ᠤᠷᠤᠭᠤᠯᠵᠤ ᠢᠷᠡᠭᠰᠡᠨ ᠦᠷᠡᠰ ᠭᠠᠬᠠᠢ ᠵᠢ ᠰᠢᠯᠢᠨ ᠰᠤᠩᠭᠤᠬᠤ
（ᠨᠢᠭᠡ） ᠵᠠᠬᠠ ᠳᠡᠯᠭᠡᠭᠦᠷᠤᠨ ᠬᠡᠷᠡᠭᠴᠡᠭᠡ ᠪᠠ ᠦᠢ᠍ᠯᠡᠳᠪᠦᠷᠢᠯᠡᠯᠤᠨ ᠨᠦᠭᠦᠴᠡᠯ ᠵᠶ᠋ᠡᠨ ᠦᠨᠳᠦᠰᠦᠯᠡᠵᠦ ᠦᠷᠡᠰ ᠭᠠᠬᠠᠢ ᠵᠢ ᠰᠢᠯᠢᠨ ᠰᠤᠩᠭᠤᠨᠠ᠃
1᠂ ᠵᠠᠬᠠ ᠳᠡᠯᠭᠡᠭᠦᠷᠤᠨ ᠬᠡᠷᠡᠭᠴᠡᠭᠡᠳᠤ ᠵᠤᠬᠢᠴᠠᠭᠤᠯᠬᠤ
ᠦᠷᠡᠵᠢᠭᠦᠯᠦᠭᠰᠡᠨ ᠦᠷᠡᠰ ᠭᠠᠬᠠᠢᠨᠢ ᠡᠷᠬᠡᠪᠰᠢ ᠵᠠᠬᠠ ᠳᠡᠯᠭᠡᠭᠦᠷᠤᠨ ᠬᠡᠷᠡᠭᠴᠡᠭᠡᠲᠠᠢ ᠵᠤᠬᠢᠴᠠᠵᠤ᠂ ᠵᠠᠬᠠ ᠳᠡᠯᠭᠡᠭᠦᠷᠲᠤ ᠶᠠᠮᠠᠷ ᠶᠠᠩᠵᠤ ᠵᠢᠨ ᠦᠷᠡᠰ ᠭᠠᠬᠠᠢ ᠪᠠ ᠲᠠᠸᠠᠷᠤᠨ ᠬᠡᠷᠡᠭᠴᠡᠭᠡᠲᠠᠢ ᠪᠣᠯ ᠲᠤᠬᠢᠷᠠᠯᠴᠠᠬᠤ ᠡᠭᠦᠯᠳᠡᠷᠢ ᠰᠢᠯᠢᠨ ᠰᠤᠩᠭᠣᠬᠣ ᠬᠡᠷᠡᠭᠲᠡᠢ᠃ ᠢᠩᠭᠢᠪᠡᠯ ᠰᠠᠶᠢ ᠨᠡᠩ ᠰᠠᠢ᠌ᠨ ᠠᠵᠤ ᠠᠬᠤᠢ ᠵᠢᠨ ᠦᠷᠡ ᠠᠰᠢᠭ ᠣᠯᠵᠣ ᠴᠢᠳᠠᠨᠠ᠃ ᠶᠡᠷᠦᠳᠡᠭᠡᠨ ᠦᠰᠦᠨᠤ ᠦᠩᠭᠡ᠂ ᠪᠡᠶᠡ ᠴᠤᠭᠴᠠ ᠵᠢᠨ ᠪᠦᠲᠦᠴᠡ᠂ ᠭᠠᠷᠭ᠋ᠠᠯᠲᠠᠳᠤ ᠵᠤᠬᠢᠴᠠᠬᠤ ᠪᠡᠶᠡ ᠵᠢᠨ ᠬᠦᠨᠳᠦ᠂ ᠬᠠᠷᠠ ᠮᠢᠬᠠᠨᠤ ᠨᠤᠷᠮᠠ᠂ ᠮᠢᠬᠠᠨᠤ ᠴᠢᠨᠠᠷ ᠵᠢᠴᠢ ᠵᠠᠬᠠ ᠳᠡᠯᠭᠡᠭᠦᠷᠤᠨ ᠬᠡᠯᠪᠡᠢ᠌ᠯᠲᠡ ᠵᠢᠨ ᠬᠡᠷᠡᠭᠴᠡᠭᠡᠳᠤ ᠵᠤᠬᠢᠴᠠᠭᠤᠯᠤᠨᠠ᠃
