— ᠠᠵᠢᠯᠠᠴᠠᠪᠠᠨ ᠠᠮᠠᠷᠠᠭᠰᠠᠨ ᠳᠡᠳ᠋ ᠫᠷᠣᠹᠧᠰᠰᠣᠷ ᠡᠮᠴᠢ᠂ ᠠᠬᠠᠮᠠᠳ ᠡᠪ ᠬᠠᠮᠲᠦ ᠨᠠᠮᠤᠨ ᠰᠢᠯᠢᠳᠡᠭ ᠭᠡᠰᠢᠭᠦᠨ ᠬᠠᠰᠤᠩᠭᠤᠸᠠ ᠵᠢᠨ ᠦᠢ᠍ᠯᠡᠰᠤᠨ ᠭᠢᠯᠪᠠᠭᠠᠠᠴᠠ ᠲᠡᠮᠳᠡᠭᠯᠡᠪᠡ
ᠨᠠᠷᠠᠰᠤ ᠵᠤᠬᠢᠶᠠᠪᠠ
ᠡᠩᠬᠡ ᠵᠢᠨ ᠡᠯᠴᠢ
《ᠪᠠᠷᠭᠤ ᠵᠢᠨ ᠰᠣᠳᠣᠨ ᠦᠷᠡᠰ 》 ᠬᠡᠮᠡᠬᠦ ᠨᠣᠮᠤᠨ ᠵᠣᠬᠢᠶᠠᠭᠴᠢ ᠬᠠᠰᠤᠩᠭᠤᠸᠠ 1956 ᠣᠨᠳᠤ᠂ ᠬᠦᠯᠦᠨ ᠪᠦᠢ᠍ᠷ ᠬᠤᠲᠠ ᠵᠢᠨ ᠰᠢᠨᠡ ᠪᠠᠷᠭᠤ ᠵᠡᠭᠦᠨ ᠬᠤᠰᠢᠭᠤᠨᠤ ᠭᠦᠢ᠍ᠴᠡᠯᠢᠭ ᠬᠠᠯᠠᠲᠠᠢ ᠴᠤᠢ᠌ᠩᠬᠤᠷ ᠪᠤᠯᠤᠨ ᠪᠠᠳᠠᠢ ᠵᠢᠨ ᠲᠠᠪᠤᠳᠤᠭ᠋ᠠᠷ ᠬᠡᠦᠬᠡᠨᠨᠢ ᠪᠣᠯᠵᠤ ᠠᠯᠲᠠᠨ ᠬᠣᠷᠸᠠᠳᠤ ᠠᠶᠠᠯᠭᠤ ᠲᠠᠢ ᠵᠠᠶᠠᠭ᠋ᠠᠭ᠋ᠠᠳ᠂ ᠠᠪᠤ ᠡᠵᠢ ᠪᠤᠯᠤᠨ ᠠᠴᠢᠲᠦ ᠪᠠᠭᠰᠢ ᠨᠠᠷᠤᠨ ᠵᠶ᠋ᠠᠨ ᠬᠠᠢ᠌ᠷᠠ ᠬᠦᠮᠦᠵᠢᠯ ᠵᠶ᠋ᠡᠷ ᠪᠠᠭᠠ ᠪᠠᠯᠴᠢᠷᠠᠴᠠᠪᠠᠨ ᠪᠠᠬᠠᠲᠠᠢ ᠰᠢᠮᠡᠲᠡᠢ ᠰᠤᠷᠤᠯᠴᠠᠨ᠂ ᠲᠤᠮᠤ ᠪᠣᠯᠬᠣ ᠲᠤᠰᠤᠮ ᠵᠶ᠋ᠠᠨ ᠠᠯᠬᠤᠮ ᠪᠦᠷᠢᠳᠤᠪᠠᠨ ᠠᠯᠤᠰᠤᠨ ᠬᠦᠰᠡᠯᠢ ᠡᠪᠦᠷᠯᠡᠨ᠂ ᠠᠵᠢᠯ ᠰᠤᠷᠤᠯᠭᠠᠳᠤᠪᠠᠨ ᠠᠮᠢ ᠲᠡᠮᠡᠴᠡᠨ ᠴᠢᠷᠮᠠᠢ᠌ᠬᠤ ᠰᠢᠷᠭ᠋ᠠᠭᠤ ᠬᠠᠲᠠᠭᠤ ᠵᠢᠳᠬᠦᠯᠲᠠᠢ᠂ ᠨᠡᠷᠡᠪᠠᠨ ᠴᠠᠭ᠋ᠠᠰᠤᠨᠳᠤ ᠳᠤᠷᠠᠢ᠌ᠯᠭ᠋ᠠᠨ᠂ ᠨᠢᠳᠡᠷ ᠵᠶ᠋ᠡᠨ ᠨᠠᠢ᠌ᠭᠡᠮᠳᠤ ᠳᠠᠭᠤᠷᠢᠰᠤᠭᠤᠯᠤᠭᠰᠠᠨ ᠬᠦᠮᠦᠨ ᠪᠣᠯᠵᠤ ᠰᠢᠯᠭ᠋ᠠᠷᠠᠵᠠᠢ᠃
ᠳᠡᠭᠡᠷᠡ ᠵᠠᠭᠤᠨᠤ ᠳᠠᠯᠠᠭ᠋ᠠᠳ ᠣᠨᠳᠤ᠂ ᠲᠥᠷᠦ ᠵᠢᠨ ᠪᠣᠳᠤᠯᠭᠠ ᠵᠢᠨ ᠠᠭᠤᠤ ᠢᠪᠡᠭᠡᠯ ᠵᠶ᠋ᠠᠷ ᠰᠤᠷᠬᠤᠳᠤ ᠪᠠᠬᠠᠲᠠᠢ ᠬᠠᠰᠤᠩᠭᠤᠸᠠ ᠰᠤᠷᠤᠯᠴᠠᠬᠤ ᠵᠠᠪᠰᠢᠶᠠᠨᠢ ᠳᠠᠬᠢᠨ ᠤᠯᠳᠠᠭᠰᠠᠨᠳᠤᠪᠠᠨ ᠰᠢᠨᠡ ᠨᠢᠭᠡᠨ ᠠᠮᠢ ᠨᠠᠰᠤ ᠤᠯᠤᠭᠰᠠᠨ ᠮᠡᠳᠦ ᠪᠠᠶᠠᠰᠤᠨ ᠲᠤᠭᠳᠤᠯᠵᠦ᠂ ᠬᠡᠳᠦᠨ ᠵᠢᠯᠤᠨ ᠲᠤᠷᠰᠢ ᠰᠢᠷᠭ᠋ᠠᠭᠤ ᠴᠢᠷᠮᠠᠢ᠌ᠯᠭᠠᠲᠠᠢ ᠰᠢᠮᠳᠡᠨ ᠰᠤᠷᠤᠯᠴᠠᠵᠤ᠂ ᠡᠮᠴᠢ ᠵᠢᠨ ᠮᠡᠷᠭᠡᠵᠢᠯᠢ ᠡᠷᠴᠢᠮᠲᠠᠢ ᠰᠠᠢ᠌ᠲᠤᠷ ᠡᠵᠡᠮᠰᠢᠭᠡᠳ᠂ 1979 ᠣᠨᠤ ᠡᠪᠤᠯ ᠬᠦᠯᠦᠨ ᠪᠦᠢ᠍ᠷᠤᠨ ᠡᠷᠡᠭᠦᠯ ᠬᠠᠮᠠᠭ᠋ᠠᠯᠠᠯᠤᠨ ᠲᠤᠰᠬᠠᠢ ᠮᠡᠷᠭᠡᠵᠢᠯᠤᠨ ᠰᠤᠷᠭ᠋ᠠᠭᠤᠯᠢ ᠵᠢᠨ ᠡᠮᠴᠢ ᠵᠢᠨ ᠠᠩᠬᠢ ᠵᠢ ᠰᠢᠯᠢᠳᠡᠭ ᠪᠦᠲᠦᠮᠵᠢᠲᠠᠢ ᠲᠡᠭᠦᠰᠭᠡᠵᠤ᠂ ᠬᠡᠭᠦᠳᠡᠭ ᠳᠦᠭᠦᠷᠡᠩ ᠤᠮᠤᠭᠲᠠᠢ᠂ ᠭᠠᠨᠵᠤᠭᠠ ᠳᠦᠭᠦᠷᠡᠩ ᠣᠯᠵᠠᠲᠠᠢ᠂ ᠲᠦᠷᠦᠭᠰᠡᠨ ᠨᠤᠲᠤᠭ ᠤᠰᠤᠨᠳᠤᠪᠠᠨ ᠪᠤᠴᠠᠨ ᠢᠷᠡᠵᠤ᠂ ᠬᠢᠯᠢ ᠬᠢᠵᠠᠭ᠋ᠠᠷ ᠤᠷᠤᠨᠤᠪᠠᠨ ᠡᠮ ᠡᠮᠨᠡᠯᠭᠡ ᠵᠢᠨ ᠠᠷᠢᠭᠤᠨ ᠦᠢ᠍ᠯᠡᠰᠲᠤ ᠬᠦᠴᠦᠨ ᠵᠢᠳᠬᠦᠯ ᠵᠶ᠋ᠠᠨ ᠡᠷᠬᠦᠵᠦ ᠡᠬᠢᠯᠡᠭᠰᠡᠨ ᠪᠢᠯᠡ᠃ ᠲᠡᠷᠡᠪᠠᠷ ᠳᠥᠴᠢ ᠭᠠᠷᠤᠢ ᠵᠢᠯ ᠴᠦᠬᠦᠷᠡᠯ ᠦᠭᠡᠢ ᠠᠶᠠᠯᠠᠨ ᠂ ᠯᠤᠲᠤ ᠶᠡᠬᠡ ᠵᠢᠳᠬᠦᠯ ᠭᠠᠷᠭ᠋ᠠᠨ ᠲᠤᠩ ᠤᠯᠠᠨ ᠭᠠᠪᠢᠶᠠ ᠲᠡᠮᠳᠡᠭᠯᠡᠵᠡᠢ᠃ ᠬᠠᠰᠤᠩᠭᠤᠸᠠ ᠰᠢᠨᠡ ᠪᠠᠷᠭᠤ ᠵᠡᠭᠦᠨ ᠬᠤᠰᠢᠭᠤᠨᠤ ᠮᠤᠩᠭᠤᠯ ᠡᠮᠨᠡᠯᠭᠡ ᠵᠢᠨ ᠬᠤᠷᠢᠶᠠᠨᠳᠤ ᠳᠥᠴᠢ ᠭᠠᠷᠤᠢ ᠵᠢᠯᠤᠨ ᠬᠤᠯᠠ ᠵᠢᠨ ᠠᠶᠠᠨᠳᠤᠪᠠᠨ ᠬᠠᠯᠠᠰᠢᠷᠠᠯ ᠦᠭᠡᠢ ᠴᠢᠷᠮᠠᠢ᠌ᠨ᠂ ᠮᠤᠩᠭᠤᠯ ᠡᠮᠨᠡᠯᠭᠡ ᠵᠢᠨ ᠬᠤᠷᠢᠶᠠᠨᠤ ᠭᠤᠤᠯᠯᠠᠭᠴᠢ ᠡᠮᠴᠢ᠂ ᠳᠡᠳ᠋ ᠬᠤᠷᠢᠶᠠᠨ ᠳᠠᠷᠤᠭᠠ᠂ ᠨᠠᠮᠤᠨ ᠡᠭᠦᠷᠤᠨ ᠱᠦᠵᠢᠪᠠᠷ ᠤᠯᠠᠨ ᠵᠢᠯ ᠴᠤᠴᠠᠯᠲᠠ ᠦᠭᠡᠢ ᠠᠵᠢᠯᠯᠠᠭᠰᠠᠨ ᠶᠤᠮ᠃ ᠬᠤᠵᠢᠮᠨᠢ ᠳᠡᠳ᠋ ᠫᠷᠤᠹᠸᠰᠰᠤᠷ ᠡᠮᠴᠢ ᠵᠢᠨ ᠴᠤᠯᠠ ᠬᠠᠮᠠᠭ᠋ᠠᠯᠠᠭᠰᠠᠨ ᠪᠢᠯᠡ᠃ ᠬᠠᠰᠤᠩᠭᠤᠸᠠ 1988 ᠣᠨᠳᠤ ᠦᠪᠦᠷ ᠮᠤᠩᠭᠤᠯᠤᠨ ᠡᠷᠡᠭᠦᠯ ᠬᠠᠮᠠᠭ᠋ᠠᠯᠠᠯᠤᠨ ᠬᠢᠲᠠᠳ ᠮᠤᠩᠭᠤᠯ ᠡᠮᠨᠡᠯᠭᠡ ᠵᠢᠨ ᠬᠤᠷᠢᠶᠠᠨᠳᠤ ᠳᠠᠪᠲᠠᠨ ᠪᠤᠯᠪᠠᠰᠤᠷᠠᠭᠳᠠᠵᠦ᠂ ᠤᠳᠤᠬᠢᠴᠢᠯᠠᠭᠰᠠᠨ ᠠᠨᠠᠭ᠋ᠠᠬᠤ ᠤᠬᠠᠭ᠋ᠠᠨᠢ ᠰᠤᠷᠤᠯᠴᠠᠨ ᠰᠤᠳᠤᠯᠬᠤᠪᠠᠷ ᠳᠠᠮᠵᠢᠨ ᠮᠤᠩᠭᠤᠯ ᠡᠮ ᠡᠮᠨᠡᠯᠭᠡ ᠵᠢᠨ ᠡᠷᠳᠡᠮ ᠰᠢᠨᠵᠢᠯᠡᠭᠡᠨᠤ ᠥᠭᠦᠯᠡᠯᠤᠨ ᠱᠠᠩᠨᠠᠯᠢ ᠲᠤᠰᠤᠭᠰᠠᠨ ᠪᠠᠢ᠌ᠨᠠ᠃ ᠮᠦᠨ ᠬᠦ᠌ ᠦᠪᠦᠷ ᠮᠤᠩᠭᠤᠯᠤᠨ ᠡᠷᠡᠭᠦᠯ ᠬᠠᠮᠠᠭ᠋ᠠᠯᠠᠯᠤᠨ ᠲᠢᠩᠬᠢᠮᠠᠴᠠ ᠡᠷᠬᠢᠯᠡᠭᠰᠡᠨ ᠡᠮᠴᠢ ᠵᠢᠨ ᠶᠡᠬᠡ ᠠᠩᠬᠢᠳᠤ ᠰᠤᠷᠤᠯᠴᠠᠨ ᠶᠡᠬᠡ ᠰᠤᠷᠭ᠋ᠠᠭᠤᠯᠢ ᠵᠢᠨ ᠲᠤᠰᠬᠠᠢ ᠮᠡᠷᠭᠡᠵᠢᠯᠤᠨ ᠦᠨᠡᠮᠯᠡᠯᠢ ᠭᠠᠷᠳᠠᠵᠠᠢ᠃ ᠬᠣᠵᠢᠮᠨᠢ ᠲᠡᠷᠡ ᠮᠤᠩᠭᠤᠯ ᠡᠮ ᠡᠮᠨᠡᠯᠭᠡ᠂ ᠡᠷᠳᠡᠮ ᠰᠢᠨᠵᠢᠯᠡᠭᠡᠨᠤ ᠦᠪᠯᠡᠭᠴᠢᠪᠠᠷ ᠦᠨᠡᠯᠡᠭᠳᠡᠵᠡᠢ᠃
