ᠳᠤᠮᠳᠠ ᠵᠡᠷᠭᠡ ᠵᠢᠨ （173 ᠭ᠋ᠷᠠᠮ） ᠤᠯᠠᠭ᠋ᠠᠨ ᠬᠦᠷᠡᠩ ᠥᠩᠭᠡᠲᠡᠢ ᠲᠥᠮᠥᠰᠥ
ᠺᠠᠯᠤᠷᠢ᠄ 164
ᠥᠭᠡᠬᠦ᠄ 0.2g
ᠨᠠᠲᠷᠢ᠄ 24 ᠮᠢᠯᠢᠭ᠌ᠷᠠᠮ
ᠨᠡᠭᠦᠷᠡᠰᠦ ᠤᠰᠤᠨᠤ ᠨᠢᠭᠡᠳᠪᠦᠷᠢ᠄ 37g
ᠰᠢᠷᠬᠡᠭ᠄ 4g
ᠰᠢᠬᠢᠷ᠄ 1.9g
ᠤᠭᠤᠷᠠᠭ᠄ 4.6g
ᠨᠡᠭᠦᠷᠡᠰᠦ ᠤᠰᠤᠨᠤ ᠨᠢᠭᠡᠳᠪᠦᠷᠢ
ᠳᠤᠮᠳᠠ ᠵᠡᠷᠭᠡ ᠵᠢᠨ ᠶᠡᠬᠡ ᠪᠠᠭᠠᠲᠠᠢ ᠤᠯᠠᠭ᠋ᠠᠨ ᠬᠦᠷᠡᠩ ᠥᠩᠭᠡᠲᠡᠢ ᠲᠥᠮᠥᠰᠥᠨᠢ 37 ᠭ᠋ᠷᠠᠮ ᠨᠡᠭᠦᠷᠡᠰᠦ ᠤᠰᠤᠨᠤ ᠨᠢᠭᠡᠳᠪᠦᠷᠢ ᠵᠢ ᠬᠠᠩᠭ᠋ᠠᠵᠤ᠂ ᠡᠭᠦᠨᠤ ᠳᠣᠲᠣᠷᠠ ᠵᠥᠪᠬᠡᠨ 4 ᠭ᠋ᠷᠠᠮᠨᠢ ᠰᠢᠷᠬᠡᠭᠯᠢᠭᠠᠴᠠ ᠢᠷᠡᠳᠡᠭ᠃ ᠣᠯᠠᠩᠬᠢ ᠲᠣᠭ᠋ᠠᠨᠤ ᠨᠡᠭᠦᠷᠡᠰᠦ ᠤᠰᠤᠨᠤ ᠨᠢᠭᠡᠳᠪᠦᠷᠢᠨᠢ ᠴᠠᠷᠳᠠᠭᠤᠯ ᠪᠠᠶ᠋ᠢᠵᠤ᠂ ᠵᠥᠪᠬᠡᠨ ᠪᠠᠭᠠ ᠬᠡᠮᠵᠢᠶᠡᠨᠤ （2 ᠭ᠋ᠷᠠᠮᠠᠴᠠ ᠳᠣᠷᠣᠭᠰᠢ）ᠨᠢ ᠰᠢᠬᠢᠷ ᠪᠣᠯᠤᠨᠠ᠃ ᠴᠠᠷᠳᠠᠭᠤᠯ ᠰᠢᠩᠭᠡᠭᠡᠯᠲᠡ ᠵᠢᠨ ᠶᠠᠪᠤᠴᠠᠳᠤ ᠮᠠᠰᠢ ᠲᠦᠷᠭᠡᠨ ᠵᠶ᠋ᠠᠷ ᠴᠢᠰᠤᠨ ᠳᠣᠲᠣᠷᠠᠬᠢ ᠰᠢᠬᠢᠷ ᠪᠣᠯᠤᠨ ᠵᠠᠳᠠᠷᠠᠵᠤ᠂ ᠴᠢᠰᠤᠨ ᠰᠢᠬᠢᠷᠤᠨ ᠬᠡᠮᠵᠢᠶᠡ ᠵᠢ ᠦᠳᠲᠡᠷ ᠲᠦᠷᠭᠡᠨ ᠳᠡᠭᠡᠭᠰᠢᠯᠡᠭᠦᠯᠦᠨᠡ᠃ ᠲᠥᠮᠥᠰᠥᠨᠳᠤ ᠵᠥᠪᠬᠡᠨ ᠪᠢᠴᠢᠯ ᠬᠡᠮᠵᠢᠶᠡᠨᠤ ᠥᠭᠡᠬᠦ ᠪᠠᠶ᠋ᠢᠳᠠᠭ᠂ ᠬᠠᠷᠢᠨ ᠡᠨᠡ ᠬᠦ᠌ ᠪᠢᠴᠢᠯ ᠬᠡᠮᠵᠢᠶᠡᠨᠤ ᠥᠭᠡᠬᠦ ᠵᠢ ᠬᠠᠨᠤᠮᠠᠯ ᠥᠭᠡᠬᠦ ᠪᠠ ᠣᠯᠠᠨ ᠬᠠᠨᠤᠮᠠᠯ ᠪᠤᠰᠤ ᠥᠭᠡᠬᠦ ᠭᠡᠵᠦ ᠠᠩᠭᠢᠯᠠᠳᠠᠭ᠃ ᠲᠡᠳᠡᠭᠡᠷᠲᠤ ᠪᠠᠰᠠ ᠪᠢᠴᠢᠯ ᠬᠡᠮᠵᠢᠶᠡᠨᠤ omega-3 ᠥᠭᠡᠬᠦᠨ ᠬᠦᠴᠢᠯ ᠪᠠ omega-6 ᠥᠭᠡᠬᠦᠨ ᠬᠦᠴᠢᠯ ᠠᠭᠤᠯᠵᠤ ᠪᠠᠶ᠋ᠢᠳᠠᠭ᠃ ᠨᠢᠭᠡ ᠵᠦᠢ᠍ᠯᠤᠨ ᠢᠳᠡᠰᠢᠨ ᠨᠣᠭᠣᠭᠠ ᠪᠣᠯᠤᠭᠰᠠᠨᠤ ᠬᠤᠪᠢᠳᠤ᠂ ᠲᠡᠳᠡᠨᠳᠤ ᠺᠤᠯᠧᠰᠲ᠋ᠧᠷᠤᠯ ᠠᠭᠤᠯᠬᠤ ᠦᠭᠡᠢ᠃
ᠤᠭᠤᠷᠠᠭ
ᠲᠥᠮᠥᠰᠥᠨᠳᠤ ᠪᠠᠭᠠ ᠬᠡᠮᠵᠢᠶᠡᠨᠤ ᠤᠭᠤᠷᠠᠭ ᠠᠭᠤᠯᠳᠠᠭ᠂ ᠭᠡᠪᠡᠴᠦ ᠲᠡᠭᠦᠨᠤ ᠰᠢᠪᠲᠦᠷᠲᠦ ᠬᠦᠴᠢᠯᠤᠨ ᠪᠦᠷᠢᠯᠳᠦᠯ ᠪᠠ ᠰᠢᠩᠭᠡᠭᠡᠯᠲᠡ ᠵᠢᠨ ᠴᠢᠨᠠᠷᠠᠴᠠ ᠤᠭᠤᠷᠠᠭᠤᠨ ᠴᠢᠨᠠᠷᠨᠢ ᠮᠠᠰᠢ ᠥᠨᠳᠥᠷ ᠪᠠᠶ᠋ᠢᠳᠠᠭ᠃ ᠡᠨᠡᠨᠢ ᠤᠭᠤᠷᠠᠭᠤᠨ ᠶᠠᠰᠤ ᠴᠢᠨᠠᠷᠨᠢ ᠲᠠᠬᠢᠶᠠᠨ ᠥᠨᠳᠡᠭᠡᠲᠠᠢ ᠠᠳᠠᠯᠢᠪᠲᠤᠷ᠂ ᠦᠨᠡᠨᠳᠡᠭᠡᠨ ᠰᠢᠷᠠ ᠪᠤᠷᠴᠠᠭ ᠪᠠ ᠪᠤᠰᠤᠳ ᠪᠤᠷᠴᠠᠭᠤᠨ ᠲᠥᠷᠥᠯᠠᠴᠠ ᠥᠨᠳᠥᠷ ᠪᠠᠶ᠋ᠢᠬᠤ ᠵᠢ ᠬᠠᠷᠠᠭᠤᠯᠵᠤ ᠪᠠᠶ᠋ᠢᠨᠠ᠃
ᠸᠢᠲ᠋ᠠᠮᠢᠨ ᠪᠣᠯᠤᠨ ᠡᠷᠦᠳᠡᠰᠦ ᠪᠣᠳᠠᠰ
ᠲᠥᠮᠥᠰᠥᠨᠢ ᠸᠢᠲ᠋ᠠᠮᠢᠨ C᠂ ᠸᠢᠲ᠋ᠠᠮᠢᠨ B6 ᠪᠣᠯᠤᠨ ᠺᠠᠯᠢ ᠵᠢ ᠪᠠᠭᠲᠠᠭ᠋ᠠᠭᠰᠠᠨ ᠣᠯᠠᠨ ᠵᠦᠢ᠍ᠯᠤᠨ ᠸᠢᠲ᠋ᠠᠮᠢᠨ ᠪᠣᠯᠤᠨ ᠡᠷᠦᠳᠡᠰᠦ ᠵᠢ ᠬᠠᠩᠭ᠋ᠠᠳᠠᠭ᠃ ᠲᠡᠳᠡᠭᠡᠷᠨᠢ ᠨᠠᠪᠴᠢᠨᠤ ᠬᠦᠴᠢᠯ᠂ ᠲᠠᠮᠠᠬᠢᠨ ᠬᠦᠴᠢᠯ᠂ ᠲᠡᠮᠦᠷ᠂ ᠮᠠᠭᠨᠢ᠂ ᠹᠣᠰᠹᠣᠷ᠂ ᠵᠡᠰ ᠪᠠ ᠮᠠᠩᠭ᠋ᠠᠨᠤ ᠰᠠᠶ᠋ᠢᠨ ᠢᠷᠡᠯᠲᠡ ᠪᠣᠯᠤᠨᠠ᠃ ᠲᠥᠮᠥᠰᠥ ᠵᠢ ᠭᠦᠢ᠍ᠴᠡᠳ ᠠᠰᠢᠭᠯᠠᠬᠤ ᠵᠢᠨ ᠲᠥᠯᠥᠭᠡ᠂ ᠲᠠ ᠲᠥᠮᠥᠰᠥ ᠵᠢᠨ ᠬᠠᠯᠢᠰᠤ ᠪᠠ ᠳᠣᠲᠣᠷᠠ ᠵᠢ ᠢᠳᠡᠪᠡᠯ ᠵᠣᠬᠢᠨᠠ᠂ ᠤᠴᠢᠷᠨᠢ ᠵᠠᠷᠢᠮ ᠪᠢᠴᠢᠯ ᠬᠡᠮᠵᠢᠶᠡᠨᠤ ᠰᠢᠮᠡ ᠲᠡᠵᠢᠭᠡᠯᠤᠨ ᠡᠳ᠋ᠨᠢ ᠬᠠᠯᠢᠰᠤᠨᠳᠤ ᠨᠡᠩ ᠢᠯᠡᠭᠦᠦ ᠲᠥᠪᠯᠡᠷᠡᠵᠦ ᠪᠠᠶ᠋ᠢᠳᠠᠭ᠃
ᠡᠷᠡᠭᠦᠯ ᠮᠡᠨᠳᠦᠳᠤ ᠠᠰᠢᠭᠲᠠᠢ ᠲᠠᠯᠠ
ᠴᠢᠰᠤᠨ ᠳᠠᠷᠤᠯᠲᠠ ᠵᠢ ᠲᠣᠬᠢᠷᠠᠭᠤᠯᠬᠤ ᠲᠥᠮᠥᠰᠥᠨᠳᠤ ᠺᠠᠯᠢ ᠡᠯᠪᠡᠭ ᠠᠭᠤᠯᠵᠤ᠂ ᠺᠠᠯᠢᠨᠢ ᠨᠠᠳ᠋ᠷᠢᠲᠠᠢ ᠡᠰᠡᠷᠭᠦ ᠪᠠᠶ᠋ᠢᠵᠤ᠂ ᠴᠢᠰᠤᠨ ᠳᠠᠷᠤᠯᠲᠠ ᠪᠠ ᠪᠡᠶᠡ ᠵᠢᠨ ᠰᠢᠩᠭᠡᠨᠤ ᠲᠡᠩᠴᠡᠭᠦᠷᠢ ᠵᠢ ᠲᠣᠬᠢᠷᠠᠭᠤᠯᠬᠤᠳᠤ ᠲᠤᠰᠠᠲᠠᠢ ᠪᠠᠶ᠋ᠢᠳᠠᠭ᠃ ᠺᠠᠯᠢᠨᠢ ᠬᠡᠪᠤᠨ ᠪᠤᠯᠴᠢᠩ ᠪᠠ ᠮᠡᠳᠡᠷᠡᠯᠤᠨ ᠠᠵᠢᠯᠯᠠᠭᠠᠳᠤ ᠳᠤᠲᠠᠭᠳᠠᠵᠤ ᠪᠣᠯᠤᠰᠢ ᠦᠭᠡᠢ ᠶᠤᠮ᠃
ᠸᠢᠲ᠋ᠠᠮᠢᠨ C ᠪᠣᠯ ᠬᠡᠪᠤᠨ ᠳᠠᠷᠬᠠᠯᠠᠭᠠ ᠵᠢᠨ ᠰᠢᠰᠲ᠋ᠧᠮᠤᠨ ᠠᠵᠢᠯᠯᠠᠭᠠ᠂ ᠴᠢᠰᠤ ᠡᠭᠡᠳᠡᠷᠡᠬᠦ᠂ ᠴᠢᠩᠭᠠ ᠬᠡᠯᠬᠢᠶᠡ ᠨᠡᠬᠡᠳᠡᠰᠦ ᠪᠠ ᠴᠢᠰᠤᠨ ᠰᠤᠳᠠᠯᠤᠨ ᠬᠠᠨᠠᠳᠤ ᠬᠡᠷᠡᠭᠴᠡᠭᠡᠲᠠᠢ ᠪᠠᠶ᠋ᠢᠳᠠᠭ᠃ ᠸᠢᠲ᠋ᠠᠮᠢᠨ Cᠨᠢ ᠪᠡᠶᠡᠳᠤ ᠬᠠᠳᠠᠭ᠋ᠠᠯᠠᠭᠳᠠᠵᠤ ᠳᠡᠶ᠋ᠢᠯᠬᠦ ᠦᠭᠡᠢ ᠤᠴᠢᠷᠠᠴᠠ ᠡᠷᠬᠡᠪᠰᠢ ᠢᠳᠡᠭᠡᠨ ᠵᠶ᠋ᠠᠷ ᠳᠡᠮᠵᠢᠨ ᠰᠢᠩᠭᠡᠭᠡᠳᠡᠭ᠃ ᠨᠢᠭᠡ ᠰᠢᠷᠠᠭᠰᠠᠨ ᠲᠥᠮᠥᠰᠥ ᠪᠠᠷᠤᠭ 19% ᠵᠢᠨ ᠡᠳᠦᠷ ᠪᠦᠷᠢ ᠵᠢᠨ ᠸᠢᠲ᠋ᠠᠮᠢᠨ C.5 ᠵᠢᠨ ᠬᠡᠮᠵᠢᠶᠡ ᠵᠢ ᠬᠠᠩᠭ᠋ᠠᠨᠠ᠃
