ᠪᠢᠶᠠᠨᠴᠢ ᠲᠠᠬᠢᠶᠠ （边鸡） ᠵᠢᠨ ᠢᠷᠡᠯᠲᠡᠨᠢ ᠤᠳᠣ ᠪᠤᠯᠲᠠᠯᠠ ᠲᠡᠦᠬᠡᠨ ᠳᠡᠭᠡᠷᠡ ᠦᠨᠡᠨ ᠪᠤᠳᠠᠳᠠᠢ ᠲᠡᠮᠳᠡᠭᠯᠡᠯ ᠪᠠᠢ᠌ᠬᠤ ᠦᠭᠡᠢ ᠶᠣᠮ᠃ ᠤᠯᠠᠮᠵᠢᠯᠠᠯ ᠶᠠᠷᠢᠶᠠᠨᠠᠴᠠ ᠦᠨᠳᠦᠰᠦᠯᠡᠯ᠂ ᠲᠤᠰ ᠲᠠᠬᠢᠶᠠᠨᠢ ᠴᠢᠩᠤᠨ ᠲᠡᠭᠷᠢ ᠲᠡᠳᠭᠦᠭᠴᠢ （ᠪᠠᠷᠤᠭ ᠨᠡᠢ᠌ᠲᠡ ᠵᠢᠨ ᠤᠨ ᠲᠤᠭ᠋ᠠᠯᠠᠯᠤᠨ 1750 ᠣᠨᠤ ᠤᠷᠴᠢᠮ） ᠵᠢᠨ ᠦᠶᠡᠳᠤ᠂ ᠦᠪᠦᠷ ᠮᠣᠩᠭᠣᠯᠤᠨ ᠤᠯᠠᠭ᠋ᠠᠨᠴᠠᠪ ᠠᠢ᠌ᠮᠠᠭᠲᠤ᠂ ᠶᠠᠭ ᠰᠠᠶᠢᠬᠠᠨ ᠠᠲᠠᠷ ᠬᠠᠭ᠋ᠠᠯᠪᠤᠷᠢᠯᠠᠬᠤ ᠦᠶᠡᠰᠲᠤ᠂ ᠹᠧᠩ ᠲᠢᠶᠠᠨ ᠹᠦ᠋ （ᠤᠳᠤᠬᠢ ᠯᠢᠶᠣᠤᠨᠢᠩ）ᠠᠴᠠ ᠠᠪᠴᠢᠷᠠᠭᠰᠠᠨ ᠲᠤᠮᠤ ᠶᠠᠰᠤᠲᠤ ᠲᠠᠬᠢᠶᠠᠨᠢ ᠤᠷᠲᠤ ᠬᠤᠭᠤᠴᠠᠭ᠋ᠠᠨᠤ ᠲᠡᠵᠢᠭᠡᠬᠦᠪᠠᠷ ᠳᠠᠮᠵᠢᠭ᠋ᠠᠳ᠂ ᠪᠠᠢ᠌ᠭ᠋ᠠᠯᠢᠲᠠᠢ ᠵᠤᠬᠢᠴᠠᠵᠤ᠂ ᠠᠭ᠋ᠠᠵᠢᠮ ᠵᠶ᠋ᠠᠷ ᠦᠰᠦᠨ ᠦᠷᠡᠵᠢᠭᠡᠳ ᠨᠢᠭᠡᠨ ᠤᠨᠴᠠᠭ᠋ᠠᠢ ᠡᠭᠦᠯᠳᠡᠷ ᠪᠣᠯᠵᠣ ᠬᠣᠪᠢᠷᠠᠭᠰᠠᠨ ᠪᠠᠢ᠌ᠨᠠ᠃
ᠦᠪᠦᠷ ᠮᠣᠩᠭᠣᠯᠤᠨ ᠤᠯᠠᠭ᠋ᠠᠨᠴᠠᠪ ᠠᠢ᠌ᠮᠠᠭᠨᠢ ᠮᠣᠨᠢ ᠠᠭᠤᠯᠠ ᠬᠠᠢ᠌ᠷᠬᠠᠨᠤ ᠳᠣᠮᠳᠠ ᠬᠡᠰᠡᠭᠤᠨ ᠡᠮᠦᠨᠡ ᠬᠤᠢ᠌ᠨᠠ ᠬᠣᠶᠠᠷ ᠬᠤᠷᠮᠣᠢ ᠵᠢᠨ ᠦᠨᠳᠦᠷᠯᠢᠭ ᠳᠣᠪᠣᠷᠬᠠᠭ ᠭᠠᠵᠠᠷᠲᠤ ᠪᠠᠢ᠌ᠵᠤ᠂ ᠳᠠᠯᠠᠢ ᠵᠢᠨ ᠲᠦᠪᠰᠢᠨᠠᠴᠠ ᠪᠠᠷᠤᠭ 1500m ᠦᠨᠳᠦᠷ᠂ ᠵᠢᠯᠤᠨ ᠭᠡᠷᠡᠯ ᠳᠤᠰᠬᠤ ᠴᠠᠭᠨᠢ 3001.5 ᠴᠠᠭ ᠪᠠᠢ᠌ᠵᠤ᠂ ᠳᠦᠷᠪᠡᠨ ᠤᠯᠠᠷᠢᠯᠤᠨ ᠳᠣᠯᠠᠭ᠋ᠠᠨᠤ ᠵᠦᠷᠢᠶᠡᠨᠢ ᠶᠡᠬᠡ᠂ ᠬᠠᠮᠤᠭ ᠦᠨᠳᠦᠷ ᠳᠣᠯᠠᠭ᠋ᠠᠨᠤ ᠬᠡᠮᠵᠢᠶᠡᠨᠢ 36℃ ᠪᠠᠢ᠌ᠵᠤ᠂ ᠬᠠᠮᠤᠭ ᠳᠤᠤᠷᠠ ᠳᠤᠯᠠᠭ᠋ᠠᠨᠤ ᠬᠡᠮᠵᠢᠶᠡ -34℃ ᠪᠠᠢ᠌ᠳᠠᠭ᠃ ᠨᠡᠢ᠌ᠲᠡᠯᠢᠭ ᠡᠬᠡ ᠬᠠᠭᠤᠷᠠᠢ ᠵᠢᠨ ᠠᠭᠤᠷ ᠠᠮᠢᠰᠬᠤᠯ ᠪᠠᠢ᠌ᠵᠤ᠂ ᠵᠢᠯᠤᠨ ᠲᠡᠭᠰᠢᠳᠭᠡᠭᠰᠡᠨ ᠳᠣᠯᠠᠭ᠋ᠠᠨᠤ ᠬᠡᠮᠵᠢᠶᠡᠨᠢ 2～5℃᠂ ᠵᠢᠯᠤᠨ ᠬᠤᠷᠠ ᠲᠤᠨᠤᠳᠠᠰᠤᠨᠤ ᠬᠡᠮᠵᠢᠶᠡᠨᠢ 201～652mm᠂ ᠤᠯᠠᠩᠬᠢᠨᠢ 7～8 ᠰᠠᠷᠠᠳᠤ ᠲᠦᠪᠯᠡᠷᠡᠵᠦ᠂ ᠬᠢᠷᠠᠭᠤ ᠦᠭᠡᠢ ᠬᠤᠭᠤᠴᠠᠭᠠᠨᠢ 90～130 ᠡᠳᠦᠷ ᠪᠠᠢ᠌ᠳᠠᠭ᠃ ᠲᠤᠰ ᠭᠠᠵᠠᠷ ᠤᠷᠤᠨᠤ ᠲᠠᠷᠢᠮᠠᠯᠤᠨ ᠵᠦᠢ᠍ᠯᠨᠢ ᠭᠤᠤᠯᠳᠠᠭᠤ ᠪᠤᠭᠤᠳᠠᠢ᠂ ᠶᠤᠤᠮᠠᠢ᠂ ᠡᠷᠳᠡᠨᠢ ᠰᠢᠰᠢ᠂ ᠨᠠᠷᠢᠮᠤ᠂ ᠨᠤᠶᠠᠨ ᠰᠢᠰᠢ᠂ ᠲᠦᠮᠦᠰᠦ ᠪᠠ ᠬᠣᠮᠠ ᠣᠯᠣᠰᠣ ᠵᠡᠷᠭᠡ ᠪᠠᠢ᠌ᠳᠠᠭ᠃
ᠲᠤᠰ ᠭᠠᠵᠠᠷ ᠤᠷᠤᠨᠤ ᠠᠭᠤᠷ ᠠᠮᠢᠰᠬᠤᠯ ᠬᠠᠬᠢᠷ ᠬᠦᠢ᠍ᠲᠡᠨ ᠪᠠᠢ᠌ᠳᠠᠭᠠᠴᠠ ᠲᠠᠬᠢᠶᠠᠨᠤ ᠪᠡᠯᠭᠡ ᠪᠤᠯᠪᠠᠰᠤᠷᠠᠬᠤᠨᠢ ᠤᠷᠤᠢ ᠪᠠᠢ᠌ᠳᠠᠭ᠃ ᠪᠤᠷᠳᠤᠭᠠ ᠨᠦᠬᠦᠬᠦ ᠦᠶᠡᠰᠲᠤ ᠭᠤᠤᠯᠳᠠᠭᠤ ᠰᠢᠮᠡ ᠲᠡᠵᠢᠭᠡᠯ ᠰᠠᠢ᠌ᠲᠠᠢ ᠶᠤᠤᠮᠠᠢᠪᠠᠷ ᠲᠡᠵᠢᠭᠡᠳᠡᠭ᠃ ᠤᠷᠲᠤ ᠬᠤᠭᠤᠴᠠᠭ᠋ᠠᠨᠠᠴᠠ ᠨᠠᠰᠢ ᠠᠷᠠᠳᠤᠨ ᠳᠣᠮᠳᠠ ᠲᠤᠮᠤ ᠦᠨᠳᠡᠭᠡ ᠵᠢᠨᠢ ᠰᠣᠩᠭᠣᠵᠣ ᠨᠡᠪᠴᠢᠭᠦᠯᠬᠦ ᠳᠠᠳᠬᠠᠯᠲᠠᠢ ᠪᠠᠢ᠌ᠳᠠᠭ᠃ ᠡᠨᠡ ᠬᠦ᠌ ᠰᠢᠯᠲᠠᠭ᠋ᠠᠨᠠᠴᠠ ᠪᠢᠶᠠᠨᠴᠢ ᠲᠠᠬᠢᠶᠠᠨᠢ ᠰᠠᠢ᠌ᠨ ᠡᠭᠦᠯᠳᠡᠷᠤᠨ ᠲᠠᠬᠢᠶᠠ ᠪᠣᠯᠵᠣ ᠬᠤᠪᠢᠷᠠᠭᠰᠠᠨ ᠪᠠᠢ᠌ᠨᠠ᠃
（ᠨᠢᠭᠡ） ᠪᠡᠶᠡ ᠭᠠᠯᠪᠢᠷ
1. ᠭᠠᠳᠠᠷ ᠳᠦᠷᠰᠦ ᠵᠢᠨ ᠤᠨᠴᠠᠯᠢᠭ
ᠪᠢᠶᠠᠨᠴᠢ ᠲᠠᠬᠢᠶᠠ ᠵᠢᠨ ᠪᠡᠶᠡ ᠵᠢᠨ ᠬᠡᠯᠪᠡᠷᠢᠨᠢ ᠳᠣᠮᠳᠠ ᠵᠡᠷᠭᠡ ᠵᠢᠨ᠂ ᠪᠡᠶᠡᠨᠢ ᠦᠷᠭᠡᠨ᠂ ᠴᠡᠭᠡᠵᠢᠨ ᠬᠡᠰᠡᠭᠨᠢ ᠬᠦᠭᠵᠢᠩᠭᠦᠢ᠂ ᠪᠣᠯᠴᠢᠩ ᠮᠢᠬᠠᠨᠢ ᠲᠦᠭᠦᠷᠢᠬᠡᠨ᠂ ᠨᠢᠷᠣᠭᠣᠨᠢ ᠲᠡᠭᠰᠢ ᠮᠦᠷᠲᠡᠭᠡᠨ ᠦᠷᠭᠡᠨ᠂ ᠰᠢᠯᠪᠢᠨᠢ ᠤᠷᠲᠤ ᠪᠦᠭᠡᠳ ᠪᠤᠵᠠᠭ᠋ᠠᠢ ᠪᠠᠢ᠌ᠳᠠᠭ᠃ ᠪᠦᠬᠦ ᠪᠡᠶᠡ ᠵᠢᠨ ᠦᠳᠦᠨᠢ ᠦᠷᠪᠦᠭᠡᠷ᠂ ᠨᠤᠯᠤᠤᠷ ᠦᠳᠦᠨᠢ ᠨᠢᠭᠲᠠ ᠰᠢᠭ᠋᠂ ᠪᠡᠶᠡᠨᠢ ᠶᠤᠸᠠᠮᠪᠣᠣ ᠬᠡᠯᠪᠡᠷᠢᠲᠡᠢ ᠪᠠᠢ᠌ᠳᠠᠭ᠃
ᠪᠢᠶᠠᠨᠴᠢ ᠲᠠᠬᠢᠶᠠᠨᠢ ᠳᠠᠩ ᠰᠡᠴᠢᠭ ᠵᠶ᠋ᠡᠷ ᠭᠣᠣᠯᠯᠠᠵᠤ᠂ ᠴᠦᠬᠡᠨ ᠲᠤᠭ᠋ᠠᠨᠤ ᠬᠢᠨᠢ ᠭᠦᠷᠡᠯᠵᠡᠭᠡᠨᠡ ᠰᠡᠴᠢᠭ ᠪᠠ ᠪᠤᠷᠴᠠᠭᠤᠨ ᠰᠡᠴᠢᠭᠲᠠᠢ ᠪᠠᠢ᠌ᠳᠠᠭ᠃ ᠡᠷᠡᠭᠴᠢᠨ ᠲᠠᠬᠢᠶᠠᠨᠤ ᠰᠡᠴᠢᠭᠤᠨ ᠬᠡᠯᠪᠡᠷᠢᠨᠢ ᠠᠰᠬᠠᠨ᠂ ᠡᠮᠡᠭᠴᠢᠨ ᠲᠠᠬᠢᠶᠠᠨᠤ ᠰᠡᠴᠢᠭᠨᠢ ᠪᠠᠭᠠ ᠰᠢᠭ᠋᠂ ᠢᠯᠡ ᠲᠤᠳᠤᠷᠬᠠᠢ S ᠬᠡᠯᠪᠡᠷᠢ ᠵᠢᠨ ᠮᠤᠷᠤᠢᠲᠠᠢ᠃ ᠰᠡᠴᠢᠭᠤᠨ ᠦᠩᠭᠡᠨᠢ ᠰᠤᠷᠭᠤᠭ ᠤᠯᠠᠭ᠋ᠠᠨ᠂ ᠬᠣᠰᠢᠭᠤᠨᠢ ᠤᠬᠤᠷ ᠦᠷᠭᠡᠨ᠂ ᠳᠤᠭᠤᠭᠰᠢ ᠮᠤᠷᠤᠢ᠂ ᠬᠠᠷᠠ ᠦᠩᠭᠡ᠂ ᠬᠦᠷᠡᠩ ᠦᠩᠭᠡ᠂ ᠰᠢᠷᠠ ᠦᠩᠭᠡᠲᠠᠢᠨᠢ ᠤᠯᠠᠨ ᠪᠠᠢ᠌ᠳᠠᠭ᠃ ᠨᠢᠳᠦᠨᠢ ᠪᠦᠳᠦᠭᠦᠨ ᠪᠦᠭᠡᠳ ᠴᠣᠭᠲᠠᠢ᠂ ᠰᠣᠯᠣᠩᠭ᠋ᠠᠨ ᠪᠦᠷᠬᠦᠭᠦᠯᠨᠢ ᠤᠯᠠᠭ᠋ᠠᠨ ᠪᠣᠶᠣ ᠬᠠᠷᠠ ᠤᠯᠠᠭ᠋ᠠᠨ ᠦᠩᠭᠡᠲᠠᠢ᠃ ᠨᠢᠭᠤᠷ᠂ ᠮᠣᠯᠴᠣᠭ᠂ ᠴᠢᠬᠢᠨ ᠳᠡᠯᠪᠢᠨᠢ ᠤᠯᠠᠭ᠋ᠠᠨ ᠦᠩᠭᠡᠲᠠᠢ ᠪᠠᠢ᠌ᠳᠠᠭ᠃ ᠨᠢᠭᠤᠷᠤᠨ ᠬᠡᠰᠡᠭᠨᠢ ᠨᠡᠯᠢᠶᠡᠳ ᠴᠡᠪᠡᠷᠬᠡᠨ᠂ ᠤᠷᠲᠤ ᠤᠬᠤᠷᠨᠢ ᠠᠳᠠᠯᠢ ᠪᠤᠰᠤ ᠵᠢᠨ ᠨᠠᠷᠢᠨ ᠦᠳᠦ ᠤᠷᠭᠤᠭᠰᠠᠨ ᠪᠠᠢ᠌ᠳᠠᠭ᠃
ᠡᠷᠡᠭᠴᠢᠨ ᠲᠠᠬᠢᠶᠠᠨᠤ ᠦᠳᠦᠨᠤ ᠦᠩᠭᠡᠨᠢ ᠭᠤᠤᠯᠳᠠᠭᠤ ᠤᠯᠠᠭ᠋ᠠᠨ ᠬᠠᠷᠠ ᠪᠣᠶᠣ ᠰᠢᠷᠠ ᠬᠠᠷᠠ ᠦᠩᠭᠡ ᠪᠠᠢ᠌ᠵᠤ᠂ ᠬᠠᠶᠠ ᠵᠠᠷᠢᠮᠨᠢ ᠰᠢᠷᠠ ᠴᠠᠭ᠋ᠠᠨ ᠦᠩᠭᠡᠲᠠᠢ ᠪᠣᠶᠣ ᠴᠠᠭ᠋ᠠᠨ ᠦᠨᠡᠰᠦᠨ ᠦᠩᠭᠡᠲᠠᠢ ᠪᠠᠢ᠌ᠳᠠᠭ᠃
ᠡᠮᠡᠭᠴᠢᠨ ᠲᠠᠬᠢᠶᠠᠨᠤ ᠦᠳᠦᠨᠤ ᠦᠩᠭᠡᠨᠢ ᠴᠠᠭ᠋ᠠᠨ ᠦᠩᠭᠡ᠂ ᠦᠨᠡᠰᠦᠨ ᠦᠩᠭᠡ᠂ ᠬᠠᠷᠠ᠂ ᠭᠦᠢ᠍ᠬᠡᠨ ᠰᠢᠷᠠ᠂ ᠣᠯᠣᠰᠣᠨ ᠰᠢᠷᠠ᠂ ᠣᠯᠠᠭ᠋ᠠᠨ ᠰᠠᠷᠠᠯ᠂ ᠰᠠᠭ᠋ᠠᠷᠮᠠᠭ ᠦᠩᠭᠡ ᠵᠡᠷᠭᠡ ᠪᠠᠢ᠌ᠵᠤ᠂ ᠡᠭᠦᠨᠤ ᠳᠤᠲᠤᠷᠠ ᠣᠯᠣᠰᠣᠨ ᠰᠢᠷᠠ ᠦᠩᠭᠡ ᠵᠢ ᠪᠠᠰᠠ ᠭᠦᠨ ᠬᠦᠷᠡᠩ᠂ ᠭᠦᠢ᠍ᠬᠡᠨ ᠬᠦᠷᠡᠩ᠂ ᠤᠯᠠᠭ᠋ᠠᠨ ᠰᠢᠷᠠ᠂ ᠣᠯᠣᠰᠣᠨ ᠰᠢᠷᠠ ᠭᠡᠵᠦ ᠳᠦᠷᠪᠡᠨ ᠲᠦᠷᠦᠯ ᠬᠤᠪᠢᠶᠠᠨᠠ᠃
