠪᠠᠶ᠋ᠢᠬᠤ ᠪᠣᠯ ᠬᠦᠮᠦᠨ ᠪᠣᠯᠬᠤ ᠵᠢᠨ ᠦᠨᠳᠦᠰᠦᠨ ᠱᠠᠭ᠋ᠠᠷᠳᠠᠯᠭᠠ ᠮᠥᠨ᠃ ᠭᠡᠷᠤᠨ ᠠᠬᠠᠮᠠᠳᠤᠨ ᠰᠠᠨᠠᠮᠰᠠᠷ ᠦᠭᠡᠢ ᠪᠤᠶᠤ ᠤᠬᠠᠮᠰᠠᠷ ᠲᠤᠷᠤᠢᠠᠴᠠ ᠪᠣᠯᠤᠭᠰᠠᠨ ᠦᠢ᠍ᠯᠡ ᠠᠵᠢᠯᠯᠠᠭᠠᠨᠢ ᠬᠡᠦᠬᠡᠳᠤᠨ ᠴᠢᠨᠢ ᠬᠠᠤᠯᠢ ᠲᠦᠷᠢᠮᠤᠨ ᠲᠤᠬᠠᠢ ᠲᠠᠨᠢᠯᠳᠠ ᠵᠢ ᠲᠤᠷᠤᠭᠰᠢᠯᠠᠭᠤᠯᠵᠦ᠂ ᠬᠤᠵᠢᠮᠤᠨ ᠵᠠᠮ ᠬᠠᠷᠢᠯᠴᠠᠭ᠋ᠠᠨᠤ ᠠᠶᠤᠯ ᠲᠦᠭᠰᠢᠭᠦᠷᠢ ᠵᠢ ᠠ᠋ᠭᠦᠰᠭᠡᠵᠦ ᠮᠡᠳᠡᠬᠦ ᠬᠠᠤᠯᠢ ᠵᠢ ᠰᠠᠬᠢᠬᠤ ᠤᠬᠠᠮᠰᠠᠷ ᠠᠨᠠᠢ᠂ ᠬᠡᠪ ᠪᠣᠯᠪᠠᠰᠤᠷᠠᠯ ᠵᠶ᠋ᠠᠷ ᠲᠣᠳᠠᠮᠠᠭ ᠠᠷᠠᠳ ᠢᠷᠭᠡᠨ ᠪᠣᠯᠵᠦ ᠮᠡᠳᠡᠨᠡ᠃
4. ᠬᠡᠦᠬᠡᠳᠤᠨ ᠵᠶ᠋ᠠᠨ ᠬᠠᠵᠠᠭᠤᠳᠤ ᠪᠠᠭᠰᠢ ᠵᠢᠨᠢ ᠪᠤᠷᠤᠭᠤᠰᠢᠶᠠᠵᠦ ᠮᠠᠭᠤᠯᠠᠵᠦ ᠥᠩᠭᠡᠷᠡᠭᠰᠡᠨ ᠤᠤ？
ᠲᠤᠮᠳᠠᠳᠤ ᠰᠤᠷᠭ᠋ᠠᠭᠤᠯᠢ ᠵᠢᠨ 《ᠬᠡᠯᠡ ᠪᠢᠴᠢᠭ》ᠲᠤ 《ᠰᠡᠭᠦᠳᠡᠷ》 ᠭᠡᠬᠦ ᠬᠢᠴᠢᠶᠡᠯ ᠪᠠᠶ᠋ᠢᠳᠠᠭ᠃ ᠠ᠋ᠨᠡ ᠬᠦ᠌ ᠬᠢᠴᠢᠶᠡᠯᠢ 《ᠬᠡᠦᠬᠡᠳᠤᠨ ᠰᠡᠳᠬᠢᠯᠳᠤ ᠰᠡᠭᠦᠳᠡᠷ ᠪᠢᠳᠡᠭᠡᠢ ᠲᠤᠰᠬᠠᠭ᠋ᠠᠷᠠᠢ᠂ ᠲᠡᠳᠡᠨᠳᠤ ᠠ᠋ᠯᠢᠭᠡ ᠪᠦᠳᠦᠨ ᠬᠠᠶ᠋ᠢᠷᠠ ᠵᠢ ᠠ᠋ᠳ᠋ᠯᠡᠭᠦᠯᠵᠦ ᠪᠠᠶ᠋ᠢᠭ᠋ᠠᠷᠠᠢ》 ᠭᠡᠬᠦ ᠤᠳᠬᠠ ᠰᠠᠨᠠᠭᠠ ᠵᠢ ᠢᠯᠡᠷᠡᠭᠦᠯᠦᠯᠠ ᠭᠡᠵᠦ ᠦᠵᠡᠳᠡᠭ᠃ ᠬᠡᠦᠬᠡᠳᠤᠨ ᠰᠡᠳᠬᠢᠯᠳᠤ ᠶᠠᠮᠠᠷ ᠨᠢᠭᠡᠨ ᠬᠡᠷᠡᠭ ᠤᠴᠢᠷ ᠪᠤᠶᠤ ᠴᠠᠭ᠋ᠠᠰᠢᠯᠠᠪᠠᠯ ᠨᠢᠭᠡ ᠦᠭᠡ ᠴᠦ᠍ 《ᠰᠡᠭᠦᠳᠡᠷ》 ᠦᠯᠡᠳᠡᠭᠡᠵᠦ ᠮᠡᠳᠡᠨᠡ᠃ ᠭᠡᠷᠤᠨ ᠠᠬᠠᠮᠠᠳᠤᠨ ᠲᠤᠷᠠ ᠦᠭᠡᠶ᠋ᠢᠴᠡᠬᠦᠳᠤᠪᠠᠨ ᠬᠡᠯᠡᠭᠰᠡᠨ ᠪᠠᠭᠰᠢ ᠵᠢᠨ ᠲᠤᠬᠠᠢ ᠨᠢᠭᠡᠨ ᠦᠨᠡᠯᠡᠯᠳᠡ ᠬᠡᠦᠬᠡᠳᠤᠨ ᠴᠢᠨᠢ ᠪᠠᠭᠰᠢ ᠵᠢᠨ ᠵᠶ᠋ᠠᠨ ᠲᠤᠬᠠᠢ ᠰᠠᠭᠤᠭᠳᠠᠯ᠂ ᠣᠶ᠋ᠢᠯᠠᠭ᠋ᠠᠯᠳᠠ ᠵᠢ ᠨᠠᠵᠠᠭ᠋ᠠᠶ᠋ᠢᠷᠠᠭᠤᠯᠵᠤ᠂ ᠠ᠋ᠭᠦᠨᠤ ᠤᠯᠠᠮᠠᠴᠠ ᠪᠠᠭᠰᠢᠳᠤᠪᠠᠨ ᠲᠤᠷᠠ ᠦᠭᠡᠶ᠋ᠢᠴᠡᠨ᠂ ᠪᠠᠭᠰᠢ ᠵᠢᠨ ᠵᠶ᠋ᠠᠨ ᠲᠠᠶ᠋ᠢᠯᠪᠤᠷᠢᠯᠠᠵᠦ ᠶᠠᠷᠢᠵᠦ ᠪᠠᠶ᠋ᠢᠭᠠ ᠮᠡᠳᠡᠯᠭᠡ ᠮᠡᠳᠡᠴᠡ ᠵᠢ ᠠᠩᠬᠠᠷᠤᠨ ᠰᠣᠨᠤᠰᠬᠤᠪᠠᠨ ᠪᠣᠯᠢᠵᠦ᠂ ᠬᠡᠦᠬᠡᠳᠤᠨ ᠬᠢᠴᠢᠶᠡᠯ ᠰᠤᠷᠤᠯᠭᠠ ᠵᠢ ᠨᠥᠯᠦᠭᠡᠯᠡᠵᠦ ᠮᠡᠳᠡᠨᠠ᠃
5. 《ᠪᠠᠭᠰᠢ ᠡ᠂ ᠬᠦᠦ ᠮᠢᠨᠦ ᠦᠭᠡᠪᠠᠷ ᠤᠷᠤᠬᠤ ᠦᠭᠡᠢ᠂ ᠲᠠ ᠨᠢᠭᠡ ᠰᠠᠶ᠋ᠢᠨ ᠬᠡᠯᠡᠭᠡᠳ ᠦᠭ！》 ᠭᠡᠵᠦ ᠬᠡᠦᠬᠡᠳᠤᠨ ᠵᠶ᠋ᠠᠨ ᠲᠤᠬᠠᠢ ᠪᠠᠭᠰᠢᠳᠤᠨᠢ ᠵᠠᠬᠢᠵᠦ ᠦᠩᠭᠡᠷᠡᠭᠰᠡᠨ ᠤᠤ？
ᠬᠡᠦᠬᠡᠳᠲᠤᠪᠠᠨ ᠠᠮᠢ ᠨᠠᠰᠤ ᠣᠯᠭᠤᠨ ᠦᠰᠭᠡᠵᠦ ᠭᠦᠮᠦᠵᠢᠭᠦᠯᠦᠭᠰᠡᠨ ᠠᠪᠤ ᠡᠵᠢ ᠵᠢᠨ ᠲᠠᠯᠠᠢ ᠠᠴᠢ ᠵᠢ ᠶᠠᠭᠤᠪᠠᠷ ᠵᠦᠢ᠍ᠷᠯᠡᠯᠳᠡᠢ ᠪᠢᠯᠡ？ ᠭᠡᠶᠡ᠂ ᠠᠯᠳᠠᠨ ᠠᠮᠢ ᠵᠢᠨᠢ ᠤᠯᠭᠤᠴᠢᠬᠠᠭ᠋ᠠᠳ᠂ ᠠᠷᠢᠭᠤᠨ ᠨᠠᠨᠳᠢᠨ ᠰᠤᠷᠭ᠋ᠠᠯ ᠵᠶ᠋ᠠᠨ ᠣᠮᠲᠤᠭ᠋ᠠᠶ᠋ᠢᠯᠠᠪᠠᠯ ᠠᠪᠤ ᠡᠵᠢ ᠪᠣᠯᠤᠭᠰᠠᠳᠤᠨ ᠠᠯᠳᠠᠰᠢ ᠪᠣᠯᠬᠤᠨᠢ ᠲᠡᠷᠡ ᠪᠢᠯᠡ ᠤᠤ！ ᠠᠷᠪᠠᠭ᠋ᠠᠳ ᠨᠠᠰᠤᠲᠠᠢ ᠬᠡᠦᠬᠡᠳ ᠵᠶ᠋ᠠᠨ ᠰᠤᠷᠭ᠋ᠠᠵᠦ ᠬᠦᠮᠦᠵᠢᠭᠦᠯᠵᠦ ᠲᠡᠶ᠋ᠢᠯᠬᠦ ᠦᠭᠡᠢ ᠪᠣᠯᠴᠢᠬᠠᠪᠠᠯ ᠬᠡᠦᠬᠡᠳ ᠴᠢᠨᠢ ᠬᠤᠷᠢ ᠬᠦᠷᠬᠦ ᠦᠶᠡᠰ ᠬᠡᠷᠬᠢᠨ ᠰᠤᠷᠭ᠋ᠠᠯᠲᠠᠢ ᠪᠢᠯᠡ？
《ᠨᠡᠶ᠋ᠢᠭᠡᠮ ᠠᠵᠢᠭᠯᠠᠯᠲᠠ》 ᠫᠷᠣᠭ᠌ᠷᠠᠮᠳᠤ ᠨᠡᠪᠳᠡᠷᠡᠭᠦᠯᠦᠭᠳᠠᠵᠦ ᠪᠠᠶ᠋ᠢᠭᠰᠠᠨ ᠵᠢᠷᠭᠤᠭ᠋ᠠᠨ ᠬᠦᠦ ᠥᠰᠭᠡᠵᠦ ᠪᠣᠶ᠋ᠢᠵᠢᠭᠤᠯᠤᠭᠰᠠᠨ ᠶᠡᠷᠡ ᠭᠠᠷᠤᠭᠰᠠᠨ ᠨᠢᠭᠡᠨ ᠨᠠᠰᠤᠳᠠᠨ᠂ ᠬᠦᠦᠳᠤᠪᠠᠨ ᠱᠠᠯᠠ ᠵᠢᠨ ᠵᠦᠯᠭᠦᠭᠦᠷᠤᠨ ᠠ᠋ᠰᠢᠪᠠᠷ ᠴᠣᠬᠢᠭᠳᠠᠵᠦ ᠪᠠᠶ᠋ᠢᠭᠰᠠᠨ ᠦᠵᠡᠭᠳᠡᠯᠨᠢ ᠬᠡᠦᠬᠡᠳ ᠵᠶ᠋ᠠᠨ ᠬᠦᠮᠦᠨ ᠪᠣᠯᠭ᠋ᠠᠨ ᠰᠤᠷᠭ᠋ᠠᠬᠤ ᠵᠢ ᠬᠢᠴᠢᠶᠡᠬᠦ ᠦᠭᠡᠢ ᠪᠠᠶ᠋ᠢᠭᠠ ᠠᠪᠤ ᠡᠵᠢᠳᠤ ᠰᠡᠷᠡᠮᠵᠢ ᠵᠢᠨ ᠲᠤᠬᠢᠶᠠ ᠪᠣᠯᠬᠤ ᠪᠤᠰᠤ ᠤᠤ？
