— ᠬᠦᠪᠡᠭᠡᠲᠤ ᠰᠢᠷᠠ ᠬᠤᠰᠢᠭᠤᠨᠤ ᠮᠤᠩᠭᠤᠯ ᠦᠨᠲᠤᠰᠤᠲᠡᠨᠤ
ᠲᠤᠮᠲᠠᠲᠤ ᠰᠤᠷᠭ᠋ᠠᠭᠤᠯᠢ ᠵᠢᠨ ᠠᠷᠤ ᠲᠠᠯᠠ ᠵᠢᠨ ᠠᠵᠢᠯᠤᠨ
ᠠᠬᠠᠮᠠᠳ ᠠᠵᠢᠯᠲᠠᠨ ᠤᠨᠢᠰᠤᠲᠠᠢ ᠪᠠᠭᠰᠢ ᠵᠢᠨ ᠦᠯᠢᠭᠡᠷ
ᠲᠤᠷᠠᠰᠤᠮᠵᠢᠲᠤ ᠤᠶ᠋ᠢᠯᠠ ᠠᠵᠢᠯᠯᠠᠭᠠ ᠵᠢᠨ ᠲᠤᠬᠠᠢ ᠠ᠋ᠷᠬᠢᠴᠡᠬᠦᠯᠥᠯ
ᠤᠯᠠᠭ᠋ᠠᠨ
ᠰᠤᠷᠭ᠋ᠠᠭᠤᠯᠢ ᠵᠢᠨ ᠠᠷᠤ ᠲᠡᠯᠡ ᠵᠢᠨ ᠠᠵᠢᠯᠨᠢ ᠠ᠋ᠭᠡᠯ ᠵᠢᠷᠤᠨ ᠪᠤᠯᠪᠠᠴᠤ ᠨᠢᠭᠡ ᠠ᠋ᠲᠤᠷ ᠪᠠᠶ᠋ᠢᠲᠤᠭ᠋ᠠᠢ ᠨᠢᠭᠡ ᠴᠠᠭ ᠴᠤ᠌ ᠭᠡᠰᠡᠨ ᠰᠠᠯᠬᠤᠳᠤ ᠪᠡᠷᠬᠡᠲᠡᠢ ᠬᠠᠷᠢᠭᠤᠴᠠᠯᠭᠠ ᠱᠠᠭ᠋ᠠᠷᠲᠠᠯᠭᠠᠪᠠᠷ ᠴᠢᠩᠭᠠ ᠬᠠᠲᠠᠭᠤ ᠠᠵᠢᠯ ᠲᠦᠷᠤᠯᠤᠨ ᠨᠢᠭᠡ ᠪᠤᠯᠬᠤ ᠶᠤᠮ᠃ ᠲᠡᠶ᠋ᠢᠮᠤ ᠪᠤᠯᠬᠤᠷ ᠠ᠋ᠨᠡ ᠭᠦ᠌ ᠠᠵᠢᠯᠤᠨ ᠪᠠᠶ᠋ᠢᠷᠢ ᠵᠢ ᠬᠦᠮᠤᠰᠤᠨ ᠰᠡᠳᠬᠢᠯᠤᠨ ᠲᠡᠩᠬᠡᠬᠡ ᠵᠢ ᠰᠢᠯᠭ᠋ᠠᠭᠰᠠᠨ ᠬᠠᠯᠠᠲᠠᠢ ᠤᠶ᠋ᠢᠲᠤᠮᠡᠷ ᠠᠵᠢᠯ ᠴᠦ᠍ ᠭᠡᠵᠤ ᠬᠡᠯᠡᠵᠤ ᠪᠤᠯᠤᠮᠡᠷ ᠰᠠᠨᠠᠭᠲᠠᠨᠠ᠃ ᠨᠡᠩ ᠴᠤ᠌ ᠪᠠᠶ᠋ᠢᠷᠢ ᠵᠢᠨ ᠲᠦᠷᠢᠮᠲᠤ ᠰᠤᠷᠭ᠋ᠠᠭᠤᠯᠢ ᠵᠢᠨ ᠲᠤᠭᠤᠭ᠋ᠠᠨ ᠭᠡᠷᠤᠨ ᠠᠵᠢᠯᠢ ᠨᠢᠬᠡ ᠯᠡ ᠦᠭᠡᠪᠠᠷ ᠬᠡᠯᠡᠪᠡᠯ᠂ ᠰᠤᠷᠭ᠋ᠠᠭᠤᠯᠢ ᠵᠢᠨ ᠬᠦᠷᠢᠶᠡᠨᠳᠤ ᠰᠤᠷᠤᠭᠴᠢ ᠪᠤᠵᠢᠬᠢᠨᠡᠯᠲᠤᠵᠤ ᠪᠠᠶ᠋ᠢᠭᠰᠠᠨ ᠴᠠᠭᠲᠤ ᠠ᠋ᠲᠤᠷ ᠪᠤᠯᠭ᠋ᠠᠨ᠂ ᠦᠷᠤᠨ ᠬᠠᠷᠠᠩᠭᠤᠢᠠᠴᠠ ᠦᠲᠡᠰᠢ ᠵᠢᠨ ᠪᠦᠷᠤᠢ ᠲᠠᠰᠤᠷᠠᠲᠠᠯᠠ ᠪᠡᠶᠡ ᠰᠡᠳᠬᠢᠯ ᠠᠮᠤᠷ ᠪᠠᠶ᠋ᠢᠬᠤ ᠵᠢᠨ ᠠᠷᠭᠠ ᠥᠬᠡᠢ 《ᠬᠦᠵᠤᠬᠦᠤ ᠰᠣᠩᠭ᠋ᠠᠨ ᠬᠦᠯ ᠬᠤᠶ᠋ᠢᠰᠢ ᠦᠭᠡᠢ》 ᠲᠡᠮᠡᠥᠯᠳᠡᠭ᠂ ᠠᠶ᠋ᠢᠯ ᠭᠡᠷ ᠵᠶ᠋ᠠᠷ ᠥᠯᠢᠭᠡᠷᠯᠡᠪᠡᠯ ᠡᠵᠢ ᠬᠥᠮᠥᠨᠤ ᠭᠠᠯ ᠲᠣᠭᠤᠭ᠋ᠠᠨᠤ ᠠᠵᠢᠯᠲᠠᠢ ᠲᠡᠩᠴᠡᠬᠦ ᠨᠥᠷᠢ ᠬᠥᠳᠡᠯᠮᠥᠷᠢ ᠭᠡᠭᠦᠳᠤ ᠠᠬᠠᠳᠠᠭ᠍ᠣ ᠥᠬᠡᠢ ᠡ᠃
ᠮᠠᠨᠤ ᠬᠦᠪᠡᠭᠡᠲᠤ ᠰᠢᠷᠠ ᠬᠤᠰᠢᠭᠤᠨᠤ ᠮᠤᠩᠭᠤᠯ ᠦᠨᠲᠤᠰᠤᠲᠡᠨᠤ ᠲᠤᠮᠲᠠᠲᠤ ᠰᠤᠷᠭ᠋ᠠᠭᠤᠯᠢ ᠵᠢᠨ ᠠᠷᠤ ᠲᠠᠯᠠ ᠵᠢᠨ ᠭᠠᠯ ᠲᠤᠭᠤᠭ᠋ᠠᠨᠤ ᠠᠵᠢᠯᠤᠨ ᠪᠠᠶ᠋ᠢᠷᠢᠨᠳᠤ ᠦᠬᠡ ᠲᠠᠭᠤ ᠦᠭᠡᠢ ᠵᠢᠳᠬᠦᠵᠤ ᠢᠷᠡᠭᠰᠡᠨ ᠨᠡᠷᠡ ᠦᠭᠡᠢ ᠤᠯᠡᠨ ᠤᠶ᠋ᠢᠯᠡᠰᠤᠨ ᠲᠠᠷᠬᠠᠳᠤᠨ ᠲᠤᠮᠲᠠᠠᠴᠠ ᠨᠢᠭᠡᠨ ᠠᠬᠠᠮᠠᠳ ᠪᠠᠭᠰᠢ ᠵᠢ ᠠ᠋ᠷᠡᠬᠡᠢ ᠭᠠᠷᠭ᠋ᠠᠨ ᠮᠠᠭᠲᠠᠵᠤ ᠬᠡᠯᠡᠬᠦ ᠬᠦᠮᠤᠰ ᠵᠦᠩᠲᠡᠭᠡᠨ ᠤᠯᠠᠨ ᠪᠠᠶ᠋ᠢᠲᠠᠭ ᠪᠢᠯᠡ᠃ ᠲᠡᠬᠦᠨᠤ ᠨᠡᠷᠡ ᠵᠢ ᠤᠨᠢᠰᠤᠲᠠᠢ ᠭᠡᠲᠡᠭ᠃ 《ᠨᠡᠷᠡᠠᠴᠠ ᠨᠢᠲᠡᠷ》 ᠭᠡᠲᠡᠭᠴᠢᠯᠡᠨ ᠤᠲᠤ ᠪᠤᠲᠤᠵᠤ ᠦᠵᠡᠪᠡᠯ᠂ ᠠᠬᠠᠮᠠᠳ ᠪᠤᠭᠤᠷᠤᠯᠤᠳᠨᠢ ᠤ ᠪᠠᠭᠰᠢ ᠵᠢᠨ ᠮᠠᠨᠢ ᠨᠡᠷᠡ ᠵᠢ ᠴᠤᠬᠤᠮ ᠤᠨᠤᠭ᠋ᠠᠵᠤ ᠦᠭᠴᠠᠢ ᠳ᠋ᠡ᠃
ᠡ᠊ᠨᠲᠡ ᠪᠢ ᠰᠤᠷᠭ᠋ᠠᠭᠤᠯᠢ ᠵᠢᠨ ᠵᠶ᠋ᠠᠨ ᠲᠤᠭᠤᠯᠵᠤ ᠢᠷᠡᠭᠰᠡᠨ ᠵᠢᠷᠠᠨ ᠵᠢᠯᠢ ᠬᠠᠷᠠᠭᠤᠯᠤᠭᠰᠠᠨ ᠲᠡᠤᠬᠡᠨ ᠤᠶ᠋ᠢᠯᠠᠯᠭᠠ ᠵᠢᠨ ᠨᠤᠮᠳᠤ ᠲᠡᠬᠦᠨᠤ ᠲᠤᠬᠠᠢ ᠨᠢᠭᠡᠨ ᠬᠤᠪᠢ ᠵᠤᠬᠢᠶᠠᠯ ᠪᠢᠴᠢᠵᠤ᠂ ᠲᠤᠷᠠᠳᠬᠤ ᠦᠭᠡᠢ᠂ ᠲᠡᠮᠲᠡᠭᠯᠡᠬᠦ ᠦᠭᠡᠢ ᠪᠠᠶ᠋ᠢᠬᠤ ᠵᠢᠨ ᠠᠷᠭᠠ ᠦᠭᠡᠢ ᠦᠷᠤᠴᠡ ᠵᠢᠨ ᠦᠭᠡᠪᠠᠷ ᠵᠶ᠋ᠠᠨ ᠰᠤᠷᠤᠭᠴᠢ ᠠᠬᠤᠢ ᠦᠶᠡᠠᠴᠠᠪᠠᠨ ᠠᠪᠤᠭ᠋ᠠᠳ ᠬᠤᠭᠤᠯᠡ ᠪᠤᠲᠠᠭᠠ ᠵᠢᠨᠢ ᠢᠲᠡᠵᠤ ᠪᠠᠶ᠋ᠢᠭᠰᠠᠨ ᠪᠠ ᠰᠡᠬᠦᠯᠴᠢ ᠵᠢᠨ ᠵᠢᠯ ᠵᠶ᠋ᠠᠷ ᠬᠠᠮᠲᠤ ᠠᠵᠢᠯᠯᠠᠭᠴᠢ ᠪᠤᠯᠤᠭᠰᠠᠨᠤ ᠲᠠᠷᠠᠭ᠋ᠠᠬᠢ ᠤᠴᠢᠷ ᠲᠤᠬᠠᠢᠪᠠᠷ ᠬᠠᠷᠠᠭ᠋ᠠᠰᠤ ᠪᠤᠯᠭ᠋ᠠᠨ᠂ ᠦᠵᠡᠭᠰᠡᠨ ᠬᠠᠷᠠᠭᠰᠠᠨ ᠦᠯᠢᠭᠡᠷᠤᠨ ᠪᠢᠰᠢ ᠤᠶ᠋ᠢᠯᠡ ᠶᠠᠪᠤᠲᠠᠯ ᠵᠶ᠋ᠠᠷ ᠦᠷᠤᠭᠡᠯᠤᠨ ᠨᠢᠲᠤᠨᠳᠤᠬᠢ ᠤ ᠪᠠᠭᠰᠢᠪᠠᠨ ᠵᠢᠷᠤᠭᠯᠠᠵᠤ᠂ ᠰᠡᠳᠬᠢᠯᠤᠨ ᠬᠦᠨᠲᠤᠳᠬᠡᠯ ᠵᠶ᠋ᠠᠨ ᠲᠡᠪᠰᠢᠬᠦᠯᠬᠦ ᠵᠢ ᠰᠠᠨᠠᠵᠤ ᠪᠢᠯᠡ᠃
