ᠵᠢᠮᠢᠰ ᠢᠳᠡᠬᠦ᠎ᠳᠡᠭᠡᠨ ᠬᠠᠯᠢᠰᠤ ᠵᠢ᠎ᠨᠢ ᠪᠢᠳᠡᠬᠡᠢ ᠭᠠᠷ᠎ᠤᠨ ᠠᠶ᠎ᠠ᠎ᠪᠠᠷ ᠵᠶ᠋ᠠᠨ ᠬᠤᠭ᠎ᠤᠨ ᠰᠠᠪᠠ ᠤᠷᠤᠭᠤ ᠰᠢᠳᠠᠵᠤ ᠯᠠ ᠪᠠᠢ᠌ᠭ᠋ᠠᠷᠠᠢ᠃ ᠠᠪᠤᠨ ᠦᠵᠡᠬᠦ᠎ᠳᠤ ᠳᠡᠮᠡᠢ ᠬᠡᠷᠡᠭᠴᠡᠬᠡ ᠦᠬᠡᠢ ᠵᠢᠮᠢᠰ᠎ᠤᠨ ᠬᠠᠯᠢᠰᠤ᠎ᠨᠢ ᠡᠩ᠎ᠤᠨ ᠠᠮᠢᠳᠤᠷᠠᠯ ᠳᠤᠮᠳᠠ ᠰᠠᠨᠠᠭ᠋ᠠᠨ᠎ᠠᠴᠠ ᠭᠠᠳᠠᠭᠤᠷ ᠦᠷ᠎ᠡ ᠪᠦᠳᠦᠮᠵᠢ᠎ᠲᠠᠢ ᠶᠤᠮ᠃     

      ᠰᠢᠷ᠎ᠠ ᠠᠯᠢᠮ᠎ᠠ ᠵᠢᠨ ᠬᠠᠯᠢᠰᠤ     

      ᠵᠢᠪᠡᠷᠡᠬᠦ ᠦᠬᠡᠢ ᠪᠤᠯᠤᠳ ᠳᠤᠭᠤᠭ᠋ᠠᠯᠠᠬᠤ ᠬᠡᠷᠡᠭᠰᠡᠯ᠎ᠤᠨ ᠢᠷᠦᠭ᠋ᠠᠷ᠎ᠲᠠᠬᠢ ᠬᠠᠷ᠎ᠠ ᠳᠠᠭ᠎ᠢ ᠱᠤᠸᠠᠰᠠ᠎ᠪᠠᠷ ᠱᠤᠸᠠᠰᠠᠳᠠᠭ᠋ᠠᠳ ᠠᠷᠢᠯᠭ᠋ᠠᠬᠤ᠎ᠳᠤ ᠪᠡᠷᠬᠡᠳᠡᠨ᠎ᠡ᠂ ᠬᠡᠬᠦ᠎ᠳᠡᠭᠡᠨ ᠰᠢᠷ᠎ᠠ ᠠᠯᠢᠮ᠎ᠠ ᠵᠢᠨ ᠬᠠᠯᠢᠰᠤ᠎ᠪᠠᠷ ᠠᠷᠴᠢᠪᠠᠯ ᠬᠠᠷ᠎ᠠ ᠳᠠᠭ᠎ᠢ ᠰᠢᠯᠤᠭᠤᠬᠠᠨ ᠠᠷᠢᠯᠭ᠋ᠠᠵᠤ ᠴᠢᠳᠠᠨ᠎ᠠ᠃ ᠤᠳᠠᠭ᠋ᠠᠨ ᠬᠤᠭᠤᠴᠠᠭ᠎ᠠ ᠪᠤᠯᠤᠭᠰᠠᠨ ᠠᠮᠠᠷᠬᠠᠨ ᠠᠷᠴᠢᠭᠳᠠᠬᠤ ᠦᠬᠡᠢ ᠬᠠᠷ᠎ᠠ ᠳᠠᠭ᠎ᠢ ᠠᠷᠢᠯᠭ᠋ᠠᠬᠤ᠎ᠳᠠᠭᠠᠨ ᠰᠢᠷ᠎ᠠ ᠠᠯᠢᠮ᠎ᠠ ᠵᠢ ᠳᠤᠭᠤᠭ᠋ᠠᠨ ᠳᠤᠳᠤᠷ᠎ᠠ ᠬᠢᠵᠤ᠂ ᠤᠰᠤ ᠨᠡᠮᠡᠵᠤ ᠪᠤᠴᠠᠯᠭ᠋ᠠᠭ᠋ᠠᠳ ᠠᠷᠪᠠᠨ ᠬᠡᠳᠤᠨ ᠮᠢᠨᠦ᠋ᠲ ᠪᠤᠯᠪᠠᠯ ᠬᠠᠷ᠎ᠠ ᠳᠠᠭ ᠠᠯᠭᠤᠷ ᠵᠶ᠋ᠠᠷ ᠤᠨᠠᠴᠢᠬᠠᠳᠠᠭ ᠶᠤᠮ᠃     