6. ᠬᠡᠦᠬᠡᠳᠲᠤᠪᠠᠨ ᠣᠯᠠᠨ ᠨᠡᠶ᠋ᠢᠳᠡ ᠵᠢᠨ ᠲᠠᠯᠠᠪᠤᠷᠲᠤ ᠨᠠᠮ ᠵᠢᠮ ᠪᠠᠶ᠋ᠢᠬᠤ᠂ ᠬᠤᠭ ᠨᠤᠪᠰᠢ ᠵᠢ ᠠ᠋ᠷᠤᠢ ᠬᠤᠷᠤᠢ ᠦᠭᠡᠢ ᠬᠠᠶᠠᠭ᠍ᠤ ᠮᠠᠭᠤ ᠰᠤᠷᠲᠠᠯᠢ ᠲᠡᠪᠴᠢᠬᠦ ᠲᠤᠬᠠᠢ ᠬᠦᠮᠦᠵᠢᠯ ᠬᠢᠵᠦ ᠥᠩᠭᠡᠷᠡᠭᠰᠡᠨ ᠤᠤ？
ᠬᠡᠦᠬᠡᠳᠤᠨ ᠠ᠋ᠶ᠋ᠢᠮᠦᠷᠬᠦᠦ ᠤᠬᠠᠮᠰᠠᠷᠲᠤ ᠴᠢᠨᠡᠷᠢ ᠬᠠᠷᠠᠭ᠍ᠠᠨ ᠪᠠᠭᠠᠠᠴᠠᠨᠢ ᠬᠦᠮᠦᠵᠢᠭᠦᠯᠬᠦᠨᠢ ᠬᠤᠵᠢᠮᠤᠨ 《ᠪᠡᠴᠢᠨ ᠪᠠᠭᠰᠢ ᠡ᠊ᠨᠳᠡ ᠬᠦᠷᠳᠡᠯᠠ ᠵᠣᠷᠴᠢᠪᠠᠢ》 ᠭᠡᠵᠦ ᠪᠢᠴᠢᠬᠦ ᠬᠦᠮᠦᠨᠢ ᠬᠦᠮᠦᠵᠢᠭᠦᠯᠦᠨ ᠭᠠᠷᠭ᠋ᠠᠬᠤᠠᠴᠠ ᠵᠠᠶ᠋ᠢᠯᠠᠰᠬᠢᠬᠦ ᠠᠩᠬᠠᠨᠤ ᠠᠯᠬᠤᠮ ᠮᠥᠨ᠃
7. ᠬᠡᠦᠬᠡᠳᠤᠨ ᠵᠶ᠋ᠠᠨ ᠬᠠᠵᠠᠭᠤᠳᠤ ᠪᠤᠵᠠᠷ ᠪᠤᠯᠬᠢ ᠦᠭᠡ ᠶᠠᠷᠢᠳᠠᠭ ᠤᠤ？
ᠪᠢ ᠪᠠᠭᠠᠳᠤᠪᠠᠨ ᠴᠤᠭᠤᠷ ᠨᠤᠭᠤᠭᠠ ᠢᠳᠡᠬᠦ ᠲᠤᠷᠠ ᠦᠭᠡᠢ ᠪᠠᠶ᠋ᠢᠭᠰᠠᠨ᠂ ᠬᠤᠵᠢᠮᠨᠢ ᠠ᠋ᠨᠡ ᠨᠤᠭᠤᠭᠠ ᠵᠢ ᠢᠳᠡᠬᠦ ᠲᠤᠷᠠ ᠦᠭᠡᠢ ᠪᠤᠯᠤᠭᠰᠠᠨ ᠰᠢᠯᠳᠠᠭ᠋ᠠᠨ ᠵᠶ᠋ᠠᠨ ᠨᠢᠭᠳᠠᠯᠠᠭᠰᠠᠨ ᠴᠢᠨᠢ 《ᠡᠵᠢ ᠮᠢᠨᠢ ᠴᠤᠭᠤᠷ ᠨᠤᠭᠤᠭᠠ ᠢᠳᠡᠳᠡᠭ ᠦᠭᠡᠢ》ᠠᠴᠠ ᠪᠤᠯᠤᠭᠰᠠᠨ ᠪᠠᠶ᠋ᠢᠨᠠ᠃ ᠠ᠋ᠨᠡ ᠪᠤᠯ ᠲᠠᠷᠤᠢ ᠲᠠᠭᠤᠷᠢᠶᠠᠯᠤᠨ ᠬᠦᠴᠦᠨ ᠮᠥᠨ᠃ ᠣᠷᠴᠢᠮᠤᠨ ᠠ᠋ᠳᠦᠷ ᠵᠢᠷᠭᠢᠬᠡᠳᠤ ᠭᠤᠷᠪᠠ ᠲᠦᠷᠪᠠᠨ ᠨᠠᠰᠤᠳᠡᠢ ᠪᠤᠯᠤᠯᠳᠠᠢ᠂ ᠨᠢᠭᠡᠨ ᠵᠢᠭ᠋ᠠᠯ ᠬᠦᠦ ᠵᠣᠳᠤᠭ ᠠ᠋ᠮᠦᠰᠴᠦ ᠠᠬᠠᠲᠠᠢᠪᠠᠨ ᠪᠠᠷᠢᠯᠳᠤᠬᠤᠪᠠᠷ ᠣᠪᠤᠷᠵᠢᠭᠤᠨ ᠲᠦᠷᠬᠦ ᠭᠠᠷᠭ᠋ᠠᠵᠦ ᠪᠠᠶ᠋ᠢᠭᠰᠠᠨ ᠲᠦᠷᠰᠦ ᠪᠢᠴᠢᠯᠭᠡ ᠲᠠᠮᠵᠢᠭᠳᠠᠵᠤ ᠪᠠᠶ᠋ᠢᠭᠰᠠᠨ᠂ ᠠ᠋ᠨᠡ ᠵᠢᠭ᠋ᠠᠯ ᠬᠦᠦ ᠵᠢᠨ ᠭᠡᠷᠤᠨ ᠠᠬᠠᠮᠠᠳᠨᠢ ᠪᠦᠬᠡ ᠵᠢᠨ ᠪᠠᠭ᠍ᠠᠳᠠᠨ ᠪᠤᠶᠤ ᠠ᠋ᠰᠡᠭᠦᠯᠠ ᠪᠦᠬᠡᠴᠢᠨ ᠪᠣᠯᠬᠤᠨᠢ ᠭᠠᠷᠴᠠᠭᠠ ᠦᠭᠡᠢ᠃ ᠬᠠᠷᠠ ᠪᠠᠭᠠᠠᠴᠠᠪᠠᠨ ᠦᠵᠡᠵᠦ ᠬᠠᠷᠠᠵᠦ ᠨᠥᠯᠦᠭᠡᠯᠡᠭᠳᠡᠭᠰᠡᠨ ᠦᠭᠡᠢ ᠪᠤᠯ ᠪᠦᠬᠡᠴᠢᠨ ᠬᠦᠮᠦᠨᠤ ᠲᠡᠶ᠋ᠢᠮᠦ ᠤᠪᠣᠷᠢ ᠭᠠᠷᠭ᠋ᠠᠵᠦ ᠴᠦ᠍ ᠴᠢᠳᠠᠭ᠍ᠤ ᠦᠭᠡᠢᠨᠢ ᠮᠡᠳᠡᠭᠡᠵᠢ᠃ ᠠ᠋ᠷᠳᠡᠨᠠᠴᠠ ᠠᠭᠰᠠᠨ 《ᠰᠤᠷᠪᠤᠯᠵᠢᠳᠤ ᠪᠢᠴᠢᠭᠤᠨ ᠭᠡᠷ》 ᠴᠢᠨᠢ ᠴᠦ᠍ ᠠ᠋ᠶ᠋ᠢᠮᠦᠷᠬᠦᠦ ᠨᠥᠯᠦᠭᠡ᠂ ᠰᠤᠷᠭ᠋ᠠᠯ ᠬᠦᠮᠦᠵᠢᠯᠠᠴᠠ ᠯᠡ ᠤᠯᠠᠮᠵᠢᠯᠠᠭᠳᠠᠵᠤ ᠵᠠᠯᠭ᠋ᠠᠮᠵᠢᠯᠠᠭᠳᠠᠭᠰᠠᠨ ᠪᠠᠶ᠋ᠢᠬᠤ ᠡ！
ᠠ᠋ᠶ᠋ᠢᠮᠦᠠᠴᠠ ᠭᠡᠷᠤᠨ ᠠᠬᠠᠮᠠᠳᠤᠨ ᠪᠤᠵᠠᠷ ᠪᠤᠯᠬᠢ ᠦᠭᠡ ᠶᠠᠷᠢᠬᠤᠨᠢ ᠬᠡᠦᠬᠡᠳ ᠵᠶ᠋ᠠᠨ ᠨᠥᠯᠦᠭᠡᠯᠡᠵᠦ᠂ ᠬᠡᠦᠬᠡᠳᠨᠢ ᠪᠤᠵᠠᠷ ᠪᠤᠯᠬᠢ ᠦᠭᠡ ᠶᠠᠷᠢᠬᠤ ᠪᠤᠯᠤᠨᠠ᠃ ᠬᠡᠦᠬᠡᠳ ᠴᠢᠨᠢ ᠪᠤᠵᠠᠷ ᠪᠤᠯᠬᠢ ᠦᠭᠡ ᠶᠠᠷᠢᠨ ᠨᠥᠬᠦᠳᠤᠨ ᠵᠶ᠋ᠠᠨ ᠲᠤᠷᠠ ᠦᠭᠡᠶ᠋ᠢᠴᠡᠯᠢ ᠲᠡᠭᠳᠡᠭᠡᠨᠡ᠃ ᠠ᠋ᠭᠦᠨᠤ ᠤᠯᠠᠮᠠᠴᠠ ᠵᠢᠭᠰᠢᠵᠦ ᠭᠠᠳᠠᠭᠤᠷᠰᠢᠶᠠᠬᠳᠠᠬᠤ ᠪᠤᠯᠵᠤ ᠁ ᠬᠡᠦᠬᠡᠳᠲᠤ ᠴᠢᠨᠢ ᠨᠠᠵᠠᠭ᠋ᠠᠢ ᠠᠮᠢᠳᠤᠷᠠᠭ᠍ᠤᠢ ᠵᠢᠨ ᠦᠵᠡᠯᠳᠡ ᠵᠢ ᠪᠤᠢ ᠪᠤᠯᠭ᠋ᠠᠵᠦ ᠁ ᠠᠮᠢᠳᠤᠷᠠᠯᠤᠨ ᠤᠷᠴᠢᠨᠤ ᠠ᠋ᠷᠡᠭᠦᠯ ᠪᠤᠰᠤ ᠠᠭᠤᠷ ᠠᠮᠢᠰᠬᠤᠯᠢ ᠪᠦᠷᠢᠯᠳᠤᠭᠦᠯᠦᠨᠠ᠃
8. 《ᠠ᠋ᠨᠡ ᠬᠦᠦ ᠲᠠᠰᠬᠠᠯ ᠬᠢᠬᠦᠠᠴᠠᠪᠠᠨ ᠵᠠᠯᠬᠠᠭᠤᠷᠠᠭ᠋ᠠᠳ ᠡ ᠁》 ᠭᠡᠵᠦ ᠬᠡᠦᠬᠡᠳᠤᠨ ᠵᠶ᠋ᠠᠨ ᠬᠠᠵᠠᠭᠤᠳᠤ ᠶᠠᠷᠢᠵᠦ ᠥᠩᠭᠡᠷᠡᠪᠠ ᠤᠤ？
ᠣᠳᠤ ᠦᠶᠠ ᠵᠢᠨ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠤᠬᠠᠭ᠋ᠠᠨᠳᠠᠳᠠᠴᠠ 《ᠬᠡᠦᠬᠡᠳ ᠵᠶ᠋ᠠᠨ ᠢᠯᠡᠭᠦᠬᠡᠨ ᠮᠠᠭᠳᠠᠵᠦ ᠪᠠᠶ᠋ᠢᠭ᠋ᠠᠷᠠᠢ》 ᠬᠡᠮᠡᠨ ᠭᠡᠷᠤᠨ ᠠᠬᠠᠮᠠᠳ᠂ ᠪᠠᠭᠰᠢ ᠨᠠᠷᠲᠤ ᠰᠠᠨᠠᠭᠤᠯᠵᠦ ᠪᠠᠶ᠋ᠢᠳᠠᠭ᠃ ᠵᠠᠷᠢᠮ ᠬᠦᠮᠦᠨ ᠠ᠋ᠨᠡ ᠬᠦ᠌ ᠰᠠᠨᠠᠭᠤᠯᠭᠠ ᠵᠢᠨ ᠲᠣᠳᠤᠭ᠋ᠠᠳᠤ ᠮᠥᠨ ᠴᠢᠨᠠᠷᠢ ᠤᠬᠠᠯ ᠦᠭᠡᠢᠪᠠᠷ ᠬᠡᠢ ᠬᠤᠭᠤᠰᠤᠨ ᠵᠶ᠋ᠠᠷ ᠬᠡᠦᠬᠡᠳ ᠵᠶ᠋ᠠᠨ ᠮᠠᠭᠳᠠᠨ ᠠ᠋ᠷᠭᠦᠭᠰᠡᠨ ᠵᠶ᠋ᠠᠷ ᠲᠡᠷᠡ ᠬᠡᠦᠬᠡᠳᠨᠢ ᠬᠡᠳᠦ ᠬᠦᠪᠰᠦᠭᠡᠷ ᠬᠠᠭᠤᠳᠠᠮᠴᠢ ᠵᠠᠩᠲᠠᠢ ᠪᠤᠯᠵᠤ ᠤᠷᠬᠢᠳᠠᠭ᠃ ᠦᠨᠡᠨᠢ ᠬᠡᠯᠡᠬᠦᠳᠤ ᠠ᠋ᠨᠡ ᠬᠦ᠌ 《ᠮᠠᠭᠳᠠᠭ᠋ᠠᠯ》 ᠬᠡᠬᠦ ᠦᠭᠡᠨᠢ ᠬᠡᠦᠬᠡᠳᠲᠤᠪᠠᠨ ᠢᠳᠡᠪᠬᠢ ᠰᠤᠷᠠᠭ ᠲᠤᠬᠢᠶᠠ ᠲᠠᠮᠵᠢᠭᠤᠯᠵᠦ᠂ ᠲᠡᠳᠡᠨᠳᠤ ᠤᠷᠮᠠ ᠬᠠᠶ᠋ᠢᠷᠠᠯᠠᠵᠦ᠂ ᠳᠡᠳᠡᠨᠤ ᠢᠳᠡᠪᠬᠢᠵᠢᠯᠢ ᠪᠠᠳᠠᠷᠠᠭᠤᠯᠵᠦ ᠪᠠᠶ᠋ᠢᠭ᠋ᠠᠴᠢ ᠭᠡᠰᠡᠨ ᠰᠠᠨᠠᠭᠠ ᠪᠢᠯᠡ᠃
ᠲᠡᠭᠡᠬᠦᠳᠤ ᠭᠡᠷᠤᠨ ᠠᠬᠠᠮᠠᠳᠤᠨ ᠶᠠᠷᠢᠭᠰᠠᠨ᠂ 《ᠠ᠋ᠨᠡ ᠬᠦᠦ ᠲᠠᠰᠬᠠᠯ ᠬᠢᠬᠦᠠᠴᠠᠪᠠᠨ ᠵᠠᠯᠬᠠᠭᠤᠷᠠᠭ᠋ᠠᠳ ᠡ ᠁》 ᠭᠡᠬᠦ ᠦᠭᠡ ᠴᠢᠨᠢ ᠬᠡᠦᠬᠡᠳᠲᠤ 《ᠪᠢ ᠲᠠᠰᠬᠠᠯ ᠬᠢᠬᠦᠠᠴᠠ ᠵᠠᠯᠬᠠᠭᠤᠷᠠᠨᠠ》 ᠬᠡᠬᠦ ᠲᠠᠯᠳᠠ ᠰᠤᠷᠠᠭ ᠲᠤᠬᠢᠶᠠ ᠵᠢ ᠬᠠᠩᠭ᠋ᠠᠵᠦ᠂ ᠠ᠋ᠭᠦᠨᠤ ᠤᠯᠠᠮᠠᠴᠠ ᠲᠠᠰᠬᠠᠯ ᠵᠶ᠋ᠠᠨ ᠨᠠᠩ ᠬᠢᠬᠦ ᠲᠤᠷᠠ ᠦᠭᠡᠢ ᠪᠤᠯᠤᠨᠠ᠃ ᠬᠠᠷᠢᠨ ᠠ᠋ᠬᠦᠨᠤ ᠠ᠋ᠰᠡᠷᠭᠦᠪᠠᠷ 《ᠮᠢᠨᠦ ᠬᠦᠦ ᠲᠠᠰᠬᠠᠯ ᠵᠶ᠋ᠠᠨ ᠲᠤᠩ ᠢᠳᠡᠪᠬᠢᠳᠡᠢ ᠪᠡᠶᠡᠯᠡᠬᠦᠯᠬᠦ ᠪᠤᠯᠤᠭᠰᠠᠨ》 《ᠵᠠᠯᠬᠠᠭᠤᠷᠠᠭ᠍ᠤᠪᠠᠨ ᠪᠠᠶ᠋ᠢᠭᠰᠠᠨ》 ᠭᠡᠵᠦ ᠬᠡᠯᠡᠪᠠᠯ ᠬᠡᠦᠬᠡᠳᠲᠤ ᠴᠢᠨᠢ ᠨᠢᠭᠡ ᠶᠤᠰᠤᠨᠤ ᠢᠳᠡᠪᠬᠢ ᠰᠤᠷᠠᠭ ᠵᠠᠩᠬᠢ ᠪᠤᠯᠵᠦ᠂ ᠬᠡᠦᠬᠡᠳ ᠴᠦ᠍ ᠵᠠᠯᠬᠠᠭᠤᠷᠠᠵᠦ ᠬᠤᠶ᠋ᠢᠷᠭᠤᠰᠢᠬᠤᠪᠠᠨ ᠪᠤᠯᠢᠨᠠ᠃
ᠠ᠋ᠶ᠋ᠢᠮᠦᠠᠴᠠ ᠭᠡᠷᠤᠨ ᠠᠬᠠᠮᠠᠳ ᠪᠣᠯᠤᠭᠰᠠᠳ ᠥᠪᠡᠷᠤᠨ ᠦᠷᠡ ᠬᠡᠦᠬᠡᠳ ᠵᠶ᠋ᠠᠨ ᠨᠡᠩ ᠥᠩᠭᠡᠲᠠᠢ᠂ ᠥᠭᠡᠳᠡᠲᠠᠢ ᠶᠠᠪᠤᠭᠤᠯᠤᠶᠠ ᠬᠡᠪᠡᠯ ᠬᠡᠦᠬᠡᠳᠲᠤᠪᠠᠨ ᠨᠢᠯᠬᠠ ᠪᠠᠭᠠᠠᠴᠠᠨᠢ ᠵᠥᠪ ᠰᠠᠶ᠋ᠢᠬᠠᠨ ᠬᠦᠮᠦᠵᠢᠯ ᠬᠢᠵᠦ᠂ ᠥᠪᠡᠷᠤᠨ ᠴᠢᠨᠢ ᠦᠭᠡ ᠶᠠᠷᠢᠶᠠ᠂ ᠦᠢ᠍ᠯᠡ ᠠᠵᠢᠯᠯᠠᠭᠠ᠂ ᠤᠪᠤᠷ ᠪᠠᠶ᠋ᠢᠳᠠᠯ ᠴᠢᠨᠢ ᠲᠡᠷᠭᠡᠳᠡ ᠴᠢᠨᠢ ᠪᠠᠶ᠋ᠢᠭᠠ ᠦᠷᠡ ᠬᠡᠦᠬᠡᠳᠤᠨ ᠴᠢᠨᠢ ᠲᠠᠭᠤᠷᠢᠶᠠᠯ ᠪᠤᠯᠤᠨᠠ ᠭᠡᠳᠡᠭᠢ ᠴᠠᠭ ᠢᠮᠠᠭᠳᠠ ᠠᠩᠬᠠᠷᠬᠤ ᠴᠢᠬᠤᠯᠠᠲᠠᠢ᠃
ᠠᠰᠠᠭᠤᠳᠠᠯ ᠬᠤᠶᠠᠷ᠂ ᠨᠡᠶ᠋ᠢᠬᠡᠮ ᠤᠷᠴᠢᠨᠤ ᠰᠤᠷᠭ᠋ᠠᠨ ᠬᠦᠮᠦᠵᠢᠯ
ᠨᠢᠭᠡ ᠬᠦᠮᠦᠨᠤ ᠦᠰᠴᠦ ᠲᠦᠷᠦᠭᠰᠡᠨ ᠣᠷᠴᠢᠨ᠂ ᠨᠠᠶ᠋ᠢᠵᠠ ᠵᠢᠨ ᠲᠣᠭᠤᠷᠢᠭ᠂ ᠨᠡᠶ᠋ᠢᠭᠡᠮᠤᠨ ᠬᠠᠷᠢᠯᠴᠠᠭᠠ ᠶᠠᠪᠤᠯᠴᠠᠭᠠ ᠵᠢᠴᠢ ᠠᠮᠢᠳᠤᠷᠠᠯᠤᠨ ᠲᠤᠮᠳᠠᠬᠢ ᠤᠴᠠᠷᠠᠯ ᠲᠣᠬᠢᠶᠠᠯᠳᠤᠯᠨᠢ ᠬᠦᠮᠦᠨᠤ ᠵᠠᠩ ᠠᠷᠠᠨᠰᠢᠨ᠂ ᠠᠮᠢᠳᠤᠷᠠᠭ᠍ᠤᠢ ᠵᠢᠨ ᠦᠵᠡᠯᠳᠡ ᠵᠢᠨ ᠪᠦᠷᠢᠯᠳᠦᠯ ᠬᠢᠭᠡᠳ ᠲᠤᠷᠠ ᠰᠣᠨᠢᠷᠬᠠᠯ ᠵᠡᠷᠭᠡᠳᠤ ᠵᠤᠬᠢᠬᠤ ᠨᠥᠯᠦᠭᠡ ᠪᠤᠯᠳᠠᠭ᠃ ᠶᠠᠭ᠋ᠠᠬᠢᠭ᠋ᠠᠳ ᠬᠤᠷᠴᠢᠨ ᠨᠤᠳᠤᠭᠤᠨ ᠬᠦᠮᠦᠰ ᠠᠷᠠᠳᠤᠨ ᠲᠠᠭᠤᠤ᠂ ᠬᠤᠭᠤᠷᠤᠨ ᠦᠯᠢᠭᠡᠷᠲᠤ ᠣᠨᠴᠠᠭ᠋ᠠᠢ ᠠᠪᠢᠶᠠᠰᠯᠢᠭ ᠪᠠᠶ᠋ᠢᠳᠠᠭ ᠪᠤᠢ？ ᠠ᠋ᠨᠡᠨᠢ ᠲᠠᠷᠤᠢ ᠥᠰᠴᠦ ᠲᠦᠷᠦᠭᠰᠡᠨ ᠨᠡᠶ᠋ᠢᠭᠡᠮ ᠣᠷᠴᠢᠨᠤ ᠨᠥᠯᠦᠭᠡ᠂ ᠰᠤᠶᠤᠯᠤᠨ ᠠᠭᠤᠷ ᠠᠮᠢᠰᠬᠤᠯᠠᠴᠠ ᠪᠤᠯᠤᠭᠰᠠᠨᠨᠢ ᠭᠠᠷᠴᠠᠭᠠ ᠦᠭᠡᠢ᠃
《ᠤᠲᠠᠢ ᠤᠶ᠋ᠢᠷᠠᠳᠪᠠᠯ ᠴᠠᠶ᠋ᠢᠷᠠᠨᠠ᠂ ᠬᠦ᠋ᠲᠠᠢ ᠤᠶ᠋ᠢᠷᠠᠳᠪᠠᠯ ᠬᠠᠷᠠᠯᠠᠨᠠ》 ᠭᠡᠭᠴᠢᠪᠠᠷ 《ᠮᠸᠩᠽᠢ ᠵᠢᠨ ᠠ᠋ᠬᠡ ᠵᠢᠨ ᠭᠤᠷᠪᠠᠨᠳᠠ ᠨᠡᠭᠦᠭᠰᠡᠨ ᠦᠯᠢᠭᠡᠷ》ᠨᠢ ᠨᠡᠶ᠋ᠢᠭᠡᠮ ᠤᠷᠴᠢᠨᠤ ᠬᠦᠮᠦᠨᠳᠤ ᠦᠵᠡᠬᠦᠯᠬᠦ ᠨᠥᠯᠦᠭᠡ ᠵᠢᠨ ᠪᠣᠳᠠᠳᠤ ᠲᠤᠰᠬᠠᠯ ᠪᠤᠯᠬᠤ ᠪᠢᠰᠢ ᠤᠤ？
ᠲᠤᠮᠳᠠᠳᠤ ᠪᠠᠭᠠ ᠰᠤᠷᠭ᠋ᠠᠭᠤᠯᠢ ᠵᠢᠨ ᠰᠤᠷᠤᠭᠴᠢᠳ ᠪᠤᠯ ᠨᠠᠰᠤ ᠪᠠᠭᠠ ᠴᠢᠰᠦ ᠰᠢᠩᠬᠡᠨ᠂ ᠵᠥᠪ ᠪᠤᠷᠤᠭᠤ ᠵᠢᠨ ᠲᠤᠬᠠᠢ ᠮᠠᠭ᠋ᠠᠳᠯᠠᠭ᠍ᠤ ᠴᠢᠳᠠᠪᠤᠷᠢ ᠳᠤᠯᠢᠮᠠᠭ ᠪᠠᠶ᠋ᠢᠳᠠᠭᠠᠴᠠ ᠥᠩᠭᠡᠪᠴᠢ ᠵᠦᠢ᠍ᠯᠳᠤ ᠠᠮᠠᠷᠬᠠᠨ ᠬᠠᠭᠤᠷᠳᠠᠵᠤ᠂ ᠰᠤᠬᠤᠷ ᠪᠠᠯᠠᠢᠪᠠᠷ ᠪᠢᠰᠢᠷᠡᠨ᠂ ᠳᠡᠳᠡᠨ ᠵᠶ᠋ᠠᠷ ᠲᠠᠭᠤᠷᠢᠶᠠᠯ ᠪᠤᠯᠭ᠋ᠠᠳᠠᠬ ᠪᠠᠶ᠋ᠢᠨᠠ᠃ ᠠ᠋ᠨᠡ ᠪᠤᠯ ᠲᠠᠷᠤᠢ ᠨᠡᠶ᠋ᠢᠭᠡᠮᠤᠨ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠠᠴᠠ ᠬᠡᠦᠭᠡᠳ ᠪᠠᠭ᠋ᠠᠴᠤᠳᠲᠤ ᠦᠵᠡᠭᠦᠯᠦᠭᠰᠡᠨ ᠨᠠᠵᠠᠭ᠋ᠠᠢ ᠨᠥᠯᠦᠭᠡ ᠪᠤᠯᠤᠨᠠ᠃
ᠲᠡᠭᠡᠪᠡᠯ ᠨᠡᠶ᠋ᠢᠭᠡᠮᠤᠨ ᠰᠤᠷᠭ᠋ᠠᠨ ᠬᠦᠮᠦᠵᠢᠯ ᠴᠣᠬᠤᠮ ᠶᠠᠮᠠᠷ ᠪᠠᠶ᠋ᠢᠪᠠᠯ ᠵᠤᠬᠢᠬᠤ ᠪᠤᠢ？ ᠺᠤᠷᠢᠶᠠ ᠵᠢᠨ ᠲᠧᠯᠸᠢᠰ ᠵᠦᠴᠦᠭᠡ ᠵᠢ ᠣᠯᠠᠨᠳᠠ ᠰᠣᠨᠢᠷᠬᠠᠳᠠᠭ ᠬᠦᠮᠦᠨ ᠲᠡᠳᠡᠭᠡᠷ ᠵᠦᠴᠦᠭᠡ ᠵᠢᠨ ᠤᠬᠠᠭᠤᠯᠬᠤ ᠴᠢᠨᠠᠷ ᠬᠢᠭᠡᠳ ᠰᠤᠷᠭ᠋ᠠᠨ ᠬᠦᠮᠦᠵᠢᠭᠦᠯᠬᠦ ᠴᠢᠨᠠᠷᠢ ᠭᠠᠶ᠋ᠢᠬᠠᠬᠤ ᠤᠴᠢᠷᠳᠠᠢ᠃ ᠠᠳᠡ ᠵᠦᠴᠦᠭᠡ ᠵᠢᠨ ᠬᠡᠰᠡᠭ ᠦᠵᠡᠭᠳᠡᠯᠢ ᠴᠤᠬᠤᠰ ᠲᠤᠷᠠᠳᠪᠠᠯ᠄ ᠠᠮᠢᠳᠤᠷᠠᠯᠤᠨ ᠶᠠᠳᠠᠭᠤ ᠬᠦᠴᠢᠷᠳᠡᠯᠳᠤ ᠲᠤᠯᠭ᠋ᠠᠮᠳᠠᠭᠰᠠᠨ ᠨᠢᠭᠡ ᠡᠵᠢ᠂ ᠪᠠᠭᠠ ᠰᠤᠷᠭ᠋ᠠᠭᠤᠯᠢ ᠵᠢᠨ ᠲᠠᠮᠢᠷᠤᠨ ᠬᠦᠳᠡᠯᠭᠡᠭᠡᠨᠳᠤ ᠤᠷᠤᠯᠴᠠᠭ᠍ᠤ ᠭᠡᠵᠦ ᠪᠠᠶ᠋ᠢᠭᠠ ᠬᠦᠦᠳᠤᠪᠠᠨ ᠱᠠᠭ᠍ᠠᠢ ᠠᠪᠴᠦ ᠥᠭᠬᠦ ᠵᠤᠭᠤᠰ ᠦᠭᠡᠢ ᠭᠠᠴᠢᠭᠳᠠᠭ᠍ᠤᠳᠤᠪᠠᠨ ᠴᠢᠯᠦᠭᠡᠳᠦ ᠲᠡᠯᠭᠡᠭᠦᠷᠠᠴᠠ ᠱᠠᠭ᠍ᠠᠢ ᠬᠤᠯᠠᠭ᠋ᠠᠶ᠋ᠢᠯᠠᠭ᠋ᠠᠳ ᠪᠠᠷᠢᠭᠳᠠᠭᠰᠠᠨ ᠪᠠᠶ᠋ᠢᠨᠠ᠃ ᠲᠡᠭᠡᠬᠦᠳᠤ ᠲᠡᠯᠭᠡᠭᠦᠷᠤᠨ ᠦᠢ᠍ᠯᠡᠴᠢᠯᠡᠭᠴᠢ ᠶᠡᠬᠡᠳᠡ ᠠᠭᠤᠷᠯᠠᠵᠦ᠂ ᠲᠡᠷᠡ ᠬᠦᠭᠡᠷᠦᠬᠦᠢ ᠠ᠋ᠮᠡᠭᠳᠡᠢ ᠵᠢ ᠬᠤᠷᠤᠭᠤᠪᠠᠷ ᠵᠢᠭ᠋ᠠᠨ ᠬᠠᠷᠢᠶᠠᠭ᠍ᠤ ᠵᠢ ᠵᠠᠪᠳᠤᠳᠠᠯᠠ ᠤᠴᠢᠷᠢ ᠣᠶ᠋ᠢᠯᠠᠭ᠋ᠠᠭᠰᠠᠨ ᠲᠡᠯᠭᠡᠭᠦᠷᠤᠨ ᠲᠠᠭ᠋ᠠᠭ᠋ᠠᠮᠠᠯ ᠠ᠋ᠶᠡᠯᠳᠡᠭ ᠵᠶ᠋ᠠᠷ ᠢᠨᠢᠶᠡᠮᠰᠦᠭᠯᠡᠨ᠄ 《ᠮᠠᠨᠤ ᠳᠡᠯᠭᠡᠭᠦᠷᠨᠢ ᠥᠨᠦᠳᠦᠷ ᠶᠠᠭ ᠰᠠᠶᠢᠬᠠᠨ 〈ᠠᠵᠠᠳᠡᠢ ᠬᠤᠳᠠᠯᠳᠤᠨ ᠠᠪᠤᠭᠴᠢ〉 ᠰᠤᠩᠭᠤᠬᠤ ᠬᠦᠳᠡᠯᠭᠡᠭᠡᠨ ᠦᠷᠨᠢᠭᠦᠯᠵᠦ ᠪᠠᠶ᠋ᠢᠨᠠ᠃ ᠲᠠ ᠪᠤᠯ ᠥᠨᠦᠳᠦᠷᠤᠨ ᠳᠠᠪᠢᠳᠠᠬᠢ 〈ᠠᠵᠠᠲᠠᠢ ᠬᠤᠳᠠᠯᠳᠤᠨ ᠠᠪᠤᠭᠴᠢ〉 ᠮᠥᠨ》 ᠭᠡᠳ ᠪᠢᠴᠢᠬᠠᠨ ᠬᠦᠦᠳᠤᠨᠢ ᠨᠢᠭᠡ ᠬᠤᠤᠰ ᠲᠠᠮᠢᠷᠤᠨ ᠱᠠᠭ᠍ᠠᠢ ᠪᠡᠯᠡᠭᠯᠡᠭᠰᠡᠨ ᠪᠠᠶ᠋ᠢᠨᠠ᠃ ᠠ᠋ᠨᠡ ᠪᠤᠯ ᠰᠠᠶᠢ ᠵᠢᠩᠬᠢᠨᠢ ᠨᠡᠶ᠋ᠢᠭᠡᠮ ᠣᠷᠴᠢᠨᠤ ᠰᠤᠷᠭ᠋ᠠᠨ ᠬᠦᠮᠦᠵᠢᠯ ᠮᠥᠨ᠃ ᠳᠡᠯᠭᠡᠭᠦᠷᠤᠨ ᠲᠠᠭ᠋ᠠᠭ᠋ᠠᠮᠠᠯᠤᠨ ᠠ᠋ᠨᠡ ᠬᠦ᠌ ᠦᠢ᠍ᠯᠡ ᠠᠵᠢᠯᠯᠠᠭᠠᠨᠢ ᠦᠷᠡ ᠬᠤᠶ᠋ᠢᠴᠢᠪᠠᠨ ᠠ᠋ᠷᠡᠭᠦᠯ ᠰᠠᠷᠠᠭᠤᠯ ᠤᠬᠠᠭ᠋ᠠᠨᠲᠠᠢ᠂ ᠨᠡᠶ᠋ᠢᠬᠡᠮᠤᠨ ᠬᠠᠯᠠᠭᠤᠨ ᠲᠤᠯᠠᠭ᠋ᠠᠨᠢ ᠵᠢᠷᠦᠬᠡᠪᠠᠷ ᠵᠶ᠋ᠠᠨ ᠮᠡᠳᠡᠷᠡᠵᠦ ᠲᠡᠶ᠋ᠢᠯᠦᠭᠰᠡᠨ᠂ ᠰᠡᠳᠬᠢᠯᠳᠤᠪᠠᠨ ᠰᠡᠪ ᠦᠭᠡᠢ᠂ ᠵᠥᠪ ᠰᠡᠳᠬᠢᠴᠡᠲᠠᠢ ᠬᠦᠮᠦᠨ ᠪᠤᠯᠭ᠋ᠠᠨ ᠬᠦᠮᠦᠵᠢᠭᠦᠯᠬᠦ ᠬᠠᠮᠤᠭᠤᠨ ᠨᠠᠨᠳᠢᠨ ᠬᠢᠴᠢᠶᠡᠯ ᠪᠤᠯᠬᠤ ᠶᠤᠰᠤᠳᠠᠢ᠃ ᠠ᠋ᠰᠡ ᠲᠡᠶ᠋ᠢᠮᠦ ᠪᠤᠯ 《ᠬᠤᠯᠠᠭ᠋ᠠᠶ᠋ᠢᠴᠢ》 ᠭᠡᠳ ᠬᠠᠷᠢᠶᠠᠭᠳᠠᠴᠢᠬᠠᠭᠰᠠᠨ ᠡᠵᠢᠨᠢ ᠬᠦᠦ ᠵᠢᠨ ᠰᠡᠳᠬᠢᠯᠳᠤ ᠶᠠᠮᠠᠷ ᠪᠠᠶ᠋ᠢᠷᠢ ᠰᠠᠭᠤᠷᠢᠲᠠᠢ ᠪᠠᠶ᠋ᠢᠵᠦ᠂ ᠬᠦᠦᠪᠠᠨ ᠬᠡᠷᠬᠢᠨ ᠵᠥᠪ ᠰᠠᠶ᠋ᠢᠬᠠᠨ ᠬᠦᠮᠦᠵᠢᠭᠦᠯᠵᠦ ᠳᠡᠶ᠋ᠢᠯᠬᠦ ᠪᠢᠯᠡ？
ᠠ᠋ᠶ᠋ᠢᠮᠦᠠᠴᠠ ᠨᠡᠶ᠋ᠢᠭᠡᠮᠤᠨ ᠭᠡᠰᠢᠬᠦᠨ ᠨᠢᠭᠡ ᠪᠦᠷᠢ ᠵᠠᠪᠠᠯ ᠤᠯᠤᠰ ᠦᠨᠳᠦᠰᠦᠲᠡᠨᠳᠤᠪᠠᠨ ᠬᠠᠷᠢᠭᠤᠴᠠᠭ᠍ᠤ ᠤᠪᠤᠷ ᠵᠶ᠋ᠠᠷ ᠦᠨᠳᠦᠰᠦᠲᠡᠨᠤ ᠦᠷᠡ ᠬᠤᠶ᠋ᠢᠴᠢᠰᠲᠤᠪᠠᠨ ᠵᠥᠪ ᠶᠣᠰᠤᠨᠤ ᠲᠠᠭ᠋ᠠᠭᠤᠯᠤᠭᠴᠢ ᠪᠤᠯᠬᠤᠪᠠᠷ ᠪᠡᠶᠡᠪᠠᠨ ᠱᠠᠭ᠋ᠠᠷᠳᠠᠭ᠍ᠤ ᠶᠤᠰᠤᠲᠡᠢ᠃
ᠠᠰᠠᠭᠤᠳᠠᠯ ᠭᠤᠷᠪᠠ᠂ ᠰᠤᠷᠭ᠋ᠠᠭᠤᠯᠢ ᠵᠢᠨ ᠰᠤᠷᠭ᠋ᠠᠨ ᠬᠦᠮᠦᠵᠢᠯ