ᠬᠠᠰᠤᠩᠭᠤᠸᠠ ᠡᠮᠴᠢ ᠪᠠᠰᠠ ᠨᠤᠳᠤᠭ ᠤᠷᠤᠨᠳᠤᠪᠠᠨ ᠵᠤᠬᠢᠶᠠᠯᠴᠢ ᠡᠮᠴᠢ ᠵᠢᠨ ᠠᠯᠳᠠᠷ ᠴᠤᠤᠲᠠᠢ ᠪᠢᠯᠡ᠃ ᠡᠮᠴᠢ ᠵᠢᠨ ᠠᠵᠢᠯᠳᠤᠪᠠᠨ ᠴᠠᠭ᠋ᠠᠷᠠᠭᠰᠠᠨ ᠵᠶ᠋ᠠᠷ ᠦᠯᠦ ᠪᠠᠷᠠᠮ ᠡᠷᠬᠢᠯᠡᠭᠰᠡᠨ ᠠᠵᠢᠯᠤᠨ ᠵᠶ᠋ᠠᠨ ᠴᠢᠯᠦᠭᠡ ᠵᠠᠪ ᠵᠶ᠋ᠠᠷ ᠵᠶ᠋ᠠᠨ ᠤᠳᠬᠠ ᠤᠷᠠᠯᠢᠭ᠂ ᠤᠷᠠᠨ ᠵᠤᠬᠢᠶᠠᠯᠳᠤ ᠳᠤᠷᠠ ᠪᠠᠬᠠᠲᠠᠢ ᠪᠠᠢ᠌ᠵᠤ᠂ ᠪᠠᠭᠠ ᠯᠡ ᠲᠠᠰᠢᠷᠠᠮ ᠲᠠᠭ᠋ᠠᠷᠠᠵᠤ ᠵᠡᠪᠰᠢᠶᠠᠨ ᠣᠯᠳᠠᠮᠠᠭᠴᠠ᠂ ᠪᠢᠷ ᠬᠦᠳᠡᠯᠭᠡᠨ ᠪᠢᠰᠢᠭᠦᠢ ᠤᠯᠠᠨ ᠮᠡᠳᠡᠭᠡᠯᠡᠯ ᠴᠢᠮᠡᠭᠡᠯᠡᠯ᠂ ᠨᠠᠢ᠌ᠷᠠᠭᠤᠯᠤᠯ ᠥᠭᠦᠯᠡᠯᠭᠡ᠂ ᠰᠢᠯᠦᠭ ᠳᠠᠭᠤᠯᠠᠯ᠂ ᠳᠠᠭᠤᠤ ᠵᠢᠨ ᠦᠭᠡ ᠁ ᠵᠡᠷᠭᠡ ᠵᠢ ᠤᠷᠠᠨ ᠭᠤᠢ᠌ᠳᠠ ᠵᠤᠬᠢᠶᠠᠨ ᠪᠦᠲᠦᠭᠡᠵᠤ᠂ ᠬᠤᠲᠠ ᠤᠷᠤᠨᠤ ᠰᠤᠨᠢᠨ ᠰᠡᠳᠭᠦᠯ᠂ ᠷᠠᠳᠢᠣ᠋ ᠨᠡᠪᠲᠡᠷᠡᠭᠦᠯᠭᠡᠳᠤ ᠦᠷᠭᠦᠯᠵᠢ ᠵᠢᠨ ᠴᠢᠨᠠᠷᠲᠠᠢ ᠨᠡᠢ᠌ᠳᠡᠯᠡᠬᠦᠯᠦᠭᠰᠡᠭᠡᠷ ᠢᠷᠡᠪᠡ᠃ ᠲᠤᠬᠠᠢ᠌ᠯᠠᠪᠠᠯ᠄ 《ᠬᠦᠯᠦᠨ ᠪᠤᠢ᠌ᠷ》 《ᠰᠢᠷᠠᠮᠦᠷᠡᠨ 》 ᠰᠡᠳᠭᠦᠯ ᠪᠠ 《ᠲᠤᠯᠭᠠ ᠵᠢᠨ ᠭᠤᠷᠪᠠᠨ ᠴᠢᠯᠠᠭᠤ》 《ᠰᠣᠳᠣᠨ ᠮᠠᠯᠴᠢᠳᠤᠨ ᠴᠢᠭᠤᠯᠭ᠋ᠠᠨ》 《ᠵᠠᠯᠠᠭᠤ ᠰᠢᠯᠦᠭᠴᠢᠳᠤᠨ ᠠᠯᠳᠠᠷ》 ᠵᠡᠷᠭᠡ ᠨᠣᠮ ᠲᠡᠪᠲᠡᠷᠤᠳᠲᠤ ᠦᠪᠡᠷᠤᠨ ᠭᠡᠰᠡᠨ ᠤᠷᠤᠨ ᠪᠠᠢ᠌ᠷᠢᠲᠠᠢ ᠪᠦᠲᠦᠭᠡᠯᠤᠳ ᠵᠶ᠋ᠡᠨ ᠭᠢᠯᠠᠯᠵᠠᠭᠤᠯᠵᠤ ᠶᠠᠪᠤᠭᠰᠠᠨ ᠰᠤᠳᠤᠨ ᠴᠢᠳᠠᠪᠤᠷᠢᠳᠠᠨ ᠪᠢᠯᠡ᠃ ᠲᠡᠷᠡ ᠪᠠᠰᠠ ᠥᠩᠭᠡᠷᠡᠭᠰᠡᠨᠳᠤ 《ᠦᠪᠦᠷ ᠮᠤᠩᠭᠤᠯᠤᠨ ᠡᠳᠦᠷᠤᠨ ᠰᠣᠨᠢᠨ》 ᠪᠤᠯᠤᠨ 《ᠬᠦᠯᠦᠨ ᠪᠤᠢ᠌ᠷᠤᠨ ᠡᠳᠦᠷᠤᠨ ᠰᠤᠨᠢᠨ》ᠤ ᠣᠨᠴᠠ ᠤᠷᠢᠭᠰᠠᠨ ᠰᠣᠷᠪᠤᠯᠵᠢᠯᠠᠭᠴᠢ᠂ ᠣᠨᠴᠠ ᠤᠷᠢᠭᠰᠠᠨ ᠴᠢᠮᠡᠭᠡᠯᠡᠭᠴᠢᠪᠠᠷ ᠠᠵᠢᠯᠯᠠᠵᠦ᠂ ᠮᠠᠰᠢ ᠤᠯᠠᠨ ᠮᠡᠳᠡᠭᠡ ᠴᠢᠮᠡᠭᠡᠯᠡᠯᠢ ᠰᠤᠨᠢᠨᠳᠤ ᠨᠡᠢ᠌ᠲᠡᠯᠡᠭᠦᠯᠵᠦ᠂ ᠲᠤᠬᠠᠢ ᠵᠢᠨ ᠭᠠᠵᠠᠷ ᠤᠷᠤᠨᠤᠪᠠᠨ ᠰᠤᠷᠳᠠᠯ ᠤᠬᠠᠭᠤᠯᠭᠠ ᠵᠢᠨ ᠦᠢ᠍ᠯᠡᠰᠲᠤ ᠬᠤᠪᠢ ᠨᠡᠮᠡᠷᠢᠪᠠᠨ ᠦᠵᠡᠬᠦᠯᠦᠭᠰᠡᠭᠡᠷ ᠢᠷᠡᠵᠡᠢ᠃ ᠡᠢ᠌ᠨ ᠬᠦ᠌ ᠠᠵᠢᠯᠤᠨ ᠵᠶ᠋ᠠᠨ ᠴᠢᠯᠦᠭᠡᠨᠳᠤᠪᠠᠨ ᠬᠣᠵᠢᠮᠨᠢ ᠪᠠᠰᠠ 《ᠪᠠᠷᠭᠤ ᠵᠢᠨ ᠰᠣᠳᠣᠨ ᠦᠷᠡᠰ》 ᠬᠡᠮᠡᠬᠦ ᠨᠣᠮ ᠵᠶ᠋ᠠᠨ 《ᠦᠪᠦᠷ ᠮᠤᠩᠭᠤᠯᠤᠨ ᠰᠤᠶᠤᠯᠤᠨ ᠬᠡᠪᠯᠡᠯᠤᠨ ᠬᠣᠷᠢᠶᠠ》 （2014 ᠤᠨ）ᠳᠤ ᠬᠡᠪᠯᠡᠭᠦᠯᠦᠭᠡᠳ᠂ ᠦᠷᠭᠡᠨ ᠣᠯᠠᠨ ᠤᠩᠰᠢᠭᠴᠢᠳᠤᠨ ᠦᠨᠳᠦᠷ ᠦᠨᠡᠯᠡᠯᠲᠡ ᠵᠢ ᠤᠯᠤᠭᠰᠠᠨᠨᠢ ᠲᠡᠭᠦᠨᠤ ᠪᠠᠰᠠ ᠨᠢᠭᠡᠨ ᠪᠢᠰᠢᠷᠡᠬᠦᠰᠢᠲᠡᠢ ᠠᠮᠵᠢᠯᠲᠠ ᠵᠢᠨ ᠨᠢᠭᠡ ᠪᠢᠯᠡ᠃
ᠬᠠᠨᠴᠤᠢ ᠰᠢᠮᠠᠯᠠᠨ ᠬᠠᠲᠠᠭᠤᠵᠢᠯᠲᠠᠢ ᠠᠵᠢᠯᠯᠠᠳᠠᠭ ᠬᠠᠰᠤᠩᠭᠤᠸᠠ ᠡᠮᠴᠢ ᠨᠠᠮᠤᠨ ᠭᠡᠰᠢᠭᠦᠨᠤ ᠡᠭᠦᠷᠭᠡ ᠬᠠᠷᠢᠭᠤᠴᠠᠯᠭᠠᠪᠠᠨ ᠴᠠᠭ ᠦᠷᠭᠦᠯᠵᠢ ᠴᠢᠩᠭᠠ ᠵᠢᠷᠤᠮᠯᠠᠨ᠂ ᠪᠡᠶᠡᠪᠠᠷ ᠵᠶ᠋ᠡᠨ ᠬᠡᠪ ᠳᠦᠷᠢᠮ ᠪᠤᠯᠤᠨ ᠠᠵᠢᠯᠯᠠᠳᠠᠭᠠᠴᠠ ᠨᠠᠮ ᠵᠠᠰᠠᠭ ᠬᠢᠭᠡᠳ ᠠᠷᠠᠳ ᠤᠯᠠᠨᠤ ᠢᠲᠡᠭᠡᠯ ᠬᠦᠨᠳᠦ ᠵᠢ ᠬᠦᠷᠲᠡᠭᠰᠡᠭᠡᠷ ᠢᠷᠡᠵᠠᠢ᠃ ᠲᠡᠢ᠌ᠮᠦᠠᠴᠠ ᠤᠷᠢᠳ ᠬᠣᠵᠢᠳ ᠬᠤᠰᠢᠭᠤ ᠱᠠᠲᠤᠨᠤ ᠠᠷᠠᠳᠤᠨ ᠲᠦᠯᠦᠭᠡᠯᠡᠭᠴᠢ ᠪᠠᠷ 3 ᠤᠳᠠᠭᠠ᠂ ᠨᠠᠮᠤᠨ ᠲᠦᠯᠦᠭᠡᠯᠡᠭᠴᠢᠪᠠᠷ 5 ᠤᠳᠠᠭᠠ᠂ ᠬᠤᠰᠢᠭᠤ᠂ ᠠᠢ᠌ᠮᠠᠭᠤᠨ ᠱᠠᠲᠤᠨᠤ ᠤᠯᠤᠰ ᠲᠥᠷᠦ ᠵᠢᠨ ᠵᠦᠪᠯᠡᠯᠭᠡᠨᠤ ᠭᠡᠰᠢᠭᠦᠨ ᠵᠶ᠋ᠡᠷ 8 ᠤᠳᠠᠭᠠ ᠲᠤᠰ ᠲᠤᠰ ᠰᠤᠩᠭᠤᠭᠳᠠᠨ ᠤᠷᠤᠯᠴᠠᠵᠤ ᠥᠩᠭᠡᠷᠡᠵᠠᠢ᠃ ᠲᠡᠷᠡ ᠪᠠᠰᠠ ᠬᠦᠯᠦᠨ ᠪᠤᠢ᠌ᠷ ᠬᠤᠲᠠ ᠵᠢᠨ ᠡᠮ ᠡᠮᠨᠡᠯᠭᠡ ᠵᠢᠨ ᠨᠡᠢ᠌ᠭᠡᠮᠯᠢᠭᠤᠨ ᠭᠡᠰᠢᠭᠦᠨ᠂ ᠬᠦᠯᠦᠨ ᠪᠤᠢ᠌ᠷ ᠬᠤᠲᠠ ᠵᠢᠨ ᠵᠤᠬᠢᠶᠠᠯᠴᠢᠳᠤᠨ ᠨᠡᠢ᠌ᠭᠡᠮᠯᠢᠭᠤᠨ ᠭᠡᠰᠢᠭᠦᠨ᠂ ᠰᠢᠨᠡ ᠪᠠᠷᠭᠤ ᠵᠡᠭᠦᠨ ᠬᠤᠰᠢᠭᠤᠨᠤ ᠨᠤᠮᠤ ᠰᠤᠮᠤᠨᠤ ᠨᠡᠢ᠌ᠭᠡᠮᠯᠢᠭᠤᠨ ᠭᠡᠰᠢᠭᠦᠨ᠂ ᠬᠦᠯᠦᠨ ᠪᠤᠢ᠌ᠷ ᠬᠤᠲᠠ ᠵᠢᠨ ᠡᠮ ᠡᠮᠨᠡᠯᠭᠡ ᠵᠢᠨ ᠡᠷᠳᠡᠮ ᠰᠢᠨᠵᠢᠯᠡᠭᠡᠨᠤ ᠬᠤᠷᠠᠯᠤᠨ ᠭᠡᠰᠢᠭᠦᠨ ᠁ ᠵᠡᠷᠭᠡ ᠠᠯᠢ ᠤᠯᠠᠨ ᠢᠷᠠᠭᠤ ᠠᠯᠳᠠᠷ ᠪᠠ ᠨᠡᠢ᠌ᠬᠡᠮᠤᠨ ᠡᠬᠦᠷᠭᠡ ᠵᠢ ᠬᠠᠷᠢᠭᠤᠴᠠᠵᠦ᠂ ᠠᠷᠠᠳ ᠤᠯᠠᠨᠤ ᠳᠤᠮᠳᠠ ᠭᠦᠨ ᠵᠤᠵᠠᠭ᠋ᠠᠨ ᠬᠦᠷᠢᠶᠡᠯᠡᠯᠲᠠᠢ ᠶᠠᠪᠤᠵᠤ ᠢᠷᠡᠭᠰᠡᠨᠢᠨᠢ ᠨᠡᠬᠡᠷᠡᠨ ᠴᠦ᠍ ᠪᠢᠰᠢᠷᠡᠭᠦᠰᠢᠲᠡᠢ᠃ ᠲᠡᠷᠡᠴᠢᠯᠡᠨ ᠰᠢᠯᠢᠳᠡᠭ ᠬᠤᠷᠢᠶᠠᠨ ᠳᠠᠷᠤᠭᠠ᠂ ᠰᠢᠯᠢᠳᠡᠭ ᠨᠠᠮᠤᠨ ᠭᠡᠰᠢᠭᠦᠨ᠂ ᠰᠢᠯᠢᠳᠡᠭ ᠡᠮᠴᠢ᠂ ᠰᠢᠯᠢᠳᠡᠭ ᠲᠠᠮᠢᠷᠴᠢᠨ （ᠨᠤᠮᠤ ᠰᠤᠮᠤᠨᠤ ᠲᠠᠯᠠᠪᠠᠷ ᠬᠤᠰᠢᠭᠤ᠂ ᠠᠢ᠌ᠮᠠᠭ᠂ ᠤᠷᠤᠨᠤ ᠤᠷᠤᠯᠳᠤᠭ᠋ᠠᠨ ᠪᠤᠯᠭ᠋ᠠᠨᠳᠤ ᠬᠡᠵᠢᠶᠡᠲᠡ ᠡᠮᠦᠨᠡ ᠲᠠᠪᠤᠨᠤ ᠳᠤᠲᠤᠷᠠ ᠶᠠᠪᠤᠵᠤ ᠢᠷᠡᠭᠰᠡᠨ ᠢᠷᠠᠭᠤ ᠠᠯᠳᠠᠷᠲᠠᠢ ᠃ ᠨᠢᠭᠡᠨ ᠤᠳᠠᠭ᠋ᠠᠨᠤ ᠤᠷᠤᠰ᠂ ᠮᠤᠩᠭᠤᠯ᠂ ᠳᠤᠮᠳᠠᠲᠦ ᠭᠤᠷᠪᠠᠨ ᠤᠯᠤᠰᠤᠨ ᠨᠤᠮᠤ ᠰᠤᠮᠤ ᠪᠤᠯᠤᠨ ᠲᠦᠩᠬᠦ ᠬᠠᠷᠪᠤᠯᠭᠠ ᠵᠢᠨ ᠤᠷᠤᠯᠳᠤᠭ᠋ᠠᠨ ᠳᠡᠭᠡᠷᠡ ᠬᠤᠤᠰ ᠠᠯᠳᠠᠨ ᠮᠸᠳᠠᠯᠢ ᠬᠢᠯᠠᠯᠵᠠᠭᠤᠯᠤᠭᠰᠠᠨ ᠪᠢᠰᠢᠷᠡᠭᠳᠡᠮᠡ ᠦᠩᠭᠡᠷᠡᠯᠲᠡᠲᠠᠢ）᠂ ᠰᠢᠯᠢᠳᠡᠭ ᠡᠮᠡᠭᠲᠡᠢ ᠴᠢᠳᠠᠪᠤᠷᠢᠲᠠᠨ᠂ ᠲᠠᠪᠤᠨ ᠰᠠᠢ᠌ᠲᠠᠢ ᠭᠡᠷ ᠪᠦᠯᠢ᠂ 《3.8》 ᠵᠢᠨ ᠤᠯᠠᠭ᠋ᠠᠨ ᠲᠤᠭᠴᠢ ᠁ ᠵᠡᠷᠭᠡ ᠠᠯᠢ ᠤᠯᠠᠨ ᠥᠩᠭᠡ ᠭᠡᠷᠡᠯᠢ ᠤᠷᠢᠳ ᠬᠣᠵᠢᠳ ᠬᠦᠷᠳᠡᠵᠦ ᠥᠩᠭᠡᠷᠡᠵᠠᠢ᠃
《ᠪᠠᠷᠭᠤ ᠵᠢᠨ ᠰᠤᠳᠤᠨ ᠦᠷᠡᠰ》 ᠬᠡᠬᠦ ᠨᠤᠮᠤᠨ ᠡᠵᠡᠨ
