ᠬᠠᠰᠢᠶᠠ ᠰᠠᠷᠠᠪᠴᠢ ᠵᠢ ᠠᠷᠢᠭᠤᠳᠬᠠᠬᠤ ᠬᠡᠷᠡᠭᠲᠡᠢ᠃ ᠦᠬᠡᠷᠤᠨ ᠬᠠᠰᠢᠶᠠ ᠰᠠᠷᠠᠪᠴᠢ ᠵᠢᠨ ᠠᠷᠢᠭᠤᠳᠬᠠᠯ᠄ ᠲᠦᠭᠦᠬᠡᠢ ᠴᠣᠬᠣᠢᠳᠤ ᠤᠰᠤ ᠨᠡᠮᠡᠵᠦ 10%—20% ᠵᠢᠨ ᠴᠣᠬᠣᠢ ᠵᠢᠭᠤᠷᠠᠮᠠᠯ ᠪᠣᠯᠭ᠋ᠠᠬᠤ ᠪᠤᠶᠤ 2%—3% ᠵᠢᠨ ᠢᠳᠡᠮᠡᠬᠡᠢ ᠱᠦᠯᠲᠦ ᠵᠢᠨ ᠤᠰᠤᠨ ᠠᠭᠤᠰᠤᠮᠠᠯ ᠪᠤᠶᠤ 3% ᠵᠢᠨ ᠯᠠᠶ᠋ᠢᠰᠤ ᠵᠢᠨ ᠤᠰᠤᠪᠠᠷ ᠰᠦᠷᠴᠢᠨ ᠠᠷᠢᠭᠤᠳᠬᠠᠨᠠ᠃ ᠬᠥᠳᠡᠯᠭᠡᠭᠡᠨᠤ ᠲᠠᠯᠠᠪᠤᠷᠤᠨ ᠠᠷᠢᠭᠤᠳᠬᠠᠯ᠄ ᠭᠠᠵᠠᠷ ᠳᠡᠭᠡᠷᠡ ᠲᠦᠭᠦᠬᠡᠢ ᠴᠣᠬᠣᠢ ᠰᠠᠴᠤᠵᠤ ᠠᠷᠢᠭᠤᠳᠬᠠᠨᠠ᠃ ᠡᠭᠦᠳᠡ ᠬᠠᠭ᠋ᠠᠯᠭᠠ ᠵᠢ ᠠᠷᠢᠭᠤᠳᠬᠠᠬᠤ᠄ 2%—4% ᠵᠢᠨ ᠤᠰᠤᠮᠠᠭᠲᠤ ᠨᠠᠲᠷᠢ ᠵᠢᠨ ᠠᠭᠤᠰᠤᠮᠠᠯ ᠵᠶ᠋ᠠᠷ ᠰᠦᠷᠴᠢᠨ ᠠᠷᠢᠭᠤᠳᠬᠠᠨᠠ᠃ ᠪᠠᠭ᠋ᠠᠰᠤ ᠰᠢᠭᠡᠰᠦ᠂ ᠪᠣᠬᠢᠷ ᠤᠰᠤ ᠵᠢ ᠠᠷᠢᠭᠤᠳᠬᠠᠬᠤ᠄ ᠠᠮᠢᠳᠤ ᠪᠣᠳᠠᠰᠤᠨ ᠢᠯᠴᠢᠪᠠᠷ ᠠᠷᠢᠭᠤᠳᠬᠠᠬᠤ ᠠᠷᠭᠠ ᠵᠢ ᠬᠡᠷᠡᠭᠯᠡᠨᠡ᠃
ᠬᠣᠷᠣᠬᠠᠢ ᠵᠢ ᠨᠢ ᠬᠥᠭᠡᠭᠡᠬᠦ ᠬᠡᠷᠡᠭᠲᠡᠢ᠃ ᠦᠬᠡᠷᠳᠤ ᠣᠷᠳᠣ ᠬᠤᠭᠤᠴᠠᠭᠠᠪᠠᠷ ᠬᠣᠷᠣᠬᠠᠢ ᠬᠥᠭᠡᠭᠡᠬᠦ ᠦᠭᠡᠢ ᠪᠣᠯ ᠮᠥᠯᠵᠢᠭᠦᠷ ᠬᠣᠷᠣᠬᠠᠢ ᠪᠡᠶᠡᠳᠤ ᠨᠢ ᠦᠷᠡᠵᠢᠵᠦ᠂ ᠡᠨᠡᠨᠢ ᠦᠬᠡᠷᠤᠨ ᠥᠰᠦᠯᠲᠡ ᠪᠣᠶ᠋ᠢᠵᠢᠯᠲᠠ ᠵᠢ ᠨᠥᠯᠥᠭᠡᠯᠡᠬᠦᠪᠠᠷ ᠪᠠᠷᠠᠬᠤ ᠦᠭᠡᠢ᠂ ᠪᠠᠰᠠ ᠬᠥᠮᠥᠨ ᠳᠤ ᠬᠠᠯᠳᠠᠪᠤᠷᠢᠯᠠᠵᠤ ᠮᠡᠳᠡᠨᠡ᠃ ᠬᠡᠷᠪᠡ ᠦᠬᠡᠷᠤᠨ ᠪᠡᠶᠡᠳᠤ ᠶᠡᠬᠡ ᠬᠡᠮᠵᠢᠶᠡᠨᠤ ᠮᠥᠯᠵᠢᠭᠦᠷ ᠬᠣᠷᠣᠬᠠᠢ ᠪᠠᠢ᠌ᠪᠠᠯ᠂ ᠦᠬᠡᠷᠤᠨ ᠪᠡᠶᠡ ᠵᠢᠨ ᠰᠢᠮᠡ ᠲᠡᠵᠢᠭᠡᠯᠢ ᠰᠢᠩᠭᠡᠭᠡᠵᠦ᠂ ᠦᠬᠡᠷᠤᠨ ᠥᠰᠦᠯᠲᠡᠨᠢ ᠤᠳᠠᠭ᠋ᠠᠨ᠂ ᠢᠳᠡᠵᠦ ᠪᠠᠢ᠌ᠪᠠᠴᠤ ᠲᠠᠷᠭᠤ ᠠᠪᠬᠤ ᠦᠭᠡᠢ᠂ ᠠᠷᠠᠰᠤ ᠦᠰᠦᠨᠢ ᠥᠩᠭᠡ ᠦᠭᠡᠢ᠂ ᠦᠰᠦᠨᠢ ᠤᠨᠠᠵᠤ᠂ ᠲᠡᠵᠢᠭᠡᠪᠦᠷᠢ ᠵᠢᠨ ᠥᠪᠡᠷᠤᠨ ᠥᠷᠲᠡᠭᠢ ᠨᠡᠮᠡᠭᠳᠡᠭᠦᠯᠳᠡᠭ᠂ ᠡᠢ᠌ᠮᠦᠠᠴᠠ ᠲᠣᠭᠲᠠᠭᠰᠠᠨ ᠬᠤᠭᠤᠴᠠᠭᠠᠲᠠᠢᠪᠠᠷ ᠬᠣᠷᠣᠬᠠᠢ ᠬᠥᠭᠡᠭᠡᠬᠦᠨᠢ ᠮᠠᠰᠢ ᠴᠢᠬᠤᠯᠠ ᠪᠠᠢ᠌ᠳᠠᠭ᠃
ᠬᠣᠳᠣᠭᠣᠳᠤ ᠵᠢ ᠨᠢ ᠴᠢᠭᠢᠷᠠᠭᠵᠢᠭᠤᠯᠬᠤ ᠬᠡᠷᠡᠭᠲᠡᠢ᠃ ᠦᠬᠡᠷ ᠲᠡᠵᠢᠭᠡᠬᠦᠳᠤ ᠵᠥᠪᠬᠡᠨ ᠦᠬᠡᠷᠤᠨ ᠰᠢᠩᠭᠡᠭᠡᠯᠲᠡ ᠵᠢᠨ ᠰᠢᠰᠲ᠋ᠧᠮ ᠡᠷᠡᠭᠦᠯ ᠪᠠᠢ᠌ᠳᠠᠭ ᠯᠠ ᠶᠤᠮ ᠪᠣᠯ ᠠᠷᠤᠭ ᠶᠠᠰᠤ᠂ ᠲᠠᠷᠭᠤ ᠬᠦᠴᠦ᠂ ᠦᠷᠡᠵᠢᠯᠤᠨ ᠰᠢᠰᠲ᠋ᠧᠮᠤᠨ ᠬᠡᠷᠡᠭᠰᠡᠬᠦ ᠰᠢᠮᠡ ᠲᠡᠵᠢᠭᠡᠯᠨᠢ ᠦᠨᠳᠦᠰᠦᠨᠳᠡᠭᠡᠨ ᠠᠰᠠᠭᠤᠳᠠᠯ ᠦᠭᠡᠢ ᠪᠠᠢ᠌ᠳᠠᠭ᠃ ᠡᠢ᠌ᠮᠦᠠᠴᠠ ᠲᠣᠭᠲᠠᠭᠰᠠᠨ ᠬᠤᠭᠤᠴᠠᠭᠠᠲᠠᠢᠪᠠᠷ ᠬᠣᠳᠣᠭᠣᠳᠤ ᠵᠢ ᠨᠢ ᠰᠠᠢ᠌ᠵᠢᠷᠠᠭᠤᠯᠬᠤ ᠠᠷᠭᠠ ᠵᠢ ᠬᠡᠷᠡᠭᠯᠡᠪᠡᠯ ᠦᠬᠡᠷᠤᠨ ᠢᠳᠡᠰᠢ ᠵᠢᠨ ᠬᠡᠮᠵᠢᠶᠡ ᠵᠢ ᠬᠠᠩᠭ᠋ᠠᠵᠤ᠂ ᠰᠢᠩᠭᠡᠭᠡᠯᠲᠡ ᠵᠢ ᠠᠬᠢᠭᠤᠯᠤᠨ᠂ ᠲᠡᠵᠢᠭᠡᠯ ᠪᠣᠷᠳᠣᠭᠠ ᠵᠢᠨ ᠰᠢᠮᠡ ᠲᠡᠵᠢᠭᠡᠯᠤᠨ ᠰᠢᠩᠭᠡᠭᠡᠯᠲᠡ ᠵᠢ ᠬᠠᠮᠤᠭᠤᠨ ᠶᠡᠬᠡᠪᠠᠷ ᠨᠡᠮᠡᠭᠳᠡᠭᠦᠯᠦᠨᠡ᠃
ᠵᠤᠨᠤ ᠤᠯᠠᠷᠢᠯᠤᠨ ᠡᠷᠡᠭᠦᠯᠵᠢᠯᠤᠨ ᠡᠮᠢ ᠤᠤᠭᠤᠯᠭ᠋ᠠᠬᠤ ᠬᠡᠷᠡᠭᠲᠡᠢ᠃ ᠵᠤᠨᠤ ᠤᠯᠠᠷᠢᠯᠳᠤ ᠦᠬᠡᠷ ᠠᠮᠠᠷᠬᠠᠨ ᠬᠠᠯᠠᠭᠤᠨ ᠪᠣᠰᠳᠠᠭ ᠪᠣᠯᠬᠣᠷ ᠬᠠᠯᠠᠭᠤᠨᠢ ᠠᠷᠢᠯᠭ᠋ᠠᠵᠤ ᠬᠠᠯᠠᠭᠤᠨᠢ ᠪᠠᠭᠤᠷᠠᠭᠤᠯᠬᠤ ᠡᠮᠢ ᠲᠣᠭᠲᠠᠭᠰᠠᠨ ᠬᠤᠭᠤᠴᠠᠭᠠᠲᠠᠢᠪᠠᠷ ᠤᠤᠭᠤᠯᠭ᠋ᠠᠨᠠ᠃ ᠵᠢᠱ᠌ᠢᠶᠡᠯᠡᠪᠡᠯ ᠠᠯᠳᠠᠨ ᠮᠥᠩᠭᠥᠨ ᠴᠡᠴᠡᠭ᠂ ᠬᠥᠬᠥᠷᠭᠡᠨᠡ ᠵᠢᠨ ᠦᠨᠳᠦᠰᠦ᠂ ᠬᠥᠬᠡ ᠨᠠᠪᠴᠢ ᠵᠡᠷᠭᠡ ᠪᠠᠰᠠ ᠣᠯᠠᠨ ᠵᠦᠢ᠍ᠯᠤᠨ ᠬᠢᠲᠠᠳ ᠡᠪᠡᠰᠦᠨ ᠡᠮᠤᠨ ᠪᠦᠷᠢᠯᠳᠦᠭᠦᠨᠲᠠᠢ ᠬᠢᠲᠠᠳ ᠪᠡᠯᠡᠨ ᠡᠮᠢ ᠬᠡᠷᠡᠭᠯᠡᠵᠦ᠂ ᠡᠨᠡᠨᠢ ᠬᠠᠯᠠᠭᠤᠨᠢ ᠠᠷᠢᠯᠭ᠋ᠠᠵᠤ ᠬᠣᠣᠷᠢ ᠲᠠᠢ᠌ᠯᠬᠤ ᠦᠢ᠍ᠯᠡᠳᠦᠯᠨᠢ ᠰᠠᠢ᠌ᠨ ᠪᠠᠢ᠌ᠳᠠᠭ᠃
ᠤᠰᠤ ᠤᠮᠳᠠ ᠵᠢ ᠭᠦᠢ᠍ᠴᠡᠳ ᠴᠡᠪᠡᠷ ᠪᠠᠢ᠌ᠯᠭ᠋ᠠᠬᠤ ᠵᠢ ᠪᠠᠲᠤᠯᠠᠬᠤ ᠬᠡᠷᠡᠭᠲᠡᠢ᠃ ᠭᠦᠢ᠍ᠴᠡᠳ ᠬᠡᠮᠵᠢᠶᠡᠨᠤ ᠴᠡᠪᠡᠷ ᠤᠰᠤ ᠤᠤᠭᠤᠬᠤ ᠵᠢ ᠪᠠᠲᠤᠯᠠᠬᠤᠠᠴᠠ ᠭᠠᠳᠠᠨᠠ᠂ ᠨᠠᠷᠢᠯᠢᠭ ᠨᠥᠬᠥᠪᠦᠷᠢᠯᠡᠬᠦ ᠮᠠᠲ᠋ᠧᠷᠢᠶᠠᠯᠳᠤ 2%ᠤᠨ ᠬᠡᠮᠵᠢᠶᠡᠪᠠᠷ ᠪᠠᠭᠠ ᠰᠤᠳᠠ ᠨᠡᠮᠡᠵᠦ᠂ ᠬᠦᠴᠢᠯᠤᠨ ᠬᠣᠣᠷᠳᠠᠭᠳᠠᠯᠢ ᠤᠷᠢᠳᠴᠢᠯᠠᠨ ᠰᠡᠷᠭᠡᠢ᠌ᠯᠡᠬᠦ ᠵᠢᠨ ᠬᠠᠮᠲᠤ ᠪᠠᠰᠠ ᠬᠠᠯᠠᠭᠤᠨᠤ ᠰᠡᠷᠡᠯᠵᠢᠯᠢ ᠤᠷᠢᠳᠴᠢᠯᠠᠨ ᠰᠡᠷᠭᠡᠢ᠌ᠯᠡᠵᠦ ᠪᠣᠯᠣᠨᠠ᠃
ᠬᠠᠰᠢᠶᠠ ᠰᠠᠷᠠᠪᠴᠢ ᠵᠢᠨ ᠪᠦᠲᠦᠭᠡᠨ ᠪᠠᠢ᠌ᠭᠤᠯᠤᠯᠲᠠ ᠵᠢ ᠰᠠᠢ᠌ᠲᠤᠷ ᠬᠢᠬᠦ ᠬᠡᠷᠡᠭᠲᠡᠢ᠃ ᠬᠦᠷᠢᠶᠡ ᠬᠠᠰᠢᠶᠠᠪᠠᠨ ᠠᠭᠤᠵᠢᠮ ᠪᠠᠢ᠌ᠯᠭ᠋ᠠᠵᠤ᠂ ᠰᠠᠯᠬᠢ ᠵᠢᠪᠠᠷ ᠰᠠᠢ᠌ᠨ ᠨᠠᠪᠲᠠᠷᠡᠭᠦᠯᠵᠦ᠂ ᠰᠡᠷᠢᠭᠦᠨ ᠬᠠᠰᠢᠶᠠ ᠰᠠᠷᠠᠪᠴᠢ ᠪᠤᠶᠤ ᠮᠣᠳᠣᠪᠠᠷ ᠬᠠᠯᠠᠭᠤᠨᠢ ᠬᠠᠯᠬᠠᠯᠠᠵᠤ᠂ ᠣᠷᠴᠢᠨ ᠲᠣᠭᠣᠷᠢᠨ ᠬᠡᠲᠦᠷᠬᠡᠢ ᠬᠠᠯᠠᠭᠤᠨ ᠪᠣᠯᠬᠤᠠᠴᠠ ᠵᠠᠢ᠌ᠯᠠᠰᠬᠢᠬᠦ ᠬᠡᠷᠡᠭᠲᠡᠢ᠃ ᠬᠠᠰᠢᠶᠠ ᠰᠠᠷᠠᠪᠴᠢ ᠵᠢᠨ ᠳᠣᠲᠣᠷᠠᠬᠢ ᠪᠠᠭ᠋ᠠᠰᠤ ᠰᠢᠭᠡᠰᠦ ᠵᠢ ᠲᠣᠭᠲᠠᠭᠰᠠᠨ ᠴᠠᠭᠲᠤ ᠴᠡᠪᠡᠷᠯᠡᠵᠦ᠂ ᠬᠠᠭᠤᠷᠠᠢ ᠪᠠᠢ᠌ᠬᠤ ᠵᠢ ᠪᠠᠲᠤᠯᠠᠬᠤ ᠬᠡᠷᠡᠭᠲᠡᠢ᠃