      ᠵᠦᠷᠵᠢ ᠵᠢᠨ ᠬᠠᠯᠢᠰᠤ     

      ᠵᠦᠷᠵᠢ ᠵᠢᠨ ᠬᠠᠯᠢᠰᠤ ᠵᠢ ᠵᠤᠤᠮ᠎ᠠ ᠵᠢᠨ ᠦᠷᠬᠦᠯᠵᠢ ᠬᠠᠷᠠᠭᠳᠠᠳᠠᠭ ᠭᠠᠵᠠᠷ ᠳᠠᠯᠪᠢᠪᠠᠯ᠂ ᠵᠤᠤᠮ᠎ᠠ ᠵᠢ ᠠᠷᠢᠯᠭ᠋ᠠᠬᠤ ᠦᠢ᠍ᠯᠡᠳᠤᠯ᠎ᠲᠠᠢ ᠶᠤᠮ᠃ ᠠᠶᠠᠭ᠎ᠠ ᠫᠢᠯᠠ ᠳᠤᠭᠤᠭ᠎ᠠ ᠰᠢᠨᠠᠭ᠎ᠠ ᠤᠬᠢᠶᠠᠬᠤ᠎ᠠᠴᠠ᠎ᠪᠠᠨ ᠡᠮᠤᠨ᠎ᠡ ᠵᠦᠷᠵᠢ ᠵᠢᠨ ᠬᠠᠯᠢᠰᠤ᠎ᠪᠠᠷ ᠵᠦᠯᠬᠦᠪᠡᠯ ᠳᠤᠰᠤ ᠪᠤᠷᠳᠠᠭ᠎ᠢ ᠪᠦᠳᠦᠮᠵᠢᠳᠡᠢ ᠠᠷᠢᠯᠭ᠋ᠠᠵᠤ ᠴᠢᠳᠠᠨ᠎ᠠ᠃ ᠵᠦᠷᠵᠢ ᠵᠢᠨ ᠬᠠᠯᠢᠰᠤ ᠵᠢ ᠠᠪᠳᠠᠷ᠎ᠠ ᠬᠤᠷᠭᠤ ᠪᠤᠯᠤᠨ ᠬᠦᠯᠳᠡᠬᠡᠬᠦᠷ ᠳᠤᠳᠤᠷ᠎ᠠ ᠬᠢᠪᠡᠯ ᠰᠢᠨ᠎ᠡ ᠰᠤᠷᠭᠤᠭ᠎ᠢ ᠪᠠᠳᠤᠯᠠᠬᠤ ᠦᠢ᠍ᠯᠡᠳᠤᠯ᠎ᠲᠠᠢ᠂ ᠦᠮᠡᠬᠡᠢ ᠦᠨᠦᠷ᠎ᠢ ᠠᠷᠢᠯᠭ᠋ᠠᠵᠤ ᠴᠢᠳᠠᠨ᠎ᠠ᠃ ᠵᠦᠷᠵᠢ ᠵᠢᠨ ᠬᠠᠯᠢᠰᠤ ᠵᠢ ᠳᠠᠪᠤᠰᠤᠨ᠎ᠳᠤ ᠲᠦᠷᠦᠵᠤ ᠱᠠᠭ᠋ᠠᠵᠠᠩ᠂ ᠭᠠᠤᠯᠢ᠎ᠪᠠᠷ ᠦᠢ᠍ᠯᠡᠳᠦᠭᠰᠡᠨ ᠬᠤᠭᠤᠯᠠᠨ ᠰᠠᠪᠠ ᠬᠡᠷᠡᠭᠰᠡᠯ ᠳᠡᠬᠡᠷᠡᠬᠢ ᠭ᠋ᠬᠢᠷ ᠪᠤᠷᠳᠠᠭ᠎ᠢ ᠵᠦᠯᠬᠦᠵᠤ ᠪᠤᠯᠤᠨ᠎ᠠ᠂ ᠪᠠᠰᠠ ᠰᠢᠷᠠᠯᠠᠭᠰᠠᠨ ᠵᠠᠭ᠋ᠠᠨ᠎ᠤ ᠰᠤᠶᠤᠭ᠋ᠠᠨ᠎ᠤ ᠡᠳ᠋ᠯᠡᠯ ᠪᠤᠯᠤᠨ ᠫᠢᠶᠡᠨᠤ᠋ ᠵᠢᠨ ᠳᠠᠷᠤᠭᠤᠯ᠎ᠢ ᠠᠷᠴᠢᠵᠤ ᠪᠤᠯᠤᠨ᠎ᠠ᠂ ᠰᠠᠢ᠌ᠳᠤᠷ ᠠᠷᠴᠢᠪᠠᠯ ᠡᠳ᠋ᠯᠡᠯ ᠬᠡᠷᠡᠭᠰᠡᠯ᠎ᠤᠨ ᠤᠤᠯ᠎ᠤᠨ ᠦᠩᠬᠡ ᠬᠢᠯᠪᠠᠭ᠎ᠠ ᠵᠢ᠎ᠨᠢ ᠰᠡᠷᠬᠦᠬᠡᠵᠤ ᠴᠢᠳᠠᠨ᠎ᠠ᠃     