ᠪᠢᠶᠠᠨᠴᠢ ᠲᠠᠬᠢᠶᠠ ᠵᠢᠨ ᠰᠢᠯᠪᠢ ᠵᠢᠨ ᠬᠡᠰᠡᠭᠲᠤᠨᠢ ᠬᠦᠭᠵᠢᠩᠭᠦᠢ ᠰᠢᠯᠪᠢ ᠵᠢᠨ ᠦᠰᠦᠲᠠᠢ ᠪᠠᠢ᠌ᠳᠠᠭ ᠴᠤ᠌ ᠤᠷᠴᠢᠮᠤᠨ ᠵᠢᠯᠠᠴᠠ ᠨᠠᠰᠢ ᠪᠠᠭ᠋ᠠᠰᠬᠤ ᠬᠠᠨᠳᠣᠰᠢᠲᠠᠢ ᠪᠣᠯᠪᠠ᠃ ᠡᠷᠡᠭᠴᠢᠨ ᠲᠡᠬᠢᠶᠠᠨᠤ ᠰᠡᠭᠦᠯᠤᠨ ᠦᠳᠦᠨᠢ ᠬᠦᠭᠵᠢᠩᠭᠦᠢ ᠪᠢᠰᠢ᠂ ᠡᠮᠡᠭᠴᠢᠨ ᠲᠠᠬᠢᠶᠠᠨᠤ ᠰᠡᠭᠦᠯᠤᠨ ᠦᠳᠦᠨᠢ ᠤᠬᠤᠷ ᠮᠦᠷᠲᠡᠭᠡᠨ ᠳᠡᠭᠡᠭᠰᠢ ᠡᠷᠲᠡᠢ᠌ᠭᠰᠡᠨ ᠪᠠᠢ᠌ᠳᠠᠭ᠃ ᠰᠢᠯᠪᠢ ᠵᠢᠨ ᠤᠯᠠᠩᠬᠢᠨᠢ ᠬᠠᠷᠠ ᠤᠯᠠᠭ᠋ᠠᠨ ᠦᠩᠭᠡᠲᠠᠢ ᠪᠠᠢ᠌ᠵᠤ᠂ ᠴᠦᠬᠡᠨ ᠲᠤᠭ᠋ᠠᠨᠤ ᠬᠢᠨᠢ ᠮᠢᠬᠠᠨ ᠦᠩᠭᠡᠲᠠᠢ ᠪᠣᠶᠣ ᠦᠨᠡᠰᠦᠨ ᠦᠩᠭᠡᠲᠠᠢ ᠪᠠᠢ᠌ᠳᠠᠭ᠃ ᠴᠡᠭᠡᠵᠢᠨ ᠶᠠᠰᠤᠨᠢ ᠨᠡᠯᠢᠶᠡᠳ ᠤᠷᠲᠤ ᠶᠤᠮ᠃
2. ᠪᠡᠶᠡ ᠵᠢᠨ ᠵᠢᠩ᠂ ᠪᠡᠶᠡ ᠵᠢᠨ ᠬᠡᠮᠵᠢᠶᠡ
1982 ᠣᠨᠤ ᠱᠠᠨ ᠰᠢ ᠵᠢᠨ ᠲᠠᠷᠢᠶᠠᠯᠠᠩᠤᠨ ᠶᠡᠬᠡ ᠰᠤᠷᠭ᠋ᠠᠭᠤᠯᠢ ᠵᠢᠨ ᠮᠠᠯ ᠠᠵᠣ ᠠᠬᠤᠢ ᠵᠢᠨ ᠰᠠᠯᠪᠤᠷᠢ ᠵᠢᠨᠬᠢᠨᠤ ᠪᠠᠢ᠌ᠴᠠᠭ᠋ᠠᠨ ᠬᠡᠮᠵᠢᠭᠰᠡᠨᠢ ᠦᠨᠳᠦᠰᠦᠯᠡᠪᠡᠯ᠂ ᠪᠢᠶᠠᠨᠴᠢ ᠲᠠᠬᠢᠶᠠ ᠵᠢᠨ ᠪᠡᠶᠡ ᠵᠢᠨ ᠵᠢᠩ᠂ ᠪᠡᠶᠡ ᠵᠢᠨ ᠬᠡᠮᠵᠢᠶᠡᠨᠢ ᠬᠦᠰᠦᠨᠦᠭᠲᠦ 2—5ᠳᠤ ᠦᠵᠡᠭᠦᠯᠦᠭᠰᠡᠨ ᠮᠡᠲᠦ᠃
ᠬᠦᠰᠦᠨᠦᠭᠲᠦ 2—5 ᠪᠢᠶᠡᠨᠴᠢ ᠲᠠᠬᠢᠶᠠ ᠵᠢᠨ ᠪᠡᠶᠡ ᠵᠢᠨ ᠵᠢᠩ᠂ ᠪᠡᠶᠡ ᠵᠢᠨ ᠬᠡᠮᠵᠢᠶᠡ
（ᠬᠤᠶᠠᠷ） ᠦᠢ᠍ᠯᠡᠳᠪᠦᠷᠢᠯᠡᠯᠤᠨ ᠴᠢᠳᠠᠪᠤᠷᠢ
1. ᠦᠨᠳᠡᠭᠡᠯᠡᠬᠦ ᠴᠢᠳᠠᠪᠤᠷᠢ
ᠲᠠᠷᠢᠶᠠᠯᠠᠬᠤ ᠡᠷᠦᠬᠡᠳᠤ ᠲᠡᠵᠢᠭᠡᠵᠦ ᠪᠠᠢ᠌ᠭᠠ ᠪᠢᠶᠠᠨᠴᠢ ᠲᠠᠬᠢᠶᠠᠨᠢ ᠡᠩᠤᠨ ᠦᠶᠡᠳᠤ ᠪᠦᠷ 7 ᠰᠠᠷᠠ ᠤᠷᠴᠢᠮ （210 ᠡᠳᠦᠷ ᠪᠣᠯᠬᠣ ᠦᠶᠡᠳᠤ） ᠪᠣᠯᠪᠠᠯ ᠡᠬᠢᠯᠡᠵᠦ ᠦᠨᠳᠡᠭᠡᠯᠡᠳᠡᠭ᠃ ᠡᠬᠢᠯᠡᠵᠦ ᠦᠨᠳᠡᠭᠡᠯᠡᠬᠦ ᠦᠶᠡ ᠵᠢᠨ ᠪᠡᠶᠡ ᠵᠢᠨ ᠵᠢᠩᠨᠢ 1.5kg ᠪᠠᠢ᠌ᠵᠤ᠂ 65 ᠭᠠᠷᠠᠭ ᠪᠣᠯᠬᠣ ᠦᠶᠡᠳᠡᠭᠡᠨ 150 ᠦᠨᠳᠡᠭᠡ ᠦᠨᠳᠡᠭᠡᠯᠡᠳᠡᠭ᠃
ᠪᠢᠶᠠᠨᠴᠢ ᠲᠠᠬᠢᠶᠠ ᠵᠢᠨ ᠦᠨᠳᠡᠭᠡᠨᠤ ᠬᠦᠨᠳᠦᠨᠢ ᠡᠩᠤᠨ ᠦᠶᠡᠳᠤ 60g ᠤᠷᠴᠢᠮ ᠪᠠᠢ᠌ᠵᠤ᠂ 70～80gᠤᠨ ᠦᠨᠳᠡᠭᠡ ᠴᠤ᠌ ᠤᠯᠠᠨ ᠪᠠᠢ᠌ᠳᠠᠭ᠃ 1960—1979 ᠣᠨ ᠪᠤᠯᠲᠠᠯᠠ ᠳᠦᠷᠪᠡᠳᠡᠬᠢ ᠤᠳᠠᠭᠠ ᠪᠠᠢ᠌ᠴᠠᠭ᠋ᠠᠯᠲᠠ ᠬᠢᠭᠰᠡᠨᠢ ᠦᠨᠳᠦᠰᠦᠯᠡᠪᠡᠯ᠂ ᠨᠡᠢ᠌ᠲᠡ 910 ᠦᠨᠳᠡᠭᠡ ᠵᠢ ᠬᠡᠮᠵᠢᠭᠰᠡᠨᠳᠤ ᠲᠡᠭᠰᠢᠳᠭᠡᠭᠰᠡᠨ ᠬᠦᠨᠳᠦᠨᠢ 66g ᠪᠠᠢ᠌ᠵᠤ᠂ ᠡᠨᠡᠨᠢ ᠲᠤᠰ ᠲᠠᠬᠢᠶᠠᠨᠤ ᠡᠭᠦᠯᠳᠡᠷᠤᠨ ᠨᠢᠭᠡ ᠵᠦᠢ᠍ᠯᠤᠨ ᠳᠣᠪᠤᠢ᠌ᠮᠠ ᠤᠨᠴᠠᠯᠢᠭ ᠮᠦᠨ᠃
ᠪᠢᠶᠠᠨᠴᠢ ᠲᠠᠬᠢᠶᠠᠨᠤ ᠦᠨᠳᠡᠭᠡᠨ ᠬᠠᠯᠢᠰᠣᠨᠢ ᠭᠦᠨ ᠬᠦᠷᠡᠩ ᠦᠩᠭᠡᠲᠠᠢᠬᠢᠨᠢ 70％ ᠵᠢ ᠡᠵᠡᠯᠡᠵᠦ᠂ ᠡᠭᠦᠨᠠᠴᠠ ᠭᠠᠳᠠᠨᠠ ᠬᠦᠷᠡᠩ ᠦᠩᠭᠡᠲᠠᠢ ᠪᠣᠶᠣ ᠭᠦᠢ᠍ᠬᠡᠨ ᠬᠦᠷᠡᠩ ᠦᠩᠭᠡᠲᠠᠢ ᠪᠠᠢ᠌ᠳᠠᠭ᠃ ᠦᠨᠳᠡᠭᠡᠨ ᠬᠠᠯᠢᠰᠣᠨᠢ ᠵᠤᠵᠠᠭ᠋ᠠᠨ ᠮᠦᠷᠲᠡᠭᠡᠨ ᠨᠢᠭᠲᠠ᠂ ᠲᠡᠭᠰᠢᠳᠭᠡᠭᠰᠡᠨ ᠵᠤᠵᠠᠭ᠋ᠠᠨᠤ ᠬᠡᠮᠵᠢᠶᠠ 0.386mm ᠪᠠᠢ᠌ᠵᠤ᠂ ᠡᠭᠦᠨᠤ ᠳᠤᠲᠤᠷᠠ 0.4mmᠠᠴᠠ ᠳᠡᠭᠡᠭᠰᠢᠨᠢ 40％ ᠵᠢ ᠡᠵᠡᠯᠡᠨᠡ᠃ ᠦᠨᠳᠡᠭᠡᠨ ᠬᠡᠯᠪᠡᠷᠢ ᠵᠢᠨ ᠢᠯᠡᠳᠭᠡᠮᠵᠢ ᠲᠤᠭᠠᠨᠢ 1.33᠃
ᠪᠢᠶᠠᠨᠴᠢ ᠲᠠᠬᠢᠶᠠ ᠵᠢᠨ ᠦᠨᠳᠡᠭᠡ ᠵᠢᠨ ᠬᠠᠳᠠᠭ᠋ᠠᠯᠠᠬᠤ ᠬᠤᠭᠤᠴᠠᠭᠠ ᠲᠤᠩ ᠤᠷᠲᠤ᠂ ᠲᠤᠬᠠᠢ ᠵᠢᠨ ᠭᠠᠵᠠᠷᠤᠨ ᠪᠠᠢ᠌ᠭ᠋ᠠᠯᠢ ᠵᠢᠨ ᠨᠦᠭᠦᠴᠡᠯ ᠳᠤᠤᠷᠠ 130 ᠡᠳᠦᠷ ᠪᠣᠯᠬᠣ ᠦᠶᠡᠰᠲᠤ᠂ ᠤᠭᠤᠷᠠᠭᠤᠨ ᠵᠠᠳᠠᠷᠠᠬᠤ ᠬᠡᠮᠵᠢᠶᠡᠨᠢ ᠰᠠᠶᠢ 27.5％ ᠬᠦᠷᠳᠡᠭ᠃
ᠪᠢᠶᠠᠨᠴᠢ ᠲᠠᠬᠢᠶᠠ ᠵᠢᠨ ᠴᠢᠰᠤᠨ ᠲᠤᠯᠪᠤ ᠵᠢᠨ ᠬᠡᠮᠵᠢᠶᠡᠨᠢ ᠲᠤᠩ ᠦᠨᠳᠦᠷ᠂ ᠦᠪᠦᠷ ᠮᠣᠩᠭᠣᠯᠤᠨ ᠲᠠᠷᠢᠶᠠᠯᠠᠩ ᠬᠦᠳᠡᠭᠡ ᠠᠵᠣ ᠠᠬᠤᠢ ᠵᠢᠨ ᠶᠡᠬᠡ ᠰᠤᠷᠭ᠋ᠠᠭᠤᠯᠢ ᠵᠢᠨ ᠬᠡᠮᠵᠢᠭᠰᠡᠨᠢ ᠦᠨᠳᠦᠰᠦᠯᠡᠪᠡᠯ᠂ 15.5％ᠳᠤ ᠬᠦᠷᠴᠦ᠂ ᠠᠩᠬᠠ ᠦᠨᠳᠡᠭᠡᠯᠡᠬᠦ ᠦᠶᠡ ᠵᠢᠨ ᠴᠢᠰᠤᠨ ᠲᠤᠯᠪᠤ ᠵᠢᠨ ᠬᠡᠮᠵᠢᠶᠡᠨᠢ ᠬᠠᠮᠤᠭ ᠦᠨᠳᠦᠷᠲᠡᠭᠡᠨ 48％ ᠬᠦᠷᠳᠡᠭ᠃
2. ᠮᠢᠬᠠᠨᠤ ᠭᠠᠷᠴᠠ
ᠬᠡᠮᠵᠢᠯᠲᠡ ᠵᠢ ᠦᠨᠳᠦᠰᠦᠯᠡᠪᠡᠯ᠂ ᠪᠢᠶᠠᠨᠴᠢ ᠲᠠᠬᠢᠶᠠ ᠵᠢᠨ ᠦᠰᠦᠯᠲᠡ ᠵᠢᠨ ᠱᠠᠲᠤᠨᠤ ᠪᠡᠶᠡ ᠵᠢᠨ ᠵᠢᠩᠨᠢ ᠬᠦᠰᠦᠨᠦᠭᠲᠦ 2—6ᠳᠤ ᠦᠵᠡᠭᠦᠯᠦᠭᠰᠡᠨ ᠮᠡᠲᠦ᠃
ᠬᠦᠰᠦᠨᠦᠭᠲᠦ 2—6 ᠪᠢᠶᠡᠨᠴᠢ ᠲᠠᠬᠢᠶᠠᠨᠤ ᠦᠰᠦᠯᠲᠡ ᠵᠢᠨ ᠱᠠᠲᠤᠨᠳᠠᠬᠢ ᠪᠡᠶᠡ ᠵᠢᠨ ᠬᠦᠨᠳᠦ （ᠨᠢᠭᠡᠴᠢ᠄ g）
ᠲᠠᠷᠢᠶᠠᠯᠠᠬᠤ ᠤᠷᠤᠨᠳᠤ ᠲᠡᠵᠢᠭᠡᠭᠰᠡᠨ ᠪᠦᠳᠦᠭᠦᠨ ᠲᠠᠬᠢᠶᠠᠳᠤ ᠬᠡᠮᠵᠢᠯᠲᠡ ᠬᠢᠭᠰᠡᠨ ᠦᠷᠡ ᠳ᠋ᠦᠩᠨᠢ ᠬᠦᠰᠦᠨᠦᠭᠲᠦ 2—7ᠳᠤ ᠦᠵᠡᠭᠦᠯᠦᠭᠰᠡᠨ ᠮᠡᠲᠦ᠃
ᠬᠦᠰᠦᠨᠦᠭᠲᠦ 2—7 ᠪᠢᠶᠠᠨᠴᠢ ᠲᠠᠬᠢᠶᠠ ᠵᠢᠨ ᠠᠯᠠᠰᠢᠨᠤ ᠬᠡᠮᠵᠢᠯᠲᠡ
ᠪᠢᠶᠠᠨᠴᠢ ᠲᠠᠬᠢᠶᠠ ᠵᠢᠨ ᠴᠡᠭᠡᠵᠢᠨ ᠪᠤᠯᠴᠢᠩ᠂ ᠭᠤᠶᠠ ᠵᠢᠨ ᠪᠣᠯᠴᠢᠩ ᠮᠢᠬᠠᠨᠢ ᠡᠯᠪᠡᠭ ᠳᠦᠭᠦᠷᠡᠩ ᠪᠠᠢ᠌ᠵᠤ ᠠᠯᠠᠰᠢᠨᠤ ᠪᠦᠬᠦ ᠬᠦᠨᠳᠦ ᠵᠢᠨ 26.3％ ᠵᠢ ᠡᠵᠡᠯᠡᠳᠡᠭ᠃ ᠪᠣᠯᠴᠢᠩᠤᠨ ᠰᠢᠷᠬᠡᠭᠨᠢ ᠨᠠᠷᠢᠨ ᠵᠦᠭᠡᠯᠡᠬᠡᠨ᠃ ᠠᠷᠠᠰᠤᠨᠤ ᠦᠩᠭᠡᠨᠢ ᠴᠠᠭ᠋ᠠᠨ ᠪᠣᠶᠣ ᠬᠦᠬᠡ ᠦᠩᠭᠡᠪᠠᠷ ᠭᠤᠤᠯᠯᠠᠳᠠᠭ᠃ ᠰᠢᠷᠠᠭᠰᠠᠨ ᠲᠠᠬᠢᠶᠠ ᠪᠣᠯᠭ᠋ᠠᠨ ᠪᠣᠯᠪᠠᠰᠤᠷᠠᠭᠤᠯᠬᠤᠳᠤ ᠲᠤᠬᠢᠷᠠᠳᠠᠭ᠃ ᠱᠠᠨ ᠰᠢ ᠮᠣᠵᠢ ᠵᠢᠨ ᠶᠢᠦ ᠢᠦᠢ ᠵᠢᠨ ᠰᠢᠷᠠᠭᠰᠠᠨ ᠲᠠᠬᠢᠶᠠᠨᠢ ᠪᠠᠷᠤᠭ ᠵᠠᠭᠤ ᠭᠠᠷᠤᠢ ᠵᠢᠯᠤᠨ ᠲᠡᠥᠬᠡᠲᠠᠢ ᠪᠣᠯᠵᠠᠢ᠃
