ᠦᠬᠡᠷ ᠭᠡᠳᠡᠭ ᠳᠠᠭᠤᠳᠠᠯᠭᠠ ᠪᠤᠯ ᠤᠯᠠᠨ ᠲᠤᠭ᠋ᠠᠨᠤ ᠶᠡᠷᠦᠩᠬᠡᠶ᠋ᠢᠯᠡᠭᠰᠡᠨ ᠨᠡᠷᠡᠶ᠋ᠢᠳᠦᠯ ᠪᠤᠯᠬᠤ ᠶᠤᠮ᠃ ᠡᠭᠦᠨᠳᠤ ᠭᠤᠤᠯᠳᠠᠭᠤ ᠦᠬᠡᠷ ᠰᠥᠷᠥᠭ᠂ ᠦᠬᠡᠷᠤᠳ ᠭᠡᠬᠦ ᠮᠠᠲᠦᠪᠠᠷ ᠨᠡᠷᠡᠯᠡᠨ᠂ ᠦᠬᠡᠷ ᠬᠠᠷᠢᠭᠤᠯᠳᠠᠭ ᠬᠥᠮᠦᠰᠢ 《ᠦᠬᠡᠷᠴᠢᠨ》 ᠬᠡᠮᠡᠨ ᠳᠠᠭᠤᠳᠠᠳᠠᠭ ᠪᠦᠭᠡᠳ ᠪᠠᠶ᠋ᠢᠭ᠋ᠠᠯᠢᠯᠢᠭ ᠨᠤᠲᠤᠭ ᠪᠡᠯᠴᠢᠭᠡᠷ ᠳᠡᠭᠡᠷᠡ ᠬᠠᠷᠢᠭᠤᠯᠤᠨ ᠥᠰᠭᠡᠬᠦ ᠵᠢ 《ᠦᠬᠡᠷ ᠮᠠᠯᠵᠢᠬᠤ》 ᠭᠡᠳᠡᠭ ᠶᠤᠮ᠃
ᠦᠬᠡᠷ ᠰᠥᠷᠥᠭᠤᠨ ᠳᠤᠲᠤᠷᠠᠬᠢ ᠪᠥᠲᠥᠴᠠ ᠵᠢ ᠨᠠᠰᠤ ᠬᠦᠢ᠍ᠰᠦᠪᠠᠷᠨᠢ ᠠᠩᠬᠢᠯᠠᠪᠠᠯ᠂ ᠦᠬᠡᠷ ᠰᠥᠷᠥᠭᠤᠨ ᠳᠤᠲᠤᠷᠠᠬᠢ ᠨᠠᠰᠤ ᠭᠦᠢ᠍ᠴᠡᠭᠰᠡᠨ ᠡᠴᠢᠭᠡ ᠮᠠᠯᠢ ᠪᠤᠬᠠ᠂ ᠡᠬᠡ ᠮᠠᠯᠢ ᠦᠨᠢᠶᠡ᠂ ᠴᠠᠭ᠋ᠠᠯᠠᠭᠰᠠᠨ ᠡᠷᠡ ᠮᠠᠯᠢ ᠡᠷᠡ ᠦᠬᠡᠷ ᠭᠡᠵᠤ ᠠᠩᠬᠢᠯᠠᠨ᠂ ᠨᠠᠰᠤ ᠭᠦᠢ᠍ᠴᠡᠭᠰᠡᠨ ᠡᠷᠡ ᠦᠬᠡᠷᠢ ᠠᠮᠪᠠᠨ ᠱᠠᠷ ᠭᠡᠳᠡᠭ᠃ 5 ᠨᠠᠰᠤᠨᠤᠬᠢ ᠵᠢ ᠰᠤᠶᠤᠯᠠᠩ ᠪᠤᠬᠠ᠂ ᠰᠤᠶᠤᠯᠠᠩ ᠦᠨᠢᠶᠡ᠂ ᠰᠤᠶᠤᠯᠠᠩ ᠡᠷᠡ ᠦᠬᠡᠷ ᠭᠡᠬᠦ ᠮᠡᠲᠦᠪᠠᠷ ᠨᠡᠷᠡᠯᠡᠵᠤ᠂ 4 ᠨᠠᠰᠤᠨᠤᠬᠢ ᠵᠢ ᠬᠢᠵᠠᠯᠠᠩ ᠪᠤᠬᠠ᠂ ᠬᠢᠵᠠᠯᠠᠩ ᠦᠨᠢᠶᠡ᠂ ᠬᠢᠵᠠᠯᠠᠩ ᠡᠷᠡ ᠦᠬᠡᠷ （ᠳᠦᠨᠡᠨ ᠦᠬᠡᠷ） ᠭᠡᠵᠤ᠂ 3 ᠨᠠᠰᠤᠨᠤᠬᠢ ᠵᠢ ᠰᠢᠳᠦᠯᠡᠩ ᠪᠤᠬᠠ᠂ ᠦᠬᠢᠨ ᠰᠢᠳᠦᠯᠡᠩ （ᠭᠤᠨᠵᠢ）᠂ ᠰᠢᠳᠦᠯᠡᠩ ᠡᠷᠡ ᠦᠬᠡᠷ （ᠭᠤᠨᠠᠨ ᠦᠬᠡᠷ） ᠭᠡᠵᠤ᠂ 2 ᠨᠠᠰᠤᠨᠤᠬᠢ ᠵᠢ ᠪᠢᠷᠠᠭᠤ ᠭᠡᠵᠤ ᠠᠩᠬᠢᠯᠠᠨ᠂ ᠪᠢᠷᠠᠭᠤᠨ ᠪᠤᠬᠠ᠂ ᠦᠬᠢᠨ ᠪᠢᠷᠠᠭᠤ （ᠡᠮᠡ ᠪᠢᠷᠠᠭᠤ）᠂ ᠡᠷᠡ ᠪᠢᠷᠠᠭᠤ ᠭᠡᠬᠦ ᠮᠠᠲᠦᠪᠠᠷ ᠨᠡᠷᠡᠯᠡᠵᠤ᠂ 1 ᠨᠠᠰᠤᠨᠤᠬᠢ ᠵᠢ ᠲᠤᠭᠤᠯ ᠭᠡᠵᠤ ᠠᠩᠬᠢᠯᠠᠨ᠂ ᠡᠷᠡ ᠲᠤᠭᠤᠯ᠂ ᠦᠬᠢᠨ ᠲᠤᠭᠤᠯ （ᠡᠮᠡ ᠲᠤᠭᠤᠯ） ᠭᠡᠵᠤ᠂ ᠰᠠᠶᠢᠬᠠᠨ ᠭᠠᠷᠤᠭᠰᠠᠨ ᠲᠤᠭᠤᠯᠢ ᠨᠢᠯᠬᠠ ᠲᠤᠭᠤᠯ ᠭᠡᠵᠤ ᠳᠠᠭᠤᠳᠠᠳᠠᠭ ᠪᠠᠶ᠋ᠢᠨᠠ᠃ ᠮᠤᠩᠭᠤᠯ ᠦᠬᠡᠷ ᠪᠤᠯ ᠮᠠᠨᠤ ᠤᠯᠤᠰᠤᠨ ᠰᠢᠷᠠ ᠦᠬᠡᠷᠤᠨ ᠳᠤᠲᠤᠷᠠᠬᠢ ᠲᠤᠭᠠ ᠲᠤᠯᠤᠭ᠋ᠠᠢᠪᠠᠷ ᠤᠯᠠᠨ᠂ ᠲᠠᠷᠬᠠᠯᠲᠠᠪᠠᠷ ᠲᠡᠶ᠋ᠢᠮᠦ ᠥᠷᠭᠡᠨ ᠪᠢᠰᠢ ᠡᠭᠦᠯᠳᠡᠷ ᠪᠤᠯᠬᠤ ᠪᠦᠭᠡᠳ ᠨᠤᠲᠤᠭᠤᠨ ᠮᠤᠩᠭᠤᠯ ᠦᠬᠡᠷᠢ ᠦᠶᠡ ᠤᠯᠠᠷᠢᠨ ᠰᠢᠷᠭ᠋ᠠᠭᠤ ᠬᠠᠲᠠᠭᠤᠵᠢᠯᠲᠠᠢᠪᠠᠷ ᠰᠤᠩᠭᠤᠨ ᠪᠤᠶ᠋ᠢᠵᠢᠭᠤᠯᠵᠤ ᠢᠷᠡᠭᠰᠡᠨ ᠶᠤᠮ᠃
ᠮᠤᠩᠭᠤᠯ ᠦᠬᠡᠷᠤᠨ ᠪᠡᠶᠡ ᠴᠤᠭᠴᠠ ᠵᠢᠨ ᠤᠯᠠᠩᠬᠢᠨᠢ ᠪᠠᠬᠢᠯᠢᠭ᠌ ᠬᠡᠪᠰᠢᠯ ᠪᠤᠶᠤ ᠪᠦᠳᠦᠭᠦᠯᠢᠭ ᠴᠢᠩᠭᠠ ᠬᠡᠪᠰᠢᠯᠳᠤ ᠬᠠᠷᠢᠶᠠᠯᠠᠭᠳᠠᠵᠤ᠂ ᠲᠤᠯᠤᠭ᠋ᠠᠢᠨᠢ ᠤᠬᠤᠷ ᠮᠥᠷᠳᠡᠭᠡᠨ ᠪᠦᠳᠦᠭᠦᠨ᠂ ᠨᠢᠳᠦᠨᠢ ᠲᠤᠮᠤ ᠪᠦᠭᠡᠳ ᠴᠤᠭᠲᠠᠢ ᠪᠠᠶ᠋ᠢᠵᠤ᠂ ᠥᠡᠭᠭᠡᠨᠢ ᠰᠢᠷᠠᠪᠲᠤᠷ ᠪᠤᠶᠤ ᠪᠤᠷᠤ᠂ ᠬᠤᠶᠠᠷ ᠡᠪᠡᠷᠤᠨ ᠬᠤᠭᠤᠷᠤᠨᠳᠤᠬᠢ ᠵᠠᠢᠨᠢ ᠪᠠᠭᠠ ᠪᠠᠶ᠋ᠢᠳᠠᠭ᠃ ᠰᠡᠷᠪᠡᠭᠡᠨᠢ ᠳᠤᠤᠷᠠ ᠰᠢᠭ᠋᠂ ᠬᠦᠵᠦᠭᠦᠤᠨᠢ ᠤᠬᠤᠷ ᠪᠦᠭᠡᠳ ᠨᠢᠮᠭᠡᠨ᠂ ᠴᠡᠭᠡᠵᠢᠨᠢ ᠥᠷᠭᠡᠨ ᠭᠦᠨ᠂ ᠨᠢᠷᠤᠭᠤᠨᠢ ᠳᠡᠭᠰᠢ᠂ ᠬᠠᠪᠢᠷᠭᠠᠨᠢ ᠲᠡᠨᠢᠭᠡᠷ᠂ ᠳᠠᠰᠢᠶᠠᠨᠢ ᠤᠬᠤᠷ ᠮᠥᠷᠳᠡᠭᠡᠨ ᠳᠠᠰᠢᠭᠤᠯᠢᠭ᠂ ᠳᠡᠯᠡᠩ ᠤᠨ ᠰᠠᠭᠤᠷᠢᠨᠢ ᠥᠷᠭᠡᠨ᠂ ᠬᠦᠬᠦᠨ ᠳᠤᠪᠴᠢᠨᠢ ᠵᠢᠵᠢᠭ ᠪᠠᠶ᠋ᠢᠳᠠᠭ᠃ ᠮᠥᠴᠢᠨᠢ ᠪᠤᠭᠤᠨᠢ ᠪᠦᠭᠡᠳ ᠬᠤᠶ᠋ᠢᠲᠦ ᠮᠥᠴᠢ ᠵᠢᠨ ᠤᠯᠠᠩᠬᠢᠨᠢ ᠲᠤᠩᠭᠤᠷᠭᠤᠨ ᠪᠠᠶ᠋ᠢᠵᠤ᠂ ᠭᠤᠶᠠᠨᠤ ᠪᠤᠯᠴᠢᠩᠨᠢ ᠪᠤᠶ᠋ᠢᠵᠢᠯᠲᠠ ᠰᠠᠶ᠋ᠢᠲᠠᠢ᠂ ᠲᠤᠭᠤᠷᠠᠢ ᠨᠢ ᠠᠪᠰᠠᠷᠬᠠᠨ ᠪᠦᠭᠡᠳ ᠪᠥᠬᠡᠯᠢᠭ ᠪᠠᠶ᠋ᠢᠳᠠᠭ᠃ ᠤᠯᠠᠩᠬᠢᠨᠢ ᠤᠯᠠᠭ᠋ᠠᠨ᠂ ᠰᠢᠷᠠ᠂ ᠬᠠᠷᠠ ᠥᠡᠭᠭᠡᠲᠡᠢ ᠪᠠᠶ᠋ᠢᠳᠠᠭ᠃
