1᠂   ᠰᠠᠯᠢᠰᠤᠲᠤ ᠪᠦᠷᠭᠦᠪᠴᠢ ᠵᠢ ᠴᠡᠪᠡᠷᠯᠡᠬᠦ᠄ ᠲᠤᠭᠤᠯᠯᠠᠭᠰᠠᠨ᠎ᠤ ᠳᠠᠷᠠᠭ᠎ᠠ᠂ ᠴᠠᠭ ᠲᠤᠬᠠᠶ᠎ᠳᠤᠨᠢ ᠴᠠᠭ᠋ᠠᠰᠤ ᠪᠤᠶᠤ ᠠᠯᠴᠢᠭᠤᠷ ᠵᠶ᠋ᠠᠷ ᠲᠡᠭᠦᠨ᠎ᠤ ᠠᠮᠠ ᠬᠠᠮᠠᠷ ᠪᠣᠯᠤᠨ ᠪᠡᠶ᠎ᠡ ᠳᠡᠭᠡᠷ᠎ᠡ᠎ᠨᠢ ᠨᠠᠭ᠋ᠠᠯᠳᠤᠭᠰᠠᠨ ᠰᠢᠩᠭᠡᠨ᠎ᠢ ᠵᠦᠯᠭᠦᠵᠦ᠂ ᠠᠮᠢᠰᠬᠤᠯ ᠪᠦᠲᠡᠩᠰᠡᠬᠦ᠎ᠠᠴᠠ ᠰᠡᠷᠭᠡᠢ᠌ᠯᠡᠨ᠎ᠡ᠃ ᠬᠡᠷᠪᠡ ᠲᠤᠭᠤᠯᠯᠠᠭᠰᠠᠨ᠎ᠤ ᠳᠠᠷᠠᠭ᠎ᠠ ᠲᠡᠷᠡ ᠲᠠᠷᠤᠢ᠌ᠬᠠᠨ ᠠᠮᠢᠰᠬᠤᠵᠤ ᠴᠢᠳᠠᠬᠤ ᠦᠭᠡᠢ ᠪᠣᠯ᠂ ᠲᠤᠭᠤᠯ᠎ᠤᠨ ᠬᠣᠢ᠌ᠲᠤ ᠮᠥᠴᠢ᠎ᠠᠴᠠ᠎ᠨᠢ ᠡᠷᠭᠦᠵᠦ ᠲᠣᠩᠭᠤᠷᠠᠭᠤᠯᠤᠨ ᠴᠡᠭᠡᠵᠢ ᠵᠢᠨ ᠬᠡᠰᠡᠭ᠎ᠢ᠎ᠨᠢ ᠠᠯᠠᠭ᠋ᠠᠳᠠᠵᠤ᠂ ᠨᠢᠯᠴᠠᠭ᠋ᠠᠶ ᠰᠢᠩᠭᠡᠨ᠎ᠢ᠎ᠨᠢ ᠪᠦᠭᠡᠯᠵᠢᠭᠦᠯᠦᠨ᠎ᠡ᠃
     2᠂ ᠬᠦᠢᠰᠦ ᠲᠠᠰᠤᠯᠬᠤ᠄ ᠠᠷᠢᠭᠤᠳᠬᠠᠭᠰᠠᠨ ᠬᠠᠢ᠌ᠴᠢ᠎ᠪᠠᠷ ᠬᠡᠪᠡᠯᠢ ᠵᠢᠨ ᠬᠡᠰᠡᠭ᠎ᠠᠴᠠ 6－8cm ᠵᠠᠢ᠌ᠲᠠᠶ ᠭᠠᠵᠠᠷ᠎ᠲᠤ ᠬᠠᠢ᠌ᠴᠢᠯᠠᠵᠤ᠂ ᠬᠦᠢ᠍ᠰᠦᠨ᠎ᠤ ᠳᠣᠲᠣᠷᠠᠬᠢ ᠴᠢᠰᠤ ᠵᠢ ᠰᠢᠬᠠᠨ ᠴᠡᠪᠡᠷᠯᠡᠵᠦ᠂ 5%－10% ᠵᠢᠨ ᠢᠣᠳ᠋᠎ᠤᠨ ᠬᠠᠨᠳᠠ （碘酊药液）᠎ᠪᠠᠷ 2－3 