3. ᠦᠷᠡᠵᠢᠬᠦ ᠴᠢᠳᠠᠪᠤᠷᠢ
ᠲᠤᠰ ᠭᠠᠵᠠᠷ ᠤᠷᠤᠨᠨᠢ ᠬᠠᠬᠢᠷ ᠬᠦᠢ᠍ᠲᠡᠨ ᠪᠣᠯᠬᠣᠷ ᠵᠢᠯ ᠪᠦᠷᠢ ᠵᠢᠨ ᠬᠠᠪᠤᠷᠤᠨ ᠨᠡᠪᠴᠢᠭᠦᠯᠬᠦ ᠬᠤᠭᠤᠴᠠᠭᠠᠨᠢ 4 ᠰᠠᠷᠠ ᠵᠢᠨ ᠳᠣᠮᠳᠠᠴᠢᠠᠴᠠ 6 ᠰᠠᠷᠠ ᠵᠢᠨ ᠬᠤᠭᠤᠷᠤᠨᠳᠣ ᠪᠠᠢ᠌ᠵᠤ᠂ ᠵᠤᠨᠤ ᠨᠡᠪᠴᠢᠭᠦᠯᠬᠦ ᠬᠤᠭᠤᠴᠠᠭᠠᠨᠢ 7～8 ᠰᠠᠷᠠᠳᠤ ᠶᠠᠪᠤᠭᠳᠠᠳᠠᠭ᠃ ᠦᠷᠡ ᠵᠢᠨ ᠲᠠᠬᠢᠶᠠᠨ ᠰᠦᠷᠦᠭᠤᠨ ᠡᠷᠡᠭᠴᠢᠨ ᠡᠮᠡᠭᠴᠢᠨᠤ ᠬᠠᠷᠢᠴᠠᠯᠨᠢ 1∶10～15 ᠪᠠᠢ᠌ᠳᠠᠭ᠃ ᠪᠠᠢ᠌ᠭ᠋ᠠᠯᠢ ᠵᠢᠨ ᠨᠡᠪᠴᠢᠭᠦᠯᠬᠦ ᠠᠷᠭᠠ ᠵᠢ ᠬᠡᠷᠡᠭᠯᠡᠪᠡᠯ᠂ ᠨᠡᠪᠴᠢᠯᠲᠠ ᠵᠢᠨ ᠨᠤᠷᠮᠠᠨᠢ 80％～90％ᠳᠤ ᠬᠦᠷᠳᠡᠭ᠃ ᠦᠷᠡ ᠵᠢᠨ ᠲᠠᠬᠢᠶᠠᠨ ᠲᠠᠯᠠᠪᠠᠢᠳᠤ᠂ ᠦᠷᠡ ᠵᠢᠨ ᠦᠨᠳᠡᠭᠡᠨᠤ ᠦᠷᠡ ᠲᠤᠭᠲᠠᠬᠤ ᠨᠤᠷᠮᠠᠨᠢ 90％ ᠪᠠᠢ᠌ᠵᠤ᠂ ᠦᠷᠡ ᠲᠤᠭᠲᠠᠭᠰᠠᠨ ᠦᠨᠳᠡᠭᠡᠨᠤ ᠨᠡᠪᠴᠢᠯᠲᠡ ᠵᠢᠨ ᠨᠤᠷᠮᠠᠨᠢ 80％ ᠤᠷᠴᠢᠮ ᠪᠠᠢ᠌ᠳᠠᠭ᠃
ᠪᠢᠶᠠᠨᠴᠢ ᠲᠠᠬᠢᠶᠠ ᠵᠢᠨ ᠳᠠᠷᠣᠰᠢᠬᠤ ᠴᠢᠨᠠᠷᠨᠢ ᠴᠢᠩᠭᠠ᠃ ᠲᠠᠷᠢᠶᠠᠯᠠᠬᠤ ᠡᠷᠦᠬᠡᠳᠤ ᠡᠩᠤᠨ ᠪᠠᠢ᠌ᠳᠠᠯ ᠳᠤᠤᠷᠠ ᠵᠢᠯ ᠪᠦᠷᠢ ᠨᠢᠭᠡ ᠣᠳᠠᠭᠠ ᠨᠡᠪᠴᠢᠭᠦᠯᠳᠡᠭ᠃ ᠴᠤᠷᠪᠠᠭᠠ ᠵᠢᠨ ᠤᠨᠳᠤᠷᠤᠯᠲᠠ ᠵᠢᠨ ᠨᠤᠷᠮᠠᠨᠢ ᠶᠡᠷᠦᠳᠡᠭᠡᠨ 85％～90％᠂ ᠴᠤᠷᠪᠡ ᠵᠢᠨ ᠤᠨᠳᠣᠷᠣᠯᠲᠠ ᠵᠢᠨ ᠨᠣᠷᠮᠠᠨᠢ 90％～94％ ᠪᠠᠢ᠌ᠳᠠᠭ᠃
（ᠭᠤᠷᠪᠠ） ᠠᠷᠠᠴᠢᠯᠠᠵᠤ ᠬᠠᠮᠢᠶᠠᠷᠬᠤ ᠤᠨᠴᠠᠯᠢᠭ
1. ᠬᠦᠢ᠍ᠲᠡᠨᠢ ᠲᠡᠰᠪᠦᠷᠢᠯᠡᠬᠦ ᠴᠢᠳᠠᠪᠤᠷᠢ