ᠮᠤᠩᠭᠤᠯ ᠦᠬᠡᠷᠢ ᠬᠡᠭᠡᠷᠡᠯᠡᠨ ᠮᠠᠯᠵᠢᠬᠤ ᠪᠠ ᠬᠤᠲᠠᠯᠠᠨ ᠮᠠᠯᠵᠢᠬᠤᠳᠤ ᠪᠦᠷ ᠵᠤᠬᠢᠴᠠᠬᠤ ᠤᠴᠢᠷᠠᠴᠠ ᠠᠷᠠᠴᠢᠯᠠᠵᠤ ᠮᠠᠯᠵᠢᠬᠤᠳᠤ ᠳᠦᠭᠦᠮ᠂ ᠨᠤᠲᠤᠭ ᠤᠷᠤᠨᠤ ᠠᠭᠤᠷ ᠠᠮᠢᠰᠬᠤᠯᠳᠤ ᠵᠤᠬᠢᠴᠠᠩᠭᠤᠢ᠂ ᠵᠤᠬᠢᠬᠤ ᠬᠡᠮᠵᠢᠶᠠᠨᠤ ᠵᠤᠳ ᠭᠠᠮᠰᠢᠭᠢ ᠡᠰᠡᠷᠭᠦᠴᠡᠬᠦ ᠪᠠ ᠬᠦᠢ᠍ᠲᠡᠨᠢ ᠳᠡᠰᠪᠦᠷᠢᠯᠡᠬᠦ ᠴᠢᠳᠠᠪᠤᠷᠢᠲᠠᠢ ᠪᠠᠶ᠋ᠢᠳᠠᠭ᠃ ᠪᠡᠶᠡᠨᠢ ᠪᠠᠭ᠋ᠠᠪᠲᠤᠷ ᠪᠤᠯᠪᠠᠴᠦ ᠬᠥᠯᠨᠢ ᠪᠤᠭᠤᠨᠢ ᠮᠢᠬᠠᠨᠢ ᠠᠮᠲᠠᠯᠢᠭ ᠪᠦᠭᠡᠳ ᠰᠢᠮᠡᠲᠠᠢ᠂ ᠬᠥᠯᠥᠪᠥᠷᠢ ᠡᠳ᠋ᠯᠡᠭᠡᠨᠳᠤ ᠲᠠᠭ᠋ᠠᠭ᠋ᠠᠴᠠᠳᠠᠢ ᠪᠠᠶ᠋ᠢᠳᠠᠭ ᠵᠶ᠋ᠠᠷ ᠵᠶ᠋ᠠᠨ ᠬᠤᠯᠠ ᠤᠶ᠋ᠢᠷᠠ ᠵᠢᠨ ᠬᠥᠮᠦᠰᠤᠨ ᠭᠦᠨ ᠳᠠᠭ᠋ᠠᠰᠢᠶᠠᠯᠢ ᠤᠯᠵᠤ ᠪᠠᠶ᠋ᠢᠳᠠᠭ᠃
ᠥᠬᠡᠷᠤᠨ ᠪᠠᠭ᠋ᠠᠰᠤ ᠠᠷᠭ᠋ᠠᠯᠨᠢ ᠠᠶ᠋ᠢᠯ ᠡᠷᠦᠬᠡ ᠵᠢᠨ ᠭᠠᠯ ᠲᠤᠯᠭᠠ ᠵᠢᠨ ᠰᠢᠲᠠᠭ᠋ᠠᠯᠭᠠ ᠪᠤᠯᠵᠤ᠂ ᠦᠬᠡᠷᠤᠨ ᠮᠢᠬᠠᠨᠢ ᠠᠮᠲᠠ ᠰᠢᠮᠲᠡ ᠰᠠᠶ᠋ᠢᠲᠠᠢ ᠪᠤᠯᠬᠤᠷ ᠰᠢᠨᠡ ᠰᠤᠷᠭᠤᠭ ᠵᠶ᠋ᠠᠷ ᠢᠳᠡᠬᠦ ᠪᠤᠶᠤ ᠰᠢᠷᠭ᠋ᠠᠯᠠᠨ ᠬᠠᠲᠠᠭ᠋ᠠᠵᠤ ᠨᠦᠳᠦᠵᠤ ᠬᠡᠮᠬᠡᠯᠡᠨ ᠠᠶᠠᠨ ᠵᠢᠩᠳᠤ ᠠᠪᠴᠦ ᠶᠠᠪᠤᠬᠤᠳᠤ ᠳᠦᠭᠦᠮ ᠢᠳᠡᠭᠡᠨ ᠪᠤᠯᠳᠠᠭ᠃ ᠦᠨᠢᠶᠡᠨ ᠰᠦ ᠵᠢ ᠬᠥᠷᠥᠩᠭᠡᠯᠡᠨ ᠢᠰᠭᠡᠵᠤ ᠰᠠᠭ᠋ᠠᠯᠢ ᠵᠢᠨ ᠠᠷᠢᠬᠢ ᠨᠡᠷᠡᠬᠦ᠂ ᠬᠤᠷᠤᠳ ᠪᠢᠰᠢᠯᠠᠭ ᠬᠢᠬᠦ᠂ ᠥᠷᠥᠮᠡ ᠵᠥᠭᠡᠬᠡᠢ ᠭᠥᠰᠢᠭᠡᠬᠦ ᠵᠡᠷᠭᠡ ᠴᠠᠭ᠋ᠠᠨ ᠢᠳᠡᠭᠡᠨᠤ ᠪᠤᠯᠪᠠᠰᠤᠷᠠᠭᠤᠯᠤᠯᠲᠠ ᠪᠤᠯᠳᠠᠭ ᠪᠦᠭᠡᠳ ᠦᠬᠡᠷᠤᠨ ᠠᠷᠠᠰᠤ ᠵᠢ ᠲᠥᠭᠦᠬᠡᠢ ᠴᠤᠯᠭᠤᠢᠪᠠᠷᠨᠢ ᠦᠳᠡᠷᠢ ᠪᠤᠭᠤᠯᠲᠠ ᠬᠢᠬᠦ ᠪᠤᠶᠤ ᠢᠳᠡᠭᠡᠯᠡᠵᠤ ᠡᠯᠳᠡᠭᠡᠳ ᠰᠤᠷ ᠪᠤᠯᠭ᠋ᠠᠨ ᠮᠤᠷᠢ ᠲᠡᠮᠡᠭᠡ᠂ ᠲᠡᠷᠭᠡ ᠬᠥᠯᠥᠪᠦᠷᠢ ᠵᠢᠨ ᠡᠳ᠋ᠯᠡᠯ ᠬᠢᠬᠦ᠂ ᠲᠤᠭᠤᠯᠤᠨ ᠠᠷᠠᠰᠤᠪᠠᠷ ᠲᠤᠯᠤᠮ ᠬᠢᠬᠦ᠂ ᠦᠬᠡᠷᠤᠨ ᠦᠰᠦᠪᠠᠷ ᠭᠤᠲᠤᠯ ᠤᠶ᠋ᠢᠮᠤᠰᠤ ᠬᠢᠬᠦ ᠵᠡᠷᠭᠡ ᠬᠡᠷᠡᠭᠴᠡᠭᠡ ᠲᠠᠢ ᠪᠠᠶ᠋ᠢᠳᠠᠭ᠃ ᠪᠡᠯᠡᠳᠬᠡᠭᠰᠡᠨᠨᠢ᠄ ᠡᠷᠳᠡᠨᠢᠬᠦᠦ ᠨᠠᠶ᠋ᠢᠷᠠᠭᠤᠯᠤᠭᠰᠠᠨᠨᠢ᠄ ᠨᠠᠮᠤᠷ ᠬᠢᠨᠠᠭᠰᠠᠨᠨᠢ᠄ ᠤᠷᠢᠬᠠᠨ