ᠨᠠᠮᠢᠳᠰᠠᠳᠠᠩ
ᠠ᠋ᠳᠦᠭᠡ ᠮᠠᠨᠤ ᠬᠡᠦᠬᠡᠳᠤᠳ ᠢᠲᠡᠭᠡᠯ ᠪᠢᠰᠢᠷᠡᠯ ᠦᠭᠡᠢ ᠪᠤᠯᠵᠠᠢ᠃ ᠨᠠᠭ᠋ᠠᠲᠤ ᠵᠠᠬᠠᠳᠤᠪᠠᠨ ᠪᠡᠶᠡᠪᠠᠨ ᠴᠦ᠍ ᠢᠳᠡᠭᠡᠭᠦᠪᠠᠨ ᠪᠣᠯᠵᠠᠢ᠃ ᠢᠨᠭᠬᠢᠭᠰᠡᠨᠠᠴᠠ ᠲᠠᠳᠡᠨᠤ ᠪᠡᠶᠠ ᠳᠡᠭᠡᠷᠡ ᠤᠯᠠᠨ ᠵᠦᠢ᠍ᠯᠤᠨ ᠲᠤᠳᠠᠭᠳᠠᠯᠲᠠᠢ ᠲᠠᠯᠠ ᠢᠯᠠᠷᠠᠵᠦ ᠪᠤᠢ᠂ ᠶᠠᠮᠠᠷ ᠰᠠᠢ᠍ᠢ᠍ᠨᠳᠤᠪᠠᠨ ᠪᠠᠭᠰᠢ ᠨᠠᠷ ᠴᠦ᠍᠄ 《ᠣᠳᠣ ᠵᠢᠨ ᠰᠤᠷᠤᠭᠴᠢᠳ ᠪᠦᠷ ᠪᠣᠯᠬᠤᠪᠠᠨ ᠪᠠᠶ᠋ᠢᠵᠤ ᠪᠠᠶ᠋ᠢᠨᠠ᠂ ᠶᠠᠪᠤᠬᠤ ᠲᠤᠰᠤᠮ ᠵᠶ᠋ᠠᠨ ᠪᠦᠷ ᠰᠤᠷᠬᠤ ᠦᠭᠡᠢ ᠠᠯᠵᠠᠭᠤ ᠪᠣᠯᠵᠠᠢ᠃ ᠲᠠᠨᠤ ᠲᠡᠷᠡ ᠦᠶᠡᠰᠲᠠᠢ ᠲᠠᠭ᠋ᠠᠷᠠᠭ᠍ᠤᠪᠠᠨ ᠪᠣᠯᠢᠵᠠᠢ ᠁》 ᠭᠡᠬᠦ ᠮᠡᠲᠦᠴᠢᠯᠡᠨ ᠬᠡᠯᠡᠬᠦ ᠪᠤᠶᠤ ᠭᠡᠷᠤᠨ ᠠᠬᠠᠮᠠᠳ᠄ 《ᠮᠠᠨᠤ ᠡ᠊ᠨᠡ ᠬᠡᠦᠬᠡᠳ ᠴᠢᠨᠢ ᠶᠠᠭ᠋ᠠᠬᠢᠴᠢᠬᠠᠵᠤ ᠪᠤᠢ？ ᠪᠦᠷ ᠰᠤᠷᠬᠤᠪᠠᠨ ᠪᠣᠯᠢᠯᠠ᠂ ᠠᠯᠵᠠᠭᠤ ᠭᠡᠳᠡᠭᠨᠢ᠂ ᠦᠭᠡ ᠰᠣᠨᠣᠰᠬᠤ ᠦᠭᠡᠢ ᠭᠡᠳᠡᠭᠨᠢ᠂ ᠬᠡᠷᠡᠭ ᠲᠠᠲᠠᠭ᠋ᠠᠳ ᠁》 ᠭᠡᠬᠦᠴᠢᠯᠡᠨ ᠶᠠᠷᠢᠵᠠᠭ᠋ᠠᠳᠠᠭ ᠪᠣᠯᠵᠠᠢ᠃ ᠲᠡᠭᠡᠪᠡᠯ ᠣᠳᠣ ᠵᠢᠨ ᠬᠡᠦᠬᠡᠳ ᠶᠠᠭ᠋ᠠᠬᠢᠴᠢᠬᠠᠪᠠ？ ᠲᠠᠷᠢᠬᠢ ᠲᠣᠯᠣᠭ᠋ᠠᠢᠨᠢ ᠬᠦᠷᠦᠯᠴᠡᠬᠦ ᠦᠭᠡᠢ ᠪᠠᠢ᠍ᠢ᠍ᠨᠠ ᠭᠡᠵᠦ ᠦᠦ？ ᠦᠨᠡᠭᠡᠷ ᠰᠤᠷᠬᠤᠪᠠᠷ ᠠᠨᠠᠢ ᠭᠡᠵᠦ ᠦᠦ？ ᠲᠡᠶ᠋ᠢᠮᠦ ᠪᠢᠰᠢ ᠪᠠᠶ᠋ᠢᠬᠤ ᠡ᠃ ᠺᠣᠮᠫᠢᠦ᠋ᠲ᠋ᠧᠷ᠂ ᠭᠠᠷ ᠤᠲᠠᠰᠤ᠂ ᠨᠸᠲ ᠲᠣᠭᠯᠠᠭ᠋ᠠᠮ ᠨᠠᠭ᠋ᠠᠳᠬᠤᠳᠤ ᠲᠡᠳᠡ ᠬᠡᠨ ᠵᠶ᠋ᠠᠷ ᠴᠦ᠍ ᠵᠢᠭ᠋ᠠᠯᠭ᠋ᠠᠳᠠᠭ ᠦᠭᠡᠢ ᠪᠠᠶ᠋ᠢᠳᠠᠭ ᠪᠢᠰᠢᠤ？
ᠳᠣᠣᠷᠠ ᠣᠳᠣᠬᠠᠨᠤ ᠬᠡᠦᠬᠡᠳᠤᠨ ᠢᠯᠡᠷᠡᠯ ᠣᠨᠴᠠᠯᠢᠭᠢ ᠵᠠᠳᠠᠯᠵᠤ ᠦᠵᠠᠶᠠ᠃
ᠣᠳᠣᠬᠢ ᠬᠡᠦᠬᠡᠳᠤᠨ ᠣᠯᠠᠩᠬᠢᠨᠢ ᠠᠯᠵᠠᠭᠤ ᠵᠠᠯᠬᠠᠭᠤ᠂ ᠪᠣᠳᠣᠵᠤ ᠰᠡᠳᠬᠢᠬᠦ ᠳᠤᠷᠠ ᠦᠭᠡᠢ᠂ ᠨᠡᠩ ᠴᠦ᠍ ᠴᠡᠭᠡᠵᠢᠯᠡᠵᠦ ᠲᠣᠭᠲᠠᠭ᠋ᠠᠬᠤ ᠳᠤᠷᠠ ᠦᠭᠡᠢ ᠪᠣᠯᠵᠠᠢ； ᠲᠤᠩ ᠬᠤᠪᠢᠨᠴᠢᠷ᠂ 《ᠮᠢᠨᠤ》 ᠯᠡ ᠤᠴᠢᠷ᠂ 《ᠪᠢ》 ᠯᠡ ᠭᠡᠳ ᠪᠠᠶ᠋ᠢᠳᠠᠭ᠃ ᠲᠡᠳᠡᠨᠤ ᠠᠯᠢᠪᠠ ᠤᠴᠢᠷ ᠪᠣᠯ ᠬᠠᠮᠤᠭᠤᠨ ᠳᠡᠭᠡᠳᠦ᠂ ᠬᠠᠮᠤᠭᠤᠨ ᠠ᠋ᠷᠬᠢᠮ᠃ ᠪᠤᠰᠤᠳᠢ ᠪᠣᠳᠣᠳᠠᠬ ᠦᠭᠡᠢ᠃ ᠰᠤᠷᠭ᠋ᠠᠭᠤᠯᠢ ᠵᠢᠨ ᠶᠠᠮᠠᠷ ᠨᠢᠭᠡᠨ ᠬᠥᠳᠡᠯᠭᠡᠭᠡᠨᠳᠤ ᠣᠷᠣᠯᠴᠠᠭᠰᠠᠨ ᠴᠦ᠍ ᠪᠤᠯᠤᠬ᠂ ᠠ᠋ᠰᠡᠭᠦᠯᠡ ᠭᠡᠷ ᠪᠦᠯᠢ ᠪᠤᠯᠤᠨ ᠳᠡᠭᠦᠦ ᠨᠠᠷᠲᠤᠪᠠᠨ ᠴᠦ᠍ ᠪᠤᠯᠤᠬ ᠲᠡᠳᠡ ᠲᠤᠩ ᠬᠤᠪᠢᠨᠴᠢᠷ ᠠᠭ᠋ᠠᠰᠢᠯᠠᠵᠤ᠂ ᠭᠡᠷᠠᠴᠠᠪᠠᠨ ᠠᠪᠴᠢᠷᠠᠭᠰᠠᠨ ᠵᠶ᠋ᠠᠨ ᠥᠪᠡᠷ ᠥᠪᠡᠷ ᠵᠶ᠋ᠠᠨ ᠯᠡ ᠠ᠋ᠳ᠋ᠯᠡᠨᠡ᠃ ᠳᠡᠯᠭᠡᠭᠦᠷᠠᠴᠠ ᠶᠠᠭᠤᠮᠠ ᠬᠤᠳᠠᠯᠳᠤᠨ ᠠᠪᠬᠤᠳᠤᠪᠠᠨ ᠲᠡᠭᠦᠦᠲᠠᠢ ᠪᠠᠢ᠍ᠢ᠍ᠳᠠᠯᠠᠪᠠᠨ ᠪᠠᠶᠠᠳᠤᠪᠠᠨ ᠯᠠ ᠠᠪᠳᠠᠬ᠃ ᠶᠠᠭ ᠠ᠋ᠶ᠋ᠢᠮᠦ ᠵᠢᠨ ᠤᠴᠢᠷ ᠠ᠋ᠳᠡᠭᠡᠷ ᠬᠡᠦᠬᠡᠳᠤᠳ ᠨᠠᠶ᠋ᠢᠵᠢ ᠨᠥᠬᠦᠳ ᠴᠥᠭᠡᠨ᠂ ᠭᠡᠷ ᠪᠦᠯᠢ᠂ ᠰᠤᠷᠭ᠋ᠠᠭᠤᠯᠢᠳᠤᠪᠠᠨ ᠪᠦᠯᠬᠦᠮᠳᠡᠯ ᠵᠶ᠋ᠠᠷ ᠠᠨᠠᠢ ᠪᠠᠶ᠋ᠢᠳᠠᠭ； ᠵᠣᠷᠢᠭ ᠰᠤᠯᠠ᠃ ᠭᠦᠳᠠᠯᠮᠤᠷᠢᠳᠤ ᠤᠷᠤᠯᠴᠠᠬᠤᠳᠤ ᠭᠦᠮᠦᠨᠤ ᠠᠷᠤᠳᠤ ᠲᠠᠭ᠋ᠠᠭ᠋ᠠᠳ ᠪᠤᠰᠤᠳᠤᠨ ᠬᠢᠭᠦ ᠵᠢ ᠬᠠᠷᠠᠨᠠ； ᠶᠠᠮᠠᠷ ᠴᠦ᠍ ᠶᠠᠭᠤᠮᠠᠨᠳᠤ ᠬᠠᠶ᠋ᠢᠷᠠ ᠭᠠᠮ ᠦᠭᠡᠢ᠂ ᠶᠠᠭᠤ ᠵᠢ ᠴᠦ᠍ ᠶᠠᠭᠤᠮᠠᠨᠤ ᠲᠣᠭ᠋ᠠᠨᠳᠤ ᠪᠣᠳᠣᠳᠠᠭ ᠦᠭᠡᠢ； ᠰᠦᠯᠵᠢᠶᠡ ᠵᠢᠴᠢ ᠭᠠᠷ ᠤᠲᠠᠰᠤᠨᠤ 《ᠪᠣᠭᠤᠯ》 ᠪᠣᠯᠣᠭᠰᠠᠨ； ᠠᠶᠤᠮᠠᠲᠠᠭ᠋ᠠᠢ ᠮᠥᠷᠲᠡᠭᠡᠨ ᠬᠢᠮᠡᠲᠡᠭᠡᠢ᠂ ᠵᠣᠷᠢᠭ ᠰᠤᠯᠠ ᠤᠴᠢᠷᠠᠴᠠ ᠲᠤᠩ ᠠᠶᠤᠮᠠᠲᠠᠭ᠋ᠠᠢ᠂ ᠴᠢᠩᠭᠠ ᠳᠤᠤᠭ᠋ᠠᠷᠬᠤ᠂ ᠪᠠᠭᠠ ᠵᠠᠩᠨᠠᠭ᠍ᠤᠳᠤ ᠯᠡ ᠠᠶᠤᠭ᠋ᠠᠳ ᠪᠠᠶ᠋ᠢᠳᠠᠭ᠃ ᠭᠡᠬᠦᠳᠤ ᠠᠷᠤ ᠬᠤᠶ᠋ᠢᠨᠠᠨᠢ ᠰᠠᠨᠠᠭ᠋ᠠᠨ ᠳᠤᠷᠠᠪᠠᠷ ᠵᠶ᠋ᠠᠨ ᠠᠭ᠋ᠠᠰᠢᠯᠠᠳᠠᠭ᠂ ᠶᠠᠭᠤᠨᠳᠤ ᠴᠦ᠍ ᠭᠠᠷ ᠬᠦᠷᠴᠦ ᠦᠵᠡᠨ᠂ ᠶᠠᠭᠤ ᠵᠢ ᠴᠦ᠍ ᠤᠷᠤᠯᠳᠤᠵᠤ ᠦᠵᠡᠳᠡᠭ᠃
ᠪᠢᠳᠠ ᠠ᠋ᠳᠡᠭᠡᠷ ᠢᠯᠡᠷᠡᠯᠤᠨ ᠦᠨᠳᠦᠰᠦ ᠰᠤᠷᠪᠤᠯᠵᠢ ᠵᠢᠴᠢ ᠰᠢᠢ᠍ᠳᠪᠦᠷᠢᠯᠡᠬᠦ ᠠᠷᠭᠠ ᠵᠢᠨ ᠲᠤᠬᠠᠢ ᠰᠦᠪᠡᠭᠴᠢᠯᠡᠶᠡ᠃
ᠨᠢᠭᠡ᠂ ᠭᠡᠷᠤᠨ ᠨᠥᠬᠦᠴᠡᠯ᠂ ᠰᠤᠷᠭ᠋ᠠᠯ ᠳᠣᠳᠣᠮᠳᠠᠯᠭᠠ
（ᠨᠢᠭᠡ） ᠵᠦᠢ᠍ᠯ ᠵᠦᠢ᠍ᠯᠤᠨ ᠰᠢᠯᠲᠠᠭ᠋ᠠᠨᠠᠴᠠ ᠪᠣᠯᠵᠤ᠂ ᠭᠠᠭᠴᠠ ᠬᠡᠦᠬᠡᠳᠲᠠᠢ ᠠᠶ᠋ᠢᠯ ᠲᠤᠩ ᠣᠯᠠᠨ ᠪᠣᠯᠵᠠᠢ᠃ ᠶᠠᠭ ᠠ᠋ᠶ᠋ᠢᠮᠦᠠᠴᠠ ᠭᠡᠷᠤᠨ ᠠᠬᠠᠮᠠᠳ ᠬᠡᠦᠬᠡᠳ ᠵᠶ᠋ᠠᠨ 《ᠠᠯᠠᠭ᠋ᠠᠨᠳᠤᠪᠠᠨ ᠲᠠᠯᠪᠢᠪᠠᠯ ᠪᠥᠮᠪᠥᠷᠢᠮᠡᠷ᠂ ᠠᠮᠠᠨᠳᠤᠪᠠᠨ ᠬᠢᠪᠡᠯ ᠬᠠᠶ᠋ᠢᠯᠤᠮᠠᠷ》 ᠬᠠᠶ᠋ᠢᠷᠠᠯᠠᠵᠤ᠂ ᠬᠡᠦᠬᠡᠳᠤᠨᠢᠶᠠᠨ ᠠ᠋ᠮᠦᠨᠡᠨᠢ ᠭᠦᠶᠦᠵᠦ᠂ ᠬᠤᠶ᠋ᠢᠨᠠᠨᠢ ᠠ᠋ᠷᠭᠦᠵᠦ ᠪᠠᠶ᠋ᠢᠭ᠋ᠠᠳ ᠬᠡᠦᠬᠡᠳ ᠵᠶ᠋ᠠᠨ ᠶᠠᠭᠤ ᠴᠦ᠍ ᠬᠢᠳᠡᠭ ᠦᠭᠡᠢ᠂ ᠬᠢᠵᠦ ᠴᠦ᠍ ᠴᠢᠳᠠᠳᠠᠭ ᠦᠭᠡᠢ᠂ ᠬᠢᠬᠦᠠᠴᠠᠪᠠᠨ ᠳᠤᠷᠠ ᠦᠭᠡᠢ᠍ᠢ᠍ᠴᠡᠳᠡᠭ᠂ ᠪᠣᠳᠣᠵᠤ ᠰᠡᠳᠬᠢᠬᠦ ᠳᠤᠷᠠ ᠦᠭᠡᠢ᠂ ᠨᠡᠩ ᠴᠠᠭ᠋ᠠᠰᠢᠯᠠᠭ᠋ᠠᠳ ᠴᠡᠭᠡᠵᠢᠯᠡᠵᠦ ᠲᠣᠭᠲᠠᠭ᠋ᠠᠬᠤ ᠳᠤᠷᠠ ᠦᠭᠡᠢ ᠬᠡᠦᠬᠡᠳ ᠪᠣᠯᠭ᠋ᠠᠵᠠᠢ᠃ ᠮᠦᠨ ᠬᠡᠦᠬᠡᠳᠤᠨ ᠵᠶ᠋ᠠᠨ ᠭᠠᠷ ᠬᠥᠳᠡᠯᠵᠦ ᠤᠬᠠᠭ᠋ᠠᠨ ᠰᠡᠶ᠋ᠢᠯᠬᠦ᠂ ᠠ᠋ᠷᠳᠡᠮ ᠴᠢᠳᠠᠪᠤᠷᠢ ᠣᠯᠵᠤ ᠰᠤᠷᠬᠤ ᠴᠠᠭ ᠵᠠᠪᠰᠢᠶᠠᠨᠢᠨᠢ ᠠᠯᠳᠠᠭᠳᠠᠭᠤᠯᠤᠨ ᠬᠡᠦᠬᠡᠳ ᠵᠶ᠋ᠠᠨ ᠶᠠᠭᠤᠨᠳᠤ ᠴᠦ᠍ ᠠᠯᠵᠠᠭᠤ ᠬᠤᠶ᠋ᠢᠷᠭᠤ ᠪᠣᠯᠭ᠋ᠠᠨ ᠰᠤᠷᠭ᠋ᠠᠴᠢᠬᠠᠭᠰᠠᠨ ᠪᠠᠶ᠋ᠢᠳᠠᠭ᠃
ᠪᠠᠰᠠ ᠠᠶ᠋ᠢᠯᠤᠨ ᠭᠠᠭᠴᠠ ᠬᠡᠦᠬᠡᠳᠤᠨ ᠣᠯᠠᠩᠬᠢᠨᠢ ᠪᠦᠷ ᠲᠤᠩ ᠬᠤᠪᠢᠨᠴᠢᠷ᠂ ᠠᠮᠢᠨᠴᠢᠷ ᠦᠵᠡᠯᠲᠠᠢ ᠪᠣᠯᠴᠢᠬᠠᠭᠰᠠᠨ ᠪᠠᠶ᠋ᠢᠳᠠᠭ᠃ ᠤᠴᠢᠷᠨᠢ ᠲᠡᠳᠡ 《ᠭᠡᠷᠲᠤᠬᠢ ᠠᠯᠢᠪᠠ ᠶᠠᠭᠤᠮᠠ ᠪᠦᠬᠦᠨ ᠵᠶ᠋ᠠᠷ ᠵᠶ᠋ᠠᠨ ᠮᠢᠨᠤᠬᠢ》 ᠬᠡᠮᠡᠨ ᠦᠵᠡᠳᠡᠭ᠃ ᠭᠡᠷᠲᠤᠪᠠᠨ ᠲᠤᠩ ᠠ᠋ᠷᠬᠡ ᠳᠤᠷᠠᠪᠠᠷ ᠵᠶ᠋ᠠᠨ ᠪᠠᠶ᠋ᠢᠳᠠᠭ᠃ ᠠᠮᠢᠳᠤᠷᠠᠯ ᠠᠨᠠᠢ ᠴᠦ᠍ ᠪᠤᠯᠤᠬ᠂ ᠠᠮᠢᠳᠤᠷᠠᠯ ᠪᠠᠶᠠᠨ ᠴᠦ᠍ ᠪᠤᠯᠤᠬ ᠬᠡᠦᠬᠡᠳᠨᠢ ᠠ᠋ᠯᠪᠡᠭ ᠠᠮᠢᠳᠤᠷᠠᠭ᠋ᠠᠳ ᠰᠤᠷᠴᠢᠬᠠᠭᠰᠠᠨ ᠤᠴᠢᠷᠠᠴᠠ ᠶᠠᠭᠤᠮᠠ ᠪᠦᠬᠦᠨᠳᠤ ᠬᠠᠶ᠋ᠢᠷᠠ ᠭᠠᠮ ᠦᠭᠡᠢ ᠪᠣᠯᠣᠭ᠋ᠠᠳ᠂ ᠬᠡᠨᠢ ᠴᠦ᠍᠂ ᠶᠠᠭᠤ ᠵᠢ ᠴᠦ᠍ ᠶᠠᠭᠤᠮᠠᠨᠤ ᠲᠣᠭ᠋ᠠᠨᠳᠤ ᠦᠵᠡᠬᠦ ᠦᠭᠡᠢ ᠥᠰᠴᠢᠬᠡᠭᠰᠡᠨ ᠪᠠᠶ᠋ᠢᠳᠠᠭ᠃ ᠶᠠᠭᠤ ᠴᠦ᠍ ᠭᠡᠰᠡᠨ ᠭᠠᠭᠴᠠ ᠬᠡᠦᠬᠡᠳᠤᠨ ᠰᠢᠯᠲᠠᠭ᠋ᠠᠨᠠᠴᠠ ᠪᠣᠯᠣᠭ᠋ᠠᠳ ᠭᠡᠷᠤᠨ ᠠᠬᠠᠮᠠᠳᠨᠢ ᠶᠠᠭᠤ ᠵᠢ ᠴᠦ᠍ 《ᠬᠡᠲᠦᠷᠡᠭᠦᠯᠦᠨ》 ᠥᠭᠳᠡᠭᠠᠴᠠ ᠬᠡᠦᠬᠡᠳᠤᠨ 《ᠰᠢᠩᠭᠡᠭᠡᠯᠲᠡ》 ᠮᠠᠭᠤᠳᠠᠵᠤ᠂ ᠠᠯᠢᠪᠠ ᠵᠦᠢ᠍ᠯᠢ 《ᠰᠦᠢ᠍ᠳᠬᠡᠬᠦ》᠂ 《ᠪᠦᠷᠢᠯᠭᠡᠬᠦ》ᠳᠤ ᠬᠦᠷᠳᠡᠭ᠃ ᠲᠡᠭᠡᠭᠡᠳ ᠠᠯᠢᠪᠠᠨᠢ ᠪᠦᠷ 《ᠬᠠᠯᠠ》 ᠪᠣᠯᠵᠤ ᠬᠤᠴᠣᠷᠳᠠᠭ᠃ ᠬᠠᠶ᠋ᠢᠷᠠᠨᠢ ᠬᠡᠲᠦᠷᠡᠭᠡᠳ᠂ ᠮᠥᠩᠭᠦᠨᠢ ᠬᠡᠲᠦᠷᠡᠭᠡᠳ᠂ ᠬᠡᠦᠬᠡᠳᠤᠨ ᠵᠶ᠋ᠠᠨ ᠠ᠋ᠮᠦᠨᠡᠠᠴᠠ ᠬᠢᠭᠦᠨᠢ ᠬᠡᠲᠦᠷᠡᠭᠡᠳ᠂ ᠬᠡᠦᠬᠡᠳᠲᠤᠪᠠᠨ ᠪᠣᠳᠣᠵᠤ ᠥᠭᠬᠦᠨᠢ ᠬᠡᠲᠦᠷᠡᠭᠡᠳ ᠁ ᠬᠡᠦᠬᠡᠳᠤᠨ ᠵᠶ᠋ᠠᠨ ᠭᠠᠷᠠᠴᠠ᠂ ᠨᠢᠳᠦᠨᠠᠴᠠ᠂ ᠪᠣᠳᠣᠯᠠᠴᠠ ᠠᠯᠢᠪᠠ ᠵᠢᠨᠢ ᠤᠷᠤᠯᠠᠨ ᠪᠤᠯᠢᠶᠠᠭᠰᠠᠨᠠᠴᠠ ᠠ᠋ᠳᠦᠭᠡ ᠬᠡᠦᠬᠡᠳᠨᠢ ᠬᠥᠳᠡᠯᠮᠦᠷᠢᠳᠤ ᠳᠤᠷᠠ ᠦᠭᠡᠢ᠂ ᠰᠤᠷᠬᠤᠳᠤ ᠲᠡᠰᠪᠦᠷᠢ ᠦᠭᠡᠢ᠂ ᠵᠣᠷᠢᠭ ᠦᠭᠡᠢ᠂ ᠬᠡᠷᠡᠭ ᠦᠭᠡᠢ ᠵᠦᠢ᠍ᠯᠳᠤ ᠳᠤᠷᠠᠲᠠᠢ᠂ ᠨᠠᠭ᠋ᠠᠳᠤᠮᠳᠤ ᠰᠢᠨᠤᠬᠠᠢ᠂ ᠶᠠᠭᠤᠨᠳᠤ ᠴᠦ᠍ 《ᠮᠡᠳᠡᠬᠦ ᠦᠭᠡᠢ᠂ ᠴᠢᠳᠠᠭ᠍ᠤ ᠦᠭᠡᠢ᠂ ᠬᠢᠭᠦ ᠦᠭᠡᠢ᠂ ᠪᠣᠳᠣᠬᠤ ᠦᠭᠡᠢ》 ᠁ ᠬᠤᠶ᠋ᠢᠷᠭᠤ ᠠᠯᠵᠠᠭᠤ᠂ ᠤᠨᠲᠠᠩᠬᠠᠢ ᠬᠡᠦᠬᠡᠳ ᠪᠤᠯᠵᠠᠭ᠋ᠠᠵᠠᠢ᠃ ᠭᠡᠷᠤᠨ ᠠᠬᠠᠮᠠᠳ ᠭᠡᠤᠭᠡᠳ ᠵᠶ᠋ᠠᠨ ᠢᠨᠭᠬᠢᠵᠦ ᠭᠦᠮᠦᠵᠢᠭᠦᠯᠦᠭᠡᠳ ᠰᠤᠷᠭ᠋ᠠᠭᠤᠯᠢᠳᠤ ᠬᠦᠷᠭᠡᠵᠦ᠂ ᠳᠠᠬᠢᠨ ᠪᠠᠭᠰᠢᠠᠴᠠ᠄ 《ᠣᠳᠣ ᠶᠠᠭ᠋ᠠᠬᠢᠳᠠᠭ ᠪᠢᠯᠡ？》 