      ᠠᠯᠮᠤᠷᠠᠳ᠎ᠤᠨ ᠬᠠᠯᠢᠰᠤ     

      ᠪᠡᠶ᠎ᠡ ᠤᠬᠢᠶᠠᠬᠤ᠎ᠳᠠᠭᠠᠨ ᠰᠢᠭᠤᠳ ᠠᠯᠮᠤᠷᠠᠳ᠎ᠤᠨ ᠬᠠᠯᠢᠰᠤ᠎ᠪᠠᠷ ᠪᠡᠶ᠎ᠡ᠎ᠪᠠᠨ ᠵᠦᠯᠬᠦᠵᠤ ᠪᠤᠯᠤᠨ᠎ᠠ᠂ ᠠᠯᠮᠤᠷᠠᠳ᠎ᠤᠨ ᠬᠠᠯᠢᠰᠤᠨ ᠳᠤᠳᠤᠷ᠎ᠠ ᠠᠭᠤᠯᠤᠭᠳᠠᠵᠤ ᠪᠠᠢ᠌ᠭ᠎ᠠ ᠤᠯᠠᠨ ᠹᠸᠨᠤᠯ᠎ᠨᠢ ᠵᠢᠰᠤ ᠭᠤᠶᠤᠯᠠᠬᠤ ᠦᠢ᠍ᠯᠡᠳᠤᠯ᠎ᠲᠠᠢ ᠮᠦᠷᠳᠡᠬᠡᠨ ᠠᠩᠬᠢᠯᠦᠮ᠎ᠡ ᠰᠠᠢ᠌ᠬᠠᠨ ᠦᠨᠦᠷ᠎ᠨᠢ ᠬᠦᠮᠦᠨ᠎ᠤ ᠪᠡᠶ᠎ᠡ ᠰᠡᠳᠬᠢᠯ᠎ᠢ ᠳᠠᠢ᠌ᠪᠤᠰᠢᠷᠠᠭᠤᠯᠵᠤ ᠶᠠᠳᠠᠷᠠᠭ᠎ᠠ ᠵᠢ ᠳᠠᠢ᠌ᠯᠳᠠᠭ᠃ ᠪᠠᠰᠠ ᠠᠯᠮᠤᠷᠠᠳ᠎ᠤᠨ ᠬᠠᠯᠢᠰᠤ ᠵᠢ ᠬᠡᠰᠡᠭ ᠵᠤᠷᠭᠤᠵᠤ ᠳᠡᠬᠡᠷ᠎ᠡ᠎ᠨᠢ ᠵᠦᠬᠡᠢ ᠵᠢᠨ ᠪᠠᠯ ᠲᠦᠷᠬᠢᠵᠤ ᠤᠷᠤᠭᠤᠯ ᠳᠡᠬᠡᠷ᠎ᠡ᠎ᠪᠠᠨ ᠨᠠᠭ᠋ᠠᠵᠤ ᠪᠤᠯᠤᠨ᠎ᠠ᠂ ᠠᠯᠮᠤᠷᠠᠳ᠎ᠤᠨ ᠬᠠᠯᠢᠰᠤᠨ ᠳᠤᠳᠤᠷᠠᠬᠢ ᠬᠦᠴᠢᠯᠯᠢᠭ ᠴᠢᠨᠠᠷᠳᠠᠢ ᠪᠦᠷᠢᠯᠳᠦᠬᠦᠨ᠎ᠨᠢ ᠬᠠᠳᠠᠭᠰᠠᠨ ᠤᠷᠤᠭᠤᠯ᠎ᠢ ᠰᠢᠮᠡᠵᠢᠬᠦᠯᠵᠤ ᠴᠢᠳᠠᠨ᠎ᠠ᠂ ᠡᠬᠦᠨ᠎ᠤ ᠬᠠᠮᠳᠤ ᠵᠦᠬᠡᠢ ᠵᠢᠨ ᠪᠠᠯ ᠤᠰᠤᠵᠢᠭᠤᠯᠬᠤ ᠦᠢ᠍ᠯᠡᠳᠤᠯ᠎ᠲᠠᠢ ᠪᠠᠢ᠌ᠵᠤ᠂ ᠤᠷᠤᠭᠤᠯ᠎ᠢ ᠬᠠᠮᠠᠭ᠋ᠠᠯᠠᠬᠤ ᠦᠢ᠍ᠯᠡᠳᠤᠯ᠎ᠲᠠᠢ ᠶᠤᠮ᠃ ᠬᠠᠷᠠᠯᠠᠭᠰᠠᠨ ᠭᠠᠤᠯᠢᠨ ᠳᠤᠭᠤᠭ᠋ᠠᠨ ᠳᠤᠳᠤᠷ᠎ᠠ ᠰᠢᠨ᠎ᠡ ᠰᠤᠷᠭᠤᠭ ᠠᠯᠮᠤᠷᠠᠳ᠎ᠤᠨ ᠬᠠᠯᠢᠰᠤ ᠵᠢ ᠬᠢᠵᠤ ᠤᠰᠤ᠎ᠲᠠᠢ ᠪᠤᠴᠠᠯᠭ᠋ᠠᠪᠠᠯ ᠭᠠᠤᠯᠢᠨ ᠳᠤᠭᠤᠭ᠎ᠠ ᠮᠠᠰᠢ ᠠᠮᠠᠷᠬᠠᠨ ᠤᠬᠢᠶᠠᠭᠳᠠᠵᠤ ᠴᠢᠳᠠᠨ᠎ᠠ᠃     

