ᠤᠷᠤᠭᠤᠯᠵᠤ ᠢᠷᠡᠭᠰᠡᠨ ᠦᠷᠡᠰ ᠭᠠᠬᠠᠢ ᠵᠢ ᠲᠦᠷᠦᠯ ᠬᠤᠪᠢᠶᠠᠬᠤ ᠪᠠ ᠬᠡᠷᠡᠭᠯᠡᠬᠦ
（ᠨᠢᠭᠡ） ᠤᠷᠤᠭᠤᠯᠵᠤ ᠢᠷᠡᠭᠰᠡᠨ ᠦᠷᠡᠰ ᠭᠠᠬᠠᠢ ᠵᠢ ᠲᠦᠷᠦᠯ ᠬᠤᠪᠢᠶᠠᠬᠤ
ᠤᠷᠤᠭᠤᠯᠵᠤ ᠢᠷᠡᠭᠰᠡᠨ ᠦᠷᠡᠰ ᠭᠠᠬᠠᠢ ᠵᠢ ᠦᠨᠳᠦᠰᠦᠨᠳᠡᠭᠡᠨ ᠳᠠᠩ ᠡᠭᠦᠯᠳᠡᠷᠤᠨ ᠦᠷᠠᠰ ᠭᠠᠬᠠᠢ ᠪᠠ ᠪᠦᠲᠦᠨ ᠤᠳᠤᠮᠤᠨ ᠦᠷᠡᠰ ᠭᠠᠬᠠᠢ ᠭᠡᠵᠦ ᠬᠤᠪᠢᠶᠠᠨᠠ᠃ ᠳᠠᠩ ᠡᠭᠦᠯᠳᠡᠷᠤᠨ ᠦᠷᠡᠰ ᠭᠠᠬᠠᠢ ᠵᠢ ᠴᠡᠪᠡᠷ ᠦᠷᠡᠰ ᠭᠠᠬᠠᠢ᠂ ᠡᠷᠯᠢᠰᠡ ᠭᠠᠬᠠᠢ ᠭᠡᠵᠦ ᠬᠤᠪᠢᠶᠠᠨᠠ᠃ ᠪᠦᠲᠦᠨ ᠡᠭᠦᠯᠳᠡᠷᠤᠨ ᠭᠠᠬᠠᠢ ᠵᠢ ᠡᠯᠳᠴᠡ ᠦᠶᠡ᠂ ᠡᠪᠦᠭᠡ ᠵᠢᠨ ᠦᠶᠡ᠂ ᠡᠴᠢᠭᠡ ᠡᠬᠡ ᠵᠢᠨ ᠦᠶᠡ ᠭᠡᠵᠦ ᠬᠤᠪᠢᠶᠠᠳᠠᠭ᠃
1᠂ ᠴᠡᠪᠡᠷ ᠡᠭᠦᠯᠳᠡᠷᠤᠨ ᠭᠠᠬᠠᠢ
ᠡᠭᠦᠨᠳᠤ ᠨᠤᠲᠤᠭᠤᠨ ᠡᠭᠦᠯᠳᠡᠷᠤᠨ ᠭᠠᠬᠠᠢ ᠪᠣᠯᠬᠣ ᠵᠡᠭᠦᠨ ᠬᠤᠢ᠌ᠲᠤ ᠵᠢᠨ ᠠᠷᠠᠳᠤᠨ ᠭᠠᠬᠠᠢ᠂ᠲᠠᠢ ᠬᠤ᠌ ᠭᠠᠬᠠᠢ ᠪᠠᠭᠲᠠᠵᠤ᠂ ᠪᠤᠢ᠌ᠵᠢᠭᠤᠯᠤᠭᠰᠠᠨ ᠡᠭᠦᠯᠳᠡᠷᠲᠤ ᠰᠠᠨᠵᠢᠶᠠᠩ ᠭᠠᠬᠠᠢ᠂ ᠬᠤᠪᠧᠢ ᠭᠠᠬᠠᠢ᠂ ᠰᠦ᠍ᠲᠠᠢ ᠭᠠᠬᠠᠢ ᠪᠠᠭᠲᠠᠨᠠ᠃ ᠤᠷᠤᠭᠤᠯᠵᠤ ᠢᠷᠡᠭᠰᠡᠨ ᠡᠭᠦᠯᠳᠡᠷᠲᠤ ᠤᠷᠲᠤ ᠴᠠᠭ᠋ᠠᠨ ᠭᠠᠬᠠᠢ᠂ ᠲᠤᠮᠤ ᠴᠠᠭ᠋ᠠᠨ ᠭᠠᠬᠠᠢ᠂ ᠳ᠋ᠤᠯᠤᠸᠸᠺᠧ ᠭᠠᠬᠠᠢ᠂ ᠫᠢᠲ᠋ᠧᠯᠡᠨ ᠭᠠᠬᠠᠢ ᠵᠡᠷᠭᠡ ᠪᠠᠭᠲᠠᠳᠠᠭ᠃
2᠂ ᠡᠷᠯᠢᠰᠡᠵᠢᠭᠦᠯᠦᠭᠰᠡᠨ ᠭᠠᠬᠠᠢ
ᠣᠷᠣᠭᠣᠯᠵᠣ ᠢᠷᠡᠭᠰᠡᠨ ᠬᠤᠶᠠᠷ ᠡᠭᠦᠯᠳᠡᠷᠤᠨ ᠭᠠᠬᠠᠢ ᠵᠢ ᠡᠷᠯᠢᠰᠡᠵᠢᠭᠦᠯᠦᠭᠡᠳ ᠪᠤᠢ᠌ᠵᠢᠭᠤᠯᠤᠭᠰᠠᠨ ᠦᠷᠡᠰ ᠭᠠᠬᠠᠢ ᠪᠤᠯᠤᠨᠠ᠃ ᠣᠳᠣᠬᠠᠨᠤ ᠵᠠᠬᠠ ᠳᠡᠯᠭᠡᠭᠦᠷᠲᠤ ᠪᠠᠢ᠌ᠭᠠ ᠤᠷᠲᠤ ᠲᠤᠮᠤ ᠭᠠᠬᠠᠢ ᠪᠣᠯ ᠤᠷᠲᠤ ᠴᠠᠭ᠋ᠠᠨ ᠡᠭᠦᠯᠳᠡᠷᠤᠨ ᠠᠵᠢᠷᠭ᠋ᠠᠨ ᠭᠠᠬᠠᠢᠪᠠᠷ ᠲᠤᠮᠤ ᠴᠠᠭ᠋ᠠᠨ ᠭᠠᠬᠠᠢ ᠵᠢᠨ ᠮᠡᠭᠡᠵᠢ ᠵᠢ ᠬᠡᠬᠡᠯᠳᠦᠭᠦᠯᠦᠭᠡᠳ ᠭᠠᠷᠤᠭᠰᠠᠨ ᠬᠤᠢ᠌ᠴᠢ ᠦᠶᠡ ᠶᠣᠮ᠃ ᠲᠤᠮᠤ ᠣᠷᠲᠣ ᠭᠠᠬᠠᠢ ᠪᠣᠯ ᠲᠤᠮᠤ ᠴᠠᠭ᠋ᠠᠨ ᠭᠠᠬᠠᠢ ᠵᠢᠨ ᠠᠵᠢᠷᠭ᠋ᠠᠨ ᠭᠠᠬᠠᠢᠪᠠᠷ ᠤᠷᠲᠤ ᠴᠠᠭ᠋ᠠᠨ ᠭᠠᠬᠠᠢ ᠵᠢᠨ ᠮᠡᠭᠡᠵᠢ ᠵᠢ ᠬᠡᠬᠡᠯᠳᠦᠭᠦᠯᠦᠭᠡᠳ ᠭᠠᠷᠴᠠᠢ᠃
ᠡᠷᠯᠢᠰᠡ ᠭᠠᠬᠠᠢ ᠵᠢ ᠪᠤᠢ᠌ᠵᠢᠭᠤᠯᠬᠤ
3᠂ ᠡᠯᠳᠴᠡ ᠵᠢᠨ ᠦᠶᠡ
