ᠬᠦᠮᠦᠨᠤ ᠠᠮᠢᠲᠤᠷᠠᠯ ᠭᠡᠵᠤ ᠤᠷᠤᠰᠬᠠᠯ ᠤᠰᠤ ᠮᠡᠲᠦ᠃ ᠬᠤᠯᠠ ᠵᠢ ᠵᠤᠷᠢᠭᠰᠠᠨ ᠤᠷᠤᠰᠬᠠᠯ ᠤᠰᠤ ᠬᠠᠶᠠ ᠨᠠᠷᠢᠰᠤᠨ ᠰᠤᠨᠤᠯᠵᠠᠵᠤ᠂ ᠬᠠᠶᠠ ᠦᠷᠭᠡᠵᠢᠨ ᠦᠶᠡᠯᠵᠢᠵᠤ᠂ ᠵᠠᠷᠢᠮᠳᠤᠪᠠᠨ ᠲᠠᠰᠤᠷᠠᠭ᠋ᠠᠳ ᠲᠠᠯᠲᠠ ᠤᠷᠤᠭᠰᠠᠨ ᠴᠦ᠍ ᠲᠠᠬᠢᠭ᠋ᠠᠳ ᠮᠤᠷᠤᠯᠵᠠᠨᠠ᠃ ᠪᠣᠷᠣᠭ᠋ᠠᠨᠤ ᠤᠯᠠᠷᠢᠯ ᠪᠤᠯᠬᠤᠪᠠᠷ ᠤᠯᠠᠭ᠋ᠠᠨ ᠵᠶ᠋ᠠᠷ ᠡᠷᠬᠢᠯᠲᠦᠨ ᠤᠶ᠋ᠢᠯᠤᠨ ᠲᠠᠪᠠᠯᠭ᠋ᠠᠯᠠᠵᠤ᠂ ᠡᠪᠤᠯᠤᠨ ᠲᠠᠰᠬᠢᠮᠠ ᠬᠦᠢ᠍ᠲᠡᠨᠳᠤ ᠰᠢᠷᠠᠯᠠᠭᠰᠠᠨ ᠵᠦᠯᠭᠡᠪᠠᠨ ᠦᠨᠦᠰᠤᠨ ᠬᠠᠭᠠ ᠬᠦᠯᠲᠡᠲᠡᠭ ᠤᠴᠢᠷᠲᠠᠢ᠃
ᠠᠮᠢ ᠨᠠᠰᠤᠨᠤ ᠴᠤᠪᠤᠭᠤᠯᠵᠤ ᠤᠷᠬᠢᠭᠰᠠᠨ ᠮᠦᠷ
— — 2002 ᠤᠨ᠂ ᠲᠡᠤᠭᠡ ᠵᠢᠨ ᠤᠷᠲᠤ ᠤᠷᠤᠰᠬᠠᠯᠳᠤ ᠲᠤᠰᠤᠯ ᠤᠰᠤ ᠯᠠ ᠲᠡᠲᠦᠢ᠂ ᠡᠨᠡᠬᠦ ᠪᠤᠴᠠᠯᠲᠠ ᠦᠭᠡᠢ ᠦᠩᠭᠡᠷᠡᠨ ᠤᠲᠤᠭᠰᠠᠨ ᠤᠨ ᠵᠢᠯᠨᠢ ᠮᠠᠯᠴᠢᠨ ᠵᠢᠷᠠᠡᠨᠢᠭᠡ ᠵᠢᠨ ᠠᠵᠤ ᠠᠮᠢᠲᠤᠷᠠᠯ ᠠᠲᠠᠯ ᠦᠢ᠍ᠯᠡᠰᠲᠤᠨᠢ ᠡᠷᠬᠢᠯᠲᠡ ᠵᠢᠨ ᠴᠢᠨᠠᠷᠲᠠᠢ ᠬᠤᠪᠢᠷᠠᠯᠲᠠ ᠭᠠᠷᠭ᠋ᠠᠵᠠᠢ᠃ ᠬᠦᠮᠦᠨ ᠭᠡᠵᠤ ᠬᠦᠷᠦᠰᠦᠲᠤ ᠲᠡᠯᠡᠭᠡᠢᠳᠤ ᠮᠦᠷ ᠵᠶ᠋ᠠᠨ ᠦᠯᠡᠲᠡᠭᠡᠵᠦ ᠪᠠᠶ᠋ᠢᠭᠰᠠᠨ ᠴᠠᠭᠲᠤ ᠶᠠᠭᠤ ᠨᠢᠭᠡ ᠵᠢ ᠰᠡᠲᠦᠵᠦ ᠶᠠᠭᠤ ᠨᠢᠭᠡ ᠵᠢ ᠪᠦᠲᠦᠭᠡᠵᠦ ᠶᠠᠪᠤᠨᠠ ᠭᠡᠭᠴᠢ ᠦᠢ᠍ᠯᠡᠰᠴᠢ ᠬᠦᠮᠦᠨᠳᠤ ᠯᠠ ᠪᠠᠶ᠋ᠢᠲᠠᠭ ᠠᠵᠢᠯᠴᠢ ᠵᠠᠩ᠃ ᠶᠡᠭᠡ ᠬᠠᠮᠲᠤᠠᠴᠠ ᠬᠤᠪᠢᠲᠠᠵᠤ ᠤᠯᠤᠭᠰᠠᠨ ᠲᠤᠭᠠᠲᠠᠢ ᠭᠡᠲᠦᠨ ᠮᠠᠯ ᠵᠶ᠋ᠠᠨ ᠬᠤᠲᠤᠭᠤᠷ ᠵᠶ᠋ᠠᠷ ᠭᠡᠮᠵᠢᠲᠡᠯᠠ ᠦᠰᠭᠡᠶᠡ ᠭᠡᠵᠦ ᠴᠢᠷᠮᠠᠶ᠋ᠢᠲᠠᠭᠨᠢ ᠮᠠᠯᠴᠢᠨ ᠬᠦᠮᠦᠨᠤ ᠪᠤᠲᠤᠯ᠃
ᠨᠤᠲᠤᠭᠲᠠᠢ ᠬᠦᠮᠦᠨ ᠪᠠᠶᠠᠨ᠂ ᠮᠠᠯᠲᠠᠢ ᠬᠦᠮᠦᠨ ᠭᠡᠲᠡᠭᠡᠷ ᠭᠡᠲᠡᠭ᠃ ᠡᠪᠦᠭᠡᠳᠠᠴᠠ ᠦᠪᠯᠡᠭᠰᠡᠨ ᠨᠤᠲᠤᠭᠤᠨ ᠵᠶ᠋ᠠᠨ ᠬᠠᠯᠠᠭᠤᠨ ᠬᠦᠷᠦᠰᠤᠨᠳᠤ ᠮᠠᠯ ᠤᠨ ᠪᠤᠶᠠᠨ ᠵᠶ᠋ᠠᠷ ᠴᠡᠭᠡᠵᠢ ᠲᠡᠨᠢᠬᠦᠨ᠂ ᠪᠠᠶᠠᠨ ᠵᠢᠷᠭ᠋ᠠᠯᠠᠩ ᠠᠮᠢᠲᠤᠷᠠᠵᠤ ᠶᠠᠪᠤᠨᠠ ᠭᠡᠭᠴᠢ ᠵᠢᠷᠭ᠋ᠠᠯᠤᠨ ᠲᠡᠭᠡᠲᠦ᠃ ᠲᠠᠪᠠᠯᠲᠠᠢ ᠮᠤᠩᠭᠤᠯᠤᠨ ᠲᠡᠯᠭᠡᠷ ᠤᠬᠠᠭ᠋ᠠᠨ ᠵᠶ᠋ᠠᠷ ᠰᠢᠨᠠ ᠴᠠᠭᠤᠨ ᠰᠠᠶ᠋ᠢᠬᠠᠨᠳᠤ ᠵᠢᠷᠭ᠋ᠠᠵᠤ ᠶᠠᠪᠤᠭᠠ ᠵᠢᠷᠠᠡᠨᠢᠭᠡ ᠪᠤᠯ ᠤᠷᠠᠳᠤᠨ ᠲᠤᠮᠲᠠᠲᠤ ᠬᠤᠰᠢᠭᠤᠨᠤ ᠤᠩᠭᠤᠨ ᠪᠠᠯᠭ᠋ᠠᠰᠤᠨᠤ ᠰᠢᠷᠠᠴᠢᠯᠠᠭᠤ ᠭᠠᠴᠠᠭ᠋ᠠᠨᠤ ᠮᠠᠯᠴᠢᠨ᠂ ᠪᠦᠬᠦ ᠤᠷᠤᠨᠤ ᠵᠠᠭᠤᠨ ᠰᠤᠲᠤᠨ ᠲᠠᠷᠢᠶᠠᠴᠢᠨ ᠮᠠᠯᠴᠢᠨᠤ ᠨᠢᠭᠡ ᠠᠯᠲᠠᠷ ᠵᠶ᠋ᠠᠷ ᠡᠩᠭᠡᠷ ᠵᠶ᠋ᠠᠨ ᠮᠢᠯᠢᠶᠠᠯᠭ᠋ᠠᠭᠰᠠᠨ ᠬᠤᠰᠢᠭᠤᠴᠢ ᠬᠤᠨ᠃
ᠨᠤᠮᠢᠨ ᠨᠤᠲᠤᠭᠤᠨ ᠬᠠᠮᠠᠭ᠋ᠠᠯᠠᠭᠴᠢ
ᠠᠮᠢ ᠠᠬᠤᠢ ᠤᠷᠴᠢᠨ ᠲᠤᠭᠤᠷᠢᠨᠳᠤᠪᠠᠨ ᠵᠤᠬᠢᠴᠠᠵᠤ ᠬᠠᠶ᠋ᠢᠷᠠᠯᠠᠨ ᠬᠠᠮᠠᠭ᠋ᠠᠯᠠᠨᠠ ᠭᠡᠭᠴᠢ ᠬᠦᠮᠤᠨ ᠲᠦᠷᠦᠯᠬᠢᠳᠡᠨᠤ ᠤᠷᠤᠰᠢᠨ ᠲᠤᠭᠲᠠᠨᠢᠬᠤ ᠵᠢᠨ ᠵᠢᠮᠡ ᠶᠤᠰᠤ᠂ ᠨᠡ ᠢᠯᠠᠩᠭᠤᠶᠠ ᠠᠮᠢ ᠠᠬᠤᠢᠪᠠᠨ ᠰᠡᠷᠬᠦᠭᠡᠵᠦ ᠬᠠᠮᠠᠭ᠋ᠠᠯᠠᠬᠤ ᠪᠤᠯ ᠮᠤᠨᠲᠠᠭ ᠦᠢ᠍ᠯᠡᠰ ᠪᠠᠶ᠋ᠢᠭᠠ ᠶᠤᠮ᠃ ᠭᠡᠲᠦᠨ ᠮᠢᠩᠭ᠋ᠠᠨ ᠵᠢᠯᠤᠨ ᠲᠤᠷᠰᠢ᠂ ᠡᠪᠦᠭᠡ ᠲᠠᠭᠡᠲᠦᠰ ᠮᠠᠨᠢ ᠡᠨᠡ ᠲᠤᠬᠠᠢ ᠠᠯᠢ ᠡᠷᠲᠡ ᠪᠦᠷᠢᠨ ᠤᠬᠠᠭ᠋ᠠᠷᠠᠵᠤ᠂ ᠲᠠᠯᠠ ᠨᠤᠲᠤᠭᠲᠤ ᠨᠠᠬᠦᠲᠠᠯ ᠠᠮᠢᠲᠤᠷᠠᠯᠤᠨ ᠭᠠᠯ ᠵᠶ᠋ᠠᠨ ᠪᠠᠲᠠᠷᠠᠭ᠋ᠠᠵᠤ᠂ ᠲᠠᠷᠬᠠᠨ ᠰᠤᠶᠤᠯ ᠵᠶ᠋ᠠᠨ ᠦᠷᠡ ᠬᠤᠶ᠋ᠢᠴᠢᠰᠲᠤᠪᠠᠨ ᠦᠪᠯᠡᠭᠰᠡᠨ ᠤᠴᠢᠷᠲᠠᠢ᠃ ᠰᠢᠨᠵᠢᠯᠡᠭᠡ ᠮᠡᠷᠭᠡᠵᠢᠯ ᠨᠢᠰᠬᠦ ᠮᠡᠳᠤ ᠬᠦᠭᠵᠢᠭᠰᠡᠨ ᠦᠨᠦᠲᠦᠷ ᠴᠦ᠍ ᠠᠮᠢ ᠠᠬᠤᠢ ᠪᠠᠶ᠋ᠢᠭ᠋ᠠᠯᠢ ᠤᠷᠴᠢᠨᠤ ᠬᠠᠮᠠᠭ᠋ᠠᠯᠠᠯᠳᠠᠨᠢ ᠲᠦᠷᠦ ᠵᠢᠨ ᠲᠦᠪᠰᠢᠨᠤ ᠪᠤᠲᠤᠯᠭᠠᠳᠤ ᠪᠢᠴᠢᠭᠲᠡᠵᠤ᠂ ᠲᠡᠤᠭᠡᠨᠠᠴᠠ ᠤᠯᠠᠮᠵᠢᠯᠠᠯᠲᠠᠢ ᠪᠠᠶ᠋ᠢᠭ᠋ᠠᠯᠢ ᠵᠶ᠋ᠠᠨ ᠬᠠᠮᠠᠭ᠋ᠠᠯᠠᠬᠤ ᠡᠨᠡᠬᠦ ᠠᠭᠤᠤ ᠶᠡᠭᠡ ᠤᠬᠠᠭ᠋ᠠᠨ 《ᠬᠠᠭᠤᠴᠢᠨ ᠶᠠᠭᠤᠮᠠ ᠤᠯᠠ ᠪᠤᠯᠤᠭᠠ》 ᠦᠭᠡᠢᠨᠢ ᠦᠨᠡᠨ᠃
ᠬᠤᠷᠠ ᠪᠤᠷᠤᠭ᠋ᠠᠨᠤ ᠬᠤᠮᠰᠠᠲᠠᠯ᠂ ᠤᠰᠤᠨ ᠲᠦᠪᠰᠢᠨᠤ ᠲᠤᠷᠤᠭᠰᠢᠯᠠᠯ ᠵᠡᠷᠭᠡ ᠤᠯᠠᠨ ᠲᠠᠯᠠ ᠵᠢᠨ ᠰᠢᠯᠲᠠᠭ᠋ᠠᠨᠠᠴᠠ ᠭᠠᠨᠭ᠌ ᠭᠠᠴᠢᠭ ᠥᠷᠭᠦᠯᠵᠢᠯᠡᠨ ᠨᠣᠳᠤᠭ ᠪᠡᠯᠴᠢᠭᠡᠷ ᠬᠥᠨᠳᠣ ᠨᠣᠴᠢᠳᠠᠢ ᠡᠯᠡᠰᠥᠷᠭᠡᠭᠵᠢᠨ ᠠᠮᠢ ᠠᠬᠤᠢ ᠡᠳᠥᠷ ᠢᠷᠡᠬᠦᠶᠠ ᠮᠠᠭᠤᠲᠠᠨ᠂ ᠮᠠᠯᠴᠢᠳᠤᠨ ᠠᠮᠢᠳᠣᠷᠠᠯ ᠲᠣᠩ ᠶᠡᠭᠡ ᠬᠥᠴᠢᠷᠳᠡᠯ ᠲᠣᠯᠭ᠋ᠠᠷᠠᠵᠣ ᠪᠠᠶ᠋ᠢᠭᠠ ᠵᠢ ᠨᠢᠲᠤᠲᠠᠢ ᠪᠤᠯᠭ᠋ᠠᠨ ᠬᠠᠷᠠᠵᠤ᠂ ᠴᠢᠬᠢᠲᠠᠢ ᠪᠤᠯᠭ᠋ᠠᠨ ᠰᠤᠨᠤᠰᠴᠤ ᠢᠷᠡᠭᠰᠡᠨᠨᠢ ᠤᠨ ᠤᠲᠠᠭᠰᠠᠨ ᠬᠠᠭᠤᠴᠢ ᠶᠠᠷᠢᠶᠠ ᠰᠢᠬᠠᠮ ᠪᠤᠯᠵᠠᠢ᠃ ᠨᠡᠩ ᠴᠦ᠍ ᠮᠠᠯ ᠵᠶ᠋ᠠᠨ ᠭᠡᠰᠡᠨ ᠮᠠᠯᠴᠢᠨ ᠲᠦᠮᠡᠨᠤ ᠡᠮᠦᠨᠡ ᠲᠠᠯᠪᠢᠭᠲᠠᠭᠰᠠᠨ ᠶᠠᠭ᠋ᠠᠬᠢᠬᠤ ᠵᠢᠨ ᠠᠷᠭᠠ ᠦᠭᠡᠢ ᠲᠤᠮᠤ ᠠᠰᠠᠭᠤᠲᠠᠯᠤᠨ ᠨᠢᠭᠡ ᠪᠤᠯᠵᠤ᠂ ᠪᠤᠯᠲᠠᠭ ᠰᠠᠨ ᠪᠤᠯ ᠠᠰᠠᠬᠷᠠᠬᠤ ᠬᠦᠯᠦᠰᠤ᠂ ᠲᠤᠰᠤᠯᠠᠬᠤ ᠨᠢᠯᠪᠤᠰᠤᠪᠠᠷ ᠵᠶ᠋ᠠᠨ ᠡᠭᠡ ᠭᠠᠵᠠᠷ ᠵᠶ᠋ᠠᠨ ᠤᠮᠲᠠᠯᠠᠭᠰᠠᠨ ᠴᠦ᠍ 《ᠦᠭᠡᠢ》 ᠭᠡᠬᠦ ᠬᠦᠮᠦᠨ ᠠᠯᠠᠭᠠ᠃
— — ᠪᠢᠲᠠᠨᠤ ᠪᠡᠯᠴᠢᠭᠡᠷ ᠪᠠᠭᠠ ᠲᠡᠭᠡᠷᠡᠪᠠᠨ ᠡᠨᠡ ᠭᠡᠲᠦᠨ ᠵᠢᠯ ᠭᠠᠩ ᠦᠷᠬᠦᠯᠵᠢᠯᠡᠵᠦ᠂ ᠪᠡᠯᠴᠢᠭᠡᠷ ᠰᠡᠷᠬᠦᠬᠦᠳᠤ ᠬᠦᠴᠢᠷᠲᠠᠢ ᠪᠠᠶ᠋ᠢᠨᠠ᠃ ᠲᠠ ᠮᠠᠯ ᠵᠶ᠋ᠠᠨ ᠴᠦᠭᠡᠴᠢᠯᠡᠬᠦ ᠦᠭᠡᠢ ᠤᠤ？
— — ᠮᠠᠯ ᠵᠶ᠋ᠠᠨ ᠴᠦᠭᠡᠨ ᠪᠤᠯᠭ᠋ᠠᠴᠢᠬᠠᠭ᠋ᠠᠳ ᠶᠠᠭ᠋ᠠᠬᠢᠵᠤ ᠠᠮᠢᠲᠤᠷᠠᠬᠤ ᠶᠤᠮ ᠁
— — ᠬᠤᠶᠠᠷ ᠪᠤᠭᠲᠠ ᠵᠢᠨ ᠴᠠᠭ᠋ᠠᠨ ᠢᠮᠠᠭ᠋ᠠᠨᠤ ᠤᠬᠤᠨᠠ ᠲᠡᠯᠪᠢᠵᠤ ᠡᠬᠦᠯᠲᠡᠷ ᠰᠠᠶ᠋ᠢᠵᠢᠷᠠᠭᠤᠯᠤᠨᠠ᠂ ᠢᠩᠬᠢᠪᠡᠯ ᠮᠠᠯ ᠵᠶ᠋ᠠᠨ ᠴᠦᠭᠡᠴᠢᠯᠡᠭᠰᠡᠨ ᠴᠦ᠍ ᠤᠷᠤᠯᠭᠠ ᠪᠠᠭ᠋ᠠᠲᠠᠬᠤ ᠦᠭᠡᠢ ᠰᠢᠤ᠃ ᠲᠡᠭᠡᠬᠦ ᠮᠦᠷᠲᠡᠭᠡᠨ ᠨᠤᠲᠤᠭ ᠪᠡᠯᠴᠢᠭᠡᠷ ᠵᠶ᠋ᠠᠨ ᠴᠦ᠍ ᠬᠠᠮᠠᠭ᠋ᠠᠯᠠᠴᠢᠬᠠᠨᠠ᠃
— — ᠨᠤᠯᠤᠤᠷᠤᠨ ᠭᠠᠷᠤᠯᠲᠠ ᠪᠠᠭᠠ᠂ ᠬᠠᠰᠢᠯᠠ ᠪᠤᠰᠤᠳ ᠤᠬᠤᠨᠠᠨᠢ ᠰᠠᠶ᠋ᠢᠨ᠂ ᠨᠤᠯᠤᠤᠷᠤᠨ ᠭᠠᠷᠤᠯᠲᠠᠨᠢ ᠬᠤᠶᠠᠷ ᠵᠢᠩ ᠲᠡᠬᠦᠨᠠ᠃
— — ᠲᠡᠷᠡ ᠴᠦ᠍ ᠲᠡᠶ᠋ᠢᠮᠦ᠂ ᠭᠡᠬᠦᠳᠤ ᠦᠨᠡᠨᠢ ᠲᠤᠤᠷᠠ᠂ ᠬᠤᠶᠠᠷ ᠪᠤᠭᠲᠠ ᠵᠢᠨ ᠴᠠᠭ᠋ᠠᠨ ᠢᠮᠠᠭ᠋ᠠᠨᠤ ᠤᠬᠤᠨᠠ ᠲᠠᠯᠪᠢᠭᠰᠠᠨ ᠴᠦ᠍ ᠵᠢᠩ ᠭᠠᠷᠤᠢ ᠪᠤᠯᠤᠨᠠ᠂ ᠮᠦᠨᠴᠦ ᠨᠤᠲᠤᠭᠤᠨ ᠰᠢᠯᠢᠲᠡᠭ ᠡᠬᠦᠯᠲᠡᠷᠤᠨ ᠤᠬᠤᠨᠠ ᠰᠢᠤ᠃ ᠬᠤᠶᠠᠷ ᠪᠤᠭᠲᠠ ᠵᠢᠨ ᠴᠠᠭ᠋ᠠᠨ ᠢᠮᠠᠭᠠ ᠭᠡᠲᠦᠨ ᠵᠠᠭᠤᠨᠤ ᠰᠡᠯᠬᠢ ᠪᠤᠷᠤᠭ᠋ᠠᠨ᠂ ᠬᠠᠯᠠᠭᠤᠨ ᠬᠦᠢ᠍ᠲᠡᠨᠢ ᠦᠩᠭᠡᠷᠡᠭᠡᠵᠦ᠂ ᠮᠠᠨᠤ ᠨᠤᠲᠤᠭᠤᠨ ᠠᠭᠤᠷ ᠠᠮᠢᠰᠬᠤᠯᠲᠠᠢ ᠵᠤᠬᠢᠴᠠᠭᠰᠠᠨ ᠪᠠᠶ᠋ᠢᠲᠠᠭ ᠰᠢᠤ᠃ ᠪᠤᠰᠤᠳ ᠡᠬᠦᠯᠲᠡᠷᠤᠨ ᠤᠬᠤᠨᠠ ᠵᠢ ᠭᠡᠲᠦᠨ ᠵᠢᠯ ᠲᠠᠯᠪᠢᠭ᠋ᠠᠳ ᠢᠷᠡᠬᠦᠳᠤ ᠨᠤᠯᠤᠤᠷᠤᠨ ᠰᠢᠷᠬᠢᠭ ᠪᠦᠲᠦᠬᠦᠨ ᠪᠤᠯᠵᠤ᠂ ᠨᠤᠯᠤᠤᠷᠨᠢ ᠨᠤᠤᠰᠤ ᠰᠢᠭ᠋ ᠪᠤᠯᠤᠨᠠ！ ᠬᠤᠵᠢᠮ ᠵᠶ᠋ᠠᠨ ᠪᠤᠲᠤᠪᠠᠯ ᠠᠰᠢᠭ ᠦᠭᠡᠢ ᠯᠡ ᠳ᠋ᠡ！
— — ᠲᠠᠷᠠᠭᠠᠪᠠᠷ ᠪᠤᠯᠤᠶᠠ᠃
ᠡᠷᠦᠭᠡ ᠪᠤᠯᠭ᠋ᠠᠨ ᠵᠶ᠋ᠠᠷ ᠤᠷᠤᠵᠤ᠂ ᠠᠶᠠᠭᠠ ᠴᠠᠢᠪᠠᠷ ᠦᠯ ᠵᠶ᠋ᠠᠨ ᠲᠠᠷᠤᠨ᠂ ᠶᠤᠰᠤ ᠤᠴᠢᠷᠢ ᠭᠡᠯᠡᠪᠠᠨ ᠬᠦᠰᠢᠲᠡᠯᠡ ᠬᠦᠵᠦᠬᠦᠦᠪᠠᠨ ᠰᠤᠨᠲᠠᠯᠠ ᠶᠠᠷᠢᠵᠤ ᠶᠠᠪᠤᠭᠠ ᠡᠨᠡ ᠬᠦᠮᠦᠨᠢ ᠵᠢᠷᠠᠡᠨᠢᠭᠡ ᠭᠡᠲᠡᠭ᠃ ᠬᠦᠷᠦᠰᠦᠯᠢᠭ ᠪᠤᠷᠤ ᠴᠢᠷᠠᠢᠲᠠᠢ᠂ ᠦᠳᠭᠡᠨ ᠬᠠᠷᠠ ᠬᠦᠮᠦᠰᠭᠡᠲᠠᠢ᠂ ᠲᠦᠷᠯᠡᠭᠡᠷ ᠠᠯᠠᠭ ᠨᠢᠲᠤᠲᠠᠢ᠂ ᠨᠠᠮ ᠲᠦᠯᠭᠡᠨ ᠶᠠᠷᠢᠶᠠ ᠬᠦᠭᠡᠷᠦᠭᠡᠲᠠᠢ᠂ ᠪᠦᠭᠡᠴᠢᠨ ᠬᠦᠮᠦᠨᠤ ᠲᠦᠯᠦᠪᠲᠠᠢ᠂ ᠲᠠᠶᠠᠩᠢ ᠲᠤᠭᠤᠷᠢᠨ ᠬᠠᠷᠠᠭᠠ ᠦᠷᠭᠡᠵᠢᠵᠦ ᠵᠠᠯᠠᠭᠤᠪᠠᠷ ᠵᠶ᠋ᠠᠨ ᠬᠠᠰᠢᠷᠵᠢᠭᠰᠠᠨ ᠬᠦᠮᠦᠨᠤ ᠨᠢᠭᠡ᠂ ᠤᠷᠠᠳ ᠨᠤᠲᠤᠭᠤᠨ ᠤᠤᠭ᠋ᠠᠯ᠃ ᠲᠡᠭᠡᠲᠦ ᠲᠤᠮᠲᠠᠲᠤᠪᠠᠨ ᠲᠡᠬᠦᠰᠭᠡᠭᠰᠡᠨᠤ ᠲᠠᠷᠠᠭᠠ ᠭᠠᠯ ᠵᠠᠯᠠᠭᠤ ᠵᠢᠨ ᠤᠮᠤᠭ ᠵᠶ᠋ᠠᠷ ᠶᠠᠭᠤ ᠨᠢᠭᠡ ᠵᠢ ᠬᠢᠵᠦ ᠪᠦᠲᠦᠭᠡᠨᠡ ᠭᠡᠬᠦ ᠰᠠᠶ᠋ᠢᠬᠠᠨ ᠬᠦᠰᠡᠯᠢ ᠡᠪᠤᠷᠯᠡᠨ ᠨᠡᠶ᠋ᠢᠭᠡᠮᠤᠨ ᠤᠷᠤᠰᠬᠠᠯᠳᠤ ᠭᠤᠶᠠᠲᠠᠭᠲᠠᠵᠤ᠂ ᠬᠦᠪᠴᠤ ᠵᠢᠪᠴᠤ ᠶᠠᠪᠤᠭᠰᠠᠨ ᠤᠴᠢᠷᠲᠠᠢ᠃ ᠦᠪᠡᠷᠤᠨ ᠪᠤᠲᠤᠯᠨᠢ ᠦᠷᠦᠭᠡᠯ ᠪᠤᠰᠤᠳᠲᠤ ᠲᠠᠭ᠋ᠠᠯᠠᠭᠲᠠᠬᠤ ᠦᠭᠡᠢ ᠪᠠᠶ᠋ᠢᠭᠠᠨᠢ ᠲᠡᠬᠦᠨᠳᠤ ᠨᠢᠭᠡ ᠶᠤᠰᠤᠨᠳᠤᠪᠠᠨ ᠴᠤᠬᠢᠯᠲᠠ ᠪᠤᠯᠤᠭᠰᠠᠨ ᠪᠠᠶ᠋ᠢᠯᠠ᠃ ᠪᠤᠷᠬᠠᠨ ᠲᠡᠭᠷᠢ ᠮᠢᠨᠢ ᠬᠤᠷᠠ ᠪᠤᠷᠤᠭ᠋ᠠᠨ ᠵᠶ᠋ᠠᠨ ᠬᠠᠶ᠋ᠢᠷᠠᠯᠠᠭ᠋ᠠᠰᠠᠢ ᠭᠡᠵᠤ ᠦᠶᠡ ᠵᠢᠨ ᠦᠶᠡ ᠲᠡᠭᠷᠢ ᠵᠢᠨ ᠴᠢᠷᠠᠢ ᠬᠠᠷᠠᠵᠤ᠂ ᠤᠰᠤᠨᠤ ᠲᠤᠩᠭ᠋ᠠᠯᠠᠭ᠂ ᠡᠪᠡᠰᠤᠨᠤ ᠰᠤᠷᠭᠤᠭᠢ ᠡᠷᠢᠨ᠂ ᠲᠤᠭᠤᠷᠭᠠ ᠪᠠᠭᠲᠠᠬᠤ ᠭᠠᠵᠠᠷᠲᠤ ᠭᠡᠷ ᠵᠶ᠋ᠠᠨ ᠪᠠᠷᠢᠵᠤ᠂ ᠲᠤᠭᠤᠷᠠᠢ ᠪᠠᠭᠲᠠᠬᠤ ᠨᠤᠲᠤᠭᠲᠤ ᠮᠠᠯ ᠵᠶ᠋ᠠᠨ ᠦᠰᠭᠡᠵᠦ ᠶᠠᠪᠤᠭᠰᠠᠨ ᠮᠠᠯᠴᠢᠳ ᠮᠠᠨᠢ ᠶᠠᠭ᠋ᠠᠬᠢᠨ ᠵᠢᠷᠡᠡᠨᠢᠭᠡ ᠵᠢᠨ ᠵᠦᠪᠯᠡᠯᠭᠡ ᠵᠢ ᠰᠤᠨᠤᠰᠬᠤ ᠠᠵᠠᠢ᠃ ᠨᠤᠯᠤᠤᠷ ᠠᠯᠲᠠ ᠰᠢᠭ᠋ ᠦᠨᠡ ᠬᠦᠷᠴᠦ ᠪᠦᠬᠦᠢ ᠲᠤᠬᠠᠢ ᠵᠢᠨ ᠴᠠᠭᠲᠤ ᠡᠶ᠋ᠢᠮᠦᠷᠬᠦᠦ ᠪᠤᠲᠤᠯᠢ ᠬᠦᠮᠦᠰ ᠬᠦᠯᠢᠶᠡᠵᠦ ᠠᠪᠬᠤ ᠦᠭᠡᠢ ᠪᠠᠶ᠋ᠢᠬᠤᠨᠢ ᠲᠠᠮᠵᠢᠭ ᠦᠭᠡᠢ᠃
《ᠵᠠ ᠶᠠᠭ᠋ᠠᠬᠢᠬᠤᠪ᠂ ᠪᠤᠰᠤᠳ ᠬᠦᠮᠦᠰ ᠨᠠᠲᠠᠲᠠᠢ ᠰᠡᠳᠬᠢᠯ ᠨᠢᠭᠡᠳᠬᠦ ᠦᠭᠡᠢ ᠶᠤᠮ ᠪᠤᠯ ᠪᠢ ᠦᠪᠡᠷ ᠵᠶ᠋ᠠᠨ ᠬᠢᠵᠦ᠂ ᠨᠢᠭᠡ ᠲᠤᠷᠰᠢᠵᠤ ᠦᠵᠡᠶᠠ》 ᠭᠡᠮᠡᠨ ᠵᠤᠷᠢᠭ ᠰᠢᠭᠤᠲᠤᠯᠠ᠃ ᠵᠢᠷᠡᠡᠨᠢᠭᠡ ᠤᠯᠠᠨ ᠲᠠᠯᠠᠠᠴᠠ ᠮᠦᠩᠬᠦ ᠬᠤᠷᠠᠮᠲᠤᠭᠤᠯᠵᠤ 40 ᠭᠠᠷᠤᠢ ᠲᠦᠮᠡᠨ ᠲᠦᠬᠦᠷᠢᠭᠤᠨ ᠬᠦᠷᠦᠩᠭᠡ ᠤᠷᠤᠭᠤᠯᠤᠨ ᠬᠤᠲᠠ ᠤᠷᠤᠭᠰᠠᠨ ᠮᠠᠯᠴᠢᠳᠤᠨ ᠪᠡᠯᠴᠢᠭᠡᠷᠢ ᠲᠦᠷᠢᠶᠡᠰᠦᠯᠠᠨ ᠠᠪᠴᠤ᠂ ᠨᠤᠲᠤᠭ ᠪᠡᠯᠴᠢᠭᠡᠷ᠂ ᠡᠪᠡᠰᠤ ᠤᠷᠭᠤᠮᠠᠯᠤᠨ ᠤᠨᠴᠠᠯᠢᠭ ᠰᠢᠨᠵᠢ ᠵᠢ ᠦᠨᠲᠦᠰᠤᠯᠡᠨ᠂ ᠭᠡᠲᠤ ᠭᠡᠲᠦᠨ ᠭᠡᠰᠡᠭ ᠬᠤᠪᠢᠶᠠᠵᠤ᠂ ᠬᠤᠷᠤᠭᠠ ᠬᠤᠲᠠᠪᠠᠨ ᠲᠦᠪᠬᠢᠨᠡᠬᠦᠯᠦᠯᠡ᠃ ᠲᠤᠬᠤᠮᠤᠨ ᠴᠢᠨᠡᠭᠡᠨ ᠪᠡᠯᠴᠢᠭᠡᠷᠲᠤ ᠮᠠᠯᠤᠨ ᠲᠤᠭᠠᠪᠠᠨ ᠬᠤᠶᠠᠷ ᠮᠢᠩᠭᠠᠪᠠᠷ ᠲᠤᠭ᠋ᠠᠯᠠᠭᠤᠯᠵᠤ ᠪᠠᠶ᠋ᠢᠭᠰᠠᠨ ᠵᠢᠷᠡᠡᠨᠢᠭᠡ ᠦᠪᠡᠷᠤᠨ ᠨᠤᠲᠤᠭ ᠪᠡᠯᠴᠢᠭᠡᠷ ᠡᠲᠦᠷ ᠢᠷᠡᠬᠦᠶᠡ ᠮᠠᠭᠤᠲᠠᠵᠤ ᠪᠠᠶ᠋ᠢᠭᠠ ᠵᠢ ᠰᠡᠷᠭᠡᠭ ᠵᠶ᠋ᠠᠷ ᠮᠡᠲᠡᠷᠡᠭᠰᠡᠨ ᠲᠡᠷᠡ ᠴᠠᠭᠠᠴᠠ ᠮᠠᠯ ᠵᠶ᠋ᠠᠨ ᠴᠦᠭᠡᠴᠢᠯᠡᠵᠦ᠂ ᠮᠠᠯᠤᠨ ᠠᠰᠢᠭ ᠰᠢᠮᠠᠪᠠᠨ ᠦᠨᠡᠳᠤ ᠬᠦᠷᠭᠡᠨ᠂ ᠤᠯᠠᠨ ᠲᠠᠯᠠᠪᠠᠷ ᠡᠵᠡᠩᠨᠡᠬᠦ ᠵᠢ ᠬᠠᠶ᠋ᠢᠨ ᠰᠦᠪᠡᠭᠴᠢᠯᠡᠵᠦ ᠡᠬᠢᠯᠡᠭᠰᠡᠨ ᠁
