ᠬᠠᠰᠪᠠᠭ᠋ᠠᠨᠠ
ᠳᠡᠯᠡᠬᠡᠢ ᠵᠢᠨ ᠠᠩᠬᠠᠷᠤᠯᠢ ᠲᠠᠳᠠᠭᠰᠠᠨ 《ᠮᠤᠩᠭᠤᠯᠤᠨ ᠨᠢᠭᠤᠴᠠ ᠲᠤᠪᠴᠢᠶᠠᠨ》ᠳᠤ ᠤᠯᠠᠨᠠᠴᠠ ᠴᠤᠯᠭᠤᠷᠠᠭᠰᠠᠨ ᠰᠤᠳᠤᠨ ᠠ᠋ᠮᠡᠭᠲᠡᠶ᠋ᠢᠴᠦᠳᠤᠨ ᠳᠦᠷᠢ ᠤᠯᠠᠨ ᠢᠯᠡᠷᠡᠭᠰᠡᠨ ᠪᠠᠢ᠍ᠢ᠍ᠨᠠ᠃ ᠲᠡᠳᠡᠭᠡᠷᠤᠨ ᠵᠠᠷᠢᠮᠨᠢ ᠭᠡᠷ ᠪᠦᠯᠢ ᠵᠢᠨ ᠰᠤᠷᠭ᠋ᠠᠨ ᠬᠦᠮᠦᠵᠢᠯ ᠵᠶ᠋ᠠᠷ ᠬᠦᠮᠦᠰᠲᠤ ᠶᠤᠰᠦ ᠤᠴᠢᠷᠢ ᠳᠠᠮ ᠪᠤᠶᠤ ᠰᠢᠭᠤᠳ ᠵᠶ᠋ᠠᠷ ᠮᠡᠳᠡᠭᠦᠯᠵᠦ᠂ ᠵᠠᠷᠢᠮᠨᠢ ᠠ᠋ᠶᠡ ᠪᠦᠯᠬᠦᠮᠳᠡᠯᠤᠨ ᠲᠦᠯᠦᠭᠡ᠂ ᠤᠭᠰᠠᠭᠠ ᠶᠠᠰᠤᠲᠠᠨᠤ ᠲᠦᠯᠦᠭᠡ᠂ ᠲᠦᠷᠦ ᠭᠦᠷᠦᠨᠤ ᠲᠦᠯᠦᠭᠡ ᠲᠡᠮᠡᠴᠡᠵᠠᠢ᠃ ᠲᠤᠰ ᠦᠭᠦᠯᠡᠯᠳᠤ ᠠᠯᠤᠨ ᠭᠤᠸᠠ᠂ ᠦᠭᠡᠯᠦᠨ ᠦᠵᠢᠨ᠂ ᠪᠦᠷᠲᠡ ᠦᠵᠢᠨᠤ ᠳᠦᠷᠢ ᠵᠢᠨ ᠳᠤᠬᠠᠢ ᠰᠢᠨᠵᠢᠯᠡᠬᠦ ᠪᠤᠯᠤᠨᠠ᠃
ᠮᠤᠩᠭᠤᠯᠴᠤᠳᠤᠨ ᠳᠡᠯᠡᠬᠡᠢ ᠶᠢᠷᠲᠢᠡᠴᠦ ᠵᠢᠨ ᠠᠩᠬᠠᠷᠤᠯᠢ ᠲᠠᠲᠠᠵᠦ᠂ ᠤᠯᠠᠨ ᠨᠡᠶ᠋ᠢᠲᠡᠳᠤ ᠭᠠᠶ᠋ᠢᠬᠠᠭᠳᠠᠨ ᠪᠢᠰᠢᠷᠡᠭᠲᠡᠵᠦ ᠶᠠᠪᠤᠭᠰᠠᠨ ᠠ᠋ᠨᠡ ᠬᠦ᠌ ᠬᠦᠭᠵᠢᠯ ᠬᠤᠪᠢᠷᠠᠯᠤᠨ ᠶᠠᠪᠤᠴᠠᠳᠤ ᠮᠠᠰᠢ ᠤᠯᠠᠨ ᠪᠠᠭ᠋ᠠᠳᠤᠷ ᠰᠤᠤᠳᠦ ᠠ᠋ᠮᠡᠭᠳᠠᠶ᠋ᠢᠴᠦᠳ ᠴᠤᠯᠭᠤᠷᠠᠨ ᠭᠠᠷᠴᠤ᠂ ᠦᠪᠡᠷᠤᠨ ᠤᠶᠤᠨ ᠤᠬᠠᠭ᠋ᠠᠨ ᠵᠶ᠋ᠠᠨ ᠭᠠᠶ᠋ᠢᠬᠠᠭᠤᠯᠵᠤ᠂ ᠲᠡᠦᠬᠡᠨ ᠬᠠᠭᠤᠳᠠᠰᠤᠨᠳᠤ ᠠᠯᠳᠠᠷ ᠨᠡᠷᠠᠪᠠᠨ ᠲᠠᠭᠤᠷᠢᠰᠤᠭᠤᠯᠵᠠᠢ᠃ ᠲᠡᠳᠡ ᠬᠠᠮᠤᠭ ᠤᠯᠤᠰᠤᠨ ᠬᠠᠭ᠋ᠠᠳ ᠨᠤᠶᠠᠳᠲᠤ ᠬᠠᠪᠰᠤᠷᠤᠭᠴᠢ ᠵᠦᠪᠯᠡᠭᠴᠢ ᠪᠤᠯᠵᠦ᠂ ᠲᠡᠳᠡᠨᠤ ᠠᠵᠢᠯ ᠦᠢ᠍ᠯᠡᠰᠲᠤᠨᠢ ᠲᠤᠰᠠ ᠳᠡᠮᠵᠢᠯᠭᠡᠪᠠᠨ ᠬᠦᠷᠭᠡᠵᠦ ᠶᠠᠪᠤᠭᠰᠠᠨ ᠶᠤᠮ᠃ ᠲᠡᠳᠡᠭᠡᠷ ᠤᠯᠠᠨ ᠪᠠᠭ᠋ᠠᠳᠤᠷ ᠰᠤᠤᠳᠤ ᠠ᠋ᠮᠡᠭᠳᠠᠶ᠋ᠢᠴᠦᠳᠠᠴᠠ ᠬᠠᠮᠤᠬ ᠲᠦᠯᠦᠭᠡᠯᠡᠬᠦ ᠴᠢᠨᠠᠷᠳᠠᠢ ᠭᠤᠷᠪᠠᠨ ᠬᠦᠮᠦᠨᠢ ᠰᠤᠩᠭᠤᠵᠦ᠂ ᠲᠡᠳᠡᠨᠤ ᠦᠢ᠍ᠯᠡ ᠠᠵᠢᠯᠯᠠᠭᠠ ᠵᠢ ᠲᠠᠮᠳᠡᠭᠯᠡᠨ ᠠᠪᠴᠦ᠂ ᠠ᠋ᠨᠡ ᠬᠦ᠌ ᠦᠭᠦᠯᠡᠯᠢ ᠪᠢᠴᠢᠭᠰᠡᠨ ᠶᠤᠮ᠃
ᠨᠢᠭᠡ᠂ ᠠᠯᠤᠨ ᠭᠤᠸᠠ
ᠠᠯᠤᠨ ᠭᠤᠸᠠ ᠠ᠋ᠬᠡ ᠵᠢ ᠶᠠᠷᠢᠬᠤᠲᠠᠢ ᠵᠡᠷᠭᠡ ᠳᠤᠪᠤ ᠮᠡᠷᠭᠡᠨᠢ ᠵᠠᠪᠠᠯ ᠳᠤᠷᠠᠳᠬᠤ ᠴᠢᠬᠤᠯᠠ ᠲ᠋ᠠᠢ ᠪᠠᠶ᠋ᠢᠳᠠᠭ᠃ ᠳᠤᠪᠤ ᠮᠡᠷᠭᠡᠨ ᠪᠤᠯ ᠮᠤᠩᠭᠤᠯᠤᠨ ᠳᠡᠭᠡᠳᠦ ᠪᠦᠷᠳᠡ ᠴᠢᠨ᠋ᠸᠠ ᠬᠤᠸᠠ ᠮᠠᠷᠠᠯᠤᠨ ᠠᠷᠪᠠᠨ ᠨᠢᠭᠡᠳᠦᠭᠡᠷ ᠦᠶᠡ ᠵᠢᠨ ᠦᠷᠡᠰ᠂ ᠦᠭᠡᠷᠡᠪᠠᠷ ᠬᠡᠯᠡᠪᠡᠯ᠂ ᠴᠢᠩᠭᠢᠰ ᠬᠠᠭ᠋ᠠᠨᠤ ᠠᠷᠪᠠᠨ ᠬᠤᠶᠠᠳᠤᠭ᠋ᠠᠷ ᠦᠶᠡ ᠵᠢᠨ ᠡᠪᠦᠭᠡ ᠪᠤᠯᠤᠨᠠ᠃ 《ᠮᠤᠩᠭᠤᠯᠤᠨ ᠨᠢᠭᠤᠴᠠ ᠲᠤᠪᠴᠢᠶᠠᠨ》ᠤ ᠲᠡᠮᠳᠡᠭᠡᠯᠡᠯᠢ ᠦᠨᠳᠦᠰᠦᠯᠡᠪᠡᠯ᠂ ᠲᠤᠪᠦ ᠮᠡᠷᠭᠡᠨᠤ ᠭᠡᠷ ᠪᠤᠯ 《ᠪᠤᠷᠤᠯᠳᠠᠢ ᠰᠤᠶᠤᠯᠪᠢ ᠭᠡᠮᠡᠬᠦ ᠵᠠᠯᠠᠭᠤ ᠵᠠᠷᠤᠴᠠᠲᠠᠢ᠂ ᠳ᠋ᠠᠶ᠋ᠢᠷ ᠪᠤᠷᠤ ᠬᠤᠶᠠᠷ ᠬᠦᠯᠦᠭᠲᠠᠢ》᠂ ᠵᠠᠷᠤᠬᠤᠠᠴᠠ ᠵᠠᠷᠤᠴᠠᠲᠠᠢ᠂ ᠤᠨᠤᠬᠤᠠᠴᠠ ᠤᠨᠤᠭᠠᠲᠠᠢ ᠪᠠᠶᠠᠨ ᠲᠠᠷᠭᠤᠨ ᠠᠮᠢᠳᠤᠷᠠᠯᠲᠠᠢ ᠠᠶ᠋ᠢᠯ ᠪᠠᠶ᠋ᠢᠪᠠ᠃
ᠠᠯᠤᠨ ᠭᠤᠸᠠ ᠠ᠋ᠬᠡ ᠳᠤᠪᠤ ᠮᠡᠷᠭᠡᠨᠤ ᠠ᠋ᠬᠡᠨᠠᠷ ᠪᠤᠯᠵᠦ ᠰᠠᠭᠤᠭ᠋ᠠᠳ ᠪᠦᠬᠦᠨᠦᠲᠠᠢ᠂ ᠪᠡᠯᠭᠦᠨᠦᠳᠡᠢ ᠭᠡᠰᠡᠨ ᠨᠡᠷᠡᠲᠠᠢ ᠬᠤᠶᠠᠷ ᠬᠦᠦ ᠲᠦᠷᠦᠵᠠᠢ᠃ ᠬᠤᠵᠢᠮᠨᠢ ᠳᠤᠪᠤ ᠮᠡᠷᠭᠡᠨ ᠨᠠᠰᠤ ᠪᠠᠷᠠᠭᠰᠠᠨᠤ ᠳᠠᠷᠠᠭᠠ᠂ ᠪᠡᠯᠪᠡᠰᠦᠨ ᠪᠠᠶ᠋ᠢᠬᠤᠳᠤᠪᠠᠨ ᠪᠤᠬᠠ ᠬᠠᠲᠠᠬᠢ᠂ ᠪᠤᠭᠳᠤ ᠰᠠᠯᠵᠢ᠂ ᠪᠤᠳᠤᠨᠴᠠᠷ ᠮᠤᠩᠬᠠᠭ ᠨᠡᠷᠡᠲᠠᠢ ᠭᠤᠷᠪᠠᠨ ᠬᠦᠦ ᠲᠦᠷᠦᠵᠠᠢ᠃ ᠠ᠋ᠬᠡ ᠵᠢᠨ ᠵᠶ᠋ᠠᠨ ᠡᠷᠡ ᠦᠭᠡᠢᠪᠠᠷ ᠭᠤᠷᠪᠠᠨ ᠬᠦᠦ ᠲᠦᠷᠦᠭᠰᠡᠨᠳᠤ ᠪᠦᠬᠦᠨᠦᠲᠠᠢ᠂ ᠪᠡᠯᠭᠦᠨᠦᠳᠡᠢ ᠠ᠋ᠯᠳᠡᠪ ᠵᠦᠢ᠍ᠯ ᠵᠶ᠋ᠠᠷ ᠰᠡᠵᠢᠭᠯᠡᠨ ᠶᠠᠷᠢᠯᠴᠠᠵᠦ ᠪᠠᠶ᠋ᠢᠭᠰᠠᠨᠢ ᠬᠤᠷᠴᠠ ᠰᠡᠷᠭᠦᠯᠡᠩ ᠠᠯᠤᠨ ᠭᠤᠸᠠ ᠠ᠋ᠬᠡ ᠤᠯᠵᠦ ᠮᠡᠳᠡᠭᠡᠳ᠂ ᠠ᠋ᠨᠡ ᠤᠴᠢᠷᠢ ᠬᠤᠶᠠᠷ ᠬᠦᠦᠳᠤᠪᠠᠨ ᠲᠠᠶ᠋ᠢᠯᠪᠤᠷᠢᠯᠠᠵᠦ ᠦᠭᠬᠦ ᠦᠭᠡᠢ ᠪᠤᠯᠬᠤ ᠦᠭᠡᠢ ᠭᠡᠳᠡᠭᠢ ᠲᠠᠨᠢᠵᠦ ᠤᠯᠵᠠᠢ᠃ ᠲᠡᠷᠡ ᠨᠢᠭᠡ ᠠ᠋ᠳᠦᠷ ᠲᠠᠪᠤᠨ ᠬᠡᠦᠬᠡᠳ ᠵᠶ᠋ᠠᠨ ᠳᠡᠷᠭᠡᠲᠡᠪᠠᠨ ᠳᠠᠭᠤᠲᠠᠨ ᠠᠪᠴᠢᠷᠠᠵᠦ᠂ ᠭᠡᠷᠡᠯ ᠵᠶ᠋ᠠᠷ ᠵᠢᠷᠮᠦᠰᠦᠯᠩᠰᠡᠨ ᠭᠡᠳᠡᠭ ᠳᠤᠮᠤᠭ ᠵᠤᠬᠢᠶᠠᠨ ᠶᠠᠷᠢᠵᠦ ᠥᠭᠴᠡᠢ᠃ ᠲᠡᠷᠡ ᠲᠠᠪᠤᠨ ᠬᠦᠦᠳᠤᠪᠠᠨ᠄ 《ᠲᠠ ᠨᠠᠷ ᠨᠠᠷᠢᠨ ᠤᠴᠢᠷᠢ ᠮᠡᠳᠡᠬᠦ ᠦᠭᠡᠢ ᠪᠠᠶ᠋ᠢᠭ᠋ᠠᠳ ᠶᠠᠭᠤᠨᠳᠤ ᠳᠡᠮᠡᠢ ᠶᠠᠭᠤᠮᠠ ᠶᠠᠷᠢᠬᠤ ᠪᠣᠢ？ ᠰᠦᠨᠢ ᠪᠦᠷᠢ ᠨᠠᠮᠠ ᠵᠢ ᠤᠨᠲᠠᠵᠦ ᠪᠠᠶ᠋ᠢᠲᠠᠯᠠ ᠴᠠᠭ᠋ᠠᠨ ᠰᠢᠷᠠ ᠬᠦᠮᠦᠨ ᠠ᠋ᠷᠦᠬᠡ ᠳᠤᠭᠤᠨᠤᠪᠠᠷ ᠭᠡᠷᠡᠯ ᠰᠠᠴᠤᠷᠠᠭᠤᠯᠤᠭᠰᠠᠭ᠋ᠠᠷ ᠤᠷᠤᠵᠦ ᠢᠷᠡᠭᠡᠳ ᠮᠢᠨᠤ ᠬᠡᠪᠡᠯᠢ ᠵᠢ ᠢᠯᠢᠵᠦ᠂ ᠭᠡᠷᠡᠯᠨᠢ ᠮᠢᠨᠤ ᠬᠡᠪᠡᠯᠢᠳᠤ ᠰᠢᠩᠭᠡᠳᠡᠭ᠃ ᠲᠡᠷᠡ ᠬᠦᠮᠦᠨ ᠤᠷᠭᠤᠬᠤ ᠨᠠᠷᠠᠨᠤ ᠦᠶᠡᠪᠠᠷ ᠰᠢᠷᠠ ᠨᠤᠬᠠᠢ ᠮᠡᠳᠦ ᠰᠢᠷᠪᠠᠯᠵᠡᠭᠰᠡᠷ ᠭᠠᠷᠴᠦ ᠶᠠᠪᠤᠨᠠ᠃ ᠠ᠋ᠭᠦᠨᠠᠴᠠ ᠦᠵᠡᠬᠦᠳᠤ ᠠ᠋ᠨᠡ ᠭᠤᠷᠪᠠᠨ ᠬᠡᠦᠬᠡᠳ ᠠ᠋ᠩᠤᠨ ᠬᠠᠷᠠᠴᠤ ᠠᠷᠠᠳᠲᠠᠢ ᠠᠳᠠᠯᠢ ᠦᠭᠡᠢ》 ［1］ ᠭᠡᠪᠡ᠃
ᠠ᠋ᠭᠦᠨᠤ ᠳᠠᠷᠠᠭᠠ᠂ ᠠᠯᠤᠨ ᠭᠤᠸᠠ ᠠ᠋ᠬᠡ ᠲᠠᠪᠤᠨ ᠮᠦᠰᠦᠨ ᠠᠪᠴᠢᠷᠠᠵᠦ᠂ ᠲᠠᠪᠤᠨ ᠬᠦᠦᠪᠠᠨ ᠰᠤᠷᠭ᠋ᠠᠭᠰᠠᠨ ᠪᠠᠶ᠋ᠢᠨᠠ᠃ ᠬᠦᠮᠦᠨ ᠪᠦᠷᠢᠳᠤ ᠨᠢᠵᠡᠭᠡᠳ ᠮᠦᠰᠦᠨ ᠪᠠᠷᠢᠭᠤᠯᠵᠦ 《ᠬᠤᠭᠤᠯ》 ᠭᠡᠰᠡᠨᠳᠤ ᠲᠡᠳᠡ ᠬᠦᠴᠦ ᠤᠷᠤᠭᠤᠯᠤᠭᠰᠠᠨ ᠦᠭᠡᠢ ᠠᠪ ᠠᠮᠠᠷᠬᠠᠨ ᠬᠤᠭᠤᠯᠵᠦ ᠤᠷᠬᠢᠪᠠ᠃ ᠵᠠᠯᠭ᠋ᠠᠭ᠋ᠠᠳ ᠲᠠᠪᠤᠨ ᠮᠦᠰᠦᠨᠢ ᠨᠡᠶ᠋ᠢᠯᠡᠭᠦᠯᠦᠨ ᠦᠭᠭᠦᠭᠡᠳ 《ᠬᠤᠭᠤᠯ》 ᠭᠡᠰᠡᠨᠳᠤ ᠬᠡᠨ ᠠᠯᠢᠨᠨᠢ ᠴᠦ᠍ ᠬᠤᠭᠤᠯᠵᠦ ᠴᠢᠳᠠᠭᠰᠠᠨ ᠦᠭᠡᠢ᠃ ᠠ᠋ᠭᠦᠨᠳᠤ ᠠᠯᠤᠨ ᠭᠤᠸᠠ ᠠ᠋ᠬᠡᠠᠴᠠ᠄ 《ᠲᠠᠨᠤ ᠲᠠᠪᠤᠭᠤᠯᠠ ᠪᠦᠷ ᠮᠢᠨᠤ ᠨᠢᠭᠡ ᠯᠠ ᠬᠡᠪᠡᠯᠢᠠᠴᠠ ᠲᠦᠷᠦᠭᠰᠡᠨ ᠶᠤᠮ᠂ ᠲᠠ ᠨᠠᠷ ᠬᠡᠷᠪᠡ ᠭᠠᠭᠴᠠ ᠭᠠᠭᠴᠠᠭ᠋ᠠᠷ ᠵᠶ᠋ᠠᠨ ᠰᠠᠯᠤᠨ ᠬᠠᠭ᠋ᠠᠴᠠᠵᠦ᠂ ᠬᠤᠪᠢ ᠬᠤᠪᠢᠪᠠᠨ ᠬᠦᠭᠡᠭᠡᠪᠡᠯ᠂ ᠶᠠᠭ ᠨᠢᠭᠡ ᠮᠦᠰᠦᠨ ᠰᠢᠭ ᠠᠮᠠᠷᠬᠠᠨ ᠬᠤᠭᠤᠷᠠᠵᠦ ᠪᠤᠰᠤᠳᠲᠤ ᠢᠯᠠᠭᠳᠠᠨᠠ᠂ ᠭᠡᠪᠡᠴᠦ ᠪᠠᠭᠯᠠᠭᠰᠠᠨ ᠲᠠᠪᠤᠨ ᠮᠦᠰᠦᠨ ᠰᠢᠭ ᠪᠦᠯᠬᠦᠮᠳᠡᠨ ᠨᠢᠭᠡᠳᠴᠦ ᠶᠠᠪᠤᠪᠠᠯ ᠬᠡᠨᠳᠤ ᠴᠦ᠍ ᠢᠯᠠᠭᠳᠠᠭ᠍ᠤ ᠦᠭᠡᠢ ᠪᠤᠯᠤᠨᠠ》 ［2］ ᠭᠡᠵᠦ ᠰᠤᠷᠭ᠋ᠠᠵᠦ ᠬᠡᠯᠡᠭᠰᠡᠨ ᠪᠠᠶ᠋ᠢᠨᠠ᠃
ᠠᠯᠤᠨ ᠭᠤᠸᠠ ᠠ᠋ᠬᠡ ᠵᠢᠨ ᠠ᠋ᠨᠡ ᠰᠤᠷᠭ᠋ᠠᠯ ᠦᠭᠡᠨᠳᠤ᠂ ᠪᠦᠯᠬᠦᠮᠳᠡᠨ ᠨᠢᠭᠲᠠᠷᠠᠭ᠍ᠤ ᠵᠢᠨ ᠴᠢᠬᠤᠯᠠ ᠴᠢᠨᠠᠷ ᠪᠠ ᠬᠠᠭ᠋ᠠᠴᠠᠵᠦ ᠪᠤᠲᠠᠷᠠᠭ᠍ᠤ ᠵᠢᠨ ᠠᠶᠤᠯ ᠬᠤᠤᠷᠢ ᠲᠤᠩ ᠲᠦᠷᠰᠦᠯᠢᠭ ᠵᠶ᠋ᠠᠷ ᠴᠢᠬᠤᠯᠠᠴᠢᠯᠠᠵᠦ ᠵᠢᠭ᠋ᠠᠭᠰᠠᠨ ᠶᠤᠮ᠃ ᠪᠠᠯᠠᠷ ᠬᠤᠴᠤᠷᠤᠩᠭᠤᠢ ᠨᠡᠶ᠋ᠢᠭᠡᠮᠳᠤ᠂ ᠡᠴᠢᠭᠡ ᠪᠤᠯᠤᠭᠰᠠᠳᠨᠢ ᠠᠵᠤ ᠲᠦᠷᠦᠬᠦ ᠵᠢᠨ ᠭᠤᠤᠯ ᠲᠤᠯᠭ᠋ᠠᠭᠤᠷᠢ ᠬᠦᠴᠦᠨ ᠪᠤᠯᠤᠭᠰᠠᠨᠤ ᠬᠤᠪᠢᠳᠤ ᠭᠡᠷ ᠤᠷᠤᠨᠳᠤᠪᠠᠨ ᠬᠤᠷᠭᠤᠳᠠᠵᠦ ᠰᠠᠭᠤᠬᠤᠨᠢ ᠲᠤᠩ ᠬᠤᠪᠤᠷ ᠪᠠᠶ᠋ᠢᠭᠰᠠᠨ ᠤᠴᠢᠷᠠᠴᠠ᠂ ᠦᠷᠡ ᠬᠡᠦᠬᠡᠳ ᠵᠶ᠋ᠠᠨ ᠰᠤᠷᠭ᠋ᠠᠵᠦ ᠬᠦᠮᠦᠵᠢᠭᠦᠯᠬᠦ ᠠ᠋ᠭᠦᠷᠭᠡ ᠬᠠᠷᠢᠭᠤᠴᠠᠯᠭᠠ ᠵᠢ ᠭᠤᠤᠯᠳᠠᠭᠤ ᠠ᠋ᠬᠡᠴᠦᠳᠨᠢ ᠠ᠋ᠭᠦᠷᠭᠡᠯᠡᠵᠦ ᠪᠠᠶ᠋ᠢᠵᠠᠢ᠃
ᠪᠢᠳᠠᠭᠤ ᠮᠤᠩᠬᠠᠭ ᠭᠡᠵᠦ ᠭᠤᠯᠤᠭᠳᠠᠵᠤ ᠪᠠᠶ᠋ᠢᠭᠰᠠᠨ ᠪᠤᠳᠤᠨᠴᠠᠷ ᠮᠤᠩᠬᠠᠭ ᠬᠦᠷᠲᠡᠯᠡ 《ᠪᠡᠶᠡ ᠲᠦᠷᠦᠭᠦᠦᠲᠠᠢ᠂ ᠲᠡᠪᠡᠯ ᠵᠠᠬᠠᠲᠠᠢ ᠰᠠᠶ᠋ᠢᠨ》 ［3］ ᠭᠡᠳᠡᠭ ᠭᠦᠨ ᠤᠬᠠᠭ᠋ᠠᠯᠢᠭ᠂ ᠤᠯᠤᠰ ᠲᠦᠷᠦ ᠵᠢᠨ ᠵᠤᠷᠢᠯᠳᠠᠲᠠᠢ ᠦᠵᠡᠯᠲᠡ ᠵᠢ ᠲᠤᠷᠠᠳᠤᠨ ᠭᠠᠷᠭ᠋ᠠᠭᠰᠠᠨ ᠶᠤᠮ᠃ 《ᠮᠤᠩᠭᠤᠯᠤᠨ ᠨᠢᠭᠤᠴᠠ ᠲᠤᠪᠴᠢᠶᠠᠨ》ᠳᠤᠬᠢ ᠠᠯᠤᠨ ᠭᠤᠸᠠ ᠠ᠋ᠬᠡ ᠵᠢᠨ ᠲᠦᠷᠢ ᠪᠤᠯ ᠪᠢᠯᠢᠭ ᠰᠠᠶ᠋ᠢᠳᠠᠢ᠂ ᠤᠶᠤᠨ ᠤᠬᠠᠭ᠋ᠠᠨᠲᠠᠢ ᠠᠭᠤᠤ ᠶᠡᠭᠡ ᠠ᠋ᠮᠡᠭᠲᠡᠢ ᠪᠤᠯᠤᠨᠠ᠃
ᠬᠤᠶᠠᠷ᠂ ᠦᠭᠡᠯᠦᠨ ᠦᠵᠢᠨ
