ᠭᠤᠷᠪᠠᠨ ᠭᠤᠤᠯᠤᠨ ᠦᠬᠡᠷ
ᠲᠤᠰ ᠡᠭᠦᠯᠳᠡᠷᠤᠨ ᠦᠬᠡᠷ ᠪᠣᠯ ᠰᠦ ᠮᠢᠬᠠᠨᠤ ᠬᠤᠤᠰ ᠬᠡᠷᠡᠭᠯᠡᠭᠦᠨᠲᠦ ᠡᠭᠦᠯᠳᠡᠷᠤᠨ ᠦᠬᠡᠷ ᠪᠣᠯᠣᠨᠠ᠃ ᠣᠣᠯᠨᠢ ᠬᠦᠯᠦᠨ ᠪᠣᠢ᠌ᠷᠤᠨ ᠲᠠᠯᠠ ᠨᠤᠲᠤᠭᠠᠴᠠ ᠣᠭ ᠭᠠᠷᠤᠯᠲᠠᠢ ᠪᠦᠭᠡᠳ ᠡᠷᠭᠦᠨᠡ ᠪᠠᠷᠠᠭᠤᠨ ᠬᠤᠰᠢᠭᠤᠨᠤ ᠭᠣᠷᠪᠠᠨ ᠭᠤᠤᠯᠤᠨ ᠣᠷᠣᠨ ᠵᠶ᠋ᠠᠷ ᠨᠡᠯᠢᠶᠡᠳ ᠲᠦᠪᠯᠡᠷᠡᠵᠦ ᠪᠠᠢ᠌ᠭᠰᠠᠨ ᠤᠴᠢᠷᠠᠴᠠ ᠡᠨᠡ ᠨᠡᠷᠡ ᠵᠢ ᠤᠯᠵᠠᠢ᠃ 19 ᠳ᠋ᠦ᠍ᠭᠡᠷ ᠵᠠᠭᠤᠨᠤ ᠰᠡᠭᠦᠯᠴᠢᠠᠴᠠ ᠡᠬᠢᠯᠡᠨ ᠲᠤᠬᠠᠢ ᠵᠢᠨ ᠭᠠᠵᠠᠷᠤᠨ ᠮᠣᠩᠭᠣᠯ ᠦᠬᠡᠷ ᠬᠢᠭᠡᠳ ᠭᠠᠳᠠᠭ᠋ᠠᠳᠤ ᠵᠢᠨ ᠨᠡᠯᠢᠶᠡᠳ ᠤᠯᠠᠨ ᠡᠭᠦᠯᠳᠡᠷᠤᠨ ᠦᠬᠡᠷ （ᠵᠢᠱ᠌ᠢᠶᠡᠯᠡᠪᠡᠯ ᠰᠢᠪᠧᠷᠢᠶᠠ ᠦᠬᠡᠷ᠂ ᠰᠢᠮᠧᠨ᠋ᠲᠠᠷ ᠦᠬᠡᠷ᠂ ᠶᠡᠷᠦᠰᠯᠠᠹ ᠦᠬᠡᠷ ᠵᠡᠷᠭᠡ）ᠢ ᠬᠠᠮᠲᠤᠷᠠᠭᠤᠯᠤᠨ ᠬᠡᠷᠡᠭᠯᠡᠵᠦ ᠬᠠᠷᠢᠯᠴᠠᠨ ᠡᠷᠯᠢᠰᠡᠵᠢᠭᠦᠯᠵᠦ ᠪᠠᠢ᠌ᠭ᠋ᠠᠳ ᠪᠣᠢ᠌ᠵᠢᠭᠣᠯᠵᠣ ᠭᠠᠷᠭ᠋ᠠᠭᠰᠠᠨ ᠶᠤᠮ᠃ ᠭᠤᠷᠪᠠᠨ ᠭᠤᠤᠯᠤᠨ ᠦᠬᠡᠷᠨᠢ ᠭᠤᠤᠯᠳᠠᠭᠤ ᠦᠪᠦᠷ ᠮᠣᠩᠭᠣᠯ ᠪᠣᠯᠣᠨ ᠵᠡᠭᠦᠨ ᠬᠤᠢ᠌ᠲᠤ ᠤᠷᠤᠨᠳᠤ ᠲᠠᠷᠬᠠᠵᠤ ᠪᠣᠢ᠃
