ᠴᠤᠷᠪᠠᠭᠠ ᠪᠤᠢ᠌ᠵᠢᠭᠤᠯᠬᠤ ᠱᠠᠲᠤᠨᠤ ᠬᠤᠪᠢᠶᠠᠷᠢᠯᠠᠯᠲᠠ ᠪᠠ ᠪᠤᠢ᠌ᠵᠢᠭᠤᠯᠬᠤ ᠬᠠᠷᠠᠯᠲᠠ
ᠴᠤᠷᠪᠠᠭᠠ ᠨᠡᠪᠴᠢᠭᠰᠡᠨᠠᠴᠠ ᠡᠬᠢᠯᠡᠨ ᠦᠨᠳᠡᠭᠡᠯᠡᠬᠦ ᠪᠤᠯᠲᠠᠯᠠᠬᠢ ᠬᠤᠭᠤᠴᠠᠭ᠋ᠠᠨᠳᠠᠬᠢ ᠲᠠᠬᠢᠶᠠ ᠵᠢ ᠪᠡᠯᠡᠳᠭᠡᠯ ᠲᠠᠬᠢᠶᠠ （ᠪᠠᠰᠠ ᠦᠰᠦᠯᠲᠡ ᠵᠢᠨ ᠬᠤᠭᠤᠴᠠᠭᠠ） ᠭᠡᠳᠡᠭ᠃ ᠪᠡᠯᠡᠳᠭᠡᠯ ᠲᠠᠬᠢᠶᠠ ᠵᠢ ᠪᠤᠢ᠌ᠵᠢᠭᠤᠯᠬᠤ ᠤᠷᠴᠢᠨ ᠲᠤᠭᠤᠷᠢᠨᠤ ᠨᠦᠭᠦᠴᠡᠯ ᠪᠠ ᠰᠢᠮᠡ ᠲᠡᠵᠢᠭᠡᠯᠤᠨ ᠱᠠᠭ᠋ᠠᠷᠳᠠᠯᠭᠠ ᠵᠢᠨ ᠠᠳᠠᠯᠢ ᠪᠤᠰᠣ ᠵᠢ ᠦᠨᠳᠦᠰᠦᠯᠡᠵᠦ ᠶᠡᠬᠡ ᠲᠦᠯᠦᠪ ᠬᠤᠶᠠᠷ ᠪᠤᠶᠤ ᠭᠣᠷᠪᠠᠨ ᠱᠠᠲᠤ ᠬᠤᠪᠢᠶᠠᠳᠠᠭ᠃ ᠬᠤᠶᠠᠷ ᠱᠠᠲᠤ ᠬᠤᠪᠢᠶᠠᠪᠠᠯ ᠴᠤᠷᠪᠠᠭᠠ 0～6 ᠭᠠᠷᠠᠭ᠂ ᠪᠤᠢ᠌ᠵᠢᠯᠲᠠ ᠵᠢᠨ ᠬᠤᠭᠤᠴᠠᠭ᠋ᠠᠨᠳᠠᠬᠢ ᠲᠠᠬᠢᠶᠠ 7～20 ᠭᠠᠷᠠᠭ᠃ ᠭᠤᠷᠪᠠᠨ ᠱᠠᠲᠤ ᠬᠤᠪᠢᠶᠠᠪᠠᠯ ᠨᠢᠯᠬᠠ ᠴᠤᠷᠪᠠᠭᠠ 0～6 ᠭᠠᠷᠠᠭ᠂ ᠳᠤᠮᠳᠠ ᠴᠤᠷᠪᠠᠭᠠ 7～24 ᠭᠠᠷᠠᠭ᠂ ᠲᠤᠮᠤ ᠴᠤᠷᠪᠠᠭᠠ 15～20 ᠭᠠᠷᠠᠭ᠃ 0～6 ᠭᠠᠷᠠᠭᠤᠨ ᠬᠤᠭᠤᠷᠤᠨᠳᠤᠬᠢ ᠴᠤᠷᠪᠠᠭᠠ ᠵᠢᠨ ᠤᠷᠴᠢᠨ ᠲᠤᠭᠤᠷᠢᠨᠤ ᠱᠠᠭ᠋ᠠᠷᠳᠠᠯᠭᠠ ᠦᠨᠳᠦᠷ ᠪᠠᠢ᠌ᠵᠤ᠂ ᠬᠤᠨᠤᠭᠤᠨ ᠪᠤᠷᠳᠤᠭ᠋ᠠᠨᠳᠠᠬᠢ ᠡᠨᠧᠷᠭᠢ ᠪᠠ ᠤᠭᠤᠷᠠᠭ ᠡᠯᠪᠡᠭ ᠪᠠᠢ᠌ᠬᠤ ᠬᠡᠷᠡᠭᠲᠡᠢ᠃
ᠴᠤᠷᠪᠠᠭᠠ ᠪᠤᠢ᠌ᠵᠢᠭᠤᠯᠬᠤ ᠬᠤᠭᠤᠴᠠᠭ᠋ᠠᠨᠳᠠᠬᠢ ᠭᠣᠣᠯ ᠪᠣᠯᠬᠣ ᠮᠡᠷᠭᠡᠵᠢᠯᠤᠨ ᠬᠠᠷᠠᠯᠲᠠ ᠪᠣᠯ ᠢᠳᠡᠰᠢᠨᠤ ᠬᠡᠮᠵᠢᠶᠡ ᠬᠡᠪᠤᠨ ᠪᠠᠢ᠌ᠵᠤ᠂ ᠡᠷᠡᠭᠦᠯ ᠴᠢᠬᠢᠷᠠᠭ ᠴᠤᠷᠪᠠᠭᠠ ᠵᠢ ᠲᠤᠭᠲᠠᠭᠰᠠᠨ ᠬᠤᠭᠤᠴᠠᠭ᠋ᠠᠨ ᠳᠤᠲᠤᠷᠠ ᠦᠰᠦᠯᠲᠡ ᠪᠤᠢ᠌ᠵᠢᠯᠲᠠ ᠵᠢᠨ ᠪᠠᠷᠢᠮᠵᠢᠶᠠᠳᠤ ᠬᠦᠷᠭᠡᠬᠦ ᠵᠢ ᠪᠠᠲᠤᠯᠠᠬᠤ ᠵᠢᠨ ᠬᠠᠮᠲᠤ ᠬᠤᠰᠢᠭᠤ ᠳᠠᠭ᠋ᠠᠷᠢᠬᠤ᠂ ᠬᠢᠵᠢᠭᠢ ᠰᠡᠷᠭᠡᠢ᠌ᠯᠡᠬᠦ ᠲᠦᠯᠦᠪᠯᠡᠭᠡ ᠵᠢ ᠬᠡᠷᠡᠭᠵᠢᠭᠦᠯᠵᠦ᠂ ᠤᠷᠴᠢᠨ ᠲᠤᠭᠤᠷᠢᠨᠤ ᠡᠷᠡᠭᠦᠯ ᠬᠠᠮᠠᠭ᠋ᠠᠯᠠᠯ ᠪᠠ ᠬᠢᠵᠢᠭᠤᠨ ᠰᠡᠷᠭᠡᠢ᠌ᠯᠡᠯᠲᠡ ᠵᠢ ᠰᠠᠢ᠌ᠲᠤᠷ ᠬᠢᠬᠦ ᠶᠠᠪᠤᠳᠠᠯ ᠪᠤᠯᠤᠨᠠ᠃