ᠠ᠋ᠷᠲᠡᠨᠤ ᠮᠤᠩᠭᠤᠯᠤᠨ ᠰᠤᠤᠳᠦ ᠠ᠋ᠮᠡᠭᠲᠡᠶ᠋ᠢᠴᠦᠳᠢ ᠲᠤᠷᠠᠳᠬᠤᠳᠤ ᠦᠭᠡᠯᠦᠨ ᠠ᠋ᠬᠡ ᠵᠢᠨ ᠠᠴᠢ ᠭᠠᠪᠢᠶᠠ ᠵᠢ ᠮᠠᠷᠲᠠᠵᠦ ᠪᠤᠯᠬᠤ ᠦᠭᠡᠢ᠃ ᠶᠢᠰᠦᠭᠡᠢ ᠪᠠᠭ᠋ᠠᠳᠤᠷᠢ ᠨᠠᠰᠤ ᠪᠠᠷᠠᠭ᠍ᠤᠲᠠᠢ ᠵᠡᠷᠭᠡ᠂ ᠶᠢᠰᠦᠭᠡᠢ ᠪᠠᠭ᠋ᠠᠳᠤᠷᠤᠨ ᠲᠦᠷᠦᠯ ᠰᠠᠳᠤᠨ᠂ ᠬᠠᠷᠢᠶᠠᠳᠦ ᠢᠷᠭᠡᠳ᠂ ᠠᠨᠳᠠ ᠨᠦᠬᠦᠷ᠂ ᠵᠠᠷᠤᠴᠠ ᠪᠤᠭᠤᠯᠨᠢ ᠬᠦᠷᠲᠡᠯᠡ ᠰᠠᠯᠵᠦ ᠶᠠᠪᠤᠭᠰᠠᠨᠠᠴᠠ ᠲᠡᠳᠡᠨᠤ ᠠᠵᠦ ᠠᠮᠢᠳᠤᠷᠠᠯᠨᠢ ᠠ᠋ᠳᠦᠷ ᠢᠷᠡᠬᠦᠶᠡ ᠪᠡᠷᠬᠡᠳᠡᠨ ᠲᠤᠶ᠋ᠢᠯᠳᠠᠵᠦ᠂ ᠦᠬᠦᠯ ᠤᠨᠠᠯᠤᠨ ᠠᠶᠤᠯ ᠵᠤᠪᠠᠯᠠᠩ ᠴᠦ᠍ ᠲᠤᠯᠭ᠋ᠠᠷᠠᠵᠦ ᠪᠠᠶ᠋ᠢᠯᠠ᠃ ᠭᠡᠶᠡ᠂ ᠬᠦᠴᠢᠷ ᠪᠡᠷᠬᠡ ᠠᠶᠤᠯ ᠵᠤᠪᠠᠯᠠᠩᠲᠠᠢ ᠭᠠᠰᠢᠭᠤᠨ ᠬᠠᠷᠠᠰᠠᠯᠳᠦ ᠪᠠᠶ᠋ᠢᠳᠠᠯᠨᠢ ᠦᠭᠡᠯᠦᠨ ᠠ᠋ᠬᠡ ᠵᠢᠨ ᠰᠦᠰᠥ ᠵᠤᠷᠢᠭᠢ ᠮᠤᠬᠤᠭ᠋ᠠᠵᠦ ᠴᠢᠳᠠᠭᠰᠠᠨ ᠦᠭᠡᠢ᠃ ᠰᠦᠰᠥ ᠵᠤᠷᠢᠭᠲᠠᠢ ᠦᠭᠡᠯᠦᠨ ᠠ᠋ᠬᠡ ᠲᠤᠯᠭ᠋ᠠᠷᠠᠵᠦ ᠢᠷᠡᠭᠰᠡᠨ ᠠᠵᠤ ᠠᠮᠢᠳᠤᠷᠠᠯᠤᠨ ᠵᠶ᠋ᠠᠨ ᠭᠠᠴᠢᠭ ᠬᠦᠴᠢᠷᠳᠡᠯᠲᠠᠢ ᠰᠢᠳᠦ ᠵᠠᠭᠤᠨ ᠲᠡᠮᠡᠴᠡᠵᠦ ᠶᠠᠪᠤᠪᠠ᠃ ᠲᠡᠷᠡ ᠠᠵᠢᠯᠴᠢ ᠰᠢᠷᠭ᠋ᠠᠭᠤ ᠬᠦᠳᠡᠯᠮᠦᠷᠢᠨ᠂ ᠭᠤᠭᠤᠳ ᠮᠠᠩᠭᠢᠷ ᠲᠡᠭᠦᠵᠦ᠂ ᠵᠢᠭ᠋ᠠᠰᠦ ᠵᠢᠷᠭ᠋ᠠᠬᠠᠢ ᠰᠢᠭᠦᠨ᠂ ᠲᠠᠷᠪᠠᠭᠠ ᠵᠤᠷᠠᠮᠠ ᠠᠩᠨᠠᠵᠦ᠂ ᠠᠮᠢ ᠭᠤᠤᠯ ᠵᠶ᠋ᠠᠨ ᠵᠠᠯᠭ᠋ᠠᠵᠦ ᠠᠷᠠᠢ ᠴᠢᠮᠠᠢ ᠠᠮᠢᠳᠤᠷᠠᠵᠦ ᠶᠠᠪᠤᠭᠰᠠᠨ ᠪᠢᠯᠡ᠃ ᠠ᠋ᠭᠦᠨ ᠵᠶ᠋ᠠᠷ ᠦᠯᠦ ᠪᠠᠷᠠᠮ᠂ ᠦᠨᠦᠴᠢᠨ ᠬᠤᠴᠤᠷᠤᠭᠰᠠᠨ ᠦᠷᠡ ᠬᠡᠦᠬᠡᠳ ᠵᠶ᠋ᠠᠨ ᠰᠤᠷᠭ᠋ᠠᠨ ᠬᠦᠮᠦᠵᠢᠭᠦᠯᠵᠦ᠂ ᠬᠦᠮᠦᠨᠤ ᠵᠡᠷᠭᠡᠳᠤ ᠬᠦᠷᠭᠡᠬᠦ ᠭᠡᠵᠦ ᠬᠦᠴᠦᠯᠡᠨ ᠴᠢᠷᠮᠠᠶ᠋ᠢᠭᠰᠠᠨ ᠪᠢᠯᠡ᠃
ᠦᠭᠡᠯᠦᠨ ᠠ᠋ᠬᠡ ᠵᠢᠨ ᠠᠵᠦ ᠠᠮᠢᠳᠤᠷᠠᠯᠤᠨ ᠵᠶ᠋ᠠᠨ ᠬᠦᠴᠢᠷ ᠭᠠᠴᠢᠭᠲᠠᠢ ᠬᠡᠷᠬᠢᠨ ᠲᠡᠮᠡᠴᠡᠵᠦ᠂ ᠦᠨᠦᠴᠢᠨ ᠦᠷᠦᠭᠡᠰᠦᠨ ᠦᠷᠡ ᠬᠡᠦᠬᠡᠳ ᠵᠶ᠋ᠠᠨ ᠬᠡᠷᠬᠢᠨ ᠭᠦᠮᠦᠵᠢᠭᠦᠯᠦᠨ ᠦᠰᠭᠡᠵᠦ ᠪᠠᠶ᠋ᠢᠭᠰᠠᠨ ᠪᠠ ᠲᠡᠭᠦᠨᠤ ᠠ᠋ᠷᠡᠰ ᠬᠠᠲᠠᠭᠤ ᠰᠦᠰᠥ ᠵᠤᠷᠢᠭ᠂ ᠠᠵᠢᠯᠴᠢ ᠬᠦᠳᠡᠯᠮᠦᠷᠢᠴᠢ ᠵᠠᠩ ᠴᠢᠨᠠᠷᠢ 《ᠮᠤᠩᠭᠤᠯᠤᠨ ᠨᠢᠭᠤᠴᠠ ᠲᠤᠪᠴᠢᠶᠠᠨ》ᠳᠤ ᠰᠢᠯᠦᠭᠤᠨ ᠬᠡᠯᠪᠡᠷᠢᠪᠠᠷ ᠪᠢᠴᠢᠭᠰᠡᠨ ᠪᠠᠶ᠋ᠢᠨᠠ᠃ ᠲᠠᠷᠤᠢ᠄
ᠤᠶᠤᠨᠲᠠᠢ ᠲᠦᠷᠦᠭᠰᠡᠨ ᠦᠭᠡᠯᠦᠨ ᠦᠵᠢᠨ
ᠤᠶᠤᠳᠠᠯᠳᠦ ᠳᠡᠪᠡᠯᠢ ᠤᠭᠰᠢᠭᠤᠯᠤᠨ ᠠ᠋ᠮᠦᠰᠴᠦ
ᠤᠭᠤᠳᠤᠷ ᠬᠤᠷᠮᠤᠢ ᠵᠢ ᠰᠢᠭᠤᠨ ᠪᠦᠰᠡᠯᠡᠵᠦ
ᠤᠨᠤᠨ ᠮᠦᠷᠡᠨᠢ ᠦᠭᠰᠦᠵᠦ ᠤᠷᠤᠭᠤᠳᠠᠵᠦ
ᠤᠯᠢᠷᠰᠤ ᠮᠤᠶ᠋ᠢᠯᠢ ᠲᠡᠭᠦᠵᠦ ᠶᠠᠪᠤᠵᠦ
ᠦᠴᠦᠬᠡᠨ ᠬᠦᠪᠡᠭᠦᠳ ᠵᠶ᠋ᠠᠨ ᠬᠠᠶ᠋ᠢᠷᠠᠯᠠᠨ ᠲᠡᠵᠢᠭᠡᠵᠦ
ᠠ᠋ᠳᠦᠷ ᠰᠦᠨᠢ ᠵᠢ ᠠᠷᠭ᠋ᠠᠴᠠᠭ᠋ᠠᠨ ᠦᠩᠭᠡᠷᠡᠭᠦᠯᠪᠡ᠃
ᠴᠢᠳᠠᠯᠲᠠᠢ ᠲᠦᠷᠦᠭᠰᠡᠨ ᠦᠭᠡᠯᠦᠨ ᠠ᠋ᠬᠡ
ᠴᠠᠷᠠᠰᠤᠨ ᠱᠤᠷᠤ ᠵᠢ ᠪᠠᠷᠢᠨ ᠶᠠᠪᠤᠵᠦ
ᠴᠠᠪᠴᠢᠮᠠ ᠭᠠᠵᠠᠷᠢ ᠦᠭᠰᠦᠵᠦ ᠤᠷᠤᠭᠤᠳᠠᠵᠦ
ᠬᠠᠪᠢ ᠵᠢᠨ ᠮᠠᠩᠭᠢᠷᠢ ᠮᠠᠯᠲᠠᠨ ᠲᠡᠭᠦᠵᠦ
ᠬᠠᠳ ᠬᠦᠪᠡᠭᠦᠳ ᠵᠶ᠋ᠠᠨ ᠬᠠᠶ᠋ᠢᠷᠠᠯᠠᠨ ᠲᠡᠵᠢᠭᠡᠵᠦ
ᠬᠠᠨᠲᠠᠯᠠ ᠴᠠᠳᠲᠠᠯᠠ ᠢᠳᠡᠭᠦᠯᠵᠦ ᠦᠰᠭᠡᠪᠡ᠃
ᠭᠤᠸᠠ ᠲᠦᠷᠦᠭᠰᠡᠨ ᠦᠭᠡᠯᠦᠨ ᠠ᠋ᠬᠡ
ᠭᠤᠬᠠ ᠳᠡᠭᠡᠭᠡ ᠪᠠᠷᠢᠨ ᠶᠠᠪᠤᠵᠦ
ᠭᠤᠤᠯ ᠵᠡᠪᠡ ᠵᠢ ᠦᠭᠰᠦᠵᠦ ᠤᠷᠤᠭᠤᠳᠠᠵᠦ
ᠭᠤᠭᠤᠳ ᠮᠠᠩᠭᠢᠷᠢ ᠲᠡᠭᠦᠨ ᠶᠠᠪᠤᠵᠦ
ᠬᠤᠳᠤᠭᠲᠠᠨ ᠬᠦᠪᠡᠭᠦᠳ ᠵᠶ᠋ᠠᠨ ᠲᠡᠵᠢᠭᠡᠨ ᠦᠰᠭᠡᠪᠡ ［4］ ᠭᠡᠬᠦ ᠮᠡᠳᠦ᠃
ᠦᠭᠡᠯᠦᠨ ᠠ᠋ᠬᠡ ᠬᠦᠴᠢᠷ ᠵᠤᠪᠠᠯᠠᠩᠢ ᠲᠤᠭᠤᠯᠤᠨ᠂ ᠦᠷᠡ ᠬᠡᠦᠬᠡᠳ ᠵᠶ᠋ᠠᠨ ᠭᠡᠳᠡᠰᠦ ᠴᠠᠳᠬᠤᠯᠠᠩ᠂ ᠮᠦᠷᠦ ᠪᠦᠳᠦᠨ ᠶᠠᠪᠤᠭᠤᠯᠵᠦ ᠪᠠᠶ᠋ᠢᠭᠰᠠᠨ ᠵᠶ᠋ᠠᠷ ᠦᠯᠦ ᠪᠠᠷᠠᠮ ᠦᠷᠡ ᠬᠡᠦᠬᠡᠳᠲᠤᠪᠠᠨ ᠠ᠋ᠶᠡ ᠪᠦᠯᠬᠦᠮᠳᠡᠯᠢ ᠴᠢᠬᠤᠯᠠᠴᠢᠯᠠᠨ ᠰᠤᠷᠭ᠋ᠠᠵᠦ ᠪᠠᠶ᠋ᠢᠭᠰᠠᠨ ᠶᠤᠮ᠃ ᠲᠠᠷᠤᠢ 1173 ᠤᠨᠳᠤ ᠵᠢᠭ᠋ᠠᠰᠤ ᠪᠤᠯᠵᠤᠮᠤᠷ ᠪᠤᠯᠢᠶᠠᠯᠳᠤᠭᠰᠠᠨ ᠬᠡᠷᠡᠭ ᠵᠶ᠋ᠠᠷ ᠲᠡᠮᠦᠵᠢᠨ ᠬᠠᠰᠠᠷ ᠬᠤᠶᠠᠭᠤᠯᠠ ᠪᠡᠭᠲᠡᠷᠢ ᠬᠠᠷᠪᠤᠵᠦ ᠠᠯᠠᠭᠰᠠᠨᠨᠢ ᠦᠭᠡᠯᠦᠨ ᠠ᠋ᠬᠡ ᠵᠢ ᠲᠤᠶ᠋ᠢᠯ ᠵᠶ᠋ᠠᠷ ᠬᠢᠯᠢᠩᠨᠡᠭᠦᠯᠵᠦ ᠪᠢᠯᠡ᠃ ᠦᠭᠡᠯᠦᠨ ᠠ᠋ᠬᠡ᠄
《ᠬᠠᠨᠢᠪᠠᠨ ᠪᠠᠷᠠᠭᠰᠠᠳ
ᠬᠠᠯᠠᠭᠤᠨ ᠬᠡᠪᠡᠯᠢᠠᠴᠠ ᠬᠠᠭ᠋ᠠᠷᠠᠨ ᠭᠠᠷᠬᠤᠳᠤᠪᠠᠨ
ᠬᠠᠷᠠ ᠨᠦᠵᠢ ᠠᠳᠬᠤᠨ ᠲᠦᠷᠦᠭᠰᠡᠨ ᠪᠢᠯᠡ᠃
ᠬᠠᠪᠢᠷᠭᠠᠪᠠᠨ ᠬᠠᠵᠠᠭ᠍ᠤ
ᠬᠠᠰᠠᠷ ᠨᠤᠬᠠᠢ ᠮᠡᠳᠦ
ᠬᠠᠳᠠᠨᠳᠤ ᠲᠤᠪᠳᠤᠯᠬᠤ
ᠬᠠᠪᠠᠯᠠᠨ ᠢᠷᠪᠢᠰ ᠮᠡᠳᠦ
ᠠᠭᠤᠷ ᠵᠶ᠋ᠠᠨ ᠳᠠᠷᠤᠨ ᠶᠠᠳᠠᠭ᠍ᠤ
ᠤᠮᠤᠭᠳᠤ ᠠᠷᠰᠯᠠᠨ ᠮᠡᠳᠦ
ᠠᠮᠢᠳᠦ ᠵᠢ ᠵᠠᠯᠭᠢᠬᠤ
ᠠᠶᠤᠯᠳᠦ ᠮᠠᠩᠭᠤᠰ ᠮᠡᠳᠦ
ᠰᠡᠭᠦᠳᠡᠷ ᠵᠶ᠋ᠠᠨ ᠲᠤᠪᠳᠤᠯᠬᠤ
