ᠬᠠᠷᠠᠪᠠᠷᠰ
ᠨᠠᠢ᠍ᠮᠠᠨ ᠬᠤᠰᠢᠭᠤᠨᠤ ᡁᠢ ᠠᠨ ᠪᠠᠯᠭ᠋ᠠᠰᠣᠨᠤ ᠵᠡᠭᠦᠨ ᠬᠤᠯᠣᠰᠣᠲᠠᠢ ᠭᠠᠴᠠᠭᠠ ᠪᠣᠯ ᠠ᠋ᠮᠦᠨᠡᠭᠦᠷ ᠵᠶ᠋ᠠᠨ ᠬᠦᠷᠢᠶᠡ ᠬᠤᠰᠢᠭᠤᠲᠠᠢ ᠬᠦᠷᠰᠢᠯᠡᠵᠦ᠂ ᠵᠡᠭᠦᠨ ᠲᠠᠯᠠᠪᠠᠷ ᠵᠶ᠋ᠠᠨ ᠬᠤᠷᠴᠢᠨ ᠵᠡᠭᠦᠨ ᠭᠠᠷᠣᠨ ᠬᠤᠶ᠋ᠢᠲᠣ ᠬᠤᠰᠢᠭᠤ （ᠣᠣᠯᠨᠢ ᠪᠢᠩᠳᠦ ᠬᠤᠰᠢᠭᠤ）ᠲᠠᠢ ᠵᠠᠯᠭ᠋ᠠᠯᠳᠣᠵᠣ᠂ ᠵᠡᠭᠦᠨ ᠬᠤᠶ᠋ᠢᠲᠣ ᠲᠠᠯᠠᠪᠠᠷ ᠵᠶ᠋ᠠᠨ ᠺᠠᠶ᠋ᠢᠯᠦ ᠰᠢᠶᠠᠨ （ᠣᠣᠯᠨᠢ ᠳᠠᠷᠬᠠᠨ ᠬᠤᠰᠢᠭᠤ）ᠲᠠᠢ ᠵᠠᠬᠠ ᠨᠡᠶ᠋ᠢᠯᠡᠭᠰᠡᠨ᠂ ᠠᠷᠣ ᠲᠠᠯᠠᠪᠠᠷ ᠵᠶ᠋ᠠᠨ ᠢᠭᠴᠣ ᠵᠣᠵᠠᠭ᠋ᠠᠨ ᠬᠠᠶ᠋ᠢᠯᠠᠰᠣᠨ ᠲᠦᠩ ᠵᠶ᠋ᠠᠷ ᠲᠦᠰᠢᠯᠭᠡ ᠪᠣᠯᠭ᠋ᠠᠵᠣ᠂ ᠠ᠋ᠮᠦᠨᠡᠭᠦᠷ ᠵᠶ᠋ᠠᠨ ᠪᠤᠯᠠᠭ ᠪᠤᠷᠭᠢᠯᠵᠣ ᠭᠤᠷᠤᠬᠠ ᠤᠷᠤᠰᠤᠭᠰᠠᠨ᠂ ᠲᠡᠭᠡᠷᠡ ᠲᠣᠣᠷᠠ ᠪᠣᠯᠠᠭ ᠭᠡᠭᠴᠢ ᠬᠤᠶᠠᠷ ᠲᠣᠮᠣ ᠨᠠᠭᠤᠷ ᠲᠣᠭᠤᠷᠢᠮᠳᠤᠨᠢ ᠨᠡᠶ᠋ᠢᠳᠡᠮᠳᠤᠪᠠᠨ ᠬᠤᠯᠣᠰᠣ ᠣᠷᠭᠤᠵᠣ ᠨᠣᠳᠤᠭ ᠵᠶ᠋ᠠᠨ ᠴᠢᠮᠡᠳᠡᠭ ᠪᠠᠶ᠋ᠢᠭᠰᠠᠨᠠᠴᠠ ᠠ᠋ᠨᠡ ᠨᠣᠳᠤᠭᠨᠢ 《ᠵᠡᠬᠦᠨ ᠬᠤᠯᠣᠰᠣᠲᠠᠢ》 ᠭᠡᠳᠡᠭ ᠰᠠᠶ᠋ᠢᠬᠠᠨ ᠨᠡᠷᠡᠶ᠋ᠢᠳᠣᠯᠲᠠᠢ ᠪᠣᠯᠣᠭᠰᠠᠨ ᠶᠣᠮ᠃
ᠵᠡᠭᠦᠨ ᠬᠤᠯᠣᠰᠣᠲᠠᠢ ᠪᠠᠭᠠ ᠰᠣᠷᠭ᠋ᠠᠭᠤᠯᠢᠨᠢ ᠬᠤᠷᠢᠳᠣᠭ᠋ᠠᠷ ᠵᠠᠭᠤᠨᠤ ᠳᠦᠴᠢᠭᠡᠳ ᠣᠨᠤ ᠠ᠋ᠬᠢᠨᠤ ᠦᠶᠡᠪᠠᠷ ᠴᠠᠭ ᠲᠦᠷᠦ ᠵᠢᠨ ᠣᠷᠤᠭᠠ ᠪᠣᠰᠬᠠᠭᠠ ᠪᠠᠶ᠋ᠢᠳᠠᠯ ᠲᠤᠤᠷᠠ ᠰᠦᠮᠡ ᠬᠡᠶ᠋ᠢᠳᠢ ᠦᠭᠡᠶ᠋ᠢᠰᠬᠡᠭᠰᠡᠨᠤ ᠳᠠᠷᠠᠭᠠ ᠵᠡᠭᠦᠨ ᠬᠤᠯᠣᠰᠣᠲᠠᠢ ᠭᠠᠴᠠᠭ᠋ᠠᠨᠤ ᠰᠡᠭᠡᠭᠡᠷᠡᠭᠰᠡᠨ ᠵᠠᠯᠠᠭᠤᠴᠤᠳᠠᠴᠠ ᠬᠤᠯᠣᠰᠣᠲᠠᠢ ᠵᠢᠨ ᠰᠦᠮᠡ ᠵᠢᠨ ᠯᠠᠮᠠ ᠭᠠᠷᠣᠯᠲᠠᠢ ᠮᠣᠩᠭᠤᠯ ᠪᠢᠴᠢᠭᠲᠡᠨ ᠷᠢᠨᠴᠢᠨᠨᠢᠩᠪᠦ᠂ ᠯᠣᠷᠣᠢ ᠪᠣᠯᠣᠨ ᠴᠠᠭ᠋ᠠᠨᠨᠠᠭᠤᠷ ᠨᠣᠳᠤᠭᠲᠠᠢ ᠬᠠᠰᠪᠠᠭ᠋ᠠᠳᠣᠷ ᠵᠡᠷᠭᠡ ᠪᠠᠭᠰᠢ ᠨᠠᠷᠢ ᠣᠷᠢᠵᠣ ᠬᠤᠯᠣᠰᠣᠲᠠᠢ ᠵᠢᠨ ᠰᠦᠮᠡ ᠵᠢᠨ ᠬᠠᠮᠤᠭ ᠰᠡᠭᠦᠯᠴᠢ ᠵᠢᠨ ᠰᠦᠮᠡ ᠪᠣᠯᠬᠤ 《ᠭᠦᠨ ᠬᠤᠳᠳᠤᠭᠤᠨ ᠰᠦᠮᠡ》 ᠵᠢᠨ ᠬᠤᠪᠢᠯᠭ᠋ᠠᠨ ᠯᠠᠮᠠ ᠵᠢᠨ ᠣᠷᠳᠣᠨᠤ ᠭᠡᠷᠲᠤ ᠴᠠᠭ᠋ᠠᠠᠠᠷᠰᠯᠠᠨ᠂ ᠵᠢᠭᠮᠡᠳᠳᠤᠷᠵᠢ᠂ ᠬᠠᠰᠪᠠᠭ᠋ᠠᠳᠣᠷ ᠁ ᠵᠡᠷᠭᠡ ᠬᠤᠷᠢ ᠭᠠᠷᠣᠢ ᠰᠣᠷᠣᠭᠴᠢᠲᠠᠢ ᠬᠠᠮᠤᠭᠤᠨ ᠠᠩᠬᠠᠨᠤ ᠠᠷᠠᠳᠠᠴᠠ ᠠ᠋ᠷᠬᠢᠯᠡᠭᠰᠡᠨ ᠰᠣᠷᠭ᠋ᠠᠭᠤᠯᠢ ᠪᠤᠯᠵᠤ ᠪᠠᠶ᠋ᠢᠭᠤᠯᠣᠭᠳᠠᠭᠰᠠᠨ ᠪᠠᠢ᠍ᠢ᠍ᠨᠠ᠃
ᠲᠣᠬᠠᠢ ᠵᠢᠨ ᠦᠶᠡ ᠵᠢᠨ ᠲᠦᠯᠦᠭᠡᠯᠡᠬᠦ ᠴᠢᠨᠠᠷᠲᠠᠢ ᠵᠢᠭ᠋ᠠᠨ ᠰᠣᠷᠭ᠋ᠠᠬᠤ ᠠᠷᠭᠠᠨᠢ 《ᠬᠤᠭᠤᠯᠠᠢ ᠨᠡᠶ᠋ᠢᠯᠡᠭᠦᠯᠦᠨ ᠬᠠᠮᠳᠣᠪᠠᠷ ᠣᠩᠰᠢᠬᠤ᠂ ᠬᠠᠪᠳᠠᠰᠣ ᠮᠣᠳᠣᠪᠠᠷ ᠠᠯᠠᠭᠠ ᠳᠠᠪᠰᠢᠬᠤ》 ᠪᠠᠢ᠍ᠢ᠍ᠵᠤ᠂ ᠵᠢᠭ᠋ᠠᠨ ᠰᠣᠷᠭ᠋ᠠᠬᠤ ᠠᠭᠤᠯᠭᠠ ᠬᠢᠭᠡᠳ ᠪᠠᠭ᠋ᠠᠵᠢ ᠭᠡᠪᠡᠯ 《ᠰᠣᠷᠬᠤ ᠪᠢᠴᠢᠭ ᠪᠠᠶ᠋ᠢᠬᠤ ᠦᠭᠡᠢ᠂ ᠪᠠᠭᠰᠢᠠᠴᠠ ᠲᠦᠰᠦᠪ ᠵᠶ᠋ᠠᠨ ᠲᠣᠭᠲᠠᠭ᠋ᠠᠨ ᠲᠦᠷ ᠨᠠᠶ᠋ᠢᠷᠠᠭᠤᠯᠣᠨᠠ᠂ ᠪᠢᠷ ᠴᠠᠭ᠋ᠠᠰᠣ ᠪᠠᠶ᠋ᠢᠬᠤ ᠦᠭᠡᠢ᠂ ᠮᠣᠳᠣᠨ ᠬᠠᠪᠳᠠᠰᠣ ᠵᠢ ᠭᠦᠯᠢᠭᠡᠷ ᠬᠠᠷᠣᠭᠤᠯᠳᠠᠵᠣ ᠳᠠᠬᠢᠨ ᠣᠯᠣᠰᠣᠨ ᠲᠣᠰᠣ᠂ ᠠ᠋ᠰᠡᠭᠦᠯᠡ ᠠ᠋ᠷᠡᠨᠳᠡ ᠵᠢᠨ ᠲᠣᠰᠣ ᠵᠢ ᠲᠦᠷᠬᠢᠵᠦ ᠳᠠᠬᠢᠨ ᠳᠡᠭᠡᠷᠡᠨᠢ ᠦᠨᠡᠰᠦ ᠰᠠᠴᠣᠨ ᠴᠠᠭ᠋ᠠᠰᠣ ᠵᠢ ᠣᠷᠣᠯᠠᠭᠤᠯᠣᠨ᠂ ᠮᠣᠳᠣ ᠵᠢ ᠵᠣᠷᠭᠤᠨ ᠪᠢᠷ ᠪᠣᠯᠭ᠋ᠠᠵᠣ ᠦᠰᠦᠭ ᠪᠢᠴᠢᠭ ᠪᠢᠴᠢᠵᠦ ᠰᠣᠷᠳᠠᠭ ᠪᠠᠶ᠋ᠢᠵᠠᠢ》᠃
1947 ᠣᠨᠳᠤ ᠳᠣᠮᠳᠠᠳᠣ ᠣᠯᠣᠰᠤᠨ ᠡᠪ ᠬᠠᠮᠳᠣ ᠨᠠᠮᠤᠨ ᠣᠳᠣᠷᠢᠳᠣᠯᠭᠠ ᠳᠣᠣᠷᠠᠬᠢ ᠦᠪᠦᠷ ᠮᠣᠩᠭᠤᠯᠤᠨ ᠦᠪᠡᠷᠲᠡᠭᠡᠨ ᠵᠠᠰᠠᠭ᠍ᠣ ᠣᠷᠣᠨᠤ ᠵᠠᠰᠠᠭᠤᠨ ᠣᠷᠳᠣᠨ ᠪᠠᠶ᠋ᠢᠭᠤᠯᠣᠭᠳᠠᠭᠰᠠᠨᠤ ᠳᠠᠷᠠᠭᠠ ᠨᠠᠢ᠍ᠮᠠᠨ ᠬᠤᠰᠢᠭᠤᠨᠤ ᡁᠢ ᠠᠨ ᠪᠠᠯᠭ᠋ᠠᠰᠣᠨᠤ ᠠ᠋ᠮᠦᠨᠡ ᠬᠡᠰᠡᠭᠤᠨ ᠵᠢᠷᠭᠤᠭ᠋ᠠᠨ ᠠᠶ᠋ᠢᠯᠢ ᠨᠢᠭᠡ ᠭᠠᠴᠠᠭᠠ ᠪᠣᠯᠭ᠋ᠠᠨ ᠴᠠᠭ᠋ᠠᠨᠨᠠᠭᠤᠷ ᠭᠠᠴᠠᠭᠠ ᠭᠡᠵᠦ ᠨᠡᠷᠡᠯᠡᠭᠡᠳ᠂ 1948 ᠣᠨᠳᠤ ᠵᠡᠭᠦᠨ ᠬᠤᠯᠣᠰᠣᠲᠠᠢ ᠪᠠᠭᠠ ᠰᠣᠷᠭ᠋ᠠᠭᠤᠯᠢᠨᠢ ᠴᠠᠭ᠋ᠠᠨᠨᠠᠭᠤᠷ ᠭᠠᠴᠠᠭ᠋ᠠᠨᠤ ᠰᠣᠷᠭ᠋ᠠᠭᠤᠯᠢ ᠪᠣᠯᠣᠨ ᠦᠭᠡᠷᠡᠴᠢᠯᠡᠭᠳᠡᠵᠦ ᠵᠢᠩᠬᠢᠨᠢᠪᠠᠷ ᠠᠯᠪᠠᠨᠠᠴᠠ ᠠ᠋ᠷᠬᠢᠯᠡᠭᠰᠡᠨ ᠪᠦᠬᠦᠯᠢ ᠠ᠋ᠳᠦᠷᠤᠨ ᠳᠦᠷᠪᠡᠨ ᠵᠢᠯᠤᠨ ᠳᠦᠷᠢᠮᠲᠦ ᠴᠣᠯᠣ ᠮᠣᠩᠭᠤᠯ ᠵᠶ᠋ᠠᠷ ᠬᠢᠴᠢᠶᠡᠯᠯᠡᠬᠦ ᠠ᠋ᠩᠤᠨ ᠪᠠᠭᠠ ᠰᠣᠷᠭ᠋ᠠᠭᠤᠯᠢ ᠪᠣᠯᠵᠣ᠂ ᠠᠯᠪᠠᠨ ᠶᠣᠰᠣᠭ᠋ᠠᠷ ᠵᠡᠭᠦᠨ ᠬᠤᠯᠣᠰᠣᠲᠠᠢ᠂ ᠴᠠᠭ᠋ᠠᠨᠨᠠᠭᠤᠷ᠂ ᠰᠢᠪᠠᠷᠨᠠᠭᠤᠷ᠂ ᠮᠠᠨᠳᠠᠯᠳᠣ᠂ ᠮᠠᠩᠬᠠᠠ ᠠᠶ᠋ᠢᠯ᠂ ᠪᠠᠷᠠᠭᠤᠨ ᠬᠤᠯᠣᠰᠣᠲᠠᠢ᠂ ᠶᠣᠣ ᠵᠢᠨ ᠠᠶ᠋ᠢᠯ ᠵᠡᠷᠭᠡ ᠳᠣᠯᠣᠭ᠋ᠠᠨ ᠠᠶ᠋ᠢᠯᠤᠨ ᠰᠣᠷᠣᠭᠴᠢ ᠵᠢ ᠠ᠋ᠯᠰᠡᠵᠣ ᠵᠢᠶᠠᠰᠠᠨ ᠬᠤᠭᠤᠯᠠᠢ ᠨᠣᠳᠤᠭᠲᠠᠢ ᠸᠴᠢᠷ᠂ ᠲᠣᠳᠤᠬᠢ （ᠪᠣᠣ ᠳ᠋ᠧ ᠯᠢᠩ） ᠬᠤᠶᠠᠷ ᠪᠠᠭᠰᠢ ᠵᠢ ᠲᠣᠬᠢᠷᠠᠭᠤᠯᠵᠣ ᠰᠢᠨᠡ ᠴᠠᠭ ᠦᠶᠡ ᠵᠢᠨ ᠠᠩᠬᠠᠨᠤ ᠰᠣᠷᠭ᠋ᠠᠭᠤᠯᠢ ᠵᠢᠨ ᠬᠤᠩᠬᠤᠨ ᠳᠠᠭᠤᠨ ᠵᠶ᠋ᠠᠨ ᠠ᠋ᠬᠢᠯᠡᠨ ᠲᠠᠭᠤᠷᠢᠰᠣᠭᠤᠯᠵᠡᠢ᠃
1948～1965 ᠣᠨ᠂ ᠳᠠᠷᠣᠢ 《ᠰᠣᠶᠣᠯᠤᠨ ᠶᠡᠭᠡ ᠬᠤᠪᠢᠰᠬᠠᠯ》 ᠠ᠋ᠬᠢᠯᠡᠬᠦ ᠪᠣᠯᠲᠠᠯᠠᠬᠢ ᠬᠤᠭᠤᠴᠠᠭ᠋ᠠᠨᠳᠤ ᠵᠡᠭᠦᠨ ᠬᠤᠯᠣᠰᠣᠲᠠᠢ ᠰᠣᠷᠭ᠋ᠠᠭᠤᠯᠢᠨᠢ 70 ᠭᠠᠷᠣᠢ ᠰᠣᠷᠣᠭᠴᠢᠲᠠᠢ ᠲᠠᠪᠣᠨ ᠵᠢᠯᠤᠨ ᠳᠦᠷᠢᠮᠳᠦ ᠪᠦᠷᠢᠨ ᠪᠠᠭᠠ ᠰᠣᠷᠭ᠋ᠠᠭᠤᠯᠢ ᠪᠣᠯᠵᠣ ᠬᠦᠭᠵᠢᠨ ᠪᠣᠵᠠᠭ᠋ᠠᠶ᠋ᠢᠷᠠᠭᠰᠠᠨ ᠪᠠᠶ᠋ᠢᠪᠠ᠃ ᠠ᠋ᠨᠡ ᠬᠤᠭᠤᠴᠠᠭ᠋ᠠᠨᠳᠤ ᠲᠣᠰ ᠰᠣᠷᠭ᠋ᠠᠭᠤᠯᠢᠳᠤ ᠠᠵᠢᠯᠯᠠᠵᠣ ᠦᠩᠭᠡᠷᠡᠭᠰᠡᠨ ᠪᠠᠭᠰᠢ ᠨᠠᠷᠢ ᠣᠨ ᠳᠠᠷᠠᠭ᠋ᠠᠯᠠᠨ ᠪᠦᠷᠢᠳᠭᠡᠪᠡᠯ᠄ ᠷᠢᠨᠴᠢᠨᠨᠢᠩᠪᠦ （1945～1948 ᠣᠨ） （ᠭᠦᠨ ᠬᠤᠳᠳᠤᠭᠤᠨ ᠰᠦᠮᠡ ᠵᠢᠨ ᠯᠠᠮᠠ ᠭᠠᠷᠣᠯᠲᠠᠢ）᠂ ᠯᠣᠷᠣᠢ （1945～1949 ᠣᠨ） （ᠯᠠᠮᠠ ᠭᠠᠷᠣᠯᠲᠠᠢ）᠂ ᠬᠠᠰᠪᠠᠭ᠋ᠠᠳᠣᠷ （1945～1949 ᠣᠨ） （ᠴᠠᠭ᠋ᠠᠨᠨᠠᠭᠤᠷ ᠨᠤᠲᠤᠭᠲᠠᠢ）᠂ ᠸᠴᠢᠷ （1948～1950 ᠣᠨ） （ᠵᠢᠶᠠᠰᠠᠨ ᠬᠤᠭᠤᠯᠠᠢ ᠨᠣᠳᠤᠭᠲᠠᠢ）᠂ ᠲᠣᠳᠣᠭᠢ （ᠪᠣᠣ ᠳ᠋ᠧ ᠯᠢᠩ） （1948～1950 ᠣᠨ） （ᠵᠢᠶᠠᠰᠡᠨ ᠬᠤᠭᠤᠯᠠᠢ ᠨᠣᠲᠤᠭᠲᠠᠢ）᠂ ᠵᠢᠨ ᠴᠠᠩ ᠯᠢᠩ （1951～1953 ᠣᠨ） （ᠬᠠᠷᠢᠶᠠᠳᠣ ᠨᠣᠳᠤᠭᠲᠠᠢ）᠂ ᠲᠣᠶᠢᠨᠢᠩᠪᠦ （1952～1953 ᠣᠨ） （ᠰᠦᠳᠡᠨ ᠨᠤᠲᠤᠭᠲᠠᠢ）᠂ ᠭᠠᠩᠰᠦ᠋ᠬᠡ （1953～1954 ᠣᠨ） （ᠮᠠᠩᠬᠠᠨ ᠠᠶ᠋ᠢᠯ ᠨᠤᠲᠤᠭᠲᠠᠢ）᠂ ᠳᠡᠮᠪᠡᠷᠢᠯ （1954～1955 ᠣᠨ） （ᠪᠠᠭᠠ ᠲᠣᠵᠢᠪᠠᠢ ᠨᠤᠲᠤᠭᠲᠠᠢ）᠂ ᠮᠢᠩᠭ᠋ᠠᠨᠪᠠᠶᠠᠷ （1954～1956 ᠣᠨ） （ᠮᠠᠩᠬᠢᠰᠣᠳᠠᠢ ᠨᠣᠳᠤᠭᠲᠠᠢ）᠂ ᠷᠠᠰᠢᠵᠠᠮᠰᠣ （1954～1955 ᠣᠨ） （ᠵᠡᠭᠦᠨ ᠬᠤᠯᠤᠰᠤᠲᠠᠢ ᠨᠣᠳᠤᠭᠲᠠᠢ）᠂ ᠴᠢᠯᠠᠭᠤᠨᠪᠠᠭ᠋ᠠᠳᠣᠷ （1955～1956 ᠣᠨ） （ᠰᠠᠷᠠ ᠵᠢᠨ ᠠᠷᠤ ᠨᠣᠳᠤᠭᠲᠠᠢ）᠂ ᠰᠣᠳᠪᠠ （1955～1956 ᠣᠨ） （ᠲᠤᠵᠢᠪᠠᠢ ᠨᠤᠲᠤᠭᠲᠠᠢ）᠂ ᠯᠢᠶᠠᠩ ᠪᠠᠯᠳᠠᠨ （1957～1959 ᠣᠨ） （ᠪᠣᠷᠤ ᠬᠤᠰᠢᠭᠤ ᠨᠣᠳᠤᠭᠲᠠᠢ）᠂ ᠷᠠᠰᠢᠳᠣᠷᠵᠢ （1956～1957 ᠣᠨ） （ᠵᠡᠭᠦᠨ ᠬᠤᠯᠤᠰᠤᠲᠠᠢ ᠨᠣᠳᠤᠭᠲᠠᠢ）᠂ ᠲᠣᠷᠵᠢ （1957～1958 ᠣᠨ） （ᠵᠡᠭᠦᠨ ᠬᠤᠯᠤᠰᠤᠲᠠᠢ ᠨᠣᠳᠤᠭᠲᠠᠢ）᠂ ᠮᠠᠨᠢᠪᠠᠳᠠᠷᠠ （1959～1961 ᠣᠨ） （ᠮᠠᠨᠳᠠᠯᠲᠣ ᠨᠣᠳᠤᠭᠲᠠᠢ）᠂ ᠪᠦᠬᠡᠬᠠᠳᠠ （1959～1960 ᠣᠨ） （ᠵᠠᠩᠭᠤᠲᠠᠢ ᠨᠣᠳᠤᠭᠲᠠᠢ）᠂ ᠵᠣᠣ ᠸᠧᠨ ᠱᠠᠨ （1961～63 ᠣᠨ） （ᠰᠢᠪᠠᠷᠨᠠᠭᠤᠷ ᠨᠣᠳᠤᠭᠲᠠᠢ）᠂ ᠵᠣᠭᠰᠣᠭ᠋ᠠᠯ （1961～1962） ᠣᠨ （ᠰᠢᠪᠠᠷᠨᠠᠭᠤᠷ ᠨᠣᠳᠤᠭᠲᠠᠢ）᠂ ᠵᠢᠮᠪᠠ （1960～1963 ᠣᠨ） （ᠵᠡᠬᠦᠨ ᠬᠤᠯᠣᠰᠣᠳᠠᠢ ᠨᠣᠳᠣᠭᠲᠠᠢ）᠂ ᠬᠦᠷᠡᠯᠵᠠᠭ᠋ᠠᠨᠠ （1960～1964 ᠣᠨ） （ᠵᠡᠬᠦᠨ ᠬᠤᠯᠣᠰᠣᠳᠠᠢ ᠨᠣᠳᠣᠭᠲᠠᠢ）᠂ ᠯᠠᠨ ᠵᠢᠶᠠᠩ （1962～1963 ᠣᠨ） （ᡁᠢ ᠠᠨ ᠪᠠᠯᠭ᠋ᠠᠰᠣᠨᠤ ᠬᠢᠳᠠᠳ ᠭᠠᠷᠣᠯᠲᠠᠢ ᠮᠣᠩᠭᠤᠯ ᠪᠢᠴᠢᠭᠲᠡᠨ）᠂ ᠲᠠᠮᠦᠵᠠᠪ （1963～1965 ᠣᠨ） （ᠸᠠᠩᠤᠨ ᠬᠤᠷᠢᠶᠠ ᠨᠣᠳᠤᠭᠲᠠᠢ）᠂ ᠬᠦᠦᠳᠠᠭᠤᠯᠠ （1964） ᠣᠨ᠂ ᠷᠢᠨᠴᠢᠨᠳᠣᠷᠵᠢ （1964～1966） ᠣᠨ （ᠬᠠᠭ᠋ᠠᠰ ᠠ᠋ᠳᠦᠷ ᠬᠢᠴᠢᠶᠡᠯᠯᠡᠵᠣ ᠬᠠᠭ᠋ᠠᠰ ᠠ᠋ᠳᠦᠷ ᠬᠦᠳᠡᠯᠮᠦᠷᠢᠯᠡᠬᠦ ᠠᠩᠭᠢ ᠵᠢᠨ ᠪᠠᠭᠰᠢ） （ᠵᠡᠬᠦᠨ ᠬᠤᠯᠣᠰᠣᠳᠠᠢ ᠨᠣᠳᠣᠭᠲᠠᠢ）᠂ ᠶᠧᠰᠢ （1964～1966） ᠣᠨ （ᠬᠠᠭ᠋ᠠᠰ ᠠ᠋ᠳᠦᠷ ᠬᠢᠴᠢᠶᠡᠯᠯᠡᠵᠣ ᠬᠠᠭ᠋ᠠᠰ ᠠ᠋ᠳᠦᠷ ᠬᠦᠳᠡᠯᠮᠦᠷᠢᠯᠡᠬᠦ ᠠᠩᠭᠢ ᠵᠢᠨ ᠪᠠᠭᠰᠢ） （ᠵᠡᠬᠦᠨ ᠬᠤᠯᠣᠰᠣᠳᠠᠢ ᠨᠣᠳᠣᠭᠲᠠᠢ）᠃ ᠠ᠋ᠳᠡᠭᠡᠷ ᠪᠠᠭᠰᠢ ᠨᠠᠷ ᠣᠷᠢᠳ ᠬᠤᠵᠢᠳ ᠵᠡᠭᠦᠨ ᠬᠤᠯᠣᠰᠣᠲᠠᠢ ᠵᠢᠨ ᠰᠣᠷᠭ᠋ᠠᠭᠤᠯᠢᠳᠤ ᠠᠵᠢᠯᠯᠠᠨ ᠵᠡᠬᠦᠨ ᠬᠤᠯᠣᠰᠣᠲᠠᠢ ᠭᠠᠴᠠᠭ᠋ᠠᠨᠤ ᠰᠣᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠦᠢ᠍ᠯᠡᠰᠲᠤ ᠦᠪᠡᠷ ᠦᠪᠡᠷᠤᠨ ᠣᠶᠣᠨ ᠣᠬᠠᠭ᠋ᠠᠨ ᠬᠦᠴᠦᠨ ᠴᠢᠳᠠᠯ ᠵᠶ᠋ᠠᠨ ᠠ᠋ᠷᠭᠦᠭᠰᠡᠨ ᠪᠦᠭᠡᠳ ᠮᠠᠰᠢ ᠣᠯᠠᠨ ᠴᠢᠳᠠᠪᠣᠷᠢᠲᠠᠨᠢ ᠬᠦᠮᠦᠵᠢᠬᠦᠯᠦᠨ᠂ ᠳᠣᠮᠳᠠ ᠵᠡᠷᠭᠡ ᠵᠢᠨ ᠲᠣᠰᠬᠠᠢ ᠮᠡᠷᠬᠡᠵᠢᠯᠤᠨ ᠰᠣᠷᠭ᠋ᠠᠭᠤᠯᠢ ᠪᠣᠯᠣᠨ ᠶᠡᠭᠡ ᠳᠡᠭᠡᠳᠦ ᠰᠣᠷᠭ᠋ᠠᠭᠤᠯᠢᠳᠤ ᠲᠡᠪᠰᠢᠬᠦᠳᠤᠨᠢ ᠠᠩᠬᠠᠨᠤ ᠰᠠᠭᠤᠷᠢ ᠵᠢ ᠲᠠᠯᠪᠢᠵᠤ ᠦᠭᠭᠦᠭᠰᠡᠨ ᠪᠠᠶ᠋ᠢᠨᠠ᠃ ᠠ᠋ᠳᠡᠭᠡᠷ ᠰᠣᠷᠣᠭᠴᠢᠳᠤᠨ ᠳᠣᠲᠣᠷᠠᠠᠴᠠ ᠲᠦᠯᠦᠭᠡᠯᠡᠬᠦ ᠴᠢᠨᠠᠷᠲᠠᠢ ᠬᠡᠳᠦ ᠵᠢᠨᠢ ᠳᠣᠷᠠᠳᠪᠠᠯ᠄
ᠮᠧᠳᠡᠭ᠂ ᠴᠣᠭᠳᠣ᠂ ᠵᠢᠨ ᠰᠢᠶᠣᠣ᠂ ᠭᠡᠪᠡᠨᠢᠩᠪᠦ ᠪᠤᠯ ᠵᠡᠭᠦᠨ ᠬᠤᠯᠣᠰᠣᠲᠠᠢ ᠪᠠᠭᠠ ᠰᠣᠷᠭ᠋ᠠᠭᠤᠯᠢ ᠪᠠᠶ᠋ᠢᠭᠤᠯᠣᠭᠳᠠᠭᠰᠠᠨᠤ ᠳᠠᠷᠠᠭᠠ ᠬᠠᠮᠤᠭᠤᠨ ᠠᠩᠬᠠᠨᠤ ᠣᠯᠣᠰᠤᠨ ᠰᠢᠯᠭ᠋ᠠᠯᠳᠠᠪᠠᠷ ᠳᠠᠮᠵᠢᠨ ᠳᠣᠮᠳᠠ ᠵᠡᠷᠭᠡ ᠵᠢᠨ ᠲᠣᠰᠬᠠᠢ ᠮᠡᠷᠭᠡᠵᠢᠯᠤᠨ ᠰᠣᠷᠭ᠋ᠠᠭᠤᠯᠢᠳᠤ ᠰᠣᠷᠣᠯᠴᠠᠭᠰᠠᠨ ᠰᠡᠭᠡᠭᠡᠳᠡᠳ ᠪᠤᠯᠬᠤ ᠶᠤᠮ᠃
ᠮᠧᠳᠡᠭ （1934～1989）᠃ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠲᠣ ᠨᠠᠮᠤᠨ ᠭᠡᠰᠢᠭᠦᠨ᠂ 1955 ᠣᠨᠳᠤ ᠣᠣᠯᠤᠨ ᠦᠪᠦᠷ ᠮᠣᠩᠭᠤᠯᠤᠨ ᠮᠣᠩᠭᠤᠯ ᠬᠡᠯᠡᠨᠤ ᠲᠣᠰᠬᠠᠢ ᠮᠡᠷᠭᠡᠵᠢᠯᠤᠨ ᠰᠣᠷᠭ᠋ᠠᠭᠤᠯᠢᠠᠴᠠ ᠲᠡᠭᠦᠰᠴᠦ ᠦᠪᠦᠷ ᠮᠣᠩᠭᠤᠯᠤᠨ ᠨᠠᠮᠤᠨ ᠬᠤᠷᠢᠶᠠᠨᠳᠤ ᠣᠷᠴᠢᠭᠤᠯᠣᠭᠴᠢᠪᠠᠷ ᠠᠵᠢᠯᠯᠠᠨ᠂ 1959 ᠣᠨᠳᠤ ᠰᠢᠯᠢ ᠵᠢᠨ ᠭᠤᠣᠯ ᠠᠶ᠋ᠢᠮᠠᠭᠲᠤ ᠠᠵᠢᠯ ᠰᠢᠯᠵᠢᠨ ᠰᠦᠨᠢᠳ ᠵᠡᠭᠦᠨ ᠬᠤᠰᠢᠭᠤᠨᠤ ᠨᠢᠭᠤᠴᠠ ᠵᠢ ᠬᠠᠮᠠᠭ᠋ᠠᠯᠠᠭ᠍ᠣ ᠲᠣᠪᠴᠢᠶᠠᠨᠤ ᠳᠠᠷᠤᠭᠠ ᠵᠢᠨ ᠲᠣᠰᠢᠶᠠᠯᠠᠴᠠ ᠠᠵᠢᠯᠤᠨ ᠠᠮᠠᠷᠠᠯᠳᠠᠪᠠᠨ ᠠᠪᠴᠠᠢ᠃
ᠭᠡᠪᠡᠨᠢᠩᠪᠦ᠂ 1936 ᠣᠨᠳᠤ ᠲᠦᠷᠦᠪᠡ᠃ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠲᠤ ᠨᠠᠮᠤᠨ ᠭᠡᠰᠢᠭᠦᠨ᠃ 1955 ᠣᠨᠳᠤ ᠦᠪᠦᠷ ᠮᠣᠩᠭᠤᠯᠤᠨ ᠮᠣᠩᠭᠤᠯ ᠬᠡᠯᠡᠨᠤ ᠲᠣᠰᠬᠠᠢ ᠮᠡᠷᠬᠡᠵᠢᠯᠤᠨ ᠰᠣᠷᠭ᠋ᠠᠭᠤᠯᠢᠳᠤ ᠰᠢᠯᠭ᠋ᠠᠭᠳᠠᠨ ᠣᠷᠣᠭᠰᠠᠨ ᠪᠣᠯᠪᠠᠴᠦ ᠠ᠋ᠯᠰᠡᠭᠳᠡᠭᠰᠡᠨ ᠮᠡᠳᠡᠭᠳᠡᠯᠨᠢ ᠴᠠᠭ᠋ᠠᠨᠨᠠᠭᠤᠷ ᠭᠠᠴᠠᠭ᠋ᠠᠨᠠᠴᠠ ᠵᠡᠬᠦᠨ ᠬᠤᠯᠣᠰᠤᠳᠠᠢᠳᠤ ᠰᠢᠯᠵᠢᠬᠦᠯᠬᠦ ᠵᠠᠮ ᠵᠠᠭᠤᠷᠠ ᠭᠡᠭᠡᠭᠳᠡᠭᠰᠡᠨ ᠵᠶ᠋ᠠᠷ ᠲᠠᠷᠠᠭᠠ ᠵᠢᠯᠨᠢ ᠲᠠᠬᠢᠵᠦ ᠰᠢᠯᠭ᠋ᠠᠭ᠋ᠠᠳ ᠦᠪᠦᠷ ᠮᠣᠩᠭᠤᠯᠤᠨ ᠮᠠᠯ ᠠᠵᠣ ᠠᠬᠤᠢ ᠵᠢᠨ ᠺᠠᠳ᠋ᠷᠤᠨ ᠰᠣᠷᠭ᠋ᠠᠭᠤᠯᠢᠳᠤ ᠤᠷᠤᠵᠤ᠂ 1958 ᠣᠨᠳᠤ ᠰᠣᠷᠭ᠋ᠠᠭᠤᠯᠢᠪᠠᠨ ᠲᠡᠭᠦᠰᠭᠡᠵᠡᠢ᠃ 1960 ᠤᠨᠳᠤ ᠨᠠᠮᠳᠤ ᠠ᠋ᠯᠰᠡᠭᠳᠡᠵᠦ ᠤᠷᠢᠳ ᠬᠤᠵᠢᠳ ᠦᠢ᠍ᠯᠡᠳᠪᠦᠷᠢ ᠵᠢᠨ ᠡᠪᠯᠡᠯᠤᠨ ᠠ᠋ᠬᠦᠷᠤᠨ ᠶᠡᠷᠦᠩᠬᠡᠢ ᠠ᠋ᠬᠦᠷᠤᠨ ᠱᠦᠵᠢ᠂ ᠦᠢ᠍ᠯᠡᠳᠪᠦᠷᠢ ᠵᠢᠨ ᠲᠠᠰᠤᠭᠤᠨ ᠲᠠᠷᠤᠭᠠ᠂ ᠨᠠᠮᠤᠨ ᠠ᠋ᠬᠦᠷᠤᠨ ᠱᠦᠵᠢ ᠵᠡᠷᠭᠡ ᠲᠣᠰᠢᠶᠠᠯ ᠬᠠᠷᠢᠭᠤᠴᠠᠵᠦ ᠦᠩᠭᠡᠷᠡᠵᠡᠢ᠃ 1983 ᠣᠨᠳᠤ ᠢᠨᠵᠸᠨ᠋ᠸᠷ ᠵᠶ᠋ᠠᠷ ᠴᠣᠯᠠᠯᠠᠭᠳᠠᠨ᠂ ᠦᠪᠦᠷ ᠮᠣᠩᠭᠤᠯᠤᠨ ᠠᠮᠢᠳᠦ ᠪᠣᠳᠠᠰ ᠮᠠᠯᠤᠨ ᠡᠮᠤᠨ ᠦᠢ᠍ᠯᠡᠳᠪᠦᠷᠢ ᠵᠢᠨ ᠬᠦᠳᠡᠯᠮᠦᠷᠢ ᠠᠵᠢᠯᠳᠠᠨᠤ ᠰᠠᠯᠠᠭ᠋ᠠᠨᠤ ᠰᠠᠯᠠᠭ᠋ᠠᠨ ᠲᠠᠷᠤᠭᠠᠪᠠᠷ 1998 ᠣᠨᠳᠤ ᠠᠵᠢᠯᠤᠨ ᠠᠮᠠᠷᠠᠯᠲᠠᠪᠠᠨ ᠠᠪᠲᠠᠯᠠ ᠠᠵᠢᠯᠯᠠᠭᠰᠠᠨ ᠪᠠᠶ᠋ᠢᠨᠠ᠃
ᠨᠠᠮᠳᠠᠭ᠂ ᠪᠦᠬᠡᠬᠠᠳᠠ᠂ ᠬᠠᠷᠠᠪᠠᠷᠰ᠂ ᠪᠣᠣ ᠴᠤᠭᠲᠤ᠄ ᠵᠡᠭᠦᠨ ᠬᠤᠯᠣᠰᠣᠲᠠᠢ ᠪᠠᠭᠠ ᠰᠣᠷᠭ᠋ᠠᠭᠤᠯᠢ ᠵᠢᠨ ᠠ᠋ᠭᠦᠳᠡᠨ ᠪᠣᠱ᠌ᠤᠭᠠ ᠵᠢ ᠳᠠᠮᠵᠢᠵᠣ ᠶᠡᠭᠡ ᠳᠡᠭᠡᠳᠦ ᠰᠣᠷᠭ᠋ᠠᠭᠤᠯᠢᠳᠤ ᠰᠢᠯᠭ᠋ᠠᠭᠳᠠᠨ ᠣᠷᠣᠭᠰᠠᠨ ᠬᠠᠮᠤᠭᠤᠨ ᠠᠩᠬᠠᠨᠤ ᠳᠦᠷᠪᠡᠨ ᠣᠶᠣᠲᠠᠨ᠃
ᠨᠠᠮᠳᠠᠭ᠂ 1939 ᠣᠨᠳᠤ ᠲᠦᠷᠦᠪᠡ᠃ 1963 ᠣᠨᠳᠤ ᠦᠪᠦᠷ ᠮᠣᠩᠭᠤᠯᠤᠨ ᠪᠠᠭᠰᠢ ᠵᠢᠨ ᠳᠡᠭᠡᠳᠦ ᠰᠣᠷᠭ᠋ᠠᠭᠤᠯᠢᠠᠴᠠ ᠲᠡᠭᠦᠰᠴᠦ ᠣᠯᠠᠭ᠋ᠠᠨᠴᠠᠪ ᠠᠶ᠋ᠢᠮᠠᠭᠤᠨ ᠪᠠᠭᠰᠢ ᠵᠢᠨ ᠰᠣᠷᠭ᠋ᠠᠭᠤᠯᠢᠳᠤ ᠠᠵᠢᠯᠯᠠᠵᠤ ᠲᠠᠨᠳᠠᠠᠴᠠ ᠠᠵᠢᠯᠤᠨ ᠠᠮᠠᠷᠠᠯᠲᠠᠪᠠᠨ ᠠᠪᠴᠠᠢ᠂ ᠳᠡᠳ᠋ ᠫᠷᠣᠹᠸᠰᠰᠤᠷ ᠴᠣᠯᠠᠲᠠᠢ ᠮᠣᠩᠭᠤᠯ ᠦᠨᠳᠦᠰᠦᠳᠡᠨᠤ ᠰᠣᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠵᠢᠳᠬᠦᠯᠳᠡᠨ᠃ ᠲᠡᠷᠡ ᠤᠳᠠᠭ᠋ᠠᠨ ᠵᠢᠯ ᠮᠣᠩᠭᠤᠯ ᠬᠡᠯᠡᠨᠤ ᠵᠢᠭ᠋ᠠᠨ ᠰᠤᠷᠭ᠋ᠠᠯᠲᠠ ᠵᠢᠨ ᠨᠢᠭᠡᠳᠦᠭᠡᠷ ᠹᠷᠣᠨᠲᠲᠤ ᠠᠵᠢᠯᠯᠠᠨ ᠦᠢ ᠣᠯᠠᠨ ᠮᠤᠨᠭ᠌ᠭᠤᠯ ᠬᠡᠯᠡᠨᠤ ᠪᠠᠭᠰᠢ ᠵᠢ ᠬᠦᠮᠤᠵᠢᠭᠦᠯᠦᠨ ᠦᠨᠳᠦᠰᠦᠲᠡᠨᠤ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠦᠢ᠍ᠯᠡᠰᠲᠤ ᠰᠢᠨᠳᠠᠷᠠᠰᠢ ᠦᠭᠡᠢ ᠵᠢᠳᠬᠦᠭᠰᠡᠨ ᠵᠶ᠋ᠠᠷ ᠠᠵᠢᠯ ᠨᠢᠭᠡᠳᠡᠨ ᠪᠤᠯᠤᠨ ᠰᠤᠷᠤᠭᠴᠢᠳᠤᠨ ᠵᠶ᠋ᠠᠨ ᠬᠦᠨᠳᠦᠳᠭᠡᠯ ᠪᠢᠰᠢᠷᠡᠯᠢ ᠤᠯᠵᠠᠢ᠃ ᠦᠪᠦᠷ ᠮᠣᠩᠭᠤᠯᠤᠨ ᠨᠠᠰᠤᠲᠠᠶ᠋ᠢᠴᠤᠳᠤᠨ ᠤᠷᠠᠨ ᠪᠢᠴᠢᠯᠭᠡᠲᠡᠳᠤᠨ ᠨᠡᠶ᠋ᠢᠭᠡᠮᠯᠢᠭᠤᠨ ᠭᠡᠰᠢᠭᠦᠨ᠂ ᠦᠪᠦᠷ ᠮᠣᠩᠭᠤᠯᠤᠨ ᠮᠣᠩᠭᠤᠯ ᠤᠷᠠᠨ ᠪᠢᠴᠢᠯᠭᠡᠲᠡᠳᠤᠨ ᠨᠡᠶ᠋ᠢᠭᠡᠮᠯᠢᠭᠤᠨ ᠭᠡᠰᠢᠭᠦᠨ᠂ ᠤᠷᠠᠨ ᠵᠢᠷᠤᠭ ᠪᠢᠴᠢᠯᠭᠡ ᠵᠢᠨ ᠬᠦᠷᠢᠶᠡᠯᠡᠩᠤᠨ ᠭᠡᠰᠢᠭᠦᠨ᠃ ᠲᠡᠭᠦᠨᠤ ᠮᠣᠩᠭᠤᠯ ᠬᠢᠲᠠᠳ ᠤᠷᠠᠨ ᠪᠢᠴᠢᠯᠭᠡᠨᠢ ᠤᠯᠤᠰᠤᠨ ᠳᠣᠲᠣᠨᠠ ᠭᠠᠳᠠᠨᠠ ᠠᠯᠳᠠᠷᠰᠢᠵᠤ ᠳᠡᠯᠡᠬᠡᠢ ᠵᠢᠨ ᠳᠡᠯᠭᠡᠨ ᠦᠵᠡᠭᠦᠯᠭᠡᠳᠤ ᠣᠷᠣᠯᠴᠠᠵᠤ ᠦᠩᠭᠡᠷᠡᠭᠰᠡᠨ ᠪᠦᠭᠡᠳ ᠪᠤᠰᠤᠳᠲᠠᠢ ᠬᠠᠮᠳᠤᠷᠠᠭᠰᠠᠨ 《ᠮᠣᠩᠭᠤᠯ ᠬᠢᠲᠠᠳ ᠬᠠᠪᠰᠤᠷᠭ᠋ᠠᠭᠰᠠᠨ ᠴᠢᠩᠭᠢᠰ ᠬᠠᠭ᠋ᠠᠨᠤ ᠪᠢᠯᠢᠭ ᠰᠤᠷᠭ᠋ᠠᠯᠤᠨ ᠤᠷᠠᠨ ᠪᠢᠴᠢᠯᠭᠡ》᠂ 《ᠮᠣᠩᠭᠤᠯ ᠬᠢᠲᠠᠳ ᠬᠠᠪᠰᠤᠷᠭ᠋ᠠᠭᠰᠠᠨ ᠰᠢᠭᠦᠮᠵᠢᠯᠡᠯ ᠦᠭᠦᠯᠡᠯᠤᠨ ᠤᠷᠠᠨ ᠪᠢᠴᠢᠯᠭᠡ》 ᠵᠡᠷᠭᠡ ᠬᠤᠶᠠᠷ ᠲᠣᠮᠤ ᠤᠷᠠᠨ ᠪᠢᠴᠢᠯᠭᠡ ᠵᠢᠨ ᠨᠣᠮᠲᠠᠢ ᠪᠦᠭᠡᠳ 《ᠮᠣᠩᠭᠤᠯ ᠬᠢᠲᠠᠳ ᠬᠠᠪᠰᠤᠷᠭ᠋ᠠᠭᠰᠠᠨ ᠰᠢᠭᠦᠮᠵᠢᠯᠡᠯ ᠦᠭᠦᠯᠡᠯᠤᠨ ᠤᠷᠠᠨ ᠪᠢᠴᠢᠯᠭᠡ》ᠨᠢ ᠦᠪᠦᠷ ᠮᠣᠩᠭᠤᠯᠤᠨ ᠰᠣᠶᠤᠯ ᠲᠡᠦᠬᠡ ᠰᠤᠳᠤᠯᠬᠤ ᠭᠠᠵᠠᠷᠲᠤ ᠬᠠᠳᠠᠭ᠋ᠠᠯᠠᠭᠳᠠᠭᠰᠠᠨ ᠪᠠᠶ᠋ᠢᠨᠠ᠃
ᠬᠠᠷᠠᠪᠠᠷᠰ᠂ 1938 ᠣᠨᠳᠤ ᠲᠦᠷᠦᠪᠡ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠳᠣ ᠨᠠᠮᠤᠨ ᠭᠡᠰᠢᠭᠦᠨ᠃ 1964 ᠣᠨᠳᠤ ᠦᠪᠦᠷ ᠮᠣᠩᠭᠤᠯᠤᠨ ᠶᠡᠭᠡ ᠰᠣᠷᠭ᠋ᠠᠭᠤᠯᠢ ᠵᠢᠨ ᠲᠣᠭ᠋ᠠᠨᠤ ᠤᠬᠠᠭ᠋ᠠᠨᠤ ᠰᠠᠯᠪᠤᠷᠢᠠᠴᠠ ᠲᠡᠭᠦᠰᠴᠦ ᠦᠪᠦᠷ ᠮᠣᠩᠭᠤᠯᠤᠨ ᠪᠠᠭ᠋ᠠᠴᠤᠳ ᠬᠡᠦᠬᠡᠳᠤᠨ ᠬᠡᠪᠯᠡᠯᠤᠨ ᠬᠤᠷᠢᠶᠠᠨᠳᠤ ᠠᠵᠢᠯᠤᠨ ᠬᠤᠪᠢᠶᠠᠷᠢ ᠠᠪᠴᠣ᠂ 1985 ᠣᠨᠳᠤ ᠳᠠᠬᠢᠨ ᠤᠯᠠᠭ᠋ᠠᠠᠭ᠍ᠠᠳᠠᠳᠤᠬᠢ ᠦᠪᠤᠷ ᠮᠤᠨᠭ᠌ᠭᠤᠯᠤᠨ ᠰᠢᠨᠵᠢᠯᠡᠬᠦ ᠤᠬᠠᠭ᠋ᠠᠨ ᠲᠸᠭᠨᠢᠭ ᠮᠡᠷᠭᠡᠵᠢᠯᠤᠨ ᠬᠡᠪᠯᠡᠯᠤᠨ ᠬᠤᠷᠢᠶᠠᠨᠳᠤ ᠠᠵᠢᠯ ᠰᠢᠯᠵᠢᠵᠤ᠂ 1988 ᠣᠨᠳᠤ ᠦᠪᠦᠷ ᠮᠣᠩᠭᠤᠯᠤᠨ ᠪᠠᠭ᠋ᠠᠴᠣᠳ ᠬᠡᠦᠬᠡᠳᠤᠨ ᠬᠡᠪᠯᠡᠯ ᠬᠤᠷᠢᠶᠠᠨᠠᠴᠠ ᠠᠵᠢᠯᠤᠨ ᠠᠮᠠᠷᠠᠯᠲᠠᠪᠠᠨ ᠠᠪᠴᠠᠢ᠃
ᠪᠣᠣ ᠴᠣᠭᠲᠤ᠂ ᠴᠠᠭ᠋ᠠᠨᠨᠠᠭᠤᠷ ᠨᠤᠲᠤᠭᠲᠠᠢ᠃ 1962 ᠣᠨᠳᠤ ᠦᠪᠦᠷ ᠮᠣᠩᠭᠤᠯᠤᠨ ᠶᠡᠭᠡ ᠰᠤᠷᠭ᠋ᠠᠭᠤᠯᠢᠠᠴᠠ ᠲᠡᠭᠦᠰᠪᠡ᠃
ᠪᠦᠬᠡᠬᠠᠳᠠ᠂ 1963 ᠣᠨᠳᠤ ᠦᠪᠦᠷ ᠮᠣᠩᠭᠤᠯᠤᠨ ᠶᠡᠭᠡ ᠰᠤᠷᠭ᠋ᠠᠭᠤᠯᠢᠠᠴᠠ ᠲᠡᠭᠦᠰᠪᠡ᠃
ᠪᠦᠬᠡᠪᠠᠶᠠᠷ᠂ ᠪᠠᠯᠳᠠᠨ᠂ ᠠᠯᠠᠮᠠᠰ （ᠴᠠᠭ᠋ᠠᠨᠨᠠᠭᠤᠷ ᠨᠤᠲᠤᠭᠲᠠᠢ）᠂ ᠭᠤᠮᠪᠦᠵᠠᠪ᠂ ᠮᠦᠩᠭᠦᠨᠲᠣᠶᠠᠭᠠ᠂ ᠵᠧᠩ ᠶᠣᠸᠠᠢ᠂ ᠮᠦᠩᠬᠡ᠂ ᠠᠯᠳᠠᠨᠴᠢᠮᠡᠭ᠂ ᠪᠣᠣ ᠢᠣᠢ᠂ ᠪᠣᠣ ᠵᠢᠨ ᠱᠠᠨ ᠨᠠᠷ ᠪᠣᠯ 《ᠰᠣᠶᠣᠯᠤᠨ ᠶᠡᠭᠡ ᠬᠤᠪᠢᠰᠬᠠᠯ》 ᠠ᠋ᠬᠢᠯᠡᠬᠦᠠᠴᠠ ᠠ᠋ᠮᠦᠨᠡ ᠵᠡᠭᠦᠨ ᠬᠤᠯᠣᠰᠣᠲᠠᠢ ᠪᠠᠭᠠ ᠰᠣᠷᠭ᠋ᠠᠭᠤᠯᠢ ᠵᠢᠨ ᠠ᠋ᠭᠦᠳᠡᠨ ᠪᠣᠱ᠌ᠤᠭᠠᠪᠠᠷ ᠳᠠᠮᠵᠢᠭᠰᠠᠨ ᠣᠶᠣᠳᠡᠨ ᠰᠡᠭᠡᠭᠡᠳᠡᠳ᠃
ᠠᠯᠮᠠᠰ᠂ ᠲᠦᠩᠯᠢᠶᠤᠤ （ᠣᠣᠯᠤᠨ ᠵᠢᠷᠢᠮ ᠠᠶ᠋ᠢᠮᠠᠭ） ᠵᠢᠨ ᠪᠠᠭᠰᠢ ᠵᠢᠨ ᠰᠤᠷᠭ᠋ᠠᠭᠤᠯᠢᠠᠴᠠ ᠦᠪᠦᠷ ᠮᠣᠩᠭᠤᠯᠤᠨ ᠪᠠᠭᠰᠢ ᠵᠢᠨ ᠲᠡᠭᠡᠳᠦ ᠰᠤᠷᠭ᠋ᠠᠭᠤᠯᠢᠳᠤ ᠪᠠᠳᠤᠯᠠᠨ ᠬᠦᠷᠭᠡᠭᠳᠡᠵᠡᠢ᠃ ᠨᠠᠢ᠍ᠮᠠᠨ ᠬᠤᠰᠢᠭᠤᠨᠤ ᠮᠣᠩᠭᠤᠯ ᠳᠤᠮᠳᠠᠳᠤ ᠰᠤᠷᠭ᠋ᠠᠭᠤᠯᠢᠳᠤ ᠤᠳᠠᠭ᠋ᠠᠨ ᠵᠢᠯ ᠬᠢᠮᠢ ᠵᠢᠨ ᠪᠠᠭᠰᠢᠪᠠᠷ ᠠᠵᠢᠯᠯᠠᠵᠣ ᠦᠨᠳᠦᠰᠦᠳᠡᠨᠤ ᠰᠣᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠦᠢ᠍ᠯᠡᠰᠲᠤ ᠣᠶᠣᠨ ᠤᠬᠠᠭ᠋ᠠᠨ ᠬᠦᠴᠦᠨ ᠴᠢᠳᠠᠯ ᠵᠶ᠋ᠠᠨ ᠠ᠋ᠷᠭᠦᠭᠰᠡᠨ ᠲᠡᠭᠡᠳᠤ ᠳᠡᠰᠤᠨ ᠪᠠᠭᠰᠢ ᠵᠢᠨ ᠮᠡᠷᠭᠡᠵᠢᠯᠤᠨ ᠴᠣᠯᠠᠲᠠᠢ ᠨᠡᠷᠡᠲᠦ ᠪᠠᠭᠰᠢ᠃ ᠨᠠᠢ᠍ᠮᠠᠨ ᠬᠤᠰᠢᠭᠤᠨᠤ ᠠᠷᠠᠳᠤᠨ ᠲᠦᠯᠦᠭᠡᠯᠡᠭᠴᠢᠳᠤᠨ ᠶᠡᠭᠡ ᠬᠤᠷᠠᠯᠤᠨ ᠠᠯᠪᠠᠨ ᠭᠡᠷᠤᠨ ᠠ᠋ᠷᠬᠢᠯᠡᠭᠴᠢ ᠵᠢᠨ ᠲᠣᠰᠢᠶᠠᠯᠳᠤ ᠪᠠᠢ᠍ᠢ᠍ᠵᠤ ᠪᠠᠢ᠍ᠢ᠍ᠭ᠋ᠠᠳ ᠲᠠᠨᠳᠠᠠᠴᠠ ᠠᠵᠢᠯᠤᠨ ᠠᠮᠠᠷᠠᠯᠲᠠᠪᠠᠨ ᠠᠪᠴᠠᠢ᠃
ᠭᠤᠮᠪᠣᠵᠠᠪ᠂ （1947～1995）᠂ ᠮᠠᠰᠢᠨ ᠮᠧᠬᠠᠨᠢᠭᠤᠨ ᠢᠨᠵᠸᠨᠧᠷ᠃ 1977 ᠣᠨᠳᠤ ᠬᠢᠷᠢᠨ ᠮᠣᠵᠢ ᠵᠢᠨ ᠲᠠᠷᠢᠶᠠᠯᠠᠩᠤᠨ ᠶᠡᠭᠡ ᠰᠤᠷᠭ᠋ᠠᠭᠤᠯᠢ ᠵᠢᠨ ᠮᠠᠰᠢᠨ ᠮᠧᠬᠠᠨᠢᠬᠤᠨ ᠰᠠᠯᠪᠤᠷᠢᠠᠴᠠ ᠲᠡᠭᠦᠰᠴᠦ ᠨᠠᠢ᠍ᠮᠠᠨ ᠬᠤᠰᠢᠭᠤᠨᠤ ᠲᠠᠷᠢᠶᠠᠯᠠᠩᠤᠨ ᠮᠠᠰᠢᠨ ᠰᠡᠯᠪᠢᠨ ᠵᠠᠰᠠᠭ᠍ᠤ ᠦᠢ᠍ᠯᠡᠳᠪᠦᠷᠢᠳᠤ ᠶᠡᠷᠦᠩᠬᠡᠢ ᠢᠨᠵᠸᠨᠧᠷ ᠵᠶ᠋ᠠᠷ ᠤᠳᠠᠭ᠋ᠠᠨ ᠵᠢᠯ ᠠᠵᠢᠯᠯᠠᠵᠤ ᠨᠠᠢ᠍ᠮᠠᠨ ᠬᠤᠰᠢᠭᠤᠨᠤ ᠮᠠᠰᠢᠨ ᠮᠧᠬᠠᠨᠢᠭᠤᠨ ᠦᠢ᠍ᠯᠡᠰᠤᠨ ᠬᠦᠭᠵᠢᠯᠲᠡᠳᠤ ᠬᠢᠵᠠᠭ᠋ᠠᠷᠯᠠᠰᠢ ᠦᠭᠡᠢ ᠬᠤᠪᠢ ᠨᠡᠮᠡᠷᠢ ᠦᠵᠡᠭᠦᠯᠦᠭᠰᠡᠨ ᠮᠡᠷᠭᠡᠵᠢᠯᠲᠡᠨ᠃
ᠪᠣᠣ ᠵᠢᠨ ᠱᠠᠨ᠂ 1952 ᠣᠨᠳᠤ ᠲᠦᠷᠦᠪᠡ᠂ ᠳᠣᠮᠳᠠᠳᠤ ᠣᠯᠣᠰᠤᠨ ᠡᠪ ᠬᠠᠮᠲᠣ ᠨᠠᠮᠤᠨ ᠭᠡᠰᠢᠬᠦᠨ᠃ ᠲᠡᠷᠡ ᠴᠣᠭᠲᠠᠢ ᠰᠣᠮᠣ ᠵᠢᠨ ᠰᠣᠮᠣᠨ ᠳᠠᠷᠤᠭᠠ᠂ ᠬᠤᠩᠭᠤᠷᠲᠠᠯᠠ ᠰᠣᠮᠣᠨᠤ ᠨᠠᠮᠤᠨ ᠬᠤᠷᠢᠶᠠᠨᠤ ᠱᠦᠵᠢ᠂ ᠨᠠᠢ᠍ᠮᠠᠨ ᠬᠤᠰᠢᠭᠤᠨᠤ ᠠᠷᠠᠳᠤᠨ ᠶᠠᠪᠣᠳᠠᠯᠤᠨ ᠲᠣᠪᠴᠢᠶᠡᠨᠤ ᠲᠣᠪᠴᠢᠶᠠᠨ ᠲᠠᠷᠤᠭᠠ ᠵᠡᠷᠭᠡ ᠠᠯᠪᠠᠨ ᠲᠣᠰᠢᠶᠠᠯᠢ ᠠ᠋ᠭᠦᠷᠭᠡᠯᠡᠵᠦ ᠦᠩᠭᠡᠷᠡᠭᠰᠡᠨ ᠪᠦᠬᠡᠳ ᠨᠠᠢ᠍ᠮᠠᠨ ᠬᠤᠰᠢᠭᠤᠨᠤ ᠨᠠᠮᠤᠨ ᠬᠤᠷᠢᠶᠠᠨᠤ ᠲᠦᠯᠦᠪᠵᠢᠭᠦᠯᠭᠡ ᠵᠢᠨ ᠵᠦᠪᠯᠡᠯᠤᠨ ᠠ᠋ᠷᠬᠢᠯᠡᠭᠴᠢ ᠵᠢᠨ ᠲᠤᠰᠢᠶᠠᠯᠠᠴᠠ ᠠᠵᠢᠯᠤᠨ ᠠᠮᠠᠷᠠᠯᠲᠠᠪᠠᠨ ᠠᠪᠴᠠᠢ᠂ ᠳᠡᠳ᠋ ᠭᠠᠵᠠᠷᠤᠨ ᠳᠡᠰᠤᠨ ᠺᠠᠳ᠋ᠷ᠃
1966～1976 ᠣᠨᠤ ᠬᠤᠭᠤᠷᠣᠨᠳᠣ ᠵᠡᠭᠦᠨ ᠬᠤᠯᠣᠰᠣᠲᠠᠢ ᠪᠠᠭᠠ ᠰᠣᠷᠭ᠋ᠠᠭᠤᠯᠢᠨᠢ ᠲᠠᠪᠣᠨ ᠵᠢᠯᠤᠨ ᠳᠦᠷᠢᠮᠳᠤ ᠪᠦᠷᠢᠨ ᠪᠠᠭᠠ ᠰᠣᠷᠭ᠋ᠠᠭᠤᠯᠢ ᠪᠣᠯᠣᠨ ᠦᠭᠡᠷᠡᠴᠢᠯᠡᠭᠳᠡᠵᠣ ᠰᠣᠷᠣᠭᠴᠢ ᠵᠢᠨ ᠢᠷᠡᠯᠲᠡ ᠨᠡᠮᠡᠭᠳᠡᠬᠦ ᠵᠢ ᠳᠠᠭ᠋ᠠᠯᠳᠣᠨ ᠪᠠᠭᠰᠢ ᠵᠢᠨ ᠠ᠋ᠩᠨᠡᠭᠡ ᠴᠦ᠍ ᠦᠷᠭᠡᠵᠢᠵᠡᠢ᠃ ᠠ᠋ᠨᠡ ᠬᠡᠰᠡᠭ ᠬᠤᠭᠤᠴᠠᠭ᠋ᠠᠨᠳᠤ ᠬᠡᠳᠦᠶ᠋ᠢᠪᠡᠷ 《ᠰᠣᠶᠣᠯᠤᠨ ᠶᠡᠭᠡ ᠬᠤᠪᠢᠰᠬᠠᠯ》ᠤᠨ ᠨᠦᠯᠦᠭᠡᠨ ᠳᠤᠤᠷᠠ 1966 ᠣᠨᠳᠤ ᠪᠦᠳᠦᠨ ᠨᠢᠭᠡ ᠵᠢᠯ ᠬᠢᠴᠢᠶᠡᠯ ᠵᠣᠭᠰᠣᠭᠰᠠᠨ ᠪᠤᠯᠪᠠᠴᠤ 1967 ᠣᠨᠠᠴᠠ ᠬᠤᠢ᠍ᠢ᠍ᠰᠢ ᠰᠣᠷᠭ᠋ᠠᠭᠤᠯᠢ ᠵᠢᠨ ᠬᠠᠮᠢᠶᠠᠷᠣᠯᠲᠠ ᠪᠠ ᠬᠢᠴᠢᠶᠡᠯ ᠬᠦᠮᠦᠵᠢᠯᠤᠨ ᠠᠵᠢᠯ ᠠ᠋ᠮᠬᠢ ᠲᠢᠭᠯᠢᠮ ᠵᠶ᠋ᠠᠨ ᠠᠯᠳᠠᠭᠰᠠᠨ ᠦᠭᠡᠢ ᠶᠣᠮ᠃
ᠠ᠋ᠨᠡ ᠬᠡᠰᠡᠭ ᠬᠤᠭᠤᠴᠠᠭ᠋ᠠᠨᠳᠤᠬᠢ ᠵᠡᠭᠦᠨ ᠬᠤᠯᠤᠰᠤᠲᠠᠢ ᠵᠢᠨ ᠰᠤᠷᠭ᠋ᠠᠭᠤᠯᠢ ᠵᠢᠨ ᠲᠡᠦᠬᠡ ᠪᠣᠯ ᠠᠵᠢᠯᠴᠢ ᠠᠷᠪᠢᠴᠢᠪᠠᠷ ᠰᠤᠷᠭ᠋ᠠᠭᠤᠯᠢ ᠠ᠋ᠷᠭᠢᠯᠡᠭᠰᠡᠨ ᠲᠡᠦᠬᠡ ᠪᠣᠯᠤᠨᠠ᠃ ᠲᠤᠬᠠᠢ ᠵᠢᠨ ᠦᠶᠡ ᠵᠢᠨ ᠷᠢᠨᠴᠢᠨᠳᠣᠷᠵᠢ᠂ ᠴᠤᠩᠬᠤᠷᠠ᠂ ᠷᠠᠰᠢ ᠵᠡᠷᠭᠡ ᠭᠤᠷᠪᠠᠨ ᠬᠤᠭᠤᠴᠠᠭ᠋ᠠᠨᠤ ᠰᠤᠷᠭ᠋ᠠᠭᠤᠯᠢ ᠵᠢᠨ ᠬᠠᠷᠢᠭᠤᠴᠠᠯᠭ᠋ᠠᠲᠠᠳ ᠦᠢ᠍ᠯᠡᠳᠪᠦᠷᠢᠯᠡᠯᠤᠨ ᠪᠠᠷᠢᠭ᠋ᠠᠳᠠᠲᠠᠢ ᠬᠠᠷᠢᠴᠠᠵᠤ ᠲᠠᠷᠢᠶᠠᠨ ᠭᠠᠵᠠᠷ ᠬᠤᠪᠢᠳᠠᠨ ᠠᠪᠴᠤ᠂ ᠳᠤᠯᠠᠭ᠋ᠠᠨᠤ ᠴᠠᠭ ᠪᠤᠯᠪᠠᠯ ᠪᠠᠭᠰᠢ ᠰᠤᠷᠤᠭᠴᠢᠪᠠᠨ ᠲᠠᠭ᠋ᠠᠭᠤᠯᠤᠨ ᠠ᠋ᠷᠡᠨᠳᠡ᠂ ᠪᠣᠷᠴᠠᠭᠤᠨ ᠲᠦᠷᠦᠯ ᠲᠠᠷᠢᠵᠤ ᠪᠠᠢ᠍ᠢ᠍ᠭᠰᠠᠨ ᠪᠠ ᠮᠦᠨ ᠨᠠᠷᠢᠨ ᠨᠣᠣᠰᠤᠲᠤ ᠬᠤᠨᠢ ᠲᠡᠵᠢᠭᠡᠵᠦ ᠣᠷᠤᠯᠭᠠ ᠣᠯᠵᠤ ᠪᠠᠶ᠋ᠢᠭᠰᠠᠨ ᠲᠤᠯᠠ ᠰᠤᠷᠭ᠋ᠠᠭᠤᠯᠢᠨᠢ ᠰᠤᠷᠤᠭᠴᠢᠠᠴᠠ ᠰᠤᠷᠤᠯᠭᠠ ᠵᠢᠨ ᠰᠦᠢ᠍ᠳᠭᠡᠯ᠂ ᠨᠣᠮ ᠳᠡᠪᠲᠡᠷᠤᠨ ᠰᠦᠢ᠍ᠳᠭᠡᠯ ᠭᠡᠵᠦ ᠬᠤᠷᠢᠶᠠᠳᠠᠭ ᠦᠭᠡᠢ ᠪᠠᠢ᠍ᠢ᠍ᠭᠰᠠᠨ ᠪᠦᠭᠡᠳ ᠬᠢᠴᠢᠶᠡᠯᠤᠨ ᠭᠡᠷ ᠡᠪᠦᠯᠳᠤᠪᠠᠨ ᠮᠠᠰᠢ ᠳᠤᠯᠠᠭ᠋ᠠᠨ ᠲᠠᠭ᠋ᠠᠯᠠᠮᠵᠢᠲᠠᠢ ᠪᠠᠶ᠋ᠢᠵᠤ ᠵᠢᠭ᠋ᠠᠨ ᠰᠣᠷᠭ᠋ᠠᠯᠳᠠ ᠵᠢᠨ ᠴᠢᠨᠠᠷ ᠴᠢᠨᠰᠠᠭᠠ ᠵᠢ ᠨᠦᠯᠦᠭᠡᠯᠡᠳᠡᠭ ᠦᠭᠡᠢ ᠪᠠᠶ᠋ᠢᠵᠡᠢ᠃ ᠢᠨᠭᠬᠢᠭᠰᠡᠨᠠᠴᠠ ᠭᠡᠷᠤᠨ ᠠᠮᠢᠳᠤᠷᠠᠯᠨᠢ ᠬᠦᠴᠢᠷᠲᠠᠢ ᠬᠡᠦᠬᠡᠳᠤᠳ ᠴᠦ᠍ ᠪᠢᠴᠢᠭ ᠰᠣᠶᠤᠯ ᠬᠦᠷᠲᠡᠬᠦ ᠠᠵᠠ ᠳᠣᠬᠢᠶᠠᠯᠲᠠᠢ ᠪᠣᠯᠵᠦ ᠴᠢᠳᠠᠭᠰᠠᠨ ᠪᠠ ᠰᠤᠶᠤᠯᠤᠨ ᠪᠠᠯᠠᠢ ᠵᠢ ᠠᠷᠢᠯᠭ᠋ᠠᠬᠤ ᠠᠵᠢᠯᠢ ᠠ᠋ᠷᠴᠢᠮᠲᠠᠢ ᠬᠢᠭᠰᠡᠨᠠᠴᠠ ᠰᠤᠷᠭ᠋ᠠᠭᠤᠯᠢ ᠵᠢᠨ ᠨᠠᠰᠣᠨᠤ ᠬᠡᠦᠬᠡᠳᠤᠨ ᠰᠣᠷᠭ᠋ᠠᠭᠤᠯᠢᠳᠤ ᠣᠷᠣᠭᠰᠠᠨ ᠨᠣᠷᠮᠠ ᠵᠠᠭᠤᠨᠤ ᠵᠠᠭᠤᠳᠤ ᠬᠦᠷᠦᠭᠰᠡᠨ ᠵᠶ᠋ᠠᠷ ᠪᠠᠷᠠᠭ᠍ᠣ ᠦᠭᠡᠢ ᠰᠤᠶᠤᠯᠤᠨ ᠪᠠᠯᠠᠢ ᠴᠦ᠍ ᠴᠦᠭᠡᠷᠡᠭᠰᠡᠨ ᠪᠠᠶ᠋ᠢᠨᠠ᠃ ᠰᠤᠷᠭ᠋ᠠᠭᠤᠯᠢᠨᠢ ᠵᠢᠭ᠋ᠠᠬᠤ ᠪᠠᠭ᠋ᠠᠵᠢ ᠲᠦᠬᠦᠭᠡᠷᠦᠮᠵᠢ ᠬᠤᠳᠠᠯᠳᠤᠨ ᠠᠪᠴᠤ ᠬᠢᠴᠢᠶᠡᠯ ᠲᠦᠷᠦᠯ ᠪᠤᠯᠭ᠋ᠠᠨᠢ ᠠ᠋ᠷᠬᠡ ᠲᠡᠭᠰᠢᠪᠠᠷ ᠦᠵᠡᠵᠦ ᠲᠠᠮᠢᠷ᠂ ᠤᠷᠠᠯᠢᠭᠤᠨ ᠬᠦᠳᠡᠯᠭᠡᠭᠡᠨᠢ ᠬᠦᠨᠳᠦᠳᠭᠡᠳᠡᠭ ᠪᠠᠶ᠋ᠢᠭᠰᠠᠨᠠᠴᠠ ᠰᠤᠷᠤᠭᠴᠢᠳᠤᠨ ᠪᠦᠬᠦ ᠲᠠᠯᠠ ᠵᠢᠨ ᠬᠦᠭᠵᠢᠯᠲᠡ ᠵᠢ ᠠᠬᠢᠭᠤᠯᠵᠤ ᠴᠢᠳᠠᠵᠠᠢ᠃ ᠲᠣᠬᠠᠢ ᠵᠢᠨ ᠦᠶᠡ ᠵᠢᠨ ᠰᠣᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠪᠠᠰᠠ ᠨᠢᠭᠡ ᠳᠠᠪᠠᠭᠤᠯᠢᠭ ᠲᠠᠯᠠ ᠭᠡᠪᠡᠯ᠂ ᠶᠠᠳᠠᠭᠤ ᠲᠠᠷᠢᠶᠠᠴᠢᠨ ᠰᠣᠷᠭ᠋ᠠᠭᠤᠯᠢ ᠬᠠᠮᠢᠶᠠᠷᠬᠤ ᠲᠦᠷᠦ ᠵᠢᠨ ᠪᠣᠳᠣᠯᠭᠠ ᠲᠤᠤᠷᠠ ᠭᠡᠷᠤᠨ ᠠᠬᠠᠮᠠᠳ ᠣᠳᠠᠭᠠ ᠳᠠᠷᠠᠭ᠋ᠠᠯᠠᠨ ᠰᠣᠷᠭ᠋ᠠᠭᠤᠯᠢᠳᠤ ᠢᠷᠡᠵᠣ ᠬᠤᠪᠢᠰᠬᠠᠯᠤᠨ ᠤᠯᠠᠮᠵᠢᠯᠠᠯᠤᠨ ᠬᠦᠮᠦᠵᠢᠯ᠂ ᠰᠢᠨᠡ ᠬᠠᠭᠤᠴᠢᠨ ᠨᠡᠶ᠋ᠢᠭᠡᠮᠤᠨ ᠬᠠᠷᠢᠴᠠᠭᠤᠯᠣᠯᠤᠨ ᠬᠦᠮᠦᠵᠢᠯ ᠬᠢᠭᠰᠡᠨᠠᠴᠠ ᠭᠠᠳᠠᠨᠠ ᠨᠠᠮ ᠵᠶ᠋ᠠᠨ ᠬᠦᠷᠢᠶᠡᠯᠡᠵᠦ᠂ ᠠᠷᠠᠳ ᠲᠦᠮᠡᠨ ᠵᠶ᠋ᠠᠨ ᠬᠠᠶ᠋ᠢᠷᠠᠯᠠᠭ᠍ᠣ᠂ ᠴᠡᠷᠢᠭ ᠵᠶ᠋ᠠᠨ ᠬᠦᠷᠢᠶᠡᠯᠡᠬᠦ ᠬᠦᠮᠦᠵᠢᠯᠢ ᠦᠷᠭᠦᠯᠵᠢ ᠵᠢᠨ ᠴᠢᠨᠠᠷᠲᠠᠢ ᠬᠢᠳᠡᠭ ᠳᠣᠯᠠ ᠰᠣᠷᠭ᠋ᠠᠭᠤᠯᠢ᠂ ᠨᠡᠶ᠋ᠢᠭᠡᠮ᠂ ᠭᠡᠷ ᠪᠦᠯᠢ ᠵᠢᠨ ᠬᠦᠮᠦᠵᠢᠯᠤᠨ ᠬᠠᠮᠳᠣᠷᠠᠯᠴᠠᠭᠠ ᠵᠢ ᠠᠬᠢᠭᠤᠯᠵᠦ᠂ ᠰᠣᠷᠣᠭᠴᠢᠳᠤᠨ ᠶᠣᠰᠣ ᠮᠣᠷᠠᠯ᠂ ᠬᠡᠪ ᠴᠢᠨᠠᠷ ᠦᠨᠳᠦᠷ ᠪᠠᠶ᠋ᠢᠵᠠᠢ᠃
1975 ᠣᠨᠠᠴᠠ ᠠ᠋ᠬᠢᠯᠡᠨ ᠵᠡᠭᠦᠨ ᠬᠤᠯᠤᠰᠤᠲᠠᠢ ᠰᠤᠷᠭ᠋ᠠᠭᠤᠯᠢᠨᠢ ᠠᠩᠬᠠ ᠳᠣᠮᠳᠠᠳᠣ ᠵᠢᠨ ᠠᠩᠭᠢᠳᠤᠪᠠᠨ ᠰᠤᠷᠤᠭᠴᠢ ᠠ᠋ᠯᠰᠡᠵᠦ᠂ 1978 ᠣᠨ ᠪᠣᠯᠲᠠᠯᠠ ᠬᠤᠶᠠᠷ ᠠ᠋ᠭᠡᠯᠵᠢ ᠵᠢᠨ ᠰᠤᠷᠤᠭᠴᠢ ᠵᠢ ᠲᠡᠭᠦᠰᠭᠡᠵᠡᠢ᠃ 1978 ᠣᠨᠳᠤ ᠠᠩᠬᠠ ᠳᠣᠮᠳᠠᠳᠣ ᠵᠢᠨ ᠰᠤᠷᠤᠭᠴᠢᠪᠠᠨ ᠱᠧᠩᠯᠢ ᠳᠣᠮᠳᠠᠳᠣ ᠰᠣᠷᠭ᠋ᠠᠭᠤᠯᠢᠳᠤ ᠰᠢᠯᠵᠢᠭᠦᠯᠵᠦ ᠵᠦᠪᠬᠡᠨ ᠪᠠᠭᠠ ᠰᠤᠷᠭ᠋ᠠᠭᠤᠯᠢ ᠵᠢᠨ ᠲᠠᠪᠤᠨ ᠣᠨ ᠵᠶ᠋ᠠᠨ ᠦᠯᠡᠳᠡᠭᠡᠪᠡ᠃ ᠠ᠋ᠨᠡ ᠬᠤᠭᠤᠴᠠᠭ᠋ᠠᠨᠳᠤ ᠵᠡᠭᠦᠨ ᠬᠤᠯᠣᠰᠣᠲᠠᠢ ᠪᠠᠭᠠ ᠰᠣᠷᠭ᠋ᠠᠭᠤᠯᠢᠳᠤ ᠠᠵᠢᠯᠯᠠᠵᠣ ᠦᠩᠭᠡᠷᠡᠭᠰᠡᠨ ᠪᠠᠭᠰᠢ ᠨᠠᠷᠢ ᠳᠤᠷᠠᠳᠪᠠᠯ᠄