ᠭᠡᠳ ᠯᠡ 《ᠬᠠᠢ᠍ᠢ᠍ᠷᠠᠨᠢ ᠬᠠᠯᠠ ᠪᠣᠯᠣᠭᠰᠠᠨ》 ᠵᠶ᠋ᠠᠨ ᠰᠤᠷᠭ᠋ᠠᠭᠤᠯᠢ ᠪᠤᠯᠤᠨ ᠪᠠᠭᠰᠢᠳᠤ ᠲᠦᠯᠬᠢᠭᠡᠳ᠂ 《ᠲᠠ ᠨᠠᠷᠲᠠᠢ ᠠᠷᠪᠠᠨ ᠰᠠᠷᠠ᠂ ᠪᠢᠳᠠᠨᠲᠠᠢ ᠬᠤᠶᠠᠷᠬᠠᠨ ᠰᠠᠷᠠ ᠰᠠᠭᠤᠵᠤ ᠪᠠᠶ᠋ᠢᠬᠤ ᠶᠤᠮ ᠴᠢᠨᠢ ᠲᠠ ᠨᠠᠷ ᠢᠯᠡᠭᠦᠬᠡᠨ ᠴᠢᠷᠮᠠᠶ᠋ᠢᠭ᠋ᠠᠳ ᠥᠭ ᠳ᠋ᠠ》 ᠬᠡᠮᠡᠨ ᠶᠠᠷᠢᠭ᠋ᠠᠳ ᠯᠡ ᠪᠠᠶ᠋ᠢᠳᠠᠭ᠃ ᠶᠠᠭ ᠯᠡ ᠬᠡᠦᠬᠡᠳ ᠵᠶ᠋ᠠᠨ ᠲᠥᠷᠥᠮᠡᠭᠴᠡᠨᠢ ᠠᠩᠭᠢ ᠵᠢᠨ ᠪᠠᠭᠰᠢᠳᠤ ᠥᠭᠴᠢᠬᠡᠭᠰᠡᠨ ᠶᠤᠮ ᠰᠢᠭ ᠯᠡ ᠪᠠᠶ᠋ᠢᠳᠠᠭ᠃
ᠭᠡᠷᠤᠨ ᠠᠬᠠᠮᠠᠳ ᠥᠪᠡᠷ ᠵᠶ᠋ᠠᠨ ᠬᠠᠷᠢᠭᠤᠴᠠᠯᠭᠠ ᠠᠯᠳᠠᠵᠤ᠂ ᠠ᠋ᠭᠦᠷᠭᠡᠠᠴᠠᠪᠠᠨ ᠵᠠᠶ᠋ᠢᠯᠠᠭᠰᠠᠨ ᠵᠶ᠋ᠠᠨ ᠥᠪᠡᠷ ᠵᠶ᠋ᠠᠨ ᠴᠦ᠍ ᠥᠯᠥ ᠮᠡᠳᠡᠨ ᠡᠴᠦᠰᠲᠤᠪᠠᠨ ᠬᠡᠦᠬᠡᠳᠲᠤᠪᠠᠨ ᠥᠭᠭᠦᠭᠰᠡᠨ ᠬᠠᠶ᠋ᠢᠷᠠᠨᠢ ᠬᠠᠯᠠ ᠪᠣᠯᠳᠠᠬ᠃
（ᠬᠤᠶᠠᠷ） ᠡᠴᠢᠭᠡ ᠠ᠋ᠬᠡ ᠪᠣᠯᠣᠭᠰᠠᠳᠤᠨ ᠰᠠᠯᠵᠤ ᠰᠠᠷᠨᠢᠬᠤ ᠤᠯᠠᠳᠠᠭᠰᠠᠨᠠᠴᠠ ᠪᠣᠯᠵᠠᠢ᠃
ᠮᠢᠨᠤ ᠠ᠋ᠷᠬᠢᠯᠡᠵᠦ ᠥᠩᠭᠡᠷᠡᠭᠰᠡᠨ ᠠᠩᠬᠠᠨᠤ ᠠᠩᠭᠢᠳᠤ ᠨᠡᠶ᠋ᠢᠲᠡ 42 ᠬᠡᠦᠬᠡᠳᠲᠠᠢ ᠪᠠᠶ᠋ᠢᠭᠰᠠᠨ᠃ ᠠ᠋ᠭᠦᠨᠳᠤ 1 ᠥᠨᠥᠴᠢᠨ ᠬᠡᠦᠬᠡᠳ᠂ 8 ᠰᠠᠯᠵᠤ ᠰᠠᠷᠨᠢᠭᠰᠠᠨ ᠠᠢ᠍ᠢ᠍ᠯᠤᠨ ᠭᠡᠤᠭᠡᠳ᠂ 2 ᠶᠠᠭ ᠰᠠᠯᠤᠮᠠᠷ ᠪᠠᠢ᠍ᠢ᠍ᠭᠠ ᠠᠢ᠍ᠢ᠍ᠯᠤᠨ ᠭᠡᠤᠭᠡᠳ ᠪᠠᠢ᠍ᠢ᠍ᠳᠠᠬ᠃
ᠣᠳᠣ ᠵᠢᠨ ᠠ᠋ᠷᠬᠢᠯᠡᠵᠦ ᠪᠠᠶ᠋ᠢᠭᠠ ᠠᠩᠭᠢᠳᠤ ᠨᠡᠶ᠋ᠢᠲᠡ 27 ᠰᠤᠷᠤᠭᠴᠢᠲᠠᠢ᠃ ᠠ᠋ᠭᠦᠨᠳᠤ 1 ᠲᠡᠵᠢᠭᠡᠪᠦᠷᠢ ᠬᠡᠦᠬᠡᠳ᠂ 2 ᠥᠨᠥᠴᠢᠨ ᠬᠡᠦᠬᠡᠳ᠂ 3 ᠰᠠᠯᠵᠤ ᠰᠠᠷᠨᠢᠭᠰᠠᠨ ᠠᠢ᠍ᠢ᠍ᠯᠤᠨ ᠬᠡᠦᠬᠡᠳ᠂ 2 ᠰᠠᠯᠵᠤ ᠰᠠᠷᠨᠢᠨᠠ ᠭᠡᠳ ᠪᠠᠶ᠋ᠢᠳᠠᠭ ᠠᠢ᠍ᠢ᠍ᠯᠤᠨ ᠭᠡᠤᠭᠡᠳ᠃ ᠭᠡᠷᠤᠨ ᠠᠬᠠᠮᠠᠳᠨᠢ ᠭᠡᠷ ᠪᠦᠯᠢᠪᠠᠨ ᠬᠦᠨᠳᠦᠳᠬᠡᠬᠦ ᠦᠭᠡᠢ᠂ ᠬᠡᠦᠬᠡᠳ ᠵᠶ᠋ᠠᠨ ᠪᠣᠳᠣᠬᠤ ᠦᠭᠡᠢ ᠬᠠᠷᠢᠭᠤᠴᠠᠯᠭᠠ ᠠᠯᠳᠠᠭᠰᠠᠨᠠᠴᠠ ᠪᠣᠯᠣᠭ᠋ᠠᠳ ᠬᠡᠦᠬᠡᠳᠨᠢ ᠶᠠᠭᠤᠮᠠ ᠪᠣᠯᠭ᠋ᠠᠨᠳᠤ ᠰᠡᠳᠬᠢᠯ ᠠᠯᠭ᠋ᠠᠰᠠᠭ᠍ᠤ ᠪᠣᠯᠵᠤ᠂ ᠬᠠᠷᠢᠭᠤᠴᠠᠯᠭᠠ ᠵᠢ ᠮᠡᠳᠡᠬᠦ ᠦᠭᠡᠢ᠂ ᠢᠲᠡᠭᠡᠯ ᠵᠢᠷᠤᠮ ᠦᠭᠡᠢ ᠰᠤᠷᠴᠢᠬᠠᠳᠠᠭ ᠪᠠᠶ᠋ᠢᠨᠠ᠃
（ᠭᠤᠷᠪᠠ） ᠡᠴᠢᠭᠡ ᠠ᠋ᠬᠡ ᠵᠢᠨ ᠬᠢᠨᠢ ᠰᠢᠭᠤᠳ ᠳᠣᠳᠣᠮᠳᠠᠯᠭᠠ ᠰᠤᠷᠭ᠋ᠠᠯ ᠳᠤᠲᠠᠭᠤᠳᠠᠭᠰᠠᠨᠠᠴᠠ ᠪᠣᠯᠵᠠᠢ᠃
ᠮᠠᠨᠤ ᠣᠯᠠᠩᠬᠢ ᠬᠡᠦᠬᠡᠳᠤᠳ ᠡᠪᠦᠭᠡ ᠠ᠋ᠮᠡᠭᠡ ᠵᠢᠨ ᠵᠶ᠋ᠠᠨ ᠭᠠᠷ ᠳᠡᠭᠡᠷᠡ ᠥᠰᠦᠭᠰᠡᠨᠢ ᠪᠢ ᠠᠰᠠᠭᠤᠵᠤ ᠮᠡᠳᠡᠯᠡ᠃ ᠨᠡᠩ ᠢᠯᠠᠩᠭᠤᠶᠠ ᠬᠤᠲᠠᠳᠤ ᠣᠯᠠᠩᠬᠢ ᠵᠠᠯᠠᠭᠤᠴᠤᠳ ᠬᠡᠦᠬᠡᠳ ᠵᠶ᠋ᠠᠨ ᠠ᠋ᠬᠡ ᠡᠴᠢᠭᠡᠳᠤᠪᠠᠨ ᠣᠷᠬᠢᠭ᠋ᠠᠳ᠂ ᠥᠪᠡᠷ ᠵᠶ᠋ᠠᠨ ᠳᠣᠳᠣᠮᠳᠠᠵᠤ ᠰᠤᠷᠭ᠋ᠠᠭᠰᠠᠨ ᠵᠶ᠋ᠠᠷ ᠲᠤᠳᠠᠮᠠᠬ᠂ ᠡᠴᠢᠭᠡ ᠠ᠋ᠭᠡ ᠵᠢᠨ ᠬᠠᠶ᠋ᠢᠷᠠ ᠵᠢ ᠮᠠᠳᠡᠷᠡᠭᠦᠯᠦᠭᠰᠡᠨ ᠵᠶ᠋ᠠᠷ ᠲᠤᠩ ᠳᠤᠲᠠᠮᠠᠭ᠂ ᠬᠡᠦᠬᠡᠳ ᠵᠶ᠋ᠠᠨ 《ᠠᠮᠠᠷᠬᠠᠨ》 ᠥᠰᠬᠡᠴᠢᠬᠡᠳᠡᠭ᠃ ᠡ᠊ᠨᠡᠨᠢ ᠬᠡᠦᠬᠡᠳᠢ ᠲᠤᠩ ᠠᠶᠤᠮᠠᠲᠠᠭ᠋ᠠᠢ ᠪᠥᠭᠡᠳ ᠵᠣᠷᠢᠭ ᠰᠤᠯᠠ᠂ ᠶᠡᠭᠡ ᠬᠥᠮᠥᠨᠤ ᠠᠪᠤᠷᠢᠲᠠᠢ ᠠᠲᠠᠯᠠᠪᠠᠨ ᠲᠤᠩ ᠨᠢᠯᠬᠠᠰᠠᠭ ᠬᠥᠩᠭᠡᠨ ᠠᠭ᠋ᠠᠰᠢᠲᠠᠢ ᠪᠣᠯᠭ᠋ᠠᠴᠢᠬᠠᠳᠠᠭ᠃ ᠲᠡᠭᠡᠭᠡᠳ ᠪᠠᠰᠠ ᠨᠠᠰᠤᠳᠠᠢ᠍ᠢ᠍ᠴᠤᠤᠯᠨᠢ ᠭᠡᠤᠭᠡᠳᠢ ᠳᠤᠷᠠᠪᠠᠷᠨᠢ ᠲᠠᠯᠪᠢᠵᠤ᠂ ᠡᠴᠢᠭᠡ ᠠ᠋ᠬᠡᠨᠢ ᠰᠢᠭᠦᠮᠵᠢᠯᠡᠪᠡᠯ ᠥᠮᠥᠭᠯᠡᠭᠰᠡᠭᠡᠷ ᠪᠠᠶ᠋ᠢᠵᠤ ᠠ᠋ᠷᠬᠡ ᠳᠤᠷᠠᠪᠠᠷ᠂ ᠶᠣᠰᠣ ᠵᠢᠷᠤᠮ ᠦᠭᠡᠢ ᠰᠤᠷᠴᠢᠬᠠᠳᠠᠭ᠃
ᠬᠤᠶᠠᠷ᠂ ᠨᠡᠶ᠋ᠢᠭᠡᠮᠤᠨ ᠨᠥᠯᠥᠭᠡᠨᠠᠴᠠ ᠪᠣᠯᠣᠭ᠋ᠠᠳ ᠬᠡᠦᠬᠡᠳᠤᠳ ᠢᠲᠡᠭᠡᠯ ᠪᠢᠰᠢᠷᠡᠯ ᠵᠶ᠋ᠠᠨ ᠠᠯᠳᠠᠵᠤ ᠪᠤᠢ᠃
（ᠨᠢᠭᠡ） ᠨᠡᠶ᠋ᠢᠭᠡᠮᠤᠨ ᠬᠥᠭᠵᠢᠯᠲᠡ ᠵᠢ ᠳᠠᠭ᠋ᠠᠯᠳᠤᠨ ᠰᠦᠯᠵᠢᠶᠡ ᠲᠦᠭᠡᠮᠡᠯᠵᠢᠨ᠂ ᠰᠤᠷᠤᠭᠴᠢᠳᠤᠨ ᠳᠤᠮᠳᠠ ᠭᠠᠷ ᠤᠲᠠᠰᠤᠨᠤ ᠬᠢᠮᠤᠷᠠᠯ ᠪᠣᠯᠣᠭ᠋ᠠᠳ ᠪᠠᠶ᠋ᠢᠭᠠ᠃ ᠲᠡᠭᠦᠨᠠᠴᠠ ᠪᠣᠯᠣᠭ᠋ᠠᠳ ᠠᠯᠢᠪᠠᠪᠠᠨ ᠮᠠᠷᠲᠠᠭ᠍ᠤᠳᠤ ᠬᠦᠷᠴᠦ ᠪᠤᠢ᠃
（ᠬᠤᠶᠠᠷ） ᠨᠡᠶ᠋ᠢᠭᠡᠮ ᠳᠠᠶᠠᠭ᠋ᠠᠷ ᠵᠶ᠋ᠠᠨ ᠠ᠋ᠳ᠋ ᠮᠥᠩᠭᠦ᠂ ᠨᠡᠷᠡᠲᠦ ᠲᠡᠮᠳᠡᠭᠲᠦ᠂ ᠠᠰᠢᠭ ᠬᠤᠨᠵᠢᠪᠤᠷᠢ ᠬᠥᠭᠡᠭᠡᠴᠡᠯᠳᠦᠭᠰᠡᠨᠠᠴᠠ ᠲᠡᠳᠡᠨᠤ ᠥᠷᠲᠡᠭᠤᠨ ᠦᠵᠡᠯᠲᠡ ᠵᠢ ᠨᠥᠯᠥᠭᠡᠯᠡᠨ᠂ ᠵᠣᠭᠤᠰ ᠮᠥᠩᠭᠦ᠂ ᠭᠡᠷ ᠲᠡᠷᠭᠡ᠂ ᠠ᠋ᠮᠦᠰᠬᠡᠯ ᠵᠡᠭᠦᠭᠡᠯᠤᠨ ᠲᠤᠬᠠᠢ ᠠᠳᠠᠯᠢᠳᠬᠠᠬᠤᠨᠢ ᠴᠢᠩᠭ᠋ᠠᠷᠠᠵᠤ᠂ ᠠᠲᠠᠭ᠋ᠠᠴᠢ ᠰᠡᠳᠬᠢᠯᠨᠢ ᠨᠡᠮᠡᠭᠳᠡᠨ᠂ ᠣᠶᠣᠨ ᠰᠠᠨᠠᠭᠠᠨᠢ ᠪᠣᠬᠢᠷᠲᠤᠵᠠᠢ᠃
ᠭᠤᠷᠪᠠ᠂ ᠰᠤᠷᠭ᠋ᠠᠭᠤᠯᠢ ᠵᠢᠨ ᠬᠥᠮᠥᠵᠢᠯᠤᠨ ᠲᠠᠯᠠᠪᠠᠷᠬᠢ ᠮᠢᠨᠤ ᠪᠠᠷᠢᠮᠲᠠᠯᠠᠯ
ᠰᠤᠷᠭ᠋ᠠᠭᠤᠯᠢ ᠬᠡᠮᠡᠭᠴᠢ ᠬᠥᠮᠥᠨᠳᠤ ᠮᠡᠳᠡᠯᠭᠡ ᠴᠢᠳᠠᠪᠤᠷᠢ ᠵᠢ ᠰᠤᠷᠭ᠋ᠠᠵᠤ᠂ ᠬᠥᠮᠥᠨ ᠪᠣᠯᠬᠤ ᠶᠣᠰᠣ ᠵᠢ ᠤᠯᠠᠮᠵᠢᠯᠠᠳᠠᠭ ᠥᠯᠥᠭᠡᠢ ᠵᠢ ᠬᠡᠯᠡᠮᠦᠢ᠃