ᠰᠤᠷᠭ᠋ᠠᠭᠤᠯᠢ ᠵᠢᠨ ᠰᠤᠷᠭ᠋ᠠᠨ ᠬᠦᠮᠦᠵᠢᠯ ᠪᠤᠯ 《ᠭᠤᠷᠪᠠ ᠤᠶᠠᠯᠳᠤᠭᠰᠠᠨ》 ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠲᠤᠮᠳᠠᠬᠢ ᠴᠢᠬᠤᠯᠠ ᠨᠢᠭᠡᠨ ᠭᠤᠭᠴᠤᠭᠠ ᠪᠤᠯᠤᠨᠠ᠃ ᠬᠦᠮᠦᠨ ᠪᠦᠬᠦᠨ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠳᠡᠨ ᠪᠤᠰᠤ ᠤᠴᠢᠷᠠᠴᠠ ᠭᠡᠷ ᠪᠦᠯᠢ ᠵᠢᠨ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠶᠠᠪᠤᠴᠠᠳᠤ ᠠ᠋ᠳᠦᠢ ᠲᠡᠳᠦᠢ ᠠᠰᠠᠭᠤᠳᠠᠯ ᠤᠷᠤᠰᠢᠬᠤᠨᠢ ᠲᠠᠮᠵᠢᠭ ᠦᠭᠡᠢ᠃ ᠠ᠋ᠨᠡ ᠬᠦ᠌ ᠲᠤᠳᠠᠭᠤ ᠮᠥᠴᠢᠳ ᠵᠦᠢ᠍ᠯᠢ ᠨᠥᠬᠦᠪᠦᠷᠢᠯᠡᠨ᠂ ᠰᠤᠷᠭ᠋ᠠᠭᠤᠯᠢ᠂ ᠭᠡᠷ ᠪᠦᠯᠢ ᠵᠢᠨ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠬᠤᠭᠤᠷᠤᠨᠳᠤᠬᠢ ᠬᠤᠯᠪᠤᠭ᠋ᠠᠰᠤ ᠵᠢ ᠠ᠋ᠷᠴᠢᠮᠵᠢᠭᠦᠯᠦᠨ ᠨᠡᠶ᠋ᠢᠳᠭᠡᠬᠦ ᠠ᠋ᠭᠦᠷᠭᠡ ᠪᠠᠭᠰᠢ ᠪᠤᠯᠤᠭᠰᠠᠳᠤᠨ ᠮᠥᠷᠦᠨᠳᠤ ᠲᠠᠯᠪᠢᠭᠳᠠᠭ᠍ᠤ ᠣᠴᠢᠷᠳᠡᠢ᠃ ᠨᠥᠬᠦᠷ ᠰᠢ ᠵᠢᠨ ᠫᠢᠩᠠᠴᠠ 《ᠬᠦᠮᠦᠨᠳᠤ ᠨᠢᠭᠡ ᠰᠠᠶ᠋ᠢᠨ ᠪᠠᠭᠰᠢ ᠲᠤᠬᠢᠶᠠᠯᠳᠤᠬᠤᠨᠢ ᠨᠢᠭᠡ ᠨᠠᠰᠤᠨᠤ ᠠᠵᠠ ᠵᠠᠪᠰᠢᠶᠠᠨ ᠮᠥᠨ》 ᠭᠡᠵᠦ ᠬᠡᠯᠡᠭᠰᠡᠨᠴᠢᠯᠠᠨ ᠨᠢᠭᠡ ᠬᠦᠮᠦᠨᠤ ᠰᠤᠷᠤᠯᠭᠠ ᠵᠢᠨ ᠱᠠᠳᠤ ᠪᠦᠷᠢᠳᠤ ᠰᠠᠶ᠋ᠢᠨ ᠪᠠᠭᠰᠢ ᠲᠤᠬᠢᠶᠠᠯᠳᠤᠨᠠ ᠭᠡᠭᠴᠢ ᠬᠡᠴᠢᠨᠡᠭᠡᠨ ᠶᠡᠭᠡ ᠠᠵᠠ ᠵᠠᠪᠰᠢᠶᠠᠨ ᠪᠢᠯᠡ᠃
ᠨᠢᠭᠡᠨ ᠰᠤᠷᠭ᠋ᠠᠭᠤᠯᠢ ᠵᠢᠨ ᠰᠤᠷᠭ᠋ᠠᠭᠤᠯᠢ ᠠ᠋ᠷᠬᠢᠯᠡᠵᠦ ᠪᠠᠶ᠋ᠢᠭᠠ ᠠᠷᠭᠠ ᠠᠪᠴᠠᠯ᠂ ᠵᠢᠭ᠋ᠠᠨ ᠰᠤᠷᠭ᠋ᠠᠯᠳᠠᠳᠤ ᠬᠠᠨᠳᠤᠬᠤ ᠤᠪᠤᠷ ᠵᠡᠷᠭᠡᠨᠢ ᠰᠤᠷᠤᠭᠴᠢ ᠵᠢ ᠨᠥᠯᠦᠭᠡᠯᠡᠳᠡᠭ ᠮᠦᠷᠳᠡᠭᠡᠨ ᠨᠡᠩ ᠢᠯᠡᠩᠭᠤᠶᠡ ᠪᠠᠭᠰᠢ ᠨᠠᠷᠤᠨ ᠠᠰᠠᠭᠤᠳᠠᠯᠢ ᠰᠢᠢ᠍ᠳᠪᠦᠷᠢᠯᠡᠬᠦ ᠠᠷᠭᠠ ᠠᠪᠴᠠᠯ᠂ ᠤᠴᠢᠷ ᠶᠠᠪᠤᠳᠠᠯᠳᠤ ᠬᠠᠨᠳᠤᠬᠤ ᠣᠪᠤᠷ ᠦᠵᠡᠯᠳᠡ᠂ ᠮᠡᠳᠡᠯᠭᠡ ᠤᠯᠠᠮᠵᠢᠯᠠᠭ᠍ᠤ ᠠᠷᠭᠠ ᠪᠠᠷᠢᠯ᠂ ᠬᠦᠮᠦᠨ ᠮᠦᠰᠦᠨᠤ ᠢᠯᠡᠷᠡᠭᠦᠯᠦᠯ᠂ ᠭᠤᠸᠠ ᠲᠠᠭ᠋ᠠᠰᠢᠶᠠᠯᠤᠨ ᠴᠢᠳᠠᠪᠤᠷᠢ ᠵᠡᠷᠭᠡᠨᠢ ᠰᠤᠷᠤᠭᠴᠢᠳᠢ ᠰᠢᠭᠤᠳ ᠨᠥᠯᠦᠭᠡᠯᠡᠳᠡᠭ᠃ ᠵᠢᠱ᠌ᠢᠶᠡᠯᠡᠪᠠᠯ᠄ ᠠᠩᠬᠠ ᠵᠡᠷᠭᠡ ᠵᠢᠨ ᠲᠤᠮᠳᠠᠳᠤ ᠰᠤᠷᠭ᠋ᠠᠭᠤᠯᠢᠳᠤ ᠠ᠋ᠯᠰᠡᠭᠳᠡᠭᠰᠡᠨ ᠲᠦᠴᠢᠨ ᠬᠤᠶᠠᠷ ᠰᠤᠷᠤᠭᠴᠢ ᠨᠢᠭᠡᠨ ᠰᠢᠨᠠ ᠠᠩᠬᠢ ᠵᠢᠨ ᠠ᠋ᠷᠬᠢᠯᠡᠭᠴᠢ ᠵᠢᠨ ᠠᠩᠬᠢᠳᠤ ᠬᠤᠪᠢᠶᠠᠭᠳᠠᠵᠡᠢ᠃ ᠨᠢᠭᠡᠳᠦᠭᠡᠷ ᠵᠢᠯᠳᠤ ᠪᠠᠭᠰᠢ ᠨᠠᠷᠨᠢ ᠴᠦᠮ ᠠ᠋ᠨᠡ ᠠᠨᠭ᠌ᠬᠢ ᠵᠢᠨ ᠰᠤᠷᠤᠭᠴᠢᠳᠢ ᠰᠡᠷᠭᠦᠯᠡᠩ ᠴᠤᠪᠤᠭᠤ᠂ ᠬᠤᠷᠴᠠᠯᠢᠭ ᠬᠡᠦᠭᠡᠳ ᠭᠡᠵᠦ ᠦᠨᠡᠯᠡᠵᠦ ᠪᠠᠶ᠋ᠢᠵᠠᠢ᠃ ᠬᠤᠶᠠᠳᠤᠭ᠋ᠠᠷ ᠵᠢᠯᠤᠨ ᠲᠤᠤᠷᠠᠳᠤ ᠰᠤᠷᠤᠯᠭᠠ ᠵᠢᠨ ᠬᠤᠭᠤᠴᠠᠭᠠ ᠪᠤᠯᠬᠤᠳᠤ ᠲᠤᠰ ᠠᠩᠬᠢ ᠵᠢᠨ ᠰᠤᠷᠤᠭᠴᠢᠳᠤᠨ ᠰᠤᠷᠤᠯᠭᠠ ᠵᠢᠨ ᠬᠢᠷᠢ ᠬᠡᠮᠵᠢᠶᠡ ᠨᠡᠶ᠋ᠢᠳᠡᠮ ᠲᠤᠷᠤᠭᠰᠢᠯᠠᠨ᠂ ᠪᠠᠭᠰᠢᠲᠠᠢᠪᠠᠨ ᠦᠰᠢᠯᠳᠦᠬᠦ᠂ ᠬᠢᠴᠢᠶᠡᠯ ᠲᠡᠭᠡᠷᠡ ᠤᠨᠳᠠᠭ᠍ᠤ᠂ ᠪᠠᠭᠰᠢᠪᠠᠨ ᠬᠠᠷᠢᠶᠠᠭ᠍ᠤ᠂ ᠬᠢᠴᠢᠶᠡᠯ ᠲᠠᠪᠳᠠᠯᠭᠠ ᠵᠢᠨ ᠰᠠᠬᠢᠯᠭᠠ ᠵᠢ ᠰᠠᠬᠢᠬᠤ ᠦᠭᠡᠢ ᠦᠵᠡᠭᠳᠡᠯ ᠪᠠᠶ᠋ᠢᠩᠭᠤ ᠢᠯᠡᠷᠡᠭᠦ ᠪᠤᠯᠵᠦ᠂ ᠠᠩᠬᠢ ᠵᠢᠨ ᠪᠠᠭᠰᠢᠨᠢ ᠪᠠᠶ᠋ᠢᠳᠤᠭ᠋ᠠᠢ᠂ ᠰᠤᠷᠭ᠋ᠠᠭᠤᠯᠢ ᠵᠢᠨ ᠤᠳᠤᠷᠢᠳᠬᠤ ᠪᠠᠭ ᠵᠶ᠋ᠠᠷ ᠵᠶ᠋ᠠᠨ ᠬᠦᠳᠡᠯᠦᠯᠴᠡᠨ ᠲᠤᠰᠬᠠᠢ ᠬᠤᠷᠠᠯ ᠬᠢᠬᠦ ᠬᠡᠮᠵᠢᠶᠡᠨᠳᠤ ᠬᠦᠷᠴᠠᠢ᠃ ᠬᠤᠶᠠᠷᠬᠠᠨ ᠵᠢᠯᠤᠨ ᠬᠤᠭᠤᠴᠠᠭ᠋ᠠᠨᠳᠤ ᠠ᠋ᠳᠡᠭᠡᠷ ᠬᠡᠦᠬᠡᠳᠢ ᠬᠤᠪᠢᠷᠠᠭᠤᠯᠤᠭᠰᠠᠨ ᠦᠨᠳᠦᠰᠦ ᠰᠢᠯᠳᠠᠭ᠋ᠠᠨᠨᠢ ᠬᠠᠮᠢᠭᠠ ᠪᠠᠶ᠋ᠢᠳᠠᠭ ᠪᠤᠢ？ ᠭᠤᠤᠯᠳᠠᠭᠤ ᠪᠠᠭᠰᠢᠳᠤ ᠪᠤᠢ᠃ ᠣᠨᠴᠠᠭ᠋ᠠᠶ᠋ᠢᠯᠠᠨ ᠠᠩᠬᠢ ᠵᠢᠨ ᠪᠠᠭᠰᠢ ᠨᠢᠭᠡ ᠠᠩᠬᠢ ᠬᠡᠦᠬᠡᠳᠤᠨ ᠬᠤᠪᠢᠷᠠᠯᠳᠠᠳᠤ ᠬᠠᠷᠢᠭᠤᠴᠠᠯᠭᠠ ᠠ᠋ᠭᠦᠷᠭᠡᠯᠡᠬᠦ ᠶᠤᠰᠤᠳᠡᠢ᠃ ᠬᠡᠦᠬᠡᠳᠲᠤ ᠵᠥᠪ ᠵᠢᠯᠤᠭᠤᠳᠤᠯᠭᠠ ᠲᠤᠳᠠᠭᠳᠠᠵᠦ᠂ ᠪᠠᠭᠰᠢ ᠰᠤᠷᠤᠭᠴᠢᠳᠤᠨ ᠬᠤᠭᠤᠷᠤᠨᠳᠤᠬᠢ ᠣᠶ᠋ᠢᠯᠠᠭ᠋ᠠᠯᠴᠠᠭᠠ᠂ ᠠᠩᠬᠢ ᠵᠢᠨ ᠠᠵᠢᠯᠳᠤ ᠠᠰᠠᠭᠤᠳᠠᠯ ᠭᠠᠷᠤᠭᠰᠠᠨ ᠦᠭᠡᠢ ᠶᠤᠮ ᠪᠤᠯ ᠨᠢᠭᠡ ᠠᠩᠬᠢ ᠬᠡᠦᠬᠡᠳ ᠪᠦᠬᠦᠨ ᠵᠶ᠋ᠠᠷ ᠵᠶ᠋ᠠᠨ ᠵᠤᠵᠢᠭ ᠵᠦᠷᠢᠭᠦᠳ ᠪᠤᠯᠵᠤ ᠬᠤᠪᠢᠷᠠᠨᠠ ᠭᠡᠳᠡᠭᠨᠢ ᠬᠡᠨᠳᠤ ᠴᠦ᠍ ᠢᠳᠡᠭᠡᠭᠳᠡᠰᠢ ᠦᠭᠡᠢ ᠶᠠᠪᠤᠳᠠᠯ ᠪᠤᠯᠤᠨᠠ᠃
ᠠᠩᠬᠢ ᠠ᠋ᠷᠬᠢᠯᠡᠬᠦ ᠠᠵᠢᠯ ᠭᠡᠳᠡᠭ ᠪᠤᠯ ᠲᠤᠩ ᠠ᠋ᠷᠳᠡᠮ ᠤᠬᠠᠭ᠋ᠠᠨ ᠱᠠᠭ᠋ᠠᠷᠳᠠᠭᠳᠠᠭ᠍ᠤ ᠠᠵᠢᠯ ᠪᠢᠯᠡ᠃ ᠦᠷᠭᠡᠨ ᠲᠡᠯᠭᠡᠷ ᠮᠡᠳᠡᠯᠭᠡ ᠴᠢᠳᠠᠪᠤᠷᠢ᠂ ᠠᠷᠢᠭᠤᠨ ᠨᠠᠨᠳᠢᠨ ᠬᠦᠮᠦᠨ ᠮᠦᠰᠦ᠂ ᠲᠦᠪ ᠭᠤᠤᠯᠴᠢ ᠤᠪᠤᠷ ᠰᠤᠷᠳᠠᠯ᠂ ᠭᠤᠶ᠋ᠢᠪᠢᠰᠢ ᠦᠭᠡᠢ ᠬᠠᠷᠢᠭᠤᠴᠠᠯᠭ᠋ᠠᠳᠤ ᠰᠡᠳᠬᠢᠯ᠂ ᠨᠦᠮᠵᠦᠭ ᠤᠶᠠᠭ᠍ᠠᠨ ᠬᠠᠶ᠋ᠢᠷᠠ᠂ ᠬᠠᠳᠠᠭᠤ ᠴᠢᠩᠭᠠ ᠰᠤᠷᠭ᠋ᠠᠯᠤᠨ ᠠᠯᠢ ᠨᠢᠭᠡᠨᠢ ᠲᠤᠳᠠᠭᠳᠠᠭ᠍ᠤᠪᠠᠷ ᠬᠢᠷᠢ ᠲᠡᠩᠴᠡᠭᠰᠡᠨ ᠠᠩᠬᠢ ᠵᠢᠨ ᠠ᠋ᠷᠬᠢᠯᠡᠭᠴᠢ ᠪᠤᠯᠵᠦ ᠲᠡᠶ᠋ᠢᠯᠳᠡᠭ ᠦᠭᠡᠢ᠃ ᠠ᠋ᠶ᠋ᠢᠮᠦᠠᠴᠠ ᠠᠩᠬᠢ ᠵᠢᠨ ᠠ᠋ᠷᠬᠢᠯᠡᠭᠴᠢ ᠵᠢ ᠰᠠᠶ᠋ᠢᠳᠤᠷ ᠰᠢᠯᠢᠨ ᠰᠤᠩᠭᠤᠵᠤ ᠲᠤᠬᠢᠷᠠᠭᠤᠯᠬᠤᠨᠢ ᠰᠤᠷᠭ᠋ᠠᠭᠤᠯᠢ ᠵᠢᠨ ᠤᠳᠤᠷᠢᠳᠤᠯᠭᠠ ᠵᠢᠨ ᠵᠠᠪᠠᠯ ᠬᠢᠨᠠᠭᠤᠷ ᠬᠠᠨᠳᠤᠬᠤ ᠴᠢᠬᠤᠯᠠᠲᠠᠢ᠂ ᠦᠨᠳᠦᠰᠦᠲᠡᠨᠤᠪᠠᠨ ᠦᠷᠠ ᠬᠡᠦᠬᠡᠳᠢ ᠶᠠᠭ᠋ᠠᠬᠢᠵᠦ ᠬᠦᠮᠦᠵᠢᠭᠦᠯᠬᠦᠳᠤ ᠬᠤᠯᠪᠤᠭᠳᠠᠭ᠍ᠤ ᠲᠥᠪ ᠴᠢᠩᠭᠠ ᠠᠰᠠᠭᠤᠳᠠᠯ ᠮᠥᠨ᠃ ᠬᠠᠷᠢᠨ ᠠᠯᠢ ᠨᠢᠭᠡ ᠬᠦᠮᠦᠨᠤ 《ᠪᠢ ᠠᠩᠬᠢ ᠵᠢᠨ ᠠ᠋ᠷᠬᠢᠯᠡᠭᠴᠢ ᠵᠢᠨ ᠠᠵᠢᠯᠢ ᠬᠢᠵᠦ ᠲᠡᠶ᠋ᠢᠯᠦᠨᠠ》 ᠭᠡᠳᠡᠭ ᠬᠠᠷᠠ ᠤᠬᠠᠭ᠋ᠠᠨ᠂ ᠬᠠᠳᠠᠭᠤ ᠵᠤᠷᠢᠭ ᠵᠶ᠋ᠠᠷ ᠪᠣᠯᠴᠢᠬᠠᠳᠠᠭ ᠪᠢᠰᠢ᠂ ᠨᠢᠭᠡ ᠠᠩᠬᠢ ᠵᠢ ᠦᠭᠡᠶ᠋ᠢᠬᠢᠪᠡᠯ ᠲᠦᠴᠢᠨ ᠬᠡᠦᠬᠡᠳ ᠦᠷᠡᠭᠳᠡᠯ ᠪᠤᠯᠤᠨᠠ ᠭᠡᠳᠡᠭᠢ ᠰᠠᠶ᠋ᠢᠳᠤᠷ ᠤᠬᠠᠭ᠋ᠠᠷᠠᠭ᠍ᠤ ᠬᠡᠷᠡᠭᠳᠡᠢ᠃
ᠳᠡᠭᠡᠪᠡᠯ ᠤᠯᠤᠰ ᠦᠨᠳᠦᠰᠦᠲᠡᠨᠤ ᠢᠷᠡᠭᠡᠳᠦᠢ ᠵᠢᠨ ᠨᠢᠷᠤᠭᠤ ᠲᠤᠯᠭ᠋ᠠᠭᠤᠷᠢ ᠵᠢ ᠠᠷᠠᠴᠢᠯᠠᠨ ᠲᠤᠳᠤᠮᠳᠠᠭ᠍ᠤ ᠬᠦᠨᠳᠦ ᠠ᠋ᠭᠦᠷᠭᠡ ᠵᠢ ᠬᠦᠯᠢᠶᠡᠭᠰᠡᠨ ᠪᠠᠭᠰᠢ ᠬᠦᠮᠦᠨ ᠴᠤᠬᠤᠮ ᠶᠠᠮᠠᠷ ᠨᠦᠭᠦᠴᠡᠯᠢ ᠪᠦᠷᠢᠯᠳᠦᠭᠦᠯᠦᠭᠰᠡᠨ ᠪᠠᠶ᠋ᠢᠪᠠᠯ ᠵᠤᠬᠢᠬᠤ ᠪᠤᠢ？ ᠨᠡᠶ᠋ᠢᠭᠡᠮ᠂ ᠤᠯᠤᠰ ᠤᠷᠤᠨᠠᠴᠠ ᠪᠠᠭᠰᠢ ᠨᠠᠷᠲᠤ ᠲᠠᠯᠪᠢᠭᠰᠠᠨ ᠦᠨᠳᠦᠰᠦᠨ ᠱᠠᠭ᠋ᠠᠷᠳᠠᠯᠭᠠ ᠶᠠᠭᠤ ᠪᠤᠢ？ ᠨᠢᠭᠡ ᠬᠢᠷᠢ ᠲᠡᠩᠴᠡᠭᠰᠡᠨ ᠪᠠᠭᠰᠢ ᠪᠤᠯᠤᠭᠰᠠᠨᠤ ᠬᠤᠪᠢᠳᠤ ᠴᠢ ᠳᠠᠷᠠᠭ᠋ᠠᠬᠢ ᠠᠰᠠᠭᠤᠳᠠᠯᠢ ᠬᠡᠳᠦ ᠵᠢᠨᠢ ᠪᠡᠶᠡᠯᠡᠭᠦᠯᠵᠦ ᠲᠠᠶ᠋ᠢᠯᠪᠠ？
1. ᠲᠠ ᠦᠷᠭᠦᠯᠵᠢ ᠨᠣᠮ ᠤᠩᠰᠢᠳᠠᠭ ᠤᠤ？
ᠨᠤᠮ ᠤᠩᠰᠢᠬᠤᠨᠢ ᠬᠦᠮᠦᠨᠤ ᠮᠡᠳᠡᠯᠭᠡ ᠮᠡᠳᠡᠴᠡ ᠵᠢᠨ ᠬᠦᠷᠢᠶᠡ ᠬᠡᠪᠴᠢᠶᠡ ᠵᠢ ᠲᠠᠯᠠᠨ᠂ ᠬᠦᠮᠦᠨᠤ ᠠᠮᠢᠳᠤᠷᠠᠯᠤᠨ ᠬᠠᠷᠠᠭ᠋ᠠᠰᠤ ᠵᠢ ᠦᠷᠭᠡᠳᠭᠡᠨ᠂ ᠬᠡᠷᠡᠭ ᠤᠴᠢᠷᠤᠨ ᠲᠤᠬᠠᠢ ᠤᠶ᠋ᠢᠯᠠᠭ᠋ᠠᠯᠳᠠ᠂ ᠲᠦᠷᠦᠭᠳᠡᠯ ᠬᠢᠭᠡᠳ ᠰᠢᠢ᠍ᠳᠬᠦ ᠠᠷᠭᠠ ᠤᠬᠠᠭ᠋ᠠᠨᠢ ᠨᠡᠩ ᠬᠦᠨᠵᠡᠭᠡᠢ ᠪᠤᠯᠭ᠋ᠠᠵᠦ ᠴᠢᠳᠠᠨᠠ᠃
2. ᠲᠠ ᠲᠤᠬᠠᠶ᠋ᠢᠯᠠᠭᠰᠠᠨ ᠠᠵᠢᠯ ᠵᠶ᠋ᠠᠨ ᠨᠠᠷᠢᠯᠢᠬ ᠰᠤᠳᠤᠯᠳᠠᠭ ᠤᠤ？ ᠰᠤᠷᠤᠭᠴᠢ ᠵᠢᠨ ᠵᠶ᠋ᠠᠨ ᠤᠶᠦᠨ ᠤᠬᠠᠭ᠋ᠠᠨᠤ ᠠ᠋ᠭᠡᠳᠡᠷᠡᠭᠡᠨ ᠪᠤᠳᠤᠯᠢᠶᠠᠨᠢ ᠴᠠᠭ ᠲᠤᠬᠠᠢᠳᠤᠨᠢ ᠲᠠᠶ᠋ᠢᠯᠪᠤᠷᠢᠯᠡᠵᠦ ᠥᠭᠴᠦ ᠲᠡᠶ᠋ᠢᠯᠦᠨᠠ ᠤᠤ？