ᠡᠰᠨᠢᠯ ᠲᠦᠯᠵᠢᠯᠤᠨ ᠤᠷᠢᠬᠠᠨ ᠬᠠᠪᠤᠷ ᠪᠤᠯᠬᠤᠪᠠᠷ ᠰᠦᠬᠦᠯᠡᠭᠰᠡᠨ ᠴᠠᠰᠤ ᠤᠶᠠᠷᠠᠨ ᠬᠠᠶ᠋ᠢᠯᠵᠤ᠂ ᠰᠤᠵᠢᠭᠤᠨ ᠨᠤᠭᠤᠭᠠ ᠴᠤᠬᠤᠶ᠋ᠢᠨ᠂ ᠢᠰᠢᠭᠡ ᠬᠤᠷᠠᠭᠠ ᠮᠠᠶ᠋ᠢᠯᠠᠯᠲᠤᠵᠤ᠂ ᠰᠦᠷᠦᠭᠠᠴᠠ ᠰᠦᠷᠦᠭ ᠦᠷᠡᠵᠢᠨ᠂ ᠮᠠᠯᠴᠢᠨ ᠲᠦᠮᠡᠨᠤ᠂ ᠮᠠᠩᠨᠠᠢ ᠲᠡᠨᠢᠢ᠍ᠳᠡᠭ ᠰᠠᠶ᠋ᠢᠬᠠᠨ ᠤᠯᠠᠷᠢᠯ᠃ ᠲᠦᠯ ᠲᠤᠰᠬᠤ ᠠᠵᠢᠯ ᠰᠢᠪᠲᠤᠷᠭ᠋ᠠᠨᠳᠤ ᠪᠠᠨ ᠤᠷᠤᠬᠤᠳᠤ ᠢᠮᠠᠭᠠ ᠰᠠᠮᠨᠠᠵᠤ ᠬᠤᠨᠢ ᠬᠠᠶ᠋ᠢᠴᠢᠯᠠᠬᠤ ᠠᠵᠢᠯ ᠵᠠᠯᠭ᠋ᠠᠯᠲᠤᠵᠤ᠂ ᠰᠢᠨᠠᠲᠠᠭᠠᠨ ᠬᠦᠯᠦᠰᠤ ᠤᠷᠤᠰᠤᠭᠰᠠᠨ ᠴᠦ᠍ ᠨᠢᠭᠤᠷᠲᠤᠨᠢ ᠪᠠᠶᠠᠷᠤᠨ ᠢᠨᠢᠶᠡᠲᠤ ᠪᠢᠯᠬᠠᠮᠠ ᠪᠠᠶ᠋ᠢᠲᠠᠭ᠃ ᠡᠪᠤᠯᠤᠨ ᠡᠬᠢ ᠪᠤᠯᠬᠤᠪᠠᠷ ᠶᠠᠲᠠᠷ ᠲᠤᠷᠤᠢ ᠮᠠᠯ ᠵᠶ᠋ᠠᠨ ᠬᠤᠲᠠᠯᠲᠤᠨ ᠡᠪᠡᠰᠤ ᠪᠤᠷᠲᠤᠭᠠ ᠨᠦᠭᠡᠴᠡᠯᠡᠭᠡᠳ ᠶᠠᠭ᠋ᠠᠷᠠᠯᠲᠤᠨᠠ᠂ ᠮᠠᠯᠴᠢᠳ ᠮᠢᠨᠢ ᠲᠠᠰᠤᠯ ᠪᠤᠯᠤᠭᠰᠠᠨ ᠠᠭᠤᠯᠠ ᠬᠠᠶ᠋ᠢᠷᠬᠠᠨ ᠲᠠᠯᠠ ᠬᠦᠨᠲᠡᠢᠪᠠᠨ ᠪᠠᠷᠠᠲᠠᠨ ᠡᠭᠡᠯᠵᠢᠯᠡᠬᠦ ᠲᠦᠷᠪᠡᠨ ᠤᠯᠠᠷᠢᠯᠢ ᠡᠷᠬᠢᠵᠤ ᠤᠯᠠᠷᠢᠬᠤ ᠤᠨ ᠵᠢᠯᠢ ᠰᠦᠷᠦᠭᠤᠨ ᠵᠶ᠋ᠠᠨ ᠲᠡᠷᠭᠡᠲᠡ ᠨᠦᠭᠴᠢᠭᠡᠵᠦ᠂ ᠪᠤᠭᠲᠠ ᠵᠢᠨ ᠭᠡᠰᠢᠭᠲᠠᠢ ᠪᠤᠷᠤ ᠠᠮᠢᠲᠤᠷᠠᠯ ᠵᠶ᠋ᠠᠨ ᠲᠠᠪᠲᠠᠨᠠ᠃
ᠭᠡᠲᠦᠨ ᠵᠢᠯ ᠪᠤᠯᠤᠭᠠ ᠦᠭᠡᠢ ᠪᠠᠶ᠋ᠢᠬᠤᠳᠤ ᠤᠶ᠋ᠢᠷᠠ ᠬᠠᠪᠢ ᠵᠢᠨ ᠠᠶ᠋ᠢᠯ ᠠᠶ᠋ᠢᠮᠠᠭ᠂ ᠲᠦᠷᠦᠯ ᠰᠠᠲᠤᠨᠨᠢ ᠵᠢᠷᠡᠡᠨᠢᠭᠡ ᠠᠲᠤᠭᠤᠲᠠᠢ ᠪᠤᠯᠴᠢᠬᠠᠭᠰᠠᠨᠢ ᠰᠡᠷᠡᠵᠦ ᠮᠡᠲᠡᠯᠡ᠃
— — ᠦᠭᠡᠢ᠂ ᠡᠨᠡ ᠴᠢᠨᠢ ᠶᠠᠭᠤ ᠪᠤᠯᠤᠭ᠋ᠠᠳ ᠪᠠᠶ᠋ᠢᠨᠠ᠂ ᠬᠤᠶᠠᠷ ᠪᠤᠭᠲᠠ ᠵᠢᠨ ᠨᠤᠯᠤᠤᠷᠤᠨ ᠴᠠᠭ᠋ᠠᠨ ᠢᠮᠠᠭᠠ ᠮᠠᠯᠵᠢ ᠭᠡᠵᠤ ᠶᠠᠷᠢᠭ᠋ᠠᠳ ᠶᠠᠪᠤᠵᠤ ᠪᠠᠶ᠋ᠢᠭᠰᠠᠨ ᠬᠦᠮᠦᠨ ᠴᠢᠨᠢ ᠤᠲᠤ ᠶᠠᠭ᠋ᠠᠬᠢᠭ᠋ᠠᠳ ᠠᠲᠤᠭᠤ ᠦᠰᠭᠡᠬᠦ ᠪᠤᠯᠴᠢᠬᠠᠪᠠᠤ？
— — ᠤᠲᠤ ᠴᠢᠨᠢ ᠠᠲᠤᠭᠤ ᠦᠨᠡᠳᠤ ᠤᠷᠤᠵᠤ ᠪᠠᠶ᠋ᠢᠭᠠ ᠶᠤᠮ ᠭᠡᠨᠡ᠃
— — ᠰᠠᠶ᠋ᠢᠨ ᠮᠤᠷᠢ ᠲᠦᠮᠡ ᠬᠦᠷᠴᠦ ᠪᠠᠶ᠋ᠢᠭᠠ ᠶᠤᠮ ᠰᠢᠤ᠂ ᠵᠤᠭᠤᠰᠢ ᠬᠤᠭ ᠵᠶ᠋ᠠᠷ ᠦᠵᠡᠬᠦ ᠦᠭᠡᠢ ᠭᠦᠮᠦᠨ ᠡᠨᠡ ᠬᠤᠷᠸᠠᠳᠤ ᠴᠦᠭᠡᠨ ᠪᠠᠶ᠋ᠢᠬᠠ ᠡ ᠭᠡᠵᠤ ᠲᠦᠮᠡᠨᠤ ᠶᠠᠷᠢᠶᠠ ᠵᠢᠬᠦᠷ ᠤᠷᠭᠤᠭᠰᠠᠨ ᠶᠤᠮ ᠰᠢᠭ᠋ ᠨᠢᠭᠡᠠᠴᠠ ᠠᠷᠪᠠᠳᠤ᠂ ᠨᠢᠭᠡ ᠬᠤᠭᠤᠴᠠᠭ᠋ᠠᠨᠳᠤ ᠬᠤᠶᠠᠷ ᠭᠤᠷᠪᠠᠭᠤᠯᠠ ᠠᠭᠤᠯᠵᠠᠭ᠋ᠠᠳ ᠰᠠᠭᠤᠬᠤ ᠳᠤ ᠴᠠᠢ ᠵᠢᠨ ᠵᠤᠭᠤᠭ ᠪᠤᠯᠤᠭᠰᠠᠨ ᠪᠠᠶ᠋ᠢᠯᠠ᠃ ᠤᠴᠢᠷ ᠤᠬᠠᠭ᠋ᠠᠨᠢᠨᠢ ᠤᠯᠤᠭᠠ ᠦᠭᠡᠢ ᠨᠢᠭᠡᠨᠢ 《ᠪᠠᠰᠠ ᠶᠠᠭ᠋ᠠᠬᠢᠬᠤ ᠭᠡᠵᠤ ᠪᠠᠶ᠋ᠢᠭᠠ ᠪᠤᠯ？》 ᠭᠡᠵᠤ ᠲᠦᠮᠡᠨᠤ ᠶᠠᠷᠢᠶᠠ ᠵᠢ ᠴᠢᠩᠨᠠᠨ ᠪᠠᠷᠠᠯᠠᠵᠤ ᠰᠠᠭᠤᠨᠠ᠃ ᠨᠡᠬᠦᠲᠡᠯ ᠰᠤᠶᠤᠯ ᠭᠡᠵᠤ ᠡᠪᠦᠭᠡ ᠲᠠᠭᠡᠲᠦᠰ ᠮᠠᠨᠢ ᠭᠡᠲᠦᠨ ᠮᠢᠩᠭ᠋ᠠᠨᠤ ᠰᠢᠷᠭ᠋ᠠᠭᠤ ᠬᠦᠲᠡᠯᠮᠦᠷᠢ᠂ ᠬᠠᠲᠠᠭᠤᠵᠢᠯᠲᠠᠢ ᠠᠮᠢᠲᠤᠷᠠᠯᠤᠨ ᠲᠤᠮᠲᠠ ᠢᠲᠡᠭ ᠢᠲᠡᠭ ᠵᠶ᠋ᠠᠷ ᠪᠦᠷᠢᠯᠲᠦᠭᠰᠡᠨ ᠶᠤᠮ᠃ ᠡᠨᠡᠬᠦ ᠮᠠᠯᠵᠢᠯ ᠠᠷᠭᠠᠨᠢ ᠤᠲᠤ ᠴᠦ᠍ ᠭᠡᠰᠡᠨ ᠨᠡᠶ᠋ᠢᠲᠡ ᠲᠦᠮᠡᠨᠳᠤ ᠮᠡᠲᠡᠷᠡᠭᠲᠡᠵᠦ᠂ ᠠᠮᠢ ᠠᠬᠤᠢᠪᠠᠨ ᠬᠠᠶ᠋ᠢᠷᠠᠯᠠᠨ ᠬᠠᠮᠠᠭ᠋ᠠᠯᠠᠭᠰᠠᠨ ᠲᠡᠷᠢᠬᠦᠨᠤ ᠰᠤᠶᠤᠯ ᠪᠤᠯᠤᠭᠰᠠᠨᠨᠢ ᠶᠠᠷᠢᠶᠠᠨ ᠦᠭᠡᠢ᠃ ᠡᠭᠡ ᠪᠠᠶ᠋ᠢᠭ᠋ᠠᠯᠢᠲᠠᠢᠪᠠᠨ ᠵᠤᠬᠢᠴᠠᠬᠤ ᠤᠨᠴᠠ ᠵᠢᠨ ᠴᠢᠲᠠᠪᠤᠷᠢᠲᠠᠢ ᠮᠠᠯᠴᠢᠨ ᠲᠦᠮᠡᠨ ᠮᠠᠨᠢ ᠨᠤᠲᠤᠭ ᠤᠰᠤᠨᠤᠪᠠᠨ ᠤᠪᠤᠭᠠ ᠬᠠᠶ᠋ᠢᠷᠬᠠᠨ ᠨᠠᠪᠲᠠᠭ ᠰᠠᠪᠲᠠᠭ ᠵᠶ᠋ᠠᠨ ᠲᠡᠭᠡᠲᠦᠯᠡᠨ ᠲᠡᠬᠢᠵᠦ᠂ ᠨᠡᠬᠦᠭᠡᠳ ᠶᠠᠪᠤᠬᠤᠳᠤᠪᠠᠨ ᠴᠦ᠍ ᠦᠨᠡᠰᠤᠪᠠᠨ ᠪᠤᠯᠠᠭ᠋ᠠᠳ ᠭᠠᠷᠲᠠᠭ ᠲᠠᠷᠬᠠᠨ ᠶᠤᠰᠤᠲᠠᠢ᠃
ᠨᠡᠬᠦᠲᠡᠯ ᠰᠤᠶᠤᠯ ᠭᠡᠭᠴᠢ ᠬᠦᠮᠦᠨ ᠪᠠᠶ᠋ᠢᠭ᠋ᠠᠯᠢ ᠵᠢᠨ ᠡᠩ ᠦᠭᠡᠢ ᠵᠣᠬᠢᠯᠳᠣᠯᠤᠨ ᠪᠤᠲᠠᠲᠤ ᠢᠯᠡᠷᠡᠯ᠂ ᠭᠠᠩᠭ᠋ᠠᠩ ᠪᠠᠶ᠋ᠢᠭ᠋ᠠᠯᠢᠪᠠᠨ ᠬᠠᠶ᠋ᠢᠷᠠᠯᠠᠨ ᠬᠠᠮᠠᠭ᠋ᠠᠯᠭ᠌ᠰᠠᠨ ᠬᠦᠨᠵᠠᠬᠡᠢ ᠶᠣᠰᠤ᠂ ᠨᠠᠬᠦᠳᠠᠯᠴᠢᠠ ᠦᠠᠳᠣᠰᠣᠳᠠᠠᠤ ᠤᠢ ᠪᠢᠯᠢᠭ ᠪᠠ ᠠᠭᠤᠳᠠᠮ ᠬᠡᠩᠬᠦᠳᠡᠭᠤᠨ ᠢᠯᠡᠷᠡᠯ᠂ ᠮᠤᠩᠭᠤᠯ ᠰᠤᠶᠤᠯ ᠴᠡᠴᠡᠭᠯᠡᠨ ᠬᠦᠭᠵᠢᠬᠦ ᠡᠷᠠᠮᠠᠯᠵᠠᠯᠤᠨ ᠳᠦᠯᠤ ᠲᠡᠷᠡ ᠪᠠᠶ᠋ᠢᠭᠠ ᠶᠣᠮ᠃ ᠤᠰᠤᠨᠤ ᠲᠤᠩᠭ᠋ᠠᠯᠠᠭ ᠡᠪᠡᠰᠤᠨᠤ ᠰᠤᠷᠭᠤᠭᠢ ᠳᠠᠭ᠋ᠠᠬᠰᠠᠠ ᠨᠡᠬᠦᠲᠡᠯ ᠠᠮᠢᠲᠤᠷᠠᠯ ᠭᠡᠵᠤ ᠲᠠᠯᠠ ᠨᠤᠲᠤᠭᠤᠨ ᠠᠮᠢ ᠠᠬᠤᠢᠪᠠᠨ ᠬᠠᠮᠠᠭ᠋ᠠᠯᠠᠭᠰᠠᠨ ᠠᠮᠢ ᠨᠠᠰᠤᠨᠤ ᠦᠷᠬᠦᠯᠵᠢᠯᠡᠯ᠂ ᠡᠪᠤᠭᠡᠳᠠᠴᠠ ᠦᠪᠯᠡᠭᠰᠡᠨ ᠤᠤᠭ᠋ᠠᠯ ᠰᠤᠶᠤᠯᠤᠨ ᠤᠷᠬᠢᠯᠤᠮᠠᠯ ᠪᠤᠯᠠᠭ ᠪᠠᠶ᠋ᠢᠭᠠ ᠶᠤᠮ᠃ ᠡᠨᠡ ᠪᠦᠬᠦᠨᠢ ᠤᠲᠤᠮ ᠵᠠᠯᠭ᠋ᠠᠭᠰᠠᠨ ᠮᠠᠯᠴᠢᠨ ᠵᠢᠷᠨ᠌ᠡᠨᠢᠭᠡ ᠶᠠᠭᠤᠨ ᠠᠨᠲᠠᠬᠤ ᠪᠢᠯᠡ᠃ 《ᠲᠠᠯᠠ ᠨᠤᠲᠤᠭᠲᠤ ᠶᠠᠭᠤᠨᠤ ᠤᠴᠢᠷ ᠲᠠᠪᠤᠨ ᠬᠤᠰᠢᠭᠤ ᠮᠠᠯᠲᠠᠢ ᠪᠠᠶ᠋ᠢᠲᠠᠭ ᠶᠤᠮ？ ᠶᠠᠭ᠋ᠠᠬᠢᠭ᠋ᠠᠳ ᠲᠦᠷᠪᠠᠨ ᠬᠤᠰᠢᠭᠤ ᠡᠰᠡᠬᠦᠯᠠ ᠵᠢᠷᠭᠤᠭ᠋ᠠᠨ ᠬᠤᠰᠢᠭᠤ ᠮᠠᠯ ᠮᠠᠯᠵᠢᠲᠠᠭ ᠦᠭᠡᠢ ᠶᠤᠮ？》 ᠡᠬᠦᠨᠤ ᠤᠴᠢᠷᠢ ᠤᠯᠵᠤ ᠮᠡᠲᠡᠬᠦ ᠭᠡᠵᠤ ᠡᠪᠤᠭᠡᠳ ᠪᠤᠭᠤᠷᠤᠯᠴᠤᠳᠠᠴᠠ ᠠᠰᠠᠭᠤᠵᠤ ᠰᠤᠷᠠᠯᠠ᠂ ᠨᠤᠮ ᠰᠤᠲᠤᠷ ᠠᠴᠠ ᠡᠷᠢᠵᠦ ᠰᠠᠭᠤᠯᠠ᠃ ᠡᠴᠦᠰᠲᠤᠪᠠᠨ ᠠᠭᠤᠲᠠᠮ ᠲᠠᠯᠠᠪᠠᠨ ᠴᠢᠮᠡᠭᠰᠡᠨ ᠡᠪᠡᠰᠣ ᠤᠷᠭᠤᠮᠠᠯ ᠲᠡᠬᠦᠨᠳᠤ ᠬᠠᠮᠤᠭᠤᠨ ᠰᠠᠶ᠋ᠢᠨ ᠬᠠᠷᠢᠭᠤᠯᠲᠠ ᠦᠭᠬᠦᠭᠰᠡᠨ ᠶᠤᠮ᠃
《ᠲᠠᠯᠠ ᠨᠤᠲᠤᠭ ᠴᠦ᠍ ᠠᠮᠢᠲᠠᠢ᠂ ᠬᠠᠶ᠋ᠢᠷᠠᠯᠠᠨ ᠬᠠᠮᠠᠭ᠋ᠠᠯᠠᠲᠠᠭ ᠯᠠ ᠶᠤᠮ ᠪᠤᠯ᠂ ᠡᠭᠡ ᠪᠠᠶ᠋ᠢᠭ᠋ᠠᠯᠢ ᠡᠷᠬᠢᠭᠡᠳ ᠴᠢᠮᠠᠳᠤ ᠪᠠᠷᠠᠭᠲᠠᠰᠢ ᠦᠭᠡᠢ ᠡᠬᠢ ᠪᠠᠶᠠᠯᠢᠭ ᠵᠶ᠋ᠠᠨ ᠦᠭᠬᠦ ᠶᠤᠮ ᠡ》 ᠭᠡᠵᠤ ᠪᠠᠲᠤ ᠢᠲᠡᠭᠡᠲᠡᠭ ᠵᠢᠷᠡᠡᠨᠢᠭᠡ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠪᠦᠷᠢᠲᠦᠬᠦᠯᠬᠦ ᠰᠠᠨᠠᠭᠠᠲᠠᠢ ᠪᠠᠶ᠋ᠢᠭᠰᠠᠨ᠃ ᠶᠠᠭᠤ ᠨᠢᠭᠡ ᠵᠢ ᠤᠬᠠᠭᠰᠠᠨ ᠵᠶ᠋ᠠᠨ ᠪᠠᠭᠠᠠᠴᠠᠪᠠᠨ ᠮᠤᠷᠢ ᠤᠨᠤᠭ᠋ᠠᠨᠳᠤ ᠪᠠᠬᠠᠲᠠᠢ ᠪᠠᠶ᠋ᠢᠲᠠᠭ ᠵᠶ᠋ᠠᠷ ᠵᠶ᠋ᠠᠨ ᠠᠲᠤᠭᠤ ᠬᠤᠲᠠᠯᠲᠤᠨ ᠠᠪᠴᠢᠷᠠᠵᠤ ᠬᠠᠷᠢᠭᠤᠯᠤᠭᠰᠠᠨᠨᠢ ᠡᠨᠡ ᠪᠢᠯᠡ᠃
— — ᠴᠢ ᠴᠢᠨᠢ ᠨᠤᠲᠤᠭ ᠪᠡᠯᠴᠢᠭᠡᠷ ᠵᠶ᠋ᠠᠨ ᠬᠠᠮᠠᠭ᠋ᠠᠯᠠᠵᠤ ᠪᠠᠶ᠋ᠢᠨᠠ ᠭᠡᠲᠡᠭ ᠪᠢᠰᠢᠤ᠂ ᠶᠠᠭ᠋ᠠᠬᠢᠭ᠋ᠠᠳ ᠪᠠᠰᠠ ᠠᠲᠤᠭᠤ ᠠᠪᠴᠢᠷᠠᠭ᠋ᠠᠳ ᠬᠠᠷᠢᠭᠤᠯᠵᠤ ᠪᠠᠶ᠋ᠢᠭᠠ ᠶᠤᠮ ᠳ᠋ᠠ？
— — ᠠᠲᠤᠭᠤ ᠬᠠᠲᠤᠵᠤ ᠪᠠᠶ᠋ᠢᠬᠤ ᠰᠢᠭ᠋ ᠨᠢᠭᠡ ᠲᠠᠯᠠᠠᠴᠠᠨᠢ ᠨᠦᠬᠦᠭᠡ ᠲᠠᠯᠠᠳᠤᠨᠢ ᠬᠦᠷᠲᠡᠯᠠ ᠬᠢᠷᠠᠭ᠋ᠠᠵᠤ ᠢᠲᠡᠲᠡᠭ ᠰᠢᠤ᠂ ᠭᠡᠬᠦᠳᠤ ᠢᠮᠠᠭᠠ ᠬᠦᠶᠦᠲᠡᠯ ᠲᠤᠮᠲᠠᠪᠠᠨ ᠢᠲᠡᠲᠡᠭ ᠳ᠋ᠠ᠂ ᠠᠲᠤᠭᠤ ᠪᠡᠯᠴᠢᠭᠡᠷᠲᠤ ᠨᠡᠩ ᠬᠠᠯᠠᠲᠠᠢ᠃
— — ᠪᠤᠭ ᠮᠠᠯ ᠬᠠᠷᠢᠭᠤᠯᠤᠭᠰᠠᠨ ᠬᠦᠮᠦᠨ ᠶᠠᠭᠤ ᠭᠡᠵᠤ ᠪᠤᠲᠠ ᠮᠠᠯᠢ ᠤᠶ᠋ᠢᠯᠠᠭ᠋ᠠᠬᠤ ᠪᠤᠢ ᠳ᠋ᠠ ᠭᠡᠰᠡᠨ ᠲᠠᠮ ᠶᠠᠷᠢᠶᠠ ᠶᠠᠪᠤᠵᠤ ᠪᠠᠶ᠋ᠢᠬᠤᠳᠤ
— — ᠤᠬᠠᠭ᠋ᠠᠨᠲᠠᠢ ᠵᠠᠯᠠᠭᠤ ᠪᠠᠶ᠋ᠢᠨᠠ᠂ ᠬᠤᠵᠢᠮ ᠶᠠᠭᠤ ᠨᠢᠭᠡ ᠵᠢ ᠪᠦᠲᠦᠭᠡᠵᠦ ᠮᠡᠲᠡᠨᠡ ᠭᠡᠵᠤ ᠬᠠᠶᠠ ᠨᠢᠭᠡᠨᠢ ᠡᠷᠡᠭᠡᠢ ᠭᠤᠵᠤᠶ᠋ᠢᠯᠭ᠋ᠠᠨᠠ᠃ 《ᠰᠠᠨᠠᠵᠤ ᠶᠠᠪᠤᠪᠠᠯ ᠪᠦᠲᠦᠨᠡ᠂ ᠰᠠᠵᠢᠯᠠᠵᠤ ᠶᠠᠪᠤᠪᠠᠯ ᠬᠦᠷᠦᠨᠡ》 ᠭᠡᠲᠡᠭ ᠵᠶ᠋ᠠᠷ ᠵᠢᠷᠡᠡᠨᠢᠭᠡ ᠦᠪᠡᠷᠤᠨ ᠪᠤᠲᠤᠯ ᠵᠶ᠋ᠠᠨ ᠲᠠᠰᠤ ᠪᠠᠷᠢᠮᠲᠠᠯᠠᠵᠤ᠂ ᠤᠯᠠᠨᠤ ᠶᠠᠷᠢᠶᠠ ᠵᠢ ᠶᠠᠭᠤᠮᠠᠨᠳᠤ ᠪᠤᠲᠤᠭᠠ ᠦᠭᠡᠢ᠂ ᠴᠢᠬᠢ ᠦᠭᠡᠢ ᠲᠤᠯᠤᠭ᠋ᠠᠢ ᠰᠢᠭ᠋ ᠬᠢᠲᠡᠭ ᠵᠶ᠋ᠠᠨ ᠬᠢᠭᠰᠡᠭᠡᠷ ᠯᠡ ᠪᠠᠶ᠋ᠢᠯᠠ᠃ ᠦᠨᠡᠨᠳᠤᠪᠠᠨ ᠲᠡᠷᠡ ᠮᠤᠩᠭᠤᠯ ᠤᠬᠠᠭ᠋ᠠᠨ ᠵᠶ᠋ᠠᠷ ᠠᠮᠢ ᠠᠬᠤᠢᠪᠠᠨ ᠬᠠᠮᠠᠭ᠋ᠠᠯᠠᠬᠤᠪᠠᠷ ᠬᠦᠴᠦᠯᠡᠵᠦ ᠪᠠᠶ᠋ᠢᠭᠠᠨᠢ ᠡᠨᠡ ᠶᠤᠮ᠃ ᠠᠲᠤᠭᠤ ᠬᠠᠲᠠᠭᠤ ᠡᠪᠡᠰᠣ ᠵᠢ ᠢᠲᠡᠵᠦ᠂ ᠪᠤᠭ ᠮᠠᠯ ᠰᠢᠨᠠ ᠰᠤᠷᠭᠤᠭ ᠵᠦᠭᠡᠯᠡᠨ ᠡᠪᠡᠰᠤ ᠵᠢ ᠢᠲᠡᠲᠡᠭᠠᠴᠠ ᠬᠠᠷᠢᠯᠴᠠᠨ ᠤᠶᠠᠯᠲᠤᠵᠤ᠂ ᠬᠠᠷᠢᠯᠴᠠᠨ ᠨᠦᠬᠦᠪᠦᠷᠢᠯᠡᠭᠰᠡᠨᠨᠢ ᠭᠠᠶ᠋ᠢᠬᠠᠯᠲᠠᠢ᠃
ᠮᠣᠩᠭᠤᠯ ᠦᠠᠳᠣᠰᠣᠳᠠᠠ ᠭᠡᠭᠴᠢ ᠠᠮᠢ ᠠᠬᠤᠢᠪᠠᠨ ᠬᠠᠶ᠋ᠢᠷᠠᠯᠠᠨ ᠬᠠᠮᠠᠭ᠋ᠠᠯᠠᠲᠠᠭ ᠦᠠᠳᠣᠰᠣᠳᠠᠠ᠃ ᠮᠣᠩᠭᠤᠯᠴᠣᠣᠠᠤᠨ ᠠᠮᠢ ᠠᠬᠤᠢ ᠵᠢᠨ ᠰᠣᠶᠣᠯᠨᠢ ᠪᠦᠬᠦ ᠴᠢᠭᠯᠡᠯ ᠵᠶ᠋ᠠᠷ ᠵᠶ᠋ᠠᠨ ᠠᠮᠢ ᠠᠬᠤᠢᠪᠠᠨ ᠬᠠᠮᠠᠭ᠋ᠠᠯᠠᠭᠰᠠᠨ ᠰᠣᠶᠣᠯ ᠭᠡᠲᠡᠭᠢ ᠤᠨ ᠡᠯᠡᠭᠡᠭᠰᠡᠨ ᠲᠡᠤᠭᠡ ᠭᠡᠷᠡᠴᠢᠯᠡᠭᠰᠡᠨ ᠪᠠᠶ᠋ᠢᠭᠠ ᠶᠤᠮ᠃ ᠨᠡᠬᠦᠲᠡᠯ ᠠᠮᠢᠲᠤᠷᠠᠯ ᠠᠴᠠ ᠰᠠᠭᠤᠷᠢᠰᠢᠯ ᠠᠮᠢᠲᠤᠷᠠᠯᠳᠤ ᠰᠢᠯᠵᠢᠭᠰᠡᠨ ᠦᠨᠦᠲᠦᠷ᠂ ᠠᠮᠢ ᠠᠬᠤᠢᠪᠠᠨ ᠬᠠᠮᠠᠭ᠋ᠠᠯᠠᠬᠤ᠂ ᠠᠲᠠᠯ ᠠᠮᠢᠲᠤᠷᠠᠯ ᠵᠶ᠋ᠠᠨ ᠲᠡᠭᠡᠭᠰᠢᠨᠢ ᠲᠠᠲᠠᠬᠤ ᠤᠬᠠᠭ᠋ᠠᠨ ᠮᠠᠯᠴᠢᠳ ᠤᠨ ᠡᠮᠦᠨᠡ ᠲᠠᠯᠪᠢᠭᠲᠠᠭᠰᠠᠨ ᠪᠠᠶ᠋ᠢᠨᠠ᠃ ᠵᠢᠷᠡᠡᠨᠢᠭᠡ ᠪᠡᠯᠴᠢᠭᠡᠷ ᠵᠶ᠋ᠠᠨ ᠵᠦᠪ ᠵᠶ᠋ᠠᠷ ᠠᠰᠢᠭᠯᠠᠨ᠂ ᠨᠤᠲᠤᠭ ᠪᠠᠯᠴᠢᠭᠡᠷᠤᠨ ᠵᠢᠮᠠ ᠶᠤᠰᠤᠨᠳᠤ ᠨᠡᠶ᠋ᠢᠴᠠᠬᠦᠯᠵᠤ᠂ ᠠᠲᠤᠭᠤ ᠮᠠᠯᠵᠢᠭᠰᠠᠨᠨᠢ ᠡᠨᠡ ᠪᠠᠶ᠋ᠢᠵᠠᠢ᠃
