ᠮᠦᠩᠬᠡᠪᠠᠳᠤ
ᠠᠩᠬᠢ ᠵᠢᠨ ᠠ᠋ᠷᠬᠢᠯᠡᠭᠴᠢ ᠪᠤᠯ ᠠᠩᠬᠢ ᠨᠢᠭᠡᠴᠡ ᠵᠢᠨ ᠵᠤᠬᠢᠶᠠᠨ ᠪᠠᠶ᠋ᠢᠭᠤᠯᠣᠭᠴᠢ ᠮᠦᠷᠳᠡᠭᠡᠨ ᠰᠣᠷᠭ᠋ᠠᠭᠤᠯᠢ ᠵᠢᠨ ᠵᠢᠭ᠋ᠠᠨ ᠵᠢᠯᠣᠭᠤᠳᠬᠤ ᠠᠵᠢᠯᠤᠨ ᠴᠢᠬᠤᠯᠠ ᠬᠠᠪᠰᠣᠷᠣᠭᠴᠢ ᠪᠤᠯᠤᠨᠠ᠃ ᠰᠢᠯᠢᠳᠡᠭ ᠰᠠᠶ᠋ᠢᠨ ᠠᠩᠬᠢ ᠵᠢᠨ ᠠ᠋ᠷᠬᠢᠯᠡᠭᠴᠢ ᠵᠢᠨ ᠠ᠋ᠩᠨᠡᠭᠡᠨᠢ ᠰᠣᠷᠭ᠋ᠠᠭᠤᠯᠢ ᠵᠢᠨ ᠡᠯᠡ ᠲᠠᠯᠠ ᠵᠢᠨ ᠠᠵᠢᠯᠳᠤ ᠲᠦᠯᠬᠢᠴᠡ ᠦᠢ᠍ᠯᠡᠳᠣᠯ ᠦᠵᠡᠬᠦᠯᠳᠡᠭ᠃ ᠠᠩᠭᠢ ᠵᠢᠨ ᠠ᠋ᠷᠬᠢᠯᠡᠭᠴᠢ ᠵᠢᠨ ᠠᠵᠢᠯᠨᠢ ᠰᠣᠷᠤᠭᠴᠢᠳᠤᠨ ᠪᠡᠶᠡ ᠰᠡᠳᠬᠢᠴᠡ ᠵᠢᠨ ᠠ᠋ᠷᠡᠭᠦᠯ ᠮᠠᠨᠳᠤᠳᠤ ᠴᠢᠬᠤᠯᠠ ᠶᠡᠭᠡ ᠨᠦᠯᠦᠭᠡᠲᠠᠢ ᠪᠠᠶ᠋ᠢᠵᠤ᠂ ᠠ᠋ᠭᠦᠨᠤ ᠤᠯᠠᠮᠠᠴᠠ ᠰᠢᠯᠢᠳᠡᠭ ᠰᠠᠶ᠋ᠢᠬᠠᠨ ᠶᠤᠰᠤ ᠮᠤᠷᠠᠯᠲᠠᠢ᠂ ᠮᠡᠳᠡᠯᠭᠡ ᠴᠢᠳᠠᠪᠤᠷᠢ ᠬᠤᠤᠰᠯᠠᠭᠰᠠᠨ᠂ ᠪᠡᠶᠡ ᠰᠡᠳᠬᠢᠴᠡ ᠠ᠋ᠷᠡᠬᠦᠯ ᠰᠢᠨᠡ ᠴᠠᠭᠤᠨ ᠵᠠᠯᠠᠭᠤᠴᠣᠳᠢ ᠬᠦᠮᠦᠵᠢᠭᠦᠯᠬᠦ ᠪᠤᠯᠤᠨᠠ᠃
ᠠ᠋ᠷᠳᠡᠨᠤ ᠰᠣᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠬᠦᠨ ᠣᠬᠠᠭ᠋ᠠᠨᠳᠠᠨ ᠰᠢᠶᠦ᠋ᠨ ᠺᠣᠸᠠᠩ᠄ 《ᠣᠯᠣᠰ ᠬᠦᠴᠦᠷᠭᠡᠭᠵᠢᠶᠡ ᠭᠡᠪᠡᠯ ᠪᠠᠭᠰᠢ ᠵᠢ ᠬᠦᠨᠳᠦᠯᠡᠬᠦ ᠬᠡᠷᠡᠭᠳᠠᠢ》 ᠭᠡᠰᠡᠨ ᠪᠠ ᠣᠷᠣᠰᠤᠨ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠤᠬᠠᠭ᠋ᠠᠨᠳᠠᠨ ᠪᠸᠯᠢᠨ᠋ᠰᠺᠢ 《ᠵᠠᠯᠠᠭᠤᠴᠣᠳᠲᠤ ᠦᠭᠬᠦᠭᠰᠡᠨ ᠪᠠᠯᠡᠭ》 ᠬᠡᠬᠦ ᠨᠣᠮᠳᠤᠪᠠᠨ᠄ 《ᠰᠣᠷᠭ᠋ᠠᠨ ᠭᠦᠮᠦᠵᠢᠭᠦᠯᠦᠭᠴᠢᠳ ᠬᠡᠴᠢᠨᠠᠨ ᠠᠭᠤᠣ ᠶᠡᠭᠡ᠂ ᠬᠡᠴᠢᠨᠠᠨ ᠴᠢᠬᠤᠯᠠ ᠪᠣᠢ᠃ ᠣᠴᠢᠷᠨᠢ ᠨᠢᠬᠡ ᠬᠦᠮᠦᠨᠤ ᠠᠮᠢᠳᠣᠷᠠᠯᠤᠨ ᠵᠣᠯ ᠵᠢᠷᠭ᠋ᠠᠯ ᠲᠠᠳᠠᠨᠤ ᠭᠠᠷᠲᠤ ᠪᠣᠢ》 ᠬᠡᠵᠣ ᠪᠢᠴᠢᠭᠰᠡᠨ ᠪᠠᠢ᠍ᠢ᠍ᠳᠠᠬ᠃ ᠡ᠊ᠨᠳᠡ ᠪᠢ ᠠᠩᠭᠢ ᠵᠢᠨ ᠠ᠋ᠷᠬᠢᠯᠡᠭᠴᠢ ᠵᠢᠨ ᠠᠵᠢᠯᠢ ᠬᠢᠵᠤ ᠶᠠᠪᠤᠭᠰᠠᠨ ᠦᠨᠭᠭᠡᠷᠡᠯᠳᠠᠪᠠᠨ ᠲᠠ ᠨᠠᠷᠲᠠᠢᠪᠠᠨ ᠬᠤᠪᠢᠶᠠᠯᠴᠠᠶᠠ᠃
ᠨᠢᠭᠡ᠂ ᠰᠤᠷᠤᠭᠴᠢᠳᠢ ᠠᠶᠤᠯᠭ᠋ᠠᠵᠦ ᠶᠠᠪᠤᠪᠠᠯ ᠠᠩᠬᠢ ᠵᠢᠨ ᠬᠠᠮᠢᠶᠠᠷᠤᠯᠳᠠᠳᠤ ᠠᠰᠢᠭᠳᠠᠢ ᠭᠡᠵᠦ ᠠᠨᠳᠠᠭᠤᠷᠠᠵᠦ ᠪᠠᠶ᠋ᠢᠭᠰᠠᠨ ᠦᠶᠡ
2008 ᠣᠨᠳᠤ ᠠᠩᠬᠠ ᠪᠠᠭᠰᠢ ᠵᠢᠨ ᠠᠵᠢᠯᠤᠨ ᠭᠠᠷᠤᠭᠠᠪᠠᠨ ᠠᠪᠤᠮᠠᠭᠴᠠ ᠠᠩᠭᠢ ᠵᠢᠨ ᠠ᠋ᠷᠬᠢᠯᠡᠭᠴᠢ ᠵᠢᠨ ᠠᠵᠢᠯᠢ ᠭᠠᠷᠳᠠᠭᠰᠠᠨ ᠶᠤᠮ᠃ ᠠᠵᠢᠯᠤᠨ ᠲᠤᠷᠰᠢᠯᠭᠠ ᠭᠡᠵᠦ ᠶᠠᠭᠤ ᠴᠤ᠌ ᠦᠭᠡᠢ ᠲᠤᠯᠠ ᠣᠨᠤᠯ ᠣᠶ᠋ᠢᠯᠠᠭ᠋ᠠᠯᠳᠠᠳᠤᠪᠠᠨ ᠲᠦᠰᠢᠭᠯᠡᠨ ᠠᠵᠢᠯᠯᠠᠭ᠍ᠤ ᠵᠢᠨ ᠲᠠᠭ᠋ᠠᠤ ᠪᠤᠰᠤᠳ ᠠᠩᠭᠢ ᠵᠢᠨ ᠠ᠋ᠷᠬᠢᠯᠡᠭᠴᠢᠠᠴᠠ ᠠᠰᠠᠭᠤᠨ ᠯᠠᠪᠯᠠᠭᠰᠠᠨᠤ ᠳ᠋ᠦᠩᠳᠤ 《ᠰᠤᠷᠤᠭᠴᠢᠳᠢ ᠤᠷᠢᠳᠠᠪᠠᠷ ᠠᠶᠤᠯᠭ᠋ᠠᠵᠤ ᠠᠪᠬᠤ ᠬᠡᠷᠡᠭᠳᠡᠢ》 ᠭᠡᠪᠡ᠃ ᠪᠡᠶᠡ ᠭᠠᠯᠪᠢᠷ ᠲᠤᠮᠤ᠂ ᠠᠭ᠋ᠠᠰᠢ ᠵᠠᠩ ᠲᠤᠭᠰᠢᠨ ᠰᠢᠬᠢᠨᠢ ᠰᠤᠩᠭᠤᠵᠤ ᠪᠠᠶ᠋ᠢᠭ᠋ᠠᠳ ᠲᠦᠷ ᠴᠠᠭᠤᠨ ᠠᠩᠭᠢ ᠵᠢᠨ ᠲᠠᠷᠤᠭᠠ ᠪᠤᠯᠭ᠋ᠠᠯᠠ᠃ ᠢᠩᠬᠢᠭᠡᠳ ᠠᠯᠪᠠᠨ ᠭᠡᠷᠤᠨ ᠪᠠᠭᠰᠢᠲᠠᠢ ᠬᠠᠮᠳᠤᠷᠠᠵᠦ ᠪᠠᠶ᠋ᠢᠭ᠋ᠠᠳ ᠠᠩᠭᠢ ᠵᠢᠨ ᠲᠠᠷᠤᠭᠠᠪᠠᠨ 《ᠠᠶᠤᠯᠭ᠋ᠠᠵᠦ》 ᠠᠪᠤᠯᠠ （ᠲᠡᠷᠡ ᠪᠠᠭᠰᠢ ᠪᠠᠰᠠ ᠠᠵᠢᠯᠤᠨ ᠪᠠᠶ᠋ᠢᠷᠢᠨᠳᠤ ᠰᠢᠨᠡ ᠭᠠᠷᠤᠭᠰᠠᠨ ᠪᠠᠭᠰᠢ）᠃ ᠵᠠᠯᠭ᠋ᠠᠭ᠋ᠠᠳ ᠠᠩᠭᠢ ᠵᠢᠨ ᠰᠤᠷᠤᠭᠴᠢᠪᠠᠨ ᠠᠩᠭᠢ ᠵᠢᠨ ᠲᠠᠷᠤᠭᠠᠲᠠᠢᠪᠠᠨ ᠬᠠᠮᠵᠢᠯᠴᠠᠵᠦ ᠪᠠᠶ᠋ᠢᠭ᠋ᠠᠳ 《ᠠᠶᠤᠯᠭ᠋ᠠᠨᠠ》᠃ ᠣᠯᠠᠩᠬᠢ ᠤᠴᠢᠷᠢ ᠠᠭᠤᠷᠯᠠᠵᠦ ᠤᠴᠠᠭ᠋ᠠᠷᠯᠠᠵᠦ ᠪᠠᠶ᠋ᠢᠭ᠋ᠠᠳ ᠰᠢᠢ᠍ᠳᠪᠦᠷᠢᠯᠡᠨᠠ᠃ ᠰᠤᠷᠤᠭᠴᠢ ᠨᠢᠭᠡ ᠬᠢᠴᠢᠶᠡᠯ ᠰᠠᠭ᠋ᠠᠳᠠᠪᠠᠯ ᠬᠠᠭ᠋ᠠᠰ ᠴᠠᠭ᠂ ᠴᠠᠭ᠋ᠠᠰᠢᠯᠠᠪᠠᠯ ᠨᠢᠭᠡ ᠴᠠᠭ ᠵᠶ᠋ᠠᠷ ᠠᠭᠤᠷᠯᠠᠵᠦ ᠳᠣᠩᠭᠤᠳᠤᠨ ᠰᠤᠷᠭ᠋ᠠᠨᠠ᠃ ᠲᠤᠬᠠᠢ ᠵᠢᠨ ᠦᠶᠡᠳᠤ ᠦᠨᠡᠨ ᠰᠡᠳᠬᠢᠯᠠᠴᠠᠪᠠᠨ ᠠᠭᠤᠷᠯᠠᠳᠠᠭ ᠪᠠᠶ᠋ᠢᠭᠰᠠᠨᠠᠴᠠ ᠬᠤᠳᠤᠭᠤᠳᠤ ᠭᠡᠳᠡᠰᠤ ᠴᠤ᠌ ᠡᠪᠡᠳᠳᠡᠭ ᠪᠠᠶ᠋ᠢᠭᠰᠠᠨ᠃ 《ᠠᠭᠤᠷ ᠪᠠᠶᠡ ᠵᠢ ᠵᠤᠪᠠᠭ᠋ᠠᠨᠠ᠂ ᠠᠭᠤᠯᠠ ᠮᠣᠷᠢ ᠵᠢ ᠵᠤᠪᠠᠭ᠋ᠠᠨᠠ》 ᠭᠡᠳᠡᠭ ᠠ᠋ᠨᠡ ᠪᠠᠢ᠍ᠢ᠍ᠬᠠ᠃
ᠢᠩᠬᠢᠵᠦ ᠪᠡᠶᠡ ᠰᠡᠳᠬᠢᠯ ᠵᠶ᠋ᠠᠨ ᠵᠤᠪᠠᠭ᠋ᠠᠵᠦ ᠠᠭᠤᠷᠯᠠᠭᠰᠠᠨ ᠴᠣ᠌ ᠲᠠᠮᠡᠢ ᠲᠣᠰᠠ ᠭᠠᠷᠤᠭᠰᠠᠨ ᠦᠭᠡᠢ ᠵᠢ ᠤᠳᠠᠯ ᠦᠭᠡᠢ ᠰᠡᠷᠡᠵᠦ ᠣᠯᠤᠭᠰᠠᠨ ᠶᠤᠮ᠃ ᠶᠠᠮᠠᠷ ᠨᠢᠭᠡᠨ ᠰᠤᠷᠤᠭᠴᠢ ᠨᠠᠳᠠᠳᠤ ᠠᠭᠤᠷᠯᠠᠭᠳᠠᠭ᠋ᠠᠳ ᠭᠠᠷᠪᠠᠯ ᠠᠩᠭᠢ ᠵᠢᠨ ᠭᠡᠷᠤᠨ ᠠ᠋ᠳ᠋ᠯᠡᠯ ᠭᠡᠷᠡᠭᠰᠡᠯ ᠡᠪᠳᠠᠯᠭᠡᠳᠤ ᠤᠴᠠᠷᠠᠳᠠᠬ᠃ 《ᠪᠠᠷᠰᠤᠨ ᠠᠭᠤᠷᠢ ᠪᠠᠮᠪᠠᠷᠲᠤ ᠭᠠᠷᠭ᠋ᠠᠵᠦ》 ᠪᠠᠶ᠋ᠢᠬᠤ ᠰᠢᠬ ᠪᠤᠯᠤᠯᠠ᠃ ᠰᠤᠷᠤᠭᠴᠢᠳᠢ ᠴᠤᠭᠯᠠᠭᠤᠯᠵᠦ᠂ ᠠᠩᠭᠢ ᠵᠢᠨ ᠬᠤᠷᠠᠯ ᠬᠢᠵᠦ᠂ ᠠᠭᠤᠷᠯᠠᠵᠦ᠂ ᠬᠡᠨ ᠦᠢ᠍ᠯᠡᠳᠦᠭᠰᠡᠨᠢ ᠠᠰᠠᠭᠤᠬᠤᠳᠤ ᠮᠡᠳᠡᠬᠦ ᠬᠦᠮᠦᠨ ᠭᠡᠵᠦ ᠦᠭᠡᠢ᠃ ᠠᠷᠭᠠ ᠠᠯᠳᠠᠷᠠᠭ᠋ᠠᠳ ᠰᠠᠨᠠᠯ ᠪᠢᠴᠢᠭᠦᠯᠦᠭᠡᠳ ᠬᠤᠷᠢᠶᠠᠭᠰᠠᠨ ᠴᠢᠨᠢ ᠣᠯᠠᠩᠬᠢ ᠲᠣᠭ᠋ᠠᠨᠤ ᠰᠤᠷᠤᠭᠴᠢ 《ᠪᠠᠭᠰᠢ ᠲᠠ ᠰᠤᠷᠤᠭᠴᠢ ᠵᠢ ᠲᠤᠲᠠᠭᠤ ᠠᠭᠤᠷᠯᠠ》 ᠭᠡᠵᠦ ᠪᠢᠴᠢᠵᠦ ᠪᠠᠶ᠋ᠢᠭᠰᠠᠨ ᠪᠦᠭᠡᠳ ᠬᠡᠰᠡᠭ ᠲᠤᠭ᠋ᠠᠨᠤ ᠰᠤᠷᠤᠭᠴᠢ ᠪᠠᠰᠠ 《ᠪᠣᠰᠤᠳ ᠬᠢᠴᠢᠶᠡᠯᠤᠨ ᠪᠠᠭᠰᠢ ᠵᠢᠨ ᠬᠢᠴᠢᠶᠡᠯ ᠲᠡᠭᠡᠷᠡ ᠰᠤᠷᠤᠭᠴᠢ ᠵᠢ ᠲᠤᠷᠠᠪᠠᠷ ᠲᠠᠭᠤᠳᠠᠵᠦ ᠲᠡᠷᠡ ᠪᠠᠭᠰᠢ ᠵᠢᠨ ᠲᠤᠷᠠ ᠦᠭᠡᠶ᠋ᠢᠴᠡᠯᠢ ᠬᠦᠷᠭᠡᠵᠦ ᠬᠡᠪᠤᠨ ᠬᠢᠴᠢᠶᠡᠯᠯᠡᠭᠡ ᠵᠢ ᠨᠦᠯᠦᠭᠡᠯᠡᠵᠦ ᠪᠠᠶ᠋ᠢᠨᠠ》 ᠭᠡᠯᠡ᠃ ᠠ᠋ᠳᠡᠭᠡᠷᠢ ᠦᠵᠡᠭᠡᠳ ᠠᠭᠤᠷᠯᠠᠭ᠋ᠠᠳ ᠰᠤᠷᠴᠢᠬᠠᠭᠰᠠᠨ ᠬᠦᠮᠦᠨ ᠴᠢᠨᠢ ᠴᠤᠬᠤᠮ ᠲᠡᠯᠪᠡᠷᠡᠳᠡᠯᠡ ᠠᠭᠤᠷᠯᠠᠭᠰᠠᠨ ᠪᠤᠯᠪᠠᠴᠤ ᠰᠤᠷᠤᠭᠴᠢᠳᠤ ᠮᠡᠳᠡᠭᠳᠡᠭᠰᠡᠨ ᠦᠭᠡᠢ᠂ ᠦᠪᠠᠷᠤᠨ ᠠᠵᠢᠯᠳᠤᠪᠠᠨ ᠲᠤᠨᠭ᠌ᠭ᠋ᠠᠯᠳᠠ ᠬᠢᠵᠦ ᠠ᠋ᠬᠢᠯᠡᠭᠰᠡᠨ ᠶᠤᠮ᠃
ᠬᠤᠶᠠᠷ᠂ ᠠᠨᠳᠠᠭᠤᠷᠠᠯ ᠵᠶ᠋ᠠᠨ ᠬᠠᠯᠠᠵᠦ ᠤᠷᠤᠭᠰᠢᠳᠠᠢ ᠵᠠᠮᠳᠤ ᠤᠷᠤᠭᠰᠠᠨᠨᠢ
ᠠᠩᠭᠢ ᠵᠢᠨ ᠠᠵᠢᠯᠤᠨ ᠲᠤᠬᠠᠢ ᠨᠤᠮ ᠲᠠᠪᠳᠡᠷ ᠦᠵᠡᠯᠡ᠃ ᠯᠢᠶᠣᠤᠨᠢᠩ ᠮᠤᠵᠢ ᠵᠢᠨ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠳᠡᠨ ᠸᠸᠢ ᠱᠤ᠌ ᠱᠸᠩ ᠪᠠᠭᠰᠢ ᠵᠢᠨ ᠨᠤᠮᠳᠤ 《ᠠᠷᠠᠳᠴᠢᠯᠠᠯ》ᠢ ᠭᠤᠤᠯᠳᠠᠭᠤᠯᠵᠦ᠂ ᠰᠸᠴᠦᠸᠠᠨ ᠮᠤᠵᠢ ᠵᠢᠨ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠳᠡᠨ ᠯᠢ ᠵᠸᠨ ᠰᠢ ᠪᠠᠭᠰᠢ ᠵᠢᠨ ᠨᠤᠮᠳᠤ ᠭᠤᠤᠯᠳᠠᠭᠤ 《ᠬᠠᠶ᠋ᠢᠷᠠ ᠵᠢᠨ ᠰᠠᠳᠬᠢᠯ》᠂ 《ᠦᠵᠡᠯ ᠰᠠᠨᠠᠭᠠ》 ᠵᠢ ᠠ᠋ᠷᠬᠢᠮᠯᠡᠨ ᠶᠠᠷᠢᠭᠰᠠᠨᠢ ᠦᠵᠡᠭᠡᠳ ᠦᠪᠡᠷᠢᠪᠠᠨ ᠦᠭᠡᠷᠡᠴᠢᠯᠡᠬᠦᠪᠠᠷ ᠠ᠋ᠷᠡᠰ ᠰᠢᠢ᠍ᠳᠤᠯᠠ᠃ ᠲᠡᠭᠡᠭᠡᠳ ᠲᠤᠷᠰᠢᠯᠭᠠᠲᠠᠢ ᠠᠬᠠᠮᠠᠳ ᠪᠠᠭᠰᠢ ᠵᠢ ᠰᠣᠷᠪᠤᠯᠵᠢᠯᠠᠵᠦ ᠲᠤᠤᠷᠠᠬᠢ ᠮᠡᠳᠤ ᠦᠭᠡᠷᠡᠴᠢᠯᠡᠯᠳᠡ ᠭᠠᠷᠭ᠋ᠠᠯᠠ᠃