ᠮᠣᠩᠭᠤᠯᠴᠤᠳ ᠠᠯᠢ ᠬᠡᠵᠢᠶᠡᠨᠠᠴᠠ ᠬᠥᠮᠥᠨ ᠵᠶ᠋ᠠᠷ ᠦᠨᠳᠦᠰᠦ ᠪᠣᠯᠭ᠋ᠠᠵᠤ᠂ ᠬᠥᠮᠥᠨ — ᠬᠥᠮᠥᠵᠢᠯ — ᠬᠥᠮᠥᠵᠢᠭᠦᠯᠬᠦ ᠶᠣᠰᠣᠭ᠋ᠠᠷ 《ᠬᠥᠮᠥᠨ ᠪᠣᠯᠬᠤ ᠪᠠᠭᠠᠠᠴᠠᠪᠠᠨ ＼ ᠬᠦᠯᠦᠭ ᠪᠣᠯᠬᠤ ᠤᠨᠠᠭ᠋ᠠᠨᠠᠴᠠᠪᠠᠨ》 ᠬᠡᠮᠡᠨ ᠬᠡᠦᠬᠡᠳᠤᠨ ᠨᠠᠰᠤ ᠵᠢᠯᠤᠨ ᠣᠨᠴᠠᠯᠢᠭ᠂ ᠪᠡᠶᠡ᠂ ᠣᠶᠣᠨ᠂ ᠰᠡᠳᠬᠢᠴᠡᠳᠤᠨᠢ ᠲᠣᠬᠢᠷᠠᠭᠰᠠᠨ ᠰᠤᠷᠭ᠋ᠠᠯ ᠬᠥᠮᠥᠵᠢᠯᠢ ᠬᠢᠭᠰᠡᠭᠡᠷ ᠢᠷᠡᠭᠰᠡᠨ᠃ ᠪᠢ ᠰᠤᠷᠤᠭᠴᠢᠳᠲᠤᠪᠠᠨ ᠢᠲᠡᠭᠡᠯ ᠪᠢᠰᠢᠷᠡᠯ ᠣᠯᠭᠤᠬᠤ ᠵᠢᠨ ᠲᠥᠯᠥᠭᠡ ᠳᠣᠣᠷᠠᠬᠢ ᠮᠡᠲᠦ ᠵᠢᠨ ᠠᠷᠭᠠ ᠬᠡᠮᠵᠢᠶᠡ ᠵᠢ ᠠᠪᠳᠠᠭ᠃
（ᠨᠢᠭᠡ） 《ᠭᠤᠷᠪᠠᠨ ᠠ᠋ᠬᠡ》 ᠵᠢᠨ ᠬᠥᠮᠥᠵᠢᠯᠢ ᠰᠠᠶ᠋ᠢᠲᠤᠷ ᠬᠢᠳᠡᠭ᠃ ᠠ᠋ᠬᠡ ᠦᠨᠳᠦᠰᠦᠲᠡᠨ᠂ ᠠ᠋ᠬᠡ ᠨᠤᠲᠤᠭ᠂ ᠠ᠋ᠬᠡ ᠰᠣᠶᠣᠯᠤᠨ ᠬᠥᠮᠥᠵᠢᠯᠢ ᠰᠤᠷᠤᠭᠴᠢᠳᠲᠤ ᠴᠠᠭ ᠦᠷᠭᠦᠯᠵᠢ ᠬᠢᠳᠡᠭ᠃ ᠥᠪᠡᠷᠤᠨ ᠣᠷᠣᠰᠢᠨ ᠰᠠᠭᠤᠭᠠ ᠥᠯᠥᠭᠡᠢ ᠨᠤᠲᠤᠭ᠂ ᠦᠨᠳᠦᠰᠦᠲᠡᠨ ᠤᠭᠰᠠᠭ᠋ᠠᠳᠠᠨ᠂ ᠥᠪᠡᠷᠤᠨ ᠢᠵᠠᠭᠤᠷ ᠰᠣᠶᠣᠯ ᠵᠶ᠋ᠠᠨ ᠲᠠᠨᠢᠨ ᠮᠡᠳᠡᠷᠡᠴᠢᠬᠡᠪᠡᠯ ᠲᠡᠳᠡ ᠠᠶᠠᠨᠳᠠᠭ᠋ᠠᠨ ᠢᠲᠡᠭᠡᠯ ᠪᠢᠰᠢᠷᠡᠯᠲᠠᠢ ᠪᠣᠯᠴᠢᠬᠠᠨᠠ᠃ ᠪᠢ ᠮᠣᠩᠭᠤᠯ ᠬᠡᠯᠡᠨᠤ ᠪᠠᠭᠰᠢ ᠪᠣᠯᠣᠭᠰᠠᠨᠤ ᠬᠤᠪᠢᠳᠤ᠂ ᠬᠡᠯᠡᠨᠤᠪᠠᠨ ᠢᠷᠠᠭᠤ ᠪᠠᠶᠠᠯᠢᠭ᠂ ᠭᠦᠨ ᠰᠢᠳᠢᠯᠢᠭ ᠰᠣᠶᠣᠯ ᠬᠦᠴᠦᠨᠢ ᠭᠠᠶ᠋ᠢᠬᠠᠭᠤᠯᠤᠨ ᠲᠡᠳᠡᠨᠳᠤ ᠬᠥᠮᠥᠵᠢᠯ ᠬᠢᠳᠡᠭ᠃ ᠵᠢᠱ᠌ᠢᠶᠡᠯᠡᠪᠡᠯ᠄ ᠪᠢ ᠰᠤᠷᠤᠭᠴᠢᠳᠢ ᠶᠠᠭ ᠲᠠᠩᠭᠤᠳᠤᠨ ᠭᠠᠯᠰᠠᠩ ᠭᠤᠸᠠᠢ ᠵᠢᠨ ᠪᠡᠯᠭᠡᠲᠦ ᠦᠭᠡᠰᠤᠨ ᠰᠤᠳᠤᠯᠤᠯᠳᠤᠪᠠᠨ 《ᠬᠥᠮᠥᠨ ᠶᠡᠷᠦᠨᠢ ᠪᠤᠷᠤᠭᠤ ᠠ᠋ᠷᠴᠢᠰ᠂ ᠬᠠᠷᠠ ᠠ᠋ᠷᠴᠢᠰ᠂ ᠬᠦᠢ᠍ᠲᠡᠨ ᠠ᠋ᠷᠴᠢᠰ ᠪᠦᠬᠦᠢ ᠦᠭᠡᠰᠢ ᠴᠡᠭᠡᠷᠯᠡᠬᠦ ᠬᠡᠷᠡᠭᠲᠡᠢ ᠶᠤᠮ᠂ ᠶᠠᠷᠢᠬᠤ ᠦᠭᠡᠢ ᠪᠣᠯ ᠰᠠᠶ᠋ᠢᠨ》 ᠬᠡᠮᠡᠨ ᠬᠡᠯᠡᠭᠰᠡᠨᠢ ᠲᠤᠩᠭ᠋ᠠᠨ ᠪᠣᠳᠣᠭᠤᠯᠵᠤ᠂ ᠲᠡᠳᠡᠨᠢ 《ᠦᠭᠡᠢ》 ᠭᠡᠰᠡᠨ ᠦᠭᠡ ᠵᠢ ᠳᠤᠲᠠᠭᠤ ᠬᠡᠯᠡᠭᠦᠯᠦᠨ᠂ ᠰᠠᠶ᠋ᠢᠨ ᠰᠠᠶ᠋ᠢᠬᠠᠨ ᠠ᠋ᠶᠡᠷᠭᠦ ᠠ᠋ᠨᠧᠷᠭᠢ ᠪᠦᠬᠦᠢ ᠦᠭᠡᠰᠢ ᠢᠯᠡᠭᠦᠬᠡᠨ ᠶᠠᠷᠢᠵᠤ ᠰᠤᠷᠬᠤ ᠵᠢ ᠱᠠᠭ᠋ᠠᠷᠳᠠᠨ᠂ ᠠᠯᠢᠪᠠ ᠵᠦᠢ᠍ᠯᠳᠤ ᠲᠠᠯᠠᠷᠬᠠᠵᠤ ᠪᠣᠳᠣᠵᠤ ᠶᠠᠪᠤᠬᠤ ᠲᠤᠬᠠᠢ ᠰᠠᠨᠠᠭᠤᠯᠤᠨ᠂ ᠦᠭᠡ ᠬᠡᠯᠡᠨᠤ ᠬᠢᠨᠢ ᠮᠡᠳᠡᠷᠡᠮᠵᠢ ᠵᠢ ᠳᠡᠭᠡᠭᠰᠢᠯᠡᠭᠦᠯᠵᠦ᠂ ᠨᠣᠮᠳᠤ ᠢᠲᠡᠭᠡᠨ᠂ ᠪᠠᠭᠰᠢᠳᠤ ᠪᠢᠰᠢᠷᠡᠬᠦ ᠵᠦᠭ ᠬᠥᠲᠥᠯᠳᠡᠭ᠃
（ᠬᠤᠶᠠᠷ） ᠠ᠋ᠭᠡ ᠪᠠᠢ᠍ᠢ᠍ᠭ᠋ᠠᠯᠢᠪᠠᠨ ᠬᠠᠢ᠍ᠢ᠍ᠷᠠᠯᠠᠨ ᠬᠠᠮᠠᠭ᠋ᠠᠯᠠᠬᠤ ᠬᠥᠮᠥᠵᠢᠯᠢ ᠰᠠᠶ᠋ᠢᠲᠤᠷ ᠬᠢᠳᠡᠭ᠃
ᠠ᠋ᠭᠡ ᠪᠠᠢ᠍ᠢ᠍ᠭ᠋ᠠᠯᠢ ᠪᠤᠯ ᠪᠢᠳᠠᠨᠤ ᠤᠷᠤᠰᠢᠨ ᠲᠤᠭᠳᠠᠨᠢᠬᠤ ᠲᠤᠯᠠᠭ᠋ᠠᠨ ᠦᠯᠦᠭᠡᠢ᠂ ᠭᠠᠭᠴᠠ ᠭᠦ᠌ ᠠ᠋ᠭᠡ ᠪᠠᠢ᠍ᠢ᠍ᠭ᠋ᠠᠯᠢᠪᠠᠨ ᠰᠠᠢ᠍ᠢ᠍ᠳᠤᠷ ᠬᠠᠢ᠍ᠢ᠍ᠷᠠᠯᠠᠨ ᠬᠠᠮᠠᠭ᠋ᠠᠯᠠᠪᠠᠯ ᠰᠠᠶᠢ ᠦᠨᠢ ᠤᠳᠠᠭ᠋ᠠᠨ ᠤᠷᠤᠭᠰᠢᠯᠠᠵᠤ ᠲᠤᠭᠳᠠᠨᠢᠵᠤ ᠴᠢᠳᠠᠬᠤ ᠵᠢᠨ ᠶᠤᠰᠤ ᠤᠴᠢᠷᠢ ᠶᠠᠷᠢᠵᠤ ᠦᠭᠳᠡᠭ᠃
（ᠭᠤᠷᠪᠠ） 《ᠭᠡᠷᠤᠨ ᠠᠬᠠᠮᠠᠳᠤᠨ ᠰᠤᠷᠭ᠋ᠠᠭᠤᠯᠢ》 ᠵᠢ ᠠ᠋ᠷᠬᠢᠯᠡᠬᠦ ᠪᠤᠶᠤ ᠲᠡᠳᠡᠨᠤ ᠪᠣᠯᠪᠠᠰᠤᠷᠠᠯᠢ ᠴᠢᠩᠭ᠋ᠠᠳᠬᠠᠪᠠᠯ ᠵᠣᠬᠢᠨᠠ᠃
1. ᠬᠠᠷᠢᠭᠤᠴᠠᠯᠭᠠ ᠵᠢᠨ ᠬᠥᠮᠥᠵᠢᠯᠢ ᠰᠠᠶ᠋ᠢᠲᠤᠷ ᠬᠢᠨᠡ᠃
2. ᠬᠡᠦᠬᠡᠳᠢ ᠬᠡᠷᠬᠢᠨ ᠬᠥᠮᠥᠵᠢᠭᠦᠯᠬᠦ （ᠬᠡᠦᠬᠡᠳᠢ ᠣᠶ᠋ᠢᠯᠠᠭ᠋ᠠᠬᠤ᠂ ᠬᠡᠦᠬᠡᠳᠲᠠᠢ ᠨᠠᠶ᠋ᠢᠵᠢᠯᠠᠭ᠍ᠤ᠂ ᠬᠡᠦᠬᠡᠳᠢ ᠰᠤᠷᠭ᠋ᠠᠬᠤ ᠁） ᠲᠤᠬᠠᠢ ᠵᠢᠯᠣᠭᠤᠳᠤᠮᠵᠢ ᠥᠭᠭᠦᠨᠡ᠃
3. ᠰᠢᠯᠢᠳᠡᠭ ᠰᠠᠶ᠋ᠢᠨ ᠨᠣᠮ ᠵᠣᠬᠢᠶᠠᠯᠠᠴᠠ ᠲᠠᠨᠢᠯᠴᠠᠭᠤᠯᠵᠤ ᠥᠭᠭᠦᠨᠡ᠃
ᠠ᠋ᠳᠡᠭᠡᠷ ᠠᠷᠭᠠᠪᠠᠷ ᠪᠢᠳᠠ ᠰᠤᠷᠭ᠋ᠠᠭᠤᠯᠢ᠂ ᠨᠡᠶ᠋ᠢᠭᠡᠮ᠂ ᠭᠡᠷ ᠪᠦᠯᠢ ᠬᠠᠮᠲᠤᠷᠠᠵᠤ ᠬᠠᠮᠵᠢᠯᠴᠠᠳᠠᠭ ᠯᠡ ᠪᠣᠯ ᠬᠡᠦᠬᠡᠳᠲᠤ ᠠ᠋ᠶᠡᠷᠭᠦ ᠠ᠋ᠨᠧᠷᠭᠢ ᠳᠠᠮᠵᠢᠭᠤᠯᠤᠨ ᠲᠡᠳᠡᠨᠢ ᠦᠨᠡᠨ ᠬᠦ᠌ ᠠᠮᠢᠳᠤᠷᠠᠯᠳᠤ ᠢᠲᠡᠭᠡᠵᠤ ᠪᠢᠰᠢᠷᠡᠳᠡᠭ ᠪᠤᠯᠭ᠋ᠠᠵᠤ ᠴᠢᠳᠠᠨᠠ᠃
ᠲᠡᠭᠡᠪᠡᠯ ᠪᠢ ᠠᠩᠭᠢᠳᠤᠪᠠᠨ ᠠ᠋ᠶ᠋ᠢᠮᠦᠷᠬᠦᠦ ᠠᠷᠭᠠᠪᠠᠷ ᠬᠠᠮᠲᠤ ᠵᠢᠨ ᠢᠲᠡᠭᠡᠯ ᠪᠢᠰᠢᠷᠡᠯᠤᠨ ᠲᠤᠬᠠᠢ ᠬᠥᠮᠥᠵᠢᠯᠢ ᠬᠢᠳᠡᠭ᠃
1. ᠰᠤᠷᠤᠭᠴᠢᠳᠲᠤᠪᠠᠨ ᠬᠢᠴᠢᠶᠡᠯᠯᠡᠭᠴᠢ ᠪᠠᠭᠰᠢ ᠨᠠᠷᠢ ᠦᠷᠭᠦᠯᠵᠢ ᠠ᠋ᠷᠭᠦᠨ ᠮᠠᠭᠲᠠᠳᠠᠭ᠃ ᠬᠡᠷᠪᠡ ᠰᠤᠷᠤᠭᠴᠢᠳ ᠦᠨᠡᠨ ᠬᠦ᠌ ᠲᠣᠭᠤᠵᠤ ᠶᠠᠳᠠᠭᠰᠠᠨ ᠪᠠᠶ᠋ᠢᠪᠠᠯ ᠪᠢ ᠲᠡᠷᠡ ᠪᠠᠭᠰᠢ ᠵᠢᠨ ᠠᠯᠢ ᠨᠢᠭᠡᠨ ᠭᠡᠷᠡᠯ ᠭᠢᠯᠪᠠᠭᠠ ᠪᠦᠬᠦᠢ ᠲᠠᠯᠠ ᠵᠢᠨᠢ ᠠᠳᠬᠤᠵᠤ ᠲᠡᠳᠡᠨᠳᠤ ᠳᠠᠭᠤᠷᠢᠶᠠᠯ ᠪᠣᠯᠭ᠋ᠠᠳᠠᠭ᠃ ᠡ᠊ᠨᠡ ᠪᠣᠯ ᠬᠠᠮᠤᠭ ᠠᠩᠬᠠᠨᠤ ᠠᠵᠢᠯ᠂ ᠬᠠᠮᠤᠭ ᠴᠢᠬᠤᠯᠠ ᠠᠵᠢᠯ᠃
2. ᠰᠤᠷᠤᠭᠴᠢᠳ ᠵᠶ᠋ᠠᠨ ᠣᠶ᠋ᠢᠯᠠᠭ᠋ᠠᠨ᠂ ᠺᠠᠳ᠋ᠷᠢ ᠵᠥᠪ ᠰᠣᠩᠭᠤᠨᠠ᠃ ᠠᠯᠢ ᠨᠢᠭᠡ ᠲᠠᠯᠠᠪᠠᠷ ᠵᠶ᠋ᠠᠨ ᠲᠣᠯᠣᠭ᠋ᠠᠶ᠋ᠢᠯᠠᠭ᠍ᠤ ᠴᠢᠳᠠᠪᠤᠷᠢ ᠪᠦᠬᠦᠢ ᠬᠡᠦᠬᠡᠳᠢ ᠣᠯᠵᠤ ᠺᠠᠳ᠋ᠷ ᠪᠣᠯᠭ᠋ᠠᠨᠠ᠃