ᠷᠠᠰᠢᠳᠣᠷᠵᠢ （ᠰᠣᠷᠭ᠋ᠠᠭᠤᠯᠢ ᠵᠢᠨ ᠬᠠᠷᠢᠭᠤᠴᠠᠯᠭ᠋ᠠᠳᠠᠨ） （1965～1966） ᠣᠨ᠂ ᠭᠠᠨᠵᠣᠣᠷᠵᠠᠪ （1965～1978 ᠣᠨ）᠂ ᠮᠦᠩᠭᠦᠨᠲᠣᠶᠠᠭᠠ （1968～1978 ᠣᠨ）᠂ ᠰᠢᠷᠡᠮᠦᠪᠣᠯᠣ （1967～1969 ᠣᠨ） （ᠪᠠᠶ᠋ᠢᠳᠣ ᠵᠢᠨ ᠠᠶ᠋ᠢᠯ ᠨᠣᠳᠤᠭᠲᠠᠢ）᠂ ᠷᠢᠨᠴᠢᠨᠳᠣᠷᠵᠢ （ᠰᠣᠷᠭ᠋ᠠᠭᠤᠯᠢ ᠵᠢᠨ ᠬᠠᠷᠢᠭᠤᠴᠠᠯᠭ᠋ᠠᠳᠠᠨ） （1964～1972） ᠣᠨ᠂ ᠬᠤᠸᠠᠩ ᠯᠦᠩ ᠮᠧᠢ （1970～1971 ᠣᠨ）᠂ ᠰᠧᠪᠡᠯᠮᠠ （1971～1972 ᠣᠨ）᠂ ᠨᠢᠮᠠ （1970～1973 ᠣᠨ）᠂ ᠰᠡᠷᠭᠦᠯᠡᠩ （1971 ᠣᠨ）᠂ ᠴᠠᠭ᠋ᠠᠨᠪᠠᠷᠰ （1972 ᠣᠨ）᠂ ᠴᠣᠩᠬᠤᠷᠠ （ᠰᠣᠷᠭ᠋ᠠᠭᠤᠯᠢ ᠵᠢᠨ ᠬᠠᠷᠢᠭᠤᠴᠠᠯᠭ᠋ᠠᠳᠠᠨ） （1972～1975 ᠣᠨ）᠂ ᠮᠠ ᠪᠠᠲᠣ （1972～1973 ᠣᠨ） （ᠪᠠᠭ᠋ᠠᠪᠡᠷᠬᠡ ᠰᠣᠮᠣ ᠵᠢᠨ ᠨᠣᠳᠤᠭᠲᠠᠢ）᠂ ᠷᠠᠰᠢ （ᠰᠣᠷᠭ᠋ᠠᠭᠤᠯᠢ ᠵᠢᠨ ᠬᠠᠷᠢᠭᠤᠴᠠᠯᠭ᠋ᠠᠳᠠᠨ） （1972～1976 ᠣᠨ） （1973 ᠣᠨᠠᠴᠠ 1976 ᠣᠨ ᠪᠣᠯᠲᠠᠯᠠ ᠴᠡᠷᠢᠭᠤᠨ ᠠᠯᠪᠠ ᠲᠠᠭ᠋ᠠᠵᠤ᠂ 1976 ᠣᠨᠤ 3 ᠰᠠᠷᠠᠠᠴᠠ ᠠ᠋ᠬᠢᠯᠡᠨ ᠪᠠᠭᠰᠢᠯᠠᠵᠤ᠂ ᠰᠤᠷᠭ᠋ᠠᠭᠤᠯᠢ ᠵᠢᠨ ᠬᠠᠷᠢᠭᠤᠴᠠᠯᠭ᠋ᠠᠲᠠᠨ ᠵᠶ᠋ᠠᠷ ᠠᠵᠢᠯᠯᠠᠪᠠ）᠂ ᠪᠣᠣ ᠢᠣᠢ （1972～1974） ᠦᠯᠵᠠᠶ᠋ᠢᠪᠣᠯᠠᠭ （1973～1974 ᠣᠨ） （ᠪᠠᠭᠠ ᠲᠣᠵᠢᠪᠠᠢ ᠨᠣᠳᠤᠭᠲᠠᠢ）᠂ ᠶᠧᠰᠢ （1974～1981 ᠣᠨ）᠂ ᠪᠦᠬᠡᠬᠡᠰᠢᠭ （1975 ᠣᠨ）᠂ ᠪᠣᠣ ᠵᠢᠨ ᠯᠢᠶᠠᠩ （1975～1983 ᠣᠨ）᠂ ᠵᠢᠮᠪᠠᠵᠠᠮᠰᠣ （1975 ᠣᠨ）᠂ ᠲᠣᠭᠲᠠᠭ᠍ᠣ （1976 ᠣᠨ）᠂ ᠯᠢᠶᠠᠩ ᠴᠢᠩ ᠯᠦᠩ （1976～1978 ᠣᠨ）᠂ ᠪᠦᠬᠡᠪᠠᠶᠠᠷ （ᠰᠣᠷᠭ᠋ᠠᠭᠤᠯᠢ ᠵᠢᠨ ᠬᠠᠷᠢᠭᠤᠴᠠᠯᠭ᠋ᠠᠳᠠᠨ） （1975～1977 ᠣᠨ）᠂ ᠪᠥᠬᠡ （1975～1977 ᠣᠨ）᠂ ᠮᠧᠳᠡᠭ （1975～1978 ᠣᠨ）᠂ ᠭᠧᠪᠡᠵᠠᠮᠰᠣ （1976 ᠣᠨ）᠂ ᠴᠠᠭᠳᠣᠷ （1976～1978 ᠣᠨ）᠂ ᠰᠢᠷᠠᠪᠠᠷᠰ （1976～1978 ᠣᠨ）᠂ ᠬᠤᠸᠠᠩ ᠵᠢᠮᠪᠠ （1977～1978 ᠣᠨ）᠂ ᠵᠠᠭᠤᠨᠠᠰᠣᠳᠣ （1976～1977 ᠣᠨ）᠂ ᠬᠦᠷᠡᠯᠵᠠᠭ᠋ᠠᠨᠠ （ᠰᠣᠷᠭ᠋ᠠᠭᠤᠯᠢ ᠵᠢᠨ ᠬᠠᠷᠢᠭᠤᠴᠠᠯᠭ᠋ᠠᠳᠠᠨ） （1976～1978 ᠣᠨ）᠂ ᠴᠣᠩᠬᠤᠷᠠ （1978 ᠣᠨ）᠃
ᠠ᠋ᠳᠡᠭᠡᠷ ᠪᠠᠭᠰᠢ ᠨᠠᠷ ᠣᠷᠤᠭᠠ ᠪᠣᠰᠬᠠᠭᠠ ᠤᠨ ᠵᠢᠯᠤᠳᠲᠤ ᠦᠨᠳᠦᠰᠦᠳᠡᠨᠤ ᠰᠣᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠦᠢ᠍ᠯᠡᠰᠤᠨ ᠲᠦᠯᠦᠭᠡ ᠣᠶᠣᠨ ᠵᠶ᠋ᠠᠨ ᠰᠢᠪᠬᠠᠨ ᠠᠵᠢᠯᠯᠠᠭᠰᠠᠨ ᠵᠶ᠋ᠠᠷ ᠣᠯᠣᠰᠤᠨ ᠰᠢᠯᠭ᠋ᠠᠯᠳᠠ ᠵᠢᠨ ᠳᠦᠷᠢᠮ ᠳᠠᠬᠢᠨ ᠰᠡᠷᠭᠦᠭᠡᠭᠳᠡᠭᠰᠡᠨᠤ ᠳᠠᠷᠠᠭᠠ ᠵᠡᠭᠦᠨ ᠬᠤᠯᠣᠰᠣᠲᠠᠢ ᠪᠠᠭᠠ ᠰᠣᠷᠭ᠋ᠠᠭᠤᠯᠢᠠᠴᠠ ᠮᠠᠰᠢ ᠤᠯᠠᠨ ᠤᠶᠤᠳᠠᠨ ᠰᠡᠭᠡᠭᠡᠳᠡᠳ ᠴᠤᠯᠭᠤᠷᠠᠨ ᠭᠠᠷᠤᠭᠰᠠᠨ ᠪᠠᠢ᠍ᠢ᠍ᠨᠠ᠃ ᠦᠭᠡᠷᠡᠴᠢᠯᠡᠯᠲᠡ ᠬᠢᠵᠦ ᠴᠢᠯᠦᠭᠡᠲᠠᠢ ᠶᠠᠪᠣᠯᠴᠠᠬᠰᠠᠨᠤ ᠳᠠᠷᠠᠭᠠ ᠵᠡᠭᠦᠨ ᠬᠤᠯᠣᠰᠣᠲᠠᠢ ᠪᠠᠭᠠ ᠰᠣᠷᠭ᠋ᠠᠭᠤᠯᠢᠨᠢ ᠳᠡᠭᠡᠳᠦ ᠱᠠᠳᠣᠨᠤ ᠲᠣᠬᠢᠷᠠᠭᠤᠯᠭᠠᠪᠠᠷ ᠪᠠᠭᠰᠢ ᠵᠢᠨ ᠠ᠋ᠩᠨᠡᠭᠡᠪᠠᠨ ᠰᠢᠯᠢᠳᠡᠭᠵᠢᠬᠦᠯᠦᠨ ᠰᠣᠷᠭ᠋ᠠᠭᠤᠯᠢ ᠠ᠋ᠷᠬᠢᠯᠡᠬᠦ ᠦᠵᠡᠯ ᠰᠠᠨᠠᠭᠠᠪᠠᠨ ᠣᠯᠣᠰᠤᠨ ᠰᠣᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠴᠢᠭᠯᠡᠯᠳᠡᠲᠠᠢ ᠨᠢᠭᠡᠳᠬᠡᠵᠦ ᠪᠢᠴᠢᠭ ᠵᠢᠭ᠋ᠠᠵᠦ ᠬᠦᠮᠦᠨᠢ ᠬᠦᠮᠦᠵᠢᠭᠦᠯᠬᠦ ᠵᠠᠷᠴᠢᠮᠢ ᠪᠠᠷᠢᠮᠳᠠᠯᠠᠨ᠂ 2005 ᠣᠨᠳᠤ ᡁᠢ ᠠᠨᠤ ᠮᠣᠩᠭᠤᠯ ᠪᠠᠭᠠ ᠰᠣᠷᠭ᠋ᠠᠭᠤᠯᠢᠲᠠᠢ ᠨᠡᠶ᠋ᠢᠯᠡᠬᠦ ᠪᠣᠯᠲᠠᠯᠠ ᠠᠷᠭᠠ ᠪᠦᠬᠦᠨᠢ ᠰᠦᠪᠡᠭᠴᠢᠯᠡᠨ ᠰᠣᠷᠭ᠋ᠠᠭᠤᠯᠢ ᠵᠢᠨ ᠭᠡᠷ ᠪᠠᠷᠢᠯᠭᠠ ᠵᠢ ᠬᠤᠶᠠᠷ ᠣᠳᠠᠭᠠ ᠸᠠᠭ᠋ᠠᠷ ᠲᠣᠭᠤᠰᠬᠠᠨ ᠭᠡᠷ ᠵᠶ᠋ᠠᠷ ᠰᠢᠨᠡᠳᠭᠡᠨ ᠪᠠᠶ᠋ᠢᠭᠤᠯᠵᠣ᠂ ᠲᠣᠨᠤᠭ ᠲᠦᠬᠦᠭᠡᠷᠦᠮᠵᠢᠪᠠᠨ ᠣᠯᠠᠨ ᠣᠳᠠᠭᠠ ᠬᠠᠯᠠᠨ ᠰᠠᠶ᠋ᠢᠵᠢᠷᠠᠭᠤᠯᠣᠭ᠋ᠠᠳ ᠪᠦᠲᠦᠭᠡᠯᠴᠢᠪᠠᠷ ᠠᠰᠢᠭᠯᠠᠭ᠍ᠣ ᠵᠢᠨ ᠬᠠᠮᠳᠣ ᠷᠠᠰᠢᠳᠣᠷᠵᠢ᠂ ᠪᠠᠯᠳᠠᠨ᠂ ᠭᠠᠨᠵᠣᠣᠷᠵᠠᠪ᠂ ᠮᠦᠩᠭᠦᠨᠲᠤᠶᠠᠭᠠ᠂ ᠶᠧᠰᠢ᠂ ᠬᠦᠷᠡᠯᠳᠣᠭᠤ ᠵᠡᠷᠭᠡ ᠠᠬᠠᠮᠠᠳ ᠪᠠᠭᠰᠢ ᠨᠠᠷᠤᠨ ᠣᠳᠠᠭ᠋ᠠᠨ ᠵᠢᠯᠤᠨ ᠵᠢᠭ᠋ᠠᠨ ᠰᠤᠷᠭ᠋ᠠᠯᠳᠠ ᠲᠤᠮᠳᠠ ᠬᠤᠷᠠᠮᠳᠣᠭᠤᠯᠣᠭᠰᠠᠨ ᠲᠣᠷᠰᠢᠯᠭᠠᠪᠠᠨ ᠬᠠᠷᠠᠮ ᠦᠭᠡᠢ ᠳᠡᠯᠭᠡᠷᠡᠭᠦᠯᠦᠨ ᠣᠯᠠᠮᠵᠢᠯᠠᠳᠠᠭ ᠪᠠᠶ᠋ᠢᠭᠰᠠᠨᠤ ᠣᠯᠠᠮᠠᠴᠠ ᠵᠡᠭᠦᠨ ᠬᠤᠯᠣᠰᠣᠲᠠᠢ ᠪᠠᠭᠠ ᠰᠣᠷᠭ᠋ᠠᠭᠤᠯᠢᠳᠤ ᠠᠵᠢᠯᠯᠠᠭᠰᠠᠨ ᠵᠠᠯᠠᠭᠤ ᠪᠠᠭᠰᠢ ᠨᠠᠷ ᠴᠦ᠍ ᠵᠢᠭ᠋ᠠᠨ ᠰᠣᠷᠭ᠋ᠠᠬᠤ ᠣᠷᠠ ᠮᠡᠷᠭᠡᠰᠢᠯ ᠮᠠᠰᠢ ᠲᠦᠷᠭᠡᠨ ᠳᠡᠭᠡᠭᠰᠢᠯᠡᠵᠦ᠂ ᠰᠣᠷᠭ᠋ᠠᠭᠤᠯᠢ ᠵᠢᠨ ᠵᠢᠭ᠋ᠠᠨ ᠰᠣᠷᠭ᠋ᠠᠯᠲᠠ ᠵᠢᠨ ᠬᠢᠷᠢ ᠬᠡᠮᠵᠢᠶᠡ ᠵᠢ ᠨᠡᠶ᠋ᠢᠳᠡᠮᠤᠨ ᠴᠢᠨᠠᠷᠲᠠᠢ ᠪᠠᠲᠣᠯᠠᠭᠰᠠᠭ᠋ᠠᠷ ᠢᠷᠡᠭᠰᠡᠨ ᠶᠣᠮ᠃ ᠣᠨᠴᠠᠭ᠋ᠠᠶ᠋ᠢᠯᠠᠨ ᠪᠠᠯᠳᠠᠨ ᠪᠠᠭᠰᠢ ᠵᠢᠨ ᠦᠪᠡᠷᠤᠨ ᠬᠢᠨᠢ ᠰᠣᠳᠣᠯᠣᠨ ᠣᠷᠣᠯᠳᠣᠵᠣ ᠵᠢᠭ᠋ᠠᠨ ᠰᠣᠷᠭ᠋ᠠᠯᠳᠠᠳᠤᠪᠠᠨ ᠠᠰᠢᠭᠯᠠᠵᠣ ᠪᠠᠶ᠋ᠢᠭᠰᠠᠨ ᠵᠢᠭ᠋ᠠᠨ ᠰᠣᠷᠭ᠋ᠠᠬᠤ ᠠᠷᠭᠠᠨᠢ ᠬᠡᠳᠦᠶ᠋ᠢᠪᠡᠷ ᠨᠣᠮ ᠳᠡᠪᠲᠡᠷᠤᠨ ᠬᠡᠯᠪᠡᠷᠢᠪᠠᠷ ᠬᠡᠪᠯᠡᠭᠳᠡᠭᠰᠡᠨ ᠦᠭᠡᠢ ᠪᠣᠯᠪᠠᠴᠣ ᠪᠦᠬᠦ ᠣᠯᠣᠰᠤᠨ ᠬᠤᠶᠠᠳᠣᠭ᠋ᠠᠷ ᠣᠳᠠᠭ᠋ᠠᠨᠤ ᠵᠢᠭ᠋ᠠᠨ ᠰᠣᠷᠭ᠋ᠠᠯᠲᠠ ᠵᠢᠨ ᠦᠭᠡᠷᠡᠴᠢᠯᠡᠯᠲᠡ ᠵᠢᠨ ᠭᠤᠣᠯ ᠰᠡᠳᠦᠪᠲᠠᠢ ᠲᠡᠷᠡ ᠬᠡᠪ ᠵᠶ᠋ᠠᠷ ᠵᠶ᠋ᠠᠨ ᠨᠡᠶ᠋ᠢᠴᠡᠵᠦ ᠪᠠᠶ᠋ᠢᠭᠰᠠᠨᠨᠢ ᠭᠠᠶ᠋ᠢᠬᠠᠭᠤᠰᠢᠳᠠᠢ ᠪᠦᠭᠡᠳ ᠵᠠᠯᠠᠭᠤ ᠪᠠᠭᠰᠢ ᠨᠠᠷᠲᠤ ᠵᠣᠷᠢᠭᠲᠠᠢᠪᠠᠷ ᠣᠯᠠᠮᠵᠢᠯᠠᠵᠣ ᠪᠠᠶ᠋ᠢᠭᠰᠠᠨᠢᠨᠢ ᠮᠠᠭᠳᠠᠭᠤᠰᠢᠳᠠᠢ᠃ ᠲᠡᠷᠡ ᠦᠷᠭᠦᠯᠵᠢ 《ᠪᠠᠭᠰᠢ ᠵᠢᠨ ᠵᠢᠭ᠋ᠠᠵᠣ ᠪᠠᠶ᠋ᠢᠬᠤᠨᠢ ᠵᠢᠭ᠋ᠠᠬᠤ ᠦᠭᠡᠢ ᠵᠢᠨ ᠲᠦᠯᠦᠭᠡ ᠶᠣᠮ᠂ ᠪᠠᠭᠰᠢ ᠰᠣᠷᠣᠭᠴᠢᠳᠤ ᠲᠦᠯᠬᠢᠭᠦᠷ ᠵᠢᠭ᠋ᠠᠳᠠᠭ》 ᠭᠡᠬᠦ ᠮᠡᠳᠦ ᠦᠭᠡ ᠶᠠᠷᠢᠶᠠᠪᠠᠷ ᠰᠣᠷᠣᠭᠴᠢᠳᠲᠤ ᠰᠣᠷᠬᠤ ᠠᠷᠭᠠ ᠵᠢᠨ ᠵᠢᠯᠤᠭᠤᠳᠤᠮᠵᠢ ᠬᠢᠭᠦ ᠪᠠ ᠰᠣᠷᠣᠯᠴᠠᠭ᠍ᠣ ᠣᠷᠮᠠᠰᠢᠯᠢᠨᠢ ᠲᠡᠭᠡᠭᠰᠢᠯᠡᠭᠦᠯᠭᠦ ᠵᠢᠨ ᠴᠢᠬᠤᠯᠠ ᠴᠢᠨᠠᠷᠢ ᠬᠠᠮᠲᠣ ᠠᠵᠢᠯᠯᠠᠭᠰᠠᠳᠲᠤᠪᠠᠨ ᠣᠬᠠᠮᠰᠠᠷᠠᠭᠤᠯᠬᠤ ᠵᠢᠨ ᠲᠠᠭ᠋ᠠᠣ ᠪᠡᠶᠡᠪᠠᠷ ᠵᠶ᠋ᠠᠨ ᠵᠢᠯᠣᠭᠤᠳᠣᠨ ᠳᠠᠭ᠋ᠠᠭᠤᠯᠵᠣ ᠰᠣᠷᠭ᠋ᠠᠳᠠᠭ ᠪᠠᠶ᠋ᠢᠭᠰᠠᠨᠠᠴᠠ ᠰᠢᠨᠡ ᠬᠢᠴᠢᠶᠡᠯᠯᠡᠭᠡ ᠵᠢᠨ ᠦᠭᠡᠷᠡᠴᠢᠯᠡᠯᠲᠡ ᠵᠢ ᠵᠡᠭᠦᠨ ᠬᠤᠯᠣᠰᠣᠲᠠᠢ ᠪᠠᠭᠠ ᠰᠣᠷᠭ᠋ᠠᠭᠤᠯᠢ ᠵᠢᠨ ᠪᠠᠭᠰᠢ ᠨᠠᠷ ᠮᠠᠰᠢ ᠬᠢᠯᠪᠠᠷᠬᠠᠨ ᠭᠦᠯᠢᠶᠡᠵᠦ᠂ ᠰᠣᠷᠣᠭᠴᠢᠳᠤᠨ ᠰᠣᠷᠣᠯᠭᠠ ᠵᠢᠨ ᠬᠢᠷᠢ ᠬᠡᠮᠵᠢᠶᠡ ᠶᠠᠪᠣᠬᠤ ᠳᠣᠲᠣᠮ ᠰᠠᠶ᠋ᠢᠵᠢᠷᠠᠭ᠍ᠣ ᠰᠢᠨᠡ ᠠᠬᠢᠴᠠᠲᠠᠢ ᠪᠣᠯᠵᠦ ᠴᠢᠳᠠᠭᠰᠠᠨ ᠪᠠᠶ᠋ᠢᠨᠠ᠃
1978～2005 ᠣᠨ ᠪᠣᠯᠲᠠᠯᠠ ᠵᠡᠭᠦᠨ ᠬᠤᠯᠣᠰᠣᠲᠠᠢ ᠪᠠᠭᠠ ᠰᠣᠷᠭ᠋ᠠᠭᠤᠯᠢ ᠵᠢᠨ ᠪᠠᠭᠰᠢ ᠠᠵᠢᠯᠲᠡᠨᠤ ᠠᠵᠢᠯᠯᠠᠭᠰᠠᠨ ᠪᠠᠶ᠋ᠢᠳᠠᠯᠤᠨ ᠬᠤᠪᠢᠷᠠᠯᠲᠠ ᠵᠢ ᠣᠨ ᠳᠠᠷᠠᠭ᠋ᠠᠯᠠᠨ ᠵᠢᠭᠰᠠᠭ᠋ᠠᠪᠠᠯ᠄
1977 ᠣᠨᠠᠴᠠ 1978 ᠣᠨᠤ ᠬᠤᠭᠤᠴᠠᠭ᠋ᠠᠨᠳᠤ ᠶᠧᠰᠢ᠂ ᠮᠦᠩᠭᠦᠨᠲᠣᠶᠠᠭᠠ᠂ ᠪᠠᠯᠳᠠᠨ᠂ ᠪᠣᠣ ᠵᠢᠨ ᠯᠢᠶᠠᠩ᠂ ᠦ᠋ ᠵᠢᠨ ᠱᠠᠨ ᠵᠡᠷᠭᠡ ᠪᠠᠭᠰᠢ ᠨᠠᠷ ᠬᠢᠴᠢᠶᠡᠯᠯᠡᠵᠣ ᠪᠠᠶ᠋ᠢᠪᠠ᠃ ᠰᠣᠷᠭ᠋ᠠᠭᠤᠯᠢ ᠵᠢᠨ ᠬᠠᠷᠢᠭᠤᠴᠠᠯᠭ᠋ᠠᠳᠠᠨ᠄ ᠶᠧᠰᠢ᠃
1978 ᠣᠨᠠᠴᠠ 1979 ᠣᠨᠤ ᠬᠤᠭᠤᠴᠠᠭ᠋ᠠᠨᠳᠤ ᠶᠧᠰᠢ᠂ ᠬᠦᠷᠡᠯᠳᠣᠭᠤ᠂ ᠪᠣᠣ ᠵᠢᠨ ᠯᠢᠶᠠᠩ᠂ ᠮᠦᠩᠭᠦᠨᠲᠣᠶᠠᠭᠠ᠂ ᠦ᠋ ᠵᠢᠨ ᠱᠠᠨ ᠵᠡᠷᠭᠡ ᠪᠠᠭᠰᠢ ᠨᠠᠷ ᠬᠢᠴᠢᠶᠡᠯᠯᠡᠵᠣ ᠪᠠᠶ᠋ᠢᠪᠠ᠃ ᠰᠣᠷᠭ᠋ᠠᠭᠤᠯᠢ ᠵᠢᠨ ᠬᠠᠷᠢᠭᠤᠴᠠᠯᠭ᠋ᠠᠳᠠᠨ᠄ ᠶᠧᠰᠢ᠃
1979 ᠣᠨᠠᠴᠠ 1980 ᠣᠨᠤ ᠬᠤᠭᠤᠴᠠᠭ᠋ᠠᠨᠳᠤ ᠷᠠᠰᠢᠳᠣᠷᠵᠢ᠂ ᠬᠦᠷᠡᠯᠳᠣᠭᠤ᠂ ᠮᠦᠩᠭᠦᠨᠲᠣᠶᠠᠭᠠ᠂ ᠪᠣᠣ ᠵᠢᠨ ᠯᠢᠶᠠᠩ᠂ ᠦ᠋ ᠵᠢᠨ ᠱᠠᠨ ᠵᠡᠷᠭᠡ ᠪᠠᠭᠰᠢ ᠨᠠᠷ ᠬᠢᠴᠢᠶᠡᠯᠯᠡᠵᠣ ᠪᠠᠶ᠋ᠢᠪᠠ᠃ ᠰᠣᠷᠭ᠋ᠠᠭᠤᠯᠢ ᠵᠢᠨ ᠬᠠᠷᠢᠭᠤᠴᠠᠯᠭ᠋ᠠᠳᠠᠨ᠄ ᠶᠧᠰᠢ᠃
1980 ᠣᠨᠠᠴᠠ 1981 ᠣᠨᠤ ᠬᠤᠭᠤᠴᠠᠭ᠋ᠠᠨᠳᠤ ᠷᠠᠰᠢᠳᠣᠷᠵᠢ᠂ ᠬᠦᠷᠡᠯᠳᠣᠭᠤ᠂ ᠮᠦᠩᠭᠦᠨᠲᠣᠶᠠᠭᠠ᠂ ᠪᠣᠣ ᠵᠢᠨ ᠯᠢᠶᠠᠩ᠂ ᠦ᠋ ᠵᠢᠨ ᠱᠠᠨ᠂ ᠱᠣᠸᠠᠩ ᠯᠢᠶᠠᠩ ᠵᠡᠷᠭᠡ ᠪᠠᠭᠰᠢ ᠨᠠᠷ ᠬᠢᠴᠢᠶᠡᠯᠯᠡᠵᠣ ᠪᠠᠶ᠋ᠢᠪᠠ᠃ ᠰᠣᠷᠭ᠋ᠠᠭᠤᠯᠢ ᠵᠢᠨ ᠬᠠᠷᠢᠭᠤᠴᠠᠯᠭ᠋ᠠᠳᠠᠨ᠄ ᠷᠠᠰᠢᠳᠣᠷᠵᠢ᠃
1981 ᠣᠨᠠᠴᠠ 1982 ᠣᠨᠤ ᠬᠤᠭᠤᠴᠠᠭ᠋ᠠᠨᠳᠤ ᠷᠠᠰᠢᠳᠣᠷᠵᠢ᠂ ᠬᠦᠷᠡᠯᠳᠣᠭᠤ᠂ ᠪᠠᠯᠳᠠᠨ᠂ ᠪᠣᠣ ᠵᠢᠨ ᠯᠢᠶᠠᠩ᠂ ᠦ᠋ ᠵᠢᠨ ᠱᠠᠨ᠂ ᠵᠡᠷᠭᠡ ᠪᠠᠭᠰᠢ ᠬᠢᠴᠢᠶᠡᠯᠯᠡᠵᠣ ᠪᠠᠶ᠋ᠢᠪᠠ᠃ ᠰᠣᠷᠭ᠋ᠠᠭᠤᠯᠢ ᠵᠢᠨ ᠬᠠᠷᠢᠭᠤᠴᠠᠯᠭ᠋ᠠᠳᠠᠨ᠄ ᠬᠦᠷᠡᠯᠳᠣᠭᠤ᠃
1982 ᠣᠨᠠᠴᠠ 1983 ᠣᠨᠤ ᠬᠤᠭᠤᠴᠠᠭ᠋ᠠᠨᠳᠤ ᠷᠠᠰᠢᠳᠣᠷᠵᠢ᠂ ᠬᠦᠷᠡᠯᠳᠣᠭᠤ᠂ ᠪᠠᠯᠳᠠᠨ᠂ ᠪᠣᠣ ᠵᠢᠨ ᠯᠢᠶᠠᠩ᠂ ᠦ᠋ ᠵᠢᠨ ᠱᠠᠨ᠂ ᠬᠠᠷᠠᠪᠠᠷᠰ ᠵᠡᠷᠭᠡ ᠪᠠᠭᠰᠢ ᠨᠠᠷ ᠬᠢᠴᠢᠶᠡᠯᠯᠡᠵᠣ ᠪᠠᠶ᠋ᠢᠪᠠ᠃ ᠰᠣᠷᠭ᠋ᠠᠭᠤᠯᠢ ᠵᠢᠨ ᠬᠠᠷᠢᠭᠤᠴᠠᠯᠭ᠋ᠠᠳᠠᠨ᠄ ᠬᠦᠷᠡᠯᠳᠣᠭᠤ᠃
1983 ᠣᠨᠠᠴᠠ 1984 ᠣᠨᠤ ᠬᠤᠭᠤᠴᠠᠭ᠋ᠠᠨᠳᠤ ᠷᠠᠰᠢᠳᠣᠷᠵᠢ᠂ ᠬᠦᠷᠡᠯᠳᠣᠭᠤ᠂ ᠪᠠᠯᠳᠠᠨ᠂ ᠭᠠᠨᠵᠣᠣᠷᠵᠠᠪ᠂ ᠦ᠋ ᠵᠢᠨ ᠱᠠᠨ᠂ ᠬᠠᠷᠠᠪᠠᠷᠰ ᠵᠡᠷᠭᠡ ᠪᠠᠭᠰᠢ ᠨᠠᠷ ᠬᠢᠴᠢᠶᠡᠯᠯᠡᠵᠣ ᠪᠠᠶ᠋ᠢᠪᠠ᠃ ᠰᠤᠷᠭ᠋ᠠᠭᠤᠯᠢ ᠵᠢᠨ ᠬᠠᠷᠢᠭᠤᠴᠠᠯᠳᠠᠨ᠄ ᠭᠦᠷᠡᠯᠳᠤᠭᠤ᠃
1984 ᠣᠨᠠᠴᠠ 1985 ᠣᠨᠤ ᠬᠤᠭᠤᠴᠠᠭ᠋ᠠᠨᠳᠤ ᠷᠠᠰᠢᠳᠣᠷᠵᠢ᠂ ᠬᠦᠷᠡᠯᠳᠣᠭᠤ᠂ ᠪᠠᠯᠳᠠᠨ᠂ ᠭᠠᠨᠵᠣᠣᠷᠵᠠᠪ᠂ ᠦ᠋ ᠵᠢᠨ ᠱᠠᠨ᠂ ᠬᠠᠷᠠᠪᠠᠷᠰ᠂ ᠪᠣᠣ ᠮᠧᠢ ᠷᠦᠩ᠂ ᠼᠦᠢ ᠢᠣᠢ ᠵᠡᠷᠭᠡ ᠪᠠᠭᠰᠢ ᠨᠠᠷ ᠬᠢᠴᠢᠶᠡᠯᠯᠡᠵᠣ ᠪᠠᠶ᠋ᠢᠪᠠ᠃ ᠰᠣᠷᠭ᠋ᠠᠭᠤᠯᠢ ᠵᠢᠨ ᠬᠠᠷᠢᠭᠤᠴᠠᠯᠭ᠋ᠠᠳᠠᠨ᠄ ᠬᠦᠷᠡᠯᠳᠣᠭᠤ᠃
1985 ᠣᠨᠠᠴᠠ 1986 ᠣᠨᠤ ᠬᠤᠭᠤᠴᠠᠭ᠋ᠠᠨᠳᠤ ᠷᠠᠰᠢᠳᠣᠷᠵᠢ᠂ ᠬᠦᠷᠡᠯᠳᠣᠭᠤ᠂ ᠪᠠᠯᠳᠠᠨ᠂ ᠭᠠᠨᠵᠣᠣᠷᠵᠠᠪ᠂ ᠦ᠋ ᠵᠢᠨ ᠱᠠᠨ᠂ ᠬᠠᠷᠠᠪᠠᠷᠰ᠂ ᠪᠣᠣ ᠮᠧᠢ ᠷᠦᠩ᠂ ᠵᠢᠨ ᠮᠠ ᠵᠡᠷᠭᠡ ᠪᠠᠭᠰᠢ ᠨᠠᠷ ᠬᠢᠴᠢᠶᠡᠯᠯᠡᠵᠣ ᠪᠠᠶ᠋ᠢᠪᠠ᠃ ᠰᠣᠷᠭ᠋ᠠᠭᠤᠯᠢ ᠵᠢᠨ ᠬᠠᠷᠢᠭᠤᠴᠠᠯᠭ᠋ᠠᠳᠠᠨ᠄ ᠬᠦᠷᠡᠯᠳᠣᠭᠤ᠃
1986 ᠣᠨᠠᠴᠠ 1987 ᠣᠨᠤ ᠬᠤᠭᠤᠴᠠᠭ᠋ᠠᠨᠳᠤ ᠷᠠᠰᠢᠳᠣᠷᠵᠢ᠂ ᠬᠦᠷᠡᠯᠳᠣᠭᠤ᠂ ᠪᠠᠯᠳᠠᠨ᠂ ᠭᠠᠨᠵᠣᠣᠷᠵᠠᠪ᠂ ᠬᠠᠷᠠᠪᠠᠷᠰ᠂ ᠣᠳᠬᠤᠠᠭ᠍ᠣᠸᠠᠷ᠂ ᠵᠢᠨ ᠮᠠ ᠵᠡᠷᠭᠡ ᠪᠠᠭᠰᠢ ᠨᠠᠷ ᠬᠢᠴᠢᠶᠡᠯᠯᠡᠵᠣ ᠪᠠᠶ᠋ᠢᠪᠠ᠃ ᠰᠣᠷᠭ᠋ᠠᠭᠤᠯᠢ ᠵᠢᠨ ᠬᠠᠷᠢᠭᠤᠴᠠᠯᠭ᠋ᠠᠳᠠᠨ᠄ ᠬᠦᠷᠡᠯᠳᠣᠭᠤ᠃
1987 ᠣᠨᠠᠴᠠ 1988 ᠣᠨᠤ ᠬᠤᠭᠤᠴᠠᠭ᠋ᠠᠨᠳᠤ ᠷᠠᠰᠢᠳᠣᠷᠵᠢ᠂ ᠬᠦᠷᠡᠯᠳᠣᠭᠤ᠂ ᠪᠠᠯᠳᠠᠨ᠂ ᠭᠠᠨᠵᠣᠣᠷᠵᠠᠪ᠂ ᠣᠳᠬᠤᠠᠭ᠍ᠣᠸᠠᠷ᠂ ᠳᠠᠯᠠᠢ ᠵᠡᠷᠭᠡ ᠪᠠᠭᠰᠢ ᠨᠠᠷ ᠬᠢᠴᠢᠶᠡᠯᠯᠡᠵᠣ ᠪᠠᠶ᠋ᠢᠪᠠ᠃ ᠰᠣᠷᠭ᠋ᠠᠭᠤᠯᠢ ᠵᠢᠨ ᠬᠠᠷᠢᠭᠤᠴᠠᠯᠭ᠋ᠠᠳᠠᠨ᠄ ᠬᠦᠷᠡᠯᠳᠣᠭᠤ᠃
1988 ᠣᠨᠠᠴᠠ 1989 ᠣᠨᠤ ᠬᠤᠭᠤᠴᠠᠭ᠋ᠠᠨᠳᠤ ᠷᠠᠰᠢᠳᠣᠷᠵᠢ᠂ ᠬᠦᠷᠡᠯᠳᠣᠭᠤ᠂ ᠪᠠᠯᠳᠠᠨ᠂ ᠭᠠᠨᠵᠣᠣᠷᠵᠠᠪ᠂ ᠪᠣᠣ ᠵᠢᠨ ᠼᠠᠢ᠂ ᠳᠠᠯᠠᠢ ᠵᠡᠷᠭᠡ ᠪᠠᠭᠰᠢ ᠨᠠᠷ ᠬᠢᠴᠢᠶᠡᠯᠯᠡᠵᠣ ᠪᠠᠶ᠋ᠢᠪᠠ᠃ ᠰᠣᠷᠭ᠋ᠠᠭᠤᠯᠢ ᠵᠢᠨ ᠬᠠᠷᠢᠭᠤᠴᠠᠯᠭ᠋ᠠᠳᠠᠨ᠄ ᠬᠦᠷᠡᠯᠳᠣᠭᠤ᠃
1989 ᠣᠨᠠᠴᠠ 1990 ᠣᠨᠤ ᠬᠤᠭᠤᠴᠠᠭ᠋ᠠᠨᠳᠤ᠂ ᠷᠠᠰᠢᠳᠣᠷᠵᠢ᠂ ᠬᠦᠷᠡᠯᠳᠣᠭᠤ᠂ ᠪᠠᠯᠳᠠᠨ᠂ ᠭᠠᠨᠵᠣᠣᠷᠵᠠᠪ᠂ ᠪᠣᠣ ᠵᠢᠨ ᠼᠠᠢ᠂ ᠳᠠᠯᠠᠢ ᠵᠡᠷᠭᠡ ᠪᠠᠭᠰᠢ ᠨᠠᠷ ᠬᠢᠴᠢᠶᠡᠯᠯᠡᠵᠣ ᠪᠠᠶ᠋ᠢᠪᠠ᠃ ᠰᠣᠷᠭ᠋ᠠᠭᠤᠯᠢ ᠵᠢᠨ ᠬᠠᠷᠢᠭᠤᠴᠠᠯᠭ᠋ᠠᠳᠠᠨ᠄ ᠬᠦᠷᠡᠯᠳᠣᠭᠤ᠃
1990 ᠣᠨᠠᠴᠠ 1995 ᠣᠨᠤ 9 ᠰᠠᠷᠠ ᠪᠣᠯᠲᠠᠯᠠᠬᠢ ᠬᠤᠭᠤᠴᠠᠭ᠋ᠠᠨᠳᠤ᠂ ᠷᠠᠰᠢᠳᠣᠷᠵᠢ᠂ ᠪᠠᠯᠳᠠᠨ᠂ ᠭᠠᠨᠵᠣᠣᠷᠵᠠᠪ᠂ ᠪᠣᠣ ᠵᠢᠨ ᠼᠠᠢ᠂ ᠳᠠᠯᠠᠢ ᠵᠡᠷᠭᠡ ᠪᠠᠭᠰᠢ ᠨᠠᠷ ᠬᠢᠴᠢᠶᠡᠯᠯᠡᠵᠣ ᠪᠠᠶ᠋ᠢᠪᠠ᠃ ᠰᠣᠷᠭ᠋ᠠᠭᠤᠯᠢ ᠵᠢᠨ ᠬᠠᠷᠢᠭᠤᠴᠠᠯᠭ᠋ᠠᠳᠠᠨ᠄ ᠭᠠᠨᠵᠣᠣᠷᠵᠠᠪ᠃