ᠮᠢᠨᠦ᠋ᠲ ᠳᠡᠪᠲᠦᠭᠡᠨ᠎ᠡ᠂ ᠡᠮ᠎ᠤᠨ ᠰᠢᠩᠭᠡᠨ᠎ᠢ ᠬᠦᠢ᠍ᠰᠦᠨ ᠳᠣᠲᠣᠷ᠎ᠠ ᠣᠷᠤᠭᠤᠯᠵᠤ ᠪᠣᠯᠬᠤ ᠦᠭᠡᠢ᠃ ᠬᠦᠢᠰᠦ ᠵᠢ ᠲᠠᠰᠤᠯᠤᠭᠰᠠᠨ᠎ᠤ ᠳᠠᠷᠠᠭ᠎ᠠ ᠵᠠᠩᠭᠢᠳᠬᠤ ᠴᠢᠬᠤᠯᠠ ᠦᠭᠡᠢ᠃ ᠡᠭᠦᠨ᠎ᠠᠴᠠ ᠭᠠᠳᠠᠨ᠎ᠠ᠂ ᠲᠤᠭᠤᠯ᠎ᠤᠨ ᠵᠥᠭᠡᠯᠡᠨ ᠲᠤᠭᠤᠷᠠᠢ ᠵᠢ ᠱᠠᠭ᠋ᠠᠯᠤᠨ ᠠᠪᠬᠤ᠎ᠨᠢ᠂ ᠲᠤᠭᠤᠯ᠎ᠤᠨ ᠪᠣᠰᠴᠤ ᠵᠤᠭᠰᠤᠬᠤ᠎ᠳᠤ ᠠᠰᠢᠭᠲᠠᠢ᠃
     3᠂ ᠡᠷᠲᠡᠬᠡᠨ ᠤᠭᠤᠷᠠᠭ ᠰᠦ ᠬᠦᠬᠦᠭᠦᠯᠬᠦ᠄ ᠦᠨᠢᠶ᠎ᠡ ᠲᠤᠭᠤᠯᠯᠠᠭᠰᠠᠨ᠎ᠤ ᠳᠠᠷᠠᠭ᠋ᠠᠬᠢ 7 ᠡᠳᠦᠷ ᠳᠣᠲᠤᠷᠠᠬᠢ ᠰᠦ ᠵᠢ ᠤᠭᠤᠷᠠᠭ ᠰᠦ ᠭᠡᠨ᠎ᠡ᠃ ᠤᠭᠤᠷᠠᠭ ᠰᠦ᠎ᠨᠢ ᠲᠤᠭᠤᠯ᠎ᠤᠨ ᠡᠪᠡᠳᠴᠢᠨ ᠡᠰᠡᠷᠭᠦᠴᠡᠬᠦ ᠴᠢᠳᠠᠪᠤᠷᠢ ᠵᠢ ᠳᠡᠭᠡᠭᠰᠢᠯᠡᠭᠦᠯᠬᠦ ᠮᠦᠷᠲᠡᠭᠡᠨ ᠰᠢᠩᠭᠡᠭᠡᠬᠦ᠎ᠳᠤ ᠠᠮᠠᠷ ᠰᠢᠮ᠎ᠡ ᠲᠡᠵᠢᠭᠡᠯ ᠠᠭᠤᠯᠵᠤ᠂ ᠲᠤᠭᠤᠯ᠎ᠤᠨ ᠬᠣᠳᠣᠭᠣᠳᠣᠨ ᠰᠢᠩᠭᠡᠨ᠎ᠢ ᠬᠦᠴᠢᠯᠯᠢᠭ ᠴᠢᠨᠠᠷᠲᠠᠢ ᠪᠤᠯᠭ᠋ᠠᠵᠤ᠂ ᠬᠣᠤᠷᠲᠤ ᠪᠠᠺᠲ᠋ᠧᠷᠢ ᠵᠢᠨ ᠦᠷᠡᠵᠢᠯᠲᠡ ᠵᠢ ᠨᠦᠯᠦᠭᠡᠯᠡᠵᠦ᠂ ᠵᠢᠩᠬᠢᠨᠢ ᠬᠣᠳᠣᠭᠣᠳᠣᠨ᠎ᠠᠴᠠ ᠶᠡᠬᠡ ᠬᠡᠮᠵᠢᠶᠡᠨ᠎ᠤ ᠰᠢᠩᠭᠡᠭᠡᠬᠦ ᠢᠰᠬᠡᠭᠦᠷ᠎ᠢ ᠱᠦᠭᠦᠷᠡᠭᠦᠯᠵᠦ᠂ ᠬᠣᠳᠣᠭᠣᠳᠣ ᠭᠡᠳᠡᠰᠦᠨ᠎ᠤ ᠬᠡᠪ᠎ᠤᠨ ᠠᠵᠢᠯᠯᠠᠭ᠎ᠠ ᠵᠢ ᠡᠷᠲᠡ ᠭᠦᠢ᠍ᠴᠡᠳ ᠪᠣᠯᠭ᠋ᠠᠵᠤ᠂ ᠨᠡᠯᠢᠶᠡᠳ ᠠᠷᠪᠢᠨ ᠮᠠᠭᠨᠢ ᠵᠢᠨ ᠳᠠᠪᠤᠰᠤ （镁盐） ᠠᠭᠤᠯᠵᠤ᠂ ᠬᠦᠩᠭᠡᠨ ᠲᠤᠭᠤᠯᠭ᠋ᠠᠬᠤ ᠦᠢᠯᠡᠳᠦᠯ᠎ᠲᠠᠢ᠂ ᠵᠤᠩᠭ᠋ᠠᠭ᠎ᠤᠨ ᠭᠠᠳᠠᠭᠰᠢᠯᠠᠬᠤ ᠵᠢ ᠠᠬᠢᠭᠤᠯᠵᠤ᠂ ᠪᠠᠰᠠ ᠪᠠᠺᠲ᠋ᠧᠷᠢ ᠠᠭᠤᠰᠬᠠᠬᠤ ᠢᠰᠬᠡᠭᠦᠷ （溶菌酶） ᠪᠠ ᠡᠭᠡᠯᠢᠯᠡᠪᠦᠷᠢ ᠵᠢᠨ ᠪᠥᠮᠪᠥᠭᠡᠨ ᠤᠭᠤᠷᠠᠭ （免疫球蛋白） ᠠᠭᠤᠯᠵᠤ᠂ ᠣᠯᠠᠨ ᠵᠦᠢᠯ᠎ᠤᠨ ᠡᠪᠡᠳᠴᠢᠨ᠎ᠤ ᠪᠠᠺᠲ᠋ᠧᠷᠢ ᠵᠢ ᠬᠣᠷᠢᠭᠯᠠᠬᠤ ᠪᠤᠶᠤ ᠤᠰᠠᠳᠬᠠᠵᠤ ᠴᠢᠳᠠᠨ᠎ᠠ᠃
     4᠂ ᠸᠢᠲ᠋ᠠᠮᠢᠨ ᠨᠥᠬᠦᠬᠦ᠄ ᠲᠤᠭᠤᠯ᠎ᠤᠨ ᠴᠢᠴᠠᠭ᠎ᠠ ᠠᠯᠳᠠᠬᠤ ᠵᠢ ᠰᠡᠷᠭᠡᠢ᠌ᠯᠡᠬᠦ ᠵᠢᠨ ᠲᠥᠯᠥᠭᠡ᠂ ᠡᠳᠦᠷ ᠪᠦᠷᠢ 250mg ᠵᠢᠨ ᠮᠧᠢ ᠰᠦ （金霉素） ᠤᠯᠭᠤᠵᠤ᠂ ᠲᠤᠭᠤᠯᠯᠠᠭᠰᠠᠨ᠎ᠤ ᠳᠠᠷᠠᠭ᠋ᠠᠬᠢ ᠭᠤᠷᠪᠠᠳᠤᠭ᠋ᠠᠷ ᠡᠳᠦᠷ᠎ᠠᠴᠠ 30 ᠡᠳᠦᠷ ᠪᠣᠯᠲᠠᠯ᠎ᠠ᠂ ᠵᠢᠨ ᠮᠧᠢ ᠰᠦ ᠵᠢ ᠰᠦᠨ ᠳᠣᠲᠤᠷ᠎ᠠ ᠠᠭᠤᠰᠴᠤ ᠨᠦᠬᠦᠨ ᠣᠯᠭᠤᠵᠣ ᠪᠤᠯᠤᠨ᠎ᠠ᠃