ᠨᠢᠭᠡᠳᠤ᠂ ᠬᠠᠯᠠᠭᠤᠨᠢ ᠠᠷᠢᠯᠭ᠋ᠠᠬᠤ ᠲᠡᠵᠢᠭᠡᠯ ᠪᠣᠷᠳᠣᠭᠠ ᠪᠣᠯᠤᠨ ᠨᠡᠮᠡᠯᠲᠡ ᠡᠳ᠋ᠢ ᠢᠯᠡᠭᠦᠬᠡᠨ ᠬᠡᠷᠡᠭᠯᠡᠨᠡ
ᠦᠷᠭᠦᠯᠵᠢ ᠲᠣᠬᠢᠶᠠᠯᠳᠤᠳᠠᠭ ᠬᠠᠯᠠᠭᠤᠨᠢ ᠠᠷᠢᠯᠭ᠋ᠠᠬᠤ ᠲᠡᠵᠢᠭᠡᠯ ᠪᠣᠷᠳᠣᠭᠠ ᠪᠣᠯᠤᠨ ᠨᠡᠮᠡᠯᠲᠡ ᠡᠳ᠋ᠲᠤ ᠪᠤᠭᠤᠳᠠᠢ ᠵᠢᠨ ᠠᠭᠠ᠂ ᠪᠤᠷᠴᠠᠭᠤᠨ ᠪᠣᠣᠪᠣ᠂ ᠯᠣᠬᠠᠱ᠌ᠧᠩᠤᠨ ᠪᠣᠣᠪᠣ᠂ ᠵᠣᠬᠢᠶᠠᠮᠠᠯ ᠳᠠᠪᠤᠰᠤ᠂ ᠨᠠᠩᠭᠤᠸᠠ ᠵᠢᠴᠢ ᠬᠠᠯᠠᠭᠤᠨᠢ ᠳᠠᠷᠤᠵᠤ ᠢᠳᠡᠰᠢᠨ ᠳᠤᠷᠠᠰᠢᠯᠢ ᠨᠡᠮᠡᠭᠳᠡᠭᠦᠯᠬᠦ ᠡᠳ᠋ ᠵᠡᠷᠭᠡ ᠪᠠᠢ᠌ᠳᠠᠭ᠂ ᠨᠥᠬᠥᠴᠡᠯ ᠪᠣᠯᠤᠮᠵᠢᠪᠠᠨ ᠦᠨᠳᠦᠰᠦᠯᠡᠨ ᠰᠣᠩᠭᠣᠨ ᠬᠡᠷᠡᠭᠯᠡᠨᠠ᠃ ᠰᠢᠰᠢ᠂ ᠵᠢᠮᠢᠰᠤᠨ ᠬᠠᠲᠠᠭ᠋ᠠᠮᠠᠯ ᠪᠠ ᠠᠷᠢᠬᠢᠨ ᠪᠠᠵᠢᠮᠠᠭ ᠵᠡᠷᠭᠡ ᠬᠠᠯᠠᠭᠤᠨ ᠴᠢᠨᠠᠷᠲᠠᠢ ᠲᠡᠵᠢᠭᠡᠯ ᠪᠣᠷᠳᠣᠭᠠ ᠵᠢ ᠠᠯᠢ ᠴᠢᠳᠠᠬᠤᠪᠠᠷ ᠪᠠᠭᠠ ᠲᠡᠵᠢᠭᠡᠨᠡ᠃
ᠬᠣᠶᠠᠷᠲᠤ᠂ ᠴᠡᠪᠡᠷ ᠲᠤᠩᠭ᠋ᠠᠯᠠᠭ ᠤᠰᠤ ᠬᠠᠩᠭ᠋ᠠᠬᠤ
ᠵᠤᠨᠤ ᠤᠯᠠᠷᠢᠯᠳᠤ᠂ ᠭᠠᠬᠠᠢ ᠵᠢᠨ ᠤᠤᠭᠤᠬᠤ ᠤᠰᠤᠨᠤ ᠬᠡᠮᠵᠢᠶᠡ ᠨᠡᠮᠡᠭᠳᠡᠵᠦ᠂ ᠡᠭᠦᠨᠳᠤ ᠬᠥᠬᠥᠭᠦᠯ ᠮᠡᠭᠡᠵᠢ ᠪᠣᠯᠤᠨ ᠲᠣᠷᠣᠢ ᠵᠢᠨ ᠬᠡᠷᠡᠭᠰᠡᠬᠦ ᠤᠰᠤᠨᠤ ᠬᠡᠮᠵᠢᠶᠡᠨᠢ ᠨᠠᠩ ᠶᠡᠬᠡ ᠪᠠᠢ᠌ᠳᠠᠭ᠂ ᠡᠢ᠌ᠮᠦᠠᠴᠠ ᠵᠤᠨᠤ ᠤᠯᠠᠷᠢᠯᠳᠤ ᠰᠢᠩᠭᠡᠨ ᠬᠣᠭᠣᠯᠠᠪᠠᠷ ᠭᠠᠬᠠᠢ ᠲᠡᠵᠢᠭᠡᠪᠡᠯ ᠬᠠᠮᠤᠭ ᠰᠠᠢ᠌ᠨ ᠪᠥᠭᠡᠳ ᠬᠠᠰᠢᠶᠠᠨᠳᠤᠪᠠᠨ ᠤᠰᠤᠨ ᠰᠠᠪᠠ ᠪᠤᠶᠤ ᠤᠰᠤᠨ ᠣᠩᠭᠣᠴᠠ ᠲᠠᠯᠪᠢᠵᠤ᠂ ᠴᠠᠭ ᠲᠤᠬᠠᠢᠳᠤᠨᠢ ᠴᠡᠪᠡᠷ ᠲᠤᠩᠭ᠋ᠠᠯᠠᠭ ᠤᠰᠤ ᠬᠠᠩᠭ᠋ᠠᠨᠠ᠃ ᠪᠦᠭᠴᠢᠮ ᠬᠠᠯᠠᠭᠤᠨᠳᠤ ᠭᠠᠬᠠᠶ ᠵᠢᠨ ᠬᠠᠰᠢᠶᠠᠨ ᠳᠣᠲᠣᠷᠠ ᠨᠦᠬᠡ ᠮᠠᠯᠲᠠᠵᠤ᠂ ᠨᠦᠬᠡᠨᠳᠤᠨᠢ ᠭᠦᠢᠴᠡᠳ ᠤᠰᠤ ᠴᠢᠳᠬᠤᠵᠤ᠂ ᠭᠠᠬᠠᠶᠳᠤ ᠱᠠᠯᠪᠠᠭ ᠰᠢᠪᠠᠷ ᠬᠠᠩᠭ᠋ᠠᠨᠠ᠂ ᠭᠡᠪᠡᠴᠦ ᠬᠦᠢ᠍ᠲᠡᠨ ᠬᠤᠳᠳᠤᠭᠤᠨ ᠤᠰᠤ ᠵᠢ ᠰᠢᠭᠤᠳ ᠭᠠᠬᠠᠶ ᠵᠢᠨ ᠪᠡᠶᠡ ᠳᠡᠭᠡᠷᠡ ᠰᠦᠷᠴᠢᠵᠦ ᠶᠠᠭ᠋ᠠᠬᠢᠭᠰᠠᠨ ᠴᠤ᠌ ᠪᠣᠯᠬᠤ ᠦᠭᠡᠢ᠃
ᠭᠤᠷᠪᠠᠳᠤ᠂ ᠢᠯᠠᠭᠠ ᠪᠠᠲᠠᠭ᠋ᠠᠨᠠ ᠵᠢ ᠬᠥᠭᠡᠭᠡᠵᠦ ᠶᠠᠪᠤᠭᠤᠯᠬᠤ
ᠵᠣᠨᠤ ᠤᠯᠠᠷᠢᠯᠳᠤ᠂ ᠢᠯᠠᠭᠠ ᠪᠠᠲᠠᠭ᠋ᠠᠨᠠ ᠣᠯᠠᠨ ᠪᠠᠢ᠌ᠵᠤ ᠭᠠᠬᠠᠶ ᠵᠢᠨ ᠠᠮᠠᠷᠠᠬᠤ ᠵᠢ ᠨᠥᠯᠥᠭᠡᠯᠡᠵᠦ᠂ ᠲᠡᠵᠢᠭᠡᠯ ᠪᠣᠷᠳᠣᠭᠠ ᠪᠣᠯᠤᠨ ᠤᠤᠭᠤᠬᠤ ᠤᠰᠤ ᠵᠢ ᠪᠣᠬᠢᠷᠲᠤᠭᠤᠯᠵᠤ᠂ ᠵᠠᠷᠢᠮᠳᠤᠪᠠᠨ ᠪᠠᠰᠠ ᠬᠠᠯᠳᠠᠪᠤᠷᠢᠲᠤ ᠡᠪᠡᠳᠴᠢᠨᠢ ᠡᠭᠦᠰᠭᠡᠳᠡᠭ᠃ ᠰᠥᠨᠢ ᠭᠠᠬᠠᠢ ᠵᠢᠨ ᠬᠠᠰᠢᠶᠠᠨᠳᠤᠪᠠᠨ ᠰᠢᠮᠠᠭᠤᠯ ᠤᠲᠤᠬᠤ ᠬᠦᠵᠢ ᠨᠣᠴᠤᠭ᠋ᠠᠬᠤ ᠱᠠ ᠪᠦᠰᠡᠳᠤ ᠪᠣᠭᠤᠭᠰᠠᠨ ᠲᠠᠯᠠᠰᠲᠤ ᠳ᠋ᠢ ᠪᠠᠢ ᠴᠥᠩ （敌 百 虫） ᠵᠢ ᠡᠯᠭᠦᠵᠦ ᠪᠣᠯᠤᠨᠠ᠃
ᠳᠥᠷᠪᠡᠳᠤ᠂ ᠰᠥᠨᠢ ᠬᠣᠭᠣᠯᠠ ᠨᠡᠮᠡᠬᠦ
ᠵᠤᠨᠤ ᠤᠯᠠᠷᠢᠯᠳᠤ ᠡᠳᠦᠷᠤᠨ ᠳᠤᠯᠠᠭ᠋ᠠᠨᠤ ᠬᠡᠮᠵᠢᠶᠡ ᠥᠨᠳᠥᠷ᠂ ᠭᠠᠬᠠᠢ ᠵᠢᠨ ᠢᠳᠡᠰᠢᠨ ᠳᠤᠷᠠᠰᠢᠯ ᠬᠢᠭᠡᠳ ᠢᠳᠡᠰᠢᠯᠡᠬᠦ ᠬᠡᠮᠵᠢᠶᠡ ᠵᠢ ᠨᠥᠯᠥᠭᠡᠯᠡᠳᠡᠭ᠂ ᠡᠢ᠌ᠮᠦᠠᠴᠠ ᠰᠥᠨᠢ ᠣᠷᠣᠢ ᠳᠤᠯᠠᠭ᠋ᠠᠨᠤ ᠬᠡᠮᠵᠢᠶᠡ ᠨᠡᠯᠢᠶᠡᠳ ᠳᠣᠣᠷᠠ ᠦᠶᠡᠰ᠂ ᠬᠠᠰᠢᠶᠠᠨᠳᠤᠨᠢ ᠭᠠᠬᠠᠢ ᠵᠢᠨ ᠲᠡᠵᠢᠭᠡᠯ ᠪᠣᠷᠳᠣᠭᠠ ᠵᠢ ᠭᠦᠢ᠍ᠴᠡᠳ ᠲᠠᠯᠪᠢᠵᠤ᠂ ᠭᠠᠬᠠᠢ ᠵᠢᠨ ᠬᠦᠨᠳᠦ ᠵᠢᠨ ᠨᠡᠮᠡᠭᠳᠡᠯᠢ ᠪᠠᠲᠤᠯᠠᠨᠠ᠃ ᠣᠷᠣᠢ ᠵᠢᠨ 7 ᠴᠠᠭ᠂ ᠰᠥᠨᠢ ᠵᠢᠨ 11 ᠴᠠᠭ᠂ ᠥᠷᠯᠥᠭᠡ ᠵᠢᠨ 4 ᠴᠠᠭᠲᠤ ᠲᠣᠰ ᠪᠦᠷᠢ ᠨᠢᠭᠡ ᠤᠳᠠᠭᠠ ᠲᠡᠵᠢᠭᠡᠯ ᠨᠦᠬᠦᠪᠦᠷᠢᠯᠡᠵᠦ ᠪᠣᠯᠤᠨᠠ᠃ ᠦᠳᠡ ᠵᠢᠨ ᠡᠮᠦᠨᠡᠬᠢ 10 ᠴᠠᠭ ᠪᠠ ᠦᠳᠡ ᠵᠢᠨ ᠬᠣᠢ᠌ᠨᠠᠬᠢ 2 ᠴᠠᠭ ᠬᠠᠭ᠋ᠠᠰᠲᠤ ᠲᠣᠰ ᠪᠦᠷᠢ ᠨᠢᠭᠡ ᠤᠳᠠᠭᠠ 0.5% ᠵᠢᠨ ᠳᠠᠪᠤᠰᠤᠲᠠᠢ ᠤᠰᠤᠪᠠᠷ ᠤᠰᠤᠯᠠᠨᠠ᠃
ᠲᠡᠵᠢᠭᠡᠬᠦ ᠤᠳᠠᠭᠠ ᠬᠢᠭᠡᠳ ᠬᠡᠮᠵᠢᠶᠡᠨᠢ ᠳᠣᠣᠷᠠᠬᠢ ᠮᠡᠲᠦ᠄
1. ᠭᠠᠬᠠᠶ ᠵᠢᠨ ᠪᠡᠶᠡ ᠵᠢᠨ ᠬᠦᠨᠳᠦᠨᠢ 35 ᠺᠢᠯᠣᠭ᠌ᠷᠠᠮ ᠪᠣᠯᠬᠤᠠᠴᠠ ᠡᠮᠦᠨᠡ ᠡᠳᠦᠷ ᠪᠦᠷᠢ 2 ᠺᠢᠯᠣᠭ᠌ᠷᠠᠮ ᠲᠡᠵᠢᠭᠡᠯ᠂ 2 ᠺᠢᠯᠣᠭ᠌ᠷᠠᠮ ᠳᠠᠪᠤᠰᠤᠲᠠᠢ ᠤᠰᠤ ᠥᠭᠭᠦᠨᠡ᠃
2. ᠭᠠᠬᠠᠶ ᠵᠢᠨ ᠪᠡᠶᠡ ᠵᠢᠨ ᠬᠦᠨᠳᠦᠨᠢ 35 ~ 60 ᠺᠢᠯᠣᠭ᠌ᠷᠠᠮ ᠦᠶᠡᠰ ᠡᠳᠦᠷ ᠪᠦᠷᠢ 2.75 ᠺᠢᠯᠣᠭ᠌ᠷᠠᠮ ᠲᠡᠵᠢᠭᠡᠯ᠂ 5 ᠺᠢᠯᠣᠭ᠌ᠷᠠᠮ ᠳᠠᠪᠤᠰᠤᠲᠠᠢ ᠤᠰᠤ ᠥᠭᠭᠦᠨᠡ᠃
3. ᠭᠠᠬᠠᠶ ᠵᠢᠨ ᠪᠡᠶᠡ ᠵᠢᠨ ᠬᠦᠨᠳᠦᠨᠢ 60 ᠺᠢᠯᠣᠭ᠌ᠷᠠᠮᠠᠴᠠ ᠳᠡᠭᠡᠭᠰᠢ ᠦᠶᠡᠰ ᠡᠳᠦᠷ ᠪᠦᠷᠢ 3.5 ᠺᠢᠯᠣᠭ᠌ᠷᠠᠮ ᠲᠡᠵᠢᠭᠡᠯ᠂ 7.5 ᠺᠢᠯᠣᠭ᠌ᠷᠠᠮ ᠳᠠᠪᠤᠰᠤᠲᠠᠢ ᠤᠰᠤ ᠥᠭᠭᠦᠨᠡ᠃