ᠬᠠᠰᠤᠩᠭᠤᠸᠠ ᠵᠢᠨ 《ᠪᠠᠷᠭᠤ ᠵᠢᠨ ᠰᠣᠳᠣᠨ ᠦᠷᠡᠰ》 ᠬᠡᠮᠡᠬᠦ ᠨᠣᠮᠢᠨᠢ ᠠᠭᠤᠯᠭᠠ ᠵᠢᠨ ᠲᠠᠯᠠᠪᠠᠷ ᠂ ᠨᠢᠭᠡᠳᠤ᠂ ᠳᠤᠷᠠᠳᠬᠠᠯᠤᠨ ᠠᠭᠤᠯᠭᠠ ᠪᠦᠬᠦᠢ ᠰᠢᠯᠦᠭ ᠳᠠᠭᠤᠯᠠᠯ᠂ ᠬᠤᠶᠠᠷᠲᠤ᠂ 10 ᠭᠠᠷᠤᠢ ᠨᠠᠢ᠌ᠷᠠᠭᠤᠯᠤᠯ ᠥᠭᠦᠯᠡᠯᠭᠡ᠂ ᠭᠤᠷᠪᠠᠳᠤ᠂ ᠰᠣᠨᠢᠨ ᠮᠡᠳᠡᠭᠡᠯᠡᠯᠤᠨ ᠰᠲ᠋ᠢᠯᠢ ᠵᠢᠨ ᠤᠷᠠᠨ ᠵᠤᠬᠢᠶᠠᠯᠤᠳ 50 ᠰᠢᠬᠠᠮ᠂ ᠳᠥᠷᠪᠡᠳᠤ᠂ ᠦᠪᠡᠷᠤᠨ ᠬᠢᠨᠢ ᠡᠮ ᠡᠮᠴᠢᠯᠡᠭᠡᠨᠤ ᠠᠷᠭᠠ ᠲᠤᠷᠰᠢᠯᠭᠠ ᠪᠤᠯᠤᠨ ᠥᠭᠥᠯᠡᠯᠤᠳ᠂ ᠲᠠᠪᠤᠳᠤ᠂ ᠪᠤᠰᠤᠳ ᠳᠠᠭ᠋ᠠᠯᠳᠠᠭᠤᠯᠤᠭᠰᠠᠨ ᠵᠤᠬᠢᠶᠠᠯᠤᠳ （ᠭᠡᠷ ᠪᠦᠯᠢ ᠵᠢᠨᠬᠢᠨ ᠤ） ᠭᠡᠵᠦ ᠬᠡᠳᠦᠨ ᠲᠠᠯᠠᠪᠠᠷ ᠠᠩᠭᠢᠯᠠᠵᠤ ᠪᠤᠯᠤᠨᠠ᠃ ᠮᠠᠰᠢ ᠪᠢᠰᠢᠷᠡᠭᠦᠰᠢᠲᠡᠢᠨᠢ ᠲᠤᠰ ᠨᠣᠮᠳᠤᠪᠠᠨ 50 ᠰᠢᠬᠠᠮ ᠪᠠᠷᠭᠤ ᠵᠢᠨ ᠰᠣᠳᠣᠨ ᠦᠷᠡᠰᠤᠳᠤᠨ ᠪᠠᠬᠠᠳᠤᠨ ᠱᠠᠭᠰᠢᠭᠤᠰᠢᠲᠠᠢ ᠭᠢᠯᠠᠯᠵᠠᠭᠰᠠᠨ ᠦᠢ᠍ᠯᠡ ᠠᠵᠢᠯᠯᠠᠭᠠ ᠭᠠᠷᠮᠠᠭ᠋ᠠᠢ ᠪᠦᠲᠦᠭᠡᠯᠤᠳᠢᠨᠢ ᠰᠤᠷᠪᠤᠯᠵᠢᠯᠠᠨ ᠳᠡᠮᠳᠡᠭᠯᠡᠵᠦ᠂ ᠲᠤᠭᠤᠷᠪᠢᠨ ᠪᠢᠴᠢᠭᠡᠳ ᠡᠨᠡ ᠬᠦ᠌ ᠨᠣᠮ ᠵᠶ᠋ᠠᠨ ᠨᠡᠩ ᠦᠨᠡ ᠴᠡᠨᠡᠲᠠᠢ᠂ ᠨᠡᠩ ᠰᠤᠨᠢᠷᠬᠠᠯᠢ ᠲᠠᠳᠠᠮᠠ ᠪᠣᠯᠭ᠋ᠠᠵᠤ ᠴᠢᠳᠠᠵᠠᠢ᠃ ᠵᠢᠱ᠌ᠢᠶᠡᠯᠡᠪᠡᠯ᠄ ᠳᠤᠷᠠᠳᠬᠠᠯᠤᠨ ᠠᠭᠤᠯᠭᠠ ᠪᠦᠬᠦᠢ ᠰᠢᠯᠦᠭ ᠳᠠᠭᠤᠯᠠᠯᠳᠤᠪᠠᠨ 《ᠠᠪᠤᠳᠤᠪᠠᠨ》 ᠭᠡᠬᠦ ᠭᠠᠷᠴᠠᠭ ᠵᠶ᠋ᠠᠷ 《ᠳᠤᠪᠤᠷᠤᠤᠲᠤ ᠵᠤᠳᠤᠭ ᠵᠶ᠋ᠠᠨ ᠰᠡᠭᠰᠦᠷᠦᠨ ᠡᠮᠦᠰᠴᠦ ᠂ ᠲᠤᠯᠢᠶᠠ ᠵᠢᠭᠢᠷᠡᠭ ᠵᠶ᠋ᠡᠨ ᠭᠢᠯᠠᠯᠵᠠᠭᠤᠯᠤᠨ ᠳᠡᠪᠢᠵᠤ᠂ ᠠᠷᠠᠳᠤᠨ ᠨᠠᠭ᠋ᠠᠳᠤᠮᠤᠨ ᠬᠡᠢ᠌ᠮᠦᠷᠢ ᠡᠷᠭᠦᠵᠤ᠂ ᠠᠢ᠌ᠮᠠᠭ ᠤᠷᠤᠨᠤᠪᠠᠨ ᠮᠠᠩᠯᠠᠢ ᠶᠠᠪᠤᠭᠰᠠᠨ᠂ ᠡᠷᠡ ᠵᠢᠨ ᠰᠠᠢ᠌ᠨ ᠡᠷᠡ᠂ ᠡᠴᠢᠭᠡ ᠵᠢᠨ ᠰᠠᠢ᠌ᠬᠠᠨ ᠡᠴᠢᠭᠡ᠂ ᠦᠷᠡ ᠪᠢᠳᠡᠨᠤᠪᠠᠨ ᠤᠮᠤᠭ᠂ ᠦᠨᠳᠦᠷ ᠠᠯᠳᠠᠷᠲᠤ ᠠᠪᠤ ᠮᠢᠨᠢ ᠦᠢ᠍ᠯᠡᠰ ᠠᠵᠢᠯᠳᠤᠪᠠᠨ ᠭᠠᠪᠰᠢᠭ᠋ᠠᠢ ᠵᠢᠳᠬᠦᠵᠦ᠂ ᠦᠨᠡᠨᠤ ᠲᠦᠯᠦᠭᠡ ᠭᠠᠷᠮᠠᠭ᠋ᠠᠢ ᠲᠡᠮᠡᠴᠡᠭᠰᠡᠨ᠂ ᠦᠷᠦᠭᠡᠯᠳᠤ ᠲᠤᠰᠠᠲᠠᠢ᠂ ᠦᠪᠡᠷᠲᠤᠪᠠᠨ ᠶᠤᠰᠤᠴᠢ᠂ ᠦᠷᠡ ᠪᠢᠳᠡᠨᠤᠪᠠᠨ ᠦᠮᠦᠭ᠂ ᠦᠷᠯᠦᠭ ᠶᠡᠬᠡ ᠠᠪᠤ ᠮᠢᠨᠢ》 ᠭᠡᠵᠤ ᠬᠦᠨᠳᠦᠲᠦ ᠬᠠᠢ᠌ᠷᠠᠲᠠᠢ ᠠᠪᠤᠪᠠᠨ ᠦᠨᠡᠨ ᠮᠦᠨ ᠵᠶ᠋ᠡᠷᠨᠢ ᠦᠰᠭᠡᠨ ᠲᠦᠰᠭᠡᠨ ᠦᠭᠡᠢ ᠤᠶᠠᠩᠭ᠋ᠠᠯᠠᠨ ᠪᠢᠴᠢᠭᠰᠡᠨ ᠪᠠᠢ᠌ᠵᠠᠢ᠃
ᠬᠠᠰᠤᠩᠭᠤᠸᠠ ᠵᠢᠨ ᠠᠪᠤ ᠴᠤᠢ᠌ᠩᠬᠤᠷ ᠭᠤᠸᠠᠢ ᠪᠣᠯ ᠶᠤᠰᠤᠲᠠᠢ ᠨᠢᠭᠡᠨ ᠪᠠᠷᠭᠤ ᠵᠢᠨ ᠰᠣᠳᠣᠨ ᠦᠷᠡᠰᠤᠨ ᠨᠢᠭᠡᠨ ᠪᠢᠯᠡ᠃ ᠴᠣᠢ᠌ᠩᠬᠤᠷ ᠭᠤᠸᠠᠢ 1957 ᠣᠨᠳᠤ ᠬᠤᠰᠢᠭᠤᠨᠤ ᠬᠠᠩᠭ᠋ᠠᠨ ᠪᠤᠷᠤᠯᠠᠭᠤᠯᠬᠤ ᠬᠤᠷᠰᠢᠶᠠᠨᠳᠤ ᠠᠵᠢᠯᠠᠯᠵᠤ᠂ 30 ᠭᠠᠷᠤᠢ ᠵᠢᠯ ᠰᠢᠨᠡ ᠪᠠᠷᠭᠤ ᠵᠡᠭᠦᠨ ᠬᠤᠰᠢᠭᠤᠨᠤ ᠠᠷᠠᠯᠵᠢᠶᠠ ᠬᠤᠳᠠᠯᠳᠤᠭᠠ᠂ ᠬᠤᠷᠰᠢᠶᠠᠨᠤ ᠦᠢ᠍ᠯᠡᠰᠲᠤ ᠨᠢᠳᠡᠷ ᠰᠡᠳᠭᠢᠯ ᠨᠡᠢ᠌ᠲᠡ ᠵᠢᠨ ᠵᠣᠷᠢᠭ ᠵᠶ᠋ᠠᠷ ᠵᠢᠳᠬᠦᠵᠦ ᠶᠠᠪᠤᠭᠰᠠᠨᠤ ᠬᠠᠮᠲᠤ ᠤᠯᠤᠰ ᠤᠷᠤᠨᠤ ᠳᠠᠷᠬᠠᠨ ᠪᠦᠬᠡ ᠵᠢᠨ ᠴᠤᠯᠠᠲᠠᠢ ᠪᠢᠯᠡ᠃ ᠴᠣᠢ᠌ᠩᠬᠤᠷ ᠭᠤᠸᠠᠢ᠂ ᠮᠣᠩᠭᠣᠯ ᠪᠦᠬᠡ ᠵᠢᠨ ᠦᠢ᠍ᠯᠡᠰᠲᠤ ᠤᠶᠤᠨ ᠬᠦᠴᠦᠪᠠᠨ ᠰᠢᠪᠬᠠᠨ᠂ ᠪᠠᠯᠠᠷᠠᠰᠢ ᠦᠭᠡᠢ ᠭᠠᠪᠢᠶᠠ ᠵᠢᠳᠬᠦᠯ ᠭᠠᠷᠭ᠋ᠠᠵᠠᠢ᠃ ᠲᠡᠷᠡ ᠮᠦᠨ ᠴᠤ᠌ ᠠᠯᠳᠠᠷᠲᠤ ᠮᠤᠩᠭᠤᠯ ᠪᠦᠬᠡ ᠵᠢᠨ ᠰᠤᠷᠭ᠋ᠠᠭᠴᠢ ᠪᠢᠯᠡ᠃ ᠴᠤᠢ᠌ᠩᠬᠤᠷ ᠭᠤᠸᠠᠢ᠂ ᠤᠷᠤᠨ ᠠᠢ᠌ᠮᠠᠭ᠂ ᠬᠤᠰᠢᠭᠤ᠂ ᠰᠤᠮᠤᠨᠤ ᠤᠯᠠᠨ ᠤᠳᠠᠭ᠋ᠠᠨᠤ ᠠᠷᠠᠳᠤᠨ ᠨᠠᠢ᠌ᠷ ᠨᠠᠭ᠋ᠠᠳᠤᠮ ᠳᠡᠭᠡᠷᠡ ᠤᠷᠢᠳ ᠬᠣᠵᠢᠳ 73 ᠤᠳᠠᠭᠠ ᠦᠵᠦᠭᠦᠷᠯᠡᠭᠰᠡᠨ ᠠᠪᠤᠷᠭᠤ ᠳᠠᠷᠬᠠᠨ ᠴᠤᠯᠠᠲᠠᠢ᠃ ᠢᠯᠠᠩᠭᠤᠶᠠ᠂ ᠦᠪᠦᠷ ᠮᠤᠩᠭᠤᠯᠤᠨ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠪᠠᠢ᠌ᠭᠤᠯᠤᠭᠳᠠᠭᠰᠠᠨ 10 ᠵᠢᠯᠤᠨ ᠤᠢ ᠵᠢᠨ ᠠᠷᠠᠳᠤᠨ ᠶᠡᠬᠡ ᠨᠠᠢ᠌ᠷ ᠳᠡᠭᠡᠷᠡ ᠳᠡᠳᠡᠯᠡᠭᠰᠡᠨ ᠲᠡᠦᠬᠡᠲᠠᠢ᠃ ᠴᠣᠢ᠌ᠩᠬᠤᠷ ᠭᠣᠸᠠᠢ ᠪᠦᠬᠡ ᠵᠢᠨ ᠰᠤᠷᠭ᠋ᠠᠭᠴᠢ ᠪᠠᠢ᠌ᠬᠤᠳᠤᠪᠠᠨ ᠤᠯᠤᠰ ᠤᠷᠤᠨᠳᠤᠪᠠᠨ ᠠᠯᠳᠠᠷ ᠨᠡᠷᠡᠲᠠᠢ ᠠᠯᠢ ᠤᠯᠠᠨ ᠪᠦᠬᠡᠴᠦᠳᠢ ᠪᠤᠯᠪᠠᠰᠤᠷᠠᠭᠤᠯᠤᠨ ᠬᠦᠮᠦᠵᠢᠭᠦᠯᠵᠦ ᠥᠭᠴᠡᠢ᠃ ᠲᠤᠬᠠᠢ᠌ᠯᠠᠪᠠᠯ᠄ ᠷᠠᠳᠨᠠ᠂ ᠪᠠᠽᠠᠷᠠᠭ᠋ᠠᠳ᠋᠂ ᠪᠢᠮᠪᠠᠵᠠᠪ᠂ ᠳ᠋ᠠᠰᠢᠷᠠᠪᠳᠠᠨ᠂ ᠤᠷᠬᠢᠯᠪᠠᠲᠦ᠂ ᠴᠢᠯᠠᠭᠤ᠂ ᠬᠠᠯᠵᠠᠨ ᠁ ᠵᠡᠷᠭᠡ ᠤᠯᠤᠰᠤᠨ ᠠᠯᠳᠠᠷᠲᠤ ᠠᠪᠤᠷᠭᠤ ᠪᠦᠬᠡᠴᠦᠳᠢ ᠬᠦᠮᠦᠵᠢᠭᠦᠯᠦᠨ ᠭᠠᠷᠭ᠋ᠠᠭᠰᠠᠨ ᠨᠡᠷᠡ ᠴᠤᠤᠲᠠᠢ ᠪᠦᠬᠡ ᠵᠢᠨ ᠰᠤᠷᠭ᠋ᠠᠭᠴᠢ ᠪᠢᠯᠡ᠃ ᠡᠬᠦᠨᠠᠴᠠ ᠪᠢᠳᠡ ᠳᠡᠭᠡᠷᠡ ᠵᠠᠭᠤᠨᠤ ᠪᠠᠷᠭᠤ ᠵᠢᠨ ᠰᠣᠳᠣᠨ ᠦᠷᠡᠰᠤᠨ ᠨᠢᠭᠡ ᠪᠤᠯᠤᠭᠰᠠᠨ ᠴᠤᠢ᠌ᠩᠬᠤᠷ ᠭᠤᠸᠠᠢ ᠶᠠᠮᠠᠷ ᠰᠢᠦ ᠭᠡᠳᠡᠭᠢ ᠳᠤᠲᠤᠬᠠᠨ ᠤᠢ᠌ᠯᠠᠭ᠋ᠠᠵᠦ ᠪᠤᠯᠤᠨᠠ᠃