（ᠨᠢᠭᠡ） ᠡᠷᠡᠭᠦᠯ ᠴᠢᠬᠢᠷᠠᠭ ᠴᠤᠷᠪᠠᠭᠠᠨᠢ ᠬᠢᠵᠢᠭ ᠡᠪᠡᠳᠴᠢᠨ ᠦᠭᠡᠢ᠂ ᠤᠨᠴᠠᠭ᠋ᠠᠢ᠌ᠯᠠᠨ ᠬᠠᠯᠳᠠᠪᠤᠷᠢᠲᠤ ᠬᠢᠵᠢᠭ ᠦᠬᠡᠢ ᠪᠠᠢ᠌ᠵᠤ᠂ ᠢᠳᠡᠰᠢᠨᠤ ᠳᠤᠷᠠᠰᠢᠯᠨᠢ ᠬᠡᠪᠤᠨ᠂ ᠬᠦᠳᠡᠯᠵᠦ ᠪᠠᠷᠢᠬᠤᠨᠢ ᠴᠤᠪᠤᠭᠤ᠂ ᠳᠤᠰᠬᠠᠯᠨᠢ ᠰᠤᠷᠭᠤᠭ᠂ ᠦᠳᠦ ᠰᠦᠳᠦᠨᠢ ᠨᠠᠷᠢᠯᠢᠭ ᠪᠦᠭᠡᠳ ᠪᠤᠳᠠᠷᠠᠮᠠ ᠪᠠᠢ᠌ᠬᠤ ᠬᠡᠷᠡᠭᠲᠡᠢ᠃
（ᠬᠤᠶᠠᠷ） ᠲᠠᠪᠰᠢᠭᠰᠠᠨ ᠮᠡᠷᠭᠡᠵᠢᠯᠤᠨ ᠬᠢᠷᠢ ᠲᠦᠪᠰᠢᠨ ᠵᠶ᠋ᠡᠷ ᠪᠣᠯ ᠴᠤᠷᠪᠠᠭᠠ ᠪᠤᠢ᠌ᠵᠢᠭᠤᠯᠬᠤ ᠡᠬᠢᠨᠤ ᠭᠠᠷᠠᠭᠲᠠᠬᠢ ᠬᠤᠬᠢᠷᠠᠯᠤᠨ ᠨᠤᠷᠮᠠ 0.5%ᠠᠴᠠ ᠬᠡᠲᠦᠷᠡᠬᠦ ᠦᠭᠡᠢ ᠪᠠᠢ᠌ᠵᠤ᠂ ᠭᠤᠷᠪᠠᠨ ᠭᠠᠷᠠᠭ ᠪᠤᠯᠤᠭᠰᠠᠨ ᠴᠤᠷᠪᠠᠭᠠ ᠵᠢᠨ ᠬᠤᠬᠢᠷᠠᠯᠤᠨ ᠨᠤᠷᠮᠠᠨᠢ 1 %ᠠᠴᠠ ᠬᠡᠲᠦᠷᠡᠬᠦ ᠦᠭᠡᠢ ᠪᠠᠢ᠌ᠬᠤ ᠬᠡᠷᠡᠭᠲᠡᠢ᠃ ᠨᠡᠩ ᠦᠨᠳᠦᠷ ᠬᠢᠷᠢ ᠲᠦᠪᠰᠢᠨ ᠵᠶ᠋ᠡᠷ ᠪᠠᠷᠢᠮᠵᠢᠶᠠᠯᠠᠪᠠᠯ 0～6 ᠭᠠᠷᠠᠭ ᠳᠤᠲᠤᠷᠠᠬᠢ ᠬᠤᠬᠢᠷᠠᠯᠤᠨ ᠨᠤᠷᠮᠠᠨᠢ 2 %ᠠᠴᠠ ᠬᠡᠲᠦᠷᠡᠬᠦ ᠦᠭᠡᠢ ᠪᠠᠢ᠌ᠬᠤ ᠬᠡᠷᠡᠭᠲᠡᠢ᠃
