ᠬᠠᠭᠤᠴᠢ ᠰᠣᠳᠤᠯᠤᠭᠴᠢᠳᠤᠨ ᠢᠯᠡᠷᠡᠭᠦᠯᠦᠭᠰᠡᠨ ᠵᠶ᠋ᠠᠷ ᠣᠳᠤᠠᠴᠠ 50 ᠰᠠᠷᠠ ᠵᠢᠯᠤᠨ ᠳᠡᠷᠳᠡᠭᠡ ᠳᠡᠯᠡᠬᠡᠢ ᠵᠢᠨ ᠪᠦᠮᠪᠦᠷᠴᠡᠭᠤᠨ ᠤᠮᠠᠷᠠᠳᠤ ᠬᠠᠭ᠋ᠠᠰᠲᠤ ᠦᠨᠡᠭᠡᠨ ᠴᠢᠨᠡᠭᠡᠨ ᠪᠡᠶᠡᠲᠠᠢ᠂ ᠬᠦᠯᠳᠡᠭᠡᠨ ᠭᠤᠷᠪᠠᠨ ᠬᠤᠷᠤᠭᠤᠲᠠᠢ ᠨᠢᠭᠡᠨ ᠵᠦᠢ᠍ᠯᠤᠨ ᠠᠮᠢᠳᠠᠨ ᠠᠮᠢᠳᠤᠷᠠᠵᠦ ᠪᠠᠢ᠌ᠵᠠᠢ᠃ ᠰᠣᠳᠤᠯᠭ᠋ᠠᠳᠠᠳ ᠲᠡᠭᠦᠨᠢ ᠠᠳᠤᠭᠤᠨᠤ ᠡᠪᠦᠭᠡ ᠭᠡᠵᠦ ᠦᠵᠡᠵᠦ ᠪᠠᠢ᠌ᠪᠠ᠃ ᠭᠡᠳᠡᠯᠡ ᠡᠭᠦᠨᠠᠴᠠ ᠨᠡᠩ ᠴᠢᠨᠠᠭᠰᠢ 60 ᠰᠠᠷᠠ ᠵᠢᠯᠤᠨ ᠳᠡᠷᠳᠡᠭᠡ ᠪᠠᠰᠠ ᠨᠤᠮᠤᠨ ᠨᠢᠷᠤᠭᠤᠲᠠᠢ᠂ ᠤᠷᠳᠤ ᠰᠡᠭᠦᠯᠲᠠᠢ ᠬᠠᠷᠢᠺᠲᠤᠷ ᠭᠡᠬᠦ ᠨᠤᠬᠠᠢᠲᠠᠢ ᠲᠦᠰᠡᠳᠠᠢ ᠵᠢᠵᠢᠭ ᠠᠮᠢᠳᠠᠨ ᠪᠠᠢ᠌ᠭᠰᠠᠨᠢ ᠣᠯᠵᠦ ᠮᠡᠳᠡᠭᠡᠳ ᠲᠡᠭᠦᠨᠢ ᠠᠳᠤᠭᠤᠨᠤ ᠬᠣᠯᠠ ᠵᠢᠨ ᠡᠪᠦᠭᠡ ᠭᠡᠵᠦ ᠦᠵᠡᠭᠰᠡᠨ ᠪᠠᠢ᠌ᠨᠠ᠃ ᠡᠨᠡ ᠠᠮᠢᠳᠠᠨᠤ ᠬᠦᠯᠨᠢ ᠭᠤᠷᠪᠠᠨ ᠬᠤᠷᠤᠭᠤᠲᠠᠢ ᠪᠠᠢ᠌ᠭᠰᠠᠨ ᠪᠣᠯᠪᠠᠴᠦ ᠠᠮᠢᠳᠤᠷᠠᠯᠤᠨ ᠣᠷᠴᠢᠨ ᠨᠦᠬᠦᠴᠡᠯᠠᠴᠠ ᠰᠢᠯᠳᠠᠭ᠋ᠠᠯᠠᠵᠦ ᠳᠤᠮᠳᠠ ᠬᠤᠷᠤᠭᠤᠨᠢ ᠶᠡᠬᠡᠳᠡ ᠬᠦᠭᠵᠢᠵᠦ ᠪᠣᠰᠤᠳ ᠬᠤᠷᠤᠭᠤᠨᠢ ᠠᠭ᠋ᠠᠵᠢᠮ ᠵᠶ᠋ᠠᠷ ᠤᠰᠠᠳᠠᠭᠰᠠᠨᠢ ᠡᠷᠳᠡᠨᠤ ᠮᠠᠯᠳᠠᠮᠠᠯᠠᠴᠠ ᠣᠯᠳᠠᠭᠰᠠᠨ ᠠᠳᠤᠭᠤᠨᠤ ᠶᠠᠰᠦᠨᠠᠴᠠ ᠰᠢᠨᠵᠢᠯᠡᠨ ᠮᠡᠳᠡᠵᠠᠢ᠃
