ᠣᠨᠴᠠᠭ᠋ᠠᠢ ᠭᠡᠷᠡᠯᠤᠨ ᠵᠢᠭᠰᠠᠯ （ᠲᠣᠭᠲᠠᠭᠰᠠᠨ ᠳᠣᠯᠭᠢᠶᠠᠨᠤ ᠤᠷᠲᠦ᠂ ᠦᠩᠭᠡ） ᠵᠢᠴᠢ ᠣᠨᠴᠠᠭ᠋ᠠᠢ ᠴᠠᠪᠠᠤᠯᠢᠭ ᠡᠳ᠋ （ᠰᠢᠷᠠ ᠲᠣᠰᠤ ᠵᠡᠷᠭᠡ ᠲᠤᠰᠬᠠᠢ ᠬᠡᠷᠡᠭᠯᠡᠬᠦ ᠴᠠᠪᠠᠤᠯᠢᠭ ᠡᠳ᠋）ᠪᠠᠷ ᠦᠢ᠍ᠯᠡᠳᠦᠭᠰᠡᠨ ᠬᠦᠨᠦᠭᠡᠯᠲᠦ ᠰᠢᠪᠡᠵᠢ ᠵᠢ ᠦᠳᠦᠭᠡᠨ ᠪᠠᠷᠢᠬᠤ ᠰᠢᠷᠠ ᠦᠩᠭᠡᠲᠡᠢ ᠨᠢᠯᠳᠠᠭ ᠪᠠᠭ᠋ᠠᠵᠢ （ᠳᠦᠭᠦᠮᠴᠢᠯᠡᠭᠡᠳ ᠰᠢᠷᠠ ᠬᠠᠪᠲᠠᠰᠤ ᠭᠡᠳᠡᠭ） ᠨᠢ ᠹᠢᠽᠢᠺᠤᠨ ᠠᠷᠭᠠᠪᠠᠷ ᠬᠦᠨᠦᠭᠡᠯᠲᠦ ᠰᠢᠪᠡᠵᠢ ᠵᠢ ᠦᠳᠦᠭᠡᠵᠦ ᠠᠯᠠᠳᠠᠭ᠃
ᠬᠦᠯᠡᠮᠵᠢ ᠳᠣᠲᠤᠷᠠ ᠰᠢᠷᠠ ᠬᠠᠪᠲᠠᠰᠤ ᠵᠢ ᠡᠯᠭᠦᠪᠡᠯ ᠪᠠᠭ᠋ᠠᠷᠠᠩ ᠬᠤᠷᠤᠬᠠᠢ᠂ ᠠᠮᠧᠷᠢᠺᠠ ᠲᠢᠪᠤᠨ ᠲᠣᠯᠪᠤᠲᠦ ᠨᠢᠭᠤᠭᠳᠠᠮᠠᠯ ᠢᠯᠠᠭᠠ᠂ ᠴᠠᠭ᠋ᠠᠨ ᠳᠡᠯᠡᠭᠴᠢ ᠵᠡᠷᠭᠡ ᠬᠦᠨᠦᠭᠡᠯᠲᠦ ᠰᠢᠪᠡᠵᠢ ᠵᠢᠨ ᠲᠦᠷᠰᠦ ᠵᠢᠨ ᠰᠦᠷᠦᠭᠤᠨ ᠡᠭᠦᠰᠬᠦ ᠪᠠᠶ᠋ᠢᠳᠠᠯᠢ ᠬᠢᠨᠠᠨ ᠬᠡᠮᠵᠢᠵᠦ᠂ ᠢᠳᠡᠰᠢᠨ ᠨᠣᠭᠤᠭᠠ ᠵᠢᠨ ᠪᠠᠭ᠋ᠠᠷᠠᠩ ᠬᠤᠷᠤᠬᠠᠢ᠂ ᠲᠣᠯᠪᠤᠲᠦ ᠨᠢᠭᠤᠭᠳᠠᠮᠠᠯ ᠢᠯᠠᠭᠠ᠂ ᠴᠠᠭ᠋ᠠᠨ ᠲᠡᠯᠡᠭᠴᠢ ᠵᠡᠷᠭᠡ ᠬᠦᠨᠦᠭᠡᠯᠲᠦ ᠰᠢᠪᠡᠵᠢ ᠵᠢ ᠪᠦᠲᠦᠮᠵᠢᠲᠡᠢ ᠰᠡᠷᠭᠡᠶ᠋ᠢᠯᠡᠨ ᠵᠠᠰᠠᠵᠤ ᠴᠢᠳᠠᠬᠤ ᠮᠦᠷᠲᠡᠭᠡᠨ ᠴᠠᠭ᠋ᠠᠨ ᠲᠡᠯᠡᠭᠴᠢ ᠵᠡᠷᠭᠡ ᠬᠦᠨᠦᠭᠡᠯᠲᠦ ᠰᠢᠪᠡᠵᠢ ᠵᠢᠨ ᠸᠢᠷᠦ᠋ᠰᠲᠦ ᠡᠪᠡᠳᠴᠢᠨ ᠲᠠᠷᠬᠠᠭ᠋ᠠᠬᠤ ᠵᠢ ᠰᠡᠷᠭᠡᠶ᠋ᠢᠯᠡᠵᠤ ᠴᠢᠳᠠᠨᠠ᠂ ᠪᠣᠰᠤᠳ ᠰᠡᠷᠭᠡᠶ᠋ᠢᠯᠡᠨ ᠵᠠᠰᠠᠬᠤ ᠠᠷᠭᠠᠲᠠᠢ ᠠᠳᠠᠯᠢᠳᠬᠠᠪᠠᠯ ᠬᠤᠣᠷᠲᠦ ᠪᠣᠳᠠᠰ ᠠᠭᠤᠯᠤᠭᠳᠠᠬᠤ ᠦᠭᠡᠢ᠂ ᠪᠣᠬᠢᠷᠳᠤᠯ ᠦᠭᠡᠢ᠂ ᠠᠮᠤᠷ ᠲᠦᠪᠰᠢᠨ ᠵᠶ᠋ᠠᠷ ᠣᠷᠴᠢᠨ ᠲᠤᠭᠤᠷᠢᠨᠢ ᠬᠠᠮᠠᠭ᠋ᠠᠯᠠᠵᠤ᠂ ᠬᠡᠷᠡᠭᠯᠡᠬᠦᠳᠤ ᠳᠦᠭᠦᠮ᠂ ᠰᠡᠷᠭᠡᠶ᠋ᠢᠯᠡᠬᠦ ᠦᠷᠡ ᠠᠰᠢᠭ ᠰᠠᠶ᠋ᠢᠨ᠂ ᠦᠪᠡᠷᠤᠨ ᠦᠷᠳᠡᠭ ᠲᠣᠬᠢᠷᠠᠮᠵᠢᠲᠠᠢ ᠵᠡᠷᠭᠡ ᠣᠨᠴᠠᠯᠢᠭᠲᠠᠢ ᠪᠠᠶ᠋ᠢᠵᠤ᠂ ᠳᠡᠯᠭᠡᠷᠡᠭᠦᠯᠦᠨ ᠬᠡᠷᠡᠭᠯᠡᠬᠦ ᠳᠠᠯᠲᠠ ᠬᠦᠴᠦᠨ ᠶᠡᠭᠡ᠃
ᠠᠳᠠᠯᠢ ᠪᠤᠰᠤ ᠬᠦᠨᠦᠭᠡᠯᠲᠦ ᠰᠢᠪᠡᠵᠢ ᠵᠢ ᠦᠳᠦᠭᠡᠨ ᠠᠯᠠᠬᠤᠳᠤ ᠰᠢᠷᠠ ᠬᠠᠪᠲᠠᠰᠤ ᠲᠣᠬᠢᠷᠠᠭᠤᠯᠬᠤ ᠦᠨᠳᠦᠷᠤᠨ ᠬᠡᠮᠵᠢᠶᠡᠨᠢ ᠠᠳᠠᠯᠢ ᠪᠤᠰᠤ ᠪᠠᠶ᠋ᠢᠳᠠᠭ᠃ ᠪᠠᠭ᠋ᠠᠷᠠᠩ ᠬᠤᠷᠤᠬᠠᠢ ᠵᠢ ᠠᠯᠠᠬᠤᠳᠤ 32 ~ 40cm ᠦᠨᠳᠦᠷᠲᠤ ᠲᠣᠬᠢᠷᠠᠭᠤᠯᠵᠤ᠂ ᠰᠢᠷᠠ ᠰᠤᠲᠠᠯᠲᠦ ᠦᠰᠦᠷᠦᠭᠴᠢ ᠴᠣᠬᠤ ᠪᠠ ᠲᠣᠯᠪᠤᠲᠦ ᠨᠢᠭᠤᠭᠳᠠᠮᠠᠯ ᠢᠯᠠᠭᠠ ᠵᠢ ᠠᠯᠠᠬᠤᠳᠤ 4 ~ 20cm ᠦᠨᠳᠦᠷᠲᠤ ᠲᠣᠬᠢᠷᠠᠭᠤᠯᠤᠨᠠ᠃ ᠢᠳᠡᠰᠢᠨ ᠨᠤᠭᠤᠭᠠ ᠵᠢᠨ ᠲᠠᠷᠢᠶᠠᠨᠳᠠᠬᠢ ᠳᠠᠷᠤᠯᠭᠠ ᠵᠢ ᠬᠠᠮᠠᠭ᠋ᠠᠯᠠᠵᠤ᠂ ᠰᠢᠷᠠ ᠬᠠᠪᠲᠠᠰᠤᠨᠤ ᠮᠦᠯᠵᠢᠭᠳᠡᠭᠴᠢ ᠵᠦᠭᠡᠢᠳᠠᠬᠢ ᠨᠦᠯᠦᠭᠡ ᠵᠢ ᠪᠠᠭ᠋ᠠᠰᠬᠠᠬᠤ ᠵᠢᠨ ᠲᠦᠯᠦᠭᠡ᠂ ᠰᠢᠷᠠ ᠬᠠᠪᠲᠠᠰᠤ ᠵᠢ 12 ~ 28cm ᠦᠨᠳᠦᠷᠲᠤ ᠲᠣᠬᠢᠷᠠᠭᠤᠯᠪᠠᠯ ᠬᠠᠮᠤᠭ ᠰᠠᠶ᠋ᠢᠨ ᠪᠠᠶ᠋ᠢᠳᠠᠭ᠃ ᠡᠯᠭᠦᠬᠦ ᠠᠷᠭᠠ᠄ ᠡᠯᠭᠦᠬᠦ ᠦᠨᠳᠦᠷᠤᠨ ᠬᠡᠮᠵᠢᠶᠡ ᠵᠢ ᠲᠠᠷᠢᠮᠡᠯᠤᠨ ᠣᠷᠤᠢᠲᠠᠢ ᠠᠳᠠᠯᠢ ᠲᠦᠪᠰᠢᠨᠳᠤ ᠪᠠᠶ᠋ᠢᠯᠭ᠋ᠠᠬᠤ ᠮᠦᠷᠲᠡᠭᠡᠨ ᠲᠠᠷᠢᠮᠠᠯᠤᠨ ᠤᠷᠭᠤᠯᠲᠠ ᠵᠢᠲᠠᠭᠠᠨ ᠦᠨᠳᠦᠷᠤᠨ ᠬᠡᠮᠵᠢᠶᠡ ᠵᠢ ᠲᠣᠬᠢᠷᠠᠭᠤᠯᠤᠨᠠ᠃
ᠠᠷᠭᠠ ᠨᠢᠭᠡ᠄ ᠰᠦᠯᠢᠶᠣᠣ ᠳᠡᠭᠡᠰᠤ ᠪᠤᠶᠤ ᠲᠡᠮᠤᠷ ᠤᠲᠠᠰᠤᠨᠤ ᠨᠢᠭᠡ ᠦᠵᠦᠭᠦᠷᠢ ᠳᠤᠯᠠᠭ᠋ᠠᠨ ᠬᠦᠯᠡᠮᠵᠢ ᠵᠢᠨ ᠣᠷᠤᠢᠳᠤ ᠲᠣᠭᠲᠠᠭ᠋ᠠᠵᠤ᠂ ᠨᠦᠭᠦᠭᠡ ᠦᠵᠦᠭᠦᠷᠢᠨᠢ ᠰᠢᠪᠡᠵᠢ ᠪᠠᠷᠢᠬᠤ ᠬᠠᠪᠲᠠᠰᠤᠨᠤ ᠤᠷᠢᠳᠴᠢᠯᠠᠨ ᠦᠯᠡᠳᠡᠭᠡᠭᠰᠡᠨ ᠨᠦᠭᠡᠨᠠᠴᠠ ᠤᠶᠠᠨᠠ᠃
