ᠬᠡᠳᠦ ᠭᠠᠩᠰᠠᠭ ᠡᠯᠡᠰᠦᠨ᠎ᠤ ᠪᠤᠲᠠ ᠮᠤᠳᠤ᠃ ᠨᠡᠬᠦᠳᠡᠯ ᠡᠯᠡᠰᠦᠨ ᠲᠤᠪᠤ ᠬᠢᠭᠡᠳ ᠡᠯᠡᠰᠦ᠎ᠳᠤ ᠬᠤᠴᠢᠭᠳᠠᠭᠰᠠᠨ ᠭᠠᠵᠠᠷ᠂ ᠬᠠᠲᠠᠮᠠᠯ ᠭᠤᠤᠯ᠎ᠤᠨ ᠬᠦᠨᠳᠡᠢ ᠪᠤᠯᠤᠨ ᠠᠭᠤᠯᠠᠨ ᠦᠪᠦᠷ᠎ᠲᠠᠬᠢ ᠬᠠᠢ᠌ᠷ ᠴᠢᠯᠠᠭᠤᠯᠢᠭ ᠲᠤᠨᠤᠮᠠᠯ ᠪᠤᠳᠠᠰ᠎ᠲᠠᠢ ᠭᠠᠵᠠᠷ ᠵᠶ᠋ᠠᠷ ᠤᠷᠭᠤᠨ᠎ᠠ᠃ ᠡᠯᠡᠰᠦᠷᠬᠡᠭ ᠴᠦᠯ᠎ᠤᠨ ᠴᠢᠬᠤᠯᠠ ᠨᠢᠭᠡᠨ ᠴᠤᠭᠴᠠᠯᠠᠭᠴᠢ ᠲᠦᠷᠰᠦ ᠵᠢᠨ ᠤᠷᠭᠤᠮᠠᠯ ᠪᠤᠯᠤᠨ᠎ᠠ᠃ ᠮᠠᠨ᠎ᠤ ᠤᠷᠤᠨ᠎ᠤ ᠤᠯᠠᠭ᠋ᠠᠨᠴᠠᠪ ᠲᠤᠭᠤᠷᠢᠭ᠂ ᠤᠷᠳᠤᠰ ᠲᠤᠭᠤᠷᠢᠭ᠎ᠤᠨ ᠪᠠᠷᠠᠭᠤᠨ ᠬᠤᠢ᠌ᠲᠤ ᠬᠡᠰᠡᠭ᠂ ᠵᠡᠬᠦᠨ ᠠᠯᠠᠱ᠌ᠠ ᠲᠤᠭᠤᠷᠢᠭ᠂ ᠪᠠᠷᠠᠭᠤᠨ ᠠᠯᠠᠱ᠌ᠠ ᠲᠤᠭᠤᠷᠢᠭ᠂ ᠡᠵᠡᠨ᠎ᠡ ᠲᠤᠭᠤᠷᠢᠭ ᠵᠶ᠋ᠠᠷ ᠤᠷᠭᠤᠯᠳᠠ᠎ᠲᠠᠢ᠃ ᠮᠠᠨ᠎ᠤ ᠤᠯᠤᠰ᠎ᠤᠨ ᠭᠠᠨᠰᠤ ᠵᠢᠨ ᠪᠠᠷᠠᠭᠤᠨ ᠬᠡᠰᠡᠭ ᠪᠤᠯᠤᠨ ᠰᠢᠨᠵᠢᠶᠡᠠᠩ᠎ᠤᠨ ᠵᠡᠬᠦᠨ ᠬᠤᠢ᠌ᠲᠤ ᠬᠡᠰᠡᠭ ᠵᠶ᠋ᠡᠷ ᠲᠠᠷᠬᠠᠵᠤ᠂ ᠮᠤᠩᠭᠤᠯ ᠤᠯᠤᠰ᠎ᠲᠤ ᠪᠠᠰᠠ ᠲᠠᠷᠬᠠᠳᠠᠭ᠃ ᠰᠢᠯᠢᠳᠡᠭ ᠲᠡᠵᠢᠭᠡᠯᠲᠤ ᠤᠷᠭᠤᠮᠠᠯ᠃ ᠵᠤᠨ ᠨᠠᠮᠤᠷ᠎ᠤᠨ ᠤᠯᠠᠷᠢᠯ᠎ᠳᠤ ᠲᠡᠮᠡᠭᠡ ᠲᠡᠬᠦᠨ᠎ᠤ ᠨᠡᠪᠴᠢ ᠮᠦᠴᠢᠷ᠎ᠢ ᠠᠮᠳᠠᠷᠬᠠᠨ ᠢᠳᠡᠳᠡᠭ᠃ ᠬᠤᠨᠢ ᠢᠮᠠᠭ᠎ᠠ ᠵᠤᠨ ᠨᠠᠮᠤᠷ᠎ᠤᠨ ᠤᠯᠠᠷᠢᠯ᠎ᠳᠤ ᠲᠡᠬᠦᠨ᠎ᠤ ᠵᠦᠭᠡᠯᠡᠨ ᠨᠠᠪᠴᠢ ᠮᠦᠴᠢᠷ ᠪᠤᠯᠤᠨ ᠦᠷ᠎ᠡ ᠵᠢᠮᠢᠰ᠎ᠢ᠎ᠨᠢ ᠠᠮᠳᠠᠷᠬᠠᠨ ᠢᠳᠡᠳᠡᠭ᠃ ᠡᠯᠡᠰᠦ ᠲᠤᠭᠲᠠᠪᠤᠷᠢᠵᠢᠭᠤᠯᠬᠤ ᠤᠷᠭᠤᠮᠠᠯ ᠪᠤᠯᠭ᠋ᠠᠵᠤ ᠪᠤᠯᠤᠨ᠎ᠠ᠃ ᠦᠨᠳᠦᠰᠦ᠂ ᠵᠢᠮᠢᠰ ᠵᠢᠴᠢ ᠪᠦᠬᠦᠯᠢ ᠡᠪᠡᠰᠦ᠎ᠨᠢ ᠡᠮ᠎ᠳᠤ ᠤᠷᠤᠨ᠎ᠠ᠃