ᠡᠯᠡᠰᠦᠨ ᠴᠦᠯᠤᠨ ᠤᠷᠭᠤᠮᠠᠯ ᠤᠷᠲᠤ ᠬᠤᠭᠤᠴᠠᠭᠠᠪᠠᠷ ᠡᠯᠡᠰᠦᠨ ᠴᠦᠯᠤᠨ ᠭᠠᠩ ᠬᠠᠭᠤᠷᠠᠢ ᠤᠷᠴᠢᠨ ᠲᠤᠭᠤᠷᠢᠨᠳᠤ ᠤᠷᠭᠤᠵᠤ᠂ ᠭᠠᠩ ᠬᠠᠭᠤᠷᠠᠢ ᠠᠭᠤᠷ ᠠᠮᠢᠰᠬᠤᠯᠳᠤ ᠠᠭ᠋ᠠᠵᠢᠮ ᠵᠶ᠋ᠠᠷ ᠵᠤᠬᠢᠴᠠᠵᠤ᠂ ᠶᠠᠩᠵᠤ ᠪᠦᠷᠢ ᠵᠢᠨ ᠭᠠᠩᠢ ᠰᠡᠷᠭᠡᠢ᠌ᠯᠡᠬᠦ ᠴᠢᠳᠠᠪᠬᠢᠲᠠᠢ ᠪᠤᠯᠤᠭᠰᠠᠨ ᠪᠠᠢ᠌ᠨᠠ᠃
ᠬᠠᠮᠤᠭ ᠨᠡᠷᠡᠳᠡᠢ ᠨᠢᠭᠡ ᠵᠦᠢ᠍ᠯᠤᠨ ᠡᠯᠡᠰᠦᠨ ᠴᠦᠯᠤᠨ ᠤᠷᠭᠤᠮᠠᠯ ᠪᠤᠯ ᠠᠷᠰᠢ ᠵᠢᠨ ᠭᠠᠷᠤᠨ ᠢᠵᠠᠭᠤᠷᠤᠨ ᠤᠷᠭᠤᠮᠠᠯ ᠪᠤᠯᠤᠨᠠ᠃ ᠨᠠᠪᠴᠢᠨᠢ ᠬᠠᠳᠠᠭ᠋ᠠᠳ ᠵᠡᠬᠦᠦ ᠵᠢᠨ ᠬᠡᠯᠪᠡᠷᠢᠲᠠᠢ ᠪᠤᠯᠵᠤ᠂ ᠤᠰᠤᠨᠤ ᠠᠭᠤᠷᠰᠢᠯᠳᠠ ᠵᠢ ᠪᠠᠭ᠋ᠠᠰᠬᠠᠬᠤ ᠪᠤᠯᠬᠤᠳᠤ ᠡᠰᠢᠨᠢ ᠬᠠᠷᠢᠨ ᠤᠯᠠᠮ ᠪᠦᠳᠦᠬᠦᠷᠡᠭᠡᠳ ᠨᠡᠩ ᠠᠷᠪᠢᠨ ᠤᠰᠤ ᠬᠠᠳᠠᠭ᠋ᠠᠯᠠᠬᠤ ᠪᠤᠯᠵᠤ᠂ ᠡᠰᠢᠨᠤ ᠨᠠᠪᠴᠢᠨᠤ ᠨᠤᠭᠤᠭ᠋ᠠᠨ ᠡᠳ᠋ᠨᠢ ᠬᠡᠷᠡᠯᠤᠨ ᠨᠡᠢ᠌ᠯᠡᠯᠭᠡ ᠵᠢᠨ ᠦᠢ᠍ᠯᠡᠳᠦᠯ ᠭᠠᠷᠭ᠋ᠠᠵᠤ ᠢᠳᠡᠭᠡᠨ ᠦᠢ᠍ᠯᠡᠳᠪᠦᠷᠢᠯᠡᠳᠡᠭ᠃
ᠮᠸᠺᠰᠢᠺᠦ ᠵᠢᠨ ᠡᠯᠡᠰᠦᠨ ᠴᠦᠯᠳᠤ ᠨᠢᠭᠡᠨ ᠲᠤᠮᠤ ᠬᠡᠯᠪᠡᠷᠢ ᠵᠢᠨ ᠠᠷᠰᠢ ᠵᠢᠨ ᠭᠠᠷ ᠪᠤᠢ᠃ ᠬᠡᠯᠪᠡᠷᠢ ᠲᠦᠷᠰᠦᠨᠢ ᠮᠤᠳᠤ ᠰᠢᠭ᠋᠃ ᠲᠡᠬᠦᠨᠢ ᠬᠡᠷᠴᠢᠵᠦ ᠦᠵᠡᠪᠡᠯ ᠲᠤᠳᠤᠷᠠᠨᠢ ᠴᠦᠮ ᠤᠰᠤ ᠪᠠᠢ᠌ᠵᠤ᠂ ᠶᠠᠭ ᠯᠡ ᠰᠠᠭᠤᠯᠭᠠ ᠰᠢᠤᠬᠠᠨ ᠪᠠᠢ᠌ᠳᠠᠭ᠃ ᠡᠨᠡᠨᠢ ᠲᠠᠷᠤᠢ ᠭᠠᠩᠳᠤ ᠲᠡᠰᠪᠦᠷᠢᠳᠠᠢ ᠪᠠᠢ᠌ᠳᠠᠭ ᠵᠢᠨ ᠨᠢᠭᠤᠴᠠ ᠪᠤᠯᠤᠨᠠ᠃ ᠵᠠᠷᠢᠮ ᠡᠯᠡᠰᠦᠨ ᠴᠦᠯᠤᠨ ᠤᠷᠭᠤᠮᠠᠯᠨᠢ ᠬᠦᠨ ᠦᠨᠳᠦᠰᠦ ᠬᠠᠳᠬᠤᠵᠤ ᠭᠠᠵᠠᠷ ᠲᠤᠤᠷᠠᠬᠢ ᠤᠰᠤᠨ ᠰᠤᠷᠪᠤᠯᠵᠢ ᠵᠢ ᠠᠰᠢᠭᠯᠠᠨ ᠭᠠᠩᠢ ᠰᠡᠷᠭᠡᠢ᠌ᠯᠡᠳᠡᠭ᠃ ᠵᠢᠱ᠌ᠢᠶᠡᠯᠡᠪᠡᠯ ᠲᠡᠮᠡᠭᠡᠨ ᠦᠷᠭᠡᠰᠦ ᠵᠢᠨ ᠦᠨᠳᠦᠰᠦᠨᠢ ᠭᠠᠵᠠᠷᠠᠴᠠ ᠲᠤᠷᠤᠭᠰᠢ 15 ᠮᠸᠲᠷ ᠬᠦᠨᠳᠤ ᠪᠠᠢ᠌ᠬᠤ ᠤᠰᠤ ᠵᠢ ᠰᠢᠩᠭᠡᠭᠡᠳᠡᠭ᠃