ᠰᠤᠷᠤᠭᠴᠢ ᠵᠢᠨ ᠰᠡᠵᠢᠭ ᠠ᠋ᠭᠡᠳᠡᠷᠡᠭᠡᠨᠢ ᠪᠠᠭᠰᠢ ᠪᠣᠯᠤᠭᠰᠠᠳ ᠵᠠᠪᠠᠯ ᠠᠯᠳᠠᠷᠠᠭ᠋ᠠᠵᠤ ᠲᠡᠶ᠋ᠢᠯᠦᠭᠰᠡᠨ ᠪᠠᠶ᠋ᠢᠬᠤ ᠬᠡᠷᠡᠭᠳᠡᠢ᠃ ᠠᠰᠠᠭᠤᠬᠤ ᠪᠤᠯᠭ᠋ᠠᠨᠳᠤ ᠲᠤᠯᠤᠭ᠋ᠠᠢ ᠰᠠᠵᠢᠳᠠᠭ ᠪᠠᠭᠰᠢ ᠵᠢ ᠰᠤᠷᠤᠭᠴᠢ ᠬᠡᠷᠬᠢᠨ ᠬᠦᠨᠳᠦᠳᠬᠡᠨ ᠪᠢᠰᠢᠷᠡᠵᠦ ᠴᠢᠳᠠᠭ᠍ᠤ ᠪᠢᠯᠡ？ ᠳᠡᠯᠭᠡᠷ ᠮᠡᠳᠡᠯᠭᠡᠲᠠᠢ ᠰᠠᠶ᠋ᠢᠨ ᠪᠠᠭᠰᠢᠲᠠᠢ ᠰᠤᠷᠤᠭᠴᠢ ᠰᠡᠳᠬᠢᠯ ᠲᠡᠨᠢᠭᠦᠨ ᠶᠠᠪᠤᠬᠤᠨᠢ ᠮᠡᠳᠡᠭᠡᠵᠢ᠃ 《ᠪᠠᠷᠳᠠᠭᠠ ᠶᠠᠬᠡᠳᠡᠢ ᠦᠨᠡᠭᠡ ᠪᠠᠷᠳᠠᠮ᠂ ᠪᠠᠭᠰᠢ ᠰᠠᠶ᠋ᠢᠳᠠᠢ ᠱᠠᠪᠢ ᠪᠠᠷᠳᠠᠮ》 ᠭᠡᠳᠡᠭ ᠵᠦᠢ᠍ᠷ ᠦᠭᠡ ᠪᠠᠶ᠋ᠢᠳᠠᠭ ᠪᠢᠰᠢ ᠤᠤ？
3. ᠲᠠ ᠰᠤᠷᠤᠭᠴᠢᠳᠲᠤᠪᠠᠨ ᠠᠳᠠᠯᠢ ᠲᠡᠭᠰᠢ ᠬᠠᠨᠳᠤᠭᠰᠠᠨ ᠤᠤ？ ᠠᠯᠢᠶᠡ ᠠᠷᠳᠠᠭ᠂ ᠠᠳᠠᠭ ᠬᠤᠴᠤᠷᠤᠩᠭᠤᠢ ᠭᠡᠵᠦ ᠢᠯᠭ᠋ᠠᠳᠠᠭ ᠤᠤ？
ᠵᠠᠷᠢᠮ ᠪᠠᠭᠰᠢ ᠰᠠᠶ᠋ᠢᠨ ᠮᠠᠭᠤ ᠰᠤᠷᠤᠭᠴᠢ ᠵᠢ ᠶᠡᠭᠡ ᠯᠡ ᠲᠤᠳᠤᠷᠬᠠᠢ ᠢᠯᠭ᠋ᠠᠨ᠂ ᠰᠢᠯᠢᠳᠡᠭ ᠰᠠᠶ᠋ᠢᠨ ᠰᠤᠷᠤᠭᠴᠢ ᠵᠢ ᠦᠵᠡᠪᠡᠯ ᠦᠨᠦᠰᠦᠭᠡᠳ ᠠᠪᠤᠮᠠᠷ ᠠᠭ᠋ᠠᠰᠢᠯᠠᠵᠦ᠂ ᠲᠡᠷᠡᠨᠢ ᠭᠡᠷᠤᠨ ᠠᠳᠠᠷ ᠠ᠋ᠷᠭᠦᠵᠦ ᠠᠪᠤᠮᠠ ᠠᠭ᠋ᠠᠰᠢᠯᠠᠴᠢᠬᠠᠪᠠᠴᠦ ᠨᠠᠶ᠋ᠢᠷᠰᠠᠭ ᠠ᠋ᠶᠡᠯᠳᠡᠭ ᠵᠶ᠋ᠠᠷ ᠰᠢᠢ᠍ᠳᠪᠦᠷᠢᠯᠡᠨ᠂ ᠠᠨᠠᠢ ᠰᠤᠷᠤᠭᠴᠢᠨᠢ ᠤᠳᠠᠰᠤᠨ ᠲᠡᠳᠦᠢ ᠤᠰᠤᠯ ᠭᠠᠷᠭ᠋ᠠᠪᠠᠴᠦ ᠭᠠᠯ ᠲᠠᠯᠪᠢᠭᠰᠠᠨ ᠶᠠᠯᠠ ᠬᠢᠭᠰᠡᠨ ᠮᠡᠳᠦ ᠠᠭᠤᠷᠯᠠᠵᠦ ᠤᠴᠠᠭ᠋ᠠᠷᠯᠠᠨ ᠰᠦᠢ᠍ᠳ ᠪᠤᠯᠤᠨᠠ᠃ ᠠ᠋ᠶ᠋ᠢᠮᠦᠷᠬᠦᠦ ᠭᠤᠤᠯᠴᠢ ᠪᠤᠰᠤ ᠤᠪᠤᠷᠨᠢ ᠰᠤᠷᠤᠭᠴᠢ ᠵᠢᠨ ᠰᠡᠳᠬᠢᠯᠳᠤᠬᠢ ᠪᠠᠭᠰᠢ ᠵᠢᠨ ᠪᠠᠶ᠋ᠢᠷᠢ ᠰᠠᠭᠤᠷᠢ ᠵᠢ ᠠᠯᠳᠠᠭᠳᠠᠭᠤᠯᠵᠦ᠂ ᠪᠠᠭᠰᠢᠪᠠᠨ ᠭᠤᠯᠤᠬᠤᠳᠤ ᠬᠦᠷᠭᠡᠨᠡ᠃
4. ᠲᠠ ᠰᠤᠷᠤᠭᠴᠢ ᠵᠢᠨ ᠬᠦᠮᠦᠨ ᠮᠦᠰᠦ᠂ ᠨᠡᠷᠡ ᠬᠦᠨᠳᠦ ᠵᠢ ᠬᠦᠨᠳᠦᠳᠭᠡᠵᠦ ᠦᠵᠡᠭᠰᠡᠨ ᠤᠤ？
ᠰᠤᠷᠭ᠋ᠠᠯ ᠰᠠᠶ᠋ᠢᠳᠡᠢ ᠠᠶ᠋ᠢᠯᠤᠨᠬᠢᠨ ᠬᠡᠶ᠋ᠢᠴᠢᠨ ᠵᠤᠴᠢᠨᠤᠪᠠᠨ ᠠ᠋ᠮᠦᠨᠡ ᠬᠡᠦᠬᠡᠳ ᠵᠶ᠋ᠠᠨ ᠵᠠᠩᠳᠤᠷᠴᠦ ᠲᠤᠭᠳᠤᠷᠤᠨ ᠰᠤᠷᠭ᠋ᠠᠵᠦ ᠠᠭᠤᠷᠯᠠᠳᠠᠭ ᠦᠭᠡᠢ᠂ ᠠ᠋ᠨᠡᠨᠢ ᠪᠤᠰᠤᠳᠤᠨ ᠠ᠋ᠮᠦᠨᠡ ᠶᠣᠰᠤ ᠠᠯᠳᠠᠭ᠍ᠤᠠᠴᠠ ᠬᠢᠴᠢᠶᠡᠭᠰᠡᠨ ᠪᠤᠶᠤ ᠬᠡᠦᠭᠡᠳ ᠵᠶ᠋ᠠᠨ ᠬᠡᠳᠦ ᠨᠢᠭᠤᠷ ᠬᠠᠭ᠋ᠠᠷᠠᠭ᠍ᠤᠠᠴᠠ ᠪᠣᠯᠭᠤᠮᠵᠢᠯᠠᠭᠰᠠᠨ ᠤᠴᠢᠷ ᠪᠢᠯᠡ᠃ ᠰᠤᠷᠤᠭᠴᠢᠳᠤᠪᠠᠨ ᠪᠠᠭᠰᠢ ᠬᠦᠮᠦᠨ ᠴᠦ᠍ ᠢᠩᠬᠢᠵᠦ ᠨᠢᠭᠤᠷ ᠥᠭᠴᠦ᠂ ᠬᠦᠮᠦᠨᠤ ᠠ᠋ᠮᠦᠨᠡ ᠨᠢᠭᠤᠷ ᠨᠢᠳᠦ ᠦᠭᠡᠢ ᠵᠠᠯᠬᠠᠭ᠋ᠠᠬᠤᠠᠴᠠ ᠵᠠᠶ᠋ᠢᠯᠠᠰᠬᠢᠭᠦ ᠬᠡᠷᠡᠭᠳᠡᠢ᠃ ᠬᠠᠱ᠌ᠠᠩ ᠤᠨᠤᠭᠠ ᠭᠡᠳᠡᠭ ᠠ᠋ᠯᠳᠡᠭᠳᠡᠵᠦ ᠴᠤᠬᠢᠭᠳᠠᠭᠰᠠᠭ᠋ᠠᠷ ᠪᠤᠢ ᠪᠤᠯᠳᠠᠭ ᠰᠢᠬ ᠨᠢᠭᠤᠷ ᠦᠭᠡᠢ ᠬᠡᠦᠬᠡᠳ ᠭᠡᠳᠡᠭ ᠴᠢᠨᠢ ᠴᠦ᠍ ᠠᠭᠤᠷᠯᠠᠭᠳᠠᠭᠰᠠᠭ᠋ᠠᠷ ᠬᠡᠯᠡᠭᠳᠡᠭᠰᠡᠭᠡᠷ ᠨᠢᠭᠤᠷ ᠬᠠᠭ᠋ᠠᠷᠠᠳᠠᠭ᠃ ᠠ᠋ᠶ᠋ᠢᠨ ᠬᠦ᠌ ᠪᠠᠭᠰᠢ ᠪᠤᠯᠤᠭᠰᠠᠳ ᠬᠡᠦᠬᠡᠳᠢ ᠶᠤᠰᠤᠪᠠᠷ ᠬᠦᠳᠦᠯᠬᠦᠨᠢ ᠲᠦᠮᠡᠨ ᠵᠥᠪ᠃
5. ᠲᠠ ᠬᠢᠷᠢ ᠲᠡᠩᠴᠡᠭᠰᠡᠨ ᠢᠷᠭᠡᠨ ᠤᠤ？ ᠲᠠ ᠰᠤᠷᠤᠭᠴᠢᠳᠲᠤᠪᠠᠨ ᠬᠦᠮᠦᠨ ᠪᠣᠯᠬᠤ ᠶᠤᠰᠤ ᠤᠴᠢᠷᠢ ᠵᠢᠭ᠋ᠠᠭᠰᠠᠨ ᠤᠤ？ ᠲᠠ ᠥᠪᠡᠷᠤᠨ ᠦᠭᠡ ᠶᠠᠷᠢᠶᠠ᠂ ᠦᠢ᠍ᠯᠡ ᠠᠵᠢᠯᠯᠠᠭᠠᠪᠠᠨ ᠰᠤᠷᠤᠭᠴᠢ ᠵᠢᠨ ᠲᠠᠭᠤᠷᠢᠶᠠᠯ ᠪᠤᠯᠬᠤᠶ᠋ᠢᠴᠠ ᠪᠣᠯᠪᠠᠰᠤᠨ ᠶᠤᠰᠤᠷᠬᠠᠭᠤᠨ ᠬᠡᠮᠵᠢᠶᠡᠨᠳᠤ ᠬᠦᠷᠭᠡᠵᠦ ᠲᠡᠶ᠋ᠢᠯᠦᠭᠰᠡᠨ ᠤᠤ？
