ᠪᠤᠤ ᠲᠤᠶᠠᠭᠠ
ᠪᠢ ᠪᠤᠯ ᠨᠢᠭᠡᠨ ᠠ᠋ᠭᠡᠯ ᠵᠢᠷᠤᠨ ᠮᠤᠩᠭᠤᠯ ᠪᠠᠭᠠ ᠰᠤᠷᠭ᠋ᠠᠭᠤᠯᠢ ᠵᠢᠨ ᠬᠢᠳᠠᠳ ᠬᠡᠯᠡᠨᠤ ᠪᠠᠭᠰᠢ ᠶᠤᠮ᠃ ᠠ᠋ᠨᠡ ᠬᠦ᠌ ᠬᠠᠳᠠᠭᠤᠵᠢᠯᠲᠠᠢ ᠪᠤᠯᠪᠠᠴᠦ ᠦᠩᠭᠡ ᠭᠡᠷᠡᠯᠲᠠᠢ ᠠᠵᠢᠯᠤᠨ ᠪᠠᠶ᠋ᠢᠷᠢᠨ ᠳᠡᠭᠡᠷᠡᠪᠠᠨ ᠠᠵᠢᠯᠯᠠᠭ᠋ᠠᠳ ᠨᠢᠭᠡᠨᠳᠡ ᠬᠤᠷᠢᠨ ᠭᠡᠳᠦᠨ ᠵᠢᠯ ᠪᠤᠯᠴᠢᠬᠠᠯᠠ᠃ ᠶᠡᠷᠦᠨᠢ ᠰᠠᠶᠢ ᠠᠵᠢᠯᠳᠤ ᠭᠠᠷᠤᠭᠰᠠᠨ ᠲᠡᠷᠡ ᠬᠡᠳᠦᠨ ᠵᠢᠯᠳᠤ ᠬᠢᠳᠠᠳ ᠬᠡᠯᠡᠨᠤ ᠪᠠᠭᠰᠢ ᠳᠤᠲᠠᠳᠠᠭ ᠰᠢᠯᠳᠠᠭ᠋ᠠᠨᠠᠴᠠ ᠶᠤᠮ ᠤᠤ᠂ ᠪᠢ ᠭᠤᠷᠪᠠᠨ ᠠᠩᠭᠢ ᠵᠢᠨ ᠵᠠᠭᠤ ᠭᠠᠷᠤᠢ ᠰᠤᠷᠤᠭᠴᠢᠳᠲᠤ ᠬᠢᠳᠠᠳ ᠬᠡᠯᠡᠨᠤ ᠬᠢᠴᠢᠶᠡᠯ ᠵᠢᠭ᠋ᠠᠳᠠᠬ ᠪᠠᠶ᠋ᠢᠯᠠ᠃ ᠠᠵᠢᠯᠤᠨ ᠠ᠋ᠬᠦᠷᠭᠡ ᠨᠡᠯᠢᠶᠡᠳ ᠬᠦᠨᠳᠦ ᠪᠠᠶ᠋ᠢᠭᠰᠠᠨ ᠲᠤᠯᠠ ᠰᠤᠷᠭ᠋ᠠᠭᠤᠯᠢᠠᠴᠠ ᠨᠠᠳᠠᠳᠤ ᠠᠩᠭᠢ ᠵᠢᠨ ᠠ᠋ᠷᠬᠢᠯᠡᠭᠴᠢ ᠵᠢᠨ ᠠᠵᠢᠯᠢ ᠶᠡᠷᠦ ᠲᠤᠬᠢᠷᠠᠭᠤᠯᠤᠭᠰᠠᠨ ᠦᠭᠡᠢ᠃ ᠭᠡᠪᠡᠴᠦ ᠰᠤᠷᠭ᠋ᠠᠭᠤᠯᠢ ᠵᠢᠨ ᠠᠵᠢᠯᠤᠨ ᠴᠢᠬᠤᠯᠠᠴᠢᠯᠠᠭᠠᠠᠴᠠ ᠪᠤᠯᠵᠦ᠂ 2008 ᠤᠨᠤ ᠨᠠᠮᠤᠷᠠᠴᠠ ᠠ᠋ᠬᠢᠯᠡᠵᠦ ᠠᠩᠭᠢ ᠵᠢᠨ ᠠ᠋ᠷᠬᠢᠯᠡᠭᠴᠢ ᠵᠢᠨ ᠠᠵᠢᠯᠢ ᠠ᠋ᠬᠦᠷᠭᠡᠯᠡᠭᠡᠳ ᠨᠢᠭᠡᠨᠳᠡ 12 ᠵᠢᠯᠤᠨ ᠨᠢᠭᠤᠷᠢ ᠦᠵᠡᠴᠢᠬᠡᠯᠡ᠃ ᠦᠨᠦ ᠨᠢᠭᠡᠨᠳᠡ ᠬᠤᠶᠠᠷ ᠠ᠋ᠭᠡᠯᠵᠢ ᠵᠢᠨ ᠠᠩᠭᠢ ᠵᠢ ᠲᠡᠭᠦᠰᠭᠡᠭᠡᠳ᠂ ᠠᠩᠭᠢ ᠵᠢᠨ ᠠ᠋ᠷᠬᠢᠯᠡᠭᠴᠢ ᠵᠢᠨ ᠠᠵᠢᠯᠳᠤ ᠤᠷᠬᠢᠯᠤᠮᠠ ᠬᠠᠯᠠᠭᠤᠨ ᠬᠠᠶ᠋ᠢᠷᠠ ᠰᠡᠳᠬᠢᠯᠭᠡᠲᠠᠢ ᠪᠤᠯᠪᠠ᠃ ᠬᠦᠮᠦᠰ ᠬᠡᠷᠪᠡ ᠠᠷᠠᠳᠤᠨ ᠪᠠᠭᠰᠢ ᠵᠢᠨ ᠠᠵᠢᠯ ᠦᠢ᠍ᠯᠡᠰᠢ ᠲᠦᠢ᠍ᠯᠤᠨ ᠦᠩᠭᠡ ᠭᠡᠷᠡᠯᠲᠡᠢ ᠭᠡᠳᠡᠭ ᠶᠤᠮ ᠪᠤᠯ ᠮᠢᠨᠤ ᠦᠵᠡᠬᠦᠪᠠᠷ᠂ ᠠᠩᠭᠢ ᠵᠢᠨ ᠠ᠋ᠷᠬᠢᠯᠡᠭᠴᠢ ᠪᠤᠯᠬᠤᠨᠢ ᠨᠡᠩ ᠦᠩᠭᠡ ᠭᠡᠷᠡᠯᠲᠡᠢ ᠮᠦᠷᠳᠡᠭᠡᠨ ᠵᠤᠯ ᠵᠢᠷᠭ᠋ᠠᠯᠲᠠᠢ ᠶᠠᠪᠤᠳᠠᠯ ᠶᠤᠮ᠃ ᠬᠦᠮᠦᠰ ᠨᠠᠳᠠᠠᠴᠠ᠄ 《ᠠᠩᠭᠢ ᠵᠢᠨ ᠠ᠋ᠷᠬᠢᠯᠡᠭᠴᠢ ᠵᠢᠨ ᠠᠵᠢᠯᠤᠨ ᠠᠮᠵᠢᠯᠲᠠ ᠤᠯᠬᠤ ᠵᠢᠨ ᠤᠷᠢᠳᠠᠯᠨᠢ ᠶᠠᠭᠤ ᠪᠤᠢ？》 ᠭᠡᠵᠦ ᠠᠰᠠᠭᠤᠪᠠᠯᠨᠢ ᠪᠢ ᠲᠡᠬᠦᠨᠳᠤ᠄ 《ᠬᠠᠶ᠋ᠢᠷᠠ》 ᠭᠡᠵᠦ ᠪᠠᠳᠤᠲᠠᠢ ᠬᠠᠷᠢᠭᠤᠯᠵᠦ ᠦᠭᠬᠦᠨᠡ᠃ ᠬᠡᠷᠪᠡ ᠠᠩᠭᠢ ᠵᠢᠨ ᠠ᠋ᠷᠬᠢᠯᠡᠭᠴᠢ ᠪᠤᠯᠤᠭᠰᠠᠳ ᠬᠠᠷᠢᠭᠤᠴᠠᠯᠭ᠋ᠠᠲᠦ ᠰᠡᠳᠬᠢᠯᠭᠡᠪᠠᠷ ᠠᠩᠭᠢᠪᠠᠨ ᠳᠤᠳᠤᠮᠳᠠᠵᠦ᠂ ᠴᠢᠩ ᠦᠨᠡᠨ ᠰᠡᠳᠬᠢᠯᠠᠴᠠᠪᠠᠨ ᠬᠡᠤᠬᠡᠳ ᠪᠤᠯᠭ᠋ᠠᠨᠳᠤ ᠠ᠋ᠷᠭᠡ ᠲᠡᠭᠰᠢ ᠬᠠᠨᠳᠦᠨ᠂ ᠬᠢᠴᠢᠶᠡᠯ ᠲᠦᠷᠦᠯᠤᠨ ᠪᠠᠭᠰᠢ ᠨᠠᠷᠲᠠᠢ ᠰᠡᠳᠬᠢᠯ ᠨᠢᠭᠡᠳᠦᠨ᠂ ᠬᠡᠷᠤᠨ ᠠᠬᠠᠮᠠᠳ ᠪᠤᠯᠭ᠋ᠠᠨᠲᠠᠢ ᠠ᠋ᠶᠡ ᠵᠤᠬᠢᠴᠠᠩᠭᠤᠢ ᠬᠠᠷᠢᠴᠠᠵᠦ᠂ ᠳᠡᠳᠡᠨᠤ ᠢᠳᠡᠭᠡᠯ ᠨᠠᠶ᠋ᠢᠳᠠᠪᠤᠷᠢ ᠵᠢ ᠬᠦᠯᠢᠶᠡᠵᠦ ᠴᠢᠳᠠᠳᠠᠭᠲᠤ ᠯᠡ ᠬᠦᠷᠪᠡᠯ ᠯᠠᠪᠳᠠᠢ ᠰᠢᠯᠢᠳᠡᠭ ᠰᠠᠶ᠋ᠢᠨ ᠠᠩᠭᠢ ᠨᠡᠶ᠋ᠢᠳᠡ ᠵᠢ ᠪᠠᠶ᠋ᠢᠭᠤᠯᠵᠦ ᠴᠢᠳᠠᠨᠠ᠃ ᠳᠤᠤᠷᠠ ᠪᠢ ᠪᠠᠭᠠ ᠰᠤᠷᠭ᠋ᠠᠭᠤᠯᠢ ᠵᠢᠨ ᠠᠩᠭᠢ ᠵᠢᠨ ᠠ᠋ᠷᠬᠢᠯᠡᠭᠴᠢ ᠵᠢᠨ ᠠᠵᠢᠯᠤᠨ ᠭᠤᠤᠯ ᠪᠤᠯᠬᠤ ᠬᠡᠳᠦᠨ ᠬᠡᠯᠬᠢᠶᠡ ᠵᠢ ᠳᠤᠷᠠᠳᠴᠦ᠂ ᠦᠪᠡᠷᠤᠨ ᠪᠤᠲᠠᠲᠦ ᠦᠩᠭᠡᠷᠡᠯᠲᠡᠪᠠᠨ ᠳᠡᠯᠭᠡᠶᠡ᠃
ᠨᠢᠭᠡ᠂ ᠠᠩᠭᠢ ᠵᠢᠨ ᠬᠠᠮᠢᠶᠠᠷᠤᠯᠲᠠᠪᠠᠨ ᠴᠢᠩᠭᠠ ᠨᠢᠮᠪᠠᠢ ᠪᠠᠶ᠋ᠢᠯᠭ᠋ᠠᠬᠤ ᠬᠡᠷᠡᠭᠳᠡᠢ᠃
ᠠᠷᠪᠠᠨ ᠬᠡᠳᠦᠨ ᠵᠢᠯᠤᠨ ᠲᠤᠷᠰᠢᠬᠢ ᠠᠩᠭᠢ ᠵᠢᠨ ᠬᠠᠮᠢᠶᠠᠷᠤᠯᠲᠠ ᠵᠢᠨ ᠠᠵᠢᠯ ᠵᠶ᠋ᠠᠨ ᠠ᠋ᠷᠬᠢᠴᠡᠭᠦᠯᠪᠡᠯ᠂ ᠠᠩᠭᠢᠪᠠᠨ ᠰᠠᠶ᠋ᠢᠳᠤᠷ ᠬᠠᠮᠢᠶᠠᠷᠤᠶᠠ ᠬᠡᠪᠡᠯ ᠶᠡᠭᠡ ᠤᠶᠤᠨ ᠤᠬᠠᠭ᠋ᠠᠨ ᠬᠡᠷᠡᠭᠰᠡᠬᠦ ᠦᠭᠡᠢ᠂ ᠵᠦᠪᠬᠡᠨ ᠨᠢᠭᠡ ᠯᠡ ᠵᠤᠷᠪᠤᠰᠢ ᠴᠡᠭᠡᠵᠢᠯᠡᠪᠡᠯ ᠪᠤᠯᠴᠢᠬᠠᠨᠠ᠂ ᠲᠡᠷᠡᠨᠢ ᠳᠠᠷᠤᠢ 《ᠪᠠᠷᠢᠮᠳᠠᠯᠠᠭ᠍ᠤ》 ᠶᠠᠪᠤᠳᠠᠯ ᠪᠤᠯᠤᠨᠠ᠃ ᠠᠩᠭᠢ ᠵᠢᠨ ᠠ᠋ᠷᠬᠢᠯᠡᠭᠴᠢ ᠪᠠᠶ᠋ᠢᠭᠰᠠᠨ ᠪᠠᠭᠰᠢ ᠨᠠᠷ ᠪᠤᠯ ᠠᠩᠭᠢ ᠵᠢᠨ ᠠᠵᠢᠯᠢ ᠰᠢᠢ᠍ᠳᠪᠤᠷᠢᠯᠡᠭᠡᠳ ᠪᠠᠷᠠᠰᠢ ᠦᠭᠡᠢ ᠤᠯᠠᠨ ᠠᠰᠠᠭᠤᠳᠠᠯ ᠤᠷᠤᠰᠢᠳᠠᠭ ᠬᠡᠰᠡᠨᠢ ᠪᠡᠶᠡᠴᠢᠯᠡᠨ ᠤᠶ᠋ᠢᠯᠠᠭ᠋ᠠᠨᠠ᠃ ᠤᠴᠢᠷᠨᠢ ᠮᠠᠨᠤ ᠠᠵᠢᠯ ᠪᠤᠯ ᠨᠢᠭᠡ ᠠᠩᠭᠢ ᠵᠢᠨ ᠬᠡᠤᠬᠡᠳᠢ ᠰᠠᠶ᠋ᠢᠳᠤᠷ ᠳᠠᠭ᠋ᠠᠭᠤᠯᠵᠦ᠂ ᠰᠠᠶ᠋ᠢᠳᠤᠷ ᠬᠦᠮᠦᠵᠢᠬᠦᠯᠬᠦ ᠶᠠᠪᠤᠳᠠᠯ ᠪᠤᠯᠤᠨᠠ᠃ ᠠ᠋ᠬᠦᠨᠳᠤ ᠰᠤᠷᠤᠭᠴᠢ ᠵᠢᠨ ᠵᠦᠪ ᠰᠠᠶ᠋ᠢᠨ ᠳᠠᠳᠬᠠᠯᠢ ᠬᠦᠮᠦᠵᠢᠬᠦᠯᠴᠢᠭᠡᠪᠡᠯ ᠠᠩᠭᠢ ᠵᠢᠨ ᠬᠠᠮᠢᠶᠠᠷᠤᠯᠲᠠ ᠠᠶᠠᠨᠳᠠᠭ᠋ᠠᠨ ᠰᠢᠯᠢᠳᠡᠭᠵᠢᠨᠡ᠃
1. ᠰᠠᠶ᠋ᠢᠨ ᠰᠠᠶ᠋ᠢᠬᠠᠨ ᠳᠠᠳᠬᠠᠯᠢ ᠬᠦᠮᠦᠵᠢᠬᠦᠯᠬᠦ
ᠨᠢᠭᠡᠳᠦᠭᠡᠷ ᠤᠨᠠᠴᠠᠨᠢ ᠠ᠋ᠬᠢᠯᠡᠨ ᠰᠤᠷᠤᠭᠴᠢᠳᠤᠨ ᠵᠶ᠋ᠠᠨ ᠰᠠᠶ᠋ᠢᠨ ᠰᠠᠶ᠋ᠢᠬᠠᠨ ᠠᠮᠢᠳᠤᠷᠠᠵᠦ ᠰᠤᠷᠤᠯᠴᠠᠭ᠍ᠤ ᠳᠠᠳᠬᠠᠯᠢ ᠬᠦᠮᠦᠵᠢᠬᠦᠯᠬᠦ ᠬᠡᠷᠡᠭᠳᠡᠢ᠃ ᠠ᠋ᠬᠦᠨᠳᠤ ᠰᠠᠶ᠋ᠢᠨ ᠰᠠᠶ᠋ᠢᠬᠠᠨ ᠦᠢ᠍ᠯᠡ ᠠᠵᠢᠯᠯᠠᠭ᠋ᠠᠨᠤ ᠳᠠᠳᠬᠠᠯᠢ ᠬᠦᠮᠦᠵᠢᠬᠦᠯᠬᠦᠨᠢ ᠨᠡᠩ ᠴᠢᠬᠤᠯᠠ ᠪᠠᠶ᠋ᠢᠳᠠᠭ᠃ ᠰᠤᠷᠤᠭᠴᠢᠳᠤᠨ ᠵᠶ᠋ᠠᠨ ᠰᠠᠨᠳᠠᠯᠢᠳᠤ ᠳᠡᠭᠰᠢ ᠰᠠᠭᠤᠬᠤ᠂ ᠪᠢᠷ ᠵᠶ᠋ᠠᠨ ᠵᠦᠪ ᠪᠠᠷᠢᠬᠤ᠂ ᠬᠢᠴᠢᠶᠡᠯ ᠵᠶ᠋ᠠᠨ ᠠᠩᠬᠠᠷᠤᠯᠲᠠᠢ ᠰᠤᠨᠤᠰᠬᠤ᠂ ᠪᠠᠭᠰᠢᠠᠴᠠ ᠦᠭᠡ ᠠᠰᠠᠭᠤᠬᠤ᠂ ᠨᠠᠶ᠋ᠢᠵᠢ ᠨᠠᠷᠲᠠᠢᠪᠠᠨ ᠡᠪᠳᠡᠢ ᠬᠠᠷᠢᠯᠴᠠᠭ᠍ᠤ᠂ ᠠᠩᠭᠢ ᠵᠢᠨ ᠵᠢᠵᠢᠬᠦᠷ ᠵᠶ᠋ᠠᠨ ᠰᠠᠶ᠋ᠢᠳᠦᠷ ᠬᠢᠬᠦ ᠁ ᠵᠡᠷᠭᠡ ᠦᠭᠡ ᠶᠠᠷᠢᠶᠠ᠂ ᠬᠦᠳᠡᠯᠦᠯ ᠪᠠᠷᠢᠯᠢᠨᠢ ᠴᠦᠮ ᠬᠦᠯᠢᠴᠡᠨᠭᠬᠦᠢ ᠵᠢᠭ᠋ᠠᠵᠦ ᠪᠠᠶ᠋ᠢᠭ᠋ᠠᠳ ᠲᠦᠷᠢᠮᠵᠢᠬᠦᠯᠬᠦ ᠬᠡᠷᠡᠭᠳᠡᠢ᠃ ᠠ᠋ᠳᠦᠷ ᠪᠤᠯᠭ᠋ᠠᠨ ᠮᠦᠷᠳᠡᠨ ᠪᠠᠶ᠋ᠢᠴᠠᠭ᠋ᠠᠵᠦ᠂ ᠳᠠᠰᠬᠠᠬᠤ ᠵᠢ ᠪᠠᠷᠢᠮᠳᠠᠯᠠᠭ᠍ᠤ ᠬᠡᠷᠡᠭᠳᠡᠢ᠃ ᠬᠠᠷᠢᠨ ᠬᠠᠶᠠ ᠨᠢᠭᠡ ᠴᠢᠩᠭ᠋ᠠᠷᠠᠭ᠋ᠠᠳ᠂ ᠬᠠᠶᠠ ᠨᠢᠭᠡ ᠰᠤᠯᠠᠷᠠᠵᠦ ᠤᠭᠲᠦ ᠪᠤᠯᠬᠤ ᠦᠭᠡᠢ᠃ ᠬᠡᠷᠪᠡ ᠠᠩᠭᠢᠳᠤᠪᠠᠨ ᠶᠠᠮᠠᠷ ᠨᠢᠭᠡᠨ ᠲᠤᠭᠳᠠᠭ᠋ᠠᠯ ᠭᠠᠷᠭ᠋ᠠᠬᠤ ᠪᠤᠶᠤ ᠱᠠᠭ᠋ᠠᠷᠳᠠᠯᠭᠠ ᠲᠤᠷᠠᠳᠤᠭᠰᠠᠨ ᠪᠤᠯ ᠵᠠᠪᠠᠯ ᠡᠴᠦᠰᠲᠤᠨᠢ ᠲᠤᠯᠳᠠᠯᠠ ᠪᠠᠷᠢᠮᠳᠠᠯᠠᠭ᠍ᠤ ᠬᠡᠷᠡᠭᠳᠡᠢ᠃ 《ᠨᠢᠭᠡ ᠰᠠᠶ᠋ᠢᠨ ᠳᠠᠳᠬᠠᠯᠢ ᠪᠦᠷᠢᠳᠦᠬᠦᠯᠬᠦᠳᠤ 21 ᠠ᠋ᠳᠦᠷ ᠪᠠᠷᠢᠮᠳᠠᠯᠠᠨᠠ》 ᠭᠡᠳᠡᠭ ᠵᠶ᠋ᠠᠷ ᠢᠩᠬᠢᠵᠦ ᠤᠷᠳᠦ ᠬᠤᠭᠤᠴᠠᠭᠠᠪᠠᠷ ᠴᠦᠬᠦᠷᠡᠰᠢ ᠦᠭᠡᠢ ᠪᠠᠷᠢᠮᠳᠠᠯᠠᠪᠠᠯ ᠰᠠᠶᠢ ᠳᠡᠳᠡᠨᠢ ᠬᠠᠪᠰᠤᠷᠴᠦ ᠰᠠᠶ᠋ᠢᠨ ᠰᠠᠶ᠋ᠢᠬᠠᠨ ᠵᠠᠩ ᠳᠠᠳᠬᠠᠯᠲᠠᠢ ᠪᠤᠯᠭ᠋ᠠᠵᠦ ᠴᠢᠳᠠᠨᠠ᠃ ᠠ᠋ᠶ᠋ᠢᠮᠦᠠᠴᠠ ᠠᠩᠭᠢ ᠵᠢᠨ ᠠ᠋ᠷᠬᠢᠯᠡᠭᠴᠢ ᠵᠢᠨ ᠬᠠᠮᠢᠶᠠᠷᠤᠯᠲᠠ ᠵᠢ ᠨᠢᠭᠡ ᠯᠡ ᠦᠭᠡᠪᠠᠷ ᠬᠤᠷᠢᠶᠠᠩᠭᠤᠶ᠋ᠢᠯᠠᠪᠠᠯ 《ᠪᠠᠷᠢᠮᠳᠠᠯᠠᠭ᠍ᠤ》᠃ ᠪᠤᠲᠠᠲᠠᠢ ᠳᠤᠷᠠᠳᠪᠠᠯ᠂ ᠪᠢ ᠠᠩᠭᠢ ᠵᠢᠨ ᠰᠤᠷᠤᠭᠴᠢᠪᠠᠨ ᠭᠤᠳᠤᠮᠵᠢᠨᠳᠤ ᠠᠯᠬᠤᠬᠤᠳᠤᠪᠠᠨ ᠪᠠᠷᠠᠭᠤᠨ ᠮᠦᠷ ᠵᠶ᠋ᠠᠨ ᠳᠠᠭ᠋ᠠᠵᠦ ᠠᠯᠬᠤᠨᠠ᠂ ᠱᠠᠳᠤᠪᠠᠷ ᠭᠠᠷᠴᠦ ᠪᠠᠭᠤᠬᠤᠳᠤᠪᠠᠨ ᠬᠦᠩᠭᠡᠨ ᠬᠦᠩᠭᠡᠨ ᠠᠯᠬᠤᠨᠠ᠂ ᠠ᠋ᠳᠦᠷ ᠪᠤᠯᠭ᠋ᠠᠨ ᠤᠯᠠᠭ᠋ᠠᠨ ᠪᠦᠴᠡᠪᠠᠨ ᠠ᠋ᠷᠬᠡᠪᠰᠢ ᠵᠡᠬᠦᠨᠡ ᠭᠡᠵᠦ ᠬᠠᠯᠠᠰᠢᠷᠠᠯ ᠦᠭᠡᠢᠪᠠᠷ ᠶᠠᠷᠢᠵᠦ ᠰᠤᠷᠭ᠋ᠠᠭᠰᠠᠭ᠋ᠠᠷ ᠪᠠᠶ᠋ᠢᠵᠦ ᠳᠠᠳᠬᠠᠯᠵᠢᠭᠤᠯᠪᠠ᠃ ᠶᠤᠰᠤᠲᠠᠢ ᠯᠡ 《ᠤᠷᠤᠯᠳᠤᠭᠰᠠᠭ᠋ᠠᠷ ᠤᠷᠤᠯᠳᠤᠭᠰᠠᠭ᠋ᠠᠷ ᠳᠠᠷᠬᠠᠨ ᠪᠤᠯᠤᠨᠠ᠂ ᠤᠶᠤᠭᠰᠠᠭ᠋ᠠᠷ ᠤᠶᠤᠭᠰᠠᠭ᠋ᠠᠷ ᠤᠷᠠᠨ ᠪᠤᠯᠤᠨᠠ》 ᠬᠡᠬᠦᠴᠢᠯᠡᠨ 《ᠪᠠᠷᠢᠮᠳᠠᠯᠠᠭᠰᠠᠭ᠋ᠠᠷ ᠪᠠᠷᠢᠮᠳᠠᠯᠠᠭᠰᠠᠭ᠋ᠠᠷ ᠳᠠᠳᠬᠠᠯᠲᠠᠢ ᠪᠤᠯᠭ᠋ᠠᠨᠠ》 ᠭᠡᠳᠡᠭᠢ ᠠᠵᠢᠯᠤᠨ ᠳᠤᠮᠳᠠᠪᠠᠨᠠᠴᠠ ᠤᠶ᠋ᠢᠯᠠᠭ᠋ᠠᠵᠠᠢ᠃
