ᠮᠠᠯᠤᠨ ᠦᠰᠦᠯᠲᠡ ᠤᠨᠳᠤᠷᠤᠯᠳᠠᠳᠤ ᠬᠤᠬᠢᠷᠠᠯ ᠪᠤᠯᠵᠤ᠂ ᠠᠷᠠᠰᠤ ᠨᠤᠤᠰᠤᠨᠤ ᠬᠢᠨᠢ ᠴᠢᠨᠠᠷ ᠴᠢᠨᠰᠠᠭᠠ ᠵᠢ ᠨᠦᠯᠦᠭᠡᠯᠡᠳᠡᠭ ᠬᠤᠤᠷᠲᠤ ᠤᠷᠭᠤᠮᠠᠯᠢ ᠲᠠᠨᠢᠵᠤ ᠠᠪᠬᠤ ᠶᠠᠪᠤᠳᠠᠯ᠂ ᠮᠠᠰᠢ ᠴᠢᠬᠤᠯᠠ ᠪᠠᠢ᠌ᠳᠠᠭ᠃ ᠲᠤᠤᠷᠠ ᠲᠠᠨᠢᠯᠴᠠᠭᠤᠯᠬᠤ ᠬᠡᠳᠦᠨ ᠤᠷᠭᠤᠮᠠᠯ ᠪᠤᠯ ᠮᠠᠨᠤ ᠮᠠᠯᠵᠢᠬᠤ ᠤᠷᠤᠨᠳᠤ ᠦᠷᠬᠦᠯᠵᠢ ᠳᠤᠬᠢᠶᠠᠯᠳᠤᠳᠠᠭ ᠬᠤᠤᠷᠲᠤ ᠤᠷᠭᠤᠮᠠᠯᠤᠳ ᠪᠤᠯᠤᠨᠠ᠃
ᠰᠤᠭᠲᠤᠭᠤ ᠡᠪᠡᠰᠦ᠄ ᠬᠤᠤᠷᠳᠠᠭᠳᠠᠭᠰᠠᠨ ᠮᠠᠯᠤᠨ ᠠᠮᠠᠨᠠᠴᠠ ᠰᠢᠯᠦᠰᠦ ᠶᠡᠬᠡ ᠭᠤᠭᠤᠵᠢᠨᠠ᠃ ᠲᠤᠰ ᠤᠷᠭᠤᠮᠠᠯᠤᠨ ᠡᠰᠢᠨᠢ ᠰᠢᠯᠤᠭᠤᠬᠠᠨ᠂ ᠪᠤᠲᠠᠯᠠᠵᠤ ᠤᠷᠭᠤᠨᠠ᠃ ᠪᠤᠯᠪᠠᠰᠤᠷᠠᠪᠠᠯ ᠬᠦᠷᠡᠩ ᠵᠠᠭ ᠰᠢᠭ ᠪᠤᠷᠤ ᠦᠩᠭᠡᠲᠠᠢ ᠪᠤᠯᠳᠠᠭ᠃ ᠦᠨᠳᠦᠷᠯᠢᠭ ᠭᠠᠵᠠᠷ ᠬᠡᠭᠡᠷᠡ ᠲᠠᠯᠠᠳᠤ ᠤᠷᠭᠤᠨᠠ᠃
ᠢᠮᠠᠭ᠋ᠠᠨ ᠰᠢᠬᠢᠷᠠ᠄ ᠬᠤᠤᠷᠳᠠᠭᠳᠠᠭᠰᠠᠨ ᠮᠠᠯᠤᠨ ᠠᠮᠢᠰᠬᠤᠯ᠂ ᠭᠤᠤᠯ ᠠᠷᠲᠸᠷᠢᠨᠢ ᠰᠤᠯᠠᠷᠠᠵᠤ᠂ ᠴᠢᠴᠠᠭᠠ ᠠᠯᠳᠠᠨᠠ᠃ ᠡᠨᠡᠨᠢ ᠬᠠᠷᠠ ᠦᠩᠭᠡᠲᠠᠢ᠂ ᠦᠷᠭᠡᠨ ᠲᠤᠮᠤ ᠨᠠᠪᠴᠢᠲᠠᠢ ᠡᠪᠡᠰᠦᠯᠢᠭ ᠤᠷᠭᠤᠮᠠᠯ ᠶᠤᠮ᠃
ᠮᠦᠩᠬᠡ ᠬᠠᠷᠭ᠋ᠠᠨᠠ᠄ ᠬᠤᠤᠷᠳᠠᠭᠳᠠᠭᠰᠠᠨ ᠪᠤᠭ ᠮᠠᠯᠤᠨ ᠭᠡᠳᠡᠰᠦᠨᠢ ᠬᠦᠬᠡᠬᠡᠵᠦ᠂ ᠰᠢᠯᠦᠰᠦᠨᠢ ᠶᠡᠬᠡ ᠭᠤᠭᠤᠵᠢᠨᠠ᠃ ᠡᠨᠡᠨᠢ ᠰᠢᠷᠠ ᠴᠡᠴᠡᠭᠲᠠᠢ᠂ ᠨᠠᠪᠴᠢᠨᠢ ᠠᠮᠠᠷᠬᠠᠨ ᠵᠤᠯᠭ᠋ᠠᠷᠠᠨᠠ᠃ ᠠᠭᠤᠯᠠ ᠵᠢᠨ ᠬᠠᠵᠠᠭᠤᠪᠠᠷ ᠰᠦᠭᠡᠭᠤᠨ ᠲᠤᠮᠳᠠ ᠤᠷᠭᠤᠨᠠ᠃
ᠬᠡᠷᠡᠰᠦ᠄ ᠬᠤᠤᠷᠳᠠᠭᠳᠠᠭᠰᠠᠨ ᠮᠠᠯ ᠬᠦᠴᠦ ᠲᠠᠮᠢᠷ ᠮᠠᠭᠤᠳᠠᠵᠤ᠂ ᠲᠤᠯᠤᠭ᠋ᠠᠢᠨᠢ ᠬᠠᠪᠤᠳᠴᠤ᠂ ᠰᠤᠭᠲᠤᠬᠤ᠂ ᠬᠡᠭᠡᠯ ᠬᠠᠶᠠᠬᠤ ᠵᠡᠷᠭᠡ ᠢᠯᠡᠷᠡᠯᠲᠠᠢ ᠪᠠᠢ᠌ᠳᠠᠭ᠃ ᠲᠤᠰ ᠤᠷᠭᠤᠮᠠᠯᠨᠢ ᠦᠪᠴᠢ ᠨᠤᠭᠤᠭ᠋ᠠᠨ᠂ ᠵᠠᠷᠢᠮᠳᠤᠪᠠᠨ ᠤᠯᠠᠪᠢᠷ᠂ ᠨᠠᠮᠤᠷᠤᠨ ᠰᠡᠭᠦᠯᠴᠢᠳᠤ ᠬᠠᠷᠠᠪᠳᠤᠷ ᠪᠤᠶᠤ ᠤᠯᠠᠭ᠋ᠠᠨ ᠪᠤᠯᠤᠨᠠ᠃ ᠬᠤᠵᠢᠷᠯᠢᠭ ᠭᠠᠵᠠᠷ᠂ ᠨᠠᠭᠤᠷᠤᠨ ᠲᠠᠩᠳᠤ ᠤᠷᠭᠤᠨᠠ᠃