ᠬᠠᠰᠤᠩᠭᠤᠸᠠ 《ᠪᠠᠷᠭᠤ ᠵᠢᠨ ᠰᠣᠳᠣᠨ ᠦᠷᠡᠰ》 ᠬᠡᠮᠡᠬᠦ ᠨᠣᠮᠤᠨ ᠵᠶ᠋ᠠᠨ ᠨᠠᠢ᠌ᠷᠠᠭᠤᠯᠤᠯᠤᠨ ᠪᠦᠯᠦᠭᠲᠤᠪᠠᠨ 20 ᠰᠢᠬᠠᠮ ᠭᠤᠶᠤ ᠰᠠᠢ᠌ᠬᠠᠨ ᠨᠠᠢ᠌ᠷᠠᠭᠤᠯᠤᠯᠤᠳᠢ ᠪᠢᠴᠢᠵᠤ ᠤᠷᠤᠭᠤᠯᠵᠠᠢ᠃ 《ᠡᠷᠳᠡᠨᠢᠲᠤᠯᠤᠭ᠋ᠠᠢᠪᠠᠨ ᠡᠷᠭᠢᠬᠦ ᠶᠤᠮᠰᠠᠨ》 ᠬᠡᠮᠡᠬᠦ ᠳᠤᠷᠠᠰᠤᠮᠵᠢ ᠨᠠᠢ᠌ᠷᠠᠭᠤᠯᠤᠯᠳᠤᠪᠠᠨ ᠵᠤᠬᠢᠶᠠᠭᠴᠢ ᠬᠠᠰᠤᠩᠭᠤᠸᠠ ᠳᠡᠭᠡᠷᠡ ᠵᠠᠭᠤᠨᠤ ᠳᠠᠯᠠᠭ᠋ᠠᠳ ᠣᠨᠳᠤ ᠰᠡᠭᠡᠭᠡᠲᠡᠨ ᠵᠶ᠋ᠡᠷ ᠪᠦᠢ᠍ᠳᠠ ᠪᠦᠭᠯᠡᠭᠦᠦ ᠬᠦᠳᠡᠭᠡ ᠪᠠᠭᠤᠵᠤ 《ᠮᠠᠯᠴᠢᠨ ᠲᠦᠮᠡᠨᠤ ᠳᠠᠬᠢᠨ ᠰᠤᠷᠭ᠋ᠠᠨ ᠬᠦᠮᠦᠵᠢᠯ》ᠢ ᠬᠦᠷᠳᠡᠭᠰᠡᠨ ᠥᠩᠭᠡᠷᠡᠯᠲᠡᠪᠠᠨ ᠡᠷᠭᠢᠴᠡᠭᠦᠯᠦᠨ ᠪᠢᠴᠢᠵᠤ᠂ ᠦᠨᠡᠨ ᠮᠦᠨ ᠵᠶ᠋ᠠᠷᠨᠢ ᠳᠤᠰᠬᠠᠭᠰᠠᠨ ᠪᠠᠢ᠌ᠵᠠᠢ᠃ ᠭᠡᠬᠦᠳᠤᠪᠠᠨ ᠬᠤᠰᠢᠭᠤ ᠪᠠᠯᠭ᠋ᠠᠰᠤᠨᠳᠤ ᠦᠰᠴᠦ ᠲᠦᠷᠦᠭᠰᠡᠨ ᠪᠤᠯᠪᠠᠷᠠᠢ ᠬᠡᠦᠬᠡᠳ ᠬᠡᠷᠬᠢᠨ ᠬᠠᠯᠠ ᠵᠤᠪᠠᠯᠠᠩ ᠬᠦᠴᠢᠷ ᠪᠡᠷᠬᠡ ᠵᠢ ᠠᠮᠰᠠᠭᠰᠠᠨ ᠵᠶ᠋ᠠᠷ ᠪᠢᠴᠢᠭᠰᠡᠨ ᠪᠢᠰᠢ᠂ ᠬᠠᠷᠢᠨ ᠲᠡᠳᠡᠨᠳᠤ ᠬᠠᠢ᠌ᠷᠠ ᠬᠠᠯᠠᠮᠵᠢᠪᠠᠨ ᠦᠵᠡᠭᠦᠯᠦᠭᠰᠡᠨ ᠶᠠᠳᠠᠭᠤ ᠶᠠᠳᠠᠭᠤᠯᠢᠭ ᠮᠠᠯᠴᠢᠳᠤᠨ ᠠᠴᠢ ᠲᠤᠰᠠ ᠵᠢ ᠯᠡ ᠳᠤᠷᠠᠰᠤᠨ ᠳᠤᠷᠠᠰᠤᠨ ᠰᠠᠨᠠᠭ᠋ᠠᠯᠵᠠᠵᠤ 《ᠨᠠᠳᠠ ᠰᠢᠭ᠋ ᠬᠠᠯᠠ ᠦᠵᠡᠭᠡ ᠦᠭᠡᠢ ᠬᠤᠷᠠᠭᠠ ᠢᠰᠢᠭᠡ ᠰᠢᠭ ᠠᠮᠢᠲᠠᠨᠳᠤ ᠶᠤᠰᠤᠲᠠᠢ ᠶᠡᠬᠡ ᠶᠠᠭᠤᠮᠠ ᠦᠵᠡᠭᠦᠯᠵᠦ᠂ ᠣᠯᠠᠨ ᠶᠠᠭᠤᠮᠠ ᠲᠠᠨᠢᠭᠤᠯᠤᠭᠰᠠᠨ ᠁》 ᠭᠡᠵᠦ ᠨᠤᠲᠤᠭ ᠤᠰᠤᠨᠤ ᠪᠠᠨ ᠠᠷᠠᠳ ᠤᠯᠠᠨᠳᠤᠪᠠᠨ ᠴᠢᠩ ᠰᠡᠳᠭᠢᠯᠠᠴᠠᠪᠠᠨ ᠭᠦᠨ ᠲᠠᠯᠠᠷᠬᠠᠵᠤ ᠪᠠᠢ᠌ᠨᠠ ᠁ ᠭᠡᠬᠦ ᠮᠡᠲᠦᠴᠢᠯᠡᠨ ᠪᠢᠴᠢᠭᠰᠡᠨᠨᠢ ᠮᠠᠰᠢ ᠤᠬᠠᠭ᠋ᠠᠯᠢᠭ ᠰᠠᠨᠠᠭᠳᠠᠯᠠ᠃ ᠮᠦᠨ ᠵᠠᠯᠭ᠋ᠠᠭ᠋ᠠᠳ ᠦᠪᠡᠷᠤᠨ ᠵᠶ᠋ᠡᠨ ᠲᠤᠬᠠᠢ ᠳᠤᠷᠠᠰᠤᠮᠵᠢᠳᠤᠪᠠᠨ᠂ ᠬᠦᠨᠳᠦᠲᠦ ᠬᠠᠢ᠌ᠷᠠᠲᠠᠢ ᠠᠪᠤ ᠡᠵᠢ᠂ ᠬᠠᠳᠠᠮ ᠡᠵᠢ ᠵᠢᠨ ᠵᠶ᠋ᠡᠨ ᠳᠠᠯᠠᠢ ᠶᠡᠬᠡ ᠬᠠᠢ᠌ᠷᠠ᠂ ᠠᠷᠢᠭᠤᠨ ᠨᠠᠨᠳᠢᠨ ᠵᠠᠩ ᠴᠢᠨᠠᠷ᠂ ᠪᠠᠭᠰᠢ ᠨᠠᠷ ᠪᠤᠯᠤᠨ ᠬᠠᠮᠲᠤ ᠠᠵᠢᠯᠯᠠᠭᠰᠠᠳ᠂ ᠤᠳᠤᠷᠢᠳᠤᠯᠭᠠ ᠨᠠᠷᠤᠨ ᠵᠶ᠋ᠠᠨ ᠲᠤᠰᠠ ᠳᠡᠮᠵᠢᠯᠭᠡ ᠵᠢ ᠯᠡ ᠭᠦᠨ ᠭᠦᠨᠵᠡᠭᠡᠢ ᠲᠤᠭ᠋ᠠᠴᠢᠨ ᠳᠡᠮᠳᠡᠭᠯᠡᠪᠡ᠃ 《ᠪᠢ ᠡᠵᠢᠪᠠᠨ ᠰᠠᠢ᠌ᠬᠠᠨ ᠰᠤᠪᠢᠯᠠᠵᠤ ᠴᠢᠳᠠᠭᠰᠠᠨ ᠦᠭᠡᠢ ᠥᠩᠭᠡᠷᠡᠭᠦᠯᠵᠡᠢ》 《ᠬᠠᠳᠠᠮ ᠡᠵᠢᠪᠠᠨ ᠡᠳᠦᠷ ᠲᠤᠳᠤᠮᠤᠨ ᠠᠵᠢᠯ ᠮᠠᠵᠢᠯᠳᠤ ᠳᠡᠩᠳᠡᠭᠦᠦ ᠠᠷᠪᠢᠨ ᠪᠦᠭᠡᠴᠡᠭᠡᠨᠡᠬᠦᠯᠦᠭᠰᠡᠨ ᠁》 ᠭᠡᠬᠦ ᠮᠡᠲᠦᠪᠠᠷ ᠦᠪᠡᠷᠤᠨ ᠪᠡᠶᠡᠪᠠᠨ ᠵᠢᠮᠡᠯᠡᠨ ᠪᠢᠴᠢᠭᠰᠡᠨᠨᠢ ᠲᠡᠬᠦᠨᠤ ᠪᠤᠰᠤᠳᠤᠨ ᠠᠴᠢ ᠭᠠᠪᠢᠶᠠ᠂ ᠬᠠᠢ᠌ᠷᠠ ᠬᠠᠯᠠᠮᠵᠢ ᠵᠢ ᠵᠢᠷᠦᠬᠡ ᠰᠡᠳᠭᠢᠯᠳᠤᠪᠠᠨ ᠴᠡᠭᠡᠵᠢᠯᠡᠳᠡᠭ ᠦᠨᠡᠨᠴᠢ ᠴᠠᠢ᠌ᠯᠭ᠋ᠠᠨ᠂ ᠠᠴᠢᠯᠠᠯ ᠵᠢᠷᠤᠮ ᠬᠢᠭᠡᠳ ᠢᠲᠡᠭᠡᠯ ᠬᠦᠨᠳᠦ ᠵᠢ ᠡᠷᠬᠢᠮᠯᠡᠳᠡᠭ ᠡᠷᠬᠢᠮ ᠨᠠᠨᠳᠢᠨ ᠬᠦᠮᠦᠨ ᠮᠦᠰᠦ ᠵᠢ ᠢᠯᠡᠷᠡᠬᠦᠯᠦᠭᠰᠡᠨ ᠪᠠᠢ᠌ᠨᠠ᠃ ᠡᠢ᠌ᠮᠦ ᠴᠦ᠍ ᠪᠤᠯᠬᠤᠷ ᠬᠠᠰᠤᠩᠭᠤᠸᠠ ᠵᠢᠨ ᠵᠤᠬᠢᠶᠠᠯᠤᠨ ᠲᠡᠭᠦᠪᠦᠷᠢ ᠵᠢᠨ ᠰᠢᠯᠦᠭ ᠨᠠᠢ᠌ᠷᠠᠭᠤᠯᠤᠯᠤᠳᠢ ᠨᠢᠭᠡᠳ ᠨᠢᠭᠡᠪᠠᠷ ᠤᠩᠰᠢᠪᠠᠯ ᠬᠦᠮᠦᠰᠤᠨ ᠤᠶᠤᠨ ᠤᠬᠠᠭ᠋ᠠᠨᠳᠤ ᠴᠡᠪᠡᠷ ᠠᠭ᠋ᠠᠷᠢ ᠣᠷᠣᠭᠣᠯᠣᠨ ᠴᠡᠭᠡᠵᠢ ᠵᠢ ᠲᠡᠨ᠋ᠢ᠌ᠯᠭᠡᠨ ᠰᠡᠳᠭᠢᠯᠢ ᠠᠭᠤᠵᠢᠷᠠᠭᠤᠯᠳᠠᠭᠨᠢ ᠲᠡᠷᠡ ᠪᠢᠯᠡ᠃
ᠮᠡᠳᠡᠭᠡᠵᠢᠪᠠᠷ᠂ ᠬᠦᠯᠦᠨ ᠪᠤᠢ᠌ᠷᠤᠨ ᠰᠢᠨᠡ ᠪᠠᠷᠭᠤ ᠵᠡᠭᠦᠨ ᠬᠤᠰᠢᠭᠤ᠂ ᠰᠢᠨᠡ ᠪᠠᠷᠭᠤ ᠪᠠᠷᠠᠭᠤᠨ ᠬᠤᠰᠢᠭᠤ᠂ ᠬᠠᠭᠤᠴᠢᠠ ᠪᠠᠷᠭᠤ ᠬᠤᠰᠢᠭᠤ ᠵᠡᠷᠭᠡ ᠭᠤᠷᠪᠠᠨ ᠬᠤᠰᠢᠭᠤ ᠪᠣᠯ ᠳᠡᠭᠡᠳᠦ ᠦᠶᠡᠠᠴᠠᠪᠠᠨ ᠪᠠᠷᠭᠤ ᠮᠤᠩᠭᠤᠯᠴᠤᠳ ᠵᠶ᠋ᠠᠷ ᠭᠤᠤᠯᠯᠠᠭᠰᠠᠨ ᠭᠤᠷᠪᠠᠨ ᠬᠤᠰᠢᠭᠤ ᠮᠦᠷᠲᠡᠭᠡᠨ ᠡᠨᠳᠡᠠᠴᠠ ᠪᠠᠷᠭᠤ ᠵᠢᠨ ᠰᠣᠳᠣᠨ ᠦᠷᠡᠰ ᠦᠶᠡ ᠳᠠᠷᠠᠭ᠋ᠠᠯᠠᠨ ᠲᠠᠰᠤᠷᠠᠯᠲᠠ ᠦᠭᠡᠢ ᠴᠤᠯᠭᠤᠷᠠᠨ ᠭᠠᠷᠴᠦ᠂ ᠨᠤᠲᠤᠭ ᠤᠰᠤᠪᠠᠨ ᠦᠭᠡᠷᠡᠴᠢᠯᠡᠨ ᠤᠳᠤᠬᠢᠴᠢᠯᠠᠵᠤ᠂ ᠨᠠᠮ ᠵᠠᠰᠠᠭ᠂ ᠠᠷᠠᠳ ᠲᠦᠮᠡᠨ᠂ ᠨᠤᠲᠤᠭ ᠤᠰᠤᠨᠤᠪᠠᠨ ᠲᠦᠯᠦᠭᠡ ᠴᠦᠬᠦᠷᠡᠯ ᠦᠭᠡᠢ ᠵᠢᠳᠭᠦᠨ᠂ ᠪᠠᠯᠠᠷᠠᠰᠢ ᠦᠭᠡᠢ ᠭᠠᠪᠢᠶᠠ ᠵᠢᠳᠬᠦᠯ ᠦᠵᠡᠭᠦᠯᠵᠦ ᠢᠷᠡᠭᠰᠡᠨᠨᠢ ᠳᠠᠮᠵᠢᠭ ᠦᠭᠡᠢ᠃ ᠮᠢᠨᠤ ᠦᠵᠡᠬᠦᠪᠠᠷ 《ᠪᠠᠷᠭᠤ ᠵᠢᠨ ᠰᠣᠳᠣᠨ ᠦᠷᠡᠰ》 ᠬᠡᠮᠡᠬᠦ ᠨᠣᠮᠤᠨ ᠵᠤᠬᠢᠶᠠᠭᠴᠢ ᠬᠠᠰᠤᠩᠭᠤᠸᠠ ᠡᠮᠴᠢ ᠪᠤᠯ ᠲᠡᠷᠡ ᠴᠢᠭ ᠵᠶ᠋ᠠᠷ ᠵᠶ᠋ᠡᠨ ᠪᠠᠷᠭᠤ ᠵᠢᠨ ᠰᠤᠳᠣᠨ ᠦᠷᠡᠰᠤᠨ ᠨᠢᠭᠡ ᠪᠣᠯᠬᠣᠨᠢ ᠭᠠᠷᠴᠠᠭᠠ ᠦᠭᠡᠢ᠃
ᠮᠡᠳᠡᠯᠭᠡ ᠴᠢᠳᠠᠪᠤᠷᠢ ᠬᠤᠤᠰᠯᠠᠭᠰᠠᠨ ᠬᠠᠰᠤᠩᠭᠤᠸᠠ ᠵᠢᠨ ᠬᠡᠷ ᠪᠦᠯᠢ