ᠡᠨᠡᠨᠢ ᠪᠦᠲᠦᠨ ᠤᠳᠤᠮᠤᠨ ᠡᠭᠦᠯᠳᠡᠷᠲᠤ ᠪᠠᠭᠲᠠᠨᠠ᠃ ᠳᠠᠷᠤᠢ ᠪᠦᠲᠦᠨ ᠤᠳᠤᠮᠤᠨ ᠳᠤᠲᠤᠷᠠᠬᠢ ᠬᠠᠮᠤᠭᠤᠨ ᠡᠬᠢᠨᠤ ᠦᠷᠡᠰ ᠭᠠᠬᠠᠢ ᠪᠣᠯᠣᠨᠠ᠃ ᠡᠯᠳᠴᠡ ᠵᠢᠨ ᠦᠶᠡ ᠵᠢ ᠶᠡᠷᠦᠳᠡᠭᠡᠨ ᠲᠤᠰᠬᠠᠢ ᠤᠳᠤᠮ ᠭᠡᠳᠡᠭ᠃ ᠤᠳᠤᠬᠠᠨᠳᠤ ᠳᠡᠯᠡᠬᠡᠢ ᠳᠡᠭᠡᠷᠡ ᠪᠠᠢ᠌ᠭᠠ ᠪᠦᠲᠦᠨ ᠡᠭᠦᠯᠳᠡᠷᠤᠨ ᠭᠠᠬᠠᠢ ᠵᠢᠨ ᠡᠯᠳᠴᠡ ᠪᠣᠯ ᠤᠷᠲᠤ ᠴᠠᠭ᠋ᠠᠨ ᠭᠠᠬᠠᠢ᠂ ᠲᠤᠮᠤ ᠴᠠᠭ᠋ᠠᠨ ᠭᠠᠬᠠᠢ᠂ ᠳ᠋ᠤᠯᠤᠸᠸᠺᠧ ᠭᠠᠬᠠᠢ ᠪᠠ ᠫᠢᠲ᠋ᠧᠯᠡᠨ ᠭᠠᠬᠠᠢ ᠵᠡᠷᠭᠡ ᠳᠦᠷᠪᠡᠨ ᠡᠭᠦᠯᠳᠡᠷᠤᠨ ᠭᠠᠬᠠᠢ ᠪᠣᠯᠬᠣ ᠪᠣᠶᠣ ᠲᠡᠳᠡᠭᠡᠷᠤᠨ ᠬᠤᠭᠤᠷᠤᠨᠳᠤᠬᠢ ᠡᠷᠯᠢᠰᠡ ᠡᠭᠦᠯᠳᠡᠷ ᠪᠤᠯᠤᠨᠠ᠃
ᠪᠦᠲᠦᠨ ᠤᠳᠤᠮᠤᠨ ᠭᠠᠬᠠᠢ ᠵᠢᠨ ᠰᠢᠰᠲ᠋ᠧᠮᠳᠤ ᠬᠤᠶᠠᠷ ᠵᠦᠢ᠍ᠯᠤᠨ ᠡᠭᠦᠷᠭᠡ ᠪᠠᠢ᠌ᠳᠠᠭ᠃ ᠨᠢᠭᠡᠨᠢ ᠡᠯᠳᠴᠡ ᠭᠠᠬᠠᠢ ᠵᠢᠨ ᠦᠪᠡᠷᠤᠨ ᠰᠦᠷᠦᠭᠤᠨ ᠦᠷᠡᠵᠢᠭᠦᠯᠦᠯᠭᠡ ᠬᠢᠨᠡ᠃ ᠬᠤᠶᠠᠷᠲᠤ᠂ ᠡᠪᠦᠭᠡ ᠦᠶᠡ ᠵᠢᠨ ᠦᠷᠡᠰ ᠭᠠᠬᠠᠢ ᠵᠢ ᠦᠷᠡᠵᠢᠭᠦᠯᠬᠦ ᠪᠤᠯᠤᠨᠠ᠃
4᠂ ᠡᠪᠦᠭᠡ ᠦᠶᠡ
ᠡᠨᠡᠨᠢ ᠪᠦᠲᠦᠨ ᠤᠳᠤᠮᠤᠨ ᠦᠷᠡᠰ ᠭᠠᠬᠠᠢᠳᠤ ᠪᠠᠭᠲᠠᠨᠠ᠃ ᠡᠯᠳᠴᠡ ᠦᠶᠡ ᠵᠢᠨ ᠪᠦᠲᠦᠨ ᠤᠳᠤᠮᠠᠴᠠ ᠢᠷᠡᠯᠲᠡᠲᠡᠢ᠂ ᠪᠦᠲᠦᠨ ᠤᠳᠤᠮᠤᠨ ᠰᠢᠰᠲ᠋ᠧᠮᠳᠤ ᠡᠪᠦᠭᠡ ᠦᠶᠡ ᠵᠢᠨ ᠦᠷᠡᠰ ᠭᠠᠬᠠᠢ ᠵᠢ ᠵᠦᠪᠬᠡᠨ ᠲᠤᠭᠲᠠᠭᠰᠠᠨ ᠡᠴᠢᠭᠡ ᠡᠬᠡ ᠦᠶᠡ ᠵᠢᠨ ᠦᠷᠡᠰ ᠭᠠᠬᠠᠢ ᠵᠢ ᠦᠷᠡᠵᠢᠭᠦᠯᠬᠦᠳᠤ ᠬᠡᠷᠡᠭᠯᠡᠳᠡᠭ᠃
5᠂ ᠡᠴᠢᠭᠡ ᠡᠬᠡ ᠦᠶᠡ
ᠮᠦᠨ ᠴᠦ᠍ ᠪᠦᠲᠦᠨ ᠤᠳᠤᠮᠤᠨ ᠭᠠᠬᠠᠢᠳᠤ ᠪᠠᠭᠲᠠᠨᠠ᠃ ᠵᠦᠪᠬᠡᠨ ᠪᠦᠲᠦᠨ ᠤᠳᠤᠮᠤᠨ ᠡᠪᠦᠭᠡ ᠦᠶᠡᠠᠴᠠ ᠢᠷᠡᠯᠲᠡᠢ᠃ ᠡᠴᠢᠭᠡ ᠡᠬᠡ ᠦᠶᠡ ᠵᠢᠨ ᠦᠷᠡᠰ ᠭᠠᠬᠠᠢ ᠵᠢ ᠵᠦᠪᠬᠡᠨ ᠲᠠᠸᠠᠷᠤᠨ ᠡᠭᠦᠯᠳᠡᠷᠢ ᠦᠷᠡᠵᠢᠭᠦᠯᠬᠦᠳᠤ ᠬᠡᠷᠡᠭᠯᠡᠳᠡᠭ᠃ ᠪᠦᠲᠦᠨ ᠤᠳᠤᠮᠤᠨ ᠦᠷᠡᠰ ᠭᠠᠬᠠᠢ ᠵᠢᠨ ᠺᠤᠮᠫᠠᠨᠢᠨᠢ ᠶᠡᠷᠦᠳᠡᠭᠡᠨ ᠡᠨᠡ ᠦᠶᠡ ᠵᠢᠨ ᠭᠠᠬᠠᠢ ᠵᠢ ᠯᠡ ᠬᠠᠩᠭ᠋ᠠᠳᠠᠭ ᠶᠣᠮ᠃
（ᠬᠤᠶᠠᠷ） ᠤᠷᠤᠭᠤᠯᠵᠤ ᠢᠷᠡᠭᠰᠡᠨ ᠦᠷᠡᠰ ᠭᠠᠬᠠᠢ ᠵᠢ ᠬᠡᠷᠡᠭᠯᠡᠬᠦ
1᠂ ᠤᠷᠤᠭᠤᠯᠵᠤ ᠢᠷᠡᠭᠰᠡᠨ ᠦᠷᠡᠰ ᠭᠠᠬᠠᠢ ᠵᠢ ᠰᠢᠭᠤᠳ ᠦᠷᠡᠵᠢᠭᠦᠯᠬᠦ ᠤᠴᠢᠷᠠᠴᠠ ᠤᠷᠤᠭᠤᠯᠵᠤ ᠢᠷᠡᠬᠦᠠᠴᠠᠪᠠᠨ ᠡᠮᠦᠨᠡ ᠨᠠᠷᠢᠯᠢᠭ ᠪᠠᠢ᠌ᠴᠠᠭ᠋ᠠᠨ ᠰᠤᠳᠤᠯᠤᠯᠲᠠ ᠬᠢᠵᠦ᠂ ᠰᠢᠯᠢᠳᠡᠭ ᠴᠢᠨᠠᠷᠲᠠᠢ ᠪᠠᠢ᠌ᠬᠤ ᠮᠦᠷᠲᠡᠭᠡᠨ ᠴᠢᠰᠦᠨ ᠤᠳᠤᠮᠤᠨ ᠪᠦᠷᠢᠯᠳᠦᠭᠦᠨᠢ ᠠᠩᠬᠠᠷᠴᠤ᠂ ᠡᠬᠢᠯᠡᠵᠦ ᠤᠷᠤᠭᠤᠯᠬᠤᠳᠠᠭᠠᠨ ᠴᠦᠬᠡᠨ ᠲᠤᠭᠠᠪᠠᠷ ᠤᠷᠤᠭᠤᠯᠵᠤ᠂ ᠵᠤᠬᠢᠴᠠᠯᠳᠤᠬᠤ ᠴᠢᠳᠠᠪᠤᠷᠢ ᠵᠢᠨᠢ ᠦᠵᠡᠬᠦ ᠬᠡᠷᠡᠭᠲᠡᠢ᠃ ᠰᠢᠯᠢᠳᠡᠭ ᠡᠭᠦᠯᠳᠡᠷᠤᠨ ᠭᠠᠬᠠᠢ ᠵᠢᠨ ᠦᠢ᠍ᠯᠡᠳᠪᠦᠷᠢᠯᠡᠯᠤᠨ ᠴᠢᠳᠠᠪᠤᠷᠢᠨᠢ ᠶᠡᠬᠡ᠂ ᠲᠡᠵᠢᠭᠡᠯᠭᠡ ᠠᠷᠠᠴᠢᠯᠠᠭᠠ ᠵᠢᠨ ᠱᠠᠭ᠋ᠠᠷᠳᠠᠯᠭᠠᠨᠢ ᠦᠨᠳᠦᠷ ᠪᠠᠢ᠌ᠳᠠᠭᠠᠴᠠ ᠰᠢᠨᠵᠢᠯᠡᠬᠦ ᠤᠬᠠᠭ᠋ᠠᠨᠴᠢᠪᠠᠷ ᠲᠡᠵᠢᠭᠡᠵᠦ ᠠᠷᠠᠴᠢᠯᠠᠬᠤ ᠬᠡᠷᠡᠭᠲᠡᠢ ᠶᠣᠮ᠃ ᠬᠡᠷᠪᠡ ᠲᠤᠰ ᠭᠠᠵᠠᠷᠤᠨ ᠨᠦᠭᠦᠴᠡᠯᠳᠤ ᠵᠤᠬᠢᠴᠠᠯᠳᠤᠬᠤ ᠦᠭᠡᠢ ᠪᠣᠯ ᠤᠷᠢᠳᠠᠪᠡᠷ ᠨᠤᠲᠤᠭᠤᠨ ᠡᠭᠦᠯᠳᠡᠷ ᠵᠶ᠋ᠡᠷ ᠴᠢᠰᠦ ᠰᠦᠯᠪᠡᠬᠦ ᠡᠷᠯᠢᠰᠡᠵᠢᠭᠦᠯᠭᠡ ᠬᠢᠨᠡ᠂ ᠢᠩᠭᠢᠪᠡᠯ ᠡᠷᠯᠢᠰᠡ ᠪᠡᠶᠡ ᠳᠡᠭᠡᠷᠡ ᠲᠡᠷᠡᠬᠦ ᠭᠠᠳᠠᠨᠠ ᠡᠭᠦᠯᠳᠡᠷᠤᠨ ᠴᠢᠬᠤᠯᠠ ᠤᠨᠴᠠᠯᠢᠭᠢ ᠬᠠᠳᠠᠭ᠋ᠠᠯᠠᠬᠤ ᠵᠢᠨ ᠬᠠᠮᠲᠤ᠂ ᠲᠤᠰ ᠭᠠᠵᠠᠷᠤᠨ ᠨᠦᠭᠦᠴᠡᠯᠳᠤ ᠵᠤᠬᠢᠴᠠᠯᠳᠤᠬᠤ ᠲᠠᠯᠠᠪᠠᠷ ᠰᠠᠢ᠌ᠵᠢᠷᠠᠭᠤᠯᠵᠤ ᠪᠤᠯᠤᠨᠠ᠃