《ᠤᠯᠪᠤᠭ ᠵᠶ᠋ᠠᠨ ᠴᠤᠭᠤᠷᠠᠲᠠᠯᠠ ᠰᠠᠭᠤᠭᠰᠠᠨ ᠮᠡᠷᠭᠡᠨᠠᠴᠠ ᠤᠯᠠᠨᠢ ᠲᠤᠭᠤᠷᠢᠭᠰᠠᠨ ᠮᠤᠩᠬᠠᠭ ᠲᠡᠭᠡᠷᠡ》 ᠭᠡᠬᠦ ᠦᠭᠡ ᠵᠢᠷᠡᠡᠨᠢᠭᠡᠳᠤ ᠶᠠᠪ ᠴᠠᠪ ᠦᠭᠡᠢ ᠵᠤᠬᠢᠷᠠᠨᠠ᠃ ᠠᠷᠤ ᠭᠡᠷᠤᠨ ᠠᠵᠢᠯ ᠬᠤᠢᠨᠢ ᠵᠦᠭᠲᠤᠪᠠᠨ ᠤᠷᠤᠬᠤᠯᠠᠷ ᠲᠠᠶᠠᠩᠢ ᠲᠤᠭᠤᠷᠢᠨ᠂ ᠠᠶ᠋ᠢᠯᠤᠨ ᠨᠤᠬᠠᠢ ᠵᠢ ᠦᠢ᠍ᠮᠡᠬᠦᠯᠵᠦ᠂ ᠲᠦᠮᠡᠨᠤ ᠶᠠᠷᠢᠶᠠ ᠵᠢ ᠰᠡᠳᠬᠢᠯ ᠲᠠᠯᠪᠢᠨ ᠰᠤᠨᠤᠰᠴᠦ ᠶᠠᠪᠤᠨᠠ᠃ 2005 ᠤᠨᠤ ᠬᠠᠪᠤᠷ᠂ ᠤᠩᠭᠤᠨ ᠠᠭᠤᠯᠠ ᠵᠢᠨ ᠦᠪᠦᠷᠲᠤ ᠤᠯᠠᠭ᠋ᠠᠨ ᠪᠠᠶ᠋ᠢᠪᠠᠩ （ᠳᠠᠪᠬᠤᠷ ᠡᠾᠷᠤᠮ ᠬᠦᠴᠢᠯᠤᠨ ᠺᠠᠯᠢ）ᠤᠨ ᠦᠢ᠍ᠯᠡᠳᠪᠦᠷᠢ ᠪᠠᠶ᠋ᠢᠭᠤᠯᠬᠤ ᠭᠡᠰᠡᠨ ᠴᠢᠮᠡᠭᠡ ᠵᠢᠬᠦᠷᠲᠠᠢ ᠶᠤᠮ ᠰᠢᠭ᠋ ᠤᠲᠠᠵᠤ ᠲᠦᠲᠡᠯ ᠦᠭᠡᠢ ᠮᠠᠯᠴᠢᠳᠤᠨ ᠲᠤᠮᠲᠠ ᠲᠡᠯᠭᠡᠷᠡᠯᠠ᠃
— — 200 ᠲᠦᠮᠡᠨ ᠲᠤᠨ ᠦᠢ᠍ᠯᠡᠳᠪᠦᠷᠢᠯᠡᠬᠦ ᠴᠢᠲᠠᠪᠤᠷᠢᠲᠠᠢ ᠤᠯᠠᠭ᠋ᠠᠨ ᠪᠠᠶ᠋ᠢᠪᠠᠩᠤᠨ ᠦᠢ᠍ᠯᠡᠳᠪᠦᠷᠢ ᠵᠢ ᠤᠩᠭᠤᠨ ᠠᠭᠤᠯᠠ ᠵᠢᠨ ᠡᠮᠦᠨᠠ ᠬᠤᠷᠮᠤᠢᠳᠤ ᠪᠠᠶ᠋ᠢᠭᠤᠯᠬᠤ ᠶᠤᠮ ᠭᠡᠨᠠ᠃
— — ᠲᠡᠨᠲᠡ ᠰᠠᠭᠤᠭᠠ ᠠᠶ᠋ᠢᠯᠲᠠᠢ ᠨᠤᠲᠤᠭ ᠪᠡᠯᠴᠢᠭᠡᠷᠢᠨᠢ ᠡᠵᠡᠯᠡᠭᠰᠡᠨ ᠨᠦᠬᠦᠪᠦᠷᠢ ᠮᠦᠩᠬᠦ ᠭᠡᠲᠦᠢ ᠭᠡᠲᠦᠢ ᠦᠭᠬᠦᠪᠠᠨ ᠴᠦ᠍ ᠪᠦᠷ ᠭᠡᠯᠡᠯᠴᠡᠨ ᠲᠤᠬᠢᠷᠠᠭ᠋ᠠᠳ ᠪᠠᠶ᠋ᠢᠭᠠ ᠶᠤᠮ ᠭᠡᠨᠡ᠃
— — ᠤᠯᠠᠭ᠋ᠠᠨ ᠪᠠᠶ᠋ᠢᠪᠠᠩᠤᠨ ᠦᠢ᠍ᠯᠡᠳᠪᠦᠷᠢᠠᠴᠠ ᠭᠠᠲᠠᠨᠠ ᠪᠠᠰᠠ ᠨᠡᠭᠦᠷᠡᠰᠦ ᠭᠡᠤᠷᠰᠢᠬᠦᠯᠬᠦ ᠦᠢ᠍ᠯᠡᠳᠪᠦᠷᠢ ᠪᠠᠶ᠋ᠢᠭᠤᠯᠬᠤ ᠶᠤᠮ ᠭᠡᠨᠠ᠃
— — ᠠ᠂ ᠬᠤᠶᠠᠷ ᠶᠤᠮ ᠤᠤ？
— — ᠲᠡᠷᠡ ᠠᠶ᠋ᠢᠯ ᠴᠦ᠍ ᠨᠢᠭᠡ ᠯᠠ ᠰᠦᠨᠢ ᠵᠢᠨ ᠬᠤᠭᠤᠷᠤᠨᠲᠤ ᠭᠠᠵᠠᠷ ᠲᠠᠭ᠋ᠠᠭ᠋ᠠᠬᠤ ᠦᠭᠡᠢ ᠪᠠᠶᠠᠵᠢᠬᠤᠨᠢ ᠁
ᠵᠢᠷᠡᠡᠨᠢᠭᠡ ᠰᠤᠴᠢᠰᠬᠢᠵᠦ ᠠᠪᠤᠪᠠ᠃ ᠤᠯᠠᠭ᠋ᠠᠨ ᠪᠠᠶ᠋ᠢᠪᠠᠩ ᠶᠠᠭᠤ ᠭᠡᠲᠡᠭᠢ ᠲᠡᠷᠡ ᠲᠤᠩ ᠲᠤᠲᠤᠷᠬᠠᠢ ᠮᠡᠲᠡᠨᠡ᠃ ᠤᠯᠭ᠋ᠠᠨ ᠪᠠᠶ᠋ᠢᠪᠠᠩᠨᠢ ᠬᠦᠷᠦᠰᠤ ᠰᠢᠷᠦᠢ ᠵᠢ ᠪᠤᠬᠢᠷᠲᠠᠭᠤᠯᠤᠨ ᠡᠪᠡᠰᠤ ᠤᠷᠭᠤᠮᠠᠯᠤᠨ ᠤᠷᠭᠤᠴᠠ ᠵᠢ ᠨᠦᠯᠦᠭᠡᠯᠡᠵᠦ᠂ ᠭᠠᠵᠠᠷᠤᠨ ᠬᠦᠨᠳᠠᠬᠢ ᠤᠰᠤᠨ ᠰᠤᠷᠪᠤᠯᠵᠢ ᠵᠢ ᠬᠦᠨᠲᠦ ᠨᠤᠴᠢᠲᠠᠢ ᠪᠤᠬᠢᠷᠲᠠᠭᠤᠯᠲᠠᠭ᠃ ᠬᠦᠮᠦᠨ ᠬᠤᠤᠷᠲᠠᠭᠲᠠᠪᠠᠯ ᠬᠠᠮᠠᠷᠠᠴᠠᠨᠢ ᠴᠢᠰᠤ ᠭᠤᠭᠤᠵᠢᠬᠤ᠂ ᠤᠭᠰᠢᠭᠤᠯᠬᠤ᠂ ᠪᠦᠭᠡᠯᠵᠢᠬᠦ᠂ ᠭᠡᠲᠡᠰᠤ ᠡᠪᠡᠳᠬᠦ᠂ ᠴᠢᠰᠤᠪᠠᠷ ᠪᠠᠭ᠋ᠠᠬᠤ ᠵᠡᠷᠭᠡ ᠢᠯᠡᠷᠡᠯᠲᠠᠢ ᠪᠠᠶ᠋ᠢᠵᠤ᠂ ᠬᠦᠨᠲᠦᠲᠦᠪᠡᠯ᠂ ᠠᠮᠢᠰᠬᠤᠬᠤᠳᠤ ᠬᠦᠴᠢᠷᠲᠡᠬᠦ᠂ ᠮᠠᠨᠠᠷᠠᠬᠤ᠂ ᠪᠦᠭᠡᠷᠡ ᠵᠢᠨ ᠴᠢᠲᠠᠪᠤᠷᠢ ᠮᠠᠭᠤᠲᠠᠬᠤ᠂ ᠴᠢᠨᠠᠭᠰᠢᠯᠠᠭ᠋ᠠᠳ ᠦᠮᠡᠨ ᠡᠪᠡᠳᠴᠢᠨ ᠤᠷᠤᠲᠠᠭ ᠪᠠᠶ᠋ᠢᠨᠠ᠂ ᠡᠬᠦᠨᠠᠴᠠ ᠭᠠᠲᠠᠨᠠ ᠪᠠᠰᠠ ᠬᠠᠮᠠᠷᠤᠨ ᠦᠷᠪᠢᠰᠤᠯ᠂ ᠠᠮᠢᠰᠬᠤᠯᠤᠨ ᠰᠢᠰᠲ᠋ᠧᠮᠤᠨ ᠦᠷᠪᠢᠰᠦᠯ᠂ ᠠᠷᠠᠰᠤᠨ ᠦᠷᠪᠢᠰᠦᠯ᠂ ᠡᠾᠷᠤᠮ ᠰᠢᠷᠬᠠᠯᠠᠭᠠ ᠵᠡᠷᠭᠡ ᠤᠲᠠᠭ᠋ᠠᠨ ᠴᠢᠨᠠᠷᠲᠠᠢ ᠡᠪᠡᠳᠴᠢᠨ ᠲᠤᠰᠲᠠᠭ᠃ ᠨᠡᠭᠦᠷᠡᠰᠦ ᠭᠡᠤᠷᠰᠢᠬᠦᠯᠬᠦ ᠶᠠᠪᠤᠴᠠᠳᠤ ᠬᠠᠶᠠᠭᠲᠠᠮᠠᠯ ᠤᠰᠤᠨᠳᠤᠨᠢ ᠪᠧᠨ᠋ᠽᠧᠠᠤ ᠲᠦᠷᠦᠯ ᠠᠭᠤᠯᠤᠭᠳᠠᠵᠤ᠂ ᠮᠠᠲᠡᠷᠡᠯ ᠮᠠᠭᠤᠲᠠᠬᠤ᠂ ᠴᠢᠰᠤᠨᠤ ᠤᠯᠠᠭ᠋ᠠᠨ ᠴᠠᠭ᠋ᠠᠨ ᠡᠰ ᠪᠠᠭ᠋ᠠᠰᠬᠤ᠂ ᠴᠢᠮᠦᠭᠡᠳᠤ ᠬᠤᠤᠷ ᠤᠴᠠᠷᠠᠭᠤᠯᠬᠤ᠂ ᠰᠠᠷᠠ ᠵᠢᠨ ᠭ᠋ᠬᠢᠷ ᠲᠡᠭᠰᠢ ᠦᠭᠡᠢ ᠪᠤᠯᠬᠤ᠂ ᠨᠢᠯᠬᠠ ᠭᠡᠤᠭᠡᠳᠤᠨ ᠦᠰᠦᠯᠲᠠ ᠵᠢ ᠬᠠᠷᠰᠢᠯᠠᠬᠤ ᠵᠡᠷᠭᠡ ᠤᠯᠠᠨ ᠡᠪᠡᠳᠴᠢᠨᠢ ᠡᠬᠦᠰᠭᠡᠵᠦ᠂ ᠤᠯᠠᠨ ᠤᠯᠤᠰᠤᠨ ᠦᠮᠡᠨᠤ ᠰᠤᠲᠤᠯᠭ᠋ᠠᠨᠤ ᠲᠦᠪᠠᠴᠠ ᠮᠡᠲᠡᠷᠡᠭᠰᠡᠨ ᠦᠮᠡᠨ ᠡᠬᠦᠰᠭᠡᠬᠦ ᠪᠤᠲᠠᠰ ᠪᠤᠯᠤᠨᠠ᠂ ᠲᠡᠬᠦᠨᠤ ᠨᠢᠭᠤᠭᠲᠠᠮᠠᠯ ᠬᠤᠤᠷᠲᠠᠭᠤᠯᠬᠤ ᠬᠤᠭᠤᠴᠠᠭᠠᠨᠢ 12 — — 15 ᠵᠢᠯ ᠪᠠᠶ᠋ᠢᠵᠤ᠂ ᠤᠷᠴᠢᠨ ᠲᠤᠭᠤᠷᠢᠨᠤ ᠡᠪᠡᠰᠤ ᠤᠷᠭᠤᠮᠠᠯ᠂ ᠭᠠᠵᠠᠷ ᠰᠢᠷᠤᠢ ᠵᠢ ᠶᠡᠭᠡᠪᠠᠷ ᠨᠦᠯᠦᠭᠡᠯᠡᠲᠡᠭ᠃ ᠦᠢ᠍ᠯᠡᠳᠪᠦᠷᠢᠠᠴᠠ ᠭᠠᠷᠬᠤ ᠤᠲᠤᠭ᠋ᠠᠨᠳᠤ ᠬᠦᠬᠦᠷ᠂ ᠬᠦᠬᠦᠷᠲᠦ ᠤᠰᠤᠲᠥ᠋ᠷᠥᠭᠴᠢ ᠵᠡᠷᠭᠡ ᠡᠯᠧᠮᠧᠨ᠋ᠲ ᠠᠭᠤᠯᠤᠭᠲᠠᠵᠤ᠂ ᠬᠦᠮᠦᠨ ᠮᠠᠯᠢ ᠬᠤᠤᠷᠲᠠᠭᠤᠯᠬᠤᠪᠠᠷ ᠪᠠᠷᠠᠬᠤ ᠦᠭᠡᠢ ᠠᠭ᠋ᠠᠷᠢ ᠪᠤᠬᠢᠷᠲᠠᠭᠤᠯᠲᠠᠭ᠃
ᠬᠤᠶᠠᠷ ᠦᠢ᠍ᠯᠡᠳᠪᠦᠷᠢᠨᠢ ᠲᠦᠷᠪᠡᠨ ᠬᠦᠨ ᠬᠤᠳᠲᠤᠭ ᠮᠠᠯᠲᠠᠵᠤ᠂ ᠦᠢ᠍ᠯᠡᠳᠪᠦᠷᠢᠨᠢ ᠪᠦᠷᠢᠨ ᠠᠵᠢᠯᠯᠠᠵᠤ ᠡᠬᠢᠯᠡᠪᠡᠯ ᠪᠠᠷᠤᠭ 8000 ᠲᠦᠮᠡᠨ ᠲᠤᠨ ᠤᠰᠤ ᠭᠡᠷᠡᠭᠰᠡᠬᠦ ᠴᠢᠬᠤᠯᠠᠲᠠᠢ᠃ 《ᠡᠨᠡ ᠴᠢᠨᠢ ᠶᠠᠭᠤ ᠭᠡᠰᠡᠨ ᠤᠴᠢᠷ ᠪᠤᠢ᠂ ᠪᠤᠷᠬᠠᠨᠲᠤ ᠵᠢᠨ ᠭᠤᠤᠯ ᠰᠢᠷᠬᠢᠨᠡ ᠭᠡᠰᠡᠨ ᠤᠴᠢᠷ》᠃ ᠪᠠᠶ᠋ᠢᠲᠠᠯ ᠦᠨᠡᠨ ᠮᠥᠨ ᠪᠤᠯᠤᠭᠰᠠᠨ ᠢ ᠮᠡᠲᠡᠭᠰᠡᠨ ᠵᠢᠷᠡᠡᠨᠢᠭᠡ ᠬᠤᠶᠠᠷ ᠦᠢ᠍ᠯᠡᠳᠪᠦᠷᠢ ᠵᠢ ᠵᠤᠭᠰᠤᠭ᠋ᠠᠬᠤ ᠡᠷᠬᠦᠲᠡᠯ ᠵᠶ᠋ᠠᠨ ᠠᠪᠤᠭ᠋ᠠᠳ ᠴᠠᠭᠢ ᠵᠠᠪᠲᠤᠨ ᠡᠲᠦᠷ ᠰᠦᠨᠢ ᠢᠯᠭ᠋ᠠᠯ ᠦᠭᠡᠢ ᠮᠠᠯᠴᠢᠳ ᠵᠶ᠋ᠠᠷ ᠭᠠᠷ ᠤᠨ ᠦᠰᠦᠭ ᠵᠢᠷᠤᠭᠤᠯᠵᠤ ᠬᠤᠷᠤᠭᠤ ᠲᠠᠷᠤᠭᠤᠯᠤᠭ᠋ᠠᠳ ᠶᠠᠭ᠋ᠠᠷᠠᠯᠠ᠃
ᠤᠩᠭᠤᠨ ᠠᠭᠤᠯᠠ ᠵᠢᠨ ᠪᠠᠷᠠᠭᠤᠨ ᠰᠤᠭᠤᠪᠠᠷ ᠪᠤᠷᠬᠠᠨᠲᠤ ᠵᠢᠨ ᠭᠤᠤᠯ ᠮᠤᠷᠤᠯᠵᠠᠨ ᠤᠷᠤᠰᠤᠨᠠ᠃ ᠭᠤᠤᠯᠤᠨ ᠵᠡᠬᠦᠨ ᠲᠤᠪᠤ ᠲᠡᠭᠡᠷᠡ ᠵᠢᠷᠡᠡᠨᠢᠭᠡ ᠡᠲᠦᠷ ᠠᠯᠭ᠋ᠠᠰᠠᠯ ᠦᠭᠡᠢ ᠲᠤᠰ ᠠᠶ᠋ᠢᠯᠤᠨ ᠪᠠᠶ᠋ᠢᠲᠠᠯᠢ ᠠᠵᠢᠭᠯᠠᠨ ᠰᠠᠭᠤᠵᠤ ᠪᠠᠶ᠋ᠢᠲᠠᠯᠠ᠂ ᠬᠤᠶᠠᠷ ᠭᠤᠷᠪᠠᠨ ᠪᠠᠭᠠ ᠮᠠᠰᠢᠨ ᠡᠨᠡ ᠠᠶ᠋ᠢᠯᠢ ᠴᠢᠭᠯᠡᠯᠠ᠃ ᠲᠤᠰᠤᠨ ᠬᠦᠯᠢᠶᠡᠵᠦ ᠪᠠᠶ᠋ᠢᠭᠰᠠᠨ ᠵᠢᠷᠡᠡᠨᠢᠭᠡ ᠰᠢᠭᠤᠳ ᠲᠠᠯᠪᠢᠭ᠋ᠠᠳ ᠬᠦᠷᠬᠦᠳᠤ᠂ ᠡᠨᠡ ᠠᠶ᠋ᠢᠯᠤᠨ ᠤᠶ᠋ᠢᠷᠠ ᠬᠠᠪᠢᠳᠤ ᠴᠠᠭ᠋ᠠᠨ ᠴᠤᠬᠤᠢᠪᠠᠷ ᠭᠠᠵᠠᠷ ᠲᠦᠬᠦᠷᠡᠩ ᠬᠦᠨᠲᠡᠯᠡᠨ ᠭᠤᠯᠲᠤ ᠵᠢᠷᠤᠭ᠋ᠠᠰᠤ ᠵᠢᠷᠤᠵᠠᠢ᠃ ᠠᠮᠤᠷ ᠮᠡᠨᠲᠤᠲᠠᠢ ᠭᠡᠷᠲᠤ ᠤᠷᠤᠬᠤᠳᠤ᠂ ᠰᠤᠮᠤᠨᠤ ᠱᠦᠵᠢ ᠲᠦᠷᠦᠬᠦᠦᠲᠠᠢ ᠲᠠᠨᠢᠬᠤ ᠲᠠᠨᠢᠬᠤ ᠦᠭᠡᠢ ᠠᠷᠪᠠᠭ᠋ᠠᠳ ᠬᠦᠮᠦᠨ ᠴᠠᠢ ᠤᠤᠭᠤᠴᠢᠬᠠᠭᠰᠠᠨ ᠢᠨᠢᠶᠡᠲᠦᠲᠠᠢ ᠬᠠᠨᠢᠶᠠᠲᠤᠲᠠᠢ ᠵᠤᠭᠤᠭ ᠲᠡᠯᠭᠡᠨ ᠰᠠᠭᠤᠵᠤ ᠪᠠᠶ᠋ᠢᠯᠠ᠃ ᠬᠦᠮᠦᠰᠤᠨ ᠮᠠᠩᠨᠠᠢ ᠲᠠᠨᠠᠶ᠋ᠢᠵᠤ᠂ ᠬᠤᠤᠰ ᠨᠢᠲᠤᠨᠠᠴᠠᠨᠢ ᠪᠠᠶᠠᠷᠤᠨ ᠤᠴᠢ ᠬᠠᠷᠪᠤᠨᠠ᠃
— — ᠲᠠᠷᠤᠭᠠᠠᠴᠠ ᠠᠰᠠᠭᠤᠬᠤᠨᠢ ᠶᠠᠭᠤ ᠭᠡᠵᠤ ᠠᠲᠡ ᠡᠨᠡ ᠬᠤᠶᠠᠷ ᠦᠢ᠍ᠯᠡᠳᠪᠦᠷᠢ ᠵᠢ ᠪᠠᠶ᠋ᠢᠭᠤᠯᠬᠤ ᠶᠤᠮ？
— — ᠤᠲᠤ ᠪᠦᠬᠦ ᠨᠡᠶ᠋ᠢᠭᠡᠮ ᠵᠶ᠋ᠠᠷ ᠵᠶ᠋ᠠᠨ ᠠᠵᠤ ᠠᠬᠤᠢ ᠵᠢ ᠬᠦᠭᠵᠢᠬᠦᠯᠵᠦ ᠪᠠᠶ᠋ᠢᠨᠠ᠂ ᠦᠢ᠍ᠯᠡᠳᠪᠦᠷᠢ ᠪᠠᠶ᠋ᠢᠭᠤᠯᠬᠤ ᠦᠭᠡᠢᠪᠠᠷ ᠶᠠᠭ᠋ᠠᠬᠢᠵᠤ ᠠᠵᠤ ᠠᠬᠤᠢ ᠪᠠᠨ ᠬᠦᠭᠵᠢᠬᠦᠯᠦᠨᠡ⁈
— — ᠮᠠᠯᠴᠢᠨ ᠪᠢ ᠬᠦᠷᠲᠡᠯᠠ ᠡᠨᠡ ᠬᠤᠶᠠᠷ ᠦᠢ᠍ᠯᠡᠳᠪᠤᠷᠢ ᠭᠡᠲᠦᠢ ᠪᠤᠬᠢᠷᠲᠤᠯᠲᠠᠢ ᠭᠡᠲᠡᠭᠢ ᠮᠡᠲᠡᠵᠦ ᠪᠠᠶ᠋ᠢᠲᠠᠯᠠ᠂ ᠠᠯᠲᠠ ᠰᠢᠷᠡᠭᠡᠨᠤ ᠠᠷᠤᠳᠤ ᠠᠯᠴᠠᠶ᠋ᠢᠵᠤ ᠰᠠᠭᠤᠭ᠋ᠠᠳ ᠠᠯᠪᠠᠨ ᠪᠢᠴᠢᠭ ᠦᠵᠡᠵᠦ᠂ ᠠᠮᠢ ᠠᠬᠤᠢ ᠭᠡᠵᠤ ᠤᠩᠰᠢᠲᠠᠭ ᠲᠠ ᠨᠠᠷ ᠮᠡᠲᠡᠬᠦ ᠦᠭᠡᠢ ᠭᠡᠵᠢ ᠤᠤ？ ᠪᠤᠷᠬᠠᠨᠲᠤ ᠵᠢᠨ ᠭᠤᠤᠯ ᠲᠠᠭ᠋ᠠᠭᠰᠠᠨ 2000 ᠭᠠᠷᠤᠢ ᠬᠦᠮᠦᠨ᠂ 30000 ᠭᠠᠷᠤᠢ ᠮᠠᠯᠤᠨ ᠤᠤᠭᠤᠬᠤ ᠤᠰᠤ ᠪᠤᠬᠢᠷᠲᠤᠵᠤ ᠰᠢᠷᠬᠢᠪᠡᠯ ᠲᠡᠲᠡᠨᠤ ᠠᠮᠢᠲᠤᠷᠠᠯ ᠶᠠᠭᠤ ᠪᠤᠯᠬᠤ ᠵᠢ ᠮᠡᠲᠡᠬᠦ ᠦᠭᠡᠢ ᠭᠡᠵᠢ ᠤᠤ？
— — ᠭᠡᠨ ᠮᠡᠲᠡᠬᠦ ᠦᠭᠡᠢ ᠭᠡᠵᠤ ᠪᠠᠶ᠋ᠢᠭᠠ ᠶᠤᠮ⁉ ᠤᠲᠤ ᠵᠢᠨ ᠮᠡᠷᠭᠡᠵᠢᠯ ᠵᠶ᠋ᠠᠷ ᠲᠡᠬᠦᠨᠢ ᠴᠢᠨᠢ ᠪᠤᠬᠢᠷᠲᠤᠯ ᠦᠭᠡᠢ ᠰᠠᠶ᠋ᠢᠬᠠᠨ ᠰᠢᠢ᠍ᠳᠪᠦᠷᠢᠯᠡᠴᠢᠭᠡᠨᠡ᠃ ᠪᠠᠶᠠᠨᠬᠢᠷᠠ ᠭᠠᠴᠠᠭᠠ ᠪᠡ ᠰᠢᠷᠠᠴᠢᠯᠠᠭᠤ ᠭᠠᠴᠠᠭ᠋ᠠᠨᠤ ᠭᠡᠰᠡᠭ ᠮᠠᠯᠴᠢᠳᠢ ᠰᠢᠨᠠ ᠰᠠᠭᠤᠷᠢᠰᠢᠯᠳᠤ ᠨᠡᠬᠦᠯᠭᠡᠨ ᠲᠤᠬᠢᠷᠠᠭᠤᠯᠤᠨᠠ᠃
— — ᠭᠡᠨ ᠵᠦᠪᠰᠢᠶᠡᠷᠡᠭᠰᠡᠨ ᠶᠤᠮ？ ᠬᠦᠷᠦᠮᠲᠤ᠂ ᠬᠠᠷᠠᠴᠢᠯᠠᠭᠤ᠂ ᠪᠠᠶᠠᠨᠬᠢᠷᠠ᠂ ᠰᠢᠷᠠᠴᠢᠯᠠᠭᠤ ᠭᠠᠴᠠᠭ᠋ᠠᠨᠤ 2000 ᠭᠠᠷᠤᠢ ᠮᠠᠯᠴᠢᠳ ᠵᠦᠪᠰᠢᠶᠡᠷᠡᠬᠦ ᠦᠭᠡᠢ᠂ ᠭᠠᠷᠤᠨ ᠦᠰᠦᠭ ᠵᠶ᠋ᠠᠨ ᠵᠢᠷᠤᠵᠤ ᠬᠤᠷᠤᠭᠤ ᠲᠠᠷᠤᠭᠰᠠᠨ ᠡᠷᠬᠦᠲᠡᠯ ᠠᠲᠠ ᠪᠠᠶ᠋ᠢᠨᠠ᠃
— — ᠬᠤᠰᠢᠭᠤᠨᠠᠴᠠ ᠵᠦᠪᠰᠢᠶᠡᠷᠡᠭᠰᠡᠨ᠂ ᠡᠨᠡ ᠪᠠᠶ᠋ᠢᠨᠠ ᠭᠡᠳ ᠤᠯᠠᠭ᠋ᠠᠨ ᠲᠦᠷᠦᠬᠦᠦᠲᠠᠢ ᠠᠯᠪᠠᠨ ᠪᠢᠴᠢᠭᠢ ᠭᠠᠷᠭ᠋ᠠᠵᠤ ᠦᠭᠬᠦᠯᠡ᠃ 《ᠭᠡ᠂ ᠭᠡ》 ᠭᠡᠵᠤ ᠵᠢᠷᠡᠡᠨᠢᠭᠡ ᠬᠦᠢ᠍ᠲᠡᠨ ᠵᠶ᠋ᠠᠷ ᠢᠨᠢᠶᠡᠭᠰᠡᠨ ᠵᠶ᠋ᠠᠨ
— — ᠲᠠᠮᠠᠭᠠ ᠮᠠᠮᠠᠭᠠ ᠪᠠᠶ᠋ᠢᠲᠠᠭ ᠦᠭᠡᠢ ᠪᠢᠴᠢᠭᠢ ᠴᠢᠨᠢ ᠠᠯᠪᠠᠨ ᠪᠢᠴᠢᠭ ᠭᠡᠲᠡᠭ ᠤᠤ？ ᠲᠠᠨᠤᠰ ᠭᠡᠨᠢ ᠮᠡᠭᠡᠯᠡᠵᠦ ᠪᠠᠶ᠋ᠢᠭᠠ ᠶᠤᠮ᠂ ᠲᠠ ᠨᠠᠷ ᠰᠢᠭ᠋ ᠮᠠᠯᠴᠢᠳ ᠵᠶ᠋ᠠᠨ ᠪᠤᠲᠤᠯᠬᠢᠯᠠᠬᠤ ᠦᠭᠡᠢ ᠨᠤᠶᠠᠳ ᠵᠶ᠋ᠠᠷ ᠶᠠᠭᠤ ᠬᠢᠬᠦ ᠶᠤᠮ ᠭᠡᠳ ᠭᠠᠷᠲᠤᠪᠠᠨ ᠪᠠᠷᠢᠭᠰᠠᠨ ᠴᠠᠭ᠋ᠠᠨ ᠲᠡᠷᠡᠰᠤᠪᠠᠷ ᠲᠠᠷᠤᠭᠠ ᠵᠢᠨ ᠬᠠᠮᠠᠷᠢ ᠵᠢᠭ᠋ᠠᠨ ᠬᠠᠷᠢᠶᠠᠯᠠ᠃
ᠵᠢᠷᠡᠡᠨᠢᠭᠡ ᠲᠠᠮᠠᠭᠠ ᠦᠭᠡᠢ ᠠᠯᠪᠠᠨ ᠪᠢᠴᠢᠭᠢ ᠡᠪᠭᠡᠭᠡᠳ ᠰᠢᠭᠤᠳ ᠦᠪᠡᠷᠤᠨ ᠬᠠᠷᠮᠠᠨᠳᠤᠪᠠᠨ ᠬᠢᠴᠢᠭᠡᠯᠡ᠃ ᠲᠠᠷᠤᠭᠠ ᠵᠢᠨ ᠴᠢᠷᠡᠢᠨᠢ ᠦᠶᠡ ᠴᠠᠶ᠋ᠢᠵᠦ᠂ ᠦᠶᠡ ᠬᠦᠭᠡᠷᠠᠨ ᠪᠡᠶᠡᠨᠢ ᠴᠡᠴᠡᠷᠡᠵᠦ ᠪᠠᠶ᠋ᠢᠭᠰᠠᠨ ᠴᠦ᠍ ᠬᠦᠲᠡᠯᠦᠯ ᠦᠭᠡᠢ ᠰᠠᠭᠤᠨᠠ᠃ ᠠᠭᠤᠷ ᠤᠮᠤᠭᠨᠢ ᠭᠡᠲᠦᠢ ᠶᠡᠭᠡ ᠪᠠᠶ᠋ᠢᠭᠰᠠᠨ ᠴᠦ᠍ ᠶᠠᠭ᠋ᠠᠬᠢᠵᠦ ᠴᠢᠲᠠᠭᠠ ᠦᠭᠡᠢ᠂ ᠤᠬᠠᠭ᠋ᠠᠨᠲᠠᠢ ᠬᠤᠶᠠᠷᠨᠢ ᠠᠯᠢ ᠭᠡᠲᠦᠶ᠋ᠢᠨᠡᠢ ᠭᠡᠷᠠᠴᠠ ᠭᠠᠷᠴᠤ᠂ ᠭᠡᠢ ᠭᠠᠷᠤᠭᠰᠠᠨ ᠪᠦᠮᠪᠦᠭᠡ ᠰᠢᠭ ᠭᠡᠷᠤᠨ ᠰᠡᠬᠦᠲᠡᠷᠲᠠᠭᠠᠨ ᠨᠠᠭ᠋ᠠᠰᠢ ᠴᠠᠭ᠋ᠠᠰᠢ ᠲᠡᠮᠡᠢ ᠯᠠ ᠬᠤᠯᠬᠢᠵᠤ᠂ ᠭᠡᠷᠲᠤ ᠶᠠᠭᠤ ᠪᠤᠯᠤᠭᠰᠠᠨ ᠪᠤᠯ ᠭᠡᠵᠤ ᠴᠢᠬᠢ ᠲᠠᠯᠪᠢᠨᠠ᠃ ᠪᠤᠰᠤᠳ ᠬᠦᠮᠦᠰ ᠪᠠᠭᠰᠢᠳᠤᠪᠠᠨ ᠰᠢᠬᠦᠮᠵᠢᠯᠡᠭᠲᠡᠭᠰᠡᠨ ᠪᠠᠭᠠ ᠰᠤᠷᠭ᠋ᠠᠭᠤᠯᠢ ᠵᠢᠨ ᠰᠤᠷᠤᠭᠴᠢ ᠰᠢᠭ᠋ ᠤᠷᠤ ᠤᠷᠤᠨᠳᠤᠪᠠᠨ ᠨᠠᠮ ᠰᠠᠭᠤᠵᠠᠭ᠋ᠠᠨᠠ᠃
