ᠨᠠᠢ᠍ᠢ᠍ᠷᠠᠭᠤᠯᠤᠭᠴᠢ ᠵᠢᠨ ᠦᠭᠡ᠄ ᠲᠤᠰ ᠠᠭᠤᠯᠭᠠ ᠪᠤᠯ 2019 ᠤᠨᠤ ᠤᠯᠤᠰᠤᠨ ᠰᠢᠯᠭ᠋ᠠᠯᠲᠠᠳᠤ 622 ᠬᠤᠪᠢ ᠰᠢᠯᠭ᠋ᠠᠭᠤᠯᠵᠤ᠂ ᠲᠦᠩᠯᠢᠶᠤᠤ ᠬᠤᠲᠠ ᠵᠢᠨ ᠮᠤᠨᠭ᠌ᠭᠤᠯ ᠵᠶ᠋ᠠᠷ ᠬᠢᠴᠢᠶᠠᠯᠯᠠᠵᠤ ᠪᠠᠢ᠍ᠢ᠍ᠭᠠ ᠨᠡᠶ᠋ᠢᠭᠡᠮᠤᠨ ᠰᠢᠨᠵᠢᠯᠡᠬᠦ ᠤᠬᠠᠭ᠋ᠠᠨᠤ ᠬᠢᠴᠢᠶᠠᠯ ᠲᠦᠷᠤᠯᠤᠨ ᠮᠠᠩᠯᠠᠢᠪᠠᠷ ᠲᠤᠲᠤᠷᠠᠨ᠂ ᠤᠳᠤ ᠲᠤᠷᠤᠨᠠᠲᠦ ᠵᠢᠨ ᠤᠯᠤᠰ ᠲᠦᠷᠦ ᠬᠠᠤᠯᠢ ᠴᠠᠭ᠋ᠠᠵᠠ ᠵᠢᠨ ᠶᠡᠭᠡ ᠰᠤᠷᠭ᠋ᠠᠭᠤᠯᠢ ᠵᠢᠨ ᠬᠠᠤᠯᠢ ᠵᠢᠨ ᠤᠬᠠᠭ᠋ᠠᠨᠤ ᠰᠠᠯᠪᠤᠷᠢᠳᠤ ᠰᠤᠷᠤᠯᠴᠠᠵᠦ ᠪᠠᠢ᠍ᠢ᠍ᠭᠠ ᠭᠠᠩᠭ᠋ᠠᠩᠤᠨ ᠡᠵᠢ — ᠤᠳᠤᠨ ᠪᠠᠭᠰᠢ ᠵᠢᠨ ᠬᠡᠤᠬᠡᠨ ᠵᠶ᠋ᠠᠨ ᠦᠰᠭᠡᠨ ᠬᠦᠮᠦᠵᠢᠭᠦᠯᠦᠭᠰᠡᠨ ᠠᠷᠭᠠ ᠲᠤᠷᠰᠢᠯᠭᠠᠪᠠᠨ ᠲᠠᠨᠢᠯᠴᠠᠭᠤᠯᠵᠤ ᠪᠢᠴᠢᠭᠰᠡᠨ ᠵᠤᠬᠢᠶᠠᠯ ᠪᠤᠯᠬᠤ ᠶᠤᠮ᠂ ᠵᠤᠬᠢᠶᠠᠯᠤᠨ ᠠᠷᠤᠳᠤ ᠲᠤᠭᠲᠠᠭ᠍ᠤ ᠪᠠᠭᠰᠢ ᠵᠢᠨ ᠦᠵᠠᠯᠳᠠ ᠤᠢ᠍ᠢ᠍ᠯᠠᠭ᠋ᠠᠯᠳᠠ ᠵᠢ ᠲᠠᠭ᠋ᠠᠯᠳᠤᠭᠤᠯᠪᠠ᠃
ᠮᠢᠨᠦ ᠦᠵᠡᠯᠳᠠ
— ᠤᠳᠤᠨ
ᠶᠸ ᠱᠸᠩ ᠲᠤᠤ ᠠᠪᠤᠭ᠋ᠠᠢ᠄ 《ᠶᠠᠭᠤ ᠵᠢ ᠰᠤᠷᠭ᠋ᠠᠨ ᠬᠦᠮᠦᠵᠢᠯ ᠭᠡᠬᠦ ᠪᠤᠢ？ ᠲᠦᠭᠦᠮᠬᠡᠨ ᠬᠡᠯᠡᠪᠡᠯ᠂ ᠰᠤᠷᠭ᠋ᠠᠨ ᠬᠦᠮᠦᠵᠢᠯ ᠪᠤᠯ ᠲᠠᠷᠤᠢ ᠬᠡᠤᠬᠡᠳᠢ ᠲᠠᠳᠬᠠᠯᠵᠢᠭᠤᠯᠬᠤ ᠬᠦᠮᠦᠵᠢᠯ ᠪᠤᠯᠤᠨᠠ》 ᠭᠡᠵᠡᠢ᠃ ᠦᠭᠡᠷᠡᠪᠠᠷ ᠬᠡᠯᠡᠪᠡᠯ᠂ ᠰᠤᠷᠤᠭᠴᠢᠳᠲᠤ ᠰᠤᠷᠤᠯᠴᠠᠭ᠍ᠤ ᠲᠠᠳᠬᠠᠯ᠂ ᠮᠡᠳᠡᠯᠭᠡ ᠡᠵᠡᠮᠰᠢᠬᠦ ᠤᠷᠮᠠ ᠰᠡᠳᠭᠢᠯᠭᠡ᠂ ᠵᠦᠪ ᠤᠨᠤᠪᠴᠢᠲᠡᠢ ᠶᠢᠷᠲᠢᠨᠴᠦ ᠵᠢᠨ ᠦᠵᠡᠯᠲᠡ ᠪᠠ ᠦᠷᠲᠡᠭᠤᠨ ᠦᠵᠡᠯᠲᠡ ᠵᠢ ᠪᠤᠢ ᠪᠤᠯᠭ᠋ᠠᠬᠤ ᠶᠠᠪᠤᠳᠠᠯ ᠪᠤᠯᠤᠨᠠ ᠭᠡᠵᠦ ᠬᠡᠯᠡᠵᠦ ᠪᠤᠯᠬᠤ ᠶᠤᠮ᠃ ᠠ᠋ᠳᠡᠭᠡᠷᠨᠢ ᠬᠡᠳᠦᠶ᠋ᠢᠪᠡᠷ ᠰᠤᠷᠭ᠋ᠠᠭᠤᠯᠢ ᠵᠢᠨ ᠵᠢᠭ᠋ᠠᠨ ᠰᠤᠷᠭ᠋ᠠᠯᠲᠠ ᠵᠢᠨ ᠶᠠᠪᠤᠴᠠᠳᠤ ᠪᠦᠷᠢᠯᠳᠦᠳᠡᠭ ᠪᠤᠯᠪᠠᠴᠦ᠂ ᠭᠡᠷ ᠪᠦᠯᠢ ᠵᠢᠨ ᠬᠦᠮᠦᠵᠢᠯᠨᠢ ᠰᠠᠭᠤᠷᠢ ᠴᠢᠯᠠᠭᠤ ᠵᠢᠨ ᠦᠢ᠍ᠯᠡᠳᠤᠯ ᠦᠵᠡᠭᠦᠯᠵᠦ ᠪᠠᠶ᠋ᠢᠳᠠᠭ᠃ ᠠ᠋ᠶ᠋ᠢᠮᠦ ᠤᠴᠢᠷᠠᠴᠠ᠂ ᠬᠡᠤᠬᠡᠳᠤᠨ ᠬᠦᠮᠦᠵᠢᠯᠳᠤ ᠭᠡᠷ ᠪᠦᠯᠢ ᠵᠢᠨ ᠭᠦᠮᠦᠵᠢᠯᠨᠢ ᠤᠮᠳᠤᠭ᠋ᠠᠶ᠋ᠢᠯᠠᠵᠦ ᠪᠤᠯᠤᠰᠢ ᠦᠭᠡᠢ ᠴᠢᠬᠤᠯᠠ ᠪᠠᠶ᠋ᠢᠳᠠᠭ᠃ ᠲᠡᠭᠡᠪᠡᠯ ᠭᠡᠷᠤᠨ ᠠᠬᠠᠮᠠᠳ ᠪᠤᠯᠤᠭᠰᠠᠳ ᠬᠡᠤᠬᠡᠳ ᠵᠶ᠋ᠠᠨ ᠬᠡᠷᠬᠢᠨ ᠰᠤᠷᠭ᠋ᠠᠨ ᠬᠦᠮᠦᠵᠢᠭᠦᠯᠪᠡᠯ ᠵᠤᠬᠢᠬᠤ ᠪᠤᠢ？ ᠡ᠊ᠨᠲᠡ ᠪᠢ ᠠ᠋ᠨᠡ ᠭᠦ᠌ ᠠᠰᠠᠭᠤᠳᠠᠯᠢ ᠲᠤᠤᠷᠠᠬᠢ ᠮᠡᠲᠦ ᠬᠡᠳᠦᠨ ᠲᠠᠯᠠᠪᠠᠷ ᠲᠦᠭᠦᠮ ᠶᠠᠷᠢᠰᠤᠭ᠋ᠠᠢ᠃
（ᠨᠢᠭᠡ） ᠭᠡᠷᠤᠨ ᠠᠬᠠᠮᠠᠳ ᠪᠤᠯᠤᠭᠰᠠᠳ ᠬᠠᠮᠤᠭᠤᠨ ᠲᠦᠷᠦᠭᠦᠨᠳᠤ ᠬᠡᠤᠬᠡᠳᠲᠤᠪᠠᠨ ᠬᠦᠮᠦᠨ ᠪᠤᠯᠬᠤ ᠶᠤᠰᠤ ᠵᠢ ᠮᠡᠳᠡᠭᠦᠯᠵᠦ᠂ ᠬᠦᠮᠦᠨᠴᠢ ᠴᠢᠨᠠᠷᠤᠨ ᠬᠦᠮᠦᠵᠢᠯ ᠬᠢᠬᠦ ᠵᠢ ᠴᠢᠬᠤᠯᠠᠴᠢᠯᠠᠭ᠍ᠤ ᠬᠡᠷᠡᠭᠲᠡᠢ
ᠶᠠᠭᠤᠨᠤ ᠤᠷᠢᠳ ᠬᠦᠮᠦᠨ ᠪᠤᠯᠬᠤ ᠶᠤᠰᠤ ᠵᠢ ᠮᠡᠳᠡᠬᠦ ᠴᠢᠬᠤᠯᠠᠲᠠᠢ ᠪᠠᠶ᠋ᠢᠳᠠᠭ᠃ 《ᠬᠦᠮᠦᠨ ᠪᠤᠯᠬᠤ ᠪᠠᠭᠠᠠᠴᠠᠪᠠᠨ᠂ ᠬᠦᠯᠦᠭ ᠪᠤᠯᠬᠤ ᠤᠨᠠᠭ᠋ᠠᠨᠠᠴᠠᠪᠠᠨ》 ᠭᠡᠳᠡᠭᠴᠢᠯᠠᠨ ᠪᠢᠲᠡ ᠬᠡᠤᠬᠡᠳ ᠵᠶ᠋ᠠᠨ ᠬᠠᠷᠠᠭ᠍ᠠᠨ ᠪᠠᠭᠠᠠᠴᠠᠨᠢ ᠰᠠᠶ᠋ᠢᠨ ᠬᠦᠮᠦᠨ ᠪᠤᠯᠬᠤ᠂ ᠬᠦᠮᠦᠨ ᠮᠦᠰᠦᠲᠠᠢ ᠬᠦᠮᠦᠨ ᠪᠤᠯᠬᠤ ᠲᠡᠰᠢ ᠬᠦᠮᠦᠵᠢᠭᠦᠯᠦᠨ ᠰᠤᠷᠭ᠋ᠠᠵᠦ᠂ ᠠᠪᠤ ᠡᠵᠢ ᠪᠤᠯᠤᠨ ᠪᠠᠭᠰᠢ ᠠᠬᠠᠮᠠᠳ ᠵᠶ᠋ᠠᠨ ᠬᠦᠨᠳᠦᠯᠡᠬᠦ᠂ ᠠᠩᠭᠠ ᠲᠡᠭᠦᠦ ᠨᠠᠷ ᠵᠶ᠋ᠠᠨ ᠬᠠᠷᠠᠭ᠋ᠠᠯᠵᠠᠭ᠍ᠤ ᠪᠤᠶᠤ ᠬᠠᠮᠲᠤ ᠨᠦᠬᠦᠳᠲᠠᠢᠪᠠᠨ ᠠ᠋ᠶᠡ ᠨᠠᠶ᠋ᠢᠷᠲᠠᠢ ᠶᠠᠪᠤᠬᠤ ᠵᠡᠷᠭᠡ ᠬᠦᠮᠦᠨ ᠪᠤᠯᠬᠤ ᠵᠢᠨ ᠤᠭ ᠶᠤᠰᠤ ᠵᠢ ᠲᠠᠨᠢᠭᠤᠯᠵᠦ ᠮᠡᠳᠡᠭᠦᠯᠬᠦ ᠶᠠᠪᠤᠳᠠᠯᠨᠢ ᠤᠮᠳᠤᠭ᠋ᠠᠶ᠋ᠢᠯᠠᠵᠦ ᠪᠤᠯᠤᠰᠢ ᠦᠭᠡᠢ ᠴᠢᠬᠤᠯᠠ ᠪᠠᠶ᠋ᠢᠳᠠᠭ᠃ ᠮᠤᠩᠭᠤᠯ ᠵᠦᠢ᠍ᠷ ᠰᠡᠴᠡᠨ ᠦᠭᠡᠨᠳᠤ 《ᠲᠡᠪᠡᠯᠳᠤ ᠵᠠᠬᠠᠲᠠᠢ᠂ ᠬᠦᠮᠦᠨᠳᠤ ᠠᠬᠠᠲᠠᠢ》 ᠭᠡᠳᠡᠭ ᠪᠢᠰᠢᠤ᠃ ᠨᠢᠭᠡ ᠬᠦᠮᠦᠨ ᠬᠡᠳᠦᠶ᠋ᠢᠴᠢᠨᠡᠬᠡᠨ ᠶᠡᠭᠡ ᠠ᠋ᠷᠲᠡᠮ ᠮᠡᠳᠡᠯᠭᠡᠲᠠᠢ ᠪᠠᠶ᠋ᠢᠭᠰᠠᠨ ᠴᠦ᠍ ᠬᠦᠮᠦᠨ ᠪᠤᠯᠬᠤ ᠦᠨᠳᠦᠰᠦᠨ ᠶᠤᠰᠤ ᠵᠢ ᠮᠡᠳᠡᠭᠦ ᠦᠭᠡᠢ ᠪᠤᠯᠪᠠᠯ ᠬᠡᠷᠡᠭ ᠦᠭᠡᠢ ᠶᠤᠮ᠃ ᠮᠠᠨᠤ ᠲᠡᠷᠭᠡᠲᠡ ᠲᠦᠷᠦᠭᠰᠡᠨ ᠠᠪᠤ ᠡᠵᠢᠪᠠᠨ ᠲᠡᠵᠢᠭᠡᠬᠦ ᠦᠭᠡᠢ᠂ ᠬᠠᠳᠠᠮ ᠡᠵᠢ ᠠᠪᠤᠪᠠᠨ ᠬᠦᠨᠳᠦᠯᠡᠬᠦ ᠦᠭᠡᠢ᠂ ᠤᠯᠠᠨ ᠨᠡᠶ᠋ᠢᠲᠡ ᠵᠢᠨ ᠲᠠᠯᠠᠪᠤᠷᠲᠤ ᠦᠪᠡᠷᠤᠨ ᠲᠦᠷᠦᠭᠰᠡᠨ ᠡᠵᠢᠪᠠᠨ ᠴᠤᠬᠢᠵᠦ ᠨᠦᠳᠦᠬᠦ ᠮᠡᠲᠦ ᠵᠢᠨ ᠨᠠᠵᠠᠭ᠋ᠠᠢ ᠪᠤᠷᠤᠭᠤ ᠠᠵᠢᠯᠯᠠᠭᠠ ᠤᠯᠠᠨ ᠠᠷᠪᠢᠨ ᠭᠠᠷᠴᠦ ᠪᠠᠶ᠋ᠢᠨᠠ᠃ ᠮᠢᠨᠤ ᠪᠤᠳᠤᠬᠤᠪᠠᠷ ᠠ᠋ᠳᠡᠭᠡᠷᠨᠢ᠂ ᠭᠡᠷᠤᠨ ᠠᠬᠠᠮᠠᠳᠠᠴᠠ ᠬᠡᠤᠬᠡᠳᠲᠤᠪᠠᠨ ᠬᠦᠮᠦᠨ ᠪᠤᠯᠬᠤ ᠶᠤᠰᠤ ᠵᠢ ᠪᠦᠷᠢᠨ ᠬᠦᠢ᠍ᠴᠡᠳ ᠮᠡᠳᠡᠭᠦᠯᠦᠭᠰᠡᠨ ᠦᠭᠡᠢ ᠵᠢᠨ ᠦᠷᠡ ᠳ᠋ᠦᠩ ᠭᠡᠵᠦ ᠦᠵᠡᠵᠦ ᠪᠠᠶ᠋ᠢᠨᠠ᠃
（ᠬᠤᠶᠠᠷ） ᠬᠡᠤᠬᠡᠳᠲᠤ ᠰᠤᠷᠭ᠋ᠠᠭᠤᠯᠢ ᠵᠢᠨ ᠨᠠᠰᠤᠨᠠᠴᠠ ᠠ᠋ᠮᠦᠨᠡᠬᠢ ᠭᠡᠷ ᠪᠦᠯᠢ ᠵᠢᠨ ᠬᠦᠮᠦᠵᠢᠯᠢ ᠰᠠᠶ᠋ᠢᠨ ᠬᠢᠬᠦ ᠴᠢᠬᠤᠯᠠᠲᠠᠢ
ᠠ᠋ᠨᠡ ᠲᠤᠬᠠᠢ ᠪᠢ ᠬᠡᠤᠬᠡᠨ ᠵᠶ᠋ᠠᠨ ᠬᠦᠮᠦᠵᠢᠭᠦᠯᠦᠭᠰᠡᠨ ᠶᠠᠪᠤᠳᠠᠯᠲᠠᠢ ᠤᠶᠠᠯᠳᠤᠭᠤᠯᠵᠦ ᠲᠤᠤᠷᠠᠬᠢ ᠮᠡᠲᠦ ᠬᠡᠲᠦᠨ ᠲᠠᠯᠠᠪᠠᠷ ᠦᠭᠦᠯᠡᠶᠡ᠃ ᠬᠡᠤᠬᠡᠨᠢ ᠪᠠᠭᠠᠳᠤᠨᠢ ᠭᠤᠤᠯᠳᠠᠭᠤ ᠮᠢᠨᠤ ᠡᠵᠢ ᠰᠠᠭ᠋ᠠᠲᠠᠭᠤᠯᠵᠦ ᠦᠰᠭᠡᠭᠰᠡᠨ ᠶᠤᠮ᠃ ᠮᠢᠨᠤ ᠡᠵᠢ ᠭᠡᠵᠦ ᠪᠠᠭᠠ ᠰᠤᠷᠭ᠋ᠠᠭᠤᠯᠢ ᠵᠢᠨ ᠭᠤᠷᠪᠠᠳᠤᠭ᠋ᠠᠷ ᠤᠨᠤ ᠬᠢᠷᠢ ᠭᠡᠮᠲᠠᠢ᠂ ᠬᠦᠳᠡᠭᠡ ᠵᠢᠨ ᠵᠢᠷᠤᠨ ᠨᠢᠭᠡᠨ ᠮᠠᠯᠴᠢᠨ ᠪᠦᠰᠡᠭᠦᠢ ᠶᠤᠮ᠃ ᠡᠵᠢ ᠮᠢᠨᠢ ᠬᠡᠤᠬᠡᠳᠲᠤ ᠲᠤᠩ ᠬᠠᠶ᠋ᠢᠷᠠᠲᠡᠢ ᠪᠠᠶ᠋ᠢᠳᠠᠭ᠃ ᠬᠡᠤᠬᠡᠨᠢ ᠦᠰᠭᠡᠬᠦᠳᠤᠪᠠᠨ ᠶᠠᠮᠠᠷᠴᠦ ᠲᠡᠶ᠋ᠢᠮᠦ ᠢᠯᠡ ᠲᠤᠲᠤ ᠬᠠᠷᠠᠯᠲᠠ ᠵᠤᠷᠢᠯᠭᠠ ᠦᠭᠡᠢ ᠪᠤᠯᠪᠠᠴᠦ᠂ ᠦᠪᠡᠷᠤᠨ ᠮᠡᠳᠡᠳᠡᠭ ᠵᠦᠢ᠍ᠯ ᠵᠶ᠋ᠠᠨ ᠦᠯᠢᠭᠡᠷᠯᠡᠨ ᠶᠠᠷᠢᠬᠤ ᠠᠷᠭᠠᠪᠠᠷ ᠦᠰᠭᠡᠵᠦ ᠪᠠᠶ᠋ᠢᠵᠠᠢ᠃ ᠬᠡᠤᠬᠡᠨ ᠠᠷᠠᠢ ᠴᠢᠷᠠᠢ ᠦᠭᠡ ᠬᠡᠯᠡᠵᠦ ᠠ᠋ᠬᠢᠯᠡᠮᠡᠭᠴᠡ ᠡᠵᠢᠠᠴᠠ ᠬᠡᠤᠬᠡᠨᠲᠠᠢ ᠤᠯᠠᠨ ᠠᠷᠪᠢᠨ ᠦᠭᠡ ᠶᠠᠷᠢᠶᠠ ᠭᠦᠤᠷᠨᠢᠨ ᠵᠤᠭᠤᠭᠳᠠᠳᠠᠭ᠃ ᠵᠢᠱ᠌ᠢᠶᠡᠯᠡᠪᠡᠯ᠂ ᠬᠠᠰᠢᠶᠠᠨᠳᠤᠪᠠᠨ ᠨᠤᠭᠤᠭᠠ ᠲᠠᠷᠢᠵᠦ ᠪᠠᠶ᠋ᠢᠬᠤ ᠦᠶᠡᠰ᠂ ᠠᠯᠢᠨᠢ ᠨᠤᠭᠤᠭᠠ ᠵᠢᠨ ᠴᠢᠬᠢ ᠪᠤᠯᠬᠤ᠂ ᠠᠯᠢᠨᠢ ᠪᠤᠵᠠᠷ ᠡᠪᠡᠰᠦ ᠪᠤᠯᠬᠤ᠂ ᠠᠯᠢᠨᠢ ᠲᠦᠪᠡᠳ ᠬᠠᠰᠢ ᠵᠢᠨ ᠴᠢᠬᠢ ᠪᠤᠯᠬᠤ᠂ ᠠᠯᠢᠨᠢ ᠬᠠᠰᠢ ᠵᠢᠨ ᠴᠢᠬᠢ ᠪᠤᠯᠬᠤ ᠵᠡᠷᠭᠡ ᠵᠢ ᠨᠢᠭᠡᠳ ᠨᠢᠭᠡᠪᠠᠷ ᠬᠡᠯᠡᠵᠦ ᠦᠭᠳᠡᠭ ᠪᠠᠶ᠋ᠢᠵᠠᠢ᠃ ᠠ᠋ᠭᠦᠨᠠᠴᠠ ᠭᠠᠳᠠᠨᠠ᠂ ᠲᠤᠭᠤᠯ ᠵᠶ᠋ᠠᠨ ᠠ᠋ᠷᠭᠢᠬᠦᠯᠬᠦᠪᠠᠷ ᠶᠠᠪᠤᠬᠤᠳᠤ᠂ ᠬᠡᠤᠬᠡᠨ ᠵᠶ᠋ᠠᠨ ᠠᠷᠤᠳᠤᠪᠠᠨ ᠠ᠋ᠭᠦᠷᠴᠦ ᠪᠠᠶ᠋ᠢᠬᠤ ᠦᠶᠡᠳᠤᠪᠠᠨ ᠠᠶᠠ ᠲᠠᠭᠤᠤ ᠭᠡᠩᠰᠢᠳᠡᠭ ᠪᠦᠭᠡᠳ ᠬᠡᠤᠬᠡᠨᠢ ᠭᠠᠷᠠᠴᠠᠨᠢ ᠬᠦᠲᠦᠯᠵᠦ ᠶᠠᠪᠤᠬᠤᠳᠤᠪᠠᠨ ᠡᠪᠡᠰᠦ ᠤᠷᠭᠤᠮᠠᠯᠤᠨ ᠨᠡᠷᠡ ᠵᠢ ᠤᠯᠠᠨ ᠠᠷᠪᠢᠨ ᠬᠡᠯᠡᠵᠦ ᠦᠭᠳᠡᠭ ᠪᠠᠶ᠋ᠢᠪᠠ᠃ ᠵᠢᠱ᠌ᠢᠶᠡᠯᠡᠪᠡᠯ᠂ ᠪᠦᠪᠡᠭᠡᠳᠡᠩ ᠬᠤᠸᠠᠷ᠂ ᠰᠢᠷᠡ ᠬᠤᠸᠠᠷ᠂ ᠴᠠᠬᠢᠯᠳᠠᠭᠤᠨ ᠴᠡᠴᠡᠭᠢ ᠶᠠᠮᠠᠷ ᠲᠦᠷᠤᠯᠤᠨ ᠡᠪᠡᠰᠦ ᠪᠤᠯᠬᠤ ᠵᠢ ᠨᠢᠭᠡᠳ ᠨᠢᠭᠡᠪᠠᠷ ᠰᠠᠶ᠋ᠢᠬᠠᠨ ᠶᠠᠷᠢᠵᠦ ᠦᠭᠳᠡᠭ ᠠᠵᠢ᠃ ᠠ᠋ᠮᠡᠭᠡ ᠵᠢᠨ ᠵᠶ᠋ᠠᠨ ᠢᠩᠭᠢᠵᠦ ᠬᠡᠯᠡᠵᠦ ᠶᠠᠷᠢᠬᠤ ᠦᠭᠡ ᠶᠠᠷᠢᠶᠠ ᠵᠢ ᠬᠡᠤᠬᠡᠨ ᠮᠠᠨᠢ ᠮᠠᠰᠢ ᠰᠡᠳᠭᠢᠯ ᠲᠠᠯᠪᠢᠨ ᠰᠤᠨᠤᠰᠳᠠᠭ ᠶᠤᠮ᠃ ᠤᠴᠢᠷᠨᠢ᠂ ᠪᠢᠲᠡ ᠠᠵᠢᠯᠯᠠᠭ᠍ᠤᠪᠠᠷ ᠶᠠᠪᠤᠭᠰᠠᠨᠤ ᠲᠠᠷᠠᠭᠠ ᠬᠡᠤᠬᠡᠨ ᠮᠠᠨᠢ ᠠ᠋ᠮᠡᠭᠡᠲᠠᠢᠪᠠᠨ ᠬᠤᠶᠠᠭᠤᠯᠬᠠᠨ ᠭᠡᠷᠲᠤᠪᠠᠨ ᠦᠯᠡᠳᠡᠬᠦ ᠪᠤᠯᠬᠤᠷ ᠠ᠋ᠮᠡᠭᠡ ᠡᠵᠢᠠᠴᠠᠪᠠᠨ ᠤᠯᠠᠨ ᠠᠷᠪᠢᠨ ᠦᠯᠢᠭᠡᠷ ᠲᠤᠮᠤᠭ ᠪᠤᠶᠤ ᠨᠤᠲᠤᠭ ᠤᠰᠤᠨᠤ ᠲᠤᠬᠠᠢ ᠵᠤᠭᠤᠭ ᠶᠠᠷᠢᠶᠡ ᠵᠢ ᠤᠯᠵᠦ ᠰᠤᠨᠤᠰᠲᠠᠭ ᠪᠠᠶ᠋ᠢᠪᠠ᠃ ᠠ᠋ᠨᠡ ᠦᠶᠡᠳᠤ ᠭᠠᠩᠭ᠋ᠠᠩ ᠠ᠋ᠮᠡᠭᠡ ᠡᠵᠢᠠᠴᠠᠪᠠᠨ ᠮᠠᠰᠢ ᠤᠯᠠᠨ ᠤᠬᠠᠭ᠋ᠠᠨᠢᠨᠢ ᠤᠯᠬᠤ ᠦᠭᠡᠢ ᠠᠰᠠᠭᠤᠯᠲᠠ ᠠᠰᠠᠭᠤᠳᠠᠭ ᠪᠤᠯᠪᠠᠴᠦ᠂ ᠮᠢᠨᠤ ᠡᠵᠢ ᠤᠭᠲᠤ ᠬᠠᠯᠠᠰᠢᠷᠠᠯ ᠦᠭᠡᠢ᠂ ᠬᠦᠯᠢᠴᠡᠩᠬᠦᠢ ᠰᠠᠶ᠋ᠢᠬᠠᠨ ᠬᠠᠷᠢᠭᠤᠯᠵᠦ ᠦᠭᠳᠡᠭ ᠪᠠᠶ᠋ᠢᠪᠠ᠃
ᠨᠦᠭᠦᠭᠡ ᠲᠠᠯᠠᠪᠠᠷ᠂ ᠮᠢᠨᠤ ᠡᠵᠢ ᠮᠤᠩᠭᠤᠯ ᠦᠰᠦᠭᠢ ᠲᠤᠷᠤᠭᠠ ᠦᠭᠡᠢ ᠰᠠᠶ᠋ᠢᠬᠠᠨ ᠤᠩᠰᠢᠵᠦ ᠭᠠᠷᠳᠠᠭ ᠪᠤᠯᠬᠤᠷ ᠮᠤᠩᠭᠤᠯ ᠵᠶ᠋ᠠᠷ ᠪᠢᠴᠢᠭᠳᠡᠭᠰᠡᠨ ᠦᠯᠢᠭᠡᠷᠤᠨ ᠨᠤᠮᠢ ᠤᠩᠰᠢᠬᠤ ᠲᠤᠷᠡᠲᠠᠢ ᠪᠢᠯᠠ᠃ ᠪᠠᠭᠠ ᠪᠠᠶ᠋ᠢᠬᠤᠳᠤ ᠮᠠᠨᠤ ᠭᠡᠷᠲᠤ 《ᠱᠦᠢ ᠬᠡᠤ ᠵᠢᠨ ᠦᠯᠢᠭᠡᠷ》᠂ 《ᠭᠤᠷᠪᠠᠨ ᠤᠯᠤᠰᠤᠨ ᠦᠯᠢᠭᠡᠷ》᠂ 《ᠰᠠᠬᠢᠭᠤᠯᠤᠭᠰᠠᠨ ᠠ᠋ᠷᠭᠦᠮᠵᠢᠯᠡᠭᠰᠡᠨ ᠦᠯᠢᠭᠡᠷ》 ᠪᠤᠶᠤ 《ᠪᠠᠷᠠᠭᠤᠨᠰᠢ ᠵᠤᠷᠴᠢᠭᠰᠠᠨ ᠲᠡᠮᠲᠡᠭᠯᠡᠯ》 ᠵᠡᠷᠭᠡ ᠤᠯᠠᠨ ᠲᠦᠷᠤᠯᠤᠨ ᠨᠤᠮᠲᠠᠢ ᠪᠠᠶ᠋ᠢᠵᠠᠢ᠃ ᠠ᠋ᠨᠡ ᠨᠤᠮᠤᠳᠢ ᠡᠵᠢ ᠨᠢᠭᠡ ᠲᠠᠯᠠᠠᠴᠠᠨᠢ ᠬᠡᠤᠬᠡᠨᠳᠤ ᠠ᠋ᠮᠬᠢ ᠲᠠᠷᠠᠭᠠᠲᠠᠢ ᠤᠩᠰᠢᠨ ᠰᠤᠨᠤᠰᠬᠠᠳᠠᠭ ᠪᠠᠶ᠋ᠢᠪᠠ᠃ ᠬᠡᠤᠬᠡᠨ ᠦᠭᠡ ᠬᠡᠯᠡᠲᠠᠢ ᠪᠤᠯᠵᠦ ᠠ᠋ᠬᠢᠯᠡᠬᠦ ᠦᠶᠡᠳᠤ᠂ ᠡᠵᠢ ᠵᠢᠨ ᠤᠩᠰᠢᠳᠠᠭ ᠨᠤᠮᠨᠢ ᠦᠯᠢᠭᠡᠷ ᠲᠡᠤᠬᠡᠠᠴᠠᠪᠠᠨ 《ᠮᠤᠩᠭᠤᠯ ᠠᠷᠠᠳᠤᠨ ᠬᠡᠤᠬᠡᠳᠤᠨ ᠲᠤᠮᠤᠭ》 ᠤᠷᠤᠭᠤ ᠰᠢᠯᠵᠢᠭᠰᠡᠨ ᠮᠦᠷᠲᠡᠭᠡᠨ᠂ ᠮᠠᠨᠤᠰᠢ ᠭᠠᠳᠠᠭᠰᠢ ᠭᠠᠷᠬᠤ ᠪᠤᠯᠭ᠋ᠠᠨᠳᠤ ᠮᠤᠩᠭᠤᠯ ᠬᠡᠤᠬᠡᠳᠤᠨ ᠦᠯᠢᠭᠡᠷ ᠲᠤᠮᠤᠭᠤᠨ ᠨᠤᠮᠢ ᠠᠪᠴᠢᠷᠠᠭᠤᠯᠤᠨ ᠭᠠᠩᠭ᠋ᠠᠩᠳᠤ ᠤᠩᠰᠢᠨ ᠰᠤᠨᠤᠰᠬᠠᠳᠠᠭ ᠪᠠᠶ᠋ᠢᠪᠠ᠃ ᠵᠢᠱ᠌ᠢᠶᠡᠯᠡᠪᠡᠯ᠂ ᠲᠡᠤᠯᠠᠢ ᠵᠢᠨ ᠦᠯᠢᠭᠡᠷ᠂ ᠠᠷᠰᠯᠠᠨᠤ ᠦᠯᠢᠭᠡᠷ᠂ ᠪᠠᠷᠰᠤᠨ ᠦᠯᠢᠭᠡᠷ ᠪᠤᠶᠤ ᠬᠤᠯᠤᠭ᠋ᠠᠨᠠ ᠵᠢᠨ ᠦᠯᠢᠭᠡᠷᠢ ᠤᠩᠰᠢᠨ ᠰᠤᠨᠤᠰᠬᠠᠬᠤ ᠪᠤᠶᠤ ᠬᠡᠯᠡᠵᠦ ᠰᠤᠨᠤᠰᠬᠠᠳᠠᠭ ᠪᠢᠯᠠ᠃ ᠮᠠᠨᠢ ᠠ᠋ᠳᠦᠷ ᠪᠤᠯᠭ᠋ᠠᠨ ᠠᠵᠢᠯ ᠪᠠᠭᠤᠵᠦ ᠭᠡᠷᠲᠤᠪᠠᠨ ᠬᠠᠷᠢᠵᠦ ᠢᠷᠡᠬᠦᠳᠤ᠂ ᠬᠡᠤᠬᠡᠨ ᠨᠢᠭᠡ ᠠ᠋ᠳᠦᠷᠤᠨ ᠰᠤᠨᠤᠰᠴᠦ ᠴᠡᠭᠡᠵᠢᠯᠡᠭᠰᠡᠨ ᠦᠯᠢᠭᠡᠷ ᠵᠶ᠋ᠠᠨ ᠮᠠᠨᠤᠰᠲᠤ ᠤᠷᠮᠠᠲᠠᠢ ᠰᠠᠶ᠋ᠢᠬᠠᠨ ᠶᠠᠷᠢᠵᠦ ᠦᠭᠳᠡᠭ ᠶᠤᠮ᠃ ᠠ᠋ᠳᠦᠷ ᠤᠳᠠᠭ᠋ᠠᠨ ᠦᠷᠬᠦᠯᠵᠢᠯᠡᠬᠦ ᠵᠢ ᠲᠠᠭ᠋ᠠᠯᠳᠤᠨ ᠬᠡᠤᠬᠡᠨᠤ ᠴᠡᠭᠡᠵᠢᠯᠡᠬᠦ ᠴᠢᠳᠠᠪᠤᠷᠢᠨᠢ ᠶᠠᠪᠤᠬᠤ ᠲᠤᠲᠤᠮ ᠲᠡᠭᠡᠭᠰᠢᠯᠡᠵᠤ᠂ ᠬᠡᠯᠡᠵᠦ ᠶᠠᠷᠢᠬᠤ ᠴᠢᠳᠠᠪᠤᠷᠢᠨᠢ ᠤᠷᠤᠰᠤᠮᠠ ᠮᠦᠷᠲᠡᠭᠡᠨ ᠪᠤᠰᠤᠳᠠᠴᠠ ᠲᠠᠪᠠᠭᠰᠠᠨ ᠪᠠᠶ᠋ᠢᠳᠠᠯᠲᠠᠢ ᠪᠤᠯᠵᠦ ᠠ᠋ᠬᠢᠯᠡᠵᠠᠢ᠃ ᠢᠩᠭᠢᠵᠦ ᠬᠡᠤᠬᠡᠨ ᠮᠠᠨᠢ ᠠ᠋ᠮᠡᠭᠡᠠᠴᠠᠪᠠᠨ ᠤᠯᠠᠨ ᠠᠷᠪᠢᠨ ᠦᠯᠢᠭᠡᠷ ᠨᠤᠮᠢ ᠤᠯᠵᠦ ᠰᠤᠨᠤᠰᠬᠤᠪᠠᠷ ᠲᠠᠮᠵᠢᠨ᠂ ᠨᠤᠮᠳᠤ ᠬᠤᠷᠤᠬᠠᠢᠲᠠᠢ ᠪᠤᠯᠵᠦ᠂ ᠨᠤᠮ ᠤᠩᠰᠢᠬᠤ ᠲᠤᠷᠡᠲᠠᠢ ᠪᠤᠯᠤᠭᠰᠠᠨ ᠵᠶ᠋ᠠᠷ ᠪᠠᠷᠠᠭ᠍ᠤ ᠦᠭᠡᠢ ᠨᠤᠮᠳᠤ ᠰᠡᠳᠭᠢᠯ ᠲᠠᠲᠠᠭᠳᠠᠨ ᠨᠤᠮᠠᠴᠠ ᠲᠤᠩ ᠤᠯᠠᠨ ᠮᠡᠳᠡᠯᠭᠡ ᠵᠢ ᠤᠯᠵᠦ ᠰᠤᠷᠳᠠᠭᠢ ᠮᠡᠳᠡᠵᠦ ᠠ᠋ᠬᠢᠯᠡᠭᠰᠡᠨ ᠪᠠᠶ᠋ᠢᠨᠠ᠃ ᠠ᠋ᠭᠦᠨ ᠵᠶ᠋ᠠᠷ ᠪᠠᠷᠠᠭ᠍ᠤ ᠦᠭᠡᠢ ᠨᠤᠮ ᠤᠩᠰᠢᠬᠤ ᠲᠤᠷᠡ ᠪᠠᠬᠠᠨᠢ ᠠ᠋ᠳᠦᠷᠠᠴᠠ ᠠ᠋ᠳᠦᠷ ᠨᠡᠮᠡᠭᠳᠡᠵᠦ ᠠ᠋ᠬᠢᠯᠡᠭᠰᠡᠨ ᠶᠤᠮ᠃
ᠡᠵᠢ ᠦᠪᠡᠷᠤᠨ ᠮᠡᠳᠡᠳᠡᠭ ᠬᠡᠲᠦᠨ ᠪᠠᠳᠠᠭ ᠰᠢᠯᠦᠭ ᠵᠶ᠋ᠠᠨ ᠬᠡᠤᠬᠡᠨᠳᠤ ᠵᠢᠭ᠋ᠠᠵᠦ ᠦᠭᠬᠦᠪᠠᠷ ᠪᠠᠷᠠᠭ᠍ᠤ ᠦᠭᠡᠢ᠂ ᠶᠢᠰᠦ ᠶᠢᠰᠦ ᠵᠢᠨ ᠦᠷᠡᠵᠢᠬᠦᠯᠬᠦ ᠦᠢ᠍ᠯᠡᠳᠤᠯᠤᠨ ᠠᠮᠠᠨ ᠤᠩᠰᠢᠯᠭᠠ᠂ ᠠᠷᠪᠠᠠᠴᠠ ᠬᠤᠷᠢ ᠲᠤᠲᠤᠷᠠᠬᠢ ᠲᠤᠭ᠋ᠠᠨᠤ ᠨᠡᠮᠡᠵᠦ ᠬᠠᠰᠤᠬᠤ ᠠᠷᠭᠠ ᠵᠢ ᠵᠢᠭ᠋ᠠᠵᠦ ᠡᠵᠡᠮᠰᠢᠭᠦᠯᠦᠭᠰᠡᠨ ᠪᠠᠶ᠋ᠢᠳᠠᠭ᠃ ᠡᠵᠢ ᠭᠠᠩᠭ᠋ᠠᠩᠳᠤ ᠠ᠋ᠳᠡᠭᠡᠷᠢ ᠵᠢᠭ᠋ᠠᠬᠤᠳᠤᠪᠠᠨ ᠵᠠᠪᠠᠯ ᠴᠡᠭᠡᠵᠢᠯᠡᠬᠦᠯᠬᠦ ᠭᠡᠵᠦ ᠠᠯᠪᠠᠳᠠᠭᠰᠠᠨ ᠪᠢᠰᠢ᠂ ᠬᠠᠷᠢᠨ ᠬᠠᠵᠠᠭᠤᠳᠤᠨᠢ ᠰᠠᠨᠠᠭ᠋ᠠᠴᠢᠯᠠᠭᠠᠲᠠᠢᠪᠠᠷ ᠤᠳᠠᠭ᠍ᠤ ᠦᠭᠡᠢ ᠤᠳᠠᠭ᠍ᠤ ᠦᠭᠡᠢ ᠦᠪᠡᠷ ᠵᠶ᠋ᠠᠨ ᠤᠩᠰᠢᠳᠠᠭ ᠪᠠᠶ᠋ᠢᠪᠠ᠃ ᠢᠩᠭᠢᠵᠦ ᠤᠳᠠᠭ᠋ᠠᠨ ᠠ᠋ᠳᠦᠷ ᠦᠷᠭᠦᠯᠵᠢᠯᠡᠬᠦ ᠵᠢ ᠲᠠᠭ᠋ᠠᠯᠳᠤᠨ ᠭᠠᠩᠭ᠋ᠠᠩ ᠠ᠋ᠮᠡᠭᠡ ᠵᠢᠨ ᠵᠶ᠋ᠠᠨ ᠤᠩᠰᠢᠳᠠᠭ ᠰᠢᠯᠦᠭ ᠪᠤᠶᠤ ᠠᠮᠠᠨ ᠤᠩᠰᠢᠯᠭᠠ ᠵᠢ ᠰᠠᠨᠠᠮᠰᠠᠷ ᠦᠭᠡᠢᠪᠠᠷ ᠴᠡᠭᠡᠵᠢᠪᠠᠷ ᠤᠩᠰᠢᠵᠦ ᠴᠢᠳᠠᠭ᠍ᠤ ᠪᠤᠯᠤᠭᠰᠠᠨ ᠵᠶ᠋ᠠᠷ ᠪᠠᠷᠠᠭ᠍ᠤ ᠦᠭᠡᠢ᠂ ᠬᠡᠯᠡᠵᠦ ᠶᠠᠷᠢᠬᠤ ᠴᠢᠳᠠᠪᠤᠷᠢ ᠪᠤᠶᠤ ᠴᠡᠭᠡᠵᠢᠯᠡᠬᠦ ᠴᠢᠳᠠᠪᠤᠷᠢᠨᠢ ᠲᠡᠭᠡᠭᠰᠢᠯᠡᠨ ᠨᠠᠯᠢᠶᠠᠳ ᠬᠤᠷᠳᠤᠨ ᠬᠡᠯᠡᠳᠤ ᠤᠷᠤᠭᠰᠠᠨ ᠪᠢᠯᠠ᠃ ᠦᠭᠡ ᠬᠡᠯᠡᠬᠦᠳᠤᠪᠠᠨ ᠤᠭᠲᠤ ᠲᠤᠷᠴᠦ ᠲᠡᠭᠡᠭᠯᠡᠳᠡᠭ ᠦᠭᠡᠢ ᠮᠦᠷᠲᠡᠭᠡᠨ ᠤᠷᠤᠰᠤᠮᠠ ᠰᠠᠶ᠋ᠢᠬᠠᠨ ᠶᠠᠷᠢᠵᠦ ᠴᠢᠳᠠᠭ᠍ᠤ ᠪᠤᠯᠤᠭᠰᠠᠨ ᠶᠤᠮ᠃
ᠡᠵᠢ ᠪᠠᠰᠠ ᠮᠠᠨᠢ ᠪᠠᠭᠠᠳᠤ ᠱᠠᠭ᠍ᠠᠢ ᠬᠤᠪᠴᠠᠰᠦ ᠤᠶᠤᠬᠤ ᠦᠶᠡᠳᠤ᠂ ᠭᠠᠩᠭ᠋ᠠᠩᠢ ᠲᠠᠭᠤᠳᠠᠨ ᠵᠡᠬᠦᠦᠪᠠᠨ ᠰᠦᠪᠡᠯᠡᠭᠦᠯᠳᠡᠭ ᠪᠤᠶᠤ ᠬᠡᠤᠬᠡᠨ ᠵᠶ᠋ᠠᠷ ᠬᠠᠶ᠋ᠢᠴᠢ ᠪᠠᠷᠢᠭᠤᠯᠵᠦ᠂ ᠤᠯᠠᠨ ᠲᠦᠷᠤᠯᠤᠨ ᠬᠠᠶ᠋ᠢᠴᠢᠯᠠᠮᠠᠯ ᠬᠠᠶ᠋ᠢᠴᠢᠯᠠᠭᠤᠯᠬᠤ ᠠᠷᠭᠠᠪᠠᠷ ᠭᠠᠷᠢᠨᠢ ᠬᠦᠳᠡᠯᠭᠡᠵᠦ᠂ ᠪᠡᠶᠡ ᠵᠢᠨ ᠬᠦᠳᠡᠯᠮᠤᠷᠢᠳᠤ ᠤᠷᠤᠯᠴᠠᠭᠤᠯᠳᠠᠭ ᠪᠠᠶ᠋ᠢᠵᠠᠢ᠃ ᠵᠢᠱ᠌ᠢᠶᠡᠯᠡᠪᠡᠯ᠂ 《ᠬᠤᠤᠰᠪᠠᠶᠷ》 ᠭᠡᠳᠡᠭ ᠬᠢᠲᠡᠳ ᠦᠰᠦᠭ᠂ ᠵᠢᠭ᠋ᠠᠰᠤ ᠪᠤᠶᠤ ᠤᠷᠠᠨ ᠬᠠᠵᠢᠨ ᠵᠡᠷᠭᠡ ᠵᠢ ᠦᠪᠡᠷ ᠵᠶ᠋ᠠᠨ ᠵᠢᠷᠤᠵᠦ ᠪᠠᠷᠠᠭᠰᠠᠨᠤ ᠲᠠᠷᠠᠭᠠ ᠭᠠᠩᠭ᠋ᠠᠩ ᠵᠶ᠋ᠠᠷ ᠬᠠᠶ᠋ᠢᠴᠢᠯᠠᠭᠤᠯᠳᠠᠭ ᠪᠠᠶ᠋ᠢᠪᠠ᠃ ᠠ᠋ᠨᠡ ᠬᠦ᠌ ᠠᠷᠭᠠᠨᠢ᠂ ᠮᠢᠨᠤ ᠬᠡᠤᠬᠡᠨᠤ ᠪᠠᠭᠠ ᠵᠢᠨ ᠦᠶᠡ ᠵᠢᠨ ᠤᠶᠤᠨ ᠤᠬᠠᠭ᠋ᠠᠨᠢᠨᠢ ᠨᠦᠯᠦᠭᠡᠯᠡᠵᠦ᠂ ᠲᠠᠷᠢᠬᠢ ᠲᠤᠯᠤᠭ᠋ᠠᠢ ᠵᠢᠨ ᠬᠦᠭᠵᠢᠯᠲᠡ ᠵᠢ ᠮᠠᠰᠢ ᠶᠡᠭᠡ ᠨᠦᠯᠦᠭᠡᠯᠡᠵᠦ ᠴᠢᠳᠠᠭᠰᠠᠨ ᠪᠠᠶ᠋ᠢᠨᠠ᠃ ᠮᠢᠨᠤ ᠡᠵᠢ ᠬᠡᠤᠬᠡᠨᠢ ᠬᠡᠵᠢᠶᠡᠲᠡ ᠠᠭᠤᠷᠯᠠᠵᠤ ᠵᠠᠩᠨᠠᠳᠠᠭ ᠦᠭᠡᠢ ᠮᠦᠷᠲᠡᠭᠡᠨ ᠠᠶᠠ ᠵᠢᠨᠢ ᠳᠠᠭ᠋ᠠᠭᠤᠯᠵᠦ ᠴᠢᠳᠠᠳᠠᠭᠠᠴᠠ ᠭᠠᠩᠭ᠋ᠠᠩ ᠠ᠋ᠮᠡᠭᠡᠪᠠᠨ ᠨᠠᠳᠠᠠᠴᠠ ᠢᠯᠡᠬᠦᠦ ᠲᠠᠭ᠋ᠠᠬᠤ ᠪᠤᠯᠵᠦ᠂ ᠠ᠋ᠮᠡᠭᠡᠲᠠᠢᠪᠠᠨ ᠨᠠᠳᠠᠠᠴᠠ ᠢᠯᠡᠬᠦᠦ ᠲᠠᠰᠴᠢᠬᠠᠭᠰᠠᠨ ᠪᠠᠶ᠋ᠢᠪᠠ᠃ ᠲᠤᠮᠲᠠᠳᠤ ᠰᠤᠷᠭ᠋ᠠᠭᠤᠯᠢ ᠵᠢᠨ ᠨᠢᠭᠡᠨ ᠤᠳᠠᠭ᠋ᠠᠨᠤ ᠬᠤᠭᠤᠴᠠᠭ᠋ᠠᠨ ᠡᠴᠤᠰᠤᠨ ᠬᠢᠲᠡᠳ ᠬᠡᠯᠡᠨᠤ ᠰᠢᠯᠭ᠋ᠠᠯᠲᠠᠳᠤ 《ᠮᠢᠨᠤ ᠪᠠᠭᠰᠢ》 ᠭᠡᠰᠡᠨ ᠭᠠᠷᠴᠠᠭ ᠵᠶ᠋ᠠᠷ ᠦᠪᠡᠷᠤᠨ ᠠ᠋ᠮᠡᠭᠡ ᠵᠢᠨ ᠵᠶ᠋ᠠᠨ ᠲᠤᠬᠠᠢ ᠤᠬᠤᠷ ᠵᠤᠬᠢᠶᠠᠯ ᠪᠢᠴᠢᠭᠰᠡᠨ ᠪᠠᠶ᠋ᠢᠪᠠ᠃ ᠠ᠋ᠨᠡ ᠵᠤᠬᠢᠶᠠᠯᠢᠨᠢ ᠪᠠᠭᠰᠢᠨᠢ ᠮᠠᠰᠢ ᠪᠠᠭ᠍ᠠᠷᠬᠠᠨ ᠲᠤᠭᠤᠭᠰᠠᠨ ᠮᠦᠷᠲᠡᠭᠡᠨ ᠲᠦᠩᠯᠢᠶᠤᠤ ᠵᠢᠨ ᠠ᠋ᠳᠤᠷᠤᠨ ᠰᠤᠨᠢᠨᠳᠤ ᠬᠦᠷᠭᠡᠵᠦ ᠦᠭᠭᠦᠭᠰᠡᠨᠳᠤ᠂ 2015 ᠤᠨᠤ 5 ᠰᠠᠷᠡ ᠵᠢᠨ 14ᠤ ᠲᠦᠩᠯᠢᠶᠤᠤ ᠵᠢᠨ ᠠ᠋ᠳᠤᠷᠤᠨ ᠰᠤᠨᠢᠨᠳᠤ ᠨᠡᠶ᠋ᠢᠲᠡᠯᠡᠭᠳᠡᠭᠰᠡᠨ ᠪᠠᠶ᠋ᠢᠪᠠ᠃ ᠠ᠋ᠶ᠋ᠢᠨ ᠬᠦ᠌ ᠮᠢᠨᠤ ᠬᠡᠤᠬᠡᠨᠤ ᠬᠠᠮᠤᠭᠤᠨ ᠠᠩᠬᠠ ᠪᠢᠴᠢᠭᠰᠡᠨ ᠬᠢᠲᠡᠳ ᠵᠤᠬᠢᠶᠠᠯᠤᠨ ᠠ᠋ᠬᠢᠨᠳᠤ 《ᠪᠠᠭᠰᠢ ᠭᠡᠵᠦ ᠬᠡᠯᠡᠬᠦᠳᠤ ᠪᠢ ᠶᠠᠭᠤᠨᠤ ᠠ᠋ᠮᠦᠨᠡ ᠪᠤᠳᠤᠵᠦ ᠤᠯᠬᠤᠨᠢ ᠦᠷᠭᠡᠨ ᠮᠡᠳᠡᠯᠭᠡᠲᠠᠢ᠂ ᠠᠯᠤᠰᠤᠨ ᠬᠠᠷᠠᠯᠲᠠᠲᠠᠢ ᠮᠦᠷᠲᠡᠭᠡᠨ ᠮᠡᠳᠡᠯᠭᠡ ᠴᠢᠳᠠᠪᠤᠷᠢ ᠬᠤᠤᠰᠯᠠᠭᠰᠠᠨ ᠮᠦᠷᠲᠡᠭᠡᠨ ᠨᠢᠳᠤᠨᠳᠤᠪᠠᠨ ᠰᠢᠯ ᠵᠡᠭᠦᠵᠦ ᠦᠰᠦ ᠭᠡᠵᠢᠭᠡᠨᠢ ᠪᠤᠭᠤᠷᠤᠯ ᠪᠤᠯᠤᠭᠰᠠᠨ ᠳ᠋ᠤᠺᠲ᠋ᠤᠷ ᠪᠤᠶᠤ ᠫᠷᠤᠹᠸᠰᠰᠤᠷ ᠪᠢᠰᠢ᠂ ᠬᠠᠷᠢᠨ ᠵᠠᠵᠢᠨ ᠦᠰᠦᠨᠢ ᠴᠠᠶ᠋ᠢᠵᠦ᠂ ᠡᠴᠢᠵᠦ ᠲᠤᠷᠠᠭᠰᠠᠨ ᠬᠦᠳᠡᠭᠡ ᠵᠢᠨ ᠵᠢᠷᠤᠨ ᠨᠢᠭᠡᠨ ᠮᠠᠯᠴᠢᠨ ᠠ᠋ᠮᠡᠭᠡᠨ ᠪᠤᠯᠬᠤ ᠶᠤᠮ》 ᠭᠡᠵᠦ᠂ ᠦᠪᠡᠷᠤᠨ ᠠᠩᠬᠠᠨᠤ ᠪᠠᠭᠰᠢ ᠪᠤᠯᠬᠤ ᠠ᠋ᠮᠡᠭᠡ ᠡᠵᠢ ᠵᠢᠨ ᠵᠶ᠋ᠠᠨ ᠲᠤᠬᠠᠢ ᠪᠢᠴᠢᠭᠰᠡᠨ ᠪᠢᠯᠠ᠃ ᠠ᠋ᠭᠦᠨᠠᠴᠠ ᠪᠢ ᠮᠢᠨᠤ ᠬᠡᠤᠬᠡᠨᠤ ᠪᠠᠭᠠ ᠨᠠᠰᠦ ᠵᠢ ᠬᠠᠮᠤᠭᠠᠴᠠ ᠨᠦᠯᠦᠭᠡᠯᠡᠭᠰᠡᠨᠨᠢ ᠪᠢ ᠪᠢᠰᠢ᠂ ᠬᠠᠷᠢᠨ ᠮᠢᠨᠤ ᠡᠵᠢ ᠪᠤᠯᠤᠨᠠ ᠭᠡᠳᠡᠭᠢ ᠰᠡᠳᠭᠢᠯᠳᠤᠪᠠᠨ ᠪᠤᠳᠤᠵᠦ ᠶᠠᠪᠤᠳᠠᠭ᠃ ᠪᠢ ᠡᠵᠢ ᠵᠢᠨ ᠵᠶ᠋ᠠᠨ ᠲᠤᠬᠠᠢ ᠶᠠᠷᠢᠬᠤᠳᠤ ᠮᠡᠳᠡᠯᠭᠡ ᠰᠤᠶᠤᠯ ᠦᠭᠡᠢ ᠮᠦᠷᠲᠡᠭᠡᠨ ᠬᠦᠮᠦᠨᠠᠴᠠ ᠲᠠᠪᠠᠭᠰᠠᠨ ᠠ᠋ᠷᠳᠡᠮᠲᠡᠨ ᠪᠢᠰᠢ᠂ ᠠ᠋ᠭᠦᠨ ᠵᠶ᠋ᠠᠷ ᠪᠠᠷᠠᠭ᠍ᠤ ᠦᠭᠡᠢ ᠬᠡᠤᠬᠡᠨᠢ ᠬᠦᠮᠦᠵᠢᠬᠦᠯᠬᠦᠳᠤ ᠶᠠᠮᠠᠷᠴᠦ ᠵᠤᠷᠢᠯᠭᠠᠲᠠᠢᠪᠠᠷ ᠤᠴᠢᠵᠦ ᠬᠢᠭᠰᠡᠨ ᠵᠦᠢ᠍ᠯ ᠪᠠᠶ᠋ᠢᠳᠠᠭ ᠦᠭᠡᠢ ᠪᠢᠯᠠ᠃ ᠵᠦᠪᠬᠡᠨ ᠦᠪᠡᠷᠤᠨ ᠨᠠᠰᠤᠨ ᠲᠤᠷᠰᠢ ᠵᠢᠨ ᠦᠩᠭᠡᠷᠡᠯᠲᠡ ᠲᠤᠷᠰᠢᠯᠭᠠ ᠪᠤᠯᠤᠨ ᠠ᠋ᠳᠦᠢ ᠲᠡᠲᠦᠢ ᠪᠤᠳᠤᠵᠦ ᠤᠯᠤᠭᠰᠠᠨ ᠵᠦᠢ᠍ᠯ ᠵᠶ᠋ᠠᠨ ᠬᠡᠤᠬᠡᠨᠳᠤ ᠬᠠᠷᠠᠮ ᠦᠭᠡᠢ ᠬᠦᠨᠲᠦᠷᠦᠨ ᠴᠢᠳᠬᠤᠭᠰᠠᠨ ᠵᠦᠢ᠍ᠯᠡᠰᠨᠢ ᠭᠡᠤᠭᠡᠳᠤᠨ ᠬᠦᠮᠦᠵᠢᠯ ᠪᠤᠯᠪᠠᠰᠤᠷᠠᠯᠳᠤ ᠲᠦᠢ᠍ᠯᠤᠨ ᠶᠡᠭᠡ ᠰᠡᠩᠬᠡᠷᠡᠭᠦᠯᠦᠯ ᠬᠦᠷᠲᠡᠭᠡᠵᠦ ᠴᠢᠳᠠᠭᠰᠠᠨ ᠪᠠᠢ᠍ᠢ᠍ᠨᠠ᠃
（ᠭᠤᠷᠪᠠ） ᠦᠨᠳᠦᠰᠦᠨ ᠱᠠᠲᠤᠨᠤ ᠰᠠᠭᠤᠷᠢ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠢ ᠭᠤᠤᠯ ᠪᠤᠯᠭ᠋ᠠᠨ ᠠᠳᠬᠤᠬᠤ ᠵᠢ ᠴᠢᠬᠤᠯᠠᠴᠢᠯᠠᠭᠰᠠᠨ