      ᠪᠠᠨᠠᠨᠠ ᠵᠢᠨ ᠬᠠᠯᠢᠰᠤ     

      ᠪᠠᠨᠠᠨᠠ ᠵᠢᠨ ᠬᠠᠯᠢᠰᠤ ᠵᠢᠨ ᠳᠤᠳᠣᠷ᠎ᠠ ᠳᠠᠯ᠎ᠠ᠎ᠪᠠᠷ ᠠᠷᠠᠰᠤᠨ ᠡᠳ᠋ᠯᠡᠯ᠎ᠢ ᠵᠦᠯᠬᠦᠵᠤ ᠪᠤᠯᠤᠨ᠎ᠠ᠂ ᠳᠤᠬᠠᠢ᠌ᠯᠠᠪᠠᠯ ᠠᠷᠠᠰᠤᠨ ᠱᠠᠬᠠᠢ᠂ ᠱᠠᠹᠠ ᠵᠢᠨ ᠦᠩᠬᠡᠨ ᠳᠠᠪᠬᠤᠷᠭ᠎ᠠ ᠵᠢ ᠵᠦᠯᠬᠦᠪᠡᠯ ᠭ᠋ᠬᠢᠷ ᠪᠤᠷᠳᠠᠭ᠎ᠢ ᠠᠷᠢᠯᠭ᠋ᠠᠵᠤ ᠴᠢᠳᠠᠬᠤ ᠮᠦᠷᠳᠡᠬᠡᠨ ᠬᠡᠷᠡᠭᠯᠡᠬᠦ ᠴᠠᠭ᠎ᠢ᠎ᠨᠢ ᠤᠷᠳᠤᠳᠬᠠᠵᠤ ᠴᠢᠳᠠᠨ᠎ᠠ᠃ ᠮᠦᠩᠬᠦᠨ ᠡᠳᠡᠯᠡᠯ᠎ᠤᠨ ᠢᠰᠦᠯᠳᠦᠨ ᠬᠠᠷᠠᠯᠠᠭᠰᠠᠨ ᠬᠡᠰᠡᠭ᠎ᠢ ᠪᠠᠰᠠ ᠪᠠᠨᠠᠨᠠ ᠵᠢᠨ ᠬᠠᠯᠢᠰᠤ᠎ᠪᠠᠷ ᠠᠷᠴᠢᠨ ᠵᠦᠯᠬᠦᠪᠡᠯ ᠤᠤᠯ᠎ᠤᠨ ᠬᠡᠷᠡᠯ ᠬᠢᠯᠪᠠᠭ᠎ᠠ ᠵᠢ᠎ᠨᠢ ᠰᠡᠷᠬᠦᠬᠡᠵᠤ ᠴᠢᠳᠠᠨ᠎ᠠ᠃ ᠠᠷᠠᠰᠤ ᠠᠮᠠᠷᠬᠠᠨ ᠬᠠᠳᠠᠵᠤ ᠬᠠᠭ᠋ᠠᠷᠠᠬᠤ᠎ᠳᠤ ᠬᠦᠷᠪᠡᠯ ᠪᠠᠨᠠᠨᠠ ᠵᠢᠨ ᠬᠠᠯᠢᠰᠤ᠎ᠪᠠᠷ ᠱᠦᠷᠬᠦᠬᠡᠪᠡᠯ ᠠᠷᠠᠰᠤ᠎ᠳᠤ ᠳᠡᠵᠢᠬᠡᠯ ᠦᠭᠴᠤ ᠵᠦᠬᠡᠯᠡᠨ ᠪᠤᠯᠪᠠᠷᠠᠢ ᠪᠤᠯᠭ᠋ᠠᠳᠠᠭ᠃ 

