ᠬᠦᠬᠡ ᠳᠠᠷᠤᠰᠢ ᠶᠢ ᠶᠠᠭᠠᠬᠢᠵᠤ ᠠᠪᠴᠤ ᠬᠡᠷᠡᠭᠯᠡᠬᠦ ᠪᠣᠢ︖ ᠦᠨᠢᠶᠡ ᠪᠦᠷᠢ ᠶᠢ ᠡᠳᠦᠷ ᠲᠤ ᠬᠡᠳᠦᠢ ᠲᠡᠵᠢᠭᠡᠪᠡᠯ | ᠲᠤᠬᠢᠷᠠᠮᠵᠢᠲᠠᠢ ᠪᠣᠢ︖ | ᠬᠦᠬᠡ ᠳᠠᠷᠤᠰᠢ ᠪᠤᠷᠳᠤᠭᠠ ᠶᠢ ᠵᠣᠭᠤᠷᠢᠨ ᠳᠤᠨᠢ ᠨᠢᠭᠲᠠ ᠪᠢᠲᠡᠭᠦᠮᠵᠢᠯᠡᠨ ᠳᠠᠷᠤᠵᠤ᠂ 45 ᠬᠤᠨᠤᠭ | ᠪᠣᠯᠣᠭᠰᠠᠨ ᠤ ᠳᠠᠷᠠᠭᠠ ᠨᠡᠬᠡᠬᠡᠨ ᠬᠡᠷᠡᠭᠯᠡᠵᠦ ᠪᠣᠯᠣᠨᠠ᠃ ᠨᠡᠬᠡᠬᠡᠬᠦ ᠳᠡᠭᠡᠨ ᠪᠢᠲᠡᠭᠦᠮᠵᠢᠯᠡᠬᠦ ᠦᠶᠡᠰ ᠳᠡᠭᠡᠷᠡ ᠨᠢ | ᠳᠠᠷᠤᠭᠰᠠᠨ ᠰᠢᠷᠤᠢ᠂ ᠡᠪᠡᠰᠦ ᠶᠢ ᠰᠠᠶᠢᠲᠤᠷ ᠴᠡᠪᠡᠷᠯᠡᠬᠦ ᠬᠡᠷᠡᠭᠲᠡᠢ᠃ ᠳᠠᠷᠤᠰᠢᠭᠤᠯᠤᠭᠰᠠᠨ ᠪᠤᠷᠳᠤᠭᠠ ᠶᠢ ᠠᠪᠴᠤ | ᠬᠡᠷᠡᠭᠯᠡᠬᠦ ᠳᠡᠭᠡᠨ ᠨᠢᠭᠡ ᠯᠡ ᠲᠠᠯᠠ ᠠᠴᠠ ᠨᠢ ᠡᠬᠢᠯᠡᠵᠦ᠂ ᠳᠡᠭᠡᠷᠡ ᠠᠴᠠ ᠨᠢ ᠳᠤᠷᠤᠭᠰᠢ ᠪᠠᠨ ᠠᠪᠴᠣ᠂ ᠠᠪᠬᠤ ᠶᠢᠨ | ᠳᠠᠭᠠᠣ ᠲᠡᠵᠢᠭᠡᠵᠦ ᠪᠣᠯᠣᠨᠠ᠃ ᠠᠪᠤᠭᠰᠠᠨ ᠤ ᠪᠠᠨ ᠳᠠᠷᠠᠭᠠ ᠲᠡᠷᠡ ᠳᠠᠷᠤᠢ ᠳᠤᠨᠢ ᠳᠠᠬᠢᠨ ᠰᠠᠶᠢᠲᠤᠷ ᠳᠠᠷᠤᠵᠤ | ᠪᠢᠲᠡᠭᠦᠮᠵᠢᠯᠡᠵᠦ᠂ ᠨᠠᠷᠠᠨ ᠳᠤ ᠰᠢᠷᠠᠭᠳᠠᠬᠤ᠂ ᠪᠤᠷᠤᠭᠠᠨ ᠳᠤ ᠨᠣᠷᠬᠤ ᠪᠠ ᠬᠤᠶᠠᠷᠳᠡᠬᠢ ᠤᠳᠠᠭᠠ ᠢᠰᠦᠯᠳᠦᠬᠦ ᠠᠴᠠ | ᠰᠡᠷᠭᠡᠶᠢᠯᠡᠬᠦ ᠬᠡᠷᠡᠭᠲᠡᠢ᠃ ᠬᠦᠬᠡ ᠪᠠᠷ ᠳᠠᠷᠤᠰᠢᠭᠤᠯᠣᠭᠰᠠᠨ ᠪᠤᠷᠳᠤᠭᠠ ᠪᠣᠯ ᠡᠪᠦᠯ ᠬᠠᠪᠤᠷ ᠤᠨ ᠤᠯᠠᠷᠢᠯ ᠳᠤ | ᠦᠨᠢᠶᠡᠨ ᠳᠤ ᠳᠤᠲᠠᠭᠳᠠᠵᠤ ᠪᠤᠯᠤᠰᠢ ᠦᠭᠡᠢ ᠴᠢᠨᠠᠷ ᠰᠠᠶᠢᠲᠠᠢ ᠪᠦᠳᠦᠭᠦᠯᠢᠭ ᠪᠤᠷᠳᠤᠭᠠ ᠪᠣᠯᠣᠨᠠ᠃ ᠡᠪᠦᠯ | ᠬᠠᠪᠤᠷ ᠤᠨ ᠤᠯᠠᠷᠢᠯ ᠳᠤ ᠰᠦᠨ ᠤ ᠭᠠᠷᠤᠯᠲᠠ ᠶᠢ ᠳᠡᠭᠡᠭᠰᠢᠯᠡᠭᠦᠯᠬᠦ ᠪᠠ ᠦᠨᠢᠶᠡᠨ ᠤ ᠡᠷᠡᠭᠦᠯ ᠮᠡᠨᠳᠦ ᠶᠢ | ᠬᠠᠮᠠᠭᠠᠯᠠᠬᠤ ᠳᠤ ᠮᠠᠰᠢ ᠴᠢᠬᠤᠯᠠ ᠦᠢᠯᠡᠳᠦᠯ ᠲᠠᠢ ᠶᠣᠮ᠃ ᠶᠡᠷᠦ ᠶᠢᠨ ᠪᠠᠶᠢᠳᠠᠯ ᠳᠤᠤᠷᠠ 6 ᠰᠠᠷᠠ ᠪᠣᠯᠣᠭᠠᠳᠤᠢ | ᠲᠤᠭᠤᠯ ᠳᠤ ᠪᠣᠯ ᠡᠷᠬᠡᠪᠰᠢ ᠲᠤᠰᠬᠠᠢ ᠪᠤᠷᠳᠤᠭᠠ ᠬᠡᠷᠡᠭᠯᠡᠵᠦ᠂ 6 ᠰᠠᠷᠠ ᠠᠴᠠ ᠳᠡᠭᠡᠭᠰᠢᠬᠢ ᠳᠤᠨᠢ ᠪᠣᠯ ᠪᠦᠳᠦᠭᠦᠨ | ᠮᠠᠯ ᠤᠨ ᠴᠢᠨᠠᠷ ᠰᠠᠶᠢᠲᠠᠢ ᠳᠠᠷᠤᠰᠢᠭᠤᠯᠤᠭᠰᠠᠨ ᠪᠣᠷᠳᠤᠭᠠ ᠶᠢ ᠬᠡᠷᠡᠭᠯᠡᠬᠦ ᠬᠡᠷᠡᠭᠲᠡᠢ᠃ ᠨᠢᠯᠬᠠ ᠲᠤᠭᠤᠯ ᠢ ᠪᠣᠯ ᠨᠢᠭᠡ | ᠰᠠᠷᠠ ᠪᠣᠯᠣᠭᠰᠠᠨ ᠤ ᠰᠡᠭᠦᠯᠡᠷ ᠡᠬᠢᠯᠡᠨ ᠪᠤᠷᠳᠤᠵᠤ᠂ ᠡᠳᠦᠷ ᠲᠤ ᠲᠤᠭᠤᠯ ᠪᠦᠷᠢ ᠶᠢ 100~200g ᠤᠨ | ᠬᠡᠮᠵᠢᠶᠡ ᠪᠠᠷ ᠲᠡᠵᠢᠭᠡᠵᠦ᠂ 5~6 ᠰᠠᠷᠠ ᠪᠣᠯᠬᠤ ᠦᠶᠡᠰ ᠲᠤᠭᠤᠯ ᠪᠦᠷᠢ ᠶᠢ ᠡᠳᠦᠷ ᠲᠤ 8~15kg ᠢᠶᠠᠷ | ᠲᠡᠵᠢᠭᠡᠬᠦ ᠬᠡᠷᠡᠭᠲᠡᠢ᠃ ᠲᠤᠭᠤᠯ ᠪᠦᠷᠢ ᠳᠤ ᠡᠪᠦᠯ ᠳᠡᠭᠡᠨ 600~700kg ᠳᠠᠷᠤᠰᠢᠭᠤᠯᠤᠭᠰᠠᠨ ᠲᠤᠰᠬᠠᠢ | ᠪᠤᠷᠳᠤᠭᠠ ᠪᠡᠯᠡᠳᠭᠡᠬᠦ ᠬᠡᠷᠡᠭᠲᠡᠢ᠃ ᠪᠦᠳᠦᠭᠦᠨ ᠦᠨᠢᠶᠡ ᠪᠣᠯ ᠦᠨᠢᠶᠡ ᠪᠦᠷᠢ ᠶᠢ ᠡᠳᠦᠷ ᠲᠤ 8kg ᠢᠶᠠᠷ ᠲᠡᠵᠢᠭᠡᠨᠡ᠃ | ᠭᠡᠪᠡᠴᠦ ᠦᠢᠯᠡᠳᠦᠯᠭᠡ ᠶᠢᠨ ᠳᠤᠮᠳᠠ ᠡᠳᠦᠷ ᠲᠤ 15~20kg ᠲᠡᠵᠢᠭᠡᠳᠡᠭ ᠪᠠ ᠬᠠᠮᠤᠭ ᠠᠷᠪᠢᠨ ᠳᠠᠭᠠᠨ | ᠡᠳᠦᠷ ᠲᠤ 60kg ᠲᠡᠵᠢᠭᠡᠳᠡᠭ ᠪᠠᠶᠢᠨᠠ᠃ ᠬᠡᠭᠡᠯ ᠲᠠᠢ ᠦᠨᠢᠶᠡ ᠶᠢᠨ ᠬᠠᠮᠤᠭ ᠤᠨ ᠰᠡᠭᠦᠯᠴᠢ ᠶᠢᠨ ᠨᠢᠭᠡ ᠰᠠᠷᠠ ᠳᠤ | ᠦᠨᠢᠶᠡ ᠪᠦᠷᠢ ᠶᠢ ᠡᠳᠦᠷ ᠲᠤ 10~12kg ᠢᠶᠠᠷ ᠲᠡᠵᠢᠭᠡᠵᠦ᠂ ᠲᠤᠭᠤᠯᠯᠠᠬᠤ ᠠᠴᠠ ᠨᠢ ᠡᠮᠦᠨᠡ 10~12 | ᠬᠤᠨᠤᠭ ᠲᠤ ᠪᠤᠷᠳᠤᠬᠤ ᠪᠠᠨ ᠵᠤᠭᠰᠤᠭᠠᠬᠤ ᠬᠡᠷᠡᠭᠲᠡᠢ᠃ ᠲᠤᠭᠤᠯᠯᠠᠭᠠᠳ 10~15 ᠬᠤᠨᠤᠭᠰᠠᠨ ᠤ ᠳᠠᠷᠠᠭᠠ᠂ | ᠬᠤᠨᠤᠭ ᠤᠨ ᠲᠡᠵᠢᠭᠡᠯ ᠳᠤᠨᠢ ᠳᠠᠷᠤᠰᠢᠭᠤᠯᠤᠭᠰᠠᠨ ᠪᠤᠷᠳᠤᠭᠠ ᠨᠡᠮᠡᠵᠦ ᠦᠭᠬᠦ ᠬᠡᠷᠡᠭᠲᠡᠢ᠃ ᠨᠢᠭᠡ ᠪᠦᠳᠦᠭᠦᠨ | ᠦᠨᠢᠶᠡᠨ ᠳᠤ ᠡᠪᠦᠯ ᠳᠡᠭᠡᠨ 5~6t ᠳᠠᠷᠤᠰᠢᠭᠤᠯᠤᠭᠰᠠᠨ ᠪᠤᠷᠳᠤᠭᠠ ᠪᠡᠯᠡᠳᠭᠡᠬᠦ ᠴᠢᠬᠤᠯᠠ ᠲᠠᠢ᠃ | | | ︵ᠢᠷᠡᠯᠲᠡ᠄ ᠪᠦᠷᠢᠨᠪᠠᠶᠡᠷ᠂ ᠮᠦᠩᠬᠡᠪᠠᠭᠠᠲᠤᠷ᠂ ᠬᠤᠩ ᠮᠧᠢ ᠨᠠᠷ ᠤᠨ ᠨᠠᠶᠢᠷᠠᠭᠤᠯᠤᠨ ᠤᠷᠴᠢᠭᠤᠯᠤᠭᠰᠠᠨ | ︽ᠮᠠᠯᠵᠢᠯ ᠤᠨ ᠮᠡᠳᠡᠯᠭᠡ ᠮᠡᠷᠭᠡᠵᠢᠯ︾ ᠭᠡᠬᠦ ᠨᠤᠮ ᠠᠴᠠ ᠰᠤᠩᠭᠤᠨ ᠰᠡᠶᠢᠷᠡᠭᠦᠯᠪᠡ᠃︶ |