ᠮᠣᠩᠭᠤᠯ ᠦᠬᠡᠷ
ᠮᠣᠩᠭᠤᠯ ᠦᠬᠡᠷᠤᠨ ᠲᠦᠷᠦᠯ ᠬᠡᠯᠪᠡᠷᠢᠳᠤ ᠬᠠᠷᠢᠶᠠᠯᠠᠭᠳᠠᠨᠠ᠃ ᠦᠪᠦᠷ ᠮᠣᠩᠭᠤᠯ ᠪᠣᠯᠣᠨ ᠪᠠᠷᠠᠭᠤᠨ ᠬᠤᠢ᠌ᠲᠤ ᠤᠷᠤᠨ᠂ ᠤᠮᠠᠷᠠᠲᠤ ᠤᠷᠤᠨᠤ ᠬᠤᠢ᠌ᠲᠤ ᠬᠡᠰᠡᠭ ᠵᠶ᠋ᠡᠷ ᠲᠠᠷᠬᠠᠵᠤ ᠪᠣᠢ᠃ ᠬᠢᠩᠭ᠋ᠠᠨ ᠳᠠᠪᠠᠭ᠋ᠠᠨᠤ ᠵᠡᠭᠦᠨ ᠪᠠ ᠪᠠᠷᠠᠭᠤᠨ ᠬᠤᠷᠮᠤᠢ ᠪᠣᠯ ᠲᠡᠭᠦᠨᠤ ᠭᠤᠤᠯ ᠡᠭᠦᠰᠦᠯᠲᠡ ᠵᠢᠨ ᠣᠷᠣᠨ ᠮᠦᠨ᠃
ᠮᠣᠩᠭᠣᠯ ᠦᠬᠡᠷᠤᠨ ᠦᠩᠭᠡ ᠵᠢᠰᠦᠮᠤᠨ ᠤᠨᠴᠠᠯᠢᠭᠨᠢ ᠭᠡᠪᠡᠯ᠂ ᠰᠡᠷᠪᠡᠭᠡᠨᠢ ᠳᠤᠤᠷᠠ ᠪᠦᠭᠡᠳ ᠲᠡᠭᠰᠢᠬᠡᠨ ᠪᠠᠢ᠌ᠵᠤ᠂ ᠪᠠᠷᠤᠭ ᠨᠢᠷᠤᠭᠤᠲᠠᠢᠪᠠᠨ ᠠᠳᠠᠯᠢ ᠦᠨᠳᠦᠷ ᠪᠠᠢ᠌ᠳᠠᠭ᠃ ᠵᠣ᠋ ᠨᠢᠷᠤᠭᠤᠨᠢ ᠠᠰᠬᠠᠨ ᠪᠦᠭᠡᠳ ᠲᠡᠭᠰᠢ᠂ ᠳᠡᠯᠡᠩᠤᠨ ᠪᠣᠢ᠌ᠵᠢᠯᠲᠠᠨᠢ ᠪᠤᠰᠤᠳ ᠰᠢᠷᠠ ᠦᠬᠡᠷᠤᠨᠬᠢᠠᠴᠠ ᠰᠠᠢ᠌ᠨ ᠪᠠᠢ᠌ᠳᠠᠭ᠃ ᠪᠡᠶᠡ ᠵᠢᠨ ᠬᠡᠯᠪᠡᠷᠢᠨᠢ ᠰᠦᠨ ᠬᠡᠷᠡᠭᠯᠡᠭᠦᠨᠲᠦ ᠦᠬᠡᠷᠲᠠᠢ ᠤᠢ᠌ᠷᠠᠯᠴᠠᠭᠠ ᠶᠣᠮ᠃ ᠡᠪᠡᠷᠨᠢ ᠤᠷᠲᠤ ᠪᠦᠭᠡᠳ ᠱᠣᠪᠣᠭᠣᠷ᠂ ᠵᠢᠰᠦᠮᠨᠢ ᠤᠯᠠᠩᠬᠢᠨᠢ ᠰᠢᠷᠠ ᠬᠦᠷᠡᠩ ᠪᠠᠢ᠌ᠵᠤ᠂ ᠬᠠᠷᠠ᠂ ᠬᠠᠷᠠ ᠠᠯᠠᠭ ᠴᠤ᠌ ᠪᠣᠢ᠃
ᠰᠢᠯᠢᠳᠡᠭ ᠰᠠᠢ᠌ᠨ ᠪᠡᠯᠴᠢᠭᠡᠷ ᠤᠰᠤᠲᠠᠢ ᠨᠦᠭᠦᠴᠡᠯ ᠳᠤᠤᠷᠠ᠂ ᠰᠦ ᠱᠦᠭᠦᠷᠡᠯᠤᠨ ᠬᠤᠭᠤᠴᠠᠭᠠᠨᠢ ᠵᠦᠪᠬᠡᠨ 160～165 ᠡᠳᠦᠷ ᠪᠠᠢ᠌ᠵᠤ᠂ ᠰᠦᠨᠤ ᠵᠢᠯᠤᠨ ᠭᠠᠷᠤᠯᠲᠠᠨᠢ 500～700 ᠺᠢᠯᠦᠭᠷᠡᠮ᠂ ᠬᠠᠮᠤᠭᠤᠨ ᠦᠨᠳᠦᠷᠲᠡᠭᠡᠨ 1100 ᠺᠢᠯᠦᠭᠷᠡᠮᠳᠤ ᠬᠦᠷᠴᠦ᠂ ᠰᠦᠨᠤ ᠲᠤᠰᠤᠯᠢᠭᠤᠨ ᠨᠤᠷᠮᠠᠨᠢ 5.22％ ᠪᠠᠢ᠌ᠳᠠᠭ᠃