ᠬᠡᠤᠬᠡᠳᠲᠤ ᠠᠪᠴᠦ ᠬᠡᠯᠡᠪᠡᠯ ᠪᠠᠭᠠ ᠰᠤᠷᠭ᠋ᠠᠭᠤᠯᠢ ᠵᠢᠨ ᠱᠠᠲᠦ ᠪᠤᠯ ᠰᠠᠶᠢ ᠠ᠋ᠬᠢᠯᠡᠨ ᠰᠤᠷᠭ᠋ᠠᠭᠤᠯᠢᠳᠤ ᠰᠠᠭᠤᠵᠦ᠂ ᠠᠩᠬᠠ ᠠᠯᠬᠤᠮ ᠰᠤᠷᠭ᠋ᠠᠭᠤᠯᠢ ᠵᠢᠨ ᠠᠮᠢᠳᠤᠷᠠᠯᠳᠤ ᠠ᠋ᠬᠢᠯᠡᠨ ᠲᠠᠳᠬᠤ ᠵᠢᠨ ᠴᠢᠬᠤᠯᠠ ᠨᠢᠭᠡᠨ ᠱᠠᠲᠦ ᠦᠶᠡ ᠪᠤᠯᠤᠨᠠ᠃ ᠠ᠋ᠨᠡ ᠦᠶᠡᠨᠢ ᠬᠡᠤᠬᠡᠳᠤᠨ ᠤᠬᠠᠭ᠋ᠠᠨ ᠲᠦᠬᠦᠭᠡ ᠠᠩᠬᠠ ᠠᠯᠬᠤᠮ ᠠ᠋ᠬᠢᠯᠡᠨ ᠪᠦᠷᠢᠯᠳᠦᠵᠦ ᠪᠠᠶ᠋ᠢᠭᠠ ᠱᠠᠲᠦ ᠦᠶᠡ ᠪᠤᠯᠬᠤ ᠤᠴᠢᠷᠠᠴᠠ ᠠ᠋ᠨᠡ ᠱᠠᠲᠤᠨᠤ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠢ ᠭᠤᠤᠯ ᠪᠤᠯᠭ᠋ᠠᠨ ᠠᠳᠬᠤᠵᠦ᠂ ᠰᠤᠷᠤᠯᠭᠠ ᠵᠢᠨ ᠲᠠᠯᠠᠳᠤᠨᠢ ᠢᠯᠡᠬᠦᠬᠡᠨ ᠠᠩᠬᠠᠷᠤᠯ ᠲᠠᠯᠪᠢᠵᠦ ᠬᠡᠤᠬᠡᠳᠤᠨ ᠪᠡᠶᠡ ᠰᠡᠳᠭᠢᠴᠡ ᠵᠢᠨ ᠬᠦᠭᠵᠢᠯᠲᠡ ᠵᠢ ᠴᠢᠬᠤᠯᠠᠴᠢᠯᠠᠨ ᠦᠵᠡᠪᠡᠯ ᠲᠠᠭ᠋ᠠᠷᠠᠨᠠ ᠭᠡᠵᠦ ᠦᠵᠡᠵᠦ ᠪᠤᠢ᠃ ᠠ᠋ᠨᠡ ᠪᠤᠯ ᠤᠳᠤᠬᠠᠨᠤ ᠭᠡᠷᠤᠨ ᠠᠬᠠᠮᠠᠳᠲᠤ ᠲᠤᠯᠭ᠋ᠠᠷᠠᠵᠦ ᠪᠦᠬᠦᠢ ᠰᠢᠢ᠍ᠳᠪᠦᠷᠢᠯᠡᠬᠦ ᠴᠢᠬᠤᠯᠠᠲᠠᠢ ᠠᠰᠠᠭᠤᠳᠠᠯ ᠪᠤᠯᠬᠤ ᠶᠤᠮ᠃ ᠮᠠᠨᠤ ᠵᠠᠷᠢᠮ ᠬᠡᠷᠤᠨ ᠠᠬᠠᠮᠠᠳ ᠪᠠᠭᠠ ᠰᠤᠷᠭ᠋ᠠᠭᠤᠯᠢ ᠵᠢᠨ ᠥᠨᠳᠥᠰᠥᠨ ᠱᠠᠳᠥᠨᠤ ᠰᠠᠭᠤᠷᠢ ᠰᠤᠷᠭ᠋ᠠᠨ ᠬᠥᠮᠥᠵᠢᠯᠢ ᠤᠮᠳᠤᠭ᠋ᠠᠶ᠋ᠢᠯᠠᠵᠥ᠂ 《ᠪᠠᠭᠠ ᠰᠤᠷᠭ᠋ᠠᠭᠤᠯᠢ ᠵᠢᠨ ᠱᠠᠲᠦ ᠪᠤᠯ ᠬᠠᠮᠢᠶᠠ ᠦᠭᠡᠢ᠂ ᠰᠤᠷᠤᠭᠰᠠᠨ ᠴᠦ᠍ ᠪᠤᠯᠤᠨᠠ᠂ ᠰᠤᠷᠬᠤ ᠦᠭᠡᠢ ᠴᠦ᠍ ᠪᠠᠰᠠ ᠪᠤᠯᠤᠨᠠ᠂ ᠬᠤᠵᠢᠮ ᠦᠭᠡᠯᠡᠢ ᠪᠤᠯᠤᠭ᠋ᠠᠳ ᠨᠢᠭᠡ ᠯᠠ ᠮᠡᠳᠡᠴᠢᠭᠡᠶᠡ》 ᠭᠡᠵᠦ ᠪᠤᠳᠤᠳᠠᠭ᠃ ᠦᠨᠡᠨᠢ ᠬᠡᠯᠡᠬᠦᠳᠤ᠂ ᠠ᠋ᠨᠡ ᠦᠶᠡᠳᠤ ᠬᠡᠤᠬᠡᠳ ᠶᠠᠮᠠᠷ ᠬᠡᠪ ᠲᠦᠷᠢᠮ ᠵᠶ᠋ᠠᠷ ᠪᠢᠴᠢᠭ ᠦᠵᠡᠪᠡᠯ ᠲᠡᠶ᠋ᠢᠮᠦ ᠬᠡᠪ ᠲᠦᠷᠢᠮᠤᠨ ᠪᠡᠶᠡ ᠰᠡᠳᠭᠢᠴᠡᠲᠠᠢ ᠪᠤᠯᠵᠦ ᠬᠦᠮᠦᠵᠢᠭᠳᠡᠳᠡᠭ ᠶᠤᠮ᠃ ᠲᠡᠶ᠋ᠢᠮᠦᠠᠴᠠ ᠪᠢ ᠬᠡᠤᠬᠡᠨᠤᠪᠠᠨ ᠪᠠᠭᠠ ᠰᠤᠷᠭ᠋ᠠᠭᠤᠯᠢ ᠵᠢᠨ ᠱᠠᠲᠤᠨᠤ ᠰᠤᠷᠤᠯᠭᠠ ᠵᠢ ᠭᠤᠤᠯ ᠪᠤᠯᠭ᠋ᠠᠬᠤ ᠵᠢᠨ ᠲᠠᠭ᠋ᠠᠤ ᠪᠠᠭᠰᠢ ᠵᠢᠨ ᠦᠯᠡᠳᠡᠭᠡᠭᠰᠡᠨ ᠲᠠᠰᠬᠠᠯᠢ ᠶᠠᠭ᠋ᠠᠬᠢᠵᠦ ᠪᠡᠶᠡᠯᠡᠭᠦᠯᠵᠦ ᠪᠠᠶ᠋ᠢᠬᠤ᠂ ᠪᠠᠭᠰᠢ ᠵᠢᠨ ᠵᠶ᠋ᠠᠨ ᠬᠢᠴᠢᠶᠡᠯᠢ ᠬᠢᠷᠢ ᠵᠡᠷᠭᠡ ᠰᠡᠳᠭᠢᠯ ᠲᠠᠯᠪᠢᠨ ᠰᠤᠨᠤᠰᠴᠦ ᠪᠠᠶ᠋ᠢᠬᠤ᠂ ᠰᠤᠷᠭ᠋ᠠᠭᠤᠯᠢᠳᠤᠪᠠᠨ ᠬᠠᠮᠲᠤ ᠨᠦᠬᠦᠳᠲᠠᠢᠪᠠᠨ ᠬᠢᠷᠢ ᠵᠡᠷᠭᠡ ᠬᠠᠷᠢᠴᠠᠵᠦ ᠪᠠᠶ᠋ᠢᠬᠤ ᠵᠡᠷᠭᠡ ᠤᠯᠠᠨ ᠲᠠᠯᠠᠠᠴᠠ ᠠᠩᠬᠠᠷᠤᠯ ᠲᠠᠯᠪᠢᠨ ᠠᠵᠢᠭᠯᠠᠨ ᠰᠢᠨᠵᠢᠵᠤ ᠰᠤᠷᠭ᠋ᠠᠨ ᠭᠦᠮᠦᠵᠢᠭᠦᠯᠳᠡᠭ᠃
ᠨᠢᠭᠡᠳᠤ᠂ ᠪᠠᠭᠠ ᠰᠤᠷᠭ᠋ᠠᠭᠤᠯᠢ ᠵᠢᠨ ᠨᠢᠭᠡᠲᠦᠭᠡᠷ ᠤᠨᠳᠤ ᠲᠤᠭᠠ ᠪᠤᠳᠤᠯᠭᠠ ᠵᠢᠨ ᠲᠦᠷᠭᠡᠨ ᠪᠤᠳᠤᠯᠭᠠ ᠭᠡᠰᠡᠨ ᠬᠢᠲᠡᠳ ᠮᠠᠲᠸᠷᠢᠶᠠᠯᠢ ᠠᠪᠴᠦ ᠬᠢᠯᠭᠡᠳᠡᠭ ᠪᠠᠶ᠋ᠢᠵᠠᠢ᠃ ᠲᠤᠰ ᠮᠠᠲᠸᠷᠢᠶᠠᠯᠤᠨ ᠠᠭᠤᠯᠭᠠᠨᠢ ᠲᠡᠶ᠋ᠢᠮᠥ ᠬᠥᠴᠢᠷ ᠪᠢᠰᠢ᠂ ᠰᠡᠳᠥᠪᠨᠢ ᠠᠮᠠᠷᠬᠠᠨ ᠪᠠᠶ᠋ᠢᠳᠠᠭᠤᠨ ᠤᠴᠢᠷᠠᠴᠠ ᠤᠯᠠᠩᠬᠢ ᠭᠡᠷᠤᠨ ᠠᠬᠠᠮᠠᠳ ᠠ᠋ᠶ᠋ᠢᠮᠦ ᠬᠢᠯᠪᠡᠷ ᠶᠠᠭᠤᠮᠠ ᠵᠢ ᠬᠢᠬᠦ ᠴᠢᠬᠤᠯᠠ ᠦᠭᠡᠢ ᠭᠡᠵᠦ ᠦᠵᠡᠳᠡᠭ ᠪᠢᠯᠠ᠃ ᠭᠡᠲᠡᠯᠡ ᠠ᠋ᠨᠡᠨᠢ ᠬᠡᠳᠦᠶ᠋ᠢᠪᠡᠷ ᠬᠢᠲᠡᠳ ᠮᠠᠲᠸᠷᠢᠶᠠᠯ ᠪᠤᠯᠪᠠᠴᠦ ᠮᠠᠰᠢ ᠨᠠᠷᠢᠯᠢᠬ᠂ ᠠ᠋ᠮᠬᠢ ᠵᠢᠷᠤᠮᠲᠠᠢ᠂ ᠤᠳᠤᠬᠢᠴᠢᠯᠠᠭᠰᠠᠨ ᠬᠡᠯᠪᠡᠷᠢᠲᠠᠢ ᠮᠦᠷᠲᠡᠭᠡᠨ ᠴᠢᠨᠠᠷ ᠴᠢᠨᠰᠠᠭᠠᠨᠢ ᠮᠠᠰᠢ ᠰᠠᠶ᠋ᠢᠨ ᠪᠠᠶ᠋ᠢᠳᠠᠭᠠᠴᠠ ᠬᠡᠤᠬᠡᠳᠤᠨ ᠰᠡᠳᠤᠪ ᠬᠢᠬᠦ ᠬᠤᠷᠳᠤᠴᠠ ᠪᠠ ᠰᠡᠳᠤᠪ ᠬᠢᠬᠦ ᠤᠨᠤᠪᠴᠢ ᠵᠢᠨ ᠬᠡᠮᠵᠢᠶᠡ ᠵᠢ ᠲᠡᠭᠡᠭᠰᠢᠯᠡᠭᠦᠯᠬᠦᠳᠤ ᠲᠤᠩ ᠴᠢᠬᠤᠯᠠ ᠦᠢ᠍ᠯᠡᠳᠤᠯᠲᠠᠢ ᠭᠡᠵᠦ ᠦᠵᠡᠵᠦ ᠪᠠᠶ᠋ᠢᠨᠠ᠃ ᠠ᠋ᠨᠡ ᠮᠠᠲᠸᠷᠢᠶᠠᠯᠤᠨ ᠤᠨᠴᠠᠯᠢᠭᠤᠨ ᠲᠠᠯᠠᠠᠴᠠ ᠠᠪᠴᠦ ᠬᠡᠯᠡᠪᠡᠯ᠂ ᠰᠡᠳᠤᠪᠢ ᠬᠢᠬᠦᠳᠤ ᠰᠤᠷᠤᠭᠴᠢ ᠲᠠᠷᠢᠬᠢ ᠶᠠᠳᠠᠷᠠᠬᠤ ᠦᠭᠡᠢ ᠮᠦᠷᠲᠡᠭᠡᠨ ᠰᠡᠳᠤᠪ ᠬᠢᠬᠦ ᠬᠤᠷᠳᠤᠴᠠ ᠪᠠ ᠠᠷᠭᠠ ᠤᠬᠠᠭ᠋ᠠᠨᠢ ᠡᠵᠡᠮᠰᠢᠭᠦᠯᠬᠦ ᠵᠡᠷᠭᠡ ᠤᠯᠠᠨ ᠠᠷᠪᠢᠨ ᠰᠠᠶ᠋ᠢᠨᠲᠠᠢ ᠲᠠᠯᠠ ᠪᠠᠶ᠋ᠢᠳᠠᠭ᠃ ᠠ᠋ᠶ᠋ᠢᠮᠦᠠᠴᠠ ᠭᠡᠷᠤᠨ ᠠᠬᠠᠮᠠᠳ ᠬᠡᠤᠬᠡᠳᠲᠤᠪᠠᠨ ᠠ᠋ᠨᠡ ᠰᠡᠳᠤᠪᠢ ᠬᠢᠯᠭᠡᠬᠦᠨᠢ ᠬᠡᠤᠬᠡᠳᠤᠨ ᠲᠦᠷᠭᠡᠨ ᠪᠤᠳᠤᠬᠤ ᠴᠢᠳᠠᠪᠤᠷᠢ ᠵᠢ ᠲᠡᠭᠡᠭᠰᠢᠯᠡᠭᠦᠯᠵᠦ᠂ ᠲᠠᠷᠢᠬᠢᠨᠤ ᠬᠦᠭᠵᠢᠯᠲᠡ ᠵᠢ ᠠᠬᠢᠭᠤᠯᠵᠦ ᠲᠡᠶ᠋ᠢᠯᠦᠨᠡ ᠭᠡᠵᠦ ᠰᠠᠨᠠᠭᠤᠯᠵᠦ ᠪᠠᠶ᠋ᠢᠨᠠ᠃
ᠬᠤᠶᠠᠷᠲᠤ᠂ ᠵᠤᠷᠢᠯᠭᠠᠲᠠᠢᠪᠠᠷ ᠨᠤᠮᠤᠨ ᠲᠡᠯᠭᠡᠭᠦᠷᠲᠤ ᠤᠴᠢᠵᠦ ᠨᠤᠮ ᠤᠩᠰᠢᠭᠤᠯᠳᠠᠭ ᠪᠠᠶ᠋ᠢᠵᠠᠢ᠃ ᠮᠢᠨᠤ ᠴᠡᠭᠡᠵᠢᠯᠡᠵᠦ ᠪᠠᠶ᠋ᠢᠬᠤᠪᠠᠷ ᠦᠬᠢᠨ ᠵᠶ᠋ᠠᠨ ᠲᠤᠯᠤᠭ᠋ᠠᠨ ᠨᠠᠰᠤᠲᠠᠢ ᠦᠶᠡᠳᠤ ᠭᠠᠨᠵᠤᠭᠠ ᠪᠠᠯᠭ᠋ᠠᠰᠤᠨᠤ ᠰᠢᠠᠭ᠍ᠤᠸᠠ ᠨᠤᠮᠤᠨ ᠲᠡᠯᠭᠡᠬᠦᠷᠲᠤ ᠲᠠᠭ᠋ᠠᠭᠤᠯᠵᠦ ᠤᠴᠢᠭᠰᠠᠨᠳᠤ᠂ ᠬᠡᠤᠬᠡᠨ ᠮᠢᠨᠢ ᠲᠡᠯᠭᠡᠬᠦᠷᠤᠨ ᠠ᠋ᠭᠦᠳᠡᠨᠳᠤ ᠭᠦᠷᠦᠮᠡᠭᠴᠡ 《ᠠ᠋ᠨᠡ ᠴᠢᠨᠢ ᠮᠢᠨᠤ ᠠ᠋ᠮᠡᠭᠡ ᠵᠢᠨ ᠨᠠᠳᠠᠳᠤ ᠬᠡᠯᠡᠵᠦ ᠦᠭᠭᠦᠭᠰᠡᠨ ᠦᠯᠢᠭᠡᠷ ᠪᠤᠯᠤᠨᠠ᠂ ᠪᠢ ᠲᠤᠮᠤᠭ ᠦᠯᠢᠭᠡᠷᠢ ᠠᠪᠤᠨᠠ》 ᠭᠡᠪᠡ᠃ ᠠ᠋ᠭᠦᠨ ᠵᠶ᠋ᠠᠷ ᠪᠠᠷᠠᠭ᠍ᠤ ᠦᠭᠡᠢ ᠲᠡᠷᠡ ᠨᠤᠮᠢ ᠬᠤᠳᠠᠯᠳᠤᠨ ᠠᠪᠤᠮᠠᠭᠴᠠ ᠨᠤᠮᠤᠨ ᠲᠡᠯᠭᠡᠬᠦᠷᠲᠤ ᠰᠠᠭᠤᠵᠦ ᠪᠠᠶ᠋ᠢᠭ᠋ᠠᠳ ᠤᠩᠰᠢᠵᠦ ᠲᠠᠭᠤᠰᠬᠠᠭᠰᠠᠨ ᠪᠦᠭᠡᠳ ᠠ᠋ᠮᠡᠭᠡ ᠵᠢᠨ ᠵᠶ᠋ᠠᠨ ᠬᠡᠯᠡᠵᠦ ᠦᠭᠭᠦᠭᠰᠡᠨ ᠦᠭᠡᠷᠡ ᠪᠤᠰᠤᠳ ᠦᠯᠢᠭᠡᠷᠤᠨ ᠨᠤᠮᠤᠳᠢ ᠪᠠᠷᠤᠭ ᠪᠦᠬᠦᠨᠢ ᠬᠤᠳᠠᠯᠳᠤᠨ ᠠᠪᠤᠭᠰᠠᠨ ᠪᠠᠶ᠋ᠢᠨᠠ᠃ ᠪᠢ ᠬᠡᠤᠬᠡᠨᠤᠪᠠᠨ ᠠ᠋ᠶ᠋ᠢᠨ ᠬᠦ᠌ ᠨᠤᠮᠳᠤ ᠬᠤᠷᠤᠬᠠᠢᠲᠠᠢ ᠪᠤᠯᠤᠭᠰᠠᠨᠢ ᠮᠡᠳᠡᠭᠰᠡᠨᠤ ᠲᠠᠷᠠᠭᠠ᠂ ᠭᠠᠷᠠᠭ ᠪᠤᠯᠭ᠋ᠠᠨ ᠨᠤᠮᠤᠨ ᠲᠡᠯᠭᠡᠬᠦᠷᠲᠤ ᠲᠠᠭ᠋ᠠᠭᠤᠯᠤᠨ ᠤᠴᠢᠳᠠᠭ ᠪᠤᠯᠪᠠ᠃ ᠨᠤᠮᠤᠨ ᠲᠡᠯᠭᠡᠬᠦᠷᠲᠤ ᠤᠴᠢᠬᠤᠳᠤᠪᠠᠨ ᠪᠢ ᠬᠡᠤᠬᠡᠨᠳᠤᠪᠠᠨ ᠶᠠᠮᠠᠷ ᠨᠤᠮ ᠦᠵᠡᠬᠦ ᠵᠢ ᠵᠠᠬᠢᠳᠠᠭ ᠦᠭᠡᠢ ᠪᠦᠭᠡᠳ ᠬᠢᠲᠡᠳ ᠨᠤᠮ᠂ ᠮᠤᠩᠭᠤᠯ ᠨᠤᠮᠤᠨ ᠠᠯᠢᠨᠢᠨᠢ ᠦᠵᠡᠭᠰᠡᠨ ᠴᠦ᠍ ᠤᠭᠲᠤ ᠬᠠᠮᠢᠶᠠᠷᠳᠠᠭ ᠦᠭᠡᠢ ᠶᠤᠮ᠃ ᠤᠳᠠᠭᠠ ᠪᠤᠯᠭ᠋ᠠᠨ ᠬᠤᠶᠠᠷ ᠴᠠᠭ ᠪᠤᠶᠤ ᠬᠠᠭ᠋ᠠᠰ ᠠ᠋ᠳᠦᠷᠤᠨ ᠴᠠᠭ ᠭᠠᠷᠭ᠋ᠠᠨ ᠲᠤᠷᠡᠲᠡᠢ ᠨᠤᠮᠢᠨᠢ ᠤᠩᠰᠢᠭᠤᠯᠵᠦ ᠪᠠᠷᠠᠭᠰᠠᠨᠤ ᠲᠠᠷᠠᠭᠠ ᠭᠡᠷᠲᠤᠪᠠᠨ ᠬᠠᠷᠢᠳᠠᠭ᠃ ᠢᠩᠭᠢᠵᠦ ᠠ᠋ᠳᠦᠷ ᠬᠤᠨᠤᠭ ᠦᠷᠭᠦᠯᠵᠢᠯᠡᠬᠦ ᠵᠢ ᠲᠠᠭ᠋ᠠᠯᠳᠤᠨ ᠬᠡᠤᠬᠡᠨᠤ ᠨᠤᠮ ᠦᠵᠡᠬᠦ ᠤᠷᠮᠠ ᠪᠠᠬᠠᠨᠢ ᠤᠯᠠᠮ ᠨᠡᠮᠡᠭᠳᠡᠵᠦ᠂ ᠭᠠᠷᠠᠭᠤᠨ ᠠ᠋ᠳᠦᠷ ᠪᠤᠯᠪᠠᠯ ᠦᠪᠡᠷ ᠵᠶ᠋ᠠᠨ ᠨᠤᠮᠤᠨ ᠳᠡᠯᠭᠡᠭᠦᠷᠲᠤ ᠤᠴᠢᠬᠤ ᠵᠢ ᠭᠤᠶᠤᠴᠢᠯᠠᠳᠠᠭ ᠪᠤᠯᠪᠠ᠃ ᠲᠡᠷᠡ ᠦᠶᠡᠳᠤ ᠪᠢ ᠬᠡᠤᠬᠡᠨ ᠵᠶ᠋ᠠᠨ ᠨᠤᠮᠤᠨ ᠲᠡᠯᠭᠡᠬᠦᠷᠲᠤ ᠬᠦᠷᠭᠡᠵᠦ ᠤᠴᠢᠪᠠᠯ ᠬᠦᠯᠢᠶᠡᠵᠦ ᠰᠠᠭᠤᠳᠠᠭ ᠦᠭᠡᠢ ᠪᠤᠯᠤᠭᠰᠠᠨ ᠮᠦᠷᠲᠡᠭᠡᠨ᠂ ᠬᠡᠤᠬᠡᠨ ᠦᠪᠡᠷᠤᠨ ᠲᠤᠷᠡᠪᠠᠷ ᠵᠶ᠋ᠠᠨ ᠨᠤᠮ ᠵᠶ᠋ᠠᠨ ᠤᠩᠰᠢᠵᠦ ᠪᠠᠷᠠᠪᠠᠯ ᠦᠪᠡᠷᠲᠡᠭᠡᠨ ᠭᠡᠷᠲᠤᠪᠠᠨ ᠬᠠᠷᠢᠵᠦ ᠢᠷᠡᠳᠡᠭ ᠪᠤᠯᠪᠠ᠃
ᠭᠤᠷᠪᠠᠳᠤ᠂ ᠲᠠᠰᠬᠠᠯ ᠵᠶ᠋ᠠᠨ ᠴᠠᠭ ᠲᠤᠬᠠᠢᠳᠤᠨᠢ ᠬᠢᠭᠦ᠂ ᠰᠢᠯᠭ᠋ᠠᠯᠳᠠ ᠵᠢᠨ ᠰᠡᠳᠥᠪ ᠵᠶ᠋ᠠᠨ ᠠᠯᠢ ᠠᠯᠢ ᠵᠢᠨᠢ ᠬᠢᠵᠥ ᠴᠢᠳᠠᠭ᠍ᠤ ᠥᠭᠡᠢ ᠪᠠᠶ᠋ᠢᠬᠤ ᠲᠤᠬᠠᠢ ᠵᠠᠳᠠᠯᠥᠨ ᠰᠢᠨᠵᠢᠯᠡᠵᠥ ᠬᠡᠯᠡᠵᠥ ᠦᠭᠬᠦ ᠵᠢ ᠬᠢᠴᠢᠶᠡᠳᠡᠭ ᠪᠠᠶ᠋ᠢᠵᠠᠢ᠃ ᠬᠡᠤᠬᠡᠨᠢ ᠰᠤᠷᠭ᠋ᠠᠭᠤᠯᠢᠳᠤ ᠤᠷᠤᠭᠰᠠᠨᠠᠴᠠ ᠠᠪᠤᠭ᠋ᠠᠳ ᠲᠤᠮᠲᠠᠳᠤ ᠰᠤᠷᠭ᠋ᠠᠭᠤᠯᠢ ᠵᠢ ᠲᠡᠭᠦᠰᠬᠦ ᠪᠤᠯᠲᠠᠯᠠ᠂ ᠪᠢ ᠬᠡᠤᠬᠡᠨᠤ ᠠᠩᠭ᠍ᠯᠢ ᠬᠡᠯᠡᠨᠠᠴᠠ ᠪᠤᠰᠤᠳ ᠬᠢᠴᠢᠶᠡᠯ ᠲᠦᠷᠤᠯᠤᠨ ᠰᠢᠯᠭ᠋ᠠᠯᠲᠠ ᠵᠢ ᠶᠡᠭᠡ ᠪᠠᠭᠠ ᠭᠡᠵᠦ ᠬᠠᠮᠢᠶᠠᠷᠬᠤ ᠦᠭᠡᠢ ᠯᠠᠪᠲᠠᠢ ᠬᠢᠨᠠᠨ ᠪᠠᠶ᠋ᠢᠴᠠᠭ᠋ᠠᠬᠤ ᠵᠢ ᠢᠮᠠᠭᠲᠠ ᠪᠠᠷᠢᠮᠳᠠᠯᠠᠳᠠᠭ᠃ ᠰᠡᠳᠤᠪᠢ ᠬᠢᠨᠠᠭ᠍ᠤ ᠲᠤᠮᠲᠠ ᠠᠯᠢ ᠰᠡᠳᠤᠪᠢ ᠬᠢᠵᠦ ᠴᠢᠳᠠᠭᠰᠠᠨ᠂ ᠠᠯᠢ ᠰᠡᠳᠤᠪᠢ ᠬᠢᠵᠦ ᠴᠢᠳᠠᠭᠰᠠᠨ ᠦᠭᠡᠢ ᠪᠤᠶᠤ ᠶᠠᠭ᠋ᠠᠬᠢᠵᠦ ᠬᠢᠬᠦ ᠠ᠋ᠰᠡᠭᠦᠯᠡ ᠦᠭᠡᠷᠡ ᠶᠠᠮᠠᠷ ᠬᠢᠬᠦ ᠠᠷᠭᠠ ᠪᠠᠶ᠋ᠢᠬᠤ ᠲᠤᠬᠠᠢ ᠤᠯᠠᠨ ᠠᠷᠪᠢᠨ ᠶᠠᠷᠢᠯᠴᠠᠨ ᠵᠤᠭᠤᠭᠳᠠᠳᠠᠭ ᠪᠠᠶ᠋ᠢᠪᠠ᠃ ᠠ᠋ᠭᠦᠨ ᠵᠶ᠋ᠠᠷ ᠲᠠᠮᠵᠢᠨ ᠮᠢᠨᠤ ᠬᠡᠤᠬᠡᠨᠤ ᠤᠢ ᠤᠬᠠᠭ᠋ᠠᠨᠳᠤ ᠰᠢᠯᠭ᠋ᠠᠯᠲᠠ ᠭᠡᠳᠡᠭ ᠪᠤᠯ ᠲᠤᠶ᠋ᠢᠯᠤᠨ ᠴᠢᠬᠤᠯᠠ ᠭᠡᠰᠡᠨ ᠦᠵᠡᠯᠲᠡ ᠪᠤᠢ ᠪᠤᠯᠵᠦ ᠪᠦᠷᠢᠯᠳᠦᠭᠰᠡᠨ ᠪᠠᠶ᠋ᠢᠨᠠ᠃ ᠠ᠋ᠶ᠋ᠢᠮᠦᠠᠴᠠ ᠬᠡᠤᠭᠡᠨ ᠮᠠᠨᠢ ᠰᠢᠯᠭ᠋ᠠᠯᠲᠠ ᠪᠤᠯᠭ᠋ᠠᠨᠢ ᠬᠦᠨᠳᠦᠳᠭᠡᠨ ᠦᠵᠡᠵᠦ ᠬᠦᠩᠭᠡᠨ ᠬᠠᠭᠤᠳᠠᠮᠴᠢ ᠬᠠᠨᠳᠤᠳᠠᠭ ᠦᠭᠡᠢ ᠪᠤᠯᠪᠠ᠃
ᠲᠦᠷᠪᠡᠳᠤ᠂ ᠭᠠᠳᠠᠭ᠋ᠠᠳᠥ ᠤᠷᠴᠢᠨᠲᠠᠢ ᠬᠠᠷᠢᠯᠴᠠᠭ᠍ᠤ ᠲᠠᠯᠠᠪᠠᠷ ᠬᠢᠵᠠᠭ᠋ᠠᠷᠯᠠᠳᠠᠭ ᠪᠠᠶ᠋ᠢᠵᠠᠢ᠃ ᠪᠢ ᠬᠡᠤᠭᠡᠨ ᠵᠶ᠋ᠠᠨ ᠪᠠᠭᠠᠠᠴᠠᠨᠢ ᠶᠡᠭᠡ ᠪᠠᠭᠠ ᠨᠠᠶ᠋ᠢᠷ ᠨᠠᠭ᠋ᠠᠳᠤᠮ ᠪᠤᠶᠤ ᠬᠤᠭᠤᠯᠠᠨ ᠰᠢᠷᠡᠭᠡ ᠵᠡᠷᠭᠡ ᠤᠯᠠᠨ ᠨᠡᠶ᠋ᠢᠳᠡ ᠵᠢᠨ ᠲᠠᠯᠠᠪᠤᠷᠲᠤ ᠲᠠᠭ᠋ᠠᠭᠤᠯᠵᠥ ᠤᠴᠢᠬᠤ ᠵᠢ ᠶᠡᠭᠡ ᠬᠢᠴᠢᠶᠡᠳᠡᠭ ᠪᠠᠶ᠋ᠢᠪᠠ᠃ ᠤᠴᠢᠷᠨᠢ ᠬᠤᠭᠤᠯᠠᠨ ᠰᠢᠷᠡᠭᠡ ᠭᠡᠳᠡᠭ ᠪᠤᠯ ᠤᠯᠠᠨ ᠵᠦᠢ᠍ᠯᠤᠨ ᠬᠦᠮᠦᠰ ᠴᠤᠭᠯᠠᠷᠠᠨ ᠦᠪᠡᠷ ᠦᠪᠡᠷᠤᠨ ᠦᠵᠡᠯᠲᠡ ᠵᠤᠷᠢᠯᠲᠡᠪᠠᠨ ᠶᠠᠷᠢᠬᠤ ᠪᠤᠶᠤ ᠨᠠᠭ᠋ᠠᠳᠤᠮ ᠲᠤᠭᠯᠠᠭ᠋ᠠᠮ ᠭᠠᠷᠭ᠋ᠠᠳᠠᠭ ᠴᠢᠯᠦᠭᠡᠲᠡᠢ ᠤᠷᠴᠢᠨ ᠪᠠᠶ᠋ᠢᠵᠦ᠂ ᠠ᠋ᠨᠡ ᠰᠢᠷᠡᠭᠡᠨᠠᠴᠠ ᠠ᠋ᠯᠳᠡᠪᠤᠨ ᠰᠤᠨᠢᠨ ᠰᠡᠪᠡᠭᠦᠨ᠂ ᠮᠠᠭᠤ ᠮᠠᠭᠤᠬᠠᠢ ᠪᠤᠶᠤ ᠵᠦᠪ ᠪᠤᠷᠤᠭᠤ ᠶᠠᠮᠠᠷᠴᠦ ᠦᠭᠡ ᠶᠠᠷᠢᠶᠠ ᠪᠦᠷ ᠭᠠᠷᠴᠦ ᠪᠤᠯᠳᠠᠭ᠃ ᠲᠡᠶ᠋ᠢᠮᠤ ᠪᠤᠯᠬᠤᠷ ᠪᠠᠭᠠ ᠨᠠᠰᠤᠨᠤ ᠬᠡᠤᠬᠡᠳᠢ ᠠ᠋ᠯᠳᠡᠪ ᠠ᠋ᠰᠡᠨ ᠨᠠᠶ᠋ᠢᠷ ᠨᠠᠭ᠋ᠠᠳᠤᠮᠤᠨ ᠰᠢᠷᠡᠭᠡᠨᠳᠤ ᠲᠠᠭ᠋ᠠᠭᠤᠯᠵᠦ ᠤᠴᠢᠬᠤᠨᠢ ᠵᠠᠷᠢᠮ ᠮᠠᠭᠤ ᠮᠠᠭᠤᠬᠠᠢ ᠵᠦᠢ᠍ᠯᠳᠤ ᠨᠦᠯᠦᠭᠡᠯᠡᠭᠳᠡᠬᠦ ᠪᠤᠶᠤ ᠨᠠᠵᠠᠭ᠋ᠠᠢ ᠪᠤᠷᠤᠭᠤ ᠤᠶ᠋ᠢᠯᠠᠭ᠋ᠠᠯᠲᠠᠲᠠᠢ ᠪᠤᠯᠵᠦ ᠮᠡᠳᠡᠬᠦ ᠶᠤᠮ᠃
ᠲᠠᠪᠤᠳᠤ᠂ ᠬᠡᠤᠬᠡᠨ ᠵᠶ᠋ᠠᠨ ᠠ᠋ᠳᠤᠷ ᠪᠦᠷᠢ ᠰᠤᠷᠤᠭᠰᠠᠨ ᠬᠢᠴᠢᠶᠡᠯ ᠲᠤᠷᠤᠯᠤᠨ ᠲᠤᠬᠠᠢ ᠶᠠᠷᠢᠭᠤᠯᠳᠠᠭ ᠪᠠᠶ᠋ᠢᠵᠠᠢ᠃ ᠪᠢ ᠭᠡᠤᠬᠡᠨ ᠵᠶ᠋ᠠᠨ ᠰᠤᠷᠭ᠋ᠠᠭᠤᠯᠢᠳᠤ ᠤᠷᠤᠭᠰᠠᠨ ᠲᠡᠷᠡ ᠴᠠᠭᠠᠴᠠᠨᠢ ᠠ᠋ᠬᠢᠯᠡᠵᠥ ᠠ᠋ᠳᠥᠷ ᠪᠥᠷᠢ ᠰᠤᠷᠭ᠋ᠠᠭᠤᠯᠢᠳᠤᠪᠠᠨ ᠶᠠᠭᠤ ᠰᠤᠷᠤᠭᠰᠠᠨ ᠲᠤᠬᠠᠢ ᠬᠡᠷᠲᠤᠪᠠᠨ ᠢᠷᠡᠪᠡᠯ ᠵᠠᠪᠠᠯ ᠶᠠᠷᠢᠭᠤᠯᠳᠠᠭ ᠪᠠᠶ᠋ᠢᠭᠰᠠᠨ ᠶᠤᠮ᠃ ᠵᠢᠱ᠌ᠢᠶᠡᠯᠡᠪᠡᠯ᠂ ᠨᠢᠭᠡᠲᠦᠭᠡᠷ ᠬᠢᠴᠢᠶᠡᠯ ᠪᠤᠯ ᠲᠤᠭᠠ ᠪᠤᠳᠤᠯᠭᠠ ᠵᠢᠨ ᠬᠢᠴᠢᠶᠡᠯ᠂ ᠬᠤᠶᠠᠳᠤᠭ᠋ᠠᠷ ᠬᠢᠴᠢᠶᠡᠯ ᠪᠤᠯ ᠬᠡᠯᠡ ᠪᠢᠴᠢᠭᠤᠨ ᠬᠢᠴᠢᠶᠡᠯ ᠪᠠᠶ᠋ᠢᠵᠦ᠂ ᠲᠤᠭ᠋ᠠᠨᠤ ᠬᠢᠴᠢᠶᠡᠯᠳᠤ ᠶᠠᠭᠤ ᠵᠢ ᠰᠤᠷᠴᠦ ᠬᠡᠯᠡ ᠪᠢᠴᠢᠭᠤᠨ ᠬᠢᠴᠢᠶᠡᠯᠳᠤ ᠶᠠᠭᠤ ᠵᠢ ᠰᠤᠷᠤᠭᠰᠠᠨ ᠲᠤᠬᠠᠢ ᠨᠠᠷᠢᠨ ᠨᠢᠭᠲᠠ ᠲᠠᠶ᠋ᠢᠯᠪᠤᠷᠢᠯᠠᠨ ᠶᠠᠷᠢᠭᠤᠯᠳᠠᠭ ᠪᠠᠶ᠋ᠢᠪᠠ᠃ ᠢᠩᠭᠢᠵᠥ ᠤᠷᠳᠤ ᠬᠤᠭᠤᠴᠠᠭᠠ ᠶᠠᠷᠢᠭᠤᠯᠬᠤᠪᠠᠷ ᠲᠠᠮᠵᠢᠭ᠋ᠠᠳ ᠬᠡᠤᠭᠡᠨᠤ ᠰᠤᠷᠤᠯᠭᠠ ᠵᠢᠨ ᠵᠠᠮᠳᠤ ᠬᠢᠴᠢᠶᠡᠯᠤᠨ ᠴᠠᠭᠲᠤ ᠪᠠᠭᠰᠢ ᠵᠢᠨ ᠲᠠᠶ᠋ᠢᠯᠪᠤᠷᠢᠯᠠᠭ᠍ᠤ ᠵᠢ ᠵᠠᠪᠠᠯ ᠰᠡᠳᠭᠢᠯ ᠲᠠᠯᠪᠢᠨ ᠰᠤᠨᠤᠰᠬᠤ ᠬᠡᠷᠡᠭᠲᠡᠢ ᠭᠡᠰᠡᠨ ᠦᠵᠡᠯᠲᠡ ᠪᠤᠢ ᠪᠤᠯᠵᠦ ᠪᠦᠷᠢᠯᠲᠦᠭᠰᠡᠨ ᠪᠠᠶ᠋ᠢᠨᠠ᠃ ᠠ᠋ᠶ᠋ᠢᠮᠦᠠᠴᠠ ᠬᠡᠵᠢᠶᠡ ᠶᠠᠮᠠᠷ ᠰᠤᠷᠭ᠋ᠠᠭᠤᠯᠢᠳᠤ ᠤᠷᠤᠭᠰᠠᠨ ᠴᠦ᠍ ᠲᠡᠷᠡ ᠮᠠᠨᠢ ᠪᠠᠭᠰᠢ ᠵᠢᠨ ᠬᠢᠴᠢᠶᠡᠯᠢ ᠲᠦᠢ᠍ᠯ ᠵᠶ᠋ᠠᠷ ᠠᠩᠬᠠᠷᠤᠯ ᠲᠦᠪᠯᠡᠷᠡᠭᠦᠯᠦᠨ ᠰᠤᠨᠤᠰᠳᠠᠭ ᠪᠤᠯᠵᠦ᠂ ᠬᠢᠴᠢᠶᠡᠯ ᠲᠡᠭᠡᠷᠡ ᠭᠠᠷᠴᠦ ᠢᠷᠡᠬᠦ ᠪᠤᠢ ᠪᠦᠬᠦᠢ ᠮᠡᠳᠡᠯᠭᠡ ᠵᠢ ᠦᠨᠳᠦᠰᠦᠨᠳᠤᠪᠠᠨ ᠲᠡᠮᠡᠢ ᠠᠯᠳᠠᠳᠠᠭ ᠦᠭᠡᠢ ᠪᠠᠶ᠋ᠢᠪᠠ᠃ ᠤᠴᠢᠷᠨᠢ᠂ ᠲᠡᠷᠡ ᠬᠢᠴᠢᠶᠡᠯ ᠲᠡᠭᠡᠷᠡᠬᠢ ᠮᠡᠳᠡᠯᠭᠡ ᠵᠢ ᠲᠤᠬᠠᠢ ᠵᠢᠨ ᠴᠠᠭᠲᠤᠨᠢ ᠰᠢᠩᠭᠡᠭᠡᠵᠦ ᠴᠢᠳᠠᠳᠠᠭ ᠪᠤᠯᠴᠢᠬᠠᠭᠰᠠᠨ ᠪᠤᠯᠬᠤᠷ᠂ ᠬᠢᠴᠢᠶᠡᠯᠠᠴᠠ ᠭᠠᠳᠠᠭᠤᠷ ᠲᠡᠮᠡᠢ ᠬᠦᠴᠦ ᠲᠡᠯᠪᠢᠨ ᠲᠠᠪᠲᠠᠭ᠍ᠤ ᠦᠭᠡᠢ ᠪᠠᠶ᠋ᠢᠭᠰᠠᠨ ᠴᠦ᠍ ᠰᠤᠷᠤᠯᠭᠠ ᠵᠢᠨ ᠬᠢᠷᠢ ᠪᠦᠲᠦᠮᠵᠢᠨᠢ ᠨᠠᠯᠢᠶᠡᠳ ᠲᠤᠭᠲᠠᠪᠤᠷᠢᠲᠡᠢ ᠪᠤᠯᠤᠭᠰᠠᠨᠲᠠᠢ ᠬᠤᠯᠪᠤᠭᠠᠲᠠᠢ ᠭᠡᠵᠦ ᠦᠵᠡᠨᠡ᠃ ᠭᠡᠤᠭᠡᠨ ᠮᠢᠨᠢ ᠲᠡᠭᠡᠳᠤ ᠲᠤᠮᠲᠠᠳᠤ ᠲᠡᠭᠦᠰᠲᠡᠯᠡ ᠬᠡᠵᠢᠶᠡᠲᠡ ᠦᠷᠯᠦᠭᠡ ᠲᠤᠯᠤᠭ᠋ᠠᠨ ᠴᠠᠭᠲᠤ ᠪᠤᠰᠴᠦ᠂ ᠤᠷᠤᠢ ᠪᠠᠰᠠ ᠲᠡᠶ᠋ᠢᠮᠦ ᠤᠷᠤᠢ ᠪᠤᠯᠳᠠᠭ ᠦᠭᠡᠢ᠂ ᠤᠨᠲᠠᠭ᠍ᠤ ᠴᠠᠭᠲᠤᠪᠠᠨ ᠤᠨᠲᠠᠳᠠᠭ ᠪᠠᠶ᠋ᠢᠪᠠ᠃
（ᠲᠥᠷᠪᠡ） ᠦᠷᠢᠰᠦᠯᠳᠦᠭᠡᠨᠤ ᠴᠢᠳᠠᠪᠥᠷᠢ ᠵᠢᠨᠢ ᠠᠯᠬᠤᠮ ᠠᠯᠬᠤᠮ ᠵᠶ᠋ᠠᠷ ᠪᠠᠳᠠᠷᠠᠭᠤᠯᠤᠨᠠ
ᠮᠢᠨᠤ ᠬᠡᠦᠬᠡᠨ ᠴᠢᠯᠠᠭᠤᠲᠦ ᠰᠤᠮᠤ ᠵᠢᠨ ᠭᠤᠤᠯ ᠪᠠᠭᠠ ᠰᠤᠷᠭ᠋ᠠᠭᠤᠯᠢᠳᠤ ᠪᠢᠴᠢᠭ ᠦᠵᠡᠵᠠᠢ᠃ ᠰᠤᠷᠭ᠋ᠠᠭᠤᠯᠢᠳᠤ ᠰᠠᠭᠤᠵᠦ ᠪᠢᠴᠢᠭ ᠦᠵᠡᠬᠦ ᠪᠤᠯᠤᠭᠰᠠᠨᠤ ᠲᠠᠷᠠᠭᠠ ᠪᠢ ᠭᠡᠦᠭᠡᠨᠤᠪᠠᠨ ᠪᠡᠶᠡ ᠲᠡᠭᠡᠷᠡ ᠨᠢᠭᠡᠨ ᠵᠦᠢ᠍ᠯᠤᠨ ᠠ᠋ᠮᠵᠡᠭ ᠲᠠᠯᠠ ᠪᠠᠶ᠋ᠢᠬᠤ ᠵᠢ ᠤᠯᠵᠦ ᠮᠡᠳᠡᠵᠡᠢ᠃ ᠲᠡᠷᠡᠨᠢ ᠶᠡᠭᠤ ᠪᠤᠢ ᠭᠡᠪᠡᠯ᠂ ᠨᠢᠭᠡ ᠶᠠᠭᠤᠮᠠ ᠵᠢ ᠰᠤᠷᠤᠭ᠋ᠠᠳ ᠬᠦᠮᠦᠨᠤ ᠠ᠋ᠮᠦᠨᠡ ᠤᠷᠤᠴᠢᠬᠠᠪᠠᠯ ᠲᠡᠮᠡᠢ ᠶᠡᠭᠡ ᠴᠢᠷᠮᠠᠶ᠋ᠢᠬᠤ ᠦᠭᠡᠢ ᠪᠠᠶ᠋ᠢᠳᠠᠯ ᠢᠯᠡᠷᠡᠳᠡᠭ᠃ ᠵᠢᠱ᠌ᠢᠶᠡᠯᠡᠪᠡᠯ᠂ ᠠᠩᠭᠢᠳᠤᠪᠠᠨ ᠲᠦᠷᠦᠭᠦᠦ ᠨᠢᠭᠡ ᠬᠤᠶᠠᠷᠲᠤ ᠤᠷᠤᠪᠠᠯ ᠲᠡᠮᠡᠢ ᠶᠡᠭᠡ ᠴᠢᠷᠮᠠᠶ᠋ᠢᠬᠤ ᠦᠭᠡᠢ᠂ ᠤᠮᠤᠷᠬᠠᠭ ᠰᠠᠭᠰᠠᠭᠤ ᠵᠠᠩ ᠭᠠᠷᠭ᠋ᠠᠳᠠᠭ᠃ ᠪᠠᠭᠠ ᠰᠤᠷᠭ᠋ᠠᠭᠤᠯᠢ ᠵᠢᠨ ᠭᠤᠷᠪᠠᠳᠤᠭ᠋ᠠᠷ ᠤᠨᠤ ᠦᠶᠡᠳᠤ ᠴᠢᠯᠠᠭᠤᠲᠤ ᠭᠤᠤᠯ ᠪᠠᠭᠠ ᠰᠤᠷᠭ᠋ᠠᠭᠤᠯᠢ ᠵᠢᠨ ᠨᠢᠭᠡ ᠤᠨᠳᠤ ᠬᠤᠶᠠᠷ ᠠᠩᠭᠢᠲᠠᠢ ᠪᠤᠯᠤᠭᠰᠠᠨ ᠪᠢᠯᠡ᠃ ᠭᠡᠪᠡᠴᠦ ᠬᠡᠤᠬᠡᠨᠤ ᠰᠤᠷᠤᠯᠭᠠ ᠵᠢᠨ ᠬᠢᠷᠢ ᠪᠦᠲᠦᠮᠵᠢᠨᠢ ᠦᠨᠳᠦᠰᠦᠨᠳᠤᠪᠠᠨ ᠨᠡᠯᠢᠶᠡᠳ ᠰᠠᠶ᠋ᠢᠨ ᠪᠠᠶ᠋ᠢᠳᠠᠭᠠᠴᠠ ᠤᠮᠤᠷᠬᠠᠭ ᠵᠠᠩ ᠭᠠᠷᠭ᠋ᠠᠨ ᠲᠡᠮᠡᠢ ᠴᠢᠷᠮᠠᠶ᠋ᠢᠨ ᠰᠤᠷᠤᠯᠴᠠᠳᠠᠭ ᠦᠭᠡᠢ ᠪᠤᠯᠪᠠ᠃ ᠠ᠋ᠨᠡ ᠪᠠᠶ᠋ᠢᠳᠠᠯᠢ ᠦᠵᠡᠵᠦ ᠭᠠᠷᠤᠭᠰᠠᠨᠤ ᠲᠠᠷᠠᠭᠠ᠂ ᠪᠢ ᠬᠡᠤᠬᠡᠨ ᠵᠶ᠋ᠠᠨ ᠲᠦᠷᠪᠡᠲᠦᠭᠡᠷ ᠤᠨ ᠪᠤᠯᠬᠤᠳᠤ ᠭᠠᠨᠵᠤᠭᠠᠳᠤᠬᠢ ᠮᠤᠩᠭᠤᠯ ᠦᠨᠳᠦᠰᠦᠲᠡᠨᠤ ᠲᠤᠷᠰᠢᠯᠲᠠ ᠵᠢᠨ ᠪᠠᠭᠠ ᠰᠤᠷᠭ᠋ᠠᠭᠤᠯᠢᠳᠤ ᠬᠦᠷᠭᠡᠨ ᠰᠤᠷᠤᠯᠴᠠᠭᠤᠯᠤᠭᠰᠠᠨ ᠶᠤᠮ᠃ ᠲᠤᠰ ᠰᠤᠷᠭ᠋ᠠᠭᠤᠯᠢᠨᠢ ᠬᠤᠰᠢᠭᠤᠨᠤ ᠭᠤᠤᠯᠳᠠᠯᠭᠠᠲᠠᠢ ᠰᠤᠷᠭ᠋ᠠᠭᠤᠯᠢ ᠪᠤᠯᠤᠭᠰᠠᠨᠤ ᠬᠤᠪᠢᠳᠤ ᠰᠤᠷᠤᠭᠴᠢ ᠵᠢᠨ ᠲᠤᠭᠠ ᠮᠠᠰᠢ ᠠᠷᠪᠢᠨ ᠮᠦᠷᠲᠡᠭᠡᠨ ᠨᠢᠭᠡ ᠠᠩᠭᠢᠳᠤ ᠵᠢᠷᠠ ᠭᠠᠷᠤᠢ ᠬᠦᠮᠦᠨᠲᠠᠢ᠂ ᠨᠢᠭᠡ ᠤᠨᠳᠤ ᠠᠷᠪᠠᠭ᠋ᠠᠳ ᠠᠩᠭᠢᠲᠠᠢ ᠪᠠᠶ᠋ᠢᠪᠠ᠃ ᠠ᠋ᠨᠡ ᠦᠶᠡᠰ ᠬᠡᠤᠬᠡᠨᠤ ᠬᠢᠷᠢ ᠪᠦᠲᠦᠮᠵᠢᠨᠢ ᠲᠡᠮᠡᠢ ᠰᠠᠶ᠋ᠢᠨ ᠪᠢᠰᠢ ᠮᠦᠷᠲᠡᠭᠡᠨ ᠭᠤᠴᠢ ᠪᠤᠶᠤ ᠳᠥᠴᠢ ᠳ᠋ᠤᠭ᠋ᠠᠷᠲᠤ ᠰᠢᠯᠭ᠋ᠠᠬᠤ ᠪᠤᠯᠪᠠ᠃ ᠠ᠋ᠶ᠋ᠢᠨ ᠬᠦ᠌ ᠪᠠᠶ᠋ᠢᠳᠠᠯ ᠲᠤᠤᠷᠡ ᠬᠡᠤᠬᠡᠨᠤ ᠤᠮᠤᠷᠬᠠᠭ ᠰᠠᠭᠰᠠᠭᠤ ᠵᠠᠩᠨᠢ ᠵᠢᠭ᠋ᠠᠬᠠᠨ ᠪᠠᠭᠤᠷᠠᠵᠦ ᠴᠢᠷᠮᠠᠶ᠋ᠢᠨ ᠰᠤᠷᠤᠯᠴᠠᠭ᠍ᠤ ᠪᠤᠯᠵᠦ᠂ ᠪᠠᠭᠠ ᠰᠤᠷᠭ᠋ᠠᠭᠤᠯᠢ ᠲᠡᠭᠦᠰᠬᠦ ᠰᠢᠯᠭ᠋ᠠᠯᠲᠠᠳᠤ ᠪᠦᠬᠦ ᠬᠤᠰᠢᠭᠤᠨᠳᠤ ᠬᠤᠶᠠᠳᠤᠭ᠋ᠠᠷᠲᠤ ᠰᠢᠯᠭ᠋ᠠᠵᠦ᠂ ᠭᠠᠨᠵᠤᠭᠠᠳᠤᠬᠢ ᠮᠤᠩᠭᠤᠯ ᠦᠨᠳᠦᠰᠦᠲᠡᠨᠤ ᠲᠤᠮᠲᠠᠳᠤ ᠰᠤᠷᠭ᠋ᠠᠭᠤᠯᠢᠳᠤ ᠰᠢᠯᠭ᠋ᠠᠨ ᠤᠷᠤᠭᠰᠠᠨ ᠶᠤᠮ᠃ ᠠᠩᠬᠠ ᠲᠤᠮᠲᠠᠳᠤ ᠵᠢᠨ ᠨᠢᠭᠡᠳᠦᠭᠡᠷ ᠤᠨᠳᠤ ᠦᠨᠳᠦᠰᠦᠨᠳᠤᠪᠠᠨ ᠲᠦᠷᠦᠬᠦᠦ ᠰᠢᠯᠭ᠋ᠠᠬᠤ ᠪᠤᠯᠵᠦ ᠤᠮᠤᠷᠬᠠᠭ ᠰᠠᠭᠰᠠᠭᠤ ᠵᠠᠩᠨᠢ ᠪᠠᠰᠠᠯᠠ ᠢᠯᠡᠷᠡᠭᠰᠡᠨ ᠪᠠᠶ᠋ᠢᠪᠠ᠃ ᠠ᠋ᠨᠡ ᠪᠠᠶ᠋ᠢᠳᠠᠯᠳᠤ ᠴᠢᠭᠯᠡᠭᠦᠯᠦᠨ ᠪᠢ ᠬᠡᠤᠬᠡᠨ ᠵᠶ᠋ᠠᠨ ᠠᠩᠬᠠ ᠲᠤᠮᠲᠠᠳᠤ ᠵᠢᠨ ᠬᠤᠶᠠᠳᠤᠭ᠋ᠠᠷ ᠤᠨ ᠪᠤᠯᠬᠤᠳᠤ ᠲᠦᠩᠯᠢᠶᠤᠤ ᠬᠤᠲᠠ ᠵᠢᠨ ᠮᠤᠩᠭᠤᠯ ᠦᠨᠳᠦᠰᠦᠲᠡᠨᠤ ᠰᠤᠷᠭ᠋ᠠᠭᠤᠯᠢᠳᠤ ᠰᠢᠯᠵᠢᠭᠦᠯᠦᠨ ᠰᠤᠷᠤᠯᠴᠠᠭᠤᠯᠪᠠ᠃ ᠠ᠋ᠨᠡ ᠦᠶᠡᠰ ᠬᠡᠤᠬᠡᠨᠤ ᠬᠢᠷᠢ ᠪᠦᠲᠦᠮᠵᠢᠨᠢ ᠲᠡᠶ᠋ᠢᠮᠦ ᠰᠠᠶ᠋ᠢᠨ ᠪᠢᠰᠢ ᠵᠢᠨ ᠲᠡᠭᠡᠷᠡ ᠬᠦᠮᠦᠨᠠᠴᠠ ᠬᠤᠵᠢᠭᠳᠠᠭ᠍ᠤ ᠪᠠᠶ᠋ᠢᠳᠠᠯᠲᠠᠢ ᠪᠤᠯᠪᠠ᠃ ᠲᠡᠭᠡᠲᠡᠯᠡ ᠬᠡᠤᠬᠡᠨ ᠵᠢᠭ᠋ᠠᠬᠠᠨ ᠰᠠᠨᠲᠤᠷᠭ᠍ᠤ ᠪᠠᠶ᠋ᠢᠳᠠᠯᠲᠠᠢ ᠪᠤᠯᠵᠦ᠂ ᠰᠤᠷᠤᠯᠭᠠᠳᠤᠪᠠᠨ ᠵᠤᠷᠢᠭ ᠰᠢᠭᠤᠳᠤᠨ ᠰᠢᠮᠲᠠᠨ ᠰᠤᠷᠤᠯᠴᠠᠵᠦ ᠠ᠋ᠬᠢᠯᠡᠭᠰᠡᠨ ᠪᠢᠯᠡ᠃ ᠠ᠋ᠨᠡ ᠮᠡᠲᠦᠪᠠᠷ ᠪᠢ ᠬᠡᠤᠬᠡᠨ ᠵᠶ᠋ᠠᠨ ᠨᠠᠷᠢᠨ ᠠᠵᠢᠭᠯᠠᠵᠦ᠂ ᠤᠷᠠ ᠴᠢᠳᠠᠪᠤᠷᠢ ᠵᠢᠨᠢ ᠪᠠᠳᠠᠷᠠᠭᠤᠯᠬᠤ ᠲᠠᠶ᠋ᠢᠰᠠ ᠵᠢᠨᠢ ᠤᠳᠠᠭᠠ ᠪᠤᠯᠭ᠋ᠠᠨ ᠪᠦᠷᠢᠯᠳᠦᠭᠦᠯᠦᠨ ᠦᠭᠴᠦ ᠪᠠᠶ᠋ᠢᠭᠰᠠᠨ ᠶᠤᠮ᠃ ᠠ᠋ᠬᠦᠨ ᠵᠶ᠋ᠠᠷ ᠲᠠᠮᠵᠢᠨ ᠬᠡᠤᠬᠡᠨᠤ ᠰᠢᠨᠡ ᠤᠷᠴᠢᠨ ᠲᠤᠭᠤᠷᠢᠨᠳᠤ ᠲᠠᠳᠬᠤ ᠪᠤᠶᠤ ᠪᠡᠶᠡᠪᠠᠨ ᠲᠠᠭ᠋ᠠᠭ᠋ᠠᠵᠥ ᠰᠤᠷᠤᠯᠴᠠᠭ᠍ᠤ ᠴᠢᠳᠠᠪᠥᠷᠢᠨᠢ ᠲᠡᠭᠡᠭᠰᠢᠯᠡᠵᠥ᠂ ᠦᠷᠢᠰᠦᠯᠳᠦᠭᠡᠨᠤ ᠲᠤᠮᠲᠠ ᠦᠪᠡᠷᠢᠪᠠᠨ ᠢᠯᠡᠵᠦ ᠴᠢᠳᠠᠭ᠍ᠤ ᠪᠤᠯᠵᠦ ᠬᠦᠮᠦᠵᠢᠭᠳᠡᠭᠰᠡᠨ ᠪᠠᠶ᠋ᠢᠨᠠ᠃
（ᠲᠠᠪᠤ） ᠰᠤᠷᠤᠯᠴᠠᠭ᠍ᠤ ᠬᠡᠯᠪᠡᠷᠢ ᠵᠢ ᠤᠯᠠᠨ ᠵᠥᠢ᠍ᠯᠤᠨ ᠪᠠᠶ᠋ᠢᠯᠭ᠋ᠠᠵᠥ᠂ ᠡᠯᠡ ᠵᠥᠢ᠍ᠯᠤᠨ ᠬᠡᠯᠪᠡᠷᠢᠪᠠᠷ ᠰᠤᠷᠤᠯᠴᠠᠬᠤ ᠵᠢ ᠵᠤᠷᠢᠬ᠍ᠵᠢᠭᠤᠯᠤᠭᠰᠠᠨ
ᠪᠢ ᠬᠡᠤᠬᠡᠨ ᠵᠶ᠋ᠠᠨ ᠲᠠᠰᠬᠠᠯ ᠵᠶ᠋ᠠᠨ ᠵᠠᠪᠠᠯ ᠵᠥᠪ ᠬᠢᠵᠦ ᠲᠠᠭᠤᠰᠬᠠᠬᠤ ᠵᠢ ᠤᠨᠴᠠ ᠱᠠᠭ᠋ᠠᠷᠳᠠᠳᠠᠭ᠃ ᠭᠡᠪᠡᠴᠦ ᠬᠡᠷᠤᠨ ᠲᠠᠰᠬᠠᠯᠢ ᠬᠢᠯᠭᠡᠭᠦᠳᠤᠪᠠᠨ ᠵᠠᠪᠠᠯ ᠰᠠᠨᠳᠠᠯᠢ ᠲᠡᠭᠡᠷᠡ ᠲᠥᠪ ᠰᠠᠭᠤᠵᠥ᠂ ᠰᠢᠷᠡᠭᠡᠨ ᠲᠡᠭᠡᠷᠡ ᠰᠤᠷᠤᠯᠴᠠᠭ᠍ᠤ ᠵᠢ ᠠᠯᠪᠠᠳᠠᠨ ᠱᠠᠭ᠋ᠠᠷᠳᠠᠳᠠᠭ ᠦᠭᠡᠢ ᠪᠠᠶ᠋ᠢᠵᠦ᠂ ᠬᠡᠪᠳᠡᠵᠥ ᠪᠠᠶ᠋ᠢᠭ᠋ᠠᠳ ᠬᠢᠭᠰᠡᠨ ᠴᠦ᠍ ᠪᠤᠯᠤᠨᠠ᠂ ᠠᠯᠬᠤᠵᠦ ᠪᠠᠶ᠋ᠢᠭ᠋ᠠᠳ ᠬᠢᠭᠰᠡᠨ ᠴᠦ᠍ ᠪᠤᠯᠤᠨᠠ᠂ ᠢᠲᠡᠵᠦ ᠪᠠᠶ᠋ᠢᠭ᠋ᠠᠳ ᠬᠢᠭᠰᠡᠨ ᠴᠦ᠍ ᠪᠥᠷ ᠪᠤᠯᠥᠨᠡ ᠭᠡᠵᠦ ᠵᠦᠪᠰᠢᠶᠡᠷᠡᠳᠡᠭ ᠪᠠᠶ᠋ᠢᠵᠠᠢ᠃ ᠨᠢᠭᠡ ᠠ᠋ᠳᠦᠷ ᠰᠤᠷᠭ᠋ᠠᠭᠤᠯᠢᠳᠤ ᠲᠦᠪ ᠰᠠᠭᠤᠵᠦ᠂ ᠰᠢᠷᠡᠭᠡ ᠰᠠᠨᠳᠠᠯᠢᠲᠠᠢ ᠨᠤᠴᠤᠯᠳᠤᠨ ᠶᠠᠳᠠᠷᠠᠭ᠋ᠠᠳ ᠢᠷᠡᠭᠰᠡᠨ ᠬᠡᠤᠬᠡᠳᠢ ᠭᠡᠷᠲᠤᠪᠠᠨ ᠬᠠᠷᠢᠪᠠᠯ ᠪᠠᠰᠠᠯᠠ ᠰᠤᠷᠭ᠋ᠠᠭᠤᠯᠢᠲᠠᠢ ᠠᠳᠠᠯᠢ ᠮᠠᠶᠢᠭ ᠵᠶ᠋ᠠᠷ ᠰᠠᠨᠳᠠᠯᠢ ᠲᠡᠭᠡᠷᠡ ᠲᠦᠪ ᠰᠠᠭᠤᠯᠭ᠋ᠠᠵᠦ᠂ ᠲᠠᠰᠬᠠᠯ ᠬᠢᠯᠭᠡᠬᠦ ᠵᠢ ᠱᠠᠭ᠋ᠠᠷᠳᠠᠭ᠍ᠤᠨᠢ ᠬᠡᠤᠬᠡᠳᠲᠤ ᠶᠡᠭᠡ ᠶᠠᠳᠠᠷᠠᠯᠲᠠᠢ ᠰᠠᠨᠠᠭᠳᠠᠳᠠᠭ᠃ ᠦᠨᠡᠨᠢ ᠬᠡᠯᠡᠬᠦᠳᠤ ᠠ᠋ᠲᠦᠷ ᠲᠤᠵᠢ ᠠᠵᠢᠯᠯᠠᠭ᠋ᠠᠳ ᠶᠠᠳᠠᠷᠠᠵᠦ ᠢᠷᠡᠭᠰᠡᠨ ᠶᠡᠭᠡ ᠬᠦᠮᠦᠨᠳᠤ ᠠᠪᠴᠦ ᠬᠡᠯᠡᠭᠰᠡᠨ ᠴᠦ᠍ ᠠᠳᠠᠯᠢᠬᠠᠨ ᠲᠦᠷᠦᠭᠳᠡᠯᠲᠠᠢ ᠪᠠᠶ᠋ᠢᠳᠠᠭᠠᠴᠠ ᠵᠢᠭ᠋ᠠᠬᠠᠨ ᠰᠤᠯᠠ ᠰᠡᠯᠡᠬᠦᠦ ᠮᠦᠷᠲᠡᠭᠡᠨ ᠴᠢᠯᠦᠭᠡᠲᠡᠢ ᠪᠠᠶ᠋ᠢᠬᠤ ᠵᠢ ᠬᠦᠰᠡᠳᠡᠭ ᠶᠤᠮ᠃ ᠢᠩᠭᠢᠵᠥ ᠤᠯᠠᠨ ᠵᠥᠢ᠍ᠯᠤᠨ ᠬᠡᠯᠪᠡᠷᠢᠪᠠᠷ ᠴᠢᠯᠦᠭᠡᠲᠡᠢ ᠰᠤᠷᠤᠯᠴᠠᠭᠤᠯᠬᠤᠨᠢ ᠬᠡᠤᠭᠡᠳᠤᠨ ᠲᠠᠰᠬᠠᠯ ᠬᠢᠭᠦᠠᠴᠠ ᠠᠶᠤᠬᠤ᠂ ᠠᠯᠵᠠᠭᠤᠷᠠᠭ᠍ᠤ ᠵᠡᠷᠭᠡ ᠨᠠᠵᠠᠭ᠋ᠠᠢ ᠬᠡᠪ ᠰᠤᠷᠳᠠᠯᠲᠠᠢ ᠪᠤᠯᠬᠤᠠᠴᠠ ᠵᠠᠶ᠋ᠢᠯᠠᠰᠭᠢᠵᠦ ᠴᠢᠳᠠᠨᠠ ᠬᠡᠵᠥ ᠥᠵᠡᠵᠥ ᠪᠤᠢ᠃
（ᠵᠢᠷᠭᠤᠭᠠ） ᠰᠤᠷᠤᠯᠭᠠ ᠵᠢᠨ ᠠᠰᠠᠭᠤᠳᠠᠯᠳᠤ ᠬᠡᠤᠭᠡᠳᠲᠤ ᠥᠪᠡᠷᠤᠨ ᠬᠡᠰᠡᠨ ᠠ᠋ᠷᠭᠡ ᠵᠢᠨᠢ ᠦᠭᠴᠦ᠂ ᠥᠪᠡᠷᠤᠨ ᠪᠡᠶᠡᠪᠠᠨ ᠲᠠᠭ᠋ᠠᠭ᠋ᠠᠬᠤ ᠴᠢᠳᠠᠪᠥᠷᠢ ᠵᠢ ᠬᠦᠮᠦᠵᠢᠭᠦᠯᠦᠭᠰᠡᠨ
