ᠰᠠᠢ᠌ᠨ ᠡᠭᠦᠯᠳᠡᠷᠤᠨ ᠬᠤᠨᠢ ᠰᠤᠩᠭᠤᠬᠤ
ᠶᠠᠮᠠᠷ ᠡᠭᠦᠯᠳᠡᠷᠤᠨ ᠬᠤᠨᠢ ᠵᠢ ᠴᠤ᠌ ᠭᠡᠳ ᠬᠤᠷᠠᠭ᠋ᠠᠨᠤ ᠬᠤᠭᠤᠴᠠᠭ᠋ᠠᠨᠳᠤᠨᠢ ᠪᠦᠷ ᠪᠤᠷᠳᠤᠵᠤ ᠪᠤᠯᠬᠤ ᠪᠤᠯᠪᠠᠴᠤ ᠡᠭᠦᠯᠳᠡᠷ ᠤᠭᠰᠠᠭᠠ ᠵᠢᠨ ᠱᠠᠭ᠋ᠠᠷᠳᠠᠯᠭᠠᠠᠴᠠ ᠦᠵᠡᠪᠡᠯ ᠡᠷᠬᠡᠪᠰᠢ ᠳᠤᠤᠷᠠᠬᠢ ᠨᠦᠭᠦᠴᠡᠯᠢ ᠪᠦᠷᠢᠯᠳᠦᠭᠦᠯᠬᠦ ᠬᠡᠷᠡᠭᠲᠡᠢ᠃ ᠡᠭᠦᠨᠳᠤ ᠶᠠᠭᠤᠨᠤ ᠡᠮᠦᠨᠡ ᠡᠬᠡ ᠬᠤᠨᠢᠨᠤ ᠦᠷᠡᠵᠢᠯᠲᠡ ᠵᠢᠨ ᠨᠤᠷᠮᠠᠨᠢ ᠦᠨᠳᠦᠷ᠂ ᠰᠦ ᠱᠦᠭᠦᠷᠡᠭᠦᠯᠬᠦᠨᠢ ᠰᠠᠢ᠌ᠨ᠂ ᠪᠡᠯᠭᠡ ᠵᠢᠨ ᠪᠤᠯᠪᠠᠰᠤᠷᠠᠯᠲᠠᠨᠢ ᠡᠷᠲᠡ᠂ ᠤᠷᠤᠭᠠ ᠤᠷᠤᠬᠤ ᠤᠯᠠᠷᠢᠯᠨᠢ ᠤᠷᠲᠤ ᠪᠠᠢ᠌ᠬᠤ ᠬᠡᠷᠡᠭᠲᠡᠢ᠃ ᠳᠠᠷᠠᠭ᠋ᠠᠯᠠᠪᠠᠯ ᠬᠤᠷᠠᠭ᠋ᠠᠨᠤ ᠦᠰᠴᠦ ᠪᠤᠢ᠌ᠵᠢᠬᠤᠨᠢ ᠲᠦᠷᠭᠡᠨ᠂ ᠮᠢᠬᠠᠨᠤ ᠴᠢᠨᠠᠷ ᠴᠢᠨᠰᠠᠭᠠᠨᠢ ᠰᠠᠢ᠌ᠨ᠂ ᠪᠤᠷᠳᠤᠭ᠋ᠠᠨᠤ ᠬᠠᠷᠠᠮᠵᠢᠨᠢ ᠦᠨᠳᠦᠷ ᠵᠡᠷᠭᠡ ᠨᠦᠬᠦᠴᠡᠯᠢ ᠪᠦᠷᠢᠯᠳᠦᠭᠦᠯᠬᠦ ᠬᠡᠷᠡᠭᠲᠡᠢ᠃ ᠮᠠᠨᠤ ᠤᠯᠤᠰᠤᠨ ᠬᠤᠨᠢᠨᠤ ᠡᠭᠦᠯᠳᠡᠷᠲᠤ ᠠᠯᠲᠠᠢ ᠬᠤᠨᠢ᠂ ᠪᠠᠶᠠᠨᠪᠤᠯᠠᠭ ᠬᠤᠨᠢ᠂ ᠦᠵᠦᠮᠦᠴᠢᠨ ᠬᠤᠨᠢ᠂ ᠭᠤᠪᠢ ᠵᠢᠨ ᠬᠤᠨᠢ᠂ ᠰᠦᠨᠢᠳ ᠬᠤᠨᠢ᠂ ᠤᠬᠤᠷ ᠰᠡᠭᠦᠯᠲᠦ ᠦᠯᠴᠢᠷ ᠬᠤᠨᠢ᠂ ᠪᠦᠳᠦᠭᠦᠨ ᠰᠡᠭᠦᠯᠲᠦ ᠦᠯᠴᠢᠷ ᠬᠤᠨᠢ᠂ ᠬᠤᠪᠸᠢ ᠬᠤᠨᠢ᠂ ᠲᠦᠩᠶᠠᠩ ᠬᠤᠨᠢ ᠵᠡᠷᠭᠡ ᠪᠤᠢ᠃ ᠡᠭᠦᠨᠠᠴᠠ ᠭᠠᠳᠠᠨᠠ ᠪᠠᠰᠠ ᠨᠤᠤᠰᠤ ᠮᠢᠬᠠᠨᠤ ᠬᠤᠤᠰ ᠬᠡᠷᠡᠭᠴᠡᠭᠡᠲᠦ ᠨᠠᠷᠢᠨ ᠨᠤᠤᠰᠤᠲᠤ ᠬᠤᠨᠢ ᠪᠤᠢ᠃ ᠵᠢᠱ᠌ᠢᠶᠡᠯᠡᠪᠡᠯ ᠦᠪᠦᠷ ᠮᠤᠩᠭᠤᠯᠤᠨ ᠨᠠᠷᠢᠨ ᠨᠤᠤᠰᠤᠲᠤ ᠬᠤᠨᠢ᠂ ᠵᠡᠭᠦᠨ ᠬᠤᠢ᠌ᠲᠤ ᠤᠷᠤᠨᠤ ᠨᠠᠷᠢᠨ ᠨᠤᠤᠰᠤᠲᠤ ᠬᠤᠨᠢ᠂ ᠰᠢᠨᠵᠢᠶᠠᠩᠤᠨ ᠨᠠᠷᠢᠨ ᠨᠤᠤᠰᠤᠲᠤ ᠬᠤᠨᠢ᠂ ᠠᠤᠬᠠᠨᠤ ᠨᠠᠷᠢᠨ ᠨᠤᠤᠰᠤᠲᠤ ᠬᠤᠨᠢ᠂ ᠦᠪᠦᠷ ᠮᠤᠩᠭᠤᠯᠤᠨ ᠬᠠᠭ᠋ᠠᠰ ᠨᠠᠷᠢᠨ ᠨᠤᠤᠰᠤᠲᠤ ᠬᠤᠨᠢ᠂ ᠬᠦᠬᠡᠨᠠᠭᠤᠷᠤᠨ ᠬᠠᠭ᠋ᠠᠰ ᠨᠠᠷᠢᠨ ᠨᠤᠤᠰᠤᠲᠤ ᠬᠤᠨᠢ ᠵᠡᠷᠭᠡ ᠪᠠᠢ᠌ᠨᠠ᠃ ᠡᠳᠡᠭᠡᠷ ᠬᠤᠨᠢᠨᠤ ᠨᠤᠤᠰᠤᠨᠤ ᠭᠠᠷᠤᠯᠲᠠᠨᠢ ᠮᠠᠰᠢ ᠦᠨᠳᠦᠷ ᠪᠦᠭᠡᠳ ᠮᠢᠬᠠᠨᠤ ᠴᠢᠨᠠᠷ ᠴᠢᠨᠰᠠᠭᠠᠨᠢ ᠴᠤ᠌ ᠮᠠᠰᠢ ᠰᠠᠢ᠌ᠨ ᠪᠠᠢ᠌ᠳᠠᠭ᠃
（ᠢᠷᠡᠯᠲᠡ᠄ ᠰᠤᠳᠤᠭᠡᠷᠡᠯ᠂ ᠪᠠᠪᠤᠯᠠᠢ᠂ ᠬᠦᠭᠵᠢᠯᠲᠦ ᠵᠢᠨ ᠨᠠᠢ᠌ᠷᠠᠭᠤᠯᠤᠨ ᠵᠤᠬᠢᠶᠠᠭᠰᠠᠨ 《ᠮᠠᠯᠤᠨ ᠲᠡᠵᠢᠭᠡᠯᠭᠡ ᠪᠤᠷᠳᠤᠯᠭᠠ ᠪᠠ ᠠᠰᠢᠭ ᠰᠢᠮᠡ ᠵᠢᠨ ᠪᠤᠯᠪᠠᠰᠤᠷᠠᠭᠤᠯᠭᠠ》 ᠭᠡᠬᠦ ᠨᠤᠮᠠᠴᠠ ᠰᠤᠩᠭᠤᠨ ᠰᠡᠢ᠌ᠷᠡᠭᠦᠯᠪᠡ᠃）