ᠤ ᠪᠠᠭᠰᠢ ᠮᠠᠨᠢ ᠤᠤᠯᠳᠤᠪᠠᠨ ᠪᠠᠷᠢᠭ᠋ᠠᠲᠠ ᠵᠢᠨ ᠰᠤᠷᠭ᠋ᠠᠭᠤᠯᠢᠳᠤ 11 ᠵᠢᠯ ᠪᠠᠭᠰᠢᠯᠠᠵᠣ ᠪᠠᠶ᠋ᠢᠭᠰᠠᠨᠠᠴᠠᠪᠠᠨ 1981 ᠤᠨᠳᠤ ᠵᠤᠬᠢᠶᠠᠨ ᠪᠠᠶ᠋ᠢᠭᠤᠯᠤᠯᠲᠠ ᠵᠢᠨ ᠲᠤᠬᠢᠷᠠᠭᠤᠯᠤᠯᠲᠠᠪᠠᠷ ᠬᠦᠪᠡᠭᠡᠲᠤ ᠰᠢᠷᠠ ᠬᠤᠰᠢᠭᠤᠨᠤ ᠮᠤᠩᠭᠤᠯ ᠦᠨᠲᠤᠰᠤᠲᠡᠨᠤ ᠲᠤᠮᠲᠠᠲᠤ ᠰᠤᠷᠭ᠋ᠠᠭᠤᠯᠢᠳᠤ ᠠᠵᠢᠯ ᠰᠢᠯᠵᠢᠵᠤ ᠢᠷᠡᠭᠡᠳ 2004 ᠤᠨᠳᠤ ᠠᠵᠢᠯᠤᠨ ᠠᠮᠠᠷᠠᠯᠲᠠᠪᠠᠨ ᠠᠪᠬᠤ ᠪᠤᠯᠲᠠᠯᠠ ᠰᠤᠷᠭ᠋ᠠᠭᠤᠯᠢ ᠵᠢᠨ ᠠᠷᠤ ᠲᠠᠯᠠ ᠵᠢᠨ ᠰᠠᠩ ᠬᠠᠮᠢᠶᠠᠷᠤᠭᠴᠢ᠂ ᠲᠤᠭᠤᠭ᠋ᠠᠨ ᠭᠡᠷᠤᠨ ᠬᠠᠮᠢᠶᠠᠷᠤᠯᠲᠠ ᠵᠢᠨ ᠠᠵᠢᠯᠤᠨ ᠪᠠᠶ᠋ᠢᠷᠢᠠᠴᠠ ᠲᠦᠬᠡ ᠰᠠᠯᠵᠤ ᠦᠵᠡᠭᠡ ᠦᠭᠡᠢ᠂ ᠲᠦᠪ ᠴᠢᠩᠭᠠ᠂ ᠬᠠᠷᠢᠭᠤᠴᠠᠯᠭ᠋ᠠᠲᠤ ᠰᠤᠷᠲᠠᠯ ᠵᠶ᠋ᠠᠷ ᠠᠵᠢᠯ ᠶᠠᠪᠤᠲᠠᠯᠳᠤᠪᠠᠨ ᠭᠠᠪᠰᠢᠭ᠋ᠠᠶ᠋ᠢᠯᠠᠵᠤ᠂ ᠪᠠᠶ᠋ᠢᠷᠢ ᠵᠢᠨ ᠠᠮᠢᠲᠤᠷᠠᠯᠢ ᠲᠦᠰᠢᠵᠤ᠂ ᠰᠤᠷᠭ᠋ᠠᠭᠤᠯᠢ ᠰᠤᠶᠤᠯᠤᠨ ᠮᠦᠷᠢ ᠬᠦᠭᠡᠭᠡᠵᠤ ᠠ᠋ᠷᠲᠡᠮ ᠨᠤᠮᠤᠨ ᠰᠢᠮᠡ ᠵᠢ ᠬᠦᠷᠲᠡᠭᠰᠡᠨ ᠬᠡᠤᠬᠡᠳᠤᠳᠲᠤ ᠪᠤᠯ ᠨᠡᠷᠡ ᠦᠭᠡᠢ 《ᠡᠵᠢ》ᠨᠢ ᠪᠤᠯᠵᠤ ᠶᠠᠪᠤᠭᠰᠠᠨ ᠪᠠᠭᠰᠢ ᠬᠦᠮᠤᠨᠤ ᠨᠢᠬᠡ ᠪᠠᠶ᠋ᠢᠭᠠ᠃ ᠬᠤᠶ᠋ᠢᠨᠡ ᠠ᠋ᠮᠤᠨᠡ ᠨᠠᠢ᠍ᠮᠠᠨ ᠵᠠᠬᠢᠷᠤᠯᠤᠨ ᠬᠠᠯᠠᠭᠠ ᠰᠤᠯᠢᠭᠠ ᠵᠢ ᠦᠩᠭᠡᠷᠡᠬᠦᠯᠵᠤ ᠢᠷᠡᠬᠦᠳᠤᠪᠠᠨ ᠠᠯᠢᠨᠳᠤᠨᠢ ᠴᠤ᠌ ᠪᠤᠯᠤᠭ᠂ ᠵᠡᠬᠦᠨ ᠪᠠᠷᠠᠭᠤᠨ ᠭᠠᠷᠤᠨ ᠬᠢᠨᠢ 《ᠰᠢᠲᠠᠷ ᠲᠤᠰᠠᠯᠠᠭᠴᠢ》ᠪᠠᠷ ᠮᠡᠲᠡᠷᠡᠭᠲᠡᠵᠤ ᠶᠠᠪᠤᠭᠰᠠᠨ ᠲᠠᠷᠡ ᠮᠠᠨᠢ ᠨᠠᠶᠠᠭ᠋ᠠᠳ ᠤᠨᠤ ᠰᠤᠷᠤᠭᠴᠢᠳᠤᠨ ᠤᠢ ᠲᠤᠶᠳᠤ ᠪᠤᠯ 《ᠲᠤᠭᠤᠭ᠋ᠠᠴᠢ ᠠᠪᠤ》᠂ ᠶᠡᠷᠡᠭᠡᠳ ᠤᠨ ᠪᠠ ᠰᠢᠨᠡ ᠮᠢᠩᠭ᠋ᠠᠨᠤ ᠠ᠋ᠬᠢᠨᠤ ᠵᠢᠯᠤᠨ ᠰᠤᠷᠤᠭᠴᠢᠳᠤᠨ ᠨᠢᠲᠤᠨᠳᠤ ᠪᠤᠯ 《ᠲᠤᠭᠤᠭ᠋ᠠᠴᠢ ᠡᠪᠦᠭᠡ》 ᠵᠢᠨ ᠲᠤᠷᠠᠰᠤᠮᠵᠢᠲᠠᠢ ᠶᠠᠪᠤᠵᠤ ᠢᠷᠡᠭᠰᠡᠨ ᠠᠬᠠᠮᠠᠳ ᠪᠤᠭᠤᠷᠤᠯ ᠪᠤᠯᠬᠤ ᠶᠤᠰᠤᠲᠠᠢ᠃ ᠶᠡᠷᠢᠶᠡᠨ ᠦᠭᠡᠢ ᠲᠡᠳᠡᠭᠡᠷ ᠰᠣᠷᠣᠭᠴᠢ ᠵᠢᠨ ᠲᠣᠮᠳᠠ ᠪᠢ ᠴᠤ᠌ ᠪᠠᠭᠲᠠᠵᠤ ᠪᠠᠶ᠋ᠢᠭᠠ ᠶᠤᠮ᠃
ᠲᠡᠶ᠋ᠢᠮᠤ ᠪᠤᠯᠬᠤᠷ ᠬᠤᠷᠢᠨ ᠬᠡᠲᠤᠨ ᠵᠢᠯᠤᠨ ᠲᠤᠷᠰᠢ ᠪᠠᠭᠰᠢ ᠰᠤᠷᠤᠭᠴᠢᠳᠤᠨ ᠵᠶ᠋ᠠᠨ ᠣᠶᠣᠨ ᠣᠬᠠᠭ᠋ᠠᠨᠳᠤ ᠤᠨᠢᠰᠤᠲᠠᠢ ᠪᠠᠭᠰᠢ ᠪᠤᠯ 《ᠴᠡᠪᠡᠷ ᠨᠢᠮᠪᠠᠢ᠂ ᠴᠢᠩᠭᠠ ᠲᠦᠪᠯᠡᠬᠦᠨ᠂ ᠴᠢᠬᠡᠴᠢ ᠰᠢᠲᠤᠷᠭᠤ᠂ ᠠᠵᠢᠯᠴᠢ ᠠᠷᠪᠢᠴᠢ᠂ ᠲᠡᠰᠪᠤᠷᠢ ᠲᠠᠭ᠋ᠠᠭ᠋ᠠᠴᠠ》ᠪᠠᠷ ᠦᠪᠡᠷᠢᠪᠠᠨ ᠱᠤᠭᠤᠭᠰᠠᠨ ᠦᠷᠭᠡᠨ ᠨᠦᠯᠤᠭᠡ᠂ ᠦᠯᠡᠮᠵᠢ ᠲᠤᠰᠬᠠᠯᠲᠠᠢ ᠨᠢᠭᠡᠨ ᠠᠬᠠᠮᠠᠳᠤᠨ ᠲᠦᠷᠢᠪᠠᠷ ᠲᠠᠨᠢᠭᠳᠠᠭᠰᠠᠨ᠂ ᠵᠥᠪᠭᠡᠨ ᠤᠲᠤ ᠯᠠ ᠪᠢᠰᠢ ᠬᠠᠷᠢᠨ ᠠ᠋ᠬᠦᠷᠢᠲᠡ ᠵᠢᠨ ᠲᠦᠷᠢ ᠪᠤᠯᠬᠤ ᠤᠴᠢᠷᠲᠠᠢ᠃
ᠦᠯᠢᠭᠡᠷ ᠨᠢᠬᠡ
1982 ᠤᠨᠤ ᠨᠠᠮᠤᠷ᠂ ᠬᠦᠪᠡᠭᠡᠲᠤ ᠰᠢᠷᠠ ᠬᠤᠰᠢᠭᠤᠨᠤ ᠮᠤᠩᠭᠤᠯ ᠦᠨᠲᠤᠰᠤᠲᠡᠨᠤ ᠲᠤᠮᠲᠠᠲᠤ ᠰᠤᠷᠭ᠋ᠠᠭᠤᠯᠢ ᠵᠢᠨ ᠠᠨᠭ᠌ᠬᠠ ᠵᠡᠷᠭᠡ ᠵᠢᠨ ᠲᠤᠮᠳᠠᠳᠤ ᠰᠤᠷᠭ᠋ᠠᠭᠤᠯᠢ ᠵᠢᠨ ᠨᠢᠭᠡᠲᠤᠭᠡᠷ ᠤᠨᠳᠤ ᠲᠠᠪᠰᠢᠨ ᠤᠷᠤᠭᠰᠠᠨ ᠪᠢ ᠭᠡᠷᠤᠨ ᠠᠬᠠᠮᠠᠳᠤᠨ ᠵᠶ᠋ᠠᠨ ᠲᠠᠭ᠋ᠠᠭᠤᠯᠭᠠᠪᠠᠷ᠂ ᠶᠠᠭᠤᠨᠤ ᠲᠡᠷᠢᠬᠦᠨᠳᠤ ᠪᠠᠶ᠋ᠢᠷᠢ ᠵᠢᠨ ᠭᠡᠷ᠂ ᠬᠢᠴᠢᠶᠠᠯᠤᠨ ᠭᠡᠷ ᠵᠶ᠋ᠠᠨ ᠲᠠᠨᠢᠵᠤ ᠠᠪᠤᠭᠰᠠᠨᠤ ᠲᠠᠷᠠᠭᠠ ᠰᠤᠷᠭ᠋ᠠᠭᠤᠯᠢ ᠵᠢᠨ ᠬᠤᠭᠤᠯᠠᠨ ᠪᠢᠯᠸᠲ ᠠᠪᠴᠤ᠂ ᠬᠤᠭᠤᠯᠠ ᠪᠤᠲᠠᠭ᠋ᠠᠨᠤ ᠭᠡᠷᠡᠴᠢ ᠲᠡᠮᠲᠡᠭᠤᠨ ᠪᠠᠲᠤᠯᠠᠭᠠ ᠰᠤᠯᠢᠵᠤ ᠠᠪᠤᠭᠰᠠᠨ ᠵᠶ᠋ᠠᠨ ᠤᠲᠤ ᠴᠤ᠌ ᠭᠡᠳ ᠪᠦᠤᠷ ᠲᠦᠤᠷ ᠴᠡᠭᠡᠵᠢᠯᠡᠵᠥ ᠪᠠᠶ᠋ᠢᠨᠠ᠃ ᠲᠡᠷᠡ ᠦᠶᠡᠳᠤ ᠪᠢ ᠬᠤᠰᠢᠭᠤᠨ ᠲᠦᠪᠲᠤ ᠠᠨᠭ᠌ᠬᠠ ᠢᠷᠡᠵᠤ ᠪᠠᠶ᠋ᠢᠬᠤ ᠵᠢᠨ ᠲᠡᠭᠡᠷᠡ ᠲᠠᠨᠢᠵᠤ ᠮᠡᠲᠡᠬᠦ ᠬᠠᠮᠲᠤ ᠰᠤᠷᠤᠭᠴᠢ ᠲᠤᠭᠠᠲᠠᠢ ᠨᠢᠭᠡ ᠬᠤᠶᠠᠷ ᠪᠠᠶ᠋ᠢᠵᠤ᠂ ᠶᠤᠰᠤᠲᠠᠢ ᠰᠤᠷᠭ᠋ᠠᠭᠤᠯᠢ ᠵᠢᠨ ᠮᠠᠨᠢ ᠶᠠᠭᠤ ᠪᠦᠬᠦᠨ ᠰᠢᠨᠡ ᠰᠡᠪᠡᠬᠦᠨ ᠰᠤᠨᠢᠷᠬᠠᠯᠲᠠᠢ ᠰᠠᠨᠠᠭᠲᠠᠵᠤ ᠪᠠᠶ᠋ᠢᠯᠠ᠃ ᠬᠠᠷᠢᠨ ᠰᠠᠨᠠᠭ᠋ᠠᠨᠠᠴᠠ ᠭᠠᠷᠲᠠᠭ ᠦᠭᠡᠢ ᠨᠢᠭᠡ ᠤᠴᠢᠷ ᠭᠡᠪᠡᠯ᠂ ᠠᠷᠪᠠᠨ ᠮᠦᠩᠬᠦ᠂ ᠬᠤᠷᠢᠨ ᠮᠦᠩᠬᠦ᠂ ᠲᠡᠪᠢᠨ ᠮᠦᠩᠬᠦ᠂ ᠨᠢᠭᠡ ᠲᠦᠬᠦᠷᠢᠭᠤᠨ ᠬᠤᠭᠤᠯᠠᠨ ᠪᠢᠯᠸᠲ ᠲᠡᠭᠡᠷᠡᠬᠢ 《ᠤᠨᠢᠰᠤᠲᠠᠢ》 ᠭᠡᠰᠡᠨ ᠲᠠᠮᠠᠭᠠ ᠵᠢᠨ ᠲᠠᠷᠤᠳᠠᠰᠤ ᠦᠰᠦᠭᠨᠢ ᠬᠡᠤᠬᠡᠳ ᠨᠠᠰᠤᠨᠤ ᠨᠡᠳᠡ ᠶᠡᠬᠡᠲᠡ ᠭᠠᠶ᠋ᠢᠬᠠᠯᠲᠠᠢ ᠰᠠᠨᠠᠭᠲᠠᠭᠰᠠᠨ ᠵᠶ᠋ᠠᠷ ᠠ᠋ᠨᠡ ᠭᠦ᠌ ᠪᠢᠯᠸᠲᠨᠢ ᠵᠤᠭᠤᠰ ᠮᠦᠩᠬᠦᠠᠴᠠ ᠢᠯᠡᠬᠦᠤ 《ᠤᠨᠢᠰᠤ ᠴᠤᠤᠵᠢᠲᠠᠢ ᠴᠢᠨᠭᠭᠠ ᠬᠠᠮᠢᠶᠠᠷᠤᠯᠲᠠᠲᠠᠢ ᠶᠠᠭᠤᠮᠠ ᠪᠠᠶ᠋ᠢᠨᠠ》 ᠬᠡᠮᠡᠨ ᠤᠶ᠋ᠢᠯᠠᠭ᠋ᠠᠬᠤᠳᠤᠪᠠᠨ ᠮᠠᠰᠢ ᠨᠠᠨᠲᠢᠩᠨᠡᠨ ᠦᠵᠡᠵᠤ ᠬᠠᠶᠠᠵᠤ ᠭᠡᠭᠡᠬᠦ ᠪᠠᠶ᠋ᠢᠲᠤᠭ᠋ᠠᠢ ᠨᠣᠬᠤᠴᠢᠵᠣ ᠣᠷᠠᠭ᠍ᠣᠠᠴᠠ ᠬᠦᠷᠲᠡᠯᠡ ᠬᠢᠴᠢᠶᠡᠳᠡᠭ ᠪᠠᠶ᠋ᠢᠯᠠ᠃ ᠲᠡᠷᠡᠨᠢ ᠶᠠᠭ ᠤᠨᠢᠰᠤᠲᠠᠢ ᠪᠠᠭᠰᠢ ᠤᠩᠭᠤᠨ ᠠᠭᠤᠯᠠ ᠨᠢᠭᠡᠲᠤᠯᠤᠨ ᠪᠤᠩᠬᠤᠨ ᠭᠤᠤᠯ ᠪᠠᠷᠢᠭ᠋ᠠᠲᠠ （ᠲᠡᠷᠡ ᠦᠶᠡᠳᠤ ᠰᠤᠮᠤ ᠭᠠᠴᠠᠭᠠ ᠵᠢᠨ ᠢᠩᠬᠢᠵᠤ ᠲᠠᠭᠤᠲᠠᠵᠤ ᠪᠠᠶ᠋ᠢᠭᠰᠠᠨ） ᠵᠢᠨ ᠰᠤᠷᠭ᠋ᠠᠭᠤᠯᠢ ᠵᠢᠨ ᠪᠠᠭᠰᠢ ᠵᠢᠨ ᠠᠵᠢᠯᠠᠴᠠᠪᠠᠨ ᠮᠠᠨᠤ ᠰᠤᠷᠭ᠋ᠠᠭᠤᠯᠢ ᠵᠢᠨ ᠲᠤᠭᠤᠭ᠋ᠠᠨ ᠭᠡᠷᠤᠨ ᠰᠠᠩ ᠬᠠᠮᠢᠶᠠᠷᠤᠭᠴᠢ᠂ ᠠᠷᠤ ᠲᠡᠯᠡ ᠵᠢᠨ ᠠᠵᠢᠯᠤᠨ ᠬᠠᠮᠢᠶᠠᠷᠤᠯᠲᠠ ᠵᠢᠨ ᠠᠵᠢᠯᠤᠨ ᠪᠠᠶ᠋ᠢᠷᠢᠨᠳᠤ ᠰᠢᠯᠵᠢᠵᠤ ᠢᠷᠡᠭᠡᠳ ᠲᠢᠭ ᠲᠠᠭ ᠲᠦᠷᠢᠮᠵᠢᠭᠰᠡᠨ ᠨᠢᠮᠪᠡᠢ ᠬᠠᠮᠢᠶᠠᠷᠤᠯᠲᠠᠲᠠᠢᠪᠠᠷ ᠠᠵᠢᠯ ᠵᠶ᠋ᠠᠨ ᠠ᠋ᠬᠢᠯᠡᠬᠦᠯᠵᠤ ᠪᠠᠶ᠋ᠢᠭᠰᠠᠨᠢ ᠬᠡᠵᠢᠶᠡ ᠰᠡᠬᠦᠯᠳᠤ ᠮᠡᠲᠡᠵᠤ ᠪᠢᠯᠡ᠃ ᠲᠡᠭᠡᠭᠡᠳ ᠯᠡ ᠪᠢ ᠠ᠋ᠨᠡ ᠭᠦ᠌ ᠬᠤᠭᠤᠯᠠᠨ ᠪᠢᠯᠸᠲ ᠲᠡᠭᠡᠷᠡᠬᠢ 《ᠤᠨᠢᠰᠤᠲᠠᠢ》 ᠭᠡᠰᠡᠨ ᠨᠡᠷᠡᠪᠠᠷᠨᠢ ᠠᠯᠭᠤᠷ ᠠᠭ᠋ᠠᠵᠢᠮᠳᠤᠪᠠᠨ ᠤ ᠪᠠᠭᠰᠢᠪᠠᠨ ᠮᠡᠲᠡᠵᠤ ᠠᠪᠤᠭᠰᠠᠨ ᠤᠬᠠᠭ᠋ᠠᠨᠲᠠᠢ ᠶᠤᠮ᠃ ᠠᠷᠪᠠᠨ ᠬᠡᠲᠤᠨ ᠵᠢᠯᠤᠨ ᠲᠠᠷᠠᠭᠠ᠂ 1998 ᠤᠨᠳᠤ ᠪᠢ ᠠᠵᠢᠯ ᠰᠢᠯᠵᠢᠵᠤ ᠠ᠋ᠬᠡ ᠰᠤᠷᠭ᠋ᠠᠭᠤᠯᠢᠳᠤᠪᠠᠨ ᠪᠠᠭᠰᠢᠯᠠᠭ᠍ᠤᠪᠠᠷ ᠢᠷᠡᠬᠦᠳᠤ ᠤᠨᠢᠰᠤᠲᠠᠢ ᠪᠠᠭᠰᠢ ᠮᠠᠨᠢ ᠮᠦᠨ ᠯᠡ ᠤᠤᠯ ᠠᠵᠢᠯᠤᠨ ᠪᠠᠶ᠋ᠢᠷᠢᠨᠳᠤᠪᠠᠨ ᠵᠢᠷᠠ ᠵᠢᠨ ᠲᠠᠪᠠᠭᠠ ᠵᠢ ᠲᠦᠬᠦᠴᠢᠬᠡᠭᠰᠡᠨ ᠠᠬᠠᠮᠠᠳ ᠲᠤᠮᠤᠭ᠋ᠠᠲᠠᠢ ᠪᠠᠭᠰᠢ ᠨᠡᠷᠤᠨ ᠠ᠋ᠩᠨᠡᠭᠡᠨᠳᠤ ᠤᠷᠤᠭᠰᠠᠨ ᠪᠤᠯᠪᠠᠴᠤ ᠵᠠᠯᠠᠭᠤ᠂ ᠢᠲᠡᠷ ᠲᠤᠭᠤᠭ᠋ᠠᠴᠢ ᠨᠡᠷᠲᠠᠢᠪᠠᠨ ᠮᠦᠷᠤ ᠵᠡᠷᠭᠡᠴᠡᠨ ᠦᠷᠤᠨ ᠭᠡᠭᠡᠲᠠᠢ ᠤᠷᠤᠯᠲᠤᠨ᠂ ᠠᠷᠭ᠋ᠠᠯ ᠨᠡᠬᠦᠷᠡᠰᠤ ᠬᠡᠲᠡᠯᠡ ᠭᠤᠯᠢᠷ ᠪᠤᠲᠠᠭᠠ᠂ ᠮᠢᠬᠠ ᠲᠤᠰᠤ᠂ ᠨᠤᠭᠤᠭᠠ ᠴᠠᠭᠠ ᠭᠡᠳ ᠠ᠋ᠲᠤᠷᠤᠨ ᠮᠠᠷᠭ᠋ᠠᠰᠢ ᠬᠢᠵᠤ ᠪᠠᠷᠠᠲᠠᠭ ᠦᠭᠡᠢ ᠦᠨᠤᠬᠢ ᠠᠵᠢᠯᠲᠠᠢᠪᠠᠨ ᠵᠢᠭᠤᠷᠠᠯᠲᠤᠨ ᠨᠤᠴᠤᠯᠲᠤᠵᠤ᠂ ᠵᠠᠷᠢᠮᠳᠤᠪᠠᠨ ᠬᠦᠭᠡᠷᠤᠬᠦᠢ᠂ ᠬᠦᠯᠤᠰᠤᠪᠠᠨ ᠭᠤᠭᠤᠵᠢᠭᠤᠯᠣᠨ ᠵᠥᠳᠡᠷᠡᠯᠳᠡᠢ ᠠᠵᠢᠯᠯᠠᠭ᠍ᠤ ᠵᠢᠨᠢ ᠥᠵᠡᠵᠥ ᠬᠠᠷᠠᠭᠰᠠᠨ ᠪᠢᠲᠡ ᠨᠡᠷ᠄ 《ᠤ ᠪᠠᠭᠰᠢ ᠡ！ ᠶᠠᠲᠠᠷᠠᠵᠤ ᠪᠠᠶ᠋ᠢᠬᠤ ᠦᠭᠡᠢ ᠤᠤ？ ᠵᠢᠭ᠋ᠠᠬᠠᠨ ᠠᠮᠤᠰᠬᠢᠭ᠋ᠠᠳ ᠠᠪᠬᠤ ᠦᠭᠡᠢ ᠤᠤ？》 ᠭᠡᠵᠤ ᠬᠦᠨᠲᠤᠳᠬᠡᠯ ᠲᠡᠪᠰᠢᠬᠦᠯᠤᠨ ᠬᠠᠯᠠᠮᠵᠢᠯᠠᠨ ᠠᠰᠠᠭᠤᠬᠤᠳᠤ᠄ 《ᠬᠢᠭᠡᠳ ᠲᠠᠳᠴᠢᠬᠠᠭᠰᠠᠨ ᠠᠵᠢᠯ ᠶᠤᠮ ᠴᠢᠨᠢ᠂ ᠶᠠᠳᠠᠷᠠᠮᠠᠷ ᠶᠠᠭᠤᠮᠠ ᠥᠬᠡᠢ᠂ ᠶᠠᠭᠤ ᠯᠡ ᠪᠠᠶ᠋ᠢᠬᠤᠪ！》 ᠭᠡᠳ ᠨᠠᠭ᠋ᠠᠲᠤᠮ ᠦᠨᠡᠨᠤ ᠬᠤᠭᠤᠷᠤᠨᠲᠤ ᠬᠡᠯᠡᠵᠥ᠂ ᠬᠢᠲᠡᠭ ᠵᠶ᠋ᠠᠨ ᠬᠢᠵᠤ ᠯᠠ ᠶᠠᠪᠣᠳᠠᠭᠨᠢ ᠦᠨᠡᠨ ᠪᠢᠰᠢᠷᠡᠬᠦᠰᠢᠳᠡᠢ᠂ ᠬᠦᠨᠲᠤᠳᠬᠡᠬᠦᠰᠢᠲᠠᠢ ᠰᠠᠨᠠᠭᠳᠠᠳᠠᠭ᠃
ᠦᠯᠢᠭᠡᠷ ᠬᠤᠶᠠᠷ
ᠲᠡᠭᠡᠷᠡ ᠵᠠᠭᠤᠨᠤ ᠨᠠᠶᠠ᠂ ᠶᠡᠷᠡᠭᠡᠳ ᠣᠨᠤ ᠥᠶᠡᠳᠤ ᠪᠠᠶ᠋ᠢᠷᠢ ᠵᠢᠨ ᠬᠡᠥᠭᠡᠳᠤᠨ ᠬᠤᠭᠤᠯᠠ ᠬᠥᠨᠡᠰᠥᠨᠤ ᠠᠰᠠᠭᠤᠳᠠᠯ ᠪᠣᠯ ᠰᠣᠷᠭ᠋ᠠᠭᠤᠯᠢ ᠵᠢᠨ ᠨᠢᠬᠡ ᠲᠣᠮᠣ ᠣᠴᠢᠷ ᠪᠠᠶ᠋ᠢᠭᠰᠠᠨ ᠭᠡᠭᠦᠳᠤ ᠠᠬᠠᠳᠠᠭ᠍ᠣ ᠥᠬᠡᠢ᠃ ᠣᠴᠢᠷᠨᠢ ᠰᠣᠷᠭ᠋ᠠᠭᠤᠯᠢ ᠵᠢᠨ ᠵᠠᠷᠣᠳᠠᠯ ᠵᠤᠭᠠ ᠶᠡᠭᠡᠳᠡᠢ ᠲᠡᠭᠡᠷᠡ ᠣᠯᠣᠰᠠᠴᠠ ᠥᠭᠭᠦ ᠨᠥᠭᠦᠪᠥᠷᠢ ᠮᠥᠩᠬᠦ ᠠ᠋ᠨᠡ ᠲᠡᠷᠡ ᠲᠣᠩ ᠬᠤᠮᠰᠠᠭ᠍ᠠᠨ ᠲᠣᠯᠠ ᠬᠡᠥᠭᠡᠳᠤᠳᠤᠨ ᠭᠡᠷᠤᠨ ᠠᠬᠠᠮᠠᠳᠲᠤ ᠲᠥᠰᠢᠭᠯᠡᠵᠥ ᠡᠪᠥᠯᠤᠨ ᠢᠳᠡᠰᠢ ᠣᠣᠭᠤᠰᠢᠪᠠᠨ ᠠᠷᠭ᠋ᠠᠴᠠᠳᠠᠭ ᠪᠠᠶ᠋ᠢᠭᠰᠠᠨ ᠶᠤᠮ᠃ ᠵᠢᠯ ᠪᠣᠯᠭ᠋ᠠᠨᠤ ᠨᠠᠮᠣᠷᠤᠨ ᠰᠡᠬᠦᠯᠴᠢ᠂ ᠡᠪᠥᠯᠤᠨ ᠠ᠋ᠬᠢᠪᠠᠷ ᠪᠠᠶ᠋ᠢᠷᠢ ᠵᠢᠨ ᠬᠡᠥᠭᠡᠳ ᠪᠥᠷᠢ ᠵᠢᠨ ᠬᠡᠷᠤᠨ ᠠᠬᠠᠮᠠᠳ ᠨᠢᠬᠡ ᠠᠮᠢᠳᠣ ᠬᠤᠨᠢᠪᠠᠨ ᠰᠣᠷᠭ᠋ᠠᠭᠤᠯᠢ ᠵᠢᠨ ᠠᠷᠣ ᠲᠠᠯᠠᠳᠤ ᠲᠣᠰᠢᠶᠠᠵᠣ᠂ ᠲᠣᠭᠤᠭ᠋ᠠᠨ ᠭᠡᠷᠤᠨ ᠮᠢᠬᠠ ᠱᠥᠯᠥᠨᠤ ᠢᠷᠡᠯᠳᠡ ᠵᠢ ᠪᠠᠳᠣᠯᠠᠨ ᠬᠡᠥᠭᠡᠳᠤᠨ ᠡᠪᠥᠯᠤᠨ ᠬᠥᠨᠡᠰᠥᠨᠤ ᠠᠰᠠᠭᠤᠳᠠᠯᠢ ᠰᠢᠢ᠍ᠳᠪᠥᠷᠢᠯᠡᠵᠥ᠂ ᠲᠣᠷᠠᠳᠠᠶᠠ ᠲᠣᠰᠠᠯᠠᠮᠵᠢ ᠬᠠᠩᠭ᠋ᠠᠳᠠᠭ᠃ ᠬᠡᠬᠦᠳᠤ ᠵᠢᠯ ᠪᠣᠯᠭ᠋ᠠᠨᠤ ᠶᠠᠭ ᠯᠠ ᠲᠡᠷᠡ ᠥᠶᠡ ᠪᠣᠯ ᠣᠨᠢᠰᠣᠳᠠᠢ ᠪᠠᠭᠰᠢ ᠵᠢ ᠪᠠᠭᠳᠠᠭ᠋ᠠᠭᠰᠠᠨ ᠲᠣᠬᠠᠢ ᠵᠢᠨ ᠥᠶᠡ ᠵᠢᠨ ᠲᠣᠭᠤᠭ᠋ᠠᠨ ᠭᠡᠷᠤᠨ ᠠᠵᠢᠯᠳᠠᠳᠤᠨ ᠬᠠᠮᠤᠭᠤᠨ ᠶᠠᠭ᠋ᠠᠷᠠᠯᠳᠠᠢ ᠥᠶᠡ ᠪᠠᠶ᠋ᠢᠵᠣ ᠰᠣᠷᠭ᠋ᠠᠭᠤᠯᠢ ᠵᠢᠨ ᠬᠡᠥᠭᠡᠳᠤᠨ ᠡᠪᠥᠯᠤᠨ ᠢᠳᠠᠰᠢ ᠵᠢ ᠲᠥᠪᠬᠢᠨᠡᠬᠦᠯᠬᠦ ᠠᠵᠢᠯᠳᠤ ᠮᠣᠩᠭ᠋ᠠᠨᠢᠳᠠᠭ᠃ ᠵᠠᠷᠢᠮ ᠵᠢᠯᠳᠤᠪᠠᠨ ᠪᠠᠶ᠋ᠢᠷᠢ ᠵᠢᠨ ᠬᠡᠥᠭᠡᠳᠤᠨ ᠲᠤᠭᠠ ᠣᠯᠠᠨ ᠪᠣᠯ ᠭᠤᠷᠪᠠ ᠲᠥᠷᠪᠡᠨ ᠵᠠᠭᠤᠨ ᠬᠤᠨᠢ ᠵᠢ ᠠ᠋ᠳᠥᠷ ᠪᠣᠯᠭ᠋ᠠᠨ ᠰᠣᠷᠣᠭᠴᠢᠳᠤᠨ ᠵᠶ᠋ᠠᠨ ᠬᠤᠭᠤᠯᠠ ᠴᠠᠢ ᠵᠢᠨ ᠠᠵᠢᠯᠢ ᠵᠠᠪᠳᠣᠭᠤᠯᠬᠤ ᠵᠢᠨ ᠵᠡᠷᠭᠡᠴᠡᠭᠡᠪᠠᠷ ᠲᠣᠭᠤᠭ᠋ᠠᠴᠢ ᠠᠵᠢᠯᠳᠠᠨ ᠵᠶ᠋ᠠᠨ ᠲᠠᠭ᠋ᠠᠭᠤᠯᠵᠣ ᠬᠤᠨᠢ ᠨᠢᠳᠣᠯᠵᠣ ᠪᠠᠵᠠᠭ᠋ᠠᠬᠤ᠂ ᠭᠡᠳᠡᠰᠥ ᠬᠥᠵᠡᠭᠡ ᠵᠢᠨᠢ ᠣᠬᠢᠶᠠᠵᠣ ᠠᠷᠢᠯᠭ᠋ᠠᠬᠤ᠂ ᠥᠶᠡ ᠮᠥᠴᠢᠪᠠᠷᠨᠢ ᠲᠣᠶᠠᠴᠢᠵᠣ ᠰᠠᠯᠭ᠋ᠠᠬᠤ᠂ ᠱᠣᠯᠣᠵᠣ ᠪᠣᠷᠴᠠᠯᠠᠭ᠍ᠣ ᠬᠡᠳ ᠰᠠᠷᠠ ᠬᠤᠷᠢᠨ ᠬᠤᠨᠤᠭ ᠵᠶ᠋ᠠᠷ ᠠ᠋ᠳᠥᠷᠤᠨ ᠠᠷᠪᠠ ᠭᠠᠷᠣᠢ ᠬᠤᠨᠢ ᠵᠢ ᠲᠥᠬᠦᠭᠡᠷᠣᠨ ᠰᠣᠨᠳᠠᠯᠠᠪᠠᠨ ᠣᠷᠣᠯᠳᠣᠳᠠᠭ ᠪᠠᠶ᠋ᠢᠵᠠᠢ᠃ ᠲᠡᠳᠡᠭᠡᠷ ᠠᠵᠢᠯᠢᠨᠢ ᠣᠳᠣᠪᠠᠷ ᠪᠣᠳᠣᠪᠠᠯ ᠨᠢᠬᠡ ᠬᠥᠯᠳᠡᠬᠡᠬᠦ ᠬᠥᠮᠥᠷᠭᠡᠨᠤ ᠠᠵᠢᠯᠠᠴᠠ ᠲᠣᠣᠷᠠᠳᠠᠭ᠍ᠣ ᠥᠬᠡᠢ ᠯᠠ ᠪᠠᠶ᠋ᠢᠵᠠᠢ ᠳ᠋ᠠ᠃ ᠲᠡᠭᠡᠭᠦᠪᠠᠷ ᠪᠠᠷᠠᠭ᠍ᠣ ᠥᠬᠡᠢ ᠠ᠋ᠯᠬᠦᠵᠣ ᠬᠠᠳᠠᠭ᠋ᠠᠬᠤ᠂ ᠬᠠᠳᠠᠭ᠋ᠠᠯᠠᠵᠣ ᠬᠥᠮᠥᠷᠭᠡᠯᠡᠬᠦ᠂ ᠲᠠᠷᠠᠭᠠ ᠵᠢᠯᠤᠨ ᠬᠠᠪᠣᠷ ᠵᠣᠨᠢ ᠵᠠᠯᠭ᠋ᠠᠳᠠᠯᠠ ᠰᠣᠷᠣᠭᠴᠢᠳᠤᠨ ᠬᠤᠭᠤᠯᠠᠨᠤ ᠮᠢᠬᠠ ᠲᠣᠰᠣ ᠵᠢ ᠲᠡᠩᠴᠡᠬᠦᠯᠵᠣ ᠲᠣᠬᠢᠷᠠᠭᠤᠯᠣᠨ ᠵᠣᠬᠢᠴᠠᠭᠤᠯᠬᠤ ᠭᠡᠳ ᠠᠷᠣ ᠠᠷᠣᠠᠴᠠᠪᠠᠨ ᠬᠥᠪᠥᠷᠡᠭᠰᠡᠨ ᠣᠯᠠᠨ ᠠᠵᠢᠯᠢ ᠣᠨᠢᠰᠣᠳᠠᠢ ᠪᠠᠭᠰᠢ ᠮᠢᠨᠢ ᠲᠣᠷᠠᠩᠬᠠᠢ ᠥᠨᠳᠥᠷ ᠪᠡᠶᠡ᠂ ᠬᠤᠶᠠᠷ ᠮᠥᠷᠥᠨ ᠲᠡᠭᠡᠷᠡᠪᠠᠨ ᠲᠣᠯᠵᠣ᠂ ᠰᠢᠳᠣ ᠵᠠᠭᠤᠨ ᠲᠠᠪᠠᠵᠣ ᠲᠣᠭᠤᠯᠵᠣ ᠶᠠᠪᠣᠭᠰᠠᠨ ᠪᠠᠶ᠋ᠢᠵᠠᠢ᠃
ᠪᠠᠭᠰᠢ ᠨᠠᠷᠲᠤ ᠢᠳᠡᠰᠢᠨᠤ ᠮᠢᠬᠠ ᠬᠤᠪᠢᠶᠠᠭ᠍ᠣ᠂ ᠣᠨᠴᠠᠭ᠋ᠠᠶ᠋ᠢᠯᠠᠨ 1998 ᠣᠨᠳᠤ ᠰᠣᠷᠭ᠋ᠠᠭᠤᠯᠢ ᠵᠢᠨ ᠰᠢᠨᠡ ᠠᠰᠠᠷᠤᠨ ᠨᠠᠶ᠋ᠢᠷᠤᠨ ᠬᠤᠪᠢ ᠲᠠᠯᠪᠢᠭᠰᠠᠨ ᠮᠢᠬᠠ ᠵᠢ 100 ᠭᠠᠷᠣᠢ ᠪᠠᠭᠰᠢ ᠠᠵᠢᠯᠳᠠᠨᠳᠤ ᠯᠠᠩ ᠴᠢᠨ ᠵᠥᠷᠢᠬᠦᠯᠥᠯ ᠥᠬᠡᠢ ᠮᠥᠷᠳᠡᠭᠡᠨ ᠮᠢᠬᠠ ᠥᠬᠡᠬᠦ ᠵᠢᠨᠢ ᠲᠡᠩᠴᠡᠬᠦᠯᠵᠣ ᠲᠥᠬᠡᠬᠡᠭᠰᠡᠨᠨᠢ ᠲᠣᠬᠠᠢ ᠵᠢᠨ ᠥᠶᠡ ᠵᠢᠨ ᠪᠠᠭᠰᠢ ᠨᠠᠷᠤᠨ ᠰᠣᠷᠭ᠋ᠠᠭᠤᠯᠢ ᠵᠢᠨ ᠬᠥᠷᠢᠶᠡᠨᠳᠤ ᠪᠠᠶ᠋ᠢᠨ ᠪᠠᠶ᠋ᠢᠨ ᠶᠠᠷᠢᠭᠳᠠᠳᠠᠭ ᠴᠠᠢ ᠵᠢᠨ ᠬᠠᠯᠠᠭᠤᠨ ᠵᠣᠭᠤᠭᠤᠨ ᠰᠡᠳᠥᠪ ᠶᠤᠮ᠃ ᠲᠡᠷᠡᠨᠢ ᠣᠨᠢᠰᠣᠳᠠᠢ ᠪᠠᠭᠰᠢ ᠵᠢᠨ ᠮᠢᠨᠢ ᠣᠳᠠᠭ᠋ᠠᠨ ᠵᠢᠯ ᠵᠶ᠋ᠠᠷ ᠬᠤᠨᠢᠨ ᠮᠢᠬᠠ ᠵᠢ ᠲᠣᠶᠠᠴᠢᠵᠣ ᠰᠠᠯᠭ᠋ᠠᠬᠤ᠂ ᠬᠡᠰᠡᠭᠯᠡᠵᠥ ᠪᠣᠷᠴᠠᠯᠠᠭ᠍ᠣ ᠠᠵᠢᠯᠳᠤᠪᠠᠨ ᠴᠠᠭ᠋ᠠᠷᠠᠵᠣ ᠭᠠᠷᠰᠢᠨ᠂ ᠬᠢᠷᠢ ᠪᠠᠷᠤᠭᠤᠨ ᠠᠯᠠᠰᠢᠨᠤ ᠭᠠᠵᠠᠷᠤᠨ ᠬᠥᠯᠥᠰᠥᠨᠤ ᠬᠥᠮᠥᠨᠤᠬᠢᠠᠴᠠ ᠲᠠᠪᠠᠮᠠ ᠠᠵᠢᠯ ᠠ᠋ᠭᠦᠷᠭᠡ ᠵᠢ ᠠᠷᠪᠠᠨ ᠬᠡᠳᠥᠨ ᠵᠢᠯ ᠥᠬᠡ ᠲᠠᠭᠤ ᠥᠬᠡᠢ ᠠ᠋ᠬᠦᠷᠭᠡᠯᠡᠵᠥ ᠢᠷᠡᠭᠰᠡᠨᠠᠴᠠ ᠰᠣᠷᠣᠭᠰᠠᠨ ᠲᠠᠳᠮᠠᠭ᠋ᠠᠢ ᠠ᠋ᠷᠳᠡᠮ ᠬᠡᠬᠦ ᠥᠬᠡᠢ ᠥᠬᠡᠷᠡ ᠶᠠᠭᠤ ᠬᠡᠬᠦ ᠪᠢᠯᠡ？ ᠬᠠᠷᠢᠭᠤᠴᠠᠯᠭᠠ ᠬᠡᠭᠴᠢ ᠢᠢ᠍ᠮᠤ ᠯᠡ ᠰᠠᠶ᠋ᠢᠬᠠᠨ᠂ ᠠ᠋ᠶ᠋ᠢᠮᠥ ᠯᠡ ᠢᠳᠡ ᠬᠥᠴᠥᠨᠲᠠᠢ ᠪᠠᠶ᠋ᠢᠲᠠᠭ ᠪᠠᠶ᠋ᠢᠨᠠ ᠳ᠋ᠠ！
