ᠤᠳᠤᠬᠠᠨᠳᠤ ᠤᠯᠤᠰᠤᠨ ᠳᠤᠲᠤᠭ᠋ᠠᠳᠤ ᠭᠠᠳᠠᠭ᠋ᠠᠳᠤ ᠵᠢᠨ ᠦᠨᠳᠡᠭᠡᠨ ᠲᠠᠬᠢᠶᠠᠨᠤ ᠰᠠᠢ᠌ᠨ ᠡᠬᠦᠯᠳᠡᠷᠨᠢ ᠪᠦᠷᠢᠨ ᠭᠦᠢ᠍ᠴᠡᠳ ᠪᠠᠢ᠌ᠬᠤ ᠵᠢ ᠦᠨᠳᠦᠰᠦᠯᠡᠵᠦ᠂ ᠤᠯᠠᠩᠬᠢᠨᠢ ᠭᠤᠷᠪᠠᠴᠢᠯᠠᠭᠰᠠᠨ ᠰᠢᠰᠲ᠋ᠧᠮ （三系） ᠪᠠ ᠳᠦᠷᠪᠡᠴᠢᠯᠡᠭᠰᠡᠨ ᠰᠢᠰᠲ᠋ᠧᠮ （四系）ᠢ ᠬᠡᠷᠡᠭᠯᠡᠵᠦ ᠪᠠᠢ᠌ᠳᠠᠭ᠃ ᠡᠭᠦᠨᠢ ᠴᠠᠭ᠋ᠠᠨ ᠬᠠᠯᠢᠰᠤᠲᠠᠢ ᠦᠨᠳᠡᠭᠡ᠂ ᠬᠦᠷᠡᠩ ᠬᠠᠯᠢᠰᠤᠲᠠᠢ ᠦᠨᠳᠡᠭᠡ ᠪᠠ ᠬᠤᠨᠳᠠᠨ ᠬᠠᠯᠢᠰᠤᠲᠠᠢ ᠦᠨᠳᠡᠭᠡ ᠭᠡᠵᠦ ᠭᠤᠷᠪᠠᠨ ᠲᠦᠷᠦᠯ ᠬᠤᠪᠢᠶᠠᠳᠠᠭ᠂ ᠡᠭᠦᠨᠳᠤ ᠴᠠᠭ᠋ᠠᠨ ᠬᠠᠯᠢᠰᠤᠲᠠᠢ ᠦᠨᠳᠡᠭᠡᠨᠢ ᠴᠠᠭ᠋ᠠᠨ ᠦᠩᠭᠡᠲᠠᠢ ᠯᠠᠢ ᠬᠠᠩ （来航） ᠲᠠᠬᠢᠶᠠ ᠵᠢᠨ ᠡᠭᠦᠯᠳᠡᠷ ᠵᠶ᠋ᠡᠷ ᠭᠤᠤᠯ ᠪᠤᠯᠭ᠋ᠠᠵᠤ᠂ ᠬᠦᠷᠡᠩ ᠬᠠᠯᠢᠰᠤᠲᠠᠢ ᠦᠨᠳᠡᠭᠡᠨᠢ ᠯᠦᠸᠸ ᠳ᠋ᠤᠤ ᠾᠦᠩ （洛岛红）᠂ ᠰᠢᠨ ᠬᠠᠨ ᠰᠢᠶᠠᠨ （新汉县）᠂ ᠯᠦ᠍ ᠬᠤᠸᠠ （芦花） ᠲᠠᠬᠢᠶᠠ ᠵᠡᠷᠭᠡᠪᠠᠷ ᠭᠤᠤᠯ ᠪᠣᠯᠭ᠋ᠠᠵᠤ᠂ ᠬᠤᠨᠳᠠᠨ ᠬᠠᠯᠢᠰᠤᠲᠠᠢ ᠦᠨᠳᠡᠭᠡᠨᠢ ᠬᠦᠷᠡᠩ ᠬᠠᠯᠢᠰᠤᠲᠠᠢ ᠦᠨᠳᠡᠭᠡᠨ ᠲᠠᠬᠢᠶᠠ ᠪᠠ ᠴᠠᠭ᠋ᠠᠨ ᠬᠠᠯᠢᠰᠤᠲᠠᠢ ᠦᠨᠳᠡᠭᠡᠨ ᠲᠠᠬᠢᠶᠠ ᠵᠢ ᠡᠷᠯᠢᠰᠡᠵᠢᠭᠦᠯᠦᠨ ᠭᠠᠷᠭ᠋ᠠᠭᠰᠠᠨ ᠪᠠᠢ᠌ᠳᠠᠭ᠃ ᠡᠯᠡ ᠡᠭᠦᠯᠳᠡᠷ ᠪᠤᠢ᠌ᠵᠢᠭᠤᠯᠬᠤ ᠺᠤᠮᠫᠠᠨᠢᠨᠢ ᠡᠪᠦᠭᠡ ᠵᠢᠨ ᠦᠶᠡ᠂ ᠡᠴᠢᠭᠡ ᠵᠢᠨ ᠦᠶᠡ᠂ ᠲᠠᠸᠠᠷᠤᠨ ᠦᠶᠡᠤᠨᠬᠢᠨᠤ ᠨᠡᠢ᠌ᠲᠡᠯᠢᠭ ᠭᠠᠳᠠᠷ ᠳᠦᠷᠰᠦ ᠵᠢᠨ ᠤᠨᠴᠠᠯᠢᠭ᠂ ᠦᠨᠳᠡᠭᠡᠯᠡᠬᠦ ᠴᠢᠳᠠᠪᠤᠷᠢ ᠵᠡᠷᠭᠡ ᠵᠢᠨ ᠭᠦᠢ᠍ᠴᠡᠳᠭᠡᠬᠦ ᠲᠤᠭᠠ ᠨᠤᠷᠮᠠ ᠪᠠ ᠪᠠᠷᠢᠮᠵᠢᠶᠠ ᠵᠢ ᠭᠠᠷᠭ᠋ᠠᠨ ᠦᠭᠭᠦᠭᠰᠡᠨ ᠪᠠᠢ᠌ᠳᠠᠭ᠃
ᠭᠠᠳᠠᠷ ᠪᠠᠢ᠌ᠳᠠᠯᠨᠢ ᠶᠠᠭᠤᠨᠤ ᠤᠷᠢᠳ ᠪᠤᠢ᠌ᠵᠢᠭᠤᠯᠬᠤ ᠺᠤᠮᠫᠠᠨᠢ ᠵᠢᠨ ᠲᠠᠨᠢᠯᠴᠠᠭᠤᠯᠤᠭᠰᠠᠨ ᠪᠡᠶᠡ ᠭᠠᠯᠪᠢᠷ᠂ ᠦᠰᠦᠨᠤ ᠦᠩᠭᠡ ᠵᠢᠨ ᠤᠨᠴᠠᠯᠢᠭᠲᠠᠢ ᠲᠤᠬᠢᠷᠠᠭᠰᠠᠨ ᠪᠠᠢ᠌ᠬᠤ ᠬᠡᠷᠡᠭᠲᠡᠢ᠃ ᠭᠡᠲᠡᠯᠡ ᠡᠯᠡ ᠪᠤᠢ᠌ᠵᠢᠭᠤᠯᠬᠤ ᠺᠤᠮᠫᠠᠨᠢ ᠵᠢᠨ ᠴᠠᠭ᠋ᠠᠨ ᠬᠠᠯᠢᠰᠤᠲᠠᠢ ᠪᠠ ᠬᠦᠷᠡᠩ ᠬᠠᠯᠢᠰᠤᠲᠠᠢ ᠦᠨᠳᠡᠭᠡᠨ ᠲᠠᠬᠢᠶᠠᠨᠤ ᠢᠷᠡᠯᠲᠡᠨᠢ ᠶᠡᠬᠡ ᠲᠦᠯᠦᠪ ᠠᠳᠠᠯᠢᠬᠠᠨ ᠪᠠᠢ᠌ᠵᠤ᠂ ᠢᠯᠭ᠋ᠠᠬᠤᠳᠤ ᠲᠤᠩ ᠬᠦᠴᠢᠷ ᠪᠠᠢ᠌ᠳᠠᠭ᠃ ᠵᠠᠷᠢᠮ ᠺᠤᠮᠫᠠᠨᠢᠨᠢ ᠴᠠᠭ᠋ᠠᠨ ᠬᠠᠯᠢᠰᠤᠲᠠᠢ ᠦᠨᠳᠡᠭᠡᠨ ᠲᠠᠬᠢᠶᠠᠨᠤ ᠬᠤᠷᠳᠤᠨ ᠤᠳᠠᠭ᠋ᠠᠨ ᠦᠳᠦᠯᠡᠬᠦ ᠢᠯᠭ᠋ᠠᠭᠠ ᠪᠠ ᠬᠦᠷᠡᠩ ᠬᠠᠯᠢᠰᠤᠲᠠᠢ ᠦᠨᠳᠡᠭᠡᠨ ᠲᠠᠬᠢᠶᠠᠨᠤ ᠠᠩᠬᠠ ᠨᠡᠪᠴᠢᠭᠰᠡᠨ ᠴᠤᠷᠪᠠᠭ᠋ᠠᠨᠤ ᠦᠳᠦᠨᠤ ᠦᠩᠭᠡᠪᠠᠷ ᠢᠯᠭ᠋ᠠᠨ ᠲᠤᠳᠤᠯᠠᠬᠤᠪᠠᠷ ᠤᠨᠴᠠᠯᠢᠭ ᠪᠤᠯᠭ᠋ᠠᠳᠠᠭ᠃ ᠵᠠᠷᠢᠮ ᠬᠦᠷᠡᠩ ᠬᠠᠯᠢᠰᠤᠲᠠᠢ ᠦᠨᠳᠡᠭᠡᠨ ᠲᠠᠬᠢᠶᠠᠨᠤ ᠪᠦᠷᠢᠨ ᠲᠦᠬᠦᠷ ᠰᠢᠰᠲ᠋ᠧᠮᠨᠢ ᠵᠢᠱ᠌ᠢᠶᠡᠯᠡᠪᠡᠯ᠂ ᠪᠠᠪᠦ᠋ᠺᠡᠤᠺ B380 ᠵᠢᠨ ᠰᠡᠭᠦᠯᠤᠨ ᠤᠷᠲᠤᠨᠢ ᠬᠠᠷᠠ᠂ ᠪᠤᠰᠤᠳᠨᠢ ᠪᠦᠷ ᠤᠯᠠᠭ᠋ᠠᠨ ᠴᠠᠭ᠋ᠠᠨ ᠠᠯᠠᠭᠯᠠᠵᠤ ᠪᠠᠢ᠌ᠳᠠᠭ᠃ ᠪᠤᠤ ᠸᠠᠨ ᠰᠧ （宝万斯） ᠬᠦᠷᠡᠩ ᠬᠠᠯᠢᠰᠤᠲᠠᠢ ᠦᠨᠳᠡᠭᠡᠨ ᠲᠠᠬᠢᠶᠠᠨᠤ ᠬᠦᠷᠡᠩ ᠳᠠᠯᠠᠪᠴᠢᠨ ᠳᠡᠭᠡᠷᠡᠨᠢ ᠢᠯᠡ ᠲᠤᠳᠤᠷᠬᠠᠢ ᠴᠠᠭ᠋ᠠᠨ ᠦᠳᠦ ᠪᠠᠢ᠌ᠳᠠᠭ ᠵᠡᠷᠭᠡ ᠤᠨᠴᠠᠯᠢᠭ ᠵᠶ᠋ᠠᠷᠨᠢ ᠢᠯᠭ᠋ᠠᠳᠠᠭ᠃
ᠭᠠᠳᠠᠷ ᠪᠠᠢ᠌ᠳᠠᠯᠠᠴᠠᠨᠢ ᠰᠠᠢ᠌ᠨ ᠡᠭᠦᠯᠳᠡᠷᠢ ᠢᠯᠭ᠋ᠠᠨ ᠲᠠᠨᠢᠬᠤᠳᠤ ᠬᠦᠴᠢᠷ᠂ ᠵᠦᠪᠬᠡᠨ ᠡᠪᠦᠭᠡ ᠵᠢᠨ ᠦᠶᠡ ᠪᠠ ᠴᠣᠯᠣ ᠰᠢᠰᠲ᠋ᠧᠮᠢ ᠤᠷᠤᠭᠤᠯᠬᠤ ᠦᠶᠡᠰᠲᠤ᠂ ᠬᠦᠴᠢᠯᠳᠦ᠋ᠷᠦᠭᠴᠢᠬᠦᠢ ᠪᠦᠭᠡᠮ ᠰᠢᠬᠢᠷᠤᠨ ᠪᠦᠭᠡᠮ ᠬᠦᠴᠢᠯ （DNA） ᠬᠤᠷᠤᠭᠤᠨ ᠤᠷᠤᠮᠤᠨ ᠮᠠᠲ᠋ᠧᠷᠢᠶᠠᠯᠢ ᠬᠡᠷᠡᠭᠯᠡᠵᠦ ᠢᠯᠭ᠋ᠠᠨ ᠲᠠᠨᠢᠬᠤᠳᠤ ᠦᠨᠳᠦᠰᠦᠯᠡᠯ ᠪᠣᠯᠭ᠋ᠠᠪᠠᠯ ᠰᠠᠶᠢ ᠨᠠᠢ᠌ᠳᠠᠪᠤᠷᠢᠲᠠᠢ ᠪᠠᠢ᠌ᠳᠠᠭ᠃ ᠳᠡᠯᠡᠬᠡᠢ ᠳᠡᠭᠡᠷᠡ ᠰᠠᠢ᠌ᠨ ᠡᠭᠦᠯᠳᠡᠷᠢ ᠬᠠᠩᠭ᠋ᠠᠵᠤ ᠪᠠᠢ᠌ᠭᠠ ᠺᠤᠮᠫᠠᠨᠢ ᠵᠢᠨᠬᠢᠨ ᠴᠢᠩᠭᠠ ᠪᠦᠷᠢᠳᠭᠡᠨ ᠳᠠᠩᠰᠠᠯᠠᠬᠤ ᠪᠠ ᠬᠢᠨᠠᠯᠲᠠ ᠲᠠᠯᠪᠢᠬᠤ ᠳᠦᠷᠢᠮ ᠲᠤᠭᠲᠠᠭ᠋ᠠᠯᠲᠠᠢ ᠪᠠᠢ᠌ᠳᠠᠭ᠃ ᠤᠷᠴᠢᠮᠤᠨ ᠵᠢᠯᠠᠴᠠ ᠨᠠᠰᠢ ᠮᠠᠨᠤ ᠤᠯᠤᠰᠨᠢ ᠦᠷᠡ ᠵᠢᠨ ᠮᠠᠯ ᠵᠢᠭᠦᠷᠲᠡᠨᠤ ᠬᠠᠮᠢᠶᠠᠷᠤᠯᠲᠠ ᠵᠢᠨ ᠠᠷᠭᠠ ᠬᠡᠮᠵᠢᠶᠡ ᠵᠢ ᠨᠡᠢ᠌ᠲᠡᠯᠡᠵᠦ᠂ ᠦᠷᠡ ᠵᠢᠨ ᠲᠠᠬᠢᠶᠠᠨᠤ ᠠᠵᠤ ᠠᠬᠤᠢ᠌ᠯᠠᠯᠳᠤ ᠰᠢᠯᠭ᠋ᠠᠨ ᠲᠤᠭᠲᠠᠭ᠋ᠠᠬᠤ᠂ ᠪᠦᠷᠢᠳᠭᠡᠨ ᠲᠠᠩᠰᠠᠯᠠᠬᠤ ᠬᠠᠮᠢᠶᠠᠷᠤᠯᠲᠠ ᠵᠢ ᠬᠡᠷᠡᠭᠵᠢᠭᠦᠯᠦᠭᠰᠡᠨ ᠪᠠᠢ᠌ᠨᠠ᠃ ᠵᠦᠪ ᠤᠨᠤᠪᠴᠢᠲᠠᠢ ᠠᠷᠭᠠ ᠮᠠᠶᠢᠭᠢ ᠵᠢᠷᠤᠮᠯᠠᠪᠠᠯ ᠨᠠᠢ᠌ᠳᠠᠪᠤᠷᠢᠲᠠᠢ ᠰᠠᠢ᠌ᠨ ᠡᠭᠦᠯᠳᠡᠷᠢ ᠬᠤᠳᠠᠯᠳᠤᠨ ᠠᠪᠬᠤᠳᠤ ᠲᠡᠢ᠌ᠮᠦ ᠬᠦᠴᠢᠷᠲᠡᠢ ᠪᠢᠰᠢ ᠶᠤᠮ᠃
（ᠢᠷᠡᠯᠲᠡ᠄ ᠤᠳᠬᠠᠨᠬᠦᠦ ᠤᠶᠤᠨᠴᠢᠮᠡᠭᠤᠨ ᠨᠠᠢ᠌ᠷᠠᠭᠤᠯᠤᠭᠰᠠᠨ 《ᠦᠨᠳᠡᠭᠡᠨ ᠲᠠᠬᠢᠶᠠ ᠵᠢᠨ ᠰᠠᠢ᠌ᠨ ᠡᠭᠦᠯᠳᠡᠷ ᠰᠤᠩᠭᠤᠬᠤ ᠮᠡᠷᠭᠡᠵᠢᠯ》 ᠭᠡᠬᠦ ᠨᠤᠮᠠᠴᠠ ᠰᠣᠩᠭᠤᠨ ᠰᠡᠢ᠌ᠷᠡᠭᠦᠯᠪᠡ᠃）