1. ᠰᠣᠷᠤᠭᠴᠢ ᠵᠢ ᠬᠡᠳᠤ ᠠᠭᠤᠷᠯᠠᠵᠦ ᠪᠤᠯᠬᠤ ᠦᠭᠡᠢ᠂ ᠦᠪᠡᠷᠢᠪᠠᠨ ᠬᠦᠨᠳᠦᠳᠬᠡᠬᠦ ᠰᠡᠳᠬᠢᠯᠭᠡ ᠵᠢᠨᠢ ᠬᠦᠨᠳᠦᠳᠬᠡᠵᠦ᠂ ᠪᠤᠳᠤᠯ ᠰᠡᠳᠬᠢᠯᠢᠨᠢ ᠣᠶ᠋ᠢᠯᠠᠭ᠋ᠠᠵᠦ᠂ ᠤᠨᠴᠠᠯᠢᠭᠲᠤᠨᠢ ᠲᠤᠬᠢᠷᠠᠭᠤᠯᠤᠨ ᠬᠦᠮᠦᠵᠢᠭᠦᠯᠬᠦ ᠬᠡᠷᠡᠭᠳᠡᠢ ᠭᠡᠰᠡᠨᠢ ᠤᠬᠠᠭ᠋ᠠᠷᠠᠯᠠ᠃
ᠰᠤᠷᠤᠭᠴᠢ ᠵᠢᠨ ᠰᠡᠳᠬᠢᠯ ᠰᠠᠨᠠᠭᠠ ᠵᠢ ᠤᠶ᠋ᠢᠯᠠᠭ᠋ᠠᠨ ᠮᠡᠳᠡᠬᠦ ᠵᠢᠨ ᠲᠦᠯᠦᠭᠡ ᠲᠡᠳᠡᠨᠤ ᠪᠠᠶ᠋ᠢᠷᠢᠪᠠᠷ ᠤᠨᠳᠠᠯᠭᠠ ᠪᠠᠶ᠋ᠢᠴᠠᠭ᠋ᠠᠵᠦ ᠲᠤᠭᠤᠷᠢᠬᠤᠳᠤᠪᠠᠨ ᠦᠯᠢᠭᠡᠷ ᠬᠡᠯᠡᠵᠦ᠂ ᠪᠠᠰᠠ ᠢᠨᠢᠶᠡᠳᠤᠮ ᠱᠤᠭ ᠴᠤ᠌ ᠭᠠᠷᠭ᠋ᠠᠳᠠᠭ ᠪᠤᠯᠵᠦ᠂ ᠲᠡᠳᠡᠨᠲᠠᠢ ᠤᠶ᠋ᠢᠷᠠᠳᠴᠤ ᠵᠤᠭᠤᠭ ᠲᠡᠯᠭᠡᠳᠡᠭ ᠪᠤᠯᠤᠭᠰᠠᠨ᠃ ᠲᠠᠪᠳᠠᠯᠭᠠ ᠵᠢᠨ ᠴᠠᠭ ᠪᠤᠶᠤ ᠰᠤᠯᠠ ᠰᠡᠯᠡᠬᠦᠦ ᠴᠠᠭᠢ ᠠᠰᠢᠭᠯᠠᠨ ᠰᠤᠷᠤᠭᠴᠢᠳᠲᠠᠢ ᠶᠠᠷᠢᠯᠴᠠᠵᠦ ᠪᠤᠳᠤᠯ ᠰᠠᠨᠠᠯ ᠵᠶ᠋ᠠᠨ ᠰᠣᠯᠢᠯᠴᠠᠨᠠ᠂ ᠴᠢᠷᠮᠠᠶ᠋ᠢᠬᠤ ᠵᠤᠷᠢᠭᠢᠨᠢ ᠬᠦᠪᠴᠢᠯᠡᠨᠡ᠂ ᠰᠤᠷᠤᠯᠴᠠᠭ᠍ᠤ ᠠᠷᠭᠠ ᠵᠠᠮᠳᠤᠨᠢ ᠵᠦᠪᠯᠡᠯᠭᠡ ᠪᠤᠯᠵᠦ ᠦᠵᠡᠯ ᠤᠬᠠᠮᠰᠠᠷᠢᠨᠢ ᠲᠠᠶ᠋ᠢᠴᠢᠯᠠᠪᠠ᠃ ᠢᠩᠬᠢᠭᠰᠡᠨ ᠵᠶ᠋ᠠᠷ ᠰᠤᠷᠤᠭᠴᠢ ᠵᠢᠨ ᠴᠢᠷᠠᠢᠳᠤ ᠪᠠᠶᠠᠷ ᠲᠤᠳᠤᠷᠠᠵᠦ ᠢᠨᠢᠶᠡᠳᠦ ᠬᠠᠨᠢᠶᠠᠳᠦᠲᠠᠢ ᠪᠤᠯᠵᠦ ᠢᠷᠡᠭᠰᠡᠨ᠃ ᠦᠪᠡᠷᠤᠨ ᠪᠠᠶᠡ ᠵᠢᠨ ᠬᠡᠪ ᠪᠤᠯᠪᠠᠰᠤᠷᠠᠯ᠂ ᠬᠡᠪ ᠲᠦᠷᠬᠦ ᠵᠢ ᠴᠦ᠍ ᠤᠯᠠᠮ ᠠᠨᠭ᠌ᠬᠠᠷᠬᠤ ᠪᠤᠯᠪᠠ᠃ ᠰᠤᠷᠤᠭᠴᠢᠳ ᠠᠩᠭᠢ ᠵᠢᠨ ᠪᠠᠭᠰᠢ ᠵᠢᠨ ᠠ᠋ᠮᠦᠰᠴᠦ ᠵᠡᠬᠦᠭᠦ᠂ ᠬᠡᠯᠡᠵᠦ ᠶᠠᠷᠢᠬᠤ᠂ ᠬᠦᠳᠡᠯᠵᠦ ᠪᠠᠷᠢᠬᠤ ᠵᠡᠷᠭᠡᠠᠴᠠ ᠦᠭᠰᠦᠭᠦᠯᠦᠨ ᠪᠠᠭᠰᠢ ᠵᠢᠨ ᠵᠶ᠋ᠠᠨ ᠬᠡᠪ ᠨᠠᠮᠪᠠ ᠵᠢ ᠲᠠᠭ᠋ᠠᠵᠦ ᠲᠠᠭᠤᠷᠢᠶᠠᠳᠠᠭ ᠬᠡᠰᠡᠨᠢ ᠮᠡᠳᠡᠯᠡ᠃ ᠮᠣᠩᠭᠤᠯᠤᠨ ᠠ᠋ᠷᠳᠡᠨᠤ ᠬᠦᠮᠦᠵᠢᠯᠳᠤ᠄ 《ᠮᠣᠩᠭᠤᠯ ᠪᠦᠰᠡᠭᠦᠶ᠋ᠢᠴᠤᠳ ᠭᠡᠷ ᠵᠠᠭᠤᠷᠠ ᠵᠢᠨ ᠬᠦᠳᠡᠯᠮᠦᠷᠢ ᠬᠢᠬᠦ ᠪᠠ ᠪᠤᠰᠤᠳ ᠵᠦᠢ᠍ᠯᠤᠨ ᠦᠢ᠍ᠯᠡᠳᠪᠦᠷᠢᠯᠡᠯᠤᠨ ᠬᠦᠳᠡᠯᠮᠦᠷᠢᠳᠤ ᠣᠷᠤᠯᠴᠠᠭ᠍ᠤᠳᠤᠪᠠᠨ ᠪᠠᠭᠠ ᠬᠡᠤᠬᠡᠳ᠂ ᠴᠠᠭ᠋ᠠᠰᠢᠯᠠᠪᠠᠯ ᠬᠦᠯᠳᠤ ᠰᠠᠶᠢ ᠤᠷᠤᠵᠤ ᠪᠠᠶ᠋ᠢᠭᠠ ᠨᠢᠯᠬᠠ ᠬᠡᠤᠬᠡᠳ ᠵᠶ᠋ᠠᠨ ᠲᠠᠭ᠋ᠠᠭᠤᠯᠤᠨ ᠨᠠᠰᠤᠨᠳᠤ ᠬᠦᠷᠦᠭᠰᠡᠳᠤᠨ ᠬᠠᠵᠠᠭᠤᠳᠤ ᠰᠠᠭᠤᠯᠭ᠋ᠠᠬᠤ ᠪᠤᠶᠤ ᠨᠠᠭ᠋ᠠᠳᠴᠤ ᠲᠤᠭᠯᠠᠭᠤᠯᠳᠠᠭ ᠪᠠᠶ᠋ᠢᠵᠠᠢ》 ① ᠭᠡᠵᠦ ᠪᠠᠶ᠋ᠢᠭᠰᠠᠨᠨᠢ ᠠ᠋ᠭᠦᠨᠢ ᠭᠡᠷᠡᠴᠢᠯᠡᠵᠦ ᠪᠠᠶ᠋ᠢᠨᠠ᠃ ᠠ᠋ᠳᠡᠭᠡᠷᠢ ᠠᠩᠬᠠᠷᠤᠭᠰᠠᠨᠤ ᠰᠡᠭᠦᠯᠡᠷ ᠠᠩᠬᠢ ᠵᠢᠨ ᠭᠡᠷᠤᠨ ᠠ᠋ᠳ᠋ ᠬᠤᠭᠰᠢᠯ ᠡᠪᠳᠡᠷᠡᠵᠦ ᠬᠠᠭ᠋ᠠᠷᠠᠭ᠍ᠤᠨᠢ ᠠᠶᠠᠳᠠᠵᠦ ᠢᠷᠡᠭᠰᠡᠨ ᠪᠦᠭᠡᠳ ᠬᠡᠯᠡᠵᠦ ᠲᠠᠭ᠋ᠠᠭ᠋ᠠᠯᠭ᠋ᠠᠭᠰᠠᠨ ᠠ᠋ᠭᠦᠷᠭᠡ ᠵᠢ ᠴᠠᠭ ᠲᠠᠷᠤᠢᠳᠤᠨᠢ ᠴᠡᠷᠢᠭᠤᠨ ᠵᠡᠷᠯᠢᠬ ᠮᠡᠳᠤ ᠪᠠᠶᠡᠯᠡᠬᠦᠯᠳᠡᠭ ᠪᠤᠯᠤᠭᠰᠠᠨ᠃ ᠨᠢᠭᠡᠨ ᠤᠳᠠᠭ᠋ᠠᠨᠤ ᠰᠤᠷᠭ᠋ᠠᠭᠤᠯᠢ ᠵᠢᠨ ᠬᠦᠷᠢᠶᠡᠨᠳᠤ ᠮᠣᠳᠤ ᠵᠠᠶ᠋ᠢᠯᠠᠭ᠍ᠤ ᠠᠵᠢᠯᠢ ᠰᠤᠷᠭ᠋ᠠᠭᠤᠯᠢᠠᠴᠠ ᠨᠢᠭᠡ ᠠ᠋ᠳᠤᠷ ᠭᠡᠵᠦ ᠲᠦᠯᠦᠪᠯᠡᠭᠰᠡᠨᠢ ᠮᠠᠨᠤ ᠠᠩᠭᠢ ᠲᠠᠭ᠋ᠠᠭ᠋ᠠᠵᠦ ᠠᠮᠠᠷᠠᠭᠰᠠᠨ ᠦᠭᠡᠢ ᠠᠵᠢᠯᠯᠠᠭ᠋ᠠᠳ ᠭᠤᠷᠪᠠᠨ ᠬᠢᠴᠢᠶᠡᠯᠳᠤ ᠪᠠᠷᠠᠭ᠋ᠠᠭᠰᠠᠨ᠃ ᠨᠢᠭᠡ ᠬᠢᠴᠢᠶᠡᠯ ᠠᠵᠢᠯᠯᠠᠭᠰᠠᠨᠤ ᠲᠠᠷᠠᠭᠠ 《ᠪᠢᠳᠡ ᠪᠠᠭ᠍ᠠᠨ ᠠᠮᠠᠷᠠᠭ᠋ᠠᠳ ᠠᠪᠤᠶᠠ》 ᠬᠡᠬᠦᠳᠤ ᠲᠠᠳᠡ 《ᠪᠢᠳᠡ ᠬᠤᠷᠳᠤᠨ ᠪᠠᠷᠠᠭ᠋ᠠᠭ᠋ᠠᠳ ᠠᠮᠠᠷᠠᠶᠠ᠂ ᠠᠩᠭᠢ ᠵᠢᠨ ᠨᠢᠭᠤᠷᠢ ᠪᠤᠤ ᠭᠡᠭᠡᠶᠡ》 ᠬᠡᠨᠡ᠃
2. ᠬᠢᠴᠢᠶᠡᠯᠯᠡᠭᠴᠢ ᠪᠠᠭᠰᠢᠲᠠᠢᠪᠠᠨ ᠨᠢᠭᠳᠠ ᠬᠠᠮᠵᠢᠯᠴᠠᠵᠦ᠂ ᠭᠡᠷᠤᠨ ᠠᠬᠠᠮᠠᠳᠲᠠᠢ ᠡᠪᠯᠢᠭ ᠶᠠᠷᠢᠯᠴᠠᠭ᠍ᠤ ᠪᠤᠯᠪᠠ᠃
ᠰᠤᠷᠤᠭᠴᠢᠳᠤᠨ ᠰᠠᠨᠠᠯ ᠨᠠᠳᠠᠳᠤ ᠰᠡᠷᠡᠮᠵᠢ ᠦᠭᠭᠦᠭᠰᠡᠨ ᠲᠡᠷᠡ ᠠ᠋ᠳᠤᠷᠠᠴᠠ ᠠ᠋ᠬᠢᠯᠡᠨ ᠴᠢᠳᠠᠭ᠍ᠤ ᠵᠢᠨ ᠲᠤᠳᠤᠷᠠ ᠬᠢᠴᠢᠶᠡᠯ ᠲᠠᠪᠳᠠᠯᠭᠠᠳᠤ ᠰᠤᠷᠤᠭᠴᠢ ᠵᠢ ᠲᠠᠭᠤᠳᠠᠭ᠍ᠤ ᠦᠭᠡᠢ ᠪᠠᠶ᠋ᠢᠵᠦ᠂ ᠶᠠᠭ ᠠᠷᠭᠠ ᠦᠭᠡᠢ ᠲᠠᠭᠤᠳᠠᠭ᠍ᠤ ᠴᠢᠬᠤᠯᠠᠳᠠᠢ ᠪᠤᠯᠪᠠᠯ ᠬᠢᠴᠢᠶᠡᠯᠯᠡᠭᠴᠢ ᠪᠠᠭᠰᠢᠳᠤᠨᠢ ᠴᠢᠯᠦᠭᠡ ᠬᠡᠯᠡᠳᠡᠭ ᠪᠤᠯᠤᠭᠰᠠᠨ᠃ ᠮᠦᠨ ᠴᠤ᠌ ᠬᠢᠴᠢᠶᠡᠯᠤᠨ ᠪᠠᠭᠰᠢᠲᠠᠢ ᠨᠢᠭᠳᠠ ᠬᠠᠮᠵᠢᠯᠴᠠᠭ᠍ᠤ ᠵᠢ ᠤᠨᠴᠠ ᠠᠩᠬᠠᠷᠴᠤ ᠠᠩᠭᠢ ᠵᠢᠨ ᠰᠤᠷᠤᠭᠴᠢᠳᠤᠨ ᠲᠡᠷᠡ ᠪᠠᠭᠰᠢ ᠵᠢᠨ ᠬᠢᠴᠢᠶᠡᠯ ᠲᠡᠭᠡᠷᠡᠬᠢ ᠢᠯᠡᠷᠡᠯ ᠬᠢᠷᠢ ᠵᠡᠷᠭᠡ ᠪᠠᠶ᠋ᠢᠬᠤ ᠵᠢ ᠤᠶ᠋ᠢᠯᠠᠭ᠋ᠠᠳᠠᠭ ᠪᠤᠯᠤᠭᠰᠠᠨ᠃ ᠠ᠋ᠭᠦᠨᠤ ᠤᠯᠠᠮᠠᠴᠠ ᠬᠢᠴᠢᠶᠡᠯᠯᠡᠭᠴᠢ ᠪᠠᠭᠰᠢ ᠨᠠᠷᠤᠨ ᠮᠠᠨᠤ ᠠᠩᠭᠢᠳᠤ ᠬᠠᠨᠳᠤᠵᠦ ᠪᠠᠶ᠋ᠢᠭᠠ ᠢᠳᠡᠪᠬᠢᠵᠢᠯ ᠪᠤᠯᠤᠨ ᠬᠠᠷᠢᠭᠤᠴᠠᠯᠭᠠ ᠨᠠᠳᠠᠠᠴᠠ ᠢᠯᠡᠭᠦᠦ ᠪᠠᠶ᠋ᠢᠬᠤ ᠵᠢ ᠤᠬᠠᠭ᠋ᠠᠷᠠᠨ ᠮᠡᠳᠡᠯᠡ᠃ ᠲᠡᠳᠡ ᠭᠠᠭᠴᠠ ᠦᠪᠡᠷᠤᠨ ᠬᠢᠴᠢᠶᠡᠯ ᠲᠦᠷᠦᠯᠤᠨ ᠵᠶ᠋ᠠᠨ ᠲᠦᠯᠦᠭᠡ ᠪᠢᠰᠢ᠂ ᠬᠠᠷᠢᠨ ᠰᠤᠷᠤᠭᠴᠢᠳᠲᠤ ᠬᠦᠮᠦᠨ ᠪᠤᠯᠬᠤ ᠶᠤᠰᠤ ᠵᠢ ᠤᠯᠠᠮᠵᠢᠯᠠᠵᠦ ᠬᠦᠮᠦᠵᠢᠭᠦᠯᠳᠡᠭ ᠪᠠᠶ᠋ᠢᠵᠠᠢ᠃ ᠬᠢᠴᠢᠶᠡᠯ ᠳᠡᠭᠡᠷᠡ ᠤᠨᠳᠠᠭ᠍ᠤ ᠪᠠ ᠠ᠋ᠩᠤᠨ ᠦᠶᠡᠳᠤ ᠬᠠᠷᠢᠶᠠᠯᠤᠨ ᠦᠭᠡ ᠭᠡᠯᠡᠭᠦ ᠵᠢ ᠬᠤᠷᠢᠭᠯᠠᠵᠤ ᠴᠡᠭᠡᠷᠯᠡᠬᠦᠯᠤᠨ ᠠ᠋ᠮᠡᠭᠳᠡᠢ ᠰᠤᠷᠤᠭᠴᠢ ᠵᠢᠨ ᠬᠦᠮᠦᠵᠢᠯᠢ ᠰᠠᠶ᠋ᠢᠳᠤᠷ ᠬᠢᠳᠡᠭ᠃
《ᠬᠠᠤᠯᠢ ᠵᠢᠨ ᠮᠡᠳᠡᠯᠭᠡ ᠵᠢ ᠤᠶ᠋ᠢᠯᠠᠭ᠋ᠠᠬᠤᠲᠠᠢ ᠠᠳᠠᠯᠢᠬᠠᠨ ᠵᠶ᠋ᠠᠷ ᠨᠡᠶ᠋ᠢᠭᠡᠮᠤᠨ ᠪᠦᠬᠦ ᠬᠡᠰᠢᠭᠦᠳ ᠴᠦᠮ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠤᠬᠠᠭ᠋ᠠᠨᠢ ᠤᠶ᠋ᠢᠯᠠᠭ᠋ᠠᠭᠰᠠᠨ ᠪᠠᠶ᠋ᠢᠬᠤ ᠶᠤᠰᠤᠳᠠᠢ》 ② ᠭᠡᠳᠡᠭ ᠵᠶ᠋ᠠᠷ ᠰᠤᠷᠤᠭᠴᠢ ᠵᠢᠨ ᠰᠠᠨᠠᠯᠠᠴᠠ ᠰᠡᠷᠡᠵᠦ ᠭᠡᠷᠤᠨ ᠠᠬᠠᠮᠠᠳᠲᠠᠢ ᠦᠷᠬᠦᠯᠵᠢ ᠬᠠᠷᠢᠯᠴᠠᠨ ᠦᠪᠡᠷᠤᠨ ᠪᠡᠶᠡᠪᠠᠨ ᠲᠡᠨᠢᠭᠤᠯᠤᠨ ᠮᠡᠳᠡᠬᠦᠯᠬᠦ ᠴᠢᠬᠤᠯᠠᠳᠠᠢ ᠭᠡᠰᠡᠨᠢ ᠮᠡᠳᠡᠯᠡ᠃ ᠭᠡᠷᠤᠨ ᠠᠬᠠᠮᠠᠳ ᠶᠠᠷᠤᠨᠢ ᠪᠠᠭᠰᠢ ᠨᠠᠷᠢ ᠠ᠋ᠳᠣᠷᠤᠨ ᠨᠢᠬᠡ ᠬᠤᠶᠠᠷ ᠬᠢᠴᠢᠶᠡᠯ ᠣᠷᠣᠬᠤ ᠬᠡᠳᠣᠢ ᠠᠮᠠᠷᠬᠠᠨ ᠪᠤᠢ᠂ ᠴᠠᠭ ᠪᠠᠢ᠍ᠢ᠍ᠪᠠᠯ ᠴᠠᠢᠪᠠᠨ ᠤᠤᠭᠤᠭ᠋ᠠᠳ ᠵᠦᠭᠡᠷ ᠰᠠᠭᠤᠨᠠ ᠭᠡᠵᠤ ᠰᠡᠳᠬᠢᠵᠤ ᠤᠶ᠋ᠢᠯᠠᠭ᠋ᠠᠳᠠᠭ᠃ ᠲᠡᠷᠡᠴᠢᠯᠡᠨ ᠵᠠᠷᠢᠮᠨᠢ ᠭᠡᠣᠭᠡᠳᠲᠤᠪᠠᠨ ᠪᠠᠭᠰᠢ ᠵᠢᠨᠢ ᠪᠤᠷᠤᠭᠤᠳᠬᠠᠵᠤ ᠬᠡᠯᠡᠳᠡᠭᠠᠴᠠ ᠰᠣᠷᠣᠭᠴᠢᠨᠢ ᠪᠠᠭᠰᠢ ᠵᠢ ᠬᠦᠨᠳᠦᠳᠬᠡᠬᠦᠳᠤ ᠬᠦᠴᠢᠷ ᠪᠤᠯᠵᠤ ᠠᠩᠬᠢ ᠵᠢᠨ ᠠ᠋ᠷᠬᠢᠯᠡᠭᠴᠢ ᠵᠢᠨ ᠦᠬᠡ ᠬᠡᠳᠡᠭ ᠴᠢᠨᠢ ᠠ᠋ᠯᠡᠰᠣᠨ ᠲᠠᠯᠠᠢ ᠵᠢᠨ ᠲᠣᠰᠣᠯ ᠣᠰᠣᠨ ᠮᠡᠳᠣ ᠬᠦᠬᠡᠷᠤᠬᠦᠶ᠋ᠢᠯᠡᠯᠳᠡᠢ ᠪᠣᠯᠬᠤ ᠶᠤᠮ᠃ ᠠ᠋ᠩᠬᠡ ᠠᠮᠤᠭᠤᠯᠠᠩ ᠬᠠᠭ᠋ᠠᠨ ᠬᠡᠤᠬᠡᠳᠤᠨ ᠵᠶ᠋ᠠᠨ ᠠ᠋ᠮᠤᠨᠡ ᠪᠠᠭᠰᠢ ᠵᠢᠨᠢ ᠰᠢᠬᠦᠮᠵᠢᠯᠡᠭᠰᠡᠨᠠᠴᠠ ᠬᠡᠣᠬᠡᠳᠨᠢ ᠪᠠᠭᠰᠢᠪᠠᠨ ᠬᠦᠨᠳᠦᠯᠡᠬᠦ ᠦᠬᠡᠢ ᠪᠣᠯᠵᠣ ᠶᠣᠰᠣ ᠨᠣᠮᠳᠤ ᠴᠢᠷᠮᠠᠶ᠋ᠢᠬᠤ ᠦᠬᠡᠢ ᠪᠣᠯᠣᠭᠰᠠᠨᠠᠴᠠ ᠬᠤᠵᠢᠮᠨᠢ ᠬᠦᠮᠦᠵᠢᠬᠦᠯᠬᠦᠳᠤ ᠲᠣᠩ ᠬᠦᠴᠢᠷᠳᠡᠭᠰᠡᠨ ᠭᠡᠳᠡᠭ᠃
3. ᠰᠤᠷᠤᠭᠴᠢ ᠵᠢ ᠬᠠᠶ᠋ᠢᠷᠠᠪᠠᠷ ᠤᠶᠠᠰᠬᠠᠵᠦ ᠤᠷᠮᠠᠰᠢᠭᠤᠯᠬᠤ ᠪᠤᠯ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠪᠠᠰᠠ ᠨᠢᠭᠡᠨ ᠰᠠᠶ᠋ᠢᠨ ᠵᠣᠷ ᠪᠤᠯᠬᠤ ᠵᠢ ᠮᠡᠳᠡᠯᠡ᠃
ᠰᠣᠷᠣᠭᠴᠢᠳ ᠠᠯᠳᠠᠭᠠ ᠭᠠᠷᠭ᠋ᠠᠪᠠᠯ ᠠᠪᠤᠨ ᠲᠤᠤᠷᠠᠨᠢ ᠰᠢᠢ᠍ᠳᠬᠡᠬᠦ ᠴᠢᠬᠤᠯᠡ ᠦᠬᠡᠢ᠂ ᠬᠠᠷᠢᠨ ᠬᠤᠶᠠᠷ ᠭᠤᠷᠪᠠ ᠣᠳᠠᠭ᠋ᠠᠨᠤ ᠣᠬᠠᠮᠰᠠᠷᠠᠭ᠍ᠣ ᠵᠠᠪᠰᠢᠶᠠᠨ ᠣᠯᠭᠤᠪᠠᠯ ᠵᠣᠬᠢᠮᠵᠢᠲᠠᠢ᠃ ᠢᠩᠬᠢᠪᠡᠯ ᠲᠠᠳᠠ ᠪᠣᠷᠣᠭᠤᠪᠠᠨ ᠲᠠᠨᠢᠨ ᠵᠦᠪ ᠵᠠᠮᠳᠤ ᠣᠷᠣᠵᠣ ᠰᠣᠷᠣᠯᠭᠠ ᠬᠢᠴᠢᠶᠡᠯᠳᠤᠪᠠᠨ ᠬᠦᠴᠦ ᠲᠠᠯᠪᠢᠬᠤ ᠪᠣᠯᠣᠨᠠ᠃ ᠲᠡᠶ᠋ᠢᠮᠦ ᠪᠢᠰᠢ ᠵᠢᠭ᠋ᠠᠬᠠᠨ ᠠᠯᠳᠠᠭᠠ ᠵᠢᠨᠢ ᠴᠦ᠍ ᠲᠠᠯᠪᠢᠬᠤ ᠦᠭᠡᠢ ᠪᠤᠯ ᠰᠣᠷᠣᠭᠴᠢ ᠲᠣᠷᠠ ᠠᠯᠳᠠᠷᠠᠵᠣ ᠡᠴᠣᠰᠲᠤᠪᠠᠨ ᠢᠴᠢᠬᠦ ᠨᠢᠭᠤᠷ ᠦᠬᠡᠢ ᠪᠣᠯᠵᠣ᠂ ᠶᠠᠭᠤ ᠬᠢᠬᠦᠠᠴᠠ ᠴᠣ᠌ ᠪᠣᠴᠠᠭ᠍ᠣ ᠦᠬᠡᠢ ᠪᠤᠯᠴᠢᠬᠠᠳᠠᠬ᠃ 《ᠦᠪᠡᠷᠤᠨ ᠬᠡᠣᠬᠡᠳ ᠵᠶ᠋ᠠᠨ ᠬᠠᠶ᠋ᠢᠷᠠᠯᠠᠵᠦ ᠴᠢᠳᠠᠪᠠᠯ ᠬᠦᠮᠦᠨ᠂ ᠦᠷᠦᠭᠡᠯᠤᠨ ᠬᠡᠣᠬᠡᠳᠢ ᠬᠠᠶ᠋ᠢᠷᠠᠯᠠᠵᠦ ᠴᠢᠳᠠᠪᠠᠯ ᠪᠤᠷᠬᠠᠨ》 ᠭᠡᠳᠡᠭ ᠰᠢᠦ ᠳ᠋ᠠ᠃ ᠠ᠋ᠨᠡ ᠲᠤᠬᠠᠢ ᠸᠸᠢ ᠱᠦ᠍ ᠱᠸᠩ ᠪᠠᠭᠰᠢ᠄ 《ᠠᠯᠳᠠᠭᠠ ᠭᠠᠷᠭ᠋ᠠᠭᠰᠠᠨ ᠰᠤᠷᠤᠭᠴᠢ ᠵᠢ ᠠᠭᠤᠷᠯᠠᠵᠦ ᠰᠢᠭᠦᠮᠵᠢᠯᠡᠵᠦ ᠠᠯᠳᠠᠭᠠ ᠲᠤᠳᠠᠭᠳᠠᠯᠢᠨᠢ ᠲᠤᠭ᠋ᠠᠴᠢᠭ᠍ᠤ ᠵᠢᠨ ᠤᠷᠤᠨᠳᠤ ᠬᠠᠷᠢᠨ ᠲᠡᠬᠦᠨᠤ ᠲᠠᠪᠠᠭᠤᠯᠢᠭᠢ ᠣᠯᠵᠦ ᠬᠠᠷᠠᠭ᠍ᠤ ᠬᠡᠷᠡᠭᠳᠡᠢ᠃ ᠢᠩᠬᠢᠪᠡᠯ ᠰᠠᠶᠢ ᠲᠡᠭᠦᠨᠳᠤ ᠠᠯᠳᠠᠭᠠᠪᠠᠨ ᠢᠯᠠᠨ ᠲᠠᠪᠠᠭ᠍ᠤ ᠠ᠋ᠷᠴᠢ ᠵᠤᠷᠢᠭᠢ ᠣᠯᠭᠤᠵᠦ ᠲᠡᠶ᠋ᠢᠯᠦᠨᠡ》 ᠭᠡᠵᠡᠢ ③᠃ ᠪᠦᠳᠦᠨ ᠠ᠋ᠳᠣᠷ ᠠᠭᠤᠷᠯᠠᠭᠳᠠᠭ᠍ᠣ᠂ ᠬᠢᠴᠢᠶᠡᠯ ᠵᠣᠭᠰᠣᠭ᠋ᠠᠭᠳᠠᠭ᠍ᠣᠳᠤᠪᠠᠨ ᠰᠣᠷᠣᠭᠴᠢ ᠶᠠᠭᠤ ᠪᠣᠳᠣᠳᠠᠭᠢ ᠰᠡᠳᠬᠢᠵᠣ ᠦᠵᠡᠬᠦ ᠶᠣᠰᠣᠳᠠᠢ ᠪᠠᠶ᠋ᠢᠨᠠ᠃ ᠲᠠᠳᠠ ᠪᠣᠯ ᠬᠦᠮᠦᠨ᠂ ᠲᠡᠷᠡ ᠮᠦᠷᠳᠡᠭᠡᠨ ᠮᠠᠷᠭ᠋ᠠᠰᠢ ᠵᠢ ᠣᠭᠳᠣᠬᠤ᠂ ᠬᠡᠶ᠋ᠢᠬᠦᠯᠬᠦ ᠬᠠᠮᠤᠭᠤᠨ ᠰᠣᠳᠣᠨ ᠵᠠᠯᠭ᠋ᠠᠮᠵᠢᠯᠠᠭᠴᠢ ᠪᠠᠶ᠋ᠢᠭᠠ ᠶᠣᠮ᠃ ᠲᠡᠳᠡᠨᠳᠤ ᠪᠠᠰᠠ ᠨᠢᠭᠤᠷᠲᠠᠢ᠂ ᠦᠪᠡᠷᠢᠪᠠᠨ ᠬᠦᠨᠳᠦᠳᠬᠡᠬᠦ ᠰᠡᠳᠬᠢᠯᠬᠡ ᠴᠢᠩᠭᠠ ᠪᠠᠶ᠋ᠢᠳᠠᠭ᠃ ᠲᠡᠬᠦᠨᠢᠨᠢ ᠪᠢᠳᠡ ᠬᠦᠨᠳᠦᠳᠬᠡᠬᠦ ᠬᠡᠷᠡᠭᠳᠡᠢ᠃ ᠮᠢᠨᠦ ᠠ᠋ᠷᠬᠢᠯᠡᠵᠦ ᠲᠡᠭᠦᠰᠭᠡᠭᠰᠡᠨ ᠠᠩᠬᠢᠳᠤ ᠠᠩᠬᠠ ᠲᠤᠮᠳᠠᠳᠤᠠᠴᠠᠪᠠᠨ ᠠᠯᠢᠶᠠ ᠰᠣᠷᠣᠭᠴᠢ ᠭᠡᠰᠡᠨ ᠬᠠᠷᠠ ᠲᠠᠩᠰᠠᠲᠠᠢ ᠢᠷᠡᠭᠰᠡᠨ ᠰᠣᠷᠣᠭᠴᠢ ᠪᠠᠶ᠋ᠢᠨᠠ᠃ ᠠᠷᠪᠠᠨ ᠰᠠᠷᠠ ᠵᠢᠨ ᠠᠮᠠᠷᠠᠯᠳᠠ ᠲᠠᠯᠪᠢᠵᠤ ᠪᠤᠴᠠᠵᠤ ᠢᠷᠡᠭᠰᠡᠨᠠᠴᠠ ᠰᠡᠬᠦᠯᠡᠷ ᠠ᠋ᠨᠡ ᠬᠦᠦ ᠰᠦᠨᠢ ᠵᠢᠨ ᠤᠨᠳᠠᠯᠭᠠᠳᠤ ᠪᠠᠶ᠋ᠢᠷᠢᠳᠤ ᠨᠢᠬᠡ ᠯᠠᠵᠠ ᠫᠢᠸᠤ᠋ ᠣᠣᠭᠤᠭᠰᠠᠨᠳᠤ ᠮᠠᠷᠭ᠋ᠠᠰᠢᠨᠢ ᠪᠢ ᠮᠡᠳᠡᠭᠰᠡᠨᠤ ᠰᠡᠬᠦᠯᠡᠷ ᠠᠭᠤᠷᠯᠠᠭᠰᠠᠨ ᠦᠬᠡᠢ ᠮᠦᠷᠳᠡᠭᠡᠨ ᠲᠡᠬᠦᠨᠢ ᠪᠤᠷᠤᠭᠤᠪᠠᠨ ᠵᠤᠷᠢᠭᠳᠠᠢ ᠮᠡᠳᠡᠷᠡᠵᠤ ᠴᠢᠳᠠᠭᠰᠠᠨ ᠦᠨᠡᠨᠴᠢ ᠰᠢᠳᠣᠷᠭᠤ ᠰᠣᠷᠣᠭᠴᠢ ᠪᠠᠶ᠋ᠢᠨᠠ ᠬᠡᠵᠤ ᠮᠠᠭᠳᠠᠭ᠋ᠠᠳ ᠶᠠᠪᠤᠭᠤᠯᠪᠠ᠃ ᠢᠩᠬᠢᠭᠰᠡᠨᠠᠴᠠ ᠠ᠋ᠨᠡ ᠬᠦᠦ ᠲᠤᠩ ᠭᠡᠮᠰᠢᠨ ᠣᠬᠠᠭ᠋ᠠᠷᠠᠵᠤ ᠡᠵᠢᠳᠤᠪᠠᠨ ᠣᠳᠠᠰᠣ ᠠᠪᠴᠣ ᠦᠪᠡᠷᠤᠨ ᠣᠴᠢᠷ ᠵᠶ᠋ᠠᠨ ᠬᠡᠯᠡᠭᠰᠡᠨᠢ ᠡᠵᠢᠨᠢ ᠨᠡᠳᠡᠳᠤ᠄ 《〈ᠮᠢᠨᠦ ᠬᠦᠦ ᠲᠠᠨᠳᠤ ᠠᠭᠤᠷᠯᠠᠭᠳᠠᠭᠰᠠᠨ ᠦᠬᠡᠢ ᠭᠡᠳ ᠲᠤᠩ ᠪᠠᠶᠠᠷᠯᠠᠵᠤ ᠪᠠᠶ᠋ᠢᠨᠠ᠃ ᠲᠡᠭᠡᠭᠡᠳ ᠣᠳᠣᠠᠴᠠᠪᠠᠨ ᠠ᠋ᠬᠢᠯᠡᠨ ᠴᠢᠷᠮᠠᠶ᠋ᠢᠨᠠ〉 ᠬᠡᠵᠤ ᠪᠠᠶ᠋ᠢᠨᠠ》 ᠭᠡᠯᠡ᠃ ᠠ᠋ᠬᠦᠨᠠᠴᠠ ᠰᠡᠬᠦᠯᠡᠷ ᠲᠤᠰ ᠰᠣᠷᠣᠭᠴᠢ ᠦᠨᠡᠭᠡᠷ ᠴᠢᠷᠮᠠᠶ᠋ᠢᠵᠤ ᠠ᠋ᠬᠢᠯᠡᠭᠰᠡᠨ᠃ ᠬᠢᠴᠢᠶᠡᠯ ᠲᠠᠪᠳᠠᠯᠭᠠᠳᠤ ᠠᠩᠬᠠᠷᠤᠨ ᠰᠣᠨᠣᠰᠬᠤ ᠪᠣᠯᠣᠭᠰᠠᠨ ᠶᠤᠮ᠃
4. ᠬᠦᠮᠦᠨ ᠴᠢᠨᠠᠷᠤᠨ ᠬᠦᠮᠦᠵᠢᠯᠢ ᠰᠠᠶ᠋ᠢᠳᠤᠷ ᠬᠢᠵᠦ᠂ ᠪᠠᠶᠡᠪᠠᠨ ᠲᠠᠭ᠋ᠠᠭ᠋ᠠᠨ ᠠᠵᠢᠯᠯᠠᠵᠦ ᠰᠤᠷᠤᠯᠴᠠᠭ᠍ᠤ ᠵᠢ ᠠᠩᠬᠠᠷᠬᠤ ᠵᠢ ᠤᠶ᠋ᠢᠯᠠᠭ᠋ᠠᠯᠠ᠃
ᠤᠳᠤᠬᠠᠨᠤ ᠰᠤᠷᠤᠭᠴᠢᠳ ᠤᠯᠠᠨᠭ᠌ᠬᠢᠨᠢ ᠪᠠᠭᠰᠢ ᠭᠡᠷᠤᠨ ᠠᠬᠠᠮᠠᠳᠤᠨ ᠵᠢᠯᠣᠭᠤᠳᠣᠯᠭᠠ ᠲᠣᠣᠷᠠ ᠠᠮᠢᠳᠣᠷᠠᠵᠣ ᠰᠣᠷᠣᠯᠴᠠᠵᠣ ᠢᠷᠡᠭᠰᠡᠨ ᠲᠤᠯᠠ ᠠ᠋ᠷᠳᠡᠭᠡᠨ ᠪᠡᠶᠡᠪᠠᠨ ᠲᠠᠭ᠋ᠠᠭ᠋ᠠᠨ ᠠᠮᠢᠳᠣᠷᠠᠵᠣ ᠰᠣᠷᠣᠯᠴᠠᠭ᠍ᠣ ᠵᠢ ᠪᠡᠶᠡᠯᠡᠬᠦᠯᠬᠦ ᠦᠬᠡᠢ ᠪᠣᠯ ᠨᠠᠰᠣᠨᠤ ᠬᠠᠷᠠᠮᠰᠠᠯ ᠪᠣᠯᠣᠨᠠ᠃ ᠴᠢᠩᠬᠤᠸᠠ ᠶᠡᠭᠡ ᠰᠣᠷᠭ᠋ᠠᠭᠤᠯᠢᠳᠤ ᠣᠷᠣᠭᠰᠠᠨ ᠰᠣᠷᠣᠭᠴᠢ ᠦᠨᠳᠡᠭᠡᠨᠤ ᠬᠠᠯᠢᠰᠣ ᠵᠢ ᠱᠠᠭ᠋ᠠᠯᠠᠵᠤ ᠴᠢᠳᠠᠭ᠍ᠤ ᠦᠬᠡᠢ ᠪᠠᠶ᠋ᠢᠭᠰᠠᠨ ᠵᠢᠱ᠌ᠢᠶᠠ ᠰᠣᠨᠣᠰᠳᠠᠭᠰᠠᠨ ᠳ᠋ᠠ᠃ ᠣᠳᠣ ᠵᠢᠨ ᠨᠡᠶ᠋ᠢᠬᠡᠮ ᠪᠣᠯ ᠮᠡᠳᠡᠯᠭᠡ ᠮᠡᠷᠭᠡᠵᠢᠯᠤᠨ ᠬᠤᠷᠴᠠ ᠰᠢᠷᠦᠬᠦᠨ ᠦᠷᠢᠰᠦᠯᠳᠣᠭᠡᠨᠤ ᠴᠠᠭ ᠦᠶᠡ ᠪᠣᠯᠬᠤᠷ ᠴᠠᠭᠢ ᠲᠠᠯᠠᠭ᠋ᠠᠷ ᠦᠩᠬᠡᠷᠡᠬᠦᠯᠬᠦ ᠵᠢ ᠣᠨᠴᠠ ᠴᠡᠭᠡᠷᠯᠡᠬᠦ ᠬᠡᠷᠡᠭᠳᠡᠢ᠃ ᠪᠠᠶᠡᠪᠠᠨ ᠲᠠᠭ᠋ᠠᠭ᠋ᠠᠨ ᠰᠣᠷᠣᠯᠴᠠᠵᠣ ᠴᠢᠳᠠᠭ᠍ᠣ ᠦᠬᠡᠢ ᠰᠣᠷᠣᠭᠴᠢᠳ ᠪᠣᠯ ᠬᠡᠵᠢᠶᠡᠳᠡ ᠪᠠᠭᠰᠢᠠᠴᠠ ᠱᠠᠭ᠋ᠠᠷᠳᠠᠭ᠍ᠣ ᠵᠢ ᠬᠦᠯᠢᠶᠡᠬᠦ ᠪᠣᠯᠣᠨᠠ᠃ ᠪᠠᠭᠰᠢ ᠱᠠᠭ᠋ᠠᠷᠳᠠᠭ᠍ᠣ ᠦᠬᠡᠢ ᠪᠣᠯ ᠲᠠᠳᠠ ᠣᠷᠣᠯᠳᠣᠬᠤ ᠦᠬᠡᠢ ᠪᠣᠯᠳᠠᠭ᠃ ᠪᠠᠭᠰᠢ ᠲᠡᠬᠦᠨᠠᠴᠠ ᠲᠦᠬᠡ ᠰᠠᠯᠣᠯ ᠦᠬᠡᠢ ᠪᠠᠶ᠋ᠢᠬᠤ ᠪᠣᠯᠣᠯᠴᠠᠭᠠ ᠦᠬᠡᠢ ᠣᠴᠢᠷᠠᠴᠠ ᠲᠡᠳᠡᠭᠡᠷ ᠰᠣᠷᠣᠭᠴᠢᠳ ᠨᠢᠬᠡ ᠬᠡᠰᠡᠭ ᠴᠠᠭ ᠵᠶ᠋ᠠᠨ ᠲᠡᠯᠡᠭ᠋ᠠᠷ ᠰᠦᠢ᠍ᠳᠭᠡᠳᠡᠭᠤᠨ ᠣᠯᠠᠮᠠᠴᠠ ᠰᠣᠷᠣᠯᠭᠠᠳᠤᠪᠠᠨ ᠬᠦᠴᠢᠷᠳᠡᠵᠣ ᠢᠳᠡᠭ ᠠᠯᠬᠤᠮ ᠵᠶ᠋ᠠᠷ ᠰᠣᠷᠣᠯᠴᠠᠭ᠍ᠣ ᠣᠷᠮᠠᠰ ᠦᠬᠡᠢ ᠪᠣᠯᠵᠣ ᠠᠩᠬᠢ ᠵᠢᠨ ᠭᠡᠷᠲᠤ ᠰᠠᠭᠤᠬᠤ ᠵᠢ ᠲᠦᠢ᠍ᠯᠤᠨ ᠵᠣᠪᠠᠭᠤᠷᠢᠲᠠᠢ ᠶᠠᠪᠣᠳᠠᠯ ᠪᠤᠯᠭ᠋ᠠᠳᠠᠭ ᠪᠠᠶ᠋ᠢᠨᠠ᠃ ᠦᠷᠬᠦᠯᠵᠢ ᠪᠣᠰᠣᠳᠤᠨ ᠲᠣᠬᠢᠯᠳᠠᠪᠠᠷ ᠠᠵᠢᠯᠯᠠᠳᠠᠭᠤᠨ ᠰᠢᠯᠳᠠᠭ᠋ᠠᠨᠠᠴᠠ ᠪᠣᠯᠵᠣ ᠪᠣᠭᠤᠯᠴᠢ ᠴᠢᠨᠠᠷᠲᠠᠢ᠂ ᠦᠪᠡᠷᠤᠨ ᠣᠬᠠᠮᠰᠠᠷᠠᠴᠠᠪᠠᠨ ᠶᠠᠮᠠᠷ ᠨᠢᠬᠡᠨ ᠠᠵᠢᠯᠯᠠᠭᠠ ᠵᠢ ᠬᠢᠶᠡ ᠬᠡᠰᠡᠨ ᠵᠦᠢ᠍ᠯ ᠦᠬᠡᠢ ᠵᠦᠪᠬᠡᠨ ᠪᠣᠰᠣᠳᠤᠨ ᠵᠢᠭ᠋ᠠᠨ ᠲᠣᠳᠣᠮᠠᠳᠣᠯᠭᠠᠪᠠᠷ ᠣᠴᠢᠷ ᠶᠠᠪᠣᠳᠠᠯᠢ ᠪᠠᠶᠡᠯᠡᠬᠦᠯᠳᠡᠭ ᠬᠦᠮᠦᠰ ᠬᠦᠮᠦᠵᠢᠭᠳᠡᠬᠦ ᠪᠣᠯᠣᠨᠠ᠃ ᠪᠠᠭᠰᠢ ᠪᠡ ᠭᠡᠷᠤᠨ ᠠᠬᠠᠮᠠᠳ ᠲᠡᠬᠦᠨᠢ ᠨᠢᠬᠡ ᠨᠠᠰᠣᠨᠳᠤᠨᠢ ᠲᠠᠭ᠋ᠠᠬᠤ ᠭᠡᠳᠡᠭ ᠪᠤᠯ ᠪᠠᠶᠠᠯᠡᠭᠳᠡᠵᠤ ᠲᠡᠶ᠋ᠢᠯᠬᠦ ᠦᠬᠡᠢ᠃ ᠠ᠋ᠶ᠋ᠢᠮᠦᠠᠴᠠ ᠪᠢᠳᠡ ᠰᠤᠷᠤᠭᠴᠢᠳᠲᠤ ᠪᠡᠶᠡᠪᠠᠨ ᠲᠠᠭ᠋ᠠᠭ᠋ᠠᠨ ᠰᠤᠷᠤᠯᠴᠠᠭ᠍ᠤ ᠬᠦᠮᠦᠵᠢᠯ ᠣᠯᠭᠤᠵᠦ ᠶᠠᠮᠠᠷ ᠨᠢᠭᠡᠨ ᠠ᠋ᠷᠳᠡᠮ ᠪᠤᠯᠪᠠᠰᠤᠷᠠᠯᠳᠤ ᠲᠤᠷᠠ ᠪᠠᠬᠠ᠂ ᠰᠢᠨᠤᠯᠲᠠᠢ ᠪᠤᠯᠭ᠋ᠠᠵᠦ ᠲᠡᠶ᠋ᠢᠯᠪᠡᠯ ᠲᠡᠳᠡ ᠪᠣᠰᠣᠳᠤᠨ ᠱᠠᠭ᠋ᠠᠷᠳᠠᠯᠭᠠ ᠵᠢ ᠬᠦᠯᠢᠶᠡᠬᠦ ᠦᠭᠡᠢᠪᠠᠷ ᠠᠶᠠᠨᠳᠠᠭ᠋ᠠᠨ ᠴᠢᠷᠮᠠᠶ᠋ᠢᠳᠠᠭ ᠪᠤᠯᠴᠢᠬᠠᠨᠠ᠃ ᠠ᠋ᠨᠡ ᠲᠤᠬᠠᠢ 《ᠲᠤᠭᠳᠠᠮ ᠬᠦᠮᠦᠵᠢᠯ ᠬᠢᠭᠡᠳ ᠠᠪᠢᠶᠠᠰ ᠪᠢᠯᠢᠭᠳᠡᠨ》 ᠬᠡᠬᠦ ᠨᠤᠮᠳᠤ 《ᠬᠡᠤᠬᠡᠳᠤᠨ ᠬᠠᠯᠠᠭᠤᠨ ᠰᠡᠳᠬᠢᠯᠭᠡ ᠵᠢᠨ ᠭᠠᠯ ᠨᠣᠴᠤᠨ ᠲᠦᠷᠡᠯᠵᠡᠳᠡᠭ ᠯᠡ ᠪᠤᠯ ᠬᠤᠵᠢᠮᠨᠢ ᠬᠦᠮᠦᠰᠢ ᠰᠣᠴᠢᠭ᠋ᠠᠮᠠᠷ ᠬᠠᠳᠠᠭᠤᠵᠢᠯ ᠴᠢᠷᠮᠠᠶ᠋ᠢᠯᠳᠠ ᠪᠤᠯᠤᠨ ᠰᠦᠰᠦ ᠵᠣᠷᠢᠭ ᠪᠠᠳᠠᠷᠠᠨ ᠭᠠᠷᠴᠤ᠂ ᠠᠪᠢᠶᠠᠰ ᠪᠢᠯᠢᠭᠳᠡᠨᠢ ᠪᠤᠢ ᠪᠤᠯᠭ᠋ᠠᠵᠦ ᠴᠢᠳᠠᠳᠠᠭ ᠶᠤᠮ᠃ ᠠ᠋ᠶ᠋ᠢᠮᠦᠠᠴᠠ ᠬᠠᠯᠠᠭᠤᠨ ᠰᠡᠳᠬᠢᠯᠭᠡ ᠪᠤᠯ ᠨᠢᠭᠡ ᠵᠦᠢ᠍ᠯᠤᠨ ᠰᠢᠳᠢ ᠪᠤᠯᠬᠤ ᠲᠤᠯᠠ ᠣᠷᠴᠢᠯᠠᠩᠤᠨ ᠭᠠᠶ᠋ᠢᠬᠠᠮᠰᠢᠭᠢ ᠪᠦᠳᠦᠭᠡᠵᠦ ᠴᠢᠳᠠᠨᠠ》 ᠭᠡᠵᠦ ᠪᠤᠳᠠᠳᠤ ᠵᠢᠱ᠌ᠢᠶᠡᠠᠴᠠ ᠬᠤᠷᠠᠮᠳᠤᠭᠤᠯᠤᠭᠰᠠᠨ ᠣᠨᠤᠯ ᠵᠶ᠋ᠠᠨ ᠲᠤᠷᠠᠳᠤᠭᠰᠠᠨᠨᠢ ᠮᠠᠨᠤ ᠠᠵᠢᠯᠯᠠᠭᠠᠳᠤ ᠵᠦᠭᠯᠡᠭᠦᠷ ᠪᠤᠯᠵᠦ ᠪᠠᠶ᠋ᠢᠨᠠ！ ④
《ᠮᠣᠳᠤ ᠵᠢ ᠵᠤᠯᠵᠠᠭᠠ ᠪᠠᠶ᠋ᠢᠬᠤᠳᠤᠨᠢ ᠠᠩᠬᠠᠷᠤᠭᠰᠠᠨ ᠦᠭᠡᠢ᠂ ᠬᠠᠷᠢᠨ ᠪᠦᠳᠦᠭᠦᠨ ᠪᠦᠭᠳᠦᠷ ᠮᠤᠳᠤ ᠪᠤᠯᠤᠭᠰᠠᠨ ᠬᠤᠶ᠋ᠢᠨᠠ ᠵᠠᠰᠠᠨᠠ ᠭᠡᠳᠡᠭ ᠴᠢᠨᠢ ᠬᠡᠢ ᠬᠤᠭᠤᠰᠤᠨ ᠦᠭᠡ ᠪᠤᠯᠤᠨᠠ᠃ ᠬᠡᠤᠬᠡᠳᠢ ᠰᠤᠷᠭ᠋ᠠᠨ ᠬᠦᠮᠦᠵᠢᠭᠦᠯᠬᠦᠳᠤ ᠮᠦᠨ ᠠ᠋ᠶ᠋ᠢᠮᠦ ᠪᠠᠶ᠋ᠢᠳᠠᠭ᠃ ᠪᠠᠭᠠᠠᠴᠠᠨᠢ ᠰᠠᠶ᠋ᠢᠳᠤᠷ ᠬᠦᠮᠦᠵᠢᠭᠦᠯᠦᠭᠰᠡᠨ ᠦᠭᠡᠢ᠂ ᠬᠠᠷᠢᠨ ᠲᠡᠭᠦᠨᠢ ᠲᠤᠮᠤ ᠪᠤᠯᠤᠭᠰᠠᠨ ᠬᠤᠶ᠋ᠢᠨᠠ ᠬᠦᠮᠦᠵᠢᠭᠦᠯᠦᠨᠡ ᠭᠡᠳᠡᠭ ᠴᠢᠨᠢ ᠪᠦᠷ ᠴᠠᠭᠠᠴᠠᠪᠠᠨ ᠬᠤᠴᠤᠷᠤᠭᠰᠠᠨ ᠶᠠᠪᠤᠳᠠᠯ ᠪᠤᠯᠤᠨᠠ᠃ ᠠ᠋ᠶ᠋ᠢᠮᠦᠠᠴᠠ ᠮᠣᠩᠭᠤᠯᠴᠤᠳ ᠭᠡᠷᠤᠨ ᠬᠦᠮᠦᠵᠢᠯᠤᠨ ᠦᠢ᠍ᠯᠡᠳᠦᠯᠭᠡ ᠵᠢᠨ ᠶᠠᠪᠤᠴᠠᠳᠤᠪᠠᠨ ᠬᠡᠤᠬᠡᠳ ᠵᠶ᠋ᠠᠨ 《ᠬᠦᠮᠦᠨ ᠪᠤᠯᠭ᠋ᠠᠬᠤ》ᠳᠤ ᠪᠠᠭᠠᠠᠴᠠᠨᠢ ᠭᠠᠷᠳᠠᠵᠦ ᠬᠦᠮᠦᠵᠢᠭᠦᠯᠬᠦ ᠠᠰᠠᠭᠤᠳᠠᠯᠢ ᠮᠠᠰᠢ ᠴᠢᠬᠤᠯᠠᠴᠢᠯᠠᠳᠠᠭ ᠪᠠᠶ᠋ᠢᠵᠠᠢ》 ⑤᠃ ᠠ᠋ᠬᠡ ᠡᠴᠢᠭᠡ ᠵᠢ ᠣᠷᠤᠯᠠᠨ ᠰᠤᠷᠭ᠋ᠠᠨ ᠬᠦᠮᠦᠵᠢᠯ ᠬᠢᠵᠦ ᠪᠠᠶ᠋ᠢᠭᠠ ᠪᠢᠳᠡ ᠰᠤᠷᠤᠭᠴᠢᠳᠤᠨ ᠬᠦᠮᠦᠨ ᠮᠦᠰᠦ ᠵᠢ ᠴᠢᠬᠤᠯᠠᠴᠢᠯᠠᠨ 《ᠬᠦᠮᠦᠨ ᠪᠤᠯᠭ᠋ᠠᠵᠦ》 ᠨᠡᠶ᠋ᠢᠭᠡᠮ ᠨᠡᠶ᠋ᠢᠳᠡᠳᠤ ᠲᠤᠰᠠᠳᠠᠢ ᠬᠦᠮᠦᠨᠢ ᠪᠤᠶ᠋ᠢᠵᠢᠭᠤᠯᠬᠤ ᠬᠡᠷᠡᠭᠳᠡᠢ᠃ ᠢᠩᠬᠢᠪᠡᠯ ᠰᠠᠶᠢ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠵᠤᠷᠢᠯᠭᠠᠳᠤᠪᠠᠨ ᠬᠦᠷᠴᠦ ᠴᠢᠳᠠᠨᠠ᠃ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠶᠠᠮᠤᠨᠠᠴᠠ 2017 ᠣᠨᠳᠤ ᠲᠠᠷᠬᠠᠭ᠋ᠠᠭᠰᠠᠨ 《ᠲᠤᠮᠳᠠᠳᠤ ᠪᠠᠭᠠ ᠰᠤᠷᠭ᠋ᠠᠭᠤᠯᠢ ᠵᠢᠨ ᠮᠤᠷᠠᠯᠤᠨ ᠬᠦᠮᠦᠵᠢᠯᠤᠨ ᠵᠦᠭᠯᠡᠭᠦᠷ》ᠲᠤ 《ᠶᠤᠰᠤ ᠮᠤᠷᠠᠯ ᠵᠶ᠋ᠠᠷ ᠬᠦᠮᠦᠨᠢ ᠬᠦᠮᠦᠵᠢᠭᠦᠯᠬᠦ ᠦᠨᠳᠦᠰᠦᠨ ᠠ᠋ᠭᠦᠷᠭᠡ ᠵᠢ ᠬᠦᠨᠵᠡᠭᠡᠢ ᠲᠤᠭᠤᠰᠢᠯᠠᠭᠤᠯᠵᠦ᠂ ᠲᠤᠮᠳᠠᠳᠤ ᠪᠠᠭᠠ ᠰᠤᠷᠭ᠋ᠠᠭᠤᠯᠢ ᠵᠢᠨ ᠮᠤᠷᠠᠯᠤᠨ ᠬᠦᠮᠦᠵᠢᠯᠤᠨ ᠬᠠᠮᠢᠶᠠᠷᠤᠯᠳᠠᠪᠠᠨ ᠴᠢᠩᠭ᠋ᠠᠳᠬᠠᠨᠠ》 ᠭᠡᠵᠦ ᠲᠤᠳᠤᠷᠬᠠᠢ ᠲᠤᠭᠳᠠᠭ᠋ᠠᠭᠰᠠᠨ ᠪᠠᠶ᠋ᠢᠨᠠ᠃