1995 ᠣᠨᠳᠤ ᠨᠠᠢ᠍ᠮᠠᠨ ᠬᠤᠰᠢᠭᠤᠨᠤ ᠠᠷᠠᠳᠤᠨ ᠶᠠᠪᠣᠳᠠᠯᠤᠨ ᠲᠣᠪᠴᠢᠶᠠᠠᠴᠠ ᠵᠡᠬᠦᠨ ᠬᠤᠯᠣᠰᠣᠲᠠᠢ ᠭᠠᠴᠠᠭᠠᠲᠠᠢ ᠮᠠᠯ ᠠᠵᠣ ᠠᠬᠤᠢ ᠵᠢᠨ ᠬᠠᠮᠲᠣᠷᠠᠯᠴᠠᠭᠠ ᠶᠠᠪᠣᠭᠤᠯᠵᠣ᠂ ᠵᠡᠭᠦᠨ ᠬᠤᠯᠣᠰᠣᠲᠠᠢ ᠭᠠᠴᠠᠭᠠ ᠵᠢᠨ ᠨᠢᠭᠡ ᠬᠡᠰᠡᠭ ᠨᠣᠲᠤᠭ ᠪᠡᠯᠴᠢᠭᠡᠷᠢ ᠡᠵᠡᠩᠨᠡᠭᠰᠡᠨᠠᠴᠠ ᠵᠡᠭᠦᠨ ᠬᠤᠯᠣᠰᠣᠲᠠᠢ ᠭᠠᠴᠠᠭᠠ ᠵᠢᠨ ᠰᠣᠷᠭ᠋ᠠᠭᠤᠯᠢ ᠵᠢᠨ ᠭᠡᠷ ᠪᠠᠷᠢᠯᠭᠠ᠂ ᠲᠣᠨᠤᠭ ᠲᠦᠬᠦᠭᠡᠷᠦᠮᠵᠢ ᠵᠢ ᠪᠦᠬᠦ ᠲᠠᠯᠠᠪᠠᠷ ᠦᠭᠡᠷᠡᠴᠢᠯᠡᠨ ᠰᠢᠨᠡᠳᠭᠡᠵᠣ᠂ ᠪᠠᠭᠰᠢ ᠵᠢᠨ ᠠ᠋ᠩᠨᠡᠭᠡᠳᠤ ᠴᠦ᠍ ᠶᠡᠭᠡ ᠲᠤᠬᠢᠷᠠᠭᠤᠯᠣᠯᠳᠠ ᠬᠢᠭᠰᠡᠨ ᠪᠠᠶ᠋ᠢᠨᠠ᠃
1995 ᠣᠨᠠᠴᠠ 1996 ᠣᠨᠤ ᠬᠤᠭᠤᠴᠠᠭ᠋ᠠᠨᠳᠤ ᠬᠦᠷᠡᠯᠳᠣᠭᠤ᠂ ᠪᠠᠯᠳᠠᠨ᠂ ᠭᠠᠨᠵᠣᠣᠷᠵᠠᠪ᠂ ᠬᠠᠷᠠᠪᠠᠷᠰ᠂ ᠪᠣᠣ ᠮᠧᠢ ᠷᠦᠩ᠂ ᠶᠢᠩ ᠢᠣᠢ᠂ ᠳᠠᠯᠠᠢ᠂ ᠬᠠᠢ ᠮᠧᠢ ᠵᠡᠷᠭᠡ ᠪᠠᠭᠰᠢ ᠨᠠᠷ ᠬᠢᠴᠢᠶᠡᠯᠯᠡᠵᠣ ᠪᠠᠶ᠋ᠢᠪᠠ᠃ ᠰᠣᠷᠭ᠋ᠠᠭᠤᠯᠢ ᠵᠢᠨ ᠬᠠᠷᠢᠭᠤᠴᠠᠯᠭ᠋ᠠᠳᠠᠨ᠄ ᠬᠠᠷᠠᠪᠠᠷᠰ᠃
1996 ᠣᠨᠠᠴᠠ 1997 ᠣᠨᠤ ᠬᠤᠭᠤᠴᠠᠭ᠋ᠠᠨᠳᠤ ᠬᠦᠷᠡᠯᠳᠣᠭᠤ᠂ ᠪᠠᠯᠳᠠᠨ᠂ ᠭᠠᠨᠵᠣᠣᠷᠵᠠᠪ᠂ ᠬᠠᠷᠠᠪᠠᠷᠰ᠂ ᠪᠣᠣ ᠮᠧᠢ ᠷᠦᠩ᠂ ᠶᠢᠩ ᠢᠣᠢ᠂ ᠳᠠᠯᠠᠢ᠂ ᠬᠠᠢ ᠮᠧᠢ᠂ ᠬᠦᠦᠶ᠋ᠢᠷᠡ ᠵᠡᠷᠭᠡ ᠪᠠᠭᠰᠢ ᠨᠠᠷ ᠬᠢᠴᠢᠶᠡᠯᠯᠡᠵᠣ ᠪᠠᠶ᠋ᠢᠪᠠ᠃ ᠰᠣᠷᠭ᠋ᠠᠭᠤᠯᠢ ᠵᠢᠨ ᠬᠠᠷᠢᠭᠤᠴᠠᠯᠭ᠋ᠠᠳᠠᠨ᠄ ᠬᠠᠷᠠᠪᠠᠷᠰ᠃
1997 ᠣᠨᠠᠴᠠ 1998 ᠣᠨᠤ ᠬᠤᠭᠤᠴᠠᠭ᠋ᠠᠨᠳᠤ ᠬᠦᠷᠡᠯᠳᠣᠭᠤ᠂ ᠪᠠᠯᠳᠠᠨ᠂ ᠭᠠᠨᠵᠣᠣᠷᠵᠠᠪ᠂ ᠬᠠᠷᠠᠪᠠᠷᠰ᠂ ᠪᠣᠣ ᠮᠧᠢ ᠷᠦᠩ᠂ ᠶᠢᠩ ᠢᠣᠢ᠂ ᠯᠢᠶᠠᠩ ᠱᠧᠩ᠂ ᠳᠠᠯᠠᠢ ᠵᠡᠷᠭᠡ ᠪᠠᠭᠰᠢ ᠨᠠᠷ ᠬᠢᠴᠢᠶᠡᠯᠯᠡᠵᠣ ᠪᠠᠶ᠋ᠢᠪᠠ᠃ ᠰᠣᠷᠭ᠋ᠠᠭᠤᠯᠢ ᠵᠢᠨ ᠬᠠᠷᠢᠭᠤᠴᠠᠯᠭ᠋ᠠᠳᠠᠨ᠄ ᠬᠠᠷᠠᠪᠠᠷᠰ᠃
1998 ᠣᠨᠠᠴᠠ 1999 ᠣᠨᠤ ᠬᠤᠭᠤᠴᠠᠭ᠋ᠠᠨᠳᠤ ᠬᠦᠷᠡᠯᠳᠣᠭᠤ᠂ ᠪᠠᠯᠳᠠᠨ᠂ ᠭᠠᠨᠵᠣᠣᠷᠵᠠᠪ᠂ ᠬᠠᠷᠠᠪᠠᠷᠰ᠂ ᠪᠣᠣ ᠮᠧᠢ ᠷᠦᠩ᠂ ᠶᠢᠩ ᠢᠣᠢ᠂ ᠭᠦᠨᠢᠶᠠᠩ ᠵᠡᠷᠭᠡ ᠪᠠᠭᠰᠢ ᠨᠠᠷ ᠬᠢᠴᠢᠶᠡᠯᠯᠡᠵᠣ ᠪᠠᠶ᠋ᠢᠪᠠ᠃ ᠰᠣᠷᠭ᠋ᠠᠭᠤᠯᠢ ᠵᠢᠨ ᠬᠠᠷᠢᠭᠤᠴᠠᠯᠭ᠋ᠠᠳᠠᠨ᠄ ᠬᠠᠷᠠᠪᠠᠷᠰ᠃
1999 ᠣᠨᠠᠴᠠ 2000 ᠣᠨᠤ ᠬᠤᠭᠤᠴᠠᠭ᠋ᠠᠨᠳᠤ ᠬᠦᠷᠡᠯᠳᠣᠭᠤ᠂ ᠪᠠᠯᠳᠠᠨ᠂ ᠭᠠᠨᠵᠣᠣᠷᠵᠠᠪ᠂ ᠬᠠᠷᠠᠪᠠᠷᠰ᠂ ᠪᠣᠣ ᠮᠧᠢ ᠷᠦᠩ᠂ ᠶᠢᠩ ᠢᠣᠢ᠂ ᠵᠡᠷᠭᠡ ᠪᠠᠭᠰᠢ ᠨᠠᠷ ᠬᠢᠴᠢᠶᠡᠯᠯᠡᠵᠣ ᠪᠠᠶ᠋ᠢᠪᠠ᠃ ᠰᠣᠷᠭ᠋ᠠᠭᠤᠯᠢ ᠵᠢᠨ ᠬᠠᠷᠢᠭᠤᠴᠠᠯᠭ᠋ᠠᠳᠠᠨ᠄ ᠬᠠᠷᠠᠪᠠᠷᠰ᠃
2000 ᠣᠨᠳᠤ ᠨᠠᠢ᠍ᠮᠠᠨ ᠬᠤᠰᠢᠭᠤᠨᠢ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠶᠡᠭᠡ ᠦᠭᠡᠷᠡᠴᠢᠯᠡᠯᠲᠡ ᠶᠠᠪᠤᠭᠳᠠᠭᠤᠯᠵᠤ ᠣᠷᠤᠨ ᠨᠤᠲᠤᠭᠤᠨ ᠪᠠᠭᠰᠢ ᠶᠡᠭᠡᠪᠠᠷ ᠭᠠᠳᠠᠭᠰᠢ ᠰᠢᠯᠵᠢᠨ ᠭᠠᠳᠠᠨᠠᠠᠴᠠ ᠤᠯᠠᠨ ᠪᠠᠭᠰᠢ ᠵᠢ ᠰᠢᠯᠵᠢᠭᠦᠯᠦᠨ ᠤᠷᠤᠭᠤᠯᠵᠤ ᠰᠤᠷᠭ᠋ᠠᠭᠤᠯᠢᠠᠴᠠ ᠪᠠᠭᠰᠢ ᠵᠢᠨ ᠪᠠᠶ᠋ᠢᠷᠢ ᠵᠢ ᠲᠣᠬᠢᠷᠠᠭᠤᠯᠪᠠ᠃
2000 ᠣᠨᠠᠴᠠ 2004 ᠣᠨᠤ ᠬᠤᠭᠤᠴᠠᠭ᠋ᠠᠨᠳᠤ ᠬᠠᠷᠠᠪᠠᠷᠰ᠂ ᠬᠦᠷᠡᠯᠳᠣᠭᠤ᠂ ᠰᠠᠷᠠᠨᠲᠣᠶᠠᠭᠠ （ᠱᠧᠩᠯᠢ ᠨᠤᠲᠤᠭᠲᠠᠢ）᠂ ᠦ᠋ ᠶᠠᠨ （ᠱᠧᠩᠯᠢ ᠨᠤᠲᠤᠭᠲᠠᠢ）᠂ ᠣᠯᠠᠭ᠋ᠠᠨ （ᠵᠠᠷᠤᠳ ᠨᠤᠲᠤᠭᠲᠠᠢ） ᠵᠡᠷᠭᠡ ᠪᠠᠭᠰᠢ ᠨᠠᠷ ᠬᠢᠴᠢᠶᠡᠯᠯᠡᠵᠣ ᠪᠠᠶ᠋ᠢᠪᠠ᠃ ᠰᠣᠷᠭ᠋ᠠᠭᠤᠯᠢ ᠵᠢᠨ ᠬᠠᠷᠢᠭᠤᠴᠠᠯᠭ᠋ᠠᠳᠠᠨ᠄ ᠬᠠᠷᠠᠪᠠᠷᠰ᠃
2004 ᠣᠨᠠᠴᠠ 2005 ᠣᠨᠤ ᠬᠤᠭᠤᠴᠠᠭ᠋ᠠᠨᠳᠤ ᠬᠠᠷᠠᠪᠠᠷᠰ᠂ ᠬᠦᠷᠡᠯᠳᠣᠭᠤ᠂ ᠰᠠᠶ᠋ᠢᠨᠴᠣᠭᠳᠣ᠂ ᠱᠣᠸᠠᠩ ᠬᠤᠣ᠂ ᠴᠧᠨ ᠶᠠ ᠰᠢᠣᠸᠠᠢ᠂ ᠪᠣᠣ ᠰᠢᠶᠠᠩ ᠹᠦ᠋ ᠵᠡᠷᠭᠡ ᠪᠠᠭᠰᠢ ᠨᠠᠷ ᠬᠢᠴᠢᠶᠡᠯᠯᠡᠵᠦ ᠪᠠᠶ᠋ᠢᠪᠠ᠃ ᠰᠣᠷᠭ᠋ᠠᠭᠤᠯᠢ ᠵᠢᠨ ᠬᠠᠷᠢᠭᠤᠴᠠᠯᠭ᠋ᠠᠳᠠᠨ᠄ ᠪᠣᠣ ᠰᠢᠶᠠᠩ ᠹᠦ᠋᠃
2005 ᠣᠨᠤ 9 ᠰᠠᠷᠠᠠᠴᠠ ᡁᠢ ᠠᠨ ᠪᠠᠯᠭ᠋ᠠᠰᠣᠨᠤ ᠮᠣᠩᠭᠤᠯ ᠵᠶ᠋ᠠᠷ ᠬᠢᠴᠢᠶᠡᠯᠯᠡᠵᠦ ᠪᠠᠶ᠋ᠢᠭᠰᠠᠨ ᠪᠠᠭᠠ ᠰᠣᠷᠭ᠋ᠠᠭᠤᠯᠢᠨᠤᠭᠤᠳᠢ ᠪᠦᠬᠦᠨᠢ ᠣᠣᠯᠤᠨ ᠨᠠᠢ᠍ᠮᠠᠨ ᠬᠤᠰᠢᠭᠤᠨᠤ ᠱᠧᠩᠯᠢ ᠮᠣᠩᠭᠤᠯ ᠳᠣᠮᠳᠠᠳᠣ ᠰᠣᠷᠭ᠋ᠠᠭᠤᠯᠢ ᠵᠢᠨ ᠪᠠᠭᠤᠷᠢ ᠳᠡᠭᠡᠷᠡ ᠰᠢᠨᠡᠪᠠᠷ ᠰᠣᠷᠭ᠋ᠠᠭᠤᠯᠢ ᠪᠠᠶ᠋ᠢᠭᠤᠯᠵᠣ ᠨᠡᠶ᠋ᠢᠯᠡᠭᠦᠯᠦᠨ ᠠᠪᠠᠴᠢᠭ᠋ᠠᠳ 《ᡁᠢ ᠠᠨ ᠮᠣᠩᠭᠤᠯ ᠪᠠᠭᠠ ᠰᠣᠷᠭ᠋ᠠᠭᠤᠯᠢ》 ᠭᠡᠵᠣ ᠨᠡᠷᠡᠶ᠋ᠢᠳᠪᠡ᠃ ᠢᠩᠬᠢᠭᠡᠳ ᠵᠡᠭᠦᠨ ᠬᠤᠯᠣᠰᠣᠳᠠᠢ ᠪᠠᠭᠠ ᠰᠣᠷᠭ᠋ᠠᠭᠤᠯᠢ ᠵᠢᠷᠠᠨ ᠵᠢᠯᠤᠨ ᠣᠢᠳᠤᠪᠠᠨ ᠲᠤᠯᠵᠤ ᠲᠡᠦᠬᠡᠳᠣ ᠢᠷᠠᠭᠤ ᠠᠯᠳᠠᠷᠳᠣ ᠠ᠋ᠬᠦᠷᠭᠡᠪᠠᠨ ᠪᠠᠶᠠᠯᠠᠭᠦᠯᠵᠦ᠂ ᠨᠣᠳᠤᠭ ᠣᠰᠣᠨᠤᠪᠠᠨ ᠦᠶ ᠣᠯᠠᠨ ᠪᠠᠭ᠋ᠠᠴᠣᠳᠢ ᠭᠠᠷᠢᠨᠢ ᠭᠠᠨᠵᠤᠭ᠋ᠠᠨᠳᠤ ᠬᠦᠯᠢᠨᠢ ᠳᠦᠷᠦᠭᠡᠨᠳᠤ ᠬᠦᠷᠭᠡᠵᠣ ᠪᠠᠶ᠋ᠢᠭᠰᠠᠨ ᠰᠣᠶᠣᠯ ᠭᠡᠭᠡᠷᠡᠯᠤᠨ ᠦᠯᠦᠭᠡᠢ ᠮᠢᠨᠢ ᠲᠡᠦᠬᠡ ᠪᠣᠯᠤᠨ ᠬᠤᠴᠤᠷᠴᠠᠢ᠃ ᠠ᠋ᠨᠡ ᠬᠦ᠌ ᠵᠢᠷᠠᠨ ᠵᠢᠯᠤᠨ ᠲᠡᠦᠬᠡᠨ ᠬᠤᠭᠤᠴᠠᠭ᠋ᠠᠨᠳᠤ ᠨᠡᠶ᠋ᠢᠲᠡ 800 ᠭᠠᠷᠤᠢ ᠰᠤᠷᠤᠭᠴᠢ ᠵᠢ ᠬᠦᠮᠦᠵᠢᠭᠦᠯᠦᠭᠰᠡᠨᠤ ᠳᠣᠲᠣᠷᠠᠠᠴᠠ 147 ᠨᠡᠷᠡᠰ ᠰᠤᠷᠤᠭᠴᠢᠨᠢ ᠤᠯᠤᠰᠤᠨ ᠨᠢᠭᠡᠳᠦᠯᠲᠠᠢ ᠰᠢᠯᠭ᠋ᠠᠯᠲᠠᠪᠠᠷ ᠳᠠᠮᠵᠢᠨ ᠪᠦᠬᠦᠯᠢ ᠠ᠋ᠳᠦᠷᠤᠨ ᠳᠦᠷᠢᠮᠲᠦ ᠶᠡᠭᠡ ᠳᠡᠭᠡᠳᠦ ᠰᠤᠷᠭ᠋ᠠᠭᠤᠯᠢ ᠪᠠ ᠳᠤᠮᠳᠠ ᠵᠡᠷᠭᠡ ᠵᠢᠨ ᠲᠤᠰᠬᠠᠢ ᠮᠡᠷᠭᠡᠵᠢᠯᠤᠨ ᠰᠤᠷᠭ᠋ᠠᠭᠤᠯᠢ ᠲᠡᠬᠦᠰᠬᠡᠵᠦ᠂ 72 ᠨᠡᠷᠡᠰ ᠰᠤᠷᠤᠯᠭ᠋ᠠᠲᠠᠨᠨᠢ ᠴᠡᠷᠢᠭᠠᠴᠠ ᠬᠠᠯᠠᠭᠳᠠᠨ ᠠᠵᠢᠯ ᠬᠤᠪᠢᠶᠠᠭᠳᠠᠭᠰᠠᠨ ᠪᠣᠶᠤ ᠪᠣᠰᠤᠳ ᠠᠷᠭᠠ ᠵᠠᠮ ᠵᠶ᠋ᠠᠷ ᠤᠯᠤᠰᠤᠨ ᠠᠯᠪᠠᠨ ᠠᠵᠢᠯ ᠪᠣᠶᠤ ᠠᠵᠢᠯ ᠦᠢ᠍ᠯᠡᠰᠤᠨ ᠨᠢᠭᠡᠴᠢᠪᠠᠷ ᠠᠵᠢᠯ ᠬᠤᠪᠢᠳᠠᠨ᠂ ᠨᠡᠶ᠋ᠢᠲᠡ 219 ᠨᠡᠷᠡᠰ ᠰᠤᠷᠤᠯᠭ᠋ᠠᠲᠠᠨ ᠤᠯᠤᠰ ᠪᠠ ᠣᠷᠣᠨᠤ ᠡᠯᠡ ᠭᠠᠵᠠᠷ ᠵᠶ᠋ᠠᠷ ᠠᠯᠪᠠᠨ ᠠᠵᠢᠯᠳᠤ ᠣᠷᠤᠯᠴᠠᠭᠰᠠᠨ ᠪᠠᠶ᠋ᠢᠨᠠ᠃
ᠰᠢᠯᠭ᠋ᠠᠯᠳᠠ ᠵᠢᠨ ᠲᠦᠷᠢᠮ ᠰᠡᠷᠬᠦᠭᠡᠭᠳᠡᠭᠰᠡᠨ ᠪᠠ ᠦᠭᠡᠷᠡᠴᠢᠯᠡᠯᠳᠡ ᠬᠢᠵᠦ ᠴᠢᠯᠦᠭᠡᠲᠠᠢ ᠶᠠᠪᠣᠯᠴᠠᠭ᠍ᠣ ᠲᠦᠷᠦ ᠵᠢᠨ ᠪᠣᠳᠣᠯᠭᠠ ᠬᠡᠷᠡᠭᠵᠢᠬᠦᠯᠦᠭᠰᠡᠨᠤ ᠰᠡᠭᠦᠯᠡᠷ 2005 ᠣᠨ ᠪᠣᠯᠲᠠᠯᠠᠬᠢ ᠭᠤᠴᠢ ᠭᠠᠷᠣᠢ ᠵᠢᠯᠤᠨ ᠬᠤᠭᠤᠴᠠᠭ᠋ᠠᠨᠳᠤ ᠵᠡᠭᠦᠨ ᠬᠤᠯᠣᠰᠣᠲᠠᠢ ᠪᠠᠭᠠ ᠰᠣᠷᠭ᠋ᠠᠭᠤᠯᠢ ᠵᠢᠨ ᠠ᠋ᠭᠦᠳᠡᠨ ᠪᠣᠱ᠌ᠤᠭᠠ ᠵᠢ ᠳᠠᠮᠵᠢᠭᠰᠠᠨ 600 ᠭᠠᠷᠣᠢ ᠰᠣᠷᠣᠯᠭ᠋ᠠᠲᠡᠳᠠᠴᠠ 132 ᠨᠡᠷᠡᠰ ᠰᠤᠷᠤᠯᠭ᠋ᠠᠲᠠᠨ ᠶᠡᠭᠡ ᠳᠡᠭᠡᠳᠦ ᠰᠤᠷᠭ᠋ᠠᠭᠤᠯᠢ ᠪᠠ ᠳᠣᠮᠳᠠ ᠵᠡᠷᠭᠡ ᠵᠢᠨ ᠲᠤᠰᠬᠠᠢ ᠮᠡᠷᠭᠡᠵᠢᠯᠤᠨ ᠰᠤᠷᠭ᠋ᠠᠭᠤᠯᠢ ᠲᠡᠬᠦᠰᠬᠡᠵᠦ᠂ 64 ᠨᠡᠷᠡᠰ ᠰᠤᠷᠤᠬ᠍ᠴᠢ ᠴᠡᠷᠢᠭᠠᠴᠠ ᠬᠠᠯᠠᠭᠳᠠᠭᠰᠠᠨ ᠪᠤᠶᠤ ᠪᠣᠰᠤᠳ ᠵᠦᠢ᠍ᠯᠤᠨ ᠵᠠᠮ ᠵᠶ᠋ᠠᠷ ᠣᠯᠣᠰᠤᠨ ᠠᠯᠪᠠᠨ ᠪᠠᠶ᠋ᠢᠭᠤᠯᠣᠯᠭᠠ ᠵᠢᠴᠢ ᠠᠵᠢᠯ ᠦᠢ᠍ᠯᠡᠰᠤᠨ ᠨᠢᠭᠡᠴᠢᠪᠠᠷ ᠠᠵᠢᠯ ᠬᠤᠪᠢᠳᠠᠨ᠂ ᠨᠡᠶ᠋ᠢᠲᠡ 196 ᠨᠡᠷᠡᠰ ᠰᠤᠷᠤᠭᠴᠢ ᠣᠯᠣᠰ ᠪᠠ ᠣᠷᠣᠨᠤ ᠡᠯᠡ ᠭᠠᠵᠠᠷ ᠵᠶ᠋ᠠᠷ ᠲᠦᠭᠡᠨ ᠲᠠᠷᠬᠠᠵᠣ᠂ ᠣᠯᠣᠰ ᠣᠷᠣᠨᠤ ᠠᠵᠣ ᠠᠬᠤᠢ ᠰᠣᠶᠣᠯᠤᠨ ᠪᠠᠶ᠋ᠢᠭᠤᠯᠣᠯᠲᠠ ᠬᠢᠭᠡᠳ ᠨᠡᠶ᠋ᠢᠭᠡᠮᠤᠨ ᠬᠦᠭᠵᠢᠯᠲᠡᠳᠤ ᠣᠶᠣᠨ ᠣᠬᠠᠭ᠋ᠠᠨ᠂ ᠬᠦᠴᠦᠨ ᠴᠢᠳᠠᠯ ᠵᠶ᠋ᠠᠨ ᠠ᠋ᠷᠭᠦᠭᠰᠡᠨ ᠶᠣᠮ᠃ ᠠ᠋ᠳᠡᠭᠡᠷ ᠴᠢᠳᠠᠪᠣᠷᠢᠲᠡᠳᠤᠨ ᠳᠣᠲᠣᠷᠠᠠᠴᠠ ᠣᠨᠴᠠᠭ᠋ᠠᠢ ᠬᠡᠳᠦ ᠵᠢ ᠳᠣᠷᠠᠳᠪᠠᠯ᠄
ᠳᠠᠮᠪᠠᠷᠠᠪᠵᠠᠢ᠂ 1957 ᠣᠨᠳᠤ ᠲᠦᠷᠦᠪᠡ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠳᠣ ᠨᠠᠮᠤᠨ ᠭᠡᠰᠢᠭᠦᠨ᠃ 1982 ᠣᠨᠳᠤ ᠦᠪᠦᠷ ᠮᠣᠩᠭᠤᠯᠤᠨ ᠦᠨᠳᠦᠰᠦᠲᠡᠨᠤ ᠳᠡᠭᠡᠳᠦ ᠰᠤᠷᠭ᠋ᠠᠭᠤᠯᠢ ᠵᠢᠨ ᠮᠣᠩᠭᠤᠯ ᠬᠡᠯᠡ ᠤᠳᠬᠠ ᠵᠣᠬᠢᠶᠠᠯᠤᠨ ᠰᠠᠯᠪᠤᠷᠢ ᠵᠢᠨ ᠵᠢᠩᠬᠢᠨᠢ ᠠᠩᠭᠢᠠᠴᠠ ᠲᠡᠭᠦᠰᠭᠡᠪᠡ᠃ ᠰᠤᠷᠭ᠋ᠠᠭᠤᠯᠢᠪᠠᠨ ᠲᠡᠭᠦᠰᠦᠭᠰᠡᠨᠤ ᠳᠠᠷᠠᠭᠠ ᠨᠠᠢ᠍ᠮᠠᠨ ᠬᠤᠰᠢᠭᠤᠨᠤ ᠮᠣᠩᠭᠤᠯ ᠳᠤᠮᠳᠠᠳᠤ ᠰᠤᠷᠭ᠋ᠠᠭᠤᠯᠢ᠂ ᠵᠢᠷᠢᠮᠤᠨ ᠪᠠᠭᠰᠢ ᠵᠢᠨ ᠰᠤᠷᠭ᠋ᠠᠭᠤᠯᠢᠳᠤ ᠮᠣᠩᠭᠤᠯ ᠬᠡᠯᠡᠨᠤ ᠪᠠᠭᠰᠢᠪᠠᠷ ᠤᠳᠠᠭ᠋ᠠᠨ ᠵᠢᠯ ᠠᠵᠢᠯᠯᠠᠪᠠ᠃ ᠵᠢᠷᠢᠮᠤᠨ ᠪᠠᠭᠰᠢ ᠵᠢᠨ ᠰᠤᠷᠭ᠋ᠠᠭᠤᠯᠢᠨᠢ ᠲᠦᠩᠯᠢᠶᠣᠣ ᠠᠵᠢᠯ ᠮᠡᠷᠭᠡᠵᠢᠯᠤᠨ ᠳᠡᠭᠡᠳᠦ ᠰᠤᠷᠭ᠋ᠠᠭᠤᠯᠢ ᠪᠤᠯᠤᠭᠰᠠᠨᠤ ᠳᠠᠷᠠᠭᠠ ᠲᠡᠷᠡ ᠲᠦᠩᠯᠢᠶᠣᠣ ᠠᠵᠢᠯ ᠮᠡᠷᠭᠡᠵᠢᠯᠤᠨ ᠳᠡᠭᠡᠳᠦ ᠰᠤᠷᠭ᠋ᠠᠭᠤᠯᠢᠳᠤ ᠮᠣᠩᠭᠤᠯ ᠬᠡᠯᠡᠨᠤ ᠫᠷᠣᠹᠸᠰᠰᠣᠷ ᠵᠶ᠋ᠠᠷ ᠣᠷᠢᠭᠳᠠᠨ ᠠᠵᠢᠯᠯᠠᠵᠤ᠂ ᠠᠵᠢᠯᠤᠨ ᠠᠮᠠᠷᠠᠯᠲᠠᠪᠠᠨ ᠠᠪᠤᠭᠰᠠᠨ ᠶᠤᠮ᠃ ᠲᠡᠷᠡ ᠬᠢᠴᠢᠶᠡᠯ ᠬᠦᠮᠦᠵᠢᠯᠤᠨ ᠠᠵᠢᠯᠳᠤ ᠮᠡᠷᠭᠡᠵᠢᠭᠰᠡᠨ ᠨᠡᠷᠡᠲᠦ ᠪᠠᠭᠰᠢ ᠪᠦᠭᠡᠳ ᠬᠢᠲᠠᠳ ᠮᠣᠩᠭᠤᠯ ᠬᠡᠯᠡᠨᠤ ᠣᠷᠴᠢᠭᠤᠯᠭᠠᠳᠤ ᠴᠠᠭ᠋ᠠᠷᠠᠭᠰᠠᠨ ᠠ᠋ᠷᠳᠠᠮᠳᠠᠨ ᠪᠣᠯᠣᠨᠠ᠃
ᠬᠦᠷᠡᠯᠪᠠᠭ᠋ᠠᠳᠣᠷ᠂ 1957 ᠣᠨᠳᠤ ᠲᠦᠷᠦᠪᠡ᠂ ᠳ᠋ᠣᠺᠲ᠋ᠣᠷ ᠴᠣᠯᠠᠲᠠᠢ᠃ 1983 ᠣᠨᠳᠤ ᠦᠪᠦᠷ ᠮᠣᠩᠭᠤᠯᠤᠨ ᠶᠡᠭᠡ ᠰᠤᠷᠭ᠋ᠠᠭᠤᠯᠢ ᠵᠢᠨ ᠮᠣᠩᠭᠤᠯ ᠬᠡᠯᠡ ᠤᠳᠬᠠ ᠵᠣᠬᠢᠶᠠᠯᠤᠨ ᠰᠠᠯᠪᠤᠷᠢ ᠵᠢᠨ ᠵᠢᠨᠭᠬᠢᠨᠢ ᠠᠨᠭ᠌ᠬᠢᠠᠴᠠ ᠲᠡᠭᠦᠰᠴᠤ᠂ 1987 ᠣᠨᠳᠤ ᠦᠪᠦᠷ ᠮᠣᠩᠭᠤᠯᠤᠨ ᠪᠠᠭᠰᠢ ᠵᠢᠨ ᠶᠡᠭᠡ ᠰᠤᠷᠭ᠋ᠠᠭᠤᠯᠢ ᠵᠢᠨ ᠮᠣᠩᠭᠤᠯ ᠬᠡᠯᠡ ᠤᠳᠬᠠ ᠵᠣᠬᠢᠶᠠᠯᠤᠨ ᠰᠠᠯᠪᠣᠷᠢᠠᠴᠠ ᠰᠤᠳᠤᠯᠬᠤ ᠰᠤᠷᠤᠭᠴᠢ ᠵᠢᠨ ᠰᠤᠷᠤᠯᠴᠠᠯᠭᠠᠪᠠᠨ ᠲᠡᠭᠦᠰᠭᠡᠵᠦ ᠮᠠᠰᠲᠸᠷ ᠴᠣᠯᠠ ᠬᠠᠮᠠᠭ᠋ᠠᠯᠠᠨ᠂ ᠰᠤᠷᠭ᠋ᠠᠭᠤᠯᠢ ᠵᠢᠨ ᠵᠶ᠋ᠠᠨ ᠮᠣᠩᠭᠤᠯ ᠬᠡᠯᠡ ᠤᠳᠬᠠ ᠵᠣᠬᠢᠶᠠᠯᠤᠨ ᠰᠠᠯᠪᠤᠷᠢᠳᠤ ᠦᠯᠡᠳᠡᠨ ᠠᠵᠢᠯᠯᠠᠪᠠ᠃ ᠲᠠᠷᠠᠭᠠᠨᠢ ᠠᠩᠭ᠍ᠯᠢ ᠵᠢᠨ ᠼᠠᠮᠪᠷᠢᠳᠭ᠌ᠸ ᠶᠡᠭᠡ ᠰᠣᠷᠭ᠋ᠠᠭᠤᠯᠢᠳᠤ ᠰᠤᠷᠤᠯᠴᠠᠵᠤ᠂ ᠳ᠋ᠣᠺᠲ᠋ᠣᠷ ᠴᠣᠯᠠ ᠬᠠᠮᠠᠭ᠋ᠠᠯᠠᠵᠠᠢ᠃ ᠬᠤᠵᠢᠮᠨᠢ ᠼᠠᠮᠪᠷᠢᠳᠭ᠌ᠸ ᠶᠡᠭᠡ ᠰᠣᠷᠭ᠋ᠠᠭᠤᠯᠢᠳᠤᠪᠠᠨ ᠦᠯᠡᠳᠡᠵᠦ ᠪᠠᠭᠰᠢᠯᠠᠨ᠂ ᠲᠡᠨᠳᠡ ᠨᠣᠳᠣᠭᠰᠢᠪᠠ᠃
ᠨᠠᠰᠤᠠᠥ᠌ᠯᠵᠡᠢ᠂ 1959 ᠣᠨᠳᠤ ᠲᠦᠷᠦᠪᠡ᠂ ᠳᠤᠮᠳᠠᠳᠤ ᠰᠤᠷᠭ᠋ᠠᠭᠤᠯᠢ ᠵᠢᠨ ᠦᠨᠳᠦᠷ ᠳᠡᠰᠤᠨ ᠪᠠᠭᠰᠢ᠃ 1979 ᠣᠨᠤ 9 ᠰᠠᠷᠠᠳᠤ ᠦᠪᠦᠷ ᠮᠣᠩᠭᠤᠯᠤᠨ ᠪᠠᠭᠰᠢ ᠵᠢᠨ ᠶᠡᠭᠡ ᠰᠤᠷᠭ᠋ᠠᠭᠤᠯᠢ ᠵᠢᠨ ᠲᠡᠦᠬᠡ ᠵᠢᠨ ᠰᠠᠯᠪᠤᠷᠢᠳᠤ ᠰᠢᠯᠭ᠋ᠠᠨ ᠣᠷᠤᠵᠤ᠂ 1983 ᠣᠨᠤ 7 ᠰᠠᠷᠠᠳᠤ ᠲᠡᠭᠦᠰᠪᠡ᠃ 1983 ᠣᠨᠤ 9 ᠰᠠᠷᠠᠠᠴᠠ ᠲᠦᠩᠯᠢᠶᠣᠣ ᠮᠣᠩᠭᠤᠯ ᠳᠤᠮᠳᠠᠳᠤ ᠰᠤᠷᠭ᠋ᠠᠭᠤᠯᠢᠳᠤ ᠠᠵᠢᠯᠤᠨ ᠬᠤᠪᠢᠶᠠᠷᠢ ᠠᠪᠴᠣ ᠦᠨᠳᠦᠷ ᠳᠤᠮᠳᠠᠳᠤ ᠵᠢᠨ ᠲᠡᠦᠬᠡ ᠵᠢᠨ ᠬᠢᠴᠢᠶᠡᠯ ᠵᠢᠭ᠋ᠠᠵᠤ ᠣᠳᠤ ᠪᠣᠯᠲᠠᠯᠠ ᠠᠵᠢᠯᠯᠠᠵᠤ ᠪᠤᠢ᠃ ᠲᠡᠷᠡ ᠤᠳᠠᠭ᠋ᠠᠨ ᠵᠢᠯ ᠵᠢᠭ᠋ᠠᠨ ᠰᠤᠷᠭ᠋ᠠᠯᠲᠠ ᠵᠢᠨ ᠨᠢᠭᠡᠳᠦᠭᠡᠷ ᠹᠷᠣᠨᠲᠲᠤ ᠠᠵᠢᠯᠯᠠᠵᠤ ᠦᠢ ᠣᠯᠠᠨ ᠣᠶᠤᠲᠠᠨᠢ ᠬᠦᠮᠦᠵᠢᠭᠦᠯᠬᠦ ᠶᠠᠪᠤᠴᠠᠳᠤᠪᠠᠨ ᠰᠤᠷᠤᠭᠴᠢᠳᠤᠨ ᠲᠡᠦᠬᠡ ᠵᠢᠨ ᠬᠢᠴᠢᠶᠡᠯᠤᠨ ᠰᠤᠷᠤᠯᠴᠠᠯᠭᠠ ᠵᠢᠨ ᠳᠠᠷᠤᠭ᠋ᠠᠰᠤ ᠵᠢ ᠬᠦᠩᠭᠡᠯᠡᠵᠦ ᠰᠤᠷᠤᠯᠴᠠᠯᠭᠠ ᠵᠢᠨ ᠦᠷᠡ ᠠᠰᠢᠭᠢ ᠳᠡᠭᠡᠭᠰᠢᠯᠡᠭᠦᠯᠬᠦ ᠠᠷᠭᠠ ᠵᠠᠮᠢ ᠬᠠᠶ᠋ᠢᠨ ᠰᠦᠪᠡᠭᠴᠢᠯᠡᠵᠦ ᠦᠢ᠍ᠯᠡᠳᠦᠯᠭᠡᠵᠢᠭᠦᠯᠳᠡᠭ ᠪᠦᠭᠡᠳ ᠬᠢᠴᠢᠶᠡᠯ ᠵᠢᠭ᠋ᠠᠬᠤ ᠤᠷᠠ ᠮᠡᠷᠭᠡᠰᠢᠯᠨᠢ ᠤᠯᠠᠨ ᠠ᠋ᠰᠢᠲᠠᠢ᠂ ᠣᠯᠠᠩᠬᠢ ᠰᠤᠷᠤᠭᠴᠢ ᠵᠢᠨ ᠬᠦᠯᠢᠶᠡᠨ ᠠᠪᠬᠤ ᠴᠢᠳᠠᠪᠤᠷᠢᠳᠤ ᠲᠣᠬᠢᠷᠠᠳᠠᠭ ᠲᠤᠯᠠ ᠲᠡᠭᠦᠨᠤ ᠵᠢᠭ᠋ᠠᠭᠰᠠᠨ ᠠᠩᠭᠢ ᠵᠢᠨ ᠲᠡᠦᠬᠡ ᠵᠢᠨ ᠬᠢᠴᠢᠶᠡᠯᠨᠢ ᠣᠨ ᠳᠠᠷᠠᠭ᠋ᠠᠯᠠᠨ ᠰᠢᠯᠢᠳᠡᠭ ᠬᠢᠷᠢ ᠪᠦᠲᠦᠮᠵᠢ ᠣᠯᠳᠠᠭ ᠪᠠᠶ᠋ᠢᠪᠠ᠃ ᠣᠨᠴᠠᠭ᠋ᠠᠶ᠋ᠢᠯᠠᠨ ᠳᠤᠷᠠᠳᠤᠭᠤᠰᠢᠲᠠᠢᠨᠢ ᠲᠡᠭᠦᠨᠤ ᠵᠢᠭ᠋ᠠᠭᠰᠠᠨ ᠠᠩᠭᠢᠠᠴᠠ ᠲᠡᠭᠦᠰᠦᠭᠰᠡᠨ ᠣᠶᠤᠲᠠᠨ ᠰᠤᠷᠤᠭᠴᠢ ᠵᠢᠴᠢ ᠠᠵᠢᠯᠤᠨ ᠪᠠᠶ᠋ᠢᠷᠢᠳᠤ ᠪᠠᠶ᠋ᠢᠭᠠ ᠰᠤᠷᠤᠭᠴᠢᠳᠨᠢ ᠲᠡᠭᠦᠨᠤ ᠲᠤᠬᠠᠢ ᠶᠠᠷᠢᠶᠠ ᠳᠡᠯᠭᠡᠬᠦᠲᠠᠢ ᠵᠡᠷᠭᠡ ᠤᠷᠮᠠᠨᠢ ᠬᠦᠭᠵᠢᠵᠦ ᠠ᠋ᠷᠡᠬᠡᠢ ᠭᠠᠷᠭ᠋ᠠᠬᠤ ᠦᠭᠡᠢ ᠬᠦᠮᠦᠨ ᠦᠭᠡᠢ᠃ ᠬᠤᠷᠢᠳᠤᠭ᠋ᠠᠷ ᠵᠠᠭᠤᠨᠤ ᠨᠠᠶᠠᠭ᠋ᠠᠳ ᠣᠨᠤ ᠦᠶᠡᠪᠠᠷ ᠦᠨᠳᠦᠷ ᠳᠤᠮᠳᠠᠳᠤ ᠵᠢᠨ ᠨᠡᠶ᠋ᠢᠭᠡᠮᠤᠨ ᠰᠢᠨᠵᠢᠯᠡᠬᠦ ᠣᠬᠠᠭ᠋ᠠᠨᠤ ᠠᠩᠭᠢ ᠵᠢᠨ ᠲᠡᠭᠦᠰᠬᠦ ᠣᠨᠤ ᠰᠤᠷᠤᠭᠴᠢᠳ ᠨᠠᠰᠤᠠᠥ᠌ᠯᠵᠡᠢ ᠪᠠᠭᠰᠢᠶᠢ ᠪᠤᠯᠢᠶᠠᠯᠳᠤᠵᠤ ᠬᠢᠴᠢᠶᠡᠯ ᠬᠠᠶᠠᠭᠰᠠᠨ ᠦᠯᠢᠭᠡᠷᠲᠠᠢ ᠪᠢᠯᠡ᠃ ᠲᠡᠷᠡ ᠲᠡᠭᠡᠳᠦ ᠲᠣᠮᠳᠠᠳᠣ ᠵᠢᠨ ᠲᠡᠣᠭᠡ ᠵᠢᠨ ᠬᠢᠴᠢᠶᠡᠯᠤᠨ ᠪᠢᠴᠢᠭ ᠨᠠᠶ᠋ᠢᠷᠠᠭᠤᠯᠬᠤ ᠠᠵᠢᠯᠳᠤ ᠣᠯᠠᠨᠳᠠ ᠣᠷᠣᠯᠴᠠᠭᠰᠠᠨ ᠪᠦᠬᠡᠳ ᠣᠯᠣᠰᠤᠨ ᠰᠢᠯᠭ᠋ᠠᠯᠳᠠ ᠭᠠᠷᠭ᠋ᠠᠬᠤ ᠠᠵᠢᠯᠳᠤ ᠴᠦ᠍ ᠣᠯᠠᠨᠳᠠ ᠣᠷᠣᠯᠴᠠᠵᠠᠢ᠃
ᠲᠡᠷᠡ ᠵᠢᠭ᠋ᠠᠨ ᠰᠤᠷᠭ᠋ᠠᠯᠲᠠ ᠵᠢᠨ ᠲᠠᠯᠠᠪᠠᠷ ᠭᠢᠯᠠᠯᠵᠠᠮᠠ ᠠᠮᠵᠢᠯᠲᠠᠲᠠᠢᠪᠠᠷ ᠪᠠᠷᠠᠬᠤ ᠦᠭᠡᠢ ᠵᠢᠭ᠋ᠠᠨ ᠰᠤᠷᠭ᠋ᠠᠯᠲᠠ ᠵᠢᠨ ᠰᠤᠳᠤᠯᠭ᠋ᠠᠨᠤ ᠲᠠᠯᠠᠪᠠᠷ ᠴᠦ᠍ ᠮᠠᠰᠢ ᠣᠯᠠᠨ ᠦᠨᠡ ᠦᠷᠲᠡᠭᠲᠠᠢ ᠦᠭᠦᠯᠡᠯ ᠪᠢᠴᠢᠵᠦ᠂ ᠣᠷᠤᠨᠤ ᠳᠤᠳᠤᠨᠠ ᠭᠠᠳᠠᠨᠠ ᠵᠢᠨ ᠰᠡᠳᠬᠦᠯ ᠳᠡᠭᠡᠷᠡ ᠨᠡᠶ᠋ᠢᠲᠡᠯᠡᠭᠦᠯᠦᠭᠰᠡᠨ ᠪᠦᠭᠡᠳ ᠳᠤᠮᠳᠠᠳᠤ ᠰᠤᠷᠭ᠋ᠠᠭᠤᠯᠢ ᠵᠢᠨ ᠲᠡᠦᠬᠡ ᠵᠢᠨ ᠨᠢᠭᠡᠳᠦᠯᠲᠠᠢ ᠰᠤᠷᠬᠤ ᠪᠢᠴᠢᠭ ᠨᠠᠶ᠋ᠢᠷᠠᠭᠤᠯᠬᠤ ᠺᠤᠮᠢᠰᠤᠨ ᠭᠡᠰᠢᠭᠦᠨ ᠵᠶ᠋ᠠᠷ ᠣᠯᠠᠨ ᠵᠢᠯ ᠠᠵᠢᠯᠯᠠᠭᠰᠠᠨ ᠪᠢᠯᠡ᠃
ᠯᠢᠶᠠᠩ ᠴᠢᠩ ᠯᠦᠩ᠂ ᠪᠢᠷᠤᠨ ᠨᠡᠷᠡᠨᠢ ᠰᠢᠷᠠᠨᠣᠳ ᠮ᠊ · ᠬᠦᠬᠡᠬᠦᠦ᠂ 1958 ᠣᠨᠤ 4 ᠰᠠᠷᠠ ᠵᠢᠨ 5ᠤ ᠠ᠋ᠳᠦᠷ ᠣᠣᠯᠤᠨ ᠵᠢᠷᠢᠮ ᠠᠶ᠋ᠢᠮᠠᠭᠤᠨ ᠨᠠᠢ᠍ᠮᠠᠨ ᠬᠤᠰᠢᠭᠤᠨᠤ ᡁᠢ ᠠᠨ ᠪᠠᠯᠭ᠋ᠠᠰᠣᠨᠤ ᠵᠡᠭᠦᠨ ᠬᠤᠯᠣᠰᠣᠲᠠᠢ ᠭᠠᠴᠠᠭ᠋ᠠᠨᠳᠤ ᠲᠦᠷᠦᠪᠡ᠃ 1982 ᠣᠨᠳᠤ ᠣᠯᠠᠭ᠋ᠠᠨᠬᠠᠳᠠ ᠵᠢᠨ ᠪᠠᠭᠰᠢ ᠵᠢᠨ ᠲᠣᠰᠬᠠᠢ ᠮᠡᠷᠭᠡᠵᠢᠯᠤᠨ ᠲᠡᠭᠡᠳᠦ ᠰᠣᠷᠭ᠋ᠠᠭᠤᠯᠢᠠᠴᠠ ᠲᠡᠭᠦᠰᠴᠦ ᠠᠯᠠᠱ᠌ᠠ ᠨᠤᠳᠤᠬᠲᠤ ᠠᠵᠢᠯᠤᠨ ᠭᠠᠷᠤᠭᠠ ᠠᠪᠣᠭ᠋ᠠᠳ᠂ ᠲᠣᠮᠳᠠᠨᠢ ᠪᠠᠰᠠ ᠦᠪᠦᠷ ᠮᠣᠩᠭᠤᠯᠤᠨ ᠦᠨᠳᠦᠰᠦᠳᠡᠨᠤ ᠣᠷᠠᠯᠢᠭᠤᠨ ᠳᠡᠭᠡᠳᠦ ᠰᠣᠷᠭ᠋ᠠᠭᠤᠯᠢ ᠵᠢᠨ ᠳᠡᠳ᠋ ᠵᠠᠬᠢᠷᠣᠯ ᠵᠡᠷᠭᠡ ᠲᠣᠰᠢᠶᠠᠯᠳᠤ ᠣᠷᠢᠭᠳᠠᠨ ᠠᠵᠢᠯᠯᠠᠵᠤ᠂ ᠲᠡᠳ᠋ ᠭᠠᠵᠠᠷᠤᠨ ᠲᠡᠰᠤᠨ ᠺᠠᠳ᠋ᠷ ᠵᠡᠷᠭᠡᠲᠠᠢ ᠠᠵᠢᠯᠤᠨ ᠠᠮᠠᠷᠠᠯᠳᠠᠪᠠᠨ ᠠᠪᠴᠡᠢ᠃ ᠦᠪᠦᠷ ᠮᠣᠩᠭᠤᠯᠤᠨ ᠵᠣᠬᠢᠶᠠᠯᠴᠢᠳᠤᠨ ᠡᠪᠯᠡᠯᠤᠨ ᠭᠡᠰᠢᠭᠦᠨ᠂ ᠦᠪᠦᠷ ᠮᠣᠩᠭᠤᠯᠤᠨ ᠣᠷᠴᠢᠭᠤᠯᠭᠠ ᠵᠢᠨ ᠨᠡᠶ᠋ᠢᠭᠡᠮᠯᠢᠭᠤᠨ ᠭᠡᠰᠢᠭᠦᠨ ᠵᠡᠷᠭᠡ ᠨᠡᠶ᠋ᠢᠭᠡᠮᠤᠨ ᠲᠣᠰᠢᠶᠠᠯᠲᠠᠢ᠃ ᠲᠠᠷᠠᠪᠠᠷ 1983 ᠣᠨᠠᠴᠠ 1986 ᠣᠨᠤ ᠬᠤᠭᠤᠷᠣᠨᠳᠣ ᠠᠯᠠᠱ᠌ᠠ ᠠᠢ᠍ᠢ᠍ᠮᠠᠬᠤᠨ ᠪᠠᠶᠠᠨᠬᠤᠳᠠ ᠣᠷᠣᠨᠤ 《ᠠᠩᠬᠠᠨᠤ ᠴᠠᠰᠣ》 ᠰᠢᠯᠦᠭ ᠲᠠᠭᠤᠣ ᠵᠢᠨ ᠣᠷᠣᠯᠳᠣᠭ᠋ᠠᠨᠢ ᠭᠤᠷᠪᠠᠨ ᠵᠢᠯ ᠲᠠᠷᠠᠭ᠋ᠠᠯᠠᠨ ᠵᠣᠬᠢᠶᠠᠨ ᠪᠠᠶ᠋ᠢᠭᠤᠯᠣᠨ ᠠ᠋ᠷᠬᠢᠯᠡᠵᠦ ᠪᠠᠶ᠋ᠢᠭᠰᠠᠨ ᠪᠦᠬᠡᠳ 2013 ᠣᠨᠤ 12 ᠰᠠᠷᠠ ᠵᠢᠨ 5ᠳᠤ ᠬᠤᠪᠢ ᠬᠦᠮᠦᠨᠤ ᠨᠡᠷᠡᠪᠠᠷ ᠨᠠᠢ᠍ᠮᠠᠨ ᠮᠣᠵᠢ ᠣᠷᠣᠨᠤ 《ᠬᠦᠬᠡᠬᠦᠣ ᠨᠡᠷᠡᠮᠵᠢᠳᠦ》 ᠮᠣᠩᠭᠤᠯ ᠢᠷᠠᠭᠤ ᠨᠠᠶ᠋ᠢᠷᠠᠭ ᠣᠶᠠᠩᠭ᠋ᠠᠯᠠᠨ ᠲᠣᠭᠯᠠᠭ᠍ᠣ （ᠲᠠᠶ᠋ᠢᠰᠠᠨᠤ ᠣᠷᠠᠯᠢᠭ ᠪᠣᠯᠭ᠋ᠠᠨ ᠲᠣᠭᠯᠠᠭ᠍ᠣ ᠠᠩᠬᠠᠨᠤ ᠲᠣᠷᠰᠢᠯᠳᠠ） ᠣᠷᠣᠯᠳᠣᠭ᠋ᠠᠨᠢ ᠦᠪᠤᠷ ᠮᠤᠨᠭ᠌ᠭᠤᠯᠤᠨ ᠪᠠᠭᠰᠢ ᠵᠢᠨ ᠶᠡᠭᠡ ᠰᠣᠷᠭ᠋ᠠᠭᠤᠯᠢᠳᠤ ᠠ᠋ᠷᠬᠢᠯᠡᠬᠡᠳ ᠲᠣᠩ ᠶᠡᠭᠡ ᠨᠦᠯᠦᠭᠡ ᠲᠣᠰᠬᠠᠯ ᠭᠠᠷᠭ᠋ᠠᠨ᠂ ᠪᠠᠰᠠ ᠪᠦᠬᠦ ᠣᠷᠣᠨᠤ ᠶᠡᠭᠡ ᠰᠣᠷᠭ᠋ᠠᠭᠤᠯᠢ᠂ ᠲᠡᠭᠡᠳᠦ ᠲᠣᠮᠳᠠᠳᠣ᠂ ᠠᠩᠬᠠ ᠲᠣᠮᠳᠠᠳᠣ ᠰᠣᠷᠭ᠋ᠠᠭᠤᠯᠢ ᠵᠢᠨ 《ᠨᠠᠢ᠍ᠮᠠᠨ ᠰᠢᠷᠭᠠ》 ᠵᠣᠬᠢᠶᠠᠯᠤᠨ ᠣᠷᠣᠯᠳᠣᠭ᠋ᠠᠨᠳᠤ ᠭᠤᠷᠪᠠᠨ ᠣᠳᠠᠭᠠ ᠠᠩᠬᠠᠨᠤ ᠨᠣᠭᠤᠯᠤᠭ᠋ᠠᠨᠤ ᠰᠢᠬᠦᠭᠴᠢᠪᠠᠷ ᠣᠷᠢᠭᠳᠠᠵᠦ᠂ ᠬᠤᠶᠠᠳᠣᠭ᠋ᠠᠷ ᠣᠳᠠᠭ᠋ᠠᠨᠤ ᠱᠠᠩᠨᠠᠯ ᠲᠠᠷᠬᠠᠭ᠋ᠠᠬᠤ ᠶᠣᠰᠣᠯᠠᠯᠤᠨ ᠲᠣᠭᠯᠠᠯᠳᠠ ᠵᠢ ᠲᠦᠰᠦᠪᠯᠡᠨ ᠣᠳᠣᠷᠢᠳᠣᠭ᠋ᠠᠵᠦ᠂ ᠬᠦᠳᠦᠯᠬᠦ ᠦᠬᠡ ᠵᠢᠨᠢ ᠪᠢᠴᠢᠵᠦ ᠦᠭᠴᠦ ᠪᠠᠶ᠋ᠢᠭᠰᠠᠨ ᠨᠡᠶ᠋ᠢᠬᠡᠮ ᠰᠣᠶᠣᠯᠤᠨ ᠵᠢᠳᠬᠦᠯᠳᠡᠨ᠃ ᠲᠡᠭᠦᠨᠤ ᠪᠢᠴᠢᠭᠰᠡᠨ 《ᠦᠬᠢᠨ ᠲᠣᠮᠤᠭ ᠲ᠋ᠠᠢ ᠰᠠᠯᠬᠢ》 ᠭᠡᠬᠦ ᠰᠢᠯᠦᠭᠤᠨ ᠲᠡᠭᠦᠪᠦᠷᠢᠨᠢ 2015 ᠣᠨᠳᠤ ᠦᠨᠳᠦᠰᠦᠲᠡᠨᠤ ᠬᠡᠪᠯᠡᠯᠤᠨ ᠬᠤᠷᠢᠶᠠᠨᠳᠤ ᠠᠩᠬᠠᠨᠤ ᠬᠡᠪᠯᠡᠯ ᠵᠶ᠋ᠠᠨ ᠬᠡᠪᠯᠡᠭᠦᠯᠦᠨ ᠣᠩᠰᠢᠬ᠍ᠴᠢᠳᠤᠨ ᠭᠠᠷᠲᠤ ᠬᠦᠷᠦᠭᠰᠡᠨ ᠪᠠᠶ᠋ᠢᠨᠠ᠃ 《ᠮᠣᠩᠭᠤᠯ ᠦᠰᠦᠭ ᠲᠠᠭ᠋ᠠᠬᠤ ᠣᠨᠢᠰᠤᠭᠠ》ᠨᠢ ᠨᠡᠶ᠋ᠢᠬᠡᠮᠤᠨ ᠨᠦᠯᠦᠭᠡ ᠲᠣᠰᠬᠠᠯ ᠶᠡᠬᠡᠳᠡᠢ ᠪᠠᠶ᠋ᠢᠵᠦ᠂ ᠬᠡᠣᠬᠡᠳᠤᠨ ᠵᠢᠷᠣᠭᠳᠦ ᠰᠢᠷᠢᠰ ᠨᠣᠮ 《ᠵᠢᠩᠭ᠋ᠠᠷᠤᠨ ᠲᠣᠮᠤᠭ》ᠨᠢ ᠪᠣᠷᠣᠯᠠᠭᠤᠯᠭᠠ ᠰᠠᠢ᠍ᠢ᠍ᠳᠠᠢ ᠨᠣᠮ ᠪᠤᠯᠤᠭᠰᠠᠨᠠᠴᠠ ᠭᠠᠳᠠᠨᠠ ᠮᠣᠩᠭᠤᠯ ᠵᠠᠩ ᠵᠠᠩᠰᠢᠯᠤᠨ ᠬᠢᠳᠠᠳ ᠣᠷᠴᠢᠭᠤᠯᠭᠠ 《ᠮᠣᠩᠭᠤᠯ ᠴᠡᠭᠡᠷᠤᠨ ᠴᠢᠭᠤᠯᠭ᠋ᠠᠨ》 ᠵᠡᠷᠭᠡ ᠨᠣᠮ ᠴᠦ᠍ ᠪᠣᠢ᠃ ᠲᠡᠷᠡ 1994 ᠣᠨ᠂ 2018 ᠣᠨᠳᠤ ᠲᠣᠰ ᠪᠦᠷᠢ ᠦᠪᠠᠷᠳᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ 《5.1 ᠢᠨᠵᠸᠨ᠋ᠸᠷᠢᠩ》 ᠱᠠᠩᠨᠠᠯᠢ ᠬᠦᠷᠳᠡᠭᠰᠡᠨ ᠪᠦᠬᠡᠳ 2002 ᠣᠨᠳᠤ ᠦᠪᠦᠷ ᠮᠣᠩᠭᠤᠯ ᠣᠷᠣᠨᠤ ᠮᠣᠩᠭᠤᠯ ᠬᠡᠯᠡ ᠪᠢᠴᠢᠭ ᠰᠣᠷᠴᠦ ᠬᠡᠷᠡᠭᠯᠡᠭᠰᠡᠨ ᠲᠡᠷᠢᠬᠦᠨᠤ ᠬᠤᠪᠢ ᠬᠦᠮᠦᠨ ᠵᠶ᠋ᠠᠷ ᠬᠦᠬᠢᠭᠦᠯᠦᠭᠳᠡᠪᠡ᠃ ᠨᠢᠬᠡᠨᠳᠡ ᠬᠡᠪᠯᠡᠯᠳᠤ ᠣᠷᠣᠭ᠋ᠠᠳ ᠪᠠᠶ᠋ᠢᠭᠠ ᠮᠣᠩᠭᠤᠯ ᠣᠷᠴᠢᠭᠤᠯᠭᠠ ᠵᠢᠨ ᠨᠣᠮ 《ᠬᠠᠣᠯᠢ ᠲᠦᠷᠢᠮᠢ ᠭᠠᠴᠠᠭᠠ ᠲᠣᠰᠬᠤᠨᠳᠤ ᠬᠦᠷᠭᠡᠬᠦ ᠰᠦᠪᠡᠭᠴᠢᠯᠡᠯ ᠵᠢᠷᠣᠭᠳᠦ ᠰᠢᠷᠢᠰ ᠴᠣᠪᠣᠷᠠᠯ ᠨᠣᠮ》 62 ᠲᠡᠪᠳᠡᠷ᠂ 《ᠣᠷᠴᠢᠨ ᠲᠣᠭᠤᠷᠢᠨᠤ ᠬᠠᠮᠠᠭ᠋ᠠᠯᠠᠯᠳᠠ ᠵᠢᠨ ᠬᠠᠣᠯᠢ》 《ᠢᠳᠡᠭᠡᠨᠤ ᠠᠮᠣᠷ ᠲᠦᠪᠰᠢᠨᠤ ᠬᠠᠣᠯᠢ》 《ᠮᠠᠯ ᠮᠠᠯᠵᠢᠯᠤᠨ ᠬᠠᠣᠯᠢ》 《ᠨᠣᠳᠤᠭ ᠪᠡᠯᠴᠢᠬᠡᠷᠤᠨ ᠬᠠᠣᠯᠢ》 《ᠣᠷᠤᠭᠤᠨ ᠬᠠᠣᠯᠢ》 ᠵᠡᠷᠭᠡ ᠲᠠᠶ᠋ᠢᠯᠪᠣᠷᠢ ᠲᠠᠭ᠋ᠠᠯᠳᠣᠭᠰᠠᠨ ᠲᠠᠪᠣᠨ ᠨᠣᠮ᠂ 《ᠴᠠ ᠪᠣᠭᠤ ᠵᠢᠨ ᠵᠢᠷᠭᠤᠭ᠋ᠠᠨ ᠣᠯᠠᠷᠢᠯ》 ᠭᠡᠭᠴᠢ ᠷᠣᠮᠠᠨ ᠨᠡᠶ᠋ᠢᠳᠡ 68 ᠲᠡᠪᠳᠡᠷ ᠨᠣᠮᠨᠢ 2019 ᠣᠨᠳᠤ ᠬᠡᠪᠯᠡᠭᠳᠡᠨ ᠣᠩᠰᠢᠬ᠍ᠴᠢᠳᠲᠠᠢ ᠵᠣᠯᠭ᠋ᠠᠬᠤ ᠪᠣᠯᠣᠨᠠ᠃
ᠬᠤᠸᠠᠩ ᠵᠢᠮᠪᠠ᠂ 1959 ᠣᠨᠤ 11 ᠰᠠᠷᠠᠳᠤ ᠲᠦᠷᠦᠪᠡ᠂ ᠳᠣᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠳᠤ ᠨᠠᠮᠤᠨ ᠭᠡᠰᠢᠭᠦᠨ᠃ 1977 ᠣᠨᠤ 9 ᠰᠠᠷᠠᠠᠴᠠ 1978 ᠣᠨᠤ 7 ᠬᠦᠷᠲᠡᠯᠡ ᠵᠡᠭᠦᠨ ᠬᠤᠯᠤᠰᠤᠳᠠᠢ ᠪᠠᠭᠠ ᠰᠤᠷᠭ᠋ᠠᠭᠤᠯᠢᠳᠤ ᠪᠠᠭᠰᠢᠯᠠᠪᠠ᠃ 1978 ᠣᠨᠠᠴᠠ 1980 ᠣᠨ ᠬᠦᠷᠲᠡᠯᠡ ᠣᠣᠯᠤᠨ ᠵᠢᠷᠢᠮ ᠠᠶ᠋ᠢᠮᠠᠭᠤᠨ ᠪᠠᠭᠰᠢ ᠵᠢᠨ ᠰᠤᠷᠭ᠋ᠠᠭᠤᠯᠢᠳᠤ ᠰᠤᠷᠤᠯᠴᠠᠪᠠ᠃ 1980 ᠣᠨᠠᠴᠠ 1988 ᠣᠨ ᠬᠦᠷᠲᠡᠯᠡ ᠨᠠᠢ᠍ᠮᠠᠨ ᠬᠤᠰᠢᠭᠤᠨᠤ ᠪᠠᠶ᠋ᠢᠰᠢᠩᠳᠣ ᠳᠤᠮᠳᠠᠳᠤ ᠰᠤᠷᠭ᠋ᠠᠭᠤᠯᠢᠳᠤ ᠪᠠᠭᠰᠢᠯᠠᠪᠠ᠃ 1988 ᠣᠨᠤ 10 ᠰᠠᠷᠠᠠᠴᠠ ᠣᠳᠣ ᠪᠣᠯᠳᠠᠯᠠ ᠨᠠᠢ᠍ᠮᠠᠨ ᠬᠤᠰᠢᠭᠤᠨᠤ ᠰᠢᠭᠦᠬᠦ ᠬᠤᠷᠢᠶᠠᠨᠳᠤ ᠰᠢᠭᠦᠭᠴᠢᠪᠠᠷ ᠠᠵᠢᠯᠯᠠᠵᠦ ᠪᠣᠢ᠃
ᠮᠠᠨᠳᠣᠬᠤ᠂ 1960 ᠣᠨᠤ 12 ᠰᠠᠷᠠᠳᠤ ᠲᠦᠷᠦᠪᠡ᠂ ᠮᠠᠰᠲᠸᠷ᠃ 1984 ᠣᠨᠤ 7 ᠰᠠᠷᠠᠳᠤ ᠦᠪᠦᠷ ᠮᠣᠩᠭᠤᠯᠤᠨ ᠠ᠋ᠮᠨᠡᠯᠭᠡ ᠵᠢᠨ ᠳᠡᠭᠡᠳᠦ ᠰᠤᠷᠭ᠋ᠠᠭᠤᠯᠢ ᠵᠢᠨ ᠮᠣᠩᠭᠤᠯ ᠬᠢᠲᠠᠳ ᠠ᠋ᠮᠨᠡᠯᠭᠡ ᠵᠢᠨ ᠰᠠᠯᠪᠣᠷᠢᠳᠤ ᠮᠣᠩᠭᠤᠯ ᠠᠨᠠᠭ᠋ᠠᠬᠤ ᠤᠬᠠᠭ᠋ᠠᠨᠤ ᠲᠣᠰᠬᠠᠢ ᠮᠡᠷᠭᠡᠵᠢᠯᠤᠨ ᠵᠢᠩᠭᠢᠨᠢ ᠠᠩᠭᠢᠠᠴᠠ ᠲᠡᠭᠦᠰᠴᠤ᠂ ᠦᠪᠦᠷ ᠮᠣᠩᠭᠤᠯᠤᠨ ᠦᠨᠳᠦᠰᠦᠲᠡᠨᠤ ᠶᠡᠭᠡ ᠰᠤᠷᠭ᠋ᠠᠭᠤᠯᠢ ᠵᠢᠨ ᠠ᠋ᠮᠨᠡᠯᠭᠡ ᠵᠢᠨ ᠳᠡᠭᠡᠳᠦ ᠰᠤᠷᠭ᠋ᠠᠭᠤᠯᠢ ᠵᠢᠨ ᠬᠠᠷᠢᠶᠠ ᠠ᠋ᠮᠨᠡᠯᠭᠡ ᠵᠢᠨ ᠬᠤᠷᠢᠶᠠᠨᠳᠤ ᠠᠵᠢᠯᠤᠨ ᠬᠤᠪᠢᠶᠠᠷᠢ ᠠᠪᠤᠪᠠ᠃ ᠠᠵᠢᠯᠳᠤ ᠭᠠᠷᠣᠭᠰᠠᠨᠤ ᠳᠠᠷᠠᠭᠠ ᠭᠤᠣᠯᠳᠠᠭᠤ ᠮᠣᠩᠭᠤᠯ ᠠᠨᠠᠭ᠋ᠠᠬᠤ ᠤᠬᠠᠭ᠋ᠠᠨᠤ ᠭᠠᠳᠠᠷ ᠰᠠᠯᠠᠭ᠋ᠠᠨᠤ ᠠ᠋ᠮᠴᠢᠯᠡᠭᠡ ᠪᠣᠯᠣᠨ ᠵᠢᠭ᠋ᠠᠨ ᠰᠤᠷᠭ᠋ᠠᠯᠲᠠ ᠵᠢᠨ ᠠᠵᠢᠯᠢ ᠬᠠᠪᠰᠤᠷᠭ᠋ᠠᠨ ᠬᠢᠭᠰᠡᠨ ᠪᠠᠶ᠋ᠢᠨᠠ᠃ ᠣᠯᠠᠨ ᠵᠢᠯᠤᠨ ᠠ᠋ᠮᠴᠢᠯᠡᠭᠡᠨᠤ ᠶᠠᠪᠤᠴᠠᠳᠤ 《ᠤᠯᠠᠭ᠋ᠠᠨ — 13 ᠲᠠᠩ ᠵᠶ᠋ᠠᠷ ᠪᠠᠮᠪᠠᠢ ᠪᠣᠯᠴᠢᠷᠬᠠᠢ ᠵᠢᠨ ᠠᠵᠢᠯᠯᠠᠭᠠ ᠬᠡᠲᠦᠷᠡᠭᠰᠡᠨ ᠭᠡᠮᠤᠨ ᠮᠡᠰᠡ ᠵᠠᠰᠠᠯᠠᠴᠠ ᠠ᠋ᠮᠦᠨᠡᠬᠢ ᠪᠡᠯᠡᠳᠭᠡᠯᠳᠤ ᠦᠵᠡᠭᠦᠯᠬᠦ ᠨᠦᠯᠦᠭᠡ ᠵᠢᠨ ᠠ᠋ᠮᠴᠢᠯᠡᠭᠡᠨᠤ ᠠᠵᠢᠭᠯᠠᠯᠲᠠ》 ᠭᠡᠬᠦ ᠮᠡᠲᠦ 20 ᠭᠠᠷᠤᠢ ᠦᠭᠦᠯᠡᠯ ᠵᠶ᠋ᠠᠨ ᠤᠷᠢᠳ ᠬᠤᠵᠢᠳ ᠨᠡᠶ᠋ᠢᠲᠡᠯᠡᠭᠦᠯᠵᠠᠢ᠃ 2013 ᠣᠨᠳᠤ 《ᠭᠠᠳᠠᠷ ᠰᠠᠯᠠᠭ᠋ᠠᠨᠤ ᠤᠳᠠᠭ᠋ᠠᠨ ᠴᠢᠨᠠᠷᠲᠠᠢ ᠡᠪᠡᠳᠴᠢᠨᠢ ᠣᠨᠣᠰᠢᠯᠠᠬᠤ ᠰᠡᠳᠬᠢᠴᠡ ᠪᠣᠯᠣᠨ ᠰᠢᠢ᠍ᠳᠪᠦᠷᠢᠯᠡᠬᠦ ᠫᠷᠤᠭ᠌ᠷᠠᠮ》 ᠭᠡᠬᠦ ᠨᠣᠮ ᠵᠶ᠋ᠠᠨ ᠬᠡᠪᠯᠡᠭᠦᠯᠪᠡ᠃ 2017 ᠣᠨᠳᠤ ᠲᠦᠩᠯᠢᠶᠣᠣ ᠬᠤᠲᠠ ᠵᠢᠨ 《ᠨᠡᠷᠡᠲᠦ ᠮᠣᠩᠭᠤᠯ ᠠ᠋ᠮᠴᠢ》 ᠴᠤᠯᠠ ᠵᠢ ᠬᠦᠷᠲᠡᠪᠡ᠃ ᠲᠡᠷᠡ ᠠᠵᠢᠯᠳᠤ ᠭᠠᠷᠤᠭᠰᠠᠨ ᠭᠤᠴᠢ ᠭᠠᠷᠤᠢ ᠵᠢᠯᠳᠤ ᠦᠪᠦᠷ ᠮᠣᠩᠭᠤᠯᠤᠨ ᠦᠨᠳᠦᠰᠦᠲᠡᠨᠤ ᠶᠡᠭᠡ ᠰᠤᠷᠭ᠋ᠠᠭᠤᠯᠢ ᠵᠢᠨ ᠬᠢᠴᠢᠶᠡᠯ ᠬᠦᠮᠦᠵᠢᠯ ᠪᠠ ᠠ᠋ᠮᠴᠢᠯᠡᠭᠡᠨᠤ ᠲᠠᠯᠠ ᠵᠢᠨ ᠬᠦᠬᠢᠭᠦᠯᠦᠯ ᠱᠠᠩᠨᠠᠯᠢ ᠣᠯᠠᠨ ᠤᠳᠠᠭᠠ ᠲᠣᠰᠤᠭᠰᠠᠨ ᠪᠠᠶ᠋ᠢᠨᠠ᠃
ᠯᠠᠶ᠋ᠢᠰᠢᠧᠧ᠂ 1962ᠳᠤ ᠲᠦᠷᠦᠪᠡ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠳᠤ ᠨᠠᠮᠤᠨ ᠭᠡᠰᠢᠭᠦᠨ᠃ 1985 ᠣᠨᠤ 7 ᠰᠠᠷᠠᠳᠤ ᠦᠪᠦᠷ ᠮᠣᠩᠭᠤᠯᠤᠨ ᠦᠨᠳᠦᠰᠦᠲᠡᠨᠤ ᠪᠠᠭᠰᠢ ᠵᠢᠨ ᠳᠡᠭᠡᠳᠦ ᠰᠤᠷᠭ᠋ᠠᠭᠤᠯᠢ ᠵᠢᠨ ᠮᠣᠩᠭᠤᠯ ᠬᠡᠯᠡᠨᠤ ᠰᠠᠯᠪᠤᠷᠢ ᠵᠢᠨ ᠵᠢᠩᠭᠢᠨᠢ ᠠᠩᠭᠢᠠᠴᠠ ᠲᠡᠭᠦᠰᠴᠦ ᠦᠪᠦᠷ ᠮᠣᠩᠭᠤᠯᠤᠨ ᠷᠠᠳᠢᠣ᠋ ᠲᠧᠯᠸᠢᠰ ᠬᠤᠷᠢᠶᠠᠨᠳᠤ ᠠᠵᠢᠯᠤᠨ ᠭᠠᠷᠤᠭᠠ ᠠᠪᠤᠪᠠ᠃ ᠣᠳᠤ ᠲᠡᠷᠡ ᠦᠪᠦᠷ ᠮᠣᠩᠭᠤᠯᠤᠨ ᠷᠠᠳᠢᠣ᠋ ᠲᠧᠯᠸᠢᠰ ᠬᠤᠷᠢᠶᠠᠨᠤ ᠪᠠᠷᠠᠭᠤᠨ ᠣᠷᠣᠨᠤ ᠦᠷᠲᠡᠭᠡᠨᠤ ᠦᠷᠲᠡᠭᠡᠨ ᠳᠠᠷᠤᠭᠠ ᠵᠢᠨ ᠲᠤᠰᠢᠶᠠᠯ ᠬᠠᠷᠢᠭᠤᠴᠠᠵᠤ ᠪᠣᠢ᠂ ᠭᠠᠵᠠᠷᠤᠨ ᠳᠡᠰᠤᠨ ᠺᠠᠳ᠋ᠷ᠃
ᠲᠡᠭᠦᠰᠪᠠᠶᠠᠷ᠂ 1963 ᠣᠨᠳᠤ ᠲᠦᠷᠦᠪᠡ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠲᠤ ᠨᠠᠮᠤᠨ ᠭᠡᠰᠢᠭᠦᠨ᠃ ᠶᠡᠭᠡ ᠰᠤᠷᠭ᠋ᠠᠭᠤᠯᠢ ᠵᠢᠨ ᠰᠤᠷᠤᠯᠭᠠ ᠵᠢᠨ ᠨᠠᠮᠲᠠᠷᠲᠠᠢ᠃ 1986 ᠣᠨᠳᠤ ᠣᠣᠯᠤᠨ ᠵᠢᠷᠢᠮᠤᠨ ᠪᠠᠭᠰᠢ ᠰᠤᠷᠭ᠋ᠠᠭᠤᠯᠢᠠᠴᠠ ᠲᠡᠭᠦᠰᠴᠦ ᠨᠠᠢ᠍ᠮᠠᠨ ᠬᠤᠰᠢᠭᠤᠨᠤ ᠱᠧᠩᠯᠢ ᠳᠤᠮᠳᠠᠳᠤ ᠰᠤᠷᠭ᠋ᠠᠭᠤᠯᠢᠳᠤ ᠠᠵᠢᠯᠤᠨ ᠬᠤᠪᠢᠶᠠᠷᠢ ᠠᠪᠴᠤ ᠠᠩᠬᠠ ᠳᠤᠮᠳᠠᠳᠤ ᠵᠢᠨ ᠹᠢᠽᠢᠺᠤᠨ ᠪᠠᠭᠰᠢᠪᠠᠷ ᠠᠵᠢᠯᠯᠠᠪᠠ᠃ 1991 ᠣᠨᠳᠤ ᠲᠦᠩᠯᠢᠶᠣᠣ ᠬᠤᠲᠠ ᠵᠢᠨ ᠤᠳᠬᠠ ᠵᠣᠬᠢᠶᠠᠯ ᠤᠷᠠᠯᠢᠭ ᠰᠤᠳᠤᠯᠬᠤ ᠲᠥᠪᠲᠤ ᠠᠵᠢᠯ ᠰᠢᠯᠵᠢᠨ ᠣᠳᠤ ᠪᠣᠯᠲᠠᠯᠠ ᠠᠵᠢᠯᠯᠠᠵᠤ ᠪᠤᠢ᠃ ᠭᠠᠵᠠᠷᠤᠨ ᠳᠡᠰᠤᠨ ᠺᠠᠳ᠋ᠷ᠃