ᠱᠤᠩᠬᠤᠷ ᠰᠢᠪᠠᠭᠤ ᠮᠡᠳᠦ
ᠰᠠᠮᠢ ᠵᠠᠯᠭᠢᠬᠤ
ᠴᠤᠷᠠᠭᠠ ᠵᠢᠭ᠋ᠠᠰᠤ ᠮᠡᠳᠦ
ᠪᠤᠳᠤᠭᠤ ᠵᠢᠨ ᠵᠶ᠋ᠠᠨ
ᠪᠣᠷᠪᠢ ᠵᠢ ᠬᠠᠵᠠᠭ᠍ᠤ
ᠦᠯ ᠪᠤᠤᠷᠠ ᠮᠡᠳᠦ
ᠪᠤᠷᠤᠭ᠋ᠠᠨᠳᠤ ᠰᠢᠭ᠋ᠠᠬᠤ
ᠬᠦᠬᠡ ᠴᠢᠨ᠋ᠸᠠ ᠮᠡᠳᠦ
ᠦᠷᠡᠪᠠᠨ ᠦᠯᠳᠡᠵᠦ
ᠠ᠋ᠭᠦᠷᠲᠤᠨᠢ ᠢᠳᠡᠬᠦ
ᠠᠩᠭᠢᠷ ᠰᠢᠪᠠᠭᠤ ᠮᠡᠳᠦ
ᠬᠡᠪᠲᠡᠰᠢ ᠵᠢᠨᠢ ᠬᠦᠨᠳᠡᠵᠦ ᠪᠤᠯᠬᠤ ᠦᠭᠡᠢ
ᠭᠡᠳᠡᠷᠭᠦ ᠲᠤᠪᠳᠤᠯᠬᠤ
ᠬᠡᠷᠴᠡᠭᠡᠢ ᠴᠦᠭᠡᠪᠦᠷᠢ ᠮᠡᠳᠦ
ᠪᠠᠷᠢᠵᠦ ᠢᠳᠡᠬᠦᠳᠤ ᠬᠤᠶ᠋ᠢᠰᠢ ᠦᠭᠡᠢ
ᠪᠠᠷᠰ ᠠᠷᠢᠶᠠᠲᠠᠨ ᠮᠡᠳᠦ
ᠪᠠᠯᠠᠮᠠᠳ ᠳᠤᠪᠳᠤᠯᠬᠤ
ᠪᠠᠷᠤᠭ ᠨᠤᠬᠠᠢ ᠮᠡᠳᠦ
ᠰᠦᠢ᠍ᠳ ᠪᠤᠯᠠᠢ！
ᠰᠡᠭᠦᠳᠡᠷᠠᠴᠠ ᠦᠭᠡᠷᠡ ᠲᠠᠰᠢᠭᠤᠷ ᠦᠭᠡᠢ ᠪᠠᠶ᠋ᠢᠬᠤᠳᠤ ᠲᠠᠶ᠋ᠢᠴᠢᠭᠤᠳ ᠨᠠᠷᠤᠨ ᠬᠦᠨᠦᠭᠡᠯᠢ ᠬᠦᠯᠢᠶᠡᠵᠦ ᠦᠰᠢᠶᠡᠪᠠᠨ ᠶᠠᠭ᠋ᠠᠬᠢᠨ ᠠᠪᠬᠤ ᠭᠡᠵᠦ ᠪᠠᠶ᠋ᠢᠲᠠᠯᠠ᠂ ᠲᠠ ᠨᠠᠷ ᠶᠠᠭᠤᠨᠳᠤ ᠠ᠋ᠶ᠋ᠢᠮᠦ ᠬᠡᠷᠡᠭ ᠬᠢᠪᠡ？》 ᠭᠡᠵᠦ ᠠ᠋ᠷᠲᠡᠨᠤ ᠦᠭᠡᠠᠴᠠ ᠠ᠋ᠰᠢ ᠳᠠᠲᠠᠨ᠂ ᠡᠪᠦᠭᠡᠳᠤᠨ ᠦᠭᠡ ᠵᠢ ᠦᠨᠳᠦᠰᠦ ᠪᠤᠯᠭ᠋ᠠᠨ᠂ ᠬᠤᠶᠠᠷ ᠬᠡᠦᠬᠡᠳ ᠵᠶ᠋ᠠᠨ ᠶᠡᠬᠡᠳᠡ ᠠᠭᠤᠷᠯᠠᠨ ᠪᠤᠷᠤᠭᠤᠰᠢᠶᠠᠨ ᠵᠢᠮᠡᠯᠡᠪᠡ ［5］᠃ ᠠ᠋ᠭᠦᠨᠠᠴᠠ ᠲᠡᠮᠦᠵᠢᠨ ᠬᠠᠨᠢ ᠨᠦᠬᠦᠷ ᠦᠭᠡᠢ ᠪᠤᠯ ᠲᠠᠶ᠋ᠢᠰᠤᠨ ᠵᠶ᠋ᠠᠨ ᠳᠠᠷᠤᠵᠦ ᠴᠢᠳᠠᠭ᠍ᠤ ᠦᠭᠡᠢ ᠭᠡᠳᠡᠭᠢ ᠤᠶ᠋ᠢᠯᠠᠭ᠋ᠠᠵᠦ᠂ ᠠ᠋ᠶᠡ ᠪᠦᠯᠬᠦᠮᠳᠡᠯᠢ ᠨᠠᠨᠳᠢᠩᠨᠠᠨ ᠬᠠᠶ᠋ᠢᠷᠠᠯᠠᠵᠦ᠂ ᠦᠨᠡᠨᠴᠢ ᠰᠢᠳᠤᠷᠭᠤ ᠵᠠᠩ ᠴᠢᠨᠠᠷᠢ ᠠ᠋ᠷᠬᠢᠮᠯᠡᠬᠦ ᠪᠤᠯᠵᠠᠢ᠃ ᠠ᠋ᠳᠡᠭᠡᠷ ᠪᠦᠬᠦᠨᠨᠢ ᠲᠡᠮᠦᠵᠢᠨᠤ ᠪᠦᠬᠦ ᠮᠤᠩᠭᠤᠯᠢ ᠬᠤᠷᠢᠶᠠᠨ ᠨᠢᠭᠡᠳᠭᠡᠬᠦ ᠶᠡᠭᠡ ᠦᠢ᠍ᠯᠡᠰᠲᠤᠨᠢ ᠳᠤᠶ᠋ᠢᠯᠤᠨ ᠶᠡᠭᠡ ᠳᠤᠰᠠ ᠳᠡᠮᠵᠢᠭᠡ ᠪᠤᠯᠤᠭᠰᠠᠨ ᠪᠠᠶ᠋ᠢᠨᠠ᠃
ᠦᠭᠡᠯᠦᠨ ᠦᠵᠢᠨ ᠳᠤᠶ᠋ᠢᠯᠤᠨ ᠦᠷᠦᠰᠢᠶᠠᠯᠳᠦ ᠠ᠋ᠨᠡᠷᠢᠩᠭᠦᠢ ᠬᠦᠮᠦᠨ ᠪᠠᠶ᠋ᠢᠯᠠ᠃ ᠦᠨᠦᠴᠢᠨ ᠦᠷᠦᠭᠡᠰᠦᠨ ᠬᠡᠦᠬᠡᠳᠢ ᠲᠤᠰᠠᠯᠠᠨ ᠳᠡᠮᠵᠢᠵᠦ᠂ ᠲᠡᠵᠢᠭᠡᠨ ᠬᠦᠮᠦᠵᠢᠭᠦᠯᠵᠦ ᠦᠪᠡᠷᠤᠨ ᠬᠡᠦᠬᠡᠳᠠᠴᠠᠪᠠᠨ ᠳᠤᠤᠷᠠ ᠦᠭᠡᠢ ᠠᠪᠴᠦ ᠶᠠᠪᠤᠭᠰᠠᠨ ᠶᠤᠮ᠃ ᠲᠡᠮᠦᠵᠢᠨ ᠮᠡᠷᠭᠢᠳᠢ ᠮᠦᠬᠦᠭᠡᠬᠦᠳᠤᠪᠠᠨ ᠬᠦᠴᠦ ᠵᠢ ᠤᠯᠵᠦ ᠠᠪᠤᠭᠰᠠᠨᠳᠤ᠂ ᠦᠭᠡᠯᠦᠨ ᠦᠵᠢᠨ ᠠ᠋ᠷᠭᠦᠮᠡᠯ ᠬᠦᠦᠪᠠᠨ ᠪᠤᠯᠭ᠋ᠠᠨ ᠲᠡᠵᠢᠭᠡᠪᠡ᠃ ᠲᠠᠶ᠋ᠢᠴᠢᠭᠤᠳᠤᠨ ᠬᠠᠷᠢᠶᠠᠨᠤ ᠪᠠᠰᠤᠳᠤᠨ ᠨᠤᠳᠤᠭᠠᠴᠠ ᠬᠦᠬᠡᠴᠦ ᠵᠢ ᠤᠯᠵᠦ ᠠᠪᠤᠭ᠋ᠠᠳ ᠦᠭᠡᠯᠦᠨ ᠦᠵᠢᠨ ᠠ᠋ᠷᠭᠦᠮᠡᠯ ᠬᠦᠦᠪᠠᠨ ᠪᠤᠯᠭ᠋ᠠᠨ ᠲᠡᠵᠢᠭᠡᠭᠰᠡᠨ᠃ 1196 ᠤᠨᠳᠤ ᠲᠡᠮᠦᠵᠢᠨ ᠲᠠᠲ᠋ᠠᠷᠤᠨ ᠮᠡᠭᠦᠵᠢᠨ ᠰᠡᠭᠦᠯᠳᠦ ᠵᠢ ᠲᠠᠶ᠋ᠢᠯᠠᠵᠦ᠂ ᠰᠢᠬᠢᠬᠤᠳᠤᠭᠢ ᠤᠯᠵᠦ ᠠᠪᠤᠭᠰᠠᠨᠳᠤ᠂ ᠦᠭᠡᠯᠦᠨ ᠦᠵᠢᠨ ᠠ᠋ᠷᠭᠦᠮᠡᠯ ᠬᠦᠦᠪᠠᠨ ᠪᠤᠯᠭ᠋ᠠᠨ ᠲᠡᠵᠢᠭᠡᠭᠰᠡᠨ᠃ ᠵᠦᠷᠬᠢᠨ ᠠᠶ᠋ᠢᠮᠠᠭᠲᠠᠢ ᠬᠦᠳᠡᠭᠡ ᠠᠷᠠᠯᠤᠨ ᠳᠤᠯᠤᠭ᠋ᠠᠨ ᠪᠤᠯᠳᠠᠬᠠ ᠭᠡᠳᠡᠭ ᠭᠠᠵᠠᠷ ᠪᠠᠶ᠋ᠢᠯᠳᠤᠬᠤᠳᠤ᠂ ᠪᠤᠷᠤᠬᠤᠯ ᠨᠡᠷᠡᠲᠠᠢ ᠬᠦᠪᠡᠭᠦᠨᠢ ᠤᠯᠵᠦ ᠠᠪᠤᠭ᠋ᠠᠳ ᠦᠭᠡᠯᠦᠨ ᠦᠵᠢᠨ ᠠ᠋ᠷᠭᠦᠮᠡᠯ ᠬᠦᠦᠪᠠᠨ ᠪᠤᠯᠭ᠋ᠠᠨ ᠲᠡᠵᠢᠭᠡᠭᠰᠡᠨ ᠪᠠᠶ᠋ᠢᠨᠠ᠃ ᠠ᠋ᠳᠡᠭᠡᠷ ᠲᠡᠵᠢᠭᠡᠭᠰᠡᠨ ᠬᠦᠪᠡᠭᠦᠨ ᠵᠶ᠋ᠠᠨ ᠦᠪᠡᠷᠤᠨ ᠦᠷᠡᠲᠠᠢᠪᠠᠨ ᠠᠳᠠᠯᠢ ᠦᠵᠡᠵᠦ
《ᠬᠦᠳᠡᠭᠡᠨᠠᠴᠠ ᠤᠯᠵᠦ
ᠬᠦᠯᠳᠤᠪᠠᠨ ᠪᠦᠪᠡᠶ᠋ᠢᠯᠡᠵᠦ
ᠬᠦᠮᠦᠵᠢᠭᠦᠯᠦᠨ ᠲᠡᠵᠢᠭᠡᠵᠦ
ᠬᠦᠵᠦᠭᠦᠨᠠᠴᠠᠨᠢ ᠲᠠᠲᠠᠵᠦ
ᠬᠦᠮᠦᠨᠤ ᠵᠡᠷᠭᠡ ᠪᠤᠯᠭ᠋ᠠᠵᠦ
ᠠ᠋ᠭᠡᠮᠠᠴᠠᠨᠢ ᠲᠠᠲᠠᠵᠦ
ᠡᠷᠡ ᠵᠢᠨ ᠵᠡᠷᠭᠡᠳᠤ ᠤᠷᠤᠭᠤᠯᠵᠦ》 ［6］
ᠦᠪᠡᠷᠤᠨ ᠬᠦᠪᠡᠭᠦᠳᠤᠨ ᠵᠶ᠋ᠠᠨ ᠨᠦᠬᠦᠷ ᠰᠡᠭᠦᠳᠡᠷ ᠪᠤᠯᠭ᠋ᠠᠵᠦ᠂ 《ᠠ᠋ᠳᠦᠷ ᠦᠵᠡᠬᠦ ᠨᠢᠳᠦ᠂ ᠰᠦᠨᠢ ᠰᠤᠨᠤᠰᠬᠤ ᠴᠢᠬᠢ》 ᠪᠤᠯᠭ᠋ᠠᠶᠠ ᠭᠡᠵᠦ ᠪᠠᠭᠳᠠᠭ᠋ᠠᠨ ᠲᠡᠵᠢᠭᠡᠭᠰᠡᠨ ᠪᠠᠶ᠋ᠢᠨᠠ᠃
ᠦᠭᠡᠯᠦᠨ ᠠ᠋ᠬᠡ ᠪᠤᠯ ᠠᠴᠢᠳᠦ ᠠ᠋ᠬᠡ᠂ ᠬᠦᠨᠳᠦᠳᠦ ᠠ᠋ᠬᠡ ᠮᠦᠨ ᠴᠦ᠍ ᠬᠠᠲᠠᠭᠤ ᠠ᠋ᠬᠡ ᠮᠦᠨ᠃ ᠲᠡᠷᠡ ᠦᠷᠡ ᠬᠡᠦᠬᠡᠳ ᠵᠶ᠋ᠠᠨ ᠦᠰᠭᠡᠵᠦ ᠬᠦᠮᠦᠵᠢᠭᠦᠯᠦᠭᠡᠳ᠂ ᠡᠷᠡ ᠵᠢᠨ ᠵᠡᠷᠭᠡᠳᠤ ᠬᠦᠷᠭᠡᠵᠦ ᠲᠡᠮᠦᠵᠢᠨᠤ ᠬᠠᠮᠤᠭ ᠮᠤᠩᠭᠤᠯᠢ ᠭᠠᠭᠴᠠ ᠵᠢᠯᠤᠭᠤᠳᠤᠪᠠᠨ ᠬᠤᠷᠢᠶᠠᠨ ᠨᠢᠭᠡᠳᠭᠡᠬᠦ ᠶᠡᠭᠡ ᠦᠢ᠍ᠯᠡᠰ ᠲᠤ ᠬᠦᠴᠦᠯᠡᠨ ᠵᠢᠳᠭᠦᠵᠦ ᠶᠠᠪᠤᠭᠰᠠᠨ ᠪᠦᠭᠡᠳ ᠲᠡᠮᠦᠵᠢᠨᠢ ᠮᠤᠩᠭᠤᠯᠤᠨ ᠬᠠᠭ᠋ᠠᠨ ᠰᠠᠭᠤᠷᠢᠨᠳᠤ ᠰᠠᠭᠤᠭᠰᠠᠨᠤ ᠳᠠᠷᠠᠭᠠ ᠴᠦ᠍ ᠭᠡᠳ ᠤᠰᠤᠯ ᠠᠯᠳᠠᠭᠠ ᠵᠢᠨᠢ ᠤᠭᠳᠤ ᠨᠠᠶ᠋ᠢᠷ ᠬᠠᠶᠠᠯ ᠦᠭᠡᠢ ᠲᠤᠩᠭᠤᠳᠤᠨ ᠰᠢᠭᠦᠮᠵᠢᠯᠡᠵᠦ᠂ ᠰᠤᠷᠭ᠋ᠠᠵᠦ ᠰᠡᠷᠡᠮᠵᠢᠯᠡᠭᠦᠯᠳᠡᠭ ᠪᠠᠶ᠋ᠢᠯᠠ᠃ ᠴᠢᠩᠭᠢᠰ ᠬᠠᠭ᠋ᠠᠨ ᠲᠡᠪ ᠲᠡᠭᠷᠢ ᠬᠦᠬᠡᠴᠦ ᠵᠢᠨ ᠦᠳᠦᠭᠡᠯᠭᠡᠳᠤ ᠤᠷᠤᠵᠦ ᠬᠠᠰᠠᠷᠢ ᠵᠤᠳᠤᠵᠦ ᠪᠠᠶ᠋ᠢᠳᠠᠯᠠ ᠦᠭᠡᠯᠦᠨ ᠠ᠋ᠬᠡ ᠠᠭᠤᠷᠯᠠᠨ ᠬᠦᠷᠴᠦ ᠲᠡᠷᠭᠡᠨᠠᠴᠠ ᠪᠠᠭᠤᠭ᠋ᠠᠳ ᠬᠠᠰᠠᠷᠤᠨ ᠬᠠᠨᠴᠤᠢ ᠵᠢᠨ ᠬᠦᠯᠢᠶᠡᠰᠦ ᠵᠢ ᠦᠪᠡᠷ ᠵᠶ᠋ᠠᠨ ᠲᠠᠶ᠋ᠢᠯᠵᠦ ᠲᠠᠯᠪᠢᠭ᠋ᠠᠳ᠂ ᠮᠠᠯᠠᠭ᠋ᠠᠢ ᠪᠦᠰᠡ ᠵᠢᠨᠢ ᠬᠠᠰᠠᠷᠲᠤ ᠦᠭᠴᠦ᠂ ᠠᠭᠤᠷ ᠬᠢᠯᠢᠩ ᠵᠶ᠋ᠠᠨ ᠳᠠᠷᠤᠵᠦ ᠶᠠᠳᠠᠵᠤ ᠵᠠᠪᠢᠯᠤᠨ ᠰᠠᠭᠤᠭ᠋ᠠᠳ ᠬᠤᠶᠠᠷ ᠬᠦᠬᠦᠪᠠᠨ ᠭᠠᠷᠭ᠋ᠠᠵᠦ ᠬᠤᠶᠠᠷ ᠡᠪᠦᠳᠦᠭ ᠲᠡᠭᠡᠷᠡᠪᠠᠨ ᠪᠢᠰᠢᠷᠠᠭᠤᠯᠤᠨ ᠪᠠᠷᠢᠵᠦ ᠦᠭᠦᠯᠡᠷᠦᠨ᠄ 《ᠲᠠ ᠨᠠᠷ ᠬᠠᠷᠠᠪᠠᠤ！ ᠬᠦᠬᠦᠭᠰᠡᠨ ᠴᠢᠨᠢ ᠠ᠋ᠨᠡ ᠪᠠᠶ᠋ᠢᠨᠠ᠃ ᠬᠠᠳᠤᠷᠤᠨ ᠬᠡᠷᠡᠯᠳᠦᠵᠦ᠂ ᠬᠠᠷᠪᠢᠰᠤᠪᠠᠨ ᠬᠠᠵᠠᠭᠴᠢᠳ᠂ ᠬᠦᠢ᠍ᠰᠦᠪᠠᠨ ᠲᠠᠰᠤᠯᠤᠭᠴᠢᠳ！ ᠬᠠᠰᠠᠷ ᠶᠠᠭ᠋ᠠᠬᠢᠪᠠ？ ᠲᠡᠮᠦᠵᠢᠨ ᠠ᠋ᠨᠡ ᠬᠦᠬᠦ ᠵᠢ ᠬᠦᠬᠦᠵᠦ ᠪᠠᠷᠠᠳᠠᠭ᠂ ᠬᠠᠴᠢᠭᠤᠨ ᠤᠳᠴᠢᠭᠢᠨ ᠬᠤᠶᠠᠭᠤᠯᠠᠪᠠᠨ ᠨᠢᠭᠡ ᠬᠦᠬᠦ ᠵᠢ ᠬᠦᠬᠦᠵᠦ ᠪᠠᠷᠠᠳᠠᠭ ᠦᠭᠡᠢ ᠪᠠᠶ᠋ᠢᠳᠠᠭ᠃ ᠬᠠᠰᠠᠷ ᠭᠠᠭᠴᠠᠭ᠋ᠠᠷ ᠬᠤᠶᠠᠷ ᠬᠦᠬᠦ ᠵᠢᠨ ᠮᠢᠨᠢ ᠰᠦ ᠵᠢ ᠳᠠᠭᠤᠰᠲᠠᠯᠠ ᠬᠦᠬᠦᠵᠦ ᠴᠡᠭᠡᠵᠢ ᠵᠢ ᠮᠢᠨᠢ ᠠᠭᠤᠵᠢᠷᠠᠲᠠᠯᠠ ᠠᠮᠤᠷᠠᠭᠤᠯᠵᠦ᠂ ᠡᠪᠴᠢᠭᠦᠦ ᠵᠢ ᠰᠠᠷᠠᠭᠤᠯ ᠪᠤᠯᠭ᠋ᠠᠳᠠᠭ ᠰᠠᠨ᠃ ᠲᠡᠶ᠋ᠢᠮᠦᠠᠴᠠ ᠲᠡᠮᠦᠵᠢᠨ ᠴᠡᠭᠡᠵᠢᠨᠳᠤᠪᠠᠨ ᠠ᠋ᠷᠳᠡᠮᠲᠠᠢ᠂ ᠬᠠᠰᠠᠷ ᠬᠠᠷᠪᠤᠬᠤ ᠬᠦᠴᠦᠲᠠᠢ᠃
ᠬᠠᠷᠰᠢᠯᠳᠤᠨ ᠭᠠᠷᠤᠭᠰᠠᠨ ᠠ᠋ᠲᠡᠭᠡᠳᠢ
ᠬᠠᠷᠪᠤᠵᠤ ᠤᠷᠤᠭᠤᠯᠬᠤ ᠴᠢᠳᠠᠯᠲᠠᠢ
ᠠᠲᠠᠭ᠋ᠠᠷᠬᠠᠨ ᠭᠠᠷᠤᠭᠰᠠᠨ ᠲᠠᠶ᠋ᠢᠰᠤᠨᠢ
ᠠᠯᠤᠰᠠᠴᠠ ᠪᠤᠴᠠᠭ᠋ᠠᠬᠤ ᠬᠦᠴᠦᠲᠠᠢ᠃
ᠠ᠋ᠳᠦᠭᠡ ᠲᠠᠶ᠋ᠢᠰᠦᠨᠢ ᠳᠠᠷᠤᠵᠦ ᠳᠠᠭᠤᠰᠪᠠ ᠭᠡᠵᠦ ᠬᠠᠰᠠᠷᠢ ᠦᠵᠡᠨ ᠶᠠᠳᠠᠵᠤ ᠪᠠᠶ᠋ᠢᠨᠠ ᠤᠤ？》 ［7］ ᠭᠡᠵᠦ ᠠᠭᠤᠷᠯᠠᠨ ᠰᠢᠭᠦᠮᠵᠢᠯᠡᠵᠠᠢ᠃
ᠴᠢᠩᠭᠢᠰ ᠬᠠᠭ᠋ᠠᠨᠠᠴᠠ᠄ 《ᠤᠯᠤᠰᠢ ᠬᠤᠷᠢᠶᠠᠭ᠍ᠤᠳᠤ ᠵᠤᠪᠠᠵᠦ ᠵᠢᠳᠭᠦᠭᠰᠡᠨ ᠠ᠋ᠬᠡ ᠮᠢᠨᠢ ᠪᠣᠢ ᠊ᠶᠠ》 ［8］ ᠭᠡᠵᠦ ᠦᠭᠡᠯᠦᠨ ᠦᠵᠢᠨᠢ ᠦᠨᠡᠯᠡᠨ ᠮᠠᠭᠲᠠᠭᠰᠠᠨ ᠶᠤᠮ᠃ ᠨᠢᠭᠡ ᠯᠠ ᠦᠭᠡᠪᠠᠷ ᠬᠡᠯᠡᠪᠡᠯ ᠲᠡᠮᠦᠵᠢᠨᠤ ᠶᠡᠭᠡ ᠦᠢ᠍ᠯᠡᠰᠲᠤ ᠦᠭᠡᠯᠦᠨ ᠠ᠋ᠬᠡ ᠪᠠᠶ᠋ᠢᠭᠰᠠᠨ ᠦᠭᠡᠢ ᠪᠤᠯ ᠮᠤᠩᠭᠤᠯᠤᠨ ᠨᠢᠭᠡᠳᠦᠯ᠂ ᠬᠠᠭ᠋ᠠᠨᠳᠤ ᠤᠯᠤᠰᠤᠨ ᠲᠤᠭᠳᠠᠨᠢᠯᠨᠢ ᠨᠡᠩ ᠶᠡᠭᠡ ᠲᠤᠭᠤᠷᠢᠭᠤ ᠵᠠᠮᠢ ᠦᠩᠭᠡᠷᠡᠭᠡᠬᠦ ᠪᠤᠯᠤᠨᠠ ᠭᠡᠳᠡᠭᠢ ᠠ᠋ᠶᠡᠳᠡᠯ ᠪᠦᠯᠬᠦᠮᠳᠡᠯᠢ ᠶᠠᠭᠤᠨᠠᠴᠠ ᠴᠦ᠍ ᠬᠦᠨᠳᠦ ᠠ᠋ᠷᠬᠢᠮᠯᠡᠵᠦ ᠶᠠᠪᠤᠭᠰᠠᠨ ᠦᠭᠡᠯᠦᠨ ᠠ᠋ᠬᠡ ᠵᠢᠨ ᠨᠢᠭᠡ ᠨᠠᠰᠤᠨᠤ ᠬᠢᠨᠢ ᠠᠮᠢᠳᠤᠷᠠᠯ ᠲᠡᠮᠡᠴᠡᠯ ᠭᠦᠢ᠍ᠴᠡᠳ ᠭᠡᠷᠡᠴᠢᠯᠡᠵᠦ ᠪᠠᠶ᠋ᠢᠨᠠ᠃ ᠠ᠋ᠶᠡᠳᠡᠯ ᠪᠦᠯᠬᠦᠮᠳᠡᠯ ᠦᠭᠡᠢ ᠪᠤᠯ ᠴᠢᠩᠭᠢᠰ ᠬᠠᠭ᠋ᠠᠨᠤ ᠨᠦᠬᠦᠳᠤᠨ ᠬᠤᠯᠪᠤᠭᠠ ᠪᠦᠷᠢᠯᠳᠦᠵᠦ ᠴᠢᠳᠠᠭ᠍ᠤ ᠦᠭᠡᠢ᠂ ᠨᠦᠬᠦᠳᠤᠨ ᠬᠤᠯᠪᠤᠭᠠ ᠪᠠᠶ᠋ᠢᠭᠰᠠᠨ ᠦᠭᠡᠢ ᠪᠤᠯ ᠮᠤᠩᠭᠤᠯᠤᠨ ᠨᠢᠭᠡᠳᠦᠯ ᠴᠦ᠍ ᠪᠡᠶᠡᠯᠡᠭᠳᠡᠬᠦᠳᠤ ᠪᠡᠷᠬᠡᠲᠠᠢ᠃ 《ᠮᠤᠩᠭᠤᠯᠤᠨ ᠨᠢᠭᠤᠴᠠ ᠲᠤᠪᠴᠢᠶᠠᠨ》ᠳᠤᠬᠢ ᠦᠭᠡᠯᠦᠨ ᠦᠵᠢᠨᠤ ᠲᠦᠷᠢ ᠪᠤᠯ ᠳᠡᠰᠪᠦᠷᠢ ᠬᠠᠳᠠᠭᠤᠵᠢᠯᠲᠠᠢ᠂ ᠠ᠋ᠷᠡᠰ ᠰᠢᠭᠤᠷᠬᠠᠢ᠂ ᠤᠬᠠᠭ᠋ᠠᠨ ᠴᠢᠳᠠᠪᠤᠷᠢ ᠬᠤᠤᠰᠯᠠᠭᠰᠠᠨ ᠠ᠋ᠮᠡᠭᠲᠡᠢ ᠪᠤᠯᠬᠤ ᠪᠦᠭᠡᠳ ᠦᠷᠡ ᠬᠡᠦᠬᠡᠳ ᠵᠶ᠋ᠠᠨ ᠠᠰᠠᠷᠠᠨ ᠬᠦᠮᠦᠵᠢᠭᠦᠯᠵᠦ ᠴᠢᠳᠠᠳᠠᠭ ᠰᠠᠶ᠋ᠢᠬᠠᠨ ᠠ᠋ᠬᠡ ᠵᠢᠨ ᠲᠦᠷᠢ ᠮᠦᠨ᠃
ᠭᠤᠷᠪᠠ᠂ ᠪᠦᠷᠳᠡ ᠦᠵᠢᠨ