ᠤ ᠪᠠᠭᠰᠢ ᠮᠢᠨᠢ ᠰᠣᠷᠭ᠋ᠠᠭᠤᠯᠢ ᠨᠡᠶ᠋ᠢᠳᠡ ᠵᠢᠨ ᠶᠠᠭᠤᠮᠠᠨᠳᠤ ᠬᠠᠶ᠋ᠢᠷᠠ ᠭᠠᠮᠲᠠᠢ ᠪᠣᠯᠪᠠᠴᠣ ᠥᠪᠡᠷᠤᠨ ᠪᠡᠶᠡᠳᠤᠪᠠᠨ ᠪᠣᠯ ᠲᠡᠭᠡᠵᠥ ᠯᠠ ᠬᠠᠶ᠋ᠢᠷᠠ ᠭᠠᠮ ᠥᠬᠡᠢ ᠵᠢᠳᠬᠦᠵᠣ ᠢᠷᠡᠭᠰᠡᠨ ᠠᠬᠠᠮᠠᠳ ᠪᠢᠯᠡ᠃
ᠦᠯᠢᠭᠡᠷ ᠭᠤᠷᠪᠠ
ᠲᠡᠭᠡᠷᠡ ᠵᠠᠭᠤᠨᠤ ᠨᠠᠶᠠᠭ᠋ᠠᠳ ᠤᠨᠤ ᠰᠡᠬᠦᠯᠴᠢᠪᠠᠷ ᠰᠤᠷᠭ᠋ᠠᠭᠤᠯᠢ ᠵᠢᠨ ᠮᠠᠨᠢ ᠲᠤᠭᠤᠭ᠋ᠠᠨ ᠭᠡᠷᠲᠤ ᠴᠠᠬᠢᠯᠭ᠋ᠠᠨᠲᠠᠢ ᠪᠤᠯᠤᠭᠰᠠᠨ ᠵᠶ᠋ᠠᠷ ᠮᠠᠨᠳᠠᠤ ᠬᠢᠲᠡᠭ ᠮᠠᠰᠢᠨᠠᠴᠠ ᠠᠪᠤᠭ᠋ᠠᠳ ᠮᠢᠬᠠ ᠭᠡᠷᠴᠢᠲᠡᠭ ᠮᠠᠰᠢᠨ ᠭᠡᠳ ᠵᠤᠤᠬᠠᠨᠳᠤᠪᠠᠨ ᠬᠦᠷᠲᠡᠯᠡ ᠴᠡᠬᠢᠯᠭ᠋ᠠᠨ ᠬᠦᠭᠡᠷᠭᠡ ᠤᠭᠰᠠᠷᠠᠨ ᠲᠠᠭ᠋ᠠᠷᠠᠭᠤᠯᠵᠤ ᠠᠰᠢᠭᠯᠠᠭ᠍ᠤ ᠪᠤᠯᠤᠭᠰᠠᠨ ᠶᠠᠪᠤᠲᠠᠯᠨᠢ ᠰᠤᠷᠭ᠋ᠠᠭᠤᠯᠢ ᠵᠢᠨ ᠮᠠᠨᠢ ᠬᠤᠪᠢᠳᠤ ᠠᠪᠴᠤ ᠬᠡᠯᠡᠪᠡᠯ᠂ ᠪᠠᠰᠠ ᠴᠤ᠌ ᠨᠢᠭᠡ ᠤᠲᠠᠭ᠋ᠠᠨᠤ ᠬᠤᠪᠢᠰᠬᠠᠯ ᠪᠤᠯᠤᠭᠰᠠᠨ ᠲᠡᠤᠬᠡᠲᠤ ᠠᠴᠢ ᠬᠤᠯᠪᠤᠭᠲᠠᠯᠲᠠᠢ ᠤᠴᠢᠷ ᠪᠤᠯᠬᠤ ᠶᠤᠮ ᠪᠠᠶ᠋ᠢᠨᠠ᠃ ᠭᠡᠲᠡᠯᠡ 《ᠰᠠᠶ᠋ᠢᠨ ᠶᠠᠪᠤᠲᠠᠯᠳᠤ ᠰᠠᠭ᠋ᠠᠳ ᠤᠯᠠᠨ》 ᠭᠡᠲᠡᠭᠴᠢᠯᠡᠨ ᠭᠡᠨᠡᠳᠲᠡ ᠴᠠᠬᠢᠯᠭ᠋ᠠᠨ ᠵᠤᠭᠰᠤᠬᠤᠳᠤ ᠬᠦᠷᠪᠡᠯ᠂ ᠤᠴᠢᠷ ᠶᠠᠪᠤᠲᠠᠯ ᠪᠤᠷᠤᠭᠤᠪᠠᠷ ᠠ᠋ᠷᠬᠢᠨ ᠤᠤᠯ ᠵᠶ᠋ᠠᠨ ᠬᠦᠷᠬᠦ ᠦᠭᠡᠢ ᠮᠡᠲᠤ ᠰᠤᠶ᠋ᠢᠳ ᠪᠤᠯᠵᠤ᠂ ᠶᠤᠰᠤᠲᠠᠢ ᠠᠮᠢᠲᠠᠢ ᠬᠡᠯᠡᠯᠴᠡᠭᠰᠡᠨ ᠭᠡᠴᠡᠬᠦᠤ ᠠᠵᠤ ᠪᠤᠯᠲᠠᠭ ᠪᠠᠶ᠋ᠢᠨᠠ᠃ ᠦᠨᠡᠨ ᠲᠡᠶ᠋ᠢᠮᠤ ᠰᠢᠤ！ ᠨᠢᠭᠡ ᠤᠲᠠᠭᠠ ᠶᠠᠭ ᠢᠢ᠍ᠮᠤ ᠤᠴᠢᠷ ᠭᠠᠷᠴᠤ᠂ ᠵᠤᠯ ᠵᠶ᠋ᠠᠷ ᠬᠠᠭ᠋ᠠᠰᠬᠠᠨ ᠴᠠᠭᠤᠨ ᠲᠤᠲᠤᠷᠠ ᠠᠮᠵᠢᠵᠤ ᠰᠢᠢ᠍ᠳᠪᠤᠷᠢᠯᠡᠭᠰᠡᠨ ᠵᠶ᠋ᠠᠷ ᠮᠠᠨᠳᠠᠤ ᠲᠥᠬᠦᠭᠢᠶ᠋ᠢᠰᠢᠵᠣ ᠰᠤᠷᠤᠭᠴᠢᠳᠤᠨ ᠮᠠᠨᠢ ᠠ᠋ᠷᠢᠨᠤ ᠬᠤᠭᠤᠯᠠ ᠲᠠᠰᠤᠯᠤᠭᠲᠠᠭ᠍ᠤ ᠶᠡᠭᠡ ᠤᠰᠤᠯᠠᠴᠠ ᠵᠠᠶ᠋ᠢᠯᠠᠵᠤ ᠴᠢᠲᠠᠭᠰᠠᠨ ᠲᠤᠷᠰᠢᠯᠭᠠ ᠰᠤᠷᠭ᠋ᠠᠮᠵᠢ ᠪᠠᠶ᠋ᠢᠳᠠᠭ ᠬᠡᠨᠡ᠃ ᠤᠴᠢᠷᠨᠢ ᠲᠡᠷᠡ ᠦᠶᠡ ᠵᠢᠨ ᠴᠠᠬᠢᠯᠭ᠋ᠠᠨᠤ ᠶᠠᠪᠤᠲᠠᠯ ᠤᠲᠤᠲᠠᠢ ᠠᠲᠠᠯᠢ ᠵᠠᠭᠤᠨᠤ ᠵᠠᠭᠤ ᠵᠢᠨ ᠪᠦᠷᠢᠨ ᠪᠠᠲᠤᠯᠠᠭᠠ ᠦᠭᠡᠢ ᠪᠠᠶ᠋ᠢᠵᠠᠢ᠃ ᠢᠩᠬᠢᠭᠡᠳ 1989 ᠤᠨᠳᠤ ᠰᠤᠷᠭ᠋ᠠᠭᠤᠯᠢ ᠵᠢᠨ ᠠᠷᠤ ᠲᠠᠯᠠ ᠵᠢᠨ ᠠᠵᠢᠯᠢ ᠭᠤᠤᠯᠯᠠᠨ ᠬᠠᠮᠢᠶᠠᠷᠲᠠᠭ ᠰᠠᠴᠡᠨᠪᠢᠯᠢᠭ ᠵᠡᠷᠭᠡ ᠤᠲᠤᠷᠢᠲᠤᠯᠭᠠ ᠨᠡᠷ ᠠᠷᠭᠠ ᠰᠦᠪᠡᠭᠴᠢᠯᠡᠵᠤ ᠪᠠᠶ᠋ᠢᠭ᠋ᠠᠳ ᠰᠤᠷᠭ᠋ᠠᠭᠤᠯᠢ ᠵᠢᠨ ᠲᠤᠭᠤᠭ᠋ᠠᠨ ᠭᠡᠷᠲᠤ 3000 ᠮᠢᠨᠭᠭᠠ ᠭᠠᠷᠤᠢ ᠲᠦᠬᠦᠷᠢᠭ ᠵᠶ᠋ᠠᠷ ᠬᠠᠭᠤᠴᠢᠨ 《ᠶᠠᠮᠠᠬᠠ》 （YAMAHA） ᠲᠡᠮᠲᠡᠭᠲᠤ ᠴᠡᠬᠢᠯᠭ᠋ᠠᠨ ᠭᠠᠷᠭ᠋ᠠᠬᠤ ᠮᠠᠰᠢᠨ ᠠᠪᠤᠭᠰᠠᠨ ᠶᠠᠪᠤᠲᠠᠯᠨᠢ ᠬᠡᠲᠤᠶ᠋ᠢᠪᠡᠷ ᠪᠠᠴᠢᠮ ᠪᠠᠶ᠋ᠢᠲᠠᠯᠢ ᠠᠷᠭ᠋ᠠᠴᠠᠨ ᠰᠢᠢ᠍ᠳᠪᠤᠷᠢᠯᠡᠬᠦᠳᠤ ᠪᠠᠶᠠᠷᠲᠤ ᠤᠴᠢᠷ ᠪᠤᠯᠤᠭᠰᠠᠨ ᠪᠤᠯᠪᠠᠴᠤ ᠤᠨᠢᠰᠤᠲᠠᠢ ᠪᠠᠭᠰᠢᠳᠤ ᠮᠢᠨᠢ ᠬᠠᠷᠢᠨ ᠲᠤᠰᠠ ᠠᠪᠴᠢᠷᠠᠭᠰᠠᠨ ᠮᠦᠷᠲᠡᠭᠡᠨ ᠪᠠᠰᠠ ᠲᠠᠷᠤᠭ᠋ᠠᠰᠤ ᠪᠤᠯᠵᠠᠢ᠃ ᠶᠠᠭ᠋ᠠᠬᠢᠭ᠋ᠠᠳ ᠭᠡᠪᠡᠯ᠂ ᠦᠨᠲᠤᠷ ᠬᠥᠴᠥᠳᠡᠯᠳᠥ ᠪᠠᠶ᠋ᠢᠩᠭᠤ ᠵᠢᠨ ᠴᠠᠬᠢᠯᠭ᠋ᠠᠨ ᠭᠡᠨᠡᠳᠲᠠ ᠵᠤᠭᠰᠤᠪᠠᠯ 《ᠶᠠᠮᠠᠬᠠ》 ᠮᠠᠰᠢᠨ ᠵᠶ᠋ᠠᠷ ᠵᠶ᠋ᠠᠨ ᠴᠠᠬᠢᠯᠭ᠋ᠠᠨ ᠭᠠᠷᠭ᠋ᠠᠵᠤ᠂ ᠪᠠᠴᠢᠮ ᠪᠠᠶ᠋ᠢᠲᠠᠯᠢ ᠰᠢᠢ᠍ᠳᠪᠤᠷᠢᠯᠡᠵᠤ ᠰᠤᠷᠤᠭᠴᠢᠳᠤᠨ ᠬᠤᠭᠤᠯᠠ ᠪᠤᠲᠠᠭᠠ ᠴᠠᠭ ᠴᠠᠭᠲᠤᠪᠠᠨ ᠤᠰᠤᠯᠲᠠᠭ᠍ᠤ ᠦᠭᠡᠢ ᠪᠠᠲᠤᠯᠠᠭᠠᠲᠠᠢ ᠪᠤᠯᠤᠭᠰᠠᠨᠨᠢ ᠬᠠᠪᠤᠲᠠᠢ ᠪᠠᠶ᠋ᠢᠭᠰᠠᠨ ᠴᠤ᠌ ᠬᠤᠰᠢᠭᠤ ᠪᠠᠯᠭ᠋ᠠᠰᠤᠨᠤ ᠬᠤᠩᠬᠤᠷᠲᠤ ᠨᠢᠭᠡ ᠬᠤᠶᠠᠷ ᠯᠠ ᠪᠠᠶ᠋ᠢᠭᠰᠠ ᠦᠨᠤᠬᠢ 《ᠬᠤᠪᠤᠷ ᠠ᠋ᠷᠲᠡᠨᠢ》 ᠬᠡᠮᠡᠭᠲᠡᠭᠰᠡᠨ 《ᠶᠠᠮᠠᠬᠠ》 ᠮᠠᠰᠢᠨᠢ ᠬᠠᠮᠢᠶᠠᠷᠴᠤ ᠬᠠᠮᠠᠭ᠋ᠠᠯᠠᠭ᠍ᠤ ᠠᠵᠢᠯ ᠤᠨᠢᠰᠤᠲᠠᠢ ᠪᠠᠭᠰᠢᠳᠤ ᠤᠨᠤᠭᠲᠠᠭᠰᠠᠨ ᠪᠦᠭᠡᠳ 《ᠠᠯᠪᠠᠨᠤ ᠶᠠᠭᠤᠮᠠᠨᠤ ᠠᠮᠢᠨᠢ ᠪᠦᠬᠡ》 ᠭᠡᠲᠡᠭᠴᠢᠯᠡᠨ ᠲᠡᠷᠡ ᠮᠠᠰᠢᠨᠢᠨᠢ ᠵᠢᠭᠡᠯᠡᠵᠤ ᠵᠠᠷᠤᠬᠤ ᠬᠦᠮᠤᠨ ᠮᠤᠩᠲᠠᠭ᠍ᠤ ᠦᠭᠡᠢ᠂ ᠲᠠᠷᠤᠭᠠ ᠤᠲᠤᠷᠢᠲᠤᠯᠭᠠ ᠬᠡᠳᠡᠯᠡ ᠰᠠᠲᠤᠨ ᠲᠦᠷᠤᠯᠨᠢ ᠭᠡᠳ ᠤ ᠪᠠᠭᠰᠢ ᠵᠢ ᠠ᠋ᠷᠢᠵᠤ ᠭᠤᠶᠤᠵᠤ ᠭᠤᠩᠰᠢᠬᠤ ᠤᠯᠤᠰ ᠴᠤᠪᠤᠷᠠᠯᠲᠤᠵᠤ᠂ 《ᠴᠤᠬᠤᠮ ᠦᠭᠪᠡᠴᠤ ᠭᠡᠴᠡᠬᠦᠤ᠂ ᠦᠭᠬᠦ ᠦᠭᠡᠢ ᠭᠡᠬᠦᠳᠤ ᠪᠡᠷᠭᠡᠲᠠᠢ》 ᠬᠠᠷᠠ ᠶᠠᠷᠰᠢᠭᠤᠨ ᠤᠴᠢᠷ ᠪᠤᠯᠵᠠᠢ᠃ ᠢᠩᠬᠢᠭᠡᠳ ᠠᠷᠭᠠ ᠪᠤᠰᠤ 《ᠰᠤᠷᠭ᠋ᠠᠭᠤᠯᠢᠳᠤ ᠴᠠᠬᠢᠯᠭ᠋ᠠᠨ ᠵᠤᠭᠰᠤᠪᠠᠯ᠂ ᠲᠤᠭᠤᠭ᠋ᠠᠨ ᠭᠡᠷᠲᠤ ᠪᠠᠴᠢᠮ ᠬᠡᠷᠡᠭᠯᠡᠨᠡ》 ᠭᠡᠬᠦ ᠰᠢᠢ᠍ᠳᠪᠤᠷᠢᠪᠠᠷ ᠬᠡᠨᠳᠤ ᠴᠤ᠌ ᠵᠢᠭᠡᠯᠡᠬᠦᠯᠵᠤ ᠭᠠᠷᠭ᠋ᠠᠬᠤ ᠵᠢ ᠠ᠋ᠷᠡᠰ ᠴᠠᠭ᠋ᠠᠵᠠᠯᠠᠵᠤ᠂ ᠤᠯᠠᠨ ᠬᠦᠮᠤᠨᠤ 《ᠠᠲᠠ》 ᠪᠤᠯᠵᠤ᠂ ᠤᠨᠢᠰᠤᠲᠠᠢ ᠪᠠᠭᠰᠢ 《ᠶᠠᠮᠠᠬᠠ》 ᠮᠠᠰᠢᠨᠤ ᠤᠴᠢᠷ ᠵᠶ᠋ᠠᠷ ᠶᠠᠯᠠᠳᠤ ᠤᠷᠤᠭᠰᠠᠨ ᠮᠠᠲᠤ ᠨᠢᠭᠡ ᠦᠶᠡ ᠴᠤᠬᠤᠮ ᠭᠠᠴᠢᠭᠲᠠᠵᠤ ᠶᠠᠪᠤᠵᠠᠢ᠃ ᠲᠡᠶ᠋ᠢᠮᠤ ᠡ！ ᠶᠠᠪᠤᠲᠠᠯ ᠤᠴᠢᠷᠢ ᠢᠯᠭᠤᠮ ᠰᠠᠶ᠋ᠢᠬᠠᠨ ᠰᠢᠢ᠍ᠳᠪᠥᠷᠢᠯᠡᠭᠰᠡᠨ ᠴᠤ᠌ ᠠ᠋ᠰᠡᠷᠬᠦᠪᠠᠷ ᠪᠠᠰᠠ 《ᠶᠠᠷᠰᠢᠭ ᠤᠷᠰᠢᠭ ᠲᠠᠲᠠᠭᠰᠠᠨ》 ᠦᠨᠤᠬᠢ 《ᠶᠠᠮᠠᠬᠠ》 ᠮᠠᠰᠢᠨᠤ ᠲᠤᠬᠠᠢ ᠲᠡᠳ᠋ ᠵᠡᠬᠢᠷᠤᠯ ᠰᠠᠴᠡᠨᠪᠢᠯᠢᠭ ᠪᠠᠭᠰᠢ ᠪᠢᠳᠡᠨᠳᠤ᠄ 《〈ᠤᠨᠢᠰᠤᠲᠠᠢ〉 ᠨᠡᠷᠡ ᠵᠢ ᠵᠡᠬᠦᠭᠰᠡᠨ ᠤ ᠪᠠᠭᠰᠢ ᠮᠢᠨᠢ ᠲᠠᠷᠡ ᠮᠠᠰᠢᠨᠢ ᠨᠡᠷᠡ ᠵᠢᠨ ᠵᠶ᠋ᠠᠨ ᠴᠤᠬᠤᠮ ᠴᠢᠨᠠᠷ ᠵᠶ᠋ᠠᠷ ᠶᠤᠰᠤᠲᠠᠢ ᠨᠢᠭᠡ ᠲᠡᠩᠬᠢᠨᠠᠲᠠᠯᠠ ᠰᠠᠶ᠋ᠢᠬᠠᠨ ᠬᠠᠮᠢᠶᠠᠷᠴᠤ ᠬᠠᠮᠠᠭ᠋ᠠᠯᠠᠵᠤ ᠴᠢᠲᠠᠭᠰᠠᠨ ᠳ᠋ᠠ᠂ ᠪᠢ ᠴᠢᠨᠢ ᠲᠡᠷᠡ ᠦᠶᠡᠳᠤ 〈ᠬᠤᠰᠢᠭᠤ ᠲᠠᠷᠤᠭᠠ ᠭᠤᠶᠤᠪᠠᠴᠤ ᠦᠭᠴᠤ ᠪᠤᠯᠬᠤ ᠦᠭᠡᠢ〉 ᠭᠡᠵᠤ ᠤ ᠪᠠᠭᠰᠢᠳᠤᠪᠠᠨ 〈ᠵᠠᠷᠯᠢᠭ ᠪᠠᠭᠤᠯᠭ᠋ᠠᠨ〉 ᠲᠣᠰᠢᠶᠠᠴᠢᠬᠠᠭᠰᠠᠨ ᠶᠤᠮ ᠪᠤᠯᠬᠤᠷ ᠪᠤᠴᠠᠭ᠋ᠠᠳ ᠦᠪᠡᠷ ᠵᠶ᠋ᠠᠨ ᠴᠤ᠌ ᠠᠮᠠ ᠨᠡᠭᠡᠭᠡᠵᠤ ᠴᠢᠲᠠᠭ᠍ᠤ ᠦᠭᠡᠢ ᠰᠢᠷᠬᠡᠶ᠋ᠢᠳᠡᠭ ᠶᠤᠮ᠃ ᠨᠢᠭᠡ ᠤᠲᠠᠭᠠ ᠬᠤᠰᠢᠭᠤᠨᠤ ᠠᠯᠪᠠᠨᠤ ᠴᠢᠬᠤᠯᠠ ᠠᠵᠢᠯᠳᠤ ᠵᠠᠷᠤᠬᠤ ᠤᠴᠢᠷᠲᠤ ᠤ ᠪᠠᠭᠰᠢ ᠮᠢᠨᠢ ᠮᠠᠰᠢᠨ ᠵᠶ᠋ᠠᠨ ᠲᠠᠭ᠋ᠠᠵᠣ ᠬᠦᠷᠴᠤ ᠪᠦᠲᠤᠨ ᠦᠲᠠᠰᠢ ᠰᠠᠬᠢᠵᠤ ᠬᠠᠮᠠᠭ᠋ᠠᠯᠠᠵᠤ ᠰᠠᠭᠤᠭᠰᠠᠨ ᠶᠤᠮ》 ᠭᠡᠵᠤ ᠶᠠᠷᠢᠭᠰᠠᠨ ᠬᠠᠭᠤᠴᠢ ᠬᠦᠭᠡᠷᠤᠭᠡᠨᠢ ᠶᠡᠭᠡ ᠯᠡ ᠢᠨᠢᠶᠡᠲᠤᠮ ᠱᠤᠭᠲᠠᠢ ᠰᠠᠨᠠᠭᠲᠠᠭ᠍ᠤ ᠪᠤᠯᠪᠠᠴᠤ ᠤ ᠪᠠᠭᠰᠢ ᠵᠢᠨ ᠮᠢᠨᠢ 《ᠠᠯᠪᠠᠨᠤ ᠠ᠋ᠳ᠋ ᠬᠦᠷᠤᠩᠭᠡ ᠵᠢ ᠠᠮᠢ ᠨᠠᠰᠤᠲᠠᠢᠪᠠᠨ ᠠᠲᠠᠯᠢ ᠰᠠᠨᠠᠲᠠᠭ ᠦᠵᠡᠯ ᠰᠤᠷᠲᠠᠯ》 ᠠ᠋ᠷᠬᠢᠮ ᠪᠢᠰᠢ⁈
ᠥᠯᠢᠭᠡᠷ ᠲᠥᠷᠪᠡ
ᠣ ᠪᠠᠭᠰᠢ ᠮᠢᠨᠢ ᠰᠣᠷᠭ᠋ᠠᠭᠤᠯᠢ ᠨᠡᠶ᠋ᠢᠳᠡ ᠵᠢᠨ ᠵᠶ᠋ᠠᠨ ᠠ᠋ᠳ᠋ ᠬᠥᠷᠥᠩᠬᠡ᠂ ᠬᠤᠭᠰᠢᠯ ᠶᠠᠭᠤᠮᠠᠨᠳᠤ ᠭᠠᠷ ᠴᠢᠨᠭᠭᠠ᠂ ᠬᠠᠳᠠᠭᠤ ᠵᠠᠷᠴᠢᠮᠲᠠᠢ 《ᠬᠠᠷᠠᠮᠴᠢ》 ᠬᠥᠮᠥᠨ ᠴᠦ᠍ ᠠᠮᠢᠳᠣᠷᠠᠯ᠂ ᠠᠶ᠋ᠢᠯ ᠭᠡᠷᠲᠤᠪᠠᠨ ᠪᠣᠯ ᠬᠠᠷᠢᠨ ᠠᠯᠢ ᠪᠠᠶ᠋ᠢᠳᠠᠭ ᠵᠶ᠋ᠠᠨ ᠲᠡᠮᠳᠡᠷᠢᠳᠡᠭ᠂ ᠬᠠᠯᠠᠭᠤᠮᠰᠤᠭ᠂ ᠵᠣᠴᠢᠨᠰᠠᠭ ᠮᠥᠷᠳᠡᠭᠡᠨ ᠥᠭᠬᠢᠶᠡᠮᠥᠷᠴᠢ ᠨᠢᠩᠵᠢᠨ ᠰᠡᠳᠬᠢᠯᠳᠥ ᠠ᠋ᠶᠡᠯᠳᠡᠭ ᠵᠥᠬᠡᠯᠡᠨ ᠨᠠᠰᠣᠳᠠᠨ ᠭᠡᠳᠡᠭᠢᠨᠢ ᠣᠶ᠋ᠢᠷᠠ ᠲᠥᠰᠥᠷᠤᠨᠬᠢᠨ ᠪᠥᠬᠦᠨ ᠵᠶ᠋ᠠᠷ ᠵᠶ᠋ᠠᠨ ᠮᠡᠳᠡᠷᠡᠨ ᠥᠨᠡᠯᠡᠵᠥ ᠱᠠᠭᠰᠢᠳᠠᠭ ᠶᠤᠮ᠃