ᠪᠣᠣ ᠸᠧᠨ ᠴᠧᠩ （ᠪᠢᠷᠤᠨ ᠨᠡᠷᠡ ᠭᠡ᠊ · ᠬᠠᠶ᠋ᠢᠷᠬᠠᠨ）᠂ 1964 ᠣᠨᠳᠤ ᠲᠦᠷᠦᠪᠡ᠂ ᠳ᠋ᠣᠺᠲ᠋ᠣᠷ᠃ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠲᠤ ᠨᠠᠮᠤᠨ ᠭᠡᠰᠢᠭᠦᠨ᠃ 1985 ᠣᠨᠳᠤ ᠦᠪᠦᠷ ᠮᠣᠩᠭᠤᠯᠤᠨ ᠶᠡᠭᠡ ᠰᠤᠷᠭ᠋ᠠᠭᠤᠯᠢ ᠵᠢᠨ ᠮᠣᠩᠭᠤᠯ ᠬᠡᠯᠡ ᠤᠳᠬᠠ ᠵᠣᠬᠢᠶᠠᠯᠤᠨ ᠰᠠᠯᠪᠤᠷᠢᠶᠢᠨ ᠮᠣᠩᠭᠤᠯ ᠬᠡᠯᠡ ᠤᠳᠬᠠ ᠵᠤᠬᠢᠶᠠᠯᠤᠨ ᠲᠤᠰᠬᠠᠢ ᠮᠡᠷᠭᠡᠵᠢᠯᠤᠨ ᠵᠢᠩᠭᠢᠨᠢ ᠠᠩᠭᠢᠠᠴᠠ ᠲᠡᠭᠦᠰᠴᠦ᠂ 1988 ᠣᠨᠳᠤ ᠦᠪᠦᠷ ᠮᠣᠩᠭᠤᠯᠤᠨ ᠶᠡᠭᠡ ᠰᠤᠷᠭ᠋ᠠᠭᠤᠯᠢ ᠵᠢᠨ ᠮᠣᠩᠭᠤᠯ ᠬᠡᠯᠡ ᠤᠳᠬᠠ ᠵᠤᠬᠢᠶᠠᠯᠤᠨ ᠲᠤᠰᠬᠠᠢ ᠮᠡᠷᠭᠡᠵᠢᠯᠤᠨ ᠣᠳᠣ ᠦᠶᠡ ᠵᠢᠨ ᠮᠣᠩᠭᠤᠯ ᠬᠡᠯᠡᠨᠤ ᠴᠢᠭᠯᠡᠯᠤᠨ ᠠᠰᠫᠢᠷᠠᠨᠲᠤᠨ ᠰᠣᠳᠣᠯᠬᠤ ᠰᠤᠷᠤᠭᠴᠢ ᠵᠢᠨ ᠰᠤᠷᠤᠯᠭᠠᠪᠠᠨ ᠲᠡᠭᠦᠰᠭᠡᠪᠡ᠃ 2010 ᠣᠨᠳᠤ ᠦᠪᠦᠷ ᠮᠣᠩᠭᠤᠯᠤᠨ ᠶᠡᠭᠡ ᠰᠤᠷᠭ᠋ᠠᠭᠤᠯᠢ ᠵᠢᠨ ᠮᠣᠩᠭᠤᠯ ᠰᠤᠳᠤᠯᠤᠯᠤᠨ ᠲᠥᠪᠲᠤ ᠴᠦᠭᠡᠨ ᠲᠣᠭ᠋ᠠᠲᠣ ᠦᠨᠳᠦᠰᠦᠲᠡᠨᠤ ᠲᠡᠦᠬᠡ ᠵᠢᠨ ᠲᠤᠰᠬᠠᠢ ᠮᠡᠷᠭᠡᠵᠢᠯᠤᠨ ᠮᠣᠩᠭᠤᠯ ᠰᠣᠶᠤᠯᠤᠨ ᠲᠡᠦᠬᠡ ᠵᠢᠨ ᠴᠢᠭᠯᠡᠯᠤᠨ ᠳ᠋ᠣᠺᠲ᠋ᠣᠷᠠᠨᠲᠤᠨ ᠰᠤᠳᠤᠯᠬᠤ ᠰᠤᠷᠤᠭᠴᠢ ᠵᠢᠨ ᠰᠤᠷᠤᠯᠴᠠᠯᠭᠠᠪᠠᠨ ᠲᠡᠭᠦᠰᠪᠡ᠃ 1988 ᠣᠨᠠᠴᠠ 2007 ᠣᠨ ᠪᠤᠯᠳᠠᠯᠠ ᠦᠪᠦᠷ ᠮᠣᠩᠭᠤᠯᠤᠨ ᠦᠨᠳᠦᠰᠦᠲᠡᠨᠤ ᠶᠡᠭᠡ ᠰᠣᠷᠭ᠋ᠠᠭᠤᠯᠢᠳᠤ ᠪᠠᠭᠰᠢᠯᠠᠪᠠ᠃ 1995 ᠣᠨᠳᠤ ᠳᠡᠳ᠋ ᠫᠷᠣᠹᠸᠰᠰᠣᠷ ᠮᠡᠷᠭᠡᠵᠢᠯᠤᠨ ᠳᠡᠰᠲᠤ ᠬᠦᠷᠴᠦ᠂ 2002 ᠣᠨᠳᠤ ᠫᠷᠣᠹᠸᠰᠰᠣᠷ ᠮᠡᠷᠭᠡᠵᠢᠯᠤᠨ ᠳᠡᠰᠲᠤ ᠬᠦᠷᠴᠦ᠂ 2004 ᠣᠨᠳᠤ ᠠᠰᠫᠢᠷᠠᠨᠲᠤᠨ ᠵᠢᠯᠣᠭᠤᠳᠤᠭᠴᠢ ᠪᠠᠭᠰᠢᠪᠠᠷ ᠠᠵᠢᠯᠯᠠᠭ᠋ᠠᠳ ᠭᠤᠷᠪᠠᠨ ᠬᠤᠭᠤᠴᠠᠭ᠋ᠠᠨᠤ ᠰᠤᠷᠤᠭᠴᠢ ᠲᠡᠭᠦᠰᠭᠡᠪᠡ᠃ 1996 ᠣᠨᠳᠤ ᠦᠪᠡᠷᠲᠡᠭᠡᠨ ᠵᠠᠰᠠᠭ᠍ᠤ ᠣᠷᠣᠨᠤ ᠡᠪᠯᠡᠯᠤᠨ ᠬᠤᠷᠢᠶᠠ ᠪᠣᠯᠣᠨ ᠬᠦᠳᠡᠯᠮᠦᠷᠢ ᠠᠵᠢᠯᠲᠠᠨᠤ ᠲᠢᠩᠬᠢᠮᠠᠴᠠ ᠣᠯᠭᠤᠭᠰᠠᠨ 《ᠲᠠᠪᠤᠨ ᠰᠠᠷᠠ ᠵᠢᠨ ᠳᠦᠷᠪᠡᠨᠤ ᠰᠢᠯᠢᠳᠡᠭ ᠵᠠᠯᠠᠭᠤᠴᠣᠳᠤᠨ ᠳᠠᠭᠤᠷᠢᠶᠠᠯ》 ᠭᠡᠬᠦ ᠢᠷᠠᠭᠤ ᠠᠯᠳᠠᠷ ᠵᠶ᠋ᠠᠷ ᠰᠠᠶ᠋ᠢᠰᠢᠶᠠᠭᠳᠠᠨ ᠬᠦᠬᠢᠭᠦᠯᠦᠭᠳᠡᠪᠡ᠃ 1999 ᠣᠨᠳᠤ ᠦᠪᠡᠷᠲᠡᠭᠡᠨ ᠵᠠᠰᠠᠭ᠍ᠤ ᠤᠷᠣᠨᠤ 《ᠰᠢᠨᠡ ᠠ᠋ᠷᠡᠨᠤ 〈321〉 ᠴᠢᠳᠠᠪᠤᠷᠢᠲᠠᠨᠤ ᠢᠨᠵᠸᠨ᠋ᠸᠷᠢᠩ》ᠤᠨ ᠬᠤᠶᠠᠳᠤᠭ᠋ᠠᠷ ᠱᠠᠲᠤᠨᠤ ᠭᠡᠰᠢᠭᠦᠨ ᠵᠶ᠋ᠠᠷ ᠰᠤᠨᠭ᠌ᠭᠤᠭᠳᠠᠪᠠ᠃ 《ᠮᠣᠩᠭᠤᠯ ᠬᠡᠯᠡ ᠵᠢᠨ ᠤᠯᠤᠰ ᠲᠦᠷᠦ ᠵᠢᠨ ᠰᠣᠶᠤᠯᠳᠠᠬᠢ ᠵᠠᠩᠭᠢᠯᠠᠭᠠ ᠵᠢᠨ ᠦᠭᠡᠰᠤᠨ ᠰᠣᠳᠣᠯᠣᠯ》 （ᠦᠪᠦᠷ ᠮᠣᠩᠭᠤᠯᠤᠨ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠬᠡᠪᠯᠡᠯᠤᠨ ᠬᠤᠷᠢᠶᠠ） ᠭᠡᠬᠦ ᠨᠣᠮᠨᠢ ᠦᠪᠦᠷ ᠮᠣᠩᠭᠤᠯᠤᠨ ᠦᠪᠡᠷᠲᠡᠭᠡᠨ ᠵᠠᠰᠠᠭ᠍ᠤ ᠣᠷᠣᠨᠤ ᠰᠢᠨᠵᠢᠯᠡᠬᠦ ᠤᠬᠠᠭ᠋ᠠᠨ ᠰᠣᠳᠤᠯᠤᠯᠤᠨ ᠵᠠᠰᠠᠭᠤᠨ ᠣᠷᠳᠤᠨᠤ ᠱᠠᠩᠨᠠᠯᠢ ᠲᠣᠰᠪᠠ᠃ 2010 ᠣᠨᠠᠴᠠ ᠣᠳᠣ ᠪᠤᠯᠳᠠᠯᠠ ᠦᠪᠦᠷ ᠮᠣᠩᠭᠤᠯᠤᠨ ᠶᠡᠭᠡ ᠰᠤᠷᠭ᠋ᠠᠭᠤᠯᠢᠳᠤ ᠠᠵᠢᠯᠯᠠᠵᠦ ᠪᠣᠢ᠃ 1996～1999 ᠣᠨ᠂ 2004～2008ᠤ ᠬᠤᠭᠤᠴᠠᠭ᠋ᠠᠨᠳᠤ 《ᠮᠣᠩᠭᠤᠯ ᠬᠡᠯᠡ ᠬᠢᠭᠡᠳ ᠮᠣᠩᠭᠤᠯ ᠦᠨᠳᠦᠰᠦᠲᠡᠨᠤ ᠤᠯᠠᠮᠵᠢᠯᠠᠯᠲᠤ ᠰᠣᠶᠤᠯ》᠂ 《ᠮᠣᠩᠭᠤᠯ ᠬᠡᠯᠡᠨᠤ ᠰᠣᠶᠤᠯᠤᠨ ᠦᠭᠡᠰᠤᠨ ᠰᠠᠩᠤᠨ ᠰᠤᠳᠣᠯᠣᠯ》 ᠵᠡᠷᠭᠡ ᠦᠪᠡᠷᠲᠡᠭᠡᠨ ᠵᠠᠰᠠᠭ᠍ᠤ ᠣᠷᠣᠨᠤ ᠭᠦᠨ ᠤᠬᠠᠭ᠋ᠠᠨ᠂ ᠨᠡᠶ᠋ᠢᠭᠡᠮᠤᠨ ᠰᠢᠨᠵᠢᠯᠡᠬᠦ ᠤᠬᠠᠭ᠋ᠠᠨᠤ ᠬᠤᠯᠪᠤᠭ᠋ᠠᠨᠤ ᠲᠦᠯᠦᠪᠵᠢᠭᠦᠯᠦᠭᠰᠡᠨ ᠬᠤᠶᠠᠷ ᠶᠡᠭᠡ ᠰᠡᠳᠦᠪᠢ ᠳᠠᠭ᠋ᠠᠭ᠋ᠠᠴᠢᠯᠠᠨ ᠪᠡᠶᠡᠯᠡᠭᠦᠯᠪᠡ᠃ ᠪᠠᠰᠠ ᠦᠪᠦᠷ ᠮᠣᠩᠭᠤᠯᠤᠨ ᠦᠨᠳᠦᠰᠦᠲᠡᠨᠤ ᠶᠡᠭᠡ ᠰᠤᠷᠭ᠋ᠠᠭᠤᠯᠢ ᠵᠢᠨ ᠰᠤᠷᠭ᠋ᠠᠭᠤᠯᠢ ᠵᠢᠨ ᠬᠡᠪᠴᠢᠶᠡᠨᠤ ᠬᠤᠶᠠᠷ ᠰᠤᠳᠤᠯᠭ᠋ᠠᠨᠤ ᠰᠡᠳᠦᠪᠢ ᠳᠠᠭ᠋ᠠᠭ᠋ᠠᠴᠢᠯᠠᠨ ᠭᠦᠢ᠍ᠴᠡᠳᠭᠡᠭᠰᠡᠨ ᠪᠠᠶ᠋ᠢᠨᠠ᠃ ᠠ᠋ᠭᠦᠨᠠᠴᠠ ᠭᠠᠳᠠᠨᠠ ᠤᠯᠤᠰᠤᠨ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠶᠠᠮᠤᠨᠤ ᠲᠦᠯᠦᠪᠯᠡᠭᠰᠡᠨ 《ᠬᠤᠷᠴᠢᠨ ᠨᠣᠲᠤᠭᠤᠨ ᠬᠡᠯᠡ ᠬᠢᠭᠡᠳ ᠭᠠᠵᠠᠷ ᠣᠷᠣᠨᠤ ᠰᠣᠶᠤᠯ》 ᠭᠡᠬᠦ ᠶᠡᠭᠡ ᠳᠡᠭᠡᠳᠦ ᠰᠤᠷᠭ᠋ᠠᠭᠤᠯᠢ ᠵᠢᠨ ᠰᠣᠳᠤᠯᠭ᠋ᠠᠨᠤ ᠰᠡᠳᠦᠪᠤᠨ ᠰᠣᠳᠤᠯᠭ᠋ᠠᠨᠳᠤ ᠣᠷᠤᠯᠴᠠᠵᠤ᠂ ᠴᠢᠬᠤᠯᠠ ᠪᠦᠷᠢᠯᠳᠦᠬᠦᠨ ᠪᠦᠭᠡᠳ ᠠ᠋ᠷᠬᠢᠯᠡᠨ ᠪᠢᠴᠢᠬᠦ ᠠ᠋ᠭᠦᠷᠭᠡ ᠵᠢ ᠬᠠᠷᠢᠭᠤᠴᠠᠨ ᠪᠡᠶᠡᠯᠡᠭᠦᠯᠪᠡ᠃ 1992 ᠣᠨᠠᠴᠠ 1995 ᠣᠨᠤ ᠬᠤᠭᠤᠷᠤᠨᠳᠤ ᠲᠡᠷᠡ ᠪᠠᠰᠠ 《ᠮᠣᠩᠭᠤᠯ ᠬᠡᠯᠡᠨᠤ ᠦᠭᠡ ᠵᠢᠨ ᠪᠦᠲᠦᠴᠡ ᠵᠢᠨ ᠤᠭ ᠶᠣᠰᠤᠨᠤ ᠲᠤᠬᠠᠢ ᠰᠣᠳᠤᠯᠤᠯ》 （ᠦᠪᠦᠷ ᠮᠣᠩᠭᠤᠯᠤᠨ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠬᠡᠪᠯᠡᠯᠤᠨ ᠬᠤᠷᠢᠶᠠ᠂ 1998 ᠣᠨ）᠂ 《ᠮᠣᠩᠭᠤᠯ ᠬᠡᠯᠡ ᠬᠢᠭᠡᠳ ᠮᠣᠩᠭᠤᠯ ᠦᠨᠳᠦᠰᠦᠲᠡᠨᠤ ᠤᠯᠠᠮᠵᠢᠯᠠᠯᠲᠤ ᠰᠣᠶᠤᠯ》 （ᠦᠪᠦᠷ ᠮᠣᠩᠭᠤᠯᠤᠨ ᠰᠤᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠬᠡᠪᠯᠡᠯᠤᠨ ᠬᠤᠷᠢᠶᠠ᠂ 2001 ᠣᠨ） ᠵᠡᠷᠭᠡ ᠠ᠋ᠷᠳᠡᠮ ᠰᠢᠨᠵᠢᠯᠡᠭᠡᠨᠤ ᠨᠠᠢ᠍ᠮᠠᠨ ᠳᠡᠪᠲᠡᠷ ᠨᠣᠮ ᠵᠶ᠋ᠠᠨ ᠣᠷᠢᠳ ᠬᠤᠵᠢᠳ ᠬᠡᠪᠯᠡᠭᠦᠯᠦᠭᠰᠡᠨ ᠵᠶ᠋ᠠᠷ ᠪᠠᠷᠠᠭ᠍ᠤ ᠦᠭᠡᠢ ᠲᠠᠪᠢ ᠭᠠᠷᠤᠢ ᠠ᠋ᠷᠳᠡᠮ ᠰᠢᠨᠵᠢᠯᠡᠭᠡᠨᠤ ᠦᠭᠦᠯᠡᠯ ᠵᠶ᠋ᠠᠨ ᠣᠷᠣᠨᠤ ᠳᠣᠲᠣᠨᠠ ᠭᠠᠳᠠᠨᠠᠬᠢ ᠰᠡᠳᠭᠦᠯᠳᠤ ᠨᠡᠶ᠋ᠢᠲᠡᠯᠡᠭᠦᠯᠦᠭᠰᠡᠨ ᠪᠠᠶ᠋ᠢᠨᠠ᠃
ᠪᠦᠷᠢᠨᠵᠢᠷᠭ᠋ᠠᠯ᠂ 1964 ᠣᠨᠳᠤ ᠲᠦᠷᠦᠪᠡ᠃ ᠠᠰᠫᠢᠷᠠᠨᠲᠤᠨ ᠰᠤᠷᠤᠯᠭᠠ ᠵᠢᠨ ᠨᠠᠮᠳᠠᠷᠲᠠᠢ᠃ 1989 ᠣᠨᠳᠤ ᠦᠪᠦᠷ ᠮᠣᠩᠭᠤᠯᠤᠨ ᠪᠠᠭᠰᠢ ᠵᠢᠨ ᠶᠡᠭᠡ ᠰᠤᠷᠭ᠋ᠠᠭᠤᠯᠢ ᠵᠢᠨ ᠭᠠᠵᠠᠷ ᠵᠦᠢ ᠵᠢᠨ ᠰᠠᠯᠪᠤᠷᠢᠠᠴᠠ ᠲᠡᠭᠦᠰᠴᠦ ᠬᠦᠯᠦᠨ ᠪᠣᠶ᠋ᠢᠷᠤᠨ ᠵᠠᠯᠠᠨ ᠠᠶ᠋ᠢᠯ ᠬᠤᠲᠠ ᠵᠢᠨ ᠨᠢᠭᠡᠳᠦᠭᠡᠷ ᠳᠤᠮᠳᠠᠳᠤ ᠰᠤᠷᠭ᠋ᠠᠭᠤᠯᠢᠳᠤ ᠭᠠᠵᠠᠷ ᠵᠦᠢ ᠵᠢᠨ ᠪᠠᠭᠰᠢᠪᠠᠷ ᠠᠵᠢᠯᠯᠠᠵᠤ ᠪᠤᠢ᠃ ᠳᠤᠮᠳᠠᠳᠤ ᠰᠤᠷᠭ᠋ᠠᠭᠤᠯᠢ ᠵᠢᠨ ᠳᠡᠭᠡᠳᠤ ᠳᠡᠰᠤᠨ ᠪᠠᠭᠰᠢ᠃
ᠪᠠᠶ᠋ᠢᠭ᠋ᠠᠯᠢ （ᠠᠷᠰᠯᠠᠨ）᠂ 1965 ᠣᠨᠳᠤ ᠣᠣᠯᠤᠨ ᠵᠢᠷᠢᠮ ᠠᠶ᠋ᠢᠮᠠᠭᠤᠨ ᠨᠠᠢ᠍ᠮᠠᠨ ᠬᠤᠰᠢᠭᠤᠨᠤ ᡁᠢ ᠠᠨ ᠪᠠᠯᠭ᠋ᠠᠰᠣᠨᠤ ᠵᠡᠭᠦᠨ ᠬᠤᠯᠣᠰᠣᠲᠠᠢ ᠭᠠᠴᠠᠭ᠋ᠠᠨᠳᠤ ᠲᠦᠷᠦᠪᠡ᠃ ᠠᠰᠫᠢᠷᠠᠨᠲᠤᠨ ᠰᠣᠷᠣᠯᠭᠠ ᠵᠢᠨ ᠨᠠᠮᠳᠠᠷᠲᠠᠢ᠂ ᠠ᠋ᠷᠬᠢᠯᠡᠭᠴᠢ ᠠ᠋ᠮᠴᠢ᠃ 1993 ᠣᠨᠳᠤ ᠦᠪᠦᠷ ᠮᠣᠩᠭᠤᠯᠤᠨ ᠦᠨᠳᠦᠰᠦᠲᠡᠨᠤ ᠶᠡᠭᠡ ᠰᠣᠷᠭ᠋ᠠᠭᠤᠯᠢ ᠵᠢᠨ ᠮᠣᠩᠭᠤᠯ ᠠ᠋ᠮᠨᠡᠯᠭᠡ ᠵᠢᠨ ᠰᠠᠯᠪᠣᠷᠢ ᠵᠢᠨ ᠵᠢᠩᠭᠢᠨᠢ ᠠᠩᠭᠢᠠᠴᠠ ᠲᠡᠭᠦᠰᠴᠦ ᠭᠤᠸᠠᠩᠳᠦᠢ᠍ᠩ ᠮᠣᠵᠢ ᠵᠢᠨ ᠹᠥᠸᠧ ᠱᠠᠨ ᠬᠤᠲᠠ ᠵᠢᠨ ᠨᠠᠨ ᠬᠠᠢ ᠲᠣᠭᠤᠷᠢᠭᠤᠨ ᠳᠣᠯᠣᠳᠣᠭ᠋ᠠᠷ ᠠ᠋ᠮᠨᠡᠯᠭᠡ ᠵᠢᠨ ᠬᠤᠷᠢᠶᠠᠨᠤ ᠠ᠋ᠷᠡᠭᠦᠯᠵᠢᠯᠤᠨ ᠠ᠋ᠮᠨᠡᠯᠭᠡ ᠵᠢᠨ ᠰᠠᠯᠠᠭ᠋ᠠᠨᠳᠤ ᠠᠵᠢᠯᠯᠠᠪᠠ᠃ ᠠ᠋ᠷᠬᠢᠯᠡᠭᠴᠢ ᠠ᠋ᠮᠴᠢ᠂ ᠠ᠋ᠷᠡᠭᠦᠯᠵᠢᠯᠤᠨ ᠠ᠋ᠮᠨᠡᠯᠭᠡ ᠵᠢᠨ ᠰᠠᠯᠠᠭ᠋ᠠᠨᠤ ᠠ᠋ᠷᠬᠢᠯᠡᠭᠴᠢ᠂ ᠠᠵᠢᠯᠴᠢᠨ ᠲᠠᠷᠢᠶᠠᠴᠢᠨᠤ ᠠᠷᠠᠳᠴᠢᠯᠠᠭᠰᠠᠨ ᠨᠠᠮᠤᠨ ᠭᠡᠰᠢᠭᠦᠨ᠂ ᠭᠤᠸᠠᠩᠳᠦ᠋ᠩ ᠠ᠋ᠷᠡᠭᠦᠯᠵᠢᠯᠤᠨ ᠨᠡᠶ᠋ᠢᠭᠡᠮᠯᠢᠭᠤᠨ ᠠᠮᠢᠰᠬᠤᠯᠤᠨ ᠠ᠋ᠷᠡᠭᠦᠯᠵᠢᠯᠤᠨ ᠬᠤᠪᠢᠶᠠᠷᠢ ᠨᠡᠶ᠋ᠢᠭᠡᠮᠯᠢᠭᠤᠨ ᠪᠠᠶ᠋ᠢᠩᠭᠤ ᠵᠢᠨ ᠭᠡᠰᠢᠭᠦᠨ᠂ ᠳᠣᠮᠳᠠᠳᠣ ᠣᠯᠣᠰᠤᠨ ᠵᠡᠭᠦᠦ ᠲᠦᠭᠡᠨᠡᠯᠭᠡ ᠵᠢᠨ ᠣᠬᠠᠭ᠋ᠠᠨᠤ ᠨᠡᠶ᠋ᠢᠭᠡᠮᠯᠢᠭᠤᠨ ᠭᠤᠸᠠᠩᠳᠦ᠋ᠩ ᠮᠣᠵᠢ ᠵᠢᠨ ᠬᠤᠪᠢᠶᠠᠷᠢ ᠨᠡᠶ᠋ᠢᠬᠡᠮᠯᠢᠭᠤᠨ ᠵᠡᠭᠦᠦ ᠵᠠᠰᠠᠯᠤᠨ ᠵᠦᠪᠯᠡᠯᠤᠨ ᠪᠠᠶ᠋ᠢᠩᠭᠤ ᠵᠢᠨ ᠭᠡᠰᠢᠭᠦᠨ᠂ ᠭᠤᠸᠠᠩᠳᠦ᠋ᠩ ᠮᠣᠵᠢ ᠵᠢᠨ ᠠ᠋ᠷᠡᠭᠦᠯᠵᠢᠯᠤᠨ ᠠ᠋ᠮᠨᠡᠯᠭᠡ ᠵᠢᠨ ᠣᠬᠠᠭ᠋ᠠᠨᠤ ᠨᠡᠶ᠋ᠢᠭᠡᠮᠯᠢᠭᠤᠨ ᠠ᠋ᠷᠡᠭᠦᠯᠵᠢᠯ ᠵᠠᠰᠠᠯᠤᠨ ᠬᠤᠪᠢᠶᠠᠷᠢ ᠨᠡᠶ᠋ᠢᠭᠡᠮᠯᠢᠭᠤᠨ ᠬᠡᠷᠡᠭ ᠠ᠋ᠷᠬᠢᠯᠡᠭᠴᠢ᠂ ᠭᠤᠸᠠᠩᠳᠦ᠋ᠩ ᠮᠣᠵᠢ ᠵᠢᠨ ᠹᠢᠽᠢᠺᠤᠨ ᠠᠨᠠᠭ᠋ᠠᠬᠤ ᠣᠬᠠᠭ᠋ᠠᠨ ᠬᠢᠭᠡᠳ ᠠ᠋ᠷᠡᠭᠦᠯᠵᠢᠯᠤᠨ ᠣᠬᠠᠭ᠋ᠠᠨᠤ ᠨᠡᠶ᠋ᠢᠭᠡᠮᠯᠢᠭᠤᠨ ᠹᠥᠸᠧ ᠱᠠᠨ ᠬᠤᠲᠠ ᠵᠢᠨ ᠬᠤᠪᠢᠶᠠᠷᠢ ᠨᠡᠶ᠋ᠢᠭᠡᠮᠯᠢᠭᠤᠨ ᠪᠠᠶ᠋ᠢᠩᠭᠤ ᠵᠢᠨ ᠭᠡᠰᠢᠭᠦᠨ᠂ ᠹᠥᠸᠧ ᠱᠠᠨ ᠬᠤᠲᠠ ᠵᠢᠨ ᠬᠢᠲᠠᠳ ᠧᠦ᠋ᠷᠥᠫᠡ ᠠ᠋ᠮᠨᠡᠯᠭᠡ ᠵᠢᠨ ᠣᠬᠠᠭ᠋ᠠᠨᠤ ᠨᠡᠶ᠋ᠢᠭᠡᠮᠯᠢᠭᠤᠨ ᠠ᠋ᠷᠡᠭᠦᠯᠵᠢᠯᠤᠨ ᠬᠤᠪᠢᠶᠠᠷᠢ ᠨᠡᠶ᠋ᠢᠭᠡᠮᠯᠢᠭᠤᠨ ᠳᠡᠳ᠋ ᠠ᠋ᠷᠬᠢᠯᠡᠭᠴᠢ ᠭᠡᠰᠢᠭᠦᠨ᠂ ᠹᠥᠸᠧ ᠱᠠᠨ ᠬᠤᠲᠠ ᠵᠢᠨ ᠠ᠋ᠷᠡᠭᠦᠯᠵᠢᠯᠤᠨ ᠠᠨᠠᠭ᠋ᠠᠬᠤ ᠣᠬᠠᠭ᠋ᠠᠨᠤ ᠨᠠᠰᠣᠲᠠᠶ᠋ᠢᠴᠣᠳᠤᠨ ᠡᠪᠡᠳᠴᠢᠨᠤ ᠲᠣᠰᠬᠠᠢ ᠮᠡᠷᠭᠡᠵᠢᠯᠤᠨ ᠵᠦᠪᠯᠡᠯᠤᠨ ᠳᠡᠳ᠋ ᠠ᠋ᠷᠬᠢᠯᠡᠭᠴᠢ ᠭᠡᠰᠢᠭᠦᠨ᠂ ᠹᠥᠸᠧ ᠱᠠᠨ ᠬᠤᠲᠠ ᠵᠢᠨ ᠠ᠋ᠷᠡᠭᠦᠯᠵᠢᠯᠤᠨ ᠠᠨᠠᠭ᠋ᠠᠬᠤ ᠣᠬᠠᠭ᠋ᠠᠨᠤ ᠨᠡᠶ᠋ᠢᠭᠡᠮᠯᠢᠭᠤᠨ ᠪᠠᠶ᠋ᠢᠩᠭᠤ ᠵᠢᠨ ᠭᠡᠰᠢᠭᠦᠨ ᠵᠡᠷᠭᠡ ᠨᠡᠶ᠋ᠢᠭᠡᠮᠤᠨ ᠲᠣᠰᠢᠶᠠᠯᠢ ᠬᠠᠷᠢᠭᠤᠴᠠᠵᠣ ᠪᠠᠶ᠋ᠢᠨᠠ᠃
ᠲᠡᠷᠡ ᠪᠠᠰᠠ 《ᠲᠠᠷᠢᠬᠢᠨᠤ ᠦᠬᠢᠷᠲᠡᠯ ᠡᠪᠡᠳᠴᠢᠨᠢ ᠰᠡᠷᠭᠦᠭᠡᠨ ᠨᠡᠬᠡᠭᠡᠭᠳᠡᠭᠦᠯᠬᠦ ᠵᠡᠭᠦᠦ ᠬᠠᠳᠬᠤᠯᠭᠠ ᠳᠠᠭ᠋ᠠᠯᠳᠤᠭᠤᠯᠤᠨ ᠲᠠᠨᠢᠨ ᠮᠡᠳᠡᠷᠡᠬᠦᠢ ᠳᠠᠰᠬᠠᠯ ᠬᠢᠯᠭᠡᠬᠦ ᠵᠢᠨ ᠲᠠᠷᠢᠬᠢᠨᠤ ᠭᠡᠮᠲᠦᠯᠳᠤ ᠦᠵᠡᠭᠦᠯᠬᠦ ᠨᠦᠯᠦᠭᠡ》᠂ 《ᠮᠠᠺᠺᠤᠨᠰ ᠬᠢᠶᠧ ᠵᠢᠨ ᠵᠠᠰᠠᠯᠭᠠ ᠵᠢᠨ ᠠᠷᠭᠠ ᠵᠢ ᠨᠢᠷᠤᠭᠤ ᠰᠡᠭᠡᠷ ᠲᠤᠪᠤᠶ᠋ᠢᠭᠰᠠᠨᠢ ᠵᠠᠰᠠᠭ᠍ᠤᠳᠤ ᠬᠡᠷᠡᠭᠯᠡᠬᠦᠨᠢ》 ᠵᠡᠷᠭᠡ ᠦᠭᠦᠯᠡᠯ ᠵᠶ᠋ᠠᠨ ᠨᠡᠶ᠋ᠢᠲᠡᠯᠡᠭᠦᠯᠦᠭᠰᠡᠨ ᠪᠦᠭᠡᠳ ᠪᠠᠰᠠ 《ᠬᠢᠲᠠᠳ ᠡᠮ ᠵᠶ᠋ᠠᠷ ᠪᠢᠲᠡᠭᠦᠮᠵᠢᠯᠡᠨ ᠪᠣᠭᠤᠬᠤ ᠵᠠᠰᠠᠯ》 ᠵᠡᠷᠭᠡ ᠬᠤᠷᠢ ᠭᠠᠷᠣᠢ ᠰᠢᠨᠡ ᠲᠦᠷᠦᠯ ᠵᠦᠢ᠍ᠯ᠂ ᠰᠢᠨᠡ ᠮᠡᠷᠭᠡᠵᠢᠯᠤᠨ ᠠ᠋ᠭᠦᠷᠭᠡ ᠵᠢ ᠳᠠᠭ᠋ᠠᠭ᠋ᠠᠴᠢᠯᠠᠨ ᠪᠡᠶᠡᠯᠡᠭᠦᠯᠪᠡ᠃
ᠦᠨᠡᠨᠵᠢᠷᠭ᠋ᠠᠯ᠂ 1972 ᠣᠨᠳᠤ ᠲᠦᠷᠦᠪᠡ᠃ 1994 ᠣᠨᠳᠤ ᠰᠢᠯᠢ ᠵᠢᠨ ᠭᠤᠣᠯᠤᠨ ᠠ᠋ᠳ᠋ᠤᠨ ᠵᠠᠰᠠᠭ ᠠᠵᠤ ᠠᠬᠤᠢ ᠵᠢᠨ ᠰᠤᠷᠭ᠋ᠠᠭᠤᠯᠢᠠᠴᠠ ᠲᠡᠭᠦᠰᠴᠦ 1994 ᠣᠨᠤ 8 ᠰᠠᠷᠠᠳᠤ ᡁᠢ ᠠᠨ ᠪᠠᠯᠭ᠋ᠠᠰᠤᠨᠤ ᠵᠠᠰᠠᠭᠤᠨ ᠣᠷᠳᠤᠨᠳᠤ ᠠᠵᠢᠯᠤᠨ ᠭᠠᠷᠤᠭᠠ ᠠᠪᠴᠤ 1999～2001 ᠣᠨᠳᠤ ᡁᠢ ᠠᠨ ᠪᠠᠯᠭ᠋ᠠᠰᠤᠨᠤ ᠲᠦᠯᠦᠪᠯᠡᠭᠡᠲᠦ ᠦᠷᠡᠵᠢᠯᠤᠨ ᠠᠯᠪᠠᠨ ᠭᠡᠷᠤᠨ ᠠ᠋ᠷᠬᠢᠯᠡᠭᠴᠢ ᠵᠢᠨ ᠲᠤᠰᠢᠶᠠᠯᠢ ᠬᠠᠷᠢᠭᠤᠴᠠᠵᠤ᠂ 2001～2002 ᠣᠨᠳᠤ ᡁᠢ ᠠᠨ ᠪᠠᠯᠭ᠋ᠠᠰᠤᠨᠤ ᠡᠪᠯᠡᠯᠤᠨ ᠬᠤᠷᠢᠶᠠᠨᠤ ᠱᠦᠵᠢ ᠵᠢᠴᠢ ᠡᠵᠡᠩᠨᠡᠨ ᠬᠠᠮᠢᠶᠠᠷᠤᠯᠲᠠ ᠵᠢᠨ ᠦᠷᠲᠡᠭᠡᠨᠤ ᠦᠷᠲᠡᠭᠡᠨ ᠳᠠᠷᠤᠭᠠ ᠵᠡᠷᠭᠡ ᠲᠣᠰᠢᠶᠠᠯᠢ ᠬᠠᠪᠰᠣᠷᠭ᠋ᠠᠨ ᠬᠠᠷᠢᠭᠤᠴᠠᠪᠠ᠃ 2002～2008 ᠣᠨᠳᠤ ᡁᠢ ᠠᠨ ᠪᠠᠯᠭ᠋ᠠᠰᠤ ᠵᠢᠨ ᠨᠠᠮᠤᠨ ᠬᠤᠷᠢᠶᠠᠨᠤ ᠵᠣᠬᠢᠶᠠᠨ ᠪᠠᠶ᠋ᠢᠭᠤᠯᠬᠤ ᠭᠡᠰᠢᠭᠦᠨ ᠪᠦᠭᠡᠳ ᠨᠠᠮᠤᠨ ᠬᠤᠷᠢᠶᠠᠨᠤ ᠨᠠᠷᠢᠨ ᠪᠢᠴᠢᠭᠡᠴᠢ ᠵᠢᠨ ᠲᠤᠰᠢᠶᠠᠯᠢ ᠬᠠᠷᠢᠭᠤᠴᠠᠪᠠ᠃ 2008 ᠣᠨ 3 ᠰᠠᠷᠠᠠᠴᠠ 2009 ᠣᠨᠤ 3 ᠰᠠᠷᠠ ᠬᠦᠷᠲᠡᠯᠡ ᠵᠠᠬᠢᠳᠠᠯ ᠰᠣᠷᠪᠣᠯᠵᠢᠯᠠᠭᠠ ᠵᠢᠨ ᠲᠣᠪᠴᠢᠶᠠᠨᠤ ᠲᠣᠪᠴᠢᠶᠠᠨ ᠳᠠᠷᠤᠭᠠ ᠵᠢᠨ ᠲᠤᠰᠠᠯᠠᠭᠴᠢᠪᠠᠷ ᠠᠵᠢᠯᠯᠠᠪᠠ᠃ 2009 ᠣᠨᠤ 3 ᠰᠠᠷᠠᠠᠴᠠ 2013 ᠣᠨᠤ 5 ᠰᠠᠷᠠ ᠬᠦᠷᠲᠡᠯᠡ ᠨᠠᠢ᠍ᠮᠠᠨ ᠬᠤᠰᠢᠭᠤᠨᠤ ᠵᠠᠬᠢᠳᠠᠯ ᠰᠣᠷᠪᠤᠯᠵᠢᠯᠠᠭᠠ ᠵᠢᠨ ᠲᠣᠪᠴᠢᠶᠠᠨᠤ ᠳᠡᠳ᠋ ᠲᠣᠪᠴᠢᠶᠠᠨ ᠳᠠᠷᠤᠭᠠ ᠵᠢᠨ ᠲᠤᠰᠢᠶᠠᠯᠢ ᠬᠠᠷᠢᠭᠤᠴᠠᠵᠤ᠂ 2013 ᠣᠨᠠᠴᠠ 2018 ᠣᠨᠤ 12 ᠰᠠᠷᠠ ᠬᠦᠷᠲᠡᠯᠡ ᠨᠠᠢ᠍ᠮᠠᠨ ᠬᠤᠰᠢᠭᠤᠨᠤ ᠠᠷᠠᠳᠤᠨ ᠶᠠᠪᠤᠳᠠᠯᠤᠨ ᠲᠣᠪᠴᠢᠶᠠᠨᠤ ᠳᠡᠳ᠋ ᠲᠣᠪᠴᠢᠶᠠᠨ ᠳᠠᠷᠤᠭᠠ ᠵᠢᠨ ᠲᠣᠰᠢᠶᠠᠯᠢ ᠬᠠᠷᠢᠭᠤᠴᠠᠭᠰᠠᠭ᠋ᠠᠷ ᠪᠣᠢ᠃
ᠰᠢᠪᠰᠢᠭᠤᠳ ᠬᠠᠷᠠᠪᠠᠷᠰ᠂ ᠲᠣᠮᠳᠠᠳᠣ ᠰᠣᠷᠭ᠋ᠠᠭᠤᠯᠢ ᠵᠢᠨ ᠳᠡᠭᠡᠳᠤ ᠵᠡᠷᠭᠡᠤᠨ ᠪᠠᠭᠰᠢ ᠴᠣᠯᠠᠲᠠᠢ᠃ ᠵᠢᠷᠢᠮ ᠠᠶ᠋ᠢᠮᠠᠭᠤᠨ ᠨᠠᠢ᠍ᠮᠠᠨ ᠬᠤᠰᠢᠭᠤᠨᠤ ᠠᠮᠣᠭᠤᠯᠠᠩ ᠰᠣᠮᠣ ᠵᠢᠨ ᠵᠡᠬᠦᠨ ᠬᠤᠯᠣᠰᠣᠳᠠᠢ ᠭᠠᠴᠠᠭ᠋ᠠᠨᠳᠤ ᠨᠤᠲᠤᠭᠲᠠᠢ᠃ ᠪᠠᠶ᠋ᠢᠳᠣ᠂ ᠵᠡᠬᠦᠨ ᠬᠤᠯᠣᠰᠣᠳᠠᠢ ᠪᠠᠭᠠ ᠰᠣᠷᠭ᠋ᠠᠭᠤᠯᠢᠠᠴᠠ ᠪᠢᠴᠢᠭ ᠰᠣᠶᠣᠯᠤᠨ ᠮᠦᠷ ᠬᠦᠬᠡᠬᠡᠵᠦ 1990 ᠣᠨᠳᠤ ᠦᠪᠦᠷ ᠮᠤᠩᠭᠤᠯᠤᠨ ᠶᠡᠭᠡ ᠰᠣᠷᠭ᠋ᠠᠭᠤᠯᠢ ᠵᠢᠨ ᠮᠤᠨᠭ᠌ᠭᠤᠯ ᠬᠡᠯᠡ ᠣᠳᠬᠠ ᠵᠣᠬᠢᠶᠠᠯᠤᠨ ᠰᠠᠯᠪᠣᠷᠢ ᠵᠢᠨ ᠵᠢᠩᠭᠢᠨᠢ ᠠᠩᠬᠢᠪᠠᠨ ᠲᠡᠭᠦᠰᠭᠡᠭᠡᠳ ᠠᠯᠠᠱ᠌ᠠ ᠠᠶ᠋ᠢᠮᠠᠭᠤᠨ ᠡᠵᠡᠨᠡ ᠬᠤᠰᠢᠭᠤᠨᠤ ᠮᠣᠩᠭᠤᠯ ᠲᠣᠮᠳᠠᠳᠣ ᠰᠠᠣᠷᠭ᠋ᠠᠭᠤᠯᠢᠳᠤ ᠪᠠᠭᠰᠢᠯᠠᠵᠤ᠂ ᠲᠣᠣᠷᠠᠶ᠋ᠢᠳᠣ ᠨᠣᠳᠤᠭᠤᠨ ᠲᠣᠷᠭᠤᠳ ᠶᠠᠰᠣᠨᠤ ᠬᠡᠣᠬᠡᠳᠢ 《ᠶᠠᠰᠣᠲᠠᠢ᠂ ᠨᠣᠮ ᠲ᠋ᠠᠢ》 ᠪᠣᠯᠭ᠋ᠠᠬᠤ ᠬᠡᠵᠦ ᠮᠠᠬᠠᠷᠠᠨ ᠵᠢᠳᠬᠦᠭᠰᠡᠨ ᠭᠤᠪᠢ ᠵᠢᠨ ᠱᠣᠩᠬᠤᠷᠤᠨ ᠨᠢᠬᠡᠨ ᠪᠢᠯᠡ᠃ ᠭᠤᠴᠢ ᠰᠢᠬᠠᠮ ᠵᠢᠯᠤᠨ ᠲᠣᠷᠰᠢ ᠲᠦᠷᠦᠭᠰᠡᠨ ᠨᠣᠳᠤᠭ ᠬᠢᠭᠡᠳ ᠬᠠᠷᠢ ᠨᠣᠳᠤᠭᠤᠨᠬᠢᠨᠤ ᠨᠡᠷᠡ ᠬᠦᠨᠳᠦ ᠵᠢ ᠭᠤᠳᠣᠭ᠋ᠠᠭᠰᠠᠨ ᠦᠭᠡᠢ ᠮᠡᠷᠡᠶ᠋ᠢᠨ ᠲᠠᠮᠠᠴᠡᠵᠦ᠂ ᠠᠯᠠᠱ᠌ᠠ ᠠᠶ᠋ᠢᠮᠠᠭᠤᠨ ᠵᠢᠭ᠋ᠠᠨ ᠰᠣᠷᠭ᠋ᠠᠬᠤ ᠰᠣᠳᠣᠨ ᠴᠢᠳᠠᠪᠣᠷᠢᠳᠠᠨ ᠵᠶ᠋ᠠᠷ ᠬᠤᠶᠠᠷᠳᠠ ᠴᠣᠯᠭᠤᠷᠠᠨ᠂ 2006 ᠣᠨᠳᠤ ᠦᠪᠦᠷ ᠮᠣᠩᠭᠤᠯ ᠣᠷᠣᠨᠤ ᠰᠢᠯᠢᠳᠡᠭ ᠪᠠᠭᠰᠢ ᠵᠢᠨ ᠠᠯᠳᠠᠷ ᠵᠶ᠋ᠠᠷ ᠠ᠋ᠩᠭᠡᠷ ᠵᠶ᠋ᠠᠨ ᠮᠢᠯᠢᠶᠠᠯᠭ᠋ᠠᠭᠰᠠᠨ ᠪᠠᠢ᠍ᠢ᠍ᠨᠠ᠃ ᠠᠯᠠᠱ᠌ᠠ ᠠᠶ᠋ᠢᠮᠠᠭᠤᠨ ᠲᠠᠭᠤᠷᠢᠶᠠᠯ ᠦᠵᠡᠬᠦᠯᠬᠦ ᠬᠢᠴᠢᠶᠡᠯᠯᠡᠭᠡ ᠵᠢᠨ ᠪᠦᠯᠬᠦᠮᠤᠨ ᠬᠡᠰᠢᠬᠦᠨ᠂ ᠦᠪᠦᠷ ᠮᠣᠩᠭᠤᠯᠤᠨ ᠮᠣᠩᠭᠤᠯ ᠬᠡᠯᠡᠨᠤ ᠲᠠᠭᠤᠷᠢᠶᠠᠯ ᠦᠵᠡᠬᠦᠯᠬᠦ ᠬᠢᠴᠢᠶᠡᠯᠯᠡᠭᠡ ᠵᠢᠨ ᠦᠬᠡᠷᠡᠴᠢᠯᠡᠯᠳᠡ ᠵᠢᠨ ᠲᠠᠭ᠋ᠠᠭᠤᠯᠣᠭᠴᠢ ᠪᠠᠭᠰᠢ ᠵᠡᠷᠭᠡᠪᠠᠷ ᠮᠣᠩᠭᠤᠯ ᠬᠡᠯᠡᠨᠤ ᠵᠢᠭ᠋ᠠᠨ ᠰᠣᠷᠭ᠋ᠠᠯᠳᠠᠳᠤ ᠬᠤᠰᠢᠭᠤᠴᠢᠯᠠᠨ ᠭᠠᠷᠮᠠᠭ᠋ᠠᠶ᠋ᠢᠯᠠᠵᠦ ᠪᠠᠢ᠍ᠢ᠍ᠨᠠ᠃ ᠠᠯᠠᠱ᠌ᠠ ᠠᠶ᠋ᠢᠮᠠᠭᠤᠨ ᠣᠷᠠᠨ ᠪᠢᠴᠢᠯᠭᠡᠳᠡᠳᠤᠨ ᠨᠡᠶ᠋ᠢᠬᠡᠮᠯᠢᠭᠤᠨ ᠬᠡᠰᠢᠬᠦᠨ᠂ ᠦᠪᠦᠷ ᠮᠣᠩᠭᠤᠯᠤᠨ ᠣᠷᠠᠨ ᠪᠢᠷᠤᠨ ᠪᠢᠴᠢᠯᠭᠡ ᠵᠢᠨ ᠬᠡᠰᠢᠬᠦᠨ᠂ ᠡᠵᠡᠨᠡ ᠬᠤᠰᠢᠭᠤᠨᠤ ᠵᠣᠬᠢᠶᠠᠯᠴᠢᠳᠤᠨ ᠨᠡᠶ᠋ᠢᠬᠡᠮᠯᠢᠭᠤᠨ ᠬᠡᠰᠢᠬᠦᠨ᠂ ᠠᠯᠠᠱ᠌ᠠ ᠠᠶ᠋ᠢᠮᠠᠭᠤᠨ ᠵᠣᠬᠢᠶᠠᠯᠴᠢᠳᠤᠨ ᠨᠡᠶ᠋ᠢᠬᠡᠮᠯᠢᠭᠤᠨ ᠬᠡᠰᠢᠬᠦᠨ ᠵᠡᠷᠭᠡ ᠨᠡᠶ᠋ᠢᠬᠡᠮᠤᠨ ᠲᠤᠰᠢᠶᠠᠯᠲᠠᠢ᠃ 《ᠮᠦᠩᠭᠡ ᠲᠣᠯᠭᠠ》 ᠰᠣᠶᠣᠯᠤᠨ ᠨᠡᠶ᠋ᠢᠬᠡᠮᠯᠢᠭᠤᠨ ᠠ᠋ᠬᠦᠰᠬᠡᠨ ᠪᠠᠶ᠋ᠢᠭᠤᠯᠣᠭᠴᠢ᠃ 《ᠶᠡᠭᠡ ᠭᠤᠪᠢ ᠵᠢᠨ ᠲᠣᠣᠯᠢ》 《ᠣᠶᠠᠩᠭ᠋ᠠᠨ ᠲᠣᠣᠷᠠᠢ》 《ᠠᠷᠢᠭᠤᠨ ᠲᠣᠭᠤᠰᠣ》 ᠵᠡᠷᠭᠡ ᠣᠯᠠᠨ ᠰᠢᠯᠦᠭᠤᠨ ᠪᠦᠳᠦᠬᠡᠯᠲᠠᠢ᠃ ᠠ᠋ᠳᠦᠬᠡ ᠡᠵᠡᠨᠡ ᠬᠤᠰᠢᠭᠤᠨᠤ ᠮᠣᠩᠭᠤᠯ ᠲᠣᠮᠳᠠᠳᠣ ᠰᠣᠷᠭ᠋ᠠᠭᠤᠯᠢ ᠵᠢᠨ ᠲᠡᠳ᠋ ᠵᠠᠬᠢᠷᠣᠯ ᠵᠶ᠋ᠠᠷ ᠠᠵᠢᠯᠯᠠᠵᠤ ᠪᠤᠢ᠃