2. ᠪᠡᠶᠡᠪᠠᠨ ᠪᠠᠷᠢᠬᠤ ᠴᠢᠳᠠᠪᠤᠷᠢ ᠵᠢ ᠬᠦᠮᠦᠵᠢᠬᠦᠯᠬᠦ
ᠭᠠᠷᠠᠭ ᠪᠦᠷᠢ ᠵᠢᠨ ᠠᠩᠭᠢ ᠵᠢᠨ ᠬᠤᠷᠠᠯᠢ ᠰᠠᠶ᠋ᠢᠳᠤᠷ ᠠᠰᠢᠭᠯᠠᠵᠦ᠂ ᠰᠤᠷᠤᠭᠴᠢᠳᠢ ᠦᠪᠡᠷ ᠵᠶ᠋ᠠᠷᠨᠢ ᠠᠰᠠᠭᠤᠳᠠᠯᠢᠨᠢ ᠢᠯᠡᠷᠡᠬᠦᠯᠦᠨ᠂ ᠦᠪᠡᠷ ᠵᠶ᠋ᠠᠷᠨᠢ ᠠᠰᠠᠭᠤᠳᠠᠯᠢᠨᠢ ᠰᠢᠢ᠍ᠳᠪᠤᠷᠢᠯᠡᠬᠦ ᠠᠷᠭᠠ ᠵᠢ ᠠ᠋ᠷᠢᠬᠦᠯᠳᠡᠭ᠃ ᠨᠢᠭᠡ ᠬᠤᠭᠤᠴᠠᠭᠠ ᠪᠢ ᠭᠠᠷᠠᠭ ᠪᠦᠷᠢ ᠠᠩᠭᠢ ᠵᠢᠨ ᠳᠠᠷᠤᠭᠠᠪᠠᠨ ᠰᠤᠯᠢᠵᠦ᠂ ᠰᠤᠷᠤᠭᠴᠢ ᠪᠤᠯᠭ᠋ᠠᠨᠳᠤ ᠠᠩᠭᠢ ᠵᠢᠨ ᠳᠠᠷᠤᠭᠠ ᠪᠤᠯᠵᠦ ᠠᠩᠭᠢᠪᠠᠨ ᠬᠠᠮᠢᠶᠠᠷᠬᠤ ᠵᠠᠪᠰᠢᠶᠠᠨᠢ ᠤᠯᠭᠤᠬᠤᠪᠠᠷ ᠳᠠᠮᠵᠢᠨ᠂ ᠳᠡᠳᠡᠨᠳᠤ ᠠᠩᠭᠢ ᠵᠢᠨ ᠠᠵᠢᠯᠤᠨ ᠬᠦᠴᠢᠷᠳᠡᠯᠢ ᠮᠡᠳᠡᠷᠡᠬᠦᠯᠵᠦ᠂ ᠠᠩᠭᠢ ᠵᠢᠨ ᠠᠵᠢᠯᠢ ᠳᠡᠮᠵᠢᠬᠦ ᠪᠠ ᠤᠶ᠋ᠢᠯᠠᠭ᠋ᠠᠳᠠᠭ ᠵᠦᠪ ᠰᠠᠶ᠋ᠢᠬᠠᠨ ᠪᠡᠶᠡᠪᠠᠨ ᠪᠠᠷᠢᠬᠤ ᠴᠢᠳᠠᠪᠤᠷᠢᠲᠠᠢ ᠪᠤᠯᠭ᠋ᠠᠭᠰᠠᠨ ᠶᠤᠮ᠃ ᠪᠠᠰᠠ ᠳᠤᠷᠠᠳᠪᠠᠯ᠂ ᠪᠢ ᠰᠤᠷᠤᠯᠭᠠ ᠵᠢᠨ ᠬᠤᠭᠤᠴᠠᠭᠠ ᠠ᠋ᠬᠢᠯᠡᠬᠦ ᠪᠦᠷᠢ ᠰᠤᠷᠤᠭᠴᠢᠳᠲᠠᠢᠪᠠᠨ ᠶᠠᠷᠢᠯᠴᠠᠵᠦ ᠪᠠᠶ᠋ᠢᠭ᠋ᠠᠳ ᠲᠤᠰ ᠬᠤᠭᠤᠴᠠᠭ᠋ᠠᠨᠤ ᠠᠩᠭᠢ ᠨᠢᠭᠡᠴᠢ ᠵᠢᠨ ᠵᠶ᠋ᠠᠨ ᠬᠠᠮᠳᠦ ᠵᠢᠨ ᠬᠠᠷᠠᠯᠲᠠᠪᠠᠨ ᠲᠤᠭᠳᠠᠭ᠋ᠠᠳᠠᠭ᠃ ᠨᠢᠭᠡ ᠤᠳᠠᠭᠠ ᠮᠠᠨᠤ ᠠᠩᠭᠢ ᠵᠢᠨ ᠬᠠᠮᠳᠦ ᠵᠢᠨ ᠬᠠᠷᠠᠯᠲᠠᠪᠠᠨ ᠲᠤᠰ ᠬᠤᠭᠤᠴᠠᠭ᠋ᠠᠨᠤ 《ᠰᠤᠷᠭ᠋ᠠᠭᠤᠯᠢ ᠵᠢᠨ ᠳᠠᠷᠤᠭᠠ ᠬᠤᠨᠳᠠᠭ᠋ᠠᠲᠦ ᠬᠦᠯ ᠪᠦᠮᠪᠦᠭᠡ ᠵᠢᠨ ᠤᠷᠤᠯᠳᠤᠭ᠋ᠠᠨ》ᠳᠤ ᠨᠢᠭᠡᠳᠦᠭᠡᠷ ᠲᠠᠰᠲᠤ ᠤᠷᠤᠬᠤᠪᠠᠷ ᠴᠢᠷᠮᠠᠶ᠋ᠢᠨᠠ ᠬᠡᠵᠦ ᠲᠤᠭᠳᠠᠪᠠ᠃ ᠲᠤᠰ ᠬᠠᠷᠠᠯᠲᠠᠪᠠᠨ ᠪᠡᠶᠡᠯᠡᠬᠦᠯᠬᠦ ᠵᠢᠨ ᠲᠦᠯᠦᠭᠡ ᠬᠠᠮᠳᠦᠪᠠᠷ ᠴᠢᠷᠮᠠᠶ᠋ᠢᠭᠰᠠᠨᠤ ᠳ᠋ᠦᠩᠳᠤ᠂ ᠦᠨᠡᠬᠡᠷ 2018 ᠤᠨᠳᠤ ᠰᠤᠷᠭ᠋ᠠᠭᠤᠯᠢ ᠵᠢᠨ ᠵᠶ᠋ᠠᠨ 《ᠬᠦᠯ ᠪᠦᠮᠪᠦᠭᠡ ᠵᠢᠨ ᠤᠷᠤᠯᠳᠤᠭ᠋ᠠᠨ》ᠳᠤ ᠠ᠋ᠷᠡᠭᠳᠡᠢ ᠠ᠋ᠮᠡᠭᠳᠡᠢ ᠵᠢᠨ ᠳᠤᠭᠤᠶ᠋ᠢᠯᠠᠩ ᠴᠦᠮ ᠲᠦᠷᠦᠭᠦᠯᠡᠵᠦ᠂ 《ᠬᠤᠤᠰ ᠲᠦᠷᠦᠬᠦᠦ》 ᠵᠢᠨ ᠬᠤᠨᠳᠠᠭᠠ ᠵᠢ ᠭᠠᠷᠳᠠᠵᠦ᠂ ᠬᠦᠯ ᠭᠠᠵᠠᠷ ᠲᠤᠯᠬᠤ ᠦᠭᠡᠢ ᠪᠤᠯᠳᠠᠯᠠ ᠪᠠᠶᠠᠷᠯᠠᠨ ᠵᠤᠷᠢᠬ᠍ᠵᠢᠭᠰᠠᠨ ᠪᠢᠯᠡ᠃ ᠪᠠᠰᠠ ᠨᠢᠭᠡ ᠬᠤᠭᠤᠴᠠᠭᠠ ᠠ᠋ᠬᠢᠯᠡᠬᠦᠳᠤ ᠪᠢᠳᠡ ᠪᠦᠬᠦᠳᠡᠭᠡᠷ ᠵᠶ᠋ᠠᠨ ᠳᠠᠭᠤᠨ ᠬᠤᠭᠤᠯᠠᠢ ᠨᠢᠭᠡᠳᠡᠢᠪᠠᠷ 《ᠲᠤᠰ ᠬᠤᠭᠤᠴᠠᠭ᠋ᠠᠨᠳᠤ ᠭᠠᠷᠠᠭ ᠪᠦᠷᠢ 〈ᠰᠢᠯᠵᠢᠮᠡᠯ ᠤᠯᠠᠭ᠋ᠠᠨ ᠲᠤᠭ〉ᠢ ᠠᠯᠳᠠᠯ ᠦᠭᠡᠢ ᠤᠯᠬᠤᠪᠠᠷ ᠴᠢᠷᠮᠠᠶ᠋ᠢᠨᠠ》 ᠭᠡᠵᠦ ᠶᠠᠷᠢᠯᠴᠠᠨ ᠲᠤᠭᠳᠠᠪᠠ᠃ ᠶᠠᠷᠢᠯᠴᠠᠭ᠋ᠠᠨᠤ ᠳᠤᠮᠳᠠ ᠬᠦᠮᠦᠨ ᠪᠦᠬᠦᠨ ᠶᠠᠭ᠋ᠠᠬᠢᠵᠦ ᠴᠢᠷᠮᠠᠶ᠋ᠢᠬᠤ ᠲᠤᠬᠠᠢ ᠵᠤᠷᠢᠭ ᠵᠶ᠋ᠠᠨ ᠢᠯᠡᠳᠬᠡᠵᠡᠭᠡᠪᠡ᠃ ᠢᠩᠬᠢᠭᠰᠡᠨᠠᠴᠠ ᠠᠩᠭᠢᠳᠤᠪᠠᠨ ᠦᠢ᠍ᠮᠡᠯᠳᠦᠬᠦ ᠦᠵᠡᠭᠳᠡᠯ ᠴᠦᠬᠡᠷᠡᠵᠦ᠂ ᠠᠩᠭᠢ ᠵᠢᠨ ᠠᠷᠢᠭᠤᠨ ᠴᠡᠪᠡᠷ ᠴᠦ᠍ ᠮᠡᠳᠡᠭᠳᠡᠮᠡ ᠰᠠᠶ᠋ᠢᠵᠢᠷᠠᠭᠰᠠᠨ ᠪᠢᠯᠡ᠃ ᠰᠤᠷᠤᠭᠴᠢ ᠪᠦᠷᠢ ᠵᠢᠨ ᠤᠬᠠᠮᠰᠠᠷᠠᠴᠠᠪᠠᠨ ᠪᠡᠶᠡᠪᠠᠨ ᠪᠠᠷᠢᠬᠤ ᠳᠠᠳᠬᠠᠯᠢ ᠢᠩᠬᠢᠵᠦ ᠬᠦᠮᠦᠵᠢᠬᠦᠯᠵᠠᠢ᠃ ᠠ᠋ᠬᠦᠨᠤ ᠤᠯᠠᠮᠳᠤ ᠮᠠᠨᠤ ᠠᠩᠭᠢ ᠵᠢᠨ ᠬᠠᠮᠳᠦ ᠨᠡᠶ᠋ᠢᠳᠡᠴᠢ ᠢᠷᠠᠭᠤ ᠠᠯᠳᠠᠷᠲᠦ ᠰᠡᠳᠬᠢᠯᠭᠡ ᠮᠠᠰᠢ ᠴᠢᠩᠭᠠ ᠪᠤᠯᠤᠭᠰᠠᠨ ᠮᠦᠷᠳᠡᠭᠡᠨ ᠰᠤᠷᠤᠭᠴᠢ ᠨᠢᠭᠡᠪᠦᠷᠢ ᠴᠦᠮ ᠠᠩᠭᠢ ᠵᠢᠨ ᠵᠶ᠋ᠠᠨ ᠲᠦᠯᠦᠭᠡ ᠪᠤᠳᠤᠵᠦ᠂ ᠠ᠋ᠳᠦᠷ ᠪᠤᠯᠭ᠋ᠠᠨᠤ ᠠᠵᠢᠯᠯᠠᠭ᠋ᠠᠨᠳᠤ ᠬᠠᠮᠤᠭᠤᠨ ᠰᠠᠶ᠋ᠢᠨ ᠪᠡᠶᠡᠯᠡᠬᠦᠯᠬᠦᠪᠠᠷ ᠴᠢᠷᠮᠠᠶ᠋ᠢᠳᠠᠭ ᠪᠤᠯᠵᠠᠭ᠋ᠠᠭᠰᠠᠨ ᠶᠤᠮ᠃ ᠤᠯᠠᠨᠤ ᠴᠢᠷᠮᠠᠶ᠋ᠢᠯᠭᠠᠪᠠᠷ ᠵᠢᠷᠭᠤᠭ᠋ᠠᠨ ᠵᠢᠯᠤᠨ ᠲᠤᠷᠰᠢ᠂ ᠰᠤᠷᠤᠯᠭᠠ ᠵᠢᠨ ᠬᠤᠭᠤᠴᠠᠭᠠ ᠪᠦᠷᠢᠳᠤ ᠴᠦᠮ ᠰᠤᠷᠭ᠋ᠠᠭᠤᠯᠢ ᠵᠢᠨ ᠤᠯᠠᠭ᠋ᠠᠨ ᠲᠤᠭᠴᠢ ᠲᠡᠷᠢᠬᠦᠨᠤ ᠠᠩᠭᠢ ᠨᠢᠭᠡᠴᠡ ᠪᠤᠯᠵᠦ᠂ ᠵᠢᠯ ᠪᠦᠷᠢ ᠰᠢᠯᠢᠳᠡᠭ ᠠᠩᠭᠢ ᠨᠡᠶ᠋ᠢᠳᠡᠪᠠᠷ ᠦᠨᠡᠯᠡᠭᠳᠡᠭᠰᠡᠭᠡᠷ ᠢᠷᠡᠵᠡᠢ᠃ 《ᠤᠯᠠᠨᠤ ᠬᠦᠴᠦᠨᠳᠤ ᠤᠪᠤᠭᠠ ᠪᠤᠰᠤᠨᠠ》 ᠭᠡᠳᠡᠭ ᠵᠶ᠋ᠠᠷ ᠠᠩᠭᠢ ᠮᠠᠨᠢ ᠰᠢᠯᠢᠳᠡᠭ ᠰᠠᠶ᠋ᠢᠨ ᠠᠮᠵᠢᠯᠲᠠ ᠤᠯᠵᠦ ᠶᠠᠪᠤᠭᠠ ᠵᠢᠨ ᠦᠨᠳᠦᠰᠦᠨᠢ ᠮᠢᠨᠤ ᠬᠡᠤᠬᠡᠳᠤᠳ ᠮᠢᠨᠤ ᠠᠵᠢᠯᠢ 《ᠤᠷᠤᠯᠠᠭᠰᠠᠨ》ᠤᠬᠢ ᠶᠤᠮ᠃
ᠬᠤᠶᠠᠷ᠂ ᠰᠤᠷᠤᠭᠴᠢ ᠵᠢᠨ 《ᠰᠡᠳᠬᠢᠯᠢ ᠮᠡᠳᠡᠭᠴᠢ》 ᠪᠤᠯᠬᠤ ᠬᠡᠷᠡᠭᠳᠡᠢ᠃
2008 ᠤᠨᠤ 9 ᠰᠠᠷᠠᠳᠤ ᠲᠤᠰᠤᠭᠰᠠᠨ ᠠᠩᠭᠢ ᠪᠤᠯ ᠮᠢᠨᠤ ᠠᠩᠬᠠᠨᠤ ᠠᠩᠭᠢ ᠪᠠᠢ᠍ᠢ᠍ᠭᠰᠠᠨ ᠶᠤᠮ᠃ ᠠ᠋ᠨᠡ ᠠᠩᠭᠢᠳᠤ 35 ᠰᠤᠷᠤᠭᠴᠢᠲᠠᠢ᠂ 21 ᠠ᠋ᠷᠡᠭᠳᠡᠢ ᠰᠤᠷᠤᠭᠴᠢ᠂ 14 ᠠ᠋ᠮᠡᠭᠳᠡᠢ ᠰᠤᠷᠤᠭᠴᠢᠲᠠᠢ ᠪᠠᠶ᠋ᠢᠪᠠ᠃ ᠠ᠋ᠷᠡᠭᠳᠡᠢ ᠰᠤᠷᠤᠭᠴᠢ ᠵᠢᠨ ᠲᠤᠭᠠ ᠤᠯᠠᠨ ᠪᠠᠶ᠋ᠢᠭᠰᠠᠨ ᠪᠤᠯᠬᠤᠷ ᠲᠦᠢ᠍ᠳᠭᠡᠷᠨᠢ ᠴᠦ᠍ ᠤᠯᠠᠨ ᠪᠠᠶ᠋ᠢᠵᠠᠢ᠃ ᠳᠡᠯᠡᠬᠡᠢ ᠳᠡᠭᠡᠷᠡᠬᠢ ᠳᠤᠷᠠ ᠵᠢᠨ ᠨᠢᠭᠡ ᠠ᠋ᠬᠡ ᠬᠦᠮᠦᠨ ᠦᠪᠡᠷᠤᠨ ᠬᠡᠤᠬᠡᠳ ᠵᠶ᠋ᠠᠨ ᠪᠦᠷ ᠬᠠᠮᠤᠭᠤᠨ ᠰᠠᠶ᠋ᠢᠬᠠᠨ ᠬᠡᠵᠦ ᠪᠤᠳᠤᠳᠠᠭᠲᠠᠢ ᠠ᠋ᠬᠡᠬᠡ ᠠᠳᠠᠯᠢᠪᠠᠷ ᠮᠢᠨᠤ ᠨᠢᠳᠦᠨᠳᠤ ᠠᠩᠬᠢ ᠵᠢᠨ ᠮᠢᠨᠢ ᠬᠡᠤᠬᠡᠳ ᠨᠢᠭᠡᠪᠦᠷᠢ ᠴᠦᠮ ᠲᠡᠶ᠋ᠢᠮᠦ ᠴᠦ᠍ ᠬᠦᠭᠡᠷᠦᠬᠦᠨ᠂ ᠲᠡᠶ᠋ᠢᠮᠦ ᠴᠦ᠍ ᠰᠡᠷᠬᠦᠯᠡᠩ᠂ ᠲᠡᠶ᠋ᠢᠮᠦ ᠴᠦ᠍ ᠪᠠᠭ᠍ᠠᠷᠬᠠᠯᠢ ᠳᠠᠳᠠᠮᠠᠷ ᠬᠠᠷᠠᠭᠳᠠᠨᠠ᠃ ᠮᠢᠨᠤ ᠰᠤᠷᠤᠭᠴᠢᠳᠢ ᠮᠠᠭᠤᠰᠢᠶᠠᠭ᠍ᠤ ᠬᠦᠮᠦᠨ ᠭᠠᠷᠬᠤ ᠦᠶᠡᠳᠤ ᠪᠢ ᠲᠤᠩ ᠴᠦ᠍ ᠲᠠᠭᠠ ᠦᠭᠡᠢ ᠪᠤᠯᠳᠠᠭ᠃ ᠤᠴᠢᠷᠨᠢ ᠪᠢ ᠨᠢᠭᠡᠨᠳᠡ ᠳᠡᠳᠡᠨᠢ ᠦᠪᠡᠷᠤᠨ ᠬᠡᠤᠬᠡᠳᠲᠠᠢᠪᠠᠨ ᠠᠳᠠᠯᠢᠬᠠᠨ ᠪᠤᠳᠤᠴᠢᠬᠠᠭᠰᠠᠨᠠᠴᠠ ᠪᠤᠯᠤᠭᠰᠠᠨ ᠪᠠᠶ᠋ᠢᠬᠠ᠃ 《ᠠᠪᠤ ᠵᠢᠨ ᠬᠡᠤᠬᠡᠳ ᠠᠳᠠᠯᠢ ᠦᠭᠡᠢ᠂ ᠠᠷᠪᠠᠨ ᠬᠤᠷᠤᠭᠤ ᠳᠡᠭᠰᠢ ᠦᠭᠡᠢ》 ᠭᠡᠳᠡᠭ ᠵᠶ᠋ᠠᠷ ᠬᠡᠤᠬᠡᠳ ᠪᠤᠯᠭ᠋ᠠᠨ ᠰᠡᠴᠡᠨ ᠰᠡᠷᠭᠦᠯᠡᠩ ᠪᠠᠶ᠋ᠢᠬᠤ ᠪᠢᠰᠢ᠂ ᠮᠦᠨ ᠴᠦ᠍ ᠬᠡᠤᠬᠡᠳ ᠪᠤᠯᠭ᠋ᠠᠨ ᠨᠤᠮᠤᠬᠠᠨ ᠰᠢᠳᠤᠷᠭᠤ ᠪᠠᠶ᠋ᠢᠵᠦ ᠴᠢᠳᠠᠭ᠍ᠤ ᠦᠭᠡᠢ᠃ ᠠᠩᠭᠢ ᠵᠢᠨ ᠠ᠋ᠷᠬᠢᠯᠡᠭᠴᠢ ᠪᠤᠯᠤᠭᠰᠠᠳ ᠬᠡᠤᠬᠡᠳᠤᠳᠤᠨ ᠳᠠᠪᠠᠭᠤᠯᠢᠭ ᠲᠠᠯᠠ ᠵᠢ ᠢᠳᠡᠪᠬᠢᠳᠡᠢ ᠢᠯᠡᠷᠡᠬᠦᠯᠦᠨ᠂ ᠬᠡᠤᠬᠡᠳ ᠪᠤᠯᠭ᠋ᠠᠨᠤ ᠪᠤᠰᠤᠳᠠᠴᠠ ᠤᠨᠴᠠᠯᠢᠭᠳᠠᠭ᠍ᠤ ᠲᠠᠯᠠ ᠵᠢ ᠤᠶ᠋ᠢᠯᠠᠭ᠋ᠠᠵᠦ ᠠᠪᠤᠪᠠᠯ ᠳᠡᠳᠡᠨᠢ ᠬᠠᠮᠢᠶᠠᠷᠬᠤᠳᠤ ᠲᠦᠬᠦᠮ ᠪᠤᠯᠴᠢᠬᠠᠨᠠ᠃ ᠠ᠋ᠶ᠋ᠢᠮᠦᠠᠴᠠ ᠬᠡᠤᠬᠡᠳ ᠪᠤᠯᠭ᠋ᠠᠨᠤ 《ᠰᠡᠳᠬᠢᠯᠢ ᠮᠡᠳᠡᠭᠴᠢ》 ᠪᠤᠯᠤᠶᠠ ᠭᠡᠪᠡᠯ ᠳᠤᠤᠷᠠᠬᠢ ᠬᠡᠳᠦᠨ ᠲᠠᠯᠠ ᠵᠢ ᠠᠩᠬᠠᠷᠪᠠᠯ ᠵᠦᠢ᠍ᠳᠡᠢ᠃
1. ᠬᠡᠤᠬᠡᠳ ᠨᠢᠭᠡᠪᠦᠷᠢ ᠵᠢ ᠤᠶ᠋ᠢᠯᠠᠭ᠋ᠠᠬᠤ
