| ᠰᠠᠷᠠᠨᠠ | | | | ᠪᠠᠭᠠ ᠬᠡᠦᠬᠡᠳ ᠲᠤ ᠠᠪᠴᠤ ᠬᠡᠯᠡᠪᠡᠯ ᠭᠡᠤᠭᠡᠳ ᠤᠨ ᠴᠡᠴᠡᠷᠯᠢᠭ ᠠᠴᠠ ᠪᠠᠨ ᠪᠠᠭᠠ ᠰᠤᠷᠭᠠᠭᠤᠯᠢ ᠳᠤ ᠤᠷᠤᠬᠤ | ᠪᠤᠯ ᠮᠠᠰᠢ ᠴᠢᠬᠤᠯᠠ ᠳᠠᠪᠰᠢᠯᠲᠠ ᠶᠢᠨ ᠱᠠᠲᠤ ᠪᠤᠯᠬᠤ ᠶᠤᠮ᠃ ᠲᠠᠪᠤ ᠵᠢᠷᠭᠤᠭᠠᠨ ᠨᠠᠰᠤᠨ ᠤ ᠪᠢᠴᠢᠬᠠᠨ ᠬᠡᠦᠬᠡᠳ | ᠪᠠᠭᠠ ᠰᠤᠷᠭᠠᠭᠤᠯᠢ ᠳᠤ ᠤᠷᠤᠬᠤ ᠶᠢ ᠪᠢᠳᠡ ᠪᠠᠯᠴᠢᠷ ᠨᠠᠰᠤᠨ ᠠᠴᠠ ᠪᠠᠨ ᠬᠡᠦᠬᠡᠳ ᠨᠠᠰᠤᠨ ᠳᠤ ᠪᠠᠨ ᠰᠢᠯᠵᠢᠬᠦ | ᠨᠢᠭᠡᠨ ᠲᠤᠮᠤ ᠠᠯᠬᠤᠮ ᠭᠡᠵᠦ ᠦᠵᠡᠵᠦ ᠪᠤᠯᠤᠨᠠ᠃ ᠭᠡᠤᠭᠡᠳ ᠤᠨ ᠴᠡᠴᠡᠷᠯᠢᠭ ᠠᠴᠠ ᠪᠠᠭᠠ ᠰᠤᠷᠭᠠᠭᠤᠯᠢ ᠳᠤ | ᠳᠠᠪᠰᠢᠭᠦ ᠶᠠᠪᠤᠴᠠ ᠳᠤ ᠬᠡᠦᠬᠡᠳ ᠤᠳ ᠤᠨ ᠭᠠᠳᠠᠭᠠᠳᠤ ᠤᠷᠴᠢᠨ ᠭᠡᠰᠡᠨ ᠦᠭᠡᠢ ᠲᠤᠳᠤᠭᠠᠳᠤ ᠰᠡᠳᠬᠢᠴᠡ ᠶᠢᠨ | ᠲᠠᠯᠠ ᠳᠤ ᠭᠡᠰᠡᠨ ᠦᠭᠡᠢ ᠴᠦᠮ ᠯᠤᠲᠤ ᠶᠡᠭᠡ ᠬᠤᠪᠢᠷᠠᠯᠲᠠ ᠭᠠᠷᠴᠤ ᠰᠢᠨᠡ ᠪᠠᠷ ᠵᠤᠬᠢᠴᠠᠬᠤ ᠶᠢ ᠱᠠᠭᠠᠷᠳᠠᠳᠠᠭ᠃ | ᠠᠩᠬᠠ ᠪᠠᠭᠠ ᠰᠤᠷᠭᠠᠭᠤᠯᠢ ᠳᠤ ᠳᠠᠪᠰᠢᠭ᠍ᠰᠡᠨ ᠰᠤᠷᠤᠭᠴᠢᠳ ᠤᠨ ᠨᠡᠶᠢᠳᠡᠮ ᠤᠨ ᠤᠨᠴᠠᠯᠢᠭ ᠢ ᠵᠠᠳᠠᠯᠪᠠᠯ | ᠳᠤᠤᠷᠠᠬᠢ ᠬᠡᠳᠦᠨ ᠲᠠᠯᠠ ᠪᠠᠷ ᠳᠤᠪᠤᠶᠢᠮᠠ ᠪᠠᠶᠢᠳᠠᠭ᠃ | ᠨᠢᠭᠡ᠂ ᠵᠠᠩ ᠠᠷᠠᠨᠰᠢᠨ ᠤ ᠲᠠᠯᠠ ᠪᠠᠷ | ᠨᠢᠭᠡᠳᠦᠭᠡᠷ ᠤᠨ ᠤ ᠰᠤᠷᠤᠭᠴᠢᠳ ᠲᠤ ᠠᠪᠴᠤ ᠬᠡᠯᠡᠪᠡᠯ ᠤᠷᠴᠢᠨ ᠲᠤᠭᠤᠷᠢᠨ᠂ ᠪᠠᠭᠰᠢ᠂ ᠬᠢᠴᠢᠶᠡᠯ | ᠰᠤᠷᠤᠯᠭᠠ ᠁ ᠠᠯᠢᠪᠠ ᠪᠦᠬᠦᠨ ᠨᠢ ᠰᠢᠨᠡ᠃ ᠲᠡᠶᠢᠮᠦ ᠠᠴᠠ ᠰᠤᠷᠤᠭᠴᠢᠳ ᠰᠢᠨᠡ ᠰᠤᠷᠭᠠᠭᠤᠯᠢ ᠳᠤ ᠢᠷᠡᠭᠰᠡᠨ | ᠳᠠᠷᠤᠢ ᠳᠤ ᠠᠯᠢᠪᠠ ᠪᠦᠬᠦᠨ ᠢ ᠰᠤᠨᠢᠭᠤᠴᠢᠯᠠᠵᠤ᠂ ᠠᠵᠢᠭᠯᠠᠵᠤ᠂ ᠮᠡᠳᠡᠵᠦ ᠤᠶᠢᠯᠠᠭᠠᠵᠤ ᠠᠪᠬᠤ ᠶᠢ ᠬᠦᠰᠡᠵᠦ | ᠪᠠᠶᠢᠳᠠᠭ᠃ ᠳᠡᠲᠡ ᠠᠩᠬᠠ ᠢᠷᠡᠭᠰᠡᠨ ᠳᠠᠷᠤᠢ ᠳᠤ ᠪᠠᠨ ᠪᠠᠭᠰᠢ ᠠᠴᠠ ᠪᠠᠨ ᠰᠢᠷᠬᠡᠶᠢᠬᠦ ᠦᠭᠡᠢ᠂ ᠬᠡᠨ ᠠᠴᠠ ᠴᠤ | ᠠᠶᠤᠬᠤ ᠦᠭᠡᠢ᠂ ᠤᠡᠭᠭᠤᠶᠢᠭᠰᠠᠨ ᠪᠤᠯᠭᠠᠨ ᠢᠶᠠᠷ ᠤᠷᠤᠵᠤ᠂ ᠶᠠᠭᠤᠮᠠ ᠪᠦᠬᠦᠨ ᠢ ᠬᠦᠳᠡᠯᠭᠡᠵᠦ ᠦᠵᠡᠳᠡᠭ | ᠵᠤᠷᠢᠭᠲᠠᠢ᠂ ᠴᠤᠪᠤᠭᠤ ᠳᠡᠭᠵᠢᠨ ᠪᠠᠶᠢᠳᠠᠭ᠃ | ᠬᠤᠶᠠᠷ᠂ ᠬᠢᠴᠢᠶᠡᠯ ᠰᠤᠷᠤᠯᠭᠠ ᠶᠢᠨ ᠲᠠᠯᠠ ᠪᠠᠷ | ᠨᠢᠭᠡᠳᠦᠭᠡᠷ ᠤᠨ ᠤ ᠰᠤᠷᠤᠭᠴᠢᠳ ᠬᠢᠴᠢᠶᠡᠯ ᠳᠤ ᠢᠳᠡᠪᠬᠢᠲᠡᠢ ᠤᠷᠤᠯᠴᠠᠵᠤ᠂ ᠬᠦᠷ ᠬᠦᠭᠵᠢᠶᠡᠨ ᠲᠠᠢ | ᠬᠢᠴᠢᠶᠡᠯ ᠢᠶᠠᠨ ᠰᠤᠷᠳᠠᠭ᠃ ᠲᠡᠳᠡ ᠤᠡᠭᠰᠢᠬᠤ ᠳᠤᠷᠠᠲᠠᠢ᠂ ᠪᠢᠴᠢᠬᠦ ᠳᠤᠷᠠ ᠦᠭᠡᠢ᠂ ᠴᠡᠭᠡᠵᠢᠯᠡᠬᠦ ᠳᠤ ᠬᠤᠷᠳᠤᠨ᠂ | ᠮᠠᠷᠲᠠᠬᠤ ᠨᠢ ᠴᠤ ᠬᠤᠷᠳᠤᠨ᠂ ᠰᠢᠨᠡ ᠶᠢ ᠰᠤᠷᠬᠤ ᠳᠤᠷᠠᠲᠠᠢ᠂ ᠳᠠᠪᠲᠠᠬᠤ ᠳᠤᠷᠠ ᠦᠭᠡᠢ ᠪᠠᠶᠢᠳᠠᠭ᠃ ᠪᠠᠭᠰᠢ ᠶᠢᠨ | ᠠᠰᠠᠭᠤᠭᠰᠠᠨ ᠢ ᠰᠢᠭᠤᠳ ᠬᠠᠷᠢᠭᠤᠯᠬᠤ ᠦᠭᠡᠢ᠂ ᠴᠢᠨᠠᠭᠰᠢ ᠪᠠᠨ ᠵᠤᠭᠤᠭᠲᠠᠬᠤ ᠭᠡᠳ ᠪᠠᠶᠢᠳᠠᠭ᠃ ᠦᠭᠡᠨ ᠳᠤ | ᠳᠤᠷᠠᠲᠠᠢ᠂ ᠦᠪᠡᠷ ᠢ ᠪᠠᠨ ᠢᠯᠡᠷᠡᠭᠦᠯᠬᠦ ᠵᠤᠷᠢᠭ ᠲᠡᠭᠦᠯᠳᠡᠷ᠂ ᠶᠠᠭᠤ ᠪᠤᠳᠤᠪᠠᠯ ᠶᠠᠭᠤ ᠪᠠᠨ ᠶᠠᠷᠢᠵᠤ᠂ ᠶᠠᠷᠢᠵᠤ ᠪᠠᠷᠠᠬᠤ | ᠦᠭᠡᠢ ᠪᠤᠯ ᠵᠤᠭᠰᠤᠳᠠᠭ ᠦᠭᠡᠢ᠃ | ᠭᠤᠷᠪᠠ᠂ ᠪᠤᠰᠤᠳ ᠲᠠᠯᠠ ᠪᠠᠷ | ᠨᠢᠭᠡᠳᠦᠭᠡᠷ ᠤᠨ ᠤ ᠰᠤᠷᠤᠭᠴᠢᠳ ᠪᠡᠶᠠ ᠶᠢᠨ ᠲᠠᠮᠢᠷ ᠤᠨ ᠬᠦᠳᠡᠯᠭᠡᠭᠡᠨ ᠳᠤ ᠤᠨᠴᠠᠭᠠᠢ ᠪᠠᠭ᠋ᠠᠲᠠᠢ ᠪᠠᠶᠢᠵᠤ᠂ | ᠶᠡᠷᠦ ᠠᠴᠠ ᠶᠠᠳᠠᠷᠠᠬᠤ ᠶᠢ ᠮᠡᠳᠡᠳᠡᠭ ᠦᠭᠡᠢ ᠨᠠᠭᠠᠰᠢ ᠴᠠᠭᠠᠰᠢ ᠭᠦᠶᠦᠵᠦ᠂ ᠲᠤᠭᠯᠠᠨ ᠪᠠᠶᠠᠷᠯᠠᠵᠤ ᠯᠡ | ᠪᠠᠶᠢᠳᠠᠭ᠃ ᠬᠢᠴᠢᠶᠡᠯ ᠳᠡᠭᠡᠷᠡ ᠴᠦ ᠲᠤᠭᠯᠠᠭᠠᠮ ᠪᠤᠶᠤ ᠬᠦᠳᠡᠯᠭᠡᠭᠡᠨ ᠬᠢᠯᠭᠡᠬᠦ ᠪᠠᠷ ᠨᠢᠭᠡ ᠯᠡ ᠢᠳᠡᠪᠬᠢᠲᠡᠢ ᠪᠤᠯᠵᠤ᠂ | ᠭᠦᠮᠦᠨ ᠪᠤᠯᠭᠠᠨ ᠪᠠᠶᠠᠷᠯᠠᠳᠠᠭ᠃ ᠲᠡᠳᠡᠨ ᠤ ᠬᠠᠮᠤᠭ ᠤᠨ ᠬᠠᠶᠢᠷᠠᠯᠠᠵᠤ ᠲᠤᠭᠤᠳᠠᠭ ᠪᠠᠭᠰᠢ ᠪᠤᠯ ᠪᠡᠶᠠ ᠶᠢᠨ | ᠲᠠᠮᠢᠷ ᠤᠨ ᠪᠠᠭᠰᠢ ᠨᠢ ᠪᠠᠶᠢᠵᠤ᠂ ᠬᠠᠮᠤᠭ ᠤᠨ ᠳᠤᠷᠠᠲᠠᠢ ᠬᠢᠴᠢᠶᠡᠯ ᠨᠢ ᠴᠦ ᠪᠠᠶᠠ ᠶᠢᠨ ᠲᠠᠮᠢᠷ ᠤᠨ ᠬᠢᠴᠢᠶᠡᠯ | ᠪᠠᠶᠢᠳᠠᠭ᠃ ᠤᠨᠴᠠᠭᠠᠶᠢᠯᠠᠨ ᠤᠷᠴᠢᠮ ᠤᠨ ᠬᠡᠳᠦᠨ ᠵᠢᠯ ᠤᠨ ᠨᠢᠭᠡᠳᠦᠭᠡᠷ ᠤᠨ ᠤ ᠰᠤᠷᠤᠭᠴᠢᠳ ᠢ ᠰᠢᠨᠵᠢᠬᠦ ᠳᠤ ᠬᠦᠦ | ᠴᠦ ᠲᠡᠷᠡ᠂ ᠬᠡᠦᠬᠡᠨ ᠴᠦ ᠲᠡᠷᠡ ᠴᠦᠮ ᠬᠦᠯ ᠪᠦᠮᠪᠦᠭᠡᠨ ᠳᠤ ︽ᠬᠤᠷᠤᠬᠠᠶᠢᠰᠢᠭᠠᠳ︾ ᠬᠦᠮᠦᠨ ᠪᠦᠷᠢ ᠦᠪᠡᠷ ᠤᠨ | ᠭᠡᠰᠡᠨ ᠬᠦᠯ ᠪᠦᠮᠪᠦᠭᠡ ᠲᠠᠢ᠂ ᠦᠷᠭᠦᠯᠵᠢ ᠪᠦᠮᠪᠦᠭᠡ ᠲᠡᠪᠡᠷᠢᠨ ᠭᠦᠶᠦᠳᠡᠭ ᠪᠤᠯᠵᠠᠢ᠃ | ᠲᠡᠳᠡ ᠰᠢᠨᠡ ᠨᠢᠭᠡ ᠤᠷᠴᠢᠨ ᠳᠤ ᠢᠷᠡᠭᠰᠡᠨ ᠠᠴᠠ ᠠᠮᠤᠷ ᠲᠦᠪᠰᠢᠨ ᠤ ᠰᠡᠷᠡᠭᠳᠡᠯ ᠲᠤᠳᠠᠭᠳᠠᠵᠤ᠂ ᠳᠠᠷᠤᠢ | ᠲᠦᠷᠭᠡᠨ ᠰᠢᠨᠡ ᠨᠠᠶᠢᠵᠠ ᠲᠠᠢ ᠪᠤᠯᠬᠤ᠂ ᠤᠨᠴᠠᠭᠠᠶᠢᠯᠠᠨ ᠠᠪᠤ ᠡᠵᠢ ᠨᠢ ᠰᠢᠭ ᠬᠠᠶᠢᠷᠠᠯᠠᠳᠠᠭ ᠨᠢᠭᠡ ᠪᠤᠶᠤ ᠬᠡᠳᠦᠨ | ᠪᠠᠭᠰᠢ ᠲᠠᠢ ᠪᠤᠯᠬᠤ ᠶᠢ ᠴᠢᠩᠭᠠ ᠬᠦᠰᠡᠳᠡᠭ᠃ ᠢᠡᠭᠭᠢᠬᠦ ᠪᠠᠷ ᠪᠠᠭᠰᠢ ᠶᠢᠨ ᠢᠶᠠᠨ ᠠᠩᠬᠠᠷᠤᠯ ᠳᠤ ᠤᠷᠤᠬᠤ᠂ | ᠪᠠᠭᠰᠢ ᠪᠠᠷ ᠢᠶᠠᠨ ᠮᠠᠭᠳᠠᠭᠤᠯᠵᠤ᠂ ᠪᠠᠭᠰᠢ ᠪᠠᠷ ᠢᠶᠠᠨ ᠰᠠᠨᠠᠭᠤᠯᠬᠤ ᠶᠢ ᠨᠢᠭᠡ ᠵᠦᠢᠯ ᠤᠨ ᠢᠷᠠᠭᠤ ᠠᠯᠳᠠᠷ ᠪᠤᠶᠤ | ᠠᠮᠵᠢᠯᠲᠠ ᠭᠡᠵᠦ ᠦᠵᠡᠳᠡᠭ᠃ ᠶᠠᠭ ᠡᠶᠢᠮᠦ ᠱᠠᠭᠠᠷᠳᠠᠯᠭᠠ ᠠᠴᠠ ᠪᠠᠨ ᠪᠤᠯᠤᠭᠠᠳ ᠲᠡᠳᠡ ᠪᠠᠭᠰᠢ ᠪᠠᠨ ᠦᠵᠡᠪᠡᠯ | ᠤᠯᠠᠮ ᠠᠯᠢᠶᠠᠷᠬᠠᠨ ᠶᠠᠩᠵᠤ ᠪᠠᠷ ᠠᠭᠠᠰᠢᠯᠠᠬᠤ᠂ ᠡᠰᠡᠭᠦᠯᠡ ᠨᠢᠭᠡᠮᠦᠰᠦᠨ ᠤᠬᠠᠭᠠᠨ ᠲᠦᠬᠦᠭᠡ ᠲᠠᠢ ᠪᠤᠯᠴᠢᠬᠠᠭᠰᠠᠨ | ᠪᠠᠶᠢᠳᠠᠭ᠃ ᠵᠠᠷᠢᠮ ᠬᠡᠦᠬᠡᠳ ᠤᠨᠴᠠᠭᠠᠢ ︽ᠵᠠᠭᠠᠯᠳᠤᠬᠤ︾ ᠳᠤᠷᠠᠲᠠᠢ᠂ ᠬᠢᠮᠤᠰᠦᠨ ᠴᠢᠨᠡᠭᠡ ᠤᠴᠢᠷ ᠪᠤᠯᠪᠠᠴᠤ | ᠪᠠᠭᠰᠢ ᠪᠠᠨ ᠡᠷᠢᠵᠦ᠂ ᠪᠠᠭᠰᠢ ᠠᠴᠠ ᠪᠠᠨ ᠵᠦᠪ ᠢᠶᠠᠨ ᠤᠯᠪᠠᠯ ᠨᠢᠷᠤᠭᠤ ᠭᠡᠳᠡᠶᠢᠵᠦ᠂ ᠴᠡᠭᠡᠵᠢ ᠲᠡᠨᠢᠢᠯᠭᠡᠨ | ᠤᠮᠤᠭ ᠲᠠᠢ ᠪᠤᠯᠴᠢᠬᠠᠳᠠᠭ᠃ ᠪᠠᠭᠰᠢ ᠳᠤ ᠪᠠᠨ ᠰᠢᠭᠦᠮᠵᠢᠯᠡᠭᠳᠡᠬᠦ ᠪᠠᠷ ᠤᠷᠮᠠ ᠦᠭᠡᠢ ᠪᠤᠯᠵᠤ᠂ ᠶᠠᠭᠤ ᠴᠤ ᠬᠢᠬᠦ | ᠦᠭᠡᠢ ᠤᠷᠤᠭᠤ ᠴᠢᠷᠠᠶᠢᠯᠠᠵᠤ᠂ ᠤᠰᠤᠨ ᠨᠢᠳᠦᠯᠡᠭᠡᠳ ᠰᠠᠭᠤᠴᠢᠬᠠᠳᠠᠭ᠃ ᠡᠶᠢᠮᠦ ᠠᠴᠠ ᠪᠠᠭᠰᠢ ᠨᠢ ᠲᠡᠳᠡᠨ ᠤ | ᠰᠡᠳᠬᠢᠯ ᠳᠤ ᠮᠠᠰᠢ ᠴᠢᠬᠤᠯᠠ ᠪᠠᠶᠢᠷᠢ ᠰᠠᠭᠤᠷᠢ ᠡᠵᠡᠯᠡᠳᠡᠭ᠂ ᠭᠡᠬᠦ ᠳᠤ ᠲᠡᠳᠡ ᠦᠪᠡᠷ ᠤᠨ ᠪᠠᠭᠰᠢ ᠪᠠᠨ ᠯᠡ | ᠪᠠᠭᠰᠢ ᠪᠠᠷ ᠪᠤᠳᠤᠵᠤ᠂ ᠠᠩᠬᠢ ᠶᠢᠨ ᠪᠠᠭᠰᠢ ᠪᠠ ᠬᠢᠴᠢᠶᠡᠯ ᠤᠨ ᠪᠠᠭᠰᠢ ᠠᠴᠠ ᠪᠤᠰᠤᠳ ᠪᠠᠭᠰᠢ ᠶᠢ ᠶᠡᠷᠦ | ᠤᠶᠢᠰᠢᠶᠠᠳᠠᠭ ᠦᠭᠡᠢ᠃ | ᠴᠠᠭ ᠦᠶᠡ ᠶᠢᠨ ᠭᠦᠭᠵᠢᠯᠲᠡ᠂ ᠤᠷᠴᠢᠨ ᠲᠤᠭᠤᠷᠢᠨ ᠤ ᠬᠤᠪᠢᠷᠠᠯᠲᠠ᠂ ᠨᠡᠶᠢᠭᠡᠮ ᠤᠨ ᠳᠠᠪᠰᠢᠯᠲᠠ᠂ | ᠰᠤᠶᠤᠯ ᠤᠨ ᠭᠦᠭᠵᠢᠯᠳᠠ ᠶᠢ ᠳᠠᠭᠠᠯᠳᠤᠭᠠᠳ ᠬᠡᠦᠬᠡᠳ ᠪᠠᠭᠠᠴᠤᠳ ᠤᠨ ᠰᠢᠨᠡ ᠮᠡᠳᠡᠯᠭᠡ ᠶᠢ ᠬᠦᠯᠢᠶᠡᠨ ᠠᠪᠬᠤ | ᠴᠢᠳᠠᠪᠤᠷᠢ ᠤᠨᠴᠠ ᠰᠠᠶᠢᠨ ᠪᠤᠯᠵᠠᠢ᠃ ᠭᠡᠬᠦ ᠳᠤ ᠡᠭᠦᠨ ᠤ ᠵᠡᠷᠭᠡ ᠪᠠᠷ ᠤᠳᠤᠬᠠᠨ ᠤ ᠬᠡᠦᠬᠡᠳ ᠤᠨ ᠪᠡᠶᠡ ᠳᠤ ᠪᠠᠰᠠ | ᠡᠳᠦᠢ ᠲᠡᠳᠦᠢ ᠠᠰᠠᠭᠤᠳᠠᠯ ᠢᠯᠡᠷᠡᠵᠤ ᠪᠠᠶᠢᠨᠠ᠃ | ᠨᠢᠭᠡ᠂ ᠪᠡᠶᠡ ᠪᠠᠨ ᠳᠠᠭᠠᠭᠠᠬᠤ ᠴᠢᠳᠠᠪᠤᠷᠢ ᠳᠤᠷᠤᠢ | ᠤᠯᠠᠩᠬᠢ ᠬᠡᠦᠬᠡᠳ ᠦᠪᠡᠷ ᠤᠨ ᠶᠠᠭᠤᠮᠠ ᠬᠡᠦᠮᠠ ᠪᠠᠨ ᠬᠤᠮᠢᠵᠤ ᠬᠠᠰᠢᠬᠤ᠂ ᠬᠤᠷᠢᠶᠠᠵᠤ ᠲᠢᠭᠯᠡᠬᠦ | ᠲᠠᠯᠠ ᠪᠠᠷ ᠤᠨᠴᠠᠭᠠᠢ ᠠᠨᠠᠢ᠂ ᠱᠠᠬᠠᠢ ᠶᠢᠨ ᠤᠭᠤᠰᠤᠷ ᠢᠶᠠᠨ ᠤᠶᠠᠵᠤ ᠴᠢᠳᠠᠬᠤ ᠦᠭᠡᠢ᠂ ᠬᠤᠪᠴᠠᠰᠤ ᠪᠠᠨ ᠰᠠᠶᠢᠬᠠᠨ | ᠡᠮᠦᠰᠴᠦ ᠴᠢᠳᠠᠬᠤ ᠦᠭᠡᠢ ᠬᠡᠦᠬᠡᠳ ᠵᠠᠬᠠ ᠠᠴᠠ ᠪᠠᠨ᠃ ᠠᠯᠢᠪᠠ ᠪᠦᠬᠦᠨ ᠢ ᠭᠡᠷ ᠤᠨ ᠠᠬᠠᠮᠠᠳ ᠲᠤ ᠪᠠᠨ ᠨᠠᠶᠢᠳᠠᠬᠤ | ᠪᠤᠯᠵᠤ ᠳᠡᠪᠲᠡᠷ ᠳᠠᠰᠬᠠᠯ ᠢᠶᠠᠨ ᠮᠠᠷᠲᠠᠴᠢᠬᠠᠪᠠᠯ ᠡᠵᠢ ᠠᠪᠤ ᠨᠢ ᠪᠤᠭᠴᠤᠨ ᠳᠤ ᠨᠢ ᠬᠢᠵᠦ ᠦᠭᠭᠦᠭᠰᠡᠨ ᠦᠭᠡᠢ ᠭᠡᠳᠡᠭ᠂ | ᠪᠠᠭᠰᠢ ᠨᠢ ᠳᠠᠰᠬᠠᠯ ᠦᠯᠡᠳᠡᠭᠡᠬᠦ ᠳᠤ ᠶᠡᠷᠦ ᠠᠴᠠ ᠴᠡᠭᠡᠵᠢᠯᠡᠬᠦ ᠦᠭᠡᠢ᠂ ᠭᠡᠷ ᠲᠤ ᠪᠠᠨ ᠬᠠᠷᠢᠪᠠᠯ ᠭᠡᠷ ᠤᠨ | ᠠᠬᠠᠮᠠᠳ ᠢᠶᠠᠷ ᠢᠶᠠᠨ ᠪᠠᠭᠰᠢ ᠠᠴᠠ ᠲᠠᠬᠢᠨ ᠠᠰᠠᠭᠤᠯᠭᠠᠨᠠ᠃ ᠰᠤᠷᠭᠠᠭᠤᠯᠢ ᠳᠤ ᠭᠠᠷᠤᠭᠰᠠᠨ ᠶᠠᠪᠤᠳᠠᠯ ᠢ ᠭᠡᠷ ᠤᠨ | ᠠᠬᠠᠮᠠᠳ ᠲᠤ ᠪᠠᠨ ᠵᠠᠭᠠᠯᠳᠤᠵᠤ᠂ ᠪᠠᠭᠠ ᠶᠠᠪᠤᠳᠠᠯ ᠢ ᠶᠡᠬᠡᠰᠬᠡᠵᠦ᠂ ᠪᠠᠭᠰᠢ᠂ ᠰᠤᠷᠭᠠᠭᠤᠯᠢ ᠢ ᠡᠷᠢᠬᠦ ᠮᠡᠲᠦ ᠶᠢᠨ | ᠤᠴᠢᠷ ᠵᠠᠯᠭᠠᠭᠠ ᠭᠠᠷᠳᠠᠭ᠃ ᠪᠢᠳᠡ ᠲᠡᠭᠡᠬᠦ ᠳᠤ ᠪᠠᠨ ᠡᠨᠡ ᠪᠤᠯ ᠤᠳᠤ ᠶᠢᠨ ᠭᠡᠷ ᠤᠨ ᠠᠬᠠᠮᠠᠳ ᠤᠨ ᠲᠠᠷᠢᠭᠰᠠᠨ | ᠭᠡᠮ ᠭᠡᠵᠦ ᠦᠵᠡᠵᠦ ᠪᠠᠶᠢᠨᠠ᠃ | ᠬᠤᠶᠠᠷ᠂ ᠬᠤᠷᠰᠢᠨ ᠬᠠᠮᠵᠢᠯᠴᠠᠬᠤ ᠤᠬᠠᠮᠰᠠᠷ ᠠᠨᠠᠢ | ᠦᠪᠡᠷ ᠤᠨ ᠪᠡᠶᠡ ᠪᠠᠷ ᠢᠶᠠᠨ ᠲᠦᠪ ᠪᠤᠯᠭᠠᠵᠤ᠂ ︽ᠪᠢ︾ ᠭᠡᠳᠡᠭ ᠠᠴᠠ ᠪᠢᠰᠢ ︽ᠪᠢᠳᠡ︾ ᠬᠡᠳᠡᠭ ᠢ | ᠮᠡᠳᠡᠬᠦ ᠦᠭᠡᠢ ᠬᠡᠦᠬᠡᠳ ᠤᠯᠠᠳᠠᠵᠠᠢ᠃ ᠬᠠᠷᠢᠯᠴᠠᠨ ᠨᠠᠶᠢᠷ ᠲᠠᠯᠪᠢᠬᠤ ᠦᠭᠡᠢ᠂ ᠬᠡᠰᠡᠭᠬᠡᠨ ᠪᠠᠯᠠᠯᠤᠭᠤᠷ᠂ | ᠴᠢᠨᠠᠭᠰᠢᠯᠠᠪᠠᠯ ᠨᠢᠭᠡ ᠬᠡᠰᠡᠭ ᠴᠢᠯᠠᠭᠤ ᠴᠦ ᠰᠠᠶᠢᠨ ᠶᠠᠭᠤᠮᠠ ᠪᠤᠯᠴᠢᠬᠠᠭᠠᠳ ᠪᠤᠯᠢᠶᠠᠯᠴᠠᠵᠤ ᠯᠡ ᠪᠠᠶᠢᠳᠠᠭ᠂ | ᠡᠭᠦᠨ ᠳᠤ ᠭᠠᠭᠴᠠᠭᠠᠷ ᠦᠰᠦᠭᠰᠡᠨ ᠬᠡᠦᠬᠡᠳ ᠤᠨᠴᠠᠭᠠᠢ ᠪᠠᠶᠢᠳᠠᠭ᠃ ᠡᠨᠡ ᠨᠢ ᠮᠦᠨ ᠴᠦ ᠭᠡᠷ ᠤᠨ ᠰᠤᠷᠭᠠᠯ ᠲᠠᠢ | ᠬᠤᠯᠪᠤᠭᠳᠠᠨᠠ᠃ ᠬᠠᠷᠢᠴᠠᠩᠭᠤᠢ ᠪᠠᠷ ᠬᠤᠶᠠᠭᠤᠯᠠ ᠪᠤᠶᠤ ᠨᠠᠭᠠᠳᠬᠤ ᠬᠠᠨᠢ ᠲᠠᠢ ᠦᠰᠦᠭᠰᠡᠨ ᠬᠡᠦᠬᠡᠳ ᠪᠠᠭᠠ | ᠵᠦᠭᠡᠷ ᠪᠠᠶᠢᠵᠤ᠂ ᠬᠤᠪᠢᠶᠠᠯᠴᠠᠬᠤ᠂ ᠬᠠᠮᠲᠤ ᠨᠠᠭᠠᠳᠬᠤ ᠶᠢᠨ ᠡᠪ ᠳᠡᠮ ᠢ ᠤᠯᠴᠢᠬᠠᠭᠰᠠᠨ ᠪᠠᠶᠢᠳᠠᠭ ᠢᠶᠠᠷ ᠢᠶᠠᠨ | ᠨᠦᠬᠦᠳ ᠤᠨ ᠢᠶᠠᠨ ᠳᠤᠮᠳᠠ ᠬᠦᠷᠢᠶᠡᠯᠡᠯ ᠲᠠᠢ ᠪᠠᠶᠢᠳᠠᠭ᠃ | ᠭᠤᠷᠪᠠ᠂ ᠶᠠᠷᠢᠵᠤ ᠢᠯᠡᠳᠬᠡᠬᠦ ᠴᠢᠳᠠᠪᠤᠷᠢ ᠲᠤᠷᠤᠢ | ᠤᠷᠤᠨ ᠭᠠᠵᠠᠷ ᠤᠨ ᠬᠡᠯᠡᠨ ᠤ ᠤᠷᠴᠢᠨ᠂ ᠰᠤᠷᠤᠭᠴᠢ ᠶᠢᠨ ᠭᠡᠷ ᠪᠦᠯᠢ ᠶᠢᠨ ᠰᠢᠯᠳᠠᠭᠠᠨ ᠠᠴᠠ ᠪᠤᠯᠵᠤ᠂ | ᠮᠠᠰᠢ ᠠᠷᠪᠢᠨ ᠬᠡᠦᠬᠡᠳ ᠮᠤᠩᠭᠤᠯ ᠢᠶᠠᠷ ᠢᠶᠠᠨ ᠰᠠᠶᠢᠬᠠᠨ ᠶᠠᠷᠢᠵᠤ ᠢᠯᠡᠳᠬᠡᠵᠦ ᠴᠢᠳᠠᠬᠤ ᠦᠭᠡᠢ᠂ ᠲᠡᠷᠡᠴᠢᠯᠡᠨ | ᠮᠤᠩᠭᠤᠯ ᠦᠭᠡ ᠪᠠᠨ ᠲᠦᠬᠦᠭᠡᠷᠡᠬᠦ ᠦᠭᠡᠢ ᠪᠠᠶᠢᠳᠠᠭ᠂ ᠡᠨᠡ ᠨᠢ ᠮᠦᠨ ᠴᠤ ᠨᠢᠭᠡᠳᠦᠭᠡᠷ ᠤᠨ ᠤ ᠵᠢᠭᠠᠨ | ᠰᠤᠷᠭᠠᠯᠲᠠ ᠶᠢᠨ ᠬᠠᠮᠤᠭ ᠤᠨ ᠶᠡᠭᠡ ᠲᠦᠪᠡᠭᠳᠡᠯ ᠪᠠ ᠬᠦᠴᠢᠷᠳᠡᠯᠬᠡ ᠪᠤᠯᠵᠤ ᠪᠠᠶᠢᠳᠠᠭ᠃ ᠲᠡᠷᠡᠴᠢᠯᠡᠨ ᠵᠠᠷᠢᠮ | ᠬᠡᠦᠬᠡᠳ ᠬᠢᠲᠡᠳ ᠮᠤᠩᠭᠤᠯ ᠬᠤᠶᠠᠷ ᠬᠡᠯᠡᠨ ᠤ ᠠᠯᠢ ᠪᠠᠷ ᠨᠢ ᠴᠤ ᠪᠤᠳᠤᠯ ᠰᠠᠨᠠᠯ ᠢᠶᠠᠨ ᠪᠦᠷᠢᠨ ᠪᠦᠲᠦᠨ᠂ | ᠤᠶᠢᠯᠠᠭᠠᠮᠵᠢᠲᠠᠢ ᠢᠯᠡᠳᠭᠡᠵᠦ ᠳᠡᠶᠢᠯᠬᠦ ᠦᠭᠡᠢ᠂ ᠦᠪᠡᠷ ᠢᠶᠠᠨ ᠴᠦ ᠲᠡᠷᠡ᠂ ᠦᠷᠦᠭᠡᠯ ᠢ ᠴᠤ ᠲᠡᠷᠡ ᠰᠠᠨᠳᠤᠷᠭᠠᠨ | ᠪᠠᠴᠢᠮᠳᠠᠭᠤᠯᠳᠠᠭ᠃ ᠲᠡᠷᠡᠴᠢᠯᠡᠨ ᠬᠡᠯᠡᠨ ᠤ ᠴᠤᠯᠴᠠᠷᠠᠭᠠ᠂ ᠬᠡᠯᠡᠨ ᠤ ᠡᠭᠡᠳᠡᠷᠡᠭᠡ ᠲᠠᠢ ᠬᠡᠦᠬᠡᠳ᠂ ᠤᠷᠤᠢ ᠬᠡᠯᠡ ᠳᠤ | ᠤᠷᠤᠭᠰᠠᠨ ᠬᠡᠦᠬᠡᠳ ᠤᠯᠠᠮ ᠢᠶᠠᠷ ᠠᠷᠪᠢᠨ ᠪᠤᠯᠵᠤ ᠪᠠᠶᠢᠨᠠ᠃ ᠡᠨᠡ ᠨᠢ ᠮᠠᠰᠢᠨ ᠲᠤᠭᠯᠠᠭᠠᠮ ᠲᠠᠢ ᠬᠠᠨᠢᠰᠠᠵᠤ | ᠦᠰᠦᠭᠡᠳ ᠦᠭᠡ ᠶᠠᠷᠢᠶᠠᠨ ᠤ ᠮᠡᠳᠡᠷᠡᠮᠵᠢ ᠶᠢ ᠨᠢ ᠬᠦᠮᠦᠵᠢᠭᠦᠯᠦᠭᠰᠡᠨ ᠦᠭᠡᠢ ᠲᠠᠢ ᠰᠢᠭᠤᠳ ᠬᠤᠯᠪᠤᠭᠳᠠᠯ ᠲᠠᠢ | ᠶᠤᠮ᠃ | ᠲᠦᠷᠪᠡ᠂ ᠰᠤᠷᠤᠯᠭᠠ ᠳᠤ ᠪᠠᠨ ᠠᠯᠠᠩ ᠰᠠᠯᠠᠩ ᠰᠤᠯᠠ ᠵᠠᠳᠠᠭᠠᠢ | ᠦᠰᠦᠭ ᠪᠢᠴᠢᠬᠦ ᠳᠤ ᠡᠪᠡᠷ ᠭᠡᠵᠢᠭᠡ ᠭᠡᠭᠡᠵᠦ᠂ ᠲᠤᠭᠠ ᠪᠤᠳᠤᠬᠤ ᠳᠤ ᠨᠡᠮᠡᠬᠦ ᠬᠠᠰᠤᠬᠤ ᠶᠢ ᠪᠤᠷᠤᠭᠤ ᠦᠵᠡᠬᠦ᠂ | ᠴᠡᠭᠡᠵᠢᠯᠡᠬᠦ ᠤᠡᠭᠰᠢᠬᠤ ᠳᠤ ᠶᠡᠷᠦ ᠨᠢ ᠮᠦᠷ ᠪᠠᠳᠠᠭ ᠠᠯᠳᠠᠬᠤ ᠦᠵᠡᠭᠳᠡᠯ ᠮᠠᠰᠢ ᠲᠦᠭᠡᠮᠡᠯ ᠪᠠᠶᠢᠵᠤ᠂ ᠨᠠᠷᠢᠨ ᠨᠢᠮᠪᠠᠢ | ᠰᠤᠷᠤᠯᠴᠠᠬᠤ ᠤᠪᠤᠷ ᠲᠠᠢ ᠬᠡᠦᠬᠡᠳ ᠵᠠᠭᠤᠨ ᠤ ᠲᠤᠳᠤᠷᠠ ᠭᠤᠷᠪᠠ ᠲᠠᠪᠤ ᠯᠡ ᠪᠠᠶᠢᠳᠠᠭ ᠭᠡᠬᠦ ᠳᠤ ᠠᠬᠠᠳᠠᠬᠤ | ᠦᠭᠡᠢ᠃ ᠰᠤᠷᠭᠠᠭᠤᠯᠢ ᠳᠤ ᠢᠷᠡᠬᠦ ᠳᠤ ᠪᠠᠨ ᠬᠠᠷᠠᠨᠳᠠ ᠪᠠᠷᠢᠵᠤ ᠴᠢᠳᠠᠬᠤ ᠦᠭᠡᠢ᠂ ᠪᠠᠯᠠᠯᠤᠭᠤᠷ ᠵᠠᠷᠤᠵᠤ ᠴᠢᠳᠠᠬᠤ | ᠦᠭᠡᠢ᠂ ᠠᠰᠬᠠᠨ ᠱᠤᠭᠤᠮᠳᠠᠵᠤ ᠴᠢᠳᠠᠬᠤ ᠦᠭᠡᠢ ᠰᠤᠷᠤᠭᠴᠢ ᠮᠠᠰᠢ ᠠᠷᠪᠢᠨ ᠪᠤᠯᠵᠤ ᠪᠠᠶᠢᠨᠠ᠃ ᠬᠡᠦᠬᠡᠳ ᠤᠨ | ᠠᠩᠬᠠᠷᠤᠯ ᠲᠦᠪᠯᠡᠷᠡᠬᠦ ᠴᠠᠭ ᠤᠯᠠᠮ ᠠᠴᠠ ᠤᠬᠤᠷ ᠪᠤᠯᠵᠤ᠂ ᠪᠠᠭᠰᠢ ᠶᠢᠨ ᠬᠡᠯᠡᠭᠰᠡᠨ ᠢ ᠶᠡᠷᠦ ᠤᠶᠢᠯᠠᠭᠠᠬᠤ ᠦᠭᠡᠢ | ᠪᠠᠶᠢᠭᠠᠳ ᠪᠠᠶᠢᠳᠠᠭ ᠬᠡᠦᠬᠡᠳ ᠤᠯᠠᠨ ᠪᠤᠯᠵᠠᠢ᠃ | ᠬᠡᠦᠬᠡᠳ ᠭᠡᠵᠦ ᠭᠬᠢᠷ ᠦᠭᠡᠢ ᠴᠠᠭᠠᠰᠤ᠂ ᠬᠢᠰᠬᠢᠭᠡ ᠦᠭᠡᠢ ᠴᠠᠰᠤ ᠶᠤᠮ᠃ ᠬᠡᠦᠬᠡᠳ ᠤᠳ ᠲᠤ ᠮᠢᠨᠢ | ᠪᠤᠷᠤᠭᠤ ᠭᠡᠵᠦ ᠶᠡᠷᠦ ᠠᠴᠠ ᠠᠯᠠᠭᠠ᠃ ᠬᠡᠦᠬᠡᠳ ᠪᠤᠷᠤᠭᠤᠳᠠᠵᠤ ᠪᠠᠶᠢᠭᠠ ᠨᠢ ᠶᠡᠬᠡᠴᠦᠦᠯ ᠪᠤᠷᠤᠭᠤ | ᠰᠤᠷᠭᠠᠭᠰᠠᠨ ᠤ ᠬᠢ᠂ ᠲᠡᠳᠡ ᠠᠯᠳᠠᠭᠠ ᠲᠠᠢ ᠪᠠᠶᠢᠬᠤ ᠨᠢ ᠲᠤᠮᠤᠴᠤᠤᠯ ᠬᠡᠯᠡᠵᠦ ᠵᠢᠭᠠᠵᠤ ᠦᠭᠭᠦᠭᠰᠡᠨ ᠦᠭᠡᠢ | ᠶᠢᠨ ᠬᠢ᠃ ᠶᠠᠭ ᠡᠶᠢᠮᠦ ᠤᠴᠢᠷ ᠠᠴᠠ ᠭᠡᠷ ᠤᠨ ᠠᠬᠠᠮᠠᠳ ᠪᠤᠯᠤᠭᠰᠠᠳ ᠬᠡᠦᠬᠡᠳ ᠢᠶᠠᠨ ᠢᠯᠡᠭᠦᠬᠡᠨ ᠠᠩᠬᠠᠷᠴᠤ | ᠪᠠᠶᠢᠬᠤ ᠨᠢ ᠵᠦᠪ᠃ ᠬᠡᠦᠬᠡᠳ ᠰᠤᠷᠭᠠᠭᠤᠯᠢ ᠠᠴᠠ ᠪᠠᠨ ᠭᠡᠷ ᠲᠤ ᠪᠠᠨ ᠬᠠᠷᠢᠬᠤ ᠦᠶᠡᠰ ᠤᠪᠤᠷ ᠰᠡᠳᠬᠢᠯᠭᠡ ᠶᠢᠨ | ᠲᠠᠯᠠ ᠪᠠᠷ ᠶᠠᠮᠠᠷ ᠪᠠᠶᠢᠳᠠᠯ ᠲᠠᠢ ᠪᠠᠶᠢᠬᠤ ᠶᠢ ᠨᠢᠭᠤᠷ ᠴᠢᠷᠠᠢ᠂ ᠦᠭᠡ ᠶᠠᠷᠢᠶᠠᠨ ᠠᠴᠠ ᠨᠢ ᠠᠵᠢᠭᠯᠠᠵᠤ᠂ | ᠰᠤᠷᠤᠯᠴᠠᠯᠭᠠ ᠳᠤ ᠶᠠᠮᠠᠷ ᠤᠪᠤᠷ ᠲᠠᠢ ᠪᠠᠶᠢᠬᠤ᠂ ᠬᠠᠮᠲᠤ ᠨᠡᠶᠢᠲᠡ ᠳᠤ ᠪᠠᠨ᠂ ᠨᠠᠶᠢᠵᠠ ᠨᠦᠬᠦᠳ ᠲᠤ ᠪᠠᠨ ᠶᠠᠮᠠᠷ | ᠤᠪᠤᠷ ᠢᠶᠠᠷ ᠬᠠᠨᠳᠤᠵᠤ ᠪᠠᠶᠢᠬᠤ ᠶᠢ ᠰᠠᠶᠢᠲᠤᠷ ᠠᠩᠬᠠᠷᠴᠤ᠂ ᠠᠰᠠᠭᠤᠳᠠᠯ ᠢ ᠪᠠᠭᠠ ᠳᠤ ᠨᠢ ᠢᠯᠡᠷᠡᠭᠦᠯᠵᠦ᠂ ᠴᠠᠭ | ᠲᠤᠬᠠᠢ ᠳᠤ ᠨᠢ ᠬᠠᠵᠠᠭᠠᠢ ᠪᠤᠷᠤᠭᠤ ᠶᠢ ᠨᠢ ᠵᠠᠰᠠᠪᠠᠯ ᠬᠡᠦᠬᠡᠳ ᠢᠳᠡᠪᠬᠢ ᠦᠭᠡᠳᠡᠷᠬᠡᠭ ᠰᠤᠷᠤᠯᠴᠠᠵᠤ | ᠴᠢᠳᠠᠨᠠ᠃ ᠬᠡᠦᠬᠡᠳ ᠤᠨ ᠢᠶᠠᠨ ᠦᠭᠡ ᠶᠢ ᠬᠦᠯᠢᠴᠡᠩᠭᠦᠢ ᠰᠤᠨᠤᠰᠤᠨ᠂ ᠬᠡᠦᠬᠡᠳ ᠰᠤᠷᠭᠠᠭᠤᠯᠢ ᠠᠴᠠ ᠪᠠᠨ | ᠭᠡᠷ ᠲᠤ ᠪᠠᠨ ᠬᠠᠷᠢᠭᠠᠳ ᠶᠠᠷᠢᠬᠤ ᠵᠤᠭᠤᠭ᠂ ᠬᠡᠯᠡᠬᠦ ᠦᠭᠡ ᠲᠡᠷᠡᠴᠢᠯᠡᠨ ᠤᠴᠠᠭᠠᠷ ᠪᠤᠬᠢᠨᠢᠳᠤᠯ ᠢᠶᠠᠨ ᠶᠠᠷᠢᠬᠤ ᠦᠶᠡᠰ | ᠭᠡᠷ ᠤᠨ ᠠᠬᠠᠮᠠᠳ ᠬᠦᠯᠢᠴᠡᠩᠭᠦᠢ ᠰᠤᠨᠤᠰᠴᠤ ᠬᠢᠴᠢᠶᠡᠩᠭᠦᠢ ᠵᠠᠳᠠᠯᠤᠨ ᠲᠤᠩᠭᠠᠵᠤ᠂ ᠵᠦᠪ ᠰᠠᠶᠢᠬᠠᠨ ᠵᠢᠯᠤᠭᠤᠳᠤᠯᠭᠠ | ᠪᠠ ᠵᠤᠷᠢᠬᠵᠢᠭᠤᠯᠤᠯ᠂ ᠤᠷᠮᠠᠰᠢᠭᠤᠯᠤᠯ᠂ ᠡᠪᠯᠢᠭ ᠰᠠᠶᠢᠬᠠᠨ ᠰᠢᠭᠦᠮᠵᠢᠯᠡᠯ ᠪᠠ ᠰᠣᠷᠭᠠᠯ ᠦᠭᠴᠦ ᠪᠠᠶᠢᠪᠠᠯ ᠬᠡᠦᠬᠡᠳ | ᠮᠠᠨᠢ ᠯᠠᠪ ᠵᠦᠪ ᠲᠡᠭᠰᠢᠬᠡᠨ ᠦᠵᠡᠯᠲᠡ ᠲᠠᠢ ᠭᠦᠮᠦᠨ ᠪᠤᠯᠤᠨ ᠬᠦᠮᠦᠵᠢᠭᠳᠡᠨᠡ᠃ | ᠠᠵᠢᠯᠯᠠᠵᠤ ᠪᠠᠶᠢᠭᠠ ᠪᠠᠶᠢᠭᠤᠯᠭᠠ᠄ ᠪᠠᠭᠠᠷᠢᠨ ᠵᠠᠭᠦᠨ ᠬᠤᠰᠢᠭᠤᠨ ᠤ | ᠯᠢᠨᠳᠦ᠋ᠡᠭ ᠤᠨ ᠮᠤᠩᠭᠤᠯ ᠪᠠᠭᠠ ᠰᠤᠷᠭᠠᠭᠤᠯᠢ | ︵ᠠᠯᠳᠠᠨᠰᠦ᠋ᠭᠡ ᠨᠠᠶᠢᠷᠠᠭᠤᠯᠪᠠ︶ | |