ᠮᠣᠩᠭᠤᠯ ᠤᠯᠤᠰᠤᠨ ᠬᠠᠭᠤᠴᠢ ᠰᠣᠳᠤᠯᠤᠭᠴᠢᠳ ᠲᠠᠳᠡᠯ ᠭᠣᠣᠯᠠᠴᠠ ᠬᠣᠯᠠ ᠦᠭᠡᠢ ᠣᠷᠤᠰᠢᠬᠤ ᠤᠯᠠᠭᠨᠳᠤᠯᠤᠭ᠋ᠠᠢ ᠭᠡᠳᠡᠭ ᠭᠠᠵᠠᠷᠠᠴᠠ25 ᠰᠠᠷᠠ ᠵᠢᠯᠤᠨ ᠡᠮᠦᠨᠡᠬᠢ ᠠᠩᠬᠠᠨᠤ ᠠᠳᠤᠭᠤᠨ ᠴᠢᠯᠠᠭᠤᠵᠢᠮᠡᠯᠢ ᠣᠯᠵᠦ ᠠᠪᠴᠠᠢ᠃ ᠮᠠᠨᠤ ᠤᠯᠤᠰᠤᠨ ᠣᠮᠠᠷᠠᠳᠤ ᠤᠷᠤᠨᠠᠴᠠ ᠭᠤᠷᠪᠠᠨ ᠬᠤᠷᠤᠭᠤᠳᠤ ᠠᠳᠤᠭᠤᠨᠤ ᠶᠠᠰᠦ ᠪᠠ ᠰᠢᠳᠦᠨᠤ ᠴᠢᠯᠠᠭᠤᠵᠢᠮᠠᠯᠢ ᠤᠯᠵᠦ ᠠᠪᠴᠠᠢ᠃ ᠦᠪᠦᠷ ᠮᠣᠩᠭᠤᠯᠤᠨ ᠲᠤᠩᠭᠤᠷ ᠨᠤᠳᠤᠭᠠᠴᠠ ᠤᠯᠳᠠᠭᠰᠠᠨ ᠠᠨᠴᠢ ᠠᠳᠤᠭᠤ᠂ ᠵᠦᠩᠭ᠋ᠠᠷᠤᠨ《ᠭᠤᠷᠪᠠᠨ ᠬᠤᠷᠤᠭᠤᠳᠤ ᠠᠳᠤᠭᠤ》᠂ ᠬᠤᠸᠠᠳ᠋ᠸ ᠵᠢᠨ《ᠴᠢ ᠣᠪᠤᠭᠳᠤ ᠵᠢᠨ ᠳᠤᠮᠳᠠᠳᠤ ᠵᠢᠨ ᠠᠳᠤᠭᠤ》ᠵᠡᠷᠭᠡ ᠮᠠᠯᠳᠠᠮᠠᠯᠨᠢ ᠪᠦᠷ ᠯᠡ ᠪᠠᠯᠠᠷ ᠡᠷᠳᠡᠨᠤ ᠠᠳᠤᠭᠤᠨᠤ ᠣᠷᠤᠰᠢᠨ ᠠᠮᠢᠳᠤᠷᠠᠵᠦ ᠪᠠᠢ᠌ᠭᠰᠠᠨᠤ ᠤᠯᠠ ᠮᠦᠷ ᠪᠣᠯᠤᠨᠠ᠃ ᠡᠭᠦᠨᠠᠴᠠ ᠭᠠᠳᠠᠨᠠ ᠣᠳᠤ ᠵᠢᠨ ᠤᠯᠠᠭ᠋ᠠᠨᠴᠠᠪ ᠠᠢ᠌ᠮᠠᠭᠤᠨ ᠪᠠᠷᠠᠭᠤᠨ ᠬᠤᠢ᠌ᠳᠤ ᠬᠡᠰᠡᠭᠲᠠᠬᠢ ᠡᠷᠳᠡᠨᠢᠳᠤ᠂ ᠬᠣᠩᠭᠤᠷ ᠪᠣᠯᠤᠨ ᠣᠳᠤ ᠵᠢᠨ ᠬᠦᠬᠡᠬᠤᠳᠠ᠂ ᠲᠤᠭᠳᠠᠬᠤ ᠰᠢᠶᠠᠨ ᠵᠡᠷᠭᠡ ᠭᠠᠵᠠᠷᠠᠴᠠ ᠴᠦ᠍ ᠭᠤᠷᠪᠠᠨ ᠬᠤᠷᠤᠭᠤᠳᠤ ᠠᠳᠤᠭᠤᠨᠤ ᠴᠢᠯᠠᠭᠤᠵᠢᠮᠠᠯᠢ ᠮᠠᠯᠳᠠᠵᠦ ᠭᠠᠷᠭ᠋ᠠᠵᠠᠢ᠃ ᠡᠷᠳᠡᠮᠳᠡᠳ ᠡᠳᠡᠭᠡᠷ ᠴᠢᠯᠠᠭᠤᠵᠢᠮᠠᠯᠢ《ᠭᠤᠷᠪᠠᠨ ᠬᠤᠷᠤᠭᠤᠳᠤ ᠠᠳᠤᠭᠤᠨ ᠰᠦᠷᠦᠭ》 ᠭᠡᠵᠦ ᠨᠡᠷᠡᠢ᠌ᠳᠤᠨ ᠲᠡᠳᠡᠭᠡᠷ ᠭᠠᠵᠠᠷᠢ ᠳᠡᠯᠡᠬᠡᠢ ᠵᠢᠨ ᠡᠷᠳᠡᠨᠤ ᠠᠮᠢᠳᠤ ᠪᠣᠳᠠᠰᠤᠨ ᠰᠣᠳᠤᠯᠤᠯᠤᠨ ᠳᠤᠷᠠᠰᠬᠠᠯᠳᠤ ᠣᠷᠤᠨ ᠪᠤᠯᠭ᠋ᠠᠨ ᠲᠣᠭ᠋ᠠᠴᠠᠵᠦ ᠪᠣᠢ᠂ ᠡᠳᠡᠭᠡᠷ ᠪᠤᠳᠠᠳᠤ ᠪᠠᠷᠢᠮᠳᠠᠨᠢ ᠲᠦᠪ ᠠᠽᠢᠶᠠ ᠪᠣᠯ ᠠᠩᠬᠠᠨᠤ《ᠭᠤᠷᠪᠠᠨ ᠬᠤᠷᠤᠭᠤᠳᠤ ᠠᠳᠤᠭᠤᠨ》ᠤ ᠤᠤᠭ᠋ᠠᠨ ᠨᠤᠳᠤᠭ ᠮᠦᠨ ᠪᠦᠭᠡᠳ《ᠭᠤᠷᠪᠠᠨ ᠬᠤᠷᠤᠭᠤᠳᠤ ᠠᠳᠤᠭᠤ》ᠪᠣᠯ ᠮᠣᠩᠭᠤᠯ ᠠᠳᠤᠭᠤᠨᠤ ᠡᠪᠦᠭᠡ ᠳᠡᠭᠡᠳᠤᠰ ᠪᠣᠯᠬᠤ ᠵᠢ ᠭᠡᠷᠡᠴᠢᠯᠡᠵᠦ ᠦᠭᠴᠠᠢ ᠭᠡᠵᠦ ᠡᠷᠳᠡᠮᠳᠡᠳ ᠦᠵᠡᠵᠦ ᠪᠣᠢ᠃
ᠮᠣᠩᠭᠤᠯ ᠠᠳᠤᠭᠤᠨᠤ ᠣᠨᠴᠠᠯᠢᠭ
ᠮᠣᠩᠭᠤᠯ ᠠᠳᠤᠭᠤ ᠪᠤᠯ ᠮᠤᠩᠭᠤᠯᠴᠤᠳ ᠮᠣᠩᠭᠤᠯᠤᠨ ᠦᠨᠳᠦᠷᠯᠢᠭᠲᠤ ᠤᠯᠠᠨ ᠵᠢᠯᠤᠨ ᠲᠣᠷᠰᠢᠳᠠ ᠮᠠᠯᠵᠢᠨ ᠪᠣᠢ᠌ᠵᠢᠭᠤᠯᠤᠭᠰᠠᠨ ᠣᠯᠠᠨ ᠬᠡᠷᠡᠭᠴᠡᠭᠡᠳᠦ ᠡᠷᠳᠡᠨᠤ ᠡᠭᠦᠯᠳᠡᠷᠤᠨ ᠠᠳᠤᠭᠤ ᠪᠤᠯᠤᠨᠠ᠃ ᠮᠣᠩᠭᠤᠯ ᠠᠳᠤᠭᠤᠨᠢ ᠵᠢᠯ ᠲᠣᠷᠰᠢ ᠪᠡᠯᠴᠢᠭᠡᠷᠤᠨ ᠮᠠᠯᠯᠠᠭᠠ ᠵᠢᠨ ᠨᠦᠬᠦᠴᠡᠯᠳᠤ ᠪᠣᠢ᠌ᠵᠢᠭᠰᠠᠨ ᠪᠣᠯᠬᠤᠷ ᠪᠠᠢ᠌ᠭ᠋ᠠᠯᠢ ᠣᠷᠴᠢᠨᠤ ᠡᠯᠳᠡᠪ ᠮᠠᠭᠤ ᠨᠦᠬᠦᠴᠡᠯ ᠪᠡ ᠠᠭᠤᠷ ᠠᠮᠢᠰᠬᠤᠯᠤᠨ ᠪᠠᠴᠢᠮᠠᠭ ᠲᠦᠷᠭᠡᠨ ᠬᠣᠪᠢᠷᠠᠯᠳᠠᠳᠤ ᠵᠣᠬᠢᠴᠠᠵᠦ ᠴᠢᠳᠠᠳᠠᠭ ᠵᠶ᠋ᠠᠷ ᠵᠶ᠋ᠠᠨ ᠳᠡᠯᠡᠬᠡᠢᠳᠤ ᠠᠯᠳᠠᠷᠰᠢᠵᠠᠢ᠃ ᠮᠣᠩᠭᠤᠯ ᠠᠳᠤᠭᠤᠨᠤ ᠪᠡᠶᠡᠨᠢ ᠪᠠᠭ᠋ᠠᠪᠳᠤᠷ᠂ ᠲᠣᠯᠤᠭ᠋ᠠᠢᠨᠢ ᠪᠦᠳᠦᠭᠦᠨ᠂ ᠮᠠᠩᠨᠠᠢᠨᠢ ᠦᠷᠭᠡᠨ᠂ ᠨᠢᠳᠦᠨ ᠤᠬᠤᠷᠬᠠᠢᠨᠢ ᠲᠦᠭᠦᠷᠢᠭ᠂ ᠬᠠᠮᠠᠷᠤᠨ ᠬᠡᠰᠡᠭᠨᠢ ᠰᠢᠯᠤᠭᠤᠨ᠂ ᠬᠠᠮᠠᠷᠤᠨ ᠨᠦᠬᠡᠨᠢ ᠲᠤᠮᠤ᠂ ᠵᠢᠵᠢᠭᠬᠡᠨ ᠴᠢᠬᠢᠲᠠᠢ᠂ ᠬᠦᠵᠦᠭᠦᠦᠨᠢ ᠤᠬᠤᠷ ᠮᠦᠷᠳᠡᠭᠡᠨ ᠮᠢᠬᠠᠯᠢᠭ᠂ ᠮᠣᠨᠳᠠᠭᠠᠨᠢ ᠨᠠᠮᠬᠠᠨ᠂ ᠴᠡᠭᠡᠵᠢᠨᠢ ᠦᠷᠭᠡᠨ ᠪᠦᠭᠡᠳ ᠭᠦᠨ᠂ ᠨᠢᠷᠤᠭᠤᠨᠢ ᠰᠢᠯᠤᠭᠤᠨ ᠮᠦᠷᠳᠡᠭᠡᠨ ᠦᠷᠭᠡᠪᠳᠦᠷ᠂ ᠤᠯᠠᠩᠬᠢᠨᠢ ᠤᠬᠤᠷᠬᠠᠨ ᠲᠠᠰᠢᠭᠤ ᠲᠠᠰᠢᠶᠠᠲᠠᠢ᠂ ᠬᠡᠪᠡᠯᠢᠨᠢ ᠲᠤᠮᠤ ᠰᠢᠭ᠋᠂ ᠳᠦᠷᠪᠡᠨ ᠬᠦᠯᠨᠢ ᠬᠠᠳᠠᠭᠤ ᠴᠢᠬᠢᠷᠠᠭ᠂ ᠭᠢᠰᠬᠢᠯᠳᠡᠨᠢ ᠬᠦᠴᠦᠳᠡᠢ ᠪᠦᠭᠡᠳ ᠲᠦᠪ᠂ ᠰᠤᠳᠠᠯ ᠰᠢᠷᠪᠤᠰᠦᠨᠢ ᠬᠦᠭᠵᠢᠯᠲᠠᠢ᠂ ᠲᠤᠭᠤᠷᠠᠢᠨᠢ ᠬᠠᠳᠠᠭᠤ ᠪᠡᠬᠢ᠂ ᠠᠷᠠᠰᠦᠨᠢ ᠵᠤᠵᠠᠭ᠋ᠠᠨ᠂ ᠪᠦᠷᠬᠦᠬᠦᠯ ᠦᠰᠦᠨᠢ ᠨᠢᠭᠳᠠ᠂ ᠳᠡᠯ ᠰᠡᠭᠦᠯ ᠰᠠᠭᠯᠠᠭᠠ ᠵᠢᠨ ᠦᠰᠦᠨᠢ ᠤᠷᠳᠤ ᠪᠦᠭᠡᠳ ᠵᠤᠵᠠᠭ᠋ᠠᠨ᠂ ᠵᠢᠰᠦᠮᠨᠢ ᠣᠯᠠᠨ᠃ ᠪᠡᠯᠴᠢᠭᠡᠷᠤᠨ ᠪᠦᠳᠦᠭᠦᠯᠢᠭ ᠲᠡᠵᠢᠭᠡᠯᠭᠡᠳᠤ ᠳᠠᠳᠴᠦ ᠪᠠᠢ᠌ᠭ᠋ᠠᠯᠢ ᠵᠢᠨ ᠡᠯᠳᠡᠪ ᠨᠦᠬᠦᠴᠡᠯᠳᠤ ᠵᠣᠬᠢᠴᠠᠬᠤ ᠴᠢᠳᠠᠪᠤᠷᠢᠪᠠᠷ ᠮᠠᠰᠢ ᠰᠠᠢ᠌ᠨ ᠵᠡᠷᠭᠡ ᠣᠨᠴᠠᠯᠢᠭᠲᠠᠢ᠃ ᠮᠣᠩᠭᠤᠯ ᠠᠳᠤᠭᠤᠨᠤ ᠪᠡᠶᠡ ᠵᠢᠨ ᠦᠨᠳᠦᠷᠨᠢ ᠶᠡᠷᠦᠩᠬᠡᠢᠳᠡᠭᠡᠨ 3.6 ~3.9 ᠲᠣᠬᠤᠢ （120 ~132 ᠰᠡᠨᠲ᠋ᠢᠮᠸᠲᠷ）᠂ ᠠᠮᠢᠳᠤ ᠵᠢᠨ ᠵᠢᠩᠨᠢ 520 ~740 ᠵᠢᠩ （260 ~370 ᠺᠢᠯᠤᠭ᠌ᠷᠠᠮ） ᠪᠠᠢ᠌ᠳᠠᠭ᠃ ᠮᠣᠩᠭᠤᠯ ᠠᠳᠤᠭᠤ ᠵᠢ ᠤᠨᠤᠯᠭᠠ᠂ ᠬᠦᠯᠦᠰᠢ᠂ ᠠᠴᠢᠶᠠ ᠵᠡᠷᠭᠡ ᠵᠢᠨ ᠠᠯᠢᠨᠳᠤᠨᠢ ᠬᠡᠷᠡᠭᠯᠡᠭᠰᠡᠨ ᠴᠦ᠍ ᠪᠡᠶᠡ ᠪᠠᠭᠠ ᠬᠢᠷᠢᠨᠳᠡᠭᠡᠨ ᠬᠦᠮᠦᠨᠢ ᠰᠣᠴᠢᠭ᠋ᠠᠮᠠ ᠳᠠᠭ᠋ᠠᠭ᠋ᠠᠮᠠᠭ᠋ᠠᠢ ᠴᠢᠳᠠᠯ ᠪᠠ ᠲᠡᠰᠪᠦᠷᠢᠳᠤ ᠴᠢᠨᠠᠷᠲᠠᠢ ᠪᠠᠢ᠌ᠳᠠᠭ᠃
