ᠦᠪᠦᠷ ᠮᠤᠩᠭᠤᠯᠤᠨ ᠷᠠᠳᠢᠤ᠋ ᠲᠸᠯᠸᠢᠰ ᠬᠤᠷᠢᠶᠠᠨᠤ ᠤᠷᠴᠢᠭᠤᠯᠤᠨ ᠦᠢ᠍ᠯᠡᠳᠬᠦ ᠲᠦᠪᠤᠨ 《ᠳᠤᠮᠳᠠᠳᠤ ᠵᠢᠨ ᠰᠤᠶᠤᠯ ᠲᠡᠤᠬᠡ》 ᠳᠡᠯᠭᠡᠴᠡᠨᠢ 2023 ᠤᠨᠤ ᠭᠤᠤᠯᠳᠠᠯᠭ᠋ᠠᠳᠤ ᠰᠢᠩᠭᠡᠭᠡᠨ ᠦᠢ᠍ᠯᠡᠳᠬᠦ ᠹᠢᠯᠢᠮᠤᠨ ᠨᠢᠭᠡ ᠰᠢᠷᠢᠰ ᠪᠣᠯᠬᠤ 《ᠲᠤᠷᠭ᠋ᠠᠨᠤ ᠵᠠᠮᠤᠨ ᠳᠠᠭ᠋ᠠᠤ ᠲᠡᠤᠬᠡ ᠰᠤᠶᠤᠯᠤᠨ ᠤᠯᠠ ᠮᠦᠷ》 ᠭᠡᠬᠦ ᠨᠡᠪᠲᠡᠷᠡᠭᠦᠯᠭᠡᠪᠠᠨ ᠰᠢᠩᠭᠡᠭᠡᠵᠤ᠂ 《ᠲᠤᠷᠭ᠋ᠠᠨᠤ ᠵᠠᠮ》ᠤᠨ 《ᠲᠤᠷᠭ᠋ᠠᠨᠤ ᠡᠬᠢ ᠡᠭᠦᠰᠪᠦᠷᠢ》 ᠵᠢ ᠮᠦᠷᠳᠡᠬᠦ ᠵᠢᠨ ᠲᠤᠯᠠ ᠡᠮᠦᠨᠡᠲᠦ ᠤᠷᠤᠨᠢ ᠵᠤᠷᠢᠭᠰᠠᠨ ᠠᠩᠬᠠᠨᠤ ᠰᠤᠷᠪᠤᠯᠵᠢᠯᠠᠭᠠ ᠵᠢᠨ ᠠᠶᠠᠯᠠᠯ ᠵᠶ᠋ᠠᠨ 2023 ᠣᠨᠤ 5 ᠳ᠋ᠤᠭ᠋ᠠᠷ ᠰᠠᠷᠠ ᠵᠢᠨ 17ᠤ ᠡᠳᠦᠷᠠᠴᠠ 23ᠤ ᠡᠳᠦᠷᠤᠨ ᠬᠤᠭᠤᠷᠤᠨᠳᠤ ᠭᠦᠢ᠍ᠴᠡᠳᠭᠡᠭᠰᠡᠨ ᠶᠤᠮ᠃ ᠡᠮᠦᠨᠡᠲᠦ ᠤᠷᠤᠨ ᠵᠶ᠋ᠠᠷ ᠶᠠᠪᠤᠬᠤᠳᠤᠪᠠᠨ ᠪᠢᠳᠠᠨ ᠪᠠᠰᠠ 《ᠤᠷᠠᠨ ᠪᠠᠷᠢᠯᠭᠠᠠᠴᠠ ᠤᠴᠢᠷᠯᠠᠬᠤᠢ》 ᠭᠡᠬᠦ ᠰᠢᠷᠢᠰ ᠨᠡᠪᠲᠡᠷᠡᠭᠦᠯᠭᠡ ᠵᠢᠨ ᠭᠠᠳᠠᠷ ᠦᠵᠡᠭᠳᠡᠯᠢ ᠰᠡᠭᠦᠳᠡᠷᠯᠡᠬᠦ ᠠᠵᠢᠯ ᠵᠶ᠋ᠠᠨ ᠪᠤᠳᠤᠯᠬᠢᠯᠠᠵᠤ᠂ ᠡᠮᠦᠨᠡᠲᠦ ᠤᠷᠤᠨᠳᠤ ᠠᠶᠠᠯᠠᠬᠤ ᠠᠩᠬᠠᠨᠤ ᠭᠠᠷᠤᠭᠠᠪᠠᠨ ᠱᠠᠩᠬᠠᠢ ᠬᠤᠲᠠ ᠵᠢᠨ ᠫᠦᠳᠦᠩ ᠰᠢᠨᠡ ᠲᠤᠭᠤᠷᠢᠭᠢ ᠰᠤᠩᠭᠤᠭᠰᠠᠨ ᠪᠢᠯᠡ᠃ ᠡᠮᠦᠨᠡᠲᠦ ᠤᠷᠤᠨ ᠵᠶ᠋ᠠᠷ ᠪᠢ ᠲᠧᠯᠸᠢᠰᠤᠨ ᠰᠤᠷᠪᠤᠯᠵᠢᠯᠠᠭᠠ ᠵᠢᠨ ᠠᠵᠢᠯ ᠵᠶ᠋ᠠᠷ ᠡᠳᠦᠢ ᠲᠡᠳᠦᠢ ᠤᠳᠠᠭᠠ ᠭᠦᠷᠴᠤ ᠪᠠᠢ᠌ᠭᠰᠠᠨ ᠴᠦ᠍᠂ ᠱᠠᠩᠬᠠᠢᠳᠤ ᠬᠦᠷᠬᠦ ᠵᠠᠪᠰᠢᠶᠠᠨᠢ ᠤᠯᠵᠤ ᠴᠢᠳᠠᠭᠠ ᠦᠭᠡᠢ ᠪᠠᠢ᠌ᠭᠰᠠᠭ᠋ᠠᠷ ᠦᠨᠦ ᠪᠣᠯᠭ᠋ᠠᠭᠰᠠᠨᠨᠢ ᠬᠠᠷᠠᠮᠰᠠᠯᠲᠠᠢ ᠰᠠᠨᠠᠭᠳᠠᠳᠠᠭ ᠴᠦ᠍᠂ ᠤᠷᠤᠢ᠌ᠲᠠᠭᠰᠠᠨᠠᠴᠠ ᠪᠢᠰᠢ ᠤᠰᠤᠯᠳᠠᠭᠰᠠᠨ ᠦᠭᠡᠢᠪᠠᠨ ᠪᠤᠳᠤᠬᠤ ᠲᠤᠳᠤᠮ ᠤᠯᠵᠠᠭᠤᠷᠬᠠᠨ ᠪᠠᠶᠠᠷᠯᠠᠨᠠ᠃
ᠱᠠᠩᠬᠠᠢ ᠪᠣᠯ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠲᠤ ᠨᠠᠮᠤᠨ ᠮᠡᠨᠳᠦᠯᠡᠭᠰᠡᠨ ᠭᠠᠵᠠᠷ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠤᠷᠴᠢᠨ ᠦᠶᠡ ᠵᠢᠨ ᠦᠨᠳᠦᠰᠦᠲᠡᠨᠤ ᠠᠵᠤ ᠦᠢ᠍ᠯᠡᠳᠪᠦᠷᠢ ᠬᠤᠳᠠᠯᠳᠤᠭ᠋ᠠᠨᠤ ᠡᠭᠦᠰᠴᠤ ᠪᠦᠷᠢᠯᠳᠦᠭᠰᠡᠨ ᠤᠷᠤᠨ᠂ ᠮᠦᠨ ᠴᠤ᠌ ᠤᠳᠤ ᠦᠶᠡ ᠵᠢᠨ ᠰᠤᠶᠤᠯ᠂ ᠰᠢᠨᠵᠢᠯᠡᠬᠦ ᠤᠬᠠᠭ᠋ᠠᠨ ᠲᠸᠭᠨᠢᠭ ᠮᠡᠷᠭᠡᠵᠢᠯ᠂ ᠰᠤᠷᠭ᠋ᠠᠨ ᠬᠦᠮᠦᠵᠢᠯ᠂ ᠠᠵᠤ ᠠᠬᠤᠢ᠂ ᠤᠷᠠᠯᠢᠭ᠂ ᠪᠠᠷᠢᠯᠭᠠ ᠵᠢᠨ ᠤᠷᠠ ᠤᠬᠠᠭ᠋ᠠᠨ ᠲᠦᠪᠯᠡᠷᠡᠭᠡᠳ᠂ ᠳᠡᠯᠡᠬᠡᠢ ᠵᠢᠨ ᠬᠦᠭᠵᠢᠯᠲᠡᠲᠠᠢ ᠠᠯᠬᠤᠮ ᠵᠶ᠋ᠠᠨ ᠨᠢᠭᠡᠳᠭᠡᠵᠤ ᠴᠢᠳᠠᠭᠰᠠᠨ ᠳᠡᠭᠡᠳᠦ ᠬᠤᠷᠳᠤᠴᠠᠲᠦ ᠤᠳᠤᠬᠢᠴᠢᠯᠠᠭᠰᠠᠨ ᠬᠤᠲᠠ ᠪᠤᠯᠤᠨᠠ᠃ ᠲᠡᠷᠡ ᠦᠷᠯᠦᠭᠡ ᠪᠤᠷᠤᠭ᠋ᠠᠨᠤ ᠡᠭᠦᠯᠡᠰ ᠬᠤᠢ᠌ᠰᠢᠪᠠᠨ ᠬᠤᠢ᠌ᠯᠠᠷᠠᠨ ᠲᠠᠭᠤᠭᠳᠠᠵᠤ ᠬᠤᠸᠠᠩ ᠫᠦ᠋ ᠵᠢᠶᠠᠩ ᠮᠦᠷᠡᠨ ᠵᠶ᠋ᠡᠷ ᠬᠤᠢ᠌ᠰᠢᠪᠠᠨ ᠦᠩᠭᠡᠷᠡᠬᠦᠳᠤ᠂ ᠮᠦᠷᠡᠨ ᠳᠡᠭᠡᠭᠦᠷ ᠵᠤᠷᠴᠢᠬᠤ ᠵᠦᠭᠡᠭᠡᠪᠦᠷᠢ ᠵᠢᠨ ᠤᠩᠭᠤᠴᠠ ᠪᠠᠰᠠ ᠡᠭᠦᠯᠡᠨᠠᠴᠠ ᠰᠠᠭᠤᠭᠳᠠᠬᠤ ᠦᠭᠡᠢ ᠭᠡᠰᠡᠨ ᠮᠡᠲᠥ ᠬᠤᠢ᠌ᠰᠢᠪᠠᠨ ᠬᠠᠨᠳᠤᠭ᠋ᠠᠳ ᠠᠶᠠᠯᠠᠵᠤ ᠪᠠᠢ᠌ᠲᠠᠯᠠ᠂ ᠨᠡᠭᠦᠳᠡᠯᠤᠨ ᠡᠭᠦᠯᠡᠰᠢ ᠰᠦᠷᠦᠵᠤ ᠤᠷᠤᠭᠰᠢᠪᠠᠨ ᠵᠦᠷᠢᠭᠡᠳ ᠦᠩᠭᠡᠷᠡᠬᠦ ᠵᠢᠭᠤᠯᠴᠢᠯᠠᠯ ᠪᠤᠶᠤ ᠠᠴᠢᠶᠠ ᠵᠦᠭᠡᠭᠡᠪᠦᠷᠢ ᠵᠢᠨ ᠤᠩᠭᠤᠴᠠ ᠪᠠᠰᠠ ᠤᠯᠠᠨ ᠪᠠᠢ᠌ᠯᠠ᠃ ᠪᠢᠳᠠᠨ ᠬᠤᠸᠠᠩ ᠫᠦ᠋ ᠵᠢᠶᠠᠩ ᠮᠦᠷᠡᠨᠤ ᠵᠡᠭᠦᠨ ᠡᠷᠭᠢ ᠳᠡᠭᠡᠷᠡᠠᠴᠠ ᠭᠤᠤᠯᠤᠨ ᠪᠠᠷᠠᠭᠤᠨ ᠡᠷᠭᠢ ᠵᠢ ᠬᠠᠷᠠᠪᠠᠯ᠂ 《ᠳᠤᠷᠤᠨᠠᠳᠠᠬᠢᠨᠤ ᠭᠡᠷᠡᠯᠲᠦ ᠰᠤᠪᠤᠳ》 ᠭᠡᠬᠥ ᠨᠡᠷᠡᠲᠡᠢ ᠲᠸᠯᠸᠢᠰ ᠳᠠᠮᠵᠢᠭᠤᠯᠤᠭᠴᠢ ᠰᠤᠪᠤᠷᠭᠠ᠂ ᠱᠠᠩᠬᠠᠢ ᠵᠢᠨ ᠳᠡᠯᠡᠬᠡᠢ ᠵᠢᠨ ᠮᠦᠩᠭᠦᠨ ᠭᠦᠢ᠍ᠯᠭᠡᠭᠡᠨᠤ ᠲᠤᠮᠤ ᠠᠰᠠᠷ᠂ ᠱᠠᠩᠬᠠᠢ ᠵᠢᠨ ᠭᠣᠣᠯᠳᠠᠯᠭ᠋ᠠᠲᠤ ᠲᠤᠮᠤ ᠠᠰᠠᠷ ᠵᠡᠷᠭᠡ ᠦᠭᠡᠷᠡᠴᠢᠯᠡᠯᠳᠡ ᠨᠡᠭᠡᠭᠡᠯᠲᠡ ᠵᠢᠨ ᠴᠠᠭ ᠡᠷᠢᠨᠳᠤ ᠪᠤᠰᠬᠠᠭᠳᠠᠭᠰᠠᠨ ᠦᠨᠳᠦᠷ ᠠᠰᠠᠷᠤᠳᠤᠨ ᠤᠷᠤᠢ ᠵᠢ ᠪᠤᠷᠤᠭ᠋ᠠᠨᠤ ᠡᠭᠦᠯᠡᠰ ᠤᠷᠢᠶᠠᠭ᠋ᠠᠳ᠂ ᠱᠠᠩᠬᠠᠢ ᠲᠡᠯᠡᠬᠡᠢ ᠵᠢᠨ ᠬᠦᠭᠵᠢᠯᠲᠡ ᠵᠢᠨ ᠡᠮᠦᠨᠡ ᠡᠩᠨᠡᠭᠡᠨᠳᠤ ᠤᠷᠤᠭ᠋ᠠᠳ ᠠᠯᠬᠤᠵᠤ ᠪᠠᠢ᠌ᠭᠠ ᠬᠤᠲᠠ ᠭᠡᠰᠡᠨ ᠵᠶ᠋ᠠᠨ ᠲᠠᠬᠢᠨ ᠨᠢᠭᠡ ᠤᠳᠠᠭᠠ ᠰᠠᠨᠠᠭᠤᠯᠤᠨᠠ᠃
ᠬᠤᠸᠠᠩ ᠫᠦ᠋ ᠵᠢᠶᠠᠩ ᠮᠦᠷᠡᠨᠤ ᠵᠡᠭᠦᠨ ᠡᠷᠭᠢ ᠳᠠᠭ᠋ᠠᠤ ᠵᠢᠨ ᠠᠰᠠᠷ ᠪᠠᠷᠢᠯᠭᠠ ᠵᠢ ᠬᠠᠷᠠᠪᠠᠯ ᠂ ᠤᠯᠠᠩᠭᠢ ᠠᠰᠠᠷ ᠪᠠᠷᠢᠯᠭᠠᠨᠢ ᠭᠣᠣᠯᠤᠨ ᠪᠠᠷᠠᠭᠤᠨ ᠡᠷᠭᠢ ᠵᠢᠨ ᠰᠢᠨᠡᠬᠡᠨ ᠰᠦᠨᠳᠡᠷᠯᠡᠨ ᠪᠤᠰᠤᠭᠰᠠᠨ ᠠᠰᠠᠷ ᠪᠠᠷᠢᠯᠭᠠ ᠠᠳᠠᠯᠢ ᠦᠨᠳᠦᠷ ᠰᠦᠷᠯᠢᠭᠦᠨ ᠪᠢᠰᠢ ᠪᠣᠯᠪᠠᠴᠤ᠂ ᠲᠡᠳᠡᠭᠡᠷ ᠪᠠᠷᠢᠯᠭᠠᠨᠢ ᠬᠠᠷᠢ ᠵᠢᠨ ᠪᠠᠷᠢᠯᠭᠠ ᠵᠢᠨ ᠤᠨᠴᠠᠯᠢᠭ᠂ ᠭᠤᠲᠸ ᠮᠠᠶᠢᠭᠤᠨ᠂ ᠾᠷᠢᠰᠲ᠋ᠤᠰᠤᠨ ᠱᠠᠰᠢᠨᠤ ᠮᠠᠶᠢᠭᠤᠨ ᠤᠨᠴᠠᠯᠢᠭᠲᠠᠢ ᠪᠠᠢ᠌ᠭᠰᠠᠨᠨᠢ᠂ ᠬᠠᠷᠠ ᠲᠠᠮᠠᠬᠢ ᠵᠢᠨ ᠳᠠᠢ᠌ᠨᠤ ᠳᠠᠷᠠᠭᠠ ᠳᠤᠮᠳᠠᠳᠤ ᠤᠯᠤᠰ ᠡᠷᠬᠡ ᠮᠡᠳᠡᠯ ᠵᠶ᠋ᠡᠨ ᠬᠠᠷᠢ ᠵᠢᠨ ᠲᠦᠷᠡᠮᠡᠭᠡᠢ᠌ᠯᠡᠭᠴᠢᠳᠲᠤ ᠠᠯᠳᠠᠵᠤ᠂ ᠱᠠᠩᠬᠠᠢᠳᠤ ᠭᠠᠳᠠᠭ᠋ᠠᠳᠤ ᠵᠢᠨ 《ᠲᠦᠷᠢᠶᠡᠰᠤᠨ ᠭᠠᠵᠠᠷ》ᠤᠳ ᠡᠨᠳᠡ ᠲᠡᠨᠳᠡ ᠦᠭᠡᠢ ᠪᠤᠢ ᠪᠣᠯᠵᠤ᠂ ᠲᠡᠳᠡᠭᠡᠷ ᠲᠦᠷᠡᠮᠡᠭᠡᠢ᠌ᠯᠡᠭᠴᠢ ᠤᠯᠤᠰᠤᠳ ᠬᠠᠮᠢᠭᠠ ᠶᠠᠭᠤ ᠪᠠᠢ᠌ᠭᠤᠯᠤᠨᠠ ᠭᠡᠪᠡᠯ᠂ ᠲᠡᠨᠳᠡ ᠲᠡᠭᠦᠨ ᠵᠶ᠋ᠡᠨ ᠲᠡᠯᠡᠨ ᠪᠠᠷᠢᠵᠤ᠂ ᠨᠢᠭᠡᠨ ᠤᠯᠤᠰ ᠭᠡᠷᠨᠢ ᠦᠪᠡᠷᠤᠨ ᠭᠡᠬᠦ ᠡᠷᠬᠡ ᠮᠡᠳᠡᠯ ᠵᠶ᠋ᠡᠨ ᠠᠯᠳᠠᠪᠠᠯ ᠶᠠᠭᠤ ᠪᠤᠯᠳᠠᠭ ᠭᠡᠰᠡᠨᠢ ᠪᠢᠳᠠᠨᠳᠤ ᠬᠡᠯᠡᠵᠤ ᠥᠭᠬᠦᠨᠡ᠃ ᠨᠢᠭᠡᠨ ᠬᠤᠲᠠ ᠪᠤᠶᠤ ᠲᠡᠷᠡ ᠤᠷᠴᠢᠨᠤ ᠪᠦᠰᠡ ᠨᠤᠲᠤᠭᠤᠨ ᠲᠡᠤᠬᠡ ᠰᠤᠶᠤᠯᠢ ᠤᠢ᠌ᠯᠠᠭ᠋ᠠᠶᠠ ᠭᠡᠪᠡᠯ᠂ ᠲᠡᠷᠡ ᠬᠤᠲᠠ ᠵᠢᠨ ᠮᠦᠽᠸᠢ ᠳᠤᠨᠢ ᠤᠴᠢᠪᠠᠯ ᠰᠠᠶᠢ ᠡᠨᠡ ᠨᠤᠲᠤᠭ ᠤᠰᠤᠨᠤ ᠲᠤᠬᠠᠢ ᠠᠩᠬᠠ ᠠᠯᠬᠤᠮᠤᠨ ᠤᠢ᠌ᠯᠠᠭ᠋ᠠᠯᠲᠠᠲᠠᠢ ᠪᠣᠯᠵᠤ ᠴᠢᠳᠠᠳᠠᠭ᠃ ᠡᠨᠡ ᠶᠤᠰᠤᠭ᠋ᠠᠷ ᠪᠢᠳᠠᠨ ᠱᠠᠩᠬᠠᠢ ᠵᠢᠨ ᠮᠦᠽᠸᠢᠳᠤ ᠤᠴᠢᠯᠠ᠃ ᠱᠠᠩᠬᠠᠢ ᠵᠢᠨ ᠮᠦᠽᠸᠢ ᠪᠣᠯ ᠳᠤᠮᠳᠠᠳᠤ ᠤᠯᠤᠰᠤᠨ ᠲᠤᠮᠤ ᠬᠡᠯᠪᠡᠷᠢ ᠵᠢᠨ ᠡᠷᠲᠡᠨᠤ ᠤᠷᠠᠯᠢᠭᠤᠨ ᠮᠦᠽᠸᠢ ᠪᠤᠯᠤᠨᠠ᠃ ᠮᠦᠽᠸᠢᠳᠤ ᠠᠷᠪᠠᠨ ᠬᠤᠶᠠᠷ ᠲᠦᠮᠡ ᠭᠠᠷᠤᠢ ᠵᠦᠢ᠍ᠯᠤᠨ ᠬᠤᠪᠤᠷ ᠴᠤᠬᠠᠭ ᠡᠳ᠋ ᠪᠤᠳᠠᠰᠢ ᠬᠠᠳᠠᠭ᠋ᠠᠯᠠᠵᠤ᠂ ᠡᠭᠦᠨᠤ ᠲᠤᠳᠤᠷᠠ ᠬᠦᠷᠡᠯ ᠪᠠᠭ᠋ᠠᠵᠢ ᠬᠡᠷᠡᠭᠰᠡᠯ᠂ ᠸᠠᠭ᠋ᠠᠷ ᠱᠠᠭ᠋ᠠᠵᠠᠩ ᠬᠡᠷᠡᠭᠰᠡᠯ᠂ ᠤᠷᠠᠨ ᠪᠢᠴᠢᠯᠭᠡ᠂ ᠤᠷᠠᠨ ᠵᠢᠷᠤᠭ᠂ ᠬᠠᠰ ᠬᠡᠷᠡᠭᠰᠡᠯ᠂ ᠬᠤᠯᠤᠰᠤ ᠮᠤᠳᠤᠨᠤ ᠭᠡᠷᠤᠨ ᠬᠡᠷᠡᠭᠰᠡᠯ᠂ ᠶᠠᠰᠤᠨ ᠪᠢᠴᠢᠭ᠂ ᠡᠯᠡ ᠲᠦᠷᠥ ᠵᠢᠨ ᠬᠠᠭ᠋ᠠᠳ ᠨᠤᠶᠠᠳᠤᠨ ᠲᠠᠮᠠᠭᠠ᠂ ᠴᠦᠭᠡᠨ ᠲᠤᠭ᠋ᠠᠲᠤ ᠦᠨᠳᠦᠰᠦᠲᠡᠨᠤ ᠬᠤᠪᠴᠠᠰᠤ ᠵᠠᠰᠠᠯᠤᠨ ᠬᠡᠪ ᠵᠠᠭᠪᠤᠷ ᠤᠨ ᠤᠨᠴᠠᠯᠢᠭᠢ ᠬᠠᠷᠠᠭᠤᠯᠤᠭᠰᠠᠨ ᠬᠤᠪᠴᠠᠰᠤ ᠵᠠᠰᠠᠯᠤᠨ ᠵᠦᠢ᠍ᠯ ᠵᠡᠷᠭᠡ ᠬᠤᠷᠢᠨ ᠨᠢᠭᠡᠨ ᠲᠦᠷᠥᠯᠤᠨ ᠠᠭᠤᠯᠭᠠ ᠪᠠᠭᠲᠠᠵᠤ᠂ ᠬᠠᠳᠠᠭ᠋ᠠᠯᠠᠭᠳᠠᠴᠠᠪᠠᠷ ᠡᠯᠪᠡᠭ᠂ ᠤᠨᠴᠠᠯᠢᠭᠢ ᠳᠤᠪᠤᠢ᠌ᠯᠭ᠋ᠠᠭᠰᠠᠨ ᠵᠡᠷᠭᠡ ᠲᠠᠯᠠᠪᠠᠷ ᠵᠶ᠋ᠠᠨ ᠤᠯᠤᠰᠤᠨ ᠲᠤᠳᠤᠭ᠋ᠠᠳᠤ ᠭᠠᠳᠠᠭ᠋ᠠᠳᠤᠳᠤ ᠨᠡᠷᠡ ᠲᠦᠷᠥᠪᠠᠨ ᠪᠤᠰᠬᠠᠵᠤ ᠴᠢᠳᠠᠵᠠᠢ᠃ ᠱᠠᠩᠬᠠᠢ ᠬᠤᠲᠠ1986 ᠤᠨᠳᠤ ᠤᠯᠤᠰᠤᠨ ᠲᠡᠤᠬᠡ ᠰᠤᠶᠤᠯᠤᠨ ᠨᠡᠷᠡᠲᠦ ᠬᠤᠲᠠᠪᠠᠷ ᠵᠦᠪᠰᠢᠶᠡᠷᠡᠭᠳᠡᠭᠰᠡᠨᠠᠴᠠ ᠨᠠᠭ᠋ᠠᠰᠢᠪᠠᠨ᠂ ᠦᠪ ᠰᠤᠶᠤᠯᠤᠨ ᠦᠯᠡᠳᠡᠭᠳᠡᠯ ᠤᠯᠠᠨ ᠪᠠᠢ᠌ᠭᠠ ᠪᠤᠳᠠᠳᠤ ᠪᠠᠢ᠌ᠳᠠᠯ ᠵᠶ᠋ᠠᠨ ᠦᠨᠳᠦᠰᠦᠯᠡᠵᠤ᠂ ᠱᠠᠩᠬᠠᠢ ᠬᠤᠲᠠ ᠵᠢᠨ ᠬᠡᠪᠴᠢᠶᠡᠨᠳᠤ ᠲᠦᠭᠡᠭᠡᠨ ᠲᠠᠷᠬᠠᠭᠰᠠᠨ3075 ᠰᠠᠭᠤᠷᠢ ᠲᠡᠤᠭᠡ ᠵᠢᠨ ᠦᠯᠡᠳᠡᠭᠳᠡᠯ ᠭᠡᠷ ᠪᠠᠷᠢᠯᠭᠠ᠂3437 ᠭᠡᠰᠡᠭ ᠬᠦᠳᠡᠯᠭᠡᠵᠤ ᠦᠯᠦ ᠪᠣᠯᠬᠣ ᠬᠠᠭᠤᠴᠢ ᠪᠤᠳᠠᠰ᠂ 397 ᠵᠤᠷᠪᠤᠰ ᠤᠤᠯ ᠲᠦᠷᠬᠦ ᠵᠢᠨᠢ ᠬᠠᠳᠠᠭ᠋ᠠᠯᠠᠬᠤ ᠬᠡᠷᠡᠭᠳᠡᠢ ᠵᠡᠭᠡᠯᠢ ᠭᠤᠳᠤᠮᠵᠢ᠂ 84 ᠭᠤᠤᠯᠢ ᠤᠤᠯ ᠲᠦᠷᠬᠥᠪᠠᠷᠨᠢ ᠦᠯᠡᠳᠡᠭᠡᠬᠦ ᠵᠡᠷᠭᠡ ᠲᠤᠭᠲᠠᠭ᠋ᠠᠯ ᠵᠤᠷᠪᠤᠰ᠂ ᠬᠠᠮᠢᠶᠠᠷᠤᠯᠲᠠ ᠵᠢᠨ ᠠᠷᠭᠠ ᠬᠡᠮᠵᠢᠶᠡ ᠵᠢ ᠠᠪᠴᠠᠢ᠃
