ᠬᠦᠢ᠍ᠲᠡᠨ ᠰᠡᠷᠢᠭᠦᠨ ᠪᠦᠰᠡᠨ᠎ᠤ ᠰᠢᠯᠮᠦᠦᠰᠦᠲᠦ ᠣᠶ ᠪᠣᠯ ᠬᠦᠢ᠍ᠲᠡᠨ᠎ᠳᠤ ᠲᠡᠰᠪᠦᠷᠢᠲᠡᠶ ᠮᠥᠩᠬᠡ ᠨᠣᠭᠣᠭ᠋ᠠᠨ ᠪᠤᠶᠤ ᠨᠠᠪᠴᠢ ᠵᠤᠯᠭ᠋ᠠᠷᠠᠬᠤ ᠰᠢᠯᠮᠦᠦᠰᠦᠲᠦ ᠮᠣᠳᠣᠨ᠎ᠤ ᠲᠥᠷᠥᠯ᠎ᠠᠴᠠ ᠪᠦᠷᠢᠯᠳᠦᠵᠦ᠂ ᠮᠠᠨ᠎ᠤ ᠤᠯᠤᠰ᠎ᠳᠤ ᠲᠠᠷᠬᠠᠯᠲᠠ᠎ᠪᠠᠷ ᠥᠷᠭᠡᠨ᠂ ᠡᠬᠢ ᠪᠠᠶᠠᠯᠢᠭ ᠵᠶ᠋ᠡᠷ ᠡᠯᠪᠡᠭ ᠣᠶ ᠰᠢᠭᠤᠶ ᠵᠢᠨ ᠲᠥᠷᠥᠯ ᠵᠦᠢ᠍ᠯ ᠪᠣᠯᠤᠨ᠎ᠠ᠃ ᠭᠣᠣᠯᠳᠠᠭᠤ ᠭᠠᠴᠤᠷ᠎ᠠ ᠵᠢᠨ ᠲᠥᠷᠥᠯ᠂ ᠨᠠᠷᠠᠰᠤᠨ᠎ᠤ ᠲᠥᠷᠥᠯ᠂ ᠬᠠᠷᠭ᠋ᠠᠶ ᠮᠣᠳᠣᠨ᠎ᠤ ᠲᠥᠷᠥᠯ ᠪᠠ ᠵᠠᠷᠢᠮ ᠬᠦᠢ᠍ᠲᠡᠨ᠎ᠳᠤ ᠲᠡᠰᠪᠦᠷᠢᠲᠡᠶ ᠨᠠᠷᠠᠰᠤᠨ᠎ᠤ ᠲᠥᠷᠥᠯ ᠪᠠ ᠦᠬᠡᠷ ᠠᠷᠴᠠ ᠵᠢᠨ ᠲᠥᠷᠥᠯ᠎ᠤᠨ ᠤᠷᠭᠤᠮᠠᠯ᠎ᠠᠴᠠ ᠪᠦᠷᠢᠯᠳᠦᠪᠡ᠃ ᠲᠡᠷᠡ᠎ᠨᠢ ᠬᠦᠢ᠍ᠲᠡᠨ ᠰᠡᠷᠢᠭᠦᠨ ᠪᠦᠰᠡ ᠵᠢᠨ ᠶᠡᠬᠡ ᠬᠢᠩᠭ᠋ᠠᠨ ᠳᠠᠪᠠᠭ᠎ᠠ ᠵᠢᠨ ᠬᠣᠶ᠋ᠢᠲᠤ ᠬᠡᠰᠡᠭ᠎ᠤᠨ ᠪᠦᠰᠡᠯᠢᠭ ᠤᠷᠭᠤᠮᠠᠯ᠎ᠤᠨ ᠬᠤᠴᠢᠯᠭ᠎ᠠ ᠵᠢᠨ ᠲᠥᠷᠥᠯ ᠵᠦᠢ᠍ᠯ ᠪᠣᠯᠤᠨ᠎ᠠ᠃ ᠡᠨᠡ ᠬᠦ᠌ ᠰᠢᠯᠮᠦᠦᠰᠦᠲᠦ ᠣᠶ᠎ᠨᠢ ᠬᠠᠬᠢᠷ ᠬᠦᠢ᠍ᠲᠡᠨ᠂ ᠴᠢᠭᠢᠭᠯᠢᠭ ᠨᠣᠶ᠋ᠢᠲᠠᠨ ᠪᠤᠶᠤ ᠭᠠᠩ ᠬᠠᠭᠤᠷᠠᠶ ᠠᠭᠤᠷ ᠠᠮᠢᠰᠬᠤᠯ᠎ᠤᠨ ᠨᠥᠬᠥᠴᠡᠯ᠎ᠳᠤ ᠵᠣᠬᠢᠴᠠᠵᠤ ᠴᠢᠳᠠᠳᠠᠭ᠃

      ᠬᠦᠢ᠍ᠲᠡᠨ ᠰᠡᠷᠢᠭᠦᠨ ᠪᠦᠰᠡᠨ᠎ᠤ ᠰᠢᠯᠮᠦᠦᠰᠦᠲᠦ ᠣᠶ ᠵᠢ ᠶᠡᠷᠦ᠎ᠳᠡᠭᠡᠨ ᠬᠣᠶᠠᠷ ᠲᠥᠷᠥᠯ᠎ᠳᠤ ᠬᠤᠪᠢᠶᠠᠳᠠᠭ᠄ ᠨᠢᠭᠡ ᠲᠥᠷᠥᠯ᠎ᠨᠢ ᠬᠦᠢ᠍ᠲᠡᠨ ᠰᠡᠷᠢᠭᠦᠨ ᠪᠦᠰᠡᠨ᠎ᠤ ᠨᠠᠪᠴᠢ ᠵᠤᠯᠭ᠋ᠠᠷᠠᠬᠤ ᠰᠢᠯᠮᠦᠦᠰᠦᠲᠦ ᠣᠶ᠂ ᠨᠥᠭᠥᠭᠡ ᠨᠢᠭᠡ ᠲᠥᠷᠥᠯ᠎ᠨᠢ ᠬᠦᠢ᠍ᠲᠡᠨ ᠰᠡᠷᠢᠭᠦᠨ ᠪᠦᠰᠡᠨ᠎ᠤ ᠮᠥᠩᠬᠡ ᠨᠣᠭᠣᠭ᠋ᠠᠨ ᠰᠢᠯᠮᠦᠦᠰᠦᠲᠦ ᠣᠶ ᠪᠣᠯᠤᠨ᠎ᠠ᠃