ᠮᠤᠩᠭᠤᠯ ᠦᠬᠡᠷᠤᠨ ᠪᠤᠬᠠᠨᠤ ᠪᠡᠶᠡ ᠵᠢᠨ ᠬᠦᠨᠳᠦᠨᠢ 300～400 ᠺᠢᠯᠦᠭᠷᠡᠮ᠃ ᠦᠨᠢᠶᠡᠨᠤ ᠬᠢᠨᠢ 250～350 ᠺᠢᠯᠦᠭᠷᠡᠮ ᠪᠣᠯᠣᠨᠠ᠃ ᠮᠢᠬᠠᠨᠤ ᠴᠢᠨᠠᠷᠨᠢ ᠰᠠᠢ᠌ᠨ᠂ ᠨᠢᠲᠤᠯᠤᠯᠲᠠ ᠵᠢᠨ ᠨᠤᠷᠮᠠᠨᠢ ᠶᠡᠷᠦᠳᠡᠭᠡᠨ 50％ᠳᠤ ᠬᠦᠷᠴᠦ᠂ ᠪᠤᠷᠳᠤᠵᠤ ᠲᠠᠷᠭᠤᠯᠠᠭᠤᠯᠤᠭᠰᠠᠨ ᠦᠬᠡᠷᠨᠢ ᠬᠠᠷᠢᠨ 56％ᠳᠤ ᠬᠦᠷᠳᠡᠭ᠃
ᠮᠣᠩᠭᠤᠯ ᠦᠬᠡᠷᠤᠨ ᠪᠡᠶᠡ ᠴᠤᠭᠴᠠᠨᠢ ᠪᠦᠬᠡᠯᠢᠭ᠂ ᠬᠦᠯᠦᠰᠢᠨᠤ ᠴᠢᠳᠠᠪᠤᠷᠢᠨᠢ ᠴᠢᠩᠭᠠ ᠮᠦᠷᠲᠡᠭᠡᠨ ᠳᠠᠭ᠋ᠠᠭ᠋ᠠᠮᠠᠭ᠋ᠠᠢ᠂ ᠡᠩᠤᠨ ᠠᠷᠠᠴᠢᠯᠠᠭᠠ ᠲᠡᠵᠢᠭᠡᠯᠭᠡᠳᠤ ᠳᠠᠭ᠋ᠠᠭ᠋ᠠᠴᠠᠲᠠᠢ ᠪᠦᠭᠡᠳ ᠮᠠᠨᠤ ᠣᠯᠣᠰᠤᠨ ᠤᠮᠠᠷᠠᠲᠤ ᠤᠷᠤᠨᠤ ᠪᠠᠢ᠌ᠭ᠋ᠠᠯᠢ ᠵᠢᠨ ᠤᠷᠴᠢᠨ ᠨᠦᠭᠦᠴᠡᠯᠳᠤ ᠵᠤᠬᠢᠴᠠᠬᠤ ᠴᠢᠨᠠᠷ ᠵᠶ᠋ᠠᠷ ᠰᠠᠢ᠌ᠨ ᠪᠠᠢ᠌ᠳᠠᠭ᠃ ᠭᠡᠪᠡᠴᠦ ᠪᠡᠶᠡ ᠪᠢᠯᠳᠠᠷᠨᠢ ᠪᠠᠭᠠ ᠪᠦᠭᠡᠳ ᠪᠡᠶᠡ ᠵᠢᠨ ᠬᠤᠢ᠌ᠲᠤ ᠬᠡᠰᠡᠭᠤᠨ ᠪᠤᠢ᠌ᠵᠢᠯᠲᠠᠨᠢ ᠪᠠᠷᠤᠭᠲᠠᠢ ᠶᠣᠮ᠃
（ᠢᠷᠡᠯᠲᠡ᠄ ᠴᠧᠨ ᠪᠠᠭ᠋ᠠᠲᠤᠷ᠂ ᠢ᠊ · ᠰᠤᠶᠤᠯᠲᠤ᠂ ᠤᠷᠠᠨᠴᠢᠮᠡᠭ᠂ ᠰᠡᠴᠡᠨᠪᠢᠯᠢᠭ᠂ ᠨᠠᠰᠤᠨᠳᠠᠯᠭᠡᠷ᠂ ᠨᠠᠷᠠᠨ ᠨᠠᠷᠤᠨ ᠨᠠᠶ᠋ᠢᠷᠠᠭᠤᠯᠤᠨ ᠵᠤᠬᠢᠶᠠᠭᠰᠠᠨ 《ᠰᠦᠨᠤ ᠦᠨᠢᠶᠡᠨᠤ ᠠᠷᠠᠴᠢᠯᠠᠭᠠ ᠲᠡᠵᠢᠭᠡᠯᠭᠡ ᠵᠢᠨ ᠠᠷᠭᠠ ᠮᠡᠷᠭᠡᠵᠢᠯ》 ᠭᠡᠬᠦ ᠨᠤᠮᠠᠴᠠ ᠰᠤᠩᠭᠤᠨ ᠰᠡᠶ᠋ᠢᠷᠡᠭᠦᠯᠪᠡ᠃）