| | ᠨᠤ · ᠨᠠᠷᠠᠨᠲᠤᠭᠳᠠᠬᠤ ᠵᠤᠬᠢᠶᠠᠪᠠ | ᠲᠡᠭᠡᠷᠡ ᠵᠠᠭᠤᠨ ᠤ ᠶᠡᠷᠡᠭᠡᠳ ᠤᠨ ᠳᠤ ᠬᠦᠳᠡᠭᠡ ᠠᠴᠠ ᠬᠤᠳᠠ ᠤᠷᠤᠬᠤ ᠤᠷᠤᠰᠬᠠᠯ ᠶᠡᠭᠡ ᠯᠡ ᠦᠷᠪᠢᠰᠴᠦ | ᠡᠬᠢᠯᠡᠭᠰᠡᠨ ᠪᠦᠭᠡᠳ ᠪᠢ ᠴᠤ ᠲᠡᠶᠢᠮᠦ ᠬᠦᠮᠦᠨ ᠤ ᠨᠢᠭᠡ ᠪᠤᠯᠵᠤ ᠬᠦᠬᠡᠬᠤᠳᠠ ᠳᠤ ᠢᠷᠡᠭᠰᠡᠨ ᠶᠤᠮ᠃ ᠭᠡᠪᠡᠴᠦ ᠪᠢ | ᠢᠷᠡᠭᠰᠡᠨ ᠠᠴᠠ ᠪᠤᠯᠵᠤ ᠪᠤᠰᠤᠳ ᠨᠢ ᠢᠷᠡᠬᠦ ᠪᠠᠨ ᠪᠤᠯᠢᠭᠠ ᠦᠭᠡᠢ᠂ ᠬᠠᠷᠢᠨ ᠮᠢᠨᠦ ᠲᠦᠷᠢᠶᠡᠰᠦᠯᠡᠭᠰᠡᠨ ᠵᠢᠵᠢᠭ | ᠪᠠᠶᠢᠰᠢᠩ ᠨᠢ ᠢᠩᠭᠢᠵᠦ ᠢᠷᠡᠭᠰᠡᠳ ᠤᠨ ᠬᠦᠯ ᠠᠮᠠᠷᠠᠭᠠᠵᠤ ᠠᠮᠢᠰᠬᠤᠭᠠ ᠲᠠᠷᠤᠬᠤ ᠪᠠᠰᠠ ᠨᠢᠭᠡ ᠦᠷᠲᠡᠭᠡ ᠪᠤᠯᠵᠤ | ᠪᠢᠯᠡ᠃ | ᠨᠤᠲᠤᠭ ᠤᠨ ᠲᠡᠭᠦᠦ ᠮᠦᠷᠦ ᠪᠠᠷ ᠢᠶᠠᠨ ᠦᠯᠦ ᠮᠡᠳᠡᠭ ᠲᠦᠷᠢᠰᠬᠢᠨ ᠪᠦᠭᠲᠦᠶᠢᠭᠰᠡᠨ ᠨᠠᠮᠬᠠᠨ ᠪᠡᠶᠡᠲᠡᠢ᠂ | ᠤᠯᠠᠩᠬᠢ ᠳᠠᠭᠠᠨ ᠲᠤᠷᠤᠭᠰᠢ ᠬᠠᠷᠠᠨ ᠴᠢᠮᠡᠭᠡ ᠦᠭᠡᠢ ᠪᠤᠳᠤᠯᠭᠠᠰᠢᠷᠠᠵᠦ ᠰᠠᠭᠤᠳᠠᠭ ᠪᠦᠭᠡᠳ ᠬᠠᠶᠠ ᠪᠠᠰᠠ ᠲᠡᠭᠡᠭᠰᠢ | ᠬᠠᠷᠠᠨ ᠲᠤᠯᠠᠰ ᠭᠡᠲᠡᠯᠡ ᠢᠨᠢᠶᠡᠴᠢᠬᠡᠳᠡᠭ᠂ ᠤᠷᠠᠨ ᠵᠤᠬᠢᠶᠠᠯ ᠳᠤ ᠪᠠᠭ᠋ᠠᠲᠠᠢ᠂ ᠪᠠᠰᠠ ᠤᠷᠤᠯᠳᠤᠵᠤ ᠪᠢᠴᠢᠳᠡᠭ᠂ | ᠤᠨᠴᠠᠭᠠᠶᠢᠯᠠᠨ ᠭᠠᠷ ᠤᠨ ᠲᠢᠭ ᠨᠢ ᠤᠨᠴᠠᠯᠢᠭ ᠲᠠᠢ ᠮᠦᠷᠳᠡᠭᠡᠨ ᠦᠵᠡᠮᠦᠷᠢ ᠲᠠᠢ ᠨᠢ ᠭᠠᠶᠢᠬᠠᠮᠠᠷ ᠲᠡᠶᠢᠮᠦ ᠨᠢᠭᠡ | ᠬᠦᠮᠦᠨ ᠪᠠᠶᠢᠯᠠ᠃ ᠮᠡᠷ ᠰᠡᠷ ᠰᠤᠷᠠᠭᠯᠠᠨ ᠪᠠᠶᠢᠵᠦ ᠨᠠᠭᠠᠰᠢ ᠢᠷᠡᠭᠰᠡᠨ ᠬᠦᠰᠡᠯ ᠢ ᠨᠢ ᠠᠰᠠᠭᠤᠬᠤ ᠳᠤ ᠨᠡᠯᠢᠶᠡᠳ | ᠬᠠᠯᠠᠰᠠᠭᠤ ᠪᠠᠶᠢᠭᠰᠠᠨ ᠤᠳᠠᠭᠠ ᠪᠠᠨ ᠰᠠᠶ᠋ᠢ ᠠᠮᠠ ᠠᠯᠳᠠᠵᠦ᠄ | ——ᠪᠢ ᠨᠠᠶᠢᠷᠠᠭᠤᠯᠤᠭᠴᠢ ᠪᠤᠯᠬᠤ ᠰᠠᠨᠠᠭᠠᠲᠠᠢ ᠁ ᠭᠡᠵᠦ ᠲᠤᠷᠤᠭᠰᠢ ᠬᠠᠷᠠᠨ ᠨᠢᠳᠦ ᠪᠠᠨ | ᠴᠠᠪᠴᠢᠯᠠᠭᠰᠠᠭᠠᠷ ᠨᠠᠮᠤᠭᠤᠬᠠᠨ ᠬᠡᠯᠡᠵᠦ ᠪᠢᠯᠡ᠃ ᠲᠡᠷᠡ ᠦᠶᠡ ᠳᠤ ᠮᠢᠨᠦ ᠲᠡᠷᠭᠡᠳᠡ ᠴᠤᠭᠯᠠᠳᠠᠭ ᠨᠢ ᠪᠦᠷ ᠤᠷᠠᠨ | ᠵᠤᠬᠢᠶᠠᠯ᠂ ᠲᠠᠭᠤᠤ ᠤᠷᠠᠯᠢᠭ ᠲᠤ ᠪᠠᠭ᠋ᠠᠲᠠᠢ ᠬᠦᠮᠦᠰ ᠤᠯᠠᠨ ᠪᠠᠶᠢᠭᠰᠠᠨ ᠴᠤ ᠠᠯᠪᠠᠨ ᠤ ᠰᠡᠳᠬᠦᠯ ᠳᠤ | ᠨᠠᠶᠢᠷᠠᠭᠤᠯᠤᠭᠴᠢ ᠪᠤᠯᠬᠤ ᠪᠤᠯᠤᠯᠴᠠᠭᠠ ᠬᠡᠨ ᠳᠤ ᠨᠢ ᠴᠤ ᠪᠠᠶᠢᠭᠠ ᠦᠭᠡᠢ᠂ ᠪᠦᠷ ᠬᠤᠭᠤᠯᠠᠨ ᠭᠡᠷ᠂ ᠪᠠᠷᠢᠯᠭᠠ ᠶᠢᠨ | ᠭᠠᠵᠠᠷ ᠪᠠᠰᠠ ᠵᠠᠷᠢᠮ ᠬᠡᠶᠢᠮᠦᠷᠢ ᠲᠠᠢ ᠰᠢᠭ ᠨᠢ ᠬᠡᠪᠯᠡᠯ ᠤᠨ ᠦᠢᠯᠡᠳᠪᠦᠷᠢ ᠪᠠᠷ ᠠᠵᠢᠯᠴᠢᠨ ᠪᠤᠯᠵᠤ᠂ ᠠᠯᠤᠰ ᠤᠨ | ᠬᠦᠰᠡᠯᠡᠩ ᠠᠴᠠ ᠪᠠᠨ ᠭᠠᠳᠠᠨᠠ ᠠᠮᠢ ᠪᠠᠨ ᠲᠡᠵᠢᠭᠡᠬᠦ ᠨᠢ ᠢᠯᠡᠭᠦᠦ ᠴᠢᠬᠤᠯᠠ ᠪᠤᠯᠵᠤ ᠪᠠᠶᠢᠭᠰᠠᠨ ᠴᠠᠭ᠃ | ᠲᠡᠭᠡᠬᠦ ᠪᠠᠷ ᠪᠠᠨ ᠲᠡᠭᠦᠨ ᠤ ᠡᠨᠡ ᠦᠭᠡ ᠨᠢ ᠮᠠᠨᠤᠰ ᠤᠨ ᠵᠤᠭᠠ ᠪᠤᠯᠭᠠᠨ ᠱᠤᠭᠯᠠᠬᠤ ᠨᠢᠭᠡ ᠰᠡᠳᠦᠪ ᠪᠤᠯᠵᠤ᠂ ᠪᠦᠷ | ᠰᠡᠭᠦᠯ ᠳᠡᠭᠡᠨ ᠲᠡᠭᠦᠨ ᠳᠤ ︽ᠶᠡᠷᠦᠩᠬᠡᠢ ᠨᠠᠶᠢᠷᠠᠭᠤᠯᠤᠭᠴᠢ︾ ᠬᠤᠴᠢ ᠵᠡᠭᠦᠯᠭᠡᠭᠡᠳ᠂ ᠨᠡᠷᠡ ᠪᠠᠷ ᠨᠢ | ᠲᠠᠭᠤᠳᠠᠬᠤ ᠪᠠᠨ ᠪᠤᠯᠢᠭᠰᠠᠨ ᠶᠤᠮ᠃ ᠬᠡᠯᠡᠯᠬᠡᠨ ᠦᠭᠡᠢ ᠬᠤᠵᠢᠮ ᠨᠢ ᠲᠡᠷᠡ ᠬᠦ ᠵᠢᠵᠢᠭ ᠪᠠᠶᠢᠰᠢᠩ ᠳᠤ | ᠪᠦᠭᠡᠮᠨᠡᠷᠡᠵᠦ ᠪᠠᠶᠢᠭᠰᠠᠨ ᠬᠦᠮᠦᠰ ᠤᠨ ᠬᠤᠪᠢ ᠵᠠᠶᠠᠭᠠ ᠠᠮᠢᠳᠤᠷᠠᠯ ᠵᠢᠳᠬᠦᠯ ᠤᠨ ᠠᠶᠠ ᠶᠢ ᠲᠠᠭᠠᠨ ᠠᠰᠲᠠᠭᠠᠨ | ᠬᠤᠪᠢᠷᠠᠯᠳᠠ ᠭᠠᠷᠴᠦ ᠵᠤᠬᠢᠶᠠᠯᠴᠢ᠂ ᠲᠠᠭᠤᠴᠢᠨ ᠪᠤᠯᠵᠤ ᠴᠤᠯᠭᠤᠷᠠᠭᠰᠠᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ ᠦᠨᠡᠭᠡᠷ ᠪᠠᠰᠠ | ᠬᠤᠶᠠᠷ ᠨᠠᠶᠢᠷᠠᠭᠤᠯᠤᠭᠴᠢ ᠭᠠᠷᠴᠢᠬᠠᠵᠦ ᠪᠢᠯᠡ᠃ ᠭᠡᠪᠡᠴᠦ ᠨᠤᠲᠤᠭ ᠤᠨ ᠲᠡᠭᠦᠦ ᠬᠠᠷᠢᠨ ᠲᠡᠶᠢᠮᠦ ᠶᠡᠭᠡ | ᠠᠮᠵᠢᠯᠳᠠ ᠳᠤ ᠬᠦᠷᠴᠦ ᠲᠡᠶᠢᠯᠦᠭᠡ ᠦᠭᠡᠢ᠂ ᠲᠡᠭᠡᠭᠰᠡᠨ ᠴᠤ ᠬᠦᠬᠡᠬᠤᠳᠠ ᠠᠴᠠ ᠬᠦᠳᠡᠭᠡ ᠳᠤ ᠪᠠᠨ ᠪᠤᠴᠠᠭᠠ | ᠦᠭᠡᠢ᠃ ᠡᠬᠢᠯᠡᠭᠡᠳ ᠪᠢᠳᠡ ᠪᠠᠶᠢᠨ ᠲᠠᠬᠢᠨ ᠠᠭᠤᠯᠵᠠᠳᠠᠭ ᠪᠠᠶᠢᠭᠰᠠᠨ ᠪᠤᠯ ᠠᠵᠢᠯ ᠠᠮᠢᠳᠤᠷᠠᠯ ᠤᠨ ᠡᠷᠬᠡ ᠪᠠᠷ ᠲᠡᠮᠡᠢ | ᠠᠭᠤᠯᠵᠠᠵᠦ ᠲᠡᠶᠢᠯᠳᠡᠭ ᠦᠭᠡᠢ ᠪᠤᠯᠪᠠ᠃ ᠨᠡᠩ ᠴᠤ ᠪᠢ ᠤᠷᠤᠭ ᠬᠤᠷᠢᠮ᠂ ᠦᠢᠯᠡᠰ ᠠᠵᠢᠯ ᠤᠨ ᠲᠠᠯᠠ ᠪᠠᠷ ᠤᠯᠠᠨ | ᠵᠤᠶᠢᠯ ᠤᠨ ᠤᠷᠪᠠᠭᠠᠨ ᠬᠦᠷᠪᠡᠭᠡᠨ ᠲᠤᠮᠳᠠ ᠵᠢᠪᠴᠣ ᠤᠷᠤᠭᠠᠳ᠂ ᠪᠠᠰᠠ ᠨᠤᠲᠤᠭ ᠲᠠᠭᠠᠨ ᠬᠠᠷᠢᠵᠦ ᠤᠨᠳᠤᠤ ᠨᠢᠭᠡ | ᠠᠮᠢᠳᠤᠷᠠᠯ ᠤᠨ ᠵᠠᠮ ᠬᠠᠶᠢᠵᠦ ᠶᠠᠭᠠᠷᠠᠭᠰᠠᠨ ᠪᠤᠯᠬᠤᠷ ᠤᠷᠴᠢᠮ ᠤᠨ ᠠᠷᠪᠠᠭᠠᠳ ᠵᠢᠯ ᠨᠢᠭᠡ ᠤᠳᠠᠭᠠ ᠴᠤ | ᠠᠭᠤᠯᠵᠠᠵᠦ ᠦᠩᠭᠡᠷᠡᠭᠡ ᠦᠭᠡᠢ᠃ | ᠭᠡᠲᠡᠯᠡ ᠶᠠᠭ ᠡᠨᠡ ᠬᠠᠪᠤᠷ ᠬᠦᠬᠡᠬᠤᠳᠠ ᠳᠤ ᠪᠠᠶᠢᠬᠤ ᠦᠶᠡᠰ ᠨᠢᠭᠡ ᠬᠠᠭᠤᠴᠢᠨ ᠨᠠᠶᠢᠵᠢ ᠸᠢᠴᠠᠲ ᠢᠷᠡᠭᠦᠯᠵᠦ | ᠄ | —— ᠬᠦᠢ᠂ ︽ᠶᠡᠷᠦᠩᠬᠡᠢ ᠨᠠᠶᠢᠷᠠᠭᠤᠯᠤᠭᠴᠢ︾ ᠪᠠᠷᠠ ᠲᠠᠰᠤᠷᠠᠭᠠᠳ ᠬᠤᠶᠠᠷ ᠬᠤᠨᠤᠵᠤ ᠪᠠᠶᠢᠨᠠ ᠭᠡᠨᠡ᠂ | ᠰᠤᠨᠤᠰᠬᠤᠯᠠᠷ ᠰᠤᠭᠳᠤᠭᠤ ᠪᠠᠷ ᠬᠡᠷᠡᠮ ᠵᠠᠪᠰᠠᠷ ᠬᠡᠪᠳᠡᠵᠦ ᠪᠠᠶᠢᠵᠦ ᠭᠡᠨᠡ᠃ ᠤᠳᠠᠰᠤ ᠨᠢ ᠨᠡᠪᠳᠡᠷᠡᠬᠦ ᠦᠭᠡᠢ᠂ ᠴᠢ | ᠲᠡᠭᠦᠨ ᠤ ᠬᠠᠪᠢᠯᠳᠠᠭᠤ ᠪᠠᠶᠢᠳᠠᠭ ᠶᠠᠪᠤᠳᠠᠭ ᠰᠠᠭᠤᠳᠠᠭ ᠭᠠᠵᠠᠷ ᠢ ᠨᠢ ᠮᠡᠳᠡᠳᠡᠭ ᠨᠢᠭᠡ ᠳᠤ ᠨᠢ ᠴᠢᠮᠡᠭᠡ ᠦᠭᠭᠦᠭᠡᠲᠡᠭᠡ ᠁ | ᠭᠡᠯᠡ᠃ ᠲᠡᠭᠡᠭᠡᠳ ᠯᠠ ᠪᠠᠭ᠋ᠠᠨ ᠬᠦᠯ ᠪᠤᠯᠵᠤ ᠶᠡᠷᠦ ᠳᠤ ᠪᠠᠨ ᠵᠦᠭ ᠵᠦᠭ ᠲᠡᠭᠡᠨ ᠶᠠᠭᠠᠷᠠᠯᠳᠤᠭᠠᠳ ᠤᠯᠢᠭᠲᠠᠢ | ᠠᠭᠤᠯᠵᠠᠵᠦ ᠠᠮᠵᠢᠳᠠᠭ ᠦᠭᠡᠢ ᠤᠯᠠᠭᠤᠯᠠ ᠪᠠᠨ ᠤᠳᠠᠰᠤ ᠲᠠᠮᠵᠢᠨ ᠡᠷᠢᠯ ᠰᠤᠷᠠᠯ ᠲᠠᠯᠪᠢᠵᠠᠭᠠᠯᠠ᠃ ᠮᠠᠷᠭᠠᠰᠢ ᠨᠢ | ᠨᠢᠭᠡ ᠨᠢ ᠤᠯᠤᠭᠠᠳ ᠠᠪᠴᠠᠢ᠃ ︽ᠶᠡᠷᠦᠩᠬᠡᠢ ᠨᠠᠶᠢᠷᠠᠭᠤᠯᠤᠭᠴᠢ︾ ᠮᠠᠨᠢ ᠠᠷᠢᠬᠢᠨ ᠳᠤ ᠬᠡᠴᠡᠭᠦᠦ ᠤᠷᠤᠵᠤ᠂ | ᠵᠠᠷᠢᠮ ᠳᠠᠭᠠᠨ ᠲᠠᠯᠠ ᠪᠡᠶᠡ ᠨᠢ ᠪᠠᠰᠠ ᠮᠢᠨᠴᠤᠭᠦᠷᠠᠳᠡᠭ ᠬᠠᠭᠤᠴᠢᠨ ᠲᠠᠢ ᠪᠤᠯᠴᠢᠬᠠᠭᠰᠠᠨ ᠶᠤᠮ ᠪᠠᠶᠢᠨᠠ᠃ ᠵᠤᠯ ᠢᠶᠠᠷ | ᠵᠡᠭᠡᠯᠢ ᠲᠡᠭᠡᠷᠡ ᠡᠷᠡᠭᠦᠯ ᠰᠤᠭᠳᠤᠭᠤ ᠶᠢᠨ ᠬᠤᠭᠤᠷᠤᠨᠳᠤ ᠬᠡᠪᠳᠡᠵᠦ ᠪᠠᠶᠢᠬᠤ ᠳᠤ ᠨᠢ ᠴᠠᠭᠳᠠᠭᠠ ᠤᠯᠵᠤ ᠠᠪᠤᠭᠠᠳ | ᠠᠷᠠᠴᠢᠯᠠᠵᠦ ᠪᠠᠶᠢᠭᠰᠠᠨ ᠠᠵᠢ᠃ ᠤᠯᠵᠤ ᠠᠪᠤᠭᠰᠠᠨ ᠨᠠᠶᠢᠵᠢ ᠪᠠᠰᠠ ᠤᠯᠠᠨ ᠤ ᠰᠠᠨᠠᠭᠠ ᠶᠢ ᠠᠮᠠᠷᠠᠭᠠᠬᠤ ᠶᠢᠨ | ᠲᠦᠯᠦᠭᠡ ᠭᠠᠷ ᠤᠳᠠᠰᠤ ᠪᠠᠷ ᠪᠠᠨ ᠰᠢᠩᠭᠡᠭᠡᠯᠳᠡ ᠬᠢᠵᠦ ᠢᠷᠡᠭᠦᠯᠵᠡᠢ᠃ ᠰᠢᠩᠭᠡᠭᠡᠯᠳᠡ ᠲᠤᠲᠤᠷᠠ ᠨᠤᠲᠤᠭ ᠤᠨ | ᠲᠡᠭᠦᠦ ᠮᠢᠨᠢ ᠮᠦᠨ ᠤᠤᠯ ᠶᠢᠨ ᠲᠡᠷᠡ ᠵᠠᠩ ᠢᠶᠠᠷ ᠢᠶᠠᠨ ᠲᠤᠷᠤᠭᠰᠢ ᠬᠠᠷᠠᠴᠢᠬᠠᠭᠰᠠᠨ ᠨᠠᠮᠤᠭᠤᠬᠠᠨ ᠢᠨᠢᠶᠡᠮᠰᠦᠭᠯᠡᠵᠦ | ᠪᠠᠶᠢᠨᠠ᠃ ᠭᠡᠪᠡᠴᠦ ᠭᠡᠵᠢᠭᠡ ᠨᠢ ᠬᠠᠭᠠᠰ ᠪᠤᠭᠤᠷᠤᠯᠳᠤᠵᠤ᠂ ᠠᠷᠠᠢ ᠲᠠᠪᠢ ᠬᠦᠷᠦᠭᠡ ᠦᠭᠡᠢ ᠢᠳᠡᠷ ᠨᠠᠰᠤᠨ ᠤ | ᠬᠦᠮᠦᠨ ᠭᠡᠵᠦ ᠢᠳᠡᠭᠡᠮᠡᠷ ᠦᠭᠡᠢ ᠪᠤᠯᠵᠠᠢ᠃ | ᠲᠠᠬᠢᠭᠠᠳ ᠨᠢᠭᠡ ᠬᠤᠨᠤᠬᠤ ᠳᠤ ᠨᠤᠲᠤᠭ ᠲᠤ ᠨᠢ ᠬᠦᠷᠭᠡᠬᠦ ᠰᠤᠷᠠᠭ ᠭᠠᠷᠤᠯᠠ᠃ ᠪᠡᠶᠡ ᠨᠢ ᠮᠠᠭᠤᠳᠠᠵᠦ᠂ ᠠᠶᠠ | ᠦᠭᠡᠶᠢᠳᠡᠪᠡᠯ ᠠᠯᠢ ᠨᠢᠭᠡ ᠭᠠᠵᠠᠷ ᠤᠨᠠᠵᠦ ᠲᠤᠰᠤᠭᠠᠳ ᠠᠳᠡᠵᠦ ᠬᠡᠨᠡᠳᠡᠬᠦ ᠮᠠᠭᠠᠳ ᠦᠭᠡᠢ ᠲᠤᠯᠠ ᠭᠠᠴᠠᠭᠠᠨ | ᠲᠠᠷᠤᠭᠠ ᠲᠠᠢ ᠨᠢ ᠬᠠᠷᠢᠯᠴᠠᠵᠦ ᠲᠡᠶᠢᠮᠦ ᠰᠢᠢᠳᠪᠦᠷᠢ ᠭᠠᠷᠤᠭᠰᠠᠨ ᠠᠵᠢ᠃ ᠬᠠᠷᠢᠨ ᠲᠡᠭᠦᠨ ᠤ ᠠᠬᠠ ᠨᠢ | ᠨᠤᠲᠤᠭ ᠠᠴᠠ ᠪᠠᠨ ᠭᠠᠷᠴᠦ ᠦᠵᠡᠭᠡ ᠦᠭᠡᠢ ᠬᠦᠮᠦᠨ ᠪᠤᠯᠬᠤᠷ ᠲᠡᠭᠦᠦ ᠪᠠᠨ ᠲᠤᠰᠬᠤ ᠪᠠᠷ ᠢᠷᠡᠵᠦ ᠴᠢᠳᠠᠬᠤ ᠦᠭᠡᠢ | ᠂ ᠭᠠᠴᠠᠭᠠᠨ ᠲᠠᠷᠤᠭᠠ ᠨᠢ ᠢᠷᠡᠬᠦ ᠠᠯᠪᠠ ᠲᠠᠢ ᠪᠤᠯᠵᠠᠢ᠃ ᠭᠡᠪᠡᠴᠦ ︽ᠶᠡᠷᠦᠩᠬᠡᠢ ᠨᠠᠶᠢᠷᠠᠭᠤᠯᠤᠭᠴᠢ︾ ᠮᠠᠨᠢ | ᠨᠢᠭᠡᠨᠳᠡ ᠡᠶᠢᠮᠦ ᠪᠤᠯᠤᠭᠰᠠᠨ ᠤ ᠲᠡᠭᠡᠷᠡ ᠬᠦᠬᠡᠬᠤᠳᠠ ᠳᠤ ᠮᠠᠭᠤ ᠶᠠ ᠰᠠᠶᠢᠨ ᠶᠠ ᠬᠤᠷᠢᠨ ᠲᠦᠷᠪᠡᠨ | ᠨᠠᠰᠤᠨ ᠠᠴᠠ ᠪᠠᠨ ᠲᠦᠴᠢᠨ ᠨᠠᠢᠮᠠᠨ ᠨᠠᠰᠤ ᠬᠦᠷᠲᠡᠯᠡ ᠶᠠᠭ ᠬᠤᠷᠢᠨ ᠲᠦᠷᠪᠡᠨ ᠵᠢᠯ ᠰᠠᠭᠤᠭᠰᠠᠨ ᠲᠤᠯᠠ ᠶᠠᠭ | ᠡᠶᠢᠮᠦ ᠦᠶᠡᠰ ᠬᠠᠶᠠᠨ ᠳᠤ ᠨᠢ ᠬᠠᠶᠠᠬᠤ ᠤᠴᠢᠷ ᠪᠠᠶᠢᠵᠦ ᠪᠤᠯᠤᠨᠠ ᠤᠤ ᠳ᠋ᠠ᠂ ᠡᠴᠦᠰ ᠲᠡᠭᠡᠨ ᠰᠡᠯᠡᠭᠦᠦ ᠲᠠᠢ ᠨᠢᠭᠡ | ᠨᠠᠶᠢᠵᠢ ᠬᠦᠷᠭᠡᠵᠦ ᠦᠭᠭᠦ ᠪᠠᠷ ᠪᠤᠯᠤᠯᠠ᠃ ᠬᠠᠷᠢᠨ ᠪᠢ ᠦᠷᠲᠡᠭᠡᠨ ᠳᠤ ᠬᠦᠷᠭᠡᠵᠦ ᠴᠢᠳᠠᠭᠠ ᠦᠭᠡᠢ᠂ ᠤᠤᠯ ᠨᠢ | ᠵᠠᠮ ᠶᠢᠨ ᠬᠦᠨᠡᠰᠦ ᠲᠡᠭᠡᠷᠡ ᠪᠠᠭ᠋ᠠᠨ ᠵᠠᠷᠤᠳᠠᠯ ᠤᠨ ᠵᠤᠭᠤᠰ ᠪᠠᠷᠢᠭᠤᠯᠵᠤ ᠶᠠᠪᠤᠭᠤᠯᠤᠶᠠ ᠭᠡᠵᠦ ᠪᠤᠳᠤᠵᠤ ᠪᠠᠶᠢᠭᠰᠠᠨ | ᠶᠤᠮ᠃ ᠭᠡᠪᠡᠴᠦ ᠶᠠᠪᠤᠬᠤ ᠴᠠᠭ ᠢ ᠨᠢ ᠲᠤᠲᠤᠯᠠᠵᠦ ᠲᠡᠶᠢᠯᠦᠭᠡ ᠦᠭᠡᠢ ᠮᠦᠷᠳᠡᠬᠡᠨ ᠪᠠᠰᠠ ᠡᠨᠡ ᠲᠡᠷᠡ ᠦᠴᠦᠬᠡᠨ | ᠰᠢᠯᠳᠠᠭᠠᠨ ᠳᠤ ᠳᠤᠰᠢᠭᠳᠠᠭᠠᠳ ᠦᠨᠡᠭᠡᠷ ᠬᠦᠷᠭᠡᠵᠦ ᠴᠢᠳᠠᠭᠠ ᠦᠭᠡᠢ᠃ ᠬᠠᠷᠢᠨ ᠲᠡᠷᠭᠡᠨ ᠦᠷᠲᠡᠭᠡ ᠤᠷᠤᠭᠤ | ᠤᠷᠤᠬᠤ ᠪᠠᠶᠢᠳᠠᠯ ᠶᠢ ᠨᠢ ᠮᠦᠨ ᠭᠠᠷ ᠤᠳᠠᠰᠤ ᠪᠠᠷ ᠢᠶᠠᠨ᠄ | —— ᠮᠠᠨ ᠤ ︽ᠶᠡᠷᠦᠩᠬᠡᠢ ᠨᠠᠶᠢᠷᠠᠭᠤᠯᠤᠭᠴᠢ︾ ᠮᠠᠨᠢ ᠠᠶᠠᠨ ᠳᠠᠭᠠᠨ ᠮᠤᠷᠳᠠᠵᠦ ᠭᠠᠷᠤᠯᠠ ᠁ ᠭᠡᠵᠦ | ᠨᠠᠭᠠᠳᠤᠮ ᠦᠨᠡᠨ ᠤ ᠬᠤᠭᠤᠷᠤᠨᠳᠤ ᠶᠠᠷᠢᠴᠢᠬᠠᠭᠰᠠᠨ ᠰᠢᠩᠭᠡᠭᠡᠭᠡᠳ ᠮᠠᠨᠤᠰ ᠲᠤ ᠲᠠᠮᠵᠢᠭᠤᠯᠵᠠᠢ᠃ ᠰᠢᠩᠭᠡᠭᠡᠯᠳᠡ ᠶᠢ | ᠴᠠᠭᠠᠰᠢ ᠦᠷᠲᠡᠭᠡ ᠤᠷᠤᠭᠤ ᠤᠷᠤᠵᠤ ᠶᠠᠪᠤᠬᠤ ᠳᠤ ᠨᠢ ᠠᠷᠤ ᠠᠴᠠ ᠨᠢ ᠰᠡᠭᠦᠳᠡᠷᠯᠡᠭᠰᠡᠨ ᠪᠦᠭᠡᠳ ᠲᠠᠯᠠ ᠬᠦᠯ ᠨᠢ | ᠮᠠᠭᠤᠳᠠᠭᠰᠠᠨ ᠲᠤᠯᠠ ᠬᠦᠷᠭᠡᠬᠦ ᠪᠠᠷ ᠪᠤᠯᠤᠭᠰᠠᠨ ᠨᠠᠶᠢᠵᠢ ᠰᠤᠭᠤᠳᠠᠵᠦ ᠲᠦᠰᠢᠭᠡᠳ ᠠᠯᠬᠤᠵᠤ ᠪᠠᠶᠢᠨᠠ᠃ ᠬᠠᠶᠢᠵᠢᠭ | ᠲᠠᠶᠢᠵᠢᠭ ᠢᠶᠠᠨ ᠠᠯᠳᠠᠷᠠᠨ ᠲᠠᠮᠢᠷ ᠮᠠᠭᠤᠲᠠᠢ ᠲᠤᠷᠠᠮᠵᠢᠬᠠᠨ ᠠᠯᠬᠤᠵᠤ ᠶᠠᠪᠤᠭᠠ ᠲᠦᠷᠢ ᠶᠢ ᠨᠢ ᠬᠠᠷᠠᠭᠠᠳ ᠮᠢᠨᠦ | ᠰᠡᠳᠭᠢᠯ ᠬᠡᠨᠡᠳᠳᠡ ᠰᠤᠨᠢᠨ ᠪᠤᠯᠵᠤ ᠬᠠᠮᠠᠷ ᠭᠠᠰᠢᠭᠤ ᠤᠷᠭᠢᠨ ᠨᠢᠯᠪᠤᠰᠤ ᠲᠦᠯᠬᠢᠯᠡᠪᠡ᠃ ᠨᠤᠲᠤᠭ ᠤᠨ ᠲᠡᠭᠦᠦ ᠮᠢᠨᠢ | ᠠᠷᠭᠠ ᠦᠭᠡᠢ ᠳᠡᠭᠡᠨ ᠶᠠᠪᠤᠵᠤ ᠪᠠᠶᠢᠭᠠ ᠠᠴᠠ ᠪᠢᠰᠢ ᠦᠨᠡᠨ ᠳᠤ ᠪᠠᠨ ᠵᠠᠯᠠᠭᠤ ᠬᠠᠯᠠᠭᠤᠨ ᠨᠠᠰᠤᠨ ᠤ ᠪᠠᠨ ᠤᠯᠠᠩᠬᠢ | ᠴᠠᠭ ᠢ ᠦᠷᠡᠭᠡᠭᠰᠡᠨ ᠬᠦᠬᠡᠬᠤᠳᠠ ᠠᠴᠠ ᠪᠠᠨ ᠰᠠᠯᠬᠤ ᠲᠤᠷᠠ ᠦᠭᠡᠢ ᠪᠠᠶᠢᠭᠠ ᠶᠤᠮ ᠤᠤ ᠳ᠋ᠠ︖ | ᠬᠤᠷᠢᠨ ᠲᠦᠷᠪᠡᠨ ᠵᠢᠯ ᠤᠨ ᠡᠮᠤᠨᠡ ᠨᠤᠲᠤᠭ ᠤᠨ ᠲᠡᠭᠦᠦ ᠮᠢᠨᠢ ᠨᠠᠶᠢᠷᠠᠭᠤᠯᠤᠭᠴᠢ ᠪᠤᠯᠬᠤ ᠬᠦᠰᠡᠯ ᠡᠪᠤᠷᠯᠠᠨ | ᠬᠦᠬᠡᠬᠤᠳᠠ ᠳᠤ ᠢᠷᠡᠭᠰᠡᠨ ᠶᠤᠮ᠃ ᠬᠦᠰᠡᠯ ᠨᠢ ᠪᠡᠶᠡᠯᠡᠭᠳᠡᠭᠡ ᠦᠭᠡᠢ ᠴᠤ ᠶᠠᠭᠠᠬᠢᠬᠤ ᠪᠤᠢ᠂ ᠬᠦᠰᠡᠯ ᠨᠢ ᠪᠠᠶᠢᠳᠠᠭ | ᠤᠷᠴᠢᠨ ᠲᠤᠭᠤᠷᠢᠨ ᠳᠤ ᠬᠤᠷᠢᠨ ᠲᠦᠷᠪᠡᠨ ᠵᠢᠯ ᠠᠮᠢᠳᠤᠷᠠᠵᠠᠢ᠃ ᠤᠳᠤ ᠲᠡᠷᠡ ᠨᠤᠲᠤᠭ ᠲᠠᠭᠠᠨ ᠶᠠᠪᠤᠬᠤ ᠪᠠᠷ | ᠪᠤᠯᠤᠯᠠ᠃ ᠲᠡᠷᠡ ᠮᠦᠷᠲᠡᠭᠡᠨ ᠲᠠᠬᠢᠵᠦ ᠢᠷᠡᠵᠦ ᠲᠡᠶᠢᠯᠬᠦ ᠦᠭᠡᠢ ᠪᠠᠷ ᠶᠠᠪᠤᠬᠤ ᠭᠡᠵᠦ ᠪᠠᠶᠢᠨᠠ᠃ ᠡᠶᠢᠮᠦ ᠠᠴᠠ ᠡᠨᠡ | ᠨᠢ ᠤᠤᠯ ᠤᠨ ᠲᠡᠷᠡ ᠬᠦ ᠰᠢᠨᠡᠯᠡᠬᠦ ᠪᠤᠶᠤ ᠰᠡᠯᠡᠬᠦᠦ ᠪᠠᠷ ᠢᠶᠠᠨ ᠶᠠᠪᠤᠵᠤ ᠪᠠᠶᠢᠬᠤ ᠲᠠᠢ ᠠᠳᠠᠯᠢ ᠦᠭᠡᠢ᠃ | ᠲᠦᠬᠦᠮ ᠢᠶᠠᠷ ᠬᠡᠯᠡᠪᠡᠯ ᠵᠦᠪᠬᠡᠨ ᠬᠦᠬᠡᠬᠤᠳᠠ ᠡᠴᠠᠭᠠᠷᠴᠦ ᠶᠠᠪᠤᠵᠤ ᠪᠠᠶᠢᠭᠠ ᠲᠡᠳᠦᠢ ᠪᠢᠰᠢ᠂ ᠬᠠᠷᠢᠨ ᠬᠦᠰᠡᠵᠦ | ᠢᠷᠡᠭᠰᠡᠨ ᠬᠦᠰᠡᠯ ᠠᠴᠠ ᠠᠴᠠ ᠭᠠᠷᠴᠦ ᠶᠠᠪᠤᠵᠤ ᠪᠠᠶᠢᠭᠠ ᠰᠢᠦ ᠳ᠋ᠠ᠃ ᠡᠷᠭᠢᠰᠢ ᠦᠭᠡᠢ ᠪᠠᠷ ᠭᠠᠷᠴᠦ ᠶᠠᠪᠤᠵᠤ | ᠪᠠᠶᠢᠨᠠ ᠁ | ᠰᠢᠩᠭᠡᠭᠡᠯᠳᠡ ᠶᠢ ᠬᠠᠷᠠᠭᠰᠠᠨ ᠤ ᠲᠠᠷᠠᠭᠠ ᠪᠢ ᠰᠡᠳᠬᠢᠯ ᠤᠶᠢᠮᠤᠷᠠᠭᠠᠳ ᠶᠠᠭ ᠭᠤᠷᠢ ᠦᠭᠡᠢ ᠪᠤᠯᠬᠤᠷ ᠠᠩᠬᠠ | ᠵᠢᠵᠢᠭ ᠪᠠᠶᠢᠰᠢᠩ ᠶᠢ ᠬᠠᠮᠳᠤᠷᠠᠨ ᠲᠦᠷᠢᠶᠡᠰᠦᠯᠡᠵᠦ ᠰᠠᠭᠤᠭᠰᠠᠨ ᠠᠭᠤᠯᠠ ᠠᠬᠠ ᠶᠢᠨ ᠲᠡᠷᠭᠡᠳᠡ ᠤᠴᠢᠵᠠᠢ᠃ | ᠠᠭᠤᠯᠠ ᠠᠬᠠ ᠤᠳᠤ ᠦᠨᠡᠨ ᠬᠦ ᠨᠠᠶᠢᠷᠠᠭᠤᠯᠤᠭᠴᠢ ᠪᠤᠯᠴᠢᠬᠠᠭᠠᠳ ᠪᠠᠶᠢᠭᠠ ᠮᠦᠷᠳᠡᠬᠡᠨ ᠦᠨᠦᠲᠦᠷ ᠭᠠᠷᠠᠭ ᠤᠨ | ᠠᠮᠠᠷᠠᠯᠳᠠ ᠲᠤᠬᠢᠶᠠᠯᠳᠤᠵᠠᠢ᠃ ᠪᠢ ᠲᠡᠷᠭᠡᠨ ᠳᠤ ᠰᠠᠭᠤᠭᠠ ᠦᠭᠡᠢ᠂ ᠵᠤᠷᠢᠭᠤᠳᠠ ᠶᠠᠪᠠᠭᠠᠨ ᠶᠠᠪᠤᠪᠠ᠃ ᠲᠡᠭᠡᠪᠡᠯ | ᠲᠤᠲᠤᠷᠠ ᠢᠯᠡᠭᠦᠦ ᠠᠮᠠᠷᠠᠬᠤ ᠰᠢᠭ᠋ ᠁ ᠵᠠᠮ ᠤᠨ ᠬᠠᠵᠠᠭᠤ ᠶᠢᠨ ᠮᠤᠳᠤᠳ ᠪᠦᠷ ᠨᠤᠭᠤᠭᠠᠷᠠᠵᠦ᠂ ᠠᠰᠠᠷ ᠤᠨ | ᠡᠩᠭᠡᠷ ᠤᠨ ᠵᠠᠳᠠᠭᠠᠢ ᠭᠠᠵᠠᠷ ᠲᠡᠭᠡᠷᠡᠬᠢ ᠨᠢᠭᠡ ᠪᠦᠯᠦᠭ ᠲᠤᠭᠤᠷ ᠤᠨ ᠮᠤᠳᠤ ᠴᠡᠴᠡᠭᠯᠡᠴᠢᠬᠡᠭᠰᠡᠨ ᠬᠠᠷᠠᠭᠳᠠᠨᠠ᠃ | ᠭᠡᠪᠡᠴᠦ ᠮᠢᠨᠦ ᠰᠡᠳᠬᠢᠯ ᠡᠨᠡ ᠰᠠᠶᠢᠬᠠᠨ ᠦᠵᠡᠮᠵᠢ ᠳᠤ ᠰᠤᠭᠳᠤᠭᠤᠷᠠᠵᠤ ᠴᠢᠳᠠᠭᠰᠠᠨ ᠦᠭᠡᠢ ᠃ | ᠠᠭᠤᠯᠠ ᠠᠬᠠ ᠨᠠᠳᠠ ᠳᠤ ᠲᠦᠷᠦᠭᠦᠬᠡᠨ ᠬᠤᠳᠠ ᠶᠢᠨ ᠲᠡᠭᠦᠷᠭᠡ ᠠᠴᠠ ᠲᠡᠭᠦᠵᠦ ᠠᠪᠴᠢᠷᠠᠭᠰᠠᠨ | ᠬᠠᠯᠠᠭᠠᠢ ᠪᠠᠷ ᠢᠶᠠᠨ ᠱᠦᠯᠦ ᠲᠠᠲᠠᠵᠤ᠂ ᠦᠪᠡᠷ ᠤᠨ ᠭᠠᠷ ᠢᠶᠠᠷ ᠪᠠᠨ ᠲᠠᠰᠤᠯᠤᠭᠤᠷ ᠲᠠᠩ ᠬᠢᠵᠦ ᠢᠳᠡᠭᠦᠯᠪᠡ᠃ | ᠲᠠᠷᠠᠭᠠ ᠨᠢ ᠪᠠᠰᠠ ᠠᠬᠠ ᠲᠡᠭᠦᠦ ᠬᠤᠶᠠᠭᠤᠯᠠ ᠬᠠᠷᠠ ᠠᠷᠢᠬᠢ ᠵᠠᠳᠠᠯᠤᠨ ᠵᠤᠭᠤᠭᠳᠠᠵᠤ ᠰᠠᠭᠤᠵᠠᠢ᠃ ᠴᠤᠬᠤᠮ | ᠶᠠᠭᠤ ᠵᠤᠭᠤᠭᠳᠠᠭᠰᠠᠨ ᠢᠶᠠᠨ ᠮᠠᠷᠳᠠᠴᠢᠬᠠᠵᠠᠢ᠃ ᠵᠦᠪᠬᠡᠨ᠄ | —— ᠪᠢᠳᠡ ᠡᠳᠦᠢ ᠵᠢᠯ ᠤᠯᠠᠨ ᠶᠠᠭᠤᠮᠠ ᠲᠤᠭᠤᠯᠤᠯᠠ᠃ ᠶᠢᠷᠳᠢᠨᠴᠤ ᠶᠢᠨ ᠤᠴᠢᠷ ᠢ ᠪᠤᠷᠤᠭᠤᠳᠬᠠᠭᠠᠳ | ᠬᠠᠮᠢᠭᠠ ᠬᠦᠷᠦᠨᠡ᠂ ᠵᠦᠪᠳᠡᠭᠡᠭᠡᠳ ᠴᠤ ᠬᠠᠮᠢᠭᠠ ᠬᠦᠷᠦᠨᠡ᠂ ᠭᠡᠪᠡᠴᠦ ᠰᠡᠳᠬᠢᠯ ᠳᠤ ᠦᠯᠡᠳᠡᠭᠰᠡᠨ | ᠤᠴᠢᠷ ᠤᠳ ᠢ ᠬᠡᠨ ᠴᠤ ᠶᠠᠭᠤ ᠴᠤ ᠪᠠᠯᠠᠯᠵᠤ ᠴᠢᠳᠠᠬᠤ ᠦᠭᠡᠢ ᠰᠢᠦ ᠁ ᠭᠡᠵᠦ ᠬᠡᠯᠡᠭᠰᠡᠨ ᠢᠶᠠᠨ ᠯᠠ | ᠴᠡᠭᠡᠵᠢᠯᠡᠵᠦ ᠪᠠᠶᠢᠨᠠ ᠁ | ᠬᠠᠪᠤᠷ ᠭᠠᠷᠤᠭᠰᠠᠨ ᠡᠨᠡ ᠤᠴᠢᠷ ᠢ ᠨᠠᠮᠤᠷ ᠪᠤᠯᠬᠤ ᠳᠤ ᠪᠢᠴᠢᠵᠦ ᠪᠠᠷᠠᠭᠠᠳ ᠲᠤᠲᠤᠷᠠ ᠵᠢᠭᠠᠬᠠᠨ ᠠᠭᠤᠵᠢᠷᠠᠬᠤ | ᠰᠢᠭ᠋ ᠪᠤᠯᠤᠯᠠ᠃ ᠭᠡᠲᠡᠯᠡ ᠲᠠᠬᠢᠭᠠᠳ ᠨᠢᠭᠡ ᠪᠤᠳᠤᠬᠤ ᠳᠤ ᠨᠤᠲᠤᠭ ᠤᠨ ᠲᠡᠭᠦᠦ ᠮᠢᠨᠢ ᠨᠠᠮᠤᠷ ᠰᠢᠭ᠋ ᠰᠡᠳᠬᠢᠯ ᠲᠠᠢ | ᠢᠷᠡᠭᠡᠳ ᠬᠠᠪᠤᠷ ᠰᠢᠭ᠋ ᠪᠤᠳᠤᠯ ᠲᠠᠢ ᠪᠤᠴᠠᠭᠰᠠᠨ ᠴᠤ ᠶᠤᠮ ᠤᠤ ᠳ᠋ᠠ︖ ᠠᠢ ᠳ᠋ᠠ᠂ ᠠᠮᠢᠳᠤᠷᠠᠵᠤ ᠶᠠᠪᠤᠭᠠ | ᠬᠦᠮᠦᠰ ᠡ ᠭᠡᠵᠢ ᠁ ᠠᠮᠠᠷ ᠴᠤ ᠦᠭᠡᠢ ᠡ︕ | |