ᠪᠢᠶᠠᠨᠴᠢ ᠲᠠᠬᠢᠶᠠᠨᠢ ᠬᠦᠢ᠍ᠲᠡᠨ ᠬᠢᠭᠡᠳ ᠭᠠᠩ ᠬᠠᠭᠤᠷᠠᠢ ᠠᠭᠤᠷ ᠠᠮᠢᠰᠬᠤᠯᠢ ᠲᠡᠰᠪᠦᠷᠢᠯᠡᠬᠦ ᠴᠢᠳᠠᠪᠤᠷᠢᠲᠠᠢ ᠪᠠᠢ᠌ᠬᠤᠠᠴᠠ ᠮᠠᠨᠤ ᠣᠯᠣᠰᠤᠨ ᠤᠮᠠᠷᠠᠲᠤ ᠤᠷᠤᠨᠳᠤ ᠲᠡᠵᠢᠭᠡᠬᠦᠳᠤ ᠲᠤᠬᠢᠷᠠᠳᠠᠭ᠂ ᠬᠡᠷᠪᠡ ᠬᠠᠯᠠᠭᠤᠨ ᠤᠷᠤᠨᠳᠤ ᠲᠡᠵᠢᠭᠡᠪᠡᠯ ᠡᠷᠬᠡᠪᠰᠢ ᠡᠭᠦᠷᠤᠨ ᠳᠤᠲᠤᠷᠠᠬᠢ ᠳᠣᠯᠠᠭ᠋ᠠᠨ ᠪᠠ ᠴᠢᠭᠢᠭᠲᠦᠴᠡ ᠵᠢ ᠲᠤᠬᠢᠷᠠᠭᠤᠯᠵᠤ ᠦᠭᠬᠦ ᠮᠦᠷᠲᠡᠭᠡᠨ ᠤᠨᠴᠠᠭ᠋ᠠᠢ᠌ᠯᠠᠨ ᠵᠤᠨᠤ ᠤᠯᠠᠷᠢᠯᠳᠤ ᠨᠠᠷᠠᠰᠢᠬᠤᠠᠴᠠ ᠰᠡᠷᠭᠡᠢ᠌ᠯᠡᠵᠦ᠂ ᠳᠣᠯᠠᠭ᠋ᠠᠨᠢᠨᠢ ᠳᠤᠷᠤᠭᠰᠢᠯᠠᠭᠤᠯᠬᠤ ᠠᠵᠢᠯᠢ ᠰᠠᠢ᠌ᠲᠤᠷ ᠬᠢᠬᠦ ᠬᠡᠷᠡᠭᠲᠡᠢ᠃
2. ᠪᠡᠯᠭᠡ ᠪᠣᠯᠪᠠᠰᠤᠷᠠᠬᠤᠨᠢ ᠤᠳᠠᠭ᠋ᠠᠨ
ᠪᠢᠶᠠᠨᠴᠢ ᠲᠠᠬᠢᠶᠠᠨᠢ ᠡᠩᠤᠨ ᠦᠶᠡᠳᠤ 7 ᠰᠠᠷᠠ ᠪᠣᠯᠣᠮᠠᠨᠵᠢᠨ ᠡᠬᠢᠯᠡᠵᠦ ᠦᠨᠳᠡᠭᠡᠯᠡᠳᠡᠭ᠂ ᠡᠬᠢᠯᠡᠵᠦ ᠦᠨᠳᠡᠭᠡᠯᠡᠬᠦᠨᠢ ᠵᠢᠭ᠋ᠠᠬᠠᠨ ᠤᠳᠠᠭ᠋ᠠᠨ᠂ ᠡᠢ᠌ᠮᠦᠠᠴᠠ ᠦᠨᠳᠡᠭᠡᠯᠡᠬᠦᠠᠴᠠ ᠡᠮᠦᠨᠡ ᠪᠣᠶᠣ ᠦᠨᠳᠡᠭᠡᠯᠡᠵᠦ ᠪᠠᠢ᠌ᠭᠠ ᠬᠤᠭᠤᠴᠠᠭ᠋ᠠᠨᠳᠤ ᠭᠡᠷᠡᠯᠲᠦᠭᠦᠯᠦᠯᠭᠡ ᠵᠢ ᠨᠡᠮᠡᠭᠳᠡᠭᠦᠯᠵᠦ᠂ ᠪᠢᠶᠠᠨᠴᠢ ᠲᠠᠬᠢᠶᠠ ᠵᠢᠨ ᠦᠨᠳᠡᠭᠡᠯᠡᠬᠦ ᠴᠢᠳᠠᠪᠤᠷᠢ ᠵᠢᠨᠢ ᠳᠡᠭᠡᠭᠰᠢᠯᠡᠭᠦᠯᠳᠡᠭ᠃
3. ᠦᠨᠳᠡᠭᠡᠨᠤ ᠴᠢᠰᠤᠨ ᠲᠤᠯᠪᠤ ᠵᠢᠨ ᠨᠤᠷᠮᠠᠨᠢ ᠦᠨᠳᠦᠷ
ᠠᠷᠠᠴᠢᠯᠠᠵᠣ ᠲᠡᠵᠢᠭᠡᠬᠦ ᠶᠠᠪᠤᠴᠠᠳᠠᠭᠠᠨ᠂ ᠡᠷᠡᠭᠦᠯ ᠬᠠᠮᠠᠭ᠋ᠠᠯᠠᠯᠢ ᠰᠠᠢ᠌ᠲᠤᠷ ᠠᠩᠬᠠᠷᠴᠤ᠂ ᠪᠠᠺᠲ᠋ᠧᠷᠢ ᠵᠢᠨ ᠴᠢᠨᠠᠷᠲᠠᠢ ᠰᠠᠪᠠ ᠵᠢᠨ ᠦᠷᠪᠢᠰᠦᠯ ᠣᠯᠬᠣᠠᠴᠠ ᠰᠡᠷᠭᠡᠢ᠌ᠯᠡᠵᠦ ᠴᠢᠰᠤᠨ ᠲᠤᠯᠪᠤ ᠵᠢᠨ ᠨᠤᠷᠮᠠ ᠵᠢ ᠪᠠᠭ᠋ᠠᠰᠬᠠᠨ᠂ ᠦᠨᠳᠡᠭᠡᠨᠤ ᠴᠢᠨᠠᠷ ᠴᠢᠨᠰᠠᠭᠠ ᠵᠢ ᠳᠡᠭᠡᠭᠰᠢᠯᠡᠭᠦᠯᠦᠨᠡ᠃
（ᠢᠷᠡᠯᠲᠠ᠄ ᠤᠳᠬᠠᠨᠬᠦᠦ᠂ ᠤᠶᠤᠨᠴᠢᠮᠡᠭᠤᠨ ᠨᠠᠢ᠌ᠷᠠᠭᠤᠯᠤᠭᠰᠠᠨ 《ᠦᠨᠳᠡᠭᠡᠨ ᠲᠠᠬᠢᠶᠠ ᠵᠢᠨ ᠰᠠᠢ᠌ᠨ ᠡᠭᠦᠯᠳᠡᠷ ᠰᠣᠩᠭᠣᠬᠣ ᠮᠡᠷᠭᠡᠵᠢᠯ》 ᠭᠡᠬᠦ ᠨᠣᠮᠠᠴᠠ ᠰᠣᠩᠭᠣᠨ ᠰᠡᠢ᠌ᠷᠡᠭᠦᠯᠪᠡ᠃）