2᠂ ᠲᠤᠬᠠᠢ ᠵᠢᠨ ᠭᠠᠵᠠᠷᠤᠨ ᠪᠠᠢ᠌ᠭ᠋ᠠᠯᠢ ᠵᠢᠨ ᠨᠦᠭᠦᠴᠡᠯ ᠪᠠ ᠲᠡᠵᠢᠭᠡᠯᠭᠡ ᠠᠷᠠᠴᠢᠯᠠᠭᠠ ᠵᠢᠨ ᠨᠦᠭᠦᠴᠡᠯᠳᠤ ᠵᠤᠬᠢᠴᠠᠭᠣᠯᠬᠣ
ᠪᠠᠢ᠌ᠭ᠋ᠠᠯᠢ ᠵᠢᠨ ᠨᠦᠭᠦᠴᠡᠯᠨᠢ ᠭᠤᠤᠯᠳᠠᠭᠤ ᠠᠭᠤᠷ ᠠᠮᠢᠰᠬᠤᠯᠤᠨ ᠪᠠᠢ᠌ᠳᠠᠯᠢ ᠵᠢᠭ᠋ᠠᠵᠤ ᠪᠠᠢ᠌ᠨᠠ᠃ ᠤᠨᠴᠠᠭ᠋ᠠᠢ᠌ᠯᠠᠨ ᠲᠤᠷᠤᠢ ᠵᠢᠨ ᠡᠭᠦᠷ ᠪᠠ ᠲᠤᠷᠤᠢ ᠪᠣᠢ᠌ᠵᠢᠭᠣᠯᠬᠣ ᠲᠠᠰᠤᠭᠤᠨ ᠳᠤᠯᠠᠭ᠋ᠠᠨᠤ ᠬᠡᠮᠵᠢᠶᠡ᠂ ᠭᠡᠷᠡᠯᠤᠨ ᠳᠤᠰᠤᠴᠠ᠂ ᠭᠠᠬᠠᠢ ᠵᠢᠨ ᠲᠠᠯᠠᠪᠠᠢ ᠵᠢᠨ ᠲᠡᠵᠢᠭᠡᠯᠤᠨ ᠨᠦᠭᠦᠴᠡᠯ᠂ ᠪᠠᠭ᠋ᠠᠵᠢ ᠲᠦᠬᠦᠭᠡᠷᠦᠮᠵᠢ ᠵᠢᠴᠢ ᠮᠡᠷᠭᠡᠵᠢᠯᠤᠨ ᠬᠠᠮᠢᠶᠠᠷᠤᠯᠲᠠ ᠵᠢᠨ ᠬᠢᠷᠢ ᠬᠡᠮᠵᠢᠶᠡ ᠵᠡᠷᠭᠡ ᠪᠠᠭᠲᠠᠨᠠ᠃ ᠨᠦᠭᠦᠴᠡᠯᠨᠢ ᠰᠠᠢ᠌ᠨ ᠦᠶᠡᠰᠲᠤ ᠰᠢᠯᠢᠳᠡᠭ ᠡᠭᠦᠯᠳᠡᠷᠤᠨ ᠳᠠᠪᠠᠭᠤᠯᠢᠭ ᠲᠠᠯᠠ ᠵᠢ ᠭᠦᠢ᠍ᠴᠡᠳ ᠪᠠᠳᠠᠷᠠᠭᠤᠯᠵᠤ ᠴᠢᠳᠠᠳᠠᠭ᠃ ᠨᠦᠭᠦᠴᠡᠯᠨᠢ ᠪᠠᠷᠤᠭᠲᠠᠢ ᠦᠶᠡᠰᠲᠤ ᠶᠠᠮᠠᠷᠴᠤ ᠡᠭᠦᠯᠳᠡᠷᠤᠨ ᠦᠷᠡᠰ ᠭᠠᠬᠠᠢ ᠵᠢ ᠦᠷᠡᠵᠢᠭᠦᠯᠵᠦ ᠪᠣᠯᠬᠣ ᠦᠭᠡᠢ᠃
3᠂ ᠠᠵᠤ ᠠᠬᠤᠢ ᠵᠢᠨ ᠬᠦᠴᠦᠨ ᠴᠢᠳᠠᠯ ᠵᠶ᠋ᠡᠨ ᠦᠨᠳᠦᠰᠦᠯᠡᠬᠦ
