1. ᠵᠦᠯᠭᠡᠲᠦ ᠲᠠᠯᠠ ᠨᠤᠲᠤᠭ᠄ ᠭᠤᠤᠯᠳᠠᠭᠤ ᠰᠦᠩ ᠯᠢᠶᠤᠤ ᠵᠢᠨ ᠲᠠᠯᠠ ᠭᠠᠵᠠᠷ ᠪᠤᠯᠤᠨ ᠦᠪᠦᠷ ᠮᠤᠩᠭᠤᠯᠤᠨ ᠦᠨᠳᠦᠷᠯᠢᠭᠤᠨ ᠵᠡᠬᠦᠨ ᠬᠡᠰᠡᠭᠤᠨ ᠵᠠᠬᠠᠪᠠᠷ ᠲᠠᠷᠬᠠᠵᠤ ᠪᠠᠢ᠌ᠨᠠ᠃ ᠲᠦᠷᠦᠯ ᠵᠦᠢ᠍ᠯᠨᠢ ᠡᠯᠪᠡᠭ᠂ ᠪᠦᠷᠬᠦᠴᠡ ᠵᠢᠨ ᠬᠡᠮᠵᠢᠶᠡᠪᠠᠷ ᠶᠡᠬᠡ᠃ ᠦᠢ᠍ᠯᠡᠳᠪᠦᠷᠢᠯᠡᠬᠦ ᠬᠦᠴᠦᠨ ᠨᠡᠯᠢᠶᠠᠳ ᠦᠨᠳᠦᠷ᠂ ᠡᠪᠡᠰᠦᠨ ᠪᠦᠯᠦᠭᠯᠡᠯ ᠲᠤᠳᠤᠷᠠ ᠶᠡᠬᠡ ᠬᠡᠮᠵᠢᠶᠡᠨᠤ ᠶᠡᠷᠦ ᠵᠢᠨ ᠴᠢᠭᠢᠭᠲᠤ ᠤᠷᠭᠤᠳᠠᠭ ᠡᠯᠳᠡᠪ ᠵᠦᠢ᠍ᠯᠤᠨ ᠡᠪᠡᠰᠦ ᠠᠭᠤᠯᠤᠭᠳᠠᠭᠰᠠᠨ ᠪᠠᠢ᠌ᠳᠠᠭ᠃
2. ᠨᠡᠢ᠌ᠲᠡᠯᠢᠭ ᠲᠠᠯᠠ ᠨᠤᠲᠤᠭ᠄ ᠭᠤᠤᠯᠳᠠᠭᠤ ᠦᠪᠦᠷ ᠮᠤᠩᠭᠤᠯᠤᠨ ᠦᠨᠳᠦᠷᠯᠢᠭ᠂ ᠵᠡᠬᠦᠨ ᠬᠤᠢ᠌ᠲᠦ ᠵᠢᠨ ᠲᠠᠯᠠ ᠭᠠᠵᠠᠷᠤᠨ ᠪᠠᠷᠠᠭᠤᠨ ᠡᠮᠦᠨᠡᠲᠦ ᠬᠡᠰᠡᠭ᠂ ᠰᠢᠷᠠ ᠬᠦᠷᠦᠰᠦᠲᠦ ᠦᠨᠳᠦᠷᠯᠢᠭᠤᠨ ᠲᠤᠮᠳᠠ ᠪᠠᠷᠠᠭᠤᠨ ᠬᠡᠰᠡᠭ ᠬᠢᠭᠡᠳ ᠠᠯᠳᠠᠢ ᠠᠭᠤᠯᠠ᠂ ᠲᠡᠭᠷᠢ ᠠᠭᠤᠯᠠ ᠪᠠ ᠴᠢᠯᠢᠶᠠᠨᠱ᠌ᠠᠨ ᠠᠭᠤᠯᠠ ᠵᠡᠷᠭᠡ ᠳᠠᠯᠠᠢ ᠵᠢᠨ ᠲᠦᠪᠰᠢᠨᠠᠴᠠ ᠨᠡᠯᠢᠶᠠᠳ ᠦᠨᠳᠦᠷ ᠭᠠᠵᠠᠷ ᠤᠷᠤᠨᠳᠤ ᠪᠤᠢ᠃ ᠵᠦᠯᠭᠡᠲᠦ ᠲᠠᠯᠠ ᠨᠤᠲᠤᠭᠲᠠᠢ ᠬᠠᠷᠢᠴᠠᠭᠤᠯᠪᠠᠯ᠂ ᠲᠦᠷᠦᠯ ᠵᠦᠢ᠍ᠯ ᠵᠶ᠋ᠡᠷ ᠡᠯᠪᠡᠭ᠂ ᠭᠡᠪᠡᠴᠦ ᠬᠡᠮᠵᠢᠶᠡᠨᠢ ᠢᠯᠡᠳᠳᠠ ᠲᠤᠷᠤᠭᠰᠢᠯᠠᠵᠤ᠂ ᠪᠦᠷᠬᠦᠴᠡᠨᠢ ᠬᠠᠰᠤᠭᠳᠠᠵᠤ᠂ ᠦᠢ᠍ᠯᠡᠳᠪᠦᠷᠢᠯᠡᠬᠦ ᠬᠦᠴᠦᠨᠨᠢ ᠪᠠᠭᠤᠷᠠᠳᠠᠭ᠃ ᠡᠪᠡᠰᠦᠨ ᠪᠦᠯᠦᠭᠯᠡᠯ ᠲᠤᠳᠤᠷᠠᠨᠢ ᠭᠠᠩᠢ ᠳᠠᠭ᠋ᠠᠭ᠋ᠠᠳᠠᠭ ᠪᠤᠲᠠ ᠡᠪᠡᠰᠦ ᠪᠠᠢ᠌ᠷᠢ ᠵᠢ ᠡᠵᠡᠯᠡᠨᠡ᠃
3. ᠬᠡᠭᠡᠷᠡ ᠲᠠᠯᠠ ᠨᠤᠲᠤᠭ᠄ ᠭᠤᠤᠯᠳᠠᠭᠤ ᠦᠪᠦᠷ ᠮᠤᠩᠭᠤᠯᠤᠨ ᠦᠨᠳᠦᠷᠯᠢᠭᠤᠨ ᠬᠤᠢ᠌ᠲᠦ ᠬᠡᠰᠡᠭ ᠪᠤᠯᠤᠨ ᠴᠢᠯᠢᠶᠠᠨᠱ᠌ᠠᠨ ᠠᠭᠤᠯᠠ᠂ ᠲᠡᠭᠷᠢ ᠠᠭᠤᠯᠠ ᠵᠡᠷᠭᠡ ᠭᠠᠵᠠᠷᠲᠤ ᠲᠠᠷᠬᠠᠵᠤ ᠪᠠᠢ᠌ᠨᠠ᠃ ᠲᠡᠷᠡᠨᠢ ᠲᠠᠯᠠ ᠨᠤᠲᠤᠭᠤᠨ ᠤᠷᠭᠤᠮᠠᠯᠤᠨ ᠪᠦᠷᠬᠦᠴᠡ ᠲᠤᠳᠤᠷᠠ ᠭᠠᠩᠢ ᠳᠠᠭ᠋ᠠᠭ᠋ᠠᠵᠤ ᠤᠷᠭᠤᠬᠤ ᠬᠢᠷᠢ ᠬᠡᠮᠵᠢᠶᠡᠪᠠᠷ ᠬᠠᠮᠤᠭᠤᠨ ᠴᠢᠩᠭᠠ ᠨᠢᠭᠡ ᠲᠦᠷᠦᠯ ᠪᠤᠯᠤᠨᠠ᠃ ᠲᠦᠷᠦᠯ ᠵᠦᠢ᠍ᠯᠤᠨ ᠡᠯᠪᠡᠭᠤᠨ ᠬᠡᠮᠵᠢᠶᠡ᠂ ᠲᠠᠯᠠ ᠨᠤᠲᠤᠭᠤᠨ ᠦᠨᠳᠦᠷᠤᠨ ᠬᠡᠮᠵᠢᠶᠡ᠂ ᠪᠦᠯᠦᠭᠯᠡᠭᠰᠡᠨ ᠪᠡᠶᠡ ᠵᠢᠨ ᠪᠦᠷᠬᠦᠴᠡ ᠵᠢᠨ ᠬᠡᠮᠵᠢᠶᠡ ᠪᠠ ᠦᠢ᠍ᠯᠡᠳᠪᠦᠷᠢᠯᠡᠬᠦ ᠬᠦᠴᠦᠨ ᠵᠡᠷᠭᠡ ᠲᠠᠯᠠᠪᠠᠷ ᠪᠦᠷ ᠨᠡᠢ᠌ᠲᠡᠯᠢᠭ ᠲᠠᠯᠠ ᠨᠤᠲᠤᠭᠠᠴᠠ ᠢᠯᠡᠳᠲᠡ ᠲᠤᠤᠷᠠ ᠪᠠᠢ᠌ᠳᠠᠭ᠃ ᠪᠦᠯᠦᠭᠯᠡᠭᠰᠡᠨ ᠪᠡᠶᠡ ᠵᠢᠨ ᠠᠮᠢ ᠠᠬᠤᠢ ᠵᠢᠨ ᠪᠦᠲᠦᠴᠡᠨᠢ ᠭᠠᠩᠢ ᠳᠠᠭ᠋ᠠᠭ᠋ᠠᠵᠤ ᠤᠷᠭᠤᠳᠠᠭ ᠵᠢᠵᠢᠭ ᠪᠤᠲᠠ ᠮᠤᠳᠤ ᠶᠡᠬᠡ ᠬᠡᠪᠴᠢᠶᠡᠪᠠᠷ ᠤᠷᠭᠤᠳᠠᠭ᠃
4. ᠦᠨᠳᠦᠷᠯᠢᠭᠤᠨ ᠬᠦᠢ᠍ᠲᠡᠷᠬᠡᠭ ᠲᠠᠯᠠ ᠨᠤᠲᠤᠭ᠄ ᠳᠠᠯᠠᠢ ᠵᠢᠨ ᠲᠦᠪᠰᠢᠨᠠᠴᠠ ᠨᠡᠯᠢᠶᠠᠳ ᠦᠨᠳᠦᠷ᠂ ᠠᠭᠤᠷ ᠠᠮᠢᠰᠬᠤᠯ ᠭᠠᠩᠳᠠᠮᠠᠯ ᠬᠦᠢ᠍ᠲᠡᠨ ᠭᠠᠵᠠᠷ ᠤᠷᠤᠨᠳᠤ ᠤᠨᠴᠠᠭ᠋ᠠᠢ ᠪᠠᠢ᠌ᠳᠠᠭ ᠲᠠᠯᠠ ᠨᠤᠲᠤᠭᠤᠨ ᠨᠢᠭᠡ ᠲᠦᠷᠦᠯ ᠪᠤᠯᠤᠨᠠ᠃ ᠭᠤᠤᠯᠳᠠᠭᠤ ᠬᠦᠬᠡᠨᠡᠭᠤᠷ ᠲᠦᠪᠡᠳᠤᠨ ᠦᠨᠳᠦᠷᠯᠢᠭ᠂ ᠫᠠᠮᠢᠷᠤᠨ ᠦᠨᠳᠦᠷᠯᠢᠭ ᠪᠤᠯᠤᠨ ᠴᠢᠯᠢᠶᠠᠨᠱ᠌ᠠᠨ ᠠᠭᠤᠯᠠ ᠵᠢᠴᠢ ᠲᠡᠭᠷᠢ ᠠᠭᠤᠯᠠ ᠵᠡᠷᠭᠡ ᠳᠠᠯᠠᠢ ᠵᠢᠨ ᠲᠦᠪᠰᠢᠨᠠᠴᠠ ᠨᠡᠯᠢᠶᠠᠳ ᠦᠨᠳᠦᠷ ᠭᠠᠵᠠᠷ ᠤᠷᠤᠨᠳᠤ ᠲᠠᠷᠬᠠᠵᠤ ᠪᠠᠢ᠌ᠨᠠ᠃ ᠲᠡᠷᠡᠨᠢ ᠬᠦᠢ᠍ᠲᠡᠨ ᠬᠠᠭᠤᠷᠠᠢᠳᠤ ᠲᠡᠰᠪᠦᠷᠢᠳᠠᠢ ᠤᠷᠭᠤᠳᠠᠭ ᠤᠯᠠᠨ ᠨᠠᠰᠤᠲᠤ ᠡᠪᠡᠰᠦᠯᠢᠭ ᠤᠷᠭᠤᠮᠠᠯ᠂ ᠦᠨᠳᠦᠰᠦᠯᠢᠭ ᠡᠰᠢᠲᠦ ᠬᠦᠪᠲᠦ ᠡᠪᠡᠰᠦ ᠪᠤᠯᠤᠨ ᠪᠤᠳᠠᠷᠭ᠋ᠠᠨᠠᠪᠠᠷ ᠪᠦᠲᠦᠵᠦ ᠪᠦᠯᠦᠭᠯᠡᠵᠦ ᠲᠦᠷᠦᠯᠵᠢᠬᠦ ᠪᠦᠲᠦᠴᠡᠪᠠᠨ ᠪᠤᠯᠭ᠋ᠠᠳᠠᠭ᠃ ᠡᠬᠦᠨᠤ ᠬᠠᠮᠳᠤ ᠬᠦᠷᠦᠰᠦᠯᠢᠭ ᠤᠷᠭᠤᠮᠠᠯ ᠪᠤᠯᠤᠨ ᠠᠭᠤᠯᠠ ᠵᠢᠨ ᠪᠤᠰᠤᠳ ᠤᠷᠭᠤᠮᠠᠯᠤᠨ ᠲᠦᠷᠦᠯ ᠢᠯᠡᠷᠡᠵᠦ᠂ ᠡᠪᠡᠰᠦᠨᠤ ᠪᠦᠯᠦᠭᠯᠡᠯᠨᠢ ᠰᠡᠢ᠌ᠷᠡᠭ᠂ ᠤᠷᠭᠤᠯᠳᠠᠨᠢ ᠪᠤᠭᠤᠨᠢ᠂ ᠪᠦᠷᠬᠦᠴᠡ ᠵᠢᠨ ᠬᠡᠮᠵᠢᠶᠡᠨᠢ ᠪᠠᠭᠠ᠂ ᠲᠡᠰ ᠳᠠᠷᠠᠭ᠋ᠠᠯᠠᠯ ᠪᠦᠲᠦᠴᠡᠨᠢ ᠲᠦᠬᠦᠮᠭᠡᠨ᠂ ᠦᠢ᠍ᠯᠡᠳᠪᠦᠷᠢᠯᠡᠯᠤᠨ ᠬᠦᠴᠦᠨ ᠲᠤᠤᠷᠠ ᠪᠠᠢ᠌ᠳᠠᠭ ᠤᠨᠴᠠᠯᠢᠭᠲᠠᠢ᠃
ᠴᠢᠯᠠᠭᠤᠨᠪᠠᠭ᠋ᠠᠲᠤᠷᠤᠨ 《ᠲᠠᠯᠠ ᠨᠤᠲᠤᠭᠤᠨ ᠭᠠᠯ ᠲᠦᠢ᠍ᠮᠡᠷ ᠰᠡᠷᠭᠡᠢ᠌ᠯᠡᠯᠲᠡ》 ᠭᠡᠬᠦ ᠨᠤᠮᠠᠴᠠ ᠬᠠᠭᠤᠯᠠᠪᠦᠷᠢᠯᠠᠪᠠ᠃