| ᠭᠡᠭᠡᠨᠵᠣᠯᠠ | | | | | | ᠮᠤᠩᠭᠤᠯ ᠬᠡᠯᠡ ᠪᠢᠴᠢᠭ ᠤᠨ ᠬᠢᠴᠢᠶᠡᠯ ᠤᠨ ᠪᠠᠷᠢᠮᠵᠢᠶᠠ ᠳᠤ ᠮᠣᠩᠭᠤᠯ ᠬᠡᠯᠡ ᠪᠢᠴᠢᠭ ᠤᠨ ᠵᠢᠭᠠᠨ | ᠰᠤᠷᠭᠠᠯᠲᠠ ᠨᠢ ︽ᠰᠤᠷᠤᠭᠴᠢ ᠳᠤ ᠪᠡᠶᠡ ᠪᠠᠨ ᠳᠠᠭᠠᠭᠠᠵᠤ ᠰᠤᠷᠤᠯᠴᠠᠬᠤ ᠰᠠᠶᠢᠨ ᠰᠠᠶᠢᠬᠠᠨ ᠠᠬᠤᠢ ᠣᠷᠴᠢᠨ ᠢ | ᠡᠭᠦᠳᠤᠨ ᠦᠭᠴᠦ᠂ ᠲᠡᠳᠡᠨ ᠳᠤ ᠰᠤᠷᠤᠯᠴᠠᠬᠤ ᠡᠵᠡᠨ ᠪᠡᠶᠡ ᠶᠢᠨ ᠤᠬᠠᠮᠰᠠᠷ ᠣᠯᠭᠤᠵᠤ᠂ ᠥᠪᠡᠷᠰᠡᠳ ᠤᠨ ᠢᠶᠠᠨ | ᠣᠨᠴᠠᠯᠢᠭ ᠪᠠ ᠱᠠᠭᠠᠷᠳᠠᠯᠭᠠ ᠪᠠᠷ ᠰᠤᠷᠤᠯᠴᠠᠬᠤ ᠣᠪᠤᠷ ᠪᠠ ᠠᠷᠭᠠ ᠪᠠᠨ ᠵᠣᠬᠢᠴᠠᠭᠤᠯᠵᠤ᠂ ᠪᠡᠶᠡ ᠳᠤ ᠪᠠᠨ | ᠲᠣᠬᠢᠷᠠᠬᠤ ᠰᠤᠷᠤᠯᠴᠠᠬᠤ ᠠᠷᠭᠠ ᠵᠠᠮ ᠢ ᠬᠠᠶᠢᠬᠤ ᠳᠤ ᠲᠤᠰᠠᠯᠠᠨᠠ᠃ ᠪᠡᠯᠡᠨ ᠶᠠᠭᠤᠮᠠ ᠶᠢ ᠬᠦᠯᠢᠶᠡᠨ ᠪᠦᠬᠦᠯᠢ ᠪᠠᠷ | ᠰᠢᠩᠭᠡᠭᠡᠵᠤ ᠦᠬᠦᠮᠡᠯ ᠢᠶᠠᠷ ᠴᠡᠭᠡᠵᠢᠯᠡᠨ ᠬᠡᠪᠰᠢᠮᠡᠯ ᠢᠶᠠᠷ ᠪᠣᠯᠪᠠᠰᠤᠷᠠᠬᠤ ᠪᠠᠶᠢᠳᠠᠯ ᠢ ᠥᠭᠡᠷᠡᠴᠢᠯᠡᠬᠦ ᠶᠢᠨ ᠲᠤᠰᠠᠳᠠ | ᠰᠦᠪᠡᠭᠴᠢᠯᠡᠨ ᠰᠤᠷᠤᠯᠴᠠᠬᠤ ᠠᠷᠭᠠ ᠶᠢ ᠣᠨᠴᠠ ᠴᠢᠬᠤᠯᠠᠴᠢᠯᠠᠪᠠᠯ ᠵᠣᠬᠢᠨᠠ︾᠃ ᠡᠶᠢᠮᠦ ᠠᠴᠠ ᠰᠤᠷᠤᠭᠴᠢ ᠶᠢ | ᠥᠪᠡᠷ ᠢᠶᠠᠨ ᠨᠢᠭᠲᠠᠯᠠᠨ ᠰᠤᠳᠤᠯᠤᠭᠰᠠᠨ ᠰᠠᠭᠤᠷᠢᠨ ᠳᠡᠭᠡᠷᠡ ᠶᠠᠷᠢᠯᠴᠠᠭᠠᠨ ᠪᠠ ᠪᠣᠰᠣᠳ ᠰᠤᠷᠤᠯᠴᠠᠯᠭᠠ ᠶᠢᠨ | ᠬᠦᠳᠡᠯᠪᠦᠷᠢ ᠳᠤ ᠢᠳᠡᠪᠬᠢᠲᠠᠢ ᠣᠷᠤᠯᠴᠠᠬᠤ ᠶᠢ ᠵᠣᠷᠢᠬᠵᠢᠭᠤᠯᠵᠤ᠂ ᠬᠢᠴᠢᠶᠡᠩᠭᠦᠢ ᠪᠠᠷ ᠰᠣᠨᠤᠰᠤᠨ᠂ ᠪᠣᠰᠤᠳ ᠤᠨ | ᠰᠠᠨᠠᠯ ᠢ ᠰᠢᠩᠭᠡᠭᠡᠨ ᠠᠪᠴᠤ᠂ ᠪᠠᠭᠳᠠᠭᠠᠯᠴᠠᠵᠤ᠂ ᠮᠡᠳᠡᠯᠴᠡᠵᠦ᠂ ᠬᠠᠮᠵᠢᠯᠴᠠᠵᠤ᠂ ᠬᠤᠪᠢᠶᠠᠯᠴᠠᠨ ᠡᠳ᠋ᠯᠡᠵᠦ ᠴᠢᠳᠠᠬᠤ | ᠪᠣᠯᠭᠠᠨᠠ︾［1 — P21 — 22］ᠭᠡᠵᠦ ᠱᠠᠭᠠᠷᠳᠠᠭᠰᠠᠨ ᠪᠠᠶᠢᠳᠠᠭ᠃ ᠡᠭᠦᠨ ᠳᠤ ᠬᠠᠶᠢᠨ | ᠰᠦᠪᠡᠭᠴᠢᠯᠡᠨ ᠰᠤᠷᠤᠯᠴᠠᠬᠤ ᠨᠢ ᠦᠵᠡᠯᠲᠡ ᠲᠠᠢ᠂ ᠢᠯᠡᠷᠡᠭᠦᠯᠦᠯᠲᠠ ᠲᠠᠢ᠂ ᠡᠭᠦᠳᠦᠯᠲᠡ ᠲᠠᠢ ᠪᠠᠷ ᠠᠰᠠᠭᠤᠳᠠᠯ ᠢ | ᠵᠠᠳᠠᠯᠵᠤ ᠰᠢᠨᠵᠢᠯᠡᠬᠦ ᠶᠢ ᠬᠡᠯᠡᠨᠡ᠃ ᠡᠨᠡ ᠨᠢ ᠢᠯᠭᠠᠵᠤ ᠴᠡᠭᠡᠵᠢᠯᠡᠬᠦ᠂ ᠣᠶᠢᠯᠠᠭᠠᠵᠤ ᠲᠠᠶᠢᠯᠪᠣᠷᠢᠯᠠᠬᠤ ᠪᠠ ᠵᠠᠳᠠᠯᠵᠤ | ᠬᠤᠷᠢᠶᠠᠩᠭᠤᠶᠢᠯᠠᠬᠤ ᠳᠤ ᠰᠠᠭᠤᠷᠢᠯᠠᠭᠰᠠᠨ ᠰᠤᠳᠤᠯᠵᠤ ᠰᠢᠨᠵᠢᠯᠡᠬᠦ ᠪᠦᠲᠦᠭᠡᠯᠴᠢ ᠴᠢᠳᠠᠪᠦᠷᠢ ᠶᠢᠨ ᠱᠠᠲᠤ | ᠪᠣᠯᠣᠨᠠ᠃ ᠰᠦᠪᠡᠭᠴᠢᠯᠡᠨ ᠵᠢᠭᠠᠬᠤ ᠠᠷᠭᠠ ᠭᠡᠳᠡᠭ ᠨᠢ ᠰᠤᠷᠤᠭᠴᠢᠳ ᠤᠨ ᠬᠠᠶᠢᠨ ᠰᠦᠪᠡᠭᠴᠢᠯᠡᠬᠦ | ᠰᠤᠷᠤᠯᠴᠠᠯᠭᠠ ᠶᠢ ᠵᠣᠬᠢᠶᠠᠨ ᠪᠠᠶᠢᠭᠤᠯᠬᠤ ᠪᠠ ᠵᠢᠭᠠᠨ ᠵᠢᠯᠣᠭᠤᠳᠬᠤ ᠶᠠᠪᠤᠴᠠ ᠶᠢ ᠬᠡᠯᠡᠨᠡ᠃ ᠡᠶᠢᠮᠦ ᠠᠴᠠ | ᠰᠤᠷᠤᠭᠴᠢᠳ ᠤᠨ ᠪᠣᠳᠠᠳᠠᠢ ᠪᠠᠶᠢᠳᠠᠯ ᠳᠤ ᠴᠢᠭᠯᠡᠬᠦᠯᠦᠨ᠂ ᠳᠡᠭᠡᠳᠦ ᠲᠤᠮᠳᠠᠳᠤ ᠶᠢᠨ ᠮᠣᠩᠭᠤᠯ ᠬᠡᠯᠡ ᠪᠢᠴᠢᠭ ᠤᠨ | ᠨᠢᠭᠡᠳᠦᠭᠡᠷ ᠳᠡᠪᠲᠡᠷ ᠤᠨ ︽ᠭᠡᠷ ᠮᠢᠯᠢᠶᠠᠬᠤ ᠢᠷᠦᠭᠡᠯ︾ ᠭᠡᠬᠦ ᠬᠢᠴᠢᠶᠡᠯ ᠳᠠᠬᠢ ᠮᠣᠩᠭᠤᠯ ᠭᠡᠷ ᠲᠠᠢ ᠬᠤᠯᠪᠤᠭᠳᠠᠬᠤ | ᠵᠠᠩ ᠦᠢᠯᠡ ᠶᠢ ᠬᠠᠶᠢᠨ ᠰᠦᠪᠡᠭᠴᠢᠯᠡᠭᠦᠯᠵᠦ᠂ ᠠᠷᠠᠳ ᠲᠦᠮᠡᠨ ᠤ ᠣᠢ ᠤᠬᠠᠭᠠᠨ ᠤ ᠣᠬᠢ ᠲᠦᠷᠦᠳᠡᠰᠦ ᠶᠢ | ᠠᠭᠤᠳᠠᠯᠤᠨ᠂ ᠲᠡᠳᠡᠨ ᠤ ᠣᠶᠤᠨ ᠰᠠᠨᠠᠭᠠᠨ ᠤ ᠠᠮᠢᠳᠤᠷᠠᠯ᠂ ᠭᠤᠸᠠ ᠲᠠᠭᠠᠰᠢᠶᠠᠯ ᠤᠨ ᠦᠵᠡᠯᠲᠡ᠂ ᠵᠠᠩ | ᠦᠢᠯᠡ ᠶᠢᠨ ᠬᠡᠪ ᠵᠢᠷᠦᠮ ᠵᠡᠷᠬᠡ ᠶᠢ ᠰᠦᠪᠡᠭᠴᠢᠯᠡᠭᠦᠯᠦᠨ ᠰᠤᠷᠤᠯᠴᠠᠭᠤᠯᠵᠤ᠂ ᠰᠤᠷᠤᠭᠴᠢᠳ ᠤᠨ ᠢᠶᠠᠨ ᠤᠶᠤᠨ | ᠤᠬᠠᠭᠠᠨ ᠢ ᠲᠡᠯᠡᠵᠤ᠂ ᠮᠡᠳᠡᠯᠭᠡ ᠶᠢᠨ ᠬᠦᠷᠢᠶᠡ ᠬᠡᠪᠴᠢᠶᠡ ᠶᠢ ᠨᠢ ᠦᠷᠭᠡᠳᠬᠡᠨ᠂ ᠪᠡᠶᠡ ᠪᠠᠨ ᠳᠠᠭᠠᠭᠠᠵᠤ | ᠰᠦᠪᠡᠭᠴᠢᠯᠡᠨ ᠰᠤᠷᠤᠯᠴᠠᠬᠤ ᠳᠤ ᠨᠢ ᠵᠣᠬᠢᠮᠵᠢᠲᠠᠢ ᠣᠷᠴᠢᠨ ᠠᠬᠤᠢ ᠶᠢ ᠡᠭᠦᠳᠦᠨ ᠥᠭᠴᠦ᠂ ᠰᠤᠷᠤᠭᠴᠢᠳ ᠲᠤ | ᠮᠡᠳᠡᠯᠭᠡ ᠶᠢ ᠬᠡᠷᠬᠢᠨ ᠣᠯᠬᠤ ᠶᠠᠪᠤᠴᠠ ᠬᠢᠭᠡᠳ ᠠᠷᠭᠠ ᠬᠡᠯᠪᠡᠷᠢ ᠶᠢ ᠮᠡᠳᠡᠭᠦᠯᠵᠦ ᠪᠣᠯᠬᠤ ᠶᠤᠮ᠃ ᠲᠤᠤᠷᠠ ᠪᠢ ︽ᠭᠡᠷ | ᠮᠢᠯᠢᠶᠠᠬᠤ ᠢᠷᠦᠭᠡᠯ︾ ᠭᠡᠬᠦ ᠬᠢᠴᠢᠶᠡᠯ ᠤᠨ ᠠᠭᠤᠯᠭᠠ ᠶᠢ ᠬᠠᠮᠳᠦ ᠪᠠᠷ ᠰᠤᠷᠤᠯᠴᠠᠬᠤ ᠳᠤ ᠪᠠᠨ ᠰᠦᠪᠡᠭᠴᠢᠯᠡᠨ ᠵᠢᠭᠠᠬᠤ | ᠠᠷᠭᠠ ᠶᠢ ᠬᠡᠷᠡᠭᠯᠡᠨ ᠤᠯᠠᠮᠵᠢᠯᠠᠯᠲᠤ ᠰᠤᠶᠤᠯ ᠢᠶᠠᠨ ᠡᠵᠡᠮᠰᠢᠭᠦᠯᠦᠭᠰᠡᠨ ᠪᠠᠶᠢᠳᠠᠯ ᠢᠶᠠᠨ ᠪᠣᠳᠠᠳᠠᠢ ᠦᠬᠦᠯᠡᠶᠡ᠃ | ︽ᠭᠡᠷ ᠮᠢᠯᠢᠶᠠᠬᠤ ᠢᠷᠦᠭᠡᠯ︾ ᠭᠡᠬᠦ ᠬᠢᠴᠢᠶᠡᠯ ᠪᠣᠯ ᠰᠢᠨᠡ ᠭᠡᠷ ᠲᠤ ᠨᠡᠭᠦᠵᠦ ᠣᠷᠤᠭᠰᠠᠨ ᠪᠠᠶᠠᠷ ᠢ | ᠪᠡᠯᠭᠡᠳᠡᠵᠦ᠂ ᠭᠡᠷ ᠤᠨ ᠡᠵᠡᠨ ᠤ ᠵᠣᠯ ᠵᠢᠷᠭᠠᠯᠲᠦ ᠠᠮᠢᠳᠤᠷᠠᠯ ᠢ ᠵᠦᠩᠨᠡᠭᠰᠡᠨ ᠠᠭᠤᠯᠭᠠ ᠪᠦᠬᠦᠢ ᠢᠷᠦᠭᠡᠯ | ᠪᠣᠯᠣᠨᠠ᠃ ᠢᠷᠦᠭᠡᠯ ᠳᠤ ᠭᠡᠷ ᠤᠨ ᠡᠵᠡᠨ ᠪᠠ ᠠᠵᠤ ᠠᠮᠢᠳᠤᠷᠠᠯ ᠢ᠂ ᠬᠦᠳᠡᠯᠮᠦᠷᠢ ᠶᠢᠨ ᠪᠦᠲᠦᠭᠡᠯ ᠢ ᠪᠠᠭ᠋ᠠᠷᠬᠠᠵᠤ | ᠮᠠᠭᠲᠠᠭᠰᠠᠨ ᠰᠠᠨᠠᠭᠠ ᠪᠠᠨ ᠢᠯᠡᠷᠡᠭᠦᠯᠦᠭᠰᠡᠨ ᠶᠤᠮ᠃ ᠡᠭᠦᠨ ᠳᠤ ᠭᠡᠷ᠂ ᠣᠷᠤᠨ ᠰᠠᠭᠤᠴᠠ ᠪᠣᠯ ᠬᠦᠮᠦᠨ ᠤ | ᠨᠡᠶᠢᠭᠡᠮ ᠤᠨ ᠬᠠᠮᠤᠭ ᠤᠨ ᠦᠨᠳᠦᠰᠦᠨ ᠨᠢᠭᠡᠴᠢ ᠪᠣᠯᠬᠤ ᠭᠡᠷ ᠪᠦᠯᠢ ᠶᠢᠨ ᠣᠷᠤᠰᠢᠨ ᠠᠮᠢᠳᠤᠷᠠᠵᠤ᠂ ᠠᠵᠤ ᠲᠦᠷᠦᠨ | ᠰᠠᠭᠤᠳᠠᠭ ᠭᠠᠵᠠᠷ ᠮᠦᠨ᠃ ᠨᠡᠭᠦᠳᠡᠯᠴᠢᠨ ᠮᠣᠩᠭᠤᠯᠴᠤᠳ ᠮᠣᠩᠭᠤᠯ ᠭᠡᠷ ᠢ ᠮᠣᠩᠭᠤᠯ ᠨᠤᠳᠤᠭ ᠤᠨ ᠪᠠᠶᠢᠭᠠᠯᠢ ᠶᠢᠨ | ᠣᠨᠴᠠᠯᠢᠭ ᠪᠠ ᠨᠡᠭᠦᠳᠡᠯᠯᠡᠨ ᠮᠠᠯᠵᠢᠬᠤ ᠠᠵᠤ ᠠᠬᠤᠢ ᠶᠢᠨ ᠥᠪᠡᠷᠮᠢᠴᠡ ᠪᠠᠶᠢᠳᠠᠯ ᠳᠤ ᠪᠠᠨ ᠮᠡᠷᠭᠡᠨ ᠴᠢᠳᠠᠮᠠᠭᠠᠢ᠂ | ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠴᠢ ᠪᠠᠷ ᠵᠣᠬᠢᠴᠠᠭᠤᠯᠤᠨ ᠪᠦᠲᠦᠭᠡᠵᠦ᠂ ᠰᠢᠨᠠᠴᠢᠯᠡᠨ ᠥᠭᠡᠷᠡᠴᠢᠯᠡᠵᠦ ᠴᠢᠳᠠᠭᠰᠠᠨ ᠠᠴᠠ ᠣᠷᠲᠦ | ᠤᠳᠠᠭᠠᠨ ᠣᠨ ᠵᠢᠯ ᠤᠨ ᠲᠤᠷᠰᠢ ᠪᠠᠶᠢᠭᠠᠯᠢ ᠶᠢᠨ ᠣᠷᠴᠢᠨ ᠠᠬᠤᠢ ᠶᠢᠨ ᠰᠢᠯᠭᠠᠯᠲᠠ ᠶᠢ ᠳᠠᠭᠠᠭᠠᠵᠤ ᠬᠦᠭᠵᠢᠨ | ᠲᠡᠭᠦᠯᠳᠡᠷᠵᠢᠭᠰᠡᠭᠡᠷ ᠣᠳᠤ ᠳᠤ ᠬᠦᠷᠴᠦ ᠢᠷᠡᠭᠰᠡᠨ ᠶᠤᠮ᠃ ᠡᠨᠡ ᠨᠢ ᠮᠠᠨ ᠤ ᠠᠷᠠᠳ ᠲᠦᠮᠡᠨ ᠤ ᠤᠷᠠᠨ | ᠪᠦᠲᠦᠭᠡᠯᠴᠢ ᠬᠦᠳᠡᠯᠮᠦᠷᠢ᠂ ᠤᠬᠠᠭᠠᠯᠢᠭ ᠬᠤᠷᠴᠠ ᠤᠶᠤᠨ ᠪᠢᠯᠢᠭ ᠢᠶᠠᠷ ᠴᠣᠭᠴᠠᠯᠠᠭᠳᠠᠭᠰᠠᠨ ᠮᠣᠩᠭᠤᠯ ᠰᠣᠶᠤᠯ ᠤᠨ | ᠥᠪ ᠪᠣᠯᠬᠤ ᠪᠠᠷ ᠥᠯᠦ ᠪᠠᠷᠠᠮ ᠳᠡᠯᠡᠭᠡᠢ ᠶᠢᠨ ᠪᠠᠷᠢᠯᠭᠠ ᠶᠢᠨ ᠰᠣᠶᠣᠯ ᠤᠨ ᠡᠷᠳᠡᠨᠢᠰ ᠤᠨ ᠰᠠᠩ ᠳᠤ ᠨᠡᠮᠡᠷᠢᠯᠡᠭᠰᠡᠨ | ᠦᠨᠡᠲᠦ ᠥᠪ ᠪᠣᠯᠬᠤ ᠶᠤᠮ᠃ ᠡᠶᠢᠮᠦ ᠠᠴᠠ ︽ᠭᠡᠷ ᠮᠢᠯᠢᠶᠠᠬᠤ ᠢᠷᠦᠭᠡᠯ︾ ᠳᠠᠬᠢ ᠮᠣᠩᠭᠤᠯ ᠵᠠᠩ ᠦᠢᠯᠡ ᠶᠢᠨ | ᠲᠤᠬᠠᠢ ᠬᠠᠶᠢᠨ ᠰᠦᠪᠡᠭᠴᠢᠯᠡᠨ ᠰᠤᠷᠤᠯᠴᠠᠬᠤ ᠨᠢ ᠰᠤᠷᠤᠭᠴᠢᠳ ᠤᠨ ᠰᠦᠪᠡᠭᠴᠢᠯᠡᠯᠳᠡ ᠳᠤᠮᠳᠠ ᠪᠠᠨ ᠤᠯᠠᠮᠵᠢᠯᠠᠯᠲᠤ | ᠰᠣᠶᠣᠯ ᠤᠨ ᠣᠬᠢ ᠰᠣᠳᠤ ᠶᠢ ᠣᠶᠢᠯᠠᠭᠠᠨ᠂ ᠤᠯᠠᠮᠵᠢᠯᠠᠯᠲᠦ ᠰᠣᠶᠤᠯ ᠢᠶᠠᠨ ᠬᠠᠶᠢᠷᠠᠯᠠᠬᠤ ᠰᠡᠳᠬᠢᠯᠭᠡ ᠨᠢ ᠬᠥᠭᠵᠢᠵᠦ᠂ | ᠤᠯᠠᠮᠵᠢᠯᠠᠯᠲᠤ ᠰᠤᠶᠤᠯ ᠢᠶᠠᠨ ᠵᠠᠯᠭᠠᠮᠵᠢᠯᠠᠨ ᠪᠠᠳᠠᠷᠠᠭᠤᠯᠵᠤ᠂ ᠰᠤᠶᠤᠯ ᠤᠨ ᠬᠠᠷᠠᠭᠠ ᠪᠠᠨ ᠦᠷᠭᠡᠳᠬᠡᠵᠦ᠂ | ᠰᠤᠶᠤᠯ ᠤᠨ ᠤᠬᠠᠮᠰᠠᠷ ᠢᠶᠠᠨ ᠴᠢᠩᠭᠠᠳᠬᠠᠬᠤ ᠳᠤ ᠨᠢ ᠠᠰᠢᠭᠲᠠᠢ ᠶᠤᠮ᠃ | ︽ᠭᠡᠷ ᠮᠢᠯᠢᠶᠠᠬᠤ ᠢᠷᠦᠭᠡᠯ︾ ᠳᠠᠬᠢ ᠢᠷᠦᠭᠡᠯ ᠤᠨ ᠡᠬᠢᠯᠡᠯᠳᠡ ᠶᠢᠨ ᠬᠡᠰᠡᠭ ᠲᠤ ︽ᠠᠪᠤ ᠳᠡᠭᠡᠳᠦ ᠶᠢᠨ | ᠦᠶᠡ ᠠᠴᠠ ᠨᠣᠲᠤᠭᠯᠠᠭᠰᠠᠭᠠᠷ ᠢᠷᠡᠭᠰᠡᠨ ＼ ᠠᠮᠤᠷᠯᠢᠩᠭᠤᠢ ᠰᠠᠶᠢᠬᠠᠨ ᠡᠨᠡ ᠨᠤᠲᠤᠭ ᠲᠤ ＼ ᠦᠷᠭᠡᠨ ᠴᠠᠭᠠᠨ | ᠪᠠᠭᠤᠴᠠᠨ ᠳᠡᠭᠡᠷᠡ ＼ ᠦᠨᠳᠦᠷ ᠴᠠᠭᠠᠨ ᠭᠡᠷ ᠢ ᠪᠠᠶᠢᠭᠤᠯᠵᠤ︾ ᠭᠡᠵᠦ ᠭᠡᠷ ᠪᠠᠷᠢᠬᠤ ᠣᠷᠤᠨ ᠪᠠᠶᠢᠷᠢ ᠶᠢ | ᠨᠢᠳᠦᠨ ᠳᠤ ᠦᠵᠡᠭᠳᠡᠮᠡ ᠮᠠᠭᠳᠠᠭᠰᠠᠨ ᠶᠤᠮ᠃ ᠡᠨᠡ ᠬᠦ ᠬᠡᠰᠡᠭᠯᠡᠯ ᠠᠴᠠ ᠰᠤᠷᠤᠭᠴᠢᠳ ᠢ ᠵᠢᠯᠤᠭᠤᠳᠤᠨ᠂ ᠨᠣᠲᠤᠭ | ᠦᠵᠡᠵᠦ ᠰᠤᠩᠭᠤᠬᠤ ᠵᠠᠩ ᠦᠢᠯᠡ ᠶᠢ ᠬᠠᠶᠢᠨ ᠰᠦᠪᠡᠭᠴᠢᠯᠡᠭᠦᠯᠦᠨ ᠰᠤᠷᠤᠯᠴᠠᠭᠤᠯᠪᠠᠯ ᠰᠤᠷᠤᠭᠴᠢᠳ ᠲᠤ ᠰᠣᠶᠤᠯ | ᠣᠯᠠᠮᠵᠢᠯᠠᠯ ᠢ ᠣᠶᠢᠯᠠᠭᠠᠭᠤᠯᠵᠤ ᠲᠡᠶᠢᠯᠬᠦ ᠶᠢᠨ ᠬᠠᠮᠲᠤ ᠮᠡᠳᠡᠯᠭᠡ ᠰᠤᠷᠴᠦ ᠰᠤᠳᠤᠯᠬᠤ ᠶᠠᠪᠤᠴᠠ ᠠᠷᠭᠠ ᠶᠢ ᠴᠤ | ᠮᠡᠳᠡᠭᠦᠯᠦᠨ᠂ ᠵᠢᠭᠠᠨ ᠰᠤᠷᠭᠠᠬᠤ ᠬᠠᠷᠠᠯᠲᠠ ᠳᠤ ᠪᠠᠨ ᠬᠦᠷᠴᠦ ᠴᠢᠳᠠᠳᠠᠭ ᠶᠤᠮ᠃ ᠪᠣᠳᠠᠳᠠᠢ ᠶᠠᠷᠢᠪᠠᠯ᠄ | ᠨᠣᠲᠤᠭ ᠦᠵᠡᠵᠦ ᠰᠤᠩᠭᠤᠬᠤ ᠵᠠᠩ ᠦᠢᠯᠡ ᠶᠢ ᠰᠤᠷᠤᠭᠴᠢᠳ ᠵᠠᠩ ᠦᠢᠯᠡ ᠶᠢᠨ ᠨᠣᠮ ᠪᠣᠯᠣᠨ | ᠳᠤᠭᠤᠶᠢᠯᠠᠩ ᠤᠨ ᠶᠠᠷᠢᠯᠴᠠᠭᠠᠨ ᠠᠴᠠ ᠬᠠᠶᠢᠨ ᠰᠦᠪᠡᠭᠴᠢᠯᠡᠨ ᠰᠤᠷᠤᠯᠴᠠᠬᠤ ᠪᠠᠷ ᠳᠠᠮᠵᠢᠨ᠂ ︽ᠨᠣᠲᠤᠭ ᠦᠵᠡᠬᠦ ᠳᠤ | ᠴᠠᠭ ᠣᠯᠠᠷᠢᠯ᠂ ᠪᠡᠯᠴᠢᠭᠡᠷ ᠣᠰᠤ᠂ ᠡᠪᠡᠳᠴᠢᠨ ᠡᠮᠭᠡᠭ᠂ ᠴᠢᠨ᠋ᠸᠠ᠂ ᠦᠢᠮᠡᠭᠡᠨ ᠳᠡᠪᠵᠢᠶᠡᠨ ᠮᠡᠲᠦ ᠤᠯᠠᠨ ᠲᠠᠯᠠ ᠶᠢ | ᠪᠣᠳᠤᠯᠬᠢᠯᠠᠬᠤ ᠲᠤᠯᠠ ᠬᠠᠰᠢᠷ ᠲᠤᠷᠰᠢᠯᠭᠠ ᠲᠠᠢ ᠠᠬᠠᠮᠠᠳ ᠬᠦᠮᠦᠨ ᠪᠠᠭᠤᠬᠤ ᠨᠣᠲᠤᠭ ᠢᠶᠠᠨ ᠰᠣᠩᠭᠤᠨ | ᠲᠤᠭᠳᠠᠭᠠᠳᠠᠭ᠃ ᠡᠪᠦᠯᠵᠢᠶᠡᠨ ᠤ ᠨᠣᠲᠤᠭ ᠢ ᠦᠵᠡᠬᠦ ᠳᠤ ᠨᠦᠮᠦᠷᠢ ᠶᠡᠭᠡ ᠲᠠᠢ᠂ ᠨᠠᠷᠠᠨ ᠤ ᠲᠤᠰᠬᠠᠯ ᠰᠠᠶᠢᠲᠠᠢ᠂ | ᠭᠠᠵᠠᠷ ᠤᠨ ᠬᠦᠷᠦᠰᠦ ᠬᠠᠲᠠᠭᠤ᠂ ᠴᠠᠰᠤ ᠰᠢᠭᠤᠷᠭᠠ ᠬᠤᠷᠠᠬᠤ ᠦᠭᠡᠢ᠂ ᠡᠯᠡᠰᠦ ᠰᠢᠷᠣᠢ ᠴᠤᠭᠯᠠᠬᠤ ᠦᠭᠡᠢ᠂ ᠪᠣᠲᠠ | ᠪᠣᠷᠭᠠᠰᠤ᠂ ᠰᠢᠭᠤᠢ ᠮᠣᠳᠤ ᠲᠠᠢ᠂ ᠳᠡᠷᠡᠰᠤ ᠰᠣᠯᠢ ᠡᠯᠪᠡᠭ᠂ ᠬᠠᠳᠤᠯᠠᠩ ᠪᠡᠯᠴᠢᠭᠡᠷ ᠰᠠᠶᠢᠲᠠᠢ᠂ ᠣᠰᠤ ᠪᠤᠯᠠᠭ ᠢ | ᠲᠦᠰᠢᠭᠰᠡᠨ ᠪᠢᠲᠡᠭᠦᠯᠢᠭ ᠪᠠᠶᠢᠴᠠ ᠲᠠᠢ ᠭᠠᠵᠠᠷ ᠢ ᠰᠤᠩᠭᠤᠳᠠᠭ᠃ ᠬᠠᠪᠤᠷᠵᠢᠶᠠ ᠶᠢᠨ ᠨᠣᠲᠤᠭ ᠪᠣᠯ ᠡᠪᠦᠯ ᠵᠣᠨ ᠤ | ᠬᠤᠭᠤᠷᠤᠨᠳᠤᠬᠢ ᠨᠡᠭᠦᠳᠡᠯ ᠲᠡᠳᠦᠢ ᠪᠣᠯᠬᠤᠷ ᠲᠡᠳᠦᠢ ᠶᠡᠭᠡ ᠰᠢᠯᠢᠵᠣ ᠰᠤᠩᠭᠤᠳᠠᠭ ᠦᠭᠡᠢ᠃ ᠵᠦᠪᠬᠡᠨ ᠨᠠᠷᠠᠨ | ᠡᠭᠡᠪᠦᠷ᠂ ᠰᠠᠯᠬᠢᠨ ᠤ ᠬᠠᠯᠬᠠᠪᠴᠢ ᠲᠠᠢ᠂ ᠪᠡᠯᠴᠢᠭᠡᠷ ᠲᠤ ᠤᠶᠢᠷᠡ᠂ ᠠᠭᠢ ᠳᠠᠭᠠᠨᠠ ᠮᠡᠲᠦ ᠮᠠᠯ ᠢ ᠡᠷᠲᠡ | ᠲᠡᠩᠬᠡᠷᠡᠭᠦᠯᠬᠦ ᠶᠡᠭᠡ ᠪᠡᠯᠴᠢᠭᠡᠷ ᠲᠠᠢ ᠭᠠᠵᠠᠷ ᠢ ᠰᠣᠩᠭᠤᠳᠠᠭ᠃ ᠵᠣᠰᠠᠯᠠᠩ ᠤᠨ ᠭᠠᠵᠠᠷ ᠪᠣᠯ ᠬᠦᠮᠡᠯᠢ᠂ ᠲᠠᠭᠠᠨᠠ᠂ | ᠠᠭᠢ᠂ ᠮᠠᠩᠭᠢᠷ᠂ ᠭᠤᠭᠤᠳ ᠮᠡᠲᠦ ᠭᠠᠰᠢᠭᠤᠨ ᠨᠣᠭᠤᠭᠠ ᠡᠯᠪᠡᠭ᠂ ᠬᠤᠯᠠ ᠶᠢᠨ ᠪᠠᠷᠠ ᠬᠠᠷᠠᠭᠳᠠᠭᠰᠠᠨ ᠰᠠᠷᠠᠭᠤᠯ | ᠲᠡᠨᠢᠭᠦᠨ ᠳᠡᠨᠵᠢ ᠶᠢ ᠰᠤᠩᠭᠤᠳᠠᠭ᠃ ᠵᠤᠨ ᠴᠠᠭ ᠲᠤ ᠪᠣᠯ ᠵᠠᠳᠠᠭᠠᠢ ᠣᠰᠤ ᠲᠠᠢ᠂ ᠬᠤᠵᠢᠷ ᠴᠠᠶᠢᠳᠠᠮ ᠲᠠᠢ ᠵᠦᠯᠭᠡ | ᠨᠠᠮᠤᠭ ᠲᠤ ᠣᠶᠢᠷᠠ᠂ ᠮᠠᠯ ᠤᠰᠤ ᠪᠠᠷ ᠭᠠᠴᠢᠭᠳᠠᠬᠤ ᠦᠭᠡᠢ᠂ ᠳᠤᠯᠢᠶᠠᠬᠤ ᠬᠤᠵᠢᠷ ᠱᠠᠤ ᠳᠤᠲᠠᠭᠳᠠᠬᠤ ᠦᠭᠡᠢ | ᠣᠰᠤᠨ ᠲᠠᠷᠭᠤ ᠠᠪᠬᠤ ᠳᠤ ᠰᠠᠶᠢᠨ᠂ ᠦᠨᠳᠦᠷ ᠰᠢᠭ ᠭᠠᠵᠠᠷ ᠢ ᠰᠣᠩᠭᠤᠪᠠᠯ ᠢᠯᠠᠭᠠ ᠰᠢᠮᠠᠭᠤᠯ ᠦᠭᠡᠢ᠂ ᠦᠶᠡᠷ | ᠣᠰᠤᠨ ᠤ ᠠᠶᠤᠮᠰᠢᠭ ᠦᠭᠡᠢ ᠪᠠᠶᠢᠳᠠᠭ᠃ ᠨᠠᠮᠤᠷ ᠴᠠᠭ ᠪᠣᠯ ᠮᠠᠯ ᠤᠨ ᠲᠣᠰᠤᠨ ᠲᠠᠷᠭᠤ ᠠᠪᠴᠤ ᠡᠪᠦᠯ ᠬᠠᠪᠤᠷ ᠤᠨ | ᠵᠤᠳ ᠭᠠᠴᠢᠭ ᠢ ᠲᠤᠭᠤᠯᠬᠤ ᠪᠡᠯᠡᠳᠬᠡᠯ ᠬᠢᠬᠦ ᠴᠢᠬᠤᠯᠠ ᠴᠠᠭ ᠪᠣᠯᠬᠤᠷ ᠦᠷᠡ ᠲᠠᠢ ᠡᠪᠡᠰᠦ ᠡᠯᠪᠡᠭ ᠭᠠᠵᠠᠷ ᠢ | ᠳᠠᠭᠠᠵᠤ ᠠᠭᠤᠯᠠ ᠶᠢᠨ ᠬᠦᠨᠳᠡᠢ ᠪᠣᠶᠤ ᠳᠤᠤᠷᠠ ᠭᠠᠵᠠᠷ ᠪᠠᠭᠤᠳᠠᠭ︾ ᠬᠡᠭᠦ ᠮᠡᠲᠦ ᠶᠢᠨ ᠮᠡᠳᠡᠯᠭᠡ ᠶᠢ | ᠬᠤᠷᠠᠮᠳᠤᠭᠤᠯᠵᠤ ᠴᠢᠳᠠᠳᠠᠭ᠃ ᠡᠬᠦᠨ ᠠᠴᠠ ᠰᠤᠷᠤᠭᠴᠢᠳ ᠨᠣᠲᠤᠭ ᠦᠵᠡᠵᠦ ᠰᠤᠩᠭᠤᠬᠤ ᠵᠠᠩ ᠦᠢᠯᠡ ᠨᠢ | ᠮᠣᠩᠭᠤᠯᠴᠤᠳ ᠤᠨ ᠨᠡᠭᠦᠳᠡᠯᠯᠡᠨ ᠮᠠᠯᠵᠢᠬᠤ ᠠᠵᠤ ᠠᠬᠤᠢ ᠶᠢᠨ ᠬᠡᠯᠪᠡᠷᠢ᠂ ᠡᠩᠬᠡ ᠪᠠᠳᠠᠷᠠᠯ ᠢ ᠬᠦᠰᠡᠨ ᠡᠷᠡᠮᠡᠯᠵᠡᠬᠦ | ᠪᠡᠯᠭᠡ ᠳᠡᠮᠪᠡᠷᠡᠯ ᠤᠨ ᠵᠠᠩᠰᠢᠯ ᠲᠠᠢ ᠬᠤᠯᠪᠣᠭᠳᠠᠯ ᠲᠠᠢ ᠭᠡᠳᠡᠭ ᠢ ᠣᠬᠠᠵᠤ ᠣᠯᠳᠠᠭ ᠶᠤᠮ᠃ ᠡᠨᠡ ᠨᠢ | ᠰᠤᠷᠤᠭᠴᠢᠳ ᠤᠨ ᠪᠠᠶᠡ ᠪᠠᠨ ᠳᠠᠭᠠᠭᠠᠬᠤ ᠪᠣᠶᠤ ᠬᠤᠷᠰᠢᠨ ᠰᠤᠷᠤᠯᠴᠠᠬᠤ ᠪᠠᠷ ᠳᠠᠮᠵᠢᠨ ᠠᠰᠠᠭᠤᠳᠠᠯ ᠢ ᠰᠢᠢᠳᠪᠦᠷᠢᠯᠡᠨ | ᠬᠠᠶᠢᠨ ᠰᠦᠪᠡᠭᠴᠢᠯᠡᠭᠦ ᠰᠤᠷᠤᠯᠴᠠᠯᠭᠠ ᠶᠢ ᠪᠡᠶᠡᠯᠡᠭᠦᠯᠵᠦ ᠪᠠᠶᠢᠭᠠ ᠶᠠᠪᠤᠳᠠᠯ ᠮᠦᠨ᠃ | ︽ᠭᠡᠷ ᠮᠢᠯᠢᠶᠠᠬᠤ ᠢᠷᠦᠭᠡᠯ︾ ᠤᠨ ᠭᠤᠣᠯ ᠬᠡᠰᠡᠭ ᠲᠤ ᠮᠣᠩᠭᠤᠯ ᠭᠡᠷ ᠪᠠᠷᠢᠬᠤ ᠳᠡᠰ ᠳᠠᠷᠠᠭᠠ ᠶᠢ ᠮᠦᠷᠳᠡᠵᠤ | ᠲᠤᠭᠤᠨᠤ᠂ ᠴᠢᠭᠳᠠᠭᠠ᠂ ᠤᠨᠢ᠂ ᠬᠠᠨᠠ᠂ ᠬᠠᠭᠠᠯᠭᠠ᠂ ᠬᠠᠳᠠᠪᠴᠢ᠂ ᠪᠦᠷᠢᠶᠡᠰᠦ᠂ ᠣᠭᠤᠰᠤᠷ᠂ ᠪᠦᠰᠡᠯᠡᠭᠦᠷ᠂ ᠬᠦᠯᠳᠦᠷᠭᠡ | ᠵᠡᠷᠭᠡ ᠶᠢ ᠲᠤᠰ ᠲᠤᠰ ᠳᠤ ᠨᠢ ᠮᠢᠯᠢᠶᠠᠵᠤ ᠢᠷᠦᠭᠡᠭᠡᠳ᠂ ᠰᠡᠭᠦᠯ ᠳᠤ ᠨᠢ ᠮᠣᠩᠭᠤᠯ ᠭᠡᠷ ᠤᠨ ᠳᠤᠲᠤᠷᠠᠬᠢ ᠵᠠᠷᠤᠳᠠᠯ | ᠪᠠᠷᠢᠳᠠᠯ᠂ ᠪᠠᠭᠠᠵᠢ ᠬᠡᠷᠡᠭᠰᠡᠯ ᠢ ᠨᠢ ᠨᠢᠭᠡᠳ ᠨᠢᠭᠡ ᠪᠠᠷ ᠮᠢᠯᠢᠶᠠᠨ ᠢᠷᠦᠭᠡᠭᠰᠡᠨ ᠶᠤᠮ᠃ ᠢᠷᠦᠭᠡᠯ ᠤᠨ ᠭᠤᠣᠯ | ᠬᠡᠰᠡᠭ ᠤᠨ ᠠᠭᠤᠯᠭᠠ ᠪᠠᠷ ᠳᠠᠮᠵᠢᠨ ᠰᠤᠷᠤᠭᠴᠢᠳ ᠲᠤ ᠮᠣᠩᠭᠤᠯ ᠭᠡᠷ ᠤᠨ ᠪᠦᠳᠦᠴᠡ᠂ ᠮᠣᠩᠭᠤᠯ ᠭᠡᠷ ᠤᠨ | ᠳᠤᠲᠤᠷᠠᠬᠢ ᠡᠳ᠋ᠯᠡᠯ ᠬᠡᠷᠡᠭᠰᠡᠯ ᠢ ᠣᠶᠢᠯᠠᠭᠠᠭᠤᠯᠤᠨ ᠲᠠᠨᠢᠭᠤᠯᠵᠤ ᠳᠡᠶᠢᠯᠬᠦ ᠪᠠᠷ ᠪᠠᠷᠠᠬᠤ ᠦᠭᠡᠢ᠂ ᠰᠤᠷᠤᠭᠴᠢᠳ ᠢ | ᠬᠦᠲᠦᠯᠦᠨ ᠮᠣᠩᠭᠤᠯ ᠭᠡᠷ ᠲᠠᠢ ᠬᠤᠯᠪᠤᠭᠳᠠᠬᠤ ᠵᠠᠩ ᠦᠢᠯᠡ ᠶᠢ ᠰᠦᠪᠡᠭᠴᠢᠯᠡᠭᠦᠯᠦᠨ ᠰᠤᠷᠤᠯᠴᠠᠭᠤᠯᠪᠠᠯ᠂ | ᠰᠤᠷᠤᠭᠴᠢ ᠪᠦᠬᠦᠨ ᠢ ᠬᠠᠶᠢᠨ ᠰᠦᠪᠡᠭᠴᠢᠯᠡᠬᠦ ᠪᠦᠬᠦ ᠶᠠᠪᠤᠴᠠ ᠳᠤ ᠤᠷᠤᠯᠴᠠᠭᠤᠯᠤᠨ᠂ ᠲᠡᠳᠡᠨ ᠤ ᠬᠡᠷᠡᠭᠯᠡᠭᠡᠨ ᠤ | ᠴᠢᠳᠠᠪᠦᠷᠢ ᠪᠣᠯᠣᠨ ᠪᠦᠳᠦᠭᠡᠯᠴᠢ ᠴᠢᠳᠠᠪᠦᠷᠢ ᠶᠢ ᠨᠢ ᠳᠡᠭᠡᠭᠰᠢᠯᠡᠭᠦᠯᠵᠦ ᠴᠢᠳᠠᠬᠤ ᠶᠤᠮ᠃ ᠪᠣᠳᠠᠳᠠᠢ ᠶᠠᠷᠢᠪᠠᠯ᠄ | ᠨᠢᠭᠡ᠂ ᠲᠤᠭᠤᠨᠤ ᠲᠠᠢ ᠬᠤᠯᠪᠤᠭᠳᠠᠬᠤ ᠵᠠᠩ ᠦᠢᠯᠡ | ᠲᠤᠭᠤᠨᠤ ᠲᠠᠢ ᠬᠤᠯᠪᠤᠭᠳᠠᠬᠤ ᠵᠠᠩ ᠦᠢᠯᠡ ᠢ ᠰᠤᠷᠤᠭᠴᠢᠳ ︽ᠲᠤᠭᠤᠨᠣ ᠪᠣᠯ ᠮᠣᠩᠭᠤᠯ ᠭᠡᠷ ᠤᠨ ᠣᠷᠤᠢ᠂ | ᠲᠦᠪ ᠴᠡᠭ ᠨᠢ ᠪᠣᠯᠣᠨᠠ᠃ ᠲᠤᠭᠤᠨᠤ ᠶᠢᠨ ᠭᠤᠤᠯ ᠴᠡᠭ ᠢᠶᠠᠷ ᠪᠠᠷᠢᠮᠵᠢᠶᠠ ᠪᠣᠯᠭᠠᠨ ᠭᠡᠷ ᠲᠤ ᠪᠠᠨ ᠨᠤᠲᠤᠭ ᠪᠠᠭᠤᠷᠢ | ᠲᠤᠭᠲᠠᠭᠠᠨ᠂ ᠭᠡᠷ ᠪᠣᠰᠬᠠᠳᠠᠭ᠃ ᠡᠶᠢᠮᠦ ᠠᠴᠠ ᠰᠢᠨᠡ ᠭᠡᠷ ᠪᠣᠰᠬᠠᠬᠤ ᠳᠤ ᠬᠠᠮᠤᠭ ᠤᠨ ᠲᠦᠷᠦᠭᠦᠨ ᠳᠤ | ᠲᠣᠭᠤᠨᠤ ᠶᠢ ᠪᠣᠰᠬᠠᠳᠠᠭ ᠲᠤᠯᠠ ᠲᠤᠭᠤᠨᠤ ᠶᠢ ᠤᠷᠢᠳ ᠢᠶᠠᠷ ᠮᠢᠯᠢᠶᠠᠨ ᠢᠷᠦᠭᠡᠵᠤ᠂ ᠲᠤᠭᠤᠨᠤ ᠶᠢᠨ ᠭᠤᠣᠯ ᠠᠴᠠ | ᠬᠠᠳᠠᠭ ᠵᠠᠭᠦᠯᠭᠡᠳᠡᠭ ᠶᠤᠰᠤ ᠲᠠᠢ ᠪᠠᠶᠢᠳᠠᠭ᠃ ᠲᠤᠭᠤᠨᠤ ᠪᠣᠯ ᠠᠶᠢᠯ ᠡᠷᠦᠭᠡ ᠶᠢᠨ ᠮᠠᠨᠳᠤᠯ ᠬᠦᠭᠵᠢᠯ ᠤᠨ ᠪᠡᠯᠭᠡᠳᠡᠯ | ᠬᠡᠵᠦ ᠶᠡᠭᠡ ᠬᠦᠨᠳᠦᠳᠬᠡᠳᠡᠭ ᠶᠤᠮ᠃ ᠡᠶᠢᠮᠦ ᠪᠣᠯᠬᠤᠷ ᠲᠤᠭᠤᠨᠣ ᠶᠢᠨ ᠳᠡᠭᠡᠷᠡ ᠡᠷᠦᠭᠡᠨ ᠠᠴᠠ ᠪᠣᠰᠤᠳ ᠵᠦᠢᠯ ᠤᠨ | ᠶᠠᠭᠤᠮᠠ ᠶᠢ ᠭᠠᠷᠭᠠᠳᠠᠭ ᠦᠭᠡᠢ ᠵᠠᠩᠰᠢᠯ ᠪᠠᠶᠢᠳᠠᠭ︾ ᠭᠡᠬᠦ ᠮᠡᠲᠦ ᠪᠠᠷ ᠬᠤᠷᠢᠶᠠᠩᠭᠤᠶᠢᠯᠠᠨ ᠭᠠᠷᠭᠠᠳᠠᠭ᠃ | ᠡᠭᠦᠨ ᠠᠴᠠ ᠰᠤᠷᠤᠭᠴᠢᠳ ᠤᠨ ᠮᠣᠩᠭᠤᠯ ᠭᠡᠷ ᠤᠨ ᠲᠤᠭᠤᠨᠣ ᠶᠢ ᠳᠡᠭᠡᠳᠦᠯᠡᠬᠦ ᠵᠠᠩ ᠦᠢᠯᠡ ᠪᠣᠯᠣᠨ ᠲᠤᠭᠤᠨᠤ ᠲᠠᠢ | ᠬᠤᠯᠪᠤᠭᠳᠠᠭᠰᠠᠨ ᠴᠡᠭᠡᠷ ᠶᠤᠰᠤ ᠶᠢ ᠰᠦᠪᠡᠭᠴᠢᠯᠡᠨ ᠢᠯᠡᠷᠡᠬᠦᠯᠵᠦ ᠴᠢᠳᠠᠭᠰᠠᠨ ᠢ ᠣᠯᠵᠤ ᠮᠡᠳᠡᠵᠦ ᠲᠡᠶᠢᠯᠬᠦ ᠶᠤᠮ᠃ | ᠬᠤᠶᠠᠷ᠂ ᠮᠣᠩᠭᠤᠯ ᠭᠡᠷ ᠤᠨ ᠳᠤᠲᠤᠷᠠᠬᠢ ᠡᠳ᠋ᠯᠡᠯ ᠭᠡᠷᠡᠭᠯᠡᠯ ᠢ ᠪᠠᠶᠢᠷᠢᠰᠢᠭᠤᠯᠬᠤ ᠲᠠᠢ ᠬᠤᠯᠪᠤᠭᠳᠠᠬᠤ ᠵᠠᠩ | ᠦᠢᠯᠡ | ᠮᠣᠩᠭᠤᠯ ᠭᠡᠷ ᠲᠠᠬᠢ ᠡᠳ᠋ᠯᠡᠯ ᠬᠡᠷᠡᠭᠯᠡᠯ ᠢ ᠤᠷᠤᠨᠰᠢᠭᠤᠯᠬᠤ ᠶᠤᠰᠤ ᠨᠢ ᠭᠤᠤᠯᠳᠠᠭᠤ ᠳᠡᠭᠡᠳᠦᠰ ᠤᠨ ᠭᠠᠯ | ᠭᠤᠯᠤᠮᠲᠠ᠂ ᠣᠩᠭᠤᠨ ᠰᠢᠳᠦᠭᠡᠨ ᠢᠶᠠᠨ ᠬᠦᠨᠳᠦᠳᠬᠡᠨ ᠣᠣᠯ ᠪᠠᠶᠢᠷᠢ ᠳᠤ ᠨᠢ ᠳᠠᠷᠠᠭᠠᠯᠠᠨ ᠣᠷᠤᠨᠰᠢᠭᠤᠯᠬᠤ ᠪᠠ | ᠡᠷᠡᠭᠲᠡᠢ ᠡᠮᠡᠭᠲᠡᠢ ᠬᠦᠳᠡᠯᠮᠦᠷᠢ ᠶᠢᠨ ᠬᠤᠪᠢᠶᠠᠷᠢ ᠶᠣᠰᠤᠨ ᠠᠴᠠ ᠢᠷᠡᠯᠲᠠᠢ ᠪᠠᠶᠢᠳᠠᠭ᠃ ᠭᠡᠷ ᠤᠨ ᠳᠤᠲᠤᠷᠠᠬᠢ ᠡᠳ᠋ᠯᠡᠯ | ᠬᠡᠷᠡᠭᠰᠡᠯ ᠢ ᠲᠠᠯᠪᠢᠬᠤ ᠶᠣᠰᠤ ᠨᠢ ᠲᠤᠭᠳᠠᠪᠦᠷᠢᠲᠠᠢ ᠪᠠᠶᠢᠳᠠᠭ ᠤᠨ ᠬᠠᠮᠤᠭ ᠤᠨ ᠴᠢᠬᠤᠯᠠ ᠰᠢᠯᠳᠠᠭᠠᠨ ᠨᠢ ᠭᠡᠷ ᠤᠨ | ᠭᠡᠯᠪᠡᠷᠢ ᠳᠤ ᠪᠠᠶᠢᠭᠠ ᠶᠤᠮ᠃ | ᠭᠤᠯᠤᠮᠲᠠ ᠶᠢᠨ ᠤᠷᠤᠨ ᠢ ︽ᠭᠡᠷ ᠮᠢᠯᠢᠶᠠᠬᠤ ᠢᠷᠦᠭᠡᠯ︾ ᠳᠤ᠄ ︽ᠡᠨᠡ ᠰᠠᠶᠢᠬᠠᠨ ᠭᠡᠷ ᠤᠨ ＼ ᠲᠦᠪ | ᠳᠤᠮᠳᠠ ᠳᠤ ＼ ᠪᠡᠯᠪᠤ ᠶᠢᠨ ᠳᠠᠷᠬᠠᠨ ᠪᠠᠯᠪᠠᠵᠤ ᠬᠢᠭᠰᠡᠨ ＼ ᠪᠠᠰᠠ ᠨᠢᠭᠡ ᠳᠠᠷᠬᠠᠨ ᠵᠠᠰᠠᠵᠤ ᠬᠢᠭᠰᠡᠨ ＼ ᠤᠷᠠᠨ | ᠳᠠᠷᠬᠠᠨ ᠤᠭᠠᠯᠵᠠᠯᠠᠵᠤ ᠬᠢᠭᠰᠡᠨ ＼ ᠤᠬᠠᠭᠠᠨᠳᠤ ᠳᠠᠷᠬᠠᠨ ᠰᠡᠶᠢᠯᠵᠦ ᠬᠢᠭᠰᠡᠨ ＼ ᠲᠤᠯᠭᠠ ᠶᠢ ᠴᠢᠨᠢ | ᠮᠢᠯᠢᠶᠠᠶᠠ︕︾ ᠬᠡᠵᠦ ᠢᠷᠦᠭᠡᠭᠰᠡᠨ ᠠᠴᠠ ᠭᠤᠯᠤᠮᠲᠠ ᠶᠢᠨ ᠤᠷᠤᠨ ᠨᠢ ᠮᠣᠩᠭᠤᠯ ᠭᠡᠷ ᠤᠨ ᠲᠥᠪ ᠳᠤᠮᠳᠠ᠂ ᠶᠠᠭ | ᠲᠤᠭᠤᠨᠤ ᠲᠠᠢ ᠠᠰᠯᠠᠵᠤ ᠪᠠᠶᠢᠭᠠ ᠲᠤᠭᠤᠷᠢᠭ ᠭᠠᠵᠠᠷ ᠪᠣᠯ ᠭᠤᠯᠤᠮᠲᠠ ᠶᠢᠨ ᠣᠷᠤᠨ ᠮᠦᠨ ᠭᠡᠰᠡᠨ ᠢ ᠬᠢᠴᠢᠶᠡᠯ ᠤᠨ | ᠠᠭᠤᠯᠭᠠ ᠠᠴᠠ ᠤᠶᠢᠯᠠᠭᠠᠵᠤ ᠪᠣᠯᠬᠤ ᠶᠤᠮ᠃ ᠲᠡᠭᠡᠪᠡᠯ ᠭᠤᠯᠤᠮᠲᠠ ᠶᠢᠨ ᠤᠷᠤᠨ ᠨᠢ ᠮᠣᠩᠭᠤᠯ ᠭᠡᠷ ᠤᠨ ᠲᠥᠪ | ᠳᠤᠮᠳᠠ ᠪᠠᠶᠢᠳᠠᠭ ᠰᠢᠯᠲᠠᠭᠠᠨ ᠢ ᠰᠤᠷᠤᠭᠴᠢᠳ ᠢ ᠵᠢᠯᠤᠭᠤᠳᠤᠨ ᠬᠠᠶᠢᠨ ᠰᠦᠪᠡᠭᠴᠢᠯᠡᠭᠦᠯᠪᠡᠯ᠂ ᠰᠤᠷᠤᠭᠴᠢᠳ | ᠬᠠᠮᠳᠤ ᠪᠠᠷ ᠢᠳᠡᠪᠬᠢᠲᠡᠢ ᠬᠠᠶᠢᠨ ᠰᠦᠪᠡᠭᠴᠢᠯᠡᠭᠰᠡᠨ ᠤ ᠳ᠋ᠦᠩ ᠳᠤ᠂ ︽ᠮᠠᠯᠴᠢᠳ ᠰᠢᠨᠡ ᠨᠣᠲᠤᠭ ᠲᠤ | ᠨᠡᠭᠦᠭᠰᠡᠨ ᠤ ᠳᠠᠷᠠᠭᠠ᠂ ᠭᠡᠷ ᠢᠶᠠᠨ ᠪᠦᠷᠢᠶᠡᠰᠦᠯᠡᠵᠦ ᠪᠠᠷᠠᠮᠠᠭᠴᠠ ᠬᠠᠮᠤᠭ ᠤᠨ ᠲᠦᠷᠦᠭᠦᠦ ᠲᠤᠯᠭᠠ ᠪᠠᠨ | ᠵᠣᠬᠢᠴᠠᠭᠤᠯᠤᠨ ᠲᠠᠯᠪᠢᠳᠠᠭ ᠶᠤᠰᠤ ᠲᠠᠢ᠃ ᠲᠤᠯᠭᠠ ᠲᠠᠯᠪᠢᠬᠤ ᠳᠤ ᠪᠠᠨ ᠲᠤᠯᠭᠠ ᠶᠢ ᠲᠡᠭᠰᠢᠬᠡᠨ ᠲᠠᠯᠪᠢᠬᠤ ᠶᠢ | ᠡᠷᠬᠢᠮᠯᠡᠳᠡᠭ᠃ ᠭᠤᠯᠤᠮᠲᠠ ᠲᠤᠯᠭᠠ ᠨᠢ ᠠᠶᠢᠯ ᠡᠷᠦᠬᠡ ᠶᠢᠨ ᠮᠠᠨᠳᠤᠯ ᠲᠡᠭᠵᠢᠷᠡᠯ ᠤᠨ ᠪᠡᠯᠭᠡᠳᠡᠯ ᠬᠡᠵᠦ | ᠦᠵᠡᠳᠡᠭ᠃ ᠡᠷᠲᠡᠨ ᠤ ᠮᠤᠩᠭᠤᠯᠴᠤᠳ ᠤᠨ ᠭᠠᠯ ᠲᠠᠬᠢᠯᠭᠠ ᠶᠢᠨ ᠵᠢᠩᠬᠢᠨᠢ ᠤᠳᠬᠠ ᠨᠢ ᠴᠤ ᠭᠤᠯᠤᠮᠲᠠ ᠪᠠᠨ | ᠲᠠᠬᠢᠵᠤ᠂ ᠦᠷᠡ ᠤᠳᠤᠮ ᠲᠠᠰᠤᠷᠠᠯ ᠦᠭᠡᠢ ᠦᠷᠡᠵᠢᠨ ᠳᠡᠯᠭᠡᠷᠡᠵᠦ ᠶᠠᠪᠤᠬᠤ ᠶᠢ ᠬᠦᠰᠡᠨ ᠪᠡᠯᠭᠡᠳᠡᠭᠰᠡᠨ ᠲᠠᠢ | ᠬᠤᠯᠪᠤᠭᠠ ᠲᠠᠢ ᠶᠤᠮ᠃ ᠭᠡᠷᠡᠭᠯᠡᠭᠡᠨ ᠤ ᠲᠠᠯᠠ ᠠᠴᠠ ᠦᠵᠡᠪᠡᠯ ᠲᠤᠯᠭᠠ ᠶᠢ ᠲᠤᠭᠤᠨᠤ ᠲᠠᠢ ᠠᠰᠯᠠᠭᠤᠯᠤᠨ ᠲᠠᠯᠪᠢᠪᠠᠯ | ᠤᠳᠤᠭᠠ ᠠᠭᠤᠷ ᠭᠠᠳᠠᠭᠰᠢ ᠭᠠᠷᠬᠤ ᠳᠤ ᠳᠦᠬᠦᠮ ᠪᠠᠶᠢᠳᠠᠭ︾ ᠭᠡᠰᠡᠨ ᠮᠠᠰᠢ ᠤᠨᠤᠪᠴᠢᠲᠠᠢ ᠬᠠᠷᠢᠭᠤᠯᠲᠠ ᠶᠢ | ᠬᠤᠷᠢᠶᠠᠩᠭᠤᠶᠢᠯᠠᠨ ᠭᠠᠷᠭᠠᠳᠠᠭ᠃ ᠡᠬᠦᠨ ᠠᠴᠠ ᠰᠤᠷᠤᠭᠴᠢᠳ ᠮᠣᠩᠭᠤᠯᠴᠤᠳ ᠤᠨ ᠭᠠᠯ ᠭᠤᠯᠤᠮᠲᠠ ᠪᠠᠨ | ᠳᠡᠭᠡᠳᠦᠯᠡᠬᠦ ᠰᠣᠶᠤᠯ ᠤᠯᠠᠮᠵᠢᠯᠠᠯ ᠪᠣᠯ ᠡᠷᠲᠡ ᠦᠶᠡ ᠠᠴᠠ ᠤᠯᠠᠮᠵᠢᠯᠠᠭᠳᠠᠨ ᠢᠷᠡᠵᠡᠢ ᠭᠡᠳᠡᠭ ᠤᠨ ᠣᠴᠢᠷ | ᠤᠳᠬᠠ ᠶᠢ ᠣᠶᠢᠯᠠᠭᠠᠨ ᠣᠬᠠᠴᠢᠬᠠᠳᠠᠭ ᠶᠤᠮ᠃ | ᠣᠷᠤᠨ ᠰᠢᠷᠡᠭᠡ ᠲᠠᠯᠪᠢᠬᠤ ᠣᠷᠤᠨ ᠢ ︽ᠭᠡᠷ ᠮᠢᠯᠢᠶᠠᠬᠤ ᠢᠷᠦᠭᠡᠯ︾ ᠳᠤ᠄ ︽ᠬᠤᠶᠢᠲᠤ ᠲᠠᠯᠠ ᠳᠤ ᠨᠢ | ᠪᠠᠶᠢᠷᠢᠯᠠᠭᠤᠯᠤᠭᠰᠠᠨ ＼ ᠪᠠᠷᠠᠭᠠ ᠶᠠᠭᠤ ᠶᠢ ᠨᠢ ᠰᠢᠨᠵᠢᠪᠡᠯ ＼ ᠲᠠᠵᠢ ᠲᠣᠷᠭᠠᠨ ᠨᠢᠭᠤᠷ ᠲᠠᠢ ＼ ᠬᠠᠮᠪᠤ ᠬᠤᠷᠭᠤᠢ | ᠬᠦᠪᠡᠭᠡ ᠲᠠᠢ ＼ ᠲᠠᠪᠤᠨ ᠮᠥᠩᠭᠦᠨ ᠳᠠᠷᠤᠭᠤᠯᠭᠠ ᠲᠠᠢ ＼ ᠲᠠᠩᠰᠤᠭ ᠰᠠᠶᠢᠬᠠᠨ ᠳᠡᠷᠡ ᠶᠢ ᠴᠢᠨᠢ ᠮᠢᠯᠢᠶᠡᠶᠡ︕ | ᠬᠠᠷᠠ ᠽᠠᠨᠳᠠᠨ ᠮᠦᠬᠦᠦ ᠲᠠᠢ ＼ ᠬᠠᠶᠢᠯᠠᠰᠤᠨ ᠮᠣᠳᠤᠨ ᠢᠯᠡᠦ ᠲᠠᠢ ＼ ᠤᠷᠤᠨ ᠤ ᠰᠢᠷᠡᠭᠡ ᠲᠡᠭᠦᠨ ᠤ ᠳᠡᠭᠡᠷᠡ | ＼ ᠠᠷᠤ ᠥᠪᠦᠷ ᠤᠷᠤᠭᠤ ᠨᠢ ᠤᠨᠵᠠᠶᠢᠭᠰᠠᠨ ＼ ᠠᠯᠳᠠᠨ ᠮᠦᠩᠭᠦᠨ ᠤᠷᠬᠢᠭᠤᠯ ᠲᠠᠢ ＼ ᠲᠠᠩᠭᠤᠳ ᠴᠠᠩᠮᠠᠨ | ᠬᠤᠮ ᠲᠠᠢ ＼ ᠲᠠᠵᠢ ᠮᠠᠩᠨᠤᠭ ᠤᠨ ᠪᠦᠲᠡᠭᠡᠯᠭᠡ ᠲᠠᠢ ＼ ᠬᠠᠮᠪᠦ ᠲᠣᠷᠭᠠ ᠬᠠᠯᠢᠭᠤ ᠪᠤᠯᠠᠭᠠᠨ ᠬᠤᠪᠴᠠᠰᠤ ᠲᠠᠢ ＼ | ᠬᠠᠮᠲᠤᠷᠠᠭᠤᠯᠤᠨ ᠬᠤᠷᠢᠶᠠᠭᠰᠠᠨ ＼ ᠣᠷᠣ ᠳᠡᠷᠡ᠂ ᠣᠷᠤᠨ ᠰᠢᠷᠡᠭᠡ ＼ ᠬᠠᠷᠠᠭᠠ ᠬᠠᠭᠠᠯᠭᠠ᠂ ᠬᠠᠨᠠᠨ ᠬᠦᠰᠢᠭᠡ | ＼ ᠪᠦᠷᠬᠦᠭᠦᠯ ᠣᠷᠤᠳᠠᠯᠠ ᠮᠢᠯᠢᠶᠠᠶᠠ︕︾ ᠭᠡᠵᠦ ᠢᠷᠦᠭᠡᠭᠰᠡᠨ ᠠᠴᠠ ᠰᠤᠷᠤᠭᠴᠢᠳ ᠣᠷᠤᠨ ᠰᠢᠷᠡᠭᠡ ᠲᠠᠯᠪᠢᠬᠤ | ᠣᠷᠤᠨ ᠪᠠᠶᠢᠷᠢ ᠨᠢ ᠮᠤᠩᠭᠤᠯ ᠭᠡᠷ ᠤᠨ ᠬᠤᠶᠢᠳᠤ ᠲᠠᠯᠠ ᠪᠠᠶᠢᠳᠠᠭ ᠢ ᠬᠢᠴᠢᠶᠡᠯ ᠤᠨ ᠠᠭᠤᠯᠭᠠ ᠠᠴᠠ ᠪᠠᠨ ᠮᠦᠷᠳᠡᠨ | ᠣᠯᠴᠢᠬᠠᠳᠠᠭ ᠶᠤᠮ᠃ ᠡᠭᠦᠨ ᠳᠤ ᠣᠷᠤᠨ ᠰᠢᠷᠡᠭᠡᠨ ᠤ ᠲᠤᠬᠠᠢ ᠰᠤᠷᠤᠭᠴᠢᠳ ᠢᠶᠠᠷ ᠦᠷᠭᠡᠳᠬᠡᠨ | ᠰᠦᠪᠡᠭᠴᠢᠯᠡᠭᠦᠯᠪᠡᠯ ︽ᠣᠷᠤᠨ ᠰᠢᠷᠡᠭᠡ ᠶᠢ ᠬᠦᠦ ᠪᠠᠨ ᠭᠡᠷᠯᠡᠵᠦ ᠰᠢᠨᠡ ᠭᠡᠷ ᠪᠠᠷᠢᠵᠤ ᠥᠭᠬᠦ ᠦᠶᠡᠰ ᠬᠢᠯᠭᠡᠵᠦ | ᠲᠠᠯᠪᠢᠳᠠᠭ᠃ ᠣᠷᠤᠨ ᠰᠢᠷᠡᠭᠡᠨ ᠤ ᠦᠵᠦᠭᠦᠷ ᠲᠤ ᠨᠢ ᠨᠢᠭᠡ ᠨᠢᠭᠡ ᠳᠡᠷᠡ ᠶᠢ ᠬᠦᠨᠳᠡᠯᠡᠨ ᠲᠠᠯᠪᠢᠭᠠᠳ ᠳᠤᠮᠳᠠ ᠨᠢ | ᠬᠦᠦ ᠬᠡᠦᠬᠡᠨ ᠤ ᠳᠡᠪᠡᠯ ᠬᠤᠪᠴᠠᠰᠤ ᠬᠦᠨᠵᠢᠯᠡ ᠳᠡᠪᠢᠰᠭᠡᠷ ᠢ ᠬᠤᠷᠢᠶᠠᠳᠠᠭ︾ ᠭᠡᠳᠡᠭ ᠢ ᠰᠦᠪᠡᠭᠴᠢᠯᠡᠨ ᠤᠯᠤᠭᠠᠳ | ᠮᠠᠯᠴᠢᠨ ᠮᠣᠩᠭᠤᠯᠴᠤᠳ ᠡᠷᠲᠡ ᠦᠶᠡ ᠠᠴᠠ ᠦᠷᠡ ᠬᠡᠦᠬᠡᠳ ᠢᠶᠠᠨ ᠭᠡᠷᠯᠡᠵᠦ᠂ ᠦᠨᠳᠦᠰᠦ ᠤᠭᠰᠠᠭᠠ ᠪᠠᠨ | ᠵᠠᠯᠭᠠᠬᠤ ᠶᠢ ᠲᠦᠢᠯ ᠢᠶᠠᠷ ᠬᠦᠨᠳᠦᠳᠬᠡᠳᠡᠭ ᠣᠯᠠᠮᠵᠢᠯᠠᠯ ᠲᠠᠢ ᠪᠠᠶᠢᠵᠠᠢ ᠭᠡᠳᠡᠭ ᠢ ᠣᠶᠢᠯᠠᠭᠠᠨ ᠮᠡᠳᠡᠴᠢᠭᠡᠳᠡᠭ᠃ | ᠡᠮᠡᠭᠲᠡᠢ ᠬᠦᠮᠦᠨ ᠤ ᠡᠳ᠋ᠯᠡᠯ ᠬᠡᠷᠡᠭᠯᠡᠯ ᠤᠨ ᠣᠷᠤᠨ ᠢ ︽ᠭᠡᠷ ᠮᠢᠯᠢᠶᠠᠬᠤ ᠢᠷᠦᠭᠡᠯ︾ ᠳᠤ᠄ ︽ᠡᠨᠡ ᠭᠡᠷ ᠤᠨ | ᠵᠡᠭᠦᠨ ᠬᠤᠶᠢᠨᠠ ᠬᠤᠷᠢᠶᠠᠭᠰᠠᠨ ᠵᠦᠢᠯᠲᠡᠨ ᠢ ᠰᠢᠨᠵᠢᠪᠡᠯ᠄ ᠰᠢᠨᠡ ᠪᠠᠨᠰᠠ ᠶᠢ ᠵᠦᠰᠦᠵᠦ ᠬᠢᠭᠰᠡᠨ ＼ ᠰᠢᠷ | ᠪᠣᠳᠤᠭ ᠢᠶᠠᠷ ᠰᠢᠷᠳᠡᠵᠦ ᠬᠢᠭᠰᠡᠨ ＼ ᠰᠢᠯ ᠡᠷᠳᠡᠨᠢ ᠶᠢᠨ ᠬᠡ ᠲᠠᠢ ＼ ᠰᠦᠪᠡᠰᠢᠳᠢ ᠶᠢᠨ ᠰᠢᠨᠵᠢ ᠲᠠᠢ ＼ ᠦᠨᠳᠦᠷ | ᠰᠠᠶᠢᠨ ᠱᠦᠭᠦᠢ ᠳᠡᠭᠡᠷᠡ ＼ᠵᠢᠰᠦ ᠦᠵᠡᠬᠦ ᠲᠣᠯᠢ ＼ ᠵᠡᠭᠦᠪᠴᠢ ᠬᠠᠪᠲᠠᠭᠠ ＼ ᠵᠦᠯᠭᠦᠭᠦᠷ ᠠᠯᠴᠢᠭᠤᠷ | ＼ᠱᠢᠷᠦ ᠰᠤᠪᠤᠳ ＼ ᠪᠠᠭᠤᠤ ᠪᠦᠯᠡᠵᠡᠭ ＼ ᠤᠷᠤᠭᠤᠯ ᠳᠤ ᠲᠦᠷᠬᠢᠬᠦ ᠣᠯᠠᠭᠠᠨ ᠡᠩᠭᠡᠰᠭᠡ ＼ ᠬᠦᠮᠦᠰᠭᠡ ᠳᠤ | ᠲᠦᠷᠬᠢᠬᠦ ᠬᠥᠬᠡ ᠡᠩᠭᠡᠰᠭᠡ ＼ ᠬᠠᠴᠠᠷ ᠲᠤ ᠲᠦᠷᠬᠢᠬᠦ ᠴᠠᠭᠠᠨ ᠣ ＼ ᠱᠦᠭᠦᠢ ᠳᠤᠲᠤᠷᠠ ᠨᠢ ＼ ᠲᠣᠷᠭᠠ | ᠴᠢᠰᠴᠠᠦ ᠲᠤᠭᠤᠳᠠᠭ ᠬᠢᠯᠢᠩ ＼ᠰᠢᠷᠭᠤᠭᠤᠯ ᠳᠤᠲᠤᠷᠠ ᠨᠢ ＼ ᠰᠢᠪᠦᠭᠡ ᠰᠢᠪᠡᠭᠦᠷ ＼ ᠰᠢᠯᠡᠮᠡ ᠬᠠᠶᠢᠴᠢ ＼ | ᠱᠦᠭᠦᠷ ᠰᠠᠮ ＼ ᠴᠦᠮ ᠪᠦᠷᠢᠨ ᠲᠡᠭᠦᠨ ᠢ ᠴᠢᠨᠢ ᠮᠢᠯᠢᠶᠡᠶᠡ︕︾ ᠭᠡᠵᠦ ᠢᠷᠤᠭᠡᠭᠰᠡᠨ ᠠᠴᠠ ᠰᠤᠷᠤᠭᠴᠢᠳ | ᠡᠮᠡᠭᠲᠡᠢ ᠬᠦᠮᠦᠨ ᠤ ᠡᠳ᠋ᠯᠡᠯ ᠬᠡᠷᠡᠭᠯᠡᠯ ᠢ ᠭᠡᠷ ᠤᠨ ᠵᠡᠭᠦᠨ ᠬᠤᠶᠢᠲᠤ ᠲᠠᠯᠠ ᠪᠣᠶᠤ ᠵᠡᠭᠦᠨ ᠬᠠᠨᠠ ᠳᠠᠭᠠᠤ | ᠪᠠᠶᠢᠷᠢᠰᠢᠭᠤᠯᠳᠠᠭ ᠵᠠᠩ ᠦᠢᠯᠡ ᠶᠢ ᠮᠦᠷᠳᠡᠨ ᠣᠯᠳᠠᠭ ᠶᠤᠮ᠃ ᠬᠢᠴᠢᠶᠡᠯ ᠳᠤ ᠡᠷᠡᠭᠲᠡᠢ ᠬᠦᠮᠦᠨ ᠤ ᠡᠳ᠋ᠯᠡᠯ ᠬᠡᠷᠡᠭᠯᠡᠯ | ᠲᠠᠯᠪᠢᠬᠤ ᠣᠷᠤᠨ ᠢ ᠲᠤᠳᠤᠷᠬᠠᠢ ᠢᠷᠦᠭᠡᠭᠰᠡᠨ ᠦᠭᠡᠢ ᠪᠣᠯᠪᠠᠴᠤ ᠡᠮᠡᠭᠲᠡᠢ ᠬᠦᠮᠦᠨ ᠤ ᠡᠳ᠋ᠯᠡᠯ ᠬᠡᠷᠡᠭᠯᠡᠯ ᠢ ᠲᠠᠯᠪᠢᠬᠤ | ᠣᠷᠤᠨ ᠠᠴᠠ ᠡᠷᠡᠭᠲᠡᠢ ᠬᠦᠮᠦᠨ ᠤ ᠡᠳ᠋ᠯᠡᠯ ᠬᠡᠷᠡᠭᠯᠡᠯ ᠲᠠᠯᠪᠢᠬᠤ ᠣᠷᠤᠨ ᠢ ᠰᠦᠪᠡᠭᠴᠢᠯᠡᠨ ᠭᠠᠷᠭᠠᠵᠤ ᠪᠣᠯᠬᠤ | ᠶᠤᠮ᠃ ᠰᠤᠷᠤᠭᠴᠢᠳ ᠬᠠᠮᠳᠤ ᠪᠠᠷ ᠰᠦᠪᠡᠭᠴᠢᠯᠡᠨ ᠰᠤᠷᠤᠯᠴᠠᠬᠤ ᠪᠠᠷ ᠳᠠᠮᠵᠢᠨ᠂ ︽ᠮᠣᠩᠭᠤᠯ ᠭᠡᠷ ᠤᠨ ᠪᠠᠷᠠᠭᠤᠨ | ᠲᠠᠯᠠ ᠪᠠᠷ ᠣᠯᠠᠩᠬᠢ ᠳᠤ ᠪᠠᠨ ᠠᠶᠢᠯ ᠤᠨ ᠪᠦᠰᠡᠲᠠᠢ ᠬᠦᠮᠦᠨ ᠤ ᠡᠳ᠋ᠯᠡᠵᠦ ᠬᠡᠷᠡᠭᠯᠡᠳᠡᠭ ᠡᠳ᠋ ᠬᠡᠷᠡᠭᠰᠡᠯ᠂ ᠠᠪᠳᠠᠷᠠ | ᠰᠠᠪᠠ ᠶᠢ ᠲᠠᠯᠪᠢᠳᠠᠭ᠃ ᠮᠣᠷᠢᠨ ᠤ ᠡᠳ᠋ᠯᠡᠯ ᠬᠡᠷᠡᠭᠰᠡᠯ ᠢ ᠭᠡᠷ ᠤᠨ ᠪᠠᠷᠠᠭᠤᠨ ᠡᠮᠦᠨᠡ ᠲᠤᠮᠪᠤ ᠲᠠᠢ ᠴᠠᠭᠠ ᠶᠢᠨ | ᠡᠮᠦᠨᠡᠬᠡᠨ ᠪᠣᠶᠤ ᠬᠤᠶᠢᠨᠠᠬᠠᠨ ᠨᠢ ᠮᠤᠳᠤᠨ ᠠᠴᠠ ᠡᠰᠡᠭᠦᠯᠡ ᠭᠤᠷᠠ ᠶᠢᠨ ᠡᠪᠡᠷ ᠢᠶᠠᠷ ᠬᠢᠭᠰᠡᠨ ᠡᠯᠭᠦᠭᠡ ᠶᠢ ᠬᠠᠨᠠᠨ | ᠲᠤᠯᠤᠭᠠᠢ ᠠᠴᠠ ᠳᠡᠭᠦᠵᠢᠯᠡᠭᠰᠡᠨ ᠪᠠᠶᠢᠳᠠᠭ᠃ ᠬᠠᠵᠠᠭᠠᠷ ᠤᠨ ᠡᠯᠭᠦᠭᠦᠷ ᠲᠤ ᠮᠣᠷᠢᠨ ᠨᠤᠭᠲᠤ᠂ ᠬᠠᠵᠠᠭᠠᠷ᠂ ᠲᠠᠰᠢᠭᠤᠷ᠂ | ᠬᠤᠰᠤᠭᠤᠷ ᠡᠯᠭᠦᠳᠡᠭ᠃ ᠡᠯᠭᠦᠭᠦ ᠳᠤ ᠪᠠᠨ ᠬᠠᠵᠠᠭᠠᠷ ᠨᠣᠭᠲᠤ ᠶᠢᠨ ᠵᠢᠯᠤᠭᠤ ᠴᠣᠯᠪᠤᠭᠤᠷ ᠢ ᠠᠪᠴᠤ ᠭᠠᠷᠬᠤ | ᠮᠠᠶ᠋ᠢᠭ ᠢᠶᠠᠷ ᠰᠠᠶᠢᠬᠠᠨ ᠡᠪᠬᠡᠭᠡᠳ ᠬᠠᠮᠠᠷ ᠢ ᠨᠢ ᠭᠤᠯᠤᠮᠲᠠ ᠤᠷᠤᠭᠤ ᠬᠠᠨᠳᠤᠭᠤᠯᠳᠠᠭ︾ ᠭᠡᠬᠦ ᠮᠡᠲᠦ ᠶᠢᠨ | ᠮᠡᠳᠡᠯᠭᠡ ᠶᠢ ᠰᠦᠪᠡᠭᠴᠢᠯᠡᠨ ᠭᠠᠷᠭᠠᠳᠠᠭ᠃ ᠡᠭᠦᠨ ᠠᠴᠠ ᠰᠤᠷᠤᠭᠴᠢᠳ ᠭᠡᠷ ᠤᠨ ᠪᠠᠷᠠᠭᠤᠨ ᠲᠠᠯᠠ ᠳᠤ ᠡᠷᠡᠭᠲᠡᠢ | ᠬᠦᠮᠦᠨ ᠤ ᠬᠡᠷᠡᠭᠯᠡᠬᠦ ᠡᠳ᠋᠂ ᠵᠡᠭᠦᠨ ᠲᠠᠯᠠ ᠳᠤ ᠡᠮᠡᠭᠲᠡᠢ ᠬᠦᠮᠦᠨ ᠤ ᠬᠡᠷᠡᠭᠯᠡᠬᠦ ᠡᠳ᠋ ᠶᠠᠭᠤᠮᠠᠰ ᠢ ᠪᠠᠶᠢᠷᠢᠯᠠᠭᠤᠯᠳᠠᠭ | ᠪᠣᠯᠵᠤ ᠲᠤᠭᠲᠠᠭᠰᠠᠨ ᠨᠢ ᠬᠦᠮᠦᠰ ᠤᠨ ᠬᠢᠬᠦ ᠬᠦᠳᠡᠯᠮᠦᠷᠢ᠂ ᠬᠦᠢᠴᠡᠳᠬᠡᠬᠦ ᠶᠣᠰᠤ ᠵᠢᠷᠤᠮ ᠲᠠᠢ ᠬᠤᠯᠪᠣᠭᠠ ᠲᠠᠢ ᠶᠤᠮ | ᠪᠠᠶᠢᠵᠠᠢ ᠭᠡᠰᠡᠨ ᠶᠤᠰᠤ ᠶᠢ ᠤᠬᠠᠵᠤ ᠣᠯᠳᠠᠭ ᠶᠤᠮ᠃ ᠡᠨᠡ ᠨᠢ ᠰᠤᠷᠤᠭᠴᠢᠳ ᠤᠨ ᠰᠦᠪᠡᠭᠴᠢᠯᠡᠨ | ᠰᠤᠷᠤᠯᠴᠠᠬᠤ ᠪᠠᠷ ᠳᠠᠮᠵᠢᠨ ᠪᠦᠳᠦᠭᠡᠯᠴᠢ ᠴᠢᠳᠠᠪᠦᠷᠢ ᠪᠠᠨ ᠳᠡᠭᠡᠭᠰᠢᠯᠡᠭᠦᠯᠵᠦ ᠲᠡᠶᠢᠯᠦᠭᠰᠡᠨ ᠭᠡᠳᠡᠭ ᠢ ᠬᠠᠷᠠᠭᠤᠯᠵᠤ | ᠪᠠᠶᠢᠭᠠ ᠶᠤᠮ᠃ | ︽ᠭᠡᠷ ᠮᠢᠯᠢᠶᠠᠬᠤ ᠢᠷᠦᠭᠡᠯ︾ ᠤᠨ ᠲᠡᠭᠦᠰᠭᠡᠯ ᠤᠨ ᠬᠡᠰᠡᠭ ᠲᠤ ᠡᠨᠡ ᠭᠡᠷ ᠤᠨ ᠡᠵᠡᠨ ᠢ ᠢᠷᠦᠭᠡᠵᠡᠢ᠃ ᠪᠣᠳᠠᠲᠠᠢ | ᠶᠠᠷᠢᠪᠠᠯ᠄ | ᠡᠨᠡ ᠭᠡᠷ ᠤᠨ ᠡᠵᠡᠨ ᠢ ᠪᠠᠶᠠᠨ ᠴᠢᠨᠡᠭᠡᠯᠢᠭ ᠠᠮᠢᠳᠤᠷᠠᠵᠤ᠂ ︽ᠡᠷᠬᠢᠮ ᠣᠯᠠᠨ ᠳᠡᠭᠦᠦ ᠨᠠᠷ ᠢ ＼ ᠡᠷᠬᠢᠨ | ᠲᠤᠭᠤᠷᠢᠨ ᠨᠠᠭᠠᠯᠳᠤᠭᠤᠯᠵᠤ ＼ ᠡᠯᠢᠬᠡ ᠪᠠᠷ ᠢᠶᠠᠨ ᠡᠩᠬᠡ ＼ ᠲᠦᠷᠦᠯ ᠢᠶᠠᠷ ᠢᠶᠠᠨ ᠲᠦᠪᠰᠢᠨ ＼ ᠪᠠᠬᠢ | ᠪᠡᠯᠭᠡ ᠲᠠᠢ ＼ ᠪᠦᠬᠡ ᠢᠷᠦᠭᠡᠯ ᠲᠠᠢ ＼ ᠠᠪᠤ ᠡᠵᠢ ᠠᠮᠠᠷᠠᠭ ᠰᠡᠳᠤᠨ ᠢᠶᠠᠨ ᠠᠰᠠᠷᠠᠨ ᠬᠦᠨᠳᠦᠯᠡᠵᠦ ＼ ᠠᠬᠠ | ᠳᠡᠭᠦᠦ ᠲᠦᠮᠡᠨ ᠣᠯᠠᠨ ᠢᠶᠠᠨ ᠡᠷᠭᠦᠨ ᠳᠡᠳᠬᠦᠵᠤ ＼ᠨᠠᠰᠤᠳᠠ ᠴᠡᠩᠬᠡᠬᠦ ᠶᠢᠨ ＼ ᠰᠠᠶᠢᠬᠠᠨ ᠢᠷᠦᠭᠡᠯ ᠢᠶᠠᠨ | ᠳᠡᠪᠰᠢᠭᠦᠯᠦᠶᠡ︕︾ ᠭᠡᠵᠦ ᠠᠶᠢᠯ ᠠᠶᠢᠮᠠᠭ ᠲᠦᠷᠦᠯ ᠰᠠᠳᠤᠨ ᠤ ᠬᠢᠨ ᠵᠣᠯ ᠵᠢᠷᠭᠠᠯ ᠲᠠᠢ ᠰᠠᠶᠢᠨ ᠰᠠᠶᠢᠬᠠᠨ | ᠠᠮᠢᠳᠤᠷᠠᠬᠤ ᠶᠢᠨ ᠪᠠᠲᠤ ᠢᠷᠦᠭᠡᠯ ᠢ ᠳᠡᠪᠰᠢᠭᠦᠯᠦᠭᠰᠡᠨ ᠪᠠᠶᠢᠨᠠ᠃ ᠡᠨᠡ ᠨᠢ ᠭᠡᠷ ᠤᠨ ᠡᠵᠡᠨ ᠢ ᠪᠠᠶᠠᠰᠬᠠᠵᠤ᠂ | ᠵᠣᠷᠢᠬᠵᠢᠭᠤᠯᠵᠤ᠂ ᠬᠦᠨᠳᠤᠳᠬᠡᠵᠦ᠂ ᠢᠲᠡᠭᠡᠯ ᠰᠡᠳᠬᠢᠯ ᠤᠨ ᠬᠦᠴᠦ ᠨᠡᠮᠡᠷᠢᠯᠡᠵᠦ ᠪᠣᠢ ᠬᠡᠵᠦ ᠰᠤᠷᠤᠭᠴᠢᠳ ᠠᠩᠬᠠ | ᠠᠯᠬᠤᠮ ᠣᠶᠢᠯᠠᠭᠠᠳᠠᠭ᠃ ᠡᠭᠦᠨ ᠠᠴᠠ ᠰᠤᠷᠤᠭᠴᠢᠳ ᠢ ᠬᠠᠶᠢᠨ ᠰᠦᠪᠡᠭᠴᠢᠯᠡᠭᠦᠯᠪᠡᠯ᠂ ᠮᠣᠩᠭᠤᠯᠴᠤᠳ ᠡᠷᠲᠡ | ᠦᠶᠡ ᠠᠴᠠ ᠦᠭᠡ ᠬᠡᠯᠡᠨ ᠤ ᠢᠳᠡ ᠬᠦᠴᠦ᠂ ᠷᠢᠳᠢ ᠰᠢᠳᠢ ᠶᠢ ᠢᠲᠡᠭᠡᠨ ᠪᠢᠰᠢᠷᠡᠵᠦ᠂ ᠠᠯᠢᠪᠠ ᠵᠦᠢᠯ ᠢ ᠰᠠᠶᠢᠨ | ᠵᠦᠭ ᠲᠤ ᠰᠡᠳᠬᠢᠵᠤ᠂ ᠰᠠᠶᠢᠨ ᠪᠡᠯᠭᠡ ᠶᠢᠨ ᠦᠭᠡ ᠬᠡᠯᠡᠵᠦ᠂ ᠦᠭᠡ ᠶᠢᠨ ᠬᠦᠴᠦ ᠪᠠᠷ ᠠᠮᠢᠳᠤᠷᠠᠯ ᠤᠨ | ᠬᠦᠰᠡᠯᠡᠩ ᠢᠶᠠᠨ ᠪᠡᠶᠡᠯᠡᠭᠦᠯᠬᠦ ᠭᠡᠰᠡᠨ ᠬᠦᠰᠡᠯ ᠣᠷᠤᠯᠳᠤᠯᠭᠠ ᠲᠠᠢ ᠪᠠᠶᠢᠭᠰᠠᠨ ᠭᠡᠳᠡᠭ ᠢ ᠣᠶᠢᠯᠠᠭᠠᠵᠤ ᠮᠡᠳᠡᠳᠡᠭ | ᠶᠤᠮ᠃ | ᠬᠤᠷᠢᠶᠠᠩᠭᠤᠶᠢᠯᠠᠪᠠᠯ᠂ ︽ᠭᠡᠷ ᠮᠢᠯᠢᠶᠠᠬᠤ ᠢᠷᠦᠭᠡᠯ︾ ᠭᠡᠬᠦ ᠬᠢᠴᠢᠶᠡᠯ ᠠᠴᠠ ᠬᠠᠶᠢᠨ ᠰᠦᠪᠡᠭᠴᠢᠯᠡᠨ | ᠰᠤᠷᠤᠯᠴᠠᠬᠤ ᠠᠷᠭᠠ ᠪᠠᠷ ᠳᠠᠮᠵᠢᠨ ᠨᠣᠲᠤᠭ ᠦᠵᠡᠵᠦ ᠰᠤᠩᠭᠤᠬᠤ ᠵᠠᠩ ᠦᠢᠯᠡ᠂ ᠲᠤᠭᠤᠨᠤ ᠲᠠᠢ ᠬᠤᠯᠪᠤᠭᠳᠠᠬᠤ | ᠵᠠᠩ ᠦᠢᠯᠡ᠂ ᠮᠣᠩᠭᠤᠯ ᠭᠡᠷ ᠤᠨ ᠳᠤᠲᠤᠷᠠᠬᠢ ᠡᠳ᠋ᠯᠡᠯ ᠭᠡᠷᠡᠭᠯᠡᠯ ᠢ ᠪᠠᠶᠢᠷᠢᠰᠢᠭᠤᠯᠬᠤ ᠲᠠᠢ ᠬᠤᠯᠪᠤᠭᠳᠠᠬᠤ ᠵᠠᠩ | ᠦᠢᠯᠡ᠂ ᠦᠭᠡ ᠬᠡᠯᠡᠨ ᠤ ᠢᠳᠡ ᠬᠦᠴᠦ ᠶᠢ ᠢᠲᠡᠭᠡᠨ ᠪᠢᠰᠢᠷᠡᠳᠡᠭ ᠪᠣᠳᠣᠯ ᠰᠡᠳᠬᠢᠯᠭᠡᠨ ᠵᠡᠷᠭᠡ ᠦᠨᠳᠦᠰᠦᠲᠡᠨ ᠤ | ᠰᠤᠶᠤᠯ ᠣᠯᠠᠮᠵᠢᠯᠠᠯ ᠲᠠᠢ ᠬᠤᠯᠪᠤᠭᠳᠠᠬᠤ ᠮᠡᠳᠡᠯᠭᠡ ᠶᠢ ᠬᠤᠷᠢᠶᠠᠩᠭᠤᠶᠢᠯᠠᠵᠤ᠂ ᠬᠠᠶᠢᠨ ᠰᠦᠪᠡᠭᠴᠢᠯᠡᠭᠦ | ᠰᠤᠷᠤᠯᠴᠠᠯᠭᠠ ᠶᠢᠨ ᠠᠷᠭᠠ ᠪᠠᠷ ᠤᠯᠠᠮᠵᠢᠯᠠᠯᠲᠤ ᠰᠤᠶᠤᠯ ᠢᠶᠠᠨ ᠵᠠᠯᠭᠠᠮᠵᠢᠯᠠᠬᠤ ᠶᠢ ᠮᠠᠰᠢ ᠠᠮᠵᠢᠯᠲᠠ ᠲᠠᠢ | ᠪᠡᠶᠡᠯᠡᠭᠦᠯᠵᠦ ᠴᠢᠳᠠᠭᠰᠠᠨ ᠶᠤᠮ᠃ ᠰᠦᠪᠡᠭᠴᠢᠯᠡᠨ ᠵᠢᠭᠠᠬᠤ ᠠᠷᠭᠠ ᠨᠢ ᠮᠦᠨ ᠴᠢᠨᠠᠷ ᠳᠡᠭᠡᠷᠡ ᠪᠠᠨ ᠮᠡᠳᠡᠯᠭᠡ ᠪᠠ | ᠮᠡᠳᠡᠯᠭᠡ ᠰᠤᠷᠬᠤ ᠶᠠᠪᠤᠴᠠ ᠠᠷᠭᠠ ᠶᠢ ᠰᠤᠷᠤᠭᠴᠢᠳ ᠲᠤ ᠰᠢᠭᠤᠳ ᠬᠡᠯᠡᠵᠦ ᠥᠭᠬᠦ ᠪᠢᠰᠢ ᠬᠠᠷᠢᠨ ᠣᠯᠠᠨ | ᠮᠠᠲ᠋ᠧᠷᠢᠶᠠᠯ ᠠᠴᠠ ᠨᠦᠭᠦᠴᠡᠯ ᠪᠦᠷᠢᠯᠳᠦᠭᠦᠯᠦᠨ ᠥᠭᠴᠦ ᠦᠪᠡᠷᠰᠡᠳ ᠢᠶᠠᠷ ᠨᠢ ᠰᠤᠷᠤᠯᠴᠠᠭᠤᠯᠬᠤ ᠠᠵᠢᠯᠯᠠᠭᠠᠨ ᠤ | ᠶᠠᠪᠤᠴᠠ ᠶᠤᠮ᠃ ᠡᠭᠦᠨ ᠳᠤ ᠪᠠᠭᠰᠢ ᠠᠴᠠ ᠰᠤᠷᠤᠯᠴᠠᠬᠤ ᠪᠠᠶᠡᠴᠢ ᠴᠤᠭᠴᠠ ᠪᠣᠯᠬᠤ ᠰᠤᠷᠤᠭᠴᠢᠳ ᠤᠨ ᠬᠠᠶᠢᠨ | ᠰᠦᠪᠡᠭᠴᠢᠯᠡᠨ ᠰᠤᠷᠤᠯᠴᠠᠬᠤ ᠶᠢ ᠵᠣᠬᠢᠶᠠᠨ ᠪᠠᠶᠢᠭᠤᠯᠬᠤ ᠮᠦᠷᠲᠡᠭᠡᠨ ᠰᠤᠷᠤᠯᠴᠠᠬᠤ ᠶᠠᠪᠤᠴᠠ ᠶᠢ ᠵᠢᠭᠠᠨ ᠵᠢᠯᠤᠭᠤᠳᠬᠤ | ᠬᠡᠷᠡᠭᠲᠡᠢ᠃ ᠡᠨᠡ ᠬᠦ ᠵᠢᠭᠠᠬᠤ ᠠᠷᠭᠠ ᠶᠢ ᠬᠡᠷᠡᠭᠯᠡᠪᠡᠯ ᠪᠦᠲᠦᠭᠡᠯᠴᠢ ᠴᠢᠳᠠᠪᠦᠷᠢ ᠲᠠᠢ ᠰᠤᠷᠤᠭᠴᠢ ᠶᠢ ᠬᠦᠮᠦᠵᠢᠭᠦᠯᠦᠨ᠂ | ᠵᠢᠭᠠᠨ ᠰᠤᠷᠭᠠᠬᠤ ᠵᠣᠷᠢᠯᠭᠠ ᠡᠭᠦᠷᠭᠡ ᠪᠠᠨ ᠠᠮᠵᠢᠯᠲᠠ ᠲᠠᠢ ᠪᠡᠶᠡᠯᠡᠭᠦᠯᠬᠦ ᠳᠡᠶᠢᠯᠬᠦ ᠶᠤᠮ᠃ | | | ᠵᠠᠭᠦᠯᠳᠠ | | | ［1］ᠪᠦᠭᠦᠳᠠ ᠨᠠᠶᠢᠷᠠᠮᠳᠠᠬᠤ ᠲᠤᠮᠳᠠᠳᠤ ᠠᠷᠠᠳ ᠤᠯᠤᠰ ᠤᠨ ᠰᠤᠷᠭᠠᠨ ᠭᠦᠮᠦᠵᠢᠯ ᠤᠨ ᠶᠠᠮᠤᠨ | ᠲᠤᠭᠳᠠᠭᠠᠪᠠ · ᠭᠡᠯᠡ ᠪᠢᠴᠢᠭ ᠤᠨ ᠬᠢᠴᠢᠶᠡᠯ ᠤᠨ ᠪᠠᠷᠢᠮᠵᠢᠶᠠ᠄ 2014 ᠤᠨ ᠤ ᠭᠡᠪᠯᠡᠯ［S］· ᠭᠦᠭᠡᠬᠤᠳᠠ᠄ | ᠦᠪᠤᠷ ᠮᠤᠩᠭᠤᠯ ᠤᠨ ᠰᠤᠷᠭᠠᠨ ᠭᠦᠮᠦᠵᠢᠯ ᠤᠨ ᠭᠡᠪᠯᠡᠯ ᠤᠨ ᠬᠤᠷᠢᠶᠠ᠂ 2018 ︵4 ᠳ᠋ᠤᠭᠡᠷ ᠤᠳᠠᠭᠠ | ᠲᠠᠷᠤᠮᠠᠯᠯᠠᠪᠠ︶ · | ᠠᠵᠢᠯᠯᠠᠵᠤ ᠪᠠᠶᠢᠭᠠ ᠪᠠᠶᠢᠭᠤᠯᠭᠠ᠄ ᠠᠷᠤ ᠬᠤᠷᠴᠢᠨ ᠬᠤᠰᠢᠭᠤᠨ ᠤ ᠴᠢᠪᠠᠭᠠ ᠶᠢᠨ | ᠬᠤᠶᠠᠳᠤᠭᠠᠷ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ | ︵ᠠᠯᠳᠠᠨᠰᠦ᠋ᠭᠡ ᠨᠠᠶᠢᠷᠠᠭᠤᠯᠪᠠ︶ | | | |