3. ᠰᠤᠷᠤᠭᠴᠢᠳᠲᠠᠢᠪᠠᠨ ᠦᠨᠡᠨ ᠬᠦ᠌ ᠨᠠᠶ᠋ᠢᠵᠢᠯᠠᠨᠠ᠃
4. ᠰᠢᠯᠢᠳᠡᠭ ᠰᠠᠶ᠋ᠢᠨ ᠠᠩᠭᠢ ᠵᠢᠨ ᠰᠣᠶᠣᠯᠤᠨ ᠣᠷᠴᠢᠨᠢ ᠪᠦᠷᠢᠯᠳᠤᠭᠦᠯᠵᠦ ᠥᠭᠭᠦᠨᠡ᠃
（1） ᠮᠣᠩᠭᠤᠯ ᠰᠣᠶᠣᠯᠤᠨ ᠠᠭᠤᠯᠭᠠᠲᠠᠢ ᠪᠤᠶᠤ ᠮᠣᠩᠭᠤᠯ ᠰᠤᠷᠭ᠋ᠠᠯ ᠵᠶ᠋ᠠᠷ ᠬᠢᠴᠢᠶᠡᠯᠤᠨ ᠲᠠᠩᠬᠢᠮᠤᠨ ᠬᠠᠨᠠ ᠵᠢᠨ ᠰᠣᠶᠣᠯᠢ ᠪᠦᠲᠦᠭᠡᠨᠡ᠃
（2） ᠠᠩᠭᠢ ᠵᠢᠨ ᠳᠦᠷᠢᠮ᠄ 《ᠪᠡᠶᠡᠪᠠᠨ ᠮᠡᠳᠡᠪᠡᠯ ᠬᠥᠮᠥᠨ ＼ ᠪᠡᠯᠴᠢᠭᠡᠷ ᠵᠶ᠋ᠠᠨ ᠮᠡᠳᠡᠪᠡᠯ ᠮᠠᠯ》᠃
ᠶᠠᠮᠠᠷ ᠨᠢᠭᠡᠨ ᠪᠣᠳᠠᠲᠠᠢ ᠳᠦᠷᠢᠮᠢ ᠲᠣᠭᠲᠠᠭ᠋ᠠᠭ᠋ᠠᠳ ᠰᠤᠷᠤᠭᠴᠢᠳᠢ ᠰᠢᠬᠠᠵᠤ ᠠᠯᠪᠠᠳᠠᠭ᠍ᠤ ᠪᠤᠶᠤ ᠶᠠᠯᠠᠲᠠᠨ ᠮᠡᠲᠦ ᠦᠵᠡᠬᠦᠠᠴᠠ ᠴᠡᠭᠡᠷᠯᠡᠳᠡᠭ᠃
（3） ᠠᠩᠭᠢ ᠵᠢᠨ ᠤᠷᠢᠶᠠ᠄ ᠣᠶ᠋ᠢᠯᠠᠭ᠋ᠠᠯᠴᠠᠶᠠ᠂ ᠪᠦᠯᠬᠦᠮᠳᠡᠶᠡ᠂ ᠬᠠᠪᠰᠤᠷᠤᠯᠴᠠᠶᠠ
（4） ᠳᠤᠭᠤᠶ᠋ᠢᠯᠠᠩᠤᠨ ᠰᠣᠶᠣᠯᠢ ᠪᠦᠲᠦᠭᠡᠨ ᠪᠠᠶ᠋ᠢᠭᠤᠯᠤᠨᠠ᠃
5. ᠡᠵᠡᠨ ᠪᠣᠯᠬᠤ ᠵᠢᠨ ᠬᠥᠮᠥᠵᠢᠯᠢ ᠬᠢᠳᠡᠭ᠃
（1） ᠪᠡᠶᠡᠳᠤᠪᠠᠨ ᠡᠵᠡᠨ ᠪᠣᠯᠬᠤ᠃
（2） ᠠᠵᠢᠬ᠍ᠴᠢ ᠭᠢᠷᠠᠭ᠍ᠠᠢ ᠵᠢᠨ ᠬᠥᠮᠥᠵᠢᠯ᠃ 《ᠨᠢᠳᠦ ᠬᠤᠷᠴᠠ ᠪᠣᠯ ᠪᠢᠯᠢᠭ ᠬᠤᠷᠴᠠ》 ᠭᠡᠳᠡᠭ᠃
（3） ᠠᠵᠢᠯᠴᠢ ᠠᠷᠪᠢᠴᠢ ᠵᠢᠨ ᠬᠥᠮᠥᠵᠢᠯ᠃
（4） ᠴᠡᠭᠡᠵᠢᠯᠡᠬᠦᠢ ᠲᠣᠭᠲᠠᠭ᠋ᠠᠬᠤᠢ ᠵᠢᠨ ᠬᠥᠮᠥᠵᠢᠯ᠃
（5） ᠬᠠᠶ᠋ᠢᠷᠠᠯᠠᠵᠤ ᠲᠠᠯᠠᠷᠬᠠᠬᠤ ᠵᠢᠨ ᠬᠥᠮᠥᠵᠢᠯ᠃
（6） ᠬᠦᠨᠳᠦᠳᠬᠡᠵᠦ ᠪᠢᠰᠢᠷᠡᠬᠦᠢ ᠵᠢᠨ ᠬᠥᠮᠥᠵᠢᠯ᠃
（7） ᠬᠡᠮ ᠬᠡᠮᠵᠢᠶᠡᠨᠤ ᠬᠥᠮᠥᠵᠢᠯ᠃
ᠠ᠋ᠶ᠋ᠢᠮᠦᠠᠴᠠ ᠪᠠᠭᠰᠢ ᠪᠣᠯᠤᠭᠰᠠᠳ ᠢᠲᠡᠭᠡᠯ ᠪᠢᠰᠢᠷᠡᠯᠤᠨ ᠬᠥᠮᠦᠵᠢᠯᠢ ᠰᠠᠢ᠍ᠢ᠍ᠳᠤᠷ ᠬᠢᠵᠦ᠂ ᠲᠡᠳᠡᠨᠤ ᠪᠠᠶᠠ ᠳᠡᠭᠡᠷᠡ ᠢᠯᠠᠷᠠᠵᠦ ᠪᠠᠢ᠍ᠢ᠍ᠭᠠ ᠵᠦᠢ᠍ᠯ ᠵᠦᠢ᠍ᠯᠤᠨ ᠦᠵᠡᠭᠳᠡᠯᠤᠨ ᠠᠷᠤᠳᠤᠬᠢ ᠦᠨᠠᠨ ᠶᠤᠰᠤ ᠵᠢ ᠰᠠᠢ᠍ᠢ᠍ᠳᠤᠷ ᠪᠤᠳᠤᠵᠤ ᠲᠤᠨᠭ᠌ᠭ᠋ᠠᠨ᠂ ᠵᠠᠰᠠᠵᠤ ᠵᠠᠯᠠᠷᠠᠭᠤᠯᠳᠠᠬᠲᠤ ᠭᠦᠷᠪᠡᠯ ᠰᠤᠷᠤᠭᠴᠢᠳᠤᠨ ᠵᠶ᠋ᠠᠨ ᠬᠦᠨᠳᠦᠳᠬᠡᠯ ᠪᠢᠰᠢᠷᠡᠯᠢ ᠣᠯᠬᠤᠪᠠᠷ ᠪᠠᠷᠠᠭ᠍ᠤ ᠦᠭᠡᠢ ᠰᠤᠷᠤᠭᠴᠢ ᠵᠢᠪᠠᠨ ᠦᠨᠡᠡ ᠭᠦ᠌ ᠰᠤᠷᠤᠯᠴᠠᠯᠭᠠ ᠵᠢᠨ ᠡᠵᠡᠨᠨᠢ ᠪᠣᠯᠭ᠋ᠠᠵᠤ ᠴᠢᠳᠠᠨᠠ᠃
ᠬᠠᠶᠢᠬ᠄ ᠡᠵᠡᠨ ᠬᠤᠷᠤᠭᠠ ᠬᠤᠰᠢᠭᠤᠨᠤ ᠮᠣᠩᠭᠤᠯ ᠦᠨᠳᠦᠰᠦᠲᠡᠨᠤ ᠳᠤᠮᠳᠠᠳᠤ ᠰᠤᠷᠭ᠋ᠠᠭᠤᠯᠢ
（ᠴ᠊ · ᠲᠤᠭᠳᠠᠭᠤᠨ ᠨᠠᠢ᠍ᠢ᠍ᠷᠠᠭᠤᠯᠪᠠ）
2019 ᠣᠨᠤ 11 ᠳ᠋ᠦ᠍ᠭᠡᠷ ᠬᠤᠭᠤᠴᠠᠭᠠ