ᠠ᠋ᠨᠡ ᠲᠤᠬᠠᠢ ᠨᠤᠮ ᠤᠩᠰᠢᠬᠤᠪᠠᠷ ᠵᠢᠱ᠌ᠢᠶᠡᠯᠡᠬᠦᠳᠤ᠂ ᠤᠯᠠᠩᠭᠢ ᠭᠡᠷᠤᠨ ᠠᠬᠠᠮᠠᠳ ᠬᠡᠤᠬᠡᠳᠤᠨ ᠵᠶ᠋ᠠᠨ ᠲᠤᠷᠡᠲᠠᠢ ᠠ᠋ᠰᠡᠭᠦ ᠵᠢ ᠬᠠᠮᠢᠶᠠᠷᠬᠤ ᠦᠭᠡᠢ ᠦᠪᠡᠷ ᠵᠶ᠋ᠠᠨ ᠲᠦᠯᠦᠪᠯᠡᠭᠡ ᠲᠤᠭᠲᠠᠭ᠋ᠠᠨ ᠬᠡᠤᠬᠡᠳ ᠵᠶ᠋ᠠᠨ ᠠᠯᠪᠠᠳᠠᠯᠭᠠᠪᠠᠷ ᠤᠩᠰᠢᠭᠤᠯᠬᠤ ᠵᠢ ᠱᠠᠭ᠋ᠠᠷᠳᠠᠳᠠᠭ᠃ ᠪᠢ ᠪᠤᠯ ᠬᠡᠤᠬᠡᠳ ᠦᠪᠡᠷᠤᠨ ᠲᠤᠷᠡᠲᠠᠢ ᠮᠦᠷᠲᠡᠭᠡᠨ ᠠ᠋ᠷᠡᠭᠦᠯ ᠰᠠᠷᠠᠭᠤᠯ ᠠᠭᠤᠯᠭᠠᠲᠠᠢ ᠨᠤᠮ ᠪᠤᠯᠪᠠᠯ ᠶᠠᠭᠤ ᠵᠢ ᠤᠩᠰᠢᠭᠰᠠᠨ ᠴᠦ᠍ ᠪᠦᠷ ᠪᠤᠯᠤᠨᠠ ᠭᠡᠵᠦ ᠦᠵᠡᠳᠡᠭ᠃ ᠡᠪᠤᠯᠤᠨ ᠠᠮᠠᠷᠠᠯᠲᠠᠳᠤ ᠵᠠᠪᠠᠯ ᠨᠢᠭᠡ ᠠ᠋ᠳᠦᠷᠲᠤ ᠲᠦᠷᠪᠡᠨ ᠴᠠᠭ ᠭᠠᠷᠭ᠋ᠠᠵᠦ ᠲᠠᠰᠬᠠᠯ ᠵᠶ᠋ᠠᠨ ᠬᠢᠬᠦ ᠪᠤᠶᠤ ᠦᠪᠡᠷ ᠵᠶ᠋ᠠᠨ ᠰᠤᠷᠤᠯᠴᠠᠭ᠍ᠤ ᠵᠢ ᠪᠠᠷᠢᠮᠳᠠᠯᠠᠳᠠᠭ ᠪᠠᠶ᠋ᠢᠪᠠ᠃ ᠲᠠᠰᠬᠠᠯ ᠬᠢᠬᠦᠳᠤ ᠪᠠᠭᠰᠢ ᠵᠢᠨ ᠵᠶ᠋ᠠᠨ ᠲᠡᠷᠭᠡᠲᠡ ᠤᠴᠢᠬᠤ ᠪᠤᠶᠤ ᠠ᠋ᠰᠡᠭᠦᠯᠡ ᠦᠭᠡᠷᠡ ᠪᠠᠭᠰᠢ ᠵᠢ ᠠ᠋ᠷᠢᠨ ᠲᠠᠰᠬᠠᠯ ᠵᠶ᠋ᠠᠨ ᠵᠢᠯᠤᠭᠤᠳᠤᠭᠤᠯᠤᠨ ᠬᠢᠵᠦ ᠪᠤᠯᠬᠤ ᠵᠢ ᠵᠦᠪᠰᠢᠶᠡᠷᠡᠳᠡᠭ᠃ ᠠ᠋ᠶ᠋ᠢᠮᠦᠠᠴᠠ ᠬᠡᠤᠬᠡᠨ ᠠᠮᠠᠷᠠᠯᠲᠠ ᠲᠠᠯᠪᠢᠭ᠋ᠠᠳ ᠢᠷᠡᠬᠦᠳᠤᠪᠠᠨ ᠶᠠᠭᠤ ᠬᠢᠬᠦ᠂ ᠠᠯᠢ ᠪᠠᠭᠰᠢ ᠵᠢ ᠠ᠋ᠷᠢᠵᠦ ᠶᠠᠮᠠᠷ ᠬᠢᠴᠢᠶᠡᠯ ᠵᠶ᠋ᠠᠨ ᠵᠢᠯᠤᠭᠤᠳᠤᠭᠤᠯᠬᠤ ᠭᠡᠳᠡᠭ ᠵᠶ᠋ᠠᠨ ᠨᠠᠷᠢᠨ ᠲᠦᠯᠦᠪᠯᠡᠭᠡᠳ ᠢᠷᠡᠳᠡᠭ ᠪᠠᠶ᠋ᠢᠪᠠ᠃ ᠠ᠋ᠨᠡ ᠦᠶᠡᠳᠤ ᠪᠢ ᠵᠦᠪᠬᠡᠨ ᠪᠠᠭᠰᠢ ᠵᠢᠨᠢ ᠠ᠋ᠷᠢᠵᠦ ᠦᠭᠬᠦᠠᠴᠠ ᠦᠭᠡᠷᠡ ᠶᠠᠭᠤ ᠵᠢ ᠶᠠᠭ᠋ᠠᠬᠢᠵᠦ ᠬᠢᠬᠦ ᠲᠤᠬᠠᠢ ᠲᠦᠯᠦᠪᠯᠡᠨ ᠲᠤᠭᠲᠠᠭ᠋ᠠᠬᠤ ᠪᠤᠶᠤ ᠤᠭᠲᠤ ᠶᠠᠷᠢᠵᠦ ᠶᠠᠩᠰᠢᠳᠠᠭ ᠦᠭᠡᠢ᠃ ᠠᠮᠠᠷᠠᠯᠲᠠ ᠵᠢᠨ ᠬᠤᠭᠤᠴᠠᠭ᠋ᠠᠨᠤ ᠭᠤᠴᠢᠨ ᠠ᠋ᠳᠦᠷᠠᠴᠠ ᠦᠭᠡᠷᠡ ᠴᠠᠭᠢ ᠬᠡᠤᠬᠡᠨ ᠦᠪᠡᠷ ᠵᠶ᠋ᠠᠨ ᠴᠤᠬᠤᠮ ᠶᠠᠭᠤ ᠬᠢᠵᠦ᠂ ᠥᠪᠡᠷᠤᠨ ᠬᠡᠷᠡᠭ ᠵᠶ᠋ᠠᠨ ᠥᠪᠡᠷᠲᠤᠪᠠᠨ ᠬᠡᠷᠬᠢᠨ ᠰᠢᠢ᠍ᠳᠪᠥᠷᠢᠯᠡᠭᠦ᠂ ᠶᠠᠭ᠋ᠠᠬᠢᠵᠦ ᠲᠤᠬᠢᠷᠠᠭᠤᠯᠳᠠᠭᠢ ᠬᠠᠮᠢᠶᠠᠷᠳᠠᠭ ᠦᠭᠡᠢ ᠮᠦᠷᠲᠡᠭᠡᠨ ᠭᠤᠤᠯ ᠠ᠋ᠷᠬᠡ ᠵᠢ ᠬᠡᠤᠭᠡᠳᠲᠤ ᠦᠭᠳᠡᠭ ᠪᠢᠯᠡ᠃ ᠢᠩᠭᠢᠵᠦ ᠬᠢᠬᠦᠨᠢ ᠬᠡᠤᠬᠡᠳᠤᠨ ᠪᠡᠶᠡᠪᠠᠨ ᠲᠠᠭ᠋ᠠᠭ᠋ᠠᠬᠤ ᠴᠢᠳᠠᠪᠤᠷᠢ ᠵᠢ ᠬᠦᠮᠦᠵᠢᠬᠦᠯᠬᠦᠳᠤ ᠠᠰᠢᠭᠲᠠᠢ ᠭᠡᠵᠦ ᠦᠵᠡᠳᠡᠭ᠃
（ᠲᠤᠯᠤᠭᠠ） ᠬᠥᠮᠥᠨᠤ ᠨᠢᠭᠡ ᠨᠠᠰᠥᠨᠳᠤ ᠰᠤᠷᠤᠯᠴᠠᠯᠭᠠ ᠪᠤᠯ ᠬᠠᠮᠤᠭᠤᠨ ᠴᠢᠬᠤᠯᠨ ᠶᠠᠪᠤᠳᠠᠯ ᠭᠡᠵᠦ ᠵᠠᠬᠢᠳᠠᠭ
ᠪᠢ ᠬᠡᠤᠬᠡᠨᠳᠤᠪᠠᠨ ᠬᠦᠮᠦᠨᠤ ᠨᠢᠭᠡ ᠨᠠᠰᠤᠨᠳᠤ ᠰᠤᠷᠤᠯᠴᠠᠯᠭᠠ ᠪᠤᠯ ᠬᠠᠮᠤᠭᠠᠴᠠ ᠴᠢᠬᠤᠯᠠ ᠵᠦᠢ᠍ᠯ ᠭᠡᠵᠦ ᠶᠠᠷᠢᠳᠠᠭ ᠪᠠᠶ᠋ᠢᠪᠠ᠃ ᠨᠢᠯᠬᠠ ᠪᠠᠭᠠ ᠪᠠᠶ᠋ᠢᠭᠰᠠᠨ ᠴᠦ᠍ ᠲᠡᠷᠡ᠂ ᠤᠷᠠᠢ ᠵᠠᠯᠠᠭᠤ ᠪᠤᠶᠤ ᠦᠲᠡᠯᠦᠭᠡ ᠨᠠᠰᠤᠯᠠᠭᠰᠠᠨ ᠴᠦ᠍ ᠲᠡᠷᠡ᠂ ᠬᠦᠮᠦᠨ ᠬᠡᠵᠢᠶᠡᠲᠡ ᠰᠤᠷᠤᠯᠴᠠᠯᠭᠠᠠᠴᠠ ᠰᠠᠯᠵᠥ ᠪᠤᠯᠬᠤ ᠥᠭᠡᠢ᠃ ᠰᠤᠷᠤᠯᠴᠠᠯᠭᠠ ᠪᠤᠯ ᠬᠥᠮᠥᠨᠤ ᠨᠢᠭᠡ ᠨᠠᠰᠥᠨᠤ ᠬᠠᠮᠤᠭᠤᠨ ᠴᠢᠬᠤᠯᠨ ᠵᠥᠢ᠍ᠯ ᠮᠥᠨ ᠬᠡᠳᠡᠭᠢ ᠨᠠᠷᠢᠨ ᠨᠢᠠᠠᠳᠠ ᠲᠠᠶ᠋ᠢᠯᠪᠤᠷᠢᠯᠠᠨ ᠶᠠᠷᠢᠵᠦ᠂ ᠥᠵᠡᠯ ᠰᠠᠨᠠᠭ᠋ᠠᠨᠤ ᠬᠥᠮᠥᠵᠢᠯᠢ ᠰᠠᠶ᠋ᠢᠨ ᠬᠢᠭᠦ ᠵᠢ ᠠᠩᠬᠠᠷᠤᠨ ᠵᠢᠯᠤᠭᠤᠳᠤᠭᠰᠠᠨ ᠪᠠᠶ᠋ᠢᠨᠠ᠃ ᠶᠠᠮᠠᠷ ᠤᠷᠴᠢᠨ ᠲᠤᠭᠤᠷᠢᠨ ᠳᠤ᠂ ᠶᠠᠮᠠᠷ ᠬᠡᠮᠵᠢᠶᠡ ᠪᠤᠶᠤ ᠶᠠᠮᠠᠷ ᠬᠦᠴᠢᠷ ᠵᠤᠪᠠᠭᠤᠷᠢᠲᠠᠢ ᠪᠠᠶ᠋ᠢᠭᠰᠠᠨ ᠴᠦ᠍ ᠰᠤᠷᠤᠯᠴᠠᠭ᠍ᠤ ᠬᠡᠷᠡᠭᠲᠡᠢ ᠭᠡᠰᠡᠨᠢ ᠬᠦᠨᠳᠦᠳᠭᠡᠨ ᠦᠵᠡᠳᠡᠭ ᠪᠠᠶ᠋ᠢᠪᠠ᠃ ᠵᠢᠱ᠌ᠢᠶᠡᠯᠡᠪᠡᠯ᠂ ᠵᠢᠷᠭᠤᠳᠤᠭ᠋ᠠᠷ ᠤᠨ ᠲᠡᠭᠦᠰᠬᠦᠠᠴᠠ ᠠ᠋ᠮᠦᠨᠡ ᠨᠢᠭᠡ ᠰᠠᠷᠡ ᠵᠢᠨ ᠦᠶᠡᠳᠤ ᠭᠠᠩᠭ᠋ᠠᠩ ᠡᠪᠡᠳᠴᠢᠯᠡᠨ ᠱᠸᠨᠶᠠᠩ ᠬᠤᠲᠠᠨᠳᠤ ᠤᠴᠢᠵᠦ ᠮᠡᠰᠡ ᠵᠠᠰᠠᠯ ᠬᠢᠯᠭᠡᠬᠦ ᠴᠢᠬᠤᠯᠠᠲᠠᠢ ᠪᠤᠯᠪᠠ᠃ ᠢᠩᠭᠢᠭᠡᠳ ᠮᠡᠰᠡ ᠵᠠᠰᠠᠯ ᠬᠢᠯᠭᠡᠬᠦᠪᠠᠷ ᠶᠠᠪᠤᠬᠤᠠᠴᠠ ᠠ᠋ᠮᠦᠨᠡ ᠬᠡᠦᠬᠡᠨ ᠠᠩᠭᠢ ᠵᠢᠨ ᠪᠠᠭᠰᠢᠲᠠᠢᠪᠠᠨ ᠠᠭᠤᠯᠵᠠᠨ᠂ ᠲᠠᠰᠬᠠᠯ ᠪᠤᠶᠤ ᠪᠤᠯᠪᠠᠰᠤᠷᠠᠯ ᠵᠢᠴᠢ ᠦᠪᠡᠷᠤᠨ ᠨᠤᠮ ᠲᠡᠪᠲᠡᠷ ᠵᠶ᠋ᠠᠨ ᠠ᠋ᠮᠨᠡᠯᠭᠡᠳᠤ ᠠᠪᠤᠭ᠋ᠠᠳ ᠶᠠᠪᠤᠭᠰᠠᠨ ᠶᠤᠮ᠃ ᠮᠡᠰᠡ ᠵᠠᠰᠠᠯ ᠬᠢᠵᠦ ᠠ᠋ᠮᠨᠡᠯᠭᠡ ᠵᠢᠨ ᠤᠷᠤ ᠲᠡᠭᠡᠷᠡ ᠬᠡᠪᠳᠡᠵᠦ ᠪᠠᠶ᠋ᠢᠭᠠ ᠦᠶᠡᠳᠤ ᠭᠠᠩᠭ᠋ᠠᠩᠤᠨ ᠠᠪᠤᠲᠠᠢᠨᠢ ᠪᠢᠲᠡ ᠬᠤᠶᠠᠭᠤᠯᠠᠪᠠᠨ ᠬᠡᠤᠬᠡᠨᠳᠤᠪᠠᠨ ᠨᠤᠮᠢᠨᠢ ᠤᠩᠰᠢᠨ ᠦᠭᠴᠦ ᠬᠡᠤᠬᠡᠨᠤᠪᠠᠨ ᠰᠤᠷᠤᠯᠭᠠ ᠵᠢ ᠬᠠᠶᠠᠭᠤᠯᠬᠤ ᠦᠭᠡᠢ ᠬᠡᠮᠡᠨ ᠴᠢᠷᠮᠠᠶ᠋ᠢᠭᠰᠠᠨ ᠪᠢᠯᠠ᠃ ᠨᠢᠭᠡ ᠰᠠᠷᠡ ᠵᠢᠨ ᠬᠤᠭᠤᠴᠠᠭᠠ ᠦᠩᠭᠡᠷᠡᠭᠡᠵᠦ ᠭᠡᠷᠲᠤᠪᠠᠨ ᠬᠠᠷᠢᠵᠦ ᠢᠷᠡᠭᠰᠡᠨᠤ ᠲᠠᠷᠠᠭᠠ᠂ ᠭᠠᠩᠭ᠋ᠠᠩᠢ ᠬᠢᠴᠢᠶᠡᠯᠤᠨ ᠠᠰᠠᠷ ᠲᠦᠷᠪᠡᠳᠦᠭᠡᠷ ᠲᠠᠪᠬᠤᠷᠲᠤ ᠠ᠋ᠭᠦᠷᠴᠦ ᠭᠠᠷᠴᠦ ᠪᠠᠶ᠋ᠢᠭ᠋ᠠᠳ ᠵᠢᠷᠭᠤᠳᠤᠭ᠋ᠠᠷ ᠤᠨᠤ ᠲᠡᠬᠦᠰᠬᠦ ᠰᠢᠯᠭ᠋ᠠᠯᠲᠠᠳᠤ ᠤᠷᠤᠯᠴᠠᠭᠤᠯᠪᠠ᠃ ᠰᠢᠯᠭ᠋ᠠᠯᠲᠠ ᠵᠢᠨ ᠦᠷᠡ ᠳ᠋ᠦᠩᠨᠢ ᠰᠠᠨᠠᠭ᠋ᠠᠨᠠᠴᠠ ᠭᠠᠳᠠᠭᠤᠷ ᠬᠢᠷᠢ ᠪᠦᠲᠦᠮᠵᠢ ᠤᠯᠵᠦ᠂ ᠭᠠᠩᠭ᠋ᠠᠩ ᠪᠦᠬᠦ ᠬᠤᠰᠢᠭᠤᠨᠳᠤᠪᠠᠨ ᠬᠤᠶᠠᠳᠤᠭ᠋ᠠᠷ ᠨᠡᠷᠡᠳᠤ ᠤᠷᠤᠭᠰᠠᠨ ᠪᠠᠶ᠋ᠢᠪᠠ᠃ ᠢᠩᠭᠢᠭᠰᠡᠨ ᠴᠢᠨᠢ ᠬᠡᠤᠬᠡᠨ ᠦᠪᠡᠷᠤᠨ ᠪᠡᠶᠡᠨᠳᠤᠪᠠᠨ ᠮᠠᠰᠢ ᠶᠡᠭᠡ ᠢᠲᠡᠭᠡᠯᠲᠠᠢ ᠪᠤᠯᠤᠭᠰᠠᠨ ᠵᠶ᠋ᠠᠷ ᠪᠠᠷᠠᠭ᠍ᠤ ᠦᠭᠡᠢ᠂ ᠮᠢᠨᠤ ᠤᠯᠤᠭᠰᠠᠨ ᠰᠤᠷᠤᠯᠭᠠ ᠵᠢᠨ ᠠᠮᠵᠢᠯᠲᠠᠳᠤ ᠠᠪᠤ ᠡᠵᠢ ᠵᠢᠨ ᠦᠵᠡᠭᠦᠯᠦᠭᠰᠡᠨ ᠠᠴᠢ ᠭᠠᠪᠢᠶᠠ ᠶᠡᠭᠡᠲᠠᠢ᠂ ᠬᠡᠷᠪᠡ ᠡᠵᠢ ᠠᠪᠤ ᠮᠢᠨᠢ ᠠ᠋ᠮᠨᠡᠯᠭᠡ ᠵᠢᠨ ᠤᠷᠤ ᠲᠡᠭᠡᠷᠡ ᠮᠢᠨᠤ ᠬᠢᠴᠢᠶᠡᠯᠢ ᠵᠢᠭ᠋ᠠᠨ ᠵᠢᠯᠤᠭᠤᠳᠤᠭᠰᠠᠨ ᠦᠭᠡᠢ ᠪᠤᠯᠪᠠᠯ᠂ ᠮᠢᠨᠤ ᠦᠨᠦᠲᠦᠷᠤᠨ ᠠᠮᠵᠢᠯᠲᠠ ᠪᠦᠲᠦᠭᠡᠯ ᠪᠠᠶ᠋ᠢᠵᠦ ᠴᠢᠳᠠᠭ᠍ᠤ ᠦᠭᠡᠢ ᠭᠡᠵᠦ ᠶᠠᠷᠢᠳᠠᠬ᠃ ᠠ᠋ᠨᠡ ᠬᠦ᠌ ᠦᠩᠭᠡᠷᠡᠯᠲᠡᠪᠠᠷ ᠲᠠᠮᠵᠢᠨ ᠭᠡᠦᠬᠡᠨ ᠮᠢᠨᠢ ᠡᠵᠢ ᠠᠪᠤᠪᠠᠨ ᠰᠡᠳᠭᠢᠯᠤᠨ ᠤᠭᠠᠴᠠᠪᠠᠨ ᠢᠲᠡᠭᠡᠨ ᠪᠢᠰᠢᠷᠡᠬᠦ ᠪᠤᠯᠵᠦ᠂ ᠲᠡᠭᠦᠨᠠᠴᠠ ᠬᠤᠵᠢᠮ ᠪᠢᠲᠡ ᠶᠠᠭᠤ ᠬᠡᠯᠡᠭᠰᠡᠨ ᠴᠦ᠍ ᠲᠤᠷᠠᠳᠠᠢ ᠰᠤᠨᠤᠰᠬᠤ ᠪᠤᠯᠵᠦ ᠬᠤᠪᠢᠷᠠᠭᠰᠠᠨ ᠪᠢᠯᠠ᠃ ᠲᠦᠩᠯᠢᠶᠤᠤ ᠬᠤᠲᠠ ᠵᠢᠨ ᠮᠤᠩᠭᠤᠯ ᠦᠨᠳᠦᠰᠦᠲᠡᠨᠤ ᠰᠤᠷᠭ᠋ᠠᠭᠤᠯᠢᠠᠴᠠ ᠠᠩᠬᠠ ᠲᠤᠮᠲᠠᠳᠤᠪᠠᠨ ᠲᠡᠭᠦᠰᠭᠡᠬᠦ ᠦᠶᠡᠳᠤ᠂ ᠪᠦᠭᠦ ᠤᠷᠤᠨᠤ ᠨᠢᠭᠡᠳᠦᠯᠲᠡᠢ ᠰᠢᠯᠭ᠋ᠠᠯᠲᠠᠳᠤ ᠲᠠᠪᠢᠨ ᠬᠤᠶᠠᠳᠤᠭ᠋ᠠᠷᠲᠤ ᠰᠢᠯᠭ᠋ᠠᠭᠤᠯᠵᠦ᠂ ᠲᠦᠩᠯᠢᠶᠤᠤ ᠮᠤᠩᠭᠤᠯ ᠲᠤᠮᠲᠠᠳᠤ ᠰᠤᠷᠭ᠋ᠠᠭᠤᠯᠢ （ᠳᠡᠭᠡᠳᠤ ᠲᠤᠮᠲᠠᠳᠤ）ᠳᠤ ᠲᠡᠪᠰᠢᠨ ᠤᠷᠤᠭᠰᠠᠨ ᠶᠤᠮ᠃
（ᠨᠠᠢ᠍ᠮᠨ） ᠠᠩᠭᠢ ᠵᠢᠨ ᠪᠠᠭᠰᠢ ᠪᠠ ᠡᠯᠡ ᠬᠢᠴᠢᠶᠡᠯ ᠲᠥᠷᠥᠯᠤᠨ ᠪᠠᠭᠰᠢ ᠨᠠᠷᠲᠠᠢ ᠬᠠᠷᠢᠯᠴᠠᠭ᠍ᠤ ᠠᠵᠢᠯᠢ ᠰᠠᠶ᠋ᠢᠨ ᠬᠢᠭᠰᠡᠨ
ᠪᠢ ᠬᠡᠤᠬᠡᠨ ᠵᠶ᠋ᠠᠨ ᠰᠤᠷᠭ᠋ᠠᠨ ᠬᠦᠮᠦᠵᠢᠬᠦᠯᠬᠦ ᠲᠤᠮᠲᠠ ᠠᠩᠭᠢ ᠵᠢᠨ ᠪᠠᠭᠰᠢ ᠪᠠ ᠡᠯᠡ ᠬᠢᠴᠢᠶᠡᠯ ᠲᠥᠷᠥᠯᠤᠨ ᠪᠠᠭᠰᠢ ᠨᠠᠷᠲᠠᠢ ᠦᠷᠭᠦᠯᠵᠢ ᠬᠠᠷᠢᠯᠴᠠᠭ᠍ᠤ ᠵᠢ ᠪᠠᠷᠢᠮᠳᠠᠯᠠᠳᠠᠭ ᠪᠠᠶ᠋ᠢᠪᠠ᠃ ᠬᠤᠭᠤᠴᠠᠭᠠ ᠪᠦᠷᠢ ᠵᠢᠨ ᠰᠤᠷᠤᠯᠭᠠ ᠵᠢᠨ ᠲᠠᠯᠠ ᠪᠤᠶᠤ ᠤᠳᠠᠭᠠ ᠪᠤᠯᠭ᠋ᠠᠨᠤ ᠰᠢᠯᠭ᠋ᠠᠯᠲᠠᠳᠤ ᠪᠠᠭᠰᠢ ᠨᠠᠷᠲᠠᠢᠨᠢ ᠨᠡᠶ᠋ᠢᠲᠡᠮᠤᠨ ᠴᠢᠨᠠᠷᠲᠡᠢ ᠬᠠᠷᠢᠯᠴᠠᠭ᠍ᠤᠪᠠᠷ ᠲᠠᠮᠵᠢᠨ ᠬᠡᠤᠬᠡᠨᠤᠪᠠᠨ ᠪᠠᠶ᠋ᠢᠳᠠᠯᠢ ᠨᠠᠷᠢᠯᠢᠬ ᠰᠠᠶ᠋ᠢᠬᠠᠨ ᠤᠶ᠋ᠢᠯᠠᠭ᠋ᠠᠵᠦ ᠪᠠᠶ᠋ᠢᠳᠠᠭ᠃ ᠬᠢᠴᠢᠶᠡᠯ ᠰᠤᠷᠤᠯᠴᠠᠯᠭᠠ ᠪᠤᠶᠤ ᠪᠡᠶᠡ ᠮᠠᠭ᠍ᠠᠪᠤᠳᠤᠨ ᠪᠠᠶ᠋ᠢᠳᠠᠯᠢ ᠴᠠᠭ ᠲᠤᠬᠠᠢᠳᠤᠨᠢ ᠮᠡᠳᠡᠵᠦ ᠠᠪᠬᠤᠪᠠᠷ ᠪᠠᠷᠠᠭ᠍ᠤ ᠦᠭᠡᠢ᠂ ᠶᠡᠭᠡ ᠪᠠᠭᠠ ᠶᠠᠮᠠᠷᠴᠦ ᠠᠰᠠᠭᠤᠳᠠᠯ ᠭᠡᠵᠦ ᠢᠯᠭ᠋ᠠᠬᠤ ᠦᠭᠡᠢ ᠲᠡᠷᠡ ᠲᠠᠷᠤᠢᠳᠤᠨᠢ ᠮᠡᠳᠡᠵᠦ ᠠᠪᠬᠤ ᠵᠢᠨ ᠲᠠᠭ᠋ᠠᠤ ᠲᠤᠬᠠᠢ ᠵᠢᠨ ᠴᠠᠭᠲᠤᠨᠢ ᠰᠢᠢ᠍ᠳᠪᠦᠷᠢᠯᠡᠬᠦ ᠵᠢ ᠪᠠᠷᠢᠮᠲᠠᠯᠠᠳᠠᠭ ᠪᠠᠶ᠋ᠢᠪᠠ᠃ ᠲᠦᠩᠯᠢᠶᠤᠤᠳᠤ ᠪᠢᠴᠢᠭ ᠦᠵᠡᠵᠦ ᠪᠠᠶ᠋ᠢᠬᠤ ᠦᠶᠡᠳᠤ ᠭᠠᠷᠠᠭ ᠪᠤᠯᠭ᠋ᠠᠨ ᠬᠡᠤᠬᠡᠨᠤᠪᠠᠨ ᠬᠠᠵᠠᠭᠤᠳᠤ ᠤᠴᠢᠳᠠᠭ ᠪᠤᠯᠪᠠᠴᠦ ᠲᠡᠭᠦᠨᠢ ᠲᠠᠭ᠋ᠠᠭᠤᠯᠤᠨ ᠲᠦᠩᠯᠢᠶᠤᠤ ᠬᠤᠲᠠ ᠵᠢᠨ ᠬᠦᠷ ᠬᠦᠭᠵᠢᠶᠡᠨᠲᠠᠢ ᠭᠠᠵᠠᠷ ᠪᠤᠶᠤ ᠲᠡᠯᠭᠡᠬᠦᠷ ᠬᠤᠳᠠᠯᠳᠤᠭᠠᠪᠠᠷ ᠤᠴᠢᠳᠠᠭ ᠪᠢᠰᠢ᠂ ᠬᠠᠷᠢᠨ ᠲᠡᠷᠭᠡᠨ ᠲᠤᠲᠤᠷᠡᠪᠠᠨ ᠬᠡᠤᠬᠡᠨᠤᠪᠠᠨ ᠨᠢᠭᠡ ᠭᠠᠷᠠᠭᠤᠨ ᠰᠤᠷᠤᠯᠴᠠᠯᠭᠠ ᠵᠢᠨ ᠲᠤᠬᠠᠢ ᠶᠠᠷᠢᠯᠴᠠᠨ᠂ ᠤᠷᠤᠰᠢᠵᠦ ᠪᠠᠶ᠋ᠢᠭᠠ ᠠᠰᠠᠭᠤᠳᠠᠯᠢ ᠨᠢᠭᠡᠳ ᠨᠢᠭᠡᠪᠠᠷ ᠰᠢᠢ᠍ᠳᠪᠦᠷᠢᠯᠡᠳᠡᠭ ᠶᠤᠮ᠃ ᠢᠩᠭᠢᠵᠦ ᠪᠠᠷᠠᠭᠰᠠᠨᠤ ᠲᠠᠷᠠᠭᠠ ᠬᠡᠤᠬᠡᠨ ᠵᠶ᠋ᠠᠨ ᠪᠠᠶ᠋ᠢᠷᠢᠳᠤᠨᠢ ᠬᠦᠷᠭᠡᠵᠦ ᠨᠢᠭᠡ ᠰᠠᠶ᠋ᠢᠨ ᠤᠨᠲᠠᠵᠦ ᠠᠮᠠᠷᠠᠭ᠍ᠤ ᠵᠢ ᠵᠠᠬᠢᠳᠠᠭ ᠪᠠᠶ᠋ᠢᠪᠠ᠃ ᠭᠠᠷᠠᠭᠤᠨ ᠠ᠋ᠳᠦᠷ ᠢᠩᠭᠢᠵᠦ ᠨᠢᠭᠡ ᠰᠠᠶ᠋ᠢᠨ ᠠᠮᠠᠷᠠᠭᠰᠠᠨᠤ ᠲᠠᠷᠠᠭᠠ᠂ ᠬᠡᠤᠬᠡᠳᠤᠨ ᠪᠡᠶᠡ ᠰᠡᠳᠭᠢᠯᠤᠨ ᠶᠠᠳᠠᠷᠠᠭᠠᠨᠢ ᠲᠠᠶ᠋ᠢᠯᠤᠭᠳᠠᠨ ᠭᠠᠷᠠᠭᠤᠨ ᠨᠢᠭᠡᠨᠠᠴᠠ ᠦᠷᠭᠦᠯᠵᠢᠯᠡᠨ ᠬᠢᠴᠢᠶᠡᠯ ᠰᠤᠷᠤᠯᠴᠠᠯᠭᠠᠳᠤᠪᠠᠨ ᠰᠢᠮᠳᠠᠵᠦ ᠴᠢᠳᠠᠳᠠᠭ᠃ ᠦᠬᠢᠨᠤᠪᠠᠨ ᠲᠦᠩᠯᠢᠶᠤᠤ ᠬᠤᠲᠠ ᠵᠢᠨ ᠮᠤᠩᠭᠤᠯ ᠲᠤᠮᠳᠠᠳᠤ ᠰᠤᠷᠭ᠋ᠠᠭᠤᠯᠢᠳᠤ ᠪᠢᠴᠢᠭ ᠦᠵᠡᠵᠦ ᠠ᠋ᠬᠢᠯᠡᠭᠰᠡᠨᠠᠴᠠ ᠳᠡᠭᠡᠳᠤ ᠲᠤᠮᠲᠠᠳᠤ ᠲᠡᠭᠦᠰᠲᠡᠯᠡ ᠪᠦᠲᠦᠨ ᠲᠠᠪᠤᠨ ᠵᠢᠯᠤᠨ ᠬᠤᠭᠤᠴᠠᠭ᠋ᠠᠨᠳᠤ ᠪᠢ ᠨᠢᠭᠡ ᠤᠳᠠᠭᠠ ᠴᠦ᠍ ᠠᠯᠳᠠᠯ ᠦᠭᠡᠢ᠂ ᠬᠡᠤᠬᠡᠨᠤ ᠬᠠᠵᠠᠭᠤᠳᠤ ᠭᠠᠷᠠᠭ ᠪᠦᠷᠢ ᠤᠴᠢᠬᠤ ᠵᠢ ᠠ᠋ᠷᠡᠰ ᠪᠠᠷᠢᠮᠲᠠᠯᠠᠭᠰᠠᠨ ᠶᠤᠮ᠃
ᠲᠡᠭᠡᠷᠡ ᠦᠭᠦᠯᠡᠭᠰᠡᠨ ᠪᠤᠯ ᠭᠠᠩᠭ᠋ᠠᠩᠤᠨ ᠰᠤᠷᠤᠯᠭᠠ ᠪᠤᠯᠪᠠᠰᠤᠷᠠᠯᠤᠨ ᠲᠠᠯᠠᠳᠤ ᠠᠪᠤᠭᠰᠠᠨ ᠮᠢᠨᠤ ᠵᠢᠵᠢᠭ ᠰᠠᠵᠢᠭ ᠲᠤᠷᠰᠢᠯᠭᠠ ᠰᠤᠷᠭ᠋ᠠᠮᠵᠢ ᠪᠤᠯᠬᠤ ᠶᠤᠮ᠃ ᠠ᠋ᠳᠡᠭᠡᠷ ᠠᠷᠭᠠ ᠬᠡᠯᠪᠡᠷᠢ ᠵᠢᠨ ᠲᠤᠲᠤᠷᠡ ᠵᠠᠷᠢᠮᠨᠢ ᠵᠤᠷᠢᠯᠭᠠᠲᠠᠢ ᠪᠤᠶᠤ ᠠ᠋ᠰᠡᠭᠦᠯᠡ ᠲᠡᠶ᠋ᠢᠮᠦ ᠢᠯᠡ ᠲᠤᠲᠤ ᠵᠤᠷᠢᠯᠭᠠ ᠦᠭᠡᠢ ᠭᠡᠰᠡᠨ ᠴᠦ᠍ ᠬᠡᠤᠬᠡᠨᠤ ᠮᠢᠨᠢ ᠰᠤᠷᠤᠯᠭᠠ ᠠᠮᠢᠳᠤᠷᠠᠯᠳᠤ ᠲᠤᠰᠠᠯᠠᠭ᠍ᠤ ᠦᠢ᠍ᠯᠡᠳᠤᠯ ᠦᠵᠡᠭᠦᠯᠵᠠᠢ ᠭᠡᠵᠦ ᠦᠵᠡᠵᠦ ᠪᠠᠶ᠋ᠢᠨᠠ᠃ ᠭᠠᠩᠭ᠋ᠠᠩᠤᠨ ᠦᠨᠦᠲᠦᠷᠤᠨ ᠤᠯᠤᠭᠰᠠᠨ ᠠᠮᠵᠢᠯᠲᠠ ᠵᠢᠨ ᠠᠷᠤᠳᠤ ᠲᠤᠩ ᠤᠯᠠᠨ ᠬᠠᠶ᠋ᠢᠷᠠ ᠬᠠᠷᠢᠭᠤᠴᠠᠯᠭᠠᠲᠠᠢ ᠮᠦᠷᠲᠡᠭᠡᠨ ᠦᠷᠦᠭᠡᠯᠤᠨ ᠬᠡᠤᠬᠡᠳᠤᠨ ᠲᠦᠯᠦᠭᠡ ᠦᠪᠡᠷᠤᠨ ᠠᠯᠢᠪᠠᠪᠠᠨ ᠵᠤᠷᠢᠭᠤᠯᠳᠠᠭ ᠠ᠋ᠷᠬᠢᠮᠤᠨ ᠤᠯᠠᠨ ᠪᠠᠭᠰᠢᠨᠠᠷᠤᠨ ᠭᠦᠨᠠᠴᠠ ᠭᠦᠨ ᠬᠠᠶ᠋ᠢᠷᠠ ᠬᠠᠯᠠᠮᠵᠢ ᠪᠠ ᠬᠦᠴᠦ ᠬᠦᠳᠡᠯᠮᠤᠷᠢ ᠨᠢᠭᠤᠭᠳᠠᠵᠦ ᠪᠠᠶ᠋ᠢᠬᠤ ᠶᠤᠮ᠃ ᠠ᠋ᠨᠡ ᠪᠤᠯ ᠵᠦᠪᠬᠡᠨ ᠲᠡᠬᠦᠨᠤ ᠬᠦᠮᠦᠨ ᠪᠤᠯᠬᠤ ᠤᠷᠲᠤ ᠠᠶᠠᠨᠤ ᠲᠤᠮᠳᠠᠬᠢ ᠶᠠᠯᠢᠮ ᠦᠭᠡᠢ ᠵᠢᠭ᠋ᠠᠬᠠᠨ ᠠᠮᠵᠢᠯᠲᠠ ᠲᠡᠲᠦᠢᠠᠴᠠ ᠪᠢᠰᠢ᠂ ᠤᠯᠠᠨᠠᠴᠠ ᠬᠡᠲᠦᠷᠡᠭᠰᠡᠨ ᠠᠮᠵᠢᠯᠲᠠ ᠪᠦᠲᠦᠭᠡᠯᠢ ᠠ᠋ᠭᠦᠳᠦᠭᠰᠡᠨ ᠶᠠᠪᠤᠳᠠᠯ ᠤᠭᠲᠤ ᠪᠢᠰᠢ ᠶᠤᠮ᠃ ᠵᠦᠪᠬᠡᠨ ᠦᠪᠡᠷᠤᠨ ᠠᠮᠢᠳᠤᠷᠠᠯᠤᠨ ᠠᠩᠬᠠᠨᠤ ᠠᠯᠬᠤᠮ ᠵᠶ᠋ᠠᠨ ᠵᠦᠭᠡᠷ ᠠᠯᠬᠤᠭᠰᠠᠨ ᠲᠡᠲᠦᠢ ᠪᠠᠶ᠋ᠢᠵᠦ᠂ ᠲᠡᠭᠦᠨᠤ ᠪᠡᠶᠡ ᠲᠡᠭᠡᠷᠡ ᠪᠠᠰᠠ ᠤᠯᠠᠨ ᠬᠦᠷᠦᠯᠴᠡᠬᠦ ᠦᠭᠡᠢ ᠭᠠᠵᠠᠷ ᠪᠤᠶᠤ ᠲᠤᠲᠠᠭᠳᠠᠯᠲᠠᠢ ᠲᠠᠯᠠ ᠪᠠᠶ᠋ᠢᠳᠠᠭ᠃ ᠬᠤᠵᠢᠮᠤᠨ ᠰᠤᠷᠤᠯᠭᠠ ᠵᠢᠨ ᠠᠮᠢᠳᠤᠷᠠᠯᠳᠤ ᠦᠪᠡᠷᠤᠨ ᠪᠡᠶᠡ ᠲᠡᠭᠡᠷᠡ ᠤᠷᠤᠰᠢᠵᠦ ᠪᠦᠬᠦᠢ ᠲᠤᠲᠠᠭᠳᠠᠯᠲᠠᠢ ᠲᠠᠯᠠᠪᠠᠨ ᠨᠦᠬᠦᠪᠦᠷᠢᠯᠡᠵᠦ ᠦᠷᠭᠦᠯᠵᠢᠯᠡᠨ ᠴᠢᠷᠮᠠᠶ᠋ᠢᠬᠤ ᠴᠢᠬᠤᠯᠠᠲᠠᠢ ᠶᠤᠮ᠃
ᠠᠶ᠋ᠢᠯᠠᠴᠠ ᠠ᠋ᠷᠢᠬᠦᠪᠠᠷ ᠠᠪᠳᠠᠷᠡᠠᠴᠠᠪᠠᠨ ᠠ᠋ᠷᠢ
— ᠲᠤᠭᠳᠠᠬᠤ
《ᠠᠶ᠋ᠢᠯᠠᠴᠠ ᠠ᠋ᠷᠢᠬᠦᠪᠠᠷ ᠠᠪᠳᠠᠷᠠᠠᠴᠠᠪᠠᠨ ᠠ᠋ᠷᠢ》 ᠭᠡᠳᠡᠭᠴᠢᠯᠡᠨ᠂ ᠤᠳᠤ ᠵᠢᠨ ᠬᠦᠮᠦᠰ ᠬᠡᠤᠬᠡᠤᠨ ᠬᠦᠮᠦᠵᠢᠬᠦᠯᠬᠦᠳᠤ ᠶᠠᠭᠤᠨᠤ ᠬᠢᠨᠢ ᠰᠢᠨᠵᠢᠯᠡᠬᠦ ᠤᠬᠠᠭ᠋ᠠᠨᠴᠢ ᠪᠢᠰᠢ ᠪᠤᠯ ᠤᠳᠤᠬᠢᠴᠢᠯᠠᠭᠰᠠᠨ ᠮᠡᠷᠭᠡᠵᠢᠯ ᠭᠡᠵᠦ ᠠ᠋ᠷᠤᠢ ᠬᠤᠷᠤᠢ ᠦᠭᠡᠢ ᠶᠠᠷᠢᠬᠤᠨᠢ ᠤᠯᠠᠨ ᠪᠤᠯᠵᠦ ᠪᠠᠶ᠋ᠢᠨᠠ᠃
ᠲᠡᠭᠡᠷᠡ ᠶᠠᠷᠢᠭᠰᠠᠨ ᠤᠳᠤᠨ ᠪᠠᠭᠰᠢ ᠵᠢᠨ ᠬᠡᠤᠬᠡᠨ ᠵᠶ᠋ᠠᠨ ᠦᠰᠭᠡᠨ ᠬᠦᠮᠦᠵᠢᠭᠦᠯᠦᠭᠰᠡᠨ ᠠᠷᠭᠠ ᠲᠤᠷᠰᠢᠯᠭᠠ ᠵᠢᠨ ᠲᠤᠲᠤᠷᠠᠬᠢ ᠬᠠᠮᠤᠭᠤᠨ ᠴᠢᠬᠤᠯᠠ ᠮᠦᠷᠲᠡᠭᠡᠨ ᠵᠠᠩᠭᠢᠯᠠᠭᠠ ᠵᠢᠨ ᠨᠢᠭᠡᠨ ᠠᠭᠤᠯᠭᠠ ᠪᠤᠯ ᠭᠠᠩᠭ᠋ᠠᠩᠤᠨ ᠨᠢᠯᠬᠠ ᠦᠶᠡ ᠵᠢᠨ ᠬᠦᠮᠦᠵᠢᠯ ᠪᠤᠯᠤᠨᠠ᠃ ᠭᠠᠩᠭ᠋ᠠᠩ ᠬᠡᠤᠬᠡᠨᠢ ᠨᠢᠯᠬᠠ ᠪᠠᠭᠠᠠᠴᠠᠨᠢ ᠨᠠᠭ᠋ᠠᠴᠦ ᠠ᠋ᠮᠡᠭᠡᠨᠢ ᠬᠠᠶ᠋ᠢᠷᠠᠯᠠᠨ ᠰᠠᠨᠠᠵᠦ᠂ ᠬᠠᠷᠠᠭ᠋ᠠᠯᠵᠠᠨ ᠦᠰᠭᠡᠬᠦᠳᠤᠪᠠᠨ ᠦᠪᠡᠷᠤᠨ ᠮᠡᠳᠡᠳᠡᠭ ᠠ᠋ᠲᠦᠢ ᠲᠡᠲᠦᠢ ᠰᠢᠯᠦᠭ ᠲᠠᠭᠤᠤ ᠪᠤᠶᠤ ᠲᠤᠭᠤᠯᠤᠨ ᠪᠡᠯᠴᠢᠭᠡᠷ ᠲᠠᠯᠠ ᠵᠢᠨ ᠡᠪᠡᠰᠦ ᠵᠡᠷᠭᠡ ᠬᠦᠳᠡᠭᠡ ᠵᠢᠨ ᠠᠮᠢᠳᠤᠷᠠᠯᠤᠨ ᠠ᠋ᠳᠦᠷ ᠲᠤᠲᠤᠮᠤᠨ ᠵᠦᠢ᠍ᠯᠡᠰ ᠪᠤᠯᠤᠨ ᠦᠪᠡᠷᠤᠨ ᠬᠠᠶ᠋ᠢᠷᠠᠲᠠᠢ ᠪᠠᠶ᠋ᠢᠳᠠᠭ ᠦᠯᠢᠭᠡᠷᠤᠨ ᠨᠤᠮᠢ ᠤᠨᠭ᠌ᠰᠢᠵᠤ ᠦᠭᠭᠦᠭᠰᠡᠨ ᠲᠡᠲᠦᠢ ᠪᠢᠯᠠ᠃ ᠭᠠᠩᠭ᠋ᠠᠩᠤᠨ ᠨᠠᠭ᠋ᠠᠴᠦ ᠠ᠋ᠮᠡᠭᠡᠳᠤ ᠠᠪᠴᠦ ᠬᠡᠯᠡᠪᠡᠯ᠂ ᠤᠳᠤ ᠵᠢᠨ ᠨᠡᠶ᠋ᠢᠭᠡᠮᠳᠤ ᠲᠡᠯᠭᠡᠷᠡᠵᠦ ᠪᠦᠬᠦᠢ ᠵᠢᠯᠤᠭᠤᠳᠬᠤ ᠠᠩᠭᠢ᠂ ᠭᠡᠷᠤᠨ ᠪᠠᠭᠰᠢ ᠪᠤᠶᠤ ᠤᠨᠴᠠᠭ᠋ᠠᠢ ᠠᠩᠭᠢ ᠠ᠋ᠰᠡᠭᠦᠯᠡ ᠶᠠᠭᠤᠨᠤ ᠬᠢᠨᠢ ᠴᠠᠬᠢᠯᠭ᠋ᠠᠨᠴᠢᠯᠠᠭᠰᠠᠨ ᠤᠩᠰᠢᠯᠭᠠ ᠵᠢᠨ ᠮᠠᠰᠢᠨ ᠵᠡᠷᠭᠡᠨᠢ ᠤᠶ᠋ᠢᠯᠠᠭ᠋ᠠᠭᠳᠠᠰᠢ ᠦᠭᠡᠢ ᠬᠠᠴᠢᠨ ᠪᠠᠶ᠋ᠢᠵᠦ ᠮᠡᠳᠡᠨᠡ᠃ ᠡ᠊ᠨᠲᠡ ᠪᠢ ᠦᠪᠡᠷᠤᠨ ᠦᠵᠡᠯᠲᠡᠪᠠᠨ ᠲᠤᠤᠷᠠᠬᠢ ᠮᠡᠲᠦ ᠬᠡᠳᠦᠨ ᠲᠠᠯᠠᠪᠠᠷ ᠬᠤᠷᠢᠶᠠᠩᠭᠤᠶ᠋ᠢᠯᠠᠨ ᠶᠠᠷᠢᠶᠠ᠃
ᠨᠢᠭᠡᠳᠤ᠂ ᠭᠡᠷ ᠪᠦᠯᠢ ᠵᠢᠨ ᠠᠩᠬᠠᠨᠤ ᠰᠤᠷᠭ᠋ᠠᠭᠤᠯᠢ ᠪᠤᠯᠬᠤ ᠦᠢ᠍ᠯᠡᠳᠤᠯᠢ ᠬᠦᠢ᠍ᠴᠡᠳ ᠪᠠᠳᠠᠷᠠᠭᠤᠯᠵᠦ ᠴᠢᠳᠠᠭᠰᠠᠨ ᠪᠠᠶ᠋ᠢᠨᠠ᠃ ᠲᠡᠤᠬᠡᠨᠠᠴᠠ ᠠᠪᠤᠭ᠋ᠠᠳ ᠤᠳᠤ ᠬᠦᠷᠲᠡᠯᠡ ᠬᠡᠲᠦᠶ᠋ᠢᠪᠡᠷ ᠭᠡᠷ ᠪᠦᠯᠢ ᠵᠢ ᠰᠤᠷᠭ᠋ᠠᠭᠤᠯᠢ ᠭᠡᠵᠦ ᠬᠡᠯᠡᠳᠡᠭ ᠦᠭᠡᠢ ᠪᠤᠯᠪᠠᠴᠦ᠂ ᠬᠡᠤᠬᠡᠳᠲᠤ ᠭᠡᠷ ᠪᠦᠯᠢ ᠵᠢᠨ ᠠ᠋ᠳᠦᠷ ᠲᠤᠲᠤᠮᠤᠨ ᠠᠮᠢᠳᠤᠷᠠᠯ ᠲᠤᠮᠲᠠᠠᠴᠠ ᠰᠤᠷᠭ᠋ᠠᠵᠦ ᠮᠡᠳᠡᠭᠦᠯᠬᠦ ᠵᠦᠢ᠍ᠯᠨᠢ ᠬᠤᠵᠢᠮᠤᠨ ᠰᠤᠷᠤᠯᠭᠠ ᠠᠮᠢᠳᠤᠷᠠᠯ ᠪᠤᠶᠤ ᠬᠦᠮᠦᠨ ᠪᠤᠯᠬᠤ ᠪᠦᠬᠦ ᠶᠠᠪᠤᠴᠠ ᠵᠢᠨ ᠠᠩᠬᠠᠨᠤ ᠰᠠᠭᠤᠷᠢ ᠵᠢ ᠲᠠᠯᠪᠢᠬᠤ ᠴᠢᠬᠤᠯᠠ ᠪᠦᠬᠦᠢ ᠦᠢ᠍ᠯᠡᠳᠤᠯᠲᠠᠢ ᠭᠡᠳᠡᠭᠢ ᠭᠠᠩᠭ᠋ᠠᠩᠤᠨ ᠨᠠᠭ᠋ᠠᠴᠦ ᠠ᠋ᠮᠡᠭᠡ ᠵᠢᠨ ᠦᠨᠡᠨ ᠪᠤᠳᠠᠲᠡᠢ ᠦᠢ᠍ᠯᠡ ᠠᠵᠢᠯᠯᠠᠭᠠᠠᠴᠠ ᠤᠶ᠋ᠢᠯᠠᠭ᠋ᠠᠨ ᠮᠡᠳᠡᠵᠦ ᠪᠤᠯᠬᠤ ᠶᠤᠮ᠃ ᠭᠠᠩᠭ᠋ᠠᠩᠤᠨ ᠨᠠᠭ᠋ᠠᠴᠦ ᠠ᠋ᠮᠡᠭᠡ ᠪᠤᠯ ᠭᠤᠷᠪᠠᠳᠤᠭ᠋ᠠᠷ ᠤᠨᠤ ᠰᠤᠷᠤᠯᠭᠠ ᠵᠢᠨ ᠬᠢᠷᠢ ᠪᠦᠲᠦᠮᠵᠢᠲᠠᠢ ᠬᠦᠳᠡᠭᠡ ᠵᠢᠨ ᠨᠢᠭᠡᠨ ᠮᠠᠯᠴᠢᠨ ᠪᠦᠰᠡᠭᠦᠢ ᠪᠠᠶ᠋ᠢᠵᠦ᠂ 《ᠰᠤᠷᠭ᠋ᠠᠨ ᠬᠦᠮᠦᠵᠢᠯ》 ᠭᠡᠳᠡᠭ ᠴᠤᠬᠤᠮ ᠶᠠᠭᠤ ᠪᠤᠯᠬᠤ ᠲᠤᠬᠠᠢ ᠨᠠᠷᠢᠨ ᠮᠡᠳᠡᠳᠡᠭ ᠦᠭᠡᠢ ᠬᠦᠮᠦᠨ ᠪᠢᠯᠠ᠃ ᠬᠡᠳᠦᠶ᠋ᠢᠪᠡᠷ ᠲᠡᠶ᠋ᠢᠮᠦ ᠪᠠᠶ᠋ᠢᠳᠠᠭ ᠪᠤᠯᠪᠠᠴᠦ ᠬᠡᠤᠬᠡᠳᠲᠤᠪᠠᠨ ᠮᠠᠰᠢ ᠨᠠᠷᠢᠯᠢᠬ ᠰᠠᠶ᠋ᠢᠬᠠᠨ ᠬᠦᠮᠦᠵᠢᠯ ᠪᠤᠯᠪᠠᠰᠤᠷᠠᠯᠢ ᠬᠦᠷᠲᠡᠭᠡᠵᠦ᠂ ᠰᠡᠴᠡᠨ ᠰᠡᠷᠭᠦᠯᠡᠩ ᠮᠦᠷᠲᠡᠭᠡᠨ ᠤᠢ ᠤᠬᠠᠭ᠋ᠠᠨᠲᠠᠢ ᠬᠡᠤᠬᠡᠳ ᠪᠤᠯᠭ᠋ᠠᠨ ᠦᠰᠭᠡᠨ ᠬᠦᠮᠦᠵᠢᠬᠦᠯᠵᠦ ᠴᠢᠳᠠᠭᠰᠠᠨ ᠪᠠᠶ᠋ᠢᠨᠠ᠃ ᠭᠠᠩᠭ᠋ᠠᠩᠤᠨ ᠨᠠᠭ᠋ᠠᠴᠦ ᠠ᠋ᠮᠡᠭᠡᠨᠢ ᠲᠡᠭᠦᠨᠢ ᠬᠡᠯᠡᠳᠤ ᠤᠷᠤᠵᠦ ᠬᠦᠯ ᠤᠷᠤᠬᠤᠠᠴᠠ ᠠ᠋ᠬᠢᠯᠡᠨ᠂ ᠦᠪᠡᠷᠤᠨ ᠶᠠᠪᠤᠵᠦ ᠦᠩᠭᠡᠷᠡᠭᠦᠯᠦᠭᠰᠡᠨ ᠠᠮᠢᠳᠤᠷᠠᠯᠤᠨ ᠲᠤᠷᠰᠢᠯᠭᠠ ᠪᠤᠯᠤᠨ ᠭᠡᠷ ᠪᠦᠯᠢ ᠵᠢᠨ ᠠᠮᠢᠳᠤᠷᠠᠯᠤᠨ ᠪᠤᠳᠠᠲᠡᠢ ᠪᠠᠶ᠋ᠢᠳᠠᠯᠠᠴᠠᠪᠠᠨ ᠠ᠋ᠭᠦᠰᠴᠦ᠂ ᠬᠦᠮᠦᠨ ᠪᠤᠯᠬᠤ ᠶᠤᠰᠤ ᠤᠴᠢᠷᠢ ᠵᠢᠭ᠋ᠠᠵᠦ᠂ ᠨᠤᠮ ᠤᠩᠰᠢᠨ ᠦᠯᠢᠭᠡᠷ ᠰᠤᠨᠤᠰᠬᠠᠬᠤ ᠮᠡᠲᠦ ᠤᠳᠤ ᠵᠢᠨ ᠬᠦᠳᠡᠭᠡ ᠵᠢᠨ ᠠᠮᠢᠳᠤᠷᠠᠯᠳᠤ ᠬᠡᠨᠳᠤ ᠴᠦ᠍ ᠪᠦᠷ ᠪᠠᠶ᠋ᠢᠵᠦ ᠴᠢᠳᠠᠭ᠍ᠤ ᠮᠦᠷᠲᠡᠭᠡᠨ ᠬᠡᠨ ᠴᠦ᠍ ᠪᠦᠷ ᠬᠢᠵᠦ ᠲᠡᠶ᠋ᠢᠯᠬᠦ ᠠ᠋ᠩᠤᠨ ᠠᠷᠭᠠᠪᠠᠷ ᠬᠡᠤᠬᠡᠨ ᠵᠶ᠋ᠠᠨ ᠰᠤᠷᠭ᠋ᠠᠵᠦ ᠬᠦᠮᠦᠵᠢᠭᠦᠯᠦᠭᠰᠡᠨ ᠪᠠᠶ᠋ᠢᠨᠠ᠃ ᠭᠡᠷ ᠪᠦᠯᠢ ᠵᠢ ᠤᠤᠯᠳᠤᠪᠠᠨ ᠰᠤᠷᠭ᠋ᠠᠭᠤᠯᠢ ᠭᠡᠵᠦ ᠬᠡᠯᠡᠳᠡᠭ ᠦᠭᠡᠢ ᠪᠠᠶ᠋ᠢᠭᠰᠠᠨ ᠵᠶ᠋ᠠᠨ ᠤᠳᠤ ᠬᠠᠷᠢᠨ ᠰᠤᠷᠭ᠋ᠠᠭᠤᠯᠢ ᠭᠡᠵᠦ ᠬᠡᠯᠡᠬᠦ ᠪᠤᠯᠤᠭᠰᠠᠨᠨᠢ ᠭᠡᠷ ᠪᠦᠯᠢ ᠵᠢᠨ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠦᠢ᠍ᠯᠡᠳᠤᠯᠨᠢ ᠤᠮᠳᠤᠭ᠋ᠠᠶ᠋ᠢᠯᠠᠵᠦ ᠪᠤᠯᠤᠰᠢ ᠦᠭᠡᠢ ᠴᠢᠬᠤᠯᠠ ᠦᠢ᠍ᠯᠡᠳᠤᠯᠲᠠᠢᠠᠴᠠ ᠪᠤᠯᠤᠭᠰᠠᠨ ᠭᠡᠵᠦ ᠦᠵᠡᠵᠦ ᠪᠤᠢ᠃
ᠬᠤᠶᠠᠷᠲᠤ᠂ ᠤᠷᠢᠳᠠᠪᠡᠷ ᠵᠦᠪ ᠲᠦᠪ ᠬᠦᠮᠦᠨ ᠪᠤᠯᠭ᠋ᠠᠵᠦ ᠲᠠᠷᠠᠭᠠᠨᠢ ᠮᠡᠳᠡᠯᠭᠡ ᠤᠯᠠᠮᠵᠢᠯᠠᠭ᠍ᠤ ᠵᠢ ᠴᠢᠬᠤᠯᠠᠴᠢᠯᠠᠭᠰᠠᠨ ᠪᠠᠶ᠋ᠢᠨᠠ᠃ 《ᠬᠦᠮᠦᠨ ᠪᠤᠯᠬᠤ ᠪᠠᠭᠠᠠᠴᠠᠪᠠᠨ ᠬᠦᠯᠦᠭ ᠪᠤᠯᠬᠤ ᠤᠨᠠᠭ᠋ᠠᠨᠠᠴᠠᠪᠠᠨ》 ᠭᠡᠳᠡᠭᠢ ᠬᠦᠮᠦᠨ ᠪᠦᠷᠢ ᠮᠡᠳᠡᠳᠡᠭ ᠪᠤᠯᠪᠠᠴᠦ᠂ ᠬᠦᠮᠦᠨ ᠪᠤᠯᠭ᠋ᠠᠬᠤ ᠬᠦᠮᠦᠵᠢᠯᠢ ᠵᠦᠪ ᠰᠠᠶ᠋ᠢᠬᠠᠨ ᠬᠢᠵᠦ ᠴᠢᠳᠠᠭ᠍ᠤ ᠭᠡᠵᠦ ᠲᠡᠶ᠋ᠢᠮᠦ ᠬᠢᠯᠪᠠᠷᠬᠠᠨ ᠶᠠᠪᠤᠳᠠᠯ ᠪᠢᠰᠢ ᠪᠤᠯᠤᠭᠰᠠᠨ ᠪᠠᠶ᠋ᠢᠨᠠ᠃ ᠭᠠᠩᠭ᠋ᠠᠩᠢ ᠬᠦᠮᠦᠨ ᠪᠤᠯᠭ᠋ᠠᠨ ᠦᠰᠭᠡᠬᠦᠳᠤ ᠨᠠᠭ᠋ᠠᠴᠦ ᠠ᠋ᠮᠡᠭᠡᠨᠢ ᠶᠠᠮᠠᠷ ᠶᠡᠭᠡ ᠤᠨᠤᠯ ᠶᠤᠰᠤ ᠪᠤᠶᠤ ᠰᠢᠨᠡ ᠮᠠᠶᠢᠭᠤᠨ ᠵᠢᠯᠤᠭᠤᠳᠬᠤ ᠠᠷᠭᠠ ᠵᠢ ᠬᠡᠷᠡᠭᠯᠡᠭᠰᠡᠨ ᠪᠢᠰᠢ᠂ ᠬᠠᠷᠢᠨ 《ᠭᠤᠷᠪᠠᠨ ᠤᠯᠤᠰᠤᠨ ᠦᠯᠢᠭᠡᠷ》 ᠪᠤᠶᠤ 《ᠱᠦᠢ ᠬᠡᠦ ᠵᠢᠨ ᠦᠯᠢᠭᠡᠷ》 ᠭᠡᠬᠦ ᠮᠡᠲᠦ ᠵᠢᠨ ᠬᠠᠭᠤᠴᠢᠨᠤ ᠦᠯᠢᠭᠡᠷ ᠲᠤᠮᠤᠭᠲᠤ ᠭᠠᠷᠳᠠᠭ ᠦᠨᠡᠨ ᠬᠤᠳᠠᠯ᠂ ᠵᠦᠪ ᠪᠤᠷᠤᠭᠤ᠂ ᠰᠠᠶ᠋ᠢᠨ ᠮᠠᠭᠤ ᠵᠢᠨ ᠲᠤᠬᠠᠢ ᠪᠤᠳᠠᠲᠡᠢ ᠵᠢᠱ᠌ᠢᠶᠡᠪᠠᠷ ᠲᠠᠮᠵᠢᠭᠤᠯᠤᠨ ᠬᠦᠮᠦᠨ ᠪᠤᠯᠬᠤ ᠬᠦᠮᠦᠵᠢᠯᠤᠨ ᠲᠤᠬᠠᠢ ᠤᠶ᠋ᠢᠯᠠᠭ᠋ᠠᠭᠤᠯᠤᠨ ᠮᠡᠳᠡᠭᠦᠯᠦᠭᠰᠡᠨ ᠪᠠᠶ᠋ᠢᠨᠠ᠃ ᠤᠳᠤ ᠬᠡᠳᠦᠶ᠋ᠢᠪᠡᠷ ᠰᠤᠷᠠᠭ ᠵᠠᠩᠭᠢ ᠲᠦᠭᠡᠮᠡᠯᠵᠠᠨ᠂ ᠰᠢᠨᠡ ᠮᠠᠶᠢᠭᠤᠨ ᠵᠠᠭᠤᠴᠢᠯᠠᠭᠤᠷ ᠵᠡᠷᠭᠡ ᠵᠢ ᠠᠰᠢᠭᠯᠠᠭ᠍ᠤ ᠪᠤᠯᠤᠭᠰᠠᠨ ᠪᠤᠯᠪᠠᠴᠦ᠂ ᠬᠡᠤᠬᠡᠳᠲᠤ ᠵᠦᠪ ᠲᠦᠪ ᠬᠦᠮᠦᠵᠢᠯ ᠬᠦᠷᠲᠡᠭᠡᠬᠦᠳᠤ ᠦᠯᠢᠭᠡᠷ ᠰᠤᠨᠤᠰᠬᠠᠬᠤ ᠠᠷᠭᠠᠨᠢ ᠬᠠᠮᠤᠭᠤᠨ ᠲᠤᠬᠢᠷᠠᠮᠵᠢᠲᠡᠢ ᠭᠡᠵᠦ ᠦᠵᠡᠵᠦ ᠪᠤᠢ᠃ ᠬᠡᠤᠬᠡᠳᠢ ᠢᠩᠭᠢᠵᠦ ᠵᠦᠪ ᠲᠦᠪ ᠬᠦᠮᠦᠵᠢᠯ ᠰᠤᠷᠲᠠᠯᠲᠠᠢ ᠬᠦᠮᠦᠨ ᠪᠤᠯᠭ᠋ᠠᠨ ᠬᠦᠮᠦᠵᠢᠬᠦᠯᠬᠦᠨᠢ ᠮᠡᠳᠡᠯᠭᠡ ᠤᠯᠠᠮᠵᠢᠯᠠᠭ᠍ᠤ ᠵᠢᠨ ᠤᠷᠢᠳᠠᠯ ᠨᠦᠬᠦᠴᠡᠯ ᠪᠤᠯᠳᠠᠭ᠃ ᠠ᠋ᠨᠡ ᠲᠤᠬᠠᠢ ᠲᠠᠷᠢᠶᠠᠴᠢᠨ ᠦᠨᠳᠦᠰᠦᠲᠡᠨ ᠵᠶ᠋ᠠᠷ ᠵᠢᠱ᠌ᠢᠶᠡᠯᠡᠬᠦᠳᠤ᠂ ᠤᠷᠢᠳᠠᠪᠡᠷ ᠬᠦᠷᠦᠰᠦ ᠰᠢᠷᠤᠢᠪᠠᠨ ᠵᠦᠭᠡᠯᠡᠷᠡᠭᠦᠯᠦᠭᠰᠡᠨᠤ ᠲᠠᠷᠠᠭᠠ ᠰᠠᠶᠢ ᠲᠠᠷᠢᠶᠠᠪᠠᠨ ᠲᠠᠷᠢᠳᠠᠭᠨᠢ ᠠᠳᠠᠯᠢᠬᠠᠨ ᠶᠤᠰᠤ ᠭᠡᠵᠦ ᠦᠵᠡᠨᠡ᠃ ᠲᠡᠶ᠋ᠢᠮᠤᠠᠴᠠ ᠪᠢ ᠭᠠᠩᠭ᠋ᠠᠩᠤᠨ ᠨᠠᠭ᠋ᠠᠴᠦ ᠠ᠋ᠮᠡᠭᠡ ᠵᠢᠨ ᠬᠢᠨᠢ ᠬᠡᠤᠬᠡᠳ ᠬᠦᠮᠦᠵᠢᠬᠦᠯᠬᠦ ᠠᠷᠭᠠ ᠲᠤᠷᠰᠢᠯᠭᠠᠳᠤᠲᠠᠭᠠᠨ ᠰᠤᠷᠤᠯᠴᠠᠭᠤᠰᠢᠲᠡᠢ ᠬᠤᠪᠤᠷᠬᠠᠨ ᠵᠦᠢ᠍ᠯ ᠨᠢᠭᠤᠭᠳᠠᠵᠦ ᠪᠤᠢ ᠭᠡᠵᠦ ᠦᠵᠡᠵᠦ ᠪᠠᠶ᠋ᠢᠨᠠ᠃
ᠭᠤᠷᠪᠠᠳᠤ᠂ ᠲᠠᠳᠬᠠᠯᠤᠨ ᠬᠦᠮᠦᠵᠢᠯᠢ ᠪᠦᠲᠦᠮᠵᠢᠲᠡᠢ ᠰᠠᠶ᠋ᠢᠬᠠᠨ ᠬᠢᠵᠦ ᠴᠢᠳᠠᠭᠰᠠᠨ ᠪᠠᠶ᠋ᠢᠨᠠ᠃ 《ᠰᠤᠷᠤᠭᠰᠠᠨ ᠵᠠᠩᠢ ᠰᠤᠷ ᠵᠶ᠋ᠠᠷ ᠪᠤᠭᠤᠭᠰᠠᠨ ᠴᠦ᠍ ᠬᠠᠯᠠᠵᠦ ᠲᠡᠶ᠋ᠢᠯᠬᠦ ᠦᠭᠡᠢ ᠭᠡᠳᠡᠭᠴᠢᠯᠠᠨ》 ᠭᠠᠩᠭ᠋ᠠᠩ ᠬᠡᠤᠬᠡᠨᠳᠤ ᠨᠢᠯᠬᠠ ᠪᠠᠭᠠᠠᠴᠠᠨᠢ ᠦᠯᠢᠭᠡᠷ ᠲᠡᠤᠬᠡ ᠰᠤᠨᠤᠰᠬᠤ᠂ ᠨᠤᠮ ᠤᠩᠰᠢᠬᠤ᠂ ᠦᠪᠡᠷ ᠵᠶ᠋ᠠᠨ ᠪᠡᠶᠡᠴᠢᠯᠡᠨ ᠤᠷᠤᠯᠴᠠᠭ᠍ᠤ᠂ ᠴᠠᠭᠢ ᠪᠠᠷᠢᠮᠳᠠᠯᠠᠭ᠍ᠤ᠂ ᠴᠢᠳᠠᠭ᠍ᠤ ᠦᠭᠡᠢ ᠮᠡᠳᠡᠭᠦ ᠦᠭᠡᠢᠪᠠᠨ ᠬᠦᠮᠦᠨᠠᠴᠠ ᠠᠰᠠᠭᠤᠬᠤ ᠪᠤᠶᠤ ᠦᠪᠡᠷᠤᠨ ᠭᠡᠰᠡᠨ ᠠᠮᠢᠳᠤᠷᠠᠯᠤᠨ ᠵᠤᠷᠰᠢᠯᠲᠠᠢ ᠪᠠᠶ᠋ᠢᠬᠤ ᠵᠡᠷᠭᠡ ᠲᠠᠳᠬᠠᠯᠤᠨ ᠬᠦᠮᠦᠵᠢᠯᠢ ᠨᠠᠷᠢᠨ ᠨᠢᠭᠲᠠ ᠰᠠᠶ᠋ᠢᠬᠠᠨ ᠮᠡᠳᠡᠭᠦᠯᠦᠨ ᠰᠤᠷᠭ᠋ᠠᠭᠰᠠᠨ ᠪᠠᠶ᠋ᠢᠨᠠ᠃ ᠵᠢᠱ᠌ᠢᠶᠡᠯᠡᠪᠡᠯ᠂ ᠬᠡᠤᠬᠡᠨᠳᠤᠪᠠᠨ 《ᠭᠤᠷᠪᠠᠨ ᠤᠯᠤᠰᠤᠨ ᠦᠯᠢᠭᠡᠷ》 ᠵᠡᠷᠭᠡ ᠦᠯᠢᠭᠡᠷᠲᠦ ᠨᠤᠮᠢ ᠤᠩᠰᠢᠨ ᠰᠤᠨᠤᠰᠬᠠᠬᠤᠪᠠᠷ ᠲᠠᠮᠵᠢᠭᠤᠯᠤᠨ ᠨᠤᠮ ᠤᠩᠰᠢᠬᠤ ᠲᠠᠳᠬᠠᠯᠤᠨ ᠬᠦᠮᠦᠵᠢᠯᠢ ᠬᠢᠵᠦ᠂ ᠨᠤᠮ ᠲᠡᠪᠲᠡᠷᠲᠤ ᠲᠤᠷᠡ ᠪᠠᠬᠠᠲᠠᠢ ᠪᠤᠯᠭ᠋ᠠᠬᠤ ᠲᠡᠰᠢ ᠬᠦᠲᠦᠯᠦᠭᠰᠡᠨ ᠪᠠᠶ᠋ᠢᠨᠠ᠃ ᠲᠠᠳᠬᠠᠯ ᠭᠡᠵᠦ ᠰᠠᠶ᠋ᠢᠨ ᠮᠠᠭᠤ ᠵᠢ ᠢᠯᠭ᠋ᠠᠬᠤ ᠦᠭᠡᠢ ᠨᠢᠭᠡᠨᠲᠡ ᠪᠦᠷᠢᠯᠳᠦᠴᠢᠭᠡᠪᠡᠯ ᠬᠠᠯᠠᠭ᠍ᠤᠳᠤ ᠬᠦᠴᠢᠷᠲᠡᠢ ᠪᠠᠶ᠋ᠢᠳᠠᠭ᠃ ᠭᠠᠩᠭ᠋ᠠᠩ ᠬᠡᠤᠬᠡᠨ ᠨᠢᠯᠬᠠ ᠪᠠᠭᠠᠠᠴᠠᠪᠠᠨ ᠨᠤᠮ ᠤᠩᠰᠢᠬᠤ ᠲᠠᠳᠬᠠᠯᠲᠠᠢ ᠪᠤᠯᠴᠢᠬᠠᠭᠰᠠᠨ ᠤᠴᠢᠷᠠᠴᠠ ᠶᠡᠭᠡ ᠪᠤᠯᠤᠭᠰᠠᠨᠤ ᠲᠠᠷᠠᠭᠠ ᠨᠤᠮᠲᠠᠢ ᠬᠠᠨᠢᠯᠠᠵᠦ᠂ ᠨᠤᠮᠲᠠᠢ ᠨᠦᠬᠦᠷᠯᠡᠨ ᠦᠪᠡᠷᠤᠨ ᠤᠶᠤᠨ ᠤᠬᠠᠭ᠋ᠠᠨ ᠵᠶ᠋ᠠᠨ ᠰᠡᠭᠡᠭᠡᠷᠡᠭᠦᠯᠬᠦᠳᠤ ᠬᠡᠷᠡᠭᠴᠡᠭᠡ ᠪᠦᠬᠦᠢ ᠵᠦᠪ ᠠ᠋ᠨ᠋ᠸᠷᠬᠢ ᠵᠢ ᠬᠤᠷᠠᠮᠳᠤᠭᠤᠯᠵᠦ ᠴᠢᠳᠠᠭᠰᠠᠨ ᠪᠠᠶ᠋ᠢᠨᠠ᠃ ᠠ᠋ᠭᠦᠨᠤ ᠰᠠᠭᠤᠷᠢᠨ ᠲᠡᠭᠡᠷᠡ᠂ ᠪᠡᠶᠡᠪᠠᠨ ᠲᠠᠭ᠋ᠠᠭ᠋ᠠᠵᠦ ᠰᠡᠳᠭᠢᠨ ᠪᠤᠳᠤᠯᠬᠢᠯᠠᠭ᠍ᠤ ᠴᠢᠳᠠᠪᠤᠷᠢᠲᠠᠢ ᠪᠤᠯᠵᠦ ᠴᠢᠳᠠᠭᠰᠠᠨᠨᠢ ᠭᠠᠩᠭ᠋ᠠᠩ ᠬᠡᠤᠬᠡᠨᠤ ᠠᠮᠵᠢᠯᠲᠠ ᠤᠯᠬᠤᠳᠤ ᠬᠠᠮᠤᠭᠤᠨ ᠶᠡᠭᠡ ᠲᠦᠯᠬᠢᠴᠡ ᠦᠢ᠍ᠯᠡᠳᠤᠯ ᠦᠵᠡᠭᠦᠯᠵᠠᠢ ᠭᠡᠵᠦ ᠬᠡᠯᠡᠵᠦ ᠪᠤᠯᠬᠤ ᠶᠤᠮ᠃
ᠲᠦᠷᠪᠡᠳᠤ᠂ ᠨᠢᠯᠬᠠ ᠪᠠᠭᠠᠠᠴᠠ ᠤᠢ ᠤᠬᠠᠭ᠋ᠠᠨᠢ ᠭᠡᠭᠡᠷᠡᠬᠦᠯᠬᠦ ᠬᠦᠮᠦᠵᠢᠯᠢ ᠴᠢᠬᠤᠯᠠᠴᠢᠯᠠᠨ ᠠᠳᠬᠤᠭᠰᠠᠨ ᠪᠠᠶ᠋ᠢᠨᠠ᠃ ᠭᠠᠩᠭ᠋ᠠᠩᠤᠨ ᠨᠠᠭ᠋ᠠᠴᠦ ᠠ᠋ᠮᠡᠭᠡᠨᠢ ᠬᠦᠳᠡᠭᠡ ᠨᠤᠲᠤᠭᠤᠨ ᠲᠠᠩᠰᠤᠭ ᠪᠠᠶ᠋ᠢᠭ᠋ᠠᠯᠢ ᠵᠢᠨ ᠡᠪᠡᠰᠦ ᠤᠷᠭᠤᠮᠠᠯ ᠪᠤᠯᠤᠨ ᠦᠪᠡᠷᠤᠨ ᠠ᠋ᠲᠦᠷ ᠲᠤᠲᠤᠮᠤᠨ ᠠᠮᠢᠳᠤᠷᠠᠯ ᠲᠤᠮᠳᠠᠬᠢ ᠵᠡᠬᠦᠦ ᠰᠦᠪᠡᠯᠡᠭᠦᠯᠬᠦ᠂ ᠵᠢᠷᠤᠭ ᠵᠢᠷᠤᠬᠤ ᠪᠤᠶᠤ ᠬᠠᠶ᠋ᠢᠴᠢᠯᠠᠮᠠᠯ ᠬᠠᠶ᠋ᠢᠴᠢᠯᠠᠭᠤᠯᠬᠤ ᠵᠡᠷᠭᠡ ᠠ᠋ᠩᠤᠨ ᠵᠦᠢ᠍ᠯᠡᠰ ᠵᠶ᠋ᠠᠷ ᠲᠡᠳᠡᠨᠤ ᠬᠤᠭᠤᠷᠤᠨᠳᠤᠬᠢ ᠬᠠᠷᠢᠯᠴᠠᠭ᠋ᠠᠨᠤ ᠰᠦᠪᠡᠭᠴᠢ ᠪᠤᠯᠭ᠋ᠠᠬᠤ ᠪᠤᠶᠤ ᠨᠤᠲᠤᠭ ᠤᠰᠤᠨᠤ ᠬᠠᠮᠢᠶᠠᠲᠠᠢ ᠦᠯᠢᠭᠡᠷ ᠵᠤᠭᠤᠭᠢ ᠶᠠᠷᠢᠵᠦ ᠰᠤᠨᠤᠰᠬᠠᠳᠠᠭ ᠪᠠᠶ᠋ᠢᠵᠠᠢ᠃ ᠠ᠋ᠨᠡᠨᠢ ᠭᠠᠩᠭ᠋ᠠᠩᠤᠨ ᠨᠢᠯᠬᠠ ᠦᠶᠡ ᠵᠢᠨ ᠤᠢ ᠤᠬᠠᠭ᠋ᠠᠨᠢᠨᠢ ᠭᠡᠭᠡᠷᠡᠬᠦᠯᠬᠦᠳᠤ ᠰᠠᠭᠤᠷᠢ ᠪᠦᠬᠦᠢ ᠦᠢ᠍ᠯᠡᠳᠤᠯᠢ ᠦᠵᠡᠭᠦᠯᠵᠦ ᠴᠢᠳᠠᠭᠰᠠᠨ ᠭᠡᠵᠦ ᠦᠵᠡᠵᠦ ᠪᠠᠶ᠋ᠢᠨᠠ᠃ ᠤᠴᠢᠷᠨᠢ ᠶᠠᠭᠤ ᠭᠡᠪᠡᠯ᠂ 《ᠬᠦᠮᠦᠨ ᠠ᠋ᠬᠡ ᠵᠢᠨ ᠬᠡᠪᠡᠯᠢᠠᠴᠠ ᠲᠦᠷᠦᠮᠡᠭᠴᠡ ᠠᠪᠢᠶᠠᠰ ᠪᠢᠯᠢᠭ ᠲᠡᠭᠦᠯᠳᠡᠷ ᠪᠠᠶ᠋ᠢᠳᠠᠭ ᠦᠭᠡᠢ᠂ ᠬᠠᠷᠢᠨ ᠬᠤᠵᠢᠮᠤᠨ ᠭᠡᠷ ᠪᠦᠯᠢ ᠵᠢᠨ ᠤᠷᠴᠢᠨ ᠲᠤᠭᠤᠷᠢᠨᠤ ᠨᠦᠯᠦᠭᠡᠯᠡᠯ ᠵᠶ᠋ᠠᠷ ᠲᠠᠮᠵᠢᠨ ᠤᠢ ᠤᠬᠠᠭ᠋ᠠᠨᠨᠢ ᠨᠡᠬᠡᠭᠡᠭᠳᠡᠳᠡᠭ᠂ ᠭᠡᠬᠦᠳᠤᠪᠠᠨ ᠤᠢ ᠪᠢᠯᠢᠭᠤᠨ ᠨᠡᠬᠡᠭᠡᠭᠳᠡᠬᠦ ᠬᠡᠮᠵᠢᠶᠡᠨᠢ ᠬᠦᠮᠦᠨ ᠬᠦᠮᠦᠨ ᠠᠳᠠᠯᠢ ᠦᠭᠡᠢ ᠪᠠᠶ᠋ᠢᠳᠠᠭ》 ᠭᠡᠵᠦ ᠶᠠᠷᠢᠳᠠᠭᠨᠢ ᠲᠠᠷᠤᠢ ᠬᠡᠤᠬᠡᠳᠤᠨ ᠤᠢ ᠤᠬᠠᠭ᠋ᠠᠨᠤ ᠨᠡᠬᠡᠭᠡᠯᠲᠡ ᠨᠢᠯᠬᠠ ᠦᠶᠡ ᠵᠢᠨ ᠬᠦᠮᠦᠵᠢᠯᠲᠠᠢ ᠰᠢᠭᠤᠳ ᠬᠤᠯᠪᠤᠭᠠᠲᠠᠢ ᠭᠡᠳᠡᠭᠢ ᠬᠡᠯᠡᠵᠦ ᠪᠠᠶ᠋ᠢᠭᠠ ᠶᠠᠪᠤᠳᠠᠯ ᠪᠤᠯᠬᠤ ᠶᠤᠮ᠃ ᠬᠡᠤᠬᠡᠳ ᠦᠰᠭᠡᠬᠦᠳᠤ ᠶᠠᠮᠠᠷ ᠴᠦ᠍ ᠭᠦᠴᠦ ᠬᠦᠯᠦᠰᠦ ᠤᠷᠤᠰᠬᠠᠬᠤ ᠦᠭᠡᠢ ᠬᠠᠶᠠᠭ᠋ᠠᠨᠳᠤᠨᠢ ᠬᠠᠶᠠᠭᠰᠠᠨ ᠬᠡᠤᠬᠡᠳ ᠪᠤᠯᠤᠨ ᠶᠡᠬᠡᠭᠡᠨ ᠬᠦᠴᠦ ᠬᠦᠯᠦᠰᠦ ᠵᠠᠷᠤᠴᠠᠭᠤᠯᠤᠭᠰᠠᠨ ᠬᠡᠤᠬᠡᠳᠤᠨ ᠮᠡᠳᠡᠯᠭᠡ ᠰᠤᠷᠬᠤ ᠤᠢ ᠪᠢᠯᠢᠭᠤᠨ ᠨᠡᠬᠡᠭᠡᠭᠳᠡᠬᠦ ᠬᠡᠮᠵᠢᠶᠡᠨᠢ ᠠᠳᠠᠯᠢ ᠦᠭᠡᠢᠪᠠᠷ ᠪᠠᠷᠠᠭ᠍ᠤ ᠦᠭᠡᠢ᠂ ᠬᠤᠵᠢᠮ ᠬᠤᠶ᠋ᠢᠨᠠ ᠰᠤᠷᠭ᠋ᠠᠭᠤᠯᠢ ᠲᠠᠪᠰᠢᠬᠤ ᠵᠢ ᠰᠢᠭᠤᠳ ᠨᠦᠯᠦᠭᠡᠯᠡᠵᠤ᠂ ᠠᠵᠢᠯ ᠠᠮᠢᠳᠤᠷᠠᠯᠤᠨ ᠲᠠᠯᠠᠳᠤ ᠪᠠᠰᠠ ᠪᠦᠷᠢᠮᠤᠰᠤᠨ ᠠᠳᠠᠯᠢ ᠦᠭᠡᠢ ᠦᠷᠡ ᠳ᠋ᠦᠩᠢ ᠠᠪᠴᠢᠷᠠᠳᠠᠭ ᠶᠤᠮ᠃ ᠬᠦᠳᠡᠭᠡ ᠲᠤᠰᠬᠤᠨᠤ ᠦᠨᠳᠦᠰᠦᠨ ᠱᠠᠳᠤᠨᠳᠤ ᠪᠠᠭᠰᠢᠯᠠᠵᠦ ᠪᠦᠬᠦᠢ ᠤᠳᠤᠨ ᠪᠠᠭᠰᠢ ᠵᠢᠨ ᠬᠡᠤᠬᠡᠨ ᠭᠠᠩᠭ᠋ᠠᠩᠤᠨ ᠪᠦᠬᠦ ᠤᠯᠤᠰᠤᠨ ᠨᠢᠭᠡᠲᠦᠯᠲᠡᠢ ᠰᠢᠯᠭ᠋ᠠᠯᠲᠠᠳᠤ ᠤᠨᠴᠠ ᠦᠨᠳᠦᠷ ᠬᠢᠷᠢ ᠪᠦᠲᠦᠮᠵᠢ ᠵᠢ ᠰᠢᠯᠭ᠋ᠠᠨ ᠤᠯᠵᠦ᠂ ᠤᠯᠤᠰᠤᠨ ᠭᠤᠤᠯᠳᠠᠯᠭᠠᠲᠠᠢ ᠰᠤᠷᠭ᠋ᠠᠭᠤᠯᠢᠳᠤ ᠠ᠋ᠯᠰᠡᠭᠳᠡᠨ ᠤᠷᠤᠭᠰᠠᠨ ᠶᠠᠪᠤᠳᠠᠯ ᠪᠤᠯ ᠨᠢᠯᠬᠠ ᠪᠠᠭᠠᠠᠴᠠ ᠤᠢ ᠤᠬᠠᠭ᠋ᠠᠨᠢ ᠭᠡᠭᠡᠷᠡᠭᠦᠯᠬᠦ ᠬᠦᠮᠦᠵᠢᠯᠢ ᠴᠢᠬᠤᠯᠠᠴᠢᠯᠠᠨ ᠠᠳᠬᠤᠭᠰᠠᠨᠲᠠᠢ ᠰᠢᠭᠤᠳ ᠬᠤᠯᠪᠤᠭᠠᠲᠠᠢ᠃
ᠲᠠᠪᠤᠳᠤ᠂ ᠦᠪᠡᠷᠤᠨ ᠪᠡᠶᠡᠪᠠᠷ ᠦᠯᠢᠭᠡᠷ ᠲᠠᠭᠤᠷᠢᠶᠠᠯ ᠪᠤᠯᠬᠤ ᠦᠢ᠍ᠯᠡᠳᠤᠯᠢ ᠪᠠᠳᠠᠷᠠᠭᠤᠯᠵᠦ ᠴᠢᠳᠠᠭᠰᠠᠨ ᠪᠠᠶ᠋ᠢᠨᠠ᠃ ᠭᠠᠩᠭ᠋ᠠᠩᠤᠨ ᠦᠨᠦᠲᠦᠷᠤᠨ ᠠᠮᠵᠢᠯᠲᠠ ᠤᠯᠤᠭᠰᠠᠨᠤ ᠭᠤᠤᠯ ᠰᠢᠯᠲᠠᠭ᠋ᠠᠨᠨᠢ ᠲᠡᠭᠦᠨᠤ ᠨᠠᠭ᠋ᠠᠴᠦ ᠠ᠋ᠮᠡᠭᠡ ᠪᠤᠶᠤ ᠦᠪᠡᠷᠤᠨ ᠡᠵᠢ ᠠᠪᠤᠨᠢ ᠪᠡᠶᠡᠪᠠᠷ ᠵᠶ᠋ᠠᠨ ᠬᠡᠤᠬᠡᠳᠤᠨ ᠵᠶ᠋ᠠᠨ ᠰᠠᠶ᠋ᠢᠨ ᠰᠠᠶ᠋ᠢᠬᠠᠨ ᠰᠤᠷᠤᠯᠴᠠᠭ᠍ᠤ ᠦᠯᠢᠭᠡᠷ ᠲᠠᠭᠤᠷᠢᠶᠠᠯ ᠪᠤᠯᠵᠦ ᠴᠢᠳᠠᠭᠰᠠᠨ ᠵᠶ᠋ᠠᠷ ᠪᠠᠷᠠᠭ᠍ᠤ ᠦᠭᠡᠢ᠂ ᠭᠤᠷᠪᠠᠨ ᠦᠶᠡᠪᠠᠷ ᠵᠶ᠋ᠠᠨ ᠰᠡᠳᠭᠢᠯ ᠨᠢᠭᠡᠲᠦᠨ ᠴᠢᠷᠮᠠᠶ᠋ᠢᠭᠰᠠᠨᠲᠠᠢ ᠰᠢᠭᠤᠳ ᠬᠤᠯᠪᠤᠭᠠᠲᠠᠢ᠃ ᠭᠠᠩᠭ᠋ᠠᠩᠤᠨ ᠨᠠᠭ᠋ᠠᠴᠦ ᠠ᠋ᠮᠡᠭᠡᠨᠢ ᠲᠤᠬᠠᠢ ᠵᠢᠨ ᠦᠶᠡ ᠵᠢᠨ ᠬᠠᠲᠠᠭᠤ ᠵᠦᠳᠡᠬᠦᠦ ᠠᠮᠢᠳᠤᠷᠠᠯᠤᠨ ᠨᠦᠬᠦᠴᠡᠯ ᠲᠤᠤᠷᠡ ᠭᠠᠩᠭ᠋ᠠᠩᠤᠨ ᠡᠵᠢ ᠤᠳᠤᠨ ᠪᠠᠭᠰᠢ ᠵᠢ ᠰᠠᠶ᠋ᠢᠨ ᠰᠠᠶ᠋ᠢᠬᠠᠨ ᠰᠤᠷᠭ᠋ᠠᠨ ᠬᠦᠮᠦᠵᠢᠬᠦᠯᠵᠦ ᠴᠢᠳᠠᠭᠰᠠᠨ ᠦᠭᠡᠢ ᠪᠤᠯᠬᠤᠳᠤ ᠬᠦᠷᠪᠡᠯ᠂ ᠤᠳᠤᠨ ᠪᠠᠭᠰᠢ ᠪᠠᠰᠠ ᠬᠡᠤᠬᠡᠨ ᠵᠶ᠋ᠠᠨ ᠢᠩᠭᠢᠵᠦ ᠨᠠᠷᠢᠨ ᠨᠢᠭᠲᠠ ᠬᠦᠮᠦᠵᠢᠬᠦᠯᠦᠨ ᠰᠤᠷᠭ᠋ᠠᠵᠦ ᠦᠨᠦᠲᠦᠷᠤᠨ ᠬᠡᠮᠵᠢᠶᠡᠨᠳᠤ ᠬᠦᠷᠭᠡᠵᠦ ᠴᠢᠳᠠᠭ᠍ᠤ ᠭᠡᠵᠦ ᠪᠡᠷᠭᠡᠲᠡᠢ ᠪᠠᠶ᠋ᠢᠳᠠᠭ ᠶᠤᠮ᠃ ᠤᠳᠤ ᠵᠢᠨ ᠨᠡᠶ᠋ᠢᠭᠡᠮᠳᠤ ᠦᠶᠡ ᠠᠯᠤᠰᠯᠠᠭᠰᠠᠨ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠮᠠᠭᠤ ᠲᠠᠯᠠ ᠵᠢᠨ ᠨᠦᠯᠦᠭᠡᠨᠤ ᠲᠤᠬᠠᠢ ᠶᠠᠷᠢᠬᠤ ᠬᠦᠮᠦᠨ ᠤᠯᠠᠨ ᠪᠠᠶ᠋ᠢᠳᠠᠭ ᠪᠤᠯᠪᠠᠴᠦ᠂ ᠭᠠᠩᠭ᠋ᠠᠩᠤᠨ ᠨᠠᠭ᠋ᠠᠴᠦ ᠠ᠋ᠮᠡᠭᠡ ᠰᠢᠭ ᠢᠩᠭᠢᠵᠦ ᠦᠪᠡᠷᠤᠨ ᠪᠡᠶᠡᠪᠠᠷ ᠵᠶ᠋ᠠᠨ ᠦᠯᠢᠭᠡᠷ ᠲᠠᠭᠤᠷᠢᠶᠠᠯ ᠪᠤᠯᠵᠦ ᠦᠷᠡ ᠤᠮᠪᠤᠯᠤᠪᠠᠨ ᠨᠠᠷᠢᠯᠢᠬ ᠰᠠᠶ᠋ᠢᠬᠠᠨ ᠬᠦᠮᠦᠵᠢᠭᠦᠯᠦᠨ ᠰᠤᠷᠭ᠋ᠠᠵᠦ ᠴᠢᠳᠠᠭ᠍ᠤ ᠦᠯᠢᠭᠡᠷ ᠵᠢᠱ᠌ᠢᠶᠡ ᠴᠦᠬᠡᠨ ᠰᠤᠨᠤᠰᠳᠠᠭ᠃ ᠤᠯᠠᠩᠬᠢ ᠡᠪᠦᠭᠡ ᠠ᠋ᠮᠡᠭᠡ ᠪᠤᠯᠤᠭᠰᠠᠳ ᠦᠷᠡ ᠬᠡᠤᠬᠡᠳᠤᠨ ᠵᠶ᠋ᠠᠨ ᠪᠡᠶᠡ ᠮᠠᠭ᠍ᠠᠪᠤᠳᠤᠨ ᠬᠦᠮᠦᠵᠢᠯᠢ ᠴᠢᠬᠤᠯᠠᠴᠢᠯᠠᠭ᠋ᠠᠳ ᠤᠶᠤᠨᠤ ᠬᠦᠮᠦᠵᠢᠯᠢ ᠤᠮᠳᠤᠭ᠋ᠠᠶ᠋ᠢᠯᠠᠭ᠍ᠤᠠᠴᠠ ᠪᠤᠯᠵᠦ ᠠᠯᠵᠠᠭᠤ ᠵᠠᠯᠬᠠᠭᠤ᠂ ᠯᠠᠷᠵᠠᠯᠠᠵᠦ ᠶᠠᠩᠪᠠᠭ᠋ᠠᠯᠠᠭ᠍ᠤ ᠪᠤᠶᠤ ᠬᠦᠴᠢᠷᠠᠴᠠ ᠠᠶᠤᠬᠤ ᠮᠡᠲᠦ ᠨᠠᠵᠠᠭ᠋ᠠᠢ ᠰᠤᠷᠲᠠᠯᠲᠠᠢ ᠬᠡᠤᠬᠡᠳ ᠤᠯᠠᠰᠢᠷᠠᠵᠦ ᠪᠠᠶ᠋ᠢᠨᠠ᠃