ᠮᠣᠩᠭᠤᠯ ᠠᠳᠤᠭᠤᠨᠤ ᠤᠢ᠌ᠷᠠ ᠬᠤᠷᠳᠤᠴᠠᠨᠢ 2 ᠭᠠᠵᠠᠷ （1 ᠺᠢᠯᠤᠮᠸᠲᠷ）ᠢ ᠨᠢᠭᠡ ᠮᠢᠨᠦ᠋ᠲ ᠬᠣᠶᠠᠷ ᠰᠸᠺᠦ᠋ᠨᠳ᠋᠂10 ᠭᠠᠵᠠᠷᠢ ᠵᠢᠷᠭᠤᠭ᠋ᠠᠨ ᠮᠢᠨᠦ᠋ᠲ ᠲᠠᠪᠢᠨ ᠨᠠᠢ᠍ᠮᠠᠨ ᠰᠸᠺᠦ᠋ᠨᠳ᠋ 30 ᠭᠠᠵᠠᠷᠢ ᠬᠣᠷᠢᠨ ᠭᠤᠷᠪᠠᠨ ᠮᠢᠨᠦ᠋ᠲ ᠲᠠᠪᠢᠨ ᠳᠦᠷᠪᠡᠨ ᠰᠸᠺᠦ᠋ᠨᠳ᠋ ᠭᠦᠶᠦᠳᠡᠭ᠃ ᠬᠣᠯᠠ ᠵᠢᠨ ᠠᠶᠠᠨᠳᠤ ᠡᠳᠦᠷᠲᠤ 200 ~300 ᠭᠠᠵᠠᠷᠤᠨ ᠬᠤᠷᠳᠤᠴᠠᠪᠠᠷ 8 ~15 ᠡᠳᠦᠷ ᠦᠷᠬᠦᠯᠵᠢᠯᠡᠨ ᠶᠠᠪᠤᠬᠤᠳᠤ ᠰᠢᠨᠳᠠᠷᠠᠬᠤ ᠦᠭᠡᠢ ᠪᠠᠢ᠌ᠳᠠᠭ᠃ ᠳᠦᠷᠪᠡ ᠬᠦᠯᠦᠭᠰᠡᠨ ᠮᠣᠷᠢᠨ ᠲᠡᠷᠭᠡᠨᠳᠤ 400 ~500 ᠵᠢᠩ ᠠᠴᠢᠶᠠ ᠲᠡᠭᠡᠭᠡᠴᠢᠭᠡᠭᠡᠳ ᠡᠳᠦᠷ ᠪᠦᠷᠢ120 ᠭᠠᠵᠠᠷ ᠠᠶᠠᠯᠠᠵᠦ ᠪᠣᠯᠳᠠᠭ᠃ ᠮᠣᠩᠭᠤᠯ ᠠᠳᠤᠭᠤ ᠤᠨᠤᠯᠭᠠ᠂ ᠬᠦᠯᠦᠰᠢ᠂ ᠠᠴᠢᠶᠠ ᠵᠢᠨ ᠠᠯᠢᠨᠳᠤ ᠴᠦ᠍ ᠲᠣᠬᠢᠷᠠᠮᠵᠢᠳᠠᠢ ᠪᠣᠯᠪᠠᠴᠦ ᠭᠣᠣᠯᠨᠢ ᠤᠨᠤᠯᠭᠠᠳᠤ ᠰᠠᠢ᠌ᠨ ᠪᠠᠢ᠌ᠳᠠᠭ᠃
ᠮᠣᠩᠭᠤᠯ ᠠᠳᠤᠭᠤᠨᠤ ᠲᠠᠷᠬᠠᠯᠳᠠ
ᠮᠣᠩᠭᠤᠯ ᠠᠳᠤᠭᠤ ᠮᠠᠰᠢ ᠦᠷᠭᠡᠨ ᠬᠡᠪᠴᠢᠶᠡᠨᠳᠤ ᠲᠠᠷᠬᠠᠵᠦ᠂ ᠳᠡᠯᠡᠬᠡᠢ ᠵᠢᠨ ᠨᠡᠯᠢᠶᠡᠳ ᠣᠯᠠᠨ ᠠᠳᠤᠭᠤᠨᠤ ᠡᠭᠦᠯᠳᠡᠷᠤᠨ ᠪᠣᠢ ᠪᠤᠯᠬᠤᠳᠤ ᠶᠡᠭᠡᠬᠡᠨ ᠨᠦᠯᠦᠭᠡ ᠦᠵᠡᠭᠦᠯᠵᠠᠢ᠃ ᠮᠣᠩᠭᠤᠯ ᠠᠳᠤᠭᠤ ᠳᠤᠮᠳᠠᠳᠤ ᠤᠯᠤᠰᠤᠨ ᠵᠡᠭᠦᠨ ᠬᠣᠢ᠌ᠳᠤ ᠣᠷᠤᠨ᠂ ᠣᠮᠠᠷᠠᠳᠤ ᠣᠷᠤᠨ᠂ ᠪᠠᠷᠠᠭᠤᠨ ᠬᠣᠢ᠌ᠳᠤ ᠣᠷᠤᠨ ᠪᠣᠯᠤᠨ ᠮᠣᠩᠭᠤᠯ ᠤᠯᠤᠰ᠂ ᠤᠤᠯᠤᠨ ᠵᠦᠪᠯᠡᠯᠳᠤ ᠬᠤᠯᠪᠤᠭ᠋ᠠᠳᠤ ᠤᠯᠤᠰᠤᠨ ᠪᠠᠢ᠌ᠭ᠋ᠠᠯ ᠨᠠᠭᠤᠷᠤᠨ ᠬᠠᠪᠢᠪᠠᠷ ᠦᠷᠭᠡᠨ ᠬᠡᠪᠴᠢᠶᠡᠨᠳᠤ ᠲᠠᠷᠬᠠᠵᠦ ᠪᠠᠢ᠌ᠳᠠᠭ᠃ ᠮᠣᠩᠭᠤᠯ ᠠᠳᠤᠭᠤ ᠵᠢ ᠲᠡᠭᠦᠨᠤ ᠨᠤᠳᠤᠭᠰᠢᠭᠰᠠᠨ ᠭᠠᠵᠠᠷ ᠣᠷᠤᠨᠤ ᠬᠢᠨᠢ ᠣᠨᠴᠠᠯᠢᠭ ᠵᠶ᠋ᠠᠷᠨᠢ ᠲᠠᠯᠠ ᠨᠤᠳᠤᠭᠤᠨ ᠠᠳᠤᠭᠤ᠂ ᠰᠢᠭᠤᠢ᠌ᠳᠤ ᠣᠷᠤᠨᠤ ᠠᠳᠤᠭᠤ᠂ ᠡᠯᠡᠰᠦᠷᠬᠡᠭ ᠣᠷᠤᠨᠤ ᠠᠳᠤᠭᠤ᠂ ᠠᠭᠤᠯᠠᠷᠬᠠᠭ ᠣᠷᠤᠨᠤ ᠠᠳᠤᠭᠤ ᠭᠡᠵᠦ ᠳᠦᠷᠪᠡᠨ ᠬᠡᠯᠪᠡᠷᠢᠳᠤ ᠠᠩᠭᠢᠯᠠᠳᠠᠭ᠃
ᠲᠠᠯᠠ ᠨᠣᠳᠤᠭᠤᠨ ᠠᠳᠤᠭᠤ
ᠲᠠᠯᠠ ᠭᠠᠵᠠᠷ ᠨᠤᠳᠤᠭᠰᠢᠭᠰᠠᠨ ᠠᠳᠤᠭᠤ᠃ ᠪᠡᠶᠡᠨᠢ ᠪᠠᠭ᠋ᠠᠪᠳᠤᠷ ᠪᠣᠯᠪᠠᠴᠦ ᠴᠡᠭᠡᠵᠢᠨᠢ ᠦᠷᠭᠡᠨ ᠬᠦᠨ᠂ ᠭᠠᠳᠠᠷ ᠪᠠᠢ᠌ᠳᠠᠯᠨᠢ ᠲᠡᠳᠦᠢ ᠯᠡ ᠭᠣᠪᠠᠢ ᠨᠠᠷᠢᠯᠢᠭ ᠪᠢᠰᠢ᠂ ᠦᠰᠦᠨᠢ ᠵᠤᠵᠠᠭ᠋ᠠᠨ ᠪᠦᠭᠡᠳ ᠤᠷᠳᠤ ᠰᠢᠭ᠋᠃ ᠪᠦᠳᠦᠴᠡᠨᠢ ᠨᠢᠭᠳᠠ᠂ ᠪᠡᠶᠡ ᠴᠣᠭᠴᠠᠨᠢ ᠪᠡᠬᠢᠯᠢᠭ᠂ ᠳᠦᠷᠪᠡᠨ ᠮᠦᠴᠢᠨᠢ ᠰᠢᠨᠳᠠᠰᠦᠲᠠᠢ ᠪᠠᠢ᠌ᠭ᠋ᠠᠯᠢ ᠵᠢᠨ ᠪᠡᠯᠴᠢᠭᠡᠷ ᠵᠡᠷᠭᠡ ᠪᠦᠳᠦᠭᠦᠯᠢᠭ ᠢᠳᠡᠰᠢᠨᠳᠤ ᠵᠣᠬᠢᠴᠠᠭᠰᠠᠨ ᠪᠠᠢ᠌ᠳᠠᠭ᠃ ᠡᠢ᠌ᠮᠦ ᠬᠡᠯᠪᠡᠷᠢ ᠵᠢᠨ ᠠᠳᠤᠭᠤ ᠪᠠᠷᠠᠭᠤᠨᠰᠢ ᠠᠯᠳᠠᠢ ᠠᠭᠤᠯᠠ᠂ ᠵᠡᠭᠦᠨᠰᠢ ᠬᠢᠩᠭ᠋ᠠᠨ ᠳᠠᠪᠠᠭᠠ᠂ ᠣᠮᠠᠷᠠᠰᠢ ᠪᠠᠢ᠌ᠭ᠋ᠠᠯ ᠨᠠᠭᠤᠷ᠂ ᠡᠮᠦᠨᠡᠰᠢ ᠴᠠᠭ᠋ᠠᠨ ᠬᠡᠷᠡᠮ ᠬᠦᠷᠳᠡᠯᠡᠬᠢ ᠮᠣᠩᠭᠤᠯᠤᠨ ᠦᠨᠳᠦᠷᠯᠢᠭᠤᠨ ᠬᠡᠭᠡᠷᠡ ᠲᠠᠯᠠ ᠭᠠᠵᠠᠷ ᠨᠡᠢ᠌ᠳᠡᠮ ᠲᠠᠷᠬᠠᠵᠦ ᠪᠠᠢ᠌ᠳᠠᠭ᠃ ᠡᠭᠦᠨᠳᠤ ᠳᠤᠮᠳᠠᠳᠤ ᠤᠯᠤᠰᠤᠨ ᠦᠪᠦᠷ ᠮᠣᠩᠭᠤᠯᠤᠨ ᠰᠢᠯᠢ ᠵᠢᠨ ᠭᠤᠤᠯ᠂ ᠤᠯᠠᠭ᠋ᠠᠨᠴᠠᠪ᠂ ᠪᠠᠶᠠᠨᠨᠠᠭᠤᠷᠤᠨ ᠤᠷᠠᠳ᠂ ᠮᠣᠩᠭᠤᠯ ᠤᠯᠤᠰᠤᠨ ᠳᠤᠷᠤᠨᠠ᠂ ᠡᠮᠦᠨᠡ ᠭᠣᠪᠢ ᠵᠡᠷᠭᠡ ᠭᠠᠵᠠᠷ ᠣᠷᠤᠨᠤ ᠲᠠᠯᠠ ᠭᠠᠵᠠᠷᠲᠤ ᠢᠯᠡᠭᠦᠦ ᠲᠦᠪᠯᠡᠷᠡᠵᠦ ᠪᠠᠢ᠌ᠳᠠᠭ᠃
ᠰᠢᠭᠤᠢ᠌ᠳᠤ ᠤᠷᠤᠨᠤ ᠠᠳᠤᠭᠤ
ᠣᠢ ᠰᠢᠭᠤᠢ᠌ᠳᠤ ᠣᠷᠤᠨᠳᠤ ᠨᠤᠳᠤᠭᠰᠢᠭᠰᠠᠨ ᠠᠳᠤᠭᠤ᠃ ᠡᠨᠡ ᠠᠳᠤᠭᠤᠨᠢ ᠬᠦᠢ᠍ᠳᠡᠨ ᠪᠦᠭᠡᠳ ᠴᠢᠭᠢᠭ ᠶᠡᠬᠡᠳᠠᠢ ᠠᠭᠤᠷ ᠠᠮᠢᠰᠬᠤᠯᠳᠤ ᠵᠣᠬᠢᠴᠠᠵᠦ ᠰᠠᠬᠤᠯᠢᠭ ᠦᠨᠳᠦᠷ ᠡᠪᠡᠰᠦ ᠤᠷᠭᠤᠮᠠᠯᠤᠨ ᠰᠤᠷᠢ ᠢᠳᠡᠵᠦ ᠳᠠᠳᠤᠭᠰᠠᠨ ᠪᠠᠢ᠌ᠳᠠᠭ᠃ ᠲᠠᠯᠠ ᠨᠤᠳᠤᠭᠤᠨ ᠠᠳᠤᠭᠤ ᠵᠢ ᠪᠤᠳᠤᠪᠠᠯ ᠬᠦᠨᠳᠤ ᠴᠢᠨᠠᠷᠤᠨ ᠠᠳᠤᠭᠤᠨᠳᠤ ᠲᠣᠭ᠋ᠠᠴᠠᠭᠳᠠᠨᠠ᠃ ᠪᠡᠶᠡ ᠴᠣᠭᠴᠠᠨᠢ ᠤᠷᠳᠤ ᠪᠦᠭᠡᠳ ᠦᠷᠭᠡᠨ᠂ ᠬᠦᠨᠳᠤ ᠪᠦᠳᠦᠭᠦᠯᠢᠭ᠂ ᠳᠡᠯ ᠰᠡᠭᠦᠯᠨᠢ ᠤᠷᠳᠤ ᠵᠤᠵᠠᠭ᠋ᠠᠨ᠂ ᠳᠦᠷᠪᠡᠨ ᠮᠦᠴᠢᠨᠢ ᠬᠦᠳᠡᠷᠯᠢᠭ᠂ ᠲᠤᠭᠤᠷᠠᠢᠨᠢ ᠲᠤᠮᠤ ᠪᠦᠭᠡᠳ ᠦᠷᠭᠡᠨ᠂ ᠤᠳᠠᠭ᠋ᠠᠪᠳᠤᠷ ᠬᠦᠳᠡᠯᠪᠤᠷᠢᠲᠠᠢ᠃ ᠡᠢ᠌ᠮᠦ ᠬᠡᠯᠪᠡᠷᠢ ᠵᠢᠨ ᠠᠳᠤᠭᠤ ᠭᠤᠤᠯᠳᠠᠭᠤ ᠲᠦᠪ ᠠᠽᠢᠶᠠ ᠵᠢᠨ ᠰᠢᠪᠸᠷᠢᠶᠠ ᠵᠢᠨ ᠰᠢᠭᠤᠢ᠌ᠳᠤ ᠣᠷᠤᠨ ᠵᠡᠷᠭᠡ ᠭᠠᠵᠠᠷᠳᠤ ᠲᠠᠷᠬᠠᠵᠦ ᠪᠠᠢ᠌ᠳᠠᠭ᠃
ᠠᠭᠤᠯᠠᠷᠬᠠᠭ ᠣᠷᠤᠨᠤ ᠠᠳᠤᠭᠤ
ᠠᠭᠤᠯᠠᠷᠬᠠᠭ ᠣᠷᠤᠨᠳᠤ ᠨᠤᠳᠤᠭᠰᠢᠭᠰᠠᠨ ᠠᠳᠤᠭᠤ᠃ ᠪᠡᠶᠡᠨᠢ ᠪᠠᠭᠠ᠂ ᠴᠣᠭᠴᠠᠨᠢ ᠨᠠᠷᠢᠯᠢᠭ᠂ ᠳᠦᠷᠪᠡᠨ ᠮᠦᠴᠢᠨᠢ ᠰᠢᠯᠤᠭᠤᠨ ᠪᠦᠭᠡᠳ ᠴᠢᠬᠢᠷᠠᠭ᠂ ᠲᠤᠭᠤᠷᠠᠢᠨᠢ ᠴᠣᠮᠪᠤᠨ ᠪᠦᠭᠡᠳ ᠵᠤᠵᠠᠭ᠋ᠠᠨ ᠪᠡᠬᠢ᠂ ᠠᠯᠬᠤᠭᠠᠨᠢ ᠯᠠᠪᠳᠠᠭᠤᠨ ᠮᠦᠷᠳᠡᠭᠡᠨ ᠬᠦᠩᠭᠡᠨ ᠪᠣᠰᠢᠭᠤ᠂ ᠠᠭᠤᠯᠠᠨ ᠵᠠᠮᠳᠤ ᠮᠠᠰᠢ ᠰᠠᠢ᠌ᠨ ᠵᠣᠬᠢᠴᠠᠭᠰᠠᠨ ᠣᠨᠴᠠᠯᠢᠭᠲᠠᠢ᠃ ᠡᠢ᠌ᠮᠦ ᠬᠡᠯᠪᠡᠷᠢ ᠵᠢᠨ ᠠᠳᠤᠭᠤᠨᠢ ᠳᠤᠮᠳᠠᠳᠤ ᠤᠯᠤᠰᠤᠨ ᠬᠦᠬᠡᠨᠠᠭᠤᠷ ᠲᠦᠪᠡᠳᠤᠨ ᠠᠭᠤᠯᠠᠷᠬᠠᠭ ᠣᠷᠤᠨ ᠵᠡᠷᠭᠡ ᠭᠠᠵᠠᠷ ᠣᠷᠤᠨ ᠵᠶ᠋ᠠᠷ ᠭᠤᠤᠯ ᠲᠠᠷᠬᠠᠵᠦ ᠪᠣᠢ᠃ ᠦᠪᠦᠷ ᠮᠣᠩᠭᠤᠯᠤᠨ ᠬᠡᠰᠢᠭᠳᠡᠨᠤ ᠪᠠᠢ᠌ᠴᠠ ᠵᠢᠨ ᠭᠣᠣᠯ ᠵᠡᠷᠭᠡ ᠭᠠᠵᠠᠷᠤᠨ ᠠᠳᠤᠭᠤ ᠴᠦ᠍ ᠡᠭᠦᠨᠳᠤ ᠪᠠᠭᠳᠠᠨᠠ᠃
ᠡᠯᠡᠰᠦᠷᠬᠡᠭ ᠣᠷᠤᠨᠤ ᠠᠳᠤᠭᠤ
ᠡᠯᠡᠰᠦᠷᠬᠡᠭ ᠣᠷᠤᠨᠳᠤ ᠨᠤᠳᠤᠭᠰᠢᠭᠰᠠᠨ ᠠᠳᠤᠭᠤ᠃ ᠭᠠᠩ ᠬᠠᠭᠤᠷᠠᠢ ᠠᠭᠤᠷ ᠠᠮᠢᠰᠬᠤᠯ᠂ ᠡᠪᠡᠰᠦ ᠤᠰᠤ ᠬᠠᠩᠭ᠋ᠠᠮᠵᠢ ᠮᠠᠭᠤᠳᠠᠢ ᠡᠯᠡᠰᠦ ᠮᠠᠩᠬᠠᠯᠢᠭ ᠭᠠᠵᠠᠷᠲᠤ ᠵᠣᠬᠢᠴᠠᠵᠠᠢ᠃ ᠡᠢ᠌ᠮᠦ ᠠᠳᠤᠭᠤᠨᠤ ᠪᠡᠶᠡᠨᠢ ᠪᠠᠭᠠ᠂ ᠴᠡᠪᠡᠷ ᠴᠡᠮᠴᠡᠭᠡᠷ ᠪᠦᠭᠡᠳ ᠴᠣᠪᠤᠭᠤ ᠳᠡᠭᠵᠢᠨ ᠵᠠᠩᠲᠠᠢ᠂ ᠲᠡᠰᠪᠦᠷᠢ ᠳᠠᠭ᠋ᠠᠭ᠋ᠠᠮᠠᠭ᠋ᠠᠢ ᠪᠠᠢ᠌ᠳᠠᠭ᠃ ᠲᠤᠭᠤᠷᠠᠢ ᠵᠢᠨ ᠲᠠᠪᠠᠭᠨᠢ ᠶᠡᠬᠡ ᠠᠯᠬᠤᠭᠠ ᠰᠠᠢ᠌ᠪᠤᠷᠢᠲᠠᠢᠨᠢ ᠣᠯᠠᠨ᠃ ᠦᠪᠦᠷ ᠮᠣᠩᠭᠤᠯᠤᠨ ᠦᠦᠰᠢᠨ ᠵᠡᠷᠬᠡ ᠡᠯᠡᠰᠦᠷᠬᠡᠭ ᠭᠠᠵᠠᠷᠤᠨ ᠠᠳᠤᠭᠤ ᠡᠭᠦᠨᠳᠤ ᠪᠠᠭᠳᠠᠨᠠ᠃
ᠦᠪᠦᠷ ᠮᠣᠩᠭᠤᠯᠤᠨ ᠰᠢᠨᠵᠢᠯᠡᠬᠦ ᠤᠬᠠᠭ᠋ᠠᠨ ᠲᠸᠩᠨᠢᠭ ᠮᠡᠷᠭᠡᠵᠢᠯᠤᠨ ᠬᠡᠪᠯᠡᠯᠤᠨ ᠬᠣᠷᠢᠶᠠᠠᠴᠠ ᠬᠡᠪᠯᠡᠭᠰᠡᠨ 《ᠮᠣᠩᠭᠤᠯ ᠵᠠᠩ ᠦᠢ᠍ᠯᠡ ᠵᠢᠨ ᠨᠡᠪᠳᠡᠷᠬᠡᠢ ᠲᠣᠯᠢ 》 （ᠠᠵᠦ ᠠᠬᠤᠢ ᠵᠢᠨ ᠪᠣᠳᠢ）ᠠᠴᠠ ᠬᠠᠭᠤᠯᠠᠪᠦᠷᠢᠯᠡᠪᠡ᠃