— — ᠠᠯᠪᠠᠨ ᠪᠢᠴᠢᠭᠢ ᠦᠭ᠂ ᠴᠢ ᠶᠠᠭ᠋ᠠᠬᠢᠬᠤ ᠰᠠᠨᠠᠭᠠᠲᠠᠢ ᠶᠤᠮ？
— — ᠪᠢ ᠴᠢᠮᠠᠳᠤ ᠦᠭᠬᠦ ᠦᠭᠡᠢ᠂ ᠴᠢᠲᠠᠯ ᠴᠢᠨᠢ ᠬᠦᠷᠪᠡᠯ ᠢᠷᠡᠭᠡᠳ ᠠᠪ ᠁ ᠡᠴᠦᠰᠲᠤᠪᠠᠨ ᠭᠡᠨᠨᠢ ᠴᠦ᠍ ᠰᠠᠨᠠᠭ᠋ᠠᠨᠳᠤ ᠬᠦᠷᠴᠦ ᠴᠢᠲᠠᠯ ᠦᠭᠡᠢ ᠪᠤᠵᠢᠬᠢᠨᠠᠯᠲᠤᠭ᠋ᠠᠳ ᠪᠤᠲᠠᠷᠠᠯᠠ᠃ 《ᠰᠠᠶ᠋ᠢᠨ ᠬᠦᠮᠦᠨ ᠰᠠᠨᠠᠭᠠᠪᠠᠷ᠂ ᠰᠠᠷᠠᠯ ᠮᠤᠷᠢ ᠵᠢᠷᠤᠭᠠᠪᠠᠷ》 ᠭᠡᠭᠴᠢ᠂ ᠡᠨᠡ ᠦᠶᠠ ᠠᠶ᠋ᠢᠮᠠᠭᠤᠨ ᠱᠠᠲᠤᠨᠳᠤ ᠲᠠᠷᠤᠭᠠ ᠪᠠᠶ᠋ᠢᠭᠰᠠᠨ ᠡᠷᠳᠡᠨᠢᠭᠡᠰᠢᠭ᠂ ᠰᠤᠮᠢᠶᠠ ᠤᠷᠠᠳᠤᠨ ᠲᠤᠮᠲᠠᠲᠤ ᠬᠤᠰᠢᠭᠤᠨᠳᠤ ᠠᠵᠢᠯ ᠪᠠᠶ᠋ᠢᠴᠠᠭ᠋ᠠᠬᠤᠪᠠᠷ ᠢᠷᠡᠭᠰᠡᠨ ᠪᠦᠭᠡᠳ ᠶᠠᠭ ᠯᠠ ᠡᠲᠡᠨᠤ ᠵᠡᠬᠦᠨ ᠠᠶ᠋ᠢᠯᠳᠤ ᠪᠠᠶ᠋ᠢᠬᠤ ᠪᠠᠲᠦᠲᠠᠢ ᠰᠤᠷᠠᠭᠢ ᠵᠢᠷᠡᠡᠨᠢᠭᠡ ᠵᠢᠨ ᠡᠭᠡᠨᠡᠷ ᠤᠳᠬᠠᠨᠰᠸᠠᠨᠢ ᠤᠯᠵᠤ ᠰᠤᠨᠤᠰᠤᠮᠠᠭᠴᠠ ᠨᠦᠬᠦᠷᠲᠤᠪᠠᠨ ᠤᠲᠠᠰᠤ ᠵᠠᠯᠭ᠋ᠠᠯᠠ᠃
— — ᠡᠨᠡ ᠶᠠᠭᠤᠮᠠ ᠬᠠᠮᠢᠭ᠋ᠠᠭᠤᠷ ᠲᠠᠪᠬᠢᠵᠦ ᠪᠠᠶ᠋ᠢᠭᠰᠠᠨᠢ ᠮᠡᠲᠡᠭᠰᠡᠨ ᠦᠭᠡᠢ᠂ ᠤᠲᠠᠰᠤ ᠲᠤᠰᠤᠭ᠋ᠠᠳ ᠲᠡᠮᠡᠢ ᠤᠲᠠᠭᠰᠠᠨ ᠦᠭᠡᠢ ᠵᠡᠬᠦᠨ ᠠᠶ᠋ᠢᠯᠳᠤ ᠲᠤᠭᠤᠰᠤ ᠲᠠᠲᠠᠭᠤᠯᠤᠨ ᠤᠷᠤᠬᠤ ᠬᠠᠷᠠᠭᠲᠠᠭᠰᠠᠨ ᠭᠡᠵᠤ ᠤᠳᠬᠠᠨᠰᠸᠠ ᠭᠠᠶ᠋ᠢᠬᠠᠰᠢ ᠠᠯᠲᠠᠨ ᠭᠡᠯᠡᠯᠠ᠃
ᠵᠢᠷᠡᠡᠨᠢᠭᠡ 《ᠭᠡᠨᠢ ᠡᠷᠢᠵᠦ ᠶᠠᠭ᠋ᠠᠬᠢᠵᠤ ᠵᠤᠭᠰᠤᠭ᠋ᠠᠬᠤ ᠪᠢᠯᠡ》 ᠭᠡᠵᠤ ᠪᠤᠲᠤᠯᠭᠠ ᠪᠤᠯᠵᠤ ᠪᠠᠶ᠋ᠢᠭᠰᠠᠨ ᠤᠴᠢᠷ᠂ ᠡᠨᠡᠬᠦ ᠰᠠᠶ᠋ᠢᠨ ᠵᠠᠪᠰᠢᠶᠠᠨᠢ ᠭᠡᠷᠬᠢᠨ ᠠᠯᠲᠠᠬᠤ ᠠᠵᠠᠢ᠃ ᠬᠠᠮᠢᠶᠠ ᠪᠦᠬᠦᠢ ᠮᠠᠲ᠋ᠧᠷᠢᠶᠠᠯ ᠵᠶ᠋ᠠᠨ ᠭᠠᠷᠭ᠋ᠠᠨ ᠦᠭᠴᠦ ᠪᠠᠶ᠋ᠢᠲᠠᠯᠢ ᠲᠤᠰᠬᠠᠯᠠ᠃ ᠬᠤᠶᠠᠷ ᠲᠠᠷᠤᠭᠠ ᠵᠢᠷᠠᠡᠨᠢᠭᠡ ᠵᠢᠨ ᠭᠡᠯᠡᠬᠦ ᠵᠢ ᠠᠩᠬᠠᠷᠤᠯᠲᠠᠢ ᠰᠤᠨᠤᠰᠴᠤ ᠪᠠᠷᠠᠭ᠋ᠠᠳ᠂ ᠲᠡᠷᠡ ᠲᠤᠤᠷᠠᠨᠢ ᠬᠤᠰᠢᠭᠤᠨᠤ ᠵᠠᠰᠠᠭᠤᠨ ᠤᠷᠲᠤᠨᠳᠤ ᠤᠲᠠᠰᠤ ᠵᠠᠯᠭ᠋ᠠᠵᠤ
— — ᠡᠨᠡ ᠴᠢᠨᠢ ᠶᠠᠮᠠᠷ ᠤᠴᠢᠷ ᠪᠤᠯᠤᠭ᠋ᠠᠳ ᠪᠠᠶ᠋ᠢᠨᠠ᠂ ᠲᠦᠯ ᠲᠤᠰᠴᠤ ᠢᠮᠠᠭᠠ ᠰᠠᠮᠨᠠᠭ᠋ᠠᠳ ᠶᠠᠭ᠋ᠠᠷᠠᠵᠤ ᠪᠠᠶ᠋ᠢᠬᠤ ᠴᠠᠭᠲᠤ ᠮᠠᠯᠴᠢᠳᠢ ᠦᠢ᠍ᠮᠡᠬᠦᠯᠦᠭᠡᠳ ᠪᠠᠶ᠋ᠢᠲᠠᠭ ᠴᠢᠨᠢ᠂ ᠲᠡᠷᠡ ᠬᠤᠶᠠᠷ ᠦᠢ᠍ᠯᠡᠳᠪᠦᠷᠢ ᠪᠠᠶ᠋ᠢᠭᠤᠯᠬᠤ ᠵᠢ ᠭᠡᠨ ᠵᠦᠪᠰᠢᠶᠡᠷᠡᠭᠰᠡᠨ ᠶᠤᠮ？ ᠠᠮᠢ ᠠᠬᠤᠢ ᠤᠷᠴᠢᠨ ᠲᠤᠭᠤᠷᠢᠨ ᠶᠠᠭᠤ ᠪᠤᠯᠤᠨᠠ ᠭᠡᠲᠡᠭᠢ ᠲᠠ ᠨᠠᠷ ᠪᠤᠲᠤᠯᠬᠢᠯᠠᠭᠰᠠᠨ ᠤᠤ？ ᠲᠡᠨᠲᠡᠬᠢ ᠮᠠᠯᠴᠢᠳ ᠶᠠᠭ᠋ᠠᠬᠢᠵᠤ ᠠᠮᠢᠲᠤᠷᠠᠬᠤ ᠵᠢ ᠲᠠ ᠨᠠᠷ ᠪᠤᠲᠤᠭᠰᠠᠨ ᠤᠤ？ ᠦᠲᠡ ᠵᠢᠨ ᠬᠤᠶ᠋ᠢᠨᠠ ᠵᠢᠨ 3 ᠴᠠᠭᠲᠤ ᠡᠷᠭᠡᠪᠰᠢ ᠵᠢᠷᠡᠡᠨᠢᠭᠡᠳᠤ ᠬᠠᠷᠢᠭᠤ ᠦᠭᠬᠦ ᠭᠡᠷᠡᠭᠲᠡᠢ ᠭᠡᠲᠡᠭ ᠬᠠᠲᠠᠭᠤ ᠵᠠᠷᠯᠢᠭ ᠪᠤᠯᠪᠠ᠃
《ᠲᠠᠭ ᠵᠤᠭᠰᠤᠭ᠋ᠠᠬᠤ ᠭᠡᠷᠡᠭᠲᠡᠢ》 ᠭᠡᠰᠡᠨ ᠤᠯᠠᠭ᠋ᠠᠨ ᠲᠠᠮᠠᠭᠠᠲᠠᠢ ᠠᠯᠪᠠᠨ ᠪᠢᠴᠢᠭ ᠭᠠᠩ ᠲᠠᠶ᠋ᠢᠯᠦᠭᠰᠡᠨ ᠬᠤᠷᠠ ᠰᠢᠭ᠋ ᠪᠤᠷᠬᠠᠨᠲᠤ ᠵᠢᠨ ᠭᠤᠤᠯᠢ ᠲᠠᠭ᠋ᠠᠭᠰᠠᠨ ᠲᠦᠮᠡᠨ ᠤᠯᠠᠨᠳᠤ ᠲᠠᠭ᠋ᠠᠯᠠᠭᠲᠠᠯᠠ᠃
ᠡᠵᠢ ᠵᠢᠨ ᠬᠠᠶ᠋ᠢᠷᠠ ᠭᠡᠵᠤ ᠠᠭᠤᠤ ᠶᠡᠭᠡ᠂ ᠶᠠᠭᠤ ᠪᠦᠬᠦᠨ ᠵᠶ᠋ᠠᠨ ᠦᠷᠡᠳᠤᠪᠠᠨ ᠦᠭᠬᠦᠠᠴᠠ ᠪᠤᠴᠠᠲᠠᠭ ᠦᠭᠡᠢ᠃ ᠲᠡᠶ᠋ᠢᠮᠦᠳᠤᠪᠠᠨ ᠬᠦᠮᠦᠰ ᠡᠭᠡ ᠨᠤᠲᠤᠭ᠂ ᠡᠵᠢ ᠨᠠᠭᠤᠷ ᠭᠡᠵᠤ ᠪᠠᠶ᠋ᠢᠭ᠋ᠠᠯᠢ ᠤᠷᠴᠢᠨ ᠵᠶ᠋ᠠᠨ ᠬᠠᠶ᠋ᠢᠷᠠᠯᠠᠨ ᠲᠠᠭᠤᠲᠠᠲᠠᠭ ᠤᠴᠢᠷᠲᠠᠢ᠃ ᠪᠠᠶ᠋ᠢᠭ᠋ᠠᠯᠢ ᠤᠷᠴᠢᠨ ᠵᠶ᠋ᠠᠨ ᠬᠦᠮᠦᠨ ᠲᠦᠷᠦᠯᠬᠢᠲᠡᠨ ᠡᠵᠢᠲᠠᠢ ᠪᠠᠨ ᠠᠲᠠᠯᠢᠪᠠᠷ ᠦᠵᠡᠵᠦ ᠬᠠᠶ᠋ᠢᠷᠠᠯᠠᠨ ᠬᠠᠮᠠᠭ᠋ᠠᠯᠠᠬᠤ ᠶᠤᠰᠤᠲᠠᠢ᠃ ᠨᠡᠬᠦᠲᠡᠯ ᠰᠤᠶᠤᠯᠨᠢ ᠡᠭᠡ ᠪᠠᠶ᠋ᠢᠭ᠋ᠠᠯᠢᠪᠠᠨ ᠬᠠᠶ᠋ᠢᠷᠠᠯᠠᠨ ᠬᠠᠮᠠᠭ᠋ᠠᠯᠠᠭᠰᠠᠨ ᠮᠠᠯᠴᠢᠨ ᠤᠬᠠᠭ᠋ᠠᠨ ᠪᠠᠶ᠋ᠢᠭᠠ ᠶᠤᠮ᠃ ᠨᠤᠲᠤᠭ ᠵᠶ᠋ᠠᠨ ᠡᠭᠡ ᠪᠠᠶ᠋ᠢᠭ᠋ᠠᠯᠢ ᠡᠮᠵᠡᠭᠨᠡᠬᠦᠪᠠᠷ 《ᠲᠠᠷᠭᠤᠨ ᠮᠢᠬᠠ ᠢᠲᠡᠵᠦ ᠲᠤᠷᠭ᠋ᠠᠨ ᠲᠡᠭᠡᠷᠡ ᠦᠩᠬᠦᠷᠢᠲᠦᠨᠡ》 ᠭᠡᠵᠤ ᠲᠤᠭᠠ ᠵᠢ ᠬᠦᠭᠡᠭᠡᠴᠡᠯᠲᠦᠭᠰᠡᠨ ᠲᠤᠬᠢᠯᠠᠭ ᠰᠠᠶ᠋ᠢᠬᠠᠨ ᠰᠠᠭᠤᠷᠢᠰᠢᠯ ᠠᠮᠢᠲᠤᠷᠠᠯᠲᠠᠢ ᠰᠢᠨᠠ ᠡᠷᠡᠨᠤ ᠮᠠᠯᠴᠢᠳ ᠮᠢᠨᠢ ᠵᠢᠷᠡᠡᠨᠢᠭᠡ ᠵᠢᠨ ᠠᠵᠢᠯᠯᠠᠭᠠ ᠵᠢ ᠲᠠᠨᠢᠨ ᠤᠬᠠᠭ᠋ᠠᠷᠠᠵᠤ᠂ ᠮᠠᠯ ᠤᠨ ᠵᠶ᠋ᠠᠨ ᠲᠤᠭᠠ ᠵᠢ ᠵᠤᠬᠢᠰᠲᠠᠢ ᠪᠠᠶ᠋ᠢᠯᠭ᠋ᠠᠬᠤᠪᠠᠷ ᠬᠦᠴᠦᠯᠡᠵᠦ ᠡᠬᠢᠯᠡᠭᠰᠡᠨᠨᠢ ᠪᠠᠶᠠᠷᠯᠠᠭᠤᠰᠢᠲᠠᠢ ᠶᠠᠪᠤᠲᠠᠯ᠃
2013 ᠤᠨᠳᠤ᠂ ᠰᠢ ᠵᠢᠨ ᠫᠢᠩ ᠶᠡᠷᠦᠩᠭᠡᠢ ᠱᠦᠵᠢ ᠪᠥᠬᠦᠳᠡ ᠨᠠᠶ᠋ᠢᠷᠠᠮᠳᠠᠬᠤ ᠺᠠᠽᠬᠠᠰᠲ᠋ᠠᠨ ᠤᠯᠤᠰᠲᠤ ᠠᠶ᠋ᠢᠯᠴᠢᠯᠠᠵᠤ ᠪᠠᠶ᠋ᠢᠬᠤ ᠬᠤᠭᠤᠴᠠᠭ᠋ᠠᠨᠳᠤᠪᠠᠨ ᠨᠠᠵᠠᠷᠪᠠᠶᠧᠹ ᠶᠡᠭᠡ ᠰᠤᠷᠭ᠋ᠠᠭᠤᠯᠢ ᠵᠢᠨ ᠤᠶᠤᠲᠠᠳᠲᠠᠢ ᠤᠷᠴᠢᠨ ᠲᠤᠭᠤᠷᠢᠨ ᠵᠶ᠋ᠠᠨ ᠬᠠᠮᠠᠭ᠋ᠠᠯᠠᠬᠤ ᠲᠤᠬᠠᠢ ᠶᠠᠷᠢᠯᠴᠠᠭᠠ ᠪᠤᠯᠬᠤᠳᠤᠪᠠᠨ 《ᠬᠦᠭᠡ ᠠᠭᠤᠯᠠ ᠬᠦᠭᠡᠮᠲᠦᠭ ᠤᠰᠤ ᠪᠤᠯ ᠲᠠᠷᠤᠢ ᠠᠯᠲᠠ ᠮᠦᠩᠬᠦᠨ ᠠᠭᠤᠯᠠ ᠮᠦᠨ》 ᠭᠡᠵᠤ ᠠᠩᠬᠠ ᠲᠤᠷᠠᠳᠴᠤ᠂ ᠨᠠᠮᠤᠨ ᠠᠷᠪᠠ ᠶᠢᠰᠦᠲᠦᠭᠡᠷ ᠪᠦᠬᠦᠲᠡ ᠬᠤᠷᠠᠯᠳᠤ ᠵᠠᠰᠠᠪᠤᠷᠢ ᠤᠷᠤᠭᠤᠯᠤᠭᠰᠠᠨ 《ᠨᠠᠮᠤᠨ ᠲᠦᠷᠢᠮ》ᠳᠤ ᠪᠢᠴᠢᠵᠦ ᠤᠷᠤᠭᠤᠯᠤᠭᠰᠠᠨᠨᠢ ᠨᠠᠮ ᠤᠯᠤᠰᠠᠴᠠ ᠠᠮᠢ ᠠᠬᠤᠢ ᠵᠢᠨ ᠪᠤᠯᠪᠠᠰᠤᠨᠤ ᠪᠦᠲᠦᠭᠡᠨ ᠪᠠᠶ᠋ᠢᠭᠤᠯᠤᠯᠲᠠ ᠵᠢᠨ ᠤᠯᠤᠰᠤᠨ ᠲᠦᠪᠰᠢᠨᠤ ᠪᠤᠲᠤᠯᠭᠠ ᠪᠤᠯᠭ᠋ᠠᠵᠠᠢ᠃
ᠡᠯᠡᠰᠦᠷᠭᠡᠭᠵᠢᠵᠦ ᠪᠦᠬᠦᠢ ᠤᠷᠠᠳ ᠨᠤᠲᠤᠭᠲᠤ ᠠᠭᠤᠷᠬᠠᠢ ᠵᠢ ᠬᠠᠭ᠋ᠠᠵᠤ᠂ ᠡᠭᠡ ᠪᠠᠶ᠋ᠢᠭ᠋ᠠᠯᠢ ᠵᠢ ᠰᠡᠷᠬᠦᠭᠡᠬᠦ ᠠᠵᠢᠯᠯᠠᠭᠠ ᠡᠷᠴᠢᠮᠲᠡᠢ ᠶᠠᠪᠤᠭᠲᠠᠨ᠂ ᠦᠩᠭᠡ ᠵᠢᠨ ᠴᠡᠴᠡᠭ ᠪᠤᠯᠢᠶᠠᠯᠲᠤᠨ ᠲᠡᠯᠭᠡᠷᠡᠭᠰᠡᠨ ᠤᠷᠠᠳ ᠨᠤᠲᠤᠭ ᠲᠤᠷᠠᠳᠬᠠᠯᠳᠤ ᠪᠢᠰᠢ ᠬᠠᠷᠠᠭ᠋ᠠᠨᠳᠤ ᠲᠤᠲᠤᠷᠠᠬᠤ ᠶᠤᠮ᠃
ᠵᠠᠬᠠ ᠬᠠᠶ᠋ᠢᠭᠰᠠᠨ ᠤᠬᠠᠭ᠋ᠠᠨ
ᠵᠠᠬᠠ ᠲᠡᠯᠭᠡᠬᠦᠷᠤᠨ ᠠᠵᠤ ᠠᠬᠤᠢᠳᠤ ᠰᠢᠯᠵᠢᠭᠰᠡᠡ ᠦᠨᠦᠲᠦᠷ᠂ ᠮᠠᠯᠤᠨ ᠠᠰᠢᠭ ᠰᠢᠮᠠ ᠴᠦ᠍ ᠲᠤᠮᠤ ᠲᠠᠯᠠᠢᠳᠤ ᠤᠷᠤᠭᠰᠠᠨ ᠪᠢᠴᠢᠬᠠᠨ ᠵᠠᠪᠢ ᠰᠢᠭ᠋ ᠵᠠᠬᠠ ᠲᠡᠯᠭᠡᠬᠦᠷᠤᠨ ᠦᠨᠡ ᠬᠠᠩᠰᠢ ᠵᠢᠨ ᠲᠤᠩᠰᠤᠯᠤᠯᠳᠠᠳᠤ ᠤᠴᠠᠷᠠᠵᠤ᠂ ᠵᠦᠲᠡᠬᠦᠭᠡᠨ ᠲᠡᠮᠡᠤᠯᠦᠨᠡ᠃ ᠮᠠᠯ ᠤᠨᠤᠭᠠ ᠵᠢᠨ ᠦᠨᠠ ᠬᠠᠩᠰᠢ ᠬᠢᠮᠲᠠᠷᠠᠵᠤ᠂ ᠮᠠᠯᠵᠢᠬᠤ ᠤᠶ᠋ᠢᠯᠡᠳᠪᠤᠷᠢᠯᠠᠯ ᠬᠦᠴᠢᠷᠲᠠᠯᠳᠤ ᠲᠤᠯᠭ᠋ᠠᠷᠠᠭᠰᠠᠨ ᠴᠠᠭᠲᠤ ᠮᠠᠯᠴᠢᠳ ᠭᠠᠷ ᠵᠶ᠋ᠠᠨ ᠨᠤᠬᠤᠯᠠᠨ ᠭᠠᠴᠢᠭᠲᠠᠬᠤ ᠭᠡᠵᠤ ᠶᠠᠷᠢᠶᠠᠨ ᠦᠭᠡᠢ ᠤᠴᠢᠷ᠃ ᠵᠢᠷᠠᠡᠨᠢᠭᠡ ᠴᠦ᠍ ᠡᠨᠡᠬᠦ ᠠᠵᠤ ᠠᠬᠤᠢ ᠵᠢᠨ ᠬᠦᠴᠦᠲᠤ ᠲᠠᠪᠠᠯᠭ᠋ᠠᠨᠠᠴᠠ ᠵᠠᠶ᠋ᠢᠯᠠᠵᠤ ᠴᠢᠲᠠᠭᠠ ᠦᠭᠡᠢ᠂ ᠠᠳᠬᠤ ᠠᠳᠬᠤᠪᠠᠷ ᠤᠯᠲᠠᠭ ᠠᠷᠠᠳᠤᠨ ᠵᠤᠭᠤᠰᠨᠢ ᠦᠵᠡᠵᠦ ᠬᠠᠷᠠᠵᠤ ᠪᠠᠶ᠋ᠢᠲᠠᠯᠠ ᠮᠠᠯ ᠤᠨᠤᠭ᠋ᠠᠨᠤᠪᠠᠨ ᠡᠪᠡᠰᠣ ᠪᠤᠷᠲᠤᠭ᠋ᠠᠨᠳᠤ ᠴᠦ᠍ ᠬᠦᠷᠬᠦᠪᠠᠨ ᠪᠤᠯᠢᠵᠤ᠂ ᠭᠠᠲᠠᠭᠰᠢ ᠵᠠᠬᠠ ᠬᠠᠶ᠋ᠢᠨ᠂ ᠭᠠᠷᠬᠤ ᠵᠠᠮ ᠵᠶ᠋ᠠᠨ ᠡᠷᠢᠯᠬᠢᠯᠡᠨᠡ᠃
ᠬᠠᠲᠠᠭ᠋ᠠᠭᠰᠠᠨ ᠮᠢᠬᠠ ᠭᠡᠪᠡᠯ ᠮᠤᠩᠭᠤᠯᠴᠤᠳ ᠪᠦᠷ ᠮᠡᠲᠡᠲᠡᠭ᠂ ᠭᠡᠯᠡ ᠤᠷᠤᠭᠠ ᠭᠡᠤᠭᠡᠳᠠᠴᠠ ᠡᠬᠢᠯᠡᠨ ᠬᠦᠭᠰᠢᠨ ᠪᠤᠭᠤᠷᠤᠯᠴᠤᠳ ᠬᠦᠷᠲᠡᠯᠠ ᠢᠲᠡᠬᠦ ᠲᠤᠷᠠᠲᠠᠢ᠃ ᠲᠡᠤᠭᠡᠨᠠᠴᠠ ᠠᠪᠤᠭ᠋ᠠᠳ ᠮᠤᠩᠭᠤᠯᠴᠤᠳ ᠭᠠᠴᠢᠭ ᠬᠠᠪᠤᠷᠢ ᠦᠩᠭᠡᠷᠡᠭᠡᠬᠦ᠂ ᠲᠠᠶ᠋ᠢᠨ ᠪᠠᠶ᠋ᠢᠯᠲᠤᠭ᠋ᠠᠨᠳᠤ ᠮᠤᠷᠲᠠᠬᠤ᠂ ᠤᠲᠤᠷ ᠨᠡᠬᠦᠲᠡᠯᠳᠤ ᠲᠤᠲᠠᠭᠲᠠᠵᠤ ᠪᠤᠯᠤᠰᠢ ᠦᠭᠡᠢ ᠬᠦᠨᠡᠰᠤ ᠪᠤᠯᠤᠭᠰᠠᠨ ᠪᠠᠶ᠋ᠢᠲᠠᠭ᠃
— — ᠨᠠᠰᠤᠪᠠᠷ ᠵᠶ᠋ᠠᠨ ᠬᠠᠲᠠᠭ᠋ᠠᠭᠰᠠᠨ ᠮᠢᠬᠠ ᠢᠲᠡᠯᠡ᠂ ᠶᠡᠷᠦᠨᠢ ᠬᠤᠲᠠᠯᠲᠤᠨᠠ ᠭᠡᠵᠤ ᠪᠤᠲᠤᠭᠠ ᠦᠭᠡᠢ᠃
— — ᠬᠠᠲᠠᠭ᠋ᠠᠭᠰᠠᠨ ᠮᠢᠬᠠ ᠬᠠᠩᠬᠢ ᠦᠨᠡ ᠬᠦᠷᠴᠦ ᠪᠠᠶ᠋ᠢᠭᠠ ᠶᠤᠮ ᠪᠠᠶ᠋ᠢᠨᠠ᠃
— — ᠵᠠ᠂ ᠲᠡᠭᠡᠭᠡᠳ ᠵᠢᠷᠠᠡᠨᠢᠭᠡ ᠵᠢ ᠬᠠᠷᠠᠵᠤ ᠪᠠᠶ᠋ᠢᠶᠠ᠂ ᠲᠡᠷᠡ ᠯᠠ ᠬᠢᠭᠡᠳ ᠪᠦᠲᠦᠬᠦ ᠶᠤᠮ ᠪᠤᠯ ᠪᠢᠲᠠ ᠴᠦ᠍ ᠬᠢᠵᠦ ᠪᠤᠯᠬᠤ ᠪᠠᠶ᠋ᠢᠬᠠ᠃
— — ᠦᠭᠡᠢ ᠶᠡᠷᠦᠨᠢ ᠡᠨᠡ ᠵᠠᠯᠠᠭᠤ ᠠᠷᠪᠢᠨ ᠶᠠᠭᠤᠮᠠ ᠰᠡᠲᠦᠵᠦ ᠶᠠᠪᠤᠲᠠᠭ ᠶᠤᠮ ᠪᠠᠶ᠋ᠢᠨᠠ᠃ ᠬᠦᠮᠦᠨᠠᠴᠠ ᠤᠨᠲᠤᠤ ᠶᠠᠭᠤᠮᠠ ᠪᠤᠲᠤᠵᠦ ᠶᠠᠪᠤᠲᠠᠭ ᠪᠠᠶ᠋ᠢᠬᠤ ᠦᠭᠡᠢ ᠤᠤ⁈
— — ᠮᠠᠨᠤᠰᠢ ᠢᠩᠬᠢ᠂ ᠴᠢᠩᠬᠢ ᠭᠡᠳ ᠪᠠᠶ᠋ᠢᠲᠠᠭᠨᠢ ᠪᠦᠷ ᠰᠠᠶ᠋ᠢᠨ ᠤᠴᠢᠷ ᠪᠠᠶ᠋ᠢᠵᠠᠢ᠃ ᠬᠦᠭᠡᠷᠦᠬᠦᠢ ᠭᠠᠵᠠᠷ ᠡᠯᠡᠭᠡᠭᠰᠡᠨ ᠬᠦᠮᠦᠨ ᠪᠤᠯᠬᠤᠷ ᠤᠯᠠᠨ ᠶᠠᠭᠤᠮᠠ ᠦᠵᠡᠵᠦ ᠨᠢᠲᠤ ᠨᠡᠭᠡᠭᠡᠭᠰᠡᠨ ᠪᠠᠶ᠋ᠢᠵᠤ ᠳ᠋ᠠ᠃
《ᠮᠠᠯᠤᠨ ᠮᠦᠷ ᠵᠶ᠋ᠠᠷ ᠳᠤᠰᠤ》 ᠬᠡᠳᠡᠭ᠃ ᠮᠠᠯᠤᠨ ᠵᠶ᠋ᠠᠨ ᠠᠰᠢᠭ ᠰᠢᠮᠠ ᠵᠢ ᠰᠠᠶ᠋ᠢᠬᠠᠨ ᠠᠰᠢᠭᠯᠠᠵᠤ ᠴᠢᠲᠠᠲᠠᠭ ᠯᠠ ᠶᠤᠮ ᠪᠤᠯ᠂ ᠮᠠᠯᠴᠢᠳᠤᠨ ᠠᠮᠢᠲᠤᠷᠠᠯ ᠡᠲᠦᠷᠠᠴᠠ ᠡᠲᠦᠷ ᠰᠠᠶ᠋ᠢᠨ ᠪᠤᠯᠬᠤᠨᠢ ᠶᠠᠷᠢᠶᠠᠨ ᠦᠭᠡᠢ᠃
ᠵᠢᠷᠡᠡᠨᠢᠭᠡ 2012 ᠤᠨᠳᠤ᠂ ᠲᠠᠪᠢᠭ᠋ᠠᠳ ᠢᠮᠠᠭ᠋ᠠᠨ ᠮᠢᠬᠠ ᠬᠠᠲᠠᠭ᠋ᠠᠭ᠋ᠠᠳ ᠬᠤᠲᠠᠯᠲᠤᠭᠰᠠᠨᠳᠤ ᠪᠤᠷᠤᠯᠠᠭᠤᠯᠭᠠ ᠶᠡᠭᠡ ᠵᠦᠭᠡᠷ ᠪᠠᠶ᠋ᠢᠭᠰᠠᠨ ᠪᠦᠭᠡᠳ ᠠᠰᠢᠭ ᠤᠷᠤᠯᠭᠠ ᠴᠦ᠍ ᠤᠤᠯᠤᠨᠬᠢᠠᠴᠠ ᠦᠨᠲᠤᠷ ᠪᠠᠶ᠋ᠢᠵᠤ᠂ ᠮᠤᠩᠭᠤᠯᠴᠤᠳᠤᠨ ᠤᠯᠠᠮᠵᠢᠯᠠᠯᠲᠤ ᠢᠲᠠᠭᠡᠨᠢ ᠵᠠᠬᠠ ᠲᠡᠯᠭᠡᠬᠦᠷᠲᠤ ᠭᠠᠷᠭ᠋ᠠᠬᠤ ᠰᠠᠨᠠᠭᠠᠲᠠᠢ ᠠᠩᠬᠠ ᠲᠤᠷᠰᠢᠵᠤ ᠬᠢᠭᠡᠳ ᠠᠮᠵᠢᠯᠲᠠ ᠤᠯᠤᠯᠠ᠃ ᠮᠠᠯᠤᠨ ᠦᠨᠠ ᠬᠠᠩᠰᠢ ᠭᠡᠵᠢᠶᠠ ᠦᠰᠲᠡᠭ ᠪᠤᠯ ᠭᠡᠵᠤ ᠰᠠᠨᠠᠭ᠋ᠠᠰᠢᠷᠠᠨ ᠰᠠᠭᠤᠭᠰᠠᠨ ᠮᠠᠯᠴᠢᠳᠲᠤ ᠦᠪᠡᠷᠤᠨ ᠠᠵᠢᠯᠯᠠᠭᠠᠪᠠᠷ ᠲᠠᠭᠤᠷᠢᠶᠠᠯ ᠪᠤᠯᠵᠤ᠂ ᠲᠡᠲᠡᠨᠳᠤ ᠭᠠᠷᠬᠤ ᠵᠠᠮᠢ ᠵᠢᠭ᠋ᠠᠵᠤ ᠦᠭᠬᠦᠭᠰᠡᠨ ᠪᠠᠶ᠋ᠢᠨᠠ᠃ ᠲᠡᠷᠡ ᠮᠠᠯᠴᠢᠳᠤᠨ ᠠᠮᠢᠲᠤᠷᠠᠯ ᠦᠢ᠍ᠯᠡᠳᠪᠦᠷᠢᠯᠡᠯᠢ ᠤᠶ᠋ᠢᠯᠠᠭ᠋ᠠᠵᠤ ᠶᠠᠪᠤᠬᠤᠳᠤᠪᠠᠨ 《ᠨᠠᠮᠤᠷ ᠮᠠᠯ ᠵᠶ᠋ᠠᠨ ᠲᠦᠪᠯᠡᠷᠠᠬᠦᠯᠤᠨ ᠬᠤᠲᠠᠯᠲᠤᠪᠠᠯ ᠮᠠᠯᠤᠨ ᠦᠨᠠ ᠪᠠᠭᠤᠷᠠᠬᠤ ᠪᠤᠶᠤ ᠬᠤᠲᠠᠯᠲᠤᠵᠤ ᠭᠠᠷᠬᠤ ᠦᠭᠡᠢ ᠪᠠᠶ᠋ᠢᠲᠠᠯ ᠭᠠᠷᠤᠨᠠ᠃ ᠠᠷᠭᠠ ᠪᠦᠬᠦᠨᠢ ᠰᠦᠪᠡᠭᠴᠢᠯᠠᠨ ᠡᠬᠦᠨᠠᠴᠠ ᠵᠠᠶ᠋ᠢᠯᠠᠰᠬᠢᠪᠠᠯ ᠵᠤᠬᠢᠨᠠ᠂ ᠮᠠᠯ ᠬᠤᠲᠠᠯᠲᠤᠲᠠᠭ ᠵᠤᠷᠰᠢᠯᠢ ᠡᠪᠲᠡᠬᠦ ᠦᠭᠡᠢ ᠶᠤᠮ ᠪᠤᠯ ᠭᠠᠷᠬᠤ ᠵᠠᠮ ᠴᠢᠬᠤᠯ ᠪᠤᠯᠤᠨᠠ ᠰᠢᠤ》 ᠭᠡᠵᠤ ᠬᠦᠮᠦᠰᠤᠨ ᠡᠪ ᠵᠦᠢᠢ ᠬᠠᠷᠠᠵᠤ ᠪᠤᠲᠤᠭᠰᠠᠨ ᠰᠡᠳᠬᠢᠭᠰᠡᠨ ᠦᠵᠡᠭᠰᠡᠨ ᠬᠠᠷᠠᠭᠰᠠᠨ ᠵᠶ᠋ᠠᠨ ᠬᠠᠷᠠᠮ ᠦᠭᠡᠢ ᠬᠤᠪᠢᠶᠠᠯᠴᠠᠵᠤ ᠶᠠᠪᠤᠨᠠ᠃
ᠬᠦᠮᠦᠨ ᠪᠤᠯᠭ᠋ᠠᠨᠤ ᠠᠮᠢᠲᠤᠷᠠᠬᠤᠢ ᠵᠢᠨ ᠤᠬᠠᠭ᠋ᠠᠨ ᠵᠦᠷᠢᠶᠡᠲᠠᠢ ᠪᠠᠶ᠋ᠢᠲᠠᠭ᠃ ᠵᠠᠷᠢᠮ ᠬᠦᠮᠦᠨ ᠬᠠᠷᠠ ᠴᠠᠢᠪᠠᠨ ᠤᠭᠤᠴᠠᠵᠤ᠂ ᠭᠠᠲᠠᠨᠠᠬᠢ ᠶᠢᠷᠲᠢᠨᠴᠦ ᠵᠢᠨ ᠬᠦᠭᠵᠢᠯᠲᠡ ᠵᠢ ᠶᠠᠭᠤᠮᠠᠨᠳᠤ ᠪᠤᠲᠤᠯ ᠦᠭᠡᠢ᠂ ᠲᠡᠭᠷᠢ ᠨᠤᠷᠠᠭᠰᠠᠨ ᠴᠦ᠍ ᠲᠡᠬᠦᠨᠳᠤ ᠬᠠᠮᠢᠶᠠ ᠦᠭᠡᠢ ᠰᠢᠭ᠂ ᠲᠤᠭᠲᠠᠮᠠᠯ ᠤᠰᠤ ᠭᠡᠮᠡᠷᠭᠡᠨ ᠨᠢᠭᠡ ᠨᠠᠰᠤ ᠵᠢ ᠡᠯᠡᠭᠡᠨᠡ᠃ ᠵᠠᠷᠢᠮ ᠬᠦᠮᠦᠨ ᠨᠡᠶ᠋ᠢᠭᠡᠮᠤᠨ ᠲᠠᠪᠰᠢᠯᠲᠠ ᠬᠦᠭᠵᠢᠯᠲᠡ ᠵᠢᠨ ᠦᠷᠡ ᠪᠦᠲᠦᠭᠡᠯᠢ ᠡᠳ᠋ᠯᠡᠬᠦ ᠭᠡᠵᠤ ᠤᠬᠠᠭ᠋ᠠᠨ ᠵᠶ᠋ᠠᠨ ᠰᠢᠪᠬᠠᠨ ᠴᠢᠷᠮᠠᠶ᠋ᠢᠵᠤ ᠶᠠᠪᠤᠨᠠ᠃ 《ᠴᠠᠭ᠋ᠠᠰᠤ ᠬᠡᠲᠦᠢ ᠨᠢᠮᠭᠡᠨ ᠴᠦ᠍ ᠴᠢᠴᠢᠬᠦ ᠦᠭᠡᠢ ᠪᠤᠯ ᠴᠤᠭᠤᠷᠠᠬᠤ ᠦᠭᠡᠢ᠂ ᠬᠦᠮᠦᠨ ᠭᠡᠲᠦᠢ ᠮᠡᠷᠭᠡᠨ ᠴᠦ᠍ ᠭᠡᠯᠡᠬᠦ ᠦᠭᠡᠢ ᠪᠤᠯ ᠮᠡᠲᠡᠬᠦ ᠦᠭᠡᠢ》 ᠭᠡᠲᠡᠭ᠂ ᠵᠠᠷᠢᠮ ᠲᠤᠭᠤᠢ ᠰᠠᠭᠤᠵᠤ ᠪᠤᠰᠤᠳᠤᠨ ᠦᠭᠡ ᠵᠢ ᠴᠢᠩᠨᠠᠵᠤ ᠪᠠᠶ᠋ᠢᠭᠰᠠᠨ ᠵᠶ᠋ᠠᠨ ᠠᠷᠭᠠ ᠤᠬᠠᠭ᠋ᠠᠨ ᠵᠶ᠋ᠠᠨ ᠤᠯᠤᠭᠰᠠᠨ ᠴᠦ᠍ ᠪᠠᠶ᠋ᠢᠲᠠᠭ᠃
ᠮᠠᠯᠴᠢᠨ ᠬᠦᠮᠦᠨ ᠵᠠᠬᠠ ᠲᠡᠯᠭᠡᠬᠦᠷᠤᠨ ᠦᠷᠢᠰᠦᠯᠲᠦᠭᠡᠨᠳᠤ ᠬᠦᠯ ᠲᠤᠭᠲᠠᠬᠤ ᠭᠡᠵᠤ ᠬᠢᠯᠪᠡᠷ ᠶᠠᠪᠤᠲᠠᠯ ᠪᠢᠰᠢ᠃ ᠵᠠᠯᠠᠭᠤ ᠭᠠᠩᠭ᠋ᠠᠩ ᠨᠠᠰᠤᠨᠳᠤᠪᠠᠨ ᠵᠠᠬᠠ ᠲᠡᠯᠭᠡᠬᠦᠷᠤᠨ ᠵᠠᠢᠳᠤ ᠤᠬᠠᠭ᠋ᠠᠨ ᠰᠤᠶ᠋ᠢᠵᠤ᠂ ᠤᠨᠠᠵᠤ ᠲᠤᠰᠴᠦ ᠠᠯᠲᠠᠵᠤ ᠤᠯᠵᠤ ᠶᠠᠪᠤᠭᠰᠠᠨ ᠵᠢᠷᠠᠡᠨᠢᠭᠡ ᠬᠤᠵᠢᠮ ᠵᠶ᠋ᠠᠨ ᠪᠤᠲᠤᠨ ᠬᠤᠯᠠ ᠵᠢ ᠬᠠᠷᠠᠲᠠᠭ ᠪᠤᠯᠵᠠᠢ᠃ ᠠᠩᠬᠠᠨᠤ ᠵᠢᠯᠳᠤᠪᠠᠨ ᠠᠮᠵᠢᠯᠲᠠ ᠤᠯᠤᠭᠰᠠᠨ ᠵᠢᠷᠡᠡᠨᠢᠭᠡ ᠮᠢᠬᠠ ᠬᠠᠲᠠᠭ᠋ᠠᠵᠤ ᠬᠤᠲᠠᠯᠲᠤᠬᠤᠪᠠᠷ ᠤᠷᠤᠯᠭᠠᠪᠠᠨ ᠨᠡᠮᠡᠭᠲᠡᠬᠦᠯᠬᠦ ᠨᠢᠭᠡ ᠵᠠᠮ ᠵᠶ᠋ᠠᠨ ᠪᠤᠯᠭ᠋ᠠᠨ᠂ ᠬᠤᠪᠢᠪᠠᠷ ᠵᠶ᠋ᠠᠨ 500 ᠲᠡᠭᠰᠢ ᠲᠦᠷᠪᠡᠯᠵᠢᠨ ᠮᠸᠲᠷ ᠲᠠᠯᠠᠪᠠᠢ ᠪᠦᠬᠦᠢ ᠮᠢᠬᠠ ᠬᠠᠲᠠᠭ᠋ᠠᠬᠤ ᠬᠦᠮᠤᠷᠭᠡ ᠪᠠᠷᠢᠵᠤ᠂ ᠢᠮᠡᠭ᠋ᠠᠨ ᠮᠢᠬᠠ ᠬᠠᠲᠠᠭ᠋ᠠᠬᠤ ᠦᠢ᠍ᠯᠡᠰ ᠵᠶ᠋ᠠᠨ ᠦᠷᠭᠡᠵᠢᠬᠦᠯᠦᠭᠰᠡᠨ ᠪᠠᠶ᠋ᠢᠨᠠ᠃
ᠵᠢᠷᠠᠡᠨᠢᠭᠡ ᠮᠠᠯ ᠪᠡᠯᠴᠢᠭᠡᠷᠤᠨ ᠵᠠᠢᠳᠤ ᠴᠠᠭ ᠮᠦᠴᠨ ᠵᠢ ᠡᠯᠡᠭᠡᠵᠤ ᠵᠦᠭᠡᠷ ᠰᠠᠭᠤᠲᠠᠭ ᠦᠭᠡᠢ᠂ ᠬᠠᠷᠢᠨ ᠬᠦᠲᠡᠭᠡ ᠵᠢᠨ ᠠᠵᠢᠯᠤᠨ ᠶᠠᠭ᠋ᠠᠷᠠᠤ ᠴᠠᠭᠢ ᠦᠩᠭᠡᠷᠠᠪᠠᠯ᠂ ᠭᠡᠲᠤᠨ ᠲᠦᠮᠠᠨ ᠲᠦᠬᠦᠷᠢᠭ ᠵᠶ᠋ᠠᠨ ᠬᠠᠶ᠋ᠢᠷᠠᠯᠠᠯ ᠦᠭᠡᠢ ᠭᠠᠭᠴᠠᠭ᠋ᠠᠷ ᠵᠶ᠋ᠠᠨ ᠭᠠᠲᠠᠭᠰᠢ 《ᠰᠤᠷᠤᠯᠴᠠᠬᠤ》ᠪᠠᠷ ᠭᠠᠲᠠᠭᠤᠷ ᠶᠠᠪᠤᠲᠠᠭ᠃ ᠨᠢᠭᠡ ᠵᠢᠯᠳᠤ ᠪᠠᠷᠤᠭ ᠵᠠᠭᠤᠨ ᠬᠤᠨᠤᠭᠢ ᠪᠡᠭᠡᠵᠢᠩ᠂ ᠰᠢᠨᠵᠢᠶᠠᠩ᠂ ᠯᠢᠶᠤᠤᠨᠢᠩ᠂ ᠬᠦᠭᠡᠨᠠᠭᠤᠷᠤᠨ ᠲᠠᠯᠠᠭᠡᠢ ᠬᠤᠲᠠ᠂ ᠲᠤᠯᠠᠭ᠋ᠠᠨ ᠰᠢᠶᠠᠨ᠂ ᠬᠠᠶ᠋ᠢᠰᠢ ᠵᠸᠤ᠂ ᠮᠠᠨᠤ ᠤᠷᠤᠨᠤ ᠡᠯᠠ ᠠᠶ᠋ᠢᠮᠠᠭ ᠬᠤᠲᠠ ᠬᠤᠰᠢᠭᠤᠪᠠᠷ ᠪᠠᠶ᠋ᠢᠩᠭᠤ ᠶᠠᠪᠤᠵᠤ᠂ ᠭᠠᠵᠠᠷ ᠪᠤᠯᠭ᠋ᠠᠨᠤ ᠰᠢᠨᠠ ᠮᠠᠯᠵᠢᠯᠤᠨ ᠠᠷᠭᠠ ᠲᠤᠷᠰᠢᠯᠭᠠ ᠪᠤᠶᠤ ᠮᠠᠯ ᠠᠵᠤ ᠠᠬᠤᠢᠪᠠᠨ ᠰᠠᠶ᠋ᠢᠬᠠᠨ ᠡᠵᠡᠩᠨᠠᠵᠤ ᠪᠠᠶ᠋ᠢᠭᠠ ᠬᠦᠮᠤᠰᠤᠨ ᠠᠷᠭᠠ ᠲᠤᠷᠰᠢᠯᠭᠠ ᠵᠢ ᠦᠵᠠᠨ ᠰᠤᠷᠤᠯᠴᠠᠲᠠᠭᠨᠢ ᠲᠠᠳᠬᠠᠯ ᠪᠤᠯᠵᠠᠢ᠃ ᠲᠡᠶ᠋ᠢᠮᠦᠳᠤᠪᠠᠨ ᠲᠡᠬᠦᠨᠳᠤ ᠲᠠᠨᠢᠯ ᠤᠯᠠᠨᠲᠠᠢ᠃ ᠤᠤᠯᠠᠴᠠᠪᠠᠨ ᠰᠠᠶ᠋ᠢᠬᠠᠨ ᠬᠠᠷᠢᠯᠴᠠᠲᠠᠭ ᠰᠢ ᠪᠸᠢ ᠮᠢᠬᠠᠨᠤ ᠲᠦᠷᠤᠯᠤᠨ ᠺᠤᠮᠫᠠᠨᠢ ᠪᠤᠯᠤᠨ ᠪᠡᠭᠡᠵᠢᠩᠤᠨ ᠨᠢᠭᠡᠨ ᠮᠢᠬᠠᠨᠤ ᠺᠤᠮᠫᠠᠨᠢᠲᠠᠢ ᠭᠡᠲᠤᠨ ᠵᠢᠯᠤᠨ ᠬᠤᠭᠤᠴᠠᠭ᠋ᠠᠨᠳᠤ ᠬᠠᠮᠲᠤᠷᠠᠨ ᠠᠵᠢᠯᠯᠠᠵᠤ᠂ ᠬᠠᠲᠠᠭ᠋ᠠᠭᠰᠠᠨ ᠮᠢᠬᠠᠪᠠᠨ ᠰᠢᠭᠤᠳ ᠪᠤᠷᠤᠯᠠᠭᠤᠯᠤᠭᠰᠠᠭ᠋ᠠᠷ ᠢᠷᠠᠵᠠᠢ᠃ ᠲᠠᠷᠨ ᠤᠶ᠋ᠢᠷᠠ ᠬᠠᠪᠢ ᠵᠢᠨ ᠮᠠᠯᠴᠢᠳᠤᠨ ᠬᠤᠲᠠᠯᠲᠤᠬᠤ ᠬᠤᠨᠢ ᠮᠠᠯᠢ ᠴᠦ᠍ ᠺᠤᠮᠫᠠᠨᠢᠲᠠᠢ ᠬᠠᠷᠢᠴᠠᠵᠤ ᠦᠭᠲᠡᠭᠠᠴᠠ ᠮᠠᠯᠴᠢᠳᠤᠨ ᠮᠠᠯᠤᠨ ᠭᠠᠷᠭ᠋ᠠᠯᠲᠠ ᠵᠢᠨ ᠠᠵᠢᠯᠢ ᠲᠡᠮᠵᠢᠭᠰᠡᠨ ᠪᠦᠭᠡᠳ ᠪᠦᠭᠡᠮ ᠵᠶ᠋ᠠᠷ ᠪᠤᠷᠤᠯᠠᠭᠤᠯᠵᠤ ᠬᠠᠩᠭ᠋ᠠᠯᠭᠠ ᠵᠢ ᠪᠠᠲᠤᠯᠠᠵᠤ ᠴᠢᠲᠠᠭᠰᠠᠨ ᠪᠠᠶ᠋ᠢᠨᠠ᠃
2017 ᠤᠨᠤ ᠡᠪᠤᠯ᠃
ᠪᠤᠷᠬᠠᠨᠲᠤ ᠵᠢᠨ ᠭᠤᠤᠯᠢ ᠲᠠᠭ᠋ᠠᠭᠰᠠᠨ ᠮᠠᠯᠴᠢᠨ ᠲᠦᠮᠡᠨᠤ ᠲᠦᠰᠢᠭ ᠪᠤᠯᠵᠤ ᠤᠩᠭᠤᠨ ᠠᠭᠤᠯᠠ ᠬᠦᠭᠡᠷᠡᠨ ᠰᠦᠨᠲᠡᠷᠯᠡᠨᠡ᠃ ᠡᠨᠡ ᠵᠢᠯ ᠤᠷᠠᠳ ᠨᠤᠲᠤᠭ ᠴᠠᠰᠤ ᠪᠠᠭ᠋ᠠᠲᠠᠢ᠂ 11 ᠰᠠᠷᠠ ᠵᠢᠨ ᠲᠤᠮᠲᠠᠴᠢ ᠪᠤᠯᠴᠢᠬᠭ᠌ᠰᠠᠨ ᠪᠠᠶ᠋ᠢᠲᠠᠯᠠ ᠬᠦᠢ᠍ᠲᠡᠷᠡᠬᠦ ᠰᠢᠨᠵᠢ ᠠᠯᠠᠭᠠ᠃ ᠡᠲᠦᠷ ᠪᠤᠯᠭ᠋ᠠᠨ ᠵᠢᠵᠢᠭ ᠠᠴᠢᠶᠠᠨᠤ ᠮᠠᠰᠢᠨ ᠲᠠᠯᠠ ᠵᠢᠨ ᠰᠢᠷᠠ ᠵᠠᠮ ᠵᠶ᠋ᠠᠷ ᠲᠤᠭᠤᠰᠤ ᠲᠠᠲᠠᠭᠤᠯᠤᠨ ᠲᠠᠪᠬᠢᠵᠦ ᠠᠶ᠋ᠢᠯ ᠦᠵᠡᠪᠡᠯ ᠤᠷᠤᠬᠤ ᠬᠠᠷᠠᠭᠳᠠᠨᠠ᠃ ᠮᠠᠯᠤᠨ ᠮᠢᠬᠠ ᠦᠨᠡ ᠬᠦᠷᠦᠭᠰᠡᠨ ᠵᠶ᠋ᠠᠷ ᠵᠠᠪᠰᠠᠷᠤᠨ ᠮᠠᠶ᠋ᠢᠮᠠᠶ᠋ᠢᠴᠢᠳᠤᠨ ᠵᠢᠷᠭ᠋ᠠᠯ ᠪᠤᠯᠵᠤ ᠪᠠᠶ᠋ᠢᠭᠠᠨᠢ ᠡᠨᠡ᠃ 《ᠡᠬᠦᠨᠲᠠᠢ ᠴᠢᠨᠢ ᠨᠠᠶ᠋ᠢᠵᠠ᠂ ᠲᠡᠬᠦᠨᠲᠠᠢ ᠴᠢᠨᠢ ᠬᠠᠮᠲᠤ ᠰᠤᠷᠤᠭᠴᠢ》 ᠭᠡᠵᠤ ᠲᠦᠷᠦᠯ ᠰᠠᠲᠤᠨᠤ ᠬᠢᠨᠢ ᠨᠡᠷᠡ ᠵᠢ ᠵᠢᠭ᠋ᠠᠵᠤ᠂ ᠠᠰᠢᠭ ᠵᠶ᠋ᠠᠨ ᠶᠡᠭᠡᠰᠭᠡᠬᠦ ᠤᠬᠠᠭ᠋ᠠᠨ ᠵᠠᠷᠤᠵᠤ ᠶᠠᠪᠤᠨᠠ ᠁
— — ᠵᠢᠷᠡᠡᠨᠢᠭᠡ ᠢᠮᠠᠭᠠ ᠬᠤᠲᠠᠯᠲᠤᠵᠤ ᠠᠪᠬᠤ ᠶᠤᠮ ᠭᠡᠨᠡ᠃
— — ᠵᠠᠬᠠ ᠲᠯᠡᠭᠡᠬᠦᠷᠤᠨ ᠦᠨᠡᠠᠴᠠ ᠨᠢᠭᠡ ᠲᠦᠬᠦᠷᠢᠭ ᠢᠯᠡᠬᠦᠦ ᠦᠭᠬᠦ ᠭᠡᠵᠤ ᠪᠠᠶ᠋ᠢᠨᠠ᠃
— — ᠨᠢᠭᠡ ᠲᠦᠬᠦᠷᠢᠭ ᠢᠯᠡᠬᠦᠦ ᠴᠦ᠍ ᠦᠭᠬᠦᠭᠰᠡᠨ ᠪᠤᠯᠤᠨᠠ ᠰᠢᠲᠠ᠂ ᠠᠪᠲᠠᠭ ᠯᠠ ᠶᠤᠮ ᠪᠤᠯ ᠵᠠᠬᠠ ᠲᠡᠯᠭᠡᠬᠦᠷᠤᠨ ᠦᠨᠡ ᠴᠦ᠍ ᠪᠤᠯᠤᠨᠠ᠃ ᠬᠦᠢ᠍ᠲᠡᠨ ᠬᠦᠮᠦᠷᠭᠡᠳᠤ ᠤᠴᠢᠬᠤ ᠶᠤᠮ ᠪᠤᠯ᠂ ᠠᠶᠠ ᠦᠭᠡᠶ᠋ᠢᠲᠡᠪᠡᠯ ᠬᠤᠶᠠᠷ ᠭᠤᠷᠪᠠᠨ ᠬᠤᠨᠤᠭ ᠬᠦᠯᠢᠶᠡᠬᠦ ᠪᠤᠯᠤᠨᠠ᠂ ᠭᠡᠲᠦᠢ ᠶᠠᠷᠰᠢᠭᠲᠠᠢ ᠪᠤᠢ？
— — ᠰᠤᠨᠤᠰᠬᠤᠳᠤ ᠡᠨᠡ ᠵᠢᠯ ᠨᠠᠯᠢᠶᠠᠳ ᠮᠢᠬᠠ ᠬᠠᠲᠠᠭ᠋ᠠᠬᠤ ᠭᠡᠵᠤ ᠪᠠᠶ᠋ᠢᠭᠠ ᠶᠤᠮ ᠭᠡᠨᠡ᠃ ᠲᠠᠮᠤᠨ ᠦᠭᠡ ᠲᠠᠯᠠᠨ ᠬᠤᠲᠠᠯ᠂ ᠵᠠᠮᠤᠨ ᠦᠭᠡ ᠵᠢᠷᠠᠨ ᠬᠤᠲᠠᠯ ᠪᠤᠯᠤᠭᠠ ᠦᠭᠡᠢ᠃ ᠵᠢᠷᠡᠡᠨᠢᠭᠡ ᠦᠬᠦᠴᠨ ᠵᠢᠨ ᠴᠠᠭ ᠤᠶ᠋ᠢᠷᠠᠳᠬᠤᠪᠠᠷ ᠭᠡᠲᠦᠨ ᠵᠠᠭᠤᠨ ᠢᠮᠠᠭᠠ ᠬᠤᠲᠠᠯᠲᠤᠨ ᠠᠪᠤᠯᠠ᠃ ᠢᠮᠠᠭᠠᠪᠠᠨ ᠵᠢᠷᠡᠡᠨᠢᠭᠡᠳᠤ ᠬᠤᠲᠠᠯᠲᠤᠵᠤ ᠦᠭᠬᠦᠶᠡ ᠭᠡᠰᠡᠨ ᠠᠶ᠋ᠢᠯᠲᠠᠢ ᠡᠲᠦᠷ ᠪᠤᠯᠵᠤᠵᠤ᠂ ᠲᠤᠭᠲᠠᠭᠰᠠᠨ ᠴᠠᠭᠲᠤ ᠡᠲᠡᠨᠤᠳᠤ ᠬᠦᠷᠭᠡᠭᠡᠳ ᠢᠷᠡᠪᠡᠯ ᠪᠤᠯᠴᠢᠬᠠᠨᠠ᠃
— — ᠪᠤᠯᠵᠤᠭᠰᠠᠨ ᠴᠠᠭᠲᠤ ᠪᠢ ᠡᠬᠦᠲᠡᠨᠳᠤᠪᠠᠨ ᠮᠠᠯᠢ ᠤᠯᠠᠮᠵᠢᠯᠠᠯᠲᠤ ᠠᠷᠭᠠᠪᠠᠷ ᠦᠷᠦᠴᠡᠯᠡᠵᠦ ᠨᠢᠲᠦᠯᠡᠲᠡᠭ᠃ ᠴᠠᠭ ᠪᠤᠯᠵᠤᠵᠤ ᠪᠠᠶ᠋ᠢᠬᠤᠨᠢ ᠮᠠᠯ ᠵᠶ᠋ᠠᠨ ᠬᠦᠷᠭᠡᠵᠦ ᠢᠷᠡᠭᠰᠡᠨ ᠮᠠᠯᠴᠢᠳ ᠬᠦᠯᠢᠶᠡᠬᠦ ᠭᠡᠷᠡᠭ ᠦᠭᠡᠢ᠂ ᠮᠢᠨᠤ ᠠᠲᠡ ᠠᠪᠴᠢᠷᠠᠪᠠᠯ ᠠᠯᠠᠵᠤ ᠨᠢᠲᠦᠯᠡᠬᠦ ᠬᠦᠯᠦᠰᠤ ᠭᠡᠵᠤ ᠠᠪᠬᠤ ᠦᠭᠡᠢ᠂ ᠡᠨᠡᠨᠢ ᠪᠠᠭᠠ ᠴᠦ᠍ ᠭᠡᠰᠠᠨ ᠪᠠᠰᠠ ᠯᠠ ᠤᠷᠤᠯᠭᠠ ᠭᠡᠰᠡᠨ ᠦᠭᠡ᠃ ᠦᠷᠦᠴᠡᠯᠡᠵᠦ ᠠᠯᠠᠪᠠᠯ ᠴᠢᠰᠤᠨᠢ ᠬᠦᠢ᠍ᠴᠡᠳ ᠲᠠᠯᠪᠢᠭᠲᠠᠬᠤ ᠦᠭᠡᠢ ᠪᠠᠶ᠋ᠢᠵᠤ ᠬᠠᠲᠠᠭ᠋ᠠᠭᠰᠠᠨ ᠮᠢᠬᠠᠨᠤ ᠦᠩᠭᠡ ᠠᠮᠲᠠᠨᠢ ᠰᠠᠶ᠋ᠢᠬᠠᠨ ᠪᠤᠯᠲᠠᠭ᠃ ᠬᠤᠭᠤᠯᠠᠢ ᠵᠢ ᠬᠢᠷᠦᠭᠡᠳᠡᠵᠤ ᠠᠯᠠᠪᠠᠯ ᠠᠲᠠᠭᠲᠤᠪᠠᠨ 3 ᠵᠢᠩ ᠪᠠᠭᠤᠷᠠᠨᠠ᠃ 40 ᠵᠢᠩ ᠠᠯᠠᠬᠤ ᠶᠤᠰᠤᠲᠠᠢ ᠢᠮᠠᠭᠠ ᠴᠢᠨᠢ 37 ᠵᠢᠩ ᠪᠤᠯᠴᠢᠬᠠᠨᠠ᠃ ᠡᠨᠡ ᠵᠢᠯᠤᠨ ᠦᠨᠡᠪᠠᠷ ᠪᠤᠲᠤᠪᠠᠯ᠂ 3 ᠵᠢᠩ ᠴᠢᠨᠢ 90 ᠰᠢᠬᠠᠮ ᠲᠦᠬᠦᠷᠢᠭ᠂ ᠲᠠᠬᠢᠭ᠋ᠠᠳ ᠵᠢᠩ ᠪᠦᠷᠢᠳᠤ ᠢᠯᠡᠬᠦᠦ ᠦᠭᠬᠦ ᠨᠢᠭᠡ ᠲᠦᠬᠦᠷᠢᠭᠢᠨᠢ ᠪᠤᠲᠤᠪᠠᠯ ᠨᠢᠭᠡ ᠢᠮᠠᠭᠠ ᠠᠲᠠᠭᠲᠤᠪᠠᠨ 130 ᠭᠠᠷᠤᠢ ᠲᠦᠬᠦᠷᠢᠭ ᠢᠯᠡᠬᠦᠦ ᠦᠨᠡ ᠬᠦᠷᠦᠯᠠ ᠭᠡᠰᠡᠨ ᠦᠭᠡ᠃ ᠤᠰᠤ ᠤᠤᠭᠤᠯᠭ᠋ᠠᠬᠤ ᠦᠭᠡᠢ ᠡᠪᠡᠰᠤ ᠢᠲᠡᠬᠦᠯᠬᠦ ᠦᠭᠡᠢ ᠭᠡᠲᠦᠨ ᠡᠲᠦᠷ ᠬᠦᠯᠢᠶᠡᠯᠭᠡᠪᠡᠯ ᠮᠠᠯᠤᠨ ᠵᠢᠩ ᠪᠠᠭᠠ ᠦᠭᠡᠢ ᠪᠠᠭᠤᠷᠠᠨᠠ᠂ ᠭᠡᠲᠦᠨ ᠵᠢᠩ ᠵᠶ᠋ᠠᠷ ᠪᠠᠭᠤᠷᠠᠨᠠ ᠰᠢᠤ᠂ ᠡᠨᠡᠨᠢ ᠮᠠᠯᠴᠢᠳᠲᠤ ᠠᠪᠴᠤ ᠭᠡᠯᠡᠪᠡᠯ ᠦᠵᠡᠭᠲᠡᠬᠦ ᠦᠭᠡᠢ ᠬᠤᠬᠢᠷᠠᠯ᠂ ᠲᠡᠬᠢᠭ᠋ᠠᠳ ᠪᠦᠷ ᠲᠡᠷᠭᠡ ᠤᠨᠤᠭ᠋ᠠᠨᠤ ᠬᠦᠯᠦᠰᠤ᠂ ᠠᠷᠠᠰᠤᠨᠳᠤᠨᠢ ᠭᠠᠷᠭ᠋ᠠᠭᠰᠠᠨ ᠮᠢᠬᠠ᠂ ᠬᠠᠭ᠋ᠠᠰ ᠰᠡᠬᠦᠯᠢᠨᠢ ᠴᠦ᠍ ᠪᠤᠲᠤᠭᠠ ᠦᠭᠡᠢ ᠰᠢᠤ᠂ ᠲᠡᠭᠡᠷᠡᠨᠢ ᠲᠠᠬᠢᠭ᠋ᠠᠳ 20 ᠵᠢᠩᠠᠴᠠ ᠲᠤᠷᠤᠭᠰᠢ᠂ 30 ᠵᠢᠩᠠᠴᠠ ᠲᠤᠷᠤᠭᠰᠢ ᠭᠡᠬᠦᠴᠢᠯᠡᠨ ᠭᠡᠲᠦᠨ ᠲᠡᠰ ᠬᠤᠪᠢᠶᠠᠨ ᠠᠲᠠᠯᠢ ᠪᠤᠰᠤ ᠦᠨᠡᠪᠠᠷ ᠬᠤᠲᠠᠯᠲᠤᠨ ᠠᠪᠤᠨᠠ᠂ ᠡᠨᠡ ᠴᠢᠨᠢ ᠪᠠᠰᠠ ᠪᠠᠭᠠ ᠪᠤᠰᠤ ᠭᠠᠷᠤᠵᠠ᠂ ᠨᠠᠷᠢᠨ ᠲᠠᠩᠰᠠ ᠲᠤᠭ᠋ᠠᠴᠢᠬᠤ ᠶᠤᠮ ᠪᠤᠯ ᠪᠠᠭᠠ ᠦᠭᠡᠢ ᠲᠤᠭᠠ ᠰᠢᠤ ᠭᠡᠵᠤ ᠵᠢᠷᠡᠡᠨᠢᠭᠡ ᠮᠢᠬᠠ ᠴᠢᠨᠠᠬᠤ ᠵᠢᠨ ᠲᠠᠭ᠋ᠠᠤ ᠦᠬᠦᠴᠨᠳᠤ ᠬᠠᠪᠰᠤᠷᠬᠤᠪᠠᠷ ᠢᠷᠡᠭᠰᠡᠨ ᠬᠦᠮᠦᠰᠲᠤ ᠶᠠᠷᠢᠨᠠ᠃
— — ᠡᠨᠡ ᠤᠯᠠᠨ ᠨᠠᠷᠢᠨ ᠲᠠᠩᠰᠠ ᠵᠢ ᠶᠡᠷᠦᠨᠢ ᠪᠤᠲᠤᠵᠤ ᠦᠵᠡᠭᠡ ᠦᠭᠡᠢ ᠯᠠ ᠳ᠋ᠠ᠃ ᠶᠠᠪᠤᠭᠤᠯ ᠮᠠᠶ᠋ᠢᠮᠠᠶ᠋ᠢᠴᠢᠨᠳᠤ ᠬᠤᠲᠠᠯᠲᠤᠵᠤ ᠦᠭᠬᠦᠭᠡᠳ ᠭᠡᠲᠦᠢ ᠴᠦ᠍ ᠬᠤᠨᠵᠢᠭᠲᠠᠭᠰᠠᠨᠢ ᠪᠤᠤ ᠮᠡᠲᠡ᠃ ᠬᠦᠢ᠍ᠲᠡᠨ ᠬᠦᠮᠦᠷᠭᠡ ᠭᠠᠷᠤᠭ᠋ᠠᠳ ᠨᠡᠯᠢᠶᠡᠳ ᠦᠨᠡ ᠬᠦᠷᠭᠡᠯᠡ ᠭᠡᠰᠡᠨ ᠴᠢᠨᠢ ᠪᠠᠰᠠ ᠯᠠ ᠬᠤᠰᠤᠭᠤᠯᠵᠤ ᠪᠠᠶ᠋ᠢᠭᠠ ᠶᠤᠮ ᠪᠠᠶ᠋ᠢᠨᠠ᠃