ᠮᠠᠨᠤ ᠰᠣᠷᠭ᠋ᠠᠭᠤᠯᠢ ᠵᠢᠨ ᠣᠣᠯᠤᠨ ᠵᠠᠬᠢᠷᠣᠯ ᠽᠠᠨᠳᠠᠷᠠ ᠪᠠᠭᠰᠢ᠄ 《ᠮᠠᠨᠤ ᠣ ᠪᠠᠭᠰᠢ ᠲᠡᠷᠡ ᠥᠶᠡᠳᠤ ᠵᠠᠬᠢᠷᠣᠯᠤᠨ ᠬᠠᠭ᠋ᠠᠰ ᠠᠵᠢᠯᠢ ᠠ᠋ᠬᠦᠷᠭᠡᠯᠡᠵᠥ ᠪᠠᠶ᠋ᠢᠭᠰᠠᠨ ᠬᠡᠬᠦᠳᠤ ᠠᠬᠠᠳᠠᠭ᠍ᠣ ᠥᠬᠡᠢ ᠰᠢᠥ᠂ ᠨᠢᠬᠡ ᠰᠣᠷᠭ᠋ᠠᠭᠤᠯᠢ ᠵᠢᠨ ᠵᠠᠬᠢᠷᠣᠯ ᠬᠥᠮᠥᠨ ᠰᠣᠷᠣᠭᠴᠢᠳᠤᠨ ᠵᠶ᠋ᠠᠨ ᠬᠤᠭᠤᠯᠠ ᠬᠥᠨᠡᠰᠥᠨᠤ ᠠᠷᠰᠠᠷ ᠠᠵᠢᠯ᠂ ᠲᠣᠭᠤᠭ᠋ᠠᠨ ᠭᠡᠷᠤᠨ ᠠ᠋ᠨᠡ ᠲᠡᠷᠡ ᠬᠠᠮᠢᠶᠠᠷᠣᠯᠳᠠ ᠵᠢᠨ ᠠᠵᠢᠯᠤᠨ ᠲᠥᠯᠥᠭᠡ ᠰᠠᠨᠠᠭᠠ ᠰᠡᠳᠬᠢᠯ ᠠᠯᠭ᠋ᠠᠰᠠᠯ ᠥᠬᠡᠢ ᠪᠥᠭᠦ ᠣᠶᠣᠨ ᠰᠠᠨᠠᠭᠠᠪᠠᠨ ᠵᠢᠭ᠋ᠠᠨ ᠰᠣᠷᠭ᠋ᠠᠯᠳᠠ ᠵᠢᠨ ᠠᠵᠢᠯ ᠲᠡᠭᠡᠷᠡᠪᠠᠨ ᠲᠥᠪᠯᠡᠷᠡᠬᠦᠯᠣᠨ ᠠᠵᠢᠯᠯᠠᠵᠣ ᠴᠢᠳᠠᠵᠣ ᠪᠠᠶ᠋ᠢᠭᠠ ᠭᠡᠳᠡᠭ ᠪᠣᠯ ᠠᠷᠣ ᠲᠠᠯᠠᠳᠤᠨᠢ ᠭᠡᠳᠥᠢ ᠶᠡᠭᠡ ᠲᠥᠰᠢᠭᠲᠠᠢ ᠪᠠᠶ᠋ᠢᠭᠰᠠᠨᠢ ᠬᠡᠯᠡᠬᠦ ᠥᠬᠡᠢᠳᠤ ᠮᠡᠳᠡᠴᠢᠬᠡᠬᠦ ᠪᠢᠰᠢ？ ᠶᠡᠷᠥᠨᠢ ᠰᠣᠷᠭ᠋ᠠᠭᠤᠯᠢ ᠵᠢᠨ ᠠᠷᠣ ᠲᠠᠯᠠ ᠵᠢᠨ ᠠᠵᠢᠯᠳᠠᠳᠤᠨ ᠰᠢᠷᠭ᠋ᠠᠭᠤ ᠬᠥᠳᠡᠯᠮᠥᠷᠢ᠂ ᠰᠢᠨᠳᠠᠰᠣᠳᠣ ᠴᠢᠷᠮᠠᠶ᠋ᠢᠯᠭᠠᠨᠢ ᠨᠢᠬᠡ ᠰᠣᠷᠭ᠋ᠠᠭᠤᠯᠢ ᠵᠢᠨ ᠪᠥᠬᠦᠢ ᠯᠡ ᠠᠵᠢᠯ ᠣᠷᠣᠭᠰᠢᠳᠠᠢ ᠪᠠᠶ᠋ᠢᠬᠤ ᠵᠢᠨ ᠴᠢᠬᠤᠯᠠ ᠪᠠᠳᠣᠯᠠᠭᠠ ᠪᠣᠯᠳᠠᠭ ᠰᠢᠣ᠃ ᠰᠣᠷᠭ᠋ᠠᠭᠤᠯᠢ ᠵᠢ ᠣᠯᠣᠰ ᠭᠡᠷᠲᠠᠢ ᠠᠳᠠᠯᠢᠳᠬᠠᠬᠤ ᠶᠤᠮ ᠪᠣᠯ ᠲᠡᠳᠡ ᠴᠢᠨᠢ ᠨᠢᠬᠡ ᠨᠢᠬᠡᠪᠠᠷ ᠵᠶ᠋ᠠᠨ ᠪᠥᠷ 〈ᠭᠠᠪᠢᠶᠠᠳᠣ ᠰᠠᠶ᠋ᠢᠳ〉 ᠬᠡᠵᠥ ᠮᠡᠳᠡ！》 ᠬᠡᠵᠥ ᠪᠢᠳᠠᠨᠳᠤ ᠣᠳᠠᠭᠠ ᠪᠣᠯᠭ᠋ᠠᠨ ᠣᠴᠢᠷᠲᠠᠢ ᠰᠠᠶ᠋ᠢᠬᠠᠨ ᠶᠡᠷᠢᠵᠤ ᠪᠠᠶ᠋ᠢᠯᠠ᠃
ᠵᠠᠬᠢᠷᠣᠯ ᠵᠶ᠋ᠠᠷ ᠠᠵᠢᠯᠯᠠᠵᠤ ᠦᠩᠭᠡᠷᠡᠭᠰᠡᠨ ᠠᠬᠠᠮᠠᠳ ᠪᠤᠭᠤᠷᠤᠯᠤᠨ ᠨᠢᠭᠡ ᠪᠤᠯᠬᠤ ᠴᠣᠶ᠋ᠢᠵᠠᠵᠠᠪ ᠪᠠᠭᠰᠢ ᠴᠤ᠌ ᠪᠢᠳᠡᠨᠳᠤ᠄ 《ᠲᠣᠰ ᠰᠣᠷᠭ᠋ᠠᠭᠤᠯᠢᠳᠤ ᠵᠠᠬᠢᠷᠣᠯ ᠵᠶ᠋ᠠᠷ ᠰᠢᠯᠵᠢᠵᠣ ᠢᠷᠡᠭᠡᠳ ᠪᠢ ᠠᠨᠭ᠌ᠬᠠ ᠣᠳᠠᠭᠠ ᠲᠣᠭᠤᠭ᠋ᠠᠨ ᠭᠡᠷᠤᠨ ᠰᠠᠩ ᠬᠥᠮᠥᠷᠭᠡ ᠵᠢᠨ ᠭᠡᠷᠲᠤ ᠣᠷᠣᠭ᠋ᠠᠳ ᠮᠠᠨᠤ ᠣ ᠪᠠᠭᠰᠢᠪᠠᠨ ᠨᠢᠬᠡ ᠯᠡ ᠪᠢᠰᠢᠷᠡᠭᠰᠡᠨ ᠶᠤᠮ ᠳ᠋ᠡ᠃ ᠲᠣᠬᠠᠢ ᠵᠢᠨ ᠥᠶᠡ ᠵᠢᠨ ᠰᠣᠷᠭ᠋ᠠᠭᠤᠯᠢ ᠵᠢᠨ ᠰᠠᠩ ᠬᠥᠮᠥᠷᠭᠡ ᠵᠢᠨ ᠪᠠᠶ᠋ᠢᠰᠢᠩ ᠪᠠᠷᠢᠯᠭᠠ ᠵᠢᠨ ᠨᠥᠬᠦᠴᠡᠯ ᠪᠣᠯᠣᠯᠴᠠᠭᠠ ᠬᠡᠵᠥ ᠶᠠᠭᠤ ᠯᠠ ᠪᠠᠶ᠋ᠢᠬᠤ ᠪᠣᠢ ᠳ᠋ᠠ᠂ ᠲᠣᠩ ᠪᠠᠷᠣᠭᠳᠠᠢ᠃ ᠶᠠᠳᠠᠭ᠍ᠣᠳᠤ ᠱᠠᠯᠠᠨᠳᠤᠪᠠᠨ ᠲᠣᠭᠤᠰᠬᠠ ᠲᠡᠪᠢᠰᠬᠦ ᠴᠢᠳᠠᠯ ᠪᠠᠰᠠ ᠥᠬᠡᠢ ᠰᠢᠥ᠃ ᠲᠡᠭᠡᠭᠦᠳᠤ ᠣ ᠪᠠᠭᠰᠢ ᠠ᠋ᠯᠬᠦᠭᠰᠡᠨ ᠮᠢᠬᠠᠨᠳᠤ ᠲᠣᠭᠤᠰᠣ ᠰᠢᠷᠣᠢ ᠰᠠᠭᠤᠯᠭ᠋ᠠᠬᠤ ᠥᠬᠡᠢ ᠬᠡᠵᠥ ᠱᠠᠯᠠᠨᠳᠤᠪᠠᠨ ᠠ᠋ᠳᠥᠷ ᠠ᠋ᠳᠥᠷ ᠣᠰᠣ ᠰᠠᠴᠣᠨ ᠴᠢᠬᠢᠭᠯᠡᠵᠥ ᠴᠡᠪᠡᠷᠭᠡᠨ ᠪᠠᠶ᠋ᠢᠯᠭ᠋ᠠᠬᠤ ᠵᠢ ᠪᠠᠳᠣᠯᠠᠵᠣ ᠲᠣᠳᠣᠮᠳᠠᠨ ᠠᠵᠢᠯᠯᠠᠳᠠᠭ ᠪᠠᠶ᠋ᠢᠭᠰᠠᠨ ᠰᠢᠥ》 ᠬᠡᠵᠥ ᠠ᠋ᠷᠡᠭᠡᠢ ᠭᠤᠵᠥᠶ᠋ᠢᠯᠭ᠋ᠠᠨ ᠲᠣᠷᠠᠳᠬᠠᠵᠣ ᠶᠠᠷᠢᠲᠠᠭᠢᠨᠢ ᠪᠢ ᠶᠡᠷᠥ ᠮᠠᠷᠳᠠᠳᠠᠭ ᠥᠬᠡᠢ ᠪᠢᠯᠡ᠃
ᠨᠢᠬᠡᠨ ᠲᠣᠭᠤᠭ᠋ᠠᠴᠢ ᠵᠢᠨ ᠵᠣᠭᠤᠭ᠄ 《ᠮᠠᠨᠤ ᠣ ᠪᠠᠭᠰᠢ ᠰᠠᠶ᠋ᠢᠨ ᠬᠥᠮᠥᠨ᠂ ᠨᠢᠮᠪᠡᠢ ᠴᠦ᠍ ᠬᠥᠮᠥᠨ！ ᠲᠣᠭᠤᠭ᠋ᠠᠨ ᠭᠡᠷᠤᠨ ᠴᠡᠪᠡᠷᠯᠡᠭᠡ ᠠ᠋ᠨᠡ ᠲᠡᠷᠡ ᠠᠵᠢᠯ ᠬᠢᠬᠦᠳᠤ ᠣ ᠪᠠᠭᠰᠢ ᠲᠠᠩᠳᠠ ᠪᠡᠶᠡᠪᠠᠷ ᠵᠶ᠋ᠠᠨ ᠲᠡᠷᠢᠬᠦᠯᠡᠵᠥ ᠲᠠᠭ᠋ᠠᠭᠤᠯᠣᠨ ᠬᠢᠳᠡᠭ ᠰᠢᠥ᠃ ᠴᠢ ᠬᠢᠬᠦ ᠥᠬᠡᠢ ᠪᠣᠯ ᠣ ᠪᠠᠭᠰᠢ ᠬᠢᠨᠡ᠂ ᠴᠢ ᠱᠥᠬᠦᠷᠳᠡᠬᠦ ᠥᠬᠡᠢ ᠪᠣᠯ ᠣ ᠪᠠᠭᠰᠢ ᠱᠥᠭᠦᠷᠳᠡᠳᠡᠭ᠃ ᠲᠡᠭᠡᠬᠦᠯᠡᠷ ᠪᠢᠳᠡ ᠬᠢᠬᠦ ᠥᠬᠡᠢ ᠪᠠᠶ᠋ᠢᠵᠥ ᠴᠢᠳᠠᠨᠠ ᠤᠤ？ ᠪᠢᠳᠡᠨᠢ ᠶᠣᠰᠣᠳᠠᠢ ᠲᠡᠬᠦᠥ ᠨᠡᠷ᠂ ᠬᠡᠥᠬᠡᠳ ᠵᠶ᠋ᠠᠨ ᠰᠢᠭ ᠴᠢᠨᠭᠭᠠ ᠬᠠᠷᠢᠭᠤᠴᠠᠯᠭᠠᠲᠠᠢ ᠲᠣᠳᠣᠮᠳᠠᠵᠣ ᠲᠠᠭ᠋ᠠᠭᠤᠯᠳᠠᠭ ᠪᠠᠶ᠋ᠢᠭᠰᠠᠨ ᠶᠤᠮ᠃ ᠣ ᠪᠠᠭᠰᠢ ᠵᠢᠨ ᠭᠠᠷᠲᠤ ᠮᠠᠨᠤ ᠲᠡᠷᠡ 〈ᠶᠠᠮᠠᠬᠠ〉 ᠮᠠᠰᠢᠨ ᠠᠷᠪᠠ ᠭᠠᠷᠣᠢ ᠵᠢᠯᠳᠤ ᠨᠢᠬᠡ ᠠ᠋ᠷᠬᠢ ᠱᠣᠷᠠᠭᠢᠨᠢ ᠴᠦ᠍ ᠰᠣᠯᠢᠵᠣ ᠵᠠᠰᠠᠭᠰᠠᠨ ᠥᠬᠡᠢ ᠲᠡᠷᠡ ᠴᠢᠭ ᠵᠶ᠋ᠠᠷ ᠵᠶ᠋ᠠᠨ ᠥᠯᠡᠳᠡᠭᠰᠡᠨ ᠰᠢᠥ᠃》