ᠠᠷᠭᠠ ᠬᠤᠶᠠᠷ᠄ ᠬᠤᠯᠤᠰᠤᠨ ᠡᠰᠢ ᠪᠤᠶᠤ ᠰᠢᠲᠠᠮ ᠵᠶ᠋ᠠᠨ ᠭᠠᠵᠠᠷᠲᠤ ᠬᠠᠳᠬᠤᠨ ᠣᠷᠤᠭᠤᠯᠵᠤ᠂ ᠰᠢᠪᠡᠵᠢ ᠪᠠᠷᠢᠬᠤ ᠬᠠᠪᠲᠠᠰᠤᠪᠠᠨ ᠬᠤᠯᠤᠰᠤᠨ ᠡᠰᠢ ᠪᠤᠶᠤ ᠰᠢᠲᠠᠮ ᠳᠡᠭᠡᠷᠡ ᠲᠣᠭᠲᠠᠭ᠋ᠠᠨᠠ᠃ ᠰᠢᠷᠠ ᠬᠠᠪᠲᠠᠰᠤᠪᠠᠷ ᠳᠠᠯᠠᠪᠴᠢᠲᠦ ᠪᠠᠭ᠋ᠠᠷᠠᠩᠢ ᠦᠳᠦᠭᠡᠨ ᠠᠯᠠᠬᠤᠳᠤ 667 m2 ᠪᠦᠷᠢᠳᠤ 30 ᠬᠡᠰᠡᠭ ᠪᠠᠶ᠋ᠢᠪᠠᠯ ᠦᠳᠦᠭᠡᠨ ᠠᠯᠠᠬᠤ ᠦᠷᠡ ᠳ᠋ᠦᠩᠨᠢ ᠬᠠᠮᠤᠭ ᠬᠠᠨᠤᠮᠵᠢᠲᠡᠢ᠃ ᠭᠦᠨ ᠰᠢᠷᠠ ᠦᠩᠭᠡᠲᠦ ᠰᠢᠷᠠ ᠬᠠᠪᠲᠠᠰᠤᠨ ᠳᠡᠭᠡᠷᠡ ᠬᠠᠲᠠᠬᠤ ᠦᠭᠡᠢ ᠨᠢᠯᠳᠠᠭ ᠡᠳ᠋ ᠲᠦᠷᠬᠢᠪᠡᠯ ᠰᠠᠶ᠋ᠢᠨ᠃ ᠨᠣᠭᠤᠭᠠ ᠵᠢᠨ ᠲᠠᠷᠢᠶᠠᠨᠳᠤ ᠪᠠᠭ᠋ᠠᠷᠠᠩ ᠬᠤᠷᠤᠬᠠᠢ ᠬᠠᠷᠠᠬᠠᠨ ᠡᠭᠦᠰᠦᠭᠡᠳᠦᠢ ᠦᠶᠡᠳᠤ ᠰᠢᠷᠠ ᠬᠠᠪᠲᠠᠰᠤ ᠵᠢ ᠬᠠᠳᠬᠤᠪᠠᠯ ᠰᠠᠶ᠋ᠢᠨ᠂ ᠰᠢᠷᠠ ᠬᠠᠪᠲᠠᠰᠤᠨᠤ ᠦᠨᠳᠦᠷᠨᠢ ᠢᠳᠡᠰᠢᠨ ᠨᠤᠭᠤᠭᠠ ᠵᠢᠨ ᠤᠷᠭᠤᠮᠠᠯᠠᠴᠠ ᠦᠨᠳᠦᠷ ᠪᠠᠶ᠋ᠢᠬᠤ ᠬᠡᠷᠡᠭᠲᠡᠢ᠃ ᠬᠡᠷᠡᠭᠯᠡᠭᠡᠨᠤ ᠴᠢᠨᠠᠷᠠᠴᠠ ᠦᠵᠡᠪᠡᠯ᠂ ᠰᠢᠷᠠ ᠬᠠᠪᠲᠠᠰᠤᠪᠠᠷ ᠪᠠᠭ᠋ᠠᠷᠠᠩ ᠬᠤᠷᠤᠬᠠᠢ ᠵᠢ ᠦᠳᠦᠭᠡᠨ ᠠᠯᠠᠬᠤ ᠠᠷᠭᠠᠨᠢ ᠨᠡᠯᠢᠶᠡᠳ ᠳᠦᠭᠦᠮ᠂ ᠰᠣᠯᠪᠢ ᠤᠯᠠᠷᠢᠯᠤᠨ ᠬᠦᠯᠡᠮᠵᠢ ᠵᠢᠨ ᠢᠳᠡᠰᠢᠨ ᠨᠤᠭᠤᠭᠠ ᠵᠢᠨ ᠲᠠᠷᠢᠶᠠᠯᠠᠯᠳᠤ ᠲᠤᠬᠢᠷᠠᠨᠠ᠃ ᠵᠠᠳᠠᠭ᠋ᠠᠢ ᠭᠠᠵᠠᠷᠤᠨ ᠢᠳᠡᠰᠢᠨ ᠨᠣᠭᠤᠭᠠ ᠵᠢᠨ ᠲᠠᠷᠢᠶᠠᠯᠠᠯᠠᠴᠠ ᠦᠵᠡᠪᠡᠯ᠂ ᠵᠦᠪᠬᠡᠨ ᠬᠠᠪᠤᠷ ᠪᠤᠶᠤ ᠨᠠᠮᠤᠷᠤᠨ ᠰᠡᠭᠦᠯᠴᠢ᠂ ᠡᠪᠦᠯᠤᠨ ᠡᠬᠢᠨᠤ ᠲᠣᠨᠤᠭᠤᠯᠵᠢᠨ ᠴᠡᠴᠡᠭᠤᠨ ᠢᠵᠠᠭᠤᠷᠤᠨ ᠢᠳᠡᠰᠢᠨ ᠨᠤᠭᠤᠭᠠᠳᠤ ᠲᠤᠬᠢᠷᠠᠨᠠ᠂ ᠤᠴᠢᠷᠨᠢ ᠲᠡᠷᠡ ᠦᠶᠡᠳᠤ ᠴᠠᠭ᠋ᠠᠨ ᠨᠤᠭᠤᠭᠠ ᠵᠢᠨ ᠪᠠᠭ᠋ᠠᠷᠠᠩ ᠬᠤᠷᠤᠬᠠᠢ ᠵᠢᠨ ᠬᠦᠨᠦᠭᠡᠯ ᠵᠶ᠋ᠠᠷ ᠭᠤᠣᠯᠳᠠᠵᠤ᠂ ᠡᠭᠦᠰᠬᠦ ᠬᠡᠮᠵᠢᠶᠡᠨᠢ ᠨᠡᠯᠢᠶᠡᠳ ᠶᠡᠭᠡ ᠪᠠᠶ᠋ᠢᠳᠠᠭ᠃ ᠰᠢᠷᠠ ᠬᠠᠪᠲᠠᠰᠤ ᠵᠢᠨ ᠴᠠᠭ᠋ᠠᠨ ᠨᠤᠭᠤᠭᠠ ᠵᠢᠨ ᠪᠠᠭ᠋ᠠᠷᠠᠩ ᠬᠤᠷᠤᠬᠠᠢ ᠵᠢ ᠦᠳᠦᠭᠡᠵᠦ ᠠᠯᠠᠬᠤ ᠴᠢᠳᠠᠪᠤᠷᠢᠨᠢ ᠲᠤᠩ ᠴᠢᠩᠭᠠ ᠪᠠᠶ᠋ᠢᠳᠠᠭ᠃ （ᠢᠷᠡᠯᠲᠡ᠄ ᠰᠢ ᠢᠩᠤᠨ ᠨᠠᠶ᠋ᠢᠷᠠᠭᠤᠯᠤᠭᠰᠠᠨ 《ᠤᠷᠭᠤᠮᠠᠯᠤᠨ ᠡᠪᠡᠳᠴᠢᠨ ᠬᠤᠷᠤᠬᠠᠢ ᠡᠪᠡᠰᠦᠨᠤ ᠬᠦᠨᠦᠭᠡᠯᠢ ᠬᠢᠵᠠᠭ᠋ᠠᠷᠯᠠᠬᠤ ᠠᠰᠠᠭᠤᠯᠲᠠ ᠬᠠᠷᠢᠭᠤᠯᠲᠠ》 ᠭᠡᠬᠦ ᠨᠤᠮᠠᠴᠠ ᠰᠤᠩᠭᠤᠨ ᠰᠡᠶ᠋ᠢᠷᠡᠭᠦᠯᠪᠡ᠃）
ᠢᠷᠡᠯᠲᠡ᠄ 《ᠤᠷᠭᠤᠮᠠᠯᠤᠨ ᠡᠪᠡᠳᠴᠢᠨ ᠬᠤᠷᠤᠬᠠᠢ ᠡᠪᠡᠰᠦᠨᠤ ᠬᠦᠨᠦᠭᠡᠯᠢ ᠬᠢᠵᠠᠭ᠋ᠠᠷᠯᠠᠬᠤ ᠠᠰᠠᠭᠤᠯᠲᠠ ᠬᠠᠷᠢᠭᠤᠯᠲᠠ》