ᠦᠷᠭᠡᠰᠦᠳᠦ ᠠᠷᠴᠠ᠄ ᠬᠤᠤᠷᠳᠠᠭᠳᠠᠭᠰᠠᠨ ᠮᠠᠯᠤᠨ ᠪᠠᠭ᠋ᠠᠰᠤᠨᠢ ᠬᠠᠳᠠᠭᠤᠷᠠᠵᠤ᠂ ᠬᠤᠳᠤᠭᠤᠳᠤ ᠬᠡᠳᠡᠰᠦ᠂ ᠪᠦᠭᠡᠷᠡᠨᠢ ᠡᠪᠡᠳᠴᠢᠯᠡᠨᠡ᠃ ᠠᠷᠴᠠᠨᠢ ᠬᠠᠷᠠ ᠬᠦᠷᠡᠩ ᠬᠤᠯᠳᠤᠰᠤᠲᠠᠢ᠂ ᠭᠤᠷᠪᠠᠨ ᠢᠷᠮᠡᠭᠲᠦ ᠨᠠᠪᠴᠢᠲᠠᠢ᠃ ᠠᠭᠤᠯᠠ ᠵᠢᠨ ᠤᠷᠤᠢ᠂ ᠨᠠᠷᠠᠨ ᠬᠠᠵᠠᠭᠤᠳᠠᠬᠢ ᠬᠠᠳᠠ ᠴᠢᠯᠠᠭᠤᠨᠤ ᠵᠠᠪᠰᠠᠷ᠂ ᠬᠠᠢ᠌ᠷ ᠴᠢᠯᠠᠭᠤᠳᠤ ᠭᠤᠤ ᠵᠢᠯᠠᠭᠠᠳᠤ ᠤᠷᠭᠤᠨᠠ᠃
ᠨᠡᠷᠠᠰᠤᠨ ᠡᠪᠡᠰᠦ᠄ ᠲᠡᠭᠦᠨᠢ ᠢᠳᠡᠭᠰᠡᠨ ᠠᠳᠤᠭᠤ᠂ ᠦᠬᠡᠷ ᠲᠤᠷᠠᠵᠤ ᠡᠴᠡᠬᠦ ᠪᠠ ᠴᠢᠴᠢᠭᠠ ᠠᠯᠳᠠᠵᠤ ᠴᠢᠰᠦᠪᠠᠷ ᠰᠢᠭᠡᠨᠡ᠃ ᠡᠨᠡᠨᠢ ᠬᠠᠷᠠᠪᠲᠤᠷ ᠨᠤᠭᠤᠭ᠋ᠠᠨ ᠦᠩᠭᠡᠲᠠᠢ᠂ ᠬᠠᠲᠠᠭᠤ ᠰᠢᠷᠦᠬᠦᠨ ᠡᠪᠡᠰᠦ ᠶᠤᠮ᠃ ᠭᠣᠪᠢ᠂ ᠭᠤᠤᠯ ᠭᠤᠷᠤᠬᠠ ᠵᠢᠨ ᠬᠦᠪᠡᠭᠡᠨᠳᠤ ᠤᠷᠭᠤᠨᠠ᠃
ᠰᠦᠨ ᠦᠨᠳᠦᠰᠦ᠄ ᠨᠠᠮᠤᠷᠤᠨ ᠬᠠᠳᠤᠭᠰᠠᠨ ᠡᠪᠡᠰᠦᠨᠳᠤ ᠤᠷᠤᠳᠠᠭᠠᠴᠠ ᠦᠬᠡᠷ᠂ ᠬᠤᠨᠢ ᠡᠨᠳᠡᠬᠦᠷᠡᠨ ᠢᠳᠡᠵᠤ ᠬᠤᠤᠷᠳᠠᠭᠳᠠᠨᠠ᠃ ᠬᠤᠤᠷᠳᠠᠭᠳᠠᠭᠰᠠᠨᠤ ᠬᠤᠢ᠌ᠨᠠ ᠪᠦᠭᠡᠯᠵᠢᠵᠬᠦ᠂ ᠴᠢᠰᠦᠪᠠᠷ ᠴᠢᠴᠠᠭᠠ ᠠᠯᠳᠠᠬᠤ ᠪᠠ ᠰᠦᠨᠢ ᠬᠦᠷᠡᠩ ᠪᠤᠯᠤᠨᠠ᠃ ᠡᠨᠡ ᠡᠪᠡᠰᠦᠨᠳᠤ ᠰᠦ ᠰᠢᠭ ᠰᠢᠬᠦᠰᠦᠲᠠᠢ᠂ ᠡᠨᠡ ᠬᠦ᠌ ᠰᠢᠬᠦᠰᠦᠨᠢ ᠶᠡᠬᠡ ᠬᠤᠤᠷᠳᠠᠢ ᠪᠢᠯᠡ᠃ ᠨᠠᠮᠤᠭ᠂ ᠨᠠᠭᠤᠷᠤᠨ ᠬᠦᠢ᠍ᠬᠡᠨ ᠤᠰᠤᠨᠳᠤ ᠤᠷᠭᠤᠨᠠ᠃
ᠬᠤᠤᠷᠲᠤ ᠴᠤᠭᠤᠷ᠄ ᠬᠤᠤᠷᠳᠠᠭᠳᠠᠭᠰᠠᠨ ᠮᠠᠯ ᠪᠦᠭᠡᠯᠵᠢᠵᠬᠦ᠂ ᠰᠢᠳᠦ ᠬᠠᠪᠢᠷᠬᠤ᠂ ᠴᠠᠭ᠋ᠠᠨ ᠬᠦᠭᠡᠰᠦ ᠰᠠᠪᠰᠠᠬᠤ᠂ ᠤᠷᠢᠯᠠᠨ ᠴᠢᠷᠠᠯᠠᠬᠤ ᠪᠦᠭᠡᠳ ᠲᠦᠷᠭᠡᠨ ᠬᠤᠤᠷᠳᠠᠭᠳᠠᠪᠠᠯ ᠬᠠᠭ᠋ᠠᠰ ᠴᠠᠭᠤᠨ ᠲᠤᠳᠤᠷᠠ ᠦᠬᠦᠨᠡ᠃ ᠡᠨᠡ ᠤᠷᠭᠤᠮᠠᠯ ᠡᠰᠢᠨᠳᠤᠪᠠᠨ ᠶᠠᠭᠤ ᠴᠤ᠌ ᠦᠭᠡᠢ᠂ ᠬᠦᠨᠳᠡᠢ ᠪᠦᠭᠡᠳ ᠨᠤᠭᠤᠭ᠋ᠠᠨ ᠦᠩᠭᠡᠲᠠᠢ᠃ ᠨᠠᠮᠤᠭ᠂ ᠴᠢᠭᠢᠭᠲᠠᠢ ᠭᠠᠵᠠᠷ ᠵᠶ᠋ᠠᠷ ᠤᠷᠭᠤᠨᠠ᠃
ᠯᠠᠨᠳᠠᠨᠵᠠ᠄ ᠬᠤᠤᠷᠳᠠᠭᠳᠠᠭᠰᠠᠨ ᠮᠠᠯᠨᠢ ᠴᠡᠴᠡᠬᠡᠢ ᠲᠤᠮᠤᠷᠠᠬᠤ᠂ ᠲᠠᠳᠠᠯᠵᠠᠬᠤ ᠪᠠ ᠰᠢᠯᠦᠰᠦ ᠭᠤᠭᠤᠵᠢᠭᠤᠯᠤᠨ ᠤᠷᠢᠯᠠᠬᠤ ᠵᠡᠷᠭᠡ ᠢᠯᠡᠷᠡᠯᠲᠠᠢ᠃ ᠡᠨᠡ ᠡᠪᠡᠰᠦ ᠦᠮᠡᠬᠡᠢ ᠦᠨᠦᠷᠲᠠᠢ᠂ 30～50 ᠰᠡᠨᠲ᠋ᠢᠮᠸᠲᠷ ᠬᠢᠷᠢ ᠤᠷᠭᠤᠨᠠ᠃ ᠠᠢ᠌ᠯ ᠬᠤᠳᠠ ᠵᠢᠨ ᠵᠠᠬᠠ᠂ ᠵᠠᠮᠤᠨ ᠬᠠᠵᠠᠭᠤ᠂ ᠠᠲᠠᠷ ᠭᠠᠵᠠᠷ ᠵᠶ᠋ᠠᠷ ᠤᠷᠭᠤᠨᠠ᠃