ᠡᠨᠡᠨᠢ ᠭᠤᠤᠯᠳᠠᠭᠤ ᠪᠡᠯᠡ ᠮᠦᠩᠭᠦᠨᠤ ᠬᠦᠴᠦᠨ ᠵᠦᠢ᠍ᠯ ᠪᠠ ᠵᠠᠬᠠ ᠳᠡᠯᠭᠡᠭᠦᠷᠤᠨ ᠴᠢᠳᠠᠪᠬᠢ ᠵᠢ ᠵᠢᠭ᠋ᠠᠵᠤ ᠪᠠᠢ᠌ᠨᠠ᠃ ᠪᠡᠯᠡ ᠮᠦᠩᠭᠦᠨᠤ ᠬᠦᠴᠦᠨ ᠵᠦᠢ᠍ᠯᠨᠢ ᠭᠤᠤᠯ ᠪᠠᠢ᠌ᠷᠢ ᠵᠢ ᠡᠵᠡᠯᠡᠨᠡ᠃ ᠭᠠᠬᠠᠢ ᠲᠡᠵᠢᠭᠡᠬᠦ ᠦᠢ᠍ᠯᠡᠳᠪᠦᠷᠢᠯᠡᠯᠤᠨ ᠡᠷᠭᠢᠯᠲᠡ ᠵᠢᠨ ᠬᠤᠭᠤᠴᠠᠭᠠᠨᠢ ᠬᠠᠷᠢᠴᠠᠩᠭᠤᠢᠪᠠᠷ ᠨᠡᠯᠢᠶᠡᠳ ᠤᠷᠲᠤ᠂ ᠦᠢ᠍ᠯᠡᠳᠪᠦᠷᠢᠯᠡᠯ ᠳᠤᠮᠳᠠ ᠪᠡᠯᠡ ᠮᠦᠩᠭᠦᠨᠤ ᠵᠠᠷᠤᠴᠠᠭᠤᠯᠭᠠᠨᠢ ᠶᠡᠬᠡ ᠤᠴᠢᠷᠠᠴᠠ ᠳᠠᠩᠰᠠ ᠵᠢ ᠨᠠᠷᠢᠯᠢᠭ ᠪᠤᠳᠤᠵᠤ᠂ ᠠᠶᠤᠯ ᠲᠦᠭᠰᠢᠭᠦᠷᠢ ᠵᠢᠨ ᠲᠠᠨᠢᠯᠲᠠ ᠪᠠ ᠠᠶᠤᠯᠠᠴᠠ ᠰᠡᠷᠭᠡᠢ᠌ᠯᠡᠬᠦ ᠪᠡᠯᠡᠳᠭᠡᠯᠲᠠᠢ ᠪᠠᠢ᠌ᠬᠤ ᠬᠡᠷᠡᠭᠲᠡᠢ᠃ ᠪᠡᠯᠡ ᠮᠦᠩᠭᠦ ᠭᠦᠢ᠍ᠴᠡᠳ ᠦᠶᠡᠰᠲᠤ ᠰᠢᠯᠢᠳᠡᠭ ᠲᠤᠰᠬᠠᠢ᠌ᠵᠢᠭᠰᠠᠨ ᠡᠭᠦᠯᠳᠡᠷ ᠪᠣᠶᠣ ᠪᠦᠲᠦᠨ ᠤᠳᠤᠮᠤᠨ ᠭᠠᠬᠠᠢ ᠵᠢ ᠲᠡᠵᠢᠭᠡᠵᠦ ᠪᠣᠯᠣᠨᠠ᠃ ᠡᠰᠡᠪᠡᠯ ᠴᠢᠳᠠᠯᠤᠨ ᠬᠢᠷᠢᠪᠠᠷ ᠵᠶ᠋ᠡᠨ ᠲᠤᠰᠬᠠᠢ ᠪᠤᠰᠣ ᠡᠭᠦᠯᠳᠡᠷᠤᠨ ᠭᠠᠬᠠᠢ ᠵᠢ ᠰᠣᠩᠭᠣᠨ ᠲᠡᠵᠢᠭᠡᠨᠡ᠃ ᠵᠢᠱ᠌ᠢᠶᠡᠯᠡᠪᠡᠯ᠄ ᠤᠷᠤᠨᠤ ᠡᠭᠦᠯᠳᠡᠷᠤᠨ ᠪᠣᠶᠣ ᠤᠷᠤᠨᠤ ᠡᠭᠦᠯᠳᠡᠷᠢ ᠰᠠᠢ᠌ᠵᠢᠷᠠᠭᠤᠯᠤᠭᠰᠠᠨ ᠤᠯᠠᠨ ᠡᠭᠦᠯᠳᠡᠷᠤᠨ ᠦᠷᠡᠰ ᠭᠠᠬᠠᠢ ᠵᠢ ᠲᠡᠵᠢᠭᠡᠨᠡ᠃
（ᠬᠤᠶᠠᠷ） ᠡᠭᠦᠯᠳᠡᠷᠤᠨ ᠤᠨᠴᠠᠯᠢᠭ ᠪᠠ ᠦᠢ᠍ᠯᠡᠳᠪᠦᠷᠢᠯᠡᠯᠤᠨ ᠴᠢᠳᠠᠪᠤᠷᠢ ᠵᠢᠨᠢ ᠦᠨᠳᠦᠰᠦᠯᠡᠵᠦ ᠦᠷᠡᠰ ᠭᠠᠬᠠᠢ ᠰᠤᠩᠭᠤᠨᠠ᠃
