ᠵᠸᠷᠰᠸᠢ ᠦᠬᠡᠷ
ᠰᠦᠨ ᠬᠡᠷᠡᠭᠯᠡᠭᠦᠨᠲᠦ ᠡᠭᠦᠯᠳᠡᠷᠤᠨ ᠦᠬᠡᠷ ᠪᠤᠯᠬᠤ ᠪᠦᠭᠡᠳ ᠰᠦᠨᠤ ᠲᠤᠰᠤᠯᠢᠭᠤᠨ ᠨᠤᠷᠮᠠᠨᠢ ᠦᠨᠳᠦᠷ ᠪᠠᠢ᠌ᠳᠠᠭ ᠵᠶ᠋ᠠᠷ ᠵᠶ᠋ᠠᠨ 18 ᠳ᠋ᠤᠭ᠋ᠠᠷ ᠵᠠᠭᠤᠨᠳᠤ ᠳᠠᠷᠤᠢ ᠳᠡᠯᠡᠬᠡᠢᠳᠤ ᠠᠯᠳᠠᠷᠰᠢᠵᠠᠢ᠃ ᠡᠨᠡ ᠬᠦ᠌ ᠡᠭᠦᠯᠳᠡᠷᠤᠨ ᠦᠬᠡᠷᠨᠢ ᠠᠩᠭ᠍ᠯᠢ ᠵᠢᠨ ᠵᠸᠷᠰᠸᠢ ᠠᠷᠠᠯᠠᠴᠠ ᠤᠭ ᠭᠠᠷᠤᠯᠲᠠᠢ ᠶᠤᠮ᠃
ᠵᠸᠷᠰᠸᠢ ᠦᠬᠡᠷᠤᠨ ᠦᠩᠭᠡ ᠵᠢᠰᠦᠮᠤᠨ ᠤᠨᠴᠠᠯᠢᠭᠨᠢ ᠭᠡᠪᠡᠯ᠂ ᠰᠦᠨ ᠬᠡᠷᠡᠭᠯᠡᠭᠦᠨᠲᠦ ᠦᠬᠡᠷᠤᠨ ᠨᠡᠢ᠌ᠲᠡᠯᠢᠭ ᠪᠡᠶᠡ ᠵᠢᠨ ᠬᠡᠯᠪᠡᠷᠢ ᠳᠦᠷᠰᠦᠲᠠᠢ᠃ ᠪᠡᠶᠡ ᠪᠢᠯᠳᠠᠷᠨᠢ ᠬᠦᠩᠭᠡᠨ ᠪᠦᠭᠡᠳ ᠪᠠᠭᠠ᠂ ᠪᠤᠯᠴᠢᠩᠨᠢ ᠳᠦᠭᠦᠷᠡᠩ ᠪᠤᠰᠤ᠂ ᠲᠤᠯᠤᠭ᠋ᠠᠢᠨᠢ ᠪᠠᠭᠠ ᠮᠦᠷᠲᠡᠭᠡᠨ ᠬᠦᠩᠭᠡᠨ ᠭᠤᠸᠠᠯᠢᠭ᠂ ᠮᠠᠩᠨᠠᠢᠨᠢ ᠦᠷᠭᠡᠨ ᠪᠦᠭᠡᠳ ᠬᠦᠩᠬᠦᠷ᠂ ᠨᠢᠳᠤᠨ ᠤᠬᠤᠷᠬᠠᠢᠨᠢ ᠭᠦᠳᠦᠭᠦᠷ᠂ ᠴᠡᠭᠡᠵᠢᠨᠢ ᠭᠦᠨ ᠪᠤᠯᠪᠠᠴᠤ ᠦᠷᠭᠡᠨ ᠪᠢᠰᠢ᠂ ᠳᠡᠯᠡᠩᠨᠢ ᠬᠦᠭᠵᠢᠯ ᠰᠠᠢ᠌ᠲᠠᠢ ᠪᠠᠢ᠌ᠳᠠᠭ᠃ ᠬᠠᠮᠠᠷ᠂ ᠰᠡᠭᠦᠯ ᠪᠠ ᠡᠪᠡᠷᠤᠨ ᠦᠵᠦᠭᠦᠷᠨᠢ ᠬᠠᠷᠠ ᠦᠩᠭᠡᠲᠡᠢ᠂ ᠬᠦᠵᠦᠭᠦᠦ ᠪᠠ ᠳᠦᠷᠪᠡᠨ ᠮᠦᠴᠢᠨᠢ ᠨᠠᠷᠢᠨ᠂ ᠨᠢᠷᠤᠭᠤᠨᠢ ᠤᠷᠲᠤ᠂ ᠬᠡᠪᠡᠯᠢᠨᠢ ᠪᠦᠳᠦᠭᠦᠨ᠂ ᠲᠠᠰᠢᠶᠠᠨᠢ ᠦᠷᠭᠡᠨ ᠲᠡᠭᠰᠢ᠂ ᠬᠤᠢ᠌ᠲᠤ ᠪᠡᠶᠡᠨᠢ ᠬᠦᠭᠵᠢᠯ ᠰᠠᠢ᠌ᠲᠠᠢ᠂ ᠰᠦᠨᠤ ᠰᠤᠳᠠᠯᠤᠨ ᠮᠤᠷᠤᠢ᠌ᠯᠲᠠᠨᠢ ᠶᠡᠬᠡ ᠪᠦᠭᠡᠳ ᠲᠤᠳᠤᠷᠬᠠᠢ ᠪᠦᠳᠦᠭᠦᠨ ᠪᠠᠢ᠌ᠳᠠᠭ᠃ ᠵᠢᠰᠦᠮᠤᠨ ᠭᠦᠨ ᠭᠦᠢ᠍ᠬᠡᠨᠤ ᠵᠦᠷᠢᠶᠡᠨᠢ ᠨᠡᠯᠢᠶᠡᠳ ᠶᠡᠬᠡ ᠪᠠᠢ᠌ᠵᠤ᠂ ᠭᠦᠢ᠍ᠬᠡᠨ ᠰᠢᠷᠠᠪᠲᠤᠷ ᠬᠦᠷᠡᠩᠠᠴᠠ ᠭᠦᠨ ᠬᠦᠷᠡᠩ ᠪᠤᠶᠤ ᠬᠠᠷᠠ ᠬᠦᠷᠡᠩ ᠬᠦᠷᠲᠡᠯᠡ ᠪᠦᠷ ᠪᠠᠢ᠌ᠳᠠᠭ ᠪᠦᠭᠡᠳ ᠵᠠᠷᠢᠮᠨᠢ ᠪᠠᠰᠠ ᠴᠠᠭ᠋ᠠᠨ ᠲᠤᠯᠪᠤᠲᠠᠢ ᠶᠤᠮ᠃
ᠵᠸᠷᠰᠸᠢ ᠦᠬᠡᠷᠤᠨ ᠪᠡᠯᠭᠡ ᠵᠢᠨ ᠪᠤᠯᠪᠠᠰᠤᠷᠠᠯᠲᠠᠨᠢ ᠡᠷᠲᠡ᠂ ᠶᠡᠷᠦᠳᠡᠭᠡᠨ 24 ᠰᠠᠷᠠ ᠪᠤᠯᠪᠠᠯ ᠲᠤᠭᠤᠯᠯᠠᠳᠠᠭ᠃ ᠰᠦ ᠱᠦᠭᠦᠷᠡᠯᠤᠨ ᠬᠤᠭᠤᠴᠠᠭ᠋ᠠᠨᠳᠠᠬᠢ ᠵᠢᠯᠤᠨ ᠳᠤᠮᠳᠠᠴᠢ ᠰᠦᠨᠤ ᠭᠠᠷᠤᠯᠲᠠᠨᠢ 3000～ 4500 ᠺᠢᠯᠤᠭ᠌ᠷᠡᠮ ᠪᠠᠢ᠌ᠵᠤ᠂ ᠰᠦᠨᠤ ᠲᠤᠰᠤᠯᠢᠭ ᠨᠤᠷᠮᠠᠨᠢ 5.5％～ 6％ ᠪᠠᠢ᠌ᠳᠠᠭ᠂ ᠰᠦᠨᠢ ᠦᠳᠬᠡᠨ᠂ ᠰᠢᠷᠠᠪᠲᠤᠷ ᠦᠩᠭᠡᠲᠡᠢ᠂ ᠦᠷᠦᠮᠡ ᠰᠠᠭᠤᠬᠤᠨᠢ ᠵᠤᠵᠠᠭ᠋ᠠᠨ᠂ ᠲᠤᠰᠤᠨ ᠳᠤᠰᠤᠯᠨᠢ ᠶᠡᠬᠡ ᠪᠦᠭᠡᠳ ᠠᠮᠠᠷᠬᠠᠨ ᠢᠯᠭ᠋ᠠᠷᠠᠬᠤ ᠪᠤᠯᠬᠤᠷ ᠰᠢᠷᠠ ᠲᠤᠰᠤ ᠦᠢ᠍ᠯᠡᠳᠪᠦᠷᠢᠯᠡᠬᠦᠳᠤ ᠮᠠᠰᠢ ᠲᠤᠬᠢᠷᠠᠮᠵᠢᠲᠠᠢ ᠶᠤᠮ᠃
ᠵᠸᠷᠰᠸᠢ ᠦᠬᠡᠷᠤᠨ ᠨᠠᠰᠤ ᠭᠦᠢ᠍ᠴᠡᠭᠰᠡᠨ ᠪᠤᠬᠠᠨᠤ ᠪᠡᠶᠡ ᠵᠢᠨ ᠬᠦᠨᠳᠦᠨᠢ 650～ 750 ᠺᠢᠯᠤᠭ᠌ᠷᠡᠮ᠂ ᠦᠨᠢᠶᠡᠨᠤ ᠬᠢᠨᠢ 350～ 450 ᠺᠢᠯᠤᠭ᠌ᠷᠡᠮ ᠪᠠᠢ᠌ᠳᠠᠭ᠃ ᠦᠨᠢᠶᠡᠨᠤ ᠬᠢᠨᠢ ᠪᠡᠶᠡ ᠵᠢᠨ ᠦᠨᠳᠦᠷᠨᠢ 113 ᠰᠡᠨᠲ᠋ᠢᠮᠸᠲᠷ᠂ ᠪᠡᠶᠡ ᠵᠢᠨ ᠤᠷᠲᠤᠨᠢ 133 ᠰᠡᠨᠲ᠋ᠢᠮᠸᠲᠷ᠂ ᠲᠦᠯᠤᠨ ᠬᠢᠨᠢ ᠪᠡᠶᠡ ᠵᠢᠨ ᠬᠦᠨᠳᠦᠨᠢ 23～ 28 ᠺᠢᠯᠤᠭ᠌ᠷᠡᠮ ᠪᠠᠢ᠌ᠳᠠᠭ᠃
ᠵᠸᠷᠰᠸᠢ ᠦᠬᠡᠷᠤᠨ ᠪᠡᠶᠡ ᠴᠤᠭᠴᠠᠨᠢ ᠰᠤᠯᠠᠪᠲᠤᠷ᠂ ᠬᠠᠯᠠᠭᠤᠨᠳᠤ ᠲᠡᠰᠪᠦᠷᠢᠲᠡᠢ᠂ ᠡᠪᠡᠳᠴᠢᠨ ᠡᠰᠡᠷᠭᠦᠴᠡᠬᠦ ᠴᠢᠳᠠᠪᠤᠷᠢᠨᠢ ᠴᠢᠩᠭᠠ ᠪᠠᠢ᠌ᠳᠠᠭ᠃ ᠮᠠᠨᠤ ᠤᠯᠤᠰ ᠵᠸᠷᠰᠸᠢ ᠦᠬᠡᠷᠢ ᠤᠷᠤᠭᠤᠯᠤᠭ᠋ᠠᠳ ᠭᠤᠤᠯᠳᠠᠭᠤ ᠦᠨᠢᠶᠡᠨ ᠰᠦ᠂ ᠰᠢᠷᠠ ᠲᠤᠰᠤ ᠦᠢ᠍ᠯᠡᠳᠪᠦᠷᠢᠯᠡᠬᠦᠠᠴᠠ ᠭᠠᠳᠠᠨᠠ ᠪᠠᠰᠠ ᠰᠦᠨᠤ ᠲᠤᠰᠤᠯᠢᠭᠤᠨ ᠨᠤᠷᠮᠠᠪᠠᠷ ᠳᠤᠤᠷᠠ ᠡᠭᠦᠯᠳᠡᠷᠤᠨ ᠦᠬᠡᠷᠢ ᠡᠷᠯᠢᠰᠡᠵᠢᠭᠦᠯᠦᠭᠡᠳ ᠦᠨᠢᠶᠡᠨ ᠰᠦᠨᠤ ᠲᠤᠰᠤᠯᠢᠭᠤᠨ ᠨᠤᠷᠮᠠ ᠵᠢᠨᠢ ᠳᠡᠭᠡᠭᠰᠢᠯᠡᠭᠦᠯᠵᠦ ᠪᠠᠢ᠌ᠬᠤ ᠶᠤᠮ᠃
（ᠢᠷᠡᠯᠲᠡ᠄ ᠴᠸᠨ ᠪᠠᠭ᠋ᠠᠲᠤᠷ᠂ ᠢ᠊· ᠰᠤᠶᠤᠯᠲᠤ ᠨᠠᠷᠤᠨ ᠨᠠᠢ᠌ᠷᠠᠭᠤᠯᠤᠨ ᠵᠤᠬᠢᠶᠠᠭᠰᠠᠨ 《ᠰᠦᠨᠤ ᠦᠨᠢᠶᠡᠨᠤ ᠠᠷᠠᠴᠢᠯᠠᠭᠠ ᠲᠡᠵᠢᠭᠡᠯᠭᠡ ᠵᠢᠨ ᠠᠷᠭᠠ ᠮᠡᠷᠭᠡᠵᠢᠯ》 ᠭᠡᠬᠦ ᠨᠤᠮᠠᠴᠠ ᠰᠡᠢ᠌ᠷᠡᠭᠦᠯᠪᠡ᠃）