ᠰᠠᠭᠠᠯᠢ ᠶᠢᠨ ᠦᠨᠢᠶᠡᠨ ᠤ ᠪᠤᠷᠳᠤᠭᠠᠨ ᠳᠤ ᠶᠠᠮᠠᠷ ᠵᠦᠢᠯ ᠤᠨ ᠮᠢᠨᠧᠷᠡᠯ ᠪᠤᠳᠠᠰ ᠬᠡᠷᠡᠭᠴᠡᠭᠡ ᠲᠠᠢ ᠪᠣᠢ︖ | ᠰᠠᠭᠠᠯᠢ ᠶᠢᠨ ᠦᠨᠢᠶᠡᠨ ᠤ ᠪᠤᠷᠳᠤᠭᠠᠨ ᠳᠤ ᠺᠠᠯᠼ᠂ ᠹᠣᠰᠹᠣᠷ᠂ ᠨᠠᠲᠷᠢ᠂ ᠺᠠᠯᠢ᠂ ᠮᠠᠭᠨᠢ᠂ ᠬᠦᠬᠦᠷ᠂ ᠲᠡᠮᠦᠷ᠂ ᠵᠡᠰ᠂ | ᠴᠠᠶᠢᠷ᠂ ᠮᠠᠩᠭᠠᠨ᠂ ᠺᠤᠪᠠᠯᠲ᠂ ᠢᠤᠳ᠋᠂ ᠰᠧᠯᠧᠨ᠂ ᠮᠣᠯᠢᠪᠳᠧᠨ ᠵᠡᠷᠭᠡ ᠮᠢᠨᠧᠷᠡᠯ ᠪᠤᠳᠠᠰ ᠬᠡᠷᠡᠭᠲᠡᠢ ᠪᠠᠶᠢᠳᠠᠭ᠃ | ᠺᠠᠯᠼ ᠪᠣᠯᠣᠨ ᠹᠣᠰᠹᠣᠷ ᠪᠣᠯ ᠠᠷᠤᠭ ᠶᠠᠰᠤ ᠶᠢ ᠪᠦᠲᠦᠭᠡᠬᠦ ᠴᠢᠬᠤᠯᠠ ᠪᠦᠷᠢᠯᠳᠦᠭᠦᠨ ᠮᠦᠨ᠃ ᠤᠷᠲᠤ | ᠬᠤᠭᠤᠴᠠᠭᠠ ᠪᠠᠷ ᠺᠠᠯᠼ ᠳᠤᠲᠠᠭᠳᠠᠪᠠᠯ ᠶᠠᠰᠤ ᠵᠦᠭᠡᠯᠡᠷᠡᠬᠦ ᠭᠡᠮ᠂ ᠶᠠᠰᠤ ᠰᠡᠶᠢᠷᠡᠭᠵᠢᠬᠦ ᠭᠡᠮ ᠣᠯᠳᠠᠭ᠃ ᠹᠣᠰᠹᠣᠷ | ᠳᠤᠲᠠᠭᠳᠠᠪᠠᠯ ᠡᠯᠳᠡᠪ ᠪᠤᠰᠤ ᠶᠢᠨ ᠶᠠᠭᠤᠮᠠ ᠶᠢ ᠢᠳᠡᠳᠡᠭ᠃ ᠶᠠᠰᠤᠨ ᠳᠠᠬᠢ ᠺᠠᠯᠼ ᠪᠣᠯᠣᠨ ᠹᠣᠰᠹᠣᠷ ᠤᠨ ᠬᠠᠷᠢᠴᠠᠯ ᠨᠢ | 3∶2 ᠪᠠᠶᠢᠳᠠᠭ᠃ ᠡᠳᠦᠷ ᠤᠨ ᠢᠳᠡᠰᠢᠨ ᠤ ᠺᠠᠯᠼ ᠹᠣᠰᠹᠣᠷ ᠤᠨ ᠬᠠᠷᠢᠴᠠᠯ ᠨᠢ 1∶1.5~1∶2.1 | ᠪᠠᠶᠢᠯᠭᠠᠪᠠᠯ ᠲᠤᠬᠢᠷᠠᠮᠵᠢᠲᠠᠢ᠃ | ᠨᠠᠲᠷᠢ ᠪᠣᠯᠣᠨ ᠾᠯᠤᠷ ᠪᠣᠯ ᠣᠷᠭᠠᠨᠢᠭ ᠪᠡᠶᠡ ᠶᠢᠨ ᠨᠡᠪᠴᠢᠷᠡᠬᠦ ᠳᠠᠷᠤᠯᠲᠠ ᠪᠣᠯᠣᠨ ᠬᠦᠴᠢᠯ ᠱᠦᠯᠲᠦ ᠶᠢᠨ | ᠲᠡᠩᠴᠡᠭᠦᠷᠢ ᠶᠢ ᠪᠠᠲᠤᠯᠠᠳᠠᠭ ᠮᠢᠨᠧᠷᠡᠯ ᠡᠯᠧᠮᠧᠨ᠋ᠲ ᠮᠦᠨ᠃ ᠨᠡᠭᠡᠳᠡᠰᠦ ᠶᠢᠨ ᠣᠰᠣᠨ ᠤ ᠵᠦᠭᠡᠭᠡᠪᠦᠷᠢ ᠳᠤ ᠴᠢᠬᠤᠯᠠ | ᠦᠢᠯᠡᠳᠦᠯ ᠦᠵᠡᠭᠦᠯᠳᠡᠭ᠃ ᠡᠳᠡᠭᠡᠷ ᠵᠦᠢᠯ ᠳᠤᠲᠠᠭᠳᠠᠪᠠᠯ ᠢᠳᠡᠬᠦ ᠳᠤᠷᠠᠰᠢᠯ ᠨᠢ ᠮᠠᠭᠤᠳᠠᠵᠤ᠂ ᠦᠰᠦ ᠨᠢ | ᠰᠡᠭᠰᠡᠶᠢᠳᠡᠭ᠃ ᠶᠡᠷᠦᠩᠬᠡᠢ ᠳᠡᠭᠡᠨ ᠢᠳᠡᠭᠡᠨ ᠤ ᠳᠠᠪᠣᠰᠣ ᠦᠭᠴᠦ ᠪᠣᠯᠣᠨᠠ᠃ | ᠮᠠᠭᠨᠢ ᠶᠢᠨ ᠤᠯᠠᠩᠬᠢ ᠨᠢ ᠠᠮᠢᠲᠠᠨ ᠤ ᠪᠡᠶᠡ ᠳᠤᠲᠤᠷᠠᠬᠢ ᠠᠷᠤᠭ ᠶᠠᠰᠤᠨ ᠳᠤ ᠪᠠᠶᠢᠵᠤ᠂ ᠬᠡᠰᠡᠭ ᠮᠠᠭᠨᠢ ᠨᠢ | ᠤᠭᠤᠷᠠᠭᠲᠤ ᠡᠳ᠋ ᠲᠠᠢ ᠨᠡᠶᠢᠯᠡᠨ ᠬᠠᠮᠲᠤᠷᠠᠮᠠᠯ ᠨᠢᠭᠡᠳᠦᠯ ᠪᠣᠯᠵᠣ᠂ ᠵᠦᠭᠡᠯᠡᠨ ᠨᠡᠭᠡᠳᠡᠰᠦ ᠶᠢᠨ ᠡᠰ ᠤᠨ ᠳᠤᠮᠳᠠ | ᠤᠷᠤᠰᠢᠵᠤ ᠪᠠᠶᠢᠳᠠᠭ᠃ ᠮᠠᠭᠨᠢ ᠪᠣᠯ ᠤᠯᠠᠨ ᠵᠦᠢᠯ ᠤᠨ ᠢᠰᠭᠡᠭᠦᠷ ᠤᠨ ᠬᠠᠶᠢᠯᠤᠭᠤᠯᠤᠭᠴᠢ ᠡᠳ᠋ ᠪᠣᠯᠬᠤ ᠪᠦᠭᠡᠳ | ᠰᠢᠬᠢᠷ ᠪᠣᠯᠣᠨ ᠤᠭᠤᠷᠠᠭ ᠤᠨ ᠰᠤᠯᠢᠯᠴᠠᠭᠠ ᠳᠤ ᠴᠢᠬᠤᠯᠠ ᠦᠢᠯᠡᠳᠦᠯ ᠦᠵᠡᠭᠦᠯᠵᠦ ᠪᠠᠶᠢᠳᠠᠭ᠃ | ᠬᠦᠬᠦᠷ ᠪᠣᠯ ᠦᠨᠢᠶᠡᠨ ᠤ ᠭᠦᠵᠡᠭᠡᠨ ᠤ ᠬᠡᠪ ᠤᠨ ᠴᠢᠳᠠᠪᠤᠷᠢ ᠳᠤ ᠳᠤᠲᠠᠭᠳᠠᠵᠤ ᠪᠣᠯᠣᠰᠢ ᠦᠭᠡᠢ ᠨᠢᠭᠡᠨ | ᠵᠦᠢᠯ ᠤᠨ ᠰᠢᠮᠡ ᠲᠡᠵᠢᠭᠡᠯ ᠤᠨ ᠡᠯᠧᠮᠧᠨ᠋ᠲ ᠪᠣᠯᠣᠨᠠ᠃ ᠬᠦᠬᠦᠷ ᠨᠢ ᠭᠦᠵᠡᠭᠡᠨ ᠤ ᠮᠢᠺᠷᠤᠪ ᠤᠨ ᠠᠬᠢᠭᠤᠯᠤᠯ ᠳᠤᠤᠷᠠ | ᠳᠠᠪᠤᠰᠠᠩ ᠤᠨ ᠨᠡᠶᠢᠯᠡᠮᠡᠯ ᠰᠢᠪᠲᠤᠷᠲᠤ ᠬᠦᠴᠢᠯ᠂ ᠳᠠᠪᠤᠰᠠᠩ ᠤᠨ ᠬᠠᠭᠠᠰ ᠰᠢᠪᠲᠤᠷᠲᠤ ᠬᠦᠴᠢᠯ ᠪᠣᠯᠣᠨ ᠤᠭᠤᠷᠠᠭ ᠤᠨ | ᠰᠢᠪᠲᠤᠷᠲᠤ ᠬᠦᠴᠢᠯ ᠳᠤ ᠣᠷᠣᠯᠴᠠᠳᠠᠭ᠃ ᠬᠦᠬᠦᠷ ᠳᠤᠲᠠᠭᠳᠠᠪᠠᠯ ᠦᠨᠢᠶᠡᠨ ᠤ ᠰᠢᠷᠬᠡᠭᠯᠢᠭ ᠡᠳ᠋ ᠤᠨ ᠰᠢᠩᠭᠡᠭᠡᠯᠲᠡ | ᠪᠣᠯᠣᠨ ᠦᠭᠡᠬᠦᠨ ᠬᠦᠴᠢᠯ ᠤᠨ ᠬᠠᠷᠢᠴᠠᠯ ᠢ ᠨᠦᠯᠦᠭᠡᠯᠡᠳᠡᠭ᠃ ᠬᠦᠬᠦᠷ ᠬᠦᠴᠢᠯ ᠤᠨ ᠮᠠᠭᠨᠢ ᠶᠢ ᠬᠦᠬᠦᠷ ᠪᠣᠯᠣᠨ | ᠮᠠᠭᠨᠢ ᠨᠦᠬᠦᠪᠦᠷᠢᠯᠡᠬᠦ ᠳᠤ ᠬᠡᠷᠡᠭᠯᠡᠵᠦ ᠪᠣᠯᠣᠨᠠ᠃ ᠦᠨᠢᠶᠡ ᠪᠦᠷᠢ ᠳᠤ ᠡᠳᠦᠷ ᠲᠤ 10~40g ᠦᠭᠪᠡᠯ ᠵᠤᠬᠢᠰᠲᠠᠢ᠃ | | ᠺᠠᠯᠢ ᠪᠣᠯ ᠨᠡᠭᠦᠷᠡᠰᠦ ᠤᠰᠤᠨ ᠤ ᠨᠡᠶᠢᠯᠡᠯ ᠡᠳ᠋ ᠪᠣᠯᠣᠨ ᠤᠭᠤᠷᠠᠭᠲᠤ ᠡᠳ᠋ ᠤᠨ ᠰᠤᠯᠢᠯᠴᠠᠬᠤ ᠶᠠᠪᠤᠴᠠ ᠳᠤ | ᠤᠷᠤᠯᠴᠠᠵᠤ᠂ ᠪᠤᠯᠴᠢᠩ ᠮᠢᠬᠠ᠂ ᠮᠡᠳᠡᠷᠡᠯ ᠤᠨ ᠬᠦᠭᠡᠷᠦᠯᠲᠡ ᠶᠢᠨ ᠴᠢᠨᠠᠷ ᠢ ᠬᠠᠳᠠᠭᠠᠯᠠᠳᠠᠭ᠃ ᠬᠦᠬᠡ ᠪᠦᠳᠦᠭᠦᠯᠢᠭ | ᠪᠣᠷᠳᠣᠭᠠᠨ ᠳᠤ ᠺᠠᠯᠢ ᠡᠯᠪᠡᠭ ᠠᠭᠤᠯᠤᠭᠳᠠᠵᠤ ᠪᠠᠶᠢᠳᠠᠭ᠃ | ᠲᠡᠮᠦᠷ᠂ ᠵᠡᠰ᠂ ᠺᠣᠪᠠᠯᠲ ᠪᠣᠯ ᠠᠮᠢᠲᠠᠨ ᠤ ᠴᠢᠰᠤ ᠪᠣᠢ ᠪᠣᠯᠬᠤ ᠳᠤ ᠳᠤᠲᠠᠭᠳᠠᠵᠤ ᠪᠤᠯᠤᠰᠢ ᠦᠭᠡᠢ ᠡᠯᠧᠮᠧᠨ᠋ᠲ | ᠪᠣᠯᠣᠨᠠ᠃ ᠠᠮᠢᠲᠠᠨ ᠤ ᠪᠡᠶᠡᠨ ᠳᠤ ᠮᠠᠰᠢ ᠪᠠᠭᠠ ᠪᠠᠶᠢᠳᠠᠭ ᠪᠣᠯᠪᠠᠴᠤ ᠹᠢᠽᠢᠣᠯᠣᠭᠢ ᠶᠢᠨ ᠲᠠᠯᠠ ᠪᠠᠷ ᠴᠢᠬᠤᠯᠠ | ᠦᠢᠯᠡᠳᠦᠯ ᠦᠵᠡᠭᠦᠯᠳᠡᠭ᠃ ᠲᠡᠮᠦᠷ ᠪᠣᠯ ᠦᠨᠢᠶᠡᠨ ᠤ ᠪᠡᠶᠡ ᠳᠤ ᠵᠦᠪᠬᠡᠨ ᠪᠡᠶᠡ ᠶᠢᠨ ᠬᠦᠨᠳᠦ ᠶᠢᠨ ᠬᠢᠨᠢ ᠲᠦᠮᠡᠨ ᠤ | ᠨᠢᠭᠡ ᠴᠢᠭ ᠭᠤᠷᠪᠠ ᠤᠷᠴᠢᠮ ᠠᠭᠤᠯᠤᠭᠳᠠᠵᠤ᠂ ᠲᠡᠮᠦᠷ ᠨᠢ ᠴᠢᠰᠤᠨ ᠳᠠᠬᠢ ᠬᠦᠴᠢᠯᠳᠦ᠋ᠷᠦᠭᠴᠢ ᠶᠢᠨ ᠵᠦᠭᠡᠭᠡᠪᠦᠷᠢ᠂ | ᠡᠰ ᠤᠨ ᠳᠤᠲᠤᠷᠠᠬᠢ ᠪᠢᠤᠯᠤᠭᠢ ᠶᠢᠨ ᠢᠰᠦᠯᠲᠡ ᠶᠢᠨ ᠶᠠᠪᠤᠴᠠ ᠲᠠᠢ ᠨᠢᠭᠲᠠ ᠬᠤᠯᠪᠤᠭᠠ ᠲᠠᠢ ᠪᠠᠶᠢᠵᠤ᠂ ᠰᠦ | ᠬᠦᠬᠦᠵᠦ ᠪᠠᠶᠢᠭᠠ ᠲᠤᠭᠤᠯ ᠲᠡᠮᠦᠷ ᠳᠤᠲᠠᠭᠳᠠᠭᠰᠠᠨ ᠠᠴᠠ ᠪᠣᠯᠵᠣ ᠴᠢᠰᠤ ᠳᠤᠲᠠᠭᠳᠠᠳᠠᠭ ᠪᠠᠶᠢᠨᠠ᠃ ᠦᠨᠢᠶᠡ | ᠪᠦᠷᠢ ᠶᠢᠨ ᠡᠳᠦᠷ ᠤᠨ ᠢᠳᠡᠰᠢᠨ ᠳᠤᠨᠢ ᠡᠳᠦᠷ ᠪᠦᠷᠢ 30mg ᠲᠡᠮᠦᠷ ᠢ 4~8 ᠭᠠᠷᠠᠭ ᠨᠦᠬᠦᠷᠢᠯᠡᠪᠡᠯ 20 | ᠭᠠᠷᠠᠭ ᠤᠨ ᠳᠠᠷᠠᠭᠠ ᠮᠡᠳᠡᠭᠳᠡᠮᠡ ᠦᠷᠡ ᠳ᠋ᠦᠩ ᠣᠯᠣᠨᠠ᠃ ᠵᠡᠰ ᠪᠣᠯ ᠴᠢᠰᠤᠨ ᠤ ᠤᠯᠠᠭᠠᠨ ᠡᠳ᠋ ᠪᠣᠯᠣᠨ ᠤᠯᠠᠨ | ᠡᠰ ᠪᠦᠷᠢᠯᠳᠦᠬᠦ ᠶᠠᠪᠤᠴᠠ ᠳᠤ ᠲᠦᠷᠭᠡᠳᠭᠡᠬᠦ ᠦᠢᠯᠡᠳᠦᠯ ᠲᠠᠢ ᠪᠠᠶᠢᠳᠠᠭ᠃ ᠵᠡᠰ ᠳᠤᠲᠠᠭᠳᠠᠪᠠᠯ ᠮᠦᠨ ᠬᠦ ᠴᠢᠰᠤ | ᠳᠤᠲᠠᠭᠳᠠᠬᠤ ᠭᠡᠮ ᠳᠤ ᠨᠡᠷᠪᠡᠭᠳᠡᠨᠡ᠃ ᠺᠤᠪᠠᠯᠲ ᠪᠣᠯ ᠸᠢᠲ᠋ᠠᠮᠢᠨ B12 ᠤᠨ ᠪᠦᠷᠢᠯᠳᠦᠭᠦᠨ ᠪᠣᠯᠣᠨᠠ᠃ ᠬᠦᠵᠡᠭᠡᠨ ᠤ | ᠮᠢᠺᠷᠤᠪ ᠨᠢ B12 ᠲᠠᠢ ᠨᠡᠶᠢᠯᠡᠬᠦ ᠳᠤ ᠡᠷᠬᠡᠪᠰᠢ ᠺᠤᠪᠠᠯᠲ ᠦᠭᠬᠦ ᠬᠡᠷᠡᠭᠲᠡᠢ᠃ ᠺᠤᠪᠠᠯᠲ ᠨᠢ ᠭᠦᠵᠡᠭᠡᠨ ᠳᠠᠬᠢ | ᠰᠢᠷᠬᠡᠭᠯᠢᠭ ᠵᠠᠳᠠᠯᠤᠯᠲᠠ ᠶᠢᠨ ᠪᠠᠺᠲ᠋ᠧᠷᠢ ᠶᠢᠨ ᠠᠵᠢᠯᠯᠠᠭᠠ ᠶᠢ ᠳᠡᠭᠡᠭᠰᠢᠯᠡᠭᠦᠯᠵᠦ ᠴᠢᠳᠠᠬᠤ ᠮᠦᠷᠲᠡᠭᠡᠨ ᠪᠠᠰᠠ | ᠰᠢᠷᠬᠡᠭᠯᠢᠭ ᠡᠳ᠋ ᠤᠨ ᠰᠢᠩᠭᠡᠭᠡᠯᠲᠡ ᠳᠤ ᠲᠤᠰᠠᠲᠠᠢ ᠪᠠᠶᠢᠳᠠᠭ᠃ ᠺᠣᠪᠠᠯᠲ ᠳᠤᠲᠠᠭᠳᠠᠪᠠᠯ ᠦᠨᠢᠶᠡᠨ ᠤ ᠢᠳᠡᠬᠦ ᠳᠤᠷᠠᠰᠢᠯ | ᠨᠢ ᠮᠠᠭᠤᠲᠠᠵᠤ᠂ ᠡᠴᠡᠵᠦ ᠲᠤᠷᠠᠵᠤ᠂ ᠰᠦᠨ ᠤ ᠭᠠᠷᠤᠯᠲᠠ ᠨᠢ ᠪᠠᠭᠤᠷᠠᠨᠠ᠃ ᠺᠤᠪᠠᠯᠲ ᠳᠤᠲᠠᠮᠠᠭ ᠭᠠᠵᠠᠷ ᠤᠷᠤᠨ ᠳᠤ | 100kg ᠪᠦᠷᠢ ᠳᠠᠪᠤᠰᠤᠨ ᠳᠤ 60g ᠬᠦᠬᠦᠷ ᠬᠦᠴᠢᠯ ᠤᠨ ᠺᠤᠪᠠᠯᠲ ᠨᠡᠮᠡᠬᠦ ᠪᠣᠯ ᠮᠠᠰᠢ ᠪᠦᠲᠦᠮᠵᠢᠲᠡᠢ ᠠᠷᠭᠠ | ᠪᠣᠯᠣᠨᠠ᠃ | ᠮᠠᠩᠭᠠᠨ᠂ ᠴᠠᠶᠢᠷ᠂ ᠢᠤᠳ᠋ ᠡᠨᠡ ᠭᠤᠷᠪᠠᠨ ᠵᠦᠢᠯ ᠤᠨ ᠡᠯᠧᠮᠧᠨ᠋ᠲ ᠪᠣᠯ ᠴᠦᠮ ᠨᠡᠭᠦᠷᠡᠰᠦ ᠣᠰᠣᠨ ᠤ ᠨᠡᠶᠢᠯᠡᠯ | ᠡᠳ᠋ ᠤᠨ ᠰᠤᠯᠢᠯᠴᠠᠭᠠ ᠳᠤ ᠤᠷᠤᠯᠴᠠᠳᠠᠭ᠃ ᠮᠠᠩᠭᠠᠨ ᠨᠢ ᠠᠷᠤᠭ ᠶᠠᠰᠤᠨ ᠤ ᠬᠡᠪ ᠤᠨ ᠪᠤᠶᠢᠵᠢᠯᠲᠠ ᠳᠤ ᠬᠡᠷᠡᠭᠴᠡᠭᠡ | ᠲᠠᠢ᠃ ᠺᠠᠯᠼ᠂ ᠹᠣᠰᠹᠣᠷ ᠤᠨ ᠲᠤᠨᠤᠮᠠᠯ ᠪᠣᠯᠣᠨ ᠠᠷᠤᠭ ᠶᠠᠰᠤᠨ ᠤ ᠬᠡᠪ ᠤᠨ ᠪᠦᠷᠢᠯᠳᠦᠯ ᠲᠠᠢ ᠬᠤᠯᠪᠤᠭᠠ ᠲᠠᠢ᠃ | ᠴᠠᠶᠢᠷ ᠪᠣᠯ ᠠᠮᠢᠲᠠᠨ ᠤ ᠤᠷᠭᠠᠨᠢᠭ ᠪᠡᠶᠡ ᠳᠤᠲᠤᠷᠠᠬᠢ ᠤᠯᠠᠨ ᠵᠦᠢᠯ ᠤᠨ ᠢᠰᠭᠡᠭᠦᠷ ᠤᠨ ᠪᠦᠷᠢᠯᠳᠦᠭᠦᠨ ᠮᠦᠨ᠃ | ᠭᠤᠣᠯ ᠦᠢᠯᠡᠳᠦᠯ ᠨᠢ ᠭᠡᠪᠡᠯ ᠤᠷᠭᠠᠨᠢᠭ ᠪᠡᠶᠡ ᠶᠢᠨ ᠨᠡᠭᠦᠷᠡᠰᠦ ᠬᠦᠴᠢᠯ ᠤᠨ ᠨᠠᠶᠢᠯᠡᠯ ᠪᠠ ᠵᠠᠳᠠᠷᠠᠯᠲᠠ ᠶᠢ | ᠲᠦᠷᠭᠡᠳᠭᠡᠵᠦ᠂ ᠨᠡᠭᠦᠷᠡᠰᠦ ᠤᠰᠤᠨ ᠤ ᠨᠡᠶᠢᠯᠡᠯ ᠤᠨ ᠰᠤᠯᠢᠯᠴᠠᠭᠠ ᠳᠤ ᠤᠷᠤᠯᠴᠠᠳᠠᠭ᠃ ᠴᠠᠶᠢᠷ ᠳᠤᠲᠠᠭᠳᠠᠪᠠᠯ | ᠦᠰᠦᠯᠲᠡ ᠨᠢ ᠬᠠᠷᠰᠢᠯᠠᠭᠳᠠᠵᠤ᠂ ᠠᠮᠠ ᠬᠠᠮᠠᠷ ᠨᠢ ᠣᠯᠠᠶᠢᠨ ᠬᠠᠪᠤᠳᠴᠤ᠂ ᠴᠢᠰᠤ ᠭᠠᠷᠴᠣ᠂ ᠬᠦᠨᠳᠦ ᠨᠢ ᠲᠦᠷᠭᠡᠨ | ᠪᠠᠭᠤᠷᠠᠳᠠᠭ᠃ ᠢᠤᠳ᠋ ᠪᠣᠯ ᠪᠠᠮᠪᠠᠢ ᠶᠢᠨ ᠪᠤᠯᠴᠢᠷᠬᠠᠢ ᠶᠢᠨ ᠪᠦᠷᠢᠯᠳᠦᠭᠦᠨ ᠪᠦᠭᠡᠳ ᠪᠠᠷᠤᠭ ᠪᠦᠬᠦᠶᠢᠯᠡ ᠪᠣᠳᠠᠰ ᠤᠨ | ᠰᠤᠯᠢᠯᠴᠠᠭᠠ ᠶᠢᠨ ᠶᠠᠪᠤᠴᠠ ᠳᠤ ᠣᠷᠣᠯᠴᠠᠳᠠᠭ᠃ ᠢᠤᠳ᠋ ᠳᠤᠲᠠᠭᠳᠠᠪᠠᠯ ᠦᠨᠢᠶᠡᠨ ᠤ ᠪᠠᠮᠪᠠᠢ ᠪᠤᠯᠴᠢᠷᠬᠠᠢ ᠨᠢ | ᠬᠠᠪᠤᠳᠤᠨ ᠲᠤᠮᠤᠷᠠᠵᠤ᠂ ᠰᠠᠭᠤᠷᠢ ᠰᠤᠯᠢᠯᠴᠠᠭᠠ ᠨᠢ ᠪᠠᠭᠤᠷᠠᠵᠤ᠂ ᠦᠰᠦᠯᠲᠡ ᠪᠣᠶᠢᠵᠢᠯᠲᠠ ᠨᠢ ᠤᠳᠠᠭᠠᠰᠢᠷᠠᠳᠠᠭ᠃ | ᠢᠤᠳ᠋ ᠳᠤᠲᠠᠭᠳᠠᠭᠰᠠᠨ ᠳᠤ ᠢᠤᠳ᠋ᠵᠢᠭ᠍ᠰᠡᠨ ᠢᠳᠡᠰᠢᠨ ᠳᠠᠪᠤᠰᠤ ᠪᠠᠷ ᠨᠦᠬᠦᠪᠦᠷᠢᠯᠡᠵᠦ ᠪᠣᠯᠣᠨᠠ᠃ | ᠮᠣᠯᠢᠪᠳᠧᠨ᠂ ᠰᠧᠯᠧᠨ᠂ ᠹᠯᠣᠷ ᠡᠨᠡ ᠭᠤᠷᠪᠠᠨ ᠵᠦᠢᠯ ᠤᠨ ᠡᠯᠧᠮᠧᠨ᠋ᠲ ᠨᠢ ᠰᠠᠭᠠᠯᠢ ᠶᠢᠨ ᠦᠨᠢᠶᠡᠨ ᠳᠤ ᠰᠢᠮᠡ | ᠲᠡᠵᠢᠭᠡᠯ ᠤᠨ ᠦᠢᠯᠡᠳᠦᠯ ᠦᠵᠡᠭᠦᠯᠳᠡᠭ᠃ ᠭᠡᠬᠦ ᠳᠡᠭᠡᠨ ᠪᠠᠭᠠ ᠯᠡ ᠬᠢᠴᠢᠶᠡᠬᠦ ᠦᠭᠡᠢ ᠪᠣᠯ ᠬᠡᠮᠵᠢᠶᠡ ᠶᠢ ᠨᠢ | ᠠᠬᠠᠳᠠᠭᠤᠯᠵᠤ ᠬᠤᠤᠷᠳᠠᠭᠤᠯᠳᠠᠭ᠃ ᠮᠣᠯᠢᠪᠳᠧᠨ ᠪᠣᠯ ᠦᠨᠢᠶᠡᠨ ᠤ ᠰᠢᠩᠭᠡᠭᠡᠯᠲᠡ ᠶᠢᠨ ᠵᠠᠮ ᠤᠨ ᠮᠢᠺᠷᠤᠪ ᠤᠨ | ᠦᠰᠦᠯᠲᠡ ᠶᠢᠨ ᠡᠯᠧᠮᠧᠨ᠋ᠲ ᠪᠣᠯᠣᠨᠠ᠃ ᠶᠡᠷᠦᠳᠡ ᠶᠢᠨ ᠪᠤᠷᠳᠤᠭᠠᠨ ᠳᠠᠬᠢ ᠮᠣᠯᠢᠪᠳᠧᠨ ᠨᠢ ᠠᠮᠢᠲᠠᠨ ᠤ | ᠬᠡᠷᠡᠭᠴᠡᠭᠡ ᠶᠢ ᠭᠦᠢᠴᠡᠳ ᠬᠠᠩᠭᠠᠵᠤ ᠳᠡᠶᠢᠯᠦᠨᠡ᠃ ᠰᠧᠯᠧᠨ ᠪᠣᠯ ᠠᠮᠢᠲᠠᠨ ᠤ ᠴᠢᠬᠤᠯᠠ ᠪᠦᠬᠦᠢ ᠡᠯᠧᠮᠧᠨ᠋ᠲ ᠮᠦᠨ | ᠪᠦᠭᠡᠳ ᠰᠧᠯᠧᠨ ᠳᠤᠲᠠᠭᠳᠠᠪᠠᠯ ᠠᠮᠢᠲᠠᠨ ᠤ ᠦᠰᠦᠯᠲᠡ ᠪᠣᠶᠢᠵᠢᠯᠲᠠ ᠨᠢ ᠤᠳᠠᠭᠠᠰᠢᠷᠠᠵᠤ᠂ ᠦᠷᠡᠵᠢᠯ ᠤᠨ ᠴᠢᠳᠠᠪᠤᠷᠢ | ᠨᠢ ᠮᠠᠭᠤᠲᠠᠲᠠᠭ᠃ ᠹᠯᠣᠷ ᠨᠢ ᠰᠢᠳᠦᠨ ᠤ ᠬᠤᠷᠤᠬᠠᠶᠢᠳᠤᠯ ᠢ ᠰᠡᠷᠭᠡᠶᠢᠯᠡᠬᠦ ᠪᠠ ᠡᠷᠡᠭᠦᠯ ᠢ ᠬᠠᠮᠠᠭᠠᠯᠠᠬᠤ ᠦᠢᠯᠡᠳᠦᠯ ᠲᠠᠢ᠃ | ᠡᠩ ᠤᠨ ᠪᠠᠶᠢᠳᠠᠯ ᠳᠤᠤᠷᠠ ᠪᠤᠷᠳᠤᠭᠠᠨ ᠳᠠᠬᠢ ᠹᠯᠤᠷ ᠨᠢ ᠬᠡᠷᠡᠭᠴᠡᠭᠡ ᠶᠢ ᠪᠦᠷᠢᠨ ᠬᠠᠩᠭᠠᠵᠤ ᠳᠡᠶᠢᠯᠬᠦ ᠲᠤᠯᠠ | ᠦᠬᠦᠬᠦ ᠴᠢᠬᠤᠯᠠ ᠦᠭᠡᠢ᠃ ᠦᠨᠢᠶᠡ ᠬᠡᠷᠪᠡ ᠹᠯᠤᠷ ᠲᠤ ᠬᠤᠤᠷᠳᠠᠭᠳᠠᠪᠠᠯ ᠢᠳᠡᠬᠦ ᠨᠢ ᠮᠠᠭᠤᠲᠠᠵᠤ᠂ ᠰᠦᠨ ᠭᠠᠷᠤᠯᠲᠠ | ᠨᠢ ᠪᠠᠭᠤᠷᠠᠵᠤ᠂ ᠳᠦᠷᠪᠡᠨ ᠮᠦᠴᠢ ᠨᠢ ᠬᠦᠰᠢᠵᠦ᠂ ᠠᠷᠤᠭ ᠶᠠᠰᠤ ᠨᠢ ᠲᠤᠮᠤᠷᠠᠵᠤ ᠡᠴᠦᠰ ᠲᠡᠭᠡᠨ ᠦᠬᠦᠳᠡᠭ᠃ | | | | ︵ᠢᠷᠡᠯᠲᠡ᠄ ᠪᠦᠷᠢᠨᠪᠠᠶᠡᠷ᠂ ᠮᠦᠩᠬᠡᠪᠠᠭᠠᠲᠤᠷ᠂ ᠬᠤᠩ ᠮᠧᠢ ᠨᠠᠷ ᠤᠨ ᠨᠠᠶᠢᠷᠠᠭᠤᠯᠤᠨ ᠤᠷᠴᠢᠭᠤᠯᠤᠭᠰᠠᠨ | ︽ᠮᠠᠯᠵᠢᠯ ᠤᠨ ᠮᠡᠳᠡᠯᠭᠡ ᠮᠡᠷᠭᠡᠵᠢᠯ︾ ᠭᠡᠬᠦ ᠨᠤᠮ ᠠᠴᠠ ᠰᠤᠩᠭᠤᠨ ᠰᠡᠶᠢᠷᠡᠭᠦᠯᠪᠡ᠃︶ |