      ᠵᠦᠷᠵᠢᠯᠢᠭ᠎ᠤᠨ ᠬᠠᠯᠢᠰᠤ     

      ᠵᠦᠷᠵᠢᠯᠢᠭ᠎ᠤᠨ ᠳᠤᠳᠤᠷ᠎ᠠ ᠳᠠᠯ᠎ᠠ ᠵᠢᠨ ᠴᠠᠭ᠋ᠠᠨ ᠦᠩᠬᠡ᠎ᠲᠠᠢ ᠰᠢᠷᠬᠡᠭ᠎ᠢ ᠬᠠᠶᠠᠵᠤ᠂ ᠬᠠᠳᠠᠭ᠋ᠠᠭᠰᠠᠨ᠎ᠤ ᠳᠠᠷᠠᠭ᠎ᠠ ᠠᠭ᠋ᠠᠷ ᠨᠡᠪᠳᠡᠷᠡᠬᠦ ᠤᠭᠤᠳᠠᠨ᠎ᠳᠤ ᠬᠢᠵᠤ᠂ ᠳᠠᠬᠢᠭ᠋ᠠᠳ ᠪᠤᠳᠠᠭ᠎ᠠ ᠰᠠᠪᠠᠯᠠᠳᠠᠭ ᠰᠠᠪᠠᠨ᠎ᠳᠤ ᠬᠢᠪᠡᠯ ᠬᠤᠷᠤᠬᠠᠢ ᠦᠯᠳᠡᠬᠦ ᠦᠢ᠍ᠯᠡᠳᠤᠯ᠎ᠲᠠᠢ᠃ ᠵᠦᠷᠵᠢᠯᠢᠭ᠎ᠢ ᠤᠰᠤᠨ᠎ᠳᠤ ᠴᠢᠨᠠᠵᠤ ᠪᠤᠴᠠᠯᠭ᠋ᠠᠪᠠᠯ ᠴᠤᠯᠤ ᠪᠠᠢ᠌ᠭ᠋ᠠᠯᠢᠯᠢᠭ ᠵᠦᠷᠵᠢᠯᠢᠭ᠎ᠤᠨ ᠤᠬᠢ ᠳᠤᠰᠤ ᠵᠢ ᠰᠢᠷᠭ᠋ᠠᠭ᠋ᠠᠨ ᠪᠤᠯᠪᠠᠰᠤᠷᠠᠭᠤᠯᠵᠤ ᠴᠢᠳᠠᠨ᠎ᠠ᠃ ᠬᠢᠬᠦ ᠠᠷᠭ᠎ᠠ᠎ᠨᠢ ᠬᠡᠪᠡᠯ ᠤᠷᠢᠳᠠᠪᠠᠷ ᠵᠦᠷᠵᠢᠯᠢᠭ᠎ᠤᠨ ᠬᠠᠯᠢᠰᠤ ᠵᠢ ᠵᠢᠵᠢᠭ ᠬᠡᠰᠡᠭ ᠪᠤᠯᠭ᠋ᠠᠨ ᠬᠡᠷᠴᠢᠵᠤ ᠤᠰᠤᠨ᠎ᠳᠤ ᠬᠢᠵᠤ ᠬᠠᠯᠠᠭ᠋ᠠᠨ᠎ᠠ᠂ ᠳᠡᠬᠡᠬᠡᠳ ᠳᠡᠮᠡᠢ ᠤᠳᠠᠯ ᠦᠬᠡᠢ ᠤᠰᠤᠨ ᠳᠡᠬᠡᠷ᠎ᠡ ᠨᠢᠬᠡ ᠳᠠᠪᠬᠤᠷᠭ᠎ᠠ ᠦᠬᠡᠬᠦ ᠳᠤᠰᠤ ᠳᠡᠭᠳᠡᠬᠦ ᠪᠤᠯᠤᠨ᠎ᠠ᠂ ᠡᠨᠡ᠎ᠨᠢ ᠳᠠᠷᠤᠢ ᠵᠦᠷᠵᠢᠯᠢᠭ᠎ᠤᠨ ᠳᠤᠰᠤ ᠪᠤᠯᠤᠨ᠎ᠠ᠃ ᠡᠨᠡ᠎ᠨᠢ ᠬᠡᠷ ᠳᠤᠳᠤᠷ᠎ᠠ ᠠᠭ᠋ᠠᠷ ᠴᠡᠪᠡᠷᠰᠢᠬᠦᠯᠬᠦ᠎ᠪᠠᠷ ᠪᠠᠷᠠᠬᠤ ᠦᠬᠡᠢ ᠪᠠᠳᠠᠭ᠋ᠠᠨ᠎ᠠ ᠦᠯᠳᠡᠬᠦ ᠦᠢ᠍ᠯᠡᠳᠤᠯ᠎ᠲᠠᠢ᠂ ᠡᠬᠦᠨ ᠵᠶ᠋ᠠᠷ ᠪᠠᠷᠠᠬᠤ ᠦᠬᠡᠢ ᠰᠢᠬᠦᠰᠤ ᠳᠤᠰᠤ᠎ᠪᠠᠷ᠎ᠨᠢ ᠪᠡᠶ᠎ᠡ ᠤᠬᠢᠶᠠᠵᠤ ᠠᠷᠠᠰᠤ ᠮᠢᠬ᠎ᠠ᠎ᠪᠠᠨ ᠭᠠᠯᠪᠢᠷᠵᠢᠭᠤᠯᠵᠤ ᠪᠤᠯᠤᠨ᠎ᠠ᠃