— — ᠮᠠᠨ ᠰᠢᠭ᠋ ᠮᠠᠯᠴᠢᠨ ᠬᠦᠮᠦᠨ ᠡᠬᠦᠨᠢ ᠶᠠᠭ᠋ᠠᠬᠢᠵᠦ ᠮᠡᠲᠡᠨᠡ ᠳ᠋ᠠ᠂ ᠵᠢᠷᠡᠡᠨᠢᠭᠡ ᠢᠩᠬᠢᠵᠦ ᠭᠡᠯᠡᠬᠦ ᠦᠭᠡᠢ ᠶᠤᠮ ᠪᠤᠯ ᠪᠢᠲᠠ ᠴᠢᠨᠢ ᠮᠡᠲᠡᠬᠦ ᠴᠦ᠍ ᠦᠭᠡᠢ᠃ — — ᠲᠡᠬᠢᠭ᠋ᠠᠳ ᠭᠡᠯᠡᠪᠡᠯ᠂ ᠮᠡᠲᠡᠯᠡ ᠭᠡᠳ ᠶᠠᠭ᠋ᠠᠬᠢᠨᠠ ᠳ᠋ᠠ⁈ ᠁ ᠁
— — ᠵᠠ ᠵᠠ᠂ ᠦᠨᠦ ᠤᠷᠤᠢ ᠪᠠᠰᠠ ᠮᠢᠬᠠ ᠢᠲᠡᠬᠦ ᠶᠤᠮ ᠪᠠᠶ᠋ᠢᠨᠠ᠃
— — ᠪᠠᠰᠠ ᠬᠤᠶᠠᠷ ᠰᠢᠯ ᠲᠤᠭᠰᠢᠨ ᠬᠠᠷᠠᠪᠠᠷ ᠶᠠᠲᠠᠷᠠᠭᠠᠪᠠᠨ ᠲᠠᠶ᠋ᠢᠯᠴᠢᠬᠠᠨᠠ᠃
— — ᠶᠠᠭᠤ ᠴᠦ᠍ ᠭᠡᠰᠠᠨ ᠰᠢᠪᠲᠤᠷᠤᠭ᠋ᠠᠨᠳᠤᠪᠠᠨ ᠤᠷᠤᠬᠤ ᠶᠤᠮ ᠪᠠᠶ᠋ᠢᠨᠠ᠃ ᠶᠡᠷᠦᠨᠢ ᠲᠤᠯᠠᠭ᠋ᠠᠨ ᠡᠪᠤᠯ ᠪᠤᠯᠬᠤ ᠰᠢᠨᠵᠢᠲᠠᠢ ᠪᠠᠶ᠋ᠢᠭᠰᠠᠨ ᠶᠤᠮ᠂ ᠭᠡᠲᠡᠯᠡ ᠡᠨᠡ ᠭᠡᠲᠦᠨ ᠡᠲᠦᠷᠤᠨ ᠬᠦᠢ᠍ᠲᠡᠨ ᠭᠡᠭᠴᠢ᠂ ᠶᠢᠰᠤ ᠡᠬᠢᠯᠡᠭᠡ ᠦᠭᠡᠢᠪᠠᠷ ᠭᠤᠨᠠᠨᠤ ᠡᠪᠡᠷ ᠲᠠᠰᠤ ᠬᠦᠯᠲᠡᠬᠦᠨᠢ ᠡ᠃
— — ᠮᠠᠨᠤ ᠬᠦᠮᠦᠨ ᠲᠡᠭᠡᠭᠡᠳ ᠭᠡᠲᠦᠢ ᠮᠦᠩᠬᠦ ᠡᠪᠤᠷᠯᠡᠴᠢᠭᠡ ᠤᠤ？
— — ᠪᠠᠷᠤᠭ ᠲᠦᠮᠡ ᠦᠩᠭᠡᠷᠡᠬᠦ ᠪᠠᠶ᠋ᠢᠬᠠ᠃
— — ᠮᠠᠨᠤ ᠬᠠᠷᠠ ᠴᠦ᠍ ᠮᠤᠨᠲᠠᠭ ᠪᠠᠶ᠋ᠢᠨᠠ᠂ ᠰᠠᠷᠠ ᠠᠵᠢᠯᠯᠠᠬᠤ ᠦᠭᠡᠢᠪᠠᠷ ᠲᠦᠮᠡ ᠰᠢᠪᠬᠠᠷᠠᠨᠠ ᠭᠡᠭᠴᠢ᠂ ᠪᠢ ᠴᠦ᠍ ᠪᠠᠰᠠ ᠭᠠᠶ᠋ᠢᠭᠤᠢ ᠴᠢᠷᠮᠠᠶ᠋ᠢᠭᠰᠠᠨ ᠰᠢᠲᠠ᠂ ᠠᠷᠠᠢ ᠯᠠ ᠲᠦᠮᠡ ᠬᠦᠷᠬᠦ ᠦᠭᠡᠢ ᠪᠠᠶ᠋ᠢᠨᠠ᠃ ᠭᠡᠲᠡᠰᠤ ᠠᠷᠴᠢᠭᠰᠠᠨ ᠪᠦᠰᠡᠬᠦᠶ᠋ᠢᠴᠤᠳ ᠲᠡᠭᠡᠭᠡᠳ ᠭᠠᠨᠵᠤᠭᠠ ᠲᠦᠬᠦᠷᠡᠩ ᠤᠤ？
— — ᠤᠯᠲᠠᠭ ᠵᠶ᠋ᠠᠨ ᠤᠯᠵᠤ ᠯᠠ ᠪᠠᠶ᠋ᠢᠨᠠ᠂ ᠲᠤᠷᠠᠨᠢ ᠬᠦᠷᠪᠡᠯ ᠬᠢᠴᠢᠲᠡᠭ ᠰᠢᠷᠠᠨᠢ ᠬᠦᠷᠪᠡᠯ ᠠᠮᠠᠷᠠᠴᠢᠬᠠᠲᠠᠭ ᠴᠢᠮᠠᠠᠴᠠ ᠯᠠ ᠬᠤᠯᠠ ᠢᠯᠡᠬᠦᠦ ᠤᠯᠤᠨᠠ ᠳ᠋ᠠ᠃
— — ᠠᠶ᠋ᠢᠯᠤᠨ ᠪᠡᠷᠭᠡᠨ ᠴᠦ᠍ ᠮᠠᠭᠤ ᠡᠷᠡ ᠵᠢ ᠴᠢᠴᠠᠭᠠ ᠠᠯᠲᠠᠭᠤᠯᠤᠨᠠ ᠰᠢᠤ᠃
— — ᠰᠠᠬᠠᠯᠲᠤ ᠭᠤᠸᠠᠢ ᠦᠮᠦᠲᠦᠨᠳᠤᠪᠠᠨ ᠠᠯᠲᠠᠴᠢᠬᠠᠭᠰᠠᠨ ᠴᠦ᠍ ᠦᠭᠡᠢ ᠪᠢᠵᠡ？
— — ᠰᠠᠬᠠᠯᠲᠤ ᠰᠢᠷᠠ ᠴᠦ᠍ ᠡᠨᠡ ᠤᠲᠠᠭᠠ ᠬᠠᠷᠢᠨ ᠤᠬᠠᠭᠠ ᠤᠷᠤᠭᠰᠠᠨ ᠲᠦᠯᠦᠪᠲᠠᠢ᠂ ᠦᠪᠡᠷᠤᠨ ᠠᠵᠢᠯᠠᠴᠠᠪᠠᠨ ᠢᠯᠡᠬᠦᠦ ᠰᠠᠶ᠋ᠢᠨ ᠬᠢᠵᠤ ᠪᠠᠶ᠋ᠢᠨᠠ ᠰᠢᠣ᠂ ᠭᠡᠷᠲᠤᠪᠠᠨ ᠢᠩᠬᠢᠵᠦ ᠬᠢᠲᠡᠭᠨᠢ ᠰᠤᠨᠤᠰᠲᠠᠭᠠ ᠦᠭᠡᠢ ᠳ᠋ᠠ᠂ ᠦᠭᠡᠷᠡ ᠠᠶ᠋ᠢᠯᠳᠤ ᠪᠠᠶ᠋ᠢᠭᠰᠠᠨ ᠪᠤᠯ ᠪᠠᠷᠤᠭ ᠠᠯᠢ ᠭᠡᠲᠦᠶ᠋ᠢᠨᠠᠢ ᠲᠠᠤᠯᠠᠢ ᠵᠢᠨ ᠮᠦᠷ ᠵᠶ᠋ᠠᠨ ᠭᠠᠷᠭ᠋ᠠᠴᠢᠬᠠᠭᠰᠠᠨ ᠪᠠᠶ᠋ᠢᠬᠤ ᠳ᠋ᠠ᠂ ᠬᠠ ᠬᠠ
— — ᠰᠠᠬᠠᠯᠲᠤ ᠠᠬᠠ ᠤᠷᠵᠢᠲᠦᠷ ᠲᠠᠪᠤ ᠬᠦᠷᠬᠦ ᠭᠡᠵᠤ ᠪᠠᠶ᠋ᠢᠨᠠ ᠭᠡᠴᠢᠭᠡᠭᠰᠡᠨ ᠬᠢᠲᠤᠭᠠᠪᠠᠨ ᠪᠢᠯᠡᠬᠦᠲᠡᠵᠦ ᠪᠠᠶ᠋ᠢᠭᠰᠠᠨ ᠰᠢᠤ᠃
— — ᠲᠠᠷᠭᠤᠨ ᠮᠢᠬᠠᠪᠠᠷ ᠠᠮᠠᠪᠠᠨ ᠲᠤᠰᠤᠯᠠᠵᠤ᠂ ᠲᠤᠭᠰᠢᠨ ᠬᠠᠷᠠᠪᠠᠷ ᠬᠤᠲᠤᠭᠤᠲᠤᠪᠠᠨ ᠮᠢᠯᠢᠶᠠᠬᠤ ᠭᠡᠵᠤ ᠪᠠᠰᠠ ᠴᠦ᠍ ᠵᠢᠷᠭ᠋ᠠᠯ ᠳ᠋ᠠ᠃
— — ᠦᠭᠡᠢ ᠶᠡᠷᠦᠨᠢ ᠮᠢᠬᠠ ᠢᠲᠡᠭᠡᠳ ᠮᠠᠩᠰᠢᠭᠤᠷᠠᠴᠢᠯᠠ ᠭᠡᠲᠡᠭ᠂ ᠮᠠᠨᠤ ᠡᠨᠡ ᠭᠡᠲᠦᠨ ᠬᠦᠮᠦᠨ ᠭᠤᠤᠯ ᠦᠲᠡᠳᠤ ᠴᠦ᠍ ᠮᠠᠩᠰᠢᠭᠤᠷᠬᠠᠤᠨᠢ ᠦᠵᠡᠭᠲᠡᠭᠡ ᠦᠭᠡᠢ᠃ ᠭᠡᠷᠤᠨ ᠡᠵᠡᠨ ᠠᠯᠪᠠᠲᠠᠭᠠ ᠦᠭᠡᠢ ᠪᠠᠶ᠋ᠢᠬᠤᠳᠤ ᠠᠮᠠᠷᠠᠬᠤᠪᠠᠨ ᠪᠦᠷ ᠮᠠᠷᠲᠠᠴᠢᠬᠠᠲᠠᠭ ᠰᠤᠨᠢᠨ ᠤᠯᠤᠰ ᠡ⁉
— — ᠵᠤᠭᠤᠰ ᠭᠡᠪᠡᠯ 《ᠨᠤᠶ᠋ᠢᠷᠢᠨᠢ ᠨᠤᠬᠠᠢ ᠢᠲᠡᠴᠢᠭᠡᠨᠠ》 ᠰᠢᠤ᠃ ᠡᠪᠤᠯᠤᠨ ᠡᠲᠦᠷ ᠶᠠᠭ᠋ᠠᠬᠢᠬᠤ ᠵᠢᠨ ᠠᠷᠭᠠ ᠦᠭᠡᠢ ᠤᠬᠤᠷ ᠪᠠᠶ᠋ᠢᠵᠤ᠂ ᠴᠠᠶ᠋ᠢᠪᠤᠷ ᠨᠠᠷᠠ ᠤᠩᠭᠤᠨ ᠠᠭᠤᠯᠠ ᠵᠢᠨ ᠨᠤᠶᠠᠨ ᠤᠷᠬᠢᠯᠤᠨ ᠵᠤᠯᠠᠢ ᠦᠨᠦᠰᠤᠨ᠂ ᠭᠡᠤᠭᠡᠨ ᠵᠢᠰᠤᠪᠠᠨ ᠤᠯᠠᠭ᠋ᠠᠨ ᠱᠠᠪᠠᠷ ᠪᠦᠷᠬᠦᠨ ᠠᠭᠤᠯᠠ ᠵᠢᠨ ᠴᠠᠭ᠋ᠠᠨᠠ ᠨᠢᠭᠤᠭᠲᠠᠯᠠ᠃ ᠴᠠᠬᠢᠯᠭ᠋ᠠᠨ ᠳ᠋ᠧᠩᠤᠨ ᠭᠡᠷᠡᠯᠳᠤ ᠬᠦᠮᠦᠰ ᠶᠠᠭ᠋ᠠᠷᠠᠯᠲᠤᠨᠠ᠃ ᠬᠠ ᠬᠠ᠂ᠬᠢ᠂ᠬᠢ ᠁ ᠮᠠᠯ ᠵᠶ᠋ᠠᠨ ᠠᠮᠢᠲᠤᠪᠠᠷᠨᠢ ᠬᠤᠲᠠᠯᠲᠤᠪᠠᠯ ᠵᠠᠪᠰᠠᠷᠤᠨ ᠮᠠᠶ᠋ᠢᠮᠠᠶ᠋ᠢᠴᠢᠨ ᠢᠯᠡᠬᠦᠤ ᠠᠰᠢᠭ ᠬᠦᠷᠲᠠᠵᠤ ᠮᠠᠯᠴᠢᠳ ᠲᠤᠲᠠᠭᠤ ᠤᠷᠤᠯᠭᠠᠲᠠᠢ ᠪᠤᠯᠤᠨᠠ ᠭᠡᠲᠡᠭᠢ ᠵᠢᠷᠠᠡᠨᠢᠭᠡ ᠲᠤᠪ ᠲᠤᠲᠤ ᠮᠡᠲᠡᠲᠡᠭ᠃ ᠮᠠᠯ ᠠᠵᠤ ᠠᠬᠤᠢ ᠵᠢᠨ ᠵᠠᠬᠠ ᠲᠡᠯᠭᠡᠬᠦᠷᠤᠨ ᠪᠠᠶ᠋ᠢᠲᠠᠯᠢ ᠰᠠᠶ᠋ᠢᠨ ᠤᠶ᠋ᠢᠯᠠᠭ᠋ᠠᠲᠠᠭ ᠲᠡᠷᠡ ᠮᠠᠨᠢ ᠭᠡᠵᠤ ᠮᠠᠯ ᠵᠶ᠋ᠠᠨ ᠶᠠᠷᠤᠨᠢ ᠠᠮᠢᠲᠤ ᠪᠠᠷᠨᠢ ᠬᠤᠲᠠᠯᠲᠤᠲᠠᠭ ᠦᠭᠡᠢ᠃
《ᠮᠠᠯᠤᠨ ᠮᠢᠬᠠ ᠵᠢᠨ ᠴᠢᠨᠠᠷᠢ ᠪᠠᠲᠤᠯᠠᠭᠰᠠᠨ ᠰᠠᠭᠤᠷᠢᠨ ᠲᠡᠭᠡᠷᠠ ᠪᠤᠷᠤᠯᠠᠭᠤᠯᠬᠤ ᠠᠷᠭᠠ ᠵᠠᠮ ᠵᠶ᠋ᠠᠨ ᠤᠯᠪᠠᠯ ᠬᠠᠲᠠᠭ᠋ᠠᠭᠰᠠᠨ ᠮᠢᠬᠠ ᠪᠤᠯᠤᠨ ᠦᠪᠡᠷ ᠵᠶ᠋ᠠᠨ ᠠᠯᠠᠵᠤ ᠬᠤᠲᠠᠯᠲᠤᠬᠤ ᠵᠢᠨ ᠠᠯᠢᠨᠤᠬᠢᠨ ᠴᠦ᠍ ᠪᠤᠷᠤᠯᠠᠭᠤᠯᠭᠠᠨᠢ ᠪᠦᠷ ᠰᠠᠶ᠋ᠢᠨ ᠰᠢᠤ᠂ ᠲᠠ ᠨᠠᠷ ᠵᠠᠬᠠᠪᠠᠨ ᠤᠯᠬᠤ ᠦᠭᠡᠢ ᠪᠤᠯ ᠪᠢ ᠬᠠᠷᠢᠯᠴᠠᠵᠤ ᠦᠭᠬᠦᠭᠰᠡᠨ ᠴᠦ᠍ ᠪᠤᠯᠤᠨᠠ》 ᠲᠡᠷᠨ ᠦᠪᠠᠷᠤᠨ ᠲᠤᠷᠰᠢᠯᠭᠠᠪᠠᠨ ᠮᠠᠯᠴᠢᠨ ᠲᠦᠮᠡᠨᠲᠠᠢᠪᠠᠨ ᠬᠠᠷᠠᠮ ᠦᠭᠡᠢ ᠬᠤᠪᠢᠶᠠᠯᠴᠠᠵᠤ᠂ ᠬᠠᠮᠲᠤᠪᠠᠷ ᠪᠠᠶᠠᠵᠢᠨ ᠴᠢᠨᠡᠭᠡᠯᠢᠭᠵᠢᠬᠦ ᠵᠢ ᠰᠠᠨᠠᠭ᠋ᠠᠴᠢᠯᠠᠭᠰᠠᠨ ᠪᠠᠶ᠋ᠢᠨᠠ᠃ ᠡᠪᠤᠯᠤᠨ ᠬᠦᠢ᠍ᠲᠠᠨ ᠡᠲᠤᠷᠢ ᠲᠠᠭ᠋ᠠᠷᠠᠭᠤᠯᠵᠤ ᠮᠢᠬᠠ ᠬᠠᠲᠠᠭ᠋ᠠᠬᠤᠨᠢ ᠬᠠᠮᠤᠭ ᠰᠠᠶ᠋ᠢᠨ ᠪᠠᠶ᠋ᠢᠲᠠᠭ᠃ ᠪᠤᠷᠴᠠᠯᠠᠭᠰᠠᠨ ᠮᠢᠬᠠ ᠲᠠᠷᠤᠶ᠋ᠢᠬᠠᠨ ᠬᠦᠯᠲᠡᠬᠦᠨᠢ ᠴᠢᠰᠤᠨᠤ ᠱᠦᠬᠦᠷᠡᠯᠲᠡ ᠵᠢ ᠪᠠᠭ᠋ᠠᠰᠬᠠᠨ᠂ ᠬᠠᠲᠠᠭ᠋ᠠᠭᠰᠠᠨ ᠮᠢᠬᠠᠨᠢ ᠦᠩᠭᠡ ᠰᠠᠶ᠋ᠢᠲᠠᠢ᠂ ᠠᠮᠲᠠᠨᠢ ᠭᠤᠶ᠋ᠢᠲᠠ ᠰᠠᠶ᠋ᠢᠬᠠᠨ ᠪᠤᠯᠲᠠᠭ᠃ ᠵᠤᠨᠳᠤᠪᠠᠨ ᠮᠢᠬᠠ ᠬᠠᠲᠠᠭ᠋ᠠᠬᠤᠳᠤ ᠪᠤᠷᠴᠠᠪᠠᠨ ᠨᠠᠷᠢᠨ ᠵᠦᠰᠦᠵᠤ᠂ ᠠᠷᠭ᠋ᠠᠯᠤᠨ ᠤᠲᠤᠭᠠᠪᠠᠷ ᠤᠲᠤᠪᠠᠯ ᠠᠮᠠᠷᠬᠠᠨ ᠦᠲᠦᠬᠦ ᠦᠭᠡᠢ ᠪᠦᠭᠡᠳ ᠦᠨᠦᠷ ᠠᠮᠲᠠᠨᠢ ᠰᠠᠶ᠋ᠢᠬᠠᠨ ᠪᠤᠯᠲᠠᠭ᠃ ᠮᠢᠬᠠ ᠬᠠᠲᠠᠭ᠋ᠠᠬᠤᠳᠤ ᠬᠤᠨᠢᠨ ᠮᠢᠬᠠ ᠪᠤᠯᠬᠤ ᠦᠭᠡᠢ᠂ ᠮᠤᠩᠭᠤᠯ ᠠᠨᠠᠭ᠋ᠠᠬᠤ ᠤᠬᠠᠭ᠋ᠠᠨᠳᠤ ᠬᠤᠨᠢᠨ ᠮᠢᠬᠠ ᠵᠠᠭᠤᠨ ᠡᠲᠤᠷ ᠦᠩᠭᠡᠷᠠᠪᠠᠯ ᠰᠢᠮᠠ ᠠᠯᠲᠠᠭᠲᠠᠵᠤ᠂ ᠢᠮᠠᠭ᠋ᠠᠨ ᠮᠢᠬᠠ ᠵᠠᠭᠤᠨ ᠡᠲᠤᠷ ᠦᠩᠭᠡᠷᠠᠪᠠᠯ ᠡᠮ ᠪᠤᠯᠤᠨᠠ ᠭᠡᠲᠡᠭ᠃
2017 ᠤᠨᠳᠤ᠂ ᠵᠢᠷᠡᠡᠨᠢᠭᠡ ᠰᠢᠪᠸᠢ ᠢᠲᠡᠭᠡᠨ ᠤᠮᠲᠠᠭ᠋ᠠᠨᠤ ᠺᠤᠮᠫᠠᠨᠢᠳᠤ ᠬᠠᠲᠠᠭ᠋ᠠᠭᠰᠠᠨ ᠮᠢᠬᠠ ᠬᠠᠩᠭ᠋ᠠᠬᠤ ᠲᠤᠬᠠᠢ ᠭᠡᠷᠡ ᠲᠤᠭᠲᠠᠭᠰᠠᠨᠠᠴᠠ ᠮᠢᠩᠭᠠ ᠭᠠᠷᠤᠢ ᠢᠮᠠᠭ᠋ᠠᠨᠤ ᠮᠢᠬᠠ ᠵᠢ ᠬᠠᠲᠠᠭ᠋ᠠᠵᠤ᠂ ᠦᠪᠡᠷ ᠵᠶ᠋ᠠᠨ ᠠᠰᠢᠭ ᠬᠦᠷᠲᠡᠭᠰᠡᠨ ᠵᠶ᠋ᠠᠷ ᠪᠠᠷᠠᠬᠤ ᠦᠭᠡᠢ ᠮᠠᠯᠴᠢᠨ ᠲᠦᠮᠡᠨᠳᠤᠪᠠᠨ ᠴᠦ᠍ ᠠᠰᠢᠭ ᠬᠦᠷᠲᠡᠭᠡᠭᠰᠡᠨ ᠪᠠᠶ᠋ᠢᠨᠠ᠃ ᠢᠯᠡᠩᠭᠤᠶᠠ ᠲᠡᠬᠦᠨᠤ ᠲᠠᠭ᠋ᠠᠭᠤᠯᠭᠠᠪᠠᠷ ᠤᠶ᠋ᠢᠷᠠ ᠵᠢᠨ ᠭᠡᠲᠦᠨ ᠮᠠᠯᠴᠢᠳᠤᠨ ᠦᠵᠡᠯ ᠤᠬᠠᠮᠰᠠᠷᠲᠤ ᠶᠡᠭᠡᠭᠡᠨ ᠬᠤᠪᠢᠷᠠᠯᠲᠠ ᠭᠠᠷᠴᠤ᠂ ᠦᠪᠡᠷ ᠵᠶ᠋ᠠᠨ ᠠᠯᠠᠵᠤ ᠬᠤᠲᠠᠯᠲᠤᠬᠤ᠂ ᠮᠢᠬᠠ ᠬᠠᠲᠠᠭ᠋ᠠᠵᠤ ᠬᠤᠲᠠᠯᠲᠤᠬᠤ ᠬᠦᠮᠦᠨ ᠤᠯᠠᠰᠢᠷᠠᠵᠤ ᠡᠬᠢᠯᠡᠭᠰᠡᠨ ᠰᠠᠶ᠋ᠢᠨ ᠤᠴᠢᠷ ᠬᠠᠶᠠ ᠦᠭᠡᠢ ᠲᠤᠭᠤᠯᠲᠠᠬᠤ ᠪᠤᠯᠵᠠᠢ᠃ ᠢᠷᠡᠬᠦ ᠵᠢᠯᠠᠴᠠ ᠮᠠᠯᠤᠨ ᠮᠢᠬᠠᠪᠠᠨ ᠨᠢᠭᠡ ᠡᠷᠢᠨᠤ ᠬᠤᠭᠤᠯᠠᠨᠳᠤ ᠴᠢᠨᠠᠵᠤ ᠢᠲᠠᠬᠦ ᠭᠡᠮᠵᠢᠶᠠᠪᠠᠷ ᠤᠭᠤᠲᠠᠯᠠᠵᠤ᠂ ᠵᠠᠬᠠ ᠲᠡᠯᠭᠡᠬᠦᠷᠲᠤ ᠪᠤᠷᠤᠯᠠᠭᠤᠯᠬᠤ ᠠᠷᠭᠠ ᠵᠢ ᠪᠤᠲᠤᠵᠤ ᠪᠤᠢ᠃ 《ᠤᠲᠤ ᠵᠢᠨ ᠬᠦᠮᠤᠰ ᠴᠢᠨᠢ ᠪᠦᠷ ᠪᠡᠯᠠᠨ ᠶᠠᠭᠤᠮᠠᠨᠳᠤ ᠲᠤᠷᠠᠲᠠᠢ！ ᠦᠶᠡᠴᠢᠯᠡᠨ ᠰᠠᠯᠭ᠋ᠠᠭ᠋ᠠᠳ ᠶᠠᠰᠤ ᠵᠢᠨᠢ ᠬᠢᠷᠤᠭᠡᠲᠡᠵᠤ ᠪᠡᠯᠠᠨ ᠪᠤᠯᠭ᠋ᠠᠴᠢᠬᠠᠪᠠᠯ ᠬᠦᠮᠦᠰᠤᠨ ᠰᠠᠨᠠᠭ᠋ᠠᠨᠳᠤ ᠨᠡᠶ᠋ᠢᠴᠡᠴᠢᠭᠡᠨᠡ᠃ ᠢᠩᠬᠢᠪᠡᠯ ᠪᠤᠷᠤᠯᠠᠭᠤᠯᠭᠠ ᠤᠯᠠᠮ ᠰᠠᠶ᠋ᠢᠵᠢᠷᠠᠬᠤ ᠶᠤᠮ》 ᠭᠡᠵᠤ ᠵᠢᠷᠠᠡᠨᠢᠭᠡ ᠮᠠᠯ ᠤᠨ ᠮᠢᠬᠠᠪᠠᠨ ᠪᠤᠷᠤᠯᠠᠭᠤᠯᠬᠤ ᠰᠢᠨᠠ ᠠᠷᠭᠠ ᠤᠬᠠᠭ᠋ᠠᠨ ᠵᠶ᠋ᠠᠨ ᠠᠰᠠᠭᠤᠭᠰᠠᠨ ᠬᠦᠮᠦᠨ ᠪᠦᠬᠦᠨᠳᠤ ᠰᠢᠭᠤᠳ ᠭᠡᠯᠡᠴᠢᠭᠡᠨᠡ᠃ ᠵᠢᠷᠡᠡᠨᠢᠭᠡ ᠭᠡᠵᠤ ᠪᠤᠲᠤᠭᠰᠠᠨ ᠰᠠᠨᠠᠭᠰᠠᠨ ᠵᠶ᠋ᠠᠨ ᠶᠡᠷᠦᠠᠴᠠ ᠨᠢᠭᠤᠵᠤ ᠬᠠᠪᠴᠢᠲᠠᠭ ᠦᠭᠡᠢ᠂ ᠢᠩᠬᠢᠵᠦ ᠪᠠᠶ᠋ᠢᠭᠠᠨᠢ 《ᠮᠠᠯᠴᠢᠨ ᠲᠦᠮᠡᠨ ᠶᠠᠭᠤ ᠨᠢᠭᠡ ᠵᠢ ᠤᠬᠠᠭ᠋ᠠᠷᠭ᠋ᠠᠠᠰᠠᠢ》 ᠭᠡᠰᠡᠨ ᠰᠠᠨᠠᠭᠠ ᠴᠠᠭ᠋ᠠᠨᠠᠨᠢ ᠪᠠᠶ᠋ᠢᠭᠠ ᠠᠵᠠᠢ᠃
— — ᠪᠢᠲᠠᠨᠤ ᠠᠵᠤ ᠦᠢ᠍ᠯᠡᠰ ᠤᠲᠤ ᠨᠢᠭᠡᠨᠲᠡ ᠭᠡᠪᠴᠢᠶᠡᠵᠢᠬᠦ ᠬᠠᠨᠲᠤᠰᠢᠲᠠᠢ ᠪᠤᠯᠵᠠᠢ᠃ ᠲᠠᠸᠠᠷᠤᠨ ᠲᠠᠮᠲᠡᠭ ᠵᠶ᠋ᠠᠨ ᠴᠦ᠍ ᠭᠤᠶᠤᠴᠢᠯᠠᠭ᠋ᠠᠳ ᠪᠠᠶ᠋ᠢᠭᠠ ᠶᠤᠮ᠂ ᠤᠲᠠᠬᠤ ᠦᠭᠡᠢ ᠪᠠᠭᠤᠵᠤ ᠢᠷᠡᠬᠦ ᠪᠠᠶ᠋ᠢᠬᠠ᠃ ᠪᠢᠲᠠ ᠰᠢᠨᠠ ᠴᠠᠭ ᠦᠶᠠ ᠵᠢᠨ ᠲᠤᠬᠠᠶ᠋ᠢᠯᠠᠭᠰᠠᠨ ᠠᠵᠢᠯᠤᠨ ᠮᠠᠯᠴᠢᠨ ᠪᠤᠯᠬᠤᠪᠠᠷ ᠴᠢᠷᠮᠠᠶ᠋ᠢᠵᠤ ᠪᠠᠶ᠋ᠢᠨᠠ ᠰᠢᠤ ᠭᠡᠵᠤ ᠶᠡᠭᠡ ᠰᠤᠷᠭ᠋ᠠᠭᠤᠯᠢᠪᠠᠨ ᠲᠡᠬᠦᠰᠭᠡᠭᠡᠳ ᠨᠤᠲᠤᠭᠲᠤᠪᠠᠨ ᠪᠤᠴᠠᠵᠤ ᠮᠠᠯᠴᠢᠨ ᠪᠤᠯᠤᠭᠰᠠᠨ ᠵᠢᠷᠡᠡᠨᠢᠭᠡ ᠵᠢᠨ ᠬᠦᠦ ᠠᠰᠠᠷᠨᠢ ᠤᠷᠮᠠᠲᠠᠢ ᠶᠠᠷᠢᠨᠠ᠃ ᠬᠠᠯᠠᠭᠤᠨ ᠬᠦᠢ᠍ᠲᠡᠨ ᠡᠭᠡᠯᠵᠢᠯᠡᠭᠰᠡᠨ ᠲᠠᠯᠠ ᠨᠤᠲᠤᠭ ᠬᠤᠷᠠ ᠲᠤᠨᠤᠲᠠᠰᠤ ᠲᠡᠩᠴᠡᠬᠦᠪᠠᠷ᠂ ᠲᠦᠷᠪᠡᠨ ᠤᠯᠠᠷᠢᠯ ᠦᠪᠡᠷ ᠦᠪᠡᠷᠤᠨ ᠦᠩᠭᠡᠪᠠᠷ ᠢᠯᠭ᠋ᠠᠷᠠᠵᠤ᠂ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠲᠠᠷᠬᠠᠨ ᠪᠡᠯᠴᠢᠬᠦᠪᠠᠷ ᠨᠡᠩ ᠦᠵᠡᠰᠬᠦᠯᠡᠩ ᠭᠤᠶᠤ ᠪᠤᠯᠲᠠᠭ ᠰᠠᠨ᠃ ᠲᠠᠪᠤᠨ ᠬᠤᠰᠢᠭᠤ ᠮᠠᠯᠲᠠᠢ ᠪᠠᠶ᠋ᠢᠲᠠᠭ ᠵᠶ᠋ᠠᠷ ᠲᠠᠯᠠᠨᠢ ᠬᠠᠨᠠᠭ᠋ᠠᠷ ᠲᠡᠨᠢᠬᠦᠨ ᠲᠡᠭᠡᠷᠠᠨᠢ ᠠᠮᠢᠲᠤᠷᠠᠭᠠ ᠬᠦᠮᠦᠨᠨᠢ ᠲᠠᠶ᠋ᠢᠪᠤᠩ ᠠᠮᠤᠭᠤᠯᠠᠩ᠃ ᠮᠠᠯᠴᠢᠳᠤᠨ ᠠᠮᠢᠲᠤᠷᠠᠯ ᠮᠠᠯᠤᠨ ᠵᠶ᠋ᠠᠨ ᠪᠤᠶᠠᠨ ᠵᠶ᠋ᠠᠷ ᠭᠡᠲᠦᠨ ᠮᠢᠩᠭ᠋ᠠᠨ ᠵᠢᠯ ᠦᠷᠬᠦᠯᠵᠢᠯᠡᠵᠦ᠂ ᠦᠨᠦᠲᠦᠷ ᠪᠤᠯᠬᠤᠳᠤ ᠭᠡᠲᠦᠨ ᠲᠦᠬᠦᠷᠢᠭᠤᠨ ᠠᠷᠠᠰᠤ ᠵᠢ ᠭᠡᠲᠦᠨ ᠵᠠᠭᠤ ᠬᠦᠷᠭᠡᠬᠦ ᠤᠬᠠᠭ᠋ᠠᠨ ᠭᠡᠷᠡᠭᠲᠠᠢ ᠪᠤᠯᠤᠭᠰᠠᠨ ᠪᠠᠶ᠋ᠢᠨᠠ᠃ ᠲᠠᠷᠬᠠᠨ ᠡᠬᠦᠷᠭᠡ ᠬᠠᠷᠢᠭᠤᠴᠠᠯᠭᠠ ᠬᠤᠶᠠᠷ ᠪᠤᠭᠲᠠ ᠵᠢᠨ ᠨᠤᠶᠠᠨ ᠤᠷᠬᠢᠯᠳᠤ ᠤᠷᠭᠤᠬᠤ ᠨᠠᠷᠠ ᠤᠤᠭ᠋ᠠᠨ ᠰᠠᠴᠤᠷᠠᠭ ᠲᠤᠰᠬᠤᠪᠠᠷ᠂ ᠤᠷᠠᠳ ᠨᠤᠲᠤᠭᠲᠤ ᠰᠢᠨᠠ ᠡᠲᠦᠷ ᠡᠬᠢᠯᠡᠵᠦ ᠪᠠᠶ᠋ᠢᠭᠠ ᠨᠢ ᠡᠨᠡ᠃ ᠦᠨᠲᠦᠷ ᠰᠦᠷᠯᠢᠭ ᠬᠤᠶᠠᠷ ᠪᠤᠭᠲᠠ ᠵᠢᠨ ᠠᠭᠤᠯᠠᠨᠢ ᠲᠠᠯᠠᠢ ᠵᠢᠨ ᠲᠦᠪᠰᠢᠨᠠᠴᠠ 1850 ᠮᠸᠲᠷ ᠦᠨᠲᠦᠷ ᠡᠷᠬᠦᠭᠲᠡᠵᠦ᠂ ᠡᠬᠦᠯᠡ ᠮᠠᠨᠠᠨ ᠤᠭ᠋ᠠᠯᠵᠠᠷᠠᠭᠰᠠᠨ ᠰᠠᠶ᠋ᠢᠬᠠᠨ ᠭᠠᠵᠠᠷ ᠡ᠃ ᠠᠲᠡ ᠬᠠᠯᠢᠯ ᠬᠠᠲᠠ᠂ ᠠᠰᠬᠠ ᠭᠠᠴᠠᠭᠠ ᠤᠯᠠᠨᠲᠠᠢ᠂ ᠨᠠᠷᠠᠰᠤ᠂ ᠠᠭ᠋ᠠᠷᠤ᠂ ᠬᠠᠶ᠋ᠢᠯᠠᠰᠤᠪᠠᠷ ᠴᠢᠮᠡᠭᠲᠡᠨ᠂ ᠠᠷᠭ᠋ᠠᠯᠢ ᠤᠭ᠋ᠠᠯᠵᠠ᠂ ᠶᠠᠩᠬᠢᠷ᠂ ᠦᠨᠡᠭᠡ ᠴᠢᠨ᠋ᠸᠠ᠂ ᠡᠯᠢᠶᠡ᠂ ᠲᠠᠰ᠂ ᠪᠦᠷᠬᠦᠳ᠂ ᠶᠤᠯᠤ ᠮᠡᠲᠦ ᠵᠢᠨ ᠭᠡᠭᠡᠷᠡ ᠵᠢᠨ ᠡᠪᠡᠰᠤ ᠤᠷᠭᠤᠮᠠᠯ᠂ ᠠᠮᠢᠲᠠᠨ ᠵᠢᠬᠦᠷᠲᠡᠨᠤ ᠲᠠᠷᠬᠠᠨ ᠦᠯᠦᠭᠡᠢ᠃ ᠡᠶ᠋ᠢᠮᠦᠷᠬᠦᠦ ᠤᠷᠴᠢᠨᠳᠤ ᠡᠪᠡᠰᠤᠨ ᠲᠡᠵᠢᠭᠡᠯᠲᠦ ᠠᠮᠢᠲᠠᠨ ᠮᠢᠬᠠᠴᠢᠨ ᠠᠮᠢᠲᠠᠨᠤ ᠲᠤᠮᠲᠠ ᠤᠷᠤᠰᠢᠨ ᠲᠤᠭᠲᠠᠨᠢᠨᠠ ᠭᠡᠭᠴᠢ ᠲᠡᠶ᠋ᠢᠮᠦ ᠴᠦ᠍ ᠬᠢᠯᠪᠡᠷ ᠶᠠᠪᠤᠲᠠᠯ ᠪᠢᠰᠢ᠃