ᠠ᠋ᠩᠤᠨ ᠦᠶᠡᠳᠤ ᠪᠢ ᠳᠠᠩᠳᠠ ᠬᠡᠤᠬᠡᠳᠤᠳᠲᠠᠢᠪᠠᠨ ᠴᠤᠭ ᠲᠤᠭᠯᠠᠳᠠᠭ᠃ ᠦᠷᠯᠦᠭᠡ ᠪᠤᠯᠭ᠋ᠠᠨ ᠬᠡᠤᠬᠡᠳᠤᠳ ᠵᠶ᠋ᠠᠨ ᠲᠤᠰᠴᠦ ᠠᠪᠤᠮᠠᠭᠴᠠ ᠪᠢ ᠳᠡᠳᠡᠨᠲᠠᠢ ᠬᠠᠮᠳᠦ ᠰᠤᠷᠭ᠋ᠠᠭᠤᠯᠢ ᠵᠢᠨ ᠬᠦᠷᠢᠶᠡ᠂ ᠲᠠᠮᠢᠷᠤᠨ ᠲᠠᠯᠠᠪᠠᠢ᠂ ᠠᠩᠭᠢ ᠵᠢᠨ ᠬᠡᠷ᠂ ᠬᠢᠴᠢᠶᠡᠯᠤᠨ ᠵᠠᠪᠰᠠᠷᠤᠨ ᠲᠠᠮᠢᠷᠤᠨ ᠬᠦᠳᠡᠯᠭᠡᠭᠡᠨ ᠁ ᠵᠡᠷᠭᠡᠳᠤ ᠬᠡᠤᠬᠡᠳ ᠬᠠᠮᠢᠭᠠ ᠪᠠᠶ᠋ᠢᠪᠠᠯ ᠪᠢ ᠳᠡᠨᠳᠡ ᠳᠠᠭ᠋ᠠᠵᠦ ᠶᠠᠪᠤᠳᠠᠭ᠃ ᠳᠡᠳᠡᠨᠲᠠᠢ ᠴᠤᠭ ᠪᠠᠶ᠋ᠢᠵᠦ ᠯᠠ ᠪᠠᠶ᠋ᠢᠪᠠᠯ ᠠᠯᠢ ᠨᠢᠭᠡᠲᠠᠢᠨᠢ ᠵᠤᠭᠤᠭᠳᠠᠭ᠍ᠤ ᠪᠤᠶᠤ ᠬᠠᠮᠳᠦ ᠲᠤᠭᠯᠠᠭ᠋ᠠᠮ ᠬᠢᠳᠡᠭ᠃ ᠢᠩᠬᠢᠵᠦ ᠲᠤᠭᠯᠠᠭ᠋ᠠᠮᠤᠨ ᠳᠤᠮᠳᠠ᠂ ᠰᠤᠷᠤᠯᠴᠠᠯᠭᠠ ᠵᠢᠨ ᠳᠤᠮᠳᠠ᠂ ᠪᠠᠶᠠᠷ ᠢᠨᠢᠶᠡᠳᠦ ᠵᠢᠨ ᠳᠤᠮᠳᠠ ᠬᠡᠤᠬᠡᠳ ᠨᠢᠭᠡᠪᠦᠷᠢ ᠵᠢ ᠤᠶ᠋ᠢᠯᠠᠭ᠋ᠠᠵᠦ᠂ ᠠᠯᠢᠨᠢ ᠰᠡᠳᠬᠢᠯᠳᠤᠪᠠᠨ ᠪᠤᠳᠤᠯᠭᠠᠲᠠᠢ ᠪᠠᠶ᠋ᠢᠬᠤ᠂ ᠠᠯᠢᠨᠢ ᠠᠶᠤᠮᠠᠳᠠᠭ᠋ᠠᠢ ᠪᠠᠶ᠋ᠢᠬᠤ᠂ ᠠᠯᠢᠨᠢ ᠬᠡᠷᠡᠭ ᠦᠳᠦᠭᠡᠭᠴᠢ ᠪᠠᠶ᠋ᠢᠭᠠ᠂ ᠠᠯᠢᠨᠢ ᠵᠤᠷᠢᠮᠠᠭ᠂ ᠠᠯᠢᠨᠢ ᠱᠠᠯᠠᠮᠠᠭ᠂ ᠠᠯᠢᠨᠢ ᠵᠤᠬᠢᠶᠠᠨ ᠪᠠᠶ᠋ᠢᠭᠤᠯᠬᠤᠳᠤᠪᠠᠨ ᠰᠦᠷᠡᠭᠡᠢ ᠁ ᠵᠡᠷᠭᠡ ᠵᠢ ᠤᠶ᠋ᠢᠯᠠᠭ᠋ᠠᠭ᠋ᠠᠳ ᠠᠪᠴᠢᠬᠠᠳᠠᠭ᠃ ᠨᠢᠭᠡᠳᠦᠭᠡᠷ ᠤᠨᠤ ᠬᠡᠤᠬᠡᠳ ᠴᠤᠪᠤᠭᠤ ᠳᠡᠭᠵᠢᠨ᠂ ᠬᠡᠨᠡᠨ ᠴᠠᠶ᠋ᠢᠯᠭ᠋ᠠᠨ ᠪᠠᠶ᠋ᠢᠳᠠᠭ ᠪᠦᠭᠡᠳ ᠠ᠋ᠷᠬᠡᠯᠡᠵᠦ ᠠᠯᠢᠶᠠᠯᠠᠭ᠍ᠤ ᠳᠤᠷᠠᠳᠠᠢ ᠪᠠᠶ᠋ᠢᠳᠠᠭ᠃ ᠳᠡᠭᠡᠭᠡᠳ ᠯᠡ ᠪᠢ ᠠ᠋ᠳᠡᠭᠡᠷ ᠬᠦᠭᠡᠷᠦᠬᠦᠨ 《ᠠᠮᠢᠳᠠᠳ》ᠲᠤᠪᠠᠨ ᠠ᠋ᠷᠬᠡᠯᠡᠬᠦ ᠵᠠᠪᠰᠢᠶᠠᠨ ᠦᠭᠳᠡᠭ ᠪᠤᠯᠵᠠᠢ᠃
ᠮᠢᠨᠤ ᠠᠩᠭᠢᠳᠤ × × ᠭᠡᠳᠡᠭ ᠨᠡᠷᠡᠳᠤ ᠭᠠᠷᠤᠭᠰᠠᠨ ᠠᠯᠢᠶᠡ ᠲᠦᠢ᠍ᠳᠬᠡᠷ ᠬᠦᠦ ᠪᠠᠶ᠋ᠢᠭᠰᠠᠨ᠃ ᠲᠡᠷᠡ ᠮᠦᠷᠳᠡᠭᠡᠨ ᠡᠵᠢᠨᠢ ᠭᠡᠳᠦᠷᠬᠡᠢ ᠠ᠋ᠩᠬᠦᠷᠡᠶ᠋ᠢᠯᠡᠨ ᠠ᠋ᠷᠬᠡᠯᠡᠬᠦᠯᠦᠭᠰᠡᠨᠠᠴᠠ ᠪᠤᠯᠵᠦ ᠶᠠᠭᠤᠨᠠᠴᠠ ᠴᠦ᠍ ᠠᠶᠤᠬᠤ ᠦᠭᠡᠢ᠂ ᠬᠡᠨᠤ ᠬᠡᠯᠡᠭᠰᠡᠨ ᠦᠭᠡ ᠵᠢ ᠴᠦ᠍ ᠰᠤᠨᠤᠰᠬᠤ ᠦᠭᠡᠢ᠃ ᠠ᠋ᠶ᠋ᠢᠮᠦ ᠬᠡᠤᠬᠡᠳᠲᠠᠢ ᠶᠤᠰᠤ ᠶᠠᠷᠢᠬᠤᠨᠢ 《ᠠ᠋ᠯᠵᠢᠬᠡᠨ ᠴᠢᠬᠢᠨᠳᠤ ᠠᠯᠳᠠᠨ ᠬᠢᠪᠡᠴᠦ ᠰᠠᠵᠢᠨᠠ᠂ ᠠᠷᠭ᠋ᠠᠯ ᠬᠢᠪᠡᠴᠦ ᠰᠠᠵᠢᠨᠠ》 ᠭᠡᠳᠡᠭᠲᠠᠢ ᠠᠳᠠᠯᠢ ᠪᠢᠯᠡ᠃ ᠠ᠋ᠨᠡ ᠪᠠᠶ᠋ᠢᠳᠠᠯᠳᠤ ᠪᠢ ᠲᠤᠰ ᠰᠤᠷᠤᠭᠴᠢ ᠵᠢ 《ᠨᠤᠮᠬᠠᠳᠬᠠᠬᠤ》 ᠵᠢᠨ ᠲᠦᠯᠦᠭᠡ ᠲᠡᠬᠦᠨᠲᠠᠢ ᠰᠠᠨᠠᠭᠠᠪᠠᠨ ᠤᠯᠤᠯᠴᠠᠭ᠍ᠤ ᠠᠷᠭᠠ ᠵᠢ ᠰᠤᠩᠭᠤᠪᠠ᠃ ᠲᠤᠰ ᠰᠤᠷᠤᠭᠴᠢ ᠵᠢᠨ ᠠᠪᠤᠨᠢ ᠠ᠋ᠷᠳᠡ ᠨᠠᠰᠦ ᠪᠠᠷᠠᠵᠦ᠂ ᠡᠵᠢᠨᠢ ᠪᠤᠰᠤᠳᠲᠤ ᠴᠤᠩᠬᠤ ᠵᠦᠯᠬᠦᠵᠦ ᠬᠠᠷᠠᠮᠵᠢ ᠤᠯᠤᠨ ᠠᠮᠢᠳᠤᠷᠠᠵᠦ ᠪᠠᠶ᠋ᠢᠬᠤ ᠵᠢ ᠤᠶ᠋ᠢᠯᠠᠭ᠋ᠠᠵᠦ ᠮᠡᠳᠡᠭᠡᠳ᠂ ᠪᠢ ᠲᠡᠬᠦᠨᠤ ᠳᠡᠷᠭᠡᠳᠡᠬᠢ ᠪᠤᠰᠤᠳ ᠦᠯᠢᠭᠡᠷ ᠵᠢᠱ᠌ᠢᠶᠡᠪᠠᠷ ᠲᠡᠬᠦᠨᠤ ᠡᠵᠢ ᠲᠤᠶ᠋ᠢᠯᠤᠨ ᠬᠢᠯᠪᠠᠷ ᠦᠭᠡᠢ ᠭᠡᠳᠡᠭᠢ ᠮᠡᠳᠡᠬᠦᠯᠪᠡ᠃ ᠲᠡᠬᠦᠨᠳᠤ ᠶᠠᠭ᠋ᠠᠬᠢᠵᠦ ᠬᠢᠬᠦᠨᠢ ᠰᠠᠶᠢ ᠡᠵᠢᠪᠠᠨ ᠠᠴᠢᠯᠠᠵᠦ ᠪᠠᠶ᠋ᠢᠬᠤᠳᠤ ᠲᠤᠭ᠋ᠠᠴᠢᠭᠳᠠᠨᠠ ᠭᠡᠳᠡᠭᠢ ᠵᠢᠩᠬᠢᠨᠢ ᠮᠡᠳᠡᠬᠦᠯᠵᠡᠢ᠃ ᠲᠡᠷᠡ ᠬᠡᠤᠬᠡᠳ ᠡᠵᠢᠳᠤᠪᠠᠨ ᠲᠤᠩ ᠬᠠᠶ᠋ᠢᠷᠠᠲᠠᠢ ᠪᠤᠯᠬᠤᠷ ᠮᠢᠨᠤ ᠠ᠋ᠨᠡᠬᠦ ᠵᠢᠯᠤᠭᠤᠳᠤᠯᠭᠠᠳᠤ ᠤᠶᠠᠷᠠᠨ ᠤᠬᠠᠭ᠋ᠠᠷᠠᠵᠦ᠂ ᠲᠡᠬᠦᠨᠠᠴᠠ ᠬᠤᠶ᠋ᠢᠰᠢ ᠡᠵᠢ ᠵᠢᠨ ᠵᠶ᠋ᠠᠨ ᠦᠭᠡ ᠵᠢ ᠨᠡᠯᠢᠶᠡᠳ ᠰᠤᠨᠤᠰᠳᠠᠭ ᠪᠤᠯᠵᠠᠢ᠃
ᠢᠩᠬᠢᠵᠦ ᠬᠡᠤᠬᠡᠳ ᠪᠤᠯᠭ᠋ᠠᠨᠤ ᠵᠠᠩ ᠠᠪᠤᠷᠢ ᠵᠢ ᠤᠶ᠋ᠢᠯᠠᠭ᠋ᠠᠵᠦ ᠠᠪᠬᠤᠨᠢ ᠳᠠᠷᠠᠭᠠᠪᠠᠷ ᠬᠡᠤᠬᠡᠳ ᠵᠶ᠋ᠠᠨ ᠬᠠᠨᠳᠤᠯᠭᠠᠲᠠᠢ ᠰᠤᠷᠭ᠋ᠠᠵᠦ ᠬᠦᠮᠦᠵᠢᠬᠦᠯᠬᠦᠳᠤ ᠠ᠋ᠯᠪᠡᠭ ᠪᠠᠶᠠᠯᠢᠭ 《ᠠ᠋ᠬᠢ ᠰᠤᠷᠪᠤᠯᠵᠢ》 ᠪᠤᠯᠳᠠᠭ ᠮᠦᠷᠳᠡᠭᠡᠨ ᠬᠡᠤᠬᠡᠳ ᠪᠤᠯᠭ᠋ᠠᠨᠤ ᠤᠨᠴᠠᠯᠢᠭᠲᠤᠨᠢ ᠵᠤᠬᠢᠴᠠᠭᠤᠯᠤᠨ ᠠᠵᠢᠯ ᠲᠤᠬᠢᠷᠠᠭᠤᠯᠬᠤᠳᠤ ᠴᠦ᠍ ᠠᠰᠢᠬᠲᠡᠢ ᠪᠠᠶ᠋ᠢᠳᠠᠭ᠃
2. ᠬᠡᠤᠬᠡᠳ ᠪᠤᠯᠭ᠋ᠠᠨᠳᠤ ᠢᠳᠡᠭᠡᠯ ᠤᠯᠭᠤᠬᠤ
2012 ᠤᠨᠤ ᠦᠶᠡᠳᠤ ᠮᠢᠨᠤ ᠠᠩᠭᠢ ᠲᠦᠷᠪᠡᠳᠦᠭᠡᠷ ᠤᠨ ᠪᠠᠶ᠋ᠢᠭᠰᠠᠨ᠃ ᠮᠠᠨᠤ ᠠᠩᠭᠢᠳᠤ ᠲᠦᠩᠯᠢᠶᠤᠤ ᠬᠤᠲᠠ ᠵᠢᠨ ᠬᠦᠳᠡᠭᠡ ᠲᠤᠰᠬᠤᠨᠠᠴᠠ × × ᠭᠡᠳᠡᠭ ᠬᠦᠦ ᠰᠤᠷᠤᠭᠴᠢ ᠰᠢᠯᠵᠢᠨ ᠢᠷᠡᠵᠡᠢ᠃ ᠠ᠋ᠨᠡ ᠬᠦᠦ ᠵᠢᠨ ᠡᠴᠢᠬᠡ ᠠ᠋ᠬᠡᠨᠢ ᠤᠷᠳᠤ ᠬᠤᠭᠤᠴᠠᠭᠠᠪᠠᠷ ᠭᠠᠳᠠᠭᠰᠢᠪᠠᠨ ᠬᠦᠴᠦᠨᠤ ᠠᠵᠢᠯ ᠬᠢᠵᠦ᠂ ᠲᠠᠷᠡ ᠡᠪᠦᠭᠡ ᠠ᠋ᠮᠡᠭᠡᠲᠠᠢᠪᠠᠨ ᠬᠡᠷᠲᠤᠪᠠᠨ ᠠᠮᠢᠳᠤᠷᠠᠳᠠᠭ ᠪᠠᠢ᠍ᠢ᠍ᠪᠠ᠂ ᠭᠡᠪᠡᠴᠦ ᠲᠤᠰ ᠰᠤᠷᠤᠭᠴᠢ ᠡᠪᠦᠭᠡ ᠠ᠋ᠮᠡᠭᠡ ᠵᠢᠨ ᠵᠶ᠋ᠠᠨ ᠦᠭᠡᠨᠳᠤ ᠳᠡᠮᠡᠢ ᠤᠷᠤᠳᠠᠭ ᠦᠭᠡᠢ ᠪᠠᠶ᠋ᠢᠭᠰᠠᠨ ᠪᠤᠯᠬᠤᠷ ᠰᠤᠷᠤᠯᠭᠠᠪᠠᠨ ᠵᠤᠭᠰᠤᠭ᠋ᠠᠳ ᠬᠤᠶᠠᠷ ᠵᠢᠯ ᠪᠤᠯᠵᠠᠢ᠃ ᠰᠢᠯᠵᠢᠵᠦ ᠢᠷᠡᠬᠦᠳᠤᠪᠠᠨ ᠮᠠᠨᠤ ᠲᠦᠷᠪᠡᠳᠦᠭᠡᠷ ᠤᠨᠳᠤ ᠳᠠᠭ᠋ᠠᠷᠠᠴᠢᠬᠠᠪᠠ᠂ ᠦᠨᠡᠨᠳᠤᠪᠠᠨ 14 ᠨᠠᠰᠤᠯᠠᠭᠰᠠᠨ ᠠ᠋ᠨᠡ ᠬᠦᠦ ᠵᠢᠷᠭᠤᠳᠤᠭ᠋ᠠᠷ ᠤᠨᠳᠤ ᠤᠷᠤᠪᠠᠯ ᠵᠤᠬᠢᠬᠤ ᠪᠠᠶ᠋ᠢᠭᠰᠠᠨ᠃ ᠨᠠᠰᠦᠨᠢ ᠬᠡᠳᠦᠷᠡᠭᠰᠡᠨ ᠵᠶ᠋ᠠᠷ ᠪᠠᠷᠠᠭ᠍ᠤ ᠦᠭᠡᠢ ᠰᠢᠨᠡ ᠨᠢᠭᠡᠨ ᠤᠷᠴᠢᠨᠳᠤ ᠢᠷᠡᠭᠰᠡᠨᠳᠤᠪᠠᠨ ᠲᠡᠷᠡ ᠶᠠᠭ ᠳᠠᠰᠬᠤ ᠦᠭᠡᠢ ᠪᠠᠶ᠋ᠢᠯᠠ᠃ ᠰᠠᠶᠢ ᠠ᠋ᠬᠢᠯᠡᠬᠦᠳᠤᠪᠠᠨ ᠮᠠᠨᠤ ᠠᠩᠭᠢ ᠵᠢᠨ ᠰᠤᠷᠤᠯᠭᠠ ᠠᠮᠢᠳᠤᠷᠠᠯᠤᠨ ᠠᠶ᠋ᠢᠵᠠᠮ ᠴᠤᠬᠢᠯᠭᠠ ᠵᠢ ᠶᠠᠭ ᠳᠠᠭ᠋ᠠᠵᠦ ᠲᠡᠶ᠋ᠢᠯᠬᠦ ᠦᠭᠡᠢ ᠮᠦᠷᠳᠡᠭᠡᠨ ᠪᠤᠰᠤᠳ ᠨᠦᠬᠦᠳᠲᠠᠢᠪᠠᠨ ᠴᠤᠭ ᠲᠤᠭᠯᠠᠭ᠍ᠤ ᠦᠭᠡᠢ᠂ ᠦᠭᠡ ᠴᠦ᠍ ᠬᠡᠯᠡᠬᠦ ᠳᠤᠷᠠ ᠦᠭᠡᠢ ᠳᠤᠲᠤᠭ᠋ᠠᠲᠦ ᠰᠡᠳᠬᠢᠯᠨᠢ ᠲᠤᠩ ᠬᠡᠪᠡᠷᠡᠭ ᠭᠡᠤᠭᠡᠳ ᠪᠠᠢ᠍ᠢ᠍ᠪᠠ᠃ ᠲᠤᠰ ᠬᠡᠤᠬᠡᠳᠢ ᠠ᠋ᠷᠳᠡ ᠨᠢᠭᠡᠨ ᠠ᠋ᠳᠦᠷ ᠬᠠᠮᠳᠤ ᠵᠢᠨ ᠠᠮᠢᠳᠤᠷᠠᠯᠳᠤ ᠲᠠᠰᠬᠠᠬᠤ ᠵᠢᠨ ᠲᠦᠯᠦᠭᠡ ᠶᠠᠭᠤᠨᠤ ᠲᠦᠷᠦᠬᠦᠨᠳᠤ ᠠᠩᠭᠢ ᠵᠢᠨ ᠬᠤᠷᠠᠯᠤᠨ ᠴᠠᠭᠢ ᠠᠰᠢᠭᠯᠠᠨ ᠨᠢᠭᠡ ᠤᠳᠠᠭ᠋ᠠᠨᠤ ᠰᠡᠳᠬᠢᠯᠭᠡ ᠵᠢᠨ ᠰᠤᠯᠢᠯᠴᠠᠭ᠋ᠠᠨᠤ ᠠᠵᠢᠯᠯᠠᠭᠠ ᠦᠷᠨᠢᠬᠦᠯᠵᠡᠢ᠃ ᠠᠩᠭᠢ ᠵᠢᠨ ᠬᠤᠷᠠᠯ ᠠ᠋ᠬᠢᠯᠡᠮᠡᠭᠴᠡ ᠪᠢ ᠬᠡᠤᠬᠡᠳᠤᠳᠲᠤᠪᠠᠨ᠄ 《ᠪᠠᠭᠰᠢᠨᠢ ᠲᠤᠰ ᠬᠤᠭᠤᠴᠠᠭᠠ ᠠ᠋ᠬᠢᠯᠡᠭᠰᠡᠨᠠᠴᠠ ᠲᠤᠩ ᠪᠠᠶᠠᠷᠳᠠᠢ ᠪᠠᠶ᠋ᠢᠭᠠ ᠵᠢ ᠲᠠ ᠨᠠᠷ ᠠᠵᠢᠵᠦ ᠮᠡᠳᠡᠭᠰᠡᠨ ᠤᠤ᠂ ᠶᠠᠮᠠᠷ ᠨᠢᠭᠡᠨ ᠤᠴᠢᠷ ᠪᠠᠭᠰᠢ ᠵᠢᠨᠢ ᠢᠩᠬᠢᠵᠦ ᠪᠠᠶᠠᠷᠯᠠᠭᠤᠯᠵᠦ ᠪᠠᠶ᠋ᠢᠭᠠ ᠵᠢ ᠲᠠ ᠨᠠᠷ ᠳᠠᠭ᠋ᠠᠵᠦ ᠦᠵᠡ》 ᠬᠡᠬᠦᠲᠠᠢ ᠵᠡᠷᠭᠡ ᠬᠡᠤᠭᠡᠳᠤᠳ ᠪᠦᠷ ᠶᠠᠩᠵᠦ ᠪᠦᠷᠢᠪᠠᠷ ᠳᠠᠭ᠋ᠠᠮᠠᠭᠯᠠᠵᠦ ᠠ᠋ᠬᠢᠯᠡᠯᠡ᠃ ᠠ᠋ᠨᠡ ᠦᠶᠡᠳᠤ ᠪᠢ ᠰᠤᠷᠤᠭᠴᠢᠳ ᠵᠶ᠋ᠠᠨ ᠨᠠᠮ ᠪᠤᠯᠭ᠋ᠠᠵᠦ᠄ 《ᠲᠤᠰ ᠰᠤᠷᠤᠯᠭᠠ ᠵᠢᠨ ᠬᠤᠭᠤᠴᠠᠭᠠ ᠠ᠋ᠬᠢᠯᠡᠮᠡᠭᠴᠡ ᠮᠠᠨᠤ ᠠᠩᠭᠢᠳᠤ ᠤᠬᠠᠭ᠋ᠠᠨ ᠲᠤᠮᠤᠭᠠᠲᠠᠢ ᠨᠢᠭᠡ ᠰᠤᠷᠤᠭᠴᠢ ᠨᠡᠮᠡᠭᠳᠡᠯᠡ ᠭᠡᠵᠦ ᠪᠠᠭᠰᠢᠨᠢ ᠲᠤᠶ᠋ᠢᠯ ᠵᠶ᠋ᠠᠷ ᠪᠠᠶᠠᠷᠯᠠᠵᠦ ᠪᠠᠶ᠋ᠢᠨᠠ ᠰᠢᠤ᠂ ᠲᠠ ᠨᠠᠷ ᠬᠡᠯᠡᠪᠡᠯ ᠪᠠᠭᠰᠢᠨᠢ ᠪᠠᠶᠠᠷᠯᠠᠭ᠍ᠤ ᠶᠤᠰᠤᠲᠡᠢ ᠤᠤ᠂ ᠦᠭᠡᠢ ᠤᠤ？》 ᠬᠡᠵᠦ ᠬᠡᠤᠬᠡᠳᠤᠳᠤᠨ ᠪᠤᠳᠤᠵᠦ ᠤᠯᠤᠭᠠ ᠦᠭᠡᠢ ᠵᠦᠢ᠍ᠯᠢᠨᠢ ᠶᠠᠷᠢᠴᠢᠬᠠᠯᠠ᠃ ᠠ᠋ᠳᠡᠭᠡᠷ ᠦᠭᠡᠨᠳᠤ ᠰᠢᠨᠠ ᠰᠢᠯᠵᠢᠵᠤ ᠢᠷᠡᠭᠰᠡᠨ ᠰᠤᠷᠤᠭᠴᠢ ᠵᠢᠨ ᠰᠡᠳᠬᠢᠯ ᠰᠠᠷᠭᠦᠵᠤ ᠨᠢᠳᠦᠨᠢ ᠬᠡᠷᠡᠯᠳᠦᠵᠦ ᠪᠠᠢ᠍ᠢ᠍ᠯᠠ᠃ ᠲᠡᠷᠡ ᠴᠠᠭᠠᠴᠠ ᠬᠤᠶ᠋ᠢᠰᠢ ᠠᠩᠭᠢ ᠵᠢᠨ ᠬᠡᠤᠬᠡᠳᠤᠳ ᠰᠢᠨᠡᠪᠠᠷ ᠰᠢᠯᠵᠢᠵᠦ ᠢᠷᠡᠭᠰᠡᠨ ᠬᠠᠮᠳᠦ ᠰᠤᠷᠤᠯᠭ᠋ᠠᠳᠠᠨ ᠵᠶ᠋ᠠᠨ ᠠᠩᠬᠠᠷᠴᠦ ᠠ᠋ᠬᠢᠯᠡᠪᠡ᠃ ᠮᠦᠨ ᠴᠦ᠍ ᠲᠡᠬᠦᠨᠲᠠᠢ ᠢᠯᠡᠬᠦᠦ ᠵᠤᠭᠤᠭᠳᠠᠵᠦ᠂ ᠬᠠᠮᠳᠦ ᠲᠤᠭᠯᠠᠳᠠᠭ ᠪᠤᠯᠵᠠᠭ᠋ᠠᠪᠠ᠃ ᠪᠢ ᠴᠦ᠍ ᠵᠠᠪᠰᠢᠶᠠᠨᠢ ᠠᠯᠳᠠᠯ ᠦᠭᠡᠢ ᠲᠠᠬᠦᠨᠤ ᠪᠡᠶᠡ ᠳᠡᠭᠡᠷᠡᠬᠢ ᠳᠠᠪᠠᠭᠤᠯᠢᠭ ᠲᠠᠯᠠ ᠵᠢ ᠵᠤᠷᠢᠯᠭᠠᠲᠠᠢ ᠬᠠᠶ᠋ᠢᠵᠦ ᠠ᠋ᠬᠢᠯᠡᠪᠡ᠃ ᠨᠢᠭᠡ ᠤᠳᠠᠭ᠋ᠠᠨᠤ ᠰᠤᠷᠭ᠋ᠠᠭᠤᠯᠢᠠᠴᠠ ᠲᠤᠬᠢᠷᠠᠭᠤᠯᠤᠭᠰᠠᠨ ᠬᠤᠷᠠᠯᠤᠨ ᠭᠡᠷᠤᠨ ᠰᠢᠷᠡᠭᠡ ᠰᠠᠨᠳᠠᠯᠢ ᠵᠢ ᠵᠦᠭᠡᠭᠡᠬᠦ ᠠᠵᠢᠯᠢ ᠬᠦᠢ᠍ᠴᠡᠳᠬᠡᠬᠦ ᠶᠠᠪᠤᠴᠠᠳᠤ ᠠ᠋ᠨᠡ ᠬᠡᠤᠬᠡᠳ ᠪᠤᠰᠤᠳᠠᠴᠠ ᠬᠤᠯᠠ ᠬᠦᠨᠳᠦ ᠠ᠋ᠬᠦᠷᠭᠡ ᠵᠢ ᠭᠠᠷᠮᠠᠭ᠋ᠠᠶ᠋ᠢᠯᠠᠨ ᠬᠦᠢ᠍ᠴᠡᠳᠬᠡᠭᠰᠡᠨ ᠪᠤᠯᠬᠤᠷᠨᠢ ᠤᠯᠠᠨ ᠵᠶ᠋ᠠᠷ ᠵᠶ᠋ᠠᠨ ᠲᠡᠬᠦᠨᠢ 《ᠠᠪᠤᠷᠭᠤ ᠬᠦᠴᠦᠳᠡᠨ × ×》 ᠭᠡᠵᠦ ᠨᠡᠷᠡᠯᠡᠵᠡᠢ᠃ ᠪᠠᠭᠰᠢ ᠪᠤᠯᠤᠨ ᠨᠦᠬᠦᠳᠤᠨ ᠵᠶ᠋ᠠᠨ ᠮᠠᠭᠳᠠᠭ᠍ᠤ ᠵᠢ ᠰᠤᠨᠤᠰᠤᠭ᠋ᠠᠳ ᠲᠡᠬᠦᠨᠤ ᠴᠢᠷᠡᠢᠨᠢ ᠤᠯᠠᠶ᠋ᠢᠵᠦ᠂ ᠡᠪ ᠦᠭᠡᠶ᠋ᠢᠷᠡᠭᠰᠡᠨ ᠪᠤᠯᠪᠠᠴᠦ ᠪᠡᠶᠡᠳᠤᠪᠠᠨ ᠢᠳᠡᠭᠡᠯᠲᠠᠢ ᠪᠤᠯᠤᠭᠰᠠᠨᠨᠢ ᠢᠯᠡᠷᠬᠡᠢ ᠪᠠᠶ᠋ᠢᠯᠠ᠃ ᠳᠠᠷᠠᠭᠠ ᠬᠤᠭᠤᠴᠠᠭᠠᠨᠢ ᠪᠢ ᠲᠡᠬᠦᠨᠤ ᠪᠡᠶᠡ ᠪᠢᠯᠳᠠᠷ ᠴᠢᠬᠢᠷᠠᠭ ᠪᠠᠶ᠋ᠢᠬᠤ ᠳᠠᠪᠠᠭᠤᠯᠢᠭ ᠲᠠᠯᠠ ᠵᠢ ᠦᠨᠳᠦᠰᠦᠯᠡᠨ᠂ ᠪᠡᠶᠡ ᠲᠠᠮᠢᠷᠤᠨ ᠬᠡᠰᠢᠬᠦᠨ ᠪᠤᠯᠭ᠋ᠠᠵᠦ᠂ ᠪᠠᠭᠰᠢᠪᠠᠨ ᠬᠠᠪᠰᠤᠷᠤᠨ ᠠᠩᠭᠢᠪᠠᠨ ᠰᠠᠶ᠋ᠢᠳᠤᠷ ᠬᠠᠮᠢᠶᠠᠷᠬᠤ 《ᠠ᠋ᠬᠦᠷᠭᠡ》 ᠵᠢ ᠲᠡᠬᠦᠨᠳᠤ ᠲᠤᠰᠢᠶᠠᠪᠠ᠃ ᠢᠩᠬᠢᠵᠦ ᠢᠳᠡᠭᠡᠯᠤᠨ ᠠ᠋ᠷᠴᠢᠨᠢ ᠴᠢᠩᠭ᠋ᠠᠷᠠᠭᠰᠠᠨ × × ᠬᠦᠦ᠂ ᠠᠯᠭᠤᠷ ᠠᠭ᠋ᠠᠵᠢᠮᠳᠤᠪᠠᠨ ᠴᠤᠪᠤᠭᠤ ᠳᠡᠭᠵᠢᠨ ᠪᠤᠯᠤᠭᠰᠠᠨ ᠮᠦᠷᠳᠡᠭᠡᠨ ᠰᠤᠷᠤᠯᠭᠠᠳᠤᠪᠠᠨ ᠴᠦ᠍ ᠴᠢᠷᠮᠠᠶ᠋ᠢᠳᠠᠭ ᠪᠤᠯᠵᠠᠢ᠃ ᠨᠡᠩ ᠮᠠᠭᠳᠠᠭᠤᠰᠢᠲᠡᠢᠨᠢ ᠮᠢᠨᠤ ᠰᠠᠶ᠋ᠢᠨ ᠬᠠᠪᠰᠤᠷᠤᠭᠴᠢ ᠪᠤᠯᠵᠦ ᠠᠩᠭᠢᠪᠠᠨ ᠰᠠᠶ᠋ᠢᠨ ᠬᠠᠮᠢᠶᠠᠷᠳᠠᠭ ᠪᠤᠯᠪᠠ᠃ ᠠ᠋ᠳᠡᠭᠡᠷ ᠵᠢᠵᠢᠭ ᠰᠠᠵᠢᠭ ᠵᠦᠢ᠍ᠯᠤᠳᠨᠢ ᠭᠡᠳᠦᠶ᠋ᠢᠪᠡᠷ ᠶᠠᠯᠢᠮ ᠦᠭᠡᠢ ᠶᠠᠪᠤᠳᠠᠯᠤᠳ ᠪᠤᠯᠪᠠᠴᠦ᠂ ᠨᠢᠭᠡ ᠨᠢᠭᠡᠪᠠᠷ ᠵᠶ᠋ᠠᠨ ᠬᠡᠤᠬᠡᠳᠤᠨ ᠰᠡᠳᠬᠢᠯᠳᠤ ᠬᠠᠶ᠋ᠢᠷᠠ ᠵᠢᠨ ᠬᠦᠮᠦᠵᠢᠯ ᠪᠤᠯᠤᠭᠰᠠᠨ ᠪᠠᠶ᠋ᠢᠬᠠ ᠭᠡᠵᠦ ᠪᠢ ᠰᠡᠮ ᠪᠤᠳᠤᠨ᠂ 《ᠢᠳᠡᠭᠡᠯᠤᠨ ᠲᠦᠷᠦᠭᠡᠨᠳᠤ ᠢᠷᠡᠭᠡᠳᠦᠢ ᠪᠤᠰᠤᠨᠠ》 ᠭᠡᠳᠡᠭ ᠦᠭᠡ ᠵᠢ ᠬᠦᠨᠵᠡᠭᠡᠢ ᠤᠶ᠋ᠢᠯᠠᠭ᠋ᠠᠵᠠᠢ᠃
3. ᠦᠨᠦᠴᠢᠨ ᠦᠷᠦᠭᠡᠰᠦᠨ ᠬᠡᠤᠬᠡᠳᠲᠤ ᠤᠨᠴᠠᠭ᠋ᠠᠢ ᠬᠠᠯᠠᠮᠵᠢ ᠦᠭᠬᠦ
ᠬᠡᠤᠬᠡᠳ ᠪᠤᠯᠭ᠋ᠠᠨᠤ ᠳᠤᠳᠠᠵᠦ ᠪᠠᠶ᠋ᠢᠭᠠ ᠬᠠᠶ᠋ᠢᠷᠠ ᠪᠦᠷ ᠠᠳᠠᠯᠢ ᠦᠭᠡᠢ᠃ ᠵᠠᠷᠢᠮ ᠬᠡᠤᠭᠡᠳᠤᠨ ᠠᠪᠤ ᠡᠵᠢᠨᠢ ᠤᠷᠤᠭ ᠰᠠᠯᠤᠭᠰᠠᠨᠠᠴᠠ ᠬᠡᠤᠬᠡᠳᠨᠢ ᠰᠡᠳᠬᠢᠯᠤᠨ ᠵᠤᠪᠠᠭᠤᠷᠢᠳᠤ ᠤᠷᠤᠭᠰᠠᠨ ᠪᠠᠶ᠋ᠢᠳᠠᠭ᠂ ᠵᠠᠷᠢᠮ ᠬᠡᠤᠭᠡᠳᠢ ᠬᠡᠳᠦᠷᠬᠡᠢ ᠴᠢᠩᠭᠠ ᠪᠠᠷᠢᠵᠦ᠂ ᠵᠤᠳᠤᠵᠦ ᠵᠠᠨᠴᠢᠵᠤ ᠰᠤᠷᠭ᠋ᠠᠳᠠᠭᠠᠴᠠ ᠵᠤᠷᠢᠭ ᠵᠢᠷᠦᠭᠡ ᠦᠭᠡᠢ ᠠᠶᠤᠮᠠᠳᠠᠭ᠋ᠠᠢ ᠪᠤᠯᠤᠭᠰᠠᠨ ᠪᠠᠶ᠋ᠢᠳᠠᠭ ᠁ ᠠ᠋ᠨᠡ ᠮᠡᠳᠦ ᠵᠢᠨ ᠠᠰᠠᠭᠤᠳᠠᠯᠢ ᠠᠩᠭᠢ ᠵᠢᠨ ᠠ᠋ᠷᠬᠢᠯᠡᠭᠴᠢ ᠪᠠᠭᠰᠢᠠᠴᠠ ᠬᠡᠷᠤᠨ ᠠᠬᠠᠮᠠᠳᠲᠠᠢ ᠬᠠᠮᠵᠢᠵᠦ ᠪᠠᠶ᠋ᠢᠭ᠋ᠠᠳ᠂ ᠵᠦᠪ ᠵᠢᠯᠤᠭᠤᠳᠤᠯᠭᠠ ᠪᠤᠶᠤ ᠰᠠᠨᠠᠭᠤᠯᠭᠠ ᠦᠭᠴᠦ᠂ ᠬᠡᠤᠬᠡᠳᠤᠨ ᠤᠶᠤᠨ ᠰᠠᠨᠠᠭ᠋ᠠᠨᠤ ᠲᠠᠯᠠᠶᠢᠨ ᠬᠤᠭᠤᠰᠤᠷᠠᠯ ᠪᠤᠶᠤ ᠳᠤᠳᠠᠭᠰᠠᠨ ᠬᠠᠶ᠋ᠢᠷᠠ ᠵᠢᠨᠢ ᠨᠦᠬᠦᠪᠦᠷᠢᠯᠡᠵᠦ ᠪᠤᠯᠤᠨᠠ᠃ ᠬᠡᠪᠡᠴᠦ ᠠᠮᠢᠳᠤᠷᠠᠯᠨᠢ ᠲᠤᠶ᠋ᠢᠯᠤᠨ ᠬᠦᠴᠢᠷᠳᠡᠢ ᠮᠦᠷᠳᠡᠭᠡᠨ ᠠᠪᠤ ᠡᠵᠢ ᠦᠭᠡᠢ ᠦᠨᠦᠴᠢᠷᠡᠭᠰᠡᠨ ᠬᠡᠤᠬᠡᠳᠲᠤ ᠬᠠᠶ᠋ᠢᠷᠠ ᠨᠦᠬᠦᠪᠦᠷᠢᠯᠡᠬᠦᠳᠤ ᠲᠤᠩ ᠬᠦᠴᠢᠷᠳᠡᠢ ᠪᠠᠶ᠋ᠢᠳᠠᠭ᠃ ᠠ᠋ᠶ᠋ᠢᠮᠦᠠᠴᠠ ᠪᠢ ᠠᠩᠭᠢ ᠵᠢᠨ ᠬᠡᠤᠬᠡᠳᠤᠨ ᠲᠤᠳᠤᠷᠠ ᠬᠡᠷᠪᠡ ᠦᠨᠦᠴᠢᠨ ᠦᠷᠦᠭᠡᠰᠦᠨ ᠬᠡᠤᠬᠡᠳ ᠪᠠᠶ᠋ᠢᠪᠠᠯ ᠳᠡᠳᠡᠨᠳᠤ ᠠᠯᠢ ᠴᠢᠳᠠᠭ᠍ᠤᠪᠠᠷ ᠪᠤᠯᠤᠮᠵᠢ ᠤᠯᠭᠤᠨ᠂ ᠢᠯᠡᠬᠦᠬᠡᠨ ᠬᠠᠶ᠋ᠢᠷᠠ ᠬᠠᠯᠠᠮᠵᠢ ᠦᠭᠬᠦ ᠵᠢ ᠴᠢᠬᠤᠯᠠᠴᠢᠯᠠᠨ ᠦᠵᠡᠳᠡᠭ᠃
ᠮᠢᠨᠤ ᠳᠡᠭᠡᠷᠡ ᠠ᠋ᠭᠡᠯᠵᠢ ᠵᠢᠨ ᠠᠩᠭᠢᠳᠤ ᠰᠤᠷᠤᠯᠴᠠᠳᠠᠭ ᠨᠢᠭᠡᠨ ᠬᠡᠤᠬᠡᠨ ᠰᠤᠷᠤᠭᠴᠢ ᠵᠢ × × ᠭᠡᠳᠡᠭ᠃ ᠲᠤᠰ ᠰᠤᠷᠤᠭᠴᠢ ᠤᠢ ᠪᠢᠯᠢᠭᠤᠨ ᠨᠡᠭᠡᠭᠡᠭᠳᠡᠯ ᠲᠤᠳᠠᠮᠠᠭᠠᠴᠠ ᠰᠤᠷᠤᠯᠭᠠᠳᠤᠪᠠᠨ ᠲᠤᠩ ᠬᠦᠴᠢᠷᠳᠡᠳᠡᠭ᠂ ᠬᠡᠷ ᠪᠦᠯᠢ ᠵᠢᠨ ᠠᠮᠢᠳᠤᠷᠠᠯᠨᠢ ᠴᠦ᠍ ᠮᠠᠰᠢ ᠬᠦᠴᠢᠷᠳᠡᠢ ᠪᠠᠶ᠋ᠢᠪᠠ᠃ ᠤᠴᠢᠷᠨᠢ ᠠ᠋ᠨᠡ ᠬᠡᠤᠬᠡᠳᠤᠨ ᠠᠪᠤ ᠡᠵᠢᠨᠢ ᠠ᠋ᠷᠳᠡ ᠨᠠᠰᠤ ᠪᠠᠷᠠᠵᠦ ᠦᠨᠦᠴᠢᠨ ᠬᠡᠤᠬᠡᠳ ᠪᠤᠯᠴᠢᠬᠠᠪᠠ᠃ ᠡᠪᠦᠭᠡ ᠠ᠋ᠮᠡᠭᠡᠨᠢ ᠬᠤᠭ ᠨᠤᠪᠰᠢ ᠲᠡᠬᠦᠵᠦ ᠠᠮᠢᠳᠤᠷᠠᠯ ᠵᠶ᠋ᠠᠨ ᠠᠷᠭ᠋ᠠᠴᠠᠭ᠋ᠠᠳᠠᠭ ᠪᠠᠶ᠋ᠢᠯᠠ᠃ ᠠᠩᠭᠢ ᠵᠢᠨ ᠬᠡᠤᠬᠡᠳᠤᠳ ᠴᠦ᠍ ᠲᠡᠬᠦᠨᠢ ᠲᠤᠤᠷᠠ ᠦᠵᠡᠬᠦ ᠪᠤᠶᠤ ᠲᠤᠷᠤᠮᠵᠢᠯᠠᠭ᠍ᠤ ᠮᠡᠳᠦ ᠵᠢᠨ ᠦᠵᠡᠭᠳᠡᠯᠲᠠᠢ ᠪᠠᠶ᠋ᠢᠪᠠ᠃ ᠠᠩᠭᠢ ᠵᠢᠨ ᠠ᠋ᠷᠬᠢᠯᠡᠭᠴᠢ ᠪᠤᠯᠤᠭᠰᠠᠨ ᠪᠢ ᠠ᠋ᠳᠡᠭᠡᠷ ᠪᠠᠶ᠋ᠢᠳᠠᠯᠢ ᠤᠶ᠋ᠢᠯᠠᠭ᠋ᠠᠭᠰᠠᠨ ᠰᠠᠭᠤᠷᠢᠨᠳᠤ ᠨᠢᠭᠡ ᠤᠳᠠᠭ᠋ᠠᠨᠤ 《ᠬᠦᠮᠦᠨ ᠪᠦᠬᠦᠨ ᠨᠢᠭᠡᠨ ᠭᠡᠷᠡᠯᠲᠦ ᠤᠳᠤᠨ ᠮᠦᠨ》 ᠬᠡᠬᠦ ᠭᠤᠤᠯ ᠰᠡᠳᠦᠪᠲᠦ ᠠᠩᠭᠢ ᠵᠢᠨ ᠬᠤᠷᠠᠯ ᠬᠢᠪᠡ᠃ ᠠ᠋ᠨᠡ ᠬᠤᠷᠠᠯᠨᠢ ᠬᠡᠤᠬᠡᠳ ᠪᠤᠯᠭ᠋ᠠᠨᠤ ᠴᠢᠳᠠᠮᠠᠭ᠋ᠠᠢ ᠲᠠᠯᠠᠪᠠᠨ ᠭᠠᠶ᠋ᠢᠬᠠᠭᠤᠯᠵᠦ᠂ ᠵᠢᠩᠬᠢᠨᠢ 《ᠬᠡᠷᠡᠯᠲᠦ ᠤᠳᠤᠨ》 ᠪᠤᠯᠬᠤ ᠵᠢ ᠵᠤᠷᠢᠬ᠍ᠵᠢᠭᠤᠯᠤᠭᠰᠠᠨ ᠦᠢ᠍ᠯᠡ ᠠᠵᠢᠯᠯᠠᠭᠠ ᠪᠤᠯᠤᠭᠰᠠᠨ ᠶᠤᠮ᠃ ᠬᠦᠳᠡᠯᠭᠡᠭᠡᠨ ᠳᠡᠭᠡᠷᠡ ᠬᠦᠮᠦᠨ ᠪᠦᠬᠦᠨ ᠦᠪᠡᠷᠤᠨ ᠴᠢᠳᠠᠮᠠᠭ᠋ᠠᠢ ᠲᠠᠯᠠᠪᠠᠨ ᠠᠳᠠᠯᠢ ᠪᠤᠰᠤ ᠠᠷᠭᠠᠪᠠᠷ ᠤᠯᠠᠨᠤ ᠠ᠋ᠮᠦᠨᠡ ᠢᠯᠡᠷᠡᠬᠦᠯᠵᠡᠢ᠃ ᠭᠡᠪᠡᠴᠦ ᠦᠨᠦ ᠬᠦᠭᠡᠷᠦᠬᠦᠢ × × ᠮᠢᠨᠢ ᠶᠠᠭᠤ ᠴᠦ᠍ ᠲᠤᠤᠭ᠋ᠠᠷᠬᠤ ᠦᠭᠡᠢ ᠰᠠᠭᠤᠵᠦ ᠪᠠᠶ᠋ᠢᠯᠠ᠃ ᠲᠡᠭᠡᠭᠡᠳ ᠪᠢ ᠲᠡᠬᠦᠨᠤ ᠳᠠᠪᠠᠭᠤᠯᠢᠭ ᠲᠠᠯᠠ ᠵᠢᠨᠢ ᠢᠯᠠᠷᠠᠭᠦᠯᠵᠦ ᠤᠯᠠᠨᠳᠤ ᠦᠵᠡᠭᠦᠯᠪᠡ᠃
《ᠶᠠᠳᠠᠭᠤ ᠠᠶ᠋ᠢᠯᠤᠨ ᠬᠡᠤᠬᠡᠳ ᠠ᠋ᠷᠳᠡ ᠤᠠᠭᠭ᠋ᠠᠵᠢᠳᠠᠭ》 ᠬᠡᠰᠡᠨ ᠦᠭᠡ ᠨᠢᠭᠡ ᠴᠦ᠍ ᠪᠤᠷᠤᠭᠤ ᠦᠭᠡᠢ᠂ ᠲᠤᠰ ᠰᠤᠷᠤᠭᠴᠢ ᠬᠡᠳᠦᠶ᠋ᠢᠪᠡᠷ ᠰᠤᠷᠤᠯᠭᠠ ᠠᠨᠠᠢ ᠪᠤᠯᠪᠠᠴᠦ ᠠᠵᠢᠯᠯᠠᠵᠦ ᠬᠦᠳᠡᠯᠮᠦᠷᠢᠯᠡᠬᠦ ᠴᠢᠳᠠᠪᠤᠷᠢᠨᠢ ᠤᠨᠴᠠᠭ᠋ᠠᠢ ᠰᠠᠶ᠋ᠢᠨ ᠪᠠᠶ᠋ᠢᠵᠦ᠂ ᠬᠠᠷᠠᠭ᠍ᠠᠨ ᠪᠠᠭᠠᠠᠴᠠᠪᠠᠨ ᠬᠡᠷᠤᠨ ᠠᠵᠢᠯᠳᠤ ᠭᠠᠷᠰᠢᠭᠰᠠᠨ ᠪᠠᠶ᠋ᠢᠪᠠ᠃ ᠲᠡᠬᠦᠨᠤ ᠭᠠᠵᠠᠷ ᠱᠦᠬᠦᠷᠳᠡᠬᠦ᠂ ᠰᠢᠷᠡᠭᠡ ᠰᠠᠨᠳᠠᠯᠢ ᠳᠡᠭᠰᠢᠯᠡᠬᠦ᠂ ᠱᠠᠯᠠ ᠵᠦᠯᠬᠦᠬᠦ ᠵᠡᠷᠭᠡ ᠴᠢᠳᠠᠪᠤᠷᠢᠨᠢ ᠪᠤᠰᠤᠳ ᠬᠡᠤᠬᠡᠳᠤᠳᠠᠴᠠ ᠪᠦᠷ ᠳᠠᠪᠠᠭᠰᠠᠨ ᠪᠠᠶ᠋ᠢᠳᠠᠭ᠃ ᠪᠢ ᠠ᠋ᠬᠦᠨᠢᠨᠢ ᠠᠳᠬᠤᠵᠦ ᠠᠩᠭᠢ ᠵᠢᠨ ᠰᠤᠷᠤᠭᠴᠢᠳᠲᠤ ᠬᠠᠨᠳᠦᠨ᠄