ᠲᠥᠮᠥᠰᠥᠨᠤ ᠰᠢᠷᠬᠡᠭᠯᠢᠭᠨᠢ ᠰᠢᠩᠭᠡᠭᠡᠯᠲᠡ᠂ ᠴᠢᠰᠤᠨ ᠰᠢᠬᠢᠷᠢ ᠬᠢᠵᠠᠭ᠋ᠠᠷᠯᠠᠬᠤ᠂ ᠪᠡᠶᠡ ᠵᠢᠨ ᠬᠦᠨᠳᠦ ᠵᠢ ᠬᠠᠮᠢᠶᠠᠷᠬᠤ᠂ ᠵᠢᠷᠦᠬᠡᠨᠤ ᠡᠷᠡᠭᠦᠯ ᠮᠡᠨᠳᠦ ᠵᠡᠷᠭᠡᠳᠤ ᠮᠠᠰᠢ ᠴᠢᠬᠤᠯᠠ ᠪᠠᠶ᠋ᠢᠳᠠᠭ᠃ ᠲᠥᠮᠥᠰᠥ᠂ ᠢᠯᠠᠩᠭᠤᠶᠠ ᠲᠥᠮᠥᠰᠥ ᠵᠢᠨ ᠬᠠᠯᠢᠰᠤ ᠵᠢ ᠢᠳᠡᠬᠦ ᠦᠶᠡᠳᠤ ᠢᠳᠡᠭᠡᠨᠤ ᠰᠢᠷᠬᠡᠭᠯᠢᠭᠤᠨ ᠰᠠᠶ᠋ᠢᠨ ᠢᠷᠡᠯᠲᠡ ᠪᠣᠯᠳᠠᠭ᠃
ᠠᠰᠢᠭ ᠦᠭᠡᠢ ᠨᠥᠯᠥᠭᠡ
ᠫᠷᠤᠫᠧᠨᠢᠯ ᠠᠮᠢᠳ᠋ ᠪᠣᠯ ᠨᠢᠭᠡ ᠵᠦᠢ᠍ᠯᠤᠨ ᠬᠣᠣᠷᠲᠤ ᠪᠣᠳᠠᠰ ᠮᠥᠨ᠂ ᠪᠣᠯᠪᠠᠰᠤᠷᠠᠭᠤᠯᠬᠤ ᠪᠤᠶᠤ ᠥᠨᠳᠥᠷ ᠳᠤᠯᠠᠭ᠋ᠠᠨ ᠵᠶ᠋ᠠᠷ ᠬᠠᠭᠤᠷᠴᠤ ᠬᠠᠭ᠋ᠠᠷᠢᠭᠰᠠᠨ ᠴᠠᠷᠳᠠᠭᠤᠯᠤᠨ ᠲᠥᠷᠥᠯᠤᠨ ᠢᠳᠡᠭᠡᠨᠤ ᠳᠣᠲᠣᠷᠠ ᠪᠦᠷᠢᠯᠳᠦᠳᠡᠭ᠃ ᠲᠡᠷᠡᠨᠢ ᠲᠥᠮᠥᠰᠥ ᠪᠣᠯᠤᠨ ᠪᠤᠰᠤᠳ ᠴᠠᠷᠳᠠᠭᠤᠯᠤᠨ ᠲᠥᠷᠥᠯᠤᠨ ᠢᠳᠡᠭᠡᠨᠢ ᠨᠥᠯᠥᠭᠡᠯᠡᠨᠡ᠃ ᠫᠷᠤᠫᠧᠨᠢᠯ ᠠᠮᠢᠳ᠋ᠨᠢ ᠥᠮᠡᠨ ᠡᠪᠡᠳᠴᠢᠨ ᠡᠭᠦᠰᠭᠡᠨᠡ ᠭᠡᠳᠡᠭᠢ ᠨᠢᠭᠡᠨᠲᠡ ᠭᠡᠷᠡᠴᠢᠯᠡᠭᠰᠡᠨ ᠪᠣᠯᠪᠠᠴᠤ ᠫᠷᠤᠫᠧᠨᠢᠯ ᠠᠮᠢᠳ᠋ᠨᠢ ᠶᠠᠮᠠᠷ ᠬᠡᠮᠵᠢᠶᠡᠨᠳᠤ ᠢᠯᠡᠷᠡᠪᠡᠯ ᠬᠥᠮᠦᠨ ᠲᠥᠷᠥᠯᠬᠢᠲᠡᠨᠳᠤ ᠠᠶᠤᠯᠲᠠᠢ ᠭᠡᠳᠡᠭᠢ ᠪᠢᠳᠡ ᠮᠡᠳᠡᠬᠦ ᠦᠭᠡᠢ᠃ ᠬᠠᠮᠤᠭᠤᠨ ᠴᠢᠬᠤᠯᠠᠨᠢ ᠲᠥᠮᠥᠰᠥᠠᠴᠠ ᠣᠯᠤᠭᠰᠠᠨ ᠫᠷᠤᠫᠧᠨᠢᠯ ᠠᠮᠢᠳ᠋ᠤᠨ ᠬᠡᠮᠵᠢᠶᠡ ᠲᠤᠷᠰᠢᠯᠲᠠ ᠵᠢᠨ ᠲᠠᠰᠤᠭᠤᠨ ᠠᠮᠢᠲᠠᠨᠤ ᠰᠤᠳᠤᠯᠭ᠋ᠠᠨᠤ ᠬᠡᠮᠵᠢᠶᠡᠠᠴᠠ ᠬᠣᠯᠠ ᠳᠣᠣᠷᠠ ᠪᠠᠶ᠋ᠢᠬᠤ ᠵᠢ ᠠᠩᠬᠠᠷᠬᠤ ᠬᠡᠷᠡᠭᠲᠡᠢ᠃ ᠤᠷᠲᠤ ᠬᠤᠭᠤᠴᠠᠭᠠᠪᠠᠷ ᠥᠨᠳᠥᠷ ᠳᠤᠯᠠᠭ᠋ᠠᠨᠳᠤ ᠬᠠᠭ᠋ᠠᠷᠢᠵᠤ ᠪᠤᠴᠠᠯᠭ᠋ᠠᠬᠤ ᠪᠠ ᠲᠥᠮᠥᠰᠥ ᠵᠢ ᠬᠠᠭᠰᠠᠭ᠋ᠠᠪᠠᠯ ᠬᠠᠮᠤᠭ ᠠᠷᠪᠢᠨ ᠫᠷᠤᠫᠧᠨᠢᠯ ᠠᠮᠢᠳ᠋ ᠡᠭᠦᠰᠴᠦ ᠮᠡᠳᠡᠨᠡ᠂ ᠭᠡᠪᠡᠴᠦ ᠲᠥᠮᠥᠰᠥ ᠵᠢ ᠤᠷᠢᠳ ᠵᠶ᠋ᠠᠷ ᠪᠤᠴᠠᠯᠭ᠋ᠠᠬᠤ ᠪᠤᠶᠤ ᠢᠰᠦᠯᠳᠦᠬᠦ ᠵᠢ ᠡᠰᠡᠷᠭᠦᠴᠡᠬᠦ ᠠᠭᠤᠰᠤᠮᠠᠯ ᠵᠶ᠋ᠠᠷ ᠰᠢᠢ᠍ᠳᠪᠦᠷᠢᠯᠡᠬᠦ ᠦᠶᠡᠳᠤ᠂ ᠡᠳᠡᠭᠡᠷ ᠬᠡᠮᠵᠢᠶᠡᠨᠢ ᠪᠠᠭᠤᠷᠠᠵᠤ ᠮᠡᠳᠡᠨᠡ᠃ ᠲᠠ ᠪᠠᠰᠠ ᠲᠥᠷᠥᠯ ᠵᠦᠢ᠍ᠯ ᠬᠠᠮᠤᠭ ᠣᠯᠠᠨ ᠲᠣᠬᠢᠶᠠᠯᠳᠤᠳᠠᠭ ᠲᠥᠮᠥᠰᠥ ᠵᠢᠨ ᠲᠥᠷᠥᠯ ᠵᠦᠢ᠍ᠯ ᠪᠣᠯ ᠴᠠᠭ᠋ᠠᠨ᠂ ᠰᠢᠷᠠ ᠪᠠ ᠤᠯᠠᠭ᠋ᠠᠨ ᠲᠥᠮᠥᠰᠥ ᠪᠣᠯᠤᠨᠠ᠂ ᠭᠡᠪᠡᠴᠦ ᠪᠠᠰᠠ ᠬᠥᠬᠡ ᠪᠠ ᠪᠣᠷᠣ ᠥᠩᠭᠡᠲᠡᠢ ᠲᠥᠮᠥᠰᠥ ᠪᠤᠢ᠃
ᠬᠠᠳᠠᠭ᠋ᠠᠯᠠᠬᠤ ᠪᠠ ᠢᠳᠡᠭᠡᠨᠤ ᠠᠮᠤᠷ ᠲᠦᠪᠰᠢᠨ
ᠤᠬᠢᠶᠠᠵᠤ ᠥᠩᠭᠡᠷᠡᠭᠰᠡᠨ ᠦᠭᠡᠢ ᠲᠥᠮᠥᠰᠥ ᠵᠢ ᠰᠡᠭᠦᠳᠡᠷ᠂ ᠨᠣᠶ᠋ᠢᠲᠠᠨ᠂ ᠬᠠᠷᠠᠩᠭᠤᠢ ᠭᠠᠵᠠᠷᠲᠤ ᠬᠡᠳᠦᠨ ᠭᠠᠷᠠᠭ ᠪᠤᠶᠤ ᠬᠡᠳᠦᠨ ᠰᠠᠷᠠ ᠬᠠᠳᠠᠭ᠋ᠠᠯᠠᠵᠤ ᠪᠣᠯᠤᠨᠠ᠃ ᠲᠡᠳᠡᠭᠡᠷᠢ ᠴᠠᠭ᠋ᠠᠰᠤᠨ ᠤᠭᠤᠲᠠ ᠪᠤᠶᠤ ᠴᠠᠭ᠋ᠠᠰᠤᠨ ᠬᠠᠶ᠋ᠢᠷᠴᠠᠭᠲᠤ ᠬᠢᠬᠦᠠᠴᠠ ᠪᠢᠰᠢ᠂ ᠰᠦᠯᠢᠶᠣᠣ ᠤᠭᠤᠲᠠᠨᠳᠤ ᠪᠤᠶᠤ ᠬᠥᠯᠳᠡᠭᠡᠭᠦᠷᠲᠤ ᠬᠠᠳᠠᠭ᠋ᠠᠯᠠᠵᠤ ᠪᠣᠯᠬᠤ ᠦᠭᠡᠢ᠂ ᠤᠴᠢᠷᠨᠢ ᠡᠨᠡᠨᠢ ᠲᠥᠮᠥᠰᠥᠨᠤ ᠳᠣᠲᠣᠷᠠᠬᠢ ᠫᠷᠤᠫᠧᠨᠢᠯ ᠠᠮᠢᠳ᠋ᠢ ᠨᠡᠮᠡᠭᠳᠡᠭᠦᠯᠳᠡᠭ᠃ ᠨᠣᠭᠣᠭ᠋ᠠᠨ ᠥᠩᠭᠡᠲᠠᠢ ᠲᠥᠮᠥᠰᠥ ᠵᠢ ᠢᠳᠡᠵᠦ ᠪᠣᠯᠬᠤ ᠦᠭᠡᠢ᠃
ᠪᠡᠯᠡᠳᠬᠡᠭᠰᠡᠨᠨᠢ᠄ ᠡᠷᠳᠡᠨᠢᠬᠦᠦ
ᠨᠠᠶ᠋ᠢᠷᠠᠭᠤᠯᠤᠭᠰᠠᠨᠨᠢ᠄ ᠨᠠᠮᠤᠷ
ᠬᠢᠨᠠᠭᠰᠠᠨᠨᠢ᠄ ᠤᠷᠢᠬᠠᠨ