ᠭᠤᠷᠪᠠᠨ ᠭᠤᠤᠯᠤᠨ ᠦᠬᠡᠷᠤᠨ ᠦᠩᠭᠡ ᠵᠢᠰᠦᠮᠤᠨ ᠤᠨᠴᠠᠯᠢᠭᠨᠢ ᠭᠡᠪᠡᠯ᠂ ᠲᠤᠯᠤᠭ᠋ᠠᠢᠨᠢ ᠴᠡᠪᠡᠷ ᠭᠤᠸᠠᠯᠢᠭ᠂ ᠬᠦᠵᠦᠭᠦᠦᠨᠢ ᠪᠦᠳᠦᠭᠦᠪᠲᠦᠷ ᠪᠦᠭᠡᠳ ᠤᠷᠲᠤ ᠪᠣᠭᠣᠨᠢᠨᠢ ᠲᠡᠩᠴᠡᠭᠦᠷᠢᠲᠡᠢ᠂ ᠳᠠᠯᠤ ᠵᠢᠨ ᠬᠡᠰᠡᠭᠨᠢ ᠦᠷᠭᠡᠨ᠂ ᠵᠣ᠋ ᠨᠢᠷᠤᠭᠤᠨᠢ ᠲᠡᠭᠰᠢᠬᠡᠨ᠂ ᠪᠡᠶᠡ ᠵᠢᠨ ᠬᠤᠢ᠌ᠲᠤ ᠬᠡᠰᠡᠭᠨᠢ ᠪᠣᠢ᠌ᠵᠢᠯᠲᠠᠪᠠᠷ ᠪᠠᠷᠤᠭᠲᠠᠢ᠂ ᠳᠡᠯᠡᠩᠤᠨ ᠪᠣᠢ᠌ᠵᠢᠯᠲᠠᠨᠢ ᠳᠤᠮᠳᠠ ᠵᠡᠷᠭᠡ ᠪᠣᠯᠣᠨᠠ᠃ ᠵᠢᠰᠦᠮᠨᠢ ᠤᠯᠠᠭ᠋ᠠᠨ （ᠰᠢᠷᠠ） ᠠᠯᠠᠭ ᠵᠶ᠋ᠠᠷ ᠭᠤᠤᠯᠯᠠᠵᠤ᠂ ᠪᠣᠰᠣᠳ ᠬᠣᠯᠢᠮᠠᠭ ᠵᠢᠰᠦᠮ ᠴᠤ᠌ ᠪᠠᠢ᠌ᠳᠠᠭ᠃
ᠡᠨᠡ ᠬᠦ᠌ ᠡᠭᠦᠯᠳᠡᠷᠤᠨ ᠦᠨᠢᠶᠡᠨᠤ ᠰᠦ ᠱᠦᠭᠦᠷᠡᠭᠦᠯᠬᠦ ᠴᠢᠳᠠᠪᠤᠷᠢᠨᠢ ᠲᠤᠰ ᠭᠠᠵᠠᠷ ᠤᠷᠤᠨᠤ ᠪᠠᠢ᠌ᠭ᠋ᠠᠯᠢ ᠵᠢᠨ ᠨᠦᠭᠦᠴᠡᠯᠤᠨ ᠠᠳᠠᠯᠢ ᠪᠣᠰᠤᠠᠴᠠ ᠪᠣᠯᠵᠣ ᠬᠤᠭᠤᠷᠤᠨᠲᠤᠪᠠᠨ ᠨᠡᠯᠢᠶᠡᠳ ᠶᠡᠬᠡ ᠵᠦᠷᠢᠶᠡᠨᠲᠠᠢ ᠪᠠᠢ᠌ᠳᠠᠭ᠃ ᠲᠤᠬᠠᠢ᠌ᠯᠠᠪᠠᠯ ᠰᠦ ᠱᠦᠭᠦᠷᠡᠯᠤᠨ ᠬᠤᠭᠤᠴᠠᠭᠠᠨᠢ ᠶᠡᠷᠦᠳᠡᠭᠡᠨ 270～300 ᠡᠳᠦᠷ ᠪᠠᠢ᠌ᠵᠤ᠂ ᠵᠢᠯᠤᠨ ᠳᠤᠮᠳᠠᠴᠢ ᠰᠦᠨᠤ ᠭᠠᠷᠤᠯᠲᠠᠨᠢ 3000～4000 