ᠪᠦᠷᠳᠡ ᠦᠵᠢᠨ ᠪᠤᠯ ᠲᠡᠮᠦᠵᠢᠨᠤ ᠭᠤᠤᠯ ᠬᠠᠳᠤᠨ᠂ ᠬᠤᠩᠬᠢᠷᠠᠳ ᠠᠶ᠋ᠢᠮᠠᠭᠤᠨ ᠬᠦᠮᠦᠨ ᠪᠤᠯᠤᠨᠠ᠃ 1170 ᠤᠨᠳᠤ ᠬᠦᠪᠡᠭᠦᠨᠳᠤᠪᠠᠨ ᠪᠡᠷᠢ ᠭᠤᠶᠤᠬᠤᠪᠠᠷ ᠶᠠᠪᠤᠵᠦ ᠪᠠᠶ᠋ᠢᠭᠰᠠᠨ ᠶᠢᠰᠦᠭᠡᠢ ᠪᠠᠭ᠋ᠠᠳᠤᠷ ᠠᠷᠪᠠᠨ ᠨᠠᠰᠤᠲᠠᠢ ᠪᠦᠷᠳᠡ ᠵᠢ ᠦᠵᠡᠵᠦ ᠲᠤᠭᠤᠭ᠋ᠠᠳ ᠲᠡᠮᠦᠵᠢᠨᠳᠤ ᠭᠤᠶᠤᠪᠠ᠂ ᠢᠩᠬᠢᠭᠡᠳ ᠲᠡᠮᠦᠵᠢᠨᠢ ᠳ᠋ᠠᠢ ᠰᠡᠴᠡᠨᠤ ᠭᠡᠷᠲᠤ ᠦᠯᠡᠳᠡᠭᠡᠪᠡ᠃ ᠶᠢᠰᠦᠭᠡᠢ ᠪᠠᠭ᠋ᠠᠳᠤᠷ ᠲᠠᠲ᠋ᠠᠷ ᠠᠶ᠋ᠢᠮᠠᠭᠲᠤ ᠬᠤᠤᠷᠯᠠᠭᠳᠠᠨ ᠨᠠᠰᠦ ᠪᠠᠷᠠᠭᠰᠠᠨᠤ ᠳᠠᠷᠠᠭᠠ᠂ ᠦᠭᠡᠯᠦᠨ ᠠ᠋ᠬᠡ ᠲᠡᠷᠢᠭᠦᠲᠠᠢ ᠦᠨᠦᠴᠢᠨ ᠪᠡᠯᠪᠡᠰᠦᠨ ᠲᠡᠳᠡ ᠨᠠᠷ ᠬᠦᠴᠢᠷ ᠪᠡᠷᠬᠡᠰᠢᠶᠡᠯ ᠠᠶᠤᠯ ᠵᠤᠪᠠᠯᠠᠩᠳᠤ ᠳᠠᠭ᠋ᠠᠷᠢᠭᠳᠠᠨ ᠶᠠᠪᠤᠭᠰᠠᠭ᠋ᠠᠷ᠂ ᠪᠦᠷᠳᠡ ᠵᠢ ᠪᠠᠭᠤᠯᠭ᠋ᠠᠨ ᠠᠪᠴᠢᠷᠠᠭ᠍ᠤ ᠵᠠᠪ ᠲᠡᠩᠬᠡᠭᠡ ᠦᠭᠡᠢ ᠬᠡᠳᠦᠨ ᠵᠢᠯ ᠪᠤᠯᠵᠠᠢ᠃ 1178 ᠤᠨᠳᠤ ᠠᠷᠪᠠᠨ ᠲᠤᠯᠤᠭ᠋ᠠᠨ ᠨᠠᠰᠤᠲᠠᠢ ᠲᠡᠮᠦᠵᠢᠨ ᠪᠦᠷᠲᠡ ᠦᠵᠢᠨᠲᠠᠢ ᠤᠷᠤᠭ ᠬᠤᠷᠢᠮᠤᠨ ᠶᠤᠰᠤᠨᠢ ᠭᠦᠢ᠍ᠴᠡᠳᠭᠡᠵᠠᠢ᠃
ᠪᠦᠷᠳᠡ ᠦᠵᠢᠨ ᠲᠡᠮᠦᠵᠢᠨᠤ ᠤᠯᠤᠰ ᠲᠦᠷᠦ᠂ ᠠᠵᠦ ᠠᠮᠢᠳᠤᠷᠠᠯᠤᠨ ᠲᠠᠯᠠᠪᠠᠷ ᠬᠠᠮᠤᠭᠤᠨ ᠬᠦᠴᠢᠷ ᠪᠡᠷᠬᠡᠰᠢᠶᠡᠯᠲᠠᠢ ᠪᠠᠶ᠋ᠢᠭᠰᠠᠨ ᠦᠶᠡᠳᠤ ᠢᠷᠡᠵᠦ ᠵᠢᠷᠭ᠋ᠠᠯ ᠵᠤᠪᠠᠯᠠᠩ ᠵᠶ᠋ᠠᠨ ᠬᠠᠮᠳᠤᠳᠬᠠᠭᠰᠠᠨ ᠪᠦᠭᠡᠳ ᠲᠡᠮᠦᠵᠢᠨᠤ ᠬᠦᠴᠦᠨ ᠴᠤᠭᠯᠠᠭᠤᠯᠵᠤ᠂ ᠠᠨᠳᠠ ᠨᠦᠬᠦᠷ ᠠ᠋ᠯᠰᠠᠵᠦ᠂ ᠮᠤᠩᠭᠤᠯᠤᠨ ᠤᠯᠠᠨ ᠠᠶ᠋ᠢᠮᠠᠭᠤᠳᠢ ᠬᠤᠷᠢᠶᠠᠨ ᠨᠢᠭᠡᠳᠭᠡᠬᠦ ᠦᠢ᠍ᠯᠡᠰᠲᠤ ᠴᠦ᠍ ᠪᠠᠯᠠᠷᠠᠰᠢ ᠦᠭᠡᠢ ᠠᠴᠢ ᠭᠠᠪᠢᠶᠠ ᠦᠵᠡᠭᠦᠯᠦᠭᠰᠡᠨ ᠶᠤᠮ᠃ ᠠ᠋ᠭᠦᠨᠤ ᠨᠢᠭᠡ ᠵᠢᠱ᠌ᠢᠶᠡ ᠭᠡᠪᠡᠯ᠂ ᠪᠦᠷᠳᠡ ᠦᠵᠢᠨᠤ ᠲᠦᠷᠬᠦᠮᠤᠨ ᠭᠠᠵᠠᠷᠠᠴᠠᠪᠠᠨ ᠪᠡᠯᠡᠭ ᠪᠤᠯᠭ᠋ᠠᠨ ᠠᠪᠴᠢᠷᠠᠭᠰᠠᠨ ᠬᠠᠷᠠ ᠪᠤᠯᠠᠭ᠋ᠠᠨ ᠲᠠᠭ᠍ᠤᠨᠢ ᠴᠢᠬᠤᠯᠠ ᠦᠢ᠍ᠯᠡᠳᠦᠯ ᠭᠠᠷᠭ᠋ᠠᠵᠠᠢ᠃ ᠲᠡᠮᠦᠵᠢᠨ ᠠ᠋ᠨᠡ ᠬᠠᠷᠠ ᠪᠤᠯᠠᠭ᠋ᠠᠨ ᠳᠠᠭ᠍ᠤ ᠵᠢ ᠡᠴᠢᠭᠡ ᠵᠢᠨ ᠵᠶ᠋ᠠᠨ ᠠᠨᠳᠠ ᠪᠠᠶ᠋ᠢᠭᠰᠠᠨ ᠭᠡᠷᠡᠶ᠋ᠢᠳᠤᠨ ᠳᠤᠭᠤᠷᠢᠯ ᠬᠠᠨᠳᠤ ᠪᠡᠯᠡᠭ ᠪᠤᠯᠭ᠋ᠠᠨ ᠬᠦᠷᠭᠡᠵᠦ ᠡᠴᠢᠭᠡ ᠬᠦᠪᠡᠭᠦᠨ ᠪᠤᠯᠤᠯᠴᠠᠨ ᠨᠦᠬᠦᠷᠯᠡᠵᠠᠢ᠃ ᠠ᠋ᠨᠡ ᠬᠦᠨᠳᠦ ᠪᠡᠯᠡᠭᠢ ᠬᠦᠯᠢᠶᠡᠨ ᠠᠪᠤᠭᠰᠠᠨ ᠳᠤᠭᠤᠷᠢᠯ ᠬᠠᠨ ᠮᠠᠰᠢ ᠪᠠᠶᠠᠷᠯᠠᠵᠦ᠄
ᠬᠠᠷᠠ ᠪᠤᠯᠭ᠋ᠠᠨ ᠳᠠᠭ᠍ᠤ ᠵᠢᠨ ᠴᠢᠨᠢ ᠬᠠᠷᠢᠭᠤᠳᠤ
ᠬᠠᠭ᠋ᠠᠴᠠᠭᠰᠠᠨ ᠤᠯᠤᠰᠢ ᠴᠢᠨᠢ ᠬᠠᠮᠳᠤᠳᠬᠠᠵᠦ ᠦᠭᠭᠦᠶᠡ᠃
ᠪᠤᠯᠭ᠋ᠠᠨ ᠲᠠᠭ᠍ᠤ ᠵᠢᠨ ᠴᠢᠨᠢ ᠬᠠᠷᠢᠭᠤᠳᠤ
ᠪᠤᠳᠠᠷᠠᠭᠰᠠᠨ ᠤᠯᠤᠰᠢ ᠴᠢᠨᠢ ᠪᠦᠷᠢᠳᠭᠡᠵᠦ ᠦᠭᠭᠦᠶᠡ᠃
ᠪᠦᠭᠡᠷᠡ ᠢᠨᠤ ᠪᠦᠭᠰᠡᠨᠳᠤ ᠪᠠᠶ᠋ᠢᠭ
ᠴᠡᠭᠡᠷᠡ ᠢᠨᠤ ᠴᠡᠭᠡᠵᠢᠨᠳᠤ ᠪᠠᠶ᠋ᠢᠭ ［9］
ᠭᠡᠵᠦ ᠠᠮᠠᠯᠳᠤᠭᠰᠠᠨ ᠪᠠᠶ᠋ᠢᠨᠠ᠃ ᠶᠠᠭ ᠠ᠋ᠨᠡ ᠬᠦ᠌ ᠳᠤᠭᠤᠷᠢᠯ ᠬᠠᠨᠤ ᠬᠠᠪᠰᠤᠷᠤᠯᠭᠠ ᠲᠡᠮᠵᠢᠯᠭᠡᠪᠠᠷ ᠮᠡᠷᠭᠢᠳ ᠠᠶ᠋ᠢᠮᠠᠭᠢ ᠮᠦᠬᠦᠭᠡᠵᠦ ᠴᠢᠳᠠᠵᠠᠢ᠃ ᠪᠦᠷᠳᠡ ᠦᠵᠢᠨᠤ ᠲᠦᠷᠬᠦᠮᠤᠨ ᠭᠠᠵᠠᠷᠠᠴᠠᠪᠠᠨ ᠪᠡᠯᠡᠭ ᠪᠤᠯᠭ᠋ᠠᠨ ᠠᠪᠴᠢᠷᠠᠭᠰᠠᠨ ᠬᠠᠷᠠ ᠪᠤᠯᠠᠭ᠋ᠠᠨ ᠲᠠᠭ᠍ᠤᠨᠢ ᠡᠷᠡ ᠨᠦᠬᠦᠷᠤᠨ ᠵᠶ᠋ᠠᠨ ᠠᠵᠦ ᠦᠢ᠍ᠯᠡᠰᠲᠤ ᠰᠠᠭᠤᠷᠢ ᠲᠠᠯᠪᠢᠵᠦ ᠦᠭᠭᠦᠭᠰᠡᠨ ᠪᠠᠶ᠋ᠢᠨᠠ᠃
ᠪᠦᠷᠳᠡ ᠦᠵᠢᠨ ᠪᠠᠰᠠ ᠠ᠋ᠷᠡᠰ ᠰᠢᠭᠤᠷᠬᠠᠢ᠂ ᠠᠷᠭᠠ ᠰᠠᠮᠪᠠᠭᠠᠲᠠᠢ ᠪᠦᠰᠡᠭᠦᠢ ᠪᠠᠶ᠋ᠢᠯᠠ᠃ ᠲᠡᠮᠦᠵᠢᠨ ᠵᠠᠳᠠᠷᠠᠨ ᠠᠶ᠋ᠢᠮᠠᠭᠤᠨ ᠵᠠᠮᠤᠬᠠᠲᠠᠢ ᠰᠠᠶ᠋ᠢᠨ ᠠᠨᠳᠠ ᠪᠤᠯᠵᠦ ᠨᠦᠬᠦᠷᠯᠡᠵᠦ ᠶᠠᠪᠤᠭᠰᠠᠨ ᠶᠤᠮ᠃ ᠭᠡᠪᠡᠴᠦ ᠵᠠᠮᠤᠬᠠ ᠵᠢᠨ ᠬᠠᠮᠤᠭ ᠮᠤᠩᠭᠤᠯᠤᠨ ᠬᠠᠨ ᠪᠤᠯᠬᠤ ᠭᠡᠰᠡᠨ ᠰᠢᠨᠤᠬᠠᠢ ᠰᠠᠨᠠᠭᠠᠠᠴᠠ ᠪᠤᠯᠵᠦ᠂ ᠲᠡᠳᠡ ᠬᠤᠶᠠᠷᠤᠨ ᠨᠦᠬᠦᠷᠯᠡᠯᠨᠢ ᠤᠳᠠᠭ᠋ᠠᠨ ᠦᠷᠭᠦᠯᠵᠢᠯᠡᠵᠦ ᠴᠢᠳᠠᠭᠰᠠᠨ ᠦᠭᠡᠢ᠂ ᠵᠠᠮᠤᠬᠠ ᠰᠠᠯᠵᠦ ᠲᠤᠰᠠᠭ᠋ᠠᠷᠯᠠᠭ᠍ᠤᠪᠠᠷ ᠤᠷᠤᠯᠳᠤᠵᠠᠢ᠃ ᠠ᠋ᠨᠡ ᠬᠦ᠌ ᠰᠠᠨᠠᠭᠠᠪᠠᠨ ᠲᠡᠷᠡ ᠳᠠᠯᠳᠠ ᠪᠢᠳᠡᠭᠦᠦ ᠤᠳᠬᠠ ᠪᠦᠬᠦᠢ ᠰᠢᠯᠦᠭ ᠵᠶ᠋ᠠᠷ ᠢᠯᠡᠳᠭᠡᠭᠰᠡᠨ ᠪᠠᠶ᠋ᠢᠨᠠ᠄
《ᠲᠡᠮᠦᠵᠢᠨ ᠠᠨᠳᠠ ᠡ！
ᠠᠭᠤᠯᠠᠨᠳᠤ ᠰᠢᠬᠠᠨ ᠪᠠᠭᠤᠶᠠ
ᠠᠳᠤᠭᠤᠴᠢᠨᠳᠤ ᠭᠡᠷ ᠪᠤᠯᠳᠤᠭ᠋ᠠᠢ
ᠭᠤᠤᠯᠳᠤ ᠰᠢᠬᠠᠨ ᠪᠠᠭᠤᠶᠠ
ᠬᠤᠨᠢᠴᠢᠨ ᠬᠤᠷᠠᠭ᠋ᠠᠴᠢᠨᠳᠤ ᠬᠤᠭᠤᠯᠠ ᠪᠤᠯᠳᠤᠭ᠋ᠠᠢ》 ［10］
ᠭᠡᠵᠦ ᠶᠠᠷᠢᠪᠠ᠃ ᠲᠡᠮᠦᠵᠢᠨ ᠵᠠᠮᠤᠬᠠ ᠵᠢᠨ ᠬᠡᠯᠡᠭᠰᠡᠨ ᠤᠳᠬᠠ ᠤᠴᠢᠷᠢᠨᠢ ᠤᠶ᠋ᠢᠯᠠᠭ᠋ᠠᠵᠦ ᠴᠢᠳᠠᠭᠰᠠᠨ ᠦᠭᠡᠢ ᠪᠤᠯᠬᠤᠷ ᠦᠭᠡᠯᠦᠨ ᠠ᠋ᠬᠡᠠᠴᠠ ᠠᠰᠠᠭᠤᠵᠠᠢ᠃ ᠠ᠋ᠨᠡ ᠦᠶᠡᠳᠤ ᠦᠭᠡᠯᠦᠨ ᠠ᠋ᠬᠡᠶᠢ ᠦᠭᠡ ᠬᠡᠯᠡᠵᠦ ᠠᠮᠵᠢᠬᠤᠠᠴᠠ ᠠ᠋ᠮᠦᠨᠡ᠂ ᠪᠦᠷᠲᠡ ᠦᠵᠢᠨ᠄ 《ᠵᠠᠮᠤᠬᠠ ᠠᠨᠳᠠ ᠤᠶ᠋ᠢᠳᠳᠠᠭ ᠵᠠᠩᠲᠠᠢ ᠭᠡᠳᠡᠭ ᠰᠠᠨ᠃ ᠤᠳᠦ ᠪᠢᠳᠡᠨᠠᠴᠠ ᠬᠠᠭ᠋ᠠᠴᠠᠨ ᠰᠠᠯᠬᠤ ᠴᠠᠭ ᠪᠤᠯᠪᠠ᠃ ᠰᠠᠶᠢ ᠵᠢᠨ ᠵᠠᠮᠤᠬᠠ ᠠᠨᠳᠠ ᠵᠢᠨ ᠬᠡᠯᠡᠭᠰᠡᠨᠨᠢ ᠪᠢᠳᠡᠨᠳᠤ ᠰᠠᠨᠠᠭ᠋ᠠᠷᠬᠠᠭᠰᠠᠨ ᠦᠭᠡ ᠪᠢᠵᠡ᠃ ᠪᠢᠳᠡ ᠪᠦᠦ ᠪᠠᠭᠤᠶᠠ᠃ ᠠ᠋ᠨᠡ ᠬᠥᠳᠡᠯᠦᠭᠰᠡᠨ ᠵᠶ᠋ᠠᠷ ᠰᠦᠨᠢ ᠲᠤᠵᠢ ᠶᠠᠪᠦᠵᠦ ᠰᠢᠯᠤᠭᠤᠬᠠᠨ ᠰᠠᠯᠤᠯᠴᠠᠶᠠ》 ［11］ ᠭᠡᠪᠡ᠃ ᠡ᠊ᠨᠳᠡᠠᠴᠠ ᠪᠦᠷᠳᠡ ᠦᠵᠢᠨᠤ ᠠ᠋ᠷᠡᠰ ᠰᠢᠭᠤᠷᠬᠠᠢ᠂ ᠠᠷᠭᠠ ᠰᠠᠮᠪᠠᠭᠠ ᠲ᠋ᠠᠢ ᠵᠠᠩ ᠴᠢᠨᠠᠷ ᠲᠤᠪᠤᠶ᠋ᠢᠲᠠᠯᠠ ᠢᠯᠡᠷᠡᠵᠦ ᠪᠠᠶ᠋ᠢᠨᠠ᠃ ᠤᠷᠪᠠᠭ᠋ᠠᠨ ᠬᠦᠷᠪᠡᠭᠡᠨ᠂ ᠵᠡᠷᠯᠢᠭ ᠰᠠᠨᠠᠭᠠᠲᠠᠢ ᠬᠦᠮᠦᠨᠲᠠᠢ ᠨᠦᠬᠦᠷᠯᠡᠬᠦᠠᠴᠠ ᠠ᠋ᠷᠲᠡᠬᠡᠨ ᠬᠤᠪᠢ ᠬᠤᠪᠢᠪᠠᠨ ᠬᠦᠭᠡᠭᠡᠬᠦᠨᠢ ᠳᠡᠭᠡᠷᠡ ᠭᠡᠳᠡᠭᠢ ᠭᠢᠷᠠᠭ᠍ᠠᠢ ᠠᠵᠢᠵᠦ ᠮᠡᠳᠡᠭᠰᠡᠨ ᠶᠤᠮ᠃
ᠪᠦᠷᠲᠡ ᠦᠵᠢᠨ ᠦᠷᠭᠦᠯᠵᠢ ᠴᠢᠩᠭᠢᠰ ᠬᠠᠭ᠋ᠠᠨᠤ ᠤᠮᠠᠷᠳᠠᠭᠰᠠᠨᠢᠨᠢ ᠰᠠᠨᠠᠭᠤᠯᠵᠦ᠂ ᠤᠨᠳᠠᠭᠰᠠᠨᠢᠨᠢ ᠰᠡᠷᠢᠭᠦᠯᠵᠦ ᠶᠠᠪᠤᠳᠠᠭ᠃ 1206 ᠤᠨᠳᠤ ᠲᠡᠮᠦᠵᠢᠨ ᠮᠤᠩᠭᠤᠯ ᠬᠠᠭ᠋ᠠᠨᠳᠤ ᠤᠯᠤᠰᠢ ᠪᠠᠶ᠋ᠢᠭᠤᠯᠤᠨ᠂ ᠲᠦᠷᠦ ᠵᠢᠨ ᠲᠦᠯᠦᠭᠡ ᠲᠡᠮᠡᠴᠡᠭᠰᠡᠨ ᠭᠠᠪᠢᠶᠠ ᠵᠢᠳᠭᠦᠯᠲᠠᠢ ᠬᠦᠮᠦᠰᠢ ᠱᠠᠩᠨᠠᠭ᠍ᠤᠳᠤ ᠪᠤᠭᠤᠷᠴᠤ ᠵᠢᠨ ᠭᠠᠪᠢᠶᠠ ᠵᠢᠳᠭᠦᠯᠢ ᠲᠤᠷᠠᠳᠤᠭᠰᠠᠨ ᠦᠭᠡᠢ ᠪᠠᠶ᠋ᠢᠵᠠᠢ᠃ ᠠ᠋ᠨᠡ ᠤᠴᠢᠷᠢ ᠪᠦᠷᠳᠡ ᠦᠵᠢᠨ ᠴᠢᠩᠭᠢᠰ ᠬᠠᠭ᠋ᠠᠨᠳᠤ ᠢᠳᠬᠠᠨ ᠰᠠᠨᠠᠭᠤᠯᠤᠭᠰᠠᠨ ᠪᠠᠶ᠋ᠢᠨᠠ᠃ ᠠ᠋ᠨᠡᠨᠢ ᠪᠦᠷᠲᠡ ᠦᠵᠢᠨᠠᠴᠠ ᠤᠯᠤᠰᠤᠨ ᠲᠦᠯᠦᠭᠡ ᠦᠷᠯᠦᠭ ᠭᠠᠪᠢᠶᠠ ᠪᠠᠶ᠋ᠢᠭᠤᠯᠤᠭᠰᠠᠨ ᠬᠦᠮᠦᠰᠢ ᠬᠡᠵᠢᠶᠡᠳᠡ ᠮᠠᠷᠲᠠᠵᠦ ᠪᠤᠯᠬᠤ ᠦᠭᠡᠢ᠂ ᠳᠤᠰᠤᠯᠤᠨ ᠬᠠᠷᠢᠭᠤᠳᠤ ᠳᠠᠯᠠᠢ ᠭᠡᠳᠡᠭ ᠶᠤᠰᠤ ᠤᠴᠢᠷᠢ ᠬᠦᠮᠦᠨ ᠪᠦᠬᠦᠨᠳᠤ ᠮᠡᠳᠡᠭᠦᠯᠤᠭ᠌ᠰᠡᠨ ᠪᠠᠶ᠋ᠢᠨᠠ᠃
ᠮᠤᠩᠭᠤᠯᠤᠨ ᠬᠠᠭ᠋ᠠᠨ ᠲᠦᠷᠦ ᠲᠤᠭᠳᠠᠪᠤᠷᠢᠵᠢᠨ ᠪᠠᠬᠢᠵᠢᠭ᠌ᠰᠡᠨᠤ ᠲᠠᠷᠠᠭᠠ ᠴᠦ᠍ ᠪᠦᠷᠳᠡ ᠦᠵᠢᠨ ᠲᠦᠷᠦ ᠵᠢᠨ ᠲᠦᠯᠦᠭᠡ ᠤᠶᠤᠨ ᠤᠬᠠᠭ᠋ᠠᠨ ᠵᠶ᠋ᠠᠨ ᠰᠢᠪᠬᠠᠭᠰᠠᠨ ᠶᠤᠮ᠃ 《ᠲᠡᠪ ᠲᠡᠭᠷᠢ》 ᠪᠤᠯᠬᠤ ᠬᠦᠬᠡᠴᠦ ᠤᠯᠠᠨᠤ ᠢᠲᠡᠭᠡᠯᠢ ᠤᠯᠤᠭᠰᠠᠨᠳᠤᠪᠠᠨ ᠠ᠋ᠷᠳᠡᠶ᠋ᠢᠵᠦ᠂ ᠲᠦᠷᠦ ᠵᠢᠨ ᠠ᠋ᠷᠬᠡ ᠵᠢ ᠪᠤᠯᠢᠶᠠᠭ᠍ᠤᠪᠠᠷ ᠤᠷᠤᠯᠳᠤᠭᠰᠠᠨ ᠪᠠᠶ᠋ᠢᠨᠠ᠃ ᠠ᠋ᠭᠦᠨᠳᠤ ᠲᠡᠮᠦᠭᠡ ᠤᠳᠴᠢᠬᠢᠨᠤ ᠬᠠᠷᠢᠶᠠᠳᠦ ᠢᠷᠭᠡᠳᠨᠢ ᠮᠡᠬᠡᠯᠡᠭᠳᠡᠨ ᠬᠦᠬᠡᠴᠦ ᠵᠢᠲᠠᠭᠠᠨ ᠶᠠᠪᠤᠵᠠᠢ᠃ ᠤᠳᠴᠢᠬᠢᠨ ᠨᠤᠶᠠᠨ ᠲᠡᠪ ᠲᠡᠭᠷᠢ ᠵᠢᠨᠳᠤ ᠤᠴᠢᠵᠦ᠂ ᠬᠠᠷᠢᠶᠠᠳᠦ ᠠᠷᠠᠳ ᠵᠶ᠋ᠠᠨ ᠠᠪᠠᠴᠢᠬᠤ ᠭᠡᠰᠡᠨᠳᠤ ᠲᠡᠪ ᠲᠡᠭᠷᠢ ᠤᠳᠴᠢᠬᠢᠨ ᠨᠤᠶᠠᠨᠢ ᠰᠦᠭᠦᠳᠭᠡᠵᠦ ᠵᠠᠯᠬᠠᠭ᠋ᠠᠪᠠ᠃ ᠠ᠋ᠭᠦᠨᠢ ᠪᠦᠷᠳᠡ ᠦᠵᠢᠨ ᠦᠵᠡᠭᠡᠳ᠄ 《ᠲᠡᠳᠡ ᠬᠤᠩᠬᠤᠳᠠ ᠶᠠᠮᠠᠷ ᠭᠡᠴᠡᠭᠦᠦ ᠶᠤᠮ ᠪᠤᠢ？ ᠤᠷᠢᠳᠦ ᠠ᠋ᠳᠦᠷ ᠲᠡᠳᠡ ᠲᠤᠯᠤᠭᠤᠯᠠ ᠨᠡᠶ᠋ᠢᠯᠡᠯᠴᠡᠵᠦ ᠬᠠᠰᠠᠷᠢ ᠵᠤᠳᠤᠵᠦ᠂ ᠦᠨᠦ ᠪᠠᠰᠠ ᠠ᠋ᠨᠡ ᠤᠳᠴᠢᠭᠢᠨᠢ ᠠᠷᠤ ᠵᠢᠨ ᠬᠤᠶ᠋ᠢᠨᠠᠠᠴᠠᠪᠠᠨ ᠰᠦᠭᠦᠳᠦᠭᠦᠯᠪᠡ᠃ ᠶᠠᠮᠠᠷ ᠶᠤᠰᠦ ᠪᠤᠯᠵᠦ ᠪᠠᠶ᠋ᠢᠬᠤᠨᠢ ᠪᠤᠢ？ ᠨᠠᠷᠠᠰᠦ ᠴᠦᠬᠦᠷᠰᠦ ᠮᠡᠳᠦ ᠳᠡᠭᠦᠦ ᠨᠠᠷᠲᠤ ᠴᠢᠨᠢ ᠬᠠᠷᠢᠨ ᠢᠩᠬᠢᠵᠦ ᠬᠤᠤᠷ ᠬᠦᠷᠭᠡᠵᠦ ᠪᠣᠢ᠃ ᠦᠨᠡᠬᠡᠷ ᠠ᠋ᠶ᠋ᠢᠮᠦ ᠪᠤᠯᠪᠠᠯ ᠠ᠋ᠭᠦᠨᠠᠴᠠ ᠬᠤᠵᠢᠮ᠄
ᠱᠠᠩᠱ᠌ᠢ ᠮᠡᠳᠦ ᠪᠡᠶᠡ ᠴᠢᠨᠢ
ᠰᠠᠯᠪᠠᠷᠠᠭ᠍ᠤᠳᠤ ᠬᠦᠷᠪᠡᠯ
ᠰᠢᠪᠠᠭᠤ ᠮᠡᠳᠦ ᠴᠤᠭᠯᠠᠷᠠᠭᠰᠠᠨ ᠤᠯᠤᠰᠢ ᠴᠢᠨᠢ
ᠡᠵᠡᠨ ᠮᠡᠳᠡᠭᠦᠯᠬᠦ ᠭᠡᠵᠠᠢ ᠤᠤ？