1᠂ ᠪᠡᠶᠡ ᠵᠢᠨ ᠬᠡᠯᠪᠡᠷᠢ ᠪᠠ ᠭᠠᠳᠠᠷ ᠳᠦᠷᠰᠦᠪᠠᠷ ᠰᠢᠯᠢᠨ ᠰᠤᠩᠭᠤᠬᠤ
ᠪᠡᠶᠡ ᠵᠢᠨ ᠬᠡᠯᠪᠡᠷᠢ ᠭᠠᠳᠠᠷ ᠳᠦᠷᠰᠦ ᠪᠠ ᠦᠢ᠍ᠯᠡᠳᠪᠦᠷᠢᠯᠡᠯᠤᠨ ᠴᠢᠳᠠᠪᠤᠷᠢ ᠨᠢᠭᠲᠠ ᠬᠠᠷᠢᠴᠠᠭᠠᠲᠠᠢ ᠶᠣᠮ᠃ ᠬᠦᠵᠦᠭᠦᠦ ᠲᠤᠯᠤᠭ᠋ᠠᠢ ᠵᠢᠨ ᠠᠪᠴᠢᠯᠲᠠᠨᠢ ᠲᠤᠬᠢᠷᠠᠮᠵᠢᠲᠠᠢ᠂ ᠵᠤ ᠨᠢᠷᠤᠭᠤᠨᠢ ᠲᠡᠭᠰᠢ᠂ ᠭᠡᠪᠡᠯᠢ ᠵᠢᠨ ᠬᠡᠰᠡᠭᠤᠨ ᠬᠦᠭᠵᠢᠯᠲᠡᠨᠢ ᠭᠦᠢ᠍ᠴᠡᠳ ᠭᠡᠪᠡᠴᠦ ᠳᠡᠭᠦᠵᠢᠯᠡᠭᠳᠡᠬᠦ ᠦᠭᠡᠢ᠂ ᠤᠨᠴᠠᠭ᠋ᠠᠢ ᠳᠤᠲᠠᠭᠳᠠᠯ （ᠬᠦᠢ᠍ᠰᠦᠨᠤ ᠢᠪᠡᠷᠬᠡᠢ ᠪᠣᠶᠣ ᠬᠤᠰᠬᠢᠨᠠᠭᠤᠨ ᠢᠪᠡᠷᠬᠡᠢ） ᠦᠭᠡᠢ ᠪᠣᠯ ᠰᠠᠢ᠌ᠨ᠃ ᠳᠦᠷᠪᠡᠨ ᠮᠦᠴᠢᠨᠢ ᠴᠢᠬᠢᠷᠠᠭ᠂ ᠵᠤᠭᠰᠤᠯᠲᠠᠨᠢ ᠲᠡᠭᠰᠢ ᠪᠠᠢ᠌ᠬᠤ ᠬᠡᠷᠡᠭᠲᠡᠢ᠃ ᠦᠷᠡᠰ ᠭᠠᠬᠠᠢ ᠤᠷᠤᠭᠤᠯᠬᠤᠳᠤ ᠪᠡᠶᠡ ᠵᠢᠨ ᠬᠦᠨᠳᠦᠨᠢ 50～60 ᠺᠢᠯᠤᠭ᠌ᠷᠡᠮᠤᠨ ᠦᠶᠡᠰᠲᠤ ᠬᠠᠮᠤᠭᠤᠨ ᠲᠤᠬᠢᠷᠠᠮᠵᠢᠲᠠᠢ᠃ ᠬᠡᠲᠦᠷᠬᠡᠢ ᠲᠠᠷᠭᠤᠨ ᠪᠣᠯ ᠬᠡᠭᠡᠯᠳᠦᠯᠭᠡ ᠬᠢᠬᠦᠳᠤ ᠲᠤᠬᠢᠷᠠᠬᠤ ᠦᠭᠡᠢ᠃ ᠵᠠᠷᠢᠮ ᠬᠡᠲᠦᠷᠬᠡᠢ ᠲᠠᠷᠭᠤᠨ ᠮᠡᠭᠡᠵᠢ ᠤᠷᠤᠭᠠ ᠤᠷᠤᠬᠤᠪᠠᠷ ᠪᠠᠷᠤᠭᠲᠠᠢ ᠪᠤᠶᠤ ᠤᠷᠤᠭᠠ ᠤᠷᠤᠬᠤ ᠦᠭᠡᠢ ᠪᠠᠢ᠌ᠳᠠᠭ᠃ ᠦᠰᠦᠨᠤ ᠦᠩᠭᠡᠨᠢ ᠬᠡᠲᠦᠷᠬᠡᠢ ᠬᠤᠯᠢᠮᠠᠭ ᠪᠣᠯ ᠤᠳᠤᠮᠰᠢᠯᠨᠢ ᠪᠤᠳᠤᠯᠢᠶᠠᠨᠲᠠᠢ ᠶᠤᠮ᠃
