ᠳᠤᠮᠳᠠᠰᠠᠭ ᠪᠤᠲᠠ ᠮᠣᠳᠣ᠃ ᠣᠢ ᠮᠣᠳᠣᠨ᠎ᠤ ᠳᠣᠭᠤᠤᠷ᠂ ᠣᠢ ᠵᠢᠨ ᠭᠥᠪᠡᠭᠡ ᠵᠢᠴᠢ ᠴᠢᠯᠠᠭᠤᠯᠢᠭ ᠠᠭᠤᠯᠠᠨ ᠬᠥᠳᠥᠯ ᠭᠠᠵᠠᠷ ᠵᠶ᠋ᠠᠷ ᠣᠷᠭᠣᠵᠤ᠂ ᠭᠣᠣᠯ᠎ᠤᠨ ᠬᠥᠪᠡᠭᠡᠨ᠎ᠤ ᠡᠯᠡᠰᠦᠷᠬᠡᠭ ᠭᠠᠵᠠᠷ ᠵᠶ᠋ᠠᠷ ᠪᠠᠰᠠ ᠬᠠᠷᠠᠭᠳᠠᠵᠤ᠂ ᠠᠭᠤᠯᠠᠷᠬᠠᠭ ᠭᠠᠵᠠᠷ᠎ᠤᠨ ᠪᠤᠲᠠ ᠰᠦᠭᠡᠭ᠎ᠤᠨ ᠴᠤᠭᠴᠠᠯᠠᠭᠴᠢ ᠳᠦᠷᠰᠦ ᠪᠤᠶᠤ ᠵᠣᠩᠬᠢᠯᠠᠬᠤ ᠳᠦᠷᠰᠦ ᠪᠣᠯᠳᠠᠭ᠃ ᠮᠠᠨ᠎ᠤ ᠣᠷᠣᠨ᠎ᠤ ᠬᠢᠩᠭ᠋ᠠᠨ᠎ᠤ ᠬᠣᠢ᠌ᠲᠤ ᠬᠡᠰᠡᠭ᠂ ᠬᠢᠩᠭ᠋ᠠᠨ᠎ᠤ ᠡᠮᠦᠨᠡᠲᠦ ᠬᠡᠰᠡᠭ᠂ ᠳᠠᠪᠠᠭ᠋ᠠᠨ᠎ᠤ ᠪᠠᠷᠠᠭᠤᠨ ᠲᠣᠭᠣᠷᠢᠭ᠂ ᠯᠢᠶᠣᠤ ᠾᠧ ᠭᠣᠣᠯ᠎ᠤᠨ ᠲᠠᠯ᠎ᠠ ᠭᠠᠵᠠᠷ᠂ ᠬᠤᠷᠴᠢᠨ ᠲᠣᠭᠣᠷᠢᠭ᠂ ᠤᠯᠠᠭ᠋ᠠᠨ᠋ᠠᠲᠠ ᠵᠢᠨ ᠲᠤᠪᠤ ᠳᠣᠪᠣᠷᠴᠠᠭ᠂ ᠶᠭᠱ᠌ᠠᠨ ᠠᠭᠤᠯᠠᠨ᠎ᠤ ᠬᠣᠢ᠌ᠲᠤ ᠬᠡᠰᠡᠭ᠂ ᠭᠦᠯᠦᠨ ᠪᠤᠢ᠌ᠷ— ᠰᠢᠯᠢ ᠵᠢᠨ ᠭᠣᠣᠯ᠎ᠤᠨ ᠥᠨᠳᠦᠷᠯᠢᠭ᠎ᠤᠨ ᠵᠡᠭᠦᠨ ᠬᠡᠰᠡᠭ ᠪᠠ ᠡᠮᠦᠨᠡᠲᠦ ᠬᠡᠰᠡᠭ᠂ ᠤᠯᠠᠭ᠋ᠠᠨᠴᠠᠪ ᠲᠣᠭᠣᠷᠢᠭ᠎ᠤᠨ ᠡᠮᠦᠨᠡᠲᠦ ᠬᠡᠰᠡᠭ᠎ᠤᠨ ᠲᠤᠪᠤ ᠳᠣᠪᠣᠷᠴᠠᠭ᠂ ᠮᠤᠨᠢ ᠠᠭᠤᠯᠠ ᠵᠢᠨ ᠲᠣᠭᠣᠷᠢᠭ᠂ ᠠᠯᠠᠱ᠌ᠠ ᠠᠭᠤᠯᠠ ᠵᠢᠨ ᠲᠣᠭᠣᠷᠢᠭ ᠵᠶ᠋ᠠᠷ ᠣᠷᠭᠤᠯᠲᠠ᠎ᠲᠠᠢ᠃ ᠮᠠᠨ᠎ᠤ ᠤᠯᠤᠰ᠎ᠤᠨ ᠤᠮᠠᠷᠠᠲᠤ ᠣᠷᠣᠨ᠂ ᠵᠡᠭᠦᠨ ᠬᠣᠢ᠌ᠲᠤ ᠣᠷᠣᠨ ᠵᠶ᠋ᠠᠷ ᠲᠠᠷᠬᠠᠨ᠂ ᠤᠷᠤᠰ᠎ᠤᠨ ᠰᠢᠪᠧᠷᠢᠶ᠎ᠡ ᠪᠣᠯᠣᠨ ᠠᠯᠤᠰ ᠳᠤᠷᠤᠨᠠᠲᠤ᠂ ᠰᠣᠯᠣᠩᠭᠤᠰ᠎ᠤᠨ ᠬᠣᠢ᠌ᠲᠤ ᠬᠡᠰᠡᠭ ᠵᠶ᠋ᠡᠷ ᠪᠠᠰᠠ ᠲᠠᠷᠬᠠᠵᠤ ᠪᠠᠢ᠌ᠳᠠᠭ᠃ ᠵᠢᠮᠢᠰ᠎ᠲᠤᠨᠢ ᠣᠯᠠᠨ ᠵᠦᠢ᠍ᠯ᠎ᠤᠨ ᠸᠢᠲ᠋ᠠᠮᠢᠨ ᠠᠭᠤᠯᠬᠤ ᠲᠤᠯᠠ ᠵᠢᠮᠢᠰ᠎ᠤᠨ ᠡᠭᠡᠳᠡᠩ ᠪᠣᠯᠣᠨ ᠠᠷᠢᠬᠢ ᠨᠠᠷᠠᠵᠤ ᠪᠣᠯᠳᠠᠭ᠃ ᠴᠡᠴᠡᠭ᠎ᠠᠴᠠ᠎ᠨᠢ ᠠᠩᠭᠢᠯᠤᠮ᠎ᠠ ᠲᠣᠰᠣ ᠠᠪᠤᠨ᠎ᠠ᠂ ᠦᠨᠳᠦᠰᠦ᠂ ᠡᠰᠢ ᠵᠢᠨ ᠬᠠᠯᠢᠰᠤ ᠪᠣᠯᠣᠨ ᠨᠡᠪᠴᠢ᠎ᠠᠴᠠ᠎ᠨᠢ ᠡᠯᠳᠡᠭᠦᠷᠢ ᠵᠢᠨ ᠴᠠᠪᠠᠤ ᠭᠠᠷᠭ᠋ᠠᠨ ᠠᠪᠴᠪ᠊ ᠪᠣᠯᠣᠨ᠎ᠠ᠃ ᠴᠡᠴᠡᠭ ᠵᠢᠮᠢᠰ᠎ᠨᠢ ᠡᠮ᠎ᠳᠤ ᠣᠷᠣᠨ᠎ᠠ᠂ ᠦᠨᠳᠦᠰᠦ᠎ᠨᠢ ᠭᠣᠣᠯᠳᠠᠭᠤ ᠤᠳᠠᠭ᠋ᠠᠨ ᠴᠢᠨᠠᠷᠲᠠᠢ ᠰᠠᠯᠪᠤᠷᠢ ᠮᠥᠭᠡᠷᠰᠦᠨ ᠬᠣᠭᠣᠯᠠᠢ ᠵᠢᠨ ᠦᠷᠪᠢᠰᠦᠯ᠂ ᠭᠡᠳᠡᠰᠦᠨ᠎ᠤ ᠦᠷᠪᠢᠰᠦᠯ᠂ ᠠᠵᠢᠯᠯᠠᠭ᠋ᠠᠨ᠎ᠤ ᠴᠢᠨᠠᠷᠲᠠᠢ ᠬᠡᠦᠬᠡᠨ ᠬᠡᠪᠲᠡᠰᠢ᠎ᠠᠴᠠ ᠴᠢᠰᠤ ᠭᠠᠷᠬᠤ᠂ ᠣᠢ᠌ᠴᠢᠵᠤ ᠳᠣᠰᠤᠭᠰᠠᠨ ᠰᠢᠷᠬ᠎ᠠ ᠵᠡᠷᠭᠡ ᠵᠢ ᠵᠠᠰᠠᠨ᠎ᠠ᠃