ᠮᠢᠨᠦ ᠪᠣᠳᠤᠬᠤᠪᠠᠷ ᠪᠠᠭᠰᠢ ᠬᠦᠮᠦᠨ ᠪᠤᠯ ᠬᠡᠪ ᠪᠤᠯᠪᠠᠰᠤᠷᠠᠯ ᠥᠨᠳᠤᠷ᠂ ᠬᠡᠦᠬᠡᠳ ᠪᠠᠭ᠋ᠠᠴᠤᠳ ᠵᠶ᠋ᠠᠨ ᠮᠡᠳᠡᠯᠭᠡᠪᠠᠷ ᠯᠡ ᠤᠮᠳᠠᠯᠠᠭ᠍ᠤ ᠪᠢᠰᠢ᠂ ᠬᠦᠮᠦᠨ ᠪᠤᠯᠬᠤ ᠵᠢ ᠰᠤᠷᠭ᠋ᠠᠬᠤ ᠨᠦᠰᠡᠷ ᠠ᠋ᠭᠦᠷᠭᠡ ᠵᠢ ᠠ᠋ᠭᠦᠷᠭᠡᠯᠡᠵᠦ ᠶᠠᠪᠤᠳᠠᠭ ᠤᠴᠢᠷ ᠪᠠᠷᠤᠭᠳᠠᠢ ᠬᠦᠮᠦᠨ ᠪᠠᠭᠰᠢ ᠪᠤᠯᠬᠤ ᠬᠢᠷᠢ ᠭᠡᠮ ᠪᠠᠶ᠋ᠢᠬᠤ ᠦᠭᠡᠢ ᠮᠥᠷᠳᠡᠭᠡᠨ ᠪᠠᠭᠰᠢ ᠴᠦ᠍ ᠪᠤᠯᠵᠦ ᠪᠤᠯᠬᠤ ᠦᠭᠡᠢ᠃ ᠺᠦᠩᠽᠢ ᠵᠢᠨ ᠬᠡᠯᠡᠭᠰᠡᠨ 《ᠭᠤᠷᠪᠠᠨ ᠬᠦᠮᠦᠨ ᠶᠠᠪᠤᠪᠠᠰᠤ ᠮᠢᠨᠦ ᠪᠠᠭᠰᠢ ᠪᠤᠢ》 ᠭᠡᠬᠦ ᠦᠭᠡᠨᠢ ᠬᠦᠮᠦᠨᠤ ᠠᠯᠢ ᠨᠢᠭᠡᠨ ᠲᠠᠯᠠᠪᠠᠷᠬᠢ ᠲᠠᠪᠠᠭᠤᠯᠢᠭ ᠪᠠᠶ᠋ᠢᠳᠠᠯᠢ ᠢᠯᠡᠳᠭᠡᠨ᠂ ᠪᠤᠰᠤᠳᠠᠴᠠ ᠲᠠᠷᠤᠤ ᠬᠢᠴᠢᠶᠡᠩᠬᠦᠢ ᠰᠤᠷᠤᠯᠴᠠᠭ᠍ᠤ ᠰᠢᠯᠳᠠᠭ᠋ᠠᠨᠢ ᠲᠤᠰᠬᠠᠭᠰᠠᠨᠠᠴᠠ ᠪᠢᠰᠢ᠂ ᠶᠠᠭᠤ ᠪᠦᠬᠦᠨᠢ ᠲᠡᠷᠡ ᠬᠦᠮᠦᠨᠠᠴᠠ ᠰᠤᠷᠴᠦ ᠲᠡᠭᠦᠨᠲᠠᠢ ᠠᠳᠠᠯᠢᠬᠠᠨ ᠪᠤᠯᠤᠨᠠ ᠭᠡᠰᠡᠨ ᠰᠠᠨᠠᠭᠠ ᠪᠢᠰᠢᠨᠢ ᠲᠤᠳᠤᠷᠬᠠᠢ᠃ ᠭᠡᠳᠡᠯᠡ ᠰᠢᠨᠠ ᠴᠠᠭ ᠦᠶᠡ ᠵᠢᠨ ᠪᠠᠭᠰᠢ ᠪᠤᠯᠤᠭᠰᠠᠳ ᠡᠯᠠ ᠲᠠᠯᠠᠪᠠᠷ ᠰᠤᠷᠤᠭᠴᠢᠳᠲᠤᠪᠠᠨ ᠲᠠᠭᠤᠷᠢᠶᠠᠯ ᠪᠤᠯᠬᠤᠪᠠᠷ ᠴᠢᠷᠮᠠᠶ᠋ᠢᠬᠤ ᠤᠴᠢᠷᠳᠡᠢ᠃ ᠪᠠᠭᠰᠢ ᠪᠣᠯᠤᠭᠰᠠᠳ ᠥᠪᠡᠷᠰᠡᠳ ᠵᠶ᠋ᠠᠨ ᠪᠣᠯᠬᠢ ᠪᠦᠳᠦᠭᠦᠯᠢᠭ ᠦᠭᠡ ᠶᠠᠷᠢᠴᠢᠬᠠᠭ᠋ᠠᠳ᠂ ᠪᠣᠰᠤᠳᠢ ᠬᠠᠷᠢᠶᠠᠴᠢᠬᠠᠭ᠋ᠠᠳ᠂ ᠮᠤᠲ᠋ᠤᠷ ᠤᠨᠤᠨ ᠲᠠᠪᠬᠢᠭᠤᠯᠵᠦ ᠵᠠᠮ ᠬᠠᠷᠢᠯᠴᠠᠭ᠋ᠠᠨᠤ ᠰᠠᠬᠢᠯᠭᠠ ᠵᠢ ᠵᠦᠷᠢᠴᠡᠴᠢᠭᠡᠭᠡᠳ᠂ ᠬᠦᠮᠦᠨᠲᠠᠢ ᠬᠡᠷᠡᠯᠳᠤᠨ ᠨᠢᠭᠤᠷ ᠬᠠᠴᠠᠷ ᠵᠶ᠋ᠠᠨ ᠬᠦᠬᠡᠷᠡᠭᠦᠯᠴᠢᠬᠡᠭᠡᠳ᠂ ᠭᠠᠷ ᠲᠠᠯᠠᠶ᠋ᠢᠨ ᠰᠤᠷᠤᠭᠴᠢ ᠵᠢᠪᠠᠨ ᠵᠣᠳᠤᠴᠢᠬᠠᠭ᠋ᠠᠳ᠂ ᠰᠤᠷᠤᠭᠴᠢᠳᠲᠤᠪᠠᠨ ᠬᠡᠷᠬᠢᠨ ᠬᠦᠮᠦᠨ ᠪᠤᠯᠬᠤ ᠬᠦᠮᠦᠵᠢᠯ ᠬᠢᠬᠦ ᠪᠢᠯᠡ！ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠮᠥᠨ ᠴᠢᠨᠠᠷᠨᠢ 《ᠪᠢᠴᠢᠭ ᠵᠢᠭ᠋ᠠᠵᠦ ᠬᠦᠮᠦᠨᠢ ᠬᠦᠮᠦᠵᠢᠭᠦᠯᠬᠦ》 ᠶᠠᠪᠤᠳᠠᠯ ᠪᠤᠯᠤᠨᠠ᠃ ᠠ᠋ᠭᠦᠨᠳᠤ 《ᠬᠦᠮᠦᠨᠢ ᠬᠦᠮᠦᠵᠢᠭᠦᠯᠬᠦ》ᠨᠢ 《ᠪᠢᠴᠢᠭ ᠵᠢᠭ᠋ᠠᠬᠤ》ᠠᠴᠠ ᠨᠡᠩ ᠴᠢᠬᠤᠯᠠ ᠪᠠᠶ᠋ᠢᠳᠠᠭ᠃ ᠶᠡᠭᠡ ᠰᠤᠷᠭ᠋ᠠᠭᠤᠯᠢ ᠵᠢᠨ ᠬᠦᠷᠢᠶᠡᠨᠳᠤ ᠠ᠋ᠭᠦᠰᠦᠭᠰᠡᠨ ᠬᠠᠮᠳᠤ ᠰᠤᠷᠤᠯᠭ᠋ᠠᠳᠠᠨ ᠵᠶ᠋ᠠᠨ ᠬᠤᠤᠷᠯᠠᠭᠰᠠᠨ ᠶᠠᠪᠤᠳᠠᠯ᠂ ᠲᠦᠷᠦ ᠵᠠᠰᠠᠭᠤᠨ ᠦᠨᠳᠤᠷ ᠲᠤᠰᠢᠶᠠᠯᠳᠠᠳᠤᠨ ᠬᠠᠤᠯᠢ ᠪᠤᠰᠤ ᠠᠵᠢᠯᠯᠠᠭᠠ ᠁ ᠵᠡᠷᠭᠡ ᠤᠯᠠᠨ ᠤᠴᠢᠷ ᠮᠠᠨᠳᠤ ᠪᠤᠳᠠᠳᠤ ᠵᠢᠱ᠌ᠢᠶᠡ ᠪᠤᠯᠤᠨ ᠬᠠᠷᠠᠭᠳᠠᠵᠦ ᠪᠠᠶ᠋ᠢᠭᠠ᠃
ᠠ᠋ᠶ᠋ᠢᠮᠦᠠᠴᠠ ᠪᠠᠭᠰᠢ ᠪᠣᠯᠤᠭᠰᠠᠳ ᠵᠠᠪᠠᠯ ᠥᠪᠡᠷᠤᠨ ᠪᠡᠶᠡᠪᠠᠷ ᠵᠶ᠋ᠠᠨ ᠳᠠᠭᠤᠷᠢᠶᠠᠯ ᠪᠤᠯᠬᠤᠶ᠋ᠢᠴᠡ ᠤᠬᠠᠮᠰᠠᠷᠳᠤ ᠴᠢᠨᠠᠷᠲᠠᠢ ᠪᠠᠶ᠋ᠢᠵᠤ᠂ ᠰᠤᠷᠤᠭᠴᠢᠳᠤᠨ ᠵᠶ᠋ᠠᠨ ᠪᠡᠶᠡ ᠰᠡᠳᠬᠢᠴᠡ ᠵᠢᠨ ᠠ᠋ᠷᠡᠭᠦᠯ ᠵᠶ᠋ᠠᠷ ᠬᠦᠭᠵᠢᠬᠦᠳᠤ ᠵᠤᠬᠢᠬᠤ ᠬᠤᠪᠢ ᠨᠡᠮᠡᠷᠢᠪᠠᠨ ᠦᠵᠡᠭᠦᠯᠬᠦᠪᠠᠷ ᠴᠢᠷᠮᠠᠶ᠋ᠢᠬᠤ ᠬᠡᠷᠡᠭᠳᠡᠢ᠃
ᠢᠩᠬᠢᠵᠦ 《ᠭᠡᠷ ᠪᠦᠯᠢ᠂ ᠨᠡᠶ᠋ᠢᠭᠡᠮ᠂ ᠰᠤᠷᠭ᠋ᠠᠭᠤᠯᠢ ᠭᠤᠷᠪᠠ ᠤᠶᠠᠯᠳᠤᠭᠰᠠᠨ》 ᠰᠤᠷᠭ᠋ᠠᠨ ᠬᠦᠮᠦᠵᠢᠯᠢ ᠪᠦᠷᠢᠨ ᠲᠡᠭᠦᠯᠳᠡᠷᠵᠢᠭᠦᠯᠵᠦ ᠲᠡᠶ᠋ᠢᠯᠦᠮᠠᠨᠵᠢᠨ ᠰᠠᠶᠢ ᠦᠨᠳᠤᠰᠤᠲᠠᠨᠤ ᠢᠷᠡᠭᠡᠳᠦᠢ ᠵᠢᠨ ᠡᠵᠡᠳ ᠵᠶ᠋ᠠᠨ ᠬᠦᠮᠦᠨ ᠰᠢᠭ ᠬᠦᠮᠦᠨ ᠪᠤᠯᠭ᠋ᠠᠵᠤ ᠬᠦᠮᠦᠵᠢᠭᠦᠯᠵᠦ ᠲᠡᠶ᠋ᠢᠯᠦᠨᠠ᠂ ᠰᠠᠶᠢ ᠦᠨᠳᠦᠰᠦᠲᠡᠨᠤ ᠮᠡᠷᠭ᠋ᠠᠰᠢ ᠵᠢᠨ ᠨᠠᠷᠠ ᠵᠢ ᠭᠡᠷᠡᠯᠳᠡᠢ ᠴᠤᠭᠳᠡᠢ ᠪᠠᠶ᠋ᠢᠯᠭ᠋ᠠᠵᠦ ᠲᠡᠶ᠋ᠢᠯᠦᠨᠠ᠂ ᠰᠠᠶᠢ ᠦᠷᠦᠭᠡᠯ ᠪᠤᠰᠤᠳᠲᠠᠢ ᠮᠥᠷᠦ ᠵᠡᠷᠭᠡᠴᠡᠨ ᠵᠤᠭᠰᠤᠵᠦ ᠴᠢᠳᠠᠭ᠍ᠤ ᠪᠡᠶᠡ ᠪᠠᠭ᠋ᠠᠳᠤᠷ ᠮᠥᠷᠳᠡᠭᠡᠨ ᠪᠢᠯᠢᠭ ᠪᠠᠭ᠋ᠠᠳᠤᠷ ᠰᠢᠨᠠ ᠨᠢᠭᠡᠨ ᠦᠶᠡ ᠵᠢᠨᠬᠢᠨᠢ ᠪᠤᠢ ᠭᠦᠮᠦᠵᠢᠭᠦᠯᠵᠤ ᠴᠢᠳᠠᠨᠠ᠃
ᠬᠠᠶᠢᠬ᠄ ᠠᠷᠤ ᠬᠤᠷᠴᠢᠨ ᠬᠤᠰᠢᠭᠤᠨᠤ ᠴᠢᠪᠠᠭᠠ ᠲᠠᠪᠤᠳᠤᠭ᠋ᠠᠷ ᠲᠤᠮᠳᠠᠳᠤ ᠰᠤᠷᠭ᠋ᠠᠭᠤᠯᠢ
（ᠠᠯᠳᠠᠨᠰᠦᠢ᠍ᠭᠡ ᠨᠠᠢ᠍ᠢ᠍ᠷᠠᠭᠤᠯᠪᠠ）
2020 ᠣᠨᠤ 6 ᠳ᠋ᠤᠭ᠋ᠠᠷ ᠬᠤᠭᠤᠴᠠᠭᠠ