ᠠᠩᠬᠢ ᠵᠢᠨ ᠠ᠋ᠷᠬᠢᠯᠡᠭᠴᠢ ᠪᠠᠭᠰᠢᠨᠢ ᠪᠦᠬᠦ ᠠᠩᠬᠢ ᠵᠢᠨ ᠰᠣᠷᠣᠭᠴᠢ ᠵᠢᠨ ᠢᠷᠡᠭᠡᠳᠣᠢ ᠵᠢᠨ ᠬᠠᠨᠳᠣᠰᠢᠳᠤ ᠬᠦᠨᠳᠣ ᠴᠢᠬᠤᠯᠠ ᠨᠦᠯᠦᠬᠡᠯᠡᠬᠦ ᠬᠦᠴᠦᠨᠲᠠᠢ ᠪᠠᠶ᠋ᠢᠳᠠᠭ᠃ ᠨᠢᠬᠡᠨ ᠰᠢᠯᠢᠳᠡᠭ ᠠᠩᠬᠢ ᠵᠢᠨ ᠠ᠋ᠷᠬᠢᠯᠡᠭᠴᠢ ᠪᠣᠯᠬᠤᠨᠢ ᠲᠡᠷᠡ ᠨᠢᠬᠡᠨ ᠠᠩᠬᠢ ᠰᠣᠷᠣᠭᠴᠢ ᠵᠢᠨ ᠢᠷᠡᠭᠡᠳᠣᠢ ᠵᠢᠨ ᠬᠡᠷᠡᠯ ᠬᠢᠯᠪᠠᠭᠠᠯᠤᠭᠠ ᠰᠢᠭᠤᠳ ᠬᠤᠯᠪᠣᠭᠳᠠᠯᠲᠠᠢ ᠪᠠᠶ᠋ᠢᠳᠠᠭᠠᠴᠠ ᠪᠢᠳᠡ ᠰᠣᠷᠭ᠋ᠠᠭᠤᠯᠢ ᠵᠢ ᠭᠡᠷ ᠵᠶ᠋ᠠᠨ᠂ ᠰᠣᠷᠣᠭᠴᠢ ᠵᠢ ᠬᠡᠤᠬᠡᠳ ᠵᠶ᠋ᠠᠨ ᠰᠢᠭ ᠪᠤᠳᠤᠵᠤ ᠬᠠᠶ᠋ᠢᠷᠠ ᠵᠢᠨ ᠰᠡᠳᠬᠢᠯ ᠵᠶ᠋ᠠᠷ ᠬᠠᠷᠢᠭᠤᠴᠠᠯᠭᠠᠪᠠᠨ ᠬᠦᠢ᠍ᠴᠡᠳᠭᠡᠵᠤ ᠪᠠᠶ᠋ᠢᠪᠠᠯ ᠠᠯᠢᠪᠠ ᠣᠴᠢᠷ ᠰᠠᠨᠠᠭ᠋ᠠᠨᠤ ᠠᠶᠠᠪᠠᠷ ᠪᠦᠳᠦᠬᠦᠨᠢ ᠯᠠᠪᠳᠠᠢ ᠶᠤᠮ ᠡ᠃
《ᠬᠡᠤᠬᠡᠳ ᠠ᠋ᠬᠡᠠᠴᠠ ᠨᠢᠬᠡ ᠲᠦᠷᠦᠳᠡᠭ᠂ ᠪᠠᠭᠰᠢᠠᠴᠠ ᠲᠡᠬᠢᠨ ᠲᠦᠷᠦᠳᠡᠭ》 ᠭᠡᠳᠡᠭ ᠵᠶ᠋ᠠᠷ ᠠᠩᠭᠢ ᠵᠢᠨ ᠠ᠋ᠷᠬᠢᠯᠡᠭᠴᠢ ᠪᠠᠭᠰᠢ ᠵᠢᠨ ᠴᠢᠷᠮᠠᠶ᠋ᠢᠯᠭᠠ ᠪᠠ ᠰᠦᠪᠡᠭᠴᠢᠯᠡᠯ ᠪᠤᠯ ᠰᠤᠷᠤᠭᠴᠢᠳᠤᠨ ᠭᠡᠷᠡᠯᠳᠦ ᠴᠠᠮᠬᠠᠭ ᠪᠤᠯᠬᠤ ᠶᠤᠮ᠃ 《ᠬᠡᠤᠬᠡᠳ ᠨᠢᠬᠡ ᠠ᠋ᠷᠳᠡᠨᠢ᠂ ᠬᠦᠮᠦᠵᠢᠯ ᠮᠢᠩᠭ᠋ᠠᠨ ᠠ᠋ᠷᠳᠡᠨᠢ》 ᠰᠢᠦ！
ᠵᠡᠭᠦᠯᠳᠡ᠄
［1］ ᠸᠠᠩ ᠹᠸᠩ ᠯᠸᠢ᠄ 《ᠰᠤᠷᠭ᠋ᠠᠨ ᠬᠦᠮᠦᠵᠢᠯ》᠂ ᠦᠪᠦᠷ ᠮᠣᠩᠭᠤᠯᠤᠨ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠬᠡᠪᠯᠡᠯᠤᠨ ᠬᠤᠷᠢᠶᠠ᠂ 2006 ᠣᠨᠤ 1 ᠰᠠᠷᠠ᠂ 51 ᠳ᠋ᠤᠭᠡᠷ ᠨᠢᠭᠤᠷ᠃
［2］ ᠸ᠊ · ᠠ᠊ · ᠰᠦᠬᠤᠮᠯᠢᠨ᠋ᠰᠺᠢ ᠵᠢᠨ 《ᠪᠠᠭᠰᠢ ᠨᠠᠷᠲᠤ ᠦᠭᠭᠦᠭᠰᠡᠨ ᠰᠠᠨᠠᠭᠤᠯᠭᠠ》 （ᠠᠷᠤ ᠬᠤᠷᠴᠢᠨᠤ ᠴᠢᠪᠠᠭᠠ ᠲᠠᠪᠤᠳᠤᠭ᠋ᠠᠷ ᠲᠤᠮᠳᠠᠳᠤ ᠰᠤᠷᠭ᠋ᠠᠭᠤᠯᠢ ᠨᠠᠶ᠋ᠢᠷᠠᠭᠤᠯᠤᠨ ᠣᠷᠴᠢᠭᠤᠯᠤᠭᠰᠠᠨ）᠂ ᠯᠢᠶᠣᠤᠨᠢᠩᠤᠨ ᠦᠨᠳᠦᠰᠦᠳᠡᠨᠤ ᠬᠡᠪᠯᠡᠯᠤᠨ ᠬᠤᠷᠢᠶᠠ᠂ 2018 ᠣᠨᠤ 11 ᠰᠠᠷᠠ᠂ 425 ᠳ᠋ᠤᠭ᠋ᠠᠷ ᠨᠢᠭᠤᠷ᠃
［3］ ᠸᠸᠢ ᠱᠤ᠌ ᠱᠸᠩ᠄ 《ᠠᠩᠬᠢ ᠵᠢᠨ ᠠ᠋ᠷᠬᠢᠯᠡᠭᠴᠢ ᠵᠢᠨ ᠠᠵᠢᠯᠤᠨ ᠲᠤᠬᠠᠢ ᠶᠠᠷᠢᠯᠴᠠᠭ᠋ᠠᠨ》 （ᠬᠢᠳᠠᠳ ᠬᠡᠪᠯᠡᠯ）᠂ ᠯᠢᠵᠢᠶᠠᠩ ᠬᠡᠪᠯᠡᠯᠤᠨ ᠬᠤᠷᠢᠶᠠ᠂ 2010 ᠣᠨᠤ 5 ᠰᠠᠷᠠ᠂ 98 ᠳ᠋ᠤᠭ᠋ᠠᠷ ᠨᠢᠭᠤᠷ᠃
［4］ ᠺᠢᠮᠤᠷᠠ ᠾᠢᠰᠠᠶᠢᠴᠢ᠄ 《ᠲᠤᠭᠳᠠᠮ ᠬᠦᠮᠦᠵᠢᠯ ᠬᠢᠭᠡᠳ ᠠᠪᠢᠶᠠᠰ ᠪᠢᠯᠢᠭᠳᠡᠨ》 （ᠪᠠᠶᠠᠨᠬᠦᠦ ᠮᠣᠩᠭᠤᠯᠴᠢᠯᠠᠪᠠ）᠂ ᠦᠪᠦᠷ ᠮᠣᠩᠭᠤᠯᠤᠨ ᠠᠷᠠᠳᠤᠨ ᠬᠡᠪᠯᠡᠯᠤᠨ ᠬᠤᠷᠢᠶᠠ᠂ 2018 ᠣᠨᠤ 6 ᠰᠠᠷᠠ᠂ 141 ᠳ᠋ᠤᠭᠡᠷ ᠨᠢᠭᠤᠷ᠃
［5］ ᠺᠢᠮᠤᠷᠠ ᠾᠢᠰᠠᠶᠢᠴᠢ᠄ 《ᠲᠤᠭᠳᠠᠮ ᠬᠦᠮᠦᠵᠢᠯ ᠬᠢᠭᠡᠳ ᠠᠪᠢᠶᠠᠰ ᠪᠢᠯᠢᠭᠳᠡᠨ》 （ᠪᠠᠶᠠᠨᠬᠦᠦ ᠮᠣᠩᠭᠤᠯᠴᠢᠯᠠᠪᠠ）᠂ ᠦᠪᠦᠷ ᠮᠣᠩᠭᠤᠯᠤᠨ ᠠᠷᠠᠳᠤᠨ ᠬᠡᠪᠯᠡᠯᠤᠨ ᠬᠤᠷᠢᠶᠠ᠂ 2018 ᠣᠨᠤ 6 ᠰᠠᠷᠠ᠂ 802 ᠳ᠋ᠤᠭ᠋ᠠᠷ ᠨᠢᠭᠤᠷ᠃
ᠬᠠᠶᠢᠬ᠄ ᠣᠩᠨᠢᠭᠤᠳ ᠬᠤᠰᠢᠭᠤᠨᠤ ᠪᠣᠷᠤᠬᠤᠳᠠ ᠮᠤᠩᠭᠤᠯ ᠲᠤᠮᠳᠠᠳᠤ ᠰᠤᠷᠭ᠋ᠠᠭᠤᠯᠢ
（ᠠ᠋ᠾᠤᠢ᠍ᠩ ᠮᠸᠢ ᠨᠠᠢ᠍ᠢ᠍ᠷᠠᠭᠤᠯᠪᠠ）
2020.4 ᠳ᠋ᠦ᠍ᠭᠡᠷ ᠬᠤᠭᠤᠴᠠᠭᠠ