ᠺᠢᠯᠦᠭᠷᠡᠮ᠂ ᠰᠦᠨᠤ ᠲᠤᠰᠤᠯᠢᠭᠤᠨ ᠨᠤᠷᠮᠠᠨᠢ 4％ ᠤᠷᠴᠢᠮ ᠪᠣᠯᠣᠨᠠ᠃ ᠡᠭᠦᠨᠳᠤ ᠵᠢᠯᠤᠨ ᠰᠦᠨᠤ ᠭᠠᠷᠤᠯᠲᠠᠪᠠᠷ ᠬᠠᠮᠤᠭ ᠦᠨᠳᠦᠷᠨᠢ ᠬᠠᠷᠢᠨ 7000～8000 ᠺᠢᠯᠦᠭᠷᠡᠮ ᠪᠠᠢ᠌ᠳᠠᠭ᠃
ᠭᠤᠷᠪᠠᠨ ᠭᠤᠤᠯᠤᠨ ᠦᠬᠡᠷᠤᠨ ᠪᠤᠬᠠᠨᠤ ᠪᠡᠶᠡ ᠵᠢᠨ ᠬᠦᠨᠳᠦᠨᠢ 1050 ᠺᠢᠯᠦᠭᠷᠡᠮ ᠤᠷᠴᠢᠮ᠂ ᠪᠡᠶᠡ ᠵᠢᠨ ᠦᠨᠳᠦᠷᠨᠢ ᠪᠠᠷᠤᠭ160 ᠰᠡᠨᠲ᠋ᠢᠮᠧᠲᠷ ᠪᠠᠢ᠌ᠵᠤ᠂ ᠦᠨᠢᠶᠡᠨᠤ ᠬᠢᠨᠢ ᠪᠡᠶᠡ ᠵᠢᠨ ᠬᠦᠨᠳᠦᠨᠢ 550 ᠺᠢᠯᠦᠭᠷᠡᠮ ᠤᠷᠴᠢᠮ᠂ ᠪᠡᠶᠡ ᠵᠢᠨ ᠦᠨᠳᠦᠷᠨᠢ 130 ᠰᠡᠨᠲ᠋ᠢᠮᠧᠲᠷ ᠪᠠᠢ᠌ᠳᠠᠭ᠃ ᠰᠠᠶᠢᠬᠠᠨ ᠲᠤᠭᠤᠯᠯᠠᠭᠰᠠᠨ ᠲᠤᠭᠤᠯᠤᠨ ᠪᠡᠶᠡ ᠵᠢᠨ ᠬᠦᠨᠳᠦᠨᠢ 35 ᠺᠢᠯᠦᠭᠷᠡᠮ ᠪᠠᠢ᠌ᠵᠤ᠂ ᠡᠷᠡ ᠲᠤᠭᠤᠯᠨᠢ 6 ᠰᠠᠷᠠ ᠪᠣᠯᠪᠠᠯ 178 ᠺᠢᠯᠦᠭᠷᠡᠮ ᠬᠦᠷᠴᠦ᠂ ᠡᠮᠡ ᠲᠤᠭᠤᠯᠨᠢ 6 ᠰᠠᠷᠠ ᠪᠣᠯᠪᠠᠯ 169 ᠺᠢᠯᠦᠭᠷᠡᠮᠳᠤ ᠬᠦᠷᠳᠡᠭ᠂ 2～3 ᠨᠠᠰᠤᠲᠠᠢ ᠡᠷᠡ ᠦᠬᠡᠷᠤᠨ ᠨᠢᠲᠤᠯᠤᠯᠲᠠ ᠵᠢᠨ ᠨᠤᠷᠮᠠᠨᠢ 50％～55％᠂ ᠴᠡᠪᠡᠷ ᠮᠢᠬᠠᠨᠤ ᠨᠤᠷᠮᠠᠨᠢ 45％～48％ᠳᠤ ᠬᠦᠷᠳᠡᠭ᠃ ᠭᠤᠷᠪᠠᠨ ᠭᠤᠤᠯᠤᠨ ᠡᠭᠦᠯᠳᠡᠷᠤᠨ ᠦᠨᠢᠶᠡᠨᠢ 20～24 ᠰᠠᠷᠠ ᠪᠣᠯᠪᠠᠯ᠂ ᠲᠡᠭᠦᠨᠢ ᠬᠡᠭᠡᠯᠳᠦᠭᠦᠯᠵᠦ ᠪᠣᠯᠬᠣ ᠪᠦᠭᠡᠳ ᠦᠷᠡᠵᠢᠯᠲᠡ ᠵᠢᠨ ᠨᠤᠷᠮᠠᠨᠢ 60％～75％ᠳᠤ ᠬᠦᠷᠴᠦ᠂ ᠭᠡᠭᠡᠯᠤᠨ ᠬᠤᠭᠤᠴᠠᠭᠠᠨᠢ 283～285 ᠡᠳᠦᠷ ᠪᠣᠯᠣᠨᠠ᠃
ᠭᠤᠷᠪᠠᠨ ᠭᠤᠤᠯᠤᠨ ᠦᠬᠡᠷᠨᠢ ᠬᠦᠢ᠍ᠲᠡᠨᠳᠤ ᠲᠡᠰᠪᠦᠷᠢᠲᠡᠢ᠂ ᠡᠩᠤᠨ ᠠᠷᠠᠴᠢᠯᠠᠭᠠ ᠲᠡᠵᠢᠭᠡᠯᠭᠡᠳᠤ ᠳᠠᠭ᠋ᠠᠭ᠋ᠠᠴᠠᠲᠠᠢ᠂ ᠮᠠᠯᠵᠢᠬᠤᠳᠤ ᠬᠢᠯᠪᠡᠷ᠂ ᠵᠤᠬᠢᠴᠠᠬᠤ ᠴᠢᠨᠠᠷ ᠵᠶ᠋ᠠᠷ ᠰᠠᠢ᠌ᠨ ᠪᠠᠢ᠌ᠳᠠᠭ᠃ ᠭᠡᠪᠡᠴᠦ ᠪᠡᠶᠡ ᠵᠢᠨ ᠬᠡᠯᠪᠡᠷᠢᠨᠢ ᠵᠢᠭᠲᠡ ᠪᠣᠰᠣ᠂ ᠣᠳᠣᠮᠯᠠᠯᠤᠨ ᠴᠢᠨᠠᠷᠨᠢ ᠲᠤᠭᠲᠠᠪᠤᠷᠢᠵᠢᠭ᠋ᠠᠳᠤᠢ ᠪᠦᠭᠡᠳ ᠬᠤᠳᠤᠯᠠᠢᠨᠢ ᠲᠠᠰᠢᠭᠤ ᠵᠡᠷᠭᠡ ᠳᠤᠲᠠᠭᠳᠠᠯ ᠶᠤᠮ᠃
（ᠢᠷᠡᠯᠲᠡ᠄ ᠴᠧᠨ ᠪᠠᠭ᠋ᠠᠲᠤᠷ᠂ ᠢ᠊ · ᠰᠤᠶᠤᠯᠲᠤ᠂ ᠤᠷᠠᠨᠴᠢᠮᠡᠭ᠂ ᠰᠡᠴᠡᠨᠪᠢᠯᠢᠭ᠂ ᠨᠠᠰᠤᠨᠳᠠᠯᠭᠡᠷ᠂ ᠨᠠᠷᠠᠨ ᠨᠠᠷᠤᠨ ᠨᠠᠶ᠋ᠢᠷᠠᠭᠤᠯᠤᠨ ᠵᠤᠬᠢᠶᠠᠭᠰᠠᠨ 《ᠰᠦᠨᠤ ᠦᠨᠢᠶᠡᠨᠤ ᠠᠷᠠᠴᠢᠯᠠᠭᠠ ᠲᠡᠵᠢᠭᠡᠯᠭᠡ ᠵᠢᠨ ᠠᠷᠭᠠ ᠮᠡᠷᠭᠡᠵᠢᠯ》 ᠭᠡᠬᠦ ᠨᠤᠮᠠᠴᠠ ᠰᠤᠩᠭᠤᠨ ᠰᠡᠶ᠋ᠢᠷᠡᠭᠦᠯᠪᠡ᠃）