— ᠮᠠᠨᠤ ᠠᠩᠭᠢ ᠵᠢᠨ ᠬᠡᠤᠬᠡᠳ ᠪᠤᠯᠭ᠋ᠠᠨ ᠴᠦᠮ 《ᠬᠡᠷᠡᠯᠲᠦ ᠤᠳᠤᠨ》 ᠮᠦᠨ ᠪᠠᠶ᠋ᠢᠭᠠᠳᠤ ᠪᠠᠭᠰᠢᠨᠢ ᠲᠤᠩ ᠪᠠᠶᠠᠷᠯᠠᠨ ᠤᠮᠤᠭᠰᠢᠵᠦ ᠪᠠᠶ᠋ᠢᠨᠠ᠃ ᠮᠠᠨᠤ × × ᠴᠦ᠍ ᠲᠠ ᠨᠠᠷᠲᠠᠢ ᠠᠳᠠᠯᠢᠬᠠᠨ ᠠᠩᠭᠢ ᠵᠢᠨ ᠵᠶ᠋ᠠᠨ ᠨᠢᠭᠡᠨ 《ᠬᠡᠷᠡᠯᠲᠦ ᠤᠳᠤᠨ》 ᠰᠢᠤ᠃ ᠬᠦᠮᠦᠨ ᠪᠦᠬᠦᠨ ᠦᠪᠡᠷᠤᠨ ᠬᠡᠰᠡᠨ ᠳᠠᠪᠠᠭᠤᠯᠢᠭ ᠲᠠᠯᠠᠪᠠᠷ ᠵᠶ᠋ᠠᠨ ᠠ᠋ᠨᠡ ᠠᠩᠭᠢᠪᠠᠨ ᠬᠡᠷᠡᠯᠳᠦᠬᠦᠯᠵᠦ ᠪᠠᠶ᠋ᠢᠨᠠ᠃ ᠬᠤᠵᠢᠮ ᠬᠡᠤᠬᠡᠳᠤᠳ ᠮᠢᠨᠢ ᠪᠤᠰᠤᠳᠢ ᠦᠨᠡᠯᠡᠬᠦᠳᠤᠪᠠᠨ ᠪᠤᠰᠤᠳᠤᠨ ᠳᠠᠪᠠᠭᠤᠯᠢᠭ ᠲᠠᠯᠠ ᠵᠢ ᠵᠤᠷᠢᠭᠳᠠᠢ ᠢᠯᠡᠷᠡᠬᠦᠯᠵᠦ᠂ ᠳᠤᠳᠠᠭᠳᠠᠯᠢᠨᠢ ᠪᠠᠭ᠋ᠠᠰᠬᠠᠨ ᠦᠵᠡᠬᠦ ᠶᠤᠰᠤ ᠵᠢ ᠵᠠᠪᠠᠯ ᠤᠶ᠋ᠢᠯᠠᠭ᠋ᠠᠬᠤ ᠬᠡᠷᠡᠭᠳᠡᠢ ᠰᠢᠤ ᠬᠡᠵᠦ ᠰᠤᠷᠭ᠋ᠠᠵᠦ ᠬᠦᠮᠦᠵᠢᠬᠦᠯᠦᠭᠰᠡᠨᠠᠴᠠ ᠬᠤᠶ᠋ᠢᠰᠢ ᠬᠡᠤᠭᠡᠳᠤᠳ ᠵᠦᠪ ᠬᠦᠮᠦᠨ ᠪᠤᠯᠬᠤᠪᠠᠷ ᠴᠢᠷᠮᠠᠶ᠋ᠢᠵᠦ ᠠ᠋ᠬᠢᠯᠡᠵᠡᠭᠡᠭᠰᠡᠨ ᠪᠢᠯᠡ᠃
ᠦᠨᠦᠴᠢᠨ ᠬᠡᠤᠬᠡᠳᠤᠳᠢ ᠶᠠᠷᠢᠭᠰᠠᠭ᠋ᠠᠷ ᠪᠤᠳᠤᠯ ᠨᠢᠭᠡ ᠯᠡ ᠬᠦᠨᠳᠦᠷᠡᠬᠦ ᠶᠤᠮ᠃ ᠮᠢᠨᠤ ᠦᠨᠦ ᠵᠢᠨ ᠠ᠋ᠷᠬᠢᠯᠡᠵᠦ ᠪᠠᠶ᠋ᠢᠭᠠ ᠠᠩᠭᠢᠳᠤ ᠬᠡᠯᠡ ᠶᠡᠷᠢᠶᠠᠨᠤ ᠵᠡᠷᠡᠮᠳᠡᠭᠲᠠᠢ ᠬᠦᠦ ᠰᠤᠷᠤᠭᠴᠢ ᠪᠠᠶ᠋ᠢᠳᠠᠭ᠂ ᠬᠦᠭᠡᠷᠦᠬᠦᠢ ᠠ᠋ᠨᠡ ᠬᠦᠦ ᠮᠦᠨ ᠨᠢᠭᠡᠨ ᠦᠨᠦᠴᠢᠨ ᠬᠡᠤᠬᠡᠳ ᠪᠢᠯᠡ᠃ ᠠ᠋ᠨᠡ ᠬᠦᠦ ᠵᠢᠨ ᠪᠠᠶᠠ ᠮᠠᠭ᠍ᠠᠪᠤᠳᠨᠢ ᠳᠠᠩᠴᠦ ᠡᠴᠡᠩᠬᠡᠢ ᠲᠤᠷᠠᠩᠬᠠᠢ ᠪᠤᠯᠬᠤᠷ ᠪᠤᠭᠴᠦᠪᠠᠨ ᠴᠦ᠍ ᠠ᠋ᠷᠬᠦᠵᠦ ᠳᠠᠭ᠋ᠠᠭ᠋ᠠᠬᠤ ᠦᠭᠡᠢ᠃ ᠠ᠋ᠬᠡ ᠵᠢᠨ ᠵᠶ᠋ᠠᠨ ᠬᠡᠪᠡᠯᠢᠳᠤ ᠶᠡᠭᠡ ᠬᠡᠮᠵᠢᠶᠡᠨᠤ ᠰᠢᠮᠡ ᠳᠡᠵᠢᠭᠡᠯ ᠳᠤᠳᠠᠭᠰᠠᠨᠠᠴᠠ ᠪᠤᠯᠪᠠᠤ ᠬᠡᠤᠬᠡᠨ ᠬᠡᠯᠡᠨᠢ ᠬᠦᠭᠵᠢᠬᠡ ᠦᠭᠡᠢ᠂ ᠦᠭᠡ ᠶᠠᠷᠢᠬᠤᠳᠤᠪᠠᠨ ᠴᠦ᠍ ᠲᠤᠳᠤ ᠦᠭᠡᠢ ᠪᠠᠶ᠋ᠢᠳᠠᠭ ᠶᠤᠮ᠃ ᠬᠡᠳᠦᠶ᠋ᠢᠪᠡᠷ ᠪᠡᠶᠡ ᠮᠠᠭ᠍ᠠᠪᠤᠳᠨᠢ ᠲᠤᠷᠤᠢ ᠪᠠᠭᠤᠷᠠᠢ᠂ ᠬᠦᠴᠦ ᠲᠡᠩᠬᠡᠭᠡ ᠮᠠᠭᠤᠳᠠᠢ᠂ ᠦᠰᠦᠯᠲᠡᠨᠢ ᠤᠳᠠᠭ᠋ᠠᠨ ᠪᠤᠯᠪᠠᠴᠦ ᠤᠶᠤᠨ ᠤᠬᠠᠭ᠋ᠠᠨᠨᠢ ᠪᠦᠳᠦᠨ᠂ ᠰᠤᠷᠤᠯᠭᠠ ᠬᠢᠴᠢᠶᠡᠯᠳᠤᠪᠠᠨ ᠲᠤᠶ᠋ᠢᠯᠤᠨ ᠴᠢᠷᠮᠠᠢ᠍ᠢ᠍ᠯᠳᠠᠲᠠᠢ ᠶᠤᠮ᠃ ᠡᠪᠦᠭᠡ ᠠ᠋ᠮᠡᠭᠡᠲᠠᠢᠪᠠᠨ ᠭᠤᠷᠪᠠᠭᠤᠯᠠ ᠠᠮᠢᠳᠤᠷᠠᠵᠦ ᠪᠠᠶ᠋ᠢᠭᠠ ᠳᠡᠳᠡᠨᠤᠬᠢᠨᠳᠤ ᠨᠡᠶ᠋ᠢᠭᠡᠮᠤᠨ ᠡᠯᠡ ᠠ᠋ᠳᠡᠭᠡᠳᠠᠴᠠ ᠬᠠᠪᠰᠤᠷᠤᠯᠭᠠ ᠦᠵᠡᠬᠦᠯᠦᠭᠰᠡᠭᠡᠷ ᠢᠷᠡᠵᠡᠢ᠃ ᠪᠢ ᠲᠡᠬᠦᠨᠤ ᠠᠩᠭᠢ ᠵᠢᠨ ᠠ᠋ᠷᠬᠢᠯᠡᠭᠴᠢ ᠪᠤᠯᠤᠭᠰᠠᠨᠤ ᠬᠤᠪᠢᠳᠤ ᠬᠡᠷᠤᠨ ᠠᠬᠠᠮᠠᠳ ᠵᠶ᠋ᠠᠨ ᠵᠤᠬᠢᠶᠠᠨ ᠪᠠᠶ᠋ᠢᠭᠤᠯᠵᠦ᠂ ᠵᠢᠯ ᠪᠤᠯᠭ᠋ᠠᠨ ᠠᠮᠢᠳᠤᠷᠠᠯᠳᠤᠨᠢ ᠲᠤᠰᠠᠯᠠᠮᠵᠢ ᠦᠵᠡᠬᠦᠯᠳᠡᠭ᠃ ᠠ᠋ᠬᠦᠨᠠᠴᠠ ᠭᠠᠳᠠᠨᠠ ᠪᠢ ᠠᠩᠭᠢ ᠵᠢᠨ ᠰᠤᠷᠤᠭᠴᠢᠪᠠᠨ ᠳᠠᠶ᠋ᠢᠴᠢᠯᠠᠨ᠂ ᠲᠤᠰ ᠰᠤᠷᠤᠭᠴᠢ ᠵᠢ ᠬᠠᠪᠰᠤᠷᠴᠦ ᠬᠠᠯᠠᠮᠵᠢᠯᠠᠭ᠍ᠤ ᠠᠵᠢᠯᠯᠠᠭᠠ ᠵᠢ ᠪᠠᠶ᠋ᠢᠩᠭᠤ ᠵᠢᠨ ᠴᠢᠨᠠᠷᠲᠡᠢ ᠪᠠᠷᠢᠮᠳᠠᠯᠠᠭᠰᠠᠭ᠋ᠠᠷ ᠢᠷᠡᠵᠡᠢ᠃ ᠬᠡᠤᠬᠡᠳᠤᠳ ᠮᠠᠨᠢ ᠠ᠋ᠳᠦᠷ ᠪᠤᠯᠭ᠋ᠠᠨ ᠠ᠋ᠭᠡᠯᠵᠢᠯᠡᠨ ᠲᠡᠭᠦᠨᠤ ᠪᠢᠷ ᠨᠤᠮᠢᠨᠢ ᠪᠤᠭᠴᠤᠨᠠᠴᠠᠨᠢ ᠭᠠᠷᠭ᠋ᠠᠬᠤ᠂ ᠭᠠᠳᠠᠷ ᠬᠦᠷᠮᠡ ᠵᠢᠨᠢ ᠠ᠋ᠮᠦᠰᠬᠡᠬᠦ᠂ ᠪᠤᠭᠴᠦ ᠵᠢᠨᠢ ᠠ᠋ᠬᠦᠷᠴᠦ ᠪᠠᠭᠤᠬᠤ᠂ ᠠᠰᠠᠷᠤᠨ ᠱᠠᠳᠤᠪᠠᠷ ᠬᠦᠳᠦᠯᠦᠨ ᠠᠯᠬᠤᠬᠤ ᠁ ᠵᠡᠷᠭᠡ ᠬᠠᠯᠠᠮᠵᠢᠯᠠᠭ᠍ᠤ ᠠᠵᠢᠯᠯᠠᠭᠠ ᠵᠢ ᠬᠡᠪᠤᠨ ᠵᠤᠷᠰᠢᠯ ᠪᠤᠯᠭ᠋ᠠᠨ ᠬᠢᠭᠰᠡᠭᠡᠷ ᠢᠷᠡᠵᠡᠢ᠃ ᠠ᠋ᠶ᠋ᠢᠨᠬᠦ ᠠ᠋ᠨᠡ ᠬᠦᠦ ᠡᠪᠦᠭᠡ ᠠ᠋ᠮᠡᠭᠡ ᠵᠢᠨ ᠳᠤᠲᠤᠮᠳᠠᠯᠭᠠ ᠪᠡ ᠠᠩᠭᠢ ᠵᠢᠨ ᠨᠠᠶ᠋ᠢᠵᠠ ᠨᠦᠬᠦᠳᠤᠨ ᠵᠶ᠋ᠠᠨ ᠬᠠᠯᠠᠮᠵᠢᠯᠠᠯ ᠲᠤᠤᠷᠠ ᠲᠠᠪᠤᠨ ᠵᠢᠯᠤᠨ ᠬᠢᠴᠢᠶᠡᠯ ᠰᠤᠷᠤᠯᠭᠠᠪᠠᠨ ᠠᠮᠵᠢᠯᠲᠠᠲᠠᠢ ᠦᠩᠭᠡᠷᠡᠭᠦᠯᠵᠡᠢ᠃ ᠬᠡᠳᠡᠯᠡ 《ᠭᠠᠢ ᠭᠠᠵᠠᠷ ᠲᠤᠤᠷᠠᠠᠴᠠ》 ᠭᠡᠳᠡᠭ ᠵᠶ᠋ᠠᠷ 2019 ᠤᠨᠤ 5 ᠰᠠᠷᠠᠳᠤ ᠲᠡᠷᠡ ᠠ᠋ᠩᠤᠨ ᠬᠠᠨᠢᠶᠠᠳᠦ ᠲᠠᠭᠰᠢᠭᠤᠷ ᠭᠦᠷᠴᠦ ᠰᠠᠭᠦᠯᠠᠷᠨᠢ ᠭᠦᠨᠳᠤᠷᠡᠭᠡᠳ᠂ ᠠᠮᠢᠰᠬᠤᠯᠤᠨ ᠰᠠᠭ᠋ᠠᠳᠲᠤ ᠤᠴᠠᠷᠠᠪᠠ᠃ ᠬᠦᠨᠳᠦ ᠡᠪᠡᠳᠴᠢᠳᠡᠨᠤ ᠦᠷᠦᠭᠡᠨᠳᠤ ᠠ᠋ᠮᠴᠢᠯᠡᠬᠦᠯᠵᠦ ᠪᠠᠶ᠋ᠢᠬᠤ ᠬᠤᠭᠤᠴᠠᠭ᠋ᠠᠨᠳᠤᠨᠢ ᠪᠢ ᠠ᠋ᠳᠦᠷ ᠪᠤᠯᠭ᠋ᠠᠨ ᠠ᠋ᠮᠨᠡᠯᠭᠡ ᠵᠢᠨ ᠬᠤᠷᠢᠶᠠᠳᠤ ᠤᠴᠢᠳᠠᠭ᠃ ᠤᠴᠢᠷᠨᠢ ᠲᠡᠬᠦᠨᠤ ᠡᠪᠦᠭᠡ ᠠ᠋ᠮᠡᠭᠡᠨᠢ ᠨᠠᠰᠤ ᠠᠬᠢᠬᠰᠡᠨ ᠵᠶ᠋ᠠᠷ ᠪᠠᠷᠠᠭ᠍ᠤ ᠦᠭᠡᠢ ᠦᠰᠦᠭ ᠪᠢᠴᠢᠭ ᠲᠠᠨᠢᠬᠤ ᠦᠭᠡᠢ ᠪᠤᠯᠬᠤᠷ ᠠ᠋ᠮᠴᠢᠲᠠᠢ ᠬᠠᠷᠢᠯᠴᠠᠵᠦ᠂ ᠶᠠᠭ᠋ᠠᠬᠢᠵᠦ ᠠ᠋ᠮᠨᠡᠬᠦᠯᠬᠦ ᠲᠤᠬᠠᠢᠪᠠᠨ ᠶᠠᠷᠢᠯᠴᠠᠨ ᠵᠦᠪᠯᠠᠵᠦ ᠴᠢᠳᠠᠭ᠍ᠤ ᠦᠭᠡᠢ ᠪᠤᠯᠬᠤᠷ ᠪᠢ ᠠ᠋ᠷᠬᠡᠪᠰᠢ ᠲᠤᠬᠠᠢ ᠵᠢᠨ ᠲᠠᠯᠠᠪᠤᠷᠲᠤᠨᠢ ᠬᠦᠷᠬᠦ ᠴᠢᠬᠤᠯᠠᠲᠠᠢ ᠪᠠᠶ᠋ᠢᠯᠠ᠃ ᠲᠤᠬᠠᠢ ᠵᠢᠨ ᠦᠶᠡᠳᠤ ᠠᠮᠢᠰᠬᠤᠯᠤᠨ ᠠ᠋ᠷᠭᠡᠳᠡᠨᠨᠢ ᠤᠯᠠᠮ ᠵᠶ᠋ᠠᠷ ᠮᠠᠭᠤᠳᠠᠵᠦ᠂ ᠪᠠᠴᠢᠮ ᠠᠪᠤᠷᠠᠯᠳᠠᠳᠤ ᠤᠷᠤᠭ᠋ᠠᠳ᠂ ᠯᠤᠳᠤ ᠶᠡᠭᠡ ᠠ᠋ᠮᠨᠡᠯᠭᠡ ᠵᠢᠨ ᠰᠦᠢ᠍ᠳᠭᠡᠯ ᠲᠤᠰᠢᠶᠠᠭ᠍ᠤ ᠬᠡᠷᠡᠭᠳᠡᠢ ᠪᠤᠯᠤᠭᠰᠠᠨ ᠦᠶᠡᠳᠤᠨᠢ ᠪᠢ ᠶᠠᠭ ᠯᠡ ᠲᠡᠬᠦᠨᠤ ᠬᠡᠷᠤᠨ ᠬᠦᠮᠦᠨᠨᠢ ᠰᠢᠭ ᠰᠠᠨᠳᠤᠷᠤᠨ ᠳᠡᠪᠡᠳᠠᠬᠦ ᠵᠢᠨ ᠵᠡᠷᠭᠡᠪᠠᠷ ᠲᠤᠰᠠᠯᠠᠮᠵᠢ ᠦᠭᠴᠦ ᠲᠡᠶ᠋ᠢᠯᠬᠦ ᠪᠠᠶ᠋ᠢᠭᠤᠯᠤᠮᠵᠢᠲᠠᠢ ᠴᠦᠮ ᠬᠤᠯᠪᠤᠭᠠ ᠠᠪᠴᠦ ᠪᠠᠶ᠋ᠢᠭ᠋ᠠᠳ ᠬᠡᠤᠬᠡᠳᠤᠨ ᠠᠮᠢ ᠵᠢ ᠠᠪᠤᠷᠠᠭ᠍ᠤᠪᠠᠷ ᠬᠦᠴᠦᠯᠡᠭᠰᠡᠨ ᠪᠢᠯᠡ᠃ 《ᠲᠤᠰᠤᠯᠢ ᠬᠤᠷᠢᠶᠠᠪᠠᠯ ᠳᠠᠯᠠᠢ ᠪᠤᠯᠤᠨᠠ》 ᠭᠡᠳᠡᠭ ᠳᠠᠪᠴᠠᠩ ᠵᠶ᠋ᠠᠷ ᠳᠠᠮᠵᠢᠨ᠂ ᠬᠠᠯᠠᠭᠤᠨ ᠰᠡᠳᠬᠢᠯᠲᠦ ᠬᠦᠮᠦᠰᠤᠨ ᠳᠡᠮᠵᠢᠯᠭᠡ ᠲᠤᠤᠷᠠ ᠪᠢᠰᠢᠬᠦᠢ ᠤᠯᠠᠨ ᠠ᠋ᠮᠨᠡᠬᠦᠯᠬᠦ ᠵᠤᠭᠤᠰ ᠴᠤᠭᠯᠠᠭᠤᠯᠤᠭ᠋ᠠᠳ᠂ ᠳᠠᠷᠤᠢ ᠲᠤᠤᠷᠠᠨᠢ ᠠ᠋ᠮᠴᠢᠯᠡᠬᠦᠯᠦᠭᠰᠡᠨᠠᠴᠠ ᠬᠠᠭ᠋ᠠᠰ ᠵᠢᠯ ᠭᠠᠷᠤᠢ ᠵᠢᠨ ᠵᠠᠰᠠᠯᠭᠠᠪᠠᠷ ᠦᠨᠦ ᠨᠡᠯᠢᠶᠡᠳ ᠢᠯᠡᠷᠢ ᠪᠤᠯᠤᠭᠰᠠᠨ ᠪᠠᠢ᠍ᠢ᠍ᠨᠠ᠃ ᠲᠤᠰ ᠰᠤᠷᠤᠭᠴᠢ ᠵᠢᠨ ᠠ᠋ᠮᠨᠡᠯᠭᠡᠳᠤ ᠰᠠᠭᠤᠵᠦ ᠪᠠᠶ᠋ᠢᠭᠠ ᠬᠤᠭᠤᠴᠠᠭ᠋ᠠᠨᠳᠤᠨᠢ ᠪᠢ ᠲᠤᠭᠠ ᠦᠭᠡᠢ ᠤᠯᠠᠨ ᠤᠳᠠᠭᠠ ᠬᠡᠷᠤᠨ ᠬᠤᠭᠤᠯᠠᠪᠠᠨ ᠬᠦᠷᠭᠡᠵᠦ ᠬᠠᠷᠠᠭ᠋ᠠᠯᠵᠠᠭᠰᠠᠨᠠᠴᠠ ᠲᠡᠬᠦᠨᠤ ᠨᠠᠳᠠᠳᠤ ᠨᠠᠶ᠋ᠢᠳᠠᠮᠠᠳᠠᠭ᠋ᠠᠢ ᠰᠡᠳᠬᠢᠯᠨᠢ ᠡᠪᠦᠭᠡ ᠠ᠋ᠮᠡᠭᠡᠠᠴᠠᠪᠠᠨ ᠳᠠᠪᠠᠴᠢᠬᠠᠭᠰᠠᠨ ᠪᠠᠶ᠋ᠢᠯᠠ᠃
ᠠᠯᠢ ᠨᠢᠭᠡᠨ ᠠᠩᠭᠢ ᠵᠢᠨ ᠠ᠋ᠷᠬᠢᠯᠡᠭᠴᠢ ᠪᠠᠭᠰᠢᠳᠤ ᠴᠦ᠍ ᠦᠨᠦᠴᠢᠨ ᠦᠷᠦᠭᠡᠰᠦᠨ ᠬᠡᠤᠬᠡᠳ ᠳᠠᠭ᠋ᠠᠷᠠᠯᠳᠤᠬᠤᠨᠢ ᠠ᠋ᠩᠤᠨ ᠶᠠᠪᠤᠳᠠᠯ ᠡ᠃ ᠠ᠋ᠳᠡᠭᠡᠷ ᠬᠡᠤᠬᠡᠳᠲᠤ ᠪᠢᠳᠡ ᠢᠯᠡᠬᠦᠬᠡᠨ ᠬᠠᠶ᠋ᠢᠷᠠ ᠬᠠᠯᠠᠮᠵᠢᠪᠠᠨ ᠬᠦᠷᠳᠡᠭᠡᠵᠦ᠂ ᠵᠦᠪ ᠵᠠᠮ ᠵᠶ᠋ᠠᠷ ᠰᠠᠶ᠋ᠢᠬᠠᠨ ᠬᠦᠳᠦᠯᠬᠦᠳᠤ ᠬᠦᠷᠪᠡᠯ ᠬᠤᠵᠢᠮ ᠢᠷᠡᠭᠡᠳᠦᠢᠳᠤ ᠨᠡᠶ᠋ᠢᠭᠡᠮ ᠨᠡᠶ᠋ᠢᠳᠡᠳᠤᠪᠠᠨ ᠲᠤᠰᠠᠲᠠᠢ ᠬᠦᠮᠦᠨ ᠪᠤᠯᠬᠤᠨᠢ ᠳᠠᠮᠵᠢᠭ ᠦᠭᠡᠢ᠃ ᠠ᠋ᠶ᠋ᠢᠮᠦᠠᠴᠠ ᠪᠢᠳᠡ ᠨᠡᠶ᠋ᠢᠭᠡᠮ ᠨᠡᠶ᠋ᠢᠳᠡ ᠵᠢᠨ ᠠ᠋ᠶᠡ ᠵᠤᠬᠢᠴᠠᠩᠭᠤᠢ ᠬᠦᠭᠵᠢᠯᠤᠨ ᠲᠦᠯᠦᠭᠡ ᠬᠠᠶ᠋ᠢᠷᠠ ᠲᠤᠳᠠᠭᠰᠠᠨ ᠬᠡᠤᠬᠡᠳᠲᠤ ᠶᠡᠬᠡᠬᠡᠨ ᠬᠠᠯᠠᠮᠵᠢᠪᠠᠨ ᠬᠦᠷᠳᠡᠭᠡᠵᠦ ᠪᠠᠶ᠋ᠢᠶᠠ᠃
ᠭᠤᠷᠪᠠ᠂ ᠬᠢᠴᠢᠶᠡᠯ ᠲᠦᠷᠦᠯᠤᠨ ᠪᠠᠭᠰᠢ ᠨᠠᠷᠲᠠᠢ ᠰᠠᠶ᠋ᠢᠳᠤᠷ ᠬᠠᠮᠵᠢᠯᠴᠠᠭ᠍ᠤ ᠬᠡᠷᠡᠭᠳᠡᠢ᠃
ᠠᠩᠭᠢ ᠵᠢᠨ ᠠ᠋ᠷᠬᠢᠯᠡᠭᠴᠢ ᠪᠤᠯᠤᠭᠰᠠᠨ ᠪᠠᠭᠰᠢ ᠦᠪᠡᠷᠤᠨ ᠵᠢᠭ᠋ᠠᠵᠦ ᠪᠠᠶ᠋ᠢᠭᠠ ᠬᠢᠴᠢᠶᠡᠯ ᠲᠦᠷᠦᠯ ᠵᠶ᠋ᠠᠨ ᠰᠠᠶ᠋ᠢᠨ ᠵᠢᠭ᠋ᠠᠭ᠋ᠠᠳ ᠯᠡ ᠪᠤᠯᠬᠤ ᠦᠭᠡᠢ᠂ ᠦᠪᠡᠷᠤᠨ ᠴᠢᠨᠢ ᠠᠩᠭᠢ ᠠ᠋ᠷᠭᠡᠪᠰᠢ ᠡᠯᠡ ᠬᠢᠴᠢᠶᠡᠯ ᠲᠦᠷᠦᠯᠳᠤᠪᠠᠨ ᠪᠦᠷ ᠰᠢᠯᠢᠳᠡᠭ ᠰᠠᠶ᠋ᠢᠨ ᠪᠠᠶ᠋ᠢᠪᠠᠯ ᠵᠤᠬᠢᠨᠠ ᠭᠡᠵᠦ ᠪᠢ ᠪᠤᠳᠤᠳᠠᠭ᠃ ᠠ᠋ᠶ᠋ᠢᠮᠦᠠᠴᠠ ᠰᠢᠯᠢᠳᠡᠭ ᠠᠩᠭᠢ ᠨᠢᠭᠡᠴᠢ ᠵᠢ ᠪᠠᠶ᠋ᠢᠭᠤᠯᠬᠤᠨᠢ ᠠᠩᠭᠢ ᠵᠢᠨ ᠠ᠋ᠷᠬᠢᠯᠡᠭᠴᠢ ᠪᠠᠭᠰᠢ ᠵᠢᠨ ᠭᠠᠭᠴᠠ ᠬᠦᠮᠦᠨᠤ ᠤᠴᠢᠷ ᠪᠢᠰᠢ᠂ ᠠᠩᠭᠢ ᠵᠢᠨ ᠠ᠋ᠷᠬᠢᠯᠡᠭᠴᠢ ᠪᠠᠭᠰᠢ ᠠ᠋ᠷᠬᠡᠪᠰᠢ ᠦᠪᠡᠷᠤᠨ ᠠᠩᠭᠢᠳᠤᠪᠠᠨ ᠬᠢᠴᠢᠶᠡᠯ ᠤᠷᠤᠵᠦ ᠪᠠᠶ᠋ᠢᠭᠠ ᠡᠯᠡ ᠬᠢᠴᠢᠶᠡᠯ ᠲᠦᠷᠦᠯᠤᠨ ᠪᠠᠭᠰᠢ ᠨᠠᠷᠲᠠᠢ ᠰᠠᠶ᠋ᠢᠳᠦᠷ ᠬᠠᠮᠵᠢᠯᠴᠠᠵᠦ᠂ ᠬᠦᠴᠦᠨ ᠵᠶ᠋ᠠᠨ ᠨᠢᠭᠡᠳᠬᠡᠪᠡᠯ ᠠᠩᠭᠢᠪᠠᠨ ᠨᠡᠩ ᠰᠢᠯᠢᠳᠡᠭ ᠪᠤᠯᠭ᠋ᠠᠵᠦ ᠴᠢᠳᠠᠨᠠ᠃ 2014 ᠤᠨᠤ ᠨᠠᠮᠤᠷᠠᠴᠠ ᠪᠢ ᠬᠤᠶᠠᠳᠤᠭ᠋ᠠᠷ ᠠ᠋ᠭᠡᠯᠵᠢ ᠵᠢᠨ ᠠᠩᠭᠢᠪᠠᠨ ᠲᠤᠰᠪᠠ᠃ ᠮᠡᠳᠡᠭᠡᠵᠢᠪᠠᠷ᠂ ᠨᠡᠶ᠋ᠢᠭᠡᠮᠤᠨ ᠬᠡᠯᠡ ᠤᠷᠴᠢᠨᠤ ᠨᠦᠯᠦᠭᠡᠠᠴᠠ ᠪᠤᠯᠵᠦ ᠮᠠᠨᠤ ᠮᠤᠩᠭᠤᠯ ᠰᠤᠷᠭ᠋ᠠᠭᠤᠯᠢᠳᠤ ᠤᠷᠤᠵᠦ ᠢᠷᠡᠭᠰᠡᠨ ᠬᠡᠤᠬᠡᠳᠤᠳᠤᠨ ᠲᠤᠳᠤᠷᠠ ᠮᠤᠩᠭᠤᠯ ᠦᠭᠡᠪᠠᠨ ᠪᠦᠷᠢᠨ ᠪᠦᠳᠦᠨ ᠶᠠᠷᠢᠵᠦ ᠴᠢᠳᠠᠳᠠᠭᠨᠢ ᠳᠡᠮᠡᠢ ᠬᠡᠳᠦ ᠦᠭᠡᠢ ᠪᠠᠶ᠋ᠢᠯᠠ᠃ ᠤᠨᠴᠠᠭ᠋ᠠᠶ᠋ᠢᠯᠠᠨ᠂ ᠮᠠᠨᠤ ᠠ᠋ᠨᠡᠬᠦ ᠠ᠋ᠸᠡᠩᠬᠢ᠂ ᠳᠠᠭᠤᠷ᠂ ᠬᠤᠷᠴᠢᠨ ᠮᠤᠩᠭᠤᠯ᠂ ᠪᠤᠷᠢᠶᠠᠳ ᠮᠤᠩᠭᠤᠯ᠂ ᠦᠭᠡᠯᠡᠳ ᠮᠤᠩᠭᠤᠯ ᠁ ᠵᠡᠷᠭᠡ ᠠᠳᠠᠯᠢ ᠪᠤᠰᠤ ᠦᠨᠳᠦᠰᠦᠲᠡᠨ ᠶᠠᠰᠤᠳᠠᠨ ᠲᠦᠪᠯᠡᠷᠡᠨ ᠰᠠᠭᠤᠭᠰᠠᠨ ᠬᠤᠰᠢᠭᠤᠨᠳᠤ ᠠᠪᠴᠦ ᠬᠡᠯᠡᠪᠡᠯ ᠮᠤᠩᠭᠤᠯ ᠬᠡᠯᠡ ᠪᠢᠴᠢᠭᠤᠨ ᠬᠢᠴᠢᠶᠡᠯᠢ ᠵᠢᠭ᠋ᠠᠨ ᠰᠤᠷᠭ᠋ᠠᠬᠤᠨᠢ ᠮᠠᠰᠢ ᠬᠦᠴᠢᠷᠳᠡᠢ ᠬᠢᠴᠢᠶᠡᠯ ᠲᠦᠷᠦᠯ ᠪᠤᠯᠤᠭ᠋ᠠᠳ ᠪᠠᠶ᠋ᠢᠪᠠ᠃ ᠠ᠋ᠨᠡ ᠪᠠᠶ᠋ᠢᠳᠠᠯᠳᠤ ᠴᠢᠭᠯᠡᠬᠦᠯᠦᠨ ᠪᠢ ᠮᠤᠩᠭᠤᠯ ᠬᠡᠯᠡ ᠪᠢᠴᠢᠭᠤᠨ ᠬᠢᠴᠢᠶᠡᠯ ᠤᠷᠤᠳᠠᠭ ᠪᠠᠭᠰᠢ ᠵᠢ ᠬᠠᠪᠰᠤᠷᠤᠨ ᠳᠡᠮᠵᠢᠵᠦ ᠠ᠋ᠬᠢᠯᠡᠪᠡ᠃
ᠶᠠᠭᠤᠨᠤ ᠲᠦᠷᠦᠬᠦᠨᠳᠤ ᠪᠢ ᠰᠤᠷᠤᠭᠴᠢ ᠬᠤᠭᠤᠷᠤᠨᠳᠦᠪᠠᠨ ᠮᠤᠩᠭᠤᠯ ᠵᠶ᠋ᠠᠷ ᠶᠠᠷᠢᠬᠤ ᠵᠢᠨᠢ ᠴᠢᠨᠭᠭᠠ ᠱᠠᠭ᠋ᠠᠷᠳᠠᠵᠦ᠂ ᠦᠪᠡᠷ ᠵᠶ᠋ᠠᠨ ᠬᠡᠳᠦᠶ᠋ᠢᠪᠡᠷ ᠬᠢᠳᠠᠳ ᠬᠡᠯᠡᠨᠤ ᠪᠠᠭᠰᠢ ᠪᠤᠯᠪᠠᠴᠦ ᠰᠤᠷᠤᠭᠴᠢᠳᠲᠤᠪᠠᠨ ᠳᠠᠭᠤᠷᠢᠶᠠᠯ ᠪᠤᠯᠬᠤ ᠵᠢᠨ ᠲᠦᠯᠦᠭᠡ ᠳᠡᠳᠡᠨᠲᠠᠢ ᠮᠤᠩᠭᠤᠯ ᠵᠶ᠋ᠠᠷ ᠶᠠᠷᠢᠬᠤ ᠵᠢ ᠪᠠᠷᠢᠮᠳᠠᠯᠠᠵᠦ ᠠ᠋ᠬᠢᠯᠡᠪᠡ᠃ ᠠ᠋ᠬᠦᠨᠤ ᠬᠠᠮᠳᠦ ᠦᠷᠯᠦᠭᠡ ᠵᠢᠨ ᠤᠩᠰᠢᠯᠭᠠ ᠪᠦᠷᠢᠳᠤ ᠠ᠋ᠷᠳᠡᠯᠡᠨ ᠢᠷᠡᠵᠦ᠂ ᠰᠢᠨᠡ ᠰᠤᠷᠤᠭᠰᠠᠨ ᠦᠭᠡᠰᠢᠨᠢ ᠰᠤᠨᠤᠰᠴᠦ ᠪᠢᠴᠢᠨ᠂ ᠠᠯᠳᠠᠵᠦ ᠲᠠᠰᠢᠶᠠᠷᠠᠭᠰᠠᠨᠢ ᠳᠠᠷᠤᠢ ᠳᠤᠤᠷᠠᠨᠢ ᠵᠠᠰᠠᠭᠤᠯᠤᠭ᠋ᠠᠳ᠂ ᠮᠤᠩᠭᠤᠯ ᠬᠡᠯᠡ ᠪᠢᠴᠢᠭᠤᠨ ᠤᠩᠰᠢᠯᠭᠠ ᠵᠢᠨᠢ ᠬᠢᠯᠭᠡᠳᠡᠭ᠃ ᠢᠩᠬᠢᠵᠦ ᠪᠠᠷᠢᠮᠳᠠᠯᠠᠭᠰᠠᠨᠤ ᠳ᠋ᠦᠩᠳᠤ ᠮᠠᠨᠤ ᠰᠤᠷᠤᠭᠴᠢᠳ ᠠ᠋ᠳᠦᠷᠤᠨ ᠰᠤᠷᠤᠭᠰᠠᠨ ᠵᠶ᠋ᠠᠨ ᠠ᠋ᠳᠦᠷᠲᠤᠨᠢ ᠪᠠᠳᠤᠳᠬᠠᠨ᠂ ᠳᠠᠷᠠᠭᠠ ᠦᠷᠯᠦᠭᠡᠨᠤ ᠠᠩᠭᠢ ᠵᠢᠨ ᠠ᠋ᠷᠬᠢᠯᠡᠭᠴᠢ ᠪᠠᠭᠰᠢ ᠵᠢᠨ ᠰᠤᠨᠤᠰᠴᠦ ᠪᠢᠴᠢᠬᠦ ᠳᠠᠪᠠᠭᠠ ᠵᠢ ᠰᠢᠯᠤᠭᠤᠬᠠᠨ ᠳᠠᠪᠠᠶᠠ ᠭᠡᠵᠦ ᠴᠢᠷᠮᠠᠶ᠋ᠢᠵᠠᠭ᠋ᠠᠳᠠᠭ ᠪᠤᠯᠤᠭᠰᠠᠨ ᠪᠠᠶ᠋ᠢᠨᠠ᠃ ᠮᠠᠨᠤ ᠠᠩᠭᠢ ᠬᠡᠯᠡ ᠪᠢᠴᠢᠭᠤᠨ ᠬᠢᠴᠢᠶᠡᠯ ᠵᠶ᠋ᠠᠨ ᠰᠠᠶ᠋ᠢᠨ ᠰᠤᠷᠤᠭᠰᠠᠨᠠᠴᠠ ᠲᠤᠭ᠋ᠠᠨᠤ ᠬᠢᠴᠢᠶᠡᠯᠤᠨ ᠤᠩᠰᠢᠨ ᠤᠶ᠋ᠢᠯᠠᠭ᠋ᠠᠬᠤ ᠴᠢᠳᠠᠪᠤᠷᠢᠨᠢ ᠴᠦ᠍ ᠰᠠᠶ᠋ᠢᠨ ᠪᠤᠯᠵᠠᠢ᠃ ᠬᠡᠪᠡᠴᠦ ᠴᠡᠭᠡᠵᠢ ᠪᠤᠳᠤᠯᠭᠠ ᠵᠢᠨ ᠲᠠᠯᠠᠪᠠᠷ ᠬᠠᠶᠠ ᠵᠠᠷᠢᠮ ᠰᠤᠷᠤᠭᠴᠢ ᠮᠦᠨ ᠴᠦ᠍ ᠠᠨᠠᠶ᠋ᠢᠬᠠᠨ ᠲᠤᠯᠠ ᠪᠢ ᠬᠡᠷᠤᠨ ᠠᠬᠠᠮᠠᠳᠲᠠᠢᠪᠠᠨ ᠬᠠᠮᠵᠢᠯᠴᠠᠨ᠂ ᠠ᠋ᠳᠡᠭᠡᠷ ᠰᠤᠷᠤᠭᠴᠢᠳᠲᠤ ᠠ᠋ᠳᠦᠷ ᠪᠤᠯᠭ᠋ᠠᠨ ᠴᠡᠭᠡᠵᠢᠪᠠᠷ ᠪᠤᠳᠤᠬᠤ ᠪᠤᠯᠪᠠᠰᠤᠷᠠᠯ ᠬᠢᠯᠭᠡᠬᠦ ᠵᠢ ᠪᠠᠷᠢᠮᠳᠠᠯᠠᠪᠠ᠃ ᠠ᠋ᠨᠡ ᠮᠡᠳᠦᠴᠢᠯᠡᠨ ᠪᠢ ᠡᠯᠡ ᠲᠦᠷᠦᠯᠤᠨ ᠪᠠᠭᠰᠢᠲᠠᠢ ᠪᠠᠶ᠋ᠢᠩᠭᠤ ᠨᠡᠪᠳᠡᠷᠡᠯᠴᠠᠬᠦᠪᠠᠷ ᠳᠠᠮᠵᠢᠨ ᠰᠤᠷᠤᠭᠴᠢᠳᠤᠨ ᠪᠤᠰᠤᠳ ᠬᠢᠴᠢᠶᠡᠯ ᠳᠡᠭᠡᠷᠡᠬᠢ ᠢᠯᠡᠷᠡᠯᠢᠨᠢ ᠳᠠᠷᠤᠢ ᠳᠤᠤᠷᠠᠨᠢ ᠤᠶ᠋ᠢᠯᠠᠭ᠋ᠠᠵᠦ᠂ ᠬᠦᠯᠢᠴᠡᠩᠭᠦᠢ ᠳᠠᠭ᠋ᠠᠭ᠋ᠠᠮᠠᠭ᠋ᠠᠢ ᠬᠦᠮᠦᠵᠢᠬᠦᠯᠵᠦ ᠤᠷᠤᠯᠳᠤᠭᠰᠠᠨᠠᠴᠠ ᠮᠠᠨᠤ ᠠᠩᠭᠢ ᠬᠤᠭᠤᠴᠠᠭᠠ ᠪᠤᠯᠭ᠋ᠠᠨᠤ ᠬᠤᠭᠤᠴᠠᠭ᠋ᠠᠨ ᠡᠴᠦᠰᠤᠨ ᠪᠠᠶ᠋ᠢᠴᠠᠭ᠋ᠠᠯᠲᠠᠳᠤ ᠡᠯᠡ ᠬᠢᠴᠢᠶᠡᠯ ᠲᠦᠷᠦᠯᠳᠤᠪᠠᠨ ᠴᠦᠮ ᠤᠨ ᠳᠤᠲᠤᠷᠠᠪᠠᠨ ᠤᠷᠤᠶ᠋ᠢᠯᠠᠳᠠᠭ ᠪᠤᠯᠪᠠ᠃ ᠬᠢᠷᠢ ᠲᠡᠩᠴᠡᠯᠲᠡ ᠵᠢᠨ ᠨᠤᠷᠮᠠᠨᠢ ᠴᠦ᠍ ᠪᠤᠰᠤᠳ ᠠᠩᠭᠢᠠᠴᠠ ᠦᠨᠳᠦᠷᠬᠡᠨ ᠪᠠᠶ᠋ᠢᠯᠠ᠃ ᠢᠩᠬᠢᠭᠰᠡᠨᠠᠴᠠ ᠠᠩᠭᠢ ᠵᠢᠨ ᠰᠤᠷᠤᠯᠴᠠᠭ᠍ᠤ ᠠᠭᠤᠷ ᠠᠮᠢᠰᠬᠤᠯ ᠤᠯᠠᠮᠠᠴᠠ ᠰᠠᠶ᠋ᠢᠵᠢᠷᠠᠭᠰᠠᠨ ᠪᠠᠶ᠋ᠢᠨᠠ᠃ 《ᠨᠢᠭᠡ ᠰᠤᠷᠤᠭᠴᠢᠳᠤ ᠠᠪᠴᠦ ᠬᠡᠯᠡᠪᠡᠯ ᠵᠦᠪᠬᠡᠨ ᠰᠠᠶ᠋ᠢᠨ ᠵᠢᠭ᠋ᠠᠳᠠᠭ ᠪᠠᠭᠰᠢ ᠲᠤᠬᠢᠶᠠᠯᠳᠤᠪᠠᠯ ᠠ᠋ᠨᠡ ᠬᠡᠤᠬᠡᠳ ᠰᠠᠶ᠋ᠢᠨ ᠰᠤᠷᠤᠭ᠋ᠠᠳ ᠲᠡᠶ᠋ᠢᠯᠦᠨᠡ ᠭᠡᠵᠦ ᠬᠡᠯᠡᠬᠦ ᠵᠢᠨ ᠠᠷᠭᠠ ᠦᠭᠡᠢ᠂ ᠬᠠᠷᠢᠨ ᠲᠡᠬᠦᠨᠳᠤ ᠨᠢᠭᠡᠨ ᠰᠠᠶ᠋ᠢᠨ ᠬᠠᠮᠳᠤᠯᠢᠭ ᠲᠤᠬᠢᠶᠠᠯᠳᠤᠬᠤᠨᠢ ᠲᠡᠬᠦᠨᠤ ᠦᠰᠦᠨ ᠪᠤᠶ᠋ᠢᠵᠢᠯᠲᠠ ᠬᠢᠭᠡᠳ ᠠᠯᠬᠤᠮ ᠳᠠᠪᠰᠢᠯᠲᠠᠳᠤ ᠠ᠋ᠶᠡᠷᠬᠦ ᠨᠦᠯᠦᠭᠡ ᠪᠤᠯᠵᠦ᠂ ᠰᠠᠶ᠋ᠢᠨ ᠰᠤᠷᠬᠤᠳᠤᠨᠢ ᠠ᠋ᠷᠴᠢ ᠬᠦᠴᠦ ᠦᠭᠳᠡᠭ》 ᠬᠡᠵᠦ ᠨᠢᠭᠡᠨ ᠠ᠋ᠷᠳᠡᠮᠳᠡᠨ ᠶᠠᠷᠢᠵᠦ ᠦᠩᠭᠡᠷᠡᠭᠰᠡᠨ᠃ ᠠ᠋ᠶ᠋ᠢᠮᠦᠠᠴᠠ ᠪᠢ ᠲᠡᠷᠡᠬᠦ ᠦᠭᠡᠳᠡ ᠳᠠᠪᠰᠢᠯᠲᠠᠲᠠᠢ 《ᠬᠠᠮᠳᠤᠯᠢᠭ》ᠢ ᠪᠠᠶ᠋ᠢᠭᠤᠯᠬᠤᠪᠠᠷ ᠨᠡᠩ ᠴᠢᠷᠮᠠᠶ᠋ᠢᠨᠠ᠃
ᠲᠦᠷᠪᠡ᠂ ᠬᠡᠷᠤᠨ ᠠᠬᠠᠮᠠᠳ ᠨᠢᠭᠡᠪᠦᠷᠢ ᠵᠢ ᠬᠦᠨᠳᠦᠳᠬᠡᠨ ᠤᠶ᠋ᠢᠯᠠᠭ᠋ᠠᠬᠤ ᠬᠡᠷᠡᠭᠳᠡᠢ᠃
ᠪᠠᠭᠰᠢ ᠨᠠᠷᠤᠨ ᠶᠠᠷᠢᠶᠠ ᠵᠤᠭᠤᠭᠠᠴᠠ ᠠᠯᠢ ᠨᠢᠭᠡ ᠬᠡᠷᠤᠨ ᠠᠬᠠᠮᠠᠳᠨᠢ ᠬᠡᠤᠬᠡᠳ ᠵᠶ᠋ᠠᠨ ᠬᠠᠮᠢᠶᠠᠷᠬᠤ ᠦᠭᠡᠢ ᠪᠠᠶ᠋ᠢᠨᠠ᠂ ᠠᠯᠢ ᠨᠢᠭᠡ ᠬᠡᠷᠤᠨ ᠠᠬᠠᠮᠠᠳᠨᠢ ᠪᠠᠭᠰᠢᠲᠠᠢ ᠬᠠᠮᠵᠢᠯᠴᠠᠭ᠍ᠤ ᠦᠭᠡᠢ ᠪᠠᠶ᠋ᠢᠨᠠ ᠭᠡᠵᠦ ᠠ᠋ᠯᠳᠡᠪ 《ᠵᠤᠪᠠᠯᠠᠩ》 ᠲᠤᠭ᠋ᠠᠴᠢᠬᠤ ᠵᠢᠨᠢ ᠳᠠᠩᠳᠠ ᠰᠤᠨᠤᠰᠳᠠᠬ᠃ ᠠ᠋ᠨᠡ ᠪᠤᠯ ᠠ᠋ᠩᠤᠨ ᠦᠵᠡᠭᠳᠡᠯ᠂ ᠪᠢ ᠴᠦ᠍ ᠬᠡᠰᠡᠨ ᠰᠠᠶᠢ ᠠ᠋ᠬᠢᠯᠡᠬᠦᠳᠤᠪᠠᠨ ᠢᠩᠬᠢᠵᠦ ᠶᠠᠷᠢᠳᠠᠭ ᠯᠡ ᠪᠠᠶ᠋ᠢᠭᠰᠠᠨ᠂ ᠬᠤᠵᠢᠮᠨᠢ ᠢᠩᠬᠢᠵᠦ ᠶᠠᠷᠢᠬᠤᠨᠢ ᠪᠤᠷᠤᠭᠤ ᠭᠡᠳᠡᠭ ᠵᠶ᠋ᠠᠨ ᠮᠠᠳᠠᠵᠠᠢ᠃ ᠠ᠋ᠨᠡᠨᠢ ᠮᠢᠨᠤ ᠬᠡᠤᠬᠡᠨᠤ ᠰᠤᠷᠭ᠋ᠠᠭᠤᠯᠢᠳᠤ ᠤᠷᠤᠭᠰᠠᠨᠲᠠᠢ ᠬᠤᠯᠪᠤᠭᠠᠲᠠᠢ ᠶᠤᠮ᠃ ᠬᠡᠤᠬᠡᠨ ᠮᠢᠨᠢ ᠰᠤᠷᠭ᠋ᠠᠭᠤᠯᠢᠳᠤ ᠤᠷᠤᠭᠰᠠᠨᠠᠴᠠ ᠬᠤᠶ᠋ᠢᠰᠢ ᠪᠢ ᠴᠦ᠍ ᠬᠡᠰᠡᠨ ᠬᠡᠷᠤᠨ ᠠᠬᠠᠮᠠᠳ ᠪᠤᠯᠪᠠ᠃ ᠦᠪᠡᠷ ᠵᠶ᠋ᠠᠨ ᠬᠡᠷᠤᠨ ᠠᠬᠠᠮᠠᠳ ᠪᠤᠯᠤᠭᠰᠠᠨᠤ ᠳᠠᠷᠠᠭᠠ᠂ ᠬᠡᠷᠤᠨ ᠠᠬᠠᠮᠠᠳ ᠪᠤᠯᠬᠤᠨᠢ ᠲᠡᠶ᠋ᠢᠮᠦ ᠴᠦ᠍ ᠬᠢᠯᠪᠠᠷ ᠪᠢᠰᠢ ᠭᠡᠳᠡᠭᠢ ᠤᠶ᠋ᠢᠯᠠᠭ᠋ᠠᠭᠰᠠᠨᠠᠴᠠ ᠦᠪᠡᠷᠤᠨ ᠠᠩᠭᠢ ᠵᠢᠨ ᠬᠡᠷᠤᠨ ᠠᠬᠠᠮᠠᠳ ᠵᠶ᠋ᠠᠨ ᠨᠡᠩ ᠤᠶ᠋ᠢᠯᠠᠭ᠋ᠠᠵᠦ ᠠ᠋ᠬᠢᠯᠡᠭᠰᠡᠨ ᠪᠢᠯᠡ᠃ ᠨᠢᠭᠡ ᠰᠢᠯᠢᠳᠡᠭ ᠰᠠᠶ᠋ᠢᠨ ᠠᠩᠭᠢ ᠵᠢᠨ ᠠ᠋ᠷᠬᠢᠯᠡᠭᠴᠢ ᠪᠤᠯᠤᠶᠠ ᠭᠡᠪᠡᠯ ᠬᠡᠷᠤᠨ ᠠᠬᠠᠮᠠᠳ ᠨᠢᠭᠡᠪᠦᠷᠢ ᠵᠢ ᠬᠦᠨᠳᠦᠳᠬᠡᠨ ᠤᠶ᠋ᠢᠯᠠᠭ᠋ᠠᠵᠦ ᠰᠤᠷᠬᠤ ᠬᠡᠷᠡᠭᠳᠡᠢ᠃ ᠬᠠᠮᠤᠭ ᠭᠤᠤᠯᠨᠢ ᠬᠡᠷᠤᠨ ᠠᠬᠠᠮᠠᠳᠤᠨ ᠪᠠᠶ᠋ᠢᠷᠢᠨᠳᠤ ᠵᠤᠭᠰᠤᠨ ᠠᠰᠠᠭᠤᠳᠠᠯᠢ ᠪᠤᠳᠤᠯᠬᠢᠯᠠᠵᠦ ᠰᠤᠷᠬᠤ ᠶᠠᠪᠤᠳᠠᠯ ᠪᠤᠯᠤᠨᠠ᠃
