ᠨᠠᠪᠴᠢ ᠵᠤᠯᠭ᠋ᠠᠷᠠᠬᠤ ᠪᠤᠲᠠ ᠮᠣᠳᠣ  ᠥᠨᠳᠥᠷ᠎ᠨᠢ 2 m ᠬᠦᠷᠳᠡᠭ᠃ ᠵᠢᠵᠢᠭ ᠮᠥᠴᠢᠷ᠎ᠨᠢ ᠪᠣᠷᠣᠪᠲᠤᠷ ᠤᠯᠠᠭ᠋ᠠᠨ᠂ ᠢᠷᠮᠡᠭ᠎ᠲᠠᠢ᠂ ᠳᠠᠩ ᠥᠷᠭᠡᠰᠦ᠎ᠲᠠᠢ᠂ ᠣᠬᠣᠷ ᠪᠥᠭᠡᠳ ᠳᠤᠷᠤᠢ᠌ᠬᠠᠨ 3 ᠰᠠᠯᠠᠭ᠎ᠠ᠎ᠲᠠᠢ᠂ 4 — 9mm ᠤᠷᠲᠤ᠃ ᠨᠠᠪᠴᠢ᠎ᠨᠢ ᠴᠠᠭ᠋ᠠᠰᠤᠯᠢᠭ᠂ ᠨᠠᠷᠢᠨ ᠬᠠᠪᠲᠠᠭ᠋ᠠᠢ ᠲᠡᠪᠡᠨᠡ᠎ᠠᠴᠠ ᠲᠣᠩᠭᠣᠷᠤᠤ ᠬᠠᠪᠲᠠᠭ᠋ᠠᠢ ᠲᠡᠪᠡᠨᠡ ᠬᠡᠯᠪᠡᠷᠢ᠎ᠲᠠᠢ᠂ 1.5 — 4cm ᠤᠷᠲᠤ᠂ 3 — 6mm ᠥᠷᠭᠡᠨ᠂ ᠱᠣᠪᠬᠣ ᠣᠷᠣᠢ᠎ᠲᠠᠢ᠂ ᠵᠢᠵᠢᠭ ᠱᠣᠪᠬᠣ ᠦᠵᠦᠭᠦᠷ᠎ᠲᠠᠢ᠂ ᠨᠠᠷᠢᠨ ᠱᠠᠭ᠋ᠠᠨᠲᠠᠭ ᠤᠭ᠎ᠲᠠᠢ᠂ ᠪᠦᠲᠦᠨ ᠬᠥᠪᠡᠭᠡ᠎ᠲᠠᠢ᠃ ᠴᠠᠴᠤᠭ ᠬᠡᠯᠪᠡᠷᠢᠲᠦ ᠪᠠᠭ ᠴᠡᠴᠡᠭ᠎ᠨᠢ ᠤᠨᠵᠢᠭᠢᠷ᠂ 8 — 20 ᠬᠦᠢ᠍ᠰ ᠴᠡᠴᠡᠭ᠎ᠲᠠᠢ᠂ ᠪᠠᠭᠯᠠᠭᠴᠢ ᠢᠯᠲᠠᠰᠤ᠎ᠨᠢ ᠥᠷᠥᠮ ᠬᠡᠯᠪᠡᠷᠢ᠎ᠲᠠᠢ᠂ 1 — 2mm ᠤᠷᠲᠤ᠃ ᠰᠢᠭᠦᠰᠦᠯᠢᠭ ᠵᠢᠮᠢᠰ᠎ᠨᠢ ᠰᠣᠷᠭᠣᠭ ᠤᠯᠠᠭ᠋ᠠᠨ᠂ ᠤᠷᠲᠤᠯᠵᠢᠨ ᠲᠣᠭᠣᠷᠢᠭ ᠬᠡᠯᠪᠡᠷᠢ᠎ᠲᠠᠢ᠂ 9mm ᠤᠷᠲᠤ᠂ ᠳ᠋ᠢᠶᠸᠮᠸᠲᠷ᠎ᠨᠢ 4 — 5mm.1 — 2 ᠦᠷ᠎ᠡ᠎ᠲᠠᠢ᠃ 5 — 6 ᠳ᠋ᠤᠭ᠋ᠠᠷ ᠰᠠᠷ᠎ᠠ᠎ᠳᠤ ᠴᠡᠴᠡᠭᠯᠡᠵᠦ᠂ 7 — 8 ᠳ᠋ᠤᠭ᠋ᠠᠷ ᠰᠠᠷ᠎ᠠ᠎ᠳᠤ ᠵᠢᠮᠢᠰᠯᠡᠨ᠎ᠡ᠃