— — ᠢᠮᠠᠭᠠ ᠬᠠᠷᠢᠭᠤᠯᠤᠭᠰᠠᠨ ᠬᠦᠮᠦᠰᠲᠤ ᠨᠦᠬᠦᠪᠦᠷᠢ ᠦᠭᠬᠦ ᠶᠤᠮ ᠭᠡᠨᠡ᠃
— — ᠢᠮᠠᠭᠠ ᠬᠠᠷᠢᠭᠤᠯᠤᠭᠰᠠᠨ ᠬᠦᠮᠦᠨᠳᠤ ᠪᠢᠰᠢ ᠰᠢᠤ᠂ ᠢᠮᠡᠭ᠋ᠠᠨᠳᠤ ᠦᠭᠬᠦ ᠶᠤᠮ ᠭᠡᠨᠠ᠃
— — ᠢᠮᠠᠭᠠ ᠪᠤᠯᠭ᠋ᠠᠨᠳᠤ ᠦᠭᠬᠦ ᠪᠢᠰᠢ᠂ ᠬᠠᠷᠢᠨ ᠬᠤᠶᠠᠷ ᠪᠤᠭᠲᠠ ᠵᠢᠨ ᠴᠠᠭ᠋ᠠᠨ ᠢᠮᠠᠭ᠋ᠠᠨᠳᠤ ᠨᠦᠬᠦᠪᠦᠷᠢ ᠦᠭᠬᠦᠨᠡ ᠭᠡᠵᠤ ᠪᠢ ᠰᠤᠨᠤᠰᠤᠭᠰᠠᠨ᠃
— — ᠪᠢᠰᠢ ᠪᠢᠰᠢ᠂ ᠬᠤᠶᠠᠷ ᠪᠤᠭᠲᠠ ᠵᠢᠨ ᠴᠠᠭ᠋ᠠᠨ ᠢᠮᠠᠭᠠ ᠪᠤᠯᠭ᠋ᠠᠨᠳᠤ ᠦᠭᠬᠦ ᠪᠢᠰᠢ᠂ ᠲᠡᠭᠡᠬᠦ ᠮᠦᠷᠲᠡᠭᠡᠨ ᠵᠠᠪᠠᠯ ᠪᠠᠷᠢᠮᠵᠢᠶᠠᠨᠳᠤ ᠬᠦᠷᠦᠭᠰᠡᠨ ᠵᠠᠭᠤᠨ ᠢᠮᠠᠭ᠋ᠠᠨᠳᠤ ᠯᠠ ᠦᠭᠬᠦ ᠶᠤᠮ ᠭᠡᠵᠤ ᠵᠢᠷᠡᠡᠨᠢᠭᠡ ᠨᠠᠲᠠᠳᠤ ᠨᠠᠷᠢᠨ ᠶᠠᠷᠢᠵᠦ ᠪᠠᠶ᠋ᠢᠭᠰᠠᠨ᠂ ᠭᠡᠪᠡᠴᠣ ᠪᠢ ᠴᠢᠨᠢ ᠨᠠᠰᠤ ᠶᠠᠪᠤᠭ᠋ᠠᠳ ᠴᠡᠭᠡᠵᠢ ᠮᠠᠭᠤᠲᠠᠵᠠᠢ᠂ ᠲᠡᠬᠦᠨᠤ ᠭᠡᠯᠡᠭᠰᠡᠨᠢ ᠬᠦᠢ᠍ᠴᠡᠳ ᠲᠤᠭᠲᠠᠭ᠋ᠠᠵᠤ ᠴᠢᠲᠠᠭᠰᠠᠨ ᠦᠭᠡᠢ᠃
— — ᠶᠠᠭᠤ ᠴᠦ᠍ ᠭᠡᠰᠡᠠ ᠬᠤᠶᠠᠷ ᠪᠤᠭᠲᠠ ᠵᠢᠨ ᠴᠠᠭ᠋ᠠᠨ ᠢᠮᠠᠭ᠋ᠠᠨᠳᠤ ᠯᠠ ᠨᠦᠬᠦᠪᠦᠷᠢ ᠦᠭᠬᠦᠨᠢ ᠪᠠᠲᠤᠲᠠᠢ ᠪᠤᠯᠤᠯᠠ ᠁
ᠮᠠᠯᠴᠢᠨᠤ ᠦᠷᠡ ᠪᠤᠯᠤᠭᠰᠠᠨ ᠵᠢᠷᠡᠡᠨᠢᠭᠡ ᠮᠠᠯᠵᠢᠬᠤ ᠠᠮᠢᠲᠤᠷᠠᠯᠢ ᠰᠠᠶ᠋ᠢᠨ ᠤᠶ᠋ᠢᠯᠠᠭ᠋ᠠᠬᠤᠪᠠᠷ ᠪᠠᠷᠠᠬᠤ ᠦᠭᠡᠢ ᠮᠠᠯᠴᠢᠨ ᠲᠦᠮᠡᠨᠤ ᠵᠤᠪᠠᠭᠤᠷᠢ ᠵᠦᠲᠡᠬᠦᠷᠢ ᠵᠢ ᠴᠦ᠍ ᠰᠠᠶ᠋ᠢᠨ ᠮᠡᠲᠡᠲᠡᠭ᠃ ᠨᠡᠩ ᠴᠦ᠍ ᠬᠤᠰᠢᠭᠤᠨᠤ ᠠᠷᠠᠳᠤᠨ ᠲᠦᠯᠦᠭᠡᠯᠡᠭᠴᠢᠳᠤᠨ ᠶᠡᠭᠡ ᠬᠤᠷᠠᠯᠤᠨ ᠲᠦᠯᠦᠭᠡᠯᠡᠭᠴᠢ ᠪᠤᠯᠤᠭᠰᠠᠨᠠᠴᠠ ᠨᠠᠭ᠋ᠠᠰᠢ᠂ ᠬᠤᠭᠤᠰᠤᠨ ᠨᠠᠷᠠ ᠮᠠᠨᠲᠤᠭᠤᠯᠵᠤ ᠬᠤᠩᠬᠤ ᠲᠠᠮᠠᠷᠤ ᠴᠤᠬᠢᠭᠠ ᠦᠭᠡᠢ᠃ ᠠᠷᠠᠳᠤᠨ ᠲᠦᠯᠦᠭᠡᠯᠡᠭᠴᠢᠳᠤᠨ ᠶᠡᠭᠡ ᠬᠤᠷᠠᠯᠤᠨ ᠲᠦᠯᠦᠭᠡᠯᠡᠭᠴᠢ ᠪᠤᠯᠤᠭᠰᠠᠨ ᠠᠵᠠ ᠵᠠᠪᠰᠢᠶᠠᠨ ᠵᠶ᠋ᠠᠨ ᠪᠦᠷᠢᠨ ᠠᠰᠢᠭᠯᠠᠵᠤ᠂ ᠤᠷᠢᠳ ᠬᠤᠵᠢᠳ ᠲᠠᠯᠠ ᠨᠤᠲᠤᠭᠤᠨ ᠠᠮᠢ ᠠᠬᠤᠢ ᠵᠢᠨ ᠱᠠᠩᠨᠠᠯ ᠨᠦᠬᠦᠪᠦᠷᠢ ᠵᠢᠨ ᠮᠦᠩᠬᠦ ᠵᠢ ᠲᠡᠭᠡᠭᠰᠢᠯᠡᠬᠦᠯᠬᠦ᠂ ᠰᠠᠶ᠋ᠢᠨ ᠡᠬᠦᠯᠲᠡᠷᠤᠨ ᠮᠠᠯᠳᠤ ᠨᠦᠬᠦᠪᠦᠷᠢ ᠦᠭᠬᠦ᠂ ᠬᠤᠷᠤᠭᠠ ᠰᠠᠷᠠᠪᠴᠢ ᠡᠪᠡᠰᠤᠨ ᠬᠠᠰᠢᠶᠠ ᠪᠠᠷᠢᠬᠤᠳᠤ ᠨᠦᠬᠦᠪᠦᠷᠢ ᠦᠭᠬᠦ᠂ ᠪᠠᠯᠴᠢᠭᠡᠷᠯᠡᠬᠦ ᠵᠢ ᠬᠤᠷᠢᠭᠯᠠᠭ᠋ᠠᠳ ᠬᠤᠭᠤᠴᠠᠭᠠᠨᠢ ᠲᠤᠯᠤᠭ᠋ᠠᠳ ᠲᠡᠬᠢᠨ ᠮᠠᠯᠵᠢᠭᠤᠯᠬᠤ ᠦᠶᠡ ᠮᠠᠯᠤᠨ ᠲᠤᠭᠠ ᠵᠢ ᠵᠤᠬᠢᠮᠵᠢᠲᠡᠢᠪᠠᠷ ᠨᠡᠮᠡᠭᠲᠡᠬᠦᠯᠬᠦ᠂ ᠮᠠᠯᠵᠢᠬᠤ ᠤᠷᠤᠨᠤ ᠤᠤᠭᠤᠬᠤ ᠤᠰᠤᠨᠤ ᠠᠰᠠᠭᠤᠲᠠᠯᠢ ᠰᠢᠢ᠍ᠳᠪᠦᠷᠢᠯᠡᠬᠦ᠂ ᠤᠯᠠᠭ᠋ᠠᠨ ᠢᠲᠡᠭᠡᠨᠤ ᠵᠠᠬᠠ ᠲᠡᠯᠭᠡᠬᠦᠷᠢ ᠴᠡᠭᠴᠡᠯᠡᠬᠦ᠂ ᠰᠤᠮᠤᠨᠳᠤ ᠮᠤᠩᠭᠤᠯ ᠦᠨᠲᠤᠰᠤᠲᠠᠨᠤ ᠭᠡᠤᠭᠡᠳᠤᠨ ᠴᠡᠴᠡᠷᠯᠢᠭᠢ ᠪᠠᠶ᠋ᠢᠭᠤᠯᠬᠤ᠂ ᠦᠨᠠ ᠲᠦᠯᠤᠪᠤᠷᠢ ᠦᠭᠡᠢᠪᠠᠷ ᠬᠢᠵᠢᠭᠢ ᠰᠡᠷᠭᠡᠶ᠋ᠢᠯᠡᠬᠦ ᠲᠠᠷᠢᠯᠭᠠ ᠲᠠᠷᠢᠬᠤ ᠵᠡᠷᠭᠡ ᠮᠠᠯᠴᠢᠳᠤᠨ ᠠᠮᠢᠲᠤᠷᠠᠯᠳᠤ ᠬᠤᠯᠪᠤᠭᠲᠠᠭᠰᠠᠨ ᠠᠯᠢ ᠤᠯᠠᠨ ᠠᠰᠠᠭᠤᠲᠠᠯᠳᠤ ᠰᠡᠳᠬᠢᠯ ᠵᠶ᠋ᠠᠨ ᠵᠦᠲᠡᠭᠡᠨ᠂ ᠵᠢᠯ ᠪᠦᠷᠢ ᠭᠡᠲᠦᠨ ᠬᠤᠪᠢ ᠰᠠᠨᠠᠭᠤᠯᠭᠠᠪᠠᠨ ᠲᠠᠪᠰᠢᠬᠦᠯᠵᠦ᠂ ᠡᠲᠦᠢ ᠲᠡᠲᠦᠢ ᠰᠠᠨᠠᠭᠤᠯᠭᠠᠨᠢ ᠨᠢᠭᠡᠨᠲᠡ ᠪᠡᠶᠡᠯᠡᠯ ᠵᠶ᠋ᠠᠨ ᠤᠯᠵᠤ᠂ ᠮᠠᠯᠴᠢᠨ ᠲᠦᠮᠠᠨᠳᠡᠭᠡᠨ ᠠᠴᠢ ᠲᠤᠰᠨᠲᠠᠢ ᠠᠵᠢᠯ ᠬᠢᠵᠤ ᠶᠠᠪᠤᠨᠠ᠃
ᠵᠢᠷᠡᠡᠨᠢᠭᠡ ᠵᠢᠨ ᠲᠠᠪᠰᠢᠬᠦᠯᠦᠭᠰᠡᠨ 《ᠬᠤᠶᠠᠷ ᠪᠤᠭᠲᠠ ᠵᠢᠨ ᠨᠤᠯᠤᠤᠷᠤᠨ ᠴᠠᠭ᠋ᠠᠨ ᠢᠮᠠᠭᠠᠳᠤ ᠨᠦᠬᠦᠪᠦᠷᠢ ᠦᠭᠬᠦ ᠲᠤᠬᠠᠢ ᠰᠠᠨᠠᠭᠤᠯᠭᠠ》ᠨᠢ ᠤᠷᠠᠳᠤᠨ ᠲᠤᠮᠲᠠᠲᠤ ᠬᠤᠰᠢᠭᠤᠨᠤ ᠨᠠᠮᠤᠨ ᠬᠤᠷᠢᠶᠠ᠂ ᠵᠠᠰᠠᠭᠤᠨ ᠤᠷᠲᠤᠨᠤ ᠬᠦᠨᠲᠦᠳᠭᠡᠯᠢ ᠤᠯᠵᠤ᠂ ᠬᠠᠮᠢᠶᠠ ᠪᠦᠬᠦᠢ ᠪᠠᠶ᠋ᠢᠭᠤᠯᠭᠠ ᠨᠢᠭᠡᠴᠡᠨᠢ ᠲᠠᠷᠤᠶ᠋ᠢᠬᠠᠨ ᠬᠦᠲᠡᠯᠦᠯᠴᠡᠨ ᠬᠤᠶᠠᠷ ᠪᠤᠭᠲᠠ ᠵᠢᠨ ᠨᠤᠯᠤᠤᠷᠤᠨ ᠴᠠᠭ᠋ᠠᠨ ᠢᠮᠠᠭ᠋ᠠᠨᠤ ᠲᠠᠷᠬᠠᠯᠲᠠ ᠵᠢᠨ ᠪᠠᠶ᠋ᠢᠲᠠᠯ᠂ ᠴᠢᠨᠠᠷ ᠴᠢᠨᠰᠠᠭᠠᠳᠤ ᠪᠠᠶ᠋ᠢᠴᠠᠭ᠋ᠠᠯᠲᠠ ᠬᠢᠭᠰᠡᠨ ᠪᠦᠭᠡᠳ ᠲᠡᠭᠡᠲᠦ ᠱᠠᠲᠤᠨᠳᠤ ᠮᠡᠲᠡᠬᠦᠯᠦᠨ᠂ ᠨᠦᠬᠦᠪᠦᠷᠢ ᠤᠯᠭᠤᠬᠤ ᠵᠢ ᠵᠦᠪᠰᠢᠶᠡᠷᠡᠭᠰᠡᠨ ᠵᠶ᠋ᠠᠷ ᠭᠡᠷᠡᠭᠵᠢᠬᠦᠯᠵᠦ ᠡᠬᠢᠯᠡᠭᠰᠡᠨ ᠪᠠᠶ᠋ᠢᠨᠠ᠃
ᠤᠷᠠᠳ ᠨᠤᠲᠤᠭ ᠠᠭᠤᠯᠠ ᠤᠯᠠᠨᠲᠠᠢ᠂ ᠲᠠᠯᠠ᠂ ᠭᠤᠪᠢ ᠭᠡᠳ ᠭᠠᠵᠠᠷᠤᠨ ᠪᠠᠶ᠋ᠢᠴᠠ ᠬᠡᠯᠪᠡᠷᠢᠨᠢ ᠨᠠᠷᠢᠨ ᠪᠤᠳᠣᠯᠢᠶᠠᠨᠳᠠᠢ᠂ ᠭᠠᠩ ᠬᠠᠭᠤᠷᠢ ᠪᠠᠶ᠋ᠢᠲᠠᠭᠠᠴᠠ ᠡᠪᠡᠰᠦ ᠣᠷᠭᠤᠮᠠᠯᠨᠢ ᠲᠡᠮᠡᠢ ᠦᠨᠲᠦᠷ ᠤᠷᠭᠤᠵᠤ ᠴᠢᠲᠠᠲᠠᠭ ᠦᠭᠡᠢ ᠴᠦ᠍ ᠰᠢᠮᠡ ᠲᠡᠵᠢᠭᠡᠯ ᠵᠶ᠋ᠠᠷ ᠰᠠᠶ᠋ᠢᠨ᠂ ᠡᠪᠡᠰᠣ ᠤᠷᠭᠤᠮᠠᠯᠤᠨ ᠲᠦᠷᠦᠯ ᠵᠦᠢ᠍ᠯ ᠴᠦ᠍ ᠤᠯᠠᠨ ᠪᠠᠶ᠋ᠢᠳᠠᠭ᠃ ᠤᠷᠲᠤ ᠤᠲᠠᠭ᠋ᠠᠨ ᠲᠡᠤᠭᠡ ᠵᠢᠨ ᠰᠢᠯᠢᠭᠲᠡᠯ ᠵᠶ᠋ᠠᠷ ᠬᠤᠶᠠᠷ ᠪᠤᠭᠳᠠ ᠵᠢᠨ ᠴᠠᠭ᠋ᠠᠨ ᠢᠮᠠᠭᠠ ᠬᠡᠮᠡᠬᠦ ᠡᠨᠡᠬᠦ ᠪᠦᠬᠦ ᠣᠯᠣᠰ ᠴᠢᠨᠠᠭᠰᠢᠯᠠᠨ ᠲᠡᠯᠡᠬᠡᠢᠳᠤ ᠬᠤᠪᠤᠷ ᠴᠣᠬᠠᠭ ᠰᠢᠯᠢᠳᠡᠭ ᠡᠬᠦᠯᠳᠡᠷᠢ ᠪᠤᠢ ᠪᠤᠯᠭ᠋ᠠᠭᠰᠠᠨ ᠪᠠᠶ᠋ᠢᠨᠠ᠃ ᠬᠤᠶᠠᠷ ᠪᠤᠭᠲᠠ ᠵᠢᠨ ᠴᠠᠭ᠋ᠠᠨ ᠢᠮᠠᠭᠠᠨᠢ ᠪᠠᠶ᠋ᠢᠭ᠋ᠠᠯᠢᠲᠠᠢᠪᠠᠨ ᠵᠤᠬᠢᠴᠠᠬᠤ ᠴᠢᠲᠠᠪᠤᠷᠢ ᠪᠠ ᠡᠪᠡᠳᠴᠢᠨᠢ ᠡᠰᠡᠷᠬᠦᠴᠡᠬᠦ ᠴᠢᠲᠠᠪᠤᠷᠢᠨᠢ ᠴᠢᠩᠭᠠ᠂ ᠪᠡᠶᠠ ᠪᠠᠶ᠋ᠢᠳᠠᠯᠨᠢ ᠲᠡᠭᠰᠢᠬᠡᠨ᠂ ᠮᠢᠬᠠ ᠰᠠᠶ᠋ᠢᠨᠲᠡᠢ᠂ ᠠᠵᠦ ᠠᠬᠤᠢ ᠵᠢᠨ ᠡᠷᠬᠢᠯᠳᠡ ᠵᠢᠨ ᠬᠤᠭᠤᠴᠠᠭᠠᠨᠢ ᠣᠬᠤᠷ᠂ ᠦᠷᠠ ᠠᠰᠢᠭᠨᠢ ᠰᠠᠶ᠋ᠢᠨ ᠵᠡᠷᠭᠡ ᠦᠪᠡᠷᠮᠢᠴᠡ ᠤᠨᠴᠠᠯᠢᠭᠲᠠᠢ᠃ ᠬᠤᠶᠠᠷ ᠪᠤᠭᠲᠠ ᠵᠢᠨ ᠴᠠᠭ᠋ᠠᠨ ᠢᠮᠡᠭ᠋ᠠᠨᠤ ᠰᠤᠷᠨᠢ ᠤᠷᠲᠤ᠂ ᠲᠡᠭᠰᠢᠳᠭᠡᠭᠡᠳ 15 ᠰᠡᠨᠲ᠋ᠢᠮᠸᠲᠷᠠᠴᠠ ᠲᠡᠭᠡᠭᠰᠢ ᠪᠠᠶ᠋ᠢᠵᠤ᠂ ᠨᠤᠯᠤᠤᠷᠨᠢ ᠤᠷᠲᠤ ᠪᠦᠭᠡᠳ ᠵᠦᠭᠡᠯᠡᠨ᠂ ᠬᠠᠷᠢᠮᠠᠬᠠᠢ ᠴᠢᠨᠠᠷ ᠵᠶ᠋ᠠᠷ ᠴᠢᠩᠭᠠ᠂ ᠦᠩᠭᠡᠨᠢ ᠭᠢᠯᠳᠠᠭ᠋ᠠᠨᠠᠮᠠ᠂ ᠨᠤᠯᠤᠤᠷᠤᠨ ᠰᠢᠷᠬᠢᠭᠨᠢ 13 — — 15 ᠮᠢᠺᠷᠦᠮᠧᠲᠷ ᠪᠦᠲᠦᠬᠦᠨ ᠪᠠᠶ᠋ᠢᠲᠠᠭ᠃ ᠲᠡᠶ᠋ᠢᠮᠦᠳᠤᠪᠠᠨ 《ᠲᠡᠯᠡᠬᠡᠢ ᠵᠢᠨ ᠰᠢᠷᠬᠡᠭᠯᠢᠭᠤᠨ ᠲᠣᠳᠣᠷᠠᠬᠢ ᠠᠯᠮᠠᠰ》᠂ 《ᠵᠦᠬᠡᠯᠡᠨ ᠠᠯᠳᠠ》 ᠬᠡᠮᠡᠨ ᠠᠯᠳᠠᠨ ᠲᠡᠯᠡᠬᠡᠢᠳᠤ ᠠᠯᠳᠠᠷᠰᠢᠭᠰᠠᠨ ᠶᠣᠮ᠃
1999 ᠤᠨᠳᠤ᠂ ᠦᠪᠦᠷ ᠮᠤᠩᠭᠤᠯᠤᠨ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠤᠷᠤᠨᠠᠴᠠ ᠬᠤᠶᠠᠷ ᠪᠤᠭᠲᠠ ᠵᠢᠨ ᠴᠠᠭ᠋ᠠᠨ ᠢᠮᠠᠭᠠ ᠵᠢ ᠨᠤᠯᠤᠤᠷᠤᠨ ᠴᠠᠭ᠋ᠠᠨ ᠢᠮᠠᠭᠠ ᠭᠡᠮᠡᠨ ᠨᠡᠷᠡᠶ᠋ᠢᠳᠪᠠ᠃ 2006 ᠤᠨᠳᠤ ᠤᠯᠤᠰᠤᠨ ᠮᠠᠯ ᠲᠡᠵᠢᠭᠡᠪᠦᠷᠢ ᠵᠢᠬᠦᠷᠲᠡᠨᠤ ᠤᠲᠤᠮᠰᠢᠯᠤᠨ ᠡᠬᠢ ᠪᠠᠶᠠᠯᠢᠭᠤᠨ ᠬᠠᠮᠠᠭ᠋ᠠᠯᠠᠯᠲᠠ ᠵᠢᠨ ᠦᠪᠤᠨ ᠵᠢᠭᠰᠠᠭ᠋ᠠᠯᠳᠠᠳᠤ ᠵᠢᠬᠰᠠᠭ᠋ᠠᠭᠲᠠᠪᠠ᠃ 2018 ᠤᠨᠤ 2 ᠰᠠᠷᠠᠳᠤ᠂ ᠲᠠᠷᠢᠶᠠᠯᠠᠩᠤᠨ ᠶᠠᠮᠤᠨᠠᠴᠠ ᠲᠠᠷᠢᠶᠠᠯᠠᠩ ᠮᠠᠯ ᠠᠵᠤ ᠠᠬᠤᠢ ᠵᠢᠨ ᠪᠦᠲᠦᠭᠡᠭᠲᠡᠬᠦᠨᠤ ᠤᠷᠤᠨ ᠨᠤᠲᠤᠭᠤᠨ ᠲᠠᠮᠲᠡᠭᠲᠦ ᠪᠦᠲᠦᠭᠡᠭᠲᠡᠬᠦᠨ ᠵᠶ᠋ᠠᠷ ᠲᠠᠩᠰᠠᠯᠠᠨ ᠬᠠᠮᠠᠭ᠋ᠠᠯᠠᠪᠠ᠃ ᠭᠤᠷᠪᠠᠨ ᠵᠢᠯ ᠲᠠᠷᠠᠭ᠋ᠠᠯᠠᠨ ᠢᠲ᠋ᠠᠯᠢ ᠵᠢᠨ ᠵᠡᠶ᠋ᠢᠭᠸᠡᠨᠡ ᠵᠢᠨ ᠤᠯᠠᠨ ᠤᠯᠤᠰᠤᠨ ᠢᠮᠠᠭ᠋ᠠᠨ ᠨᠤᠯᠤᠤᠷᠤᠨ ᠠᠯᠲᠠᠨ ᠮᠧᠲᠠᠯᠢ ᠲᠤᠰᠪᠠ ᠁ ᠬᠡᠳᠡᠯᠠ ᠮᠠᠯᠴᠢᠨ ᠲᠦᠮᠡᠨ ᠮᠠᠨᠢ ᠤᠷᠤᠯᠭᠠᠪᠠᠨ ᠪᠤᠲᠤᠵᠤ ᠨᠣᠯᠤᠣᠷᠤᠨ ᠭᠠᠷᠣᠯᠳᠠᠪᠠᠷ ᠶᠡᠭᠡ ᠭᠠᠳᠠᠷ ᠣᠷᠣᠨᠤ ᠨᠣᠯᠤᠣᠷᠤᠨ ᠢᠮᠠᠭᠠ ᠵᠢ ᠣᠷᠣᠭᠤᠯᠣᠨ ᠠᠪᠴᠢᠷᠠᠵᠦ ᠡᠷᠯᠢᠰᠠᠵᠢᠬᠦᠯᠦᠭᠰᠡᠨ ᠵᠶ᠋ᠠᠷ ᠬᠤᠶᠠᠷ ᠪᠤᠭᠳᠠ ᠵᠢᠨ ᠴᠠᠭ᠋ᠠᠨ ᠢᠮᠠᠭ᠋ᠠᠨᠤ ᠡᠬᠦᠯᠳᠡᠷ ᠶᠠᠪᠤᠬᠤ ᠲᠣᠳᠣᠮ ᠮᠠᠭᠤᠵᠢᠷᠠᠵᠦ᠂ ᠣᠨᠴᠠᠭ᠋ᠠᠢ᠍ᠢ᠍ᠯᠠᠨ ᠨᠣᠯᠤᠣᠷᠤᠨ ᠶᠠᠰᠣ ᠴᠢᠨᠠᠷᠨᠢ ᠡᠪᠲᠡᠭᠲᠡᠨ᠂ ᠰᠢᠷᠬᠢᠯᠢᠭᠨᠢ ᠪᠦᠲᠦᠬᠦᠷᠡᠨ ᠭᠡᠪᠡᠷᠢᠭᠵᠢᠵᠦ᠂ ᠬᠠᠷᠢᠮᠠᠬᠠᠢ ᠴᠢᠨᠠᠷᠨᠢ ᠪᠠᠭᠤᠷᠠᠨ᠂ ᠡᠨᠡᠬᠦ ᠴᠡᠪᠡᠷ ᠡᠬᠦᠯᠳᠡᠷᠨᠢ ᠠᠪᠤᠷᠠᠬᠤ ᠦᠬᠡᠢ ᠪᠤᠯ ᠣᠰᠠᠳᠬᠤ ᠬᠡᠮᠵᠢᠶᠡᠨᠳᠤ ᠬᠦᠷᠪᠡ᠃ ᠨᠡᠶ᠋ᠢᠭᠡᠮ ᠦᠳᠲᠡᠷ ᠲᠦᠷᠭᠡᠨ ᠬᠦᠭᠵᠢᠵᠦ᠂ ᠲᠦᠯᠦᠪᠯᠡᠭᠡᠲᠦ ᠠᠵᠤ ᠠᠬᠤᠢᠠᠴᠠ ᠵᠠᠬᠠ ᠲᠠᠯᠭᠡᠬᠦᠷᠤᠨ ᠠᠵᠤ ᠠᠬᠤᠢᠳᠤ ᠰᠢᠯᠵᠢᠭᠰᠡᠨ ᠡᠨᠡ ᠡᠷᠢᠨᠳᠤ ᠢᠯᠡᠬᠦᠦ ᠮᠦᠩᠬᠦ ᠤᠯᠵᠤ᠂ ᠠᠮᠢᠲᠤᠷᠠᠯ ᠵᠶ᠋ᠠᠨ ᠲᠡᠭᠡᠭᠰᠢᠨᠢ ᠲᠠᠲᠠᠨ ᠪᠠᠶᠠᠵᠢᠨ ᠴᠢᠨᠠᠭᠡᠯᠢᠭᠵᠢᠶᠠ ᠭᠡᠰᠡᠨ ᠮᠠᠯᠴᠢᠨ ᠲᠦᠮᠡᠨᠤ ᠮᠢᠨᠢ ᠪᠤᠲᠤᠯ ᠪᠤᠷᠤᠭᠤᠲᠠᠭᠠ ᠦᠭᠡᠢ᠃ ᠭᠡᠲᠦᠨ ᠵᠢᠯ ᠨᠤᠯᠤᠤᠷᠤᠨ ᠺᠤᠮᠫᠡᠨᠢᠳᠤ ᠨᠤᠯᠤᠤᠷ ᠬᠤᠷᠢᠶᠠᠭᠴᠢᠪᠠᠷ ᠠᠵᠢᠯᠯᠠᠵᠤ᠂ ᠲᠤᠮᠲᠠᠲᠤ ᠮᠤᠩᠭᠤᠯ ᠬᠤᠶᠠᠷ ᠤᠯᠤᠰᠤᠨ ᠤᠯᠠᠨ ᠭᠠᠵᠠᠷᠢ ᠡᠯᠡᠭᠡᠵᠦ ᠶᠠᠪᠤᠭᠰᠠᠨ ᠵᠢᠷᠡᠡᠨᠢᠭᠡ ᠨᠤᠯᠤᠤᠷᠤᠨ ᠴᠢᠨᠠᠷ ᠴᠢᠨᠰᠠᠭᠠ᠂ ᠠᠯᠢ ᠨᠤᠲᠤᠭᠤᠨ ᠶᠠᠮᠠᠷ ᠡᠬᠦᠯᠲᠡᠷᠤᠨ ᠢᠮᠠᠭ᠋ᠠᠨᠤ ᠨᠤᠯᠤᠤᠷ ᠪᠤᠯᠬᠤ ᠵᠢ ᠦᠵᠡᠮᠡᠭᠴᠡ ᠮᠡᠲᠡᠲᠡᠭ ᠬᠢᠷᠠᠬᠠᠢ ᠨᠢᠲᠤᠲᠠᠢ ᠪᠤᠯᠤᠭᠰᠠᠨ ᠶᠤᠮ᠃ ᠮᠦᠨ ᠴᠦ᠍ ᠬᠤᠶᠠᠷ ᠪᠤᠭᠲᠠ ᠵᠢᠨ ᠴᠠᠭ᠋ᠠᠨ ᠢᠮᠠᠭ᠋ᠠᠨᠤ ᠨᠤᠯᠤᠤᠷᠤᠨ ᠴᠢᠨᠠᠷ ᠶᠠᠮᠠᠷ ᠭᠡᠲᠡᠭᠢ ᠠᠯᠠᠭ᠋ᠠᠨ ᠵᠢᠷᠤᠭ᠋ᠠᠰᠤᠪᠠᠨ ᠰᠢᠭ᠋ ᠰᠠᠶ᠋ᠢᠨ ᠮᠡᠲᠡᠲᠡᠭ ᠵᠶ᠋ᠠᠷ ᠬᠤᠶᠠᠷ ᠪᠤᠭᠲᠠ ᠵᠢᠨ ᠴᠠᠭ᠋ᠠᠨ ᠢᠮᠠᠭᠠ ᠵᠢ ᠦᠰᠭᠡᠵᠦ ᠦᠷᠡᠵᠢᠬᠦᠯᠬᠦ᠂ ᠡᠬᠦᠯᠲᠡᠷᠢᠨᠢ ᠰᠠᠶ᠋ᠢᠵᠢᠷᠠᠭᠤᠯᠬᠤ᠂ ᠠᠪᠤᠷᠠᠨ ᠬᠠᠮᠠᠭ᠋ᠠᠯᠠᠬᠤᠪᠠᠷ ᠵᠤᠷᠢᠭ ᠰᠢᠭᠤᠲᠤᠨ᠂ 2002 ᠤᠨᠳᠤ ᠠᠯᠢᠪᠠ ᠠᠵᠢᠯ ᠵᠶ᠋ᠠᠨ ᠲᠠᠶᠠᠭᠲᠠᠵᠤ᠂ ᠨᠢᠭᠡ ᠯᠠ ᠰᠡᠳᠬᠢᠯ ᠵᠶ᠋ᠠᠷ ᠰᠢᠭᠤᠷᠬᠠᠶ᠋ᠢᠯᠠᠨ ᠠᠵᠢᠯᠯᠠᠵᠤ ᠡᠬᠢᠯᠡᠵᠡᠢ ᠁