      ᠳᠠᠷᠪᠤᠰ᠎ᠤᠨ ᠬᠠᠯᠢᠰᠤ     

      ᠳᠠᠷᠪᠤᠰ᠎ᠤᠨ ᠬᠠᠯᠢᠰᠤᠨ ᠳᠤᠳᠤᠷ᠎ᠠ ᠶᠡᠬᠡ ᠬᠡᠮᠵᠢᠶᠡᠨ᠎ᠤ ᠤᠰᠤ ᠠᠭᠤᠯᠤᠭᠳᠠᠵᠤ ᠪᠤᠢ᠂ ᠨᠠᠷᠠᠨ᠎ᠳᠤ ᠡᠬᠡᠵᠤ ᠰᠢᠷᠬᠠᠳᠠᠪᠠᠯ᠂ ᠳᠠᠷᠪᠤᠰ᠎ᠤᠨ ᠬᠠᠯᠢᠰᠤ ᠵᠢ  ᠰᠢᠷᠠᠭᠳᠠᠭᠰᠠᠨ ᠬᠡᠰᠡᠭ᠎ᠲᠤ ᠲᠦᠷᠬᠢᠪᠡᠯ ᠠᠷᠠᠰᠤᠨ᠎ᠤ ᠡᠳᠡᠬᠡᠷᠡᠯᠳᠡ᠎ᠳᠤ ᠳᠤᠰᠠᠳᠠᠢ᠃ ᠳᠠᠷᠪᠤᠰ᠎ᠤᠨ ᠬᠠᠯᠢᠰᠤ ᠵᠢ ᠨᠠᠷᠠᠨ᠎ᠳᠤ ᠡᠬᠡᠵᠤ ᠬᠠᠳᠠᠭ᠋ᠠᠴᠢᠬᠠᠭ᠋ᠠᠳ ᠬᠡᠰᠡᠭ  ᠪᠤᠯᠭ᠋ᠠᠨ ᠬᠡᠷᠴᠢᠵᠤ ᠳᠡᠬᠡᠷ᠎ᠡ᠎ᠨᠢ ᠵᠤᠬᠢᠬᠤ ᠬᠡᠮᠵᠢᠶᠡᠨ᠎ᠤ ᠣᠰᠤ ᠨᠡᠮᠡᠵᠤ ᠳᠤᠷᠬᠢᠳᠠᠯ᠎ᠠ ᠪᠤᠴᠠᠯᠭ᠋ᠠᠭᠰᠠᠨ᠎ᠤ ᠳᠠᠷᠠᠭ᠎ᠠ ᠨᠠᠮᠤᠭᠤᠬᠠᠨ ᠭᠠᠯ ᠵᠶ᠋ᠠᠷ ᠭᠤᠴᠢᠨ ᠮᠢᠨᠦ᠋ᠲ ᠴᠢᠨᠠᠵᠤ  ᠬᠠᠮᠤᠭ ᠰᠡᠬᠦᠯ᠎ᠳᠤᠨᠢ ᠱᠦᠬᠦᠵᠤ ᠭᠠᠷᠭ᠋ᠠᠨ᠎ᠠ᠂ ᠳᠠᠬᠢᠭ᠋ᠠᠳ ᠪᠠᠭ᠎ᠠ ᠬᠡᠮᠵᠢᠶᠡᠨ᠎ᠤ ᠮᠦᠰᠦᠨ ᠰᠢᠬᠢᠷ ᠨᠡᠮᠡᠵᠤ᠂ ᠤᠮᠳᠠ ᠳᠠᠷᠤᠬᠤ ᠬᠠᠯᠠᠭᠤᠨ ᠦᠯᠳᠡᠬᠦ ᠤᠮᠳᠠᠭ᠋ᠠᠨ  ᠪᠤᠯᠭ᠋ᠠᠵᠤ ᠪᠤᠯᠤᠨ᠎ᠠ᠃ ᠳᠠᠷᠪᠤᠰ᠎ᠤᠨ ᠬᠠᠯᠢᠰᠤ ᠵᠢᠨ ᠳᠤᠳᠤᠷ᠎ᠠ ᠳᠠᠪᠬᠤᠷᠭ᠎ᠠ ᠵᠢᠨ ᠴᠠᠭ᠋ᠠᠨ ᠦᠩᠬᠡ᠎ᠲᠠᠢ ᠬᠡᠰᠡᠭ᠎ᠢ ᠬᠦᠢ᠍ᠳᠡᠨ ᠵᠠᠭᠤᠰᠢ ᠨᠤᠭᠤᠭ᠎ᠠ ᠪᠤᠯᠭ᠋ᠠᠵᠤ ᠪᠤᠯᠤᠨ᠎ᠠ᠃  ᠦᠨᠦᠷᠳᠤ ᠨᠤᠭᠤᠭ᠎ᠠ᠂ ᠰᠠᠷᠢᠮᠰᠠᠭ᠎ᠲᠠᠢ ᠬᠤᠯᠢᠵᠤ᠂ ᠳᠡᠬᠡᠷ᠎ᠡ᠎ᠨᠢ ᠳᠠᠪᠤᠰᠤ᠂ ᠼᠤᠤ᠂ ᠴᠠᠭ᠋ᠠᠨ ᠰᠢᠬᠢᠷ᠂ ᠦᠨᠦᠷᠳᠤ ᠳᠤᠰᠤ ᠵᠢᠴᠢ ᠤᠰᠤ ᠨᠡᠮᠡᠬᠡᠳ ᠰᠠᠢ᠌ᠳᠤᠷ  ᠬᠤᠯᠢᠵᠤ ᠬᠦᠳᠡᠯᠬᠡᠪᠡᠯ ᠠᠮᠳᠠᠳᠠᠢ ᠰᠠᠢ᠌ᠬᠠᠨ ᠨᠤᠭᠤᠭ᠎ᠠ ᠪᠤᠯᠳᠠᠭ᠃

      ᠠᠯᠢᠮ᠎ᠠ ᠵᠢᠨ ᠬᠠᠯᠢᠰᠤ     

      ᠠᠯᠢᠮ᠎ᠠ ᠵᠢᠨ ᠬᠠᠯᠢᠰᠤᠨ ᠳᠡᠬᠡᠷ᠎ᠡ ᠤᠰᠤ ᠨᠡᠮᠡᠵᠤ ᠪᠤᠴᠠᠯᠭ᠋ᠠᠭᠰᠠᠨ᠎ᠤ ᠳᠠᠷᠠᠭ᠎ᠠ ᠢᠯᠭ᠋ᠠᠷᠠᠭᠤᠯᠤᠭᠰᠠᠨ ᠵᠢᠮᠢᠰ᠎ᠤᠨ ᠬᠦᠴᠢᠯ᠎ᠨᠢ ᠳᠤᠭᠤᠭ᠋ᠠᠨ ᠳᠤᠳᠤᠷ᠎ᠠ  ᠬᠤᠷᠠᠮᠳᠤᠭᠰᠠᠨ ᠳᠠᠭ᠎ᠢ ᠠᠷᠢᠯᠭ᠋ᠠᠵᠤ ᠴᠢᠳᠠᠨ᠎ᠠ᠃ ᠳᠠᠪᠤᠰᠤᠯᠠᠭᠰᠠᠨ ᠨᠤᠭᠤᠭ᠎ᠠ ᠬᠢᠬᠦ᠎ᠳᠡᠭᠡᠨ ᠳᠤᠳᠤᠷ᠎ᠠ᠎ᠨᠢ ᠵᠤᠬᠢᠬᠤ ᠬᠡᠮᠵᠢᠶᠡᠨ᠎ᠤ ᠠᠯᠢᠮ᠎ᠠ ᠵᠢᠨ ᠬᠠᠯᠢᠰᠤ ᠬᠢᠪᠡᠯ᠂  ᠨᠤᠭᠤᠭ᠎ᠠ ᠵᠢ ᠨᠡᠩ ᠬᠡᠪᠡᠷᠡᠭ ᠠᠮᠳᠠᠳᠠᠢ ᠪᠤᠯᠭ᠋ᠠᠳᠠᠭ᠃     