2᠂ ᠡᠷᠡᠭᠦᠯ ᠴᠢᠬᠢᠷᠠᠭᠤᠨ ᠪᠠᠢ᠌ᠳᠠᠯ
ᠡᠷᠡᠭᠦᠯ ᠴᠢᠬᠢᠷᠠᠭᠤᠨ ᠪᠠᠢ᠌ᠴᠠᠭ᠋ᠠᠯᠲᠠᠳᠤ ᠤᠷᠢᠳᠠᠪᠡᠷ ᠮᠠᠯ ᠡᠮᠨᠡᠯᠭᠡ ᠵᠢᠨ ᠡᠷᠡᠭᠦᠯ ᠬᠠᠮᠠᠭ᠋ᠠᠯᠠᠯᠤᠨ ᠳᠦᠷᠢᠮᠨᠢ ᠪᠦᠷᠢᠨ ᠡᠰᠡᠬᠦ᠂ ᠭᠠᠬᠠᠢ ᠵᠢᠨ ᠲᠠᠯᠠᠪᠠᠢ ᠵᠢᠨ ᠬᠠᠮᠢᠶᠠᠷᠤᠯᠲᠠᠨᠢ ᠡᠮᠬᠢ ᠲᠢᠭᠯᠢᠮᠲᠠᠢ ᠡᠰᠡᠬᠦ ᠵᠢ ᠪᠠᠢ᠌ᠴᠠᠭ᠋ᠠᠵᠤ᠂ ᠭᠤᠤᠯ ᠪᠣᠯᠬᠣ ᠬᠢᠵᠢᠭ ᠡᠪᠡᠳᠴᠢᠨᠤ ᠦᠯᠦ ᠬᠠᠯᠳᠠᠭ᠋ᠠᠬᠤ ᠪᠠᠲᠤᠯᠠᠪᠤᠷᠢ ᠣᠯᠭᠣᠭᠰᠠᠨ ᠪᠠᠢ᠌ᠳᠠᠯᠢ ᠠᠰᠠᠭᠤᠨ ᠯᠠᠪᠯᠠᠵᠤ᠂ ᠰᠤᠩᠭᠤᠬᠤ ᠭᠠᠬᠠᠢ ᠵᠢᠨ ᠵᠶ᠋ᠡᠨ ᠡᠷᠡᠭᠦᠯᠤᠨ ᠪᠠᠢ᠌ᠳᠠᠯᠳᠤ ᠨᠠᠷᠢᠯᠢᠭ ᠪᠠᠢ᠌ᠴᠠᠭ᠋ᠠᠯᠲᠠ ᠬᠢᠨᠡ᠃ ᠴᠤᠭ ᠰᠦᠯᠳᠡᠨᠢ ᠰᠠᠢ᠌ᠨ ᠡᠰᠡᠬᠦ᠂ ᠦᠰᠦᠨᠢ ᠭᠢᠯᠠᠭ᠋ᠠᠷ ᠡᠰᠡᠬᠦ᠂ ᠨᠢᠳᠦ ᠬᠠᠮᠠᠷ᠂ ᠬᠤᠰᠬᠢᠨᠠᠭᠤᠨ ᠠᠮᠠᠰᠠᠷ ᠪᠠ ᠪᠡᠶᠡ ᠵᠢᠨ ᠡᠷᠡᠭᠦᠯ ᠪᠤᠰᠤ ᠪᠠᠢ᠌ᠳᠠᠯᠢ ᠠᠩᠬᠠᠷᠴᠤ᠂ ᠪᠡᠶᠡ ᠵᠢᠨ ᠭᠠᠳᠠᠷᠭᠤ ᠵᠢᠨ ᠡᠯᠡ ᠬᠡᠰᠡᠭᠲᠤ ᠢᠳᠡᠭᠡᠲᠦ ᠰᠢᠷᠬᠠᠲᠠᠢ ᠡᠰᠡᠬᠦ ᠵᠢ ᠦᠵᠡᠨᠡ᠃ ᠳᠠᠷᠠᠭᠠᠨᠢ ᠲᠤᠭᠲᠠᠭ᠋ᠠᠯ ᠶᠤᠰᠤᠭ᠋ᠠᠷ ᠲᠤᠷᠰᠢᠯᠲᠠ ᠵᠢᠨ ᠲᠠᠰᠤᠭᠤᠨ ᠪᠠᠢ᠌ᠴᠠᠭ᠋ᠠᠯᠲᠠ ᠬᠢᠵᠦ᠂ ᠲᠤᠷᠰᠢᠯᠲᠠ ᠵᠢᠨ ᠲᠠᠰᠤᠭᠤᠨ ᠪᠠᠢ᠌ᠴᠠᠭ᠋ᠠᠯᠲᠠ ᠵᠢᠨ ᠦᠷᠡ ᠳ᠋ᠦᠩ ᠵᠶ᠋ᠡᠷ ᠲᠤᠷᠰᠢᠯᠭᠠᠲᠠᠢ ᠮᠡᠷᠭᠡᠵᠢᠯᠲᠡᠨᠢ ᠤᠷᠢᠵᠤ᠂ ᠭᠠᠬᠠᠢ ᠵᠢᠨ ᠲᠠᠯᠠᠪᠠᠢ ᠵᠢᠨ ᠪᠣᠳᠠᠲᠠᠢ ᠪᠠᠢ᠌ᠳᠠᠯᠳᠤ ᠦᠨᠡᠯᠡᠯᠲᠡ ᠪᠠ ᠨᠤᠲᠠᠯᠠᠯᠲᠠ ᠬᠢᠯᠭᠡᠨᠡ᠃
3᠂ ᠦᠢ᠍ᠯᠡᠳᠪᠦᠷᠢᠯᠡᠯᠤᠨ ᠴᠢᠳᠠᠪᠤᠷᠢᠪᠠᠷ ᠰᠢᠯᠢᠨ ᠰᠤᠩᠭᠤᠯᠲᠠ ᠬᠢᠬᠦ
ᠦᠢ᠍ᠯᠡᠳᠪᠦᠷᠢᠯᠡᠯᠤᠨ ᠴᠢᠳᠠᠪᠤᠷᠢ ᠰᠠᠢ᠌ᠨ ᠦᠷᠡᠰ ᠭᠠᠬᠠᠢ ᠵᠢ ᠰᠤᠩᠭᠤᠬᠤ ᠪᠣᠯ ᠮᠠᠰᠢ ᠴᠢᠬᠤᠯᠠ ᠶᠤᠮ᠃ ᠦᠷᠡᠰ ᠭᠠᠬᠠᠢ ᠵᠢ ᠬᠤᠳᠠᠯᠳᠣᠨ ᠠᠪᠬᠤ ᠦᠶᠡᠰᠲᠤ ᠲᠡᠭᠦᠨᠤ ᠦᠢ᠍ᠯᠡᠳᠪᠦᠷᠢᠯᠡᠯᠤᠨ ᠴᠢᠳᠠᠪᠤᠷᠢ ᠪᠦᠷ ᠢᠯᠡᠷᠡᠵᠦ ᠳᠡᠢ᠌ᠯᠦᠭᠡᠳᠦᠢ ᠪᠣᠯᠬᠣᠷ ᠲᠤᠷᠰᠢᠯᠭᠠ ᠰᠠᠢ᠌ᠲᠠᠢ ᠲᠤᠰᠬᠠᠢ ᠮᠡᠷᠭᠡᠵᠢᠯᠲᠡᠨ ᠵᠶ᠋ᠡᠷ ᠦᠷᠡᠰ ᠭᠠᠬᠠᠢ ᠵᠢᠨ ᠪᠡᠶᠡ ᠪᠠᠢ᠌ᠳᠠᠯ᠂ ᠭᠠᠳᠠᠷ ᠳᠦᠷᠰᠦ ᠵᠢ ᠦᠨᠳᠦᠰᠦᠯᠡᠵᠦ ᠠᠩᠬᠠ ᠠᠯᠬᠤᠮᠤᠨ ᠦᠢ᠍ᠯᠡᠳᠪᠦᠷᠢᠯᠡᠯᠤᠨ ᠴᠢᠳᠠᠪᠦᠷᠢ ᠵᠢᠨ ᠦᠨᠡᠯᠡᠯᠲᠡ ᠬᠢᠯᠭᠡᠨᠡ᠃ ᠭᠡᠪᠡᠴᠦ ᠪᠠᠲᠤᠲᠠᠢ ᠪᠠᠷᠢᠮᠲᠠ ᠵᠢ ᠣᠯᠬᠣᠳᠤ ᠡᠴᠢᠭᠡ ᠡᠬᠡ ᠵᠢᠨ ᠬᠢᠨᠢ ᠦᠢ᠍ᠯᠡᠳᠪᠦᠷᠢᠯᠡᠯᠤᠨ ᠴᠢᠳᠠᠪᠤᠷᠢᠪᠠᠷ ᠦᠨᠳᠦᠰᠦᠯᠡᠯ ᠪᠣᠯᠭ᠋ᠠᠬᠤ ᠬᠡᠷᠡᠭᠲᠡᠢ᠃ ᠨᠡᠯᠢᠶᠡᠳ ᠵᠢᠩᠬᠢᠨᠢᠴᠢᠯᠡᠭᠰᠡᠨ ᠦᠷᠡᠰ ᠭᠠᠬᠠᠢ ᠵᠢᠨ ᠲᠠᠯᠠᠪᠠᠢᠳᠤ ᠡᠴᠢᠭᠡ ᠡᠬᠡ ᠵᠢᠨ ᠬᠢᠨᠢ ᠦᠢ᠍ᠯᠡᠳᠪᠦᠷᠢᠯᠡᠯᠤᠨ ᠴᠢᠳᠠᠪᠤᠷᠢ ᠵᠢᠨ ᠳᠠᠩᠰᠠ ᠡᠪᠬᠡᠮᠡᠯ ᠪᠠᠢ᠌ᠬᠤ ᠪᠣᠯᠬᠣᠷ ᠡᠴᠢᠭᠡ ᠡᠬᠡ ᠵᠢᠨ ᠬᠢᠨᠢ ᠬᠢᠨᠠᠨ ᠲᠤᠭᠲᠠᠭ᠋ᠠᠯᠤᠨ ᠬᠢᠷᠢ ᠬᠡᠮᠵᠢᠶᠡᠪᠠᠷ ᠦᠷᠡᠰ ᠭᠠᠬᠠᠢ ᠵᠢ ᠰᠢᠯᠢᠵᠦ ᠰᠤᠩᠭᠤᠨᠠ᠃
4᠂ ᠠᠵᠢᠷᠭ᠋ᠠᠨ ᠭᠠᠬᠠᠢ （ᠬᠠᠪᠠᠨ） ᠵᠢ ᠰᠤᠩᠭᠤᠬᠤ
ᠠᠵᠢᠷᠭ᠋ᠠᠨ ᠭᠠᠬᠠᠢ ᠵᠢᠨ ᠳᠦᠷᠪᠡᠨ ᠮᠦᠴᠢᠨᠢ ᠪᠦᠳᠦᠭᠦᠨ᠂ ᠪᠦᠷᠭᠦᠭᠦᠯ ᠦᠰᠦᠨᠢ ᠪᠦᠳᠦᠭᠦᠨ ᠮᠦᠷᠲᠡᠭᠡᠨ ᠬᠠᠲᠠᠭᠤ᠂ ᠪᠡᠶᠡ ᠵᠢᠨ ᠡᠮᠦᠨᠡ ᠬᠡᠰᠡᠭᠤᠨ ᠬᠦᠭᠵᠢᠯᠲᠡᠨᠢ ᠰᠠᠢ᠌ᠨ᠂ ᠵᠠᠩ ᠠᠭ᠋ᠠᠰᠢᠨᠢ ᠴᠤᠪᠤᠭᠤᠯᠢᠭ᠂ ᠡᠷᠡᠭᠴᠢᠨ ᠴᠢᠨᠠᠷᠨᠢ ᠲᠤᠳᠤᠷᠬᠠᠢ ᠪᠠᠢ᠌ᠬᠤ ᠬᠡᠷᠡᠭᠲᠡᠢ᠃ ᠲᠦᠮᠦᠰᠦ ᠵᠢᠨ ᠪᠣᠢ᠌ᠵᠢᠯᠲᠠᠨᠢ ᠵᠢᠭᠲᠡ ᠰᠠᠢ᠌ᠨ ᠪᠠᠢ᠌ᠬᠤ ᠬᠡᠷᠡᠭᠲᠡᠢ᠂ ᠭᠠᠷ ᠵᠶ᠋ᠠᠷ ᠲᠡᠮᠲᠡᠷᠢᠬᠦᠳᠤ ᠵᠤᠬᠢᠬᠤ ᠬᠠᠯᠠᠭᠤᠨ ᠪᠠ ᠬᠦᠳᠡᠯᠭᠡᠭᠡᠨᠲᠠᠢ᠃
5᠂ ᠦᠷᠡᠳᠤ ᠬᠡᠷᠡᠭᠯᠡᠬᠦ ᠮᠡᠭᠡᠵᠢ ᠵᠢ ᠰᠢᠯᠢᠵᠦ ᠰᠤᠩᠭᠤᠬᠤ