ᠵᠢᠩ ᠷᠦᠩ᠂ 1973 ᠣᠨᠳᠤ ᠲᠦᠷᠦᠪᠡ᠃ ᠠᠰᠫᠢᠷᠠᠨᠲ ᠵᠢᠨ ᠰᠤᠷᠤᠯᠭᠠ ᠵᠢᠨ ᠨᠠᠮᠳᠠᠷᠲᠠᠢ᠃ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠲᠤ ᠨᠠᠮᠤᠨ ᠭᠡᠰᠢᠭᠦᠨ᠃ 1998 ᠣᠨᠳᠤ ᠦᠪᠦᠷ ᠮᠣᠩᠭᠤᠯᠤᠨ ᠶᠡᠭᠡ ᠰᠣᠷᠭ᠋ᠠᠭᠤᠯᠢ ᠵᠢᠨ ᠮᠣᠩᠭᠤᠯ ᠬᠡᠯᠡ ᠤᠳᠬᠠ ᠵᠣᠬᠢᠶᠠᠯᠤᠨ ᠰᠠᠯᠪᠣᠷᠢᠠᠴᠠ ᠲᠡᠭᠦᠰᠴᠦ ᠦᠪᠦᠷ ᠮᠣᠩᠭᠤᠯᠤᠨ ᠦᠪᠡᠷᠲᠡᠭᠡᠨ ᠵᠠᠰᠠᠭ᠍ᠣ ᠣᠷᠣᠨᠤ ᠨᠠᠮᠤᠨ ᠬᠤᠷᠢᠶᠠᠨᠤ ᠣᠬᠠᠭᠤᠯᠬᠤ ᠬᠡᠯᠲᠡᠰᠤᠨ 《ᠰᠣᠯᠣᠩᠭᠠ》 ᠰᠡᠳᠬᠦᠯᠳᠤ ᠠᠵᠢᠯᠤᠨ ᠬᠤᠪᠢᠶᠠᠷᠢ ᠠᠪᠴᠣ ᠣᠷᠴᠢᠭᠤᠯᠣᠭᠴᠢ᠂ ᠨᠠᠶ᠋ᠢᠷᠠᠭᠤᠯᠣᠭᠴᠢ᠂ ᠬᠠᠷᠢᠭᠤᠴᠠᠭᠰᠠᠨ ᠨᠠᠶ᠋ᠢᠷᠠᠭᠤᠯᠣᠭᠴᠢᠪᠠᠷ ᠠᠵᠢᠯᠯᠠᠪᠠ᠃
2006 ᠣᠨᠤ 8 ᠰᠠᠷᠠᠠᠴᠠ 2008 ᠣᠨᠤ 7 ᠰᠠᠷᠠ ᠪᠤᠯᠳᠠᠯᠠ ᠮᠣᠩᠭᠤᠯ ᠣᠯᠣᠰᠤᠨ ᠣᠯᠣᠰᠤᠨ ᠶᠡᠭᠡ ᠰᠣᠷᠭ᠋ᠠᠭᠤᠯᠢ ᠵᠢᠨ ᠮᠣᠩᠭᠤᠯ ᠬᠡᠯᠡ ᠤᠳᠬᠠ ᠵᠣᠬᠢᠶᠠᠯᠤᠨ ᠬᠦᠷᠢᠶᠡᠯᠡᠩᠳᠤ ᠠᠶ᠋ᠢᠯᠴᠢᠯᠠᠭᠴᠢ ᠮᠡᠷᠭᠡᠵᠢᠯᠲᠡᠨᠤ ᠬᠤᠪᠢᠪᠠᠷ ᠰᠣᠷᠣᠯᠴᠠᠪᠠ᠃ ᠠ᠋ᠨᠡ ᠬᠤᠭᠤᠴᠠᠭ᠋ᠠᠨᠳᠤᠪᠠᠨ ᠮᠦᠨ ᠮᠤᠩᠭᠤᠯ ᠤᠯᠤᠰᠤᠨ ᠪᠠᠭᠰᠢ ᠵᠢᠨ ᠶᠡᠭᠡ ᠰᠤᠷᠭ᠋ᠠᠭᠤᠯᠢ ᠵᠢᠨ ᠰᠤᠨᠢᠨ ᠮᠡᠳᠡᠭᠡᠨᠤ ᠰᠠᠯᠪᠤᠷᠢᠳᠤ ᠰᠤᠳᠤᠯᠬᠤ ᠰᠤᠷᠤᠭᠴᠢᠪᠠᠷ ᠰᠤᠷᠤᠯᠴᠠᠵᠤ ᠰᠤᠨᠢᠨ ᠮᠡᠳᠡᠭᠡᠨᠤ ᠮᠡᠷᠭᠡᠵᠢᠯᠤᠨ ᠠᠰᠫᠢᠷᠠᠨᠲᠤᠨ ᠴᠤᠯᠠ ᠬᠦᠷᠲᠡᠵᠠᠢ᠃ ᠤᠯᠤᠰᠲᠤᠪᠠᠨ ᠪᠤᠴᠠᠭᠰᠠᠨᠤ ᠳᠠᠷᠠᠭᠠ ᠠᠵᠢᠯᠤᠨ ᠱᠠᠭ᠋ᠠᠷᠳᠠᠯᠭᠠᠪᠠᠷ 《ᠰᠤᠨᠢᠨ ᠮᠡᠳᠡᠭᠡ ᠬᠡᠪᠯᠡᠯᠤᠨ ᠭᠠᠵᠠᠷ》ᠲᠤ ᠠᠵᠢᠯ ᠰᠢᠯᠵᠢᠵᠤ ᠳᠡᠳ᠋ ᠭᠠᠵᠠᠷᠤᠨ ᠳᠡᠰᠤᠨ ᠺᠠᠳ᠋ᠷ ᠵᠶ᠋ᠠᠷ ᠠᠵᠢᠯᠯᠠᠵᠤ ᠪᠣᠢ᠃
ᠲᠡᠷᠡ ᠪᠠᠰᠠ 《ᠬᠢᠲᠠᠳ ᠬᠡᠪᠰᠢᠮᠡᠯ ᠦᠭᠡᠨᠤ ᠣᠷᠴᠢᠭᠤᠯᠭᠠ ᠵᠢᠨ ᠲᠤᠬᠠᠢ》᠂ 《ᠣᠷᠴᠢᠭᠤᠯᠭᠠ ᠵᠢᠨ ᠠᠮᠢᠳᠤᠯᠢᠭ ᠴᠢᠨᠠᠷ》᠂ 《ᠣᠷᠴᠢᠭᠤᠯᠭᠠ ᠵᠢᠨ ᠭᠤᠷᠪᠠᠨ ᠵᠠᠩᠭᠢᠯᠠᠭᠠ ᠵᠢ ᠡᠵᠡᠮᠰᠢᠬᠦ ᠲᠣᠬᠠᠢ》᠂ 《ᠮᠣᠩᠭᠤᠯ ᠮᠤᠷᠢᠨᠤ ᠲᠤᠬᠠᠢ》 ᠵᠡᠷᠭᠡ 30 ᠭᠠᠷᠤᠢ ᠦᠭᠦᠯᠡᠯ ᠵᠶ᠋ᠠᠨ 《ᠮᠣᠩᠭᠤᠯ ᠬᠡᠯᠡ ᠪᠢᠴᠢᠭ》᠂ 《ᠬᠡᠯᠡ ᠪᠠ ᠤᠷᠴᠢᠭᠤᠯᠭᠠ》᠂ 《ᠮᠣᠩᠭᠤᠯ ᠬᠡᠯᠡ ᠤᠳᠬᠠ ᠵᠤᠬᠢᠶᠠᠯ》᠂ 《ᠦᠪᠦᠷ ᠮᠣᠩᠭᠤᠯᠤᠨ ᠠ᠋ᠳᠦᠷᠤᠨ ᠰᠤᠨᠢᠨ》 ᠵᠡᠷᠭᠡ ᠰᠤᠨᠢᠨ ᠰᠡᠳᠬᠦᠯᠳᠤ ᠨᠡᠶ᠋ᠢᠲᠡᠯᠡᠭᠦᠯᠵᠠᠢ᠃ ᠪᠠᠰᠠ ᠳᠤᠮᠳᠠᠳᠤ᠂ ᠮᠣᠩᠭᠤᠯ᠂ ᠣᠷᠣᠰ ᠭᠤᠷᠪᠠᠨ ᠤᠯᠤᠰᠤᠨ ᠵᠠᠯᠠᠭᠤᠴᠤᠳᠤᠨ ᠶᠠᠷᠢᠯᠴᠠᠭ᠋ᠠᠨᠤ ᠬᠤᠷᠠᠯᠤᠨ ᠬᠢᠲᠠᠳ ᠮᠠᠲ᠋ᠧᠷᠢᠶᠠᠯᠢ ᠺᠢᠷᠢᠯ ᠦᠰᠦᠭ ᠵᠶ᠋ᠠᠷ ᠤᠷᠴᠢᠭᠤᠯᠬᠤ ᠠᠵᠢᠯ ᠪᠤᠯᠤᠨ ᠦᠪᠦᠷ ᠮᠣᠩᠭᠤᠯ ᠪᠠ ᠮᠣᠩᠭᠤᠯ ᠤᠯᠤᠰᠤᠨ ᠨᠦᠬᠦᠷᠰᠡᠭ ᠰᠤᠶᠤᠯᠤᠨ ᠠᠵᠢᠯᠯᠠᠭ᠋ᠠᠨᠤ ᠤᠷᠴᠢᠭᠤᠯᠤᠭᠴᠢ ᠵᠢᠨ ᠠᠵᠢᠯᠢ ᠬᠠᠷᠢᠭᠤᠴᠠᠵᠤ ᠦᠨᠭᠭᠡᠷᠡᠵᠡᠢ᠃ ᠠᠵᠢᠯᠳᠤ ᠭᠠᠷᠤᠭᠰᠠᠨ ᠴᠠᠭᠠᠴᠠ ᠨᠠᠭ᠋ᠠᠰᠢ 《ᠰᠢᠯᠢᠳᠡᠭ ᠠᠵᠢᠯᠲᠡᠨ》᠂ 《ᠰᠢᠯᠢᠳᠡᠭ ᠨᠠᠮᠤᠨ ᠭᠡᠰᠢᠭᠦᠨ》᠂ 《ᠦᠪᠡᠷᠲᠡᠭᠡᠨ ᠵᠠᠰᠠᠭ᠍ᠤ ᠤᠷᠤᠨᠤ ᠮᠣᠩᠭᠤᠯ ᠬᠡᠯᠡ ᠰᠤᠷᠴᠤ ᠡᠵᠡᠮᠰᠢᠭᠰᠡᠨ ᠰᠢᠯᠢᠳᠡᠭ ᠠᠵᠢᠯᠲᠠᠨ》 ᠵᠡᠷᠭᠡ ᠢᠷᠠᠭᠤ ᠠᠯᠳᠠᠷᠢ ᠬᠦᠷᠲᠡᠭᠰᠡᠨ ᠪᠦᠭᠡᠳ 2010 ᠣᠨᠤ ᠱᠠᠩᠬᠠᠢ ᠵᠢᠨ ᠳᠡᠯᠡᠬᠡᠢ ᠵᠢᠨ ᠦᠵᠡᠰᠭᠦᠯᠡᠩᠤᠨ ᠬᠤᠷᠠᠯᠤᠨ ᠰᠤᠨᠢᠨ ᠮᠡᠳᠡᠭᠡᠨᠤ ᠠᠵᠢᠯᠤᠨ ᠦᠪᠦᠷ ᠮᠣᠩᠭᠤᠯᠳᠤᠬᠢ ᠰᠢᠯᠢᠳᠡᠭ ᠬᠤᠯᠪᠤᠭ᠋ᠠᠲᠠᠨ ᠵᠶ᠋ᠠᠷ ᠦᠨᠡᠯᠡᠭᠳᠡᠭᠰᠡᠨ ᠪᠠᠶ᠋ᠢᠨᠠ᠃
ᠪᠣᠣ ᠵᠢᠨ ᠰᠢᠶᠠᠩ᠂ 1972 ᠣᠨᠳᠤ ᠲᠦᠷᠦᠪᠡ᠃ ᠠᠰᠫᠢᠷᠠᠨᠲ ᠵᠢᠨ ᠰᠤᠷᠤᠯᠭᠠ ᠵᠢᠨ ᠨᠠᠮᠳᠠᠷᠲᠠᠢ᠃ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠲᠤ ᠨᠠᠮᠤᠨ ᠭᠡᠰᠢᠭᠦᠨ᠃ 1997 ᠣᠨᠳᠤ ᠦᠪᠦᠷ ᠮᠣᠩᠭᠤᠯᠤᠨ ᠶᠡᠭᠡ ᠰᠤᠷᠭ᠋ᠠᠭᠤᠯᠢ ᠵᠢᠨ ᠠᠵᠤ ᠠᠬᠤᠢ ᠵᠢᠨ ᠳᠡᠭᠡᠳᠦ ᠰᠤᠷᠭ᠋ᠠᠭᠤᠯᠢ ᠵᠢᠨ ᠠᠵᠤ ᠠᠬᠤᠶ᠋ᠢᠯᠠᠯᠤᠨ ᠬᠠᠮᠢᠶᠠᠷᠤᠯᠲᠠ ᠵᠢᠨ ᠰᠠᠯᠪᠤᠷᠢ ᠵᠢᠨ ᠵᠢᠩᠭᠢᠨᠢ ᠠᠩᠭᠢᠠᠴᠠ ᠲᠡᠭᠦᠰᠴᠦ᠂ 1997 ᠣᠨᠤ 10 ᠰᠠᠷᠠᠳᠤ ᠠᠵᠢᠯᠤᠨ ᠭᠠᠷᠤᠭᠠ ᠠᠪᠤᠪᠠ᠃ 1997 ᠣᠨᠠᠴᠠ 2000 ᠣᠨᠤ 6 ᠰᠠᠷᠠ ᠬᠦᠷᠲᠡᠯᠡ ᠪᠡᠭᠡᠵᠢᠩᠤᠨ ᠵᠦᠧᠧ ᠶᠣᠸᠠᠢ ᠴᠢᠮᠡᠭᠡ ᠵᠠᠩᠬᠢ ᠵᠢᠨ ᠵᠦᠪᠯᠡᠬᠦ ᠲᠥᠪᠲᠤ ᠰᠤᠷᠤᠯᠴᠠᠪᠠ᠃ 2000 ᠣᠨᠤ 6 ᠰᠠᠷᠠᠠᠴᠠ 2006 ᠣᠨᠤ 5 ᠰᠠᠷᠠ ᠬᠦᠷᠲᠡᠯᠡ ᠨᠠᠢ᠍ᠮᠠᠨ ᠬᠤᠰᠢᠭᠤᠨᠤ ᠪᠠᠭ᠋ᠠᠪᠡᠷᠬᠡ ᠰᠤᠮᠤᠨᠤ ᠡᠵᠡᠩᠨᠡᠯᠲᠡ ᠬᠠᠮᠢᠶᠠᠷᠤᠯᠲᠠᠶᠢᠨ ᠦᠷᠲᠡᠭᠡᠨᠳᠤ ᠠᠵᠢᠯᠯᠠᠪᠠ᠃ 2006 ᠣᠨᠤ 6 ᠰᠠᠷᠠᠠᠴᠠ ᠣᠳᠣ ᠪᠤᠯᠳᠠᠯᠠ ᠨᠠᠢ᠍ᠮᠠᠨ ᠬᠤᠰᠢᠭᠤᠨᠤ ᠲᠠᠷᠢᠶᠠᠯᠠᠩ ᠮᠠᠯ ᠠᠵᠤ ᠠᠬᠤᠢ ᠵᠢᠨ ᠡᠵᠡᠩᠨᠡᠨ ᠬᠠᠮᠢᠶᠠᠷᠤᠯᠲᠠ ᠵᠢᠨ ᠲᠥᠪᠲᠤ ᠠᠵᠢᠯᠯᠠᠵᠤ ᠪᠣᠢ᠃ ᠠᠵᠢᠯᠳᠤ ᠭᠠᠷᠤᠭᠰᠠᠨᠠᠴᠠ ᠨᠠᠰᠢ ᠦᠪᠦᠷ ᠮᠣᠩᠭᠤᠯᠤᠨ ᠦᠪᠡᠷᠲᠡᠭᠡᠨ ᠵᠠᠰᠠᠭ᠍ᠤ ᠣᠷᠣᠨᠤ ᠣᠯᠭᠤᠭᠰᠠᠨ 《ᠪᠦᠬᠦ ᠣᠷᠣᠨᠤ ᠲᠠᠷᠢᠶᠠᠯᠠᠩᠤᠨ ᠪᠦᠷᠢᠳᠭᠡᠯᠤᠨ ᠴᠢᠮᠡᠭᠡ ᠵᠠᠩᠬᠢ ᠵᠢᠨ ᠲᠡᠷᠢᠭᠦᠨᠤ ᠬᠤᠪᠢ ᠬᠦᠮᠦᠨ》᠂ 《ᠪᠦᠬᠦ ᠣᠷᠣᠨᠤ ᠲᠠᠷᠢᠶᠠᠯᠠᠩ ᠮᠠᠯ ᠠᠵᠤ ᠠᠬᠤᠢ ᠵᠢᠨ ᠴᠢᠮᠡᠭᠡ ᠵᠠᠩᠬᠢ ᠵᠢᠨ ᠠᠵᠢᠯᠤᠨ ᠲᠡᠷᠢᠭᠦᠨᠤ ᠬᠤᠪᠢ ᠬᠦᠮᠦᠨ》 ᠵᠡᠷᠭᠡ ᠱᠠᠩᠨᠠᠯ ᠬᠦᠬᠢᠭᠦᠯᠦᠯᠢ ᠣᠯᠠᠨᠲᠠ ᠲᠣᠰᠤᠭᠰᠠᠨ ᠪᠠᠶ᠋ᠢᠨᠠ᠃
ᠵᠢᠨ ᠰᠦᠩ᠂ 1974 ᠣᠨᠳᠤ ᠲᠦᠷᠦᠪᠡ᠃ 1998 ᠣᠨᠤ 7 ᠰᠠᠷᠠᠳᠤ ᠭᠢᠷᠢᠨ ᠮᠤᠵᠢ ᠵᠢᠨ ᠬᠢᠮᠢ ᠵᠢᠨ ᠠᠵᠤ ᠦᠢ᠍ᠯᠡᠳᠪᠦᠷᠢ ᠵᠢᠨ ᠳᠡᠭᠡᠳᠦ ᠰᠤᠷᠭ᠋ᠠᠭᠤᠯᠢ ᠵᠢᠨ ᠬᠢᠮᠢ ᠵᠢᠨ ᠠᠵᠤ ᠦᠢ᠍ᠯᠡᠳᠪᠦᠷᠢ ᠵᠢᠨ ᠰᠠᠯᠪᠤᠷᠢ ᠵᠢᠨ ᠬᠢᠮᠢ ᠵᠢᠨ ᠠᠵᠤ ᠦᠢ᠍ᠯᠡᠳᠪᠦᠷᠢ ᠵᠢᠨ ᠢᠨᠵᠸᠨᠧᠷᠢᠩᠤᠨ ᠠᠩᠭᠢ ᠵᠢᠨ ᠵᠢᠩᠭᠢᠨᠢ ᠠᠩᠭᠢᠠᠴᠠ ᠲᠡᠭᠦᠰᠪᠡ᠃
1998 ᠣᠨᠤ 9 ᠰᠠᠷᠠ ～2003 ᠣᠨᠤ 10 ᠰᠠᠷᠠ ᠪᠤᠯᠳᠠᠯᠠ᠂ ᠦᠪᠦᠷ ᠮᠣᠩᠭᠤᠯᠤᠨ ᠠ᠋ᠷᠡᠨᠳᠡ ᠵᠢᠨ ᠬᠢᠮᠢ ᠵᠢᠨ ᠠᠵᠤ ᠦᠢ᠍ᠯᠡᠳᠪᠦᠷᠢ ᠬᠢᠵᠠᠭ᠋ᠠᠷᠲᠤ ᠺᠣᠮᠫᠠᠨᠢᠳᠤ ᠮᠡᠷᠭᠡᠵᠢᠯᠲᠡᠨ᠂ ᠢᠨᠵᠸᠨ᠋ᠸᠷ᠂ ᠦᠢ᠍ᠯᠡᠳᠪᠦᠷᠢ ᠵᠢᠨ ᠲᠠᠰᠤᠭᠤᠨ ᠠ᠋ᠷᠬᠢᠯᠡᠭᠴᠢ ᠵᠡᠷᠭᠡ ᠲᠤᠰᠢᠶᠠᠯᠢ ᠠ᠋ᠭᠦᠷᠭᠡᠯᠡᠵᠦ ᠠ᠋ᠳᠦᠷ ᠰᠦᠨᠢ ᠵᠢᠨ ᠬᠤᠪᠢᠨᠳᠤ ᠴᠢᠷᠮᠠᠶ᠋ᠢᠨ ᠠᠵᠢᠯᠯᠠᠭᠰᠠᠨᠠᠴᠠ 6 ᠰᠠᠷᠠ ᠵᠢᠨ ᠬᠤᠭᠤᠴᠠᠭ᠋ᠠᠨᠳᠤ ᠬᠢᠷᠢ ᠲᠡᠩᠴᠡᠭᠰᠡᠨ ᠪᠦᠲᠦᠭᠡᠭᠳᠡᠬᠦᠨ ᠵᠶ᠋ᠠᠨ ᠭᠠᠷᠭ᠋ᠠᠪᠠ᠃
2003 ᠣᠨᠤ 10 ᠰᠠᠷᠠ ～2005 ᠣᠨᠤ 5 ᠰᠠᠷᠠ ᠪᠤᠯᠳᠠᠯᠠ ᠭᠤᠸᠠᠩᠳᠦᠢ᠍ᠩᠤᠨ ᠵᠢᠨ ᠲᠢᠶᠠᠨ ᠪᠦᠯᠦᠭᠯᠡᠯᠤᠨ ᠵᠢᠶᠠ ᠶᠢ ᠢᠳᠡᠭᠡᠨᠤ ᠬᠢᠵᠠᠭ᠋ᠠᠷᠲᠤ ᠺᠤᠮᠫᠠᠨᠢᠳᠤ ᠢᠨᠵᠸᠨ᠋ᠸᠷ ᠵᠶ᠋ᠠᠷ ᠠᠵᠢᠯᠯᠠᠪᠠ᠃
2005 ᠣᠨᠤ 5 ᠰᠠᠷᠠ ～2008 ᠣᠨᠤ 5 ᠰᠠᠷᠠ ᠪᠤᠯᠳᠠᠯᠠ ᠭᠤᠸᠠᠩᠰᠢ ᠵᠢᠨ ᠴᠢᠨᠵᠧᠦ ᠵᠢᠨ ᠬᠠᠢ ᠨᠠ ᠬᠢᠮᠢ ᠵᠢᠨ ᠠᠵᠤ ᠦᠢ᠍ᠯᠡᠳᠪᠦᠷᠢ ᠵᠢᠨ ᠬᠢᠵᠠᠭ᠋ᠠᠷᠲᠤ ᠺᠤᠮᠫᠠᠨᠢᠳᠤ ᠶᠡᠷᠦᠩᠬᠡᠢ ᠢᠨᠵᠸᠨᠧᠷ ᠵᠶ᠋ᠠᠷ ᠠᠵᠢᠯᠯᠠᠪᠠ᠃
2008 ᠣᠨᠤ 5 ᠰᠠᠷᠠ ～2011 ᠣᠨᠤ 11 ᠰᠠᠷᠠ ᠪᠤᠯᠳᠠᠯᠠ ᠴᠢᠩᠶᠤᠸᠠᠨ ᠬᠤᠲᠠ ᠵᠢᠨ ᠵᠦᠩ ᠬᠠᠨ ᠰᠢᠨᠡ ᠠ᠋ᠨᠧᠷᠬᠢ ᠵᠢᠨ ᠬᠢᠵᠠᠭ᠋ᠠᠷᠲᠤ ᠺᠤᠮᠫᠠᠨᠢᠳᠤ ᠲᠦᠷᠦᠯ ᠵᠦᠢ᠍ᠯᠤᠨ ᠠ᠋ᠷᠬᠢᠯᠡᠭᠴᠢ᠂ ᠦᠢ᠍ᠯᠡᠳᠪᠦᠷᠢᠯᠡᠬᠦ ᠦᠢ᠍ᠯᠡᠳᠪᠦᠷᠢ ᠵᠢᠨ ᠳᠠᠷᠤᠭᠠ ᠵᠡᠷᠭᠡ ᠲᠤᠰᠢᠶᠠᠯ ᠠ᠋ᠬᠦᠷᠬᠡᠯᠡᠨ ᠠᠵᠢᠯᠯᠠᠪᠠ᠃
2011 ᠣᠨᠤ 11 ᠰᠠᠷᠠ ～2016 ᠣᠨᠤ 5 ᠰᠠᠷᠠ ᠪᠤᠯᠳᠠᠯᠠ ᠹᠧᠩ ᠶᠢ ᠨᠠᠷᠢᠯᠢᠬ ᠬᠢᠮᠢ ᠵᠢᠨ ᠬᠢᠵᠠᠭ᠋ᠠᠷᠲᠤ ᠺᠤᠮᠫᠠᠨᠢᠳᠤ ᠲᠦᠷᠦᠯ ᠵᠦᠢ᠍ᠯᠤᠨ ᠠ᠋ᠷᠬᠢᠯᠡᠭᠴᠢ᠂ ᠦᠢ᠍ᠯᠡᠳᠪᠦᠷᠢᠯᠡᠬᠦ ᠦᠢ᠍ᠯᠡᠳᠪᠦᠷᠢ ᠵᠢᠨ ᠳᠠᠷᠤᠭᠠ ᠵᠡᠷᠭᠡ ᠲᠤᠰᠢᠶᠠᠯ ᠠ᠋ᠭᠦᠷᠭᠡᠯᠡᠨ ᠠᠵᠢᠯᠯᠠᠪᠠ᠃
2016 ᠣᠨᠤ 5 ᠰᠠᠷᠠ ～2018 ᠣᠨᠤ 12 ᠰᠠᠷᠠ ᠪᠤᠯᠳᠠᠯᠠ ᠵᠢᠶᠠᠩᠰᠢ ᠵᠢᠨ ᠰᠦ᠍ ᠰᠢᠩ ᠮᠠᠲ᠋ᠧᠷᠢᠶᠠᠯᠤᠨ ᠬᠢᠵᠠᠭ᠋ᠠᠷᠲᠤ ᠺᠤᠮᠫᠠᠨᠢᠳᠤ ᠳᠡᠳ᠋ ᠶᠡᠷᠦᠩᠬᠡᠢ ᠠ᠋ᠷᠬᠢᠯᠡᠭᠴᠢᠪᠠᠷ ᠠᠵᠢᠯᠯᠠᠪᠠ᠃
2018 ᠣᠨᠤ 12 ᠰᠠᠷᠠᠠᠴᠠ ᠠ᠋ᠬᠢᠯᠡᠨ ᠦᠪᠦᠷ ᠮᠣᠩᠭᠤᠯᠤᠨ ᠴᠢ ᠯᠦ᠍ ᠡᠮ ᠦᠢ᠍ᠯᠡᠳᠪᠦᠷᠢᠯᠡᠬᠦ ᠬᠢᠵᠠᠭ᠋ᠠᠷᠳᠤ ᠺᠤᠮᠫᠠᠨᠢᠳᠤ ᠲᠦᠷᠦᠯ ᠵᠦᠢ᠍ᠯᠤᠨ ᠠ᠋ᠷᠬᠢᠯᠡᠭᠴᠢᠪᠠᠷ ᠠᠵᠢᠯᠯᠠᠵᠤ ᠪᠤᠢ᠃
ᠠ᠋ᠳᠡᠭᠡᠷ ᠠᠬᠠᠮᠠᠳ ᠦᠶᠡ ᠵᠢᠨ ᠤᠶᠤᠳᠠᠳ ᠰᠡᠭᠡᠭᠡᠳᠡᠳᠠᠴᠠ ᠭᠠᠳᠠᠨᠠ ᠪᠠᠰᠠ ᠦᠢ ᠤᠯᠠᠨ ᠣᠶᠤᠲᠠᠳ ᠪᠦᠬᠦ ᠤᠯᠤᠰᠤᠨ ᠡᠯᠡ ᠭᠠᠵᠠᠷ ᠵᠶ᠋ᠠᠷ ᠲᠦᠭᠡᠨ ᠲᠠᠷᠬᠠᠵᠤ ᠣᠯᠣᠰ ᠦᠨᠳᠦᠰᠦᠲᠡᠨᠤ ᠬᠦᠭᠵᠢᠯᠲᠡᠳᠤ ᠦᠪᠡᠷ ᠦᠪᠡᠷᠤᠨ ᠬᠦᠴᠦᠨ ᠴᠢᠳᠠᠯ ᠵᠶ᠋ᠠᠨ ᠠ᠋ᠷᠭᠦᠵᠦ ᠪᠤᠢ᠃
《ᠣᠰᠣ ᠵᠢᠨᠢ ᠣᠣᠭᠤᠪᠠᠯ ᠠ᠋ᠬᠢ ᠵᠢᠨᠢ ᠪᠣᠣ ᠮᠠᠷᠲᠠ》 ᠭᠡᠳᠡᠭᠴᠢᠯᠡᠨ ᠠ᠋ᠳᠡᠭᠡᠷ ᠣᠯᠠᠨ ᠠ᠋ᠷᠳᠡᠮᠲᠡᠨ ᠴᠢᠳᠠᠪᠣᠷᠢᠳᠠᠨᠤ ᠭᠦᠮᠦᠵᠢᠯ ᠭᠦᠷᠳᠡᠭᠦ ᠠᠨᠭ᠌ᠬᠠᠨᠤ ᠱᠠᠳᠤᠨᠳᠤ ᠠᠯᠢᠪᠠᠪᠠᠨ ᠦᠨᠳᠦᠰᠦᠲᠡᠨᠤ ᠰᠠᠭᠤᠷᠢ ᠰᠣᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠦᠢ᠍ᠯᠡᠰᠲᠤ ᠠ᠋ᠷᠭᠦᠭᠰᠡᠨ ᠵᠡᠭᠦᠨ ᠬᠤᠯᠣᠰᠣᠲᠠᠢ ᠨᠣᠲᠤᠭᠲᠠᠢ ᠬᠡᠳᠦᠨ ᠠᠬᠠᠮᠠᠳ ᠪᠠᠭᠰᠢ ᠵᠢᠨ ᠠᠴᠢ ᠪᠠᠶ᠋ᠢᠭᠠ ᠭᠡᠭᠴᠢ ᠵᠢ ᠵᠡᠭᠦᠨ ᠬᠤᠯᠣᠰᠣᠳᠠᠢ ᠵᠢᠨ ᠰᠣᠷᠭ᠋ᠠᠭᠤᠯᠢ ᠵᠢᠨ ᠲᠡᠦᠭᠡᠨᠳᠤ ᠮᠠᠷᠳᠠᠰᠢ ᠦᠭᠡᠢ ᠲᠡᠮᠳᠡᠭᠯᠡᠵᠦ ᠦᠯᠡᠳᠡᠭᠡᠬᠦ ᠶᠣᠰᠣᠳᠠᠢ ᠶᠣᠮᠰᠠᠨ᠃
ᠷᠠᠰᠢᠵᠠᠮᠰᠣ᠂ （1929～1982）᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠳᠤ ᠨᠠᠮᠤᠨ ᠭᠡᠰᠢᠭᠦᠨ᠃ ᠲᠠᠪᠢᠭ᠋ᠠᠳ ᠣᠨᠤ ᠦᠶᠡᠪᠠᠷ ᠵᠡᠭᠦᠨ ᠬᠤᠯᠣᠰᠣᠲᠠᠢ ᠪᠠᠭᠠ ᠰᠣᠷᠭ᠋ᠠᠭᠤᠯᠢᠳᠤ ᠬᠡᠳᠦᠬᠡᠨ ᠰᠠᠷᠠ ᠠᠵᠢᠯᠯᠠᠭᠰᠠᠨ ᠪᠣᠯᠪᠠᠴᠣ ᠵᠡᠭᠦᠨ ᠬᠤᠯᠣᠰᠣᠲᠠᠢ ᠪᠠᠭᠠ ᠰᠣᠷᠭ᠋ᠠᠭᠤᠯᠢ ᠵᠢᠨ ᠲᠡᠦᠬᠡᠨᠳᠤᠬᠢ ᠨᠢᠬᠡᠨ ᠭᠡᠷᠡᠯᠳᠣ ᠣᠳᠣᠨ ᠭᠡᠵᠦ ᠦᠵᠡᠵᠦ ᠪᠤᠯᠤᠨᠠ᠃ ᠲᠡᠷᠡ ᠰᠤᠷᠭ᠋ᠠᠭᠤᠯᠢᠪᠠᠨ ᠲᠡᠭᠦᠰᠤᠭᠡᠳ ᠦᠪᠦᠷ ᠮᠣᠩᠭᠤᠯᠤᠨ ᠮᠠᠯ ᠠᠵᠣ ᠠᠬᠤᠢ ᠵᠢᠨ ᠲᠢᠩᠬᠢᠮᠳᠤ ᠠᠵᠢᠯᠤᠨ ᠬᠤᠪᠢᠶᠠᠷᠢ ᠠᠪᠴᠣ ᠮᠠᠯ ᠠᠵᠣ ᠠᠬᠤᠢ ᠵᠢᠨ ᠡᠵᠡᠩᠨᠡᠨ ᠬᠠᠮᠢᠶᠠᠷᠣᠯᠲᠠ ᠵᠢᠨ ᠠᠵᠢᠯᠢ ᠬᠠᠷᠢᠭᠤᠴᠠᠵᠣ ᠬᠠᠷᠢᠶᠠ ᠪᠠᠶ᠋ᠢᠭᠤᠯᠭᠠᠳᠤᠪᠠᠨ ᠮᠠᠯ ᠠᠵᠣ ᠠᠬᠤᠢ ᠵᠢᠨ ᠡᠵᠡᠩᠨᠡᠨ ᠬᠠᠮᠢᠶᠠᠷᠣᠯᠲᠠ ᠵᠢᠨ ᠬᠠᠮᠢᠶᠠ ᠪᠦᠬᠦᠢ ᠬᠢᠴᠢᠶᠡᠯ ᠣᠷᠣᠵᠣ ᠪᠠᠶ᠋ᠢᠭᠰᠠᠨ ᠵᠶ᠋ᠠᠨ ᠬᠤᠵᠢᠮᠨᠢ ᠰᠢᠯᠢ ᠵᠢᠨ ᠭᠤᠣᠯ ᠠᠶ᠋ᠢᠮᠠᠭᠤᠨ ᠮᠠᠯ ᠠᠵᠣ ᠠᠬᠤᠢ ᠵᠢᠨ ᠰᠣᠷᠭ᠋ᠠᠭᠤᠯᠢ ᠪᠠᠶ᠋ᠢᠭᠤᠯᠣᠭᠳᠠᠭ᠍ᠣ ᠦᠶᠡᠳᠤ ᠰᠢᠯᠢ ᠵᠢᠨ ᠭᠤᠣᠯ ᠠᠶ᠋ᠢᠮᠠᠭᠤᠨ ᠮᠠᠯ ᠠᠵᠣ ᠠᠬᠤᠢᠶᠢᠨ ᠰᠣᠷᠭ᠋ᠠᠭᠤᠯᠢᠳᠤ ᠪᠠᠭᠰᠢᠯᠠᠭᠰᠠᠨ ᠪᠦᠬᠡᠳ ᠲᠣᠰ ᠰᠣᠷᠭ᠋ᠠᠭᠤᠯᠢ ᠵᠢᠨ ᠬᠠᠮᠤᠭ ᠠᠩᠬᠠᠨᠤ ᠲᠣᠰᠬᠠᠢ ᠮᠡᠷᠭᠡᠵᠢᠯᠤᠨ ᠰᠣᠷᠬᠤ ᠪᠢᠴᠢᠭᠢ ᠨᠠᠶ᠋ᠢᠷᠠᠭᠤᠯᠣᠨ ᠪᠢᠴᠢᠪᠡ᠃ ᠲᠡᠭᠦᠨᠤ ᠨᠢᠭᠡ ᠨᠠᠰᠣ ᠪᠣᠯ ᠦᠨᠳᠦᠰᠦᠲᠡᠨᠤ ᠰᠣᠶᠣᠯ ᠰᠣᠷᠭ᠋ᠠᠨ ᠬᠦᠮᠦᠵᠢᠯᠳᠤ ᠵᠢᠳᠬᠦᠭᠰᠡᠨ ᠨᠢᠭᠡ ᠨᠠᠰᠣ ᠮᠦᠨ᠃ ᠮᠦᠨ ᠴᠦ᠍ ᠦᠨᠳᠦᠰᠦᠲᠡᠨᠤ ᠮᠠᠯᠵᠢᠬᠤ ᠦᠢ᠍ᠯᠡᠰᠤᠨ ᠬᠦᠭᠵᠢᠯᠲᠡᠳᠤ ᠬᠢᠵᠠᠭ᠋ᠠᠷᠯᠠᠰᠢ ᠦᠭᠡᠢ ᠬᠤᠪᠢ ᠨᠡᠮᠡᠷᠢᠪᠠᠨ ᠦᠵᠡᠭᠦᠯᠦᠭᠰᠡᠨ ᠰᠠᠶ᠋ᠢᠨ ᠺᠠᠳ᠋ᠷ ᠪᠣᠯᠣᠨᠠ᠃