2᠂ ᠤᠷᠤᠭᠤᠯᠵᠤ ᠢᠷᠡᠭᠰᠡᠨ ᠦᠷᠡᠰ ᠭᠠᠬᠠᠢ ᠵᠢ ᠤᠤᠯᠤᠨ ᠪᠠᠢ᠌ᠭᠰᠠᠨ ᠦᠷᠡᠰ ᠭᠠᠬᠠᠢ ᠵᠢᠨ ᠦᠢ᠍ᠯᠡᠳᠪᠦᠷᠢᠯᠡᠯᠤᠨ ᠴᠢᠳᠠᠪᠤᠷᠢ ᠵᠢ ᠳᠡᠭᠡᠭᠰᠢᠯᠡᠭᠦᠯᠬᠦᠳᠤ ᠬᠡᠷᠡᠭᠯᠡᠬᠦ ᠪᠤᠯᠬᠤᠷ ᠭᠤᠤᠯᠳᠠᠭᠤ ᠠᠵᠢᠷᠭ᠋ᠠᠨ ᠭᠠᠬᠠᠢ ᠤᠷᠤᠭᠤᠯᠵᠤ ᠢᠷᠡᠳᠡᠭ᠃ ᠡᠢ᠌ᠮᠦᠠᠴᠠ ᠤᠷᠤᠭᠤᠯᠵᠤ ᠢᠷᠡᠬᠦ ᠠᠵᠢᠷᠭ᠋ᠠᠨ ᠭᠠᠬᠠᠢ ᠵᠢᠨ ᠦᠢ᠍ᠯᠡᠳᠪᠦᠷᠢᠯᠡᠯᠤᠨ ᠴᠢᠳᠠᠪᠤᠷᠢ᠂ ᠡᠷᠡᠭᠦᠯ ᠴᠢᠬᠢᠷᠠᠭᠤᠨ ᠱᠠᠭ᠋ᠠᠷᠳᠠᠯᠭᠠᠨᠢ ᠦᠨᠳᠦᠷ ᠮᠦᠷᠲᠡᠭᠡᠨ ᠲᠤᠬᠠᠢ ᠵᠢᠨ ᠭᠠᠵᠠᠷᠤᠨ ᠭᠠᠬᠠᠢᠳᠤ ᠪᠠᠢ᠌ᠳᠠᠭ ᠦᠭᠡᠢ ᠰᠢᠯᠢᠳᠡᠭ ᠦᠢ᠍ᠯᠡᠳᠪᠦᠷᠢᠯᠡᠯᠤᠨ ᠴᠢᠳᠠᠪᠤᠷᠢᠲᠠᠢ ᠪᠠᠢ᠌ᠬᠤ ᠬᠡᠷᠡᠭᠲᠡᠢ᠃ ᠵᠢᠱ᠌ᠢᠶᠡᠯᠡᠪᠡᠯ᠄ ᠮᠢᠬᠠᠨᠤ ᠴᠢᠨᠠᠷᠨᠢ ᠵᠠᠬᠠ ᠳᠡᠯᠭᠡᠭᠦᠷᠤᠨ ᠱᠠᠭ᠋ᠠᠷᠳᠠᠯᠭᠠᠳᠤ ᠵᠤᠬᠢᠴᠠᠬᠤ᠂ ᠪᠡᠶᠡ ᠵᠢᠨ ᠪᠦᠲᠦᠴᠡᠨᠢ ᠪᠡᠬᠢᠯᠢᠭ᠂ ᠲᠤᠷᠤᠢ᠌ᠯᠠᠬᠤᠨᠢ ᠠᠷᠪᠢᠨ᠂ ᠠᠯᠠᠰᠢᠨ ᠪᠡᠶᠡᠨᠢ ᠵᠢᠭᠲᠡ ᠪᠠᠢ᠌ᠬᠤ ᠨᠦᠭᠦᠴᠡᠯᠢ ᠪᠦᠷᠢᠯᠳᠦᠭᠦᠯᠬᠦ ᠬᠡᠷᠡᠭᠲᠡᠢ᠃
3᠂ ᠤᠷᠤᠭᠤᠯᠵᠤ ᠢᠷᠡᠬᠦ ᠦᠷᠡᠰ ᠭᠠᠬᠠᠢ ᠵᠢ ᠡᠷᠯᠢᠰᠡᠵᠢᠭᠦᠯᠬᠦᠳᠤ ᠬᠡᠷᠡᠭᠯᠡᠨᠡ᠃ ᠨᠢᠭᠡᠳᠤ᠂ ᠤᠷᠤᠭᠤᠯᠵᠤ ᠢᠷᠡᠭᠰᠡᠨ ᠦᠷᠡᠰ ᠭᠠᠬᠠᠢᠪᠠᠷ ᠡᠷᠯᠢᠰᠡ ᠦᠷᠡᠰ ᠭᠠᠬᠠᠢ ᠵᠢ ᠦᠷᠡᠵᠢᠭᠦᠯᠦᠨᠡ᠃ ᠡᠭᠦᠨᠳᠤ ᠤᠷᠤᠭᠤᠯᠵᠤ ᠢᠷᠡᠬᠦ ᠦᠷᠡᠰ ᠭᠠᠬᠠᠢᠨᠢ ᠤᠯᠠᠩᠬᠢᠳᠠᠭᠠᠨ ᠲᠤᠮᠤ ᠴᠠᠭ᠋ᠠᠨ ᠭᠠᠬᠠᠢ ᠪᠤᠶᠤ ᠤᠷᠲᠤ ᠴᠠᠭ᠋ᠠᠨ ᠭᠠᠬᠠᠢ ᠪᠤᠯᠤᠨᠠ᠃ ᠡᠷᠯᠢᠰᠡᠵᠢᠭᠦᠯᠬᠦ ᠠᠷᠭᠠᠨᠢ ᠳᠡᠭᠡᠷᠡ ᠲᠠᠨᠢᠯᠴᠠᠭᠤᠯᠤᠭᠰᠠᠨᠲᠠᠢ ᠠᠳᠠᠯᠢ᠃ ᠬᠤᠶᠠᠷᠲᠤ᠂ ᠤᠷᠤᠭᠤᠯᠵᠤ ᠢᠷᠡᠭᠰᠡᠨ ᠠᠵᠢᠷᠭ᠋ᠠᠨ ᠭᠠᠬᠠᠢᠪᠠᠷ ᠤᠷᠤᠨᠤ ᠮᠡᠭᠡᠵᠢ ᠵᠢ ᠡᠷᠯᠢᠰᠡᠵᠢᠭᠦᠯᠵᠦ ᠲᠠᠸᠠᠷᠤᠨ ᠭᠠᠬᠠᠢ ᠵᠢ ᠦᠷᠡᠵᠢᠭᠦᠯᠦᠨᠡ᠃ ᠡᠨᠡᠬᠦ ᠠᠷᠭᠠᠳᠤ ᠤᠯᠠᠨ ᠲᠦᠷᠦᠯᠤᠨ ᠤᠷᠤᠭᠤᠯᠵᠤ ᠢᠷᠡᠭᠰᠡᠨ ᠡᠭᠦᠯᠳᠡᠷᠢ ᠰᠤᠩᠭᠤᠳᠠᠭ᠃ ᠭᠡᠬᠦᠳᠡᠭᠡᠨ ᠵᠠᠪᠠᠯ ᠤᠷᠤᠨ ᠭᠠᠵᠠᠷᠤᠨ ᠵᠶ᠋ᠠᠨ ᠪᠤᠳᠠᠲᠠᠢ ᠬᠡᠷᠡᠭᠴᠡᠭᠡᠠᠴᠠ ᠡᠭᠦᠰᠴᠦ᠂ ᠦᠷᠡᠰ ᠭᠠᠬᠠᠢ ᠵᠢ ᠰᠤᠩᠭᠤᠬᠤ ᠬᠡᠷᠡᠭᠲᠡᠢ᠃
ᠡᠷᠯᠢᠰᠡᠵᠢᠭᠦᠯᠬᠦ ᠠᠷᠭᠠᠨᠢ ᠳᠠᠷᠠᠭ᠋ᠠᠬᠢ ᠵᠢᠷᠤᠭ ᠮᠡᠲᠦ᠂ ᠵᠢᠷᠤᠭ ᠬᠤᠶᠠᠷ ᠳᠦᠭᠦᠮ ᠡᠷᠯᠢᠰᠡᠵᠢᠭᠦᠯᠬᠦ ᠠᠷᠭᠠ
ᠵᠢᠷᠤᠭ 3 ᠳᠦᠭᠦᠮ ᠳᠡᠰ ᠳᠡᠪᠰᠢᠭᠦᠯᠬᠦ ᠡᠷᠯᠢᠰᠡᠵᠢᠭᠦᠯᠭᠡ
ᠠᠩᠬᠠᠷᠬᠤᠨᠢ᠄ ᠵᠢᠷᠤᠭ 3ᠤᠨ ᠳᠤᠲᠤᠷᠠᠬᠢ ᠤᠷᠤᠭᠤᠯᠵᠤ ᠢᠷᠡᠭᠰᠡᠨ ᠠᠵᠢᠷᠭ᠋ᠠᠨ ᠭᠠᠬᠠᠢ 1 ᠪᠠ ᠤᠷᠤᠭᠤᠯᠵᠤ ᠢᠷᠡᠭᠰᠡᠨ ᠠᠵᠢᠷᠭ᠋ᠠᠨ ᠭᠠᠬᠠᠢ 2 ᠪᠣᠯ ᠭᠠᠳᠠᠭ᠋ᠠᠳᠤᠠᠴᠠ ᠤᠷᠤᠭᠤᠯᠵᠤ ᠢᠷᠡᠭᠰᠡᠨ ᠠᠳᠠᠯᠢ ᠡᠭᠦᠯᠳᠡᠷᠤᠨ ᠠᠳᠠᠯᠢ ᠪᠤᠰᠤ ᠭᠠᠬᠠᠢ （ᠪᠤᠳᠠᠭ᠋ᠠᠯᠢ ᠪᠡᠶᠡ） ᠪᠤᠯᠤᠨᠠ᠃
ᠤᠷᠤᠭᠤᠯᠵᠤ ᠢᠷᠡᠭᠰᠡᠨ ᠴᠡᠪᠡᠷ ᠡᠭᠦᠯᠳᠡᠷᠤᠨ ᠬᠠᠷᠠ ᠮᠢᠬᠠᠨᠤ ᠬᠡᠷᠡᠭᠴᠡᠭᠡᠲᠦ ᠦᠷᠡᠰ ᠭᠠᠬᠠᠢᠪᠠᠷ ᠭᠤᠷᠪᠠᠯᠠᠵᠤ ᠡᠷᠯᠢᠰᠡᠵᠢᠭᠦᠯᠭᠡ ᠬᠢᠬᠦ ᠪᠤᠯᠢ ᠬᠠᠷᠠ ᠮᠢᠬᠠᠨᠤ ᠬᠡᠷᠡᠭᠴᠡᠭᠡᠲᠦ ᠭᠠᠬᠠᠢ ᠵᠢ ᠪᠤᠢ᠌ᠵᠢᠭᠤᠯᠬᠤ ᠠᠵᠢᠯᠤᠨ ᠳᠤᠮᠳᠠᠬᠢ ᠬᠠᠮᠤᠭᠤᠨ ᠲᠦᠭᠡᠮᠡᠯ ᠠᠷᠭᠠ ᠪᠤᠯᠤᠨᠠ᠃
ᠵᠢᠷᠤᠭ 4 ᠭᠣᠷᠪᠠᠯᠠᠵᠤ ᠡᠷᠯᠢᠰᠡᠵᠢᠭᠦᠯᠬᠦ ᠠᠷᠭᠠ （ᠨᠢᠭᠡ）
ᠵᠢᠷᠤᠭ 5 ᠭᠤᠷᠪᠠᠯᠠᠵᠤ ᠡᠷᠯᠢᠰᠡᠵᠢᠭᠦᠯᠬᠦ ᠠᠷᠭᠠ （ᠬᠤᠶᠠᠷ）
（ᠢᠷᠡᠯᠲᠡ᠄ ᠦ᠊· ᠪᠤᠶᠠᠨᠳᠡᠯᠭᠡᠷ ᠨᠠᠷᠤᠨ ᠨᠠᠢ᠌ᠷᠠᠭᠤᠯᠤᠭᠰᠠᠨ 《ᠭᠠᠬᠠᠢ ᠵᠢᠨ ᠰᠠᠢ᠌ᠨ ᠡᠭᠦᠯᠳᠡᠷ ᠰᠤᠩᠭᠤᠬᠤ ᠮᠡᠷᠭᠡᠵᠢᠯ》 ᠭᠡᠬᠦ ᠨᠤᠮᠠᠴᠠ ᠰᠤᠩᠭᠤᠨ ᠰᠡᠢ᠌ᠷᠡᠭᠦᠯᠪᠡ᠃）