1. ᠬᠡᠷᠤᠨ ᠠᠬᠠᠮᠠᠳ ᠪᠠ ᠪᠠᠭᠰᠢ ᠵᠢᠨ ᠬᠠᠷᠢᠴᠠᠭᠠ
ᠠ᠋ᠳᠦᠷ ᠳᠤᠲᠤᠮᠤᠨ ᠠᠮᠢᠳᠤᠷᠠᠯ ᠰᠤᠷᠤᠯᠴᠠᠯᠭᠠ ᠵᠢᠨ ᠳᠤᠮᠳᠠ ᠰᠤᠷᠤᠭᠴᠢ ᠪᠠ ᠰᠤᠷᠤᠭᠴᠢ ᠵᠢᠨ ᠬᠤᠭᠤᠷᠤᠨᠳᠦ᠂ ᠪᠠᠭᠰᠢ ᠪᠠ ᠰᠤᠷᠤᠭᠴᠢ ᠵᠢᠨ ᠬᠤᠭᠤᠷᠤᠨᠳᠦ᠂ ᠬᠡᠷᠤᠨ ᠠᠬᠠᠮᠠᠳ ᠪᠠ ᠪᠠᠭᠰᠢ ᠵᠢᠨ ᠳᠤᠮᠳᠠ᠂ ᠬᠡᠷᠤᠨ ᠠᠬᠠᠮᠠᠳ ᠪᠠ ᠬᠡᠷᠤᠨ ᠠᠬᠠᠮᠠᠳᠤᠨ ᠳᠤᠮᠳᠠ ᠵᠦᠢ᠍ᠯ ᠪᠤᠯᠭ᠋ᠠᠨᠤ ᠵᠦᠷᠢᠴᠡᠯ ᠪᠤᠶᠤ ᠰᠢᠢ᠍ᠳᠪᠤᠷᠢᠯᠡᠬᠦ ᠴᠢᠬᠤᠯᠠᠲᠠᠢ ᠤᠴᠢᠷᠤᠳ ᠠ᠋ᠬᠦᠰᠳᠡᠭ᠃ 《ᠲᠤᠭᠤᠯᠵᠦ ᠭᠠᠷᠬᠤᠠᠴᠠ ᠪᠢᠰᠢ᠂ ᠲᠤᠭᠤᠷᠢᠵᠦ ᠭᠠᠷᠳᠠᠭ ᠦᠭᠡᠢ》 ᠭᠡᠳᠡᠭ ᠵᠶ᠋ᠠᠷ ᠠ᠋ᠳᠡᠭᠡᠷ ᠤᠴᠢᠷᠤᠳᠢ ᠡᠪᠯᠡᠬᠦᠯᠬᠦᠳᠤ ᠪᠢᠳᠡ ᠬᠡᠷᠤᠨ ᠠᠬᠠᠮᠠᠳᠲᠠᠢ ᠯᠡ ᠬᠠᠮᠵᠢᠵᠦ ᠪᠠᠶ᠋ᠢᠭ᠋ᠠᠳ ᠰᠢᠢ᠍ᠳᠪᠤᠷᠢᠯᠡᠳᠡᠭ᠃ ᠠ᠋ᠶ᠋ᠢᠮᠦᠠᠴᠠ ᠭᠡᠷᠤᠨ ᠠᠬᠠᠮᠠᠳ ᠬᠢᠭᠡᠳ ᠠᠩᠭᠢ ᠵᠢᠨ ᠠ᠋ᠷᠬᠢᠯᠡᠭᠴᠢ ᠵᠢᠨ ᠬᠠᠷᠢᠴᠠᠭᠠ ᠵᠢ ᠵᠢᠭ᠋ᠠᠰᠤ ᠤᠰᠤᠨᠤ ᠬᠠᠷᠢᠴᠠᠭᠠ ᠬᠡᠵᠦ ᠬᠡᠯᠡᠵᠦ ᠪᠤᠯᠤᠨᠠ᠃ ᠭᠡᠷᠪᠡ ᠪᠢᠳᠡ ᠤᠷᠤᠨ ᠪᠠᠶ᠋ᠢᠷᠢᠪᠠᠨ ᠰᠤᠯᠢᠵᠦ ᠰᠡᠳᠬᠢᠵᠦ ᠴᠢᠳᠠᠳᠠᠭ ᠯᠡ ᠶᠤᠮ ᠪᠤᠯ ᠬᠡᠷᠤᠨ ᠠᠬᠠᠮᠠᠳᠲᠠᠢ ᠠ᠋ᠶᠡ ᠵᠤᠬᠢᠴᠠᠯᠲᠠᠢ ᠬᠠᠷᠢᠯᠴᠠᠵᠦ ᠲᠡᠶ᠋ᠢᠯᠦᠨᠡ᠃ ᠳᠡᠭᠡᠬᠦᠳᠤ ᠬᠦᠷᠪᠡᠯ ᠬᠦᠴᠢᠷ ᠠᠰᠠᠭᠤᠳᠠᠯᠨᠢ ᠴᠦ᠍ ᠠᠶᠠᠨᠳᠠᠭ᠋ᠠᠨ ᠬᠢᠯᠪᠠᠷᠬᠠᠨ ᠠᠰᠠᠭᠤᠳᠠᠯ ᠪᠤᠯᠴᠢᠬᠠᠨᠠ᠃
2. ᠬᠡᠷᠤᠨ ᠠᠬᠠᠮᠠᠳ ᠵᠶ᠋ᠠᠨ ᠤᠶ᠋ᠢᠯᠠᠭ᠋ᠠᠬᠤ
ᠪᠢᠳᠡ ᠬᠡᠷᠤᠨ ᠠᠬᠠᠮᠠᠳᠲᠠᠢ ᠠᠭᠤᠯᠵᠠᠮᠠᠭᠴᠠ ᠲᠠᠨᠤ ᠬᠡᠤᠬᠡᠳᠤᠨ ᠠ᠋ᠨᠡᠨᠢ ᠪᠤᠯᠬᠤ ᠦᠭᠡᠢ᠂ ᠲᠡᠷᠡᠨᠢ ᠪᠤᠯᠬᠤ ᠦᠭᠡᠢ᠂ ᠬᠡᠤᠬᠡᠳ ᠵᠶ᠋ᠠᠨ ᠶᠠᠭᠤᠨᠳᠤ ᠬᠠᠮᠢᠶᠠᠷᠬᠤ ᠦᠭᠡᠢ ᠪᠠᠶ᠋ᠢᠳᠠᠭ ᠶᠤᠮ ᠬᠡᠵᠦ ᠰᠤᠷᠤᠭᠴᠢᠪᠠᠨ ᠵᠠᠩᠨᠠᠵᠦ ᠪᠠᠶ᠋ᠢᠬᠤ ᠰᠢᠬ ᠦᠴᠦᠬᠡᠨ ᠴᠦ᠍ ᠨᠠᠶ᠋ᠢᠷ ᠢᠯᠳᠠᠷ ᠬᠠᠶᠠᠭ᠍ᠤ ᠦᠭᠡᠢ ᠰᠢᠬᠦᠮᠵᠢᠯᠡᠵᠦ ᠭᠠᠷᠬᠤᠨᠢ ᠢᠯᠡᠬᠦᠦᠳᠤᠪᠠᠨ ᠠ᠋ᠰᠡᠷᠬᠦ ᠦᠢ᠍ᠯᠡᠳᠦᠯ ᠦᠵᠡᠭᠦᠯᠦᠨᠡ᠃ ᠪᠠᠭᠰᠢᠳᠤ ᠰᠢᠬᠦᠮᠵᠢᠯᠡᠭᠳᠡᠭᠰᠡᠨ ᠬᠡᠷᠤᠨ ᠠᠬᠠᠮᠠᠳ ᠯᠠᠪ ᠪᠠᠭᠰᠢᠲᠠᠢ ᠳᠠᠬᠢᠨ ᠠᠭᠤᠯᠵᠠᠭ᠍ᠤ ᠵᠢ ᠬᠦᠰᠡᠬᠦ ᠦᠭᠡᠢ᠃ ᠪᠠᠭᠰᠢᠳᠤ ᠰᠢᠬᠦᠮᠵᠢᠯᠡᠭᠳᠡᠭᠰᠡᠨ ᠭᠡᠷᠤᠨ ᠠᠬᠠᠮᠠᠳ ᠬᠡᠷᠲᠤᠪᠠᠨ ᠤᠴᠢᠭ᠋ᠠᠳ ᠬᠡᠤᠬᠡᠳᠲᠤᠪᠠᠨ ᠠᠭᠤᠷ ᠵᠶ᠋ᠠᠨ ᠭᠠᠷᠭ᠋ᠠᠬᠤᠨᠢ ᠯᠠᠪᠳᠠᠢ！ ᠢᠩᠬᠢᠭᠡᠳ ᠬᠡᠤᠬᠡᠳ ᠬᠢᠭᠡᠳ ᠬᠡᠷᠤᠨ ᠠᠬᠠᠮᠠᠳ ᠬᠠᠮᠳᠦᠳᠤᠪᠠᠨ ᠠᠩᠭᠢ ᠵᠢᠨ ᠠ᠋ᠷᠬᠢᠯᠡᠭᠴᠢᠠᠴᠠ ᠵᠢᠷᠦᠭᠡᠰᠢᠶᠡᠵᠦ ᠠ᠋ᠬᠢᠯᠡᠨᠡ᠂ ᠴᠠᠭ᠋ᠠᠰᠢᠯᠠᠪᠠᠯ ᠳᠤᠷᠠ ᠦᠭᠡᠶ᠋ᠢᠴᠡᠨᠡ᠃ ᠠ᠋ᠶ᠋ᠢᠮᠦᠠᠴᠠ ᠪᠢᠳᠡ ᠶᠠᠭ᠋ᠠᠬᠢᠬᠰᠡᠨ ᠴᠦ᠍ ᠭᠡᠷᠤᠨ ᠠᠬᠠᠮᠠᠳᠤᠨ ᠪᠡᠶᠡᠪᠠᠨ ᠬᠦᠨᠳᠦᠳᠬᠡᠬᠦ ᠰᠡᠳᠬᠢᠯᠭᠡ ᠵᠢ ᠪᠠᠯᠠᠯᠵᠦ ᠪᠤᠯᠬᠤ ᠦᠭᠡᠢ᠂ ᠨᠢᠭᠤᠷ ᠨᠢᠳᠦ ᠦᠭᠡᠢ ᠰᠢᠬᠦᠮᠵᠢ ᠲᠠᠯᠪᠢᠵᠦ ᠶᠠᠭ᠋ᠠᠬᠢᠭᠰᠠᠨ ᠴᠦ᠍ ᠪᠤᠯᠳᠠᠭ ᠦᠭᠡᠢ ᠶᠤᠮ᠃ ᠬᠡᠷᠪᠡ ᠢᠩᠬᠢᠬᠦᠳᠤ ᠬᠦᠷᠪᠡᠯ ᠪᠢᠳᠡ ᠬᠡᠷᠤᠨ ᠠᠬᠠᠮᠠᠳᠤᠨ ᠵᠶ᠋ᠠᠨ ᠢᠳᠡᠭᠡᠯ ᠳᠡᠮᠵᠢᠯᠭᠡ ᠵᠢ ᠪᠦᠷᠢᠮᠦᠰᠦᠨ ᠠᠯᠳᠠᠵᠦ᠂ ᠪᠠᠭᠰᠢ ᠬᠢᠭᠡᠳ ᠭᠡᠷᠤᠨ ᠠᠬᠠᠮᠠᠳᠤᠨ ᠬᠤᠭᠤᠷᠤᠨᠳᠤᠬᠢ ᠬᠠᠷᠢᠯᠴᠠᠭ᠋ᠠᠨᠤ ᠬᠠᠭ᠋ᠠᠯᠭᠠ ᠮᠠᠨᠢ ᠠᠶᠠᠨᠳᠠᠭ᠋ᠠᠨ ᠪᠢᠳᠡᠬᠦᠮᠵᠢᠯᠡᠭᠳᠡᠵᠦ᠂ ᠬᠡᠤᠬᠡᠳᠢ ᠰᠤᠷᠭ᠋ᠠᠵᠦ ᠬᠦᠮᠦᠵᠢᠬᠦᠯᠬᠦᠳᠤ ᠨᠡᠩ ᠴᠦ᠍ ᠶᠡᠭᠡ ᠬᠦᠴᠢᠷᠳᠡᠯᠭᠡ ᠲᠤᠯᠭ᠋ᠠᠷᠠᠭ᠍ᠤ ᠪᠤᠯᠤᠨᠠ᠃ ᠬᠡᠷᠤᠨ ᠠᠬᠠᠮᠠᠳ ᠠᠩᠭᠢ ᠵᠢᠨ ᠠ᠋ᠷᠬᠢᠯᠡᠭᠴᠢ ᠪᠠᠭᠰᠢᠲᠠᠢ ᠠᠭᠤᠯᠵᠠᠭ᠍ᠤ ᠪᠤᠯᠭ᠋ᠠᠨᠳᠤ ᠬᠡᠤᠬᠡᠳᠤᠨ ᠵᠶ᠋ᠠᠨ ᠰᠠᠶ᠋ᠢᠨ ᠴᠢᠮᠡᠭᠡ ᠵᠢ ᠤᠯᠵᠦ ᠰᠤᠨᠤᠰᠤᠶᠠ ᠭᠡᠵᠦ ᠭᠤᠷᠢᠯᠠᠭ᠍ᠤᠨᠢ ᠯᠠᠪᠳᠠᠢ᠃ ᠭᠡᠳᠡᠯᠡ ᠪᠢᠳᠡ ᠠᠭᠤᠯᠵᠠᠮᠠᠭᠴᠠ ᠬᠡᠤᠬᠡᠳᠤᠨ ᠬᠢᠨᠢ ᠬᠦᠷᠦᠯᠴᠡᠬᠦ ᠦᠭᠡᠢ ᠵᠦᠢ᠍ᠯᠢ ᠶᠠᠷᠢᠵᠦ ᠯᠡ ᠪᠠᠶ᠋ᠢᠪᠠᠯ ᠬᠡᠷᠤᠨ ᠠᠬᠠᠮᠠᠳᠤᠨ ᠰᠡᠳᠬᠢᠯᠭᠡ ᠶᠡᠭᠡ ᠬᠦᠨᠳᠦ ᠪᠠᠶ᠋ᠢᠳᠠᠯᠳᠤ ᠤᠷᠤᠴᠢᠬᠠᠨᠠ᠃ ᠬᠡᠷᠪᠡ ᠪᠢᠳᠡ ᠦᠪᠡᠷᠢᠪᠠᠨ ᠬᠡᠷᠤᠨ ᠠᠬᠠᠮᠠᠳᠤᠨ ᠪᠠᠶ᠋ᠢᠷᠢᠨᠳᠤ ᠲᠠᠯᠪᠢᠭ᠋ᠠᠳ᠂ ᠤᠷᠮᠠ ᠰᠡᠳᠬᠢᠯᠭᠡ ᠮᠠᠨᠢ ᠶᠠᠮᠠᠷᠬᠠᠨ ᠪᠤᠯᠬᠤ ᠲᠤᠬᠠᠢ ᠪᠠᠶ᠋ᠢᠷᠢᠪᠠᠨ ᠰᠤᠯᠢᠨ ᠪᠤᠳᠤᠯᠬᠢᠯᠠᠵᠦ ᠦᠵᠡᠪᠡᠯ᠂ ᠦᠨᠡᠨ ᠬᠦ᠌ ᠬᠡᠷᠤᠨ ᠠᠬᠠᠮᠠᠳᠢᠪᠠᠨ ᠤᠶ᠋ᠢᠯᠠᠭ᠋ᠠᠵᠦ ᠲᠡᠶ᠋ᠢᠯᠬᠦ ᠪᠤᠯᠤᠨᠠ᠃
ᠲᠡᠶ᠋ᠢᠮᠦᠠᠴᠠ ᠪᠢ ᠬᠡᠷᠤᠨ ᠠᠬᠠᠮᠠᠳᠲᠠᠢ ᠬᠠᠷᠢᠯᠴᠠᠭ᠍ᠤᠳᠤᠪᠠᠨ ᠳᠡᠳᠡᠨᠤ ᠨᠡᠷᠡ ᠬᠦᠨᠳᠦ ᠵᠢ ᠬᠦᠨᠳᠦᠳᠬᠡᠬᠦ ᠵᠢ ᠠᠩᠬᠠᠷᠳᠠᠭᠠᠴᠠ ᠭᠠᠳᠠᠨᠠ᠂ ᠳᠡᠳᠡᠨᠲᠠᠢ ᠶᠠᠷᠢᠯᠴᠠᠭ᠍ᠤ ᠠᠷᠭᠠ ᠬᠡᠯᠪᠡᠷᠢᠪᠠᠨ ᠴᠦ᠍ ᠮᠠᠰᠢ ᠠᠩᠬᠠᠷᠳᠠᠭ ᠶᠤᠮ᠃
3. ᠬᠡᠷᠤᠨ ᠠᠬᠠᠮᠠᠳᠲᠠᠢ ᠬᠠᠷᠢᠯᠴᠠᠭ᠍ᠤ ᠠᠷᠭᠠ
ᠬᠡᠷᠤᠨ ᠠᠬᠠᠮᠠᠳᠲᠠᠢ ᠶᠠᠷᠢᠯᠴᠠᠭ᠍ᠤ ᠪᠤᠯᠭ᠋ᠠᠨᠳᠤᠪᠠᠨ ᠬᠡᠤᠬᠡᠳᠤᠨ ᠬᠢᠨᠢ ᠳᠠᠪᠰᠢᠯᠲᠠᠲᠠᠢ ᠲᠠᠯᠠ ᠵᠢ ᠨᠤᠳᠠᠯᠠᠭᠰᠠᠨ ᠰᠠᠭᠤᠷᠢᠨ ᠳᠡᠭᠡᠷᠡ ᠭᠡᠷᠤᠨ ᠠᠬᠠᠮᠠᠳᠤᠨ ᠠᠵᠢᠯ ᠠᠮᠢᠳᠤᠷᠠᠯᠢᠨᠢ ᠬᠠᠯᠠᠮᠵᠢᠯᠠᠨ ᠠᠰᠠᠭᠤᠵᠦ᠂ ᠳᠡᠳᠡᠨᠢ ᠶᠡᠬᠡᠬᠡᠨ ᠤᠶ᠋ᠢᠯᠠᠭ᠋ᠠᠵᠦ ᠪᠠᠶ᠋ᠢᠭᠠ ᠠ᠋ᠬᠦᠳᠡᠨᠠᠴᠠ ᠬᠠᠷᠢᠯᠴᠠᠪᠠᠯ᠂ ᠳᠡᠳᠡᠨᠤ ᠰᠡᠳᠬᠢᠯᠳᠤ ᠯᠠᠪ ᠳᠤᠯᠠᠭ᠋ᠠᠬᠠᠨ ᠰᠠᠨᠠᠭᠳᠠᠨᠠ᠃ ᠠ᠋ᠨᠡ ᠰᠠᠭᠤᠷᠢᠨᠳᠤ ᠪᠠᠭᠰᠢ ᠨᠠᠷᠲᠤ ᠳᠡᠮᠵᠢᠯᠭᠡ ᠦᠭᠬᠦ ᠪᠤᠶᠤ ᠬᠠᠮᠵᠢᠯᠴᠠᠭᠠ ᠦᠵᠡᠬᠦᠯᠬᠦ ᠵᠢ ᠭᠡᠷᠤᠨ ᠠᠬᠠᠮᠠᠳᠲᠤᠪᠠᠨ ᠨᠠᠶ᠋ᠢᠳᠠᠨᠠ᠃ ᠳᠡᠭᠡᠬᠦᠳᠤ ᠬᠡᠷᠤᠨ ᠠᠬᠠᠮᠠᠳ ᠨᠠᠷ ᠴᠦ᠍ ᠠᠮᠠᠷᠬᠠᠨ ᠨᠠᠶ᠋ᠢᠳᠠᠯᠭᠠ ᠵᠢ ᠬᠦᠯᠢᠶᠡᠨ ᠠᠪᠬᠤ ᠮᠦᠷᠳᠡᠭᠡᠨ ᠳᠤᠷᠠᠲᠠᠢ᠍ᠢ᠍ᠶᠠ ᠠᠩᠭᠢ ᠵᠢᠨ ᠠᠵᠢᠯᠤᠨ ᠲᠦᠯᠦᠭᠡ ᠦᠢ᠍ᠯᠡᠴᠢᠯᠡᠬᠦ ᠪᠤᠯᠤᠨᠠ᠃