ᠦᠢ᠍ᠯᠡᠳᠪᠦᠷᠢᠯᠡᠯᠤᠨ ᠴᠢᠳᠠᠪᠤᠷᠢ ᠵᠢᠨ ᠰᠤᠩᠭᠤᠯᠲᠠᠨᠢ ᠬᠢᠷᠢ ᠲᠡᠩᠴᠡᠭᠰᠡᠨᠤ ᠳᠠᠷᠠᠭᠠ᠂ ᠭᠠᠳᠠᠷ ᠳᠦᠷᠰᠦᠪᠠᠷᠨᠢ ᠰᠢᠯᠢᠨ ᠰᠤᠩᠭᠤᠯᠲᠠ ᠬᠢᠨᠡ᠃ ᠳᠦᠷᠪᠡᠨ ᠮᠦᠴᠢ ᠵᠢᠨ ᠵᠤᠭᠰᠤᠯᠲᠠᠨᠢ ᠲᠡᠭᠰᠢ᠂ ᠪᠡᠶᠡ ᠴᠤᠭᠴᠠᠨᠢ ᠴᠢᠬᠢᠷᠠᠭ᠂ ᠲᠤᠯᠤᠭ᠋ᠠᠢ ᠵᠢᠨ ᠶᠡᠬᠡ ᠪᠠᠭᠠᠨᠢ ᠲᠤᠬᠢᠷᠠᠮᠵᠢᠲᠠᠢ᠃ ᠵᠤ ᠨᠢᠷᠤᠭᠤᠨᠢ ᠨᠡᠯᠢᠶᠡᠳ ᠦᠷᠭᠡᠨ ᠲᠡᠭᠰᠢ᠂ ᠴᠡᠭᠡᠵᠢ ᠠᠭᠤᠵᠢᠭᠤ ᠪᠤᠢ᠌ᠵᠢᠯᠲᠠᠨᠢ ᠰᠠᠢ᠌ᠨ᠂ ᠬᠡᠪᠡᠯᠢ ᠵᠢᠨ ᠬᠡᠰᠡᠭᠨᠢ ᠦᠷᠭᠡᠨ᠂ ᠳᠤᠷᠤᠭᠰᠢ ᠳᠡᠭᠦᠵᠢᠯᠡᠭᠳᠡᠬᠦ ᠦᠭᠡᠢ᠂ ᠬᠦᠬᠦᠨ ᠲᠤᠪᠴᠢ ᠵᠢᠨ ᠬᠢᠨᠢ ᠪᠤᠢ᠌ᠵᠢᠯᠲᠠᠨᠢ ᠲᠤᠳᠤᠷᠬᠠᠢ᠂ ᠵᠢᠭᠰᠠᠭ᠋ᠠᠯᠲᠠᠨᠢ ᠵᠢᠭᠲᠡ᠂ 6 ᠬᠤᠤᠰᠠᠴᠠ ᠴᠦᠬᠡᠨ ᠦᠭᠡᠢ᠂ ᠭᠠᠷ ᠵᠶ᠋ᠠᠷ ᠲᠡᠮᠲᠡᠷᠢᠬᠦᠳᠤ ᠬᠠᠷᠢᠮᠠᠬᠠᠢ ᠴᠢᠨᠠᠷ ᠵᠶ᠋ᠠᠷ ᠰᠠᠢ᠌ᠨ᠂ ᠤᠮᠠᠢ ᠵᠢᠨ ᠠᠮᠠᠰᠠᠷᠤᠨ ᠪᠤᠢ᠌ᠵᠢᠯᠲᠠᠨᠢ ᠭᠦᠢ᠍ᠴᠡᠳ᠂ ᠶᠡᠬᠡ ᠪᠠᠭᠠᠨᠢ ᠲᠤᠬᠢᠷᠠᠮᠵᠢᠲᠠᠢ ᠪᠠᠢ᠌ᠬᠤ ᠬᠡᠷᠡᠭᠲᠡᠢ᠃
（ᠢᠷᠡᠯᠲᠡ᠄ ᠦ᠊· ᠪᠤᠶᠠᠨᠳᠡᠯᠭᠡᠷ ᠨᠠᠷᠤᠨ ᠨᠠᠢ᠌ᠷᠠᠭᠤᠯᠤᠭᠰᠠᠨ 《ᠭᠠᠬᠠᠢ ᠵᠢᠨ ᠰᠠᠢ᠌ᠨ ᠡᠭᠦᠯᠳᠡᠷ ᠰᠤᠩᠭᠤᠬᠤ ᠮᠡᠷᠭᠡᠵᠢᠯ》 ᠭᠡᠬᠦ ᠨᠤᠮᠠᠴᠠ ᠰᠤᠩᠭᠤᠨ ᠰᠡᠢ᠌ᠷᠡᠭᠦᠯᠪᠡ᠃）