ᠲᠡᠤᠬᠡ ᠰᠤᠶᠤᠯ ᠪᠣᠯ ᠨᠢᠭᠡ ᠬᠤᠲᠠ ᠵᠢᠨ ᠠᠮᠢᠨ ᠰᠦᠨᠡᠰᠦ ᠪᠤᠯᠤᠨᠠ᠃ ᠡᠯᠪᠡᠭ ᠪᠠᠶᠠᠯᠢᠭ ᠠᠭᠤᠯᠭᠠᠲᠠᠢ ᠬᠤᠪᠢᠰᠬᠠᠯᠲᠤ ᠰᠤᠶᠤᠯ᠂ ᠳᠠᠯᠠᠢ ᠲᠠᠩᠬᠢᠰᠤᠨ ᠰᠤᠶᠤᠯ᠂ ᠡᠮᠦᠨᠡᠲᠦ ᠤᠷᠤᠨᠤ ᠰᠤᠶᠤᠯᠨᠢ ᠨᠡᠢ᠌ᠯᠡᠭᠡᠳ ᠱᠠᠩᠬᠠᠢ ᠵᠢᠨ ᠲᠡᠤᠬᠡ ᠰᠤᠶᠤᠯᠤᠨ ᠠᠭᠤᠯᠭᠠ ᠵᠢ ᠤᠯᠠᠮ ᠪᠠᠶᠠᠯᠢᠭᠵᠢᠭᠤᠯᠵᠠᠢ᠃ ᠡᠮᠦᠨᠡᠲᠦ ᠤᠷᠤᠨᠤ ᠰᠤᠶᠤᠯ ᠪᠣᠯ ᠱᠠᠩᠬᠠᠢ ᠵᠢᠨ ᠲᠡᠤᠬᠡ ᠰᠤᠶᠤᠯᠤᠨ ᠰᠠᠭᠤᠷᠢ ᠦᠩᠭᠡ᠂ ᠳᠠᠯᠠᠢ ᠲᠠᠩᠭᠢᠰᠤᠨ ᠰᠤᠶᠤᠯ ᠪᠣᠯ ᠲᠡᠭᠦᠨᠤ ᠤᠨᠴᠠᠯᠢᠭᠨᠢ ᠪᠠᠢ᠌ᠭᠰᠠᠨ ᠪᠣᠯ᠂ ᠬᠤᠪᠢᠰᠬᠠᠯᠲᠤ ᠰᠤᠶᠤᠯᠨᠢ ᠱᠠᠩᠬᠠᠢ ᠵᠢᠨ ᠲᠡᠤᠬᠡ ᠰᠤᠶᠤᠯᠢ ᠤᠯᠠᠮ ᠡᠷᠴᠢᠮᠵᠢᠭᠦᠯᠵᠠᠢ᠃ ᠤᠯᠠᠨ ᠲᠠᠯᠠᠲᠤ ᠰᠤᠶᠤᠯᠤᠨ ᠠᠭᠤᠰᠤᠯᠴᠠᠭᠠᠪᠠᠷ ᠳᠠᠮᠵᠢᠭ᠋ᠠᠳ᠂ 《ᠤᠯᠠᠨ ᠲᠠᠯᠠ ᠵᠢ ᠪᠠᠭᠲᠠᠭ᠋ᠠᠨ᠂ ᠨᠡᠭᠡᠭᠡᠯᠲᠡᠲᠠᠢ᠂ ᠠᠭᠤᠳᠠᠮᠴᠢ ᠵᠠᠩ ᠠᠷᠠᠨᠰᠢᠨ》ᠲᠠᠢ ᠱᠠᠩᠬᠠᠢ ᠬᠤᠲᠠ ᠵᠢᠨ ᠵᠤᠷᠢᠭ ᠰᠠᠨᠠᠭᠠ ᠵᠢ ᠪᠤᠢ ᠪᠣᠯᠭ᠋ᠠᠵᠠᠢ᠃ ᠱᠠᠩᠬᠠᠢ ᠬᠤᠲᠠ ᠵᠢᠨ ᠮᠦᠽᠸᠢ ᠵᠢᠨ ᠲᠤᠳᠤᠷᠠᠬᠢ ᠪᠦᠬᠦ ᠠᠭᠤᠯᠭᠠ ᠵᠢ ᠶᠡᠬᠡ ᠲᠦᠯᠦᠪ ᠤᠢ᠌ᠯᠠᠭ᠋ᠠᠵᠤ ᠠᠪᠬᠤᠳᠤ᠂ ᠭᠠᠭᠴᠠᠬᠠᠨ ᠡᠳᠦᠷᠤᠨ ᠴᠠᠭ ᠳᠠᠩᠴᠤ ᠤᠬᠤᠷᠬᠠᠨ ᠪᠠᠢ᠌ᠭᠰᠠᠨᠤ ᠤᠴᠢᠷ᠂ ᠪᠢᠳᠠᠨ ᠡᠨᠳᠡᠠᠴᠠ ᠲᠤᠷᠭ᠋ᠠᠨᠤ ᠵᠠᠮᠤᠨ ᠠᠭᠤᠯᠭᠠᠲᠠᠢ ᠬᠤᠯᠪᠤᠭᠳᠠᠬᠤ ᠠᠭᠤᠯᠭᠠ ᠵᠢ ᠰᠤᠩᠭᠤᠨ ᠠᠪᠴᠤ᠂ ᠲᠡᠭᠦᠨ ᠵᠶ᠋ᠡᠨ ᠢᠯᠡᠭᠦᠦ ᠲᠤᠭᠲᠠᠭ᠋ᠠᠵᠤ ᠠᠪᠬᠤ ᠵᠢ ᠪᠤᠳᠤᠪᠠ᠃
ᠳᠤᠮᠳᠠᠳᠤ ᠤᠯᠤᠰᠤᠨ ᠡᠷᠲᠡᠨᠤ 《ᠲᠤᠷᠭ᠋ᠠᠨᠤ ᠵᠠᠮ》 ᠵᠶ᠋ᠠᠷ ᠳᠠᠮᠵᠢᠭ᠋ᠠᠳ ᠲᠤᠷᠭᠠ ᠳᠤᠷᠳᠤᠩᠠᠴᠠ ᠭᠠᠳᠠᠨᠠ ᠬᠠᠰ᠂ ᠸᠠᠭ᠋ᠠᠷ ᠱᠠᠭ᠋ᠠᠵᠠᠩ ᠰᠠᠪᠠ ᠬᠡᠷᠡᠭᠰᠡᠯ ᠴᠦ᠍ ᠬᠠᠷᠢ ᠭᠦᠷᠦᠨ ᠤᠷᠤᠭᠤ ᠳᠠᠮᠵᠢᠭᠳᠠᠨ ᠬᠦᠷᠳᠡᠭ ᠪᠠᠢ᠌ᠵᠠᠢ᠃ ᠱᠠᠩᠬᠠᠢ ᠵᠢᠨ ᠮᠦᠽᠸᠢᠳᠤ 《ᠲᠤᠷᠭ᠋ᠠᠨᠤ ᠵᠠᠮ》ᠤᠨ ᠬᠥᠭᠵᠢᠵᠦ ᠪᠠᠭᠤᠷᠠᠭᠰᠠᠨ ᠲᠡᠤᠬᠡ ᠵᠢᠨ ᠦᠢ᠍ᠯᠡ ᠬᠡᠷᠡᠭᠲᠠᠢ ᠬᠤᠯᠪᠤᠭᠳᠠᠭᠤᠯᠤᠨ᠂ ᠲᠤᠷᠭ᠋ᠠᠨᠤ ᠵᠠᠮ ᠳᠠᠭ᠋ᠠᠤ ᠢᠯᠡᠷᠡᠭᠰᠡᠨ ᠠᠳᠠᠯᠢ ᠪᠤᠰᠤ ᠲᠦᠷᠥᠯ ᠬᠡᠯᠪᠡᠷᠢ ᠵᠢᠨ ᠵᠤᠭᠤᠰᠢ ᠳᠡᠯᠭᠡᠨ ᠦᠵᠡᠭᠦᠯᠦᠭᠰᠡᠨᠨᠢ ᠬᠦᠮᠦᠰᠤᠨ ᠠᠩᠬᠠᠷᠤᠯᠳᠤ ᠪᠠᠭᠤᠵᠤ ᠪᠠᠢ᠌ᠯᠠ᠃ ᠡᠷᠲᠡᠨᠤ ᠴᠠᠩ ᠠᠨ ᠬᠤᠲᠠᠠᠴᠠ ᠪᠠᠷᠠᠭᠤᠨᠰᠢᠯᠠᠨ ᠪᠠᠭᠳᠠᠳ᠋᠂ ᠴᠠᠭ᠋ᠠᠰᠢᠯᠠᠨ ᠭᠠᠵᠠᠷᠤᠨ ᠳᠤᠮᠳᠠᠳᠤ ᠲᠠᠩᠬᠢᠰ ᠬᠦᠷᠲᠡᠯᠡ ᠦᠷᠭᠦᠯᠵᠢᠯᠡᠭᠰᠡᠨ ᠲᠤᠷᠭ᠋ᠠᠨᠤ ᠵᠠᠮ ᠳᠠᠭ᠋ᠠᠤ ᠡᠷᠲᠡᠨᠤ ᠡᠳᠦᠢ ᠲᠡᠳᠦᠢ ᠠᠳᠠᠯᠢ ᠪᠤᠰᠤ ᠦᠨᠳᠦᠰᠦᠲᠡᠨ ᠪᠤᠯᠤᠨ ᠤᠯᠤᠰᠤᠨ ᠬᠡᠷᠡᠭᠯᠡᠵᠦ ᠪᠠᠢ᠌ᠭᠰᠠᠨ ᠵᠤᠭᠤᠰ ᠢᠯᠡᠷᠡᠵᠤ᠂ ᠡᠨᠳᠡ ᠦᠭᠡᠷᠡ ᠨᠢᠭᠡ ᠲᠦᠷᠥᠯᠤᠨ ᠵᠤᠭᠤᠰᠤᠨᠤ ᠰᠤᠶᠤᠯᠤᠨ ᠰᠢᠰᠲᠸᠮᠲᠠᠢ ᠪᠠᠢ᠌ᠭᠰᠠᠨᠢ ᠭᠡᠷᠡᠴᠢᠯᠡᠨᠡ᠃ ᠡᠳᠡᠭᠡᠷ ᠲᠦᠷᠥᠯᠤᠨ ᠵᠤᠭᠤᠰᠢ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠷᠲᠡᠨᠤ ᠵᠤᠭᠤᠰᠲᠠᠢ ᠠᠳᠠᠯᠢᠳᠬᠠᠵᠤ ᠦᠵᠡᠪᠡᠯ᠂ ᠴᠢᠳᠬᠤᠬᠤ ᠠᠷᠭᠠ ᠵᠢ ᠬᠡᠷᠡᠭᠯᠡᠨ ᠦᠢ᠍ᠯᠡᠳᠦᠨ ᠭᠠᠷᠭ᠋ᠠᠭᠰᠠᠨ ᠮᠦᠷᠲᠡᠭᠡᠨ᠂ ᠮᠦᠩᠭᠦ᠂ ᠵᠡᠰ᠂ ᠠᠯᠲᠠ ᠵᠡᠷᠭᠡ ᠮᠠᠲᠸᠷᠢᠶᠠᠯ ᠵᠶ᠋ᠡᠷ ᠵᠤᠭᠤᠰ ᠬᠢᠳᠡᠭ ᠪᠠᠢ᠌ᠭᠰᠠᠨᠢ ᠮᠡᠳᠡᠵᠤ ᠪᠣᠯᠣᠨᠠ᠃ ᠲᠤᠷᠭ᠋ᠠᠨᠤ ᠵᠠᠮᠤᠨ ᠡᠷᠲᠡᠨᠤ ᠤᠯᠤᠰᠤᠳ ᠦᠢ᠍ᠯᠡᠳᠬᠦ ᠳᠤᠪᠠᠨ᠂ ᠵᠤᠭᠤᠰᠤᠨ ᠳᠡᠭᠡᠷᠡ ᠢᠯᠡᠷᠡᠭᠦᠯᠬᠦ ᠵᠢᠷᠤᠭ ᠳᠦᠷᠰᠦ ᠵᠢᠨ ᠵᠠᠰᠠᠯ ᠴᠢᠮᠡᠭᠯᠡᠯᠢ ᠨᠡᠩ ᠢᠯᠡᠬᠦᠦ ᠠᠩᠬᠠᠷᠤᠯᠳᠤᠪᠠᠨ ᠠᠪᠴᠤ᠂ ᠲᠡᠤᠬᠡ ᠵᠢᠨ ᠠᠳᠠᠯᠢ ᠪᠤᠰᠤ ᠦᠶᠡᠰᠤᠨ ᠵᠤᠭᠤᠰᠨᠢ ᠠᠳᠠᠯᠢ ᠪᠤᠰᠤ ᠵᠢᠷᠤᠭ ᠳᠦᠷᠰᠦ ᠵᠢᠨ ᠴᠢᠮᠡᠭᠯᠡᠯᠲᠠᠢ ᠪᠣᠯᠵᠤ ᠬᠤᠪᠢᠷᠠᠭ᠋ᠠᠳ ᠪᠠᠢ᠌ᠭᠰᠠᠨᠨᠢ᠂ ᠲᠤᠷᠭ᠋ᠠᠨᠤ ᠵᠠᠮ ᠳᠠᠭ᠋ᠠᠤᠳᠤᠬᠢ ᠡᠷᠲᠡᠨᠤ ᠤᠯᠤᠰᠤᠨ ᠲᠡᠤᠬᠡ ᠰᠤᠶᠤᠯᠤᠨ ᠬᠦᠭᠵᠢᠯᠲᠡ ᠬᠤᠪᠢᠷᠠᠯᠳᠠ ᠵᠢ ᠰᠤᠳᠤᠯᠬᠤᠳᠤ ᠵᠠᠷᠢᠮ ᠲᠠᠯᠠ ᠵᠢᠨ ᠰᠦᠪᠡᠭᠴᠢ ᠵᠢ ᠬᠠᠩᠭ᠋ᠠᠵᠠᠢ᠃ ᠨᠡᠢ᠌ᠲᠡ ᠵᠢᠨ ᠤᠨ ᠲᠤᠭ᠋ᠠᠯᠠᠯᠠᠴᠠ ᠡᠮᠦᠨᠡᠬᠢ ᠵᠢᠷᠭᠤᠳᠤᠭ᠋ᠠᠷ ᠵᠠᠭᠤᠨᠳᠤ᠂ ᠠᠾᠡᠮᠸᠢᠨᠢ ᠸᠠᠩᠲᠦ ᠲᠦᠷᠥ ᠵᠢᠨ ᠡᠵᠡᠨ ᠸᠠᠩᠠᠴᠠ ᠮᠦᠩᠭᠦᠨ ᠵᠤᠭᠤᠰ ᠲᠠᠷᠬᠠᠭ᠋ᠠᠵᠠᠢ᠃ ᠵᠤᠭᠤᠰᠤᠨᠤ ᠨᠢᠭᠤᠷ ᠲᠠᠯᠠ ᠳᠡᠭᠡᠷᠡ ᠡᠵᠡᠨ ᠸᠠᠩᠤᠨ ᠮᠠᠯᠠᠭ᠋ᠠᠢ ᠵᠡᠭᠦᠵᠤ᠂ ᠤᠷᠲᠤ ᠬᠤᠪᠴᠠᠰᠤ ᠡᠮᠦᠰᠦᠨ᠂ ᠭᠠᠷ ᠲᠤᠪᠠᠨ ᠤᠷᠲᠤ ᠵᠢᠳᠠ ᠠᠳᠬᠤᠭ᠋ᠠᠳ ᠭᠦᠶᠦᠵᠤ ᠶᠠᠪᠤᠭᠠ ᠡᠵᠡᠨ ᠸᠠᠩᠢ ᠵᠢᠷᠤᠭᠰᠠᠨ ᠪᠠᠢ᠌ᠳᠠᠭ᠃ ᠠᠨ ᠰᠢ ᠸᠠᠩᠲᠦ ᠲᠦᠷᠥ ᠵᠢᠨ ᠵᠤᠭᠤᠰᠤᠨᠤ ᠨᠢᠭᠤᠷ ᠲᠠᠯᠠ ᠳᠡᠭᠡᠷᠡ ᠤᠯᠤᠰᠤᠨ ᠸᠠᠩᠢ ᠬᠠᠵᠠᠭᠤᠠᠴᠠᠨᠢ ᠬᠠᠷᠠᠭᠰᠠᠨ ᠵᠢᠷᠤᠭᠢ ᠤᠷᠠᠯᠠᠨ ᠭᠠᠷᠭ᠋ᠠᠭᠰᠠᠨ ᠪᠣᠯ᠂ ᠲᠡᠭᠦᠨᠤ ᠠᠷᠤ ᠲᠠᠯᠠ ᠳᠤᠨᠢ ᠤᠯᠤᠰᠤᠨ ᠸᠠᠩ ᠨᠢᠭᠡᠨ ᠤᠨᠴᠠᠭ᠋ᠠᠢ ᠬᠠᠳᠠᠨ ᠳᠡᠭᠡᠷᠡ ᠰᠠᠭᠤᠵᠤ᠂ ᠭᠠᠷ ᠲᠤᠪᠠᠨ ᠸᠠᠩᠤᠨ ᠡᠷᠬᠡ ᠮᠡᠳᠡᠯᠢ ᠪᠡᠯᠭᠡᠳᠡᠭᠰᠡᠨ ᠨᠤᠮᠤ ᠠᠳᠬᠤᠵᠤ᠂ ᠸᠠᠩᠤᠨ ᠡᠷᠬᠡ ᠮᠡᠳᠡᠯᠢ ᠰᠤᠷᠲᠠᠯᠴᠢᠯᠠᠭᠰᠠᠨ ᠦᠵᠡᠯᠲᠡᠪᠠᠨ ᠢᠯᠡᠳᠭᠡᠵᠠᠢ᠃ ᠬᠠᠷᠢᠨ ᠳᠡᠭᠡᠬᠦᠳᠤ ᠡᠸᠯᠢᠮᠸᠢ ᠪᠤᠯᠤᠨ ᠫᠷᠢᠰ ᠸᠠᠩᠲᠦ ᠲᠦᠷᠥᠨᠢ ᠠᠨ ᠰᠢ ᠸᠠᠩᠲᠦ ᠲᠦᠷᠥ ᠵᠢᠨ ᠬᠠᠷᠢᠶᠠ ᠤᠯᠤᠰ ᠪᠤᠯᠤᠭ᠋ᠠᠳ ᠪᠠᠢ᠌ᠭᠰᠠᠨ ᠴᠤ᠌᠂ ᠮᠦᠨ ᠦᠪᠡᠷᠤᠨ ᠤᠯᠤᠰᠤᠨ ᠵᠤᠭᠤᠰ ᠵᠶ᠋ᠠᠨ ᠲᠠᠷᠬᠠᠭ᠋ᠠᠵᠤ ᠪᠠᠢ᠌ᠵᠠᠢ᠃ ᠡᠳᠡᠭᠡᠷ ᠵᠤᠭᠤᠰᠤᠨᠠᠴᠠ ᠪᠢᠳᠠᠨ ᠲᠤᠬᠠᠢ ᠵᠢᠨ ᠦᠶᠡᠰ ᠡᠷᠲᠡᠨᠤ ᠲᠤᠷᠭ᠋ᠠᠨᠤ ᠵᠠᠮ ᠳᠠᠭ᠋ᠠᠤᠳᠤᠬᠢ ᠡᠷᠲᠡᠨᠤ ᠤᠯᠤᠰ ᠭ᠋ᠷᠸᠭᠤᠨ ᠰᠤᠶᠤᠯᠤᠨ ᠨᠦᠯᠦᠭᠡ ᠵᠢ ᠤᠯᠠᠨ ᠲᠠᠯᠠᠪᠠᠷ ᠬᠦᠯᠢᠶᠡᠨ ᠠᠪᠴᠤ ᠪᠠᠢ᠌ᠭᠰᠠᠨᠢ ᠬᠠᠷᠠᠭᠤᠯᠤᠨᠠ᠃ ᠡᠳᠡᠭᠡᠷ ᠵᠤᠭᠤᠰᠤᠨ ᠲᠠᠨᠢᠯᠴᠠᠭᠤᠯᠭᠠ ᠲᠤᠳᠤᠷᠠ᠂ ᠮᠠᠰᠢ ᠬᠤᠪᠤᠷ ᠵᠤᠭᠤᠰ ᠪᠣᠯᠬᠤ ᠴᠢᠩᠬᠢᠰ ᠬᠠᠭ᠋ᠠᠨᠤ ᠠᠯᠲᠠᠨ ᠵᠤᠭᠤᠰᠨᠢ ᠮᠦᠽᠸᠢᠳᠤ ᠢᠷᠡᠭᠰᠡᠨ ᠬᠦᠮᠦᠰᠤᠨ ᠠᠩᠬᠠᠷᠤᠯ ᠢ ᠲᠠᠲᠠᠵᠤ ᠪᠠᠢ᠌ᠪᠠ᠃
ᠱᠠᠩᠬᠠᠢ ᠵᠢᠨ ᠮᠦᠽᠸᠢᠠᠴᠠ ᠦᠵᠡᠭᠰᠡᠨ᠂ ᠬᠠᠷᠠᠭᠰᠠᠨ᠂ ᠲᠠᠨᠢᠭᠰᠠᠨ ᠵᠦᠢ᠍ᠯ ᠮᠠᠨᠢ ᠲᠤᠢ᠌ᠯᠤᠨ ᠠᠷᠪᠢᠨ ᠪᠠᠢ᠌ᠵᠤ᠂ ᠨᠢᠭᠡᠨ ᠪᠦᠰᠡ ᠨᠤᠲᠤᠭᠲᠤ ᠬᠦᠭᠵᠢᠯᠲᠡ ᠵᠢᠨ ᠵᠢᠭᠦᠷ ᠤᠷᠭᠤᠬᠤᠳᠤ ᠬᠦᠷᠪᠡᠯ ᠲᠡᠷᠡᠨᠢ ᠬᠦᠮᠦᠰᠤᠨ ᠰᠠᠨᠠᠭ᠋ᠠᠨᠠᠴᠠ ᠭᠠᠳᠠᠭᠤᠷ ᠬᠡᠴᠢᠨᠡᠬᠡᠨ ᠲᠠᠬᠢᠨ ᠵᠶ᠋ᠠᠷ ᠬᠦᠭᠵᠢᠨ ᠪᠤᠵᠠᠭ᠋ᠠᠢ᠌ᠷᠠᠵᠤ ᠪᠣᠯᠳᠠᠭᠢ ᠦᠵᠡᠭᠦᠯᠦᠨᠡ᠃ ᠱᠠᠩᠬᠠᠢ—— ᠰᠢᠨᠡ ᠳᠤᠮᠳᠠᠳᠤ ᠤᠯᠤᠰᠤᠨ ᠬᠠᠮᠤᠭᠤᠨ ᠶᠡᠬᠡ ᠬᠤᠲᠠ᠂ ᠳᠡᠯᠡᠬᠡᠢ ᠵᠢᠨ ᠠᠯᠳᠠᠷᠲᠤ ᠭᠠᠷᠠᠮ᠂ ᠳᠤᠷᠤᠨᠠᠳᠠᠬᠢᠨᠤ ᠠᠵᠤ ᠠᠬᠤᠢ ᠵᠢᠨ ᠬᠦᠭᠵᠢᠯᠲᠡ ᠵᠢᠨ ᠬᠤᠷᠳᠤᠴᠠ ᠵᠢ ᠦᠵᠡᠭᠦᠯᠦᠭᠰᠡᠨ ᠭᠡᠷᠡᠯᠲᠦ ᠴᠠᠮᠬᠠᠭ᠃ ᠬᠦᠬᠡ ᠮᠦᠷᠡᠨᠤ ᠵᠡᠭᠦᠨ ᠳᠠᠯᠠᠢᠳᠤ ᠴᠢᠳᠬᠤᠯᠠᠨ ᠤᠷᠤᠬᠤ ᠵᠠᠩᠭᠢᠯᠭᠠ ᠵᠢᠨ ᠭᠠᠵᠠᠷ ᠳᠡᠭᠡᠷᠡ ᠪᠠᠢ᠌ᠷᠢᠯᠠᠭᠰᠠᠨ ᠡᠨᠡ ᠬᠤᠲᠠ ᠡᠷᠲᠡᠨᠤ ᠦᠶᠡᠳᠤᠪᠠᠨ ᠨᠠᠭᠤᠷ ᠭᠣᠣᠯᠤᠳ ᠰᠣᠯᠪᠢᠴᠠᠨ᠂ ᠤᠰᠤᠨ ᠤᠷᠤᠨᠤ ᠠᠮᠢᠰᠬᠤᠯ ᠪᠢᠯᠬᠠᠷᠠᠭᠰᠠᠨ ᠭᠠᠵᠠᠷ ᠪᠠᠢ᠌ᠵᠠᠢ᠃ ᠳᠤᠭᠰᠢᠨ ᠤᠷᠤᠰᠬᠠᠯᠲᠤ ᠦᠷᠭᠡᠨ ᠮᠦᠷᠡᠨ ᠲᠠᠢ᠌ᠬᠡᠦ ᠨᠠᠭᠤᠷᠠᠴᠠ ᠵᠡᠭᠦᠨ ᠵᠦᠭᠢ ᠪᠠᠷᠢᠨ ᠤᠷᠤᠰᠤᠭ᠋ᠠᠳ ᠶᠡᠬᠡ ᠳᠠᠯᠠᠢᠳᠤ ᠴᠢᠳᠬᠤᠯᠠᠨ ᠤᠷᠤᠳᠠᠭ᠂ ᠲᠡᠷᠡ ᠪᠣᠯ ᠦᠨᠦᠳᠦᠷᠤᠨ ᠦ᠋ ᠰᠦᠩ ᠵᠢᠶᠠᠩ ᠮᠦᠷᠡᠨ ᠪᠤᠯᠤᠨᠠ᠃ ᠡᠨᠡ ᠬᠦ᠌ ᠲᠤᠭᠰᠢᠨ ᠤᠷᠤᠰᠬᠠᠯᠲᠤ ᠮᠦᠷᠡᠨᠤ ᠠᠶᠠᠯᠠᠨ ᠵᠤᠷᠴᠢᠬᠤ ᠵᠦᠭᠡᠭᠡᠪᠦᠷᠢ ᠵᠢᠨ ᠤᠩᠭᠤᠴᠠᠨᠳᠤ ᠰᠦᠷᠳᠡᠭᠦᠯᠦᠯ ᠪᠤᠯᠤᠭᠰᠠᠨ ᠳᠤᠭᠰᠢᠨ ᠤᠷᠤᠰᠬᠠᠯᠤᠨ ᠭᠦᠴᠦ ᠵᠢᠨᠢ ᠪᠠᠭᠤᠷᠠᠭᠤᠯᠬᠤ ᠵᠢᠨ ᠲᠦᠯᠦᠭᠡ᠂ ᠤᠮᠠᠷᠠᠲᠤ ᠰᠦᠩ ᠤᠯᠤᠰᠤᠨ ᠦᠶᠡᠰ᠂ ᠦ᠋ ᠰᠦᠩ ᠵᠢᠶᠠᠩ ᠮᠦᠷᠡᠨ ᠪᠤᠯᠤᠨ ᠲᠠᠢ᠌ᠬᠡᠦ ᠨᠠᠭᠤᠷᠤᠨ ᠠᠭᠤᠯᠵᠠᠪᠤᠷᠢ ᠳᠤ ᠪᠠᠲᠤ ᠪᠡᠬᠢ ᠬᠠᠰᠢᠯᠭᠠ ᠭᠠᠷᠭ᠋ᠠᠵᠠᠢ᠃ ᠡᠭᠦᠨᠠᠴᠠ ᠪᠤᠯᠤᠭ᠋ᠠᠳ᠂ ᠦ᠋ ᠰᠦᠩ ᠵᠢᠶᠠᠩ ᠮᠦᠷᠡᠨᠤ ᠤᠷᠤᠰᠬᠠᠯ ᠢᠯᠡᠳᠲᠡ ᠨᠤᠮᠤᠬᠠᠷᠠᠵᠤ᠂ ᠳᠤᠤᠷᠠᠳᠦ ᠤᠷᠤᠰᠬᠠᠯᠤᠨ ᠤᠰᠤᠨᠤ ᠭᠦᠴᠦᠨ ᠢᠯᠡᠷᠬᠡᠢ ᠪᠠᠭᠤᠷᠠᠵᠠᠢ᠃ ᠳᠤᠤᠷᠠᠳᠦ ᠤᠷᠤᠰᠬᠠᠯᠨᠢ ᠳᠠᠯᠠᠢ ᠵᠢᠨ ᠲᠦᠯᠬᠢᠯᠲᠡᠠᠴᠠ ᠪᠤᠯᠤᠭ᠋ᠠᠳ᠂ ᠶᠡᠬᠡ ᠬᠡᠪᠴᠢᠶᠡᠨᠤ ᠨᠠᠮᠤᠭ ᠰᠢᠷᠤᠢ ᠵᠢ ᠵᠠᠯᠭᠢᠨ ᠤᠷᠤᠭᠤᠯᠤᠭ᠋ᠠᠳ᠂ ᠭᠣᠣᠯᠤᠨ ᠲᠠᠩᠤᠨ ᠰᠢᠪᠡᠷ ᠰᠢᠷᠤᠢ ᠡᠳᠦᠷᠠᠴᠠ ᠡᠳᠦᠷ ᠨᠡᠮᠡᠭᠳᠡᠭᠰᠡᠭᠡᠷ ᠢᠷᠡᠵᠠᠢ᠃ ᠦ᠋ ᠰᠦᠩ ᠵᠢᠶᠠᠩ ᠮᠦᠷᠡᠨᠤ ᠭᠤᠯᠲᠤᠷᠢᠯᠤᠨ ᠬᠤᠪᠢᠷᠠᠯᠲᠠ ᠵᠢᠴᠢ ᠡᠨᠡ ᠭᠠᠵᠠᠷᠤᠨ ᠳᠠᠯᠠᠢ ᠵᠢᠨ ᠡᠷᠭᠢ ᠵᠢᠨ ᠡᠬᠡ ᠬᠠᠭᠤᠷᠠᠢ ᠵᠢᠨ ᠠᠭ᠋ᠠᠵᠢᠮ ᠵᠶ᠋ᠠᠷ ᠭᠠᠳᠠᠭᠰᠢ ᠦᠷᠭᠡᠵᠢᠬᠦ ᠵᠢ ᠳᠠᠭ᠋ᠠᠯᠳᠤᠵᠤ᠂ ᠤᠤᠯᠤᠨ ᠳᠠᠯᠠᠢ ᠵᠢᠨ ᠭᠠᠷᠠᠮᠤᠨ ᠡᠭᠦᠷᠭᠡ ᠵᠢ ᠭᠦᠢ᠍ᠴᠡᠳᠭᠡᠵᠤ ᠪᠠᠢ᠌ᠭᠰᠠᠨ ᠴᠢᠩ ᠯᠦᠩ ᠪᠠᠯᠭ᠋ᠠᠰᠤ ᠠᠭ᠋ᠠᠵᠢᠮ ᠵᠶ᠋ᠠᠷ ᠲᠤᠳᠤᠭ᠋ᠠᠳᠤ ᠭᠠᠷᠠᠮ ᠪᠤᠯᠤᠨ ᠬᠤᠪᠢᠷᠠᠵᠤ᠂ ᠳᠠᠯᠠᠢ ᠵᠢᠨ ᠡᠷᠭᠢᠠᠴᠠ ᠤᠯᠠᠮ ᠵᠶ᠋ᠠᠷ ᠵᠠᠢ᠌ᠳᠠᠵᠠᠢ᠃ ᠡᠭᠦᠨᠠᠴᠠ ᠪᠤᠯᠤᠭ᠋ᠠᠳ᠂ ᠵᠦᠭᠡᠭᠡᠪᠦᠷᠢ ᠵᠢᠨ ᠤᠩᠭᠤᠴᠠ ᠦ᠋ ᠰᠦᠩ ᠵᠢᠶᠠᠩ ᠮᠦᠷᠡᠨ ᠵᠶ᠋ᠠᠷ ᠶᠠᠪᠤᠵᠤ ᠴᠢᠩ ᠯᠦᠩ ᠪᠠᠯᠭ᠋ᠠᠰᠤᠪᠠᠷ ᠳᠠᠮᠵᠢᠨ ᠲᠤᠳᠤᠷᠠ ᠤᠷᠤᠨᠳᠤ ᠤᠷᠤᠬᠤ ᠪᠢᠰᠢ᠂ ᠬᠠᠷᠢᠨ ᠦ᠋ ᠰᠦᠩ ᠵᠢᠶᠠᠩ ᠮᠦᠷᠡᠨᠤ ᠡᠮᠦᠨᠡ ᠡᠷᠭᠢ ᠵᠢᠨ ᠳᠠᠯᠠᠢᠲᠠᠢ ᠤᠢ᠌ᠷᠠᠬᠠᠨ ᠪᠠᠢ᠌ᠭᠠ ᠲᠡᠭᠦᠨᠤ ᠰᠠᠯᠪᠤᠷᠢ ᠤᠷᠤᠰᠬᠠᠯ ᠪᠣᠯᠬᠤ 《ᠱᠠᠩᠬᠠᠢ ᠵᠢᠨ ᠴᠢᠳᠬᠤᠯᠠᠩ》 ᠵᠶ᠋ᠠᠷ ᠳᠠᠮᠵᠢᠭ᠋ᠠᠳ ᠬᠦᠷᠬᠦ ᠭᠡᠰᠡᠨ ᠭᠠᠵᠠᠷ ᠵᠶ᠋ᠠᠨ ᠵᠤᠷᠢᠬᠤ ᠪᠤᠯᠵᠠᠢ᠃ ᠱᠠᠩᠬᠠᠢ ᠵᠢᠨ ᠴᠢᠳᠬᠤᠯᠠᠩ ᠵᠶ᠋ᠠᠷ ᠤᠷᠤᠵᠤ ᠢᠷᠡᠭᠰᠡᠨ ᠤᠩᠭᠤᠴᠠ ᠦᠨᠦ ᠵᠢᠨ ᠱ᠌ᠢ ᠯᠢᠦ ᠫᠦ᠋ ᠭᠡᠬᠦ ᠭᠠᠵᠠᠷᠤᠨ ᠤᠷᠴᠢᠨᠤ ᠮᠦᠷᠡᠨᠤ ᠬᠠᠪᠢᠪᠠᠷ ᠵᠤᠭᠰᠤᠭ᠋ᠠᠯ ᠵᠶ᠋ᠠᠨ ᠪᠤᠯᠭ᠋ᠠᠵᠤ᠂ ᠵᠠᠩᠭᠤᠤ ᠲᠡᠮᠦᠷ ᠵᠶ᠋ᠡᠨ ᠮᠦᠷᠡᠨᠳᠤ ᠤᠷᠬᠢᠳᠠᠭ ᠪᠠᠢ᠌ᠵᠠᠢ᠃ ᠤᠩᠭᠤᠴᠠ ᠠᠷᠪᠢᠲᠠᠬᠤ ᠵᠢ ᠳᠠᠭ᠋ᠠᠯᠳᠤᠨ ᠠᠷᠢᠯᠵᠢᠶᠠ ᠬᠤᠳᠠᠯᠳᠤᠭᠠ ᠬᠦᠭᠵᠢᠶᠡᠨᠲᠡᠢ ᠪᠤᠯᠤᠭ᠋ᠠᠳ᠂ ᠡᠨᠡ ᠭᠡᠰᠡᠭ ᠭᠠᠵᠠᠷ ᠳᠡᠭᠡᠷᠡ ᠬᠤᠲᠠ ᠪᠠᠯᠭ᠋ᠠᠰᠣ ᠵᠢᠨ ᠬᠡᠯᠪᠡᠷᠢ ᠲᠦᠷᠬᠦ ᠪᠤᠢ ᠪᠣᠯᠪᠠ᠃ ᠡᠮᠦᠨᠡᠲᠦ ᠰᠦᠩ ᠤᠯᠤᠰᠤᠨ ᠰᠡᠭᠦᠯᠴᠢᠪᠠᠷ ᠡᠨᠡ ᠬᠦ᠌ ᠰᠢᠨᠡᠬᠡᠨ ᠪᠤᠢ ᠪᠤᠯᠤᠭᠰᠠᠨ ᠬᠤᠲᠠ ᠪᠠᠯᠭ᠋ᠠᠰᠤ ᠵᠢ ᠵᠢᠩᠬᠢᠨᠢᠪᠠᠷ 《ᠱᠠᠩᠬᠠᠢ ᠪᠠᠯᠭ᠋ᠠᠰᠤ》 ᠭᠡᠵᠤ ᠨᠡᠷᠡᠯᠡᠵᠠᠢ᠃ ᠶᠤᠸᠠᠨ ᠤᠯᠤᠰᠤᠨ ᡁᠢ ᠶᠤᠸᠠᠨᠤ ᠬᠤᠷᠢ ᠶᠢᠰᠦᠨ ᠤᠨ （1292）ᠳᠤ ᠬᠤᠸᠠ ᠲᠢᠩ ᠰᠢᠶᠡᠨᠤ ᠭᠠᠵᠠᠷ ᠠᠭᠤᠵᠢᠮ᠂ ᠬᠦᠮᠦᠨ ᠠᠮᠠ ᠨᠡᠮᠡᠭᠳᠡᠯᠲᠠᠢ ᠪᠤᠯᠤᠭᠰᠠᠨᠢ ᠬᠠᠮᠢᠶᠠᠷᠠᠬᠤᠳᠤ ᠳᠦᠭᠦᠮ ᠵᠶ᠋ᠡᠨ ᠪᠤᠳᠤᠯᠬᠢᠯᠠᠵᠤ᠂ ᠴᠠᠩ ᠷᠧᠨ᠂ ᠪᠧᠢ ᠲᠢᠩ᠂ ᠬᠠᠢ ᠢᠦᠢ᠂ ᠰᠢᠨ ᠵᠢᠶᠠᠩ ᠵᠡᠷᠭᠡ ᠲᠠᠪᠤᠨ ᠰᠢᠶᠠᠩᠢ ᠲᠠᠰᠤᠯᠤᠨ ᠠᠪᠤᠭ᠋ᠠᠳ ᠰᠢᠨᠡᠪᠠᠷ ᠨᠢᠭᠡᠨ ᠰᠢᠶᠡᠨᠢ ᠪᠠᠢ᠌ᠭᠤᠯᠵᠤ᠂ 《ᠱᠠᠩᠬᠠᠢ ᠪᠠᠯᠭ᠋ᠠᠰᠤ》 ᠵᠢᠨ ᠪᠠᠢ᠌ᠭᠠ ᠭᠠᠵᠠᠷᠲᠤ 《ᠱᠠᠩᠬᠠᠢ ᠰᠢᠶᠡᠨ》ᠢ ᠪᠠᠢ᠌ᠭᠤᠯᠵᠠᠢ᠃ ᠨᠠᠷᠠ ᠰᠠᠷᠠ ᠡᠭᠡᠯᠵᠢᠯᠡᠨ ᠰᠤᠯᠢᠪᠴᠢᠵᠤ᠂ ᠤᠨ ᠵᠢᠯ ᠡᠷᠭᠢᠨ ᠤᠷᠴᠢᠭᠰᠠᠭ᠋ᠠᠭᠷ ᠪᠠᠢ᠌ᠭ᠋ᠠᠳ ᠤᠷᠴᠢᠨ ᠦᠶᠡ ᠪᠣᠯᠬᠤᠳᠤ᠂ ᠱᠠᠩᠬᠠᠢ ᠭᠠᠵᠠᠷᠤᠨ ᠡᠷᠭᠢᠨ ᠲᠤᠭᠤᠷᠢᠨ ᠡᠳᠦᠷ ᠢᠷᠡᠬᠦᠶᠡ ᠰᠢᠨᠡᠴᠢᠯᠡᠭᠳᠡᠨ ᠦᠭᠡᠷᠡᠴᠢᠯᠡᠭᠳᠡᠭᠡᠳ ᠬᠤᠲᠠ ᠵᠢᠨ ᠲᠤᠭᠤᠷᠢᠭᠤᠳᠨᠢ ᠴᠤ᠌ ᠤᠯᠠᠮ ᠵᠶ᠋ᠠᠷ ᠬᠡᠪᠴᠢᠶᠡᠵᠢᠵᠠᠢ᠃1927 ᠤᠨᠳᠤ᠂ ᠱᠠᠩᠬᠠᠢ ᠵᠢ ᠵᠢᠩᠬᠢᠨᠢᠪᠠᠷ ᠬᠤᠲᠠ ᠪᠣᠯᠭ᠋ᠠᠵᠤ᠂ ᠱᠠᠩᠬᠠᠢ ᠰᠢᠶᠠᠨᠤ ᠨᠡᠷᠡ ᠵᠢ ᠠᠪᠤᠭ᠋ᠠᠳ 《ᠱᠠᠩᠬᠠᠢ ᠬᠤᠲᠠ》 ᠭᠡᠵᠤ ᠨᠡᠷᠡᠯᠡᠵᠠᠢ᠃
ᠱᠠᠩᠬᠠᠢ ᠬᠤᠲᠠ 2400 ᠭᠠᠷᠤᠢ ᠲᠦᠮᠡᠨ ᠬᠦᠮᠦᠨ ᠠᠮᠠᠲᠠᠢ ᠪᠠᠢ᠌ᠵᠤ᠂ ᠦᠷᠭᠦᠯᠵᠢ ᠰᠠᠭᠤᠳᠠᠭ ᠬᠦᠮᠦᠨ ᠠᠮᠠᠨᠢ ᠴᠤ᠌1400 ᠭᠠᠷᠤᠢ ᠲᠦᠮᠡᠳᠤ ᠬᠦᠷᠦᠭᠡᠳ ᠤᠯᠤᠰᠤᠨ ᠲᠤᠳᠤᠭ᠋ᠠᠳᠤ ᠳᠤ ᠬᠦᠮᠦᠨ ᠠᠮᠠᠪᠠᠷ ᠴᠦᠩᠴᠢᠩ ᠬᠤᠲᠠ ᠵᠢ ᠭᠠᠷᠭ᠋ᠠᠪᠠᠯ ᠬᠤᠶᠠᠳᠤᠭ᠋ᠠᠷᠲᠤ ᠵᠢᠭᠰᠭ᠋ᠠᠭᠳᠠᠬᠤ ᠲᠤᠮᠤ ᠬᠤᠲᠠ ᠪᠣᠯᠵᠠᠢ᠃ ᠱᠠᠩᠬᠠᠢ ᠬᠤᠲᠠ ᠠᠷᠪᠠᠨ ᠵᠢᠷᠭᠤᠭ᠋ᠠᠨ ᠲᠤᠭᠤᠷᠢᠭᠲᠠᠢ᠂ ᠪᠢᠳ᠋ᠨ ᠱᠠᠩᠬᠠᠢᠳᠤ ᠬᠤᠶᠠᠷ ᠬᠤᠨᠤᠭᠰᠠᠨ ᠬᠤᠭᠤᠴᠠᠭ᠋ᠠᠨ ᠲᠤᠳᠤᠷᠠ ᠫᠦᠳᠦᠩ ᠰᠢᠨᠡ ᠲᠤᠭᠤᠷᠢᠭ ᠵᠶ᠋ᠠᠷ ᠪᠠᠢ᠌ᠭᠰᠠᠭ᠋ᠠᠷ ᠢᠷᠡᠭᠰᠡᠨᠨᠢ᠂ ᠴᠤᠬᠤᠮ ᠬᠦ᠌ ᠶᠡᠬᠡ ᠳᠠᠯᠠᠢ ᠵᠢ ᠰᠢᠨᠠᠭᠠᠪᠠᠷ ᠤᠳᠬᠤᠵᠤ ᠦᠵᠡᠭᠰᠡᠨ ᠠᠳᠠᠯᠢ᠂ ᠶᠡᠬᠡ ᠬᠤᠲᠠ ᠵᠢᠨ ᠨᠢᠭᠡ ᠦᠨᠴᠦᠭᠢ ᠯᠠ ᠬᠠᠯᠲᠤᠬᠠᠨ ᠬᠠᠷᠠᠭ᠋ᠠᠳ ᠦᠩᠭᠡᠷᠡᠭᠡᠭᠰᠡᠨ ᠤᠴᠢᠷ ᠪᠣᠯᠵᠠᠢ᠃ ᠮᠠᠨᠤ ᠰᠡᠭᠦᠳᠡᠷᠯᠡᠬᠦ ᠳᠤᠭᠤᠢ᠌ᠯᠠᠩ ᠰᠦᠵᠸᠦᠳᠤ ᠶᠠᠪᠤᠬᠤ ᠠᠴᠠ ᠡᠮᠦᠨᠡ ᠤᠷᠤᠢ ᠬᠤᠸᠠᠩ ᠫᠦ᠋ ᠵᠢᠶᠠᠩ ᠮᠦᠷᠡᠨᠤ ᠳᠤᠤᠭᠤᠷᠬᠢ ᠵᠠᠮ ᠵᠶ᠋ᠠᠷ ᠭᠣᠣᠯᠤᠨ ᠪᠠᠷᠠᠭᠤᠨ ᠡᠷᠭᠢᠳᠤ ᠭᠠᠷᠴᠤ᠂ ᠳᠤᠷᠤᠨᠠ ᠵᠢᠨ ᠭᠡᠷᠡᠯᠲᠦ ᠰᠤᠪᠤᠳ ᠲᠸᠯᠸᠢᠰ ᠳᠠᠮᠵᠢᠭᠤᠯᠭᠠ ᠵᠢᠨ ᠲᠤᠮᠤ ᠠᠰᠠᠷᠤᠨ ᠳᠤᠮᠳᠠ ᠴᠡᠭ ᠳᠡᠭᠡᠷᠡᠠᠴᠠ ᠱᠠᠩᠬᠠᠢ ᠵᠢᠨ ᠦᠵᠡᠮᠵᠢ ᠲᠦᠷᠬᠦ ᠵᠢ ᠰᠡᠭᠦᠳᠡᠷᠯᠡᠵᠤ᠂ ᠱᠠᠩᠬᠠᠢ ᠵᠢᠨ ᠳᠡᠯᠡᠬᠡᠢ ᠵᠢᠨ ᠮᠦᠩᠭᠦᠨ ᠬᠦᠢ᠍ᠯᠭᠡᠭᠡᠨᠤ ᠲᠦᠪᠤᠨ ᠲᠤᠮᠤ ᠠᠰᠠᠷᠤᠨ ᠦᠯᠮᠡᠢ ᠳᠤᠤᠷᠠᠠᠴᠠ ᠡᠭᠦᠯᠡᠨ ᠳᠤ ᠰᠢᠷᠭᠤᠭᠰᠠᠨ ᠠᠰᠠᠷᠤᠨ ᠣᠷᠤᠢ ᠵᠢ ᠦᠩᠭᠡᠢ᠌ᠨ ᠬᠠᠷᠠᠭ᠋ᠠᠳ᠂ ᠲᠡᠯᠡᠬᠡᠢᠳᠤ ᠦᠨᠳᠦᠷ ᠵᠶ᠋ᠡᠷ ᠵᠶ᠋ᠡᠨ ᠦᠵᠦᠭᠦᠷᠯᠡᠭᠰᠡᠨ ᠡᠨᠡ ᠠᠰᠠᠷᠢ ᠪᠠᠢ᠌ᠭᠤᠯᠵᠤ ᠪᠦᠲᠦᠭᠡᠭᠰᠡᠨ ᠶᠠᠪᠤᠴᠠ᠂ ᠵᠢᠷᠤᠭ ᠳᠦᠰᠦᠪᠤᠨ ᠤᠷᠠᠨ ᠨᠠᠷᠢᠨᠢ ᠭᠠᠢ᠌ᠬᠠᠯᠴᠠᠵᠤ᠂ ᠦᠨᠦ ᠴᠠᠭᠤᠨ ᠤᠳᠤᠬᠢᠴᠢᠯᠠᠭᠰᠠᠨ ᠠᠰᠠᠷ ᠪᠠᠷᠢᠯᠭᠠ ᠪᠤᠰᠬᠠᠬᠤ ᠮᠡᠷᠭᠡᠵᠢᠯ ᠬᠡᠴᠢᠨᠡᠬᠡᠨ ᠶᠡᠬᠡ ᠳᠠᠪᠰᠢᠯᠲᠠᠲᠠᠢ ᠪᠠᠢ᠌ᠬᠤ ᠵᠢ ᠨᠢᠳᠦᠪᠠᠷ ᠵᠶ᠋ᠡᠨ ᠦᠵᠡᠭᠡᠳ᠂ ᠤᠯᠠᠨᠢ ᠪᠤᠳᠤᠭᠰᠠᠭ᠋ᠠᠷ ᠪᠠᠭᠤᠳᠠᠯ ᠳᠤᠪᠠᠨ ᠪᠤᠴᠠᠵᠤ ᠢᠷᠡᠭᠰᠡᠨ ᠪᠢᠯᠡ᠃ ᠵᠠᠮ ᠳᠤᠪᠠᠨ ᠲᠦᠩᠯᠢᠶᠤᠤ ᠬᠤᠲᠠ ᠵᠢᠨ ᠬᠤᠷᠴᠢᠨ ᠵᠡᠭᠦᠨ ᠭᠠᠷᠤᠨ ᠬᠤᠢ᠌ᠳᠤ ᠬᠤᠰᠢᠭᠤᠨᠤ ᠮᠠᠯᠴᠢᠳ ᠵᠶ᠋ᠠᠷ ᠪᠦᠷᠢᠯᠳᠦᠭᠰᠡᠨ ᠠᠶᠠᠯᠠᠯ ᠵᠢᠭᠤᠯᠴᠢᠯᠠᠯ ᠬᠢᠵᠤ ᠶᠠᠪᠤᠭᠠ ᠬᠦᠮᠦᠰᠲᠠᠢ ᠬᠤᠸᠠᠩ ᠫᠦ᠋ ᠵᠢᠶᠠᠩ ᠮᠦᠷᠡᠨᠤ ᠵᠡᠭᠦᠨ ᠡᠷᠭᠢ ᠳᠡᠭᠡᠷᠡ ᠠᠭᠤᠯᠵᠠᠭᠰᠠᠨ ᠮᠠᠨᠢ ᠲᠦᠭᠡᠷᠢᠭᠰᠡᠨ ᠭᠠᠵᠠᠷᠲᠤ ᠲᠦᠷᠥᠯ ᠵᠶ᠋ᠡᠨ ᠤᠯᠤᠭᠰᠠᠨ ᠠᠳᠠᠯᠢ ᠪᠠᠶᠠᠷᠲᠠᠢ ᠤᠴᠢᠷ ᠪᠣᠯᠪᠠ᠃ ᠲᠡᠳᠡᠨ ᠬᠠᠪᠤᠷᠤᠨ ᠲᠠᠷᠢᠯᠭᠠ ᠵᠢᠨ ᠶᠠᠭ᠋ᠠᠷᠠᠣ ᠦᠶᠡᠪᠠᠨ ᠦᠩᠭᠡᠷᠡᠭᠦᠯᠦᠭᠡᠳ᠂ ᠡᠮᠦᠨᠡ ᠤᠷᠤᠨᠤ ᠬᠦᠭᠵᠢᠭᠰᠡᠨ ᠭᠠᠵᠠᠷ ᠵᠶ᠋ᠠᠷ ᠲᠤᠭᠤᠷᠢᠨ ᠦᠵᠡᠵᠤ᠂ ᠬᠠᠷᠢᠭᠰᠠᠨᠤ ᠬᠤᠢ᠌ᠨᠠ ᠦᠵᠡᠭᠰᠡᠨ ᠬᠠᠷᠠᠭᠰᠠᠨ ᠵᠶ᠋ᠠᠨ ᠮᠠᠯ ᠲᠠᠷᠢᠶᠠᠯᠠᠩᠤᠨ ᠦᠢ᠍ᠯᠡᠰ ᠳᠡᠭᠡᠷᠡᠪᠠᠨ ᠰᠢᠩᠭᠡᠭᠡᠵᠤ᠂ ᠠᠵᠤ ᠠᠬᠤᠢ ᠵᠢᠨ ᠡᠵᠡᠩᠨᠡᠯᠲᠡ ᠵᠢᠨ ᠠᠷᠭᠠᠪᠠᠨ ᠬᠤᠪᠢᠷᠠᠭᠤᠯᠬᠤ ᠶᠤᠮ ᠭᠡᠨᠡ᠃ ᠡᠳᠡᠨᠠᠴᠠ ᠰᠠᠯᠤᠭ᠋ᠠᠳ ᠪᠢᠳᠠᠨ ᠤᠯᠠᠨ ᠬᠦᠮᠦᠰᠤᠨ ᠤᠷᠤᠰᠬᠠᠯ ᠳᠤᠮᠳᠠ ᠴᠢᠬᠢᠯᠳᠦᠨ ᠶᠠᠪᠤᠭᠰᠠᠭ᠋ᠠᠷ ᠪᠠᠢ᠌ᠭ᠋ᠠᠳ᠂ ᠬᠠᠮᠲᠤᠪᠠᠷ ᠵᠶ᠋ᠠᠨ ᠭᠠᠷ ᠤᠲᠠᠰᠤᠨᠤ ᠲᠤᠮᠤ ᠳᠡᠯᠭᠡᠭᠦᠷᠲᠤ ᠤᠷᠤᠪᠠᠯ᠂ ᠭᠡᠨᠡᠳᠲᠡ ᠨᠢᠭᠡ ᠬᠦᠮᠦᠨ ᠨᠠᠮᠠ ᠵᠢ ᠠᠷᠤᠠᠴᠠ ᠲᠡᠪᠡᠷᠢᠨ ᠠᠪᠤᠪᠠ᠃ ᠶᠠᠮᠠᠷ ᠬᠦᠮᠦᠨ ᠶᠤᠮ ᠭᠡᠳ ᠡᠷᠭᠢᠨ ᠬᠠᠷᠠᠪᠠᠯ ᠂ ᠬᠠᠷᠢᠨ ᠱᠠᠩᠬᠠᠢ ᠬᠤᠲᠠᠨᠳᠤ ᠠᠵᠢᠯᠯᠠᠳᠠᠭ ᠲᠦᠷᠥᠯᠤᠨ ᠳᠡᠭᠦᠦ᠂ ᠤᠷᠳᠤᠰ ᠬᠤᠲᠠ ᠵᠢᠨ ᠬᠢᠶᠠ ᠪᠠᠭᠰᠢ ᠲᠤᠭᠤᠷᠢᠭᠠᠴᠠ ᠢᠷᠡᠭᠰᠡᠨ ᠠᠪᠠᠭᠠ ᠡᠭᠡᠴᠢ ᠵᠢ ᠮᠠᠨᠢ ᠳᠠᠭ᠋ᠠᠭᠤᠯᠤᠭ᠋ᠠᠳ ᠡᠭᠦᠪᠡᠷ ᠲᠤᠭᠤᠷᠢᠵᠤ ᠪᠠᠢ᠌ᠭᠰᠠᠨᠲᠠᠢ ᠬᠠᠷᠭᠤᠭᠰᠠᠨ ᠪᠠᠢ᠌ᠯᠠ᠃ ᠳᠡᠭᠦᠦ ᠮᠠᠨᠢ ᠬᠡᠳᠦᠨ ᠵᠢᠯᠤᠨ ᠡᠮᠦᠨᠡ ᠠᠪᠠᠬᠠᠢᠪᠠᠨ ᠳᠠᠭ᠋ᠠᠭᠤᠯᠤᠭ᠋ᠠᠳ ᠶᠠᠫᠤᠨᠳᠤ ᠭᠦᠷᠴᠤ ᠬᠡᠳᠦᠨ ᠵᠢᠯ ᠠᠮᠢᠳᠤᠷᠠᠭᠰᠠᠨ᠂ ᠪᠤᠴᠠᠵᠤ ᠢᠷᠡᠭᠡᠳ ᠱᠠᠩᠬᠠᠢᠳᠤᠬᠢ ᠶᠠᠫᠤᠨᠤ ᠠᠵᠤ ᠠᠬᠤᠢ᠌ᠯᠠᠯᠳᠤ ᠠᠵᠢᠯ ᠠᠯᠪᠠᠲᠠᠢ ᠪᠤᠯᠤᠭ᠋ᠠᠳ᠂ ᠲᠡᠨᠳᠡᠪᠠᠨ ᠭᠡᠷ ᠪᠦᠯᠢ ᠪᠠᠢ᠌ᠭᠤᠯᠤᠨ ᠰᠠᠭᠤᠵᠤ ᠪᠠᠢ᠌ᠭᠠ ᠵᠢ ᠪᠢ ᠮᠡᠳᠡᠨᠡ᠃ ᠭᠡᠲᠡᠯᠡ ᠲᠦᠮᠡᠨ ᠬᠦᠮᠦᠨ ᠪᠤᠵᠢᠭᠢᠨᠠᠭᠰᠠᠨ ᠱᠠᠩᠬᠠᠢ ᠬᠤᠳ᠋ᠨᠳᠤ ᠳᠡᠭᠦᠦᠲᠠᠢᠪᠠᠨ ᠠᠭᠤᠯᠵᠠᠴᠢᠬᠠᠨᠠ ᠭᠡᠳᠡᠭ ᠦᠨᠡᠭᠡᠷ ᠰᠠᠨᠠᠭ᠋ᠠᠨᠳᠤ ᠪᠠᠭᠤᠰᠢ ᠦᠭᠡᠢ ᠤᠴᠠᠷᠠᠯ ᠪᠣᠯᠪᠠ᠃ ᠡᠨᠡ ᠤᠴᠢᠷ ᠲᠡᠯᠡᠬᠡᠢ ᠵᠢᠨ ᠪᠦᠮᠪᠦᠷᠴᠡᠭ ᠲᠤᠰᠬᠤᠨ ᠪᠣᠯᠵᠤ᠂ ᠬᠠᠮᠢᠭᠠ ᠴᠤ᠌ ᠬᠦᠷᠴᠤ ᠪᠤᠯᠳᠠᠭ᠂ ᠶᠠᠮᠠᠷ ᠬᠤᠯᠠ ᠵᠢᠨ ᠭᠠᠵᠠᠷᠲᠤ ᠴᠤ᠌ ᠭᠡᠰᠡᠨ ᠠᠭᠤᠯᠵᠠᠵᠤ ᠪᠣᠯᠳᠠᠭ ᠪᠤᠯᠤᠮᠵᠢᠲᠠᠢ ᠪᠤᠯᠤᠭᠰᠠᠨᠢ ᠬᠠᠷᠠᠭᠤᠯᠤᠨᠠ᠃
ᠳᠠᠷᠠᠭᠠ ᠦᠷᠯᠦᠭᠡᠨᠢ ᠪᠢᠳᠠᠨ ᠱᠠᠩᠬᠠᠢ ᠬᠤᠲᠠ ᠵᠢᠨ ᠭᠠᠯᠲᠤ ᠲᠡᠷᠭᠡᠨᠤ ᠦᠷᠲᠡᠭᠡᠨᠠᠴᠠ ᠰᠦᠵᠸᠦᠳᠤ ᠭᠦᠷᠬᠥ ᠬᠤᠷᠳᠤᠨ ᠲᠡᠷᠭᠡᠨᠳᠤ ᠭᠠᠷᠴᠤ᠂ ᠴᠠᠭ ᠬᠢᠷᠢ ᠶᠠᠪᠤᠭ᠋ᠠᠳ ᠰᠦᠵᠸᠥ ᠬᠤᠲᠠᠨᠳᠤ ᠢᠷᠡᠵᠤ᠂ ᠰᠦᠯᠵᠢᠶᠡᠨ ᠳᠡᠭᠡᠷᠡ ᠵᠠᠬᠢᠶᠠᠯᠠᠭᠰᠠᠨ ᠪᠠᠭᠤᠳᠠᠯ ᠵᠶ᠋ᠠᠨ ᠡᠷᠢᠭᠡᠳ ᠢᠷᠡᠪᠡᠯ᠂ ᠲᠡᠷᠡᠨᠢ ᠴᠢᠪ ᠭᠡᠮᠡᠨ ᠰᠦᠵᠸᠦ ᠬᠤᠲᠠ ᠵᠢᠨ ᠤᠤᠯ ᠲᠦᠷᠬᠥ ᠪᠠᠢ᠌ᠳᠠᠯᠢ ᠬᠠᠳᠠᠭ᠋ᠠᠯᠠᠭᠰᠠᠨ ᠬᠠᠭᠤᠴᠢᠨ ᠬᠤᠲᠠ ᠵᠢᠨ ᠳᠤᠮᠳᠠ ᠪᠠᠢ᠌ᠷᠢᠰᠢᠵᠤ ᠪᠠᠢ᠌ᠯᠠ᠃ ᠡᠨᠳᠡ ᠪᠠᠢ᠌ᠭᠰᠠᠨ ᠬᠤᠶᠠᠷ ᠡᠳᠦᠷᠲᠤ ᠪᠢᠳᠠᠨ ᠰᠦᠵᠸᠦ ᠬᠤᠲᠠ ᠵᠢᠨ ᠲᠤᠷᠭᠠ ᠳᠤᠷᠳᠤᠩᠤᠨ ᠮᠦᠽᠸᠢ᠂ ᠲᠤᠷᠭ᠋ᠠᠨᠤ ᠵᠠᠮᠤᠨ ᠮᠦᠽᠸᠢ ᠪᠤᠯᠤᠨ ᠡᠮᠦᠨᠡᠳᠦ ᠤᠷᠤᠨᠤ ᠲᠦᠷᠬᠦ ᠪᠠᠢ᠌ᠳᠠᠯᠢ ᠬᠠᠳᠠᠭ᠋ᠠᠯᠠᠭᠰᠠᠨ ᠴᠡᠴᠡᠷᠯᠢᠭ ᠵᠶ᠋ᠡᠷ ᠭᠦᠷᠴᠤ ᠰᠢᠩᠭᠡᠭᠡᠯᠲᠡ ᠰᠤᠷᠪᠤᠯᠵᠢᠯᠠᠭᠠ ᠬᠢᠪᠡ᠃ ᠰᠦᠵᠸᠦ ᠵᠢᠨ ᠲᠤᠷᠭᠠ ᠳᠤᠷᠳᠤᠩᠤᠨ ᠮᠦᠽᠸᠢ ᠵᠢ ᠦᠵᠡᠭᠡᠳ ᠪᠢᠳᠠᠨ᠂ ᠢᠯᠠᠮᠠ ᠵᠢᠨ ᠮᠤᠳᠤ ᠲᠠᠷᠢᠬᠤ᠂ ᠬᠦᠷᠢ ᠲᠡᠵᠢᠭᠡᠬᠦ᠂ ᠬᠦᠷᠢ ᠵᠢᠨ ᠰᠢᠷᠬᠡᠭᠢ ᠬᠤᠷᠢᠶᠠᠵᠤ ᠠᠪᠬᠤ᠂ ᠬᠦᠷᠢ ᠵᠢᠨ ᠰᠢᠷᠬᠡᠭᠢ ᠨᠡᠬᠡᠨ ᠰᠦᠯᠵᠢᠭᠡᠳ ᠲᠤᠷᠭᠠ ᠳᠤᠷᠳᠤᠩ ᠪᠣᠯᠭ᠋ᠠᠬᠤ ᠵᠡᠷᠭᠡ ᠨᠠᠷᠢᠨ ᠶᠠᠪᠤᠴᠠ ᠵᠢ ᠤᠢ᠌ᠯᠠᠭ᠋ᠠᠪᠠ᠃ ᠳᠤᠮᠳᠠᠳᠤ ᠤᠯᠤᠰᠤᠨ ᠲᠤᠷᠭᠠ ᠳᠤᠷᠳᠤᠩᠤᠨ ᠰᠤᠶᠤᠯᠤᠨ ᠡᠭᠦᠰᠦᠭᠰᠡᠨ ᠴᠠᠭ ᠬᠤᠭᠤᠴᠠᠭᠠ ᠤᠷᠳᠤ ᠤᠳᠠᠭ᠋ᠠᠨ ᠲᠡᠤᠬᠡᠲᠠᠢ᠂ ᠤᠳᠤᠠᠴᠠ 6000 ᠭᠠᠷᠤᠢ ᠵᠢᠯᠤᠨ ᠡᠮᠦᠨᠡ ᠡᠮᠦᠨᠡᠲᠦ ᠤᠷᠤᠨ ᠵᠶ᠋ᠠᠷ ᠢᠯᠠᠮᠠ ᠵᠢᠨ ᠮᠣᠳᠤ ᠲᠠᠷᠢᠵᠤ ᠬᠦᠷᠢ ᠬᠤᠷᠤᠬᠠᠢ ᠲᠡᠵᠢᠭᠡᠨ᠂ ᠪᠦᠭᠡᠯᠵᠢᠵᠤ ᠭᠠᠷᠭ᠋ᠠᠭᠰᠠᠨ ᠮᠢᠨᠳᠠᠰᠤ ᠵᠢ ᠡᠭᠦᠷᠠᠴᠠᠨᠢ ᠰᠠᠯᠭ᠋ᠠᠨ ᠠᠪᠬᠤ᠂ ᠨᠡᠬᠡᠮᠡᠯᠤᠨ ᠮᠠᠰᠢᠨ ᠵᠤᠬᠢᠶᠠᠬᠤ᠂ ᠲᠤᠷᠭᠠ ᠳᠤᠷᠳᠤᠩ ᠨᠡᠬᠡᠬᠦ ᠵᠡᠷᠭᠡ ᠠᠵᠢᠯᠢ ᠬᠢᠵᠤ ᠡᠬᠢᠯᠠᠵᠠᠢ᠃ ᠰᠤᠷᠪᠤᠯᠵᠢᠯᠠᠭᠠ ᠵᠢᠨ ᠳᠤᠮᠳᠠᠪᠠᠨ ᠪᠢᠳᠠᠨ᠂ ᠬᠦᠬᠡ ᠮᠦᠷᠡᠨᠤ ᠳᠤᠤᠷᠠᠳᠤ ᠤᠷᠤᠰᠬᠠᠯ᠂ ᠲᠠᠢ᠌ᠬᠡᠦ ᠨᠠᠭᠤᠷᠤᠨ ᠬᠦᠪᠡᠭᠡᠨᠳᠤ ᠪᠠᠢ᠌ᠷᠢᠰᠢᠬᠤ ᠰᠦᠵᠸᠦ ᠪᠣᠯ ᠮᠠᠨᠤ ᠤᠯᠤᠰᠤᠨ ᠢᠯᠠᠮᠠ ᠲᠠᠷᠢᠵᠤ ᠬᠦᠷᠢ ᠲᠡᠵᠢᠭᠡᠨ ᠲᠤᠷᠭᠠ ᠳᠤᠷᠳᠤᠩᠤᠨ ᠰᠤᠶᠤᠯ ᠪᠤᠯᠪᠠᠰᠤᠨᠢ ᠡᠬᠢᠯᠡᠭᠦᠯᠦᠭᠰᠡᠨ ᠴᠢᠬᠤᠯᠠ ᠡᠭᠦᠰᠦᠯᠲᠡ ᠵᠢᠨ ᠤᠷᠤᠨᠤ ᠨᠢᠭᠡ ᠪᠠᠢ᠌ᠵᠤ᠂ 《ᠲᠤᠷᠭᠠ ᠳᠤᠷᠳᠤᠩᠤᠨ ᠨᠠᠢ᠌ᠰᠯᠠᠯ ᠬᠤᠲᠠ᠂ ᠤᠷᠠᠯᠠᠵᠤ ᠨᠡᠬᠡᠬᠦ ᠵᠢᠨ ᠡᠬᠢᠯᠡᠯᠲᠡ ᠵᠢᠨ ᠤᠷᠤᠨ》 ᠭᠡᠬᠦ ᠰᠠᠢ᠌ᠬᠠᠨ ᠨᠡᠷᠡᠢ᠌ᠳᠦᠯᠲᠠᠢ ᠭᠠᠵᠠᠷ ᠪᠣᠯᠬᠤ ᠵᠢ ᠮᠡᠳᠡᠭᠰᠡᠨ ᠶᠤᠮ᠃ ᠲᠠᠢ᠌ᠬᠡᠦ ᠨᠠᠭᠤᠷᠤᠨ ᠡᠷᠭᠢᠨ ᠲᠤᠭᠤᠷᠢᠨ ᠭᠠᠵᠠᠷ ᠠᠭᠤᠯᠠ ᠤᠰᠤ ᠦᠵᠡᠮᠵᠢ ᠲᠡᠭᠦᠯᠳᠡᠷ᠂ ᠡᠷᠲᠡᠨᠠᠴᠠ ᠠᠪᠤᠭ᠋ᠠᠳ ᠡᠷᠳᠡᠮᠳᠡᠨ ᠴᠢᠳᠠᠪᠤᠷᠢᠳᠠᠨ ᠬᠤᠷᠠᠮᠳᠤᠭᠰᠠᠨ ᠭᠠᠵᠠᠷ ᠪᠠᠢ᠌ᠵᠠᠢ᠃ ᠰᠦᠵᠸᠦ ᠬᠤᠲᠠ ᠵᠢᠨ ᠼᠣᠣ ᠰᠢᠶᠧ ᠱᠠᠨ ᠠᠭᠤᠯᠠ （草鞋山） ᠵᠢᠨ ᠡᠷᠲᠡᠨᠤ ᠪᠠᠭᠤᠷᠢᠠᠴᠠ ᠢᠯᠡᠷᠡᠭᠦᠯᠦᠭᠰᠡᠨ ᠪᠥᠰ ᠲᠤᠷᠭᠠ ᠵᠢᠨ ᠬᠠᠲᠠᠭᠤᠵᠢᠮᠠᠯ ᠪᠤᠳᠠᠰ᠂ ᠱᠠᠭ᠋ᠠᠵᠠᠩ ᠵᠶ᠋ᠠᠷ ᠦᠢ᠍ᠯᠡᠳᠦᠭᠰᠡᠨ ᠨᠡᠬᠡᠮᠡᠯᠤᠨ ᠬᠦᠷᠳᠦ᠂ ᠶᠠᠰᠤᠪᠠᠷ ᠬᠢᠭᠰᠡᠨ ᠨᠡᠬᠡᠮᠡᠯᠤᠨ ᠮᠠᠰᠢᠨ ᠲᠤᠨᠤᠭᠯᠠᠯ ᠵᠡᠷᠭᠡᠨᠢ ᠤᠳᠤᠠᠴᠠ ᠲᠠᠪᠤᠠᠴᠠ ᠵᠢᠷᠭᠤᠭ᠋ᠠᠨ ᠮᠢᠩᠭ᠋ᠠᠨ ᠵᠢᠯᠤᠨ ᠡᠮᠦᠨᠡ ᠡᠭᠦᠪᠡᠷ ᠠᠮᠢᠳᠤᠷᠠᠵᠤ ᠪᠠᠢ᠌ᠭᠰᠠᠨ ᠬᠦᠮᠦᠰ ᠨᠡᠬᠡᠮᠡᠯᠤᠨ ᠮᠡᠷᠭᠡᠵᠢᠯᠢ ᠡᠵᠡᠮᠰᠢᠭᠡᠳ ᠪᠠᠢ᠌ᠭᠰᠠᠨᠢ ᠭᠡᠷᠡᠴᠢᠯᠡᠨᠡ᠃ ᠮᠦᠽᠸᠢᠳᠤᠬᠢ ᠲᠠᠨᠢᠯᠴᠠᠭᠤᠯᠭᠠ ᠵᠢ ᠦᠨᠳᠦᠰᠦᠯᠡᠪᠡᠯ᠂ ᠰᠦᠵᠸᠦ ᠭᠠᠵᠠᠷᠨᠢ ᠴᠢᠨ ᠬᠠᠨᠤ ᠦᠶᠡ ᠪᠣᠯᠬᠤᠳᠤ ᠵᠢᠶᠠᠩᠨᠠᠨ ᠤᠷᠤᠨᠤ ᠬᠦᠷᠢ ᠵᠢᠨ ᠨᠡᠬᠡᠮᠡᠯᠤᠨ ᠴᠢᠬᠤᠯᠠ ᠭᠠᠵᠠᠷ ᠪᠣᠯᠵᠤ᠂ ᠲᠠᠩ ᠰᠦᠩᠤᠨ ᠦᠶᠡᠰ ᠭᠦᠷᠴᠤ ᠢᠷᠡᠭᠡᠳ ᠪᠦᠬᠦ ᠤᠯᠤᠰᠤᠨ ᠲᠤᠷᠭᠠ ᠳᠤᠷᠳᠤᠩᠤᠨ ᠨᠡᠬᠡᠮᠡᠯᠤᠨ ᠦᠢ᠍ᠯᠡᠰᠤᠨ ᠭᠤᠤᠯᠳᠠᠯᠭ᠋ᠠᠲᠤ ᠤᠷᠤᠨ ᠪᠣᠯᠵᠤ᠂ ᠮᠢᠩ ᠴᠢᠩᠤᠨ ᠦᠶᠡᠰ ᠵᠶ᠋ᠡᠷ ᠡᠨᠳᠡᠬᠢ ᠵᠢᠨ ᠲᠤᠷᠭᠠ ᠳᠤᠷᠳᠤᠩ ᠦᠢ᠍ᠯᠡᠳᠪᠦᠷᠢᠯᠡᠬᠦ ᠠᠬᠢᠴᠠ ᠤᠯᠠᠮ ᠵᠶ᠋ᠠᠷ ᠪᠠᠳᠠᠷᠠᠨ ᠬᠦᠭᠵᠢᠭᠡᠳ᠂ ᠲᠦᠷᠥ ᠵᠢᠨ ᠬᠠᠭ᠋ᠠᠳ ᠨᠤᠶᠠᠳᠤᠨ ᠡᠮᠦᠰᠬᠦ ᠳᠡᠭᠡᠳᠦ ᠵᠢᠩᠳᠠᠭ᠋ᠠᠨᠤ ᠬᠤᠪᠴᠠᠰᠤ ᠵᠠᠰᠠᠯᠢ ᠰᠦᠵᠸᠦ ᠭᠠᠵᠠᠷᠠᠴᠠ ᠬᠠᠩᠭ᠋ᠠᠬᠤ ᠪᠣᠯᠵᠠᠢ᠃ ᠬᠦᠷᠢ ᠬᠤᠷᠤᠬᠠᠢ ᠲᠡᠵᠢᠭᠡᠵᠤ ᠮᠢᠨᠳᠠᠰᠤ ᠴᠤᠭᠯᠠᠭᠤᠯᠤᠨ ᠲᠤᠷᠭᠠ ᠳᠤᠷᠳᠤᠩ ᠨᠡᠬᠡᠬᠦᠪᠠᠷ ᠦᠢ᠍ᠯᠡᠰ ᠵᠶ᠋ᠡᠨ ᠪᠣᠯᠭ᠋ᠠᠵᠤ᠂ ᠲᠤᠷᠭ᠋ᠠᠨᠤ ᠵᠠᠮᠤᠨ ᠨᠦᠯᠦᠭᠡᠪᠠᠷ ᠳᠡᠯᠡᠬᠡᠢ ᠳᠠᠶᠠᠭ᠋ᠠᠷᠲᠤ 《ᠲᠤᠷᠭ᠋ᠠᠨᠤ》 ᠪᠦᠲᠦᠭᠡᠯ ᠵᠶ᠋ᠡᠷ ᠵᠶ᠋ᠡᠨ ᠲᠠᠨᠢᠭᠳᠠᠭᠰᠠᠨ ᠰᠦᠵᠸᠦ ᠬᠤᠲᠠ ᠦᠨᠦᠳᠦᠷ ᠪᠣᠯᠬᠤᠳᠤ᠂ ᠡᠯᠧᠺᠲᠷᠣᠨ ᠮᠡᠳᠡᠭᠡ ᠴᠢᠮᠡᠭᠡ᠂ ᠲᠤᠨᠤᠭ ᠲᠦᠬᠦᠭᠡᠷᠦᠮᠵᠢ ᠦᠢ᠍ᠯᠡᠳᠬᠦ᠂ ᠲᠡᠮᠦᠷᠯᠢᠭ ᠪᠣᠯᠪᠠᠰᠤᠷᠠᠭᠤᠯᠬᠤ᠂ ᠨᠡᠬᠡᠮᠡᠯ᠂ ᠬᠢᠮᠢ ᠵᠢᠨ ᠠᠵᠤ ᠦᠢ᠍ᠯᠡᠳᠪᠦᠷᠢ ᠪᠤᠯᠤᠨ ᠬᠦᠩᠭᠡᠨ ᠠᠵᠤ ᠦᠢ᠍ᠯᠡᠳᠪᠦᠷᠢᠪᠠᠷ ᠳᠤᠯᠭ᠋ᠠᠭᠤᠷᠢᠯᠠᠭᠤᠯᠤᠭᠰᠠᠨ᠂ ᠮᠠᠨᠤ ᠤᠯᠤᠰᠤᠨ ᠠᠵᠤ ᠦᠢ᠍ᠯᠡᠳᠪᠦᠷᠢ ᠵᠢᠨ ᠰᠢᠰᠲᠸᠮ ᠵᠶ᠋ᠡᠷ ᠬᠠᠮᠤᠭᠤᠨ ᠪᠦᠷᠢᠨ ᠪᠦᠲᠦᠨ ᠬᠤᠲᠠ ᠵᠢᠨ ᠨᠢᠭᠡ ᠪᠤᠯᠤᠭᠰᠠᠨ ᠳᠡᠭᠡᠲᠦ ᠬᠤᠷᠳᠤᠴᠠᠲᠤ ᠬᠥᠭᠵᠢᠯᠲᠡ ᠵᠢᠨ ᠲᠡᠤᠬᠡᠪᠠᠨ ᠪᠢᠴᠢᠭᠯᠡᠵᠡᠢ᠃ ᠰᠦᠵᠸᠦ ᠪᠣᠯ ᠡᠷᠲᠡᠨᠤ ᠪᠠᠢ᠌ᠰᠢᠩ ᠪᠠᠷᠢᠯᠭᠠ ᠵᠢᠨ ᠤᠨᠴᠠᠯᠢᠭ ᠵᠶ᠋ᠠᠨ ᠤᠳᠤ ᠪᠣᠯᠲᠠᠯᠠᠪᠠᠨ ᠬᠠᠳᠠᠭ᠋ᠠᠯᠠᠭᠰᠠᠨ ᠡᠮᠦᠨᠡᠲᠦ ᠤᠷᠤᠨᠤ ᠤᠨᠴᠠᠯᠢᠭᠲᠠᠢ ᠬᠤᠲᠠ ᠪᠠᠢ᠌ᠵᠤ᠂ ᠠᠶᠠᠯᠠᠯ ᠵᠢᠭᠤᠯᠴᠢᠯᠠᠯᠤᠨ ᠦᠢ᠍ᠯᠡᠰ ᠴᠤ᠌ ᠲᠡᠳᠡᠨᠤ ᠲᠤᠯᠭ᠋ᠠᠭᠤᠷ ᠠᠵᠤ ᠦᠢ᠍ᠯᠡᠰᠤᠨ ᠨᠢᠭᠡ ᠪᠣᠯᠵᠠᠢ᠃ ᠰᠦᠵᠸᠦ ᠬᠤᠲᠠ ᠵᠢᠨ ᠡᠷᠲᠡᠨᠤ ᠪᠠᠷᠢᠯᠭᠠ᠂ ᠡᠮᠦᠨᠡᠲᠦ ᠵᠢᠨ ᠤᠰᠤᠨ ᠤᠷᠤᠨᠤ ᠤᠢ ᠮᠤᠳᠤ᠂ ᠴᠡᠴᠡᠭ ᠨᠠᠪᠴᠢᠰᠤᠨ ᠤᠨᠴᠠᠯᠢᠭᠢ ᠬᠠᠳᠠᠭ᠋ᠠᠯᠠᠭᠰᠠᠨ ᠨᠡᠷᠡᠲᠦ ᠴᠡᠴᠡᠷᠯᠢᠭ ᠪᠤᠯᠤᠨ ᠰᠢᠨᠡ ᠴᠠᠭᠤᠨ ᠤᠳᠤᠬᠢᠴᠢᠯᠠᠭᠰᠠᠨ ᠠᠰᠠᠷ ᠲᠠᠭᠲᠤ ᠵᠢ ᠰᠤᠨᠢᠷᠬᠠᠬᠤ ᠳᠤᠮᠳᠠ᠂ ᠡᠷᠲᠡᠨᠠᠴᠠ ᠨᠠᠭ᠋ᠠᠰᠢ ᠤᠰᠤᠨ ᠵᠠᠮ ᠰᠦᠯᠵᠢᠯᠳᠦᠭᠰᠡᠨ ᠵᠡᠭᠡᠯᠢᠪᠠᠨ ᠬᠠᠳᠠ ᠴᠢᠯᠠᠭᠤᠪᠠᠷ ᠳᠡᠪᠢᠰᠴᠤ᠂ ᠲᠡᠷᠡᠨᠢ ᠤᠯᠠᠨᠤ ᠬᠥᠯ ᠵᠶ᠋ᠡᠷ ᠰᠢᠯ ᠮᠡᠲᠥ ᠭᠦᠯᠢᠭᠡᠷ ᠪᠤᠯᠤᠭᠰᠠᠨᠨᠢ᠂ ᠬᠠᠪᠤᠷ ᠴᠠᠭᠲᠤ ᠭᠠᠵᠠᠷᠤᠨ ᠬᠦᠷᠦᠰᠦᠨᠤ ᠳᠤᠤᠷᠠᠬᠢ ᠤᠰᠤ ᠳᠡᠭᠡᠭᠰᠢᠯᠡᠵᠦ᠂ ᠵᠠᠮ ᠵᠡᠭᠡᠯᠢ ᠱᠠᠯᠴᠢᠭ ᠰᠢᠪᠠᠷ ᠵᠶ᠋ᠠᠷ ᠳᠦᠭᠦᠷᠬᠥ ᠠᠴᠠ ᠬᠡᠴᠢᠶᠡᠭᠰᠡᠨ ᠤᠬᠠᠭ᠋ᠠᠨ ᠪᠣᠯᠬᠤ ᠵᠢ ᠮᠡᠳᠡᠪᠡ᠃ ᠡᠮᠦᠨᠡᠲᠦ ᠤᠷᠤᠨᠳᠤ ᠤᠷᠠᠨ ᠪᠢᠴᠢᠯᠭᠡᠲᠡᠨ᠂ ᠤᠷᠠᠨ ᠵᠢᠷᠤᠭᠴᠢᠨ᠂ ᠬᠦᠷᠢ ᠲᠡᠵᠢᠭᠡᠵᠤ ᠲᠤᠷᠭᠠ ᠳᠤᠷᠳᠤᠩ ᠨᠡᠬᠡᠭᠴᠢ ᠭᠠᠷ ᠤᠷᠠᠯᠢᠭᠴᠢᠳ ᠠᠢ᠌ᠯ ᠪᠣᠯᠭ᠋ᠠᠨᠳᠤ ᠪᠠᠢ᠌ᠭᠰᠠᠨ ᠲᠡᠤᠬᠡ ᠵᠢ ᠰᠦᠵᠸᠦ ᠬᠤᠲᠠ ᠵᠢᠨ ᠵᠡᠭᠡᠯᠢ ᠭᠤᠳᠤᠮᠵᠢᠪᠠᠷ ᠡᠨᠳᠡ ᠲᠡᠨᠳᠡ ᠦᠭᠡᠢ ᠬᠠᠷᠠᠭᠳᠠᠬᠤ ᠤᠷᠠᠨ ᠪᠢᠴᠢᠯᠭᠡ᠂ ᠤᠷᠠᠨ ᠵᠢᠷᠤᠭᠤᠨ ᠳᠡᠯᠭᠡᠭᠦᠷ ᠬᠤᠳᠠᠯᠳᠤᠭᠠ᠂ ᠲᠤᠷᠭᠠ ᠳᠤᠷᠳᠤᠩᠤᠨ ᠬᠡᠲᠦ ᠳᠡᠯᠭᠡᠭᠦᠷ ᠵᠡᠷᠭᠡᠪᠠᠷ ᠵᠶ᠋ᠡᠨ ᠬᠠᠷᠠᠭᠤᠯᠤᠨᠠ ᠃ ᠤᠰᠤᠨ ᠨᠤᠲᠤᠭᠤᠨ ᠬᠦᠮᠦᠨᠤ ᠵᠠᠩ ᠨᠢ ᠳᠦᠯᠭᠡᠨ᠂ ᠠᠷᠠᠰᠤ ᠬᠦᠷᠦᠰᠦᠨᠢ ᠨᠢᠮᠭᠡᠨ ᠪᠣᠯᠪᠠᠷᠠᠢ ᠭᠡᠵᠤ ᠬᠡᠯᠡᠳᠡᠭ ᠪᠣᠯᠪᠠᠴᠤ᠂ ᠨᠤᠮᠤᠬᠠᠨ ᠳᠠᠯᠠᠢᠠᠴᠠ ᠢᠷᠡᠬᠦ ᠤᠯᠠᠷᠢᠯᠤᠨ ᠰᠠᠯᠬᠢᠨ ᠰᠠᠯᠬᠢᠯᠠᠵᠤ ᠡᠬᠢᠯᠡᠬᠦᠪᠠᠷ ᠵᠶ᠋ᠡᠨ᠂ ᠤᠮᠠᠷᠠ ᠭᠠᠵᠠᠷᠤᠨ ᠡᠯᠡᠰᠦᠨ ᠰᠠᠯᠬᠢᠨ ᠠᠳᠠᠯᠢ ᠬᠦᠮᠦᠨᠤ ᠨᠢᠭᠤᠷ ᠴᠢᠷᠠᠢᠳᠤ ᠬᠦᠴᠦᠲᠠᠢ ᠲᠤᠰᠬᠤᠨᠢ ᠴᠤ᠌ ᠢᠯᠡᠳᠲᠡ ᠮᠡᠳᠡᠭᠳᠡᠨᠡ᠃ ᠡᠨᠡ ᠤᠳᠠᠭᠠ ᠪᠢᠳᠠᠨ ᠱᠠᠩᠬᠠᠢ᠂ ᠰᠦᠵᠸᠦ᠂ ᠬᠠᠩᠵᠸᠦ ᠵᠡᠷᠭᠡ ᠭᠤᠷᠪᠠᠨ ᠬᠤᠲᠠ ᠵᠢᠨ ᠮᠢᠲᠷᠦ ᠮᠸᠲᠷᠤ᠋ （ᠭᠠᠵᠠᠷ ᠳᠤᠤᠷᠠᠬᠢ ᠲᠡᠮᠦᠷ ᠵᠠᠮ） ᠪᠠᠷ ᠪᠠᠢ᠌ᠨ ᠲᠠᠬᠢᠨ ᠨᠠᠭ᠋ᠠᠰᠢ ᠴᠠᠭ᠋ᠠᠰᠢᠪᠠᠨ ᠶᠠᠪᠤᠯᠠ᠃ ᠡᠨᠳᠡᠠᠴᠠ ᠶᠠᠪᠤᠬᠤ ᠵᠢᠨ ᠡᠮᠦᠨᠡ ᠤᠷᠤᠢ ᠰᠦᠵᠸᠦ ᠬᠤᠲᠠᠠᠴᠠ ᠨᠡᠯᠢᠶᠡᠳ ᠬᠤᠯᠠ ᠪᠠᠢ᠌ᠭᠠ ᠲᠠᠢ᠌ᠬᠡᠦ ᠨᠠᠭᠤᠷ ᠬᠦᠷᠲᠡᠯᠡ ᠮᠦᠨ ᠭᠠᠵᠠᠷ ᠳᠤᠤᠷᠠᠬᠢ ᠲᠡᠮᠦᠷ ᠵᠠᠮ ᠵᠶ᠋ᠠᠷ ᠶᠠᠪᠤᠭ᠋ᠠᠳ ᠢᠷᠡᠭᠰᠡᠨ ᠶᠤᠮ᠃ ᠬᠦᠮᠦᠨ ᠠᠮᠠ ᠤᠯᠠᠨᠲᠠᠢ ᠡᠨᠡ ᠬᠦ᠌ ᠭᠤᠷᠪᠠᠨ ᠬᠤᠲᠠ ᠵᠢᠨ ᠬᠤᠲᠠ ᠵᠡᠭᠡᠯᠢ ᠵᠢᠨ ᠭᠡᠪᠴᠢᠶᠠᠨᠢ ᠶᠡᠬᠡᠠᠴᠠ ᠪᠣᠯᠵᠤ᠂ ᠭᠠᠵᠠᠷ ᠳᠤᠤᠷᠠᠬᠢ ᠲᠡᠮᠦᠷ ᠵᠠᠮᠨᠢ ᠴᠤ᠌ ᠬᠤᠲᠠ ᠵᠢᠨ ᠵᠶ᠋ᠡᠨ ᠦᠨᠴᠦᠭ ᠪᠤᠯᠤᠩᠢ ᠤᠷᠬᠢᠯ ᠦᠭᠡᠢ ᠭᠦᠷᠴᠤ ᠴᠢᠳᠠᠭ᠋ᠠᠳ᠂ ᠬᠦᠭᠵᠢᠯ ᠳᠠᠪᠰᠢᠯ ᠭᠡᠳᠡᠭ ᠬᠤᠭᠤᠰᠤᠨ ᠵᠶ᠋ᠠᠷ ᠬᠡᠯᠡᠬᠦ ᠦᠭᠡ ᠪᠢᠰᠢ ᠭᠡᠰᠡᠨᠢ ᠬᠡᠯᠡᠵᠤ ᠥᠭᠬᠦᠨᠡ᠃ 《ᠲᠤᠷᠭ᠋ᠠᠨᠤ ᠵᠠᠮ》ᠤᠨ ᠤᠴᠢᠷᠤᠨ ᠡᠬᠢᠨ ᠪᠣᠯᠬᠤ ᠡᠮᠦᠨᠡᠲᠦ ᠤᠷᠤᠨᠤ ᠰᠦᠵᠸᠦ᠂ ᠬᠠᠩᠵᠸᠦᠳᠤᠬᠢ ᠰᠤᠷᠪᠤᠯᠵᠢᠯᠠᠭᠠᠪᠠᠨ ᠲᠡᠭᠦᠰᠭᠡᠭᠡᠳ ᠪᠢᠳᠠᠨ ᠠᠶᠠᠨᠤ ᠵᠢᠯᠤᠭᠤᠪᠠᠨ ᠬᠦᠬᠡᠬᠤᠲᠠ ᠤᠷᠤᠭᠤᠪᠠᠨ ᠵᠠᠯᠠᠪᠠ᠃ ᠬᠡᠳᠦᠨ ᠡᠳᠦᠷᠤᠨ ᠳᠠᠷᠠᠭᠠ ᠂ ᠪᠢᠳᠠᠨ ᠡᠮᠦᠨᠡᠲᠦ ᠤᠷᠤᠨᠤ ᠲᠤᠷᠭᠠ ᠳᠤᠷᠳᠤᠩ ᠡᠷᠲᠡᠨᠤ ᠴᠠᠩ ᠠᠨ ᠬᠤᠲᠠᠪᠠᠷ ᠳᠠᠮᠵᠢᠭ᠋ᠠᠳ ᠪᠠᠷᠠᠭᠤᠨ ᠠᠽᠢᠶᠠ᠂ ᠴᠠᠭ᠋ᠠᠰᠢᠯᠠᠨ ᠭᠠᠵᠠᠷᠤᠨ ᠳᠤᠮᠳᠠᠳᠤ ᠳᠠᠩᠬᠢᠰᠲᠤ ᠬᠦᠷᠴᠤ ᠪᠠᠢ᠌ᠭᠰᠠᠨ ᠴᠢᠬᠤᠯᠠ ᠵᠠᠮ ᠱᠤᠭᠤᠮ ᠵᠶ᠋ᠠᠷ ᠮᠦᠷᠳᠡᠯᠭᠡ ᠬᠢᠵᠤ᠂ 《ᠲᠤᠷᠭ᠋ᠠᠨᠤ ᠵᠠᠮ》ᠤᠨ ᠴᠢᠬᠤᠯᠠ ᠭᠡᠰᠡᠭ ᠪᠣᠯᠬᠤ ᠬᠠᠰᠢᠨ ᠬᠤᠩᠭᠢᠯᠳᠤ ᠭᠦᠷᠴᠤ ᠠᠶᠠᠯᠠᠯ ᠰᠤᠷᠪᠤᠯᠵᠢᠯᠠᠭᠠᠪᠠᠨ ᠦᠷᠭᠦᠯᠵᠢᠯᠡᠭᠦᠯᠦᠭᠰᠡᠨ ᠪᠢᠯᠡ ᠁