ᠬᠠᠰᠤᠩᠭᠤᠸᠠ ᠡᠮᠴᠢ ᠳᠠᠭ᠋ᠠᠭ᠋ᠠᠭᠰᠠᠨ ᠠᠵᠢᠯ ᠵᠶ᠋ᠠᠨ ᠬᠢᠨᠠᠮᠠᠭ᠋ᠠᠢ ᠬᠢᠳᠡᠭ ᠮᠦᠷᠳᠡᠭᠡᠨ ᠬᠠᠷᠢᠭᠤᠴᠠᠯᠭᠠ ᠦᠨᠳᠦᠷ ᠪᠠᠢ᠌ᠳᠠᠭ ᠵᠶ᠋ᠠᠷ ᠪᠠᠷᠠᠬᠤ ᠦᠭᠡᠢ ᠬᠡᠷ ᠪᠦᠯᠢ ᠵᠢᠨ ᠰᠤᠷᠭ᠋ᠠᠨ ᠬᠦᠮᠦᠵᠢᠯ ᠵᠶ᠋ᠠᠨ ᠴᠦ᠍ ᠲᠡᠷᠢᠬᠦᠨ ᠪᠠᠢ᠌ᠷᠢᠨᠳᠤ ᠴᠢᠬᠤᠯᠠᠴᠢᠯᠠᠳᠠᠭ ᠪᠤᠯᠬᠤᠷ ᠲᠡᠬᠦᠨᠤ ᠦᠰᠬᠡᠨ ᠬᠦᠮᠦᠵᠢᠬᠦᠯᠦᠭᠰᠡᠨ ᠭᠤᠷᠪᠠᠨ ᠬᠡᠤᠬᠡᠨᠨᠢ ᠴᠦ᠍ ᠠᠵᠢᠯ ᠰᠤᠷᠤᠯᠭᠠᠪᠠᠷ ᠵᠶ᠋ᠠᠨ ᠬᠢᠯᠠᠷᠠᠭᠤᠯᠵᠦ ᠶᠠᠪᠤᠭᠠ ᠶᠤᠮ᠃ ᠲᠡᠭᠦᠨᠤ ᠭᠤᠷᠪᠠᠨ ᠬᠡᠦᠬᠡᠨᠨᠢ ᠪᠠᠭᠠ ᠰᠤᠷᠭ᠋ᠠᠭᠤᠯᠢ ᠵᠢᠨ ᠠᠯᠲᠠᠨ ᠪᠤᠱ᠌ᠤᠭᠠ ᠵᠢ ᠠᠯᠬᠤᠭᠰᠠᠨ ᠲᠡᠷᠡ ᠡᠳᠦᠷᠠᠴᠠᠪᠠᠨ ᠣᠨᠴᠠ ᠰᠤᠷᠤᠯᠭ᠋ᠠᠲᠠᠨ᠂ ᠭᠤᠷᠪᠠᠨ ᠰᠠᠢ᠌ᠲᠠᠢ ᠰᠤᠷᠤᠭᠴᠢ᠂ ᠰᠢᠯᠢᠳᠡᠭ ᠬᠤᠰᠢᠭᠤᠴᠢ ᠠᠩᠬᠢ ᠵᠢᠨ ᠭᠡᠰᠢᠭᠦᠨ᠂ ᠡᠪᠯᠡᠯᠤᠨ ᠬᠡᠰᠢᠬᠦᠨ ᠵᠡᠷᠭᠡ ᠢᠷᠠᠭᠤ ᠠᠯᠳᠠᠷᠢ ᠰᠤᠷᠤᠯᠭᠠ ᠵᠢᠨ ᠬᠤᠭᠤᠴᠠᠭᠠ ᠪᠣᠯᠭ᠋ᠠᠨ᠂ ᠵᠢᠯ ᠪᠦᠷᠢ ᠳᠠᠷᠠᠭ᠋ᠠᠯᠠᠨ ᠣᠯᠵᠣ᠂ ᠦᠨᠳᠦᠷ ᠳᠤᠮᠳᠠᠳᠤᠠᠴᠠ ᠶᠡᠬᠡ ᠰᠤᠷᠭ᠋ᠠᠭᠤᠯᠢ ᠵᠢ ᠲᠡᠭᠦᠰᠦᠨ ᠲᠡᠭᠦᠰᠲᠡᠯᠡᠪᠠᠨ ᠠᠯᠲᠠᠨ ᠮᠸᠲᠡᠯ ᠪᠤᠶᠤ ᠠᠯᠢ ᠤᠯᠠᠨ ᠱᠠᠩᠨᠠᠯ ᠬᠦᠬᠢᠭᠦᠯᠦᠯ ᠵᠶ᠋ᠡᠷ ᠡᠩᠬᠡᠷ ᠵᠶ᠋ᠠᠨ ᠮᠢᠯᠢᠶᠠᠯᠭ᠋ᠠᠵᠤ᠂ ᠠᠮᠵᠢᠯᠲᠠ ᠲᠦᠬᠦᠷᠩ ᠪᠦᠳᠦᠮᠵᠢ ᠦᠨᠳᠦᠷ ᠰᠤᠷᠤᠯᠴᠠᠭᠰᠠᠨ ᠪᠤᠯᠬᠤᠷ ᠡᠵᠢᠲᠠᠢᠪᠠᠨ ᠡᠭᠡᠭᠡ ᠠᠳᠠᠯᠢᠬᠠᠨ 《ᠪᠠᠷᠭᠤ ᠵᠢᠨ ᠰᠤᠳᠤᠨ ᠦᠷᠡᠰ》ᠤᠳ ᠪᠢᠯᠡ᠃ ᠶᠡᠬᠡ ᠬᠡᠦᠬᠡᠨ ᠨᠣᠮᠢᠨᠨᠢ ᠦᠪᠦᠷ ᠮᠤᠩᠭᠤᠯᠤᠨ ᠨᠠᠮᠤᠨ ᠰᠤᠷᠭ᠋ᠠᠭᠤᠯᠢ ᠵᠢ ᠦᠨᠳᠦᠷ ᠪᠦᠲᠦᠮᠵᠢ ᠦᠯᠡᠮᠵᠢ ᠠᠮᠵᠢᠯᠲᠠᠲᠠᠢ ᠲᠡᠭᠦᠰᠭᠡᠭᠡᠳ᠂ ᠦᠪᠦᠷ ᠮᠤᠩᠭᠤᠯᠤᠨ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠤᠷᠤᠨᠤ ᠡᠪᠯᠡᠯᠤᠨ ᠬᠤᠷᠢᠶᠠᠨᠤ ᠳᠠᠳ᠋ ᠱᠦᠵᠢᠪᠠᠷ ᠠᠵᠢᠯᠯᠠᠵᠤ ᠪᠠᠢ᠌ᠭᠰᠠᠨ ᠵᠶ᠋ᠠᠨ ᠣᠳᠣ ᠪᠤᠭᠤᠲᠤ ᠬᠤᠲᠠ ᠵᠢᠨ ᠨᠢᠭᠡᠳᠦᠮᠡᠯ ᠹᠷᠤᠨᠲ ᠤᠨ ᠬᠡᠯᠲᠡᠰᠤᠨ ᠳᠠᠷᠤᠭᠠᠪᠠᠷ ᠠᠵᠢᠯᠯᠠᠵᠤ ᠦᠢ᠍ᠯᠡᠰᠤᠨ ᠭᠢᠯᠪᠠᠭᠠᠪᠠᠨ ᠰᠠᠴᠤᠷᠠᠭᠤᠯᠵᠦ ᠶᠠᠪᠤᠨᠠ᠃ ᠳᠤᠮᠳᠠᠬᠢ ᠬᠡᠦᠬᠡᠨ ᠢᠮᠢᠨᠨᠢ ᠦᠪᠦᠷ ᠮᠤᠩᠭᠤᠯᠤᠨ ᠦᠨᠳᠦᠰᠦᠲᠡᠨᠤ ᠶᠡᠬᠡ ᠰᠤᠷᠭ᠋ᠠᠭᠤᠯᠢ ᠵᠢᠨ ᠡᠮ ᠡᠮᠨᠡᠯᠭᠡ ᠵᠢᠨ ᠰᠠᠯᠪᠤᠷᠢᠠᠴᠠ ᠲᠡᠭᠦᠰᠴᠦ᠂ ᠬᠦᠯᠦᠨ ᠪᠦᠢ᠍ᠷ ᠬᠤᠲᠠ ᠵᠢᠨ ᠠᠵᠢᠯ ᠮᠡᠷᠭᠡᠵᠢᠯᠤᠨ ᠶᠡᠬᠡ ᠰᠤᠷᠭ᠋ᠠᠭᠤᠯᠢᠳᠤ ᠪᠠᠭᠰᠢᠪᠠᠷ ᠠᠵᠢᠯᠠᠯᠠᠵᠤ ᠪᠠᠢ᠌ᠭᠰᠠᠨ ᠵᠶ᠋ᠠᠨ ᠣᠳᠣ ᠬᠦᠯᠦᠨ ᠪᠤᠢ᠌ᠷ ᠬᠤᠲᠠ ᠵᠢᠨ ᠮᠤᠩᠭᠤᠯ ᠡᠮᠨᠡᠯᠭᠡ ᠵᠢᠨ ᠬᠤᠷᠢᠶᠠᠨᠳᠤ ᠠᠵᠢᠯ ᠰᠢᠯᠵᠢᠭᠡᠳ ᠡᠵᠢ ᠵᠢᠨ ᠵᠶ᠋ᠠᠨ ᠦᠢ᠍ᠯᠡᠰᠢ ᠵᠠᠯᠭ᠋ᠠᠮᠵᠢᠯᠠᠵᠦ ᠶᠠᠪᠤᠨᠠ᠃ ᠪᠠᠭᠠ ᠬᠡᠦᠬᠡᠨ ᠰᠤᠨᠢᠨᠨᠢ ᠦᠪᠦᠷ ᠮᠤᠩᠭᠤᠯᠤᠨ ᠤᠷᠠᠯᠢᠭᠤᠨ ᠶᠡᠬᠡ ᠰᠤᠷᠭ᠋ᠠᠭᠤᠯᠢ ᠵᠢᠨ ᠰᠤᠳᠤᠯᠬᠤ ᠰᠤᠷᠤᠭᠴᠢᠪᠠᠷ ᠲᠡᠭᠦᠰᠴᠦ᠂ ᠣᠳᠣ ᠬᠦᠯᠦᠨ ᠪᠤᠢ᠌ᠷ ᠬᠤᠲᠠ ᠵᠢᠨ ᠠᠵᠢᠯ ᠮᠡᠷᠭᠡᠵᠢᠯᠤᠨ ᠶᠡᠬᠡ ᠰᠤᠷᠭ᠋ᠠᠭᠤᠯᠢᠳᠤ ᠠᠷᠠᠳᠤᠨ ᠪᠠᠭᠰᠢᠪᠠᠷ ᠠᠵᠢᠯᠯᠠᠵᠦ᠂ ᠨᠤᠳᠤᠭ ᠤᠷᠤᠨᠳᠤᠪᠠᠨ ᠬᠤᠪᠢ ᠨᠡᠮᠡᠷᠢᠪᠠᠨ ᠦᠵᠡᠬᠦᠯᠵᠦ ᠶᠠᠪᠤᠨᠠ᠃
ᠬᠠᠰᠤᠩᠭᠤᠸᠠ ᠵᠢᠨ ᠨᠦᠬᠦᠷ — ᠰᠤᠶᠤᠯᠲᠤ ᠭᠤᠸᠠᠢ ᠴᠦ᠍ ᠮᠦᠨ ᠤᠯᠠᠨ ᠲᠠᠯᠠᠪᠠᠷ ᠣᠯᠠᠨᠠᠴᠠ ᠣᠷᠣᠢ᠌ᠯᠠᠭᠰᠠᠨ᠂ ᠠᠵᠢᠯ ᠦᠢ᠍ᠯᠡᠰᠲᠤᠪᠠᠨ ᠵᠢᠳᠬᠦᠯ ᠴᠢᠷᠮᠠᠢ᠌ᠯᠭᠠᠲᠠᠢ᠂ ᠪᠦᠷᠢᠨ ᠡᠷᠳᠡᠮ ᠲᠡᠭᠦᠰ ᠴᠢᠳᠠᠪᠤᠷᠢᠲᠠᠢ᠂ ᠡᠯᠪᠡᠭ ᠲᠤᠷᠰᠢᠯᠭᠠ ᠠᠷᠪᠢᠨ ᠪᠦᠲᠦᠭᠡᠯᠲᠠᠢ ᠬᠦᠮᠦᠨᠤ ᠨᠢᠭᠡᠨᠢ ᠪᠢᠯᠡ᠃ ᠲᠡᠷᠡ ᠵᠠᠯᠠᠭᠤ ᠽᠠᠨᠳᠠᠨ ᠨᠠᠰᠣᠨᠳᠤᠪᠠᠨ 4 ᠵᠢᠯ ᠴᠡᠷᠢᠭᠤᠨ ᠠᠯᠪᠠ ᠬᠠᠭ᠋ᠠᠭᠰᠠᠨ ᠪᠠ ᠬᠣᠵᠢᠮᠨᠢ ᠦᠪᠦᠷ ᠮᠤᠩᠭᠤᠯᠤᠨ ᠶᠡᠬᠡ ᠰᠤᠷᠭ᠋ᠠᠭᠤᠯᠢ ᠵᠢᠨ ᠬᠡᠯᠡ ᠪᠢᠴᠢᠭᠤᠨ ᠰᠠᠯᠪᠤᠷᠢ ᠵᠢᠨ ᠰᠢᠨᠡ ᠮᠤᠩᠭᠤᠯ ᠪᠢᠴᠢᠭᠤᠨ ᠵᠠᠬᠢᠲᠠᠯ ᠵᠶ᠋ᠠᠷ ᠰᠤᠷᠬᠤ ᠠᠩᠬᠢᠳᠤ ᠰᠤᠷᠤᠯᠴᠠᠨ᠂ ᠣᠨᠴᠠ ᠬᠢᠷᠢ ᠪᠦᠳᠦᠮᠵᠢᠲᠠᠢ ᠲᠡᠭᠦᠰᠴᠦ 《ᠤᠷᠤᠨᠤ ᠬᠤᠶᠠᠳᠤᠭ᠋ᠠᠷ ᠳᠡᠰᠤᠨ ᠤᠷᠴᠢᠭᠤᠯᠤᠭᠴᠢ》 ᠵᠢᠨ ᠦᠨᠡᠮᠯᠡᠯᠢ ᠭᠠᠷᠳᠠᠭᠰᠠᠨ ᠵᠶ᠋ᠠᠷ ᠦᠯᠦ ᠪᠠᠷᠠᠮ ᠦᠪᠦᠷ ᠮᠤᠩᠭᠤᠯᠤᠨ ᠶᠡᠬᠡ ᠰᠤᠷᠭ᠋ᠠᠭᠤᠯᠢ ᠵᠢᠨ ᠨᠠᠰᠤᠨᠳᠤ ᠬᠦᠷᠦᠭᠰᠡᠳᠤᠨ ᠰᠢᠯᠭ᠋ᠠᠯᠲᠠᠳᠤ ᠤᠷᠤᠭ᠋ᠠᠳ 《ᠤᠷᠤᠨ ᠨᠤᠲᠤᠭ — ᠲᠡᠦᠬᠡ ᠦᠢ᠍ᠯᠡᠪᠦᠷᠢ》 ᠵᠢᠨ ᠲᠤᠰᠬᠠᠢ ᠮᠡᠷᠭᠡᠵᠢᠯᠤᠨ ᠠᠩᠬᠢ ᠵᠢ ᠲᠡᠭᠦᠰ ᠪᠦᠲᠦᠮᠵᠢᠲᠠᠢ ᠲᠡᠬᠦᠰᠬᠡᠬᠦ ᠵᠢᠨ ᠬᠠᠮᠳᠦ 2000 ᠣᠨᠤ ᠡᠬᠢᠨᠳᠤ ᠬᠦᠯᠦᠨ ᠪᠤᠢ᠌ᠷ ᠳᠡᠭᠡᠳᠦ ᠰᠤᠷᠭ᠋ᠠᠭᠤᠯᠢ ᠵᠢᠨ 《ᠵᠠᠰᠠᠭ ᠵᠠᠬᠢᠷᠭ᠋ᠠᠨᠤ ᠬᠠᠮᠢᠶᠠᠷᠤᠯᠲᠠ》 ᠵᠢᠨ ᠠᠩᠬᠢ ᠵᠢ ᠴᠦ᠍ ᠰᠢᠯᠢᠳᠡᠭ ᠪᠦᠲᠦᠮᠵᠢᠲᠠᠢ ᠲᠡᠬᠦᠰᠬᠡᠨ᠂ ᠶᠡᠬᠡ ᠰᠤᠷᠭ᠋ᠠᠭᠤᠯᠢ ᠵᠢᠨ ᠦᠨᠡᠮᠯᠡᠯᠢ ᠬᠤᠤᠰ ᠵᠶ᠋ᠠᠷ ᠭᠠᠷᠳᠠᠭᠰᠠᠨ ᠰᠤᠷᠤᠯᠭᠠ ᠵᠢᠨ ᠨᠠᠮᠳᠠᠷᠲᠠᠢ᠃ ᠰᠤᠶᠤᠯᠲᠤ ᠭᠤᠸᠠᠢ 1997 ᠣᠨᠳᠤ ᠥᠩᠭᠡ ᠭᠡᠷᠡᠯᠲᠠᠢᠪᠠᠷ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠲᠤ ᠨᠠᠮᠳᠤ ᠤᠷᠤᠵᠠᠢ᠃ ᠲᠡᠷᠡ ᠰᠢᠨᠡ ᠪᠠᠷᠭᠤ ᠵᠡᠭᠦᠨ ᠬᠤᠰᠢᠭᠤᠨᠤ ᠰᠤᠶᠤᠯ ᠲᠠᠮᠢᠷ ᠷᠠᠳᠢᠣ᠋ ᠲᠧᠯᠸᠢᠰ ᠰᠢᠰᠲ᠋ᠧᠮᠤᠨ ᠨᠠᠮᠤᠨ ᠶᠡᠷᠦᠩᠬᠡᠢ ᠡᠭᠦᠷᠤᠨ ᠰᠠᠬᠢᠯᠭᠠ ᠪᠠᠲᠤ ᠵᠢ ᠪᠠᠢ᠌ᠴᠠᠭ᠋ᠠᠭᠴᠢ ᠵᠢᠨ ᠲᠤᠰᠢᠶᠠᠯᠢ ᠬᠠᠷᠢᠭᠤᠴᠠᠵᠤ ᠢᠷᠡᠵᠡᠢ᠃ ᠲᠡᠷᠡ ᠪᠠᠰᠠ ᠬᠦᠯᠦᠨ ᠪᠤᠢ᠌ᠷ ᠬᠤᠲᠠ ᠵᠢᠨ ᠪᠡᠶᠡ ᠲᠠᠮᠢᠷᠤᠨ ᠠᠵᠢᠯᠤᠨ ᠲᠡᠷᠢᠭᠦᠨᠤ ᠬᠤᠪᠢ ᠬᠦᠮᠦᠨ᠂ ᠲᠡᠷᠢᠭᠦᠨᠤ ᠠᠵᠢᠯᠲᠠᠨ᠂ ᠬᠦᠯᠦᠨ ᠪᠤᠢ᠌ᠷ ᠬᠤᠲᠠ ᠵᠢᠨ ᠤᠯᠤᠰ ᠲᠥᠷᠥ ᠵᠢᠨ ᠵᠦᠪᠯᠡᠯᠭᠡᠨᠤ ᠭᠡᠰᠢᠭᠦᠨ᠂ ᠳᠡᠳ᠋ ᠲᠡᠷᠢᠭᠦᠯᠡᠭᠴᠢ ᠁ ᠵᠡᠷᠭᠡ ᠨᠡᠢ᠌ᠬᠡᠮᠤᠨ ᠡᠷᠬᠢᠮ ᠲᠤᠰᠢᠶᠠᠯᠲᠠᠢ ᠪᠠᠢ᠌ᠵᠦ ᠦᠩᠭᠡᠷᠡᠪᠡ᠃ ᠲᠡᠷᠡ ᠪᠠᠰᠠ ᠬᠤᠰᠢᠭᠤᠨᠤ ᠮᠤᠷᠢᠨᠤ ᠨᠡᠢ᠌ᠭᠡᠮᠯᠢᠭᠤᠨ ᠭᠣᠣᠯ ᠬᠠᠷᠢᠭᠤᠴᠠᠯᠭ᠋ᠠᠲᠠᠨᠤ ᠲᠤᠰᠢᠶᠠᠯᠲᠠᠢ᠃ ᠲᠡᠷᠡ ᠣᠣᠯᠠᠴᠠᠪᠠᠨ ᠦᠨᠳᠦᠰᠦᠲᠡᠨᠤᠪᠠᠨ ᠦᠭᠡ ᠬᠡᠯᠡ ᠦᠰᠦᠭ ᠪᠢᠴᠢᠭ ᠵᠶ᠋ᠠᠨ ᠴᠢᠩ ᠰᠡᠳᠭᠢᠯᠠᠴᠠᠪᠠᠨ ᠳᠡᠭᠡᠳᠦᠯᠡᠨ ᠬᠦᠨᠳᠦᠳᠬᠡᠳᠡᠭ ᠪᠦᠭᠡᠳ ᠤᠷᠠᠨ ᠵᠤᠬᠢᠶᠠᠯᠳᠤ ᠠᠪᠢᠶᠠᠰᠲᠠᠢ ᠮᠦᠷᠲᠡᠭᠡᠨ ᠳᠤᠷᠠ ᠪᠠᠬᠠᠲᠠᠢ ᠲᠤᠯᠠ ᠠᠵᠢᠯᠤᠨ ᠴᠢᠯᠦᠭᠡᠪᠠᠷ ᠵᠶ᠋ᠡᠨ ᠤᠷᠢᠳ ᠬᠣᠵᠢᠳ ᠬᠤᠶᠠᠷ ᠵᠠᠭᠤ ᠰᠢᠬᠠᠮ ᠵᠤᠬᠢᠶᠠᠯ ᠪᠦᠲᠦᠭᠡᠯ ᠵᠶ᠋ᠡᠨ ᠬᠤᠲᠠ ᠤᠷᠤᠨᠤ ᠰᠤᠨᠢᠨ ᠰᠡᠳᠭᠦᠯᠤᠳ ᠵᠶ᠋ᠡᠷ ᠨᠡᠢ᠌ᠲᠡᠯᠡᠭᠦᠯᠵᠦ ᠥᠩᠭᠡᠷᠡᠵᠡᠢ᠃
ᠰᠤᠶᠤᠯᠲᠦ ᠭᠤᠸᠠᠢ ᠨᠤᠮᠤ ᠰᠤᠮᠤ᠂ ᠮᠤᠩᠭᠤᠯ ᠰᠢᠲᠠᠷᠠ ᠵᠢᠨ ᠠᠯᠳᠠᠷᠲᠤ ᠲᠠᠮᠢᠷᠴᠢᠨ ᠪᠢᠯᠡ᠃ ᠣᠯᠠᠨ ᠵᠢᠯᠤᠨ ᠲᠤᠷᠰᠢ ᠬᠡᠷᠬᠡᠢᠲᠠᠢᠪᠠᠨ ᠬᠤᠶᠠᠭᠤᠯᠠ ᠨᠤᠮᠤ ᠰᠤᠮᠤ᠂ ᠲᠦᠩᠬᠦ ᠬᠠᠷᠪᠤᠯᠭᠠ ᠵᠢᠨ ᠤᠷᠤᠯᠳᠤᠭ᠋ᠠᠨ ᠵᠶ᠋ᠠᠷ ᠪᠤᠭᠤᠲᠤ᠂ ᠣᠷᠳᠣᠰ᠂ ᠰᠢᠯᠢ ᠵᠢᠨ ᠭᠣᠣᠯ᠂ ᠪᠠᠶᠠᠨᠨᠠᠭᠤᠷ᠂ ᠤᠯᠠᠭ᠋ᠠᠨᠬᠠᠳᠠ᠂ ᠬᠢᠩᠭ᠋ᠠᠨ ᠵᠡᠷᠭᠡ ᠠᠢ᠌ᠮᠠᠭ ᠬᠤᠲᠠ ᠪᠠ ᠬᠦᠯᠦᠨ ᠪᠤᠢ᠌ᠷᠤᠨ ᠵᠶ᠋ᠠᠨ ᠬᠠᠢ᠌ᠯᠠᠷ ᠲᠤᠭᠤᠷᠢᠭ᠂ ᠡᠷᠭᠦᠨᠡ ᠬᠤᠲᠠ ᠬᠢᠭᠡᠳ ᠮᠠᠯᠵᠢᠬᠤ ᠳᠦᠷᠪᠡᠨ ᠬᠤᠰᠢᠭᠤᠨᠤᠭᠤᠳᠲᠤ ᠬᠦᠷᠴᠦ᠂ ᠤᠷᠤᠯᠳᠤᠭ᠋ᠠᠨᠳᠤ ᠤᠷᠤᠯᠴᠠᠬᠤ ᠪᠦᠷᠢ ᠶᠡᠷᠦᠨᠢ ᠡᠮᠦᠨᠡ ᠭᠤᠷᠪᠠᠳᠤ ᠤᠷᠣᠳᠠᠭ ᠪᠠ ᠠᠯᠳᠠ᠂ ᠮᠦᠩᠭᠦ᠂ ᠬᠦᠷᠡᠯ ᠮᠸᠲᠡᠯᠢ ᠡᠩᠬᠡᠷ ᠲᠦᠬᠦᠷᠡᠩ ᠵᠡᠬᠦᠭᠰᠡᠨ ᠤᠳᠠᠭᠠᠲᠠᠢ᠃ ᠰᠤᠶᠤᠯᠲᠦ ᠭᠤᠸᠠᠢ ᠵᠦᠪᠬᠡᠨ ᠨᠤᠮᠤ ᠰᠤᠮᠤᠴᠢᠨ ᠳᠡᠳᠦᠢ ᠪᠢᠰᠢ ᠬᠠᠷᠢᠨ ᠭᠠᠷ ᠤᠷᠠᠯᠠᠯᠳᠤᠪᠠᠨ ᠭᠠᠢ᠌ᠬᠠᠮᠠᠷ ᠠᠪᠢᠶᠠᠰᠯᠢᠭ ᠬᠦᠮᠦᠨ ᠪᠢᠯᠡ᠃ ᠲᠡᠷᠡ ᠲᠠᠪᠤᠨ ᠬᠤᠰᠢᠭᠤ ᠮᠠᠯ᠂ ᠮᠤᠩᠭᠤᠯ ᠭᠡᠷ᠂ ᠮᠤᠩᠭᠤᠯ ᠰᠢᠲᠠᠷᠠ᠂ ᠡᠪᠡᠷ ᠨᠤᠮᠤ ᠰᠤᠮᠤ᠂ ᠵᠢᠷᠠᠨ ᠫᠠᠢ᠂ ᠬᠤᠷᠢᠨ ᠳᠥᠷᠪᠡ᠂ ᠬᠤᠰᠤᠭᠤᠷ᠂ ᠮᠤᠷᠢᠨ ᠲᠤᠯᠤᠭ᠋ᠠᠢ ᠵᠢᠨ ᠱᠤᠭᠣᠮᠠᠯ ᠁ ᠵᠡᠷᠭᠡ ᠶᠠᠩᠵᠤ ᠶᠠᠩᠵᠤ ᠵᠢᠨ ᠠᠯᠢ ᠤᠯᠠᠨ ᠰᠡᠢ᠌ᠯᠦᠮᠡᠯᠤᠳᠢ ᠨᠢᠮᠪᠠᠢ ᠰᠠᠢ᠌ᠬᠠᠨ ᠨᠠᠷᠢᠯᠢᠭ ᠬᠢᠴᠡᠲᠠᠢ ᠪᠦᠲᠦᠭᠡᠳᠡᠭ ᠤᠯᠠᠨᠠᠴᠠ ᠤᠨᠴᠠᠭ᠋ᠠᠢ᠌ᠷᠠᠭᠰᠠᠨ ᠤᠯᠠᠨ ᠪᠦᠲᠦᠭᠡᠯᠲᠠᠢ ᠪᠢᠯᠡ᠃ ᠰᠤᠶᠤᠯᠲᠤ ᠭᠤᠸᠠᠢ ᠪᠠᠰᠠ 《ᠳᠡᠯᠡᠬᠡᠢ ᠨᠡᠢ᠌ᠲᠡ ᠵᠢᠨ ᠰᠢᠲᠠᠷᠠ》 ᠪᠠ 《ᠳᠤᠮᠳᠠᠳᠤ ᠵᠢᠨ ᠮᠠᠶᠢᠭᠤᠨ ᠪᠦᠬᠡ》 ᠵᠢᠨ ᠤᠯᠤᠰᠤᠨ ᠬᠤᠶᠠᠳᠤᠭ᠋ᠠᠷ ᠳᠡᠰᠤᠨ ᠬᠢᠨᠠᠭᠴᠢ᠂ ᠲᠡᠷᠡᠴᠢᠯᠡᠨ 《ᠠᠪᠤᠷᠭᠤ ᠰᠢᠳᠠᠷᠠᠴᠢᠨ》ᠤ ᠴᠤᠯᠠ ᠵᠢ ᠬᠠᠮᠠᠭ᠋ᠠᠯᠠᠵᠤ᠂ ᠠᠯᠲᠠᠨ ᠮᠸᠲᠡᠯ ᠵᠶ᠋ᠡᠷ ᠡᠩᠭᠡᠷ ᠵᠶ᠋ᠡᠨ ᠮᠢᠯᠢᠶᠠᠯᠭ᠋ᠠᠭᠰᠠᠨ ᠭᠢᠯᠪᠠᠭᠠᠲᠠᠢ᠃ ᠨᠢᠭᠡ ᠯᠡ ᠦᠭᠡᠪᠠᠷ ᠬᠡᠯᠡᠪᠡᠯ᠂ ᠬᠠᠰᠤᠩᠭᠤᠸᠠ ᠵᠢᠨ ᠨᠦᠬᠦᠷ ᠰᠤᠶᠤᠯᠲᠦ ᠭᠤᠸᠠᠢ ᠵᠢᠨ ᠠᠯᠢ ᠤᠯᠠᠨ ᠡᠷᠳᠡᠮ ᠴᠢᠳᠠᠪᠦᠷᠢ᠂ ᠠᠪᠢᠶᠠᠰ ᠪᠢᠯᠢᠭᠢ ᠡᠷᠬᠢᠮ ᠤᠯᠠᠨᠳᠤᠪᠠᠨ ᠲᠤᠯᠢᠯᠠᠭᠤᠯᠤᠭ᠋ᠠᠳ ᠳᠠᠭᠤᠰᠤᠰᠢ ᠦᠭᠡᠢ ᠁
ᠬᠠᠰᠤᠩᠭᠤᠸᠠ ᠵᠢᠨ ᠭᠡᠷ ᠪᠦᠯᠢ ᠵᠢᠨᠬᠢᠨ ᠪᠣᠯ ᠶᠤᠰᠤᠲᠠᠢ ᠨᠢᠭᠡᠨ ᠪᠤᠰᠤᠳᠠᠴᠠ ᠤᠷᠤᠢ᠌ᠯᠠᠭᠰᠠᠨ ᠡᠶᠡ ᠨᠠᠢ᠌ᠷᠠᠮᠳᠠᠭᠤ ᠵᠢ ᠡᠷᠬᠢᠮᠯᠡᠳᠡᠭ ᠡᠶᠡᠪᠡᠷᠭᠦᠦ ᠳᠤᠯᠠᠭ᠋ᠠᠨ ᠭᠡᠷ ᠪᠦᠯᠢ᠂ ᠡᠷᠳᠡᠮ ᠰᠤᠶᠤᠯᠢ ᠳᠡᠭᠡᠳᠦᠯᠡᠳᠡᠭ ᠤᠶᠤᠲᠠᠨ ᠵᠶ᠋ᠠᠷ ᠪᠦᠷᠢᠯᠳᠦᠭᠰᠡᠨ ᠭᠡᠷ ᠪᠦᠯᠢ᠂ ᠡᠷᠬᠢᠯᠡᠭᠰᠡᠨ ᠦᠢ᠍ᠯᠡᠰᠲᠤᠪᠠᠨ ᠰᠢᠯᠭ᠋ᠠᠷᠠᠭᠰᠠᠨ ᠦᠯᠡᠮᠵᠢ ᠪᠦᠲᠦᠭᠡᠯᠲᠠᠢ ᠭᠡᠷ ᠪᠦᠯᠢ᠂ ᠨᠠᠰᠤᠲᠠᠨ ᠵᠶ᠋ᠠᠨ ᠬᠦᠨᠳᠦᠯᠡᠵᠤ ᠨᠢᠯᠬᠠᠰ ᠵᠶ᠋ᠠᠨ ᠨᠢᠮᠪᠠᠢ ᠬᠦᠮᠦᠵᠢᠭᠦᠯᠦᠭᠰᠡᠨ ᠨᠠᠨᠳᠢᠨ ᠠᠵᠢᠯᠯᠠᠭᠠᠲᠠᠢ ᠭᠡᠷ ᠪᠦᠯᠢ᠂ ᠬᠠᠨᠴᠦᠢ ᠰᠢᠮᠠᠯᠠᠨ ᠠᠵᠢᠯᠯᠠᠳᠠᠭ ᠬᠠᠳᠠᠨ ᠵᠣᠷᠢᠭᠲᠠᠢ ᠭᠡᠷ ᠪᠦᠯᠢ᠂ ᠠᠷᠠᠳ ᠤᠠᠯᠨᠤᠪᠠᠨ ᠬᠠᠢ᠌ᠷᠠ ᠬᠦᠷᠢᠶᠡᠯᠡᠯᠢ ᠬᠦᠷᠲᠡᠭᠰᠡᠨ ᠬᠦᠨᠳᠦᠲᠡᠢ ᠰᠠᠢ᠌ᠬᠠᠨ ᠭᠡᠷ ᠪᠦᠯᠢ᠂ ᠡᠩ ᠦᠭᠡᠢ ᠤᠯᠠᠨ ᠮᠸᠲᠡᠯ ᠭᠢᠯᠪᠠᠭᠠ ᠵᠢ ᠡᠩᠭᠡᠷ᠂ ᠬᠠᠨᠠᠪᠠᠷ ᠳᠦᠭᠦᠷᠡᠩ ᠭᠢᠯᠠᠯᠵᠠᠭᠤᠯᠤᠭᠰᠠᠨ ᠬᠢᠯᠪᠠᠭ᠋ᠠᠲᠦ ᠭᠡᠷ ᠪᠦᠯᠢ᠂ ᠤᠷᠭᠢᠯ ᠳᠤ ᠭᠠᠷᠬᠤ ᠤᠮᠤᠭ ᠵᠣᠷᠢᠭ ᠵᠶ᠋ᠠᠷ ᠤᠷᠤᠭᠰᠢᠪᠠᠨ ᠲᠡᠮᠡᠦᠯᠦᠭᠰᠡᠨ ᠰᠤᠳᠤᠨ ᠭᠡᠷ ᠪᠦᠯᠢ ᠮᠦᠨ ᠡ᠃
ᠬᠠᠨᠳᠢᠪ ᠵᠢᠳᠬᠦᠯ
ᠡᠩᠬᠡ ᠵᠢᠨ ᠡᠯᠴᠢ ᠬᠠᠰᠤᠩᠭᠤᠸᠠ᠂ ᠬᠤᠰᠢᠭᠤᠨᠤᠪᠠᠨ ᠮᠤᠩᠭᠤᠯ ᠡᠮᠨᠡᠯᠭᠡ ᠵᠢᠨ ᠬᠤᠷᠢᠶᠠᠨᠳᠤ 40 ᠭᠠᠷᠤᠢ ᠵᠢᠯ ᠠᠵᠢᠯᠯᠠᠭᠰᠠᠨᠠᠴᠠ ᠨᠠᠭ᠋ᠠᠰᠢ ᠠᠵᠢᠯᠳᠤᠪᠠᠨ ᠭᠦᠨᠵᠡᠭᠡᠢ ᠰᠢᠮᠳᠡᠨ ᠬᠦᠴᠦᠲᠡᠢ ᠵᠢᠳᠭᠦᠨ᠂ ᠡᠮᠴᠢ ᠵᠢᠨ ᠡᠷᠳᠡᠮ ᠮᠡᠳᠡᠯᠭᠡᠪᠠᠨ ᠳᠡᠭᠡᠭᠰᠢᠯᠡᠭᠦᠯᠦᠭᠰᠡᠭᠡᠷ ᠪᠠᠢ᠌ᠵᠤ ᠤᠷᠢᠳ ᠬᠣᠵᠢᠳ ᠬᠡᠳᠦ ᠬᠡᠳᠦᠨ ᠴᠢᠨᠠᠷᠵᠢᠭᠤᠨ ᠦᠭᠦᠯᠡᠯ ᠢ ᠪᠢᠴᠢᠵᠤ ᠰᠣᠨᠢᠨ ᠰᠡᠳᠭᠦᠯᠳᠤ ᠨᠡᠢ᠌ᠲᠡᠯᠡᠭᠦᠯᠵᠡᠢ᠃ ᠲᠡᠭᠦᠨᠤ ᠪᠢᠴᠢᠭᠰᠡᠨ 《ᠠᠯᠲᠠᠨ ᠦᠷᠢᠯ ᠵᠶ᠋ᠡᠷ ᠠᠭᠤᠰᠬᠢᠨ ᠦᠮᠠᠨ ᠡᠪᠡᠳᠴᠢᠨᠢ ᠡᠮᠨᠡᠩᠰᠡᠨ ᠦᠢ᠍ᠯᠠᠭ᠋ᠠᠯᠲᠠ》 ᠬᠡᠮᠡᠬᠦ ᠦᠭᠦᠯᠡᠯᠨᠢ 2003 ᠣᠨᠳᠤ ᠪᠦᠬᠦ ᠤᠷᠤᠨᠤ ᠮᠤᠩᠭᠤᠯ ᠡᠮ ᠡᠮᠨᠡᠯᠭᠡ ᠵᠢᠨ ᠡᠷᠳᠡᠮ ᠰᠢᠨᠵᠢᠯᠡᠭᠡᠨᠤ ᠬᠤᠷᠠᠯᠤᠨ ᠲᠤᠰᠬᠠᠢ ᠦᠭᠦᠯᠡᠯ ᠵᠶ᠋ᠡᠷ ᠲᠡᠪᠰᠢᠭᠦᠯᠦᠭᠳᠡᠵᠦ᠂ 《ᠮᠤᠩᠭᠤᠯ ᠡᠮ ᠡᠮᠨᠡᠯᠭᠡ》 ᠰᠡᠳᠭᠦᠯᠳᠤ ᠨᠡᠢ᠌ᠲᠡᠯᠡᠭᠳᠡᠭᠡᠳ᠂ ᠤᠯᠤᠰ ᠤᠷᠤᠨᠤ ᠳᠡᠰᠤᠨ ᠥᠭᠦᠯᠡᠯᠤᠨ ᠱᠠᠩᠨᠠᠯᠢ ᠬᠦᠷᠲᠡᠪᠡ᠃ 《ᠴᠢᠰᠦᠨ ᠳᠠᠷᠤᠯᠲᠠ ᠦᠨᠳᠦᠷ ᠡᠪᠡᠳᠴᠢᠨᠢ ᠠᠭ᠋ᠠᠷᠤ — 13ᠪᠠᠷ ᠭᠣᠣᠯᠳᠠᠵᠤ ᠡᠮᠴᠢᠯᠡᠭᠰᠡᠨ ᠦᠢ᠍ᠯᠠᠭ᠋ᠠᠯᠲᠠ》 ᠬᠡᠮᠡᠬᠦ ᠥᠭᠦᠯᠡᠯᠨᠢ 2004 ᠣᠨᠳᠤ ᠤᠯᠤᠰ ᠤᠷᠤᠨᠤ ᠮᠤᠩᠭᠤᠯ ᠡᠮ ᠡᠮᠨᠡᠯᠭᠡ ᠵᠢᠨ ᠡᠷᠳᠡᠮ ᠰᠢᠨᠵᠢᠯᠡᠭᠡᠨᠤ ᠬᠤᠷᠠᠯᠤᠨ ᠥᠭᠦᠯᠡᠯᠤᠨ ᠡᠮᠬᠢᠳᠭᠡᠯᠳᠤ ᠤᠷᠤᠵᠤ᠂ 2005 ᠣᠨᠳᠤ 《ᠮᠤᠩᠭᠤᠯ ᠡᠮ ᠡᠮᠨᠡᠯᠭᠡ》 ᠰᠡᠳᠭᠦᠯᠳᠤ ᠨᠡᠢ᠌ᠲᠡᠯᠡᠭᠳᠡᠵᠡᠢ᠃ 《ᠨᠢᠭᠤᠷᠤᠨ ᠰᠠ ᠡᠪᠡᠳᠴᠢᠨᠢ ᠡᠮᠴᠢᠯᠡᠭᠰᠡᠨ ᠦᠢ᠍ᠯᠡᠭ᠋ᠠᠯᠲᠠ》 ᠬᠡᠮᠡᠬᠦ ᠥᠭᠦᠯᠡᠯᠨᠢ 2009 ᠣᠨᠳᠤ 《ᠳᠤᠮᠳᠠᠳᠤ ᠤᠯᠤᠰᠤᠨ ᠮᠤᠩᠭᠤᠯ ᠡᠮ ᠡᠮᠨᠡᠯᠭᠡ》 ᠰᠡᠳᠭᠦᠯᠤᠨ ᠨᠡᠢ᠌ᠲᠡᠯᠡᠭᠳᠡᠵᠡᠢ᠃ 《ᠬᠠᠮᠠᠷᠠᠴᠠ ᠦᠷᠭᠦᠯᠵᠢ ᠴᠢᠰᠤ ᠭᠠᠷᠬᠤᠨᠢ ᠠᠮᠢ ᠨᠠᠰᠤᠨᠳᠤ ᠠᠶᠤᠯᠲᠠᠢ》 ᠬᠡᠮᠡᠬᠦ ᠥᠭᠦᠯᠡᠯᠨᠢ 《ᠮᠤᠩᠭᠤᠯ ᠡᠮ ᠡᠮᠨᠡᠯᠭᠡ》 ᠰᠡᠳᠭᠦᠯᠳᠤ ᠨᠡᠢ᠌ᠲᠡᠯᠡᠭᠳᠡᠭᠰᠡᠨ ᠪᠠᠢ᠌ᠯᠠ᠃ ᠳᠡᠭᠡᠷᠡᠬᠢ ᠡᠷᠳᠡᠮ ᠰᠢᠨᠵᠢᠯᠡᠬᠡᠨᠤ ᠰᠤᠳᠤᠯᠭ᠋ᠠᠨᠤ ᠦᠬᠦᠯᠡᠯᠤᠳᠨᠢ ᠬᠤᠵᠢᠮᠤᠨ ᠮᠤᠩᠭᠤᠯ ᠡᠮ ᠡᠮᠨᠡᠯᠭᠡ ᠵᠢᠨ ᠰᠤᠳᠤᠯᠤᠯᠤᠨ ᠦᠢ᠍ᠯᠡᠰᠲᠤ ᠦᠴᠦᠬᠡᠨ ᠴᠦ᠍ ᠬᠡᠰᠡᠨ ᠰᠤᠳᠤᠯᠭ᠋ᠠᠨᠤ ᠰᠦᠪᠡᠭᠴᠢ ᠪᠤᠯᠤᠨᠠ ᠬᠡᠳᠡᠭᠲᠤ ᠢᠳᠡᠭᠡᠯᠲᠡᠢ ᠪᠠᠢ᠌ᠨᠠ᠃ ᠬᠠᠰᠤᠩᠭᠤᠸᠠ ᠡᠮ ᠡᠮᠨᠡᠯᠭᠡ ᠡᠷᠳᠡᠮ ᠰᠢᠨᠵᠢᠯᠡᠭᠡᠨᠤ ᠥᠭᠥᠯᠡᠯ ᠶᠠᠷᠢᠶᠠᠪᠠᠷ ᠵᠶ᠋ᠠᠨ ᠪᠦᠬᠦ ᠤᠷᠤᠨᠤ ᠠᠷᠪᠠᠨ ᠬᠡᠳᠦᠨ ᠠᠢ᠌ᠮᠠᠭ ᠬᠤᠲᠠᠪᠠᠷ ᠶᠠᠪᠤᠵᠤ᠂ ᠦᠨᠡ ᠦᠷᠳᠡᠭᠲᠠᠢ ᠰᠠᠨᠠᠯ ᠳᠤᠷᠠᠳᠤᠯᠭᠠᠪᠠᠨ ᠳᠡᠪᠰᠢᠭᠦᠯᠵᠦ᠂ ᠦᠷᠭᠡᠨ ᠲᠦᠮᠡᠨᠤ ᠦᠨᠳᠦᠷ ᠦᠨᠡᠯᠡᠯᠲᠡ ᠪᠤᠯᠤᠨ ᠬᠠᠯᠠᠭᠤᠨ ᠬᠦᠷᠢᠶᠡᠯᠡᠯᠢ ᠬᠦᠷᠳᠡᠵᠦ᠂ ᠮᠤᠩᠭᠤᠯ ᠡᠮ ᠡᠮᠨᠡᠯᠭᠡ ᠵᠢᠨ ᠡᠷᠳᠡᠮ ᠮᠡᠳᠡᠯᠭᠡ᠂ ᠠᠪᠢᠶᠠᠰ ᠪᠢᠯᠢᠭ ᠵᠶ᠋ᠡᠨ ᠨᠡᠩ ᠦᠨᠳᠦᠷ ᠲᠦᠪᠰᠢᠨᠳᠤ ᠬᠦᠷᠭᠡᠵᠡᠢ᠃
ᠬᠠᠰᠤᠩᠭᠤᠸᠠ ᠡᠮᠴᠢ ᠮᠠᠨᠢ ᠬᠠᠭ᠋ᠠᠰ ᠵᠠᠭᠤᠨᠤ ᠲᠤᠷᠰᠢ ᠪᠦᠬᠦ ᠰᠡᠳᠬᠢᠯ ᠰᠠᠨᠠᠭᠠ᠂ ᠪᠦᠬᠦ ᠬᠦᠴᠦᠨ ᠴᠢᠳᠠᠯ᠂ ᠪᠦᠬᠦ ᠡᠷᠳᠡᠮ ᠰᠤᠶᠤᠯ᠂ ᠪᠦᠬᠦ ᠬᠦᠰᠡᠯ ᠮᠦᠷᠦᠭᠡᠳᠦᠯ ᠵᠶ᠋ᠠᠨ ᠡᠷᠡᠬᠦᠯ ᠡᠩᠬᠡ ᠵᠢᠨ ᠲᠦᠯᠦᠭᠡ ᠵᠠᠭᠤᠨ ᠬᠤᠪᠢᠪᠠᠷ ᠪᠠᠳᠤᠳᠠᠢ ᠪᠡᠶᠡᠯᠡᠬᠦᠯᠵᠡᠢ᠃ ᠲᠡᠷᠡᠪᠠᠷ᠂ ᠨᠤᠳᠤᠭᠤᠨ ᠪᠤᠶᠠᠨ᠂ ᠬᠦᠳᠡᠯᠮᠦᠷᠢ ᠵᠢᠨ ᠪᠤᠶᠠᠨ᠂ ᠳᠡᠭᠡᠳᠦᠰᠤᠨ ᠪᠤᠶᠠᠨ᠂ ᠤᠬᠠᠭ᠋ᠠᠨᠤ ᠪᠤᠶᠠᠨ ᠵᠶ᠋ᠠᠷ ᠵᠶ᠋ᠠᠨ ᠨᠠᠨᠳᠢᠨ ᠬᠢᠯᠪᠠᠭᠠ ᠨᠠᠷᠮᠠᠢ ᠠᠯᠳᠠᠷ ᠵᠶ᠋ᠠᠨ ᠮᠠᠨᠳᠤᠭᠤᠯᠤᠭᠰᠠᠭ᠋ᠠᠷ ᠪᠠᠢ᠌ᠵᠦ᠂ ᠨᠠᠰᠤᠨᠤ ᠨᠠᠮᠤᠷ ᠵᠶ᠋ᠠᠨ ᠵᠢᠪᠬᠤᠭᠠᠲᠠᠢ ᠤᠭᠳᠤᠵᠠᠢ᠃ ᠠᠵᠢᠯᠠᠴᠠᠪᠠᠨ ᠲᠠᠷᠬᠠᠯᠭᠳᠠᠭᠰᠠᠨᠤ ᠳᠠᠷᠠᠭᠠ 8 ᠵᠢᠯ ᠳᠠᠷᠠᠭ᠋ᠠᠯᠠᠨ᠂ ᠤᠤᠯᠤᠨ ᠠᠵᠢᠯᠯᠠᠵᠤ ᠪᠠᠢ᠌ᠭᠰᠠᠨ ᠬᠤᠰᠢᠭᠤᠨᠤ ᠮᠤᠩᠭᠤᠯ ᠡᠮᠨᠡᠯᠭᠡ ᠵᠢᠨ ᠬᠤᠷᠢᠶᠠᠨᠳᠤᠪᠠᠨ ᠤᠷᠢᠭᠳᠠᠨ ᠠᠵᠢᠯᠯᠠᠵᠤ᠂ ᠨᠠᠰᠤ ᠨᠢᠭᠡᠨᠳᠡ ᠠᠬᠢᠭᠰᠠᠨ ᠪᠤᠯᠪᠠᠴᠦ ᠮᠦᠨ ᠯᠡ ᠬᠠᠯᠠᠭᠤᠨ ᠰᠡᠳᠬᠢᠯ ᠬᠠᠨᠳᠢᠪᠯᠠᠬᠤ ᠵᠤᠷᠢᠭ ᠵᠶ᠋ᠠᠷ ᠠᠵᠢᠯᠳᠤᠪᠠᠨ ᠬᠠᠨᠳᠦᠪᠠ᠃ ᠡᠪᠡᠳᠴᠢᠳᠡᠨ ᠪᠦᠬᠦᠨᠢ ᠬᠠᠯᠠᠮᠵᠢᠯᠠᠨ ᠬᠠᠷᠠᠭ᠋ᠠᠯᠵᠠᠵᠤ᠂ ᠡᠪᠡᠳᠴᠢᠨ ᠲᠠᠬᠤᠯᠲᠠᠢ ᠬᠦᠮᠦᠰᠤᠨ ᠭᠡᠷᠲᠤᠨᠢ ᠤᠴᠢᠵᠤ ᠡᠮᠨᠡᠬᠦ᠂ ᠡᠮ ᠲᠠᠩ ᠬᠦᠷᠭᠡᠬᠦ᠂ ᠲᠠᠷᠢᠯᠭᠠ ᠬᠢᠵᠦ ᠥᠭᠬᠦ᠂ ᠠᠯᠤᠰ ᠬᠦᠳᠡᠭᠡ ᠠᠴᠠ ᠡᠪᠡᠳᠴᠢᠲᠡᠨ ᠢᠷᠡᠪᠡᠯ ᠳᠠᠷᠤᠢ ᠲᠦᠷᠭᠡᠨ ᠡᠮᠴᠢᠯᠡᠵᠤ ᠥᠭᠬᠦ ᠁ ᠵᠡᠷᠭᠡᠪᠠᠷ ᠠᠯᠢ ᠤᠯᠠᠨ ᠦᠢ᠍ᠯᠡᠴᠢᠯᠡᠭᠡ ᠵᠢ ᠬᠠᠩᠭ᠋ᠠᠨ ᠢᠯᠡᠷᠢ ᠪᠤᠯᠭ᠋ᠠᠭᠰᠠᠨ ᠪᠢᠯᠡ᠃ ᠨᠢᠭᠡ ᠤᠳᠠᠭᠠ ᠨᠢᠳᠦᠨ ᠬᠠᠷᠠᠭᠠᠨᠢ ᠨᠢᠭᠡᠮᠦᠰᠦᠨ ᠮᠠᠭᠤᠲᠠᠭᠰᠠᠨ ᠨᠠᠰᠤᠲᠠᠢ ᠡᠵᠢ ᠡᠷᠢᠬᠦᠪᠠᠷ ᠢᠷᠡᠭᠰᠡᠨᠳᠤ ᠠᠷᠭᠠ ᠪᠦᠬᠦᠨᠢ ᠰᠦᠪᠡᠭᠴᠢᠯᠡᠨ᠂ ᠡᠮ ᠲᠠᠩ ᠤᠤᠭᠤᠯᠭ᠋ᠠᠬᠤ ᠪᠤᠶᠤ ᠤᠯᠠᠨ ᠡᠮᠴᠢᠯᠡᠭᠡᠪᠠᠷ ᠤᠷᠤᠯᠳᠤᠨ ᠵᠠᠰᠠᠭ᠋ᠠᠳ᠂ ᠬᠠᠮᠤᠭ ᠰᠡᠭᠦᠯᠳᠤᠪᠠᠨ ᠬᠠᠰᠢ ᠯᠡ ᠬᠠᠷᠠᠭᠠ ᠤᠷᠤᠭᠤᠯᠵᠦ ᠴᠢᠳᠠᠵᠠᠢ᠃ ᠲᠡᠷᠡ ᠡᠵᠢ ᠠᠭᠤᠳᠠᠮ ᠳᠡᠯᠡᠬᠡᠢ ᠵᠢ ᠳᠠᠬᠢᠨᠲᠠ ᠣᠯᠵᠣ ᠬᠠᠷᠠᠭᠰᠠᠨᠳᠤᠪᠠᠨ ᠴᠢᠩ ᠰᠡᠳᠭᠢᠯᠠᠴᠠᠪᠠᠨ ᠪᠠᠶᠠᠷᠯᠠᠵᠠᠢ᠃ ᠳᠡᠭᠡᠭᠡᠳ ᠤᠳᠠᠴᠢ ᠬᠠᠰᠤᠩᠭᠤᠸᠠ ᠵᠢᠨ ᠤᠷᠠ ᠮᠡᠷᠭᠡᠵᠢᠯᠢ ᠣᠯᠠᠨ ᠳᠠᠶᠠᠭ᠋ᠠᠷᠲᠤ ᠨᠡᠩ ᠴᠤᠤᠷᠢᠶᠠᠲᠤᠭᠤᠯᠵᠠᠢ᠃ ᠪᠠᠰᠠ ᠨᠢᠭᠡᠨ ᠤᠳᠠᠭᠠ ᠮᠤᠬᠤᠷ ᠤᠯᠤᠭ᠋ᠠᠢ ᠵᠢᠨ ᠦᠷᠪᠢᠰᠦᠯᠲᠠᠢ ᠬᠦᠨᠳᠦ ᠡᠪᠡᠳᠴᠢᠲᠡᠨ ᠡᠷᠢᠵᠤ ᠢᠷᠡᠭᠰᠡᠨᠳᠤ᠂ ᠪᠠᠰᠠ ᠯᠡ ᠶᠠᠩᠵᠤ ᠶᠠᠩᠵᠤ ᠵᠢᠨ ᠠᠷᠭᠠ ᠬᠡᠮᠵᠢᠶᠡ ᠠᠪᠴᠦ ᠢᠯᠡᠷᠢ ᠰᠠᠢ᠌ᠨ ᠪᠣᠯᠭ᠋ᠠᠭ᠋ᠠᠳ ᠶᠠᠪᠤᠭᠤᠯᠵᠠᠢ᠃ ᠡᠨᠡ ᠮᠡᠳᠦᠪᠠᠷ ᠴᠢᠰᠤᠨ ᠳᠠᠷᠤᠯᠲᠠᠨᠢ ᠮᠠᠰᠢ ᠦᠨᠳᠦᠷ ᠡᠪᠡᠳᠴᠢᠲᠡᠨᠢ ᠡᠮᠴᠢᠯᠡᠨ ᠵᠠᠰᠠᠭ᠋ᠠᠳ ᠢᠯᠡᠷᠢ ᠪᠤᠯᠭ᠋ᠠᠭᠰᠠᠨ᠂ ᠬᠦᠯ ᠨᠢᠷᠦᠭᠤ ᠵᠢᠨ ᠬᠦᠨᠳᠦ ᠡᠪᠡᠳᠴᠢᠳᠡᠨ ᠢ ᠦᠪᠡᠷᠤᠨ ᠬᠡᠷᠲᠤᠪᠠᠨ ᠠᠪᠴᠦ ᠰᠠᠭᠤᠯᠭ᠋ᠠᠵᠦ ᠪᠠᠢ᠌ᠭ᠋ᠠᠳ ᠡᠮᠨᠡᠨ ᠵᠠᠰᠠᠭ᠋ᠠᠳ ᠢᠯᠡᠷᠢ ᠰᠠᠢ᠌ᠨ ᠪᠤᠯᠭ᠋ᠠᠭᠰᠠᠨ ᠮᠡᠲᠦ ᠵᠢᠨ ᠵᠢᠱ᠌ᠢᠶᠡ ᠮᠣᠩ ᠦᠭᠡᠢ ᠤᠯᠠᠨ ᠁ ᠵᠥᠭ ᠪᠦᠷᠢᠠᠴᠠ ᠢᠷᠡᠭᠰᠡᠨ ᠵᠦᠢ᠍ᠯ ᠵᠦᠢ᠍ᠯ ᠤᠨ ᠡᠪᠡᠳᠴᠢᠲᠡᠨ᠂ ᠵᠦᠭᠡᠷ ᠰᠠᠢ᠌ᠨ ᠪᠣᠯᠵᠠᠭ᠋ᠠᠭᠰᠠᠨᠤᠪᠠᠨ ᠳᠠᠷᠠᠭᠠ᠂ ᠡᠷᠡᠬᠡᠢ ᠬᠤᠷᠤᠭᠤᠪᠠᠨ ᠭᠤᠵᠤᠢ᠌ᠯᠭ᠋ᠠᠨ ᠪᠠᠢ᠌ᠵᠤ᠂ ᠠᠮᠠ ᠠᠮᠠᠠᠴᠠᠪᠠᠨ ᠮᠠᠭᠲᠠᠨ ᠶᠠᠷᠢᠵᠠᠭ᠋ᠠᠨ᠂ ᠠᠮᠵᠢᠯᠲᠠ ᠪᠦᠲᠦᠮᠵᠢ ᠵᠢᠨᠢ ᠦᠨᠳᠦᠷᠠᠴᠠ ᠦᠨᠳᠦᠷ ᠦᠨᠡᠯᠡᠭᠰᠡᠭᠡᠷ ᠡ᠃
ᠡᠩᠬᠡ ᠵᠢᠨ ᠡᠯᠴᠢ — ᠬᠠᠰᠤᠩᠭᠤᠸᠠ᠂ ᠨᠠᠮ ᠠᠷᠠᠳ ᠲᠦᠮᠡᠨᠤᠪᠠᠨ ᠡᠷᠡᠬᠦᠯ ᠬᠠᠮᠠᠭ᠋ᠠᠯᠠᠯᠤᠨ ᠦᠢ᠍ᠯᠡᠰᠤᠨ ᠲᠦᠯᠦᠭᠡ ᠵᠠᠵᠢᠨ ᠦᠰᠦᠨᠢ ᠴᠠᠢ᠌ᠳᠠᠯᠠᠪᠠᠨ ᠲᠡᠮᠡᠴᠡᠬᠡᠳ᠂ ᠪᠦᠬᠦᠯᠢ ᠲᠠᠪᠢᠨ ᠵᠢᠯᠤᠨ ᠲᠤᠷᠰᠢ᠂ ᠡᠷᠬᠢᠯᠡᠭᠰᠡᠨ ᠠᠵᠢᠯᠤᠨ ᠵᠶ᠋ᠠᠨ ᠮᠡᠷᠭᠡᠵᠢᠯ ᠵᠶ᠋ᠡᠷ᠂ ᠡᠮ ᠡᠮᠨᠡᠯᠭᠡ ᠵᠢᠨ ᠠᠵᠢᠯ ᠵᠶ᠋ᠠᠨ ᠡᠨᠡᠷᠢᠩᠬᠦᠢ ᠳᠤᠯᠠᠭ᠋ᠠᠨ ᠴᠢᠷᠠᠢᠪᠠᠷ᠂ ᠡᠶᠡᠯᠳᠡᠭ ᠵᠦᠭᠡᠯᠡᠨ ᠬᠠᠷᠠᠴᠠᠪᠠᠷ᠂ ᠡᠯᠢᠭᠡ ᠵᠢᠷᠦᠬᠡᠨᠤᠪᠠᠨ ᠬᠦᠴᠦᠨ ᠵᠶ᠋ᠡᠷ᠂ ᠡᠷᠴᠢ ᠵᠣᠷᠢᠭ ᠵᠶ᠋ᠠᠨ ᠲᠡᠭᠦᠰ ᠪᠠᠳᠠᠷᠠᠭᠤᠯᠤᠨ᠂ ᠢᠯᠠᠭᠤᠭᠰᠠᠨ ᠳᠠᠭᠤᠯᠠᠯ ᠵᠶ᠋ᠠᠨ ᠭᠢᠯᠪᠠᠭᠠᠲᠠᠢ ᠪᠢᠴᠢᠭᠯᠡᠵᠡᠢ᠃《ᠬᠦᠮᠦᠨ ᠨᠤᠳᠤᠭ ᠬᠡᠭᠴᠢ ᠬᠦᠢ᠍ᠰᠦ ᠨᠢᠭᠡᠳᠡᠢ᠂ ᠠᠭ᠋ᠠᠷᠨᠢ ᠡᠮ᠂ ᠤᠰᠤᠨᠢ ᠰᠦ》ᠭᠡᠳᠡᠭᠴᠢᠯᠡᠨ ᠡᠨᠡ ᠬᠦ᠌ ᠪᠠᠷᠭᠤ ᠵᠢᠨ ᠰᠠᠷᠠᠭᠤᠯ ᠨᠤᠳᠤᠭᠲᠤᠪᠠᠨ ᠡᠩᠬᠡ ᠵᠢᠨ ᠡᠯᠴᠢ ᠪᠤᠯᠤᠭᠰᠠᠨ ᠬᠠᠰᠤᠩᠭᠤᠸᠠ ᠡᠮᠴᠢ ᠮᠠᠨᠢ ᠦᠯᠡᠮᠵᠢ ᠶᠡᠬᠡ ᠬᠦᠴᠦᠨ ᠵᠢᠳᠬᠦᠯ ᠵᠶ᠋ᠠᠨ ᠦᠯᠡᠳᠡᠭᠡᠯ ᠦᠭᠡᠢ ᠡᠷᠬᠦᠵᠡᠢ᠃
ᠣᠳᠣ ᠴᠦ᠍ ᠭᠡᠰᠡᠨ ᠬᠠᠰᠤᠩᠭᠤᠸᠠ ᠡᠮᠴᠢ ᠮᠠᠨᠢ᠂ ᠡᠮᠴᠢ ᠵᠢᠨ ᠠᠵᠢᠯ ᠵᠶ᠋ᠠᠨ ᠶᠠᠭᠤᠨᠠᠴᠠ ᠴᠦ᠍ ᠢᠯᠡᠭᠦᠦ ᠳᠡᠭᠡᠳᠦᠯᠡᠨ ᠪᠠᠢ᠌ᠵᠤ᠂ ᠳᠠᠯᠠ ᠵᠢᠨ ᠳᠠᠪᠠᠭᠠ ᠵᠢ ᠰᠠᠷᠠᠪᠴᠢᠯᠠᠨ ᠬᠠᠷᠠᠭ᠋ᠠᠳ᠂ ᠬᠦᠰᠡᠯ ᠲᠡᠮᠦᠯᠡᠯ ᠵᠶ᠋ᠡᠨ ᠬᠦᠴᠦᠲᠠᠢ ᠪᠠᠬᠠᠲᠠᠢ ᠬᠦᠬᠡᠬᠡᠴᠡᠯᠳᠦᠨ ᠶᠠᠪᠤᠨᠠ᠃ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠲᠤ ᠨᠠᠮ ᠪᠠᠢ᠌ᠭᠤᠯᠤᠭᠳᠠᠭᠰᠠᠨ 100 ᠵᠢᠯᠤᠨ ᠳᠤᠷᠠᠰᠬᠠᠯᠲᠤ ᠴᠠᠭ ᠮᠦᠴᠡᠳᠤ᠂ ᠨᠠᠮᠤᠨ ᠭᠡᠰᠢᠭᠦᠨᠤ ᠬᠤᠰᠢᠭᠤᠴᠢ ᠦᠢ᠍ᠯᠡᠳᠦᠯ ᠵᠶ᠋ᠡᠨ ᠪᠠᠳᠠᠷᠠᠭᠤᠯᠤᠨ᠂ ᠦᠪᠡᠷᠤᠨ ᠭᠡᠰᠡᠨ ᠥᠩᠭᠡ ᠭᠡᠷᠡᠯ ᠦᠢ᠍ᠯᠡᠰᠤᠨ ᠭᠢᠯᠪᠠᠭᠠᠪᠠᠨ ᠥᠷᠥ ᠵᠢᠷᠦᠬᠡᠨᠠᠴᠠᠪᠠᠨ ᠡᠷᠭᠦᠨ ᠪᠠᠷᠢᠵᠤ ᠪᠠᠢ᠌ᠨᠠᠮ᠃ ᠲᠡᠭᠦᠨᠤ 《ᠪᠠᠷᠭᠤ ᠵᠢᠨ ᠰᠣᠳᠣᠨ ᠦᠷᠡᠰ》 ᠬᠡᠬᠦ ᠨᠤᠮ ᠪᠣᠯᠣᠨ ᠡᠩᠬᠡ ᠵᠢᠨ ᠡᠯᠴᠢ ᠵᠢᠨ ᠶᠡᠬᠡ ᠪᠦᠲᠦᠭᠡᠯ ᠡᠷᠬᠢᠮ ᠠᠵᠢᠯᠯᠠᠭᠠᠠᠴᠠᠨᠢ ᠮᠠᠨᠤ ᠵᠠᠯᠠᠭᠤ ᠨᠢᠭᠡ ᠦᠶᠡ ᠵᠢᠨᠬᠢᠨ ᠤᠭ ᠴᠢᠨᠠᠷ ᠵᠶ᠋ᠠᠨ ᠮᠠᠷᠲᠠᠯ ᠦᠭᠡᠢ᠂ ᠣᠮᠣᠭ ᠡᠷᠴᠢᠪᠠᠨ ᠴᠢᠩᠭ᠋ᠠᠯᠠᠵᠤ᠂ ᠡᠷᠬᠢᠯᠡᠭᠰᠡᠨ ᠠᠵᠢᠯ ᠦᠢ᠍ᠯᠡᠰ ᠵᠶ᠋ᠡᠨ ᠡᠷᠴᠢᠮᠲᠠᠢ ᠪᠡᠶᠡᠯᠡᠭᠦᠯᠵᠦ᠂ ᠵᠢᠳᠬᠦᠯ ᠤᠷᠤᠯᠳᠤᠯᠭᠠᠪᠠᠨ ᠬᠦᠪᠴᠢᠯᠡᠬᠦ ᠵᠢ ᠡᠨᠳᠡ ᠬᠦᠰᠡᠨ ᠨᠠᠢ᠌ᠳᠠᠵᠤ ᠪᠠᠢ᠌ᠨᠠᠮ᠃ ᠡᠮᠴᠢ ᠬᠠᠰᠤᠩᠭᠤᠸᠠ ᠵᠢᠨ ᠶᠠᠭᠤ ᠰᠠᠨᠠᠭᠰᠠᠨ ᠶᠢᠰᠦᠨ ᠬᠦᠰᠡᠯᠨᠢ ᠪᠡᠶᠡᠯᠡᠬᠦ ᠪᠤᠯᠲᠤᠭ᠋ᠠᠢ ᠬᠡᠮᠡᠨ ᠵᠦᠩᠨᠡᠶᠡ᠃
ᠵᠤᠬᠢᠶᠠᠭᠴᠢ ᠵᠢᠨ ᠬᠠᠶᠢᠭ᠄ ᠬᠦᠬᠡᠬᠤᠲᠠ ᠵᠢᠨ ᠭᠤᠴᠢᠳᠤᠭ᠋ᠠᠷ ᠳᠤᠮᠳᠠᠳᠦ ᠰᠤᠷᠭ᠋ᠠᠭᠤᠯᠢ （ᠦᠪᠦᠷ ᠮᠤᠩᠭᠤᠯᠤᠨ ᠪᠠᠭᠰᠢ ᠵᠢᠨ ᠶᠡᠬᠡ ᠰᠤᠷᠭ᠋ᠠᠭᠤᠯᠢ ᠵᠢᠨ ᠬᠠᠷᠢᠶᠠᠲᠤ ᠬᠤᠶᠠᠳᠤᠭ᠋ᠠᠷ ᠰᠤᠷᠭ᠋ᠠᠭᠤᠯᠢ）