ᠳᠤᠯᠤ ᠮᠡᠳᠦ ᠪᠡᠶᠡ ᠴᠢᠨᠢ
ᠳᠤᠯᠪᠠᠭᠠᠪᠠᠨ ᠬᠠᠶᠠᠵᠦ ᠶᠠᠪᠤᠪᠠᠯ
ᠲᠤᠶᠠᠭ᠋ᠠᠳᠦ ᠰᠠᠶ᠋ᠢᠬᠠᠨ ᠤᠯᠤᠰᠢ ᠴᠢᠨᠢ
ᠡᠵᠡᠨ ᠮᠡᠳᠡᠭᠦᠯᠬᠦ ᠭᠡᠵᠠᠢ ᠤᠤ？
ᠨᠠᠷᠠᠰᠦ ᠴᠦᠬᠦᠷᠰᠦ ᠮᠡᠳᠦ ᠳᠡᠭᠦᠦ ᠨᠠᠷᠢ ᠴᠢᠨᠢ ᠢᠩᠬᠢᠵᠦ ᠳᠠᠷᠤᠯᠠᠵᠦ ᠪᠦᠬᠦᠢ ᠬᠦᠮᠦᠰ ᠮᠢᠨᠤ ᠦᠴᠦᠬᠡᠨ ᠮᠠᠭᠤ ᠭᠤᠷᠪᠠ ᠲᠦᠷᠪᠡᠨ ᠦᠷᠡ ᠬᠡᠦᠬᠡᠳᠢ ᠦᠭᠡᠯᠡᠢ ᠦᠨᠳᠦᠷ ᠪᠤᠯᠲᠠᠯᠠ ᠶᠠᠭᠤᠨᠤ ᠡᠵᠡᠨ ᠮᠡᠳᠡᠭᠦᠯᠬᠦ ᠪᠤᠢ？ ᠲᠡᠳᠡ ᠬᠤᠩᠬᠤᠳᠠ ᠶᠠᠭ᠋ᠠᠬᠢᠭᠰᠠᠨ ᠭᠡᠴᠡᠭᠦᠦ ᠤᠯᠤᠰ ᠶᠤᠮ ᠪᠤᠢ？ ᠳᠡᠭᠦᠦ ᠨᠠᠷᠢ ᠴᠢᠨᠢ ᠢᠩᠬᠢᠵᠦ ᠳᠠᠷᠤᠯᠠᠭ᠍ᠤ ᠵᠢ ᠦᠵᠡᠭᠰᠡᠭᠡᠷ ᠪᠠᠶ᠋ᠢᠭ᠋ᠠᠳ ᠶᠠᠭᠤᠨᠳᠤ ᠵᠦᠭᠡᠷ ᠦᠩᠭᠡᠷᠡᠭᠦᠯᠬᠦ ᠪᠤᠢ ᠴᠢ？》 ［12］ ᠭᠡᠵᠦ ᠠ᠋ᠮᠦᠨᠡ ᠭᠠᠷᠤᠭᠰᠠᠨ ᠬᠤᠶ᠋ᠢᠨᠠ ᠪᠤᠯᠤᠭᠰᠠᠨ ᠬᠡᠷᠡᠭᠢ ᠨᠢᠯᠪᠤᠰᠤ ᠠᠰᠬᠠᠷᠠᠭᠤᠯᠤᠨ ᠮᠡᠳᠡᠭᠦᠯᠵᠠᠢ᠃
ᠪᠦᠷᠲᠡ ᠦᠵᠢᠨ ᠮᠤᠩᠭᠤᠯᠤᠨ ᠲᠤᠯᠭᠤᠷ ᠲᠦᠷᠦ ᠲᠤᠭᠳᠠᠵᠤ ᠪᠠᠬᠢᠵᠢᠬᠦᠳᠤ ᠦᠪᠡᠷᠤᠨ ᠤᠶᠤᠨ ᠤᠬᠠᠭ᠋ᠠᠨ ᠵᠶ᠋ᠠᠨ ᠬᠠᠷᠠᠮ ᠦᠭᠡᠢ ᠵᠤᠷᠢᠭᠤᠯᠤᠭᠰᠠᠨ ᠶᠤᠮ᠃ ᠴᠢᠩᠭᠢᠰ ᠬᠠᠭ᠋ᠠᠨᠠᠴᠠ ᠪᠦᠷᠲᠡ ᠦᠵᠢᠨᠢ᠄
《ᠪᠦᠳᠦᠬᠦ ᠵᠢᠨ ᠤᠷᠢᠳᠠ ᠤᠴᠠᠷᠠᠭᠰᠠᠨ ᠪᠦᠷᠲᠡ ᠦᠵᠢᠨ ᠶᠡᠭᠡ ᠬᠠᠳᠤᠨ ᠮᠢᠨᠤ
ᠠ᠋ᠷᠳᠡᠨᠢ ᠡᠴᠢᠭᠡ ᠵᠢᠨ ᠮᠢᠨᠢ ᠵᠦᠭᠡᠭᠰᠡᠨ ᠠ᠋ᠬᠡ ᠮᠡᠳᠦ ᠭᠡᠷᠭᠡᠢ ᠪᠦᠯᠦᠭᠡ》 ［13］
ᠭᠡᠵᠦ ᠦᠨᠡᠯᠡᠭᠰᠡᠨ ᠪᠠᠶ᠋ᠢᠳᠠᠭ᠃ ᠠ᠋ᠶ᠋ᠢᠮᠦᠠᠴᠠ ᠪᠦᠷᠲᠡ ᠦᠵᠢᠨᠤ ᠲᠦᠷᠢ ᠪᠤᠯ ᠤᠷᠠᠨ ᠤᠬᠠᠭ᠋ᠠᠨ ᠬᠤᠤᠰᠯᠠᠭᠰᠠᠨ ᠪᠦᠰᠡᠭᠦᠢ᠂ ᠰᠢᠯᠭ᠋ᠠᠷᠠᠭᠰᠠᠨ ᠤᠯᠤᠰ ᠲᠦᠷᠦᠴᠢᠨ ᠪᠦᠭᠡᠳ ᠲᠦᠷᠦ ᠵᠢᠨ ᠰᠠᠶ᠋ᠢᠨ ᠵᠦᠪᠯᠡᠭᠴᠢ ᠮᠦᠨ᠃
ᠮᠤᠩᠭᠤᠯᠤᠨ ᠪᠠᠭ᠋ᠠᠳᠤᠷ ᠰᠤᠤᠳᠦ ᠠ᠋ᠮᠡᠭᠳᠠᠶ᠋ᠢᠴᠦᠳᠤᠨ ᠲᠤᠪᠤᠶ᠋ᠢᠵᠦ ᠴᠤᠯᠭᠤᠷᠠᠭᠰᠠᠨᠤ ᠦᠨᠳᠦᠰᠦᠨ ᠰᠢᠯᠲᠠᠭ᠋ᠠᠨᠨᠢ ᠲᠡᠳᠡᠨᠤ ᠤᠯᠤᠰ ᠲᠦᠷᠦ ᠵᠢᠨ ᠲᠠᠯᠠᠪᠠᠷᠬᠢ ᠪᠠᠶ᠋ᠢᠷᠢ ᠰᠠᠭᠤᠷᠢ ᠪᠤᠯᠤᠨ ᠠᠳᠠᠯᠢ ᠲᠡᠭᠰᠢᠪᠠᠷ ᠤᠯᠤᠰ ᠲᠦᠷᠦ ᠵᠢᠨ ᠦᠢ᠍ᠯᠡ ᠬᠡᠷᠡᠭᠲᠤ ᠤᠷᠤᠯᠴᠠᠨ᠂ ᠤᠯᠤᠰ ᠲᠦᠷᠦ ᠵᠢᠨ ᠤᠨᠤᠯ ᠲᠤᠷᠠᠳᠤᠨ ᠤᠶᠤᠨ ᠤᠬᠠᠭ᠋ᠠᠨ ᠵᠶ᠋ᠠᠨ ᠬᠡᠨᠠᠴᠠ ᠴᠦ᠍ ᠳᠤᠲᠠᠭᠤ ᠦᠭᠡᠢ ᠪᠠᠳᠠᠷᠠᠭᠤᠯᠵᠦ ᠶᠠᠪᠤᠭᠰᠠᠨ ᠵᠶ᠋ᠠᠷ ᠬᠤᠯᠪᠤᠭᠠᠲᠠᠢ ᠶᠤᠮ᠃ ᠠᠯᠤᠨ ᠭᠤᠸᠠ ᠠ᠋ᠶᠡᠳᠡᠯ ᠪᠦᠯᠬᠦᠮᠳᠡᠯᠢ ᠠ᠋ᠷᠬᠢᠮᠯᠡᠨ᠂ ᠦᠭᠡᠯᠦᠨ ᠠ᠋ᠬᠡ ᠪᠦᠷᠳᠡ ᠦᠵᠢᠨ ᠮᠤᠩᠭᠤᠯᠤᠨ ᠶᠡᠭᠡ ᠦᠢ᠍ᠯᠡᠰ᠂ ᠲᠦᠷᠦ ᠪᠠᠬᠢᠵᠢᠭᠦᠯᠬᠦ ᠦᠢ᠍ᠯᠡᠰᠲᠤ ᠪᠦᠬᠦ ᠬᠦᠴᠦᠨ ᠴᠢᠳᠠᠯ᠂ ᠤᠶᠤᠨ ᠤᠬᠠᠭ᠋ᠠᠨ ᠵᠶ᠋ᠠᠨ ᠵᠤᠷᠢᠭᠤᠯᠵᠦ᠂ ᠤᠨᠲᠠᠭᠰᠠᠨᠢ ᠰᠡᠷᠢᠭᠦᠯᠵᠦ᠂ ᠮᠠᠷᠳᠠᠭᠰᠠᠨᠢᠨᠢ ᠰᠠᠨᠠᠭᠤᠯᠵᠦ ᠶᠠᠪᠤᠭᠰᠠᠨ ᠶᠤᠮ᠃
ᠵᠡᠭᠦᠯᠲᠡ᠄
［1］ ᠭᠦᠢ ᠷᠦᠩ᠄ ᠮᠤᠩᠭᠤᠯᠤᠨ ᠲᠡᠦᠬᠡ ᠵᠢᠨ ᠲᠤᠷᠠᠨ ᠬᠠᠷᠠᠭᠠ — 《ᠠ᠋ᠷᠲᠡᠨᠤ ᠮᠤᠩᠭᠤᠯᠤᠨ ᠰᠤᠤᠳᠦ ᠠ᠋ᠮᠡᠭᠲᠡᠶ᠋ᠢᠴᠦᠳ》᠂ ᠦᠪᠦᠷ ᠮᠤᠩᠭᠤᠯᠤᠨ ᠠᠷᠠᠳᠤᠨ ᠬᠡᠪᠯᠡᠯᠤᠨ ᠬᠤᠷᠢᠶᠠ᠂ 2012 ᠤᠨ᠂ 2 ᠳ᠋ᠤᠭ᠋ᠠᠷ ᠨᠢᠭᠤᠷ
［2］［3］［4］［5］［6］［7］［8］［9］［10］［11］
［12］ ᠲᠠᠶ᠋ᠢᠴᠢᠭᠤᠳ ᠮᠠᠨᠰᠠᠩ᠄ ᠰᠢᠨᠡᠪᠠᠷ ᠤᠷᠴᠢᠭᠤᠯᠤᠨ ᠲᠠᠶ᠋ᠢᠯᠪᠤᠷᠢᠯᠠᠭᠰᠠᠨ 《ᠮᠤᠩᠭᠤᠯᠤᠨ ᠨᠢᠭᠤᠴᠠ ᠲᠤᠪᠴᠢᠶᠠᠨ》᠂ ᠦᠪᠦᠷ ᠮᠤᠩᠭᠤᠯᠤᠨ ᠰᠢᠨᠵᠢᠯᠡᠬᠦ ᠤᠬᠠᠭ᠋ᠠᠨ ᠲᠸᠭᠨᠢᠭ ᠮᠡᠷᠭᠡᠵᠢᠯᠤᠨ ᠬᠡᠪᠯᠡᠯᠤᠨ ᠬᠤᠷᠢᠶᠠ᠂ 2009 ᠤᠨ᠃ 8᠂ 10᠂ 43～45᠂ 266～267᠂ 46～48᠂ 299～300᠂
297᠂ 56～57᠂ 86～87᠂ 87᠂ 301～302 ᠳ᠋ᠤᠭ᠋ᠠᠷ ᠨᠢᠭᠤᠷ
［13］ ᠰᠠᠭ᠋ᠠᠩ ᠰᠡᠴᠡᠨ᠄ 《ᠠ᠋ᠷᠳᠡᠨᠢ ᠵᠢᠨ ᠲᠤᠪᠴᠢ》᠂ ᠦᠪᠦᠷ ᠮᠤᠩᠭᠤᠯᠤᠨ ᠠᠷᠠᠳᠤᠨ ᠬᠡᠪᠯᠡᠯᠤᠨ ᠬᠤᠷᠢᠶᠠ᠂ 2010 ᠤᠨ᠂ 156 ᠳ᠋ᠤᠭ᠋ᠠᠷ ᠨᠢᠭᠤᠷ
ᠬᠠᠶᠢᠬ᠄ ᠪᠠᠭ᠋ᠠᠷᠢᠨ ᠪᠠᠷᠠᠭᠤᠨ ᠬᠤᠰᠢᠭᠤᠨᠤ ᠳ᠋ᠠᠪᠠᠨᠤ ᠮᠤᠩᠭᠤᠯ
ᠦᠨᠳᠦᠰᠦᠳᠡᠨᠤ ᠲᠤᠮᠳᠠᠳᠤ ᠰᠤᠷᠭ᠋ᠠᠭᠤᠯᠢ
（ᠠ᠋ᠾᠤᠢ᠍ᠩ ᠮᠸᠢ ᠨᠠᠢ᠍ᠢ᠍ᠷᠠᠭᠤᠯᠪᠠ）
9 ᠳ᠋ᠤᠭ᠋ᠠᠷ ᠬᠤᠭᠤᠴᠠᠭᠠ