ᠨᠢᠬᠡᠨ ᠢᠳᠡᠷ ᠨᠠᠰᠣᠨᠤ ᠪᠠᠭᠰᠢ ᠵᠢᠨ ᠵᠣᠭᠤᠭ᠄ 《ᠨᠡᠶ᠋ᠢᠳᠡ ᠵᠢᠨ ᠲᠣᠯᠠᠭ᠋ᠠᠯᠠᠮᠵᠢ ᠥᠬᠡᠢ ᠪᠠᠶ᠋ᠢᠭᠰᠠᠨ ᠲᠡᠳᠡᠭᠡᠷ ᠵᠢᠯᠤᠨ ᠡᠪᠥᠯᠤᠨ ᠴᠠᠭᠲᠤ ᠰᠣᠷᠭ᠋ᠠᠭᠤᠯᠢ ᠵᠢᠨ ᠠᠯᠪᠠᠨ ᠭᠡᠷ᠂ ᠠᠩᠬᠢ ᠵᠢᠨ ᠬᠡᠷ᠂ ᠪᠠᠶ᠋ᠢᠷᠢ ᠵᠢᠨ ᠭᠡᠷᠲᠤ ᠲᠥᠯᠡᠬᠦ ᠠᠷᠭ᠋ᠠᠯᠢ ᠣ ᠪᠠᠭᠰᠢ ᠪᠡᠶᠡᠪᠠᠷ ᠵᠶ᠋ᠠᠨ ᠬᠤᠪᠢᠶᠠᠭ᠍ᠣᠳᠤᠪᠠᠨ ᠲᠡᠷᠡ ᠣᠯᠠᠨ ᠪᠠᠭᠰᠢ ᠰᠣᠷᠣᠭᠴᠢᠳᠤ 〈ᠠᠷᠭ᠋ᠠᠯ ᠲᠡᠭᠡᠷᠡ ᠬᠢᠰᠬᠢᠵᠣ ᠪᠢᠳᠡᠭᠡᠢ ᠲᠡᠪᠰᠡᠭᠡᠷᠡᠢ〉 ᠬᠡᠵᠥ ᠰᠠᠨᠠᠭᠤᠯᠬᠤᠠᠴᠠ ᠪᠢᠰᠢ᠂ ᠠᠭᠤᠷᠯᠠᠵᠤ ᠣᠴᠠᠭ᠋ᠠᠷᠳᠠᠭ᠍ᠣ ᠴᠢᠷᠠᠢ ᠥᠵᠡᠬᠦᠯᠥᠯ ᠥᠬᠡᠢ᠂ ᠠᠷᠭ᠋ᠠᠯ ᠬᠥᠷᠵᠠᠩᠤᠨ ᠲᠣᠮᠣ ᠵᠢᠵᠢᠭᠢᠨᠢ ᠬᠥᠷᠳᠡᠯᠡ ᠲᠡᠩᠴᠡᠬᠦᠯᠵᠣ ᠲᠠᠭ᠋ᠠᠷᠠᠭᠤᠯᠣᠨ ᠬᠡᠮᠵᠢᠶᠡᠲᠠᠢ ᠲᠥᠬᠡᠬᠡᠬᠦᠪᠠᠷ ᠨᠢᠮᠪᠡᠶ᠋ᠢᠯᠡᠵᠥ ᠠᠵᠢᠯᠯᠠᠲᠠᠭᠨᠢ ᠪᠠᠭᠰᠢ ᠰᠣᠷᠣᠭᠴᠢᠳᠤᠨ ᠬᠥᠨᠳᠥᠳᠭᠡᠯᠢ ᠶᠠᠭ᠋ᠠᠬᠢᠬᠤ ᠵᠢᠨ ᠠᠷᠭᠠ ᠦᠭᠡᠢ ᠣᠯᠵᠣ᠂ ᠪᠢᠳᠡ ᠲᠥᠷᠢᠮ ᠲᠢᠭᠯᠢᠮᠢᠨᠢ ᠲᠠᠭ᠋ᠠᠳᠠᠭ》᠃
ᠨᠢᠬᠡᠨ ᠠᠬᠠᠮᠠᠳ ᠪᠠᠭᠰᠢ ᠵᠢᠨ ᠵᠣᠭᠤᠭ᠄ 《ᠮᠠᠨᠤ ᠣ᠊ ᠪᠠᠭᠰᠢ ᠲᠣᠭᠤᠭ᠋ᠠᠨ ᠭᠡᠷᠤᠨ ᠨᠢᠬᠡ ᠪᠣᠷᠴᠠ ᠥᠢ᠍ᠷᠡᠭᠡᠳ ᠣᠨᠠᠪᠠᠴᠣ ᠴᠡᠪᠡᠷᠯᠡᠭᠡᠳ ᠠᠪᠳᠠᠭ᠂ ᠭᠤᠭᠤᠵᠢᠵᠣ ᠭᠡᠭᠡᠭᠳᠡᠭᠰᠡᠨ ᠨᠢᠬᠡ ᠰᠢᠷᠭᠡᠭ ᠰᠣᠩᠬᠢᠨᠡ᠂ ᠨᠢᠬᠡ ᠭᠡᠰᠡᠭ ᠨᠡᠭᠦᠷᠡᠰᠥ ᠵᠢ ᠴᠦ᠍ ᠲᠡᠬᠦᠬᠡᠳ ᠠᠪᠳᠠᠭ ᠨᠢᠮᠪᠡᠢ ᠬᠥᠮᠥᠨ ᠶᠤᠮ ᠡ！》᠃ 《ᠨᠡᠷᠡᠳᠡᠢ ᠪᠠᠶᠠᠨ ᠵᠠᠩᠬᠢ ᠭᠤᠸᠠᠢ ᠵᠢᠨ ᠭᠠᠭᠴᠠ ᠭᠥᠥᠨᠢ ᠪᠠᠶ᠋ᠢᠳᠠᠯᠠᠪᠠᠨ ᠮᠠᠨᠤ ᠣ᠊ ᠪᠠᠭᠰᠢ ᠶᠠᠭ᠋ᠠᠬᠢᠬᠤᠳᠤᠪᠠᠨ ᠲᠡᠶ᠋ᠢᠮᠥ ᠠᠵᠢᠯᠴᠢ ᠬᠠᠳᠠᠭᠤᠵᠢᠯᠳᠠᠢ᠂ ᠠᠯᠪᠠᠨᠤ ᠶᠠᠭᠤᠮᠠᠨᠳᠤ ᠬᠡᠷᠤᠨᠬᠢᠪᠠᠨᠠᠴᠠ ᠢᠯᠡᠬᠦᠥ ᠠᠷᠪᠢᠴᠢ ᠭᠠᠮᠳᠠᠢ ᠪᠠᠶ᠋ᠢᠭᠰᠠᠨᠤ ᠨᠢᠭᠤᠴᠠᠨᠢ ᠲᠡᠬᠦᠨᠤ ᠬᠥᠮᠥᠨ ᠴᠢᠨᠠᠷᠲᠤᠪᠠᠨ ᠯᠠ ᠪᠠᠶ᠋ᠢᠭᠠ ᠪᠠᠶ᠋ᠢᠬᠤ᠃ ᠬᠥᠮᠥᠨᠳᠤ ᠥᠷᠥ ᠵᠥᠬᠡᠯᠡᠨ᠂ ᠥᠨᠡᠨᠴᠢ ᠰᠢᠳᠣᠷᠭᠤ᠂ ᠨᠡᠷᠡ ᠲᠥᠷᠥ ᠵᠢᠨ ᠲᠥᠯᠥᠬᠡ ᠬᠥᠬᠡᠬᠡᠴᠡᠯᠳᠥᠳᠡᠭ ᠥᠬᠡᠢ᠂ ᠨᠢᠷᠣᠭᠤᠲᠠᠢ᠂ ᠰᠠᠶ᠋ᠢᠬᠠᠨ ᠮᠣᠩᠭᠤᠯ ᠬᠥᠮᠥᠨᠤ ᠪᠣᠳᠠᠳᠠᠢ ᠵᠢᠱ᠌ᠢᠶᠡ ᠶᠤᠮ ᠰᠢᠣ᠃ ᠣ᠊ ᠪᠠᠭᠰᠢ ᠠ᠋ᠩᠤᠨ ᠬᠥᠮᠥᠨᠤ ᠬᠢᠵᠣ ᠴᠢᠳᠠᠭ᠍ᠣ ᠥᠬᠡᠢ ᠠᠵᠢᠯᠢ ᠬᠢᠵᠥ ᠶᠠᠪᠣᠭᠰᠠᠨ ᠮᠥᠷᠳᠡᠯᠡᠪᠠᠨ ᠭᠠᠪᠢᠶᠠᠷᠬᠠᠵᠣ ᠠᠴᠢᠷᠬᠠᠭᠰᠠᠨ ᠥᠬᠡ ᠵᠢ ᠠᠮᠠ ᠵᠠᠪᠰᠠᠷ ᠴᠣᠬᠤᠶ᠋ᠢᠯᠭ᠋ᠠᠳᠠᠭ ᠥᠬᠡᠢ᠂ ᠶᠠᠷᠢᠵᠣ ᠴᠦ᠍ ᠴᠢᠳᠠᠳᠠᠭ ᠥᠬᠡᠢ᠂ ᠣᠯᠠᠨ ᠲᠠᠪᠣᠨ ᠥᠬᠡ ᠥᠬᠡᠢ᠂ ᠲᠡᠶ᠋ᠢᠮᠥ ᠰᠠᠶ᠋ᠢᠬᠠᠨ ᠬᠥᠮᠥᠨ ᠶᠤᠮ ᠰᠢᠥ！》 ᠬᠡᠬᠦ ᠮᠡᠳᠥ ᠵᠢᠨ ᠬᠠᠮᠳᠣ ᠠᠵᠢᠯᠯᠠᠭᠰᠠᠳᠤᠨᠬᠢᠨ ᠥᠨᠡᠯᠡᠯᠳᠡ ᠬᠠᠮᠤᠭ ᠲᠡᠭᠡᠳᠥ ᠢᠷᠠᠭᠤ ᠠᠯᠳᠠᠷ ᠪᠠᠶ᠋ᠢᠵᠣ ᠲᠠᠭ᠋ᠠᠷᠠᠨᠠ᠃
ᠲᠡᠶ᠋ᠢᠮᠥ ᠡ᠂ ᠥᠩᠬᠡᠷᠡᠨ ᠣᠳᠣᠭᠰᠠᠨ ᠲᠡᠳᠡᠭᠡᠷ ᠣᠨ ᠵᠢᠯᠤᠨ ᠬᠠᠳᠠᠭᠤ ᠪᠡᠷᠭᠡ ᠠᠵᠢᠯ ᠬᠥᠳᠡᠯᠮᠥᠷᠢ᠂ ᠣᠶ᠋ᠢᠭᠠ ᠥᠬᠡᠢ ᠵᠢᠳᠬᠦᠯ ᠲᠡᠮᠡᠴᠡᠯᠢᠨᠢ ᠲᠣᠷᠠᠰᠬᠠᠨ ᠲᠡᠮᠳᠡᠭᠯᠡᠭᠰᠡᠨ ᠰᠣᠷᠭ᠋ᠠᠭᠤᠯᠢ ᠱᠠᠳᠣᠨᠤ 《ᠲᠡᠷᠢᠬᠦᠨᠤ ᠠᠵᠢᠯᠳᠠᠨ》ᠤ ᠬᠤᠷᠢ ᠰᠢᠬᠠᠮ ᠥᠨᠠᠮᠯᠠᠯ᠂ 1985 ᠣᠨ᠂ 1994 ᠣᠨᠳᠤ ᠬᠤᠰᠢᠭᠤ ᠱᠠᠳᠣᠨᠤ 《ᠲᠡᠷᠢᠬᠦᠨᠤ ᠠᠵᠢᠯᠳᠠᠨ》 ᠪᠠ 1997 ᠣᠨᠳᠤ ᠰᠢᠯᠢ ᠵᠢᠨ ᠭᠤᠣᠯ ᠠᠶ᠋ᠢᠮᠠᠭᠤᠨ ᠰᠣᠷᠭ᠋ᠠᠨ ᠬᠥᠮᠥᠵᠢᠯᠤᠨ ᠰᠢᠰᠲᠸᠮᠤᠨ 《ᠲᠡᠷᠢᠬᠦᠨᠤ ᠠᠵᠢᠯᠳᠠᠨ》ᠤ ᠥᠨᠠᠮᠯᠠᠯᠤᠨ ᠣᠯᠠᠭ᠋ᠠᠨ ᠲᠡᠪᠳᠡᠷ ᠬᠢᠭᠡᠳ ᠬᠥᠪᠡᠭᠡᠳᠥ ᠰᠢᠷᠠ ᠬᠤᠰᠢᠭᠤᠨᠤ ᠮᠣᠩᠭᠤᠯ ᠥᠨᠳᠥᠰᠥᠳᠡᠨᠤ ᠲᠣᠮᠳᠠᠳᠣ ᠰᠣᠷᠭ᠋ᠠᠭᠤᠯᠢ ᠵᠢᠨ ᠵᠠᠬᠢᠷᠣᠯ᠂ ᠪᠠᠭᠰᠢ ᠨᠠᠷ᠂ ᠰᠣᠷᠣᠭᠴᠢᠳ᠂ ᠭᠡᠷᠤᠨ ᠠᠬᠠᠮᠠᠳᠢ ᠪᠠᠭᠳᠠᠭ᠋ᠠᠭᠰᠠᠨ ᠬᠥᠮᠥᠨ ᠠᠷᠠᠳᠤᠨ ᠪᠢᠰᠢᠷᠡᠯ ᠮᠠᠭᠳᠠᠭ᠋ᠠᠯ᠂ ᠬᠠᠯᠠᠭᠤᠨ ᠵᠣᠭᠤᠭᠤᠳ ᠠ᠋ᠶ᠋ᠢᠮᠥ ᠨᠢᠬᠡᠨ ᠠᠬᠠᠮᠠᠳ 《ᠭᠠᠯᠴᠢ ᠪᠠᠭᠰᠢ》 ᠵᠢᠨ ᠵᠶ᠋ᠠᠨ ᠬᠥᠮᠥᠨ ᠮᠥᠰᠥ᠂ ᠠᠯᠳᠠᠷ ᠭᠠᠪᠢᠶᠠ ᠵᠢ ᠠ᠋ᠬᠦᠷᠢᠳᠡ ᠲᠠᠭᠤᠷᠢᠰᠬᠠᠨᠠ ᠁
ᠠᠵᠢᠯᠯᠠᠵᠤ ᠪᠠᠢ᠍ᠢ᠍ᠭᠠ ᠪᠠᠢ᠍ᠢ᠍ᠭᠤᠯᠭᠠ᠄ ᠬᠥᠪᠡᠭᠡᠳᠥ ᠰᠢᠷᠠ ᠬᠤᠰᠢᠭᠤᠨᠤ ᠮᠣᠩᠭᠤᠯ
ᠥᠨᠳᠥᠰᠥᠳᠡᠨᠤ ᠲᠣᠮᠳᠠᠳᠣ ᠰᠣᠷᠭ᠋ᠠᠭᠤᠯᠢ
（ᠠᠯᠳᠠᠨᠰᠦᠢ᠍ᠭᠡ ᠨᠠᠢ᠍ᠢ᠍ᠷᠠᠭᠤᠯᠪᠠ）
2021 ᠣᠨᠤ 4 ᠳ᠋ᠦ᠍ᠭᠡᠷ ᠬᠤᠭᠤᠴᠠᠭᠠ