ᠵᠢᠷᠭᠤᠭᠠᠳᠤ᠂ ᠡᠵᠢ ᠠᠪᠤ ᠪᠤᠯᠤᠭᠰᠠᠳ ᠬᠡᠤᠬᠡᠳᠤᠨ ᠵᠶ᠋ᠠᠨ ᠰᠤᠳᠤᠯᠤᠭ᠋ᠠᠴᠢ ᠪᠤᠯᠵᠦ ᠴᠢᠳᠠᠭᠰᠠᠨ ᠪᠠᠶ᠋ᠢᠨᠠ᠃ ᠭᠠᠩᠭ᠋ᠠᠩᠢ ᠬᠦᠮᠦᠵᠢᠬᠦᠯᠬᠦ ᠲᠤᠮᠲᠠ ᠡᠵᠢ ᠠᠪᠤᠨᠢ ᠬᠡᠤᠬᠡᠨ ᠵᠶ᠋ᠠᠨ ᠵᠦᠪᠬᠡᠨ ᠬᠢᠴᠢᠶᠡᠯ ᠰᠤᠷᠤᠯᠴᠠᠯᠭᠠᠳᠤᠨᠢ ᠱᠠᠭ᠋ᠠᠷᠳᠠᠭᠰᠠᠨ ᠪᠠᠰᠢ ᠬᠠᠷᠢᠨ ᠲᠡᠭᠦᠨᠢ ᠡᠯᠡ ᠲᠡᠯᠡ ᠵᠢᠨ ᠢᠯᠡᠷᠡᠯ ᠪᠠᠶ᠋ᠢᠳᠠᠯᠢ ᠨᠠᠷᠢᠨ ᠠᠵᠢᠭᠯᠠᠵᠦ᠂ ᠬᠡᠤᠬᠡᠨᠤᠪᠠᠨ ᠤᠳᠠᠭᠠ ᠲᠠᠷᠠᠭ᠋ᠠᠯᠠᠨ ᠢᠯᠡᠷᠡᠬᠦ ᠤᠮᠤᠷᠬᠠᠭ ᠰᠠᠭᠰᠠᠭᠤ ᠵᠠᠩᠢᠨᠢ ᠴᠠᠭ ᠲᠤᠬᠠᠢᠳᠤᠨᠢ ᠠᠵᠢᠭᠯᠠᠨ ᠮᠡᠳᠡᠵᠦ᠂ ᠵᠤᠬᠢᠰᠲᠡᠢ ᠰᠠᠶ᠋ᠢᠬᠠᠨ ᠰᠢᠢ᠍ᠳᠪᠦᠷᠢᠯᠡᠵᠦ ᠪᠠᠶ᠋ᠢᠭᠰᠠᠨ ᠤᠳᠠᠭᠠᠲᠠᠢ᠃ ᠭᠠᠩᠭ᠋ᠠᠩ ᠬᠡᠤᠬᠡᠨ ᠡᠪᠡᠳᠴᠢᠯᠡᠨ ᠠ᠋ᠮᠨᠡᠯᠭᠡᠳᠤ ᠨᠢᠭᠡ ᠰᠠᠷᠡ ᠰᠢᠬᠠᠮ ᠠ᠋ᠮᠨᠡᠭᠦᠯᠵᠦ ᠪᠠᠶ᠋ᠢᠬᠤ ᠬᠤᠭᠤᠴᠠᠭ᠋ᠠᠨᠳᠤ ᠡᠵᠢ ᠠᠪᠤᠨᠢ ᠬᠡᠤᠬᠡᠨᠠᠴᠠᠪᠠᠨ ᠰᠠᠯᠤᠯ ᠦᠭᠡᠢ ᠠᠰᠠᠷᠠᠵᠦ ᠰᠤᠪᠢᠯᠠᠭ᠍ᠤ ᠵᠢᠨ ᠲᠠᠭ᠋ᠠᠤ ᠬᠢᠴᠢᠶᠡᠯ ᠰᠤᠷᠤᠯᠭᠠ ᠵᠢᠨᠢ ᠵᠢᠭ᠋ᠠᠨ ᠵᠢᠯᠤᠭᠤᠳᠤᠭᠰᠠᠨ ᠪᠠᠶ᠋ᠢᠨᠠ᠃ ᠠ᠋ᠭᠦᠨ ᠵᠶ᠋ᠠᠷ ᠪᠠᠷᠠᠭ᠍ᠤ ᠦᠭᠡᠢ᠂ ᠵᠢᠷᠭᠤᠳᠤᠭ᠋ᠠᠷ ᠤᠨᠤ ᠲᠡᠭᠦᠰᠬᠦ ᠰᠢᠯᠭ᠋ᠠᠯᠲᠠᠳᠤ ᠬᠡᠤᠬᠡᠨᠨᠢ ᠠᠯᠬᠤᠵᠦ ᠲᠡᠶ᠋ᠢᠯᠬᠦ ᠦᠭᠡᠢ ᠪᠠᠶ᠋ᠢᠳᠠᠯ ᠲᠤᠤᠷᠡ᠂ ᠲᠡᠭᠦᠨᠢ ᠠᠰᠠᠷ ᠲᠡᠭᠡᠷᠡ ᠠ᠋ᠭᠦᠷᠦᠨ ᠭᠠᠷᠭ᠋ᠠᠵᠦ ᠰᠢᠯᠭ᠋ᠠᠯᠲᠠᠳᠤ ᠤᠷᠤᠯᠴᠠᠭᠤᠯᠤᠭᠰᠠᠨ ᠵᠡᠷᠭᠡ ᠶᠠᠪᠤᠳᠠᠯᠨᠢ ᠭᠠᠩᠭ᠋ᠠᠩ ᠬᠡᠤᠬᠡᠨᠳᠤ ᠮᠠᠰᠢ ᠶᠡᠭᠡ ᠰᠡᠳᠭᠢᠯᠤᠨ ᠵᠤᠷᠢᠬ᠍ᠵᠢᠭᠤᠯᠤᠯ ᠪᠤᠯᠤᠭᠰᠠᠨ ᠶᠤᠮ᠃ ᠠ᠋ᠳᠡᠭᠡᠷ ᠦᠢ᠍ᠯᠡ ᠶᠠᠪᠤᠳᠠᠯᠤᠨ ᠦᠩᠭᠡᠷᠡᠯᠲᠡᠪᠠᠷ ᠲᠡᠮᠵᠢᠨ ᠭᠠᠩᠭ᠋ᠠᠩ ᠬᠡᠤᠬᠡᠨ ᠠᠪᠤ ᠡᠵᠢ ᠵᠢᠨ ᠵᠶ᠋ᠠᠨ ᠰᠡᠳᠭᠢᠯᠢ ᠤᠶ᠋ᠢᠯᠠᠭ᠋ᠠᠨ᠂ ᠦᠨᠡᠨ ᠰᠡᠳᠭᠢᠯᠠᠴᠠᠪᠠᠨ ᠢᠲᠡᠭᠡᠨ ᠪᠢᠰᠢᠷᠡᠬᠦ ᠪᠤᠯᠤᠭᠰᠠᠨ ᠪᠠᠶ᠋ᠢᠨᠠ᠃ ᠠ᠋ᠨᠡ ᠪᠤᠯ ᠡᠵᠢ ᠠᠪᠤ ᠵᠢᠨ ᠬᠢᠨᠢ ᠬᠡᠤᠬᠡᠨ ᠵᠶ᠋ᠠᠨ ᠨᠠᠷᠢᠨ ᠬᠢᠨᠠᠮᠠᠭ᠋ᠠᠢ ᠠᠵᠢᠭᠯᠠᠨ ᠰᠢᠨᠵᠢᠵᠦ᠂ ᠪᠠᠶ᠋ᠢᠳᠠᠯᠳᠤᠨᠢ ᠲᠤᠬᠢᠷᠠᠭᠤᠯᠤᠨ ᠵᠦᠪ ᠰᠠᠶ᠋ᠢᠬᠠᠨ ᠵᠢᠭ᠋ᠠᠨ ᠵᠢᠯᠤᠭᠤᠳᠤᠭᠰᠠᠨᠤ ᠬᠢᠨᠢ ᠦᠷᠡ ᠳ᠋ᠦᠩ ᠪᠤᠯᠤᠨᠠ᠃
ᠲᠤᠯᠤᠭᠠᠳᠤ᠂ ᠬᠡᠯᠡᠬᠦ ᠵᠢ ᠪᠢᠰᠢ ᠬᠢᠬᠦ ᠵᠢ ᠴᠢᠬᠤᠯᠠᠴᠢᠯᠠᠵᠦ᠂ ᠬᠡᠤᠬᠡᠳᠤᠨ ᠵᠶ᠋ᠠᠨ ᠰᠡᠳᠭᠢᠯᠤᠨ ᠬᠠᠨᠢ ᠪᠤᠯᠵᠦ ᠴᠢᠳᠠᠭᠰᠠᠨ ᠪᠠᠶ᠋ᠢᠨᠠ᠃ ᠭᠠᠩᠭ᠋ᠠᠩᠤᠨ ᠡᠵᠢ ᠵᠢᠨ ᠬᠢᠨᠢ ᠶᠠᠷᠢᠶᠠᠨᠳᠤ ᠬᠡᠤᠬᠡᠨᠤ ᠢᠯᠡᠷᠡᠯ ᠪᠠᠶ᠋ᠢᠳᠠᠯᠳᠤ ᠠᠭᠤᠷᠯᠠᠵᠦ ᠤᠴᠠᠭ᠋ᠠᠷᠯᠠᠭᠰᠠᠨ ᠵᠦᠢ᠍ᠯ ᠤᠭᠲᠤ ᠬᠠᠷᠠᠭᠳᠠᠭ᠍ᠤ ᠦᠭᠡᠢ ᠪᠠᠶ᠋ᠢᠨᠠ᠃ ᠲᠡᠷᠡ ᠦᠪᠡᠷᠤᠨ ᠬᠡᠤᠬᠡᠨᠤᠪᠠᠨ ᠢᠯᠡᠷᠡᠯ ᠪᠠᠶ᠋ᠢᠳᠠᠯᠢ ᠨᠠᠷᠢᠨ ᠬᠢᠨᠠᠮᠠᠭ᠋ᠠᠢ ᠠᠵᠢᠭᠯᠠᠨ ᠰᠢᠨᠵᠢᠭᠰᠡᠨ ᠪᠠᠶ᠋ᠢᠳᠠᠯ ᠲᠤᠤᠷᠡ᠂ ᠦᠪᠡᠷ ᠵᠶ᠋ᠠᠨ ᠦᠯᠢᠭᠡᠷ ᠲᠠᠭᠤᠷᠢᠶᠠᠯ ᠪᠤᠯᠬᠤ ᠦᠢ᠍ᠯᠡᠳᠤᠯᠢ ᠮᠠᠰᠢ ᠰᠠᠶ᠋ᠢᠬᠠᠨ ᠬᠦᠢ᠍ᠴᠡᠳᠭᠡᠵᠦ ᠴᠢᠳᠠᠵᠠᠢ᠃ ᠵᠢᠱ᠌ᠢᠶᠡᠯᠡᠪᠡᠯ᠂ ᠨᠤᠮᠤᠨ ᠰᠠᠩ ᠵᠶ᠋ᠠᠷ ᠬᠡᠤᠬᠡᠨ ᠵᠶ᠋ᠠᠨ ᠲᠠᠭ᠋ᠠᠭᠤᠯᠵᠦ ᠨᠤᠮ ᠤᠩᠰᠢᠭᠤᠯᠬᠤ᠂ ᠠ᠋ᠳᠦᠷ ᠪᠤᠯᠭ᠋ᠠᠨ ᠶᠠᠭᠤ ᠰᠤᠷᠤᠭᠰᠠᠨᠢ ᠮᠠᠷᠲᠠᠯ ᠦᠭᠡᠢ ᠠᠰᠠᠭᠤᠳᠠᠭ ᠪᠤᠶᠤ ᠲᠦᠩᠯᠢᠶᠤᠤ ᠬᠤᠲᠠᠨᠳᠤ ᠪᠢᠴᠢᠭ ᠦᠵᠡᠵᠦ ᠪᠠᠶ᠋ᠢᠭᠰᠠᠨ ᠲᠠᠪᠤᠨ ᠵᠢᠯᠤᠨ ᠬᠤᠭᠤᠴᠠᠭ᠋ᠠᠨᠳᠤ ᠭᠠᠷᠠᠭ ᠪᠤᠯᠭ᠋ᠠᠨ ᠬᠡᠤᠬᠡᠨ ᠲᠡᠭᠡᠷᠡᠪᠠᠨ ᠤᠴᠢᠵᠦ᠂ ᠰᠤᠷᠤᠯᠭᠠ ᠵᠢᠨ ᠲᠠᠯᠠ ᠵᠢᠨ ᠠᠰᠠᠭᠤᠳᠠᠯᠢ ᠨᠢᠮᠪᠠᠢ ᠰᠠᠶ᠋ᠢᠬᠠᠨ ᠰᠢᠢ᠍ᠳᠪᠦᠷᠢᠯᠡᠵᠦ ᠪᠠᠶ᠋ᠢᠭᠰᠠᠨ ᠵᠡᠷᠭᠡᠨᠢ ᠬᠡᠯᠡᠬᠦ ᠵᠢ ᠴᠢᠬᠤᠯᠠᠴᠢᠯᠠᠭᠰᠠᠨ ᠪᠢᠰᠢ ᠬᠠᠷᠢᠨ ᠬᠢᠬᠦ ᠵᠢ ᠴᠢᠬᠤᠯᠠᠴᠢᠯᠠᠵᠦ᠂ ᠬᠡᠤᠬᠡᠳᠤᠨ ᠵᠶ᠋ᠠᠨ ᠰᠡᠳᠭᠢᠯᠤᠨ ᠬᠠᠨᠢ ᠪᠤᠯᠵᠦ ᠪᠠᠶ᠋ᠢᠭᠰᠠᠨᠨᠢ ᠭᠠᠩᠭ᠋ᠠᠩᠤᠨ ᠢᠲᠡᠭᠡᠯ ᠵᠤᠷᠢᠭᠢ ᠬᠦᠪᠴᠢᠯᠡᠵᠦ᠂ ᠰᠤᠷᠤᠯᠭᠠ ᠵᠢᠨ ᠠᠮᠢᠳᠤᠷᠠᠯᠳᠤ ᠲᠤᠩ ᠶᠡᠭᠡ ᠵᠤᠷᠢᠬ᠍ᠵᠢᠭᠤᠯᠤᠯ ᠪᠤᠯᠵᠦ ᠪᠠᠶ᠋ᠢᠭᠰᠠᠨ ᠭᠡᠵᠦ ᠦᠵᠡᠵᠦ ᠪᠠᠶ᠋ᠢᠨᠠ᠃
ᠨᠠᠢ᠍ᠮᠠᠳᠤ᠂ ᠰᠤᠷᠭ᠋ᠠᠨ ᠬᠦᠮᠦᠵᠢᠯ ᠪᠤᠯ ᠨᠢᠭᠡᠨ ᠶᠡᠭᠡ ᠪᠡᠯᠡ ᠤᠷᠤᠭᠤᠯᠤᠯᠲᠡ ᠮᠦᠨ ᠭᠡᠰᠡᠨᠢ ᠵᠦᠪ ᠵᠶ᠋ᠠᠷ ᠲᠠᠨᠢᠵᠦ ᠦᠷᠡ ᠠᠰᠢᠭᠲᠠᠢ ᠪᠡᠶᠡᠯᠡᠭᠦᠯᠵᠦ ᠴᠢᠳᠠᠭᠰᠠᠨ ᠭᠡᠵᠦ ᠦᠨᠡᠯᠡᠵᠦ ᠪᠤᠯᠤᠨᠠ᠃ ᠤᠳᠤᠨ ᠪᠠᠭᠰᠢ ᠭᠠᠷᠠᠭ ᠪᠤᠯᠭ᠋ᠠᠨ ᠬᠡᠤᠬᠡᠨ ᠲᠡᠭᠡᠷᠡᠪᠠᠨ ᠤᠴᠢᠵᠦ᠂ ᠬᠡᠤᠬᠡᠨᠤᠪᠠᠨ ᠪᠠᠶ᠋ᠢᠳᠠᠯᠢ ᠯᠠᠪᠯᠠᠨ ᠤᠶ᠋ᠢᠯᠠᠭ᠋ᠠᠵᠦ᠂ ᠬᠡᠵᠢᠶᠡᠲᠡ ᠬᠢᠨᠠᠭᠤᠷ ᠯᠠᠪᠳᠠᠭᠤᠨ ᠵᠶ᠋ᠠᠷ ᠠᠰᠠᠭᠤᠳᠠᠯᠢ ᠵᠤᠬᠢᠰᠲᠡᠢ ᠰᠠᠶ᠋ᠢᠬᠠᠨ ᠰᠢᠢ᠍ᠳᠪᠦᠷᠢᠯᠡᠳᠡᠭ ᠪᠠᠶ᠋ᠢᠵᠠᠢ᠃ ᠠ᠋ᠨᠡᠨᠢ ᠬᠡᠳᠦᠶ᠋ᠢᠪᠡᠷ ᠬᠡᠯᠡᠬᠦᠳᠤ ᠬᠢᠯᠪᠠᠷ ᠪᠠᠶ᠋ᠢᠳᠠᠭ ᠪᠤᠯᠪᠠᠴᠦ ᠬᠢᠬᠦᠳᠤ ᠲᠡᠶ᠋ᠢᠮᠦ ᠬᠢᠯᠪᠡᠷ ᠶᠠᠪᠤᠳᠠᠯ ᠪᠢᠰᠢ ᠶᠤᠮ᠃ ᠤᠯᠠᠩᠬᠢ ᠬᠦᠮᠦᠰ ᠬᠡᠤᠬᠡᠳᠤᠨ ᠬᠦᠮᠦᠵᠢᠯᠢ ᠵᠤᠭᠤᠰ ᠮᠦᠩᠬᠦᠲᠠᠢ ᠬᠤᠯᠪᠤᠭᠳᠠᠭᠤᠯᠤᠨ ᠶᠠᠷᠢᠬᠤ ᠪᠦᠭᠡᠳ ᠵᠤᠭᠤᠰ ᠮᠦᠩᠬᠦ ᠵᠢᠨᠢ ᠪᠤᠯᠤᠮᠵᠢᠲᠡᠢ ᠰᠠᠶ᠋ᠢᠬᠠᠨ ᠬᠠᠩᠭ᠋ᠠᠴᠢᠬᠠᠪᠠᠯ ᠬᠡᠤᠬᠡᠳ ᠠᠶᠠᠨᠳᠠᠭ᠋ᠠᠨ ᠰᠤᠷᠴᠢᠬᠠᠳᠠᠭ ᠭᠡᠵᠦ ᠦᠵᠡᠳᠡᠭ᠃ ᠭᠡᠪᠡᠴᠦ ᠲᠦᠮᠡᠨ ᠶᠠᠭᠤᠮᠠ ᠵᠢ ᠵᠤᠭᠤᠰ ᠵᠶ᠋ᠠᠷ ᠬᠤᠳᠠᠯᠳᠤᠨ ᠠᠪᠴᠦ ᠲᠡᠶ᠋ᠢᠯᠬᠦ ᠪᠤᠯᠪᠠᠴᠦ ᠮᠡᠳᠡᠯᠭᠡ ᠵᠢ ᠮᠦᠩᠬᠦᠪᠠᠷ ᠬᠤᠳᠠᠯᠳᠤᠨ ᠠᠪᠴᠦ ᠲᠡᠶ᠋ᠢᠯᠬᠦ ᠦᠭᠡᠢ ᠭᠡᠳᠡᠭ ᠮᠡᠷᠭᠡᠨ ᠦᠭᠡ ᠪᠠᠶ᠋ᠢᠳᠠᠭ᠃ ᠦᠨᠡᠨᠢ ᠬᠡᠯᠡᠬᠦᠳᠤ ᠰᠤᠷᠬᠤ ᠭᠡᠳᠡᠭ ᠦᠢ᠍ᠯᠡ ᠪᠤᠯ ᠬᠠᠮᠤᠭᠤᠨ ᠰᠢᠷᠭ᠋ᠠᠭᠤ ᠬᠠᠲᠠᠭᠤᠵᠢᠯᠲᠡᠢ ᠮᠦᠷᠲᠡᠭᠡᠨ ᠬᠡᠨ ᠴᠦ᠍ ᠭᠡᠰᠡᠨ ᠦᠭᠡᠢ ᠬᠢᠨᠡ ᠭᠡᠪᠡᠯ ᠬᠢᠴᠢᠭᠡᠳᠡᠭ ᠬᠢᠯᠪᠠᠷᠬᠠᠨ ᠶᠠᠪᠤᠳᠠᠯ ᠪᠢᠰᠢ ᠶᠤᠮ᠃ ᠰᠤᠷᠤᠭᠴᠢ ᠬᠦᠮᠦᠨ ᠪᠡᠶᠡ ᠰᠡᠳᠭᠢᠯ ᠵᠶ᠋ᠠᠨ ᠵᠦᠳᠡᠭᠡᠨ᠂ ᠤᠶᠤᠨ ᠤᠬᠠᠭ᠋ᠠᠨ ᠵᠶ᠋ᠠᠨ ᠰᠢᠪᠬᠠᠵᠦ ᠠ᠋ᠷᠲᠡᠯᠡᠨ ᠤᠷᠤᠶ᠋ᠢᠯᠠᠨ ᠰᠤᠷᠤᠯᠴᠠᠭ᠍ᠤ ᠵᠢᠨ ᠵᠡᠷᠭᠡᠳᠤ᠂ ᠡᠴᠢᠭᠡ ᠠ᠋ᠬᠡ ᠪᠤᠯᠤᠭᠰᠠᠳ ᠴᠦ᠍ ᠬᠡᠤᠬᠡᠳᠠᠴᠠᠪᠠᠨ ᠢᠯᠡᠬᠦᠦ ᠰᠠᠨᠠᠭᠠ ᠪᠤᠯᠳᠠᠭ ᠤᠴᠢᠷᠲᠠᠢ᠃ ᠠ᠋ᠨᠡ ᠪᠦᠬᠦᠨᠢ ᠵᠤᠭᠤᠰ ᠵᠶ᠋ᠠᠷ ᠤᠷᠤᠯᠠᠭᠤᠯᠵᠦ ᠲᠡᠶ᠋ᠢᠯᠬᠦ ᠦᠭᠡᠢ ᠪᠦᠭᠡᠳ ᠵᠤᠭᠤᠰᠠᠴᠠ ᠲᠠᠪᠠᠭᠰᠠᠨ ᠦᠷᠲᠡᠭ ᠪᠦᠭᠦᠢ ᠶᠡᠭᠡ ᠪᠡᠯᠡ ᠤᠷᠤᠭᠤᠯᠤᠯᠲᠡ ᠭᠡᠵᠦ ᠬᠡᠯᠡᠵᠦ ᠪᠤᠯᠬᠤ ᠶᠤᠮ᠃ ᠠ᠋ᠢ᠍ᠢ᠍ᠮᠦᠪᠠᠷ ᠵᠶ᠋ᠠᠨ ᠪᠢᠲᠡ ᠤᠳᠤᠨ ᠪᠠᠭᠰᠢ ᠵᠢᠨ ᠦᠪᠡᠷᠤᠨ ᠬᠡᠤᠬᠡᠨ ᠵᠶ᠋ᠠᠨ ᠦᠰᠭᠡᠨ ᠬᠦᠮᠦᠵᠢᠬᠦᠯᠦᠭᠰᠡᠨ ᠠᠷᠭᠠ ᠲᠤᠷᠰᠢᠯᠭᠠᠠᠴᠠ ᠬᠡᠤᠬᠡᠳᠤᠨ ᠬᠦᠮᠦᠵᠢᠯᠳᠤ ᠮᠦᠩᠬᠦ ᠵᠤᠭᠤᠰ ᠪᠠᠶ᠋ᠢᠭ᠋ᠠᠳ ᠯᠠ ᠪᠤᠯᠬᠤ ᠪᠢᠰᠢ᠂ ᠬᠠᠷᠢᠨ ᠬᠡᠤᠬᠡᠳᠤᠨ ᠵᠶ᠋ᠠᠨ ᠰᠠᠨᠠᠭᠠ ᠰᠡᠳᠭᠢᠯᠭᠡ ᠵᠢ ᠤᠶ᠋ᠢᠯᠠᠭ᠋ᠠᠨ ᠮᠡᠳᠡᠵᠦ᠂ ᠬᠡᠤᠬᠡᠳᠤᠨ ᠵᠶ᠋ᠠᠨ ᠦᠨᠡᠨ ᠰᠡᠳᠭᠢᠯᠤᠨ ᠬᠠᠨᠢ ᠪᠤᠯᠵᠦ ᠴᠢᠳᠠᠭ᠍ᠤᠨᠢ ᠬᠠᠮᠤᠭᠤᠨ ᠴᠢᠬᠤᠯᠠ ᠭᠡᠳᠡᠭᠢ ᠤᠶ᠋ᠢᠯᠠᠭ᠋ᠠᠨ ᠮᠡᠳᠡᠪᠡᠯ ᠲᠠᠭ᠋ᠠᠷᠠᠭ᠍ᠤ ᠶᠤᠮ᠃
ᠬᠡᠤᠬᠡᠳ ᠪᠤᠯ ᠴᠡᠴᠡᠭ ᠬᠤᠸᠠᠷᠲᠠᠢ ᠠᠳᠠᠯᠢᠬᠠᠨ ᠪᠠᠶ᠋ᠢᠵᠦ᠂ ᠲᠡᠳᠡᠨᠤ ᠦᠰᠦᠨ ᠲᠤᠷᠨᠢᠬᠤ ᠵᠢᠮᠡ ᠶᠤᠰᠤ ᠵᠢᠨᠢ ᠤᠶ᠋ᠢᠯᠠᠭ᠋ᠠᠨ ᠮᠡᠳᠡᠭᠰᠡᠨ ᠰᠠᠭᠤᠷᠢᠨ ᠲᠡᠭᠡᠷᠡ᠂ ᠪᠠᠶ᠋ᠢᠳᠠᠯᠳᠤᠨᠢ ᠵᠤᠬᠢᠴᠠᠭᠤᠯᠤᠨ ᠵᠢᠭ᠋ᠠᠨ ᠵᠢᠯᠤᠭᠤᠳᠬᠤᠪᠠᠷ ᠪᠠᠷᠠᠭ᠍ᠤ ᠦᠭᠡᠢ ᠴᠢᠳᠠᠪᠤᠷᠢ ᠵᠢᠨ ᠪᠤᠭᠤᠮᠲᠠ ᠵᠢᠨᠢ ᠲᠤᠬᠢᠲᠠᠢ ᠴᠠᠭᠲᠤᠨᠢ ᠨᠡᠬᠡᠭᠡᠵᠦ ᠦᠭᠳᠡᠭ ᠯᠠ ᠶᠤᠮ ᠪᠤᠯ ᠴᠢᠳᠠᠪᠤᠷᠢᠲᠠᠨ ᠪᠤᠯᠬᠤ ᠪᠤᠯᠤᠮᠵᠢ ᠬᠡᠤᠬᠡᠳ ᠪᠤᠯᠭ᠋ᠠᠨᠳᠤ ᠠᠳᠠᠯᠢᠬᠠᠨ ᠪᠠᠶ᠋ᠢᠨᠠ᠃ ᠭᠡᠪᠡᠴᠦ ᠮᠠᠰᠢ ᠤᠯᠠᠨ ᠡᠴᠢᠭᠡ ᠠ᠋ᠬᠡ ᠪᠤᠯᠤᠭᠰᠠᠳ ᠬᠡᠤᠬᠡᠳᠤᠨ ᠵᠶ᠋ᠠᠨ ᠲᠤᠷᠡ ᠰᠤᠨᠢᠷᠬᠠᠯ ᠪᠤᠯᠤᠨ ᠠᠪᠢᠶᠠᠰ ᠴᠢᠳᠠᠪᠤᠷᠢ ᠵᠢᠨ ᠬᠦᠮᠦᠵᠢᠯᠢ ᠬᠠᠮᠢᠶᠠᠷᠬᠤ ᠦᠭᠡᠢ᠂ ᠬᠠᠮᠢᠶᠠ ᠨᠠᠮᠢᠶᠠ ᠦᠭᠡᠢ ᠵᠢᠭ᠋ᠠᠨ ᠵᠢᠯᠤᠭᠤᠳᠬᠤ ᠪᠤᠶᠤ ᠠ᠋ᠰᠡᠭᠦᠯᠡ ᠬᠡᠤᠬᠡᠳᠤᠨ ᠵᠶ᠋ᠠᠨ ᠲᠤᠷᠡ ᠰᠤᠨᠢᠷᠬᠠᠯᠳᠤ ᠰᠠᠭᠤᠷᠢᠯᠠᠭᠰᠠᠨ ᠤᠷᠬᠢᠯᠤᠮᠠ ᠬᠠᠯᠠᠭᠤᠨ ᠰᠡᠳᠭᠢᠯᠭᠡ ᠵᠢᠨᠢ ᠬᠦᠭᠵᠢᠭᠡᠵᠦ ᠲᠡᠶ᠋ᠢᠯᠬᠦᠠᠴᠠᠪᠠᠨ ᠠ᠋ᠮᠦᠨᠡ ᠲᠡᠭᠦᠨᠢᠨᠢ ᠤᠨᠲᠠᠷᠠᠭ᠋ᠠᠵᠦ ᠬᠠᠶᠠᠴᠢᠬᠠᠳᠠᠭ᠃
ᠬᠡᠯᠡᠯᠭᠡᠨ ᠦᠭᠡᠢ ᠬᠦᠮᠦᠨ ᠬᠦᠮᠦᠨᠤ ᠦᠷᠳᠡᠭᠤᠨ ᠦᠵᠡᠯᠲᠡ ᠪᠤᠯᠤᠨ ᠬᠡᠤᠬᠡᠳ ᠬᠦᠮᠦᠵᠢᠬᠦᠯᠬᠦ ᠠᠷᠭᠠ ᠲᠤᠷᠰᠢᠯᠭᠠ ᠠᠳᠠᠯᠢ ᠪᠠᠶ᠋ᠢᠳᠠᠭ ᠦᠭᠡᠢ ᠵᠢᠨ ᠲᠡᠭᠡᠷᠡ᠂ ᠤᠳᠤᠬᠠᠨᠤ ᠬᠡᠤᠬᠡᠳᠤᠨ ᠪᠡᠶᠡ ᠲᠡᠭᠡᠷᠡ ᠢᠯᠡᠷᠡᠵᠦ ᠪᠦᠬᠦᠢ ᠦᠪᠡᠷᠮᠢᠴᠡ ᠴᠢᠨᠠᠷᠤᠨ ᠵᠦᠷᠢᠶᠡ ᠵᠢ ᠪᠠᠰᠠ ᠤᠮᠳᠤᠭ᠋ᠠᠶ᠋ᠢᠯᠠᠭ᠍ᠤ ᠵᠢᠨ ᠠᠷᠭᠠ ᠦᠭᠡᠢ ᠪᠠᠶ᠋ᠢᠳᠠᠭ᠃ ᠶᠠᠭ ᠲᠡᠶ᠋ᠢᠮᠦ ᠤᠴᠢᠷᠠᠴᠠ ᠤᠳᠤᠨ ᠪᠠᠭᠰᠢ ᠵᠢᠨ ᠠᠷᠭᠠ ᠲᠤᠷᠰᠢᠯᠭᠠ ᠵᠢᠨ ᠲᠤᠮᠲᠠᠠᠴᠠ ᠭᠤᠤᠯᠳᠠᠯᠭᠠᠲᠠᠢ ᠵᠦᠢ᠍ᠯᠢᠨᠢ ᠠᠮᠢᠳᠤᠯᠢᠭ ᠵᠶ᠋ᠠᠷ ᠰᠢᠩᠭᠡᠭᠡᠨ ᠠᠪᠴᠦ᠂ ᠦᠷᠡ ᠬᠡᠤᠬᠡᠳᠤᠨ ᠵᠶ᠋ᠠᠨ ᠪᠠᠶ᠋ᠢᠳᠠᠯᠳᠤᠨᠢ ᠲᠤᠬᠢᠷᠠᠭᠤᠯᠤᠨ ᠵᠤᠬᠢᠰᠲᠡᠢ ᠠᠰᠢᠭᠯᠠᠭ᠍ᠤ ᠵᠢ ᠰᠠᠨᠠᠭᠤᠯᠵᠦ ᠪᠠᠶ᠋ᠢᠨᠠ᠃
ᠬᠠᠶᠢᠬ᠄ ᠤᠳᠤᠨ — ᠲᠦᠨᠭᠯᠢᠶᠤᠤ ᠬᠤᠳᠠ ᠵᠢᠨ ᠬᠤᠷᠴᠢᠨ ᠵᠠᠭᠦᠨ ᠭᠠᠷᠤᠨ
ᠬᠤᠢ᠍ᠢ᠍ᠳᠤ ᠬᠤᠰᠢᠭᠤᠨᠤ ᠴᠢᠯᠠᠭᠤᠳᠤ ᠪᠠᠯᠭ᠋ᠠᠰᠤᠨᠤ
ᠠᠨᠭ᠌ᠬᠠ ᠵᠡᠷᠭᠡ ᠵᠢᠨ ᠲᠤᠮᠳᠠᠳᠤ ᠰᠤᠷᠭ᠋ᠠᠭᠤᠯᠢ
ᠲᠤᠭᠳᠠᠬᠤ — ᠦᠪᠤᠷ ᠮᠤᠨᠭ᠌ᠭᠤᠯᠤᠨ ᠦᠨᠳᠤᠰᠤᠳᠠᠨᠤ ᠶᠡᠭᠡ ᠰᠤᠷᠭ᠋ᠠᠭᠤᠯᠢ ᠵᠢᠨ ᠰᠤᠷᠭ᠋ᠠᠨ ᠭᠦᠮᠦᠵᠢᠯᠤᠨ ᠰᠢᠨᠵᠢᠯᠠᠭᠦ
ᠤᠬᠠᠭ᠋ᠠᠨᠤ ᠲᠡᠭᠡᠳᠤ ᠰᠤᠷᠭ᠋ᠠᠭᠤᠯᠢ
（ᠠ᠋ᠾᠤᠢ᠍ᠩ ᠮᠸᠢ ᠨᠠᠢ᠍ᠢ᠍ᠷᠠᠭᠤᠯᠪᠠ）
2020 ᠤᠨᠤ 1 ᠳ᠋ᠦ᠍ᠭᠡᠷ ᠬᠤᠭᠤᠴᠠᠭᠠ