（ᠭᠤᠷᠪᠠ） ᠴᠤᠷᠪᠠᠭᠠ ᠵᠢᠨ ᠦᠰᠦᠯᠲᠡ ᠪᠤᠢ᠌ᠵᠢᠯᠲᠠ ᠬᠡᠪᠤᠨ ᠪᠠᠢ᠌ᠬᠤ ᠬᠡᠷᠡᠭᠲᠡᠢ᠃ ᠦᠰᠦᠯᠲᠡᠪᠠᠷ ᠬᠡᠪᠤᠨ ᠪᠠᠢ᠌ᠳᠠᠯᠲᠠᠢ ᠴᠤᠷᠪᠠᠭᠠ ᠵᠢᠨ ᠪᠡᠶᠡ ᠵᠢᠨ ᠬᠦᠨᠳᠦᠨᠢ ᠪᠠᠷᠢᠮᠵᠢᠶᠠᠨᠳᠤ ᠬᠦᠷᠴᠦ᠂ ᠠᠷᠤᠭ ᠶᠠᠰᠤᠨᠢ ᠬᠠᠲᠠᠭᠤ᠂ ᠴᠡᠭᠡᠵᠢᠨ ᠶᠠᠰᠤᠨᠢ ᠠᠰᠬᠠᠨ ᠪᠦᠭᠡᠳ ᠪᠡᠬᠢᠯᠢᠭ᠂ ᠰᠢᠯᠪᠢ ᠵᠢᠨ ᠶᠠᠰᠤᠨᠢ ᠪᠤᠢ᠌ᠵᠢᠯᠲᠠᠪᠠᠷ ᠰᠠᠢ᠌ᠨ ᠪᠠᠢ᠌ᠳᠠᠭ᠃ 8 ᠭᠠᠷᠠᠭ ᠪᠣᠯᠣᠭᠰᠠᠨ ᠴᠤᠷᠪᠠᠭᠠ ᠵᠢᠨ ᠰᠢᠯᠪᠢ ᠵᠢᠨ ᠶᠠᠰᠤᠨᠤ ᠦᠷᠲᠤᠨᠢ 70～80 ᠮᠢᠯᠢᠮᠧᠲᠷᠲᠤ ᠬᠦᠷᠴᠦ᠂ ᠦᠳᠦ ᠰᠦᠳᠦᠨᠢ ᠨᠢᠭᠲᠠ ᠪᠦᠭᠡᠳ ᠪᠤᠲᠠᠷᠠᠮᠠ ᠪᠠᠢ᠌ᠵᠤ᠂ ᠪᠤᠯᠴᠢᠩᠤᠨ ᠪᠤᠢ᠌ᠵᠢᠯᠲᠠᠨᠢ ᠴᠢᠩᠭᠠ᠂ ᠦᠰᠦᠯᠲᠠ ᠵᠢᠨ ᠬᠤᠷᠳᠤᠴᠠᠨᠢ ᠬᠡᠪᠤᠨ ᠪᠠᠢ᠌ᠬᠤ ᠬᠡᠷᠡᠭᠲᠡᠢ᠃
（ᠢᠷᠡᠯᠲᠡ᠄ ᠵᠢᠷᠭ᠋ᠠᠯ ᠡᠷᠬᠢᠯᠡᠨ ᠨᠠᠢ᠌ᠷᠠᠭᠤᠯᠤᠭᠰᠠᠨ 《ᠭᠠᠬᠠᠢ ᠲᠠᠬᠢᠶᠠ ᠨᠤᠭᠤᠰᠤ ᠲᠡᠵᠢᠭᠡᠵᠦ ᠪᠤᠷᠳᠤᠬᠤ ᠮᠡᠷᠭᠡᠵᠢᠯ》 ᠭᠡᠬᠦ ᠨᠤᠮᠠᠴᠠ ᠰᠤᠩᠭᠤᠨ ᠰᠡᠢ᠌ᠷᠡᠭᠦᠯᠪᠡ᠃）