      ᠨᠢᠮᠪᠡᠬᠡ ᠵᠢᠨ ᠬᠠᠯᠢᠰᠤ     

      ᠨᠢᠮᠪᠡᠬᠡ ᠵᠢᠨ ᠬᠠᠯᠢᠰᠤ᠎ᠪᠠᠷ ᠪᠤᠤᠳᠤᠤ ᠵᠢ ᠠᠷᠴᠢᠪᠠᠯ ᠨᠤᠭᠤᠭ᠎ᠠ ᠬᠡᠷᠴᠢᠬᠡᠬᠡᠳ ᠳᠡᠬᠡᠷ᠎ᠡ᠎ᠨᠢ ᠦᠯᠡᠳᠡᠭᠰᠡᠨ ᠬᠠᠴᠢᠨ ᠦᠨᠦᠷ᠎ᠢ ᠠᠷᠢᠯᠭ᠋ᠠᠵᠤ ᠴᠢᠳᠠᠨ᠎ᠠ᠃  ᠤᠰᠤᠨ ᠳᠤᠳᠤᠷ᠎ᠠ ᠨᠢᠮᠪᠡᠬᠡ ᠵᠢᠨ ᠬᠠᠯᠢᠰᠤ ᠵᠢ ᠴᠢᠨᠠᠵᠤ ᠳᠠᠪᠤᠨ ᠮᠢᠨᠦ᠋ᠲ ᠳᠤᠷᠬᠢᠳᠠᠯ᠎ᠠ ᠪᠤᠴᠠᠯᠭ᠋ᠠᠪᠠᠯ ᠳᠤᠭᠤᠭ᠋ᠠᠨ ᠳᠤᠳᠤᠷᠠᠬᠢ ᠬᠠᠴᠢᠨ ᠦᠨᠦᠷ᠎ᠢ ᠠᠷᠢᠯᠭ᠋ᠠᠵᠤ  ᠴᠢᠳᠠᠨ᠎ᠠ᠃ ᠴᠡᠪᠡᠷᠬᠡᠨ ᠵᠦᠯᠬᠦᠬᠦᠷ᠎ᠢ ᠨᠢᠮᠪᠡᠬᠡ ᠵᠢᠨ ᠬᠠᠯᠢᠰᠤᠨ ᠤᠰᠤᠨ ᠳᠤᠳᠤᠷ᠎ᠠ ᠳᠡᠪᠳᠦᠬᠡᠵᠤ᠂ ᠰᠢᠪᠬᠠᠵᠤ ᠬᠠᠳᠠᠭ᠋ᠠᠭ᠋ᠠᠳ ᠮᠤᠳᠤᠨ ᠡᠳ᠋ᠯᠡᠯ ᠬᠡᠷᠡᠭᠰᠡᠯ᠎ᠢ  ᠵᠦᠯᠬᠦᠪᠡᠯ ᠬᠢᠯᠡ ᠴᠢᠯᠡ ᠰᠢᠨ᠎ᠡ ᠲᠦᠷᠬᠦ ᠵᠢ᠎ᠨᠢ ᠰᠡᠷᠬᠦᠬᠡᠵᠤ ᠴᠢᠳᠠᠨ᠎ᠠ᠂ ᠪᠠᠰᠠ ᠵᠤᠤᠬ᠎ᠠ᠂ ᠳᠤᠰᠤ ᠰᠤᠷᠤᠬᠤ ᠮᠠᠰᠢᠨ ᠵᠡᠷᠬᠡ ᠵᠢ ᠠᠷᠴᠢᠨ ᠵᠦᠯᠬᠦᠵᠤ ᠪᠤᠯᠤᠨ᠎ᠠ᠃