ᠪᠢ ᠶᠡᠷᠦᠳᠤᠪᠠᠨ ᠲᠤᠭᠳᠠᠭᠰᠠᠨ ᠬᠤᠭᠤᠴᠠᠭᠠᠲᠠᠢᠪᠠᠷ ᠬᠡᠷᠤᠨ ᠠᠬᠠᠮᠠᠳᠤᠨ ᠬᠤᠷᠠᠯ ᠬᠢᠵᠦ᠂ ᠬᠡᠷᠤᠨ ᠠᠬᠠᠮᠠᠳᠲᠤᠪᠠᠨ ᠬᠡᠤᠬᠡᠳᠤᠨ ᠬᠢᠨᠢ ᠪᠠᠶ᠋ᠢᠳᠠᠯᠢ ᠬᠠᠷᠢᠭᠤ ᠲᠤᠰᠬᠠᠳᠠᠭ᠂ ᠨᠡᠩ ᠴᠢᠬᠤᠯᠠᠨᠢ ᠬᠡᠷᠤᠨ ᠠᠬᠠᠮᠠᠳᠲᠠᠢᠪᠠᠨ ᠬᠠᠮᠳᠦ ᠠᠩᠭᠢ ᠵᠢᠨ ᠵᠶ᠋ᠠᠨ ᠶᠡᠭᠡ ᠪᠠᠭᠠ ᠶᠠᠪᠤᠳᠠᠯᠤᠳ ᠵᠶ᠋ᠠᠨ ᠶᠠᠷᠢᠯᠴᠠᠨ ᠵᠦᠪᠯᠡᠳᠡᠭ᠃ ᠬᠡᠷᠤᠨ ᠠᠬᠠᠮᠠᠳ ᠳᠤᠷᠠᠳᠠᠢ ᠯᠡ ᠶᠤᠮ ᠪᠤᠯ ᠪᠢ ᠴᠢᠳᠠᠭ᠍ᠤ ᠵᠢᠨ ᠬᠢᠷᠢᠪᠠᠷ ᠳᠡᠳᠡᠨᠢ ᠠᠩᠭᠢ ᠵᠢᠨ ᠵᠶ᠋ᠠᠨ ᠡᠯᠡ ᠵᠦᠢ᠍ᠯᠤᠨ ᠬᠦᠳᠡᠯᠭᠡᠭᠡᠨᠳᠤᠪᠠᠨ ᠤᠷᠢᠳᠠᠭ ᠶᠤᠮ᠃ ᠬᠦᠳᠡᠯᠭᠡᠭᠡᠨ ᠵᠶ᠋ᠠᠨ ᠲᠦᠰᠦᠪᠯᠡᠬᠦᠳᠤᠪᠠᠨ ᠳᠡᠳᠡᠨ ᠵᠶ᠋ᠠᠷ ᠬᠦᠳᠡᠯᠭᠡᠭᠡᠨᠢ ᠦᠷᠡ ᠪᠦᠳᠦᠮᠵᠢᠲᠡᠢ ᠶᠠᠪᠤᠭᠳᠠᠭᠤᠯᠬᠤ ᠠᠷᠭᠠ ᠤᠬᠠᠭ᠋ᠠᠨ ᠳᠤᠷᠠᠳᠤᠭᠤᠯᠵᠦ᠂ ᠢᠳᠡᠪᠬᠢᠵᠢᠯᠢᠨᠢ ᠳᠠᠶ᠋ᠢᠴᠢᠯᠠᠳᠠᠭ᠃ ᠢᠩᠬᠢᠵᠦ ᠳᠠᠰᠬᠠᠭᠰᠠᠨᠠᠴᠠ ᠪᠤᠯᠵᠦ ᠬᠡᠷᠤᠨ ᠠᠬᠠᠮᠠᠳᠤᠳ ᠮᠠᠨᠢ ᠠᠩᠭᠢ ᠵᠢᠨ ᠬᠦᠳᠡᠯᠭᠡᠭᠡᠨ ᠶᠠᠪᠤᠭᠳᠠᠭ᠍ᠤ ᠪᠦᠷᠢ ᠰᠠᠨᠠᠭ᠋ᠠᠴᠢᠯᠠᠭᠠᠠᠴᠠᠪᠠᠨ ᠰᠤᠷᠭ᠋ᠠᠭᠤᠯᠢᠳᠤ ᠬᠦᠷᠦᠯᠴᠡᠨ ᠢᠷᠡᠭᠡᠳ᠂ ᠠᠩᠭᠢ ᠵᠢᠨ ᠬᠡᠷᠢ ᠴᠢᠮᠡᠭᠯᠡᠵᠦ ᠦᠭᠬᠦ᠂ ᠬᠡᠤᠬᠡᠳᠤᠳᠢ ᠬᠠᠮᠢᠶᠠᠷᠴᠦ ᠦᠭᠬᠦ᠂ ᠬᠤᠪᠴᠠᠰᠦ ᠵᠠᠰᠠᠯᠢᠨᠢ ᠴᠢᠮᠡᠵᠦ ᠦᠭᠬᠦ ᠁ ᠮᠡᠳᠦᠪᠠᠷ ᠬᠠᠪᠰᠤᠷᠤᠯᠭᠠ ᠦᠵᠡᠬᠦᠯᠳᠡᠭ ᠪᠤᠯᠪᠠ᠃ ᠪᠢ ᠴᠦ᠍ ᠬᠡᠰᠡᠨ ᠬᠡᠷᠤᠨ ᠠᠬᠠᠮᠠᠳᠲᠤᠪᠠᠨ ᠤᠷᠮᠠ ᠬᠠᠶ᠋ᠢᠷᠠᠯᠠᠭ᠍ᠤ ᠵᠤᠷᠢᠯᠲᠠᠠᠴᠠ ᠬᠦᠳᠡᠯᠭᠡᠭᠡᠨ ᠵᠶ᠋ᠠᠨ ᠳ᠋ᠦᠩᠨᠡᠬᠦᠳᠤᠪᠠᠨ ᠰᠤᠷᠤᠭᠴᠢᠳ ᠵᠶ᠋ᠠᠨ ᠱᠠᠩᠨᠠᠨ ᠵᠤᠷᠢᠬ᠍ᠵᠢᠭᠤᠯᠬᠤ ᠵᠢᠨ ᠬᠠᠮᠳᠦ ᠬᠡᠷᠤᠨ ᠠᠬᠠᠮᠠᠳ ᠵᠶ᠋ᠠᠨ ᠴᠦ᠍ ᠱᠠᠩᠨᠠᠳᠠᠭ ᠪᠠᠶ᠋ᠢᠪᠠ᠃ ᠠ᠋ᠨᠡ ᠮᠡᠳᠦᠪᠠᠷ ᠬᠡᠷᠤᠨ ᠠᠬᠠᠮᠠᠳ ᠨᠠᠷᠲᠠᠢ ᠬᠠᠮᠳᠦᠳᠤᠪᠠᠨ ᠪᠠᠶᠠᠷ ᠪᠠᠭ᠍ᠠᠳᠤᠯ ᠬᠢᠭᠡᠳ ᠠᠮᠵᠢᠯᠲᠠ ᠤᠯᠤᠯᠲᠠᠪᠠᠨ ᠬᠤᠪᠢᠶᠠᠯᠴᠠᠭ᠍ᠤᠨᠢ ᠬᠡᠤᠬᠡᠳᠤᠨ ᠦᠰᠦᠨ ᠪᠤᠶ᠋ᠢᠵᠢᠯᠲᠠᠳᠤ 《ᠪᠤᠰᠤᠳᠢ ᠬᠦᠨᠳᠦᠳᠬᠡᠵᠦ ᠪᠠᠶ᠋ᠢᠭᠠᠨᠢ ᠦᠪᠡᠷᠢᠪᠠᠨ ᠬᠦᠨᠳᠦᠳᠭᠡᠵᠦ ᠪᠠᠶ᠋ᠢᠭᠠ ᠤᠴᠢᠷ》 ᠭᠡᠳᠡᠭ ᠶᠤᠰᠤᠨᠢ ᠳᠠᠮ ᠵᠶ᠋ᠠᠷ ᠤᠯᠠᠮᠵᠢᠯᠠᠭᠰᠠᠨ ᠪᠢᠯᠡ᠃
ᠠ᠋ᠳᠡᠭᠡᠷ ᠵᠢᠯᠤᠳᠲᠤ ᠪᠢ ᠬᠡᠷᠤᠨ ᠠᠬᠠᠮᠠᠳ ᠵᠶ᠋ᠠᠨ ᠤᠶ᠋ᠢᠯᠠᠭ᠋ᠠᠨ ᠬᠦᠨᠳᠦᠳᠬᠡᠵᠦ᠂ ᠳᠡᠳᠡᠨᠲᠠᠢ ᠲᠤᠳᠤᠨᠤ ᠨᠠᠶ᠋ᠢᠵᠠ ᠮᠡᠳᠦ ᠨᠦᠬᠦᠷᠰᠡᠭ ᠬᠠᠷᠢᠴᠠᠭᠠ ᠪᠠᠶ᠋ᠢᠭᠤᠯᠤᠭᠰᠠᠨᠠᠴᠠ ᠳᠡᠳᠡ ᠮᠢᠨᠤ ᠠᠵᠢᠯᠢ ᠨᠡᠩ ᠳᠡᠮᠵᠢᠳᠡᠭ ᠪᠤᠯᠤᠭᠰᠠᠨ ᠪᠦᠭᠡᠳ ᠬᠡᠷ ᠪᠦᠯᠢ ᠵᠢᠨ ᠤᠴᠢᠷ ᠵᠶ᠋ᠠᠨ ᠴᠦ᠍ ᠵᠠᠷᠢᠮᠳᠤᠪᠠᠨ ᠨᠠᠳᠠᠲᠠᠢ ᠵᠦᠪᠳᠡᠯᠴᠡᠳᠡᠭ ᠪᠤᠯᠤᠭᠰᠠᠨ ᠪᠠᠶ᠋ᠢᠨᠠ᠃
ᠲᠠᠪᠤ᠂ ᠰᠤᠷᠭ᠋ᠠᠭᠤᠯᠢ ᠵᠢᠨ ᠠᠵᠢᠯ ᠨᠢᠭᠡᠪᠦᠷᠢ ᠵᠢ ᠰᠡᠳᠬᠢᠯ ᠲᠠᠯᠪᠢᠨ ᠰᠠᠶ᠋ᠢᠳᠤᠷ ᠬᠦᠢ᠍ᠴᠡᠳᠬᠡᠬᠦ ᠬᠡᠷᠡᠭᠳᠡᠢ᠃
ᠪᠢ ᠪᠤᠯ ᠨᠢᠭᠡᠨ ᠠ᠋ᠭᠡᠯ ᠶᠡᠷᠦᠮᠳᠡᠭ᠂ ᠴᠢᠳᠠᠪᠤᠷᠢ ᠮᠡᠬᠦᠰᠬᠡᠨ ᠪᠠᠭᠰᠢ ᠶᠤᠮ ᠡ᠃ ᠲᠤᠬᠠᠶ᠋ᠢᠯᠠᠪᠠᠯ ᠪᠢ ᠳᠠᠭᠤᠯᠠᠵᠦ ᠪᠦᠵᠢᠭᠯᠡᠬᠦ᠂ ᠵᠢᠷᠤᠵᠦ ᠴᠢᠮᠡᠭᠯᠡᠬᠦ ᠵᠡᠷᠭᠡ ᠴᠢᠳᠠᠪᠤᠷᠢᠪᠠᠷ ᠪᠦᠷ ᠠᠨᠠᠶ᠋ᠢᠬᠠᠨ᠃ ᠲᠡᠶ᠋ᠢᠮᠦᠠᠴᠠ ᠪᠢ ᠰᠤᠷᠭ᠋ᠠᠭᠤᠯᠢ ᠵᠢᠨ ᠵᠶ᠋ᠠᠨ ᠲᠤᠬᠢᠷᠠᠭᠤᠯᠤᠭᠰᠠᠨ ᠶᠠᠮᠠᠷ ᠨᠢᠭᠡᠨ ᠠᠵᠢᠯᠢ ᠴᠦ᠍ ᠬᠡᠰᠡᠨ ᠤᠰᠤᠯᠳᠤᠬᠤᠠᠴᠠ ᠬᠢᠴᠢᠶᠡᠨ᠂ ᠪᠤᠰᠤᠳᠠᠴᠠ ᠤᠷᠢᠳᠴᠢᠯᠠᠨ ᠪᠡᠯᠡᠳᠬᠡᠯ ᠬᠢᠵᠦ ᠪᠦᠳᠦᠮᠵᠢᠲᠡᠢ ᠬᠢᠶᠡ ᠬᠡᠵᠦ ᠠᠷᠭᠠ ᠪᠦᠬᠦᠨᠢ ᠰᠦᠪᠡᠭᠴᠢᠯᠡᠳᠡᠭ ᠶᠤᠮ᠃ ᠮᠡᠳᠡᠭᠡᠵᠢᠪᠠᠷ᠂ ᠮᠠᠨᠤ ᠰᠤᠷᠭ᠋ᠠᠭᠤᠯᠢ ᠪᠤᠯ ᠬᠤᠰᠢᠭᠤᠨ ᠲᠦᠪᠲᠤᠪᠠᠨ ᠪᠠᠶ᠋ᠢᠭᠠ ᠴᠤᠷᠢ ᠵᠢᠨ ᠭᠠᠭᠴᠠ ᠮᠤᠩᠭᠤᠯ ᠵᠶ᠋ᠠᠷ ᠬᠢᠴᠢᠶᠡᠯᠯᠡᠳᠡᠭ ᠰᠤᠷᠭ᠋ᠠᠭᠤᠯᠢ ᠪᠤᠯᠬᠤᠷ ᠤᠷᠠᠯᠢᠭᠤᠨ ᠲᠠᠯᠠᠪᠠᠷ ᠤᠨᠴᠠᠯᠢᠬᠲᠦ ᠰᠤᠷᠭ᠋ᠠᠭᠤᠯᠢ ᠪᠤᠯᠵᠠᠢ᠃ ᠲᠡᠶ᠋ᠢᠮᠦᠠᠴᠠ ᠮᠠᠨᠤ ᠰᠤᠷᠭ᠋ᠠᠭᠤᠯᠢ ᠬᠤᠭᠤᠴᠠᠭᠠ ᠪᠦᠷᠢ ᠤᠷᠠᠯᠢᠭ ᠰᠤᠶᠤᠯᠤᠨ ᠬᠦᠳᠡᠯᠭᠡᠭᠡᠨᠢ ᠤᠯᠠᠨᠳᠠ ᠦᠷᠨᠢᠬᠦᠯᠳᠡᠭ᠃ ᠲᠤᠬᠠᠶ᠋ᠢᠯᠠᠪᠠᠯ᠂ ᠳᠤᠮᠳᠠ ᠠᠩᠭᠢ ᠵᠢᠨ ᠬᠦᠳᠡᠯᠭᠡᠭᠡᠨ᠂ ᠭᠤᠤᠯ ᠰᠡᠳᠦᠪᠲᠦ ᠠᠩᠭᠢ ᠵᠢᠨ ᠬᠤᠷᠠᠯ᠂ ᠰᠢᠯᠦᠭᠤᠨ ᠤᠷᠤᠯᠳᠤᠭ᠋ᠠᠨ᠂ ᠨᠠᠶ᠋ᠢᠷᠠᠯ ᠳᠠᠭᠤᠨᠤ ᠮᠦᠷᠦᠶ᠋ᠢᠴᠡᠭᠡᠨ᠂ ᠤᠷᠠᠯᠢᠭᠤᠨ ᠨᠠᠶ᠋ᠢᠷ ᠁ ᠵᠡᠷᠭᠡ ᠬᠦᠳᠡᠯᠭᠡᠭᠡᠨᠨᠦᠭᠦᠳ ᠴᠠᠰᠤᠨ ᠯᠠᠪᠰᠠ ᠮᠡᠳᠦ ᠳᠠᠷᠠᠭᠠ ᠳᠠᠷᠠᠭ᠋ᠠᠯᠠᠨ ᠴᠦᠷᠬᠦᠯᠡᠳᠡᠭ᠃ ᠪᠢ ᠠᠯᠢ ᠴᠦ᠍ ᠤᠷᠤᠯᠳᠤᠭ᠋ᠠᠨ ᠮᠦᠷᠦᠶ᠋ᠢᠴᠡᠭᠡᠨᠳᠤᠨᠢ ᠠᠩᠭᠢ ᠵᠢᠨ ᠬᠡᠤᠬᠡᠳ ᠵᠶ᠋ᠠᠨ ᠢᠳᠡᠭᠡᠯ ᠲᠡᠬᠦᠯᠳᠡᠷ ᠤᠷᠤᠯᠴᠠᠭᠤᠯᠬᠤᠪᠠᠷ ᠨᠠᠷᠢᠨ ᠬᠢᠨᠠᠮᠠᠭ᠋ᠠᠢ ᠰᠡᠳᠬᠢᠯ ᠲᠠᠯᠪᠢᠨ ᠪᠡᠯᠡᠳᠬᠡᠳᠡᠭ᠃
ᠬᠡᠳᠦᠶ᠋ᠢᠪᠡᠷ ᠪᠢ ᠲᠤᠪᠤᠶ᠋ᠢᠮᠠ ᠴᠢᠳᠠᠪᠤᠷᠢ ᠦᠭᠡᠢ ᠭᠡᠳᠡᠭ ᠪᠤᠯᠪᠠᠴᠦ ᠠᠪᠢᠶᠠᠰᠯᠢᠭ ᠪᠠᠭᠰᠢ ᠮᠠᠨᠤ ᠰᠤᠷᠭ᠋ᠠᠭᠤᠯᠢᠳᠤ ᠮᠤᠩ ᠦᠭᠡᠢ ᠤᠯᠠᠨ ᠪᠤᠯᠬᠤᠷ ᠳᠡᠳᠡᠨᠤ ᠠᠪᠢᠶᠠᠰᠲᠤ ᠲᠦᠰᠢᠨ᠂ ᠳᠡᠳᠡᠨ ᠵᠶ᠋ᠠᠷ ᠵᠢᠯᠤᠭᠤᠳᠤᠭᠤᠯᠤᠨ ᠰᠤᠷᠤᠭᠴᠢᠳᠲᠤᠪᠠᠨ ᠳᠠᠭᠤᠤ ᠪᠦᠵᠢᠭᠢᠨᠢ ᠡᠵᠡᠮᠰᠢᠬᠦᠯᠳᠡᠭ᠃ ᠠ᠋ᠨᠡ ᠰᠠᠭᠤᠷᠢᠨ ᠳᠡᠭᠡᠷᠡ ᠪᠢ ᠦᠪᠡᠷ ᠵᠶ᠋ᠠᠨ ᠢᠯᠡᠬᠦᠬᠡᠨ ᠬᠦᠴᠦ ᠭᠠᠷᠭ᠋ᠠᠨ ᠰᠤᠷᠤᠭᠴᠢᠪᠠᠨ ᠪᠤᠯᠪᠠᠰᠤᠷᠠᠩᠭᠤᠢ ᠪᠤᠯᠳᠠᠯᠡᠨᠢ ᠪᠤᠯᠪᠠᠰᠤᠷᠠᠭᠤᠯᠳᠠᠭ᠃ ᠠᠮᠠᠷᠠᠭ᠍ᠤ ᠴᠠᠭ ᠵᠶ᠋ᠠᠨ ᠴᠦ᠍ ᠦᠷᠡᠭᠳᠡᠬᠦᠯᠵᠦ ᠪᠠᠶ᠋ᠢᠭ᠋ᠠᠳ᠂ ᠬᠦᠳᠡᠯᠭᠡᠭᠡᠨᠤᠪᠠᠨ ᠴᠢᠨᠠᠷ ᠴᠢᠨᠰᠠᠭᠠᠪᠠᠨ ᠪᠠᠳᠤᠯᠠᠭ᠍ᠤ ᠵᠢ ᠯᠡ ᠪᠤᠳᠤᠳᠠᠭ᠃ ᠠ᠋ᠬᠦᠨᠤ ᠵᠡᠷᠭᠡᠪᠠᠷ ᠪᠤᠰᠤᠳᠠᠴᠠ ᠤᠨᠴᠠᠯᠢᠭᠳᠠᠭ᠍ᠤ ᠵᠦᠢ᠍ᠯᠲᠠᠢ ᠪᠤᠯᠭ᠋ᠠᠬᠤᠪᠠᠷ ᠰᠢᠨᠡ ᠠ᠋ᠬᠦᠳᠦᠯᠲᠡᠲᠠᠢ ᠵᠦᠢ᠍ᠯᠢ ᠬᠦᠳᠡᠯᠭᠡᠭᠡᠨᠳᠤᠪᠠᠨ ᠤᠷᠤᠭᠤᠯᠬᠤ ᠵᠢ ᠠᠩᠬᠠᠷᠳᠠᠭ᠃ ᠶᠠᠭ ᠢᠩᠬᠢᠵᠦ ᠮᠠᠨᠤ ᠠᠩᠭᠢᠨᠢ ᠪᠤᠰᠤᠳᠠᠴᠠ ᠤᠷᠢᠳᠴᠢᠯᠠᠵᠦ ᠪᠡᠯᠡᠳᠬᠡᠳᠡᠭ ᠪᠦᠭᠡᠳ ᠪᠤᠰᠤᠳᠠᠴᠠ ᠢᠯᠡᠬᠦᠦ ᠴᠠᠭ ᠵᠠᠷᠤᠴᠠᠭᠤᠯᠤᠨ ᠪᠤᠯᠪᠠᠰᠤᠷᠠᠳᠠᠭᠠᠴᠠ ᠡᠯᠡ ᠵᠦᠢ᠍ᠯᠤᠨ ᠤᠷᠤᠯᠳᠤᠭ᠋ᠠᠨ ᠬᠦᠳᠡᠯᠭᠡᠭᠡᠨᠳᠤ ᠶᠡᠷᠦᠠᠴᠠ ᠬᠠᠨᠤᠮᠵᠢᠲᠠᠢ ᠰᠠᠶ᠋ᠢᠨ ᠦᠷᠡ ᠳ᠋ᠦᠩᠢ ᠬᠦᠷᠳᠡᠭᠰᠡᠭᠡᠷ ᠢᠷᠡᠵᠡᠢ᠃ ᠮᠦᠨ ᠴᠦ᠍ ᠰᠤᠷᠭ᠋ᠠᠭᠤᠯᠢ ᠨᠡᠶ᠋ᠢᠳᠡᠳᠤ ᠮᠡᠳᠡᠷᠡᠭᠳᠡᠭᠰᠡᠨ ᠰᠢᠯᠢᠳᠡᠭ ᠠᠩᠭᠢ ᠨᠢᠭᠡᠴᠢ ᠵᠢᠨ ᠨᠢᠭᠡᠨᠢ ᠪᠤᠯᠤᠭᠰᠠᠨ ᠶᠤᠮ᠃ ᠠ᠋ᠨᠡᠨᠢ ᠮᠢᠨᠤ ᠠᠩᠭᠢ ᠵᠢᠨ ᠠ᠋ᠷᠬᠢᠯᠡᠭᠴᠢ ᠵᠢᠨ ᠠᠵᠢᠯᠤᠨ ᠳᠤᠮᠳᠠᠬᠢ ᠤᠮᠤᠭᠰᠢᠯ ᠪᠤᠯᠵᠦ ᠨᠠᠮᠠ ᠵᠢ ᠵᠤᠷᠢᠬ᠍ᠵᠢᠭᠤᠯᠤᠭᠰᠠᠭ᠋ᠠᠷ ᠡ᠃
ᠠ᠋ᠬᠦᠨᠳᠤ ᠵᠠᠷᠢᠮ ᠬᠦᠮᠦᠨ᠄ 《ᠲᠠᠨᠤ ᠠᠩᠭᠢᠳᠤ ᠲᠤᠬᠢᠶᠠᠭᠰᠠᠨ ᠰᠤᠷᠤᠭᠴᠢ ᠴᠦᠮ ᠰᠠᠶ᠋ᠢᠨ ᠰᠤᠷᠤᠭᠴᠢ》 ᠭᠡᠵᠦ ᠬᠡᠯᠡᠳᠡᠭ᠃ ᠵᠠᠷᠢᠮᠨᠢ ᠪᠠᠰᠠ᠄ 《ᠲᠠᠨᠤ ᠠᠩᠭᠢ ᠵᠢᠨ ᠭᠡᠷᠤᠨ ᠠᠬᠠᠮᠠᠳ ᠴᠢᠨᠢ ᠴᠦᠮ ᠬᠠᠷᠢᠭᠤᠴᠠᠯᠭᠠᠲᠠᠢ》 ᠭᠡᠵᠦ ᠶᠠᠷᠢᠳᠠᠭ᠃ ᠭᠡᠳᠡᠯᠡ ᠮᠢᠨᠤ ᠦᠵᠡᠬᠦᠪᠠᠷ ᠰᠠᠶ᠋ᠢᠨ ᠰᠤᠷᠤᠭᠴᠢ᠂ ᠰᠠᠶ᠋ᠢᠨ ᠬᠡᠷᠤᠨ ᠠᠬᠠᠮᠠᠳᠲᠠᠢ ᠪᠠᠶ᠋ᠢᠨᠠ ᠭᠡᠳᠡᠭᠨᠢ ᠠᠩᠭᠢ ᠵᠢᠨ ᠠ᠋ᠷᠬᠢᠯᠡᠭᠴᠢ ᠪᠠᠭᠰᠢ ᠵᠢᠨ ᠤᠶ᠋ᠢᠭᠠ ᠦᠭᠡᠢ ᠬᠦᠴᠦᠨ ᠴᠢᠷᠮᠠᠶ᠋ᠢᠯᠭᠠ ᠬᠢᠭᠡᠳ ᠠᠷᠭᠠ ᠤᠬᠠᠭ᠋ᠠᠨᠠᠴᠠ ᠰᠠᠯᠤᠰᠢ ᠦᠭᠡᠢ ᠶᠤᠮ ᠡ᠃
ᠰᠤᠷᠭ᠋ᠠᠭᠤᠯᠢ ᠵᠢᠨ ᠡᠯᠡ ᠵᠦᠢ᠍ᠯᠤᠨ ᠠᠵᠢᠯᠤᠨ ᠳᠤᠮᠳᠠ ᠬᠠᠮᠤᠭ ᠵᠦᠳᠡᠷᠡᠯᠲᠡᠢ ᠪᠤᠯᠪᠠᠴᠦ ᠬᠠᠮᠤᠭ ᠠᠵᠠ ᠵᠢᠷᠭ᠋ᠠᠯᠲᠠᠢ ᠠᠵᠢᠯ ᠪᠤᠯ ᠬᠠᠰᠢᠯᠠ ᠠᠩᠭᠢ ᠵᠢᠨ ᠠ᠋ᠷᠬᠢᠯᠡᠭᠴᠢ ᠵᠢᠨ ᠠᠵᠢᠯ ᠮᠦᠨ᠃ 《ᠠᠵᠢᠯᠳᠤᠪᠠᠨ ᠬᠠᠨᠳᠤᠬᠤ ᠦᠨᠡᠨᠴᠢ ᠤᠪᠤᠷ ᠬᠢᠭᠡᠳ ᠴᠢᠷᠮᠠᠶ᠋ᠢᠯᠭᠠ᠂ ᠬᠠᠷᠢᠯᠴᠠᠨ ᠤᠶ᠋ᠢᠯᠠᠭ᠋ᠠᠯᠴᠠᠭ᠍ᠤ ᠪᠠ ᠬᠠᠷᠢᠯᠴᠠᠨ ᠢᠳᠡᠭᠡᠬᠦ᠂ ᠬᠠᠷᠢᠭᠤᠴᠠᠯᠭᠠ ᠪᠠ ᠬᠠᠶ᠋ᠢᠷᠠ ᠬᠠᠯᠠᠮᠵᠢ》ᠨᠢ ᠮᠢᠨᠤ ᠬᠡᠵᠢᠶᠡᠳᠡ ᠰᠠᠬᠢᠬᠤ ᠪᠠᠷᠢᠮᠳᠠᠯᠠᠯ ᠮᠦᠨ᠃
ᠬᠠᠶᠢᠬ᠄ ᠠ᠋ᠸᠡᠩᠬᠢ ᠬᠤᠰᠢᠭᠤᠨᠤ ᠨᠢᠭᠡᠳᠦᠭᠡᠷ
ᠲᠤᠷᠰᠢᠯᠲᠠ ᠵᠢᠨ ᠪᠠᠭᠠ ᠰᠤᠷᠭ᠋ᠠᠭᠤᠯᠢ
（ᠰᠦᠶᠠ ᠨᠠᠢ᠍ᠢ᠍ᠷᠠᠭᠤᠯᠪᠠ）
2020 ᠤᠨᠤ 2 ᠳ᠋ᠤᠭ᠋ᠠᠷ ᠬᠤᠭᠤᠴᠠᠭᠠ