| ᠬᠠᠰ ᠲᠠᠮᠠᠭᠠ ᠶᠢ ᠵᠦᠪ ᠡᠷᠭᠢᠭᠰᠡᠨ ᠬᠠᠰ ᠲᠠᠮᠠᠭᠠ ᠪᠠ ᠪᠤᠷᠤᠭᠤ ᠡᠷᠭᠢᠭᠰᠡᠨ ᠬᠠᠰ ᠲᠠᠮᠠᠭᠠ ᠭᠡᠵᠦ ᠬᠤᠶᠠᠷ | ᠵᠦᠢᠯ ᠳᠤ ᠬᠤᠪᠢᠶᠠᠨᠠ᠃ ᠨᠡᠷᠡᠶᠢᠳᠦᠯ ᠤᠨ ᠲᠠᠯᠠ ᠪᠠᠷ ᠬᠠᠰ ᠲᠠᠮᠠᠭᠠ ᠶᠢ ᠪᠠᠰᠠ ᠶᠤᠩᠷᠦᠩ ᠲᠠᠮᠠᠭᠠ ᠪᠠ ᠶᠤᠭᠤᠷᠠᠩ | ᠲᠠᠮᠠᠭᠠ ᠭᠡᠵᠦ ᠬᠤᠪᠢᠶᠠᠳᠠᠭ᠃ ᠬᠠᠰ ᠲᠠᠮᠠᠭᠠ ᠪᠣᠯ ᠳᠡᠯᠡᠬᠡᠢ ᠶᠢᠨ ᠡᠯᠡ ᠣᠯᠣᠰ ᠤᠷᠤᠨ ᠳᠤ ᠨᠡᠶᠢᠳᠡᠮ ᠳᠡᠯᠭᠡᠷᠡᠭᠰᠡᠨ | ᠡᠷᠲᠡᠨ ᠤ ᠲᠠᠮᠠᠭᠠ ᠶᠢᠨ ᠨᠢᠭᠡ ᠪᠣᠯᠣᠨᠠ᠃ ᠡᠷᠳᠡᠮᠲᠡᠳ ᠤᠨ ᠬᠡᠯᠡᠬᠦ ᠪᠠᠷ ᠰᠢᠨᠡ ᠴᠢᠯᠠᠭᠤᠨ ᠵᠡᠪᠰᠡᠭ ᠤᠨ ᠦᠶᠡ ᠶᠢᠨ | ᠤᠩᠭᠤᠨ ᠠᠴᠠ ᠮᠠᠯᠲᠠᠨ ᠭᠠᠷᠭᠠᠭᠰᠠᠨ ᠸᠠᠭᠠᠷ ᠰᠠᠪᠠ ᠳᠡᠭᠡᠷᠡ ᠰᠡᠶᠢᠯᠦᠭᠰᠡᠨ ᠬᠠᠰ ᠲᠠᠮᠠᠭᠠ ᠶᠢᠨ ᠲᠡᠮᠳᠡᠭ ᠳᠦᠷᠰᠦ | ᠨᠢ ᠡᠷᠲᠡᠨ ᠤ ᠴᠢᠭᠳᠠ ᠲᠠᠮᠠᠭᠠ ᠠᠴᠠ ᠡᠭᠦᠰᠦᠯ ᠲᠠᠢ ᠭᠡᠵᠦ ᠪᠣᠢ᠃ ᠬᠠᠰ ᠲᠠᠮᠠᠭᠠ ᠶᠢᠨ ᠵᠠᠭᠪᠤᠷ ᠳᠦᠷᠰᠦ ᠶᠢ | ᠮᠣᠩᠭᠤᠯᠴᠣᠳ ᠵᠠᠷᠤᠳᠠᠯ ᠪᠠᠷᠢᠳᠠᠯ ᠤᠨ ᠵᠦᠢᠯ᠂ ᠦᠨᠡ ᠪᠡᠨᠡ ᠲᠠᠢ ᠡᠳ᠋ᠯᠡᠯ ᠬᠡᠷᠡᠭᠰᠡᠯ ᠵᠡᠷᠭᠡ ᠠᠮᠢᠳᠤᠷᠠᠯ ᠤᠨ | ᠬᠡᠷᠡᠭᠴᠡᠭᠡᠲᠡᠢ ᠶᠠᠭᠤᠮᠠ ᠳᠡᠭᠡᠷᠡ ᠵᠢᠷᠤᠭᠰᠠᠨ ᠪᠠ ᠰᠡᠶᠢᠯᠦᠭᠰᠡᠨ ᠨᠢ ᠤᠯᠠᠨ ᠬᠠᠷᠠᠭᠳᠠᠳᠠᠭ᠃ ᠡᠭᠦᠨ ᠢᠶᠠᠷ ᠪᠠᠷᠠᠬᠤ | ᠦᠭᠡᠢ ᠬᠠᠰ ᠲᠠᠮᠠᠭᠠ ᠶᠢ ᠳᠡᠯᠡᠬᠡᠢ ᠶᠢᠨ ᠤᠯᠠᠨ ᠭᠠᠵᠠᠷ ᠤᠳ ᠲᠤ ᠴᠤ ᠬᠡᠷᠡᠭᠯᠡᠵᠦ ᠪᠠᠶᠢᠭᠰᠠᠨ᠃ ᠵᠢᠱᠢᠶᠡᠯᠡᠬᠦ ᠳᠤ᠂ | ᠭᠧᠷᠮᠡᠨ ᠣᠯᠣᠰ ᠤᠨ ᠨᠠᠼᠢᠰ ᠤᠨ ᠪᠦᠯᠦᠭᠲᠡᠨ ᠨᠦᠭᠦᠳ ᠤᠯᠠᠭᠠᠨ ᠪᠦᠰᠡᠨ ᠳᠡᠭᠡᠷᠡ ᠬᠠᠷᠠ ᠪᠣᠶᠣ ᠰᠢᠷᠠ ᠦᠩᠭᠡ ᠶᠢᠨ | ᠬᠠᠰ ᠲᠠᠮᠠᠭᠠ ᠶᠢ ᠵᠢᠷᠣᠵᠣ ᠵᠡᠭᠦᠨ ᠭᠠᠷ ᠤᠨ ᠠᠳᠬᠤᠭᠠᠯ ᠳᠠᠭᠠᠨ ᠵᠡᠭᠦᠳᠡᠭ ᠪᠠᠶᠢᠵᠠᠢ᠃ | ᠤᠶᠢᠷᠡ ᠶᠢᠨ ᠵᠢᠯ ᠤᠳ ᠲᠤ ᠵᠠᠷᠢᠮ ᠲᠤᠯᠢ ᠪᠢᠴᠢᠭ ᠲᠤ ᠬᠠᠰ ᠲᠠᠮᠠᠭᠠ ᠶᠢ ᠬᠢᠲᠠᠳ ᠤᠨ ︽玺︾ ᠲᠠᠮᠠᠭᠠ | ᠲᠠᠢ ᠠᠳᠡᠭᠦᠷᠡᠨ ᠲᠠᠶᠢᠯᠪᠤᠷᠢᠯᠠᠵᠤ ᠪᠠᠶᠢᠨᠠ᠃ ᠬᠢᠲᠠᠳ ᠤᠨ ︽玺︾ ᠲᠠᠮᠠᠭᠠ ᠪᠣᠯ ᠡᠷᠲᠡᠨ ᠤ ᠵᠦᠩᠶᠤᠸᠠᠨ | ᠤᠷᠤᠨ ᠤ ᠲᠦᠷᠦ ᠤᠯᠠᠮᠵᠢᠯᠠᠬᠤ ᠬᠠᠰ ᠲᠠᠮᠠᠭᠠ ᠶᠤᠮ᠃ | ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠤᠨ ᠦᠮᠴᠢ ᠶᠢᠨ ᠲᠠᠮᠠᠭᠠ ᠪᠣᠯᠬᠤ ᠬᠠᠰ ᠲᠠᠮᠠᠭᠠ ᠨᠢ ᠦᠨᠢ ᠤᠳᠠᠭᠠᠨ ᠲᠡᠦᠬᠡ ᠲᠠᠢ | ᠪᠠᠶᠢᠵᠤ᠂ ᠲᠡᠷᠡ ᠨᠢ ᠮᠠᠯ ᠰᠦᠷᠦᠭ᠂ ᠡᠳ᠋ ᠬᠦᠷᠦᠩᠭᠡ ᠡᠭᠦᠷᠢᠲᠡ ᠠᠮᠤᠷ ᠠᠮᠤᠭᠤᠯᠠᠩ ᠤᠷᠤᠰᠢᠬᠤ ᠶᠢ ᠬᠦᠰᠡᠵᠦ᠂ ᠭᠡᠷ | ᠬᠤᠲᠠᠯᠠ ᠪᠠᠷ ᠢᠶᠠᠨ ᠡᠭᠦᠷᠢᠲᠡ ᠲᠦᠪᠰᠢᠨ ᠵᠢᠷᠭᠠᠯ ᠲᠠᠢ ᠪᠠᠶᠢᠬᠤ ᠶᠢ ᠪᠡᠯᠭᠡᠳᠡᠭᠰᠡᠨ᠂ ᠮᠠᠯᠴᠢᠨ ᠲᠦᠮᠡᠨ ᠤ ᠳᠣᠮᠳᠠ | ᠤᠷᠲᠤ ᠤᠳᠠᠭᠠᠨ ᠬᠤᠭᠤᠴᠠᠭᠠ ᠪᠠᠷ ᠬᠡᠷᠡᠭᠯᠡᠭᠳᠡᠵᠦ ᠢᠷᠡᠭᠰᠡᠨ ᠲᠠᠮᠠᠭᠠ ᠪᠣᠯᠬᠤ ᠶᠣᠮ᠃ | | ︵ᠢᠷᠡᠯᠲᠡ᠄ ᠪᠤᠷᠵᠤᠤ᠂ ᠤᠯᠠᠭᠠᠨᠪᠠᠭᠠᠲᠤᠷ᠂ ᠲᠠᠨᠠ ᠶᠢᠨ ᠨᠠᠶᠢᠷᠠᠭᠤᠯᠤᠭᠰᠠᠨ ︽ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠤᠨ | ᠠᠷᠠᠴᠢᠯᠠᠭᠠ ᠶᠢᠨ ᠰᠤᠶᠤᠯ︾ ᠭᠡᠬᠦ ᠨᠤᠮ ᠠᠴᠠ ᠰᠤᠩᠭᠤᠨ ᠰᠡᠶᠢᠷᠡᠭᠦᠯᠪᠡ᠃︶ |