ᠡᠪᠡᠰᠤ ᠬᠢᠭᠡᠳ ᠲᠡᠵᠢᠭᠡᠯ ᠪᠤᠷᠳᠤᠭᠠ ᠲᠠᠷᠢᠵᠤ᠂ ᠠᠮᠤ ᠪᠤᠳᠠᠭ᠋ᠠᠨᠤ ᠲᠠᠷᠢᠮᠠᠯ — ᠠᠵᠤ ᠠᠬᠤᠢ ᠵᠢᠨ ᠲᠠᠷᠢᠮᠠᠯ — ᠡᠪᠡᠰᠤ ᠬᠢᠭᠡᠳ ᠲᠡᠵᠢᠭᠡᠯ ᠪᠤᠷᠳᠤᠭᠠ ᠵᠢᠨ ᠲᠠᠷᠢᠮᠠᠯᠤᠨ ᠭᠤᠷᠪᠠ ᠤᠶᠠᠯᠳᠤᠭᠰᠠᠨ ᠨᠢᠭᠡ ᠴᠤᠭᠴᠠᠳᠤ ᠲᠠᠷᠢᠮᠠᠯᠤᠨ ᠪᠦᠳᠦᠴᠨ ᠵᠢ ᠪᠠᠶ᠋ᠢᠭᠤᠯᠬᠤ ᠪᠤᠯ ᠮᠠᠯᠳᠤ ᠴᠢᠨᠠᠷ ᠰᠠᠶ᠋ᠢᠳᠠᠢ ᠡᠪᠡᠰᠤ ᠪᠤᠷᠳᠤᠭᠠ ᠲᠤᠳᠠᠭᠳᠠᠬᠤ ᠵᠢ ᠰᠢᠢ᠍ᠳᠪᠦᠷᠢᠯᠠᠵᠤ᠂ ᠮᠠᠯ ᠠᠵᠤ ᠠᠬᠤᠢ ᠵᠢ ᠰᠢᠯᠢᠳᠡᠭ ᠴᠢᠨᠠᠷᠤᠨ ᠦᠨᠳᠤᠷ ᠭᠠᠷᠤᠯᠳᠠᠲᠠᠢ ᠪᠤᠯᠭ᠋ᠠᠬᠤ ᠵᠢ ᠪᠠᠳᠤᠯᠠᠬᠤ ᠴᠢᠬᠤᠯᠨ ᠨᠢᠭᠡ ᠠᠷᠭᠠ ᠵᠠᠮ ᠪᠤᠯᠤᠨᠠ᠃
ᠦᠢ᠍ᠯᠡᠳᠪᠦᠷᠢᠯᠡᠯᠤᠨ ᠦᠢ᠍ᠯᠡᠳᠤᠯᠭᠡ ᠭᠡᠷᠡᠴᠢᠯᠡᠭᠰᠡᠨᠨᠢ᠂ ᠲᠠᠷᠢᠭᠰᠠᠨ ᠡᠪᠠᠰᠤ ᠵᠢᠨ ᠤᠨᠠᠯᠳᠠᠨᠢ ᠪᠠᠶ᠋ᠢᠭ᠋ᠠᠯᠢᠯᠢᠭ ᠪᠡᠯᠴᠢᠭᠡᠷᠠᠴᠠ 2 — 5 ᠲᠠᠬᠢᠨ ᠦᠨᠳᠤᠷ ᠪᠠᠶ᠋ᠢᠵᠤ᠂ ᠲᠡᠭᠦᠨᠴᠢᠯᠡᠨ ᠡᠪᠡᠰᠤᠨᠤ ᠴᠢᠨᠠᠷ ᠰᠠᠶ᠋ᠢᠨ᠂ ᠡᠯᠡ ᠵᠦᠢ᠍ᠯᠤᠨ ᠰᠢᠮᠠ ᠲᠡᠵᠢᠭᠡᠯ ᠡᠯᠪᠡᠭ ᠠᠭᠤᠯᠤᠭᠳᠠᠵᠤ ᠪᠠᠶ᠋ᠢᠳᠠᠭ᠂ ᠢᠯᠡᠩᠭᠤᠶᠠ ᠪᠤᠷᠴᠠᠭᠤᠨ ᠢᠵᠠᠭᠤᠷᠤᠨ ᠪᠡᠯᠴᠢᠭᠡᠷ ᠡᠪᠡᠰᠤ ᠬᠢᠭᠡᠳ ᠲᠡᠵᠢᠭᠡᠯ ᠪᠤᠷᠳᠤᠭᠠ ᠵᠢᠨ ᠲᠠᠷᠢᠮᠠᠯᠤᠨ ᠤᠭᠤᠷᠠᠭᠤᠨ ᠠᠭᠤᠯᠤᠭᠳᠠᠴᠨᠨᠢ ᠨᠠᠷᠢᠮᠤ ᠵᠢᠨ ᠠᠭᠠ᠂ ᠪᠤᠭᠤᠳᠠᠢ ᠵᠢᠨ ᠠᠭᠠᠲᠠᠢ ᠠᠳᠠᠯᠢ ᠪᠠᠶ᠋ᠢᠵᠤ᠂ ᠴᠢᠨᠠᠭᠰᠢᠯᠠᠪᠠᠯ ᠡᠷᠤᠳᠠᠰᠤ ᠪᠤᠳᠠᠰ ᠪᠤᠯᠤᠨ ᠸᠢᠲ᠋ᠠᠮᠢᠨᠤ ᠠᠭᠤᠯᠤᠭᠳᠠᠴᠨᠨᠢ ᠨᠠᠩ ᠡᠯᠪᠡᠭ ᠪᠠᠶ᠋ᠢᠳᠠᠭ᠃ ᠤᠯᠠᠨ ᠨᠠᠰᠤᠳᠤ ᠪᠡᠯᠴᠢᠭᠡᠷ ᠡᠪᠡᠰᠤ ᠵᠢ ᠨᠢᠭᠡ ᠲᠠᠷᠢᠪᠡᠯ 4 — 5 ᠵᠢᠯ ᠪᠤᠶᠤ ᠨᠠᠩ ᠤᠳᠠᠭ᠋ᠠᠨ ᠵᠢᠯ ᠤᠷᠭᠤᠵᠤ ᠪᠤᠯᠬᠤ ᠲᠤᠯᠨ ᠠᠰᠢᠭᠯᠠᠬᠤ ᠴᠠᠭᠨᠢ ᠤᠷᠳᠤ᠂ ᠦᠪᠡᠷᠤᠨ ᠦᠷᠳᠡᠭᠨᠢ ᠲᠤᠤᠷᠠ ᠪᠠᠶ᠋ᠢᠳᠠᠭ᠃ ᠪᠤᠷᠤ ᠴᠠᠷᠭ᠋ᠠᠰᠤ᠄ ᠪᠤᠷᠤ ᠴᠠᠷᠭ᠋ᠠᠰᠤ （ᠭᠡᠷᠤᠨ ᠬᠤᠰᠢᠶᠠᠩᠭᠤᠷ） ᠪᠤᠯ ᠡᠭᠡᠯᠵᠢᠯᠡᠨ ᠲᠠᠷᠢᠵᠤ ᠭᠤᠤᠷᠰᠤ ᠰᠤᠯᠢᠬᠤᠳᠤ ᠰᠠᠶ᠋ᠢᠨ ᠪᠠᠶ᠋ᠢᠳᠠᠭ ᠨᠢᠭᠡ ᠵᠦᠢ᠍ᠯᠤᠨ ᠲᠠᠷᠢᠮᠠᠯ ᠪᠤᠯᠬᠤ ᠪᠦᠭᠡᠳ ᠲᠡᠭᠦᠨᠢ ᠪᠤᠭᠤᠳᠠᠢᠲᠠᠢ ᠤᠭᠰᠠᠷᠠᠭᠤᠯᠤᠨ ᠲᠠᠷᠢᠵᠤ ᠪᠤᠯᠬᠤᠪᠠᠷ ᠪᠠᠷᠠᠬᠤ ᠦᠭᠡᠢ᠂ ᠪᠠᠰᠠ ᠲᠡᠵᠢᠭᠡᠯ ᠪᠤᠷᠳᠤᠭᠠ ᠵᠢᠨ ᠲᠠᠷᠢᠮᠠᠯ ᠪᠤᠯᠬᠤ ᠰᠤᠷ ᠦᠭᠡᠢ ᠰᠤᠪᠤᠭᠤᠷ᠂ ᠬᠠᠷᠠ ᠪᠤᠭᠤᠳᠠᠢ ᠡᠪᠡᠰᠤ ᠵᠡᠷᠭᠡᠲᠠᠢ ᠡᠭᠡᠯᠵᠢᠯᠡᠨ ᠲᠠᠷᠢᠬᠤ ᠪᠤᠶᠤ ᠬᠤᠯᠢᠵᠤ ᠲᠠᠷᠢᠵᠤ ᠪᠤᠯᠤᠨᠠ᠃ ᠪᠤᠷᠤ ᠴᠠᠷᠭ᠋ᠠᠰᠤ ᠲᠠᠷᠢᠬᠤ ᠭᠠᠵᠠᠷ ᠰᠢᠷᠤᠢ ᠵᠢᠨᠢ ᠵᠠᠪᠡᠯ ᠨᠠᠷᠢᠨ ᠰᠠᠶ᠋ᠢᠨ ᠲᠡᠭᠰᠢᠯᠡᠵᠤ᠂ ᠬᠤᠭ ᠡᠪᠡᠰᠤ ᠦᠭᠡᠢ ᠪᠠᠶ᠋ᠢᠯᠭ᠋ᠠᠬᠤ᠂ ᠲᠠᠷᠢᠬᠤᠠᠴᠠ ᠡᠮᠦᠨᠠ ᠤᠷᠭ᠋ᠠᠨᠢᠭ ᠪᠤᠷᠳᠤᠭᠤᠷ ᠪᠤᠶᠤ ᠬᠢᠮᠢ ᠵᠢᠨ ᠪᠤᠷᠳᠤᠭᠤᠷ ᠤᠷᠤᠭᠤᠯᠬᠤ ᠬᠡᠷᠡᠭᠳᠡᠢ᠃ ᠪᠤᠷᠤ ᠴᠠᠷᠭ᠋ᠠᠰᠤ ᠵᠢ ᠬᠠᠪᠤᠷ ᠨᠠᠮᠤᠷ ᠲᠠᠷᠢᠳᠠᠭ᠃ ᠭᠡᠬᠦᠳᠡᠭᠡᠨ ᠠᠭᠤᠷ ᠠᠮᠢᠰᠬᠤᠯ ᠨᠠᠯᠢᠶᠡᠳ ᠬᠦᠢ᠍ᠳᠡᠨ᠂ ᠤᠷᠭᠤᠯᠳᠠ ᠵᠢᠨ ᠤᠯᠠᠷᠢᠯᠨᠢ ᠨᠡᠯᠢᠶᠡᠳ ᠤᠬᠤᠷ ᠭᠠᠵᠠᠷ ᠤᠷᠤᠨᠳᠤ ᠪᠤᠯ ᠬᠠᠪᠤᠷ ᠴᠠᠭ ᠲᠠᠷᠢᠬᠤ ᠬᠡᠷᠡᠭᠳᠡᠢ； ᠬᠤᠸᠠᠪᠸᠢ ᠤᠷᠤᠨ ᠪᠤᠯᠤᠨ ᠬᠦᠬᠡᠮᠦ᠋ᠷᠡᠨᠤ ᠤᠷᠤᠰᠬᠠᠯ ᠲᠠᠭ᠋ᠠᠤ ᠤᠷᠤᠨᠳᠤ ᠪᠤᠯ ᠨᠠᠮᠤᠷ ᠲᠠᠷᠢᠪᠡᠯ ᠰᠠᠶ᠋ᠢᠨ ᠪᠠᠶ᠋ᠢᠳᠠᠭ᠃ ᠶᠡᠷᠤᠳᠡᠭᠡᠨ ᠮᠤ᠌ ᠪᠦᠷᠢ 0.5 — 1 ᠺᠢᠯᠦᠭᠷᠠᠮ ᠦᠷᠠ ᠵᠢ 2 ᠰᠡᠨᠲ᠋ᠢᠮᠸᠲᠷ ᠬᠦᠨ ᠲᠠᠷᠢᠨᠠ᠃
ᠪᠡᠯᠡᠳᠬᠡᠭᠰᠡᠨᠨᠢ᠄ ᠡᠷᠳᠡᠨᠢᠬᠦᠦ
ᠨᠠᠶ᠋ᠢᠷᠠᠭᠤᠯᠤᠭᠰᠠᠨᠨᠢ᠄ ᠨᠠᠮᠤᠷ
ᠬᠢᠨᠠᠭᠰᠠᠨᠨᠢ᠄ ᠤᠷᠢᠬᠠᠨ