ᠦᠩᠭᠡ ᠢᠯᠭ᠋ᠠᠷᠠᠭᠰᠠᠨ ᠶᠢᠷᠳᠢᠨᠴᠤ ᠲᠡᠯᠡᠬᠡᠢ᠎ᠨᠢ ᠴᠡᠴᠡᠭ ᠪᠠᠢ᠌ᠳᠠᠭ᠎ᠠᠴᠠ ᠰᠠᠶᠢ ᠭᠤᠸ᠎ᠠ ᠰᠠᠢ᠌ᠬᠠᠨ ᠪᠤᠯᠳᠠᠭ ᠰᠠᠨ᠃ ᠭᠡᠳᠡᠯ᠎ᠡ ᠡᠨᠡᠬᠦ ᠵᠦᠢ᠍ᠯ᠎ᠤᠨ ᠴᠡᠴᠡᠭ ᠰᠤᠯᠤᠩᠭ᠋ᠠᠷᠠᠭᠰᠠᠨ ᠴᠡᠴᠡᠭ᠎ᠤᠨ ᠶᠢᠷᠳᠢᠨᠴᠤ᠎ᠠᠴᠠ ᠬᠠᠷ᠎ᠠ ᠦᠩᠭᠡᠳᠡᠢ ᠴᠡᠴᠡᠭ ᠶᠡᠷᠦ᠎ᠠᠴᠠ ᠬᠠᠷᠠᠭᠳᠠᠳᠠᠭ ᠦᠭᠡᠢ᠃ ᠡᠨᠡ᠎ᠨᠢ ᠶᠠᠭᠤᠨ᠎ᠤ ᠤᠴᠢᠷ᠎ᠠᠴᠠ ᠪᠤᠢ？
      ᠡᠬᠦᠨ᠎ᠢ 《ᠲᠦᠮᠡᠨ ᠪᠤᠳᠠᠰ ᠨᠠᠷᠠᠨ᠎ᠳᠤ ᠠᠮᠢᠯᠠᠨ᠎ᠠ》 ᠭᠡᠳᠡᠭ᠎ᠠᠴᠠ ᠶᠠᠷᠢᠬᠤ ᠴᠢᠬᠤᠯᠠᠳᠠᠢ᠃ ᠨᠠᠷᠠ ᠪᠤᠯ ᠤᠯᠠᠭ᠋ᠠᠨ᠂ ᠤᠯᠠᠪᠢᠷ᠂ ᠰᠢᠷ᠎ᠠ᠂ ᠨᠤᠭᠤᠭ᠋ᠠᠨ᠂ ᠴᠡᠩᠭᠡᠷ᠂ ᠬᠦᠬᠡ᠂ ᠬᠦᠷᠡᠩ ᠵᠡᠷᠭᠡ ᠲᠤᠯᠤᠭ᠋ᠠᠨ ᠦᠩᠭᠡ᠎ᠪᠠᠷ ᠪᠦᠷᠢᠯᠳᠤᠵᠠᠢ᠃ ᠬᠤᠸᠠᠷ ᠴᠡᠴᠡᠭ ᠡᠯᠳᠡᠪ᠎ᠤᠨ ᠦᠩᠭᠡ᠎ᠪᠠᠷ ᠳᠡᠯᠭᠡᠷᠡᠳᠡᠭ᠎ᠤᠨ ᠤᠴᠢᠷ ᠪᠤᠯ ᠲᠡᠳᠡ ᠡᠳᠡᠭᠡᠷ ᠬᠡᠷᠡᠯ᠎ᠢ ᠰᠢᠩᠭᠡᠭᠡᠵᠦ ᠤᠢ᠌ᠯᠭ᠋ᠠᠭᠰᠠᠨ᠎ᠠᠴᠠ ᠪᠤᠯᠤᠭᠰᠠᠨ ᠶᠤᠮ᠃ ᠤᠯᠠᠭ᠋ᠠᠨ ᠬᠤᠸᠠᠷ᠎ᠨᠢ ᠤᠯᠠᠭ᠋ᠠᠨ ᠦᠩᠭᠡ ᠵᠢ ᠤᠢ᠌ᠯᠠᠭ᠋ᠠᠳᠠᠭ᠎ᠠᠴᠠ ᠤᠯᠠᠭ᠋ᠠᠨ ᠦᠩᠬᠡ ᠢᠯᠡᠷᠡᠵᠤ᠂ ᠨᠤᠭᠤᠭ᠋ᠠᠨ ᠴᠡᠴᠡᠭ᠎ᠨᠢ ᠨᠤᠭᠤᠭ᠋ᠠᠨ ᠦᠩᠭᠡ ᠵᠢ ᠤᠢ᠌ᠯᠠᠭ᠋ᠠᠳᠠᠭ᠎ᠠᠴᠠ ᠨᠤᠭᠤᠭ᠋ᠠᠨ ᠦᠩᠭᠡ ᠢᠯᠡᠷᠡᠳᠡᠭ᠃ ᠡᠨᠡ ᠮᠡᠳᠦᠴᠢᠯᠠᠨ ᠬᠠᠷ᠎ᠠ ᠴᠡᠴᠡᠭ᠎ᠨᠢ ᠵᠠᠪᠠᠯ ᠴᠡᠴᠡᠭ ᠳᠡᠭᠡᠷ᠎ᠡ ᠲᠤᠰᠤᠭᠰᠠᠨ ᠪᠦᠬᠦᠢ᠌ᠯᠡ ᠨᠠᠷᠠᠨ᠎ᠤ ᠬᠡᠷᠡᠯ᠎ᠢ ᠰᠢᠩᠭᠡᠭᠡᠵᠦ᠂ ᠦᠴᠦᠬᠡᠨ ᠴᠤ᠌ ᠤᠢ᠌ᠯᠠᠭ᠋ᠠᠭᠰᠠᠨ ᠪᠠᠢ᠌ᠬᠤ ᠬᠡᠷᠡᠭᠳᠡᠢ᠃ ᠭᠡᠳᠡᠯ᠎ᠡ ᠬᠠᠷ᠎ᠠ ᠴᠡᠴᠡᠭ᠎ᠨᠢ ᠪᠦᠬᠦᠢ᠌ᠯᠡ ᠨᠠᠷᠠᠨ᠎ᠤ ᠬᠡᠷᠡᠯ᠎ᠢ ᠰᠢᠩᠭᠡᠭᠡᠵᠦ᠂ ᠬᠡᠳᠦᠷᠬᠡᠢ ᠤᠯᠠᠨ ᠢᠯᠴᠢ ᠰᠢᠩᠭᠡᠭᠡᠬᠦ᠎ᠠᠴᠠ ᠪᠤᠯᠵᠤ᠂ ᠰᠢᠲᠠᠵᠤ ᠦᠬᠦᠰᠢᠷᠡᠳᠡᠭ᠃ ᠡᠢ᠌ᠮᠦ᠎ᠠᠴᠠ ᠪᠠᠢ᠌ᠭ᠋ᠠᠯᠢ ᠶᠢᠷᠳᠢᠨᠴᠤ᠎ᠳᠤ ᠬᠠᠷ᠎ᠠ ᠦᠩᠭᠡ ᠵᠢᠨ ᠴᠡᠴᠡᠭ ᠮᠠᠰᠢ ᠬᠤᠪᠤᠷᠬᠠᠨ ᠪᠠᠢ᠌ᠳᠠᠭ ᠪᠢᠯᠡ᠃