— — ᠮᠠᠨᠤᠳᠤ ᠬᠦᠮᠦᠨ ᠢᠷᠡᠭᠰᠡᠨ ᠲᠦᠯᠦᠪᠲᠠᠢ᠂ ᠭᠠᠲᠠᠨᠠ ᠨᠢᠭᠡ ᠬᠦᠮᠦᠨ ᠶᠠᠪᠤᠵᠤ ᠪᠠᠶ᠋ᠢᠨᠠ᠃
— — ᠡᠨᠡ ᠬᠠᠯᠠᠭᠤᠨ ᠡᠲᠦᠷ ᠶᠠᠭᠤᠨᠤ ᠬᠦᠮᠦᠨ ᠪᠤᠯᠴᠢᠬᠠᠪᠠ ᠤᠤ？
— — ᠨᠤᠯᠤᠤᠷ ᠠᠪᠬᠤ ᠬᠦᠮᠦᠨ ᠶᠠᠪᠤᠵᠤ ᠪᠠᠶ᠋ᠢᠭᠠ ᠶᠤᠮ ᠤᠤ？ ᠮᠡᠲᠡᠬᠦ ᠦᠭᠡᠢ ᠮᠡᠲᠡᠬᠦ ᠦᠭᠡᠢ᠃ ᠭᠡᠷᠲᠤ ᠤᠷᠤᠬᠤᠳᠤ ᠬᠠᠨᠵᠤᠨ ᠲᠡᠭᠡᠷᠡᠨᠢ ᠨᠢᠭᠡ ᠬᠦᠮᠦᠨ ᠵᠠᠪᠢᠯᠠᠵᠤ ᠰᠠᠭᠤᠴᠢᠬᠠᠭ᠋ᠠᠳ ᠴᠠᠢ ᠤᠤᠭᠤᠵᠤ ᠪᠠᠶ᠋ᠢᠯᠠ᠃ ᠭᠡᠷᠤᠨ ᠡᠵᠡᠨ ᠤᠷᠤᠵᠤ ᠢᠷᠡᠬᠦᠯᠡᠷ ᠨᠢ
— — ᠰᠠᠶ᠋ᠢᠨ ᠤᠤ？ ᠲᠠᠷᠭᠤᠨ ᠲᠠᠪᠠᠲᠠᠢ ᠵᠤᠰᠠᠵᠤ ᠪᠠᠶ᠋ᠢᠨᠠ？ ᠬᠠᠮᠢᠭᠠᠪᠠᠷ ᠶᠠᠪᠤᠭ᠋ᠠᠳ ᠢᠷᠡᠪᠠ ᠤᠤ ᠭᠡᠵᠤ ᠭᠡᠷᠤᠨ ᠡᠵᠡᠨ ᠶᠤᠮ ᠰᠢᠭ᠋ ᠮᠡᠨᠲᠦᠴᠢᠯᠡᠯᠠ᠃ ᠡᠨᠡ ᠬᠦᠮᠦᠨ ᠦᠭᠡᠷᠡ ᠬᠦᠮᠦᠨ ᠪᠢᠰᠢ᠂ ᠲᠤᠬᠠᠢ ᠵᠢᠨ ᠦᠶᠠᠳᠤ ᠬᠤᠰᠢᠭᠤᠨᠤ ᠮᠠᠯ ᠠᠵᠤ ᠠᠬᠤᠢ ᠵᠢᠨ ᠲᠤᠪᠴᠢᠶᠠᠨᠤ ᠲᠠᠷᠤᠭᠠ ᠪᠠᠶ᠋ᠢᠭᠰᠠᠨ ᠰᠤᠶᠤᠯᠲᠤ ᠪᠠᠶ᠋ᠢᠵᠠᠢ᠃
— — ᠰᠠᠶ᠋ᠢᠨ ᠰᠠᠶ᠋ᠢᠨ᠂ ᠰᠠᠶ᠋ᠢᠨ ᠪᠠᠶ᠋ᠢᠨᠠ ᠤᠤ？ ᠵᠠ ᠲᠡᠭᠡᠭᠡᠳ ᠲᠠᠷᠤᠭᠠ ᠭᠤᠸᠠᠢ᠂ ᠶᠠᠮᠠᠷ ᠠᠵᠢᠯ ᠠᠯᠪᠠᠪᠠᠷ ᠶᠠᠪᠤᠵᠤ ᠪᠠᠶ᠋ᠢᠨᠠ ᠤᠤ？
— — ᠢᠮᠠᠭ᠋ᠠᠨᠤ ᠤᠴᠢᠷ ᠵᠶ᠋ᠠᠷ ᠶᠠᠪᠤᠨᠠ᠂ ᠬᠤᠶᠠᠷ ᠪᠤᠭᠲᠠ ᠵᠢᠨ ᠴᠠᠭ᠋ᠠᠨ ᠢᠮᠠᠭᠠ ᠵᠢ ᠬᠠᠮᠠᠭ᠋ᠠᠯᠠᠵᠤ ᠬᠦᠭᠵᠢᠬᠦᠯᠬᠦᠳᠤ ᠯᠠ ᠴᠢᠮᠠ ᠰᠢᠭ᠋ ᠬᠦᠮᠦᠨ ᠲᠤᠰᠠ ᠪᠤᠯᠤᠨᠠ᠃
— — ᠶᠤᠰᠤᠲᠠᠢ ᠰᠠᠶ᠋ᠢᠨ ᠠᠵᠢᠯ ᠵᠶ᠋ᠠᠷ ᠶᠠᠪᠤᠵᠤ ᠪᠠᠶ᠋ᠢᠭᠠ ᠶᠤᠮ ᠪᠠᠶ᠋ᠢᠨᠠ᠃ 《ᠭᠠᠭᠴᠠ ᠮᠤᠲᠤ ᠭᠠᠯ ᠪᠤᠯᠬᠤ ᠦᠭᠡᠢ᠂ ᠭᠠᠭᠴᠠ ᠬᠦᠮᠦᠨ ᠠᠶ᠋ᠢᠯ ᠪᠤᠯᠬᠤ ᠦᠭᠡᠢ》 ᠭᠡᠲᠡᠭ ᠵᠶ᠋ᠠᠷ ᠪᠢ ᠴᠦ᠍ ᠭᠠᠭᠴᠠᠭ᠋ᠠᠷ ᠵᠶ᠋ᠠᠨ ᠭᠡᠲᠦᠨ ᠵᠢᠯ ᠴᠢᠷᠮᠠᠶ᠋ᠢᠵᠤ ᠶᠠᠪᠤᠯᠠ᠂ ᠨᠤᠯᠤᠤᠷᠤᠨ ᠭᠠᠷᠤᠯᠲᠠ ᠲᠤᠤᠷᠠ ᠪᠠᠶ᠋ᠢᠲᠠᠭᠠᠴᠠ ᠪᠦᠬᠦᠲᠡᠭᠡᠷ ᠵᠶ᠋ᠠᠨ ᠰᠡᠳᠬᠢᠯ ᠨᠢᠭᠡᠳᠬᠦ ᠦᠭᠡᠢ ᠭᠡᠲᠡᠭ ᠴᠢᠨᠢ ᠠᠮᠠᠷ ᠦᠭᠡᠢ᠃ ᠵᠠᠰᠠᠭᠤᠨ ᠤᠷᠲᠤᠨᠠᠴᠠ ᠬᠦᠨᠲᠤᠳᠭᠡᠨ ᠦᠵᠡᠵᠦ᠂ ᠬᠠᠪᠰᠤᠷᠲᠠᠭ ᠶᠤᠮ ᠪᠤᠯ ᠲᠡᠭᠡᠭᠡᠳ ᠠᠮᠠᠷᠬᠠᠨ ᠪᠤᠯᠤᠨᠠ ᠳ᠋ᠠ᠂ ᠪᠢ ᠴᠦ᠍ ᠶᠠᠭ᠋ᠠᠬᠢᠮᠠᠢ᠂ ᠴᠢᠲᠠᠯ ᠵᠶ᠋ᠠᠷ ᠬᠠᠮᠵᠢᠨ ᠬᠢᠨᠠ ᠳ᠋ᠠ᠃
— — ᠡᠶ᠋ᠢᠮᠦ ᠰᠠᠶ᠋ᠢᠨ ᠢᠮᠠᠭᠠᠪᠠᠨ ᠪᠢᠲᠠ ᠦᠪᠡᠷᠲᠡᠭᠡᠨ ᠬᠠᠮᠠᠭ᠋ᠠᠯᠠᠵᠤ ᠬᠦᠭᠵᠢᠬᠦᠯᠬᠦ ᠦᠭᠡᠢ ᠶᠤᠮ ᠪᠤᠯ᠂ ᠦᠭᠡᠷᠡ ᠬᠦᠮᠦᠨ ᠶᠠᠭᠤᠮᠠ ᠪᠤᠯᠭ᠋ᠠᠬᠤ ᠦᠭᠡᠢ ᠰᠢᠤ᠂ 《ᠲᠡᠮ ᠲᠡᠮᠳᠤᠪᠠᠨ ᠲᠠᠭᠡᠰᠤ ᠡᠷᠴᠢᠮᠳᠤᠪᠠᠨ》 ᠭᠡᠲᠡᠭ᠂ ᠪᠢᠲᠠ ᠪᠦᠬᠦᠲᠡᠭᠡᠷ ᠵᠶ᠋ᠠᠨ ᠴᠢᠷᠮᠠᠶ᠋ᠢᠪᠠᠯ ᠪᠦᠲᠦᠬᠦ ᠶᠤᠮ᠃ ᠪᠢᠲᠠᠨᠤ ᠴᠢᠷᠮᠠᠶ᠋ᠢᠯᠭᠠ ᠬᠠᠷᠢᠭᠤᠲᠠᠢ ᠪᠤᠯᠤᠨᠠ᠃ ᠨᠤᠯᠤᠤᠷᠤᠨ ᠭᠠᠷᠤᠯᠲᠠ ᠲᠤᠤᠷᠠ ᠪᠠᠶ᠋ᠢᠲᠠᠭᠨᠢ ᠦᠨᠡᠨ᠂ ᠤᠲᠤ ᠪᠢᠲᠠ ᠬᠠᠮᠢᠶᠠ ᠪᠦᠬᠦᠢ ᠮᠡᠷᠭᠡᠵᠢᠯᠲᠡᠨᠢ ᠤᠷᠢᠵᠤ᠂ ᠬᠤᠶᠠᠷ ᠪᠤᠬᠲᠠ ᠵᠢᠨ ᠴᠠᠭ᠋ᠠᠨ ᠢᠮᠠᠭ᠋ᠠᠨᠤ ᠨᠤᠯᠤᠤᠷᠢ ᠨᠡᠮᠡᠭᠲᠡᠬᠦᠯᠬᠦ ᠲᠤᠬᠠᠢ ᠰᠤᠲᠤᠯᠭ᠋ᠠᠨ ᠬᠢᠵᠦ ᠪᠤᠢ᠃ ᠡᠨᠡ ᠲᠠᠯᠠᠳᠤ ᠴᠦ᠍ ᠲᠠᠨᠤ ᠲᠠᠮᠵᠢᠯᠭᠡ ᠴᠢᠬᠤᠯᠠᠲᠠᠢ ᠪᠤᠯᠤᠭ᠋ᠠᠳ ᠪᠠᠶ᠋ᠢᠨᠠ᠃ ᠮᠡᠷᠭᠡᠵᠢᠯᠲᠠᠳ ᠬᠢᠭᠡᠳ ᠵᠢᠷᠡᠡᠨᠢᠭᠡ ᠲᠦᠷᠦᠬᠦᠲᠡᠢ ᠭᠡᠰᠡᠭ ᠮᠠᠯᠴᠢᠳ ᠭᠡᠲᠦᠨ ᠵᠢᠯᠤᠨ ᠴᠠᠭ ᠵᠠᠷᠤᠴᠠᠭᠤᠯᠤᠨ ᠴᠢᠷᠮᠠᠶ᠋ᠢᠭᠰᠠᠨ ᠵᠶ᠋ᠠᠷ᠂ ᠬᠤᠶᠠᠷ ᠪᠤᠭᠲᠠ ᠵᠢᠨ ᠴᠠᠭ᠋ᠠᠨ ᠢᠮᠠᠭᠠᠨᠢ ᠲᠡᠭᠰᠢᠳᠭᠡᠭᠡᠳ ᠭᠡᠲᠦᠭᠡᠨ ᠯᠠᠩ ᠨᠤᠯᠤᠤᠷᠲᠠᠢ ᠪᠠᠶ᠋ᠢᠭᠰᠠᠨᠠᠴᠠᠪᠠᠨ ᠤᠲᠤ ᠪᠤᠯᠬᠤᠳᠤ ᠡᠮᠡ ᠢᠮᠠᠭᠠᠨᠢ ᠬᠦᠷᠲᠡᠯᠠ ᠵᠢᠩ ᠲᠠᠪᠤᠨ ᠯᠠᠩ ᠨᠤᠯᠤᠤᠷ ᠪᠠᠭᠤᠬᠤ ᠪᠤᠯᠵᠠᠢ᠃
2013 ᠣᠨᠤ ᠰᠡᠬᠦᠯᠴᠢ ᠪᠤᠯᠬᠤᠳᠤ᠂ ᠣᠯᠣᠰᠠᠴᠠ 《ᠪᠤᠳᠣᠯᠭᠠ ᠵᠢᠨ ᠴᠢᠨᠠᠷᠲᠠᠢ ᠲᠣᠮᠣ ᠪᠡᠯᠡᠭ》 ᠵᠶ᠋ᠠᠷ ᠬᠤᠶᠠᠷ ᠪᠤᠭᠲᠠ ᠵᠢᠨ ᠨᠤᠯᠤᠤᠷᠤᠨ ᠴᠠᠭ᠋ᠠᠨ ᠢᠮᠠᠭᠠᠳᠤ ᠨᠦᠬᠦᠪᠦᠷᠢ ᠦᠭᠬᠦ ᠪᠠᠶᠠᠷᠤᠨ ᠴᠢᠮᠡᠭᠡ ᠤᠷᠠᠳ ᠨᠤᠲᠤᠭᠲᠤ ᠴᠠᠬᠢᠯᠭ᠋ᠠᠨ ᠴᠠᠬᠢᠯᠠᠭᠰᠠᠨ ᠶᠤᠮ ᠰᠢᠭ᠋ ᠨᠢᠭᠡᠠᠴᠠ ᠠᠷᠪᠠᠳᠤ᠂ ᠨᠢᠭᠡ ᠮᠡᠲᠡᠬᠦᠳᠤ ᠪᠦᠬᠦᠨ ᠵᠶ᠋ᠠᠷ ᠵᠶ᠋ᠠᠨ ᠮᠡᠲᠡᠴᠢᠭᠡᠭᠰᠡᠨ ᠪᠠᠶ᠋ᠢᠯᠠ᠃ 《ᠦᠪᠦᠷ ᠮᠤᠩᠭᠤᠯᠤᠨ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠤᠷᠤᠨᠤ ᠠᠷᠠᠳᠤᠨ ᠵᠠᠰᠠᠭᠤᠨ ᠤᠷᠲᠤᠨ ᠨᠣᠯᠤᠣᠷᠤᠨ ᠢᠮᠠᠭᠠ ᠵᠢᠨ ᠠᠵᠦ ᠦᠢ᠍ᠯᠡᠰᠢ ᠮᠠᠨᠳᠣᠭᠤᠯᠣᠨ ᠬᠦᠭᠵᠢᠬᠦᠯᠬᠦ ᠲᠤᠬᠠᠢ ᠰᠠᠨᠠᠯ》 （ᠦᠪᠦᠷ ᠵᠠᠰᠠᠭ ᠲᠠᠷᠬᠠᠭ᠋ᠠᠬᠤ ［2013］ 71 ᠨᠤᠮᠧᠷ） ᠪᠠ ᠦᠪᠡᠷᠳᠡᠬᠡᠨ ᠵᠠᠰᠠᠬᠤ ᠣᠷᠣᠨᠤ ᠵᠠᠰᠠᠭᠤᠨ ᠣᠷᠳᠣᠨᠠᠴᠠ 《ᠴᠠᠭ᠋ᠠᠨ ᠨᠣᠯᠤᠣᠷᠤᠨ ᠢᠮᠠᠭᠠ ᠵᠢ ᠬᠠᠮᠠᠭ᠋ᠠᠯᠠᠬᠤ ᠬᠡᠷᠡᠭᠵᠢᠬᠦᠯᠬᠦ ᠲᠦᠰᠦᠯ》ᠢ ᠲᠣᠭᠳᠠᠭ᠋ᠠᠵᠦ᠂ ᠬᠤᠶᠠᠷ ᠪᠤᠭᠳᠠ ᠵᠢᠨ ᠨᠣᠯᠤᠣᠷᠤᠨ ᠴᠠᠭ᠋ᠠᠨ ᠢᠮᠠᠭᠠ ᠵᠢ ᠬᠠᠮᠠᠭ᠋ᠠᠯᠠᠯᠳᠠ ᠵᠢᠨ ᠢᠨᠵᠧᠨᠧᠷᠢᠩᠤᠨ ᠨᠡᠷᠠ ᠵᠢᠨ ᠵᠢᠭᠰᠠᠭ᠋ᠠᠯᠳᠤ ᠣᠷᠣᠭᠤᠯᠣᠭᠰᠠᠨ ᠪᠦᠬᠡᠳ ᠰᠠᠶ᠋ᠢᠨ ᠡᠬᠦᠯᠳᠡᠷᠤᠨ ᠬᠠᠮᠠᠭ᠋ᠠᠯᠠᠯᠳᠠ ᠵᠢᠨ ᠲᠦᠷᠦᠯ ᠵᠦᠢ᠍ᠯᠤᠨ ᠪᠡᠯᠡ ᠮᠦᠡᠭᠬᠦ ᠵᠢ 149 ᠲᠦᠮᠡᠨ ᠲᠦᠬᠦᠷᠢᠭ ᠪᠠᠭᠤᠯᠭ᠋ᠠᠪᠠ᠃ ᠪᠠᠶ᠋ᠢᠴᠠᠭ᠋ᠠᠯᠲᠠᠪᠠᠷ ᠲᠠᠮᠵᠢᠨ ᠪᠠᠷᠢᠮᠵᠢᠶᠠᠨᠳᠤ ᠬᠢᠷᠢ ᠲᠡᠩᠴᠡᠭᠰᠡᠨ ᠬᠤᠶᠠᠷ ᠪᠤᠭᠲᠠ ᠵᠢᠨ ᠤᠬᠤᠨᠠ ᠪᠦᠷᠢᠳᠤ 800 ᠲᠦᠬᠦᠷᠢᠭᠤᠨ ᠨᠦᠬᠦᠪᠦᠷᠢ ᠦᠭᠬᠦ ᠵᠢᠨ ᠬᠠᠮᠲᠤ᠂ ᠡᠮᠡ ᠢᠮᠠᠭᠠᠨᠢ 100ᠠᠴᠠ ᠲᠡᠭᠡᠭᠰᠢ ᠪᠠᠶ᠋ᠢᠬᠤ ᠡᠷᠦᠭᠡᠪᠠᠷ ᠭᠤᠤᠯᠲᠠᠭᠤᠯᠤᠨ᠂ ᠡᠷᠦᠭᠡ ᠪᠦᠷᠢᠠᠴᠠ 10 ᠡᠮᠡ ᠢᠮᠠᠭᠠ ᠵᠢ ᠰᠤᠩᠭᠤᠨ ᠪᠠᠶ᠋ᠢᠴᠠᠭ᠋ᠠᠵᠤ᠂ ᠨᠢᠭᠡ ᠡᠮᠡ ᠢᠮᠠᠭᠠ ᠵᠢ ᠠᠷᠪᠠᠪᠠᠷ ᠪᠤᠲᠤᠨ᠂ ᠨᠣᠯᠣᠣᠷᠤᠨ ᠨᠠᠷᠢᠳᠡᠴᠡ ᠵᠢᠨ ᠬᠡᠮᠵᠢᠶᠠᠨᠢ 14.5 ᠮᠢᠺᠷᠦᠮᠧᠲᠷᠠᠴᠠ ᠲᠤᠷᠤᠭᠰᠢ ᠪᠦᠬᠦᠢ ᠪᠠᠷᠢᠮᠵᠢᠶᠠᠨᠳᠤ ᠬᠦᠷᠦᠭᠰᠡᠨ ᠡᠮᠡ ᠢᠮᠠᠭᠠ ᠪᠦᠷᠢᠳᠤ ᠵᠠᠭᠤᠨ ᠲᠦᠬᠦᠷᠢᠭ ᠨᠦᠬᠦᠪᠦᠷᠢᠯᠡᠵᠦ᠂ ᠬᠠᠮᠤᠭ ᠤᠯᠠᠨᠳᠤᠪᠠᠨ ᠡᠷᠦᠭᠡ ᠪᠦᠷᠢ ᠲᠦᠮᠡᠨ ᠲᠦᠬᠦᠷᠢᠭᠤᠨ ᠨᠦᠬᠦᠪᠦᠷᠢ ᠤᠯᠬᠤ ᠪᠤᠯᠤᠮᠵᠢᠲᠠᠢ ᠪᠤᠯᠪᠡ᠃ ᠮᠠᠯᠴᠢᠳ ᠡᠨᠡᠬᠦ ᠲᠦᠷᠦ ᠵᠢᠨ ᠪᠤᠳᠣᠯᠭᠠᠠᠴᠠ ᠠᠰᠢᠭ ᠬᠦᠷᠳᠡᠭᠰᠡᠨ ᠪᠦᠬᠡᠳ ᠨᠡᠩ ᠴᠢᠬᠤᠯᠠᠨᠢ ᠬᠤᠶᠠᠷ ᠪᠤᠭᠳᠠ ᠵᠢᠨ ᠴᠠᠭ᠋ᠠᠨ ᠢᠮᠠᠭᠠ ᠵᠢ ᠬᠠᠮᠠᠭ᠋ᠠᠯᠠᠬᠤ ᠡᠬᠦᠷᠬᠡ ᠬᠠᠷᠢᠭᠤᠴᠠᠯᠭᠠ ᠵᠢᠨ ᠲᠣᠬᠠᠢ ᠬᠦᠨ ᠲᠠᠨᠢᠯᠳᠠᠲᠠᠢ ᠪᠤᠯᠣᠭᠰᠠᠨ ᠪᠠᠶ᠋ᠢᠨᠠ᠃
ᠵᠢᠷᠡᠡᠨᠢᠭᠡ ᠦᠪᠡᠷ ᠵᠶ᠋ᠠᠨ ᠪᠠᠶᠠᠵᠢᠭ᠋ᠠᠳ ᠦᠷᠦᠭᠡᠯ ᠵᠶ᠋ᠠᠨ ᠮᠡᠷᠲᠠᠭᠠ ᠦᠭᠡᠢ᠃ ᠲᠡᠷᠢᠬᠦᠨᠤ ᠮᠡᠷᠭᠡᠵᠢᠯ᠂ ᠬᠠᠮᠢᠶᠠᠷᠤᠯᠲᠠ ᠵᠢᠨ ᠠᠷᠭᠠᠪᠠᠨ ᠮᠠᠯᠴᠢᠨ ᠲᠦᠮᠡᠨ ᠳᠤᠪᠠᠨ ᠬᠠᠷᠠᠮ ᠦᠭᠡᠢ ᠬᠤᠪᠢᠶᠠᠯᠴᠠᠵᠤ᠂ ᠲᠡᠲᠡᠨᠢ ᠬᠠᠪᠰᠤᠷᠤᠨ ᠬᠠᠮᠲᠤᠪᠠᠷ ᠪᠠᠶᠠᠵᠢᠨ ᠴᠢᠨᠡᠭᠡᠯᠢᠭᠵᠢᠬᠦ ᠵᠢ ᠰᠠᠨᠠᠭ᠋ᠠᠴᠢᠯᠠᠭᠰᠠᠨ ᠪᠠᠶ᠋ᠢᠲᠠᠭ᠃ ᠲᠡᠬᠦᠨᠤ ᠲᠠᠭ᠋ᠠᠭᠤᠯᠭᠠᠪᠠᠷ ᠰᠢᠷᠠᠴᠢᠯᠠᠭᠤ ᠭᠠᠴᠠᠭ᠋ᠠᠨᠤ ᠨᠤᠯᠤᠤᠷᠤᠨ ᠢᠮᠡᠭ᠋ᠠᠨᠤ ᠡᠬᠦᠯᠲᠡᠷ ᠰᠠᠶ᠋ᠢᠵᠢᠷᠠᠭᠤᠯᠤᠯᠲᠠᠨᠢ 90%ᠠᠴᠠ ᠲᠡᠭᠡᠭᠰᠢ ᠪᠤᠯᠵᠤ᠂ 2017 ᠤᠨᠳᠤ ᠭᠠᠴᠠᠭ᠋ᠠᠨᠤ ᠠᠷᠠᠳᠤᠨ ᠲᠡᠭᠰᠢᠳᠭᠡᠯ ᠤᠷᠤᠯᠭᠠ 1.6 ᠲᠦᠮᠡᠨ ᠲᠦᠬᠦᠷᠢᠭᠲᠤ ᠬᠦᠷᠦᠭᠰᠡᠨ ᠪᠠᠶ᠋ᠢᠨᠠ᠃
ᠮᠠᠯᠴᠢᠨ ᠲᠦᠮᠡᠨᠤ ᠠᠮᠢᠲᠤᠷᠠᠯᠤᠨ ᠰᠠᠶ᠋ᠢᠵᠢᠷᠠᠯᠲᠠᠳᠤ ᠠᠯᠢ ᠤᠯᠠᠨ ᠠᠵᠢᠯᠢ ᠬᠢᠭᠰᠡᠨ ᠵᠢᠷᠠᠡᠨᠢᠭᠡ ᠲᠦᠮᠡᠨᠤ ᠢᠲᠡᠭᠡᠯᠢ ᠤᠯᠵᠤ᠂ ᠭᠤᠷᠪᠠᠨ ᠬᠤᠭᠤᠴᠠᠭᠠ ᠲᠠᠷᠠᠭ᠋ᠠᠯᠠᠨ ᠬᠤᠰᠢᠭᠤᠨᠤ ᠠᠷᠠᠳᠤᠨ ᠲᠦᠯᠦᠭᠡᠯᠡᠭᠴᠢᠳᠤᠨ ᠶᠡᠭᠡ ᠬᠤᠷᠠᠯᠤᠨ ᠲᠦᠯᠦᠭᠡᠯᠡᠭᠴᠢᠪᠠᠷ ᠰᠤᠩᠭᠤᠭᠲᠠᠯᠠ᠃ ᠡᠨᠡᠨᠢ ᠲᠡᠬᠦᠨᠳᠤ ᠠᠪᠴᠤ ᠭᠡᠯᠡᠪᠡᠯ ᠦᠩᠭᠡ ᠭᠡᠷᠡᠯᠲᠡᠢ ᠶᠠᠪᠤᠲᠠᠯ᠂ ᠮᠥᠨ ᠴᠦ᠍ ᠠᠷᠠᠳ ᠲᠦᠮᠡᠨᠤ ᠬᠦᠰᠡᠯ ᠡᠷᠡᠮᠡᠯᠵᠠᠯᠢ ᠵᠠᠰᠠᠭᠤᠨ ᠤᠷᠲᠤᠨᠳᠤ ᠲᠤᠰᠬᠠᠬᠤ ᠡᠬᠦᠷᠭᠡ ᠵᠢ ᠬᠦᠯᠢᠶᠡᠭᠰᠡᠨ ᠶᠤᠮ᠃ ᠡᠨᠡᠬᠦ ᠲᠠᠷᠬᠠᠨ ᠡᠬᠦᠷᠭᠡ ᠲᠤᠰᠢᠶᠠᠯ ᠵᠶ᠋ᠠᠨ ᠲᠡᠬᠦᠰ ᠠᠮᠵᠢᠯᠲᠠᠲᠠᠢ ᠪᠡᠶᠡᠯᠡᠬᠦᠯᠬᠦ ᠭᠡᠵᠤ ᠮᠠᠷᠡᠶ᠋ᠢᠵᠤ ᠶᠠᠪᠤᠨᠠ᠃ ᠤᠩᠭᠤᠨ ᠠᠭᠤᠯᠠ ᠬᠦᠭᠡᠷᠡᠨ ᠰᠦᠨᠲᠡᠷᠯᠡᠵᠦ᠂ ᠪᠤᠷᠬᠠᠨᠲᠤ ᠵᠢᠨ ᠭᠤᠤᠯ ᠮᠢᠷᠡᠯᠵᠡᠨ ᠤᠷᠤᠰᠤᠨᠠ᠂ ᠬᠤᠷᠸᠠᠳᠤ ᠠᠯᠲᠠᠷᠰᠢᠭᠰᠠᠨ ᠬᠤᠨᠤ ᠨᠤᠲᠤᠭᠲᠤ ᠬᠤᠰᠢᠭᠤᠴᠢ ᠬᠤᠨ ᠬᠠᠯᠢᠨ ᠨᠢᠰᠦᠭᠰᠡᠭᠡᠷ ᠁
ᠰᠤᠷᠪᠤᠯᠵᠢᠯᠠᠭᠴᠢ᠂ ᠵᠤᠬᠢᠶᠠᠯᠴᠢ ᠪᠠ᠊ ᠪᠦᠭᠡ