ᠷᠠᠰᠢᠳᠣᠷᠵᠢ᠂ （1936～2004）᠃ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠲᠤ ᠨᠠᠮᠤᠨ ᠭᠡᠰᠢᠭᠦᠨ᠃ ᠵᠢᠷᠢᠮ ᠠᠶ᠋ᠢᠮᠠᠭᠤᠨ ᠪᠠᠭᠰᠢ ᠵᠢᠨ ᠰᠣᠷᠭ᠋ᠠᠭᠤᠯᠢᠳᠤ ᠬᠤᠶᠠᠷ ᠵᠢᠯ ᠰᠣᠷᠣᠯᠴᠠᠵᠣ ᠰᠣᠷᠣᠯᠭᠠᠪᠠᠨ ᠲᠡᠭᠦᠰᠦᠭᠰᠡᠨᠤ ᠳᠠᠷᠠᠭᠠ ᠨᠣᠲᠤᠭᠲᠤᠪᠠᠨ ᠬᠠᠷᠢᠵᠤ ᠪᠠᠭᠰᠢᠯᠠᠪᠠ᠃ ᠬᠤᠵᠢᠮᠨᠢ ᠮᠢᠩ ᠷᠧᠨ ᠰᠣᠮᠣ᠂ ᠴᠢᠩ ᠾᠧ ᠰᠣᠮᠣ ᠵᠡᠷᠭᠡ ᠭᠠᠵᠠᠷᠲᠤ ᠪᠠᠭᠰᠢᠯᠠᠵᠣ᠂ ᠳᠠᠬᠢᠨ ᡁᠢ ᠠᠨ ᠪᠠᠯᠭ᠋ᠠᠰᠣᠨᠤ ᠶᠣᠣ ᠵᠢᠨ ᠠᠶ᠋ᠢᠯᠤᠨ ᠳᠣᠮᠳᠠᠳᠣ ᠰᠣᠷᠭ᠋ᠠᠭᠤᠯᠢ ᠠᠩᠬᠠ ᠪᠠᠶ᠋ᠢᠭᠤᠯᠣᠭᠳᠠᠭ᠍ᠣ ᠦᠶᠡᠰ ᠰᠣᠷᠭ᠋ᠠᠭᠤᠯᠢ ᠵᠢᠨ ᠳᠠᠷᠤᠭᠠᠪᠠᠷ ᠲᠣᠮᠢᠯᠠᠭᠳᠠᠨ ᠤᠴᠢᠵᠤ ᠶᠣᠣ ᠵᠢᠨ ᠠᠶ᠋ᠢᠯ ᠳᠣᠮᠳᠠᠳᠣ ᠰᠣᠷᠭ᠋ᠠᠭᠤᠯᠢᠶᠢ ᠠ᠋ᠭᠦᠰᠭᠡᠨ ᠪᠠᠶ᠋ᠢᠭᠤᠯᠪᠠ᠃
ᠪᠠᠯᠳᠠᠨ᠂ （ᠪᠢᠷᠤᠨ ᠨᠡᠷᠡ — ᠲ᠊ · ᠬᠢᠩᠭ᠋ᠠᠨ）᠂ （1945～2010）᠃ ᠣᠣᠯᠤᠨ ᠵᠢᠷᠢᠮ ᠠᠶ᠋ᠢᠮᠠᠭᠤᠨ ᠪᠠᠭᠰᠢ ᠵᠢᠨ ᠰᠣᠷᠭ᠋ᠠᠭᠤᠯᠢᠠᠴᠠ ᠲᠡᠭᠦᠰᠴᠦ ᠨᠣᠳᠤᠭᠲᠤᠪᠠᠨ ᠢᠷᠡᠵᠦ ᠪᠠᠭᠰᠢᠯᠠᠪᠠ᠃ 《ᠵᠢᠭ᠋ᠠᠨ ᠰᠣᠷᠭ᠋ᠠᠯᠲᠠᠨᠢ ᠵᠢᠭ᠋ᠠᠬᠤ ᠪᠠ ᠰᠣᠷᠬᠤ ᠬᠠᠷᠢᠴᠠᠭᠠ ᠵᠢ ᠵᠦᠪ ᠰᠢᠢ᠍ᠳᠪᠦᠷᠢᠯᠡᠬᠦ ᠶᠠᠪᠣᠳᠠᠯ ᠮᠦᠨ᠂ ᠪᠠᠭᠰᠢ ᠵᠢᠨ ᠵᠢᠭ᠋ᠠᠬᠤᠨᠢ ᠵᠦᠪᠬᠡᠨ ᠨᠣᠮ ᠪᠢᠴᠢᠭ ᠳᠡᠭᠡᠷᠡᠬᠢ ᠮᠡᠳᠡᠯᠭᠡ ᠲᠡᠳᠦᠢ ᠪᠢᠰᠢ ᠬᠠᠷᠢᠨ ᠨᠣᠮ ᠪᠢᠴᠢᠭ ᠵᠶ᠋ᠠᠷ ᠵᠠᠭᠤᠴᠢ ᠪᠣᠯᠭ᠋ᠠᠵᠣ ᠮᠡᠳᠡᠯᠭᠡ ᠣᠯᠠᠮᠵᠢᠯᠠᠭ᠍ᠣ ᠵᠢᠨ ᠲᠠᠭ᠋ᠠᠣ ᠰᠣᠷᠬᠤ ᠠᠷᠭᠠ ᠵᠢ ᠵᠢᠭ᠋ᠠᠬᠤᠨᠢ ᠨᠡᠩ ᠴᠢᠬᠤᠯᠠ᠂ ᠪᠠᠭᠰᠢᠨᠢ ᠰᠣᠷᠣᠭᠴᠢᠳᠤ ᠲᠦᠯᠬᠢᠭᠦᠷ ᠵᠢᠭ᠋ᠠᠬᠤ ᠬᠡᠷᠡᠭᠲᠡᠢ》 ᠭᠡᠬᠦ ᠮᠡᠲᠦ ᠵᠢᠨ ᠰᠣᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠦᠵᠡᠯ ᠰᠠᠨᠠᠭᠠᠨᠢ ᠣᠯᠣᠰᠤᠨ ᠰᠢᠨᠡ ᠬᠢᠴᠢᠶᠡᠯᠯᠡᠭᠡ ᠵᠢᠨ ᠦᠭᠡᠷᠡᠴᠢᠯᠡᠯᠲᠡ ᠵᠢᠨ ᠦᠵᠡᠯ ᠰᠠᠨᠠᠭᠠ ᠵᠢᠴᠢ ᠦᠨᠳᠦᠰᠦᠨ ᠣᠨᠣᠯᠵᠢᠬᠤᠨᠲᠠᠢ ᠦᠨᠳᠦᠰᠦᠨᠳᠤᠪᠠᠨ ᠠᠳᠠᠯᠢ ᠪᠠᠶ᠋ᠢᠭᠰᠠᠨᠨᠢ ᠭᠠᠶ᠋ᠢᠬᠠᠯᠳᠠᠢ᠃ ᠲᠡᠭᠦᠨᠤ ᠠ᠋ᠨᠡ ᠬᠦ᠌ ᠰᠣᠳᠣᠯᠣᠯᠨᠢ ᠤᠨᠤᠯᠤᠨ ᠦᠨᠳᠤᠷ ᠲᠦᠪᠰᠢᠨᠳᠤ ᠭᠦᠷᠳᠡᠯᠡ ᠲᠦᠭᠡᠮᠡᠯᠵᠢᠭᠰᠡᠨ ᠦᠭᠡᠢ ᠪᠣᠯᠪᠠᠴᠣ ᠵᠡᠭᠦᠨ ᠬᠤᠯᠣᠰᠣᠲᠠᠢ ᠪᠠᠭᠠ ᠰᠣᠷᠭ᠋ᠠᠭᠤᠯᠢ ᠵᠢᠨ ᠪᠠᠭᠰᠢ ᠰᠣᠷᠣᠭᠴᠢ ᠵᠢᠨ ᠣᠶᠣᠨᠢ ᠰᠢᠮᠡᠵᠢᠭᠦᠯᠦᠭᠰᠡᠨᠨᠢ ᠶᠠᠭ᠋ᠠᠬᠢᠬᠤ ᠵᠢᠨ ᠠᠷᠭᠠ ᠦᠭᠡᠢ ᠦᠨᠡᠨ ᠪᠢᠯᠡ᠃ ᠲᠡᠷᠡ ᠪᠠᠰᠠ ᠣᠷᠠᠨ ᠵᠣᠬᠢᠶᠠᠯᠳᠤ ᠣᠨᠴᠠ ᠪᠠᠬᠠᠲᠠᠢ᠃ ᠵᠠᠯᠠᠭᠤᠳᠤᠪᠠᠨ 《ᠦᠨᠢᠷ ᠴᠡᠴᠡᠭ》᠂ 《ᠵᠢᠷᠢᠮᠤᠨ ᠣᠷᠠᠨ ᠵᠣᠬᠢᠶᠠᠯ》 ᠵᠡᠷᠭᠡ ᠣᠷᠠᠨ ᠵᠣᠬᠢᠶᠠᠯᠤᠨ ᠰᠡᠳᠭᠦᠯᠤᠳᠲᠤ ᠰᠢᠯᠦᠭ ᠵᠣᠬᠢᠶᠠᠯ ᠨᠡᠶ᠋ᠢᠲᠡᠯᠡᠭᠦᠯᠵᠦ ᠪᠠᠶ᠋ᠢᠵᠡᠢ᠃
ᠭᠠᠨᠵᠣᠣᠷᠵᠠᠪ᠂ 1946 ᠣᠨᠳᠤ ᠲᠦᠷᠦᠪᠡ᠃ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠳᠣ ᠨᠠᠮᠤᠨ ᠭᠡᠰᠢᠭᠦᠨ᠃ ᠡᠪᠡᠳᠴᠢᠨᠤ ᠬᠠᠷᠠᠭᠠᠠᠴᠠ ᠪᠣᠯᠵᠣ ᠲᠦᠩᠯᠢᠶᠣᠣ ᠬᠤᠶᠠᠳᠣᠭ᠋ᠠᠷ ᠳᠣᠮᠳᠠᠳᠣ ᠰᠣᠷᠭ᠋ᠠᠭᠤᠯᠢᠠᠴᠠ ᠰᠠᠯᠵᠤ ᠨᠣᠳᠤᠭᠤᠨ ᠪᠠᠭᠠ ᠰᠣᠷᠭ᠋ᠠᠭᠤᠯᠢᠳᠤᠪᠠᠨ ᠪᠠᠭᠰᠢᠯᠠᠵᠠᠢ᠃ ᠲᠡᠭᠦᠨᠳᠤ ᠬᠦᠮᠦᠨᠠᠴᠠ ᠬᠡᠳᠦᠶ᠋ᠢᠳᠦᠭᠰᠡᠨ ᠰᠣᠳᠣᠯᠭ᠋ᠠᠨᠤ ᠪᠦᠲᠦᠭᠡᠯ ᠪᠠᠶ᠋ᠢᠬᠤ ᠦᠭᠡᠢ ᠴᠦ᠍ ᠨᠢᠭᠡ ᠰᠡᠳᠬᠢᠯ ᠨᠢᠭᠡ ᠵᠣᠷᠢᠭ ᠵᠶ᠋ᠠᠷ ᠠᠵᠢᠯ ᠦᠢ᠍ᠯᠡᠰᠤᠨ ᠵᠶ᠋ᠠᠨ ᠲᠦᠯᠦᠭᠡ ᠵᠢᠳᠬᠦᠳᠡᠭ ᠵᠣᠷᠢᠭ ᠰᠠᠨᠠᠭᠠᠨᠢ ᠰᠣᠷᠣᠯᠴᠠᠭᠤᠰᠢᠲᠠᠢ ᠲᠠᠭᠤᠷᠢᠶᠠᠯ ᠪᠢᠯᠡ᠃ ᠲᠡᠷᠡ 1965 ᠣᠨᠳᠤ ᠠᠵᠢᠯᠳᠤ ᠭᠠᠷᠣᠭᠰᠠᠨ ᠴᠠᠭᠠᠴᠠᠪᠠᠨ ᠠᠪᠤᠭ᠋ᠠᠳ 1986 ᠣᠨ ᠪᠣᠯᠲᠠᠯᠠᠬᠢ ᠭᠤᠴᠢ ᠭᠠᠷᠣᠢ ᠵᠢᠯᠤᠨ ᠲᠤᠷᠰᠢᠳᠤ ᡁᠢ ᠠᠨ ᠪᠠᠯᠭ᠋ᠠᠰᠣᠨᠤ ᠮᠣᠩᠭᠤᠯ ᠠᠶ᠋ᠢᠯᠤᠳ ᠵᠶ᠋ᠠᠷ ᠪᠠᠷᠤᠭ ᠯᠠ ᠪᠦᠷ ᠤᠴᠢᠵᠤ ᠦᠨᠭᠭᠡᠷᠡᠵᠡᠢ᠃ ᠣᠴᠢᠭᠰᠠᠨ ᠭᠠᠵᠠᠷ ᠪᠣᠯᠭ᠋ᠠᠨᠨᠢ ᠪᠠᠷᠤᠭ ᠯᠠ ᠠᠩᠬᠠ ᠰᠣᠷᠭ᠋ᠠᠭᠤᠯᠢ ᠪᠠᠶ᠋ᠢᠭᠤᠯᠵᠣ ᠪᠠᠶ᠋ᠢᠬᠤ ᠲᠦᠯᠦᠪᠲᠠᠢ ᠪᠠᠶ᠋ᠢᠵᠤ᠂ ᠲᠡᠳᠡᠭᠡᠷ ᠰᠤᠷᠭ᠋ᠠᠭᠤᠯᠢ ᠵᠢᠨ ᠪᠠᠶ᠋ᠢᠭᠤᠯᠤᠯᠲᠠᠳᠤ ᠲᠡᠭᠦᠨᠤ ᠬᠦᠴᠦ ᠬᠦᠯᠦᠰᠦ ᠰᠢᠩᠭᠡᠭᠰᠡᠨᠨᠢ ᠦᠨᠡᠨ ᠶᠤᠮ᠃ ᠲᠡᠭᠦᠨᠤ ᠭᠤᠶᠣ ᠰᠠᠶ᠋ᠢᠬᠠᠨ ᠪᠢᠴᠢᠯᠭᠡ ᠲᠢᠭᠨᠢ ᠦᠢ ᠣᠯᠠᠨ ᠰᠤᠷᠤᠭᠴᠢ ᠵᠢᠨ ᠣᠶᠤᠨᠢ ᠤᠮᠳᠠᠯᠠᠭᠰᠠᠨ ᠪᠠᠶ᠋ᠢᠬᠤ ᠶᠣᠰᠤᠲᠠᠢ᠃ ᠲᠡᠭᠦᠨᠤ ᠨᠢᠭᠡ ᠨᠠᠰᠣ ᠪᠣᠯ ᠪᠠᠰᠠ ᠴᠦ᠍ ᠦᠨᠳᠦᠰᠦᠲᠡᠨᠤ ᠰᠣᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠦᠢ᠍ᠯᠡᠰᠲᠤ ᠰᠢᠳᠣᠷᠭᠤᠪᠠᠷ ᠵᠢᠳᠬᠦᠭᠰᠡᠨ ᠨᠢᠭᠡ ᠨᠠᠰᠣ ᠪᠣᠯᠣᠨᠠ᠃
ᠮᠦᠩᠭᠦᠨᠲᠣᠶᠠᠭᠠ᠂ 1949 ᠣᠨᠳᠤ ᠲᠦᠷᠦᠪᠡ᠃ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠳᠣ ᠨᠠᠮᠤᠨ ᠭᠡᠰᠢᠭᠦᠨ᠃ 1968 ᠣᠨᠳᠤ ᠣᠣᠯᠤᠨ ᠵᠢᠷᠢᠮ ᠠᠶ᠋ᠢᠮᠠᠭᠤᠨ ᠪᠠᠭᠰᠢ ᠵᠢᠨ ᠰᠣᠷᠭ᠋ᠠᠭᠤᠯᠢᠠᠴᠠ ᠲᠡᠭᠦᠰᠴᠦ ᠨᠣᠳᠤᠭᠲᠤᠪᠠᠨ ᠬᠠᠷᠢᠵᠤ ᠪᠠᠭᠰᠢᠯᠠᠵᠠᠢ᠃ ᠲᠠᠷᠠ ᠪᠤᠯ ᠪᠠᠭᠰᠢᠯᠠᠬᠤ ᠣᠷᠠ ᠠᠪᠢᠶᠠᠰ ᠪᠦᠷᠢᠳᠦᠭᠰᠡᠨ ᠰᠠᠶ᠋ᠢᠨ ᠪᠠᠭᠰᠢ ᠮᠦᠨ᠃ ᠠᠶ᠋ᠢᠯ ᠠᠶ᠋ᠢᠮᠠᠭᠤᠨ ᠵᠶ᠋ᠠᠨ ᠲᠣᠮᠣᠭ᠋ᠠᠲᠡᠳᠤᠨ ᠰᠡᠳᠬᠢᠯᠳᠤ ᠰᠣᠳᠤᠨ ᠦᠬᠢᠨ᠂ ᠰᠤᠷᠤᠭᠴᠢᠳᠤᠨ ᠵᠶ᠋ᠠᠨ ᠣᠢ ᠪᠢᠯᠢᠭᠲᠤ ᠤᠷᠠᠨ ᠪᠦᠵᠢᠭᠴᠢᠨ᠂ ᠵᠠᠯᠠᠭᠤ ᠽᠠᠨᠳᠠᠨ ᠨᠠᠰᠣᠪᠠᠨ ᠨᠣᠳᠤᠭᠤᠨ ᠵᠶ᠋ᠠᠨ ᠬᠡᠦᠬᠡᠳᠤᠨ ᠰᠣᠶᠣᠯ ᠭᠡᠭᠡᠷᠡᠯᠳᠤ ᠵᠣᠷᠢᠭᠤᠯᠣᠭᠰᠠᠨ ᠭᠠᠪᠢᠶᠠᠳᠣ ᠪᠠᠭᠰᠢ᠃ ᠬᠠᠮᠢᠭᠠ ᠣᠴᠢᠭᠰᠠᠨ ᠴᠣ᠌ ᠱᠠᠩᠨᠠᠯ ᠬᠦᠬᠢᠭᠦᠯᠦᠯ ᠵᠶ᠋ᠠᠷ ᠠ᠋ᠨᠭ᠌ᠭᠡᠷ ᠵᠶ᠋ᠠᠨ ᠮᠢᠯᠢᠶᠠᠯᠭ᠋ᠠᠵᠣ ᠶᠠᠪᠣᠳᠠᠬ ᠡᠪ ᠬᠠᠮᠳᠣ ᠨᠠᠮᠤᠨ ᠭᠡᠰᠢᠭᠦᠨ᠂ ᠠᠮᠢ ᠨᠠᠰᠣᠨᠤ ᠰᠢᠵᠢᠷ ᠠᠯᠲᠠᠨ ᠴᠠᠭ ᠮᠦᠴᠡᠪᠠᠨ ᠦᠨᠳᠦᠰᠦᠲᠡᠨᠤ ᠰᠣᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠦᠢ᠍ᠯᠡᠰᠲᠤ ᠵᠣᠷᠢᠭᠤᠯᠣᠭᠰᠠᠨ ᠤᠷᠤᠨ ᠨᠤᠲᠤᠭᠤᠨ ᠰᠣᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠵᠢᠳᠬᠦᠯᠲᠡᠨ᠃
ᠬᠦᠷᠡᠯᠳᠣᠭᠤ᠂ 1948 ᠣᠨᠳᠤ ᠲᠦᠷᠦᠪᠡ᠃ ᠵᠠᠯᠠᠭᠤ ᠨᠠᠰᠣᠨᠳᠤᠪᠠᠨ ᠴᠡᠷᠢᠭᠤᠨ ᠠᠯᠪᠠ ᠬᠠᠭ᠋ᠠᠭᠰᠠᠨ ᠲᠡᠷᠡ᠂ ᠴᠡᠷᠢᠭᠠᠴᠠ ᠬᠠᠯᠠᠭᠳᠠᠭᠰᠠᠨᠤ ᠳᠠᠷᠠᠭᠠ ᠭᠠᠴᠠᠭ᠋ᠠᠨᠤ ᠨᠢᠭᠲᠠᠯᠠᠨ ᠪᠣᠳᠣᠭᠴᠢ ᠵᠢᠨ ᠠᠵᠢᠯ ᠬᠢᠵᠣ ᠪᠠᠶ᠋ᠢᠭᠰᠠᠨ ᠵᠶ᠋ᠠᠨ ᠦᠭᠡᠷᠡᠴᠢᠯᠡᠯᠲᠡ ᠬᠢᠵᠣ ᠴᠢᠯᠦᠭᠡᠲᠠᠢ ᠶᠠᠪᠣᠯᠴᠠᠭ᠍ᠣ ᠲᠦᠷᠦ ᠵᠢᠨ ᠪᠣᠳᠣᠯᠭᠠ ᠬᠡᠷᠡᠭᠵᠢᠭᠦᠯᠦᠭᠰᠡᠨᠤ ᠳᠠᠷᠠᠭᠠ ᠣᠷᠣᠨ ᠲᠠᠶᠠᠭ᠋ᠠᠷ ᠰᠣᠷᠭ᠋ᠠᠨ ᠬᠦᠮᠦᠵᠢᠯᠤᠨ ᠶᠠᠰᠣ ᠴᠢᠨᠠᠷᠢ ᠴᠢᠬᠤᠯᠠᠴᠢᠯᠠᠭᠰᠠᠨᠠᠴᠠ ᠳᠦᠴᠢᠨ ᠨᠠᠰᠣᠨᠤ ᠦᠶᠡᠳᠤᠪᠠᠨ ᠪᠠᠭᠰᠢᠪᠠᠷ ᠰᠢᠯᠢᠭᠳᠡᠨ ᠵᠡᠭᠦᠨ ᠬᠤᠯᠣᠰᠣᠲᠠᠢ ᠪᠠᠭᠠ ᠰᠣᠷᠭ᠋ᠠᠭᠤᠯᠢᠳᠤ ᠪᠠᠭᠰᠢᠯᠠᠪᠠ᠃ ᠲᠡᠷᠡ ᠪᠠᠭᠰᠢᠯᠠᠭᠰᠠᠨ ᠠ᠋ᠳᠦᠷᠠᠴᠠᠪᠠᠨ ᠠ᠋ᠬᠢᠯᠡᠨ ᠴᠢᠷᠮᠠᠶ᠋ᠢᠨ ᠰᠣᠷᠣᠯᠴᠠᠵᠣ ᠰᠢᠨᠳᠠᠷᠠᠰᠢ ᠦᠭᠡᠢ ᠰᠣᠳᠣᠯᠣᠨ ᠰᠢᠷᠭ᠋ᠠᠭᠤ ᠠᠵᠢᠯᠯᠠᠭᠰᠠᠨᠠᠴᠠ ᠲᠡᠭᠦᠨᠤ ᠠ᠋ᠷᠬᠢᠯᠡᠭᠰᠡᠨ ᠠᠩᠭᠢ᠂ ᠵᠢᠭ᠋ᠠᠭᠰᠠᠨ ᠬᠢᠴᠢᠶᠡᠯᠨᠢ ᠬᠤᠰᠢᠭᠤ ᠪᠠᠯᠭ᠋ᠠᠰᠣᠨᠤ ᠬᠡᠪᠴᠢᠶᠡᠨᠳᠤ ᠠᠯᠳᠠᠷᠰᠢᠬᠰᠠᠨ ᠲᠣᠯᠠ ᠲᠡᠭᠦᠨᠢ ᠵᠡᠭᠦᠨ ᠬᠤᠯᠣᠰᠣᠲᠠᠢ ᠪᠠᠭᠠ ᠰᠣᠷᠭ᠋ᠠᠭᠤᠯᠢ ᠵᠢᠨ ᠬᠠᠷᠢᠭᠤᠴᠠᠯᠭ᠋ᠠᠳᠠᠨ ᠵᠶ᠋ᠠᠷ ᠳᠡᠪᠰᠢᠭᠦᠯᠪᠡ᠃ ᠲᠡᠷᠡ ᠠᠷᠪᠠ ᠭᠠᠷᠣᠢ ᠵᠢᠯ ᠵᠡᠭᠦᠨ ᠬᠤᠯᠣᠰᠣᠲᠠᠢ ᠪᠠᠭᠠ ᠰᠣᠷᠭ᠋ᠠᠭᠤᠯᠢ ᠵᠢᠨ ᠬᠠᠷᠢᠭᠤᠴᠠᠯᠭ᠋ᠠᠲᠠᠨᠤ ᠠᠵᠢᠯᠢ ᠭᠠᠷᠳᠠᠨ ᠬᠢᠭᠡᠳ ᠵᠢᠭ᠋ᠠᠨ ᠰᠣᠷᠭ᠋ᠠᠯᠲᠠ ᠵᠢᠨ ᠶᠠᠰᠣ ᠴᠢᠨᠠᠷᠢ ᠨᠡᠶ᠋ᠢᠳᠡᠮ ᠲᠡᠭᠡᠭᠰᠢᠯᠡᠬᠦᠯᠦᠭᠰᠡᠨ ᠪᠠᠶ᠋ᠢᠳᠠᠭ᠃ ᠲᠡᠭᠦᠨᠤ ᠬᠠᠲᠠᠭᠤᠵᠢᠯᠲᠠᠢ ᠣᠷᠴᠢᠨᠳᠤ ᠲᠡᠰᠪᠦᠷᠢᠲᠠᠢ ᠠᠵᠢᠯᠯᠠᠳᠠᠭ ᠵᠣᠷᠢᠭ ᠰᠠᠨᠠᠭᠠᠨᠢ ᠳᠠᠭᠤᠷᠢᠶᠠᠯᠲᠠᠢ᠂ ᠨᠠᠰᠣᠨ ᠲᠣᠷᠰᠢ ᠰᠣᠷᠣᠯᠴᠠᠯᠭᠠ ᠵᠢ ᠬᠠᠶᠠᠳᠠᠭ ᠦᠭᠡᠢ ᠵᠣᠷᠰᠢᠯᠨᠢ ᠮᠠᠭᠲᠠᠭᠤᠰᠢᠲᠠᠢ᠃
ᠨᠢᠮᠠ᠂ （1947～2007）᠃ ᠬᠤᠶᠠᠷᠬᠠᠨ ᠵᠢᠯ ᠪᠠᠭᠰᠢᠯᠠᠭᠰᠠᠨ ᠲᠡᠦᠬᠡᠲᠠᠢ ᠪᠣᠯᠪᠠᠴᠤ ᠪᠢᠴᠢᠭ ᠵᠢᠭ᠋ᠠᠵᠣ ᠦᠩᠭᠡᠷᠡᠭᠰᠡᠨ ᠰᠤᠷᠤᠭᠴᠢᠳᠤᠨ ᠵᠶ᠋ᠠᠨ ᠣᠢ ᠰᠡᠳᠬᠢᠯᠳᠤ ᠮᠠᠰᠢ ᠭᠦᠨ ᠰᠠᠭᠤᠭᠳᠠᠯ ᠦᠯᠡᠳᠡᠭᠡᠭᠰᠡᠨᠨᠢ ᠪᠢᠰᠢᠷᠡᠭᠦᠰᠢᠲᠠᠢ᠃ ᠲᠡᠷᠡ ᠬᠢᠴᠢᠶᠡᠯᠤᠨ ᠨᠣᠮ ᠦᠭᠡᠢ ᠪᠠᠶ᠋ᠢᠳᠠᠯ ᠳᠣᠣᠷᠠ ᠮᠠᠣ ᠽᠧ ᠳ᠋ᠦᠩᠤᠨ ᠰᠢᠯᠦᠭ ᠳᠠᠭᠤᠯᠠᠯᠢ ᠠᠰᠢᠭᠯᠠᠨ ᠬᠡᠯᠡ ᠪᠢᠴᠢᠭᠤᠨ ᠬᠢᠴᠢᠶᠡᠯᠤᠨ ᠵᠢᠭ᠋ᠠᠨ ᠰᠤᠷᠭ᠋ᠠᠬᠤ ᠠ᠋ᠭᠦᠷᠭᠡᠪᠠᠨ ᠠᠮᠵᠢᠯᠲᠠᠲᠠᠢ ᠪᠡᠶᠡᠯᠡᠭᠦᠯᠵᠦ ᠪᠠᠶ᠋ᠢᠭᠰᠠᠨ ᠪᠦᠭᠡᠳ ᠠ᠋ᠷᠲᠡᠨ ᠠ᠋ᠳᠦᠭᠡ ᠵᠢᠨ ᠨᠣᠮ ᠪᠢᠴᠢᠭᠢ ᠣᠯᠠᠨ ᠪᠣᠳᠢ ᠤᠩᠰᠢᠵᠤ᠂ ᠤᠩᠰᠢᠭᠰᠠᠨ ᠨᠣᠮᠤᠨ ᠵᠶ᠋ᠠᠨ ᠰᠤᠩᠭᠤᠳᠠᠭ ᠪᠠᠳᠠᠬᠢ ᠠᠮᠠᠨᠤ ᠠᠶᠠᠪᠠᠷ ᠭᠡᠩᠰᠢᠨ᠂ ᠨᠡᠷᠡᠲᠦ ᠬᠦᠮᠦᠰᠤᠨ ᠵᠤᠬᠢᠶᠠᠯ ᠪᠦᠲᠦᠭᠡᠯᠤᠨ ᠣᠨᠴᠠᠭ᠋ᠠᠢ ᠬᠡᠰᠡᠭᠯᠡᠯ ᠵᠶ᠋ᠠᠷ ᠠ᠋ᠰᠢ ᠲᠠᠲᠠᠨ ᠵᠢᠯᠤᠭᠤᠳᠬᠤ ᠵᠢᠨ ᠬᠠᠮᠲᠣ ᠠ᠋ᠷᠲᠡᠨᠤ ᠦᠯᠢᠭᠡᠷ ᠲᠡᠦᠬᠡ ᠵᠢ ᠨᠢᠳᠦᠨᠳᠤ ᠦᠵᠡᠭᠳᠡᠮᠡ ᠳᠦᠷᠰᠦᠯᠡᠨ ᠶᠠᠷᠢᠳᠠᠭᠨᠢ ᠪᠠᠭᠠ ᠬᠡᠦᠬᠡᠳᠤᠨ ᠳᠤᠷᠠ ᠪᠠᠬᠠ ᠵᠢ ᠲᠠᠲᠠᠵᠤ ᠬᠦᠰᠡᠯ ᠬᠦᠭᠡᠭᠡᠴᠡᠯᠳᠦᠯᠤᠨ ᠬᠢᠨᠢ ᠭᠡᠷᠡᠯᠲᠦ ᠴᠠᠮᠬᠠᠭ ᠪᠣᠯᠵᠤ ᠪᠠᠶ᠋ᠢᠭᠰᠠᠨᠨᠢ ᠦᠨᠡᠨᠲᠠᠢ᠃
ᠶᠧᠰᠢ᠂ ᠵᠠᠯᠠᠭᠤ ᠬᠠᠯᠠᠭᠤᠨ ᠨᠠᠰᠤᠪᠠᠨ ᠬᠤᠯᠤᠰᠤᠲᠠᠢ ᠨᠤᠲᠤᠭᠤᠨ ᠵᠶ᠋ᠠᠨ ᠬᠤᠶ᠋ᠢᠴᠢ ᠦᠶᠡᠶᠢᠨ ᠰᠣᠶᠣᠯ ᠭᠡᠭᠡᠷᠡᠯᠤᠨ ᠦᠢ᠍ᠯᠡᠰᠲᠤ ᠵᠣᠷᠢᠭᠤᠯᠤᠭᠰᠠᠨ ᠨᠤᠲᠤᠭ ᠤᠰᠤᠨᠤᠪᠠᠨ ᠠᠷᠠᠳᠤᠨ ᠲᠠᠭ᠋ᠠᠰᠢᠶᠠᠯᠢ ᠣᠯᠤᠭᠰᠠᠨ ᠰᠠᠶ᠋ᠢᠨ ᠪᠠᠭᠰᠢ᠃ ᠲᠡᠭᠦᠨᠤ ᠰᠤᠷᠤᠯᠭᠠ ᠵᠢᠨ ᠨᠠᠮᠲᠠᠷ ᠦᠨᠳᠤᠷ ᠪᠢᠰᠢ ᠴᠦ᠍ ᠰᠤᠷᠤᠯᠭᠠ ᠵᠢ ᠠ᠋ᠷᠬᠢᠮᠯᠡᠨ ᠵᠢᠭ᠋ᠠᠨ ᠰᠤᠷᠭ᠋ᠠᠬᠤ ᠤᠷᠠ ᠮᠠᠷᠭᠡᠰᠢᠯ ᠵᠶ᠋ᠠᠨ ᠲᠠᠰᠤᠷᠠᠯᠳᠠ ᠦᠭᠡᠢ ᠲᠡᠭᠡᠭᠰᠢᠯᠡᠭᠦᠯᠵᠦ᠂ ᠤᠷᠠᠨ ᠳᠡᠮᠲᠠᠢ ᠬᠤᠶᠠᠷ ᠭᠠᠷ ᠵᠶ᠋ᠠᠷ ᠵᠶ᠋ᠠᠨ ᠬᠠᠪᠤᠯᠢᠭ ᠰᠠᠶ᠋ᠢᠬᠠᠨ ᠵᠢᠭ᠋ᠠᠬᠤ ᠪᠠᠭ᠋ᠠᠵᠢ ᠵᠤᠬᠢᠶᠠᠨ ᠠᠰᠢᠭᠯᠠᠵᠤ ᠪᠠᠶ᠋ᠢᠭᠰᠠᠨᠢᠨᠢ ᠰᠤᠷᠤᠭᠴᠢᠳᠨᠢ ᠦᠷᠭᠦᠯᠵᠢ ᠲᠤᠷᠠᠰᠴᠤ ᠪᠠᠢ᠍ᠢ᠍ᠳᠠᠬᠠᠴᠠᠨᠢ ᠦᠵᠡᠪᠡᠯ ᠪᠠᠭᠰᠢ ᠮᠠᠨᠢ ᠰᠤᠷᠤᠭᠴᠢᠳᠤᠨ ᠵᠶ᠋ᠠᠨ ᠤᠢ ᠤᠬᠠᠭ᠋ᠠᠨᠳᠤ ᠪᠠᠯᠠᠷᠠᠰᠢ ᠦᠭᠡᠢ ᠢᠮ ᠲᠠᠮᠠᠭᠠ ᠦᠯᠡᠳᠡᠭᠡᠵᠡᠢ᠃
ᠰᠣᠷᠭ᠋ᠠᠭᠤᠯᠢ ᠵᠢᠨ ᠲᠡᠣᠭᠡ ᠭᠡᠮᠡᠭᠴᠢ ᠶᠣᠰᠣᠨᠳᠤᠪᠠᠨ ᠪᠠᠭᠰᠢ ᠰᠣᠷᠣᠭᠴᠢ ᠵᠢᠨ ᠲᠡᠣᠭᠡ ᠪᠣᠯᠬᠤᠷ ᠪᠢ ᠡ᠊ᠨᠳᠡ ᠪᠠᠭᠰᠢ ᠰᠣᠷᠣᠭᠴᠢ ᠭᠡᠰᠡᠨ ᠬᠤᠶᠠᠷ ᠰᠢᠵᠢᠮ ᠵᠶ᠋ᠠᠷ ᠵᠡᠬᠦᠨ ᠬᠤᠯᠣᠰᠣᠳᠠᠢ ᠪᠠᠭᠠ ᠰᠣᠷᠭ᠋ᠠᠭᠤᠯᠢ ᠵᠢᠨ ᠲᠡᠣᠭᠡ ᠵᠢ ᠲᠦᠭᠦᠮᠭᠡᠨ ᠠ᠋ᠮᠬᠢᠳᠭᠡᠪᠡ᠃ ᠡ᠊ᠨᠳᠡᠭᠦᠦ ᠲᠠᠰᠢᠶᠠ ᠵᠦᠢ᠍ᠯ ᠪᠠᠢ᠍ᠢ᠍ᠵᠤ ᠮᠠᠳᠡᠨᠡ᠂ ᠦᠵᠡᠭᠦ ᠮᠠᠷᠭᠡᠳ ᠵᠠᠰᠠᠨ ᠪᠤᠯᠭᠤᠭ᠋ᠠᠵᠤ ᠵᠠᠯᠠᠷᠠᠭᠤᠯᠤᠨ ᠤᠨᠭ᠌ᠰᠢᠮᠤ！
ᠬᠠᠶᠢᠬ᠄ ᠨᠠᠢ᠍ᠮᠠᠨ ᠬᠤᠰᠢᠭᠤᠨᠤ ᠭᠤᠷᠪᠠᠨᠬᠤᠸᠠ ᠰᠤᠮᠤ ᠵᠢᠨ ᠭᠤᠤᠯ ᠪᠠᠭᠠ ᠰᠤᠷᠭ᠋ᠠᠭᠤᠯᠢ
（ᠴ᠊ · ᠲᠤᠭᠳᠠᠭᠤᠨ ᠨᠠᠢ᠍ᠢ᠍ᠷᠠᠭᠤᠯᠪᠠ）
8 ᠳ᠋ᠤᠭ᠋ᠠᠷ ᠬᠤᠭᠤᠴᠠᠭᠠ